GEN 1:1 नेल्‍ल क्‍येङा ङोंइती परमप्रभुमी सरीङ नु रागी दुम्‍पदा बाक्‍त।
GEN 1:2 मिनु खप, फश, ब्‍वाक्‍कु नेल्‍ल खाल्‍सीशा, मारेइ मवाशो बाक्‍माक्‍त। मिनु मेको तारी छिङछिङ बाक्‍माक्‍त। परमप्रभु आ सोक्‍त ब्‍वाक्‍कु तारी फिल फिल पा हिम्‍सीशा बाक्‍बाक्‍माक्‍त।
GEN 1:3 मिनु परमप्रभुमी “छेङछेङ दुमो” देंमेनु, छेङछेङ दुम्‍माक्‍त। भजन संग्रह ३३:९; हिब्रू ११:३; यसैया ४५:७
GEN 1:4 मेको तशा “रिम्‍शो दुम्‍त” देंमाक्‍त। मिनु छेङछेङ नु छिङछिङ फ्रादीम्‍सी बाक्‍त।
GEN 1:5 मिनु परमप्रभुमी छेङछेङ कली नाक्‍ती नु छिङछिङ कली नाक्‍दो, दे नें वोदा बाक्‍त। मिनु नां रिक्‍शा, नां सोव़शा, मेको ङोंइती ङा नाक्‍ती दुम्‍माक्‍त।
GEN 1:6 मिनु परमप्रभुमी “ब्‍वाक्‍कु आ दातेमी फ्रातीक दुमो। ब्‍वाक्‍कु ब्राशा बाक्‍मल” देंमाक्‍त।
GEN 1:7 मोपा परमप्रभुमी सरीङ आगा ङा ब्‍वाक्‍कु नु सरीङ तारी ङा ब्‍वाक्‍कु फ्रादीम्‍सी बाक्‍त। मिनु ब्‍वाक्‍कु बुक्‍शा बाक्‍मा बाक्‍त। भजन संग्रह १९:२; भजन संग्रह १३६:६; भजन संग्रह १४८:४
GEN 1:8 परमप्रभुमी मेको फ्रातीके कली सरीङ, दे नें वोदा बाक्‍त। मिनु नां रिक्‍शा, नां सोव़शा, मेको निक्‍शी नाक्‍त दुम्‍माक्‍त।
GEN 1:9 मिनु परमप्रभुमी “सरीङ आगा ङा ब्‍वाक्‍कु काथा दुमीन। सोव़शो रू ग्रूङो” देंमाक्‍त। मेको यो दुम्‍माक्‍त। अय्‍युब ३८:८-११; भजन संग्रह २४:२; २पत्रुस ३:५
GEN 1:10 मिनु परमप्रभुमी सोव़शो रू कली रागी नु ब्‍वाक्‍कु देम्‍शा लीशो कली समुन्‍द्र, दे नें वोदा बाक्‍त। मिनु मेको आ सेल्‍शो तशा “रिम्‍शो दुम्‍त” देंमाक्‍त।
GEN 1:11 मिनु परमप्रभुमी रागी ङा खप कली “घांस, फू नु रवापुकी दुम्‍मल। घांस नु फूपुकीम वांचेर बाक्‍मल। फल फुल सिप्‍ब रवापुकी वाशा, आंम आंम फल सिम्‍मल। मेको आन वांचेर चहिं आन फलपुकीम बाक्‍मल” देंमाक्‍त। मिनु मोदेंशो दुम्‍माक्‍त।
GEN 1:12 रागीम घांस नु फूपुकी वाशा, आन वांचेर यो वामा बाक्‍त। फल फुल रवापुकी वाशा, आन वांचेर यो वामा बाक्‍त। मिनु परमप्रभुमी आ सेल्‍शो तशा “रिम्‍शो दुम्‍त” देंमाक्‍त।
GEN 1:13 मिनु नां रिक्‍शा, नां सोव़शा, मेको सां नाक्‍ती दुम्‍माक्‍त।
GEN 1:14 मिनु परमप्रभुमी “नाक्‍ती नु नाक्‍दो फ्राचा कली सरीङमी छेङछेङ पा ब्राइबपुकी दुमीन। मेको ब्राइबपुकीम हिंउद नु बर्खा, नाक्‍ती नु बर्स कली फ्रातीक गेय पामेक्‍ल। ब्‍यवस्‍था ४:१९; भजन संग्रह ७४:१६; यसैया ४७:१३
GEN 1:15 मिनु मेको सरीङ ङा ब्राइबपुकीम रागी कली छेङछेङ गेचा माल्‍नीम” देंमाक्‍त। मिनु मेको दुम्‍माक्‍त।
GEN 1:16 मोपा परमप्रभुमी ठेयब बत्ती निक्‍शी सेला बाक्‍त। शुश छेङछेङ पा ब्राइब नाक्‍त कली नु इच्‍का छेङछेङ पा ब्राइब बत्ती नाक्‍दो कली वोदा बाक्‍त। सोरुल यो सेल्‍मी बाक्‍त। भजन संग्रह १३६:७-९
GEN 1:17 परमप्रभुमी रागी छेङछेङ बाक्‍ल, दे मेको नेल्‍ल आन कली सरीङमी वोइक्‍मी बाक्‍त।
GEN 1:18 नाक्‍त नु नाक्‍दो कली फ्राचा नु छेङछेङ छिङछिङ रे फ्राचा कली सरीङम वोदा बाक्‍त। परमप्रभुमी मेको तशा “रिम्‍शो दुम्‍त” देंमाक्‍त।
GEN 1:19 मिनु नां रिक्‍शा, नां सोव़शा, मेको ४ नाक्‍ती दुम्‍माक्‍त।
GEN 1:20 मिनु परमप्रभुमी “ब्‍वाक्‍कुमी मारेइ मारेइ ब्रोंइशा बाक्‍बपुकीम ब्रीमल। रागी तारी मारेइ मारेइ चिक्‍ब सरीङम बेरमल” देंमाक्‍त।
GEN 1:21 मोपा परमप्रभुमी ब्‍वाक्‍कुम बाक्‍ब ठेयब हिंचा ङा जन्‍तु नु मारेइ मारेइ ब्रोंइशा बाक्‍ब सेल्‍मी बाक्‍त। मेको शुश दुम्‍शा, समुन्‍द्र ब्रीशा बाक्‍मा बाक्‍त। चिक्‍ब यो शुश दुम्‍मा बाक्‍त। मिनु परमप्रभुमी मेको तशा “रिम्‍शो दुम्‍त” देंमाक्‍त। भजन संग्रह ७४:१३-१४; १४८:७
GEN 1:22 परमप्रभुमी मेको नेल्‍ल आन कली आसीक गेशा “सोशा बोशा, शुश दुमीन, समुन्‍द्र ङा ब्‍वाक्‍कु ब्रीङीने” देंमाक्‍त। चिक्‍ब आन कली यो “सोशा बोशा, रागीमी शुश दुमीन” देंमाक्‍त।
GEN 1:23 मिनु नां रिक्‍शा, नां सोव़शा, मेको ५ नाक्‍ती दुम्‍माक्‍त।
GEN 1:24 मिनु परमप्रभुमी “रागीम मारेइ मारेइ ब्रोंइशा बाक्‍ब ग्रूचा माल्‍नीम। मार ग्रूचा माल्‍नीम देंशा हना बी ब्‍यफ, खपीम ग्रेशा गाक्‍ब आइक्‍च जन्‍तु नु मार मार ब्‍वाकी ङा जन्‍तु दुमीन” देंमाक्‍त। मिनु मेको दुम्‍माक्‍त।
GEN 1:25 मोपा परमप्रभुमी मारेइ मारेइ ब्‍वाकी ङा जन्‍तु, मारेइ मारेइ बी ब्‍यफ, खपीम ग्रेशा गाक्‍ब नु मारेइ मारेइ आइक्‍च जन्‍तु सेल्‍मी बाक्‍त। मिनु परमप्रभुमी आ सेल्‍शो तशा “रिम्‍शो दुम्‍त” देंमाक्‍त।
GEN 1:26 मिनु नोले परमप्रभुमी “इं खोदेंशो पा मुर का सेल्‍य। मिनु समुन्‍द्र ङा ङांइ, सरीङम बेरब चिक्‍ब, बी ब्‍यफ, ब्‍वाकी ङा जन्‍तु नु खपीम ग्रेशा गाक्‍ब आइक्‍च जन्‍तु नेल्‍ल आन कली हुकुम पाइब दुम्‍ल” देंमाक्‍त। भजन संग्रह ८:६-९; एफिसी ४:२४; कलस्‍सी १:१५; याकूब ३:९
GEN 1:27 मिनु परमप्रभुमी आ खोदेंशो तांइसीशो का सेला बाक्‍त। मेकोमी वोंइश मुर का नु मीश मुर का सेला बाक्‍त। उत्‍पत्ती ९:६; मत्ती १९:४
GEN 1:28 मिनु परमप्रभुमी मुर आस कली आसीक गेशा “सोशा बोशा, तमी तौ थिशा, रागी प्रिंशा, रिम्‍शो पा हुकुम पस। समुन्‍द्र ङा ङांइ, सरीङम बेरब चिक्‍ब, रागीम बाक्‍ब जन्‍तु नेल्‍ल नु खपीम ग्रेशा गाक्‍ब आइक्‍च जन्‍तु नेल्‍ल आन कली रिम्‍शो पा हुकुम पसे” देंमाक्‍त।
GEN 1:29 मिनु परमप्रभुमी “नेनीस, गो इस कली वांचेर सिप्‍ब, गिग खाइ, फल सिप्‍ब नु वांचेर सेल्‍ब रवा गेतन्‍सी। मेको इस कली जचा ब्‍वचा दुम्‍ब। मत्ती ६:२५-३४
GEN 1:30 मिनु गो रागीम बाक्‍ब जन्‍तु, बी ब्‍यफ, रागी ङा चिक्‍ब, खपीम ग्रेशा गाक्‍ब आइक्‍च जन्‍तु नु मारेइ मारेइ ब्रोंइशा बाक्‍ब आन कली घांस, सुवा ब्‍वचा गेतामी” देंमाक्‍त। मिनु मोदेंशो दुम्‍माक्‍त। भजन संग्रह १४५:१६
GEN 1:31 मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४
GEN 2:1 मिनु मोपा परमप्रभुमी सरीङ, रागी नु मार मार बाक्‍मा, मेको नेल्‍ल सेल्‍ने थुमा बाक्‍त।
GEN 2:2 मिनु ६ नाक्‍तीम आ गेय नेल्‍ल थुम्‍शा ङा मिन ७ नाक्‍तीम नांइसे बाक्‍त। हिब्रू ४:४
GEN 2:3 मिनु परमप्रभुमी नाइक्‍तीक नाक्‍त कली आसीक गेवा बाक्‍त। मिनु मेको नाक्‍त आंम कली नाइक्‍चा, दे वोदा बाक्‍त। मारदे हना मेको नेल्‍ल सेल्‍तीक गेय थुम्‍शा नांइसे बाक्‍त। प्रस्‍थान २०:११; भजन संग्रह ९५:११; इजीकीएल २०:१२; हिब्रू ४:९-१९
GEN 2:4 एको परमप्रभुमी सरीङ नु रागी सेल्‍ची ना ङा लोव़ बाक्‍ब। परमप्रभु यावेमी रागी नु सरीङ से‍लानु,
GEN 2:5 मारेइ मारेइ घांस खपीम मवाशो बाक्‍मा बाक्‍त। कोव़केली यो मदाप्‍शो बाक्‍मा बाक्‍त। मारदे हना परमप्रभु यावेमी रागीम रेउ मयिपाइश्‍शो बाक्‍माक्‍त। मिनु रूम गेय पाइब मुर यो मबाक्‍मा बाक्‍त।
GEN 2:6 मेना रागी रे खोला ग्रूशा, रागी नेल्‍ल ङा खप जिप्‍पाइक्‍बाक्‍माक्‍त।
GEN 2:7 मिनु नोले परमप्रभु यावेमी रू ङा खप के मुर का सेला बाक्‍त। मिनु मुर आ नेंमी ब्रोंइतीक सोक्‍त मुइक्‍ता बाक्‍त। मिनु मुर सोक्‍त पाइश्‍शो दुम्‍माक्‍त। उत्‍पत्ती ३:१९; अय्‍युब १०:९; अय्‍युब ३३:४; भजन संग्रह १०४:२९-३०; १कोरिन्‍थी १५:४५,४७
GEN 2:8 मिनु नोले परमप्रभु यावेमी पूर्बम एदेन माइश्‍शो रू का सेला बाक्‍त। मेकेर आ सेल्‍शो मुर कली वोदा बाक्‍त।
GEN 2:9 मिनु परमप्रभु यावेमी मेकेर मार मार दारशो तांइसीब रवा नु जचा ब्‍वचा फल सिप्‍ब रवा वापदा बाक्‍त। ब्रोंइपाइक्‍ब का नु रिम्‍शो नु मरिम्‍शो तुइक्‍पाइक्‍ब रवा का यो रू आ दातेमी वापदा बाक्‍त। उत्‍पत्ती ३:२२; प्रकाश २:७; प्रकाश २२:२
GEN 2:10 मिनु रू कली जिप्‍पाइक्‍चा, दे एदेन रे खोला का ग्रूमाक्‍त। मेको खोला नोले ब्राशा, ४ ओटा खोला दुम्‍शो बाक्‍मा बाक्‍त। इजीकीएल ४७:१-१२
GEN 2:11 ङोंइती ङा खोला आ नें पीशोन बाक्‍ब। मेको खोला हवीलाह रागी आ एर ओंथ रे लशो बाक्‍ब। मेको रागीमी सुन बाक्‍बाक्‍‍माक्‍त।
GEN 2:12 मेको रागी ङा सुन रिम्‍शो बाक्‍बाक्‍माक्‍त। मेकेर गोकुल धूप नु ओनीक्‍स माइश्‍शो हीरा यो बाक्‍बाक्‍माक्‍त।
GEN 2:13 मेको आ नोले ङा खोला आ नें गिहोन बाक्‍ब। मेको कूश माइश्‍शो रागी आ एर ओंथ हिरशो बाक्‍ब।
GEN 2:14 मिनु मेको आ नोले ङा खोला आ नें टाइग्रीस बाक्‍ब। मेको खोला अस्‍सुर रागी आ पूर्ब गे लशो बाक्‍ब। मिनु नेल्‍ल क्‍येङा नोले ङा खोला आ नें युफ्रेटीस बाक्‍ब।
GEN 2:15 मिनु परमप्रभु यावेमी मुर कली लाइश्‍शा, एदेन रू दोचा नु कोव़चा कली वोदा बाक्‍त।
GEN 2:16 मिनु परमप्रभु यावेमी मेको मुर कली “नेल्‍ल रवा ङा फल जने ब्‍वने चाप्‍नेवे।
GEN 2:17 तन्‍न रिम्‍शो नु मरिम्‍शो तुइक्‍पाइक्‍ब रवा रे ब्‍वचा मदुम्‍ब। तेको नाक्‍त ब्‍वाइनेवे, मेको नाक्‍तीन बेक्‍नेवे” दे अरेवा बाक्‍त। रोमी ६:२३
GEN 2:18 मिनु परमप्रभु यावेमी “मुर का ला बाक्‍चा मरिम्‍शो दुम्‍ब। गो मेको नु बाक्‍चा कली वारच पाइब का सेल्‍नुङ” देंमाक्‍त। उपदेसक ४:३०
GEN 2:19 मिनु परमप्रभु यावेमी आ खप के सेल्‍शो मार मार जन्‍तु नु सरीङम बेरब चिक्‍ब आन कली मुरुम मार मार नें वोइक्‍बाक्‍मे, दे मुर आ बाक्‍तीके चाक्‍मी बाक्‍त। मिनु मुरुमी ब्रोंइशा बाक्‍ब नेल्‍ल आन कली नें वोदा बाक्‍त। मार नें वोदा, मेको नें लीमा बाक्‍त।
GEN 2:20 मुरुमी बी ब्‍यफ, सरीङम बेरब चिक्‍ब नु ब्‍वाकी ङा जन्‍तु नेल्‍ल आन कली नें वोदा बाक्‍त। तन्‍न मुर कली मेको नु बाक्‍चा कली वारच पाइब मबाक्‍शो बाक्‍माक्‍त।
GEN 2:21 मिनु परमप्रभु यावेमी आदम कली मारेइ मतुइक्‍चा ङा पा निन्‍द्रा पपदा बाक्‍त। मिनु मेको के जेरी का शोला बाक्‍त। मिनु मेको पोव़ला कली श्‍येमी सुवा बाक्‍त।
GEN 2:22 मिनु परमप्रभु यावेमी मेको शोल्‍शो जेरी के मीश मुर का सेल्‍शा, मुर आ बाक्‍तीकेमी चाक्‍गा बाक्‍त।
GEN 2:23 मिनु आदममी “ओहो, एको रुश, आं रां ङा रुश बाक्‍त। एको श्‍ये आं रां ङा श्‍ये बाक्‍त” दे तुइक्‍ता बाक्‍त। मिनु मेकोमी “मेको आ नें मीश मुर वोइक्‍चा माल्‍ब। मारदे हना वोंइश मुर आ रां रे शोल्‍शो बाक्‍ब” दें‍माक्‍त।
GEN 2:24 मोपतीके वोंइश मुरुमी आ आंम आफ आस कली प्रोंइशा, आ मीश नु काथा बाक्‍ब। मेको निक्‍शी रां का दुम्‍नीस। मत्ती १९:५-६; १कोरिन्‍थी ६:१६; एफिसी ५:३१
GEN 2:25 मेना आदम नु आ मीश निम्‍फा शिश्रा बाक्‍सा बाक्‍त। मुने चहिं मतुइक्‍बाक्‍सा बाक्‍त।
GEN 3:1 मिनु परमप्रभु यावे आ सेल्‍शो जन्‍तु आन दातेमी नेल्‍ल क्‍येङा निप्‍स पाइश्‍शो बुस्‍स दुम्‍माक्‍त। मिनु बुस्‍सुमी मीश मुर कली “परमप्रभुमी इस कली ‘एको रू ङा रवा आन फल मारेइ मब्‍वसे’ देंमे?” दे हिल्‍लो पवा बाक्‍त। प्रकाश १२:९; प्रकाश २०:२
GEN 3:2 मिनु मीश मुरुमी बुस्‍स कली “गो एको रू ङा रवा आन फल ब्‍वचा दुम्‍नस्‍कु। उत्‍पत्ती २:१६
GEN 3:3 तन्‍न रू आ दातेमी बाक्‍शो रवा आ फल आ पर्बम परमप्रभुमी ‘मब्‍वचा, मथिचा यो। ब्‍वाइतीसी हना, गे बेक्‍नीसी’ देंत” देंमाक्‍त। उत्‍पत्ती २:१७
GEN 3:4 तन्‍न बुस्‍सुमी “गे बेक्‍सीन मबेक्‍नीसी। यूहन्‍ना ८:४४
GEN 3:5 ब्वाइतीसी हना, इस कली रिम्‍शो नु मरिम्‍शो मार बाक्‍बा तुइक्‍पाइक्‍ब। मिनु गे परमप्रभु खोदेंशो दुम्‍नीसी। मेकोन परमप्रभुमी तुइक्‍ताक्‍व” देंमाक्‍त।
GEN 3:6 मिनु मीश मुरुम मेको रवा तशा ब्‍वशोनु, ब्रोव़चा ङा कोव़शोनु, दारशो, रुप्‍तीक थुं गेचा ङा तवा बाक्‍त। मोपतीके फल सेक्‍शा, ब्‍ववा बाक्‍त। मेको आ नेक्‍था बाक्‍ब आ वोंइश कली यो गेवा बाक्‍त। मेकोमी यो ब्‍ववा बाक्‍त। याकूब १:१४-१५; १तिमोथी २:१४
GEN 3:7 मिनु नोले निम्‍फा शिश्रा बाक्‍शो तुइक्‍तसे बाक्‍त। मिनु फोव़शी रवा आ सफा सेक्‍शा फेक्‍तीक सेल्‍से बाक्‍त। उत्‍पत्ती २:२५
GEN 3:8 मिनु नाक्‍नाक्‍दो मेको निक्‍शीमी परमप्रभु यावे रूमी हिरशो नेन्‍से बाक्‍त। मिनु “परमप्रभु यावेम मतचा ङा पा ख्रुइक्‍चा” दे रवा आन दातेमी लशा, ख्रुइक्‍ससा बाक्‍त। भजन संग्रह १३९:७-१०; येरमीया २३:२४
GEN 3:9 मिनु परमप्रभु यावेमी आदम कली “ते बाक्‍ङे?” दे ब्रेत्‍ता बाक्‍त।
GEN 3:10 मेकोमी “गो इन गाक्‍शो नेंता। मिनु गो शिश्रा बाक्‍तीके, हिंशा ख्रुइक्‍साक्‍यी” देंमाक्‍त।
GEN 3:11 मिनु “गे शिश्रा बाक्‍नेवे, दे दोपा तुइक्‍नेवे? मब्‍वचा देंशो रवा आ फल ब्‍ववी?” दे हिल्‍लो पवा बाक्‍त।
GEN 3:12 मिनु मुरुमी “इन गेशो मीश मुरुमी आं कली मेको रवा आ फल गेती। मिनु गो ब्‍वाता” देंमाक्‍त। २कोरिन्‍थी ११:३
GEN 3:13 मिनु परमप्रभु यावेमी मेको मीश मुर कली “मार पवी?” दे हिल्‍लो पवा बाक्‍त। मीश मुरुमी “बुस्‍सुमी आं कली जोल पा ब्‍वपाइक्‍ती। मिनु गो ब्‍वाता” देंमाक्‍त। २कोरिन्‍थी ११:३
GEN 3:14 मिनु परमप्रभु यावेमी बुस्‍स कली “बी ब्‍यफ नु ब्‍वाकी ङा जन्‍तु नेल्‍ल आन दातेम गे सराप राइनेवे। मारदे हना मोदेंशो मरिम्‍शो पाप्‍तीवी। इ रांमी ग्रेशा गाक्‍चा माल्‍नेवे। इ ब्रोंइतीक नाक्‍त सम्‍म खप जशा, बाक्‍चा माल्‍नेवे।
GEN 3:15 गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७
GEN 3:16 मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्‍येत गेनुङ। आल थिचा रोइ पाइनेवे। मो हना यो इ वोंइश कली माल्‍नेवे। मिनु मेकोमी इ कली हुकुम पाइब” देंमाक्‍त। एफिसी ५:२२-२३; १तिमोथी २:१२
GEN 3:17 मिनु आदम कली “मारदे हना गे इ मीश आ लोव़ नेंशा, मब्‍वचा देंशो रवा आ फल ब्‍वाप्‍तीवी, इ पतीके आ पर्बम इ रू नेल्‍लेमी सराप ताइनीम। इ जचा थोव़क श्‍येत पा ख्रुम्‍चा माल्‍नेवे। उत्‍पत्ती ८:२१-२२; अय्‍युब ३१:३८-३९
GEN 3:18 इ रूमी चू नु चोंक वानीम। मिनु गे गिगी खाइ ब्‍वचा माल्‍नेवे।
GEN 3:19 इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०
GEN 3:20 मिनु आदममी आ मीश कली हव्‍वा नें वोदा बाक्‍त। मारदे हना मेको ब्रोंइब मुर नेल्‍ल आन ममा दुम्‍माक्‍त।
GEN 3:21 मिनु परमप्रभु यावेमी आदम नु आ मीश आस कली कुशुल के फेक्‍तीक सेल्‍शा, फेक्‍तीम्‍सी बाक्‍त।
GEN 3:22 मिनु परमप्रभु यावेमी “मुर इं खोदेंशो दुम्‍त। रिम्‍शो नु मरिम्‍शो तुइक्‍ब दुम्‍त। मेको ब्रोंइपाइक्‍ब रवा आ फल यो सेक्‍शा, ब्‍वाप्‍तु हना, गेना हना यो ब्रोंइब, गेनायो मबेक्‍ब दुम्‍ब” देंमाक्‍त।
GEN 3:23 मोपतीके परमप्रभु यावेमी खप रे सेल्‍शो मुर कली एदेन माइश्‍शो रू रे ग्रुंइ‍शा, अरु रूम गेय पथ सोइक्‍ता बाक्‍त। उत्‍पत्ती २:१५
GEN 3:24 परमप्रभुमी मेको आस कली खेरसी बाक्‍त। मेको आस कली खेरशा, एदेन रू ङा पूर्बमी आ स्‍वर्ग ङा करूब माइश्‍शो गेय पाइब वोदा बाक्‍त। मेकेर मी ब्रशो एर ओंथ हिरब तरवार का यो वोदा बाक्‍त। मेको ब्रोंइपाइक्‍ब रवा आ फल ब्‍वचा मताम्‍सेक्‍ल, दे कोव़ब वोदा बाक्‍त।
GEN 4:1 मिनु नोले आदम आ मीश हव्‍वा नु इम्‍माक्‍त। मिनु हव्‍वाम कोव़ज कुरशा, तौ का थि‍माक्‍त। हव्‍वामी “परमप्रभु यावेमी आं कली वारच पा आल का गेती” देंमाक्‍त। मिनु आ नें काइन वोदा बाक्‍त।
GEN 4:2 मिनु मेको आ नोले लेंशा अर्को तौ का यो थि‍माक्‍त। मेको कली हाबील नें वोदा बाक्‍त। हाबील काइन आ लोक्‍ब बाक्‍माक्‍त। मेको आल निक्‍शी कोल्‍शा, हाबील भेडा गोठला दुम्‍माक्‍त। काइन चहिं रू ङा गेय पाइब दुम्‍माक्‍त।
GEN 4:3 काबु काइनमी आ रू ङा सिश्‍शो मारेइ मारेइ थोव़क परमप्रभु यावे कली चढ़ेवा बाक्‍त। प्रस्‍थान २३:१९
GEN 4:4 हाबीलमी आ ङोंइती गिक्‍शो पाठा आ श्‍ये नु बोंसो परमप्रभु यावे कली चढ़ेवा बाक्‍त। मिनु परमप्रभु यावेमी हाबील आ चढ़ेशो ब्रवा बाक्‍त। प्रस्‍थान ३४:१९; लेवी ३:१६
GEN 4:5 तन्‍न काइन आ चढ़ेशो मब्रवा बाक्‍त। मिनु काइन आ कुल राव किक्‍पा चुरमाक्‍त। प्रस्‍थान ३३:१९; हिब्रू ११:४
GEN 4:6 मिनु परमप्रभु यावेमी काइन कली “मारदे चुरे? मारदे राव किक्‍ङे?
GEN 4:7 गे रिम्‍शो पाप्‍तीवी हना, गो इ कली मब्राइनुङा ङा? ब्राइनुङ। गे मरिम्‍शो पाप्‍तीवी हना, मुर साइक्‍ब जन्‍तु खोदेंशो पा, पाप इ लाप्‍चोमी बाक्‍ब। मिनु इ कली माल्‍ब। गे इ मरिम्‍शो थुं कली ग्राङो” देंमाक्‍त। गलाती ५:१७; रोमी ६:१२
GEN 4:8 मिनु काइनमी आ लोक्‍ब हाबील कली “रूमी लस” देंमाक्‍त। मिनु रूमी बाक्‍सानु, काइनमी हाबील कली सदा बाक्‍त। १यूहन्‍ना ३:१२,१५
GEN 4:9 मिनु परमप्रभु यावेमी काइन कली “इ लोक्‍ब ते बाक्‍म?” दे हिल्‍लो पवा बाक्‍त। मिनु काइनमी “ङाद, गो आं लोक्‍ब आ गोठला नङा ङा?” देंमाक्‍त। उत्‍पत्ती ३:९
GEN 4:10 मिनु मेकोमी “नेनो, मार पवी? इ लोक्‍ब आ हुशेमी आं कली खप रे ब्रेश्‍शो नेंता। भजन संग्रह ९:१३; मत्ती २३:३५; हिब्रू १२:२४
GEN 4:11 मुल गे सराप रशा, इ रू रे खेरचा पुंइसीनेवे। मारदे हना इ लोक्‍ब आ हुश मेकेर जारशो बाक्‍ब। गन्‍ती ३५:३३
GEN 4:12 मुल रे गे रू ङा गेय पवीनु, मारेइ मग्रेल्‍ब। रागी प्रोंइशा, गाक्‍ब मुर दुम्‍चा माल्‍नेवे” दे परमप्रभु यावेमी देंमाक्‍त।
GEN 4:13 मिनु काइनम परमप्रभु यावे कली “इन गेशो सजाइ ठेयब बाक्‍ब। मोमो श्‍येत गेतीनी हना, फाल्‍ने मचाप्‍नुङ।
GEN 4:14 मुलाक्‍ती आं कली आं रू रे ग्रुंइ‍ताक्‍यीनी। मिनु इन नेक्‍था बाक्‍चा मताइनुङ। गो मुल रागी प्रोंइशा, गाक्‍ब मुर दुम्‍नुङ। आं कली सुम थित्‍तेक्‍म हना यो, साइक्‍नीम” देंमाक्‍त। अय्‍युब १५:२०-२४
GEN 4:15 मिनु परमप्रभु यावेमी “ममाइ, सुइमी इ कली साइक्‍तेमी हना, इ तशो सराप मेको कली ७ खेयप रचा माल्‍ब” देंमाक्‍त। मिनु परमप्रभु यावेमी “काइन कली सुइमी मसदमेक्‍ल” दे आ रांम चिनु वोदा बाक्‍त। इजीकीएल ९:६; प्रकाश ७:३-४
GEN 4:16 मिनु नोले काइन परमप्रभु यावे आ ङोंइती रे लमाक्‍त। मिनु एदेन आ पूर्ब गे, नोद माइश्‍शो रागीम जाक्‍दीश्‍शा बाक्‍माक्‍त।
GEN 4:17 मिनु काइन आ मीश नु इम्‍‍माक्‍त। मिनु मेकोमी कोव़ज कुरशा, हनोक थि‍माक्‍त। मिनु काइनम सहर का सेला बाक्‍त। मेको सहर कली आ तौ हनोक आ नें खोदेंशो पा हनोक नें वोदा बाक्‍त।
GEN 4:18 हनोकमी इराद थि‍माक्‍त। इरादमी मेहुयाएल थि‍माक्‍त। मेहुयाएल मेथुशाएल आ आफ दुम्‍माक्‍त। मेथुशाएल लमेक आ आफ दुम्‍माक्‍त।
GEN 4:19 मिनु लमेकमी मीश निक्‍शी चाक्‍गा बाक्‍त। का आ नें आदाह नु अर्को आ नें चिल्‍लाह बाक्‍माक्‍त।
GEN 4:20 मिनु आदाहमी याबाल थि‍माक्‍त। मेको ताम्‍बुम बाक्‍ब नु गोठम बाक्‍ब बस्‍तु योव़ब आन किकी पिपी बाक्‍माक्‍त।
GEN 4:21 मेको आ लोक्‍ब आ नें यूबाल बाक्‍माक्‍त। मेको बीना नु मुइक्‍तीके ताप्‍ब आन किकी पिपी बाक्‍माक्‍त।
GEN 4:22 मिनु चिल्‍लाहमी तूबल-काइन थि‍माक्‍त। मेकोमी कांसा नु फलाम के मार मार सेल्‍तीक गेय पवा बाक्‍त। तूबल-काइन आ समी नामा बाक्‍माक्‍त।
GEN 4:23 मिनु लमेकमी आ मीश निक्‍शी आस कली “आदाह नु चिल्‍लाह, आं लोव़ नेनीस, गे लमेक आ मीश निक्‍शी, आं सेंदा नेंशा, होस पसे। गो मुर का साइक्‍ता। मारदे हना मेको ठिटामी आं कली तुप्‍ती।
GEN 4:24 काइन साइक्‍ब ७ खेयप क्‍येक्‍क लेत्‍चा पुंइसीब हना, लमेक साइक्‍ब ७७ खेयप क्‍येक्‍क लेत्‍चा पुंइसीब” देंमाक्‍त। उत्‍पत्ती ४:१५; लेवी १९:१८; ब्‍यवस्‍था ३२:३५; मत्ती १८:२२
GEN 4:25 मिनु आदम लेंशा आ मीश नु इप्‍‍शा, तौ का थि‍माक्‍त। मेको कली सेथ नें वोदा बाक्‍त। हव्‍वामी “परमप्रभुमी हाबील आ पा ङा अर्को तौ का गेती। मारदे हना काइनमी हाबील कली साइक्‍तु” देंमाक्‍त।
GEN 4:26 मिनु सेथमी यो तौ का थि‍माक्‍त। मिनु मेको कली एनोश नें वोदा बाक्‍त। मिनु मेना रे मुरपुकीमी परमप्रभु यावे कली पुंइचा नु ठेयब सेल्‍चा गोव़मे बाक्‍त। उत्‍पत्ती १२:८
GEN 5:1 एको आदम आ चच, युइ बाक्‍नीम। परमप्रभुमी मुर सेलानु, आ खोदेंशो पा सेला बाक्‍त। लूका ३:३७-३८; उत्‍पत्ती १:२७
GEN 5:2 वोंइश मुर का नु मीश मुर का सेला बाक्‍त। मिनु मेको आस कली आसीक गेशा, आस नें मुर वोंइ‍सी बाक्‍त।
GEN 5:3 मिनु आदम सहे का ३० बर्स दुम्‍मेनु, आ खोदेंशो तौ का थि‍‍माक्‍त। मिनु मेको कली सेथ नें वोदा बाक्‍त। भजन संग्रह ५१:७; १कोरिन्‍थी १५:४५
GEN 5:4 सेथ थिशा नोले आदम ८ सहे बर्स ब्रोंइमाक्‍त। अरु तमी तौ यो थि‍माक्‍त।
GEN 5:5 मिनु आदम नेल्‍ल पा ९ सहे ३० बर्स ब्रोंइशा बेक्‍माक्‍त।
GEN 5:6 मिनु सेथ सहे का ५ बर्स दुम्‍मेनु, तौ का थि‍‍माक्‍त। मेको कली एनोश नें वोदा बाक्‍त।
GEN 5:7 एनोश थिशा नोले ८ सहे ७ बर्स ब्रोंइमाक्‍त। अरु तमी तौ यो थि‍माक्‍त।
GEN 5:8 मिनु सेथ नेल्‍ल पा ९ सहे १२ बर्स ब्रोंइशा बेक्‍माक्‍त।
GEN 5:9 मिनु एनोश ९० बर्स दुम्‍मेनु, तौ का थि‍माक्‍त। मेको कली केनान नें वोदा बाक्‍त।
GEN 5:10 केनान थिशा नोले ८ सहे १५ बर्स ब्रोंइमाक्‍त। अरु तमी तौ यो थि‍माक्‍त।
GEN 5:11 मिनु एनोश नेल्‍ल पा ९ सहे ५ बर्स ब्रोंइशा बेक्‍माक्‍त।
GEN 5:12 मिनु केनान ७० बर्स दुम्‍मेनु, तौ का थि‍माक्‍त। मेको कली मा-हालालेल नें वोदा बाक्‍त।
GEN 5:13 केनान मा-हालालेल थिशा नोले ८ सहे ४० बर्स ब्रोंइमाक्‍त। अरु तमी तौ यो थि‍माक्‍त।
GEN 5:14 मिनु केनान नेल्‍ल पा ९ सहे १० बर्स ब्रोंइशा बेक्‍माक्‍त।
GEN 5:15 मिनु मा-हालालेल ६५ बर्स दुम्‍मेनु, तौ का थि‍माक्‍त। मेको कली यरेद नें वोदा बाक्‍त।
GEN 5:16 यरेद थिशा नोले ८ सहे ३० बर्स ब्रोंइमाक्‍त। अरु तमी तौ यो थि‍माक्‍त।
GEN 5:17 मिनु मा-हालालेल नेल्‍ल पा ८ सहे ९५ बर्स ब्रोंइशा बेक्‍माक्‍त।
GEN 5:18 मिनु यरेद सहे का ६२ बर्स दुम्‍मेनु, तौ का थि‍माक्‍त। मेको कली हनोक नें वोदा बाक्‍त।
GEN 5:19 यरेद हनोक थिशा नोले ८ सहे बर्स ब्रोंइमाक्‍त। अरु तमी तौ यो थि‍माक्‍त।
GEN 5:20 मिनु यरेद नेल्‍ल पा ९ सहे ६२ बर्स ब्रोंइशा बेक्‍माक्‍त।
GEN 5:21 मिनु हनोक ६५ बर्स दुम्‍मेनु, तौ का थि‍माक्‍त। मेको कली मेथुसेलाह नें वोदा बाक्‍त। हनोक कली हिब्रू लोव़मी एनोक देंनीम।
GEN 5:22 हनोक आ थुंमी परमप्रभु आ नेक्‍था बाक्‍शो बाक्‍माक्‍त। हनोक मेथुसेलाह थिशा नोले सहे सां बर्स ब्रोंइमाक्‍त। अरु तमी तौ यो थि‍माक्‍त। उत्‍पत्ती ६:९
GEN 5:23 मिनु हनोक नेल्‍ल पा सहे सां ६५ बर्स दुम्‍माक्‍त।
GEN 5:24 हनोक परमप्रभु नु गाक्‍बाक्‍माक्‍त। मिनु परमप्रभुमी हनोक कली आ बाक्‍तीक लदा बाक्‍त। मुरपुकीम हनोक कली माल्‍शा, मथिदमे बाक्‍त। २राजा २:११; हिब्रू ११:५
GEN 5:25 मिनु मेथुसेलाह सहे का ८७ बर्स दुम्‍मेनु, तौ का थि‍माक्‍त। मेको कली लमेक नें वोदा बाक्‍त।
GEN 5:26 मेथुसेलाह लमेक थिशा नोले ७ सहे ८२ बर्स ब्रोंइमाक्‍त। अरु तमी तौ यो थि‍माक्‍त।
GEN 5:27 मिनु मेथुसेलाह नेल्‍ल पा ९ सहे ६९ बर्स ब्रोंइशा बेक्‍माक्‍त।
GEN 5:28 मिनु लमेक सहे का ८२ बर्स दुम्‍मेनु, तौ का थि‍माक्‍त।
GEN 5:29 मेको कली नोआह नें वोदा बाक्‍त। मेको नें आ अर्थ थुं बारपाइक्‍तीक बाक्‍ब। मिनु लमेकमी “परमप्रभु यावेमी खप कली सराप पाप्‍तु। आं तौ रूम गेय पपाइक्‍तीके श्‍येत रे प्रोंइब बाक्‍ब” देंमाक्‍त। उत्‍पत्ती ३:१७-१९
GEN 5:30 लमेक नोआह थिशा नोले ५ सहे ९५ बर्स ब्रोंइमाक्‍त। अरु तमी तौ यो थि‍माक्‍त।
GEN 5:31 मिनु लमेक नेल्‍ल पा ७ सहे ७७ बर्स ब्रोंइशा बेक्‍माक्‍त।
GEN 5:32 मिनु नोआह ५ सहे बर्स दुम्‍मेनु, शेम हाम नु यफेथ थी‍मी बाक्‍त।
GEN 6:1 मिनु नोले रागीमी मुर शुश दुम्‍मा बाक्‍त। मेकोपुकीमी शुश तमी थीमा बाक्‍त।
GEN 6:2 मिनु परमप्रभु आ तौपुकीमी मुर आन तमी आन कली तशा “दारशो बाक्‍नीम” दे मिम्‍तमे बाक्‍त। मिनु मेको आन दाते रे योव़शा चाक्‍ग्‍मे बाक्‍त। अय्‍युब १:६; २पत्रुस २:४; यहूदा ६
GEN 6:3 मिनु परमप्रभु यावेमी “आं सोक्‍त मुर आन कली शुश बर्स बाक्‍चा मगेनुङ। मुर बेक्‍चा माल्‍नीम। आन ब्रोंइतीक सहे का २० बर्स ला दुम्‍ब” देंमाक्‍त।
GEN 6:4 मेना रागीमी नेफीलीम माइश्‍शो थम लाइश्‍शो मुरपुकी बाक्‍शो बाक्‍मा बाक्‍त। मिनु नोले परमप्रभु आ तौपुकीमी रागी ङा तमी आन कली चाक्‍शा, आल थीमे बाक्‍त। मेको बोल्‍यो नु ठेयब लडाइ पाइब मुर दुम्‍मा बाक्‍त। इजीकीएल ३२:२७
GEN 6:5 मिनु परमप्रभु यावेमी “रागीम बाक्‍शो मुर आं अरेशो मटीब नु मरिम्‍शो पाइब ला बाक्‍नीम। मार मिम्‍ताक्‍म हना यो, मरिम्‍शो बाक्‍त” दे मिम्‍ता बाक्‍त। उत्‍पत्ती ८:२१
GEN 6:6 मिनु परमप्रभु यावेमी आंम सेल्‍शो मुर आन कली तशा, शुश आ थुं मनुथु बाक्‍शो बाक्‍माक्‍त। १सामुएल १५:११-३५; येरमीया १८:७-१०
GEN 6:7 मिनु परमप्रभु यावेमी “आं सेल्‍शो मुर आन कली रागी रे क्‍याम्‍नुङ। मुर नु जन्‍तु नेल्‍ल क्‍याम्‍नुङ। खपीम ग्रेशा गाक्‍ब आइक्‍च जन्‍तु नु सरीङम बेरब चिक्‍ब यो क्‍याम्‍नुङ। मारदे हना गो मेको आन कली सेल्‍शा यो, आं थुं मनुङ” दे मिम्‍ता बाक्‍त। गन्‍ती २३:१९; रोमी ३:३-४; २तिमोथी २:१३
GEN 6:8 मिनु परमप्रभु यावेमी नोआह तवानु, मेको कली दाक्‍ता बाक्‍त। हिब्रू ११:७
GEN 6:9 नोआह आ तौ सां बाक्‍मा बाक्‍त। नोआह शुश रिम्‍शो मुर बाक्‍माक्‍त। मुर नेल्‍लेमी “ठीक पाइब दोस मताइब मुर बाक्‍ब” दे तुइक्‍तमे बाक्‍त। नोआह परमप्रभु नु गाक्बाक्‍माक्‍त। उत्‍पत्ती ५:२२
GEN 6:10 मिनु नोआह आ तौ सां आन नें शेम, हाम नु यफेथ बाक्‍मा बाक्‍त।
GEN 6:11 परमप्रभुमी मुर आन कली कोव़ङानु, नेल्‍ल मरिम्‍शो बाक्‍मा बाक्‍त। रागी नेल्‍ल हुश ख्राक्‍श पोक्‍तीकेमी ब्रीमाक्‍त। अर्को मरिम्‍शो पाइब यो बाक्‍मा बाक्‍त।
GEN 6:12 मिनु परमप्रभुमी रागीम बाक्‍ब मुर आन कली कोव़ङानु, शुश मरिम्‍शो बाक्‍मा बाक्‍त। मुर नेल्‍लेमी आन द‍ला दाक्‍स पामे बाक्‍त। भजन संग्रह १४:२-३
GEN 6:13 मिनु परमप्रभुमी नोआह कली “गो मुर नेल्‍ल आन कली क्‍याम्‍नुङमी। मारदे हना मेको आन पर्बम रागी हुश ख्राक्‍श पोक्‍तीकेमी ब्री‍त। मुर नु रागी नेल्‍ल आन कली क्‍याम्‍नुङ। आमोस ८:२
GEN 6:14 गे चहिं खिं खोदेंशो पा शी के ठेयब डोंगा का सेलो। मिनु आगामी कोठापुकी सेलो। ब्‍वाक्‍कु मओव़चा ङा पा आगा नु लाङगा अल्‍कत्राम सिल्‍दो” दे नोआह कली देंमाक्‍त।
GEN 6:15 मिनु परमप्रभुमी “डोंगा दोपा सेल्‍चा माल्‍नेवे देंशा हना, मेको आ लाइश्‍शो सहे सां कुबीत दुम्‍चा माल्‍ब। आ ब्रेम्‍शो ५० कुबीत दुम्‍चा माल्‍ब। आ ग्‍येत्‍थ लाइश्‍शो ३० कुबीत दुम्‍चा माल्‍ब। कुबीत का ०.५ मिटर खोदेंशो बाक्‍ब।
GEN 6:16 मिनु छाना रे हात का प्रोंइशा, फश ग्रूतीक बोखा का सेल्‍चा माल्‍नेवे। मिनु का पटटीम लाप्‍चो का वोइक्‍चा माल्‍नेवे। आगामी खप तला का, दाते तला का नु तला तारी बाक्‍तीक का सेल्‍चा माल्‍नेवे।
GEN 6:17 आं देंशो रिम्‍शो पावो। मारदे हना गो मारेइ मारेइ साइक्‍चा कली रागी ब्‍वाक्‍कुम प्रिंनुङ। रागीम मार मार सेस बाक्‍मा, मेको नेल्‍ल बेक्‍चा माल्‍नीम।
GEN 6:18 तन्‍न गो इन कली कोव़नुङ, गे नु आं कबल पाइनुङ। मिनु गे, इ तौपुकी, इ मीश, नु इ चाइमीपुकी मेको डोंगामी ओव़चा माल्‍नीनी। मेको नेल्‍ल गे नु ब्रोंइचा माल्‍नीम। मेको पोथी भाले, बी ब्‍यफ नेल्‍ल निक्‍‍निक्‍शी बाक्‍चा माल्‍नीम। उत्‍पत्ती ९:९
GEN 6:19 गेपुकी नु मारेइ मारेइ सेस जन्‍तु निक्‍‍निक्‍शी ओव़चा माल्‍नीम।
GEN 6:20 मारेइ मारेइ चिक्‍ब, मारेइ मारेइ जन्‍तु नु मारेइ मारेइ खपीम ग्रेशा गाक्‍ब आइक्‍च जन्‍तु निक्‍‍निक्‍शी ब्रोंइचा, दे गे नु डोंगामी ओव़शा, बाक्‍चा माल्‍नीम।
GEN 6:21 मिनु इन कली, मार मार जचा ब्‍वचा ओंइशा, उप्‍शा वोतो। मेको इन कली नु मेको आन कली जचा थोव़क दुम्‍ब” दे परमप्रभुमी नोआह कली अरेवा बाक्‍त।
GEN 6:22 मिनु परमप्रभुमी मार मार मदा, नोआहमी नेल्‍ल टिशा, पवा बाक्‍त। हिब्रू ११:७
GEN 7:1 मिनु परमप्रभु यावेमी नोआह कली “गे नु इ खिं ङा मुर नेल्‍ल शी के ठेयब डोंगामी ओव़ङीन। मारदे हना एको पाला ङा मुर आन दातेमी गे का ला ठीक पाइब बाक्‍नेवे। उत्‍पत्ती ६:८
GEN 7:2 गे चढ़ेचा दुम्‍ब बी ब्‍यफ, क्‍यारश बोका, भेडा सांड रे ७ जोड लतो। उत्‍पत्ती ८:२०; लेवी ११:-
GEN 7:3 मिनु चढ़ेचा दुम्‍ब सरीङम बेरब चिक्‍ब यो ७ जोड लतो। भाले नु पोथी लतो। मारदे हना मेकोपुकी रागीमी ब्रोंइचा माल्‍नीम।
GEN 7:4 गो ७ नाक्‍त नोले ४० नाक्‍त नु ४० नाक्‍दो सम्‍म रेउ यिपाइक्‍नुङ। मिनु आं सेल्‍शो रागीम मार मार ब्रोंइशा बाक्‍मा, मेको नेल्‍ल आन कली साइक्‍नुङमी” देंमाक्‍त।
GEN 7:5 मिनु परमप्रभु यावेमी मार मार अरेवा, नोआहमी नेल्‍ल टिशा पवा बाक्‍त।
GEN 7:6 रागीमी रेउ यिचा गोवानु, नोआह ६ सहे बर्स दुम्‍शो बाक्‍माक्‍त।
GEN 7:7 मिनु नोआहम मार पवा बाक्‍त देंशा हना, ङोंइती आ तौपुकी, आ मीश, आ चाइमीपुकी ब्‍वाक्‍कु रे प्रोंइचा कली ठेयब डोंगामी ओव़पाइक्‍मी बाक्‍त। १ पत्रुस ३:२०
GEN 7:8 मिनु चढ़ेचा दुम्‍ब बस्‍तु, चढ़ेचा मदुम्‍ब बस्‍तु नु चिक्‍ब नु मारेइ मारेइ खपीम ग्रेशा गाक्‍ब आइक्‍च जन्‍तु,
GEN 7:9 निक्‍‍निक्‍शी बी ब्‍यफ, जोड जोड भाले पोथी नोआह नु ठेयब डोंगामी ओव़मा बाक्‍त। परमप्रभुमी दोपा नोआह कली अरेवा, मोपा पवा बाक्‍त। उत्‍पत्ती ६:१९-२०
GEN 7:10 मिनु ७ नाक्‍त नोले रागीम ब्‍वाक्‍कु ब्रीचा गोवा बाक्‍त।
GEN 7:11 मिनु रेउ यिमेनु, उइ रे यो ब्‍वाक्‍कु बारशा कुचा गोवा बाक्‍त। मेना नोआह ६ सहे बर्स, महिना निक्‍शी १७ नाक्‍त दुम नाक्‍त मोदेंशो दुम्‍माक्‍त। प्रकाश ९:१
GEN 7:12 मिनु ४० नाक्‍त नु ४० नाक्‍दो शुश रेउ यिमाक्‍त।
GEN 7:13 मेको रेउ यिचा आ ङोंइती नाक्‍ती नोआह नु आ तौ शेम, हाम, नु यफेथ सांफा, नोआह आ मीश नु आ चाइमी सांफा मेको डोंगामी ओव़मा बाक्‍त।
GEN 7:14 मिनु मारेइ मारेइ जन्‍तु, मारेइ मारेइ बी ब्‍यफ, क्‍यारश भेडा, मारेइ मारेइ खपीम ग्रेशा गाक्‍ब आइक्‍च जन्‍तु नु मारेइ मारेइ फ्रां पाइश्‍शो, ब्रोंइशा बाक्‍ब जन्‍तु
GEN 7:15 जोड जोड पा नोआह नु ठेयब डोंगामी ओव़मा बाक्‍त।
GEN 7:16 मिनु ब्रोंइशा बाक्‍ब नेल्‍ल जोड जोड पा, भाले पोथी नेल्‍ल ओव़मा बाक्‍त। परमप्रभुमी नोआह कली दोपा अरेवा, मोपा नेल्‍ल टिशा पवा बाक्‍त। मेको नेल्‍ल ओव़मा नोले परमप्रभु यावेमी लाप्‍चो चोक्‍गा बाक्‍त। उत्‍पत्ती ६:१९
GEN 7:17 मिनु ब्‍वाक्‍कु ४० नाक्‍त सम्‍म रागीम ब्रीना ब्रीन बाक्‍माक्‍त। ब्‍वाक्‍कु शुश बारशा, ब्‍वाक्‍कुमी ठेयब डोंगा कली कुरा बाक्‍त। ब्‍वाक्‍कु रागीम शुश बारमाक्‍त।
GEN 7:18 मिनु रेउ यिना यिन, ब्‍वाक्‍कु बारना बारन लमेनु, मेको डोंगा ब्‍वाक्‍कु तारी गाक्‍चा गोवा बाक्‍त।
GEN 7:19 रागी नेल्‍लेम ब्‍वाक्‍कु शुश दुम्‍शा, ठेयब डांडा यो सुमा बाक्‍त।
GEN 7:20 डांडा क्‍येङा यो १५ कुबीत सम्‍म ग्‍येत्‍थ सुमा बाक्‍त। कुबीत का ०.५ मिटर खोदेंशो बाक्‍ब।
GEN 7:21 मिनु रागीम मार मार ब्रोंइशो बाक्‍मा, बी ब्‍यफ, क्‍यारश भेडा, ब्‍वाकी ङा जन्‍तु, रागीम फोंइ‍ब, खपीम ग्रेशा गाक्‍ब आइक्‍च जन्‍तु नु मुर नेल्‍ल बेक्‍मा बाक्‍त। २पत्रुस ३:५-६
GEN 7:22 रागीम ब्रोंइशा बाक्‍ब नेल्‍ल बेक्‍मा बाक्‍त।
GEN 7:23 मोपा मेकोमी रागीम ब्रोंइशा बाक्‍ब मार मार बाक्‍मा, मुर, जन्‍तु खपीम ग्रेशा गाक्‍ब आइक्‍च जन्‍तु नु सरीङम बेरब चिक्‍ब नेल्‍ल क्‍याम्‍दा बाक्‍त। नोआह नु आ खिं ङा मुर ला प्रोंइमी बाक्‍त।
GEN 7:24 मिनु मेको ब्‍वाक्‍कु सहे का ५० नाक्‍त सम्‍म रागीम बारना बारन बाक्‍माक्‍त।
GEN 8:1 मिनु परमप्रभुमी नोआह नु ठेयब डोंगामी बाक्‍ब नेल्‍ल ब्‍वाकी ङा जन्‍तु नु बी ब्‍यफ क्‍यारश भेडा आन कली मप्रेंदीमी बाक्‍त। मिनु परमप्रभुमी रागीम फश पपदा बाक्‍त। मिनु ब्‍वाक्‍कु सोव़माक्‍त।
GEN 8:2 मिनु ब्‍वाक्‍कु बुक्‍तीके नेल्‍ल सोव़ना सोव़न लमा बाक्‍त। रेउ यो देक्‍माक्‍त।
GEN 8:3 मिनु मेको ब्‍वाक्‍कु सोव़ना सोव़न लशा, सहे का ५० नाक्‍त नोले शुश सोव़माक्‍त।
GEN 8:4 मिनु मेको बर्स ङा ७ महिना ङा १७ नाक्‍त मेको ठेयब डोंगा आरारात माइश्‍शो डांडामी जाक्‍दीश्‍शा दिक्‍माक्‍त। उत्‍पत्ती ७:११
GEN 8:5 मिनु मेको बर्स ङा १० महिना सम्‍म ब्‍वाक्‍कु सोव़ना सोव़न लमाक्‍त। १० महिना ङा ङोंइती नाक्‍ती अर्को पहाड ङा डांडा तांइसमा बाक्‍त।
GEN 8:6 मिनु ४० नाक्‍त नोले नोआहम आ सेल्‍शो डोंगा ङा झेल रोक्‍गा बाक्‍त। उत्‍पत्ती ७:१२,१७
GEN 8:7 मिनु मेकेर रे खद का सोइक्‍ता बाक्‍त। मेको रागी ङा ब्‍वाक्‍कु मसोव़म सम्‍म एर ओंथ बेरशा बाक्‍माक्‍त।
GEN 8:8 मिनु नोआहमी “ब्‍वाक्‍कु नेल्‍ल सोव़मा कों” दे तुइक्‍चा कली ढुकुर का यो सोइक्‍ता बाक्‍त।
GEN 8:9 मेको ढुकुर चहिं जुक्‍तीक मथित्‍थु लेश्‍शा, नोआह आ बाक्‍तीके जाक्‍माक्‍त। मारदे हना आ लतीकेमी ब्‍वाक्‍कुम सुम्‍शो बाक्‍माक्‍त। मिनु नोआहम गुइ दिं‍शा ताक्‍शा, मेको कली ओंइदा बाक्‍त।
GEN 8:10 मिनु अर्को ७ नाक्‍ती रिम्‍शा, मेको ढुकुर कली लेंशा डोंगा रे सोइक्‍ता बाक्‍त।
GEN 8:11 मिनु नाक्‍नाक्‍दो ढुकुरमी आ ठुंडमी नक वाशो तेल रवा आ सफा का कुरशा जाक्‍माक्‍त। मिनु नोआहमी “ब्‍वाक्‍कु नेल्‍ल सोव़माक्‍त” दे तुइक्‍ता बाक्‍त।
GEN 8:12 मिनु नोले यो ७ नाक्‍त रिम्‍शा, ढुकुर कली सोइक्‍ता बाक्‍त। मिनु मेको ढुकुर मलेम्‍माक्‍त।
GEN 8:13 मेको नोआह ६ सहे बर्स का दुम्‍मे आ ङोंइती ङा महिना ङा ङोंइती ङा नाक्‍तीम रागीमी ब्‍वाक्‍कु सोव़माक्‍त। नोआहमी ठेयब डोंगा आ छाना थूशा, कोव़शा “लो, ब्‍वाक्‍कु नेल्‍ल सोव़माक्‍त” देंमाक्‍त। उत्‍पत्ती ७:११
GEN 8:14 मिनु महिना का नु २७ नाक्‍त नोले खप नेल्‍ल सोव़माक्‍त।
GEN 8:15 मिनु परमप्रभुमी नोआह कली
GEN 8:16 “गे, इ मीश, इ तौपुकी नु इ चाइमीपुकी डोंगा रे ग्रूङीन” देंमाक्‍त।
GEN 8:17 मिनु “मारेइ मारेइ ब्रोंइशा बाक्‍ब, चिक्‍ब, जन्‍तु नु खपीम ग्रेशा गाक्‍ब आइक्‍च जन्‍तु नेल्‍ल आन कली यो ग्रुंइदो। मेकोपुकी सोशा बोशा रागीम शुश दुम्‍चा माल्‍नीम” देंमाक्‍त।
GEN 8:18 मिनु नोआह, आ तौपुकी, आ मीश नु आ चाइमीपुकी ग्रूमा बाक्‍त। २ पत्रुस २:५
GEN 8:19 मिनु जन्‍तु नेल्‍ल, खपीम ग्रेशा गाक्‍ब आइक्‍च जन्‍तु नेल्‍ल, चिक्‍ब नेल्‍ल नु रागीम ब्रोंइशा बाक्‍ब मार मार नेल्‍ल डोंगा रे ग्रूमा बाक्‍त।
GEN 8:20 मिनु नोले नोआहम परमप्रभु यावे कली चढ़ेतीक का सेला बाक्‍त। मिनु चढ़ेचा दुम्‍ब बस्‍तु नु चढ़ेचा दुम्‍ब चिक्‍ब नेल्‍ल लाइश्‍शा चोशा चढ़ेतीक चढ़ेवा बाक्‍त। उत्‍पत्ती ७:२
GEN 8:21 मिनु परमप्रभु यावेमी मेको ब्रोव़शो रिना नाम्‍शा, ग्‍येरसे बाक्‍त। आ थुंमी “मुरुम मरिम्‍शो पतीकेम खप कली मुल सराप गेनायो मपाइनुङ। मुर आ थुं मरिम्‍शो बाक्‍त हना यो, गेनायो सराप मपाइनुङ। गो ब्रोंइशा बाक्‍ब नेल्‍ल आन कली साइश्‍शा क्‍याम्‍ताक्‍ङ। मोदेंशो गेनायो लेंशा मपाइनुङ। उत्‍पत्ती ६:५; अय्‍युब १४:४; भजन संग्रह १४:३; मत्ती १५:१९; रोमी ३:२३
GEN 8:22 रागी बाक्‍म सम्‍म शोक्‍चा, ख्रुम्‍चा नु रिक्‍चा तांइसीब। ग्‍यू पाइब, हुप्‍ब, हिंउद नु बर्खा दुम्‍ब। नाक्‍दो नाक्‍त दुम्‍ब” दे लोव़ पवा बाक्‍त। येरमीया ३३:२०,२५
GEN 9:1 मिनु परमप्रभुमी नोआह नु आ तौ आन कली आसीक गेमी बाक्‍त। मेकोमी “तमी तौ थिशा, सोशा बोशा शुश दुमीन। रागी प्रिंदीने। उत्‍पत्ती १:२८
GEN 9:2 रागी ङा जन्‍तु नेल्‍ल, सरीङम बेरब चिक्‍ब, खपीम ग्रेशा गाक्‍ब आइक्‍च जन्‍तु नु समुन्‍द्र ङा ङांइ नेल्‍ल, इन कली तशा, हिंचा माल्‍नीम। मेको आन कली इन गुइमी गेता।
GEN 9:3 ङोंइती इन कली गिगी खाइ ब्‍वचा गेता। मुल गो ब्रोंइशा बाक्‍ब जन्‍तु नेल्‍ल इन कली ब्‍वचा गेतन्‍नी। उत्‍पत्ती १:२९; कलस्‍सी २:१६
GEN 9:4 क्‍योरशा हुश मचुइक्‍थु चहिं मब्‍वने। मारदे हना हुशेमी ब्रोंइतीक सोक्‍त बाक्‍ब।
GEN 9:5 मुरुमी मुर कली साइक्‍तु हना, जन्‍तुमी मुर कली साइक्‍तु हना, मेको यो साइक्‍चा पुंइसीब। मुरुमी आ लोक्‍ब साइक्‍तु हना, मेको यो साइक्‍चा पुंइसीब। लेवी ३:१७; लेवी १७:१०-१४; ब्‍यवस्‍था १२:२३
GEN 9:6 सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१०
GEN 9:7 गे रागीम सोशा बोशा शुश दु‍मीने” दे परमप्रभुमी नोआह कली देंमाक्‍त।
GEN 9:8 मिनु नोले परमप्रभुमी नोआह नु आ तौ आन कली
GEN 9:9 “नेनीन, गे नु इन नोले ङा चच युइ नु आं कबल पाइनुङ। उत्‍पत्ती ६:१८
GEN 9:10 डोंगामी ब्रोंइशा बाक्‍ब चिक्‍ब, बी ब्‍यफ, रागी ङा जन्‍तु गे नु डोंगा रे ग्रूशो नेल्‍ल नु आं कबल पाइनुङ। होसे २:२०
GEN 9:11 गो मार कबल पाइनुङ देंशा हना, ब्रोंइशा बाक्‍ब नेल्‍ल आन कली ब्‍वाक्‍कुम मसाइक्‍नुङ। रागी बिग्रेचा कली गेनायो ब्‍वाक्‍कु मबारपाइक्‍नुङ” देंमाक्‍त।
GEN 9:12 मिनु परमप्रभुमी “गे नु गे नु ब्रोंइशा बाक्‍ब नेल्‍ल इन कली आं कबल पतीके चिनु का गेनुङ। मेको इन नोले ङा पाला नेल्‍ल आन कली यो बाक्‍ब।
GEN 9:13 गो गोस्‍सुमी आं वाक्‍श वोइक्‍नुङ। मेको गो रागी नु कबल पशो आ चिनु बाक्‍ब।
GEN 9:14 मिनु गो रागी तारी गोस्‍स सोइक्‍तुनु, मेको गोस्‍सुमी आं वाक्‍श तांइसीब।
GEN 9:15 मिनु गो गे नु मारेइ मारेइ ब्रोंइशा बाक्‍ब नु कबल पाता, दे मिम्‍नुङ। गो गेनायो ब्रोंइशा बाक्‍ब नेल्‍ल आन कली ब्‍वाक्‍कुमी मसाइक्‍‍नुङमी। यसैया ५४:७-१०
GEN 9:16 मेको वाक्‍श गोस्‍सुम बाक्‍मेनु, गो मेको कली ताइनुङ। मिनु गो रागीम बाक्‍ब मुर नु ब्रोंइशा बाक्‍ब नेल्‍ल नु गेना हना यो लीब कबल पाता, दे मिम्‍नुङ” देंमाक्‍त।
GEN 9:17 मिनु परमप्रभुमी नोआह कली “मेको वाक्‍श कबल आ चिनु बाक्‍ब। गो गे नु रागीम ब्रोंइशा बाक्‍ब नेल्‍ल नु कबल पाता” देंमाक्‍त।
GEN 9:18 डोंगा रे ग्रूशो नोआह आ तौपुकी शेम, हाम नु यफेथ बाक्‍मा बाक्‍त। हाम चहिं कनान आ आफ बाक्‍माक्‍त। उत्‍पत्ती ५:३२
GEN 9:19 मेको सांफा नोआह आ तौ बाक्‍मा बाक्‍त। मेको रे रागी नेल्‍ल ब्रीमा बाक्‍त।
GEN 9:20 मिनु नोआह रूमी गेय पाइब दुम्‍शा, अङगुर रू सेला बाक्‍त। मेको नेल्‍ल क्‍येङा ङोंइती अङगुर ख्रुम्‍ब मुर दुम्‍माक्‍त।
GEN 9:21 मिनु अङगुर शांबु तूशा दुक्‍शा, आ ताम्‍बुमी शिश्रा इम्‍माक्‍त।
GEN 9:22 मिनु कनान आ आफ हाममी आ आफ शिश्रा तशा, लाङगामी बाक्‍शो आ लोक्‍ब आस कली देंमाक्‍त। प्रस्‍थान २०:१२; हितोपदेस ३०:१७
GEN 9:23 मेको नेंशा, शेम नु यफेथम वा का सुर सुरम ग्‍याइश्‍शा लाप्‍शा, नोले रे ग्रेना ग्रेन लशा, आस आफ आ ताम्‍बु ओव़सा बाक्‍त। मिनु आस आफ आ भेत्रे रां सुम्‍से बाक्‍त। नोले रे ग्रेशा, आस आफ आ शिश्रा रां मताम्‍से बाक्‍त।
GEN 9:24 मिनु नोले नोआह आ दुक्‍शो रे सेंसे बाक्‍त। आ चचमी आ कली मार पवा, नेल्‍ल तुइक्‍ता बाक्‍त।
GEN 9:25 मिनु नोआहमी “कनान सराप रल। आ लोक्‍ब आस नेल्‍ल क्‍येङा आइक्‍च वाइल दुम्‍ल” दे सराप पवा बाक्‍त।
GEN 9:26 मिनु मेकोमी लेंशा “परमप्रभु, शेम आ परमप्रभु यावे ठेयब बाक्‍ब। कनान मेको आ नेल्‍ल क्‍येङा आइक्‍च वाइल दुम्‍ल” दे शेम कली आसीक गेवा बाक्‍त।
GEN 9:27 मिनु लेंशा “परमप्रभुमी यफेथ कली ‘सोशा बोशा शुश दुम्‍पदल। मेको शेम आ ताम्‍बुम बाक्‍चा तवल। कनान चहिं मेको आ वाइल दुम्‍ल’ ” दे लोव़ पवा बाक्‍त।
GEN 9:28 मिनु ठेयब ब्‍वाक्‍कु बारशा नोले, नोआह सहे सां ५० बर्स ब्रोंइमाक्‍त।
GEN 9:29 मिनु नोआह नेल्‍ल पा ९ सहे ५० बर्स ब्रोंइशा बेक्‍माक्‍त।
GEN 10:1 ब्‍वाक्‍कु बारम नोले नोआह आ तौपुकी शेम, हाम नु यफेथमी तौपुकी थीमा बाक्‍त। नोआह आ तौ आन चच युइ सु सु बाक्‍मा बाक्‍त देंशा हना,
GEN 10:2 यफेथ आ तौ गोमेर, मागोग, मादै, यावान, तूबल, मेशेक नु तिरास बाक्‍मा बाक्‍त। इजीकीएल २७:१३-२२; इजीकीएल ३८:२; इजीकीएल ३९:१,६
GEN 10:3 गोमेर आ तौपुकी अश्‍‍केनज, रीफत नु तोगारमाह बाक्‍मा बाक्‍त।
GEN 10:4 यावान आ तौपुकी एलीशाह, कित्तीम, टारशीश नु दोदानीम बाक्‍मा बाक्‍त।
GEN 10:5 मेको मुरपुकी रे समुन्‍द्र आ नेक्‍था बाक्‍ब जरमेशो बाक्‍मा बाक्‍त। मेकोपुकी यफेथ आ चच युइ बाक्‍मा बाक्‍त। मेकोपुकी आंम रागीम बाक्‍शो बाक्‍मा बाक्‍त। मिनु आंम रागी रागीमी, आंम खिं खिं ङा मुरुमी आंम लोव़ ब्‍वाक्‍मा बाक्‍त।
GEN 10:6 हाम आ तौपुकी कूश, इजीप्‍त, पूत नु कनान बाक्‍मा बाक्‍त।
GEN 10:7 कूश आ तौपुकी शेबा, हवीलाह, साब्‍ताह, रामाह नु साब्‍तेका बाक्‍मा बाक्‍त। रामाह आ तौ निक्‍शी शेबा नु देदान बाक्‍सा बाक्‍त।
GEN 10:8 मिनु कूशमी निम्रोद यो थि‍माक्‍त। मेको बोल्‍यो नु सक्ति पाइश्‍शो मुर दुम्‍माक्‍त।
GEN 10:9 मेको परमप्रभु यावे आ ङोंइती सक्ति पाइश्‍शो सिखारी बाक्‍माक्‍त। मोपतीके मुरुमी बोल्‍यो मुर का तशा “परमप्रभु यावे आ ङोंइती निम्रोद खोदेंशो सक्ति पाइश्‍शो सिखारी बाक्‍बाक्‍त” दे देंतीके देंमा बाक्‍त। मत्ती ५:५
GEN 10:10 मिनु आ ङोंइती ङा राज्‍य बेबीलोन बाक्‍माक्‍त। अरु एरेक नु अक्‍कद सहर बाक्‍मा बाक्‍त। मेको नेल्‍ल शिनार रागीम बाक्‍बाक्‍मा बाक्‍त।
GEN 10:11 निम्रोद मेको रागी रे अस्‍सुर जाक्‍शा, निनवे, रेहोबोथ-इर नु कालाह सहर सेला बाक्‍त।
GEN 10:12 निनवे नु कालाह सहर आस दातेमी रेसेन सहर सेला बाक्‍त। मेको ठेयब सहर बाक्‍माक्‍त।
GEN 10:13 इजीप्‍त, लूदीम, अनामीम, लेहाबीम, नफ्‍तुहीम,
GEN 10:14 पथ्रुसीम, कस्‍लुहीम नु काफ्‍तोरीम आन आफ दुम्‍माक्‍त। मेकोपुकी रे पलिस्‍ती ग्रूमा बाक्‍त।
GEN 10:15 मिनु कनानमी आ ङोंइती ङा तौ सीदोन नु नोले हेथ थि‍माक्‍त।
GEN 10:16 मिनु नोले यबुसी, एमोरी, गिरगाशी,
GEN 10:17 हिव्‍वी, अरकी, सिनी,
GEN 10:18 अरवादी, सेमारी नु हमाथी थि‍माक्‍त। नोले कनान रागी ङा मुर शुश दुम्‍मा बाक्‍त।
GEN 10:19 कनान ङा मुर आन रागी सीदोन रे गेरार गे नु गाजा सम्‍म दुम्‍माक्‍त। सोदोम नु गोमोररा गे अदमाह, सेबोयीम नु लाशा सहर सम्‍म दुम्‍माक्‍त।
GEN 10:20 मिनु हाम आ चच युइ आन खिं खिं ङा मुर आन लोव़, आन रू नु आन रागी बाक्‍मा बाक्‍त।
GEN 10:21 शेम यफेथ आ लोक्‍बमी यो तौपुकी थि‍माक्‍त। शेम एबेर आ आल आन किकी पिपी बाक्‍माक्‍त। उत्‍पत्ती ११:१०
GEN 10:22 शेम आ तौ चच युइ सु सु बाक्‍मा बाक्‍त देंशा हना, एलाम, अश्‍शुर, अरपक्‍शाद, लूद नु अराम बाक्‍मा बाक्‍त।
GEN 10:23 अराम आ तौपुकी ऊज, हुल, गेथेर नु माश बाक्‍मा बाक्‍त। उत्‍पत्ती २२:२१
GEN 10:24 मिनु अरपक्‍शाद शेलाह आ आफ दुम्‍माक्‍त। शेलाह एबेर आ आफ दुम्‍माक्‍त।
GEN 10:25 एबेरमी तौ निक्‍शी थि‍माक्‍त। का आ नें पेलेग बाक्‍माक्‍त। मारदे हना मेना रागी योक्‍शो बाक्‍माक्‍त। पेलेग नें आ अर्थ भाग का बाक्‍माक्‍त। अर्को आ नें योकतन बाक्‍माक्‍त। उत्‍पत्ती ११:८-९; ब्‍यवस्‍था ३२:८
GEN 10:26 मिनु योकतनमी अल्‍मोदाद, शेलेफ, हासार-मावेथ येराह
GEN 10:27 हदोराम, उजाल, दिकलाह,
GEN 10:28 ओबाल, अबीमा-एल, शेबा,
GEN 10:29 ओफीर, हवीलाह नु योबाब आन आफ दुम्‍माक्‍त। मेको नेल्‍ल योकतन आ तौ बाक्‍मा बाक्‍त।
GEN 10:30 मिनु आन बाक्‍तीक मेशा रे पूर्ब ङा सेफार माइश्‍शो पहाड सम्‍म दुम्‍माक्‍त।
GEN 10:31 मिनु शेम आ चच युइ आन खिं खिं ङा मुर आन लोव़, आन रू नु आन रागी बाक्‍मा बाक्‍त।
GEN 10:32 मिनु मेको नोआह आ तौ नेल्‍ल आन खिं खिं ङा मुर, आन चच युइ, आन आन रागी बाक्‍मा बाक्‍त। ब्‍वाक्‍कु बारशा नोले मेकोपुकी रे रागी नेल्‍ल ब्रीमा बाक्‍त।
GEN 11:1 ङोंइती रागी नेल्‍ल ङा मुर लोव़ का ब्‍वाक्‍बाक्‍मा बाक्‍त।
GEN 11:2 मुरपुकी पूर्ब गे लना लन बाक्‍मानु, शिनार नें पाइश्‍शो रागीम ठेयब दिंम का थित्‍मे बाक्‍त। मिनु मेकेर खिं सेल्‍शा बाक्‍मा बाक्‍त।
GEN 11:3 मिनु मुरपुकीमी “लो, इंटा सेल्‍य। मिनु मीमी रिम्‍शो पा चोय” देंमा बाक्‍त। मिनु फुल्‍लु आ पा ङा इंटा नु हिलो आ पा ङा अल्‍कत्रा ग्रुंइदमे बाक्‍त।
GEN 11:4 मिनु नोले मेकोपुकीमी “गोपुकी इं कली सहर का सेल्‍सीय, ठेयब लाइश्‍शो सरीङ थिचा ङा खिं का सेल्‍य। इं नें ठेयब सेल्‍सीशा, इं मुरपुकी रागी नेल्‍लेमी मब्राथु बाक्‍य” देंमुमा बाक्‍त।
GEN 11:5 मिनु परमप्रभु यावे मेको मुरपुकीमी सेल्‍शो सहर नु सरीङ थिचशो ठेयब लाइश्‍शो खिं कोव़थ यिमाक्‍त। उत्‍पत्ती १८:२१; भजन संग्रह १४:२
GEN 11:6 मिनु परमप्रभु यावेमी “लो, मेको नेल्‍ल थुं का ङा मुर नमी। मेको नेल्‍ल लोव़ का ब्‍वाक्‍नीम। मेको आन नक गोशो गेय ला बाक्‍ब। मार मार मिम्‍त्‍मे, मेको नेल्‍ल पने चाप्‍नीम। प्रेरित २:१-११
GEN 11:7 मुल उइ लय। मेको आन पशो लोव़ खाल्‍शा पपाइय्‍य। मिनु कामी अर्को आ लोव़ मरुबल” देंमाक्‍त।
GEN 11:8 मोपा परमप्रभु यावेमी मुर आन कली नेल्‍ल रागीम फ्रादीमी बाक्‍त। मिनु मेकोपुकीमी सहर सेल्‍चा प्रोन्‍मे बाक्‍त। ब्‍यवस्‍था ३२:८; लूका १:५१
GEN 11:9 मोपतीके मेको सहर आ नें बाबेल वोदमे बाक्‍त। मारदे हना मेकेर रे परमप्रभु यावेमी रागी नेल्‍ल ङा मुर आन लोव़ खाल्‍दा बाक्‍त। मिनु परमप्रभु यावेमी मोपा मुर नेल्‍ल आन कली फ्रादीमी बाक्‍त।
GEN 11:10 शेम आ आ चच युइ सु सु बाक्‍मा बाक्‍त देंशा हना, शेम सहे का बर्स दुम्‍मेनु, अरपक्‍शाद आ आफ दुम्‍माक्‍त। मेना ब्‍वाक्‍कु बारशा सोव़शो बर्स निक्‍शी दुम्‍शो बाक्‍माक्‍त। १इतिहास १:२४-२७; लूका ३:३४-३६; उत्‍पत्ती १०:२१-२२
GEN 11:11 मिनु शेम अरपक्‍शाद थिशा नोले ५ सहे बर्स ब्रोंइमाक्‍त। अरु तमी तौ यो थि‍माक्‍त।
GEN 11:12 मिनु अरपक्‍शाद ३५ बर्स दुम्‍मेनु, शेलाह आ आफ दुम्‍माक्‍त।।
GEN 11:13 मिनु शेलाह थिशा नोले ४ सहे बर्स सां ब्रोंइमाक्‍त। अरु तमी तौ यो थि‍माक्‍त।
GEN 11:14 मिनु शेलाह ३० बर्स दुम्‍मेनु, एबेर थि‍माक्‍त।
GEN 11:15 मिनु शेलाह एबेर थिशा नोले ४ सहे बर्स सां ब्रोंइमाक्‍त। अरु तमी तौ यो थि‍माक्‍त।
GEN 11:16 मिनु एबेर ३४ बर्स दुम्‍मेनु, पेलेग आ आफ दुम्‍माक्‍त।
GEN 11:17 मिनु एबेर पेलेग थिशा नोले ४ सहे ३० बर्स ब्रोंइमाक्‍त। अरु तमी तौ यो थि‍माक्‍त।
GEN 11:18 मिनु पेलेग ३० बर्स दुम्‍मेनु, रेऊ आ आफ दुम्‍माक्‍त।
GEN 11:19 मिनु पेलेग रेऊ थिशा नोले सहे निक्‍शी ९ बर्स ब्रोंइमाक्‍त। अरु तमी तौ यो थि‍माक्‍त।
GEN 11:20 मिनु रेऊ ३२ बर्स दुम्‍मेनु, सेरूग आ आफ दुम्‍माक्‍त।
GEN 11:21 मिनु रेऊ सेरूग थिशा नोले, सहे निक्‍शी ७ बर्स ब्रोंइमाक्‍त। अरु तमी तौ यो थि‍माक्‍त।
GEN 11:22 मिनु सेरूग ३० बर्स दुम्‍मेनु, नाहोर आ आफ दुम्‍माक्‍त।
GEN 11:23 मिनु सेरूग नाहोर थिशा नोले सहे निक्‍शी बर्स ब्रोंइमाक्‍त। अरु तमी तौ यो थि‍माक्‍त।
GEN 11:24 मिनु नाहोर २९ बर्स दुम्‍मेनु, तेराह आ आफ दुम्‍माक्‍त।
GEN 11:25 मिनु नाहोर तेराह थिशा नोले सहे का १९ बर्स ब्रोंइमाक्‍त। अरु तमी तौ यो थि‍माक्‍त।
GEN 11:26 मिनु तेराह ७० बर्स दुम्‍मेनु, अब्राम, नाहोर नु हारान आन आफ दुम्‍माक्‍त।
GEN 11:27 तेराह आ चच युइ सु सु बाक्‍मा बाक्‍त देंशा हना, तेराह अब्राम, नाहोर नु हारान आन आफ दुम्‍माक्‍त। हारानमी लोत थि‍माक्‍त।
GEN 11:28 हारान चहिं आ आफ तेराह क्‍येङा ङोंइती आ जरमेशो कल्‍दी ङा ऊर सहरमी बेक्‍माक्‍त।
GEN 11:29 मिनु अब्राम नु नाहोर निम्‍फामी ग्‍युंबे पाम्‍से बाक्‍त। अब्राम आ मीश आ नें साराइ बाक्‍माक्‍त। नाहोर आ मीश आ नें मिल्‍का बाक्‍माक्‍त। मिल्‍का हारान आ तमी बाक्‍माक्‍त। हारान मिल्‍का नु यिस्‍का आस आफ बाक्‍माक्‍त। उत्‍पत्ती २२:२०
GEN 11:30 साराइ आल मथीब बाक्‍माक्‍त।
GEN 11:31 मिनु तेराहमी आ तौ अब्राम, आ चच लोत, हारान आ तौ, नु आ चाइमी, अब्राम आ मीश साराइ आन कली लाइश्‍शा, कल्‍दी रागी ङा ऊर रे कनान रागी लचा गोव़मे बाक्‍त। मिनु हारान माइश्‍शो सहर जाक्‍दीश्‍शा बाक्‍मा बाक्‍त। यहोसु २४:२; नेहेम्‍याह ९:७
GEN 11:32 तेराह सहे निक्‍शी ५ बर्स दुम्‍शा, हारान सहरम बेक्‍माक्‍त।
GEN 12:1 मिनु परमप्रभु यावेमी अब्राम कली “इ रागी, इ खिं खिं ङा मुर नु इ आफ आ खिं रे लावो। तेको रागी लचा माल्‍नेवे, गो इ कली कोंइ‍नन। गन्‍ती २३:९; प्रेरित ७:३; हिब्रू ११:८
GEN 12:2 गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७
GEN 12:3 सुमी इ कली आसीक गेवा, गो मेको कली आसीक गेनुङ। सुम इ कली सराप पाइबा, गो मेको कली सराप पाइनुङ। इ पर्बम रागी ङा मुर नेल्‍ल आसीक ताइनीम” देंमाक्‍त। उत्‍पत्ती १८:१८; उत्‍पत्ती २२:१८; उत्‍पत्ती २६:४; उत्‍पत्ती २८:१४; प्रस्‍थान २३:२२; प्रेरित ३:२५; गलाती ३:८
GEN 12:4 मिनु अब्राम परमप्रभु यावे आ लोव़ नेंशा, हारान सहर रे गाक्‍माक्‍त। लोत यो अब्राम नु गाक्‍माक्‍त। हारान सहर रे गाक्‍मेनु, अब्राम ७५ बर्स, दुम्‍शो बाक्‍माक्‍त।
GEN 12:5 अब्राममी आ मीश साराइ, आ लोक्‍ब आ तौ, लोत, आन मारेइ मारेइ, हारान सहरमी ग्‍याप्‍शो वाइलीम वाइल आन कली यो लदा बाक्‍त। मिनु मेको नेल्‍ल कनान रागी लचा गोव़मे बाक्‍त। मिनु लशा कनान रागी जाक्‍दीम्‍मा बाक्‍त।
GEN 12:6 मिनु अब्राम कनान रागी जाक्‍दीश्‍शा, शेकेम सहर आ नेक्‍था मोरेह माइश्‍शो मुर आ रवा आ नेक्‍था जाक्‍दीम्‍माक्‍त। मेना कनान ङा मुरपुकी रागीम बाक्‍शो बाक्‍मा बाक्‍त। उत्‍पत्ती ३५:४; यहोसु २४:२५-२६
GEN 12:7 मेकेर जाक्‍दीम्‍मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्‍त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्‍त। उत्‍पत्ती १३:१५; उत्‍पत्ती १५:१८; उत्‍पत्ती १७:८; उत्‍पत्ती ३५:१२; प्रस्‍थान ६:४,८; प्रस्‍थान ३२:१३; यहोसु २१:४३; प्रेरित ७:५
GEN 12:8 मेकेर रे लशा, बेथेल सहर आ पूर्ब गे ङा डांडामी आ ताम्‍बु याक्‍शा कीङा बाक्‍त। बेथेल सहर पच्‍छिम गे नु ऐ सहर पूर्ब गे बाक्‍शा, मेकेर यो परमप्रभु यावे कली चढ़ेतीक का सेल्‍शा, परमप्रभु यावे कली लोव़ पा ठेयब सेला बाक्‍त। उत्‍पत्ती ४:२६
GEN 12:9 मेकेर रे लशा, नेगेब माइश्‍शो रागी आ दक्‍खिन गे लमाक्‍त।
GEN 12:10 मिनु मेको रागीम अन्‍काल बाक्‍माक्‍त। मोपतीके मेकेर रे लशा, इजीप्‍त रागीम बाक्‍थ, लमाक्‍त। मारदे हना ठेयब अन्‍काल बाक्‍माक्‍त।
GEN 12:11 मिनु इजीप्‍त ओव़चा क्‍येङा ङोंइती अब्राममी आ मीश साराइ कली “नेनो, गे दारशो मीश मुर बाक्‍नेवे।
GEN 12:12 मिनु इजीप्‍त ङा मुरुम इ कली तशा ‘मेको आ मीश बाक्‍ब’ दे आं कली साइक्‍नीम। इ कली चहिं ब्रोंइचा गेनीम।
GEN 12:13 मोपतीके ‘आ समी नङ’ देनो। मिनु इ मो देंशो आ पर्बम गो साइक्‍चा मपुंइसीनुङ, ब्रोंइचा ताइनुङ” दे आ मीश कली मदा बाक्‍त।
GEN 12:14 मिनु अब्राम इजीप्‍त रागीम जाक्‍दीम्‍मेनु, इजीप्‍त ङा मुरपुकीमी साराइ आ पर्बम “मेरे मीश मुर थम दारशो बाक्‍ब” देंमुमा बाक्‍त।
GEN 12:15 मिनु फाराओ माइश्‍शो पिप आ मुरपुकीमी साराइ कली तशा “थम दारशो मीश मुर का ताइतक” दे मदमे बाक्‍त। मिनु साराइ कली फाराओ आ खिं लदमे बाक्‍त।
GEN 12:16 मिनु साराइ आ पर्बम अब्राम भेडा, ब्‍यफ, गधा, वाइलीम वाइल नु दलओंठ मारेइ मारेइ गेचा पुंइसे बाक्‍त।
GEN 12:17 तन्‍न परमप्रभु यावेमी फाराओ नु आ खिं ङा मुर आन कली अब्राम आ मीश साराइ आ पर्बम ठेयब श्‍येत गेवा बाक्‍त।
GEN 12:18 मिनु फाराओमी अब्राम कली ब्रेश्‍शा “गे आं कली मार पवी? मारदे ‘इ मीश बाक्‍ब’ मदेने?
GEN 12:19 मारदे ‘आं समी बाक्‍ब’ देंने? गो हेरा आं मीश सेल्‍ता। मुल इ मीश लतो। एकेर रे लावो” दे मदा बाक्‍त।
GEN 12:20 फाराओमी मेको लोव़ आ मुर आन कली माइश्‍शा, अब्राम, आ मीश नु आ नु बाक्‍ब नेल्‍ल आन कली मेकेर रे सोइक्‍तमे बाक्‍त।
GEN 13:1 मिनु अब्राम, आ मीश, आ मारेइ मारेइ नेल्‍ल नु लोत यो लाइश्‍शा इजीप्‍त रे नेगेब रागी लमाक्‍त।
GEN 13:2 अब्राम शुश बी ब्‍यफ क्‍यारश भेडा नु सुन चांदी पाइश्‍शो मुर बाक्‍माक्‍त।
GEN 13:3 मिनु दक्‍खिन ङा नेगेब रे लशा, बेथेल सहर जाक्‍दीम्‍माक्‍त। मेकेर बेथेल सहर नु ऐ सहर आस दातेमी ङोंइती आ ताम्‍बु कीतीकेम जाक्‍दीम्‍माक्‍त।
GEN 13:4 मिनु इजीप्‍त लचा क्‍येङा ङोंइती मेकेर सेल्‍शो चढ़ेतीकेमी लेश्‍शा जाक्‍दीश्‍शा, परमप्रभु यावे कली लोव़ पा, ठेयब सेला बाक्‍त। उत्‍पत्ती १२:८
GEN 13:5 मिनु लोत के यो क्‍यारश भेडा, बी ब्‍यफ नु ताम्‍बु शुश बाक्‍माक्‍त।
GEN 13:6 मिनु अब्राम नु लोत आस मारेइ मारेइ शुश दुम्‍तीके मेको निक्‍शी काथा बाक्‍ने मचाप्‍से बाक्‍त।
GEN 13:7 मिनु अब्राम आ गोठलापुकी लोत आ गोठलापुकी नु जीमे बाक्‍त। मेना मेको रागीम कनानी नु परिज्‍‍जीपुकी बाक्‍मा बाक्‍त।
GEN 13:8 मिनु अब्राममी लोत कली “गो पोबु नस। जिचा मदुम्‍ब। इ गोठलापुकी नु आं गोठलापुकी यो जिचा मदुम।
GEN 13:9 गे नु गो ब्राचा रिम्‍शो दुम्‍ब। एको रागी नेल्‍ल इ ङोंइती बाक्‍ब। गे पेरा गे लते हना, गो ग्‍युरा गे लाइनुङ। गे ग्‍युरा गे लते हना, गो पेरा गे लाइनुङ” देंमाक्‍त।
GEN 13:10 मिनु लोतमी यर्दन खोला आ नेक्‍था ब्‍वाक्‍कु बाक्‍शो रिम्‍शो दिंम तवा बाक्‍त। मेको परमप्रभु यावे आ रू नु इजीप्‍त रागी खोदेंशो दारशो तांइसे बाक्‍त। सोआर सहर सम्‍म मोदेंशो दारशो तांइसे बाक्‍त। परमप्रभु यावेम सोदोम नु गोमोररा सहर मीम जेप्‍पाइक्‍चा क्‍येङा ङोंइती मेकेर थाम्‍पा दारशो बाक्‍माक्‍त। उत्‍पत्ती २:८-१०
GEN 13:11 मिनु लोत यर्दन खोला ङा दिंम योव़शा, पूर्ब गे लमाक्‍त। मोपा लोत नु अब्राम ब्रासा बाक्‍त।
GEN 13:12 मिनु अब्राम कनान रागीम बाक्‍शो बाक्‍माक्‍त। लोत चहिं यर्दन खोला ङा दिंमम बाक्‍शो सहर आन नेक्‍था बाक्‍शा, आ ताम्‍बु याक्‍ना याक्‍न सोदोम सहर सम्‍म जाक्‍दीम्‍माक्‍त।
GEN 13:13 सोदोम सहर ङा मुरपुकी थम मरिम्‍शो बाक्‍मा बाक्‍त। मेकोपुकीमी परमप्रभु यावे आ ङोंइती शुश मरिम्‍शो पामे बाक्‍त। उत्‍पत्ती १८:२०; उत्‍पत्ती १९:४-९
GEN 13:14 लोत नु अब्राम ब्रासा नोले परमप्रभु यावेमी अब्राम कली “इ बाक्‍तीके रे पूर्ब, पच्‍छिम, उत्तर, दक्‍खिन गे कोव़ङो।
GEN 13:15 गे तेको तेको रागी ताइनेवे, मेकोन इ कली नु इ चच युइ आन कली गेना हना यो कली गेनुङ। उत्‍पत्ती १२:७
GEN 13:16 गो इ चच युइ खप ङा फुरक खोदेंशो पा शुश सेल्‍नुङ। मुरुम फुरक हिक्‍ने चाप्‍तेक्‍म हना ला, इ चच युइ आन कली यो हिक्‍ने चाप्‍नीम। तन्‍न मचाप्‍नीम। उत्‍पत्ती २८:१४; गन्‍ती २३:१०; १राजा ४:२०
GEN 13:17 बोक्‍को, रागी नेल्‍ल हिरशा लावो। मेको नेल्‍ल इ कली गेनन” दे परमप्रभु यावेमी लोव़ गेवा बाक्‍त।
GEN 13:18 मिनु अब्राममी आ ताम्‍बु याक्‍शा, हेब्रोन रागी ङा माम्रे माइश्‍शो ब्‍वाकीम कीङा बाक्‍त। मिनु मेकेर परमप्रभु यावे कली चढ़ेतीक का सेला बाक्‍त। उत्‍पत्ती १४:१३-२४
GEN 14:1 मिनु शिनार ङा पिप अम्राफेल, एल्‍लासार ङा पिप अरयोक, एलाम ङा पिप केदोर-लाओमेर नु गोयीम रागी ङा पिप तिदालम सासन पामे ना, यहोसु १२:२३
GEN 14:2 सोदोम ङा पिप बेरा, गोमोररा ङा पिप बिरशा, अदमाह ङा पिप शिनाब नु सेबोयीम ङा पिप शेमेबेर, बेला सहर ङा पिप नु लडाइ पामे बाक्‍त। बेला सहर कली सोआर यो देंनीम। उत्‍पत्ती १९:२४
GEN 14:3 मेको नेल्‍ल सिददीम दिंममी लडाइ पथ खुम्‍सीशो बाक्‍मा बाक्‍त।
GEN 14:4 मारदे हना मेकोपुकीमी लडाइ का ब्रुशा नोले, १२ बर्स सम्‍म श्‍येत जशा, पिप केदोर-लाओमेर कली मार मार गेचा माल्‍मा बाक्‍त। मोपतीके मेकोपुकीम १३ बर्समी “मगेय, लडाइ पय” दे सल्‍ला पामे बाक्‍त।
GEN 14:5 मिनु १४ बर्समी पिप केदोर-लाओमेर नु मेको आ वारच पिपपुकी अश्‍‍तारोथ-कारनाइमम बाक्‍ब रेफाइमपुकी, हामम बाक्‍ब जूजीमपुकी, शावेह-किरयथ-थाइम बाक्‍ब एमीमपुकी, उत्‍पत्ती ३६:२०-३०
GEN 14:6 सेइर पहाडम बाक्‍ब होरी आ मुर नेल्‍ल आन कली एल-पारान मुर बाक्‍तीक आ नेक्‍था सम्‍म फ्रूमे बाक्‍त।
GEN 14:7 मेको ग्राब पिप आन लां लेश्‍शा, एन-मिश्‍पात जाक्‍शा, हासासोन-तामारम बाक्‍ब अमालेकी नु एमोरी आन कली फ्रूमे बाक्‍त। एन-मिश्‍पात कली कादेश यो देंनीम।
GEN 14:8 मेना सोदोम ङा पिप, गोमोररा ङा पिप, अदमाह ङा पिप, सेबोयीम ङा पिप नु बेला ङा पिप सल्‍ला पशा, बेला सहर कली सोआर यो देंनीम
GEN 14:9 सिददीम दिंममी एलाम ङा पिप केदोर-लाओमेर गोयीम रागी ङा पिप तिदाल, शिनार ङा पिप अम्राफेल नु एल्‍लासार ङा पिप अरयोक नु लडाइ पथ जाक्‍मा बाक्‍त। ४ जना पिपपुकीम ५ जना पिप नु लडाइ पशो बाक्‍मा बाक्‍त।
GEN 14:10 मिनु सिददीम ङा दिंममी अल्‍कत्रा खाल्‍टा शुश बाक्‍मा बाक्‍त। मिनु सोदोम नु गोमोररा ङा पिप प्रोक्‍शा, खाल्‍टा आगा दोक्‍सा बाक्‍त। लीशो मुरपुकी चहिं पहाड गे प्रोक्‍मा बाक्‍त।
GEN 14:11 मिनु केदोर-लाओमेर नु आ हुलमी सोदोम नु गोमोररा सहर ङा मुर नु आन मार मार नेल्‍ल रोइश्‍शा लदमे बाक्‍त।
GEN 14:12 मिनु मेकोपुकीमी सोदोम सहरम बाक्‍शो अब्राम आ लोक्‍ब आ तौ लोत नु आ मारेइ मारेइ नेल्‍ल यो लाइश्‍शा लमा बाक्‍त। उत्‍पत्ती १३:१०-१२
GEN 14:13 मिनु पहाडम प्रोक्‍शो मुर कामी हिब्रू अब्राम कली मेको लोव़ शेंदा बाक्‍त। अब्राम चहिं एमोरी माम्रे आ ब्‍वाकीम बाक्‍शो बाक्‍माक्‍त। माम्रे एश्‍कोल नु आनेर वोबु बाक्‍सा बाक्‍त। मेको अब्राम कली वारच पाइब बाक्‍मा बाक्‍त।
GEN 14:14 मिनु अब्राममी आ लोक्‍ब आ तौ ग्‍याइश्‍शो नेंशा, आ खिंमी जरमेशो सहे सां १८ जना लडाइ पचा कली शेंसीशो मुर कली या गेशा, ठीक पवा बाक्‍त। मिनु मेकोपुकीमी रोइक्‍ब आन कली दान सहर सम्म खेदा पामे बाक्‍त। यहोसु १९:४७; न्‍यायाधीस १८:२९
GEN 14:15 नाक्‍दोमी अब्राममी आ मुर आन कली हुल निक्‍शी पशा, रोइक्‍बपुकी नु लडाइ पशा ग्राशा, होबाह सम्‍म खेदा पामे बाक्‍त। होबाह दमस्‍कस सहर आ उत्तर गे बाक्‍ब।
GEN 14:16 मोदेंशो पा अब्राममी सोदोम नु गोमोररा रे रोइश्‍शा मारेइ मारेइ नु आ लोक्‍ब आ तौ लोत आ मारेइ मारेइ नेल्‍ल, मीश मुर नेल्‍ल नु मेको निक्‍शी सहर ङा मुर नेल्‍ल लेप्‍पदा बाक्‍त।
GEN 14:17 मोपा अब्राम केदोर-लाओमेर नु आ वारच पिपपुकी नु लडाइ पशा ग्राशा, लेश्‍शा नोले सोदोम ङा पिप शावेह माइश्‍शो दिंमम जाक्‍शा, अब्राम कली ग्रुम्‍थ जाक्‍माक्‍त। शावेह माइश्‍शो दिंम कली पिप आन दिंम यो देंनीम। हिब्रू ७:१-४
GEN 14:18 मिनु सालेम ङा पिप मेल्‍कीसेदेकम अब्राम नु आ मुर आन कली शोब्‍ले नु अङगुर शांबु चाक्‍गा बाक्‍त। मेको नेल्‍ल क्‍येङा ठेयब परमप्रभु कली चढ़ेब बाक्‍माक्‍त। भजन संग्रह ११०:४; भजन संग्रह ७६:३
GEN 14:19 मिनु मेकोमी अब्राम कली आसीक गेशा “सरीङ नु रागी सेल्‍ब नेल्‍ल क्‍येङा ठेयब परमप्रभु आ आसीक इ कली रल।
GEN 14:20 मिनु नेल्‍ल क्‍येङा ठेयब परमप्रभु मान ताइब बाक्‍ब। मारदे हना इ जोरी सत्रु इ गुइमी गेशा, इ कली ग्रापाइक्‍तु” दे ठेयब सेला बाक्‍त। मिनु अब्राममी नेल्‍ल थोव़क १० भाग ङा भाग का मेल्‍कीसेदेक कली गेवा बाक्‍त। उत्‍पत्ती २८:२२; लेवी २७:३०-३२
GEN 14:21 मिनु सोदोम ङा पिपमी अब्राम कली “मुर ला गेयी। अरु मार मार इन कली दुम्‍ल” देंमाक्‍त।
GEN 14:22 मिनु अब्राममी सोदोम ङा पिप कली “गो आं गुइ परमप्रभु यावे, नेल्‍ल क्‍येङा ठेयब सरीङ नु रागी सेल्‍ब परमप्रभु गे पोक्‍शा कसम जाता।
GEN 14:23 गो इन के मारेइ मलाइक्‍नुङ। श्‍येले का, जुत्ता आ डोरी का यो मलाइक्‍नुङ। मिनु गेमी ‘गो अब्राम कली शुश शोंप पाइश्‍शो सेल्‍ता’ दे गेनायो देंने मचाप्‍नीनी।
GEN 14:24 आं गेय पाइब आन जशो चहिं लाइक्‍नुङ। गो नु गाक्‍ब आनेर, एश्‍कोल नु माम्रे आन भाग चहिं लाइक्‍चा गेन” देंमाक्‍त।
GEN 15:1 मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४
GEN 15:2 तन्‍न अब्राममी “आं कली मार गेनीनी ङा? आं के आल मबाक्‍नीम। आ अङस ताइब दमस्‍कस ङा एलीएजर दुम्‍ब।
GEN 15:3 गे आं कली तमी तौ मगेयीनी। मुल आं खिंम जरमेशो वाइलम आं अङस ताइब दुम्‍त” देंमाक्‍त।
GEN 15:4 मिनु परमप्रभु यावेमी लेंशा “मेको मुरुम इ अङस मताइब। इ आंम रां ङा इ तौमी इ अङस ताइब” देंमाक्‍त।
GEN 15:5 मिनु मेकोमी अब्राम कली ताम्‍बु रे ग्रुंइशा “सरीङ गे कोव़ङो, सोरुल आन कली हिक्‍को। मेको हिक्‍ने चाप्‍नेवे? गिश बाक्‍मा, इ चच युइ यो मिश दुम्‍नीम” देंमाक्‍त। उत्‍पत्ती २२:१७; प्रस्‍थान ३२:१३; ब्‍यवस्‍था १:१०; हिब्रू ११:१२
GEN 15:6 मिनु अब्राममी परमप्रभु यावे आ लोव़ थमा सुदा बाक्‍त। मिनु परमप्रभु यावेमी अब्राममी थमा सुइश्‍शो तशा “ठीक पाइब मुर का बाक्‍त” दे तुइक्‍ता बाक्‍त। रोमी ४:३-५; याकूब २:२३
GEN 15:7 मिनु लेंशा अब्राम कली “गो परमप्रभु यावे नङ। गो एको रागी इ कली गेचा कली कल्‍दी ङा ऊर सहर रे ग्रुंइताक्‍न” देंमाक्‍त। उत्‍पत्ती ११:३१; प्रस्‍थान ३:१४; यसैया ४५:५; यूहन्‍ना ८:२४-२९
GEN 15:8 मिनु अब्राममी “परमप्रभु, परमप्रभु यावे, आं के रागी दुम्ब, दे दोपा तुइक्‍नुङा ङा?” दे हिल्‍लो पवा बाक्‍त।
GEN 15:9 मिनु मेकोमी “आं कली बर्स सां ङा बी का, बर्स सां ङा क्‍यारश का, बर्स सां ङा सांड का, ढुकुर का परवा आ चाइक्‍ब का चाक्‍ती” देंमाक्‍त।
GEN 15:10 मिनु अब्राममी मेको नेल्‍ल चाक्‍शा क्‍योरशा, फेके पा रिक्‍शा, फेके का एर गे, फेके का ओंथ गे पा वोदा बाक्‍त। ढुकुर नु परवा चहिं फेके मसेला बाक्‍त, येरमीया ३४:१८-१९
GEN 15:11 मिनु ठेयब चिक्‍बपुकी मेको श्‍ये तशा, जुक्‍तमे बाक्‍त। तन्‍न अब्राममी “हाइ हाइ” दे ग्रीशा खेरमी बाक्‍त।
GEN 15:12 मिनु नां रिक्चावानु, अब्राम मारेइ मतुइक्‍चा ङा पा निन्‍द्रा पवा बाक्‍त। मिनु शुश हिंचा माल्‍शो आ एर ओंथ नेल्‍ल छिङछिङ दुम्‍माक्‍त। उत्‍पत्ती २:२१; १सामुएल २६:१२; यसैया २९:१०
GEN 15:13 मिनु मेकोमी अब्राम कली “इ तौ चच युइ अर्को रागीमी अर्को रागी ङा मुर दुम्‍नीम। मेकेर बाक्‍मानु, वाइलीम वाइल यो दुम्‍नीम। मेकेर ४ सहे बर्स सम्‍म श्‍येत जाइनीम। प्रस्‍थान १:१३; प्रस्‍थान १२:४०; प्रेरित ७:६
GEN 15:14 गो चहिं मेको आन बाक्‍शो रागी ङा मुर आन कली निसाफ पा सजाइ गेनुङ। मारदे हना इ मुर आन कली वाइलीम वाइल सेल्‍नीम। मिनु नोले इ मुरपुकीम मेको आन मारेइ मारेइ लाइश्‍शा, मेको रागी रे ग्रूशा लाइनीम। प्रस्‍थान ३:२१-२२; प्रेरित ७:७
GEN 15:15 गे चहिं थुं नाइश्‍शा इ किकी पिपी आन बाक्‍तीक लाइनेवे। शुश बर्स दुम्‍शा बेक्‍नेवे। उत्‍पत्ती २५:७-८
GEN 15:16 इ मुरपुकी ४ पाला नोले ला एकेर लेश्‍शा जाक्‍नीम। मारदे हना एमोरी आन मरिम्‍शो पशो मनुप्‍शो बाक्‍त” दे परमप्रभु यावेमी देंमाक्‍त। प्रेरित ७:७
GEN 15:17 मिनु नां रिक्‍शा, छिङछिङ दुम्‍शा नोले मी ब्रशो चुप्‍लु का ग्रूमाक्‍त। मिनु ब्रशो तोव़शी का मेको श्‍ये आ एर ओंथ गाक्‍माक्‍त। प्रस्‍थान १९:१८
GEN 15:18 मेको नाक्‍ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्‍त ङा ठेयब खोला रे युफ्रेटीस सम्‍म बाक्‍ब। उत्‍पत्ती १२:७; १राजा ८:६५; १राजा ५:१
GEN 15:19 मेकेर बाक्‍बपुकी केनी, केनीज्‍जी, कादमोनी,
GEN 15:20 हित्ती, परि‍ज्‍जी, फाइम,
GEN 15:21 एमोरी, कनानी, गिरगाशी नु यबुसी आन रागी नेल्‍ल इ कली गेनुङ” दे अब्राम कली लोव़ गेशा, कबल पवा बाक्‍त।
GEN 16:1 अब्राम आ मीश साराइ आल मथीब बाक्‍माक्‍त। मिनु साराइ नु इजीप्‍त ङा वाइलीम का बाक्‍माक्‍त। मेको आ नें हागार बाक्‍माक्‍त।
GEN 16:2 मिनु साराइमी अब्राम कली “नेनीन, परमप्रभु यावेमी आं कली आल मगेयी। मोपतीके आं वाइलीम नु बाक्‍कीन। मोपा गो आल ताइनुङा, कों?” देंमाक्‍त। मिनु अब्राममी आ मीशेमी मार देंमे, मेको पवा बाक्‍त। उत्‍पत्ती ३०:३,९
GEN 16:3 मिनु अब्राम कनान रागीम १० बर्स बाक्‍म नोले, आ मीश साराइमी आ इजीप्‍त ङा वाइलीम हागार लाइश्‍शा, आ वोंइश कली गेवा बाक्‍त।
GEN 16:4 मिनु अब्राम हागार नु इम्‍‍माक्‍त। मिनु हागार कोव़ज कुरशो दुम्‍माक्‍त। मेको तुइश्‍शा, ठेयब लेश्‍शो दुम्‍शा, आ होव़पोक्म कली मटिवा बाक्‍त।
GEN 16:5 मिनु साराइमी अब्राम कली “आं कली मरिम्‍शो दुम्‍तीके इन कली दुम्‍ल। गो आं वाइलीम इन कली गेता। मुल आंम कली कोव़ज कुरशो तशा, आं कली आइक्‍च सेल्‍ती। परमप्रभु यावेमी गे नु गो, इस दातेम निसाफ पवल” देंमाक्‍त।
GEN 16:6 मिनु अब्राममी “नेनो, इ वाइलीम इ गुइमी बाक्‍ब। मेको कली इ दाक्‍शो पावो” दे साराइ कली देंमाक्‍त। मिनु साराइमी हागार कली हुइक्‍तानु, मेको प्रोक्‍माक्‍त।
GEN 16:7 मिनु परमप्रभु यावे आ स्‍वर्ग ङा गेय पाइबमी हागार कली गोरशो रागी शुर लतीक लां ङा ब्‍वाक्‍कु बुक्‍तीके आ नेक्‍था थिदा बाक्‍त। प्रस्‍थान १४:१९; प्रस्‍थान २३:२०; गन्‍ती २२:२२; १राजा १९:७; १राजा १९:७; २राजा १९:३५
GEN 16:8 मिनु मेकोमी “हागार, साराइ आ वाइलीम, ते लशा पिनी?” दे हिल्‍लो पवा बाक्‍त। मिनु हागारमी “आं होव़पोक्म साराइ आ ङोंइती रे प्रोक्‍ती” दे लोव़ लेत्‍ता बाक्‍त।
GEN 16:9 मिनु परमप्रभु यावे आ स्‍वर्ग ङा गेय पाइबमी मेको कली “इ होव़पोक्‍म आ खिं ले‍तो। मिनु मेको आ अरेशो टिशा बाक्‍को” देंमाक्‍त।
GEN 16:10 मिनु परमप्रभु यावे आ स्‍वर्ग ङा गेय पाइबमी लेंशा “इ चच युइ आन कली शुश दुम्‍पाइक्‍नुङ। इ मुरपुकी सुइमी हिक्‍ने मचाप्‍चा ङा पा शुश दुम्‍नीम” देंमाक्‍त। उत्‍पत्ती १७:२०
GEN 16:11 मिनु परमप्रभु यावे आ स्‍वर्ग ङा गेय पाइबमी लेंशा “नेनो, गे कोव़ज कुरशो बाक्‍नेवे। तौ का थीनेवे। मेको कली इश्‍माएल नें वोइक्‍चा माल्‍नेवे। मारदे हना परमप्रभु यावेमी इ श्‍येत ताप्‍तु। प्रस्‍थान २:२३; अय्‍युब ३४:२८; भजन संग्रह ९:१३; यसैया ४१:१७; याकूब ५:४
GEN 16:12 इ तौ जीब दुम्‍ब। मुर नेल्‍ल नु जीब। मुरपुकी यो मेको नु जीनीम। मेको आ लोक्‍बपुकी नु यो जीब दुम्‍ब” देंमाक्‍त। उत्‍पत्ती २५:१८
GEN 16:13 मिनु हागारमी आ नु लोव़ पाइब परमप्रभु यावे कली “गे आं कली ताइब परमप्रभु ननी। गो थमा पा आं कली ताइब कली ताता” देंमाक्‍त। उत्‍पत्ती २२:१४; प्रस्‍थान ३:७; २राजा १३:४
GEN 16:14 मोपतीके मेको ब्‍वाक्‍कु बुक्‍तीक आ नें बेयर-लहाइ-रोइ वोदमे बाक्‍त। मेको कादेश नु बेरेद आस दातेम बाक्‍ब। उत्‍पत्ती २४:६२; उत्‍पत्ती २५:११
GEN 16:15 मिनु हागारम अब्राम के तौ का थि‍माक्‍त। अब्रामम मेको कली इश्‍माएल नें वोदा बाक्‍त।
GEN 16:16 हागारम इश्‍माएल थिमेनु, अब्राम ८६ बर्स दुम्‍शो बाक्‍माक्‍त।
GEN 17:1 मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२
GEN 17:2 मिनु गो गे नु आं कबल पाइनुङ। गो इ मुर हिक्‍ने मचाप्‍चा ङा पा शुश सेल्‍नुङमी” देंमाक्‍त।
GEN 17:3 मिनु अब्राम खुम्‍की पा बाम्‍माक्‍त। परमप्रभुमी मेको कली
GEN 17:4 “नेनो, मेको गो, गे नु आं कबल पतीके बाक्‍ब। गे शुश रागी ङा मुर आन किकी पिपी दुम्‍नेवे।
GEN 17:5 मुल रे इ नें अब्राम देंचा मदुम्‍ब। इ नें अब्राहाम दुम्‍चा माल्‍ब। मारदे हना गो इ कली शुश रागी ङा मुर आन किकी पिपी सेल्‍तन। रोमी ४:११,१७
GEN 17:6 गो इ रे शुश मुर सेल्‍नुङमी, रागी रागी ङा मुर सेल्‍नुङ। इ रे पिपपुकी यो दुम्‍नीम।
GEN 17:7 मिनु गो गे नु लोव़ पा आं कबल पाइनुङ। गो इ चच युइ नु यो आं कबल पाइनुङ। मेको गेना हना यो लीब कबल बाक्‍ब। गो इ परमप्रभु नु इ चच युइ आन परमप्रभु नङ।
GEN 17:8 मुल गे इ बाक्‍तीक रागीमी अर्को रागी ङा मुर बाक्‍नेवे। नोले गो एको कनान रागी गेना हना यो इन कली नु इ चच युइ आन कली गेनन्‍नी। गो चहिं मेको आन परमप्रभु दुम्‍नुङ” दे अब्राहाम कली देंमाक्‍त। उत्‍पत्ती ३५:२७; हिब्रू ११:९-१०; प्रेरित ७:५
GEN 17:9 मिनु परमप्रभुमी अब्राहाम कली “आं कबल पशो ङा लोव़ नेल्‍ल टिवो। मिनु इ नोले इ चच युइपुकीमी नेल्‍ल पालामी यो आं कली मिम्‍शा, टिचा माल्‍नीम।
GEN 17:10 गे नु इ नोले ङा तौ चच युइ आन पचा माल्‍शो कबल मार बाक्‍त देंशा हना, इ चारतीक ङा कुशुल कुल पा ख्रोइक्‍चा माल्‍नेवे। गे नु इ चच युइ, वोंइश मुर नेल्‍ल कली कुशुल ख्रोइक्‍तीक चिनु ख्रोइक्‍चा माल्‍नीम। लेवी १२:३; यूहन्‍ना ७:२२
GEN 17:11 मेको गे नु गो इस कबल पशो आ चिनु बाक्‍ब। इजीकीएल २०:१२; ब्‍यवस्‍था ३०:६; रोमी ४:११
GEN 17:12 मुल रे इ पाला ङा मुरुम आन तौ कली ८ नाक्‍ती दुम्‍मानु, ख्रोइक्‍तीक चिनु ख्रोइक्‍चा माल्‍नीम। इ खिंम जरमेशो वोंइश आल, तेको तेको रागी रे ग्‍याप्‍शो इ वाइल नु आन तौ नेल्‍ल आन कली यो ख्रोइक्‍तीक चिनु ख्रोइक्‍चा माल्‍नीम।
GEN 17:13 इ खिंम जरमेशो, इ चांदीम ग्‍याप्‍शो मुरपुकी कली यो ख्रोइक्‍तीक चिनु ख्रोइक्‍चा माल्‍नीम। मिनु आं कबल पशो ङा चिनु इ रांम बाक्‍चा माल्‍ब। मेको गेना हना यो लीब कबल बाक्‍ब।
GEN 17:14 ख्रोइक्‍तीक चिनु मख्रोइश्‍शो वोंइश मुर नु वोंइश आल आन मुर आन दाते रे तिल्‍चा पुंइसीनीम। मारदे हना मेकोपुकीमी आं कबल पशो प्रोंइशो बाक्‍नीम” देंमाक्‍त।
GEN 17:15 मिनु परमप्रभुमी अब्राहाम कली “गे इ मीश कली ‘साराइ’ मदेंचा, मुल रे मेको कली ‘सारा’ नें वोइक्‍चा माल्‍नेवे।
GEN 17:16 गो मेको कली आसीक गेनुङ। गो इ कली मेको रे तौ का गेनुङ। मिनु सारा रागी रागी ङा मुर नु जात जात ङा मुर आन पिप आन ममा दुम्‍ब” दे परमप्रभुमी देंमाक्‍त। उत्‍पत्ती १२:२-३
GEN 17:17 मिनु अब्राहाममी खुम्‍की पा बाप्‍शा, रिश्‍शा “सहे का बर्स ङा मुरुम आल थीबा? सारा ९० बर्स दुम्‍शा, आल थिने चाप्‍‍बा?” दे आंम कली देंमाक्‍त। उत्‍पत्ती १८:१२; उत्‍पत्ती २१:६; लूका १:१८; रोमी ४:१९-२१
GEN 17:18 मिनु अब्राहाममी परमप्रभु कली “इश्‍माएल इन ङोंइती बाक्‍ल” देंमाक्‍त।
GEN 17:19 मिनु परमप्रभुमी “ममाइ, इ मीश सारामी थमा पा तौ का थीब। मेको आ नें इसहाक वोइक्‍चा माल्‍नेवे। मेको नु आं कबल पतीक गेना हना यो दुम्‍ब। मेको आ नोले ङा आ तौ चच युइ नु यो लीब।
GEN 17:20 इश्‍माएल आ पर्बम मार देंने, गो मेको नेल्‍ल नेंता। नेनो, गो मेको कली आसीक गेनुङ। मेको सोशा बोशा, शुश दुम्‍ब। गो मेको कली १२ जना पिप आन आफ सेल्‍नुङ। गो मेको कली ठेयब जात दुम्‍पाइक्‍नुङ। उत्‍पत्ती १६:१०; उत्‍पत्ती २१:१३,१८; उत्‍पत्ती २५:१६
GEN 17:21 तन्‍न आं कबल इसहाक नु पाइनुङ। सारामी बर्स का नोले इसहाक थीब” देंमाक्‍त।
GEN 17:22 मिनु परमप्रभु अब्राहाम नु लोव़ पने थुम्‍शा लमाक्‍त।
GEN 17:23 मिनु परमप्रभुमी लोव़ पवा नाक्‍ती अब्राहाममी आ तौ इश्‍माएल, आ खिंमी जरमेशो नु ग्‍याप्‍शो वाइल नु आ खिं ङा वोंइश मुर नेल्‍ल आन कली ख्रोइक्‍तीक चिनु ख्रोइक्‍पाइक्‍मी बाक्‍त।
GEN 17:24 अब्राहाममी ख्रोइक्‍तीक चिनु ख्रोदा नाक्‍ती ९९ बर्स दुम्‍शो बाक्‍माक्‍त।
GEN 17:25 आ तौ इश्‍माएल ख्रोइक्‍तीक चिनु ख्रोइक्‍तीक नाक्‍ती १३ बर्स दुम्‍शो बाक्‍माक्‍त।
GEN 17:26 मिनु अब्राहाम नु इश्‍माएल नाक्‍त कामी ख्रोइक्‍तीक चिनु ताम्‍से बाक्‍त।
GEN 17:27 आ खिं ङा वोंइश मुर नेल्‍ल, आ खिंम जरमेशो नु रागी रे ग्‍याप्‍शो वाइल नेल्‍लेम यो मेको नाक्‍ती ख्रोइक्‍तीक चिनु तामे बाक्‍त।
GEN 18:1 मिनु काबु नाक्‍ती अब्राहाम माम्रे आ ब्‍वाकीमी बाक्‍माक्‍त। आ ताम्‍बु आ लाप्‍चोमी निस्‍से बाक्‍त। मारदे हना शुश हुप्‍ता बाक्‍त। मेना परमप्रभु यावे मेको कली ग्रुम्‍थ जाक्‍माक्‍त।
GEN 18:2 मिनु मुर सां ग्रूशा, आ ङोंइती राप्‍शो तवा बाक्‍त। मेको आन कली तशा, छुल बोक्‍शा बाप्‍शा, सेउ पवा बाक्‍त। हिब्रू १३:२
GEN 18:3 मिनु अब्राहाममी “आं परमप्रभु, आं कली दाक्‍ताक्‍नी हना, इन गेय पाइब रे मो मलने।
GEN 18:4 इन खोइल चिक्‍चा कली ब्‍वाक्‍कु गेनन्‍नी। मिनु चिक्‍शा, रवा आगाम नांइ‍सीन।
GEN 18:5 गो इन कली इच्‍का शोब्‍ले ब्रथ लाइनुङ। लाम्‍ज जचा माल्‍नीनी। मारदे हना गेपुकी इन गेय पाइब कली ग्रुम्‍थ जाक्‍शो बाक्‍नीनी” देंमाक्‍त। मिनु मेकोपुकीमी “इ देंशो खोदेंशो पावो” देंमा बाक्‍त।
GEN 18:6 मिनु अब्राहाम दोरशा, ताम्‍बुम लशा, सारा कली “गे रीब पा सेआह सां रिम्‍शो फस के शोब्‍ले चोवो” देंमाक्‍त। सेआह का ७ लिटर पुक्‍तीके बाक्‍ब।
GEN 18:7 अब्राहाम चहिं गोठमी दोरशा लशा, दोम्‍शो रिम्‍शो बाछा का चाक्‍शा क्‍योरपाइश्‍शा, गेय पाइब कली क्‍येपदा बाक्‍त।
GEN 18:8 मिनु दहि, दूध नु श्‍ये चाक्‍शा, मेको आन कली ख्रेत्‍तीमी बाक्‍त। मिनु मेकोपुकीमी जामेनु, अब्राहाम मेको आन नेक्‍था रवा आ पुंम राप्‍शा बाक्‍माक्‍त।
GEN 18:9 मिनु मेकोपुकीमी “इ मीश सारा ते बाक्‍मे?” दे हिल्‍लो पामे बाक्‍त। मिनु अब्राहाममी “ताम्‍बुम बाक्‍ब” देंमाक्‍त।
GEN 18:10 मिनु कामी “गो एकेर लेंशा माइक्‍थ जाक्‍नुङ। मेना इ मीशेमी तौ का थिशो बाक्‍ब” देंमाक्‍त। मिनु सारा ताम्‍बु आ लाप्‍चोम मेको लोव़ पाइब आ नोले ख्रुइश्‍शा बाक्‍शा, मेको लोव़ नेना बाक्‍त। उत्‍पत्ती १७:१९; रोमी ९:९
GEN 18:11 अब्राहाम नु सारा खाल्‍पा खाल्‍पी दुम्‍शो बाक्‍सा बाक्‍त। सारा आ रां ब्रोल्‍चा यो नुप्‍शो बाक्‍माक्‍त।
GEN 18:12 मोपतीके सारामी मेको लोव़ नेंशा “गो खाल्‍पी दुम्‍ती। आं वोंइश यो खाल्‍पा दुम्‍त। मिनु आल थीनुङा ङा?” दे रिस्‍से बाक्‍त। उत्‍पत्ती १७:१७; १पत्रुस ३:६
GEN 18:13 मिनु परमप्रभु यावेमी अब्राहाम कली “सारा मारदे ‘गो खाल्‍पी दुम्‍शा, आल थीनुङा ङा?’ दे रिस्‍से?
