﻿Guyeiti.
124.
Tɛɛ wo guyei. Davide ná-guyei. Ni Ɠɔoɠɔ GALAGI la ɠɛni loni ade ʋɛ, Izilayɛle lɛ naa ma ʋolu, é bo, 
ni Ɠɔoɠɔ GALAGI la ɠɛni loni ade ʋɛ, siɛgi zu nuiti ti ʋaani la, ti laalɛ ade wu, 
naazu ta la ade-ma vului ɓɔle, siɛgi zu ti ɠɛni ziiɠaawana wolai zu ade laalɔɠɔma. 
Ziɛ veinfeingi a la li ga adeye, kɔtuɗɛi ɠɛni ade maaɓɔlesu. 
Naazu ziɛ veinfein golaiti ti ɠɛni yeizu ga adeye. 
Mamagi ɠa Ɠɔoɠɔ GALAGI ʋɛ, nii é la vaani bu ga ti-ɲiigaiti ti ʋa ade ʋaliʋali. 
Ade ɠulani ti ya, eɠɛ wɔnii pelaai é ɠula wɔni ɓɛɛ nui ná-tumɔi zu. Tumɔi ʋalini ga, ade ʋela. 
Ada-ɓɔbai ɠa ɗa zeɠe Ɠɔoɠɔ GALAGI ɓɔɠɔi ʋɔ bɛ, nii é geeɠɔlɔgi ta zooi ɓɛtɛa. 
