﻿Guyeiti.
93.
Ɠɔoɠɔ GALAGI ɠa masadai ɠɛɛzu, maaɠiliai ga maayikii, maaɠiliʋɛ, é zobogi ɠɛ ga saamaɠiligi. Naa ɠa é ba, eteai ɠa loni kpaan, é la ɲiikpiga eyɛsu pɛ. 
Kaite ɗa-masa kpɔkpɔgi ɠa loni kpaan, ɗa ná kaite wɔlɔwɔlɔ! 
Ee, Ɠɔoɠɔ GALAGI, ziɛiti ta lɛɛzu, ziɛiti ta wooɠulazu, ti zulu gooi ɠa ɠulazu. 
É ɓudɛ ziɛ wolaiti gooi maazu, é ɓudɛ kpoloɗɛi ma lakpatakpagi maayikiaiti maazu, Ɠɔoɠɔ GALAGI ɠa zeini naati pɛ unda geezuʋɛ, é vizɔ ti ʋa. 
Ɗa-leveiti sɔlegɛ. È zei ʋɛlɛi maanɛɛʋɛ, é ɲade, Ɠɔoɠɔ GALAGI, eyɛsu ɠɔ! 
