MAT 1:1 Abele Iauali, abele Iesu Keriso ra kusi, abele Dauida ra uerem, abele Aberahama ra uerem.
MAT 1:2 Aberahama esomelu Isaaka; Isaaka esomelu Iakobo; Iakobo esomelu Iuda gako abara keimer giz;
MAT 1:3 Iuda esomelu Faresa gako Zara Tamaraelam; Faresa esomelu Eseroma; Eseroma esomelu Arama;
MAT 1:4 Arama esomelu Aminadaba; Aminadaba esomelu Naasona; Naasona esomelu Salemona;
MAT 1:5 Salemona esomelu Boasa Rakabelam; Boasa esomelu Obeda Rutelam; Obeda esomelu Iese;
MAT 1:6 Iese esomelu abele Dauida opole; Dauida opole esomelu Solomona Uria ai koskerlam;
MAT 1:7 Solomona esomelu Reoboamo; Reoboamo esomelu Abia; Abia esomelu Asa;
MAT 1:8 Asa esomelu Iosefata; Iosefata esomelu Iorama; Iorama esomelu Usia;
MAT 1:9 Usia esomelu Iotama; Iotama esomelu Aasa; Aasa esomelu Esekia;
MAT 1:10 Esekia esomelu Manase; Manase esomelu Amone; Amone esomelu Iosia;
MAT 1:11 Iosia esomelu Iekonia gako abara keimer giz, abele kerker Isaraela namarare Babelonia ge areselam.
MAT 1:12 Abele kerker Isaraela bosi Babelonia ge Iekonia esomelu Salatiela; Salatiela esomelu Zerubabela;
MAT 1:13 Zerubabela esomelu Abiuda; Abiuda esomelu Eliakima; Eliakima esomelu Azora;
MAT 1:14 Azora esomelu Sadoga; Sadoga esomelu Akeima; Akeima esomelu Eliuda;
MAT 1:15 Eluida esomelu Eleazara; Eleazara esomelu Matana; Matana esomelu Iakobo;
MAT 1:16 Iakobo esomelu Iosefa Maria ra kimiar, Maria esomelu Iesu, abara nei atker Keriso.
MAT 1:17 Dasmer, nosik uridili a ditimeda Aberahama bakedida Dauida dog foatin gaire nosik; a ditimeda Dauida dog bakedida abele kerker Isaraela namarare Babelonia ge foatin gaire nosik; a ditimeda Babelonia ge bakedida Keriso dog foatin gaire nosik.
MAT 1:18 Emereta Iesu Keriso esmelu mokakalam: Abara apu Maria au lagelage Josefaim, E deredare abara kem Lamar Zogolam, epe uiaba nole okakis.
MAT 1:19 Ege Iosefa abara kimiar, abele le barkak tonar, E nole dikiapor Maria detage gaire le opem, E dikiapor gumik atuaki abima.
MAT 1:20 E okabatagere abele gaire lu, dasmer, abele Opole ra Angela etomelu abi abele peim, kega, Iosefa ae, Dauida ra uerem, ma nole geum ma ko egaret Maria mara kosker; abelelam abara kem Lamar Zogolam.
MAT 1:21 E esomelu abara kimiar uerem, ma abi nei etkeroa abim IESU; abelelam E uerkab abara ged uiaba uitelam.
MAT 1:22 Uao bakedida gaire lu uridili, iaueakai ageakarem Opole ra mer, abele perofeta, kega,
MAT 1:23 Dasmer, abele neur ra kem ko esomeloa abele kimiar uerem, uiaba nei etkeroa abi Emanuela, tonar abele, ese etomeret, Ade Meribi okakis.
MAT 1:24 Josefa ekiamulu utelam E ikerare abkoreb mokakalam Opole Angela ra mer, ko egaret abara kosker:
MAT 1:25 Ege uiaba nole obapit kak bakedida abele kerker esomelu abara narbet kimiar uerem, E nei atker abi IESU.
MAT 2:1 Abele kerker ge Iesu esmelu muige Bethelema Iudaia ge, abele kerker ge Heroda opole, dasmer, makoi le tabakeuare naiger pekelam Ierusalemaem,
MAT 2:2 Kega, Nade abele kimiar uerem esmelu Iudaia le la Opole? abelelam keriba erdali abara uer abele naiger peke, keriba tabakeuare abi esorgiru abim.
MAT 2:3 Heroda opole asor, E okasosok gako Ierusalema uridili.
MAT 2:4 E natameare gaire zogozogo le giz a aotale giz abele ged ge, E uiabi nautmerare nade Keriso esmelu.
MAT 2:5 Uiaba abi detagerare, Muige Bethelema Iudaia ge; abelelam perofeta detarare, kega,
MAT 2:6 Mama Bethelema muige abele ged Iudaia, ma nole kebile gaire Juda opole; abelelam ma giz abele Tarima le, E sirdam Isaraela kara ged.
MAT 2:7 Heroda gumik emariklu taraisare gaire makoi le tabakeuare abim, E nautmerare uiabim, na kerker uiaba erdali abele uer.
MAT 2:8 Heroda naunarakare uiaba bakeuare Bethelemaem, kega, Bakeuare mamor deraimerare abele sursur uerem; ese uaba erdali, kari natomertare, kai naobukilu esorgiru abim.
MAT 2:9 Ui ge aserare abele opole, ege uiaba bakeuare; dasmer, abele uer uiaba erdali naiger apek, kekiam uiaba opem, abele uer emerilu tumem abele kebi uerem ra uteb.
MAT 2:10 Uiaba erdali abele uer, uiaba au sererege.
MAT 2:11 Uiaba barot abele meta, uiaba erdali abele uerem gako abara apu Maria, a uiaba esorgiru abim; uiaba detuerare a itiru uiaba lu, ege uiaba naisuerare abim nase lu, abele gold, gako sus lipano, gako abele sus muro.
MAT 2:12 Uiabim natomertare abele peim ge Adelam uiaba nole ko bakomet Herodaim, ui ge bakeuare uiaba gedim nerute gab ge.
MAT 2:13 Ui bakeuare, dasmer, abele Opole ra angela E natomertare Iosefaim abele peim ge, kega, Tekue, ma ais abele sursur uerem, gako abara apu, ua derareteder Aigupitoem, uaba emeridare kari naokaideroa kara mer marim, abelelam abele Heroda E deraimerare abele sursur uerem ko ipitare eumilu.
MAT 2:14 E tekuelu a ais abele sursur uerem, gako abara apu abele ki ge, ui bakuidare Aigupitoem;
MAT 2:15 E dauer niai niai Aigupito ge abele itudilu Heroda ra mop; iaueakai bakedida abele Opole ra mer perofeta detarare, kega, Kaka dabgiri kara uerem Aigupitolam.
MAT 2:16 Heroda nardarare gaire makoi le abi okaderdare, abelelam E au uekuge E namarkare uader le narsare kimiar uerem giz Bethelema ge bakedida nener ge, ditimedare uiaba neis urut, gako uader kebile maike abkoreb, abele kerker ge Heroda deraimerare gaire makoi le.
MAT 2:17 Ga akailu abele Ieremia perofeta ra mer, kega,
MAT 2:18 Ua aserare abele ebazoer Rama ge, abele au ebazoer op batapelare, Rasera E ezuer abara omasker, umer kak E paimilu, abelelam abara omasker eseamulu.
MAT 2:19 Ege Heroda eumilu, dasmer, abele Opole ra angela etomelu Iosefaim abele peim ge Aigupito ge,
MAT 2:20 Kega, Ma ais abele sursur uerem, gako abara apu, bakeuidare abele gedim Isaraela; abelelam emetu eumilu uader le deraimerare abele sursur uerem ipitare eumilu.
MAT 2:21 E ge tekuelu ais abele sursur uerem, gako abara apu, ui ge bakeuidare abele gedim Isaraelaem.
MAT 2:22 Epe E asoli Arekilao Iudaia Opole Heroda ra kes abara aba, abelelam E au geum ko bakeam abele; ege peike abi etomelu abele peim ge Adelam, Ma bakeam abele ged Galilaiaem;
MAT 2:23 A E bakeam nerute uteb nei Nazareta E emerilu; ga akailu abele gaire perofeta ra mer, kega, E nei etkeroa Nazareta le.
MAT 3:1 Abele kerker Ioane, nei atker Bapataiso le, tabarki E marau abele Iudaia sumez ge,
MAT 3:2 Kega, Ma obazgeda, abelelam kotor baselaia maike.
MAT 3:3 Abelelam E dali Isaia perofeta detager, kega, Abele kodo le ereretikri abele sumez ge, Uaba paret Opole ra gab, a dirup abara gab.
MAT 3:4 Ege Ioane ra am uali kamela mus abara uak paur; abara leuer pem akerise ereger gako abele sumez isao.
MAT 3:5 Ui bakeuare abim Ierusalema giz, gako Iudaia le uridili bakedilu Ioridano apek.
MAT 3:6 E uiabi bapataiso Ioridano ge, a uiaba natomertare uiaba uite giz.
MAT 3:7 E nardarare gaire Faresaio giz gako Sadukaio giz tabakeuare abim bapataisoem, E ui daratagerare, kega, Areg tabo ra omasker ae, nete uabi detomerta uaba deraret abele niai urker?
MAT 3:8 Uaba turum nagri abkoreb uaba obazgeda:
MAT 3:9 Uaba nole uabi dikiapore uaba nerkeplam, kega, Aberahama keriba aba; abelelam kaka uabi detager Ade umele depegeli baker peike ko Aberahama ra omasker.
MAT 3:10 Abele deumerupikeub tulik ikedilu maike lu giz ge; gaire lu uridili nole debe turum, E deregeir a dikri ur ge.
MAT 3:11 Kaka uabi bapataiso abele ni iaueakai uaba obazger; epe nerute le kari keubu ekas E au kale kari tumge, kaka nole abkoreb tais abara teter gab; E uabi bapataiso abele Lamar Zogo, gako abele ur;
MAT 3:12 Abara tag nagri pat, E dirup abara kon etkemed; a E ais azig metaem gaire kon nole puip kak, ege kon ra gegur E disirkilu abele ur umer kak esameilu.
MAT 3:13 Jesu bakeamulu Galilaialam Ioridano ge Ioaneim, iauaekai E abi bapataiso.
MAT 3:14 Ioane de abi daisumdalu, kega, Debele ma kari bapataiso, nako ma tabakeam karim?
MAT 3:15 Iesu etkalu abim, kega, Ma no bapataiso karim, abelelam abkoreb meribim bakedida gaire gelar barkak uridili; E mena abi asoli.
MAT 3:16 Ege E Iesuim bapataiso E tegemelu nilam dasmer, ege kotor nakesmulu, E erdalu Ade ra Lamar tabu mokakalam dibadib ise emerder abi kerem ge;
MAT 3:17 Dasmer, abele kodo mer kotorlam, kega, Kara Uerem nase ge idali, kaka au sererege abim.
MAT 4:1 Ege Iesu ais abele sumez ge abele Lamar de, iaueakai diabolo abi mirem.
MAT 4:2 Iesu baueru foate gaire gerger a foate gaire ki, E keubu uererege.
MAT 4:3 E toabukilu abele le mirem, kega, Ese mama Ade ra Uerem, ma detager gaire baker a depegire leuer ise.
MAT 4:4 E etkalu, kega, Emetu detarare, Nole leuer tepteb le eded, epe Ade ra mer uridili etomeret abi telam.
MAT 4:5 Ege diabolo ko egaredelu Iesu abele zogo uteb, E ekueilu abele zogo meta tot ge,
MAT 4:6 E abi detager abim, Ese mama Ade ra Uerem, ma eupemar a ekueilu sepge, abelelam emetu detarare, E abi mer tigri abara angela giz uiaba mari egared uiaba taglam, nole mara teter itur nerute baker ge.
MAT 4:7 Iesu abi detager abim, Emetu detarare, kega, Ma nole mirem abele Opole mara Ade.
MAT 4:8 Ege diabolo ko ais abim abele au pereper paserem, E abi etomeret abim gesep baselaia uridili, gako uiaba debe lu giz;
MAT 4:9 Ege E abi detager abim, Kaka mari nakuar marim gaire lu uridili, ese mama kari erkepsam a esorgiru.
MAT 4:10 Iesu abi detager abim, Ma adem bakeam Satana, abelelam emetu detarare, Mama abi esorgiru abele Opole mara Ade, E tepeteb mama abi memeg le.
MAT 4:11 Ege diabolo abi dikaer, dasmer, epe angela tabarki abi memeg le giz abim.
MAT 4:12 Iesu asoli Ioane asirikilu abele au dubare meta, epe E bakeamulu Galilaiem.
MAT 4:13 Eabi dikaer Nazareta, E bakeamulu a emerilu Kapernaumge maike gur tauer ge, abele Sebulona a Nafatali ra nener.
MAT 4:14 Iaueakai bakedida abele mer Isaia perofeta, kega,
MAT 4:15 Abele ged Sebulona, gako abele ged Nafatali, abele gab abele gur ge Ioridano apek, Galilaia nogle giz ra ged;
MAT 4:16 Abele le giz emerilu kupikupi ge uiaba erdali abele au be; uiaba le giz emerilu abele ged gako abele eud mar, uiaba erdali abele be batoamerti.
MAT 4:17 Abele kerker Iesu ditimeda ko marau, kega, Uaba obazgeda; abelelam kotor baselaia maike.
MAT 4:18 Iesu ekasereder maike abele Galilaia gur ge, E abi erdali neisi le, Simona abara nei Peteru, gako Anederea abara keimer, uiaba net bataueret abele gur ge; abelelam ui darali umele larem.
MAT 4:19 E uiabi detager, Ua kari narmili, kaka uaba depegimelu le asaperem.
MAT 4:20 Ui darali dikaerei uiaba net a abi irmilei.
MAT 4:21 E dikaer abele uteb, E ko erdali nerute neisi le Iakobo Zebedaio ra uerem, gako Ioane abara keimer, abele nar ge gako uiaba aba Sebedaio, uiaba ko euer uiaba net atoatelam; E uiabi darabgeri neisi le.
MAT 4:22 Uiaba sobkak dikaerei abele nar gako uiaba aba, a abi irmili.
MAT 4:23 Ege Iesu deraueilu Galilaia uridili, E uiabi ereuerem uiaba sunago giz, E natomertare debe mer abele baselaia ge, a idigiri gim le giz gako asiasi gim abele ged uridili.
MAT 4:24 Ege abara mer esauer a aserare Suria uridili; epe uiaba taraisare abim gim le giz uridili a gaire tonar gim; gako uader le asiasi demoni giz uiabi dedkoli, a uader le paim gim gako le giz ibibi; E uiaba uridili nadgiri.
MAT 4:25 Ege le lakub abi irmilare, gaire le Galilaialam, a Dekapolelam, a Ierusalemalam, a Iudaialam, a Ioridano apek.
MAT 5:1 Ege E darasmerare abele le lakub, epe E ogi abele paser ge, ege emerilu, epe abara kaimeg giz tabakeuare abim;
MAT 5:2 Ege E uiabi detager a ereuerem uiabim, kega,
MAT 5:3 Uerkab uader le gebegeb nerkep; abelelam uiaba uteb kotor baselaia.
MAT 5:4 Uerkab uader le okasosok; abelelam nagri uiaba okadraseked.
MAT 5:5 Uerkab uader le mapodan tonar; abelelam uiaba nagri gobar atagor abele ged.
MAT 5:6 Uerkab uader le uererege a niap ge abele barkak tonarlam; abelelam uiaba gem osmeda.
MAT 5:7 Uerkab uader le nagri nasenas; abelelam E uiabi ko nasenas.
MAT 5:8 Uerkab uader le og kak nerkep; abelelam uiaba abi erdali abele Ade.
MAT 5:9 Uerkab uader le demeger abele mapodanuem; abelelam nei atkeroa Ade ra uerem giz.
MAT 5:10 Uerkab uader le dedkoli abele barkak tonarlam; abelelam uiaba nagri kotor baselaia.
MAT 5:11 Uerkab uaba ese uiaba adud mer uabim, a uabi dedkoeda a bes mer uabim, a gaire adud uridili uabim karielam.
MAT 5:12 Uaba sererege a bapereker; abelelam uaba nagri au bodomalam kotor baselaiaim; abelelam uiaba ikerare mokakalam gaire perofeta giz kekiam uabim.
MAT 5:13 Ege uaba gesep ra sol; ese sol nole kurabkurab a nade lu uaba kurabem? nolea nerute lu ko abkoreb ikerare no bataueret adem a le esapili.
MAT 5:14 Uaba gesep datki. Umer kak ispili abele uteb tumge paser ge.
MAT 5:15 Uiaba nole disirik abele lamepa, a iketilu muige abele kumete; epe iketilu abele lamepa ra uteb, iaueakai datki nagri le uridili abele meta ge.
MAT 5:16 Uaba datki mokakalam le la opem, iaueakai uiaba erdali uaba debe tonar, uiaba naospered uaba Aba emeri kotor ge.
MAT 5:17 Uaba nole dikiaporare kaka tabakeamud ko detui abele gelar, gako abele gaire perofeta giz ra mer; kaka nole tabakeamud ko detui, epe bakedida.
MAT 5:18 Abelelam a ageakar kaka uabi detagered, Eseamulu abele kotor ge gako abele gesep ge, epe nole aseamur kak abele iota, gako kebi uar mog abele gelar giz, a mena bakedida gaire lu uridili.
MAT 5:19 Dasmerare, ese le detui abele kebi gelar, a ereuerem le mokakalam, E nei eteker kebi kale abele kotor baselaia; epe ese le ikeli pako ereuerem abele, E nei eteker au kale abele kotor baselaia.
MAT 5:20 Abelelam kaka uabi detagered, Ese nole aule uaba barkak tonar tumem abele gaire aotale giz gako Faresaio giz, umer kak uaba barot abele kotor baselaia ge.
MAT 5:21 Ua aserare gaire aule giz uiaba mer, Ma nole le ipit eumida; ese le ipit eumida nerute le, E bodomalam abele meratager.
MAT 5:22 Epe kakanale uabi detagered, Ese le tababu ueku abara boai, E nagri bodomalam abele meratager; ese le abi detager abara boai, Raka, E nagri bodomalam abele meratager; ege ese nerute le abi detager nerute le, Paim le ae, E nagri bodomalam abele ur Genaim.
MAT 5:23 Ese ma abi ikuar mara zeku lu abele bao ge, epe ma ko dikiapore mara boai nagri nerute lu mari ueku,
MAT 5:24 Ma dikaereti mara zeku lu abele uteb abele bao opem, epe ma bakeam; kekiam abi itikubi mara boai, a ko takomed a ikuar mara zeku lu.
MAT 5:25 Ma dudum abi itikubi abele le ezoli abara gaire lu mari dog, peirdi uaba okakis abele gab ge; iaueakai nole mari emarid abele meratager abele le ezoli abara lu, a ko mari emarid abele meratager tarima le, E tarima le mari emarid abele memeg le, a memeg le mari emarid abele audubare meta.
MAT 5:26 Ageakar kaka mari detager, Ma umer kak ko esomed, pe bakedida abara mani.
MAT 5:27 Ua aserare aule giz ra mer, Ma nole kogem;
MAT 5:28 Epe kakanale uabi detagered, Ese le dasmer abele kosker E abi lag, E emetu kogem abim abara nerkep.
MAT 5:29 Ese mara tuter pone mari nadkoli ma dekeamur a adem; abelelam debele nerute mog mara gem abi, a adud batauered mara gem kemerkemer Genaim.
MAT 5:30 Ese mara tuter tag mari nadkoli, ma isimi adem, abelelam debele nerute mog mara gem abi, a adud batauered mara gem kemerkemer Genaim.
MAT 5:31 Uiaba mer kega, Ese le imud abara kosker, debele ko ikuar abim abele dituaki jauali;
MAT 5:32 Epe kakanale uabi detagered, Ese le imud abara kosker, epe nole ko kak, E abi namarik kogem; ese le ispilu abele amu kosker E dali kogem.
MAT 5:33 Ua aserare aule giz uiaba nerute mer, Ma nole bes iskosi, epe ma abi ikuar abele Opole lu ma emetu iskosi;
MAT 5:34 Epe kakanale, kaka uabi detagerare, Nole iskosi kak; nole iskosi abele kotor ge, abelelam Ade ra bao ge;
MAT 5:35 Gako abele gesep ge, abelelam abele uteb ekueilu abara teter; gako Ierusalema, abelelam au Opole ra uteb.
MAT 5:36 Ma nole iskosi mara kerem ge, abelelam ma umer kak dipegili netat mara mus ko kakekake a golegole.
MAT 5:37 Epe uaba mer mokakalam, Uao, uao; Nole, nole; abelelam abele mer aule gaire mer, abara giz adudelam.
MAT 5:38 Ua aserare uiaba mer, Bodomalam abele pone, nerute pone, a bodomalam abele tereg nurute tereg;
MAT 5:39 Epe kakanale uabi detagerare, Uaba nole imara abele adud; ese nerute le mara tuter peik bage erese, ma ko batauerik nerute.
MAT 5:40 Ese le lagelage mari ikerare abele meratagerem, E ais mara gem uali, ma ikuar mara au gem uali.
MAT 5:41 Ese le mari bamesili abi kemem bakeamulu abele netat mail, ma ko bakeamulu abim neis mail.
MAT 5:42 Ma abi ikuar abele le mari damosare, ma nole adem dimu abele le lagelage damosare mani marielam.
MAT 5:43 Ua aserare uiaba kega, Ma abi nasenase abele le emerilu maike, a deralu abele le mari ueku;
MAT 5:44 Epe kaka uabi daratagerare, Uaba abi nasenase uiaba le giz uabi ueku, uaba debe mer ikuar uader le uabi adud mer egali, uaba abi nasenase uader le uabi deralu, uaba abi esorerapare uader le uabi bes mer gako uabi dedkoli;
MAT 5:45 Iaueakai uaba Baba emerilu abele kotor ge abara uerem giz uabim; E abi emarid abara lem uiabim uader le adud tonar, a uader le debe tonar, E abi emarida irmir ko abi uader le barkak tonar, gako uader le adud tonar.
MAT 5:46 Abelelam ese uaba abi nasenase uader le uabi nasenase, nalu uaba bodomalam nagri? nako telona giz nole ikerare mokakalam abele tonar?
MAT 5:47 Ese uaba tepteb nasenase uaba boai, nalu lu aule uaba ikerare? nako telona giz nole ikerare mokakalam?
MAT 5:48 Dasmerare, abkoreb uaba debe tonar kemerkemer, mokakalam uaba Baba emerilu kotor ge, E debele kemerkemer.
MAT 6:1 Uaba nole nakuarare uaba nase lu le ra opem, iaueakai uiaba erdali ua mokakalam ikerare; ege nole uaba bodomalam nagri abielam uaba Aba emerilu kotor ge.
MAT 6:2 Epe ike, ese ma abi nase lu nakuarare, ma nole maber dibiri mara opem mokakalam bes le giz a sunago ge, a gab ge, iaueakai le giz uiabi naosepereda. Ageakar kaka uabi detagereda, Uiaba nagri bodomalam.
MAT 6:3 Ese ma nakuarare uader nase lu, debele mara ber tag nole asmer kak abele lu mara tuter tag ikerare:
MAT 6:4 Iaueakai gaire mara nase lu nole le asmer kak; epe mara Baba dasmerauem abele lu mude ge, E mari ikuar paret kak mari bodomalam.
MAT 6:5 Ese ma abi esorerapare, ma nole mokakalam bes le giz; abelelam uiaba lagelag esorerapare sunago ge a gab uasuli opem gaire le, iaueakai gaire le uiabi darasmerare. Ageakar kaka uabi detagereda, Uiaba nagri bodomalam.
MAT 6:6 Ese ma esorerapare, ma ge bao mabi uteb ge, a dimi abara te, ege ma abi esorerapare mara Baba penoka dali ardar kak uteb ge; mara Baba E darasmerare abele ardar kak uteb ge, E mari nakuaroa paret kak mari bodomalam.
MAT 6:7 Ese uaba esorerapare nole mer mer ko etomeret mokakalam gaire nog le giz; abelelam uiaba dikiaporare ese gaire mer Ade uiabi nase ge.
MAT 6:8 Dasmerare, uaba nole mokakalam uiaba; abelelam uaba Aba ge erdar gaire lu uridili uaba nole nagri, a ua nole amosi kak.
MAT 6:9 Dasmerare, uaba esorerapare mokakalam: Keriba Aba kotor ge, zogoem mara nei.
MAT 6:10 Mamoro mara baselaia sepem uatabu. Ikeroa mabara lag abele gesep ge, mokakalam kotor ge.
MAT 6:11 Keribi ikuar leuer abkoreb abele gerger.
MAT 6:12 Adem dikri keriba uit, mokakalam keriba dikri ui uridili keribim dedkoeda.
MAT 6:13 Nole keribi tegeredare abele mirem; epe keriba ditkedarare uitelam; Abelelam mari dog baselaia, a adigir, a deseper, niai karem. Amen.
MAT 6:14 Abelelam ese uaba dikri le la uit; ege uaba Aba dali kotor ge adem dikri uaba uit.
MAT 6:15 Ese uaba nole dikri le la uit, uaba Abet nole ua dikri uaba uit.
MAT 6:16 Ese uaba leuer baili, nole opauzi mokakalam bes le giz; abelelam uiaba dedkoli uiaba op, iaueakai gaire le nardarare uiaba leuer baili. Ageakar ka uabi detagereda, Uiaba bodomalam nagri.
MAT 6:17 Ese ma leuer baili, ma idu desas mabara kerem; a dirup mara op;
MAT 6:18 Iaueakai gaire le nole ardar kak ma leuer baili, epe mara Aba penoka dali ardar kak uteb ge; a mara Aba E ua dasmerare abele ardar kak uteb, E mari etomer paret kak mari bodomalam.
MAT 6:19 Uaba nole aukase deraimerare uaba gesep lu, a nagri degem gako lee umele eseamulu, a nagri le eroam, E abi daiui a ko eroam:
MAT 6:20 Epe uaba aukase deraimerare uaba kotor lu, nole degem a nole lee umer kak eseamulu, nole le eroam, E abi daiui a ko eroam;
MAT 6:21 Abelelam abele uteb uaba lu nagri, a uaba nerkep abi dog.
MAT 6:22 Abele pone, gem ra lamepa; ese mara pone debele, a mara gem datki uridili.
MAT 6:23 Ese mara pone adud, a mara gem kupikup uridili. Dasmer, ese kupikup abele be muige mari dog, uaiai au kupikup!
MAT 6:24 Umer kak le memeg neis opole; abelelam E derar nerute le, epe E nase nerute le; ese nole, E ekpi nerute le ge, epe dituaki nerute le. Uaba umer kak memeg le Adim a gako mamona.
MAT 6:25 Abelelam kaka uabi detagereda, Uaba nole okadeskeda uaba eded, na leuer uaba eroare, a na ni uaba ereare; gako uaba gem na lu uaba ameare. Nako eded nole aule abele leuerlam, gako abele gem abele amelam?
MAT 6:26 Uaba dasmerare ebur giz epereda; uiaba nole saido dikri, a nole deregeir, a nole azig saido meta ge; epe uaba Aba, emerilu kotor ge, uiabi darasisieda. Nako uaba nole au debele uiabim?
MAT 6:27 Na le dali uaba umele abara okadeskeda, E asaimer abara eded netat kubita?
MAT 6:28 Nalugem uaba okadeskeda uaba am uali? Ua dikiaporare abele sumez goago, nako tonar omeilu; uiaba nole dorge a nole erat.
MAT 6:29 Kaka uabi detagereda, Ege Solomona, gako abara au debe lu giz, E nole abara am uali mokakalam abele nerute uiaba.
MAT 6:30 Ese Ade abi ikuar mokakalam am uali abele gaire lu ged sumez, eded abele gerger a ko batauered idim ge abele amei uteb, nako uaba nole au debe am uali nagri, uaba kebi oituli?
MAT 6:31 Dasmerare, uaba nole okadeskeda, gako mer mokakalam, Na leuer meriba aroare? a na ni meriba ere? a na am uali meriba amear?
MAT 6:32 Abelelam gaire lu peike gaire nogle giz deraimerare; abelelam uaba Aba penoka dali abele kotor ge, E dasmerauem gaire lu uridili abkoreb uabim.
MAT 6:33 Ege uaba kekiam deraimerare abele Ade ra baselaia, gako abara barkak tonar, iaueakai uaba gaire lu uridili nagri.
MAT 6:34 Dasmerare, uaba nole okadeskeda abele idim ge; abelelam okadeskeda idim ge abgerger abara lu, abkoreb abele gerger abara adud.
MAT 7:1 Ua nole abi meratager kak nerute le, iaueakai E uabi ko nole meratager.
MAT 7:2 Abelelam abele meratager ua abi meratager, E ko uabi meratager; abele tonar lu uaba abi detali, a E ko uabi detali.
MAT 7:3 Nalu ma abi dasmeri lu puipi mara le la pone ge, a ma nole umer kak abele au lu mara pone ge?
MAT 7:4 Nalugem ma detager mara le, Abkoreb kaka atperedelu lu puipi mara pone; dasmer, abele au lu nagri mara pone ge?
MAT 7:5 Mama bes le, kekiam batauereda abele au lu mara pone ge; iaueakai ma erdali paret kak abi atperedelu abele lu puipi mara le la pone ge.
MAT 7:6 Nole abkoreb uaba ikuar abele zogo lu omai giz, a ua nole dikri uaba penina gaire borom giz ra opem, mena esapirda uiaba teter, a ko batauered uabi eregili mogamog.
MAT 7:7 Ua abi damsare, iaueakai uabi nakuarare; a uaba deraimerare, epe uaba erdali; a uaba abi dida mudumud iaueakai uabim diski.
MAT 7:8 Abelelam ese le abi damsare E nagri; abele le deraimer E abi erdali; a diski abele le abi dida mudumud.
MAT 7:9 Nete le uabim, ese mara uerem mari namosi aretoem, nako ma abi ikuar baker?
MAT 7:10 A ko mari namosi larem, nako ma abi ikuar tabo?
MAT 7:11 Dasmerare, uaba adud le, ese uaba umele nakuarare debe lu uaba omasker giz, nako uaba Aba penoka dali kotor ge, nole uabi nakuarare au debe lu giz uiaba le abi damsare?
MAT 7:12 Gaire lu uridili uaba lag le giz uabi ikerare, mokakalam uabi ikerare uiabim; abelelam abele gelar gako gaire perofeta giz.
MAT 7:13 Uaba barot abele kebi gab te ge; abelelam au te abele au gab te ge, a aule abele gab a gaire le ekaseredi bakeaud.
MAT 7:14 Abelelam kebi te abele gab te ge, a kebi kale abele gab a bakedida eded, a neis neis le erdali.
MAT 7:15 Ege uaba mamor dasmerare gaire perofeta bes, uiaba tabarki uabim mamoe am uali, epe muige arega luko uiabim.
MAT 7:16 Ua erdali uiaba turum. Nako le edobemeda uina moda abele lu daradar, pako suke abele lu zegerzeger?
MAT 7:17 Ege mokakalam debe lu giz uridili kepu debe turum, epe abele adud lu a ko adud turum nagri.
MAT 7:18 Umer kak debe lu nagri adud turum, umer kak adud lu a ko nagri debe turum.
MAT 7:19 Gaire lu uridili nole debe turum, a ismi batauerda abele ur ge.
MAT 7:20 Dasmerare, uaba erdali uiaba turum.
MAT 7:21 Umer kak barota kotor baselaia uiaba uridili kari mer mokakalam, Opole ae, Opole ae; epe abele le ikerare kara Aba ra lag penoka dali kotor ge.
MAT 7:22 Gaire le kari detagarare niai gerger, Opole ae, Opole ae, nako keriba nole perofeta mara nei ge? a mara nei ge ko keriba dituaki gaire demoni giz? a mara nei ge ko keriba ikerare gaire adigir?
MAT 7:23 Kaka paret kak detagerare uiabim, Kaka nole umer kak uabim; ua bakeuare adem karielam, uaba adud tonar.
MAT 7:24 Dasmerare, ese le asoli kara mer giz peike E ko ikeli, kaka abi babisdarie E pardale, E ikeli abara meta abele neid ge;
MAT 7:25 Epe irmir apu a dodo tabarki a uak uami abi abele meta ge; umer kak edibida, abelelam giz tumem abele neid ge.
MAT 7:26 Ese le asoli kara mer giz ike a nole ikeli, E babisdarie abele paim le, E ikeli abara meta tumem abele ue ge;
MAT 7:27 Epe irmir apu a dodo tabarki a uag uami abi abele meta ge; epe edibida barabeda mogmog.
MAT 7:28 Iesu ra gaire mer eseamulu, epe gaire le lakub abi damared abara giz mer.
MAT 7:29 Abelelam E ereuerem uiabim mokakalam le nagri sirdam, a nole mokakalam aotale giz.
MAT 8:1 Iesu uatabu abele paerlam, epe abi irmili gaire le lakub.
MAT 8:2 Dasmerare, nerute lepera tabarki a etkobeilu abim, kega, Opole ae, ese ma lag ma umele kari idigiri.
MAT 8:3 Ege Iesu ra tagu itirimuriklu a itutilu abim, E kega, Kara lag mari idigir. Epe sobkak idigir abara leper.
MAT 8:4 Ege Iesu abi detager, kega, Debele ma nole atomeret kak nerute le; a ma bakeamulu mabu, etomeret abele zogo le, a ma abi ikuar zeku lu mokakalam Mose ra gelar, atamelam uiabim.
MAT 8:5 Ege Iesu Kaperenauma tabarki, epe abele kerem le, abele netat handed le abara nosik, E tabaruk a abi damsare,
MAT 8:6 Kega, Opole ae, kara memeg le eidi meta ge gimgim, abele kegar au asiasi.
MAT 8:7 Ege Iesu abi detager, kega, Mena kaka bakeamulu a abi idigir
MAT 8:8 Kerem le, netat handed le abara nosik, abi detager, kega, Opole ae, nole abkoreb ma tabakeam bao muige kara meta; epe netat mara mer tabarki, a idigir kara memeg le.
MAT 8:9 Abelelam kaka nerute le kari sirdam, a kaka sirdam abele gaire ares le; ese kaka abi detager nerute le, Ma bakeam, epe E bakeam; a nerute le, Ma tabakeam, a ko tabakeam; pako kara memeg le, Ma ikeli abele lu, epe E ikeli.
MAT 8:10 Ege Iesu asoli, E au damared, E uiabim detagerare gaire le abi irmilare, kega, Ageakar kaka uabi detagerare, kaka nole erdali nerute Isaraela le nagri au oituli mokakalam.
MAT 8:11 Kaka uabi detagerare kega, Gaire le tabakeuare naigerlam a siailam, ko kemem okakis eroare Aberahama, a Isaaka, a Iakobo, abele kotor baselaia ge:
MAT 8:12 Epe ged kemle uerem giz uiaba imuare abele kupikup adige, a nagri au ebazuer a tereg ikukumared.
MAT 8:13 Ege Iesu abi detager abele kerem le, handed le abara nosik, Ma bakeam, mokakalam mara oituli, a ko ikeli marim abkoreb. Epe akaida abara memeg le abele haua ge.
MAT 8:14 Epe Iesu balu abele Peteru ra meta ge, E abi erdali abele apu Peteru ra kosker eidi abele urueri gim.
MAT 8:15 E itutilu abele kosker ra tag, epe akaida abara urueri gim; a E tekueilu abi memeg le uiabim.
MAT 8:16 Epe kikem, uiaba taraisare gaire le demoni barota; epe namuare adud lamar giz abele abara merlam, E idigiri uiaba gim le giz:
MAT 8:17 Iaueakai bakedida abele Isaia ra mer, kega, E ais meriba gebegeb, a ko bakuar meriba gim.
MAT 8:18 Ege Iesu dasmerare gaire le lakub abi derumeda, epe E uiabi detagerare, Ua bakeuare nerute apek.
MAT 8:19 Epe nerute aotale tabarki, a abi detager, kega, Ereuer le, kaka mari irmili gaire uteb ma bakeam.
MAT 8:20 Ege Iesu abi detager, kega, Arobe nagri abara kur, a ebur giz epereda nagri uteb uteidi; ege Le la Uerem E nole abara uteb uteidi.
MAT 8:21 Ege nerute abara kaimeg giz abi detager, Opole ae, ma kari namarid kaka kekiam bakeam etkobei kara aba.
MAT 8:22 Ege Iesu abi detager, Kari narmili; a dikaer eud le giz uiaba etkobei eud le giz.
MAT 8:23 E atiem abele nar, epe abara kaimeg giz abi irmilare.
MAT 8:24 Dasmerare, abele au uag tabarki abele gur ge, epe gaire zauber etatakoi abele nar; a E uteidi.
MAT 8:25 Epe abara kaimeg giz tabakeam, a abi itir, kega, Opole ae, ma uerkab keribim, a keriba maike nabaumer.
MAT 8:26 Ege E uiabi detagerare, kega, Nalugelam uaba geum, uaba kebikebi oituli? Epe E tekueilu, a dasiumda abele uag pako abele gur, iaueakai au metalug.
MAT 8:27 Ege uiaba le giz abi damared, kega, Au kale abele Opole, abelelam uag a gur aserei.
MAT 8:28 Ege E bakeamulu nerute apek abele ged Geregese tabarki, ege obapitei neis le demoni badariei tabakeamlam aolam, uiaba au saserim, umer kak nerute le ekase abele gab ge.
MAT 8:29 Darasmer, neis le ereretikri, kega, Nalu mara mer keribim, Iesu ae, Ade ra Uerem? Nako ma tabakeam ike keribim ikeli asiasi a nole bakedida abele niai kerker?
MAT 8:30 Ege muriz ge abele gaire borom degemeli.
MAT 8:31 Uiaba demoni giz abi damsare, kega, Ese ma keribim imuare adige, ma keribim namarid gaire borom giz.
MAT 8:32 Ege E abi detager uiabim, Ua bakeuare. Ui ge baos adem, a bakeuare abele gaire boromaem; darasmerare, abele borom au isir baupamarti abele au uak gur ge, a baum eseamulu abele gur ge.
MAT 8:33 Ege gaire le asisiem a koreder bamer, a baos abele uteb ge, a natomertare gaire lu uridili, a pako gaire lu ikeli neis le demoni dedkoli.
MAT 8:34 Dasmerare, gaire le uridili tabarkare abele utebelam a obapitare Iesuim; uaiba abi erdarare, epe uiaba abi damsare, A ma bakeam adem keriba gedlam.
MAT 9:1 Ege Iesu atiem abele nar ge, a bakeamulu nerute apek, epe baos tabara uteb ge.
MAT 9:2 Dasmerare, uiaba egardare abim abele le ibibi, E eidi abele sik; Iesu abi nardarare uiaba oituli, epe E abi detager abele le ibibi, Kara uerem ae, mara nerkep ua saserim, emetu adem dikri mara uit.
MAT 9:3 Dasmerare, uader aotale le tababu dikiaporare uiaba nerkep ge, Abele le adud mer egali Adim.
MAT 9:4 Ege Iesu de nardarare uiaba dikiaporare, epe E uiabim, kega, Nalugelam uaba adud dikiaporare uaba nerkep ge?
MAT 9:5 Abelelam nade lu perper? nako abele mer abi detager, Mara uit emetu idigir; a nako abele mer abi detager, Tekuei, ma ge bakeam?
MAT 9:6 Ueakai uaba opasereret Le la Uerem nagri sirdam abele geseb ge E idigir uit giz, (E abim detager le ibibi), Ma ge tekuei, a ais mabara sik, a bakeam mabara meta.
MAT 9:7 E ge tekueilu, a bakeamulu tabara metaem.
MAT 9:8 Epe le lakub abi erdarare, uiaba sererege, a desperare Adim, E nakuarare abele sirdam le mokakalam.
MAT 9:9 Ege Iesu bakeamulu adem abele utebelam, epe E erdali abele le emreder abele meta ge a asesereder zegu mani, abara nei Mataio; E abi detager, Ma kari narmili, ege E tekueilu, a abi irmili.
MAT 9:10 Ege E sep ge eidi abele meta a leuer eroli, dasmerare, gaire telona giz a pako uite le giz a tabakeuare uiaba eidi okakis Iesuim, pako abara kaimeg giz, a leuer erolare.
MAT 9:11 Faresaio giz abi erdali, uiabi abi detagerare abara kaimeg giz, Nalugelam uaba Ereuerem le kemem leuer eroli a gaire telona giz pako uite le giz?
MAT 9:12 Ege Iesu asoli, E uiabi daratagerare, Nole abkoreb lukup le gaire gim kak le, epe mamoro abkoreb gaire le gimgim.
MAT 9:13 Ua bakeuare a ereuerem nalu tonar abele mer, Kaka lagelag abele nasenas, a nole abele zegu lu; abelelam kaka nole tabarki darabgerare gaire le barkak tonar, epe uite le giz uiaba obazgeda.
MAT 9:14 Ege Ioane ra kaimeg giz tabakeuare abim, kega, Nalugem keriba gaire kerker leueru baili, a pako gaire Faresaio, epe mara kaimeg giz nole leueru baili?
MAT 9:15 Ege Iesu de uiabi daratagerare, Umer kak okasosok gaire kaimeg le, abele le kerkar ispit abara kosker, abele uader gerger uiabi kemem, a niai kerker tabarki le ispit adem bakeamulu uiabielam, epe uiaba leueru baili.
MAT 9:16 Nole nerute le umele ekpi emeret gem uali abele kerkar mog uali; abelelam atoat abele emeret gem uali abara ekpi, iaueakai au atoatatoat.
MAT 9:17 Umer kak kerkar uaina etatakoi abele emeret gegur tarpor: ese mokakalam gegur tarpor erperidlu, a uaina epaiteredlu, a gaire gegur tarpor dedkoli: epe etatakoi abele kerkar uaina abele kerkar gegur tarpor, iaueakai mamoro debele.
MAT 9:18 E uiabi daratagerare abele gaire mer, Dasmer, abele kole tabarki E abim etkobeilu, kega, Kara neur emetu eumida; a ma tabakeam a dikmerik mara tagu abara tumge, iaueakai eded.
MAT 9:19 Ege Iesu tekueilu, a abara kaimeg giz abi irmilare.
MAT 9:20 Dasmer, abele kosker E nagri mam gim tuelf gaire urut, E bakeamulu Iesu ra sor ge, a abi itutilu abara am uali ub ge.
MAT 9:21 Abelelam E tababu dikiapor muige abara nerkep, Ese kaka no itutilu abara am uali, a kara eded nagri.
MAT 9:22 Ege Iesu baseker, a abi erdalu, E detager, kega, Kara neur, mara nerkep au saserim, a ma eded maba oitulam. Ege abele kosker eded abele haua ge.
MAT 9:23 Ege Iesu balu abele kole ra meta ge, E darasmerare gaire lekub a burar diperi a uiaba ebazuer,
MAT 9:24 E uiabi daratagerare, Ua bakeuare adem; abelelam abele neur nole eud kak, E no uteid. Ege uiaba abi neg degarare abim.
MAT 9:25 Ege lekub namuare, a E balu, a erpeilu neur ra tag; ege ekueilu abele neur.
MAT 9:26 Abele mer aserare abele ged uridili.
MAT 9:27 Iesu adem bakeamulu abele utebelam, epe uiaba abi narmilei neis sadamer le, a ereretikri, kega, Dauida ra Uerem, ma keribi nasenas.
MAT 9:28 E balu abele meta ge, a neis sadamer le tabakeamulei abim; a Iesu uiabi daratager neis le, Nako uaba karim oituli kaka umele abele lu ikeli? Epe uiaba detaut, Uao, Opole.
MAT 9:29 Ege E uiabi natutilu uiaba pone, a uiabi daratager, kega, Mokakalam uaba oituli, a ko ikeli abkoreb uabim.
MAT 9:30 Ege uiaba pone bakaerei; ege Iesu de au kase daratager neis le, kega, Uaba nole atomeret kak nerute le.
MAT 9:31 A neis le bakeamulei, a merkem abele mer abielam abele ged ge uridili.
MAT 9:32 Neis le bakeamulei; darasmerare, uiaba tegaret abele le te dabimdabim a demoni ko balu muige.
MAT 9:33 E abi imuare abele demoni; ege le mamoro mer etakalu, abele le te dabimdabim: ege lekub uiaba abi damarare, a mer detagerare, kega, Emeretalam meriba nole erdali nerute lu mokakalam Isaraela ge.
MAT 9:34 A Faresaio giz abielam detagerare, kega, Abele au demoni abi dog, abelelam E umele namuare demoni giz.
MAT 9:35 Ege Iesu deraueli gaire utebe uridili pako kebi utebe, a ereuerem uiaba sunago ge, a marau abele baselaia ra debe mer, E nadgirare gim le uridili, pako au asiasi gim le abele ged ge.
MAT 9:36 E nardare gaire lekub, epe E au nasenase uiaba, abelelam uiaba au sagim a dekaertare, mokakalam mamoe giz nole le asesered kak.
MAT 9:37 Ege E uiabi detagerare, abara kaimeg giz, Epe gaire abele saido isimare, a no neis neis le dorge;
MAT 9:38 Peike uaba damsare abele Opole, abara saido isimare, E ko namarkare uader le dorge abara saido isimare.
MAT 10:1 Ege E darabgerare abara kaimeg giz tuelf le, E uiabi nakuarare abele sirdam gaire adud lamar, a ko namuare uiabi, pako nadgirare gim le uridili, a pako au asiasi gim uridili.
MAT 10:2 Uiaba nei gaire apostolo tuelf le; a kekiam, Simona, abara nei Peteru, a Anederia abara keimer; a Iakobo Zebedaio ra uerem, pako Ioane abara keimer;
MAT 10:3 Filipo, a Batolomaio; a Toma, a Mataio telona le; a Iakobo Alefaia ra uerem, pako Lebaio abara nei Tadaio;
MAT 10:4 Simona Kanana le, pako Iuda Isakariota, E abi keserkeser.
MAT 10:5 Ege Iesu de namarkare uiaba tuelf le, E uiabi daratagerare, kega, Uaba nole bakeuare abele gab uiaba nogle giz, a ua ko nole bakeuare gaire Samaria utebem;
MAT 10:6 A debele ua bakeuare gaire mamoe Isaraela ra boai badimirida.
MAT 10:7 A ua bakeuare, a marau, kega, Kotor baselaia maike.
MAT 10:8 Ua nadgirare gim le giz, a darapare lepera le, a nakiamare eud le giz, a daramuare demoni giz: uaba turum nagri, a uaba ko naisuerare.
MAT 10:9 Uaba nole gol, a silua, a baras uaba uak:
MAT 10:10 Ua bakeuare nole aisare epei, a nole neis am uali, pako teter gab, a koket; abelelam abkoreb ikuar leuer abele le dorge ikeli.
MAT 10:11 Ese uteb pako kebi uteb ua baos, nautumerare nade abele le emeri abkoreb, a ua bameroa a ko bakeuare.
MAT 10:12 A ua barota nerute boai ge, uaba uiabi sererege a tag deguat.
MAT 10:13 Ese abkoreb abele boai, a ua ko nakuarare uaba debe mer; ese abele boai nole abkoreb, iako takomeda uabim uaba debe mer.
MAT 10:14 Ese le nole agared kak uabim, a nole asor kak uaba mer, a ua bakeuare adem abele metalam pako abele utebelam, uaba tekuei a teter gab ditkeda sep uaba teterlam.
MAT 10:15 Ageakar kaka uabi detagered, Abele itimer gerger kebi bodomalam Sodomaem a Gomoraem tumem abele uteb ge.
MAT 10:16 Dasmer, kaka uabi demarida mokakalam mamoe giz eipu gaire luko giz; abelelam uaba pardali mokakalam tabo, a au mapodan mokakalam lupe.
MAT 10:17 A ua bako le giz: abelelam uiaba uabi demarida abele mer atager, a ko uiaba uabi demarida uiaba sunago ge,
MAT 10:18 A uabi eguatumur tarima le a opole uiaba opem karielam, a ikeli ageakarem uiabim pako uiabim nogle giz.
MAT 10:19 Ese uiaba uabi demarida, uaba nole okadeskeda nako a nalu uaba mer detaut; abelelam E uabi etomeret abele haua ge nerute mer uaba detaut.
MAT 10:20 Abelelam uaba nole detaut, epe uaba Aba abara Lamar zogo detaut muige uabim.
MAT 10:21 Nerute le tabara narbet namarida ko eumid, a aba namarida abara omasker: a omasker giz tekue uiaba aba, iaueakai uiabi ipiti eumid.
MAT 10:22 Gaire le uridili uabi derar kara neilam; epe abele le niaiem tekuei bakedida mop ge, E ko eded.
MAT 10:23 Ese uiaba uabi dedkoli nerute uteb, a ua ko kored bakeuare nerute utebem; abelelam a ageakar kaka uabi detagereda, Umer kak uaba basiki Isaraela ra uteb uridili, mena Le la Uerem tabarki.
MAT 10:24 Nole aule ereuer le tumem abele le abi ereuerem, a ko nole aule abele memeg le tumem abara opole.
MAT 10:25 Au debele okakis ereuer le mokakalam abele le abi ereuerem, a ko abele memeg le mokakalam abara opole. Ese uiaba nei atker abele boai ra opole Belezebul, nako uiaba nole ikeli mokakalam abara boai?
MAT 10:26 Dasmerare, uaba nole geum kak uiabim; abelelam nole nerute lu ispili, a umele paret kak etomeret; a nole nerute lu mud ge, a umele etomeret.
MAT 10:27 Ege kara mer uabi detagereda kupikup ge, a uaba etomeret abele datki: a abele mer ua aserare uaba grip ge, a uaba etomeret tumem meta.
MAT 10:28 Uaba nole geum uader le uaba gem ipit eumid, a umer kak uiaba ipit eumid uaba lamar; a mamoro uaba geum abele le E umele dedkoli abele lamar pako gem Genaim.
MAT 10:29 Nako nole bodomalam neis kebi ebur abele asari? nole nerute abi abele sep ge a uaba Aba mamoro dasmeri.
MAT 10:30 A uaba mus uridili emetu etager.
MAT 10:31 Peike uaba nole geum kak, uaba aule tumem gaire kebi ebur giz.
MAT 10:32 Dasmerare, ese le kari etomeret gaire le la opem, a kaka ko etomeret abim kara Aba ra opem abele kotor ge.
MAT 10:33 Ese le kari asared le la opem, a kaka ko asared abim kara Aba la opem penoka kotor ge.
MAT 10:34 Uaba nole dikiaporauem kaka tabarki dekuarare mapodan abele geseb ge; kaka nole tabarki dekuarare abele mapodan, epe abele teibur aosos tulik.
MAT 10:35 Abelelam kaka tabarki dekuarare ueku abele le pako abara aba, a pako abele neur uerem ko ueku abara apu, a abele kosker ueku kimiar ra apu;
MAT 10:36 A ikeli le abara boai ko abi kurab ge.
MAT 10:37 Abele le au nasenas abara aba pako abara apu a E kebi omare karim, nole karim abkoreb; a abele le au nasenas abara uerem, pako abara neur, a E kebi omare karim, a ko nole abkoreb.
MAT 10:38 Ese le nole ais abara satauro, pako nole kari narmili, nole karim abkoreb.
MAT 10:39 Abele le erpei abara eded, a ko abi abielam; ege abele le dedkoli abara eded karielam, a ko nagri.
MAT 10:40 Abele le uabi egared, E kari egared, abele le kari egared, a E egared abele le kari namarid.
MAT 10:41 Abele le egared nerute perofeta a perofeta nei ge, E nagri bodomalam abele perofetalam; a abele le egared nerute le barkak tonar a le barkak tonar nei ge, E nagri bodomalam abele le barkak tonar.
MAT 10:42 Ese le abi ikuar no ni gebegeb abele tanelu ge abim nerute kebile ko eri, abele nei kaimeg giz, ageakar kaka uabi detagered, Nole abu kak abara bodomalam.
MAT 11:1 Emetu Iesu mer tigri abara kaimeg giz tuelf le, ege E adem bakeamulu abele utebelam, a ereuerem pako etomeret uiaba utebim.
MAT 11:2 Ege Ioane asoli abele audubare meta ge Keriso ra dorge, epe E abi namarida neis abara kaimeg giz,
MAT 11:3 A abim kega, Nako mama le tabarki, a nako keriba ko naokaili nerute le?
MAT 11:4 Ege Iesu uiabi daratager, kega, Ua bakeamulei a etomeret Ioaneim a gaire lu uaba asoli, pako dasmerei:
MAT 11:5 Gaire le pone asadamer bakaerti, uader le ibibi nakasiri, a lepera idigir, pako grip batapili a asoli, uader le eumid ko eded akaida, a etomeret abele debe mer uiabim gaire lu kak le.
MAT 11:6 E gaire debe lu nagri abele le, nole kari asared kak.
MAT 11:7 Uiaba bakeamulei, ege Iesu uiabim marau le lakub Ioaneialam, Nalugem uaba bakeuare a dasmerare abele sumez ge? Nako abele mebud uag demali?
MAT 11:8 Nalugem uaba bakeuare a dasmerare? Nako abele le am uali gebegeb uali? Dasmerare, uiaba am uali gebegeb am uali, bameri opole ra meta ge.
MAT 11:9 Nalugelam uaba bakeuare dasmerare? Nako perofeta? Ageakar kaka uabi detagerare, E aule tumem perofeta.
MAT 11:10 Abelelam E pedali, mer detali abim, Dasmer, kaka namarid kara merkem mara opem, E paret mara gab mara opem.
MAT 11:11 Ageakar kaka uabi detagered, Nole nerute le tekuei a esmelu kosker giz, aule tumem Ioane Bapataiso, epe abele le kebi kale abele kotor baselaia, E aule tumem abim.
MAT 11:12 Ditimedlu Ioane Bapataiso ra kerker a bakedid peirdi, kotor ra baselaia gaire le etager, a uiaba saserim le etager ais.
MAT 11:13 Abelelam gaire perofeta giz mer detautarare, pako abele gelar giz bakedid Ioaneim.
MAT 11:14 Ese uaba lagelag abi egared, a Elia pedali, E emeretalam naokaili ko tabarki.
MAT 11:15 Abele le grip nagri asoli, debele E asoli.
MAT 11:16 Nalu kara mer babisdarie abele nosik le? Mokakalam kebile giz, uiaba bamer abele zegur uteb ge, uiaba darabgerare uiaba kaimeg,
MAT 11:17 Kega, Keriba uabi burar diberi, a uaba nole ginar keribim; a keriba uabi ebazuer, a uaba nole ebazoli op detapili keribim.
MAT 11:18 Abelelam Ioane tabarki E nole eroli a nole eri, ege uiaba mer abim, E nagri demoni abi dog.
MAT 11:19 Ege Le la Uerem ko tabarki E eroli a eri, ege uiaba mer abim, Dasmer, E au leuer lag, a au lagelag uaina eri, a telona ra kaimeg pako uit le giz! Epe nei atker abele pardale barkak tonar abara omasker.
MAT 11:20 Ege E dauersili gaire uteb ikerare gaire abara adigir, abelelam uiaba nole obazgeda kak.
MAT 11:21 Korasina ae; kaka au nasenase marim! Betesaida ae; kaka au nasenase marim! abelelam, ese ikerare gaire adigir Turo a Sidonaim emeretlam, uiaba obazgeda abele zegerzeger uali pako abele bi.
MAT 11:22 Peike kaka uabi detagerare, Kebikebi Turo a Sidona abele gerger itimer uabim.
MAT 11:23 Mama Kaperenauma, ko agisilu bakedid kotor ge, a ma ko abi batauered muige abele seol; abelelam ese ikerare Sodomaem gaire adigir mari dog, E mena niai tekuei bakedid peirdi.
MAT 11:24 Peike kaka uabi detagerare, Kebikebi abele ged Sodoma abele gerger itimer marim.
MAT 11:25 Peike abele haua ge Iesu abi detager, kega, Kaka marim esoao, kara Baba ae, kotor Opole pako geseb ge, abelelam ma ispi gaire lu ike gaire pardale le giz pako umele le, a ma etomeret gaire lu ike uiabim gaire uerem giz:
MAT 11:26 Peike kara Baba ae, abelelam mara lag mokakalam.
MAT 11:27 Kara Aba kari nakuarare gaire lu uridili; nole le erdali abele Uerem, epe abele Aba; a nole le erdali abele Aba, epe Uerem tepteb, pako nerute le Uerem lagelag abi etomeret.
MAT 11:28 Ua karim tabakeuare uaba au asiasi, a peper lu baguarare, a kaka uabi ikuar sagim kak.
MAT 11:29 Uaba baguare kara lu bao, a pako uaba kari ereuerem; abelelam kakanali le gebgeb nerkep a mapodan: iaueakai uaba lamar nagri nerezili utebe ge.
MAT 11:30 Abelelam kara lu bao nole peper kak, a kara lu nole sagim kak.
MAT 12:1 Abele kerker, Iesu nakas kon gedub ge abele sabath; abara kaimeg giz uererege, uiaba tagpote ismi kon ra pote a uiaba eroli.
MAT 12:2 Ege Faresaio giz uiabi erdali, a uiaba kega abim, Dasmer, mara kaimeg giz ikerare abele lu nole abkoreb sabath ge.
MAT 12:3 E uiabim detagerare, Nako uaba nole etagare kak abele lu Dauida ikeli E uererege, pako gaire le abi kemem;
MAT 12:4 E balu Ade ra meta a eroli areto didmerik opem, E nole abkoreb teroli, pako gaire le abi kemem, a tepteb gaire zogozogo le giz?
MAT 12:5 Nako uaba nole etagare abele gelar ge, gaire sabath uridili zogozogo le datupid abele sabath muige abele zogo meta, a uiaba nole adud kak?
MAT 12:6 Kaka uabi detagerare, Ike abele le aule tumem abele zogo meta ge.
MAT 12:7 Ese uaba umele tonar abele mer, Kaka au lagelag abele nase, a nole abele zegur lu, uaba nole bodomalam le nole adud kak.
MAT 12:8 Abelelam Le la Uerem sabath Opole.
MAT 12:9 E bakeamulu abele utebelam, ege E balu uiaba sunago ge:
MAT 12:10 Dasmer, abele le abara tag euselu, epe uiaba abi itimer kega, Nako abkoreb le idigir sabath ge? iaueakai uiaba ko nagri mer ais abielam.
MAT 12:11 Ege E uiabi detagerare, Nete le uabim, nagri netat mamoe, ese ekesmeri abele au uak sabath ge, nako E nole ko etaruk abele au uaklam?
MAT 12:12 Nako le nole aule abele mamoe? Peike abkoreb debe tonar abele sabath ge.
MAT 12:13 E abi detager abele le, Mara tag idrimurik. Epe abara tag idrimurik, a ko debele mokakalam nerute.
MAT 12:14 Faresaio giz baosi adige, uiaba mer atager abim ko abi ipit eumid.
MAT 12:15 Ege Iesu erdali, epe bakeamulu adem abele uteblam; a gaire le lakub abi irmilare, E uiabi uridili idigir,
MAT 12:16 E uiaba aukase detagerare nole abi atomeret kak:
MAT 12:17 Iaueakai bakedida abele perofeta Isaia ra mer, kega,
MAT 12:18 Dasmer, kara memeg le kaka dabgiri, kaka abi nase ge, a abim sererege kara nerkep; kaka abi ikuar kara Lamar abi tumge, E etomeret abele meratager uiabim gaire nogle giz.
MAT 12:19 E nole asareda, E nole ereretikri, a nole nerute le asoli abara kodo mer abele gab ge.
MAT 12:20 E nole narbeid abele mebud pakesa, E nole asameida abele uik kebikebi datki, a mena E upinati abele meratager ko saserim.
MAT 12:21 Abara nei ko abi oituli abele gaire nogle giz.
MAT 12:22 Ege tais abim abele le demona balu muige, abele le E sadamer, a E ko te dabimdabim: E abi idigir, a mamor mer etkalu, a ko dasmer, abele le sadamer pako te dabimdabim.
MAT 12:23 Ege gaire le lakub uridili abi damered, a uiaba mer, kega, Nako nole Dauida ra Uerem pedali?
MAT 12:24 Gaire Faresaio giz aserare, a uiaba mer abielam, Ese nole Belezebul demona giz opole, umer kak abele le demona imud.
MAT 12:25 Ege Iesu opasereret uiaba dikiaporare, E uiabi daratagerare, Gaire baselaia uridili ese kurabkurab a uekueku, nole niai tekuei, a sobkak eseamulu; a gaire uteb uridili, pako boai giz, ese kurabkurab a uekueku, nole niai tekuei.
MAT 12:26 Ese Satana imuare Satana, ege abi kurabkurab, a uekueku abim; Nako niaiem tekuei abara baselaia?
MAT 12:27 Ese kaka imuare demoni giz Belezebulelam, a nete imuare demoni uaba omasker giz? abele lu peike ikeli uiaba meratager uabim.
MAT 12:28 Ese Ade ra Lamarlam kaka imuare demoni giz, emetu bakedid uabim Ade ra baselaia ge.
MAT 12:29 Nako umele nerute le balu abele saserim le la meta, a ko itkamer abara lu? mena kekiam didbare abele saserim le, epe itkamer abara lu abara meta ge.
MAT 12:30 Abele le nole kari lakak E nole kari kemem; Abele le nole etami kari dog, a ko debek.
MAT 12:31 Abele lu kaka uabi detagerare, Uit uridili pako adud mer, umele idigir lelam; ege abele le adud mer abele Lamar, umer kak le idigir.
MAT 12:32 Ese le abi adud mer abele Le la Uerem, umele idigir, ege abele le abi adud mer abele Lamar zogo, umer kak idigir abele eded, pako niai eded.
MAT 12:33 Uaba nei atker abele debe lu, a ko debele abara turum; ese nole, uaba nei atker abele adud lu, a ko adud abara turum; abelelam turum atamelam gaire lu.
MAT 12:34 Tabo ra omasker ae, uaba le au adud, nako uaba umele debe mer egali? Abelelam gaire lu le la nerkep ge, a ko te detaut.
MAT 12:35 Gaire debe lu tais abele le debe tonar abara lu muige abara nerkep; ege abele le adud tonar ko tais gaire adud lu, abara adud lu muige abara nerkep.
MAT 12:36 Kaka uabi detagerare, Gaire kebi mer uridili le detaut, uiaba etomeret abele gerger meratager.
MAT 12:37 Abelelam mara mer barkak mari desperet, a mara mer ko mari desauersili.
MAT 12:38 Ege uader aotale le pako Faresaio giz, kega, Ereuer le, keriba lagelag ma detomertare nerute atamelam mabielam.
MAT 12:39 E etkalu uiabim, kega, Abele nosik adud le pako eruam sus uiaba karim deraimer nerute atamelam; ege umer kaka uiabi dekuarare, a tepeteb Iona perofeta ra atamelam:
MAT 12:40 Abelelam mokakalam Iona muige abele au lar kem ge neis netat gerger ge, a neis netat ki ge; mokakalam Le la Uerem ko muige sep ge neis netat gerger ge, pako neis netat ki ge.
MAT 12:41 Nineua le ko tekuei abele gerger meratager kemem abele nosik adud le pako eruam sus abkoreb; abelelam uiaba obazged Iona ra marau; dasmer, ike abele le aule tumem Iona.
MAT 12:42 Kosker opole koki apek ko tekuei kemem abele nosik abele meratager; abelelam E tabarki abele bakedid geseb ge, a asoli Solomona ra pardale; dasmer, ike abele le aule tumem Solomona.
MAT 12:43 Ese osmeda adige abele adud lamar lelam, E degemeli abele ni kak ged, a deraimer nerezi uteb, a nole erdali.
MAT 12:44 E detager, kega, Kaka ko akomeda karabara meta, emeret kaka emeri; E bakeam a erdali nole le kak, a emetu paret dirup.
MAT 12:45 Ege E bakeamulu, a taraisare uader sefen lamar au adud abi tumge, ege uiaba barot a bamer; ege au adud mop abele le, a kebi adud abara giz. Mokakalam ikeli abkoreb abele nosik le adud.
MAT 12:46 E uiabi detaut abele le lakub, dasmer, ekuei adige abara apu, pako abara keimer giz, uiaba lagelag abi mer atager.
MAT 12:47 Ege nerute le abi detager, Dasmer, ekuei adige mara apu, pako mara keimer giz, uiaba lagelag mari mer uanatager.
MAT 12:48 E abi etkalu, kega, abele le abim detager, Nete kara apu? a nete kara keimer?
MAT 12:49 E tabara tag idrimur tabara kaimeg giz, kega, Dasmer, kara apu, pako kara keimer giz!
MAT 12:50 Abelelam abele le ikeli kara Baba ra lag penoka kotor ge, E dali kara keimer, pako kara berbet, a kara apu.
MAT 13:1 Abele gerger Iesu esomelu abele metalam, a emeri seb ge, maike abele gur ge.
MAT 13:2 Ege gaire le lakub netat gedim abim, abelelam E bakeam ekauerti abele nar, a emeri, a gaire le lakub uridili tekuei abele gur dege.
MAT 13:3 E uiabim daratagerare gaire lu mer babisdarie, kega, Dasmer, nerute amorda le bakeamulu ko emor.
MAT 13:4 Ege abara saido dikri, epe uader kep abi abele gab ge, ege gaire ebur giz epereda eroli.
MAT 13:5 Uader kep abi abele uteb neid ge, kebi sep nagri; ege dudum erperida, abelelam abele sep kebi kale;
MAT 13:6 A lem eupumada eueri; a uatuet, abelelam nole sip kak.
MAT 13:7 Uader kep abi abele sumez lu daradara; a gaire sumez lu daradara omeida a detarapi.
MAT 13:8 Epe uader kep abi abele debe sep ge, epe turum nagri, uader handed, a uader sikesti, a uader therti.
MAT 13:9 Abele le grip nagri ko asoli, debele E asoli.
MAT 13:10 Ege abara kaimeg giz tabaruka abim, a abim kega, Nalugem ma uiabim detagereda no mer babisdarie?
MAT 13:11 Ege E etkalu uiabim, kega, Uabi ikuar, iaueakai uaba umele gaire gumik lu abele kotor baselaia ge, a uiabi nole akuar kak.
MAT 13:12 Abelelam abele le nagri lu, a ko abim ikuar, ege abara gaire lu dordor; a abele le nole lu kak, a ais abielam abele lu.
MAT 13:13 Abele lu kaka uabi detagereda mer babisdarie; abelelam uiaba dasmer, a nole dasmer; a uiaba aserare, a nole aserare, pako uiaba nole akiapor kak.
MAT 13:14 Ege bakedidlu uiabim Isaia ra mer daratagerare, kega, Uaba aserauem, a nole asoli, a uaba no dasmer, a nole erdali:
MAT 13:15 Abelelam gaire le la nerkep abele ged au dobodob, pako asor kak uiaba grip, a uiaba pone esameida; ege nole asmer kak uiaba pone, pako asor kak uiaba grip, iaueakai uiaba nerkep nole asor kak, a depegili uiaba, a kaka ko ikuar eded akaida.
MAT 13:16 Uerkab uaba pone, abelelam uaba dasmerare, pako uaba grip, abelelam ua aserare.
MAT 13:17 Abelelam ageakar kaka uabi detagereda, kega, Gaire perofeta, pako le barkak tonar, uiaba au lagelag dasmerare gaire lu uaba erdali, a nole ardar kak; a uiaba ko lagelag aserare abele gaire lu ua aserare, a nole asor kak.
MAT 13:18 Dasmerare, ua aserauem abele tonar mer babisdarie abele le saido dikri.
MAT 13:19 Ese le asoli abele baselaia ra mer, ese nole akiapor kak, ege adud le abim tabarki, a ais adem abele saido emetu dikri abi nerkep ge. Abele le pedali egared abele saido abele gab ge.
MAT 13:20 Epe abele le egared abele saido tumem neid ge, abele le E asoli abele mer, a sobkak egared pako sererege;
MAT 13:21 Ege nole sip kak abim, a nole niaiem ekue; abelelam menaba asiasi a dedkoli abele merlam tabarki, E sobkak upiditilu a ekesmeri.
MAT 13:22 Abele le egared abele saido abele sumez lu daradar, abele le E asoli abele mer, epe abara nerkep okadeskedi gaire lu abele gesep ge, pako abele bes lu lag a edarabi abele mer, epe nole turum kak.
MAT 13:23 Ege abele le egared abele saido debe seb ge, abele le E asoli abele mer, a erpei; a turum nagri, uader uan handed, a uader sikesti, a uader therti.
MAT 13:24 E ko etomeret uiabim nerute mer babisdarie, kega, Kotor baselaia mokakalam nerute le debe saido dikri abi ged ge:
MAT 13:25 Le giz uteid, ege kurab le tabakeam, a dikri abele ditania muige abara saido, ege E bakeamulu adem.
MAT 13:26 Abele saido barperida, a turum nagri, ege erdalu abele ditania.
MAT 13:27 Ege tarim le la boai, abara memeg le, tabarki, a abim kega, Opole ae, nako ma nole dikri abele debe saido mabi ged ge? Dasmer, nagelam abele ditania?
MAT 13:28 Ege E uiabi daratagerare, Abele lu nerute le kari kurab ge ikeli. Ege abara memeg le abim detaut, kega, Nako ma lagelag keriba bakeuare ismi adem abele gaire lu?
MAT 13:29 E daratagerare, Nole; mena uaba darubum okakis abele saido, ese uaba paret adem abele ditania.
MAT 13:30 Dikaer, no ikedi, mena omeida neis lu bakedida abele nur ge a ismi; ese nur tabarki, kaka uiabi detaut, uader le ismi, Uaba kekiam etami abele ditania, pako uaba ko didbari gaire lager, a urim disirik; ege abele saido, ua etami a azirik kari saido meta ge.
MAT 13:31 E uiabim etomeret nerute mer babisdarie, kega, Kotor baselaia mokakalam abele sinapi ra kep, a nerute le ais, a emor tabara ged ge:
MAT 13:32 Kebi kale abele kep tumem gaire kep uridili; ese emetu omeida, E aule tumem gaire nur lu, mena keubu au kale, a gaire ebur giz epereda tabakeuare uteid abi tam ge.
MAT 13:33 E uiabim daratagerare nerute mer babisdarie, kega, Kotor baselaia mokakalam abele lu ise, nerute kosker ais ikedilu muige abele falaua neis netat mitkar, a keubu dabueri uridili.
MAT 13:34 Ege Iesu de detaut abele gaire lu uridili mer babisdarie gaire le lakub; E uiabim detaut no mer babisdarie:
MAT 13:35 Ueakai bakedid abele perofeta ra mer, kega, Kaka detaut no mer babisdarie, kaka uabi etomeret gaire gumik lu gizlam abele ditimedlu geseb ge.
MAT 13:36 Ege Iesu dikaer abele le lakub, a balu abele meta ge; ege abara kaimeg giz tabakeuare abim, kega, Ma keribi etomeret tonar abele mer babisdarie abele ditania abele ged ge.
MAT 13:37 Ege E etkalu uiabim, kega, Abele le debe saido dikri, abele Le la Uerem;
MAT 13:38 Ege abele ged abele geseb ge peike; abele debe saido, abele baselaia ra le; a abele ditania, adud le giz ra omasker;
MAT 13:39 Abele le kari kurab ge E dikri abele gaire lu, abele diabolo pedali; abele mur ge, abele geseb ge ra mop; abele ismi le, uiaba gaire angela giz.
MAT 13:40 Peike mokakalam ditania etami a urim disirik abele ur ge; mokakalam ikeli abkoreb abele geseb ge ra mop.
MAT 13:41 Le la Uerem namarkare abara angela uiaba taraisare muige abara baselaialam uiaba le asareda, pako uader le adud tonar;
MAT 13:42 A uiabi batauered muige abele urueri amei; nagri ebazuer, pako tereg ikupamaretlare.
MAT 13:43 Ege uiaba barkak tonar au zorom, mokakalam lem, abele uiaba Aba ra baselaia ge. Abele le grip nagri ko asoli, debele E asoli.
MAT 13:44 Kotor baselaia mokakalam abele idolu ispi abele ged ge, a nerute le erdali, epe E ko ispi, a bakeam sererege, a terapei abara lu giz uridili, a abi bodomalam abele ged ge.
MAT 13:45 Kotor baselaia mokakalam luge asesered le, E mamoro deraimer debe penina gaire lu bodomalam:
MAT 13:46 E erdali nerute debe penina au bodomalam, ege E bakeam terapei abara lu giz uridili, a abi bodomalam.
MAT 13:47 Kotor baselaia mokakalam abele net dikri batauered abele gur ge, a nagri gaire tonar lar uridili:
MAT 13:48 Ege mitkar, a uiaba eguatumur abele tauer ge, a bamer, iterar debe lar a aretare epei ge, epe adud lar giz no batauered.
MAT 13:49 Mokakalam mop abele geseb ge; angela giz bakeuare nakesmurare adud le giz, pako barkak le giz,
MAT 13:50 Ege uiaba batauered uiabim adud le giz abele urueri amei; nagri ebazuer pako tereg ikupamaretlare.
MAT 13:51 Ege Iesu uiabim daratagerare, kega, Nako uaba emetu asered abele gaire lu uridili? Uiaba abim detaut, Uao, Opole ae.
MAT 13:52 Ege E uiabim daratagerare, kega, Dasmerare, aotale le uridili emetu ereuerem abele kotor baselaia, uiaba mokakalam tarim le la boai, E tais emeret lu pako kerkar lu tabara luga metalam.
