15
Nangale Bininj Kabenedjarrkni Kore Yawey kahni?
1 Mah ngudda Yawey kanbekka bu djawan! Nangale bininj namak bu nguneni kore ngudda kunbolk ke? Nangale yidjare bu nguneni kore manwardde-djamun ke?
2 Nawu bininj minj kakurduyime kunwarre, dja kadjalkurduyime kore kunmakkenh. Namekbe bininj wanjh kadjalwokdi kukangebeh nuye kore kunwoybuk, nawu minj kakurren.
3 Mak minj kabiyolyolme kunwarre nuye nawu beneredbo bininj, dja minj mak kabiwarrewe mak minj kabimulewan nawu bininj.
4 Namekbe bininj wanjh kabiwirrihme bininj nawu nawarre dja nabang. Dja kabenburlume birrimak bininj nawu kabirriwoybukwon Yawey. Namekke bininj, bu nungan kawokkurrmerren, kadjalkurduyime kore kunwok nuye.
5 Nungka mak kabenbidyikarrme nawu kabirridjawan moneykenh, mak minj kabiyawoyhdjawan. Dja kabimadbun yeledj bu kaluk kabimarnekukdurndiwe. Namekke bininj, minj kayawan money ba bu kabikowe nabuyika bininj kore court nawu minj kunwarre kurduyimeninj.
Bininj nawu kakurduyime kuhni rowk, nungka wanjh murrngrayek munguyh munguyh.