﻿Salmu.
121.
Kantiku peregrinasaun nian. Hau foti matan hateke ba foho; hau atu hetan tulun husi nebee? 
Hau hetan tulun husi NAI Maromak, Ida nebee halo lalehan ho rai. 
Nia sei la husik o nia ain sidi; Ida nebee tau matan ba o sei la dukur. 
Tebes duni, Ida nebee tau matan ba Israel nee, Nia matan sei la dukur, Nia matan moos hela deit. 
NAI Maromak tau matan ba o; NAI iha hela o nia sorin loos hodi foo mahon ba o. 
Loromatan meudia nian sei la halo o terus; fulan iha kalan mos lae. 
NAI Maromak sei kuidadu o husi buat aat hotu-hotu; Nia sei tau matan ba o nia moris. 
NAI sei kuidadu o bainhira o sai husi uma no fila fali ba uma, agora too tinan ba tinan. 