MAT 13:53 Ege Iesu bakedidlu gaire mer babisdarie, E bakeamulu adem abele uteblam.
MAT 13:54 E bakeamulu a osmeda taba ged ge, E uiabi ereuerem uiaba sunago, a uiaba abi damared, a mer detagerare, kega, Abele la E nagelam abara pardale pako adigir?
MAT 13:55 Nako nole tonar le abara uerem? nako nole nei Maria abara apu? abara kaimer giz Iakobo, a Iose, pako Simona, a Iuda?
MAT 13:56 Nako nole meribi dog abara berbet uridili? a nagelam abele le nagri gaire lu uridili?
MAT 13:57 Ege uiaba abim asered. Epe Iesu uiabim daratagerare, Nole nerute perofeta nole zorom kak, epe tepteb abara boai ge nole abi zorom kak.
MAT 13:58 Epe Iesu nole gaire adigir ikeli abele uteb ge, abelelam uiaba nole oatur kak.
MAT 14:1 Abele kerker Heroda opole asoli Iesu ra tonar,
MAT 14:2 E uiabim detaut tabara memeg le, Ioane Bapataiso pedali, ko eded akaida eudelam, abelelam gaire adigir E ikeli.
MAT 14:3 Abelelam Heroda emetu erpei Ioane, a ko abi didbare, a abi aziriklu abele au dubare meta ge, epe Herodialam, Filipo ra kosker abi narbetelam.
MAT 14:4 Abelelam Ioane abi detaut, kega, Nole abkoreb ma abi ispi, a ko ekai mara kosker.
MAT 14:5 E lagelag abi ipiti eumid, epe E geum gaire le lakub, uiaba dikiaporare E perofeta pedali.
MAT 14:6 Ege abele gerger itutarare Heroda esemelu, Herodia ra neur ginar diger uiabi opem, E abi sererege Herodaim.
MAT 14:7 Abele lu E aukase abim detager, a mer nakesmulu, ko abim ikuar nerute lu E abi damos.
MAT 14:8 E, abara apu abi namarida, a abi detaut, kega, Ma kari ikuar ike, abele Ioane Bapataiso ra kerem abele tanelu ge.
MAT 14:9 Ege opole au asiasi, epe abele mer nakesmululam, pako gaire le eidi leuer eroare abi kemem, E mer tigri a abi ikuar.
MAT 14:10 E abi namarid nerute le ismi Ioane ra kerem abele au dubare meta ge.
MAT 14:11 Ege tais abara kerem abele tanelu ge, a abi ikuar abele neur; abele neur ko abi ikuar abara apu.
MAT 14:12 Ege abara kaimeg giz abim tabakeurare, a ais abara gem a etkobei; a uiaba bakeuare Iesuim, a abi etomertare.
MAT 14:13 Iesu abele asoli, E bakeamulu adem abele uteblam abele nar ge, E tepteb emeri abele lekak uteb ge: ege le lakub aserare, a uiaba abi irmilare tabakeuare tauer gab ge, gaire uteblam.
MAT 14:14 Ege Iesu bakeamulu, a uiaba nardarare abele gaire le lakub, abara nase baruk uiabim, E idigir uiaba gim le giz.
MAT 14:15 Bakedilu abele kikem, ege abara kaimeg giz abim tabakeuare, kega, Abele uteb le kak iridi, a niai niai abele gerger; ma uiabi namarkare abele le lakub, iaueakai uiaba bakeuare gaire uteb, leuer terapei a uiaba erolare.
MAT 14:16 Epe Iesu uiabim detaut, Nole abkoreb uiaba bakeuare; ua naisuerare, leuer, a uiaba erolare.
MAT 14:17 Ege uiaba abim detautare, Meriba nole leuer kak ike, epe no areto faif, a neis lar.
MAT 14:18 E uiabim detaut, kega, Karim tais ike.
MAT 14:19 E uiabim detaut abele gaire le lakub, Uaba eidi abele soge ge; E tais faif areto, pako neis lar, a edimrualu abele kotor, a esoao, a ko areto itur, a naisuerare tabara kaimeg giz, a abara kaimeg giz naisuerare abele le lakub.
MAT 14:20 Ege uiaba eroare, a kem osomeda ui uridili, a ui aratare kaier, tuelf gaire epei mitkar.
MAT 14:21 Uiaba eroare, nako faif thausan no kimiar, a kosker pako kebile giz nole atager kak.
MAT 14:22 Epe Iesu de dudum namarkare tabara kaimeg giz a atiem abele nar ge, kekiam bakeuare nerute apekem; E mena namarkare abele le lakub bakeuare.
MAT 14:23 E namarkare abele le lakub bakeuare, epe E tepteb ogi bakeamulu abele paser, a esorerapare. Bakedilu abele kikem, E tepteb abele uteb ge emrilu.
MAT 14:24 Abele nar muige abele karem ge, au zauber a nar agiri; abelelam uag opem uami.
MAT 14:25 Ege Iesu bakeamulu uiabi erdali, abele neis a neis abele ki ge le asesered, E ekasereder abele zauber tum ge.
MAT 14:26 Ege abara kaimeg giz ui abi erdalare, E ekasereder tumem abele zauber ge, ege uiaba okasosok, a uiaba dikiaporare, kega, Lamar pedali, ege uiaba au geum, a ko au sasemi.
MAT 14:27 Ege Iesu de sobkak uiabi daratagerare, kega, Uaba nerkep au saserim, kakanali, nole geum kak.
MAT 14:28 Epe Peteru abim detaut, kega, Opole ae, ese mamanali, ma kari natager kaka bakeam marim tumem abele gur ge.
MAT 14:29 Ege E abi detager, Ma tabakeam. Ege Peteru eupumalu abele narlam a ekasereder tumem abele gur ge, E bakeamulu Iesuim.
MAT 14:30 E dasmer abele au uag, a E geum ge, epe ditimedlu a badimedlu, a ereretikri, kega, Abele Opole ae, ma kari uerkaben.
MAT 14:31 Ege Iesu de tag itrimuriklu, a abi erpeilu, a abim kega, Mama le kebikebi oituli, nalugelam mama asared?
MAT 14:32 A uiaba neis le atiem abele nar ge, epe metalug, a nole uag kak.
MAT 14:33 Ege uader le muige abele nar tabakeuare abim esorgiru, a mer kega, Ageukar mamanali Ade ra Uerem.
MAT 14:34 Uiaba akarida abele nerut apek, a bakedilu abele ged Genesareta.
MAT 14:35 Gaire ged kemle uiaba abi erdali, a merkem namarkare abele pekem uridili, a uiaba taraisare abim gaire gim le giz uridili.
MAT 14:36 Uiaba abi daramasare no kebikebi ituti uba ge abara am uali; a idigir uiaba gim uridili no kebikebi abi ituti.
MAT 15:1 Ege aotale le pako Faresaio giz uiaba tabakeuare Iesuim Ierusalemlam, kega,
MAT 15:2 Nalugem mara kaimeg giz datupida aule giz uiaba mer? abelelam uiaba leuer eroli a tag nole ogarup kak.
MAT 15:3 E etkalu uiabim, kega, Nalugem ua ko datupida Ade ra gelar gaire aule ra mer?
MAT 15:4 Abelelam Ade detaut, kega, Ma mamoro asoli mabi abera a apuera; a, Nerute abele le adud mer abele baba pako abele apu, a ko ipit eumilu.
MAT 15:5 Epe uaba detagerare, kega, Ese le detaut abele aba pako abele apu, Ese nerute lu kari dog abkoreb marim, abele emetu Adim ikuar peike;
MAT 15:6 A nole ko asoli taba abera a apuera. Uaba dedkoli Ade ra gelar mokakalam, uaba emereta merlam.
MAT 15:7 Uaba bes le giz, abkoreb uabim abele Isaia ra mer epili, kega,
MAT 15:8 Abele ged uiaba karim maiem uiaba telam, pako kari naospered uiaba mitelam; ege uiaba nerkep muriz ge karielam.
MAT 15:9 Uiaba no kari esorerapare, uiaba ikerare abele mizmiz le ra gelar.
MAT 15:10 Ege E dabgerare abele gaire le lakub, E uiabim detaut, Ua aserare a mamor asoli:
MAT 15:11 Abele lu ikedilu le ra te nole le dedkoli; epe abele lu osmeda telam le dedkoli.
MAT 15:12 Ege abara kaimeg giz abim tabakeuare, a abim kega, Nako ma umele gaire Faresaio giz mari ueku, uiaba asarare abele mer?
MAT 15:13 E etkalu, kega, Gaire lu uridili kara Aba penoka dali kotor ge nole amorda kak, E eiu adem.
MAT 15:14 No dikaer uiabim: uiaba sadamer le ko datkimoardare sadamer le. Ese abele sadamer le datkimoardare nerute sadamer le, epe uiaba neis le ekesmiri abele au uak.
MAT 15:15 Ege Peteru abim detaut, kega, Ma keribi etomeret abele mer babisdarie.
MAT 15:16 Ege Iesu detager, Nako uaba mena nole asor kak?
MAT 15:17 Nako uaba mena umer kak, gaire lu uridili ikedi abele te a ko irmi abele kem ge, ege imuda abele sumez ge?
MAT 15:18 Ege gaire lu tabakeuare a osmeda abele telam, epe giz nerkeplam; abele lu le dedkoli.
MAT 15:19 Abelelam nerkeplam tabakeam abele adud dikiapor, a le ipit eumilu, a kogem, a eruam, a bes mer, pako adud mer:
MAT 15:20 Gaire lu peike le dedkoli; ege abele le leuer eroli a tag nole aruba kak, umer kak le dedkoli.
MAT 15:21 Ege Iesu bakeamulu adem abele utebelam, E osmeda abele ged Turo a Sidona.
MAT 15:22 Dasmer, ababe Kanana kosker E tabarki abele peklam, a ereretikri abim, kega, Abele Opole ae, Dauida ra Uerem, ma kari omare, kara neur au adud abele demoni nagri.
MAT 15:23 Epe E nole mer kak abim. Ege abara kaimeg giz abim tabakeuare abi damsare, kega, Ma abi namarid ege bakeamulu, abelelam E mena meribi irmili a ereretikri.
MAT 15:24 E etkalu, kega, Ade nole kari namarida uader le, no mamoe Isaraela ra boai badimirida.
MAT 15:25 Ege E tabakeam abim a etkobeilu, kega, Abele Opole ae, ma kari upinati.
MAT 15:26 Ege E etkalu, kega, Nole abkoreb omasker ra leuer ko ais batauered omai giz.
MAT 15:27 E abi detager, Abele Opole ae, ageakar marim: epe nerute omai giz eroare puipi leuer abi laulau ge uiaba tebude.
MAT 15:28 Ege Iesu abim detager, kega, Kosker ae, mara oituli aule: mara lag mokakalam a ko ikeli abkoreb marim. Epe abara neur ko akaida abele haua ge.
MAT 15:29 Iesu bakeamulu adem abele utebelam, E osmeda maike abele Galilaia keper ge; E ogi abele paserem, a emrilu seb ge.
MAT 15:30 Ege abim tabakeuare gaire le lakub, uiaba nagri uader le ibibi, a uader le sadamer, a uader le te dabimdabim, a uader le gebgeb, pako uader le gaire tonar gim, uiaba abi ituti Iesu ra teter ge; E uiabi nadgerare:
MAT 15:31 Ege gaire le lakub abi damreda, abelelam uiaba abi erdarare uader le te dabimdabim a mer detaut, a uader le gebgeb ko kemerkemer, a uader le ibibi ko nakasir, a uader le sadamer ko darasmerare; ege uiaba abi despereda abele Isaraela Ade.
MAT 15:32 Ege Iesu darabgerare abara kaimeg giz, kega, Kaka niabi nasenase abele le lakub, abelelam thri gerger peirdi uiaba emri kari dog, a nole leuer kak. Kaka umer kak uiabi namarkare ko bakeuare, a nole leuer aro kak, mena uiaba uererege abele gab ge.
MAT 15:33 Ege abara kaimeg giz abi detagerare, Meriba nagelam gaire areto nagri abele sumez ge, iaueakai dordor le ra kem osmeda?
MAT 15:34 Iesu uiaba daratgerare, kega, Nako naket areto uabi dog? Ege uiabi detager, Sefen; a uader kebi lar.
MAT 15:35 E uiabi daratagerare abele gaire le lakub, Uaba baidi abele seb ge.
MAT 15:36 E etaruk sefen areto a uader lar, a esoao, a itur, epe abi naisuerare abara kaimeg giz, a abara kaimeg giz ko naisuerare dordor le lakub.
MAT 15:37 Ege uiaba uridili eroare, a kem osmeda; a uiaba etaker abele leuer kaier, a mitkar sefen gaire epei.
MAT 15:38 Uiaba le eroarem foa thausan no kimiar, a kosker pako kebile giz nole atager kak.
MAT 15:39 E uiabi namarkare abele le lakub bakeuare, E bakeamulu, a atiem abele nar ge. E bakeamulu abele ged Magadalena.
MAT 16:1 Ege Faresaio giz pako Sadukaio giz abim tabakeuare, a uiaba abi mirem, kega, Ma keribi detomertare nerute atamelam kotorlam.
MAT 16:2 E etkalu uiabim, kega, Mena kikem a uaba mer, kega, Debe lem barki: abelelam kotor ge au mam mam.
MAT 16:3 Abele kebi gereger a uaba mer ko, kega, Peirdi au irmir abele gereger: abelelam au mam mam dali, pako au kuba abele kotor ge. Uaba bes le giz, uaba umele etage kotor ra tonar, nako uaba nole umer kak urut atamelam?
MAT 16:4 Abele nosik le adud, pako kogem le giz, uaba karim deraimerare nerute atamelam; umer kak nerute atamelam uabi nakuarare, a tepteb Iona perofeta ra atamelam. E dikaerlu uiabim, a adem bakeamulu.
MAT 16:5 Ege abara kaimeg giz tabarki abele nerute apek, a uiaba okataprik ko areto ais.
MAT 16:6 Iesu uiabim detager, Uaba au derarati adem abele Faresaio giz ra leuen, pako Sadukaio giz ra leuen.
MAT 16:7 Ege uiaba mer atager, kega, Abara merlam, abelelam meriba nole areto tais.
MAT 16:8 Epe Iesu opasereret, E uiabim detager, Nalu uaba mer atager, uaba kebikebi oituli, abelelam uaba nole areto tais?
MAT 16:9 Nako uaba mena asor kak, a uaba nole dikiapor faife areto, pako faife thausan le, naket epei arota?
MAT 16:10 A ko sefen areto, pako foa thausan le, naket epei arota?
MAT 16:11 Nako uaba mena nole asor kak, nole abele areto kaka uabi detager? Epe ua au derarati adem abele Faresiao giz ra leuen, pako Sadukaio giz.
MAT 16:12 Ege uiaba umele, nole areto ra leuen E uiabi detager au derarti adem, epe Faresaio giz ra giz mer, pako Sadukaio giz.
MAT 16:13 Iesu bakeamulu abele Kaisaria Filipo ra nener, E itimerare abara kaimeg giz, kega, Nalu gaire le la mer, karim nete?
MAT 16:14 Uiaba abi detagerare, Uader le la mer, mama Ioane Bapataiso; a uader le, mama Elia; a uader le, Ieremia, pako nerute perofeta.
MAT 16:15 E uiabim detager, Nako uaba, nalu uaba mer, karim nete?
MAT 16:16 Ege Simona Peteru abi detaut, kega, Mama Keriso, Ade ra Uerem eded.
MAT 16:17 Ege Iesu etkalu abim, kega, Mama uerkab Simona Ba‐Jona: abelelam nole le mari etomeret, epe kara Aba dali kotor ge.
MAT 16:18 Kaka mari detager, Mamanali Peteru, ka ko emoare kara ekalesia tumem abele neide ge; umer kak ur aseamur kak ra te abi tum ge
MAT 16:19 Kaka keubu mari nakuar kotor baselaia ra ki; ese nerute lu ma didibari abele geseb ge, a ko didibari abele kotor ge; ese nerute lu ma detue abele geseb ge, a ko detue abele kotor ge.
MAT 16:20 E uiabi daraisumdarare abara kaimeg giz nole ko atomeret kak nerute le E Iesu Keriso dali.
MAT 16:21 Abele kerker Iesu ditimedlu ko natomertare abara kaimeg giz abkoreb E Ierusalemaem bakeamulu, ko gaire lu aiasi ikeli abim gaire aule giz pako zogozogo le giz pako aotale giz, uiaba abim ipitare eumida, E ko eded akaida thri gerger.
MAT 16:22 Ege Peteru abi datkimalu, a abi daisumdalu, kega, Opole ae, muriz ge marielam abele lu, umer kak bakedida marim abele lu.
MAT 16:23 Ege E egeremalu Peteruim, a abim, kega, Satana ae, ma bakeam kara sor ge: ma mokakalam lu kari bamsili; abelelam ma nole lakak Ade ra lu, epe mamor le la lu.
MAT 16:24 Iesu uiabi detager abara kaimeg giz, Ese le lagelag kari narmili, nole abkoreb ko irmili tabara lag, debele E ko ais tabara satauro, a kari narmili.
MAT 16:25 Abelelam ese le omare tabara eded, E abi: epe abele le dedkoli tabara eded karielam, E ko nagri.
MAT 16:26 Abelelam nalu lu abkoreb, ese abele le nagri geseb ge uridili, a ko dedkoli abara eded? a nalu lu ikuar abele le ko bodomalam abara eded?
MAT 16:27 Abelelam Le la Uerem tabarki kemem pako abara angela taba Aba ra zorom ge; epe E bodomalam le giz abkoreb uiaba dorge.
MAT 16:28 Ageakar kaka uabi detagereda, Uader le ike nole eud kak, mena dasmerare Le la Uerem ko tabarki abara baselaia ge.
MAT 17:1 Eseamud sikes gerger, ege Iesu tegardare Peteru, a Iakobo, a Ioane abara keimer, a uiaba bakeuare abele pereper paserem, uiaba tepteb.
MAT 17:2 E depegili uiaba opem, abara op au zoromzorom mokakalam lem ise, abara am uali au kakekake mokakalam datki ise.
MAT 17:3 Ko dasmer, Mose a Elia natomelu uiabim, a uiaba mer atager abim.
MAT 17:4 Peteru abi detager Iesuim, kega, Opole ae, debele meriba emeri ike; ese ma lag, keriba ikeli ike nole niai meta thri; mara nerute, a Mose ra nerute, a Elia ra nerute ko.
MAT 17:5 Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.
MAT 17:6 Abara kaimeg giz aserare, ege uiaba etkobei, a uiaba au geum.
MAT 17:7 Ege Iesu uiabi bakeamulu, E uiabi itut, a uiabi kega, Uaba tekue, uaba nole geum kak.
MAT 17:8 Uiaba pate uiaba pone, a nole nerute le erdali, epe Iesu tepteb.
MAT 17:9 Uiaba tabatueli abele paserlam, ege Iesu daraisumdarare uiabim, kega, Uaba nole atomeret kak nerute le abele lu uaba dasmerare, mena Le la Uerem ko eded akaida eudlam.
MAT 17:10 Abara kaimeg giz abi itimerare, kega, Nalu aotale giz uiaba mer, kekiam Elia tabarki?
MAT 17:11 Ege Iesu etkalu uiabim, kega, Elia kekiam tabarki, a ko ditimed gaire lu uridili:
MAT 17:12 A kaka uabi detager, Emetu Elia tabarki, a uiaba nole abi asmer kak, epe uiaba ikeli abim gaire lu uridili uiaba lagelag. Mokakalam Le la Uerem, a ko uiaba abi dedkoli.
MAT 17:13 Ege abara kaimeg giz uiaba opasereret E uiabi detager abele tonar Ioane Bapatiso.
MAT 17:14 Uiaba baosi abele lekub ge, ege nerute le kei tabakeam abim, E kokomamu abim, kega,
MAT 17:15 Opole ae, ma abi omare kara uerem, E paim gim nagri au asiasi, abelelam gaire gerger ekesmiri abele ur ge, mokakalam gaire gerger abele ni ge.
MAT 17:16 Kaka ais abim mara kaimeg giz, a uiaba umer kak abi idigir.
MAT 17:17 Ege Iesu etkalu, kega, Abele nosik le nole oatur kak a barbar tonar, kaka uabi dog naket gerger? kaka uabi mena omare naket gerger? E karim tegaret.
MAT 17:18 Iesu abi daisumdalu, ege adem esomelu adige abele demona abielam; epe abele uerem ko eded akaida, ditimedlu abele haua ge.
MAT 17:19 Iesu ra kaimeg giz abim tabakeuare, uiaba tepteb, kega, Nalugem keriba umer kak abi imuare?
MAT 17:20 Ege Iesu uiabi detager, Abelelam uaba nole oatur kak: ageakar kaka uabi detager, Ese uaba oituli abkoreb abele sinapi ra turum, a uaba detagerare abele paser, Ma bakeam abele uteb ge; E umele bakeam; nole nerute lu ko obogai uabim.
MAT 17:21 Epe tepteb abele esorerapare pako abele leuer baili umele adem bakeuare gaire lu mokakalam.
MAT 17:22 Uiaba nakasir Galilaia ge, ege Iesu uiabi daratagerare, Abele Le la Uerem namarid gaire le la tag:
MAT 17:23 Uiaba ko abi ipit eumilu, a ko eded thri gerger. Ege uiaba au okasosok.
MAT 17:24 Uiaba baosi Kaperanaumaem, gaire le tabakeuare Peteruim, uiaba tameleb giz erpei abele zeku lu, a abim, kega, Nako uaba ereuer le nole ikeli zeku lu?
MAT 17:25 E uiabi detager, E ikeli. E balu abele meta ge, epe kekiam Iesu abi detager, kega, Simona ae, nako ma dikiapor? Netede tameleb erpei telo pako zeku lu gesep opole? Nako uiaba omasker nako nogle?
MAT 17:26 Ege Peteru abim detager, Gaire nogle. Epe Iesu abi detager, Peike omasker no emeri.
MAT 17:27 A nerute uiaba mena mudi mer meribim, ma bakea mabele gur ge, a ma batauered nerute uk, abele kekiam lar ma nagri ma tetaruka; a ko diske abara te, epe ma erdali abele setatara; ma ais uiabim ikuar mara a kara ko.
MAT 18:1 Abele baua ge Iesu ra kaimeg giz abim tabakeuare, kega, Nete aule kotor baselaia ge?
MAT 18:2 Ege Iesu dabgiri abele kebi uerem, a abi ekueilu uiaba opem,
MAT 18:3 A uiaba kega, Ageakar kaka uabi detager, Ese uaba nole depegeli a ko mokakalam kebile ise, umer kak uaba bao abele kotor baselaia ge.
MAT 18:4 Dasmer, ese le tababu gebgeb mokakalam abele kebi uerem ike, E aule kotor baselaia ge.
MAT 18:5 Ese nerute lo egaret abele kebile mokakalam kara nei ge, E kari nagaret.
MAT 18:6 Ese nerute le dedkoli nerute uiabim kebi kale kari oituli, debele abele le didibari etatimir au baker abara pereg, a gurim batimed au muimui karem ge.
MAT 18:7 Uaiai abele gesep ge gaire lu dedkoli! abelelam mena tabarki gaire lu dedkoli; epe uaiai abim le dedkoli tonar!
MAT 18:8 Ese mara tag mari nadkoli pako mara teter, debele ma isimi adem batauered; debele ma bao abele eded mara tag kebikebi nako ibibi, au adud mari batauered abele ur asam kak neis tag a neis teter.
MAT 18:9 Ese mara pone mari nadkoli, ma dekeamur adem batauered; debele ma bao abele eded a netat pone, au adud mari batauered abele ur genaim a neis pone.
MAT 18:10 Uaba nole dedkoli nerute uiaba ike kebi kale; abelelam kaka uabi detager, Uiaba angela dali kotor ge ner kak uiaba dasmered kara Aba ra op dali kotor ge.
MAT 18:11 Abelelam Le la Uerem tabarki a uerkab abele le badimirid.
MAT 18:12 Nako uaba dikiapor? ese le nagri handed mamoe, ese netat mamoe badimirid, nako nole dikaer paser ge nainete naine mamoe, a E bakeam deraimer abele netat mamoe badimirid?
MAT 18:13 Ese E erdali, ageakar kaka uabi detager, E aukase sererege abele, a kebikebi abele nainete naine nole adimir kak.
MAT 18:14 Mokakalam uaba Aba dali kotor ge, nole lakak nerute uiaba ike kebi kale ko abi.
MAT 18:15 Ese mara le mari nadkoli, ma bakeam a abi baraditug uaba neis le tepteb: ese E mari asoli, ma emetu erpei mabara le.
MAT 18:16 Ese nole mari asoli, ma bakeam tais nerute le nako neis le, iaueakai ageakarem neis le la mer, pako neis netat le.
MAT 18:17 Ese E nole asoli uiaba neis le, ma abi etomeret abele ekalesia: ese E nole asoli abele ekalesia, ma abi dikiapor mokakalam kupikupi le, pako telona le.
MAT 18:18 Ageakar kaka uabi daratagerare, Gaire lu uridili uaba didibare abele geseb ge, a ko didibare abele kotor ge: a gaire lu uridili ua ko detue abele geseb ge, a ko detue abele kotor ge.
MAT 18:19 Kaka uabi ko daratagerare, Ese uaba neis le abele geseb ge netate dikiapor nerute lu ko abi damsare kara Aba kotor ge, E ikeli abkoreb neis le la lag.
MAT 18:20 Abelelam abele uteb etami neis le pako neis netat le kara nei ge, kaka uiabi kemem.
MAT 18:21 Ege Peteru abim tabakeam, kega, Opole ae, naket kerker kara le kari nadkoli, a kaka mena abi omare? nako sefen kerker?
MAT 18:22 Ege Iesu abi detager, kega, Kaka nole mari detager, Sefen kerker; epe Sefente sefen.
MAT 18:23 Abele tonar kotor baselaia abkoreb nerute opole, E dikiapor deraimer tabara lu gaire abara memeg le giz.
MAT 18:24 E ditimed mer atager, E tegared nerute memeg le nagri abara talen ten thausan.
MAT 18:25 E umer kak erdali lu abi bodomalam abkoreb; abara opole uiabi detager, Ais bodomalam abele le, pako abara kosker, a gaire abara omasker giz, pako abara lu uridili, iaueakai nagri lu kari bodomalam.
MAT 18:26 Ege abele memeg le abim etkobeilu a esorgilu, kega, Opole ae, ma mena kari omare, kaka keubu ko bodomalam mara lu uridili.
MAT 18:27 Ege abele Opole au nasenase tabara memeg le, E no namarid abara mani nole bodom kak.
MAT 18:28 Abele memeg le bakeam, E erdali nerute abara kaimeg memeg le E nagri abara handed denari; E abi erpei, a ko erpei abara pereg, a abim kega, Ma kari bodomalam kara lu mari dog.
MAT 18:29 Ege abele kaimeg memeg le abim etkobei abara teter ge, a abi damos, kega, Ma kari omare, kaka keubu ko bodomalam mara lu uridili.
MAT 18:30 Epe E umer kak, a ko bakeam abi taisili audubare meta ge, mena bodomalam gaire lu eseamud.
MAT 18:31 Uader abara kaimeg memeg le giz erdali gaire lu E ikeli, uiaba an uekueku, uiaba bakeuare, a natomertare uiaba opole gaire lu uridili E ikeli.
MAT 18:32 Abara opole abi dabgiri, a abim detager, kega, Abele adud memeg le ae, kaka mari omare, kaka no mari namarid nole bodom kak gaire kara lu mari dog:
MAT 18:33 Nako ma nole omare kak mabara kaimeg memeg le, mokakalam kaka mari omare?
MAT 18:34 Ege abara opole au uekueku, E abi namarid uader le abi dedkoed, mena eseamud bodomalam gaire lu uridili.
MAT 18:35 Mokakalam kara Aba kotor ge E ikeli uabim abkoreb, ese uaba nole tababu omare uaba nerkep kemerkemer uaba le giz uabi dedkoeda.
MAT 19:1 Ege Iesu eseamulu uader abara mer, ege E dikaelu Galilaia, a bosi Iudaia sep ge apek Ioridano.
MAT 19:2 Gaire lekub abim irmilare; epe E uiaba nadgirare abele uteb ge.
MAT 19:3 Ege gaire Faresaio giz abim tabakeuare, a uiaba abi mirem, kega, Nako gelar nagri nerute le dituaki abara kosker a gaire luglam?
MAT 19:4 Ege E uiabi etkalu, kega, Nako uaba nole etage, abele le detagem le gizlam, E ikeli neis le kimiar pako kosker,
MAT 19:5 E uiabi detager, Abele lu kimiar dekaerti abara aba pako abara apu, a abara kosker ekpi; iaueakai neis le netat gem?
MAT 19:6 Peike nole ko neis le, epe neis le netat gem. Dasmer, uader le Ade daratkaprida, nole le atakeamur kak.
MAT 19:7 Ege uiaba abim daratagerare, Nalugem Mose de mer tigri ko ikuar abele jauali kosker abi dituaki?
MAT 19:8 Ege E uiabi detager, Ege uaba nerkepu au kelarkelar, abelelam Mose uabi ikuar ko dituaki uaba kosker; epe nole mokakalam gizlam.
MAT 19:9 Kakanali uabi detager, kega, Ese le dituaki tabara kosker a nole ko kak, a ko ispi nerute kosker, E kogem; ese le ispi abele amuam kosker, E dali kogem.
MAT 19:10 Ege abara kaimeg giz abim daratagerare, Ese tonar abkoreb kimiar a kosker, debele nole ispili kak.
MAT 19:11 E uiabi detager, Umer kak gaire le uridili egaret abele mer, a uader le tepteb abkoreb ikuar.
MAT 19:12 Abelelam uader eunuka umele kebi ueremlam, a uader eunuka uiaba tababu eunukaem abele kotor baselaialam. Ese le umele egaret, debele E egaret.
MAT 19:13 Ege egardare abim gaire kebile giz, iaueakai abara tag dikmerik uiaba tum ge, a esorerapare, ege abara kaimeg giz uiaba daraisumdarare.
MAT 19:14 Ege Iesu uiabi detager, Nole aisumdar kak, karim tabakeuare: abelelam uiaba ike abkoreb mokakalam kotor baselaia ge.
MAT 19:15 E uiabi dikmerik abara tag, ege E adem bakeam abele utebelam.
MAT 19:16 Dasmer, nerute le abim tabakeam, kega, Debe merkem ae, nalu debe lu kaka ikeli, iaueakai kaka nagri eded aseamur kak?
MAT 19:17 E abim etkalu, Nalu ma kari babeid kaka debele? nole nerute le debele, epe Ade tepteb: ese ma lagelag eded, ma mamor asesered gaire gelar giz.
MAT 19:18 E abim detaut, Nade? Ege Iesu abim etkalu, kega, Ma nole le ipiti eumilu, Ma nole eruam, Ma nole bes ageakarem,
MAT 19:19 Ma mamor omare mabi abera a apuera; Ma ko abi omare abele le emeri mai kes, mokakalam ma omare marim.
MAT 19:20 Ege abele makeriam abim detaut, Ka umele asesered gaire lu uridili kebi ueremlam; a nalu lu kaier kaka nole ikeli?
MAT 19:21 Iesu abim detager, Ese ma lagelag debele kemerkemer, mara tonar ma bakeam a ko terapei gaire mara lu, ma uiabi nakuarare gaire lu kak le, iaueakai mara lu nagri kotor ge gaire debe lu giz, a ma tabakeam, kari narmili.
MAT 19:22 Ege abele makeriam asoli abele mer, E adem bakeam au okasosok; abelelam gaire abara lu.
MAT 19:23 Iesu detager abara kaimeg giz, Ageakar kaka uabi detager, Au beber lu giz ra apu a bao kotor baselaia ge.
MAT 19:24 Kaka uabi detager, Kamela umele bao abele nila neb ge, epe lu giz ra apu umer kak erdali Ade ra baselaia.
MAT 19:25 Abara kaimeg giz aserare, a uiaba aukase damred, a uiaba mer, kega, Ese mokakalam, nete le umele eded?
MAT 19:26 Iesu uiabi dasmer, a uiabi detager, Le giz umer kak abele lu; epe Ade umele gaire lu uridili.
MAT 19:27 Ege Peteru de abim detaut, kega, Dasmer, keriba dikaer gaire lu uridili, a keriba mari narmili; nalu keriba lu nagri?
MAT 19:28 Ege Iesu uiaba detager, Ageakar kaka uabi detager, Uaba kari narmili, ese Le la Uerem egimuru taba opole bao ge a zorom ge, abele ko ditimedlu, a uaba ko bagiri opole bao ge tuelf, a mer atager Isaraela ra nosik tuelf.
MAT 19:29 Ese nerute le dikaer meta, pako keimer giz, a berbet giz, pako aba, a apu, pako kosker, a omasker giz, a ged giz, kara neilam, E nagri dordor gaire lu mokakalam netate handed, a ko nagri eded aseamur kak.
MAT 19:30 A gaire le kekiam, a ko keubu; a uader le keubu, a ko kekiam.
MAT 20:1 Abelelam kotor baselaia abkoreb nerute tarim le, kebi gerger E bakeam a mer atager uader le ikeli abara uina gedub, a ko uiabi bodomalam.
MAT 20:2 E uiabi detager uader le dorge ikerare netate gerger a netate denari, E uiabi namarkare abara uina gedub.
MAT 20:3 Abele thri haua ge, E bakeam a ko erdali uader le bako abele zekur uteb, a nole dorge kak;
MAT 20:4 E uiabi detager, Ua ko bakeuare abele uina gedub, a kaka uabi daisuerare lu abkoreb. Ege uiaba ko bakeuare.
MAT 20:5 E ko bakeam abele sikis haua ge, pako nain haua, E ko ikeli mokakalam.
MAT 20:6 Abele ten haua, pako eleuen E ko bakeam, E ko erdali uader le bako a nole dorge kak; E uiabi detager, Nalugem uaba bako ike abele gerger kemerkemer, a nole dorge kak?
MAT 20:7 A uiaba abi detagerare, Nole le keribi detager. E uiabi detager, Ua ko bakeuare abele uina gedub, a uaba nagri lu abkoreb.
MAT 20:8 Ege kikem tabarki, abele tarim le abara uina gedub E detager abara sirdam memeg le, Dabgerare gaire gedub le, ma uiaba nakuarare uiaba bodomalam, ditimedilu keubu le ge, a bakedilu kekiam le ge.
MAT 20:9 Uiaba tabakeuare uader le ditimedilu abele ten haua, pako eleuen haua ge, uiaba nagri netate denari.
MAT 20:10 Ege kekiam le tabarkare, a uiaba dikiaporare uiaba lu aule nagri; a uiaba netate denari ko daragri.
MAT 20:11 Uiaba erdarare abele, uiaba mude mer darameare abele tarim le,
MAT 20:12 Kega, Netate abele haua ge uiaba keubu le dorge, a ma abkoreb uiaba lu keriba lu, keriba au asiasi abele dorgelam, pako abele gereger au urueri.
MAT 20:13 E detager abele nerute uiabielam a abi kega, Makanali, nole kara adud tonar marim; nako meriba nole mer atager abele netate denari?
MAT 20:14 Ma ekao mabara lu, ma bakeam; kara dikiapor peike kaka ko ikuar keubu le, mokakalam kaka mari ikuar.
MAT 20:15 Nako kaka nole karbabu sirdam karbara lu? Nako ma kari op ausiausi kara nase marim?
MAT 20:16 Mokakalam uader le kekiam a ko keubu, a uader keubu le a ko kekiam. Abelelam gaire le uridili aserare, a neis le mamor epei.
MAT 20:17 Iesu ogi bakeam Ierusalemaem, E ais abara kaimeg giz tuelf le, abele gab ge uiaba tepteb, E uiabi kega,
MAT 20:18 Dasmer, meriba ogi Ierusalemaem; a ko namarid Le la Uerem abele au zogozogo le giz pako aotale giz; uiaba abi dedkoare a ko eumilu,
MAT 20:19 Uiaba abi namarid uiabim gaire nogle, iaueakai uiaba abi neg degarare, pako damerik, a ko abi satauroem: E ko eded akaida thri gerger.
MAT 20:20 Ege abi tabaruk uiaba apu Zebedaio ra uerem okakis abara neis kimiar uerem, a abi etkobeilu, a damosdare nerute lu.
MAT 20:21 E abim detager, kega, Nalu lu ma laglag? E abim detaut, Ma uiabi daratager neis kara uerem emeri mari dog, nerute le mara tuter pek, a nerute le mar ber pek, mara baselaia ge.
MAT 20:22 Ege Iesu etkalu, a uiabi kega, Uaba umer kak abele lu ua kari namosi. Nako uaba umele ereli abele tanelu kaka are, a ko bapatiso abele kari bapatiso ge? A neis le abim kega, Keriba umele.
MAT 20:23 E uiabi daratager, Uaba ereli kara tanelu, a ko bapataiso kara bapatiso; epe abele le emeri kara tuter pek, pako kara ber pek, nole kara dorge abi ikuar, a uader le kara Aba nakuarare abkoreb uiaba emetu derser.
MAT 20:24 Uiaba ten le aserare, uiaba nerkep au uekueku abele neis le.
MAT 20:25 Ege Iesu uiaba dabgerare, E uiabim kega, Ua umele gaire nogle uiaba tarim le nagri E uiabi asesered, a uader aule uiabi tumge E uiabi sirdam.
MAT 20:26 Uaba nole mokakalam; ese le uaba lagelag aule, debele E uaba memeg le;
MAT 20:27 Ese le uaba lagelag esaimer, E uaba sorge ekase;
MAT 20:28 Mokakalam Le la Uerem nole tabarki memeg le taraisare, a E uiaba memeg le, a ko ikuar abara eded bodomalam gaire le giz.
MAT 20:29 Uiaba osmed Ierikolam, gaire le lakub abi irmilare.
MAT 20:30 Dasmer, neis le pone asadamer emrilei abele gab ge, a uiaba aserei Iesu tabakeam, uiaba ereretikri, kega, Opole ae, Dauida ra uerem, ma keribi omare.
MAT 20:31 Ege gaire le lakub uiabi daraisumdarare: epe neis le au ereretikri, kega, Opole ae, Dauida ra uerem, ma keribi omare.
MAT 20:32 Ege Iesu ekueilu, a darabgere neis le, E uiabi kega, Nalu lu uaba lagelag kaka uabim ikeli?
MAT 20:33 A ui ge abi detagerei, Opole ae, keriba pone bakaerti.
MAT 20:34 Ege Iesu au nasenase, a natutilu uiaba pone: ege sobkak ui ge pone bakaerti, a ui ge abi irmilei.
MAT 21:1 Uiaba maike Ierusalema, a bosi Bethefage, abele Oliua paser, ege Iesu namariklu neis tabara kaimeg giz,
MAT 21:2 A kega, Ua bakeamlam abele uteb uaba opem, ege uaba sobkak erdali abele asina didbarda, abara uerem okakis: a uaba uiaba detue, a karim tegared.
MAT 21:3 Ese nerute le uabi nerute mer detager, a uaba abi detager, Opole lagelag; E sobkak uabi ikuar.
MAT 21:4 Epe gaire lu uridili ikerare, iaueakai bakedilu abele perofeta ra mer, kega,
MAT 21:5 Uaba abi detagerare Siona ra neur uerem, Dasmer, mara Opole marim tabarki, E gebegeb tonar, E egimulu abele asina, a abara uerem ko.
MAT 21:6 Ege neis abara kaimeg giz bekeamulei, a ko ikeli mokakalam Iesu uiabim mer tigri;
MAT 21:7 Ui ge dagaretlei abele asina pako abara uerem, a uiaba am uali dikmerikare abi sor ge, a Iesu ko egimulu.
MAT 21:8 Abele gaire le lakub uiaba am uali esegarare abele gab ge, a uader le isemar lu tam, a esegarare abele gab ge.
MAT 21:9 Abele gaire le lakub uader le kekiam pako uader le irmili, a uiaba ereretikri, kega, Hosana abele Dauida ra Uerem: Mapodan le tabarki Opole ra nei, Hosana gaire lu tumge.
MAT 21:10 E bosi Ierusalema, abele uteb uridili boro, a mer kega, Nete le dali?
MAT 21:11 Ege le lakub uiaba kega, Abele Iesu ike, Nazareta perofeta, Galilaialam.
MAT 21:12 Iesu bao Ade ra zogo meta ge, E namuare uridili adige gaire le lu terarpeirare abele zogo meta ge, a erasigilu laulau uader le mani bodomalam, pako sik uader le dibadib bodomalam;
MAT 21:13 E uiabim detager, Emetu detali, Kara meta nei atker esorerapare meta; a uaba ikerare mokakalam baker kur ge eruam le giz.
MAT 21:14 Ege abim tabakeuare abele zogo meta ge, uader le pone asamasam, pako uader le ibibi; E uiabi nadgirare.
MAT 21:15 Gaire au zogozogo le giz pako aotale giz a uiaba erdali abara adigir E ikeli, a kebile giz ereretikri abele zogo meta, kega, Hosana abele Dauida ra Uerem; ege uiaba au uekueku,
MAT 21:16 Ege uiaba abim kega, Nako ma asoli uiaba mer? Ege Iesu uiabi etkalu, Uao; nako uaba nole atager kak, Ma derser uedakiriare gaire sursur uerem giz uiaba telam, pako nano uerem giz?
MAT 21:17 E uiabi dikaer, a bakeam abele uteblam Bethania tabarki, a emrilu.
MAT 21:18 Abele kebi gerger E iako takomeda abele utebim, E uererege.
MAT 21:19 E dasmer nerute suke abele gab ge, E tabarki, a erdali a nole lu kak abi dog, no lam tepteb; E abim kega, Ma nole ko omeid mara turum niai karem. Epe abele suke sobkak uatuet.
MAT 21:20 Abara kaimeg giz uiaba erdali a uiaba abi damerare, a mer kega, Nako abele suke ike keserkeser ekeamud?
MAT 21:21 A Iesu uiabi detager, kega, Ageakar kaka uabi detager, Ese uaba oituli, a nole asared kak, uaba ko ikerare nole abele lu suke tepteb, epe ese uaba detagerare abele paser, Ma agisi ma ko bataueret abele gur ge, E umele bakeam.
MAT 21:22 Gaire lu uridili uaba karim damosare abele esoreraparlam, a oaturlam nagri, uaba ko nagri.
MAT 21:23 E balu abele zogo meta, a ereuerem, E abim tabakeuare au zogozogo le giz pako aule giz abele ged ge, a uiaba mer, kega, Nalu abele sirdam ma ikeli gaire lu? Nete le marim ikuar abele sirdam?
MAT 21:24 Ege Iesu uiabim etkalu, kega, Kaka uabi itimer netat mer, ese uaba kari etomeret, a kaka ko uabi etomeret abele sirdam gaire lu kaka ikeli.
MAT 21:25 Nako Ioane ra bapataiso nagelam? nako kotorlam, nako lelam? Ege uiaba mer atager, kega, Ese meriba daratager, kega, Kotorlam; ege E meribim detager, Nalugelam uaba nole oatur kak abim?
MAT 21:26 Ese meriba abi detagerare, Lelam; meriba geum gaire le lakub; abelelam uiaba uridili dikiaporare Ioane E perofeta.
MAT 21:27 Ege uiaba Iesuim etkalu, kega, Keriba umer kak. E uiabim detager, Kaka umer kak uabi etomeret abele sirdam kaka ikeli gaire lu uridili.
MAT 21:28 Nako uaba dikiapor? Nerute le neis abara uerem; E bakeam abele narbet uerem, a abim kega, Makanali ma bakeam peirdi abele gerger kara uina gedub dorge ikeli.
MAT 21:29 Ege E abim etkalu, kega, Kaka nole lakak; keubu ko obazgeda, E bakeam.
MAT 21:30 E ko bakeam nerute uerem, a abara netat mer mokakalam, Ege E abim etkalu, kega, Opole ae, Kaka umele bakeam; epe no mer, a nole bakeam.
MAT 21:31 Nete le neis uerem ikeli taba aba ra lag? Ege uiaba abim kega, Narbet uerem. Ege Iesu uiabim etkalu, Ageakar kaka uabi detager, Kekiam telona giz pako gab kosker giz abele Ade ra baselaia ge bardare, a uaba keubu.
MAT 21:32 Abelelam Ioane kekiam uabim tabarki barkak tonar ra gab, ege uaba nole abi oatur kak; ege gaire telona giz pako gab kosker giz abi egardare; a uaba umele erdali, a uaba nole keubu obazged, ueakai abim oituli.
MAT 21:33 Uaba aserare nerute mer babisdarie: Nerute tarim le, E ikeli tabara uina gedub, E kar dirumed, a daiui abele uteb uina detager, a ko ikeli au kar, E uiabim nakuarare gaire uina gedub le, E bakeam muriz gedim.
MAT 21:34 Maike nur abi, E uiabim namarkare abara memeg le giz uiaba uina gedub le, ko taraisare gaire uina turum.
MAT 21:35 Ege uiaba gaire uina gedub le erpeirare abara memeg le giz, uiaba damarka nerute, a ipit eumilu nerute, a nerute le uiaba baker erborare.
MAT 21:36 E uader memeg le ko namarkare gaire le keubu, mokakalam a neis neis memeg le kekiam: a uiaba ko dedkolare uiabim.
MAT 21:37 Epe keubu E namarid tabara uerem uiabim, E dikiapor, kega, Uiaba geum kara uerem.
MAT 21:38 A gaire uina gedub le uiaba erdali abara uerem, ege uiaba mer atager, Abara kesem peike; tabakeuare meriba abi ipit eumilu, iaueakai meriba ais abara ged.
MAT 21:39 Ege uiaba abi erpeirare a ko batauerd adige uina gedublam, epe uiaba abi ipitare eumilu.
MAT 21:40 Dasmer, ese opole tabarki, E ged kem le, nalu lu ikeli uiabim gaire uina gedub le?
MAT 21:41 Ege uiaba abi detagerare, E aukase narsare gaire le adud tonar, E ko nakuarare abele uina gedub uader le ko dorge ikerare, a uiaba abi ikuarare turum gaire urut.
MAT 21:42 Iesu uiabi detager, Nako uaba nole etag abele jauali zogo, Abele baker gaire meta tonar le desauersili, a dikri, a mena ko ikeli kop tumge; abele lu Opole ikeli, meriba dasmerare, a abi damreda?
MAT 21:43 Abelelam kaka uabi detager, Ade ra baselaia ais adem uabielam, a ko nakuar nerute ged, ueakai tais abara turum.
MAT 21:44 Ese le abi tumgeabele baker abara lidi erpei: epe abele le baker abi tumge, E mogmog a diskimir.
MAT 21:45 Au zogozogo le giz pako Faresaio giz aserare abara mer babisdarie, a uiaba opasereret uiabielam Iesu detager.
MAT 21:46 Ege uiaba lagelag abi erpeirare, a uiaba geum lekublam, abelelam uiaba dikiaporare E perofeta dali.
MAT 22:1 Ege Iesu ko etomeret uader mer babisdarie uiabim, kega,
MAT 22:2 Kotor baselaia abkoreb nerute opole, E derser leuer sererege tabara uerem,
MAT 22:3 E namarkare tabara memeg le uiabim gaire le emetu aserare abele mer tigri, Ua tabakeuare leuer aroem; a uiaba nole lakak tabakeuare.
MAT 22:4 E ko namarkare uader abara memeg le, a mer kega, Dasmer, kaka emetu derser gaire leuer; kara kau emetu ipitare, a gaire ebur debe kemkem narsare, kaka emetu derser gaire lu uridili, ua tabakeuare leuer aroem.
MAT 22:5 A uiaba baokarid, a uiaba keubu bamarkare, nerute le tabara ged, a nerute le tabara lu bodomalam;
MAT 22:6 A uader le uiaba erpeirare abara memeg le, a uiaba dedkolare, pako ipit eumilu.
MAT 22:7 Abele opole asoli E au urker, E uiabi namarkare gaire tabara ares le, uiaba narsare gaire le dedkolare abara memeg le, a ko digeare uiaba uteb.
MAT 22:8 E uiabim detager tabara memeg le, Emetu derser leuer, a nole abkoreb uiaba le emetu mer namarid.
MAT 22:9 Dasmer, uaba bakeuare gaire au gab, a gaire le uridili uaba erdali, uaba etomeret abele leuer.
MAT 22:10 Ege abara memeg le tabakeuare gaire au gab, a uiaba etami uader le, adud a uader le debele; abele leuer uteb mitkar lelam, uiaba eidi leuer eroare.
MAT 22:11 Abele opole tabalu abele meta, E uiabi dasmer uiaba eidi leuer eroare, E erdali nerute le nole nagri am uali abkoreb leuer aro am uali;
MAT 22:12 E abim detaut, Makanali ae, nalugelam ma tabakeam badare abele meta, ma nole nagri abele leuer aro am uali? Ege E nole mer kak.
MAT 22:13 Abele opole abi detager tabara memeg le, Uaba didbare abara teter pako abara tag, abi ais batauered adige abele kupikup ge; nagri au ebazuer pako abele tereg ikupamaretlare.
MAT 22:14 Abelelam uader le no aserare, a neis neis le mamor irmilare.
MAT 22:15 Ege Faresaio giz tabakeuare, a uiaba mer atager, Nalu lu meriba abi mirem abi merlam?
MAT 22:16 A uiaba namarkare abim uiaba kaimeg giz kemem pako Herodiano giz, abi kega, Ereuer le ae, keriba umele ma le ageakar, mama ereuerem Ade ra gab pako ageakar, ma nole geum nerute le: abelelam ma nole dikiapore nerute le.
MAT 22:17 Dasmer, ma keribi etomeret, Nako ma dikiapor? Abkoreb ko ikuar Kaisaraim zegu lu, a nole?
MAT 22:18 Iesu opasereret uiaba nerkep adud, a uiabi kega, Uaba bes le giz, nalugelam uaba kari mirem?
MAT 22:19 Kari natomertare mani abele zegu lu. Ege uiaba abi ikuar nerute denari.
MAT 22:20 E uiabi detager, Nete ra op abele, pako abele jauali?
MAT 22:21 A uiaba abi detagerare, Kaisara ra op. Ege E uiabi detager, Dasmer, Kaisara ra lu Kaisaraim ikuar; Ade ra lu Adim ikuar.
MAT 22:22 Uiaba aserare, epe uiaba au kase damereda, a uiaba abi dikaer, a adem bakeuare.
MAT 22:23 Peike abele kerker Sadukaio giz abim tabakeuare, uiaba dikiaporare nole le ko eded akaid eudelam: uiaba abi itimerare,
MAT 22:24 Kega, Ereuer le ae, Mose keribi mer tigri, Ese eumilu nerute le, a nole uerem kak, abara keimer ko ispi abara kosker, iaueakai nagri kusi abi keimerlam.
MAT 22:25 Keribi dog emri sefen gaire uerem: a narbet uerem ispi abara kosker, E eumilu a nole uerem kak, abara keimer ko ispi abara kosker:
MAT 22:26 Mokakalam nerute keimer, mena bakedida sefen le giz.
MAT 22:27 Abele kosker keubu eumilu.
MAT 22:28 Dasmer, ese keubu gerger tabarki, nete le uiabielam ais abele kosker? abelelam uiaba kosker uridili.
MAT 22:29 Ege Iesu etkalu uiabim, kega, Uaba didmirik, abelelam uaba asmer kak abele jauali zogo, pako Ade ra adigir.
MAT 22:30 Abelelam keubu gerger tabarki uiaba ko eded akaida eudlam, nole kosker aspili kak, a nole kimiar aspili kak, uiaba mokakalam Ade ra angela giz kotor ge.
MAT 22:31 Abele ko eded akaida eudlam, nako uaba nole atager kak Ade ra mer uabim, kega,
MAT 22:32 Kaka Aberahama ra Ade, a Isaaka ra Ade, a Iakobo ra Ade? Abele Ade nole eud le giz ra Ade, epe mamor eded le giz.
MAT 22:33 Gaire lekub aserare, ege uiaba abi damreda abara giz merlam.
MAT 22:34 Gaire Faresaio giz aserare Sadukaio le nole abi mer kak, ege uiaba etamiare abele uteb ge.
MAT 22:35 Ege nerute uiaba gelar ereuer le, abi itimer mirem kega,
MAT 22:36 Ereuer le ae, na gelar aule?
MAT 22:37 Ege Iesu abi etkalu, Ma abi omare abele Opole mara Ade mara nerkep kemerkemer, a mara lamar kemerkemer, a mara akiapor kemerkemer.
MAT 22:38 Abele gelar kekiam, pako aule.
MAT 22:39 Mokakalam abara neisem, Ma abi omare abele le emri mai kesi, mokakalam ma omare mabu.
MAT 22:40 Peike neis gelar giz abele gelar uridili, pako abele gaire perofeta giz.
MAT 22:41 Faresaio giz netate gedim, ege Iesu de uiabi nautumerare,
MAT 22:42 Kega, Nako uaba dikiaporare abele Keriso? nete ra uerem? Ege uiabi abi detagerare, Dauida ra Uerem.
MAT 22:43 E uiabi detager, Dasmer, Nako Dauida nei atker Lamarlam, E abara Opole, kega,
MAT 22:44 Abele Opele abi detager kara Opole, Ma emri kara tuter tag, mena kaka ikeli uader le marim kurabkurab mokakalam lu detager mara teter?
MAT 22:45 Dasmer, ese Dauida E nei atker Opole, a nalugelam E ko nei atker abara uerem?
MAT 22:46 Ege nole nerute le umele abim etkalu, a ditimedlu abele gerger nole nerute le ko saserim itimer abim nerute lu.
MAT 23:1 Ege Iesu detager gaire le lakub, pako abara kaimeg giz,
MAT 23:2 Kega, Aotale giz pako Faresaio giz bakiri Mose ra bas.
MAT 23:3 Peike uaba mamor asarare a uaba ikerare lu uridili uiaba daratagerare, mamor asarare: epe uaba nole ereuerem uiaba tonar giz; abelelam uiaba no mer detaut, a umer kak ikerare abkoreb.
MAT 23:4 Abelelam uiaba didbare au lu beber uiaba dikemerik le giz uiaba tabo ge; ege uiaba umer kak uiaba kebi kei etadmir.
MAT 23:5 Gaire uiaba dorge uridili ikerare, iaueakai le giz uiabi darasmerare: uiaba ikerare au filakteri, pako ko au sisero uiaba am uali,
MAT 23:6 Uiaba au sererege eidi abele aule ra uteb leuer ero, pako aule ra bao sunago ge,
MAT 23:7 Pako gaire le uiabi nasege segur uteb ge, a gaire le giz uiaba nei natkerauem, Rabi ae, Rabi ae.
MAT 23:8 Ege uaba nole nei atker Rabi; abelelam netate uaba Ereuer le, abele Keriso idali, a uaba uridili keimer giz.
MAT 23:9 Uaba nole nerute le geseb ge nei atker uaba aba; abelelam netate uaba Baba, penoka dali kotor ge.
MAT 23:10 Uaba nole nei atker ereuer le, abelelam netate uaba Ereuer le, Keriso idali.
MAT 23:11 Epe abele le aule uabim, E uabim memeg le.
MAT 23:12 Ese nerute le tababu babei E aule, E ekekeli; Ese nerute le E tababu gebgeb, E bataili uiabim tumge uridili.
MAT 23:13 Uaiai uaba aotale pako Faresaio, bes le giz! abelelam uaba dimi abele kotor baselaia lelam; abelelam uaba umer kak barot, a uaba ko daraisumdarare uader le barota.
MAT 23:14 Uaiai uaba aotale pako Faresaio, bes le giz! abelelam uaba ais eseamulu mai kosker uiaba meta, a uaba esorerapare au pereper ikerare ispilu; abele lulam Ade ra urker aule uabi tumge.
MAT 23:15 Uaiai uaba aotale pako Faresaio, bes le giz! abelelam uaba deraueili gur ge pako sep ge iaueakai uaba nagri nerute le uaba esorerapare; ese uaba erpei, a uaba ikerare Gena ra le E au adud uabielam.
MAT 23:16 Uaiai uaba datkimuar sadamer le, a uaba mer, Ese le iskosi abele zogo meta nolea kar, epe le iskosi abele zogo meta ra golo, niaiem peike!
MAT 23:17 Le giz paim ae, pako sadamer; abelelam nade aule, nako abele golo, pako abele zogo meta zogoem abele golo?
MAT 23:18 A nerute, Ese le iskosi abele zegu lu bao, nolea kar; epe abele iskosi abele zegu lu abi tumge, niaiem peike.
MAT 23:19 Le giz paim ae, pako sadamer; abelelam nade lu aule, nako zegu lu, nako bao ge zogoem abele zegu lu?
MAT 23:20 Dasmer, abele le iskosi abele bao zegu lu, E iskosi gaire lu uridili abi tumge.
MAT 23:21 Abele le iskosi abele zogo meta, E abi iskosi, pako le emeri muige abele zogo meta.
MAT 23:22 Abele le iskosi abele kotor ge, E iskosi Ade ra bao, pako le abi dog egimulu.
MAT 23:23 Uaiai uaba aotale pako Faresaio, bes le giz! uaba ikuar kebi lu abele mili pako abele aneto pako abele kumina, a gaire au lu uaba ispilu abele gelarlam, abele barkak tonar, pako abele omare, pako abele oituli: abkoreb ikelare lu ike, a nole dikaer lu peike.
MAT 23:24 Uaba datkimuar sadamer le, uaba dirimid abele lag, a mamor irusere kemerkemer abele kamela.
MAT 23:25 Uaiai uaba aotale pako Faresaio, bes le giz! uaba dirup abele tanelu ge ra sor pako abele kumeti, epe muige mitkar lu itike pako abele adud tonar giz.
MAT 23:26 Mama le Faresaio sadamer, mama kekiam dirup muige abele tanelu ge pako abele kumeti, iaueakai ogo kak kemerkemer abele sor ge.
MAT 23:27 Uaiai uaba aotale pako Faresaio, bes le giz! abelelam uaba mokakalam ao giz, adige au kakekake, debele le dasmer, epe muige mitkar eud le la lid, pako gaire adud lu uridili.
MAT 23:28 Mokakalam uaba, adige mokakalam barkak tonar le ise gaire le ra opem, epe muige uaba au mitkar abele bes mer pako abele tonar barbar.
MAT 23:29 Uaiai uaba aotale pako Faresaio, bes le giz! abelelam uaba emoare gaire perofeta uiaba ao, a ko deiriem uiaba ao le barkak tonar giz,
MAT 23:30 A uaba mer kega, Ese keriba abi dog emri abele kerker keriba aba giz emeret, umer kak keriba okakis uiaba narsare perofeta giz.
MAT 23:31 Peike abele mer uabu etomeret uabim, uaba omasker gaire le giz narsare gaire perofeta giz.
MAT 23:32 A uaba ko mitkar abele tonar lu uaba aba giz lam.
MAT 23:33 Ege uaba tabo, tabo areg ra omasker giz, nako uaba derar abele urker Genaim?
MAT 23:34 Dasmer abele lu, kaka uabi namarida perofeta giz, pako pardali le giz, pako aotale le giz; uader le uaba narsare, pako satauroem; a uader le uaba damarika uaba sunago, pako deraimerare nerute uteb a nerute uteb;
MAT 23:35 Iaueakai bakedida uabi dog gaire le giz barkak tonar uiaba mam uabielam emetu epaitered abele geseb ge, ditimedelu Abela ra mam, le barkak tonar, a bakedilu Zakaria ra mam, abele Barakaio ra uerem, uaba ipiti eumid abele kesi zogo meta pako zegu lu bao ge.
MAT 23:36 Ageakar kaka uabi detager, Gaire lu uridili tabarki tumem abele nosik.
MAT 23:37 Ierusalema ae, Ierusalema ae, le ipitare gaire perofeta giz, pako baker erboro le giz emetu namarid marim! kaka au lagelag etami mara omasker giz, mokakalam faul akuadare abara omasker muige abara peo, epe uaba nole la kak!
MAT 23:38 Dasmer, uaba meta dikaertare a ko pisoger nagri.
MAT 23:39 Abelelam kaka uabi detager, Uaba umer kak kari dasmer, mena keubu uaba kari daratagerare, Uerkab le tabarki Opole ra nei.
MAT 24:1 Ege Iesu osmelu adem abele zogo metalam, epe abara kaimeg giz abim tabakeuare, a abi etomeret uader gaire meta giz abele zogo meta ge.
MAT 24:2 A Iesu uiabi detager, Nako uaba nole asmer kak gaire lu uridili? Ageakar kaka uabi detager, Nole nerute baker igi tumem nerute baker, iako uababuare ueseamulu.
MAT 24:3 E emri abele Oliua paser, ege abara kaimeg giz abim tabakeuare uiaba tepteb, a uiaba kega, Ma keribi detagerare, Na kerker tabarki abele gaire lu? a nalu atamelam ma tabarki, pako abele geseb ra mop?
MAT 24:4 Ege Iesu etkalu uiabim kega, Mamoro nole nerute le uabi didmirik.
MAT 24:5 Abelelam gaire le tabarki kara nei ge, kega, Kakanali abele Keriso; uiaba ko didmirik gaire le.
MAT 24:6 Uaba aserare abele barseda, pako ares ra mer; uaba nole okasosok, abelelam abkoreb bakedida peike gaire lu uridili, a nole tabarki abele mop ge.
MAT 24:7 Abelelam nerute ged bakeuare barseda nerute ged, pako nerute baselaia a nerute baselaia, iaueakai memeig tabarki pako gim gim a demali nerute uteb a nerute uteb.
MAT 24:8 Peike gaire lu uridili abele ditimeda gaire lu asiasi.
MAT 24:9 Ege uiaba uabi namarkare abele asiasi, pako uiaba uabi deres eumida; a gaire ged uridili uabi derar kara neilam.
MAT 24:10 Abele kerker gaire le asareda, nerute le mirem nerute le, a uiaba ueku uek.
MAT 24:11 A gaire perofeta bes tabarki, a uiaba didmirik gaire le.
MAT 24:12 Gaire le la nerkep gebgeb, abelelam au kale omeid abele adud tonar.
MAT 24:13 Epe abele le niaiem tekue mena bakedida mop ge, E ko eded.
MAT 24:14 A ko etomeret debe baselaia ra mer gaire ged narid, ko ikeli ageakarem gaire ged narid; iaueakai bakedilu abele mop ge tabarki.
MAT 24:15 Ese uaba erdali abele derar lu a dedkolare, mokakalam Daniela perofeta detaut, E tekue abele zogo uteb (le etage mamor dikiapor:)
MAT 24:16 Uaba Iudaia le abele kerker, uaba derar gaire paser:
MAT 24:17 Abele le meta tumge nole ko tabu bao ais nerute lu tabara metalam:
MAT 24:18 Abele le sumez ge nole ko akomeda tabara am uali ais.
MAT 24:19 Uaiai gaire kosker kem kem pako kosker uerem uerem abele kerker!
MAT 24:20 Uaba esorerapare iaueakai uaba nole derar abele zeru urut, pako abele sabath ge:
MAT 24:21 Abelelam abele kerker bakedida au asiasi, nole abkoreb ditimeda gaire lu detagem abele geseb ge bakedida, peirdi nole mokakalam keubu gerger.
MAT 24:22 Ese nole teupai abele kerker, umer kak nerute le eded: epe sobkak eseamud abele kerker uiabielam emetu depegemerdare.
MAT 24:23 Ese nerute le uabi detager abele kerker, Dasmer, Keriso ike, pako pedali; uaba nole abi asoli.
MAT 24:24 Abelelam gaire Keriso bes tabarki, pako perofeta bes, uiaba ikerare gaire au atamelam pako adigir; iaueakai didmirik uader le emetu depegemelu, ese umele.
MAT 24:25 Dasmer, kaka kekiam uabi detomerta.
MAT 24:26 Iaueakai ese uiaba uabi detager, Dasmer, E penoka sumez ge; uaba nole bakeuare abim: Dasmer, E muige uteb ge, uaba nole uiabi asoli.
MAT 24:27 Abelelam mokakalam perper bilba abele naiger pek, a ko datki abele ziai pekem; mokakalam Le la Uerem ko tabarki.
MAT 24:28 Abelelam abele uteb nagri eud le, gaire aeto abi dog.
MAT 24:29 Ese emetu eseamud abele asiasi abele kerker, ege abele lem au kupikup nole be kak, abele meb nole meb gerib kak, a uer giz nabuda abele kotorlam, kotor ge demali gaire ares lu.
MAT 24:30 Ege erdali abele kotor ge abele atamelam Le la Uerem: a gaire nosik le abele geseb ge au ebazuer, a uiaba erdali Le la Uerem tabarki gaire baz abele kotor ge, pako abele adigir a au zorom zorom.
MAT 24:31 E namarkare tabara angela giz pako abele maber au bumer, a uiaba taraisare foa uag peklam uader le emetu depegemelu, ditimeda kotor paikai a bakedilu nerute paikai.
MAT 24:32 Uaba dikiaporare abele mer babisdarie abele suke; Ese kerkar omeida abara girikupi tam, pako au lamalam; uaba umele urueri urut maike:
MAT 24:33 Mokakalam uaba, ese uaba erdali gaire lu uridili, uaba umele E maike abele gab te ge.
MAT 24:34 Ageakar kaka uabi detager, Nole eseamud abele nosik, mena bakedilu gaire lu uridili.
MAT 24:35 Eseamulu abele kotor ge, pako abele geseb ge, epe kara mer giz nole aseamur kak.
MAT 24:36 Ege abele kerker pako abele haua ge nole le asmer kak, a angela giz kotor ge nole umer kak, ege kara Aba tepteb.
MAT 24:37 Mokakalam Noa ra kerker, abkoreb Le la Uerem ko tabarki.
MAT 24:38 Abelelam mokakalam abele kerker mega ogiri nole tabarki, uiaba eroli a ereli, a uiaba kosker ispida pako namarid, bakedilu abele kerker Noa balu abele tabara nar ge,
MAT 24:39 A uiaba umer kak abele mega ogiri tabarki, a uiaba uridili ais adem eseamulu; mokakalam Le la Uerem ko tabarki.
MAT 24:40 Abele kerker neis le emri sumez ge; nerute le ais, a nerute le ikedi.
MAT 24:41 Neis kosker edatimiri abele uteb saito edatimiri; nerute kosker ais, a nerute kosker ikedi.
MAT 24:42 Peike, uaba nole ute kak, abelelam uaba umer kak na haua ge uaba Opole tabarki.
MAT 24:43 Uaba dasmer abele lu, ese tarim le ra boai umele abele haua ge eruam le tabakeam abele ki ge, E umele asesered, E nole dikaer tabara meta ko daiui.
MAT 24:44 Abele lu uaba mamor derser; abelelam abele haua ge uaba nole akiapor kak, Le la Uerem tabarki.
MAT 24:45 Nete abele ageakar memeg le pako debe akiapor, abara opole E ikosi a sirdam gaire memeg le, E uiabi ikuar uiaba leuer gaire haua abkoreb?
MAT 24:46 Uerkab abele memeg le, ese abara opole tabarki, a abi erdali mena ikeli abkoreb.
MAT 24:47 Ageakar kaka uabi detager, E abi ikosi ko sirdam abara gaire lu uridili.
MAT 24:48 Ese abele adud memeg le E tababu detager tabara nerkepu, Kara opole uapum tabakeam;
MAT 24:49 E ipit tabara kaimeg memeg le, a ko eroare pako ereli okakise uader le turtur ereli;
MAT 24:50 Abele memeg le ra opole tabarki abele gerger nole asesere kak, pako abele haua E nole asmer kak,
MAT 24:51 E au bodomalam ikuar abim, a ko abi ikuar abara uteb kemem gaire bes le giz; nagri au ebazuer pako tereg ikupamaretlare.
MAT 25:1 Abele kerker kotor baselaia abkoreb ten gaire neur, uiaba ais uiaba lamepa, a uiaba bakeuare obapit abele le kerkar kosker ispid.
MAT 25:2 A uiaba faif neur pardali nagri, a faif neur paim paim nagri.
MAT 25:3 Uader neur paim paim, no lamepa ais, a nole ide kak;
MAT 25:4 Epe uader neur pardali, uiaba tarpor ide ais kemem lamepa.
MAT 25:5 Ege au uapum tabarki abele le kerkar kosker ispili, epe uiaba uridili uteid uaepiti a ko uteid.
MAT 25:6 Eipu ki ge tabarki abele le ereretikri tabarki, Dasmer, abele le kerkar kosker ispili tabakeam, uaba bakeuare abi obapit.
MAT 25:7 Ege neur uridili bako, a derser uiaba lamepa.
MAT 25:8 Ege paim paim neur uiaba uiabi daratagerare pardali neur, Uaba keribi ikuar ide; abelelam keriba lamepa maike asameida.
MAT 25:9 Epe pardali neur uiabi etkalu, kega, Nole abkoreb keribim pako uabim; debele uaba bakeuare uader le lu terapei, ua ko bodomalam uiabim.
MAT 25:10 Uiaba bakeuare ko bodomalam, epe abele le kerkar kosker ispili tabakeam; uiaba le emetu derser uiaba barota kemem okakis abim abele leuer sererege; ege abele te dimilu.
MAT 25:11 Keubu uader neur ko tabakeuare, a uiaba kega, Opole ae, Opole ae, ma diski abele te keribim.
MAT 25:12 E uiabi etkalu, kega, Ageakar kaka uabi detager, kaka nole asmer kak uabim.
MAT 25:13 Peike, uaba nole ute kak, abelelam uaba umer kak abele gerger pako abele haua ge Le la Uerem tabarki.
MAT 25:14 Mokakalam nerute le muriz ge bakeam, E darabgerare tabara memeg le giz, E uabi ikuar abara gaire lu.
MAT 25:15 E ikuar nerute le faif talen, a nerute le neis, a nerute le netat, abkoreb abele gaire lu le umele; epe E bakeamulu.
MAT 25:16 Abele le faif talen E bakeam ko terapei, E ko nagri uader faif talen.
MAT 25:17 Mokakalam abele le nagri neis talen, E ko nagri uader neis talen.
MAT 25:18 Epe abele le nagri netat talen E bakeam a daiui abele seb, a ko ispilu abara opole ra mani.
MAT 25:19 Gaire ki ge eseamulu abele memeg le ra opole tabarki, a uiaba mer atager abi luglam.
MAT 25:20 Abele le nagri faif talen E tabakeam a ko tais uader faif talen, a abi kega, Opole ae, ma kari ikuar faif talen; dasmer, kaka ko nagri uader faif talen.
MAT 25:21 Abara opole abi detager, Au debele abele debe megmeg le ae, pako ageakar; ma ageakar abele uader kebi lu, kaka mari ikosi ko sirdam gaire au lu; ma tabakeam balu abele mara opole ra sererege.
MAT 25:22 Abele le nagri neis talen E tabakeam a abi detager, kega, Opole ae, ma kari ikuar neis talen; dasmer, kaka nagri uader neis talen.
MAT 25:23 Ege abara opole abi detager, Au debele abele debe memeg le ae, pako ageakar; ma ageakar uader kebi lu, kaka mari ikosi ko sirdam gaire au lu; ma tabakeam balu abele mara opole ra sererege.
MAT 25:24 Abele le nagri netat talen E tabakeam a abi detager, kega, Opole ae, kaka erdali mama au peper tonar le, ma ismi abele uteb ma nolea saito tigri, ma ko etami lu abele uteb ma nole depegelu:
MAT 25:25 Epe kaka au geum, a kaka bakeam ko ispilu mara talen abele seb ge; dasmer, mara lu ike.
MAT 25:26 Abara opole abi etkalu, kega, Adud memeg le ae, pako au gebgeb, ma umele kaka ismi abele uteb kaka nole saito tigri, a kaka ko etami lu abele uteb kaka nole depegelu:
MAT 25:27 Peike abkoreb, ese ma ikuar kara mani uader le mani terapei, iaueakai kaka tabakeam ko nagri kara lu pako abara bodomalam.
MAT 25:28 Dasmer, uaba tais abele talen abielam, a ko ikuar abele le nagri ten gaire talen.
MAT 25:29 Abelelam, ese le nagri lu, a ko ikuar abim lu, iaueakai au gaire lu abi dog: epe ese le nolea lu kak, debele ais adem abielam abele lu E nagri.
MAT 25:30 Uaba imud abele memeg le nole abkoreb, abele kupikupi adige, nagri au ebazuer pako tereg ikupamaretlare.
MAT 25:31 Ese Le la Uerem tabarki tabara zorom, pako zogo angela giz uridili kemem abi dog, epe E egimuru tabara bao zorom ge:
MAT 25:32 Etami abara opem gaire ged narida uridili; E nakesmulu uiabim, mokakalam le asesered mamoe, E nakesmulu nani, pako mamoe;
MAT 25:33 Ege ikedi mamoe abara tuter tag, a nani abara ber tag.
MAT 25:34 Abele Opole uiabi detager uader le abara tuter tag, Uaba tabakeuare uaba emetu kara Aba uabi ikuar debe mer, uaba uteb abele baselaia, emetu derser uabim a nole detagem abele geseb ge:
MAT 25:35 Abelelam kaka uererge, a uaba kari ikuar leuer kaka eroli; a kaka niap, a uaba kari ikuar ni kaka aree; a kaka supe le, a uaba kari egared:
MAT 25:36 Kaka nole nesur kak, a uaba kari ikuar am uali; a kaka gimgim, a uaba kari dasmer; kaka emeri abele audubare meta, a uaba tabakeuare kari dasmer.
