﻿1తిమో.
4.
పరిసుద్ధాత్మా పక్చంతీ వాతేబొలుతుహుయుతో ఆఖరీను ధనుమా థోడుజను జూట్టి పేరాహొఃతీవల్లా మోసంకరతె ఆత్మకనబీ బోధకనబీ 
ఆ జూఠిను అద్మియే వాతనాహుఃతె దిల్‍సాక్చివాలుహుయిన్‍, భూత్‍ను బోధమా చాలిన్‍ విష్వాస్‍ భ్రష్టుల్‍హుసేకరి ఆత్మ తేటగా బోల్యుకరస్‍. 
అవ్నే య్హానా నఅంగికారించాను, హాఃఛిను మాలంకర్యుతే విష్యాస్‍వాలు కృతజ్ఞతాతి లెవ్వనుసాన దేవ్‍ బనాయోతే ఖావను రాచునా యోజాత్ను అద్మి నాఖానూ ఆవ్నేబోలుకురాస్‍, దేవ్ బానయోతె హార్యేక్‍ రాచు అష్యనూస్‍ కృతజ్ఞతస్తుతుల్‍ చెల్లించీన్‍ ఖాణు. 
దేవ్ బానయోతే హార్యేక్‍ రాచూ అష్యల్‍నూస్‍ కృతజ్ఞాత స్తుతుల్‍ చెల్లించీన్‍ కాద్యుతొ కేహుబీ పాల్తుహుయూతె కాహే. 
కిమ్‍కతో యో దేవ్నూ వాక్యంవల్లాబీ ప్రార్థనతీస్‍ పవిత్ర్ హువుంకరాస్‍. 
ఆ సంగాతుల్‍నా భైయేనా వివరించాతోతెదె, తూ అనుసరించోతె ఆయోతె విష్వాస్‍ అచ్చుబోధనా సంబంధంహుయూతే వాక్మంనాహాతె ఉపదేసంతీ భాడ్‍తోహుయిన్‍ క్రీస్తు యేసునా అషల్ సేవకుడ్‍కరి బోలయిలిస్‍. 
అపవిత్రుల్‍హుయుతె భుడియాను కామేఆవకొయింతే వాత్‍ బేందిన్‍ దైవాభక్తిను విషయాంమా తారు తూస్‍ సాధన కరిలా. 
ఆంగ్తాన్‍ను సంబంద్‍హుయితే సాధకం ధరాసూ ప్రయోజానం, పన్కి దైవభక్తీను హంకేను జీవ్నూ విషయాంమాబీ, ఆవజాసేతె జీవ్నూనా విషయాంమాబీ, వాగ్దానమ్‍తీ మాలిన్‍ర్హావమబారమా యో హాఃరి విషయంమాబీ ప్రయోజనంహుయీన్‍ ఛా. 
ఆ వాక్యం సత్యంబీ నమ్మకంతగినూహుయుబి పూర్తితీ అంగీకరించనా యోగ్యతాహుయీన్‍ ఛా. 
అద్మియే హాఃరనాబీ భచ్చావాలోబీ, అజు విషేసంతీ భరోసాకరవాలనా బఛ్చావాలొహుయోతె జాన్‍హుయుతె దేవ్‍కనా అప్నే నిరీక్చణతి బేందిరాక్యతా. అన నిమిత్తంతీ ప్రయాసతీ పాటుపడుకరియేస్ ఆ 
ఆ సంగతుల్‍న్నా ఆజ్ఞాపించీన్‍ బోధించొ. 
తారు కవ్వారాన పట్టీన్‍ కోన్బి తున చులకనగా కరనొకొదా. వాత్‍మహో, చాల్‍మహో, ఫ్యార్‍మహో, విష్వాస్‍మహో, పవిత్రతమహో, విష్వాషియేనా ఆదర్షంగా ర్హవొ. 
మే ఆవతోడి లేఖనాల్‍నా పడన్మాబి, గుర్ఖావమాబి, బోధకరనామాబి, జాగ్రుత్తి ర్హహొ. 
మోటుఅద్మి తుమారఫర్‍ హాత్‍ బేందీన్‍ ప్రార్థనకరని వహఃత్‍ ప్రవచనాల్‍మూ‍లంతీ తున అనుగ్రహించుతె తారమాఛ్చాతె ఆత్మవరంనా నిర్లక్చ్యాంనా కర్‍నొకొ. 
తారు భ్హడనూ క్హారవ్‍నా అచ్చు దెఖ్కావాహఃర్‍కూ నిమిత్తంతీ ఆహాఃరు సాధనంనా కర్లిజొ. 
తారు గూర్చీన్‍, తారు బోధనక్హాజె, జాగ్రుత్‍హుయిన్‍ ర్హాజొ. అన్మా హల్‍నకొతిమ్‍ ర్హాజొ; తూ అం‍నితరా కరీన్‍ బఛ్చిజావనూస్‍ కాహెతింమ్‍ తారు బోధ హఃమ్జవాలనబి బఛ్చాయ్‍లీస్‍. 
