﻿ꠎꠛꠥꠞ.
24.
ꠢꠎꠞꠔ ꠖꠣꠃꠖꠞ ꠝꠤꠎꠝꠞ। ꠁ ꠎꠉꠔ ꠀꠞ ꠎꠉꠔꠞ ꠢꠇ꠆ꠇꠟꠔꠣꠃ ꠝꠣꠛꠥꠖꠞ, ꠖꠥꠘꠤꠀ ꠀꠞ ꠖꠥꠘꠤꠀꠞ ꠛꠣꠡꠤꠘ꠆ꠖꠣ ꠅꠇꠟ ꠔ ꠔꠣꠘ। 
ꠔꠣꠁꠘ ꠖꠞꠤꠀꠞ ꠙꠣꠘꠤꠞ ꠃꠙꠞꠦ ꠖꠥꠘꠤꠀꠞ ꠜꠤꠔ ꠛꠅꠀꠁꠟ ꠇꠞꠟꠣ, ꠉꠣꠋ-ꠈꠣꠟꠞ ꠃꠙꠞꠦ ꠁꠀꠘ ꠈꠥꠐꠤ ꠛꠅꠀꠁꠟꠣ। 
ꠇꠦ ꠉꠤꠀ ꠝꠣꠛꠥꠖꠞ ꠙꠣꠠꠞ ꠃꠙꠞꠦ ꠃꠑꠤꠔ, ꠔꠣꠘ ꠙꠣꠇ-ꠙꠛꠤꠔ꠆ꠞ ꠝꠥꠇꠣꠝꠅ ꠇꠥꠘ ꠎꠘ ꠈꠣꠠꠣ ꠞꠁꠛ? 
ꠢꠃ ꠎꠘꠃ ꠔ, ꠎꠣꠞ ꠀꠔ ꠘꠤ-ꠅꠙꠞꠣꠗꠤ, ꠎꠣꠞ ꠖꠤꠟ ꠙꠣꠇ-ꠍꠣꠚ; ꠢꠦ ꠎꠉꠔꠞ ꠝꠣꠄꠀ ꠎꠣꠟꠅ ꠛꠘ꠆ꠖꠤ ꠘꠣꠄ, ꠀꠞ ꠐꠉꠣꠐꠉꠤꠞ ꠘꠤꠅꠔꠦ ꠇꠍꠝ ꠈꠣꠄ ꠘꠣ। 
ꠢꠦ-ꠃ ꠙꠣꠁꠛ ꠀꠟ꠆ꠟꠣꠞ ꠔꠞꠚ ꠕꠣꠇꠤ ꠞꠢꠝ-ꠛꠞꠇꠔ, ꠔꠣꠞ ꠎꠣꠘ ꠛꠣꠌꠣꠅꠞꠣ ꠝꠣꠟꠤꠇꠞ ꠉꠦꠍ ꠕꠣꠇꠤ ꠛꠦ-ꠇꠍꠥꠞ ꠈꠣꠟꠣꠍ ꠙꠣꠁꠛ। 
ꠄꠞꠣꠃ ꠅꠁꠟꠣ ꠔꠣꠘ ꠀꠡꠤꠇ ꠛꠘ꠆ꠖꠣꠞ ꠖꠟ, ꠔꠥꠝꠣꠞ ꠖꠤꠖꠣꠞ ꠙꠣꠁꠔ ꠌꠣꠄ, ꠅ ꠁꠀꠇꠥꠛꠞ ꠀꠟ꠆ꠟꠣ। (ꠍꠦꠟꠣ) 
ꠅ ꠉꠦꠁꠐ ꠅꠇꠟ, ꠝꠣꠕꠣ ꠃꠌꠣ ꠇꠞꠅ, ꠃꠌꠣ ꠅꠁꠎꠣꠅ, ꠅ ꠌꠤꠞꠡ꠆ꠕꠣꠄꠁ ꠖꠥꠀꠞ ꠅꠇꠟ, ꠎꠣꠟꠣꠟ-ꠡꠣꠘꠞ ꠛꠣꠖꠡꠣꠄ ꠔꠡꠞꠤꠚ ꠀꠘꠤꠟꠣꠃꠇ꠆ꠇꠣ। 
ꠅꠃ ꠎꠣꠟꠣꠟ-ꠡꠣꠘꠞ ꠛꠣꠖꠡꠣ ꠇꠦ? ꠛꠟꠛꠣꠘ ꠀꠞ ꠙꠄꠟꠥꠀꠘ ꠝꠣꠛꠥꠖ, ꠟꠣꠠꠣꠁ-ꠎꠥꠖ꠆ꠖꠔ ꠙꠄꠟꠥꠀꠘ ꠝꠣꠛꠥꠖ। 
ꠅ ꠉꠦꠁꠐ ꠅꠇꠟ, ꠝꠣꠕꠣ ꠃꠌꠣ ꠇꠞꠅ, ꠃꠌꠣ ꠅꠅ, ꠅ ꠌꠤꠞꠡ꠆ꠕꠣꠄꠁ ꠖꠥꠀꠞ ꠅꠇꠟ, ꠎꠣꠟꠣꠟ-ꠡꠣꠘꠞ ꠛꠣꠖꠡꠣꠄ ꠔꠡꠞꠤꠚ ꠀꠘꠤꠟꠣꠃꠇ꠆ꠇꠣ। 
ꠎꠣꠟꠣꠟ-ꠡꠣꠘꠞ ꠅꠃ ꠛꠣꠖꠡꠣ ꠇꠦ? ꠍꠤꠙꠣꠁ ꠖꠟ ꠅꠇꠟꠞ ꠇꠣꠝꠣꠘ꠆ꠒꠣꠞ ꠝꠣꠛꠥꠖ, ꠔꠣꠁꠘꠃ ꠎꠣꠟꠣꠟ-ꠡꠣꠘꠞ ꠛꠣꠖꠡꠣ। (ꠍꠦꠟꠣ)॥ 