MAT 25:37 Barkak tonar le giz uiaba etkalu, kega, Opole ae, na gerger keriba erdali ma uererege, a keriba mari asisiem? pako niap, a keriba mari ikuar ni ma ereri?
MAT 25:38 Na gerger keriba mari erdali ma supe le, a keriba mari egared? pako nole nesur kak, a keriba mari ikuar am uali?
MAT 25:39 Na gerger keriba mari erdali ma gimgim, pako ma emeri abele audubare meta ge, a keriba bakeuare mari dasmerare?
MAT 25:40 Ege Opole uiabi etkalu, kega, Ageakar kaka uabi detager, Abelelam uaba ikerare nerute le kebi kale kara keimer ike, kakanali uaba ikerare.
MAT 25:41 E uiabi detager uader le abara ber tag, Uaba le adud tonar, bakeuare adem karielam, abele ur niai karem, emetu derser abkoreb abele diabolo pako tabara angela giz:
MAT 25:42 Abelelam kaka uererege, a uaba nole kari ikuar leuer; a kaka niap, a uaba nole kari ikuar ni kaka aree:
MAT 25:43 Kaka sup le, a uaba nole kari egared; kaka nole nesur kak, a uaba nole kari ikuar am uali; kaka gimgim, kaka emeri abele audubare meta, uaba nole kari dasmer.
MAT 25:44 Ege uiaba etkalu abim, kega, Opole ae, na gerger keriba mari erdali ma uererege, pako niap, pako supe le, pako nesur kak, pako gimgim, pako emeri abele audubare meta, a keriba nole mari memege le?
MAT 25:45 E uiabim etkalu, kega, Ageakar kaka uabi daratagerare, Abelelam uaba nole ikerare nerute le kebi kale uiaba ike, epe kakanali uaba nole ikerare.
MAT 25:46 Ege uiaba bakeuare peike abele asias niai karem: epe barkak tonar le giz ko bakeuare abele eded niai karem.
MAT 26:1 Iesu eseamulu abara mer uridili, E uiabi detager tabara kaimeg giz,
MAT 26:2 Uaba umele, eseamud neis gereger abele paseka ikeli, a Le la Uerem namarid ko satauroem.
MAT 26:3 Abele kerker etami gaire zogozogo le giz, pako aotale giz, pako aule giz abgedlam abele zogo le ra meta ge, abara nei Kaiafa;
MAT 26:4 A uiaba mer atager nalu lu umele mirem erpei, pako ipitare eumilu Iesu.
MAT 26:5 A uiaba kega, Nole ikeli abele uetpur, iaueakai abele ged ataperetlam.
MAT 26:6 Iesu emri Bethania, Simona lepera ra meta,
MAT 26:7 Nerute kosker abim tabakeam nagri abele alabasa tarpor, muige abele ide debe lagelag au bodomalam, E epaitered abara kerem, a E eidi leuer aroem.
MAT 26:8 Abara kaimeg giz uiaba erdali, uiaba nerkepu au asiasi, a uiaba kega, Nalugelam abele lu dedkoli?
MAT 26:9 Abelelam, ese terapei abele ide debe lagelag, mena gaire lu bodomalam a ko nakuarare gaire lu kak le.
MAT 26:10 Iesu umele, E uiabi kega, Nalugem uaba bamsili abele kosker? abelelam E debe lu karim ikeli.
MAT 26:11 Abelelam uaba mena emri okakis gaire lu kak le, epe kakanali uabim nole niai emri.
MAT 26:12 Abelelam E epaitered abele ide debe lagelag kara gem kekiam, keubu kara etkobei.
MAT 26:13 Ageakar, kaka uabi detager, Gaire ged uridili abele geseb ge etomertare abele euangelia, a ko etomeret abele lu abele kosker ikele mena ko dikiapor abim.
MAT 26:14 Nerute le abele tuelf lelam, abara nei Iuda Isakariota, E bakeam gaire au zogozog le giz,
MAT 26:15 A uiabi kega, Nalu lu uaba kari ikuar, a kaka abi ikuar uabim? Ege uiaba abi ikuar mani thirti.
MAT 26:16 Abele gerger ge E ditimed mirem abim, na kaua umele ko abi erpei.
MAT 26:17 Abele kekiam gerger abele areto nole isi kak, abara kaimeg giz Iesuim tabakeuare, a abim kega, Nade uteb ma lagelag keriba derser ko paseka eroare?
MAT 26:18 Ege E uiabi detager, kega, Uaba bakeuare abele uteb, a nerute le uaba abi daratagerare, Abele Ereuer le mari detager, Kara mop maike; kaka ikeli abele paseka mara meta, kaka pako kara kaimeg giz.
MAT 26:19 Ege abara kaimeg giz ikerare mokakalam Iesu mer tigri, a ko derser abele paseka.
MAT 26:20 Kikem tabarki, E eidi leuer ero kemem tuelf le.
MAT 26:21 Uiaba eroare, E uiabi detager, Ageakar, kaka uabi detager, uabielam nerute le kari mirem.
MAT 26:22 A uiaba au asiasi, a uiaba ditimeda abim detagerare, Opole ae, nako kaka?
MAT 26:23 E uiabi etkalu, kega, Abele le kemem akameida abara tag, pako kara tag abele tanelu ge, E dali abele le kari mirem.
MAT 26:24 Le la Uerem bakeamulu, mokakalam detarer abim; epe abele le Le la Uerem abi mirem uaiai abele le! debele abele le nole aosmer kak.
MAT 26:25 Ege Iuda, le abi mirem, abi etkalu, kega, Rabi ae, nako kaka? E abi detager, Eko mama detager.
MAT 26:26 Uiaba eroare, Iesu ekao abele areto, a esoao, a itur; a uiabim nakuarare tabara kaimeg giz, kega, Tekao, aroem; kara gem ike.
MAT 26:27 E tanelu ekao, a esoao, a uiabim nakuarare, kega, A ui uridili areem;
MAT 26:28 Abelelam kara mam ike, abele mam kerkar gelar ko epaitered gaire le giz adem dikri le ra uite giz.
MAT 26:29 Kaka uabi detager, kega, Kaka nole aree kak abele uina turumlam, mena bakedida abele gerger kaka ko aree abele kerkar uaina uabi kemem kara Aba ra baselaia.
MAT 26:30 Uiaba emetu uedakiriare nerute ued, a uiaba Oliua paserem bakeamuda.
MAT 26:31 Ege Iesu uiabi detager, Uaba uridili ezigmada karielam abele ki ge; emetu detali, kega, Kai le mamoe asesered ipiti, epe mamoe giz kepu bamarid.
MAT 26:32 Ese kaka ko eded akaida, kaka kekiam bakeam Galilaiaem, a uaba keubu.
MAT 26:33 Epe Peteru abi detager, kega, Ese ui uridili marim ezigmada, kai nolea.
MAT 26:34 Iesu abi detager, kega, Ageakar kaka mari detager, kega, Abele ki ge, kimiar faul nole ereretikri kak, a neis netat ma kari nasared.
MAT 26:35 Peteru iako elele detager, kega, Ese kaka mari kemem naumilu, kaka nole mari asared kak. Uiaba uridili daratagered abkoreb.
MAT 26:36 Uiaba baosi kemem Iesu abele ged nei Gethesemane, E uiabi detager, tabara kaimeg giz, Uaba bamer ike, a kaka bakeam peike ko esorerapare.
MAT 26:37 E bakeuare kemem Peteru pako Zebedaio ra neis uerem, E au asiasi a ko okasosok.
MAT 26:38 E uiabi detager, Kara nerkepu au asiasi, bakedida abele eud; uaba ko bamer ike, pako kari kemem uti kak.
MAT 26:39 E kebikebi bakeam, a E etkobeilu, a esorerapare, kega, Kara Aba ae, ese umele, adem abele tanelu karielam; epe nole kara lag ikeli, mabara lag ikeli.
MAT 26:40 E ko akomed a erdali abara kaimeg giz uiaba uteid, E detager Peteruim, Nako, uaba nole saserim kari kemem uti kak abele netat haua ge?
MAT 26:41 Uaba uti kak a esorerapare, iaueakai uaba nole mirem barota; merkepu au lagelag, a gem gebegeb.
MAT 26:42 E iako bakeam, a esorerapare, kega, Kara Aba ae, ese nole umele adem abele tanelu karielam, mena kaka aree, mabara lag ikeli.
MAT 26:43 E iako akomeda a uiaba erdali ko uteid, abelelam uiaba pone au perper.
MAT 26:44 E uiabi dikaer, a ko bakeam esorerapare abele neis netat bakeam, E no netat mer detager.
MAT 26:45 E iako akomeda a erdali abara kaimeg giz, E uiabi kega, Uaba uteid, a nerbazi: dasmer, maike abele haua Le la Uerem ko abi mirem gaire uit le giz ra tag.
MAT 26:46 Bako, meriba bakeuare: dasmer, E maike abele le kari mirem.
MAT 26:47 Dasmer, E mer detaut, Iuda tabarki, nerute le tuelf lelam, E kemem gaire le lakub, pako zogozogo le giz, a aule giz abgedlam, uiaba nagri teibur aososo tulik pako gabgab.
MAT 26:48 Abele le abi mirem E uiabi etomeret nerute atamelam, kega, Abele le kaka abi eskos, E dali: uaba abi erpeirare.
MAT 26:49 E sobkak tabarki Iesuim, a abi kega, Rabi ae; a abi eskos.
MAT 26:50 Iesu abi detager, kega, Makanali, nalugem ma tabakeam? A uiaba tabakeuare a tag giz Iesui dog emarirare, a ko erpeirare.
MAT 26:51 Dasmer, nerute le Iesui dog E ekao tabara teibur aososo tulik iseda, E ipiti nerute zogozogo le giz ra memeg le abara laip ismilu.
MAT 26:52 Iesu abim detager, Mara teibur aososo tulik ko ikedi taba gedge; abelelam uiaba uridili ekao abele teibur aososo tulik, a ko eumilu abele teibur aososo tuliklam.
MAT 26:53 Nako ma dikiapor kaka nole umele damosi kara Aba ko namarkare karim gaire angela giz tumem gaire legiona tuelf?
MAT 26:54 Nako nole bakedida gaire iauali zogo, abkoreb bakedida abele gaire lu?
MAT 26:55 Peirdi abele haua kige, Iesu detager gaire le lakub, Nako uaba karim tabakeuare, gaire teibur aososo tulik, pako gabgab ko erpei mokakalam idikeda le ise? Meriba bamer abele zogo meta, kaka uabi ereuerem gaire gerger, a uaba nole kari erpei.
MAT 26:56 Gaire lu uridili ikerare, iaueakai bakedilu gaire perofeta giz uiaba iauali. Abara kaimeg giz abi dikaerti, a uiaba derar.
MAT 26:57 Uiaba Iesu erpeirare, a abi datkimuardare Kaiafaim zogo le, a gaire aotale giz le pako aule giz netate gedim.
MAT 26:58 Epe Peteru muriz ge abi irmili, zogo le ra meta tabarki, a balu a emri kemem gaire memeg le, E lagelag erdali abele mop.
MAT 26:59 Ege gaire zogo le giz pako aule giz pako gaire tarim le uridili uiaba deraimerare uader le bes ageakarem Iesuim, iaueakai uiaba abi ipitare eumilu:
MAT 26:60 Epe nole erdali; a ko tabakeuare gaire bes ageakarem, a nole ardar kak. Keubu neis le bes ageakarem tabakeamlei, a kega,
MAT 26:61 Abele le keribi detager, Kaka umele Ade ra zogo meta ezageri, kaka umele ko ikeli neis netate gerger.
MAT 26:62 Abele zogo le ekue, a abim kega, Nako ma nole mer etkalu? nako neis le ra mer marim?
MAT 26:63 Epe Iesu nole mer kak. Ege zogo le abim detager, kega, Kaka mari detager, Ma iskosi keribim edede Ad ra nei, nako mama Keriso Ade ra Uerem?
MAT 26:64 Ege Iesu abi detager, Eko, mama detager; kaka uabi detager, Keubu uaba erdali Le la Uerem E emri tuter tag abele adigir kemer le, E ko tabakeam gaire kotor baz giz ge.
MAT 26:65 Abele zogo le tabara am uali etoat, a uiabi kega, E adud mer egali Adim: nako, nole ko abkoreb nerute ageakarem meribim? dasmer, uaba aserare peirdi abara adud mer egali Adim.
MAT 26:66 Nako uaba dikiaporare? Ege uiaba daratagerare, kega, Abkoreb E eumilu.
MAT 26:67 Ege uiaba mos iduari abara opem; a uader le tag giz ipitare abim,
MAT 26:68 A uiaba mer kega, Keriso ae, mase keribi etomertare, nete le mari ipiti?
MAT 26:69 Epe Peteru E adige emri abele meta ge; nerute memeg neur abim tabakeamulu kega, Mama nerute le kemem Iesu Galilaia le.
MAT 26:70 E abi asared uiaba opem uridili, kega, Kaka umer kak abele lu ma kari detager.
MAT 26:71 E teosomeda abele maisu ge, a nerute memeg neur ko abi erdali, E detager uader le, Abele le E kemem Iesu Nazareta le.
MAT 26:72 E ko abi asared, a ditimeda adud mer egali, kega, Kaka umer kak abele le.
MAT 26:73 Kebikebi, uader le tekueilu, a uiaba kega, Peteruim, Ageakar ma nerute le uiabielam; abelelam keriba umele mara kodomer.
MAT 26:74 E ko adud mer egali, a iskosi, kega, Kaka umer kak abele le. Ege kimiar faul sobkak ereretikri.
MAT 26:75 Epe Peteru ko dikiapor abele mer Iesu abi detager, Nole kimiar faul ereretikri kak, ma neis netat kari asared. Ege osomed E au ezoli.
MAT 27:1 Gerger osakeida, gaire zogozogo le giz uridili, pako aule giz abgedlam uiaba mer atager Iesu ko abi ipit eumilu:
MAT 27:2 Uiaba abi didbari, ege uiaba datkimoardare a abi ikuar Pontio Pilato abele opole.
MAT 27:3 Iuda umele, abele le abi mirem, E ko obazgeda, a ko ikuar thirti gaire mani gaire zogozogo le, pako aule giz,
MAT 27:4 Kega, Kaka au uit le, abelelam kaka mirem abele le nole uit kak. A uiaba abi kega, Nako keribim abele lu? epe ma mabu abele lu.
MAT 27:5 E batauered abele gaire mani abele zogo meta ge, E adem bakeam; E bakeam a tababu baudubari.
MAT 27:6 Gaire zogozogo le giz uiaba ekao abele gaire mani, a kega, Abele lu gelar, umer kak ikedilu abele mani uteb ge gaire zogo lu ikedi, abelelam mam bodomalam.
MAT 27:7 Uiaba mer atager, epe abi bodomalam le ikeli kakekak tanelu ra ged, a ko etkobeilu gaire sup le.
MAT 27:8 Abelelam nei atker abele ged, Mam ra ged, bakedida peirdi abele gerger.
MAT 27:9 Iaueakai bakedelu Ieremia perofeta ra mer, kega, Uiaba ekao abele thirti mani, abele le bodomalam, uader Isaraela ra omasker uiaba abi bodomalam;
MAT 27:10 A uiaba abi bodomalam le ikeli kakekak tanelu ra ged, mokakalam abele Opole uiabi detager.
MAT 27:11 Iesu ekueilu opole ra opem; abele opole abi itmer, kega, Nako mama Iudaia le giz ra Opole? Iesu abi etkalu, Eko, mama detager.
MAT 27:12 Gaire zogozogo le giz pako aule giz uiaba abi etomertare gaire abara mer, epe E nole mer kak.
MAT 27:13 Pilato abi detager, Nako ma asoli gaire lu uiaba mari etomertare?
MAT 27:14 Epe E nole abi etkalu netate mer; abelelam abele opole au damred.
MAT 27:15 Opole ra tonar namarid nerute uetpur abele gaire le lakubem nerute le didbari, uiaba lagelag.
MAT 27:16 Abele kerker uiaba nagri nerute le didbari, au adud le, abara nei Barabasa.
MAT 27:17 A uiaba netate uteb ge, Pilato uiabi detager, Nete le uaba lagelag kaka uabi namarid? Nako Barabasa? Nako Iesu, le nei atker Keriso?
MAT 27:18 Abelelam E umele uiaba kurablam abim ikuar.
MAT 27:19 E egemeru abele mer atager bao ge, abele merkem tabakeam tabara koskerlam, kega, Ma nole abi dedkoli abele le barkak tonar; abelelam kaka au asiasi kara peim abim abele gerger.
MAT 27:20 Gaire zogozogo le giz pako aule giz uiaba namarkare gaire le lakub uiaba abi daratagerare, Barabasa namarid, a Iesu ipit eumilu.
MAT 27:21 Abele opole uiabi detager, kega, Nete le neis le peike uaba lagelag kaka uabi namarid? Ege uiaba daratagerare, Barabasa.
MAT 27:22 Pilato uiabi etkalu, kega, Nalu lu kaka ikeli Iesuim, abele le nei atker Keriso? Ege uiaba uridili abi daratagerare, Abi satauroem.
MAT 27:23 Opole uiabi etkalu, Nalu adud E ikeli? A uiaba aukase ereretikri, kega, Abi satauroem.
MAT 27:24 Pilato umele uiaba nole asoli abara mer, a uiaba au sasemi, E ekao abele ni abara tag dirup gaire le lakub ra opem, a uiabi kega, Kaka ogog kak abele barkak tonar le ra mam: uabu abele.
MAT 27:25 Abele ged uridili abi daratagerare, kega, Keribi tumge, pako keriba omasker giz, abara mam.
MAT 27:26 E Barabasa namarid uiabielam, E abi damarik Iesu, a ko ikuar abi satauroem.
MAT 27:27 Gaire ares le uiaba datkimoardare Iesu abele opole ra meta, a uiaba netate gedim abim gaire ares le uridili.
MAT 27:28 Uiaba iki adem abara am uali, a uiaba abi ame abele mamam am uali.
MAT 27:29 Uiaba euerare abele aper abele lu zegerzeger, a uiaba dikmerik abi kerem ge, a uiaba ikedirare abele kokeda abi tuter tag ge, a uiaba kokmamu abim, kega, Uaiai abele Iudaia le giz ra Opole!
MAT 27:30 Uiaba abi mosu iduare, a uiaba edarkare abele kokeda a ko ipitare abi kerem ge.
MAT 27:31 Uiaba emetu abi neg degarare, a uiaba detueare adem abele am uali, a ko abi ame tabara am uali, ege uiaba abi datkimoardare ko satauroem.
MAT 27:32 Uiaba bakeuare, a uiaba erdarare nerute Kurene le, abara nei Simona; a uiaba damsare abim ko ais abara satauro.
MAT 27:33 Uiaba abele utebe tabarki nei atker Gologotha, tonar abele, Kerem lid ra uteb,
MAT 27:34 Uiaba abi ikuar abele uinega ataperet okakis abele kurab lu E ereri; E kebikebi ere, a umer kak ere.
MAT 27:35 Uiaba abi satauroem, ege uiaba terapei abara am uali, a luglug ikeli netede ekardare: iaueakai bakedilu abele perofeta ra mer, Uiaba terapeirare gaire kara am uali, a uiaba luglug ikeli kara gem uali.
MAT 27:36 Uiaba bamer abele utebe abi asesered;
MAT 27:37 Uiaba dikmerik tumem abi kerem ge abele jauali, abele lu abi emerered, Abele Iesu Iudaia le giz ra Opole.
MAT 27:38 Uiaba abi satauroem kemem abi dog neis eruam le, nerute le tuter tag, a nerute le ber tag.
MAT 27:39 Gaire le nakasir, uiaba abi adud mer nakarare, a uiaba kerem abi dirilare,
MAT 27:40 Kega, Mama le zogo meta ezageri, a neis netat gerger ko ikeli, ma mabu eded. Ese mama Ad ra Uerem, ma mabu tarabu abele sataurolam.
MAT 27:41 Mokakalam zogozogo le giz, pako aotale giz, pako aule giz, uiaba abi neg degarare a kega,
MAT 27:42 E umele uader le idigir, a nole umer kak tababu idigir: Ese E dali Isaraela Opole debele E uatabu peirdi abele sataurolam, iaueakai keriba abi oituli.
MAT 27:43 E Adim oituli; debele peirdi E abi idigir, ese E abi omare: abelelam E detager, kaka Ade ra Uerem.
MAT 27:44 Mokakalam abele neis eruam le kemem abi dog satauroem, uiaba abi adud mer egali taba opem.
MAT 27:45 Ditimedlu abele sikes haua kupikupi ged ge uridili bakedilu abele nain haua ge.
MAT 27:46 Maike nain haua Iesu au ereretikri, kega, Eli, Eli, lama sabakethani? tonar abele, Kara Ad, kara Ad, nalugem ma kari nakaerti?
MAT 27:47 Uader le bako aserare, ege uiaba kega, E Elia dabgeri.
MAT 27:48 Nerute le uiabielam E koreder ekao abele sap, a akameilu abele uinega, a agisilu pater ge, a abi ikuar ere.
MAT 27:49 A uiaba uridili abi daratagerare, Dikaer; meriba dasmer, nako Elia umele tabarki ko abi idigir.
MAT 27:50 Iesu ko au ereretikri, epe namarid tabara lamar.
MAT 27:51 Dasmer, abele uali demed zogo meta muige tababu batoat kotorlam a giz ge; abele sep demali; a neide nakesmur;
MAT 27:52 Gaire ao emetu te diski; gaire zogo le ko eded akaida eudlam;
MAT 27:53 Emetu abara ko eded akaida, uiaba bakeuare abele zogo uteb, gaire le uiaba dasmerare.
MAT 27:54 Abele kerem le netate handed nosik le, pako uader le kemem Iesu abi asesered, uiaba erdarare abele sep demali, pako gaire lu ikerare, a uiaba au geum, kega, Ageakar Ade ra Uerem idali.
MAT 27:55 Gaire kosker giz uiaba muriz ge abi dasmerare, uiaba Iesu abi irmilare Galilaialam, uiaba abi memeg:
MAT 27:56 Uiabi kemem Maria Magadalena, pako Maria Iakobo a Iose uiaba apu, a Zebedaiora uerem uiaba apu.
MAT 27:57 Abele kikem tabarki, nerute le lu giz ra apu Arimathia le, abara nei Iosefa, E nerute Iesu ra kaimeg giz:
MAT 27:58 E bakeamulu Pilatoim abi damos abele Iesu ra gem. Pilato uiabi detager ko abi ikuar abele gem.
MAT 27:59 Iosefa ais abele gem, a sopem erebe abele uali lino og kak,
MAT 27:60 A ikedilu tabara ao ge kerkar, E daiui abele neide: E erparik nerute au baker abele ao ra te, E bakeamulu.
MAT 27:61 Maria Magadalena pako nerute Maria, uaiba emrilei obakuei abele ao ge.
MAT 27:62 Abele nerute gerger, abele gerger maike abele derser gerger, gaire zogozogo le giz, pako Faresaio giz netate gedim Pilatoim,
MAT 27:63 Kega, Opole ae, keriba ko dikiaporare abele bes le E emetu detager, Abele kerker eded, eseamud neis netate gerger kaka ko tekue.
MAT 27:64 Dasmer, ma uiabi detager ko dimilu abele ao, mena bakedilu neis netate gerger, iaueakai nole abara kaimeg giz bakeuare ki ge ko abi eruam, a uiaba ko daratagerare abele ged, E ko tekueilu eudlam; iaueakai au bes keubu, abele kekiam bes.
MAT 27:65 Pilato uiabi detager, Uaba nagri asesered le; ua bakeuare uabu dimrare.
MAT 27:66 Uiaba bakeuare, a dimrare abele ao ge, a ikedi atamelam abele baker, a uader le ikedi uiabi asesered.
MAT 28:1 Sabath eseamulu, baneigiri abele kekiam gerger sefen, Maria Magadalena pako nerute Maria ui bakeamlam abi dasmer abele ao ge.
MAT 28:2 Dasmer, abele aukase demali: abelelam abele Opole ra angela kotorlam tarabu, E bakeam erbariklu adem abele baker ao telam, E egimulu abi tumge.
MAT 28:3 Abara op mokakalam perper ise, pako abara am uali au kakakak mokakalam kiona ise:
MAT 28:4 Uiaba asesered le au geum a durdur barki, uiaba tarbigrare mokakalam eud le giz.
MAT 28:5 Abele angela uiabi detager neis kosker, kega, Uaba nole geum kak; abelelam kaka umele uaba deraimer Iesu le, emetu satauroem.
MAT 28:6 E nole ike, abelelam E ko eded akaid, mokakalam E detager. Ua tabakeamlam abi dasmeram abele uteb abele Opole emetu uteid.
MAT 28:7 Ua bakeamlam dudum etomeret abara kaimeg giz, E akaid eudelam; dasmer, E kekiam bakeamulu Galilaiaem, uaba keubu; uaba ko abi erdali abele uteb: dasmer, kaka etomeret uabim.
MAT 28:8 Ui bakeamlei dudum abele aolam, ui geum a au sererege; a koreder etomeret abara kaimeg giz.
MAT 28:9 Ui bakeamlei etomeret abara kaimeg giz, dasmer, Iesu ui obapit a kega, Kaka uabi omare. A neis kosker tabakeamlam, a itut abara teter ge, a abi esorgiru.
MAT 28:10 Iesu uiabi detager, Uaba nole geum kak: ua bakeamlam etomeret kara keimer giz, uiaba ko bakeuare Galilaiaem, uiaba kari erdali.
MAT 28:11 Ui bakeamlei, dasmer, uader asesered le bakeuare abele uteb, a natomertare gaire zogozogo le giz abele gaire lu uridili ikerare.
MAT 28:12 A uiaba etami okakis gaire aule, uiaba mer atager, a ko nakuarare gaire mani uiabim abele gaire ares le,
MAT 28:13 A uiabi kega, Uaba natomertare abara kaimeg giz ki ge tabakeuare, a abi eruam, epe uaba uteid.
MAT 28:14 Ese opole asoli, a keriba abi idkubi, iaueakai uaba nagri debele.
MAT 28:15 A uiaba egardarare abele gaire mani, a uiaba ikelare mokakalam uiaba uiabi ereuerem: abele mer esali gaire Iudaia le giz bakedilu peirdi.
MAT 28:16 Abara kaimeg giz bekeuare Galilaiaem, eleuen gaire le, abele paser ge Iesu uiabi mer tigri.
MAT 28:17 Uiabi abi erdali, a uiaba abi esorgiru: epe uader le nole oatur kak.
MAT 28:18 Iesu tabarki, a uiabi detager, kega, Emetu kari nakuar abele sirdam uridili, abele kotor ge pako abele geseb ge.
MAT 28:19 Dasmer, uaba bakeuare gaire ged narida uridili ko uiabi ereuerem, pako uiabi bapataiso Babe ra nei ge, pako abele Uerem, pako abele Lamar Zogo:
MAT 28:20 Uaba uiabi ereuerem, a asesered gaire lu uridili kaka uabi detager: dasmer, kaka ko uabi kemem gaire gerger uridili, bakedilu abele geseb ra mop. Amen.
MAR 1:1 Abele ditimedilu Iesu Keriso ra debe merkem, Ade ra Uerem.
MAR 1:2 Mokakalam gaire perofeta detali, kega, Kaka emarida karbara merkem mara op, ko paret mara gab;
MAR 1:3 Le kodo ereretikri soge purge, kega, Paret Iehoua ra gab, barditug abara gab giz.
MAR 1:4 Ioane ko bapataiso abele soge purge, a marau bapataiso ra obazgeda ko detue adud giz.
MAR 1:5 Iako abim bakeuare le Iudaia uridili, a uiaba Ierusalemalam, E uiabi bapataiso uridili, abele Ioridano dodo, uiaba detaut uiaba adud giz.
MAR 1:6 Kamela mus Ioane ra am uali, abara uak kau ra paur; E pem ereg a isas ra sumes are:
MAR 1:7 E marau, kega, Nerute kara sorge ekas adigir kari tumge, kaka nole abkoreb eparisili a detue abara teter gab mukub.
MAR 1:8 Kaka uabi bapataiso nilam; E dali uabi bapataiso Lamar Zogolam.
MAR 1:9 Abele kerker ge, Iesu ekasereder Nazaretalam Galilaiage, Iesu Ioane de bapataiso abele Ioridano ge.
MAR 1:10 E nilam ekueilu, E egremalu kotor nakesmulu, a Lamar Zogo epereda abi tumge, mokakalam dibadib:
MAR 1:11 Iako kodo mer uataba kotorlam, kega, Mama kara Uerem nasge, kaka mari sererege.
MAR 1:12 Dudumge Lamar Zogo abi emarida soge purem.
MAR 1:13 Foate gaire gerger E soge purge emeri, Satana de abi mirem; abi dog gaire ebur marmar; angela giz abara memeg.
MAR 1:14 Emetu Ioane didbari, Iesu bakeamulu Galilaiaem, ko marau Ade ra debe merkem, kega,
MAR 1:15 Kerker ge tabarki, a Ade ra baselaia maike; uaba obazgeda, a debe merkem oituli.
MAR 1:16 E ekas keper dege Galilaia, E dasmer Simona a Anederea tabara keimer net gurem dikri: abelelam ui darali umele larem.
MAR 1:17 Iesu ui darali daratager, kega, Kari narmili, kaka uabi depegemelu ko le asaperem.
MAR 1:18 Ui darali dudum net dekaerei, a abi irmilei.
MAR 1:19 E ko kebikebi ekasereder, E dasmer Iakobo Zebedaio ra uerem, a Ioane abara keimer, nar ge muigi, a net euelei.
MAR 1:20 E sobkak ui darali ereretikrei: ui darali Zebedaio uiaba aba dekaerei nar tumge, a gaire memeg, a abi irmilei.
MAR 1:21 Uiaba Kapernauma tabakeuare; sabath ge E dudum sunago tabao, a ereuerem.
MAR 1:22 Tabara ereuerem uiaba damered: abelelam E uiabi ereuerem mokakalam le pardale, a nole mokakalam aotale giz.
MAR 1:23 Nerute le nagri sumes lamar muige abele sunago; E ereretikri, kega,
MAR 1:24 Iesu Nazaretalam, keriba nako marim? nako, mama tabarki keribi adem dipit? kaka mari opasereret, Ade ra Zogo.
MAR 1:25 Iesu abi daisumdalu, kega, Bamer, a teosmeda abielam.
MAR 1:26 Abele sumes lamar abi ezagri, a au ereretikri, epe teosmed abielam.
MAR 1:27 Uiaba uridili damered, a mer atager, kega, Nalu pedali? nako abele kerkar ereuerem? abelelam sumes lamar giz E sirdam adigir, uiaba abi asoli.
MAR 1:28 Epe sobkak E ekoseli gaire ged ge Galilaia deraueili.
MAR 1:29 Uiaba teosmeda sunagolam, sobkak uiaba tabarot kemem Ioane a Iakobo metaem, abele Simona a Anederea ra meta.
MAR 1:30 Simona kosker ra apu uteid, gem urueri: uiaba sobkak abi etomelu.
MAR 1:31 E keitekas abi tag erpeilu; sobkak urueri dekaida, E uiabi memeg le.
MAR 1:32 Kikem, lem baraigida, uiaba abim taraisare gaire, gim le, a gaire le sumes lamar nagri.
MAR 1:33 Gaire ged uridili netate gedim op meta.
MAR 1:34 E idigiri gaire tonar gim le, a imuda sumes lamar giz; E nole gaire demoni emarida ko mer egali, abelelam uiaba abi opasereret.
MAR 1:35 Nede be iuaokaer, E ekueilu a teosmeda, a nogutebem bakeamud, abele esorerapare.
MAR 1:36 Simona, a abara boai, abi irmilare.
MAR 1:37 Uiaba abi erdali, uiaba abi detager, kega, Ui uridili mari naraimeli.
MAR 1:38 E uiabim detaut, kega, Minabakeuare gaire maiged, a kaka marau abele; abelelam kara dorge dali.
MAR 1:39 E marau muige gaire uiaba sunago Galilaia uridili, a demoni giz imuda.
MAR 1:40 Abim keitoabuki nerute lepera, a abim ermeder, abi detager, kega, Ese mama laglag, mama umele kari nadgiri.
MAR 1:41 E abi omare, a tag itrimuda, a abi ituti, a abi detager, kega, Kara lag; ma idigiri
MAR 1:42 E emetu detager abele mer, sobkak lepera dekaida abielam, E idigir.
MAR 1:43 E abi mer tigri, a abi emarida,
MAR 1:44 A abi detager, kega, mamor dasmer, atager kak nerute le; bakeamuda, mabu natomelu abi zogo tarim le, a ikuar gaire lu Mose mer tigri uiabim; atamelam mama emetu idigir.
MAR 1:45 E bakeamuda, a ditimeda ko daratagerare, a detager deraueili, abelelam Iesu nole umer kak paret kak ekas abele ged, E soge purge emeri; gaire le abim tabakeuare abgedlam.
MAR 2:1 Gerger giz barki, E iako Kaperenauma uatabu; ui asereda E muige meta.
MAR 2:2 Sobkak gaire le netate gedim, meta mui osmeda, pako adige; E uiabim Ade ra mer marau.
MAR 2:3 Uiaba abim tabakeuare, nerute le ibibi egardare, neis a neis le abi bakeuarare.
MAR 2:4 Uiaba umer kak abi dog maiem bakeuare mitkarlam: uiaba meta tumge ezagarare E muige, a lemlem ismi, uiaba sik dikri gim le tumge igimrare.
MAR 2:5 Iesu erdarda uiaba oituli, E le ibibi detager, kega, Kara uerem, emetu adem dikri mara uit giz.
MAR 2:6 Uader aotale giz abele emeri, a tababu dikiapor muige uiaba nerkep ge, kega,
MAR 2:7 Nalugelam le dali detager mokakalam? E Ade desauersili, nete le umele uit dikri, Ade tepteb?
MAR 2:8 Sobkak Iesu opasereret muige abara nerkep abele uiaba dikiapor muige uiaba nerkep, E uiabim detager, kega, Nako uaba dikiapor mokakalam muige uaba nerkep?
MAR 2:9 Nako perper, le ibibi egali, kega, Emetu adem dikri mara uit giz; pako egali, kega, Tekue, mabara sik ekau, a bakeamu?
MAR 2:10 Ko uabim paret kak, Le la Uerem adigiri gaire uit geseb ge adem dikri, (E le ibibi detager, kega,)
MAR 2:11 Kaka mari natager, kega, Tekue, mabara sik ekau, a mabara meta bakeamulu.
MAR 2:12 E ekueda, a sobkak tabara sik ekaida, a E osmeda uiaba op uridili; abelelam uiaba uridili damereda, a Ade despili, kega, Meriba nole dasmerauem tonar mokakalam.
MAR 2:13 E iako keper dege degemili; gaire le abim tabakeuare, E uiabim ereuerem.
MAR 2:14 E uteb esaimelu, E Leui, Alefaio ra uerem, dasmer meta dipumeda emeri, E abi detager, kega, Kari narmili, E ekueilu a abi irmili.
MAR 2:15 Abele iobaru, E abara meta ge emeri leuer ero, telona giz a uit le giz kemem emeri Iesui dog, a abara kaimeg giz; abelelam gaire le uiaba abi irmilare.
MAR 2:16 Aotale giz a Faresaio giz abi dasmer kemem leuer ero telona giz a uit le giz, uiaba tabara kaimeg giz daratagerare, kega, Nako E kemem leuer ero a ereli telona giz a uit le giz?
MAR 2:17 Iesu asoli abele mer, E uiabim daratagerare, kega, Saserim le giz lukup kemle lakak, gim le giz lagelag; kaka nole tabarki ko gaire barkak tonar dabgeri, debele gair uit le giz.
MAR 2:18 Ioane ra kaimeg giz, a gaire Faresaio ra kaimeg giz leuer baili; uiaba tabakeuare a abi detager, kega, Nalugelam Ioane ra kaimeg giz a gaire Faresaio ra kaimeg giz leueru baili, a mara kaimeg giz nole leueru baili?
MAR 2:19 Iesu uiabi detager, kega, Nako, umele gaire boai le ispida ko leueru baili, le ispida uiabi dog emeri? uiaba umer kak leueru baili, le ispida mena uiabi dog.
MAR 2:20 Kerker niai tabarki, le ispida uiabielam egared, abele gaire gerger uiaba leueru baili.
MAR 2:21 Nole le kerkar mog uali itkedi okakis buzibuzi am uali; akeulam buzibuzi mog uali de kerkar mog ualilam ekep itkedi, iako au atoatatoat.
MAR 2:22 Nole le epaiteret kerkar uaina muige emeret tarpor giz; epe gegur tarpor giz arperiklam, uaina epaiteredlu, epe sor giz adud: mamor ko kerkar gegur tarpor epaiteret kerkar uaina.
MAR 2:23 Abele iobaru, E ekas kon gedub ge abele sabath; abara kaimeg giz kon itakemarare, a eroarare, gab ge.
MAR 2:24 Faresaio giz abi detager, kega, Dasmer, nako uiaba lu akerare nole abkoreb sabath?
MAR 2:25 E uiabi detager, kega, Nako uaba nole etagerare Dauida de ikeli, leuer aro kak, uerer eudili, a gaire abara kaimeg giz?
MAR 2:26 E Ade zogo meta ge tabalu, Abiatara ra kerker, zogo tarim le, E derser areto eroli, abele nole abkoreb nogle tero, mamor zogozogo le tepteb, E abara kaimeg nakuarare?
MAR 2:27 E uiabi detager, kega, Sabath emetu ikeli le la uai kedeua, a nole le ikeli sabath uaikedeua;
MAR 2:28 Abelelam Le la Uerem sabath ra Opole.
MAR 3:1 E iako sunago balu; abele nerute le tag euselu.
MAR 3:2 Uiaba abi keikei dasmerare, nako, E abi idigiri sabath ge; uiaba ko abara mer atrumda.
MAR 3:3 E le tag euselu detager, kega, Eipu ekueda.
MAR 3:4 E uiabi detager, kega, Nako, abkoreb debe lu ikeli sabath ge, nako adud lu ikeli? ko idigiri, nako ipit eumid? Uiaba bazeguar.
MAR 3:5 E uiabi urkerem deraueli dasmerare, abara nerkep isir uiaba tonarlam bamesili, E le detager, kega, Mara tag uaimari. Abara tag uaimari; ueakai abara tag ekaida debele mokakalam nerute.
MAR 3:6 Faresaio giz teosmeda, a sobkak mer atagere, pako Herodiano giz, ko abi ipit eumida.
MAR 3:7 Iesu a abara kaimeg giz bakeauda abele keper ge; gaire le abi irmili Galilaialam, pako Iudaialam,
MAR 3:8 Pako Ierusalemalam, pako Idumealam, pako Ioridanolam sager op, pako uiaba maike Turo a Sidona, gaire le abim tabakeuare, abelelam uiaba asereda abara dorge ikeli.
MAR 3:9 E abara kaimeg giz mer tigri, ko kebi nar tais abi naokaili gaire lelam, uiaba abi atkaplam.
MAR 3:10 E gaire le nadgirare; abelelam ui uridili gim nagri abi atkap ueakai abi itutilu.
MAR 3:11 Uite lamar giz abi dasmerare, uiaba abim bakesmeri, a ereretikri, kega, Mamanali Ade ra Uerem.
MAR 3:12 E uiabim elele mer tigri, uiaba abi atomeret kak.
MAR 3:13 E paserem ogi, a dabgeri gaire le E laglag; uiaba abim tabakeuare.
MAR 3:14 E depeger tuelf le, ko abi kemem emri, a E uiabi namarkare ko marau.
MAR 3:15 Adgiri uiabi nakuarare ko nadgirare gaire gim le, a demoni giz imuda.
MAR 3:16 E Simona nei atker Peteru;
MAR 3:17 Pako Iakobo Zebedaio ra uerem, a Ioane Iakobo ra keimer; E uiabi nei atker Boanerege, tonar, Girgir ra uerem:
MAR 3:18 Pako Anederea, a Filipo, a Batolomaio, a Mataio, a Toma, a Iakobo Alefaia ra uerem, a Tadaio, a Simona Kanana le,
MAR 3:19 Pako Iuda Isakariota, abi keser keser: uiaba metaem barot.
MAR 3:20 Ege gaire le netat gedim, abelelam uiaba umer kak leuer aroare.
MAR 3:21 Abara boai aserare, uiaba tabaos, ko abi terpei; uiaba detager, kega, E paim paim.
MAR 3:22 Aotale giz Ierusalemalam tabakeuare uiaba detager, kega, Belezebul abi dog, E demoni giz imuda opolelam demoni giz.
MAR 3:23 E uiabi darabgerare, a uiabi daratagerare gaire mer babisdarie, kega, Nako, Satana umele Satana imuda?
MAR 3:24 Ese nerute baselaia epuli, abele baselaia umer kak niaiem ekue.
MAR 3:25 Ese nerute uteb epuli, abele uteb umer kak niaiem ekue.
MAR 3:26 Ese Satana tababu barili, a epuli, E umer kak niaiem ekue, tabara mop tabarki.
MAR 3:27 Nerute le umer kak saserim le la meta ge badari, a abara lu itkamri, ese nole kekiam saserim le didbari; iako abara meta itkamri.
MAR 3:28 Ageakar kak uabi detagereda, kega, Gaire ezubameli, a gaire uit uerem le giz ko detue:
MAR 3:29 Abele le Lamar Zogo ditagi, nole atue kak niaiem, epe abkoreb abim ikuar niai bodomalam;
MAR 3:30 Abelelam uiaba detager, kega, Uit lamar abi dog.
MAR 3:31 Abara keimer pako apu abim tabakeuare; a adige bako, uiaba namarida abi dabgeri.
MAR 3:32 Gaire le netate gedim abi derumeda bameri; uiaba abi detagerare, kega, Ma dasmer, mara apu a mara keimer giz adige, mari naraimeli.
MAR 3:33 E uiabi detaut, kega, Nete kara apu a kara keimer giz?
MAR 3:34 E dasmerare uiaba abi derumeda bameri, E detagereda, kega, Dasmer, kara apu a kara keimer giz!
MAR 3:35 Abelelam abele le Ade ra lag ikeli, E dali kara keimer, a kara berbet, a kara apu.
MAR 4:1 E iako degerati ko ereuerem keper tauer ge, gaire le netate gedim abim, abelelam E nar atiem, a emri, uiaba uridili tauer ge bamer.
MAR 4:2 Gaire mer E uiabim ereuerem mer babisdarie, E uiabidaratagerare abara okadeskeda, kega,
MAR 4:3 Uaba aserauem; Dasmer, nerute amorda le bakeam ko emor:
MAR 4:4 E dikri, a uader kep gab dege abi, epe ebur giz kotorlam tabakeuda abele eroare.
MAR 4:5 Uader kep tumem neidge abi, kebi seb ge; sobkak omeili, abelelam lerkar seb ge:
MAR 4:6 Gerger eupamada, a eueri, a eumili, abelelam nole sip kak.
MAR 4:7 Uader kep lu eipu daradara ge omeili, a detarapi, abelelam nole turum kak.
MAR 4:8 Uader kep debe seb ge abi, a omeili, a esali, a turum turum; a turum therti nagri, a sikesti; a uan handed.
MAR 4:9 E uiabim detagereda, kega, Le grip nagri ko asoli, debele E asoli.
MAR 4:10 E tepteb emri, gaire le abi dog emri, pako tuelf le, abi itmer tonar abele mer babisdarie.
MAR 4:11 E uiabim detagereda, kega, Gaire mu tonar Ade ra baselaia uabi dekuarare ko opaserertem; emetu ikeli abele gaire lu abkoreb uiabim nogle giz:
MAR 4:12 Abelelam ui ko dasmerare, epe nole asmer kak; a asoli, epe nole asor kak; uiaba depegelam, a uiaba uit ko detue.
MAR 4:13 E uiabim detagereda, kega, Nako, uaba nole asmer kak abele mer babisdarie? epe nako uaba ko umele gaire mer babisdarie uridili?
MAR 4:14 Abele amorda le, emor Ade ra mer.
MAR 4:15 Abele uader le gab ge, abele mer uiabi dog emor; uiaba asereda, epe Satana tabarki, abele mer uiabi nerkep ge emor ekadari.
MAR 4:16 Abele uader tumem neid ge emor; uiaba abele mer asereda, a sobkak sererge erperida;
MAR 4:17 Epe nole sip kak muige uiaba nerkep ge, abelelam nole niaiem ekue; menaba asiasi a dedkoli abele merlam tabarki, sobkak uiaba bakesmiri.
MAR 4:18 Abele uader le eipu daradara ge emor; uiaba abele mer asoli,
MAR 4:19 Epe gaire dikiapor lu lag geseb ge uiabi nerkep ge badari, pako geseb lu okardarem, pako uader lu lag, abele mer etarapi, epe nole turum kak.
MAR 4:20 Ege uader emor debe seb ge; uiaba abele mer asoli, a mamor erpeili, a turum turum, uader therti, a uader sikesti, a uader uan handed.
MAR 4:21 E uiabim detagereda, kega, Nako, lamepa ikedi kumete lokod ge, a laulau lokod ge? epe nole tum ge ikedi lamepa uteb?
MAR 4:22 Epe nole lu ispili, a nole opasereret kak; pako nole mud ge lu, a nole akmer kak.
MAR 4:23 Ese nerute le grip nagri ko asoli, debele E asoli.
MAR 4:24 E uiabim detagereda, kega, Uaba mamoro aserauem; abele tonar uaba detare, ko uabim detare; a ko uabi daisuerare le asereda.
MAR 4:25 Le nagri, ko abi ikuar; le nole nagri kak, ko ekada abele lu abi dog.
MAR 4:26 E detagereda, kega, Ade ra baselaia mokakalam le kep dikri seb ge;
MAR 4:27 E ko uteid, a ekeamlu ki ge a gerger, abele kep uai omeida, a bataile, E nole umer kak nagelam.
MAR 4:28 Tababu seb ge omeili; uai kekiam, sik keubu, epe turum agiag.
MAR 4:29 Turum agiag, epe namarida ko tigri, kerker ge nurabi.
MAR 4:30 E detagereda, kega, Na lu meriba ko abkoreb Ade ra baselaia? na lu abkoreb abele babisdarie?
MAR 4:31 Abele mokakalam sinapi kep, emetu emor, kebikebi kep tumem gaire kep uridili geseb ge emor,
MAR 4:32 Emetu emor, E omeida, a aule tumem gaire lu ekekri, epe gaire au tam disiri; a gaire ebur epereda mudi ge igiredi.
MAR 4:33 E Ade ra mer uiabim detagereda, mokakalam gaire mer babisdarie, abkoreb uiaba umele asoli.
MAR 4:34 E nole uiabim atager kak, ese nole mer babisdarie; uiaba mud uteb ge, E uiabim, abara kaimeg giz, gaire tonar mer detaut.
MAR 4:35 Abele gerger kikem, E uiabim daratagereda, kega, Minaba atiem nerut apekem.
MAR 4:36 Uiaba emetu le lakub emarida, uiaba abi egared nar ge atiem. Uader kebi nar abi doakri.
MAR 4:37 Au ui tabarki, a gaire zauber nar etatkoi, a mitkar.
MAR 4:38 E amaz ge kor ge uteidi: uiaba abi itir, a abi detager, kega, Kole, mama laglag ki nabaume?
MAR 4:39 E tekue, uag daisumda, a gur detager, kega, Bamer, debe meda. Iako uag ekeamulu, ege metalu.
MAR 4:40 E uiabim daratagereda, kega, Nalugelam uaba geum mokakalam? nako uaba nole oatur kak?
MAR 4:41 Uiaba au geumu, a mer atagere, kega, Nete dali, uag a gur abi asoli?
MAR 5:1 Uiaba nerute apek tauer ge tabarki, abele Gadara le la ged.
MAR 5:2 E narlam eupamada, epe sobkak nerute le uit lamar bada abim obapit: abele le gaire aolam tabakeam,
MAR 5:3 E gaire ao ge emri; nole le umele abi didbari, a malil par nolea:
MAR 5:4 Dordor abi didbari, teter ge a tage malil paru, abele tage a teter didbari, E dergeiri; nole le umer kak abi maiem ekepli.
MAR 5:5 Ki ge, a gerger ge, E mena emerilu abele gaire paser, a gaire ao ge, E ereretikri, a abara gem baker de esakeilu.
MAR 5:6 E muriz ge Iesui dasmer, E koreder abim a esorgiru.
MAR 5:7 E au kodo ereretikri, kega, Kaka nako marim, Iesu Ade ra Uerem, au kale? Kaka marim bali Ade ra op, nole kari asiasi nakeli.
MAR 5:8 Abelelam, E abi detager, kega, Ma lamar uit teosmeda lelam.
MAR 5:9 E abi itmer, kega, Mara nei nako? E detaut, kega, Kara nei legeona; abelelam keriba gaire.
MAR 5:10 E elele abim bali, kega, Nole keriba amu kak ab gedelam.
MAR 5:11 Abele borom au isir gorgor paser ge erueda.
MAR 5:12 Gaire demoni giz abi damseda, kega, Keribi demarida gaire boromem, ko keriba uiabim badari.
MAR 5:13 Iesu sobkak uiabi emarida. Abele uit lamar giz teosmeda, a gaire borom ge barti; epe borom isir uamen uamen koreder au gorgorlam keperem, (uiaba maike tu thausan;) iako gune obaiter.
MAR 5:14 Le giz borom naseserdare koreder ge, a gedim, pako gaire ged daratagerare. Uiaba tabakeuare, a dasmer abele tonar ikeli.
MAR 5:15 Uiaba Iesuim tabakeuare, uiaba abele le dasmer demoni legeona dedkoli emeri, a ameare, a tonar tonar; epe uiaba geum.
MAR 5:16 Uiaba le erdali mer poipi detaut gaire tonar le demoni dedkoli, a tonar borom giz.
MAR 5:17 Uiaba ditimeda abi damosare, ko uiaba ged dekaer.
MAR 5:18 E nar atiem, le demoni dedkoli abi damos ko abi dog emeri.
MAR 5:19 E nole laglag, E abi detager, kega, Bakeam mabara ged, a mabara boai, a uiabi natomertauem abele gaire au lu Opole de marim ikeli, a mari omare.
MAR 5:20 E bakeamud, a ditimeda marau Dekapolem gaire au lu Iesu de abim ikeli; epe uiaba uridili damreda.
MAR 5:21 Iesu emetu iako atiem nerut apek, gaire le netate gedim abim; E meg tauer ge emeri.
MAR 5:22 Dasmer, nerute sunago kole tabarki, abara nei Iairo; E abi dasmer, E ekesmiri tabara teter ge,
MAR 5:23 A abim elele bali, kega, Kara kebi neur maike eumida; debele ma tabakeam a mabara tag abi tum ge dikmerik, ueakai abi idigiri, E ko eded akaida.
MAR 5:24 E abi kemem bakeam; a gaire le lakub abi irmili, uiaba abi ditkabda.
MAR 5:25 Abele nerut kosker mam gim tuelf gaire urut babusedari.
MAR 5:26 E au asias dimegeroa gaire lukup kemlelam, abara lu eseemuda, uiabi nakuarare lukup bodomalam, nole adigir kak, epe mena au gim.
MAR 5:27 E Iesu ra tonar asoli, E eipu gaire le ekasereder Iesu isorge, abara am uali ekepeli.
MAR 5:28 Abelelam E detager, kega, Ese kaka abara am uali tepteb ekepeli, kara gim akaida.
MAR 5:29 Sobkak abara mam diruruarti; E umele abara gem akaida abele gimlam.
MAR 5:30 Sobkak Iesu abara nerkep ge opasereret nerute adigir osmeda abielam, E gaire le ge eipu egreemalu, a detager, kega, Nete kara am uali ge ekepeli?
MAR 5:31 Abara kaimeg giz detagereda, kega, Mama dasmer gaire le mari natkabda, nako tonar mama detager, kega, Nete kari dog ekepeli?
MAR 5:32 E op etarer ko kosker deraimerer abele lu ikeli.
MAR 5:33 Kosker geum a durdur barki, abelelam E umele abele lu abi dog ikeli, E abara op ge ekesmer, a ageakar abi detager ueeseamur.
MAR 5:34 E abi detager, kega, Kara neur, mabi oaturlam ma eded akaida; mapodan kem bakeamulu, ma eded akaida mabara gimlam.
MAR 5:35 E mena detaut abele mer, sunago kole merkem tabarki, a abi detager, kega, Mara neur eumida; nako iako kole bamesili?
MAR 5:36 Iesu asoli abele mer, E sunago kole detager, kega, Ma nole geum kak epe oituli.
MAR 5:37 E uiabi daraisumdarda, nole le kak abi irmili, mamor Peteru, a Iakobo, a Ioane Iakobo ra keimer.
MAR 5:38 Uiaba sunago kole ra meta tabakeuare; a uiabi saserimem nardarare, a ebazoli, ueu baudaredelare.
MAR 5:39 E badari, a uiabi daratagereda, kega, Nako uaba saserim, a ebazoli? abele neur nole eud kak, E uteidi.
MAR 5:40 Uiaba abi neg degarare. E emetu uiaba uridili adige namuare, E neur ra aba a apu tegared, a uiaba neis a neis le abi dog, a barot neur ra uteb.
MAR 5:41 E neur ra tag erpeilu, a abi detager, kega, Talitha kumi; tonar abele mer, Neur, kaka mari natager, Ekue.
MAR 5:42 Sobkak neur tekuelu, a bakeamulu; tuelf abara urut. Uiaba au kase damreda.
MAR 5:43 E elele uiabi mer tigri, nole nerute le atomeret kak abele mer; epe E uiabi detager, kega, Debele leuer abi ikuar.
MAR 6:1 E bakeam ab gedelam, a tabara ged ge tabarki; abara kaimeg giz abi irmili.
MAR 6:2 Sabath ge, E ditimeda sunago ge ereuerem; gaire le asereda damreda, kega, Nagelam abele gaire dorge abi dog? nako pardali abi ikuar, ueakai gaire dorge adigir mokakalam abara tag ikeli?
MAR 6:3 Nako nole tonar le abele? nako nole Maria rauerem, Iakobo ra keimer, a Iose, a Iuda, a Simona? nako abara berbet nole meribi dog? uiaba abi derar.
MAR 6:4 Iesu uiabi daratagereda, kega, Nole perofeta ekekri, tepteb abara ged ge, a abara boai, a abara uteb ge.
MAR 6:5 E nole umer kak nerut adigir ikeli peike, abele dorge tepteb, abara tag gaire gim le dikmerik, a uiabi nadgirauem.
MAR 6:6 E au damreda uiabielam uatur kak. E bakeamuda deraueida abele gaire kebi uteb ge, a okadeskeda.
MAR 6:7 E tuelf le darabgerare, a ditimeda uiabi namarida neisi le a neisi le; a adigir uiabi nakuarare tumem gaire uite lamar;
MAR 6:8 E uiabi mer tigri, kega, Lu aisis kak abele bakeam, no koket tepteb; nolo epei kak, nole leuer kak, a nole mani kak muige uak;
MAR 6:9 A no teter gab ameare; a nole neis am uali ameare.
MAR 6:10 E uiabi daratagereda, kega, Uaba nerute meta ge badari, emri abele, a iako bakeauare.
MAR 6:11 Uiaba le giz uabi agared kak, a nole uabi asor kak, uaba bakeam abele gedelam, sep ditkeda uaba teter gablam uiabi atamelam. Ageakar, kaka uabi detagereda, kega, Niaiem gerger itmer, kebi bodamalam Sodomaem a Gomoraem tumem abele ged ge.
MAR 6:12 Uiaba bakeauda, a marau, kega, Mamor uaba gaire le obazegeda.
MAR 6:13 Gaire uit lamar uiaba namuda, a gaire gim le uiaba ide epaitered, a uiabi nadgirare.
MAR 6:14 Heroda opole asoli, abelelam abara nei ekoseli; E detager, kega, Ioane Bapataiso eded akaida eudelam, abelelam E gaire adigir ikeli.
MAR 6:15 Uader detager, kega, Elia pedali. Uader detager, kega, Perofeta pedali, abelelam E nerute perofeta mokakalam.
MAR 6:16 Heroda asoli, E detager, kega, Ioane pedali, karielam abara kerem derapeida, E eded akaida eudelam.
MAR 6:17 Emetu Heroda namarkare Ioane terpeirare, a abi didbare muige au dubare meta ge Herodialam, Filipo ra kosker abara narbet: abelelam E abi ispilu.
MAR 6:18 Abelelam Ioane Heroda detager, kega, Nole marim abkoreb mara narbet ra kosker ispida.
MAR 6:19 Abelelam Herodia Ioane urker, a E lagelag abi ipit; a nole umer kak;
MAR 6:20 Abelelam Heroda Ioane geum, E opasereret Ioane barkak tonar, a zogo le, E abi asesereda. E abi asoli, a ikeli gaire dorge, a abi sererge asoli.
MAR 6:21 Gerger abkoreb tabarki, abele gerger Heroda eosmelu, E dersemer uiabim gaire opole giz, a gaire kole, a gaire tarim le Galilaia ge;
MAR 6:22 Herodia ra neur balu, a ginar diger, Heroda pako uiaba abi dog emri a sererge; opole neur detager, kega, Kari nautumer lu mara laglag, kaka mari nakuar.
MAR 6:23 E abi mer nakesmulu detager, kega, Kaka mari nakuar gaire lu mama kari nautumer, mokakalam kara baselaia mog.
MAR 6:24 E teosmeda, a abara apu detager, kega, Nalu kaka damos? Abara apu detager, kega, Ioane Bapataiso ra kerem.
MAR 6:25 Sobkak E iako opole badari, a abi detager, kega, Kaka laglag mama mena kari nakuar Ioane Bapataiso ra kerem abele tanelu ge.
MAR 6:26 Opole ra nerkep beber barki; epe E nole abi azer kak, abele mer akesmulam, a uiabielam abi dog bamer leuer eroare.
MAR 6:27 Opole sobkak memeg le namarida, a abi mer tigri, kega, Abara kerem tegaret.
MAR 6:28 E bakeamuda, a Ioane ra kerem derapeida muige au dubare meta ge, a abara kerem tegaret tanelu ge, a neur ikuar; a neur abara apu ikuar.
MAR 6:29 Ioane ra kaimeg giz aserare, ui bakeuare, a abara gem tegardare, a ao ge ikedarare.
MAR 6:30 Iesu ra kaimeg giz tabakeuare abim; a abim daratagerare gaire dorge uiaba ikelare, a uiaba ereuerem.
MAR 6:31 E uiabi detagereda, kega, Mi nabakeuare le kak utebem, ueakai ner nabazier. Abelelam gaire le uatupili, a nole uteb ko leuer ero.
MAR 6:32 Uiaba nar ge gumik atiem abele le kak utebem.
MAR 6:33 Gaire le lakub dasmer uiaba atiem, gaire le abi opaserertem, a koreder ge abim gaire gedelam uridili, uiaba kekiam tabarki, a netat gedim abim.
MAR 6:34 E bakeam a gaire le dasmerauem, a uiabi nasge, abelelam uiaba mokakalam mamoe giz nole le asesered kak; a E uiabi ditimeda ereuerem gaire lu dordor.
MAR 6:35 Kikem, abara kaimeg giz abim tabakeuare, a detager, kega, Soge pur ike, a kikem:
MAR 6:36 Uiabi namarkare gaire gedim, a gaire utebem, leuer arapem uiaba aroem; abelelam uiaba nole leuer kak.
MAR 6:37 E uiabi detagereda, kega, Uaba uiabi leuer nakuarare. Uiaba abi detager, kega, Nako, keriba bakeuare leuer arapem tu handed denari ko bodomalam, ko uiabi asisiem?
MAR 6:38 E uiabi detagereda, kega, Naket areto uabi dog? bakeam dasmer. Uiaba edali, a detager, kega, Faif, a neis lar.
MAR 6:39 E uiabi mer tigri ko nosik bameri tumem abele golegole soge ge.
MAR 6:40 Uiaba nosik bameri, uader uan handed nosik, uader fifeti nosik.
MAR 6:41 E emetu faif areto tais, a neisi lar, E kotor dimiruarti, a esoao, a areto itur; a abara kaimeg giz nakuarare uiaba opem idedi; E neisi lar ditker uiabim uridili.
MAR 6:42 Uiaba uridili leuer eroare, a kem osmeda.
MAR 6:43 Uiaba leuer mog, a lar mog etakarare, epe tuelf epei osmeda.
MAR 6:44 Mokakalam faif thausan gaire kimiar, areto eroare.
MAR 6:45 E sobkak abara kaimeg giz elele daratirieda nar ge bartiri, ko atiem nerut apekem Bethesaida opem, abara dorge gaire le namarida.
MAR 6:46 E emetu uiabi namarida, E paserem ogi esorerapare.
MAR 6:47 Bakedilu abele kikem, nar eip karem ge, a Iesu tepteb geseb ge emrilu.
MAR 6:48 E uiabi darasmerare uzelam sagim, abelelam uag opem uami; ki apek foa, E uiabim tabarki, zauber tum ge ekas; mokakalam E uiaba dege ekas.
MAR 6:49 Uiaba abi erdali zauber tum ge ekas, uiaba dikiapor lamar pedali, epe uiaba au ereretikri;
MAR 6:50 Abelelam ui uridili abi dasmer, epe uiaba geum. Sobkak E uiabi detagereda, kega, Saserimem; kai nali, nole geum kak.
MAR 6:51 E uiabim nar ge ekauererti; epe uag ekaida: uiaba abi au kase damereda.
MAR 6:52 Uiaba nole akiapor kak abele areto, abelelam uiaba nerkep kelarkelar.
MAR 6:53 Uiaba emetu esaimeda atiem, uiaba tabarki Genesareta ged, a ged ge ekarida.
MAR 6:54 Uiaba emetu ekarida narlam, sobkak uiabi abi opasereretem,
MAR 6:55 A gedim kored deraueida, a ditimeda gim le giz bakuarda tumem sik, a kei tegardare abele uteb Iesu emri.
MAR 6:56 Abele uteb, a ged, a gedub E tabarki, uiaba gaire gim le tegardare ugab ge ikedi, a abi damsare ko abara am uali dege ekpi; uiaba uridili abi ekpi nadgirauem.
MAR 7:1 Faresaio giz, a uader aotale giz, netat gedim abim Ierusalemalam.
MAR 7:2 Uiaba dasmer uader abara kaimeg giz areto er oare a ogog tag arub kak, uiaba mer mer.
MAR 7:3 Abelelam Faresaio giz, a Iudaia giz, nole leuer aro kak, ese nole mamoro tag ogarub kak, uiaba aule ra tonar irmirauem.
MAR 7:4 Uiaba tabarki leuer araplam, nole leuer aro kak, ese nole ogarup kak. A dordor tonar uiaba erpei, a ikerare, tanelu ogdirup, a tanelu tonar, a malil tanelu, a gaire sik.
MAR 7:5 Faresaio giz a aotale giz abi itmer, kega, Nako mara kaimeg giz nole irmili aule giz ra tonar, epe leuer arouem a tag ogarup kak?
MAR 7:6 E uiabi daratagereda, kega, Isaia mamoro uabim bes le giz perofetaem, emetu detali, kega, Abele ged ge kari naospereda uiaba mitelam, a uiaba nerkep kara muriz ge.
MAR 7:7 Uiaba sagim karim esorerapare, a gaire le la tonar ereuerem lelam.
MAR 7:8 Uaba Ade ra gelar dekaierta, a le la tonar elele erpei.
MAR 7:9 E uiabi daratagereda, kega, Uaba tonar Ade ra gelar dituaki, ueakai uaba tonar irmireda.
MAR 7:10 Mose detager, kega, Mabi abera, a mabi apuera naospili; E dali tabara aba a apu desauersili, debele abi ipit eumilu:
MAR 7:11 Epe uaba detagerare, kega, Ese nerute le tabara aba, a apu detager, kega, Abele kara lu mari upinati Korabana, tonar abele, Emetu Adim ikuar;
MAR 7:12 Uaba nole abi amari kak, ko nerut lu ikeli abem a apuem;
MAR 7:13 Abele uaba tonar lelam, Ade ra mer dedkoli; a gaire lu mokakalam uaba ikeli.
MAR 7:14 Ege E iako gaire le lakub derabgerare abim, E uiabi detagereda, kega, Uaba uridili kari asoli pako akmerem:
MAR 7:15 Nole sor lu le nerkep ge badari, umele abi dedkoli; mamoro gaire lu abi nerkeplam osmeda, abele gaire lu le dedkoli.
MAR 7:16 Ese nerute le grip nagri ko asoli, debele E asoli.
MAR 7:17 E metaem balu gaire le kublam, abara kaimeg giz abim eutumer tonar mer babisdarie.
MAR 7:18 E uiabim daratagereda, kega, Nako uaba ko nole umer kak? Nako uaba nole akmer kak, nole sor lu le kem ge badari, umele le dedkoli;
MAR 7:19 Abelelam nole abara kem ge badari, mamor teibur ge, a sumez ge imuda, a leuer uridili mamor ikeroa?
MAR 7:20 Edetager, kega, Abele lu lelam osmeda, abele lu le dedkoli.
MAR 7:21 Abelelam mui le nerkeplam osmeda gaire adud dikiapor, a kogem, a eruam, a le ipit eumilu, a keserkeser,
MAR 7:22 A lu lag, a uit tonar, a okardar, a opelid, a erkepagau, a ezu bameli, a baospili, a paim tonar:
MAR 7:23 Abele gaire adud tonar pedali mui nerkeplam eosmeda, a le dedkoli.
MAR 7:24 E tekue ab gedelam, a nener Turo a Sidona bakeamulu. E nerute meta badari, a nole lakak nerute le abi dasmer; epe E nole umer kak ispili.
MAR 7:25 Nerute kosker, abara neur nagri uit lamar, E asoli Iesu pedali, E tabakeam a Iesu ra teter ge asorgiru:
MAR 7:26 Abele kosker Heleni kosker, Surofoiniki osmeda. E Iesui damos ko demoni imuda abara neurlam.
MAR 7:27 Epe E abi detager, kega, Kekiam gaire uerem kem osmeda; nole abkoreb uerem ra leuer tais, a omai giz nakuarare.
MAR 7:28 Kosker abi detaut, kega, Ageakar, Opole; epe omai giz deroli laulau muige gaire leuer puipi uerem giz aroem.
MAR 7:29 E koskerim detager, kega, Abele merlam, ma bakeam; demoni emetu bakeam marara neurlam.
MAR 7:30 Kosker tabara meta tabarki, E dasmer demoni nole akar, a abara neur uteidilu.
MAR 7:31 E iako bakeamulu Turo a Sidona nenerlam, a Galilaia keper tabarki, eipu Dekapoli.
MAR 7:32 Uiaba abim tegared nerut lo grip batapeli, a lukluk mer; uiaba abi damos ko tabara tag abi tum ge dikmerik.
MAR 7:33 E gumik abi tegared gaire lekublam, a abara neisi baur kei abara neis grip deraimilu, a mosu itu, a abara uerut itutilu;
MAR 7:34 A kotorem egremalu, a ner batauerdelu, a abi detager, kega, Efatha, tonar abele mer, Diski.
MAR 7:35 Sobkak abara neis grip darauskilu, a abara uerut kerar detue, a E barkak mer egali.
MAR 7:36 E uiabim mer tigri, kega, Nole, nerute le atager kak: E sagim uiabim mer tigri, uiaba elele daratagerare abele lu.
MAR 7:37 Uiaba au kase damereda, kega, E mamoro ikeroa gaire lu uridili: E gaire grip batapeli ikeli a asoli, a gaire te dabim, ko mer detaut.
MAR 8:1 Abele gaire gerger, dordor le lakub, a uiaba nole leuer kak, E tabara kaimeg giz darabgerare, a uiabi detagereda, kega,
MAR 8:2 Kaka le lakub nasenase, abelelam uiaba thri gerger kari dog emri, a nole leuer aro kak;
MAR 8:3 Ese kaka uiabi meta namarida, a nole leuer aro kak, uiaba gab ge durdur; abelelam uader muriz gedelam.
MAR 8:4 Abara kaimeg giz abi detagerare, kega, Nagelam areto, abele soge purge, uiabi darasisieda?
MAR 8:5 E uiabim nautumereda, kega, Nako, naket areto uabi dog? Uiaba detagerare, kega, Sefen.
MAR 8:6 E le lakub mer tigri ko seb ge emereda; E gaire areto sefen tekadarare, a esoao, a itiri, a abara kaimeg giz nakuarare, uiaba opem ikedi; a uiaba le lakub opem ikedi.
MAR 8:7 Uader kebi lar uiabi dog: Iesu esoao, a uiabi detagereda ko ikedi.
MAR 8:8 Uiaba eroare, a kem osmeda: a uiaba leuer mogmog etaker, a gaire epei sefen arot.
MAR 8:9 Maike foa thausan, ui uridili leuer eroare; E uiabi namarida.
MAR 8:10 Sobkak E, pako abara kaimeg giz, nar ge ekauererti, a ged Dalmanutha atiem.
MAR 8:11 Faresaio giz abim tabakeuare, a ditimeda abi basaret, ko abi mirem, abi itmer atamelam kotorlam.
MAR 8:12 E au nerezi muige abara mar, kega, Nako abele nosik le atamelam deraimer? Ageakar, kak uabi detagereda, kega, Nole akuar kak atamelam abele nosik le.
MAR 8:13 E uiabi dekaer, iako nar ge ekauererti, a nerut apek atiem.
MAR 8:14 Uiaba okataprik ko leuer ais; no netat areto uiabi dog nar ge.
MAR 8:15 E uiabi mer tigri, kega, Beber dasmer, abele Faresaio ra leuen, a Heroda ra leuen mamoro dasmer.
MAR 8:16 Uiaba mer atagere, kega, Abelelam meriba nole areto kak.
MAR 8:17 Epe Iesu opasereret, E uiabi detager, kega, Nako uaba mer atager abele nole leuer kak? Nako uaba nole umer kak, uaba nole akiapor kak? nako uaba tumtum nerkep?
MAR 8:18 Nako uaba pone nagri, a nole asmer kak? a grip nagri, a nole asor kak? a nole akiapor kak?
MAR 8:19 Ababurge kaka faif areto itiri uiabim faif thausan, naket epei osmeda uaba etaker abele leuer mog? Uiaba abi detager, kega, Tuelf.
MAR 8:20 A gaire areto sefen uiabi foa thausan, naket epei osmeda uaba etaker abele leuer mog? Uiaba abi detager, kega, Sefen.
MAR 8:21 E uiabi daratagereda, kega, Nako uaba nole akiapor kak?
MAR 8:22 Uiaba Bethesaida tabakeuare. Uiaba nerute le asamasam abim tegaret, a abi damos ko abi itut.
MAR 8:23 E tage asamasam le erpei, a abi dadkimortare abgedelam; E emetu abara neis pone mos ermeda, a tage abi tumge ikedi, E abi itmer, kega, Nako ma nole nerute lu dasmer?
MAR 8:24 E kotor dasmer, a detager, kega, Kaka gaire le dasmer, mokakalam dordor lu nakasir.
MAR 8:25 E iako tabara tage ikedi tumem abara neis pone; a E lidem dasmer, E ueakai debele, a gaire lu mamoro dasmer.
MAR 8:26 E abi namarida abara metaem, a detager, kega, Nole bakeamu utebem abele.
MAR 8:27 Iesu pako, abara kaimeg giz, gaire utebem Kaisaria Filipo bakeuare; eipu gab ge, Iesu abara kaimeg giz eutumer, kega, Nako gaire le natagere, kaka nete?
MAR 8:28 Uiaba detaut, kega, Ioane Bapataiso; epe uader detager, Elia; a uader detager, Nerute perofeta giz.
MAR 8:29 E uiabi daratagereda, kega, Nako uaba detager, kaka nete? Peteru abi detaut, kega, Mama Keriso.
MAR 8:30 E uiabi mer tigri, nole nerut le abi atager kak abele.
MAR 8:31 E ditimeda uiabi ereuerem, Le la Uerem ko asiasi, a aule giz abi derar, a gaire tarim le, a zogozogo le giz, a aotale giz, ko abi ipit eumilu, a keubu thri gerger E iako eded akaida.
MAR 8:32 E paret kak detager abele mer. Ege Peteru abi datkimalu, a ditimeda abi daisumda.
MAR 8:33 Ege E egremalu, a abara kaimeg giz dasmerauem, E Peteru daisumda, kega, Mama Satana, bakeam kara sorge; ma nole akiapor kak Ade ra lu, mamoro le la lu.
MAR 8:34 E emetu le lakub, kemem abara kaimeg giz, darabgereda, E uiabi detagereda, kega, Nerute le laglag kari narmili, mamoro E tababu obogai, a abara satauro bakuar, a kari narmili.
MAR 8:35 Abelelam ese nerute le laglag abara eded asisiem abele ko abi; epe ese nerute le abara eded abi, karielam pako Euangelia, abele ko ededem.
MAR 8:36 Abelelam ese nerute le geseb ge uridili terapei, a abara eded abi, nalu bodomalam abim?
MAR 8:37 Nade lu le ikuar abara eded bodomalam?
MAR 8:38 Abelelam ese nerute le kari sirip ge, pako kara mer, eipu abele nosik adud le pako eruam le, abkoreb Le la Uerem ko abi sirip ge, E tabarki kemem gaire angela zogo, abara Aba zorom ge.
