﻿Jabbu̱li̱.
3.
Jabbu̱li̱ ya Dhau̱dhi̱, obu aalu̱ki̱ye ewaa mutabani̱ wee Abbusoloomu. Ai̱ Mukama, ndi na ngi̱ghu̱ sikani̱ye! Bantu bakani̱ye niibuwo bandwani̱i̱si̱ya. 
Bantu bakani̱ye niibuwo baaghila bati, “Luhanga wee taakumujuna.” 
Bhaatu uwe, Ai̱ Mukama, nuuwe ngabo yanje eghi eneeli̱ghi̱li̱i̱ye, nuuwe oku̱mpu̱ti̱yagha kandi ompa bu̱si̱ngu̱li̱. 
Nkasaba Mukama kandi ankuukamu ali haa mwena ghuwe ghu̱hi̱ki̱li̱i̱ye. 
Nkulangaalagha kandi nsu̱su̱mu̱ka kulungi, nanga uwe Mukama okubaagha ondi̱ndi̱ye. 
Tankwobaha ngi̱ghu̱ syanje lu̱ku̱mi̱ abaku̱neeli̱ghi̱i̱li̱li̱ya kundwani̱i̱si̱ya. 
Oomuke, Mukama! Onjune Luhanga wanje! Otali̱ye ngi̱ghu̱ syanje matama, okobhange bantu babhi maano. 
Mukama okujunagha bantu baawe kandi nuuwe okubahaagha mu̱gi̱sa. 
