﻿1 Dɔlɔ Sɛʋɛi.
6.
Levi mavofodaiti kaa: Gɛɛlɛson, Keɠate ta Melali. 
Gɛɛlɛson ná-dointi kaa: Liɓini ta Simeyi. 
Keɠate ná-doun zunuiti kaa: Amalame, Yiseɠaal, Eɓelɔn, ta Uziyɛle. 
Melali ná-doun zunuiti kaa: Maali ta Musi. Levi ʋɛlɛyeɠeiti kaa, ti laaseigiti sɛʋɛai ti-ɠɛɛni tɔɠɔiti bu. 
Gɛɛlɛson mavofodaiti kaa, é zo ɠɛɛɠɛiti ma, é li lointi pɔ: Liɓini, Yaɠate, Zima, 
Yoa, Ido, Zela, Yeatalayi. 
Keɠate mavofodaiti kaa, é zo ɠɛɛɠɛiti ma, é li lointi pɔ: Aminadaɓe, Kolé, Asiil, 
Ɛlɛkana, Eɓiyasafe, Asiil, 
Taɠate, Uliyɛle, Uziya, Sayile. 
Ɛlɛkana ná-doun zunuiti kaa: Amasayi ta Ayimɔte. 
Ɛlɛkana mavofodaiti kaa, é zo ɠɛɛɠɛiti ma, é li lointi pɔ: Sofayi, Naɠate, 
Eliyaɓe, Yeloɠame, Ɛlɛkana, ta Samiyɛle. 
Samiyɛle ná-doun zunuiti kaa: Ma mɔungi ɠɛni ga Zowɛle, felesiɛi ɠɛ ga Aɓiya. 
Melali mavofodaiti kaa, é zo ɠɛɛɠɛiti ma é li lointi pɔ: Maali, Liɓini, Simeyi, Uza, 
Simeya, Ɠagiya, ta Azaya. 
Levi mavofodaiti daaseigiti pɛtɛ, niiti Davide guye loo vai veeni ti ya Ɠɔoɠɔ GALAGI zei ʋɛlɛi wu, siɛgi zu ti minazeɠe kesui laani la ná. 
Ti ɠɛni niina ta-wuye loo wotii ɠɛɛzu seɠe ʋɛlɛ ɲadegai laaʋɛ, nii é ga GALA daaɠomi seɠe ʋɛlɛi, eyɛsu Salomɔn pɛlɛi lo Ɠɔoɠɔ GALAGI ʋɛ Zeluzalɛme. Ti ɠɛni ta-wotii ɠɛɛzu, é zoloo devei naa ma, nii é veeni ti ya. 
Pɛtɛ niiti ka ti ɠɛni naama wotii ɠɛɛzu ta ti-loun zunuiti. Keɠate mavofodaiti saama: Ɠeman, nii é ɠɛni ga gɛingɛin gani gɛin nui, fofodaiti kaa, é zo lointi ma, é li ɠɛɛɠɛiti pɔ: Zowɛle, Samiyɛle, 
Ɛlɛkana, Yeloɠame, Eliyɛle, Toa, 
Sufe, Ɛlɛkana, Maɠate, Amasayi, 
Ɛlɛkana, Zowɛle, Azalia, Sofoni, 
Taɠate, Asiil, Eɓiyasafe, Kolé, 
Yiseɠaal, Keɠate, Levi, Izilayɛle ná-doun zunui. 
Kɛɛɠɛloin Azafe ɠɛni loni zeezazuʋɛ, ta nii ti ɠɛni ga bolodamai. Naa mavofodaiti kaa, é zo lointi ma, é li ɠɛɛɠɛiti pɔ: Ɓelekia, Simeya, 
Mikayɛle, Ɓaazeya, Malikiya, 
Eteni, Zela, Adaya, 
Etan, Zima, Simeyi, 
Yaɠate, Gɛɛlɛson, Levi ná-doun zunui. 
Etan ɠɛni loni ga kɔʋɛzu ʋelei, Melali mavofodaiti saama, ta niiti ti ɠɛni ga bolodamai. Etan mavofoda ɠitei kaa, é zo lointi ma, é li ɠɛɛɠɛiti pɔ: Kisi, Aɓidi, Maluke, 
Ɠasaɓiya, Amasia, Yilikiya, 
Amesi, Ɓani, Semɛɛl, 
Maali, Musi, Melali, Levi ná-doun zunui. 
Levi wolodamai zɔiti kpein ti ɠɛni boti ɠiligiti ma GALA ná-seɠe ʋɛlɛ ɲadegai. 
Aalɔn ta fofodaiti ti ɠɛni zalaɠaiti kulazu gala zalaɠaiti kulazuʋɛ, ti ɗa ansansegiti gala naama zalaɠa ɠulazuʋɛ. Botii kpein maanɛɛni ga é ɠɛ ada ɲadega wolai, tiya ɠa ti ɠɛni naati kɛɛzu. Tiya nɔ ɠa ɓalaa ti ɠɛni losu Izilayɛle nuiti tuɠɔ, naati ta-ɠotoiti gba vai ma zalaɠa ɠula vaiti su, eɠɛʋelei nɔ GALA ná-botiɠɛ nui Moize deveni la. 
Aalɔn mavofodaiti kaa, é zo ɠɛɛɠɛiti ma, é li lointi pɔ: Eleazaal, Fineyase, Aɓisua, 
Ɓuki, Uzi, Zelayia, 
Melayɔte, Amalia, Ayituɓe, 
Sadɔke, ta Ayimaase. 
