﻿Guyeiti.
113.
À Ɠɔoɠɔ GALAGI maamusɛ! À maamusɛ, wɔi wo ga Ɠɔoɠɔ GALAGI ná-botiɠɛ nuiti, à Ɠɔoɠɔ GALAGI laaseigi maamusɛ! 
Mamagi ɠa Ɠɔoɠɔ GALAGI ʋɛ, é zo niizu ma, eyɛsu ɠɔ. 
É zo folo ɠulazuʋɛ ma, é li folo liizuʋɛ, Ɠɔoɠɔ GALAGI laaseigi lɛbiyai zɔlɔɔ. 
Toɠa zeini ziiti kpein unga, ná-lɛbiyai ɠa geeɠɔlɔgi maazu. 
Ɓɛ ɠa é ga Ɠɔoɠɔ GALAGI ada-ƓALAGI ɠɛʋele? Toɠa zeini anii kpein unga geezuʋɛ. 
Kɛlɛ toɠa ɗa ungi ʋilɛ, é geeɠɔlɔgi ɠa ta zooi. 
Toɠa ɗa maawɔin nui ɠula fufiligi zu, toɠa ɗa maanɔɠɔ nui wuzeɠe, é kula kpoɠagi zu, 
é sei seizumaanɛgiti saama, ná-nuɓusɛiti ta-zeizumaanɛgiti. 
Toɠa pɛlɛyeɠei ve doun zɔlɔɔtala anzanui ya, é koozunɛɛi zɔlɔɔ, tɔɔzei é ɠɛa ga dounɠa ti-lee. À Ɠɔoɠɔ GALAGI maamusɛ! 
