﻿Guyeiti.
13.
Guye loo ɠundiɠii nɔnɔi ʋe. Davide ná-guyei. 
Ee, Ɠɔoɠɔ GALAGI, eyɛsu yeelɛ? È yeemazu mà kenein? Ɗa maaɠoozazu bà, eyɛsu yeelɛ? 
Ziizoolɛi ɠa yɛsu mà, zìimaʋɛ eyɛsu yeelɛ? Folo-o-folo, ziiɓɔlɔi zìimaʋɛ? Sìli nui ɠa yɛsu wuzeɠezu dàalɔɠɔma, eyɛsu yeelɛ? 
Wɛlɛ, gòoɠaaʋote, Ɠɔoɠɔ GALAGI, nà-GALAGI! Gàazuʋɛ zeɠe ma, naa ɠa a kɛ, gè mina ɲi saai zu. 
Sìli nui mina ɠɛ ma: «Gè vɔniga ma!» Wɔ̀inzeɠe nuiti ti mina ɠoozunɛ, ni nà ɲiikpina. 
Nɔ̀un nà, dàaʋɛ ɗa-wooɠɛɠiladai la. Koozunɛɛi ɠa zìimaʋɛ laavesu, ɗa-ɠizo faa wolai vaa zu. Nà pɔ gè guyei loo è lɛbi vai ma, ee, Ɠɔoɠɔ GALAGI, è màalatigɛ ga ɗa-vaanɛɛiti. 
