﻿Guyeiti.
137.
Gi ɠɛni zeini Ɓaɓilɔne ziɛ wolaiti daaʋɛ, gi ɠɛni wɔlɔzu, gi ɗa ɠigaiziɛ Siyɔn zu. 
Gi gá-ɠɔnigiti sɛlɛni ziɛlaʋɛ wulu wolaiti ba. 
Niiti ti vɔnini gi ma, ti li ga giye, naati ti ɠɛni gi guyeiti toona, gi zili nuiti ti ɠɛ gi ɠoozunɛ, ti ɠɛ ma: «À Siyɔn wuyei tanigaa loo gi ʋɛ!» 
Gá la zoo ɠale gi Ɠɔoɠɔ GALAGI ná-guyei ta loo zooi naa zu, gi ná ga wɛɛin? 
Ni nà yeemana è ma, Zeluzalɛme, zɛbɛi ɠula zèezai ʋa! 
Nɛ̀gi ɠata dàa ɠoozuʋɛ ʋa, ni gè la mɔ ɠisiɛzu è zu, Zeluzalɛme, ni gè la è ɠɛɛni ga nà-koozunɛɛi ma un golai. 
Ɠɔoɠɔ GALAGI, ɠizɛ naa zu, nii Edɔme nuiti ti kɛɛni Zeluzalɛme zo foloi, ti ɠɛni ɠɛɛzu ma: «À taa wolai zuvoo, à suvoo, eyɛsu é zeeli ma wuulaagiti ma!» 
Ee, Ɓaɓilɔne, ɗa ʋaazu ɠoloɠolosu! Undaanɛ nu ɠa ga naati, niiti ti naa zalazu è ma, nii è kɛɛni ga giye! 
Undaanɛ nu ɠa ga naati, niiti ta è-lointi so, ti ti lɛɛvɛ fasai ma! 
