﻿Guyeiti.
87.
Kolé mavofodaiti ta-wuyei. Guyei. Zeluzalɛme ɠa loni gize ɲadegaiti ma. 
Siyɔn taa wolai nɛɛʋɛ Ɠɔoɠɔ GALAGI ʋɛ, é leʋe Zakɔɓe mavofodai zɔiti seizuʋɛti ba. 
Ee, GALA ná-taai, nii ti bosu ɗa-vaa zu, naa zu vai kpein ka ga lɛbiyai. 
«Niiti kpein ti kwɛ̀ɛ, naati saama nà Ezipete nuiti ta-vai wo, ta Ɓaɓilɔne nuiti. Gè Filisiti nuiti daaseigi zɛʋɛ, ta Tiil nuiti, ta Etiyopi nuiti, eɠɛ ta zɔlɔɔ ʋɛ nɔ.» 
Toɠa wo Siyɔn ná-faa zu ga: «Nui pɛ sɔlɔɔgɛ ʋɛ, GALA, é Anii-Pɛ-Unda, naa ɠa zee ná ʋa.» 
Ɠɔoɠɔ GALAGI nuɓusɛiti kpein tɔɠɔi zɛʋɛʋɛ, é sɛʋɛ ɛsɛ gilagilagi ná-faa zu ga: «Nii zɔlɔɔsuʋɛ ɓɔɔɓɔgi ɠa ga ʋɛ». 
Niiti ti guyei loozu, ta niiti ti kuai wosu, naati ta ɠɛɛzu ma: «Nà-sɔlɔɔgi kpein ka ɗɔun è ʋɔ bɛ.» 
