﻿Zobur.
5.
Ebadot-bondegi forisaloḳor lagi: bashir shure. Hozrot Daudor mizmor. O Mabud, amar foriad ḳobul ḳoro, dilor ḳandon amar tumar ḳane huno. 
O amar Alla, amar bashsha tumi, amar aoaz huno tumi doya ḳori, dua-minoti ḳori tumar gese-u ḳali. 
Tumi forti din fozore amar buli to huno, dilor hokkolta hazai raki tumar didaro. 
Tumi to ila Alla nae ḳarafi zar fosond, tumar meman oito nae kunu fafi zon. 
Boṛai-beṭagiri deḳaorar ṭai nai tumar samne, hoḳol laḳan naformani tumi ginna ḳoro nize. 
Misa ḳota matrare nichchoy binash ḳoro tumi, Mabude to ginnain beshi kun-ḳarafi sol-soturi. 
Oile tumar doya-mayae tumar goro hamaimu ami, noto oia soizda ḳormu tumar fobitro gor muki. 
O Mabud, amar sairobae to dushmone bora, tumar forezgarir fote more neo salaia, amar samne tumar fot ḳoro sohi-shuza. 
Tarar mukor kunu ḳota-u ekinor zuka nae, tarar dil-mon bora ḳali binashor sintae, kula ḳoyboror fosa lashor laḳan tarar gola, fam-foṭṭi marar ustad to tarar zifra. 
O Alla, tumi itare dushi shaibosto ḳoro, tarar shorbonash ouk tarar fatail fando, shima saṛa naformanir dae ḳedao otare, birudita ḳorra to otae tumi Allar loge. 
Oile tumar sayat boshotḳari kushe-bashe rouk, hor-hamesha kushir gozol tara hoḳole gauk. tumi basao tarare tumar ashik zara, amud-furti ḳorouk shobe tumar name tara. 
Tumi-u Mabude forezgarre deo rohom-borkot, rohomotor beṛadi tumi tarare raḳo nirafod. 
