﻿Guyeiti.
121.
Tɛɛ wo guyei. Gè ɠaazulɛa ga gizeiti, mini ɠa nà-kpɔbai a zeɠe ná? 
Nà-kpɔbai ɠa ʋaazu é zeɠe Ɠɔoɠɔ GALAGI ʋɔ bɛ, nii é geeɠɔlɔgi ɓɛtɛa ta zooi. 
É la vaa bu, è-ɠɔɠɔi ʋa ziɠa, zɔi é è makɛsu, é la ɲia. 
Wɛlɛ, zɔi é Izilayɛle makɛsu, é la lia siingisiingi, é la ɲia. 
Ɠɔoɠɔ GALAGI ɠa é ga naa, nii é è makɛsu, Ɠɔoɠɔ GALAGI ɠa é ga niinigi è-maaɠoolii zu, 
foloi la è ɠalaa foloi ɲɛgɛlɛin, alugi la faa ɠɛa ga ɗe kpidii. 
Ɠɔoɠɔ GALAGI ɠa faa ɲɔi kpein kpudɛ è maazu, toɠa è-yɛnvui makɛ. 
Ɠɔoɠɔ GALAGI ɠa ɓaa è maazu, é zo è ɠula yeei ma, é li è ɠalema voloi ʋɔ, é zo niizu ma, eyɛsu ɠɔ. 
