﻿Guyeiti.
136.
À Ɠɔoɠɔ GALAGI maamusɛ, mazɔlɔɔ pagɛ, mazɔlɔɔ ná-wooɠɛɠiladai ɠa yɛsu ná ɠɔ. 
À galagiti ta-ƓALAGI maamusɛ, mazɔlɔɔ ná-wooɠɛɠiladai ɠa yɛsu ná ɠɔ. 
À maliɠiiti ti-Maliɠii maamusɛ, mazɔlɔɔ ná-wooɠɛɠiladai ɠa yɛsu ná ɠɔ. 
Tɔ ɠila kpe ka é maaɓɛlɛ vaa wolaiti kɛɛni, mazɔlɔɔ ná-wooɠɛɠiladai ɠa yɛsu ná ɠɔ. 
Tɔ ɠa é geeɠɔlɔgi ɓɛtɛni ga keleɠelegi, mazɔlɔɔ ná-wooɠɛɠiladai ɠa yɛsu ná ɠɔ. 
Tɔ ɠa é zooi zuvieni, é pɛɛ ziɛ wolai ɠa, mazɔlɔɔ ná-wooɠɛɠiladai ɠa yɛsu ná ɠɔ. 
Tɔ ɠa é wozakala golaiti kpɛtɛai, mazɔlɔɔ ná-wooɠɛɠiladai ɠa yɛsu ná ɠɔ. 
É folo ɠaei ɓɛtɛni, é ɗa zei foloi unda, mazɔlɔɔ ná-wooɠɛɠiladai ɠa yɛsu ná ɠɔ. 
É alugi ta somideɠaiti kpɛtɛni, ti ɗa zei kpidii unda, mazɔlɔɔ ná-wooɠɛɠiladai ɠa yɛsu ná ɠɔ. 
É Ezipete nuiti ti-loun zunu mɔungiti paani, mazɔlɔɔ ná-wooɠɛɠiladai ɠa yɛsu ná ɠɔ. 
É Izilayɛle nuiti kulani ti zaama, mazɔlɔɔ ná-wooɠɛɠiladai ɠa yɛsu ná ɠɔ, 
ga ná-zeezuɓaai ta zobogi, mazɔlɔɔ ná-wooɠɛɠiladai ɠa yɛsu ná ɠɔ. 
Tɔ ɠa é Seeli Kpoloɗɛi ʋalini su fele, mazɔlɔɔ ná-wooɠɛɠiladai ɠa yɛsu ná ɠɔ. 
É Izilayɛle nuiti teʋeni saamaʋɛ, mazɔlɔɔ ná-wooɠɛɠiladai ɠa yɛsu ná ɠɔ. 
É Falaɠɔn ta ná-kɔɔɓɔgiti tooni bu ná, mazɔlɔɔ ná-wooɠɛɠiladai ɠa yɛsu ná ɠɔ. 
É loni ná-nuɓusɛiti tuɠɔ teʋebai zu, mazɔlɔɔ ná-wooɠɛɠiladai ɠa yɛsu ná ɠɔ. 
É masa golaiti koloɠoloni, mazɔlɔɔ ná-wooɠɛɠiladai ɠa yɛsu ná ɠɔ. 
É masagiti undaaʋilini, zobobɛ nu wolaiti, mazɔlɔɔ ná-wooɠɛɠiladai ɠa yɛsu ná ɠɔ. 
É Siɠon undaaʋilini, Amool nuiti ta-masagi, mazɔlɔɔ ná-wooɠɛɠiladai ɠa yɛsu ná ɠɔ. 
É Wɔge undaaʋilini, Ɓasan nuiti ta-masagi, mazɔlɔɔ ná-wooɠɛɠiladai ɠa yɛsu ná ɠɔ. 
É ta-yooi veeni ga tɔnɔ, mazɔlɔɔ ná-wooɠɛɠiladai ɠa yɛsu ná ɠɔ. 
É fe ná-botiɠɛ nui Izilayɛle ʋɛ ga nɔnɔ, mazɔlɔɔ ná-wooɠɛɠiladai ɠa yɛsu ná ɠɔ. 
É ɠizɛni ade zu, siɛgi zu ade ɠɛni la maanɔɠɔi zu, mazɔlɔɔ ná-wooɠɛɠiladai ɠa yɛsu ná ɠɔ. 
É ade ɠulani de wɔinzeɠe nuiti kpein zea, mazɔlɔɔ ná-wooɠɛɠiladai ɠa yɛsu ná ɠɔ. 
Toɠa daamianigi veezu kpɛtɛaniiti pɛ zea, mazɔlɔɔ ná-wooɠɛɠiladai ɠa yɛsu ná ɠɔ. 
À GALAGI maamusɛ, nii é geeɠɔlɔgi zu, mazɔlɔɔ ná-wooɠɛɠiladai ɠa yɛsu ná ɠɔ. 
