﻿Guyeiti.
70.
Guye loo ɠundiɠii nɔnɔi ʋe. Davide ná-guyei, é ɠɛ ga ɠizɛsui. 
Ee, GALA, soma è ùnmɔɔ! Ɠɔoɠɔ GALAGI, suvilɛ, è ɓɔ bà! 
Unfegi ti maaɓɔle, ti wooi zupu, tɛiti ti pɔ ti zɛ̀nvui ɠula zèa! Ti li ga ʋoluʋelei, ti unfe, tɛiti kpein ti wɔinɗai ga màanɔɠɔ! 
Niiti ti ɲɛɛɠulazu nɔ̀un su, ti ɠula ʋolu, ta-unfe kasɔi la ti unma! 
Niiti dɔin ti è ɠaiziɛzu, ti ɠaazuɠalakala, ti ɠoozunɛ è ʋɔ! Niiti ɗa-ɠizo fai nɛai ti ʋɛ, ti ɠɛ ma yeenɔpɛ: «Lɛbiyai ɠa GALA bɛ!» 
Nɔ̀un nà, màanɔɠɔʋɛ, gè ɠɛ ga bala nu, ee, GALA, ʋa kòba fala, ɗa ga nà-kpɔba nui, ta ùnmɔɔ nui, Ɠɔoɠɔ GALAGI, mina nɛkɛ! 
