﻿Guyeiti.
54.
Guye loo ɠundiɠii nɔnɔi ʋe. É loozu ga kɔnigiti. Davide ná-kidafaawui. 
Siɛgi zu Zife nuiti ti ʋaani la, ti ɠɛ Sayile ma: «Davide lɔɔɠuʋɛ gi zaama.» 
Ee, GALA, kìzo è-laaseigi ʋɔ, telebo fai ɠɛ bɛ̀, ɗa-zobogi ʋɔ! 
Ee, GALA, nà-maanɛɛnɛ wooi mɛni, woilo dàawooiti ma! 
Mazɔlɔɔ wɛɛinti ti wuzeɠea dàalɔɠɔma, suɲɔu zunuiti ta pɔ ti zɛ̀nvui ɠula zèa, ti la ɠisiɛzu GALA su ga tago ɓalaa. 
Kɛlɛ wɛlɛ, GALA ka é ga nà-kpɔba nui! Maliɠii ɠila kpe ka é ga pòluzeigi. 
Toɠa sìli nuiti ta-vaa ɲɔi loo ti ma ʋolu. Ɗa-wooɠɛɠiladai ʋɔ, ti laaɠulu, eyɛsu ɠɔ! 
Nà zalaɠaiti kula è ʋɛ ga zìimaʋɛ pɛ, nà è-laaseigi maamusɛ, Ɠɔoɠɔ GALAGI, tɔɔzei pagɛ. 
Mazɔlɔɔ è ùnmɔɔni, è kùla kidaaʋiligiti su, niizu, nà zoosu gè wɛlɛ sìli nuiti ba, ti maa ɗa nɔɠɔ. 
