﻿Guyeiti.
53.
Guye loo ɠundiɠii nɔnɔi ʋe. É loozu koolei zu. Davide ná-kidafaawui. 
Ɠimalala nui ɠa ɗa bo yiimaʋɛ ga: «GALA ge la ná!» Ti ɠakagɛ, ti faaɠaaza golai ɠɛa. Gila kpalaa ge la ná, nii é faa ʋagɔ ɠɛɛzu. 
GALA ge yɛni geeɠɔlɔgi ungaʋɛ, é unpilɛ, é nuɓusɛiti pɛtɛ zooi ma, é pɛtɛ, ni nu ɠila kpalaa ka ná, nii ɠi pagɔ ma, é GALA gaiziɛzu. 
Ti pɛ ti maaɠooza, ti kpein ti ɠɛa ga yaava nuiti ʋɔɔma, taɠila kpalaa ge la ná, nii é faa ʋagɔ ɠɛɛzu, anɛɛ gila kpalaa. 
Niiti ti telebotala vai ɠɛɛzu, ti la faa ɠaaɠaazu ɓaa? Tɛi ti nà-nuɓusɛiti numasu, eɠɛʋelei nu a ɗa ɓului numa da. Ti la wooɠulazu GALA ma. 
Miná ɠa ti zasuɓalizu ná ga duai, anɛɛ dua un taade. GALA ka naati ma ɠaei vaza niiti ti laalɛɛzu è wu, ɗa ti unfe, mazɔlɔɔ GALA ge ti ʋilini ya. 
Nɔ̀un wɔ̀inʋɛ ga gè Izilayɛle ná-kizo fai ɠa, nii é ʋaazu Siyɔn gizei ma! Siɛgi zu GALA ge ná-nuɓusɛiti ta-vai valibosu da, Zakɔɓe mavofodai ɠa ɠoozunɛ, Izilayɛle ɠa ɠɛ koozunɛɛi zu! 
