﻿Sabo.
3.
Ry Iehovà, Akore ty fitomboa’ o mpamorefore ahikoo ! Maro ty miongake hiatreatre ahy. 
Lako ty manao ty hoe ty amako : Tsy ama’e ty fandrombahan’ Añahare. Selà 
Fa Ihe, ry Iehovà, ro kalan-defo mañohoñ’ ahy, ty engeko naho ty Mpampiandra ty lohako. 
Ie koiheko am-peo t’Iehovà, le janjiñe’e amy vohi’e miavakey. Selà 
Màndre iraho vaho miroro; tsekake amy te mpañimba ahy t’Iehovà. 
Tsy hembañako i lahiale miarikoboñe hiatreatre ahikoy. 
Miongaha, ry Iehovà! Rombaho iraho ry Andrianañahareko, fa fonga tinampifi’o ty valañorà’ o rafelahikoo; vaho pinekapeka’o ty nife’ o lo-tserekeo. 
Am’ Iehovà ty fandrombahañe; naho am’ondati’oo ty fitahia’o. Selà 