GEN 18:14 गो परमप्रभु यावे नङ। गो नेल्‍ल पने चाप्‍नुङ। गो माइक्‍थ लेश्‍शा जाक्‍ङानु, सारामी तौ थिशो बाक्‍ब” देंमाक्‍त। मत्ती १९:२६; लूका १:३७
GEN 18:15 सारामी चहिं “गो मरिस्‍सीङ” दे जोल पवा बाक्‍त। मारदे हना हिंमाक्‍त। तन्‍न मेकोमी “गे थमा पा रिस्‍साक्‍वे” देंमाक्‍त।
GEN 18:16 मिनु मेको मुर सां बोक्‍शा, सोदोम सहर गे लमा बाक्‍त। अब्राहाममी मेको आन कली आइक्‍ची सम्‍म चोव़थ लमाक्‍त।
GEN 18:17 मिनु परमप्रभु यावेमी “गो मार पचा चिक्‍तु, मेको मख्रुइक्‍थु अब्राहाम कली शेंनुङ। आमोस ३:७
GEN 18:18 अब्राहाम ठेयब नु बोल्‍यो रागी ङा मुर आन आफ दुम्‍ब। मिनु रागी नेल्‍ल ङा मुरपुकीमी मेको आ पर्बम आसीक ताइनीम। उत्‍पत्ती १२:३
GEN 18:19 गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६
GEN 18:20 मिनु परमप्रभु यावेमी “गो सोदोम नु गोमोररा सहर निक्‍शी आस पर्बम शुश मरिम्‍शो लोव़ नेंता। मारदे हना मेकेर ङा मुर आन मरिम्‍शो पशो शुश हिंचा ङा बाक्‍त। उत्‍पत्ती १९:१३
GEN 18:21 मुल गो कोव़थ यीनुङ। एको नेंशो लोव़ थमा बाक्‍म कों, जोल बाक्‍म, गो तुइक्‍नुङ” देंमाक्‍त।
GEN 18:22 मिनु परमप्रभु यावे आ स्‍वर्ग ङा गेय पाइब निक्‍शी सोदोम गे लसा बाक्‍त। अब्राहाम परमप्रभु यावे आ ङोंइती राप्‍शा बाक्‍माक्‍त।
GEN 18:23 मिनु अब्राहाम मेको आ नेक्‍था लशा “गे ठीक पाइब आन कली नु मरिम्‍शो पाइब आन कली खाल का ङा पा क्‍याम्‍नीनी? गन्‍ती १६:२२
GEN 18:24 मेको सहरमी ५० जना ठीक पाइब मुर बाक्‍तेक्‍म हना, सहर कली क्‍याम्‍नीनी? मेको ५० जना ठीक पाइब मुर आन पर्बम मेको सहर मप्रोंइनीनी?
GEN 18:25 ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२
GEN 18:26 मिनु परमप्रभु यावेमी “सोदोम सहरम ५० जना ठीक पाइब मुर बाक्‍तेक्‍म हना, गो मेको आन पर्बम सहर मक्‍याम्‍नुङ” देंमाक्‍त। यसैया ६५:८; मत्ती २४:२२
GEN 18:27 मिनु अब्राहाममी “गो फुरक नु पुलु रे दुम्‍शो मुरुमी परमप्रभु नु लोव़ पाता।
GEN 18:28 मेको सहरम ४५ जना मुर ला ठीक पाइब बाक्‍तेक्‍म हना, गे मेको ४५ जना मुर, ५ जना मजाक्‍दीतीके सहर क्‍याम्‍नीनी?” दे हिल्‍लो पवा बाक्‍त। मिनु मेकोमी “गो मेकेर ४५ जना ठीक पाइब मुर थित्‍तामी हना, गो सहर मक्‍याम्‍नुङ” देंमाक्‍त।
GEN 18:29 मिनु अब्राहाममी लेंशा “४० जना ठीक पाइब बाक्‍तेक्‍म हना?” देंमेनु, मेकोमी “गो मेको ४० जना आन पर्बम यो सहर मक्‍याम्‍नुङ” देंमाक्‍त।
GEN 18:30 मिनु अब्राहाममी “परमप्रभु, मगाइक्‍तीने, गो चिनु लोव़ पाइनुङ। ३० जना ठीक पाइब मुर बाक्‍तेक्‍म हना?” देंमाक्‍त। मिनु परमप्रभुमी “३० जना बाक्‍तेक्‍म हना, मेको आन पर्बम यो मक्‍याम्‍नुङ” देंमाक्‍त।
GEN 18:31 मिनु अब्राहाममी लेंशा “गो परमप्रभु इन कली लेंशा लोव़ पाइनुङ, सहरमी २० जना ला ठीक पाइब मुर बाक्‍तेक्‍म हना?” देंमाक्‍त। मिनु मेकोमी “२० जना ठीक पाइब मुर बाक्‍तेक्‍म हना यो, मेको आन पर्बमी सहर मक्‍याम्‍नुङ” देंमाक्‍त।
GEN 18:32 मिनु अब्राहाममी “परमप्रभु, मगाइक्‍तीने। गो चिनु लोव़ हिल्‍लो पाइनुङ। १० जना ला ठीक पाइब मुर बाक्‍तेक्‍म हना?” देंमाक्‍त। मिनु मेकोमी “गो मेको १० जना ठीक पाइब आन पर्बम यो सहर मक्‍याम्‍नुङ” देंमाक्‍त। न्‍यायाधीस ६:३९
GEN 18:33 मिनु अब्राहाम नु लोव़ पने थुम्‍शा, परमप्रभु यावे आ लां लमाक्‍त। अब्राहाम आ बाक्‍तीके लेम्‍माक्‍त।
GEN 19:1 मेको परमप्रभु यावे आ स्‍वर्ग ङा गेय पाइब निक्‍शी सोदोम सहरम नाक्‍नाक्‍दो जाक्‍दीस्‍सा बाक्‍त। मेना लोत सहर आ गारो ङा ठेयब लाप्‍चो आ नेक्‍था निश्‍शा बाक्‍मेनु, ग्रुम्‍से बाक्‍त। मिनु लोतमी मेको आस कली तशा बोक्‍शा, खुम्‍की पा बाम्‍माक्‍त। उत्‍पत्ती १८:२२
GEN 19:2 मिनु लोतमी “आं प्रभु निक्‍शी, नेनीसे, मुलाक्‍दो आं खिंम बाक्‍कीसे। इस खोइल चिक्‍सीसे। सुनी बोक्‍शा, इस लां लने चाप्‍नीसी” देंमाक्‍त। मेको निक्‍शीमी “ममाइ, गो मेरे लाङगाम इप्‍नस्‍कु” देंसा बाक्‍त।
GEN 19:3 मिनु लोतमी शुश लोव़ पवा नोले आ खिंमी बास बाक्‍सा बाक्‍त। लोतमी मेको आस कली ब्रोव़ब्रोव़शो क्‍येशा, बोरब ओख्‍ती मसुप्‍शो शोब्‍ले सेला बाक्‍त। मिनु जाम्‍से बाक्‍त।
GEN 19:4 मिनु इप्‍चा क्‍येङा ङोंइती सोदोम सहर ङा वोंइश मुरपुकी खिं आ एर ओंथ खुम्‍सीशा बाक्‍मा बाक्‍त। खाल्‍पा, ठिटा सहर ङा वोंइश मुर नेल्‍ल खुम्‍सीशा बाक्‍मा बाक्‍त।
GEN 19:5 मेकोपुकीमी लोत कली “नाक्‍नाक्‍दो इ खिंम जाक्‍शो वोंइश मुर ते बाक्‍सा। आंइ दाक्‍शो पचा कली लाङगाम सोइक्‍तो” देंमा बाक्‍त। लेवी १८:२२-२५; न्‍यायाधीस १९:२२-२४; रोमी १:२७
GEN 19:6 मिनु लोत लाप्‍चो रे लाङगा ग्रूशा, आ नोले लाप्‍चो चोक्‍शा वोदा बाक्‍त।
GEN 19:7 मिनु मेकोमी “आं लोक्‍बपुकी, मोपा मरिम्‍शो मपने।
GEN 19:8 नेनीन, आं के कन्‍ने तमी निक्‍शी बाक्‍नीसी। मेको इन कली लाङगा सोइक्‍नुङ। मार मार पचा दाक्‍नीनी, मेको निक्‍शी नु पने। आं खिंमी जाक्‍शो वोंइश मुर आस कली मारेइ मपने। मारदे हना बास बाक्‍चा कली आं खिंम जाक्‍ताक्‍से” देंमाक्‍त।
GEN 19:9 मेकोपुकीमी चहिं “गे लावो। गे ला एको सहरमी अर्को रागी ङा मुर बाक्‍नेवे, आंइ कली हुकुम पचा माल्‍नेवे? लो, मेको निक्‍शी आस क्‍येङा इ कली श्‍येत गेनीकी” देंमा बाक्‍त। लोत कली शुश लोव़ पशा, लाप्‍चो रोक्‍चा माल्‍मे बाक्‍त। २ पत्रुस २:७-८
GEN 19:10 तन्‍न आगा ङा वोंइश मुर निक्‍शीमी आस गुइ लाङगा ग्रुंइशा, लोत कली ग्‍याइश्‍शा आगा कीशा, लाप्‍चो चोक्‍‍गसे बाक्‍त।
GEN 19:11 मिनु मेको निक्‍शीमी लाङगाम बाक्‍शो मुर आन कली मिक्‍च मताइब सेल्‍से बाक्‍त। मिनु मेकोपुकीमी लाप्‍चो मथित्‍थु, माल्‍चा प्रोन्‍मे बाक्‍त। २राजा ६:१८
GEN 19:12 मिनु मेको निक्‍शीमी लोत कली “गे इ के सु सु बाक्‍नीमी? चांइवा, तमी तौ नु सहरम इ मुर सु सु बाक्‍नीमी? एको सहर रे ग्रुंइदो।
GEN 19:13 मारदे हना गो एको सहर कली क्‍याम्‍नस्‍कु। परमप्रभु यावे आ ङोंइती एको आन ग्रांग्रा दिचा ङा गेय आ पर्बम शुश रेयके बाक्‍ब। परमप्रभु यावेमी आंस कली एको सहर क्‍याम्‍चा, दे सोइश्‍शो बाक्‍ब” देंसा बाक्‍त। उत्‍पत्ती १८:२०
GEN 19:14 मिनु लोतमी आ तमी आस कली ग्‍युंबे पचशो वोंइश आल आस कली ग्रुम्‍शा “बोक्‍कीस, सहर रे लसे। मारदे हना परमप्रभु यावेमी सहर क्‍याम्‍ब” दे माइक्‍सी बाक्‍त। मेको निक्‍शीमी चहिं “रित्‍चा ङा लोव़ बाक्‍त” दे मिम्‍तसे बाक्‍त। गन्‍ती १६:२१
GEN 19:15 मिनु भाले ग्रीमेनु, परमप्रभु यावे आ स्‍वर्ग ङा गेय पाइब निक्‍शीमी लोत कली “बोक्‍को, इ मीश नु इ तमी निक्‍शी आस कली लाइश्‍शा, एको सहर रे प्रोक्‍कीन। मप्रोक्‍तीनी हना, एको सहर ङा मुर खोदेंशो पा क्‍याम्‍चा पुंइसीनीनी” देंसा बाक्‍त।
GEN 19:16 मिनु लोत कली ओंखां बोक्‍शो तशा, मेको कली आ तमी निक्‍शी नु आ मीशे आन कली गुइ रे कीशा, सहर रे ग्रुंइदसे बाक्‍त। मोपा परमप्रभु यावेमी लोत नु आ खिं ङा मुर आन कली दाक्‍शा प्रोंइमी बाक्‍त।
GEN 19:17 सहर रे ग्रुंइशा, परमप्रभु यावे आ स्‍वर्ग ङा गेय पाइब कामी “ब्रोंइचा दाक्‍नीनी हना, नोले मकोव़थु प्रोक्‍कीन। दिंमम मबाक्‍कीन। पहाड गे प्रोक्‍कीन। मो मपाइतीनी हना, गे सहर ङा मुर नु क्‍याम्‍चा पुंइसीनीनी” देंमाक्‍त। मत्ती २४:१६
GEN 19:18 मिनु लोतमी “आं प्रभु, गो मचबु।
GEN 19:19 नेनीन, गो इन शिशी ताता। गो आंइ कली दाक्‍शा, बेक्‍चा रे प्रोंइतीनी। गो पहाड प्रोक्‍ने मचबु। पहाडमी अर्को श्‍येतमी आं कली साइक्‍बा, कों।
GEN 19:20 नेनीन, हयु उइ ङा सहर प्रोक्‍चा कली आं नेक्‍था बाक्‍ब। आइक्‍च यो बाक्‍ब। मेकेर प्रोक्‍चा गेयीनी। मेको सहर आइक्‍च बाक्‍ब। मेकेर ब्रोंइने चाप्‍नुङ” देंमाक्‍त।
GEN 19:21 मिनु मेकोमी “लो, गो इ पुंइशो गेनुङ। इ देंशो सहर मक्‍याम्‍नुङ।
GEN 19:22 रीब पा प्रोक्‍कीन। गे मजाक्‍दीन्‍नी सम्‍म मारेइ पने मचाप्‍नुङ” देंमाक्‍त। मेको सहर कली सोआर नें वोदा बाक्‍त। आइक्‍च कली सोआर देंसीब।
GEN 19:23 मिनु लोत सोआर सहर ओव़ची ना रागीमी नां दाप्‍ने थुम्‍शो बाक्‍माक्‍त।
GEN 19:24 मिनु नोले परमप्रभु यावेमी सोदोम नु गोमोररा सहर आस तारी सरीङ रे गन्‍धक नु मी रेउ यिशो खोदेंशो पा यिपदा बाक्‍त। ब्‍यवस्‍था २९:२२; भजन संग्रह ११:६; यसैया १:९-१०; यसैया १३:१९; आमोस ४:११; लूका १७:२९; २पत्रुस २:६; प्रकाश १४:१०
GEN 19:25 मिनु परमप्रभु यावेमी मेको सहर निक्‍शी, दिंम नेल्‍ल, सहर ङा मुर नेल्‍ल नु रूम मार मार वाशो बाक्‍मे, मेको नेल्‍ल क्‍याम्‍दा बाक्‍त।
GEN 19:26 लोत नु आ मुर प्रोक्‍मानु, लोत आ मीशेमी नोले बिर लेश्‍शा कोव़ङा बाक्‍त। मिनु मेको हिक्‍सी के थाम दुम्‍माक्‍त।
GEN 19:27 मिनु अब्राहाम नाक्‍त का ङोंइती परमप्रभु यावे आ ङोंइती राप्‍शा बाक्‍तीकेम लमाक्‍त।
GEN 19:28 मिनु सोदोम नु गोमोररा सहर ङा दिंम ङा रू नेल्‍ल कोव़ङा बाक्‍त। मिनु मेको सहर निक्‍शी नु रू नेल्‍ल रे ठेयब चुप्‍लु ङा मी खोदेंशो पा कुन ग्रूशो तवा बाक्‍त।
GEN 19:29 मोपा परमप्रभुमी मेको दिंम, सहर निक्‍शी क्‍याम्‍दा बाक्‍त। मेना परमप्रभुमी अब्राहाम आ पुंइशो लोव़ मिम्‍शा, लोत कली मेको सहर रे ग्रुंइशा प्रोना बाक्‍त। नोले मेकोमी मेको सहर नेल्‍ल खतम पोक्‍गा बाक्‍त।
GEN 19:30 मिनु लोत नु आ तमी निक्‍शी सोआर रे लशा, पहाड मेर लमा बाक्‍त। मारदे हना सोआर सहरम बाक्‍चा हिंमा बाक्‍त। मेको नु आ तमी निक्‍शी पहाड ङा पुक्‍खीम बाक्‍शो बाक्‍मा बाक्‍त।
GEN 19:31 मिनु लोत आ ङोंइती जरमेशो तमीमी “इस आफ खाल्‍पा दुम्‍त। नेल्‍ल रागीमी इस कली वोंइश मुर मबाक्‍म।
GEN 19:32 लो, इस आफ कली अङगुर शांबुमी दुक्‍पाइश्‍शा, इस आफ नु बाक्‍स। मोपा इस आफ कली चच युइ दुम्‍नीम” दे आ लोक्‍ब कली देंमाक्‍त। लेवी १८:७
GEN 19:33 मेको नाक्‍दो आस आफ कली अङगुर शांबुम दुक्‍पदसे बाक्‍त। मिनु आ ठेयब तमी आ आफ नु इम्‍‍माक्‍त। लोतमी आ तमी आं नु इप्‍‍शो, बोक्‍शो मारेइ मतुइक्‍ता बाक्‍त।
GEN 19:34 मिनु आ दीसा ठेयब तमीमी आ लोक्‍ब कली “नेनो, गो सिनाक्‍दो आफ नु बाक्‍ती। गो लेंशा आफ कली अङगुर शांबुमी दुक्‍पाइक्‍स। मुलाक्‍दो गे इ‍पो। मोपा इस आफ रे चच युइ दुम्‍नीम” देंमाक्‍त।
GEN 19:35 मिनु मेको निक्‍शीमी आस आफ कली मेको नाक्‍दो यो दुक्‍पदसे बाक्‍त। मिनु कान्‍छी आ आफ नु इप्‍‍थ लमाक्‍त। मिनु लोतमी आ तमी आं नु इप्‍शो, बोक्‍शो मारेइ मतुइक्‍ता बाक्‍त।
GEN 19:36 मिनु लोत आ तमी निक्‍शीमी आस आफ के कोव़ज कुरसे बाक्‍त।
GEN 19:37 मिनु ठेयब तमीम तौ का थि‍माक्‍त। मेको आ नें मोआब वोदा बाक्‍त। मेको मोआबी आन किकी पिपी बाक्‍माक्‍त। ब्‍यवस्‍था २:९
GEN 19:38 कान्‍छीमी यो तौ का थि‍माक्‍त। मेको आ नें बेन-अम्‍मी वोदा बाक्‍त। मेको अम्‍मोनी आन किकी पिपी बाक्‍माक्‍त। ब्‍यवस्‍था २:१९; ब्‍यवस्‍था २३:४
GEN 20:1 मेकेर रे अब्राहाम दक्‍खिनम बाक्‍ब नेगेब गे लमाक्‍त। मिनु कादेश नु शुर आस दाते गेरार सहरमी अर्को रागी ङा मुर दुम्‍शा बाक्‍माक्‍त। उत्‍पत्ती १२:९; उत्‍पत्ती २६:१
GEN 20:2 मेकोमी मुर आन कली आ मीश, सारा आ पर्बम “आं समी बाक्‍ब” देंमाक्‍त। मिनु गेरार ङा पिप अबीमेलेकमी मेको कली ब्रथ सोइक्‍ता बाक्‍त।
GEN 20:3 मिनु अबीमेलेकम आ ङोमुमी परमप्रभु आ ङोंइती ग्रूशो तवा बाक्‍त। मिनु “गे मीश चाक्‍शो आ पर्बम बेक्‍चा माल्‍नेवे। मारदे हना मेको ग्‍युंबे पशो मीश मुर बाक्‍ब” देंमाक्‍त।
GEN 20:4 मिनु अबीमेलेकम मेको नु मइप्‍‍तीके “परमप्रभु, गे दोस मताइब मुर आन कली यो साइक्‍नीनी?
GEN 20:5 मेकोमी आं कली ‘आं समी बाक्‍ब’ मदेंम ङा? आ मीशेमी यो ‘आं लोक्‍ब बाक्‍ब’ देंत। गो रिम्‍शो थुं नु थमा पा मतुइक्‍तीकेमी चाक्‍ता” देंमाक्‍त।
GEN 20:6 मिनु परमप्रभुमी मेको आ ङोमुमी “गे रिम्‍शो थुंमी पाप्‍तीवी। गो तुइक्‍नुङ। मोपतीके गो इ कली मेको कली थिचा मगेथु, आं ङोंइती मरिम्‍शो पचा मगेङ।
GEN 20:7 मुल मेको मुर आ मीश लेत्‍तो। मारदे हना मेको आं लोव़ पाइब का बाक्‍ब। मेकोमी इ पर्बम पुंइब। मिनु गे ब्रोंइनेवे। गे आ मीश कली मलेत्‍ताक्‍वी हना, गे थमा पा बेक्‍चा माल्‍नेवे। इ मुर नेल्‍ल यो बेक्‍चा माल्‍नीमी, दे तुइक्‍तो” देंमाक्‍त। १राजा १३:६
GEN 20:8 मोपतीके अबीमेलेक सुनी कना बोक्‍शा, आ गेय पाइब नेल्‍ल आन कली ब्रेश्‍शा, आ ङोमु नेल्‍ल शोव़ङा बाक्‍त। मिनु मुर नेल्‍ल शुश हिंमा बाक्‍त।
GEN 20:9 मिनु अबीमेलेकम अब्राहाम कली यो ब्रेत्‍ता बाक्‍त। मिनु मेको कली “मारदे आंइ कली ओदेंशो पवी? गो नु आं रागी कली ओदेंशो मरिम्‍शो पपाइक्‍चा कली गो इ कली मार मरिम्‍शो पाइक्‍ना? गे मपचा ङा गेय पाप्‍तीवी।
GEN 20:10 गे मारदे ओदेंशो पचा मिम्‍ती?” देंमाक्‍त।
GEN 20:11 मिनु अब्राहाममी “थमा पा, एको रागी ङा मुरपुकी परमप्रभु कली मान पा महिंनीमी। मिनु आं मीश आ पर्बम आं कली साइक्‍नीम, दे मिम्‍ताक्‍ङ।
GEN 20:12 मेको थमा आं समी यो बाक्‍ब। आं आफ आ तमी बाक्‍ब। तन्‍न आं ममा आ तमी ममाइ। गो मेको कली चाक्‍ता। लेवी १८:९
GEN 20:13 मिनु परमप्रभुमी आं कली आं आफ आ खिं रे गाक्‍पाइय्‍यीनु, गो आं मीश कली ‘आं कली दाक्‍नेवे हना, गो ते ते जाक्‍दीस्‍सा, मेक मेक एको आं लोक्‍ब बाक्‍ब, देनो’ दे माइक्‍ता” देंमाक्‍त।
GEN 20:14 मिनु अबीमेलेकमी भेडापुकी, बी ब्‍यफ नु वाइलीम वाइल आन कली लाइश्‍शा, अब्राहाम कली गेवा बाक्‍त। आ मीश सारा यो लेत्‍ता बाक्‍त।
GEN 20:15 मिनु “नेनीन, आं रागीमी ते ते बाक्‍चा दाक्‍नेवे, मेक मेक बाक्‍ने चाप्‍नेवे” देंमाक्‍त।
GEN 20:16 मिनु सारा कली “नेनो, इ लोक्‍ब कली हजार का चांदी टुक्रा गेता। मेको इन कली इ मुर आन ङोंइती इ कली रिम्‍शो पचा कली गेता। मोपा नेल्‍ल आन ङोंइती इ कली ठीक पाता” देंमाक्‍त।
GEN 20:17 मिनु अब्राहामम अबीमेलेक आ पर्बम परमप्रभु कली पुना बाक्‍त। मिनु परमप्रभुमी अबीमेलेक, आ मीश नु आ गेय पाइब नेल्‍ल आन पर्बम आल मथितीक रोइ रे सापदा बाक्‍त।
GEN 20:18 मारदे हना परमप्रभु यावेमी अब्राहाम आ मीश सारा आ पर्बम अबीमेलेक आ खिं ङा मुर नेल्‍ल आन कली आल मथीब सेल्शो बाक्‍माक्‍त।
GEN 21:1 मिनु परमप्रभु यावेमी सारा कली मार देंमे, मेकोन दुम्‍पदा बाक्‍त। उत्‍पत्ती १८:१०
GEN 21:2 मिनु सारामी खाल्‍पी दुम्‍शा, अब्राहाम के कोव़ज कुरशा, तौ का थि‍माक्‍त। परमप्रभुमी गेना थीब देंमे, मेना थि‍माक्‍त। हिब्रू ११:११
GEN 21:3 मिनु अब्राहाममी सारा आ थिशो तौ कली इसहाक नें वोदा बाक्‍त। उत्‍पत्ती १७:१९
GEN 21:4 मिनु अब्राहाममी आ तौ इसहाक कली ८ नाक्‍ती दुम्‍मेनु, ख्रोइक्‍तीक चिनु ख्रोदा बाक्‍त। परमप्रभुमी ङोंइती दोपा अरेवा, मोपा पवा बाक्‍त। उत्‍पत्ती १७:११-१२; प्रेरित ७:८
GEN 21:5 अब्राहाम आ तौ इसहाक थिमेनु, सहे का बर्स दुम्‍शो बाक्‍माक्‍त। उत्‍पत्ती १७:१७
GEN 21:6 मिनु सारामी “परमप्रभुमी आं कली रिप्‍पाइक्‍ती। सु सुम एको नेंनीमी, मेको यो गो नु रित्‍नीम। उत्‍पत्ती १८:१२
GEN 21:7 सु सुमी अब्राहाम कली ‘इ मीशेमी आल कली दूध तुंइब’ देंनीमी? गो खाल्‍पा दुम्‍शो अब्राहाम के तौ का थिती” देंमाक्‍त।
GEN 21:8 मिनु आल कोल्‍शा, दूध तूचा प्रोना बाक्‍त। मिनु दूध तूचा प्रोना नाक्‍ती अब्राहाममी ठेयब भोज सेल्‍शा, मुर आन कली थुल्‍मी बाक्‍त।
GEN 21:9 मिनु सारामी इजीप्‍त ङा हागार नु अब्राहाम आस थिशो तौ इश्‍माएलमी इसहाक कली शुक्‍शी पशो तवा बाक्‍त।
GEN 21:10 मिनु मेकोमी अब्राहाम कली “वाइलीम नु आ तौ आस कली खेरो। मेको वाइलीम आ तौ कली, आं तौ इसहाक नु अङस योक्‍शा गेचा मदुम्‍ब” देंमाक्‍त। गलाती ४:३०
GEN 21:11 अब्राहामम आ लोव़ नेंशा, थुं मनुमाक्‍त। मारदे हना इश्‍माएल यो आ तौ बाक्‍माक्‍त।
GEN 21:12 तन्‍न परमप्रभुमी अब्राहाम कली “वोंइश आल नु इ वाइलीम आ पर्बम सुर्ता मपावो। सारामी मार मार देंमे, मेको नेल्‍ल पावो। मारदे हना इसहाक आ चच युइ इ जात दुम्‍नीम। उत्‍पत्ती १७:२१; रोमी ९:७-८; हिब्रू ११:१८
GEN 21:13 मिनु इ वाइलीम आ तौ इश्‍माएल आ चच युइ रे यो ठेयब जात का सेल्‍नुङ। मारदे हना मेको यो इ तौ बाक्‍ब” देंमाक्‍त। उत्‍पत्ती १७:२०
GEN 21:14 मिनु अब्राहाम सुनी कना बोक्‍शा, हागार कली शोब्‍ले नु ब्‍वाक्‍कु कुरपाइश्‍शा, आ तौ नु सोइक्‍ता बाक्‍त। मिनु हागार नु आ तौ लसा बाक्‍त। मिनु लशा, लां जाम्‍शा, बेयर-शेबा माइश्‍शो गोरशो रागीम हिरससा बाक्‍त।
GEN 21:15 मिनु ब्‍वाक्‍कु नुप्‍शा, आ आल कली बुटा आगाम वोदा बाक्‍त।
GEN 21:16 मिनु हागार चहिं आइदी लशा, निस्‍से बाक्‍त। मारदे हना मेकोमी “आं आल बेक्‍शो मतङल” दे मिम्‍ता बाक्‍त। मिनु ठेयब सेंदा पा ङाक्‍माक्‍त। यसैया ४९:१५
GEN 21:17 मिनु परमप्रभुमी आल आ ङाक्‍शो सेंदा नेना बाक्‍त। मिनु परमप्रभु आ स्‍वर्ग ङा गेय पाइबमी सरीङ रे “हागार, मार दुमे? महिनो। मारदे हना परमप्रभुमी उइ बाक्‍शो इ तौ आ ब्रेश्‍शो नेंतु।
GEN 21:18 बोक्‍को, इ तौ लाइश्‍शा गाक्‍को। गो मेको रे ठेयब जात का सेल्‍नुङ” देंमाक्‍त।
GEN 21:19 मिनु परमप्रभुमी हागार आ मिक्‍च तपदानु, ब्‍वाक्‍कु बुक्‍तीके का तवा बाक्‍त। मिनु आ ब्‍वाक्‍कु कुरतीके प्रिंशा, आ तौ कली तूपदा बाक्‍त। २राजा ६:१७,२०
GEN 21:20 मिनु परमप्रभु मेको वोंइश आल नु बाक्‍मेनु, मेको कोल्‍शा, गोरशो रागीमी बाक्‍शा, लिब्रा आप्‍स शुश जोक्‍ब दुम्‍माक्‍त।
GEN 21:21 मेको गोरशो रागी आ नें पारान बाक्‍माक्‍त। मिनु आ ममामी आ तौ कली इजीप्‍त रागी ङा तमी चाक्‍शा गेवा बाक्‍त। उत्‍पत्ती १६:३
GEN 21:22 मिनु काबु अबीमेलेक नु आ फौज ङा ठेयब कप्‍तान फीकोल अब्राहाम आ बाक्‍तीक जाक्‍शा, अब्राहाम कली “गे मार मार पाइनीनी, परमप्रभु गे नु बाक्‍ब।
GEN 21:23 मोपतीके गो इन कली मार पुंइनुङ देंशा हना, आं कली, आं तमी तौ नु आं चच युइ आंइ कली श्‍येत मगेकी। गो इन कली रिम्‍शो पशो खोदेंशो पा, आं कली यो रिम्‍शो पने। इन बाक्‍शो रागी कली यो रिम्‍शो पने। ‘रिम्‍शो पाइनुङ’ दे परमप्रभु आ नें थिशा, कसम जने” दे पुना बाक्‍त। उत्‍पत्ती २०:१५
GEN 21:24 मिनु अब्राहाममी “गो कसम जाइनुङ” देंमाक्‍त।
GEN 21:25 मिनु अब्राहाममी अबीमेलेक कली हुइक्‍ता बाक्‍त। मारदे हना अबीमेलेक आ गेय पाइबपुकीमी अब्राहाम आ इनार आ पर्बम जिशा, रोइक्‍तमे बाक्‍त।
GEN 21:26 मिनु अबीमेलेकमी “गो मेको मतुइक्‍तु, सुम पवा? गे यो मशेंदीनी। मुलाक्‍त ला नेंता” देंमाक्‍त।
GEN 21:27 मिनु अब्राहाममी भेडापुकी नु ब्‍यफपुकी अबीमेलेक कली गेवा बाक्‍त। मोपा मेको निक्‍शी सल्‍ला पाम्‍से बाक्‍त।
GEN 21:28 अब्राहामम ७ ओटा पाठी चहिं बगाल रे ग्रुंइशा, वोदा बाक्‍त।
GEN 21:29 मिनु अबीमेलेकम “मेको ७ ओटा पाठी मारदे वोइक्‍नी?” दे हिल्‍लो पवा बाक्‍त।
GEN 21:30 मिनु “मेको ७ ओटा पाठी आं गुइ रे लाइक्‍चा माल्‍नीनी। गो आं दोशो इनार आ सांकछी दुम्‍नीनी” देंमाक्‍त।
GEN 21:31 मिनु मेको बाक्‍तीके कली बेयर-शेबा, दे नें वोदसे बाक्‍त। मारदे हना मेको निक्‍शी मेकेर कसम जाम्‍से बाक्‍त।
GEN 21:32 मिनु बेयर-शेबामी मेको सल्‍ला पने थुम्‍शा, अबीमेलेक नु फीकोल आ ठेयब कप्‍तान पलिस्‍ती आन रागी लेस्‍सा बाक्‍त।
GEN 21:33 अब्राहाममी चहिं बेयर-शेबाम रवा का ख्रुमा बाक्‍त। मिनु मेकेर परमप्रभु यावे, गेना हना यो बाक्‍ब परमप्रभु आ नें थिशा, मेको नु लोव़ पवा बाक्‍त। उत्‍पत्ती १२:८; रोमी १६:२६
GEN 21:34 मिनु पलिस्‍ती आन रागीमी अब्राहाम अर्को रागी ङा मुर दुम्‍शा, शुश नाक्‍त बाक्‍माक्‍त।
GEN 22:1 मिनु नोले परमप्रभुमी “अब्राहामम आं कली टीबाक्‍म कों, मटीबाक्‍म” दे मिम्‍शा “अब्राहाम” दे ब्रेत्‍ता बाक्‍त। अब्राहाममी “गो एक बाक्‍ती” दे परमप्रभु कली मदा बाक्‍त। प्रस्‍थान १५:२५; प्रस्‍थान १६:४; प्रस्‍थान २०:२०; ब्‍यवस्‍था ८:२; ब्‍यवस्‍था १३:४; न्‍यायाधीस २:२२; हिब्रू ११:१७; याकूब १:१३
GEN 22:2 मिनु मेकोमी “इ तौ लतो। का ला बाक्‍शो दाक्‍शो इ तौ इसहाक लतो। मिनु मोरीयाह रागी लावो। मेकेर लशा, इ तौ कली चोशा चढ़ेयी। तेको डांडाम चढ़ेचा माल्‍नेवे, गो इ कली कोंइन‍न” देंमाक्‍त।
GEN 22:3 मिनु अब्राहाम सुनी कना बोक्‍शा, चढ़ेतीकेम चोचा कली शी चेश्‍शा, आ गधा ठीक पवा बाक्‍त। मिनु ठिटा निक्‍शी नु आ तौ इसहाक कली लाइश्‍शा, परमप्रभुमी देंशो पहाड लमा बाक्‍त।
GEN 22:4 लमा लमा नाक्‍त सां नोले परमप्रभु आ देंशो बाक्‍तीके ङोन रे तवा बाक्‍त।
GEN 22:5 मिनु अब्राहाममी आ गेय पाइब निक्‍शी आस कली “एकेर गधा नु बाक्‍कीसे। गो आं तौ नु मिरी आइक्‍था लशा, चढ़ेशा, इस बाक्‍तीक लेत्‍नस्‍कु” देंमाक्‍त।
GEN 22:6 मिनु अब्राहाममी चोशा चढ़ेतीक शी इसहाक कली कुरपदा बाक्‍त। मिनु मी नु चुक्‍ब आंमा कुरा बाक्‍त। मोपा निम्‍फा लसा बाक्‍त।
GEN 22:7 मिनु इसहाकम आ आफ कली “आं आफ” देंमाक्‍त। मिनु अब्राहाममी “गो नेंता” देंमाक्‍त। मिनु इसहाकमी “गो मी नु शी ला कुरशा गाक्‍तस, चोशा चढ़ेतीक पाठा चहिं ते बाक्‍म?” दे हिल्‍लो पवा बाक्‍त।
GEN 22:8 मिनु अब्राहाममी “चोशा चढ़ेतीक पाठा परमप्रभुमी गेब” देंमाक्‍त। मोपा निम्‍फा लसा बाक्‍त।
GEN 22:9 मिनु परमप्रभुमी देंशो रागी जाक्‍दीस्‍सानु, अब्राहाममी फुल्‍लु चाक्‍शा, चढ़ेतीक सेला बाक्‍त। मिनु चढ़ेतीक तारी शी प्रोव़ङा बाक्‍त। मिनु आ तौ इसहाक कली गुइ खोइल फ्रेंशा, शी तारी वोदा बाक्‍त।
GEN 22:10 मिनु अब्राहाममी आ तौ क्‍योरचा कली चुक्‍ब शोइश्‍शा तरेवा बाक्‍त। मत्ती २६:३९; याकूब २:२१
GEN 22:11 मिनु परमप्रभु यावे आ स्‍वर्ग ङा गेय पाइबमी सरीङ रे “अब्राहाम, अब्राहाम” दे ब्रेत्‍ता बाक्‍त। मिनु अब्राहाममी “गो नेंता” देंमाक्‍त।
GEN 22:12 मेकोमी “इ तौ कली मक्‍योरो। मेको कली मारेइ मपतो। मारदे हना गे परमप्रभु कली मान पा हिंबाक्‍ते। गो मुल तुइक्‍ताक्‍ङ। गे इ का ला बाक्‍शो तौ आं कली गेचा ठीक पाप्‍तीवी। इ का ला तौ यो आं कली गेचा टीबाक्‍ते” देंमाक्‍त। रोमी ८:३२; हिब्रू ११:१७
GEN 22:13 मिनु अब्राहाममी एर गे कोव़ङानु, सांड का आ ग्रोव़ चू लहाराम रेश्‍शा, बाक्‍शो तवा बाक्‍त। मिनु लशा सांड चाक्‍शा, आ तौ आ पा ङा मेको सांड क्‍योरशा, चोशा चढ़ेतीक चढ़ेवा बाक्‍त।
GEN 22:14 मिनु अब्राहाममी मेको डांडा कली परमप्रभु यावे यीरेह, दे नें वोदा बाक्‍त। मोपतीके मुल सम्‍म मुरपुकीम “परमप्रभु यावे आ डांडाम परमप्रभु यावेमी माल्‍शो गेब” देंनीम। “परमप्रभु यावे यीरेह” आ अर्थ “परमप्रभु यावेमी आं माल्‍शो गेब” देंशो बाक्‍ब।उत्‍पत्ती १६:१३
GEN 22:15 मिनु परमप्रभु यावे आ स्‍वर्ग ङा गेय पाइबमी लेंशा सरीङ रे अब्राहाम कली
GEN 22:16 “परमप्रभु यावेमी ‘गो आं नेंमी कसम जाता। मारदे हना गे इ तौ आं कली गेचा ठीक पाप्‍तीवी। प्रस्‍थान ३२:१३; यसैया ४५:२३; आमोस ६:८; मीका ७:२०; लूका १:७३; हिब्रू ६:१३
GEN 22:17 मार कसम जाता देंशा हना, गो इ कली आसीक गेनुङ। इ चच युइ आन कली सोरुल नु समुन्‍द्र आ नेक्‍था ङा बाल्‍वा खोदेंशो पा शुश सेल्‍नुङमी। मिनु मेकोपुकीमी आन जोरी सत्रु आन सहर आंम के सेल्‍नीम। उत्‍पत्ती १३:१६; हिब्रू ११:१२
GEN 22:18 इ चच युइ आन पर्बम रागी रागी ङा मुर नेल्‍ल आसीक राइनीम। मारदे हना गे आं देंशो टीब बाक्‍ते’ दे परमप्रभु यावेमी देंत” दे आ स्‍वर्ग ङा गेय पाइबम अब्राहाम कली लोव़ पवा बाक्‍त। उत्‍पत्ती १२:३; गलाती ३:१६
GEN 22:19 मिनु अब्राहाम मेकेर रे लशा, आ गेय पाइब निक्‍शी आस रिम्‍तीके लेस्‍सा बाक्‍त। मिनु ग्रुम्‍शा, बेयर-शेबा माइक्‍तीकेम लमा बाक्‍त। मिनु अब्राहाम मेक उइ बाक्‍माक्‍त।
GEN 22:20 मिनु मेको नोले मुरुमी अब्राहाम कली “मिल्‍कामी यो इन लोक्‍ब नाहोर रे पा आल थिप्‍तु। उत्‍पत्ती ११:२९
GEN 22:21 आ ङोंइती जरमेशो तौ ऊज, आ लोक्‍ब बूज, अराम आ आफ केमुएल,
GEN 22:22 केसेद, हाजो, पिल्‍दाश, यिदलाफ नु आ कान्‍छा बेथुएल बाक्‍नीम।
GEN 22:23 बेथुएल चहिं रेबेका आ आफ बाक्‍त। मिल्‍कामी अब्राहाम आ लोक्‍ब नाहोर के ८ जना तौ थिप्‍तु। उत्‍पत्ती २४:१५
GEN 22:24 नाहोर आ कान्‍छी मीश आ नें रूमा बाक्‍माक्‍त। मेकोमी तेबाह, गाहाम, ताहाश नु माकाह थिमाक्‍त” देंमाक्‍त।
GEN 23:1 मिनु सारा सहे का २७ बर्स दुम्‍शो बाक्‍माक्‍त। आ ब्रोंइतीक नाक्‍त नेल्‍ल मोशोन बाक्‍माक्‍त।
GEN 23:2 सारा कनान रागी ङा किरयथ-अरबाम बेक्‍माक्‍त। मेको कली हेब्रोन यो देंनीम। मिनु अब्राहाम सारा आ पर्बम हिंशेक पा ङाक्‍थ लमाक्‍त।
GEN 23:3 अब्राहाम सारा आ बेक्‍शो रां बाक्‍तीके रे लशा, हित्ती आ मुर आन कली
GEN 23:4 “गो इन दातेमी अर्को रागी ङा मुर बाक्‍नुङ। गो थिम्‍तीक का ग्‍याप्‍चा दाक्‍नुङ। मारदे हना आं बेक्‍शो मुर कली थिम्‍चा माल्‍नुङ” देंमाक्‍त। उत्‍पत्ती १७:८
GEN 23:5 मिनु हित्ती आ मुरपुकीमी अब्राहाम कली
GEN 23:6 “प्रभु, आंइ लोव़ नेनीन, गे आंइ दातेमी परमप्रभुमी सेल्‍शो ठेयब मुर बाक्‍नीनी। आंइ के बेक्‍शो मुर आन कली वोइक्‍तीक पुक्‍खी शुश बाक्‍नीम। तेको दाक्‍नीनी, मेकोमी इन बेक्‍शो मुर थिमीन। इन बेक्‍शो मुर थिम्‍चा सुइमी मतेक्‍ब” देंमा बाक्‍त।
GEN 23:7 मिनु अब्राहाम बोक्‍शा, हित्ती आ मुर आन ङोंइती सेउ पवा बाक्‍त।
GEN 23:8 मेको आन कली “आं बेक्‍शो मुर थिम्‍चा गेतीनी हना, आं पर्बम सोहार आ तौ एफ्रोन नु लोव़ पने।
GEN 23:9 मेको आ रू आ नोले बाक्‍ब माक-पेला पुक्‍खी आं कली लेयङ, दे पुंइदीन। गिश थाप्‍चा माल्‍नुङा, थाप्‍नुङ। इन दातेमी आं बेक्‍शो मुर थिम्‍तीके दुम्‍ल” देंमाक्‍त।
GEN 23:10 मेना एफ्रोन हित्ती आन दातेमी निश्‍‍शो बाक्‍माक्‍त। मेको आन सहर ङा गारो ङा ठेयब लाप्‍चो आ नेक्‍था बाक्‍‍शा, अब्राहाम आ लोव़ नेन्‍मेनु, मेको हित्ती एफ्रोनमी अब्राहाम कली
GEN 23:11 “प्रभु, ममाइ, आं लोव़ नेनीन, गो इन कली मेको रू नु पुक्‍खी गेनुङ। आं मुरपुकी सांकछी बाक्‍नीम। गो इन कली गेनुङ। इन बेक्‍शो मुर थिमीन” देंमाक्‍त।
GEN 23:12 मिनु अब्राहाममी मेको मुर आन ङोंइती सेउ पवा बाक्‍त।
GEN 23:13 मिनु मुर नेल्‍ल आन ङोंइती अब्राहाममी एफ्रोन कली “आं लोव़ नेनीन। गो मेको रू ङा क्‍येट थाप्‍नुङ। मेको ताक्‍कीन। गो आं मीश मेक थिम्‍नुङ” देंमाक्‍त।
GEN 23:14 मिनु एफ्रोनमी अब्राहाम कली
GEN 23:15 “प्रभु, आं लोव़ नेनीन, मेको रू ४ सहे शेकेल चांदी ङा बाक्‍ब। मेको इस दातेमी मारेइ ममाइ। मोपतीके थिमीन” देंमाक्‍त। शेकेल का ११.५ ग्राम बाक्‍ब।
GEN 23:16 मिनु अब्राहाममी एफ्रोन आ लोव़ बिस्‍से बाक्‍त। मेकोमी एफ्रोनमी हित्ती आ मुर आन ङोंइती देंशो खोदेंशो पा ४ सहे शेकेल चांदी नाक्‍शा, गेमी बाक्‍त। मेको ४ सहे शेकेल चहिं ग्‍याप्‍ब लेयब आन दातेमी मोदेंशो रू कली ठीक बाक्‍माक्‍त। शेकेल का ११.५ ग्राम चांदी बाक्‍त।
GEN 23:17 माक-पेलामी बाक्‍शो एफ्रोन आ रू माम्रे आ पूर्ब गे बाक्‍शो बाक्‍माक्‍त। मोपा रू नु पुक्‍खी, रूमी बाक्‍शो रवा नेल्‍ल नु एर ओंथ सुरम ख्रुम्‍शो रवा यो
GEN 23:18 हित्ती नेल्‍ल नु ठेयब लाप्‍चोम बाक्‍ब आन ङोंइती अब्राहाम के दुम्‍माक्‍त।
GEN 23:19 मिनु नोले अब्राहामम आ मीश सारा कली माम्रे आ नेक्‍था माक-पेलामी बाक्‍शो पुक्‍खीमी थिमा बाक्‍त। माम्रे चहिं कनान रागी ङा हेब्रोन सहर बाक्‍माक्‍त।
GEN 23:20 मिनु मेको रू नु मेक बाक्‍शो पुक्‍खी हित्ती आ मुरपुकी रे अब्राहाम आ मुर थिम्‍तीक रू दुम्‍माक्‍त। उत्‍पत्ती २५:९-१०; उत्‍पत्ती ४७:३०; उत्‍पत्ती ४९:२९-३२; उत्‍पत्ती ५०:१३
GEN 24:1 मिनु अब्राहाम शुश बर्स दुम्‍शा, खूशो दुम्‍माक्‍त। परमप्रभु यावेमी अब्राहाम कली आ पतीक नेल्‍लेमी आसीक गेवा बाक्‍त। उत्‍पत्ती १२:२
GEN 24:2 मिनु अब्राहाममी आ रू खिं नेल्‍ल कोव़ब नु वाइल आन कली अरेब ठेयब वाइल कली “इ गुइ आं फिला तारी वोतो।
GEN 24:3 गो इ कली परमप्रभु यावे, सरीङ नु रागी ङा परमप्रभु आ नेंमी कसम जपाइक्‍नुङ। मार कसम जपाइक्‍नुङ देंशा हना, आं तौ कली आं बाक्‍शो कनान रागी ङा मीश आल मचाक्‍को। उत्‍पत्ती २८:१; प्रस्‍थान ३४:१६
GEN 24:4 आं रागी नु आं जात ङा मीश आल का चाक्‍को” दे अब्राहाममी वाइल कली मदा बाक्‍त।
GEN 24:5 मिनु वाइलमी “मेको मीश आल एको रागी जाक्‍चा मबिस्‍साक्‍व हना, इन तौ इन जरमेशो रागीम लाइक्‍चा माल्‍नुङा?” दे हिल्‍लो पवा बाक्‍त।
GEN 24:6 मिनु अब्राहाममी “मोदेंशो गेनायो मपावो। आं तौ कली मेक मलतो।
GEN 24:7 ङोंइती परमप्रभु यावे, सरीङ नु रागी ङा परमप्रभुम आं कली आं आफ आ खिं नु आं जात ङा रागी रे ग्रुंइशा, एक सोइक्‍ताक्‍यी। मेकोमी कसम जशा, आं कली लोव़ पाप्‍तु ‘कनान रागी इ चच युइ आन कली गेनुङमी’ दे माइक्‍ती। मेकोमी आ स्‍वर्ग ङा गेय पाइब इ ङोंइती सोइक्‍ब। आं तौ कली आं जात रे मीश आल का चाक्‍को। २इतिहास ३६:२३; नेहेम्‍याह २:२०
GEN 24:8 मेको मीश आल गे नु जाक्‍चा मबिस्‍साक्‍व हना, गे कसम मजशो खोदेंशो दुम्‍नेवे। आं तौ कली चहिं मलतो” दे अब्राहाममी आ वाइल कली अरेवा बाक्‍त।
GEN 24:9 मिनु मेको वाइलमी आ होव़प अब्राहाम आ फिला तारी गुइ वोइश्‍शा, आ देंशो आ पर्बम कसम जवा बाक्‍त।
GEN 24:10 मिनु नोले मेको वाइलम आ होव़प आ दलओंठ १० ओटा लाइश्‍शा, आ होव़प के मारेइ मारेइ रिम्‍शो कोसेली कुरशा लमाक्‍त। मेकेर रे लशा, मेसोपोटामीया रागीमी नाहोर आ बाक्‍तीक सहर, अराम-नहराइम मेर जाक्‍दीम्‍माक्‍त। उत्‍पत्ती ११:२२-३१
GEN 24:11 मिनु मेकेर जाक्‍दीश्‍शा, नाक्‍नाक्‍दो मीश मुरपुकी ब्‍वाक्‍कु दिथ जाक्‍ची ना, सहर मओव़थु, दलओंठपुकी इनार आ नेक्‍था नाइक्‍पदा बाक्‍त।
GEN 24:12 मिनु मेकोमी “परमप्रभु यावे, आं होव़प अब्राहाम आ परमप्रभु, मुलाक्‍ती आं कली वारच पने। आं होव़प कली इन गेना हना यो दाक्‍तीके कोंइदीने। मेकोन पुंइनुङ।
GEN 24:13 गो इनार आ नेक्‍था बाक्‍नुङ। मिनु सहर ङा मुर आन तमी ब्‍वाक्‍कु दिथ जाक्‍नीम।
GEN 24:14 गो मीश आल कली ‘इ गाग्री ङा ब्‍वाक्‍कु इच्‍का तूचा गेयी’ देंनुङ। मेको मीश आलमी ‘तूङो। गो इ दलओंठ आन कली यो ब्‍वाक्‍कु तुंइनुङ’ देंत हना, मेको मीश आल इन गेय पाइब इसहाक कली योव़शो बाक्‍ल। मोदेंशो दुम्‍त हना, गे आं होव़प कली इन गेना हना यो दाक्‍तीके कोंइताक्‍नी, दे गो तुइक्‍नुङ” दे परमप्रभु कली लोव़ पवा बाक्‍त।
GEN 24:15 मोपा लोव़ पन पना, रेबेका माइश्‍शो मीश आल का गाग्री कुरशा जाक्‍माक्‍त। मेको रेबेका बेथुएल आ तमी बाक्‍माक्‍त। बेथुएल चहिं अब्राहाम आ लोक्‍ब नाहोर नु आ मीश मिल्‍का आस तौ बाक्‍माक्‍त। उत्‍पत्ती २२:२३
GEN 24:16 रेबेका थम दारशो मीश आल बाक्‍माक्‍त। मिनु ग्‍युंबे मपथु, कन्‍ने बाक्‍शो बाक्‍माक्‍त। मिनु इनारम तोइश्‍शा, आ गाग्री प्रिंशा बेप मुप्‍शा ङोंइ‍से बाक्‍त।
GEN 24:17 मिनु मेको वाइल रेबेका कली ग्रुम्‍थ दोरमाक्‍त। मिनु “इ गाग्री ङा ब्‍वाक्‍कु इच्‍का तूचा गेयी” दे पुना बाक्‍त।
GEN 24:18 मिनु रेबेकामी आ गाग्री रीब पा नाइश्‍शा, तूचा गेवा बाक्‍त।
GEN 24:19 मिनु तूचा गेने थुम्‍शा “गो इन दलओंठ आन कली यो ब्‍वाक्‍कु चाक्‍शा, मरूमा सम्‍म तुंइनुङ” देंमाक्‍त।
GEN 24:20 मिनु आ गाग्री ङा ब्‍वाक्‍कु मेकेर बाक्‍शो शुंगुमी मोइश्‍शा, दोरशा ब्‍वाक्‍कु ब्रथ लमाक्‍त। दलओंठ नेल्‍ल आन कली मरूमा सम्‍म ब्‍वाक्‍कु तुंइदा बाक्‍त।
GEN 24:21 मिनु मेको वाइल छक लाक्‍शा, मेको कली कोव़शा, परमप्रभु यावे आ योव़शो मीश आल बाक्‍म कों मबाक्‍म, दे ब्‍वालेइ पा बाक्‍माक्‍त।
GEN 24:22 मिनु दलओंठ रूथ्री ब्‍वाक्‍कु तूङमे नोले वाइलम आधी शेकेल सुन के मुन्‍द्री नु १० शेकेल सुन के चुरा निक्‍शी शोल्‍शा, रेबेका कली गेवा बाक्‍त। शेकेल का ११.५ ग्राम बाक्‍ब।
GEN 24:23 मिनु वाइलमी “गे सु का आ तमी नवे? आं कली देनो। इ आफ आ खिंम आंइ कली बास बाक्‍चा गेनीमी कों?” दे हिल्‍लो पवा बाक्‍त।
GEN 24:24 मिनु रेबेकामी “गो बेथुएल आ तमी नङ। बेथुएल चहिं नाहोर नु मिल्‍का आस तौ बाक्‍ब।
GEN 24:25 आंइ खिंम नल नु जचा थोव़क शुश बाक्‍ब। बास बाक्‍तीक यो बाक्‍ब” दे मदा बाक्‍त।
GEN 24:26 मिनु वाइलमी खुम्‍की पा बाप्‍शा, परमप्रभु यावे आ ङोंइती गु बाप्‍शा बाक्‍माक्‍त।
GEN 24:27 मिनु मेकोमी “परमप्रभु यावे, आं होव़प अब्राहाम आ परमप्रभु, गे ठेयब बाक्‍नीनी। गे इन शिशी नु इन रिम्‍शो पशो मप्रोंइथु, आं होव़प कली कोंइताक्‍नी। गे आं कली आं होव़प आ लोक्‍ब आ खिं कोंइताक्‍यीनी” दे परमप्रभु यावे कली ठेयब सेला बाक्‍त।
GEN 24:28 मिनु रेबेका दोरशा खिं लेश्‍शा, आ ममा आ खिं ङा मुर आन कली मार मार दुम्‍मे, मेको नेल्‍ल देंमाक्‍त।
GEN 24:29 मिनु लाबान माइश्‍शो, रेबेका आ लोक्‍ब का बाक्‍माक्‍त। मेको दोरशा, इनारम मेको मुर कली ग्रुम्‍थ लमाक्‍त।
GEN 24:30 मारदे हना मेकोमी आ समी आ मुन्‍द्री नु चुरा तशा “मेको मुरुम आं कली मोदेंशो लोव़ पाप्‍तु” देंशो नेंशा, लाबान मेको मुर कली ग्रुम्‍थ लमाक्‍त। मेको मुर आ दलओंठ नु इनारम बाक्‍शो बाक्‍माक्‍त।
GEN 24:31 मिनु लाबानम मेको कली “परमप्रभु यावे आ आसीक राइब, गे मारदे मेकेर बाक्‍नीनी? आंइ खिं पिने। गे नु इन दलओंठ आन कली मारेइ मारेइ ठीक पाता” देंमाक्‍त।
GEN 24:32 मिनु वाइल खिं ओव़माक्‍त। लाबानमी दलओंठ तार वोइश्‍शो नेल्‍ल शोल्‍शा, थुल्‍चा कली नल लाप्‍ता बाक्‍त। मिनु मेको मुर नु आ गेय पाइब आन कली खोइल चिक्‍चा कली ब्‍वाक्‍कु यो गेवा बाक्‍त।
GEN 24:33 नोले मेको आ ङोंइती जचा थोव़क ख्रेत्‍मे बाक्‍त। मेकोमी चहिं “गो मारदे पिङा, इन कली मदेंङा सम्‍म मजाइनुङ, मब्‍वाइनुङ” देंमाक्‍त। मिनु लाबानमी “इन के मार लोव़ बाक्‍मे? लो देनीन” देंमाक्‍त।
GEN 24:34 मिनु वाइलमी “गो अब्राहाम आ वाइल नङ।
GEN 24:35 मिनु परमप्रभु यावेमी आं होव़प कली शुश आसीक गेप्‍तु। मिनु शुश शोंप पाइश्‍शो दुम्‍त। मेकोमी मेको कली क्‍यारश भेडा, सुन चांदी, वाइलीम वाइल, दलओंठ नु गधा शुश गेप्‍तु।
GEN 24:36 मिनु आं होव़प आ मीश सारामी खाल्‍पी दुम्‍शा, अब्राहाम के तौ का थिप्‍तु। मिनु अब्राहामम आ तौ कली आ मारेइ मारेइ नेल्‍ल गेप्‍तु।
GEN 24:37 मिनु आं होव़पमी आं कली ‘आं तौ कली आं बाक्‍शो कनान रागी ङा मुर आन तमी मचाक्‍को।
GEN 24:38 गे आं आफ आं खिं नु आं मुर आन खिं रे मीश आल का चाक्‍को’ दे कसम जपाइक्‍ती।
GEN 24:39 मिनु गो आं होव़प कली ‘मीश आल एको रागी जाक्‍ने मबिप्‍बा, कोर में’ देंती।
GEN 24:40 मेकोमी चहिं ‘गो परमप्रभु यावे आ ङोंइती गाक्‍‍नुङ। मेकोमी आ स्‍वर्ग ङा गेय पाइब गे नु सोइक्‍ब। मेकोमी इ कली वारच पाइब। मिनु आं तौ कली आं मुर आन खिं नु आं आफ आं खिं रे मीश आल का चाक्‍को।
GEN 24:41 आं खिं ङा मुर आन बाक्‍तीके जाक्‍दीश्‍शा, मीश आल का मगेतेमी हना, गे कसम मजशो खोदेंशो दुम्‍नेवे’ दे आं होव़पमी आं कली माइक्‍ती।
GEN 24:42 मिनु मुलाक्‍ती इनारम जाक्‍शा, गो ‘परमप्रभु यावे, आं होव़प, अब्राहाम आ परमप्रभु, गे आं कली वारच पने।
GEN 24:43 गो इनार आ नेक्‍था बाक्‍नुङ। मिनु मीश आल ब्‍वाक्‍कु दिथ जाक्‍मानु, मीश आल कली इ गाग्री ङा ब्‍वाक्‍कु इच्‍का तूचा गेयी, देंनुङ।
GEN 24:44 मिनु मेको मीश आलमी तूङीन, गो इन दलओंठ आन कली यो ब्‍वाक्‍कु तुंइनुङ, देंत हना, मेको मीश आल आं होव़प आ तौ कली परमप्रभु यावेमी योव़शो बाक्‍ल’ देंती।
GEN 24:45 मिनु गो आं थुंमी लोव़ पने मथुम्‍थु, रेबेका आ गाग्री मुप्‍शा पित। मिनु इनारम ब्‍वाक्‍कु कीथ तोंइसाक्‍व। मिनु गो ‘आं कली इच्‍का तूचा गेयी’ दे माइक्‍ता।
GEN 24:46 मिनु मेकोमी आ गाग्री रीब पा नाइश्‍शा ‘तूङो। गो इन दलओंठ आन कली यो तुंइनुङ’ देंत। मिनु गो तूता। मेकोमी आं दलओंठ आन कली ब्‍वाक्‍कु तुंइताक्‍व।
GEN 24:47 मिनु गो ‘गे सु का आ तमी नवे?’ दे हिल्‍लो पङानु ‘गो बेथुएल आ तमी नङ। बेथुएल नाहोर नु मिल्‍का आस तौ बाक्‍ब’ दे माइक्‍ती। मिनु गो आ नेंमी मुन्‍द्री पाइक्‍ताक्‍ङ, आ गुइमी चुरा लिक्‍ताक्‍ङ।
GEN 24:48 मिनु गो परमप्रभु यावे आ ङोंइती गु बाप्‍शा ‘परमप्रभु यावे, आं होव़प अब्राहाम आ परमप्रभु, गे रिम्‍शो पाइब बाक्‍नीनी’ दे ठेयब सेल्‍ता। मारदे हना आं होव़प आ लोक्‍ब आ खिं ङा मुर रे आ तौ कली तमी चाक्‍चा कली रिम्‍शो लां कोंइताक्‍यी।
GEN 24:49 मिनु ‘गे आं होव़प कली शिशी नु रिम्‍शो पचा मप्रोंइतीनी हना, आं कली देनीन। मेको पचा मदाक्‍नीनी हना यो देनीन। मारदे हना गो ग्‍युरा पेरा गे लचा माल्‍नुङ’ ” दे लोव़ पवा बाक्‍त।
GEN 24:50 मिनु लाबान नु बेथुएलमी “मेको नेल्‍ल परमप्रभु यावे आ पशो बाक्‍ब। मार पाइनस्‍कु मार देंनस्‍कु ङा।
GEN 24:51 लो, रेबेका कली लतो। मिनु लावो। इन होव़प आ तौ आ मीश दुम्‍ल। दोपा परमप्रभु यावेमी लोव़ पवा, मोपा दुम्‍ल” देंसा बाक्‍त।
GEN 24:52 मिनु अब्राहाम आ वाइलम मेको लोव़ नेंशा, परमप्रभु यावे आ ङोंइती खुम्‍की पा बाप्‍शा, मेको कली ठेयब सेला बाक्‍त।
GEN 24:53 मिनु आ गेय पाइबमी सुन नु चांदी के गहना नु दारशो वासी रेबेका कली गेमे बाक्‍त। आ लोक्‍ब नु आ ममा आस कली यो मार मार गेमे बाक्‍त।
GEN 24:54 मिनु जशा तूशा, आ गेय पाइबपुकी नु नाक्‍दो बाक्‍मा बाक्‍त। मिनु सुनी कना बोक्‍मानु, वाइलमी “आं होव़प आ बाक्‍तीक लेत्‍चा गेयीनी” देंमाक्‍त।
GEN 24:55 मिनु रेबेका आ लोक्‍ब नु आ ममामी “रेबेका १० नाक्‍त सम्‍म बाक्‍ल, कोर में। मिनु नोले लन” देंसा बाक्‍त।
GEN 24:56 मिनु वाइलमी “परमप्रभु यावेमी आं कली आसीक गेशा, रिम्‍शो पा वारच पाइक्‍ती। मोपतीके आं कली मक्‍योल्‍यीनी। आं होव़प आ बाक्‍तीक लेत्‍चा गेयीनी” देंमाक्‍त।
GEN 24:57 मिनु मेको निक्‍शीम “रेबेकामी मार देंबा, मेको नेंय” देंसा बाक्‍त।
GEN 24:58 मिनु रेबेका कली ब्रेश्‍शा “एको मुर नु लाइनेवे?” दे हिल्‍लो पाम्‍सेनु “गो लाइनुङ” देंमाक्‍त।
GEN 24:59 मिनु नोले आ समी रेबेका नु आ कली वारच पाइब, अब्राहाम आ वाइल नु आ गेय पाइब आन कली सोइक्‍तमे बाक्‍त।
GEN 24:60 लचा ङोंइती रेबेका कली आसीक गेशा “गे आं समी बाक्‍नेवे। सोशा बोशा, शुश दुमीने। इ चच युइ आन कली आन जोरी सत्रु आन कली ग्राङीन” दे आसीक गेमे बाक्‍त। उत्‍पत्ती २२:१७
GEN 24:61 मिनु नोले रेबेका नु आ वारच पाइब बोक्‍शा, दलओंठ ङोइश्‍शा, मेको मुर नु ल‍सा बाक्‍त। मोपा वाइलमी रेबेका कली लाइश्‍शा, आ होव़प आ खिं लेम्‍माक्‍त।
GEN 24:62 मिनु इसहाक बेयर-लहाइ-रोइ माइश्‍शो ब्‍वाक्‍कु बुक्‍तीके रे पिमाक्‍त। मारदे हना दक्‍खिन रागी नेगेबम बाक्‍शो बाक्‍माक्‍त। उत्‍पत्ती १६:१४; उत्‍पत्ती २५:११
GEN 24:63 मिनु नाक्‍नाक्‍दो रूमी हिरथ लमाक्‍त। मिनु कोव़ङानु, ङोन रे दलओंठपुकी पिशो तवा बाक्‍त।
GEN 24:64 मिनु रेबेकामी इसहाक कली तशा, दलओंठ रे फ्रु तोंइसे बाक्‍त।
GEN 24:65 मिनु अब्राहाम आ वाइल कली “मेरे इं कली ग्रुम्‍थ पीब मुर सु में?” दे हिल्‍लो पवा बाक्‍त। मिनु वाइलमी “आं होव़प बाक्‍ब” देंमाक्‍त। मेको नेंशा, रेबेकामी आ कुप्‍नीम कुल सुम्‍से बाक्‍त।
GEN 24:66 मिनु वाइलमी इसहाक कली मार मार दुम्‍मे, मार मार पवा, नेल्‍ल शेंदा बाक्‍त।
GEN 24:67 मिनु इसहाकम रेबेका कली आ ममा सारा आ ताम्‍बुम ओंइदा बाक्‍त। मिनु नोले ग्‍युंबे पाम्‍से बाक्‍त। मिनु इसहाकम आ मीश कली दाक्‍ता बाक्‍त। मोपा इसहाक आ ममा बेक्‍शो प्रेंदा बाक्‍त। उत्‍पत्ती २३:१-२
GEN 25:1 मिनु अब्राहामम अर्को मीश चाक्‍गा बाक्‍त। मेको आ नें केतुराह बाक्‍माक्‍त।
GEN 25:2 मिनु मेकोमी अब्राहाम रे जिम्रान, योकशान, मेदान, मिदयान, इश्‍बाक नु शुआह थि‍माक्‍त।
GEN 25:3 मिनु योकशानमी शेबा नु देदान थिम्‍सी बाक्‍त। देदान आ तौपुकी अश्‍शुरीम, लेतुशीम नु ले-उम्‍मीम बाक्‍मा बाक्‍त।
GEN 25:4 मिनु मिदयान आ तौ एफाह, एफेर, हनोक, अबीदा नु एल्‍दाह बाक्‍मा बाक्‍त। मेको नेल्‍ल केतुराह आ चच युइ बाक्‍मा बाक्‍त।
GEN 25:5 मिनु अब्राहामम आ मार मार नेल्‍ल इसहाक कली गेवा बाक्‍त।
GEN 25:6 अब्राहाममी आ मबेक्‍थुन अर्को मीश आन तौ आन कली मार मार कोसेली गेमी बाक्‍त। मिनु आ तौ इसहाक रे फ्राशा, पूर्ब ङा रागीम बाक्‍मल, दे पूर्ब गे सोइक्‍तीमी बाक्‍त।
GEN 25:7 मिनु अब्राहाम नेल्‍ल पा सहे का ७५ बर्स ब्रोंइमाक्‍त। उत्‍पत्ती १२:४
GEN 25:8 मिनु नोले शुश बर्स ङा खाल्‍पा दुम्‍शा बेक्‍शा, आ किकी पिपी नु लमाक्‍त। उत्‍पत्ती १५:१५
GEN 25:9 मिनु इसहाक नु इश्‍माएल आ तौ निक्‍शीमी आ बेक्‍शो रां माक-पेला माइश्‍शो रू ङा पुक्‍खीमी लाइश्‍शा, वोदसे बाक्‍त। ङोंइती मेको रू सोहार आ तौ एफ्रोन आ रू बाक्‍माक्‍त। एफ्रोन हित्ती का बाक्‍माक्‍त। मेको रू माम्रे आ पूर्ब गे बाक्‍माक्‍त। उत्‍पत्ती २३:१३-२०
GEN 25:10 अब्राहाममी मेको रू हित्ती आ मुर रे ग्‍याप्‍शो बाक्‍माक्‍त। मेकेर ङोंइती आ मीश सारा कली नोले अब्राहाम कली वोदमे बाक्‍त।
GEN 25:11 मिनु अब्राहाम बेक्‍म नोले परमप्रभुमी इसहाक कली आसीक गेवा बाक्‍त। मेना इसहाक बेयर-लहाइ-रोइ माइश्‍शोमी बाक्‍शो बाक्‍माक्‍त। उत्‍पत्ती १७:१९; उत्‍पत्ती २४:६२
GEN 25:12 सारा आ वाइलीम इजीप्‍त ङा हागार रे जरमेशो अब्राहाम आ तौ इश्‍माएल बाक्‍माक्‍त। उत्‍पत्ती २१:१३
GEN 25:13 इश्‍माएल आ तौ सु सु बाक्‍मा बाक्‍त देंशा हना, आ ङोंइती जरमेशो तौ नेबायोथ बाक्‍माक्‍त। मिनु नोले थिशो आन नें केदार, अदबेल, मिब्‍साम,
GEN 25:14 मिश्‍मा, दुमा, मस्‍सा,
GEN 25:15 हादाद, तेमा, येतुर, नाफीश नु केदमा बाक्‍मा बाक्‍त।
GEN 25:16 एको इश्‍माएल आ तौ आन नें, आन बाक्‍तीके आन नें बाक्‍मा बाक्‍त। मेको नेल्‍ल आन थर ङा ठेयब मुर बाक्‍शो बाक्‍मा बाक्‍त। उत्‍पत्ती १७:२०; गन्‍ती १:४४
GEN 25:17 इश्‍माएल नेल्‍ल पा सहे का ३७ बर्स ब्रोंइमाक्‍त। मिनु बेक्‍शा, आ किकी पिपी नु लमाक्‍त।
GEN 25:18 आ तौपुकी हवीलाह रे इजीप्‍त लतीक लां शुर सम्‍म बाक्‍शो बाक्‍मा बाक्‍त। शुर रागी इजीप्‍त आ ङोंइती अस्सुर गे बाक्‍ब। इश्‍माएल चहिं आ लोक्‍ब नेल्‍ल आन दातेमी बाक्‍माक्‍त। उत्‍पत्ती १६:१२
GEN 25:19 इसहाक अब्राहाम आ तौ बाक्‍माक्‍त।
GEN 25:20 इसहाक ४० बर्स दुम्‍मेनु, रेबेका चाक्‍गा बाक्‍त। रेबेका चहिं अरामी पदान-अराममी बाक्‍ब बेथुएल आ तमी, लाबान आ समी बाक्‍माक्‍त।
GEN 25:21 मिनु इसहाकमी परमप्रभु यावे कली आ मीश आ पर्बम पुना बाक्‍त। मारदे हना आल मथीब बाक्‍माक्‍त। परमप्रभु यावेमी आ पुंइशो गेवा बाक्‍त। मिनु रेबेकामी कोव़ज कुरा बाक्‍त।
GEN 25:22 मिनु आल निक्‍शी आ कोव़जम राम्‍शी पाम्‍से बाक्‍त। मिनु रेबेकामी “मुल ओदेंशो दुम्‍ती हना, मार दुम ङा? दोपा ब्रोंइनुङा ङा?” दे मिम्‍ता बाक्‍त। मिनु परमप्रभु यावे कली “मार दुम्‍नुङा?” दे हिल्‍लो पवा बाक्‍त।
GEN 25:23 मिनु परमप्रभु यावेमी मेको कली “इ कोव़जम जात निक्‍शी ङा मुर बाक्‍नीसी। मेको जात निक्‍शी फ्राचा पुंइसीनीस। का अर्को क्‍येङा बोल्‍यो बाक्‍ब। ङोंइती जरमेशो चहिं कान्‍छा आ गेय पाइब दुम्‍ब” दे शेंदा बाक्‍त। उत्‍पत्ती २७:२९; मलाकी १:२; रोमी ९:१०-१२
GEN 25:24 मिनु रेबेकामी आल थिमेनु, जौंले बाक्‍सा बाक्‍त।
GEN 25:25 मिनु ङोंइती ङा आ रांम वा फेक्‍शो खोदेंशो पा लल चां पाइश्‍शो वोंइश आल का थिमाक्‍त। मिनु मेको कली एसाव नें वोदा बाक्‍त।
GEN 25:26 मिनु नोले आ लोक्‍बमी आ लोक्‍ब आ गेंग्रे ग्‍याइश्‍शा ग्रूमाक्‍त। मोपतीके आ नें याकूब वोदा बाक्‍त। रेबेका आल थिची ना इसहाक ६० बर्स दुम्‍शो बाक्‍माक्‍त। होसे १२:४
GEN 25:27 मिनु मेको तौ निक्‍शी कोल्‍सानु, एसाव जोक्‍ब सिखारी दुम्‍माक्‍त। नेल्‍ल नाक्‍त ब्‍वाकीम बाक्‍चा दाक्‍ता बाक्‍त। याकूब चहिं ताम्‍बुम बाक्‍ब नु रू ङा गेय पा, सिक्‍सी पा बाक्‍ब दुम्‍माक्‍त।
GEN 25:28 इसहाकम एसाव कली दाक्‍ता बाक्‍त। मारदे हना आ चाक्‍शो सिखार ब्‍ववा बाक्‍त। रेबेकामी चहिं याकूब कली दाक्‍ता बाक्‍त।
GEN 25:29 मिनु काबु याकूबमी खोले क्‍येवानु, एसाव ब्‍वाकी रे शोव़लु बेक्‍शा जाक्‍माक्‍त।
GEN 25:30 मिनु एसावमी याकूब कली “इ क्‍येशो लल दाल खोले इच्‍का गेयी। गो शोव़लु बेक्‍ती” देंमाक्‍त। मोपतीके एसाव कली एदोम माइश्‍शो याइनी नें वोइश्‍शो बाक्‍माक्‍त।
GEN 25:31 मिनु याकूबमी “मुलाक्‍ती ङोंइती जरमेशो तौ इ आसीक आं कली गेयी” देंमाक्‍त।
GEN 25:32 मिनु एसावमी “मुल गो बेक्‍चता ङोंइती जरमेशो तौ आ तचा ङा आसीकम मार दुम्‍‍बा ङा?” देंमाक्‍त।
GEN 25:33 मिनु याकूबमी “गो मुलाक्‍ती गेतन, दे कसम जावो” दे मदा बाक्‍त। मिनु एसावमी याकूब कली “ङोंइती जरमेशो तौ आं आसीक इ केन दुम्‍ल” दे कसम जवा बाक्‍त। उत्‍पत्ती २७:३६; हिब्रू १२:१६
GEN 25:34 मिनु नोले याकूबमी एसाव कली शोब्‍ले नु दाल खोले ख्रेत्‍ता बाक्‍त। मिनु मेको जशा तूशा बोक्‍शा लमाक्‍त। मोपा एसावमी “ङोंइती जरमेशो तौ आ ततीक आसीक ममाल्‍नुङ” दे प्रोना बाक्‍त।
GEN 26:1 मिनु नोले रागीमी अन्‍काल दुम्‍माक्‍त। ङोंइती अब्राहाम बाक्‍मेनु यो, अन्‍काल दुम्‍शो बाक्‍माक्‍त। मिनु इसहाक पलिस्‍ती आन पिप अबीमेलेक आ रागी ङा गेरार सहर लमाक्‍त।
GEN 26:2 मिनु परमप्रभु यावेमी इसहाक आ ङोंइती ग्रूमाक्‍त। मिनु इसहाक कली “इजीप्‍त रागी मलावो। आं देंशो रागीम बाक्‍थ लावो।
GEN 26:3 मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७
GEN 26:4 इ चच युइ आन कली सरीङ ङा सोरुल खोदेंशो पा शुश सेल्‍नुङ। मेको आन कली एको रागी नेल्‍ल गेनुङ। मिनु इ चच युइ आन पर्बम रागी रागी ङा मुर नेल्‍ल आसीक ताइनीम।
GEN 26:5 मारदे हना अब्राहामम आं देंशो टिशा, आ पचा माल्‍शो पाप्‍तु। आं शेंशो, आं फुल्‍लुम मुशा ब्रेक्‍शो लोव़ नु आं अरेशो नेल्‍ल पाप्‍तु” दे मदा बाक्‍त। उत्‍पत्ती १५:५
GEN 26:6 मिनु इसहाक गेरार सहर उइ बाक्‍माक्‍त।
GEN 26:7 मिनु अबीमेलेक आ मुरपुकीमी इसहाक कली आ मीश आ पर्बम लोव़ पामे बाक्‍त। मेकोमी चहिं “आं समी बाक्‍ब” दे लोव़ लेत्‍ता बाक्‍त। मारदे हना रेबेका शुश दारशो मीश मुर दुम्‍तीके “आं मीश बाक्‍ब” देंचा हिंमाक्‍त। मारदे हना “मेको कली तशा, लाइक्‍चा कली आ कली साइक्‍नीम” दे हिंशो बाक्‍माक्‍त।
GEN 26:8 मिनु इसहाक मेको रागीमी शुश बाक्‍शा, काबु पलिस्‍ती आन पिप अबीमेलेकमी झेल रे इसहाक नु आ मीश रेबेका चाल्‍शो तवा बाक्‍त।
GEN 26:9 मोपतीके अबीमेलेकमी इसहाक कली ब्रेश्‍शा “नेनो, एको थमा पा इ मीश बाक्‍ब। दोपा ‘आं समी बाक्‍ब’ देंने?” दे हुइक्‍ता बाक्‍त। मिनु इसहाकमी “एको आ पर्बम आं कली साइक्‍नीमी, कों, दे हिंती” देंमाक्‍त।
GEN 26:10 मिनु अबीमेलेकमी “आंइ कली मार पवी? आं मुर का मेको नु इप्‍शो हना, गे आंइ कली शुश मरिम्‍शो मपपदी वा?” दे मदा बाक्‍त।
GEN 26:11 मिनु अबीमेलेकमी आ मुर नेल्‍ल आन कली “सुम मेको नु आ मीश आस कली मरिम्‍शो पाइबा, मेको थमा पा साइक्‍चा पुंइसीब” दे माइक्‍मी बाक्‍त।
GEN 26:12 मिनु इसहाकमी मेको रागीमी मार मार शोक्‍शा, मेको बर्सम गेडा का के सहे का गेडा सम्‍म सिप्‍पाइश्‍शा ख्रेला बाक्‍त। मारदे हना परमप्रभु यावेमी इसहाक कली आसीक गेवा बाक्‍त। हितोपदेस १०:२२
GEN 26:13 मिनु शुश शोंप पाइश्‍शो दुम्‍शा, दारना दारन शुश क्‍येट थीब दुम्‍माक्‍त।
GEN 26:14 मेको आ क्‍यारश भेडा नु बी ब्‍यफ शुश दुम्‍मा बाक्‍त। मिनु वाइलीम वाइलपुकी यो शुश दुम्‍मा बाक्‍त। मोपतीके पलिस्‍तीपुकीमी गेहे पामे बाक्‍त।
GEN 26:15 मिनु पलिस्‍तीपुकीमी अब्राहाम आ गेय पाइब आन दोशो इनार खपीम प्रिंशा, ब्‍वाक्‍कु तेक्गमे बाक्‍त। उत्‍पत्ती २१:२२-३४
GEN 26:16 मिनु अबीमेलेकम इसहाक कली “आंइ क्‍येङा गे बोल्‍यो बाक्‍नीनी, मोपतीके एकेर रे लने” दे मदा बाक्‍त।
GEN 26:17 मिनु इसहाक नु आ मुरपुकी मेकेर रे लशा, गेरार ङा दिंममी जाक्‍दीश्‍शा, आन ताम्‍बु कीशा बाक्‍मा बाक्‍त।
GEN 26:18 मिनु इसहाकमी ङोंइती अब्राहाम आ दोशो इनारपुकी, लेंशा दोपाइश्‍शा, ब्‍वाक्‍कु ग्रूपदा बाक्‍त। मारदे हना अब्राहाम बेक्‍म नोले पलिस्‍तीपुकीमी मेको इनार आन कली खपीम प्रिंशो बाक्‍मा बाक्‍त। मिनु मेको इनार आन कली आ आफ आ वोइश्‍शो नें लेंशा वोदा बाक्‍त।
GEN 26:19 मिनु इसहाक आ गेय पाइबपुकीमी मेको दिंममी दोशा, ब्‍वाक्‍कु बुक्‍तीके थित्‍मे बाक्‍त।
GEN 26:20 मिनु गेरार ङा गोठलापुकीमी इसहाक आ गोठला आन कली “एको ब्‍वाक्‍कु आंइ के बाक्‍ब” दे जीमे बाक्‍त। मोपतीके इसहाकम मेको इनार कली एसेक नें वोदा बाक्‍त। मारदे हना मेकोपुकी आ मुर नु जीमे बाक्‍त।
GEN 26:21 मिनु लेंशा अर्को इनार का दोव़मे बाक्‍त। मेको आ पर्बम यो जीमे बाक्‍त। मेको कली सित्‍ना नें वोदा बाक्‍त।
GEN 26:22 नोले मेकेर रे लशा, अर्को इनार का दोव़मे बाक्‍त। मेको आ पर्बम सुइमी जिचा मपोक्‍गमे बाक्‍त। मिनु मेको आ नें रेहोबोथ वोदा बाक्‍त। मिनु “मुल परमप्रभु यावेमी आंइ कली बाक्‍तीक गेवा बाक्‍त। गोपुकी एको रागीमी शुश दुम्‍कल” देंमाक्‍त।
GEN 26:23 मिनु मेकेर रे लशा, बेयर-शेबा जाक्‍दीम्‍मा बाक्‍त।
GEN 26:24 मिनु मेको नाक्‍दो परमप्रभु यावे ग्रूशा “गो इ आफ अब्राहाम आ परमप्रभु नङ। महिनो। गो गे नु बाक्‍नुङ, इ कली आसीक गेनन। आं गेय पाइब अब्राहाम आ पर्बम गो इ चच युइ आन कली शुश सेल्‍नुङ” दे लोव़ पवा बाक्‍त।
GEN 26:25 मिनु इसहाकम मेकेर चढ़ेतीक सेल्‍शा, परमप्रभु यावे आ नें थिशा ब्रेश्‍शा, मेको नु लोव़ पवा बाक्‍त। मिनु आ ताम्‍बु मेक उइ कीङा बाक्‍त। आ गेय पाइबपुकीमी मेकेर इनार का दोव़मे बाक्‍त। उत्‍पत्ती १२:८
GEN 26:26 काबु अबीमेलेक, आ अर्ती गेब अहुज्‍जाथ नु आ फौज ङा ठेयब कप्‍तान फीकोल नु गेरार सहर रे जाक्‍शा, इसहाक कली ग्रुम्‍मे बाक्‍त।
GEN 26:27 मिनु इसहाकमी “गेपुकी आं कली मदाक्‍थु, इन बाक्‍तीके रे सोइक्‍ताक्‍यीनी। मुल मारदे आं कली ग्रुम्‍थ जाक्‍नी?” दे हिल्‍लो पवा बाक्‍त।
GEN 26:28 मिनु मेकोपुकीमी “परमप्रभु यावे गे नु बाक्‍ब, गो तुइक्‍नीकी। मोपतीके गोपुकीमी ‘गे नु कसम जशा, कबल पचा’ रिम्‍शो दुम्‍ब। ब्‍यवस्‍था २९:३; मत्ती १३:१३
GEN 26:29 गे आंइ कली श्‍येत मगेने। गोपुकीमी यो इन कली श्‍येत मगेथु, रिम्‍शो पा लडाइ मपथु सोइक्‍ताक्‍क। गे परमप्रभु यावे आ आसीक राइब बाक्‍नीनी” दे इसहाक कली देंमा बाक्‍त।
GEN 26:30 मिनु इसहाकम मेको आन कली भोज सेला बाक्‍त। मिनु मेकोपुकीम जामे, तूङमे बाक्‍त।
GEN 26:31 मिनु मेकोपुकी आ दीसा सुनी कना बोक्‍शा, कसम जामे बाक्‍त। मिनु नोले इसहाकमी मेको आन कली लचा गेवा बाक्‍त। मिनु आन थुं नाइश्‍शा लमा बाक्‍त।
GEN 26:32 मेको नाक्‍ती इसहाक आ गेय पाइबपुकी जाक्‍शा, इसहाक कली “आंइ दोतीकेमी ब्‍वाक्‍कु ग्रू‍त” दे शेंदमे बाक्‍त।
GEN 26:33 मिनु मेको इनार कली शिबा नें वोदा बाक्‍त। मोपतीके मेको सहर आ नें मुल सम्‍म बेयर-शेबा बाक्‍ब।
GEN 26:34 एसाव ४० बर्स दुम्‍मेनु, हित्ती आ मुर बेयरी आ तमी युदीथ नु हित्ती आ मुर एलोन आ तमी बासेमाथ चाक्‍सी बाक्‍त। उत्‍पत्ती ३६:२-३
GEN 26:35 मिनु मेको निक्‍शी आस पर्बम इसहाक नु रेबेका थुं मनुथु, शुश सुर्ता पाम्‍से बाक्‍त।
GEN 27:1 मिनु इसहाक खाल्‍पा दुम्‍शा, ब्राब्रा पा मिक्‍च मताइब दुम्‍माक्‍त। मिनु मेकोमी आ ङोंइती जरमेशो तौ एसाव कली “आं तौ” दे ब्रेत्‍ता बाक्‍त। मिनु एसावमी “मार देंनी?” दे लोव़ लेत्‍ता बाक्‍त।
GEN 27:2 मिनु इसहाकमी “नेनो, गो खाल्‍पा दुम्‍ती, आं बेक्‍ची ना मतुइक्‍नुङ।
GEN 27:3 इ लिब्रा लाइश्‍शा, सिखार ग्‍यारथ लावो। मिनु आं कली सिखार चाक्‍को।
GEN 27:4 मिनु नोले आं दाक्‍शो ब्रोव़ब्रोव़शो क्‍येशा, गेयी। गो आं बेक्‍चा क्‍येङा ङोंइती जशा ब्‍वशा, इ कली आसीक गेनुङ” देंमाक्‍त।
GEN 27:5 मिनु रेबेकामी इसहाक नु एसाव लोव़ पशो नेंशो बाक्‍माक्‍त। मिनु एसाव ब्‍वाकी सिखार ग्‍यारथ लमेनु,
GEN 27:6 रेबेकामी आ तौ याकूब कली “आं तौ नेनो, गो इ आफोमी एसाव कली लोव़ पशो नेंता।
GEN 27:7 मेकोमी एसाव कली ‘आं कली सिखार चाक्‍को। ब्रोव़शो क्‍येवो। गो जशा ब्‍वशा नोले परमप्रभु यावे आ ङोंइती आं बेक्‍चा क्‍येङा ङोंइती इ कली आसीक गेनुङ’ देंत।
GEN 27:8 मोपतीके आं तौ, आं देंशो टिवो। दोपा अरेना, मोपा पावो।
GEN 27:9 मुल गोठ लावो। क्‍यारश आन दाते रे रिम्‍शो पाठा निक्‍शी चाक्‍को। मिनु गो इ आफ कली आ दाक्‍शो ब्रोव़शो क्‍येनुङ।
GEN 27:10 मिनु गे चहिं लाइश्‍शा, इ आफ कली ख्रेत्‍तो। मेकोमी जशा ब्‍वशा, आ बेक्‍चा क्‍येङा ङोंइती इ कली आसीक गेवल” देंमाक्‍त।
GEN 27:11 मिनु याकूबम आ ममा कली “नेनीन, आं लोक्‍ब एसाव शुश चां पाइश्‍शो बाक्‍ब। गो मोदेंशो मनङ। उत्‍पत्ती २५:२५
GEN 27:12 मिनु आं आफोम आं कली थिशा, तुइक्‍ब। मिनु गो जोल पाइब दुम्‍शा, आसीक मतथु, सराप राइनुङ” देंमाक्‍त।
GEN 27:13 मिनु आ ममामी “इ कली पशो सराप गो रङल, आं तौ। गे आं देंशो पावो। पाठा निक्‍शी ब्रथ लावो” देंमाक्‍त।
GEN 27:14 मिनु याकूबम गोठ लशा, पाठा निक्‍शी चाक्‍शा, आ ममा कली गेवा बाक्‍त। मिनु आ ममामी आ आफ कली आ दाक्‍शो ब्रोव़शो श्‍ये क्‍येवा बाक्‍त।
GEN 27:15 मिनु रेबेकामी आ खिंमी वोइश्‍शो आ ङोंइती जरमेशो तौ एसाव आ नक वा लाइश्‍शा, आ कान्‍छा याकूब कली फेक्‍पदा बाक्‍त।
GEN 27:16 मिनु मेको पाठा आस कुशुल याकूब आ गुइ तारी नु आ शुर तारी क्‍येप्‍ता बाक्‍त।
GEN 27:17 मिनु आ क्‍येशो ब्रोव़शो श्‍ये नु शोब्‍ले याकूब कली गेवा बाक्‍त।
GEN 27:18 मिनु याकूबम आ आफ बाक्‍तीके लशा, मेको कली “आं आफ” देंमाक्‍त। मिनु “गो बाक्‍ती। आं तौ, गे सु नवे” दे हिल्‍लो पवा बाक्‍त।
GEN 27:19 याकूबम आ आफ कली “गो इन ङोंइती जरमेशो तौ, एसाव, नङ। इन पुंइशो गो पाता। बोक्‍शा निश्‍शा, आं सिखार ब्‍वने। मिनु आं कली आसीक गेयीनी” देंमाक्‍त। लेवी १९:१४
GEN 27:20 मिनु इसहाकमी “गिश रीब पा पवी, आं तौ?” दे हिल्‍लो पवा बाक्‍त। मिनु “परमप्रभु यावे, इन परमप्रभुमी सिखार आं नेक्‍था चाक्‍तु” देंमाक्‍त।
GEN 27:21 मिनु इसहाकम याकूब कली “आं नेक्‍था पिवो। इ कली थीनन, आं तौ। गे थमा पा, आं तौ एसाव नवे कों, मनवे” दे मदा बाक्‍त।
GEN 27:22 मिनु याकूब आ आफ आ नेक्‍था लमाक्‍त। इसहाकम मेको कली सुल्‍शा “आ सेंदा याकूब के बाक्‍‍त, आ गुइ चहिं एसाव के बाक्‍त” देंमाक्‍त।
GEN 27:23 मिनु मेको कली मतुइक्‍ता बाक्‍त। मारदे हना आ गुइ एसाव खोदेंशो पा चां पाइश्‍शो बाक्‍माक्‍त। मोपतीके आसीक गेवा बाक्‍त।
GEN 27:24 मिनु “गे थमा पा आं तौ एसाव नवे?” दे हिल्‍लो पवानु “गो नङ” देंमाक्‍त।
GEN 27:25 मिनु इसहाकम “लो, इ सेल्‍शो जचा ब्‍वचा थोव़क चाक्‍को। इ कली आसीक गेनन” देंमाक्‍त। मिनु याकूबमी चाक्‍गा बाक्‍त। मिनु आ आफोम ब्‍ववा बाक्‍त। मिनु याकूबमी अङगुर शांबु यो चाक्‍शा, गेवा बाक्‍त। मिनु मेको यो तूङा बाक्‍त।
GEN 27:26 मिनु आ आफ इसहाकम “आं नेक्‍था पिवो, आं कली पुक्‍पु पावो, आं तौ” देंमाक्‍त।
GEN 27:27 मिनु आ नेक्‍था लशा, पुक्‍पु पवा बाक्‍त। इसहाकमी आ वा आ रिना नाम्‍शा, आसीक गेवा बाक्‍त। मिनु मेकोमी “आं तौ आ रिना परमप्रभु यावेमी आसीक गेशो रू आ रिना खोदेंशो बाक्‍ब।
GEN 27:28 परमप्रभुमी इ कली सरीङ ङा सीत रे नु रिम्‍शो खप रे शुश चेरब नु अङगुर शांबु गेवल।
GEN 27:29 मुरपुकीम इ कली गेय पामेक्‍ल। रागी रागी ङा मुरपुकी इ ङोंइती खुम्‍की पा बाम्‍मल। इ लोक्‍ब आन दातेमी गे ठेयब दुमो। इ ममा आ तौपुकी इ ङोंइती बाम्‍मल। सु सुम इ कली सराप पामे, मेको आंमान रमल। सु सुम इ कली आसीक गेमे, मेको आसीक रमल” दे आसीक गेवा बाक्‍त। उत्‍पत्ती २३:२५; उत्‍पत्ती १२:३
GEN 27:30 मिनु इसहाकमी आसीक गेवा नोले, याकूब आ आफ आ बाक्‍तीक रे लमेनु, आ लोक्‍ब एसाव आ सिखार ग्‍यारतीक रे जाक्‍माक्‍त।
GEN 27:31 मेकोमी ब्रोव़शो श्‍ये क्‍येशा, आ आफ आ बाक्‍तीके जाक्‍शा, आ आफ कली “आं आफ बोक्‍कीन। आं सिखार ब्‍वशा, आं कली आसीक गेयीनी” देंमाक्‍त।
GEN 27:32 मिनु आ आफ, इसहाकमी मेको कली “गे सु नवे?” दे हिल्‍लो पवानु “गो इन ङोंइती जरमेशो तौ, एसाव नङ” देंमाक्‍त।
GEN 27:33 मिनु इसहाक शुश ख्रिंख्रि पा “सुमी आं कली सिखार चाक्‍गा? इ जाक्‍चा क्‍येङा ङोंइती गो जाता। मिनु आसीक गेता। आं आसीक लीब” देंमाक्‍त।
GEN 27:34 मिनु एसाव आ आफ आ लोव़ नेंशा, ठेयब सेंदा पा ङाक्‍माक्‍त। मिनु आ आफ कली “आं आफ, आं कली यो आसीक गेयीनी” देंमाक्‍त। हिब्रू १२:१७
GEN 27:35 मिनु “इ लोक्‍ब जाक्‍शा, जोल पशा, इ आसीक रोइक्‍ताक्‍व” देंमाक्‍त।
GEN 27:36 मिनु एसावमी “आ नें याकूब दुम्‍शो, ठीक बाक्‍ब। मुल आं कली निक्‍शी खेयप ठगेती। आं ङोंइती जरमेशो तौ आ अधिकार रोइक्‍ताक्‍यी। मुल आं आसीक यो लाइक्‍तु। गे आं कली आसीक महेंदीनी?” दे ङाक्‍शा, देंमाक्‍त। उत्‍पत्ती २५:२६; उत्‍पत्ती २५:३३
