﻿Neɠemi.
11.
Kundiɠiiti ti zeini Zeluzalɛme. Nuɓusɛi mɔtaiti saama, ti kɛɛni ga kpakutoomai, nii a kɛ nu ʋuupuugi zaama, ti yeelo nu ɠila ba, é li, é zei Zeluzalɛme taa ɲadegai zu, taaʋuugɔi zɔiti, naati ti li, ti zei zɔɔma laaiti su. 
Nuɓusɛiti ti naama nuiti mamani, niiti ti ɓɔɠɔ veeni ga ti zei Zeluzalɛme. 
Izilayɛle nuiti ti liini, ti zei Zuda laaiti su, ɛsɛ ge zei kɔli unda, ta ná-taa zu, zalaɠa ɠula nuiti, Levi nuiti, GALA sei ʋɛlɛi wu wotiɠɛ nuiti, ta Salomɔn ná-botiɠɛ nuiti ti-mavofodaiti. Koʋii ma ɠundiɠiiti daaseigiti kaa, niiti ti zeini Zeluzalɛme. 
Zuda ta Ɓɛnzamɛn nui tanigaa ti zeini Zeluzalɛme, ti laaseigiti kaa: Zuda nuiti saama: Pelɛze mavofodai Ataya, nii mɛmɛwolani ti ɠɛni ga Maɠalaleyɛle mavofodai, ga Sefatia, Amalia, Zakali, ta Woziase, 
ta Siloni mavofodai Maaseya, nii mɛmɛwolani ti ɠɛni ga Zakali, Yoyaliɓe, Adaya, Ɠazaya, Kɔle-Wozé, ta Ɓaluke. 
Pelɛze mavofodaiti saama, zunu ɓakologi niiti ti zeini Zeluzalɛme, ti ɠɛni ga nu unnaanigɔ nu ʋuulɔzita maazu lɔsaʋa (468). 
Ɓɛnzamɛn nuiti saama: Ezayi mavofodai Salu, nii mɛmɛwolani ti ɠɛni ga Itiyɛle, Maaseya, Kolaya, Pedaya, Yowɛde, ta Mesulame. 
Tɔun poluma, Gaɓayi ta Salayi. Ɓɛnzamɛn nuiti pɛ kpɔga ɠɛni ga nu untaaʋuugɔ nu ʋuufele maazu lɔsaʋa (928). 
Zikili ná-doun zunui Zowɛle ɠa é ɠɛni ga naati ta-ɠundiɠii, Ɠasenua ná-doun zunui Zuda ɠɛ ga taa ɠundiɠii ná-seikobai. 
Zalaɠa ɠula nuiti saama: Yoyaliɓe ná-doun zunui Yedaya, Yakin, 
zalaɠa ɠula ɠundiɠi wolai Ayituɓe mavofodai Selaya, nii mɛmɛwolani ti ɠɛni ga Melayɔte, Sadɔke, Mesulame, ta Yilikiya, 
naa ʋɛɛ nu undɔsaʋa nu ʋuufele maazu felegɔ (822) ʋa ti-ɠɛɛlointi saama, niiti ti ɠɛni botii ɠɛɛzu GALA sei ʋɛlɛi wu, ta Malikiya mavofodai Adaya, nii mɛmɛwolani ti ɠɛni ga Pasuul, Zakali, Amesi, Pelaliya, ta Yeloɠame, 
ta pɛlɛyeɠe ɠundiɠi unfelegɔ puunaani maazu felegɔ (242), ná-bolodamaiti saama, ta Imɛɛl mavofodai Amasayi, nii mɛmɛwolani ti ɠɛni ga Mesilemɔte, Aazayi, ta Azalɛle, 
ta kɔɔɠɔ nu ɠɛzɛɠɛzɛ ungila puufele maazu lɔsaʋa (128) ti-ɠɛɛlointi saama. Gɛdolime ná-doun zunui Zaɓidiyɛle ɠa é ɠɛni ga ta-ɠundiɠii. 
