﻿1 Dɔlɔ Sɛʋɛi.
7.
Doun zunu naanigɔ ɠa Isakaal sɔlɔɔni: Tola, Pua, Yasuɓe ta Similon. 
Tola ná-doun zunuiti daaseigiti kaa: Uzi, Lefaya, Yeliyɛle, Yamayi, Yiɓisame, ta Samiyɛle, naati kpein ti ɠɛni ga pɛlɛyeɠe lotuɠɔiti Tola mavofodaiti su. Ti pɛ ti ɠɛni ga kɔɔɠuluɓa wolaiti ta-ʋɛlɛyeɠeiti bu. Davide ɠɛai ma ga masagi, ti-liegɔi ɠɛni ga nu waaʋuufele maazu felegɔ undɔzita (22.600). 
Uzi mavofodaiti kaa: Yizalaya, naa ná-doun zunuiti ti ɠɛni ga niiti: Mikayɛle, Aɓediyase, Zowɛle, Yizalayia. Ti nu lɔɔlugɔ pɛ ti ɠɛni ga pɛlɛyeɠe lotuɠɔiti. 
Salaʋusuiti ti ɠɛni ta-ʋɛlɛyeɠeiti zea, naati ti-liegɔi ɠɛni ga nu waaʋuusaʋagɔ maazu lɔzita (36.000), tɔɔzei ti-anzaiti ta ti-lointi mɔin ʋelei ʋa. 
Isakaal mavofodaiti ta-nuɓusɛi pɛ kpɔga ɠɛni ga waaʋuulɔsaʋa maazu lɔfela (87.000), ti ga kɔɔɠuluɓaiti niiti ti-laaseigiti sɛʋɛai. 
Doun zunu saʋagɔ ɠa Ɓɛnzamɛn sɔlɔɔni: Ɓela, Ɓekɛɛl, ta Yediayɛle. 
Ɓela sɔlɔɔni ga zunu loun lɔɔlugɔ: Ɛsɛɓon, Uzi, Uziyɛle, Yelimɔte, ta Ili, naati ka ti ɠɛni ga ta-ʋɛlɛyeɠe lotuɠɔiti, ti ɠɛ ga kɔɔɠuluɓaiti, tɛiti kpein ti laaseigi zɛʋɛni, ti ɠɛni ga zunu waaʋuufele maazu felegɔ puusaʋagɔ maazu naanigɔ (22.034). 
Ɓekɛɛl mavofodaiti kaa: Zemila, Yoase, Eliyezɛɛl, Eliyɔyenayi, Womeli, Yelemɔte, Aɓiya, Anatɔte, ta Alemɛte. Ɓekɛɛl mavofodaiti kana. 
Ta-ʋɛlɛyeɠeiti daaseigiti sɛʋɛai ma, ti pɛ kpɔga ɠɛni ga zunu waaʋuufelegɔ unfelegɔ (20.200), ti ga ta-ʋɛlɛyeɠe lotuɠɔiti, ti ɠɛ kɔɔɠuluɓaiti. 
Yediayɛle mavofodaiti kaa: Ɓiliɠan, nii ná-doun zunuiti ti ɠɛni ga niiti: Yeyuse, Ɓɛnzamɛn, Eɠude, Kenaana, Zetan, Taalasise, Ayisaɠaal. 
Yediayɛle mavofodai niiti kpein ti ɠɛni ga ta-ʋɛlɛyeɠeiti ma lotuɠɔiti, niiti zunu waapuugɔ maazu lɔfela unfelegɔ (17.200) ɠɛni ti zaama ga kɔɔɠuluɓaiti, ti ɠɛʋele ɓɛtɛai ga ti li kɔɔɠɔzu. 
Supime ta Ɠupime ti ɠɛni ga Iil ná-doun zunuiti, Ɠusime ɠɛ ga Aɠɛɛl ná-doun zunui. 
Nɛfɛtali mavofodaiti kaa: Yasiyɛle, Guni, Yesɛɛl ta Salume. Nɛfɛtali dee ɠɛni ga Ɓiliɠa. 
Manasé mavofodaiti kaa: É doun zunu felegɔ zɔlɔɔni Siili anzanui ʋa, nii é la vuluni ga zɔi ɠɛʋele, naama loun mɔungi laaseigi ɠɛni ga Asaliyɛle, felesiɛi laaseigi ɠɛ ga Makiil, naa ɠa é ɠɛni ga Galaade kɛɛɠɛ. 
Makiil anza ɠila fuluni Ɠupime ʋɛ, é gila fulu Supime ʋɛ. Baazeelai laaseigi ɠɛni ga Maaka. Doun zunui velesiɛi laaseigi ɠɛni ga Selofeɠade, anzanu letele nɔ ɠa naa sɔlɔɔni. 
Makiil anzai Maaka doun zunu ɠili sɔlɔɔni bɛ, é daasei pɛɛ ga Pelɛse, é taɠili sɔlɔɔ, é naa laasei pɛɛ ga Selɛse. Selɛse ná-doun zunuiti ti ɠɛni ga niiti: Ulame, Lekɛme. 
