﻿Guyeiti.
149.
À Ɠɔoɠɔ GALAGI maamusɛ! À guye niinɛi loo Ɠɔoɠɔ GALAGI ʋɛ! À maamusɛ ga guye wooiti ná-wooɠɛɠila nuiti ta-ɠaalɛbai zu! 
Izilayɛle, ɠoozunɛ è Ɓɛtɛ Nui ʋɔ! Siyɔn nuiti, à ɠɛ koozunɛɛi zu wa-masagi ná-faa zu! 
Ti maamusɛ ga kua wo fai, ti guyei loo dɛbi vai ma ga tamadegi ta kɔnigi. 
Mazɔlɔɔ Ɠɔoɠɔ GALAGI ná-nuɓusɛiti ti ziimaʋɛ, toɠa ɗa kizo fai ve ɓɔɠɔmaayei nuiti bɛ eɠɛ kɔbu anii. 
Ná-wooɠɛɠila nuiti ti ɠoozunɛ, ti ɲaɠai ɠula, ti wooɠula ga koozunɛɛi, ta ɠɛna laani ta-ʋeteiti su. 
GALA maamusɛ vai ɠɛ ti-laaʋɛti, boɠa zɔkpɔi gaaʋɛ fele, naa ɠɛ zoni ti ya, 
ga ti potokulai ɠɛ la zii ɠiligiti ma, ti nuɓusɛiti maaɠolo la. 
Ti ta-masagiti gili ga yɔlɔɠɔiti, ti ta-nu wolaiti gili ga kɔluiti. 
Tukpɔi nii ma vai zɛʋɛai, ti naa la ti unma. Naa ɠa ga unbuzeɠe vaa wola ná-wooɠɛɠila nuiti bɛ. À Ɠɔoɠɔ GALAGI maamusɛ! 
