﻿Guyeiti.
24.
Davide ná-guyei. Zooi ta gaa ɠaniiti ta ga Ɠɔoɠɔ GALAGI nɔnɔ, eteai ta nii kpein é zeini su! 
Mazɔlɔɔ tɔ ɠa é zooi zeiɗa kpoloɗɛiti gaaʋɛ, é suvie ziɛ wolaiti maazu. 
Ɓɛ ɠa a zoo é lɛ Ɠɔoɠɔ GALAGI ná-gizei ma? Ɓɛ ɠa a zoo é wuzeɠe, eyɛsu é lo ná-ada ɲadegai? 
Nii zeeiti ti la ɠɔzɔni, ziimaʋɛ ɠoleai, nii é la ɓɔɠɔ lɔɔzu faa ɲakaiti su, é la ɠonazu ga é ʋa nu yaava. 
Toɠa Ɠɔoɠɔ GALAGI ná-tuyai zɔlɔɔ, ná-kizo GALAGI ɠa deve ga telebo nu. 
Pele ɠana niiti ti gaiziɛzu, naati ta-nuɓusɛiti ti la, ti ɠilizu Zakɔɓe ná-GALAGI ʋa. 
Kpogiti, à wa-ɓofalagiti buzeɠe, à ti wuzeɠe, ɠɔoɠɔ siɠidaʋɛti, naa ɠa a kɛ, lɛbiya Masagi lɛ ná! 
Ɓɛ ɠa é ga lɛbiya Masagi? Ɠɔoɠɔ GALAGI ʋe, sulogai, kɔɔɠuluɓai, Ɠɔoɠɔ GALAGI, kɔɔɠuluɓai. 
Kpogiti, à wa-ɓofalagiti buzeɠe, à ti wuzeɠe, ɠɔoɠɔ siɠidaʋɛti, naa ɠa a kɛ, lɛbiya Masagi lɛ ná! 
Ɓɛ ɠa é ga lɛbiya Masagi? Ɠɔoɠɔ GALAGI ʋe, Fai-Pɛ-Maliɠii, tɔ ɠa é ga lɛbiya Masagi! 
