﻿Guyeiti.
15.
Davide ná-guyei. Ɠɔoɠɔ GALAGI, ɓɛ ɠa a lɛ è zei ʋɛlɛ ɲadegai wu? Ɓɛ ɠa deɠɛmu a yɛ ɗa-ɠize ɲadegai ma? 
Zɔi é ziɛzu sɔledai zu, é ɗa telebodai ɠɛ, é ɗa gaamai wo ga yiimaʋɛ pɛ. 
É la maaɓoo vaa woga ga nɛgi, é la faa ɲɔu ɠɛa ga seiɲɔɠɔi, é la unfetala vaa ɠɛa ga koba nuiti. 
Toɠa naama nui laaʋili, nii é la ʋani GALA gaazu, kɛlɛ toɠa unfe naati ma, niiti ti luazu Ɠɔoɠɔ GALAGI ʋa. Toɠa yɛ ná-minazeɠe gooi ʋolu, é so kpaan, anɛɛ ni naa ɠa ɠɛ ga tɔun kpɔlɔ vaa. 
É la ná-walii vea nu ya ga talama vaa. É la lobɛani zoga sɔbalala nu laalɔɠɔma. Zɔi é ziɛzu ɠana, naa la ɲiikpiga eyɛsu pɛ! 
