﻿Salmu.
93.
NAI Maromak mak Liurai, Nia hatais murak mean; NAI hatudu sai Nia kbiit. Nia harii metin mundu nee, mundu nunka atu nakdoko. 
Ita Boot ukun nanis kedas; Ita Boot iha hori uluk liu. 
NAI Maromak, laloran tasi hasae lian; tasi nia lian makaas; laloran tasi tarutu hasae nia lian. 
NAI iha fatin aas ba, Nia makaas teb-tebes; makaas liu bee boot nebee tarutu, makaas liu laloran tasi nebee baku ba-mai. 
NAI, Ita Boot nia mandamentu dura nafatin; Ita Boot nia uma santu teb-tebes too tinan ba tinan. 