GEN 27:37 मिनु इसहाकम एसाव कली “नेनो, गो मेको कली इ प्रभु सेल्‍ता। आ लोक्‍ब नेल्‍ल आन कली मेको आ गेय पाइब सेल्‍ता। चेरब नु अङगुर शांबु शुश ग्रेल्मल, दे लोव़ पाता। मिनु इ कली मार गेनना ङा, आं तौ?” दे लोव़ पवा बाक्‍त।
GEN 27:38 मिनु एसावमी आ आफ कली “इन के आसीक का ला बाक्‍बा ङा, आं आफ? आं कली यो आसीक गेयीनी” दे शुश ङाक्‍माक्‍त।
GEN 27:39 मिनु आ आफ इसहाकम “नेनो, मलिलो खप नु सरीङ ङा सीत इ बाक्‍तीक रे ङोन बाक्‍ब।
GEN 27:40 इ तरवारम इ गेय पाइनेवे। इ लोक्‍ब कली गेय पाइनेवे। २राजा ८:२०,२२ गे बोल्‍यो दुम्‍ते हना, आ जुवा इ शुर रे ताइक्‍नेवे” दे एसाव कली यो आसीक गेवा बाक्‍त।
GEN 27:41 मिनु एसावमी आ आफोम याकूब कली गेशो आसीक लोव़ आ पर्बम, याकूब कली काइ मदाक्‍ता बाक्‍त। आ थुंमी “आं आफ बेक्‍शा रोंका पने थुम्‍शो नोले, आं लोक्‍ब याकूब कली साइक्‍नुङ” दे मिम्‍ता बाक्‍त।
GEN 27:42 मिनु रेबेकामी आ तौ आ लोव़ नेना बाक्‍त। मिनु मेकोमी याकूब कली ब्रेश्‍शा “नेनो, इ लोक्‍बमी इ कली साइक्‍चा कली मिम्‍ब।
GEN 27:43 मोपतीके आं तौ, गे आं देंशो पावो। बोक्‍को, आं लोक्‍ब लाबान आ बाक्‍तीके, हारान सहर प्रोक्‍को। उत्‍पत्ती २४:२९
GEN 27:44 इ लोक्‍ब आ गाइश्‍शो मनांइसे सम्‍म मेक उइ बाक्‍को।
GEN 27:45 मिनु इ लोक्‍बमी इ पशो प्रेंशा, मचुरत हना, गो इ कली ब्रथ सोइक्‍नुङ। गो दोपा नाक्‍त कामी आं मुर निक्‍शी जाम्‍शो तने चाप्‍नुङ ङा?” दे आ तौ कली देंमाक्‍त।
GEN 27:46 मिनु रेबेकामी इसहाक कली “गो हित्ती आ तमी आस पर्बम बेक्‍चा ङा दुम्‍ती। याकूबमी यो एको खोदेंशो पा एको रागी ङा हित्ती आ तमी का चाक्‍तु हना, गो ब्रोंइचा मदाक्‍नुङ” दे मदा बाक्‍त। उत्‍पत्ती २६:३४-३५
GEN 28:1 मिनु नोले इसहाकमी याकूब कली अरेशा “गे कनान रागी ङा मीश आल मचाक्‍को। उत्‍पत्ती २४:३
GEN 28:2 साशा, पदान-अराम इम्‍मा आ आफ बेथुएल आ खिं लावो। मिनु इम्‍मा आ लोक्‍ब लाबान आ तमी का चाक्‍को। उत्‍पत्ती २२:२३; उत्‍पत्ती २४:२९
GEN 28:3 मिनु नेल्‍ल क्‍येङा सक्ति पाइश्‍शो परमप्रभुमी इ कली आसीक गेवल। मिनु इ कली सोशा बोशा, शुश सेलल। हिक्‍ने मचाप्‍चा ङा पा शुश दुम्‍पदल।
GEN 28:4 अब्राहाम कली गेशो आसीक मुल इ कली नु इ चच युइ आन कली गेव‍ल। इ मुल बाक्‍शो रागीम अर्को रागी ङा मुर बाक्‍ते, तन्‍न परमप्रभुमी अब्राहाम कली गेप्‍तु। मेको इ कली दुम्‍ल” दे आसीक गेवा बाक्‍त।
GEN 28:5 मोदेंशो पा इसहाकमी याकूब कली पदान-अराम ङा मुर बेथुएल आ तौ आ खिं सोइक्‍ता बाक्‍त। मेको याकूब नु एसाव आस ममा आ लोक्‍ब लाबान बाक्‍माक्‍त।
GEN 28:6 मिनु एसावमी, इसहाकम याकूब कली आसीक गेशा, मीश चाक्‍चा कली पदान-अराम गे सोइश्‍शो तुइश्‍शा, आ आफ आ अरेशो “कनान रागी ङा तमी मचाक्‍को” दे माइश्‍शो तुइक्‍ता बाक्‍त।
GEN 28:7 याकूबमी आम आफ आस कली टिशा, पदान-अराम गे लशो तवा बाक्‍त।
GEN 28:8 मिनु एसावम कनान रागी ङा तमीपुकी आ आफ इसहाकम मदाक्‍शो तुइश्‍शा,
GEN 28:9 इश्‍माएल आ बाक्‍तीके लमाक्‍त। मिनु मीश निक्‍शी बाक्‍शा यो, अब्राहाम आ तौ इश्‍माएल आ तमी नेबायोथ आ समी महलाथ चाक्‍गा बाक्‍त। उत्‍पत्ती १६:१६; उत्‍पत्ती २६:३४; उत्‍पत्ती २५:१३
GEN 28:10 मिनु याकूब बेयर-शेबा रे गाक्‍शा, हारान सहर गे लमाक्‍त।
GEN 28:11 मिनु बाक्‍तीके का जाक्‍दीश्‍शा, नाक्‍दो मेकेर बाक्‍माक्‍त। मारदे हना नां रिक्‍माक्‍त। मिनु फुल्‍लु तार आ पिया वोइश्‍शा इम्‍माक्‍त।
GEN 28:12 मिनु इम्‍मेनु, ङोमुम खप रे सरीङ थिशो क्रेसी का तवा बाक्‍त। मेको क्रेसीमी परमप्रभु आ स्‍वर्ग ङा गेय पाइबपुकी तोइश्‍शो, ङोइश्‍शो तवा बाक्‍त। यूहन्‍ना १:५१
GEN 28:13 मिनु क्रेसी आ ङरम परमप्रभु यावे राप्‍शा, याकूब कली “गो परमप्रभु यावे, इ बाजे अब्राहाम नु इ आफ इसहाक आस परमप्रभु नङ। मुल इ इप्‍शा बाक्‍तीक रागी इ कली नु इ चच युइ आन कली गेनन्‍नी।
GEN 28:14 इ चच युइ खप ङा फुरक खोदेंशो पा शुश दुम्‍नीम। सोशा बोशा, शुश दुम्‍शा, पूर्ब, पच्‍छिम, उत्तर, दक्‍खिनम ब्रशा बाक्‍नीमी। गे नु इ चच युइ आन पर्बम रागी नेल्‍ल ङा मुर आसीक ताइनीम। उत्‍पत्ती १३:१४-१५
GEN 28:15 गो गे नु बाक्‍शा, ते लाइनेवे, गो इ कली कोव़नन। गो इ कली एको रागी लेप्‍पाइक्‍नन। मारदे हना गो इ कली मप्रोंइनन। इ कली मार मार देंङा, गो मेको नेल्‍ल पाइनुङ” देंमाक्‍त।
GEN 28:16 मिनु याकूब आ निन्‍द्रा रे सेंसीशा “परमप्रभु यावे थमा पा एकेर बाक्‍ब। गो मतुइक्‍तु” देंमाक्‍त।
GEN 28:17 मिनु हिंशा “एको हिंचा ङा बाक्‍तीके बाक्‍ब। परमप्रभु आ बाक्‍तीक खिं बाक्‍शा, सरीङ ङा लाप्‍चो बाक्‍ब” देंमाक्‍त। प्रस्‍थान ३:५
GEN 28:18 मिनु याकूब सुनी कना बोक्‍शा, आ पिया आगा ङा वोइश्‍शो फुल्‍लु राप्‍पाइश्‍शा तेल लुक्‍ता बाक्‍त। उत्‍पत्ती ३५:१४-१५
GEN 28:19 मिनु मेको बाक्‍तीके कली बेथेल नें वोदा बाक्‍त। ङोंइती मेको सहर आ नें लूज बाक्‍माक्‍त।
GEN 28:20 मिनु याकूबमी “परमप्रभु गो नु बाक्‍त हना, लां कोंइशा कोव़ती हना, जचा नु फेक्‍चा यो गेती हना,
GEN 28:21 थुं नाइश्‍शा, आं आफ आ खिं लेत्‍चा गेती हना, परमप्रभु यावे आं परमप्रभु बाक्‍ब” दे कसम जवा बाक्‍त।
GEN 28:22 मिनु परमप्रभु कली “आं राप्‍पाइश्‍शा वोइश्‍शो फुल्‍लु परमप्रभु आ खिं दुम्‍ल। आं कली मार मार गेनी, मेको के १० भागमी भाग का थमा पा इन कली गेनन्‍नी” देंमाक्‍त। उत्‍पत्ती ३५:१
GEN 29:1 मिनु याकूब लमे लमे, पूर्ब ङा मुर आन रागी जाक्‍दीम्‍माक्‍त।
GEN 29:2 मिनु कोव़ङानु, दिंम कामी इनार का तवा बाक्‍त। हुल सां भेडा मेकेर बाक्‍शो बाक्‍मा बाक्‍‍त। मारदे हना मेको आन कली मेको इनार ङा ब्‍वाक्‍कु तुंइबाक्‍मा बाक्‍त। मेको इनार चहिं ठेयब फुल्‍लुमी सुम्‍शो बाक्‍माक्‍त।
GEN 29:3 मिनु भेडा आन हुल नेल्‍ल मेकेर खुम्‍सी‍शा, गोठलापुकीमी मेको इनार ङा फुल्‍लु क्‍युक्‍शा, भेडा आन कली ब्‍वाक्‍कु तुंइशा, नोले लेंशा इनार सुम्‍शा वोइक्‍बाक्‍मा बाक्‍त।
GEN 29:4 मिनु याकूबमी मेको भेडा गोठला आन कली “आं लोक्‍बपुकी गे ते ङा बाक्‍नीनी?” दे हिल्‍लो पवा बाक्‍त। मिनु मेकोपुकीमी “हारान ङा बाक्‍नीकी” देंमा बाक्‍त।
GEN 29:5 मिनु याकूबमी “गे नाहोर आ तौ लाबान तुइक्‍नीनी?” दे हिल्‍लो पवा बाक्‍त। मिनु “गो तुइक्‍नीकी” दे लोव़ लेत्‍मे बाक्‍त। उत्‍पत्ती २४:१०,२४
GEN 29:6 याकूबमी “रिम्‍शो बाक्‍मे?” दे हिल्‍लो पवानु, मेकोपुकीमी “रिम्‍शो बाक्‍ब। हयु आ तमी राहेल आ भेडा नु जाक्‍त” देंमा बाक्‍त।
GEN 29:7 मिनु याकूबमी “चोक्‍ची मजाक्‍शो, भेडा आन कली ब्‍वाक्‍कु तुंइशा, जोपाइक्‍थ लतीन” देंमाक्‍त।
GEN 29:8 मिनु मेकोपुकीमी “हुल नेल्‍ल मखुम्‍सीथु, इनार ङा फुल्‍लु मयाक्‍थु, भेडा आन कली ब्‍वाक्‍कु तुंइने मचाप्‍नीकी” दे लोव़ लेत्‍मे बाक्‍त।
GEN 29:9 मिनु याकूब मेकोपुकी नु लोव़ पवा सम्‍म, राहेल आ आफ आ भेडा नु जाक्‍माक्‍त। मेको गोठाल्‍नी बाक्‍माक्‍त।
GEN 29:10 मिनु याकूबमी आ मामा, लाबान आ तमी राहेल तवा बाक्‍त। मिनु मेको कली ग्रुम्‍थ लशा, इनार ङा फुल्‍लु याक्‍ता बाक्‍त। मिनु आ मामा आ भेडा आन कली ब्‍वाक्‍कु तुंइदा बाक्‍त।
GEN 29:11 मिनु राहेल कली चुप पाइश्‍शा ङाक्‍माक्‍त।
GEN 29:12 राहेल कली “गो इ आफ आ बहिनी रेबेका आ तौ नङ” देंमाक्‍त। मिनु राहेल दोरशा लशा, आ आफ कली मेको लोव़ शेंदा बाक्‍त।
GEN 29:13 मिनु लाबानमी आ भानीच याकूब जाक्‍शो लोव़ नेंशा, दोरशा मेको कली ग्रुम्‍थ जाक्‍माक्‍त। मिनु मुप्‍शा, पुक्‍पु पा, आ खिं लदा बाक्‍त। मिनु याकूबमी लाबान कली शुश लोव़ शोव़ङा बाक्‍त।
GEN 29:14 मिनु लाबानमी “गे थमा पा आं खिं ङा मुर बाक्‍नेवे” देंमाक्‍त। मिनु याकूब महिना का खोदेंशो मेकेर बाक्‍माक्‍त।
GEN 29:15 मिनु लाबानमी याकूब कली “गे आं खिं ङा मुर बाक्‍ते हना यो, आं कली मो गेय पचा ममाल्‍नेवे। मार पुंइनेवे, देनो” दे हिल्‍लो पवा बाक्‍त।
GEN 29:16 लाबान आ तमी निक्‍शी बाक्‍सा बाक्‍त। आ ङोंइती जरमेशो आ नें लेआ नु कान्‍छी आ नें राहेल बाक्‍माक्‍त।
GEN 29:17 लेआ मदारशो बाक्‍माक्‍त। राहेल चहिं शुश दारशो बाक्‍माक्‍त।
GEN 29:18 याकूबम राहेल कली दाक्‍ता बाक्‍त। मिनु लाबान कली “इन कान्‍छी तमी राहेल आ पर्बम गो इन कली ७ बर्स गेय पाइनुङ” देंमाक्‍त।
GEN 29:19 मिनु लाबानमी “अर्को मुर कली गेचा क्‍येङा इ कली गेचा रिम्‍शो बाक्‍ब। गो नु गेय पा बाक्‍को” देंमाक्‍त।
GEN 29:20 मिनु याकूबम राहेल आ पर्बम ७ बर्स गेय पवा बाक्‍त। मेको ७ बर्स याकूब कली नाक्‍त का निक्‍शी खोदेंशो पा लमाक्‍त। मारदे हना राहेल कली शुश दाक्‍ता बाक्‍त।
GEN 29:21 मिनु याकूबमी लाबान कली “आं मीश गेयीनी। ७ बर्स दुम्‍माक्‍त। मेको नु ग्युंबे पाइनुङ” दे मदा बाक्‍त।
GEN 29:22 मिनु लाबानमी सहर ङा मुर नेल्‍ल ब्रेश्‍शा, भोज गेमी बाक्‍त।
GEN 29:23 मिनु नाक्‍नाक्‍दो लाबानमी आ तमी लेआ लाइश्‍शा, याकूब कली गेवा बाक्‍त। मिनु याकूब मेको नु इम्‍‍माक्‍त।
GEN 29:24 लाबानमी आ तमी लेआ कली आ गेय पाइब वाइलीम जिल्‍पा गेवा बाक्‍त।
GEN 29:25 मिनु याकूब सुनी कना बोक्‍शा, आ मीश कोव़ङानु, लेआ बाक्‍माक्‍त। मिनु गाइश्‍शा लाबान कली “गे आं कली मार पनी? गो इन कली राहेल आ पर्बम गेय मपङा ङा? मारदे आं कली ठगेनी?” दे मदा बाक्‍त।
GEN 29:26 मिनु लाबानमी “आंइ रागीमी जेठी क्‍येङा ङोंइती कान्‍छी मगेनीकी।
GEN 29:27 हप्‍ता का मेको नु बाक्‍को। नोले गो इ कली अर्को यो गेनन। गे अर्को ७ बर्स गेय पचा माल्‍नेवे” दे मदा बाक्‍त।
GEN 29:28 मिनु याकूब मेको बिश्‍शा, लेआ नु हप्‍ता का बाक्‍माक्‍त। मिनु नोले लाबानमी राहेल कली यो गेवा बाक्‍त।
GEN 29:29 लाबानमी आ तमी राहेल कली आ गेय पाइब वाइलीम बिल्‍हाह गेवा बाक्‍त।
GEN 29:30 मिनु याकूबम राहेल कली यो चाक्‍गा बाक्‍त। मिनु लेआ क्‍येङा राहेल कली शुश दाक्‍ता बाक्‍त। मिनु लाबान कली अर्को ७ बर्स गेय पवा बाक्‍त। लेवी १८:१८
GEN 29:31 मिनु परमप्रभु यावेमी याकूबमी लेआ कली मदाक्‍शो तशा “आल थीब दुम्‍ल” दे आसीक गेवा बाक्‍त। तन्‍न राहेल आल मथीब बाक्‍माक्‍त।
GEN 29:32 मिनु लेआ कोव़ज कुरशा, तौ का थि‍माक्‍त। मेको आ नें रूबेन वोदा बाक्‍त। मारदे हना “परमप्रभु यावेमी आं श्‍येत ताप्‍तु। मुल रे आं वोंइशेम आं कली दाक्‍ब” देंमाक्‍त।
GEN 29:33 मिनु लेंशा कोव़ज कुरशा, तौ का नु थि‍माक्‍त। मिनु “परमप्रभु यावेमी आं कली मदाक्‍शो तशा, अर्को तौ का यो गेती” देंशा, मेको आ नें सिमियोन वोदा बाक्‍त।
GEN 29:34 मिनु लेंशा कोव़ज कुरशा, अर्को तौ का थि‍माक्‍त। मिनु “मुल रे आं वोंइश गो नु बाक्‍ब। मारदे हना गो तौ सां थीतामी” देंमाक्‍त। मोपतीके आ नें लेवी वोदा बाक्‍त।
GEN 29:35 मिनु लेंशा कोव़ज कुरशा, तौ का नु थि‍माक्‍त। मिनु “गो परमप्रभु यावे कली ठेयब सेल्‍नुङ” दे मेको कली यहूदा नें वोदा बाक्‍त। मिनु आल थिचा नांइसे बाक्‍त।
GEN 30:1 मिनु राहेलमी “आल मथीब बाक्‍ङा बाक्‍त” दे तुइश्‍शा, आ लोक्‍ब कली गेहे पवा बाक्‍त। मिनु याकूब कली “गे आं कली आल मगेतीनी हना, गो बेक्‍नुङ” देंमाक्‍त।
GEN 30:2 मिनु याकूबमी राहेल आ लोव़ आ पर्बम गाइश्‍शा “परमप्रभुमी इ कली आल मथीब सेल्‍तु। गो मेको क्‍येङा ठेयब नङा ङा?” देंमाक्‍त। भजन संग्रह १२७:३
GEN 30:3 मिनु राहेलमी “गो इन कली आं गेय पाइब बिल्‍हाह गेनुङ। मेकोमी आं कली आल थिचा माल्‍ब। मिनु आं के आल दुम्‍मल” देंमाक्‍त। उत्‍पत्ती १६:२
GEN 30:4 मिनु मेकोमी याकूब कली आ गेय पाइब बिल्‍हाह गेवा बाक्‍त। मिनु याकूब मेको नु इम्‍‍माक्‍त।
GEN 30:5 मिनु बिल्‍हाह कोव़ज कुरशा, तौ का थि‍माक्‍त।
GEN 30:6 मिनु राहेलमी “परमप्रभुमी आं कली नाक्‍शा, आं पुंइशो नेंतु। मिनु आं कली तौ का गेती” देंमाक्‍त। मोपतीके आ नें दान वोदा बाक्‍त।
GEN 30:7 मिनु राहेल आ गेय पाइब बिल्‍हाहमी लेंशा कोव़ज कुरशा, अर्को तौ का थि‍माक्‍त।
GEN 30:8 मिनु राहेलमी “गो आं लोक्‍ब नु परमप्रभु खोदेंशो पा जिशा ग्राती” देंमाक्‍त। मोपतीके मेको आ नें नाप्‍ताली वोदा बाक्‍त।
GEN 30:9 मिनु लेआमी “लेंशा आल मथीनुङ” दे मिम्‍शा, याकूब कली आ गेय पाइब जिल्‍पा गेवा बाक्‍त।
GEN 30:10 मिनु लेआ आ गेय पाइब जिल्‍पामी तौ का थि‍माक्‍त।
GEN 30:11 मिनु लेआमी “रिम्‍शो दुम्‍त” दे आ नें गाद वोदा बाक्‍त।
GEN 30:12 मिनु लेआ आ गेय पाइब जिल्‍पामी अर्को तौ का नु थि‍माक्‍त।
GEN 30:13 मिनु लेआमी “गो ग्‍येरसाक्‍यी। मारदे हना मीश मुरपुकीमी आं पर्बम ‘आसीक राइब बाक्‍ब’ देंनीम” देंमाक्‍त। मिनु आ तौ कली आशेर नें वोदा बाक्‍त।
GEN 30:14 मिनु काबु रूबेनमी चेरब रिक्‍ची ना आल थिपाइक्‍ब फल थिदा बाक्‍त। मिनु आ ममा लेआ कली गेवा बाक्‍त। मिनु राहेलमी लेआ कली “इ तौ आ चाक्‍शो फल आं कली का निक्‍शी गेयी” देंमाक्‍त।
GEN 30:15 मिनु मेकोमी “गे आं वोंइश आ थुं रोइक्‍चा ला ममाइ, आं तौमी चाक्‍शो फल यो रोइक्‍नेवे?” देंमाक्‍त। मिनु राहेलमी “इ तौ आ फल आ पर्बम मुलाक्‍दो याकूब इ खिंम बाक्‍ल” देंमाक्‍त।
GEN 30:16 मिनु नाक्‍नाक्‍दो याकूब रू रे जाक्‍मेनु, लेआम ग्रुम्‍थ लशा “गे आं खिंम बाक्‍चा माल्‍नीनी। गो आं तौ आ चाक्‍शो फल इन पर्बम थाप्‍ताक्‍ङ” देंमाक्‍त। मिनु मेको नाक्‍दो याकूब लेआ नु इम्‍‍माक्‍त।
GEN 30:17 मिनु परमप्रभुमी लेआ आ पुंइशो गेवा बाक्‍त। मिनु याकूब के ४ जना तौ थिशा नोले अर्को तौ का नु थि‍माक्‍त।
GEN 30:18 मिनु लेआमी “परमप्रभुमी आं कली रिम्‍शो पाप्‍तु। मारदे हना गो आं गेय पाइब आं वोंइश कली गेता” देंमाक्‍त। मिनु आ नें इस्‍साकार वोदा बाक्‍त।
GEN 30:19 मिनु लेंशा कोव़ज कुरा बाक्‍त। मिनु ५ जना तौ थिशा यो, अर्को तौ का नु थि‍माक्‍त।
GEN 30:20 मिनु “परमप्रभुमी आं कली रिम्‍शो पाप्‍‍तु। मुल आं वोंइश गो नु बाक्‍ब। मारदे हना गो ६ जना तौ थीतामी” देंमाक्‍त। मिनु मेको कली जबूलून नें वोदा बाक्‍त।
GEN 30:21 मिनु नोले तमी का यो थि‍माक्‍त। मेको कली दीना नें वोदा बाक्‍त।
GEN 30:22 नोले परमप्रभुमी राहेल कली मिम्‍ता बाक्‍त। मिनु आ पुंइशो गेशा, आल थीब दुम्‍माक्‍त। १सामुएल १:१९
GEN 30:23 मिनु कोव़ज कुरशा, तौ का थि‍माक्‍त। मिनु “परमप्रभुमी श्‍येत रे प्रोंइती” देंमाक्‍त। यसैया ४:१; लूका १:२५
GEN 30:24 मोपतीके आ नें योसेफ वोदा बाक्‍त। मिनु “परमप्रभु यावेमी आं कली अर्को तौ का नु गेयील” दे पुना बाक्‍त। उत्‍पत्ती ३५:१७-१९
GEN 30:25 मिनु राहेलमी योसेफ थिशा नोले याकूबमी लाबान कली “आं कली लचा गेयीनी। गो आं रागी, आं खिं लचा दाक्‍नुङ।
GEN 30:26 आं मीशपुकी, आं आलपुकी नु आं कली लचा गेकी। गो एको तचा कली इन गेय पाता। गो इन कली दोदेंशो रिम्‍शो गेय पङा, मेको गे तुइक्‍नीनी” देंमाक्‍त। उत्‍पत्ती २९:२०,३०; उत्‍पत्ती ३१:४३
GEN 30:27 मिनु लाबानमी “गे आं कली दाक्‍नेवे हना, इच्‍का नु बाक्‍को। मारदे हना गे एक बाक्‍शा, परमप्रभु यावेमी इ गेय पतीके आं कली आसीक गेती, दे तुइक्‍नुङ। उत्‍पत्ती ३९:५
GEN 30:28 गे मार माल्‍नेवे, मेको इ कली गेनुङ” दे मदा बाक्‍त।
GEN 30:29 मिनु याकूबमी “गो दोदेंशो गेय पङा, इन बी ब्‍यफ गिश दुम्‍मा, गे तुइक्‍नीनी।
GEN 30:30 आं जाक्‍ची ना का निक्‍शी बाक्‍तेक्‍मे, मुल शुश दुम्‍तेक्‍म। मिनु गो जाक्‍ङा रे परमप्रभु यावेमी इन कली आसीक गेप्‍तु। मिनु आं खिं गेना कोव़नुङा?” दे मदा बाक्‍त।
GEN 30:31 मिनु लाबानमी “गो मार गेचा माल्‍नुङा?” देंमेनु, याकूबमी “आं कली मारेइ गेचा ममाल्‍नीनी। आं देंशो पाइतीनी हना, गो लेंशा इन गोठला दुम्‍नुङ।
GEN 30:32 गो मुलाक्‍ती इन क्‍यारश भेडा नेल्‍ल कोव़थ लाइनुङ। मिनु पुत्‍ले पाङग्रे नेल्‍ल ग्रुंइनुङ। क्‍यारश भेडा रे यो क्‍येर नु पुत्‍ले पाङग्रे ग्रुंइनुङ। मेको आं गाल्‍च दुम्‍नीम।
GEN 30:33 मोदेंशो दुम्‍मेनु, आं ठीक पतीके तुइक्‍नीनी। तेको क्‍यारश आन दातेमी पुत्‍ले पाङग्रे मपाइश्‍शो नु पाठा आन दातेमी क्‍येर मबाक्‍मा, मेको आं खुइ पशो, दे तुइक्‍नीनी” दे मदा बाक्‍त।
GEN 30:34 मिनु लाबानमी “इ देंशो खोदेंशो दुम्‍ल” देंमाक्‍त।
GEN 30:35 मिनु मेको नाक्‍ती लाबानमी गोठ नेल्‍ल रे टाटे पाङग्रे क्‍यारश बोका नेल्‍ल नु पुत्‍ले पाङग्रे भेडा सांड ग्रुंइदा बाक्‍त। तेक तेको इच्‍का बुश नु क्‍येर बाक्‍मा, मेको योव़शा, आ तौ आन गुइमी गेवा बाक्‍त।
GEN 30:36 मिनु आ तौ आन गोठ नु याकूब आ गोठ नाक्‍त सां गाक्‍तीक लां ङोन वोदा बाक्‍त। याकूबम चहिं लाबान आ अरु क्‍यारश भेडा कोव़ङा बाक्‍त।
GEN 30:37 मिनु याकूबमी ब्‍वाकीम पिपल, कटुस नु अर्को रवा आन क्‍येख राशी जिक्‍शा, बुश रेखा ग्रुंइशा खेवा बाक्‍त।
GEN 30:38 मिनु मेको कोक्‍केपुकी क्‍यारश नु भेडा आन ब्‍वाक्‍कु तूतीकेमी वोदा बाक्‍त। मिनु ब्‍वाक्‍कु तूशा ङा मिन ब्‍वांइ‍सीमानु,
GEN 30:39 मेको आ टाटे पाङग्रे कोक्‍के तशा, टाटे पाङग्रे पाठापुकी जरमेसीमा बाक्‍त।
GEN 30:40 याकूबमी मेको पाठा आन कली ग्रुंइशा फ्राशा आंम बगाल ङा गोठ सेला बाक्‍त। आंम क्‍यारश भेडा लाबान आ गोठम मवोदा बाक्‍त।
GEN 30:41 मिनु गेना बोल्‍यो नु रिम्‍शो बोकापुकी माल्‍ची ना बाक्‍मा नु ब्‍वाक्‍कु तूथ जाक्‍मा, मेना मेको कोक्‍केपुकी तूतीकेमी आन ङोंइती वोदा बाक्‍त। मिनु “कोक्‍के आन ङोंइती ब्‍वांइ‍सीमल” देंमाक्‍त।
GEN 30:42 बगाल ङा मरिम्‍शो क्‍यारश भेडा जाक्‍तेक्‍म हना, कोक्‍के मवोदा बाक्‍त। मोदेंशो पा मरिम्‍शो क्‍‍यारश भेडा लाबान कली, रिम्‍शो बोल्‍यो चहिं याकूब के दुम्‍मा बाक्‍त।
GEN 30:43 मिनु याकूब शुश शोंप पाइश्‍शो दुम्‍शा, क्‍यारश भेडा, वाइलीम वाइल, दलओंठपुकी नु गधा शुश पाइश्‍शो दुम्‍माक्‍त।
GEN 31:1 मिनु लाबान आ तौपुकीमी “याकूबमी आंइ आफ आ मारेइ मारेइ नेल्‍ल रोइक्‍ताक्‍व। आंइ आफ आ शोंप रे शोंप पाइश्‍शो दुम्‍त” देंशो, याकूबमी नेना बाक्‍त। उत्‍पत्ती ३०:३५
GEN 31:2 मिनु याकूबमी “लाबानम आं कली मदाक्‍ब दुम्‍त” दे तुइक्‍ता बाक्‍त।
GEN 31:3 मिनु परमप्रभु यावेमी याकूब कली “इ आफ आ रागी इ मुर आन बाक्‍तीक लेश्‍शा लावो। गो गे नु बाक्‍नुङ” देंमाक्‍त। उत्‍पत्ती २८:१५
GEN 31:4 मिनु याकूबमी राहेल नु लेआ आस कली गोठीम ब्रेत्‍तीम्‍सी बाक्‍त।
GEN 31:5 मिनु मेको आस कली “इस आफोम ङोंइती आं कली दाक्‍शो खोदेंशो पा मुल मदाक्‍ब, दे तुइक्‍ताक्‍ङ। आं आफ आ परमप्रभु गो नु बाक्‍शो बाक्‍त।
GEN 31:6 गो इस आफ कली दोदेंशो पा आं बोल नेल्‍लेमी गेय पङा, मेको गे निक्‍शीम तुइक्‍नीसी।
GEN 31:7 इस आफोमी आं कली ठगेप्‍तु। आं गेय ङा तचा माल्‍शो थोव़क १० खेयप फाइक्‍तु। तन्‍न परमप्रभुमी मेको कली आं कली श्‍येत गेचा, मगेवा बाक्‍त।
GEN 31:8 इस आफोमी ‘पुत्‍ले पाङग्रे नेल्‍ल इ के दुम्‍ल’ देंमेनु, क्‍यारश भेडा नेल्‍लेमी पुत्‍ले पाङग्रे गिक्‍तेक्‍म। मेकोमी ‘रेखा पाइश्‍शो नेल्‍ल इ के दुम्‍ल’ देंमेनु, नेल्‍ल रेखा पाइश्‍शो गिक्‍तेक्‍म।
GEN 31:9 मोदेंशो पा परमप्रभुमी इस आफ आ क्‍यारश भेडा बी ब्‍यफ रोइश्‍शा, आं कली गेती।
GEN 31:10 क्‍यारश भेडा आन ब्‍वांइ‍सीची ना गो ङोमुमी बोका नेल्‍ल पुत्‍ले पाङग्रे, रेखा पाइश्‍शो नु खाल्‍शो रङ ङा तातामी।
GEN 31:11 मिनु परमप्रभु आ स्‍वर्ग ङा गेय पाइबमी आं कली ङोमुमी ‘याकूब’ दे ब्रेत्‍ताक्‍यी। ‘मिनु गो बाक्‍ती’ दे लोव़ लेत्‍ताक्‍ङ।
GEN 31:12 मिनु मेकोमी आं कली ‘कोव़ङो, ब्‍वांइसीब बोका नेल्‍ल पुत्‍ले पाङग्रे, रेखा पाइश्‍शो नु खाल्‍शो रङ ङा बाक्‍नीम। मारदे हना लाबानमी इ कली मार पशो बाक्‍बा, गो नेल्‍ल ताता।
GEN 31:13 गो परमप्रभु नङ। गो इ कली बेथेलम ग्रुम्‍ता। गे मेकेर फुल्‍लु का कली तेल लुक्‍ताक्‍वी। मिनु आं कली कसम जाप्‍तीवी। मुल बोक्‍को, मेको रागी रे ग्रूङो। इ जरमेशो रागी ले‍तो’ दे माइक्‍ती” दे आ मीश निक्‍शी आस कली देंमाक्‍त। उत्‍पत्ती २८:१८-२२
GEN 31:14 मिनु राहेल नु लेआमी “आंस आफ आ खिंमी आस थेरशो रू नु शोंप बाक्‍मा ङा?
GEN 31:15 आंस कली अर्को रागी ङा मुर खोदेंशो सेल्‍शा, लेयशा ताक्‍शो नेल्‍ल जाप्‍तु। उत्‍पत्ती २९:१८,२७
GEN 31:16 परमप्रभुमी आंस आफ रे लाइश्‍शो शोंप, आंस कली नु आंस आल के दुम्‍त। परमप्रभुमी इन कली मार देंबा, मेकोन पने” देंसा बाक्‍त।
GEN 31:17 मिनु याकूब सुनी कना बोक्‍शा, आ आलपुकी नु आ मीशपुकी दलओंठ तारी ङोइक्‍पदा बाक्‍त।
GEN 31:18 मिनु मारेइ मारेइ पदान-अराम रे आ गेय पा सेल्‍शो बस्‍तु भाव नेल्‍ल खुल्‍शा, आ शोंप लाइश्‍शा, आ आफ इसहाक आ खिं कनान रागी लचा गोवा बाक्‍त।
GEN 31:19 लाबान आ भेडा आन ऊन ख्रोइक्‍थ लशो बाक्‍माक्‍त। मेना राहेलमी आ आफ आ खिं ङा मूर्तिपुकी खुइ पा कुरा बाक्‍त। न्‍यायाधीस १७:५; न्‍यायाधीस १८:१७; १सामुएल १९:१३; २राजा २३:२४; जकरिया १०:२
GEN 31:20 याकूबमी अरामी लाबान कली “गो लशो” दे मदेंथु, गाक्‍मा बाक्‍त।
GEN 31:21 मोदेंशो पा याकूब आ मारेइ मारेइ कुरशा, प्रोक्‍माक्‍त। मिनु सुनी बोक्‍शा, युफ्रेटीस खोला शोक्‍समा बाक्‍त। मिनु गिलाद डांडा गे लमा बाक्‍त।
GEN 31:22 मिनु लमा आ नाक्‍त सां नोले मुरुमी “याकूब प्रोक्‍त” दे लाबान कली शेंदमे बाक्‍त।
GEN 31:23 मिनु लाबानमी आ लोक्‍ब आन कली ब्रेश्‍शा, मेकोपुकी नु ७ नाक्‍ती सम्‍म याकूब कली माल्‍शा, गिलाद डांडाम ग्रुमा बाक्‍त। उत्‍पत्ती ३१:४७
GEN 31:24 मिनु परमप्रभुमी अरामी लाबान कली ङोमुमी “गे होस पावो। याकूब कली मारेइ मपावो” देंमाक्‍त।
GEN 31:25 मिनु लाबानमी याकूब कली ग्रुमानु, आ ताम्‍बु गिलाद ङा पहाडम कीङा बाक्‍त। याकूबम चहिं आ ताम्‍बु आइक्‍था ङा डांडाम कीशा, वोदा बाक्‍त।
GEN 31:26 मिनु लाबानमी याकूब कली “गे मार पवी? मारदे आं मतुइक्‍थु प्रोक्‍नी? आं तमीपुकी लडाइमी ग्‍याइश्‍शो खोदेंशो पा लाइक्‍तीवी।
GEN 31:27 गे मारदे ख्रुइश्‍शा गाक्‍नी? मारदे आं कली मारेइ मदेंनी? गो इन कली ग्‍येरशा, कुम्‍सो पशा, खैजडी नु बीना ताप्‍शा, लां सम्‍म चोव़दीशा सोइक्‍तन्‍नी वा।
GEN 31:28 गे आं कली आं चचपुकी नु आं तमीपुकी नु पुक्‍पु पाइक्‍मुचा मगेवी। मरिम्‍शो पाइब बाक्‍ते।
GEN 31:29 इ कली श्‍येत गेचा आं गुइमी बाक्‍ब। तन्‍न सिनाक्‍दो इ आफ आ परमप्रभुमी आं कली ‘गे होस पावो। याकूब कली मारेइ मरिम्‍शो मपावो’ दे लोव़ पाप्‍तु।
GEN 31:30 मिनु गे इ आफ ग्रुम्‍चा शुश दाक्‍ताक्‍वी हना यो, मारदे आं खिं ङा मूर्ति खुइ पा लदी?” दे हिल्‍लो पवा बाक्‍त।
GEN 31:31 मिनु याकूबमी लाबान कली “गे इन तमी निक्‍शी आं गुइ रे रोइक्‍नीनी, दे हिंती। उत्‍पत्ती ३१:१९
GEN 31:32 इन मूर्तिपुकी चहिं सुका आ ताम्‍बुम थित्‍नीनी, मेको मब्रोंइल। इन लोक्‍ब आन ङोंइती आं बाक्‍तीकेम इन के मार बाक्‍मे, कोव़शा लतीन” देंमाक्‍त। मारदे हना याकूबमी राहेलम मेको मूर्तिपुकी खुइ पशो, दे मतुइक्‍ता बाक्‍त।
GEN 31:33 मिनु लाबानमी याकूब आ ताम्‍बु, लेआ आ ताम्‍बु, गेय पाइब निक्‍शी आस ताम्‍बु ओव़शा, माल्‍शा मथिदा बाक्‍त। लेआ आ ताम्‍बु रे ग्रूशा, राहेल आ ताम्‍बु ओव़माक्‍त।
GEN 31:34 मिनु राहेलम मेको खिं ङा मूर्ति आन कली दलओंठ आ तारी ङा नित्‍तीकेमी ख्रुइश्‍शा, मेको आ तारी निस्‍से बाक्‍त। मिनु लाबानमी ताम्‍बु नेल्‍लेमी माल्‍शा मथिदा बाक्‍त।
GEN 31:35 मिनु राहेलमी “आं प्रभु, मगाइक्‍तीने, गो इन ङोंइती बोक्‍ने मचाप्‍नुङ, मारदे हना गो मथिचा दुम्‍ती” देंमाक्‍त। मोपतीके माल्‍शा मथिदा बाक्‍त। लेवी १५:१९-२०
GEN 31:36 मिनु याकूब चुरशा, लाबान कली “मार दूली पङा। आं कली मार मरिम्‍शो पशो आ पर्बम खेदा पनी?
GEN 31:37 आं मारेइ मारेइम माल्‍तीनी, इन थोव़की मार थिन्‍नी? इन लोक्‍ब नु आं लोक्‍ब आन ङोंइती देनीन। एकोपुकीमी इस दातेमी निसाफ पामेक्‍ल।
GEN 31:38 गो गे नु २० बर्स बाक्‍ती। इन क्‍यारश भेडाम पाठा मशाम्‍देम। इन बगाल ङा बोका का यो मब्‍वङ।
GEN 31:39 जन्‍तुमी साइश्‍शो यो इन कली मचाक्‍गु। गो आंमा थाप्‍ताक्‍ङ। नाक्‍दो, नाक्‍ती जन्‍तुमी साइक्‍‍तेक्‍म हना यो, गे आं कली थाप्‍पाइक्‍तीनी। प्रस्‍थान २२:११-१२
GEN 31:40 नाक्‍ती हुप्‍शोम बाक्‍ती, नाक्‍दो ग्‍यू बेक्‍शा, यो मइप्‍थु, नां सोंइताक्‍ङ।
GEN 31:41 मोदेंशो पा गो इन खिंमी २० बर्स गेय पाता। इन तमी निक्‍शी आस पर्बम गो १४ बर्स गेय पाता। ६ बर्स इन क्‍यारश भेडा आन पर्बम गेय पाता। गे आं गेय ङा तचा माल्‍शो थोव़क १० खेयप फाइक्‍तीनी। उत्‍पत्ती २९:२०,३०; उत्‍पत्ती ३०:३१-३६
GEN 31:42 आं आफ आ परमप्रभु, अब्राहाम आ परमप्रभु नु इसहाक आ मान पा हिंशो परमप्रभु गो नु मबाक्‍शो हना, गे आं कली मुल श्‍येत्‍थ सोइक्‍तीनी वा। परमप्रभुमी आं श्‍येत नु आं गेय तशा, सिनाक्‍दो इन कली हुइक्‍ताक्‍व” देंमाक्‍त। उत्‍पत्ती ३१:२४,५१
GEN 31:43 मिनु लाबानमी याकूब कली “एको तमी निक्‍शी आं तमी बाक्‍नीस। एको आल आं आल बाक्‍नीम। एको क्‍यारश भेडा आं के बाक्‍नीम। इ तशो नेल्‍ल आं के बाक्‍ब। आं तमी आस कली मुलाक्‍ती गो मार पने चाप्‍नुङा ङा? एको आस तौ आन कली गो मार पने चाप्‍नुङा ङा?
GEN 31:44 मोपतीके गे नु गो कबल पस, इस ङोंइती सांकछी बाक्‍मल” दे मदा बाक्‍त।
GEN 31:45 मिनु याकूबम फुल्‍लु का चाक्‍शा राप्‍पाइश्‍शा,
GEN 31:46 आ मुर आन कली यो “फुल्‍लु खुप्‍तीन” देंमाक्‍त। मिनु मेकोपुकीमी यो फुल्‍लु खुप्‍तमे बाक्‍त। मिनु मेकेर जामे बाक्‍त।
GEN 31:47 मिनु लाबानमी मेको कली येगार-सहादुता, दे नें वोदा बाक्‍त। याकूबम चहिं मेको कली गलेद, दे नें वोदा बाक्‍त। उत्‍पत्ती ३१:२३
GEN 31:48 मिनु लाबानमी “एको फुल्‍लु खुप्‍तीके मुलाक्‍ती इस पशो कबल आ सांकछी बाक्‍ब” देंमाक्‍त। मोपतीके मेको कली गलेद देंनीम। गलेद आ अर्थ सांकछी ङा फुल्‍लु खुप्‍तीके बाक्‍ब। यहोसु २४:२७
GEN 31:49 मिनु मेको राप्‍पाइश्‍शो फुल्‍लु कली मिस्‍पा नें वोदा बाक्‍त। मारदे हना लाबानमी “परमप्रभु यावे गे नु गो इस ब्राची ना इस कली कोव़ब बाक्‍ल। न्‍यायाधीस ११:११
GEN 31:50 गे आं तमी आस कली श्‍येत गेप्‍तीवी हना, अर्को मीश चाक्‍तीवी हना, गो इस दातेमी मुर सांकछी मबाक्‍तेक्‍म हना यो, परमप्रभु इस सांकछी बाक्‍ब” देंमाक्‍त।
GEN 31:51 मिनु लाबानमी लेंशा, याकूब कली “कोव़ङो, एको खुप्‍शो फुल्‍लु नु मेको लाइश्‍शो राप्‍पाइश्‍शो फुल्‍लु गो इस दातेमी बाक्‍ब।
GEN 31:52 एको खुप्‍शो फुल्‍लु गो रे इ बाक्‍तीके, गे रे आं बाक्‍तीके श्‍येत गेथ मलमल।
GEN 31:53 अब्राहाम आ परमप्रभु, नाहोर आ परमप्रभु नु आन किकी पिपी आन परमप्रभुम इस दातेमी निसाफ पव‍ल” देंमाक्‍त। मिनु याकूबमी इसहाक आ मान पा हिंशो परमप्रभु आ नें थिशा, कसम जवा बाक्‍त।
GEN 31:54 मिनु मेको डांडामी याकूबमी चढ़ेतीके चढ़ेवा बाक्‍त। मिनु आ खिं ङा मुर आन कली “शोब्‍ले जने” दे गेवा बाक्‍त। मिनु जशा, मेको नाक्‍दो मेक उइ बाक्‍मा बाक्‍त। उत्‍पत्ती ३१:४२
GEN 31:55 मिनु लाबान सुनी कना बोक्‍शा, आ तमी नु आ चच आन कली पुक्‍पु पाइश्‍शा, आसीक गेशा, आ खिं लेम्‍माक्‍त।
GEN 32:1 मिनु याकूब लांमी लना लन बाक्‍मेनु, परमप्रभु आ स्‍वर्ग ङा गेय पाइबपुकी याकूब कली ग्रुम्‍थ जाक्‍मा बाक्‍त।
GEN 32:2 मिनु याकूबमी मेको आन कली तशा “एकेर परमप्रभु आ लडाइ पाइब आन बाक्‍तीके बाक्‍ब” देंमाक्‍त। मोपतीके मेको ग्रुम्‍तीक रागी आ नें महा-नाइम वोदा बाक्‍त। महा-नाइम आ अर्थ चहिं “बाक्‍तीक निक्‍शी” बाक्‍ब।
GEN 32:3 मिनु याकूबमी आ लोक्‍ब एसाव ग्रुम्‍चा कली आ ङोंइती मुरपुकी एदोम ङा सेइर रागी सोइक्‍ता बाक्‍त। उत्‍पत्ती ३६:८
GEN 32:4 मेको आन कली “गे आं प्रभु एसाव कली ‘इन गेय पाइब याकूबमी इन कली लोव़ सोइक्‍ताक्‍व। गो मुल सम्‍म लाबान नु आ रागीमी अर्को रागी ङा मुर दुम्‍शा बाक्‍ती।
GEN 32:5 गो नु शुश ब्‍यफ, गधा, क्‍यारश भेडा, वाइलीम वाइल बाक्‍नीम। गो आं प्रभु, इन ङोंइती शिशी तङल, दे मुर आन कली सोइक्‍ताक्‍ङ’ देंत, देंचा माल्‍नीनी” दे अरेशा सोइक्‍तीमी बाक्‍त।
GEN 32:6 मिनु आ सोइश्‍शो मुरपुकी लेश्‍शा जाक्‍शा, याकूब कली “गोपुकी इन लोक्‍ब एसाव आ बाक्‍तीक जाक्‍दीत्‍तक। मेकोमी ४ सहे मुर नु कुशा, इन कली ग्रुम्‍थ जाक्‍ब” दे शेंदमे बाक्‍त।
GEN 32:7 मिनु याकूब शुश हिंशा, सुर्ता पवा बाक्‍त। मेको नु बाक्‍ब मुर क्‍यारश भेडा, बी ब्‍यफ नु दलओंठ आन कली हुल निक्‍शी पा योक्‍गा बाक्‍त।
GEN 32:8 मेकोमी “एसावमी ङोंइती ङा हुल साइक्‍तु हना, अर्को प्रोक्‍ने चाप्‍नीम” दे मिम्‍ता बाक्‍त।
GEN 32:9 मिनु याकूबम “आं बाजे अब्राहाम आ परमप्रभु, आं आफ इसहाक आ परमप्रभु, आं कली लोव़ पाइब परमप्रभु यावे, गे आं कली ‘इ खिं ङा मुर आन बाक्‍तीक, इ रागी ले‍तो। गो इ कली रिम्‍शो पाइनुङ’ दे लोव़ पाइतीनी। उत्‍पत्ती ३१:३,१३
GEN 32:10 गो, इन गेय पाइब आं कली पशो गेना हना यो दाक्‍तीक नु इन रिम्‍शो पचा मप्रोंइतीके मशिरनुङ। गो कोक्‍के का ला कुरशा, यर्दन खोला शोक्‍शा लशो नङ। मुल आं के हुल निक्‍शी दुम्‍शो बाक्‍नीम। २सामुएल ७:१८
GEN 32:11 गो आं कली आं लोक्‍ब एसाव आ गुइ रे प्रोनीने। मारदे हना आं कली, आं मीश आन कली नु आल नेल्‍ल आन कली साइक्‍ब, दे हिंती।
GEN 32:12 गे आं कली ‘गो इ कली थमा पा रिम्‍शो पाइनुङ। इ चच युइ आन कली समुन्‍द्र ङा बाल्‍वा खोदेंशो पा, हिक्‍ने मचाप्‍चा ङा सेल्‍नुङ’ देंतीनी” दे याकूबमी परमप्रभु कली लोव़ पवा बाक्‍त। उत्‍पत्ती २८:१३-१४
GEN 32:13 मिनु मेको नाक्‍दो मेकेर बाक्‍शा, आ मारेइ मारेइ रे एसाव कली कोसेली योव़ङा बाक्‍त।
GEN 32:14 मेकोमी सहे निक्‍शी ओटा क्‍यारश, २० ओटा बोका, सहे निक्‍शी ओटा भेडा नु २० ओटा सांड,
GEN 32:15 मिनु ३० ओटा दूध तूब चाइक्‍ब पाइश्‍शो दलओंठ, ४० ओटा बी नु १० ओटा ब्‍यफ, २० ओटा गधैनी नु १० ओटा गधा एसाव कली योव़शा, ठीक पवा बाक्‍त।
GEN 32:16 मिनु आ गेय पाइब आन कली का का पा हुल हुल पा गेवा बाक्‍त। आ गेय पाइब आन कली “गे आं ङोंइती हुल हुल पना पन गाक्‍कीन। हुल नेल्‍ल कालेमी मखुलीन। का अर्को क्‍येङा ङोन खुल्‍चा माल्‍नीनी” दे माइक्‍मी बाक्‍त।
GEN 32:17 मिनु नेल्‍ल क्‍येङा ठेयब अरेतीके लोव़ “आं लोक्‍ब एसाव इन कली ग्रुम्‍थ जाक्‍त हना, मेकोमी इन कली ‘गे सुका आ मुर ननी? ते लाइनीनी? इन ङोंइती गाक्‍ब बगाल सु के नमी?’ दे हिल्‍लो पाप्‍तु हना,
GEN 32:18 गेमी ‘एको इन गेय पाइब याकूब के नम। आ प्रभु एसाव कली कोसेली बाक्‍ब। आं यो खोइश्‍शा पिना पिन बाक्‍ब’ देंचा माल्‍नीनी” दे गेय पाइब आन कली माइक्‍मी बाक्‍त।
GEN 32:19 मोदेंशो पा ङोंइती गाक्‍ब, नोले गाक्‍ब नु नेल्‍ल क्‍येङा नोले गाक्‍ब नेल्‍ल आन कली अरेमी बाक्‍त। मिनु “मोदेंशो पा एसाव नु ग्रुम्‍ची ना लोव़ पचा माल्‍नीनी।
GEN 32:20 मिनु ‘इन गेय पाइब आंइ नोले पिना पिन बाक्‍ब’ देंचा मप्रेंदीन” दे माइक्‍मी बाक्‍त। मारदे हना याकूबमी “गो आं ङोंइती सोइश्‍शो कोसेलीमी गो मेको कली लेम्‍नुङ। मिनु नोले मेको कली ग्रुम्‍नुङ, आं कली ब्राइबा कों” दे मिम्‍ता बाक्‍त।
GEN 32:21 मिनु आ कोसेली आ ङोंइती लदमे बाक्‍त। आं चहिं मेको नाक्‍दो आ मुर बाक्‍तीकेमी बाक्‍माक्‍त।
GEN 32:22 मिनु मेको नाक्‍दो बोक्‍शा, आ मीश निक्‍शी, आ गेय पाइब मीश निक्‍शी नु आ ११ जना तौ आन कली लाइश्‍शा, यब्‍बोक खोला शोक्‍पाइक्‍मी बाक्‍त।
GEN 32:23 मिनु मेको आन कली शोक्‍पाइश्‍शा, आ मारेइ मारेइ यो सोइक्‍ता बाक्‍त।
GEN 32:24 मिनु आइक्‍ची हांबुम याकूब का ला बाक्‍माक्‍त। मिनु नां रिक्‍शा, नां मसोव़म सम्‍म मुर का नु राम्‍शी पवा बाक्‍त। होसे १२:४-५
GEN 32:25 मेको मुरुम याकूब नु राम्‍शी पा आं ब्रुचशो तशा, याकूब आ फिला ङा बोंइसे थिवा बाक्‍त। मिनु आ फिला ङा बोंइसे याक्‍ता बाक्‍त।
GEN 32:26 मिनु मेको मुरुमी “नां दाप्‍चावानु, मुल लचा गेयी” देंमाक्‍त। मिनु याकूबमी “आं कली आसीक मगेवी सम्‍म मप्रोंइनन” दे मदा बाक्‍त मत्ती १५:२२-२८
GEN 32:27 मिनु मेकोम “इ नें मार में?” दे हिल्‍लो पवानु, याकूबमी “याकूब” देंमाक्‍त।
GEN 32:28 मिनु मेकोमी “मुल ङा मेरे इ नें याकूब ममाइ, इ नें इस्राएल देंचा माल्‍नीम। मारदे हना गे परमप्रभु नु राम्‍शी पा ग्राते, मुर नु राम्‍शी पा यो ग्राते” देंमाक्‍त। उत्‍पत्ती ३५:१०; येरमीया २०:७
GEN 32:29 मिनु याकूबम “इन नें मार में?” दे हिल्‍लो पवा बाक्‍त। मिनु मेकोमी “आं नें मारदे माल्‍दे?” देंशा, मेको कली आसीक गेवा बाक्‍त। न्‍यायाधीस १३:१७-१८
GEN 32:30 मिनु याकूबमी “गो परमप्रभु आ कुल तशा यो मबेक्‍ङ” दे मेको बाक्‍तीके आ नें पेनीएल वोदा बाक्‍त। प्रस्‍थान ३३:२०
GEN 32:31 मिनु नां दाप्‍‍मेनु, याकूब पेनुएल रे खोङ चेङ पा गाक्‍माक्‍त।
GEN 32:32 मोपतीके इस्राएलीपुकीमी मुल सम्‍म मेको बोंइसे ग्‍याइक्‍ब नारी नु मेकेर ङा श्‍ये मब्‍वाइनीमी। मारदे हना मेकोमी याकूब आ फिला ङा बोंइसे याक्‍ता बाक्‍त।
GEN 33:1 मिनु याकूबम लां गे कोव़ङानु, एसाव नु ४ सहे मुर पिन पिन पशो तवा बाक्‍त। मिनु आ आलपुकी लेआ, राहेल नु आस गेय पाइब मीश निक्‍शी नु गाक्‍पाइक्‍मी बाक्‍त। उत्‍पत्ती ३२:७
GEN 33:2 मेको गेय पाइब मीश नु आस आल आन कली नेल्‍ल क्‍येङा ङोंइती गाक्‍पदा बाक्‍त। मिनु मेको आन नोले लेआ नु आ आलपुकी, नेल्‍ल क्‍येङा नोले राहेल नु योसेफ गाक्‍पदा बाक्‍त।
GEN 33:3 मिनु मेको नेल्‍ल आन ङोंइती आंमा गाक्‍माक्‍त। मिनु मेको आ लोक्‍ब ग्रुम्‍चा क्‍येङा ङोंइती ७ खेयप खुम्‍की पा बाम्‍माक्‍त।
GEN 33:4 मिनु एसावमी मेको कली तशा, दोरशा ग्रुम्‍थ जाक्‍माक्‍त। मिनु आ लोक्‍ब कली मुप्‍शा पुक्‍पु पदा बाक्‍त। मिनु निम्‍फा ङाक्‍सा बाक्‍त।
GEN 33:5 मिनु एसावमी कोव़शा, आलपुकी नु मीश मुर आन कली तशा “गे नु बाक्‍ब सु नमी?” दे हिल्‍लो पवा बाक्‍त। मिनु याकूबमी “परमप्रभुमी इन गेय पाइब कली शिशी पशा, गेशो आलपुकी नम” दे मदा बाक्‍त। भजन संग्रह १२७:३
GEN 33:6 मिनु नोले मेको गेय पाइब मीश निक्‍शी नु आस आलपुकी जाक्‍शा, एसाव आ ङोंइती खुम्‍की पा बाम्‍मा बाक्‍त।
GEN 33:7 मिनु लेआ नु आ आलपुकी जाक्‍शा, खुम्‍की पा बाम्‍मा बाक्‍त। मिनु नोले योसेफ नु राहेल जाक्‍शा, खुम्‍की पा बाप्‍सा बाक्‍त।
GEN 33:8 मिनु एसावमी “इ ङोंइती गाक्‍शो मार मार मारदे सोइक्‍ती?” दे हिल्‍लो पवा बाक्‍त। मिनु “आं प्रभु, इन ङोंइती शिशी तङल, दे सोइक्‍ताक्‍ङ” दे लोव़ लेत्‍ता बाक्‍त। उत्‍पत्ती ३२:१४-२१
GEN 33:9 मिनु एसावमी “आं लोक्‍ब, आं कली मारेइ मारेइ गाप्‍शो बाक्‍ब। इ कली वोंइसो” देंमाक्‍त।
GEN 33:10 मिनु याकूबमी “मदुम्‍ब। गो इन ङोंइती शिशी ताता हना, आं कोसेली ताक्‍कीन। मारदे हना गो इन कुल तशा, परमप्रभु आ कुल तशो खोदेंशो पा ग्‍येरसाक्‍यी। गे आं कली दाक्‍शा ब्राइतीनी। उत्‍पत्ती ३२:३१
GEN 33:11 इन कली गेशो आसीक लतीन। मारदे हना परमप्रभुमी आं कली शुश शिशी पाप्‍तु। आं के मारेइ मारेइ यो गाप्‍शो बाक्‍ब” दे एसाव कली मदा बाक्‍त। मिनु याकूबमी शुश लोव़ पा एसावमी मेको नेल्‍ल ताक्‍गा बाक्‍त।
GEN 33:12 मिनु एसावमी “लो, पिन। गो गे नु लाइनुङ” देंमाक्‍त।
GEN 33:13 मिनु याकूबमी “आं प्रभु, आं आलपुकी आइक्‍च बाक्‍नीम। क्‍यारश भेडा, बी ब्‍यफ आन चाइक्‍ब बाक्‍नीम। मेको आन कली नाक्‍ती का ला शुश गाक्‍पाइश्‍शा, श्‍येत गेता हना, नेल्‍ल बेक्‍नीम।
GEN 33:14 आं प्रभु, गे इन गेय पाइब क्‍येङा ङोंइती गाक्‍कीन। गो बी ब्‍यफ नु आलपुकी चाप्‍चा ङा पा गाक्‍नीकी। नोले आं प्रभु आ बाक्‍तीक सेइर सहर जाक्‍नीक” देंमाक्‍त।
GEN 33:15 मिनु एसावमी “आं मुर का निक्‍शी गे नु गाक्‍मल” दे मदा बाक्‍त। मिनु याकूबम “ममाल्‍नुङ। मारदे आं प्रभुम आं कली मोदेंशो रिम्‍शो पचा मिम्‍बा?” देंमाक्‍त।
GEN 33:16 मिनु मेको नाक्‍ती एसाव सेइर गे लेम्‍माक्‍त।
GEN 33:17 याकूब चहिं सुक्‍कोथ गे लमाक्‍त। मेकेर खिं का सेल्‍शा, आ बी ब्‍यफ आन कली गोठपुकी सेला बाक्‍त। मोपतीके आ बाक्‍तीके आं नें सुक्‍कोथ वोदा बाक्‍त।
GEN 33:18 मोपा याकूब पदान-अराम रागी रे मारेइ मदुम्‍थु रिम्‍शो पा लेश्‍शा, कनान रागी ङा शेकेम सहर जाक्‍दीम्‍माक्‍त। सहर आ नेक्‍था आ बाक्‍तीक सेला बाक्‍त।
GEN 33:19 मिनु आ ताम्‍बु कीतीके रू हमोर आ तौ आन दाते शेकेम आ आफ रे सहे का केसीता थाप्‍शा, ग्‍यबा बाक्‍त। केसीता मेकेर ङा क्‍येट बाक्‍त। सुन के बाक्‍बा कों, चांदी के बाक्‍बा कों, गिश हेल्‍शो बाक्‍ब मतुंइसीब।यहोसु २४:३२
GEN 33:20 मिनु मेकेर चढ़ेतीक का सेला बाक्‍त। मेको आ नें “एल-एलोहे-इस्राएल” दे वोदा बाक्‍त। मेको आ अर्थ परमप्रभु, इस्राएल आ परमप्रभु बाक्‍ब। उत्‍पत्ती १२:७-८
GEN 34:1 मिनु लेआ आ तमी, दीना मेको रागी ङा मीश आल आन कली ग्रुम्‍थ लमाक्‍त।
GEN 34:2 हिव्‍वी ङा हमोर आ तौ शेकेम, मेको रागी ङा पिप आ तौमी दीना कली तशा, ग्‍याइश्‍शा मेको नु इप्‍‍शा, बिथोलो पवा बाक्‍त। न्‍यायाधीस ९:२८
GEN 34:3 मिनु याकूब आ तमी दीना कली शुश दाक्‍शा, रिम्‍शो लोव़ पवा बाक्‍त।
GEN 34:4 मिनु शेकेममी आ आफ कली “मेको मीश आल आं कली चाक्‍कीन” दे मदा बाक्‍त।
GEN 34:5 मिनु याकूबमी “शेकेममी इन तमी दीना कली बिथोलो पाप्‍तु” देंशो नेना बाक्‍त। आ तौपुकी चहिं रू ङा गोठीम बाक्‍मा बाक्‍त। याकूब आ तौपुकी मजाक्‍मा सम्‍म सिक्‍सी पा बाक्‍माक्‍त।
GEN 34:6 मिनु शेकेम आ आफ हमोर याकूब नु लोव़ पचा कली जाक्‍माक्‍त।
GEN 34:7 मिनु मेको नेंशा, याकूब आ तौपुकी यो रू रे जाक्‍मा बाक्‍त। आन थुं मनुथु, शुश चुरमा बाक्‍त। मारदे हना शेकेमम इस्राएल आ तमी नु इप्‍‍शा, बिथोलो पशो बाक्‍माक्‍त। मो पचा मदुम्‍शो बाक्‍माक्‍त।
GEN 34:8 मिनु हमोरमी इस्राएल कली “आं तौ शेकेममी इन तमी कली शुश दाक्‍ब, चाक्‍चा गेने।
GEN 34:9 मिनु आंइ तमीपुकी इन तौपुकीमी चाक्‍ग्‍मेक्‍ल। इन तमीपुकी आंइ कली चाक्‍चा गेने।
GEN 34:10 गे गोपुकी नु बाक्‍कीन। आंइ रागी इन कली ग्‍याप्‍चा लेयचा, बाक्‍चा कली गेनीकी” देंमाक्‍त।
GEN 34:11 मिनु शेकेममी मीश आल आ आफ याकूब नु आ लोक्‍ब आन कली “इन ङोंइती शिशी तङल। गे मार देंनीनी इन कली गेनुङ।
GEN 34:12 मेको मीश आल चाक्‍चा गेतीनी हना, गो इन माल्‍शो मारेइ मारेइ गेनुङ” देंमाक्‍त। प्रस्‍थान २२:१५
GEN 34:13 याकूब आ तौपुकीमी आन समी कली बिथोलो पाइब, शेकेम नु आ आफ हमोर आस कली जोल पा
GEN 34:14 “गो आंइ समी ख्रोइक्‍तीक चिनु मख्रोइश्‍शो मुर आन कली गेने मचाप्‍नीकी। मेको आंइ कली मशिरब।
GEN 34:15 गे आंइ खोदेंशो पा वोंइश आल वोंइश मुर नेल्‍लेमी ख्रोइक्‍तीक चिनु ख्रोइक्‍तीनी हना, उत्‍पत्ती १७:१०-१४
GEN 34:16 आंइ तमीपुकी इन कली लाइक्‍चा गेनीकी। मिनु इन तमीपुकी गो चाक्‍नीकी। मिनु गो गेपुकी नु बाक्‍शा, मुर का खोदेंशो दुम्‍नीकी।
GEN 34:17 गेपुकी आंइ देंशो मबिस्‍साक्‍नी हना, आंइ तमी लाइश्‍शा, गाक्‍नीकी” दे लोव़ पामे बाक्‍त।
GEN 34:18 मिनु हमोर नु आ तौ शेकेम मेको आस देंशो नेंशा, ग्‍येरससा बाक्‍त।
GEN 34:19 मिनु मेको ठिटा मेको पचा बिस्‍से बाक्‍त। मारदे हना याकूब आ तमी कली शुश दाक्‍ता बाक्‍त। मेको आ आफ आ खिं ङा नेल्‍ल क्‍येङा मान ताइब बाक्‍माक्‍त।
GEN 34:20 मिनु हमोर नु आ तौ शेकेम आस सहर ङा लाप्‍चो ओव़शा, मेको निक्‍शीमी मुर आन कली
GEN 34:21 “एको मुरपुकी गो नु दुशा बाक्‍चा दाक्‍नीम। मोपतीके एक बाक्‍चा गेने। मारदे हना इं रागी ठेयब बाक्‍ब। मेको आन कली यो गारब। गोपुकी मेको आन तमी चाक्‍य। इं तमी मेको आन कली गेय।
GEN 34:22 गो वोंइश मुर नेल्‍ल ख्रोइक्‍तीक चिनु ख्रोइक्‍साक्‍य हना ला, मेकोपुकी गो नु बाक्‍ने बित्‍नीम।
GEN 34:23 मार, मेको आन बी ब्‍यफ, क्‍यारश भेडा नु आन शोंप नेल्‍ल इं के मदुम्‍बा ङा? गो मेको आन लोव़ बिश्‍शा हना, इं दातेमी बाक्‍नीम” देंसा बाक्‍त।
GEN 34:24 मिनु सहर ङा मुर नेल्‍ल हमोर नु शेकेम आस लोव़ टिशा, ख्रोइक्‍तीक चिनु ख्रोइक्‍चा गेमे बाक्‍त। सहर नेल्‍ल ङा वोंइश मुरुम मोदेंशो पामे बाक्‍त।
GEN 34:25 मिनु नाक्‍त सां नोले आन ख्रोइक्‍तीके नेल्‍ल क्‍येङा खाइक्‍मानु, याकूब आ तौ निक्‍शी, दीना आ लोक्‍ब, सिमियोन नु लेवी, आस तरवार लाइश्‍शा, सुइ आन मतुइक्‍थु, सहर ओव़शा, सहर ङा वोंइश मुर नेल्‍ल सदसे बाक्‍त। उत्‍पत्ती ४९:५-७
GEN 34:26 मिनु मेको निक्‍शीमी हमोर नु शेकेम आस कली यो साइश्‍शा, दीना शेकेम आ खिं रे ग्रुंइशा, लदसे बाक्‍त।
GEN 34:27 मिनु याकूब आ अर्को तौपुकी यो सहर ओव़मा बाक्‍त। मेकोपुकीमी सहर ङा मारेइ मारेइ लदमे बाक्‍त। मारदे हना शेकेममी आन समी कली बिथोलो पवा बाक्‍त।
GEN 34:28 मिनु आन क्‍यारश भेडा, बी ब्‍यफ, गधा नु मार मार सहर नु आन रूमी बाक्‍मा, मेको नेल्‍ल लदमे बाक्‍त।
GEN 34:29 आन शोंप नेल्‍ल, आन आलपुकी, आन मीश नु आन खिं ङा मारेइ मारेइ नेल्‍ल लदमे बाक्‍त।
GEN 34:30 मिनु याकूबमी सिमियोन नु लेवी आस कली “गे आं कली श्‍येत गेतीसी। मुल एको रागी ङा मुरुमी आं कली मदाक्‍नीम। कनानी नु परि‍ज्‍जी आन दातेम आं कली मरिम्‍शो रिना पाइश्‍शो खोदेंशो सेल्‍तीसी। गोपुकी नु शुश मुर मबाक्‍नीम। इं कली लडाइ तोशा, इं खिं ङा मुर नेल्‍ल साइक्‍नीम” दे मेको आस कली हुइक्‍तीम्‍सी बाक्‍त।
GEN 34:31 मिनु मेको निक्‍शीमी “मार, मेकोमी आंस समी कली तेल्‍लेम खोदेंशो सेल्‍चा दुम्‍बा?” देंसा बाक्‍त।
GEN 35:1 मिनु परमप्रभुमी याकूब कली “बोक्‍शा सासो। बेथेल सहर लावो। मिनु मेकेर बाक्‍को। इ लोक्‍ब एसाव रे प्रोक्‍ङेनु, इ ङोंइती ग्रूशो परमप्रभु, आं कली, चढ़ेतीक का सेलो” दे मदा बाक्‍त। उत्‍पत्ती २८:११-२२; उत्‍पत्ती ३१:१३
GEN 35:2 मिनु याकूब आ खिं ङा मुर नु आ बाक्‍शो मुर नेल्‍ल आन कली “इन गुइमी बाक्‍शो मूर्ति ताइक्‍तीन। इन फेक्‍शो वा प्रुइश्‍शा, चिक्‍शा, अर्को फेक्‍सीन। उत्‍पत्ती ३१:१९; ब्‍यवस्‍था २७:१५; यहोसु २४:२३
GEN 35:3 मिनु बोक्‍य, बेथेल लय। गो मेकेर जाक्‍दीश्‍शा, परमप्रभु कली चढ़ेतीक का सेल्‍नुङ। गो श्‍येत जङानु, आं पुंइशो गेप्‍तु। गो ते गाक्‍ती हना यो, मेको गो नु बाक्‍त” दे माइक्‍मी बाक्‍त।
GEN 35:4 मिनु मेकोपुकीमी याकूब कली आन मूर्ति नु आन पांइशो मारवाडी नेल्‍ल गेमे बाक्‍त। याकूबमी मेको नेल्‍ल शेकेम आ नेक्‍था बाक्‍शो रवा आगाम थिमा बाक्‍त। यहोसु २४:२६; न्‍यायाधीस ९:६
GEN 35:5 मिनु मेकोपुकी लचा गोव़मे बाक्‍त। परमप्रभुमी एर ओंथ ङा सहर ङा मुर आन कली हिंब सेल्‍मी बाक्‍त। मोपतीके मेकोपुकीमी मेको आन कली खेदा मपामे बाक्‍त। प्रस्‍थान २३:२७; यहोसु १०:१०
GEN 35:6 मिनु लशा, याकूब नु मेको नु बाक्‍ब मुर नेल्‍ल कनान रागी ङा लूज सहर जाक्‍दीम्‍मा बाक्‍त। लूज सहर कली बेथेल नें वोइश्‍शो बाक्‍माक्‍त।
GEN 35:7 याकूबम मेकेर चढ़ेतीक का सेला बाक्‍त। मेको आ नें एल-बेथेल वोदा बाक्‍त। मारदे हना आ लोक्‍ब एसाव रे प्रोक्‍मेनु, मेकेर परमप्रभुम तपांइसीशो बाक्‍माक्‍त।
GEN 35:8 मेना रेबेका कली कोव़ब देबोरा बेक्‍माक्‍त। मिनु मेको कली बेथेल आ नेक्‍था, रवा आगामी थिम्‍मे बाक्‍त। मेको कली याकूबम अल्‍लोन-बकुथ नें वोदा बाक्‍त। मेको आ अर्थ ङाक्‍चा ङा रवा बाक्‍ब। उत्‍पत्ती २४:५९
GEN 35:9 पदान-अराम रे लेम्‍मेनु, परमप्रभुमी याकूब कली लेंशा ग्रुम्‍शा, मेको कली आसीक गेशा
GEN 35:10 “इ नें याकूब बाक्‍ब। तन्‍न मुल रे याकूब मदेंचा, इ नें इस्राएल दुम्‍चा माल्‍ब” देंमाक्‍त। मोपतीके इस्राएल नें वोइश्‍शो बाक्‍माक्‍त। उत्‍पत्ती ३२:२९
GEN 35:11 मिनु परमप्रभुमी मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे सोशा बोशा, शुश दुमीने। गे रे रागी का ङा शुश मुर नु रागी रागी ङा मुर यो दुम्‍नीम। गे रे पिपपुकी दुम्‍नीमी। उत्‍पत्ती १७:१; उत्‍पत्ती २८:३-४; उत्‍पत्ती १७:६
GEN 35:12 अब्राहाम नु इसहाक कली गेशो रागी गो इ कली नु इ चच युइ आन कली गेनुङ” देंमाक्‍त।
GEN 35:13 मिनु परमप्रभुमी लोव़ पने थुम्‍शा, मेको आ बाक्‍तीक रे लमाक्‍त।
GEN 35:14 मिनु याकूबमी परमप्रभु नु लोव़ पशो मिम्‍चा कली मेकेर फुल्‍लु का राप्‍पदा बाक्‍त। मिनु मेको आ तारी तूचा थोव़क चढ़ेतीक नु तेल लुक्‍ता बाक्‍त। उत्‍पत्ती २८:१८-१९
GEN 35:15 याकूबमी परमप्रभु नु लोव़ पतीक सहर कली बेथेल नें वोदा बाक्‍त।
GEN 35:16 मिनु बेथेल रे एफ्राथ जाक्‍दीत्‍चा कली गाक्‍शो बाक्‍मा बाक्‍त। मेना राहेल आल थिचा चिक्‍शो बाक्‍माक्‍त।
GEN 35:17 सुत्‍केरी रोइम शुश श्‍येत जवानु, आ वारच पाइब मीश मुरुमी “महिनो, गे अर्को तौ का नु थीनेवे” दे लोव़ पवा बाक्‍त। उत्‍पत्ती ३०:२४
GEN 35:18 मिनु मेको मबेक्‍थु, आ सोक्‍त लची ना आ तौ आ नें बेन-ओनी वोदा बाक्‍त। आ आफोम चहिं आ नें बेन्‍यामीन वोदा बाक्‍त। मेको आ अर्थ आं श्‍येत ङा तौ बाक्‍ब।
GEN 35:19 मिनु राहेल बेक्‍माक्‍त। मिनु एफ्राथ लतीक लांमी थिम्‍मे बाक्‍त। एफ्राथ बेथलेहेम सहरम बाक्‍ब। उत्‍पत्ती ४८:७; १सामुएल १०:२; येरमीया ३१:१५; मत्ती २:१८
GEN 35:20 मिनु याकूबमी आ थिम्‍तीक तारी फुल्‍लु के थाम का राप्‍पदा बाक्‍त। मुल सम्‍म राहेल आ थिम्‍तीके तारी मेको ठेयब फुल्‍लु के थाम बाक्‍ब।
GEN 35:21 मिनु इस्राएल लना लन, आ ताम्‍बु एदेर माइश्‍शो लाइश्‍शो खिं आ नेक्‍था कीङा बाक्‍त।
GEN 35:22 मिनु इस्राएल मेको रागीमी बाक्‍मेनु, आ तौ रूबेन आ आफ आ मीश बिल्‍हाह नु इम्‍‍माक्‍त। मिनु इस्राएलमी मेको नेना बाक्‍त। उत्‍पत्ती ४९:४
GEN 35:23 लेआ आ तौ रूबेन, याकूब आ ङोंइती जरमेशो तौ बाक्‍माक्‍त। सिमियोन, लेवी, यहूदा, इस्‍साकार नु जबूलून नेल्‍ल लेआ आ तौ बाक्‍मा बाक्‍त।
GEN 35:24 राहेल आ तौ योसेफ नु बेन्‍यामीन बाक्‍सा बाक्‍त।
GEN 35:25 राहेल आ गेय पाइब बिल्‍हाह आ तौ दान नु नाप्‍ताली बाक्‍सा बाक्‍त।
GEN 35:26 लेआ आ गेय पाइब जिल्‍पा आ तौ गाद नु आशेर बाक्‍सा बाक्‍त। मेको नेल्‍ल पदान-अराममी जरमेशो याकूब आ तौ बाक्‍मा बाक्‍त।
GEN 35:27 मिनु याकूब, आ आफ इसहाक आ खिं माम्रे जाक्‍दीम्‍माक्‍त। मेको कली किरयथ-अरबा सहर नु हेब्रोन यो देंनीम। मेको अब्राहाम नु इसहाक आस बाक्‍तीक रागी बाक्‍माक्‍त।
GEN 35:28 मिनु इसहाक सहे का ८० बर्स दुम्‍माक्‍त।
GEN 35:29 मिनु इसहाक शुश बर्स ङा खाल्‍पा दुम्‍शा बेक्‍माक्‍त। आ क्‍येङा ङोंइती बेक्‍शो किकी पिपी आन बाक्‍तीक लमाक्‍त। मिनु आ तौ एसाव नु याकूबम मेको कली थिम्‍से बाक्‍त।
GEN 36:1 एको एसाव आ चच युइ बाक्नीम। एसाव कली एदोम यो देंनीम। उत्‍पत्ती २५:३०; ब्‍यवस्‍था २३:८
GEN 36:2 एसावमी कनान रागी ङा मीश निक्‍शी चाक्‍गा बाक्‍त। का हित्ती ङा एलोन आ तमी आदाह, अर्को होर ङा हिव्‍वी सिबोन आ तौ अनाह आ तमी ओहोली-बामा बाक्‍माक्‍त। उत्‍पत्ती २६:३४
GEN 36:3 मिनु इश्‍माएल आ तमी बासेमाथ, नेबायोथ आ समी यो चाक्‍गा बाक्‍त। उत्‍पत्ती २८:९
GEN 36:4 मिनु आदाहमी एसाव के एलीफाज थि‍माक्‍त। बासेमाथमी रूएल थि‍माक्‍त।
GEN 36:5 ओहोली-बामामी येऊश, यालाम नु कोराह थि‍माक्‍त। मेकोपुकी कनान रागीम जरमेशो एसाव आ तौ बाक्‍मा बाक्‍त।
GEN 36:6 मिनु एसावमी आ मीशपुकी, आ तौपुकी, आ तमीपुकी, आ खिं ङा मुर नेल्‍ल, आ बी ब्‍यफ नु बस्‍तु भाव नेल्‍ल कनान रागीम चेम्‍‍शो शोंप नेल्‍ल लाइश्‍शा, याकूब रे ङोन अर्को रागी लमाक्‍त।
GEN 36:7 मारदे हना शुश शोंप दुम्‍तीके, बस्‍तु भाव शुश दुम्‍तीके, काथा बाक्‍ने मचाप्‍से बाक्‍त। मिनु आस बाक्‍शो रागीम शुश बस्‍तु भाव दुम्‍तीके थुल्‍ने मचाप्‍मे बाक्‍त। उत्‍पत्ती १३:६
GEN 36:8 मिनु मेको एदोम माइश्‍शो एसाव सेइर ङा पहाड लशा बाक्‍माक्‍त।
GEN 36:9 एसाव आ चच युइ सेइर पहाड ङा एदोमी माइश्‍शो सु सु बाक्‍मा बाक्‍त देंशा हना,
GEN 36:10 एसाव आ मीश आदाह आ तौ एलीफाज, आ मीश बासेमाथ आ तौ रूएल बाक्‍माक्‍त।
GEN 36:11 मिनु एलीफाज आ तौपुकी तेमान, ओमार, सेफो, गाताम नु केनाज बाक्‍मा बाक्‍त।
GEN 36:12 एसाव आ तौ एलीफाज आ कान्‍छी मीश तिम्‍ना बाक्‍माक्‍त। मेकोमी अमालेक थि‍माक्‍त। मेकोपुकी एसाव आ मीश आदाह आ तौपुकी बाक्‍मा बाक्‍त।
GEN 36:13 मिनु रूएल आ तौपुकी नाहाथ, जेराह, शम्‍माह नु मिज्‍जा बाक्‍मा बाक्‍त। मेको एसाव आ मीश बासेमाथ आ तौपुकी बाक्‍मा बाक्‍त।
GEN 36:14 मिनु सिबोन आ तौ अनाह आ तमी, एसाव आ मीश ओहोली-बामा आ तौपुकी येऊश, यालाम नु कोराह बाक्‍मा बाक्‍त।
GEN 36:15 मिनु एसाव आ तौ आन दाते ङा ठेयब मुर सु सु बाक्‍मा बाक्‍त देंशा हना, आ ङोंइती जरमेशो तौ एलीफाज आ तौ तेमान, ओमार, सेफो नु केनाज,
GEN 36:16 कोराह, गाताम नु अमालेक, एलीफाजमी एदोम रागीमी थिशो आदाह आ तौ बाक्‍मा बाक्‍त।
GEN 36:17 मिनु एसाव आ तौ रूएल आ तौ आन दाते ङा ठेयब मुर नाहाथ, जेराह, शम्‍माह नु मिज्‍जा बाक्‍मा बाक्‍त। मेकोपुकी रूएलमी एदोम रागीमी थिशो, एसाव आ मीश बासेमाथ आ तौ बाक्‍मा बाक्‍त।
GEN 36:18 मिनु एसाव आ मीश ओहोली-बामा आ तौ आन दाते ङा ठेयब मुर येऊश, यालाम नु कोराह बाक्‍मा बाक्‍त। मेकोपुकी अनाह आ तमी, एसाव आ मीश ओहोली-बामाम, जरमेशो बाक्‍मा बाक्‍त।
GEN 36:19 मेकोपुकी एदोम माइश्‍शो एसाव आ तौ आन दाते ङा ठेयब मुर बाक्‍मा बाक्‍त।
GEN 36:20 मिनु ङोंइती मेको रागीम बाक्‍ब सेइर आ तौ होरीपुकी सु सु बाक्‍मा बाक्‍त देंशा हना, लोतान, शोबाल, सिबोन, अनाह उत्‍पत्ती १४:६; ब्‍यवस्‍था २:१२,२२
GEN 36:21 दीशोन, एजेर नु दीशान बाक्‍मा बाक्‍त। मेकोपुकी एदोम रागी ङा सेइर आ तौ होरी आन दाते ङा ठेयब मुर बाक्‍मा बाक्‍त।
GEN 36:22 लोतान आ तौ होरी नु हेमान बाक्‍सा बाक्‍त। लोतान आ समी तिम्‍ना बाक्‍माक्‍त।
GEN 36:23 शोबाल आ तौपुकी अल्‍वान, मानाहाथ, एबाल, शेफो नु ओनाम बाक्‍मा बाक्‍त।
GEN 36:24 सिबोन आ तौ आइयाह नु अनाह बाक्‍सा बाक्‍त। मिनु अनाहमी आ आफ सिबोन आ गधा योव़दीमेनु, गोरशो रागीमी होश ब्‍वाक्‍कु बुक्‍तीके थिदा बाक्‍त।
GEN 36:25 अ‍नह आ आल दीशोन नु आ तमी ओहोली-बामा बाक्‍सा बाक्‍त।
GEN 36:26 मिनु दीशोन आ तौपुकी हेम्‍दान, एश्‍बान, इथ्रान नु केरान बाक्‍मा बाक्‍त।
GEN 36:27 एजेर आ तौपुकी बिल्‍हान, जावान नु अकान बाक्‍मा बाक्‍त।
GEN 36:28 दीशान आ तौ ऊज नु अरान बाक्‍सा बाक्‍त।
GEN 36:29 होरी आन दाते ङा ठेयब मुरपुकी लोतान, शोबाल, सिबोन, अनाह,
GEN 36:30 दीशोन, एजेर नु दीशान बाक्‍मा बाक्‍त। मेको सेइर रागी ङा होरी आन ठेयब मुर बाक्‍मा बाक्‍त।
GEN 36:31 ङोंइती इस्राएल ङा मुर आन पिप मबाक्‍शो बाक्‍माक्‍त। एदोम रागीमी चहिं सासन पाइब पिपपुकी बाक्‍मा बाक्‍त।
GEN 36:32 मिनु बेओर आ तौ बेलामी एदोम रागीमी सासन पवा बाक्‍त। मिनु मेको आ सहर आ नें दिनहाबा बाक्‍माक्‍त।
GEN 36:33 मिनु बेला बेक्‍शा नोले बोज्रा ङा जेराह आ तौ योबाब मेकेर ङा पिप दुम्‍माक्‍त।
GEN 36:34 मिनु योबाब बेक्‍शा नोले तेमान आ मुर आन रागी ङा हुशाम पिप दुम्‍माक्‍त।
GEN 36:35 मिनु हुशाम बेक्‍म नोले बेदाद आ तौ हादाद पिप दुम्‍माक्‍त। मेकोमी मोआब रागीमी मिदयानी नु लडाइ पशा ग्रामाक्‍त। आ सहर आ नें अवीथ बाक्‍माक्‍त।
GEN 36:36 मिनु हादाद बेक्‍म नोले मास्रेकाह ङा सम्‍ला पिप दुम्‍माक्‍त।
GEN 36:37 मिनु सम्‍ला बेक्‍म नोले युफ्रेटीस खोला आ नेक्‍था बाक्‍शो रेहोबोथ ङा शावल पिप दुम्‍माक्‍त।
GEN 36:38 मिनु शावल बेक्‍म नोले आकबोर आ तौ बाल-हनान पिप दुम्‍माक्‍त।
GEN 36:39 मिनु आकबोर आ तौ बाल-हनान बेक्‍म नोले हादार पिप दुम्‍माक्‍त। आ सहर आ नें पाहु बाक्‍माक्‍त। आ मीश मेहेताबेल बाक्‍माक्‍त। मेको मात्रेद आ तमी बाक्‍माक्‍त। मात्रेद चहिं मे-जाहाब आ तमी बाक्‍माक्‍त।
GEN 36:40 एसाव रे पिशो थर आन खिं नु आन बाक्‍तीके तेको बाक्‍मा बाक्‍त देंशा हना, तिम्‍ना, अल्‍वाह, येथेथ,
GEN 36:41 ओहोली-बामा, एलाह, पिनोन,
GEN 36:42 केनाज, तेमान, मिब्‍सार,
GEN 36:43 मग्‍दीएल नु यिराम बाक्‍मा बाक्‍त। मेको एदोम आ थर आन बाक्‍तीक बाक्‍मा बाक्‍त। एसाव एदोमी आन किकी पिपी बाक्‍माक्‍त।
GEN 37:1 याकूब आ आफ अर्को रागीम बाक्‍शो खोदेंशो पा याकूब यो कनान रागीम बाक्‍शो बाक्‍माक्‍त।
GEN 37:2 एको याकूब आ खिं ङा मुर आन कथा बाक्‍ब। योसेफ १७ बर्स दुम्‍शा आ लोक्‍ब आन क्‍यारश भेडा गोठ ङा गोठला बाक्‍माक्‍त। आ आफ आ मीश बिल्‍हाह नु जिल्‍पा आस तौ कली वारच पाइब बाक्‍माक्‍त। मिनु योसेफमी मेको आन मरिम्‍शो पशो आ आफ कली शोव़बाक्‍माक्‍‍त।
GEN 37:3 इस्राएलमी नेल्‍ल क्‍येङा योसेफ कली दाक्‍शो बाक्‍माक्‍त। मारदे हना मेकोमी खाल्‍पा दुम्‍शा थि‍माक्‍त। मिनु योसेफ कली दारशो फेक्‍तीके का फेरपदा बाक्‍त।
GEN 37:4 मिनु आ लोक्‍बपुकीमी “आफोम नेल्‍ल क्‍येङा योसेफ कली दाक्‍‍ताक्‍व” दे तुइश्‍शा, योसेफ कली मदाक्‍तमे बाक्‍त। मिनु योसेफ नु रिम्‍शो लोव़ यो मपामे बाक्‍त।
GEN 37:5 काबु नाक्‍दो योसेफमी ङोमु का तवा बाक्‍त। मिनु योसेफमी आ लोक्‍ब आन कली शेंदीमी बाक्‍त। मिनु मेकोपुकीमी ङोंइती क्‍येङा मदाक्‍तमे बाक्‍त।
GEN 37:6 योसेफमी मेको आन कली “गो सिनाक्‍दो ङोमु का ताता।
GEN 37:7 गो नेल्‍ल रूमी चेरब मुठा फ्रेंशा बाक्‍तय। मिनु आं मुठा बोक्‍शा राप्‍त। मिनु इन मुठापुकी एर ओंथ बाक्‍शा, आं मुठा कली सेउ पाम्‍तेक्‍मे” देंमाक्‍त।
GEN 37:8 आ लोक्‍बपुकीम “गे आंइ कली अरेब दुम्‍नेवे? आंइ कली हुकुम पाइब दुम्‍नेवे?” दे गाइश्‍शा देंमा बाक्‍त। मिनु योसेफ कली आ ङोमु नु आ देंशो आ पर्बम ङोंइती क्‍येङा मदाक्‍तमे बाक्‍त।
GEN 37:9 मिनु नोले योसेफम लेंशा अर्को ङोमु तवा बाक्‍त। मिनु आ लोक्‍ब आन कली “नेनीन, गो अर्को ङोमु का यो ताता। नां, तास्‍ला नु ११ ओटा सोरुलपुकीम आं कली सेउ पाइक्‍तीमी” देंमाक्‍त।
GEN 37:10 मेको ङोमु आ आफ नु आ लोक्‍ब आन कली शेंदीमीनु, आ आफोमी “मार ङोमु तवी? गो, इ ममा नु इ लोक्‍बपुकी इ ङोंइती थमा पा खुम्‍की पा बाप्‍चा माल्‍नीकी?” दे हुइक्‍ता बाक्‍त।
GEN 37:11 मिनु आ लोक्‍बपुकीमी योसेफ कली मदाक्‍तमे बाक्‍त। आ आफोम चहिं योसेफ आ देंशो मिम्‍शा आ थुंमी वोदा बाक्‍माक्‍त।
GEN 37:12 मिनु योसेफ आ लोक्‍बपुकी क्‍यारश भेडा योव़चा कली शेकेम माइश्‍शो रागीमी बाक्‍शो बाक्‍मा बाक्‍त। उत्‍पत्ती ३३:१८-१९
GEN 37:13 इस्राएलमी योसेफ कली “इ लोक्‍बपुकी शेकेम नेक्‍थान क्‍यारश भेडा योव़नीम। गो इ कली शेकेम सोइक्‍नन” देंमाक्‍त। मिनु योसेफम “लो, गो लाइनुङ” देंमाक्‍त।
GEN 37:14 मिनु “लावो, इ लोक्‍ब नु क्‍यारश भेडा नेल्‍ल रिम्‍शो बाक्‍मा कों, दोदेंशो पा बाक्‍मा, कोव़थ लावो। मिनु कोव़शा, शेंदी” देंमाक्‍त। मिनु योसेफ कली हेब्रोन बेंसी रे सोइक्‍तानु, शेकेम गे लमाक्‍त। उत्‍पत्ती ३५:२७
GEN 37:15 मिनु योसेफमी लेखमी मुर का ग्रुमाक्‍त। मिनु मेकोमी “गे मार मली?” दे हिल्‍लो पवा बाक्‍त।
GEN 37:16 मिनु योसेफमी “आं लोक्‍ब आन कली माल्‍थ गाक्‍ती। क्‍यारश भेडा ते योव़शो बाक्‍मा, तुइक्‍ती?” दे हिल्‍लो पवा बाक्‍त।
GEN 37:17 मिनु मेको मुरुमी “मेकोपुकी एकेर रे लाम्‍तेक्‍मे। ‘दोथान लचा’ देंशो नेंता” देंमाक्‍त। मिनु योसेफम आ लोक्‍ब आन कली दोथानम थिम्‍मी बाक्‍त।
GEN 37:18 मिनु आ लोक्‍बपुकीम योसेफ कली ङोन रे पिशो तशा, आन नेक्‍था जाक्‍चा क्‍येङा ङोंइती “मेको कली साइक्‍चा” दे सल्‍ला पामे बाक्‍त।
GEN 37:19 मिनु मेकोपुकीमी “कोव़ङीन, ङोमु ताइब जाक्‍त।
GEN 37:20 मुल मेको कली साइय्‍य। मिनु ढोडोङगा कामी पिक्‍य। मिनु ‘जन्‍तुम साइश्‍शा ब्‍वाप्‍तु’ देंय। आ ङोमु तशो गाप्‍बाक्‍म कों, मगाप्‍बाक्‍म तुइक्‍नय” देंमुमा बाक्‍त।
GEN 37:21 मिनु रूबेनमी मेको आन लोव़ नेंशा, मेको कली “मसाइय्‍य” देंमाक्‍त। मेकोमी “आ लोक्‍बपुकी रे प्रोंइनुङ” दे मिम्‍ता बाक्‍त। उत्‍पत्ती ४२:२२
GEN 37:22 रूबेनमी मेको आन कली “मसतीने। लेख ङा ढोडोङगा कामी ताइक्‍चा” दे माइक्‍मी बाक्‍त। मारदे हना योसेफ कली आन गुइ रे प्रोंइशा, आफ आ खिं सोइक्‍नुङ, दे मिम्‍ता बाक्‍त।
GEN 37:23 मिनु योसेफ आ लोक्‍ब आन बाक्‍तीके जाक्‍मेनु, मेकोपुकीमी आ नक फेरशो रिम्‍शो फेक्‍तीक वा प्रुइक्‍तमे बाक्‍त।
GEN 37:24 मिनु लेख ङा ढोडोङगा कामी पिक्‍गमे बाक्‍त। मेको ढोडोङगाम ब्‍वाक्‍कु मबाक्‍शो बाक्‍माक्‍त।
GEN 37:25 मिनु शोब्‍ले जथ निस्‍सीमा बाक्‍त। मिनु कोव़ङमेनु, गिलाद सहर रे इश्‍माएल जात ङा ग्‍याप्‍ब लेयब मुर नु आन दलओंठपुकी पिशो तामे बाक्‍त। मेको आन दलओंठपुकीमी मस्‍लापुकी, ख्रेक्‍तीकपुकी नु धूप इजीप्‍तमी लेयचा कली लाइक्‍बाक्‍मा बाक्‍त।
GEN 37:26 मिनु यहूदामी आ लोक्‍ब आन कली “इं लोक्‍ब साइश्‍शा, जोल पचा, मार रिम्‍शो दुम्‍बा ङा?
