﻿Salmu.
128.
Kantiku peregrinasaun nian. Ema nebee hamtauk NAI Maromak hodi lao tuir Nia dalan, ema nee hetan ksolok. 
O sei haan husi o nia kosar been rasik; o sei hetan bensaun no moris diak. 
O nia feen sei hanesan ai uvas nebee foo fuan barak iha o nia uma; o nia oan sira sei hanesan ai oliveira dikin hodi haleu o nia meza. 
Loos duni, ema nebee hamtauk NAI Maromak, sei hetan bensaun nunee. 
Hau harohan atu NAI Maromak foo bensaun ba o husi Siaun; hau harohan atu o haree Jerusalém moris diak iha o nia vida tomak. 
Hau harohan atu o moris too haree o nia bei-oan sira. Pas ho hakmatek ba Israel! 
