﻿Guyeiti.
130.
Tɛɛ wo guyei. Ee, Ɠɔoɠɔ GALAGI, kidaaʋiligi zu nà wooɠulazu è ma, è ɓɔ bà. 
Màliɠii, woilo gòo ma! Woilo, nà-maanɛɛnɛ wooiti ma ga pagɔ! 
Ee, Ɠɔoɠɔ GALAGI, ni ɗa gi zona ga gá-vaaɠaaza golaiti, Màliɠii, ɓɛ ɠa a yɛ vulua? 
Kɛlɛ è-ʋo ka ga maavaayɛgi, naa ɠa a kɛ, nu lua è ʋa. 
Nà Ɠɔoɠɔ GALAGI maaɓɔunsu ga zìimaʋɛ pɛ, ta kìtogɛ daawooi ʋa. 
Nà Maliɠii maaɓɔunsu, é leʋe maaɓɔungi ʋa nii salaʋusuiti ta ɗa bo, é lo sobui zeeli vai ʋa, ungo, é leʋe maaɓɔungi ʋa, nii salaʋusuiti ta ɗa bo, é lo sobui zeeli vai ʋa. 
Ee, Izilayɛle nuɓusɛiti, à ɠito Ɠɔoɠɔ GALAGI ʋa! Mazɔlɔɔ Ɠɔoɠɔ GALAGI ɠa ga wooɠɛɠila GALAGI, unmɔɔgi ma zobogi kpein ka tɔun zea. 
Toɠa a Izilayɛle unmɔɔ, é kula ná-faaɠaaza golaiti kpein su. 