GEN 37:27 नेनीन, इश्‍माएल आ मुर आन कली लेयशा सोइक्‍तय, मसाइय्‍य। मारदे हना इं लोक्‍ब, इं आंम मुर बाक्‍ब” देंमाक्‍त। मिनु आ लोक्‍बपुकी बिस्‍समा बाक्‍त।
GEN 37:28 मिदयान ङा इश्‍माएली ग्‍याप्‍ब लेयब मुर पिना पिन बाक्‍मा बाक्‍त। मिनु योसेफ कली ढोडोङगा रे फेश्‍शा, इश्‍माएली आन कली चांदी के २० शेकेलम लेयङमे बाक्‍त। मिनु मेकोपुकीमी योसेफ कली इजीप्‍त लदमे बाक्‍त। शेकेल का ११.५ ग्राम, तोला खोदेंशो बाक्‍ब।उत्‍पत्ती २५:२; लेवी २७:१-८
GEN 37:29 मिनु रूबेनमी योसेफ प्रोंइचा कली मेको ढोडोङगा लशा कोव़ङानु, योसेफ कली मथित्‍थु, सुर्ता पा, आ वा खाक्‍गा बाक्‍त।
GEN 37:30 मिनु आ लोक्‍ब आन कली “मेको आल मबा। दोपा आ आफ आ ङोंइती जाक्‍दीत्‍नुङा?” दे लोव़ पवा बाक्‍त।
GEN 37:31 मिनु मेकोपुकीमी योसेफ आ फेक्‍शो वा लाइश्‍शा, पाठा का क्‍योरशा, आ फेक्‍शो वा हुशेम ख्रुम्‍मे बाक्‍त।
GEN 37:32 मिनु मेको फेरशो फेक्‍शो वा आन आफ कली लाइश्‍शा गेमे बाक्‍त। मेकोपुकीमी आन आफ कली “कोव़ङीन, एको वा थित्‍तक। इन तौ आ फेक्‍शो वा कों?” दे हिल्‍लो पामे बाक्‍त।
GEN 37:33 मिनु मेको वा तशा “आं तौ आ फेक्‍शो वा बाक्‍‍त, दे तुइक्‍ता बाक्‍त। मिनु ब्‍वाकी ङा जन्‍तुमी मेको कली साइश्‍शा, नेक्‍ग्‍मे बाक्‍त” दे ङाक्‍माक्‍त। उत्‍पत्ती ३७:२०
GEN 37:34 मिनु याकूबम आ फेक्‍शो वा खाक्‍शा, अरन्‍डी फेक्‍शा, शुश नाक्‍ती रोंका पवा बाक्‍त।
GEN 37:35 आ तमी तौ आन आफ कली लेम्‍थ जाक्‍मा बाक्‍त। मिनु याकूबमी “गो आं बेक्‍ची ना सम्‍म आं तौ कली रोंका पाइनुङ” दे लेम्‍चा मगेमी बाक्‍त। मोपा आ आफ योसेफ आ पर्बम ङाक्‍माक्‍त।
GEN 37:36 मिनु मेको मिदयान ङा मुरपुकीमी योसेफ कली इजीप्‍त रागी ङा फाराओ आ नेल्‍ल क्‍येङा ठेयब गेय पाइब पोतीफर कली लेयङमे बाक्‍त।
GEN 38:1 मिनु नोले यहूदा आ लोक्‍बपुकी रे लशा, अदुल्‍लाम सहर ङा हीरा माइश्‍शो मुर आ बाक्‍तीक लमाक्‍त।
GEN 38:2 मेकेर बाक्‍शा, यहूदामी कनानी शुआ नें पाइश्‍शो मुर आ तमी तवा बाक्‍त। मिनु मेको चाक्‍शा, मेको नु बाक्‍माक्‍त।
GEN 38:3 मिनु मेकोमी कोव़ज कुरशा, तौ का थि‍माक्‍त। मेको आ नें एर वोदा बाक्‍त।
GEN 38:4 मिनु लेंशा कोव़ज कुरशा, अर्को तौ का नु थि‍माक्‍त। मेको आ नें ओनान वोदा बाक्‍त।
GEN 38:5 मेकोमी लेंशा कोव़ज कुरशा, अर्को तौ का नु थि‍माक्‍त। मेको आ नें शेलाह वोदा बाक्‍त। मेको आल थिची ना यहूदा केसीब माइक्‍तीकेमी बाक्‍शो बाक्‍माक्‍त।
GEN 38:6 मिनु यहूदामी आ ङोंइती जरमेशो तौ एर कली मीश आल का चाक्‍गा बाक्‍त। मेको आ नें तामार बाक्‍माक्‍त।
GEN 38:7 यहूदा आ ङोंइती जरमेशो तौ एरमी परमप्रभु यावे आ ङोंइती मरिम्‍शो पना पन बाक्‍माक्‍त। मिनु परमप्रभु यावेमी मेको कली सदा बाक्‍त।
GEN 38:8 मिनु यहूदामी ओनान कली “रिउम पतीक गेय पा इ लोक्‍ब आ मीश नु बाक्‍को। इ लोक्‍ब कली आल सेलो” दे मदा बाक्‍त। ब्‍यवस्‍था २५:५-१०
GEN 38:9 मिनु ओनानमी आ आल मदुम्ब, दे तुइश्‍शा, आ लोक्‍ब आ मीश नु बाक्‍ची ना आ लोक्‍ब आ आल मसेल्‍चा, दे आ वांचेर खपीम ताइक्‍बाक्‍माक्‍त।
GEN 38:10 मिनु मेको कली मो पशो तशा, परमप्रभु यावेमी मेको कली मदाक्‍शो बाक्‍माक्‍त। मोपतीके मेको कली यो सदा बाक्‍त।
GEN 38:11 मिनु यहूदामी आ चाइमी तामार कली “इ आफ आ खिंम बाक्‍शा, शेलाह मकोल्‍म सम्‍म रिम्‍दो” दे लेम्‍दा बाक्‍त। मारदे हना यहूदामी “मेको नु बाक्‍शा, आ लोक्‍ब निक्‍शी खोदेंशो पा, अर्को यो बेक्‍बा कों” दे मिम्‍ता बाक्‍त। मिनु तामार आ आफ आ खिं लमाक्‍त।
GEN 38:12 मिनु नोले शुआ आ तमी, यहूदा आ मीश बेक्‍माक्‍त। मिनु आ रोंका पतीक नुम नोले यहूदा आ भेडा आन कली ऊन ख्रोइक्‍बपुकी ग्रुम्‍चा कली आ वारच अदुल्‍लाम सहर ङा मुर हीरा नु तिम्‍नाह लमाक्‍त।
GEN 38:13 मिनु मुर कामी तामार कली “इ शिउ आ भेडा ऊन ख्रोइक्‍थ तिम्‍नाह कुइब” दे मदा बाक्‍त। यहोसु १५:५७
GEN 38:14 मिनु आ वोंइश बेक्‍शो वा प्रुइश्‍शा, आ कुल तेल्‍लेम खोदेंशो पा सुम्‍से बाक्‍त। मिनु मोदेंशो पा तिम्‍नाह एनाइम लतीक लांमी निश्‍शा बाक्‍माक्‍त। मारदे हना शेलाह कोल्‍शा यो, यहूदामी मेको नु ग्‍युंबे मपाइक्‍ता बाक्‍त।
GEN 38:15 मिनु यहूदाम मेको कली लांम तशा “तेल्‍लेम का बाक्‍ब” दे मिम्‍ता बाक्‍त। मारदे हना आ कुल सुमा बाक्‍त।
GEN 38:16 मिनु मेको कली “आं कली ओव़चा गेयी” देंमाक्‍त। मारदे हना आ चाइमी बाक्ब, दे मतुइक्‍ता बाक्‍त। मिनु तामारमी “गे गो नु बाक्‍शो ङा आं कली मार गेनीनी?” दे हिल्‍लो पवा बाक्‍त। लेवी १८:१५
GEN 38:17 मिनु “गो आं गोठ ङा पाठा का सोइक्‍नन” देंमाक्‍त। मिनु तामारमी “मेको मसोइक्‍तीनी सम्‍म मार गेनीनी?” दे हिल्‍लो पवा बाक्‍त।
GEN 38:18 मिनु यहूदामी “मार पुंइनेवे?” दे हिल्‍लो पवा बाक्‍त। मिनु मेकोमी “इन छाप, इन डोरी नु इन गुइ ङा कोक्‍के गेचा नङ” दे मदा बाक्‍त। मिनु मेको नेल्‍ल गेशा नोले मेको नु बाक्‍माक्‍त। मिनु कोव़ज कुरा बाक्‍त।
GEN 38:19 मिनु तामार बोक्‍शा लशा, आ वोंइश बेक्‍शो ङा वा लेंशा फेक्‍से बाक्‍त।
GEN 38:20 मिनु यहूदामी मेको पाठा गेचा नु आ छाप, डोरी नु कोक्‍के लेत्‍चा कली आ अदुल्‍लाम ङा आ वारच कली सोइक्‍ता बाक्‍त। मेकोमी मेको मीश मुर कली मथिदा बाक्‍त।
GEN 38:21 मिनु मेकोमी मेकेर ङा मुर आन कली “एकेर एनाइम ङा लांम बाक्‍ब तेल्‍लेम ते लमे?” दे हिल्‍लो पामी बाक्‍त। मिनु मेकोपुकीमी “एकेर तेल्‍लेम मबाक्‍ब” देंमा बाक्‍त।
GEN 38:22 मिनु मेको यहूदा आ बाक्‍तीक लेश्‍शा “मेको कली थिन्‍ने मचबु। मेकेर ङा मुरपुकीमी ‘एकेर तेल्‍लेम मबाक्‍ब’ देंतेक्‍म” दे यहूदा कली शेंदा बाक्‍त।
GEN 38:23 मिनु यहूदामी “मेकोन बाक्‍ल। गो मुने मदोक्‍ङल। गो पाठा का सोइक्‍ताक्‍ङ। गे मेको कली मथिदी, मार पचा ङा?” देंमाक्‍त।
GEN 38:24 मिनु महिना सां नोले मुर कामी यहूदा कली “इ चाइमी तामारम तेल्‍लेम पाप्‍तु। तेल्‍लेम पा कोव़ज कुरशो बाक्‍त” देंमाक्‍त। मिनु यहूदामी “मेको चोचा कली चाक्‍कीन” दे लोव़ लेत्‍ता बाक्‍त।
GEN 38:25 मिनु तामार कली चाक्‍गमेनु, मेकोमी आ शिउ कली “एको छाप, डोरी नु कोक्‍के सु के बाक्‍मे मेको रे पा कोव़ज कुरशो नङ। एको छाप, डोरी नु कोक्‍के सु के बाक्‍मे, कोव़ङीन” दे लोव़ कुरब सोइक्‍ता बाक्‍त।
GEN 38:26 मिनु यहूदा मेको छाप, डोरी नु कोक्‍के तुइश्‍शा, मेकोमी “आं क्‍येङा मेको ठीक पाइब बाक्‍त। मारदे हना गो मेको कली आं तौ शेलाह मगेङ” देंमाक्‍त। तन्‍न तामार कली मचाक्‍गा बाक्‍त।
GEN 38:27 मिनु आल थिचा रोइ पची ना, आ कोव़जम जौंले आल बाक्‍सा बाक्‍त।
GEN 38:28 मिनु आल थिचावानु, आल कामी आ गुइ ग्रुंइदा बाक्‍त। मिनु आ वारच पाइब मीश मुरुमी लल श्‍येले पाइश्‍शा “एको ङोंइती ङा बाक्‍ब” देंमाक्‍त।
GEN 38:29 मिनु मेको आ गुइ ओंइशा, आ लोक्‍ब जरमेसे बाक्‍त। मिनु मेको वारच पाइबमी “इ ग्रूची ना गिश ठेयब गार सेली” दे मदा बाक्‍त। मोपतीके आ नें पेरेस वोदा बाक्‍त। पेरेस आ अर्थ खाक्‍शो गार बाक्‍ब।रूथ ४:१८; मत्ती १:३
GEN 38:30 मिनु नोले लल श्‍येले पाइश्‍शो आल जरमेसे बाक्‍त। मिनु मेको आ नें जेराह वोदा बाक्‍त।
GEN 39:1 मेको इश्‍माएल जात ङा ग्‍याप्‍ब लेयबपुकीमी योसेफ कली इजीप्‍त रागी चाक्‍दीत्‍मे बाक्‍त। मिनु इजीप्‍त रागी ङा पिप आ नेल्‍ल क्‍येङा ठेयब गेय पाइब पोतीफरमी योसेफ कली ग्‍यबा बाक्‍त। उत्‍पत्ती ३७:२८,३६
GEN 39:2 मिनु परमप्रभु यावे योसेफ नु बाक्‍शो बाक्‍माक्‍त। योसेफ इजीप्‍त ङा होव़प आ खिंम बाक्‍मेनु, मार मार पवा, मेको नेल्‍ल रिम्‍शो दुम्‍शा लमाक्‍त। उत्‍पत्ती २६:२४
GEN 39:3 मिनु आ होव़पमी “परमप्रभु यावे योसेफ नु बाक्‍माक्‍त। मिनु योसेफमी मार मार पवा, मेको नेल्‍ल परमप्रभु यावेमी रिम्‍शो दुम्‍पदा बाक्‍त।” दे तुइक्‍ता बाक्‍त।
GEN 39:4 मिनु योसेफ पोतीफर आ ङोंइती शिशी तवा बाक्‍त। मिनु आ खिंमी गेय पवानु, आ ठेयब गेय पाइब सेला बाक्‍त। मिनु अर्को गेय पाइबपुकी कली अरेब यो सेला बाक्‍त। आ मारेइ मारेइ योसेफ कली कोव़पदा बाक्‍त।
GEN 39:5 मिनु पोतीफरमी योसेफ कली आ खिं ङा नेल्‍ल कोव़ब मुर सेलानु, परमप्रभु यावेमी योसेफ आ पर्बम मेको कली शुश आसीक गेवा बाक्‍त। पोतीफर आ खिंम मार मार बाक्‍मा, आ रूम मार मार ब्‍वारा, मेको नेल्‍ल कली परमप्रभु यावेमी आसीक गेवा बाक्‍त। उत्‍पत्ती ३०:२७
GEN 39:6 मोपा पोतीफरमी आ मार मार नेल्‍ल योसेफ आ गुइमी जिम्‍मा गेवा बाक्‍त। आ जचा ब्‍वचा ला आंमा कोव़ङा बाक्‍त। योसेफ आ रां नु कुल थम दारशो बाक्‍माक्‍त। उत्‍पत्ती ४३:३२
GEN 39:7 मिनु पोतीफर आ खिंमी बाक्‍मेनु, आ होव़पोक्ममी योसेफ कली दाक्‍शा, मेको नु बाक्‍चा मला बाक्‍त। मेको मीश मुरुम योसेफ कली “पिवो, गो नु बाक्‍को” दे मदा बाक्‍त।
GEN 39:8 योसेफमी “गो गे नु मबाक्‍नुङ। आं होव़पमी आ मार मार नेल्‍ल आं कली ‘कोव़ङो’ दे जिम्‍मा गेती।
GEN 39:9 आं कली आ खिं ङा नेल्‍ल क्‍येङा ठेयब सेल्‍ती। मार मार बाक्‍मा, नेल्‍ल जिम्‍मा गेती। इन कली चहिं आं कली मगेयी। मारदे हना गे आ मीश ननी। गो दोपा परमप्रभु आ ङोंइती मोदेंशो मरिम्‍शो पाप पने चाप्‍नुङा? गो मपाइनुङ?” दे मदा बाक्‍त। प्रस्‍थान २०:१४; लेवी १८:२०
GEN 39:10 मिनु मेको मीश मुरुमी नाक्‍त किंत किंत योसेफ कली लोव़ पशा “पिवो, गो नु बाक्‍को” दे मदा बाक्‍त। योसेफम चहिं मेको आ लोव़ मटिवा बाक्‍त।
GEN 39:11 मिनु काबु योसेफ आ गेय पचा कली पोतीफर आ खिंम बाक्‍माक्‍त। खिंम गेय पाइब मुर सुइ मबाक्‍मा बाक्‍त।
GEN 39:12 मिनु मेको मीश मुरुमी योसेफ आ फेक्‍शो वा ग्‍याइश्‍शा कीशा “गो नु बाक्‍को” देंमाक्‍त। मिनु योसेफ आ फेक्‍शो वा प्रोंइशा, खिं रे दोरशा लाङगा ग्रूमाक्‍त।
GEN 39:13 पोतीफर आ मीशेमी योसेफ आ फेक्‍शो वा आंम गुइमी प्रोंइशा वोइश्‍शा, खिं रे प्रोक्‍शो तशा,
GEN 39:14 खिं ङा मुर आन कली ब्रेश्‍शा “कोव़ङीन, पोतीफरमी एको हिब्रू मरिम्‍शो पपाइक्‍चा कली चाक्‍तु। एकोमी आं कली ग्‍याइक्‍ताक्‍यी ‘गो नु बाक्‍को’ दे माइक्‍ती। गो चहिं ठेयब सेंदामी वाइ ब्रेत्‍ती।
GEN 39:15 मिनु आं कली वाइ ब्रेश्‍शो तशा, आ वा प्रोंइशा प्रोक्‍त” दे माइक्‍मी बाक्‍त।
GEN 39:16 मिनु मेकोमी योसेफ आ फेक्‍शो वा आ नेक्‍था वोइश्‍शा, आ वोंइश मजाक्‍म सम्‍म रिम्‍दा बाक्‍त।
GEN 39:17 पोतीफर जाक्‍मेनु, आ मीशेमी “एको इन चाक्‍शो गेय पाइब हिब्रूमी आं कोठा ओव़शा ‘गो नु बाक्‍को’ देंत।
GEN 39:18 गो चहिं वाइ ब्रेत्‍ती। मिनु आ फेक्‍शो वा प्रोंइशा, खिं रे ग्रूशा प्रोक्‍त” दे मदा बाक्‍त।
GEN 39:19 मिनु आ होव़पमी आ मीश आ लोव़ नेंशा, चुरमाक्‍त।
GEN 39:20 योसेफ कली लाइश्‍शा, जेल्‍खानम चोक्‍पदा बाक्‍त। मेकेर पिप आ चोक्‍शो मुरपुकी यो बाक्‍मा बाक्‍त। मिनु योसेफ मेकोपुकी नु बाक्‍माक्‍त।
GEN 39:21 मिनु परमप्रभु यावेमी योसेफ कली वारच पशा, जेल्‍खान ङा कोव़ब कली “योसेफ रिम्‍शो मुर बाक्‍ब” दे तुइक्‍पदा बाक्‍त।
GEN 39:22 मिनु मेको कोव़ब मुरुमी योसेफ कली जेल्‍खानम चोक्‍शो मुर आन कली कोव़ब सेला बाक्‍त। मिनु मेकेर बाक्‍शो गेय नेल्‍ल योसेफमी पवा बाक्‍त।
GEN 39:23 मेको जेल्‍खान ङा कोव़ब मुरुमी योसेफ आ पशो यो मकोव़ङा बाक्‍त। मारदे हना परमप्रभु यावे मेको नु बाक्‍शो तुइक्‍ता बाक्‍त। मेको नेल्‍ल रिम्‍शो पाइब, दे थमा सुदा बाक्‍त। मिनु परमप्रभु यावे मेको नु बाक्‍मेनु, आ गेय नेल्‍ल रिम्‍शो दुम्‍माक्‍त।
GEN 40:1 मिनु नोले मार दुम्‍माक्‍त देंशा हना, इजीप्‍त ङा पिप फाराओ आ खिंमी पिप कली तूचा गेब आन ठेयब मुर नु पिप कली शोब्‍ले चोइब आन ठेयब मुरुमी आस प्रभु इजीप्‍त ङा पिप कली मरिम्‍शो पाम्‍से बाक्‍त।
GEN 40:2 मिनु फाराओमी मेको तूचा गेब आन ठेयब मुर नु शोब्‍ले चोइब आन ठेयब मुर आस पर्बम गाइक्‍ता बाक्‍त।
GEN 40:3 मिनु मेको निम्‍फा आस कली नेल्‍ल क्‍येङा ठेयब गेय पाइब आ जेल्‍खानमी चोक्‍सी बाक्‍त। मेकेर योसेफ यो बाक्‍शो बाक्‍माक्‍त।
GEN 40:4 मिनु जेल्‍खान ङा कोव़ब मुरुम योसेफ कली “मेको निम्‍फा आस कली वारच पावो” दे अरेवा बाक्‍त। मिनु वारच पवा बाक्‍त।
GEN 40:5 मिनु इजीप्‍त ङा पिप आ गेय पाइब ठेयब मुर निक्‍शी जेल्‍खानमी बाक्‍सानु, काबु नाक्‍दो निम्‍फामी ङोमु ताम्‍से बाक्‍त। मेको आस ङोमु आस अर्थ निक्‍शी बाक्‍माक्‍त।
GEN 40:6 मिनु सुनी कना योसेफ मेको निक्‍शी आस कली वारच पथ, आस कोठा ओव़मेनु, निम्‍फा सुर्ता पा बाक्‍शो ताम्‍सी बाक्‍त।
GEN 40:7 मिनु योसेफमी जेल्‍खानम बाक्‍शो फाराओ आ गेय पाइब आ ठेयब मुर निक्‍शी आस कली “मारदे सुर्ता पनी?” दे हिल्‍लो पाम्‍सी बाक्‍त।
GEN 40:8 मिनु मेको निक्‍शीमी “गो ङोमु ताइतस्‍कु। मिनु मेको ङोमु आ अर्थ मरुप्‍स्‍कु। शेंब मुर मबा” देंसा बाक्‍त। मिनु योसेफमी “परमप्रभुमी मेको ङोमु मार बाक्‍बा दे शेंबा ममाइ ङा? लो, आं कली देनीन” दे माइक्‍सी बाक्‍त। उत्‍पत्ती ४१:१५-१६; दानीएल २:२७-२८
GEN 40:9 मिनु फाराओ कली तूचा गेब आन ठेयब मुरुमी “गो आं ङोमुमी आं ङोंइती अङगुर बोट का ताता।
GEN 40:10 मिनु मेको अङगुर बोटमी रा‍शी सां बाक्‍तेक्‍म। मिनु मेको कोच्‍वा दाप्‍शा, फू यो बोइक्‍तेक्‍मे। बोइश्‍शा ङा मिन अङगुर गेडा सिश्‍शा मी‍तेक्‍म।
GEN 40:11 मिनु आं गुइमी फाराओ आ कचौरा बाक्‍त। मिनु गो अङगुर आ गेडा आ रस फाराओ आ कचौरामी चिम्‍ता। मिनु कचौरा पिप कली गेता” दे लोव़ पवा बाक्‍त।
GEN 40:12 मिनु योसेफमी “इन तशो ङोमु आ अर्थ मार बाक्‍ब देंशा हना, मेको राशी सां नाक्‍ती सां बाक्‍नीम।
GEN 40:13 मिनु सांबु नाक्‍ती फाराओम इन कली जेल्‍खान रे प्रोंइशा ङा मिन इन ङोंइती पशो गेय लेंशा गेब। मिनु गे ङोंइती ङा खोदेंशो पा फाराओ कली तूचा गेनीनी। लेंशा फाराओ कली कचौरा गेनीनी। इन तशो ङोमु आ अर्थ एको बाक्‍ब।
GEN 40:14 इन कली रिम्‍शो दुम्‍मेनु, आं कली यो मप्रेंदीन। आं कली शिशी पने। फाराओ कली आं कली मेको जेल्‍खान रे ग्रुंइचा, दे लोव़ पने।
GEN 40:15 ङोंइती आं कली हिब्रू रागी रे खुइ पा चाक्‍तीमी। मुल जेल्‍खानम चोक्‍तीमी। गो मारेइ मरिम्‍शो मपङ” देंमाक्‍त। उत्‍पत्ती ३७:२८
GEN 40:16 मिनु फाराओ कली शोब्‍ले चोइब आन ठेयब मुरुम मेको ङोमु आ अर्थ रिम्‍शो बाक्‍त, देंशा, योसेफ कली “गो यो ङोमु का ताता। मेको ङोमुम पिरीङगा सां बुश शोब्‍ले पियाम कुरशो बाक्‍ती।
GEN 40:17 नेल्‍ल क्‍येङा आ तार ङा पिरीङगामी फाराओ कली शुश खाल ङा चोशो शोब्‍ले बाक्‍तेक्‍मे। मेको पिरीङगा ङा शोब्‍ले चिक्‍बीम खुइ पा जाम्‍तेक्‍म” दे मदा बाक्‍त।
GEN 40:18 मिनु योसेफमी “इन तशो ङोमु आ अर्थ मार बाक्‍ब देंशा हना, मेको पिरीङगा सां, नाक्‍त सां बाक्‍नीम।
GEN 40:19 सांबु नाक्‍ती फाराओमी इन कली जेल्‍खान रे ग्रुंइपाइश्‍शा, रवाम क्‍याइक्‍पाइक्‍ब। मिनु चिक्‍बीम इन श्‍ये ब्‍वाइनीम। इन तशो ङोमु आ अर्थ एको बाक्‍ब” दे शेंदा बाक्‍त।
GEN 40:20 मिनु आ सांबु नाक्‍ती फाराओ आ जरमेशो नाक्‍त बाक्‍माक्‍त। मिनु फाराओमी आ गेय पाइब नेल्‍ल आन कली भोज सेला बाक्‍त। मिनु आ कली तूचा गेब आन ठेयब मुर नु शोब्‍ले चोइब आन ठेयब मुर आस कली जेल्‍खान रे ग्रुंइदीम्‍सी बाक्‍त।
GEN 40:21 मिनु आ कली तूचा गेब आन ठेयब मुर कली लेंशा ङोंइती ङा गेय पचा गेवा बाक्‍त। मिनु मेकोमी लेंशा फाराओ कली तूचा गेब दुम्‍माक्‍त।
GEN 40:22 शोब्‍ले चोइब आन ठेयब मुर कली चहिं क्‍याइश्‍शा साइक्‍पदा बाक्‍त। योसेफमी दोदेंशो देंमे, मोदेंशो दुम्‍माक्‍त।
GEN 40:23 तन्‍न फाराओ कली तूचा गेब आन ठेयब मुरुमी योसेफ कली यु प्रेंदा बाक्‍त।
GEN 41:1 मिनु बर्स निक्‍शी नोले फाराओमी ङोमु निक्‍शी तवा बाक्‍त। मिनु ङोमुमी मार तवा बाक्‍त देंशा हना, आंम कली नील खोला आ नेक्‍थान राप्‍शा बाक्‍शो तवा बाक्‍त।
GEN 41:2 मिनु नील खोला रे ७ ओटा दारशो दोम्‍शो बी ग्रूशो तवा बाक्‍त। मेको बीपुकीमी बुदी मीलु घांस ब्‍वामे बाक्‍त।
GEN 41:3 मिनु नोले नील खोला रे ७ ओटा अर्को काइ मदारशो ग्‍येंशो बी ग्रूशो तवा बाक्‍त। मिनु मेकोपुकी अर्को बी नु नील खोला आ नेक्‍था राप्‍शा बाक्‍मा बाक्‍त।
GEN 41:4 मिनु काइ मदारशो ग्‍येंशो बीपुकीमी दारशो दोम्‍शो बी आन कली ब्‍वामे बाक्‍त। नोले फाराओ सेंसे बाक्‍त।
GEN 41:5 मिनु फाराओ लेंशा निन्‍द्रा पवानु, लेंशा अर्को ङोमु तवा बाक्‍त। मार तवा बाक्‍त देंशा हना, चेरब बोट कामी शुश आख पाइश्‍शो ७ ओटा ग्रेल्‍शो बाला सिश्‍शो तवा बाक्‍त।
GEN 41:6 मिनु नोले पूर्ब ङा फशेम बुश सेल्‍शो ७ ओटा सोप्‍पीक्‍च आइक्‍च बाला तवा बाक्‍त।
GEN 41:7 मिनु मेको आइक्‍च बालामी मेको शुश आख पाइश्‍शो ७ ओटा बाला आन कली दाक्‍ग्‍मे बाक्‍त। नोले फाराओ सेंशा, आ ङोमु तशो तुइक्‍ता बाक्‍त।
GEN 41:8 मिनु आ थुं मनुथु सुनी कना इजीप्‍त ङा जादू पाइब नु जोक्‍ब तुइक्‍ब नेल्‍ल आन कली ब्रेत्‍थ सोइक्‍तीमी बाक्‍त। मेको जाक्‍मानु, आ ङोमु मेको आन कली शेंदीमी बाक्‍त। तन्‍न सुइमी फाराओ कली मेको ङोमु आस अर्थ देंने मचाप्‍मे बाक्‍त। दानीएल २:३
GEN 41:9 मिनु फाराओ कली तूचा गेब आन ठेयब मुरुमी आ पिप कली “मुलाक्‍ती आं मरिम्‍शो पशो मिम्‍ताक्‍ङ।
GEN 41:10 फाराओमी आ गेय पाइब आस पर्बम चुरमेनु, गो नु शोब्‍ले चोइब आन ठेयब मुर नेल्‍ल क्‍येङा ठेयब गेय पाइब आ जेल्‍खानम चोक्‍सीशा बाक्‍स्‍कुनु,
GEN 41:11 गो निक्‍शीम काबु नाक्‍दो ङोमु ताइतस्‍कु। मेको ङोमु निक्‍शी के अर्थ निक्‍शी बाक्‍सा बाक्‍त।
GEN 41:12 मेना हिब्रू रागी ङा ठिटा का यो जेल्‍खानम बाक्‍त। मेको इन नेल्‍ल क्‍येङा ठेयब गेय पाइब आ गेय पाइब बाक्‍त। गो निक्‍शीमी तशो ङोमु मेको कली माइक्‍स्‍कुनु, योसेफमी ङोमु आ अर्थ नेल्‍ल आंस कली शेंताक्‍स्‍की। आं तशो ङोमु आ अर्थ शेंताक्‍यी। मिनु अर्को मुर आ तशो ङोमु आ अर्थ यो शेंताक्‍व।
GEN 41:13 दोदेंशो पा शेंदा, मोदेंशोन दुम्‍त। आं गेय आं कली लेंशा गेतीनी। अर्को कली चहिं क्‍याइश्‍शा साइक्‍तेक्‍म” देंमाक्‍त।
GEN 41:14 मिनु फाराओमी योसेफ कली ब्रथ सोइक्‍ता बाक्‍त। मेकोपुकीमी योसेफ कली रीब पा जेल्‍खान रे ग्रुंइपदमे बाक्‍त। योसेफ कली चां प्रेक्‍शा, नक वा फेक्‍पा, फाराओ आ बाक्‍तीके चाक्‍ग्‍मे बाक्‍त।
GEN 41:15 मिनु फाराओमी योसेफ कली “गो ङोमु निक्‍शी ताता। सुइमी मेको आस अर्थ शेंने मचबेम। मिनु गो इ पर्बम लोव़ नेंता। गे मुर आन तशो ङोमु आ अर्थ शेंने चाप्‍नेवे ने” देंमाक्‍त।
GEN 41:16 मिनु योसेफमी फाराओ कली “गो ङोमु ङा लोव़ मतुइक्‍नुङ। परमप्रभुमी फाराओ कली थमा पा थुं नाइक्‍चा ङा लोव़ तुइक्‍पाइक्‍ब” देंमाक्‍त। उत्‍पत्ती ४०:८
GEN 41:17 मिनु फाराओमी “गो आं ङोमुमी नील खोला आ नेक्‍था बाक्‍ती।
GEN 41:18 मिनु नील खोला रे ७ ओटा दारशो दोम्‍शो बी ग्रूतेक्‍म। मिनु बुदी मीलु घांस ब्‍वाम्‍तेक्‍म।
GEN 41:19 मिनु नोले ७ ओटा मदारशो ग्येंशो बी ग्रूतेक्‍म। गो इजीप्‍त रागी नेल्‍लेमी मोदेंशो मदारशो बी गेनायो मतङमी।
GEN 41:20 मिनु मदारशो गेयशो बीपुकीमी ङोंइती ग्रूशो दोम्‍शो बी आन कली ब्‍वाम्‍तेक्‍म।
GEN 41:21 मिनु मेको आन कली ब्‍वशा यो, गेयशो बी मदोम्‍म। ङोंइती ङा खोदेंशो पा गेयस ङा गेयस बाक्‍तेक्‍म। बी ब्‍वाम्‍तेक्‍म, दे सुइमी थमा मसुदेम। मिनु नोले गो सेंसाक्‍यी।
GEN 41:22 मिनु लेंशा इप्‍ती। मिनु ङोमु तङानु, चेरब बोट का रे ७ ओटा ठेयब रिम्‍शो बाला पाइश्‍शो तातामी।
GEN 41:23 मिनु नोले अर्को बोट रे ७ ओटा पूर्ब ङा फशेम सोव़शो इम्‍चीली सोप्‍पीक्‍च बाला ताता।
GEN 41:24 मिनु इम्‍चीली सोप्‍पीक्‍च बालापुकीमी मेको ७ ओटा रिम्‍शो बाला आन कली दाक्‍तेक्‍म। गो एको आं ङोमु जादू पाइब आन कली माइक्‍तामी। मेकोपुकीम एको ङोमुमी मार दुम्बा, दे देंने मचबेम” दे योसेफ कली देंमाक्‍त।
GEN 41:25 मिनु योसेफमी फाराओ कली “इन ङोमु निम्‍फा कांइचीक खोदेंशो बाक्‍ब। परमप्रभुमी मार पचशो बाक्‍मे, मेको इन कली ङोमुमी कोंइताक्‍व।
GEN 41:26 मेको ७ ओटा रिम्‍शो बी ७ ओटा बर्स बाक्‍नीम। मिनु मेको ७ ओटा रिम्‍शो बाला यो ७ बर्स बाक्‍नीम। ङोमु निक्‍शी कांइचीक खोदेंशो बाक्‍नीस।
GEN 41:27 मिनु मेको आ नोले ग्रूशो ७ ओटा ग्‍येंशो बीपुकी ७ ओटा बर्स बाक्‍नीम। मिनु मेको ७ ओटा गेडा मसिश्‍शो, पूर्ब ङा फशेम सोव़शो सोप्‍पीक्‍च बाला यो ७ ओटा बर्स बाक्‍नीम। मेको ७ बर्स ङा अन्‍काल बाक्‍नीम।
GEN 41:28 आं देंशो मार बाक्‍ब देंशा हना, परमप्रभुमी मार पचा चिक्‍शो बाक्‍मे, मेको इन कली कोंइताक्‍व। मोदेंशो बाक्‍ब।
GEN 41:29 नेनीन, इजीप्‍त रागी नेल्‍लेमी ७ बर्स सम्‍म शुश बाली नाली ग्रेल्‍शा, रिम्‍शो बर्स दुम्‍चा चिक्‍शो बाक्‍नीम।
GEN 41:30 मिनु आ नोले ७ बर्स सम्‍म अन्‍काल दुम्‍ब। मिनु मेको मरिम्‍शो ७ बर्सम इजीप्‍त रागीमी अन्‍न ग्रेल्‍शो नेल्‍ल प्रेंनीम। मिनु मेको अन्‍कालमी रागी कली थुम्‍पाइक्‍ब।
GEN 41:31 मिनु मेको ठेयब अन्‍काल दुम्‍शा, ङोंइती अन्‍न ग्रेल्‍शो बर्स नेल्‍लेमी प्रेंनीम। मारदे हना मेको अन्‍काल शुश श्‍येत ङा बाक्‍ब।
GEN 41:32 मिनु इन ङोमु निक्‍शी खेयप ताइतीनी, मेको आ अर्थ मार बाक्‍ब देंशा हना, परमप्रभुमी मेको थमा पा पाइब नु पचा चिक्‍शो बाक्‍ब।
GEN 41:33 मोपतीके फाराओमी निप्‍स पाइश्‍शो मुर का इजीप्‍त रागी ङा ठेयब मुर सेलीन।
GEN 41:34 मिनु आं देंशो पशा, कोव़ब मुरपुकी यो वोइक्‍चा माल्‍नीनी। मेकोपुकीमी फाराओ आ सासनमी रिम्‍शो ७ बर्सम इन रागी नेल्‍ल रे अन्‍न ५ भाग तिरो पोक्‍चा माल्‍नीम।
GEN 41:35 मेको रिम्‍शो बर्स ङा अन्‍न खुप्‍शा, अन्‍काल ङा बर्सम सहर ङा मुर आन कली थुल्‍चा कली उप्‍शा वोइक्‍चा माल्‍नीम।
GEN 41:36 मेको उप्‍शा वोइश्‍शो अन्‍न इजीप्‍त रागीमी अन्‍काल मदुम सम्‍म उप्‍चा माल्‍ब। मोपा वोइश्‍शोनु, अन्‍कालमी मबेक्‍नीम” दे योसेफमी फाराओ कली मदा बाक्‍त।
GEN 41:37 मिनु फाराओ नु आ गेय पाइब नेल्‍लेमी “योसेफ आ देंशो लोव़ रिम्‍शो बाक्‍ब” दे मिम्‍तमे बाक्‍त। हितोपदेस १४:३५
GEN 41:38 मिनु फाराओम आ गेय पाइब आन कली “गो योसेफ खोदेंशो मुर अर्को सु थिन्‍ने चाप्‍नया ङा? परमप्रभु आ सोक्‍तीम ब्रीशो मुर का थिन्‍ने चाप्‍नया ङा?” दे हिल्‍लो पामी बाक्‍त। प्रस्‍थान ३१:३; हितोपदेस २:६
GEN 41:39 मिनु फाराओमी योसेफ कली “परमप्रभुमी मेको नेल्‍ल इ कली तुइक्‍पाइक्‍तु। इ खोदेंशो जोक्‍ब तुइक्‍ब मुर सुइ मथिंसीब।
GEN 41:40 इ कली आं रागी ङा मुर आन कली हुकुम पाइब सेल्‍नन। इ देंशो लोव़ मुर नेल्‍लेमी टिचा माल्‍नीम। गे आं सरकार ङा गेय पाइब नेल्‍ल आन क्‍येङा ठेयब मुर दुम्‍नीनी। गो सिरपेचम पतीके ला इ क्‍येङा ठेयब बाक्‍नुङ। भजन संग्रह ११३:७
GEN 41:41 नेनीन, गो इ कली इजीप्‍त रागी नेल्‍ल ङा ठेयब मुर सेल्‍नन्‍नी” देंमाक्‍त। प्रेरित ७:१०
GEN 41:42 मिनु फाराओम आ छाप क्‍येप्‍तीक औंठी आ ब्रेप्‍चो रे प्रुइश्‍शा, योसेफ आ ब्रेप्‍चोम लिक्‍ता बाक्‍त। मिनु योसेफ कली दारशो बुश वा फेक्‍पाइश्‍शा, सुन के माला रेल्‍दा बाक्‍त। एस्‍तर ३:३०; दानीएल ५:२९
GEN 41:43 मिनु फाराओमी योसेफ कली आ नोले ङा बग्‍गीमी ङोइक्‍पदा बाक्‍त। मिनु योसेफ आ ङोंइती बाक्‍बपुकीमी “योसेफ आ ङोंइती पोक्‍च थेक्‍शा, सेउ पने” दे ब्रेम्‍मा बाक्‍त। मोपा इजीप्‍त रागी ङा हुकुम पाइब सेला बाक्‍त। एस्‍तर १०:३
GEN 41:44 मिनु फाराओमी “गो फाराओ नङ। इजीप्‍त रागीमी गे मार पचा देंनी, मेको ला पचा माल्‍नीम” दे योसेफ कली देंमाक्‍त।
GEN 41:45 मिनु फाराओमी योसेफ कली साफेनाथ-पानेआह, दे नक नें वोदा बाक्‍त। मिनु योसेफ कली पोतीफेरा माइश्‍शो ओन सहर ङा नाक्‍सो आ तमी आसेनाथ नु ग्‍युंबे पाइक्‍ता बाक्‍त। मिनु योसेफ इजीप्‍त रागी नेल्‍ल कोव़थ हिरचा गोवा बाक्‍त।
GEN 41:46 योसेफ फाराओ पिप आ ङोंइती लोव़ पवानु, ३० बर्स दुम्‍शो बाक्‍माक्‍त। मिनु फाराओ आ ङोंइती रे लशा, इजीप्‍त रागी नेल्‍ल हिरथ लमाक्‍त। उत्‍पत्ती ३७:२
GEN 41:47 मिनु मेको रिम्‍शो बाली ग्रेल्‍तीक ७ बर्समी इजीप्‍त नेल्‍ल ङा रूमी थाम्‍पा अन्‍न ग्रेल्‍माक्‍त।
GEN 41:48 मिनु योसेफमी मेको बाली ग्रेल्‍शो ७ बर्स ङा अन्‍न सहर सहरम उप्‍शा, वोदा बाक्‍त। मेको सहरम एर ओंथ सु सु आन रू बाक्‍मे, मेकेर ङा अन्‍न मेको सहरम उप्‍शा वोदा बाक्‍त।
GEN 41:49 मिनु योसेफमी समुन्‍द्र ङा बाल्‍वा खोदेंशो पा अन्‍न उप्‍शा, शुश दुम्‍तीके पुक्‍चा यो प्रोना बाक्‍त। मारदे हना पुक्‍ने मचाप्‍चा ङा पा शुश बाक्‍माक्‍त।
GEN 41:50 मिनु अन्‍काल दुम्‍चा ङोंइती योसेफ आ मीश ओन सहर ङा नाक्‍सो पोतीफेरा आ तमी आसेनाथमी तौ निक्‍शी थि‍माक्‍त।
GEN 41:51 मिनु योसेफमी “ङोंइती श्‍येत जङानु, परमप्रभुमी आं आफ आ खिं ङा मुर आन कली प्रेंपाइक्‍ती” दे मिम्‍शा, आ ङोंइती जरमेशो तौ कली मनस्‍से नें वोदा बाक्‍त।
GEN 41:52 अर्को कली एफ्राइम नें वोदा बाक्‍त। मारदे हना “परमप्रभुमी आं कली रागीमी श्‍येत जङानु, शुश दुम्‍पाइक्‍ती” दे मिम्‍ता बाक्‍त।
GEN 41:53 मिनु इजीप्‍त रागीमी मेको रिम्‍शो अन्‍न ग्रेल्‍शो ७ बर्स नुम्‍माक्‍त।
GEN 41:54 मिनु योसेफ आ देंशो ७ बर्स ङा अन्‍काल दुम्‍चा गोवा बाक्‍त। मेको अन्‍काल रागी रागी नेल्‍लेमी दुम्‍माक्‍त। इजीप्‍त रागीमी चहिं अन्‍न थिंसे बाक्‍त।
GEN 41:55 मिनु इजीप्‍त रागीमी ठेयब अन्‍काल दुम्‍शा, मुरपुकीमी फाराओ कली “अन्‍न गेकी” दे पुन्‍मे बाक्‍त। मिनु फाराओम इजीप्‍त ङा मुर आन कली “योसेफ नु पुंइथ लने। मेकोमी मार देंबा, मेको पने” दे माइक्‍मी बाक्‍त।
GEN 41:56 मिनु मेको अन्‍काल रागी रागी नेल्‍लेमी दुम्‍माक्‍त। मेना योसेफमी अन्‍न वोइक्‍तीक नेल्‍ल रोक्‍चा गेवा बाक्‍त। इजीप्‍त ङा मुर आन कली अन्‍न लेयपदा बाक्‍त। रागी नेल्‍लेमी ठेयब अन्‍काल दुम्माक्‍त।
GEN 41:57 मिनु अर्को रागी ङा मुरपुकी यो इजीप्‍त रागीमी अन्‍न ग्‍याप्‍थ, योसेफ आ ङोंइती जाक्‍मा बाक्‍त। मारदे हना मेको अन्‍कालम रागी नेल्‍ल ग्रोइक्‍माक्‍त।
GEN 42:1 मिनु याकूबमी इजीप्‍त रागीमी अन्‍न बाक्‍ब दे तुइश्‍शा, आ तौ आन कली “गे मारदे कोव़मुशा बाक्‍नीनी? मारेइ मपाइनीनी?
GEN 42:2 नेनीन, इजीप्‍त रागीमी अन्‍न बाक्‍ब। मिनु गोपुकी अन्‍कालमी मबेक्‍य, ब्रोंइय अन्‍न ग्‍याप्‍थ लने” देंमाक्‍त।
GEN 42:3 मिनु योसेफ आ १० जना लोक्‍बपुकी इजीप्‍त अन्‍न ग्‍याप्‍थ लमा बाक्‍त।
GEN 42:4 याकूबमी योसेफ आ लोक्‍ब बेन्‍यामीन कली चहिं श्‍येत दुम्‍बा कों, दे हिंशा, आ लोक्‍बपुकी नु मसोइक्‍ता बाक्‍त।
GEN 42:5 मोपा याकूब आ तौपुकी अर्को मुर नु इजीप्‍त अन्‍न ग्‍याप्‍थ जाक्‍दीम्‍मा बाक्‍त। मारदे हना कनान रागीमी यो अन्‍काल दुम्‍माक्‍त।
GEN 42:6 मिनु योसेफ सरकार ङा ठेयब मुर दुम्‍शा, रागी नेल्‍ल ङा मुर आन कली अन्‍न लेयपदा बाक्‍त। योसेफ आ लोक्‍बपुकी जाक्‍शा, योसेफ आ ङोंइती खुम्‍की पा बाप्‍शा, सेउ पामे बाक्‍त।
GEN 42:7 मिनु योसेफमी आ लोक्‍ब आन कली तशा, तुइक्‍ता बाक्‍त। तन्‍न मतुइश्‍शो खोदेंशो पा ठेयब सेंदामी “ते रे जाक्‍नी?” दे हिल्‍लो पामी बाक्‍त। मिनु मेकोपुकीमी “गो कनान रागी रे अन्‍न ग्‍याप्‍थ जाक्‍तक” देंमा बाक्‍त।
GEN 42:8 योसेफम आ लोक्‍ब आन कली तुइक्‍ता बाक्‍त। मेकोपुकीमी चहिं योसेफ कली मतुइक्‍त्‍मे बाक्‍त।
GEN 42:9 मिनु योसेफम आ लोक्‍ब आन पर्बम आ ङोमु मिम्‍ता बाक्‍त। मिनु मेको आन कली “गे क्‍यारी पाइब बाक्‍नीनी। एको रागीम ते रे ओव़चा, दे कोव़थ जाक्‍तीनी” दे आ लोक्‍ब आन कली माइक्‍मी बाक्‍त। उत्‍पत्ती ३७:५-९
GEN 42:10 मिनु मेकोपुकीमी “ममाइ प्रभु, इन गेय पाइब अन्‍न ग्‍याप्‍थ जाक्‍तक।
GEN 42:11 गो नेल्‍ल मुर का आ तौ नकी। गोपुकी ठीक पाइब बाक्‍नीकी। इन गेय पाइब, गो क्‍यारी पाइब मनकी” देंमा बाक्‍त।
GEN 42:12 मिनु योसेफमी “ममाइ, गे एको रागी ‘दोपा ओव़चा’ दे कोव़थ जाक्‍तीनी” देंमाक्‍त।
GEN 42:13 मिनु मेकोपुकीमी “गो इन गेय पाइब १२ जना लोक्‍ब बाक्‍नीकी। कनान रागी ङा मुर का आ तौ नकी। नेनीन, कान्‍छा मुल आ आफ नु बाक्‍ब। का चहिं मबाक्‍ब” दे योसेफ कली मदमे बाक्‍त।
GEN 42:14 मिनु योसेफमी “आं देंशो खोदेंशो पा, गे क्‍यारी पाइब बाक्‍नीनी।
GEN 42:15 गो इन कली कोव़नुङ, फाराओ आ नेंमी इन लोक्‍ब कान्‍छा मजाक्‍म सम्‍म गे एकेर रे लचा मताइनीनी।
GEN 42:16 इन दाते ङा का कली इन लोक्‍ब कान्‍छा ब्रथ सोइक्‍तीन। मेना सम्‍म गे एक जेल्‍खानम बाक्‍नीनी। इन लोव़ थमा बाक्‍म कों, जोल बाक्‍म कों, नोले तुंइ‍सीब। गे इन लोक्‍ब कान्‍छा मचाक्‍तीनी हना, फाराओ आ नेंमी गे क्‍यारी पाइब बाक्‍नीनी” देंमाक्‍त।
GEN 42:17 मेको नेल्‍ल आन कली नाक्‍त सां सम्‍म जेल्‍खानम चोक्‍मी बाक्‍त। उत्‍पत्ती ३७:२४
GEN 42:18 मिनु नाक्‍त सां नोले योसेफमी “गो परमप्रभु कली मान पा हिंनुङ। मोपतीके गेपुकी ब्रोंइचा कली आं देंशो पने।
GEN 42:19 गे ठीक पाइब मुर बाक्‍तीनी हना, इन दाते ङा का चहिं जेल्‍खानम बाक्‍कीने। अर्को अन्‍न कुरशा, इन खिं लने।
GEN 42:20 इन लोक्‍ब कान्‍छा कली एक चाक्‍कीन। मिनु इन लोव़ थमा बाक्ब, दे तुंइसीब। मिनु गे बेक्‍चा ममाल्‍नीनी” दे आ लोक्‍ब आन कली माइक्‍मी बाक्‍त। मिनु आ देंशो पामे बाक्‍त।
GEN 42:21 मेकोपुकीमी “गो थमा पा इं लोक्‍ब आ पर्बम ठेयब पाप पाइतय। मेकोमी इं कली तशा, शुश हिंशा, पुनानु यो, मेको आ लोव़ मनेंय। मोपतीके इं कली एको श्‍येत दुम्‍त” देंमुमा बाक्‍त। भजन संग्रह ५०:२१
GEN 42:22 मिनु रूबेनमी “मेको आल कली मारेइ पाप मपने, दे गो इन कली मदेंङा ङा? तन्‍न गे आं लोव़ मनेंनी। मेको कली श्‍येत गेशो हुश आ क्‍येक्‍क लेत्‍चा पुंइसाक्‍य” दे आ लोक्‍ब आन कली देंमाक्‍त। उत्‍पत्ती ३७:२१-२२
GEN 42:23 मिनु योसेफमी मेको आन लोव़ नेल्‍ल रुप्‍तु, दे मतुइक्‍तमे बाक्‍त। मारदे हना योसेफमी मेकोपुकी नु लोव़ पवानु, आन लोव़ रुप्‍ब नु आ कली आ अर्थ देंब मुर का वोदा बाक्‍त।
GEN 42:24 मिनु योसेफ आ लोक्‍बपुकी रे लशा ङाक्‍माक्‍त। मिनु लेश्‍शा जाक्‍शा, मेकोपुकी नु लोव़ पशा, मेको आन ङोंइती सिमियोन कली पाइक्‍ता बाक्‍त।
GEN 42:25 मिनु नोले योसेफमी आन धोक्रोम अन्‍न प्रिंपाइश्‍शा, आन गेशो क्‍येट यो लेंशा, आन धोक्रोम कुर पपाइश्‍शा, लां कली जचा थोव़क यो गेपाइक्‍मी बाक्‍त। आ लोक्‍ब आन कली मोदेंशो पाइक्‍मी बाक्‍त।
GEN 42:26 मिनु मेकोपुकी अन्‍न आन गधा तारी वोइश्‍शा लमा बाक्‍त।
GEN 42:27 मिनु लांमी बास बाक्‍मानु, आन दाते ङा कामी आ गधा कली थुल्‍चा, दे आ धोक्रो रोक्‍गा बाक्‍त। मिनु आ धोक्रो आ शोव़मी आ थाप्‍शो क्‍येट थिदा बाक्‍त।
GEN 42:28 मिनु मेकोमी आ लोक्‍ब आन कली “आं क्‍येट लेत्‍मे देय मार में? आं धोक्रो आ शोव़म बाक्‍त, शां” दे लोव़ पवा बाक्‍त। मिनु नेल्‍लेमी सुर्ता पशा “परमप्रभुमी इं कली मार पवा” दे हिंमा बाक्‍त।
GEN 42:29 मेकोपुकीमी आन आफ याकूब आ खिं कनान रागी जाक्‍दीश्‍शा, मार मार दुम्‍मे, नेल्‍ल शोव़ङमे बाक्‍त।
GEN 42:30 मेकोपुकीमी “मेको रागी ङा ठेयब मुरुम आंइ कली ठेयब सेंदामी लोव़ पशा, आंइ कली आन रागी क्‍यारी पाइब सुइक्‍तु।
GEN 42:31 गोपुकीमी ‘गो ठीक पाइब बाक्‍नीकी, गो क्‍यारी पाइब मनकी।
GEN 42:32 गो १२ लोक्‍ब, आफ का आ तौ नकी। का मुल मबाक्‍ब, कान्‍छा कनान रागीम आफ नु बाक्‍ब’ दे माइक्‍तक।
GEN 42:33 मिनु मेको रागी ङा ठेयब मुरुम आंइ कली ‘गो दोपा तुइक्‍नुङा, गे ठीक मुर बाक्‍नीनी, दे इन लोक्‍ब का गो नु बाक्‍चा माल्‍ब। अरु चहिं अन्‍कालम जचा कली अन्‍न कुरशा, खिं लेश्‍शा लने। उत्‍पत्ती ४२:२४
GEN 42:34 मिनु इन लोक्‍ब कान्‍छा कली एक चाक्‍कीन। मेको नोले ला गेपुकी क्‍यारी पाइब मननी, दे तुइक्‍नुङ। मेना इन लोक्‍ब कली प्रोंइशा, लचा गेनुङ’ दे माइक्‍तीकी” दे आन आफ कली देंमा बाक्‍त।
GEN 42:35 मिनु नोले आन धोक्रो रोक्‍शा, नेल्‍लेमी आन थाप्‍शो क्‍येट आन धोक्रोमी थित्‍मे बाक्‍त। मिनु मेकोपुकी नु आन आफ मेको क्‍येट तशा, हिंमा बाक्‍त।
GEN 42:36 मिनु आन आफ याकूबमी “गे आं आल कली रोइक्‍ब बाक्‍नीनी। योसेफ लत। सिमियोन लत। मुल बेन्‍यामीन लाइक्‍चा माल्‍नीनी। एको नेल्‍ल आं कली श्‍येत गेचा कली बाक्‍ब” दे आ तौ आन कली देंमाक्‍त।
GEN 42:37 मिनु रूबेनमी “गो बेन्‍यामीन ठीक पा मलेत्‍ताक्‍ङ हना, आं तौ निक्‍शी आस कली सतीन” दे आ आफ कली मदा बाक्‍त।
GEN 42:38 मेकोमी “आं तौ गे नु लचा मगेनुङ। आ लोक्‍ब बेक्‍त, आ का ला बाक्‍ब। मेको कली लांमी मार मार दुम्‍ने चाप्‍ब। बेक्‍त हना, गेपुकीमी चां बोइश्‍शो आं कली ठेयब श्‍येत जपाइश्‍शा तुरसुम वोइक्‍चा माल्‍नीनी” दे याकूबम आ तौ आन कली माइक्‍मी बाक्‍त।
GEN 43:1 मिनु मेको रागीमी अन्‍काल बारना बारन ल‍माक्‍त।
GEN 43:2 मिनु आन इजीप्‍त रे चाक्‍शो अन्‍न नेल्‍ल नुप्‍शा, आन आफोमी मेको आन कली “लेंशा इच्‍का जचा थोव़क ग्‍याप्‍थ लने” दे माइक्‍मी बाक्‍त।
GEN 43:3 मिनु यहूदामी “मेको ठेयब मुरुमी ‘गे इन लोक्‍ब कान्‍छा मचाक्‍तीनी हना, आं कली ग्रुम्‍थ मजाक्‍कीन’ दे आंइ कली हुइक्‍ताक्‍व। उत्‍पत्ती ४२:१५-३४
GEN 43:4 गे आंइ लोक्‍ब कान्‍छा कली गोपुकी नु सोइक्‍ताक्‍नी हना, ला लाइनीकी।
GEN 43:5 गे मेको कली गो नु मसोइक्‍ताक्‍नी हना, मलाइनीकी। मारदे हना मेको ठेयब मुरुमी ‘गे इन लोक्‍ब कान्‍छा मचाक्‍तीनी हना, आं कली ग्रुम्‍थ मजाक्‍कीन’ दे आंइ कली हुइक्‍ताक्‍व” दे आ आफ कली देंमाक्‍त।
GEN 43:6 मिनु इस्राएलमी “मारदे मेको मुर कली ‘आंइ लोक्‍ब कान्‍छा बाक्‍ब’ दे शेंदीनी? मिनु आं कली ओदेंशो मरिम्‍शो पाइय्‍यीनी” दे माइक्‍मी बाक्‍त।
GEN 43:7 मिनु मेकोपुकीमी “मेको ठेयब मुरुमी ‘इन आफ मुल सम्‍म ब्रोंइशो बाक्‍बा? अर्को लोक्‍ब यो बाक्‍बा?’ दे आंइ कली खिं ङा मुर आन पर्बम शुश हिल्‍लो पाप्‍तु। मिनु गोपुकीमी मेकोन देंतक। ‘इन लोक्‍ब कान्‍छा चाक्‍कीन’ देंब, दे गो दोपा तुइक्‍नीकी?” दे आन आफ कली देंमा बाक्‍त। उत्‍पत्ती ४२:७-१३
GEN 43:8 मिनु यहूदामी “कान्‍छा गो नु सोइक्‍तीन। गे गो नु इं आइक्‍च आल यो मबेक्मल, दे गो लाइनीकी।
GEN 43:9 गो एको आ जमानी दुम्‍नुङ। गो लेश्‍शा जाक्‍ङा‍नु, गो एको कली चाक्‍शा, इन ङोंइती मवोइक्‍ता हना, गेना हना यो आं पाप लील।
GEN 43:10 गो एको कली रिम्‍शा मबाक्‍शो नकी हना, गो खेयप निक्‍शी लने पिने थुम्‍क वा” दे आ आफ कली देंमाक्‍त।
GEN 43:11 मिनु आन आफ इस्राएलमी “मुल मो दुम्‍चा माल्‍शो बाक्‍त हना, गे मेको ठेयब मुर कली इं रागी ङा नेल्‍ल क्‍येङा रिम्‍शो फल, इच्‍का ख्रेक्‍तीक तेल, इच्‍का खुदो, मस्‍लापुकी, ब्रोव़शो रिना पाइब थोव़क, फोरो नु देसी बदाम कोसेली लतीन। हितोपदेस १८:१६
GEN 43:12 मिनु इन क्‍येट नु ङोंइती ङा इन धोक्रोम बाक्‍शो क्‍येट यो लतीन। प्रेंशा मो दुम, कों? मार दुम्‍मे? उत्‍पत्ती ४२:२७, ३५
GEN 43:13 इन लोक्‍ब कान्‍छा लाइश्‍शा, मेको ठेयब मुर कली लेंशा ग्रुम्‍थ लने।
GEN 43:14 नेल्‍ल क्‍येङा सक्ति पाइश्‍शो परमप्रभुमी मेको मुर आ ङोंइती इन कली शिशी गेवल। मिनु इन अर्को लोक्‍ब नु बेन्‍यामीन यो सोइक्‍तल। गो श्‍येत जचान माल्‍शो बाक्‍ती हना यो, श्‍येत जङल” दे आ तौ आन कली माइक्‍मी बाक्‍त।
GEN 43:15 मिनु आ तौपुकीमी मेको कोसेली, ङोंइती ङा क्‍येट, अर्को क्‍येट नु बेन्‍यामीन लाइश्‍शा, इजीप्‍त रागी लशा, योसेफ आ ङोंइती जाक्‍दीम्‍मा बाक्‍त।
GEN 43:16 मिनु योसेफमी मेकोपुकी नु बेन्‍यामीन कली तशा, आ खिं ङा ठेयब गेय पाइब मुर कली “मेको मुर आन कली आं खिं लाइक्‍मी। बस्‍तु का क्‍योरशा, भोज ठीक पावो। मारदे हना मुलाक्‍ती मेकोपुकी गो नु जाइनीम” देंमाक्‍त।
GEN 43:17 मिनु मेको मुरुम योसेफ आ देंशो पशा, नेल्‍ल आन कली योसेफ आ खिं ओंइदीमी बाक्‍त।
GEN 43:18 मेकोपुकी चहिं हिंमा बाक्‍त, मारदे हना योसेफ आ खिं आगा ओंइदीमी बाक्‍त। मिनु मेकोपुकीमी “मारदे हना इं ङोंइती ङा क्‍येट इं धोक्रोम थित्‍तय। मिनु इं कली वाइल सेल्‍चा नु इं गधा रोइक्‍चा कली इं कली एके ओंइताक्‍मे” देंमुमा बाक्‍त। उत्‍पत्ती ४२:२८
GEN 43:19 मिनु योसेफ आ खिं ङा ठेयब गेय पाइब आ नेक्‍था लशा, लाप्‍चो रे मेको नु लोव़ पामे बाक्‍त।
GEN 43:20 मिनु “हजुर, गोपुकी ङोंइती खेयप का जचा थोव़क ग्‍याप्‍थ जाक्‍तक।
GEN 43:21 मिनु गोपुकी बास बाक्‍तीके जाक्‍दीश्‍शा, आंइ धोक्रो रोक्‍शा, कोव़कानु, आंइ क्‍येट नेल्‍ल आंइ धोक्रो धोक्रोम थित्‍तक।
GEN 43:22 मुल गो लेंशा चाक्‍तक। अर्को जचा थोव़क ग्‍याप्‍चा कली यो क्‍येट चाक्‍तक। सुम आंइ क्‍येट आंइ धोक्रोम कुर पवा, गो मतुइक्‍नीकी” दे ठेयब गेय पाइब कली देंमा बाक्‍त।
GEN 43:23 मिनु मेकोमी “इन थुं नाइक्‍तीने, महिनीने। इन परमप्रभु, इन आफ आ परमप्रभुमी इन क्‍येट इन धोक्रोम कुर पवा माइ। गो इन क्‍येट ताक्‍ता” देंमाक्‍त। मिनु मेकोमी सिमियोन कली चाक्‍गा बाक्‍त। उत्‍पत्ती ४२:२४
GEN 43:24 मिनु मेको मुरुम मेको आन कली योसेफ आ खिं ओंइशा, खोइल चिक्‍चा कली ब्‍वाक्‍कु गेवा बाक्‍त। आन गधा आन कली थुला बाक्‍त।
GEN 43:25 मिनु नाक्‍ती दुम्‍चा चिक्‍तानु, मेको नु काथा जचा माल्‍ब देंशो नेंशा, आन कोसेली गेचा कली ठीक पामे बाक्‍त।
GEN 43:26 मिनु योसेफ जाक्‍मेनु, मेकोपुकीमी आन कोसेली लाङगा रे ओंइशा, मेको आ ङोंइती वोइश्‍शा, खुम्‍की पा बाप्‍शा ख्रेत्‍मे बाक्‍त।
GEN 43:27 मिनु योसेफमी मेको आन कली “दोपा बाक्‍नी? इन आफ, इन देंशो खाल्‍पा, रिम्‍शो बाक्‍मे? मुल सम्‍म ब्रोंइमे?” दे हिल्‍लो पामी बाक्‍त।
GEN 43:28 मिनु मेकोपुकीमी “इन गेय पाइब आंइ आफ मुल सम्‍म ब्रोंइशो नु रिम्‍शो बाक्‍ब” देंशा, आन पिया खुक्‍शा, सेउ पामे बाक्‍त। उत्‍पत्ती ३७:७,९
GEN 43:29 मिनु योसेफमी आ लोक्‍ब बेन्‍यामीन, आ ममा आ तौ तशा “इन देंशो इन लोक्‍ब कान्‍छा एकोन बाक्‍बा?” देंशा, बेन्‍यामीन कली “परमप्रभुमी इ कली शिशी पवल, आं तौ” देंमाक्‍त।
GEN 43:30 मिनु योसेफमी आ लोक्‍ब तशा, ग्‍येरसीशा ङाक्‍चा कली ते लङ, दे आ कोठा लशा ङाक्‍माक्‍त।
GEN 43:31 मिनु आ कुल चिक्‍शा, लेम्‍माक्‍त। मिनु गेय पाइब आन कली “शोब्‍ले ख्रेत्‍तीन” देंमाक्‍त।
GEN 43:32 मिनु योसेफ, आ लोक्‍ब नु मेको नु जाइब इजीप्‍त ङा मुर नेल्‍ल आन कली आन पेवा पेवा जचा थोव़क ख्रेत्‍मे बाक्‍त। मारदे हना इजीप्‍त ङा मुर हिब्रू नु जचा मदुम्‍बाक्‍माक्‍त। इजीप्‍त ङा मुरपुकी ग्रांग्रा दीबाक्‍मा बाक्‍त। उत्‍पत्ती ३९:६; उत्‍पत्ती ४६:३४; प्रस्‍थान ८:२२
GEN 43:33 मिनु योसेफमी आ लोक्‍ब आन कली ङोंइती जरमेशो, माइला, साइला पा कान्‍छा सम्‍म गार पा निप्‍पदा बाक्‍त। मिनु मेकोपुकी छक लाक्‍मा बाक्‍त।
GEN 43:34 मिनु योसेफ आ ङोंइती रे जचा ब्‍वचा थोव़क लाइश्‍शा, मेको आन कली ख्रेप्‍पदा बाक्‍त। बेन्‍यामीन आ भाग अरु आन क्‍येङा ५ भाग खोइ शुश बाक्‍माक्‍त। मिनु मेकोपुकी योसेफ नु जशा तूशा, ग्‍येरशा बाक्‍मा बाक्‍त।
GEN 44:1 मिनु योसेफमी आ खिं ङा ठेयब गेय पाइब कली “मेको मुर आन धोक्रो प्रिंपतो। गिश कुरने चाप्‍नीमी, मिश प्रिंपतो। मिनु आन क्‍येट अन्‍न आ शोव़म वोतो।
GEN 44:2 मिनु आं चांदी के कचौरा, आ क्‍येट नु मेको नेल्‍ल क्‍येङा ठिटा आ धोक्रो आ शोव़म वोतो” दे मदा बाक्‍त। मिनु मेकोमी योसेफ आ देंशो खोदेंशो पा पवा बाक्‍त।
GEN 44:3 मिनु सुनी कना रिम्‍शो पा नां मसोव़थु, मेको मुर नु आन गधा आन कली लचा गेमे बाक्‍त।
GEN 44:4 मिनु सहर रे लमानु, योसेफम आ ठेयब गेय पाइब कली “बोक्‍को, मेको आन नोले खोतो। मिनु मेको आन कली थिश्‍शा ‘मारदे गे रिम्‍शो पाइब कली मरिम्‍शो पनी?
GEN 44:5 मारदे आं प्रभु आ मार मार तूतीक नु लिंक्‍यु कोव़तीक चांदी के कचौरा खुइ पनी? गे मरिम्‍शो पाइतीनी’ दे माइक्‍मी” दे मदा बाक्‍त।
GEN 44:6 मिनु मेको आन कली थिश्‍शा, मोदेंशो लोव़ पवा बाक्‍त।
GEN 44:7 मिनु मेकोपुकीमी “आंइ प्रभुम मारदे मोदेंशो लोव़ पाइबा? गो मो मपक।
GEN 44:8 नेनीन, आंइ धोक्रोमी थिश्‍शो क्‍येट कनान रागी रे लेंशा चाक्‍तक। गो दोपा इन प्रभु आ खिं रे सुन चांदी खुइ पाइनीकी? उत्‍पत्ती ४३:२१
GEN 44:9 गो इन गेय पाइब सु नु मेको कचौरा बाक्‍मे, मेको बेक्‍ल। मिनु गोपुकी यो इन वाइल दुम्‍कल” दे मदमे बाक्‍त।
GEN 44:10 मिनु मेकोमी “इन देंशो खोदेंशो दुम्‍ल। सु आ धोक्रोम थिंसीबा, मेको आं वाइल दुम्‍ब। अरु मो लाइनीनी” देंमाक्‍त।
GEN 44:11 मिनु नोले मेकोपुकीमी रीब रीब पा आन धोक्रो गधा रे शोल्‍शा, रोक्‍शा कोव़ङमे बाक्‍त।
GEN 44:12 मिनु मेकोमी ङोंइती जरमेशो आ धोक्रोमी, नोले नेल्‍ल आन धोक्रोमी का का पा माल्‍शा, कान्‍छा ला लीमाक्‍त। मिनु कचौरा बेन्‍यामीन आ धोक्रोमी थिदा बाक्‍त।
GEN 44:13 मिनु मेकोपुकीमी आन वा खाक्‍शा, आन अन्‍न लेंशा गधा तार वोइश्‍शा, सहर लेम्‍मा बाक्‍त।
GEN 44:14 मिनु यहूदा नु आ लोक्‍बपुकी योसेफ आ खिं जाक्‍मानु, योसेफ मेक उइ बाक्‍माक्‍त। मेको आ ङोंइती खुम्‍की पा बाम्‍मा बाक्‍त।
GEN 44:15 योसेफम मेको आन कली “गे मार पनी? आं खोदेंशो मुरुम नेल्‍ल तुइक्‍ब, दे मतुइक्‍तीनी?” दे मेको आन कली हुइक्‍ता बाक्‍त।
GEN 44:16 मिनु यहूदामी “आंइ प्रभु कली मार देंनीकी? मार लोव़ पाइनीकी? गोपुकी ‘ठीक मुर बाक्‍नीकी’ दे दोपा देंने चाप्‍नीकी? परमप्रभुमी इन गेय पाइब आन मरिम्‍शो कोंइताक्‍व। नेनीन, गोपुकी नु कचौरा धोक्रोम बाक्‍ब, गो नेल्‍ल आंइ प्रभु इन वाइल दुम्‍तक” देंमाक्‍त। उत्‍पत्ती ४२:२१-२२
GEN 44:17 मिनु योसेफमी “ममाइ, मेको मपाइनुङ। तन्‍न सु मुर नु आं कचौरा बाक्‍मे, मेको ला आं वाइल दुम्‍चा माल्‍ब। गेपुकी चहिं थुं नाइश्‍शा, इन आफ आ बाक्‍तीक लने” देंमाक्‍त।
GEN 44:18 मिनु यहूदा मेको आ नेक्‍था लशा “आं प्रभु, लोव़ का पचा गेयीनी। इन गेय पाइब आ पर्बम मगाइक्‍तीने। गे फाराओ खोदेंशो बाक्‍नीनी।
GEN 44:19 आं प्रभुमी ङोंइती आ गेय पाइब आन कली ‘इन के आफ बाक्‍बा? अर्को लोक्‍ब यो बाक्‍बा?’ दे हिल्‍लो पाइतीनी। उत्‍पत्ती ४२:७,१३; उत्‍पत्ती ४३:७
GEN 44:20 मिनु गोपुकीमी आंइ प्रभु कली ‘आंइ के आफ खाल्‍पा दुम्‍शो बाक्‍ब। मिनु खाल्‍पाम थिशो तौ का यो बाक्‍ब। मेको आ लोक्‍ब चहिं बेक्‍त। मेको लीशो आ ममा आ का ला तौ बाक्‍ब। मिनु आ आफोमी मेको कली शुश दाक्‍ब’ दे इन कली देंतक।
GEN 44:21 मिनु गेमी ‘आं कली कोंइचा कली मेको एक चाक्‍कीन’ देंतीनी।
GEN 44:22 गोपुकीमी आंइ प्रभु कली ‘मेको वोंइश आलमी आ आफ कली प्रोंइने मचाप्‍ब। प्रोंइतु हना, आ आफ बेक्‍ब’ देंतक।
GEN 44:23 मिनु गेमी इन गेय पाइब आन कली ‘इन लोक्‍ब कान्‍छा मचाक्‍तीनी हना, गे आं कली ग्रुम्‍थ मपिने’ देंतीनी। उत्‍पत्ती ४२:१५; उत्‍पत्ती ४३:३-५
GEN 44:24 गोपुकी आंइ आफ इन गेय पाइब आ बाक्‍तीके जाक्‍दीश्‍शा, इन लोव़ नेल्‍ल माइक्‍तक।
GEN 44:25 आंइ आफोमी ‘लेंशा जचा थोव़क ग्‍याप्‍थ लने’ देंत।
GEN 44:26 मिनु गोपुकीमी ‘आंइ लोक्‍ब कान्‍छा मलाइक्‍तक हना, गो लने मचाप्‍नीकी। मारदे हना आंइ कान्‍छा भाइ गोपुकी नु मलत हना, ग्रुम्‍चा मदुम्‍ब’ देंतक।
GEN 44:27 मिनु इन गेय पाइब आंइ आफोम आंइ कली ‘आं मीशेम तौ निक्‍शी थिप्‍तु, गे तुइक्‍नीनी।
GEN 44:28 का आं बाक्‍तीक रे लत। जन्‍तुमी मेको कली ब्‍वाम्‍तेक्‍मे। गो मेको कली लेंशा मतङ। उत्‍पत्ती ३७:३२-३३
GEN 44:29 मिनु गे एको कली यो लाइक्‍तीनी हना, लांम बेक्‍बा कों, बेक्‍त हना, गे आं बोइश्‍शो चां श्‍येतम प्रिंशा, तुरसुम वोइक्‍चा माल्‍नीनी’ दे लोव़ पाप्‍तु। उत्‍पत्ती ४२:३८
GEN 44:30 मिनु गो इन गेय पाइब आंइ आफ आ बाक्‍तीक जाक्‍दी‍कानु, एको वोंइश आल, आ आफ आ थुं नेल्‍लेमी दाक्‍ब। मोपतीके गोपुकी नु मबाक्‍त हना,
GEN 44:31 मेको तशा, आ आफ बेक्‍ब। मिनु गोपुकीमी आंइ आफ, चां बोइश्‍शो इन गेय पाइब कली सुर्ता पपाइश्‍शा, श्‍येत जपाइश्‍शा तुरसुम वोइक्‍चा माल्‍नीकी।
GEN 44:32 गो मेको आ जमानी बाक्‍शो बाक्‍नुङ। गो आफ कली ‘मेको आल मचाक्‍ता हना, आं मरिम्‍शो पशो गेना हना यो आं तारी लील’ देंती। उत्‍पत्ती ४३:९
GEN 44:33 मोपतीके एको वोंइश आल ममाइ, आं प्रभु, आं कली इन वाइल वोतीन। एको वोंइश आल आ लोक्‍बपुकी नु लचा गेने।
GEN 44:34 गो आं आफ आ ङोंइती एको वोंइश आल मलाइक्‍थु, दोपा लने चाप्‍नुङा? आं आफ आ श्‍येत तशा, गो यो फाल्‍ने मचाप्‍नुङ” दे यहूदामी योसेफ कली देंमाक्‍त।
GEN 45:1 मिनु नोले योसेफमी आ मुर नेल्‍ल आन ङोंइती फाल्‍ने मचबा बाक्‍त। मिनु “आं गेय पाइब नेल्‍ल एकेर रे लने” दे सोइक्‍पदा बाक्‍त। मिनु योसेफमी आंम कली आ लोक्‍ब आन कली तुइक्‍पदानु, कोठामी सुइ मबाक्‍शो बाक्‍मा बाक्‍त।
GEN 45:2 मिनु ठेयब सेंदामी ङाक्‍मेनु, फाराओ आ खिंम बाक्‍ब इजीप्‍त ङा मुर नेल्‍लेम नेन्‍मे बाक्‍त।
GEN 45:3 मिनु योसेफमी आ लोक्‍ब आन कली “गो योसेफ नङ। आं आफ मुल सम्‍म ब्रोंइमे?” देंमाक्‍त। आ लोक्‍बपुकीमी लोव़ लेन्‍ने मचाप्‍मे बाक्‍त। मारदे हना शुश हिंमा बाक्‍त।
GEN 45:4 मिनु योसेफमी आ लोक्‍ब आन कली “आं नेक्‍था पिने” देंमाक्‍त। मिनु मेकोपुकी आ नेक्‍था जाक्‍मा बाक्‍त। मिनु योसेफमी “गो इन इजीप्‍त रागीम लेयशो लोक्‍ब योसेफ नङ।
GEN 45:5 गे आं कली लेयशो आ पर्बम सुर्ता मपने। आंम कली दोस मगेने। मारदे हना परमप्रभुमी आं कली नेल्‍ल ब्रोंइमल, दे इन ङोंइती सोइश्‍शो बाक्‍त। उत्‍पत्ती ५०:२०
GEN 45:6 एको अन्‍काल मुल बर्स निक्‍शी दुम्‍त। मिनु मुल ५ बर्स सम्‍म तेइ वाक्‍शो नु रिक्‍शो मतांइसीब।
GEN 45:7 परमप्रभुमी आं कली गेपुकी ब्रोंइनील। रागीम जात का लीनील। इन पर्बम शुश ब्रोंइमल, दे इन क्‍येङा ङोंइती एक सोइक्‍ताक्‍यी। एको ठेयब श्‍येत रे प्रोंइतीके बाक्‍ब।
GEN 45:8 मोपतीके गेपुकीमी आं कली एक सोइश्‍शो ममाइ, परमप्रभुमी सोइश्‍शो बाक्‍त। मेकोमी आं कली फाराओ आ आफ खोदेंशो सेल्‍शा, आ खिं ङा होव़प नु इजीप्‍त रागी नेल्‍ल ङा हुकुम पाइब सेल्‍ती।
GEN 45:9 गेपुकी मुल रीब पा इं आफ आ बाक्‍तीके लने। मिनु मेको कली ‘परमप्रभुमी इन तौ योसेफ कली इजीप्‍त रागी नेल्‍ल ङा ठेयब मुर सेला बाक्‍त। एक यिचा मरिम्‍दीन।
GEN 45:10 आं नेक्‍था बाक्‍चा कली गे, इन आल, इन चच, इन क्‍यारश भेडा, बी ब्‍यफ नु मारेइ मारेइ नेल्‍ल चाक्‍शा, गोशेन माइक्‍तीकेमी जाक्‍चा माल्‍नीनी।
GEN 45:11 आं नेक्‍था बाक्‍कीन। गो इन कली थुल्‍नुङ। मारदे हना अन्‍काल मुल ५ बर्स सम्‍म दुम्‍ब। गे मयीतीनी हना, गे, इन खिं ङा मुर नु गेपुकी नु बाक्‍ब नेल्‍ल शुश प्रुङग दुम्‍नीनी’ देंत, दे इं आफ कली माइक्‍चा माल्‍नीनी।
GEN 45:12 मिनु गेपुकी नु आं लोक्‍ब बेन्‍यामीनम तशो ‘गो योसेफ नङ। गो इन कली लोव़ पाता’ दे तुइक्‍नीनी।
GEN 45:13 गो इजीप्‍त रागीमी गिश रिम्‍शो बाक्‍ङा, इन तशो नेल्‍ल, गेपुकीमी इं आफ कली देंचा माल्‍नीनी। रीब पा इं आफ कली एक चाक्‍कीन” दे आ लोक्‍ब आन कली माइक्‍मी बाक्‍त।
GEN 45:14 मिनु आ लोक्‍ब बेन्‍यामीन कली मुप्‍शा ङाक्‍माक्‍त। मिनु बेन्‍यामीन यो ङाक्‍माक्‍त।
GEN 45:15 मिनु नोले आ लोक्‍ब नेल्‍ल आन कली मुप्‍शा, पुक्‍पु पाइश्‍शा ङाक्‍माक्‍त। मिनु नोले आ लोक्‍बपुकीमी लोव़ पचा गोव़मे बाक्‍त।
GEN 45:16 मिनु “योसेफ आ लोक्‍बपुकी जाक्‍तेक्‍म” देंशो लोव़ फाराओ आ खिंम यो जाक्‍दीम्‍माक्‍त। मिनु फाराओ नु आ गेय पाइब नेल्‍ल ग्‍येरसमा बाक्‍त।
GEN 45:17 मिनु फाराओमी योसेफ कली “गेमी इन लोक्‍ब आन कली ‘इन गधापुकीमी अन्‍न कुरपाइश्‍शा, कनान रागी लने।
GEN 45:18 मिनु इन आफ नु इन खिं ङा मुर नेल्‍ल आं नेक्‍था जाक्‍कीन। गो इजीप्‍त रागी ङा नेल्‍ल क्‍येङा रिम्‍शो रू इन कली गेनुङ। मिनु गे रागी ङा नेल्‍ल क्‍येङा ब्रोव़शो जचा ताइनीनी’ दे माइक्‍चा माल्‍नीनी।
GEN 45:19 इन कली अरेशो एकोन बाक्‍ब। इन आइक्‍च आल नु इन मीश आन कली ङोइक्‍चा कली इजीप्‍त रागी रे बग्‍गीपुकी लतीन। इन आफ चाक्‍कीन।
GEN 45:20 ‘इन मारेइ मारेइ ममिम्‍तीन। मारदे हना इजीप्‍त ङा रिम्‍शो नेल्‍ल इन के बाक्‍ब’ दे माइक्‍मी” दे योसेफ कली मदा बाक्‍त।
GEN 45:21 मिनु इस्राएल आ तौपुकीमी योसेफ आ देंशो पामे बाक्‍त। मिनु फाराओम मार देंमे मेको पा, योसेफमी मेको आन कली बग्‍गी नु लां कली लाम्‍जी गेवा बाक्‍त।
GEN 45:22 मेको आन कली जोड का का फेक्‍तीक नक वा गेवा बाक्‍त। बेन्‍यामीन कली चहिं सहे सां चांदी के शेकेल नु ५ जोड फेक्‍तीक वा गेवा बाक्‍त।
GEN 45:23 मिनु आ आफ कली १० ओटा गधैनीमी इजीप्‍त रागी ङा नेल्‍ल क्‍येङा ब्रोव़शो जचा थोव़क नु लांम जचा कली १० ओटा गधाम अन्‍न, शोब्‍ले नु श्‍ये कुर पा सोइक्‍ता बाक्‍त।
GEN 45:24 मिनु लचा ङोंइती मेको आन कली “लांमी मजिने” दे अरेवा बाक्‍त। उत्‍पत्ती ४२:२२
GEN 45:25 मिनु मेकोपुकी इजीप्‍त रागी रे पा कनान रागी आन आफ याकूब आ बाक्‍तीके जाक्‍दीम्‍मा बाक्‍त।
GEN 45:26 मिनु आन आफ कली “योसेफ मुल यो ब्रोंइशो बाक्‍त। इजीप्‍त रागीम हुकुम पाइब मेको बाक्‍माक्‍त” दे लोव़ पामे बाक्‍त। याकूबम चहिं आन देंशो थमा मसुदा बाक्‍त।
GEN 45:27 मिनु मेकोपुकीमी योसेफ आ लोव़ नेल्‍ल शोव़ङमे बाक्‍त। मिनु याकूबम आ कली ङोइक्‍चा, दे योसेफमी सोइश्‍शो बग्‍गी तशा, आ थुं लेत्‍ता बाक्‍त।
GEN 45:28 मिनु इस्राएलमी “आं तौ योसेफ ब्रोंइशो थमा बाक्‍ब। आं बेक्‍चा क्‍येङा ङोंइती मेको आ कुल कोव़नुङ” देंमाक्‍त। उत्‍पत्ती ४६:३०
GEN 46:1 मिनु इस्राएल नु आ खिं ङा मुर नेल्‍ल इजीप्‍त गे लमा बाक्‍त। मिनु बेयर-शेबा जाक्‍दीश्‍शा, आ आफ इसहाक आ परमप्रभु कली चढ़ेवा बाक्‍त। उत्‍पत्ती २६:२३-२५
GEN 46:2 मिनु मेको नाक्‍दो परमप्रभुमी इस्राएल कली “याकूब, याकूब” देंमाक्‍त। मिनु इस्राएलमी “गो नेंता” दे लोव़ लेत्‍ता बाक्‍त।
GEN 46:3 मिनु परमप्रभुमी “गो परमप्रभु, इ आफ आ परमप्रभु नङ। इजीप्‍त लचा महिनो। मारदे हना गे उइ बाक्‍ङेनु, इ रे पा ठेयब जात सेल्‍नुङ। उत्‍पत्ती ४७:२७; प्रस्‍थान १:७
GEN 46:4 गो गे नु इजीप्‍त रागी लाइनुङ। मिनु इ कली थमा पा लेप्‍पाइक्‍नुङ। बेक्‍शा नोले योसेफमी इ मिक्‍च ख्रेप्‍ब” दे परमप्रभुमी देंमाक्‍त।
GEN 46:5 मिनु याकूब बेयर-शेबा रे लमाक्‍त। मिनु इस्राएल आ तौपुकीमी आन आफ, आन आइक्‍च आल नु आन मीश फाराओमी सोइश्‍शो बग्‍गीम ङोइक्‍पदमे बाक्‍त।
GEN 46:6 मिनु आन बस्‍तु भाव, कनान रागीम आन चाक्‍शो मारेइ मारेइ नु याकूब नु आ मुर नेल्‍ल इजीप्‍त रागी जाक्‍दीम्‍मा बाक्‍त।
GEN 46:7 याकूबमी आ तौपुकी नु मेको आन तौपुकी, आ तमीपुकी नु आ तौ आन तमीपुकी नु चच युइ नेल्‍ल इजीप्‍त रागी चाक्‍दीम्‍मी बाक्‍त।
GEN 46:8 मिनु इजीप्‍त रागीम जाक्‍दीश्‍शो इस्राएल आ आल आन नें एको बाक्‍नीमी। आ ङोंइती जरमेशो तौ रूबेन बाक्‍माक्‍त। प्रस्‍थान ६:१४-१६
GEN 46:9 रूबेन आ तौपुकी हनोक, फल्‍लु, हेस्रोन नु कारमी बाक्‍मा बाक्‍त।
GEN 46:10 सिमियोन आ तौपुकी येमुएल, यामीन, ओहद, याकीन नु सोहार, कनान ङा मीश रे जरमेशो शावल, नेल्‍ल सिमियोन आ तौ बाक्‍मा बाक्‍त।
GEN 46:11 लेवी आ तौपुकी गेरशोन, कोहाथ नु मेरारी बाक्‍मा बाक्‍त।
GEN 46:12 यहूदा आ तौपुकी एर, ओनान, शेलाह, पेरेस नु जेराह बाक्‍मा बाक्‍त। एर नु ओनान चहिं कनान रागीम बेक्‍सा बाक्‍त। पेरेस आ तौ हेस्रोन नु हामुल बाक्‍सा बाक्‍त। उत्‍पत्ती ३८:३,४,२९,३०
GEN 46:13 इस्‍साकार आ तौपुकी तोला, पुवा याशुब नु शिम्रोन बाक्‍मा बाक्‍त।
GEN 46:14 जबूलून आ तौपुकी सेरेद, एलोन नु याहलेल बाक्‍मा बाक्‍त।
GEN 46:15 मेको नेल्‍ल लेआमी याकूब के पदान-अराममी थिशो तौ बाक्‍मा बाक्‍त। आ तमी दीना यो बाक्‍माक्‍त। याकूब नु आ तमी तौ नेल्‍ल पा ३३ जना बाक्‍मा बाक्‍त।
GEN 46:16 मिनु गाद आ तौपुकी सिफ्‍‍योन, हाग्‍गी, शुनी, एस्‍बोन, एरी, अरोदी नु अरेली बाक्‍मा बाक्‍त।
GEN 46:17 आशेर आ तौपुकी इम्‍नाह, इश्‍वाह, इश्‍वी, बेरीआ नु आ तमी सेराह बाक्‍मा बाक्‍त। मिनु बेरीआ आ तौ निक्‍शी हेबेर नु माल्‍कीएल बाक्‍सा बाक्‍त।
GEN 46:18 मिनु लाबान आ तमी लेआ कली गेशो गेय पाइब जिल्‍पाम याकूब के थिशो तौपुकी बाक्‍मा बाक्‍त। मेको १६ जना बाक्‍मा बाक्‍त। उत्‍पत्ती २९:२४
GEN 46:19 मिनु याकूब आ मीश राहेल आ तौ योसेफ नु बेन्‍यामीन बाक्‍सा बाक्‍त।
GEN 46:20 योसेफमी इजीप्‍त रागीमी मनस्‍से नु एफ्राइम थि‍माक्‍त। आ मीश ओन सहर ङा नाक्‍सो पोतीफेरा आ तमी आसेनाथ बाक्‍माक्‍त।
GEN 46:21 बेन्‍यामीन आ तौपुकी बेला, बेकेर, अश्‍बेल, गेरा, नामान, एही, रोश, मुप्‍पीम, हुप्‍पीम नु आरद बाक्‍मा बाक्‍त।
GEN 46:22 मेको नेल्‍ल राहेल आ थिशो तौ बाक्‍मा बाक्‍त। मेको नेल्‍ल पा १४ जना बाक्‍मा बाक्‍त।
GEN 46:23 दान आ तौ हुशीम बाक्‍माक्‍त।
GEN 46:24 नाप्‍ताली आ तौपुकी याहसेल, गुनी, येसेर नु शिल्‍लेम बाक्‍मा बाक्‍त।
GEN 46:25 मेको लाबानमी आ तमी राहेल कली गेशो गेय पाइब बिल्‍हाहम याकूब के थिशो तौ बाक्‍मा बाक्‍त। मेको नेल्‍ल ७ जना बाक्‍मा बाक्‍त। उत्‍पत्ती २९:२९
GEN 46:26 मिनु याकूब आ चाइमीपुकी महिक्‍थु, याकूब नु इजीप्‍त रागी जाक्‍शो मुर नेल्‍ल पा ६६ जना बाक्‍मा बाक्‍त।
GEN 46:27 इजीप्‍त रागीमी योसेफमी तौ निक्‍शी थि‍माक्‍त। मोपा इजीप्‍त रागीमी जाक्‍शो याकूब आ खिं ङा मुर ७० जना बाक्‍मा बाक्‍त। याकूब नु योसेफ नु आ तौ निक्‍शी यो हिक्‍शो बाक्‍मा बाक्‍त।
GEN 46:28 मिनु याकूबमी यहूदा कली गोशेन लां शेंसीचा नु योसेफ ग्रुम्‍चा, दे आन ङोंइती ग्रुम्‍थ सोइक्‍ता बाक्‍त। मिनु मेकोपुकी गोशेन माइक्‍तीके जाक्‍दीम्‍मानु, उत्‍पत्ती ४५:१०
GEN 46:29 योसेफ आंम बग्‍गी ठीक पा आ आफ इस्राएल कली गोशेनम ग्रुम्‍थ जाक्‍माक्‍त। मिनु मेको कली ग्रुम्‍शा, मुप्‍शा शुश ङाक्‍सा बाक्‍त।
GEN 46:30 मिनु इस्राएलमी योसेफ कली “मुल गो बेक्‍ने चाप्‍नुङ। मारदे हना गे ब्रोंइशो बाक्‍ते, गो इ कुल कोव़चा ताता” दे आ तौ कली देंमाक्‍त। उत्‍पत्ती ४५:२८
GEN 46:31 मिनु योसेफम आ लोक्‍ब नु आ आफ आ खिं ङा मुर आन कली “गो फाराओ आ बाक्‍तीके लाइनुङ। मिनु मेको कली ‘कनान रागीम बाक्‍शो आं आफ, आं लोक्‍बपुकी नु आं आफ आ खिं ङा मुर नेल्‍ल जाक्‍तेक्‍म।
GEN 46:32 मेकोपुकी भेडा गोठला नु बस्‍तु भाव थुल्‍ब बाक्‍नीम। मेको आन क्‍यारश भेडा, बी ब्‍यफ नु आन मारेइ मारेइ चाक्‍शो बाक्‍तेक्‍मे’ देंनुङ।
GEN 46:33 मिनु फाराओम इन कली ब्रेत्‍ताक्‍व हना, मिनु इन कली इन गेय आ पर्बम हिल्‍लो पाप्‍तु हना,
GEN 46:34 गेपुकीमी ‘इन गेय पाइब आन आल रेन मुल सम्‍म बस्‍तु भाव थुल्‍ब बाक्‍नीम। आंइ किकी पिपी यो मोदेंशो गेय पशो बाक्‍मा बाक्‍त’ देंचा माल्‍नीनी। नोले मेकोमी इन कली गोशेनमी बाक्‍तीके गेब। मारदे हना इजीप्‍त ङा मुर गोठला आन कली तशा ग्रांग्रा दीनीम” दे योसेफमी आ लोक्‍ब आन कली देंमाक्‍त। उत्‍पत्ती ४३:३२
GEN 47:1 मिनु नोले योसेफमी फाराओ कली “आं आफ, आं लोक्‍बपुकी, आन क्‍यारश भेडा, बी ब्‍यफ, आन मारेइ मारेइ नेल्‍ल कनान रागी रे चाक्‍शा, गोशेनमी जाक्‍शो बाक्‍नीमी” दे शेंदा बाक्‍त।
GEN 47:2 मिनु आ लोक्‍ब आन दाते रे ५ जना योव़शा, फाराओ आ ङोंइती राप्‍पदा बाक्‍त।
GEN 47:3 मिनु फाराओमी मेको आन कली “इन गेय मार बाक्‍बा?” दे हिल्‍लो पवा बाक्‍त। मिनु मेकोपुकीमी “गो, इन गेय पाइबपुकी, भेडा गोठला बाक्‍नीकी। गो आंइ किकी पिपी रे गोठला बाक्‍तक” दे फाराओ कली देंमा बाक्‍त। उत्‍पत्ती ४६:३३-३४
GEN 47:4 मिनु लेंशा “कनान रागीमी ठेयब अन्‍काल दुम्‍तीके, गो अर्को रागी ङा मुर दुम्‍शा, एक बाक्‍थ जाक्‍तक। मारदे हना आंइ क्‍यारश भेडा आन कली जोतीके मबा। मोपतीके आंइ कली गोशेन माइक्‍तीकेमी बाक्‍चा गेने, दे पुंइनीकी” दे पुंइदमे बाक्‍त।
GEN 47:5 मिनु फाराओम योसेफ कली “इ आफ नु इ लोक्‍बपुकी इ बाक्‍तीक रागी जाक्‍तेक्‍मे।
GEN 47:6 इजीप्‍त रागी इ रागी खोदेंशो मिम्‍तो। नेल्‍ल क्‍येङा रिम्‍शो जोतीके गोशेनमी मेको आन कली बाक्‍पतो। मिनु मेको इ मुर आन दातेमी रिम्‍शो गेय पाइब बाक्‍तेक्‍म हना, आं बस्‍तु भाव आन कली यो कोव़पतो” दे मदा बाक्‍त।
GEN 47:7 मिनु नोले योसेफमी आ आफ कली फाराओ आ ङोंइती राप्‍पदा बाक्‍त। मिनु याकूबमी फाराओ कली आसीक गेवा बाक्‍त।
GEN 47:8 मिनु फाराओमी “गिश बर्स दुम्‍नी?” दे हिल्‍लो पवा बाक्‍त।
GEN 47:9 मिनु याकूबमी “गो मुल सम्‍म रागीम बाक्‍शो, सहे का ३० बर्स दुम्‍ती। आं किकी पिपी खोदेंशो पा शुश बर्स मदुम्‍ङ। गो मरिम्‍शो नाक्‍त यो ताता” देंमाक्‍त। हिब्रू ११:१३
GEN 47:10 मिनु आसीक गेशा, फाराओ रे लमाक्‍त।
GEN 47:11 मिनु योसेफमी फाराओ आ दें‍शो खोदेंशो पा आ आफ नु आ लोक्‍ब आन कली इजीप्‍त रागीमी रू गेवा बाक्‍त। रागी ङा नेल्‍ल क्‍येङा रिम्‍शो बाक्‍तीके रामे‍सेस आ रागी गोशेनमी बाक्‍पाइक्‍मी बाक्‍त।
GEN 47:12 मिनु योसेफम आ आफ, आ लोक्‍ब नु आ आफ आ खिं ङा मुर नेल्‍ल आन कली आन खिं खिं कली गाप्‍चा ङा पा जचा थोव़क गेशा थुल्‍मी बाक्‍त। उत्‍पत्ती ४५:११
GEN 47:13 रागी नेल्‍लेमी जचा थोव़क मथिदमे बाक्‍त। मारदे हना मेको अन्‍काल बारना बारन ल‍माक्‍त। मिनु इजीप्‍त नु कनान रागी ङा मुर शुश श्‍येत जामे बाक्‍त।
GEN 47:14 मिनु योसेफमी इजीप्‍त नु कनान रागी ङा अन्‍न ग्‍याप्‍थ जाक्‍ब आन गुइ रे क्‍येट ताक्‍शा, फाराओ आ खिंमी वोदा बाक्‍त।
GEN 47:15 मिनु इजीप्‍त नु कनान ङा मुर आन क्‍येट नुप्‍शा, योसेफ आ बाक्‍तीकेमी जाक्‍शा, मेकोपुकीमी “जचा थोव़क गेकी। आंइ के क्‍येट नुप्‍त। गे जचा थोव़क मगेतीनी हना, गो इन ङोंइती बेक्‍चा माल्‍नीकी” दे मदमे बाक्‍त।
GEN 47:16 मिनु योसेफमी “इन के क्‍येट मबाक्‍त हना, इन बस्‍तु भाव चाक्‍कीन। मेको रे पा जचा थोव़क ताइनीनी” देंमाक्‍त।
GEN 47:17 मिनु आन बस्‍तु भाव योसेफ आ बाक्‍तीके चाक्‍ग्‍मे बाक्‍त। मिनु योसेफमी शारापुकी, क्‍यारश भेडा, बी ब्‍यफ, गधा ताक्‍शा, जचा थोव़क गेमी बाक्‍त। मेको बर्समी मेको आन कली आन बस्‍तु भाव आन पा ङा अन्‍न गेवा बाक्‍त।
GEN 47:18 मिनु मेको बर्स नुप्‍शा ङा मिन, अर्को बर्स लेंशा जाक्‍शा योसेफ कली मेकोपुकीमी “गो आंइ प्रभु आ ङोंइती आंइ क्‍येट नुप्‍त, आंइ क्‍यारश भेडा, बी ब्‍यफ नेल्‍ल आंइ प्रभु केन दुम्‍तेक्‍म। मुल आंइ के रूपुकी नु आंम रां ला लीब।
GEN 47:19 मारदे गो इन ङोंइती बेक्‍नीकी? आंइ कली नु आंइ रू कली यो अन्‍न गेशा ग्‍यापीन। गोपुकी फाराओ आ वाइलीम वाइल दुम्‍नीकी। गोपुकी ब्रोंइचा नु आंइ रागीम मुरपुकी लीचा कली वांचेर गेने” देंमा बाक्‍त।
GEN 47:20 मिनु योसेफमी इजीप्‍त रागी नेल्‍ल फाराओ कली ग्‍यबा बाक्‍त। मारदे हना ठेयब अन्‍काल आ पर्बम इजीप्‍त ङा मुरपुकीमी आन रू नेल्‍ल लेयङमे बाक्‍त। मिनु रू नेल्‍ल फाराओ के दुम्‍माक्‍त।
GEN 47:21 मुर नेल्‍ल आन कली वाइलीम वाइल सेल्‍शा, आन बाक्‍तीक रे याक्‍शा वोदा बाक्‍त।
GEN 47:22 नाक्‍सो आ रू चहिं मग्‍यबा बाक्‍त। मारदे हना आन जचा फाराओ आ गुइ रे तामे बाक्‍त। मोपतीके आन रू यो लेयचा ममाल्‍मा बाक्‍त। गन्‍ती १८:२०; यहोसु १३:१४; इजीकीएल ४४:२८; इजीकीएल ४५:१-५
GEN 47:23 मिनु योसेफम मुर आन कली “नेनीन, मुलाक्‍ती रे गेपुकी नु इन रू नेल्‍ल फाराओ के दुम्‍त। गो ग्‍याप्‍ता। एको वांचेर लाइश्‍शा, शोक्‍कीन।
GEN 47:24 मिनु रिक्‍ची ना ५ भाग ङा भाग १ फाराओ कली गेचा माल्‍नीनी। अर्को ४ भाग वांचेर कली नु इन कली, इन खिं ङा मुर नु आइक्‍च आल नेल्‍ल आन कली थुल्‍चा कली लीब” दे माइक्‍मी बाक्‍त। एफाह का २२ लिटर खोदेंशो बाक्‍ब।
GEN 47:25 मिनु मेकोपुकीमी “गे आंइ कली बेक्‍चा रे प्रोंइतीनी। गे आंइ कली थम रिम्‍शो पाइतीनी। गो फाराओ आ वाइल बाक्‍नीकी” देंमा बाक्‍त।
GEN 47:26 मिनु योसेफमी इजीप्‍त रागी ङा ऐन कानुनमी “फाराओ कली ५ भाग ङा भाग का गेचा माल्‍नीम। नाक्‍सोपुकीमी चहिं गेचा ममाल्‍नीम। मारदे हना आन रू फाराओ के मदुम” दे ब्रेक्‍पदा बाक्‍त। मेको मुल सम्‍म मोदेंशो बाक्‍ब।
GEN 47:27 मिनु इस्राएल इजीप्‍त रागी ङा गोशेनमी बाक्‍मेनु, आन मारेइ मारेइ नु मुरपुकी सोशा बोशा, शुश दुम्‍मा बाक्‍त। उत्‍पत्ती ४६:३; प्रस्‍थान १:७,१२
GEN 47:28 याकूब इजीप्‍त रागीमी १७ बर्स ब्रोंइमाक्‍त। मेको आ ब्रोंइतीक नेल्‍ल पा सहे का ४७ बर्स बाक्‍माक्‍त।
GEN 47:29 मिनु आ बेक्‍ची जाक्‍माक्‍त। मिनु आ तौ योसेफ कली ब्रेश्‍शा “गे आं कली शिशी पाप्‍तीवी हना, इ गुइ आं फिला तार वोइश्‍शा, जोल मपथु, आं कली रिम्‍शो पावो। आं कली इजीप्‍त रागीम मथिम्‍यी, दे पुंइनुङ। उत्‍पत्ती ५०:५
GEN 47:30 गो बेक्‍शा, आं कली इजीप्‍त रगी रे कुरशा, आं कली आं किकी पिपी आन तुरसुम थिम्‍यी” दे पुंइदा बाक्‍त। मिनु योसेफमी “इन देंशो पाइनुङ” देंमाक्‍त। उत्‍पत्ती २३:२०
GEN 47:31 मिनु मेकोमी “कसम जावो” दे मदा बाक्‍त। मिनु योसेफमी कसम जवा बाक्‍त। मिनु इस्राएल ब्राख्‍येम बाक्‍शा, खुम्‍की पांइसे बाक्‍त। हिब्रू ११:२१
GEN 48:1 मिनु नोले मुर कामी योसेफ कली “इन आफ रोइ पाप्‍तु” दे शेंदा बाक्‍त। मिनु योसेफमी मनस्‍से नु एफ्राइम आ तौ निक्‍शी लाइश्‍शा, ग्रुम्‍थ लमाक्‍त।
GEN 48:2 मिनु मुर कामी याकूब कली “नेनीन, इन तौ योसेफ इन कली ग्रुम्‍थ जाक्‍त” दे नेंपदा बाक्‍त। मिनु इस्राएल बोल पा बोक्‍शा, आ ब्राख्‍येम निस्‍से बाक्‍त।
GEN 48:3 मिनु याकूबमी योसेफ कली “नेल्‍ल सक्ति पाइश्‍शो परमप्रभुमी कनान रागी ङा लूज सहरम ग्रूशा, आं कली आसीक गेती। उत्‍पत्ती २८:१७-१९
GEN 48:4 मेकोमी आं कली ‘नेनीन, गो इन कली सोशा बोशा, शुश सेल्‍नुङ। गो इ रे शुश थर ङा मुर सेल्‍नुङ। इ कली नु इ चच युइ आन कली मेको रागी गेना हना यो इन केन बाक्‍ब, दे गेनुङ’ देंत। उत्‍पत्ती ३५:११-१२
GEN 48:5 आं जाक्‍चा ङोंइती, इजीप्‍त रागीम जरमेशो एफ्राइम नु मनस्‍से, इ तौ निक्‍शी आं मुर दुम्‍चा माल्‍नीस। रूबेन नु सिमियोन खोदेंशो पा आं केन दुम्‍चा माल्‍नीस। उत्‍पत्ती ४१:५०-५२
GEN 48:6 इ नोले थिशो आल चहिं इ के दुम्‍मल। मिनु आन लोक्‍ब आन जात ङा नें वोइश्‍शो, इजीप्‍त रागीम अङस ताइब दुम्‍मल।
GEN 48:7 गो पदान रे गाक्‍ङानु, कनान रागी ङा एफ्राथ आ ङोंइती राहेल बेक्‍त। मिनु गो मेको कली एफ्राथ माइश्‍शो बेथलेहेम सहर लतीक लांमी थिम्‍ता” देंमाक्‍त। उत्‍पत्ती ३५:१९
GEN 48:8 मिनु इस्राएलमी योसेफ आ तौ निक्‍शी आस कली तशा “मेको निक्‍शी सु नसी?” दे हिल्‍लो पवा बाक्‍त।
GEN 48:9 मिनु योसेफमी आ आफ कली “परमप्रभुमी आं कली गेशो तौ बाक्‍नीसी” देंमाक्‍त। मिनु याकूबमी “मेको आस कली एक चाक्‍सी। मिनु गो मेको आस कली आसीक गेनुङ” दे मदा बाक्‍त।
GEN 48:10 इस्राएल खाल्‍पा दुम्‍शा, आ मिक्‍च रिम्‍शो मताइब दुम्‍शो बाक्‍माक्‍त। मोपतीके मेको आस कली मतुइक्‍ता बाक्‍त। मिनु योसेफमी मेको आस नेक्‍था चाक्‍दीस्‍सी बाक्‍त। मिनु इस्राएलमी मेको आस कली पुक्‍पु पाइश्‍शा, मुबा बाक्‍त।
GEN 48:11 मिनु योसेफ कली “गो इ कुल ताइनुङ दे ममिम्‍शो नङ। तन्‍न परमप्रभुमी आं कली इ आल आन कली यो कोंइताक्‍यी” देंमाक्‍त। उत्‍पत्ती ३७:३३-३५; उत्‍पत्ती ४५:२६; भजन संग्रह १२८:६
GEN 48:12 मिनु योसेफम मेको आस कली आ आफ आ थुकु रे याक्‍शा, खुम्‍की पा सेउ पवा बाक्‍त।
GEN 48:13 मिनु योसेफमी आ तौ निम्‍फा आस कली लाइश्‍शा, एफ्राइम आ ग्‍युरा गुइ नु मनस्‍से आ पेरा गुइ ग्‍याइश्‍शा लाइश्‍शा आ आफ आ ङोंइती वोदा बाक्‍त। मोपा मनस्‍से याकूब आ ग्‍युरा गुइ नु एफ्राइम याकूब आ पेरा गुइ आ नेक्‍था वोदा बाक्‍त। उत्‍पत्ती ४१:५१-५२
GEN 48:14 तन्‍न इस्राएलमी आ गुइ ख्राक्‍शा आ ग्‍युरा गुइ एफ्राइम आ पिया तारी नु आ पेरा गुइ मनस्‍से आ पिया तारी वोदा बाक्‍त। मनस्‍से चहिं योसेफ आ ङोंइती जरमेशो तौ बाक्‍माक्‍त।
GEN 48:15 मिनु याकूबमी योसेफ कली आसीक गेशा “आं किकी पिपी अब्राहाम नु इसहाक परमप्रभु आ ङोंइती गाक्‍शो बाक्‍ताक्‍से। मेको परमप्रभुमी आं कली आं ब्रोंइतीक नाक्‍त नेल्‍ल मुल सम्‍म कोव़ती। उत्‍पत्ती ३२:१०; भजन संग्रह २३:१
GEN 48:16 आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४
GEN 48:17 मिनु योसेफमी आ आफ आ ग्‍युरा गुइ एफ्राइम आ पिया तारी वोइश्‍शो तशा, आ थुं मनुमाक्‍त। मिनु आ आफ आ गुइ एफ्राइम आ पिया रे शोल्‍शा, मनस्‍से आ पियाम वोइक्‍नुङ, दे मिम्‍ता बाक्‍त।
GEN 48:18 मिनु योसेफम आ आफ कली “ममाइ आं आफ, मेको आं ङोंइती जरमेशो बाक्‍ब। इन ग्‍युरा गुइ एको आ पिया तारी वोतीन” देंमाक्‍त।
GEN 48:19 तन्‍न आ आफ मबित्‍थु “गो तुइक्‍नुङ, आं तौ, गो तुइक्‍नुङ। एको यो थर का दुम्‍ब, एको यो ठेयब दुम्‍ब। तन्‍न एको क्‍येङा आ लोक्‍ब एफ्राइम ठेयब दुम्‍ब। मिनु आ चच युइ शुश ठेयब जात दुम्‍नीम” दे आसीक गेम्‍सी बाक्‍त। गन्‍ती १:३३,३५; ब्‍यवस्‍था ३३:१७
GEN 48:20 मिनु मेको नाक्‍ती मेको आस कली आसीक गेशा “इस नें थिशा इस्राएलीमी आसीक गेनीम। मेकोपुकीमी ‘परमप्रभुमी इ कली एफ्राइम नु मनस्‍से खोदेंशो सेलल’ दे आसीक गेनीम” देंमाक्‍त। मोपा याकूबमी मनस्‍से क्‍येङा एफ्राइम ङोंइती वोदा बाक्‍त। हिब्रू ११:२१
GEN 48:21 मिनु इस्राएलमी योसेफ कली “नेनो, गो बेक्‍नुङ। मिनु परमप्रभु गे नु बाक्‍शा, इ कली लेंशा इ किकी पिपी आ रागी लाइक्‍ब।
GEN 48:22 गो इ कली इ लोक्‍ब आन क्‍येङा निक्‍शी अङस गेतन। आं तरवार नु लिब्रामी एमोरी आन गुइ रे रोइश्‍शो रू इ कली गेतन” दे याकूबमी योसेफ कली मदा बाक्‍त। यूहन्‍ना ४:५
GEN 49:1 मिनु याकूबमी आ तौ आन कली ब्रेश्‍शा मेको आन कली “नोले इन कली मार मार दुम्‍बा, नेंचा कली एकेर बुक्‍कीन।
GEN 49:2 याकूब आ तौपुकी बुक्‍शा, इन आफ इस्राएल, आं लोव़ नेनीन।
GEN 49:3 रूबेन, गे आं ङोंइती जरमेशो तौ नवे। ङोंइती ङा आं बोल नु सक्ति बाक्‍नेवे। नेल्‍ल क्‍येङा शिरशो नु सक्ति पाइश्‍शो ङोंइती ङा बाक्‍ते। उत्‍पत्ती २९:३२; ब्‍यवस्‍था २१:१७
GEN 49:4 समुन्‍द्र ङा छाल खोदेंशो पा गे हिम्‍सीशो थुं पाइश्‍शो मुर दुम्‍नेवे। मारदे हना गे इ आफ आ खाट ङोइश्‍शा, बिथोलो पाप्‍तीवी। आं इप्‍तीकेम बाक्‍ते। गे मान मताइब दुम्‍नेवे। उत्‍पत्ती ३५:२२
GEN 49:5 सिमियोन नु लेवी वोबु बाक्‍नीसी। गे हुश ख्राक्‍श पोक्‍ब बाक्‍नीसी। उत्‍पत्ती ३४:२५
GEN 49:6 आं थुं इस ख्रुइश्‍शा अरेशोम गेनायो मबिस्‍सेक्‍ल, आं नें इस ग्रुम्‍तीकेमी गेनायो मदेंमल। थुं का मदुमीसे। मारदे हना इस चुरतीकेमी मुर साइक्‍तीसी। महिंब दुम्‍शा, ब्‍यफ कली गाक्‍ने मचाप्‍ब सेल्‍तीसी।
GEN 49:7 इस गाइश्‍शोम सराप राइब। मारदे हना मेको ठेयब बाक्‍ब। इस चुरचाम सराप राइब। मारदे हना मेको शिशी मपाइश्‍शो मरिम्‍शो बाक्‍ब। थुं का मदुमीस। इस्राएल रागीमी ब्राशा बाक्‍कीस। यहोसु १९:१-९; २१:१-४२
GEN 49:8 यहूदा, इ लोक्‍बपुकीमी इ कली ठेयब सेल्‍मेक्‍ल। इ गुइमी इ जोरी सत्रु आन क्रोक्‍क्रो निप्‍नेवे। इ आफ आ आल इ ङोंइती खुम्‍की पा बाप्‍नीम। गन्‍ती १०:१४; न्‍यायाधीस १:१-२
GEN 49:9 यहूदा गुप्‍स आ चाइक्‍ब खोदेंशो बाक्‍ब। सिखार ब्‍वशा ठेयब दुम्‍ते। ठेयब गुप्‍स खोदेंशो पा खुम बाप्‍ब। गुप्‍सनी खोदेंशो पा इप्‍ब। सुम मेको कली बोक्‍पाइक्‍ने चाप्‍बा? गन्‍ती २३:२४; इजीकीएल १९:२; प्रकाश ५:५
GEN 49:10 ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२
GEN 49:11 मेकोमी आ गधा अङगुर आ बोटम पाइक्‍ब, आ गधा आ चाइक्‍ब नेल्‍ल क्‍येङा रिम्‍शो अङगुर बोटम पाइक्‍ब। आ फेक्‍तीक वा अङगुर शांबुम मुरब। आ वा अङगुर आ रसम ख्रुम्‍ब। योएल ४:१८
GEN 49:12 आ मिक्‍च अङगुर क्‍येङा रिम्‍शो रङ ङा बाक्‍ब। आ ख्रुइ दूध क्‍येङा बुश बाक्‍नीम।
GEN 49:13 जबूलून समुन्‍द्र नु डोंगा वोइक्‍तीकेमी बाक्‍ल। सीदोन सहर सम्‍म आ बाक्‍तीके दुम्‍ल। यहोसु १९:१०-१६
GEN 49:14 इस्‍साकार बोल्‍यो गधा दुम्‍शा, भारी आस दातेमी इप्‍ब।
GEN 49:15 मेकोमी नाइक्‍तीके रिम्‍शो नु रागी दारशो बाक्‍ब, दे ताप्‍तु। मेकेर कुरब दुम्‍शा, अर्को आन गेय पाइब दुम्‍त।
GEN 49:16 दान इस्राएल आ जात ङा ठेयब मुर दुम्‍शा, अरु आन कली निसाफ पाइब दुम्‍ल। न्‍यायाधीस १३:२,२४,२५
GEN 49:17 दान लांमी बाक्‍शो बुस्‍स खोदेंशो दुम्‍‍शा, मेको बीस पाइश्‍शो बुस्‍स खोदेंशो दुम्‍शा, आइक्‍च लांम बाक्‍ब। शारा ङोइक्‍ब मुर तोक्‍चा कली शारा आ गेंग्रेम कोक्‍ब। मिनु शारा ङोइक्‍ब मुर नोले गे दोक्‍ब।
GEN 49:18 परमप्रभु यावे, गे आं मरिम्‍शो पशो रे प्रोंइनीनी, दे रिम्‍शा बाक्‍ती। भजन संग्रह ११९:१६६; हबकुक २:३
GEN 49:19 रोइक्‍ब मुरपुकी गाद कली रोइक्‍चा कली जाक्‍नीम। गादमी मेको आन कली खेदा पा मेको आन के रोइक्‍ब।
GEN 49:20 आशेर आ जचा थोव़क शुश ब्रोव़शो बाक्‍ब। पिपम खोदेंशो पा ब्रोव़शो जचा गेब। यहोसु १९:२४-३१
GEN 49:21 नाप्‍ताली प्रोंइशो रोकोश बाक्‍ब। मेकोमी दारदारशो चाइक्‍ब पाइब। न्‍यायाधीस ४:६-१०
GEN 49:22 योसेफ फल सिप्‍ब रवा का बाक्‍ब। आ राशी गारो तारी बाक्‍शा, ब्‍वाक्‍कु बुक्‍तीकेमी ख्रुम्‍शो रवा का बाक्‍ब।
GEN 49:23 ब्रा आप्‍बपुकीमी मेको कली ब्रा आप्‍तेक्‍म। मेको कली आप्‍शा, खेदा पशा, काइ मदाक्‍तेम।
GEN 49:24 तन्‍न आ लिब्रा बोल्‍यो बाक्‍ब, आ गुइ बोल्‍यो बाक्‍नीम। सक्ति पाइश्‍शो याकूब आ परमप्रभु, इस्राएल आ गोठला नु सेरथे फुल्‍लुम, मेको कली वारच पाप्‍तु। ब्‍यवस्‍था ३२:१८
GEN 49:25 इ आफ आ परमप्रभुमी इ कली वारच पाइब। नेल्‍ल क्‍येङा सक्ति पाइश्‍शो परमप्रभुमी इ कली सरीङ रे नु खप रे आसीक गेब। शुश आल थिचा ङा आसीक यो गेवल। ब्‍यवस्‍था २८:३-६; ब्‍यवस्‍था ३३:१३
GEN 49:26 गेना हना यो बाक्‍ब डांडा ङा आसीक क्‍येङा इ आफ आ गेशो आसीक ठेयब बाक्‍ब। योसेफ आ लोक्‍ब खोदेंशो मदुम्‍थु, एको आसीक आ पिया तारी दुम्‍ल।
GEN 49:27 बेन्‍यामीन ब्रुप्‍शा ग्‍याइक्‍ब फर खोदेंशो बाक्‍ब। मिनु सुनी आ सिखार ब्‍वाइब, नाक्‍दो आ रोइश्‍शो योक्‍ब” दे याकूबम आ तौ नेल्‍ल आन कली आसीक गेमी बाक्‍त। न्‍यायाधीस २०:२५; १सामुएल ९:१-२
GEN 49:28 एको इस्राएल आ १२ थर बाक्‍नीम। आन आफोम मेको आन कली आसीक गेशा पशो लोव़ एकोन बाक्‍ब। मेकोमी मेको आन कली का का पा आसीक गेवा बाक्‍त।
GEN 49:29 मिनु मेको आन कली “गो आं किकी पिपी आन बाक्‍तीके लाइनुङ। हित्ती ङा एफ्रोन आ रूमी बाक्‍शो पुक्‍खी, आं किकी पिपी आन कली थिम्‍तीकेमी आं कली वोतीन। उत्‍पत्ती २३:१३-२०
GEN 49:30 मेको पुक्‍खी कनान रागीमी माम्रे आ पूर्ब ङा माक-पेलामी बाक्‍ब। अब्राहाममी मेको थिम्‍तीक हित्ती ङा एफ्रोन रे ग्‍यबा बाक्‍त।
GEN 49:31 अब्राहाम नु आ मीश सारा मेक थिम्‍शो बाक्‍नीस। इसहाक नु आ मीश रेबेका यो मेक थिम्‍शो बाक्‍नीस। मेकेर लेआ यो थिम्‍ता। उत्‍पत्ती २५:९; उत्‍पत्ती ३५:२९
GEN 49:32 मिनु मेको रू नु पुक्‍खी हित्ती मुर रे ग्‍याप्‍शो बाक्‍त” देंमाक्‍त।
GEN 49:33 याकूबमी आ तौ आन कली मोदें लोव़ पशा नोले, खाटमी आ खोइल दिंशा, बेक्‍माक्‍त। मिनु आ किकी पिपी आन बाक्‍तीक लमाक्‍त।
GEN 50:1 मिनु योसेफ आ आफ आ कुल तार गुर ब्‍वेशा, पुक्‍पु पाइश्‍शा, ङाक्‍माक्‍त।
GEN 50:2 मिनु आ गेय पाइब नु डाक्‍टर आन कली “आं आफ आ रां कली ख्रेक्‍तीन” दे माइक्‍मी बाक्‍त। मिनु मेकोपुकीमी बेक्‍शो मुर आ रां ख्रेक्‍तमे बाक्‍त।
GEN 50:3 मिनु ४० नाक्‍त ख्रेक्‍तमे बाक्‍त। मारदे हना ख्रेक्‍चा कली ४० नाक्‍ती माल्‍बाक्‍माक्‍त। इजीप्‍त ङा मुरपुकी यो ७० नाक्‍ती रोंका पामे बाक्‍त।
GEN 50:4 मिनु रोंका पतीक नाक्‍ती नुम्‍मेनु, योसेफमी फाराओ आ खिं ङा मुर आन कली “गो इन ङोंइती शिशी ताइनुङ हना, गे फाराओ कली आं पर्बम लोव़ पने।
GEN 50:5 आं आफोम आं कली ‘गो बेक्‍ङानु, कनान रागीम आं कली थिम्‍तीके ठीक पाता, मेकेर थिम्‍चा माल्‍नेवे’ दे कसम जपाइक्‍ती। मोपतीके आं आफ थिम्‍चा कली मेकेर लचा गेयीनी। मिनु गो थिम्‍शा लेत्‍नुङ। एको लोव़ फाराओ कली देनीन” दे मेको आन कली मदा बाक्‍त। उत्‍पत्ती ४७:२९-३०
GEN 50:6 मिनु फाराओमी “इ कसम जशो खोदेंशो पा इ आफ कली थिमो” दे योसेफ कली देंमाक्‍त।
GEN 50:7 मिनु योसेफ, फाराओ आ गेय पाइबपुकी, मेको आन ठेयब मुरपुकी, इजीप्‍त रागी ङा ठेयब मुरपुकी,
GEN 50:8 योसेफ आ खिं ङा मुर नेल्‍ल, आ लोक्‍बपुकी नु आ आफ आ खिं ङा मुर नेल्‍ल आ आफ थिम्‍थ लमा बाक्‍त। आन आइक्‍च आलपुकी नु आन क्‍यारश भेडा, बी ब्‍यफ ला गोशेनमी बाक्‍मा बाक्‍त।
GEN 50:9 मिनु योसेफ नु बग्‍गी नु शारा ङोइक्‍बपुकी लमा बाक्‍त। मिनु शुश मुर दुम्‍मा बाक्‍त।
GEN 50:10 मिनु मेकोपुकी आताद आ चेरब तुप्‍तीके यर्दन खोला आइक्‍ची हांबु जाक्‍दीश्‍शा, ठेयब रोंका पामे बाक्‍त। मिनु योसेफमी आ आफ कली ७ नाक्‍त सम्‍म रोंका पवा बाक्‍त।
GEN 50:11 मिनु मेकेर बाक्‍ब कनान रागी ङा मुरपुकीम आताद आ चेरब तुप्‍तीक खलाम मेको रोंका पाइब आन कली तशा “एको इजीप्‍त ङा मुर आन ठेयब रोंका का बाक्‍ब” देंमा बाक्‍त। मोपतीके मेको यर्दन आइक्‍ची हांब ङा बाक्‍तीके कली आबेल-मिस्रैम नें वोदमे बाक्‍त। आबेल-मिस्रैम आ अर्थ “ठेयब रोंका पतीके” बाक्‍ब।
GEN 50:12 मोपा याकूब आ तौपुकीमी आन आफ आ अरेशो खोदेंशो पामे बाक्‍त। उत्‍पत्ती ४९:२९
GEN 50:13 मिनु आ तौपुकीम आन आफ आ रां कनान रागी चाक्‍दीश्‍शा, अब्राहाममी मुर थिम्‍चा कली हित्ती ङा एफ्रोन रे ग्‍याप्‍शो माम्रे आ नेक्‍था माक-पेला ङा रूमी थिम्‍मे बाक्‍त। उत्‍पत्ती २३:१३-२०
GEN 50:14 मिनु आ आफ थिम्‍शा नोले, योसेफ नु आ नु गाक्‍ब नेल्‍ल इजीप्‍त रागी लेम्‍मा बाक्‍त।
GEN 50:15 मिनु आन आफ बेक्‍म नोले योसेफ आ लोक्‍बपुकीम “मुल योसेफमी इं कली क्‍येक्‍क लेप्‍बा कों। मारदे हना गोपुकीमी मेको कली मरिम्‍शो पाइतय” दे लोव़ पमुमा बाक्‍त। उत्‍पत्ती २७:४१
GEN 50:16 मिनु आ लोक्‍बपुकीमी लोव़ पचा कली मुर का योसेफ आ बाक्‍तीके सोइक्‍तमे बाक्‍त। मेकोमी “इन आफ आ बेक्‍चा क्‍येङा ङोंइती मार अरेवा बाक्‍त देंशा हना,
GEN 50:17 गे योसेफ कली ‘इन लोक्‍ब आन मरिम्‍शो पशो आ पर्बम माफ गेने। मारदे हना इन कली मरिम्‍शो पाम्‍तेक्‍मे। मिनु इन आफ आ परमप्रभु आ गेय पाइब आन कली आन पाप माफ गेने’ दे माइक्‍चा” दे सोइश्‍शो मुरुमी योसेफ कली देंमाक्‍त। मिनु योसेफमी मेको आ लोव़ नेंशा ङाक्‍माक्‍त।
GEN 50:18 मिनु आ लोक्‍बपुकी यो जाक्‍मा बाक्‍त। मिनु आ ङोंइती खुम्‍की पा बाप्‍शा “इन वाइल नकी” दे सेउ पामे बाक्‍त।
GEN 50:19 मिनु योसेफमी “महिनीन, गो परमप्रभु मनङ।
