﻿Zǝbur.
86.
Dawutning duasi: Ⱪulaⱪ salƣin, i Pǝrwǝrdigar, manga jawab bǝrgǝysǝn; Qünki mǝn ezilgǝn wǝ ⱨajǝtmǝndurmǝn. 
Jenimni saⱪlap ⱪalƣaysǝn, Qünki mǝn Sanga mɵminmǝn; I Sǝn Huda, Sanga tayanƣan ⱪulungni ⱪutⱪuzƣaysǝn; 
Manga meⱨir-xǝpⱪǝt kɵrsǝtkǝysǝn, i Rǝb, Qünki mǝn kün boyi Sanga nida ⱪilimǝn. 
Ⱪulungning jenini xad ⱪilƣin, Qünki jenim Sanga tǝlmürüp ⱪaraydu; 
Qünki Sǝn meⱨriban, kǝqürümqan Rǝb Sǝn! Ɵzǝnggǝ iltija ⱪilƣanlarning ⱨǝmmisigǝ zor meⱨir-muⱨǝbbǝt kɵrsǝtküqidursǝn! 
Mening duayimƣa ⱪulaⱪ salƣin, i Pǝrwǝrdigar, Yelinixlirimning sadasini angliƣaysǝn; 
Beximƣa kün qüxkǝndǝ, Mǝn Sanga iltija ⱪilimǝn, Qünki Sǝn manga jawab berisǝn. 
Ilaⱨlar arisida Sening tǝngdixing yoⱪtur, i Rǝb; Ⱪilƣan ixliringningmu tǝngdixi yoⱪtur.    
Sǝn yaratⱪan barliⱪ ǝllǝr kelip sening aldingda sǝjdǝ ⱪilidu, i Rǝb, Namingni uluƣlaydu. 
Qünki Sǝn naⱨayiti büyüksǝn, Mɵjizilǝrni Yaratⱪuqidursǝn; Sǝn Hudadursǝn, yiganidursǝn. 
Sening ⱨǝⱪⱪaniyliⱪingda yürüxümdǝ, Ɵz yolungni manga ügǝtkǝysǝn I Pǝrwǝrdigar! Namingƣa ⱨɵrmǝt-ǝyminixtǝ boluxum üqün, ⱪǝlbimni pütün ⱪilƣaysǝn. 
Pütün ⱪǝlbim bilǝn mǝdhilǝymǝn Rǝbbim Hudani, Əbǝdil’ǝbǝd uluƣlaymǝn namingni. 
Qunki meⱨir-muⱨǝbbiting qongkur bolƣaqka manga, Tǝⱨtisaraning tǝgliridin ⱪutⱪuzisǝn jenimni; 
I Huda, ⱪarxi qiⱪip tǝkǝbburlar gǝr manga, Əxǝddiylǝr jamaiti almaⱪⱪa jenimni anga, Ⱨǝm kɵzgǝ ilmaydu Seni! 
Wǝ lekin Rǝbbim rǝhimdil ⱨem xǝpⱪetlik Ilah bolƣaq, Nǝ aqⱪuqi kilǝr; Meⱨir-muⱨǝbbǝt ⱨǝm ⱨǝⱪiⱪǝt-sadiⱪliⱪing texip turidu. 
Halimƣa baⱪ, manga xepⱪet ǝyligin, Ɵz ⱪulungƣa mǝdǝt berip, Dedikingning oƣlini ⱪutⱪuzƣaysǝn! 
Iltipatingning bishariti bolsun, desǝng; Düxmǝnlirimni xuni kɵrüxi bilǝn xǝrmǝndǝ ⱪil i Pǝrwǝrdigar, Ⱨǝrⱪaqan hǝmdǝmdǝ bolup kɵnglümni alding. 