MAR 9:1 E uiabi daratagereda, kega, Ageakar, kaka uabi detagereda, kega, Uader gaire le ge tekue, nole eud kak, kekiam uiaba Ade ra baselaia dasmerauem tabarki kemem adgiri.
MAR 9:2 Eseamuda abele gaire gerger sikes, Iesu Peteru tegadare, a Iakobo, a Ioane, a uiabi taraisare tumem perepere paser, uiaba tepteb: abara gem uiabi opem depegemelu.
MAR 9:3 Abara am uali zoromzorom, kakekake mokakalam kiona ise; le ogarup umer kak ko kakekake mokakalam.
MAR 9:4 Elia a Mose uiabim paret kak; a uiaba mer atager Iesuim.
MAR 9:5 Peteru Iesui detager, kega, Opole ae, debele meriba emri ike, keriba thri nole niai meta akerare; mara nerute, Mose ra nerute, a Elia ra nerute ko.
MAR 9:6 E nole akiapor kak abele mer E detager; abelelam uiaba au geum.
MAR 9:7 Uiaba natkamda baz de; abele kodo mer teosmeda bazelam, kega, Kara Uerem nasge idali: uaba mamor abim asoli.
MAR 9:8 Sobkak uiaba bager, a nole le asmer kak, epe Iesu tepteb uiabi dog.
MAR 9:9 Uiaba paserlam tabatueli, Iesu uiabi mer tigri, uiaba nole atomeret kak abele lu uiaba emetu dasmerare, pe kekiam Le la Uerem eded akaida eudelam.
MAR 9:10 Uiaba abele mer mamor asesered, a uiaba mer atager tonar abele eded akaida eudelam.
MAR 9:11 Uiaba abi eutumer, kega, Nako, aotale giz detagereda, kega, Elia ko kekiam tabarki?
MAR 9:12 E uiabi detagereda, kega, Ageakar, Elia ko kekiam tabakeam, gaire lu ko barditug; mokakalam emetu detali Le la Ueremlam, E ko au asiasi, a abi desauersili.
MAR 9:13 Kaka uabi detagereda, kega, Elia emetu tabarki, uiaba emetu abim ikeli uiaba lag, mokakalam emetu detali abielam.
MAR 9:14 Uiaba abara kaimeg giz tabarki, uiaba dasmer gaire le lakub uiabi dog deraueili, a aotale giz uiabim mer atager.
MAR 9:15 Uiaba uridili abi dasmerare, sobkak uiaba damreda, a abim koreder kega, Maiem.
MAR 9:16 E aotale giz itmer, kega, Nako uaba uiabi mer atager?
MAR 9:17 Nerute le kublam detaut, kega, Tarim le ae, kaka marim tegardelu kara uerem, nagri lamar te dabim dabim;
MAR 9:18 E abi erpei, a E darbor: E serur ge, a tereg ikupmaretili, a gem kerar: kaka emetu mara kaimeg giz detager, ko abi imuda; epe uiaba umer kak.
MAR 9:19 E uiabi detaut, kega, Uaba nosik oatur kak, nade mop kaka uabi dog emerili? nade mop kaka uabi mabus? E karim tegaret.
MAR 9:20 Ui abim tegaret Iesuim; E abi dasmer, sobkak uit lamar abi darbor; a E sebge ekesmeri, a epeteli, a serur ge.
MAR 9:21 Iesu abara aba itmer, kega, Na kerker abele lu abim tabarki? E detaut, kega, Ditimeda kebi uerem.
MAR 9:22 Gaire kerker E abi ur ge batauered, a ko ni batauered, ueakai abi ipit eumilu: ese mama umele, ma keribi upinati, a keribi omare.
MAR 9:23 Iesu abi detager, kega, Ese mama umele! Gaire lu eseamuda umele abi abele le oituli
MAR 9:24 Sobkak abele uerem ra aba ereretikri, a ezoli detagereda, kega, Opole, kaka oituli, kara kebi oituli upinati.
MAR 9:25 Iesu gaire le lakub dasmer netat gedim koreder, E uit lamar daisumda, a abi detager, kega, Mama lamar te dabimdabim a grip batapili, kaka marim mer tigri, abielam toesmeda, a nole abi nerkep ge iako barot.
MAR 9:26 E ereretikri, a abi darbor, a tosemeda; abele uerem mokakalam le eud; iueakai gaire le batagereda, kega, E dali eumida.
MAR 9:27 Iesu abara tag datkimoartare, a abi tekuelu; E tababu tekue.
MAR 9:28 Iesu meta ge barot, abara kaimeg giz gumik abim eutumer, kega, Nalugem keriba umer kak abim imuare?
MAR 9:29 E uiabi daratagereda, kega, Abele lu mokakalam nole tabarki, mamoro esorerapare, a leuer baili tepteb.
MAR 9:30 Uiaba ab gedelam teosmeda, a eipu Galilaia nakaseredi; E nole lakak nerute le abi dasmer.
MAR 9:31 Iesu abara kaimeg giz ereuerem, a uiabi detagereda, kega, Le la Uerem ko emarida uiabim gaire le la tag, uiaba ko abi ipit eumilu; uiaba emetu abi ipit eumilu, E iako eded akaida keubu gerger thri.
MAR 9:32 Epe uiaba nole akmer kak abele mer, ui geum ko abim eutumer.
MAR 9:33 Uiaba Kaperanauma tabarki; E muige meta, E uiabim eutumer, kega, Nalu uaba gab ge basareda?
MAR 9:34 Uiaba baziguar: abelelam uiaba gab ge basared, nete aule.
MAR 9:35 Iesu emri, a tuelf le dabgeri, a uiabi detagereda, kega, Ese nerute le laglag ko kekiam, E uiaba uridili sorge ekasered, a E uiabim uridili memeg le.
MAR 9:36 E nerute kebi uerem egaret, a abim ekueilu uiaba opem: a tag ge erpei, E uiabi detagereda, kega,
MAR 9:37 Abele le nerute uerem mokakalam egaret, muige kara nei, E kari nagaret: a abele le kari nagaret, E nole kari nagaret tepteb, mamoro E dali kari namarida.
MAR 9:38 Ioane abi detaut, kega, Kole ae, keriba nerute le erdali demoni giz imuda mara nei de: E nole meribi armili kak, ki emetu abi daisumda, abelelam E nole meribi irmili.
MAR 9:39 Epe Iesu detager, kega, Nole abi asiumdar kak; nole nerute le adigir ikeli, muige kara nei, ko sobkak kari nasauersili.
MAR 9:40 Abele le nole meribi dedkoli, E meribi kemem.
MAR 9:41 Abele le ni sor uabi ikuar, abelelam uaba Keriso ra boai, ageakar, kaka uabi detagereda, nole ab kak bodomalam abim.
MAR 9:42 Ese nerute le dedkoli nerute kebile kari oituli, debele abim idid baker abara pereg didbare, a E gurim batimed.
MAR 9:43 Ese mara tag mari nadkoli, ismi adem; debele ma ededem barot netate tag, a adud neis tag gena barot, abele ur asam kak:
MAR 9:44 Abele nole eud kak uiaba gegedar, a ur asam kak niaiem.
MAR 9:45 Ese mara teter mari nadkoli, ismi adem; debele ma ededem barot netate teter a adud neis teter genaim batauered, abele ur asam kak niaiem:
MAR 9:46 Abele nole eud kak uiaba gegedar, a ur asam kak niaiem.
MAR 9:47 Ese mara pone mari nadkoli, dikiamur; debele ma Ade ra baselaia barot a netate pone, adud neis pone gena ra ur batauered:
MAR 9:48 Abele nole eud kak uiaba gegedar, a ur asam kak niaiem.
MAR 9:49 Gaire le uridili ko sol ur de.
MAR 9:50 Sol debe lu: ese nole kurabkurab, nako uaba iako kurabem? Uaba sol mamoro nagri muige uabi nerkep ge, uaba ko demeger nerute a nerute.
MAR 10:1 E ab gedelam tekue, a bakeam Iudaia nener ge abele Ioridano apek; iako gaire le netat gedim abim; E uiabi ereuerem, mokakalam abara tonar.
MAR 10:2 Faresaio giz tabakeuare, a uiaba abi eutumer, kega, Nako, gelar nagri nerute le abara kosker dituaki? Uiabi abi mirem.
MAR 10:3 Ege E uiabi detaut kega, Nako Mose uabi mer tigri?
MAR 10:4 Uiaba detager, kega, Mose de emarida ko jauali detali, epe kosker dituaki.
MAR 10:5 Iesu uiabi detaut, kega, E detali abele gelar abelelam uaba nerkep kelarkelar.
MAR 10:6 Emeret ditimeda gaire lu detagem, Ade uiaba detagem kimiar, a kosker.
MAR 10:7 Abelelam, kimiar abara aba a apu dekaerti, a abara kosker ekpi;
MAR 10:8 Uiaba neis le netat gem; iako nole neis gem, epe netat gem.
MAR 10:9 Abelelam, Ade de daratkaprida, nole le atakeamur kak.
MAR 10:10 Muige meta, abara kaimeg giz iako abi eutumer tonar abele mer.
MAR 10:11 E uiabi detagereda, kega, Ese kimiar abara kosker dituaki, a ko nerute tegared, E abi kogem:
MAR 10:12 Ese kosker abara kimiar dituaki, iako nerute tegared, E kogem.
MAR 10:13 Uiaba gaire kebile abim tegardare, ueakai E uiabi itut; abara kaimeg giz uiaba gaire le tegardare daisumdarare.
MAR 10:14 Iesu dasmer, abara nerkep asiasi, E uiabim detagereda, kega, Kebi omasker karim taramarkare, nole uiabi aisumdar kak; abelelam, Ade ra baselaia uiabi koreb.
MAR 10:15 Ageakar, kaka uabi detagereda, kega, Ese nerute le Ade ra baselaia nole erpei kak mokakalam kebile, E nole abele ge badare.
MAR 10:16 E uiabi egared, a abara tag uiabi tumge ikedi, a debe mer uiabim.
MAR 10:17 Iesu gab ge ekasered, nerute le kei koreder temerida, a abim kokomam, a abim eutumer, kega, Debe Kole ae, nalu kara dorge ikeli ueakai kaka nagri eded aseamur kak?
MAR 10:18 Iesu abi detager, kega, Nako ma nagali kaka debele? nole nerute debele, epe Ade tepteb.
MAR 10:19 Mama gelar giz umele, kega, Ma nole ipit eumilu; Ma nole ko kak; Ma nole eruam kak; Ma nole bes mer nerute le ataut kak; Ma nole nerute le okardar kak; Ma mamoro mara aba a apu naospereie.
MAR 10:20 E Iesuim detuat, kega, Kole, kaka emetu irmili abele gaire lu kebi ueremlam.
MAR 10:21 Iesu abi dasmer, a abi omare, a abi detager, kega, Netate lu ma nolea; bakeamu, a mabara lu terapei, a gaire le lu kak nakuarare, iako mara lu nagri kotor ge; a tabakeam satauro ekadar, a kari narmili.
MAR 10:22 Abara nerkep beber abele merlam, a E ezoli bakeamuda; abelelam E lu giz ra apu.
MAR 10:23 Iesu dasmer deraueili, a abara kaimeg giz detagereda, kega, Au sagim lu giz ra apu ko barot Ade ra baselaia!
MAR 10:24 Abara kaimeg giz au geum abele abara merlam. Iesu iako uiabi detagereda, kega, Kara omasker, au sagim gaire le lu lag Ade ra baselaia barot!
MAR 10:25 Kamela norgor ko badari atketelu nebge, a le lu giz ra apu etkoprida Ade ra baselaia bardari.
MAR 10:26 Uiaba au geum, a mer atager, kega, Nete le umele ko eded?
MAR 10:27 Iesu uiabi dasmer, a detagereda, kega, Le nole umer kak abele, Ade umele, E umele gaire lu uridili.
MAR 10:28 Peteru ditimeda ko abi detager, kega, Dasmer, keriba emetu dekaer keriba lu uridili, a mari narmili.
MAR 10:29 Iesu detaut, kega, Ageakar kaka uabi detagereda, kega, Ese nerute le meta dekaer, a keimer giz, a berbet giz, a aba, a apu, a abara kosker, a uerem giz, a ged giz, karielam, a euangelia,
MAR 10:30 Peirdi abele gerger, E iako egared uan handed meta, a keimer giz, a berbet giz, a apu giz, a uerem giz, a dordor ged, asiasi kemem; kerker ge niaiem eded aseamur kak ko egared.
MAR 10:31 A gaire le kekiam ko keubu; a gaire keubu ko kekiam.
MAR 10:32 Uiaba Ierusalemaem gab ge ekasered; Iesu kekiam bakeam: uiaba damreda; a abi irmili geum. E iako gaire tuelf le tegared, a ditimeda ko uiabi detagereda abele gaire lu abim ko tabarki, kega,
MAR 10:33 Dasmer, mi Ierusalemaem nogi; uiaba Le la Uerem emarik uiabim tarim giz, gaire zogozogo le, pako aotale giz; uiaba ko abim mer akesmur ko eumida, a uiabim gaire nogle nakuarare:
MAR 10:34 Uiaba ko abi neg degarare, a abi damerik, a abi mos akeida, a abi ipit eumida; abele gerger thri, E iako eded akaida.
MAR 10:35 Iakobo a Ioane, Zebedaio ra uerem giz, Iesuim tabarki, a detager, kega, Kole ae, ki laglag mama keribim ikeli abele lu ki lagelag.
MAR 10:36 E uiabi detagereda, kega, Nalu lu ua laglag kaka uabim ikeli?
MAR 10:37 Uiaba abi detagereda, kega, Keribi dekuar ko keribi emri, nerute tuter pek, a nerute ber pek, mara zorom ge.
MAR 10:38 Iesu uiabi detagereda, kega, Uaba nole umer kak abele lu uaba damseda. Nako, uaba umele ko tanelu ereli kaka ko are? a bapataiso egared kari bapataiso?
MAR 10:39 Uiaba abi detagereda, kega, Ki umele. Iesu uiabi detagereda, kega, Uaba ko tanelu ereli kaka ko are; a bapataiso egared kari bapataiso:
MAR 10:40 Epe ko emri kara tuter pek, a kara ber pek, nole kara dorge nakuar; mamoro uiabim emetu derser.
MAR 10:41 Ten le asoli, uiaba ditimeda Iakobo a Ioane urker.
MAR 10:42 Epe Iesu uiabi dabgerare, a uiabi detagereda, kega, Uaba umele uiaba tonar dikiapor sirdam gaire nogle, a uiaba kabdigili; a gaire aule uiabi sirdam.
MAR 10:43 Nole mokakalam uabi dog: ese nerute le uabi dog laglag ko aule, debele E uaba memeg le:
MAR 10:44 Ese nerute le uabi dog laglag kekiam, E memeg le uabim uridili.
MAR 10:45 Mokakalam Le la Uerem nole tabarki memeg le taraisare, mamoro E uiabim memeg le, a abara eded nakuar ko eded bodomalam uiabim gaire le giz.
MAR 10:46 Uiaba Ieriko tabarki: Iesu a abara kaimeg giz kemem gaire le lakub osmeda Ierikolam, nerute le pone sademer gab deg emri, E lu damos, abara nei Baratimaio, Timaio ra uerem.
MAR 10:47 E asoli abele Iesu Nazaretalam, E ditimeda ereretikri, kega, Iesu Dauida ra uerem, kari omare.
MAR 10:48 Dordor le abi daisumdarare ko baimilu: E elele ereretikri, kega, Dauida ra uerem, kari omare.
MAR 10:49 Iesu tekue, a detager, kega, Abi dabgeri. Uiaba sademer le dabgeri, a abi detager, kega, Saserimem: tekue, E mari dabgeri.
MAR 10:50 E abara am uali adem, a tekue, a Iesuim bakeam.
MAR 10:51 Iesu abi detaut, kega, Nalu ma laglag kaka marim ikeli? Sademer le abi detager, kega, Raboni ae, kara pone iako bakaerti.
MAR 10:52 Iesu abi detager, kega, Bakeam, ma eded mabi oatulam. E sobkak pone bakaerti, a Iesu irmili abele gab ge.
MAR 11:1 Uiaba maike Ierusalema, a Bethefage, a Bethania, abele paser ge Oliua, Iesu namarida neisi abara kaimeg giz, a uiabim detager, kega,
MAR 11:2 Ua bakeamlam abele ged uaba opem: ua abele tabarki, ua ko dasmeram asina ra uerem didbarda, abi sor agimur kak; abi detue, karim tegared.
MAR 11:3 Ese nerute le uabi detager, kega, Nalu uaua ikeli abele? ua detautam, Opole abi laglag: E sobkak abi emarida.
MAR 11:4 Ui bakeamulei, a asina ra uerem erdali abele mai gab ge esakri didbare; ui abi detue.
MAR 11:5 Uader le abele ekue, ui detager, kega, Nalugem ua asina ra uerem detue?
MAR 11:6 Ui ge uiabi detagereda mokakalam Iesu mer tigri: epe uiaba ui namariklam.
MAR 11:7 Uiaba asina ra uerem Iesuim egardale, a uiaba dordor am uali abi sorge dikmerikare; a E abi sorge egimulu.
MAR 11:8 Gaire le lakub uiaba dordor am uali gab ge esegarare: uader lu tam ismi, a gab ge esegarare.
MAR 11:9 Uiaba kekiam le, a uiaba armi le, ereretikri, kega, Hosana; Uerkab abele le Opole ra nei tabarki:
MAR 11:10 Uerkab Dauida ra baselaia, meriba aba, tabarki Opole ra nei: Hosana gaire lu tum ge.
MAR 11:11 Iesu Ierusalema tabarki, a zogo meta ge badari; E deraueilu dasmer gaire lu uridili; kikem E Bethania nakaseredi, kemem gaire tuelf le.
MAR 11:12 Iuaokaer, uiaba tabakeuare Bethanialam, E uerer ge.
MAR 11:13 E suke erdalu muriz ge lam nagri, E bakeam dasmer, ese turum nagri: E abele tabarki, E no lam dasmer; nole tabarki kerker turum.
MAR 11:14 Ege E suke detager, kega, Nole le mara turum aro kak niai karem. Abara kaimeg giz asereda.
MAR 11:15 Uiaba Ierusalema ge tabarki; Iesu zogo meta ge badari, a ditimeda uiabi daratirieda gaire le lu terapeirare zogo meta muige, a bau lu terapeirare eraskida, a uiaba dibadib terapeirare, uiaba gaire sik eraskida;
MAR 11:16 Pako E nole nerute le amari kak tanelu tais zogo meta ge.
MAR 11:17 Iesu uiabi ereuerem, kega, Nako, nole autar kak, Ko kara meta nei atker, kega, Esorerapare meta uiabim gaire le uridili? epe uaba emetu depegereda abele mokakalam baker kur ge uiabim gaire eruam le giz.
MAR 11:18 Aotale giz asereda, a zogozogo le giz, uiaba deraimer ko abi ipit: uiaba abi geum, abelelam gaire le lakub abara ereuer damereda.
MAR 11:19 Gaire kikem, E osmeda ab gedelam.
MAR 11:20 Idim ge, uiaba gab ge ekasered maike abele suke, ui dasmer abele suke ekeamulu giz ge ditimeda.
MAR 11:21 Peteru dikiapor, epe abim detager, kega, Rabi, dasmer, abele suke mama desauersili, abele ekeamulu.
MAR 11:22 Iesu uiabim detaut, kega, Ua ko Adim oituli.
MAR 11:23 Ageakar, kaka uabi detagereda, kega, Ese nerute le abele paser ge mer detager, kega, Ma eupumar, a gur ge baraigida; a nole abara nerkep emarili, E ko egared abele mer E detager, oitulilam.
MAR 11:24 Abelelam, kaka uabi detagereda, kega, Gaire lu uridili uaba damos esorerapare ge, oituli uaba ko nagri, epe uaba ko nagri.
MAR 11:25 Ua taba ko esorerapare, ese nerute le uabi dedkoeda, abi emariklu; iako uaba Aba kotor ge uaba uit emarik.
MAR 11:26 Ese uaba nole emarik, iako uaba Aba, kotor ge, nole uabi uit giz emarik.
MAR 11:27 Uiaba iako Ierusalema takomeda: E muige zogo meta ekasereder, epe zogozogo le giz abim tabakeuare, a aotale giz, a au le giz;
MAR 11:28 A abi detager, kega, Nalu abele sirdam mama ikeli abele gaire lu? a nete le marim ikuar abele sirdam ko mama ikeli abele gaire lu?
MAR 11:29 Iesu uiabi detager, kega, Kai uabim eutumer nerute mer, ese ua kari natautare, kaka ko uabi detagerare abele sirdam kaka ikeli abele gaire lu.
MAR 11:30 Ioane ra bapataiso, nako kotorlam, nako lelam? kari nataut.
MAR 11:31 Ege uiaba mer atagere, kega, Ese meriba detagerare, kega, Kotorlam; ege E detager, kega, Nalugelam uaba nole abi agared kak?
MAR 11:32 Ese meriba detagerare, kega, Lelam: uiaba geum gaire lelam, abelelam gaire le uridili Ioane egared mokakalam perofeta kar.
MAR 11:33 Ege uiaba Iesuim detaut, kega, Keriba umer kak. Iesu uiabim detager, kega, Kaka nole uabi atager kak abele sirdam gaire lu kaka ikeli.
MAR 12:1 Iesu ko ditimeda uiabim detager gaire mer babisdarie, kega, Nerute le uina gedub akerare, a kar derumeda, a uak dakeili ko uina igmesi, a eskare emoarare, a gedub le nakuarare, a muriz ged bakeamuda.
MAR 12:2 Nurge, E nerute memeg le mamarida uiabim gaire gedub le, ko uina turum taisare uiabielam.
MAR 12:3 Uiaba abi terpei, a abi damarik, a abi dituaki, nole lu kak.
MAR 12:4 E iako uiabim nerute memeg le namarida; a ui bakiru abi erborare, abara kerem nakesmuare a emetu dedkoare, uiaba abi dituaki.
MAR 12:5 E iako nerute namarida; a uiaba abi ipit eumida: a ko uader gaire; a uader damarik, a uader ipit eumida.
MAR 12:6 E nagri netat uerem nasge: E keubu abi namarida uiabim, kega, Uiaba ko kara uerem geum ge.
MAR 12:7 Uiaba gaire gedub le mer atagere, kega, Ab kesem peik; tabakeuare, meriba abi ipit, a gaire abara lu, meriba lu.
MAR 12:8 Ege uiaba abi terpei, a ipit eumida, a adige batauerem uina gedublam.
MAR 12:9 Uina gedub ra opole nalu ko ikeli? E ko tabarki a uiabi gedub le atkirua, a uina gedub uader le nakuarare.
MAR 12:10 Nako uaba nole jauali zogo atager kak, kega, Abele baker uiaba gaire le meta emorare dituaki, emetu ikeli abele meta serer ge:
MAR 12:11 Abele lu Opole de ikeli, meriba dasmerare, a damareda?
MAR 12:12 Uiaba deraimeri ko abi terpei, epe uiaba gaire le lakub geum ge; abelelam uiaba umele abele mer babisdarie E uiabi detager: uiaba abi dikaerti, a bakeamuda.
MAR 12:13 Uiaba uader Faresaio giz Iesuim namarida, a Herodiano giz, ko abara mer asesered.
MAR 12:14 Uiaba tabarki, a abi detager, kega, Kole, keriba umele mama le ageakar, a nole le geum kak; ma nole akiapor kak le la op, mamoro Ade ra gab ageakar ereuerem: Nako, barkak Kaisaraim lu nakuar, a nolea?
MAR 12:15 Nako, keriba ko ikuar, a keriba nole akuar kak? Epe E opasereret uiaba okardare, a uiabim detager, kega, Nalugelam uaba kari mirem? denari kari nakuar, kaka dasmer.
MAR 12:16 Uiaba nerute tais, E uiabi detager, kega, Abele nete ra op, a aotale? Uiaba abi detager, kega, Kaisara.
MAR 12:17 Iesu uiabim detaut, kega, Kaisara ra lu Kaisaraim nakuar, a Ade ra lu Adim nakuar. Uiaba abi damreda.
MAR 12:18 Sadukaio giz abim tabakeuare, uiaba dikiapor nole eded akaida; uiaba abi nautumer, kega,
MAR 12:19 Ereuer le ae, Mose keribi detali, kega, Ese nerute le la keimer eumida, a abara kosker dikaerti, a nole uerem kak, abara keimer abele kosker egared, ko abi keimer kesem.
MAR 12:20 Sefen keimer giz: abele narbet kekiam ko ispida epe eumida, nole kesem kak;
MAR 12:21 Nerute keimer kosker egared, epe eumida nole kesem kak; mokakalam nerute keimer:
MAR 12:22 Sefen keimer giz nole kesem kak. Keubu kosker eumida.
MAR 12:23 Niaiem, uiaba tekue abele eded akaida, nete ra kosker uiaba? Abelelam emetu gaire sefen le abi egared uiaba kosker.
MAR 12:24 Iesu uiabim detaut, kega, Abele giz uaba didmirik, nako uaba nole umer kak jauali zogo, a Ade ra adigir?
MAR 12:25 Ese uiaba eded akaida eudelam, kosker agared kak, a akuar kak; uiaba ko abkoreb gaire angela kotor ge.
MAR 12:26 Abele eud le giz, ko eded akaida; nako uaba nole Mose ra jauali atager kak, Ade abi detager lulam, kega, Kaka Abarahama ra Ade a Isaaka ra Ade, a Iakobo ra Ade?
MAR 12:27 E nole Ade kak eud le giz, mamor Ade gaire eded: abelelam uaba au didmirik.
MAR 12:28 Nerute aotale giz kei tabakeam, E uiaba mer atager asoli, a opasereret Iesu de uiabim barkak detaut, E abi eutumer, kega, Nade aule gaire gelar uridili?
MAR 12:29 Iesu abi detaut, kega, Abele aule gelar giz uridili, kega, Isaraela ma asoli Iehoua meriba Ade, Iehoua tepteb:
MAR 12:30 Ma ko Iehoua laglag mara Ade, a mara nerkep netat, a mara mar netat, a mara saserim kemer kemer.
MAR 12:31 Mokakalam abele gelar neisiem, kega, Ma ko omare le mari dog emeri mabi koreb. Nole nerut au gelar tumem abele neisi gelar.
MAR 12:32 Aotale abi detager, kega, Uao Kole, ageakar mama detager; Ade netat; E tepteb:
MAR 12:33 Le abi laglag abara nerkep netat, a abara pereg netat, a abara mar netat, a abara saserim uridili, a omare le abi dog emeri abi koreb, abele lu kar tumem gaire lu nakuar uridili.
MAR 12:34 Iesu dasmer E barkak detaut, E abi detager, kega, Ma nole muriz kak Ade ra baselaia. Nole nerute le saserim ko abi eutumer.
MAR 12:35 Iesu muige zogo meta ereuerem, a detager, kega, Nalugelam aotale giz detagereda, kega, Keriso Dauida ra uerem?
MAR 12:36 Dauida detager Lamar Zogolam, kega, Iehoua kari Opole detager, kega, Ma emri kara tuter tag pek, pako kaka eseamuda mara keubu le giz ikedi ko mara teter mas.
MAR 12:37 Dauida abara nei atker Opole; nalugelam E abara uerem? Le lakub abi sererge asoli.
MAR 12:38 Iesu uiabim daratagered muige abara ereuerem, kega, Aotale giz dasmer, uiaba laglag nakasir perepere am uali, a laglag gaire le uetpur uteb ge uiabim naospereda,
MAR 12:39 A uiaba laglag gaire op sik muige sunago giz, a gaire op sik uetpur ge:
MAR 12:40 Uiaba itkamer gaire lu muige meta mai kosker giz ra meta, a perepere esorerapare abele itkamare; uiaba ko nagri au uit bodomalam ko.
MAR 12:41 Iesu mani epei op emeri, a dasmer uiaba tonar epei ge mani batauereda: gaire lu giz ra apu aule batauereda.
MAR 12:42 Nerute mai kosker tabakeam, nole lu kak, a neis kebi mani natimeda, mokakalam netate fathen.
MAR 12:43 Iesu abara kaimeg giz darabgerare, a uiabim daratagereda, kega, Ageakar, kaka uabi detager, kega, Abele mai kosker, nole lu kak, abele batauereda mani epei ge uiabi uridili tumem batauereda:
MAR 12:44 Abelelam uiaba uridili batauereda uiaba au lu giz ra apulam; E natimeda uridili nole lu kaklam, abele abara leuer terapei.
MAR 13:1 Ege E teosmeda zogo metalam, nerute abara kaimeg giz abi detager, kega, Kole, dasmer, gaire au baker a gaire meta giz!
MAR 13:2 Iesu abi detaut, kega, Ma dasmer gaire au meta giz abele? nole nerute baker ko igi tumem nerute baker, a nole abu kak.
MAR 13:3 Iesu tumem paser ge Oliua emeri, zogo meta op, Peteru a Iakobo a Ioane a Anederea gumik abim eutumer,
MAR 13:4 Ma keribi detagerare abele kerker ko tabarki abele gaire lu, a nalu atamelam abele gaire lu uridili ko tabarki?
MAR 13:5 Ege Iesu uiabim detaut, a ditimeda detager, kega, Mamoro dasmer nerute le uabi okardare;
MAR 13:6 Abelelam gaire le ko kara nei ge tabarki, a detager, kega, Kakanali Keriso; a gaire le didmirki.
MAR 13:7 Uaba barseda aserare, a barseda daratagereda, nole geum kak; abkoreb abele kekiam tabarki; mop uarem.
MAR 13:8 Abelelam nerute ged tekue obapit nerute ged, a nerute baselaia obapit nerute baselaia: a demali ko nagri uader ged, a memeig giz tabarki, a urker: abele ditimeda giz gaire asiasi.
MAR 13:9 Uaba mamoro dasmer; uiaba uaba kotem emarik; a uaba ipit sunago ge; a uaba tegared gauana giz a au opole giz ra op karielam, uiabim atamelam.
MAR 13:10 Abkoreb kekiam euangelia marau uiabim gaire ged uridili.
MAR 13:11 Ese uiaba uaba tegared, a uaba emarida, uaba nole kekiam deraimeri a dikiapor na mer ko detager; abele gerger ua ko detager, abele mer uabi nakuar; a nole uaba detager, mamoro Laniar Zogo.
MAR 13:12 Nerute keimer abara keimer emarida ko eumida, mokakalam aba abara ueremem; a uerem giz tekue obapit uiaba aba a apu, a ui emarida ko eumida.
MAR 13:13 Gaire le ko uabi derar kara neilam, ese nerute le erpei mop ge tabarki, E ko eded.
MAR 13:14 Ese uaba uite lu dasmer atkolam, Daniela perofeta emetu detager, tekue nug uteb ge, (le etage mamoro dikiapor,) kerker peik, uiaba gaire le Iudaia emeri ko paser ge koreder:
MAR 13:15 Ese le meta tumge emeri, E nole muige meta abu kak, a nole abara meta badari ko nerute lu tais:
MAR 13:16 Ese le gedub emeri, E nole akomeret kak, tabara am uali tais.
MAR 13:17 Uaiai uiaba gaire kosker kem kem, a uiaba nano emeli abele gerger giz!
MAR 13:18 Uaua ko bamereda, ueakai abele lu nole nur ge tabarki.
MAR 13:19 Abelelam ko au asiasi abele gerger giz, nole mokakalam ditimeda gaire lu Ade detagem pako irdi, a nole mokakalam niaiem.
MAR 13:20 Ese Opole nole tuprik abele gerger giz, nole le kak umele eded: Epe E tuprik abele gaire gerger, uiabielam gaire le depegili, E digmiri.
MAR 13:21 Ese nerute le uabi detager, kega, Dasmer, Keriso ike; a dasmer, Keriso idali; nole uaba abi asor kak:
MAR 13:22 Abelelam gaire Keriso bes, a gaire perofeta bes ko tabarki, a uiaba natomertare gaire atamelam a gaire adigir, ko didmirki gaire le depegili, ese umele.
MAR 13:23 Uaba ko dikiaporare: dasmer, kaka emetu uabi detagereda.
MAR 13:24 Keubu abele gaire gerger asiasi, lem au kupikup nole be kak, a meb nole meb gerib kak,
MAR 13:25 A kotor uer giz nabuda, a gaire kotor adigir deskerdi.
MAR 13:26 A uiaba ko dasmer Le la Uerem baz giz ge tedegemele, kemem au adigir a zorom zorom.
MAR 13:27 E tabara angela giz namarida, ko taraisare abara le giz emetu depegili foa uag peklam, ditimeda geseb, paikai ge pako kotor paikai ge.
MAR 13:28 Uaba ko ereuerem abele mer babisdarie abele suke: girkupi tam, a lam eperekili, uaba umele bar maike;
MAR 13:29 Mokakalam, ese uaba dasmer abele gaire lu tabarki, mamoro dikiapor, abele kerker maike abele gab te.
MAR 13:30 Ageakar, kaka uabi detager, kega, Nosik le peik nole abu kak, kekiam abele gaire lu tabarki.
MAR 13:31 Kotor ge a geseb ge ko abu; a kara mer giz nole abu kak.
MAR 13:32 Epe abele gerger pako haua iamdali le nole umer kak, angela giz kotor ge nole umer kak, a Uerem nole umer kak, epe Aba tepteb.
MAR 13:33 Uaba mamoro dasmer, a derser, a esorerapare; abelelam uaba nole umer kak abele gerger.
MAR 13:34 Mokakalam le muriz gedim bakeam, tabara meta dekaerti, a tabara memeg giz sirdam nakuarare, a le gab te asesere abi mer tigri ko derser.
MAR 13:35 Abelelam ua ko derser: abelelam uaba nole umer kak abele gerger meta ra Kole ko tabarki, ese kikem, ese eip ki, ese kimiar faul ereretikri, ese idim ge:
MAR 13:36 Epe E sobkak tarabarakua, a uabi erdali uteid.
MAR 13:37 Abele mer kaka uabi detagereda, kaka uiabim gaire le uridili detagereda, Derser.
MAR 14:1 Neis gerger iobaru, paseka akerare, a areto nole isi kak; zogozogo le giz, a aotale giz ko deraimeri abi terpei okardarem, a abi ipit eumida.
MAR 14:2 A uiaba detager, kega, Nole abele ikeli uetpur ge, iaueakai abele ged ataperetlam.
MAR 14:3 E emri Bethania, muige Simona lepera ra meta, E emri leuer aroem, nerute kosker abim tabakeam nagri alabasa tarpor, muige muro ido lu; E emetu tarpor daraturumda, E abi kerem ge epaiteredelu.
MAR 14:4 Uader le urker, a mer mer, kega, Nalugelam abele muro epaitered?
MAR 14:5 Abelelam ese emetu terapei, abele bodomalam tumem thri handed denari a ko ikuarare gaire le lu kak. A uiaba abi urker.
MAR 14:6 Iesu detager, kega, Nole abi ataperet kak; nalugem uaba abi bamsili? abelelam E debe dorge karim ikeli.
MAR 14:7 Abelelam le giz nole lu kak no uabi dog emeri, uaba umele uiabim debe dorge nakeli abele gerger uaba laglag; epe kaka nole niai emeri uabi dog.
MAR 14:8 Kosker emetu ikeli abele lu E umele: E kekiam kara gem dedered kari natkobei.
MAR 14:9 Ageakar, kaka uabi detagereda, kega, Gaire ged uridili geseb ge ko euangelia marao, abele ko etomeret kosker ra dorge, mena ko dikiapor abim.
MAR 14:10 Nerute le, abele tuelf lelam, nei Iuda Isakariota, E bakeam uiabim zogozogo le giz, ko abi keserkeser uiabim.
MAR 14:11 Uiaba asereda, uiaba sererge, a abi detager ko mani abi ikuar. E deraimeri ko Iesu keserkeser.
MAR 14:12 Abele kekiam gerger areto nole isi kak, abele kerker uiaba paseka ipit, abara kaimeg giz abi detager, kega, Nade uteb mama lag keriba ko paseka ero?
MAR 14:13 E neis abara kaimeg giz namariklu, a uiabi detager, kega, Ua bakeamulei utebem, nerute le uabi obapit a nini tarpor erpei: abi irmilei;
MAR 14:14 E abele ge badari, uaba meta kemle detagereda, kega, Kole de detager, Nade suble uteb, kaka a kara kaimeg giz paseka eroarem?
MAR 14:15 Ege E uabi degeredi nerut au uteb kotor, emetu derser a eseger: a uaba ko derser keribim.
MAR 14:16 Abara kaimeg giz neis bakeamulei, a uteb ge tabarki, a erdarei mokakalam E uiabi daratager; epe uiaba paseka derser.
MAR 14:17 Kikem Iesu a tuelf le kei tabarkeda.
MAR 14:18 Uiaba baido, a leuer eroare, Iesu detager, kega, Ageakar, kaka uabi detagereda, kega, Nerute uabielam kari keserkeser, abele le kari dog eroli.
MAR 14:19 Uiaba ditimeda okasosok, a abi detager, kega, Nako kaka? a nerute kega, Nako kaka?
MAR 14:20 Iesu uiabim detaut, kega, Nerute uaba tuelf lelam, le itili kari dog tanelu ge.
MAR 14:21 Le la Uerem bakeamulu mokakalam abim detali: epe uaiai abele le Le la Uerem keserkeser! debele abele le nole aosmer kak.
MAR 14:22 Uiaba eroare, Iesu areto ekao, a esoao, a itur a uiabi nakuarare, a daratagerare, kega, Tekao aroem: kara gem ike.
MAR 14:23 E tanelu ekao, a esoao, a uiabi nakuarare: a ui uridili areem.
MAR 14:24 E uiabi daratagereda, kega, Kara mam ike, abele kerkar gelar, epaitered uiabim gaire dordor le.
MAR 14:25 Ageakar, kaka uabi detagereda, kega, Kaka nole iako aree kak abele uina turumlam, kekiam tabarki abele gerger kaka ko aree kerkar uina Ade ra baselaia ge.
MAR 14:26 Uiaba emetu uedakiriare nerute ued, uiaba Oliua paserem bakeamuda.
MAR 14:27 Iesu uiabi daratagereda, kega, Uaba uridili ko ezigmada karielam abele ki ge: emetu detali, kega, Kai le mamoe asesered ipit, epe mamoe giz kepu bamarida.
MAR 14:28 Emetu kaka eded akaida, kaka kekiam bakeam Galalaiem a uaba keubu.
MAR 14:29 Peteru abi detager, kega, Ese ui uridili marim ezigmada, kai nolea.
MAR 14:30 Iesu abi detager, kega, Ageakar, kaka mari detager, kega, Thri ma ko kari nasared, abele ki ge, a kimiar faul nole neisi ereretikri kak.
MAR 14:31 E iako elele detager, kega, Ese kaka mari kemem naumilu, kaka nole mari asared kak. Uiaba uridili daratagereda abkoreb.
MAR 14:32 Uiaba nerute utebem tabaruda, nei Gethesemane: E abara kaimeg giz daratagereda, kega, Uaba bameri ike, kai esorerapare.
MAR 14:33 E Peteru, a Iakobo, a Ioane taraisare, a ditimeda ko okasosok, a nerkep okabatageli;
MAR 14:34 E uiabi daratagereda, kega, Kara mar au asiasi bakedid abele eud; ua ge bamer, a derser.
MAR 14:35 E kebi kebi bakeam, a seb ge etkobeilu, a esorerapare, ko abele haua abielam abi, ese umele.
MAR 14:36 E detager, kega, Aba, Baba, mama umele gaire lu eseemuda; karielam ekao abele tanelu; epe nole kara lag ikeli mabara lag ikeli.
MAR 14:37 E ko akomed a uiabi erdali uteid, E Peteruim detager, kega, Simona, ma uteid? ma nole saserim kak ko derser netat haua ge?
MAR 14:38 Ua ko derser, a esorerapare, ueakai uaba nole mirem barot: lamar saserim, epe gem gebgeb.
MAR 14:39 Iesu iako bakeam ko esorerapare, a detager abele netat mer.
MAR 14:40 E iako takomeda, a uiabi erdali iako uteid, abelelam uiaba pone beber, a uiaba umer kak nerute mer abi detaut.
MAR 14:41 Iesu thri tabakeam, a uiabi daratagereda, kega, Ua ko uteid, a nerbazi; sina, haua ike; dasmer, emetu Le la Uerem keserkeser uiabim gaire uit le giz.
MAR 14:42 Bako, mi nabakeuare; dasmer, E maike le kari keserkeser.
MAR 14:43 E abele mer detager, sobkak Iuda tabarki, nerute le tuelf lelam, a abi kemem gaire le uridili teibur tulik a gabagaba taraisare, uiabielam zogozogo le giz, a aotale giz, a au le giz.
MAR 14:44 Abele le abi keserkeser uiabim daratagereda nerute atamelam, kega, Le kaka abi eskos, E dali; uaba abi erpeirare, a elele tegardare.
MAR 14:45 E sobkak tabarki, E abim bakeam, a abi detager, kega, Rabi ae; a abi eskos.
MAR 14:46 Uiaba abim tag giz itrimuda, a abi terpei.
MAR 14:47 Nerute le uiabielam tekue, a teibur aososo tulik iseda, a kole zogozogo le giz ra memeg le ipit, a abara laip ismilu.
MAR 14:48 Iesu uiabi daratagereda, kega, Nako, ua tabakeuare karim eruam le ise, a gaire teibur aososo tulik, a gaire gabagaba kari tais?
MAR 14:49 Kaka uabi dog gaire gerger giz zogo meta ge okadeskeda, uaba nole kari arpeir kak; bakedilu eski abele zogo mer detali.
MAR 14:50 Uiaba uridili abi dekaerti, a koreder bameri.
MAR 14:51 Nerute makeriam abi irmili, E aole a uali lino batkam: a makeriam giz abi erpeirare;
MAR 14:52 E uali lino igilu, a aole uiabielam koreder ge bakeamulu.
MAR 14:53 Uiaba Iesu datkimuardare abim kole zogozogo le giz: gaire kole zogozogo le giz netate gedim abim, a aotale giz.
MAR 14:54 A Peteru muriz ge abi irmili, abele uteb meta ge, kole zogozogo le giz ra meta; E kemem emeri uiabi dog memeg le giz, a abi ur ge gebaugeli.
MAR 14:55 Gaire kole zogozogo le giz, pako gaire tarim le giz deraimerare abielam nerute tonar, ko abi ipit eumilu; epe nole ardar kak.
MAR 14:56 Dordor le abielam bes mer detager, a dordor tonar mer uiaba detagerare.
MAR 14:57 Uader le bako, a abielam bes mer detagerare, kega,
MAR 14:58 Keriba asereda E detager, kega, Kaka, ko abele meta ezageri, tagu ikeli, a thri gerger kaka ko nerut ikeli, a nole tagu ikeli.
MAR 14:59 Epe nole netate gab uiaba mer detagerare.
MAR 14:60 Abele kole zogozogo le giz eipu tekue, a Iesuim eutumer, kega, Nako ma nole mer etkalu? nako mer uiaba tais marielam?
MAR 14:61 Epe E bazeguar, a nole mer kak. Ege kole zogozogo le giz iako abim eutumer, a abi detager, kega, Ma Keriso nali, Aosperera ra Uerem me?
MAR 14:62 Iesu detaut, kega, Kakanali; uaba ko dasmer Le la Uerem adigir tuter tag emeri, a ko tabakeam gaire kotor baz giz ge.
MAR 14:63 Abele kole zogozogo le giz tababu tabara am uali etoat, a detager, kega, Epe nalu nerute merume le?
MAR 14:64 Uaba emetu asereda Adim op mer detagereda; nalu uaba dikiapor? Uiaba uridili mer nakesmur, kega, Abkoreb E ko eumida.
MAR 14:65 Uader le ditimeda abi mos itu, a abara op demdare, a abi detapiare, a abi detager, kega, Ma ko perofeta; a memeg le giz abi ipitare tag de.
MAR 14:66 A Peteru lokod ge emeri, nerute neur, abele kole zogozogo le giz ra memeg, tabakeam;
MAR 14:67 E Peteru erdali ur ge gebaugeli, E abi dasmer, a detager, kega, Mama nerute le kemem Iesu.
MAR 14:68 Epe E asared, kega, Kaka nole umer kak, kaka nole opasereret kak abele lu ma detager. E osmeda abele maisu ge; a kimiar faul ereretikri.
MAR 14:69 Neur memeg le iako abi erdali, a ditimeda detager uiabim akuelem, kega, E dali nerute uiabielam.
MAR 14:70 E iako asared. Nole uapum kak, gaire akuelem iako abi detager, kega, Ageakar ma nerute le uiabielam, ma Galilaia le, ma uiabim netate kodomer.
MAR 14:71 Peteru ditimeda adud mer egali, kega, Kaka nole umer kak abele le uaba detager.
MAR 14:72 Kimiar faul neisiem ereretikri. A Peteru dikiapor abele mer Iesu abi detager, kega, Kimiar faul nole neisi ereretikri, ma ko thri kari nasared. E dikiapor, a E bazoli.
MAR 15:1 Ege idim ge gaire kole zogozogo le giz, a au le giz, a aotale giz, pako gaire tarim le giz ko mer atagere; uiaba emetu Iesu didbare, uiaba abi egared, a Pilato nakuar.
MAR 15:2 Pilato abi eutumer, kega, Nako mama Iudaia le giz ra Opole? E abi detaut, kega, Eko mama detager.
MAR 15:3 Zogozogo le giz gaire mer abi okadiridili.
MAR 15:4 Pilato iako abi eutumer, kega, Ma nole ataut kak? dasmer gaire mer uiaba mari naridili.
MAR 15:5 Epe Iesu nole ataut kak; abelelam Pilato au damred.
MAR 15:6 Uetpur kerker E uiabim emarida nerute le didbar, uiaba laglag.
MAR 15:7 Nerute le nei Barabasa, didbare gaire le opole basardare, uiaba le ipit eumilu abele kerker opole asaredelam.
MAR 15:8 Gaire le uridili uiaba elele ereretikri, a ditimeda abim eutumer ko uiabim ikeli mokakalam ababur ge ikeli.
MAR 15:9 Pilato uiabim detaut, kega, Nako, uaba laglag kaka uabi dakuarare Iudaia le giz ra Opole?
MAR 15:10 Abelelam E umele uiaba, gaire kole zogozogo le giz, Iesu nakuar kurablam.
MAR 15:11 Gaire kole zogozogo le giz gaire le namarida, ko detager, kega, Barabasa keribim emarik.
MAR 15:12 Pilato iako uiabim detaut, kega, Nalu lu uaba lagelag kaka ikeli abim, abele le uaba nei atker Iudaia le giz ra Opole?
MAR 15:13 Uiaba iako ereretikri, kega, Abi satauroem.
MAR 15:14 Pilato uiabim detagereda, kega, Nalu adud Eikeli? A uiaba elele ereretikri, kega, Abi satauroem.
MAR 15:15 Pilato lagelag gaire le lakub ra nerkep ko sererge, E Barabasa uiabim namarida, a emetu Iesu damrik, E abi ikuar ko satauroem.
MAR 15:16 Gaire ares le abi kebi metaem tegared, nei Praitorio, a ares le nosik taraisare.
MAR 15:17 Uiaba abi mamam am uali amer, zegerzeger lager euer aperem, a abi kerem dameare;
MAR 15:18 A ditimeda ko abi detager, kega, Uaiai, Iudaia le giz ra Opole!
MAR 15:19 Uiaba abara kerem pater de ipit, a abi mosu iduare, a kokomamu, a abi erkepsam.
MAR 15:20 Uiaba emetu abi neg degarare, uiaba mamam am uali igi, a abara am uali ami, a abi adige tegared ko satauroem.
MAR 15:21 Uiaba nerute le Kurene namarida abara satauro kodrom, Simona nei, E uiabi dog maike bakeuda sumezlam, abele le Alesandero a Rufa ra aba.
MAR 15:22 Uiaba abi tegared abele uteb Gologotha, tonar abele, Kerem lid ra uteb.
MAR 15:23 Uiaba abi ikuar uaina etaperet okakis muro: epe E nole erpei kak.
MAR 15:24 Uiaba emetu abi satauroem, uiaba abara gaire am uali uaderapei, a luglug ikeli, nete de ekadare.
MAR 15:25 Opem abele haua thri, uiaba abi satauroem.
MAR 15:26 Abele jauali detali abara tonarlam etomeret, kega, IUDAIA LE GIZ RA OPOLE.
MAR 15:27 Neisi eruam le kemem abi dog satauroem; nerute le abi tuter tag, a nerute le abi ber tag.
MAR 15:28 Bakedida iski abele zogo mer emeret detali, kega, Netat abim babei kemem uite le giz.
MAR 15:29 Gaire le satauro seb ge nakasir desauersili, a kerem dirilare, kega, Ma zogo meta ezageri, a thri gerger ko ikeli,
MAR 15:30 Ma mabu idigiri, a sataurolam uatabu.
MAR 15:31 Mokakalam gaire kole zogozogo le giz abi desauersili, a aotale giz, kega, E uader le idigir, a nole umer kak tababu idigiri.
MAR 15:32 Debele Keriso, Isaraela le giz la Opole, peidi uatabu sataurolam, keriba abi dasmer, a oituli. Abele neisi le kemem abi satauroem abi desauersili.
MAR 15:33 Opem haua sikes, kupkup ged ge uridili bakedilu abele nain haua.
MAR 15:34 Abele nain haua Iesu au ereretikri, kega, Eloi, Eloi, lama sabakethani? tonar abele, Kara Ade, kara Ade, nalugem ma kari nakaerti?
MAR 15:35 Uader le bako, aserare, uiaba detagereda, kega, Dasmer, E Elia dabgeri.
MAR 15:36 Nerute le koreder, sap uinega akmei, a pater ge dasirilu, a abi ikuar ko eree, a detager, kega, Sina; mi dasmer, Elia ko uatabu abi tatkurda.
MAR 15:37 Iesu emetu au ereretikri, Epe namarid tabara lamar.
MAR 15:38 Abele uali demed zogo meta muige tababu batoat, kotorlam a giz ge,
MAR 15:39 Abele kerem le, asesered netate handed ares le, abim opem tekue, erdalu tonar abara eumida, E detager, kega, Ageakar, Ade ra Uerem idali.
MAR 15:40 Gaire kosker giz tekue muriz ge dasmer; uiabi dog Maria Magadalena, a Maria kebi Iakobo ra apu, a Iose, a Salome;
MAR 15:41 Uiaba, Iesu irmilare E Galilaia ge, a abim dorge ikeli; a gaire kosker abi kemem irmilare Ierusalemaem.
MAR 15:42 Kikem, abele derser gerger, sabath iuaokaer,
MAR 15:43 Iosefa Arimathia le tabarki, le umele, a ekosili, E nerute le Ade ra baselaia naokaili; E saserim Pilatoim bakeam, a Iesu ra gem damos.
MAR 15:44 Pilato karom ese E eumida: E kerem le, asesered netate handed ares le, dabgeri, a abi eutumer, kega, Nako, emeret E eumida?
MAR 15:45 E asoli kerem lelam, E Iesu ra gem nakuar abim Iosefa.
MAR 15:46 E uali lino mog terapei, a E tatkurda, a uali lino de abi sopem, a baker kur daiui abi azeriklu; a au baker erparik gab dimilu.
MAR 15:47 Maria Magadalena, a Maria, Iose ra apu dasmer abele uteb abi ikedilu.
MAR 16:1 Abele sabath iobaru, Maria Magadalena, a Maria, Iakobo ra apu, a Salome debe laglag lu terapei, uiaba ko Iesu ra kem dedered.
MAR 16:2 Uiaba aoem tabarki bane ge, abele kekiam gerger sefen, kerker lem eupamada.
MAR 16:3 Uiaba mer atager, kega, Nete de meribim baker erparik abele kur telam?
MAR 16:4 Ui dasmer, a erdali baker emetu kei erparkei: au baker peik.
MAR 16:5 Uiaba aoem barot, a makeriam dasmer tuter pek emeri, zazer uali ame; uiaba bazigmaret.
MAR 16:6 E uiabim detager, kega, Uaba azigmaret kak: uaba Iesu Nazareta le deraimer, abele le emetu satauroem; E iako eded akaida; E nole ike; dasmer abele uteb uiaba abi ikedi!
MAR 16:7 Ua bakeamlam, a abara kaimeg giz a Peteruim detager, kega, E kekiam bakeamulu uabi opem Galilaiaem; uaba ko abi erdali abele uteb, mokakalam ababur ge E uabim detager.
MAR 16:8 Uiaba sobkak teosmeda, a koreder aolam; uiaba durdur, a orida: epe uiaba nole nerute le mer atager kak; abelelam ui geum ge.
MAR 16:9 Iesu emetu eded akaida idim ge, abele gerger kekiam sefen, E Maria Magadalena kekiam paret kak osmeda, E sefen demoni ditrida abele koskerlam.
MAR 16:10 E dali bakeamulu, a uiabim gaire le Iesu ra kemem natomelu, uiaba noge okasosok a bazoli.
MAR 16:11 Uiaba asereda Iesu eded akaida, pako E kosker paret kak osmeda, uiaba nole oatur kak.
MAR 16:12 Abele gaire lu iobaru, Iesu paret kak osmeda nerute tonar uiabim neisi uiaba boai, ui gab ge gedub bakeam.
MAR 16:13 Ui bakeam a uiaba boai natomelu; epe uiaba ui nole oatur kak.
MAR 16:14 Keubu, Iesu paret kak osmeda uiabim gaire elefen le, uiaba aroem; E uiabi nakereda nole oatur kaklam, a kelarkelar nerkep, abelelam uiaba nole oatur kak abele gaire le abi dasmer E eded akaida.
MAR 16:15 Ege E uiabim detagereda, kega, Ua bakeuare gaire ged narida uridili, a ko euangelia marao uiabim gaire le uridili.
MAR 16:16 Ese nerute le oituli, a emetu bapataiso, E ko eded: ese nerute le nole oatur kak, E ko eumilu.
MAR 16:17 Abele gaire atamelam ko irmilare gaire le oituli: uiaba ko demoni giz dituaki kara nei de; uiaba ko detager uader ged ra kodomer;
MAR 16:18 Uiaba ko tabu giz erpei, ese uiaba eudeud lukup ereli, uiaba nole eud kak; uiaba ko tag giz gim le giz dikmerik, uiaba nadgirauem.
MAR 16:19 Iesu Opole emetu uiabim daratagereda, iako abim bakuarda kotorem, a Ade ra tuter tag emeri.
MAR 16:20 Ui bakeuare, a marao gaire ged uridili, Opole uiabi kemem dorge, a abele mer ageakarem, gaire adigir de irmili. Amen.
LUK 1:1 Abele mer gaire le giz elele detarare abkesem, abele mer keriba emetu erdarda,
LUK 1:2 Mokakalam uiaba nakuarare keribim, ui ge emetu erdarare, pako memeg le giz ditimeda abele mer,
LUK 1:3 Abelelam kaka dikiapor, abele kai deraimer gaire lu uridili peirdi ika ditimedilu, kaka daotare abkesem marim, opole Teofilo;
LUK 1:4 Ueakai ma umele ageakar abele gaire lu, emetu mari ereuerem.
LUK 1:5 Abele kerker ge Heroda, Iudaia opole, nerute zogo kemle, abara nei Zakaria, Abia ra nosik: abara kosker, Arona ra boai, abara nei Elisabeta.
LUK 1:6 Ui barkak tonar Ade ra op ge, uiaba irmilei Iehoua ra mer gelar giz, nole asauersili kak.
LUK 1:7 Ui ge daralei nole uerem kak, abelelam Elisabeta E soaso, ui ge akailei aule bailei.
LUK 1:8 E ikerer tabara dorge, E zogo le Ade ra op ge, E tabara nosik erag,
LUK 1:9 Mokakalam zogo le la tonar, abara dorge E badarer Iehoua ra zogo meta ge, E urim iger debe laglag lu.
LUK 1:10 Uiaba gaire le lakub giz esorerapare adige, abele kerker iger debe laglag lu.
LUK 1:11 Ege Iehoua ra angela de abi etomelu, tuter pek debe laglag lu bao ge.
LUK 1:12 A Zakaria de abi emetu erdar, abele ge ezigmalu, au geum baruk.
LUK 1:13 Ege angela de abi detager, kega, Zakaria ae, ma nolea geum kak: abelelam mara esorarapare Ade de emetu asoli, mara kosker Elisabeta de ia mara uerem, keubu uaesemur abi nei atker Ioane.
LUK 1:14 A marim sererserer bai, iako gaire le sererege abielam:
LUK 1:15 Abelelam E aule Iehoua ra opem, nole uaina are kak, pako gorog, a mitkar Lamar Zogo abele ge, ditimedelu abele kerker ge E osmelu.
LUK 1:16 A darabgerare tababim Isaraela le ra omasker Iehouaim uiaba Ade.
LUK 1:17 E kekiam Elia ra op ge, a adigir gako saserim, a nerkep depeger abem a apuem a omaskerem, darapegerare uiabim asorkaklam debe pardalem a debe tonarem; a ege derser abged abkoreb Iehouaim.
LUK 1:18 A Zakaria etkalu abim angelaim, kega, Nalu atamelam iaka nakaielu umele nabailu? Na gabe, emetu kaka aule baida, pako kara kosker aule baida.
LUK 1:19 A angela eutumer abim detager, kega, Kakanali Gaberiela, kaka nakuei Ade ra op ge; kari pe taramarida iaka natomelu abele debe mer iaka marim.
LUK 1:20 A dasmer, mabe te dabimdabim, baida nole mer agar kak, iski abele gerger abelegelam mabe kara mer ma desardili abele lu pem keubu erdare ageakar.
LUK 1:21 A ab gedge dekailare Zakaria mer aridarid, a uapum bakeam a Ade ra zogo meta.
LUK 1:22 A ege teosmelu adem, mer atager kak uiabim; uiaba abi damrare, ege kerker nerute atamelam zogo meta ge, ege E opu darakiriare uiabim, ege E dabimdabim.
LUK 1:23 A ege abara gerger desmulu, ege ko takomelu tabara boaiem.
LUK 1:24 A ege keubu gerger basemerare abara kosker Elisabeta kem eskemer; ege E gumik dauer, a faife abara meb, a daraketarare,
LUK 1:25 Ege Ade ikeli gerger karim, a kari uanasmerare, E adem depegi kara sirip.
LUK 1:26 A ege abara meb sikes, Ade de angela temariklu, nei Gaberiela, Galilaiaem a Nazaretaem,
LUK 1:27 Abi gobar detager, Dauida ra boai kimiarem, a E Iosefai akemelu tababim kimiarem, abara nei Maria.
LUK 1:28 Abele angela tababu abi detager, kega, Kaka au omare marim, Iehoua uadoa mari dog; ma uerkab kosker gaire kosker ge.
LUK 1:29 Ege abi dasmer, ege abara okasosok baruk abele merlam, E dikiapore nalu lu pe omare dali.
LUK 1:30 A angela de abi detager, kega, Maria ae, ma nole geum kak; abelelam Ade mari au omare.
LUK 1:31 Dasmer, ma keubu ia kem eskemer, ese ma esmeloa kimiare uerem, a nei etkeroa Iesu.
LUK 1:32 E au kale, a nei etkeroa, Ageakar Opole ra Uerem: a Ade de abi nakuar ko emeri Dauida ra sik, abara aba:
LUK 1:33 E opole obaina Iakobo ra boai ge; abara baselaia ge nole mop kak.
LUK 1:34 Ege Maria de angela itimer, kega, Ua nade, ka nole kimiar ardar kak?
LUK 1:35 A ge angela etkalu abim, kega, Lamar Zogo natabu, a Ageakar Opole ra adigir mari tumge; abelelam mabara uerem zogo, tabara nei, Ada ra Uerem.
LUK 1:36 Dasmer, mara boai Elisabeta, E aule, emetu kem eskemer abara kimiar uerem: sikes meb abele kerker, E soaso.
LUK 1:37 Abelelam Ade umele gaire lu uridili E ikeli.
LUK 1:38 Ege Maria de abi detager, kega, Kaka Iehoua ra memeg le; uao debele pema nakaida kari abkoreb mara mer. Ege angela de abi dakaelu.
LUK 1:39 Ege Maria ekueilu abele kerker ge, dudumge bakeamulu dordor paserem, Iuda ra utebem;
LUK 1:40 Ege E bakeamulu Zakaria ra meta ge balu, a Elisabeta eskos.
LUK 1:41 Ege Elisabeta de asor Maria ra nas, ege uerem dekumur a detatimir muige kem ge; pako Elisabeta ra mitkar Lamar Zogo;
LUK 1:42 Ege E ereretikri au kase, a detager, kega, Uerkab kosker ma, pako abele uerem uerkab osmeda.
LUK 1:43 Nako abele lu, tabakeamud karim kara Opole ra apu?
LUK 1:44 Dasmer, iski a ikeli kodo mer de, mara omare karim ka asoli, ege ko uerem bagererdilu muige kara kem ge sererege.
LUK 1:45 Ege uerkab kosker ra oditur; abelelam ageakar mer Iehoua de pe etomeret abim.
LUK 1:46 Ege Maria detaut, kega, Kara nerkep baospili Iehouaim,
LUK 1:47 Ege kara nerkep au sererege Ade, E kari nazemoada.
LUK 1:48 A akai lu Iehoua de dasmer abele abara kosker memeg nole aule kak: abele kerker ge ditimedelu, ege gaire nosik uerkab karim.
LUK 1:49 Abelegelam E dali au adigiri nagri, E gaire au lu karim ikeli; abara nei zogo le.
LUK 1:50 E au omare gaire le la geum, bauder gaire nosik.
LUK 1:51 Ege saserim tabara tag, E adem gaire le lagelage aule dikiapor uiaba nerkep.
LUK 1:52 Ege naimartare uader opole baolam, ege uader ge nogoka emereder ga baker aule.
LUK 1:53 Ege darasisilare uader le uiaba uererege debe leuer; uader luglug le no bakeuare.
LUK 1:54 Ege abi upiditidare tabara memeg le Isaraela, E abi au omare:
LUK 1:55 Aberahama pako abara omasker niaiem, mokakalam abim detaut meriba aba giz.
LUK 1:56 Ege Maria de abi dog, nako neis netate meb, gako akomeda tabara boaiem.
LUK 1:57 Ege bakedilu Elisabeta ra meb osemelu; ege kimiar uerem osemelu.
LUK 1:58 Ui aserare ge, abara boai giz, Iehoua au omare abi; ui ge sererege abim.
LUK 1:59 Ga eit gerger, uiaba egared abele uerem peritome; uiaba lagelage abi nei atker Zakaria, taba aba ra nei.
LUK 1:60 Ege abara apu ge uiabi detaut, kega, Nole abele; epe tabara nei Ioane.
LUK 1:61 Ui ge abi detagerare, kega, Mara ko boai obatkereda Ioane nei.
LUK 1:62 Ui ge abara aba opu mer detagerare, Ma pe nako ma dikiapore abara nei?
LUK 1:63 E ge uiabi daratagerare, kega, Seleti tekadarare karim; E detali, Abara nei Ioane. Ui ge au kasege damrare.
LUK 1:64 Ege akailu merkar etkalu, tabara uerut detue, E mer detaut, a au esoao Adim.
LUK 1:65 Ege uader maike abi dog ga erdarare uiabim ga geum barkare; abele mer dordor paser ge Iudaia ge ga esao.
LUK 1:66 Ui ge emetu aserare ga dikiaporare, kega, Nalu uerem dali? Abelelam Iehoua ra tag abi dog pako abi upinati.
LUK 1:67 Ege abara aba dauer Zakaria mitkar Lamar Zogo, E ekerer perofeta dorge, kega,
LUK 1:68 Esoao Isaraela ra Ade, Iehoua pedali; E meribi dasmer E meribi dazimoareta abara ged ge,
LUK 1:69 Iski sekerise meribim uerkab Dauida ra boai ge abara memeg le,
LUK 1:70 Mokakalam ge emeret ge, Iehoua de daratagerare gaire zogo perofeta,
LUK 1:71 Mamoro pemi uridili uader le gizlam pe meribi dirieda, tag abgered urkerem meribim;
LUK 1:72 E au omare meriba aba giz, gako dikiapor tom akoar zogo;
LUK 1:73 Beskak mer E nakuar Aberahama meriba aba,
LUK 1:74 E meribi dikuarda meriba azimoaret, uader tag au kelarkelar, meriba nole geum kak meriba memeg le,
LUK 1:75 E zogo pako oditireda abi op ge, gaire gerger uridili meriba eded.
LUK 1:76 A mama kebile ae, uiaba gaire le mari nei atker Ageakar Opole ra perofeta: abelegelam ma kekiam Iehoua ra opem derser abara gab ge;
LUK 1:77 Mamanali natomertare abele azigmoaret uiabim abara ged, pako adem dikri uiaba uit giz.
LUK 1:78 Epe Ade pe meriba nasge dali, a kotor datki meribim.
LUK 1:79 Datki ga baziarare gesepem kupikupiem, datki moar degrered meriba teter gab karem.
LUK 1:80 Ege abele uerem ga batai, abara nerkep saserim, sumez ge emri, ga abi etomertare Isaraela le giz abi.
LUK 2:1 Abele kerker ge Kaisara Augusto mer tigri, kega, Detaruem gesepem uridili.
LUK 2:2 Abele kerker ditimedare abele jauali Kurenio sirdamu Suria ge.
LUK 2:3 Ui ge uridili bakeauare ga detarare, taba gedlam.
LUK 2:4 Ege Iosefa ge tabakeamulu Galilaia, Nazareta uteblam, Iudaiaim Dauida ra uteb, nei atker Bethelema, abelelam Dauida ra boai abara kus;
LUK 2:5 Detalei okakis Maria taba kosker ei, E dikiapor abi kem ko eskemer.
LUK 2:6 Ui ge emrilei, abele kerker ge abi esmelu.
LUK 2:7 Ege abara kimiar uerem esmelu; E sursur derap, egaredlu kau meta ge irdilu, abelelam uiaba meta mitkar nolea abkoreb emeri okakis.
LUK 2:8 Abele ged ge daralei sumez ge mamoe asesered, ui ki ge daralei mamoe asesered.
LUK 2:9 Dasmer, Iehoua ra angela ege ekue ireder, au zoromzorom deraueirer Iehoua ra zorom: uiaba geum barkei.
LUK 2:10 Ege angela de uiabi daratagerare, Uaba nole geum kak; abelelam dasmerare, kaka tais peka uabim debe mer, obaker gaire le uridili au sererserer ober:
LUK 2:11 Abelelam ge abele gerger ge eosmelu, Dauida uteb ge, Iesu Keriso, uaba Azigmoareta.
LUK 2:12 Abele atamelam; Uaba erdar sursur uerem eid kau ra meta ge.
LUK 2:13 Ege dumdumge angela de okakis gaire urker ge kotor ge, epe uiaba desperare Iehoua, kega,
LUK 2:14 Ua ge desperare Ade ra kotor lu, uerkab ge gesepem, au omare le uridili.
LUK 2:15 Ege angela giz bakeauare kotorem, ui ge mamoe giz naseseredlare a mer nakesmurare, kega, Debele mi nabakeauare Bethelemaem, ko dasmerare abele lu Iehoua de meribi uadetametare.
LUK 2:16 Ui ge dudum bakeauare, ege Maria uiaba nardardare, a Iosefa, a sursur uerem kau meta ge iperedare.
LUK 2:17 Ege uiaba erdali, epe uiaba etomeret abele mer uiaba emetu asoli abele ueremlam.
LUK 2:18 Epe uiaba uridili emetu asoli abele mer; epe uiaba au damreda abele lu mamoe asesered le etomeret uiabim.
LUK 2:19 Ege Maria de erpei gaire mer uridili, abara nerkep dikiapor.
LUK 2:20 Ege mamoe asesered le takomed, uiaba despereda pako esoao Adim, abelelam gaire lu uridili uiaba emetu asoli, pako dasmer etomeret uiabim.
LUK 2:21 Ege abara kerker tabarki, eit gerger abele uerem peritom, epe uiaba abi nei atker Iesu, angela kekiam nei detker, abara apu nolea kem kak.
LUK 2:22 Ege eseamulu uiaba gerger ogdirup abi, mokakalam Mose ra gelar giz, epe uiaba tais abim Ierusalemaem, irdilei Iehoua ra opem,
LUK 2:23 (Mokakalam detarer Iehoua ra gelar giz, kega, Ese kimiar uerem narbet uridili zogo Iehouaim,)
LUK 2:24 Ese ikuar abele baokeilu, mokakalam etomeret Iehoua ra gelar giz, kega, Neis luk, ua nako neis kebi dibadib.
LUK 2:25 Ege dasmer, nerute le emeri Ierusalema ge, nei Simeona; abara tonar barkak E au geum Adim, epe abim naokaili upinati Isaraela; ege Lamar Zogo abi tumge.
LUK 2:26 Ege abi natomelu Lamar Zogo, nolea eumida, kekiam erdali Iehoua ra Keriso.
LUK 2:27 Ege E bakeamulu zogo meta Lamar Zogolam; abele uerem Iesu abara aba a apu uiaba abi tegaret, uiaba ikeli abkoreb mokakalam gelar giz,
LUK 2:28 Epe abi tegaret abele uerem abara tag, ege esoao Adim, kega,
LUK 2:29 Iehoua ae, debele ma ikuar mara memeg le uerkab bakeamulu, mokakalam mara mer;
LUK 2:30 Abelelam kara pone emetu dasmer abele mara azigmoaret,
LUK 2:31 Ege ma derser opem gaire ged uridili;
LUK 2:32 Abele datki erperida gaire zuber ged, pako zoromzorom mara ged Isaraela.
LUK 2:33 Ege Iosefa pako abara apu uiaba damered gaire lu etomeret abim.
LUK 2:34 Ege Simeona E uerkab uiabim, ege abi detager Maria abara apu, kega Dasmer, abele uerem iridi uader ekesmeri a ko ekuei gaire le lakub Isaraela; abele atamelam uiaba abi dedkoli;
LUK 2:35 Ege ekos dikedilu mara nerkep teibur aosos tulik; ueakai paret kak dikiapor nerkep gaire le.
LUK 2:36 Nerute perofeta kosker dauere, abara nei Ana, Fanuelu ra neur, Asera ra nosik; ege emetu aule, E ge taba kimiar okakis daralei abele kerker ge E neur dauer, ege sefen abara urut tabarki.
LUK 2:37 Abele kosker zogo meta ge emeri, nako eiti foa abara urut, nole akaeret kak abele zogo metalam, E Ade ra memeg le, pako leuer baili, a esorerapare gerger ge a ki ge.
LUK 2:38 Abele kerker ge, E bakeamulu esoao Adim, E abi detagerare uiabim gaire le giz naokaili Ierusalema ra azigmoaret.
LUK 2:39 Ege ui ge eseamulei gaire lu ikeli abkoreb Iehoua ra gelar giz, epe ui ge akomelei Galilaiaem, uiaba uteb Nazareta.
LUK 2:40 Ege abele uerem ge batai, abara nerkep au saserim, no au pardar dauer: Ada ra omare abi tum ge.
LUK 2:41 Ege abara aba a apu ui bakeamulei Ierusalemaem, nerute urut a nerute urut netpur paseka ge.
LUK 2:42 Ege abara urut tuelf tabarki, epe uiaba bakeauare Ierusalemaem, mokakalam tonar uetpur.
LUK 2:43 Ege abara gerger desmulu, epe uiaba akomeda, abele uerem Iesu emeri Ierusalema ge; ege Iosefa pako abara apu uiaba nolea umer kak.
LUK 2:44 Ui ge dikiapore abele uerem uiabi okakis, ege uiaba ki gab ge asameilu; ui ge abi ge deraimerare taba boai giz pako uader umele abim.
LUK 2:45 Ui ge nole abi ardar kak, a ui gako akomelei Ierusalemaem, abi deraimerei.
LUK 2:46 Ege thri gerger barkare, ui ge abi erdali zogo meta ge, ege emeri muige ereuerem ge, E lagelage asoli, a gako uiabi nautumerare ereuerem tonarem.
LUK 2:47 Ege uiaba asolare abim au pardar mer detaut, uiaba au damerare.
LUK 2:48 Ege ui ge au kase damerei emetu abi erdarei; ege abi apuet detaut, kega, Kara uerem ma nalu pem a keribim? Dasmer, kaka pako mara aba ki au asi ki darasardei mari naraimerei.
LUK 2:49 Epe tabara mer uiabi daratager, kega, Nalugem naba kari naraimereie? Uaba nole umer kak, abkoreb kaka emeri kara Aba ra meta ge idali?
LUK 2:50 A ui ge nole abi mer asor kak nakueiredar.
LUK 2:51 Ege ui ge okakis bakeauare Nazareta tabarki; a uiaba memeg: ege apu ge gaire lu giz nerkep derpeilare.
LUK 2:52 Ege pardar ge omeilu a gako Iesu ra gem, ege Ade au omare abi gako le uridili.
LUK 3:1 Ege fifitin urut abele kerker ge, Tiberio Kaisara emeri opole, Ponotio Pilato Iudaia sirdam, Heroda ge Galilaia opole, pako Filipo ra narbet Ituria opole pako nerute ged Trakoniti, pako Lusanio Abilene opole,
LUK 3:2 Ana gako Kaiafa uiaba zogo le giz, ege Iehoua ra mer abim tabakeam Ioane, Sakaria ra uerem, sumez ge.