GEN 50:20 गेपुकीमी आं कली मरिम्‍शो पाइतीनी। परमप्रभुमी चहिं रिम्‍शो सेल्‍ती। मो दुम्‍शा परमप्रभुमी शुश मुर आन कली ब्रोंइचा गेप्‍तु। उत्‍पत्ती ४५:५,७
GEN 50:21 मोपतीके महिनीन, गो इन कली नु इन आल आन कली कोव़नुङ” दे आ लोक्‍ब आन कली लेम्‍शा, रिम्‍शो लोव़ पवा बाक्‍त।
GEN 50:22 योसेफ नु आ खिं ङा मुर नेल्‍ल इजीप्‍त रागीमी बाक्‍मा बाक्‍त। मिनु योसेफ सहे का १० बर्स ब्रोंइमाक्‍त।
GEN 50:23 मिनु आ तौ एफ्राइम आ चच युइ यो तवा बाक्‍त। आ ङोंइती जरमेशो, मनस्‍से आ तौ माकीर आ तौ आ थुकुम वोदा बाक्‍त।
GEN 50:24 मिनु योसेफमी आ लोक्‍ब आन कली “गो बेक्‍नुङ। परमप्रभुमी इन कली कोव़ब। परमप्रभुमी अब्राहाम, इसहाक नु याकूब कली ‘इन कली कनान रागी लेप्‍पाइक्‍नुङ’ दे कसम जशा, लोव़ पशो बाक्‍ब” देंमाक्‍त।
GEN 50:25 मिनु योसेफमी आ लोक्‍ब आन कली “परमप्रभुमी इन कली थमा पा एकेर रे लेप्‍पाइक्‍ब। मेना आं रुश यो लतीने” दे कसम जपाइक्‍मी बाक्‍त। प्रस्‍थान १३:१९; यहोसु २४:३२
GEN 50:26 मिनु योसेफ सहे का १० बर्स दुम्‍शा बेक्‍माक्‍त। मिनु आ रां कली मराक्‍चा ङा पा ओख्‍ती ख्रेक्‍शा, इजीप्‍त रागीमी बाकसम कुर पा वोदमे बाक्‍त।
EXO 1:1 आन खिं खिं ङा मुर लाइश्‍शा, याकूब नु इजीप्‍त लाइब इस्राएल आ तौ सु सु बाक्‍मा बाक्‍त देंशा हना, उत्‍पत्ती ४६:८-२७
EXO 1:2 रूबेन, सिमियोन, लेवी, यहूदा,
EXO 1:3 इस्‍साकार, जबूलून, बेन्‍यामीन,
EXO 1:4 दान, नाप्‍ताली, गाद नु आशेर बाक्‍मा बाक्‍त।
EXO 1:5 मिनु याकूब आ तौ आन खिं खिं ङा मुर नेल्‍ल पा ७० जना बाक्‍मा बाक्‍त। योसेफ चहिं इजीप्‍त रागीमी बाक्‍शो बाक्‍माक्‍त।
EXO 1:6 मिनु नोले योसेफ नु मेको आ लोक्‍ब आन पाला ङा मुर नेल्‍ल बेक्‍मा बाक्‍त। उत्‍पत्ती ५०:२६
EXO 1:7 मिनु इस्राएल आ चच युइ सोशा बोशा शुश दुम्‍मा बाक्‍त। शुश दुम्‍शा ङा मिन, बोल्‍यो दुम्‍मा बाक्‍त। मिनु इस्राएल आ मुरपुकीमी रागी नेल्‍ल ब्रीमा बाक्‍त। प्रेरित ७:१७-१९
EXO 1:8 मिनु नोले योसेफ कली मतुइक्‍ब पिप काम इजीप्‍त रागी कली सासन पवा बाक्‍त।
EXO 1:9 मेकोमी आ मुर आन कली “नेनीन, इं रागीमी बाक्‍शो इस्राएल ङा मुरपुकी इं क्‍येङा शुश नु बोल्‍यो दुम्‍तेक्‍म।
EXO 1:10 मेको आन पर्बमी शुश मिम्‍शा, सल्‍ला पय। मो मपाइतय हना, मेको शुश दुम्‍शा, नोले लडाइ दुम्‍मेनु, इं जोरी सत्रु आन कली वारच पाइश्‍शा, एक रे प्रोक्‍नीमी, कोर में” दे आ मुर आन कली माइक्‍मी बाक्‍त।
EXO 1:11 मोपतीके मेकोपुकीमी इस्राएली आन कली श्‍येत गेशा, गेय पपाइक्‍चा कली कोव़ब ठेयब मुरपुकी वोदमे बाक्‍त। मिनु इस्राएलीपुकीमी फाराओ माइश्‍शो पिप आ मार मार वोइक्‍चा कली पिथोम नु रामे‍सेस सहर निक्‍शी सेल्‍मे बाक्‍त। उत्‍पत्ती १५:१३; उत्‍पत्ती ४७:११
EXO 1:12 तन्‍न इस्राएली गिश श्‍येत जामे, मिश बारना बारन शुश दुम्‍शा, इजीप्‍त रागी ब्रीमा बाक्‍त। मिनु मेको आन कली तशा, इजीप्‍त ङा मुर शुश हिंमा बाक्‍त।
EXO 1:13 मोपतीके इस्राएली आन कली ङोंइती क्‍येङा यो शुश गेय पपदमे बाक्‍त। उत्‍पत्ती १५:१३
EXO 1:14 शुश श्‍येत गेशा, शुश गेय पपदमे बाक्‍त। मार गेय पपदमे बाक्‍त देंशा हना, हिलो निपदमे बाक्‍त, इंटा सेल्‍पदमे बाक्‍त, रू ङा गेय यो पपदमे बाक्‍त। तेको गेय गेमे, मेको शुश श्‍येत ङा गेय बाक्‍माक्‍त।
EXO 1:15 मिनु इजीप्‍त ङा पिपमी हिब्रू मीश मुर आन आल थिची ना वारच पाइब आन ठेयब मीश मुर आस कली लोव़ पवा बाक्‍त। मेको आन दाते ङा का आ नें शिप्रा नु अर्को आ नें पुआ बाक्‍माक्‍त।
EXO 1:16 मिनु फाराओमी “गे निक्‍शी हिब्रू मीश मुर आन कली आल थिची ना वारच पाइनीसी। तौ थिम्‍तेक्‍म हना, सतीसे। तमी बाक्‍त हना, मसतीसे” दे माइक्‍सी बाक्‍त।
EXO 1:17 तन्‍न मेको मीश मुर आन कली वारच पाइब नेल्‍लेमी परमप्रभु कली मान पा हिंशा, इजीप्‍त ङा पिपमी देंशो मपथु, वोंइश आल आन कली यो मसदमे बाक्‍त।
EXO 1:18 मिनु इजीप्‍त ङा पिपम मेको वारच पाइब मीश मुर आस कली ब्रेश्‍शा “गे मारदे वोंइश आल आन कली यो ब्रोंइचा गेसी? मारदे मोदेंशो पसी?” दे लोव़ पवा बाक्‍त।
EXO 1:19 मिनु मेको मीश मुरुमी “हिब्रू मीश मुरपुकी इजीप्‍त ङा मीश मुर आन क्‍येङा बोल्‍यो बाक्‍नीम। मोपतीके गो जाक्‍दीत्‍चा क्‍येङा ङोंइती आल थिने थुम्‍शो बाक्‍नीमी” देंसा बाक्‍त।
EXO 1:20 मोपतीके परमप्रभुमी मेको आल थिचा वारच पाइब मीश मुर आन कली आसीक गेवा बाक्‍त। मिनु इस्राएली शुश दुम्‍शा, बोल्‍यो दुम्‍मा बाक्‍त।
EXO 1:21 वारच पाइब मीश मुरपुकी परमप्रभु कली मान पा हिंतीके परमप्रभुमी मेको आन खिं कली यो आसीक गेवा बाक्‍त।
EXO 1:22 मिनु पिप फाराओमी आ मुर आन कली “हिब्रूपुकीमी दोशो तौ थीमे, मेको नेल्‍ल नील खोलाम लाइश्‍शा ताइक्‍तीन। आन तमी आन कली चहिं ब्रोंइचा गेने” दे हुकुम पवा बाक्‍त।
EXO 2:1 लेवी आ थर ङा मुर का बाक्‍माक्‍त। मिनु मेकोमी लेवी आ थर ङा मीश आल का ग्‍युंबे पवा बाक्‍त। प्रस्‍थान ६:२०
EXO 2:2 मिनु मेको मीश मुरुमी तमी का नु तौ का थिमाक्‍त। नोले लेंशा आल कुरशा, तौ का थिमाक्‍त। आ थिशो तौ कली तशा “शुश दारशो आल बाक्‍ब” दे महिना सां सम्‍म ख्रुइश्‍‍शा वोदा बाक्‍त। प्रेरित ७:२०; हिब्रू ११:२३
EXO 2:3 मिनु नोले आल आ ममामी महिना सां ङा आल कली ख्रुइक्‍ने मचबा बाक्‍त। मिनु आल कली सुम्‍तीके पाइश्‍शो ग्‍युर सेल्‍शा, ब्‍वाक्‍कु मओव़चा ङा पा अल्‍कत्राम सिल्‍दा बाक्‍त। मिनु मेको आ तौ कली ग्‍युरुम कुर पा खोला आ नेक्‍था ङा बुदी मीलु घांस आगा, ब्‍वाक्‍कुम वोदा बाक्‍त।
EXO 2:4 मिनु मेको आल आ दिदी “आं लोक्‍ब कली मार दुम्‍मे” दे ङोन रे कोव़दीम्‍माक्‍त। गन्‍ती २६:५९
EXO 2:5 मेना पिप आ तमी खोलाम चिक्‍चा कली जाक्‍दीम्‍माक्‍त। आ गेय पाइबपुकी यो खोला आ नेक्‍था लमा बाक्‍त। मिनु पिप आ तमीमी बुदी मीलु घांस आगा, ब्‍वाक्‍कुमी मेको ग्‍युर तशा, आ गेय पाइब का कली “मेको ग्‍युर ब्रथ लावो” दे सोइक्‍ता बाक्‍त।
EXO 2:6 मिनु पिप आ तमीमी मेको सुम्‍तीक पाइश्‍शो ग्‍युर रोक्‍शा कोव़ङानु “ए, आल का बाक्‍त” देंमाक्‍त। मिनु आल ङाक्‍माक्‍त। मेको आल तशा, शिशी पवा बाक्‍त। मिनु पिप आ तमीमी “एको हिब्रू ङा मुर आ तौ का बाक्‍ब” देंमाक्‍त।
EXO 2:7 मिनु आल आ दिदीमी “गो इन कली हिब्रू दूध तुंइब मीश मुर का चाक्‍गु? आल कली दूध तुंइबा कों” दे हिल्‍लो पवा बाक्‍त।
EXO 2:8 मिनु फाराओ आ तमीमी “लो, चाक्‍को” दे मीश आल कली देंमाक्‍त। मिनु मेको मीश आलम आ ममा ब्रथ लमाक्‍त।
EXO 2:9 मिनु फाराओ आ तमीमी मेको मीश मुर कली “एको आल आं कली थुलो। एको आल थुल्‍शो ङा, इ कली क्‍येट गेनुङ” दे लोव़ पवा बाक्‍त। मिनु मीश मुरुमी आल लाइश्‍शा, थुला बाक्‍त।
EXO 2:10 मेको नोले आल कोल्‍माक्‍त। मिनु काबु मेकोमी मेको आल फाराओ आ तमी कली लाइश्‍शा, गेवा बाक्‍त। मिनु आ तौ खोदेंशो दुम्‍माक्‍त। मिनु पिप आ तमीमी मेको आ नें मोसा वोदा बाक्‍त। मारदे हना “गो मेको कली ब्‍वाक्‍कु रे ग्रुंइताक्‍ङ” देंमाक्‍त। मोसा आ अर्थ हिब्रू लोव़मी “ब्‍वाक्‍कु रे ग्रुंइशो” देंशो बाक्‍ब।
EXO 2:11 मिनु नोले मोसा ठेयब दुम्‍शा, आ लोक्‍ब आन कली ग्रुम्‍थ लशा, आन श्‍येत जशो ताप्‍तु। मेकोमी इजीप्‍त रागी ङा मुरुमी आ हिब्रू लोक्‍ब का कली तुप्‍शो ताप्‍तु। प्रेरित ७:२३-२९; हिब्रू ११:२४-२७
EXO 2:12 मिनु मोसामी एर ओंथ कोव़शा, सुइ मबाक्‍शो तशा, इजीप्‍त ङा तुप्‍ब मुर कली साइक्‍तु। मिनु बाल्‍वामी थिम्‍तु।
EXO 2:13 आ दीसा मोसा लेंशा हिरथ लमेनु, हिब्रू निक्‍शी जिशा तुम्‍मुशो ताप्‍तु। मिनु मोसामी मरिम्‍शो पाइब कली “मारदे आंम लोक्‍ब कली तुबी?” दे हिल्‍लो पाप्‍तु।
EXO 2:14 मिनु मेकोमी “सुमी इ कली आंस होव़प नु निसाफ पाइब सेला? इजीप्‍त ङा मुर कली साइश्‍शो खोदेंशो पा आं कली यो सदु, देंने?” दें‍त। मिनु मोसामी “मुल एको लोव़, मुर नेल्‍लेमी तुइक्‍नीमी” दे मिम्‍शा हिं‍त। प्रेरित ७:३५
EXO 2:15 मिनु फाराओमी “मोसाम इजीप्‍त ङा मुर का साइक्‍तु” देंशो नेंशा, मोसा कली साइक्‍चा माल्‍तु। मोसा चहिं फाराओ आ बाक्‍तीक रे प्रोक्‍शा, मिदयान रागी जाक्‍दीश्‍शा, इनार तारी निश्‍शा बाक्‍‍त।
EXO 2:16 मिनु मिदयान रागीमी ७ जना तमी बाक्‍शो नाक्‍सो का बाक्‍माक्‍त। मेको मीश आलपुकीमी आन आफ आ क्‍यारश भेडा आन कली ब्‍वाक्‍कु तुंइचा, दे शुंगु ब्‍वाक्‍कुम प्रिंचा कली, ब्‍वाक्‍कु कीतेक्‍म। प्रस्‍थान ३:१
EXO 2:17 तन्‍न अरु गोठलापुकी जाक्‍शा, मेको आन कली श्‍येत गेम्‍तेक्‍म। मोसामी चहिं मेको मीश आल आन कली वारच पा, आन भेडा आन कली ब्‍वाक्‍कु तुंइताक्‍व।
EXO 2:18 मिनु मेको आन आफ रूएल आ खिं जाक्‍दीम्‍मानु, मेकोमी आ तमी आन कली “मुलाक्‍ती गे दोपा रीब पा जाक्‍नी?” दे हिल्‍लो पवा बाक्‍त।
EXO 2:19 मिनु मेको आ तमीपुकीमी “इजीप्‍त रागी ङा वोंइश मुर कामी आंइ कली गोठला आन गुइ रे प्रोंइतु। मिनु शुश ब्‍वाक्‍कु कुर पा आंइ क्‍यारश भेडा आन कली तुंइताक्‍व” दे आन आफ कली मदमे बाक्‍त।
EXO 2:20 मेकोमी आ तमी आन कली “मेको मुर ते बाक्‍मे? एक मारदे मचाक्‍नी? मुल गो नु जथ ब्रेत्‍तीने” दे माइक्‍मी बाक्‍त।
EXO 2:21 मिनु मोसा मेकोपुकी नु बाक्‍चा बिस्‍साक्‍व। रूएलमी मोसा कली आ तमी सिप्‍पोरा ग्‍युंबे पा गेप्‍तु। गन्‍ती १२:१
EXO 2:22 मिनु नोले तौ का थिप्‍तु। मिनु मोसामी मेको आल आ नें गेरशोम वोइक्‍तु। मारदे हना “गो मतुइश्‍शो रागीमी अर्को रागी ङा मुर दुम्‍ती” दें‍त। प्रस्‍थान १८:४
EXO 2:23 मिनु शुश बर्स नोले इजीप्‍त रागी ङा पिप बेक्‍माक्‍त। इस्राएल जात ङा मुर इजीप्‍त रागीम वाइलीम वाइल खोदेंशो दुम्‍शा, शुश श्‍येत जशा, परमप्रभु कली “वारच पाइय्‍यीकी” दे पुंइशा ङाक्‍मा बाक्‍त। मिनु परमप्रभुमी मेको आन ङाक्‍शो नेना बाक्‍त।
EXO 2:24 मिनु परमप्रभुमी अब्राहाम, इसहाक नु याकूब नु कबल पशो मिम्‍ता बाक्‍त। उत्‍पत्ती १५:१८; उत्‍पत्ती २६:३; उत्‍पत्ती २८:१३-१४
EXO 2:25 मिनु परमप्रभुमी आन श्‍येत जशो तशा शिशी पवा बाक्‍त।
EXO 3:1 मेना मोसा आ शिउ आ क्‍यारश भेडा योव़थ ल‍त। आ शिउ रूएल आ नें यित्रो यो बाक्‍माक्‍त। यित्रो चहिं मिदयान रागी ङा नाक्‍सो का बाक्‍माक्‍त। मोसामी क्‍यारश भेडा आन कली गोरशो रागी ङा नां पेरतीके गे योव़तु। मोपा योव़ना योव़न, होरेब माइश्‍शो परमप्रभु आ डांडा आ नेक्‍था जाक्‍दीत्‍‍त। प्रेरित ७:३०-३४
EXO 3:2 मेकेर परमप्रभु यावे आ स्‍वर्ग ङा गेय पाइब मी ब्रशो बुटा रे ग्रूत। ङोंइती दोदेंशो बाक्‍‍त देंशा हना, मोसामी ङोन रे कोव़ङानु, ब्रशो बुटा का कली मीम काइ मनेक्‍शो ताप्‍तु। ब्‍यवस्‍था ३३:१६
EXO 3:3 मिनु मोसामी “गो मेकेर लशा कोव़चा माल्‍नुङ। छक लाक्‍चा ङा बाक्‍त। मारदे मीम मेरे बुटा कली मनेक्‍गा?” दे आंमा लोव़ पाप्‍तु।
EXO 3:4 मिनु परमप्रभु यावेमी मोसा कली ब्रशो बुटा कोव़थ पिशो तशा, परमप्रभुमी बुटा रे “मोसा, मोसा” दे ब्रेत्‍ताक्‍व। मिनु मोसामी “गो एक बाक्‍ती” दे लोव़ लेत्‍ताक्‍व।
EXO 3:5 मिनु लेंशा “एक मपिवो। इ जुत्ता प्रुतो। मारदे हना इ राप्‍शा बाक्‍तीके आं बाक्‍तीके बाक्‍ब। उत्‍पत्ती २८:१७; यहोसु ५:१५
EXO 3:6 गो इ आफ आ परमप्रभु इ किकी पिपी अब्राहाम, इसहाक नु याकूब आन परमप्रभु नङ” दे मोसा कली लोव़ पाप्‍तु। मिनु मोसामी परमप्रभु कली तशा हिंशा, आ कुल सुम्‍साक्‍व। उत्‍पत्ती १७:१; उत्‍पत्ती २८:१-४; उत्‍पत्ती ३५:९-११; मत्ती २२:३२
EXO 3:7 मिनु परमप्रभु यावेमी “गो इजीप्‍त रागीमी बाक्‍शो आं मुर आन श्‍येत ताता। मेको आन कली गेय पपाइक्‍ब आन पर्बम ङाक्‍नीमी। गो आन ङाक्‍शो नेंता, ताता। गो आन श्‍येत जशो तुइक्‍ताक्‍ङ। प्रस्‍थान २:२३
EXO 3:8 मिनु मेको आन कली इजीप्‍त रागी ङा मुरपुकीम गेशो श्‍येत रे प्रोंइनुङमी। गो आं मुर आन कली रिम्‍शो नु ठेयब रागी लाइक्‍नुङमी। मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। मेको रागी कनानी, हित्ती, एमोरी, परिज्‍‍जी, हिव्‍वी नु यबुसी आन बाक्‍तीक रागी बाक्‍ब।
EXO 3:9 नेनो, गो इस्राएल जात ङा मुर आन ङाक्‍शो नेंता। इजीप्‍त रागी ङा मुरुमी मेको आन कली दिप्‍शा श्‍येत गेम्‍तेक्‍म। गो मेको यो ताता।
EXO 3:10 गो इ कली फाराओ आ बाक्‍तीके सोइक्‍नुङ। गे इस्राएल जात ङा मुर आन कली इजीप्‍त रागी रे ग्रुंइदो” दे परमप्रभुमी मोसा कली माइक्‍तु। प्रस्‍थान ७:१६; न्‍यायाधीस ६:१४
EXO 3:11 मिनु मोसामी परमप्रभु यावे कली “गो दोपा मो पने चाप्‍नुङा? फाराओ आ बाक्‍तीकेमी लशा, इस्राएल जात ङा मुर आन कली इजीप्‍त रागी रे दोपा ग्रुंइने चाप्‍नुङा?” दे परमप्रभु कली देंत। प्रस्‍थान ४:१०; उत्‍पत्ती ३२:११; २सामुएल ७:१८; यसैया ६:५,८; येरमीया १:६
EXO 3:12 मिनु परमप्रभुमी “गो थमा पा, गे नु बाक्‍नुङ। इ कली सोइक्‍ब गो नङ, दे चिन्‍ड का कोंइनन। मेको चिन्‍ड मार बाक्‍त देंशा हना, गे इस्राएल जात ङा मुर आन कली इजीप्‍त रागी रे ग्रुंइशा नोले एको परमप्रभु आ डांडामी आं कली ठेयब सेल्‍नीनी” दे माइक्‍तु। येरमीया १:८
EXO 3:13 मिनु मोसामी परमप्रभु कली “गो इस्राएल जात ङा मुर आन बाक्‍तीके जाक्‍दीश्‍शा, मेको आन कली ‘इन किकी पिपी आन परमप्रभुमी आं कली इन बाक्‍तीके सोइक्‍ताक्‍यी’ देंङानु, मेकोपुकीमी चहिं ‘मेको आ नें मार में?’ दे हिल्‍लो पाइनीम। मेना गो मार देंनुङा?” दे हिल्‍लो पाप्‍तु।
EXO 3:14 मिनु परमप्रभुमी मोसा कली “आं नें ‘गो नङ’ बाक्‍ब। इस्राएल जात ङा मुर आन कली ‘गो नङ’ देंबमी आं कली इन बाक्‍तीकेमी सोइक्‍ताक्‍यी, देंचा माल्‍नेवे” देंत। प्रस्‍थान ६:२; मलाकी ३:६; प्रकाश १:४,८
EXO 3:15 मिनु लेंशा परमप्रभुमी मोसा कली “इस्राएल ङा मुर आन कली मार देंचा माल्‍नेवे देंशा हना ‘परमप्रभु यावे, इन किकी पिपी अब्राहाम, इसहाक नु याकूब आन परमप्रभुमी इन कली ग्रुम्‍थ सोइक्‍ताक्‍यी। आं नें गेना हना यो लीब। नेल्‍ल पाला ङा मुरुम आं नें आन थुंमी मिम्‍शा वोइक्‍चा माल्‍नीम’ देंचा माल्‍नेवे। प्रस्‍थान ६:२-३; यसैया ४२:८
EXO 3:16 गे इस्राएल जात ङा मुर आन खाल्‍पा आन कली खुप्‍थ लावो। मिनु मेको आन कली ‘परमप्रभु यावे इन किकी पिपी आन परमप्रभु आं ङोंइती ग्रूत। अब्राहाम, इसहाक नु याकूब आन परमप्रभुमी आं कली ग्रुम्‍शा, लोव़ पाप्‍तु’। मेकोमी आं कली ‘गो थमा पा इन कली ग्रुम्‍थ यिती, इजीप्‍त रागीम इन कली गिश श्‍येत गेमे, मेको ताता।
EXO 3:17 गो इन कली इजीप्‍त रागी ङा मुर आन गेशो श्‍येत रे प्रोंइनुङ। गो इन कली कनानी, हित्ती, एमोरी, परि‍ज्‍जी, हिव्‍वी नु यबुसी आन बाक्‍शो रागी गेनुङ। मेको रागीम दूध नु खुदो शुश बाक्‍ब, अन्‍न यो शुश ग्रेल्‍ब। गो आं देंशो लोव़ खाप्‍नुङ’ देंत, देंचा माल्‍नेवे।
EXO 3:18 इ देंशो लोव़ नेंशा, टिम्‍तेक्‍म हना, गे नु इस्राएल ङा मुर आन खाल्‍पापुकी इजीप्‍त रागी ङा पिप आ बाक्‍तीक लशा, मेको कली लोव़ पचा माल्‍नीनी। गेमी इजीप्‍त रागी ङा पिप कली ‘परमप्रभु यावे हिब्रू आन परमप्रभुमी आंइ कली ग्रुम्‍तीकी। आंइ कली नाक्‍त सां गोरशो रागीम लचा गेकी। मेकेर परमप्रभु यावे आंइ परमप्रभु कली चढ़ेथ लाइनीकी’ दे पिप कली देनीन। प्रस्‍थान ५:१,३
EXO 3:19 मेको पिपमी चहिं इन कली लचा मगेब, गो तुइक्‍नुङ। गो थम ठेयब सक्तिमी इन कली वारच पाता हना ला, लचा गेब।
EXO 3:20 मिनु गोमी इजीप्‍त रागी ङा मुर आन दातेमी थम छक लाक्‍चा ङा गेय कोंइशा, मेको आन कली श्‍येत गेनुङ। मिनु नोले मेकोमी इन कली लचा गेब।
EXO 3:21 इजीप्‍त रागी ङा मुरपुकीमी इन कली दाक्‍ब सेल्‍नुङमी। इजीप्‍त रे ग्रूनीनु, श्‍येत्‍थ ग्रूचा ममाल्‍नीनी। प्रस्‍थान ११:२-३; प्रस्‍थान १२:३५-३६
EXO 3:22 मीश मुर नेल्‍लेमी आन नेक्‍था ङा इजीप्‍त रागी ङा वारच रे सुन, चांदी नु वासी पुंइचा माल्‍नीम। आन तमी तौ आन कली पांइपाइक्‍चा माल्‍नीम। मोदेंशो पा इजीप्‍त ङा मुर आन शोंप रोइक्‍चा माल्‍नीनी” दे परमप्रभु यावेमी मोसा कली देंत।
EXO 4:1 मिनु मोसामी परमप्रभु कली “मेकोपुकीमी आं देंशो थमा मसुइक्‍थु, मटीनीमी कों? ‘परमप्रभु यावेमी इ कली मग्रुम’ देंनीमी कों” देंत।
EXO 4:2 मिनु परमप्रभु यावेमी “इ गुइमी मार कुरी?” दे हिल्‍लो पाप्‍तु। मिनु मोसामी “कोक्‍के कुरता” देंत।
EXO 4:3 मिनु “खपीम ब्‍वारदो” दें‍त। मिनु मोसामी आ कोक्‍के ब्‍वारदानु, बुस्‍स दुम्‍‍त। मिनु मोसा मेको तशा प्रोक्‍त। प्रस्‍थान ७:१०
EXO 4:4 मिनु परमप्रभु यावेमी “आ मीलुम ग्‍याइक्‍तो” दें‍त। मिनु मोसामी आ गुइ दिंशा, बुस्‍स कली ग्‍याइक्‍दीमेनु, आ गुइमी लेंशा कोक्‍के दुम्‍त।
EXO 4:5 मिनु मेको तशा, मेकोपुकीमी “परमप्रभु यावे, आन किकी पिपी अब्राहाम, इसहाक नु याकूब आन परमप्रभुमी इ ङोंइती ग्रूशा, इ कली ग्रुम्‍तु, दे थमा सुइक्‍नीम” देंत।
EXO 4:6 मिनु परमप्रभु यावेमी लेंशा “इ गुइ इ फेक्‍शो वा आगाम वोतो” देंत। मिनु मोसामी मो पाप्‍तु। मिनु नोले आ गुइ ग्रुंइशा कोव़ङानु, कोव़र मुशा बुश दुम्‍‍‍शो ताप्‍तु।
EXO 4:7 मिनु मेकोमी “लेंशा, इ गुइ इ फेक्‍शो वा आगाम वोतो” दें‍त। मिनु वोइश्‍शा ग्रुंइदानु, आ गुइ ङोंइती ङा खोदेंशो पा सेस दुम्‍शो ताप्‍तु।
EXO 4:8 “इ ङोंइती ङा चिन्‍ड तशा, इ लोव़ थमा मसुइक्‍थु, मटिम्‍तेक्‍म हना, नोले ङा चिन्‍ड तशा, थमा सुइक्‍नीमी कों?
EXO 4:9 तन्‍न मेकोपुकीमी चिन्‍ड निक्‍शी तशा यो, थमा मसुइक्‍थु, इ कली मटिम्‍तेक्‍म हना, गे नील खोला ङा ब्‍वाक्‍कु लाइश्‍शा, सोव़शो खप तारी मोतो। खोला रे लाइश्‍शो ब्‍वाक्‍कु सोव़शो खप तारी मोदीनु, मेको हुश दुम्‍ब” दे परमप्रभु यावेमी दें‍त। प्रस्‍थान ७:१७-२१
EXO 4:10 मिनु मोसामी परमप्रभु यावे कली “आं परमप्रभु, गो लोव़ पस मजोक्‍नुङ। गे, मुल इन गेय पाइब नु लोव़ पनीनु यो, आं कली लोव़ पचा मपी। गो थांइशो लें पाइश्‍शो मुर बाक्‍नुङ” देंत। प्रस्‍थान ३:११; प्रस्‍थान ६:१२-३०
EXO 4:11 मिनु परमप्रभु यावेमी “सुमी मुर आ शोव़ सेला? सुम लोव़ पपाइक्‍ब, नोफा नेंब नु मनेंब, मिक्‍च ताइब नु मताइब सेला? गो, परमप्रभु यावे मनङा ङा? भजन संग्रह ९४:९
EXO 4:12 मुल लावो। गो इ कली लोव़ पपाइक्‍नुङ, मार देंचा माल्‍बा, मेको इ कली शेंनुङ” देंत। ब्‍यवस्‍था १८:१८; मत्ती १०:१९
EXO 4:13 मोसाम चहिं “आं परमप्रभु, आं पा ङा अरु कली सोइक्‍ने चाप्‍नीनी कों? तन्‍न आं कली मसोइक्‍तीनी” दें‍त।
EXO 4:14 मिनु परमप्रभु यावे मोसा आ पर्बम गाइश्‍शा “लेवी थर ङा इ लोक्‍ब हारून रिम्‍शो लोव़ पस जोक्‍ब बाक्‍ब, गो मतुइक्‍नुङा ङा? मिनु मुल इ कली ग्रुम्‍थ जाक्‍ब। इ कली तशा शुश ग्‍येरब।
EXO 4:15 गो इ पचा माल्‍शो लोव़ नेल्‍ल शेंनुङ। मिनु गे मेको हारून कली देंचा माल्‍नेवे। मिनु मेकोमी इ पा ङा मुर आन कली लोव़ पचा माल्‍ब। मेको इ शोव़ खोदेंशो दुम्‍ब। गो इ कली लोव़ पाइब परमप्रभु खोदेंशो पा, गे हारून कली लोव़ पाइब बाक्‍नीनी।
EXO 4:16 दोपा गो, परमप्रभुम इ कली लोव़ पाइनुङा, मोपा गे हारून कली लोव़ पचा माल्‍नेवे। मिनु मेकोमी मुर आन कली लोव़ पचा माल्‍ब। प्रस्‍थान ७:१-२
EXO 4:17 मेको कोक्‍के लाइश्‍शा, आं देंशो चिन्‍ड कोंइदो” दे परमप्रभु यावेमी मोसा कली माइक्‍तु।
EXO 4:18 मिनु मोसा आ शिउ, यित्रो आ खिं लशा, मेको कली “इजीप्‍त रागीम बाक्‍शो आं लोक्‍ब आन कली ग्रुम्‍थ लचा गेयीनी। बेक्‍मा कों, ब्रोंइमा, गो तुइक्‍चा दाक्‍ती” दे पुंइतु। मिनु यित्रोमी “इ थुं नाइश्‍शा, लावो” देंत। प्रस्‍थान ३:१
EXO 4:19 मिनु मोसा मिदयान रागीम बाक्‍मेनु, परमप्रभु यावेमी “लेंशा इजीप्‍त रागी लावो। मारदे हना इ कली साइक्‍चा माल्‍बपुकी बेक्‍तेक्‍मे” दे लोव़ पाप्‍तु।
EXO 4:20 मिनु मोसा आ मीश नु आ तौ निक्‍शी नु गधा ङोइश्‍शा, इजीप्‍त रागी लेत्‍त। परमप्रभु आ गेशो कोक्‍के यो कुरतु। प्रस्‍थान १८:३-४
EXO 4:21 मिनु परमप्रभु यावेमी मोसा कली “इ नोफा दाइश्‍शा नेनो। गे इजीप्‍त रागी जाक्‍दीश्‍शा, गो इ कली पपाइश्‍शो छक लाक्‍चा ङा गेय नेल्‍ल फाराओ आ ङोंइती पावो। गो चहिं मुर आन कली लचा मगेचा ङा पा फाराओ कली काइ मटीब सेल्‍नुङ। प्रस्‍थान ७:३,१३; ब्‍यवस्‍था २९:३; यसैया ६:१०; रोमी ९:१८
EXO 4:22 मिनु गे मेको कली ‘परमप्रभु यावेमी इन कली मार लोव़ पाप्‍तु देंशा हना, इस्राएल आं ङोंइती जरमेशो तौ बाक्‍ब। ब्‍यवस्‍था ३२:६
EXO 4:23 आं तौ कली आं कली चढ़ेतीक चढ़ेथ लचा गेवो। गे मटिप्‍तीवी हना, गो इ ङोंइती जरमेशो तौ कली साइक्‍नुङ’ देंत, देनो” दे परमप्रभु यावेमी मोसा कली माइक्‍तु। प्रस्‍थान ११:५; प्रस्‍थान १२:२९
EXO 4:24 मिनु लांम बास बाक्‍मानु, परमप्रभु यावेमी मोसा आ नेक्‍था जाक्‍शा, मेको कली साइक्‍चा माल्‍तु। उत्‍पत्ती १७:१४; उत्‍पत्ती ३२:२५
EXO 4:25 मिनु सिप्‍पोरामी चहिं हेश्‍शो फुल्‍लु का गुप्‍शा, आ तौ कली ख्रोइक्‍तीक चिन्‍ड ख्रोदा बाक्‍त। मोपा मेकोमी आ तौ आ चारतीक ङा कुशुल ख्रोइश्‍शा, आ तौ आ कुशुलम मोसा आ रां थिशा “गे हुश के ग्‍युम्‍ले नवे” देंमाक्‍त। यहोसु ५:२
EXO 4:26 मोदेंशो पतीके, परमप्रभुमी मोसा कली मसाइक्‍थु, प्रोना बाक्‍त। सिप्‍पोरामी मारदे “हुश के ग्‍युम्‍ले” दें‍त देंशा हना, ख्रोइक्‍तीक चिन्‍ड रे हुश यिमाक्‍त।
EXO 4:27 ङोंइती परमप्रभु यावेमी हारून कली “मोसा गोरशो रागीम जाक्‍चा चिक्‍शो बाक्‍ब। मेको कली ग्रुम्‍थ लावो” दे माइक्‍तु। मिनु लशा, परमप्रभु आ डांडाम मोसा कली ग्रुम्‍शा, पुक्‍पु पाइक्‍तु।
EXO 4:28 मोसामी आ कली सोइक्‍ब परमप्रभु यावे आ लोव़ नेल्‍ल नु आ पचा माल्‍शो चिन्‍ड यो हारून कली शेंताक्‍व।
EXO 4:29 मिनु मेको निक्‍शीमी इस्राएली आन खाल्‍पा नेल्‍ल आन कली खुप्‍ताक्‍से।
EXO 4:30 हारूनमी परमप्रभु यावेमी मोसा नु पशो लोव़ नेल्‍ल मेको आन कली शेंताक्‍व। मोसा कली कोंइशो चिन्‍ड, हारूनमी मुर आन ङोंइती कोंइताक्‍व।
EXO 4:31 मिनु मुरपुकीमी थमा सुइक्‍तेक्‍म। मिनु परमप्रभु यावेमी इस्राएली आन कली ग्रुम्‍शा, आन श्‍येत तशा, वारच पचा चिक्‍शो तुइश्‍शा, मेकोपुकी बाप्‍शा, परमप्रभु कली ठेयब सेल्‍तेक्‍म। प्रस्‍थान ३:१६
EXO 5:1 मिनु नोले मोसा नु आ लोक्‍ब हारून फाराओ ग्रुम्‍थ लाम्‍ताक्‍स। मिनु मेको कली “परमप्रभु यावे, इस्राएली आन परमप्रभुमी आंस कली लोव़ पाप्‍तु। मेकोमी ‘आं मुर आन कली गोरशो रागीमी आं पर्बम चाड मानेचा कली लचा गेवो’ दे परमप्रभु यावेमी इन कली देंशो बाक्‍ब” देंताक्‍स। प्रस्‍थान ३:१८; प्रस्‍थान ७:१६,२६; प्रस्‍थान ९:१,१३
EXO 5:2 मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।
EXO 5:3 मिनु मेको निक्‍शीमी “हिब्रू मुर आन परमप्रभुमी आंस कली ग्रुम्‍तु। आंइ कली लचा गेने, दे पुंइनस्‍कु। गोपुकी रोइमी, लडाइमी मबेक्‍कल, दे परमप्रभु यावे, आंइ परमप्रभु कली चढ़ेथ नाक्‍त सां सम्‍म गोरशो रागीम लचा गेने” दे माइक्‍ताक्‍स।
EXO 5:4 मिनु इजीप्‍त ङा पिपम मेको आस कली “मोसा नु हारून, गे मारदे मुर आन कली आन गेय क्‍योल्‍चा माल्‍नीसी? इस गेय पथ लस” देंत।
EXO 5:5 मिनु फाराओमी लेंशा “नेनीस, इस जात ङा मुर शुश दुम्‍तेक्‍म। गे मेको आन कली आन गेय रे नाइक्‍चा गेचा माल्‍सी?” दे मोसा नु हारून आस कली हुइक्‍ताक्‍व। प्रस्‍थान १:७,१२
EXO 5:6 मोपतीके मेको नाक्‍ती रे फाराओमी गेय पपाइक्‍ब ठेयब मुर नु कोव़ब मुर आन कली
EXO 5:7 “मुल रे इस्राएली आन कली इंटा सेल्‍चा कली पराल मगेचा, आंमा गुप्‍थ लचा माल्‍नीम।
EXO 5:8 तन्‍न इंटा चहिं ङोंइती दोशो सेल्‍मे, मुल यो मोशोन सेल्‍चा माल्‍नीमी। मिनु आन गेय ङोंइती पशो खोदेंशो पा पचा माल्‍नीम। मारदे हना आन गेय मबाक्‍मेनु, मेकोपुकीमी ‘गोपुकी गोरशो रागीम आंइ परमप्रभु कली चढ़ेचा दाक्‍नीकी’ दे लोव़ पशा ग्रीनीम।
EXO 5:9 मेको मुर आन कली शुश गेय पपाइश्‍शा श्‍येत गेचा माल्‍नीनी। मेकोपुकीम गेय पा बाक्‍मानु, दूली लोव़ मनेंनीम” दे आ मुर आन कली देंमाक्‍त।
EXO 5:10 मिनु इस्राएली आन कली गेय पपाइक्‍बपुकी नु कोव़बपुकीमी मुर आन कली “फाराओमी ‘इन कली पराल मगेनुङ’ देंशो बाक्‍ब।
EXO 5:11 मोपतीके ते खुप्‍ने चाप्‍नीनी, मेक ङा खुप्‍तीन। इंटा चहिं ङोंइती दोशो सेल्‍नी, मुल यो मोशोन सेल्‍चा माल्‍नीनी” दे मदमे बाक्‍त।
EXO 5:12 मोपा मेकोपुकी इजीप्‍त रागीमी पराल मथित्‍तीके पराल के ठुटा गुप्‍थ ब्रशा गाक्‍मा बाक्‍त।
EXO 5:13 गेय पपाइक्‍बपुकीमी “पराल गेशो नाक्‍त दोशो इंटा सेल्‍नी, मुल यो मोशोन सेल्‍चा माल्‍नीनी” दे शुश गेय पपदमे बाक्‍त।
EXO 5:14 फाराओ आ गेय पपाइक्‍ब इस्राएली कोव़बपुकी यो वोइश्‍शो बाक्‍मा बाक्‍त। मेको आन कली तुप्‍शा “ङोंइती ङा खोदेंशो पा सिनाक्‍ती मुलाक्‍ती इंटा मारदे मसेल्‍नी?” दे इस्राएली कोव़ब आन कली हुइक्‍तमे बाक्‍त।
EXO 5:15 मिनु इस्राएली कोव़बपुकीमी फाराओ कली “मारदे इन वाइल आन कली ओदेंशो मरिम्‍शो पाइनीनी?
EXO 5:16 इन वाइल आन कली पराल मगेथु ‘इंटा सेलीने’ दे हुइक्‍नीनी। मेको ला ममाइ, इन मुरपुकीमी आंइ कली तुप्‍नीम। गे इन रागी ङा मुर आन कली मरिम्‍शो पपाइक्‍नीनी” देंमा बाक्‍त।
EXO 5:17 मिनु फाराओमी “गे अल्‍सेपुकी, थम अल्‍से दुम्‍तीनी। मोपतीके गे ‘आंइ कली परमप्रभु यावे कली चढ़ेथ लचा गेने’ देंतीनी।
EXO 5:18 मुल गेय पथ लने। पराल मगेंसीब, इंटा चहिं ङोंइती दोशो सेल्‍नी, मोशोन सेल्‍चा माल्‍नीनी” देंमाक्‍त।
EXO 5:19 मिनु इस्राएली कोव़बपुकीमी “इं कली मरिम्‍शो पशा, शुश श्‍येत गेनीम” दे तुइक्‍तमे बाक्‍त। मारदे हना “ङोंइती नाक्‍त किंत किंत दोशो इंटा सेल्‍नी, मुल यो मोशोन सेल्‍चा माल्‍नीनी” देंशो बाक्‍मा बाक्‍त।
EXO 5:20 मिनु फाराओ आ बाक्‍तीके रे लमानु, मेकोपुकीमी लांमी रिम्‍शा बाक्‍शो मोसा नु हारून आस कली ग्रुम्‍तेक्‍म।
EXO 5:21 मिनु मेको कोव़बपुकीमी “परमप्रभु यावेमी इस कली सजाइ गेवल। मारदे हना गे निक्‍शीमी फाराओ नु आ मुर आन ङोंइती आंइ कली मरिम्‍शो सेल्‍तीसी। आंइ कली साइक्‍चा, दे तरवार आन गुइमी गेतीसी” दे गाइश्‍शा हुइक्‍ताक्‍म।
EXO 5:22 मिनु मोसा परमप्रभु यावे आ नेक्‍था लशा “परमप्रभु, मारदे गे इन मुर आन कली मरिम्‍शो पाइनीनी? आं कली मारदे एक सोइक्‍तीनी?
EXO 5:23 गो इन नेंमी फाराओ नु लोव़ पङा नोले, मेकोमी इन मुर आन कली ङोंइती क्‍येङा शुश श्‍येत गेप्‍तु। गे चहिं इन मुर आन कली मप्रोंइनी” दें‍त।
EXO 6:1 मिनु नोले परमप्रभु यावेमी मोसा कली “गो फाराओ कली मार पाइनुङा, गे मुल ताइनेवे। फाराओम मेको आन कली लचा गेचा ला ममाइ, ठेयब सक्तिमी फाराओ कली आं मुर आन कली आ रागी रे खेरपाइक्‍नुङ” दें‍त। प्रस्‍थान ११:१; प्रस्‍थान १२:३३
EXO 6:2 मिनु लेंशा परमप्रभुमी मोसा कली “गो यावे नङ। प्रस्‍थान ३:१४-१५; उत्‍पत्ती १७:१
EXO 6:3 गो अब्राहाम, इसहाक नु याकूब आन ङोंइती ग्रूशो ‘नेल्‍ल क्‍येङा सक्ति पाइश्‍शो परमप्रभु नङ’ दे मेको आन कली तुइक्‍पाइक्‍ताक्‍मी। तन्‍न ‘आं नें यावे बाक्‍ब’ दे मतुइक्‍पदुमी।
EXO 6:4 गो मेको आन कली ‘गे मुल अर्को रागी ङा मुर दुम्‍शा, हिरना हिरन बाक्‍शो कनानी आन रागी इन कली गेनुङ’ दे अब्राहाम, इसहाक नु याकूब नु कबल पने थुम्‍शो नङ। उत्‍पत्ती १७:८
EXO 6:5 मिनु गो इजीप्‍त ङा मुरपुकीमी इन कली गेय पाइब सेल्‍मेनु, श्‍येत जशो इस्राएली आन ङाक्‍शो ताता। मिनु गो आं कबल पशो मिम्‍ताक्‍ङ।
EXO 6:6 मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।
EXO 6:7 मिनु गो इन कली आं मुर सेल्‍नुङ। गो इन परमप्रभु दुम्‍नुङ। मिनु गो इन कली इजीप्‍त ङा मुर आन गेशो श्‍येत रे ग्रुंइब, परमप्रभु यावे, इन परमप्रभु नङ, दे तुइक्‍चा माल्‍नीनी।
EXO 6:8 मिनु गो अब्राहाम, इसहाक नु याकूब आन कली गेनुङ, दे कसम जशो रागीम इन कली चाक्‍दीत्‍नुङ। मिनु मेको रागी इन के दुम्‍ब। गो परमप्रभु यावे नङ’ दे गे इस्राएली आन कली देंचा माल्‍नेवे” दें‍त। उत्‍पत्ती २२:१६
EXO 6:9 मिनु मोसामी मेको लोव़ इस्राएली आन कली नेंपदानु, वाइल दुम्‍तीके नु आन थुं लुक्‍च लतीके मोसा आ लोव़ मने‍नेम।
EXO 6:10 मिनु परमप्रभु यावेमी मोसा कली
EXO 6:11 “गे इजीप्‍त ङा पिप फाराओ कली ‘इस्राएली आन कली इन रागी रे लचा गेने’ दे मतो” देंत।
EXO 6:12 मिनु मोसामी परमप्रभु यावे कली “इस्राएलीपुकीमी ला यो आं लोव़ मनेनेम हना, गो ब्‍वाक्‍स मजोक्‍ब मुर आं लोव़ फाराओम दोपा नेंबा?” दे लोव़ लेत्‍ताक्‍व। प्रस्‍थान ६:३०; प्रस्‍थान ४:१०
EXO 6:13 मोपा परमप्रभु यावेमी मोसा नु हारून आस कली इस्राएली आन पर्बम लोव़ पाप्‍तु। मिनु “गेमी इजीप्‍त ङा पिप फाराओ कली ‘इस्राएली आन कली इन रागी रे लचा गेचा माल्‍नीनी’ दे रुप्‍पतीस” दें‍त।
EXO 6:14 इस्राएली आन किकी पिपी आन दातेमी ठेयब दुम्‍शो, सु सु बाक्‍मा बाक्‍त देंशा हना, इस्राएल आ ङोंइती जरमेशो तौ रूबेन मेको आ तौपुकी हनोक, पल्‍लु, हेस्रोन नु कारमी बाक्‍मा बाक्‍त। मेको रूबेन आ खिं खिं ङा मुर बाक्‍मा बाक्‍त। उत्‍पत्ती ४६:९-११
EXO 6:15 सिमियोन आ तौपुकी येमुएल, यामीन, ओहद, याकीन नु सोहार बाक्‍मा बाक्‍त। मिनु का कनानी मीश रे जरमेशो शावल बाक्‍माक्‍त। मेको सिमियोन आ खिं ङा मुर बाक्‍मा बाक्‍त।
EXO 6:16 मिनु लेवी आ तौ आन खिं खिं ङा मुर सु सु बाक्‍मा बाक्‍त देंशा हना, गेरशोन, कोहाथ नु मेरारी बाक्‍मा बाक्‍त। मिनु लेवी सहे का ३७ बर्स ब्रोंइमाक्‍त। १इतिहास ५:२७-३०; १इतिहास ६:१-४
EXO 6:17 गेरशोन आ तौ लिब्‍नी नु शिमेइ बाक्‍सा बाक्‍त।
EXO 6:18 कोहाथ आ तौपुकी अम्राम, इच्‍हार, हेब्रोन नु उज्‍जीएल बाक्‍मा बाक्‍त। मिनु कोहाथ सहे का ३३ बर्स ब्रोंइमाक्‍त।
EXO 6:19 मिनु मेरारी आ तौ माहली नु मुशी बाक्‍सा बाक्‍त। मेको लेवी आ खिं खिं ङा मुर बाक्‍मा बाक्‍त।
EXO 6:20 मिनु अम्राममी आ आफ आ समी चाक्‍गा बाक्‍त। मेको आ नें योकेबेद बाक्‍माक्‍त। मेकोमी हारून नु मोसा थिमाक्‍त। अम्राम सहे का ३७ बर्स ब्रोंइमाक्‍त। प्रस्‍थान २:१; लेवी १८:१२
EXO 6:21 इच्‍हार आ तौपुकी कोराह, नेफेग नु जिक्री बाक्‍मा बाक्‍त। गन्‍ती १६:१
EXO 6:22 उज्‍जीएल आ तौपुकी मीशाएल, एल-साफान नु सिथ्री बाक्‍मा बाक्‍त। लेवी १०:४
EXO 6:23 मिनु हारूनम नहशोन आ समी अम्‍मीनादाब आ तमी एली-शेबा चाक्‍गा बाक्‍त। मेकोमी नादाब, अबीहु, एलाजर नु इथामार थिमाक्‍त। प्रस्‍थान २८:१
EXO 6:24 कोराह आ तौपुकी अस्‍सीर, एल्‍काना नु अबी-आसाफ बाक्‍मा बाक्‍त। मेको कोराह आ खिं ङा मुर बाक्‍मा बाक्‍त।
EXO 6:25 मिनु हारून आ तौ एलाजरम पुतीएल आ तमी चाक्‍गा बाक्‍त। मेकोमी फिनेहास थिमाक्‍त। मेकोपुकी लेवी आ खिं ङा ठेयब मुर बाक्‍मा बाक्‍त। गन्‍ती २५:७
EXO 6:26 मिनु परमप्रभु यावेमी हारून नु मोसा कली “गे इस्राएल ङा मुरपुकी हुल हुल पा इजीप्‍त रागी रे ग्रुंइदीस” देंत। प्रस्‍थान ६:१३
EXO 6:27 मिनु मेको निक्‍शीमी इजीप्‍त ङा पिप फाराओ कली “इस्राएल ङा मुर आन कली लचा गेने” दे लोव़ पाम्‍ताक्‍से।
EXO 6:28 मिनु परमप्रभु यावेमी इजीप्‍त रागीमी मोसा कली
EXO 6:29 “गो परमप्रभु यावे नङ। गे इजीप्‍त ङा पिप फाराओ कली आं देंशो लोव़ नेल्‍ल माइक्‍चा माल्‍नेवे” दें‍त।
EXO 6:30 मिनु मोसामी परमप्रभु यावे कली “गो ब्‍वाक्‍स मजोक्‍ब मुर नङ। दोपा फाराओमी आं लोव़ नेंबा ङा?” दें‍त। प्रस्‍थान ६:१२
EXO 7:1 परमप्रभु यावेमी मोसा कली “नेनो, गो इ कली फाराओ आ ङोंइती परमप्रभु खोदेंशो पा चिन्‍ड कोंइने चाप्‍ब सेल्‍तन। इ लोक्‍ब हारून चहिं इ लोव़ पाइब दुम्‍ब। प्रस्‍थान ४:१६
EXO 7:2 गो इ कली मार मार माइक्‍ना, गे मेको देंचा माल्‍नेवे। मिनु इ लोक्‍ब हारूनमी ‘इस्राएली आन कली इन रागी रे लचा गेन’ दे फाराओ कली देंचा माल्‍ब।
EXO 7:3 तन्‍न गो फाराओ कली काइ मटीब सेल्‍नुङ। मिनु गो इजीप्‍त रागीमी शुश चिन्‍ड नु छक लाक्‍चा ङा गेय कोंइनुङ। प्रस्‍थान ४:२१
EXO 7:4 मिनु फाराओमी इस कली मटीब। मिनु गो इजीप्‍त ङा मुर आन कली थाम्‍पान सजाइ गेशा, आं शुश मुर आन कली इजीप्‍त रागी रे ग्रुंइनुङ।
EXO 7:5 गो इजीप्‍त ङा मुर आन कली थाम्‍पान सजाइ गेशा, इस्राएली आन कली आन दाते रे ग्रुंइदुनु ‘गो परमप्रभु यावे नङ’ दे इजीप्‍त ङा मुर आन कली तुइक्‍पाइक्‍नुङ” देंत। प्रस्‍थान ७:१७; प्रस्‍थान ८:१८; प्रस्‍थान ९:२९; १सामुएल १७:४६; १राजा २०:२८; २राजा १९:१९; इजीकीएल २९:६
EXO 7:6 मिनु मोसा नु हारूनमी परमप्रभु यावे आ देंशो पाम्‍ताक्‍से।
EXO 7:7 मोपा फाराओ नु लोव़ पची ना, मोसा ८० बर्स दुम्‍शो बाक्‍त। हारून ८३ बर्स दुम्‍शो बाक्‍त।
EXO 7:8 मिनु परमप्रभु यावेमी मोसा नु हारून आस कली
EXO 7:9 “फाराओमी इस कली ‘छक लाक्‍चा ङा चिन्‍ड कोंइदीसे’ देंमेनु, गेमी हारून कली ‘इ कोक्‍के बुस्‍स दुम्‍पाइक्‍चा कली फाराओ आ ङोंइती ब्‍वारदो’ देंचा माल्‍नेवे। मिनु मेको कोक्‍के बुस्‍स दुम्‍ब” देंत। प्रस्‍थान ४:३
EXO 7:10 मोपा मोसा नु हारूनमी परमप्रभु यावे आ देंशो पशा, फाराओ आ बाक्‍तीकेमी लाम्‍ताक्‍स। मिनु हारूनमी आ कोक्‍के फाराओ नु आ गेय पाइब मुर आन ङोंइती ब्‍वारताक्‍व। मिनु मेको कोक्‍के बुस्‍स दुम्‍‍त।
EXO 7:11 मिनु फाराओमी इजीप्‍त रागी ङा जादू नु टुना मुना पाइब आन कली ब्रेत्‍ताक्‍मी। मेकोपुकीमी यो आन टुना मुनामी हारून खोदेंशो पा आन कोक्‍के ब्‍वारशा, बुस्‍सपुकी सेल्‍तेक्‍म। प्रस्‍थान ७:२२; प्रस्‍थान ८:३; उत्‍पत्ती ४१:८; २तिमोथी ३:८
EXO 7:12 तन्‍न हारून आ कोक्‍के रे दुम्‍शो बुस्‍सुमी मेको आन कोक्‍के रे दुम्‍शो बुस्‍स नेल्‍ल आन कली दाक्‍‍तीमी।
EXO 7:13 मिनु परमप्रभु यावेमी देंशो खोदेंशो पा फाराओ काइ मटीब दुम्‍शा, मोसा नु हारून आस देंशो लोव़ मबिस्‍से। प्रस्‍थान ४:२१
EXO 7:14 मिनु परमप्रभु यावेमी मोसा कली “फाराओ काइ मटीब दुम्‍‍त। आं मुर आन कली लचा मगेब।
EXO 7:15 गे दीसा सुनी फाराओ ग्रुम्‍थ लचा माल्‍नीसी। फाराओ ब्‍वाक्‍कु आ नेक्‍था लमेनु, गे मेको आ क्‍येङा ङोंइती खोला आ नेक्‍था जाक्‍दीश्‍शा, रिम्‍शा बाक्‍चा माल्‍नीसी। बुस्‍स दुम्‍ब कोक्‍के यो लाइक्‍चा माल्‍नीसी।
EXO 7:16 मिनु गे मेको कली ‘परमप्रभु यावे, हिब्रू मुर आन परमप्रभुमी इन कली, आं मुर आन कली आं कली चढ़ेतीक चढ़ेथ गोरशो रागी लचा गेवो, देंती। तन्‍न गे मुल सम्‍म आं लोव़ मटिवी’ देंत” देनीस। प्रस्‍थान ५:१
EXO 7:17 मोपतीके परमप्रभु यावेमी “गो परमप्रभु यावे नङ। गे आं पतीकेमी तुइक्‍नेवे। गो आं कोक्‍केमी नील खोला ङा ब्‍वाक्‍कु तुप्‍नुङ। मिनु मेको हुश दुम्‍ब। प्रस्‍थान ४:९
EXO 7:18 मिनु खोला ङा ङांइ नेल्‍ल बेक्‍नीम। खोला शुश राक्‍शो रिना पाइब। मिनु इजीप्‍त ङा मुरपुकी मेको ब्‍वाक्‍कु तूचा ग्रांग्रा दीनीम” दे मोसा कली देंत।
EXO 7:19 मिनु परमप्रभु यावेमी मोसा कली “गेमी हारून कली ‘इ कोक्‍के इजीप्‍त रागी ङा ब्‍वाक्‍कु हुश दुम्‍पाइक्‍चा कली ब्‍वाक्‍कु तारी दिंदो। नादी, खोला, कुवा नु इनार आन तारी दिंदो। मुर आन चाक्‍शो ठेका नु गरम बाक्‍शो ब्‍वाक्‍कु यो हुश दुम्‍ब’ दे हारून कली देनो” देंत। प्रकाश ११:६
EXO 7:20 मिनु परमप्रभु यावेमी मोसा नु हारून कली दोदेंशो देंमे, मोदेंशो पाम्‍ताक्‍स। मोसामी फाराओ नु आ गेय पाइब आन ङोंइती आ कोक्‍के खोला ङा ब्‍वाक्‍कु तार दिंशा तुबानु, हुश दुम्‍त।
EXO 7:21 मोपा नील खोला ङा ङांइ नेल्‍ल बेक्‍तेक्‍म। मिनु ब्‍वाक्‍कु राक्‍शो रिना पाइश्‍शो दुम्‍‍त। इजीप्‍त रागी ङा मुर नेल्‍लेमी नील खोला ङा ब्‍वाक्‍कु तूने मचबेम। इजीप्‍त रागी नेल्‍ल हुशेइ हुश दुम्‍त।
EXO 7:22 इजीप्‍त रागी ङा ठेयब टुना मुना पाइबपुकीमी यो आन मन्‍तरमी आस पशो खोदेंशो पाम्‍तेक्‍म। फाराओ आ थुं चहिं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारून आस देंशो मटिवो। परमप्रभु यावेमी ङोंइती दोदेंशो देंमे, मोदेंशो दुम्‍‍त। प्रस्‍थान ७:११
EXO 7:23 मिनु फाराओ आ खिं लेम्‍माक्‍त। मार दुम्‍मे, मारेइ ममिम्‍ता बाक्‍त।
EXO 7:24 इजीप्‍त रागी ङा मुरपुकीमी नील खोला आ नेक्‍था शुश कुवा दोम्‍तेक्‍म। मारदे हना नील खोला ङा ब्‍वाक्‍कु काइ तूचा मदुम।
EXO 7:25 मोपा परमप्रभु यावेमी नील खोला ङा ब्‍वाक्‍कु तुप्‍शा, हुश दुम्‍शो ७ नाक्‍ती दुम्‍त।
EXO 8:1 मिनु नोले परमप्रभु यावेमी मोसा कली “गे फाराओ आ बाक्‍तीक लावो। परमप्रभु यावेमी आ मुर आन कली लचा गेमी। प्रस्‍थान ५:१
EXO 8:2 गे लचा मगेतीनी हना, क्रुक्‍क्रुपुकीमी इ रागी ङा मुर नेल्‍ल आन कली श्‍येत गेपाइक्‍नुङमी।
EXO 8:3 नील खोलाम शुश क्रुक्‍क्रु ग्रूपाइक्‍नुङ। मेकोपुकी इन खिंम बाक्‍थ जाक्‍नीम। इन इप्‍तीक कोठामी यो ओव़नीम। इन खाट तार ङोइक्‍नीम। मिनु इन दरवार ङा गेय पाइब आन खिंमी यो ओव़नीम। मुर आन तार नु आन चुप्‍लुमी यो बाक्‍नीमी। आन फस नित्‍तीके बोस आगाम ओव़नीम।
EXO 8:4 मेको क्रुक्‍क्रुपुकी इन तारी, इन मुर आन तारी नु इन दरवार ङा गेय पाइब आन तारी जाक्‍नीम, दे परमप्रभु यावे आ देंशो लोव़ बाक्‍ब, दे मतो” दे मोसा कली देंत।
EXO 8:5 मिनु नोले परमप्रभु यावेमी मोसा कली “गेमी हारून कली ‘इ कोक्‍के खोला नेल्‍ल आन तार दिंदो। मोपा गे इजीप्‍त रागीम क्रुक्‍क्रु ग्रूपाइक्‍नेवे’ दे हारून कली देनो” दें‍त।
EXO 8:6 मिनु हारूनमी आ गुइ इजीप्‍त ङा ब्‍वाक्‍कु तारी दिंताक्‍व। मिनु क्रुक्‍क्रुपुकी ग्रूशा, इजीप्‍त रागी नेल्‍ल ब्रीतेक्‍म।
EXO 8:7 इजीप्‍त रागी ङा जादू टुना मुना पाइबपुकीमी यो आन मन्‍तरमी हारून खोदेंशो पा क्रुक्‍क्रु ग्रूपाइक्‍तेक्‍म। प्रस्‍थान ७:११
EXO 8:8 मिनु फाराओमी मोसा नु हारून आस कली ब्रेप्‍पाइश्‍शा “आं पर्बम नु आं मुर आन पर्बम परमप्रभु यावे कली पुनीस। क्रुक्‍क्रु लमल, दे पुनीस। गोमी इस्राएल जात ङा मुर आन कली परमप्रभु यावे कली चढ़ेथ लचा गेनुङ” दे मोसा नु हारून आस कली देंत। प्रस्‍थान ८:२४; प्रस्‍थान ९:२८; प्रस्‍थान १०:१७
EXO 8:9 मिनु मोसामी फाराओ कली “हजुर, इन कली नु इन गेय पाइब आन कली, इन मुर आन खिं नु इन खिं रे क्रुक्‍क्रु लमल, नील खोलाम ला बाक्‍मल, दे गेना पुंइचा माल्‍नस्‍कु?” दे हिल्‍लो पाप्‍तु।
EXO 8:10 मिनु “दीसा कली पुनीस” दे लोव़ लेत्‍ताक्‍व। मोसामी “परमप्रभु यावे आंइ परमप्रभु खोदेंशो सुइ मबा, दे तुइक्‍पाइक्‍चा कली इन देंशो दीसा दुम्‍ब। प्रस्‍थान ९:१४; प्रस्‍थान १५:११; ब्‍यवस्‍था ३३:२६; २सामुएल ७:२२; येरमीया १०:६
EXO 8:11 दीसा क्रुक्‍क्रुपुकी इन बाक्‍तीक, इन गेय पाइब नु इन मुर इन खिं नेल्‍ल रे गाक्‍नीमी। नील खोलाम ला बाक्‍नीम” देंत।
EXO 8:12 मोपा मोसा नु हारून फाराओ आ खिं रे लाम्‍ताक्‍स। मिनु मोसामी मेको परमप्रभु यावे आ सोइश्‍शो क्रुक्‍क्रु आ पर्बम पुंइतु।
EXO 8:13 मिनु परमप्रभु यावेमी मोसामी पुंइशो नेंशा पाप्‍तु। खिंम, लाङगाम नु रूम बाक्‍शो क्रुक्‍क्रु नेल्‍ल बेक्‍‍तेक्‍म।
EXO 8:14 मुरुमी बेक्‍शो क्रुक्‍क्रु नेल्‍ल खुप्‍ताक्‍म। मिनु रागी नेल्‍ल थाम्‍पा रिना पाइक्‍तु।
EXO 8:15 इजीप्‍त रागी ङा फाराओ चहिं मेको क्रुक्‍क्रु रे ब्रोंइशो तशा, आ थुं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारूनम देंशो लोव़ मपव। ङोंइती परमप्रभु यावेमी मो देंशो बाक्‍माक्‍त। प्रस्‍थान ४:२१
EXO 8:16 मिनु नोले परमप्रभु यावेमी मोसा कली “गेमी हारून कली ‘इ कोक्‍के दिंशा, फुरक तुपो’ दे मतो। मिनु मो पवानु, इजीप्‍त रागीमी फुरक नेल्‍ल भुस्‍ना दुम्‍शा फोंइनीम” दे मोसा कली माइक्‍तु। प्रस्‍थान
EXO 8:17 मिनु हारूनमी फुरक तुबानु, इजीप्‍त रागी नेल्‍लेमी मुर नु बस्‍तु भाव आन तारी भुस्‍ना शुश फोंइतेक्‍म।
EXO 8:18 इजीप्‍त रागी ङा जादू टुना मुना पाइबपुकीम यो हारून खोदेंशो पा भुस्‍ना ग्रूपाइक्‍चा माल्‍तेक्‍म। तन्‍न मचबेम। मुर नु बस्‍तु भाव आन तारी भुस्‍ना शुश जुक्‍ताक्‍म। प्रस्‍थान ७:११
EXO 8:19 मिनु जादू टुना मुना पाइबपुकीमी फाराओ कली “एको परमप्रभुमी पाप्‍तु” देंमा बाक्‍त। फाराओ चहिं काइ मटीब दुम्‍माक्‍त। मिनु मोसा नु हारून आस देंशो लोव़ मटिव। परमप्रभु यावेम ङोंइती देंशो खोदेंशो दुम्‍त। भजन संग्रह ६४:१०; भजन संग्रह ७२:१८; लूका ११:२०
EXO 8:20 मिनु परमप्रभु यावेमी मोसा कली “सुनी कना बोक्‍को। फाराओ खोला लमेनु, मेको कली ग्रुम्‍थ लावो। मिनु फाराओ कली ‘परमप्रभु यावेमी, आं मुर आन कली आं कली चढ़ेथ लचा गेवो। प्रस्‍थान ५:१
EXO 8:21 नेनो, गे आं मुर आन कली लचा मगेप्‍तीवी हना, गो इ कली, इ गेय पाइब आन कली नु इ मुर नेल्‍ल आन कली श्‍येत जपाइक्‍चा कली इ खिंमी, इ रागी ङा मुर आन खिंमी डांसम ब्रीपाइक्‍नुङ। रू नेल्‍ल डांसम ब्रीपाइक्‍नुङ।
EXO 8:22 मेको मो दुम नाक्‍ती आं मुर आन बाक्‍तीक गोशेनमी चहिं डांस मग्रूपाइक्‍नुङ। अरु इजीप्‍त रागीमी ग्रूपाइक्‍नुङ। आं पर्बम तुइक्‍पाइक्‍चा कली मो पाइनुङ। मिनु गे आं पर्बम परमप्रभु यावे मेको रागीम बाक्‍ब, दे तुइक्‍चा माल्‍नेवे। प्रस्‍थान ७:५
EXO 8:23 मोदेंशो पा गो आं मुर आन बाक्‍तीकेमी डांस मग्रूपाइक्‍नुङ। इ मुर आन बाक्‍तीकेमी ला डांस ग्रूपाइक्‍नुङ। दीसा गे तुइक्‍नेवे, देनो’ देंत” दे परमप्रभु यावेमी मोसा कली देंत।
EXO 8:24 मिनु परमप्रभु यावेमी आ देंशो पाप्‍तु। डांस शुश फोंइशा फाराओ आ खिं, आ दरवारम गेय पाइब आन खिं, इजीप्‍त रागी नेल्‍लेमी शुश डांस फोंइशा ब्रीतेक्‍म। मिनु डांसमी मेको रागी नेल्‍ल खतम सेल्‍तेक्‍म।
EXO 8:25 मिनु नोले फाराओमी मोसा नु हारून आस कली ब्रेप्‍पाइश्‍शा “लने, इन परमप्रभु कली आं रागी उइ चढ़ेने” दें‍त।
EXO 8:26 मोसामी चहिं “मो पचा मदुम्‍ब। मारदे हना परमप्रभु यावे, आंइ परमप्रभु कली चढ़ेशो तशा, इजीप्‍त ङा मुर ग्रांग्रा दी‍नीम। मोपा इजीप्‍त ङा मुर आन ङोंइती आन मदाक्‍शो गेय पकानु, मेकोपुकीमी आंइ कली फुल्‍लु आप्‍शा, साइक्‍नीम। उत्‍पत्ती ४३:३२; उत्‍पत्ती ४६:३४
EXO 8:27 गोपुकी नाक्‍त सां ङा लां गाक्‍शा, गोरशो रागीम लशा, परमप्रभु यावेम देंशो खोदेंशो पा चढ़ेचा माल्‍नीकी” दें‍त। प्रस्‍थान ३:१८
EXO 8:28 मिनु फाराओमी “गो इन कली गोरशो रागीम परमप्रभु यावे, इन परमप्रभु कली चढ़ेथ लचा गेनुङ। शुश ङोन चहिं मलने। आं पर्बम यो पुनीस” दें‍त।
EXO 8:29 मिनु मोसामी “मुल गो एकेर रे लशा, परमप्रभु यावे कली पुंइनुङ। मार पुंइनुङ देंशा हना ‘दीसा फाराओ, आ गेय पाइब नु रागी ङा मुर नेल्‍ल आन बाक्‍तीक रे डांस प्रोक्‍पतीने’ दे पुंइनुङ। तन्‍न लोव़ का पाइनुङ। गे आंइ कली परमप्रभु यावे कली चढ़ेचा दुम्‍ब, दे नोले ‘लचा मगेनुङ’ देंशा, जोल मपने” दे मोसामी फाराओ कली दें‍त।
EXO 8:30 मो देंशा मोसा फाराओ आ खिं रे लशा, परमप्रभु यावे कली पुंइतु। प्रस्‍थान ८:८
EXO 8:31 मिनु परमप्रभु यावेमी मोसा आ पुंइशो लोव़ नेंशा पाप्‍तु। मिनु डांस फाराओ आ खिं, आ गेय पाइब नु मुर नेल्‍ल रे तिल्‍तु। काइ मलीम।
EXO 8:32 तन्‍न फाराओ लेंशा काइ मटीब दुम्‍शा, इस्राएली आन कली लचा मगेव। प्रस्‍थान ४:२१
EXO 9:1 मिनु परमप्रभु यावेमी मोसा कली “फाराओ आ बाक्‍तीके लावो। मिनु गे परमप्रभु यावे, हिब्रू मुर आन परमप्रभुमी इन कली ‘आं मुर आं कली चढ़ेथ लचा गेवो। प्रस्‍थान ५:१
EXO 9:2 नेनो, गे मेको आन कली लचा मगेथु, तेक्‍तीवी हना, यसैया १:२०
EXO 9:3 परमप्रभु यावेमी इन गोठम बाक्‍शो बस्‍तु भाव आन कली ठेयब रोइ पपाइक्‍ब। इन शारा, गधा, दलओंठ, बी ब्‍यफ नु क्‍यारश भेडा नेल्‍ल आन कली बेक्‍तीक रोइ पपाइक्‍ब। प्रस्‍थान ३:२०
EXO 9:4 तन्‍न इस्राएली आन बस्‍तु भाव आन कली रोइ मपपाइक्‍ब। इजीप्‍त ङा मुर आन बस्‍तु भाव आन कली चहिं रोइ पपाइक्‍ब। इस्राएली आन बस्‍तु भाव मबेक्‍नीम’ दे फाराओ कली माइक्‍चा माल्‍नेवे” दे परमप्रभु यावेमी मोसा कली दें‍त। प्रस्‍थान ८:१८
EXO 9:5 मिनु परमप्रभु यावेमी “गो दीसा इजीप्‍त रागीम मो पाइनुङ” दें‍त।
EXO 9:6 मिनु आ दीसा परमप्रभु यावेमी आ देंशो पाप्‍तु। इजीप्‍त रागी ङा मुर आन बस्‍तु भाव बेक्‍मा बाक्‍त। तन्‍न इस्राएली आन बस्‍तु भाव चहिं मबेक्‍म।
EXO 9:7 मिनु फाराओमी इस्राएल ङा मुर आन बस्‍तु भाव यो बेक्‍मा कों, दे कोव़थ मुर सोइक्‍ताक्‍व। तन्‍न का यो मबेक्‍शो बाक्‍तेक्‍म, दे तुइक्‍पाइक्‍तेक्‍म। मोपा यो फाराओ काइ मटीब दुम्‍शा, इस्राएली आन कली लचा मगेव। प्रस्‍थान ४:२१
EXO 9:8 मिनु नोले परमप्रभु यावेमी मोसा नु हारून आस कली “गे चुप्‍लु ङा पुलु हुइश्‍शा कुरशा लस। मिनु मोसामी फाराओ आ ङोंइती मेको पुलु सरीङ गे फ्रचा माल्‍ब।
EXO 9:9 मेको पुलु फुरक दुम्‍शा, मुर नु बस्‍तु भाव आन कली मरिम्‍शो गार मुपाइक्‍ब। इजीप्‍त रागी नेल्‍लेमी मोदेंशो दुम्‍ब” देंत। ब्‍यवस्‍था २८:२७
EXO 9:10 मिनु मोसा नु हारूनमी चुप्‍लु ङा पुलु हुइश्‍शा कुरशा, फाराओ आ ङोंइती राप्‍ताक्‍स। मिनु मोसामी मेको पुलु सरीङ गे फ्राप्‍तु। मिनु मुर नु बस्‍तु भाव नेल्‍ल शुश गार मुतेक्‍म। प्रकाश १६:२
EXO 9:11 मिनु इजीप्‍त रागी ङा जादू पाइबपुकी यो शुश गार मुशा, रोइ पशा, मोसा आ नेक्‍था बाक्‍ने मचबेम।
EXO 9:12 परमप्रभु यावेमी फाराओ कली काइ मटीब दुम्‍पदा बाक्‍त। मिनु मोसा नु हारून आस लोव़ मटिव। परमप्रभु यावेमी मोसा कली ङोंइती दोदेंशो देंमे मोदेंशो दुम्‍त। प्रस्‍थान ४:२१
EXO 9:13 मिनु परमप्रभु यावेमी मोसा कली “सुनी कना बोक्‍शा, फाराओ कली ग्रुम्‍थ लशा, परमप्रभु यावे, हिब्रू मुर आन परमप्रभुमी इन कली ‘आं मुर आन कली आं कली चढ़ेथ लचा गेवो। प्रस्‍थान ५:१
EXO 9:14 मारदे हना मुल रे गेचशो श्‍येतम इ कली, इ गेय पाइब आन कली नु इ मुर नेल्‍ल आन कली सोइक्‍नुङ। रागी रागीमी आं खोदेंशो सुइ मबाक्‍ब, दे इ कली तुइक्‍पाइक्‍नुङ। प्रस्‍थान ८:६
EXO 9:15 मुल गो इ कली नु इ मुर आन कली बेक्‍तीक रोइ पपदु वा।
EXO 9:16 तन्‍न गो आं सक्ति रागी नेल्‍लेम तुइक्‍पाइक्‍चा कली इ कली मुल सम्‍म ब्रोंइचा गेता। आ नें रागी नेल्‍ल ङा मुर आन कली तुइक्‍पाइक्‍चा, दे इ कली ब्रोंइचा गेता। प्रस्‍थान १४:४; रोमी ९:१७
EXO 9:17 गे आं मुर आन कली लचा मगेतीके, इ ठेयब लेश्‍शो तुइक्‍ताक्‍ङ।
EXO 9:18 नेनो, दीसा गो शुश मरिम्‍शो मुप्‍स यिपाइक्‍नुङ। मुल सम्‍म इजीप्‍त रागीमी मुर बाक्‍चा गोव़मे रे मोदेंशो ठेयब मुप्‍स गेनायो मयिशो बाक्‍ब।
EXO 9:19 मोपतीके इ बस्‍तु भाव आन कली खिं आगा ओंइदो। मारदे हना मुर नु बस्‍तु भाव, सु सु लाङगाम बाक्‍नीमी, मेको मुप्‍सीम तुप्‍शा बेक्‍नीम’ देनो देंत” दे परमप्रभु यावेमी मोसा कली देंपाइक्‍तु।
EXO 9:20 फाराओ आ गेय पाइब आन दातेमी सु सु परमप्रभु यावे क्‍येङा हिंमा, मेकोपुकीमी आन गेय पाइब नु आन बी ब्‍यफ, क्‍यारश भेडा आन कली खिं आगा ओंइताक्‍म।
EXO 9:21 सु सु परमप्रभु यावे आ देंशो लोव़ क्‍येङा महिंमा, मेकोपुकीमी चहिं आन गेय पाइब नु आन बस्‍तु भाव आन कली खिं आगा मओंइदेम।
EXO 9:22 मिनु नोले परमप्रभु यावेमी मोसा कली “इ गुइ सरीङ गे दिंदो। मो पवीनु, इजीप्‍त रागी नेल्‍लेमी मुप्‍स यीब। मुप्‍स यिशा, मुर बी ब्‍यफ, क्‍यारश भेडा नु रू आन तारी देल्‍ब” दे परमप्रभु यावेमी मोसा कली देंत।
EXO 9:23 मिनु मोसामी आ कोक्‍के सरीङ गे दिंदानु, बुंबु चिला पा, मुप्‍स यि‍त। मोपा परमप्रभु यावेमी इजीप्‍त रागीमी मुप्‍स यिपाइक्‍‍तु। मिनु परमप्रभु यावेमी चिला दाप्‍पाइश्‍शा, मुप्‍स यिपाइक्‍तु। प्रकाश १६:२१
EXO 9:24 चिला पना पन मुप्‍स यि‍त। मेको मुप्‍स थम कोल्‍कोल्‍शो बाक्‍तेक्‍म। इजीप्‍त रागीम मुर बाक्‍चा गोव़मे रे मोमो कोल्‍शो मुप्‍स गेनायो मतशो बाक्‍तेक्‍म।
EXO 9:25 मिनु इजीप्‍त रागी ङा रूम वाशो मारेइ मारेइ मुप्‍सीमी श्‍येत्‍थ पोक्‍तु। मुर नु बी ब्‍यफ, क्‍यारश भेडा आन कली साइक्‍तु। रूम मार मार ख्रुम्‍शो बाक्‍मे, मेको नेल्‍ल साइश्‍शा, रवा आन कली यो जिक्‍तु।
EXO 9:26 इस्राएली आन बाक्‍तीके गोशेनमी ला मुप्‍स मयी। प्रस्‍थान ९:४; प्रस्‍थान ८:१८
EXO 9:27 मिनु फाराओमी मोसा नु हारून आस कली ब्रेत्‍ताक्‍मसी। मिनु मेको आस कली “मुल गो पाप पाता। परमप्रभु यावे ठीक पाइब बाक्‍ब। गो नु आं मुरपुकीम मरिम्‍शो पाइतक।
EXO 9:28 आंइ पर्बम परमप्रभु यावे कली पुनीस। एको बुंबु नु मुप्‍स मयिपदल। गो इन कली लचा गेनुङ। मुल गे एकेर बाक्‍चा ममाल्‍नीनी” देंत। प्रस्‍थान ८:४
EXO 9:29 मिनु मोसामी “गो सहर रे लशा, इन पर्बम आं गुइ पोक्‍शा, परमप्रभु यावे कली पुंइनुङ। नोले बुंबु पचा नु मुप्‍स यिचा नाइक्‍ब। मिनु गे रागी नेल्‍ल परमप्रभु यावे केन बाक्‍ब, दे तुइक्‍नीनी। प्रस्‍थान ७:५
EXO 9:30 तन्‍न गे नु इन दरवार ङा गेय पाइबपुकी मुल सम्‍म परमप्रभु, परमप्रभु यावे कली महिंशो बाक्‍नीनी, दे तुइक्‍ताक्‍ङ” दे फाराओ कली देंत।
EXO 9:31 मेको मुप्‍सीमी मार पाप्‍तु देंशा हना, सनपाट नु क्‍योव़ज नेल्‍ल खतम सेल्‍तु। मारदे हना क्‍योव़ज बाला दुम्‍ने थुम्‍शो नु सनपाट बोइक्‍ने थुम्‍शो बाक्‍त।
EXO 9:32 तन्‍न चेरब नु अर्को अन्‍न चहिं नोले ला मीबाक्‍तेक्‍म। मोपतीके मसद।
EXO 9:33 मोदेंशो दुम्‍शा मोसामी फाराओ आ बाक्‍तीके रे लशा, आ गुइ परमप्रभु यावे गे पोक्‍शा, फाराओ आ पर्बम पुंइतु। मिनु बुंबु पा, मुप्‍स नु रेउ यिचा नाइक्‍ताक्‍व।
EXO 9:34 मिनु फाराओ नु आ गेय पाइबपुकीमी रेउ, मुप्‍स यिचा नु बुंबु पचा नाइश्‍शो तशा, लेंशा पाप पाम्‍तेक्‍म। मोपा मटीम।
EXO 9:35 फाराओ काइ मटीब दुम्‍शा, इस्राएली आन कली लचा मगेव। परमप्रभु यावेमी मोसा कली देंशो खोदेंशो दुम्‍‍त। प्रस्‍थान ४:२१
EXO 10:1 मिनु परमप्रभु यावेमी मोसा कली “गे फाराओ कली आं चिन्‍डपुकी कोंइचा कली ग्रुम्‍थ लसे। मारदे हना गो मेको नु आ गेय पाइब आन कली काइ मटीब दुम्‍पाइक्‍ता।
EXO 10:2 मिनु गे इ चच युइ आन कली ‘गो इजीप्‍त ङा मुर आन कली मार मार पङा’ मेको शेंदो। गो मोदेंशो चिन्‍ड कोंइब बाक्‍नुङ। ‘गो परमप्रभु यावे नङ’ दे नेल्‍लेमी तुइक्‍तमेक्‍ल” दें‍त। प्रस्‍थान ६:२-८
EXO 10:3 मिनु मोसा नु हारून फाराओ आ बाक्‍तीके जाक्‍दीश्‍शा, मेको कली “हिब्रू आंइ परमप्रभु यावे, हिब्रू मुर आन परमप्रभुमी इन कली ‘गेना सम्‍म गे आं ङोंइती ठेयब लेश्‍शा बाक्‍नेवे? आं मुर आन कली आं कली चढ़ेथ लचा गेवो। प्रस्‍थान ५:३
EXO 10:4 नेनो, गे आं मुर आन कली लचा मगेनेवे हना, दीसा इ रागीम शुश सल्‍हा माले जाक्‍पाइक्‍नुङ।
EXO 10:5 मेकोपुकीमी रागी मतचा ङा पा सुम्‍नीम। मिनु मुप्‍स रे पा गिग खाइ मार मार लीशो बाक्‍मा, मेको नेल्‍ल नेक्‍नीम। रवा आन सफा यो नेल्‍ल नेक्‍नीम।
EXO 10:6 मिनु मेकोपुकी इ खिं, इ दरवार ङा गेय पाइब आन खिं नु नेल्‍ल इजीप्‍त ङा मुर आन खिं खिंम ओव़शा ब्रीनीम। इ किकी पिपीम मोदेंशो गेनायो मतामे’ दे परमप्रभुमी इन कली देंत” दे मोसामी दें‍त। मिनु मोसा फो ग्रूशा गाक्‍त।
EXO 10:7 मिनु फाराओ आ दरवार ङा गेय पाइबपुकीमी फाराओ कली “मेको मुरुम आंइ कली गेना सम्‍म श्‍येत गेबा? मेको मुर आन कली परमप्रभु यावे, आन परमप्रभु कली चढ़ेचा गेने। इजीप्‍त रागी मुल थुम्‍साक्‍व, दे मतुइक्‍नीनी?” देंमा बाक्‍त।
EXO 10:8 मिनु मेकोपुकीमी मोसा नु हारून आस कली फाराओ आ बाक्‍तीके लेश्‍शा चाक्‍तेक्‍म। मिनु फाराओमी मेको आस कली “गे लने। परमप्रभु यावे, इन परमप्रभु कली गेय पने। सु सु लाइक्‍नीनी?” दे हिल्‍लो पाप्‍तु।
EXO 10:9 मिनु मोसामी “परमप्रभु यावे आ चाड मानेचा कली गो तमी तौ, खाल्‍पी खाल्‍पा, बी ब्‍यफ नु क्‍यारश भेडा नेल्‍ल लाइश्‍शा, लचा माल्‍नीकी” दें‍त। प्रस्‍थान ५:१
EXO 10:10 मिनु फाराओमी मेको आस कली “इन परमप्रभु यावे गे नु बाक्‍शो खोदेंशो पा गो इन कली नु इन आल नु लचा मगेनुङ। गे मरिम्‍शो पचा माल्‍नीनी, दे आंमा तुइक्‍नीसी।
EXO 10:11 मोदेंशो मदुम्‍ब। वोंइश मुरपुकी ला परमप्रभु यावे कली चढ़ेथ लने। मारदे हना एकोन इन माल्‍शो बाक्‍ब” दे हुइक्‍ताक्‍व। मिनु फाराओ आ ङोंइती रे खेरतु।
EXO 10:12 मिनु परमप्रभु यावेमी मोसा कली “सल्‍हा माले ग्रूपाइक्‍चा कली इ गुइ इजीप्‍त रागी तार दिंदो। मेकोपुकीम रागीमी मार मार गिग खाइपुकी मुप्‍सीम हेंशो बाक्‍मा, मेको ब्‍वाइनीमी” दें‍त। प्रस्‍थान ९:३२
EXO 10:13 मिनु मोसामी आ कोक्‍के इजीप्‍त रागी तार दिंताक्‍व। मेको नाक्‍त रे आ दीसा सुनी सम्‍म परमप्रभु यावेमी पूर्ब रे फश पपाइक्‍तु। मिनु सुनी नां सोव़मेनु, पूर्ब रे पिशो फशेमी सल्‍हापुकी चाक्‍तु। योएल १:२-१२; योएल २:१-११
EXO 10:14 मिनु सल्‍हा मालेमी इजीप्‍त रागी नेल्‍ल सुम्‍तेक्‍म। ङोंइती रे मोदेंशो शुश सल्‍हा माले गेनायो मबाक्‍शो बाक्‍मा बाक्‍त। मिनु नोले यो मोदेंशो गेनायो मदुम्‍माक्‍त।
EXO 10:15 मेको शुश सल्‍हा माले बेरमानु, नाक्‍ती यो नाक्‍दो खोदेंशो पा छिङछिङ दुम्‍त। मेको सल्‍हा मालेमी मुप्‍स रे लीशो रू ङा वाशो नु रवा ङा फल नेल्‍ल नेक्‍तेक्‍म। मार मार गिग बाक्‍मा, मारेइ महेंदेम। इजीप्‍त रागी ङा रवा नु गिग खाइ नेल्‍ल नेक्‍तेक्‍म।
EXO 10:16 मिनु फाराओमी रीब पा मोसा नु हारून आस कली ब्रेप्‍पाइक्‍तु। मिनु मेकोमी “गो परमप्रभु यावे, इन परमप्रभु आ ङोंइती पाप पाता। मिनु इस कली यो मरिम्‍शो पाता। प्रस्‍थान ९:२७
EXO 10:17 मुल खेयप का ला आं कली माफ गेयीसी, दे पुंइनुङ। मिनु आं पर्बम परमप्रभु यावे, इन परमप्रभु कली पुनीस। सल्‍हा माले खेरशा, अन्‍काल रे मबेक्‍पाइक्‍चा नम, दे पुनीस” दे मोसा नु हारून आस कली माइक्‍तीम्‍सी। प्रस्‍थान ८:४
EXO 10:18 मो देंम नोले मोसा फाराओ आ ङोंइती रे लशा, परमप्रभु यावे कली पुंइतु।
EXO 10:19 मिनु परमप्रभु यावेमी नां पेरतीक रागी रे ठेयब फश गिवार सोइक्‍ताक्‍व। मेको फश गिवारमी सल्‍हा माले आन कली हुरशा, लल समुन्‍द्रम ताइक्‍ताक्‍व। मिनु मोपा इजीप्‍त रागीम सल्‍हा माले काइ मलीम।
EXO 10:20 तन्‍न परमप्रभु यावेमी फाराओ कली मबिप्‍पाइक्‍चा कली काइ मटीब दुम्‍पाइक्‍तु। मोपतीके मेकोमी इस्राएली आन कली लचा मगेव। प्रस्‍थान ४:२१
EXO 10:21 मिनु परमप्रभु यावेमी मोसा कली “इ गुइ सरीङ गे पोक्‍को। मो पवीनु, इजीप्‍त रागीम हिंचा ङा पा छिङछिङ दुम्‍ब” दे माइक्‍तु।
EXO 10:22 मिनु मोसामी आ गुइ सरीङ गे पोक्‍तु। मिनु इजीप्‍त रागीमी नाक्‍त सां सम्‍म शुश छिङछिङ दुम्‍त। मारेइ मतांइस।
EXO 10:23 मिनु मेकोपुकी मतमुथु, आन बाक्‍तीक रे बोक्‍ने मचबेम। तन्‍न इस्राएली आन बाक्‍तीकेमी चहिं छेङछेङ बाक्‍त।
EXO 10:24 मिनु फाराओमी मोसा कली ब्रेश्‍शा “लने, परमप्रभु यावे कली गेय पने। इन आल नु मीश आन कली यो लाइक्‍ने चाप्‍नीनी। इन बी ब्‍यफ नु क्‍यारश भेडा चहिं मेकेरेन बाक्‍मल” दें‍त। प्रस्‍थान १०:१०
EXO 10:25 मोसामी चहिं “आंइ चढ़ेतीक नु चोशा चढ़ेतीक बस्‍तु भाव नेल्‍ल लाइक्‍चा माल्‍नीकी। मेको ला परमप्रभु यावे, आंइ परमप्रभु कली चढ़ेने चाप्‍नीकी।
EXO 10:26 गोपुकी आंइ बी ब्‍यफ, क्‍यारश भेडा नेल्‍ल लाइश्‍शा, लचा माल्‍नीकी। का यो मप्रोंइथु लाइक्‍चा माल्‍नीकी। परमप्रभु यावे, आंइ परमप्रभु कली मार चढ़ेचा माल्‍नीकी मुल मजाक्‍दीश्‍शो सम्‍म मतुइक्‍नीकी” दे फाराओ कली माइक्‍तु।
EXO 10:27 परमप्रभु यावेमी चहिं फाराओ कली काइ मटीब दुम्‍पाइक्‍तु। मोपतीके फाराओमी इस्राएली आन कली लचा मगेव। प्रस्‍थान ४:२१
EXO 10:28 मिनु फाराओमी मोसा कली “मुल एकेर रे लावो। आं कली ग्रुम्‍थ मपिवो। गे लेंशा आं कली ग्रुम्‍थ पिते हना, गो इ कली साइक्‍नन” देंत।
EXO 10:29 मिनु मोसामी “दुम्‍ब, गो इन कली लेंशा ग्रुम्‍थ मपीनुङ” दें‍त।
EXO 11:1 मिनु परमप्रभु यावेमी मोसा कली “फाराओ नु इजीप्‍त रागी ङा मुर आन कली नेल्‍ल क्‍येङा नोले ङा बेक्‍चा ङा श्‍येत का गेनुङ। मिनु इन कली लचा गेब। लचा गेवानु, नेल्‍ल इन कली ब्रा ब्रु खेरब।
EXO 11:2 गे मुल इ मुर आन कली ‘वोंइश मुर नु मीश मुरपुकीमी आन नेक्‍था बाक्‍ब इजीप्‍ती आन के सुन नु चांदी के पांइतीक शोंप पुंइचा माल्‍नीम’ दे शेंचा माल्‍नेवे” दें‍त। प्रस्‍थान ३:२१-२२
EXO 11:3 मिनु परमप्रभु यावेमी इजीप्‍त ङा मुर आन कली इस्राएली आन कली दाक्‍ब सेल्‍तु। मिनु मोसा फाराओ आ गेय पाइब नु इजीप्‍त ङा मुर नेल्‍ल आन ङोंइती शुश ठेयब मुर दुम्‍त।
EXO 11:4 मिनु मोसामी फाराओ नु आ मुर आन कली “परमप्रभु यावे आ देंशो लोव़ मार बाक्‍त देंशा हना नाक्‍दो उइक्‍थ दुम्‍मेनु, इजीप्‍ती आन दातेम लाइनुङ।
EXO 11:5 इजीप्‍त रागीमी सु सु ङोंइती जरमेशो बाक्‍मा, मेको बेक्‍चा माल्‍नीम। फाराओ आ नोले सासन पाइब ङोंइती जरमेशो तौ रे नेल्‍ल क्‍येङा आइक्‍च यात हिल्‍ब मीश मुर आन ङोंइती जरमेशो तौ सम्‍म नेल्‍ल बेक्‍चा माल्‍नीम। बस्‍तु भाव आन के यो ङोंइती जरमेशो बेक्‍चा माल्‍नीम। प्रस्‍थान ४:२३
EXO 11:6 मिनु इजीप्‍त रागी नेल्‍लेमी ठेयब रोंका पा ङाक्‍नीम। ङोंइती मोदेंशो गेनायो मदुम्‍शो बाक्‍त। मिनु नोले यो लेंशा मदुम्‍ब।
EXO 11:7 इस्राएली आन दातेमी चहिं मुर नु बस्‍तु भाव आन चां का यो महेम्‍ब। परमप्रभु यावेमी इजीप्‍त ङा मुर आन कली नु इस्राएल ङा मुर आन कली खाल का ङा मपाइब, दे तुइक्‍तमेक्‍ल। प्रस्‍थान ९:४
EXO 11:8 मिनु नोले इन गेय पाइब नेल्‍लेमी आं ङोंइती खुम्‍की पा बाप्‍शा, आं कली ‘गे नु इन नोले खोइक्‍ब मुरपुकी एक रे लने’ देंनीम। मिनु गो लाइनुङ” दे मोसामी फाराओ कली देंत। मिनु मोसा फाराओ आ बाक्‍तीके रे शुश गाइश्‍शा चुरशा गाक्‍त।
EXO 11:9 मिनु परमप्रभु यावेमी मोसा कली “इजीप्‍त रागीम आं छक लाक्‍चा ङा शुश चिन्‍ड दुम्‍ल, दे फाराओम इ कली मटिपदु” देंत।
EXO 11:10 मोसा नु हारूनमी फाराओ आ ङोंइती मेको छक लाक्‍चा ङा चिन्‍ड मार मार नेल्‍ल पाम्‍ताक्‍स। इस्राएल ङा मुर आन कली लचा मगेवल, दे परमप्रभु यावेमी फाराओ कली काइ मटीब दुम्‍पाइक्‍तु। प्रस्‍थान ४:२१
EXO 12:1 मिनु मोसा नु हारून इजीप्‍त रागीम बाक्‍सानु, परमप्रभु यावेमी मेको आस कली
EXO 12:2 “मुल जाक्‍शो महिना बर्स ङा ङोंइती ङा महिना दुम्‍चा माल्‍ब। प्रस्‍थान १३:४
EXO 12:3 मिनु गे इस्राएली नेल्‍ल आन कली ‘मेको महिना ङा १० नाक्‍ती खिं का ङा ठेयब मुरुमी पाठा का चाक्‍चा माल्‍नीम।
EXO 12:4 खिं का कली पाठा का आ श्‍ये शुश दुम्‍त हना, आ नेक्‍था बाक्‍शो मुर आन कली हिक्‍शा, दोशो ब्‍वाइनीमी योक्‍शा, ब्‍वचा कली ब्रेत्‍चा माल्‍नीम।
EXO 12:5 मेको पाठा मारेइ मदुम्‍शो थम रिम्‍शो नु बर्स का ङा बोका बाक्‍चा माल्‍ब। भेडा के हना यो, क्‍यारश के हना यो दुम्‍ब। लेवी २२:२०
EXO 12:6 मिनु मेको महिना ङा १४ नाक्‍ती सम्‍म मेको बोका कली ठीक पा वोइक्‍चा माल्‍नीनी। मिनु नां रिक्‍चावानु, इस्राएली नेल्‍लेमी मेको बोका क्‍योरचा माल्‍नीनी।
EXO 12:7 तेको खिंमी ब्‍वाइनीनी, मेको खिं ङा मुरुमी बोका आ हुश इच्‍का लाइश्‍शा, आ खिं ङा थाम निक्‍शी नु लाप्‍चो आ पियाम ख्रेक्‍चा माल्‍नीनी। प्रस्‍थान १३:२२
EXO 12:8 मेको नाक्‍दो मेको बोका आ श्‍ये ब्‍वचा माल्‍नीनी। दोपा ब्‍वचा माल्‍नीनी देंशा हना, मीम चोशा, बोरब ओख्‍ती मसुप्‍शो शोब्‍ले, कशो खाइ नु ब्‍वचा माल्‍नीनी।
EXO 12:9 मेको श्‍ये क्‍येख ब्‍वचा मदुम्‍ब, लोप्‍शा ब्‍वचा यो मदुम्‍ब। आ पिया, खोइली क्‍यी नेल्‍ल मी तारी चोचा माल्‍नीनी। ब्‍यवस्‍था १६:७
EXO 12:10 सुनी सम्‍म मारेइ हेंत हना, मीम चोशा थुम्‍चा माल्‍नीनी।
EXO 12:11 मेको श्‍ये किप्‍शुर किप्‍शा, जुत्ता लिक्‍शा, गुइमी कोक्‍के ग्‍याइश्‍शा, रीब पा ब्‍वचा माल्‍नीनी। मारदे हना मेको परमप्रभु यावे आ पास्‍सा चाड बाक्‍ब। ब्‍यवस्‍था १६:३; यसैया ५२:१२
EXO 12:12 मेको नाक्‍दो गोमी इजीप्‍त रागी हिरशा, इजीप्‍त ङा मुर आन ङोंइती जरमेशो तौ नेल्‍ल साइक्‍नुङमी। बस्‍तु भाव आन के यो ङोंइती जरमेशो नेल्‍ल साइक्‍नुङमी। इजीप्‍त ङा देवी देवता नेल्‍ल आन कली सजाइ गेनुङमी। गो, परमप्रभु यावे मेकोन पाइनुङ। गन्‍ती ३३:४
EXO 12:13 मेको ख्रेक्‍शो हुश इन खिं ङा चिन्‍ड दुम्‍ब। तेको खिंम हुश ख्रेक्‍शो तङा, मेको खिं कली हेरशा लाक्‍नुङ। गो इजीप्‍त रागी ङा मुर आन कली बेक्‍चा ङा श्‍येत गेनुङमी। इन कली चहिं मेको श्‍येत मगेनुङ। हिब्रू ११:२८; प्रस्‍थान ३०:१२
EXO 12:14 मेको नाक्‍ती इन कली मिम्‍तीक नाक्‍ती दुम्‍चा माल्‍ब। मोपतीके आं नेंम भोज जचा माल्‍नीनी। गे बर्स बर्सम मेको चाड परमप्रभु यावे कली मानेचा माल्‍नीनी। इन पाला नेल्‍ल आन कली गेना हना यो अरेशो लोव़ बाक्‍ब।
EXO 12:15 गे ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। ७ नाक्‍त ङा ङोंइती नाक्‍ती गे इन खिंम बाक्‍शो बोरब ओख्‍ती ताइक्‍चा माल्‍नीनी। सुम मेको ७ नाक्‍तीम बोरब ओख्‍ती सुप्‍शो शोब्‍ले जाइबा, मेको इस्राएली आन दाते रे तिल्‍चा पुंइसीब। प्रस्‍थान १३:७; प्रस्‍थान २३:१५
EXO 12:16 मिनु ७ नाक्‍त ङा ङोंइती नाक्‍ती नु नोले ङा नाक्‍ती परमप्रभु आ नेंमी ग्रुम्‍चा माल्‍नीनी। मिनु जचा थोव़क सेल्‍चा क्‍येङा लाक्‍शा, अरु गेय काइ मपने।
EXO 12:17 बोरब ओख्‍ती मसुप्‍शो शोब्‍ले ङा चाड मानेचा माल्‍नीनी। मारदे हना मेको नाक्‍ती गो इन हुल आन कली इजीप्‍त रागी रे ग्रुंइताक्‍ङ। मोपतीके इन पाला मुर नेल्‍ल आन कली गेना हना यो अरेशो लोव़ बाक्‍ब।
EXO 12:18 ङोंइती ङा महिना ङा १४ नाक्‍ती ङा नाक्‍दो रे २१ नाक्‍त ङा नाक्‍दो सम्‍म गे बोरब ओख्‍ती मसुप्‍शो शोब्‍ले ला जचा माल्‍नीनी।
EXO 12:19 मेको ७ नाक्‍ती इन खिंमी बोरब ओख्‍ती काइ मवोइक्‍चा। सुमी बोरब ओख्‍ती सुप्‍शो शोब्‍ले जाइबा, मेको अर्को रागी ङा मुर बाक्‍त हना यो, इस्राएली बाक्‍त हना यो इस्राएली आन दाते रे तिल्‍चा पुंइसीब।
EXO 12:20 इन बाक्‍तीक नेल्‍लेमी बोरब ओख्‍ती मसुप्‍शो शोब्‍ले ला जने, बोरब ओख्‍ती सुप्‍शो शोब्‍ले मजने’ दे माइक्‍मी” दे परमप्रभुमी दें‍त।
EXO 12:21 मिनु नोले मोसामी इस्राएल ङा खाल्‍पा नेल्‍ल आन कली ब्रेश्‍शा “इन खिं ङा ठेयब मुर आन कली पाठा का का चाक्‍कीन। मिनु मेको पाठा पास्‍सा चाड मानेचा कली क्‍योरीन।
EXO 12:22 मिनु गे हिस्सोप के ब्राक्‍स लाइश्‍शा, हुश दाइक्‍तीक बोसुम ख्रुम्‍शा, लाप्‍चो आ पिया नु थाम निक्‍शी कली ख्रेक्‍तीन। मेको नाक्‍दो सुनी सम्‍म सुइ लाङगा मग्रूङीने। प्रस्‍थान १२:१३
EXO 12:23 परमप्रभु यावे इजीप्‍त ङा मुर साइक्‍चा कली हिरब। परमप्रभु यावेमी लाप्‍चो आ पिया नु थाममी हुश ख्रेक्‍शो तशा, इं खिं हेरशा लाक्‍ब। मिनु साइक्‍ब कली इं खिंम ओव़चा मगेब।
EXO 12:24 मुल रे इन तौ, चच युइ नेल्‍लेमी एको पास्‍सा चाड बर्स बर्सम मानेचा माल्‍नीम। मेको गेना हना यो लीशो अरेशो लोव़ बाल्‍ब।
EXO 12:25 मिनु गे परमप्रभु यावेमी देंशो खोदेंशो पा इन कली गेशो रागी जाक्‍दीश्शा, यो एको चाड मानेचा माल्‍नीनी।
EXO 12:26 इन आलपुकीम इन कली ‘एको चाड आ अर्थ मार बाक्‍मे?’ दे हिल्‍लो पाम्‍तेक्‍म हना,
EXO 12:27 गे मेको आन कली ‘इस्राएल ङा मुरपुकी इजीप्‍त रागीम बाक्‍मानु, परमप्रभु यावेमी इजीप्‍त ङा मुर आन कली साइक्‍ची ना इस्राएली आन खिं चहिं हेरशा लत। एको हेरतीक आ पर्बम चढ़ेशो बाक्‍ब’ देंचा माल्‍नीनी” दे मोसामी देंत। मिनु मुरपुकीमी खुम्‍की पा बाप्‍शा, परमप्रभु यावे कली ठेयब सेल्‍तेक्‍म।
EXO 12:28 मिनु इस्राएलीपुकीमी लशा, परमप्रभु यावेमी मोसा नु हारून आस कली दोदेंशो देंमे, मोदेंशो पाम्‍तेक्‍म।
EXO 12:29 मिनु नाक्‍दो उइक्‍थ दुम्‍मेनु, परमप्रभु यावेमी इजीप्‍त रागी ङा मुर आन ङोंइती जरमेशो तौ आन कली साइक्‍तीमी। फाराओ आ नोले सासन पाइब तौ रे जेल्‍खानम बाक्‍ब मुर आन ङोंइती जरमेशो तौ नेल्‍ल आन कली साइक्‍तीमी। बस्‍तु भाव आन ङोंइती जरमेशो यो साइक्‍तु। प्रस्‍थान ४:२३
EXO 12:30 मिनु मेको नाक्‍दो फाराओ, आ गेय पाइबपुकी नु इजीप्‍त रागी ङा मुर नेल्‍ल बोक्‍तेक्‍म। इजीप्‍त रागीमी ठेयब रोंका पा ङाक्‍तेक्‍म। मारदे हना खिं खिं नेल्‍लेमी मुर बेक्‍तेक्‍म। प्रस्‍थान ११:६-७
EXO 12:31 मिनु मेको नाक्‍दो फाराओमी मोसा नु हारून आस कली ब्रेश्‍शा “छुल छाल बोक्‍कीस। गे नु इस्राएल ङा मुर नेल्‍ल आं रागी ङा मुर आन दाते रे ग्रूङीन। इस देंशो खोदेंशो पा परमप्रभु यावे कली चढ़ेथ लने।
EXO 12:32 इन बी ब्‍यफ नु क्‍यारश भेडा आन कली लाइश्‍शा, फो फु ग्रूङीने। आं कली आसीक गेयीसी” दें‍त। प्रस्‍थान १०:२६; एज्रा ६:१०
EXO 12:33 मिनु इजीप्‍त ङा मुरपुकीमी मेको आन कली आन रागी रे ब्रा ब्रु खेरशा सोइक्‍ताक्‍म। मारदे हना “गो नेल्‍ल बेक्‍नय” दे हिंतेक्‍म। प्रस्‍थान ६:१
EXO 12:34 मिनु मुरपुकीमी बोरब ओख्‍ती मसुप्‍शो, निशो फस आन बोस वाम गिल्‍शा, बलाम लाप्‍शा कुरतेक्‍म।
EXO 12:35 मिनु इस्राएलीपुकीम मोसा आ देंशो खोदेंशो पा इजीप्‍ती आन सुन चांदी नु वासी पुंइतेक्‍म। प्रस्‍थान ११:२
EXO 12:36 मिनु परमप्रभु यावेमी इजीप्‍त ङा मुर आन कली इस्राएली आन कली दाक्‍पाइक्‍तीके, आन पुंइशो नेल्‍ल गेम्‍तेक्‍म। मोपा इजीप्‍त ङा मुर आन शोंप लाइश्‍शा गाक्‍तेक्‍म। प्रस्‍थान ३:२१
EXO 12:37 मिनु इस्राएल ङा मुरपुकी रामे‍सेस सहर रे गाक्‍शा, सुक्‍कोथ सहर जाक्‍दीत्‍तेक्‍म। मेको आन मीश नु तमी तौ नेल्‍ल महिक्‍थु, वोंइश मुर ला ६ लाख बाक्‍तेक्‍म।
EXO 12:38 मिनु हिक्‍ने मचाप्‍चा ङा पा इस्राएली खोदेंशो पा परमप्रभु यावे कली टीबपुकी यो, आन बी ब्‍यफ, क्‍यारश भेडा, शुश बस्‍तु भाव खुल्‍शा गाक्‍तेक्‍म।
EXO 12:39 मिनु इजीप्‍त रे कुरशो बोरब ओख्‍ती मसुप्‍शो निशो फस रे शोब्‍ले चोम्‍तेक्‍म। मारदे हना इजीप्‍त रागी रे खेरचा पुंइसीतीके मेकेर लाम्‍जी सेल्‍ने मचाप्‍शो बाक्‍तेक्‍म।
EXO 12:40 इस्राएलीपुकी ४ सहे ३० बर्स इजीप्‍त रागीमी बाक्‍शो बाक्‍मा बाक्‍त। उत्‍पत्ती १५:१३
EXO 12:41 मिनु ४ सहे ३० बर्स गाम नाक्‍ती, परमप्रभु यावे आ योव़शो इस्राएली नेल्‍ल इजीप्‍त रागी रे गाक्‍मा बाक्‍त।
EXO 12:42 मेको नाक्‍दो इस्राएलीपुकीमी परमप्रभु यावे आ ङोंइती शुश मिम्‍तीक नाक्‍दो दुम्‍माक्‍त। मारदे हना मेको आन कली इजीप्‍त रागी रे ग्रुंइदा बाक्‍त। मेको परमप्रभु यावे आ नाक्‍दो बाक्‍ब। इस्राएल ङा मुर आन पाला नेल्‍लेमी मेको मिम्‍तीक नाक्‍दो बाक्‍ब। यसैया ३०:२९
EXO 12:43 मिनु परमप्रभु यावेमी मोसा नु हारून आस कली “पास्‍सा दोपा पचा आं अरेशो लोव़ मार बाक्‍त देंशा हना, अर्को रागी ङा मुरुम मेको जचा ब्‍वचा मदुम्‍ब।
EXO 12:44 ख्रोइक्‍तीक चिनु ख्रोइश्‍शो इन वाइलपुकीम चहिं जचा ब्‍वचा दुम्‍नीम। उत्‍पत्ती १७:१२-१३
EXO 12:45 तन्‍न अर्को रागी ङा मुर इन दातेमी बाक्‍त हना यो, गेय पाइब हना यो जचा ब्‍वचा मदुम्‍ब।
EXO 12:46 मेको पास्‍सा ङा पाठा आन खिंमी ब्‍वचा माल्‍नीम। आ श्‍ये लाङगा ग्रुंइचा मदुम्‍ब। आ रुश का यो जिक्‍चा मदुम्‍ब। यूहन्‍ना १९:३६
EXO 12:47 इस्राएली नेल्‍लेमी मोदेंशो पचा माल्‍नीम। प्रस्‍थान
EXO 12:48 इन दातेमी अर्को रागी ङा मुर काम परमप्रभु यावे कली पास्‍सा चाड मानेचा दाक्‍ताक्‍व हना, आ खिं ङा गेय पाइब वोंइश मुर नु आ तौ आन कली ख्रोइक्‍तीक चिनु ख्रोइश्‍शा ला, इस्राएली आन नेक्‍था जाक्‍शा, पास्‍सा चाड मानेने चाप्‍ब। मोपा ला इन खोदेंशो दुम्‍ब। मारदे हना ख्रोइक्‍तीक चिनु मख्रोइश्‍शो मुरुम जने ब्‍वने मचाप्‍नीम।
EXO 12:49 मेको इन कली नु इन दातेम बाक्‍ब अर्को रागी ङा मुर आन कली अरेशो लोव़ का बाक्‍ब” दे परमप्रभुमी देंत। लेवी १९:३४; लेवी २४:२२
EXO 12:50 मिनु परमप्रभु यावेमी मोसा नु हारून आस कली दोदेंशो देंमे, मोदेंशो इस्राएली नेल्‍लेमी पाम्‍तेक्‍म।
EXO 12:51 मिनु मेको नाक्‍ती परमप्रभु यावेमी इस्राएली थर आन कली हुल हुल पा इजीप्‍त रागी रे ग्रुंइताक्‍व।
EXO 13:1 मिनु परमप्रभु यावेमी मोसा कली
EXO 13:2 “इस्राएलीपुकी, इन ङोंइती जरमेशो तौ नु इन बी ब्‍यफ, क्‍यारश भेडा आन ङोंइती जरमेशो बोहोर बोका योव़शा गेयीनी। मारदे हना मेको आं के बाक्‍नीम, दे मुर आन कली देंचा माल्‍ब” देंत। प्रस्‍थान १३:१२,१३; प्रस्‍थान २२:२८
EXO 13:3 मिनु मोसामी मुर आन कली “गेपुकी इजीप्‍त रागीम वाइलीम वाइल दुम्‍शा, ब्रोंइशा, एक जाक्‍शो नाक्‍त मप्रेंदीन। परमप्रभु यावेमी इन कली आ सक्तिमी ग्रुंइताक्‍व। मोपतीके मेको नाक्‍त गे बोरब ओख्‍ती मसुप्‍शो शोब्‍ले ला जचा माल्‍नीनी। प्रस्‍थान १२:३३-३४
EXO 13:4 गे मुलाक्‍ती आबीब महिनामी ग्रूतीनी। प्रस्‍थान १२:२
EXO 13:5 मिनु परमप्रभु यावेमी इन किकी पिपी आन कली ‘कनानी, हित्ती, एमोरी, हिव्‍वी नु यबुसी आन रागी इन कली गेनुङ’ दे कसम जशो बाक्‍माक्‍त। मेको रागीमी जाक्‍दीश्‍शा, आबीब महिनामी पास्‍सा चाड मानेचा माल्‍नीनी। मेको रागीम दूध नु खुदो शुश बाक्‍ब, मारेइ मारेइ यो शुश ग्रेल्‍ब। उत्‍पत्ती १५:१८
EXO 13:6 ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। मेको आ नोले ङा नाक्‍ती परमप्रभु यावे आ नेंमी चाड का मानेचा माल्‍नीनी। प्रस्‍थान १२:१५-१६
EXO 13:7 मिनु बोरब ओख्‍ती मसुप्‍शो शोब्‍ले ७ नाक्‍त सम्‍म जचा माल्‍नीनी। इन बाक्‍तीके नेल्‍लेमी बोरब ओख्‍ती सुप्‍शो शोब्‍ले काइ वोइक्‍चा मदुम्‍ब। मिनु बोरब ओख्‍ती यो वोइक्‍चा मदुम्‍ब। १कोरिन्‍थी ५:८
EXO 13:8 मेको नाक्‍ती इन आल आन कली ‘परमप्रभु यावेमी इं कली इजीप्‍त रागी रे ग्रुंइशो कोंइचा, दे ओदेंशो पाइनय’ दे शेंचा माल्‍नीनी।
EXO 13:9 मेको पास्‍सा चाड इन गुइमी नु इन कुप्‍फीम मिम्‍तीके चिन्‍ड खोदेंशो पा बाक्‍चा माल्‍ब। मोपा परमप्रभु यावे आ अरेशो लोव़ गे नु बाक्‍ब। मारदे हना परमप्रभु यावेमी आ ठेयब सक्तिमी इन कली इजीप्‍त रागी रे ग्रुंइताक्‍व। ब्‍यवस्‍था ६:८; ब्‍यवस्‍था ११:१८
EXO 13:10 मोपा गेपुकी बर्स बर्समी मेको चाड ठीक नाक्‍तीम मानेशा आ अरेशो लोव़ पचा माल्‍नीनी।
EXO 13:11 मिनु परमप्रभु यावेमी इन कली नु इन किकी पिपी आन कली ‘गो मेको रागी इन कली गेनुङ’ दे कसम जशो, कनानी आन रागीम चोव़दीब।
EXO 13:12 गे इन ङोंइती जरमेशो तौ नु इन बी ब्‍यफ, क्‍यारश भेडा आन ङोंइती जरमेशो परमप्रभु यावे कली गेचा माल्‍नीनी। ङोंइती जरमेशो बोहोर बोका परमप्रभु यावे केन नम।
EXO 13:13 तन्‍न इन गधैनी आ ङोंइती जरमेशो बोहोर प्रोंइचा कली मेको आ पा ङा पाठा का गेचा माल्‍नीनी। पाठा गेचा मदाक्‍ताक्‍नी हना, आ शुर जिक्‍चा माल्‍नीनी। इन ङोंइती जरमेशो तौ आ पा ङा क्‍येट गेचा माल्‍नीनी।
EXO 13:14 मिनु काबु इन आलपुकीमी ‘गे मारदे ओदेंशो पाइनीनी?’ दे हिल्‍लो पाइनीम। मेना गेपुकीमी ‘परमप्रभु यावेमी इं कली आ ठेयब सक्तिमी इजीप्‍त रागी रे ग्रुंइताक्‍व। वाइलीम वाइल दुम्‍शो रे यो प्रोंइतु’ दे इन आल आन कली शेंचा माल्‍नीनी। प्रस्‍थान १२:२६,२९
EXO 13:15 ‘फाराओम इं कली काइ लचा मगेतीके, परमप्रभु यावेमी इजीप्‍त रागी ङा मुर आन ङोंइती जरमेशो तौ नु बस्‍तु भाव आन दाते ङा ङोंइती जरमेशो नेल्‍ल साइक्‍तु। मोपतीके ङोंइती जरमेशो बोहोर बोका परमप्रभु यावे कली चढ़ेनीकी। तन्‍न ङोंइती जरमेशो तौ आ पा ङा क्‍येट गेशा प्रोंइनीकी।
EXO 13:16 एको पतीके इन गुइमी नु इन कुप्‍फीम मिम्‍तीके चिन्‍ड खोदेंशो पा बाक्‍चा माल्‍ब। मारदे हना परमप्रभु यावेमी इं कली आ ठेयब सक्तिमी इजीप्‍त रागी रे ग्रुंइताक्‍व’ दे इन आल आन कली शेंचा माल्‍नीनी” देंत।
EXO 13:17 मिनु फाराओमी इस्राएली आन कली लचा गेवानु, परमप्रभुमी इस्राएली आन कली आन नेक्‍था ङा लां पलिस्‍ती आन रागी ङा लां मकोंइद। मारदे हना मुरपुकीमी “लडाइ पचा माल्‍तेक्‍म हना, हिंशा इजीप्‍त रागी लेत्‍नीमी, कों” दे लाइश्‍शो लां कोंइताक्‍व।
EXO 13:18 मोपा परमप्रभुमी इस्राएली आन कली गोरशो रागी रे लल समुन्‍द्र गे ङा लां कोंइताक्‍व। मिनु इस्राएली इजीप्‍त रागी रे गाक्‍मानु, लडाइ पचा कली यो ठीक दुम्‍शो बाक्‍तेक्‍म।
EXO 13:19 मोसामी योसेफ आ रुश यो कुरतु। मारदे हना योसेफमी इस्राएली आन कली “परमप्रभुम इन कली थमा पा एको रागी रे ग्रुंइशा लाइब। मेना आं रुश यो लाइक्‍चा माल्‍नीनी” दे कसम जपाइश्‍शो बाक्‍माक्‍त। उत्‍पत्ती ५०:२५; यहोसु २४:३२
EXO 13:20 मेकोपुकी सुक्‍कोथ सहर रे लशा, एथाम सहर ङा गोरशो रागी आ नेक्‍थामी बास बाक्‍तेक्‍म।
EXO 13:21 मिनु परमप्रभु यावेमी मेकोपुकी नाक्‍दो नाक्‍ती गाक्‍ने चाप्‍मेक्‍ल, दे मेको आन कली लां कोंइचा कली नाक्‍ती गोस्‍स के थाम नु नाक्‍दो मी के थाम दुम्‍शा, मेको आन ङोंइङोंइती गाक्‍‍त। प्रस्‍थान ४०:३६-३८; गन्‍ती ९:१५-२३; भजन संग्रह ७८:१४; १कोरिन्‍थी १०:१
EXO 13:22 नाक्‍ती गोस्‍स के थाम नु नाक्‍दो मी के थाम आन ङोंइङोंइती गाक्‍चा मप्रोन।
EXO 14:1 मिनु परमप्रभु यावेमी मोसा कली
EXO 14:2 “इस्राएली आन कली ‘गेपुकी इच्‍का लेत्‍चा माल्‍नीनी। मिग्‍दोल नु लल समुन्‍द्र आस दातेम बाक्‍शो पी-हहीरोथ, बाल-सेफोन आ ङोंइती इन बास बाक्‍तीके सेल्‍चा माल्‍नीनी। मेको लल समुन्‍द्र आ नेक्‍था बाक्‍ब’ देंचा माल्‍नेवे।
EXO 14:3 मिनु फाराओमी ‘गोरशो रागीमी आन लां जाम्‍शा, हेंथे गाक्‍नीम’ देंब।
EXO 14:4 मिनु गो फाराओ आ थुं काइ मटीब दुम्‍पाइक्‍नुङ। मिनु फाराओमी इन कली खेदा पाइब। गो फाराओ नु आ फौज आन कली आं सक्ति कोंइनुङ। मिनु इजीप्‍त रागी ङा मुर नेल्‍लेमी ‘परमप्रभु यावे बाक्‍ब’ दे तुइक्‍नीम” देंत। मिनु मोदेंशो पाम्‍तेक्‍म। प्रस्‍थान ४:२१; इजीकीएल २८:२२
EXO 14:5 मिनु इजीप्‍त रागी ङा मुरपुकीम आन पिप कली “इस्राएली प्रोक्‍ने थुम्‍तेक्‍म। गो मार पया? मारदे गो इस्राएली आन कली गेय प्रोंइपाइश्‍शा, लचा गेया?” दे थुं फाइश्‍शा, लोव़ पमुमा बाक्‍त।
EXO 14:6 मिनु पिपमी आ बग्‍गी ठीक पशा, आ लडाइ पाइबपुकी ठीक पवा बाक्‍त।
EXO 14:7 मिनु ६ सहे रिम्‍शो पा लडाइ पने चाप्‍ब बग्‍गी नु इजीप्‍त रागी ङा अरु बग्‍गी नु चलेब आन ठेयब मुर आन कली लाइश्‍शा, लमाक्‍त।
EXO 14:8 मिनु परमप्रभु यावेमी इजीप्‍त रागी ङा फाराओ कली काइ मटीब दुम्‍पाइक्‍तीके इस्राएली आन कली खेदा पामे बाक्‍त। इस्राएली चहिं ठेयब सक्तिमी ग्रूशा गाक्‍तेक्‍म। प्रस्‍थान ३:१९-२०
EXO 14:9 इजीप्‍त ङा फाराओ आ शारापुकी, शारा ङोइक्‍बपुकी, बग्‍गी नु लडाइ पाइब नेल्‍ल लल समुन्‍द्र आ नेक्‍था इस्राएली आन बास बाक्‍तीक पी-हहीरोथ सहर आ नेक्‍था बाल-सेफोन आ ङोंइती जाक्‍तेक्‍म।
EXO 14:10 मिनु इस्राएलीपुकी फाराओ नु आ लडाइ पाइबम आंम कली खेदा पशो तशा, हिंशा ख्रिंख्रि पाम्‍तेक्‍म। मिनु परमप्रभु यावे कली “वारच पाइय्‍यीकी” दे पुंइतेक्‍म।
EXO 14:11 मिनु मेकोपुकीम मोसा कली “गे आंइ कली मारदे इजीप्‍त रे ग्रुंइदीकी? इजीप्‍त रागीम मुर थिम्‍तीके मबाक्‍बा ङा? मारदे गोरशो रागीम साइक्‍थ चाक्गी?
