﻿Guyeiti.
23.
Davide ná-guyei. Nà ga baalagi, Ɠɔoɠɔ GALAGI ɠa é ga màkɛ nui, gè la ʋalaga ani nɔpɛ ma. 
Toɠa nà-dooɠo bosuʋɛ ɠɛɛzu ga tufa lɛnugi zu, toɠa losu tùɠɔ, é li ga ze ziɛ lɛilɛigiti pɔ bɛ. 
Toɠa nìinɛzu, é lo tùɠɔ, é li ga ze telebo peleiti su, daaseigi wɔɔlɔ vai zu. 
Siɛgi zu gè ziɛzu la faaɓaagi ma ʋɛtugi zu, gè la lua faa ɲɔu nɔpɛ ba, mazɔlɔɔ ɗa bà, ɗa-lukpɔi, ta ɗa-ɓakɔi, naati ka ti zìilɛizu. 
Ɗa fɛti laamii ɠɛʋele ɓɛtɛzu bɛ̀ sìli nuiti gaazu, è gulɔi ziɛ nɔ̀ungi ma, nà-ziawɔi laavegɛ, é ɗa ʋu ya. 
Ungo, undaanɛɛi ta nɛɛbɛi ta yɛ bà, nà-eteai pɛ su, nà ɠale ma, gè yɛ Ɠɔoɠɔ GALAGI ná-pɛlɛi wu, eyɛsu sìi ma voloi pɛ. 