LUK 3:3 Epe E bakeamulu nerute apek Ioridano ge, natomertare tonar obazgeda a bapataiso, ueakai uit adem dikri;
LUK 3:4 Mokakalam mer detali jauali ge Isaia perofeta, kega, Abele kodo mer ereretikri sumez ge, ueakai paret Iehoua ra gab, adem dirup.
LUK 3:5 A mitkar muimui uteb uridili, a gaire paser pako daip uridili nolea aule kak; gaire lu barbar ko barditug, pako uteb no baker ko ikeli debe gab.
LUK 3:6 Gaire le uridili dasmer azigmoaret Adelam.
LUK 3:7 Ege E uiabi detaut, kega, gaire le lakub abim tabakeuare uiaba lagelag bapataiso, Mama tabo ereg ra omasker ae, nete etomeret uabim debele derser Iehoua ra urker niaiem?
LUK 3:8 Debele uaba turum nagri abkoreb obazgeda, a uaba nerkep nolea dikiapore, kega, Aberahama keriba aba; abelelam kaka uabim detaut, Ade umele depegeli baker peike ko Aberahama ra omasker.
LUK 3:9 Abara tulik mena ikedili lu giz ge: ese gaire lu uridili nolea turum kak, ei uaesem urem uadikri.
LUK 3:10 Ege gaire le giz abi itimerare, kega, Nalu lu ki akerare?
LUK 3:11 Ege E uiabim daratagerare, kega, Ese le nagri neis am uali, debele am uali kak le uaikuar; pako le nagri leuer, abkoreb ikeli mokakalam.
LUK 3:12 Ege telona giz bakeauare abim, kega, Keriba lagelag bapataiso, Ereuerem le ae, nalu lu ki akerare?
LUK 3:13 Epe E uiabim detaut, kega, Uaba nole au kase dikiapore lu bodomalam uabim.
LUK 3:14 Ege uader ares le giz abi itimerare, kega, Nalu ki akerare? Epe E uiabim detaut, kega, Uaba nole urker nerute le, pako uaba nole bes mer nerute le; uaba mamoro emeri naokaili uaba bodomalam.
LUK 3:15 Abele ged ge dekailare, gako nerkep ge uiaba dikiaporare Ioaneim, nako Keriso pedali;
LUK 3:16 Ege Ioane de daratagerare, kega, Kai uabi bapataiso ni ge; ia nerute le tabakeam aule kari tumge, nole abkoreb kaka detue abara teter gab mukub: E uabi bapataiso abele Lamar Zogo, gako abele ur:
LUK 3:17 Abara tag nagri pat, E dirup abara kon etkemed; a E ais azirig metaem gaire kon nole puip kak, ege kon ra gegur E disirkilu abele ur umer kak esameilu.
LUK 3:18 Uader abara gaire mer okadeskeda etomeret abele ged.
LUK 3:19 Ege Ioane abi barditug Heroda opole, epe Herodialam Filipo ra kosker abi narbet, pako gaire lu adud Heroda ikeli;
LUK 3:20 Ege abele lu etami okakis gaire lu uridili, E abi namarid Ioane abele au dubar meta ge.
LUK 3:21 Ege E bapataiso abele ged uridili, a ko Iesuim bapataiso, E esorerapare, ege abele kotor nakesmulu,
LUK 3:22 Epe abele Lamar Zogo uatabu abi tumge, abara roai mokakalam dibadib ise, ege abele kodo mer kotorlam, kega, Mama kara Uerem idali; kaka mari sererege.
LUK 3:23 Ege Iesu, abara urut thirti tote, gaire le dikiaporare E Iosefa ra uerem, a ko Heli ra uerem,
LUK 3:24 A Matata ra uerem, a Leui ra uerem, a Meleki ra uerem, a Iana ra uerem, a Iosefa ra uerem,
LUK 3:25 A Matatia ra uerem, a Amosa ra uerem, a Nauma ra uerem, a Eseli ra uerem, a Nanga ra uerem,
LUK 3:26 A Maata ra uerem, a Matatia ra uerem, a Semei ra uerem, a Iosefa ra uerem, a Iuda ra uerem,
LUK 3:27 A Ioana ra uerem, a Resa ra uerem, a Zorobabela ra uerem, a Salatiela ra uerem, a Neri ra uerem,
LUK 3:28 A Meleki ra uerem, a Adi ra uerem, a Kosama ra uerem, a Elemodama ra uerem, a Eru ra uerem,
LUK 3:29 A Iose ra uerem, a Eliezara ra uerem, a Iorima ra uerem, a Matata ra uerem, a Leui ra uerem,
LUK 3:30 A Simeona ra uerem, a Iuda ra uerem, a Iosefa ra uerem, a Ionana ra uerem, a Eliakima ra uerem,
LUK 3:31 A Melea ra uerem, a Menana ra uerem, a Matata ra uerem, a Natana ra uerem, a Dauida ra uerem,
LUK 3:32 A Iese ra uerem, a Obeda ra uerem, a Boasa ra uerem, a Salemona ra uerem, a Naasona ra uerem,
LUK 3:33 A Aminadaba ra uerem, a Arama ra uerem, a Eseroma ra uerem, a Faresa ra uerem, a Iuda ra uerem,
LUK 3:34 A Iakobo ra uerem, a Aberahama ra uerem, a Tara ra uerem, a Nakora ra uerem,
LUK 3:35 A Saruka ra uerem, a Ragau ra uerem, a Paleka ra uerem, a Hebera ra uerem, a Sala ra uerem,
LUK 3:36 A Kainana ra uerem, a Afasada ra uerem, a Sema ra uerem, a Noa ra uerem, a Lameka ra uerem,
LUK 3:37 A Metusela ra uerem, a Enoka ra uerem, a Iareda ra uerem, a Malelila ra uerem, a Kainana ra uerem,
LUK 3:38 A Enosa ra uerem, a Seta ra uerem, a Adamu ra uerem, a Ade ra uerem.
LUK 4:1 Ege Iesu takomeda Ioridanolam, ege abi Lamar Zogo mitkar, epe Lamar Zogo abi ais sumez ge.
LUK 4:2 Ege diabolo de abi mirem. Abele foate gaire gerger E nolea leuer aro kak, gerger eseamulu: keubu abara uerer baruk.
LUK 4:3 Epe diabolo abi detager, kega, Ese ma Ade ra Uerem, debele ma detager baker peike depegemelu leuer.
LUK 4:4 Epe Iesu abi detaut, kega, Ege emetu detali, Nolea no leuer eroli ueakai le eded nagri, epe Ade ra merlam uridili.
LUK 4:5 Epe diabolo abi ais nerute au perepere paserem abi etomeret gaire baselaia, ege daradgeredi.
LUK 4:6 Epe diabolo abi detager, kega, Kaka mari ikuar abele sirdam uridili, pako uiaba zorom: abelelam emetu karim ikuar; ese nerute le kaka lagelage, kaka abim nakuar.
LUK 4:7 Ese ma esorgiru karim, kaka marim ikuar gaire lu uridili.
LUK 4:8 Epe Iesu abim detaut, kega, Satana, ma adem bakeam kara sorge; abelelam emetu detali, Ma esorgiru mara Ade, ege abi memeg le tepteb.
LUK 4:9 Ege E abi ais Ierusalemaem, ege abi ekue tumge abele zogo meta ge, a abi detager, kega, Ese ma Ade ra Uerem, ma eupumar abele uteblam:
LUK 4:10 Abelelam emetu detali, Iehoua mer tigri, Abara angela giz upinati marim:
LUK 4:11 Uiaba marim tegareda uiaba tag, ueakai mara teter nolea baker itut.
LUK 4:12 Epe Iesu abim detaut, kega, Abele mer, kega, Ma nolea mirem abele Opole mara Ade.
LUK 4:13 Ege diabolo abara mirem uridili eseamuda, epe E adem bakeam.
LUK 4:14 Epe Iesu ko akomeda Galilaiaem, Lamar abim au adigiri; ege gaire le asoli abara tonar deraueli apek uridili.
LUK 4:15 Ege E ereuerem uiaba sunagoem, ege gaire le uridili abi despered.
LUK 4:16 Ege E Nazareta tabarki, ege E bataili abele ged ge: epe E barot abele sunago sabath ge, mokakalam abara tonar, ege E tekue ko etag.
LUK 4:17 Ege abim ikuar jauali Isaia perofeta. Epe E diski abele jauali, epe nagri abele mer emetu detali,
LUK 4:18 Ege kari tumge Lamar Opole, abelelam E kari depegili etomeret abele mer uader nolea lu kak; ege E kari namarid idigiri uiaba nerkep okasosok, etomeret debe mer uader nolea uteb kak, pako diski pone sadmer, pako omare uader asiasi gaire gerger,
LUK 4:19 Ko etomeret urut Opole sererege.
LUK 4:20 Ege jauali ditarat, E ikuar memeg le, ege lokod ge emeri: epe gaire le dasmerare abim sunago ge.
LUK 4:21 Epe E ditimeda detagerare uiabim, kega, Abele gerger ageakarem abele jauali, uaba aserare.
LUK 4:22 Ege uiaba uridili abi despered, ege uiaba au damered gaire debe mer abara telam. A uiaba detaut, kega, Nako Iosefa ra uerem pedali?
LUK 4:23 Epe E uiabim daratagerare, Abkoreb uaba karim detaut, Lukup kemle, mabu idigiri: gaire lu uridili ma ikeli Kapernauma, ki emetu asoli, debele ma ikeli mara ged kar peike.
LUK 4:24 Ege E detager, kega, Ageakar, kaka uabim detaut, Nolea abkoreb perofeta emeri abara ged kar.
LUK 4:25 E ko detager, kega, Ageakar, kaka uabim detaut, Abele kerker Elia emeri Isaraela, uader kosker uiaba kimiar eumid, epe kotor dimi thri urut pako sikes meb, abele ged uridili uererege;
LUK 4:26 Epe Elia nolea bakeam uiabim, ege no Sarefta, Saidona ra uteb, a nerute koskerim abara kimiar emetu eumid.
LUK 4:27 Ege emeri Isaraela uader lepera, abele kerker Elisaia perofeta emeri; a uiaba nolea le ogarup kak, ege no Naamana, Suria le.
LUK 4:28 Ege uiaba asoli abele lu, uiaba sunago ge ueku nagri;
LUK 4:29 Ege uiaba ekue, a abi emarid nerute apek, ege uiaba abi tag erpei egardare nerute muimui uteb paserem uiaba uteb, ueakai uiaba abi bataueret muige.
LUK 4:30 Ege E ekasereder uiaba opem, a bakeamulu.
LUK 4:31 Epe E bakeamulu Kaperanauma, Galilaia ra uteb. Ege E uiabim ereuerem sabath ge:
LUK 4:32 Ege uiaba au damered abara merlam; abelelam abara mer nagri sirdam.
LUK 4:33 Nerute le sunago ge emeri, E nagri lamar uit demoni giz; ege E ereretikri au kase,
LUK 4:34 Kega, Uaiai! Iesu Nazareta le, ma nalugelam keribim? ege ma tabakeamulu ueakai keriba baum? ege kaka umele marim, Ade ra Zogo.
LUK 4:35 Epe Iesu abi daisumda, kega, Bamer, ma adem osmeda abielam. Epe demoni abi ekesmeri uiabi opem, epe abim osmeda, nolea adud nagri.
LUK 4:36 Epe uiaba uridili au damered, ege uiaba mer atager, kega, Nalu abele mer? E dali nagri adigiri pako sirdam, abelelam E uiabi daisumda uit lamar giz, epe uiaba adem osmed adige.
LUK 4:37 Epe abele mer abielam gaire le asolare gaire apek uridili.
LUK 4:38 Ege dekaelu abele sunago, E barot Simona ra meta: ege Simona ra kosker abara apu nagri gim, gem urueri, au kale; ege uiaba abim damosi.
LUK 4:39 Epe E ekue maike abi dog, ege abi daisumda abele gim urueri; epe sobkak eseamud: epe E ekue, a uiabi memeg le.
LUK 4:40 Uiaba uridili nagri gim, nerute gimlam a nerute gimlam, ege uiaba tais uiabim lem baraigida; ege abara tag itut nerute le a nerute le, pako idigiri uiabim.
LUK 4:41 Ege gaire demoni giz uiaba osmed, ereretikri, kega, Mamanali Keriso Ade ra Uerem. Ege E uiabi daisumda, ege uiaba umer kak mer atager abim; abelelam uiaba umele E Keriso.
LUK 4:42 Ege gerger ge, epe E osmed, E bakeamulu nerute le kak uteb: ege gaire le lakub giz uiaba abi deraimerare, epe abim tabakeauare, a uiaba abi erpeilare, ueakai E nolea bakeamulu abele gedlam.
LUK 4:43 Ege E uiabim detager, kega, Abkoreb kaka marau Ade ra baselaia gaire ged: abelelam kaka emarid.
LUK 4:44 Epe E marau abele sunago giz Galilaia ge.
LUK 5:1 Ege E ekue nerute pek, abele ni Genesareta ge, ege gaire le lakub uiaba esaimelu, uiaba lagelage asolare Ade ra mer.
LUK 5:2 Epe E erdali neisi nar gur tauer nerute apek abele ni ge; nolea le kak, uiaba bakeauare net ogarup.
LUK 5:3 Epe E bakeamulu nerute nar ge, Simona ra nar, E abi damosi, Ma elele ami abele nar nerute apek abele ni ge. Epe E emeri lokod ge, E uiabi ereuerem, gaire le lakub, abele narlam.
LUK 5:4 Ege abara marau eseamulu, E abi detager Simona, Ma elele abele keper ge, ueakai uaba net esapili, a lar nagri.
LUK 5:5 Simona abi detager, kega, Opole, abele ki ge keriba au sagim, nolea lar nagri: epe mara mer nagri, abelelam kaka net ko bataueret.
LUK 5:6 Abele lu uiaba emetu ikeli, epe uiaba net esapili gaire lar mitkar; epe uiaba net batoatare:
LUK 5:7 Ege uiaba opu darakiriare uader emeri nerute nar ge, tabakeauare uiabi upidaratidalare. Epe uiaba tabakeauare, ege neisi nar mitkar, maike bataili.
LUK 5:8 Ege Simona Peteru umele, epe abi ekesmeri Iesu ra teter ge, kega, Opole, ma bakeamulu karielam, abelelam kaka uit le.
LUK 5:9 Abelelam E abi damered, pako uader kemem abim, abelelam gaire lar uiaba nagri;
LUK 5:10 Ege mokakalam Iakobo pako Ioane, Zebedaio ra omasker, uiaba larem okakis Simona. Epe Iesu abi detager, Simona, Ma nolea geum kak; ditimed peirdi gaire le nagri marielam.
LUK 5:11 Ege uiaba nar akaridalie, epe uiaba gaire lu uridili dikaer, a uiaba abi irmili.
LUK 5:12 E bakeamulu nerute uteb ge, nerute le nagri gim, abara gem lepera mitkar: ege E Iesu erdali, epe abim ekesmeri tabara opem, E abi damosi, kega, Opole, ese ma lagelage, ma umele kara gem ogdirup.
LUK 5:13 Epe abara tag itrimud, E abi itut, kega, Kaka lagelage; mari ogdirup. Epe abara gim lepera akaid.
LUK 5:14 Epe E abi detaut, Ma nolea etomeret nerute le: debele ma bakeam abi etomeret abele zogozogo le, ma abi ais tonar ogdirup, mokakalam Mose ra gelar giz, ueakai uiaba umele abele atamelam.
LUK 5:15 Abele mer E osmed, gaire le asolare abim: epe gaire le lakub giz tabakeauare uiaba lagelage abi asolare, pako idigiri uiaba gim.
LUK 5:16 E bakeamulu le kak uteb, ege esorerapoilu.
LUK 5:17 Nerute gerger, E uiabi ereuerem; ege Faresaio giz pako ereuer le abele gelar giz, uiaba tabakeauare nerute uteb Galilaialam, pako Iudaia, pako Ierusalema; ege nagri Opole ra adigiri, abelelam E nadgirare uiabim.
LUK 5:18 Dasmer, nerute le uiaba tegared taba siklam gim nagri E ibibi; uiaba lagelage abim tegared, a abi ais Iesu ra opem.
LUK 5:19 A uiaba nolea umer kak, abelelam abele meta mitkar gaire le lakub, epe uiaba bakeauare meta tumge ezagerare Iesu muige, a lemlem ismi, uiaba sik dikri gim le tumge igimerare.
LUK 5:20 Ege E erdali uiaba oituli, E abi detager, kega, Mara uit emetu idigiri.
LUK 5:21 Epe aotale giz pako Faresaio giz uiaba dikiaporare, kega, Nete le dali E adud mer Adim? Nete umele uit idigiri, no Ade tepteb?
LUK 5:22 Epe Iesu erdali uiaba dikiaporare, E uiabi detaut, kega, Nako dikiaporare uaba nerkep?
LUK 5:23 Nako lu nolea beber, kega, Ege mara uit adem dikri: nako, Ma ekue bakeam?
LUK 5:24 Abelelam ueakai uaba umele Ade ra Uerem, E nagri sirdam geseb ge uit dikri, (ege E abi detager ibibi le,) Kaka mari detager, Ma ekue, bakeam ais mara sik, a bakeam mabara meta.
LUK 5:25 Epe E ekueid uiaba opem, ege tabara sik ekau, a bakeam tabara meta, E Adim naospered.
LUK 5:26 Uiaba uridili au damrare, uiaba naospered Adim; ege uiaba au geum, kega, Abelelam kerkar abele lu meriba erdalare abele gerger.
LUK 5:27 Ege abele lu eseamulu, epe E osmed, ege E erdali nerute telona giz, abara nei Leui, ege E emeri meta dipumed: E abi detager, kega, Kari narmili.
LUK 5:28 Epe gaire lu uridili dikaer, E sobkak abi irmili.
LUK 5:29 Ege Leui E ikeli uetpur abara meta ge abim: gaire telona giz abi kemem, pako uader uteid baiter uiaba eroli okakis
LUK 5:30 Faresaio giz a aotale giz, uiaba mudi mer abara kaimeg giz, kega, Nalugelam uaba eroli a ereli okakis telona giz a uit le giz?
LUK 5:31 Iesu uiabim detaut, kega, Saserim le giz lukup kemle lakak; gim le giz laglag.
LUK 5:32 Kaka nolea tabarki ko gaire barkak tonar dabgeri, debele gaire uit le giz, ueakai uiaba obazgeda.
LUK 5:33 Ege uiaba abi detaut kega, Nalugelam Ioane ra kaimeg giz leueru baili, pako esorerapare, pako Faresaio ra kaimeg giz; ege mara kaimeg giz uiaba eroli a ereli?
LUK 5:34 Ege Iesu uiabim detager, kega, Nako, umele gaire boai le ispida ko leueru baili, le ispida uiabi dog?
LUK 5:35 Kerker niai tabarki; le ispida uiabielam egared, abele gaire gerger uiaba leueru baili.
LUK 5:36 Ege E uiabim detager, nerute mer babisdarie, kega, Nole le kerkar mog uali itkedi okakis buzibuzi am uali; kerkar mog ualilam ekep itkedi, iako kerkar mog ualilam nole abkoreb buzibuzi am uali.
LUK 5:37 Nole le epaiteret kerkar uaina muige buzibuzi tarpor giz; epe tarpor giz arperiklam, uaina epaiteredoa, epe sor giz adud.
LUK 5:38 Ese ko kerkar tarpor giz sorem, debele epaiteret kerkar uaina, ueakai debele.
LUK 5:39 Nole le ereli emeret uaina, a iako ko sobkak lagelag kerkar uaina: abelelam E detager, kega, Emeret uaina debele.
LUK 6:1 Abele sabath ge nener kekiam gerger, E iako ekas kon gedub ge; epe abara kaimeg giz kon itarakerare, ege uiaba tag itmerare, a uiaba eroare.
LUK 6:2 Ege uader Faresaio giz uiabim daratagerare, kega, Nalu uaba lu akerare nole abkoreb sabath ge?
LUK 6:3 Iesu uiabim detaut, kega, Nako uaba nole etage Dauida de ikeli, leuer aro kak, uerer eudili, a gaire abara kaimeg giz;
LUK 6:4 E Ade ra zogo meta ge balu, E erdali areto derser, E eroli, a uiabi nakuarare uader abi kemem; abele leuer nolea abkoreb nogle eroli, no zogozogo le giz tepteb?
LUK 6:5 Ege E uiabim detager, kega, Abele Le la Uerem sabath opole.
LUK 6:6 Nerute sabath ge, E iako sanago ge balu, E uiabi ereuerem: nerute le abara tuter tag euselu.
LUK 6:7 Ege aotale giz pako Faresaio giz uiaba abi deraimerare, nako, E idigri sabath ge; ueakai nagri mer ais abim.
LUK 6:8 E umele uiaba dikiapore; epe E abi detager, nerute le tag euselu, Ma ekue, E ekue muige. E sobkak ekue.
LUK 6:9 Epe Iesu uiabim detager, Kaka uabi nautumerare nerute lu, Nako, abkoreb omare abele sabath ge, nako nolea? nako eded, nako ipit?
LUK 6:10 Ege E abi darasmerare uiaba uridili, epe abi detager, nerute le tag euselu, Mara tag itrimud. Epe E ikeli abkoreb: epe abara tag debele, mokakalam nerute.
LUK 6:11 Epe uiaba au urker; ege uiaba mer atager nalu lu uiaba ikeli abkoreb Iesuim.
LUK 6:12 Abele gaire gerger, Iesu bakeamulu nerute paser ge E esorerapare; E Adim damosi ki ge ueeseamur.
LUK 6:13 Ege gerger ge, epe dabgiri abara kaimeg giz; E depeger tuelf le, ege uiabi nei atker Aposotolo;
LUK 6:14 Simona, nei atker Peteru, pako Anederia tabara keimer, a Iakobo pako Ioane, a Filipo a Batolomaio,
LUK 6:15 A Mataio a Toma, a Iakobo Alefaio ra uerem, pako Simona, nei atker Zelote,
LUK 6:16 A Iuda Iakobo ra uerem, pako Iuda Isakariota, abi keserkeser;
LUK 6:17 Ege E bakeam okakis uiabim, E ekue debe uteb, pako abara kaimeg giz, pako gaire le lakub Iudaialam, pako Ierusalemalam, pako nerute apek Turo a Sidona, ege uiaba tabakeauare lagelage abim asoli, a uiaba dikiapore uiaba gaire gim, E uiabi nadgirare;
LUK 6:18 Uader au asiasi uit lamar, ege E uiabi idigiri.
LUK 6:19 Ege gaire le lakub uridili uiaba lagelag abi dog ekepili: abelelam E nagri adigiri, ege uiaba uridili idigiri.
LUK 6:20 Ege E dasmer abara kaimeg giz, E uiabi detager, kega, Uerkab uaba nolea lu kak: abelelam uaba Ade ra baselaia ge.
LUK 6:21 Uerkab uaba uererege peirdi: abelelam uaba kem osmeda. Uerkab uaba ezoli peirdi: abelelam uaba sererege.
LUK 6:22 Uerkab uaba uader au urker uabim, pako uabim daratirieda, pako dedkoli uaba nei mokakalam adud lu, Le la Ueremlam.
LUK 6:23 Debele uaba sererege abele gerger ge, pako uaba eupemad a sererege: abelelam, dasmer, nagri kotor ge uaba bodomalam: abelelam abkoreb uiaba aba ikerare mokakalam gaire perofeta giz.
LUK 6:24 Mokakalam, uaiai, uaba lu giz ra apu! abelelam uaba nagri debele.
LUK 6:25 Uaiai, uaba kem osmed! abelelam uaba uererge. Uaiai, uaba sererege peirdi! abelelam uaba okasosok, pako ezoli.
LUK 6:26 Uaiai, uader uridili dede mer uabim! abelelam uiaba aba ikeli abkoreb mokakalam perofeta bes.
LUK 6:27 Epe kaka uabim detager, uaba asoli kara mer, Uaba omare le uabim derarti, pako uaba debe mer uader nolea omare kak,
LUK 6:28 Uaba uerkab le kupeiatimed, uaba esorerapare uader bes mer uabim.
LUK 6:29 Ese nerute le mari ipit mara ikabu tetapim, ma ikuar nerute ikabu tetapim; ese nerute le ais mara au am uali, ma nolea daisumda mara gem uali.
LUK 6:30 Debele ma nakuarare uader uridili mari namosed; ese nerute le mara lu gatkam le, ma nolea ko tais.
LUK 6:31 Mokakalam uaba nerkep dikiaporare uiaba ikeli abkoreb uabim, debele uaba ikeli mokakalam.
LUK 6:32 Ese uaba omare uader omare uabim, nalu esoao abkoreb abele lu? abelelam gaire uit tonar le giz omare uiabim, uiabi omare.
LUK 6:33 Ese uaba debe dorge ikeli uiabim, gaire le uabim debe dorge, nalu uaba esoao abkoreb abele lu? abelelam gaire uit le uiaba ikeli abele lu.
LUK 6:34 Ese uaba ikuar mani uader damosi uabim, a uaba ko dikiapore keubu nagri lu, nalu esoao abkoreb abele lu? abelelam uit le ikuar mani le damosi, ueakai nagri lu abkoreb.
LUK 6:35 Debele uaba omare uader uabim derarti, pako urker uabim, debele uaba debe dorge uiabim, pako ikuar mani uader uabi damosi, uaba nolea dikiapore lu abkoreb; ueakai bodomalam nagri, uaba Ade ra omasker: abelelam E omare uit le, pako gaire adud le.
LUK 6:36 Debele au nasenase uaba omare, mokakalam uaba Aba, abara omare au nasenase.
LUK 6:37 Ua nole abi meratager kak, iaueakai uaba ko nole abi meratager: uaba nolea bodomalam uiabim, ueakai uaba nolea bodomalam: debele uaba adem dikri uiaba uit, ueakai uaba uit adem dikri:
LUK 6:38 Debele uiabim ikuar, ueakai uabi ikuar; E uiabim ikuar debe uali E badigamo, E sapili pako dikri, E mitkar osmed adige, abelelam uaba turum nagri, a ko uaba turum nagri.
LUK 6:39 Ege E uiabim detager nerute abara mer babisdarie, kega, Nako, umele nerute sadamer tegaret nerute sadamer? epe nako uiaba neis okakis ekesmeri ao ge?
LUK 6:40 Kaimeg giz nole aule kak abara ereuer le: mokakalam abara ereuer le, debele.
LUK 6:41 Nalugelam ma dasmer lu puipi nerute le la pone ge, ma nolea umer kak au lu mara pone ge?
LUK 6:42 Nalugelam ma abi detager, mara le, Karim mara pone, kaka adem abele lu puipi mara pone ge: ma nolea umer kak au lu mara pone ge? Ma bes le, ma kekiam adem abele au lu mara pone ge, ueakai ma umele adem puipi nerute le la pone ge.
LUK 6:43 Umer kak lu debele adud turum nagri; pako lu adud umer kak debe turum nagri.
LUK 6:44 Abelelam gaire lu turum nagri, ueakai gaire le umele. Abelelam nolea le etobemed suke ra turum zegerzeger lu, pako nolea le etobemed turum uina ge dardar lu.
LUK 6:45 Ege gaire le debe E tais lu debele lu debele tonar, E ikedi muige abara nerkep; abele le adud E tais lu adud lu adud lam E ikedi abara nerkep; abelelam gaire lu muige E abi etomeret abara te.
LUK 6:46 Nalugelam uaba etomeret karim, Opole, Opole, a uaba nolea ikeli mokakalam kara mer?
LUK 6:47 Ese nerute le karim tabakeam a asoli kara mer, pako E ikeli, kaka uiabi etomeret le mokakalam abim.
LUK 6:48 Mokakalam nerute le ikeli abara meta, E daiui muimui, E ikedi giz ge neid ge: epe ni dodo au kase babuselu, ege umer kak dimali: abelelam abele giz E ikedi neid ge.
LUK 6:49 Ese nerute le asoli, a nolea ikeli, E mokakalam le ikeli abara meta tumem sep ge, nolea giz kak: ege abele ni dodo au kase babuselu, epe abele meta mogem erapei.
LUK 7:1 Ege abara mer uridili eseamulu, abele ged uiaba asorare, epe E iako bakeamulu Kaperenauma ge.
LUK 7:2 Ege abele le, asesered netat handed, abara memeg le E nagri gim maike eumid, E abim au omare.
LUK 7:3 Ege E asoli Iesu pedali, E namarid aule giz Iudaia Iesuim damosi E bakeam abara meta ge, E lagelage idigiri gim le, abara memeg le.
LUK 7:4 Ege uiaba tabakeauare Iesuim, epe uiaba au elele damosi, kega, Abkoreb, abele le, ma ko ikeli abara lag;
LUK 7:5 Abelelam E au omare meriba ged, ege E ikeli keriba sunago.
LUK 7:6 Epe Iesu bakeamulu gaire le abi kemem. Ege E maike meta ge, epe le, asesered netat handed le, E namarid abara boai Iesuim, kega, Opole, nolea abkoreb ma barot muige kara meta ge.
LUK 7:7 Abele lu kaka dikiapore nolea abkoreb kak bakeam marim; debele no mara mer, ueakai kara memeg le adem idigiri abara gim.
LUK 7:8 Abelelam kaka nerute le E sirdam karim, kaka sirdam uader ares le: ese kaka abi detager nerute le, Ma bakeam, E bakeam; pako nerute le, Tabakeam, E tabakeam; pako kara memeg le, Ma ikeli abele lu, E ikeli.
LUK 7:9 Ege Iesu asoli abele lu, E abi damared; E egreemalu, E uiabim detager, gaire le lakub uiaba abi irmili, Kaka uabim detager, Kaka nole umer kak nerute Isaraela le nagri au oituli mokakalam.
LUK 7:10 Ege uader namarid, a uiaba akomed meta ge, uiaba erdali abele memeg le, E gimgim, abara gim emetu akaida.
LUK 7:11 Kebi gerger, E bakeamulu nerute uteb ge, nei atker Naina; ege uader abara kaimeg giz E uiabi kemem, pako gaire le lakub.
LUK 7:12 Ege E maike te abele uteb ge, dasmer, uiaba bakuare nerute le emetu eumid, abara apu E netat abara uerem, abara kimiar emetu eumid: abele ged gaire le emeri abi dog.
LUK 7:13 Ege Opole abim erdali, E au omare a au nasenase abim, ege abi detager, Ma nolea ezoli.
LUK 7:14 Ege E bakeam maike, E itut abele bao; epe, uiaba bakuare le eumid, uiaba ekue. E abi detager, Makeriam, kaka marim detager, Ma ekue.
LUK 7:15 Epe, abele le eumid, E emeri, E mer etkalu. Epe E ikuar abara apu.
LUK 7:16 Ege uiaba uridili au geum: ege uiaba Adim naospered, kega, Ege E ekue meribim abele perofeta, E au kale; Ade E dasmer abara ged.
LUK 7:17 Ege abele mer abielam deraueli Iudaia uridili, pako nerute apek.
LUK 7:18 Ege Ioane ra kaimeg giz gaire lu uridili uiabi abi etomertare.
LUK 7:19 Epe Ioane dabgiri abara kaimeg giz neis le, ege uiabi namariklu Opoleim, kega, Nako mama le tabakeamu, nako keriba naokaili nerute le?
LUK 7:20 Ege ui bakeamulei Iesuim, kega, Ioane Bapataiso keribim namarid marim, E detager, kega, Nako mama le tabakeam, nako keriba naokaili nerute le?
LUK 7:21 Abele gerger gaire gim le E idigiri, pako asiasi gim, pako demoni giz; pako ikuar ueakai gaire le pone sadmer uiaba bakaerti.
LUK 7:22 Epe Iesu uiabim detaut, kega, Ua bakeamulam, uaba etomeret Ioaneim gaire lu uaba emetu erdali, pako lu uaba emetu asoli; sadmer bakaerti, pako ibibi le emetu ekasereder, pako lepera emetu ogdirup, a grip eudgamad emetu diski asoli, uader eumid uiaba ko ekuei, a debe mer marau uiabim uader le nolea lu kak.
LUK 7:23 E uerkab le, nolea mudi mer karim.
LUK 7:24 Ege Ioane ra kaimeg giz ui bakeamulei, epe E marau gaire le lakub Ioaneim, Nalu lu uaba bakeauare sumez ge erdalare? nako abele mebud uag demali?
LUK 7:25 Nalu lu uaba bakeauare erdalare? nako le am uali gebgeb? Dasmer, uader am debe uali, pako debe leuer eroare, uiaba mamoro emeri opole ra meta ge.
LUK 7:26 Nalu lu uaba bakeauare erdalare? nako perofeta? Ageakar, kaka uabi detager, E aule perofeta giz.
LUK 7:27 Abelelam, E pedali, abele mer detali abim, Dasmer, kaka emarid kara merkem le mara opem, E paret mara gab mara opem.
LUK 7:28 Kaka uabim detager, Nolea perofeta osmelu koskerlam aule mokakalam Ioane Bapataiso: epe le kebile Ade ra baselaia ge, E aule abim.
LUK 7:29 Abele ged uiaba Adim naospered abele mer uiaba emetu asoli, pako telona giz, abelelam Ioane E uiabim bapataiso, abara bapataiso.
LUK 7:30 Epe Faresaio giz, pako ereuer gelar giz, uiaba adem Ade ra sirdam, abelelam uiaba nolea lagelag abara bapataiso.
LUK 7:31 Ege Opole detager, Abele nosik, nako lu mokakalam kaka uiabim natomeret? nako lu uiaba koreb?
LUK 7:32 Mokakalam kebile giz uiaba emeri zegur uteb ge, uiaba dabgiri, kega, Ege keriba sirumer uabim, a uaba nolea sererege baberkeri; ege keriba au ezoli uabim, a uaba nolea ezoli keribim.
LUK 7:33 Abelelam Ioane Bapataiso tabarki, nolea areto eroli, a nolea uaina ereli; a uaba detager, kega, E nagri demoni abi dog.
LUK 7:34 Ege Ade ra Uerem tabarki, E eroli, a ereli; a uaba detager, kega, Dasmer, abele le E au lagelag leuer eroli, a pako uaina ereli, telona giz la le pako uit le!
LUK 7:35 Abele le pardale, E gaire abara uerem, E debe mer abim.
LUK 7:36 Ege nerute le, Faresaio giz, E abi detager, Meriba eroare okakis. Ege E bakeamulu Faresaio ra meta, epe E eidi, a eroli.
LUK 7:37 Dasmer, nerute kosker abele uteb, abele kosker E uit le; ege emetu erdali E eidi eroli Faresaio ra meta, epe E tais nerute tarpor, debe laglag mitkar,
LUK 7:38 E ekue isorge Iesu ra teter, E ezoli, ege abara ebeb babused Iesu ra teter, E idigiri abara mus, E eskos abara teter, pako desao abara gem abele lukup, debe laglag.
LUK 7:39 Ege Faresaio le umele Iesu E mer abim, epe E dikiapore muige abara nerkep, Ese abele le E perofeta, nako E umele abele kosker, pako abara tonar, ege E abi itut: abelelam abele kosker E uit le.
LUK 7:40 Epe Iesu abi detager, kega, Simona, kara mer marim, ege E abi detager, Ereuer le, ma detager.
LUK 7:41 Neisi le uiaba damosi nerute le ra mani: nerute le abi damosi denari faif handed, a nerute le fifte.
LUK 7:42 Ege uiaba nolea mani nakuar abkoreb abara mani, epe E uiabi omare, E idigiri uiabim nolea ko dikiapore bodomalam abara mani. Debele ma kari detager, Nete aule abara omare abim?
LUK 7:43 Ege Simona mer etkalu, kega, Kaka dikiapore, abele le gaire abara mani E abi idigiri. Ege E abim detager, Mara mer barkak.
LUK 7:44 Epe Iesu egreemalu abele kosker, ege abi detager Simona, Nako, ma umele abele kosker? Kaka balu muige mara meta, ma nolea tais ni kara teter ge: epe abele kosker abara ebeb E babused kara teter ge, E idigiri abara mus.
LUK 7:45 Ma nolea karim eskos: epe E dali, nolea ner kak karim eskos, abele ge ditimedlu abele meta ge balu.
LUK 7:46 Ma nolea desao kara kerem abele lukup de: epe E dali, E desao kara teter abele lukup, debe laglag.
LUK 7:47 Abelelam, kaka detager marim, Ege gaire abara uit uridili emetu idigiri; abelelam E au omare: epe le kebile abara lu emetu idigiri, abara omare kebile.
LUK 7:48 Ege E abi detager, abele kosker, Mara uit emetu idigiri.
LUK 7:49 Uader uiaba eidi eroare, a uiaba dikiapore muige uiaba nerkep, Nete le dali, E idigiri uit?
LUK 7:50 Ege E abi detager, abele kosker, Ma eded abelelam ma oituli; Ma uerkab bakeamu.
LUK 8:1 Keubu, Iesu iako deraueli gaire ged pako gaire uteb, ege E etomeret debe mer Ade ra baselaia ge: ege abara kaimeg giz, tuelf le, uiaba emeri abi okakis,
LUK 8:2 Pako uader kosker nagri gim pako lamar uit emetu idigiri, Maria Magadalena, epe E sefen demoni giz abi dog emetu imuda,
LUK 8:3 Pako Ioana, Kusa ra kosker, Heroda ra memeg le E sirdam, pako Susana, pako uader kosker, uiaba abim memeg le uiaba lu.
LUK 8:4 Ege gaire le lakub uiaba etami okakis, ege uiaba tabakeauare nerute gedlam a nerute gedlam, epe E uiadim detager nerute mer babisdarie:
LUK 8:5 Nerute amorda le bakeamu ko emor: ege abara saido dikri, epe uader abele kep abi gab ge; uader bakeauare abele gab uiaba teter temaiseletare, a pako ebur giz uiaba eroli.
LUK 8:6 Uader kep abi uteb neid ge; ege E omeili, epe E uatuet, abelelam nolea bebeb.
LUK 8:7 A uader kep abi lu daradara ge; epe okakis omeili lu daradara ge, epe E detarapi.
LUK 8:8 Ege uader kep abi debe seb ge, E omeili, E turum nagri, uader uan handed. E detager abele gaire lu, epe E ereretikri, kega, Le la grip nagri ko asoli, debele E asoli.
LUK 8:9 Ege abara kaimeg giz abi itimer tonar abele mer babisdarie.
LUK 8:10 Epe E mer etkalu uiabim, Emetu ikuar uabim iaueakai uaba umele gaire lu gumik Ade ra baselaia ge: epe uader mer babisdarie uiabim gaire le; iaueakai uiaba nolea dasmer, uiaba dasmerare, pako uiaba nolea asoli, uiaba aserare.
LUK 8:11 Tonar abele mer babisdarie: abele saido, Ade ra mer pedali.
LUK 8:12 Abele uader le gab ge emeri, ege uiaba asoli; epe Satana tabarki a abele mer uiabi nerkep ge emor ekadari, iaueakai nolea oituli, a nolea eded nagri.
LUK 8:13 Abele uader tumem neid ge, uiaba abole mer asoli, a sobkak sererege erpei; a uiaba nolea sip kak, a uiaba no neisi neisi gerger oituli, abele gerger mirem tabarki, uiaba sobkak bakesmeri.
LUK 8:14 Abele uader lu eipu daradara ge emor, uiaba abele mer asoli, uiaba bakeauare epe gaire dikiapore lu lag geseb ge uiaba nerkep ge badari, pako geseb lu okardarem, pako uader lu lag, abele mer etarapi, abelelam turum nolea ageg.
LUK 8:15 Abele uader emor debe seb ge, uiaba abele mer asoli, a mamoro epeili, ageakar erpei uiaba nerkep ge, a turum nagri.
LUK 8:16 Nolea le lamepa dislik ispilu tanelu ge, pako ikedi sik lokodo ge; debele ikedi tumem giz lamepa ge, iauaekai nagri datki uiaba tabakeauare barot abele meta.
LUK 8:17 Abelelam nole lu ispilu, a nolea opasereret kak; pako nole mud ge lu, a nolea akmer kak, epe keubu etomeret.
LUK 8:18 Abelelam, debele uaba mamoro asoli: abelelam le nagri lu, a ko abim ikuar; epe le nole lu kak, a ais abielam abele lu E dikiapore abi dog.
LUK 8:19 Ege abara apu, pako abara keimer giz, uiaba tabakeauare abi deraimerare, a uiaba umer kak abi maiem, abelelam gaire le lakub.
LUK 8:20 Ege uader uiaba abim detager, kega, Ege mara apu pako mara keimer giz uiaba adige ekue, uiaba lagelag marim erdali.
LUK 8:21 Ege E uiabim detaut, kega, Ese gaire le giz asoli Ade ra mer, a uiaba ikeli, uiaba kara apu a kara keimer giz.
LUK 8:22 Ege nerute gerger, E bakeamulu, okakis tabara kaimeg giz, a nar atiem; ege E uiabim detager, kega, Mi nabakeauare nerute apek abele keper ge: epe uiaba atiem.
LUK 8:23 Ege uiaba atiem, E uteidi: epe au uag tabarki abele keper ge; ege gaire zauber nar etatkoi, a mitkar, maike E baitili, uiaba au geum.
LUK 8:24 Epe uiaba tabakeam, a abi itir, kega, Opole, opole, keriba maike baume. Epe E tekue, a uag daisumda, pako abele au zauber: uiaba ekeamulu, iauaekai metalug.
LUK 8:25 Ege E uiabim detager, Nade uaba oituli? Ege uiaba au geum, pako au damred; ege uiaba mer atager, kega, Nete dali, abelelam E abi detager abele uag, pako abele ni, epe uiaba abi aserei?
LUK 8:26 Ege uiaba nerute apek tauer ge tabarki, abele Gadara le la ged, abele apek keper ge, E abkoreb Galilaia ge.
LUK 8:27 Ege E narlam eupamada, epe sobkak obapit nerute le abele uteb, E emeretelam nagri demoni giz abi dog; ege nolea am uali kak, a nolea emeri meta ge, epe E ao ge emeri.
LUK 8:28 Ege E abi erdali Iesu, E au kodo ereretikri, a E ekesmeri abara opem, ege E abi elele detager, kega, Kaka nako marim, Iesu Ade ra Uerem au kale? Kaka marim bali, nole kari asiasi nakeli.
LUK 8:29 Abelelam, E abi detager, kega, Ma lamar uit teosmeda lelam. Abelelam gaire gerger E abi erpei: ege uiaba abi didbari malil par, pako lu dimili abara teter, a uiaba abi asesered; ege E umele malil par dergeir, epe demoni giz abi ais sumez ge.
LUK 8:30 Ege Iesu abi itimer, kega, Mara nei nako? E detaut, kega, Kara nei Legeona; abelelam gaire demoni giz kemem abi dog.
LUK 8:31 Ege uiaba abi damsare, Ma nolea detager keribi bakeauare muimui uteb.
LUK 8:32 Gaire borom abele gorgor paser ge erueda: ege uiaba abi damsare, kega, Debele ki nabakeauare nabarte muige borom ge. E uiabim namarida.
LUK 8:33 Epe gaire demoni giz baos adem lelam, a bakeauare borom ge barot: ga baupamaret muimui uteb keper ge, ege gaire borom guni baitarare.
LUK 8:34 Abele le giz, borom naseseredlare, erdalare abele lu E ikerer, epe uiaba au koreder bamer, a ged ge gaire uteb daratagerare.
LUK 8:35 Ui ge tabakeauare dasmerare abele lu E ikerer; ga tabakeauare Iesuim, uiaba erdalare le demoni giz dedkoli, emetu tabaos, a E emeri Iesu teter ge, E ame, a tonar tonar: ege uiaba au geum.
LUK 8:36 Ui ge le erdalare, a uiaba natomertare uiaba le nagri demoni giz dedkoli, emetu idgiri.
LUK 8:37 Abele uteb Gadara ge uridili, uiaba ko abi damsare, kega, Keriba ged ma dekaer; abelelam ui au geum: ege E ko bakeamulu nar ge, E atiem.
LUK 8:38 Le demoni dedkoli teosmeda, E abi damos abi dog emeri: epe E nolea la kak, a abi emariklu, kega,
LUK 8:39 Bakeamu mabara ged, a mabara boai, a uiabi natomertauem abele gaire au lu Ade de marim ikeli. Ege E bakeamulu a natomeret gaire uteb uridili, gaire au lu pe Iesu de abim ikeli.
LUK 8:40 Iesu iako takomeda nerute apek, epe gaire le lakub netate utebem; abelelam abi naokailare.
LUK 8:41 Dasmer, nerute sunago kole tabaruk, abara nei Iairo; E Iesuim dasmer, E ekesmeri Iesu ra teter ge, abim elele bar, kega, Debele ma tabakeamu kara meta ge.
LUK 8:42 Abelelam abara neur E netat, nako abara urut tuelf, maike eumid. Ege E bakeamulu, a gaire lakub abi dirumedare.
LUK 8:43 Nerute kosker mam gim dauer, tuelf gaire abara urut, abara lu desemulu lukup keimle naisuelare, ege abara gim nolea eseamuda,
LUK 8:44 Ege bakeamulu Iesu sor ge, E itut abara am uali deg: ege abara mam gim desemulu.
LUK 8:45 Epe Iesu uiabi detager, kega, Netide kari natutida? Uiaba detaut, kega, Ua? Ui ge, Peteru pako uader le, abi kemem detagerare, Opole, ege gaire le lakub mari dirumedare, nako debele ma detager, Netide kari natutida?
LUK 8:46 Ege Iesu detager, kega, Nerute le lut kari natutida: abelelam kaka umele nagri adgiri karielam emetu bakeamu.
LUK 8:47 Ege abele kosker E umele E nolea gumik abim, ege E bakeamulu au durdur, a abara opem E ekesmeri; E abi etomeret abele ged uridili abele lu E abi itut abelelam abara gim emetu idigiri.
LUK 8:48 Epe E abi detager, kega, Kara neur, mara nerkep saserim, maba oatulam ma eded akaida maba gimlam; ma uerkab bakeamu.
LUK 8:49 E mena detaut abele mer, nerute le sunago kole tabarki E sirdam, abi detager, kega, Mara neur emetu eumid; debele ma nole kole bamesili.
LUK 8:50 Ege Iesu asoli abele mer, epe E abi detaut, kega, Ma nolea geum kak: ma oituli, ueakai E nagri eded.
LUK 8:51 Ege E balu muige meta ge, E nolea la kak nerute le abi irmili, no Peteru, pako Iakobo, pako Ioane, pako neur ra aba, pako abara apu.
LUK 8:52 Ege uiaba uridili au kase ebazoli, abi au omare: epe E detager, kega, Uaba nolea elele ebazoli; neur nolea eud kak, E uteidi.
LUK 8:53 Ege uiaba abi neg degarare, abelelam uiaba umele E emetu eumid.
LUK 8:54 Ege E uiabi adem adige, gaire le emeri muige, epe E abi erpei abara tag, E dabgeri, kega, Neur, ma ekue.
LUK 8:55 Ege abara lamar ko takomed, epe E ekueilu: a E detager, kega, Debele leuer abi ikuar eroli.
LUK 8:56 Epe abara aba a apu uiaba au kase damreda: ege E uiabi daisumda nolea abi etomeret nerute le, abele lu emetu ikeli.
LUK 9:1 Ege E darabgerare abara kaimeg giz, tuelf le, ege E uiabim nakuarare abele adigiri, pako abele sirdam demoni giz uridili dituaki, pako gaire gim le giz uiabi idigiri.
LUK 9:2 Ege E uiabi namarida ko natomertare Ade ra baselaia ge, a uiabi idigiri gaire gim le.
LUK 9:3 Ege E uiabim detager, kega, Uaba nole lu aisare kak abele bakeamu, nole koket kak, nole epei kak, nole leuer kak, a nole mani kak; a nole neisi am uali ameare.
LUK 9:4 Uaba nerute meta ge badari, emeri abele, a iako bakeamu.
LUK 9:5 Uiaba le giz uabim agared kak, a nolea uabi asor kak, uaba bakeamu abele gedlam, sep ditkeda uaba teter gablam, uiabi atamelam.
LUK 9:6 Ege uiaba bakeauare, deraueli gaire ged, a natomertare Ade ra debe mer, a uiabi idigiri gaire gim le uridili.
LUK 9:7 Ege Heroda opole asoli gaire lu uridili emetu ikeli: epe abara nerkep au okasosok, abelelam uader detager, kega, Ioane Bapataiso ko eded akaida eudelam;
LUK 9:8 A uader detager, kega, Elia pedali paret kak; epe uader detager, kega, Nerute perofeta emeretlam, E ko eded akaida.
LUK 9:9 Heroda detager, kega, Kaka derapeida Ioane ra kerem: nete le kaka asoli gaire mer mokakalam? E lagelag abi dasmer.
LUK 9:10 Ege kaimeg giz ko takomeda, uiaba abim etomertare gaire lu uiaba emetu ikeli. Epe E uiabi ais nerute uteb, nolea le kak, abele ged nei atker Bethesaida.
LUK 9:11 Ege gaire le lakub uiaba emetu umele, a uiaba abi irmilare: ege E uiabi agiz, E uiabi detager tonar Ade ra baselaia ge, pako idigiri uader le lagelag eded.
LUK 9:12 Ege maike lem baraigida; epe gaire tuelf le tabarki, a abi detager, kega, Debele ma namarida gaire le lakub, iaueakai uiaba bakeauare gaire uteb, abele kebi uteb maike, uiaba emeri, a leuer deraimer: abelelam abele uteb nolea le kak.
LUK 9:13 Ege E uiabi detager, kega, Uaba uiabi leuer ikuar. Ege uiaba abi detager, kega, Meriba nolea leuer kak, no faif areto a lar neisi; debele keriba ko bakeamu leuer terapei uiabim peike gaire le lakub.
LUK 9:14 Abelelam mokakalam faif tausan le uridili. Ege E uiabim detager, kega, abara kaimeg giz, Uaba uiabim detager debele uiaba manoro emeri, fifte le gaire nosik.
LUK 9:15 Ege uiaba ikerare abkoreb mokakalam abara mer, a uiabim uridili detagereda, kega, Gaire nosik uaba mamoro emeri.
LUK 9:16 Epe E tais faif areto a lar neisi, E kotor dimirualu, a esoao, a itur; a uiabi nakuarare, abara kaimeg giz, a uiaba naisuerare abele gaire le lakub.
LUK 9:17 Ege uiaba eroare, ege uiaba uridili gem osmeda; epe uiaba kaier leuer arot epei ge, ege tuelf epei osmeda, leuer mogmog.
LUK 9:18 E tepteb esorerapare, abara kaimeg giz uiaba okakis: epe E uiabi nautumerare, kega, Nako gaire le la mer karim nete?
LUK 9:19 Ege uiaba abi detautare, kega, Ioane Bapataiso; epe uader detager, kega, Elia; a uader detager, kega, Nerute perofeta emeretlam, E ko eded akaida.
LUK 9:20 Ege E uiabim detager, kega, Nako uaba mer karim nete? Epe Peteru abi detaut, kega, Mama Keriso Adelam.
LUK 9:21 Epe E uiabim daraisumdarare, kega, Nolea nerute le etomeret abele lu;
LUK 9:22 Kega, Abkoreb gaire lu asias Ade ra Uerem, pako aule giz abi dikaer, pako zogozogo le giz, pako aotale giz, uiaba abi ipitare, a thri gerger ko eded.
LUK 9:23 Ege E uiabim gaire le uridili detager, kega, Ese nerute le lagelag kari narmili, mamoro E tababu obogai, abara satauro bakuar gaire gerger, a kari narmili.
LUK 9:24 Abelelam, ese nerute le lagelag abara eded asisiem, abele ko abi; ese nerute le abara eded abi karielam, abele ko ededem.
LUK 9:25 Abelelam, ese nerute le geseb ge uridili terapei, a abara mar abi, pako adem, nalu bodomalam abim?
LUK 9:26 Ese nerute le kari sirip ge, pako kara mer, abkoreb Le la Uerem ko abi sirip ge, E tabarki kemem gaire angela zogo, abara Aba zorom ge.
LUK 9:27 Ageakar, kaka uabim detager, kega, Uader peike, uiaba nole eud kak, kekiam uiaba Ade ra baselaia dasmerauem.
LUK 9:28 Ege gaire mer eseamulu, nako eit gerger, epe E abi ais Peteru, pako Ioane, pako Iakobo, ege uiaba ogi nerute tumem perepere paser ge, E esorerapare.
LUK 9:29 E esorerapare, a abara op depegemelu, E kakekak abara ame uali, au zoromzorom.
LUK 9:30 Dasmer, ege neisi le uiaba abi mer atagerem, Mose pako Elia;
LUK 9:31 Ui etomeret au zoromzorom, ege uiaba mer atager tonar abara eumid keubu, Ierusalema ge.
LUK 9:32 Ege Peteru au uteidi pako uader abi kemem: ege uiaba ekiam, a uiaba erdalare abara au zoromzorom, pako neisi le uiaba ekue okakis.
LUK 9:33 Epe ui bakeamulei, a Iesu dikaer, epe Peteru abi detager Iesuim, kega, Opole, debele meriba emeri peike: keriba thri meta akerare; mara nerute, Mose ra nerute, a Elia ra nerute: ege E nole akiapore kak abele mer detager.
LUK 9:34 Abele gaire mer, uiaba natkamda baz de, a uiaba ispilu: ege uiaba au geum, abele baz maike.
LUK 9:35 Le la mer teosmeda abele bazelam, kega, Kara Uerem nasge idali: uaba abim asoli.
LUK 9:36 Ege abele mer sobkak eseamulu, epe uiaba erdali Iesu, E tepteb. A uiaba nolea mer kak, a uiaba nolea etomeret nerute le, abele kerker, gaire lu uiaba erdalare.
LUK 9:37 Idim ge, uiaba paserlam batueli, epe uiaba obapit gaire le lakub.
LUK 9:38 Dasmer, nerute le ereretikri le lakublam, kega, Ereuere le ae, kaka mari damosi, ma dasmer kara uerem; abelelam kara uerem netate:
LUK 9:39 Dasmer, ege E nagri abara gim lamar uit, epe E ereretikri, E udud, abara te ueker, E bapegiri, E nolea sobkak osmelu.
LUK 9:40 Kaka damosi mara kaimeg giz, uiaba dituaki osmeda adige; a uiaba nolea umer kak.
LUK 9:41 Ege Iesu detaut, kega, Abele nosik nolea oatur kak, pako erar, kaka uabim kemem naket gerger? pako omare uabim naket gerger? mara uerem karim tegaret.
LUK 9:42 Ege E tabakeamu, E ekesmeri, E udud, abele demoni giz, epe Iesu daisumda abele uit lamar, pako idigiri abele uerem, E ikuar abara aba.
LUK 9:43 Ege uiaba uridili au damreda Ade ra atamelam. Epe uiaba uridili au damreda gaire lu Iesu de ikeli, epe E uiabi detager, abara kaimeg giz,
LUK 9:44 Uaba mamoro asoli abele mer: abelelam Ade ra Uerem maike uadikuarare le la tag.
LUK 9:45 A uiaba nolea umer kak abele mer, ege uiaba nolea erdali, abelelam uiaba nolea asoli abele lu: ege uiaba au geum abi itimer tonar abele mer.
LUK 9:46 Ege uiaba asareda, nete le aule.
LUK 9:47 Ege Iesu opasereret abele dikiapore uiaba nerkep, epe E erpei nerute kebi uerem, E ekue maike abi dog.
LUK 9:48 Ege E uiabi daratagerare, kega, Ese nerute le tegared abele kebi uerem kari nei ge, ege E karim tegared: ese nerute le karim tegared, ege E tegared abele le kari namarida: abelelam E kebile ise uabim dali, E aule.
LUK 9:49 Ege Ioane de abi detager, kega, Opole, keriba erdali nerute le E imud demoni giz mari nei ge; epe keriba abi daisumdardar, abelelam E nolea meribi irmili.
LUK 9:50 Ege Iesu abi detager, kega, Uaba nolea daisumda: ese nerute le nole meribi dedkoli, E meribi okakis.
LUK 9:51 Ege abara kerker maike tabarki, E iako takomeda kotor ge, ege E bakeamulu Ierusalema ge,
LUK 9:52 Ege uader ko namarkare abi kekiam: ui ge bakeauare bamer nerute uteb Samaria ge, ui abim derserare.
LUK 9:53 A uiaba nolea abi la kak, abelelam E bakeamulu Ierusalema ge.
LUK 9:54 Ege neis abara kaimeg giz, Iakobo a Ioane, ui erdalei, ui detagerei, kega, Opole, nako ma lagelag ki datagerei debele ur uatabu kotorlam, ueakai ui obaum, mokakalam Elia de ikeli?
LUK 9:55 A Iesu sorem egreemalu, E uiabi barditug, kega, Uaba nolea umer kak tonar muige uaba nerkep.
LUK 9:56 Abelelam Ade ra Uerem tabarki nolea dedkoli le la eded, epe E tabarki ueakai gaire le eded nagri. Ui ge bakeauare nerute utebem.
LUK 9:57 Ui ge bakeauare abele gab ge, ege nerute le abi detager, kega, Opole, kaka mari narmili gaire uteb ma bakeamu.
LUK 9:58 Ege Iesu de abi detager, kega, Arobe nagri abara kur, pako gaire epereda ebur nagri uteb uteidi; epe Le la Uerem nolea uteb kak uteidi.
LUK 9:59 Ege E detager nerute le, Ma kari narmili. Ege abim detaut, kega, Opole, ma kari nakuar kaka kekiam nabakeamulu atkobeilu kara aba.
LUK 9:60 A Iesu abi detager, kega, Debele ikedi le eumida uiaba etkobei; marim abkoreb ma ekue etomeret Ade ra baselaia ge.
LUK 9:61 Ege nerute le abi detager, kega, Opole, kaka mari narmili; epe ma kari nakuar kaka kekiam bakeamu natomertare karbara boai.
LUK 9:62 Ege Iesu de abi detager, kega, Ese nerute le erpei abele uet abara tag, a dikaer, a ko sorem egreemalu, E nolea abkoreb Ade ra baselaia ge.
LUK 10:1 Keubu, Opole depegeli uader sefenti, E uiabi namarida neisi a neisi le kekiam abara opem, gaire uteb uridili, E keubu.
LUK 10:2 Ege E uiabi daratagerare, kega, Abele saito itraker au kase, neisi a neisi le uiaba dorge ikeli: debele uaba damosi Opole abara saito itraker, iaueakai gaire le namarida ikeli abara dorge.
LUK 10:3 Ua obakeauare: dasmer, kaka uiabi namarida mokakalam kebi mamoe giz eipu luko.
LUK 10:4 Uaba bakeauare, nolea ais mani epei, a pako epei, a teter gab: uaba nolea damareda omare le uabi obapit gab ge.
LUK 10:5 Ese uaba barot nerute meta ge, uaba kekiam meta kemle abi detager, kega, Uerkab uabim.
LUK 10:6 Ese le debele uabim, a uaba abim debele; ese nolea uabim debele, uaba ko takomeda.
LUK 10:7 A uaba emeri abele meta, eroli a ereli abele gaire lu uiaba uabim uadaisuerare: abelelam abkoreb bodomalam le dorge ikeli. Uaba nolea bakeauare nerute meta a nerute meta.
LUK 10:8 Ese uaba nerute uteb ge barot, a uiaba omare uabim, a ua eroare gaire leuer uiaba uabim derseri:
LUK 10:9 Uaba nadgirare uader gim le, a ua daratagerare, kega, Ade ra baselaia maike uabi dog.
LUK 10:10 Ese uaba nerute uteb ge barot, a uiaba nole uabi omare, debele ua bakeauare giz akos uteb, kega,
LUK 10:11 Abele sep uaba uteb, ege sep batagerda keribi dog, a keriba ditkeda uabim: debele uaba umele abele lu, ege Ade ra baselaia maike uabi dog.
LUK 10:12 Kaka uabi detager, kega, Abele gerger kebi bodomalam Sodomaem abele uteb ge.
LUK 10:13 Korasina ae; kaka au nasenase marim! Bethesaida ae; kaka au nasenas marim! abelelam ese ikeli Turo a Sidonaim atamelam emetu ikeli uabim, nako, emeretelam uiaba emetu obazgeda, emeri mokakalam zegerzeger uali pako tibitibi uali.
LUK 10:14 Kebi bodomalam Turo a Sidona abele gerger ia uabi itimer.
LUK 10:15 Marim Kaperenauma, uige mari uanageserare armem, a keubu ma ekesmeri muige abele Hedisge.
LUK 10:16 Ese le asoli uabim, mokakalam kari asoli; ese nerute le uabi dituaki, mokakalam kari natuaki; ese nerute le kari natuaki, epe E natuaki abele le kari namarida.
LUK 10:17 Ui ge ko tabakomeret, abele sefenti gaire le, uiaba sererege, kega, Opole, ege demoni giz uiaba asoli keribi, mara nei ge.
LUK 10:18 Ege E uiabim daratagerare, kega, Kaka erdali Satana, E ekesmeri kotorlam, mokakalam perper ise.
LUK 10:19 Dasmer, kaka uabi ikuar abele sirdam ko tabo E sapiri pako bokani, pako saserim uridili le tekelar: nole nerute lu adud uabim.
LUK 10:20 Uaba nole sererege abele lu, ege demoni giz uabi asoli; debele uaba sererege abele lu, iaueakai uaba nei emetu uadetar kotor ge.
LUK 10:21 Peike abele haua ge, Iesu ra lag au sererege, Lamar Zogolam, kega, Kaka mari esoao, kara Aba, kotor Opole pako geseb ge, abelelam ma ispilu abele lu uader umele pako pardar, a natomertare abele lu kebi uerem ge: uao, kara Aba, abele mara lag peike.
LUK 10:22 Ege kara Aba gaire lu E kari naisuer: nole le ardar kak abele Uerem, epe abara Aba; nole le erdali abele Aba epe abara Uerem, pako nerute le abara Uerem E lagelage abi etomeret.
LUK 10:23 Ege E basker taba kaimegem, a kebi mer uiabim, Uerkab abele pone emetu erdali uader lu uaba erdada:
LUK 10:24 Abelelam kaka uabim detager, kega, Gaire perofeta pako opole giz, ui lagelage uaerdarare abele lu ua erdada, a uiaba nole ardar kak; a uiaba lagelage asoli abele lu uaba emetu asoli, a uiaba nole asor kak.
LUK 10:25 Dasmer, ege nerute le ekuei, ereuerem gelar giz, E abi mirem, kega, Ereuer le, nalu lu kaka ikeli ueakai kaka nagri eded niaiem niai karem?
LUK 10:26 Ege E abi detager, kega, Nalu detali muige abele gelar? nalu mer ma etag?
LUK 10:27 Ege E etkalu, kega, Ma omare Opole mara Ade, mara nerkep kemerkemer, mara mar kemerkemer, mara saserim kemerkemer, mara akiapor kemerkemer; ma omare le mai kes mari dog, mokakalam mari omare.
LUK 10:28 Ege E abi detager, kega, Mara mer barkak: ma ikeli abkoreb mokakalam, ueakai ma eded nagri.
LUK 10:29 Epe E lagelage tababu barkakem, E Iesui detager, kega, Kaka umele, na le mai kes kari dog?
LUK 10:30 Ege Iesu de detaut, kega, Nerute le tabakeamu Ierusalemlam Ieriko ge; ege uader lu gatkamer le giz abi erpeirare, abara ame uali digirare, a ipitare, a ui ga bakeuare, ege imereder maike eud.
LUK 10:31 Ege nerute zogo le, E bakeamulu abele gab ge: E abi erdar, a abielam degab etaruklu.
LUK 10:32 A mokakalam, nerute Leui le, E osmelu abele uteb gab ge, E bakeamulu E erdali, abielam degab etaruklu.
LUK 10:33 A nerute Samaria le, E bakeamulu abele uteb gab ge: E erdar abele le emeri, E au omare abi,
LUK 10:34 Ege E bakeamu, erep abara ziz, a lukup epaitered pako uaina; ege E agisilu ebur sor ge igimulu, E ais nerute meta, E abi asesered.
LUK 10:35 Nerute idim ge, E meme demareredlu, ege E ikuar neisi denari meta kemleim, a abi detager, kega, Ma abi asesered; ese nerute lu E lagelage, ma terapei abi ikuar, ka iako tarakomelu, mari bodomalam.
LUK 10:36 Uiabielam neis netate le, nete le mai kes darali abim nerute le lu gatkamer le giz erepeidarda?
LUK 10:37 Ege abim detaut, kega, Le abi omare. Ege Iesu de abi detager, kega, Ma ko bakeam mokakalam ikeroa.
LUK 10:38 Ui ge bakeuare, ege bakeamulu nerute uteb: nerute kosker, abara nei Maretha, E tegaredlu Iesu tabara meta.
LUK 10:39 Tabara berbet, nei atker Maria, ege emereder maike Iesui teter ge, E lagelage uaeasor Iesu ra mer.
LUK 10:40 Ege Maretha de sagim deger taba boaiem; ege E ekueilu, a abi detager, kega, Opole, nalu, ma nole kari dikiapore, epe kari le lut nakuar peike tepteb derser gaire lu? ma ge abi detager, kari upinati.
LUK 10:41 Ege Iesu de abi detager, kega, Maretha, Maretha, ma lu lag gesebge, no pama geseb lu dikiapoare:
LUK 10:42 Nerute lu pe debele; ege Maria de dikiapore debe lu, nole nerute le abielam ais.
LUK 11:1 Iesu emri nerute uteb ge, ege E esorerapare, eseemuda, ege nerute abara kaimeg giz, E abi detager, kega, Opole, debele ma keribi dereuerare abele esorerapare, mokakalam Ioane de tabara kaimeg giz nereuerare.
LUK 11:2 Ege E uiabi detager, kega, Ua esorerapauem mokakalam, kega, Keriba Aba kotor ge, zogoem mara nei. Mamoro mara baselaia sepem uatabu. Ikeroa mabara lag abele geseb ge, mokakalam kotor ge.
LUK 11:3 Keribi ikuar leuer, nerute gerger a nerute gerger, keribi abkoreb.
LUK 11:4 Adem dikri keriba uit; abelelam keribibu dikri ui uridili keribi dedkoeda. Nole keriba tegeredare abele mirem, epe keribi ditkedarare uitelam.
LUK 11:5 E ge uiabi nautumerare, kega, Nete uaba tebud, E bakeamulu eipu ki ge, E abi detager, kega, A ma tais neisi netat areto, keubu iako bodomalam;
LUK 11:6 Abelelam, kara tebud emetu tabakeam, a kaka nole leuer kak abi ikuar;
LUK 11:7 E ge abi detager, muige taba meta ge, Nalu ma kari naogatili: emetu peike meta dimiredare, emetu ki eididare omaskerkem; kaka umer kak nakiamlu mari nakuare?
LUK 11:8 Kaka uabi detager, kega, Ese E nole ekue abi ikuar, abelelam abara tebud, epe E ikuar gaire lu uridili E laglag, abelelam E elele damosi.
LUK 11:9 Kaka uabi detager, kega, Debele uaba damos, ueakai uaba nagri; uaba deraimer, ueakai nagri; uaba mudmud, E uabi diski.
LUK 11:10 Abelelam, ese le abi damos, E nagri; le deraimer, a erdali; le mudmud, E abi diski.
LUK 11:11 Ese uerem areto damos tabara abalam, nako E abi baker ikuar? Ese abi damos nerute lar, nako E ikuar tabo, a nolea lar kar ikuar?
LUK 11:12 Ese abi damos kalkal ra uer, nako E ikuar bokani, a nolea ikuar kalkal uer?
LUK 11:13 Uaba adud tonar, ese uaba umele gaire debe lu naisuerare uaba omasker, mokakalam uaba Aba, emeri Kotor ge, E uabi uadekuarare Lamar Zogo uaba damos?
LUK 11:14 E imud nerute demoni, ege E te dabimdabim. Ege demoni baos abielam, ege E mer etkalu, abele le te dabimdabim; ui ge gaire le giz abi damerare.
LUK 11:15 Uader le batagelare, kega, Belezebul, demoni giz opole, abelelam E umeli demoni imud.
LUK 11:16 Uader le giz abi mirem, ege uiaba abi deraimerare atamelam kotorlam.
LUK 11:17 Ege E opasereret uiaba dikiaporare, E uiabi daratagerare, kega, Gaire baselaia uridili epuli eseamuda; pako boai epuli nolea niaiem ekue.
LUK 11:18 Ese Satana tababu barili a epuli, nako E umele niaiem ekue, pako abara baselaia? abelelam, pe ua detager, kega, Belezebul, abelelam ka demoni imuda.
LUK 11:19 Ese kaka namuare demoni Belezebuloelam, netide uanamuare demoni giz a uaba omasker giz? abelelam keubu gerger ge, uabi uaditimerare.
LUK 11:20 Ese Ade ra tag kaka imud demoni giz, ege Ade ra baselaia emetu tabaruka.
LUK 11:21 Ese saserim le nagri ares lu taba meta uanaseseredauem, ia atko kak lu uadaragiri:
LUK 11:22 Ese au saserim le uatabakeamu abi uaekesmer, abara ares lu uadais, E au oituli tabara ares lu.
LUK 11:23 Ese nerute le nolea kari la kak, E nolea kari kemem; ese nerute le nole etami kari dog okakis, E tabara lu derapei.
LUK 11:24 Ese lamar uit obaos lelam, E degemli uatuet uteb, ege E deraimer nerezi uteb; nolea uteb kak, ege E detager, kega, Kai ko tarakomelu karba meta, emeret kaka emeri.
LUK 11:25 E bakeamulu taba utebem ge, erdar emetu dirup esemulu.
LUK 11:26 Ege E bakeamulu, taraisare uader sefen lamar, ui au adud abi tumge; a bakeuare barot muige, a bamer: ege E au adud abele le la mop, abele gerger ge ditimedelu.
LUK 11:27 E detager abele lu, ege nerute kosker ge, E ereretikri, eipu le lakub, a abi detager, kega, Uerkab ma E osmeda abele kemlam, pako abele nano ma ereli.
LUK 11:28 E abi detager, kega, Ageakar, E uerkab abele le asoli Ade ra mer, E asesereda.
LUK 11:29 Ege gaire le lakub abim tabakeuare, ege E uiabi daratagerare, kega, Abele nosik au adud; uiaba deraimerare atamelam; a nolea atamelam kak, no abele atamelam Iona perofeta tepteb.
LUK 11:30 Abelelam, mokakalam Iona abele atamelam Nineua ge, abkoreb Ade ra Uerem abele nosik.
LUK 11:31 Abele kosker, opole ziai apek, E ekue okakis nosik le ge, abuar ge E uiabi nautumerare, a uiabi bodomalam: abelelam E tabakeam bazmirare ge, E lagelage ueasiri Solomona ra pardale; dasmer, ike abele nerute le, E au kale tumem Solomona.
LUK 11:32 Ui ge bako Nineua ge, abele gerger ge uanautumerare abele nosik, E uiabi bodomalam: abelelam uiaba obazgeda Iona ra marau; dasmer, ike abele nerute le au kale tumem Iona.
LUK 11:33 Nolea le emetu disirik lamepa, E ikedilu lokod ge, pako agud saito ge, E ikedi tumge, iaueakai uadatki gaire le emeri be ge.
LUK 11:34 Pone lamepa ra gem: ese mara pone debele, mara gem uridili nagri datki; ese mara pone adud, a mara gem nolea datki kak.
LUK 11:35 Marim, nole kupkupi datki muige mari dog.
LUK 11:36 Ese mara gem uridili nagri datki, nole kupkupi kak, E datki uridili, mokakalam lamepa datki mari dog, au bebe.
LUK 11:37 Ege E detaut, nerute Faresaio de abi detager, kega, Kari okakis ereueda: Ege E balu, E emerilu ero.
LUK 11:38 Ege Faresaio de abi erdar, ege E damerar, abelelam E no eroli, nole tag ogarup kak.
LUK 11:39 Ege Opole abi detager, kega, Uaba Faresaio uaba dirup abele tanelu ge pako abele kumeti; epe muige pe mitkar poipi a adud tonar.
LUK 11:40 Uaba paim paim! Le ikeli sor ge, pako muige?
LUK 11:41 Debele ua aisare uaba lu omare; dasmer, gaire lu uridili uaba ogdirup.
LUK 11:42 Uaiai uaba Faresaio giz! abelelam ua aiseda ten mili, pako pekano, pako gaire lu uridili nagri nur ge, a ua dekaerta Ade ra itimer, pako abara omare: abkoreb ikeli abele lu, a nole dikaer abele lu.
LUK 11:43 Uaiai uaba Faresaio giz! abelelam ua au lagelag bao aule sunago ge, pako omare gizakos uteb.
LUK 11:44 Uaiai uaba aotale pako Faresaio, ua bes le giz! abelelam uaba mokakalam ao giz espi, ese le tumem uadegemeli, umer kak.
LUK 11:45 Epe nerute gelar giz, ereuer le, E abi detager, kega, Ereuer le, mama keribi dedkoeda, mara mer peike keribim.
LUK 11:46 Ege E daratagerare, kega, Uaiai uaba gelar giz ko! abelelam uaba nole dekmerik uaba lu uaba no ikuar nerute le, uaba tag pem nole.
LUK 11:47 Uaiai uaba! abelelam uaba ao emorare perofeta, a uaba kaied giz a uiabi ipit.
