﻿জবুর.
12.
এবাদত-বন্দেগি পরিচালকর লাগি: সুর ‘শেমিনীথ’। হজরত দাউদর মিজমর। ও মাবুদ, জানে বাচাউক্কা, অখন আর নাই কুনু আশিক বন্দা, আদম জাতির মাজে হক কুনু জন তুকাইয়া মিলের না। 
পরতেকেউ একে-অইন্যে মিছা মাত মাতে, খালি ফাম-পট্টি মারে আর মুনাফিকি করে। 
ও মাবুদ, ফাম-পট্টি মাররা হক্কল ঠোট কাটিয়া ফালাও, বড়াই-বেটাগিরি দেখাওরার জিফরা তুমি কাটিলাও। 
তারা কয়, “জিতিমু নিচ্চিত আমরার জিফরার বলে, আর খেগু অইবো চালকদার নিজর ঠোট থাকতে?” 
“গরিব-দুখির জুলুম দেখিয়া আমি মাবুদ উবাইমু, নিরুপায়র দিলর কান্দন আমি নিচ্চিত হুনিমু। সায়-শান্তিয়ে দিন কাটাইতো যারা দিলে-জানে চায়, তারার আশা করমু পুরন আমি আল্লায়।” 
মাবুদর জবানো তো কুনু খাদ নাই, কষ্টি-পাথরো যেলা রুপা অয় যাচাই, সাতবারর আগুইনদি ছাফ করা রুপা, তান জবান খাটি নিখুত-নিখাদ অলা। 
ও মাবুদ, তুমি নিচ্চয় আমরার বায় চাইবায়, অলা মানষর আত থাকি চিরকাল বাচাইবায়। 
নাফরমান-বজ্জাতে যেবলা চাইরোবায়দি ঘুরে, আদম জাতির মাজে অবলা খারাপি কাম বাড়ে॥ 