EXO 14:12 गोपुकी इजीप्‍त रागीम बाक्‍कानु, इन कली ‘आंइ कली श्‍येत मगेकी। इजीप्‍त ङा मुर आन गेय पचा गेकी, मदेंका ङा? गोरशो रागीम बेक्‍चा क्‍येङा इजीप्‍त रागी ङा मुर आन गेय पक वा’ ” दे मोसा कली ग्रीतेक्‍म।
EXO 14:13 मिनु मोसामी मुर आन कली “महिनीन। मुलाक्‍ती परमप्रभु यावेमी दोपा इन कली इजीप्‍त ङा मुर रे प्रोंइबा, कोव़शा बाक्‍कीन। मुलाक्‍ती तशो इजीप्‍त ङा मुर आन कली गे लेंशा गेनायो मताइनीनी।
EXO 14:14 इन पचा ङा लडाइ परमप्रभु यावेमी पाइब। गे थुं नाइश्‍शा बाक्‍कीन” दे माइक्‍तीमी। ब्‍यवस्‍था १:३०; २इतिहास २०:१५,२९; यसैया ५१:९
EXO 14:15 परमप्रभु यावेमी मोसा कली “मारदे आं कली ठेयब सेंदा पा पुंइनेवे? इस्राएली आन कली ‘गाक्‍कीन’ दे मतो।
EXO 14:16 इ कोक्‍के लल समुन्‍द्र तार दिंदो। मो पवीनु, समुन्‍द्र ब्राशा, गाक्‍तीक लां दुम्‍ब। इस्राएलीपुकी हिलो मबाक्‍शो लांम गाक्‍ने चाप्‍नीम।
EXO 14:17 मिनु गोमी इजीप्‍त ङा मुर आन कली काइ मटीब दुम्‍पाइक्‍नुङ। मो दुम्‍मेनु, इस्राएली आन नोले खोइश्‍शा, लल समुन्‍द्र ओव़शा, खेदा पाइनीम। मिनु गो फाराओ आ मुरपुकी, आ बग्‍गी नु आ शारा ङोइक्‍ब नु लडाइ पा आं सक्ति कोंइशा ग्रानुङ।
EXO 14:18 गो फाराओ, आ बग्‍गी नु आ शारा ङोइक्‍ब आन कली आं सक्ति कोंइनुङ। मिनु इजीप्‍त ङा मुरपुकीमी ‘परमप्रभु यावेमी पाप्‍तु’ दे तुइक्‍नीम” देंत।
EXO 14:19 मिनु इस्राएली आन ङोंइती गाक्‍शो परमप्रभु आ स्‍वर्ग ङा गेय पाइब नोले गे लेश्‍शा लशा, इस्राएली आन नोले खोइक्‍तु। मेको आन ङोंइती गाक्‍शो गोस्‍स के थाम यो लेश्‍शा, आन नोले गाक्‍‍त। उत्‍पत्ती १६:७; प्रस्‍थान १३:२१
EXO 14:20 मेको गोस्‍स इजीप्‍त ङा फौज आन कली छिङछिङ दुम्‍माक्‍त। इस्राएली आन लडाइ पाइब आन कली चहिं छेङछेङ दुम्‍‍त। मोपा मेको नाक्‍दो इजीप्‍त ङा फौज इस्राएली आन नेक्‍था जाक्‍ने मचबेम। भजन संग्रह १०५:३९
EXO 14:21 मिनु मोसामी आ गुइ लल समुन्‍द्र तारी दिंदानु, परमप्रभु यावेमी नाक्‍दो नां दाप्‍तीके रे फश गिवार पपाइश्‍शा, समुन्‍द्र फ्राशा सोव़शो गाक्‍तीक लां सेल्‍तु।
EXO 14:22 मिनु इस्राएलीपुकी समुन्‍द्र ङा सोव़शो लां लाम्‍तेक्‍म। समुन्‍द्र ङा ब्‍वाक्‍कु चहिं आन ग्‍युरा नु पेरा गे गारो खोदेंशो पा बाक्‍त। यहोसु ४:२३; २राजा २:८; यसैया ११:१५-१६; १कोरिन्‍थी १०:१; हिब्रू ११:२९
EXO 14:23 मिनु इजीप्‍त रागी ङा लडाइ पाइब इस्राएली आन कली खेदा पा, मेको आन नोले लल समुन्‍द्र ओव़तेक्‍म। पिप आ शारापुकी, आ बग्‍गीपुकी नु आ शारा ङोइक्‍ब नेल्‍ल ओव़तेक्‍म।
EXO 14:24 मिनु सुनी कना परमप्रभु यावे गोस्‍स के थाम नु मी के थामम बाक्‍शा, इजीप्‍त ङा लडाइ पाइब आन कली कोव़शा हिंपाइक्‍तु।
EXO 14:25 आन बग्‍गी ङा गुगील पुइश्‍शा गेतीके, गाक्‍ने मचबेम। मिनु इजीप्‍त ङा मुरपुकीमी “इस्राएली रे प्रोक्‍य, परमप्रभु यावेमी मेको आन कली वारच पशा, इजीप्‍त ङा मुरपुकी नु लडाइ पाइब” देंमा बाक्‍त।
EXO 14:26 मिनु परमप्रभु यावेमी मोसा कली “इजीप्‍त रागी ङा मुर, आन बग्‍गी नु आन शारा ङोइक्‍ब आन कली ब्‍वाक्‍कुम सुम्‍पाइक्‍चा कली इ गुइ लेंशा समुन्‍द्र तार दिंदो” देंत।
EXO 14:27 मिनु मोसामी आ गुइ समुन्‍द्र तार दिंदानु, नां सोव़ची ना समुन्‍द्र ङोंइती ङा खोदेंशो दुम्‍त। मिनु इजीप्‍त ङा लडाइ पाइब लेश्‍शा प्रोक्‍ने मचबेम। मोपा परमप्रभु यावेमी इजीप्‍त ङा लडाइ पाइब आन कली समुन्‍द्रमी ख्रुम्‍तु।
EXO 14:28 मिनु ब्‍वाक्‍कु लेंशा ङोंइती ङा खोदेंशो दुम्‍मेनु, इजीप्‍त ङा बग्‍गी, शारा ङोइक्‍बपुकी नु फाराओ आ लडाइ पाइब आन कली सुम्‍शा, समुन्‍द्रमी योल्‍ताक्‍व। सुइ यो मब्रोंइम।
EXO 14:29 तन्‍न इस्राएली चहिं सोव़शो लां लशा, समुन्‍द्र शोक्‍साक्‍म। ब्‍वाक्‍कु गारो खोदेंशो पा, आन ग्‍युरा नु पेरा गे बाक्‍त।
EXO 14:30 मोपा परमप्रभु यावेमी मेको नाक्‍ती इस्राएली आन कली इजीप्‍त रागी ङा लडाइ पाइब रे प्रोंइतीमी। मिनु इस्राएलीपुकीमी इजीप्‍त ङा मुर आन कली दिल दिल थिश्‍शा, समुन्‍द्र आ नेक्‍था बेक्‍शो ताम्‍तेक्‍म।
EXO 14:31 मिनु मुरपुकीमी “परमप्रभु यावेमी इजीप्‍त ङा मुर आन कली साइक्‍तीमी” दे तुइश्‍शा, परमप्रभु यावे क्‍येङा हिंतेक्‍म। मिनु “परमप्रभु यावेमी नेल्‍ल पने चाप्‍ब। मोसा आ गेय पाइब बाक्‍ब” दे थमा सुइक्‍तेक्‍म। प्रस्‍थान १९:९; २इतिहास २०:२०
EXO 15:1 मिनु नोले मोसा नु इस्राएलीपुकीमी परमप्रभु यावे कली कुम्‍सो पाम्‍तेक्‍म। “गो परमप्रभु यावे कली कुम्‍सो पाइनुङ। मारदे हना मेकोमी आ ठेयब सक्ति कोंइशा, ग्रात। शारा नु शारा ङोइक्‍ब आन कली समुन्‍द्रमी ताइक्‍ताक्‍व। प्रकाश १५:३
EXO 15:2 यावे आं सक्ति बाक्‍ब। आं कली कुम्‍सो पपाइक्‍ब। मारदे हना आं कली आ जोरी सत्रु रे प्रोंइती। मेको आं परमप्रभु बाक्‍ब। मिनु गो मेको कली ठेयब सेल्‍नुङ। परमप्रभु आं आफ आ परमप्रभु बाक्‍ब। मिनु गो मेको कली मान पाइनुङ। भजन संग्रह ११८:१४; यसैया १२:२
EXO 15:3 परमप्रभु यावे लडाइ पाइब बाक्‍ब। मेको आ नें परमप्रभु यावे बाक्‍ब। प्रस्‍थान १४:१४; भजन संग्रह ४६:१०; प्रस्‍थान ३:१५
EXO 15:4 मेकोमी इजीप्‍त ङा फाराओ आ बग्‍गीपुकी नु आ लडाइ पाइब आन कली लल समुन्‍द्रमी योल्‍पाइक्‍तु। ठेयब कप्‍तान नेल्‍ल आन कली ब्‍वाक्‍कुम ग्रुम्‍पाइक्‍तु।
EXO 15:5 समुन्‍द्र ङा ब्‍वाक्‍कुमी मेको आन कली सुम्‍तु। मेकोपुकी फुल्‍लु खोदेंशो पा आगा ग्रुम्‍तेक्‍म।
EXO 15:6 परमप्रभु यावे, इन सक्ति ठेयब बाक्‍ब। इन सक्तिमी इन जोरी सत्रु आन कली थुम्‍पाइक्‍तीनी।
EXO 15:7 इन जोरी सत्रुमी गे नु लडाइ पामेनु, गे इन ठेयब दुम्‍तीकेमी मेको आन कली ग्रातीनी। मिनु गाइश्‍शा मेको आन कली मीम भूस चोशो खोदेंशो पा थुम्‍पाइक्‍तीनी।
EXO 15:8 इन नेंमी मुइश्‍शा, समुन्‍द्र ङा ब्‍वाक्‍कु कली ग्‍येत्‍थ गे पोक्‍तीनी। समुन्‍द्र गारो बुदी सोजो पा ग्‍येत्‍थ गे बोक्‍शा, आ पुं चहिं सोव़शो लां दुम्‍त। यसैया ५१:१०
EXO 15:9 आंइ जोरी सत्रुमी ‘मेको आन कली खेदा पा, ब्रो ब्रु थित्‍नय। गो ग्‍येरशा, इं ग्राशो थोव़क योक्‍मुइनय। इं तरवार शोइश्‍शा, नेल्‍ल आन कली साइक्‍नय’ देंतेक्‍म।
EXO 15:10 गे चहिं फश पपाइक्‍तीनी। मिनु समुन्‍द्रमी मेको आन कली सुम्‍तीमी। मेकोपुकी फलाम खोदेंशो पा ठेयब समुन्‍द्रम ग्रुम्‍तेक्‍म।
EXO 15:11 परमप्रभु यावे, देवी देवता आन दातेमी इन खोदेंशो ठेयब सुइ मबाक्‍नीम। इन खोदेंशो सक्ति पाइश्‍शो, ठेयब मान ताइब सुइ मबाक्‍नीम। इन ठेयब गेय हिंचा ङा बाक्‍ब। गे छक लाक्‍चा ङा गेय पाइब बाक्‍नीनी। प्रस्‍थान ८:६; प्रस्‍थान १८:११; भजन संग्रह ८६:८
EXO 15:12 इन ग्‍युरा गुइ दिंनीनु, रागीम मेको आन कली दाक्‍तु।
EXO 15:13 गे इन ग्रुंइशो मुर आन कली गेना हना यो शिशी पा, लां कोंइताक्‍नी। मेको आन कली इन सक्तिमी इन आंम बाक्‍तीकेम खुल्‍तीनी।
EXO 15:14 जात जात ङा मुरपुकी इन लोव़ नेंशा शुश हिंतेक्‍म। पलिस्‍ती रागी ङा मुरपुकी हिंशा, ख्रिंख्रि पाम्‍तेक्‍म। यहोसु २:९-११
EXO 15:15 मुल एदोम रागी ङा ठेयब मुरपुकी हिंतेक्‍म। मोआब रागी ङा ठेयब मुरपुकी हिंशा ख्रिंख्रि पाम्‍तेक्‍म। कनान रागीम बाक्‍बपुकीम आन सक्ति साम्‍तेक्‍म।
EXO 15:16 परमप्रभु यावे, इजीप्‍त रागी रे इन ग्रुंइशो मुरपुकी मजाक्‍दीम्‍मा सम्‍म मेको आन जोरी सत्रु इन सक्ति ङा गेय तशा, हिंशा फुल्‍लु खोदेंशो पा सिक्‍सी पा बाक्‍तेक्‍म। मोपा हिंशा मेको आन थुं लुक्‍च लत।
EXO 15:17 गे इन मुर आन कली आन रागी ओंइनीनी। मिनु इन आंम बाक्‍तीक डांडाम बाक्‍पाइक्‍नीनी। परमप्रभु यावे, मेको इन बाक्‍तीके आंमा सेल्‍तीनी। इन आंम बाक्‍तीक खिं गे आंमा सेल्‍तीनी। भजन संग्रह ७८:५४
EXO 15:18 परमप्रभु यावे गेना हना यो पिप बाक्‍ब” दे कुम्‍सो पाम्‍तेक्‍म। भजन संग्रह ९३:१
EXO 15:19 फाराओ आ बग्‍गी नु शारा ङोइक्‍बपुकी समुन्‍द्र ङा लां लाम्‍तेक्‍म। परमप्रभु यावेमी समुन्‍द्र ङा ब्‍वाक्‍कु लेंशा लेप्‍पाइश्‍शा, मेको नेल्‍ल आन कली योल्‍पाइक्‍तु। इस्राएली चहिं समुन्‍द्र ङा सोव़शो लां रे पा गाक्‍तेक्‍म। प्रस्‍थान १४:२२-२९
EXO 15:20 हारून आ समी मिरयाम परमप्रभु आ लोव़ पाइब यो बाक्‍त। मेकोमी खैजडी ताप्‍शा, कुम्‍सो पथ लमेनु, अरु मीश मुरपुकी यो खैजडी ताप्‍शा, सिल पना पन मेको आ नोले खोइक्‍तेक्‍म। भजन संग्रह ६८:२६
EXO 15:21 मिरयामम मेको आन कली कुम्‍सो पा लोव़ लेश्‍शा “परमप्रभु यावे कली कुम्‍सो पने। मारदे हना मेकोम ठेयब लडाइ पा ग्रात। शारा नु शारा ङोइक्‍ब आन कली समुन्‍द्रम ताइक्‍ताक्‍व” दे कुम्‍सो पाप्‍तु।
EXO 15:22 मिनु मोसामी इस्राएली आन कली लल समुन्‍द्र रे शुर माइश्‍शो गोरशो रागी कोंइताक्‍व। मिनु मेको गोरशो रागीमी नाक्‍त सां सम्‍म गाक्‍मानु, ब्‍वाक्‍कु मथिदेम। उत्‍पत्ती २०:१
EXO 15:23 माराह माइश्‍शोमी जाक्‍दीश्‍शा, मेक ङा ब्‍वाक्‍कु तूने मचबेम। मारदे हना मेको ब्‍वाक्‍कु कशो बाक्‍त। मोपतीके मेको कली माराह नें वोइक्‍तेक्‍म। हिब्रू लोव़मी मारा देंशो कशो रुम्‍सीब।
EXO 15:24 मिनु मुरपुकीमी मोसा कली “मुल मार तूचा?” दे गन गन पाम्‍तेक्‍म। प्रस्‍थान १६:२
EXO 15:25 मोसामी चहिं परमप्रभु यावे कली पुंइस ङा पुंइस बाक्‍त। मिनु परमप्रभु यावेमी मोसा कली रवा आ शी का कोंइताक्‍व। मिनु मोसामी मेको शी ब्‍वाक्‍कुम ब्‍वारताक्‍व। मिनु मेको ब्‍वाक्‍कु मकशो ब्रोव़शो दुम्‍त। मेकेर इस्राएली आन कली आ फुल्‍लुम मुशा ब्रेक्‍शो नु आन पतीक लोव़ गेशो बाक्‍त। मोपा मेको आन कली नाक्‍ताक्‍व। उत्‍पत्ती २२:१
EXO 15:26 मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८
EXO 15:27 मिनु इस्राएली मेकेर रे लशा, एलीममी जाक्‍दीत्‍तेक्‍म। मेकेर १२ ओटा धारा नु ७० ओटा रवा बाक्‍‍तेक्‍म। मेकोपुकी मेको ब्‍वाक्‍कु आ नेक्‍था बाक्‍तेक्‍म।
EXO 16:1 मिनु इस्राएली नेल्‍ल एलीम रे लशा, सीन माइश्‍शो गोरशो रागी जाक्‍दीत्‍तेक्‍म। सीन माइश्‍शो गोरशो रागी एलीम नु सीनै डांडा आस दातेमी बाक्‍ब। इजीप्‍त रागी रे गाक्‍शा नोले मेकेर आबीब आ नोले ङा महिना ङा १५ नाक्‍तीम जाक्‍दीत्‍तेक्‍म।
EXO 16:2 मिनु इस्राएली नेल्‍ल मोसा नु हारून आस कली तशा गाइश्‍शा, प्रस्‍थान १७:२-३
EXO 16:3 “इजीप्‍त रागी उइ परमप्रभु यावेमी आंइ कली सद हना, रिम्‍शो दुम वा। मेकेर श्‍ये नु शोब्‍ले शुश बाक्‍त। गे आंइ कली जचा मगेथु, साइक्‍चा कली एको गोरशो रागीमी चाक्‍तीसी” दे गन गन पाम्‍तेक्‍म। प्रस्‍थान १४:११
EXO 16:4 मिनु परमप्रभु यावेमी मोसा कली “नेनो, गो इन कली रेउ यिशो खोदेंशो पा सरीङ रे शोब्‍ले यिपाइक्‍नुङ। मिनु मुरपुकीम नाक्‍त किंत किंत गुप्‍चा माल्‍नीम। खेयप का गुप्‍मेनु, नाक्‍त का कली ला गुप्‍चा माल्‍नीमी। आं अरेशो लोव़ पाइबाक्‍मा कों, मपाइबाक्‍मा, गो मेको आन कली नाक्‍नुङ। प्रस्‍थान १६:१५; उत्‍पत्ती २२:१
EXO 16:5 मुरुमी सुक्रबार आन गुप्‍शो शोब्‍ले नाक्‍त का कली ठीक पाम्‍तेक्‍म हना, नाक्‍त का कली गुप्‍शो यो, नाक्‍त निक्‍शी कली ठीक दुम्‍ब” देंत।
EXO 16:6 मिनु मोसा नु हारूनम इस्राएली आन कली “परमप्रभु यावेमी इन कली इजीप्‍त रागी रे प्रोंइता, दे आपो नाक्‍दो लेंशा मिम्‍पाइक्‍ब।
EXO 16:7 सुनी कना गे परमप्रभु यावे आ छेङछेङ ग्रूशो ताइनीनी। मारदे हना मेकोमी इन परमप्रभु यावे कली गन गन पशो तुइक्‍ताक्‍व। गो निक्‍शी सु नस्‍कु ङा? गे आंस पर्बम गाइक्‍नीनी?” देंताक्‍स।
EXO 16:8 मिनु मोसामी इस्राएली आन कली “परमप्रभु यावेमी आपो नाक्‍दो इन कली श्‍ये गेब, सुनी कना रूथ्री शोब्‍ले गेब, इन गन गन पशो लोव़ नेंतु, दे तुइक्‍तीन। गो निक्‍शी सु नस्‍कु ङा? इन गन गन पशो आंस कली ममाइ, परमप्रभु यावे नु कका गाइक्‍ताक्‍नी दे तुइक्‍तीन” देंत।
EXO 16:9 मिनु मोसामी हारून कली “गे मुर नेल्‍ल आन कली ‘परमप्रभु यावे आ ङोंइती जाक्‍कीन। मारदे हना मेकोमी इन गन गन पशो नेंतु’ देंचा माल्‍नेवे” देंत।
EXO 16:10 मिनु हारूनमी इस्राएली नेल्‍ल आन कली लोव़ पवानु, मेकोपुकी गोरशो रागी गे कोव़तेक्‍म। मिनु मेकेर गोस्‍सुमी परमप्रभु यावे आ छेङछेङ ग्रूशो ताम्‍तेक्‍म। गन्‍ती १२:५; गन्‍ती १४:१०; गन्‍ती १६:१९
EXO 16:11 मिनु परमप्रभु यावेमी मोसा कली
EXO 16:12 “गो इस्राएली आन गन गन पा पशो लोव़ नेंता। गे मेको आन कली ‘आपो नाक्‍दो श्‍ये ब्‍वाइनीनी। मिनु सुनी कना रूथ्री शोब्‍ले जाइनीनी। गो परमप्रभु यावे, इन परमप्रभु नङ, दे गे तुइक्‍नीनी’ दे माइक्‍मी” देंत।
EXO 16:13 मिनु नाक्‍दो बटटाइ ग्रूमा बाक्‍त। मिनु इस्राएली आन बाक्‍तीक नेल्‍ल सुम्‍मे बाक्‍त। मिनु सुनी कना आन बाक्‍तीकेमी शुश सीत यिशो बाक्‍माक्‍त। गन्‍ती ११:३१
EXO 16:14 मिनु सुनी कना सीत मजाम्‍म सम्‍म गोरशो रागी ङा खपीम फुरश खोदेंशो पा आइक्‍च गेडा बाक्‍त।
EXO 16:15 इस्राएलीपुकीमी मेको तशा “मार में?” देंमुम्‍तेक्‍म। मारदे हना मार बाक्‍मे, मतुइक्‍तम। मिनु मोसामी मेको आन कली “परमप्रभु यावेमी इन कली गेशो मन्‍ना शोब्‍ले एकोन बाक्‍ब। प्रस्‍थान १६:४; ब्‍यवस्‍था ८:३; यूहन्‍ना ६:३१; १कोरिन्‍थी १०:३
EXO 16:16 परमप्रभु यावे आ अरेशो लोव़ मार बाक्‍ब देंशा हना, इन मुर नेल्‍लेमी गिश जने चाप्‍नीमी, मिश गुपीन। इन ताम्‍बुमी गिश जना मुर बाक्‍नीमी, मिश गोमेर गुप्‍चा माल्‍नीनी” दे इस्राएली आन कली देंत। गोमेर का २ लिटर कि ४ माना खोदेंशो बाक्‍ब।
EXO 16:17 मोसामी इस्राएली आन कली दोदेंशो देंमे, मोदेंशो पाम्‍तेक्‍म। का निक्‍शीमी शुश, का निक्‍शीमी इच्‍कका ला गुप्‍तेक्‍म।
EXO 16:18 तन्‍न पुक्‍ग‍मेनु, मेको शुश गुप्‍ब नु इच्‍कका ला गुप्‍ब नेल्‍ल आन के उइक्‍थ उइक्‍थ दुम्‍माक्‍त। नेल्‍लेमी गिश जचा दाक्‍तमे, मिश गुप्‍तेक्‍म। २कोरिन्‍थी ८:१५
EXO 16:19 मिनु मोसामी मेको आन कली “दीसा सुनी सम्‍म सुइमी मारेइ हेंचा मदुम्‍ब” दे माइक्‍तीमी। प्रस्‍थान १६:४; मत्ती ६:३४; लूका ११:३
EXO 16:20 तन्‍न मेकोपुकीमी मोसा आ देंशो मटीम। मिनु का निक्‍शीमी मेको मन्‍ना सुनी सम्‍म हेंदमे बाक्‍त। मिनु लुस्‍पु जोल्‍शा, शुश रिना पाइक्‍तु। मिनु मोसा शुश गाइक्‍ताक्‍व।
EXO 16:21 मिनु गिश माल्‍दमे, सुनी सुनी गुप्‍तेक्‍म। नां चोक्‍तानु, मेको यत।
EXO 16:22 मिनु सुक्रबार नाक्‍ती मुरपुकीम मुर का कली गोमेर निक्‍‍निक्‍शी मन्‍ना गुप्‍तेक्‍म। इस्राएली आन कली कोव़ब मुरपुकीमी मो पाम्‍तेक्‍म दे मोसा कली देंतेक्‍म। गोमेर का २ लिटर कि ४ माना खोदेंशो बाक्‍ब।
EXO 16:23 मिनु मेकोमी “परमप्रभु यावेमी इन कली गे मार पचा माल्‍नीनी, मेको शेंशो बाक्‍ब। मारदे हना दीसा परमप्रभु यावे कली मिम्‍शा नाइक्‍तीक नाक्‍ती बाक्‍ब। मोपतीके मुलाक्‍त माल्‍शो जचा थोव़क क्‍येने चोने। लीशो चहिं दीसा सुनी सम्‍म हेंचा दुम्‍ब” देंत। उत्‍पत्ती २:२-३
EXO 16:24 मिनु मोसा आ देंशो खोदेंशो पा आ दीसा सम्‍म हेंताक्‍म। मिनु मेको रिना मपाइक्‍थु, लुस्‍पु यो मजो‍ल।
EXO 16:25 मिनु मोसामी “गे मुलाक्‍ती जने। मारदे हना परमप्रभु यावे आ नाइक्‍तीक नाक्‍ती बाक्‍ब। मुलाक्‍ती लाङगाम मारेइ मथिंसीब।
EXO 16:26 गे ६ नाक्‍त गुप्‍चा माल्‍नीनी। ६ नाक्‍त आ दीसा ङा नाक्‍त मारेइ मथिंसीब। मारदे हना नाइक्‍तीक नाक्‍त बाक्‍ब” देंत।
EXO 16:27 मिनु सन्‍चरबार नाइक्‍तीक नाक्‍त का निक्‍शी मुर मन्‍ना गुप्‍थ लाङगा ग्रूमानु, मारेइ मथिदेम।
EXO 16:28 मिनु परमप्रभु यावेमी मोसा कली “गेपुकी आं शेंशो नु आं अरेशो गेना सम्‍म मटीनीनी?
EXO 16:29 नोफा दाइश्‍शा नेनीन ‘परमप्रभु यावेमी इन कली सन्‍चरबार नाइक्‍तीक नाक्‍ती गेप्‍तु। मोपतीके सुक्रबार इन कली नाक्‍त निक्‍शी कली जचा थोव़क गेब। मिनु नाइक्‍तीक नाक्‍ती इन बाक्‍तीक बाक्‍तीकेमी बाक्‍कीन। इन खिं रे लाङगा मलने’ दे मुर आन कली देनो” देंत।
EXO 16:30 मिनु मुरपुकी सन्‍चरबार नाक्‍ती नांइसाक्‍म।
EXO 16:31 मिनु इस्राएलीपुकीम मेको गेडा कली मन्‍ना दे नें वोइक्‍तेक्‍म। मेको बुश धन्‍या वांचेर खोदेंशो बाक्‍त। मेको खुदोमी सेल्‍शो शोब्‍ले खोदेंशो पा ब्रोव़माक्‍त।
EXO 16:32 मिनु मोसामी “परमप्रभु यावे आ अरेशो लोव़ मार बाक्‍त देंशा हना, मेकोमी ‘मेको जचा थोव़क गोमेर का हेंचा माल्‍नीनी। इन कली इजीप्‍त रागी रे प्रोंइशा, चाक्‍गानु, गोरशो रागीमी गेशो जचा थोव़क मेको बाक्‍ब दे शुश पाला ङा मुर आन कली कोंइचा कली हेंदो। गो इन कली इजीप्‍त रे गोरशो रागीमी चाक्‍शा, दोपा थुलु, मेको नेल्‍लेमी तामेक्‍ल’ देंत” देंत। गोमेर का इस्राएली आन अन्‍न पुक्‍तीके का बाक्‍त। मेको २ लिटर रिक्‍ब बाक्‍त। मिनु ओमेर का ४ माना खोदेंशो बाक्‍ब।
EXO 16:33 मिनु मोसामी हारून कली “बोस का लतो। मिनु ओमेर का मन्‍ना मेकेर कुर पावो। मेको नेल्‍ल पाला ङा मुरपुकीम तचा ङा पा परमप्रभु यावे आ ङोंइती वोतो” देंत। हिब्रू ९:४
EXO 16:34 परमप्रभु यावेमी मोसा कली दोपा देंमे, मोपा हारूनमी कबल पशो सन्‍दोस आ ङोंइती वोइक्‍तु।
EXO 16:35 मिनु इस्राएलीपुकीमी ४० बर्स सम्‍म मन्‍ना जाम्‍तेक्‍म। मुर बाक्‍तीक कनान रागी ङा सांद मजाक्‍मा सम्‍म मेको जाम्‍तेक्‍म। यहोसु ५:१२
EXO 16:36 गोमेर का एफाह ङा १० भाग बाक्‍ब। एफाह का ठेयब पुक्‍तीके बाक्‍ब।
EXO 17:1 मिनु इस्राएली नेल्‍ल सीन माइश्‍शो गोरशो रागी रे गाक्‍शा, परमप्रभु यावे आ देंशो बिश्‍शा, रेफीदीम माइश्‍शोमी बाक्‍तेक्‍म। मेकेर चहिं तूचा ब्‍वाक्‍कु मथिदम। गन्‍ती ३३:१२-१४
EXO 17:2 मोपतीके “मोसामी आंइ कली मरिम्‍शो लां कोंइब” दे गाइश्‍शा, मोसा कली “आंइ कली तूचा ब्‍वाक्‍कु गेकी” दे जिचा पोक्‍तेक्‍म। मिनु मोसामी मेको आन कली “गे आं कली मारदे जिचा तोइनीनी? मारदे परमप्रभु यावे सक्ति पाइश्‍शो बाक्‍ब, दे थमा मसुइक्‍नीनी?” देंत। ब्‍यवस्‍था ६:१६
EXO 17:3 मिनु मुरपुकी ब्‍वाक्‍कु तूतू दाक्‍शा, गाइक्‍ताक्‍म। मेकोपुकीमी मोसा कली “गे मारदे आंइ कली इजीप्‍त रागी प्रोंइपाइय्‍यीकी? आंइ कली, आंइ आल आन कली, आंइ बस्‍तु भाव आन कली तूचा ब्‍वाक्‍कु मबा, आंइ कली बेक्‍पाइक्‍चा कली इजीप्‍त प्रोंइपाइय्‍यीकी?” देंतेक्‍म। प्रस्‍थान १५:२४; प्रस्‍थान १६:२; गन्‍ती १४:-; गन्‍ती १७:६-२८
EXO 17:4 मो देंमानु, मोसामी परमप्रभु यावे कली “गो एको मुर आन कली मार पाइनुङा? आं कली फुल्‍लु आप्‍शा, साइक्‍चा चिक्‍तायीमी। मुल मार पङ?” देंत। गन्‍ती १४:१०
EXO 17:5 मिनु परमप्रभु यावेमी मोसा कली “इस्राएल ङा खाल्‍पा आन कली लाइश्‍शा, इस्राएली आन ङोंइती गाक्‍को। नील खोला तुप्‍शो कोक्‍के यो लाइश्‍शा लावो। प्रस्‍थान ७:२०
EXO 17:6 गो होरेब माइश्‍शो डांडा आ नेक्‍था सेरथे फुल्‍लु तार इ ङोंइती बाक्‍नुङ। मिनु गे मेको सेरथे फुल्‍लु तुप्‍चा माल्‍नेवे। मिनु, सेरथे फुल्‍लु रे ब्‍वाक्‍कु यीब। मिनु मुरपुकीम तूने चाप्‍नीम” देंत। मिनु इस्राएली आन खाल्‍पा आन ङोंइती मोसाम मो पाप्‍तु। गन्‍ती २०:११; १कोरिन्‍थी १०:४
EXO 17:7 मिनु मोसामी मेको सेरथे फुल्‍लु बाक्‍तीक कली मास्‍साह नु मेरीबा नें वोइक्‍तु। मारदे हना इस्राएलीपुकीमी परमप्रभु यावे कली नाक्‍शा गाइश्‍शा “परमप्रभु यावे आंइ दातेमी बाक्‍ब” दे थमा मसुदम। भजन संग्रह ९५:८-९; मीका ३:११
EXO 17:8 मिनु अमालेकी रेफीदीमम जाक्‍शा, इस्राएली नु लडाइ पाम्‍तेक्‍म। उत्‍पत्ती ३६:१२-१६
EXO 17:9 मिनु मोसामी यहोसु कली “इं मुरपुकी रे योव़शा, अमालेकी नु लडाइ पथ लावो। गो परमप्रभु आ कोक्‍के शेशा, दीसा मेको डांडा तार राप्‍शा बाक्‍नुङ” देंत। गन्‍ती १३:८,१६
EXO 17:10 मिनु यहोसुमी मोसाम देंशो खोदेंशो पा अमालेकी नु लडाइ पाप्‍तु। मोसा, हारून नु हुर चहिं मेको डांडा ङोंइसाक्‍म। प्रस्‍थान २४:१४
EXO 17:11 मोसामी आ गुइ पोक्‍गानु, इस्राएलीपुकी ग्रातेक्‍म। आ गुइ तोक्‍गानु, अमालेकीपुकी ग्रातेक्‍म।
EXO 17:12 मिनु मोसा आ गुइ योक्‍तीके हारून नु हुरमी फुल्‍लु का थांइशा, मेको तारी निप्‍पाइक्‍ताक्‍स। मिनु मोसा आ गुइ तिक्‍शा, वोइक्‍ताक्‍स। मोदेंशो पा का ग्‍युरा गे, का पेरा गे बाक्‍शा, नां मपेरदा सम्‍म गुइ पोक्‍स ङा पोक्‍स बाक्‍ताक्‍स।
EXO 17:13 मिनु यहोसु नु आ मुरुमी अमालेक नु आ मुर आन कली ग्राशा, तरवारम साइक्‍तेक्‍म।
EXO 17:14 मिनु परमप्रभु यावेमी मोसा कली “एको लडाइ गेना हना यो मिम्‍चा कली किताबम ब्रेक्‍तो। गो अमालेकी आन कली रागी रागी रे क्‍याम्‍नुङमी, दे यहोसु कली मिम्‍पतो” देंत। ब्‍यवस्‍था २५:१७-१९; १सामुएल १५:२-३
EXO 17:15 मिनु मोसामी चढ़ेतीक का सेल्‍शा “परमप्रभु यावे आं छेदर बाक्‍ब” दे नें वोइक्‍तु।
EXO 17:16 मिनु मेकोमी “यावे आ नित्‍तीक गे इन गुइ पोक्‍कीन! मारदे हना परमप्रभु यावेमी ‘अमालेकी नेल्‍ल आन पालामी मेकोपुकी नु लडाइ पाइनुङ’ दे ङोंइती देंशो बाक्‍ब” देंत। येरमीया ३:१७
EXO 18:1 मिनु मिदयान रागी ङा नाक्‍सो मोसा आ शिउ यित्रोमी परमप्रभुमी मोसा नु इस्राएली आन पर्बम मार मार पवा नु परमप्रभु यावेमी मेको आन कली इजीप्‍त रागी रे दोपा ग्रुंइदा, मेको नेल्‍ल नेना बाक्‍त। प्रस्‍थान ३:१
EXO 18:2 ङोंइती मोसामी आ मीश नु आ तौ निक्‍शी आस कली आ माइत सोइश्‍शो बाक्‍माक्‍त। मुल यित्रोम मेको आन कली मोसा आ बाक्‍तीक चाक्‍ती‍मी। प्रस्‍थान ४:२०
EXO 18:3 मोसामी आ तौ का आ नें गेरशोम वोइश्‍शो बाक्‍त। मारदे हना मेकोमी “गो मतुइश्‍शो रागी ङा मुर आन दातेमी अर्को रागी ङा मुर दुम्‍ती” देंत। प्रस्‍थान २:२२
EXO 18:4 मिनु अर्को कली एलीएजर नें वोइक्‍तु। मारदे हना मेकोमी “आं आफ आ परमप्रभुमी आं कली फाराओ आ तरवार रे प्रोंइशा, वारच पाइक्‍ती” देंशो बाक्‍त। १इतिहास २३:१५-१७
EXO 18:5 मिनु मोसा आ शिउ यित्रो, मोसा आ मीश नु आ तौ निक्‍शी गोरशो रागीमी मोसा कली ग्रुम्‍थ जाक्‍तेक्‍म। मेना मोसामी आ ताम्‍बु परमप्रभु आ डांडा आ पुंमी कीतु।
EXO 18:6 मिनु यित्रोमी मोसा कली “इ शिउ यित्रो, इ मीश नु इ तौ निक्‍शी इ कली ग्रुम्‍थ जाक्‍तक” दे लोव़ सोइक्‍ताक्‍व।
EXO 18:7 मिनु मोसा आ शिउ ग्रुम्‍थ जाक्‍शा, सेउ पशा, पुक्‍पु पशा “दोपा बाक्‍नी” दे ताम्‍बुम ओंइताक्‍व।
EXO 18:8 मिनु मोसामी परमप्रभु यावेमी इजीप्‍त ङा फाराओ कली नु आ मुर आन कली मार मार पवा, लांमी मार मार श्‍येत जामे, दोपा परमप्रभु यावेमी मेको नेल्‍ल रे प्रोना, मेको नेल्‍ल आ शिउ कली शेंताक्‍व।
EXO 18:9 मिनु यित्रोमी परमप्रभु यावेमी इस्राएली आन कली गिश रिम्‍शो पवा नु इजीप्‍त ङा मुर आन गुइ रे दोपा प्रोना मेको नेल्‍ल नेंशा, शुश ग्‍येरसाक्‍व।
EXO 18:10 मिनु मेकोमी “इन कली इजीप्‍त ङा मुरपुकी नु फाराओ आ गुइ रे प्रोंइब परमप्रभु यावे कली ठेयब सेल्‍य।
EXO 18:11 देवी देवता आन क्‍येङा परमप्रभु यावे ला ठेयब बाक्‍ब, दे गो मुल तुइक्‍ताक्‍ङ। आ मुर आन कली इजीप्‍त ङा मुर आन गुइ रे प्रोंइतु। मारदे हना इजीप्‍तीपुकीमी मेको आन कली ठेयब लेश्‍शा दिप्‍शो बाक्‍तेक्‍म” दें‍त। नेहेम्‍याह ९:१०; येरमीया ५०:२९
EXO 18:12 मिनु मोसा आ शिउमी परमप्रभु कली चोशा चढ़ेतीक नु अरु चढ़ेतीक यो चढ़ेप्‍तु। मिनु हारून नु इस्राएल ङा मुर आन खाल्‍पा नेल्‍ल मोसा आ शिउ नु परमप्रभु कली मान पा ठेयब सेल्‍शा जाम्‍तेक्‍म। उत्‍पत्ती ३१:५४
EXO 18:13 मिनु मोसा सुनी कना बोक्‍शा, मुर आन कली निसाफ पचा कली निस्‍साक्‍व। मुरपुकी सुनी रे जाक्‍शा, नाक्‍दो सम्‍म मोसा आ ङोंइती बाक्‍तेक्‍म।
EXO 18:14 मिनु मोसा आ शिउ मी मोसा कली मोदेंशो पा मुर आन कली निसाफ पशो तशा “गे मुर आन कली मार पाइनेवे? गे मारदे इ का ला गेय पना पन बाक्‍नेवे? मुरपुकी सुनी रे नाक्‍दो सम्‍म जाक्‍शा, बाक्‍शो बाक्‍नीमी” दें‍त।
EXO 18:15 मिनु मोसामी आ शिउ कली “मुरपुकीमी परमप्रभु आ देंशो तुइक्‍चा दाक्‍नीम, मोपतीके जाक्‍नीम।
EXO 18:16 मेको आन दातेमी मार मार निसाफ पाचा माल्‍शो बाक्‍मे, मेको गो गारपाइक्‍नुङ। मोपा गो निसाफ पचा माल्‍नुङ। मिनु मेको आन कली परमप्रभु आ फुल्‍लुम मुशा ब्रेक्‍शो लोव़ नु आ अरेशो लोव़ तुइक्‍पाइक्‍नुङ” दें‍त।
EXO 18:17 मिनु आ शिउमी “इ पशो मरिम्‍शो बाक्‍ब।
EXO 18:18 गे शेम्‍सीनेवे। गे नु बाक्‍ब मुरपुकी यो शेम्‍सीनीम। एको गेय इ मचाप्‍चा ङा बाक्‍ब। गे ला पने मचाप्‍नेवे। गन्‍ती ११:१४; ब्‍यवस्‍था १:९
EXO 18:19 आं लोव़ नेनो, गो इ कली अर्ती गेनुङ। परमप्रभु गे नु बाक्‍ब। गे मुर आन पर्बम परमप्रभु कली पुंइदो।
EXO 18:20 परमप्रभु आ फुल्‍लुम मुशा ब्रेक्‍शो लोव़ नु आ अरेशो लोव़ मेको आन कली तुइक्‍पतो। मोपा गे मेको आन गाक्‍तीक लां नु आन पचा माल्‍शो गेय मेको आन कली शेंदो।
EXO 18:21 गे मुर नेल्‍ल आन दाते रे रिम्‍शो गेय पने चाप्‍ब परमप्रभु कली मान पा हिंब, थमा सुइक्‍चा पुंइसीब नु ख्रुइश्‍शा मार मार ताक्‍शा मजाइब मुरपुकी योव़चा माल्‍नेवे। नोले मेको मुर आन कली कोव़ब ठेयब मुर वोतो। मेको आन कली १० जना मुर आन कली कोव़ब, ३० जना मुर आन कली कोव़ब, सहे सहे जना मुर आन कली कोव़ब नु हजार हजार जना मुर आन कली कोव़ब ठेयब मुर आन कली योव़ङो।
EXO 18:22 मेको कोव़ब मुरपुकीमी नाक्‍त किंत किंत ङा निसाफ पामेक्‍ल। ठेयब मुददा चहिं इ ङोंइती चाक्‍गमेक्‍ल। आइक्‍च मुददा आंमा गारपदमेक्‍ल। मो पाप्‍तीवी हना, इ कली रिम्‍शो दुम्‍ब। मिनु मेको कोव़बपुकीमी इ गेय नु श्‍येत योक्‍शा पाइनीम।
EXO 18:23 गे आं देंशो पाप्‍तीवी हना, परमप्रभुमी यो इ कली मोदेंशो पचा गेब। गे मेको गेय फाल्‍ने चाप्‍नेवे। मिनु इ मुर नेल्‍ल दुशा गारशा, आंम आन बाक्‍तीके लाइनीम” दे यित्रोमी मोसा कली अर्ती गेप्‍तु।
EXO 18:24 मिनु मोसामी आ शिउ आ अर्ती नेंशा, आ देंशो नेल्‍ल पाप्‍तु।
EXO 18:25 मिनु इस्राएली आन दाते रे रिम्‍शो गेय पाइब आन कली योव़शा, मुर आन कली कोव़ब वोइक्‍तु। १०, १०, ३०, ३०, सहे सहे नु हजार हजार जना मुर आन कली कोव़ब वोतो।
EXO 18:26 मेको मुरपुकीमी मुर आन कली निसाफ पची ना, निसाफ पाइनीम। मिनु ठेयब मुददा बाक्‍त हना, मोसा कली ब्रेत्‍ताक्‍म। आइक्‍च मुददा चहिं आंमा निसाफ पाम्‍तेक्‍म।
EXO 18:27 मिनु मोसामी आ शिउ कली लचा गेप्‍तु। मिनु मेको आ रागी लेत्‍त।
EXO 19:1 मिनु इस्राएलीपुकी इजीप्‍त रागी रे ग्रूशा महिना सां नोले सीनै माइश्‍शो गोरशो रागीमी जाक्‍तेक्‍म।
EXO 19:2 ङोंइती रेफीदीम माइश्‍शो रे लशा, सीनै माइश्‍शो डांडा आ ङोंइती आन ताम्‍बु कीतेक्‍म। मेको डांडा आ ङोंइती बाक्‍शो बाक्‍तेक्‍म।
EXO 19:3 मिनु मोसा परमप्रभु नु लोव़ पचा कली डांडा ङोंइसाक्‍व। मिनु डांडा रे परमप्रभु यावेमी मोसा कली “इ किकी पिपी याकूब आ खिं ङा मुर, इस्राएली आन कली
EXO 19:4 ‘गो इजीप्‍त ङा मुर आन कली मार मार पङा, मेको ताइतीनी। ककाकुली आ फ्रां तार कुरशो खोदेंशो पा इन कली आं नेक्‍था वोइक्‍तन्‍नी। ब्‍यवस्‍था ३२:११
EXO 19:5 गे आं देंशो लोव़ पाइतीनी नु आं कबल पशो टीतीनी हना, गे नेल्‍ल जात जात ङा मुर आन दातेमी आं योव़शो मुर दुम्‍नीनी। मारदे हना रागी नेल्‍ल आं केन बाक्‍ब। ब्‍यवस्‍था ५:२; ब्‍यवस्‍था ७:६
EXO 19:6 गे आं कली चढ़ेब आन राज्‍य नु आं योव़शो जात ङा मुर दुम्‍चा माल्‍नीनी’ दे मेको लोव़ इस्राएली आन कली देंचा माल्‍नेवे” दे माइक्‍तु। यसैया ६१:६; १ पत्रुस २:९; प्रकाश १:६; लेवी १९:२
EXO 19:7 मिनु मोसामी इस्राएल आ थर ङा मुर आन खाल्‍पा आन कली ब्रेश्‍शा, परमप्रभु यावेमी देंशो लोव़ मेको आन कली माइक्‍तीमी।
EXO 19:8 मिनु मुर नेल्‍ल का दुम्‍शा “परमप्रभु यावे आ देंशो नेल्‍ल पाइनीकी” देंतेक्‍म। मिनु मोसामी मेको मुर आन देंशो लोव़ परमप्रभु यावे कली दें‍त। प्रस्‍थान २४:३-८
EXO 19:9 परमप्रभु यावेमी मोसा कली “लो, गो मारेइ मतांइसीचा ङा गोस्‍सुमी इ कली ग्रुम्‍थ जाक्‍नुङ। मोपा गो मुर आन कली, गे नु लोव़ पशा नेंपाइक्‍नुङमी। मिनु इ कली गेना हना यो थमा सुइक्‍नीम” दें‍त। मोसामी मुर नेल्‍ल आन देंशो यो परमप्रभु यावे कली दें‍त। प्रस्‍थान १६:१०; प्रस्‍थान ३४:५; भजन संग्रह १८:१२; प्रस्‍थान १४:३१
EXO 19:10 मिनु परमप्रभु यावेमी मोसा कली “मुलाक्‍ती नु दीसा इस्राएली आन कली गो नु ग्रुम्‍पाइक्‍चा ठीक पावो। आन फेक्‍शो वा मुरपतो। लेवी ११:४४; यहोसु ३:५; अय्‍युब १:५
EXO 19:11 नित्‍थ नाक्‍त आं कली ग्रुम्‍चा कली ठीक दुम्‍चा माल्‍नीमी। मारदे हना नित्‍थ नाक्‍ती गो सीनै डांडाम मुर नेल्‍ल आन ङोंइती जाक्‍नुङ।
EXO 19:12 मिनु गे डांडा आ एर ओंथ थरपु हिरचा माल्‍नेवे। गेमी मुर आन कली ‘डांडा मङोइक्‍चा, मथिचा ङा पा थरपु हिरचा माल्‍नेवे। होस पा बाक्‍कीन! सुम डांडा आ पुं थीबा, मेको थमा पा साइक्‍चा पुंइसीब। प्रस्‍थान ३४:३
EXO 19:13 मुर आन गुइमी थरपु थिचा मदुम्‍ब। मेको थरपु थीबा बस्‍तु भाव बाक्‍तेक्‍म हना यो, मुर बाक्‍तेक्‍म हना यो, मेको कली फुल्‍लु आप्‍शा हना यो ब्रा आप्‍शा हना यो साइक्‍चा माल्‍नीनी’ दे इस्राएली आन कली शेंचा माल्‍नेवे। तुराही आ ठेयब सेंदा नेंशा नोले ला, मेकोपुकी डांडा ङोइक्‍चा माल्‍नीमी” दें‍त। हिब्रू १२:१८-२०
EXO 19:14 मिनु मोसा डांडा रे मुर आन बाक्‍तीके तोइश्‍शा, मेको आन कली परमप्रभु नु ग्रुम्‍पाइक्‍चा कली ठीक पाप्‍तु। मिनु मेकोपुकीमी आन फेक्‍शो वा मुरतेक्‍म।
EXO 19:15 मिनु मोसामी वोंइश मुर आन कली “नित्‍थ नाक्‍त ठीक दुम्‍शा बाक्‍कीने। मीश मुर नु मबाक्‍कीन” दें‍त। १सामुएल २१:४-५; १कोरिन्‍थी ७:५
EXO 19:16 मिनु मेको आ नित्‍थ नाक्‍ती डांडा तार बुंबु पा, चिला पा, ठेयब गोस्‍स का ग्रूत। मिनु तुराही का थम ठेयब सेंदा पा ग्री‍त। मेको नेंशा, इस्राएलीपुकी हिंशा, ङोन लशा, बाक्‍तेक्‍म।
EXO 19:17 मिनु मोसामी इस्राएली आन कली परमप्रभु कली ग्रुम्‍थ जाक्‍कीन, दे आन बाक्‍तीक रे ग्रुंइताक्‍व। मेकोपुकी डांडा आ पुंमी राप्‍शा बाक्‍शो बाक्‍तेक्‍म।
EXO 19:18 मिनु सीनै डांडा कुनै कुन दुम्‍‍त। मारदे हना परमप्रभु यावे मेकेर मीम तोंइसाक्‍व। मेको मार मार चोशो खोदेंशो पा ठेयब कुन ग्रू्‍त। मिनु डांडामी ठेयब ख्रिनु कु‍त। उत्‍पत्ती १५:१७
EXO 19:19 तुराही आ सेंदा शुश ठेयब दुम्‍मेनु, मोसामी परमप्रभु नु लोव़ पाप्‍तु। मिनु परमप्रभुम बुंबु पशो खोदेंशो पा मोसा कली लोव़ लेत्‍ताक्‍व। प्रस्‍थान ३३:११; प्रेरित ७:३८
EXO 19:20 मिनु परमप्रभु यावे सीनै डांडा तारी जाक्‍‍त। मिनु परमप्रभु यावेमी मोसा कली “डांडा तार ङोंइसो” दे ब्रेत्‍त। मिनु मोसा ङोंइसाक्‍व।
EXO 19:21 मिनु परमप्रभु यावेमी मोसा कली “तोंइसो। मुर आन कली ‘होस पा मेकेर बाक्‍कीने। परमप्रभु यावे गे मलने’ दे अरेवो। आं कली कोव़थ कुम्‍तेक्‍म हना, शुश मुर बेक्‍नीम।
EXO 19:22 आं कली ग्रुम्‍थ कुइब चढ़ेबपुकी यो आंम कली चिक्‍शा ठीक दुम्‍चा माल्‍नीम। मो मपाम्‍तेक्‍म हना, गो मेको आन कली यो साइक्‍नुङमी” दें‍त।
EXO 19:23 मिनु मोसामी परमप्रभु यावे कली “मुरपुकी सीनै डांडा ङोइक्‍ने मचाप्‍नीम, मारदे हना गे आं कली ‘एर ओंथ थरपु हिरशा, इन के सेल्‍चा’ दे अरेतीनी” दें‍त।
EXO 19:24 मिनु परमप्रभु यावेमी मोसा कली “लावो, हारून कली ङोइक्‍पतो। तन्‍न चढ़ेबपुकी नु मुर आन कली चहिं मचाक्‍को। परमप्रभु यावे आ बाक्‍तीके कुम्‍तेक्‍म हना, गो मेको आन कली साइक्‍नुङमी” दें‍त। प्रस्‍थान २४:९-११
EXO 19:25 मिनु मोसा मुर आन बाक्‍तीके तोइश्‍शा, मेको लोव़ नेल्‍ल मुर आन कली माइक्‍तीमी।
EXO 20:1 मिनु परमप्रभुमी मार लोव़ पाप्‍तु देंशा हना मत्ती ५:१७-२८
EXO 20:2 “गो परमप्रभु यावे, इन परमप्रभु नङ। गो इन कली वाइलीम वाइल दुम्‍शो इजीप्‍त रागी रे ग्रुंइताक्‍न्‍नी। न्‍यायाधीस ६:८; येरमीया ३४:१३
EXO 20:3 गे आं कली ला बाप्‍शा सेउ पने, देवी देवता आन कली बाप्‍शा सेउ मपने। ब्‍यवस्‍था ६:४-५; यसैया ४५:५-६; १कोरिन्‍थी ८:५-६
EXO 20:4 मूर्ति मसेलीन। सरीङम बाक्‍ब, रागीम बाक्‍ब नु ब्‍वाक्‍कु गाम बाक्‍ब तेकोइ जन्‍तु आन मूर्ति मसेलीने। ब्‍यवस्‍था ४:१५-१९; ब्‍यवस्‍था २७:१५; यसैया ४०:१८-२६; रोमी १:२३
EXO 20:5 मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५
EXO 20:6 तन्‍न सु सुमी आं कली दाक्‍नीमी, आं शेंशो लोव़ टीनीमी, मेको आन आल, चच युइ नु युइ आन युइ आन पाला सम्‍म कली ला ममाइ, हजार हजार पाला सम्‍म गेना हना यो शिशी पाइक्‍नुङमी। प्रस्‍थान ३४:७; ब्‍यवस्‍था ७:९
EXO 20:7 गे परमप्रभु यावे, इन परमप्रभु आं नें, मो मथिने। मारदे हना सुम परमप्रभु यावे आं नें मो थीबा, मेको कली सजाइ मगेथु, मप्रोंइब। लेवी १९:१२; लेवी २४:१६
EXO 20:8 सन्‍चरबार नाइक्‍तीक नाक्‍ती आं नाक्‍त बाक्‍ब। मानेचा माल्‍नीनी। प्रस्‍थान १६:२५-२९
EXO 20:9 गे ६ नाक्‍त इन गेय नेल्‍ल पचा माल्‍नीनी।
EXO 20:10 तन्‍न मेको आ नोले ङा नाक्‍त परमप्रभु यावे, इन परमप्रभु आ नाइक्‍तीक नाक्‍त बाक्‍ब। मेको नाक्‍ती गेपुकी काइ गेय मपने। इन तमी तौ, इन वाइलीम वाइल, इन बस्‍तु भाव, इन रागीम बाक्‍शो अर्को रागी ङा मुर आन कली यो काइ गेय मपपतीन। प्रस्‍थान ३१:१३-१७; इजीकीएल २०:१२; मर्कूस २:२७-२८; कलस्‍सी २:१६-१७
EXO 20:11 मारदे हना परमप्रभु यावेमी ६ नाक्‍तीमी सरीङ नु रागी, ठेयब समुन्‍द्र नु ठेयब समुन्‍द्रमी बाक्‍शो नेल्‍ल आन कली सेल्‍तु। मिनु नोले ङा नाक्‍त नांइसाक्‍व। मोपतीके परमप्रभु यावेमी ‘मेको आं नाक्‍त बाक्‍ब’ दे मेको नाक्‍त कली आसीक गेशो बाक्‍ब। उत्‍पत्ती २:२-३
EXO 20:12 इन आम आफ आन कली मान पने। मो पाइतीनी हना, परमप्रभु यावेमी, इन परमप्रभु इन कली गेशो रागीम शुश ब्रोंइचा गेब। प्रस्‍थान २१:१७; ब्‍यवस्‍था २७:१६; मत्ती १५:४-६; एफिसी ६:२-३
EXO 20:13 मुर मसतीन। प्रस्‍थान २१:१२; उत्‍पत्ती ९:५-६; याकूब २:१०-११
EXO 20:14 मुर आन मीश वोंइश नु मइपीन। लेवी २०:१०; मत्ती १५:१९
EXO 20:15 खुइ मपने। प्रस्‍थान २१:१६; लेवी १९:११; एफिसी ४:२८
EXO 20:16 जोल पा सांकछी मबाक्‍कीन। प्रस्‍थान २३:१; ब्‍यवस्‍था १९:१८-१९; एफिसी ४:२५
EXO 20:17 इन नेक्‍था बाक्‍ब मुर आ खिं, आ मीश आ वाइलीम वाइल, आ बी ब्‍यफ नु आ गधा, मेको के मार बाक्‍त हना यो, मेको तशा मबाल्‍दीन। एको परमप्रभु यावे आ अरेशो लोव़ बाक्‍ब” दे मोसामी इस्राएली आन कली देंत। रोमी ७:७; रोमी १३:९
EXO 20:18 मिनु मुरपुकी ङोन बाक्‍मानु, बुंबु पशो नेंशा नु चिला पशो तशा, तुराही ताप्‍शो नेंशा, डांडा रे कुशो कुन तशा, ङोन लशा हिंशा ख्रिंख्रि पा, कोव़शा बाक्‍तेक्‍म।
EXO 20:19 मिनु मेकोपुकीमी मोसा कली “गे आंइ कली लोव़ पाइतीनी हना, गो नेंनीकी। तन्‍न परमप्रभुमी आंइ कली लोव़ पाप्‍तु हना, बेक्‍नीकी” देंतेक्‍म।
EXO 20:20 मिनु मोसामी “महिनीन। परमप्रभु इन कली नाक्‍थ जाक्‍त। गे परमप्रभु कली मान पा हिंचा ङा बाक्‍ब, दे मिम्‍ताक्‍नी हना, पाप मपाइनीनी” देंत। उत्‍पत्ती २२:१
EXO 20:21 मुरपुकी ङोन बाक्‍शो बाक्‍तेक्‍म। मोसा चहिं परमप्रभु आ नेक्‍था क्‍येर गोस्‍सुम लत। १राजा ८:१२
EXO 20:22 मिनु परमप्रभु यावेमी मोसा कली “गे इस्राएली आन कली ‘आं कली सरीङ रे लोव़ पशो नेंतीनी।
EXO 20:23 गे गो नु देवी देवता मसेलीन। गे आंम कली सुन नु चांदी के देवी देवता मसेलीने।
EXO 20:24 गे आं कली खप के चढ़ेतीके सेल्‍चा माल्‍नीनी। मेको तारी चोशा चढ़ेतीक चढ़ेचा माल्‍नीनी। इन दुशा बाक्‍चा आ पर्बम चढ़ेतीक चढ़ेन। भेडा, ब्‍यफ चढ़ेचा माल्‍नीनी। गो ते ते इन कली आं नें मिम्‍पाइक्‍नुङा, मेक मेक इन कली आसीक गेनुङ। प्रस्‍थान १७:१५; प्रस्‍थान २७:१-८; ब्‍यवस्‍था १२:५
EXO 20:25 गे आं कली फुल्‍लु के चढ़ेतीके सेल्‍चा दाक्‍ताक्‍नी हना, मप्रोल्‍शो फुल्‍लु के सेल्‍चा माल्‍नीनी। मेको फुल्‍लु फलामम प्रोल्‍तीनी हना, मेको आं कली मदुम्‍ब। ब्‍यवस्‍था २७:५; यहोसु ८:३१
EXO 20:26 आं कली चढ़ेतीकेम थेंका मङोंइसीने। इन मुने दोक्‍तीक मतांइसेक्‍ल’ दे माइक्‍मी” देंमाक्‍त।
EXO 21:1 मिनु परमप्रभुमी लेंशा “मेको निसाफ पतीक लोव़ मुर आन कली शेंचा माल्‍नेवे।
EXO 21:2 ‘गेपुकीमी हिब्रू वाइल ग्‍याप्‍तीनी हना, ६ बर्स इन गेय पपाइश्‍शा, नोले ङा बर्स मो लचा गेचा माल्‍नीनी। लेवी २५:३९-४१; ब्‍यवस्‍था १५:१२-१७; येरमीया ३४:१४
EXO 21:3 मेको वाइल आ का जाक्‍त हना, आ का लचा माल्‍ब। ग्‍युंबे पा जाक्‍त हना, आ मीश लाइश्‍शा लचा माल्‍ब।
EXO 21:4 आ होव़पम आ वाइल कली ग्‍युंबे पपाइक्‍तु हना, मेकोमी तमी तौ थित हना, मेको मीश मुर नु आलपुकी मेको होव़प केन दुम्‍नीम। मेको वाइल आ का ला लचा माल्‍ब।
EXO 21:5 तन्‍न मेको वाइलम “आं होव़प, मीश नु आं आल आन कली दाक्‍नुङ, गो प्रोंइशा मलाइनुङ” देंत हना,
EXO 21:6 आ होव़पम आ वाइली कली परमप्रभु आ ङोंइती लाइक्‍चा माल्‍ब। मिनु लाप्‍चो ङा शीम आ नोफा ख्रित्‍चा कली राप्‍पाइक्‍चा माल्‍ब। मिनु आ होव़पम लूजेमी आ वाइली आ नोफा ख्रित्‍चा माल्‍ब। मिनु मेको गेना हना यो वाइल दुम्‍शा बाक्‍ब। ब्‍यवस्‍था १:१७; भजन संग्रह ८२:१
EXO 21:7 सुइमी आ तमी कली वाइलीमी सेल्‍शा, लेयतु हना, मेको प्रोंइचा मपुंइसीब।
EXO 21:8 मेको होव़पमी आंम कली चाक्‍गा नोले मेको कली मदाक्‍ताक्‍व हना, मेको कली क्‍येट ताक्‍शा प्रोंइचा माल्‍ब। आ होव़पमी मेको वाइलीम कली अर्को रागी ङा मुर आन कली लेयने मचाप्‍ब। मारदे हना मेको मीश मुर मरिम्‍शो पचा पुंइसीशो बाक्‍ब।
EXO 21:9 मिनु मेको होव़पमी मेको ग्‍याप्‍शो मीश आल आ तौ कली गेप्‍तु हना, आ तमी खोदेंशो पचा माल्‍ब।
EXO 21:10 मेकोमी अर्को मीश यो चाक्‍तु हना, ङोंइती ङा कली जचा, फेक्‍चा नु ग्‍युंबे पशो मीश मुर आन माल्‍शो नेल्‍ल गेचा माल्‍ब।
EXO 21:11 तन्‍न मेको आ माल्‍शो नेल्‍ल मगेप्‍तु हना, मो लचा गेचा माल्‍ब’ देनो” देंत।
EXO 21:12 मिनु “सुमी मुर कली मबेक्‍म सम्‍म तुप्‍बा, मेको मुर थमा पा साइक्‍चा पुंइसीब। प्रस्‍थान २०:१३; उत्‍पत्ती ९:६; मत्ती ५:२१-२२
EXO 21:13 मुरुमी अरु कली खेदा मपथु, साइक्‍चा ममाल्‍शो बाक्‍त, तन्‍न परमप्रभुमी मेको मोदेंशो दुम्‍पाइक्‍तु, गो इन कली मोदेंशो मुर कली प्रोक्‍शा बाक्‍तीक का कोंइनुङ। गन्‍ती ३५:६-२९; ब्‍यवस्‍था १९:४-१३
EXO 21:14 तन्‍न मुर कामी अरु कली ‘गो साइक्‍नुङ’ दे मेको कली साइक्‍तु हना, मेको मुर कली आं चढ़ेतीक रे लाइश्‍शा, साइक्‍चा माल्‍ब। १राजा २:२९-३०
EXO 21:15 सुम आ आम आफ आस कली तुप्‍बा, मेको थमा पा साइक्‍चा पुंइसीब।
EXO 21:16 सुमी मुर कली लेयचा कली खुइ पाइबा, मिनु मेको आ खुइ पशो मुर कली आ खिंम थित्‍तेक्‍म हना, मेको मुर थमा पा साइक्‍चा पुंइसीब। ब्‍यवस्‍था २४:७; १तिमोथी १:१०
EXO 21:17 सुमी आ आम आफ आस कली सराप पाइबा, मेको थमा पा साइक्‍चा पुंइसीब।
EXO 21:18 मिनु मुरपुकी जिशा कामी अर्को कली फुल्‍लु आप्‍तु हना, आ गुइमी तुप्‍तु हना, तन्‍न मेको मुर मबेक्‍थु, आ बाक्‍तीकेम इप्‍शा,
EXO 21:19 बोक्‍मेनु, कोक्‍के तिक्‍शा, गाक्‍ने चाप्‍ब दुम्‍त हना, मेको तुप्‍बमी मेको तुप्‍चा पुंइसीब नु गारचा माल्‍ब। तुप्‍चा पुंइसीब आ गेय मपशो ङा ला थाप्‍चा ममाइ, मेको कली ठीक पा मसाम सम्‍म थाप्‍चा माल्‍ब।
EXO 21:20 मिनु सुइमी आ वाइलीम वाइल कली कोक्‍केमी तुप्‍तु हना, तुबानु बेक्‍त हना, मेको मुर थमा पा सजाइ ताइब।
EXO 21:21 तन्‍न मेको तुप्‍चा पुंइसीशो मुर का निक्‍शी नाक्‍त सम्‍म ब्रोंइत हना, मेको तुप्‍ब मुर सजाइ गेचा मपुंइसीब। मारदे हना आंम आ क्‍येटीम ग्‍याप्‍शो बाक्‍ब।
EXO 21:22 मिनु वोंइश मुर जिशा, राम्‍शी पा आन नेक्‍था बाक्‍शो कोव़ज कुरशो मीश मुर कली चुशा चिप्‍शा, मेको मीश मुरुम आ कोव़ज ङा आल शाम्‍ताक्‍व हना, तन्‍न आ चहिं मारेइ मरिम्‍शो मदुम्‍त हना, आ वोंइशेमी देंशो खोदेंशो पा मेको डी डा चुशा चिप्‍ब मुरुम सजाइ ताइब। निसाफ पाइबमी गिश थाप्‍चा माल्‍ब देंबा, मिश थाप्‍चा माल्‍ब।
EXO 21:23 तन्‍न मेको मीश मुर नोले बेक्‍त हना, चुशा चिप्‍ब मुर साइक्‍चा पुंइसीब। लेवी २४:१९-२०; ब्‍यवस्‍था १९:२१; मत्ती ५:३८
EXO 21:24 सुइमी अरु आ मिक्‍ची का पुक्‍ताक्‍व हना, मेको यो आ मिक्‍च पुक्‍चा पुंइसीब। सुइमी अरु आ ख्रुइ का जिक्‍ताक्‍व हना, मेको यो आ ख्रुइ जिक्‍चा पुंइसीब। सुइमी अरु आ गुइ जिक्‍ताक्‍व हना, मेको यो आ गुइ जिक्‍चा पुंइसीब। सुइमी अरु आ खोइली का जिक्‍ताक्‍व हना, मेको यो आ खोइली जिक्‍चा पुंइसीब।
EXO 21:25 सुइमी अरु कली मीम चोशा, गार सेल्‍तु हना, मेको कली यो मीम चोशा गार सेल्‍चा माल्‍ब। सुइमी अरु कली तुप्‍तु हना, मेको तुप्‍ब यो तुप्‍चा पुंइसीब। सुइमी अरु कली क्‍योरशा गार सेल्‍तु हना, मेको यो क्‍योरशा गार सेल्‍चा पुंइसीब।
EXO 21:26 मिनु होव़प कामी आ वाइलीम वाइल आन मिक्‍चीम तुप्‍तु हना, मेको मिक्‍च बुक्‍त हना, मेको होव़पमी मेको मिक्‍च आ पर्बम मेको कली मोशा प्रोंइचा माल्‍ब।
EXO 21:27 आ वाइलीम वाइल कली तुप्‍शा, आ ख्रुइ जिक्‍ताक्‍व हना, मेको होव़पमी मेको ख्रुइ आ पर्बम मोशा प्रोंइचा माल्‍ब।
EXO 21:28 मिनु ब्‍यफ कामी वोंइश मुर, मीश मुर, सुइ कली ख्रुशा साइक्‍तु हना, मेको ब्‍यफ कली थमा पा फुल्‍लु आप्‍शा साइक्‍चा माल्‍नीनी। आ श्‍ये ब्‍वचा मदुम्‍ब। मेको ब्‍यफ आ होव़प चहिं सजाइ मताइब। उत्‍पत्ती ९:५; गन्‍ती ३५:३३
EXO 21:29 तन्‍न मेको ब्‍यफ ङोंइती रे ख्रुइ‍ब बाक्‍त हना, मिनु आ होव़पमी तुइश्‍शा यो, आ ब्‍यफ कली रिम्‍शो पा मवोइक्‍तु हना, मेको ब्‍यफोमी वोंइश मुर, मीश मुर, सुइ कली साइक्‍तु हना, मेको ब्‍यफ कली फुल्‍लु आप्‍शा, साइक्‍चा माल्‍ब। मिनु आ होव़प कली यो साइक्‍चा माल्‍ब।
EXO 21:30 मसाइक्‍चा, दे क्‍येट पुंइतेक्‍म हना, दोशो पुन्‍मे मोशो गेचा माल्‍ब।
EXO 21:31 ब्‍यफोमी तमी तौ ख्रुप्‍तु हना, मेको मोदेंशोन पचा माल्‍ब।
EXO 21:32 ब्‍यफोम सुइ आन वाइलीम वाइल आन कली ख्रुप्‍तु हना, मेको ब्‍यफ आ होव़पमी वाइलीम वाइल आन होव़प कली ३० शेकेल चांदी गेचा माल्‍ब। मिनु ब्‍यफ कली चहिं फुल्‍लु आप्‍शा साइक्‍चा माल्‍ब” देनो। शेकेल का ११.५ ग्राम, तोला खोदेंशो बाक्‍ब। ३० शेकेल चांदी ३४५ ग्राम बाक्‍ब।
EXO 21:33 मिनु “सुइमी लाइश्‍शो इनार रोक्‍तु हना, इनार दोप्‍तु हना, मिनु मेको मसुम्‍थु लत हना, नु ब्‍यफ हना यो गधा हना यो बिक्‍त हना, लेवी ७:२४; लेवी १७:१५
EXO 21:34 मेको इनार आ होव़पमी मेको गारपाइक्‍चा माल्‍ब। मेकोमी बस्‍तु भाव आ होव़प कली क्‍येट गेचा माल्‍ब। मेको बेक्‍शो बस्‍तु चहिं इनार आ होव़प के दुम्‍ब।
EXO 21:35 मिनु मुर का आ ब्‍यफोमी अरु मुर आन ब्‍यफ कली ख्रुशा साइक्‍तु हना, मेको सेस ब्‍यफ कली लेयचा माल्‍ब। मेको ताक्‍शो क्‍येट मेको आस दातेमी योक्‍शा, बेक्‍शो ब्‍यफ यो आस दातेमी योक्‍चा माल्‍नीस।
EXO 21:36 तन्‍न मेको ब्‍यफ ङोंइती रे ख्रुइ‍ब बाक्‍ब, दे तुइश्‍शा यो, आ होव़पमी मेको ब्‍यफ कली रिम्‍शो पा मवोइक्‍तु हना, मेको बेक्‍शो ब्‍यफ कली थमा पा थाप्‍चा माल्‍ब। मिनु बेक्‍शो ब्‍यफ मेको के दुम्‍ब” देनो।
EXO 22:1 सुइमी ब्‍यफ, भेडा खुइ पशा, क्‍योरशा ब्‍वाप्‍तु हना यो, लेयतु हना यो, मेको मुरुमी ब्‍यफ का के ५ ओटा ब्‍यफ थाप्‍चा माल्‍ब। भेडा का के ४ ओटा भेडा थाप्‍चा माल्‍ब। २सामुएल १२:६; हितोपदेस ६:३१; लूका १९:८
EXO 22:2 मिनु खुइ कली खुइ पना पन थित्‍तेक्‍म हना, मेको कली तुप्‍शा साइक्‍तेक्‍म हना, साइक्‍ब साइक्‍चा ङा सजाइ गेचा मपुंइसीनीम।
EXO 22:3 तन्‍न नां दाप्‍शा नोले सम्‍म तुप्‍शा साइक्‍तु हना, मेको साइक्‍ब साइक्‍चा ङा सजाइ ताइब। खुइ पाइब आ खुइ पशो नेल्‍ल लेत्‍चा माल्‍ब। थाप्‍ने मचाप्‍तु हना, वाइल सेल्‍चा पुंइसीब।
EXO 22:4 मेको खुइ आ खुइ पशो ब्‍यफ, गधा, भेडा आ बाक्‍तीकेम सेल थित्‍तेक्‍म हना, मार बाक्‍त हना यो का के निक्‍शी थाप्‍पाइक्‍चा माल्‍ब।
EXO 22:5 मिनु “सुइमी आ बी ब्‍यफ, क्‍यारश भेडामी अरु मुर आन शोक्‍शो रू नेक्‍पाइक्‍तु हना, अङगुर रू ङा अङगुर नेक्‍पाइक्‍तु हना, मेकोमी आ आंम रू ङा नेल्‍ल क्‍येङा रिम्‍शो फल थाप्‍चा माल्‍ब।
EXO 22:6 सुइमी मी मुइक्‍तानु, मेको मीम चू नु रूमी बाक्‍शो मारेइ नेक्‍तु हना, मेको मी मुइक्‍बमी मीम नेक्‍शो नेल्‍ल थाप्‍चा माल्‍ब” देनो।
EXO 22:7 मिनु “सुइमी आ नेक्‍था ङा मुर कली आ क्‍येट, अरु मारेइ वोइक्‍चा कली गेप्‍तु हना, वोइक्‍ब मुर आ खिं रे खुइ दुम्‍त हना, नु खुइ कली थित्‍तेक्‍म हना, मेको खुइमी का के निक्‍शी थाप्‍चा माल्‍ब।
EXO 22:8 खुइ मथित्‍तेक्‍म हना, मेको खिं ङा ठेयब मुरुमी आंम नेक्‍था ङा मुर आ मार मार खुइ पवा कों, दे परमप्रभु आ ङोंइती राप्‍पाइक्‍चा माल्‍ब।
EXO 22:9 मिनु बी ब्‍यफ, गधा, भेडा नु वासी मार मार वोइक्‍बमी नु वोइक्‍चा गेब, निम्‍फामी ‘आं के बाक्‍ब’ देंताक्‍स हना, मेको निक्‍शी परमप्रभु आ ङोंइती जाक्‍चा माल्‍नीस। परमप्रभुमी सुम खुइ सुइक्‍बा, मेकोमी का ङा निक्‍शी थाप्‍चा माल्‍ब।
EXO 22:10 मिनु सुइमी आ नेक्‍था ङा मुर कली गधा, ब्‍यफ, भेडा नु अरु बस्‍तु भाव वोइक्‍चा कली गेप्‍तु हना, मेको बस्‍तु भाव बेक्‍तेक्‍म हना, तुप्‍शा बिग्रेम्‍तेक्‍म हना, सुइम मतचा ङा पा मुरुम खुइ पा लाइश्‍शो बाक्‍तेक्‍म हना, १राजा ८:३१-३२
EXO 22:11 मेको वोइक्‍बम आ नेक्‍था ङा मुर आ बस्‍तु भाव ‘खुइ मपङ’ दे परमप्रभु यावे आ ङोंइती कसम जचा माल्‍ब। मिनु बस्‍तु भाव आ होव़पम मेको थमा सुदानु, वोइक्‍ब मुरुमी मारेइ थाप्‍चा ममाल्‍ब।
EXO 22:12 तन्‍न आ खिं रे खुइ पशो बाक्‍त हना, मेको वोइक्‍बमी मेको थाप्‍चा माल्‍ब।
EXO 22:13 ब्‍वाकी ङा जन्‍तुम मेको बस्‍तु कली ग्‍याइश्‍शा साइश्‍शो बाक्‍त हना, मेको वोइक्‍बम मेको साइश्‍शो बस्‍तु दसी चाक्‍चा माल्‍ब। मेको ब्‍वाकी ङा जन्‍तुमी साइश्‍शो कली थाप्‍चा ममाल्‍ब। उत्‍पत्ती ३१:३९
EXO 22:14 मिनु सुइमी आ नेक्‍था ङा मुर रे ब्‍यफ का परमा पचा कली पुंइतु हना, बस्‍तु आ होव़प मबाक्‍थु, मेको ब्‍यफ खजा दुम्‍त हना, बेक्‍त हना, मेको थमा पा थाप्‍चा माल्‍ब।
EXO 22:15 तन्‍न आ होव़प यो बाक्‍त हना, मेको मारेइ थाप्‍चा ममाल्‍ब। मारदे हना गेय पचा कली क्‍येट गेशो बाक्‍ब” देनो।
EXO 22:16 मिनु “वोंइश मुर कामी कन्‍ने मीश आल नु मिलो शिलो पा, मेको नु इप्‍त हना, मेको कली थमा पा ग्‍युंबे पा आ आफ कली मार मार थाप्‍चा माल्‍ब। ब्‍यवस्‍था २२:२८-२९
EXO 22:17 तन्‍न मीश आल आ आफोमी आ तमी मगेप्‍तु हना, मेको वोंइश मुरुम कन्‍ने ग्‍युंबे पशो खोदेंशो पा, क्‍येट थाप्‍चा माल्‍ब।
EXO 22:18 टुना मुना पाइब कली ब्रोंइचा मगेचा। लेवी २०:६,२७; लेवी १९:३१; ब्‍यवस्‍था १८:१०; १सामुएल २९:९; मलाकी ३:५
EXO 22:19 सु बस्‍तु नु इप्‍बा, मेको कली थमा पा साइक्‍चा माल्‍नीनी। लेवी १८:२३; ब्‍यवस्‍था २७:२१
EXO 22:20 सुमी देवी देवता कली पूजा पाइबा, मेको मुर थमा पा साइक्‍चा पुंइसीब। परमप्रभु यावे कली ला चढ़ेचा माल्‍ब। प्रस्‍थान २०:३-५; ब्‍यवस्‍था १३:७-१९; ब्‍यवस्‍था १७:२-७
EXO 22:21 अर्को रागी ङा मुर आन कली श्‍येत मगेचा, मदिप्‍चा। मारदे हना गे यो इजीप्‍त रागीमी अर्को रागी ङा मुर दुम्‍शा बाक्‍तीनी। लेवी १९:३३-३४; ब्‍यवस्‍था १०:१८,१९
EXO 22:22 आ वोंइश बेक्‍शो मीश मुर नु रोम रोइक्‍च आन कली श्‍येत मगेचा। ब्‍यवस्‍था २७:१९; यसैया १:१७; जकरिया ७:१०
EXO 22:23 गेपुकीमी श्‍येत गेतीनी हना, मेकोपुकीमी आं कली लोव़ पाम्‍तेक्‍म हना, गो थमा पा आन पुंइशो गेनुङ।
EXO 22:24 मिनु गो गाइश्‍शा, इन कली तरवारमी साइक्‍नन्‍नी। मिनु इन मीश वोंइश बेक्‍शो मीश दुम्‍ब। इन आलपुकी आफ बेक्‍शो आल दुम्‍नीम।
EXO 22:25 गेपुकीमी आं मुर आन दाते ङा प्रुङग आन कली क्‍येट जेर गेतीनी हना, गे क्‍येट चेम्‍चा कली चाइक्‍ब ताक्‍ब मुर खोदेंशो मदुमीन। लेवी २५:३६; ब्‍यवस्‍था २३:२०; हितोपदेस २८:८
EXO 22:26 मिनु गेपुकीमी मेको आन सुम्‍तीक वासी क्‍येट आ पा ङा लाइक्‍तीनी हना, नां पेरची ना मेको लेत्‍चा माल्‍नीनी। ब्‍यवस्‍था २४:१०-१३
EXO 22:27 मारदे हना मेको आन रां ङा सुम्‍तीक का ला बाक्‍ब। इप्‍ची ना दोपा सुम्‍सीनीमी? आं कली ब्रेत्‍तेक्‍म हना, गो आन पुंइशो गेनुङ। मारदे हना गो शिशी पाइब नङ।
EXO 22:28 परमप्रभु आ पर्बम मरिम्‍शो लोव़ मपचा। इन कली सासन पाइब कली सराप मपचा। लेवी २४:१४-१६; प्रेरित २३:५
EXO 22:29 गे इन रू ङा ङोंइती मीशो मारेइ मारेइ नु अङगुर रस चढ़ेचा मरिम्‍दीन। मिनु इन ङोंइती जरमेशो तौपुकी आं कली गेचा माल्‍नीनी। प्रस्‍थान २३:१९; ब्‍यवस्‍था १८:४; हितोपदेस ३:९-१०; प्रेरित १३:२,१३
EXO 22:30 इन बी ब्‍यफ नु इन भेडा रे यो मोदेंशो पचा माल्‍नीनी। ७ नाक्‍त आन ममा नु बाक्‍चा माल्‍नीमी। मेको नोले ङा नाक्‍ती आं कली गेचा माल्‍नीनी।
EXO 22:31 गेपुकी आं मुर ला दुम्‍चा माल्‍नीनी। गे ब्‍वाकी ङा जन्‍तुपुकीम साइश्‍शो मब्‍वने। मेको कुचुम कली ब्‍वचा गेन” देनो। लेवी १९:२; १पत्रुस १:१५; लेवी ७:२४; ब्‍यवस्‍था १४:२१; इजीकीएल ४:१४; इजीकीएल ४४:३१
EXO 23:1 “गेपुकी जोल लोव़ मब्रपतीने। मरिम्‍शो पाइब कली वारच मपने। जोल पा सांकछी मबाक्‍कीन। प्रस्‍थान २०:१६; लेवी १९:१६; भजन संग्रह १५:३; हितोपदेस १९:९
EXO 23:2 मिनु ठेयब हुल का मरिम्‍शो पाइब बाक्‍तेक्‍म हना, मेको आन नोले मखोतीन। निसाफ पाइब आ ङोंइती ‘ठेयब हुल ङा मुर ठीक बाक्‍नीम’ मदेनीन। मोपा आं ठीक पतीके रे ङोन मलने।
EXO 23:3 दूली पाइब मुर प्रुङग बाक्‍त हना यो मेको कली वारच मपतीन। लेवी १९:१५
EXO 23:4 मिनु गे इन जोरी सत्रु आन ब्‍यफ, गधा लां जाम्‍शा, हिरशो ताइतीनी हना, मेको कली वारच पा, लेश्‍शा आ खिं चोव़दीत्‍चा माल्‍नीनी। अय्‍युब ३१:२९; हितोपदेस २५:२१-२२; लूका ६:२७
EXO 23:5 गे नु मदुइब मुर आ गधा आ भारीम चिप्‍शो थित्‍तीनी हना, गे मेको पोक्‍ने मचाप्‍शो मुर ताइतीनी हना, मेको कली महेरदीन। मेको कली वारच पा मेको कली पोक्‍कीन।
EXO 23:6 मिनु प्रुङग मुर का पित हना, मेको कली प्रुङग बाक्‍त हना यो, ठीक निसाफ पने। ब्‍यवस्‍था २५:१९; भजन संग्रह ८२:२-४; उपदेसक ५:७; यसैया १:१७
EXO 23:7 जोल पा सांकछी माल्‍ब आन क्‍येङा ङोन बाक्‍कीन। दोस मताइब नु ठीक पाइब कली मसतीन। मारदे हना गो मरिम्‍शो पाइब आ पर्बम ठीक पाइब बाक्‍ब मदेंनुङ।
EXO 23:8 गेपुकी ख्रुइश्‍शा मारेइ मताक्‍कीन। मारदे हना मेकोमी मिक्‍च सिल्‍ब। मिनु ख्रुइश्‍शा ताक्‍शोमी ठीक पाइब आ मुददा लोक्‍ब। ब्‍यवस्‍था २७:२५; १सामुएल ८:३; हितोपदेस १७:२३
EXO 23:9 मिनु अर्को रागी ङा मुर आन कली मदिपीन। मारदे हना गेपुकी यो इजीप्‍त रागीम अर्को रागी ङा मुर दुम्‍शा, अर्को रागी ङा मुर आन थुं तुइक्‍नीनी। प्रस्‍थान २२:२०
EXO 23:10 मिनु ६ बर्स सम्‍म इन रूमी ख्रुम्‍शा, सेक्‍शा खुप्‍तीन। लेवी २५:१-१७, १८-२४
EXO 23:11 मिनु मेको आ नोले ङा बर्स चहिं मारेइ मशोक्‍थु, मो वोतीन। इन रागी ङा प्रुङगपुकीमी मेको आंमा वाशो जामेक्‍ल। लीत हना, जन्‍तुपुकीम जामेक्‍ल। इन अङगुर रू नु इन तेल रवापुकी यो मेको खोदेंशोन पने।
EXO 23:12 गेपुकी ६ नाक्‍त गेय पचा माल्‍नीनी। मेको आ नोले ङा नाक्‍ती चहिं नांइसीन। मोपा इन ब्‍यफ नु गधा यो नाइक्‍ने चाप्‍नीम। मिनु इन वाइलीम आ तौ नु इन खिंम बाक्‍शो अर्को रागी ङा मुर यो नाइक्‍चा ताइनीम। प्रस्‍थान २०:८-११
EXO 23:13 आं अरेशो नेल्‍ल पने। देवी देवता आन कली मारेइ मपुंइचा आन नें यो मथिचा। यहोसु २३:७; जकरिया १३:२
EXO 23:14 बर्सम आं पर्बम खेयप सां चाड मानेचा माल्‍नीनी। प्रस्‍थान ३४:१८-२६; लेवी २३:४-४४; ब्‍यवस्‍था १६:१-१७
EXO 23:15 गो इन कली देंशो खोदेंशो पा, बोरब ओख्‍ती मसुप्‍शो शोब्‍ले ङा चाड मानेचा माल्‍नीनी। गेपुकी ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। मेको आबीब महिनामी पचा माल्‍नीनी। मारदे हना गेपुकी आबीब महिनामी इजीप्‍त रागी रे ग्रूतीनी। आं ङोंइती श्‍येत्‍थ गुइ मजाक्‍कीन। प्रस्‍थान १२:१५-२०
EXO 23:16 मिनु इन रूम ख्रुम्‍शो ङोंइती ङा मीशो मारेइ मारेइ ङा चाड मानेचा माल्‍नीनी। बर्स नुप्‍ची ना नेल्‍ल रिक्‍शा, खुप्‍शा, ओंइने थुम्‍शो ङा चाड मानेचा माल्‍नीनी। प्रस्‍थान ३४:२२
EXO 23:17 वोंइश मुर नेल्‍ल परमप्रभु, परमप्रभु यावे आ ङोंइती बर्समी खेयप सां जाक्‍चा माल्‍नीनी।
EXO 23:18 गेपुकीमी चढ़ेनीनु, चढ़ेशो आ हुश नु बोरब ओख्‍ती सुप्‍शो मारेइ मारेइ कालेमी मचढ़ेन। मेको चढ़ेशो श्‍ये आ बोंसो सुनी सम्‍म महेंचा। प्रस्‍थान १२:७-१०; प्रस्‍थान ३४:२५
EXO 23:19 मिनु इन रू ङा ङोंइती मीशो नेल्‍ल क्‍येङा रिम्‍शो फल फुल नु अन्‍न परमप्रभु यावे, इन परमप्रभु आ बाक्‍तीकेम चाक्‍चा माल्‍नीनी। गेपुकीमी पाठा कली आ ममा आ दूधम लोप्‍शा मक्‍येने, देनो” दे परमप्रभु मोसा कली देंत। उत्‍पत्ती ४:४; ब्‍यवस्‍था २६:१-११; नेहेन्‍याह १०:३६; ब्‍यवस्‍था १४:२१
EXO 23:20 मिनु परमप्रभुमी “नेनीन, गो इन ङोंइती आं स्‍वर्ग ङा गेय पाइब का सोइक्‍नुङ। मेकोमी लांमी इन कली कोव़शा नु आं देंशो बाक्‍तीकेम चोव़दीब। प्रस्‍थान १४:१९
EXO 23:21 गेपुकी होस पा बाक्‍शा, आं देंशो टिने। गेपुकी मेको कली मगाइक्‍पतीन। मारदे हना आं नें मेको नु बाक्‍ब। मिनु मेकोमी इन हेंथे पतीक मक्‍याम्‍ब। यसैया ६३:१०
EXO 23:22 गेपुकी आ देंशो नेनीन। आं देंशो नेल्‍ल पाइतीनी हना, गो इन जोरी सत्रु आन जोरी सत्रु दुम्‍नुङ। इन कली खेदा पाइब आन कली खेदा पाइब दुम्‍नुङ।
EXO 23:23 आं स्‍वर्ग ङा गेय पाइब थमा पा इन ङोंइती लाइब। मिनु इन कली एमोरी, हित्ती परिज्‍‍जी, नानी, हिव्‍वी नु यबुसी कनानी आन रागी चोव़दीब। मिनु गो मेको नेल्‍ल आन कली क्‍याम्‍नुङ।
EXO 23:24 गेपुकी मेको आन खोदेंशो मपने। मेको आन देवी देवता आन ङोंइती बाप्‍शा सेउ मपने। मेको आन कली गेय मपने। तन्‍न मेको आन मूर्ति जिक्‍शा प्रोल्‍शा ताइक्‍तीन। प्रस्‍थान २०:५; ब्‍यवस्‍था १२:३०; लेवी १८:३
EXO 23:25 गे परमप्रभु यावे, इन परमप्रभु कली गेय पाइतीनी हना, गो इन जचा तूचा थोव़क कली आसीक गेनुङ। मिनु इन कली रोइ नेल्‍ल रे प्रोंइनुङ। प्रस्‍थान १५:२६
EXO 23:26 इन रागीमी मीश मुरपुकी आल शाम्‍ब नु आल मथीब मदुम्‍नीम। मिनु गेपुकी खाल्‍पी खाल्‍पा दुम्‍चा सम्‍म ब्रोंइनीनी।
EXO 23:27 गो इन ङोंइङोंइती हिंच कोंइनुङमी। मिनु गे ते ते जाक्‍दीत्‍नीनी, गो मेक ङा जात जात ङा मुर आन थुं लुक्‍च लपाइक्‍नुङ। मिनु इन जोरी सत्रु इन कली तशा प्रोक्‍नीम। उत्‍पत्ती ३५:५; यहोसु २:९-११; १सामुएल १४:१५
EXO 23:28 गो इन ङोंइङोंइती हिकवा सोइश्‍शो खोदेंशो पा हिंतीक सोइक्‍नुङ। मिनु हिव्‍वी, कनानी नु हित्ती इन ङोंइती रे प्रोक्‍पाइक्‍नुङ। ब्‍यवस्‍था ७:२०; यहोसु २४:१२
EXO 23:29 तन्‍न बर्स कामी मेको आन कली मप्रोक्‍पाइक्‍नुङमी। मोपा प्रोक्‍पाइक्‍तामी हना, गोरशो रागी दुम्‍शा, इन क्‍येङा ब्‍वाकी ङा जन्‍तु शुश दुम्‍नीम।
EXO 23:30 गे शुश दुम्‍शा, मेको रागी मब्रीनी सम्‍म, गो मेको आन कली इन ङोंइती रे का का पा ग्रुंइनुङमी। ब्‍यवस्‍था ७:२२
EXO 23:31 गो इन रागी लल समुन्‍द्र रे पलिस्‍ती आन ठेयब समुन्‍द्र सम्‍म नु गोरशो रागी रे युफ्रेटीस खोला सम्‍म दुम्‍पाइक्‍नुङ। मिनु गो मेको रागी ङा मुर इन कली जिम्‍मा गेनुङ। मिनु गे मेको आन कली खेरनीनी। उत्‍पत्ती १५:१८
EXO 23:32 गे मेकोपुकी नु मेको आन देवी देवता नु कबल मपमुने। प्रस्‍थान ३४:१२
EXO 23:33 मेकोपुकीम इन कली पाप पपाइक्‍नीम। मोपतीके मेको आन कली इन रागीमी बाक्‍चा मगेने। गे मेको आन देवी देवता आन कली गेय पाइतीनी हना, आन ग्‍याइलीम रेत्‍चा पुंइसीनीनी” दे परमप्रभु यावेमी इस्राएली आन कली अरेवा बाक्‍त।
EXO 24:1 मिनु परमप्रभु यावेमी मोसा कली “गे, हारून, नादाब, अबीहु नु इस्राएली आन खाल्‍पा रे ७० जना मुर कुने। मिनु ङोन रे आं कली सेउ पचा माल्‍नीनी। प्रस्‍थान २८:१; लेवी १०:१; गन्‍ती ११:१६
EXO 24:2 गे ला आं नेक्‍था जाक्‍ने चाप्‍नेवे। अरु चहिं नेक्‍था मजाक्‍थु, बाक्‍चा माल्‍नीमी। मिनु मुरपुकी गे नु डांडा ङोइक्‍चा मदुम्‍नीम” दे परमप्रभु यावेमी दें‍त।
EXO 24:3 मिनु मोसा डांडा रे तोइश्‍शा, मुर आन कली परमप्रभु यावेमी देंशो नु अरेशो लोव़ नेल्‍ल नेंपाइक्‍तीमी। मिनु मुर नेल्‍लेमी मुर का खोदेंशो पा “परमप्रभु यावेमी देंशो लोव़ नेल्‍ल गो पाइनीकी” देंतेक्‍म। प्रस्‍थान १९:८
EXO 24:4 मिनु मोसामी परमप्रभु यावे आ देंशो लोव़ नेल्‍ल ब्रेक्‍ताक्‍व। मिनु सुनी कना बोक्‍शा, डांडा आ पुंमी चढ़ेतीक का नु इस्राएल आ १२ थर मिम्‍चा कली १२ ओटा फुल्‍लु ख्रुक्‍तु। प्रस्‍थान ३४:२७; यहोसु ४:२०
EXO 24:5 मिनु मोसामी इस्राएली ठिटा आन कली बोहोर क्‍योरशा, चोशा चढ़ेतीक नु परमप्रभु यावे नु दुशा बाक्‍चा आ पर्बम चढ़ेतीक चढ़ेपपाइक्‍तु। न्‍यायाधीस १७:७
EXO 24:6 मिनु चढ़ेशो बस्‍तु आन हुश आधा लाइश्‍शा, बोसपुकीम कुर पाप्‍तु। मिनु लीशो हुश चढ़ेतीकेम ब्रुइक्‍ताक्‍व।
EXO 24:7 नोले कबल ङा लोव़ ब्रेक्‍शो किताब मुर आन कली नेंपाइक्‍चा कली पढेप्‍तु। मिनु मेकोपुकीमी “परमप्रभु यावे आ देंशो नेल्‍ल पाइनीकी। आ लोव़ टीनीकी” देंतेक्‍म।
EXO 24:8 मिनु मोसामी बोस ङा हुश लाइश्‍शा, मुर आन कली ब्रुइश्‍शा “नेनीन, परमप्रभु यावेमी गेपुकी नु कबल पाप्‍तु। मेको हुश परमप्रभु यावे आ कबल ङा देंशो लोव़ आ छाप बाक्‍ब” दें‍त। हिब्रू ९:१९-२७; मर्कूस १४:२४
EXO 24:9 मिनु मोसा, हारून, नादाब, अबीहु नु इस्राएली आन खाल्‍पा रे ७० जना मुर डांडा ङोंइसाक्‍म।
EXO 24:10 मिनु मेकोपुकीमी इस्राएली आन परमप्रभु कली ताम्‍तेक्‍म। आ बाक्‍तीक बास साफीर माइश्‍शो हीरा खोदेंशो दिंम का बाक्‍शो बाक्‍त। मेको हाक्‍शो सरीङ खोदेंशो नीलो बाक्‍‍त। इजीकीएल १:२६