LUK 11:48 Epe uaba etomeret tonar uaba kaied giz, pako sererege: abelelam uiaba ipit, a uaba emorare uiaba ao.
LUK 11:49 Ege Ade ra pardali detaut, Kaka uiabi namarida perofeta pako aposetola giz; uiaba uader ipit a uader damrik;
LUK 11:50 Iaueakai abele nosik deraimer gaire perofeta ra mam, babused abele kerker ge ditimedelu geseb ge;
LUK 11:51 A ditimed Abela ra mam bakedida Sakaria ra mam, uiaba ipit eipu neres ge, maike Zogo meta: ageakar, kaka uabi detagereda, kega, E deraimerare abele nosik.
LUK 11:52 Uaiai uaba gelar giz, ereuer le! abelelam ua aisare ki pardar: ua nole barot, a ua daisumda uader lagelag barot.
LUK 11:53 Ege abele mer E uiabi detager, uiaba aotale a Faresaio giz au ueku; uige abi mirem itimerare gaire lu gem;
LUK 11:54 A ui ge deraimerare abara merem E ua detaut, a ui ge natomertare.
LUK 12:1 Ege gaire le lakub tabakeuare netat uteb ge etami, ege E ditimeda uiabi marao, tabara kaimeg giz, kega, Uaba dekaer Faresaio ra lu erperida, uiaba bes.
LUK 12:2 Abelelam nole lu ispilu, E natomertare: nole lu gumik, E natomertare.
LUK 12:3 Ege gaire lu uridili kupkupi ge ua detautare, E detomertare datki; uader lu pe ua kebi mer lu muige uteb ge, E natomertare tumem meta.
LUK 12:4 Kaka uabi detagereda, kabara tebud, Ua nolea geum uiaba no gem ipit, ese uaeseemu, iauaekai umer kak ko ikeli nerute lu.
LUK 12:5 Epe kaka uabi detomeret le uabi geum: Uaba abi geum, ese uaeseemu abi ua ipit, E sirdam iako batauered gena: ageakar, kaka uabi detagereda, kega, Uaba abi geum.
LUK 12:6 Uaba nolea bodomalam faif kebi ebur giz epereda neisi asari? Ade nole nerute ebur okataprik kak abara op.
LUK 12:7 A uaba mus uridili emetu etag, abelelam uaba nolea geum, uaba aule gaire kebi ebur.
LUK 12:8 Kaka uabi detagereda, kega, Ese nerute le lut kara nei uanatomertare gaire le, Ade ra Uerem ko etomeret abara nei opem Ade ra angela.
LUK 12:9 Ese nerute le kari asared le ra op uridili, E ko asared opem Ade ra angela.
LUK 12:10 Ese nerute le adud mer Ade ra Uerem, E itikir: ese nerute le adud mer Lamar Zogo, E nolea itikir.
LUK 12:11 Ese uaba eguatumur sunagoem, a opole, a tarim le, ua geum kak mer detautauem, nako ia detautare:
LUK 12:12 Abelegelam Lamar Zogo de uabi uaderuerare, abkoreb ia mer detautare.
LUK 12:13 Ege nerute le kublam, abi detager, kega, Ereuer le, ma kara le detager, E uateragoa tabara sirdam lu karim.
LUK 12:14 Ege E abi detager, kega, oe, netede kari nakuar abele sirdam uabim?
LUK 12:15 Ege E uiabi daratagerare, kega, Ua asesered uaba nolea geseb lu lag: abelelam nolea le eded geseb lulam.
LUK 12:16 Ege E uiabi daratagerare, nerute mer babisdarie, kega, Nerute le abara lu abi seb ge au turum turum:
LUK 12:17 E dikiapor, kega, Nalu lu ka akere, epe nolea pe kes kak, karbara lu aodage?
LUK 12:18 E detager, kega, Abele lu ka ikeli: kaka adem erapei karbara saido meta, kai ko au kale akailu; kaka etami okakis karbara turum, pako gaire debe lu uridili.
LUK 12:19 A kaka abi detager, karbara lamar, kega, Kara lamar, ege marim gaire debe lu, E ikeli abkoreb dordor urut, ueakai ma mamoro emeri gaire urut ge, a eroli, a erer, a iako sererege.
LUK 12:20 Ege Ade de abi detager, kega, Ma paim le, mara iako lamar ki ge tais; netede ia ueais gaire mara lu ma derseri?
LUK 12:21 Mokakalam le etami gaire lu, tabara lu, a nolea lu nagri Adelam.
LUK 12:22 Ege E uiabi daratagerare, tabara kaimeg giz, kega, Abelelam kaka uabi detagereda, kega, Uaba nole au kase dikiapor uaba eded, na leuer uaba eroare; gako uaba gem, na lu uaba ameare.
LUK 12:23 Ege eded aule leuer aroem, pako gem aule am ualilam.
LUK 12:24 Uaba dikiapor oreua, uiaba nolea saido dikri, a nolea saido itraker; a uiaba nolea uteb kak, a nolea saido meta kak; ege Ade de uiabi darasisiare: uaba au debele ebur giz!
LUK 12:25 Nete uabielam umele ikeli dikiapor, au kale perper abara eded netat kubita?
LUK 12:26 Ese uaba umer kak ikeli kebi lu, nalugelam pe ua au kase dikiapor uader lu?
LUK 12:27 Uaba dikiapor dap, nako tonar omeili: uiaba nolea dorge kak, nolea erat; kaka uabi detager, Solomona nolea am uali pako debele, nolea mokakalam uader lu debele.
LUK 12:28 Ese Ade de ikeli mokakalam sumez am uali, abele gerger omeilu, iauaekai obatauered urem; nako au am uali uaba kebi oituli?
LUK 12:29 Uaba nolea deraimerare, nalu ia eroare, nalu ia ereare; uaba nerkep nolea dikiapor gaire lu.
LUK 12:30 Abelelam gaire lu uridili gaire ged geseb ge deraimerare: epe uaba Aba E umele gaire lu abkoreb uabim.
LUK 12:31 Debele ua mamoro deraimerare tabara baselaia, ueakai keubu gaire debe lu uaba nagri.
LUK 12:32 Uaba nolea geum kak kebi mamoe giz; abelelam uaba Aba E lagelag uabi ikuar abele baselaia.
LUK 12:33 Debele uaba lu bodomalam, ueakai uabi ikuar; ueakai uaba nagri debe epei, kotor lu nolea eseamur kak, nolea maike eruam le, a nolea degem aro kak.
LUK 12:34 Abelelam abele uteb ge pe uaba lu nagri, uaba nerkep pe ko kemem.
LUK 12:35 Uaba dimiri uak ge, a uaba lamepa disirik;
LUK 12:36 Debele ua ikerauem abkoreb uader le dekaili uiaba opole, E ko takomer uetpurem; iaueakai ese E tabakeam a ipit abele gab te, uiaba sobkak diski.
LUK 12:37 Abele memeg le giz uiaba uerkab, uiaba opole E erdali uiaba ikeli abkoreb mokakalam, a mamoro derser: Ageakar, kaka uabi detager, E abara uali dimiri, a uiabi detager, Meriba ero, E bakeamu uiaba memeg le.
LUK 12:38 Ese E tabakeamu eip ki, nako kimiar faul ereretikri, ese erdali uiaba ikeli mokakalam, uerkab uiaba memeg le giz.
LUK 12:39 Debele uaba umele abele lu, ese lu kemle E umele abele eruam le uatabaruk, E mamoro asesered, a nolea dikaer uiaba eruam tabara meta.
LUK 12:40 Abele lu ua derser: abelelam abele gerger ua nolea akiapor kak, Ade ra Uerem tabarki.
LUK 12:41 Ege Peteru abi detager, kega, Opole, ege ma detager keribim abele mer babisdarie, nako le uridili?
LUK 12:42 Ege Opole detager, kega, Nete memeg le sirdamu, ege E ageakar dikiapor, ege abara opole E ikuar abele sirdam abara memeg le, E uiabi ikuar leuer abkoreb abuar ge?
LUK 12:43 Abele memeg le E uerkab abara opole tabaruk a abi erdali, ege abara dorge mamoro ikerer.
LUK 12:44 Ageakar, kaka uabi detager, E ikuar abele dorge E sirdam abara lu uridili.
LUK 12:45 Ese abele memeg le E dikiapor muige taba nerkep ge, Kara opole au uapum; ege E ipit uader memeg kimiar, pako uader memeg kosker, E ero, a ere, E paimpaim;
LUK 12:46 Abele opole tabaruk abele gerger ge abara memeg le nole arser kak, abele mog gerger E nole ardar kak, ege E au dulam, ege E tedais abara dorge okakis uader nole asor kak.
LUK 12:47 Abele memeg le umele opole dikiapor, a nole arser kak, nole ikeli gaire lu taba akiaporlam, E au damarik;
LUK 12:48 Ese memeg le nole umer kak, ege E ikerer uader lu abkoreb damarik, E no kebi kebi damarik. Abelelam ese le ikuar gaire lu, E ko itimer gaire lu: Ege E gaire lu E asesereder, ui ge abi detagerare, Ma tais gaire lu.
LUK 12:49 Kai tarabarki nabataueredelu abele ur gesepem: nalu lu kaka ko lagelag ese emetu dasiriklu?
LUK 12:50 Karbara bapataiso kaka bapataiso; kaka au asias mop ge bakedida!
LUK 12:51 Nako uaba dikiapor kaka tarabarki dakuarare abele mapodan geseb ge? Kaka uabi detager, nole: epe mer bamsili:
LUK 12:52 Abelelam ditimed peirdi, faif le uiaba netat meta emeri, uiaba mer bamsili, neisi netat le neisi le mer daramesilare, a neisi le neis netat le mokakalam.
LUK 12:53 Abib ueremei mer bamesilei, aba a uerem; apu a neur; kimiar ra apu uerem ra kosker; kosker kimiar ra apu.
LUK 12:54 Ege E uiabi daratagerare, gaire le lakub, Ese ua erdarare baz omeili koki peik, ua ge detager, Nako, irmer; epe ageakar.
LUK 12:55 Ese uag uami ziai peik, a ua ge detagerauem, Nako, au gerger: epe ageakar.
LUK 12:56 Uaba bes le giz, ege uaba umele dikiapor tonar kotor a gesep; nalu atamelam uaba umer kak etag tonar abele urut?
LUK 12:57 Nalu uaba nolea dikiapor barkak lu?
LUK 12:58 Ese ma okakis bakeam nerute le, nagri abara lu mari dog, nole bodom kak, ma debe mer abim abele gab; ueakai nole mari eguatumur autmorem, le itimer mari uanakuar memeg le, ia memeg le mari uanakuar au dubar meta.
LUK 12:59 Kaka mari detager, Ma nole ko eosmeda, kekiam mani aisuer.
LUK 13:1 Abele kerker uader tabakeuare, uiaba abi etomertare Galilaia le, abelelam Pilato asesered uiaba mam, pako mam tababu baotiare.
LUK 13:2 Ege E de uiabi daratagerare, kega, Nako, uaba dikiapor epe au uit Galilaia le uridili, ueakai uiaba au sagim gaire lu abkoreb?
LUK 13:3 Kaka uabi detagereda, Nolea: ese uaba nole obazgeda, abkoreb uaba uridili baum.
LUK 13:4 Uader eitin le, E erapei uiabi tumge abele kar Seloam ge, ege ui baum, nako, aule uiaba uit le uridili emeri Ierusalema ge?
LUK 13:5 Kaka uabi detagerare, Nolea: ese uaba nole obazgeda, abkoreb uaba uridili baum.
LUK 13:6 Ege E uiabi detager, abele mer babisdarie, Nerute le E nagri suke, ege E emor abara uina gedub ge; ege E bakeamulu deraimer turum, a nole erdali.
LUK 13:7 Epe E abi detager, le dorge uina gedub, Dasmer, neis netat urut kaka tarabarki daraimer turum abele suke, kaka nole turum ardar kak: debele ismi; epe nalu dedkoli abele sep?
LUK 13:8 Ege E abi detaut, kega, Opole, debele no dikaer abele urutem, kaka giz daiue uaderauei, a gaire poipi:
LUK 13:9 Ese turum uanagri, debele; iako nole, keubu debele ma ismi.
LUK 13:10 Ege E uiabi ereuerem nerute sunago, sabath ge.
LUK 13:11 Dasmer, nerute kosker nagri lamar E gebgeb, abara urut eitin; epe E no ersedi, umer kak mamoro ekuei.
LUK 13:12 Ege Iesu de abi dasmer, ege E abi dabgeri, kega, Oe, epe mara gebgeb emetu eseamud.
LUK 13:13 Ege abara tag abi dog dikmerik: ege E barkak ekueilu, ege E Ade desper.
LUK 13:14 Epe nerute le, E sirdam abele sunago, E au ueku abelelam Iesu idigir sabath ge, ege E uiabi daratagerare, gaire le lakub, Debele sikis gerger dorge ikeli: abkoreb uaba tabakeuare idigir, sabath nole.
LUK 13:15 Ege Opole de abi detager, kega, Ma bes le, epe uaba nerute le sabath ge detuemer abara kau pako abara asina kau metalam, naogatare ni namerare.
LUK 13:16 Abele kosker, Aberahama ra neur, ege Satana de didibar, dasmer, abara urut eitin, nako nole abkoreb detuemer abara mukub sabath gerger ge?
LUK 13:17 Ege E abele mer detager, epe uiaba uridili au ueku abim, sirip nagri: ege gaire le lakub uridili uiaba sererege abelelam gaire au lu E ikeli.
LUK 13:18 Ege E detager, kega, Ade ra baselaia, nalu lu abkoreb? nalu lu kaka detaut mokakalam?
LUK 13:19 E mokakalam sinapi ra kep, nerute le ais, E bataueret tabara gedub ge; ege E omeilu, keubu au kale; epe gaire ebur giz epereda tam ge uteid.
LUK 13:20 Ege E ko detager, Ade ra baselaia, nalu lu mokakalam?
LUK 13:21 E mokakalam lu sik epiti, nerute kosker ais ikedi muige abele falaua neis netat mitkarem, a keubu uadarabuerare uridili.
LUK 13:22 Ege E bakeamulu uteb a kebi uteb giz, ege E ereuerem, a bakeamulu Ierusalema ge.
LUK 13:23 Ege nerute le lut, abi detager, kega, Opole nako no neis a neis le eded nagri? Ege E uiabim daratagerare,
LUK 13:24 Uaba saserim ueakai uaba barot kebi te ge: abelelam kaka uabi detager, uader deraimer lagelag barot, a nole umer kak.
LUK 13:25 Ese eseamud meta kemle ekuei, a dimi abele gab te, a uaba ekuei adige, gab te ipit, kega, Opole, Opole, keribim diski; E detaut, kega, Kaka nole umer kak uaba nagelam;
LUK 13:26 Epe uaba ditimeda detaut, kega, Keriba eroli a ereli mari op ge, ma ereuerem keriba gab giz;
LUK 13:27 Ege E uiabi daratagerare, kega, Kaka nole umer kak uaba nagelam; ua karielam bakeauare, ua uridili adud tonar.
LUK 13:28 Uaba au ezoli tereg ikupamaretlare, ese uaba erdali Aberahama, pako Isaka, pako Iakobo, pako gaire perofeta uridili Ade ra baselaia ge, a uaba adem dikri.
LUK 13:29 Ui ge tabakeauare sager pekem, pako koki pekem, pako ziai pekem, pako naiger pekem, ui bamer eroare Ade ra baselaia ge.
LUK 13:30 Dasmer, uader keubu ko kekiam, uader kekiam ko keubu.
LUK 13:31 Abele gerger ge, uader Faresaio tabakeauare, uiaba abi detagerare, Ma adem bakeam: abelelam Heroda E lagelag mari ipit.
LUK 13:32 Ege E uiabi daratagerare, Ua bakeauare, abi detager, abele arobe, Dasmer, kaka demoni adem namuda, a kaka nadgereda gim le abele gerger, pako idim ge, a nerute gerger kaka ikeli eseamuda.
LUK 13:33 Abkoreb kaka nagemeli abele gerger, pako idim ge, pako nerute gerger: abelelam umer kak nerute perofeta uaeumi nerute uteb, no Ierusalema ge.
LUK 13:34 Ierusalema ae, Ierusalema, uaba ipit perofeta, pako uaba bakeru narborida uader uabim namarida! kaka lagelag natameare mabara omasker, mokakalam apu faul derap tabara uerem, a uaba nole la kak.
LUK 13:35 Dasmer, uaba meta dikaer dedkoli; ageakar, kaka Uabi detager, Uaba nole kari umer kak, keubu gerger uaba detautare, kega, Uerkab abele le tabaruk Opole nei ge.
LUK 14:1 Ege nerute sabath baruk, E bakeamulu nerute kole ra meta, Faresaio le, E lagelag ero, uiaba abi deraimer.
LUK 14:2 Dasmer, nerute le abi opem, begur gim.
LUK 14:3 Ege Iesu de uabi daratagerare, gaire Ereuer gelar giz pako Faresaio giz, kega, Nako abkoreb idigiri gim sabath ge, nako nolea?
LUK 14:4 Ege uiaba mer baomare. Ege E abi erpei, a abi idigiri, E emariklu.
LUK 14:5 Ege E uiabi daratagerare, kega, Na le nagri asina a kau ege ekesmer auak ge, nako nole sabath ge deguar?
LUK 14:6 Uiaba nole abi mer atuat kak abele lu.
LUK 14:7 Ege E uiabi daratagerare nerute mer babisdarie uader namarida, E uiabi umele E dikiapor au lu E eidi; ege E uiabi daratagerare, kega,
LUK 14:8 Ese nerute le mari uanatager, kega, Bakeamu uetpurem, ma nole eidi au lu ge: nole nerute aule mari namarida.
LUK 14:9 Ege emariklu le bakeamulu uabim, E mari detager, Ekemer pako abele kole: ege ma bakeamulu kebi lu sirip ge.
LUK 14:10 Mokakalam mari namarida, ma kabeamu eidi kebi lu ge; iaueakai le namarid mari uanatager, kega, Tabakeamu, oe, ueakai ma bakeamu au kalu: iaueakai ma nagri zorom uiabi opem, uader eidi okakis mari dog.
LUK 14:11 Abelelam, ese nerute le tababu bakai aule, E kebile; ese nerute le tababu bakai kebile, E aule.
LUK 14:12 Ege E abi detager, le abi namarida, Ese ma derser uetpurem, pako leuer aroem, ma nolea tebudem mer tigri, pako leem mara boai, pako luglug le maike mari dog; iaueakai uiaba ko mari mer tigri, mari bodomalam.
LUK 14:13 Ese ma derser uetpurem, ma mer tigri uiabim gaire le lu kak, pako atkurit atkurit, pako pone sadamer:
LUK 14:14 Iaueakai ma uerkab; abelelam uiaba umer kak mari bodomalam: ia mari bodomalam keubu gerger, gaire le oituli ko obako.
LUK 14:15 Nerute le emeri okakis eroli, ege E asoli gaire lu, epe E abi detager, kega, Uerkab abele le leuer eroli Ade ra baselaia ge.
LUK 14:16 Ege E abi detager, kega, Nerute le de derseri au uetpur; E mer tigri gaire leem:
LUK 14:17 Ege abele uetpur gerger baruk, E namariklu abara memeg le uiabim uader namarkare, kega, Ua tabakeuare; abelelam gaire lu uridili emetu derser.
LUK 14:18 Epe uiaba mer batager, ui ge netate dikiaporare. Ege nerute le lut abi detager, kega, Kai sep arapeilu, abkoreb kaka nabakeamulu dasmer: debele ma kari namarik.
LUK 14:19 Ege nerute le lut detager, kega, Kaka tais faif kau abele kaulam, kaka bakeamu, iaueakai kaka uiabi mirem: debele ma kari namarik.
LUK 14:20 Ege nerute le detager, kega, Kaka nagri kosker, abelelam kaka umer kak bakeamulu.
LUK 14:21 Ege abele memeg le tabakeamu, E abi detager, tabara opole, abele gaire lu. Le giz abele boai au urker, ege tabara memeg le detager, Ma dudum bakeamu mager gabem abele uteb ge, ma taraisauem gaire le nolea lu kak, pako atkurit atkurit le, pako gaire sadamer le.
LUK 14:22 Ege memeg le lut abi detager, kega, Opole, ege emetu ge esemulu gaire lu ge ma natomeret, epe abele meta nole le kak.
LUK 14:23 Ege abele opole de abele memeg le detager, kega, Ma bakeamulu au gabem, a asakirik, ma uiaba elele daratagerauem ko tabakeamu, iaueakai kara meta mitkar.
LUK 14:24 Abelegelam kaka uabi detagereda, nole nerute le uiabim mer tigri, eroli kara uetpur ge.
LUK 14:25 Ege E okakis gaire lekub ge bakeamulu: ege egreemalu, a uiabi daratagerare,
LUK 14:26 Ese nerute le karim tabakeamu, a nole derara tabara aba, a apu, a kosker, a omasker giz, a boai giz, a berbet giz, pako tabara eded, umer kak E dali kara kaimeg kar.
LUK 14:27 Ese nerute le nole tabara satauro ais, a nole kari narmili, nole abkoreb kara kaimeg kar.
LUK 14:28 Na le lagelag baker kar ikeli? Debele emeri a dikiapor naket mani bodomalam nako abkoreb iaueakai ikeli eseemuda.
LUK 14:29 Ueakai uiaba abi neg degarare, abelelam E giz ikeli, nole aseamur kak,
LUK 14:30 Uiaba detager, kega, Abele le E ditimeda ikeli, a nole aseamur kak.
LUK 14:31 Na opole E lagelag ares nerute opole? Debele emeri a dikiapore nako umele ares abara le ten thausan, epe nerute le tabakeamu aresem, E nagri tuenti thausan le.
LUK 14:32 Ese umer kak ares, debele nerute le emarik, abelelam E muriz ge, E daisumuda nole ares.
LUK 14:33 Mokakalam abele le nole abkoreb kara kaimeg, ese E nole adem gaire lu uridili.
LUK 14:34 Sol debe lu: ese nole kurabkurab, nako uaba iako kurabem?
LUK 14:35 Nolea abkoreb sep ge, a nole abkoreb gaire poipi lu giz ge: epe adem bataueret. Ese le nagri grip, debele asoli.
LUK 15:1 Ege telona uridili pako uit le, uiaba tabakeauare abim, uiaba lagelag asoli.
LUK 15:2 Epe Faresaio giz a aotale giz, uiaba mudi mer, kega, Abele le E kemem uit giz, epe uiaba ereueda okakis.
LUK 15:3 Ege E uiabi daratagerare nerute mer babisdarie, kega,
LUK 15:4 Nete uaba le nagri mamoe netate handed, ese nerute mamoe obadimirik, ikedi nainte nain sumez ge, E bakeamu deraimer mamoe badimirida, E lagelag uaerdar?
LUK 15:5 Ese E uaerdar, E uatekapsi, a sererege.
LUK 15:6 Ese abi boai giz uaerdarare, ege abara debud a maike le uiaba etami okakis, ege E uiabi daratagerare, kega, Debele meriba sererege, abelelam kaka ko erdali kara mamoe ge badimirida.
LUK 15:7 Kaka uabi detager, kega, Mokakalam gaire le kotor ge au sererege le uit a emetu obazgeda, a kebi kebi sererege nainte nain le giz barkak nole dikiapor obazgeda.
LUK 15:8 Nete kosker nagri ten mani, ese nerute mani badimirida, E lamepa disirik, meta ge poipi ame, elele deraimer E lagelag uaerdar?
LUK 15:9 Ese uaerdar, E darabgeri abara debud pako maikle giz, kega, Debele meriba sererege, abelelam kaka erdali abele mani badimirida.
LUK 15:10 Kaka uabi detager, kega, Mokakalam Ade ra angela kotor ge sererege, le uit a emetu obazgeda.
LUK 15:11 Ege E uiabi daratagerare, Nerute le neisi abara uerem:
LUK 15:12 Ege keimer tabara aba detager, kega, Baba, ma kari nakuar kara lu. Ege abara lu erag uiabi naisuer.
LUK 15:13 Ege uader gerger basemerare, ege keimered tabara lu etami okakis, ege bakeamulu nerute muriz gedim; E no adud tonar.
LUK 15:14 Ege abara lu esemulu, abele ged uererege; ege nole leuer kak.
LUK 15:15 E bakeamulu emeri nerute le erdar abele ged ge; E abi emariklu abele utebem borom asisiem.
LUK 15:16 E au lagelag borom ra poipi leuer, iaueakai abara gem osmeda: nole le abi lu ikuar.
LUK 15:17 Ege E umele ge akailu, kega, kara Aba ra gaire memeg le, uiaba kaier areto gaire, a kaka uererege, mop ge eud!
LUK 15:18 Debele kaka nakueilu nabakeamulu karbara abem, a abi detager, Baba, kaka uit Le emeri kotor ge, pako mara opem:
LUK 15:19 Nole abkoreb kaka mara uerem: debele kaka mokakalam nerute mara memeg le.
LUK 15:20 E ekueilu bakeamulu tabara aba. Ege abi abet muriz ge erdali, epe E au nasenas, E au koreder, a abi erpei, a eskos.
LUK 15:21 A ueremet abi detager, Baba, kaka emetu uit Le emeri kotor ge, pako mara opem: nole abkoreb kaka mara uerem.
LUK 15:22 Ege abet tabara memeg le giz daratagerare, kega, Debele tais perper am uali, debele ame; a ring ame abara tag, a teter gab ame:
LUK 15:23 Debele tais kebi kau toertoer, ipit abele, mi aroare, a sererege:
LUK 15:24 Abelelam kara uerem peike, E eumida, a ko eded akaida; E badimirida, a ko erdali. Ege uiaba sererege.
LUK 15:25 Abara narbet uerem emeri sumez ge: E tabakeamulu maike uiaba meta ge, ege asoli uiaba uarup erem, a uedakiriare.
LUK 15:26 A E dabgeri nerute memeg le, a abi itimer, kega, Nalu pe ua ikereda?
LUK 15:27 Ege E abi detager, kega, Mara le tabakeamuda; epe mara abet ipit kebi kau au toertoer, abelelam E ko erdali E nagri eded.
LUK 15:28 Epe E au ueku, umer kak bao meta ge: abara aba E osemelu adige, E abi okadersemer.
LUK 15:29 Ege E abi detager, abara aba, kega, Dasmer, gaire urut kaka mara memeg le, gaire mara mer kaka nole batauered: ma nole kari ikuar kebi nani, ki sererege debudkem:
LUK 15:30 Ege mara uerem peike, dedkoli mara lu okakis adud kosker, E tabakeamuda, ma pe ipit kebi kau abim.
LUK 15:31 Ege E abi detager, Kara uerem, mi emeri okakis, kara lu uridili, marim.
LUK 15:32 Ege abkoreb mi sererege: abelelam mara le pedali, E eumida, a ko eded akaida; E badimirida, a ko erdali.
LUK 16:1 Ege E tabara kaimeg giz daratagerare, Nerute lu giz, E nagri memeg le, E sirdam; Ege E abi etomelu, E dedkoli abara lu.
LUK 16:2 Ege E abi dabger, kega, Nalu lu kaka mari asoli? ma natomer abele lu ma sirdameri; abelelam kaka umer kak ma memeg le sirdam.
LUK 16:3 Abele memeg le lut E dikiapor muige abara nerkep ge, Nalu lu ka akerer, abelelam kara opole E kari adem abele dorgelam memeg le sirdamelam? Kaka umer kak daiue; kaka sirip damosi.
LUK 16:4 Kaka umele abele lu kaka ikeli, iaueakai ese E kari adem abele dorgelam, a uiaba ko kari nagared uiaba utebem.
LUK 16:5 Ege E mer tigri nerute leem, a nerute leem, uiaba uridili nagri lu uiaba opole; E nerute le detager, Naket lu mari dog kara opole la?
LUK 16:6 E abi detager, kega, Paita uakaisu netate handed. Ege E abi detager, kega, Ma erpei mabara jauali, ma dudum emeri, ma detar fifite.
LUK 16:7 Ege E nerute le detager, Naket lu mari dog? E detaut, kega, Saito kori netate handed. Ege E abi detager, Ma erpei mara jauali, ma detar eiti.
LUK 16:8 Ege abara opole desperer abele memeg le, abara tonar nole barkak, abelelam E au pardar: abelelam geseb le E aule dikiapor uiaba nosik tumem datki le.
LUK 16:9 Kaka uabi detagereda, Abele mamona nole barkak tonar uabim, iaueakai uaba tebud keubu uabi tegaret uiaba meta niai karem.
LUK 16:10 Ese le ageakar kebi lu, E ko ageakar au lu: Ese le nole barkak tonar kebi lu, E ko nolea barkak tonar au lu.
LUK 16:11 Ese uaba nole ageakar, abele mamona nole barkak tonar, nete le uabi ikuar abele lu giz kar asesered?
LUK 16:12 Ese uaba nole ageakar subele la lu, nete le uabi ikuar uaba lu?
LUK 16:13 Memeg le umer kak dorge ikeli uiabim neisi opole: abelelam E derar nerute le, E omare nerute le; epe nerute, E maike nerute le, a dituaki nerute le. Uaba umer kak Ade ra memeg le, pako mamona.
LUK 16:14 Ege Faresaio giz aserare gaire lu uridili, uiaba lu lag; a uiaba abi negneg.
LUK 16:15 E uiabi daratagerare, kega, Uaba tonar no bes barkak le la opem; epe Ade umele dikiapore uaba nerkep: abelelam ese debe lu le la opem, E adud Ade ra opem.
LUK 16:16 Abele gelar giz pako perofeta bakedida Ioane: ditimedelu natomertare Ade ra baselaia ge, a gaire le batumu.
LUK 16:17 Kotor a gesep sobkak uaeseamu, Ade ra gelar giz nolea nerute mog uar uaeseamu.
LUK 16:18 Ese nerute le dituak abara kosker, a isipi nerute, E eruam: ese nerute le isipi abele kosker, abara kimiar dituak, E eruam.
LUK 16:19 Nerute lu giz ra apu, E ame uali golegole gegur, pako mus uali, E mamor emeri gaire gerger uridili, a debe leuer ero:
LUK 16:20 Nerute le nole lu kak, nei Lazaro, E eidi abi gab te ge, ege E badbad:
LUK 16:21 Ege E lagelag ero lu giz ra leuer poipi, abi laulaulam; a omai giz esomed abara bad.
LUK 16:22 Ege abele kerker ge, lu kak le eumilu, ege angela giz abi ais Aberahama ra marmot ge: ege luglug le eumilu, a etkobei.
LUK 16:23 A Hedisge, E au asiasi nagri, E egreemalu, E muriz ge erdali Aberahama pako Lazaro E emeri abara marmot ge.
LUK 16:24 E ereretikri, kega, Kara aba, Aberahama, ma kari omare, ma namarida Lazaro akmei tabara tag pem ni ge, ko itimoar kara uerut; abelelam kaka au asiasi abele ur au be.
LUK 16:25 Ege Aberahama de abi detager, kega, Kara uerem, ma dikiapor, gaire debe lu ma nagri mara eded, a Lazaro nagri adud lu abara eded: a peirdi E nagri sererege, a ma au asiasi.
LUK 16:26 A nerute lu, meriba nagri auak eipu, abelelam keriba umer kak bakeamu uaba uteb, a uaba umer kak tabakeamu keriba uteb.
LUK 16:27 Ege E abi detager, kega, Kara aba, kaka mari damosi ma abi temarida kara aba ra boai;
LUK 16:28 Abelelam faif kara le; ueakai uiaba mamoro asoli, nolea uiaba tabakeamu abele uteb, au asiasi.
LUK 16:29 Ege Aberahama de abi detager, kega, Nagri Mose pako perofeta uiabi dog, iaueakai uiaba asoli.
LUK 16:30 E ge abi detager, kega, Kara aba, Aberahama, nolea: debele nerute le iako takomeda eudelam, ueakai uiaba nagri obazegeda.
LUK 16:31 E ge abi detager, kega, Ese uiaba nole asoli Mose pako perofeta, ese nerute le ko eded akaida, a uiaba nole asor kak.
LUK 17:1 E ge tabara kaimeg giz daratagerare, kega, Umele uatabaruk lu uadatko: epe uaiai abele lu kemle!
LUK 17:2 Debele abi perege dimiri au baker sekerseker, a batauered gurim, adud dedkoli nerute kebile.
LUK 17:3 Ua uabim: ese mara le adud tonar marim, ma barditug; ese obazegeda ma abi idigiri.
LUK 17:4 Ese sefen gaber netate gerger adud tonar marim, pako sefen gaber netate marim egali, kega, Kaka obazegeda; ma abi idigiri.
LUK 17:5 Ege kaimeg giz, Opole detagerare, kega, Ma upinati keriba oituli, ueakai aule.
LUK 17:6 Ege Opole lut uiabi daratagerare, kega, Ese uaba oituli mokakalam sinapi ra turum, a uaba detager abele sukamina, Ma darbumu, a emor gur ge; a nolea ner kak.
LUK 17:7 Nete uaba memeg le dali sep dereb, pako mamoe asesered, ese tabakeamu sumezlam, E detager, Ma tabakeamu naidi a ero?
LUK 17:8 Nalu nolea abi detager, Ma derser leuer, pako teupeiem erpei mara ame uali, a derser gaire lu, a kaka eroli a aree; a esemud a ma ero a ere?
LUK 17:9 E detager abele memeg le, iaueakai ikeli lu emetu abi etomereti? Nako nolea.
LUK 17:10 Mokakalam uaba, ese esemuda ikeli gaire lu uridili kaka uabi etomeret, a uaba detager, kega, Keriba memeg le nolea debele; abelelam lu nolea abkoreb keriba ikeli, abele lu keriba emetu ikeli.
LUK 17:11 Ege E bakeamulu Ierusalema ge, pako Samaria a Galilaia.
LUK 17:12 Nerute uteb ge osmelu, ge obapitare ten lepera kem, ege uiaba ekue muriz ge:
LUK 17:13 Ege uiaba ereretikri, kega, Iesu, Opole, keribi omare.
LUK 17:14 Ege E uiabi nardarare, ege E uiabi daratagerare, kega, Bakeuare, ua natomertare zogozogo le. Ui ge bakeuare, epe uiaba idigiri.
LUK 17:15 Nerute le emetu opasereret emetu idigir, E ko akomelu, ege Ade desper, a au ereretikri:
LUK 17:16 Ekesmer abi teter ge, a abi esoao: E Samaria le.
LUK 17:17 Ege Iesu de abi detager, kega, Emetu kaka ten le nadigirda. Nade nain le?
LUK 17:18 Ui ge nole opasereret kak, akomeret kak, Ade esoao kak, no abele Samaria le.
LUK 17:19 Ege E abi detager, Ma ekue, bakeamu: ege ma nagri eded mabi oatulam.
LUK 17:20 Ege Faresaio giz ui abi itmerare, Na uar ge Ade ra baselaia uatabaruk? ege E uiabi daratagerare, kega, Ade ra baselaia nole uatabaruk erkep ge:
LUK 17:21 Nole le detager, kega, Dasmer, peike! a nerute, Ike! abelelam dasmer, Ade ra baselaia nagri uabi dog.
LUK 17:22 Ege E uiabi daratagerare, tabara kaimeg giz, Keubu gerger tabarki uaba lagelag erdali netate gerger Le la Uerem, a nole ardar kak.
LUK 17:23 A uader le giz, uiaba uabi detager, kega, Dasmer peiki! a nerute, Dasmer ike! uaba nole bakeamu, a nole armir kak:
LUK 17:24 Abelelam mokakalam ner be erperida nerute paikai kotor ge, a datki nerute paikai kotor ge; mokakalam gerger Le la Uerem.
LUK 17:25 Abkoreb kekiam gaire asiasi abim, a abele nosik uiaba abi dikaer.
LUK 17:26 Mokakalam Noa de ikerer abuar ge, abkoreb abele gerger Le la Uerem.
LUK 17:27 Uiaba erolare, a erelare, a kosker nasiplare, a bakedida abele kerker Noa nar ge barot, epe meg abger tabarki, ege uiaba uridili baum.
LUK 17:28 Mokakalam Lota de ikerer abuar ge; ui erolare, a erelare, a lu teraplare, a lu iritlare, a meta ikelare;
LUK 17:29 Abuar ge Lota dikaelu Sodoma, a ur a tei mokakalam irmer kotorlam ui ge baum:
LUK 17:30 Mokakalam, abele gerger ge ia Le la Uerem uatabaruk.
LUK 17:31 Ese le egimur meta tot ge abele gerger, abara lu muige meta ge, nolea uatabu uaeais: mokakalam le emeri sumez ge, nolea ko akomeret kak.
LUK 17:32 Uaba dikiapore Lota ra kosker.
LUK 17:33 Ese nerute le deraimer abara eded emeri mapodan, E dedkoli: ese nerute le dedkoli, E nagri debele.
LUK 17:34 Kaka uabi detagereda, kega, Abele ki, neisi le emeri netate sik; nerute le ais, a nerute no ikedi.
LUK 17:35 Neisi kosker edatimir; nerute kosker ais, a nerute no ikedi.
LUK 17:36 Neisi le emeri sumez ge; nerute le ais, a nerute no ikedi.
LUK 17:37 Ui ge abi detagerare, kega, Opole, nade ikeli? Ege E uiabi daratagerare, kega, Abele uteb nagri eud le la gem, gaire aeto etami.
LUK 18:1 Ege E uiabi detaut nerute mer babisidarie, iaueakai ner kak esorerapare, a nolea obogai;
LUK 18:2 E uiabi daratagerare, kega, Nerute autumer le emeri nerute uteb, E nole geum Adim, pako leem:
LUK 18:3 Abele uteb nagri kosker, emetu eumida abara kimiar; E ko bakeamulu abim gaire gerger, a abi detager, kega, Ma itimer, le nagri kara lu abi dog.
LUK 18:4 Uader gerger umer kak asoli: a keubu ga dikiapore muige taba nerkep ge, kega, Kaka nole geum Adim, pako leem;
LUK 18:5 A nerute, abele kosker, emetu eumida abara kimiar, E ner kak kari namosili, kaka ko nautumerare abi lu gem, iaueakai nole kari aogat kak.
LUK 18:6 Ege Opole lut uiabi daratagerare, Ua aserare autumer le la mer.
LUK 18:7 Ege Ade uapum abelelam gaire abara le, uiaba ner kak ereretikri gerger ge a ki ge, nako uiaba itimer uiaba lu?
LUK 18:8 Kaka uabi detagereda, E dudum nautumerare uiaba lu. Ese Le la Uerem uatabaruk, nako E nagri le abim oituli geseb ge?
LUK 18:9 E ge daratagerare abele mer babisidarie uiabim uader le, uiaba dikiapor oituli, a uader dituaki:
LUK 18:10 Neisi le bakeamulei zogo meta ge esorerapare; nerute Faresaio, a nerute telona.
LUK 18:11 Faresaio no tepteb ekue, E gebgeb esorerapare abele mer, Ade, kaka marim esoao, kaka nole mokakalam uader lu gatkamer le, adud tonar, a eruam, a nole mokakalam abele telona.
LUK 18:12 Gaire sabath ge, neis gaber kaka leuer baili; kaka mari naisuere ten lu kaka erdali.
LUK 18:13 Abele telona ekuei muriz ge, umer kak kotorem egreemalu, epe marmot ge bamu, a detager, kega, Kara Ade, ma omare kaka uit le.
LUK 18:14 Kaka uabi detager, kega, Abele le bakeamu taba metaem, E debele, nole mokakalam nerute: abelelam E lagelag aule, le kebile; abele le E lagelag kebile, E aule.
LUK 18:15 Ege uiaba tais sursur sursur uerem, iaueakai E uiabi uaituti: ege kaimeg giz erdarare, ege uiaba daisumdarare.
LUK 18:16 Iesu de nardarare, a uiabi darabgerare, kega, Karim sursur sursur uerem taraisare, ua nolea daraisumdarare: abelelam mokakalam uader emeri Ade ra baselaia.
LUK 18:17 Ageakar, kaka uabi detagereda, Ese nerute le nolea erpei Ade ra baselaia, E mokakalam kebile, umer kak ko bardare.
LUK 18:18 Ege nerute kole lut abi itimer, kega, Ereuer debele, nalu lu kaka ikeli, iaueakai kaka nagri eded aseamur kak?
LUK 18:19 A Iesu de abi detager, kega, Nalu ma detager kaka debele? nolea le debele, netate Ade tepteb.
LUK 18:20 Ege ma umele Ade ra gelar, Ma nolea adud tonar, Ma nolea ipit eumilu nerute le, Ma nolea eruam, Ma nolea bes mer, Mamoro asoli mabi abera a apuera.
LUK 18:21 Ege E abi detager, kega, Kaka irmili gaire lu uridili kebi ueremlam.
LUK 18:22 Ege Iesu de asoli abara mer, ege abi detager, kega, Netate lu ma nolea erdali: ma terapei mara lu uridili, ma naisuerare uader le nole lu kak, iaueakai ma nagri debe lu kotor ge: a ma tabakeam, kari narmili.
LUK 18:23 Ege E asoli abele mer, abara nerkep au asiasi; abelelam E lu giz ra apu.
LUK 18:24 Epe Iesu abi dasmer, E detager, kega, Au beber lu giz ra apu barota Ade ra baselaia!
LUK 18:25 Kamela norgor ko badare atketlu muige, a le lu giz ra apu etkoprida Ade ra baselaia badare.
LUK 18:26 Uader le giz aserare abele mer, a uiaba detagerare, kega, Ese mokakalam, nete le umele eded?
LUK 18:27 Ege E uiabi daratagerare, kega, Abele lu le umer kak ikeli, epe Ade umele ikeli.
LUK 18:28 Epe Peteru abi detager, kega, Dasmer, keriba dikaer gaire lu uridili, a keriba mari irmili.
LUK 18:29 Ege E uiabi daratagerare, kega, Ageakar, kaka uabi detager, kega, Ese nerute le dikaer tabara meta, pako aba a apu, pako tabara le, pako tabara kosker, a omasker, Ade ra baselaialam,
LUK 18:30 Epe E nagri gaire dordor lu peirdi, pako kerker ge niaiem, eded aseamur kak.
LUK 18:31 E ge naisare tuelf le, E uiabi daratagerare, Dasmer, mi nabakeuare Ierusalemaem, iaueakai ageakarem gaire lu uridili perofeta giz detarare abele mer abim Le la Uerem.
LUK 18:32 Abelelam, E nakuarare uiabim gaire nogle, ui ge abi negdegarare, a abi dedkoli, a uiaba mosu ituare:
LUK 18:33 A uiaba abi damarik, a abi ipit eumilu: a thri gerger E ko eded akaida.
LUK 18:34 A uiaba umer kak asoli gaire lu; ege ispilu abele mer uiabim, uiaba umer kak abele mer, E uiabi daratagerare.
LUK 18:35 Ege E maike Ieriko ge, a nerute sadamer le emeri gab ge E lu damosi:
LUK 18:36 Ege E asor gaire le lakub bakeuare, E uiabi nautumerare, kega, Nalu abele lu?
LUK 18:37 Ui ge abi detagerare, kega, Iesu, Nazareta le, E bakeamu.
LUK 18:38 Ege E ereretikri, kega, Iesu, Dauida ra Uerem, ma kari omare.
LUK 18:39 Ui ge, uader kekiam, a abi daisumdarare, Ma baimi: epe E au kase ereretikri, Dauida ra Uerem, ma kari omare.
LUK 18:40 Ege Iesu ekuei, a uiabi daratagerare, kega, Karim tegardare; ege abi maiem, a abi itimer, kega,
LUK 18:41 Nalu lu ma laglag, kaka marim akere? E abim detaut, kega, Opole, kara pone bakaerti.
LUK 18:42 Ege Iesu de abi detager, kega, Mara pone obakaelei: mabi oatulam ma nagri eded.
LUK 18:43 Ege abara pone bakaelei, E abi irmili, E Ade deseper: ege abele le uridili ui nardarare, epe uiaba Ade desepereda.
LUK 19:1 E Ieriko ge osemelu, a bakeamulu.
LUK 19:2 Dasmer nerute le, abara nei Sakaio; E au telona le, a lu giz.
LUK 19:3 E laglag dasmer, Iesu nako; a umer kak abelelam gaire le lakub, a nerute, E teupei.
LUK 19:4 Ege E au koreder gaire le la opem, E ogi nerute lu ge, nei sukamoru, E laglag abi dasmer: abelelam E abi gab dirier.
LUK 19:5 Ege Iesu tabakeamulu abele uteb ge, a egreemalu, a abi erdar, E abi detager, kega, Sakaio, ma tarabu; abkoreb kaka emeri mara meta abele gerger.
LUK 19:6 Ege E tabu, abi detager, E au sererege.
LUK 19:7 Ege gaire le giz abi erdarare, a uiaba mudmer, kega, E bakeamu uit le la meta.
LUK 19:8 A Sakaio ekuei, a abi detager, kega, Opole, dasmer, kaka arage karbara lu uader nole lu kak; ese nerute le au ueku karim kaka uapum, a kaka bodomalam neis a neis gaber.
LUK 19:9 Ege Iesu de abi detager, kega, Azimoaret tabarki abele boai abele gerger ge, abelelam E dali Aberahama ra uerem.
LUK 19:10 Abelelam Ade ra Uerem tabarki deraimerare le badimirida, ueakai uerkabu.
LUK 19:11 Ui ge dimiruartare abele lu, ege E uiabim ko detager nerute mer babisdarie, iaueakai maike Ierusalema, abelelam ui dikiaporare Ade ra baselaia pe detomereta.
LUK 19:12 Abelelam E uiabi detager, kega, Nerute kele bakeamu nerute muriz gedim, ueakai nagri lu, a E lagelag opole, a iako takomeda.
LUK 19:13 Ege E darabgerare ten abara memeg le, E uiabi naisuerare ten paun, E uiabi daratagerare, Ua erapare a iako uatabakomeret.
LUK 19:14 Ege abara ged au ueku abim, abelelam uiaba emarkare, a detagerare, kega, Keriba nole lagelag abele le keriba opole.
LUK 19:15 E ge ko akomelu abelelam E nagri lu, ueakai E opole, ege E uiabi darabgerare, tabara memeg le, nagri abara mani uiabi dog, iaueakai E umele nako abara mani dordor lu terapei.
LUK 19:16 A nerute le tabakeamulu, a abi detager, kega, Kole, mara paun, kaka nagri ten paun ko.
LUK 19:17 E abi detager, kega, Au debele, debe memeg le: abelelam ma ageakar kebi lu, ma sirdam ten uteb.
LUK 19:18 Nerute le tabakeamu, a abi detager, kega, Kole, mara paun, kaka nagri faif paun ko.
LUK 19:19 E abi detager, kega, Ma sirdam faif uteb.
LUK 19:20 Nerute le tabakeamu, a abi detager, kega, Kole, dasmer, mara paun, kaka ikedi ages:
LUK 19:21 Abelelam kaka mari geum, kaka umele mara tonar: ma ais abele lu ma nolea ikedi lokod ge, ma igiri abele saito ma nolea ariti kak.
LUK 19:22 Ege E abi detager, kega, abele memeg le adud tonar, Mara mer abelelam kaka mari bodomalam. Ma umele kara tonar, kaka ais abele lu kaka nolea ikedi lokod ge, a igiri abele saito nolea kara aritilam;
LUK 19:23 Nalugelam ma nolea ais kara mani abele meta mani terapei, iaueakai kaka iako tarakomelu nagri lu abkoreb?
LUK 19:24 E uiabi daratagerare, uader obako, Uaba itkamer abele paun, ikuar nerute le ten paun.
LUK 19:25 Ui ge abi detagerare, kega, Kole, nagri ten paun.
LUK 19:26 Abelelam kaka uabi detagereda, Ese le nagri lu, E ais; ese nerute le nolea lu kak, E itkamer abara lu.
LUK 19:27 Nerute, uader kari derar, uiaba nolea kari lakak ko uiaba opole, uaba kari eguatumur peike abele uteb ge, uaba ipit kara opem.
LUK 19:28 Ege mer eseemulu, E kekiam bakeamulu Ierusalema ge.
LUK 19:29 Ege maike Bethefage a Bethania, abele paser ge, nei Oliua, epe E namarid neis abara kaimeg giz,
LUK 19:30 E uiabi daratager, kega, Ua bakeamulam abele uteb uabi opem, ese ua osemedariei abele uteb ge, uaba erdali kebi asina didbaredi, nolea le abi sor agimur kak: uaba abi detue, karim tegared.
LUK 19:31 Ese nerute le uabi itimer, Nalugelam uaba abi detue? A ua abi detageram, kega, Opole abi lagelag.
LUK 19:32 Ui ge bakeamulei, a ui erdali, mokakalam abara mer uiabi daratager,
LUK 19:33 Ui ge detuei abele kebi asina, a uader le giz uiabi nautumerare, kega, Nalugem uaba detuei abele kebi asina?
LUK 19:34 A uiaba detaut, kega, Opole abi lagelag.
LUK 19:35 Ege ui abi egaredelei Iesuim: ui ge uiaba ame uali abi sor ge dikmerikare abele kebi asina ge, ui ge Iesui agiserare abi sorge igimerare.
LUK 19:36 E bakeamulu, a uiaba ame uali gab ge esagerare.
LUK 19:37 Ege maike abele gorgor paser ge, nei Oliua, ui ge, abara kaimeg giz uridili, ditimedarare sererege, uiaba au ereretikri Ade despelare, abelelam atamelam uridili uiaba erdali;
LUK 19:38 Ege uiaba detautare, kega, Uerkab pe abele Opole, tabarki Iehoua ra nei ge: uerkab kotor ge, a deseper abele lu tumege.
LUK 19:39 Ege uader Faresaio giz, pako lekub ge, uiaba abim detager, kega, Ereuer le, ma bardaratkare mabara kaimeg giz.
LUK 19:40 E uiabi daratagerare, kega, Kaka uabi detager, ese uiaba nole mer kak, a baker peike umele detaut.
LUK 19:41 Maike, E erdali abele uteb, E ezoli,
LUK 19:42 E abi detager, kega, Ese ma umele abele gerger, abele lu ueakai marim debele! a nerute, ma nole erdali.
LUK 19:43 Abelelam keubu gerger uatabaruk, gaire uaba taip uanartare a uanatumdare, uader au ueku uabim, uiaba deraueli marim, gaire uteb uridili,
LUK 19:44 A uiaba mari ikeli no sep ise, pako mara omasker muige mari dog; nole nerute baker ko igi tumem nerute baker muige mari dog; abelelam ma nole umer kak na uar ge uatabaruk mari uanardar.
LUK 19:45 E balu muige zogo meta, ge, E namuare adem uader le uiaba lu terapeirare,
LUK 19:46 E uiabi daratagerare, kega, Emetu detali, Kara meta, esorerapare meta: a uaba ikeli mokakalam baker kur ge eruam le giz.
LUK 19:47 Ege E ereuerem muige zogo meta gaire gerger. A zogozogo le giz, pako aotale giz, pako tarim le, abele ged ge, ege uiaba lagelag abi ipit:
LUK 19:48 A nerute, uiaba umer kak ikeli; abelelam abele ged ge uridili au lagelag abi asoli.
LUK 20:1 Nerute gerger, E ereuerem abele ged ge, muige zogo meta, a etomeret debe mer, a uiaba zogozogo le giz a aotale giz, a aule giz ekue;
LUK 20:2 A uiaba abi detager, kega, Mase ma keribi detager, Nalu abele sirdam ma ikeli abele gaire lu? nete le mari ikuar abele sirdam?
LUK 20:3 E uiabi detaut, kega, Kaka uabi itimer netate merem: ua kari natagerare:
LUK 20:4 Nako Ioane ra bapataiso nagelam, nako kotorlam, nako lelam?
LUK 20:5 A ui mer batagerare, kega, Ese meriba detaut kotorlam; mena E meribi detager, kega, Nalugelam uaba nole abi oituli?
LUK 20:6 Ese meriba detager, kega, lelam; epe abele ged ge meribi bakeru ditimeda: abelelam ui ge dikiaporare Ioane perofeta.
LUK 20:7 Epe uiaba detaut, kega, Keriba umer kak nagelam.
LUK 20:8 Epe Iesu uiabi daratagerare, kega, Kaka umer kak uabi etomeret abele sirdam kaka ikeli gaire lu uridili.
LUK 20:9 Ege E uiabi daratagerare abele mer babisdarie: Nerute le ikeli uina gedub, E uiabi nakuarare uader dorge ikeli abele gedub ge, a E bakeamu muriz gedim gaire gerger barkare.
LUK 20:10 Ege nurge baruk, E uiabim, gedub le, emariklu nerute memeg le, abele uina turum ko tais: ege uader le, emeri abele gedub ge, uiaba abi damarik, abele le no akomelu nolea turum asis kak.
LUK 20:11 A E ko emariklu nerute memeg le: a uiaba abi ko damarik, a abi dituaki, E ko akomelu nole turum asis kak.
LUK 20:12 Ege E ko namarkare neisi netate le: a uiaba abi naresedare maike uaeeumidare, a ui ge abi adem bakeuidare.
LUK 20:13 Ege abele gedub kem le lut dikiapore, kega, Nalu ka akailu? kaka namariklu kabara nasnas uerem: nako, uiaba abi erdali, a abi omare.
LUK 20:14 A gedub le giz abi erdarare, ege uiaba mer batagerare, kega, Abkesem peike: mi abi apitare, iaueakai mi aisare abara ged.
LUK 20:15 A uiaba adem emarikare sorem abele gedublam, a ui abi ipitare eumilu. Nalu lu gedub kem le lut uiabim ikeli abkoreb?
LUK 20:16 E tabakeamulu, a gedub asesered le narsare, E ko nakuarare uina gedub uiabim uader le. A ui ge asorare, a uiaba detaut, kega, Nolea.
LUK 20:17 E uiabi dasmer a detager, kega, Nalu mer emetu detali, Abele baker tonar tonar le lut adem batauered, a mena ais meta kop tum ge?
LUK 20:18 Ese le ekesmeri abele baker ge tumem, a lid erapei; a ese baker etugered abi tumge, no obamuare.
LUK 20:19 Ege zogozogo le giz, pako aotale giz, uiaba lagelag abi erpei abele haua ge; a uiaba au geum abele ged; abelelam uiaba umele, abele mer uiabim babisdarie.
LUK 20:20 Ui ge deraimerare, a uader namarkare abi dasmerare, a uiaba bes oituli, iaueakai nagri mer, a uiaba ais ikuar opole ra tagem a sirdamem.
LUK 20:21 A ui ge abi itimerare, kega, Ereuer le ae, keriba umele ma barkak detaut pako ereuer, ma nole omare nerute le, a dikaer nerute le, epe ma ereuerem ageakar Ade ra gab:
LUK 20:22 Nako, abkoreb keriba ko ikuar Kaisaraim zegu lu, a nolea?
LUK 20:23 A E umele uiaba dikiapore, ege E uiabi daratagerare, kega, Nalugelam uaba kari mirem?
LUK 20:24 Debele ua kari denari natomertare. Nete ra op abele, pako abele detarda? Ui detagerare, kega, Kaisara.
LUK 20:25 Ege E uiabi daratagerare, kega, Kaisara ra lu, Kaisaraim ikuar; Ade ra lu, Adim ikuar.
LUK 20:26 Ui umer kak derpeirare abara mer le op ge abele ged ge: a ui abara mer damerare, a uiaba mer kak.
LUK 20:27 Uader Sadukaio giz, abim tabakeuare, a ui dikiaporare, kega, Nole le ko eded akaida eudelam; a uiaba abi itimerare, kega,
LUK 20:28 Ereuer le ae, Mose detali keribim, Ese nerute le la keimer eumida, abara kosker dikaerti, a nole uerem kak, abara keimer abele kosker egared, ko keimer kesem.
LUK 20:29 Sefen keimer giz: narbet kekiam ko ispida abara kosker, epe eumid, nole kesem kak;
LUK 20:30 A nerute keimer abele kosker egared, epe eumid, nolea kesem kak, mokakalam nerute keimer.
LUK 20:31 A thri le ko ispid; mokakalam bakedida sefen le, uiaba eumida, nole kesem kak.
LUK 20:32 A keubu, kosker eumida.
LUK 20:33 Ese ko eded akaida tabarki, nete le uiabielam ais abele kosker? abelelam sefen le egared abele kosker.
LUK 20:34 Iesu uiabim detaut, kega, Peirdi, abele eded, kimiar kosker ispid:
LUK 20:35 A uiaba nagri debele, abele ko eded akaid, a nagri niaiem kerker, uiaba nole ispid kosker, a nole ispid kimiar:
LUK 20:36 A uiaba nolea ko eumid: epe uiaba mokakalam angela; a uiaba Ade ra omasker, a le giz ko eded akaida.
LUK 20:37 Abele ko eded akaida eudelam, Mose de natomertare abele lu, nerute lu dardar, ko etomeret Iehoua Aberahama ra Ade, a Isaaka ra Ade, a Iakobo ra Ade.
LUK 20:38 E nole uiaba Ade, abele le eumida, epe le giz eded: abelelam le uridili eded abielam.
LUK 20:39 Ege uader aotale giz abi detager, kega, Ereuer le ae, mara mer au barkak.
LUK 20:40 Keubu uiaba nolea ko saserim abi itimer nerute lu.
LUK 20:41 Ege E uiabi daratagerare, kega, Nako uader detaut, Keriso, Dauida ra uerem?
LUK 20:42 Ege Dauida de detaut, Salamo jauali, E detager, kega, Iehoua, kara Opole detager, kega, Ma emeri kara tuter tag pek,
LUK 20:43 Kaka ikeli uader mari derar, abele uteb ma teter emeri.
LUK 20:44 Abele lu Dauida de etomeret abara Opole, nako ikeli abara uerem?
LUK 20:45 Ege E uiabim detager, tabara kaimeg giz, a gaire le uridili abele ged ge, uiaba asarare,
LUK 20:46 Ege uaba mamoro dasmerare gaire le aotale giz, uiaba digemeli perper am uali, ege uiaba lagelag gaire le uiabi omare pur uteb ge, pako aule bao sunago ge, a aule lu eidi abele uteb ge leuer eroare;
LUK 20:47 Ege uader dedkoli mai kosker ra meta, a uiaba esorerapare au perper: E ispilu, a keubu uiaba au bodomalam.
LUK 21:1 Ege E egreemalu, E erdali lu giz ra apu, uiaba batauered uiaba mani, abele uteb mani ikedi.
LUK 21:2 Ege E erdali nerute mai kosker, nole lu kak, E batauered neisi kebi mani.
LUK 21:3 Ege E uiabi detager, kega, Ageakar, kaka uabi detager, kega, Abele mai kosker, abara mani batauered, E aule uiabi dog uridili:
LUK 21:4 Abelelam uiaba uridili batauered uiaba mani, gaire uiaba lulam: ege abele mai kosker, nolea lu kak, E batauered abara kebi mani uridili, abkoreb abara eded.
LUK 21:5 Ege uader mer batagerare abele lu muige zogo meta ge, ege mamoro derser debe baker, pako uader zeku lu muige zogo meta, E uiabim daratagerare, kega,
LUK 21:6 Ege gaire lu uaba dasmerare, keubu gerger tabarki, nole baker ko igi tumem nerute baker, a nole abu kak.
LUK 21:7 Ui ge abi itimerare, kega, Ereuer le, na kerker ge gaire lu tabarki? a nalu atamelam gaire lu tabarki?
LUK 21:8 E uiabim detaut, kega, Uaba mamoro dikiaporare, nerute le uabi okardare: abelelam gaire le ko uatabarkare kara nei ge, kega, Kakanali. Ege abele kerker maike: uaba nole uiabim irimili.
LUK 21:9 Ese uaba asoli ares, a mirem, a uaba nole geum: abkoreb kekiam abele lu uatabaruk, a mop uarem.
LUK 21:10 E uiabi daratagereda, kega, Nerute ged tekuei obapit nerute ged, a nerute baselaia obapit nerute baselaia:
LUK 21:11 Au demali ia uanagiri abele uteb ge, a nerute uteb ge, a uererege, a gimgim, a urker, a gaire atamelam kotor ge.
LUK 21:12 Gaire lu nole tabarki, a uiaba uabi erpei, a dedkoli, a uiaba uabi uademarkar sunagoem, pako audbar metaem, a uiaba uabi uadeguatare opole giz opem, kara neilam.
LUK 21:13 Abele gaire lu uabim atamelam.
LUK 21:14 Abele lu, debele ikedi uabi nerkep ge, iaueakai uaba nole kekiam deraimer, a dikiapor na mer ko detager:
LUK 21:15 Abelelam kaka uabi dekuarda abele mer, a pardar, umer kak nerute le uabi asared, uaba au saserim.
LUK 21:16 A uaba ab giz emarik, a keimer giz, a boai giz; a uader uabi ipit eumilu.
LUK 21:17 Gaire le uridili ko uabi derar, kara neilam.
LUK 21:18 A uaba kerem mus, nole nerute mus abi.
LUK 21:19 Ese uaba debe tonar, a uaba eded nagri.
LUK 21:20 Ese uaba erdali Ierusalema ge, urker ares deraueli, a uaba dikiapor maike dedkoli.
LUK 21:21 Abele gerger uader emeri Iudaia ge, debele uiaba bakeuare paserem; uader emeri muige abele uteb ge, debele ui adem obakeuare; uader emeri sumez ge, uiaba nole ko akomeda muige abele uteb ge.
LUK 21:22 Abelelam abele kerker bodomalam, iaueakai gaire lu ageakarem emetu detarare.
LUK 21:23 Uaiai uiaba kosker kem, pako uiaba nano emeli abele gerger giz! abelelam au asias tabarki abele ged ge, pako urker.
LUK 21:24 A uiaba eumid teibur aosaos tulik gargerlam, a uiaba no bakeamu gaire ged uridili: a gaire nogle uiaba dedkoli Ierusalema, a keubu abele nogle giz uiaba erdali uiaba mop.
LUK 21:25 Lem kotor ge nagri atamelam, pako meb, a uer giz; geseb ge gaire ged nagri geum, a gur ge maisu a zauber nagri.
LUK 21:26 Gaire le no eumida abele geum ge, a naokaili gaire lu ko tabarki gesepem: abelelam urker kotorlam demali.
LUK 21:27 Epe uiaba erdali Le la Uerem tabarki baz kotor ge, E au adigri au zoromzorom.
LUK 21:28 Ese ditimeda gaire lu, debele uaba bager a kerem iteare; abelelam maike uaba eded nagri.
LUK 21:29 E uiabim detager, nerute mer babisdarie, kega, Uaba dasmerare abele suke pako gaire lu uridili:
LUK 21:30 Ese lulam eperekilu, a uaba dasmer, a uaba umele maike urueri urut.
LUK 21:31 Abkoreb, ese uaba erdali abele lu emetu ikeli, a uaba dikiapor Ade ra baselaia maike.
LUK 21:32 Ageakar, kaka uabi detager, kega, Abele nosik le nole abu kak, kekiam abele gaire lu uridili tabarki.
LUK 21:33 Kotor a geseb ko abu, a kara mer giz nole abu kak,
LUK 21:34 Ua mamoro dasmer, iaueakai uaba nerkep nole beber, a gebgeb, a paim, a nole badumu geseb lugem, abelelam abele gerger keserkeser tabarki:
LUK 21:35 Abelelam mokakalam pom tabarki, gaire le uridili emeri geseb ge.
LUK 21:36 Debele uaba mamoro dasmer, a derser, a ner kak esorerapare, iaueakai uaba au saserim, gaire lu maike tabarki, a mamoro ekuei opem Le la Uerem.
LUK 21:37 Abara tonar E ereuerem gerger ge, muige zogo meta, ki ge osmed, E emeri nerute paser, nei atker Oliua.
LUK 21:38 Idim ge, abele ged ge uridili tabakeuare abele zogo meta ge, lagelag asarare abara mer.
LUK 22:1 Ege maike uetpur, areto nole aber kak, abele nei atker Paseka.
LUK 22:2 Zogozogo le, pako aotale giz uiaba deraimerare nalu tonar uiaba ko abi ipitare; abelelam uiaba au geum abele ged.
LUK 22:3 Ege Satana balu muige Iuda, nei atker Isakariota, abara nerkep, E nerute tuelf le.
LUK 22:4 E bakeamulu zogozogo le a pako ares kerem le, a uiabi daratagerare, kega, Nalu ka akailu, iaueakai abi keserkeser uabim?
LUK 22:5 Ege ui au sererege, a abi detagerare ko abim mani naisuerare.
LUK 22:6 Abara nerkep au sererege, E ditimedelu abi deraimer, na uarge umele abi keserkeser, a abi uiabi uanatomeretare, a nole lekub kak.
LUK 22:7 Ege abele gerger, areto nole aber kak, tabarki, abkoreb paseka ipit.
LUK 22:8 Ege E uiabi namariklu Peteru a Ioane, a daratager, kega, Ua bakeamulam derseram abele paseka, abkoreb meribim mi aroare.
LUK 22:9 Epe uiaba abi detager, kega, Na uteb ge mama lagelag ki derserei?
LUK 22:10 Ege E uiabi daratager, kega, Dasmeram, ese ua erdariei abele uteb muige, a ua op nerute le dipitiei, E ais nini tarpor; a ua abi irmirauam abele meta ge obaoa.
LUK 22:11 A uaba itimer boai kemle, Ereuer le mari detager, kega, Nade suble la uteb, paseka derser ki aroare, kaka pako kara kaimeg giz?
LUK 22:12 Ege E uabi natomelu nerute au uteb kotor, emetu derser: a uaba paseka derser.
LUK 22:13 Ui bakeamulei, a erdarei, mokakalam abara mer: epe uiaba paseka derser.
LUK 22:14 Ege abele haua ge, ui baid eroare, epe abara kaimeg giz tuelf le, E uiabi kemem.
LUK 22:15 Ege E uiabi daratagerare, kega, Kara lag, kaka au lagelag kekiam eroli abele paseka uabim, a kara asias nole tabarki:
LUK 22:16 Abelelam kaka uabi detagereda, kega, Kaka nole ko eroli, kekiam Ade ra baselaia ge eseemud.
LUK 22:17 E tanelu ekao, a esoao, a uiabi daratagerare, kega, Uaba erpei abele tanelu, a uabu nakuarare:
LUK 22:18 Abelelam kaka uabi detagered, Kaka nole eroli uina turum ge, kekiam Ade ra baselaia tabarki.
LUK 22:19 E areto ekao, a esoao, a itur, a uiabi nakuarare, a uiabi daratagerare, kega, Kara gem peike, E uabi nakuarare: uaba ikeli kara atamelam.
LUK 22:20 Ege emetu leuer eroare, a tanelu ekao ko, E uiabi daratagerare, kega, Abele tanelu kerkar tom kara mam, uabim epaitered.
LUK 22:21 Dasmer, kari dog abele laulau ge, nerute le la tag, E kari keserker.
LUK 22:22 Le la Uerem obakeamu mokakalam abim gobarem: epe abele le abi keserkeser, Uaiai!
LUK 22:23 Ui ge ditimedare deraimerare, nete le ikeli abele lu.
LUK 22:24 A uiaba asared, nete le aule.
LUK 22:25 E uiabi daratagerare, kega, Nogle la opole, uiaba opole; uader uiabi sirdam, etomereti uiaba au debe tonar.
LUK 22:26 A uaba nole mokakalam: ese le uabim aule, E mokakalam kebile; ese le sirdamu, E memeg le.
LUK 22:27 Epe nete le aule, nako le eidi eroli, nako memeg le? nako nole le eidi eroli? epe kaka uabi kemem mokakalam nerute memeg le.
LUK 22:28 Epe uaba mamoro emeri kari mirem:
LUK 22:29 Mokakalam kara Aba E kari ikuar abara baselaia, abkoreb kaka uabi ikuar,
LUK 22:30 Iaueakai uaba eroli, a ereli, abele leuer aro uteb kara baselaia ge, a emeri opole bao ge, a itimer Isaraela tuelf nosik.
LUK 22:31 Ege Opole abi detager, kega, Simona, Simona, dasmer, Satana au lagelag uabim, iuaeakai E uabim derser, mokakalam saito derser:
LUK 22:32 A kaka Adim damosi marim, iaueakai mara oituli nole aseemur kak: marim, ese depegeli mara nerkep, a mama au saserim mara le.
LUK 22:33 Ege E abim detaut, kega, Opole, kaka marim okakis bakeamu audubar meta, pako eumida.
LUK 22:34 Ege E abi detager, kega, Peteru, kaka mara natager, kega, Kimiar faul nole ereretikri kak abele ki, a kekiam thri kari nasared ma nole kari umer kak.
LUK 22:35 Ege E uiabi daratagerare, kega, Kaka uabi demarida, uaba nole epei mani, a pako epei, a teter gab, nako uaba nole nerute lu kak? A uiaba abi detager, kega, Nolea.
LUK 22:36 E uiabi daratagerare, kega, Abele lu, ese nerute le nagri epei mani, debele erpei, a pako epei; le nole teibur aosos tulik, debele abara am uali terapei, ko nagri.
LUK 22:37 Abelelam kaka uabi detagereda, kega, Debele karim ageakarem abele lu emetu detar, A okakis etag uader uit tonar le; abelelam pe gaire lu karim emetu detarda maike detomeret.
LUK 22:38 Uiaba abi detagerare, kega, Opole, dasmer, neis teibur aosos tulik. E uiabi daratagerare, kega, Sina.
LUK 22:39 A E bakeamulu adem digemli nerute paser, nei Oliua, mokakalam abara tonar; abara kaimeg giz abi irmilare.
LUK 22:40 Abele uteb ge, E emeri, a uiabi daratagerare, kega, Uaba esorerapare, iaueakai nole mirem tabarki.
LUK 22:41 Ege E bakeamulu adem uiabielam, mokakalam baker murzem batauered; E kokamamu, a esorerapare.
LUK 22:42 E abi detager, kega, Aba, ese ma lagelag, abele tanelu karielam adem: kara lag nole ikeli, debele mabara lag ikeroa.
LUK 22:43 Angela kotor ge abi etomelu, E ikuar saserim.
LUK 22:44 E au asias, a elele esorerapare: abara mereg mokakalam kepmam, E abi sep ge.
LUK 22:45 E emetu esorerapare, a ekueilu bakeamulu taba kaimegem, a uiabi naradarare ui ge utirdeder, uiaba nerkep au beber,
LUK 22:46 E uiabi daratagerare, kega, Nalugelam uaba uteidi? ua bako, esorerapare, iaueakai nole mirem barot.
LUK 22:47 E uiabi meratager, a dasmer, gaire le lakub pako Iuda, nerute le tuelf lelam, E kekiam uiabi dog; a maiem Iesuim, E lagelag eskos.
LUK 22:48 A Iesu abi detager, kega, Iuda, ma keserkeser Le la Uerem, a eskos?
LUK 22:49 Uiaba umele abele lu uiaba ikeli, ui ge abi detagerare, kega, Opole, nako ki uiabi daramerkare abele teibur aosos tulika?
LUK 22:50 Nerute le uiabielam E ipit zogozogo le la memeg le, E dikiam abara tuter laip.
LUK 22:51 A Iesu de uiabi daratagerare, kega, Sina. E itut abara laip, a ko barkak.
LUK 22:52 Iesu uiabim detager, gaire zogozogo le, pako kerem le abele zogo meta ge, pako aule giz, ui tabakeauare abim, Nako uaba karim tabakeauare, gaire teibur aosos tulik, a gabagaba kem, mokakalam deraimerare lugatkamer le?
LUK 22:53 Mi okakis zogo meta ge, gaire gerger, a uaba tag nole kari erpei: a uaba ikeli abele ki, a kupikupi sirdam.
LUK 22:54 A ui ge abi erpeirare, a tegared zogozogo le giz ra meta. A Peteru muriz ge abi irimli.
LUK 22:55 Ui ge ur eskaisirare muige meta ge, a uiaba lokod ge emeri, a Peteru uiabi kemem.
LUK 22:56 Nerute memeg neur, E abi erdali emeri maike ur ge, E dasmer, a detager, kega, Abele le E Iesuim okakis.
LUK 22:57 E abi asared, kega, Neur, kaka nole umer kak abele le.
LUK 22:58 Mena, nerute le ko abi erdar, a kega, Ma uiaba le. A Peteru abi detager, kega, Nolea kaka.
LUK 22:59 Ege emetu netate haua, nerute le lut elele detager, kega, Ageakar, abele le E abi kemem: abelelam E Galilaia le.
LUK 22:60 Peteru abi detager, kega, Kaka nole umer kak abele lu mama detautili. Epe kimiar faul sobkak ereretikri, abele kerker E mer egali.
LUK 22:61 Ege Opole egreemalu, E abi dasmer Peteru. Epe Peteru de ga dikiapor Iesu ra mer ge, abi detager, kega, Kimiar faul nole ereretikri, ma neis netat kari nasared.
LUK 22:62 Ege Peteru adem eosmelu, a au ezoli.
LUK 22:63 Uader uiaba Iesu erpeirare, a abi negneg, a damarik.
LUK 22:64 Uiaba demed abara op, a uiaba abara op erap, a itimer, kega, Ma dikiapor, nete mari ipit?
LUK 22:65 Gaire mer, a uader abi adud meru ikeli.
