﻿Gaalu Sɛʋɛi.
2.
Ɠɔoɠɔ GALAGI ɓɔɛni Moize ta Aalɔn ʋɔ, é ɠɛ ti ma: 
«Izilayɛle nuiti ti ɠilagilagi ɠa ʋu ná-bolodai ná-poogi ɠobaʋɛ, ta-ʋɛlɛyeɠeiti ta-ʋoogi wu. Ta ʋu GALA daaɠomi seɠe ʋɛlɛi letema, ta maaɠoolii zu. 
«Zuda ná-bolodai ɠa ʋu folo ɠulazu ʋelei, ná-poogi wu, ga ná-kɔɔɓɔgiti kɛʋelei. Ná-kundiɠii ɠa ɠɛ ga Naason, Aminadaɓe ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuulɔfela maazu naani undɔzita (74.600). 
Isakaal ná-bolodai ɠa ʋu kobaʋɛ. Ná-kundiɠii ɠa ɠɛ ga Netaneyɛle, Suaal ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuulɔɔlu maazu naani unnaanigɔ (54.400). 
Zaɓulɔn ná-bolodai ɠa ʋu zɔɔla ʋelei. Ná-kundiɠii ɠa ɠɛ ga Eliyaɓe, Ɠelon ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuulɔɔlu maazu lɔfela unnaanigɔ (57.400). 
Zuda ná-kɔɔɓɔgiti ti-liegɔi ɠa ɠɛ ga zunu waaungila waaʋuulɔsaʋa maazu lɔzita unnaanigɔ (186.400). Naati ka ta lo siɛi ma ʋelei la. 
«Luɓɛn ná-bolodai ɠa ʋu nu yeezazu ʋelei, ná-poogi wu, ga ná-kɔɔɓɔgiti kɛʋelei. Ná-kundiɠii ɠa ɠɛ ga Elisuul, Sedeyuul ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuunaani maazu lɔzita undɔɔlugɔ (46.500). 
Simiyɔn ná-bolodai ɠa ʋu kobaʋɛ. Ná-kundiɠii ɠa ɠɛ ga Selumiyɛle, Sulisadayi ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuulɔɔlu maazu taaʋuu unsaʋagɔ (59.300). 
Gade ná-bolodai ɠa ʋu zɔɔla ʋelei. Ná-kundiɠii ɠa ɠɛ ga Eliasafe, Leyuwɛle ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuunaani maazu lɔɔlu undɔzita puulɔɔlugɔ (45.650). 
Luɓɛn ná-kɔɔɓɔgiti ti-liegɔi ɠa ɠɛ ga zunu waaungila waaʋuulɔɔlu maazu ɠila unnaani puulɔɔlugɔ (151.450). Naati ka ta ɠɛ ʋelelaiti poluʋɛ siɛ wo fai zu. 
«Naa ʋoluma, Levi nuiti ta ʋilɛ ti ʋolu ga GALA daaɠomi seɠe ʋɛlɛi, siɛ wo fai zu. Ta ɠɛ kɔɔɓɔ felegɔ mɔungiti ta kɔɔɓɔ felegɔ ɠaaɓelagiti zɔɠɔzu. Ʋelei ti ʋuu ʋelei la, pele ɠana ta lii la, ɛsɛ ge yɛ losu, ti ɠilagilagi, ta ta-ʋoogiti. 
«Efelayime ná-bolodai ɠa ʋu folo liizu ʋelei, ná-poogi wu, ga ná-kɔɔɓɔgiti kɛʋelei. Ná-kundiɠii ɠa ɠɛ ga Elisama, Amiyude ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuunaani undɔɔlugɔ (40.500). 
Manasé ná-bolodai ɠa ʋu kobaʋɛ. Ná-kundiɠii ɠa ɠɛ ga Gameliyɛle, Pedasuul ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuusaʋa maazu fele unfelegɔ (32.200). 
Ɓɛnzamɛn ná-bolodai ɠa ʋu zɔɔla ʋelei. Ná-kundiɠii ɠa ɠɛ ga Aɓidan, Gideyɔni ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuusaʋa maazu lɔɔlu unnaanigɔ (35.400). 
Efelayime ná-kɔɔɓɔgiti ti-liegɔi ɠa ɠɛ ga zunu waaungila maazu lɔsaʋa ungila (108.100). Naati ka ta ɠɛ liizu togi zaʋasiɛi zu. 
«Dan ná-bolodai ɠa ʋu nu ɠɔʋɛzu ʋelei, ná-poogi wu, ga ná-kɔɔɓɔgiti kɛʋelei. Ná-kundiɠii ɠa ɠɛ ga Ayiyezɛɛl, Amisadayi ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuulɔzita maazu felegɔ undɔfela (62.700). 
Asɛɛl ná-bolodai ɠa ʋu kobaʋɛ. Ná-kundiɠii ɠa ɠɛ ga Pagiyɛle, Wokelan ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuunaani maazu ɠila undɔɔlugɔ (41.500). 
Nɛfɛtali ná-bolodai ɠa ʋu zɔɔla ʋelei. Ná-kundiɠii ɠa ɠɛ ga Ayila, Enan ná-doun zunui. 
Ná-kɔɔɓɔgi liegɔi ɠa ɠɛ ga zunu waaʋuulɔɔlu maazu saʋa unnaanigɔ (53.400). 
Dan ná-kɔɔɓɔgiti ti-liegɔi ɠa ɠɛ ga zunu waaungila waaʋuulɔɔlugɔ maazu lɔfela undɔzita (157.600). Naati ka ta li ga gaaɓelagi ta ta-ʋoogiti.» 
Izilayɛle nuɓusɛiti ti ti ɠaaluni ga pɛlɛyeɠei, ta ta-ɠɔɔɓɔgiti kɛʋelei, ti-liegɔi ɠɛni ga zunu waaundɔzita zunu waasaʋagɔ undɔɔlu puulɔɔlugɔ (603.550). 
Levi nuiti gaa la ɠɛni luni Izilayɛle nui zɔiti saama, eɠɛʋelei Ɠɔoɠɔ GALAGI ma levei veeni la Moize ya. 
Izilayɛle nuiti ti ziɛni ga deveiti pɛ, eɠɛʋelei Ɠɔoɠɔ GALAGI ma levei veeni la Moize ya. Naa ɠa é kɛɛni, ti ɠɛni ʋuuzu ta-ʋoogi ɠoba. Ta ɠɛna ziaa, ti lo ga ta-woloda ʋelei, ta pɛlɛyeɠe ʋelei. 