Levi nuiti saama: Ɓuni mavofodai Semaya nii mɛmɛwolani ti ɠɛni ga Ɠasaɓiya, Azilikame, ta Ɠasuɓe, 
ta Levi nuiti ta-ɠundiɠiiti Saɓetayi ta Yozaɓade, niiti ti ɠɛni GALA sei ʋɛlɛi ma wotiiti untuɠɔ kɛlɛma ʋelei, 
ta Azafe mavofodai Matania, nii mɛmɛwolani ti ɠɛni ga Zaɓidi ta Misé. Tɔ ɠa é ɠɛni ga maamusɛ wuye laaɠula ɠundiɠii GALA fali ziɛgi zu. Ná-seikobai Ɓakeɓukia, nii é ɠɛni ga Matania kɛɛɠɛloin gila, ta Aɓada, naa ɠa é ɠɛni ga Yedutun mavofodai, nii mɛmɛwolani ti ɠɛni ga Galale ta Samua. 
Levi nui niiti ti ɠɛni taa wola ɲadegai zu, ti ɠɛni ga nu unfele puulɔsaʋa maazu naani (284). 
Siɠida makɛ nuiti ti ɠɛni ná: Akuɓe, ta Talamɔn, naa ʋɛɛ ti-ɠɛɛloin siɠida makɛ nui zɔiti ba, ti pɛ kpɔga ɠɛni ga nu ungila puulɔfela maazu felegɔ (172). 
Izilayɛle nui mɔtaiti, zalaɠa ɠula nua ta Levi nua, ti zeini Zuda laai zɔiti su, ɛsɛ ge zei ná-pogani unda. 
GALA sei ʋɛlɛi wu wotiɠɛ nuiti ti zeini Zeluzalɛme ɠoii nii daa ga Wofɛle. Siɠa ta Gisipa ɠa ti ɠɛni ga ta-ɠundiɠiiti. 
Levi nuiti ta-ɠundiɠii ɠɛni Zeluzalɛme ga Uzi, Misé mavofodai, nii kɛɛɠɛ ta kɛɛɠɛwolani ti ɠɛni ga niiti: Matania, Ɠasaɓiya, ta Ɓani, é ɠɛni ga Azafe ná-bolodai zu nui ta, niiti ti ɠɛni guye loo vai ta gɛingɛin gani vaiti unda GALA sei ʋɛlɛi wu. 
Guye loo nuiti ti ɠɛni masagi ná-devei wu, faazeikpasu ɠɛni ná ta-volo ɠilagila botii vaa zu. 
Zuda mavofodai Zela ná-bolodamai zu nui nii daa ga Mesezaɓɛɛle, naa ná-doun zunui Petayia ɠa é ɠɛni masagi ɠoba nuɓusɛiti ma vai kpein su. 
Zuda ʋɛlɛyeɠei tanigaa ti liini, ti zei dɔɓɔzu laai niiti su, ta ti-maaɠooliiti su: Kiliyate-Aaleɓa ta maaɠoolii zu laaiti, Diɓon ta maaɠoolii zu laaiti, Yekaɓeseyɛle ta maaɠoolii zu laaiti, 
Yesua, Molada, Ɓɛte-Palɛte, 
Ɠasaal-Suale, Ɓeel-Seɓa ta maaɠoolii zu laaiti, 
Sikilage, Mekona ta maaɠoolii zu laaiti, 
En-Limon, Soleya, Yaalemute, 
Zanoa, ta Adulame, ta ti-maaɠoolii zu laaiti, Lakise ta maaɠoolii zu, Azeka ta maaɠoolii zu laaiti. É zo Ɓeel-Seɓa, é zeeli Ɠinɔme ʋɛtugi ma, ti zeini ná yɔɠɔzuʋɛ laaiti kpein su. 
Ɓɛnzamɛn ʋɛlɛyeɠeiti ti zeini taai niiti su: Geɓa, Mikemase, Aya, Ɓetɛle ta maaɠoolii zu laaiti, 
Anatɔte, Nɔɓe, Anania, 
Ɠasɔɔl, Lama, Gitayime, 
Ɠadide, Seɓoyime, Neɓalate, 
Lode, ta Wono, ɲɛɛliɠi nuiti ta-nɛmɛi. 
Levi nuiti saama, tanigaa ti zeɠeni Zuda, ti latiga Ɓɛnzamɛn ʋele. 