LUK 22:66 Ege gerger ge, gaire kerem le, abele ged ge, uiaba etami netat uteb, pako zogozogo le giz a aotale giz; epe uiaba abi egared uiabi opem, a kega,
LUK 22:67 Ese ma Keriso kar, ma detaut keribim. Epe E uiabim detager, kega, Ese kaka uabi detager, a uaba nole kari oituli:
LUK 22:68 Ese kaka uabi itimer, a uaba nole kari natautare.
LUK 22:69 E ditimeda peirdi, Ade ra Uerem emeri tuter peik, Ade ra au adigri.
LUK 22:70 Ui uridili abi detaut, kega, Nako mama Ade ra Uerem? E uiabi daratagerare, kega, Karim pe ua abele mer tegareda.
LUK 22:71 A uiaba detaut, kega, Nalugelam meriba iako ko deraimer uader etomereti? abelelam meriba emetu asoli abara mer.
LUK 23:1 Ege uiaba uridili bako, a abi egardare Pilatoim,
LUK 23:2 A abi etomeretare, kega, Keriba erdali abele le, E mer desakili abele ged ge, E daisumda nole Kaisarai lu aisuerare, kega, E Keriso Opole.
LUK 23:3 A Pilato abi itimer, kega, Nako ma Iudaia giz Opole? Ege E abim detaut, kega, Eko, mama detager.
LUK 23:4 Pilato de uiabi daratagerare, zogozogo le, a le lakub, Kaka nole nerute uit lu ardar kak abi dog.
LUK 23:5 A uiaba mena elele detager, kega, Epe E desakili abele ged ge, E ereuerem Iudaia uridili, E ditimeda Galilaia, a bakedida abele uteb.
LUK 23:6 Ege Pilato abele lu asor, E nautumerare, kega, E Galilaia le?
LUK 23:7 E umele E Heroda ra baselaia le, E abi Herodaim ikuar, abele kerker E emeri Ierusalem ge.
LUK 23:8 Heroda de Iesu erdali, E au sererege: abelelam gaire gerger E lagelag abi dasmer, E asoli, kega, E gaire lu ikeli; E lagelag dasmer atamelam ikeli.
LUK 23:9 E abi itimer gaire merem; epe E nole abi detager nerute mer.
LUK 23:10 A zogozogo le a aotale giz, ui bako, a elele abi etomeret.
LUK 23:11 Heroda pako abara ares le, uiaba abi dituaki, a abi negneg, a zoromzorom uali ame, a ko Pilatoim egaredare.
LUK 23:12 Ege Pilato a Heroda, uiaba ko debele abele gerger: abelelam uiaba kekiam ueku ueku.
LUK 23:13 Ege Pilato de etami netat uteb zogozogo le, a tarim le, abele ged ge,
LUK 23:14 E uiabi daratagerare, Ua tegardare abele le karim, mokakalam pe desakili abele ged: dasmer, kaka itimer uaba op, kaka nole ardar kak nerute lu abi dog, nole abkoreb gaire mer uaba abi etomeret:
LUK 23:15 A Heroda nole umer kak: abelelam kaka uabi demarida abim; dasmer, nole nerute lu ikeli iaueakai abkoreb eumida.
LUK 23:16 Abele lu kaka kekiam barditug, a keuba kaka abi adem.
LUK 23:17 Debele, E namarid nerute le uiabim, abele uetpur ge.
LUK 23:18 Le lakub uridili, uiaba ereretikri, kega, Adem abele le, debele Barabasa emarida keribim:
LUK 23:19 Abele le azirkare muige audbar meta, E adud tonar abele uteb ge, a le ipit eumida.
LUK 23:20 Epe Pilato ko uiabim mer detaut, abelelam E lagelag Iesu adem;
LUK 23:21 A uiaba au kase ereretikri, kega, Satauroem, satauroem.
LUK 23:22 E neisi netat gaber E detaut, kega, Nalu adud E ikeli? Kaka nole umer kak adud lu ikeli iaueakai abkoreb eumida: debele kaka abi barditug, a keubu namarida.
LUK 23:23 A uiaba elele ereretikri, a damos, iauaekai abi satauroem. Uiaba kodomer au saserim, pako zogozogo le giz.
LUK 23:24 Ege Pilato de uiabi daratagerare, kega, Uaba lag ikeli.
LUK 23:25 Ege E abi adem detue nerute le uiabielam, muige audbar metalam, abelelam E au adud tonar, a le ipit, uiaba au lagelag abi adem emarik; Epe E Iesui uiabi nakuarare, mokakalam uiaba lag.
LUK 23:26 Uiaba abi tegared, epe uiaba erpei Simona, nerute Kurene, le, E tabakeam sumezlam, a uiaba abi ikuar abele satauro, E kodrom dikemerik, a Iesui irmili.
LUK 23:27 A gaire le lakub abi irmili, a kosker giz, a uiaba bazuer.
LUK 23:28 A Iesu uiabim egreemalu, a daratagerare, kega, Ierusalema neur giz, uaba nole ezoli karim, debele ua uabu baguauem pako uaba omasker.
LUK 23:29 Dasmer, keubu kerker tabarki uader detaut, kega, Uerkab soasoa, kosker nole uerem kak, pako nano are kak.
LUK 23:30 Abele kerker, le giz detaut, kega, Debele paser keribi tumge abi; a uiaba detager, kega, Daip mudige ki nabaspe.
LUK 23:31 Abelelam ese ikeli abele kereskeres lu, nalu lu ikeli abkoreb uatuet lu?
LUK 23:32 Neisi uit le taragardare abi okakis, kem eumidare.
LUK 23:33 A baos abele uteb, nei atker, Kerem lid ra uteb, a uiaba abi satauro abele uteb ge, okakis neisi uit le, nerute tuter peik, nerute ber peik.
LUK 23:34 Epe Iesu abi detager, kega, Kara Aba, ma uiabi idigir; abelelam uiaba umer kak abele lu uiaba ikeli. A ui ge abara am uali barapeirare, a luglug ikeli.
LUK 23:35 Abele ged, uiaba ekuei a dasmerare. Tarim le pako uiaba abi negneg, a kega, E uader idigir; ese E Keriso, debele tababu idigir, Ade abi sererege.
LUK 23:36 Ege ares le giz abi neg degarare, uiaba abim bakeuare abi ikuar uinega,
LUK 23:37 A uiaba detautare, kega, Ese ma Iudaia Opole mabu idigir.
LUK 23:38 Abele jauali detali tumge Heleni mer, a Roma, a Heberu, Abele Iudaia giz ra Opole.
LUK 23:39 Nerute le emered abi dog, adud mer abim, kega, Ese ma Keriso, debele mabu idigir, pako keribi.
LUK 23:40 A nerute le abi daisumda, kega, Nako ma nole Adim geum, abelelam meriba okakis bodomalam?
LUK 23:41 Abkoreb meriba bodomalam; abelelam meriba bodomalam abkoreb abele lu meriba ikeli: epe abele le, E nole adud ikeli.
LUK 23:42 A E Iesui detager, kega, Opole, ese ma tabakeamu mara baselaia ma nole kari okataprik.
LUK 23:43 Ege Iesu de abi detaut, kega, Ageakar, kaka mari detager, Abele gerger meriba obapit Paradaiso.
LUK 23:44 Ege abele haua sikes baruk, abele ged kupikupi, bakedilu abele nain haua ge.
LUK 23:45 Epe lem kupikupi: abele uali demed, muige zogo meta, tababu batoat.
LUK 23:46 Ege Iesu au ereretikri, kega, Kara Ab, kaka mari ikuar karbara lamar mari tagem: E abele mer detaut, abara eud baruk.
LUK 23:47 Epe abele kerem le, asesered netate handed ares le, E erdali abele lu, E Adim damer, kega, Ageakar, abele le tabara tonar barkak.
LUK 23:48 Ege uader le giz etameare abele uteb ge, uiaba dasmerare abele lu, a marmot ge bamuare, a bakomeret.
LUK 23:49 A uader abi umele, uiaba ekuei muriz ge, pako uader kosker giz abi irmilare Galilaialam, a uiaba dasmerare abele lu.
LUK 23:50 Dasmer, nerute le, nei Iosefa, E tarim le, E debe tonar,
LUK 23:51 (E nole upinati uiaba mer, pako abele sirdame, pako abele lu), E Arimathia le. E Iudaia ra uteb, E naokaili Ade ra baselaia ge:
LUK 23:52 E bakeam Pilatoim, E damosi Iesu ra gem.
LUK 23:53 E tais, a sopem ereb abele uali lino, E ikedi abele ao ge, baker kur, nole atkobeir kak.
LUK 23:54 Abele gerger uetpur, maike sabath.
LUK 23:55 Ege uader kosker, abi kemem tabakeauare Galilaialam, uiaba irmilare, a dasmer abele ao ge, abara gem azirik.
LUK 23:56 Ege uiaba ko akomeda, a derser lu debe laglag, pako uakasu debe laglag. Ege uiaba nerezi sabath ge, abkoreb Ade ra mer.
LUK 24:1 Ege ditimedelu abele gerger sabath ge, uiaba bakeuare abele ao ge, bane ge, uiaba ais abele lu debe laglag emetu derser, uader kosker uiabi kemem.
LUK 24:2 Ege uiaba erdali abele baker aolam emetu diski.
LUK 24:3 Ege uiaba barot muige, uiaba nole erdali Iesu ra gem.
LUK 24:4 Ege uiaba operem abele lu: dasmer, neis le ekuei uiaba opem, am zoromzorom uali:
LUK 24:5 Ege uiaba au geum, a uiaba op esorgiru sepem, ege uiaba detager, kega, Nalu uaba deraimer? E emetu eded akaid, nole uiabi kemem eud le giz,
LUK 24:6 E nole abele uteb, E ko ekuei: uaba dikiapor abara mer abele kerker ge uaba okakis emeri Galilaia ge,
LUK 24:7 E detager, kega, Abkoreb Le la Uerem ikuar uit le la tag, a satauro, a neisi netate gerger ko eded akaid.
LUK 24:8 A uiaba dikiapor abara mer.
LUK 24:9 Ege uiaba ko akomed abele aolam, a uiaba etomeret gaire lu uiabim eleuen le, a pako le uridili.
LUK 24:10 Maria Magadalena, a Ioana, a Maria Iakobo ra apu, pako uiaba uridili, uiaba etomeret abele lu uiabim aposetelo giz.
LUK 24:11 A ui ge abele mer dikiaporare, kega, No mer pe deke; abelelam nole oatur kak.
LUK 24:12 Ege Peteru ge ekueilu, E au koreder aoem; E esorgiru, E erdar no uali gaire eskeder; A E akomelu tabara metaem, a damer abele lu.
LUK 24:13 Dasmer, neisi le uiaba bakeamulei abele gerger ge nerute utebem, nei Emau, ditimed Emau bakedida Ierusalema sikiste setatio.
LUK 24:14 Ege uiaba mer atager abele gaire lu uridili ikeli.
LUK 24:15 Ege uiaba mer atager, a deraimer, epe Iesu maike uiabi dog, a uiaba okakis bakeamu.
LUK 24:16 A uiaba pone darasam, abelelam uiaba nole abi erdali.
LUK 24:17 Ege E uiabi daratager, kega, Nalu mer pe ua batagreiei, pe ua dekase, a uaba pone mokakalam okasosok?
LUK 24:18 Nerute le uiaba, nei Kaleopa, E abi detager, kega, Nako mama emeri Ierusalema, mama nole umer kak peirdi gaire lu osemeda?
LUK 24:19 E uiabi daratager, kega, Nalu lu? A uiaba detaut, kega, Abele lu Iesu Nazareta le, E perofeta, E au saserim gaire lu ikeli, pako abara mer Ade ra opem, pako abele ged uridili:
LUK 24:20 Zogozogo le giz, pako meriba tarim le, uiaba ikuar bodomalam eumilu, a uiaba abi satauroem.
LUK 24:21 Keriba dikiapor E uerkab Isaraela. A gaire lu uridili, abele gerger thri gerger, abele lu ikeli.
LUK 24:22 Keriba au damreda, uader kosker keribielam, uiaba bakeam banege a aoem;
LUK 24:23 Uiaba nole erdali abara gem, a uiaba bakeamu abele merkem, kega, Keriba erdali angela giz ui keribim detomereta, E emetu ko eded akaida.
LUK 24:24 Uader keribielam, uiaba bakeamu aoem, uiaba erdali mokakalam kosker detaut: a uiaba nole abi erdali.
LUK 24:25 Ege E uiabi daratagerare, kega, Le paim, a peper nerkep, nole oituli gaire lu uridili gaire perofeta giz etomereti!
LUK 24:26 Abkoreb Keriso kekiam au asias gaire lu mokakalam, a keubu abara zorom tabarki.
LUK 24:27 Epe E uiabi etomereti gaire lu, emetu detali abielam jauali uridili, E ditimeda Mose bakedida perofeta uridili.
LUK 24:28 Ege maike abele uteb ge uiaba bakeamu: epe E mokakalam no bakeamu.
LUK 24:29 Ege uiaba saserim detaut, kega, Debele ma keribim emeri peike: abelelam gerger ise maike kikem. Epe E barot, a uiaba emeri.
LUK 24:30 Ege E eidi eroli okakis uiabim, epe areto erpei, a esoao, a itur, a uiabi naisuerare.
LUK 24:31 Epe uiaba pone bakaelei, a abi dasmerei; E uiabielam badimiriklu.
LUK 24:32 Epe uiaba mer atager, kega, Nako meriba nerkep mokakalam ur muige, abuar ge meribi detager gab ge, E meribi detomelu abele jauali?
LUK 24:33 Ui ge ekueilei abele haua ge, akomelei Ierusalemaem, a nardarare eleuen le, uiaba etamiare okakis uader uiabi kemem,
LUK 24:34 Ui ge uiabi daratagerare, kega, Ageakar, Opole ko eded akaida, E etomereti Simonaem.
LUK 24:35 A ui ge detautei abele gaire lu ikeli gab ge, a uiabi erdali a areto itur.
LUK 24:36 A uiaba mer batager abele lugelam, a Iesu ekueilu uiabi opem, a uiabi daratagerare, kega, Uerkab uabim.
LUK 24:37 Ege uiaba au geum, a ui dikiaporare uiaba lamar pemi erdarda.
LUK 24:38 Ege E uiabi daratagerare, kega, Nalu uaba okasosok? nalugelam uaba nerkep basareda?
LUK 24:39 Debele uaba mamoro dasmer, kara tag peike, pako kara teter, abelelam kaka: uaba kari erpei, a kari dasmer; lamar nole med kak, a nole lid kak, mokakalam uaba kari dasmer.
LUK 24:40 Ege E emetu uiabi daratagerare abele mer, E uiabi natomertare tabara tag, a teter.
LUK 24:41 A uiaba nole oatur kak, abelelam uiaba au sererege, a damared, E uiabi daratagerare, kega, Nako uaba nagri leuer?
LUK 24:42 Ege uiaba abi ikuar nerute lar mog emetu urim, a nerute mog melikerio.
LUK 24:43 Ege E narpeilu, a nareg uiabi opem.
LUK 24:44 A E uiabi daratagerare, kega, Abele mer kaka uabi detagereda, abele kerker kaka uabi kemem, abkoreb iako ageakarem gaire lu uridili emetu detali karielam Mose ra gelar, pako perofeta giz, a Salamo.
LUK 24:45 Epe E depegeli uiaba nerkep, iaueakai uiaba mamoro asoli jauali;
LUK 24:46 E uiabi daratagerare, kega, Emetu detali, Abkoreb Keriso asiasi, a thri gerger ko eded akaida eudlam;
LUK 24:47 Iaueakai natomertare obazgeda, a adigiri uit ged uridili, abara nei ge, ditimeda Ierusalema.
LUK 24:48 Uaba upinati abele lu.
LUK 24:49 Dasmer, kaka uabim namarida nerute le, kara Aba uabi uadetomertare: debele uaba emeri abele uteb, nei Ierusalema, iaueakai uaba nagri adigir kotor ge.
LUK 24:50 Ege E uiabi ais sor ge, bakedida Bethania: ege tabara tag nagaisilu, E uerkab uiabim.
LUK 24:51 Ege E uiabim uerkab, E uiabi dikaer, E bakeamu kotorem.
LUK 24:52 Ui ge abim esorgiru; a bakomeret Ierusalemaem, a uiaba au sererege:
LUK 24:53 Uiaba ner kak bakeamu zogo meta, uiaba Ade despered. Amen.
JOH 1:1 Abele Logo degraret, Ade dog abele Logo, a Ade Logo,
JOH 1:2 E ko Ade dog degraret.
JOH 1:3 E ge gaire lu detagem eseamulu; a nole nerute lu, E nole atagem kak.
JOH 1:4 Eded abi dog; a eded gaire le daratkeda.
JOH 1:5 Abele be de daratkeda muige kupkupi ge; a kupkup nole arpeir kak.
JOH 1:6 Ege nerute le tabaruk, Ade de temariklu, nei atker Ioane.
JOH 1:7 E dali tabaruk ageakarem, abele lugem ko datki ageakarem, epe gaire le uridili odaratare abielam.
JOH 1:8 E dali nole abele datki, E tabaruk ko ageakarem datki penoka ekas.
JOH 1:9 Abele datki kar, ko daratkeare gaire le uridili, sepem tabarkare.
JOH 1:10 E geseb ge, a geseb abi atagemlam, a geseb nole abi ardar kak.
JOH 1:11 E abara boai tabaruk, a abara boai nole abi agaret kak.
JOH 1:12 Ui uridili abi egardare, a odaratarare abi nei de, E uiabim adigir nakuarare ko Ade ra omasker:
JOH 1:13 Uiaba nole mamlam aosos, a nole gem ra lag, a nole le ra lag, epe Adelam.
JOH 1:14 Logo depeger le gem ise, a E meribi dog emrilu, (a keriba abara zorom dasmerare, zorom mokakalam Aba ra Uerem netat,) mitkar omare, a ageakar.
JOH 1:15 Ioane abi ageakarem, a ereretikri, kega, Idali kaka detautili, kega, Nerute le kari sorge ikas au kale kari tumge; abelegelam E kekiam, ka keubu.
JOH 1:16 Meriba uridili nagri no omare tumem no omare abi mitkarlam.
JOH 1:17 Abele gelar Mose de dekuarare, abele omare a ageakar tonar, Iesu Kerisolam.
JOH 1:18 Nole le Ade asmer kak; epe abara Uerem tepteb taba Aba ra marmot, E etomeret.
JOH 1:19 Ge Ioane de ageakarem peik, uiabi Iudaia giz gaire zogo le a gaire Leui namarida Ierusalemlam, ko abi itmerare, kega, Ma nete?
JOH 1:20 E natomertare, a nole agem kak; a mamoro natomertare, kega, Kaka nole Keriso.
JOH 1:21 Uiaba abi itmerare, kega, Ma nete? Ma Elia ao? E etkalu, kega, Kaka nolea. Ma perofeta ao? E etkalu, Nolea.
JOH 1:22 Uiaba abi detagerare, kega, Ma nete? Ma natkar keribi uiabim tedautare keribi pe tedemarida. Nako mara mer marielam?
JOH 1:23 E detaut, kega, Kaka kodo ereretikrili soge purge, kega, Barditugili Iehoua ra gab, mokakalam Isaia perofeta detauter.
JOH 1:24 Uader Faresaio taramarkare.
JOH 1:25 Uiaba abi itmerare, a abi detagerare, kega, Nalugem ma bapataiso, ese ma nole Keriso, a nole Elia, a nole nerute perofeta?
JOH 1:26 Ioane uiabim etkalu, kega, Kaka bapataiso ni de; nerute uabi eipu ekuei uaba asmer kak,
JOH 1:27 E dali kari sorge ikas au kale kari tumem, kaka nole abkoreb ko detue abara teter gab mukub.
JOH 1:28 Abele gaire lu Bethabara ge ikerare, Ioridano ge sager pek, ge abele uteb ge Ioane de bapataiso.
JOH 1:29 Iuoakaer, Ioane de Iesu dasmer abim tabakeam, a E detager, kega, A ma dasmer Ade ra Arenio, ko adem dikri gaire geseb uit!
JOH 1:30 E dali kari atautelam, kega, Nerute le kari sorge ikas au kale kari tumge; abelelam E kekiam, ka keubu.
JOH 1:31 Kaka nole abi ardar kak; debele abi etomer Isaraela ibim, abelelam kaka tabaruk ko bapataiso ni de.
JOH 1:32 Ioane de ageakarem, a detager, kega, Kaka Lamar Zogo dasmer kotorlam tepelu dibadiba ise, a abi kerem ge egimulu.
JOH 1:33 Kaka nole abi ardar kak: epe E dali kari taramarida ko bapataiso ni de, E kari natager, kega, Abele le ma dasmer Lamar Zogo ueeperoa abi kerem ge ueegimurua, E dali bapataiso Lamar Zogo de.
JOH 1:34 Kaka dasmer, a kaka ageakarem, kega, Ade ra Uerem pedali.
JOH 1:35 Iako iuaokaer, Ioane ekueilu, a neis abara kaimeg giz;
JOH 1:36 E Iesu dasmer, ekasereder, E daratager, kega, Ua dasmeram Ade ra Arenio!
JOH 1:37 Abele neis kaimeg abara mer aserei, ui darali Iesu irmilei.
JOH 1:38 Iesu egreemalu, a darasmer ui darali abi irmili, a ui darali detagerei, kega, Nalu ua deraimerei? Ui natkalei abim, kega, Rabi (tonar, Ereuer le), ma nade emri?
JOH 1:39 E ui darali detagerei, kega, Ua tabarkam, a dasmeram. Ui darali bakeamulei a dasmerei abara uteb, a abi kemem emrilei abele gerger ge: abelelam maike kige.
JOH 1:40 Nerute le uiabielam Ioane aserei, a abi irmilei, pe Anederea, Simona Peteru ra keimer.
JOH 1:41 E kekiam erdalu abara keimer Simona, a abi detager, kega, Ki Mesaia erdali, (tonar abele nei, Keriso.)
JOH 1:42 E Iesuim egaredelu. Iesu abi dasmer, a detager, kega, Ma Simona Iona ra uerem; mari nei natkeri Kefa, (tonar abele nei, Peteru.)
JOH 1:43 Iuaokaer, Iesu laglag Galalaiem bakeam, E Filipo erdalu, a abi detager, Kari narmili.
JOH 1:44 Filipo Bethesaidalam, uteb Anederea a Peteru.
JOH 1:45 Filipo de Nathaniela erdalu, a abi detager, kega, Keriba abi erdali Mose de abielam gelar ge, a gaire perofeta detar, Iesu Nazaretalam, Iosefa ra uerem.
JOH 1:46 Nathaniela de abi detager, kega, Nako, umelo nerute debe lu ua tabakeamur Nazaretalam? Filipo abi detager, Ma tabakeam dasmer.
JOH 1:47 Iesu Nathaniela dasmer abim tabakeam, a abi detager, kega, Dasmer, Isaraela kar, nole bes kak abi dog!
JOH 1:48 Nathaniela abi detager, kega, Nade ma kari nasmer? Iesu etkalu, a abi detager, kega, Kaka mari nasmeli suke mudge, a Filipo nole mari abger kak.
JOH 1:49 Nathaniela abim etkalu, kega, Rabi, ma Ade ra Uerem, a Isaraela ra Opole.
JOH 1:50 Iesu etkalu, a abi detager, kega Ma oituli abelelam kaka mari natageri, kega, Kaka mari nasmili suke mudge? mena ma keubu dasmer gaire au lu tumem abele.
JOH 1:51 Iesu abi detager, kega, Ageakar, ageakar kaka uabi detagereda, kega, Uarem uaba ko dasmerare kotor uanakesmur, a gaire Ade ra angela uatabatuer iako uabog tumem Le la Uerem.
JOH 2:1 Abele gerger thri, nerute ispilu Kana Galilaiem; a Iesu ra apu pedali:
JOH 2:2 Uiaba Iesu a abara kaimeg giz taraisare abele aspirem.
JOH 2:3 Uaina eseamulu, Iesu ra apu abi detager, kega, Uiaba nole uaina kak.
JOH 2:4 Iesu abi detager, kega, Kosker, nako ma karim? kara kerker nole uatabaruk.
JOH 2:5 Abara apu, uiabim gaire memeg le, daratagerare, kega, Abele mer E uabi detagereda, ikerare.
JOH 2:6 Peike sikis gaire baker tarpor, namer ko dirup irmili Iudaia le la tonar, tu me thri bathi absaimarsaimar.
JOH 2:7 Iesu uiabi detagereda, kega, Tedarakeusarare abele gaire tarpor niu. Uiaba tedarakeusarare mitkarem uadarabuerare.
JOH 2:8 E uiabi detagereda, kega, Ge tigrare, a ekadarare abim uetpur ra opole. Ege uiaba ekadarare.
JOH 2:9 Emetu uetpur ra opole tepdeskerare abele ni, depegemelu uaina, a nole umer kak nagelam, (gaire memeg le umele uiabi atatkolam,) uetpur ra opole le ispilu ereretikri,
JOH 2:10 A abi detager, Tonar gaire le uridili ko kekiam debe uaina dersemrare; a emetu au kase ereare, ege kebi debe uaina nakuarare: ma mena debe uaina edagili, a peirdi.
JOH 2:11 Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.
JOH 2:12 Abele baruk E Kaperenaumem bakeamulu, Iesu, a abara keimer giz, a abara kaimeg giz: uiaba nole dordor gerger ab ged ge bamer.
JOH 2:13 Iudaia ra paseka maike, a Iesu bakeamulu Ierusalamem.
JOH 2:14 E nardarare gaire le zogo meta ge, uiaba kau, a mamoe, a dibadiba eraplare, a gaire le mani eraplare emereder.
JOH 2:15 E dordor kebi lager iskapsir, a uiabi adem mamuare zogo metalam, mamoe kem, a kau kem; a gaire le ra mani darapaitare, a gaire uiaba laulau dararaskilare.
JOH 2:16 A gaire le dibadiba eraplare, E daratagerare, kega, Taisare abele gaire lu; nole ikerare kara Aba ra meta lu garap meta.
JOH 2:17 Abara kaimeg giz dikiaporare abele mer emeret ge detarer, kega, Au laglag abele mara meta kari irmida.
JOH 2:18 Gaire Iudaia le natkartare, a abi detagerare, kega, Nalu atamelam ma keribi detomertare mama ikeli abele gaire lu?
JOH 2:19 Iesu uiabim etkalu, a detaut, kega, Eogerdi abele meta, kaka iako ikeli thri gerger.
JOH 2:20 Gaire Iudaia le detagereda, kega, Fote sikis gaire urut abele meta ikeli, nako ma ko ikeli thri gerger ge?
JOH 2:21 Ege Iesu de detaut taba gem ra meta.
JOH 2:22 E emetu eded akaida eudelam, abara kaimeg giz dikiaporare abele mer E uiabi daratagerare: uiaba odaratarare abele Zogo mer detarer, gako nerute mer Iesu de detauter.
JOH 2:23 E Ierusalema ge abele uetpur ge paseka, abele gerger ge, gaire le abara nei odaratarare, abelelam uiaba dasmerare gaire abara atamelam E ikeli.
JOH 2:24 Iesu nole tababu bamerik uiabim, abelelam E umele gaire le uridili,
JOH 2:25 A abelelam nole abi abkoreb nerute le ko etomereti nerute le la tonar; abelelam E umele abele gaire lu muige le la nerkep ge.
JOH 3:1 Abele nerute le Faresaio, nei Nikodemo, Iudaia tarim le:
JOH 3:2 E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.
JOH 3:3 Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.
JOH 3:4 Nikodemo abi detaut, kega, Nalugem aule umele ko eosmeda? nako E umele ko neisem badari taba apu kem ge, a iako esmeda?
JOH 3:5 Iesu etkalu, kega, Ageakar, ageakar, kaka mari natager, Ese nerute le nole esmeda ni de a Lamar de, E nole umer kak Ade ra baselaia badari.
JOH 3:6 Abele gemlam esmeda, gem pedali; abele Lamarlam esmeda, lamar pedali.
JOH 3:7 Nole amer kak abele mer kaka mari natagere, kega, Ido lu uaba iako esmerare.
JOH 3:8 Uag uami abele uteb E laglag, ma bumer asoli, a nole ardar kak E nagelam, a E nagedim bakeam: mokakalam gaire le Lamar de esmerare.
JOH 3:9 Nikodemo etkalu, a abi detager, kega, Nako umele gaire lu pedali?
JOH 3:10 Iesu etkalu, a abi detager, kega, Nako, ma Isaraela ereuer le, a nole erdali abele gaire lu?
JOH 3:11 Ageakar, ageakar, kaka mari natager, kega, Keriba detagereda abele gaire lu keriba erdarda, a ageakarem abele gaire lu keriba dasmereda; epe uaba nole arpeir kak abele keriba ageakarem.
JOH 3:12 Ese kaka uabi detagereda gaire lu geseb ge, a uaba nole oatur kak, nako uaba onatareda ese kaka uabi detagereda gaire lu kotor ge?
JOH 3:13 Nole nerute le ogi kotorem, epe mamoro E kotorlam uatabu, abele Le la Uerem kotor ge emri.
JOH 3:14 Mokakalam Mose taba armem agisilu abele soge purge, pako mokakalam Le la Uerem ko arem agisilu:
JOH 3:15 Epe gaire le abim onatareda, ko nagri eded akaida.
JOH 3:16 Abele absaimarsaimar Ade ra omare gesepem, gako E ikuar abara Uerem netate, epe nole eud kak, abele le abi oituli, mamoro E nagri eded aseamur kak.
JOH 3:17 Ade nole emarida abara Uerem gesepem ko gesep mer barditug; epe mamoro gesep eded abielam.
JOH 3:18 Abele le abi oituli nole mer barditug abim: abele le nole oatur kak emetu mer barditug abim, abelelam E nole oatur kak abele nei Ade ra Uerem netate.
JOH 3:19 Abele mer barditug, datki gesepem tabarki, gaire le kupkup laglag tumem datki, abelelam uiaba dorge adud.
JOH 3:20 Gaire le adud ikereda, uiaba datki derarteda, a nole datkim tabakeuare, uiaba dorge akmelam.
JOH 3:21 Gaire le ageakar ikereda, uiaba datkim tabakeuare, ko uiaba dorge paret kak, abele emetu ikereda Adim.
JOH 3:22 Abele gaire lu iobaru, Iesu a abara kaimeg giz bakeuare Iudaia gedim, E uiabi kemem bamer, a bapataiso.
JOH 3:23 Ege Ioane ko Ainonem bapataiso, abele maike Salim, abelelam au ni pedali: uiaba tabakeuare, a bapataisoem.
JOH 3:24 Abelelam Ioane nole aziri kak au dubar meta.
JOH 3:25 Ioane ra kaimeg giz a nerute uiaba Iudaia le giz basardare abele tonar ogarup.
JOH 3:26 Uiaba Ioaneim tabakeuare, a abi detagereda, kega, Rabi, abele le mari dog, Ioridano apek, mama emetu abi ageakarem, dasmer, E ko bapataiso, a gaire le uridili abim tabakeuare.
JOH 3:27 Ioane etkalu, a detager, kega, Nerute le umer kak ko nerute lu erpeilu, ese nole abi ikuar kotorlam.
JOH 3:28 Uaba kari ageakarem, karielam detaut, kega, Kaka nole Keriso, epe kaka taramarida abi opem.
JOH 3:29 Abele le kosker nagri emetu abim babeida, E dali ko ispida: abele le aspidar le la boai ekue, a abi asoli, au sererge abele le ispida ra kodo mer: abele kara sererge kemerkemer.
JOH 3:30 E ko bataili, kaka ko ekekeli.
JOH 3:31 Le kotorlam uatabu, E tumem gaire lu uridili: le geseplam, E geseplam, a ko gesep mer atager: le kotorlam uatabu, E tumem gaire lu uridili.
JOH 3:32 Abele lu E emetu dasmer a asoli, E ageakarem peik; a nole le abara ageakarem erpei.
JOH 3:33 Abele le abara ageakarem erpei, E dedkomet, kega, Ade ageakar.
JOH 3:34 E dali Ade de temarida mer atagerem gaire Ade ra mer: abelelam E nole Lamar Zogo ikuar au tale lu ge de.
JOH 3:35 Abet abele Uerem omare, a gaire lu uridili abi tagem aisuer.
JOH 3:36 Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.
JOH 4:1 Opole umele gaire Faresaio aserare, kega, Iesu ko taraisare a bapataiso kaimeg giz tumege Ioane,
JOH 4:2 (Epe Iesu nole bapataiso kak, mamoro abara kaimeg giz),
JOH 4:3 E Iudaia dekaelu, a iako Galilaiem bakeamulu.
JOH 4:4 Abara dorge ko eipu Samaria bakeamulu.
JOH 4:5 E nerute utebem Samaria tabarki, nei Sikara, maike abele kebi ged Iakobo de tabara uerem Iosefaim ikuar:
JOH 4:6 Iabobo ra ni peike. Iesu ni padige emri memelam, gem barapare: eipu gerger.
JOH 4:7 Nerute Samaria kosker tabaruk, ni atatkoem: Iesu abi detager, kega, Kari ni nakuar ko areem.
JOH 4:8 Abara kaimeg giz utebem bakeuare ko leuer arapem.
JOH 4:9 Samaria kosker abi detager, kega, Nako, ma Iudaia le, karim niem namosi, Samaria kosker? (Gaire Iudaia le a Samaria le nole meme kak.)
JOH 4:10 Iesu detaut, a abi detager, kega, Ese mama umele abele lu Ade ikuar, pako le dali mari natager, Kari ni nakuar; ese mama emetu abi damos, E ko mari nakuar eded ni.
JOH 4:11 Ege kosker abi detager, kega, Kole, ma nole nisor kak, ni kopkopni: nagelam mari dog eded ni?
JOH 4:12 Nako, ma aule tumem keriba aba Iakobo, abele ni keribi ikuar, E ko eri abele ni, a abara uerem giz, a abara ebur giz?
JOH 4:13 Iesu detaut, a abi detager, kega, Gaire le uridili ereare abele ni ge, uiaba iako niap ge:
JOH 4:14 Eko le aree abele ni kaka ikuar, E nole niap kak niai karem; abele ni kaka ko abi ikuar, mena abi kem ge ni tomeili eded aseamur kak.
JOH 4:15 Koskeret iako abi detager, kega, Opole, karim abele ni tekau, iako nole niap kak, iako kaka nole tabakeam ko ni tigur.
JOH 4:16 Iesu abi detager, kega, Bakeamu, mabara kimiar tegared, iako tabakeam.
JOH 4:17 Koskeret etkalu, kega, Kaka nole kimiar kak. Ege Iesu de abi detager, kega, Ageakar mama detaut, kega, Kaka nole kimiar kak:
JOH 4:18 Epe faif mara gaire kimiar; E dali mari dog emri, nole mara kimiar: peik ageakar mama detager.
JOH 4:19 Koskeret abi detager, kega, Kole, kaka erdali mama perofeta.
JOH 4:20 Keriba kaied abele paser ge esorerapare, ege uaba detager, Ierusalema uteb kar esorerapare.
JOH 4:21 Iesu abi detager, kega, Kosker, kari asoli, kerker tabarki, uaba nole esorerapare Abem abele paser ge, a nole Ierusalema ge.
JOH 4:22 Uaba umer kak uaba esorerapare nitim; ki umele abele keriba esoreraparem: Iudaia gizelam edede.
JOH 4:23 Kerker ia uatabu, a peirdi, gaire le esorerapare, ko Abem esorerapare lamarem, a ageakarem; abelelam Aba deraimer gaire le mokakalam ko abim esorerapare.
JOH 4:24 Ade Lamar; uiaba abim esorerapare, mamoro lamarem esorerapare, a ageakarem.
JOH 4:25 Kosker abi detager, kega, Kaka umele Mesaia ia uatabu (nei atker, Keriso:) E emetu tabi, E keribi detomereta gaire lu uridili.
JOH 4:26 Iesu abi detager, kega, Eko, kakanali mari mer atagere.
JOH 4:27 Abara kaimeg giz tabarki, a ezigmada, abelelam E koskerim mer detager; epe nole nerute le abi detager, kega, Nalu ma deraimer? a nalugem ma abi mer atagerem?
JOH 4:28 Kosker tabara nisor ikedilu, a utebem bakeamulu, a gaire le daratagerare, kega,
JOH 4:29 Tabakeuare, dasmerare abele le kari natagere gaire lu kaka ikeli: nako, Keriso dali?
JOH 4:30 Uiaba uteblam tabaosi, a abi dog tabarki.
JOH 4:31 Inoka dali, kaimeg giz abi ekailu, a detager, kega, Rabi, ero.
JOH 4:32 E uiabi daratagerare, kega, Kara nagri leuer ko ero uaba nole umer kak.
JOH 4:33 Abelelam kaimeg giz mer atager, kega, Nako, nerute le abi leuer ikuar?
JOH 4:34 Iesu uiabi detager, kega, Kara leuer ko ikeli abara lag, kari namarida, a ko eseamuda abara dorge.
JOH 4:35 Nako, uaba nole detager, kega, Foa gaire meb nur tabarki? Dasmer, kaka uabi detager, kega, Uaba eti, a gaire gedub dasmer, nunur kerker nur abi.
JOH 4:36 Le ikid bodomalam nagri, a leuer ageg etag ededem aseamur kak; ko le emor, a le ikid okakis sererge.
JOH 4:37 Mokakalam, ageakar abele mer detaut, kega, Nerute le emor, a nerute ikid.
JOH 4:38 Kaka uabi demarid ko ikid abele uaba sagim kak: uader le sagim, epe uaba barot uiaba sagim.
JOH 4:39 Gaire Samaria le abi oituli abele uteblam, abele kosker merlam, kega, E kari natager gaire lu uridili kaka ikeli.
JOH 4:40 Epe gaire Samaria le abi dog tabarki, uiaba abi damos uiaba kemem emri: E abele ge emri neis gerger.
JOH 4:41 Gaire uader le oituli abi merlam;
JOH 4:42 Uiaba koskerem detager, kega, Keriba nole oituli mara mer atautelam; abelelam keribibu asoli, a keriba umele, ageakar Keriso idali, geseb uridili ededem.
JOH 4:43 Abele neis gerger iobaru, E bakeamaulu Galilaiem.
JOH 4:44 Abelelam Iesu detager, kega, Perofeta nole ekosili abi ged ge.
JOH 4:45 E Galilaia tabarki, gaire Galilaia le abi egared, abelelam uiaba dasmer gaire lu E ikeli Ierusalema ge, abele uetpur ge; abelelam uiaba kemem uetpurim bakeam.
JOH 4:46 Iesu iako Kana Galilaia tabarki, abele uteb E ikeli ni iauaeakai uaina. Nerute kole ra uerem gimgim Kaperenauma.
JOH 4:47 E asoli, kega, Iesu Galilaia tabarki Iudaialam, E abim tabakeam, a abim bali ko tabakeam abara uerem idigiri, abelelam E maike eumida.
JOH 4:48 Iesu abi detager, kega, Ese uaba nole asmer kak gaire atamelam pako adigir, uaba nole uatur kak.
JOH 4:49 Kolelut abi detager, kega, Opole, ma tabakeam, kara uerem ue eumi.
JOH 4:50 Iesu abi detager, kega, Bakeam, mara uerem eded akaida. Abele le oituli abele mer Iesu de abi detager, E bakeamulu.
JOH 4:51 E penoka ekas, abara memeg giz abi obapit, a abi detaut, kega, Mara uerem eded akaida.
JOH 4:52 E uiaba nautumer, abele haua E ko ditimeda ko eded. Uiaba abi detaut, kega, Ab gerger haua sefen, urueri abi dekaerti.
JOH 4:53 Baba umele abele haua, Iesu abi detager, kega, Mara uerem eded akaida: E pako abara boai uridili oituli.
JOH 4:54 Abele neisem adigiri Iesu ikeli, kerker ge tabarki Galilaia Iudaialam.
JOH 5:1 Abele gaire lu iobaru Iudaia le giz ra uetpur; Iesu Ierusalemaem bakeam.
JOH 5:2 Abele Ierusalema ge nerute keper, maike mamoe ra te, nei Heberu, Betheseda, faif bereg nagri.
JOH 5:3 Gaire le abele ge emri, le gimgim, a pone asamasam, a ibibi, a euselu, uiaba naokaili ni dakeili.
JOH 5:4 Kerker ge angela uatabu ni ge, ko ni dakeili; abele le kekiam bakmeida, ese emetu ni dakeili, abara gim dekaeda abele gimlam nagri.
JOH 5:5 Abele nerute le, therti eit urut E gimgim.
JOH 5:6 Iesu abi dasmer uteidilu, umele E emeretelam, E abi detager, kega, Nako ma lagelag eded?
JOH 5:7 Gim le abi detaut, kega, Kole, nole le kari nagaret keperem, ese ni dakeili: kaka beber nagemeli, penoka nerute kekiam abi.
JOH 5:8 Iesu abi detager, kega, Ekue, mabara sik ekau, a bakeam.
JOH 5:9 Sobkak abele le akaida, a abara sik ekau, a bakeam.
JOH 5:10 Abele gerger sabath ge. Abelelam Iudaia le giz nadgirda le detager, kega, Sabath peik, nole abkoreb marim ko ekau mabara sik.
JOH 5:11 E uiabim detaut, kega, Abele le kari nadgiri, E kari natauti, kega, Mabara sik ekau, a bakeam.
JOH 5:12 Uiaba abi itimer, kega, Nete le mari natauti, kega, Mabara sik ekau, a bakeam?
JOH 5:13 Le nadgiri umer kak nete; abelelam Iesu gumik bakeamulu, gaire le lakub lam.
JOH 5:14 Abele iobaru, Iesu abi dasmer muige zogo meta, a abi detager, kega Dasmer, emetu mari nadgiri; nole uit iako ikeli, iauaeakai nole nerute au uit marim tabarki.
JOH 5:15 Abele le bakeam, a gaire Iudaia le giz detager, kega, Iesu de abi idigiri.
JOH 5:16 Abelelam Iudaia le giz Iesu deskemrare, a deraimerare ko abi ipitare eumilu, abelelam E ikeli abele gaire lu sabath ge.
JOH 5:17 Ege Iesu uiabim detaut, kega, Kara Aba dorge ikeli, a peirdi, kaka ko dorge ikeli.
JOH 5:18 Abelelam Iudaia le giz au saserim ko abi ipitare eumilu, abelelam E nole sabath datupida tepteb, epe E iako detauti, kega, Ade abara Ab kar, pako E dali a Ade abkoreb.
JOH 5:19 Iesu detaut, a uiabim daratagerare, kega, Ageakar, ageakar, kaka uabi detagereda, Uerem umer kak tababu dorge ikeli, epe mamoro E Ab dasmer ikeli: gaire lu E ikerare, Uerem ko abele keli.
JOH 5:20 Abelelam Aba Uerem nas, a abi etomelu gaire lu E eker: E ko abi etomelu gaire au lu tumen abele, uaba ko damreda.
JOH 5:21 Mokakalam Aba gaire eud obakiam, a uiabi nadgirare; mokakalam Uerem nadgirare gaire le E laglag.
JOH 5:22 Ege Aba nole nerute le itmer, E emetu gaire itmer uridili ikuar Ueremem;
JOH 5:23 Eko gaire le uridili Uerem naospereda, mokakalam uiaba Aba naospereda. Abele le nole Uerem naospereda, E ko nole Aba naospereda, abi emariklu.
JOH 5:24 Ageakar, ageakar, kaka uabi detagereda, kega, Abele le kara mer asoli, a abi oituli kari namarida, E nagri eded aseamur kak, a nole itmer bau, E emetu bakeam eudelam ededem.
JOH 5:25 Ageakar, ageakar, kaka uabi detagereda, kega, Kerker ge maike uatabu, a peirdi, gaire eud Ade Ueremer ra kodo mer asoli; uiaba asoli ko ededem.
JOH 5:26 Mokakalam Aba eded nagri abi dog; mokakalam E Uerem ikuar ko nagri eded abi dog:
JOH 5:27 Emetu abi ikuar adigir ko itmer, abelelam E Le la Uerem.
JOH 5:28 Nole abele ezigmada; abelelam kerker uatabu, gaire le aolam ko asoli abara kodo mer,
JOH 5:29 A ko obakiam; gaire debe lu ikeli, ededem obakiam; a gaire uit ikeli, eudem obakiam.
JOH 5:30 Kaka nole umer kak nerute lu ikeli karababu; kaka itmer mokakalam kaka asoli: kaka barkak itmer, abelelam kaka nole kara lag deraimer, mamoro Baba ra lag, kari namarida.
JOH 5:31 Ese karababu karim ageakarem, nole ageakar kaka karim ageakarem.
JOH 5:32 Debele nerute karim ageakarem; kaka umele ageakar, abele mer E karim ageakarem.
JOH 5:33 Uaba Ioaneim namarida, E ageakarem abele ageakar.
JOH 5:34 Kaka nole egaret ageakar lelam: epe kaka detagere abele gaire lu, iaueakai uaba ko eded.
JOH 5:35 E lamepa be, pako batoamerdi; uaba laglag sererge abele be abi dog kerker ge.
JOH 5:36 Aule kara ageakarem tumem Ioane; abelelam gaire dorge Baba kari nakuar ko eseamuda, abele gaire dorge kaka ikeli, ko karim ageakarem, kega, Baba de kari namarida.
JOH 5:37 Emetu kari ageakarem Baba de kari namarida. Uaba nole asoli abara kodo mer, epe abara nog uaba asmer kak.
JOH 5:38 Abara mer nole uabi nerkep ge; abelelam uaba nole uatur kak abim, E namarida.
JOH 5:39 Uaba deraimerare jauali zogo ge, abelelam uaba dikiapor uaba eded nagri aseamur kak abielam; abele karim ageakarem.
JOH 5:40 Uaba obogai karim tabakeuare, ko eded nagri.
JOH 5:41 Kaka nole agaret kak naospili lelam.
JOH 5:42 Kaka uaba umele, nole uaba nerkep ge Ade ra lag.
JOH 5:43 Kaka tabarki karba Aba ra nei ge, uaba nole kari agaret kak: ese nerute le tabarki taba nei ge, uaba ko abi egaret.
JOH 5:44 Epe nako uaba ko oituli, uaba baospili egaret uabielam, a nole araimer kak naospereda Adelam tepteb?
JOH 5:45 Nole akiapor kak kaka uaba detauti Abem; nerute ko uaba detaut, ege Mose, uaba abim oituli.
JOH 5:46 Ese uaba Mose egaret, uaba kari ko nagaret, abelelam E kari naotali.
JOH 5:47 Ese uaba nole egaret gaire jauali E detali, nako uaba egaret gaire kara mer?
JOH 6:1 Abele iobaru, Iesu bakeam kei apek Galilaia keper ge, pe Tiberia.
JOH 6:2 Gaire le netate gedim abi irmili, abelelam uiaba dasmerare gaire atamelam E ekere, tumem gaire gim le.
JOH 6:3 Iesu paserem ogi, a kemem emri abara kaimeg giz.
JOH 6:4 Paseka maike, nerute Iudaia giz ra uetpur.
JOH 6:5 Iesu etilu, a gaire le lakub dasmer abim tabakeuare, E Filipo detaut, kega, Meriba nagelam leuer terapei, ko uiabi darasisiare?
JOH 6:6 E detager abele ko abi mirem: epe E umele abele lu ko ikeli.
JOH 6:7 Filipo abi detaut, kega, Nole uiaba abkoreb abele leuer terapei tu handed denari, iauaekai uiaba nagri kebi leuer mog.
JOH 6:8 Nerute abara kaimeg giz, pe Anederea, Simona Peteru ra keimer, abi detager, kega,
JOH 6:9 Nerute makeriam ike nagri faif areto kon, a neisi lar: epe nako dali uiabim gaire le lakub mokakalam?
JOH 6:10 Iesu detaut, kega, Gaire le bameri. Au soge dali. Epe gaire kimiar bameri, mokakalam faif thausan etag.
JOH 6:11 Iesu gaire areto ekau; emetu esoao, E kaimeg giz naisuerare, a uiaba gaire le bamer naisuerare; a neisi lar ko, abkoreb uiaba lag.
JOH 6:12 Uiaba kem osmeda, E abara kaimeg giz detager, kega, Gaire leuer mog etagarare, a nole nerute lu adem.
JOH 6:13 Uiaba etagerare, a gaire tuelf epei artare, abele gaire mog areto kon faif, kaier uiaba leuer aroem.
JOH 6:14 Emetu gaire le dasmer abele atamelam Iesu de ikeli, uiaba detager, kega, Ageakar, perofeta idali, emetu detaut ko uatabu gesepem.
JOH 6:15 Iesu umele uiaba ko elele abi egaret, ko abi ekairare opole, E iako gumik bakeamulu paserem.
JOH 6:16 Kikem, abara kaimeg giz keperem batueri;
JOH 6:17 A nar ge bateri, a atiem keper ge datuperti Kaperenauma ge. Ki ge, Iesu nole uiabi dog tabarki.
JOH 6:18 Keper au zauber au uaglam.
JOH 6:19 Emetu uiaba uzer mokakalam tuente faif a therti gaire setadia, uiaba Iesui dasmer tumem keper ge ekase, a maike nar ge: uiaba geum.
JOH 6:20 E uiabi detaut, kega, Kakanali; uaba nole geum kak.
JOH 6:21 Uiabi sererge abi tigemertare nar ge ekauerertare; epe uiaba sobkak ia karida ab ged ge uiaba atiem.
JOH 6:22 Idim ge, gaire le lakub nerute apek ekue, a dasmer nole nar kak abele, epe abele nar tepteb abara kaimeg giz ekauerertare, Iesu nole uiabi kemem ekauererti nar ge, ege abara kaimeg giz tepteb atiem,
JOH 6:23 (Gaire nar barkarki Tiberialam, maike abele uteb uiaba areto eroare iobaru Iesu de esoao):
JOH 6:24 Emetu le lakub dasmerare Iesu nole akar pedali, pako abara kaimeg giz, uiaba gaire nar ge batiri, a Kaperenauma ge atiem, Iesu deraimerare.
JOH 6:25 Uiaba abi erdali kei apek abele keper, uiaba abi detaut, kega, Rabi, ma ge tabarki na gerger ge?
JOH 6:26 Iesu uiabi detaut, kega, Ageakar, ageakar, kaka uabi detagereda, Uaba nole kari naraimeli abelelam uaba dasmer gaire atamelam, mamaro uaba areto eroarem, a kem osmeda.
JOH 6:27 Nole sagim kak buzbuz leuer, epe mamoro niai leuer, a tabarki eded aseamur kak, Le la Uerem ko uabi ikuar; abelelam Baba, pe Ade, abi detakobi.
JOH 6:28 Uiaba abi detaut, kega, Nalu keriba dorge, ki ko ikeli Ade ra dorge?
JOH 6:29 Iesu uiabi detaut, kega, Ade ra dorge peik, ko oituli abim, E temarida.
JOH 6:30 Uiaba abi detaut, kega, Nalu atamelam mama ikeli, ki ko dasmer, a marim oituli? nalu mara dorge?
JOH 6:31 Keriba kaied mana erolare soge purge; mokakalam emetu detali, kega, E uiabi areto nakuarare kotorlam ko eroare.
JOH 6:32 Iesu uiabi detaut, kega, Ageakar, ageakar, kaka uabi detager, Mose nole areto uabi ikuar kotorlam; epe mamoro kara Aba uabi dekuarda areto kar kotorlam.
JOH 6:33 Abelelam Ade ra areto dali kotorlam tabi, a eded nakuarare gesepem.
JOH 6:34 Uiaba abi detaut, kega, Kole, keribi dekuarare areto dali.
JOH 6:35 Iesu uiabi detager, kega, Kaka eded areto: abele le karim tabakeam, E nole iako uererge: abele le karim oituli, E nole iako ni ap.
JOH 6:36 Kaka uabi detagereda, kega, Emetu uaua kari nasmereda, pe nole uatur kak.
JOH 6:37 Ui uridili Baba de kari nakuar ko karim tabakeuare; abele le karim tabakeam, kaka nole abi atua kak.
JOH 6:38 Abelelam kaka nole kotorlam tarabu ko ikeli kara lag, mamoro abara lag, E kari namarida.
JOH 6:39 Baba ra lag peike, kari namarida, kega, Kaka nole nerute dekaerti, E kari nakuar, epe kaka ko ekiamda keubu gerger ge.
JOH 6:40 Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.
JOH 6:41 Iudaia le giz abi gumik mer atagere, abelelam E detaut, kega, Kaka areto kotorlam tarabu.
JOH 6:42 Uiaba detaut, kega, Nako, nole Iesu pedali, Iosefa ra uerem, pe nako, meriba nole umer kak abara aba a apu? nalugem E detaut, kega, Kaka kotorlam tarabu?
JOH 6:43 Abelelam Iesu detaut, a uiabim detagereda, kega, Uaba nole gumik mer atager kak.
JOH 6:44 Le nole umer kak karim tabakeam, ese nole abi egared Baba de, kari namarida: epe kaka ko abi ekiamda keubu gerger ge.
JOH 6:45 Emetu detali gaire perofeta ge, kega, Ade de uiabi uridili nereuereda. Gaire le uridili asereda Babalam, a emetu nereuereda uiaba karim tabakeuare.
JOH 6:46 Nole nerute le Baba dasmer, mamoro E Adelam, E Baba dasmer.
JOH 6:47 Ageakar, ageakar, kaka uabi detagereda, kega, Abele le karim oituli, E nagri eded aseamur kak.
JOH 6:48 Kaka eded areto.
JOH 6:49 Uada kaied mana erolare soge purge, uiaba baumer.
JOH 6:50 Abele areto kotorlam tabu, ese le eroli, E nole eud kak.
JOH 6:51 Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.
JOH 6:52 Iudaia le giz basaredelare, kega, Epe nalu le dali ko ikuar abara gem aroem?
JOH 6:53 Iesu uiabi detaut, kega, Ageakar, ageakar, kaka uabi detagereda, ese uaba nole eroli Le la Uerem ra gem, pako abara mam ere, uaba nole eded kak muige uaba nerkep ge.
JOH 6:54 Abele le kara gem eroli, pako kara mam ere, E nagri eded aseamur kak; epe kaka ko abi ekiamda keubu gerger ge.
JOH 6:55 Abelelam kara gem leuer kar, a kara mam ni kar.
JOH 6:56 Abele le kara gem eroli, a kara mam ereli, E muige kara nerkep ge, a kaka abi nerkep ge.
JOH 6:57 Mokakalam Baba eded kari namarida, a kaka ko eded Babalam: mokakalam abele le kari naroli, E ko eded karielam.
JOH 6:58 Abele areto kotorlam tarabu: nole mokakalam kaied giz erolare, gako baum: abele le areto idali eroli ko eded niai karem.
JOH 6:59 E abele gaire lu detagereda muige sunago, E nereuereda Kaperenauma ge.
JOH 6:60 Gaire abara kaimeg giz abele asarare, uiaba detager, kega, Beber abele mer; nete umele asoli?
JOH 6:61 Iesu umele, taba nerkep ge, abara kaimeg giz gumik mer atager abele, E uiabim detaut, kega, Nako, abele uabi bamsili?
JOH 6:62 Nako, ese uaba dasmer Le la Uerem abara emeret utebem ogi?
JOH 6:63 Lamar de idgiri, gem nole lu kar: abele gaire mer kaka uabi detagereda, lamar pedali, pako eded.
JOH 6:64 Uader uabielam nole oatur kak. Iesu umele gizlam uiaba nole oatur kak, a abele le abi keserkeser.
JOH 6:65 E detaut, kega, Abelelam kaka uabi detagereda, le umer kak karim tabakeam, ese nole abi ikuar Baba de.
JOH 6:66 Abele merlam, gaire abara kaimeg giz iako takomeda, a nole abi kemem bakeam.
JOH 6:67 Iesu tuelf le detagereda, kega, Nako uaba ko laglag akomeda?
JOH 6:68 Simona Peteru abi detaut, kega, Kole, nitim keriba bakeam? mari dog gaire eded mer aseamur kak.
JOH 6:69 Ki oituli, a opasereret, mama Keriso, Ade ra Uerem niai eded.
JOH 6:70 Iesu uiabi detaut, kega, Nako kaka uabi iterare tuelf le, a nerute uaba diabolo?
JOH 6:71 E Iudalam detager, Simona Isakariota ra uerem: abelelam E ko abi keserker, E nerute tuelf lelam.
JOH 7:1 Abele gaire lu iobaru, Iesu Galilaiaem ekas: E nole la kak Iudaiaem ekas, abelelam Iudaia le giz deraimerare abi ipitare.
JOH 7:2 Maike Iudaia le giz ra uetpur, abele nerazi meta uetpur.
JOH 7:3 Abara keimer giz abi detautare, kega, Ge dekaer, a Iudaiaem bakeam, ueakai mara kaimeg giz dasmerare gaire lu ma ikeli.
JOH 7:4 Ege nole le dorge mudige ikeli, ese E lagelag E natomertare. Ese mama ikeli abele gaire lu, mama natomertare gesepem.
JOH 7:5 Ege abara keimer giz nole abi oatur kak.
JOH 7:6 Iesu uiabim detautare, kega, Kara kerker ge nole tabarki; a peirdi uaba kerker.
JOH 7:7 Geseb nole umer kak uabi derarti; epe kari derarti, abelelam kaka uiaba adud dorge giz natomertare.
JOH 7:8 Uaba bakeauare abele uetpurem: peirdi kaka nole bakeam abele uetpur; abelelam kara kerker nole tabarki.
JOH 7:9 E emetu detager abele mer uiabim, E Galilaiem emri.
JOH 7:10 Abara keimer giz emetu uetpurem bakeamuda, E ko bakeam, epe E gumik ekas, nole paret kak ekas.
JOH 7:11 Iudaia le giz, uetpur ge, abi deraimerare, a detautare, kega, E nade?
JOH 7:12 Gaire le lakub abim basardare: uader detaut, kega, E debele; a uader, kega, Nolea, E gaire le didmirki.
JOH 7:13 Epe nole le abi paret kak detautare, uiaba Iudaia le giz geum.
JOH 7:14 Uetpur ge eipu, Iesu zogo metaem bakeamuda, a okadaraskeda.
JOH 7:15 Iudaia le giz damreda, a detaut, kega, Nalu le abele jauali umele, a nole ereuer kak?
JOH 7:16 Iesu uiabim detaut, kega, Nole karielam kara ereuere, epe abielam, kari namarida.
JOH 7:17 Ese nerute le lagelag abara lag ikeli, E ereuer akmer, nako Adelam, nako kaka detaut karbabu.
JOH 7:18 Abele le tababu detaut, E deraimer tababu baospili: abele le deraimer ko abi despereda, abi emarida, E dali ageakar, nole barbar tonar abi dog.
JOH 7:19 Nako, Mose nole gelar uabi ikuar, a nole nerute uabielam gelar irmili? Epe nako uaba deraimer kari uanapitare?
JOH 7:20 Gaire le lakub abim detaut, kega, Demoni mari dog: niti de mari naraimeli mari uanapit?
JOH 7:21 Iesu uiabim detaut, kega, Kaka emetu nerute dorge ikeli, a uaba uridili damreda.
JOH 7:22 Mose peritom uabi ikuar, (epe nole Mosealam, mamoro kerem lelam;) uaba le peritom sabath ge.
JOH 7:23 Ese nerute le peritom erpei sabath ge, ueakai nole Mose ra gelar datupida; nako uaba kari urker abelelam kaka le idigiri sabath ge?
JOH 7:24 Nole erkepse irmi irmili pone, mamoro erkepse irmi irmili barkak itmer.
JOH 7:25 Eko uader le Ierusalemlam detaut, kega, Nako E dali uiaba deraimerare ko ipitare?
JOH 7:26 Dasmer, E paret kak mer detautili, a uiaba nole nerute mer abi detaut, Nako, gaire kole umele, kega, Keriso kar idali?
JOH 7:27 Epe meriba umele E nagelam; a Keriso tabarki, nole le umele E nagelam.
JOH 7:28 Iesu ereretiki zogo meta ge, E okadeskeda a detager, kega, Uaba kari umele, a uaba umele kaka nagelam; kaka nole karbabu tabarki, E ageakar, kari namarida, a uaba abi umer kak.
JOH 7:29 Kaka abi umele; abelelam kaka abielam, E kari namarida.
JOH 7:30 Uiaba deraimerare abi terpeirare: a nole le abim tag itirimuda, abelelam abara kerker nole tabarki.
JOH 7:31 Gaire lekublam abi oituli; uiaba detager, kega, Ese Keriso tabarki, nako, E ko ikeli gaire atamelam tumem E ikeli?
JOH 7:32 Gaire Faresaio asoli uiaba lekub abim basardare abele gaire lu; gaire zogo kemle a gaire Faresaio namarida gaire asesered le abi terpeirare.
JOH 7:33 Iesu uiabim detaut, kega, Teupai kaka uabi dog emri, kerker maike kaka abim bakeamulu, kari namarida.
JOH 7:34 Uaba ko kari naraimereda, a nole kari ardar kak: abele uteb kaka bakeamulu, uabu umer kak ko bakeam.
JOH 7:35 Gaire Iudaia le giz mer atager, kega, Nagedim E bakeam, a meriba nole abi ardar kak? nako, E ko bakeam uiabim gaire le bamarida Helene dog, a gaire Helene okadeskeda?
JOH 7:36 Nalu abele mer, E detagereda, kega, Uaba kari naraimereda, a nole kari ardar kak: abele uteb kaka bakeamulu, uaba umer kak ko bakeam?
JOH 7:37 Keubu gerger, abele au gerger uetpur ge, Iesu tekueilu, a ereretikri, a detager, kega, Ese nerute le niap, karim tabakeam ko aree.
JOH 7:38 Abele le karim oituli, mokakalam zogo jauali detager, kega, Edede ni ko babusdarie abi nerkeplam.
JOH 7:39 E detager abele Lamar Zogolam, uiaba gaire le abi oituli ko erpei abele. Lamar Zogo nole tabarki; abelelam Iesu nole eded akaida.
JOH 7:40 Uader lekublam asoli abele mer, uiaba detager, kega, Ageakar, E perofeta pedali.
JOH 7:41 Uader datager, kega, E Keriso. A uader detager, kega, Nako, Keriso osmeda Galilaialam?
JOH 7:42 Nako, nole zogo jauali detager, kega, Keriso tabarki Dauidalam, a Bethelemalam, abele Dauida ra uteb?
JOH 7:43 Abielam gaire le lakub barsardare.
JOH 7:44 Uader uiaba lagelag abi terpei, a nole le abim tag itirimuda.
JOH 7:45 Gaire asesered le akomeda gaire zogo kemle pako Faresaio giz; uiaba uiabim detaut, kega, Nalugelam uaba nole abi tegaret?
JOH 7:46 Gaire asesered le detager, kega, Nole le mer egali mokakalam.
JOH 7:47 Gaire Faresaio uiabim detaut, kega, Nako emetu uabi didmirki?
JOH 7:48 Nako, nerute le abim oituli gaire opolelam, a gaire Faresaiolam?
JOH 7:49 Abele nosik le gelar umer kak, ko eumida.
JOH 7:50 Nikodemo uiabim detaut, (E Iesuim bakeam ki ge, E nerute uiabielam),
JOH 7:51 Nako, meriba gelar ra tonar ko kekiam bodomalam ikuar, a nole kekiam le itmer abele lu E ikeli?
JOH 7:52 Uiaba detaut, a abi detager, kega, Nako ma Galilaialam? Deraimer, a dasmer: nole perofeta dikedida Galilaialam.
JOH 7:53 Uiaba uridili tabara uteb bamarida.
JOH 8:1 Iesu Oliua paserem bakeamulu.
JOH 8:2 Idim ge, Iesu iako zogo meta ge balu, gaire le lakub abim tabakeuare; E emri, a uiabim okadeskeda.
JOH 8:3 Uiaba aotale giz pako Faresaio giz abim tegaret nerute eruam kosker, emetu erpei kerker eruamlam; a eipu ekueirare,
JOH 8:4 A Iesuim detager, kega, Eruere le, abele kosker keriba eruamem terpei.
JOH 8:5 Emetu Mose keribi mer tigri, muige gelar, ko bakeru itimdare mokakalam: nako mara mer abim?
JOH 8:6 Uiaba detaut abele ge ko abi mirem, ueakai nagri mer ais abielam. Iesu esorgiru, a seb ge detali tagu.
JOH 8:7 Uiaba elele abi itmerare, E tekue, a uiabim detaut, kega, Debele le eruam kak kekiam bakeru abi itimdi.
JOH 8:8 E iako esorgiru, a seb ge detali tagu.
JOH 8:9 Uiaba emetu asoli, uiaba nerute a nerute eosmeda, ditimeda aule a mop ge itiagi: Iesu tepteb pako kosker eipu ekueilu.
JOH 8:10 Iesu etilu, a kosker tepteb dasmer, a abi detager, Kosker, uiaba nade marim mer ais? nako nole le mari bakeru natimdi?
JOH 8:11 E detaut, kega, Opole, nolea kar. Iesu iako abim detager, kega, Ka ko nole mari bakeru natimili: bakeam; iako nole eruam kak.
JOH 8:12 Iesu iako uiabim detaut, kega, Kaka geseb datki: abele le kari narmili E nole kupkupi ge bakeam, epe E nagri datki eded.
JOH 8:13 Faresaio giz abi detautare, kega, Mabu ma ageakarem; nole ageakar mara mer.
JOH 8:14 Iesu uiabim detaut, kega, Ese karababu kari ageakarem, kara mer ageakar; abelelam kaka umele kaka nagelam, a kai na gedim bakeam; uaba nole umer kak kaka nagelam, a kai na gedim bakeam.
JOH 8:15 Uaba erkepse irmi gem ge irmili; kaka nole nerute le erkepse irmi.
JOH 8:16 Ese kaka erkepse irmi, ageakar kaka erkepse irmi; abelelam kaka nole tepteb, epe kaka pako Baba, kari namarida.
JOH 8:17 Emetu detali muige uaba gelar, kega, Ageakar abele mer neisi le ageakarem.
JOH 8:18 Karbabu kari ageakarem, a Baba, kari namarida, kari ageakarem.
JOH 8:19 Uiaba abi detautare, kega, Mara Aba nade? Iesu detaut, Uaba nole kari umer kak, a kara Aba: ese uaba kari umele, uaba kara Aba umele.
JOH 8:20 Abele gaire mer Iesu detaut mani epei ge, E zogo meta ge okadeskeda: a nole le abi terpei; abelelam abara kerker nole tabarki.
JOH 8:21 Iesu iako uiabim detaut, kega, Kai nabakeamulu, a uaba ko kari naraimerare, a uaba ko eumida uabi uitelam: uaba umer kak ko bakeam abele utebem kaka bakeam.
JOH 8:22 Iudaia le giz mer atager, kega, Nako, tababu ko abi ipit, abelelam E detager, kega, Uaba umer kak ko bakeam abele utebem kaka bakeam?
JOH 8:23 E uiabim detaut, kega, Uaba lokodlam; kaka kotorlam: uaba geseplam; kai nole geseplam.
JOH 8:24 Abelelam kaka uabi detager, kega, Uaba ko eumida uaba uitelam: ese uaba nole egaret Kakanali, uaba ko eumida uabi uitelam.
JOH 8:25 Uiaba abi detautare, kega, Mama nete? Iesu uiabi detaut, kega, Pedali kaka uabi detager gizlam.
JOH 8:26 Kaka nagri dordor lu ko detager, a ko dikiapor uabim: E ageakar, kari namarida; kaka gesepem detager gaire lu kaka asoli abielam.
JOH 8:27 Uiaba nole akmer kak E Abaem uiabim detager.
JOH 8:28 Iesu uiabim detaut, kega, Ese uaba Le la Uerem armem tagis, uaba ko akmer kakanali, a kaka nole karbabu nerute lu ikeli, epe mokakalam Baba kari ereuerem, kaka detaut abele gaire lu.
JOH 8:29 E kari dog, kari namarida; E nole kari nakaerti; abelelam kaka gaire lu ikeli abim sererge.
JOH 8:30 E detager abele gaire lu, a gaire le abim oituli.
JOH 8:31 Iesu detager, uiabim gaire Iudaia le giz abim oituli, kega, Ese kara mer niaiem uabi dog, uaba kara kaimeg giz kar;
JOH 8:32 Uaba ko ageakar akmer, abele ageakar ko uabi emariklu.
JOH 8:33 Uiaba abi detautare, kega, Keriba Aberahama ra omasker, a nole didbare nerute le dog: epe nako ma detager, Keriba ko emariklu?
JOH 8:34 Iesu uiabim detaut, kega, Ageakar, ageakar, kaka uabi detager, kega, Abele le uit ikeli, E uite ra memeg le.
JOH 8:35 Abele memeg le nole uteb ge niaiem emri: mamoro uerem niaiem emri.
JOH 8:36 Ese Uerem uabi emariklu, uaba ageakar emariklu.
JOH 8:37 Kaka umele uaba Aberahama ra omasker; epe nako uaba deraimer kari ipit, abelelam kara mer nole uabi nerkep ge.
JOH 8:38 Kaka detager kaka dasmer kari Baba dog: a uaba ikerare abele gaire lu uaba asoli uaba abalam.
JOH 8:39 Uiaba abi detautare, kega, Aberahama keriba aba. Iesu uiabi detaut, kega, Ese uaba Aberahama ra omasker, uaba ko ikeli Aberahama ra dorge.
JOH 8:40 Peirdi uaba naraimer ko kari napit, nerute le uabi detager ageakar, kaka asoli Adelam: Aberahama nole ikeli mokakalam.
JOH 8:41 Uaba ikeli uaba aba ra dorge. Uiaba abi detager, kega, Keriba nole eruam omasker; netate keriba Aba, Ade.
JOH 8:42 Iesu uiabim detaut, kega, Ese Ade uaba Aba, uaba ko kari lag: abelelam kaka nabue, a ge tabarki Adelam; kaka nole karbabu tabarki, epe E kari namarida.
JOH 8:43 Nako uaba nole akmer kak kara mer? Abelelam uaba umer kak kara mer asoli.
JOH 8:44 Uaba uaba abalam diabolo, uaba lagelag uaba abara lag ikeli. E dipe le gizelam, a nole ageakar, abelelam nole nerute ageakar abi dog. Ese E bes mer detaut, E detaut tababielam; abelelam E besbes, a aba bes apu.
JOH 8:45 Abelelam kaka ageakar detaut, uaba nole kari oatur kak.
JOH 8:46 Nitide uabim kari uit natomerti? Ese kaka ageakar detaut, epe nako uaba nole kari oatur kak?
JOH 8:47 Abele le Adelam, Ade ra mer asoli: uaba nole asor kak, abelelam uaba nole Adelam.
JOH 8:48 Iudaia giz abi detaut, kega, Nako, keriba nole barkak detaut ma Samaria le, a demoni mari dog?
JOH 8:49 Iesu detaut, kega, Kara nole nagri demoni; ege kaka kara Aba naospereda, a uaba kari nakekeli.
JOH 8:50 Kaka nole deraimer karababu naospereda: ege nerute le deraimer, a baraditug.
JOH 8:51 Ageakar, ageakar, kaka uabi detager, kega, Ese nerute le kara mer asoli, E nole eud asmer kak niai karem.
JOH 8:52 Iudaia giz abi detautare, Peirdi keriba umele mari dog demoni. Aberahama emetu eumida, pako gaire perofeta; a mama detager, kega, Ese nerute le kara mer asoli, E eud asmer kak niai karem.
JOH 8:53 Nako, mama aule tumem keriba aba Aberahama emetu eumida? a gaire perofeta ko eumida: nete mama depegili?
JOH 8:54 Iesu detaut, kega, Ese kaka karababu baospili, nole ageakar karababu naospili: kara Aba kari naospili; E dali uaba detaut uaba Ade;
JOH 8:55 Uaba nole abi umer kak: kaka abim umele; ese kaka detaut, kega, Kaka nole abi umer kak, kaka iako besbes mokakalam uaba; epe kaka abim umele, a abara mer asoli.
JOH 8:56 Uaba aba Aberahama sererge kara gerger dasmer; E emetu dasmer, E ko sererge.
JOH 8:57 Iudaia giz abi detautare, kega, Mara urut nole fifeti, epe nako mama Aberahama dasmer?
JOH 8:58 Iesu uiabim detaut, kega, Ageakar, ageakar, kaka uabi detager, Kakanali, Aberahama aosmer kak.
JOH 8:59 Uiaba baker taisare ko abi itimdare: a Iesu gumik bakeamulu, a teosmelu zogo metalam.
JOH 9:1 Iesu ekas idimirki, E dasmer nerute le sadamer kerker ge osmelu.
JOH 9:2 Abara kaimeg giz abi nautmerare, kega, Rabi, nete adud, E dali, nako abara aba a apu, abelelam E esmelu sadamer?
JOH 9:3 Iesu detaut, kega, E nole adud, a abara aba a apu nolea: epe Ade ra dorge abi tumge etomeret.
JOH 9:4 Meriba dorge ko ikerare abara dorge, kari namarida, gerger ge; ki ko tabarki, nole le umer kak dorge ikeli.
JOH 9:5 Kaka geseb datki, abele kerker kaka geseb ge emri.
JOH 9:6 E emetu detager abele, E mos ekeilu gesepem, a sep mog detagem moselam, abara pone asauem,
JOH 9:7 A abi detager, kega, Bakeam, dirup Siloam keper (tonar abele nei, Namarida). E bakeam, a dirup, iako tabakeam mamoro dasmer.
