﻿ꠎꠛꠥꠞ ꠡꠞꠤꠚ.
1.
ꠡꠥꠈꠤ ꠢꠃ ꠎꠘ, ꠘꠣꠚꠞꠝꠣꠘꠞ ꠍꠣꠟ꠆ꠟꠣꠄ ꠎꠦ ꠌꠟꠦ ꠘꠣ, ꠙꠣꠙꠤꠞ ꠙꠕꠅ ꠎꠦ ꠃꠛꠣꠄ ꠘꠣ, ꠝꠡꠇꠞꠣ ꠇꠞꠞꠣꠞ ꠀꠒ꠆ꠒꠣꠔ ꠛꠄ ꠘꠣ। 
ꠅꠁꠟꠦ ꠝꠣꠛꠥꠖꠞ ꠖꠦꠅꠀ ꠢꠦꠖꠣꠄꠅꠔꠃ ꠔꠣꠞ ꠈꠥꠡꠤ, ꠁ ꠢꠦꠖꠣꠄꠅꠔꠞꠦ ꠗꠤꠀꠘ ꠇꠞꠦ ꠢꠦ ꠖꠤꠘ-ꠞꠣꠁꠔ ꠗꠞꠤ। 
ꠔꠣꠞ ꠎꠤꠘ꠆ꠖꠦꠉꠤ ꠔ ꠙꠣꠘꠤꠞ ꠚꠥꠔꠞ ꠗꠣꠞꠞ ꠉꠣꠍꠞ ꠟꠣꠈꠣꠘ, ꠎꠦ ꠉꠣꠍꠦ ꠡꠑꠤꠇ ꠡꠝꠄꠄ ꠚꠟ ꠗꠞꠦ, ꠈꠞꠣꠞ ꠖꠤꠘꠅ ꠔꠣꠞ ꠙꠣꠔꠣ ꠢꠥꠇꠣꠄ ꠘꠣ, ꠢꠦ ꠎꠦꠔꠣꠔꠃ ꠀꠔ ꠖꠦꠄ, ꠅꠔꠣꠔꠃ ꠟꠣꠜꠛꠣꠘ ꠅꠄ। 
ꠅꠁꠟꠦ ꠈꠛꠤꠍ-ꠛꠎ꠆ꠎꠣꠔꠞ ꠌꠟꠣ ꠔ ꠅꠟꠣ ꠘꠣꠄ, ꠁꠔꠣꠞ ꠎꠤꠘ꠆ꠖꠦꠉꠤ ꠗꠣꠘꠞ ꠍꠥꠍꠣꠞ ꠟꠣꠈꠣꠘ ꠛꠣꠔꠣꠡꠦ ꠃꠠꠦ। 
ꠢꠣꠡꠞꠞ ꠖꠤꠘ ꠃꠛꠣꠁꠔ ꠔꠣꠞꠣꠞ ꠅꠟꠣ ꠡꠣꠅꠡ ꠘꠣꠁ, ꠙꠣꠇ-ꠙꠞꠦꠎꠉꠣꠞꠞ ꠝꠎꠟꠤꠍꠅ ꠘꠣꠚꠞꠝꠣꠘꠞ ꠘꠣꠁ ꠇꠥꠘꠥ ꠑꠣꠁ। 
ꠙꠞꠦꠎꠉꠣꠞ ꠛꠘ꠆ꠖꠣꠞ ꠌꠟꠣ-ꠚꠤꠞꠣꠞ ꠙꠕꠅ ꠝꠣꠛꠥꠖꠦ ꠘꠎꠞ ꠞꠣꠈꠂꠘ, ꠅꠁꠟꠦ ꠈꠛꠤꠍ-ꠛꠎ꠆ꠎꠣꠔꠞ ꠙꠕꠅ ꠀꠍꠦ ꠡꠞ꠆ꠛꠘꠣꠡ॥ 
