﻿Guyeiti.
67.
Guye loo ɠundiɠii nɔnɔi ʋe. É loozu ga kɔnigiti. Guyei. 
GALA ge undaanɛɛi ɠɛ ade ʋɛ, é tuya loo ade ʋɛ, é yeezei ade wu ga pagɔ. 
Naa ɠa a kɛ, ti ɗa-ʋelei ɠwɛɛ eteai zu, ta ɗa-ɠizo fai ziiti kpein saama. 
Nuɓusɛiti ti è maamusɛ, ee, GALA! Nuɓusɛiti kpein ti è maamusɛ. 
Ziiti ti ta-ɠoozunɛ wuyeiti too è ʋɛ, mazɔlɔɔ ɗa nuɓusɛiti tukpɔɠaaleʋezu ga sɔledai, ɗa losu ziiti untuɠɔ eteai zu. 
Nuɓusɛiti ti è maamusɛ, ee, GALA! Nuɓusɛiti kpein ti è maamusɛ. 
Zooi ná-kulanumaiti feeni, GALAGI, ada-ƓALAGI ɠa tuya loozu ade ʋɛ. 
GALA ge tuya loo ade ʋɛ, zou ɓela ga ɲɛgɛlɛin ti lua é ʋa. 
