﻿Zobur.
24.
Hozrot Daudor mizmor. I zogot ar zogotor hokkolta-u Mabudor, dunia ar duniar bashinda oḳol to tan. 
Tain doriar fanir ufre duniar bit boail ḳorla, gang-kalor ufre ian kuṭi boaila. 
Ḳe gia Mabudor faṛor ufre uṭito, tan fak-fobitro mukamo kun jon ḳaṛa roibo? 
Hou zon-u to, zar at ni-oforadi, zar dil fak-saf; he zogotor maya zalo bondi nae, ar ṭogaṭogir niote ḳosom ḳae na. 
He-u faibo Allar torof taki rohom-borkot, tar zan basaora malikor ges taki be-ḳosur ḳalas faibo. 
Era-u oila tan ashik bondar dol, tumar didar faito sae, O Iakubor Alla. (Sela) 
O geiṭ oḳol, mata usa ḳoro, usa oizao, O sirostayi duar oḳol, zalal-shanor bashshae toshrif anilaukka. 
Ou zalal-shanor bashsha ḳe? Boloban ar foyluan Mabud, laṛai-zuddot foyluan Mabud. 
O geiṭ oḳol, mata usa ḳoro, usa o, O sirostayi duar oḳol, zalal-shanor bashshae toshrif anilaukka. 
Zalal-shanor ou bashsha ḳe? Sifai dol oḳlor kamanḍar Mabud, tain-u zalal-shanor bashsha. (Sela) 