Ulame ná-doun zunui ɠɛni ga: Ɓedan. Galaade mavofodaiti kana, Makiil ná-doun zunui, é ga Manasé ná-dounloin. 
Galaade baazeelai Yamolekɛte zunu loun zɔlɔɔni: Yisɔde, Aɓiyezɛɛl, ta Maala. 
Semida ná-doun zunuiti ti ɠɛni ga niiti: Ayiyan, Sikɛme, Liki, ta Aniame. 
Efelayime mavofodaiti kaa, é zo ɠɛɛɠɛiti ma, é li lointi pɔ: Sutela, Ɓelɛde, Taɠate, Eleyada, Taɠate, 
Zaɓade, Sutela. Ezɛɛl ta Eleyade, Gate nui niiti ti ɠɛni ga zooi naa zu nuiti, ti naati felegɔ ʋaani, tɔɔzei ti ɠɛni ɠɛɛzu ti naati ta-logani ɓulugiti seɠe ga tɔnɔ. 
Ti-ɠɛɛ Efelayime folo mɔinmɔin kɛɛni ti zaa wɔlɔi ɠa. Baalobaiti ti ʋaani ga ti gaanɛɛnɛ. 
Naa ʋoluma Efelayime laani anzai ɠoba, naa kogi zeɠe, é doun zunu zɔlɔɔ, é daasei pɛɛ ga Ɓelia (nii poluʋɛ ga «kpɔlɔi zu»), tɔɔzei ná-pɛlɛyeɠei ɠɛni kpɔlɔi zu. 
Efelayime anzanu loun zɔlɔɔni ɓalaa, nii daaseigi ɠɛni ga Seyela. Tɔ ɠa é Ɓɛte-Ɠolon taai maazu ʋelei ta buu ʋelei loni, naa ʋɛɛ Uzɛn-Seyela ʋa. 
Ɓelia mavofodaiti kaa, é zo ɠɛɛɠɛiti ma, é li lointi pɔ: Lefa, Lesɛfe, Tela, Taɠan, 
Layedan, Amiyude, Elisama, 
Nun, ta ná-doun zunui Zozuwe. 
Taai niiti Efelayime nuiti ti ti zɔlɔɔni ga ti zei ná, mináti kaa: Ɓetɛle ta koba laaiti, Naalan ɠa é ɠɛni ga folo ɠulazu ʋelei, folo liizu ʋelei Gezɛɛl ɠa é ɠɛni miná ta koba laaiti: Sikɛme, ta taa wola felegɔi naati koba laa goiti, naa ʋɛɛ Sikɛme ta Aya ti yɔɠɔzu yooi ma laaiti pɛ ba. 
Manasé mavofodaiti taa wolai niiti sɔlɔɔni: Ɓɛte-Seyan, Taanake, Megido, Dɔɔl, ta ti ɠoba laa goiti pɛ. Taa wolai naati su ɠa Izilayɛle ná-doun zunui Zozɛfe vofodaiti ti ɠɛni zeini ná. 
Asɛɛl ná-doun zunuiti kaa: Yimina, Yisiva, Yisivi ta Ɓelia, naa ʋɛɛ ti-ʋaazeelai Sela ʋa. 
Ɓelia ná-doun zunuiti kaa: Ɠeɓɛɛl, ta Malekiyɛle. Malekiyɛle naa ɠa é Ɓilizavite laaɠulani. 
Ɠeɓɛɛl nɔnɔ ma loun zunuiti kaa: Yafilɛte, Somɛɛl, Wotame, ta ti-ʋaazeelai Suwa. 
Yafilɛte ná-doun zunuiti kaa: Pasake, Ɓimiɠale, ta Asavate. Yafilɛte ná-doun zunuiti kana. 
Semɛɛl ná-doun zunuiti kaa: Ayi, Loyega, Ɠuɓa, ta Alame. 
Kɛɛɠɛloin Ɠelɛme ná-doun zunuiti kaa: Sofa, Yimina, Selɛke, ta Amale. 
Sofa ná-doun zunuiti kaa: Suwa, Ɠaalenefɛɛl, Suale, Ɓeli, Yimila, 
Ɓesɛɛl, Wode, Sama, Silisa, Yitilan, ta Ɓeyela. 
Yetɛɛl ná-doun zunuiti kaa: Yefuné, Pisipa, ta Ala. 
Ula ná-doun zunuiti kaa: Ala, Ɠaniyɛle, Lisia. 
Niima nuiti pɛ ti ɠɛni ga Asɛɛl mavofodaiti, ti ɠɛni ga pɛlɛyeɠe lotuɠɔ ʋagɔiti, ti ɠɛni ga nu ɓiigiti kɔɔɠuluɓaiti, ta totuɠɔ nu wolaiti. Zunui niiti ti-laaseigiti ti zɛʋɛni niiti ta zoo liizu kɔɔɠɔzu, naati ti ɠɛni ga nu waaʋuufele maazu lɔzita (26.000). 
