﻿Guyeiti.
100.
Faanɛɛ wuuɠwɛɛ guyei. À wooɠula ga koozunɛɛi Ɠɔoɠɔ GALAGI ʋɛ, eteai kpein! 
À Ɠɔoɠɔ GALAGI lɛbi ga koozunɛɛi, à ʋa pɔ bɛ ga koozunɛ wuyeiti toa! 
À suɠwɛɛ ga Ɠɔoɠɔ GALAGI ɠila ka é ga GALAGI! Tɔ ɠa é de ɓɛtɛa, da ga nɔnɔiti, da ga ná-nuɓusɛiti, ná-baala kpulugi é kɔnɔkulazu. 
À lɛ ná-siɠidaʋɛti ga faanɛɛ wuuɠwɛɛgaiti, à lɛ ná-koizuʋɛti ga maamusɛi! À dɛbi, wo mamagi ve bɛ! 
Mazɔlɔɔ Ɠɔoɠɔ GALAGI ʋagɛ, ná-nuɓɔɠɔlai ɠa ná eyɛsu ɠɔ, ta ná-wooɠɛɠiladai ɓela ge la ba, yeeɠɛɠalaiti pɛ su. 
