﻿Guyeiti.
125.
Tɛɛ wo guyei. Niiti ti ɠitosu Ɠɔoɠɔ GALAGI ʋa, naati kɛɛʋɛ eɠɛ Siyɔn gizei, é la ɲiikpiga, toɠa loni ɠɔ. 
Eɠɛʋelei Zeluzalɛme maaɠooliai la ga gizeiti, zekana Ɠɔoɠɔ GALAGI ná-nuɓusɛiti maaɠooliai la, é zo niizu ma, eyɛsu ɠɔ. 
Telebotala masadai la yɛga ma ɠɔ telebo nuiti ta-yooi zu, nii a kɛ telebo nuiti ɓalaa ti mina yeelɔ yaava vaiti su. 
Ee, Ɠɔoɠɔ GALAGI, ɠɛ ga nu ʋagɔ naati bɛ, niiti ti ga nu ʋagɔiti, ta naati bɛ, niiti ti-yii zɔlegai. 
Kɛlɛ niiti ti zeɠezu pele ʋagɔi ʋa, ti ʋilɛ ma ɲɔi zu, Ɠɔoɠɔ GALAGI ti yɛʋɛ ɠɔɠɔzu, ta naati niiti ti telebotalai ɠɛɛzu! Ziilɛigi ɠɛ Izilayɛle ʋɛ! 