EXO 24:11 मिनु परमप्रभुमी इस्राएली आन खाल्‍पा आन कली मारेइ मपव। मिनु मेकोपुकीमी परमप्रभु कली तशा, जशा तूशा बाक्‍तेक्‍म। प्रस्‍थान १९:२१-२२; प्रस्‍थान ३३:२०-२३
EXO 24:12 मिनु परमप्रभु यावेमी मोसा कली “गे डांडा ङोइश्‍शा, आं नेक्‍था जाक्‍शा रिम्‍शा बाक्‍को। गो आं अरेशो लोव़ नु आं शेंशो लोव़ इस्राएली आन कली शेंचा कली फुल्‍लु निक्‍शीम मुशा ब्रेक्‍ताक्‍ङ। गो मेको फुल्‍लु इ कली गेनन्‍न” दें‍त। प्रस्‍थान ३१:१८; २कोरिन्‍थी ३:६
EXO 24:13 मिनु मोसा आ गेय पाइब यहोसु लाइश्‍शा, परमप्रभु आ डांडा ङोंइसाक्‍व। प्रस्‍थान ३३:११
EXO 24:14 तन्‍न ङोंइती मोसामी इस्राएली आन खाल्‍पा आन कली “गो मलेस्‍कु सम्‍म, एकेर रिम्‍दीन। नेनीन, हारून नु हुर गेपुकी नु बाक्‍नीस। मार निसाफ प‍चा माल्‍नीनी, मेको निक्‍शीमी गारपाइक्‍नीस” दें‍त। प्रस्‍थान १७:१२
EXO 24:15 मिनु मोसा डांडा ङोंइसाक्व। मिनु गोस्‍सुम मेको डांडा सुम्‍तु।
EXO 24:16 मिनु परमप्रभु यावे आ छेङछेङ सीनै डांडाम बाक्‍शो बाक्‍त। मेको गोस्‍सुम डांडा कली ६ नाक्‍त सम्‍म सुम्‍तु। मिनु नाक्‍त का नोले गोस्‍स आ दाते रे परमप्रभु यावेमी मोसा कली ब्रेत्‍ताक्‍व। प्रस्‍थान १६:१०
EXO 24:17 मिनु परमप्रभु यावे आ छेङछेङ इस्राएली आन कली डांडा तारी थम ठेयब ब्रशो मी खोदेंशो पा तांइसाक्‍व। ब्‍यवस्‍था ४:२४; ब्‍यवस्‍था ९:३; हिब्रू १२:२९
EXO 24:18 मिनु मोसा गोस्‍स आगा ओव़शा, डांडा ङोइश्‍शा, ४० नाक्‍दो नु ४० नाक्‍ती बाक्‍त। प्रस्‍थान ३४:२८
EXO 25:1 मिनु परमप्रभु यावेमी मोसा कली
EXO 25:2 “इस्राएली आन कली ‘आं कली मार मार गेचा मिम्‍नीनी, मेको गेने’ दे मतो। आन थुंमी गेचा दाक्‍शो, नेल्‍ल आन चाक्‍शो गे नु इ कली वारच पाइबपुकीमी ताक्‍कीन। प्रस्‍थान ३५:४-७; १इतिहास २९:५; एज्रा २:६८,६९
EXO 25:3 आं कली मार मार ताक्‍चा माल्‍नीनी देंशा हना, सुन चांदी नु कांसा,
EXO 25:4 नीलो, प्‍याजी नु लल रङ ङा श्‍येले, रिम्‍शो पा किरशो सुती श्‍येले के प्रोव़शो वा, क्‍यारश आ चां,
EXO 25:5 लल रङ नुप्‍शो सांड आ कुशुल, नेल्‍ल क्‍येङा रिम्‍शो सेल्‍शो कुशुल, बोल्‍यो शी,
EXO 25:6 बत्ती दातीक तेल, लुक्‍तीक तेल नु धूप कली ब्रोव़शो रिना पपाइक्‍ब थोव़क,
EXO 25:7 निसाफ पतीके ऊरीम नु थुम्‍मीम वोइक्‍तीक झोला नु कुचु तार वोइक्‍तीक सेल्‍चा कली ओनीक्‍स माइश्‍शो हीरा नु अरु हीरा ताक्‍चा माल्‍नीनी।
EXO 25:8 मिनु गो मेको आन दातेमी बाक्‍चा कली आं बाक्‍तीक सेल्‍पतो। इजीकीएल ३७:२६-२८
EXO 25:9 गो इ कली कोंइशो खोदेंशो पा ताम्‍बु सेल्‍पाइक्‍चा माल्‍नेवे। आगाम मार मार वोइक्‍चा माल्‍नेवे, मेको आं कोंइशो खोदेंशो पा सेल्‍पतो। प्रस्‍थान २५:४०; प्रस्‍थान २६:३०; प्रस्‍थान २७:८
EXO 25:10 मेकोपुकीमी बोल्‍यो शी के सन्‍दोस का सेल्‍चा माल्‍नीम। मेको आ पित्‍थ लाइश्‍शो कुबीत निक्‍शी नु आधा, आ ब्रेम्‍शो कुबीत का नु आधा नु आ ग्‍येत्‍थ लाइश्‍शो कुबीत का नु आधा ङा सेल्‍चा माल्‍नीम। कुबीत का ०.५ मिटर खोदेंशो बाक्‍ब।
EXO 25:11 मिनु गे मेको सन्‍दोस आ खिंङगा नु आ लाङगा नेल्‍ल क्‍येख सुनमी गिल्‍पाइक्‍चा माल्‍नेवे। मिनु एर ओंथ सुन के सुर सेल्‍पाइक्‍चा माल्‍नेवे।
EXO 25:12 मिनु सुन के ४ ओटा मुन्‍द्रा सेल्‍पाइक्‍चा माल्‍नेवे। का पटटी निक्‍शी नु अर्को पटटी निक्‍शी पा सन्‍दोस आ ४ सुरमी क्‍येप्‍चा माल्‍नीम।
EXO 25:13 मिनु बोल्‍यो शी के कुरतीक कोक्‍के निक्‍शी सेल्‍पाइश्‍शा, सुनमी गिल्‍पाइक्‍चा माल्‍नेवे। १राजा ८:८
EXO 25:14 मिनु मेको कुरतीक कोक्‍के निक्‍शी मेको मुन्‍द्राम शुइक्‍चा माल्‍नेवे। मो पा मेको सन्‍दोस कली कुरने चाप्‍नीम।
EXO 25:15 मेको कोक्‍के निक्‍शी सन्‍दोसम बाक्‍शो मुन्‍द्राम शुइक्‍चा माल्‍नीस। मेको आस कली मशोल्‍चा।
EXO 25:16 मिनु गो इ कली गेचा चिक्‍शो कबल पा अरेशो लोव़ मेको सन्‍दोसमी कुर पा वोइक्‍चा माल्‍नेवे।
EXO 25:17 मिनु सन्‍दोस सुम्‍तीके क्‍येख सुन के चेम्‍शा सेल्‍चा माल्‍नेवे। मेकेर परमप्रभु आ शिशी बाक्‍ब। आ पित्‍थ लाइश्‍शो कुबीत निक्‍शी नु आधा नु आ ब्रेम्‍शो कुबीत का नु आधा बाक्‍चा माल्‍ब। कुबीत का ०.५ मिटर, कुबीत का खोदेंशो बाक्‍ब।लेवी १६:१२-१५; हिब्रू ४:१६; हिब्रू ९:५
EXO 25:18 मिनु गे आं स्‍वर्ग ङा गेय पाइब खोदेंशो सुन के करूब निक्‍शी चेम्‍शा सेल्‍पाइक्‍चा माल्‍नेवे। मेको सुम्‍तीकेम आ निम्‍फा पटटी का का करूब चेम्‍शा सेल्‍चा माल्‍नेवे।
EXO 25:19 का पटटी करूब का, अर्को पटटी करूब का चेम्‍शा सेल्‍चा माल्‍नेवे। मेको सुम्‍तीके नु करूब निम्‍फा मख्रोंइसीशो सुन का केन चेम्‍शा सेल्‍चा माल्‍नेवे।
EXO 25:20 मेको करूबम आस फ्रां हाम्‍शा, सुम्‍तीके फारचा माल्‍नीस। आस कुल कोव़मुशा, सन्‍दोस सुम्‍तीके गे कोव़चा माल्‍नीसी।
EXO 25:21 मेको सुम्‍तीके मेको कबल पशो सन्‍दोस तार वोइक्‍चा माल्‍नेवे। मिनु गो इ कली गेचा चिक्‍शो कबल पा अरेशो लोव़ मेको कबल पशो सन्‍दोसम कुर पा वोइक्‍चा माल्‍नेवे। प्रस्‍थान ३४:२९; १राजा ८:९
EXO 25:22 मिनु गो मेको सन्‍दोस सुम्‍तीके शिशी बाक्‍तीकेम गे नु ग्रुम्‍शा, लोव़ पाइनुङ। मेको सुम्‍तीके आ तारी मेको करूब निक्‍शी आस दाते रे गो इस्राएली आन कली मार मार अरेचा माल्‍नुङा, मेको गो इ कली देंनुङ। गन्‍ती ७:८९; २सामुएल ६:२
EXO 25:23 गे बोल्‍यो शी के टेबल का सेल्‍पाइक्‍चा माल्‍नेवे। मेको आ पित्‍थ लाइश्‍शो कुबीत निक्‍शी नु आ ब्रेम्‍शो कुबीत का नु आ ग्‍येत्‍थ लाइश्‍शो कुबीत का नु आधा दुम्‍चा माल्‍ब। कुबीत का ०.५ मिटर, खोदेंशो बाक्‍ब।
EXO 25:24 मिनु मेको कली क्‍येख सुनमी गिल्‍पाइक्‍चा माल्‍नेवे। सिरपेच खोदेंशो पा एर ओंथ नेल्‍ल सुन के सुर सेल्‍पाइक्‍चा माल्‍नेवे।
EXO 25:25 मेको एर ओंथ ङा सुर नेल्‍ल ४ आंइची ब्रेम्‍शो दुम्‍चा माल्‍ब। मेको कली सिरपेच खोदेंशो पा बुटा आप्‍पाइक्‍चा माल्‍नेवे।
EXO 25:26 मिनु ४ ओटा सुन के मुन्‍द्रा चेम्‍शा, मेको आ ४ ओटा खोइलीम टेबल आगाम क्‍येप्‍पाइक्‍चा माल्‍नेवे।
EXO 25:27 टेबल कुरचा कली मुन्‍द्रापुकी टेबल आ सुर आ नेक्‍था क्‍येप्‍पाइक्‍चा माल्‍नेवे।
EXO 25:28 मिनु बोल्‍यो शी के कोक्‍के निक्‍शी सेल्‍शा, सुनमी गिल्‍पाइक्‍चा माल्‍नेवे। मेको टेबलम बाक्‍शो मुन्‍द्राम शुइश्‍शा कुरने चाप्‍नीम।
EXO 25:29 मिनु टेबलम वोइक्‍चा माल्‍शो थाल, लोटा नु बोस नेल्‍ल नु तूचा थोव़क चढ़ेतीक लुक्‍चा कली लोटा नेल्‍ल क्‍येख सुन के सेल्‍पाइक्‍चा माल्‍नेवे।
EXO 25:30 मिनु मेकेर गेना हना यो आं ङोंइती कोंइतीक शोब्‍ले वोइक्‍चा माल्‍नेवे। लेवी २४:५-६
EXO 25:31 गे क्‍येख सुन के बत्ती दातीक का चेम्‍शा सेल्‍पाइक्‍चा माल्‍नेवे। आ थाम, आ राशी, आ दियारी, आ डल्‍ला नु फूपुकी ठेयब सुन का केन दुम्‍चा माल्‍नीम।
EXO 25:32 मिनु मेको बत्ती दातीक आ थाम रे ६ ओटा राशी ग्रूचा माल्‍नीम। का पटटी रे सां नु अर्को पटटी रे सां ग्रूचा माल्‍नीम।
EXO 25:33 मिनु मेको राशी कामी देसी बदाम आ फू खोदेंशो बुटा पाइश्‍शो फू सां ग्रूचा माल्‍नीम। अर्को राशीपुकी यो नेल्‍ल मोदेंशोन दुम्‍चा माल्‍नीम।
EXO 25:34 मेको बत्ती दातीक आ थामम चहिं ४ ओटा देसी बदाम आ फू खोदेंशो बुटा पाइश्‍शो ग्रूचा माल्‍नीम।
EXO 25:35 थाम आ ङोंइती ङा डल्‍ला, आ दाते ङा डल्‍ला नु नोले ङा डल्‍ला रे निम्‍फा पटटी गे राशी निक्‍‍निक्‍शी गूचा माल्‍नीम।
EXO 25:36 मेको आ राशी नु डल्‍ला नेल्‍ल ठेयब क्‍येख सुन का केन चेम्‍शो दुम्‍चा माल्‍नीम।
EXO 25:37 गे क्‍येख सुन के ७ ओटा दियारी सेल्‍पाइक्‍चा माल्‍नेवे। मिनु सल्‍दो वोइश्‍शा, नेल्‍ल तांइसीचा ङा पा दाचा माल्‍नेवे। मेको ब्रशा, छेङछेङ दुम्‍ल।
EXO 25:38 मिनु आ कांइची नु आइक्‍च बोस क्‍येख सुन के दुम्‍चा माल्‍नीम।
EXO 25:39 गे मेको नेल्‍ल टलेन्‍ट का क्‍येख सुन के सेल्‍पाइक्‍चा माल्‍नेवे।
EXO 25:40 गे मेको नेल्‍ल गो इ कली डांडाम कोंइशो खोदेंशो पा सेल्‍पाइक्‍चा माल्‍नेवे। प्रस्‍थान २५:९; प्रस्‍थान २६:३०; प्रेरित ७:४४; हिब्रू ८:५
EXO 26:1 आं बाक्‍तीके सेल्‍चा कली रिम्‍शो पा किरशो सुती श्‍येले के १० ओटा ताम्‍बु साप्‍तीके प्रोव़पाइक्‍चा माल्‍नेवे। मेको सुती श्‍येले नीलो, प्‍याजी नु लल रङम नुप्‍शो बाक्‍चा माल्‍ब। मिनु मेको वामी करूब बुटा आप्‍शा, थाम्‍पा रिम्‍शो प्रोव़स जोक्‍ब मुर आन कली प्रोव़पाइक्‍चा माल्‍नेवे।
EXO 26:2 वा का आ लाइश्‍शो २८ कुबीत नु आ ब्रेम्‍शो ४ कुबीत दुम्‍चा माल्‍ब। मेको १० ओटा वा नेल्‍ल मोदेंशोन दुम्‍चा माल्‍नीम। कुबीत का ०.५ मिटर, खोदेंशो बाक्‍ब।
EXO 26:3 मिनु ५ ओटा वा बोइश्‍शा, का सेल्‍पाइक्‍चा माल्‍नेवे। मिनु अर्को ५ ओटा वा यो बोइश्‍शा, का सेल्‍पाइक्‍चा माल्‍नेवे।
EXO 26:4 मिनु वा आ सुर कली नीलो रङ ङा श्‍येले के बोइक्‍तीके यो सेल्‍पाइक्‍चा माल्‍नेवे। मोपा वा निक्‍शी बोइश्‍शा का सेल्‍पाइक्‍चा माल्‍ब।
EXO 26:5 मिनु गे का का पा ताम्‍बु साप्‍तीके ५० ओटा सेल्‍पाइक्‍चा माल्‍नेवे। मेकोपुकी गारपाइक्‍चा कली सेल्‍पाइक्‍चा माल्‍नेवे।
EXO 26:6 मिनु ५० ओटा सुन के ग्‍याइक्‍पाइक्‍तीके सेल्‍पतो। मोपा मेको वापुकी बोइश्‍शा, आं बाक्‍तीक ताम्‍बु आगा साप्‍तीक कान दुम्‍ब।
EXO 26:7 मिनु आं बाक्‍तीक ताम्‍बु साप्‍चा कली क्‍यारश आ चां के ११ ओटा टुक्रा सेल्‍पाइक्‍चा माल्‍नेवे।
EXO 26:8 का आ लाइश्‍शो ३० कुबीत नु आ ब्रेम्‍शो ४ कुबीत दुम्‍चा माल्‍ब। मिनु मेको ११ ओटा टुक्रा नेल्‍ल खाल का ङा दुम्‍चा माल्‍नीम। कुबीत का ०.५ मिटर खोदेंशो बाक्‍ब।
EXO 26:9 गे ५ ओटा टुक्रा बोइश्‍शा का नु ६ ओटा बोइश्‍शा, अर्को का सेल्‍पाइक्‍चा माल्‍नेवे। ६ ओटा बोइश्‍शो टुक्रा ताम्‍बु आ ङोंइती आ सुर तोक्‍तीके फेके का मुक्‍शा तोक्‍चा माल्‍ब।
EXO 26:10 मेको टुक्रा का आ सुरमी ५० ओटा बोइक्‍तीक सेल्‍पाइक्‍चा माल्‍नेवे। मिनु अर्को टुक्रा आ सुरमी यो ५० ओटा बोइक्‍तीक सेल्‍पाइक्‍चा माल्‍नेवे।
EXO 26:11 मिनु गे कांसा के ५० ओटा ग्‍याइक्‍पाइक्‍तीके सेल्‍पतो। मेको ग्‍याइक्‍पाइक्‍तीक बोइक्‍तीकेमी वोइश्‍शा, टुक्रा निक्‍शी के का दुम्‍चा माल्‍ब। मोपा टुक्रापुकी बोइश्‍शा, ताम्‍बु साप्‍तीक का दुम्‍ब।
EXO 26:12 ताम्‍बु आ साप्‍तीके आ दी गे आइदी सम्‍म तोक्‍चा ङा पा साप्‍पाइक्‍चा माल्‍नेवे।
EXO 26:13 निम्‍फा पटटी साप्‍पाइक्‍चा कली कुबीत का का आइदी सम्‍म तोक्‍चा ङा पा साप्‍पाइक्‍चा माल्‍नेवे। कुबीत का ०.५ मिटर खोदेंशो बाक्‍ब।
EXO 26:14 ताम्‍बु आ साप्‍तीके निक्‍शी आस तारी लल रङम नुप्‍शो बोका आ कुशुल के सेल्‍पाइक्‍चा माल्‍नेवे। मिनु मेको आ तार अर्को साप्‍तीके नेल्‍ल क्‍येङा रिम्‍शो कुशुल के सेल्‍पाइक्‍चा माल्‍नेवे।
EXO 26:15 गे आं बाक्‍तीक ताम्‍बु आ एर ओंथ थारचा कली फलेक सेल्‍पाइक्‍चा माल्‍नेवे। मेको फलेकपुकी बोल्‍यो शी के सेल्‍पाइक्‍चा माल्‍नेवे।
EXO 26:16 फलेक नेल्‍ल १० कुबीत ग्‍येत्‍थ लाइश्‍शो नु कुबीत का नु आधा ब्रेम्‍शो दुम्‍चा माल्‍नीम। कुबीत का ०.५ मिटर खोदेंशो बाक्‍ब।
EXO 26:17 फलेक नेल्‍लेमी ग्रुक्‍तीक निक्‍‍निक्‍शी आ पुं गे एर ओंथ पा सेल्‍पतो। आं बाक्‍तीक ङा फलेक नेल्‍ल मोदेंशो पा सेल्‍पाइक्‍चा माल्‍नेवे।
EXO 26:18 आं बाक्‍तीक कली मोदेंशो फलेक सेल्‍पाइक्‍चा माल्‍नेवे। २० ओटा फलेक दक्‍खिन गे थारचा कली सेल्‍पाइक्‍चा माल्‍नेवे।
EXO 26:19 मिनु गे २० ओटा फलेक आन कली ४० ओटा चांदी के राप्‍पाइक्‍तीके सेल्‍पाइक्‍चा माल्‍नेवे। फलेक का कली ग्रुक्‍तीक निक्‍शी गारचा ङा पा ग्‍याइक्‍पाइक्‍तीक निक्‍शी माल्‍ब। अर्को फलेक आन कली यो गारचा ङा पा ग्रुक्‍तीक नु राप्‍पाइक्‍तीके निक्‍‍निक्‍शी सेल्‍पाइक्‍चा माल्‍नेवे।
EXO 26:20 मोदेंशो पा उत्तर गे यो २० ओटा फलेक बाक्‍चा माल्‍नीम।
EXO 26:21 मिनु ४० ओटा राप्‍पाइक्‍तीक सेल्‍शा, फलेक कामी राप्‍पाइक्‍तीक निक्‍शी ग्रुक्‍पाइक्‍चा माल्‍नेवे। फलेक नेल्‍ल मोदेंशो पा सेल्‍चा माल्‍नेवे।
EXO 26:22 मिनु आं बाक्‍तीक ताम्‍बु आ नोले पटटी, पच्‍छिम गे ६ ओटा फलेक सेल्‍पाइक्‍चा माल्‍नेवे।
EXO 26:23 नोले पटटी ङा सुर निक्‍शी कली फलेक निक्‍शी सेल्‍पाइक्‍चा माल्‍नेवे।
EXO 26:24 मेको सुर ङा फलेक आइक्‍था नु उइ अर्को फलेक नु गारचा ङा दुम्‍चा माल्‍नीस।
EXO 26:25 नोले पटटी ङा फलेक नु सुर ङा फलेक नेल्‍ल पा ८ ओटा दुम्‍नीम। मेको फलेक नेल्‍ल आन कली १६ ओटा चांदी के राप्‍पाइक्‍तीके सेल्‍पाइक्‍चा माल्‍नेवे। फलेक का कली निक्‍शी माल्‍ब। फलेक नेल्‍ल मोदेंशो पा सेल्‍चा माल्‍नेवे।
EXO 26:26 मिनु का पटटी ङा फलेक आन कली बोल्‍यो शी के ५ ओटा लाइश्‍शो कोक्‍के,
EXO 26:27 अर्को पटटी कली यो ५ ओटा लाइश्‍शो कोक्‍के सेल्‍पाइक्‍चा माल्‍नेवे। मिनु पच्‍छिम गे नोले पटटी कली ५ ओटा लाइश्‍शो कोक्‍के सेल्‍पाइक्‍चा माल्‍नेवे।
EXO 26:28 मिनु फलेक ग्‍येत्‍थ आ दातेमी सुर का रे अर्को सुर सम्‍म लाइश्‍शो कोक्‍के बाक्‍चा माल्‍नीम।
EXO 26:29 मिनु गे मेको फलेकपुकी सुनम गिल्‍पाइक्‍चा माल्‍नेवे। मेको कोक्‍के शुइक्‍तीक मुन्‍द्रा सुन के सेल्‍पाइक्‍चा माल्‍नेवे। मेको लाइश्‍शो कोक्‍केपुकी यो सुनमी गिल्‍पाइक्‍चा माल्‍नेवे।
EXO 26:30 गो इ कली डांडामी कोंइशो खोदेंशो पा आं बाक्‍तीक ताम्‍बु सेल्‍पाइक्‍चा माल्‍नेवे। प्रस्‍थान २५:९
EXO 26:31 मिनु गे फारतीक सेल्‍चा कली नीलो प्‍याजी नु लल रङ ङा श्‍येले नु रिम्‍शो पा किरशो सुती श्‍येले के वा प्रोव़पाइक्‍चा माल्‍नेवे। मेको वा करूब बुटा आप्‍शा थाम्‍पा रिम्‍शो प्रोव़स जोक्‍ब मुर आन कली प्रोव़पाइक्‍चा माल्‍नेवे। २इतिहास ३:१४
EXO 26:32 मेको फारतीके बोल्‍यो शी के सेल्‍शो सुनम गिल्‍शो सुन के हेक्‍तीक पाइश्‍शो नु चांदी के राप्‍पाइक्‍तीक पाइश्‍शो ४ ओटा थामम क्‍युक्‍पाइक्‍चा माल्‍नेवे।
EXO 26:33 मिनु मेको फारतीके हेक्‍तीकेम हेक्‍पाइक्‍चा माल्‍नेवे। मिनु गे मेको आं अरेशो लोव़ आगाम वोइश्‍शो सन्‍दोस मेको फारतीके आगा गे वोइक्‍पाइक्‍चा माल्‍नेवे। मोपा मेको फारतीके चोव़खो नु नेल्‍ल क्‍येङा चोव़खो बाक्‍तीक कली फारब दुम्‍ब। मत्ती २७:५१; हिब्रू ९:३; प्रस्‍थान २६:६,११
EXO 26:34 मिनु गे मेको सुम्‍तीक अरेशो लोव़ आगाम वोइश्‍शो सन्‍दोस तारी वोइश्‍शा, मेको फारतीक आ आगा गे नेल्‍ल क्‍येङा चोव़खो बाक्‍तीकेमी वोइक्‍पाइक्‍चा माल्‍नेवे। प्रस्‍थान २५:२१
EXO 26:35 कोंइतीक शोब्‍ले वोइक्‍तीक टेबल चोव़खो बाक्‍तीके उत्तर गे वोइक्‍पाइक्‍चा माल्‍नेवे। बत्ती दातीक चहिं दक्‍खिन गे वोइक्‍पाइक्‍चा माल्‍नेवे। प्रस्‍थान २५:२३-३०; प्रस्‍थान ४०:४२
EXO 26:36 मिनु ताम्‍बु ओव़तीक कली नीलो प्‍याजी नु लल रङ ङा श्‍येले नु रिम्‍शो पा किरशो सुती श्‍येले के प्रोव़शो वा, बुटा आप्‍शा ठेयब फारतीक सेल्‍पाइक्‍चा माल्‍नेवे।
EXO 26:37 मेको फारतीके हेक्‍चा कली ५ ओटा बोल्‍यो शी के थाम सेल्‍पाइक्‍चा माल्‍नेवे। मेको थाम सुनम गिल्‍पाइक्‍चा माल्‍नेवे। मेको थामम सुन के हेक्‍तीके यो सेल्‍पाइक्‍चा माल्‍नेवे। मेको थाम राप्‍पाइक्‍तीके ५ ओटा कांसा के सेल्‍पाइक्‍चा माल्‍नेवे।
EXO 27:1 मिनु बोल्‍यो शी के चढ़ेतीक का सेल्‍चा माल्‍नेवे। मेको ५ कुबीत लाइश्‍शो नु ५ कुबीत ब्रेम्‍शो दुम्‍चा माल्‍ब। ४ पाटे नु कुबीत सां ग्‍येत्‍थ लाइश्‍शो दुम्‍चा माल्‍ब। कुबीत का ०.५ मिटर देंशो बाक्‍ब।
EXO 27:2 आ ४ सुरमी ४ ओटा ग्रोव़ ग्रूपाइक्‍चा माल्‍नेवे। ग्रोव़ नु चढ़ेतीक सेल्‍चा कली फलेक का केन दुम्‍चा माल्‍ब। मेको नेल्‍ल कांसाम गिल्‍पाइक्‍चा माल्‍नेवे। लेवी १६:१८; १राजा १:५; भजन संग्रह ११८:२७
EXO 27:3 चढ़ेतीके कली माल्‍शो मारेइ मारेइ कांसा के सेल्‍पाइक्‍चा माल्‍नेवे। पुलु वोइक्‍तीक बोसपुकी, पुलु ताप्‍तीकपुकी, ब्रुइक्‍तीक बोसपुकी, श्‍ये ग्रुंइतीक कांटापुकी नु मी कोइला कुर पतीकपुकी सेल्‍पाइक्‍चा माल्‍नेवे।
EXO 27:4 मिनु गे मी तिक्‍तीक कांसा के जाली सेल्‍पाइक्‍चा माल्‍नेवे। मिनु जाली आ ४ सुरमी ४ ओटा मुन्‍द्रा सेल्‍पाइक्‍चा माल्‍नेवे।
EXO 27:5 मेको जाली चढ़ेतीक उइ गे नु इर गे आ दातेम वोइक्‍पाइक्‍चा माल्‍नेवे।
EXO 27:6 मिनु चढ़ेतीक कली यो बोल्‍यो शी के कांसाम गिल्‍शो कुरतीक कोक्‍के निक्‍शी सेल्‍पाइक्‍चा माल्‍नेवे।
EXO 27:7 मेको चढ़ेतीक आ निम्‍फा पटटी ङा मुन्‍द्रामी कोक्‍के शुइश्‍शा, कुरने चाप्‍नीम।
EXO 27:8 मेको चढ़ेतीक फलेक के सेल्‍पाइक्‍चा माल्‍नेवे। पुं नु सुम्‍तीके मपाइश्‍शो सन्‍दोस खोदेंशो पा सेल्‍पाइक्‍चा माल्‍नेवे। डांडामी इ कली कोंइशो खोदेंशो पा सेल्‍पाइक्‍चा माल्‍नेवे। प्रस्‍थान २६:३०;
EXO 27:9 मिनु ताम्‍बु आ लाङगा थरपु हिरचा कली रिम्‍शो पा किरशो सुती श्‍येले के फारतीके प्रोव़पाइक्‍चा माल्‍नेवे। मेको फारतीके दक्‍खिन गे सहे का कुबीत लाइश्‍शो दुम्‍चा माल्‍ब। कुबीत का ०.५ मिटर खोदेंशो बाक्‍ब।
EXO 27:10 मेको फारतीक ग्‍याइक्‍पाइक्‍चा कली खाल का ङा थाम, खाल का ङा कांसा के राप्‍पाइक्‍तीके, मुन्‍द्रापुकी नु कोक्‍केपुकी चहिं चांदी के सेल्‍पाइक्‍चा माल्‍नेवे।
EXO 27:11 मिनु मोदेंशो पा उत्तर गे यो सहे का कुबीत लाइश्‍शो फारतीक प्रोव़पाइक्‍चा माल्‍नेवे। मेको कली २० ओटा थाम, २० ओटा कांसा के राप्‍पाइक्‍तीके, मेको मुन्‍द्रापुकी नु कोक्‍केपुकी चहिं चांदी के सेल्‍पाइक्‍चा माल्‍नेवे।
EXO 27:12 लाङगा ङा पच्‍छिम गे ब्रेम्‍शो कली ५० कुबीत लाइश्‍शो फारतीक माल्‍ब। आ थाम नु आ राप्‍पाइक्‍तीक १०, १० ओटा दुम्‍चा माल्‍नीम। कुबीत का ०.५ मिटर खोदेंशो बाक्‍ब।
EXO 27:13 लाङगा आ पूर्ब, नां दाप्‍तीके गे फारचा कली यो ५० कुबीत ब्रेम्‍शो दुम्‍चा माल्‍ब।
EXO 27:14 मिनु ओव़तीक ङा पटटी का कली १५ कुबीत ङा फारतीक दुम्‍चा माल्‍ब। थाम नु आ राप्‍पाइक्‍तीके सां सां दुम्‍चा माल्‍नीम।
EXO 27:15 मिनु अर्को पटटी यो मोदेंशो पा १५ कुबीत ङा फारतीक, थाम नु राप्‍पाइक्‍तीके सां सां दुम्‍चा माल्‍नीम।
EXO 27:16 मिनु लाङगा ओव़तीके कली २० कुबीत ङा नीलो, प्‍याजी, श्‍येले नु रिम्‍शो पा किरशो सुती श्‍येले के प्रोव़शो फारतीक माल्‍ब। मेको फारतीक कली लूजेम बुटा आप्‍पाइक्‍चा माल्‍नेवे। ओव़तीके कली थाम नु राप्‍पाइक्‍तीके ४, ४ ओटा दुम्‍चा माल्‍नीम।
EXO 27:17 लाङगा एर ओंथ ङा थाम नेल्‍ल चांदीमी गिल्‍शो कोक्‍केमी ग्‍याइक्‍पाइश्‍शो दुम्‍चा माल्‍नीम। मुन्‍द्रा चांदी के नु आन राप्‍पाइक्‍तीक कांसा के दुम्‍चा माल्‍नीम।
EXO 27:18 मेको लाङगा आ पित्‍थ लाइश्‍शो सहे का कुबीत, आ ब्रेम्‍शो ५० कुबीत नु आ फारतीके ग्‍येत्‍थ ५ कुबीत दुम्‍चा माल्‍ब। मिनु फारतीक वा नेल्‍ल रिम्‍शो पा किरशो सुती श्‍येले के प्रोव़शो वा के दुम्‍चा माल्‍ब। थाम आन राप्‍पाइक्‍तीके कांसा के दुम्‍चा माल्‍नीम।
EXO 27:19 मिनु ताम्‍बु ङा नाक्‍त किंत किंत गेय पचा कली माल्‍शो मारेइ मारेइ कांसा के दुम्‍चा माल्‍नीम। किलापुकी नु लाङगा ङा किला नेल्‍ल यो कांसा के दुम्‍चा माल्‍नीम।
EXO 27:20 मिनु गे इस्राएली आन कली ‘गे नेल्‍ल क्‍येङा रिम्‍शो तेल रवा आ फल के ख्राक्‍शो तेल चाक्‍कीन। मेको बत्ती गेना हना यो ब्रशा बाक्‍ल’ दे माइक्‍मी। लेवी २४:२-४
EXO 27:21 मिनु ग्रुम्‍तीक ताम्‍बु आगामी, कबल ङा सन्‍दोस बाक्‍शो नेल्‍ल क्‍येङा चोव़खो कोठा फारतीक आ ङोंइती हारून नु आ तौपुकीमी नाक्‍दो रे सुनी सम्‍म मेको बत्ती दातीक परमप्रभु यावे आ ङोंइती ब्रशा बाक्‍ल, दे ठीक सेल्‍चा माल्‍नीम। मेको इस्राएली आन चच युइ आन कली गेना हना यो पतीके लीचा माल्‍ब। मेको गेना हना यो पचा माल्‍नीम।
EXO 28:1 मिनु इस्राएली आन दाते रे योव़शा, इ लोक्‍ब हारून नु आ तौपुकी इ ङोंइती राप्‍पाइक्‍चा माल्‍नेवे। मारदे हना हारून नु आ तौ नादाब, अबीहु, एलाजर नु इथामार आं कली चढ़ेब दुम्‍चा माल्‍नीमी। १इतिहास २३:१३; प्रस्‍थान ६:२३
EXO 28:2 मिनु गे इ लोक्‍ब हारून कली आं गेय पची ना ला फेक्‍चा कली फेक्‍तीक वा फेरपाइक्‍चा माल्‍नेवे। मेको हारून कली ग्‍योम्‍शा दारपाइक्‍चा कली बाक्‍ब।
EXO 28:3 मिनु सु सुमी फेरस जोक्‍नीमी, मेको नु लोव़ पावो। मारदे हना गो मेको आन कली जोक्‍ब नु तुइक्‍ब सोक्‍तीम प्रिंताक्‍ङमी। मेकोपुकीमी हारूनमी आं कली चढ़ेतीक गेय पचा कली वासी फेरचा माल्‍नीम। प्रस्‍थान ३१:५
EXO 28:4 मेकोपुकीमी मार वासी फेरचा माल्‍नीम देंशा हना, कुचु तार वोइक्‍तीके, निसाफ पतीके ऊरीम नु थुम्‍मीम वोइक्‍तीक झोला, आ तार फेक्‍तीके नु आगा फेक्‍तीक वा फेरचा माल्‍नीम। पियाम गुप्‍‍तीक नु किप्‍शुर यो सेल्‍चा माल्‍नीम। मेको आं कली गेय पची ना फेक्‍तीक बाक्‍ब। इ लोक्‍ब हारून नु आ तौपुकीमी आं कली गेय पामेनु, मेको वा फेक्‍चा माल्‍नीम।
EXO 28:5 फेरबपुकीमी सुन, नीलो, प्‍याजी नु लल रङ ङा श्‍येले नु रिम्‍शो पा किरशो सुती श्‍येले के प्रोव़शो वा के सेल्‍चा माल्‍नीमी। प्रस्‍थान २६:१
EXO 28:6 कुचु तार वोइक्‍तीके सुन के, नीलो, प्‍याजी नु लल रङ ङा श्‍येले नु रिम्‍शो पा किरशो सुती श्‍येले के प्रोव़शो नु बुटा आप्‍शो वा के सेल्‍पाइक्‍चा माल्‍नेवे।
EXO 28:7 मेको आ बला सुम्‍तीके निक्‍शी निम्‍फा पटटी बोइश्‍शो दुम्‍चा माल्‍ब।
EXO 28:8 मिनु आ पाइक्‍तीके मेको कुचु तार वोइक्‍तीके का रेन दुम्‍चा माल्‍ब। मिनु खाल का ङा रिम्‍शो गेयम सेल्‍शो दुम्‍चा माल्‍ब। मेको पाइक्‍तीके सुन, नीलो, प्‍याजी नु लल रङ ङा श्‍येले नु रिम्‍शो पा किरशो सुती श्‍येले के प्रोव़शो वा दुम्‍चा माल्‍ब।
EXO 28:9 मिनु गे ओनीक्‍स हीरा निक्‍शी चाक्‍शा, इस्राएल आ १२ जना तौ आन नें मेको आस तारी मुशा ब्रेक्‍पाइक्‍चा माल्‍नेवे। प्रस्‍थान २५:७
EXO 28:10 गे आन जरमेशो खोदेंशो पा हीरा का तारी ६ जना आन नें नु अर्को हीरा तारी ६ जना आन नें मुशा ब्रेक्‍पाइक्‍चा माल्‍नेवे।
EXO 28:11 छाप सेल्‍बपुकीमी दोदेंशो पा मुशा छाप सेल्‍नीमी, मोदेंशो पा मुशा इस्राएल आ तौ आन नें ब्रेक्‍पाइक्‍चा माल्‍नेवे। मिनु मेको हीरा निक्‍शी सुनमी क्‍येप्‍पाइक्‍चा माल्‍नेवे।
EXO 28:12 मेको कुचु तार वोइक्‍तीक आ बला ङा टुक्रा तारी क्‍येप्‍शा फेरपाइक्‍चा माल्‍नेवे। मिनु मेको हीरा कोव़शा इस्राएली इन कली मिम्‍नुङ, दे कोंइतीक बाक्‍ब। हारूनम आं ङोंइती मेको आन नें बलाम कुरानु, गो मेको आन कली मिम्‍नुङ।
EXO 28:13 मिनु हीरा वोइक्‍चा कली गे सुन के क्‍येप्‍तीक सेल्‍पाइक्‍चा माल्‍नेवे।
EXO 28:14 मिनु गे क्‍येख सुन के डोरी खोदेंशो पा सिक्री निक्‍शी चेम्‍पाइश्‍शा, हीरा क्‍येप्‍पाइश्‍शोमी बोइक्‍पाइक्‍चा माल्‍नेवे।
EXO 28:15 गे निसाफ पतीक झोला सेल्‍पाइक्‍चा माल्‍नेवे। मेको कुचु तार वोइक्‍तीके खोदेंशो पा, सेल्‍पाइक्‍चा माल्‍नेवे। सुन, नीलो, प्‍याजी, लल श्‍येले नु रिम्‍शो पा किरशो सुती श्‍येले के प्रोव़पाइक्‍चा माल्‍नेवे।
EXO 28:16 मेको खेयप का मुक्‍शोनु, स्‍पान का लाइश्‍शो नु स्‍पान का ब्रेम्‍शो ४ पाटे दुम्‍चा माल्‍ब। स्‍पान का २३ सेन्‍ती मिटर खोदेंशो बाक्‍ब। बित्‍ता खोदेंशो बाक्‍ब कों?
EXO 28:17 मिनु ४ लस्‍कर हीरा सुनम का का पा क्‍येप्‍पाइक्‍चा माल्‍नेवे। ङोंइती ङा लस्‍कर लल मानीक माइश्‍शो हीरा, हाव पुश्‍पराज माइश्‍शो हीरा नु गिगी बेरूज माइश्‍शो हीरा वोइक्‍पाइक्‍चा माल्‍नेवे।
EXO 28:18 मेको आ नोले ङा लस्‍कर लल फिरोजा माइश्‍शो हीरा, बुश नीर माइश्‍शो हीरा नु बुश नु नीलो पन्‍ना माइश्‍शो हीरा वोइक्‍पाइक्‍चा माल्‍नेवे।
EXO 28:19 मेको आ नोले ङा लस्‍कर गिगी नु नीलो रङ ब्‍वाइश्‍शो रिम्‍शो टल्‍केशो नीलमनी माइश्‍शो हीरा, गिगी हाकीक माइश्‍शो हीरा नु प्‍याजी रङ ङा कटेला माइश्‍शो हीरा वोइक्‍पाइक्‍चा माल्‍नेवे।
EXO 28:20 मिनु नेल्‍ल क्‍येङा नोले ङा लस्‍कर पीतमनी माइश्‍शो हीरा, लल रङ ङा ओनीक्‍स नु नीलो बिलौरा माइश्‍शो हीरा वोइक्‍पाइक्‍चा माल्‍नेवे। मोपा हीरा नेल्‍ल आन कली सुनम क्‍येप्‍पाइक्‍चा माल्‍नेवे।
EXO 28:21 मेको हीरा १२ ओटा दुम्‍चा माल्‍नीम। मिनु इस्राएल आ तौ आन नें का का पा मेको आन तार छाप थोक्‍शो खोदेंशो पा मुशा ब्रेक्‍पाइक्‍चा माल्‍नेवे। हीरा का आ तारी थर का आ नें दुम्‍चा माल्‍ब।
EXO 28:22 गे मेको निसाफ पतीक झोला कली क्‍येख सुन के डोरी किरशो खोदेंशो पा सिक्री निक्‍शी चेम्‍पाइक्‍चा माल्‍नेवे।
EXO 28:23 मिनु गे मेको निसाफ पतीक झोला कली सुन के मुन्‍द्रा निक्‍शी चेम्‍पाइक्‍चा माल्‍नेवे। मिनु मेको मुन्‍द्रा निसाफ पतीक झोला आ सुर निक्‍शीमी वोइक्‍पाइक्‍चा माल्‍नेवे।
EXO 28:24 मेको सुन के सिक्री निक्‍शी निसाफ पतीक झोला आ सुरम वोइश्‍शो मुन्‍द्रा निक्‍शीमी लिक्‍पाइक्‍चा माल्‍नेवे।
EXO 28:25 मेको सिक्री चढ़ेब आ कुचु तार वोइश्‍शो वा आ बला ङा हीरा क्‍येप्‍शो सुनम हेक्‍पाइक्‍चा माल्‍नेवे।
EXO 28:26 मिनु गे लेंशा सुन के मुन्‍द्रा निक्‍शी सेल्‍पाइक्‍चा माल्‍नेवे। मेको निक्‍शी निसाफ पतीक ऊरीम नु थुम्‍मीम वोइक्‍तीक झोला आ उइ आगा गे पाइक्‍चा माल्‍नेवे। मोपा कुचु तार वोइक्‍तीक वा आ तार बाक्‍ब।
EXO 28:27 मिनु गे लेंशा सुन के मुन्‍द्रा निक्‍शी सेल्‍पाइक्‍चा माल्‍नेवे। मेको कुचु तार वोइक्‍तीक आ बाला सुम्‍तीके उइ ङा सुरम वोइक्‍चा माल्‍नेवे। मिनु दारपाइश्‍शो पाइक्‍तीके आ तारी क्‍येप्‍पाइक्‍चा माल्‍नेवे।
EXO 28:28 मिनु मेको निसाफ पतीक ऊरीम नु थुम्‍मीम वोइक्‍तीक झोला आ मुन्‍द्रामी नीलो डोरीम लिक्‍शा, कुचु तार वोइक्‍तीक वामी पाइक्‍पाइक्‍चा माल्‍नेवे। मोपा मेको निसाफ पतीक झोला दारपाइश्‍शो पाइक्‍तीक तार बाक्‍शा कुचु वोइक्‍तीक वा रे एर ओंथ मयाक्‍सीब।
EXO 28:29 मिनु मोदेंशो पा हारून परमप्रभु यावे आ बाक्‍तीक ओव़मेनु, इस्राएल आ तौ आन नें ब्रेक्‍शो निसाफ पतीक झोला आ कुचु तारी कुरचा माल्‍ब। मेको परमप्रभु यावेमी गेना हना यो मिम्‍चा कली बाक्‍ब।
EXO 28:30 मेको निसाफ पतीके झोलामी मेको ऊरीम नु थुम्‍मीम निक्‍शी कुर पचा माल्‍नेवे। हारून परमप्रभु यावे आ ङोंइती ल‍मेनु, इस्राएली आन निसाफ पतीके गेना हना यो आ कुचु तारी बाक्‍चा माल्‍ब। लेवी ८:८; गन्‍ती २७:२१; ब्‍यवस्‍था ३३:८
EXO 28:31 मिनु मेको कुचु तार वोइक्‍तीके आगा फेक्‍तीके नेल्‍ल नीलो प्‍याजी रङ ङा वा के फेरपाइक्‍चा माल्‍नेवे।
EXO 28:32 मिनु पिया ख्रीतीक पोव़ला वोइक्‍पाइक्‍चा माल्‍नेवे। मेको एर ओंथ मगाक्‍चा ङा पा आ सुर थम बोल्‍यो पा प्रोव़पाइक्‍चा माल्‍नेवे।
EXO 28:33 मेको फेक्‍तीके आ उइ ङा सुर एर ओंथ गे नीलो, लल नु प्‍याजी रङ ङा श्‍येले के सेल्‍शो दारीम सेल्‍पाइक्‍चा माल्‍नेवे। मेको आन दातेम सुन के आइक्‍च आइक्‍च किङगो क्‍युक्‍पाइक्‍चा माल्‍नेवे।
EXO 28:34 किङगो का, दारीम का, किङगो का दारीम का पा मेको फेक्‍तीक नेल्‍ल आ एर ओंथ क्‍युक्‍चा माल्‍नीम।
EXO 28:35 मिनु हारूनमी मेको वा गेय पची ना फेक्‍चा माल्‍ब। मोपा परमप्रभु यावे आ नेल्‍ल क्‍येङा चोव़खो बाक्‍तीके ओव़मेनु, किङगो आ रेयके नेंपाइक्‍चा माल्‍ब। हारून मबेक्‍ल, दे मोदेंशो दुम्‍चा माल्‍ब। प्रस्‍थान ३०:२१; लेवी १६:२,१३
EXO 28:36 गे कुप्‍फीम पांइ‍तीके क्‍येख सुन के फू खोदेंशो पा चेम्‍पाइक्‍चा माल्‍नेवे। मेकेर छाप थोक्‍शो खोदेंशो पा ‘परमप्रभु यावे कली ला’ दे मुशा ब्रेक्‍पाइक्‍चा माल्‍नेवे। जकरिया १४:२०; प्रस्‍थान ३९:३०
EXO 28:37 पियाम गुक्‍तीकेम आ ङोंइती गे वोइक्‍चा कली नीलो प्‍याजी डोरीम फ्रेंपाइक्‍चा माल्‍नेवे।
EXO 28:38 मोपा मेको हारून आ कुप्‍फीम बाक्‍चा माल्‍ब। आ कुप्‍फीम पाइश्‍शा, इस्राएली आन मरिम्‍शो पशो कुरब। मिनु परमप्रभु कली चढ़ेशो रिम्‍शो दुम्‍नीम। परमप्रभु यावेमी आन चढ़ेशो ब्रवल, दे गेना हना यो आ कुप्‍फीम बाक्‍चा माल्‍ब।
EXO 28:39 नेल्‍ल क्‍येङा आगा फेक्‍तीके रिम्‍शो पा किरशो सुती श्‍येले के बुटा आप्‍शा प्रोव़शो वा के सेल्‍पाइक्‍चा माल्‍नेवे। पियाम गुक्‍तीके रिम्‍शो पा किरशो सुती श्‍येले के प्रोव़शो वा के सेल्‍पाइक्‍चा माल्‍नेवे। किप्‍तीके रङ रङ ङा सेल्‍पाइक्‍चा माल्‍नेवे।
EXO 28:40 गे हारून आ तौ आन कली फेक्‍तीके किप्‍तीक नु आइक्‍च गुक्‍तीके सेल्‍पाइक्‍चा माल्‍नेवे। मेको हारून आ तौ आन कली ग्‍योम्‍शा दारपाइक्‍चा कली बाक्‍नीम। प्रस्‍थान २८:२
EXO 28:41 गे मेको इ लोक्‍ब हारून नु आ तौ आन कली फेक्‍तीमी। मिनु तेल लुक्‍शा, आं कली ला गेय पचा कली योव़शा वोइक्‍मी। मोपा आं कली चढ़ेब दुम्‍नीम। प्रस्‍थान २९:९, २९-३६; प्रस्‍थान २९:२४; लेवी ८:१२,२२-३१
EXO 28:42 गे मेको आन शिश्रा रां सुम्‍पाइक्‍चा कली सुती वा के कटटु फेरपाइक्‍चा माल्‍नेवे। मेको कम्‍बर रे पोक्‍च सम्‍म दुम्‍चा माल्‍ब।
EXO 28:43 मिनु हारून नु आ तौपुकी ग्रुम्‍तीक ताम्‍बु ओव़शा, चढ़ेतीक आ नेक्‍था लमानु, मेको वा फेक्‍सीशो बाक्‍चा माल्‍नीम। मफेक्‍साक्‍म हना, दोस तशा बेक्‍नीम। हारून नु आ चच युइ आन पाला नेल्‍लेमी गेना हना यो मोदेंशो पचा माल्‍नीम।
EXO 29:1 गे हारून नु आ तौपुकी आं कली चढ़ेब सेल्‍‍चा कली मार पचा माल्‍नेवे देंशा हना, बोहोर का, मारेइ मदुम्‍शो थम रिम्‍शो सांड निक्‍शी चाक्‍को।
EXO 29:2 मिनु रिम्‍शो चेरब फस के बोरब ओख्‍ती मसुप्‍शो शोब्‍ले, तेल ब्‍वाइश्‍शो जिज शोब्‍ले नु तेल ख्रेक्‍शो बोरब ओख्‍ती मसुप्‍शो शोब्‍ले सेल्‍पाइक्‍चा माल्‍नेवे।
EXO 29:3 मेको शोब्‍ले नेल्‍ल तोव़लो कामी कुर पा, बोहोर नु सांड चाक्‍चा माल्‍नेवे।
EXO 29:4 मिनु हारून नु आ तौ आन कली ग्रुम्‍तीक ताम्‍बु आ ओव़तीकेमी चाक्‍चा नम। मिनु गे मेको आन कली चिक्‍चा माल्‍नेवे।
EXO 29:5 वासी चाक्‍शा, हारून कली आगा फेक्‍तीक वा, मेको आ तार ङा फेक्‍तीके वा फेक्‍पाइश्‍शा, कुचु तार वोइक्‍तीक फेक्‍शा निसाफ पतीके ऊरीम नु थुम्‍मीम बाक्‍शो झोला रेल्‍चा माल्‍नेवे। मिनु मेको तारी बुटा आप्‍शो किप्‍तीके किप्‍पाइक्‍चा माल्‍नेवे।
EXO 29:6 आ पिया तारी गुक्‍तीके गुप्‍शा, मेको तारी ‘परमप्रभु यावे कली ला’ दे ब्रेक्‍शो कुप्‍फीम पांइतीके पांइपाइक्‍चा माल्‍नेवे। प्रस्‍थान २८:३६; प्रस्‍थान ३९:३०
EXO 29:7 मिनु लुक्‍तीक तेल लाइश्‍शा आ पियामी तेल लुक्‍तो। प्रस्‍थान ३०:२५
EXO 29:8 मिनु हारून आ तौ आन कली यो चाक्‍शा, वा फेक्‍चा माल्‍नेवे।
EXO 29:9 मिनु आ तौ आन कली किप्‍तीके किप्‍चा माल्‍नेवे। मिनु आन पियाम गुक्‍तीके गुप्‍चा माल्‍नेवे। मिनु मेकोपुकी गेना हना यो आं कली चढ़ेब गेय पाइब दुम्‍नीम। मोपा हारून नु आ तौ आन कली आं कली चढ़ेब सेल्‍मी। प्रस्‍थान २८:४१
EXO 29:10 मिनु मेको बोहोर ग्रुम्‍तीक ताम्‍बु आ ङोंइती चाक्‍शा, हारून नु आ तौ आन कली आन गुइ मेको बोहोर आ पिया तारी वोइक्‍पाइक्‍चा माल्‍नेवे।
EXO 29:11 मिनु मेको बोहोर कली परमप्रभु यावे आ ङोंइती, ग्रुम्‍तीक ताम्‍बु आ ओव़तीकेम राप्‍पाइश्‍शा क्‍योरचा माल्‍नेवे। लेवी १:४
EXO 29:12 मिनु बोहोर आ हुश इच्‍का खोइ लाइश्‍शा इ ब्रेप्‍चोमी चढ़ेतीक आ ग्रोव़पुकीमी ख्रेक्‍चा माल्‍नेवे। मिनु लीशो हुश नेल्‍ल चढ़ेतीके आ पुंमी मोइक्‍चा माल्‍नेवे।
EXO 29:13 मिनु गे क्‍यी गिल्‍शो बोंसो नेल्‍ल, आइदी तारी ङा जाला, आ चिच निम्‍फा नु आ तार ङा बोंसो नेल्‍ल चढ़ेतीकेम चोचा माल्‍नेवे। लेवी ३:१६-१७
EXO 29:14 आ श्‍ये, आ कुशुल नु आ गोबर चहिं ताम्‍बु आ लाङगा रे ग्रुंइशा, चोचा माल्‍नेवे। मेको पाप पशो आ पर्बम चढ़ेशो बाक्‍ब। लेवी ४:११-१२
EXO 29:15 मिनु मेको सांड का चाक्‍शा, हारून नु आ तौ आन गुइ मेको आ पिया तार वोइक्‍पाइक्‍चा माल्‍नेवे।
EXO 29:16 मेको कली क्‍योरशा, मेको आ हुश चढ़ेतीक नेल्‍ल ब्रुइक्‍चा माल्‍नेवे।
EXO 29:17 मिनु मेको सांड आ श्‍ये कली टुक्रा टुक्रा पा चेक्‍शा, पिया नु वोइक्‍चा माल्‍नेवे। मिनु मेको आ क्‍यी नु आ खोइली नेल्‍ल मुरशा, मेको श्‍ये नु पियामी वोइक्‍चा माल्‍नेवे।
EXO 29:18 मोदेंशो पा सांड नेल्‍ल चढ़ेतीक तारी चोचा माल्‍नेवे। मेको परमप्रभु यावे कली चोशा चढ़ेतीक बाक्‍ब। परमप्रभु यावे कली ब्रोव़शो रिना पाइश्‍शो मीम चोशा चढ़ेतीके बाक्‍ब। १सामुएल २:२८
EXO 29:19 मिनु मेको लीशो सांड चाक्‍चा माल्‍नेवे। मिनु हारून नु आ तौ आन गुइ मेको सांड आ पिया तार वोइक्‍पाइक्‍चा माल्‍नेवे।
EXO 29:20 मिनु मेको सांड क्‍योरशा, आ हुशेम हारून आ ग्‍युरा नोफा ङा लोव़तीम नु आ तौ आन ग्‍युरा नोफा ङा लोव़तीम ख्रेक्‍चा माल्‍नेवे। मिनु मेको आन ग्‍युरा गुइ ङा ठेयब ब्रेप्‍चोम नु आन ग्‍युरा खोइली ङा ठेयब ब्रेप्‍चोम ख्रेक्‍चा माल्‍नेवे। मिनु लीशो हुश चढ़ेतीक तार नु आ एर ओंथ ब्रुइक्‍चा माल्‍नेवे।
EXO 29:21 मिनु चढ़ेतीकेम बाक्‍शो हुश नु लुक्‍तीक तेल लाइश्‍शा, हारून नु आ वा नु आ तौ आन वा तारी ब्रुइक्‍चा माल्‍नेवे। मोपा हारून नु आ वा, आ तौ नु मेको आन वा नेल्‍ल परमप्रभु यावे कली ला गेय पचा कली दुम्‍नीम।
EXO 29:22 मिनु सांड आ बोंसो, आ बोंसो पाइश्‍शो मीलु, आ क्‍यी गिल्‍शो बोंसो, आइदी तार ङा जाला, आ चिच निम्‍फा, मेको तार ङा बोंसो नु आ ग्‍युरा फिला लाइक्‍चा माल्‍नेवे। मारदे हना मेको चढ़ेब सेल्‍तीके सांड बाक्‍ब। लेवी ३:३-४
EXO 29:23 मिनु परमप्रभु यावे आ ङोंइती वोइश्‍शो बोरब ओख्‍ती मसुप्‍शो शोब्‍ले, तोव़लो ङा शोब्‍ले का, तेलम ब्‍वाइश्‍शो जिज शोब्‍ले का नु तेल ख्रेक्‍शो शोब्‍ले का लाइश्‍शा,
EXO 29:24 मेको नेल्‍ल हारून नु आ तौ आन दाइश्‍शो गुइ गुइमी गेचा माल्‍नेवे। मेको परमप्रभु यावे आ ङोंइती ग्‍येत्‍थ लुक्‍च पा हिम्‍शा चढ़ेतीक चढ़ेचा माल्‍नीम।
EXO 29:25 मिनु गे मेको आन गुइ रे ताक्‍शा, परमप्रभु यावे आ ङोंइती ब्रोव़शो रिना पाइब चढ़ेतीके तारी चोशा चढ़ेचा माल्‍नेवे। मेको परमप्रभु यावे कली मीम चोशा चढ़ेतीक बाक्‍ब।
EXO 29:26 मिनु हारून कली चढ़ेब सेल्‍तीके सांड आ कुथ्रु चाक्‍शा, परमप्रभु यावे आ ङोंइती ग्‍येत्‍थ लुक्‍च पा हिम्‍शा चढ़ेचा माल्‍नेवे। मेको चहिं इ के दुम्‍ब।
EXO 29:27 मिनु मेको हारून नु आ तौ आन कली चढ़ेब सेल्‍शो सांड आ ग्‍येत्‍थ लुक्‍च पा हिम्‍शा चढ़ेशो कुथ्रु नु क्‍युक्‍शा चढ़ेशो फिला मेको आन कली गेचा माल्‍नीम। गन्‍ती १८:१८
EXO 29:28 मारदे हना इस्राएलीपुकीमी मेको हारून नु आ तौ आन कली गेना हना यो गेचा माल्‍शो भाग बाक्‍ब। मेको गेचा माल्‍शो चढ़ेतीके बाक्‍ब। इस्राएलीपुकीमी आन परमप्रभु यावे नु दुशा बाक्‍चा आ पर्बम चढ़ेतीके रे गेचा माल्‍शो मेकोन बाक्‍ब।
EXO 29:29 हारून आ चढ़ेची ना फेक्‍तीक मेको आ नोले चढ़ेब दुम्‍ब आ तौ के दुम्‍ब। मेको वा फेक्‍शा, तेल लुक्‍शा, चढ़ेब दुम्‍ब। प्रस्‍थान २८:४०-४१
EXO 29:30 हारून आ पा ङा चढ़ेब दुम्‍ब आ तौ ग्रुम्‍तीक ताम्‍बु आगा परमप्रभु यावे आ बाक्‍तीकेम गेय पथ ओव़मेनु, ७ नाक्‍त सम्‍म मेको वा फेक्‍चा माल्‍ब।
EXO 29:31 मिनु मेको चढ़ेब सेल्‍तीके सांड आ श्‍ये ग्रुम्‍तीक ताम्‍बु आ लाङगाम क्‍येचा माल्‍नेवे।
EXO 29:32 मिनु नोले हारून नु आ तौपुकीमी मेको सांड आ श्‍ये नु तोव़लो ङा शोब्‍ले ग्रुम्‍तीक ताम्‍बु आ ओव़तीकेमी बाक्‍शा जचा माल्‍नीम।
EXO 29:33 मेको ङोंइती आन पाप क्‍याम्‍चा कली चढ़ेशो थोव़क आंम कली परमप्रभु यावे कली ला गेय पाइब दुम्‍चा, दे जचा माल्‍नीम। तन्‍न अरुमी मेको जचा मदुम्‍नीम। मारदे हना मेको परमप्रभु यावे के बाक्‍ब। लेवी १०:१७
EXO 29:34 चढ़ेब सेल्‍ची ना ङा श्‍ये नु शोब्‍ले सुनी सम्‍म हेंत हना, मेको हेंशो नेल्‍ल चोचा माल्‍नेवे। मेको मजचा मब्‍वचा। मारदे हना मेको चढ़ेब सेल्‍ची ना ङा बाक्‍ब।
EXO 29:35 गोम इ कली अरेशो खोदेंशो पा हारून नु आ तौ आन कली पाइक्‍मी। मेको आन कली ७ नाक्‍त सम्‍म मोदेंशो चढ़ेब सेल्‍तीक गेय पचा माल्‍नेवे।
EXO 29:36 मिनु गे नाक्‍त किंत किंत बोहोर का पाप पशो आ पर्बम चढ़ेचा माल्‍नेवे। मेको पाप क्‍याम्‍तीक गेय पचा कली चढ़ेशो बाक्‍ब। मिनु चढ़ेतीक परमप्रभु के दुम्‍त, दे हुश ब्रुइश्‍शा, तेल लुक्‍चा माल्‍नेवे।
EXO 29:37 गे ७ नाक्‍त सम्‍म चढ़ेतीकेमी मो पशा पाप क्‍याम्‍तीक गेय पचा माल्‍नेवे। मिनु मेको चढ़ेतीके परमप्रभु कली ला दुम्‍ब। मेको चढ़ेतीक कली मार मारम थीनीमी, मेको यो परमप्रभु केन दुम्‍नीम। प्रस्‍थान ३०:२९
EXO 29:38 मिनु गे चढ़ेतीकेमी मार चढ़ेचा माल्‍नेवे देंशा हना, नाक्‍त किंत किंत बर्स का दुम्‍शो सांड निक्‍शी चढ़ेचा माल्‍नेवे।
EXO 29:39 मेको का सुनी का चहिं नाक्‍दो चढ़ेचा माल्‍नेवे। २राजा १६:१५; भजन संग्रह १४१:२
EXO 29:40 ङोंइती ङा सांड नु रिम्‍शो चेरब फस १० भाग ङा भाग का, ४ भाग ङा हिन भाग का रिम्‍शो तेल मेको नु बुल्‍शा, ४ भाग ङा हिन अङगुर शांबु भाग का तूचा थोव़क चढ़ेचा माल्‍नेवे। चेरब फस एफाह का २२ लिटर खोदेंशो बाक्‍ब। मेको के १० भाग का २ लिटर खोदेंशो बाक्‍ब। हिन का ४ लिटर, ४ भाग ङा भाग का लिटर का बाक्‍ब।प्रस्‍थान २७:२०
EXO 29:41 मिनु अर्को सांड नाक्‍दो चढ़ेचा माल्‍नेवे। मिनु मेको नु अन्‍न चढ़ेतीक नु आ तूचा थोव़क चढ़ेतीक सुनी ङा खोदेंशो पा नाक्‍दो यो चढ़ेचा माल्‍नेवे। परमप्रभु यावे कली ब्रोव़शो रिना पाइब मीम चोशा चढ़ेतीके मेकोन बाक्‍ब।
EXO 29:42 गे इ चच युइ आन पाला नेल्‍लेमी गेना हना यो परमप्रभु यावे आ ङोंइती ग्रुम्‍तीक ताम्‍बु आ ओव़तीक आ नेक्‍था चोशा चढ़ेतीक चढ़ेचा माल्‍नीम। मेकेर गो गे नु लोव़ पचा कली ग्रुम्‍नन। प्रस्‍थान ३३:७; प्रस्‍थान २५:२
EXO 29:43 मिनु गो इस्राएली आन कली मेकेर ग्रुम्‍नुङ। मिनु मेको ताम्‍बु आं छेङछेङम ब्रीशा आं के दुम्‍ब। प्रस्‍थान ३३:१०; प्रस्‍थान ४०:३४
EXO 29:44 गो ग्रुम्‍तीक ताम्‍बु नु चढ़ेतीक आं के सेल्‍नुङ। हारून नु आ तौ आन कली यो आं कली चढ़ेब दुम्‍शा, आं गेय पपाइक्‍चा कली आं के सेल्‍नुङमी।
EXO 29:45 गो इस्राएली आन दातेमी बाक्‍नुङ। मिनु मेको आन परमप्रभु दुम्‍ती। प्रस्‍थान २५:८; जकरिया २:१४; लेवी २६:१२
EXO 29:46 गो मेको आन दातेमी बाक्‍चा कली मेको आन कली इजीप्‍त रे ग्रुंइब मेको परमप्रभु यावे, आन परमप्रभु नङ। गो मेको आन परमप्रभु यावे नङ, दे मेकोपुकीम तुइक्‍चा माल्‍नीम। प्रस्‍थान २०:२
EXO 30:1 मिनु गे धूप चोचा कली बोल्‍यो शी के चढ़ेतीक का सेल्‍चा माल्‍नेवे।
EXO 30:2 मेको आ पित्‍थ लाइश्‍शो कुबीत का नु आ ब्रेम्‍शो कुबीत का ङा ४ पाटे दुम्‍चा माल्‍ब। मिनु आ ग्‍येत्‍थ लाइश्‍शो कुबीत निक्‍शी दुम्‍चा माल्‍ब। मेको ग्रोव़ पाइश्‍शो दुम्‍चा माल्‍ब। ग्रोव़ नेल्‍ल मख्रोंइसीशो शी का केन दुम्‍चा माल्‍नीम। कुबीत का ०.५ मिटर बाक्‍ब।
EXO 30:3 मेको नेल्‍ल क्‍येख सुनमी गिल्‍चा माल्‍ब। मिनु मेको कली सिरपेच के खोदेंशो पा सुन के सुर सेल्‍पाइक्‍चा माल्‍नेवे।
EXO 30:4 मिनु सुन के मुन्‍द्रा निक्‍‍निक्‍शी सेल्‍पाइक्‍चा माल्‍नेवे। मेको मुन्‍द्रा धूप चोतीके आ सिरपेच खोदेंशो सुर आ दी निम्‍फा पटटी गे क्‍येप्‍पाइक्‍चा माल्‍नेवे। मेको कुरतीक कोक्‍के आन कली शुइक्‍तीक दुम्‍ब।
EXO 30:5 मिनु मेको कुरचा कली बोल्‍यो शी के कोक्‍के निक्‍शी सेल्‍शा, सुनमी गिल्‍पाइक्‍चा माल्‍नेवे।
EXO 30:6 मिनु मेको परमप्रभु यावे आ अरेशो लोव़ वोइश्‍शो कबल पशो सन्‍दोस नु सुम्‍तीके फारतीक वा आ ङोंइती वोइक्‍चा माल्‍नेवे। गो मेकेर इ कली ग्रुम्‍नुङ। प्रस्‍थान २५:२१-२२
EXO 30:7 मिनु हारूनमी सुनी कुस कुस बत्ती दाचा कली सादानु, ब्रोव़शो रिना पाइब धूप चोचा माल्‍ब। भजन संग्रह १४१:२
EXO 30:8 नाक्‍दो हारूनमी बत्ती दाङानु यो धूप चोचा माल्‍ब। मेको परमप्रभु यावे आ ङोंइती धूप चोतीक मेको आन चच युइ आन पालामी गेना हना यो पचा माल्‍नीम।
EXO 30:9 मेको धूप चोतीकेमी अरु धूप चोचा मदुम्‍ब। चोशा चढ़ेतीके नु जचा थोव़क चढ़ेतीके मेकेर चढ़ेचा मदुम्‍ब। तूचा थोव़क चढ़ेतीके यो मेकेर मोइक्‍चा मदुम्‍ब। लेवी १०:१-२
EXO 30:10 बर्सम खेयप का हारूनमी चढ़ेतीक आ ग्रोव़म हुश ख्रेक्‍शा पाप क्‍याम्‍तीक गेय पचा माल्‍ब। मेको हुश पाप आ पर्बम चढ़ेशो बस्‍तु आ हुश बाक्‍चा माल्‍ब। मेको गेना हना यो बर्समी खेयप का इन चच युइ आन पाला सम्‍म मेको पाप क्‍याम्‍तीक गेय चढ़ेतीके आ हुशेमी पचा माल्‍ब। मेको परमप्रभु यावे आ ङोंइती नेल्‍ल क्‍येङा चोव़खो सेल्‍तीके बाक्‍ब” दे परमप्रभु यावेमी मोसा कली दें‍त। लेवी १६:१८
EXO 30:11 परमप्रभु यावेमी मोसा कली
EXO 30:12 “गे इस्राएली वोंइश मुर आन कली हिक्‍गीनु, मेको आन कली मुर बेक्‍तीक रोइ मपामेक्‍ल, दे ब्रोंइचा कली नेल्‍लेमी परमप्रभु यावे कली क्‍येट गेचा माल्‍नीम। मिनु मेको आन कली हिक्‍शोनु, मारेइ मरिम्‍शो मदुम्‍ब। गन्‍ती १:३; २सामुएल २४:२-३
EXO 30:13 गिश जना वोंइश मुर हिक्‍सीनीमी, मिश जना ताम्‍बु ङा नाक्‍तीके ङा आधा शेकेल गेचा माल्‍नीमी। शेकेल का २० गेराह चांदी बाक्‍नीम। मोपा परमप्रभु यावे कली गेशो क्‍येट आधा शेकेल गेचा माल्‍शो बाक्‍ब। शेकेल का ११.५ ग्राम खोदेंशो बाक्‍ब। गेरा का ०.६ ग्राम बाक्‍ब।मत्ती १७:२७
EXO 30:14 वोंइश मुर गिश जना २० बर्स गाप्‍शो नु मेको क्‍येङा लाक्‍शो बाक्‍मा, मिश जनाम परमप्रभु यावे कली गेचा माल्‍शो चढ़ेचा माल्‍नीम।
EXO 30:15 इन पाप क्‍याम्‍तीक गेय पचा कली थीबमी आधा शेकेल, मथीबमी यो आधा शेकेल परमप्रभु यावे कली गेचा माल्‍नीनी।
EXO 30:16 इस्राएली वोंइश मुरुमी आन गेशो प्रोंइतीक क्‍येट ताक्‍शा, ग्रुम्‍तीक ताम्‍बु ङा गेय पचा कली गेचा माल्‍नेवे। मिनु मेको क्‍येट परमप्रभु यावे आ ङोंइती इस्राएली आन कली प्रोंइशो मिम्‍तीक चिन्‍ड दुम्‍ब” दें‍त।
EXO 30:17 मिनु लेंशा परमप्रभु यावेमी मोसा कली
EXO 30:18 “गे चिक्‍चा कली कांसा के ठेयब बोस का सेल्‍पतो। मेको आ निप्‍पाइक्‍तीके यो कांसा केन दुम्‍चा माल्‍ब। मेको ग्रुम्‍तीक ताम्‍बु नु चढ़ेतीक आस दातेमी वोइश्‍शा, ब्‍वाक्‍कु कुर पपाइक्‍चा माल्‍नेवे। प्रस्‍थान ३८:८
EXO 30:19 मेको ब्‍वाक्‍कुमी हारून नु आ तौपुकीमी आन गुइ खोइली चिक्‍सीचा माल्‍नीम।
EXO 30:20 मेकोपुकी मबेक्‍कल, दे ग्रुम्‍तीक ताम्‍बुम ओव़चा क्‍येङा ङोंइती चिक्‍सीचा माल्‍नीम। मिनु चढ़ेतीकेमी गेय पचा, दे परमप्रभु यावे आ ङोंइती मीम चोशा चढ़ेतीक चढ़ेचा कली लमानु, मेको ब्‍वाक्‍कुम चिक्‍सीचा माल्‍नीम। ब्‍वाक्‍कुम चिक्‍सीमानु, मेको मबेक्‍नीम।
EXO 30:21 मेकोपुकी नु आन चच युइ आन पाला नेल्‍लेमी गेना हना यो पतीके लोव़ बाक्‍ब” दें‍त।
EXO 30:22 मिनु लेंशा परमप्रभु यावेमी मोसा कली
EXO 30:23 “गेमी शुश क्‍येट लाइब ब्रोव़शो रिना पाइब थोव़क चाक्‍चा माल्‍नेवे। मार चाक्‍चा माल्‍नेवे देंशा हना, मूरे आ रस ५ सहे शेकेल, दाल चिनी सहे निक्‍शी ५० शेकेल नु ब्रोव़शो रिना पाइब बोच सहे निक्‍शी ५० शेकेल चाक्‍चा माल्‍नेवे। शेकेल का ११.५ ग्राम चांदी के क्‍येट बाक्‍ब। ताम्‍बु ङा शेकेल चहिं १२ ग्राम बाक्‍ब।
EXO 30:24 नु कस्‍सीया माइश्‍शो ब्रोव़शो रिना पाइब फू ५ सहे शेकेल, ताम्‍बु ङा नाक्‍तीकेमी नाक्‍शा, चाक्‍चा माल्‍नेवे। रिम्‍शो तेल हिन का यो चाक्‍चा माल्‍नेवे। हिन का ४ लिटर खोदेंशो बाक्ब।
EXO 30:25 मेको नेल्‍ल ब्‍वाइश्‍शा थम रिम्‍शो लुक्‍तीक तेल सेल्‍पाइक्‍चा माल्‍नेवे। मेको परमप्रभु यावे कली ला बाक्‍ब। मेको ब्रोव़शो रिना पाइब सेल्‍स जोक्‍ब मुर कली सेल्‍पाइक्‍चा माल्‍नेवे। मेको थम रिम्‍शो लुक्‍तीक तेल ताम्‍बु कली ला सेल्‍चा माल्‍ब। प्रस्‍थान ३७:२९
EXO 30:26 मिनु गे ग्रुम्‍तीक ताम्‍बु नु कबल पशो सन्‍दोस,
EXO 30:27 टेबल नु मेकेर ङा मार मार नेल्‍ल, बत्ती दातीके नु मेको आ मार मार नेल्‍ल नु धूप चोशा चढ़ेतीके,
EXO 30:28 चोशा चढ़ेतीके नु मेको आ मार मार नेल्‍ल नु चिक्‍तीके ठेयब बोस नु आ निप्‍पाइक्‍तीके नेल्‍ल ख्रेक्‍पाइक्‍चा माल्‍नेवे। प्रस्‍थान ३०:१०
EXO 30:29 मोपा मेको मारेइ मारेइ नेल्‍ल ख्रेक्‍तीनु, मेको ताम्‍बु ङा गेय कली ला दुम्‍नीम। मेको कली मार मारम थीनीमी, मेको यो परमप्रभु कली दुम्‍नीम।
EXO 30:30 आं कली चढ़ेब दुम्‍ब हारून नु आ तौ आन कली यो तेल ख्रेक्‍शा, आं गेय पाइब सेल्‍चा माल्‍नेवे। प्रस्‍थान २९:७
EXO 30:31 इस्राएली आन कली ‘मेको गेना हना यो इन चच युइ आन पाला सम्‍म लुक्‍तीक तेल दुम्‍चा माल्‍ब। मेको तेल परमप्रभु यावे के ला बाक्‍ब।
EXO 30:32 मेको अरु मुर आन कली ख्रेक्‍चा मदुम्‍ब। मेको खोदेंशो पा ब्‍वाइश्‍शा तेल सेल्‍चा मदुम्‍ब। मेको परमप्रभु आ तेल ला बाक्‍ब’ दे मिम्‍चा माल्‍नीनी।
EXO 30:33 सुमी मेको खोदेंशो पा ब्‍वाइश्‍शा तेल सेल्‍बा नु अरु मुर आन कली ख्रेक्‍बा, मेको मुर आ थर रे तिल्‍चा पुंइसीब” दे परमप्रभु यावेमी मोसा कली दें‍त।
EXO 30:34 मिनु परमप्रभु यावेमी मोसा कली “ब्रोव़शो रिना पाइब थोव़क मार ब्‍वाइक्‍पाइक्‍चा माल्‍नेवे देंशा हना, चोव़क, कुन्‍दापुरी, ब्रोव़शो रिना पाइब रवा आ दूध नु मारेइ मब्‍वाइश्‍शो मूरे, उइक्‍थ उइक्‍थ पा नाक्‍शा ब्‍वाइक्‍पाइक्‍चा माल्‍नेवे।
EXO 30:35 जोक्‍ब मुरुम मेको नेल्‍ल ब्‍वाइश्‍शा, ब्रोव़शो रिना पाइब धूप, हिक्‍सी सुप्‍शा, अरु मब्‍वाइश्‍शो परमप्रभु कली ला चढ़ेतीक धूप सेल्‍पाइक्‍चा माल्‍नेवे।
EXO 30:36 मेको रे इच्‍का खोइ तुप्‍शा, फस सेलो। मिनु मेको फस ग्रुम्‍तीक ताम्‍बु ङा नेल्‍ल क्‍येङा चोव़खो कोठा कबल पशो सन्‍दोस आ ङोंइती वोइश्‍शा, मेको फस चोचा माल्‍नेवे। मेको इन कली नेल्‍ल क्‍येङा चोव़खो दुम्‍ब। मेकेर गो इ कली ग्रुम्‍नुङ। प्रस्‍थान ३०:६
EXO 30:37 इन कली धूप सेल्‍नीनु, आं धूप खोदेंशो पा मसेलीन। ‘मेको धूप परमप्रभु यावे आं धूप ला बाक्‍ब’ दे मिम्‍चा माल्‍नीनी।
EXO 30:38 सुइमी मेको नाम्‍चा कली सेल्‍तेक्‍म हना, मेको आन थर रे तिल्‍चा पुंइसीनीम” दे परमप्रभु यावेमी मोसा कली माइक्‍तु।
EXO 31:1 मिनु परमप्रभु यावेमी मोसा कली प्रस्‍थान ३५:३०-३५
EXO 31:2 “नेनो, गो यहूदा आ थर ङा हुर आ चच ऊरी आ तौ बेचालेल आ नें थिशा आं गेय पचा कली योव़ता।
EXO 31:3 गो मेको कली आं सोक्‍तीमी प्रिंशा, मार मार सेल्‍चा कली जोक्‍ब तुइक्‍ब सेल्‍ता। मिनु पने चाप्‍तीक सक्ति यो गेता।
EXO 31:4 मेकोमी नेल्‍ल मिम्‍शा, सुन, चांदी नु कांसा के मारेइ मारेइ चेम्‍ने चाप्‍ब।
EXO 31:5 हीरा ख्रोइक्‍तीक नु सुनम क्‍येप्‍तीके, शी मुतीके नु मारेइ मारेइ सेल्‍स जोक्‍ब दुम्‍पाइक्‍ता।
EXO 31:6 गो दान आ थर ङा अहीसामाक आ तौ ओहोली-आब कली बेचालेल नु गेय पचा कली योव़ता। गो इस्राएल ङा जोक्‍ब रिम्‍शो गेय पाइब मेको आस कली वारच पाइब यो योव़तामी। गो इ कली मार मार देंङा, मेको नेल्‍ल आन कली सेल्‍ने चाप्‍तीक सक्ति गेतामी।
EXO 31:7 ग्रुम्‍तीक ताम्‍बु, कबल पशो सन्‍दोस, मेको आ तार ङा सुम्‍तीके नु ताम्‍बु आ गा ङा माल्‍शो मारेइ मारेइ, प्रस्‍थान ३५:११-१९
EXO 31:8 टेबल नु मेको आ मारेइ मारेइ, बत्ती दातीके नु आ मारेइ मारेइ, धूप चोशा चढ़ेतीके,
EXO 31:9 चोशा चढ़ेतीके नु आ मारेइ मारेइ, ठेयब चिक्‍तीक बोस नु आ राप्‍पाइक्‍तीके,
EXO 31:10 आं कली चढ़ेब दुम्‍तीके रिम्‍शो प्रोव़शो वा नेल्‍ल, चढ़ेब हारून आ चढ़ेची ना फेक्‍तीक वा नु आ तौ आन फेक्‍तीक वा,
EXO 31:11 लुक्‍तीक तेल नु ब्रोव़शो रिना पाइब धूप गोम इ कली देंशो खोदेंशो पा मेकोपुकीमी आं बाक्‍तीक कली सेल्‍चा माल्‍नीम” दें‍त।
EXO 31:12 मिनु परमप्रभु यावेमी मोसा कली
EXO 31:13 “गे इस्राएली आन कली मार माइक्‍चा माल्‍नेवे देंशा हना ‘गेपुकीमी थमा पा आं नाइक्‍तीक नाक्‍ती मानेचा माल्‍नीनी। मारदे हना मेको गेपुकी नु इन चच युइ सम्‍म कली चिन्‍ड लीब। गो, परमप्रभु यावेमी, इन कली आं मुर सेल्‍ता, दे गे तुइक्‍नीनी। प्रस्‍थान २०:८; इजीकीएल २०:१२
EXO 31:14 मोपतीके गेपुकीमी नाइक्‍तीक नाक्‍त मानेचा माल्‍नीनी। मारदे हना मेको परमप्रभु आ नाक्‍त बाक्‍ब। सु सुमी मेको नाक्‍ती ममानेथु, गेय पाइनीमी, मेको मुर आ जात ङा मुर रे तिल्‍शा, साइक्‍चा पुंइसीनीम। गन्‍ती १५:३२-३५; येरमीया १७:२१-२३
EXO 31:15 मोपा ६ नाक्‍त सम्‍म गेय पामेक्‍ल, तन्‍न ७ नाक्‍त चहिं नाइक्‍तीक नाक्‍ती बाक्‍ब। मेको परमप्रभु यावे आ नाक्‍त बाक्‍ब। सु सुम मेको नाक्‍ती गेय पाइनीमी मेको थमा पा साइक्‍चा पुंइसीनीम।
EXO 31:16 मोपतीके इस्राएलीपुकीमी नाइक्‍तीक नाक्‍ती मानेचा माल्‍नीम। मेको नाक्‍ती गेना हना यो आन चच युइ सम्‍म कबल पतीके बाक्‍ब। मर्कूस २:२७-२८
EXO 31:17 गो नु इस्राएली इन दातेमी मेको गेना हना यो लीब चिन्‍ड बाक्‍ब। परमप्रभु यावेमी ६ नाक्‍तीमी सरीङ नु रागी सेल्‍ने थुम्‍तु। ७ नाक्‍ती चहिं नांइसीशा, आ दशो सात’ दे इस्राएली आन कली माइक्‍चा माल्‍नेवे” दें‍त। प्रस्‍थान १६:२३,२५; उत्‍पत्ती २:२
EXO 31:18 मिनु परमप्रभुमी मोसा नु सीनै डांडाम लोव़ पने थुम्‍शा, आ देंशो फुल्‍लु निक्‍शीमी मुशा आंम ब्रेक्‍शो लोव़ मोसा कली गेप्‍तु। प्रस्‍थान २४:१२; प्रस्‍थान ३२:१५-१६; प्रस्‍थान ३४:२८; ब्‍यवस्‍था ४:१३; ब्‍यवस्‍था ५:२२; ब्‍यवस्‍था ९:१०; ब्‍यवस्‍था १०:१-५
EXO 32:1 मिनु इस्राएल ङा मुरपुकीमी मोसा कली डांडा रे मयिशो तशा, हारून आ बाक्‍तीक जाक्‍शा, मेको कली “लो, इं ङोंइङोंइती गाक्‍शा लां कोंइब देवता सेलो। आंइ कली इजीप्‍त रागी रे ग्रुंइशा, एक चाक्‍ब मोसा मार दुम्‍मे? मतुइक्‍तक” दे हारून कली देंमा बाक्‍त। ब्‍यवस्‍था ९:८-२१
EXO 32:2 मिनु हारूनमी मेको आन कली “इन मीश, इन तमी तौ आन पांइशो सुन प्रुइश्‍शा, आं बाक्‍तीके चाक्‍कीन” दें‍माक्‍त।
EXO 32:3 मिनु मुर नेल्‍लेमी आन नोफामी पांइशो सुन प्रुइश्‍शा, हारून आ बाक्‍तीके चाक्ग‍मे बाक्‍त।
EXO 32:4 मिनु हारूनमी मेको सुन आन गुइ रे ताक्‍शा, यपाइश्‍शा, बाछा का सेला बाक्‍त। मिनु इस्राएलीपुकीमी “इस्राएल ङा मुरपुकी, एकोन इं देवता बाक्‍ब। एकोमी इं कली इजीप्‍त रागी रे ग्रुंइताक्‍व” दे मुमा बाक्‍त। १राजा १२:२८; भजन संग्रह १०६:१९-२०; प्रेरित ७:४१
EXO 32:5 मिनु हारूनमी मेको आन कली तशा, बाछा आ ङोंइती चढ़ेतीक का सेला बाक्‍त। मिनु ठेयब सेंदा पा “दीसा परमप्रभु यावे कली चाड का मानेचा माल्‍ब” दें‍माक्‍त।
EXO 32:6 मिनु आ दीसा मेकोपुकी सुनी कना बोक्‍शा चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त। मिनु मुरपुकी जचा तूचा कली निस्‍समा बाक्‍त। मिनु नोले जशा तूशा बोक्‍शा, आन द‍ला दाक्‍स पामे बाक्‍त। १कोरिन्‍थी १०:७
EXO 32:7 मिनु परमप्रभु यावेमी मोसा कली “डांडा रे तोंइसो। इजीप्‍त रे ग्रुंइशा चाक्‍शो इ मुरपुकीमी आन द‍ला दाक्‍स पा पाप पाम्‍तेक्‍म।
EXO 32:8 मेकोपुकीमी आं शेंशो लोव़ थु था प्रोंइतेक्‍म। आंम कली सुन के बाछा का सेल्‍शा, मेको कली पूजा पशा ‘इस्राएल ङा मुरपुकी, एकोन इं कली इजीप्‍त रागी रे ग्रुंइब परमप्रभु बाक्‍ब’ देंतेक्‍म” दे परमप्रभु यावेमी मोसा कली दें‍त। प्रस्‍थान २०:४,२३
EXO 32:9 मिनु लेंशा परमप्रभु यावेमी मोसा कली “गो मेको मुर आन कली ताता। काइ मटीब बाक्‍नीम, दे तुइक्‍ताक्‍ङ। ब्‍यवस्‍था ९:६; यसैया ४८:४; प्रेरित ७:५१
EXO 32:10 मोपतीके आं कली मतेक्‍यी। मेको आन कली तशा गाइक्‍ताक्‍यी। गो मेको आन कली साइक्‍नुङमी। मिनु गो इ लां पा ठेयब जात का सेल्‍नुङमी” दें‍त। गन्‍ती १४:११-२०
EXO 32:11 मिनु मोसामी परमप्रभु यावे कली “परमप्रभु यावे, आं परमप्रभु, इन मुर आन पर्बम मारदे गाइक्‍तीनी? गेमी इन ठेयब सक्तिमी मेको आन कली इजीप्‍त रागी रे ग्रुंइताक्‍नी।
EXO 32:12 मो पाइतीनी हना इजीप्‍त रागी ङा मुरपुकीमी ‘परमप्रभुमी मेको आन कली पहाडमी साइश्‍शा, रागी रे क्‍याम्‍चा कली एक रे ग्रुंइताक्‍व’ देंनीम। मोपतीके इन ठेयब गाइक्‍तीक प्रोनीन। इन मुर आन कली मसतीन। ब्‍यवस्‍था ९:२८; यहोसु ७:९
EXO 32:13 इन गेय पाइब अब्राहाम, इसहाक नु याकूब मिम्‍तीने। मेको आन पर्बम इन नेंमी ‘गो इन कली सरीङ ङा सोरुल खोदेंशो पा शुश सेल्‍नुङ। आं देंशो रागी इन चच युइ आन कली गेनुङमी। मिनु एको रागी गेना हना यो मेको आन के दुम्‍ब’ दे कसम जाइतीनी” दें‍त। उत्‍पत्ती १५:५; उत्‍पत्ती २२:१६-१७; उत्‍पत्ती २६:४
EXO 32:14 मिनु परमप्रभु यावेमी आ थुं लेश्‍शा, आ मुर आन कली मसाइक्‍मी। भजन संग्रह ८५:-
EXO 32:15 मिनु मोसा परमप्रभु यावे आ देंशो लोव़ ब्रेक्‍शो फुल्‍लु निक्‍शी कुरशा, डांडा रे ब्रुप्‍त। मेको फुल्‍लु निक्‍शी निम्‍फा पटटीम मुशा ब्रेक्‍शो बाक्‍त।
EXO 32:16 परमप्रभुमी मेको फुल्‍लु आंमा चेश्‍शा सेल्‍शो बाक्‍माक्‍त। मिनु मुशा ब्रेक्‍शो बाक्‍त। प्रस्‍थान ३१:१८
EXO 32:17 मिनु यहोसुमी मुर आन कली रेयके पशो नेंशा, मोसा कली “इस्राएल ङा मुर आन बाक्‍तीकेमी लडाइ पशो रेयके खोदेंशो नेंसाक्‍व” दें‍त।
EXO 32:18 तन्‍न मोसामी “एको रेयके लडाइ ग्राब आन रेयके ममाइ, ब्रुइब आन रेयके यो ममाइ। गो कुम्‍सो पशो नेंता” दें‍त।
EXO 32:19 मिनु मोसा इस्राएली आन बाक्‍तीके आ नेक्‍था जाक्‍मेनु, बाछा नु बाछा आ एर ओंथ मुरपुकी सिल पशो तशा, शुश गाइश्‍शा, फुल्‍लु निम्‍फा ताइश्‍शा, डांडा आ पुंम प्रोल्‍तु।
EXO 32:20 मिनु मोसामी इस्राएली आन सेल्‍शो बाछा लाइश्‍शा, मीम हुम्‍शा, तुप्‍शा फस सेल्‍शा, ब्‍वाक्‍कुम फुइश्‍शा, इस्राएली आन कली तूपाइक्‍तीमी।
EXO 32:21 मिनु नोले मोसामी हारून कली “एको मुरपुकीमी इ कली मार पामे ङा? मारदे मेको आन कली ओदेंशो ठेयब पाप पपाइक्‍मी?” दे हिल्‍लो पाप्‍तु।
EXO 32:22 मिनु हारूनमी “आं पर्बम मगाइक्‍तीन। गे एको मुर आन कली तुइक्‍नीनी। एकोपुकी दूली पाइब ला बाक्‍नीम।
EXO 32:23 आं कली ‘आंइ ङोंइङोंइती गाक्‍शा लां कोंइब देवता सेलो। मारदे हना आंइ कली इजीप्‍त रे ग्रुंइशा, एक चाक्‍ब मोसा कली मार दुम्‍मे, मतुइक्‍तक’ देंतेक्‍म।
EXO 32:24 मिनु गो मेको आन कली ‘सु सु इन के सुन बाक्‍मे, मेको प्रुइश्‍शा, एक चाक्‍कीन’ दे माइक्‍तामी। मिनु मेकोपुकीमी चाक्‍तेक्‍म। मिनु गो मेको सुन मीम हुम्‍ताक्‍ङ। मिनु एको बाछा दुम्‍त” दें‍त।
EXO 32:25 मोसामी मुर आन कली आन द‍ला दाक्‍स पशो ताप्‍तु। मारदे हना हारूनमी आन दला दाक्‍स पचा गेवा बाक्‍त। मिनु आन जोरी सत्रु नेल्‍ल ग्‍येरसमा बाक्‍त।
EXO 32:26 मिनु मोसामी इस्राएली आन बाक्‍तीक ओव़तीकेम राप्‍शा “सु सु परमप्रभु यावे गे बाक्‍नी, मेकोपुकी आं गे पिने” दें‍त। मिनु लेवी आ थर ङा मुर नेल्‍ल मोसा गे लशा, आ एर ओंथ राप्‍तेक्‍म।
EXO 32:27 मिनु मोसामी मेको आन कली “परमप्रभु यावे, इस्राएली आन परमप्रभुमी ‘गे नेल्‍लेमी इन तरवार पिप्‍शा, मुर आन बाक्‍तीके लशा, इन लोक्‍ब, इन खिं ङा मुर, इन वारच नु सु बाक्‍तेक्‍म हना यो, सतीन’ देंत” दें‍त।
EXO 32:28 मिनु लेवी आ थर ङा मुरपुकीमी मोसा आ देंशो खोदेंशो पा पाम्‍तेक्‍म। मेको नाक्‍ती हजार सां मुर साइक्‍चा पुंइसाक्‍म।
EXO 32:29 मिनु मोसामी लेवी आ थर ङा मुर आन कली “गेपुकीमी मुलाक्‍ती परमप्रभु यावे आ गेय पा, आंम आंम इन तौ नु आंम आंम इन लोक्‍ब आन कली मप्रोंइथु साइक्‍तीनी। मिनु मुलाक्‍ती गे आसीक राइनीनी” दें‍त। प्रस्‍थान २६:४१; गन्‍ती ३:६-१०; ब्‍यवस्‍था ३३:८-११
EXO 32:30 आ दीसा मोसामी मुर आन कली “गेपुकीमी ठेयब पाप पाइतीनी। मिनु गो परमप्रभु यावे आ बाक्‍तीक ङोइश्‍शा, लाइनुङ। गो इन पशो पाप क्‍याम्‍तीक गेय पने चाप्‍नुङा, कों?” दें‍त।
EXO 32:31 मिनु मोसा परमप्रभु यावे आ बाक्‍तीक लशा मेको कली “मुरपुकीमी थमा पा ठेयब पाप पाम्‍तेक्‍म। आंम कली सुन के देवता सेल्‍तेक्‍म।
EXO 32:32 मो हना यो गे मेको आन पाप क्‍याम्‍दीन, दे पुंइनुङ। मक्‍याम्‍ताक्‍नी हना, इन ब्रेक्‍शो किताब रे आं नें क्‍याम्‍दीने” दें‍त। भजन संग्रह ६९:२९; लूका १०:२०; रोमी ९:३
EXO 32:33 मिनु परमप्रभु यावेमी मोसा कली “सुमी आं देंशो मटिथु पाप पाइबा, मेको आ नें आं ब्रेक्‍शो किताब रे क्‍याम्‍नुङ।
EXO 32:34 तन्‍न मुल लावो। मेको मुर आन कली आं देंशो रागी लाइक्‍मी। नेनो, आं स्‍वर्ग ङा गेय पाइब इ ङोंइङोंइती सोइक्‍नुङ। तन्‍न काबु मेको आन कली पाप पशो आ पर्बम सजाइ गेनुङ” दें‍त। प्रस्‍थान ३३:२,१४; गन्‍ती १४:२७-३०
EXO 32:35 मिनु परमप्रभु यावेमी इस्राएल ङा मुर आन कली बेक्‍तीक रोइ पपाइक्‍तु। मारदे हना मेकोपुकीमी हारून कली मेको सुन के बाछा सेल्‍पाइश्‍शो बाक्‍तेक्‍म।
EXO 33:1 मिनु परमप्रभु यावेमी मोसा कली “इजीप्‍त रे ग्रुंइशा, एक चाक्‍शो मुरपुकी नु आं देंशो रागी लावो। मेको रागी आ पर्बम गो ‘इ चच युइ आन कली गेनुङ’ दे अब्राहाम, इसहाक नु याकूब नु कसम जाता। उत्‍पत्ती १२:७
EXO 33:2 आं स्‍वर्ग ङा गेय पाइब इन ङोंइङोंइती सोइक्‍नुङ। मिनु गो कनानी, एमोरी, हित्ती, परि‍ज्‍जी, हिव्‍वी नु यबुसी आन कली खेरनुङमी। प्रस्‍थान २३:२०
EXO 33:3 मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। गेपुकी काइ मटीब मुर बाक्‍नीनी। मोपतीके गो गेपुकी नु मगाक्‍नुङ। गो गाक्‍ती हना, इन कली लांमीन साइक्‍नन्‍नी” दें‍त।। प्रस्‍थान ३२:९-१०
EXO 33:4 मिनु मुरपुकीमी मेको मरिम्‍शो लोव़ नेंशा, सुर्ता पाम्‍तेक्‍म। सुइमी आन सुन चांदी मारेइ मपांइसम।
EXO 33:5 मारदे हना परमप्रभु यावेमी मोसा कली “इस्राएली आन कली ‘गेपुकी काइ मटीब मुर बाक्‍नीनी। गो याम का गे नु गाक्‍ती हना, नेल्‍ल इन कली साइक्‍नन्‍नी। मुल इन सुन चांदी नेल्‍ल प्रुतीन। मिनु इन कली मार पचा माल्‍नुङा, दे मिम्‍नुङ’ ” देंशो बाक्‍त। योएल २:१३
EXO 33:6 मोपतीके होरेब डांडाम बाक्‍मा रे इस्राएलीपुकीमी सुन चांदी मपांइसम।। योना ३:६
EXO 33:7 मिनु मोसामी अरु आन बाक्‍तीक क्‍येङा ङोन ताम्‍बु का कीशा वोइक्‍तु। मेको ताम्‍बु कली परमप्रभु नु लोव़ पतीक ताम्‍बु दें‍त। सु सु परमप्रभु यावे कली ग्रुम्‍चा दाक्‍तमे, मेको मुर आन बाक्‍तीक रे ग्रूशा, मेको परमप्रभु नु लोव़ पतीक ताम्‍बु लाइबाक्‍तेक्‍म। प्रस्‍थान २९:४२
