﻿Guyeiti.
129.
Tɛɛ wo guyei. Kaite mà loungo ziɛgi zu ti laalɛɛni bù, Izilayɛle lɛ naa ma ʋolu, é bo, 
kaite mà loungo ziɛgi zu ti laalɛɛni bù, kɛlɛ ti la zobo sɔlɔɔni mà. 
Ti kuɠui wolini pòluʋɛ, eɠɛ nu a ɠɛ kpalagi wolizu. 
Ɠɔoɠɔ GALAGI zɔlegɛ, é faa ɲɔu ɠɛ nuiti ta-ɠaluiti suleʋeleʋeni mà. 
Ti unfe, ti ɠula ʋolu, niiti kpein ti Siyɔn wɔinzeɠezu. 
Ti ɠɛ eɠɛ pɛlɛ ɠɔma lufai, é vɔɔzu, aisa é ʋa wɔɔlɔ, 
nii molo leʋe nui la yeelaavega su, ta molo ɠili nui la gilia ba ga ma ɠili. 
Teʋe nuiti ti mina ɠɛ ma: «Ɠɔoɠɔ GALAGI ná-tuyai mɔɔ wo ma! Gá tuya loozu wo ʋɛ, Ɠɔoɠɔ GALAGI laaseigi zu!» 
