﻿Guyeiti.
126.
Tɛɛ wo guyei. Siɛgi zu Ɠɔoɠɔ GALAGI Siyɔn zei ʋele ɓɛtɛni la ʋolu, é ɠɛni gi-ɠi su ga se su vaa nɔ. 
Naazu, gi la ɠɛni ɓesu ɲɛɛ wo fai ʋa, gi ɗa koozunɛ wuyei loo. Naazu, ti ɠɛni ɠɛɛzu ma zii ɠiligiti saama: «Ungo, Ɠɔoɠɔ GALAGI faa wolaiti kɛa ti ʋɛ!» 
Ɠɔoɠɔ GALAGI faa wolaiti kɛɛʋɛ gi ʋɛ, gá koozunɛɛi zu. 
Ee, Ɠɔoɠɔ GALAGI, ʋa, è gi zei ʋele ɓɛtɛ ʋolu, eɠɛʋelei ɗa ɗa ziɛi laa la, ziɛ yeizuʋɛti teʋebai zu. 
Niiti ti ani zuwui vazasu gaazuɗɛʋui zu, ta ɠɛna teʋea, ta teʋe ga koozunɛ wuyei. 
Zɔi é liizu ga wɔlɔa ná-molo zuwui unma, naa ɠa ɠale ma ga koozunɛ wuyei, ná-molo ɠiliiti ti zea. 
