﻿Guyeiti.
43.
Ee, GALA, tukpɔi lo bɛ̀! Màalobo ladalala nuɓusɛiti daalɔɠɔma! Ùnmɔɔ, è kùla keleɠele ɲɔu nuiti zea, ti ga yaava nuiti! 
Ɗa ɠa è ga nà-GALAGI, màkɛ nui. Leeni vaa zu è pìliga ya? Leeni vaa zu nà nà-eteai ziɛ gaazuɠilii zu, sìli nuiti ta-wɔinzeɠemai zu? 
Ɗa-wozakalagi leʋe ta ɗa-ɠaamai! Ti lo tùɠɔ, ti li ga ze ɗa-ɠize ɲadegai ma, è-zeizuʋɛ! 
Nà liizu GALA ná-zalaɠa ɠulazuʋɛ, GALA pɔ bɛ, nii é ga nà-koozunɛ wolai. Nà è maamusɛ ga kɔnigi wooi, ee, GALA, nà-GALAGI! 
Leeni vaa zu, zìi, è ɲiikpisu, è ɗa kpalagi wo kòozu? Ɠito GALA ba, mazɔlɔɔ nà maamusɛzu ʋolu dɛ, toɠa ga nà-kizogi, ta nà-GALAGI. 
