﻿Guyeiti.
110.
Davide ná-guyei. Ɠɔoɠɔ GALAGI laawooi é boni màliɠii ma: «Zei zèezazuʋɛ, eyɛsu gè è zili nuiti kɛ ga ɗa-ɠɔɠɔloma anii.» 
Ɠɔoɠɔ GALAGI ɠa ɗa-masadai ma zɛbɛi zuwɔɔlɔzu, é zo Siyɔn GALA sei ʋɛlɛi ma. Ɗa masadai ɠɛ è zili nuiti saama. 
Voloi ɗa ɠɛ kɔɔi ɠɔɔzu la, ɗa-nuɓusɛiti daa ɠa ve ga ziilɔɔi, ti ɗa ʋa è ʋɔ ga kpizɛi, maaɠili ɲadegai zu, sobuzobui, ɗa-ɠɔɔɠɔ zunu loungoiti ta suvilɛ ga ʋaa è ʋɔ bɛ, eɠɛʋelei nɔɗagi a ɗa ʋuu la. 
Ɠɔoɠɔ GALAGI ɠonani, tama é la zeɠea woo ʋolu, é ɠɛni ma: «Ɗa ga zalaɠa ɠula nui eyɛsu ɠɔ, eɠɛʋelei Mɛlekizedɛke ɠɛni la.» 
È-Maliɠii ɠa è ɠobaʋɛ, ná-ziiɠaawana voloi, toɠa masagiti dɛɛvɛ. 
Toɠa ná-tukpɔi laalɛ zii ɠiligiti bu, nu ʋoomai ma ɓulugiti gaa ɠa lɛ ba, toɠa kundiɠiiti dɛɛvɛ eteai zu naa kpein. 
Toɠa ɓɔɔle pelei zu kɔtuɗɛi ɠa, naa ʋoluma toɠa nɔungi wuzeɠe. 