JOH 9:8 Abara boai, pako gaire le, emeret abi dasmer sadamer, uiaba detager, kega, Nako nole E dali lugem bamos?
JOH 9:9 Uader detager, kega, Eko, E dali: a uader, kega, Nolea, E abi kaise. E detager, kega, Kakanali.
JOH 9:10 Uiaba abi detager, kega, Nako abele tonar mara neisi pone diski?
JOH 9:11 E detaut, kega, Abele le, nei atker Iesu, sep mog detagem, a kara neisi pone asauem, a kari natager, kega, Bakeam Siloamem, a dirup: kaka bakeam, a dirup, epe kaka bakaerti.
JOH 9:12 Uiaba abi detager, kega, E nade? E detaut, kega, Kaka umer kak.
JOH 9:13 Uiaba emeret sadamer le tegardare uiabim Faresaio giz.
JOH 9:14 Abele sabath ge Iesu sep mog detagem, a abara neisi pone diski.
JOH 9:15 Faresaio giz iako abim bautumer, kega, Nako tonar ma bakaerti? E uiabim detaut, kega, E sep mog kara neisi pone asauem, kaka dirup, epe bakaerti.
JOH 9:16 Uader Faresaio giz detager, kega, Abele le nole Adelam, E nole sabath irmili. Uader detaut, kega, Nako, adud le umele ikeli gaire atamelam mokakalam? Uiaba nakesmulu.
JOH 9:17 Uiaba iako sadamer detaut, kega, Nako mara mer abim, abelelam E mara neisi pone diski? E detager, kega, E perofeta.
JOH 9:18 Iudaia giz nole egaret abele tonar emeret E sadamer le, a peirdi bakaerti, uiaba kekiam abara aba a apu dabgeri,
JOH 9:19 A uiaba nautumer, kega, Nako, uaba uerem idali sadamer esmelu? Nalu tonarlam E bakaerti peirdi?
JOH 9:20 Abara aba a apu uiabim detaut, kega, Ki umele keriba uerem peik, a E sadamer esmeda:
JOH 9:21 Epe ki umer kak nalugelam peirdi E bakaerti; a ki umer kak nete de abara neisi pone diski: E aule, abi itmer; E umele tababu detaut.
JOH 9:22 Abara aba a apu abele detaut, abelelam uiaba Iudaia giz geum: Iudaia giz netate mer, kega, Ese nerute le abi abeilu Keriso pedali, uiaba ko abi imuare sunagolam.
JOH 9:23 Abelelam abara aba a apu detager, kega, E aule; abi itmer.
JOH 9:24 Uiaba iako neisi dabgeri abele sadamer le, a abi detager, kega, Ade despili: keriba umele adud le dali.
JOH 9:25 E detaut, kega, Ese E adud le, kaka umer kak: netate lu kaka umele, emeret kaka sadamer, a peirdi kaka bakaerti.
JOH 9:26 Uiaba iako abi detaut, kega, Nalu E ikeli marim? nalugem E mara neisi pone diskilu?
JOH 9:27 E uiabim detaut, kega, Kaka emetu uabi detager, a uaba nole asor kak: epe nako uaba lagelag ko abara memeg le?
JOH 9:28 Uiaba adud mer abim, a detaut, kega, Mama abara memeg le; mamoro keriba Mose ra memeg le.
JOH 9:29 Keriba umele Ade Mose detaut: epe ki umer kak nagelam abele le dali.
JOH 9:30 Abele le uiabim detaut, kega, Dame lu peik, uaba nole umer kak E nagelam, a E emetu kara neisi pone diski.
JOH 9:31 Meriba umele Ade nole adud le asoli: ese nerute le Adim esorerapare, pako abara dorge ikeli, E ko abi asoli.
JOH 9:32 Netede asoli emeret ge nerute le umele diski neisi pone abele le sadamer teosmelu?
JOH 9:33 Ese nole Adelam abele le, E nole umer kak nerute lu ikeli.
JOH 9:34 Uiaba abi detaut, kega, Ma eosmeda uitelam, nako ma keribi okadeskeda? Uiaba abi imuare.
JOH 9:35 Iesu asoli uiaba emetu abi imuare; E abi erdali, a abi detager, kega, Nako, ma Ade ra Uerem oituli?
JOH 9:36 E detaut, kega, Opole, nete dali, ueakai kaka ko abi oituli?
JOH 9:37 Iesu abi detaut, kega, Ma abi umele, a E dali mari mer atagere.
JOH 9:38 E detaut, kega, Opole ae, kaka oituli. E abi esorgiru.
JOH 9:39 Iesu detager, kega, Kaka geseb ge tabarki ko barditug, ueakai bakaerti gaire le asmer kak; epe gaire le dasmer ko sadamer.
JOH 9:40 Uader Faresaio giz abi dog asoli abele, uiaba abi detautare, kega, Nako, keriba ko sadamer?
JOH 9:41 Iesu uiabim detaut, kega, Ese uaba sadamer, uaba nole adud nagri; epe uaba detager, kega, Keriba dasmer: uaba uit mena dali.
JOH 10:1 Ageakar, ageakar, kaka uabi detager, kega, Abele le nole balu mamoe giz gab te ge, a ogi nerute gab ge, E eruam le, a lu gatkamer le.
JOH 10:2 Abele le gab ge balu, E mamoe giz asesered.
JOH 10:3 Gab asesered le ko diski abim; ege gaire mamoe giz aserare abara kodo mer: E darabgerare gaire nei gaire abara mamoe, a uiaba adige tegaret.
JOH 10:4 Ese emetu gaire abara mamoe adige tegaret, E ko kekiam bakeam, a gaire mamoe abi irmili: abelelam uiaba akmer abara kodo mer.
JOH 10:5 Uiaba nole sub le irmili, epe abi derarti: abelelam uiaba akmer kak sub le giz ra kodo mer.
JOH 10:6 Iesu uiabim detaut abele mer babisdarie: epe uiaba nole akmer kak abara mer, E uiabim detaut.
JOH 10:7 Iesu iako uiabim detaut, kega, Ageakar, ageakar, kaka uabi detager, kega, Kaka mamoe giz ra te.
JOH 10:8 Gaire le uridili kekiam tabarki, uiaba gaire eruam le, a gaire lu gatkamer le: a gaire mamoe nole uiabim asoli.
JOH 10:9 Kai te nali; ese nerute le kari dog balu, E ko eded, ako balu, a eosmelu, a ko leuer nagri.
JOH 10:10 Ese eruam le tabarki, E tabarki ko eruam, a ko ipit eumilu, a lu gatkamer: kaka tabarki ueakai uiaba eded nagri, a ko au nagri.
JOH 10:11 Kaka mamoe giz asesered le kar: abele le mamoro mamoe asesered, E abara eded ikuar uiabim mamoe giz.
JOH 10:12 Abele le bodomalam erpei, a nole mamoe giz asesered le, a gaire mamoe nole tabara mamoe, E luko dasmer kei tabakeam, E gaire mamoe darakaertare, a koreder emerilu, epe gaire mamoe eregili luko de, uiaba kepu bamarida:
JOH 10:13 E koreder emerilu, abelelam E bodomalam erpeilu, E nole gaire mamoe dikiapor.
JOH 10:14 Kakanali mamoe giz asesered le kar; kaka umele gaire kara mamoe, a uiaba kari umele.
JOH 10:15 Mokakalam Baba kari nasmeli, abkoreb kaka Baba nasmeli; kaka ko ikuar karbaba eded uiabim gaire mamoe.
JOH 10:16 Kaka nagri uader mamoe, nole abele kalam: kaka ko a uiaba tegaret, a uiaba ko kara kodo mer aserare; iaueakai netate uteb gaire mamoe, a netate asesered le.
JOH 10:17 Ege kara Aba kari omare, abelelam kaka karbara eded ikuar, iako takalu.
JOH 10:18 Nole nerute le itke karielam, kaka karbabu ikuar: kara adigir nagri ko kara eded ikuar, a kara adigir nagri iako takalu. Abele gelar kaka erpei kara Abalam.
JOH 10:19 Gaire Iudaia le nakesmulu abele gaire merlam.
JOH 10:20 Dordor uiabielam detaut, kega, Demoni abi dog, E paim paim; nalugelam uaba abi asoli?
JOH 10:21 Ege uader detager, kega, Nole demoni le la mer peike. Nako, demoni umele diski sadamer le la neisi pone?
JOH 10:22 Abele Ierusalema ge uetpur: dilik bar ge;
JOH 10:23 A Iesu ekas zogo meta, muige Solomona ra maisu ge.
JOH 10:24 Iudaia giz netate gedim abi derumeda, a abi detager, kega, Ma keribi bamsili naket gerger? Ese mama Keriso, paret kak keribim detaut.
JOH 10:25 Iesu uiabim detaut, kega, Kaka emetu uabi detagereda, uaba nole arpeir kak: abele gaire dorge kaka ikeli kara Aba ra nei ge, abele kari ageakarem.
JOH 10:26 Uaba nole arpeir kak, abelelam uaba nole kara mamoe giz.
JOH 10:27 Gaire kara mamoe asoli kara kodo mer, a kaka uiabi umele, a uiaba kari irmili:
JOH 10:28 A Kaka ko uiabim ikuar eded aseamur kak; a uiaba nole eud kak niaiem niai karem, a nole le uiabi natkedarare kara taglam.
JOH 10:29 Kara Aba, aule tumem gaire lu uridili, E uiaba kari nakuar: a nole le umele uiaba natkedarare kara Aba ra taglam.
JOH 10:30 Kaka pako Aba, ki netat.
JOH 10:31 Iudaia giz baker tais ko abi itimdare.
JOH 10:32 Iesu uiabim detager, kega, Dordor gaire debe dorge kaka uabi detomereta karba Abalam; na dorgelam uaba kari bakeru natimeda?
JOH 10:33 Iudaia giz abi detaut, kega, Keriba nole mari bakeru natimeda debe dorgelam, epe aospilam; abelelam mama le, a mabu bakeli Ade.
JOH 10:34 Iesu uiabim detaut, kega, Nole uaba gelar aotar kak, kega, Kaka detaut, Uaba ade giz?
JOH 10:35 Ese E emetu detager, kega, Uiaba gaire ade, uiabim gaire le Ade ra mer tabarki (a nole umer kak ko desak abele zogo mer detar),
JOH 10:36 Nako, uaba detager abi abei abele Aba zogoem a gesepem namarida, kega, Ma baospili; abelelam kaka detager, kega, Kaka Ade ra Uerem?
JOH 10:37 Ese kaka nole ikeli abele gaire kara Aba ra dorge, nole kari agaret kak.
JOH 10:38 Ese kaka ikeli, a uaba nole kari agaret kak, debele gaire dorge egaret: iaueakai uaba umele a egaret kega, Aba karim muige, a kaka muige kara Aba.
JOH 10:39 Uiaba iako deraimer abi terpei: ege E uiabielam ispilu uiaba taglam.
JOH 10:40 E iako bakeamulu Ioridano apek, abele uteb Ioane de kekiam bapataiso; a abele ge E emri.
JOH 10:41 Gaire le abim tabakeauare, a mer atager, kega, Ioane nole ikeli nerute atamelam; epe ageakar gaire mer uridili Ioane de abi abeilu.
JOH 10:42 Gaire le abi oituli pedali.
JOH 11:1 Nerute le gimgim, Lazaro Bethania le, Maria pako Maretha abi narbete ra uteb.
JOH 11:2 Abele Maria Kole basao muro de, a tabara neisi teter itkir mus de, abara berbet gimgim, pe Lazaro.
JOH 11:3 Neisi abara berbet abim namarida, a detager, kega, Kole, ma dasmer E mama abi nasge, E gimgim.
JOH 11:4 Iesu asoli, a detager, kega, Nole niai eud abele gim, epe ko Ade despereda, iaueakai Ade ra Uerem despereda.
JOH 11:5 Iesu Maretha omare, a tabara keimer, a Lazaro.
JOH 11:6 E asoli E gimgim, E iako emri abele uteb neisi gerger.
JOH 11:7 Abele iobaru, E abara kaimeg giz detager, kega, Meriba iako bakeauare Iudaiaem.
JOH 11:8 Ege kaimeg giz abi detager, kega, Rabi, emeret ge Iudaia giz mari deraimer ko bakeru mari natimdare; nako ma iako bakeam abele?
JOH 11:9 Iesu detaut, kega, Nako, nole tuelf gaire haua gerger ge? Ese nerute le gerger ge ekas, E nole teter itur, abelelam E geseb datki dasmer.
JOH 11:10 Ese nerute le kige ekas, E ko teter itur, abelelam datki nole abi dog.
JOH 11:11 Abele gaire lu E detaut: keubu abele, E uiabim detager, kega, Lazaro uteid, meriba boai; kaka bakeam iaueakai kaka abi itiri uteidelam.
JOH 11:12 Abara kaimeg giz abi detaut, kega, Opole, ese E uteid, E iako eded.
JOH 11:13 Iesu abara eud detaut; uiaba dikiapor, kega, E detaut uteid, a nerezi.
JOH 11:14 Abelelam Iesu paret kak detaut uiabim, kega, Lazaro eumida.
JOH 11:15 Uabielam kaka sererge, abelelam kaka nole nali, iaueakai uaba oituli; epe mi nabakeauare abim.
JOH 11:16 Toma, nei atker, Didumo, tabara keme kaimeg giz detaut, kega, Mi ko nabakeauare, abi kemem eumilu.
JOH 11:17 Iesu tabarki, E dasmer foa gerger, E ao ge.
JOH 11:18 Bethania maike Ierusalema, mokakalam fiftin gaire setadia:
JOH 11:19 Dordor Iudaia le tabakeuare Marethaem a Mariaem, ui ko baimilei ui berbetlam.
JOH 11:20 Maretha asoli, kega, Iesu tabarki, E bakeam abim obapit: Maria penoka muige meta.
JOH 11:21 Maretha Iesu detager, kega, Kole, ese ma ge emri, kara berbet nole eud kak.
JOH 11:22 Peirdi kaka umele, gaire lu uridili ma damos Adelam, E ko mari ikuar.
JOH 11:23 Iesu abi detaut, kega, Mara berbet ko eded akaida.
JOH 11:24 Maretha abi detager, kega, Kaka umele E ko eded akaida abele keubu gerger.
JOH 11:25 Iesu abi detaut, kega, Kaka abele eded akaida, pako eded: abele le karim oituli, ese eud, E ko eded:
JOH 11:26 Abele le eded karielam, pako karim oituli, E nole eud kak niaiem niai karem. Nako, ma egaret abele mer?
JOH 11:27 E abi detaut, kega, Eko, Opole: kaka dikiapor mama Keriso, Ade ra Uerem, gesepem tarabu.
JOH 11:28 E emetu abele mer detaut, E bakeamulu, a Maria abara keimer gumik dabgeri, a detager, kega, Opole emetu tabarki, E mari dabgeri.
JOH 11:29 E abele asoli, E sobkak tekue, a abim bakeam.
JOH 11:30 Iesu nole uteb ge tabarki, E no emri abele uteb Maretha abi obapit.
JOH 11:31 Iudaia giz abi dog meta ge, abi baimida, uiaba dasmer Maria sobkak tekue, a adem bakeam, uiaba abi irmili, a detager, kega, E aoem bakeam ko ezoli abele.
JOH 11:32 Maria tabarki Iesu dog, a abi dasmer, E ekesmer abara teter ge, a abi detager, kega, Opole, ese ma ge emri, kara berbet nole eud kak.
JOH 11:33 Iesu abi dasmer ezoli, a Iudaia giz abi kemem bakeam ko ezoli, E kemge nerezi, a okasosok,
JOH 11:34 A detager, kega, Nade uaba abi ikederare? Uiaba detager, kega, Opole, tabakeam a dasmer.
JOH 11:35 Iesu ezoli.
JOH 11:36 Iudaia giz detaut, kega, Dasmer, E abim au omare!
JOH 11:37 Epe uader detaut, kega, Nako, abele le sadamer le la neisi pone diski, E umer kak daisumda a nole eud kak abele le?
JOH 11:38 Iesu iako taba nerkep ge nerezi, a aoem tabarki. Kur peik, baker te ge dimilu.
JOH 11:39 Iesu detager, kega, Baker adem. Maretha, abara berbet eumida, detaut, kega, Opole, E simelag: ege foa abara gerger.
JOH 11:40 Iesu abi detaut, kega, Nako, kaka nole mari natager, ese mama oituli, ma ko dasmer Ade ra adigir?
JOH 11:41 Uiaba baker adem uteblam eud le uteid. Iesu kotorem etilu, a detaut, kega, Baba, kaka marim esoao, abelelam ma kari asoli.
JOH 11:42 Kaka umele mama mena kari asoli: kaka emetu abele detager abelelam gaire le lakub derumeda, iaueakai uiaba ko egaret ma kari namarid.
JOH 11:43 E emetu detaut abele, E elele ereretikri, kega, Lazaro, teosmeda.
JOH 11:44 Epe eud le osmeda, abara teter pako abara tag emetu sopem irpi ualiu, a abara op sopem irpi tauelu. Iesu uiabim detaut, kega, Abi detue, a abi emariklu ko bakeam.
JOH 11:45 Iudaia giz Mariaem tabaruda dasmerare gaire lu Iesu de ikerer, uader abi oituli.
JOH 11:46 Epe uader uiabielam Faresaioim barkare, a uiabi daratagerare gaire lu Iesu de ikeli.
JOH 11:47 Zogo kemle giz, pako Faresaio giz netate gedim ko mer atager, kega, Mi nako? abelelam gaire adigir abele le ikeli.
JOH 11:48 Ese meriba abi dekaerti mokakalam, gaire le uridili abi oituli: epe gaire Roma tabarkare meriba ged, a meriba uteb uaditkamarare.
JOH 11:49 Nerute uiabielam, nei Kaiafa, tarim zogo kemle abele urut ge, uiabim detager, kega, Uaba umer kak nerute lu,
JOH 11:50 A nole akiapor kak, ido lu meribim nerute le ko eumida ab ged ra kes, a ged uridili nole eud kak.
JOH 11:51 E nole noge detaut ege: E tarim zogozogo le abele urut ge, E perofetaem, kega, Iesu ko eumida ab ged ra kes:
JOH 11:52 A nole ab ged ra kes tepteb, epe ko netate gedim gaire Ade ra uerem bamarida, iako netate uteb.
JOH 11:53 Uiaba okaikes, a ditimeda abele gerger ge deraimer ko abi ipit eumida.
JOH 11:54 Abelelam Iesu nole paret kak bakeam Iudaia ge, epe E bakeam abele ged maike soge purge, nei Efaraima; a kemem emri abara kaimeg giz pedali.
JOH 11:55 Iudaia giz ra paseka maike: gaire le bakeauare Ierusalemem ab gedelam ko kekiam tereiem, a keubu paseka.
JOH 11:56 Uiaba Iesu deraimer, a etkemdare zogo meta muige, kega, Nalu uaua dikiapor? Nako, E uetpurem tabakeam?
JOH 11:57 Uiaba gaire tarim zogozogo le, pako gaire Faresaio gelar ekos, kega, Ese nerute le umele abele uteb E emri, abara dorge ko etomeret, ueakai uiaba abi terpei.
JOH 12:1 Sikes gaire gerger epe paseka akerare, Iesu Bethania tabarki, Lazaro dali, abele le eded akaida eudelam Iesu de.
JOH 12:2 Uiaba abele leuer derser abim: Maretha memeg le; Lazaro uiabi kemem leuer ero abi dog.
JOH 12:3 Maria muro netate paun tekalu, lu kar, a Iesu ra neisi teter dedered, a itkir abi mus de: mitkar abele meta muro lag de.
JOH 12:4 Nerute abara kaimeg giz, nei Iuda Isakariota, Simona ra uerem, abele le ko abi keserkeser, E detager, kega,
JOH 12:5 Nalugelam nole terapei abele muro, bodomalam thri handed denari, ko ikuar gaire le lu kak?
JOH 12:6 E nole abele detaut abelelam E gaire le lu kak omare; epe E eruam le, a epei abi dog, E tais gaire lu arot.
JOH 12:7 Iesu detager, kega, Nole abi ekai; E abele ge ikedilu a ko tabarki abele gerger kari natkobei.
JOH 12:8 Gaire le lu kak mena uabi dog; kaka nole niaiem uabi dog.
JOH 12:9 Dordor Iudaia giz umele E abele ge emri: uiaba tabakeuare, nole Iesuelam tepteb, epe uiaba lagelag Lazaro ko dasmer, abele le eded akaida eudelam Iesu de.
JOH 12:10 Gaire tarim zogozogo le mer atager ko Lazaro ipit eumilu;
JOH 12:11 Abelelam gaire Iudaia bakeuare, a Iesu oituli abielam.
JOH 12:12 Iuaokaer, gaire le lakub uetpurem tabakeuare asoli, kega, Iesu ko tabakeam Ierusalemem,
JOH 12:13 Uiaba pama lislis taisare, a bakeuare abi obapit, a ereretikri, kega, Hosana: Isaraela Opole despili, Iehoua nei ge tabakeam.
JOH 12:14 Iesu nerute kebi asina erdalu, E abi tumge egimulu; mokakalam mer detali, kega,
JOH 12:15 Ma nole geum kak Ziona ra neur; dasmer, mara Opole tabakeam, asina ra uerem egimulu.
JOH 12:16 Abara kaimeg giz nole akmer kak abele gaire lu gizlam: epe emetu Iesu despereda, uiaba dikiapor, kega, Emetu detali abele gaire lu abielam, a emetu uiaba ikerare abele gaire lu abim.
JOH 12:17 Gaire le abi dog ageakarem E Lazaro dabgiri aolam, a abi eded akaida eudelam.
JOH 12:18 Abelelam gaire le lakub bakeuare abi obapit uiaba asoli E ikeli abele atamelam.
JOH 12:19 Abelelam Faresaio giz mer atager, kega, Uaba dasmer, uaba umer kak nerute lu; dasmer, geseb ge uridili abi irmili.
JOH 12:20 Uader Helene giz kemem gaire le uetpurem tabakeuare ko esorerapare:
JOH 12:21 Ui Filipoim tabakeuare, Bethesaida Galilaia le, a abi eutumer, kega, Kole, ki lagelag Iesu dasmer.
JOH 12:22 Filipo bakeam a Anedereaim detager: epe Anederea a Filipo tabakeamulei, a Iesuim detaut.
JOH 12:23 Iesu uiabim detaut, kega, Kerker idali, Le la Uerem despili.
JOH 12:24 Ageakar, ageakar, kaka uabi detager, kega, Ese nerute kon kep nole seb ge abi, a uatuet, E tepteb ipe: ese E uatuet, E au turum.
JOH 12:25 Abele le abara eded nasge, abele ko abi: epe abele le abara eded dedkoli geseb ge, E ko eded nagri aseamur kak.
JOH 12:26 Ese nerute le kara memeg le, abara dorge kari narmili; abele uteb kaka emri, kara memeg le la uteb dali: ese nerute le kari memeg le, Baba de abi despili.
JOH 12:27 Peirdi kara nerkep okasosok; nalu kaka ko detaut? Baba kari nakai abele kerkerlam. Epe abelelam kaka tabarki abele kerker ge.
JOH 12:28 Baba, mabara nei despili. Ege kodo mer uatabu kotorlam, kega, Kaka emetu despili, kaka iako despili.
JOH 12:29 Gaire le abele bako asoli, a detaut, kega, Girgir dali: uader detager, kega, Angela abi mer egali.
JOH 12:30 Iesu detaut, kega, Abele kodo mer nole uatabu karim, epe uabim.
JOH 12:31 Peirdi dulam gesepem tabarki: peirdi ko adem imu geseb tarim le.
JOH 12:32 A kaka, ese kari nagaret armem geseblam, kaka ko eguatumur gaire le uridili karim.
JOH 12:33 E abele ge detaut, ko etomeret abele eud ko abim tabarki.
JOH 12:34 Gaire le abi detaut, kega, Keriba asoli gelarlam, kega, Keriso niaiem tekue: nalugelam mama detaut, kega, Ko armem egaret Le la Uerem? Nete Le la Uerem dali?
JOH 12:35 Iesu uiabim detaut, kega, Datki teupei uabi dog. Bakeuare kerker uaba datki nagri uabi dog, kupkupilam uabim tabarki: abele le ki ge degemili, E nole umer kak E na gedim bakeam.
JOH 12:36 Datki egaret kerker datki uabi dog, ueakai uaba datki ra uerem. Iesu abele detaut, E bakeamulu, a uiabielam ispilu.
JOH 12:37 E ikerare gaire adigir uiabi opem, epe uiaba nole abim oatur kak:
JOH 12:38 Ueakai eski abele mer Isaia perofeta de detaut, kega, Opole, nete de egaret keriba merkem? A neteim paret kak Iehoua ra tag?
JOH 12:39 Uiaba umer kak oituli, abelelam Isaia de iako detaut, kega,
JOH 12:40 E uiaba gaire pone darasamare, a uiaba nerkep imirida; ueakai uiaba nole asmer kak gaire pone de, a nole akiapor kak nerkep de, akomelam, a kaka uiabi nadgirare.
JOH 12:41 Abele Isaia de detaut, abelelam E abara zorom dasmer; E abi abeilu.
JOH 12:42 Gaire uiabielam tarim le abi oituli; epe uiaba nole etomeret kak gaire Faresaiolam, uiabi amulam sunagolam:
JOH 12:43 Abelelam lu kar uiabim despili lelam, tumem despili Adelam.
JOH 12:44 Iesu ereretikri, a detaut, kega, Abele le kari oituli, E nole kari oituli tepteb, epe abim kari namarida.
JOH 12:45 Abele le kari nasmili, E abi dasmer kari namarida.
JOH 12:46 Kaka nabue geseb datki, ueakai nole kupkup ge emri gaire le uridili karim oituli.
JOH 12:47 Ese nerute le gaire kara mer asoli, a nole oatur kak, kaka nole abi itmer: abelelam kaka nole gesepem tabarki ko eutumer, epe gesepem ko ededem.
JOH 12:48 Abele le kari natuaki, a nole kara mer egaret, abi dog dulam: abele mer kaka detaut, E dali abi dulam keubu gerger.
JOH 12:49 Kaka nole karbabu detaut; epe Baba de kari namarida, E kari gelar nakuar abele lu kaka ko detager, a detaut.
JOH 12:50 Kaka umele eded aseamur kak abara gelar; abele gaire mer kaka detager, abkoreb Baba de kari nataut, eko kaka detaut.
JOH 13:1 Paseka nole aker kak, Iesu umele abara kerker tabarki ko bakeamulu geseplam tabara Abem, E emetu tabara boai omare gesepem, E uiabi omare, a mop ge tabarki.
JOH 13:2 Kikem leuer ero, diabolo ikedi Iuda Isakariota ra nerkep, Simona ra uerem, ko abi keserkeser,
JOH 13:3 Iesu umele Aba de nakuar abi tagem gaire lu uridili, pako E Adelam, a E Adim iako bakeam,
JOH 13:4 Abelelam emetu leuer ero, E ekueda, a abara am uali adem; E mog uali esolu.
JOH 13:5 E ni epaitere ezerem, a ditimeda ko dedered abara kaimeg giz ra teter, a itkir mog uali de abi asodalam.
JOH 13:6 E Simona Peteruim toabukilu. E Iesuim detaut, kega, Opole, nako, ma kara neisi teter dedered?
JOH 13:7 Iesu abi detaut, kega, Abele lu kaka ikeli, ma umer kak peirdi; mamoro ma niaiem umele.
JOH 13:8 Peteru abi detaut, kega, Ma nole kara neisi teter dedered niai karem. Iesu abi detaut, kega, Ese kaka nole mari dedered, ma nole lu kak nagri kari dog.
JOH 13:9 Simona Peteru abi detaut, kega, Opole, nole kara neisi teter tepteb, epe kara neisi tag, a kara kerem ko.
JOH 13:10 Iesu abi detaut, kega, Abele le emetu dedered, nole lu kar iako abi dedered, epe neisi teter tepteb, ueakai kerkar eseamuda: uaba kerkar, epe nole uaba uridili.
JOH 13:11 E opasereret abele le ko abi keserkeser: abelelam E detaut, kega, Uaba nole kerkar uridili.
JOH 13:12 E emetu uiaba teter dedered, E iako tabara am uali tekalu, a iako emri, a uiabim detaut, kega, Nako, uaba umele abele lu kaka uabim ikeli?
JOH 13:13 Uaba kari nabei, Ereuere le, a Opole, uaba debe detaut, abelelam kakanali.
JOH 13:14 Ese kaka, Opole kar, a Ereuere le kar, a emetu uaba teter dedered, debele uaba uabu dedered uaba teter.
JOH 13:15 Kaka emetu tonar uabi dekuarda, ueakai uaba ikerare abkoreb kaka uabi ikeli.
JOH 13:16 Ageakar, ageakar, kaka uabi detager, kega, Memeg le nole aule tumem abara opole; a nole abele le namarida tumem abele le abi namarida.
JOH 13:17 Ese uaba umele abele gaire lu, debe mop uabim ua se ikerare.
JOH 13:18 Kaka nole uaba uridili detager: kaka umele gaire le kaka dabgered: ueakai bakedida mer detali kega, Abele le kari dog leuer ero, E emetu abara teter kari natiri.
JOH 13:19 Kaka uabi detager, a nole bakedida abele lu, ueakai ese bakedida, uaba ko dikiapor kakanali.
JOH 13:20 Ageakar, ageakar, kaka uabi detager, kega, Abele le egaret le kaka namarida, E kari egaret: abele le kari egaret, E abi egaret, kari namarida.
JOH 13:21 Emetu Iesu abele detaut, abara lamar okasosok, E daratagerare, kega, Ageakar, ageakar, kaka uabi detager, nerute uabielam ko kari keserkeser.
JOH 13:22 Kaimeg giz erkepu baskare, uiaba kok bagagarare, nete de abeida.
JOH 13:23 Nerute abara kaimeg giz, Iesu ra marmot ge uteidilu, Iesu abi nasge.
JOH 13:24 Simona Peteru abim opu batimeda, a abi detager, kega, Keribi detager na le E detaut.
JOH 13:25 E dali, Iesu ra marmot uteidilu, egreemalu a abi detager, kega, Opole, nete?
JOH 13:26 Ege Iesu detaut, kega, Le dali kaka ko mog leuer ikuar, ese emetu akmeilu. E emetu mog leuer akmeilu, E ekalu a Iuda ikuar, Simona Isakariota ra uerem.
JOH 13:27 Abele mog leuer iobaru, Satana abi nerkep balu. Iesu abi detaut, kega, Abele lu ma ko ikeli, elele ikeli.
JOH 13:28 Nole nerute le, uiabielam kemem Iesu leuer ero, umele nalugelam E detaut abele mer abim.
JOH 13:29 Uader dikiapor, abelelam Iuda dog epei, Iesu abi detaut, kega, Ma erapei gaire lu meribi koreb abele uetpur ge: nerute, ko ikuar uader lu uiabim gaire le lu kak.
JOH 13:30 E emetu mog leuer erpeilu, E sobkak eosmelu; a ki ge.
JOH 13:31 E emetu eosmelu, Iesu detaut, kega, Peirdi, Le la Uerem despili, a Ade despili abielam.
JOH 13:32 Ese E Ade despili, Ade ko abi despili, a ko elele abi despili.
JOH 13:33 Omasker, teupei kaka uabi dog. Uaba ko kari naraimili; mokakalam kaka Iudaia giz detaut, mokakalam kaka uabi detaut peirdi, kega, Abele uteb kaka bakeamulu, uaba umer kak ko bakeam.
JOH 13:34 Kaka uabi ikuar kerkar gelar, kega, Uaba dorge ko uabu omare: mokakalam kaka uabi omare, abkoreb uaba omare uabu.
JOH 13:35 Ese uaba uabu omare, gaire le uridili ko umele uaba kara kaimeg giz.
JOH 13:36 Simona Peteru abi detaut, kega, Opole, ma na gedim bakeam? Iesu abi detaut, kega, Peirdi ma umer kak kari narmili; niaiem ma ko kari narmili.
JOH 13:37 Peteru abi detaut, kega, Opole, nalugelam kaka umer kak mari narmili peirdi? Kaka ko ikuar kara eded mara kes.
JOH 13:38 Iesu abi detaut, kega, Eko, ma ko ikuar mara eded kara kes? Ageakar, ageakar, kaka mari natagere, kega, kimiar faul nole ereretikri, ma ko kekiam thri kari nasared.
JOH 14:1 Nole okasosok uaba nerkep: uaba Adim oituli, karim oituli ko.
JOH 14:2 Dordor uteb kara Aba ra meta ge; ese nolea; kaka emetu uabi detagereda; abelelam kai nabakeamulu uteb derser uabim.
JOH 14:3 Ese ka nabakeamulu uteb derser uabim, kaka iako tarabue, uabi taisare karbabim: ueakai uaba kari kemem emri.
JOH 14:4 Uaba umele abele uteb kaka nabakeamulu, uaba gab umele ko.
JOH 14:5 Toma abi detager, kega, Opole, keriba umer kak ma na gedim bakeam; a nalugem keriba gab umele?
JOH 14:6 Iesu abi detaut, kega, Kaka gab, a ageakar, a eded; nole le Abem bakeam, ese nole gab kari dog.
JOH 14:7 Ese uaba kari umele, uaba kara Ab umele ko: peirdi uaba abi umele, a abi dasmer.
JOH 14:8 Filipo abi detaut, kega, Opole, keribi Abet detomereta, a sina.
JOH 14:9 Iesu abi detaut, kega, Nako, kaka emeret uabi dog, mama Filipo nole kari nasmeli? abele le kari nasmer, E kara Aba nasmeli; nako mama detaut, kega, Abet keribi detomereta?
JOH 14:10 Nako, ma nole dikiapor kak, kaka muige Abaim, pako Aba karim muige? Abele gaire lu kaka uabi detager, kaka nole karbabu detager; epe Baba kari muige, E ikeli abele gaire dorge.
JOH 14:11 Kari nagaret, kaka muige Abaim a Aba kari muige: ese nolea, debele egaret dorgelam.
JOH 14:12 Ageakar, ageakar, kaka uabi detager, kega, Abele le karim oituli, gaire dorge kaka ikeli, E ko ikeli: epe E ko au ikeli tumem abele, abelelam kaka nabakeamulu karba Abem.
JOH 14:13 Gaire lu uridili ua damsare kara nei ge, kaka ikeli abele, ueakai Aba despili Uermet.
JOH 14:14 Ese uaba lu damos kara nei ge, kaka ko ikeli.
JOH 14:15 Ese uaba kari lag, uaba ko kara gelar irmili.
JOH 14:16 Kaka ko Babim bali, ueakai E ko uabi ikuar nerute Upiatidar, ko uaba kemem emri niai karem,
JOH 14:17 Abele ageakar Lamar: gesep umer kak abi egaret; abelelam uiaba abi asmer kak, a nole abi akmer kak: epe uaba abi umele; abelelam E uabi dog emri, a E mena dali uabi nerkep ge.
JOH 14:18 Kaka nole uabi dikaer mokakalam ab kak a apu kak uerem giz; kaka ko uabim tabarki.
JOH 14:19 Menaba gesep nole kari asmer kak; epe uaba kari nasmerare: abelelam kaka eded, ua ko eded.
JOH 14:20 Abele gerger uaba ko umele, kega, Kaka muige kara Aba, a uaba muige kari dog, a kaka muige uabi dog.
JOH 14:21 Abele le kara gelar nagri, a abele irmili, E kari lag: abele le kari lag Baba abi lag, a ka ko abi lag a kari natomelu abim.
JOH 14:22 Ege Iuda (nole Isakariota) abi detaut, kega, Opole, nako mabu ko keribi detomertare, a nole gesepem ko?
JOH 14:23 Iesu abi detaut, kega, Ese le kari lag, E mena kara mer erpei: kara Baba ko abi lag, epe ki tabarki abim, a abi kemem emri.
JOH 14:24 Abele le nole kari lag, E nole kara mer erpei: abele mer uaba asoli nole kara mer, epe Baba de kari namarida.
JOH 14:25 Kaka emetu detaut abele gaire mer uabim, kaka mena uabi dog.
JOH 14:26 Abele Upiatidar, Lamar Zogo, Baba de ko namarida kari nei ge, E ko uabi dereuered gaire lu uridili, a ko uabim dikiaporare gaire lu uridili kaka uabi detager.
JOH 14:27 Mapodan kaka uabi dog ikeli; kaka uabi ikuar kara mapodan: kaka nole uabi ikuar mokakalam gesep ikuar. Nole okasosok uaba nerkep, a nole geum.
JOH 14:28 Uaba emetu asoli kaka uabi detager, kega, Kai nabakeamulu, kaka iako tabakeam uabim. Ese uaba kari lag, uaba ko sererge kara mer, kega, Kaka Abem nabakeamulu: abelelam kara Aba aule kari tumge.
JOH 14:29 Peirdi kaka uabi detager, a nole bakedida, iaueakai ese bakedida, uaba ko egaret.
JOH 14:30 Kaka nole iako perepere mer atager uabim, abelelam geseb tarim ko tabarki: a nole nerute abara lu kari dog;
JOH 14:31 Ueakai geseb umele kaka Babe lag, a kaka ikeli mokakalam Baba de kari mer tigri. Tekue, nabakeuare.
JOH 15:1 Kaka uina kar, kara Aba uina paret le.
JOH 15:2 E ko ismi gaire tam kari dog nole turum kak: a gaire tam turum turum E ko paret, ueakai au turum.
JOH 15:3 Uaba peirdi kerkar, kara merlam kaka uabi detager.
JOH 15:4 Uaba bameri kara nerkep ge, a kaka uabi nerkep ge emri. Mokakalam tam nole umer kak tababu turum, ese nole ekpi uina ge; a mokakalam uaba nole umer kak, ese nole kara nerkep ge bameri.
JOH 15:5 Kaka uina, uaua gaire tam: Abele le kara nerkep ge emri, a kaka muige abi nerkep, E dali ko au turum: abelelem uaba umer kak nerute lu ikeli ese kaka muriz ge.
JOH 15:6 Ese nerute le nole kara nerkep ge emri, debele abi adem ismi mokakalam tam, ueakai uatuet: gaire le etkemet, a urem dikri, a urem.
JOH 15:7 Ese uaba kara nerkep ge bameri, a kara mer uabi nerkep ge tarageri, ua ko damsare gaire lu uaba lagelag, ueakai ikeli uabim.
JOH 15:8 Babim despereda, ese uaba au turum turum; iauaekai uaba kara kaimeg giz.
JOH 15:9 Mokakalam Aba kari omare, abkoreb kaka uabi omare: kara omare ge niaiem tekue.
JOH 15:10 Ese uaba kara gelar irmili, uaba ko niaiem tekue kara omare ge: mokakalam kaka Baba ra gelar irmili, epe kaka niaiem tekue abi omare ge.
JOH 15:11 Kaka emetu uabim detaut abele gaire mer, ueakai kara sererge niaiem tekue uabi nerkep ge, ueakai uaba sererge kemerkemer.
JOH 15:12 Kara gelar peik, kega, Uaba ko omare uabu, mokakalam kaka uabi omare.
JOH 15:13 Ese nerute le abara eded ikuar taba boai bodomalam, nole nerute le la omare aule tumem ike.
JOH 15:14 Ese uaba ikeli gaire lu kaka uabi mer tigri, uaba kara boai.
JOH 15:15 Kaka nole iako uabi detager uaba memeg le giz; abelelam memeg le umer kak abele lu abara opole ikeli: kaka detaut uaba kara boai; abelelem gaire lu uridili kaka asoli kara Abalam, kaka uabi detomeret.
JOH 15:16 Uaba nole kari natarare, epe kaka uabi ditararda, a uabi depegereda, ueakai ua bakuare turum turum, a uaba turum niaiem tekue: ueakai Baba de ua dekuarare gaire lu uridili ua abi damsare kari neilam.
JOH 15:17 Kaka abele uabi mer tigri, iauaekai ua ko uabu omare.
JOH 15:18 Ege geseb ge uabi derar, uaba umele emetu kekiam kari derar, uaba keubu.
JOH 15:19 Ese uaba geseplam, geseb ko lagelag abara boai: abelelam uaba nole geseplam, epe kaka uabi depegerare geseplam, abelelam geseb uabi derar.
JOH 15:20 Dikiaporare kara mer kaka uabi detager, kega, Memeg le nole aule tumem abara opole. Ese uiaba emetu kari natkoli, uiaba ko uabi dedkoeda; ese uiaba emetu kara mer erpei, uiaba ko uaba mer erpei.
JOH 15:21 Abele gaire lu uridili uiaba uabim ikeli kara neilam, abelelam uiaba nole abi umer kak kari namarida.
JOH 15:22 Ese kaka nole tarabu ko uiabi daratagerare, uiaba nole uit kak: peirdi nole nerute lu ko uiaba uit batkamda.
JOH 15:23 Abele le kari naorar, E kara Abet naorarti.
JOH 15:24 Ese kaka nole ikeli gaire lu uiaba opem, nole nerute le ikeli, uiaba nole uit kak: peirdi uiaba kari nasmer, a kari naorti, pako kara Aba ko.
JOH 15:25 Iaueakai bakedida abele mer detali uiaba gelar ge, kega, Uiaba no kari naorarti.
JOH 15:26 Ese Upiatidar tabarki, kaka ko uabim emarida Abalam, pe ageakar Lamar, uatabu Abalam, E ko karim ageakar.
JOH 15:27 Uaba ko karim ageakar, abelelam uaba kari dog emri gizlam.
JOH 16:1 Kaka emetu uabi detager abele gaire lu, ueakai uaba nole mar bamarida.
JOH 16:2 Uiaba ko uabi dituaki sunagolam: kerker ko tabarki abele le uabi ipitare, E ko dikiapor E Ade ra dorge ikeli.
JOH 16:3 Uiaba ko ikeli abele gaire lu, abelelam uiaba nole umer kak Aba, a kaka.
JOH 16:4 Kaka uabi detagereda abele gaire lu, ueakai kerker tabarki, uaba ko dikiaporauem kaka emetu uabi detaut. Kaka nole uabi detager abele gaire lu gizlam, abelelam kaka uabi dog emri.
JOH 16:5 Peirdi kai nabakeamulu abim kari namarida: nole nerute le uabielam kari eutumer, kega, Mai na gedim bakeam?
JOH 16:6 Uaba nerkep au okasosok, abelelam kaka uabi detager abele gaire mer.
JOH 16:7 Ege kaka uabi detager ageakar, kega, Debele uabim kaka bakeam: abelelam ese kaka nole bakeam, Upiatidar nole tabarki uabim: ese kaka bakeam, kaka ko abi emarida uabim.
JOH 16:8 E emetu tabarki, E ko geseb ge akmerem tonar uit, a barkak, a mer barditug:
JOH 16:9 Uitelam, abelelam uiaba nole karim oituli:
JOH 16:10 Barkaklam, abelelam kaka Babaim bakeam, uaba nole iako kari asmer kak:
JOH 16:11 Mer bardituglam, abelelam emetu barditug geseb kole.
JOH 16:12 Kara no nagri dordor lu ko uabi detager, epe peirdi uaba nole umer kak egaret.
JOH 16:13 Mamoro E tabarki, pe ageakar Lamar, E ko uabi eguatumur ageakar uridili: abelelam E nole tababu detaut: mamoro E ko detager abele gaire lu E asoli: uabi detomeret gaire lu ko tabarki.
JOH 16:14 E ko kari naospili: abelelam E ko tais karielam, a uabi detomertare.
JOH 16:15 Abele gaire lu Babi dog kara lu; abelelam kaka detaut, kega, E ko karielam tais, a uabi detomertare.
JOH 16:16 Menaba, uaba nole kari asmer kak: iako menaba, uaba ko kari nasmer, abelelam kai Abem nabakeamulu.
JOH 16:17 Uader abara kaimeg giz tababu mer atager, kega, Nalu E meribim detaut, kega, Menaba, uaba nole kari nasmer; iako menaba, uaba ko kari nasmer abelelem kai Abem nabakeamulu?
JOH 16:18 Uiaba detager, kega, Nalu E detaut, kega, Menaba? Meriba nole akmer kak abele mer E detaut.
JOH 16:19 Iesu umele uiaba laglag abim bautumer, E uiabim detaut, kega, Nako uaba uabu deraimerare kara merlam detaut, kega, Menaba, uaba nole kari nasmer, iako menaba, uaba ko kari nasmer?
JOH 16:20 Ageakar, ageakar, kaka uabi detagereda, kega, Ua ko ebazoli, a okabatagereda, a geseb ko sererge: uaba ko okasosok, abele uaba okasosok ko depegili ko sererge.
JOH 16:21 Kosker maike esmelu E beber nerkep, abelelam abara kerker tabarki; emetu uerem esmelu, E nole iako dikiapor abele asiasi, abelelam E sererge nerute le geseb ge esmelu.
JOH 16:22 Peirdi, uaba nagri okasosok: kai iako uabi dasmer, ege uaba nerkep sererge, nole nerute le uabi sererge itker.
JOH 16:23 Abele gerger dali uaba nole nerute lu damos karielam. Ageakar, ageakar, kaka uabi detager, kega, Abele gaire lu uaba damos Babalam muige kara nei ge, E ko uabi dekuarare.
JOH 16:24 Emeret a peirdi, uaba nole damos nerute lu muige kara nei ge: debele damsare, a uaba ko egaret, ueakai uaba sererge mitkar.
JOH 16:25 Kaka emetu uabi detager abele gaire lu mer babisdarie: kerker ia uatabaruk, kaka nole uabi detager mer babisdarie, epe kaka ko uabim paret kak detaut Abem.
JOH 16:26 Abele gerger, uaba ko damos kara neilam: kaka nole uabi detager, kega, Kaka Abem damos uabim.
JOH 16:27 Aba uabi omare, abelelam uaba kari lag, a egaret, kega, Kaka Babalam.
JOH 16:28 Kaka nabue Babalam, a gesepem tabarki: kaka iako geseb dekaelu, a Abem bakeam.
JOH 16:29 Abara kaimeg giz abi detager, kega, Dasmer, peirdi, mama paret kak detaut, a nole mer babisdarie detaut.
JOH 16:30 Peirdi, keriba umele mama opasereret gaire lu uridili, nole lu kar marim nerute le ko marim eutumer: abelelam keriba dikiapor mama tarabu Adelam.
JOH 16:31 Iesu uiabi detaut, kega, Nako, peirdi, uaba dikiapor?
JOH 16:32 Dasmer, kerker ko tabarki, ia ike, uaba ko kepu bamarida boaiem, a kaka tepteb: nolea kaka tepteb, abelelam Aba kari dog.
JOH 16:33 Kaka uabi detager abele gaire lu, ueakai uaba mapodan nagri karielam. Uaba asiasi nagri geseb ge: ua ko saserim, kaka emetu geseb degmori.
JOH 17:1 Iesu abele gaire mer detaut; a E kotor dimirualu, a detaut, kega, Baba, kerker tabarki; mara Uerem despili, ueakai Uermet mari naospili.
JOH 17:2 Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.
JOH 17:3 Abele eded aseamur kak, kega, Uiaba ko mari nasmereda Ade kar netat, a Iesu Keriso mama namarida.
JOH 17:4 Kaka emetu mari naospili geseb ge, kaka emetu eseamuda abele dorge ma kari nakuar ko akere.
JOH 17:5 Baba, peirdi, kari naospili mara kemem zorom ge meribielam emeret ge, nole geseb kak.
JOH 17:6 Kaka emetu mara nei etomeret uiabim gaire le mama kari nakuar geseplam: uiaba mara le, mama uiaba kari nakuar: uiaba emetu mara mer irmili.
JOH 17:7 Peirdi, uiaba umele marielam gaire lu uridili ma kari nakuar:
JOH 17:8 Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.
JOH 17:9 Kaka uiabielam esorerapare: kaka nole esorerapare uiabielam gesepem, epe uiaba mama kari nakuar, abelelam uiaba mara le:
JOH 17:10 A gaire kara lu uridili mara lu, a gaire mara lu kara lu; kaka aule uiabielam.
JOH 17:11 Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.
JOH 17:12 Kaka mena uiabi dog geseb ge, kaka uiabi nasesered mara nei ge: kaka uiabi nasesered mama kari nakuar, nole nerute abi kak, eud uerem tepteb abi; ueakai bakedida abele zogo mer emetu detali.
JOH 17:13 Peirdi, kai marim nabakeamulu: kaka detaut abele mer abele geseb ge, ueakai kara sererge bakedida uiaba nerkep.
JOH 17:14 Kaka emetu mara mer uiabim nakuarare; a geseb uiabi derarti, abelelam uiaba nole geseplam, mokakalam kaka nole geseplam.
JOH 17:15 Kaka nole mari namos ko uiabi egaret geseplam, epe mamoro mama uiabi nasesered adudelam.
JOH 17:16 Uiaba nole geseb le, kara kaiser nole gesep le.
JOH 17:17 Uiabim barkakem ikeli mara ageakar de; ageakar mara mer.
JOH 17:18 Mokakalam mama kari gesepem namarida, mokakalam kaka uiabi gesepem namarida.
JOH 17:19 Kaka karababu ikuar uiabim, ueakai, uiaba barkakem ikeli ageakar de.
JOH 17:20 Kaka nole esorerapare uiabim tepteb, epe uiabim ko kari oituli uiaba merlam:
JOH 17:21 Ueakai ui uridili netat; mara kaiser Baba muige kara nerkep, a kaka muige mara nerkep ge, ueakai uiaba netat meribi koreb: ueakai geseb ko oituli ma kari namarida.
JOH 17:22 Abele zoromzorom ma kari nakuar, kaka emetu uiabi nakuarare, ueakai uiaba netat, meribi koreb netat:
JOH 17:23 Kaka muige uiabi nerkep ge, a mama muige kara nerkep ge, ueakai uiaba netat: ueakai gesep umele mama kari namarida, a uiabi omare, abkoreb mama kari omare.
JOH 17:24 Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.
JOH 17:25 Geseb ge nole mari opasereret kak, Aba barkak: epe kaka mari opasereret, a uiaba umele mama kari namarida.
JOH 17:26 Kaka emetu mara nei uiabim etomeret; kaka iako etomeret; ueakai omare nagri uiaba nerkep, abkoreb mama kari omare, a kaka muige uiaba nerkep ge.
JOH 18:1 Iesu emetu detaut abele gaire mer, E pako abara kaimeg giz bakeuare dodo datuparare, nei Kederon, E pako abara kaimeg giz abele gedubem tabarki.
JOH 18:2 Iuda, abi keserkeser, umele abele uteb: abelelam Iesu gaire bakeam abele uteb, kemem abara kaimeg giz.
JOH 18:3 Iuda taraisare gaire ares le, a gaire tarim le, uiabielam gaire zogo le, a gaire Faresaio, a kei tabarkare gaire lamepa kem, a gaire be kem, a gaire ares lu.
JOH 18:4 Iesu umele gaire lu ko abim tabarki, E maiem bakeamulu, a uiabim detager, kega, Netede uaba deraimerare?
JOH 18:5 Uiaba abi detaut, kega, Iesu Nazaret le. Iesu uiabim detaut, kega, Kai nali. Iuda, abi keserkeser, uiabi kemem bako.
JOH 18:6 Emetu Iesu detager, kega, Kai nali, uiaba bazik bakeuare, a seb ge bakesmer.
JOH 18:7 E iako uiabim eutumer, kega, Netede uaba deraimerare? Uiaba detaut, kega, Iesu Nazaret le.
JOH 18:8 Iesu detaut, kega, Kaka emetu uabi detagereda, kega, Kai nali: ese uaba kari naraimeli, uiabi namarkare, ko bakeuare:
JOH 18:9 Ueakai bakedida abara mer, kega, Nole nerute le abi uiabielam mama kari nakuar.
JOH 18:10 Simona Peteru nagri tebur ausos tulik, E iselu, a etaueriklu tarim zogozogo le ra memeg le, a abara tuter laip dikiam. Nei abele memeg Maliko.
JOH 18:11 Iesu Peteru detager, kega, Mabara tebur ausos tulik iako sorge dasiri: nako, kaka nole are kak abele tanelu Baba de kari nakuar?
JOH 18:12 Kole ra ares le giz, a Iudaia tarim le, Iesu terpeirare, a abi didbarare.
JOH 18:13 Kekiam uiaba abi tegaret Anaem; abelelam E Kaiafa ra naiuet, tarim zogo le abele urut ge.
JOH 18:14 Abele Kaiafa Iudaia giz daratagerare, kega, Debele netate le ko eumilu ab ged ra kes.
JOH 18:15 Simona Peteru, a nerute kaimeg giz abi irmilei: tarim zogozogo le opasereret abele nerute kaimeg giz, E Iesu dog balu tarim zogo le ra meta ge;
JOH 18:16 Peteru meta te ge tekueilu. Abele nerute kaimeg giz tarim zogo le opasereret, iako teosmelu, a neur te asesered detaut, a Peteru muige tegaredilu.
JOH 18:17 Neur te asesered Peteruim detager, kega, Nako, ma nole nerute abara kaimeg giz? E detaut, kega, Kaka nole.
JOH 18:18 Gaire memeg le a gaire kole bako, a ur etoamerdare zirulam; a uiaba gebaugare: Peteru ui kemem, bako gebaugare.
JOH 18:19 Tarim zogo le Iesu eutumer uiabielam abara kaimeg giz, pako ereuer tonar.
JOH 18:20 Iesu abi detaut, kega, Kaka paret kak gesepem detaut; kaka sunago ge ereuerem, a zogo meta ge, Iudaia giz netate uteb ge; kaka nole nerute lu mude ge detaut.
JOH 18:21 Nalugem ma kari nautumer? uiabi nautumerare, gaire le kara mer aserare, kaka uiabi detagereda: dasmer, uiaba umele gaire mer kaka detaut.
JOH 18:22 E emetu abele ge detaut, nerute tarim le abele tekueilu Iesu tagu detapi, a detager kega, Nako, ma detaut mokakalam zogo kemleem?
JOH 18:23 Iesu abi detaut, kega, Ese kaka adud mer detaut, detomerti nalu adud: ese debe mer, nalugelam ma kari napit?
JOH 18:24 Ana abi didbari a emarida Kaiafaem, zogo tarim le.
JOH 18:25 Simona Peteru ekueilu ge bauger. Uiaba abi detager, kega, Nako, ma nole nerute abara kaimeg giz? E asared, a detaut, kega, Kaka nole.
JOH 18:26 Nerute zogo tarim le la memeg le, boai abele le Peteru abara laip dismilu, detaut, kega, Nako, kaka nole mari nasmer abi dog gedub ge?
JOH 18:27 Peteru iako asared: epe sobkak kimiar faul ereretikri.
JOH 18:28 Uiaba Iesu Kaiafaelam tagaret kot metaem, abele banege. Uiaba nole barot abele kot meta, ueakai uiaba nole uit kak, ko paseka eroli.
JOH 18:29 Pilato uiabim eosmeda, a detager, kega, Nako uaba mer ko aisare le idali?
JOH 18:30 Uiaba abi detaut, kega, Ese E nole adud ikeli, keriba nole abi emarik marim.
JOH 18:31 Pilato uiabim detaut, kega, Uaba abi egardare, a abi eutumer abkoreb uaba gelar. Iudaia giz abi detaut, kega, Nole keribim abkoreb ko le ipit eumida:
JOH 18:32 Ueakai Iesu ra mer bakedida, E emetu detager, a natomertare tonar eud E ko eumilu.
JOH 18:33 Pilato iako balu kot metaem, a Iesu dabgeri, a abi detager, kega, Nako, ma Iudaia giz ra Opole?
JOH 18:34 Iesu detaut, kega, Nako, mabu detager abele, ege nerute le mari natageri?
JOH 18:35 Pilato detaut, kega, Nako, kaka Iudaia le? Mara ged, a zogo tarim le giz mari namarida karim: nalu ma ikeli?
JOH 18:36 Iesu detaut, kega, Kara baselaia nole geseplam: ese kara baselaia geseplam, gaire kara kaimeg giz ko bares, ueakai nole kari emarik gaire Iudaiaem: peirdi, kara baselaia nole abele ge lam.
JOH 18:37 Pilato abi detager, kega, Nako, ma opole? Iesu detaut, kega, Ma detager kaka opole. Abelelam kaka naosmeda, abelelam kaka gesepem tarabu, ueakai kaka ko ageakar ageakarem. Gaire le uridili ageakalam kara kodo mer asoli.
JOH 18:38 Pilato de abi detaut, kega, Nalu ageakar? Emetu abele detager, E iako osmeda uiabim gaire Iudaia le, a uiabim detager, kega, Kaka nole uit ardar kak abi dog.
JOH 18:39 Epe uaba tonar ka ko uabim amariklu nerute le paseka kerker ge: nako, uaba lagelag ka ko uabim emarida Iudaia giz Opole?
JOH 18:40 Uiaba iako au ereretikri, a detager, kega, Nole E dali, debele Barabasa. Ege Barabasa nerute eruam le.
JOH 19:1 Pilato Iesu tegaret, a abi damrik.
JOH 19:2 Gaire ares le zegerzeger aper euerare, a abi kerem ge ameare, a abi dameare mam mam am uali;
JOH 19:3 A abim tabarki, a detaut, kega, Uaiai, Iudaia giz Opole! Uiaba abi detapiare.
JOH 19:4 Pilato iako teosmelu, a uiabi detager, kega, Dasmer, kaka abi tegaret uabim, ueakai uaba dasmer kaka nole nerute uit ardar kak abi dog.
JOH 19:5 Iesu teosmeda, zegerzeger aper dameare, a mam mam am uali dameare. Pilato uiabi detager, kega, Le das!
JOH 19:6 Gaire zogo tarim le, a gaire asesered le abi dasmer, uiaba elele ereretikri, kega, Satauroem, satauroem. Pilato uiabim detaut, kega, Ua abi egardare, a satauroem: abelelam kaka nole nerute uit ardar kak abi dog.
JOH 19:7 Gaire Iudaia le abi detaut, kega, Keriba gelar nagri, abkoreb abele gelar E ko eumida, abelelam tababu akailu Ade ra Uerem.
JOH 19:8 Pilato abele mer asoli, E au geum;
JOH 19:9 E iako kot meta balu, a Iesuim eutumer, kega, Ma na gedelam? Iesu nole abim etkalu.
JOH 19:10 Pilato abi detager, kega, Nako, ma nole karim natkarti? ma nole umele kara nagri adigir ko mari satauroem, a kara nagri adigir ko mari emariklu?
JOH 19:11 Iesu detaut, kega, Ese nole mari nakuar kotorlam, Ma nole adigir nagri kari tumge: abelelam au uit abele le kari nakuar marim.
JOH 19:12 Abele ge lam Pilato deraimer ko abi emariklu: Iudaia giz elele ereretikri, kega, Ese ma abele le emarida, ma nole Kaisara ra boai: abele le tababu akailu opole, E Kaisara ra keubu le.
JOH 19:13 Pilato abele mer asoli, E Iesu adige tegaret, a kot bau ge emerilu, nei atker, Baker esegemelu, a Heberu kodo mer, Gabatha.
JOH 19:14 Kerker ge Paseka derser: mokakalam eipu gerger. E Iudaia giz detager, kega, Dasmer, uaba Opole!
JOH 19:15 Uiaba elele ereretikri, kega, Egardare, egardare, abi satauroem. Pilato uiabi detager, kega, Nako, kaka uaba Opole satauroem? Gaire zogo tarim le etkalu, kega, Keriba nole opole kak, Kaisara tepteb.
JOH 19:16 E abi emarik uiabim, ko satauroem.
JOH 19:17 Uiaba Iesu egardare: E osmeda tabara satauro tababu kodorom, a utebem bakeam, nei atker, Kerem lid ra uteb, Heberu nei, Gologotha:
JOH 19:18 Abele uteb ge, uiaba abi satauroem, neisi le abi kemem, nerute apek, a nerute apek, a Iesu eipu.
JOH 19:19 Pilato atamelam jauali detali, a tumem satauro dikmerik. Abele detali kega, IESU NAZARETA LE, IUDAIA LE GIZ RA OPOLE.
JOH 19:20 Dordor Iudaia giz abele jauali detagerare: abelelam maike au uteb abele uteb uiaba Iesu satauroem: emetu detali Heberu, a Helene, a Roma ra kodo mer.
JOH 19:21 Iudaia zogo tarim le Pilatoim detaut, kega, Nole autar kak, Iudaia giz Opole; epe tababu detager, kega, Kaka Iudaia giz Opole.
JOH 19:22 Pilato detaut, kega, Abele kaka detali, kaka detali.
JOH 19:23 Gaire ares le emetu Iesu satauroem, uiaba abara am uali ekadarare, a foa derapeir, abkoreb uiaba ares le; am uali kot ko: abele am uali kot nole adket kak, kemer kemer euer.
JOH 19:24 Uiaba mer atagere, kega, Meriba nole aspas kak, a debele lugulug deraimer niti ra lu: ueakai jauali bakedida, kega, Uiaba kara am uali derapeiare, a kara am uali kot lugulug ikeli. Abele gaire lu ares le giz ikeli.
JOH 19:25 Iesu ra satauro dege abara apu ekueilu, pako abara apu ra keimer, Maria, Kelopa ra kosker, a Maria Magadalena.
JOH 19:26 Iesu abara apu dasmer, pako abele kaimeg E nasge, maike tekueilu, E abara apu detager, kega, Kosker, dasmer mara uerem!
JOH 19:27 E ko detager abele kaimeg, Dasmer mara apu! Abele kaimeg abi tegaredelu abara uteb abele haua ge.
JOH 19:28 Abele iobaru, Iesu umele, kega, Gaire lu uridili eseemuda. Ueakai jauali bakedida, E detager, kega, Kaka ni ap.
JOH 19:29 Abele ge nerute tanelu, mitkar uinega: uiaba sab akmei uinega de, a hisop paikai ge dikmeriklu, a abara te ge agisilu.
JOH 19:30 Emetu Iesu uinega erpeilu, E detager, kega, Eseemuda: E abara kerem esorgiru, a lamar emariklu.
JOH 19:31 Iudaia giz Pilatoim bareda ko uiaba teter erapei, a uiaba egardare, ueakai uiaba gem nole emerered sabath ge, (abelelam gerger derser, au gerger abele sabath.)
JOH 19:32 Uiaba gaire ares le tabakeuare, a kekiam le ra teter erapei, a nerute abi kemem satauro:
JOH 19:33 Epe uiaba Iesuim tabarki, a dasmer E eumida, uiaba nole abara teter arapeir kak:
JOH 19:34 Epe nerute uiaba gaire ares le abi ber ge dabu ekos, a sobkak mam a ni babuser.
JOH 19:35 Le ardali ageakarem, abara mer ageakar: E umele, ageakar E detaut, ueakai uaba oituli.
JOH 19:36 Emetu ikeli abele gaire lu, ueakai bakedida abele mer detali, kega, Nole arapeir kak nerute abara lid.
JOH 19:37 Nerute mer emetu detali, kega, Uiaba ko abi dasmer uiaba dab akoselam.
JOH 19:38 Abele iobaru, Iosefa Arimathea le, nerute Iesu ra kaimeg, E gumik abelelam E Iudaia giz geum, a Pilatoi damos ko Iesu ra gem tegaret: ege Pilato emarik. E tabakeam, a Iesu ra gem egaret.
JOH 19:39 Nikodemo ko tabakeam, abele le ki ge Iesuim bakeam, E muro tais a alo atapetem, mokakalam uan handed paun beber.
JOH 19:40 Uiaba Iesu ra gem egardare a uali lino de sopem, kemem gaire debe lagelag lu, mokakalam Iudaia giz ra tonar etkobei.
JOH 19:41 Abele gedub ge, uteb uiaba Iesu satauroem, nagri kerkar ao, nole eud le akedir kak.
JOH 19:42 Uiaba Iesu abele ge ikedilu, abelelam gerger ge derser uiaba Iudaia le, (epe ao maike.)
JOH 20:1 Kekiam gerger sefen, Maria Magadalena tabakeam, bane ge, aoem, a baker dasmer, emetu adem aolam.
JOH 20:2 E koreder emerilu, a Simona Peteruim tabarki, pako nerute memeg le Iesu nasge, a uiabi daratager, kega, Uiaba emetu Opole egaret aolam, keriba umer kak nade uiaba abi ikedi.
JOH 20:3 Peteru, pako abele nerute kaimeg osmelei, a bakeamulei aoem.
JOH 20:4 Ui koreder emerilei: nerute kaimeg Peteru esaimeda, a ao ge kekiam tabarki;
JOH 20:5 E diketilu, a uali dasmer ipe; E nole bao.
JOH 20:6 Simona Peteru ko tabarki, abi irmili, a ao ge balu; a uali lino dasmer ipe,
JOH 20:7 Pako mog uali abara kerem sopem, nole netate ipe kemem uali lino, tepteb ipe nerute uteb nole atarat kak.
JOH 20:8 Nerute kaimeg balu ko, abele le kekiam aoem tabarki, E ko dasmer, a oituli.
JOH 20:9 Uiaba nole akmer kak abele mer detali, kega, Abkoreb abim iako eded akaida eudelam.
JOH 20:10 Neisi kaimeg iako tabara uteb bakeamudariei.
JOH 20:11 Maria tekue adige ao ge ezoli: E tegreamalu a ezoli, a dasmer muige abele ao ge;
JOH 20:12 E neisi angela darasmer, zazer uali darame eder emrilei, nerute kerem ge, a nerute teter ge, abele uteb Iesu ra gem ikedilu.
JOH 20:13 Uiaba abi detager, kega, Kosker, nalugem mama ezoli? E uiabim detaut, kega, Abelelam uiaba kara Opole egareda, kaka umer kak abele uteb uiaba abi ikedarare.
JOH 20:14 Emetu abele detager, E egreamalu, a Iesu dasmer tekue, E nole umer kak Iesu pedali.
JOH 20:15 Iesu abi detaut, kega, Kosker, nalugem ma ezoli? ma niti deraimeri? E dikiapor E gedub paret arup le, E abi detaut, kega, Kole, ese mama abi egaret, kari natager abele uteb mama abi ikedi, ueakai kaka ko abi agaretelu.
JOH 20:16 Iesu abi detager, kega, Maria. E tegreamalu a abi detager, kega, Raboni: tonar, Ereue le.
JOH 20:17 Iesu abi detaut, kega, Nole kari atutir kak; abelelam kaka nole karba Babim ogi: bakeamulu uiabim kara keimer giz, a uiabi daratagerare, kega, Kaka Abem pako uaba Aba ogi, kara Ade a uaba Ade.
JOH 20:18 Maria Magadalena kei bakeamulu, a kaimeg giz daratagerare, kega, Kaka emetu Opole dasmer; pako tonar E emetu detager abele abim.
JOH 20:19 Ki ge abele gerger, kekiam gaire sefen, emetu demare gaire te abele uteb uiaba netate gedim, abelelam uiaba Iudaia le geum ge, Iesu tabakeamulu a eipu ekueilu, a uiabi detager, kega, Mapodan uabim.
JOH 20:20 Emetu abele detager, E abara neisi tag a abara ber uiabi natomelu. Abara kaimeg giz sererge Opole dasmer.
JOH 20:21 Iesu iako uiabi detager, kega, Mapodon uabim: kaka uabi namarida mokakalam Baba kare namarida.
JOH 20:22 E emetu abele detager, E uiabim nerezi, a detager, kega, Lamar Zogo egaret:
JOH 20:23 Abele gaire le la uit uaba ko emarik, abele ko uiabim emarik: abele uaba dekaer, abele ko dekaer.
JOH 20:24 Toma, nerute tuelf lelam, nei atker Didumo, nole uiabi dog kerker Iesu tabarki.
JOH 20:25 Kaimeg giz abi detager, kega, Keriba emetu Opole dasmer. E uiabim detaut, kega, Ese kaka nole dasmer sok tulik ziz abara neisi tag, a kara baur kei sok tulik ziz ge aziriklu, a kara tag abara ber ge aziriklu, kaka nole uatur kak.
JOH 20:26 Gaire gerger eit iobaru, abara kaimeg giz muige meta, a Toma uiabim kemem. Gaire te emetu demare, Iesu batimedilu, a uiabim eipu ekueilu, a detager, kega, Mapodan uabim.
JOH 20:27 E Toma detager, kega, Mabara baur kei tekau, a dasmer kara neisi tag; a mabara tag tekau, a kara ber ge aziriklu: ma nole uatur kak, debele oituli.
JOH 20:28 Toma abi detaut, kega, Kara Opole, a kara Ade.
JOH 20:29 Iesu abi detaut, kega, Toma ma oituli abelelam ma kari dasmer: uiaba uerkab le gaire le oituli, a nole asmer kak.
JOH 20:30 Dordor atamelam Iesu ikelare opem abara kaimeg giz, a nole detali abele jauali ge:
JOH 20:31 Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.
JOH 21:1 Abele lu iobaru, Iesu iako tababu natomertare uiabim kaimeg giz, Tiberia keper ge; abele tonar tabara natomertare.
JOH 21:2 Netate gedim Simona Peteru, a Toma, nei atker Didumo, a Nathaniela, Kana Galilaia le, a neisi Zebedaio ra uerem, a neisi abara kaimeg giz.
JOH 21:3 Simona Peteru uiabi detager, kega, Kai nabakeamulu net asaperem. Uiaba abi detaut, kega, Ki ko nabakeuare mari kemem. Uiaba bakeuare, a nar ge ekauererti; abele ki ge, uiaba nole lar kak.
JOH 21:4 Ege idim ge, Iesu tauer ge tekueilu: kaimeg giz nole umer kak Iesu dali.
JOH 21:5 Iesu uiabi detager, Kega, Omasker, nako, uaba leuer nagri? Uiaba abi detaut, kega, Nolea.
JOH 21:6 E uiabim detager, kega, Net dikri nar tuter peik, a uaba ko dasmer. Uiaba dikri, epe uiaba umer kak net eguatumur, abelelam lar dordor.
JOH 21:7 Abele kaimeg Iesu nasge Peteru detager, kega, Opole pedali. Simona Peteru asoli, kega, Opole pedali, E tabara uali kot ame (abelelam E no gem), E gurim eupamalu.
JOH 21:8 Kaier kaimeg giz tabakeuare kebi nar tumge (abelelam uiaba nole muriz geseplam, mokakalam fifte eit fathom), net eguatumur gaire lar kem.
JOH 21:9 Uiaba gesepem tabarki, uiaba ur dasmer, a lar tumge, pako leuer.
JOH 21:10 Iesu uiabi detager, kega, Uader lar kei tais uaba asaperem peirdi.
JOH 21:11 Simona Peteru ekauerelu, a net gesepem eguatumulu, mitkar au larlam, uan handed a fifte thri: a net nole atoat kak au larlam.
JOH 21:12 Iesu uiabi detager, kega, Tabakeuare, leuer aroare. Nole nerute uiabielam kaimeg giz saserimem abim eutumer, kega, Ma nete? abelelam uiaba umele Opole dali.
JOH 21:13 Iesu tabakeamulu leuer ais, a uiabi ikuar pako lar kem.
JOH 21:14 Abele thri Iesu tababu natomertare uiabim kaimeg giz, keubu E eded akaida eudelam.
JOH 21:15 Uiaba emetu eroare, Iesu Simona Peteru detager, kega, Simona, Iona ra uerem, ma kari lag uiabi tumge? E abi detager, kega, Eko, Opole; ma umele kaka mari lag. E abi detager, kega, Kara kebi mamoe giz darasisiare.
JOH 21:16 E iako neisi abi detager, kega, Simona, Iona ra uerem, ma kari lag? E abi detager, kega, Eko, Opole; ma umele kaka mari lag. E abi detager, kega, Kara mamoe giz darasisiare.
JOH 21:17 E iako thri abi detager, kega, Simona, Iona ra uerem, ma kari lag? Peteru okabatageli abelelam E thri abi detager, kega, Ma kari lag? E abi detaut, kega, Opole ma umele gaire lu uridili; a ma umele kaka mari lag. Iesu abi detager, kega, Kara mamoe giz darasisiare.
JOH 21:18 Ageakar, ageakar, kaka mari natager, kega, Ma makeriam emeret mabu eso, ma bakeam mabara lag: ma aule mabara tag nagisi, a nerute ko mari uanaso, a mari uanagared abele ma nole la kak.
JOH 21:19 E abele detager, abara tonar eud etomet Ade despili. E emetu abele detager, E ko abi detager, kega, Kari narmili.
JOH 21:20 Peteru egreamalu, a dasmer abele kaimeg Iesu nasge, E irmili ko; E dali Iesu ra marmot ge uteidilu ki ge eroare, a detager, kega, Opole, nete ko mari keserkeser?
JOH 21:21 Peteru abi dasmer, a Iesui detager, kega, Opole, E dali nako?
JOH 21:22 Iesu abi detager, kega, Ese kaka lagelag E kari naokaili, nako abele marim? ma kari narmili.
JOH 21:23 Abele mer ekoseli uiabim keimer giz, kega, Abele kaimeg le nole eud kak: Iesu nole abi detager, kega, Ma nole eud kak, epe, Ese kaka lagelag E kari naokaili, nako abele marim?
JOH 21:24 Abele kaimeg le E ageakarem abele gaire lu, a abele gaire lu detali: a meriba umele ageakar abara ageakar.
JOH 21:25 Dordor gaire uader lu Iesu de ikerare, ese detali uridili, kaka dikiapor nole abkoreb gesepem gaire jauali. Amen. Richard Clay & Sons, Limited, London & Bungay
