﻿Guyeiti.
150.
À Ɠɔoɠɔ GALAGI maamusɛ! À GALA maamusɛ seizu ɲadegai! À maamusɛ geezuʋɛ, ʋɛ ná-zobogi ná! 
À maamusɛ ná-faa wolaiti faa zu, é kɛɛzu! À maamusɛ, é zoloo bɔɔlɔ ʋelei ma, nii kpela ge la ba! 
À maamusɛ ga baala minɛ ʋuʋugi wooi! À maamusɛ ga kɔnigi ta papai! 
À maamusɛ ga tamadegi wooi ta kuai! À maamusɛ ga kɔnigiti ta koolei wooi! 
À maamusɛ ga kɔtɛgi ɠɛin gooi goo ɠulazu! À maamusɛ ga kɔtɛgi ɠɛin gooi gaaɓaingai! 
Nii kpein é yɛnvuzu, naa pɛ ge Ɠɔoɠɔ GALAGI maamusɛ! À Ɠɔoɠɔ GALAGI maamusɛ!