Pɛtɛ taaiti daaseigiti ba, niiti ti veeni Aalɔn mavofodaiti zea, niiti ti ga Keɠate mavofodaiti saama. Ti taaiti feeni ti ya ga kpakutoomai: 
Zuda yooi zu laai Eɓelɔn, ta maaɠoolii. 
Kɛlɛ kpalagiti ta taa goiti ti ɠilini ma laai ʋa, ti naati feeni Yefuné ná-doun zunui Kalɛɓe ya. 
Taa wolai niiti ka ti veeni Aalɔn mavofodaiti zea ga maaʋela laaiti, ta ti-maaɠooliiti, naati ti ɠɛni ga: Eɓelɔn, Liɓina, Yatiil, Esetemoa, 
Yilɛn, Deɓiil, 
Asan, ta Ɓɛte-Semɛse. 
Taai niiti ti ti zɔlɔɔni Ɓɛnzamɛn ná-bolodai ná-zooi zu, ta ti-maaɠooliiti, naati ti ɠɛni ga: Geɓa, Alemɛte, ta Anatɔte. Ti pɛ kpɔga taa puugɔ maazu saʋagɔ (13) ɠa ti sɔlɔɔni, ti gaaɠwɛ ta-ʋɛlɛyeɠeiti ba. 
Keɠate mavofodai zɔiti ti taa wola puugɔ zɔlɔɔni ga kpakutoomai Efelayime ta Dan ta-wolodaiti ta-yooiti su, naa ʋɛɛ Manasé ná-bolodai ɠilazuʋɛ ná-zooi zu. 
Gɛɛlɛson mavofodaiti ti sɔlɔɔni ga taa wola puugɔ maazu saʋagɔ (13), ti naati sɔlɔɔni Isakaal, Asɛɛl, Nɛfɛtalini ti-mavofodaiti ta-yooiti su, ta Manasé mavofodaiti ta-yooi zu Ɓasan. 
Melali mavofodaiti ti taa wola puugɔ maazu felegɔ (12) zɔlɔɔni ga kpakutoomai, Luɓɛn, Gade, ta Zaɓulɔnni ta-wolodaiti ta-yooiti su. 
Izilayɛle nuiti ti niima laa wolaiti ta ti-maaɠooliiti feeni Levi mavofodaiti bɛ. 
Taai niiti ti-laaseigiti bogai maazu ʋelei, ti naati feeni ti ya ɓalaa ga kpakutoomai, Zuda, Simiyɔn, ta Ɓɛnzamɛnni ta-wolodaiti ta-yooiti su. 
Keɠate mavofodai zɔiti, taai niiti ti ti zɔlɔɔni, Efelayime ná-bolodai ná-zooi zu, ta ti-maaɠooliiti, naati ti ɠɛni ga: 
Sikɛme, nii é ɠɛni ga maaʋela laai ta Efelayime ɠize yooi zu, Gezɛɛl, 
Yokemeyame, Ɓɛte-Ɠolon, 
Ayalon, ta Gate-Limon. 
Taai niiti ti ti zɔlɔɔni Manasé ná-bolodai ɠilazuʋɛ ná-zooi zu, ta ti-maaɠooliiti, naati ti ɠɛni ga: Anɛɛl, ta Ɓileame. Mináti ka Keɠate mavofodai zɔiti ti sɔlɔɔni. 
Gɛɛlɛson mavofodaiti, taai niiti ti ti zɔlɔɔni Manasé ná-bolodai ɠilazuʋɛ ná-zooi zu, ta ti-maaɠooliiti, naati ti ɠɛni ga: Golan, nii é Ɓasan yooi zu, ta Asatalɔte. 
Taai niiti ti ti zɔlɔɔni Isakaal ná-bolodai ná-zooi zu, ta ti-maaɠooliiti, naati ti ɠɛni ga: Kedɛse, Daɓelate, 
Lamɔte, ta Anɛme. 
Taai niiti ti ti zɔlɔɔni Asɛɛl ná-bolodai ná-zooi zu, ta ti-maaɠooliiti, naati ti ɠɛni ga: Masale, ta Aɓedon, 
Ɠukɔke, ta Leɠɔɓe. 
Taai niiti ti ti zɔlɔɔni Nɛfɛtali ná-bolodai ná-zooi zu, ta ti-maaɠooliiti, naati ti ɠɛni ga: Kedɛse, nii é Galilé yooi zu, Ɠamon, ta Kiliyatayime. 
Melali mavofodai zɔiti, taai niiti ti ti zɔlɔɔni, Zaɓulɔn ná-bolodamai ná-zooi zu, ta ti-maaɠooliiti, naati ti ɠɛni ga: Limono, ta Taɓɔɔl. 
Taai niiti ti ti zɔlɔɔni Zuludɛn ziɛ ʋoluʋelei, Zuludɛn ɠobaʋɛ, folo ɠulazu ʋelei, Zeliko letemaʋɛ, Luɓɛn ná-bolodai ná-zooi zu, ta ti-maaɠooliiti, naati ti ɠɛni ga: Ɓesɛɛl, nii é teʋebai zu, Yasa, 
Kedemɔte, ta Mefaate. 
Taai niiti ti ti zɔlɔɔni Gade ná-bolodai ná-zooi zu, ta ti-maaɠooliiti, naati ti ɠɛni ga: Lamɔte, nii é Galaade yooi zu, Maɠanayime, 
Ɠɛsɛɓon, ta Yazɛɛl. 
