﻿1 Dɔlɔ Sɛʋɛi.
3.
Wɛlɛ Davide ná-doun zunuiti daaseigiti ba, niiti é ti zɔlɔɔni Eɓelɔn: Ma mɔungi laa ɠɛni ga Amenɔn, Zizeleyɛle nui Ayinoame ná-doun zunui. Felesiɛi laa ɠɛni ga Daniyɛle, Kaalamɛle nui Aɓigayile ná-doun zunui. 
Saʋasiɛi laa ɠɛni ga Aɓasalɔme, Maaka ná-doun zunui, Gesuul masagi Talamayi ná-doun anzanui. Naanisiɛi laa ɠɛni ga Adoniya, Ɠagite ná-doun zunui. 
Dɔɔlusiɛi laa ɠɛni ga Sefatia, Aɓitale ná-doun zunui, ta dɔzitasiɛi laa ɠɛ ga Yitileyame, Egela ná-doun zunui, Egela naa ɓalaa ɠɛni ga Davide anzai ta. 
Doun zunu lɔzitai naati ti zɔlɔɔni bɛ Eɓelɔn, ʋɛ é kona dɔfela ta alu dɔzita ɠɛni ná masadai zu. É kɛ ga kona ʋuusaʋa maazu saʋa (33) masadai zu Zeluzalɛme. 
Niiti é ti zɔlɔɔni Zeluzalɛme, naati kaa: Simeya, Soɓaɓe, Natan, Salomɔn, naati naanigɔ pɛ ti ɠɛni ga Ɓate-Seɓa ná-dointi, Amiyɛle ná-doun anzanui. 
Naa ʋoluma doun zunu taaʋuugɔ ɠiligaa ti zɔlɔɔni Davide ʋɛ ʋolu: Yiɓaal, Elisama, Elifelɛte, 
Nɔga, Nefɛge, Yafia, 
Elisama, Eliada, ta Elifelɛte. Doun zunu taaʋuugɔ ɠiligaa ɠana ti zɔlɔɔni Davide ʋɛ ʋolu. 
Davide ná-doun zunuiti pɛ kana, naa pɛ poluma, anzai niiti é la ɠɛni ti vuluni ga zɔiti kɛʋele, naati ɓalaa ti zunu lointi sɔlɔɔni bɛ. Ti pɛ ti-ʋaazeelai ɠɛni ga Tamaal. 
Salomɔn mavofodaiti kaa, é zo ɠɛɛɠɛiti ma, é li lointi pɔ: Loɓoame, Aɓiya, Aza, Zozafate, 
Yolame, Aɠazia, Zoase, 
Amasia, Azalia, Yotame, 
Aɠaze, Ezekiase, Manasé, 
Amon, ta Zoziase. 
Zoziase ná-doun zunuiti kaa: Ma mɔungi ɠɛni ga Yoɠanan, felesiɛi Yeɠoyakime, saʋasiɛi Sedesiyase, ta naanisiɛi Salume. 
Yeɠoyakime ná-doun zunuiti ti ɠɛni ga: Yekonia ta Sedesiyase. 
Yekonia nii ti liini la duɔlai zu, fofodaiti ti ɠɛni ga: Seyalitiyɛle, 
naa ʋoluma, Malikilame, Pedaya, Sɛnasaal, Yekamia, Wosama, ta Nedaɓia. 
Pedaya ná-doun zunuiti ti ɠɛni ga: Zoloɓaɓɛle ta Simeyi. Zoloɓaɓɛle zunu loun felegɔ zɔlɔɔni: Mesulame ta Ɠanania, Selomite ɠa é ɠɛni ga ta-zeelai, 
naa ʋoluma, zunu loun lɔɔlugɔ ɠiligaa ti zɔlɔɔni bɛ: Asuɓa, Woɠɛle, Ɓelekia, Ɠasadia, ta Yusaɓe-Ɠesɛde. 
Ɠanania ná-doun zunuiti ti ɠɛni ga: Pelatiya ta Yesaya. Lefaya ná-doun zunuiti ta Aalanane nɔnɔiti, naa ʋɛɛ Aɓediyase nɔnɔiti ba ta Sekania nɔnɔiti ti ɠɛni ga niiti: 
Doun zunu lɔzita ɠa Sekania sɔlɔɔni: Semaya, Ɠatuse, Yigeyale, Ɓalia, Nɛyalia, ta Safate. 
Doun zunu saʋagɔ ɠa Nɛyalia sɔlɔɔni: Eliyɔyenayi, Ezekiase, ta Azilikame. 
Doun zunu lɔfela ɠa Eliyɔyenayi sɔlɔɔni: Wodavia, Eliasiɓe, Pelaya, Akuɓe, Yoɠanan, Delaya, ta Anani. 
