﻿Guyeiti.
111.
À Ɠɔoɠɔ GALAGI maamusɛ! Nà Ɠɔoɠɔ GALAGI lɛbi ga zìimaʋɛ pɛ, maaɓɔgi zu, telebo nuiti ta-ɠaalɛbai zu. 
Ɠɔoɠɔ GALAGI ná-kɛɛwotiiti bɔɔlɔʋɛ gola, niiti kpein ti wɔinɗai la, naati ta ɗa ɠida ti wu gola. 
Ná-kɛɛwotiiti ta ná-lɛbiyai ta ná-maanɛɛi ɠulazu kɛlɛma. Ná-telebodai ɠa yɛsu ná ɠɔ. 
Toɠa pɔ ga nu ɠizɛ ná-faa maayikiaiti su. Ɠɔoɠɔ GALAGI nuɓɔɠɔʋɛ, é ɠɛ ga maawɔinɠaa ƓALAGI. 
Niiti ti luazu ba, toɠa ɗa naati maavaiti kpein kɛ. Toɠa ɗa ɠizɛ ná-minazeɠegi zu yeenɔpɛ. 
É ná-zobogi lɛɛni ga ná-nuɓusɛiti ga kɛɛ vaiti maaʋele, siɛgi zu é zii ɠiligiti ta-yooi veeni la ti ʋɛ. 
Nii kpein é kɛɛzu, naa ɠa é ga gaamai ta sɔlegi. Nu maanɛɛʋɛ, è la ná-deveiti kpein da. 
É ti zei ʋele ɓɛtɛʋɛ eyɛsu ɠɔ, kɛai gaamai ta sɔlegi maazu. 
É unmɔɔ fai leʋeni ná-nuɓusɛiti ma, é minazeɠegi wo ti ʋɛ, nii é ga ɠɔoɠɔ kelei. GALAGI ʋe, nii ɲadegai, maayiki. 
Ɠɔoɠɔ GALAGI ɠaazuluabai ɠa é ga ɠimalai lɔɔzeizuʋɛ, niiti kpein ti ziɛzu ga naa, naati ka ɠi pagɔi ti ma. Ná-maamusɛi ɠa yɛsu ná ɠɔ. 
