﻿Guyeiti.
128.
Tɛɛ wo guyei. Undaanɛ nu ɠa ga naa, nu-o-nu nii é luazu Ɠɔoɠɔ GALAGI ʋa, é ɗa ziɛ ga naa yiima ʋeleiti! 
Botii è kɛɛzu ga è-yeei, ɗa naama lɔnɔgi zɔlɔɔ, è undaa ɠa nɛ, è kulanuma zɔlɔɔ. 
È-anzai ɠa ɠɛ ɗa-ʋɛlɛi wu, eɠɛ leezɛn ɓelei gaawaai mɔinɗai, è-loun zunuiti ta ɠooli ɗa-laɓalii ma, eɠɛ wolive wului ma ʋɔnɔgiti. 
Ʋele ɠana nui a tuyai zɔlɔɔ da, nii é luazu Ɠɔoɠɔ GALAGI ʋa. 
Ɠɔoɠɔ GALAGI ɠa yɛ Siyɔn, é tuya loo è ʋɛ, ɗa Zeluzalɛme ná-undaanɛɛi ɠa, è-zii ma voloi pɛ su, 
ta ɗa è-lounlointi ka. Ziilɛigi ɠɛ Izilayɛle ʋɛ! 
