﻿Guyeiti.
47.
Guye loo ɠundiɠii nɔnɔi ʋe. Kolé mavofodaiti ta-wuyei. 
Nuɓusɛiti, wo kpein à yealoɠa! À ɠoozunɛ wo wooɠula GALA ma! 
Mazɔlɔɔ Ɠɔoɠɔ GALAGI maayikiʋɛ, nii é Anii-Pɛ-Unda, tɔ ɠa é ga eteai kpein su masa golai. 
É nuɓusɛiti koloa gi wu, é ziiti kolo gi-ɠɔɠɔi wu. 
É yiimazeɠea ga gá-yooi gi ʋɛ, é ɠɛ ga nɛɛbɛ nui Zakɔɓe mavofodai ná-lɛbiyai. 
GALA ka lɛɛzu seizuʋɛ pilɛ sɔlɔɔ gooi zaama. Ɠɔoɠɔ GALAGI ɠa liizu ɠakala ʋelei puʋu fɛɛ wooi ʋɔ. 
À guyei loo GALA dɛbi vai ma, à guyei loo! À guyei loo gá-masagi lɛbi vai ma, à guyei loo! 
Mazɔlɔɔ GALA ka ga eteai ma masagi, à kidafaawu wuyei loo bɛ! 
GALA ka masadai ɠɛɛzu ziiti unda, GALA ka masadai ɠɛɛzu ná-masa kpɔkpɔ ɲadegai ɠa. 
Ziiti ta-ɠundiɠiiti ta ɓɔsu su, ta Abalaame ná-GALAGI ná-nuɓusɛiti! Mazɔlɔɔ eteai ma wɛlɛma nuiti kpein ta GALA zeezu. Tɔ ɠa é zeini eteai pɛ unda. 
