JOS 1:9b Ngawurringani yimi,” wayinya karri ngurrutiyarra nginja, Nginja wiyi nyipukuturumi amintya karluwa jimatawanga. Pili muwa yati nginja kutakamini nginja nyimpuwuri, api ngajiti nyimpajawanga, amintiya ngajiti arliranga
PSA 34:18 Yingwampa tiwi wuta arliranga amintiya jirti yilaruwu. Ngawarringani arimuwu yinkitayi kapi awuta tiwi, amintiya yingwampi tiwi karluwu wuta-murungumi pupuni ngini awuta ngawarringani amaniwani awuta tiwi wiyi.
PSA 55:22a Takirayi nginja ngini kutakamini jirti apalamiya, api takirayi ngawurringani ngarra wiyi apamangi nginja.Takirayi nginja ngini kutakamini jirti apalamiya, api takirayi ngawurringani ngarra wiyi apamangi nginja.
PRO 3:5 Nginja jimatakirimi ngini wantirrana ngawa-rringani. Ngamatakirimi ngini nginjila ruwuti wantirrana. Ngajiti Ngimpingitayi ngini wantirrana nyimpumungumi.
ISA 30:19b Nginja wiyi nimarra kapi ngirringani ngini awunuwani nginja kurtuwangarri wumunga. Ngarra wiyi aripingitaya kapi nginja karri ngarra minyawunga nginja nimarra kapi ngarra. Ngarra wiyi ariwani nginja ninganara.
ISA 41:10b Ngawarringini yimi,” Ngiya wiyi ngimatakirimi nginja ngini yukurturumi. Kuwa, ngiya wiyi ngimanwani nginja. Kuwa, ngiya yukuturumi ngini yimatamuwu pupuni.
ISA 43:1b Ngirringani yimi,” ngajiti nyimpajawanga, pili ngiya wiyi ngumpawangi nuwa amintiya ngiya nguwutimarti nginja ngini ngawuyati tiwi. Yimakirimi ngini nuwurla yintanga amintiya nuwa waya kapi ngiya
ACT 1:9 Kiyi God yimarruriyi Jesus kuriyuwu kapi wampaka, ngarra-mamanta pirripakurluwunyi karri yipapurti. Kiyi yirrakunga yipujirra, ngarra-mamanta karluwu pirrapakurluwunyi ngarra.
ACT 1:10 Ninganiwanga pirripakurluwunyi kuriyuwu karri awuta yuwurrara jajingaruwi papi-pirimi ngini wuta turtiyanginari kuluji, pirripirti kapi wuta.
ACT 1:11 Wuta pirimi. “Nuwa jajingaruwi kapi-nuwa Kalaliyi, pilikama nuwa tayiti awungarra ngini ngimpakurluwunyi kuriyuwu kapi yirrakunga? Ngarra God yimarruriyi Jesus kuriyuwu. Nginingaji nuwa nginti-pakurluwunyi ngini yipapurti. Ngarra wiyi awunipakupawurli, awarrawanga nginingaji nginti-pakurluwunyi ngini ngarra yuwuriyi”