EXO 33:8 मिनु मोसा मेको परमप्रभु नु लोव़ पतीक ताम्‍बु लमेनु, मुर नेल्‍ल बोक्‍शा, आन ताम्‍बु आ ओव़तीकेम राप्‍शा, मोसा मेको ताम्‍बु मओव़म सम्‍म, कोव़शा बाक्‍तेक्‍म।
EXO 33:9 मिनु मोसा मेको ताम्‍बु आगा ओव़मेनु, गोस्‍स के थाम यिशा, ताम्‍बु आ ओव़तीकेम राप्‍शो ताम्‍तेक्‍म। मिनु परमप्रभु यावेमी मोसा नु लोव़ पाप्‍तु। गन्‍ती ११:२५; ब्‍यवस्‍था ३१:१५
EXO 33:10 मुर नेल्‍लेमी मेको गोस्‍स के थाम, ताम्‍बु आ ओव़तीकेम राप्‍शो ताम्‍तेक्‍म। मिनु मुर नेल्‍ल बोक्‍शा आंम आंम ताम्‍बु आ ओव़तीकेमी बाप्‍शा, परमप्रभु कली मान पा ठेयब सेल्‍तेक्‍म।
EXO 33:11 मिनु परमप्रभु यावे नु मोसा कोव़मुशा, लोव़ पाम्‍ताक्‍स। दोदेंशो पा मुर आन वारच नु बाक्‍शा, लोव़ पाइनीमी, मोदेंशो पा लोव़ पाम्‍ताक्‍स। मिनु मोसा लेश्‍शा, आ ताम्‍बुम लत। आ गेय पाइब ठिटा, नून आ तौ यहोसु चहिं ताम्‍बु उइ बाक्‍त। प्रस्‍थान ३३:२०; गन्‍ती १२:८; ब्‍यवस्‍था ३४:१०
EXO 33:12 मिनु मोसामी परमप्रभु यावे कली “कोव़ङीन, गे आं कली ‘एको मुर आन कली लतो’ देंतीनी, तन्‍न गो नु सु सु सोइक्‍नीनी, गे आं कली मतुइक्‍पाइय्‍यीनी। मो हना यो, गे आं कली ‘इ नें कली तुइक्‍नुङ। मिनु इ कली दाक्‍नुङ’ देंतीनी। प्रस्‍थान ३३:२,३,१७
EXO 33:13 मोपतीके गे आं कली दाक्‍ताक्‍नी हना, आं कली इन लां कोंइदीने। गो इन कली तुइक्‍ने चबुल। गो इन ङोंइती शिशी तङल। एको जात ङा मुरपुकी इन मुर नम, दे मिम्‍तीने” दें‍त। भजन संग्रह १०३:७
EXO 33:14 मिनु परमप्रभुमी “गो गे नु लाइनुङ। मिनु इ थुं नाइक्‍चा गेनुङ” दें‍त। यसैया ६३:९; यहोसु २१:४४; हिब्रू ४:९
EXO 33:15 मिनु मोसामी “गे गो नु मलाइतीनी हना, आंइ कली एक रे मसोइक्‍तीन।
EXO 33:16 गो नु इन मुरपुकीमी इन ङोंइती शिशी तशो बाक्‍नीकी, दे गो दोपा तुइक्‍नीकी? गे गो नु लाइतीनी हना ला, तुइक्‍नीकी। मोपा ला गो नु इन मुरपुकी रागी ङा मुरपुकी नु खाल का ङा मदुम्‍नीकी” दें‍त। ब्‍यवस्‍था ४:६-८
EXO 33:17 मिनु परमप्रभु यावेमी मोसा कली “गो इ देंशो पाइनुङ। मारदे हना गो इ कली दाक्‍नुङ। मिनु इ नें यो तुइक्‍नुङ” दें‍त। प्रस्‍थान ३३:१२; यसैया ४३:१; २तिमोथी २:१९
EXO 33:18 मिनु मोसामी “गे आं कली इन छेङछेङ तपाइय्‍यीनी” दे पुंइतु। यूहन्‍ना १:१४; २कोरिन्‍थी ३:१८
EXO 33:19 मिनु मेकोमी “गो इ ङोंइती रे लाइनुङ, आं गेना हना यो दाक्‍तीक कोंइनन। इ ङोंइती आं नें ‘यावे, देंना देंन गाक्‍नुङ’ सु सु आन कली शिशी पचा दाक्‍ङा, मेको आन कली शिशी पाइनुङ। सु सु आन कली दाक्‍चा दाक्‍ङा, मेको आन कली दाक्‍नुङ” दें‍त। रोमी ९:१५
EXO 33:20 मिनु मोसा कली “गे आं कुल कोव़ने मचाप्‍नेवे। मारदे हना आं कुल तामेनु, मुर बेक्‍नीमी” दें‍त। प्रस्‍थान २४:११; उत्‍पत्ती ३२:३१; न्‍यायाधीस ६:२२-२३; न्‍यायाधीस १३:२२-२३; यसैया ६:५; यसैया ३३:१४; १तिमोथी ६:१६
EXO 33:21 मिनु लेंशा परमप्रभु यावेमी मोसा कली “कोव़ङो, आं बाक्‍तीकेम सेरथे फुल्‍लु का बाक्‍ब, गे मेको तार रपो। १राजा १९:८-१३
EXO 33:22 आं छेङछेङ मेकेर रे लमेनु, गो इ कली मेको सेरथे फुल्‍लु आ काक्‍पेमी ख्रुइश्‍शा वोइक्‍नन। गो मलाक्‍गु सम्‍म इ कली आं गुइमी सुम्‍शा वोइक्‍नन। प्रस्‍थान ३४:५-६; प्रस्‍थान २४:११;
EXO 33:23 नोले आं गुइ क्‍युक्‍नुङ। मिनु गे आं ची ताइनेवे। आं कुल चहिं मताइनेवे” दें‍त।
EXO 34:1 मिनु परमप्रभु यावेमी मोसा कली “ङोंइती ङा खोदेंशो पा फुल्‍लु निक्‍शी ख्रोतो। गो मेको फुल्‍लुमी इ ङोंइती प्रोल्‍शो फुल्‍लु ङा लोव़ ब्रेक्‍नुङ। प्रस्‍थान ३२:१९
EXO 34:2 सुनी कना बोक्‍शा, सीनै डांडा ङोइश्‍शा, आं ङोंइती जाक्‍को।
EXO 34:3 गे नु सुइ डांडा ङोइक्‍चा मदुम्‍नीम। बी ब्‍यफ, क्‍यारश भेडा यो डांडा गे जोचा मदुम्‍नीम” दे माइक्‍तु। प्रस्‍थान १९:१२-१३
EXO 34:4 मिनु मोसामी परमप्रभु यावेमी देंशो खोदेंशो पा ङोंइती ङा खोदेंशो फुल्‍लु निक्‍शी ख्रोइक्‍तु। मिनु सुनी कना बोक्‍शा, फुल्‍लु कुरशा सीनै डांडा ङोंइसाक्‍व।
EXO 34:5 मिनु परमप्रभु यावे गोस्‍स आगाम बाक्‍शा, तोंइसाक्‍व। मिनु मोसा नु राप्‍शा आ नें देंना देंन गाक्‍त।
EXO 34:6 मिनु परमप्रभु यावे मोसा आ नेक्‍था गाक्‍ना गाक्‍न “यावे, यावे, शिशी पाइब नु दाक्‍ब परमप्रभु बाक्‍ब। रीब पा मगाइक्‍ब। गेना हना यो शिशी पाइब नु आ दाक्‍चा मप्रोंइब बाक्‍ब। प्रस्‍थान ३३:१८-२६; गन्‍ती १४:१८; भजन संग्रह १०३:८; नहुम १:३; १यूहन्‍ना ४:१६
EXO 34:7 मिनु हजार हजार आन पाला सम्‍म गेना हना यो दाक्‍ब। मुर आन ठीक मपशो, आन हेंथे पशो नु पाप पशो क्‍याम्‍ब। तन्‍न सजाइ मगेथु मप्रोंइब। आम आफ आन मरिम्‍शो पशो आन तमी तौ, चच, युइ नु युइ आन युइ सम्‍म सजाइ ताइनीम” दें‍त। प्रस्‍थान २०:५-६; ब्‍यवस्‍था ३२:९; भजन संग्रह २८:९
EXO 34:8 मिनु मोसामी गु बाप्‍शा सेउ पा ठेयब सेल्‍तु।
EXO 34:9 मिनु “आं परमप्रभु, इन ङोंइती शिशी तशो बाक्‍ती हना, गे परमप्रभु, गो नु गाक्‍कीन, दे पुंइनुङ। एको काइ मटीब मुर बाक्‍तेक्‍म हना यो, आंइ ठीक मपशो नु पाप क्‍याम्‍दीन। आंइ कली आंम इन मुर सेल्‍शा ब्रकी” दें‍त।
EXO 34:10 मिनु मेकोमी “नेनो, गो कबल का पाइनुङ। इ मुर नेल्‍ल आन ङोंइती छक लाक्‍चा ङा गेय पाइनुङ। गो मोदेंशो गेय रागी रागी आन दातेमी गेनायो मपङ। मिनु गे नु बाक्‍ब मुर नेल्‍लेमी परमप्रभु यावे आ गेय बाक्‍ब, दे तुइक्‍नीम। आं पचशो गेय हिंचा ङा नु छक लाक्‍चा ङा बाक्‍ब। प्रस्‍थान १९:५
EXO 34:11 गो मुलाक्‍ती मार देंनुङा, मेको लोव़ टिचा माल्‍नेवे। नेनो, गो इ ङोंइती रे एमोरी, कनानी, हित्ती, परि‍ज्‍जी, हिव्‍वी नु यबुसी आन कली खेरनुङमी।
EXO 34:12 गो इन कली गेनुङ देंशो रागी जाक्‍दीत्‍नीनु, मेको रागी ङा मुरपुकी नु काइ कबल मपावो। होस पा बाक्‍को। कबल पाप्‍तीवी हना, मेकोपुकीमी इन कली दूली पाइब सेल्‍नीम। प्रस्‍थान २३:३२-३३
EXO 34:13 मेको आन चढ़ेतीकपुकी प्रेश्‍शा, आन पूजा पचा कली ख्रुक्‍शो फुल्‍लु प्रोल्‍शा, मूर्ति पाइश्‍शो थाम कली क्‍योरशा, तिम्‍चा माल्‍नीनी। प्रस्‍थान २३:२४
EXO 34:14 गे मेको आन देवी देवता आन ङोंइती बाप्‍शा सेउ मपने। मारदे हना आं नें रुश पाइब बाक्‍ब। मिनु गो रुश पाइब परमप्रभु बाक्‍नुङ।
EXO 34:15 मेको रागी ङा मुर नु काइ कबल मपने। मारदे हना मेको रागी ङा मुरुमी आन देवी देवता आन कली पूजा पा क्‍योरशा चढ़ेनीमी। मिनु इन कली ब्रेम्‍मानु, गे मेको आन देवी देवता आन कली चढ़ेशो जाइनीनी।
EXO 34:16 मिनु गे आन तमी इन तौ आन कली चाक्‍नीनी। मिनु मेको आन तमीम आन देवी देवता आन कली पूजा पा चढ़ेनीम। इन तौ आन कली यो आन देवी देवता आन कली पूजा पा चढ़ेपपाइक्‍नीम। ब्‍यवस्‍था ७:३; न्‍यायाधीस ३:६; १राजा ११:२
EXO 34:17 गेपुकीमी आंम कली मूर्ति मचेम्‍सीन। प्रस्‍थान २०:४
EXO 34:18 बोरब ओख्‍ती मसुप्‍शो शोब्‍ले ङा चाड मानेचा माल्‍नीनी। आं देंशो खोदेंशो पा आबीब महिनाम ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। मारदे हना गे आबीब महिनाम इजीप्‍त रे ग्रूशो ननी। प्रस्‍थान २३:१४-१९
EXO 34:19 इन बस्‍तु भाव आन ङोंइती जरमेशो बाछा, पाठा, नेल्‍ल आं के नम। उत्‍पत्ती ४:४
EXO 34:20 ङोंइती जरमेशो गधा आ बोहोर आ पा ङा पाठा का गेशा प्रोंइचा माल्‍नीनी। मो मपाइनीनी हना, आ शुर जिक्‍शा, साइक्‍चा माल्‍नीनी। इन ङोंइती जरमेशो तौ आ पा ङा क्‍येट गेशा प्रोंइचा माल्‍नीनी। आं ङोंइती सुइ श्‍येत्‍थ गुइ मजाक्‍कीन। प्रस्‍थान १३:१२-१६
EXO 34:21 मिनु ६ नाक्‍त इन गेय नेल्‍ल पचा माल्‍नीनी। ७ नाक्‍त चहिं नाइक्‍चा माल्‍नीनी। ब्‍यफ वाक्‍ची नु बाली नाली रुप्‍ची ना यो नाइक्‍चा माल्‍नीनी।
EXO 34:22 गेपुकीमी हप्‍ता ङा चाड मानेचा माल्‍नीनी। मेको ङोंइती मीशो चेरब आ चाड बाक्‍ब। बाली नाली रुप्‍शा ओंइतीक ङा चाड यो मानेचा माल्‍नीनी। मेको बर्स नुप्‍ची ना ङा चाड बाक्‍ब। लेवी २३:१५-१६; ब्‍यवस्‍था १६:९-१०
EXO 34:23 इस्राएल ङा वोंइश मुर नु वोंइश आल नेल्‍ल बर्सम खेयप सां परमप्रभु आ ङोंइती, परमप्रभु यावे, इस्राएली आन परमप्रभु आ ङोंइती जाक्‍चा माल्‍नीम।
EXO 34:24 गो रागी रागी ङा मुर आन कली इन ङोंइती रे खेरशा, इन बाक्‍तीक रागी बारपाइक्‍नुङ। बर्सम खेयप सां परमप्रभु यावे इन परमप्रभु आ ङोंइती जाक्‍कीन। मिनु सुइम इन रागी तशा मवाल्‍नीम।
EXO 34:25 आं कली चढ़ेतीक हुश बोरब ओख्‍ती सुप्‍शो शोब्‍ले नु मचढ़ेन। पास्‍सा चाड ङा चढ़ेशो श्‍ये सुनी सम्‍म मारेइ महेंचा।
EXO 34:26 इन रू ङा ङोंइती मीशो नेल्‍ल क्‍येङा रिम्‍शो थोव़क परमप्रभु यावे, इन परमप्रभु आ खिंम चाक्‍चा माल्‍नीनी। क्‍यारश आ पाठा आ ममा आ दूधमी लोप्‍शा क्‍येचा मदुम्‍ब” दे मोसा कली दें‍त। प्रस्‍थान २३:१९
EXO 34:27 मिनु परमप्रभु यावेमी मोसा कली “गो, गे नु इस्राएली नेल्‍ल नु एको अरेशो लोव़ पा कबल पाता, मोपतीके ब्रेक्‍तो” दें‍त। प्रस्‍थान २४:४
EXO 34:28 मिनु मोसा परमप्रभु यावे नु ४० नाक्‍दो नाक्‍ती बाक्‍‍त। मारेइ मजवो। ब्‍वाक्‍कु यो मतूङ। मिनु कबल ङा १० ओटा अरेशो लोव़ फुल्‍लुम ब्रेक्‍ताक्‍व। प्रस्‍थान २४:१८; मत्ती ४:२; प्रस्‍थान ३१:१८
EXO 34:29 मिनु नोले मोसा मेको परमप्रभु यावे आ कबल ङा लोव़ ब्रेक्‍शो फुल्‍लु निक्‍शी कुरशा, सीनै डांडा रे तोंइसाक्‍व। मोसा परमप्रभु यावे नु लोव़ पतीके आ कुल परमप्रभु आ छेङछेङम छेङछेङ दुम्‍शो बाक्‍ब, दे मतुइक्‍त।
EXO 34:30 मिनु हारून नु इस्राएली नेल्‍लेमी मोसा कली तामेनु, आ कुल छेङछेङ दुम्‍शो ताम्‍तेक्‍म। मिनु आ नेक्‍था लचा हिंतेक्‍म। २कोरिन्‍थी ३:७-१८
EXO 34:31 मिनु मोसामी मेको आन कली ब्रेत्‍तीमीनु, हारून नु ठेयब मुर नेल्‍ल आ नेक्‍था जाक्‍तेक्‍म। मिनु मेकोपुकी नु लोव़ पाप्‍तु।
EXO 34:32 मिनु नोले इस्राएलीपुकी यो मोसा आ नेक्‍था जाक्‍तेक्‍म। सीनै डांडाम परमप्रभु यावेमी आ कली मार मार मदा, मेको नेल्‍ल आन कली अरेम्‍तीमी।
EXO 34:33 मोसामी मेकोपुकी नु लोव़ पने थुम्‍शा, आ कुल वामी सुम्‍साक्‍व।
EXO 34:34 मोसा परमप्रभु यावे नु लोव़ पथ आ ङोंइती लमेनु, लाङगा मग्रूम सम्‍म आ कुल हुक्‍साक्‍व। मिनु नोले ग्रूशा, आ कुल सुम्‍सीशा मेको लोव़ इस्राएली आन कली नेंपाइक्‍तीमी। प्रस्‍थान ३३:८-९
EXO 34:35 इस्राएलीमी मोसा आ कुल छेङछेङ दुम्‍शो ततीके, मोसामी परमप्रभु यावे नु लोव़ पथ, आगा मओव़म सम्‍म आ कुल सुम्‍साक्‍व।
EXO 35:1 मोसामी इस्राएली नेल्‍ल आन कली ब्रेश्‍शा “परमप्रभु यावेमी शेंशो इन पचा माल्‍शो गेय, मार मार बाक्‍ब देंशा हना,
EXO 35:2 गे ६ नाक्‍त सम्‍म गेय पने। ७ नाक्‍ती चहिं परमप्रभु यावे आ नाक्‍त दुम्‍तीके, मेको नाक्‍ती नाइक्‍तीक नाक्‍त बाक्‍ब। सु सुमी मेको नाक्‍ती गेय पाइनीमी, मेको साइक्‍चा पुंइसीनीम। प्रस्‍थान २०:८-११; प्रस्‍थान ३४:२१
EXO 35:3 नाइक्‍तीक नाक्‍ती इन खिं नेल्‍लेमी मी मुइक्‍चा यो मदुम्‍ब” दे माइक्‍तीमी।
EXO 35:4 मिनु नोले मोसामी इस्राएली आन कली “परमप्रभु यावे आ शेंशो लोव़ मार बाक्‍ब, देंशा हना
EXO 35:5 ‘परमप्रभु यावे कली ग्रुम्‍तीक ताम्‍बु सेल्‍चा कली चढ़ेतीक मार मार पोक्‍चा माल्‍नीनी। सु सुम ग्‍येरशा गेनीनी, मेकोमी परमप्रभु यावे कली मार चाक्‍चा माल्‍नीनी देंशा हना, सुन, चांदी, कांसा, प्रस्‍थान २५:२
EXO 35:6 नीलो, प्‍याजी नु लल श्‍येले नु रिम्‍शो पा किरशो सुती श्‍येले के प्रोव़शो वा नु क्‍यारश आ चां,
EXO 35:7 लल रङ नुप्‍शो बोका आ कुशुल, नेल्‍ल क्‍येङा रिम्‍शो कुशुल नु बोल्‍यो शी,
EXO 35:8 बत्ती दाचा कली तेल, लुक्‍तीक तेल कली ब्‍वाइक्‍तीक नु धूप कली ब्‍वाइक्‍तीक,
EXO 35:9 निसाफ पतीके ऊरीम नु थुम्‍मीम वोइक्‍तीक झोला नु कुचु तार वोइक्‍तीक सेल्‍चा कली ओनीक्‍स माइश्‍शो हीरा नु अरु हीरा चाक्‍चा माल्‍नीनी’ ” दें‍त।
EXO 35:10 मिनु मोसामी “इन दातेम सु सु जोक्‍ब बाक्‍नी, मेको नेल्‍ल जाक्‍शा, परमप्रभु यावे आ देंशो थोव़क नेल्‍ल सेल्‍चा माल्‍नीनी।
EXO 35:11 ग्रुम्‍तीक ताम्‍बु नु ताम्‍बु कली सुम्‍तीक, ग्‍याइक्‍पाइक्‍तीकपुकी, फलेक नु लाइश्‍शो कोक्‍केपुकी, थामपुकी नु राप्‍पाइक्‍तीकपुकी,
EXO 35:12 कबल पशो सन्‍दोस नु आ कुरतीक कोक्‍के निक्‍शी, सन्‍दोस आ सुम्‍तीके, फारतीके,
EXO 35:13 टेबल नु आ कुरतीक कोक्‍के, ग्‍योंब नेल्‍ल नु कोंइतीक शोब्‍ले,
EXO 35:14 बत्ती दातीक नु मेको आ दियारीपुकी, बत्ती कली ठीक सेल्‍तीक थोव़क नु बत्ती कली तेल,
EXO 35:15 धूप चोशा चढ़ेतीके नु मेको आ कुरतीक कोक्‍के, लुक्‍चा कली तेल नु ब्रोव़शो रिना पाइश्‍शो धूप, ताम्‍बु ओव़तीक ङा फारतीक वा,
EXO 35:16 चोशा चढ़ेतीके नु आ एर ओंथ ङा कांसा के थरपु, कुरतीक कोक्‍के नु आ मार मार, चिक्‍तीक ठेयब बोस नु मेको आ निप्‍पाइक्‍तीके,
EXO 35:17 ताम्‍बु आ लाङगा ङा फारतीक वा, आ थामपुकी नु मेको आन राप्‍पाइक्‍तीकपुकी, ओव़तीक ङा फारतीक वा,
EXO 35:18 ताम्‍बु आ किला नु लाङगा थरपु ङा किलापुकी नु डोरीपुकी,
EXO 35:19 नु हारून नु आ तौ परमप्रभु कली चढ़ेब दुम्‍चा कली फेक्‍तीक वासी सेल्‍चा माल्‍नीनी” दे मुर आन कली माइक्‍तीमी।
EXO 35:20 मिनु नोले इस्राएली नेल्‍ल मोसा आ ङोंइती रे लाम्‍तेक्‍म।
EXO 35:21 सु सु आन थुंमी “गो चाक्‍नुङ” देंमा, मेकोपुकीमी ग्रुम्‍तीक ताम्‍बु सेल्‍चा कली नु मेकेर ङा गेय पचा कली मार मार थोव़क नु फेक्‍तीक वा कली मार मार माल्‍दा, मेको परमप्रभु यावे कली गेचा, दे चाक्‍तेक्‍म। १इतिहास २९:५-९; २कोरिन्‍थी ९:७
EXO 35:22 मीश मुर, वोंइश मुर नेल्‍लेमी मार मार चाक्‍तेक्‍म देंशा हना, मुन्‍द्री, मारवाडी, औंठी, सुन के चुरा नु अरु सुन के थोव़कपुकी परमप्रभु यावे कली चाक्‍तेक्‍म।
EXO 35:23 सु सु नु नीलो, प्‍याजी नु लल श्‍येले नु रिम्‍शो पा किरशो सुती श्‍येले के प्रोव़शो वा, क्‍यारश आ चां, लल रङ नुप्‍शो सांड आन कुशुल, नेल्‍ल क्‍येङा रिम्‍शो सेल्‍शो कुशुल बाक्‍मे, मेको चाक्‍तेक्‍म।
EXO 35:24 सु सु आन के चांदी नु कांसा बाक्‍मे, मेकोमी परमप्रभु यावे कली चाक्‍तेक्‍म। सु सु नु गेय पचा कली ठीक प‍शो बोल्‍यो शी बाक्‍मे, मेको चाक्‍तेक्‍म।
EXO 35:25 मिनु मीश मुर आन दातेमी सु सु जोक्‍ब बाक्‍मा, मेकोपुकीमी आन पांइशो नीलो, प्‍याजी, लल श्‍येले नु रिम्‍शो पा किरशो सुती श्‍येले के प्रोव़शो वा चाक्‍तेक्‍म।
EXO 35:26 सु सु जोक्‍ब बाक्‍मा, मेकोपुकीमी क्‍यारश आ चां पांइतेक्‍म।
EXO 35:27 मिनु ठेयब मुरपुकीमी ओनीक्‍स माइश्‍शो नु अरु हीरा कुचु तार वोइक्‍तीक नु निसाफ पतीक ऊरीम नु थुम्‍मीम वोइक्‍चा कली झोलाम क्‍येप्‍पाइक्‍चा कली चाक्‍तेक्‍म।
EXO 35:28 बत्ती कली तेल, लुक्‍चा कली तेल नु धूप कली ब्रोव़शो रिना पाइब ब्‍वाइक्‍तीक थोव़क चाक्‍तेक्‍म।
EXO 35:29 मोपा इस्राएली नेल्‍लेमी ग्‍येरशा, परमप्रभु यावे कली गेचा कली मारेइ मारेइ चाक्‍तेक्‍म। मीश मुर नु वोंइश मुरुमी मार मार माल्‍बा मेको नेल्‍ल चाक्‍तेक्‍म। परमप्रभु यावेमी मोसा कली अरेशो खोदेंशो पा ताम्‍बु सेल्‍तीक गेय पचा कली मार मार चाक्‍तेक्‍म।
EXO 35:30 मिनु मोसामी इस्राएली आन कली “नेनीन, परमप्रभु यावेमी यहूदा आ थर ङा हुर आ चच, ऊरी आ तौ बेचालेल कली आ नें थिशा, आ गेय पचा कली योव़तु।
EXO 35:31 मेकोमी मेको कली परमप्रभुमी आ सोक्‍तीम प्रिंशा, मार मार सेल्‍चा कली जोक्‍ब तुइक्‍ब सेल्‍तु। मिनु पने चाप्‍तीक सक्ति यो गेप्‍तु।
EXO 35:32 मेकोमी नेल्‍ल मिम्‍शा, सुन, चांदी नु कांसा के मारेइ मारेइ चेम्‍ने चाप्‍ब।
EXO 35:33 हीरा ख्रोइक्‍तीक नु सुनम क्‍येप्‍तीके, शी मुतीके नु मारेइ मारेइ सेल्‍चा जोक्‍ब दुम्‍पाइक्‍तु।
EXO 35:34 परमप्रभुमी बेचालेल नु दान आ थर ङा अहीसामाक आ तौ ओहोली-आब आस कली अरु आन कली शेंतीक सक्ति गेशो बाक्‍ब।
EXO 35:35 मिनु मेको आस कली जोक्‍ब तुइक्‍ब थुं गेशा, गेय पतीक सक्ति नेल्‍ल गेशो बाक्‍ब। मार गेय पचा कली जोक्‍ब तुइक्‍ब सेल्‍शो बाक्‍ब देंशा हना, दारशो मार मार गेय पाइब, मिम्‍शा ब्रेक्‍स ब्रेक्‍शा, नीलो प्‍याजी नु लल श्‍येले बुटा प्रोव़चा नु रिम्‍शो पा किरशो सुती श्‍येले के प्रोव़शो वामी बुटा आप्‍चा कली जोक्‍ब तुइक्‍ब सेल्‍शो बाक्‍ब।
EXO 36:1 मिनु परमप्रभु यावेमी बेचालेल, ओहोली-आब नु अरु आन कली आ बाक्‍तीक सेल्‍चा, दे जोक्‍ब तुइक्‍ब नु रुप्‍तीक थुं गेशो मुर नेल्‍लेमी, परमप्रभु यावेमी देंशो खोदेंशो पा गेय पचा माल्‍नीम” दे मोसामी इस्राएली आन कली दें‍त।
EXO 36:2 मिनु मोसामी, बेचालेल, ओहोली-आब नु परमप्रभुमी जोक्‍ब तुइक्‍ब सेल्‍शो मुर नेल्‍ल आन कली ब्रेत्‍ताक्‍नमी। सु सु आन थुंमी “गो यो मेको गेय पाइनुङ” दे मिम्‍शो बाक्‍मा, मेको आन कली यो ब्रेत्‍ताक्‍नमी।
EXO 36:3 इस्राएलीपुकीमी परमप्रभु यावे आ बाक्‍तीक सेल्‍चा कली मार मार चाक्‍शो बाक्‍मा, आन थुंमी ग्‍येरशा गेशो नेल्‍ल मोसा आ गुइ रे ताक्‍तेक्म। मेना सम्‍म मुरपुकीमी सुनी कुस कुस मार मार चाक्‍स ङा चाक्‍स बाक्‍तेक्‍म।
EXO 36:4 मिनु परमप्रभु यावे आ बाक्‍तीक सेल्‍ब जोक्‍ब तुइक्‍बपुकीमी आन गेय प्रोंइशा, मोसा आ बाक्‍तीक जाक्‍तेक्‍म।
EXO 36:5 मिनु मेकोपुकीमी मोसा कली “परमप्रभु यावेमी अरेशो सेल्‍चा कली माल्‍शो क्‍येङा यो शुश चाक्‍ना चाक्‍न बाक्‍नीम” देंतेक्‍म।
EXO 36:6 मिनु मोसामी “मुल रे परमप्रभु यावे आ बाक्‍तीक ङा गेय कली सुइम मारेइ मचाक्‍कीन” दे मुर आन बाक्‍तीक बाक्‍तीकेमी नेंपाइक्‍थ मुर सोइक्‍ताक्‍मी। मोपा मारेइ मचाक्‍कीन, दे आन चाक्‍चा नाइक्‍पाइक्‍तेक्‍म।
EXO 36:7 मारदे हना आन चाक्‍शो मारेइ मारेइ गाप्‍शा, शुश दुम्‍शो बाक्‍त।
EXO 36:8 मिनु जोक्‍ब गेय पाइब नेल्‍लेमी परमप्रभु यावे आ बाक्‍तीक कली १० ओटा सुम्‍तीक वा सेल्‍तेक्‍म। रिम्‍शो पा किरशो सुती श्‍येले के प्रोव़शो वा के नु नीलो, प्‍याजी नु लल रङ ङा श्‍येलेमी शुश रिम्‍शो करूबपुकी बुटा आप्‍शा सेल्‍तेक्‍म।
EXO 36:9 मेको सुम्‍तीक वा का का पा २८ कुबीत दुइश्‍शो नु ४ कुबीत ब्रेम्‍शो, खाल का ङा पा सेल्‍तेक्‍म। कुबीत का ०.५ मिटर खोदेंशो बाक्‍ब।
EXO 36:10 मेकोपुकीमी ५ ओटा सुम्‍तीक वा बोइश्‍शा, का सेल्‍तेक्‍म। मिनु अर्को ५ ओटा बोइश्‍शा, अर्को का सेल्‍तेक्‍म।
EXO 36:11 सुम्‍तीक वा का आ एर सुर गे नीलो रङ ङा ५० ओटा बोइक्‍तीके सेल्‍तेक्‍म। अर्को सुम्‍तीक वा के यो ओंथ सुर गे ५० ओटा नीलो बोइक्‍तीक सेल्‍तेक्‍म।
EXO 36:12 सुम्‍तीक वा कामी ५० ओटा बोइक्‍तीके नु अर्को सुम्‍तीक वा कली यो ५० ओटा बोइक्‍तीके सेल्‍शा, निक्‍शी कली का सेल्‍चा कली ठीक पा वोइक्‍तेक्‍म।
EXO 36:13 मिनु मेकोपुकीमी ५० ओटा सुन के ग्‍याइक्‍पाइक्‍तीके सेल्‍शा, ङोंइती ङा नु नोले ङा सुम्‍तीक वा आस कली बोइश्‍शा, का सेल्‍तेक्‍म।
EXO 36:14 परमप्रभु यावे आ बाक्‍तीक साप्‍चा कली यो क्‍यारश आ चां के ११ ओटा सुम्‍तीके सेल्‍तेक्‍म।
EXO 36:15 मेको सुम्‍तीके का का पा ३० कुबीत लाइश्‍शो नु ४ कुबीत ब्रेम्‍शो खाल का ङा पा सेल्‍तेक्‍म। कुबीत का ०.५ मिटर खोदेंशो बाक्‍ब।
EXO 36:16 मेकोपुकीमी का सेल्‍चा कली ५ ओटा सुम्‍तीके बोइश्‍शा का नु ६ ओटा सुम्‍तीके बोइश्‍शा अर्को का सेल्‍तेक्‍म।
EXO 36:17 ङोंइती ङा सुम्‍तीके आ एर सुर गे ५० ओटा बोइक्‍तीक सेल्‍तेक्‍म। मिनु अर्को सुम्‍तीके आ ओंथ सुर गे यो ५० ओटा बोइक्‍तीक सेल्‍तेक्‍म।
EXO 36:18 मिनु ताम्‍बु सुम्‍तीके का सेल्‍चा कली कांसा के ५० ओटा ग्‍याइक्‍पाइक्‍तीक सेल्‍तेक्‍म।
EXO 36:19 मेकोपुकीमी ताम्‍बु सुम्‍चा कली लल रङ नुप्‍शो सांड आ कुशुल के सुम्‍तीक का सेल्‍तेक्‍म। मेको आ तारी नेल्‍ल क्‍येङा रिम्‍शो सेल्‍शो कुशुल के अर्को सुम्‍तीक का सेल्‍तेक्‍म।
EXO 36:20 मिनु नोले मेकोपुकीमी परमप्रभु यावे आ बाक्‍तीक सेल्‍चा कली बोल्‍यो शी के फलेक सेल्‍शा, थारतेक्‍म।
EXO 36:21 फलेक का का पा १० कुबीत लाइश्‍शो नु कुबीत का आधा ब्रेम्‍शो सेल्‍तेक्‍म। कुबीत का ०.५ मिटर, हात का खोदेंशो बाक्‍ब।
EXO 36:22 फलेक का कामी, राप्‍पाइक्‍चा कली किला निक्‍शी गारपाइश्‍शा, सेल्‍तेक्‍म।। परमप्रभु यावे आ बाक्‍तीक सेल्‍चा कली फलेक नेल्‍ल मोदेंशो पा सेल्‍तेक्‍म।
EXO 36:23 मिनु बाक्‍तीके आ दक्‍खिन गे कली २० ओटा फलेक सेल्‍तेक्‍म।
EXO 36:24 मिनु मेको २० ओटा फलेक आन पुं गे, ४० ओटा चांदी के राप्‍पाइक्‍तीके, फलेक का कली राप्‍पाइक्‍तीके निक्‍शी सेल्‍तेक्‍म।
EXO 36:25 उत्तर गे कली २० ओटा फलेक सेल्‍तेक्‍म।
EXO 36:26 मेको आन कली ४० ओटा चांदी के राप्‍पाइक्‍तीके, फलेक का कली राप्‍पाइक्‍तीके निक्‍शी सेल्‍तेक्‍म।
EXO 36:27 बाक्‍तीके आ पच्‍छिम गे कली ६ ओटा फलेक सेल्‍तेक्‍म।
EXO 36:28 पच्‍छिम ङा सुर निक्‍शी कली, फलेक निक्‍शी सेल्‍तेक्‍म।
EXO 36:29 मेकोपुकीम उइ रे ममाइ, इर गे मुन्‍द्रामी ग्‍याइक्‍पाइक्‍तेक्‍म।
EXO 36:30 मोपा मेको नेल्‍ल ८ ओटा फलेक दुम्‍तेक्‍म। मिनु १६ ओटा चांदी के राप्‍पाइक्‍तीके, फलेक का कली राप्‍पाइक्‍तीक निक्‍शी दुम्‍त। प्रस्‍थान २६:-
EXO 36:31 बोल्‍यो शी के लाइश्‍शो कोक्‍के सेल्‍तेक्‍म। परमप्रभु यावे आ बाक्‍तीक का पटटी कली फलेक ग्‍याइक्‍पाइक्‍चा कली ५ ओटा लाइश्‍शो कोक्‍के सेल्‍तेक्‍म।
EXO 36:32 अर्को पटटी कली यो फलेक ग्‍याइक्‍पाइक्‍चा कली ५ ओटा लाइश्‍शो कोक्‍के सेल्‍तेक्‍म। आ नोले पच्‍छिम गे कली ५ ओटा लाइश्‍शो कोक्‍के सेल्‍तेक्‍म।
EXO 36:33 मिनु फलेक ग्‍येत्‍थ आ दातेमी सुर का रे अर्को सुर सम्‍म कली लाइश्‍शो कोक्‍के सेल्‍तेक्‍म।
EXO 36:34 मिनु फलेक नु लाइश्‍शो कोक्‍के आन कली सुनम गिल्‍तेक्‍म। मिनु लाइश्‍शो कोक्‍के शुइक्‍चा कली सुन के मुन्‍द्रापुकी सेल्‍तेक्‍म।
EXO 36:35 मिनु नीलो, प्‍याजी नु लल श्‍येले नु रिम्‍शो पा किरशो सुती श्‍येले के प्रोव़शो वा के नेल्‍ल क्‍येङा चोव़खो कोठा फारतीक का सेल्‍शा, रिम्‍शो पा करूब बुटा आप्‍तेक्‍म।
EXO 36:36 मेकोमी मेको फारतीक कली बोल्‍यो शी के ४ ओटा थाम सेल्‍शा, सुनम गिल्तेक्‍म। मेको आन ग्‍याइक्‍तीके सुन के सेल्‍तेक्‍म। मेको आन कली ४ ओटा चांदी के राप्‍पाइक्‍तीके सेल्‍तेक्‍म।
EXO 36:37 मिनु नीलो, प्‍याजी नु लल श्‍येले नु रिम्‍शो पा किरशो सुती श्‍येले के प्रोव़शो वा दारशो बुटा आप्‍शो ताम्‍बु आ ओव़तीके कली फारतीक का सेल्‍तेक्‍म।
EXO 36:38 मेको फारतीक ब्‍वेक्‍चा कली ५ ओटा थाम सेल्‍तेक्‍म। मेको आन पिया, ब्‍वेक्‍तीक नु हाम्‍तीक कोक्‍के सुनम गिल्‍तेक्‍म। मेको ५ ओटा थाम आन राप्‍पाइक्‍तीके चहिं कांसा के सेल्‍तेक्‍म।
EXO 37:1 मिनु बेचालेलमी बोल्‍यो शी के सन्‍दोस का सेल्‍तु। मेको आ लाइश्‍शो कुबीत निक्‍शी नु आधा, आ ब्रेम्‍शो कुबीत का नु आधा नु आ ग्‍येत्‍थ लाइश्‍शो कुबीत का नु आधा ङा पा सेल्‍तु। कुबीत का ०.५ मिटर, हात का खोदेंशो बाक्‍ब।
EXO 37:2 मिनु मेको आ खिंङगा नु आ लाङगा नेल्‍ल क्‍येख सुनमी गिल्‍तु। मिनु एर ओंथ नेल्‍ल सुन के सुर सेल्‍तु।
EXO 37:3 मिनु सुन के ४ ओटा मुन्‍द्रा सेल्‍तु। का पटटी निक्‍शी नु अर्को पटटी निक्‍शी पा सन्‍दोस आ ४ सुरमी क्‍येप्‍ताक्‍व।
EXO 37:4 मिनु बोल्‍यो शी के कुरतीक कोक्‍के निक्‍शी सेल्‍शा, सुनमी गिल्‍तु।
EXO 37:5 मिनु मेको कुरतीक कोक्‍के निक्‍शी मुन्‍द्रामी शुइश्‍शा, सन्‍दोस कुरने चाप्‍तेक्‍म।
EXO 37:6 मिनु मेकोमी क्‍येख सुन के चेम्‍शा, सन्‍दोस सुम्‍तीके सेल्‍तु। मेको आ पित्‍थ लाइश्‍शो कुबीत निक्‍शी नु आधा नु आ ब्रेम्‍शो कुबीत का नु आधा सेल्‍तु। कुबीत का ०.५ मिटर, हात का खोदेंशो बाक्‍ब।
EXO 37:7 मिनु परमप्रभु यावे आ स्‍वर्ग ङा गेय पाइब खोदेंशो सुन के करूब निक्‍शी चेम्‍शा सेल्‍तु। मेको सुम्‍तीके आ निम्‍फा पटटी ङा का का चेम्‍शा सेल्‍तु।
EXO 37:8 का पटटी करूब का, अर्को पटटी करूब का चेम्‍शा सेला बाक्‍त। मेको सुम्‍तीके नु करूब निम्‍फा मख्रोंइसीशो सुन का रेन चेम्‍शा सेल्‍तु।
EXO 37:9 करूब आस फ्रां हाम्‍शा, सुम्‍तीके फारपाइश्‍शा, खाल का ङा पा सन्‍दोस सुम्‍तीके गे कोव़पाइश्‍शा चेम्‍शा सेल्‍तु।
EXO 37:10 बोल्‍यो शी के टेबल का सेल्‍तु। मेको आ पित्‍थ लाइश्‍शो कुबीत निक्‍शी नु आ ब्रेम्‍शो कुबीत का नु आ ग्‍येत्‍थ लाइश्‍शो कुबीत का नु आधा ङा पा सेल्‍तु। कुबीत का ०.५ मिटर खोदेंशो बाक्‍ब।
EXO 37:11 मिनु मेको कली क्‍येख सुनमी गिल्‍शा, आ एर ओंथ नेल्‍ल सिरपेच खोदेंशो पा सुन के सुर सेल्‍तु।
EXO 37:12 मेको आ एर ओंथ ङा सुर नेल्‍ल ४ गुइ ब्रेम्‍शो सेल्‍शा, सिरपेच खोदेंशो पा बुटा आप्‍शा सेल्‍तु। गुइ का ८ सेन्‍ती मिटर कि ३ आंइची खोदेंशो बाक्‍ब।
EXO 37:13 मिनु ४ ओटा सुन के मुन्‍द्रा चेम्‍शा, मेको आ ४ ओटा खोइलीम टेबल आगाम क्‍येप्‍ताक्‍व।
EXO 37:14 टेबल कुरचा कली मुन्‍द्रापुकी टेबल आ सुर आ नेक्‍था क्‍येप्‍ताक्‍व।
EXO 37:15 मिनु टेबल कुरचा कली बोल्‍यो शी के कुरतीक कोक्‍के सेल्‍शा, सुनमी गिल्‍तु।
EXO 37:16 मिनु टेबलम वोइक्‍चा माल्‍शो थाल, लोटा नु बोस नेल्‍ल नु तूचा थोव़क चढ़ेतीक लुक्‍चा कली लोटा नेल्‍ल क्‍येख सुन के सेल्‍तु।
EXO 37:17 मेकोमी क्‍येख सुन के बत्ती दातीक का चेम्‍शा सेल्‍तु। आ थाम, आ राशी, आ दियारी, आ डल्‍ला नु फूपुकी ठेयब सुन का केन सेल्‍तु।
EXO 37:18 मिनु मेको बत्ती दातीक आ थाम रे ६ ओटा राशी ग्रुंइशा, का पटटी रे सां नु अर्को पटटी रे सां राशी चेम्‍शा सेल्‍तु।
EXO 37:19 मिनु मेको राशी कामी देसी बदाम आ फू खोदेंशो फू सां नु डल्‍ला सां रे ग्रुंइशो सेल्‍तु। अर्को राशीपुकी यो नेल्‍ल मोदेंशो पा सेल्‍तु।
EXO 37:20 मेको बत्ती दातीक आ थामम चहिं ४ ओटा देसी बदाम आ फू खोदेंशो आन डल्‍ला रे ग्रूशो सेल्‍तु।
EXO 37:21 थाम आ ङोंइती ङा डल्‍ला रे, आ दाते ङा डल्‍ला रे नु नोले ङा डल्‍ला रे निम्‍फा पटटी गे राशी निक्‍‍निक्‍शी ग्रूशो सेल्‍तु।
EXO 37:22 मेको आ राशी नु डल्‍ला नेल्‍ल ठेयब क्‍येख सुन का केन चेम्‍शा सेल्‍तु।
EXO 37:23 बत्ती दातीक ७ ओटा दियारी, आ कांइची नु आइक्‍च बोस नेल्‍ल क्‍येख सुन के चेम्‍शा सेल्‍तु।
EXO 37:24 मेको नेल्‍ल टलेन्ट का क्‍येख सुन के चेम्‍शा सेल्‍तु।
EXO 37:25 धूप चोशा चढ़ेतीके बोल्‍यो शी के कुबीत का लाइश्‍शो नु कुबीत का ब्रेम्‍शो ४ पाटे पा सेल्‍तु। आ ग्‍येत्‍थ लाइश्‍शो कुबीत निक्‍शी ङा सेल्‍तु। मेको नु मेको आ ग्रोव़ नेल्‍ल मख्रोंइसीशो शी का केन सेल्‍तु। कुबीत का ०.५ मिटर, हात का खोदेंशो बाक्‍ब।
EXO 37:26 मिनु मेको नेल्‍ल क्‍येख सुनमी गिल्‍शा, सिरपेच के खोदेंशो पा सुन के सुर सेल्‍तु।
EXO 37:27 मेको आ सुर आगा निम्‍फा पटटी कली सुन के मुन्‍द्रा निक्‍‍निक्‍शी सेल्‍शा, आ सिरपेच खोदेंशो सुर आ दी निम्‍फा पटटी गे क्‍येप्‍ताक्‍व। मिनु मेको कुरतीक कोक्‍के शुइक्‍तीक दुम्‍त
EXO 37:28 मिनु मेको कुरचा कली बोल्‍यो शी के कुरतीक कोक्‍के निक्‍शी सेल्‍शा, सुनम गिल्तु।
EXO 37:29 मिनु मेकोमी ताम्‍बु ङा लुक्‍तीक तेल नु ब्रोव़शो रिना पाइब धूप जोक्‍ब मुरुम सेल्‍शो खोदेंशो पा सेल्‍तु।
EXO 38:1 मिनु बेचालेलमी बोल्‍यो शी के चोशा चढ़ेतीके सेल्‍तु। मेको ५ कुबीत लाइश्‍शो नु ५ कुबीत ब्रेम्‍शो, ४ पाटे नु कुबीत सां ग्‍येत्‍थ लाइश्‍शो पा सेल्‍तु।
EXO 38:2 आ ४ सुरमी ग्रोव़ सेल्‍तु। मेको ग्रोव़पुकी मेको चढ़ेतीक फलेक का केन सेल्‍शा, कांसामी गिल्‍तु।
EXO 38:3 चढ़ेतीके कली माल्‍शो मारेइ मारेइ कांसा के सेल्‍तु। पुलु वोइक्‍तीक बोसपुकी, पुलु ताप्‍तीकपुकी, ब्रुइक्‍तीक बोसपुकी, श्‍ये ग्रुंइतीक कांटापुकी नु मी कोइला कुर पतीकपुकी सेल्‍तु।
EXO 38:4 चोशा चढ़ेतीक कली कुबीत का नु आधा ङा पा ग्‍येत्‍थ पा मी तिक्‍तीक कांसा के जाली सेल्‍तु। कुबीत का ०.५ मिटर, हात का खोदेंशो बाक्‍ब।
EXO 38:5 कुरतीक कोक्‍के शुइक्‍चा कली, ४ ओटा मुन्‍द्रा सेल्‍शा, आ ४ सुरमी क्‍येप्‍ताक्‍व।
EXO 38:6 बोल्‍यो शी के कुरतीक कोक्‍के निक्‍शी सेल्‍शा, कांसामी गिल्‍तु।
EXO 38:7 चढ़ेतीक कुरचा कली मेको कोक्‍के मुन्‍द्राम शुइक्‍ताक्‍व। फलेक के सेल्‍शो चोशा चढ़ेतीके आगाम श्‍येत्‍थ बाक्‍शो बाक्‍त।
EXO 38:8 बेचालेलमी कांसा के चिक्‍तीक ठेयब बोस नु आ निप्‍पाइक्‍तीके सेल्‍तु। मेको ग्रुम्‍तीक ताम्‍बु ओव़तीकेम गेय पाइब मीश मुर आन कांसा के ऐना के सेल्‍तु।
EXO 38:9 मिनु बेचालेलमी ताम्‍बु आ लाङगा थरपु हिरचा कली रिम्‍शो पा किरशो सुती श्‍येले के वा प्रोव़पाइक्‍तु। मेको फारतीक दक्‍खिन गे सहे का कुबीत लाइश्‍शो पा सेल्‍तु। कुबीत का ०.५ मिटर खोदेंशो बाक्‍ब।
EXO 38:10 मेको फारतीक ग्‍याइक्‍पाइक्‍चा कली खाल का ङा थाम नु खाल का ङा कांसा के राप्‍पाइक्‍तीके के सेल्‍तु। मुन्‍द्रापुकी नु कोक्‍केपुकी चहिं चांदी के सेल्‍तु।
EXO 38:11 मिनु मोदेंशो पा उत्तर गे यो सहे का कुबीत लाइश्‍शो फारतीक प्रोव़पाइक्‍तु। मेको कली २० ओटा थाम, २० ओटा कांसा के राप्‍पाइक्‍तीके सेल्‍तु। मुन्‍द्रापुकी नु कोक्‍केपुकी चहिं चांदी के सेल्‍तु। सहे का कुबीत ५० मिटर बाक्‍ब।
EXO 38:12 पच्‍छिम गे ५० कुबीत ङा फारतीक सेल्‍तु। मेको कली १० ओटा थाम नु १० ओटा राप्‍पाइक्‍तीके सेल्‍तु। आन मुन्‍द्रा नु कोक्‍केपुकी चहिं चांदी के सेल्‍तु।
EXO 38:13 मिनु लाङगा आ ङोंइती पूर्ब गे कली ५० कुबीत ङा फारतीक वा सेल्‍तु।
EXO 38:14 ओव़तीके पटटी का कली १५ कुबीत ङा फारतीक वा सेल्‍तु। थाम नु राप्‍पाइक्‍तीके सां सां सेल्‍तु।
EXO 38:15 मिनु ओव़तीके ङा अर्को पटटी कली यो १५ कुबीत ङा फारतीक वा सेल्‍तु। थाम नु राप्‍पाइक्‍तीके सां सां सेल्‍तु।
EXO 38:16 लाङगा ङा एर ओंथ नेल्‍ल ङा फारतीक रिम्‍शो पा किरशो सुती श्‍येले के प्रोव़शो वा के सेल्‍तु।
EXO 38:17 मेको थाम आन राप्‍पाइक्‍तीक कांसा के बाक्‍तेक्‍म। थाम आन मुन्‍द्रा नु कोक्‍केपुकी चहिं चांदी के बाक्‍तेक्‍म। थाम आन पिया चांदीम गिल्‍शो बाक्‍तेक्‍म। थाम आन फ्रेंतीके नेल्‍ल चांदी के बाक्‍तेक्‍म।
EXO 38:18 मेको लाङगा ङा ओव़तीके ङा फारतीक नीलो, प्‍याजी नु लल श्‍येले नु रिम्‍शो पा किरशो सुती श्‍येले के प्रोव़शो वाम दारशो बुटा आप्‍शा सेल्‍तु। मेको आ लाइश्‍शो २० कुबीत नु आ ग्‍येत्‍थ ५ कुबीत ङा पा अर्को फारतीक नु उइक्‍थ उइक्‍थ पा सेल्‍तु। कुबीत का ०.५ मिटर, हात का खोदेंशो बाक्‍ब।
EXO 38:19 मिनु ओव़तीक ङा ४ ओटा थाम नु आन ४ ओटा राप्‍पाइक्‍तीके कांसा के बाक्‍तेक्‍म। मेको फारतीक कली ब्‍वेक्‍तीक, थाम आन पिया नु फ्रेंतीके चांदी के बाक्‍तेक्‍म।
EXO 38:20 मिनु परमप्रभु यावे आ बाक्‍तीके नु लाङगा ङा किला नेल्‍ल कांसा के बाक्‍तेक्‍म।
EXO 38:21 परमप्रभु यावे आ बाक्‍तीक सेल्‍चा कली मार मार माल्‍दा, मेको ब्रेक्‍शो बाक्‍त। मेको बाक्‍तीके कबल पशो सन्‍दोस वोइक्‍तीके बाक्‍त। मोसामी “मेको नेल्‍ल ब्रेक्‍चा माल्‍ब” दे अरेशो बाक्‍त। चढ़ेब हारून आ तौ इथामार लेवी आन कली गेय पपाइक्‍ब बाक्‍त। गन्‍ती ४:२८
EXO 38:22 परमप्रभु यावेमी मोसा कली शेंशो खोदेंशो पा, यहूदा आ थर ङा हुर आ चच, ऊरी आ तौ बेचालेलमी मारेइ मारेइ सेल्‍तु। प्रस्‍थान ३१:१-११
EXO 38:23 मेको नु दान आ थर ङा अहीसामाक आ तौ ओहोली-आब यो बाक्‍त। मेको मार मार मुशा सेल्‍तीक गेय जोक्‍ब, ब्रेक्‍स ब्रेक्‍शा सेल्‍चा जोक्‍ब नु नीलो, प्‍याजी नु लल रङ ङा रिम्‍शो पा किरशो सुती श्‍येलेम दारशो बुटा आप्‍तीक गेय यो जोक्‍ब बाक्‍त।
EXO 38:24 परमप्रभु यावे आ बाक्‍तीक नु मेकेर माल्‍शो मारेइ मारेइ सेल्‍चा कली मुर आन गेशो सुन गिश दुम्‍माक्‍त देंशा हना, २९ टलेन्‍ट नु ७ सहे ३० शेकेल दुम्‍त। नेल्‍ल नाक्‍शा, हजार का किलो खोदेंशो दुम्त। टलेन्‍ट का ३४ किलो बाक्‍ब। शेकेल का ११.५ ग्राम, तोला का खोदेंशो बाक्‍ब।
EXO 38:25 ङोंइती हिक्‍शो वोंइश मुर आन रे पोक्‍शो चांदी सहे का टलेन्‍ट नु हजार का ७ सहे ७५ शेकेल दुम्‍त।
EXO 38:26 मिनु २० बर्स गाप्‍शो नु मेको क्‍येङा लाक्‍शो वोंइश मुर ६ लाख हजार सां ५ सहे ५० जना बाक्‍तेक्‍म। मेको आन के का का पा आधा आधा शेकेल पोक्‍तेक्‍म। प्रस्‍थान ३०:१२-१६; गन्‍ती १:४६
EXO 38:27 ताम्‍बु आन फलेक राप्‍पाइक्‍तीक नु नेल्‍ल क्‍येङा चोव़खो कोठा कली फारतीक ङा थाम आन राप्‍पाइक्‍तीक कली सहे का टलेन्‍ट माल्ताक्‍व। सहे का राप्‍पाइक्‍तीके कली सहे का टलेन्‍ट माल्ताक्‍व। का कली टलेन्‍ट का माल्‍ताक्‍व।
EXO 38:28 मेको हजार का ७ सहे ७५ शेकेल चांदीमी ब्‍वेक्‍तीक सेल्‍शा, थाम आन पिया गिल्तीक नु आन फ्रेंतीकपुकी सेल्‍तेक्‍म।
EXO 38:29 मुर आन चाक्‍शो कांसा ७० टलेन्‍ट नु हजार निक्‍शी ४ सहे शेकेल दुम्‍शो बाक्‍त।
EXO 38:30 मेको के ग्रुम्‍तीक ताम्‍बु ङा ओव़तीके ङा थाम आन राप्‍पाइक्‍तीके, कांसा के चोशा चढ़ेतीके, आ मी तिक्‍तीक जाली नु चढ़ेतीक आ मारेइ मारेइ सेल्‍पाइक्‍तु।
EXO 38:31 मिनु लाङगा ङा थाम आन राप्‍पाइक्‍तीकपुकी, ठेयब ओव़तीके ङा थाम आन राप्‍पाइक्‍तीकपुकी, ताम्‍बु नु लाङगा ङा किला नेल्‍ल सेल्‍पाइक्‍तु।
EXO 39:1 परमप्रभु यावेमी मोसा कली दोपा अरेवा, मोपा बेचालेल नु आ मुरपुकीमी हारून कली परमप्रभु यावे आ बाक्‍तीकेमी गेय पचा कली नीलो प्‍याजी नु लल रङ ङा श्‍येले के प्रोव़शो फेक्‍तीक वा सेल्‍तेक्‍म।
EXO 39:2 मेकोमी कुचु तार वोइक्‍तीके सुन के, नीलो, प्‍याजी नु लल रङ ङा श्‍येले नु रिम्‍शो पा किरशो सुती श्‍येले के प्रोव़शो वा के सेल्‍तेक्‍म।
EXO 39:3 मिनु सुन तुप्‍शा, पात्‍लो सेल्‍शा, आइक्‍च पा ख्रोइश्‍शा, श्‍येले खोदेंशो सेल्‍तेक्‍म। मिनु नीलो, प्‍याजी नु लल श्‍येलेमी रिम्‍शो पा किरशो सुती श्‍येले के प्रोव़शो वा दारशो बुटा आप्‍शा सेल्‍तेक्‍म।
EXO 39:4 मेको कुचु तार वोइक्‍तीकेमी बलाम सुम्‍तीके निक्‍शी सेल्‍शा, निम्‍फा पटटी बोइक्‍ताक्‍म।
EXO 39:5 मिनु आ पाइक्‍तीके मेको कुचु तार वोइक्‍तीके का रेन सेल्‍तेक्‍म। मेको खाल का ङा पा रिम्‍शो पा सेल्‍तेक्‍म। मेको पाइक्‍तीके सुन, नीलो, प्‍याजी नु लल रङ ङा श्‍येले नु रिम्‍शो पा किरशो सुती श्‍येले के प्रोव़शो वा के सेल्‍तेक्‍म। परमप्रभु यावेमी मोसा कली दोपा अरेवा, मोपा सेल्‍तेक्‍म।
EXO 39:6 मिनु मेकोमी ओनीक्‍स हीरा निक्‍शी चाक्‍शा, इस्राएल आ तौ आन नें छाप खोदेंशो पा हीराम मुशा ब्रेक्‍शा सुनम क्‍येप्‍ताक्‍म।
EXO 39:7 मेको हीरा निक्‍शी कुचु तार वोइक्‍तीक आ बला ङा टुक्रा तारी फेरतेक्‍म। मिनु मेको हीरा इस्राएल आ तौ आन कली मिम्‍चा कली बाक्‍ब। परमप्रभु यावेमी मोसा कली दोपा अरेवा, मोपा सेल्‍तेक्‍म। प्रस्‍थान २८:१२
EXO 39:8 मेकोमी निसाफ पतीके ऊरीम नु थुम्‍मीम वोइक्‍तीक झोला सेल्‍पाइक्‍तु। कुचु तार वोइक्‍तीके खोदेंशो पा सुन, नीलो, प्‍याजी नु लल श्‍येले नु रिम्‍शो पा किरशो सुती के प्रोव़शो वा के दारशो पा सेल्‍तेक्‍म।
EXO 39:9 मेको खेयप का मुक्‍शोनु, बित्‍ता का लाइश्‍शो नु बित्‍ता का ब्रेम्‍शो ४ पाटे पा सेल्‍तेक्‍म।
EXO 39:10 मिनु ४ लस्‍कर हीरा सुनम का का पा क्‍येप्‍ताक्‍म। ङोंइती ङा लस्‍कर लल मानीक माइश्‍शो हीरा, हाव पुश्‍पराज माइश्‍शो हीरा नु गिगी बेरूज माइश्‍शो हीरा क्‍येप्‍ताक्‍म।
EXO 39:11 मेको आ नोले ङा लस्‍कर लल फिरोजा माइश्‍शो हीरा, बुश नीर माइश्‍शो हीरा नु बुश नु नीलो पन्‍ना माइश्‍शो हीरा क्‍येप्‍ताक्‍म।
EXO 39:12 मेको आ नोले ङा लस्‍कर गिगी नु नीलो रङ ब्‍वाइश्‍शो रिम्‍शो टल्‍केशो नीलमनी माइश्‍शो हीरा, गिगी हाकीक माइश्‍शो हीरा नु प्‍याजी रङ ङा कटेला माइश्‍शो हीरा क्‍येप्‍ताक्‍म।
EXO 39:13 मिनु नेल्‍ल क्‍येङा नोले ङा लस्‍कर पीतमनी माइश्‍शो हीरा, लल रङ ङा ओनीक्‍स नु नीलो बिलौरा माइश्‍शो हीरा क्‍येप्‍ताक्‍म। मोपा हीरा नेल्‍ल कली सुनम क्‍येप्‍ताक्‍म।
EXO 39:14 मेको हीरा १२ ओटा बाक्‍तेक्‍म। मिनु इस्राएल आ तौ आन नें का का पा मेको आन तार छाप थोक्‍शो खोदेंशो पा मुशा ब्रेक्‍शो बाक्‍तेक्‍म। हीरा का आ तारी थर का आ नें ब्रेक्‍शो बाक्‍त।
EXO 39:15 मेको निसाफ पतीक झोला कली क्‍येख सुन के डोरी किरशो खोदेंशो पा सिक्री सेल्‍तेक्‍म।
EXO 39:16 मेकोपुकीमी निसाफ पतीक झोला कली सुन के ग्‍याइक्‍तीक निक्‍शी नु मुन्‍द्रा निक्‍शी चेम्‍तेक्‍म। मिनु मेको मुन्‍द्रा निसाफ पतीक झोला आ सुर निक्‍शीमी वोइक्‍तेक्‍म।
EXO 39:17 मेकोपुकीम सुन के सिक्री निक्‍शी निसाफ पतीक झोला आ सुरम वोइश्‍शो मुन्‍द्रा निक्‍शीमी लिक्‍ताक्‍म।
EXO 39:18 मेको सिक्री निक्‍शी चढ़ेब आ कुचु तार वोइश्‍शो वा आ बला ङा हीरा क्‍येप्‍शो सुनम हेक्‍ताक्‍म।
EXO 39:19 मेकोपुकीमी सुन के मुन्‍द्रा निक्‍शी सेल्‍तेक्‍म। मेको निक्‍शी निसाफ पतीके ऊरीम नु थुम्‍मीम वोइक्‍तीक झोला आ उइ आगा गे पाइक्‍ताक्‍म। मोपा मेको झोला कुचु तार वोइक्‍तीके वा आ तार बाक्‍त।
EXO 39:20 मेकोपुकीमी लेंशा सुन के मुन्‍द्रा निक्‍शी सेल्‍तेक्‍म। कुचु तार वोइक्‍तीके आ बला सुम्‍तीके उइ ङा सुरम वोइक्‍तेक्‍म। दारपाइश्‍शो पाइक्‍तीके आ तारी क्‍येप्‍ताक्‍म।
EXO 39:21 मिनु मेको निसाफ पतीके ऊरीम नु थुम्‍मीम वोइक्‍तीक झोला आ मुन्‍द्रामी नीलो डोरीम लिक्‍शा, कुचु तार वोइक्‍तीक वामी पाइक्‍ताक्‍म। मोपा मेको निसाफ पतीके झोला दारपाइश्‍शो पाइक्‍तीक तार बाक्‍शो कुचुम वोइक्‍तीक वा रे एर ओंथ मयाक्‍सेक्‍ल, दे पाइक्‍ताक्‍म। परमप्रभु यावेमी मोसा कली दोपा अरेवा, मोपा सेल्‍तेक्‍म।
EXO 39:22 मिनु मेको कुचु तार वोइक्‍तीके आगा फेक्‍तीक नेल्‍ल नीलो प्‍याजी रङ ङा वा के फेरतेक्‍म।
EXO 39:23 मिनु पिया ख्रीतीक पोव़ला सेल्‍तेक्‍म। मेको पोव़ला आ एर ओंथ मगाक्‍चा ङा पा आ सुर थम बोल्‍यो पा प्रोव़तेक्‍म।
EXO 39:24 मेको फेक्‍तीके आ उइ ङा सुर एर ओंथ गे नीलो, लल नु प्‍याजी रङ नु रिम्‍शो किरशो सुती श्‍येले के प्रोव़शो वा के सेल्‍शो दारीम क्‍युक्‍शा सेल्‍तेक्‍म।
EXO 39:25 मिनु मेकोपुकीम क्‍येख सुन के आइक्‍च किङगो सेल्‍तेक्‍म। फेक्‍तीक उइ गे किङगो का दारीम का ख्राक्‍शा क्‍युक्‍तेक्‍म।
EXO 39:26 किङगो का दारीम का नु किङगो का दारीम का पा ख्राक्‍शा, बिर हिरशा क्‍युक्‍तेक्‍म। मेको परमप्रभु यावे आ ङोंइती गेय पची ना फेक्‍तीक वा दुम्‍त। परमप्रभु यावेम मोसा कली दोपा अरेवा मोपा सेल्‍तेक्‍म।
EXO 39:27 हारून नु आ तौ आन कली रिम्‍शो पा किरशो सुती श्‍येले के प्रोव़शो वा के फेक्‍तीक यो सेल्‍तेक्‍म।
EXO 39:28 रिम्‍शो पा किरशो सुती श्‍येले के प्रोव़शो वा के पियाम रुक्‍तीक नु गुक्‍तीक ताकी नु सुरुवाल सेल्‍तेक्‍म।
EXO 39:29 रिम्‍शो पा किरशो सुती श्‍येले के प्रोव़शो वा के नीलो, प्‍याजी नु लल रङ ङा श्‍येलेमी दारशो बुटा आप्‍शो किप्‍तीकपुकी सेल्‍तेक्‍म। परमप्रभु यावेमी मोसा कली दोपा अरेवा, मोपा सेल्‍तेक्‍म।
EXO 39:30 मेकोपुकीमी क्‍येख सुन के फू खोदेंशो पा कुप्‍फीम पांइतीके चेम्तेक्‍म। मेकेर छाप मुशो खोदेंशो पा “परमप्रभु यावे कली ला” दे मुशा ब्रेक्‍ताक्‍म। प्रस्‍थान २९:६; प्रस्‍थान २७:३६; लेवी ८:९; जकरिया १४:२०;
EXO 39:31 कुप्‍फीम पांइतीके कली पियाम गुक्‍तीकेमी नीलो श्‍येलेमी फ्रेंताक्‍म। परमप्रभु यावेमी मोसा कली दोपा अरेवा, मोपा सेल्‍तेक्‍म।
EXO 39:32 मिनु परमप्रभु यावे आ बाक्‍तीक ग्रुम्‍तीक ताम्‍बु ङा गेय नेल्‍ल नुम्‍त। परमप्रभु यावेमी मोसा कली दोपा अरेवा, मोपा इस्राएल ङा मुरपुकीमी नेल्‍ल सेल्‍तेक्‍म।
EXO 39:33 मिनु मेकोपुकीमी परमप्रभु यावे आ बाक्‍तीक नु आ मारेइ मारेइ मोसा आ बाक्‍तीकेमी चाक्‍तेक्‍म। मार मार चाक्‍ग‍मे बाक्‍त देंशा हना, ताम्‍बु नु आ ग्‍योंब नेल्‍ल, ब्‍वेक्‍तीक, फलेक, लाइश्‍शो कोक्‍के, थाम नु राप्‍पाइक्‍तीकपुकी,
EXO 39:34 लल रङम नुप्‍शो सांड आ कुशुल के सुम्‍तीके, नेल्‍ल क्‍येङा रिम्‍शो कुशुल के सुम्‍तीके, फारतीके,
EXO 39:35 कबल पशो सन्‍दोस, मेको आ कुरतीक कोक्‍के नु सुम्‍तीके,
EXO 39:36 टेबलम वोइक्‍चा माल्‍शो मारेइ मारेइ नु कोंइतीक शोब्‍ले,
EXO 39:37 क्‍येख सुन के बत्ती दातीके नु आ दियारी आन कली ठीक सेल्‍तीके थोव़क नु बत्ती कली तेल,
EXO 39:38 सुन के चढ़ेतीक, लुक्‍चा कली तेल, ब्रोव़शो रिना पाइब धूप, ताम्‍बु ओव़तीके ङा फारतीक वा,
EXO 39:39 कांसा के चढ़ेतीक, मेको आ कांसा के मी तिक्‍तीक जाली, कुरतीक कोक्‍के नु चढ़ेतीक आ मारेइ मारेइ, चिक्‍तीक ठेयब बोस नु मेको निप्‍पाइक्‍तीके,
EXO 39:40 ताम्‍बु आ लाङगा ङा फारतीक नु थामपुकी, आन राप्‍पाइक्‍तीकपुकी, लाङगा ओव़तीक ङा फारतीक वा, आ फ्रेंतीकपुकी नु किलापुकी, मिनु परमप्रभु यावे आ बाक्‍तीक ग्रुम्‍तीक ताम्‍बु ङा गेय पचा कली मारेइ मारेइ नेल्‍ले,
EXO 39:41 परमप्रभु यावे आ बाक्‍तीक ङा गेय पचा कली हारून कली फेक्‍तीक वा नु आ तौ आन कली परमप्रभु यावे कली चढ़ेब दुम्‍चा कली आन फेक्‍शा गेय पतीके वा नेल्‍ल चाक्‍तेक्‍म।
EXO 39:42 परमप्रभु यावेमी मोसा कली दोपा अरेवा, मोपा इस्राएल ङा मुरपुकीमी सेल्‍तेक्‍म।
EXO 39:43 मिनु मोसामी मेको नेल्‍ल कोव़तु। मिनु परमप्रभु यावेमी दोपा अरेवा, मोपा ठीक सेल्‍शो तशा, मोसामी मेको नेल्‍ल आन कली आसीक गेप्‍तु।
EXO 40:1 मिनु परमप्रभु यावेमी मोसा कली
EXO 40:2 “ङोंइती ङा महिना ङा ङोंइती नाक्‍ती, आं बाक्‍तीके ग्रुम्‍तीक ताम्‍बु कीङो। प्रस्‍थान ४०:१७; प्रस्‍थान १२:२; प्रस्‍थान १९:१
EXO 40:3 गे कबल पशो सन्‍दोस आगाम वोइश्‍शा, फारतीक वाम फारदो।
EXO 40:4 टेबल ओंइशा, मेको तारी मार मार वोइक्‍चा माल्‍बा, ठीक पा वोतो। मिनु बत्ती दातीके ओंइशा आ दियारी दाङो।
EXO 40:5 सुन के धूप चोशा चढ़ेतीके कबल पशो सन्‍दोस आ ङोंइती वोतो। आं बाक्‍तीक आ ओव़तीक ङा फारतीक वा क्‍युक्‍को।
EXO 40:6 ग्रुम्‍तीक ताम्‍बु आ ओव़तीक आ ङोंइती चोशा चढ़ेतीके वोतो।
EXO 40:7 ग्रुम्‍तीक ताम्‍बु नु चढ़ेतीक आस दातेम चिक्‍तीक ठेयब बोस वोइश्‍शा, ब्‍वाक्‍कुम प्रिंदो।
EXO 40:8 लाङगा ङा थाम वोइश्‍शा, एर ओंथ हिरशा फारतीक वा नु ओव़तीक ङा फारतीक वा क्‍युक्‍को।
EXO 40:9 मिनु गे लुक्‍चा कली तेल चाक्‍शा, आं बाक्‍तीक नु मेकेर ङा मारेइ मारेइ आन कली ‘परमप्रभु यावे केन बाक्‍ब’ दे तेल लुक्‍तो। मोपा मेको नेल्‍ल आं के दुम्‍नीम।
EXO 40:10 चोशा चढ़ेतीक नु मेको आ मारेइ मारेइ आन कली यो ‘परमप्रभु यावे केन बाक्‍ब’ दे तेल लुक्‍तो। मोपा मेको नेल्‍ल यो आं के दुम्‍नीम।
EXO 40:11 चिक्‍तीक ठेयब बोस नु मेको आ निप्‍पाइक्‍तीके कली यो तेल लुक्‍तो। मिनु मोपा मेको आं के दुम्‍ब।
EXO 40:12 मिनु हारून नु आ तौ आन कली, ग्रुम्‍तीक ताम्‍बु ङा ओव़तीकेम चाक्‍शा चिक्‍तो।
EXO 40:13 आं कली चढ़ेब दुम्‍पाइक्‍चा कली हारून कली चढ़ेतीक वा फेक्‍पा, तेल लुक्‍शा आं कली जिम्‍मा गेयी।
EXO 40:14 आ तौ आन कली यो चाक्‍शा, वा फेक्‍तो।
EXO 40:15 आन आफ कली खोदेंशो पा मेको आन कली यो तेल लुक्‍तो। मेकोपुकी यो चढ़ेब दुम्‍शा, आं गेय पचा माल्‍नीम। मेको तेल लुक्‍तीके आन चच युइ आन पाला नेल्‍लेमी गेना हना यो आं कली चढ़ेब दुम्‍नीम” देंत।
EXO 40:16 मिनु परमप्रभु यावेमी मोसा कली दोपा अरेवा, मोपा पाप्‍तु।
EXO 40:17 इजीप्‍त रे गाक्‍मा आ नोले जाक्‍शो बर्स आ ङोंइती ङा महिना, ङोंइती ङा नाक्‍ती परमप्रभु यावे आ बाक्‍तीक ताम्‍बु कीतेक्‍म।
EXO 40:18 मोसामी परमप्रभु यावे आ बाक्‍तीक ताम्‍बु कीशा, राप्‍पाइक्‍तीकपुकी वोइक्‍तु। मिनु फलेक थारशा, लाइश्‍शो कोक्‍के शुइश्‍शा, थाम राप्‍पाइक्‍तु।
EXO 40:19 परमप्रभु यावे आ बाक्‍तीक तारी सुम्‍तीके यो कोप्‍ताक्‍व। परमप्रभु यावेमी मोसा कली दोपा अरेवा, मोपा पाप्‍तु।
EXO 40:20 मिनु मोसामी परमप्रभु यावे आ अरेशो लोव़ मुशा ब्रेक्‍शो फुल्‍लु कबल पशो सन्‍दोसम कुर पाप्‍तु। मिनु कबल पशो सन्‍दोसम कुरतीक कोक्‍के शुइक्‍ताक्‍व। मिनु मेको आ तार सुम्‍तीकेम सुम्‍तु।
EXO 40:21 मेको कबल पशो सन्‍दोस परमप्रभु यावे आ बाक्‍तीके ओंइशा, फारतीक वामी फारताक्व। परमप्रभु यावेमी मोसा कली दोपा अरेवा, मोपा पाप्‍तु।
EXO 40:22 मोसामी टेबल कली ग्रुम्‍तीक ताम्‍बुम ओंइशा, फारतीक वा आ ङोंइती उत्तर गे वोइक्‍‍तु।
EXO 40:23 टेबल तारी परमप्रभु यावे आ ङोंइती कोंइतीक शोब्‍ले वोइक्‍तु। परमप्रभु यावेमी मोसा कली दोपा अरेवा, मोपा पाप्‍तु।
EXO 40:24 टेबल नु एर ओंथ पा दक्‍खिन गे बत्ती दातीक कली ग्रुम्‍तीक ताम्‍बुम वोइक्‍तु।
EXO 40:25 परमप्रभु यावे आ ङोंइती दियारी दातु। मिनु परमप्रभु यावेमी मोसा कली दोपा अरेवा, मोपा पाप्‍तु।
EXO 40:26 मिनु मोसामी सुन के सेल्‍शो धूप चोशा चढ़ेतीके कली ग्रुम्‍तीक ताम्‍बु ङा फारतीक वा आ ङोंइती वोइक्‍तु।
EXO 40:27 मिनु मेकेर ब्रोव़शो रिना पाइब धूप चोप्‍तु। परमप्रभु यावेमी मोसा कली दोपा अरेवा, मोपा पाप्‍तु।
EXO 40:28 नोले ताम्‍बु ङा ओव़तीकेम फारतीक वा क्‍युक्‍तु।
EXO 40:29 मिनु चोशा चढ़ेतीके परमप्रभु यावे आ बाक्‍तीके ग्रुम्‍तीक ताम्‍बु आ ओव़तीकेमी वोइक्‍तु। मिनु मेकेर चोशा चढ़ेतीक नु अन्‍न चढ़ेतीके चढ़ेप्‍तु। परमप्रभु यावेमी मोसा कली दोपा अरेवा, मोपा पाप्‍तु।
EXO 40:30 मोसामी ग्रुम्‍तीक ताम्‍बु नु चढ़ेतीक आस दातेमी चिक्‍तीक ठेयब बोस वोइश्‍शा, चिक्‍चा कली ब्‍वाक्‍कुम प्रिंताक्‍व।
EXO 40:31 मिनु मोसा, हारून नु हारून आ तौपुकीमी आन गुइ खोइली चिक्‍साक्‍म।
EXO 40:32 ग्रुम्‍तीक ताम्‍बुमी ओव़शा चढ़ेतीकेम लमानु, आन गुइ खोइली चिक्‍चा माल्‍तेक्‍म। परमप्रभु यावेमी मोसा कली दोपा अरेवा, मोपा पाप्‍तु।
EXO 40:33 मोसामी ग्रुम्‍तीक ताम्‍बु नु चढ़ेतीक आ लाङगा एर ओंथ नेल्‍ल थरपु हिरशा, आ ओव़तीके ङा फारतीक वा क्‍युक्‍तु। मोपा मोसामी ग्रुम्‍तीक ताम्‍बु ङा गेय नेल्‍ल थुम्‍तु।
EXO 40:34 मिनु गोस्‍सुमी ग्रुम्‍तीक ताम्‍बु सुम्‍तु। परमप्रभु यावे आ सक्ति नु छेङछेङमी मेको आ बाक्‍तीक ब्रीत। इजीकीएल ४३:१-९
EXO 40:35 मिनु मोसा ग्रुम्‍तीक ताम्‍बुमी ओव़ने मचब। मारदे हना मेको गोस्‍स मेको तारी बाक्‍शा, परमप्रभु यावे आ सक्ति नु छेङछेङमी आ बाक्‍तीक ब्रीत। गन्‍ती ७:८९
EXO 40:36 मेको गोस्‍स परमप्रभु यावे आ बाक्‍तीक तारी रे ग्‍येत्‍थ बोक्‍मेनु, इस्राएलीपुकी गाक्‍चा गोम्‍तेक्‍म। प्रस्‍थान १३:२१; गन्‍ती ९:१५-२३; गन्‍ती १०:३४-३६; १राजा ८:१०-११; यसैया ४:५
EXO 40:37 मेको गोस्‍स ग्‍येत्‍थ मबोक्‍म सम्‍म इस्राएली मेक उइ बाक्‍तेक्‍म।
EXO 40:38 नाक्‍ती परमप्रभु यावे आ गोस्‍स आ बाक्‍तीक तारी बाक्‍त। नाक्‍दो चहिं मेको गोस्‍स आगाम मी दुम्‍त। इस्राएली गोरशो रागीम गाक्‍मा सम्‍म मोदेंशो दुम्‍स ङा दुम्‍स पा नेल्‍लेमी ताम्‍तेक्‍म।
LEV 1:1 मिनु परमप्रभु यावेमी ग्रुम्‍तीक ताम्‍बु रे ब्रेश्‍शा मोसा कली
LEV 1:2 गे “इस्राएली आन कली ‘इन दाते ङा सुइम परमप्रभु यावे कली इन बी ब्‍यफ, क्‍यारश भेडा चढ़ेनीनु, आंम इन बगाल रे चढ़ेने।
LEV 1:3 मेको चढ़ेशो बी ब्‍यफ चोशा चढ़ेतीक बाक्‍त हना, मेकोमी मारेइ मदुम्‍शो थमा रिम्‍शो बाछा चढ़ेचा माल्‍ब। मेकोमी मेको ग्रुम्‍तीक ताम्‍बु आ ओव़तीकेम चाक्‍चा माल्‍ब। मिनु मेको इन पर्बम परमप्रभु आ ङोंइती ब्रतीके दुम्‍ब। लेवी १७:४
LEV 1:4 मेकोमी आ गुइ चोशा चढ़ेतीक बस्‍तु आ पिया तारी वोइक्‍चा माल्‍ब। मिनु मेको परमप्रभु यावे आ ङोंइती ब्रशा मेको मुर आ पर्बम पाप क्‍याम्‍तीक गेय बाक्‍ब।
LEV 1:5 मेकोमी मेको बाछा कली परमप्रभु यावे आ ङोंइती क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको हुश चढ़ेतीक आ एर ओंथ ब्रुइक्‍चा माल्‍नीम। मेको चढ़ेतीक ग्रुम्‍तीक ताम्‍बु आ ओव़तीकेम बाक्‍ब।
LEV 1:6 मिनु मेको नोले मेकोमी मेको चोशा चढ़ेतीक आ कुशुल उक्‍शा टुक्रा टुक्रा पा चेक्‍चा माल्‍ब। लेवी ७:८
LEV 1:7 चढ़ेब हारून आ तौपुकीमी चढ़ेतीक तार मी सुइश्‍शा मेको तार शी गारपाइश्‍शा वोइक्‍चा माल्‍नीम।
LEV 1:8 मिनु चढ़ेब हारून आ तौपुकीमी चढ़ेतीके तारी वोइश्‍शो शी आ तार मेको चेक्‍शो श्‍ये पिया नु बोंसो गार पा वोइक्‍चा माल्‍नीम।
LEV 1:9 मेकोमी मेको आ गा क्‍यी नु खोइली चहिं ब्‍वाक्‍कुम मुरचा माल्‍नीम। मिनु चढ़ेबपुकीमी मेको नेल्‍ल कली चढ़ेतीकेमी चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। उत्‍पत्ती ८:२१; प्रस्‍थान २९:१८
LEV 1:10 मेको आ चोशा चढ़ेतीक आ बगाल ङा क्‍यारश भेडा बाक्‍तेक्‍म हना, मेकोमी मारेइ मदुम्‍शो थम रिम्‍शो बोका, सांड चढ़ेचा माल्‍नीम।
LEV 1:11 मेकोमी परमप्रभु यावे आ ङोंइती चढ़ेतीक आ उत्तर गे मेको क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको आ हुश चढ़ेतीक आ एर ओंथ ब्रुइक्‍चा माल्‍नीम।
LEV 1:12 मेको चढ़ेबमी मेको चढ़ेशो कली टुक्रा टुक्रा पचा माल्‍नीम। आ पिया बोंसो सुन्‍दा चेक्‍चा, श्‍ये नु काथा शी तारी गारपाइश्‍शा, चढ़ेतीक ङा मी तारी वोइक्‍चा माल्‍ब।
LEV 1:13 मेकोमी मेको आ गा क्‍यी नु खोइली चहिं ब्‍वाक्‍कुम मुरचा माल्‍नीम। मिनु चढ़ेबपुकीमी मेको नेल्‍ल कली चढ़ेतीकेमी चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।
LEV 1:14 मिनु परमप्रभु यावे कली चोशा चढ़ेतीके चिक्‍ब बाक्‍तेक्‍म हना, ढुकुर कि परवा चढ़ेचा माल्‍नीम।
LEV 1:15 चढ़ेबमी मेको चढ़ेतीक आ नेक्‍था मेको आ पिया प्रोइश्‍शा साइक्‍चा माल्‍ब। मिनु मेको कली चढ़ेतीकेमी चोचा माल्‍ब। मिनु आ हुश चहिं चढ़ेतीक आ नेक्‍था चिरचा माल्‍ब।
LEV 1:16 मेकोमी मेको आ सोके फेश्‍शा चढ़ेतीक आ पूर्ब गे ङा पुलु ताइक्‍तीकेम ताइक्‍चा माल्‍नीम।
LEV 1:17 मेकोमी मेको कली मचेक्‍थु, फ्रां आस दाते रे चेत्‍चा माल्‍ब। मिनु चढ़ेबमी चढ़ेतीक ङा मी तार ङा शीम मेको चोचा माल्‍ब। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।
LEV 2:1 मिनु सुइ मुरुमी परमप्रभु यावे कली अन्‍न चढ़ेचा थुं पाप्‍तु हना, मेको अन्‍न चढ़ेतीक थम रिम्‍शो फस बाक्‍चा माल्‍ब। मिनु मेकोमी मेकेर तेल लुक्‍शा, धूप सुप्‍चा माल्‍नीम। लेवी ७:१०; गन्‍ती १५:४
LEV 2:2 मिनु मेकोमी मेको चढ़ेब हारून आ तौ आन बाक्‍तीके चाक्‍चा माल्‍ब। मिनु चढ़ेबमी मेको तेल नु धूप ब्‍वाइश्‍शो रिम्‍शो फस मुठी का हुइश्‍शा, मीम चोचा माल्‍ब। मिनु मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।
LEV 2:3 मेको अन्‍न चढ़ेशो रे लीशो चहिं हारून नु आ तौ आन के दुम्‍ब। मेको परमप्रभु यावे कली मीम चोशा चढ़ेतीक ङा नेल्‍ल क्‍येङा चोव़खो चोशा चढ़ेतीक बाक्‍ब। लेवी ६:२२
LEV 2:4 अन्‍न चढ़ेतीक चाक्‍चा थुं पाम्‍तेक्‍म हना, चो‍शो शोब्‍‍ले चाक्‍चा माल्‍नीम। मेको शोब्‍ले रिम्‍शो फस के, तेलमी निशा बोरब ओख्‍ती मसुप्‍थु चोचा माल्‍नीम। बटुक तेलमी निशा बोरब ओख्‍‍ती मसुप्‍शो दुम्‍चा माल्‍नीम। तेलम मनिशो बाक्‍त हना, शोब्‍ले कली तेल ख्रेक्‍शो बाक्‍‍चा माल्‍ब। लेवी ७:९
LEV 2:5 मिनु इन चढ़ेतीक अन्‍न बाक्‍त हना, तेल ब्‍वाइश्‍शो बोरब ओख्‍ती मसुप्‍शो रिम्‍शो फस बाक्‍‍चा माल्‍ब।
LEV 2:6 मेको आइक्‍च आइक्‍च सेल्‍शा, तेल लुक्‍चा माल्‍ब। मेको अन्‍न चढ़ेतीक बाक्‍ब।
LEV 2:7 इन चढ़ेतीक दिउरेम क्‍येशो अन्‍न चढ़ेतीक बाक्‍त हना, मेको तेलम क्‍येशो रिम्‍शो फस के दुम्‍चा माल्‍ब।
LEV 2:8 मोपा चोशो क्‍येशो अन्‍न चढ़ेतीक परमप्रभु यावे आ बाक्‍तीक लाइक्‍चा माल्‍नीम। मिनु मेको चढ़ेब आन बाक्‍तीक चाक्‍मे नोले चढ़ेबमी मेको चढ़ेतीक आ नेक्‍था चाक्‍चा माल्‍ब।
LEV 2:9 मिनु चढ़ेबमी मेको अन्‍न चढ़ेतीक रे मुठी का हुइश्‍शा, मेको चढ़ेतीक ङा मीम चोचा माल्‍ब। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।
LEV 2:10 मेको अन्‍न चढ़ेतीके आ लीशो चहिं हारून नु आ तौ आन के दुम्‍ब। मेको परमप्रभु यावे कली मीम चोशा चढ़ेतीक ङा नेल्‍ल क्‍येङा चोव़खो चोशा चढ़ेतीक बाक्‍ब।
LEV 2:11 गेपुकीमी परमप्रभु यावे कली अन्‍न चढ़ेतीकेमी गेनायो बोरब ओख्‍ती सुप्‍चा मदुम्‍ब। परमप्रभु यावे कली मीम चोशा चढ़ेतीकेमी बोरब ओख्‍ती नु खुदो गेनायो चोचा मदुम्‍ब।
LEV 2:12 खुदो नु बोरब ओख्‍ती सुप्‍शो चढ़ेतीक लाइश्‍शा परमप्रभु यावे कली चढ़ेने चाप्‍नीनी। तन्‍न मेको कली चढ़ेतीक मीम हुम्‍चा मदुम्‍ब। गन्‍ती १८:१२-१३; २इतिहास ३१:५
LEV 2:13 गेपुकीमी इन अन्‍न चढ़ेतीक नेल्‍ल हिक्‍सी सुप्‍शा, हिक्‍सी ङाम्‍शो सेलीन। इन परमप्रभु आ कबल ङा अन्‍न चढ़ेतीकेमी हिक्‍सी मङाम्‍शो मदुम्‍ब। इन चढ़ेतीक नेल्‍लेमी हिक्‍सी सुप्‍शो चढ़ेचा माल्‍नीनी। गन्‍ती १८:१९; २इतिहास १३:५
LEV 2:14 परमप्रभु यावे कली ङोंइती मीशो अन्‍न चढ़ेचा थुं पाइतीनी हना, इन ङोंइती मीशो नक बाला आन अन्‍न मीम क्रोइश्‍शा चढ़ेन। ब्‍यवस्‍था २६:२-११
LEV 2:15 मेको तारी तेल लुक्‍शा, धूप वोइक्‍चा माल्‍ब। मेको अन्‍न चढ़ेतीक बाक्‍ब।
LEV 2:16 मिनु चढ़ेबमी मेको तेल लुक्‍शा, धूप वोइश्‍शो रे मुठी का हुइश्‍शा, मीम चोचा माल्‍ब। मेको परमप्रभु यावे कली मीम चोशा चढ़ेतीक बाक्‍ब।
LEV 3:1 सुइ आन चढ़ेतीके दुशा बाक्‍चा आ पर्बम बाक्‍त हना, मेकोमी बी ब्‍यफ रे का चढ़ेब हना, परमप्रभु यावे आ ङोंइती मारेइ मदुम्‍शो थम रिम्‍शो बी कि ब्‍यफ चढ़ेचा माल्‍ब।
LEV 3:2 मेकोमी आ गुइ आ चढ़ेतीक बस्‍तु आ पिया तार वोइक्‍चा माल्‍ब। मिनु ग्रुम्‍तीक ताम्‍बु आ ओव़तीक आ ङोंइती मेको कली क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको आ हुश लाइश्‍शा चढ़ेतीक आ एर ओंथ ब्रुइक्‍चा माल्‍नीम।
LEV 3:3 मेकोमी दुशा बाक्‍चा आ पर्बम परमप्रभु यावे कली मीम चोशा चढ़ेतीक चढ़ेचा माल्‍ब। गा क्‍यी आ तार ङा नु मेको कली गिल्‍शो बोंसो नेल्‍ल चढ़ेचा माल्‍ब।
LEV 3:4 आ चिच निम्‍फा नु मेको आ तार नु आ क्रातोम बाक्‍शो बोंसो, नु आइदीम क्‍येप्‍शो बोंसो नेल्‍ल ग्रुंइचा माल्‍नीम।
LEV 3:5 मिनु हारून आ तौपुकीमी मेको नेल्‍ल कली चढ़ेतीके ङा मी तार ङा शीम वोइश्‍शा, चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍ब।
LEV 3:6 मेकोमी आ दुशा बाक्‍चा आ पर्बम परमप्रभु यावे कली चढ़ेतीके क्‍यारश भेडा रे का चढ़ेब हना, मेकोमी मारेइ मदुम्‍शो थम रिम्‍शो क्‍यारश भेडा बाक्‍त हना यो, बोका सांड बाक्‍त हना यो, चढ़ेचा माल्‍ब।
LEV 3:7 मेको आ चढ़ेतीक भेडा का बाक्‍त हना, मेको परमप्रभु यावे आ ङोंइती चाक्‍चा माल्‍ब।
LEV 3:8 मेकोमी आ गुइ आ चढ़ेतीक भेडा आ पिया तार वोइक्‍चा माल्‍ब। मिनु ग्रुम्‍तीक ताम्‍बु आ ओव़तीक आ ङोंइती मेको कली क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको आ हुश लाइश्‍शा चढ़ेतीक आ एर ओंथ ब्रुइक्‍चा माल्‍नीम।
LEV 3:9 मेकोमी दुशा बाक्‍तीक आ पर्बम चढ़ेतीक भेडा आ बोंसो परमप्रभु यावे कली मीम चोशा चढ़ेचा माल्‍ब। मेको बोंसो पाइश्‍शो मीलु नु क्रातो आ नेक्‍था रे नेल्‍ल ग्रुंइचा माल्‍नीम। गा क्‍यी आ तार ङा नु मेको कली गिल्‍शो बोंसो नेल्‍ल चढ़ेचा माल्‍नीम।
LEV 3:10 आ चिच निम्‍फा, मेको आ तार ङा क्रातो ङा बोंसो नेल्‍ल नु आ आइदीम क्‍येप्‍शो बोंसो नेल्‍ल ग्रुंइचा माल्‍नीम।
LEV 3:11 मिनु चढ़ेबमी मेको परमप्रभु यावे कली मीम चोशा जचा थोव़क चढ़ेतीक चढ़ेचा माल्‍नीम।
LEV 3:12 मिनु दुशा बाक्‍चा आ पर्बम परमप्रभु यावे कली चढ़ेतीक क्‍यारश का बाक्‍त हना, मेकोमी मेको परमप्रभु यावे आ ङोंइती चाक्‍चा माल्‍ब।
LEV 3:13 मेकोमी आ गुइ मेको क्‍यारश आ पिया तारी वोइक्‍चा माल्‍ब। मिनु मेको कली ग्रुम्‍तीक ताम्‍बु आ ङोंइती क्‍योरशा साइक्‍चा माल्‍ब। मिनु हारून आ तौपुकीमी मेको आ हुश चढ़ेतीक आ एर ओंथ ब्रुइक्‍चा माल्‍नीम।
LEV 3:14 मिनु मेकोमी मेको आ चढ़ेतीके परमप्रभु यावे कली मीम चोशा चढ़ेचा माल्‍ब। गा क्‍यी सुम्‍शो नु गिल्‍शो बोंसो नेल्‍ले,
LEV 3:15 आ चिच निम्‍फा, मेको आ तार ङा क्रातो ङा बोंसो नेल्‍ले नु आ आइदीम क्‍येप्‍शो बोंसो नेल्‍ल ग्रुंइचा माल्‍नीम।
LEV 3:16 मिनु चढ़ेबमी ब्रोव़शो रिना पाइश्‍शो जचा थोव़क मेको मीम चोशा चढ़ेतीकेमी चढ़ेचा माल्‍ब। बोंसो नेल्‍ले परमप्रभु यावे के बाक्‍ब।
LEV 3:17 मिनु गेपुकीमी बोंसो नु हुश मब्‍वने। इन नोले ङा पाला नेल्‍ल आन कली गेपुकी ते बाक्‍तीनी हना यो, गेना हना यो लीब अरेतीक बाक्‍ब’ दे इस्राएली आन कली देनो” दे परमप्रभु यावेमी मोसा कली देंत। लेवी ७:२३,२७; लेवी १७:१०-१४; उत्‍पत्ती ९:४; ब्‍यवस्‍था १२:१६,२३; प्रेरित १५:२०-२९
LEV 4:1 मिनु परमप्रभु यावेमी मोसा कली
LEV 4:2 “गे इस्राएली आन कली ‘परमप्रभु यावेमी मपचा, दे शेंशो सुइ मुरुमी मतुइक्‍थु पाप पाप्‍तु हना,
LEV 4:3 मिनु तेल लुक्‍शो चढ़ेबमी पाप पा, मुर आन कली दोस ताइब सेल्‍तु हना, मेकोमी आ पशो पाप आ पर्बम मारेइ मदुम्‍शो थम रिम्‍शो ब्‍यफ का परमप्रभु यावे आ ङोंइती पाप पशो आ पर्बम चढ़ेचा माल्‍ब।
LEV 4:4 मेकोमी मेको ब्‍यफ कली ग्रुम्‍तीक ताम्‍बु आ ओव़तीक आ नेक्‍था परमप्रभु यावे आ ङोंइती चाक्‍चा माल्‍ब। मेकोमी आ गुइ मेको ब्‍यफ आ पिया तारी वोइक्‍चा माल्‍ब। मिनु मेको ब्‍यफ कली परमप्रभु यावे आ ङोंइती साइक्‍चा माल्‍ब।
LEV 4:5 मिनु मेको तेल लुक्‍शो चढ़ेबमी ब्‍यफ आ हुश इच्‍का हुइश्‍शा ग्रुम्‍तीक ताम्‍बुमी चाक्‍चा माल्‍नीम।
LEV 4:6 मिनु चढ़ेबमी आ ब्रेप्‍चो हुशेम ख्रुम्‍शा, मेको हुश परमप्रभु यावे आ ताम्‍बु आ आगा ङा चोव़खो कोठा आ बारेशो वाम आ नेक्‍था परमप्रभु यावे आ ङोंइती ७ खेयप ब्रुइक्‍चा माल्‍ब। लेवी ९:९
LEV 4:7 मिनु नोले चढ़ेबमी मेको हुश ग्रुम्‍तीक ताम्‍बु आ आगामी बाक्‍शो धूप चढ़ेतीके आ ग्रोव़पुकीमी ख्रेक्‍चा माल्‍ब। मेको ब्रोव़शो रिना पाइश्‍शो धूप परमप्रभु यावे आ ङोंइती चढ़ेतीके बाक्‍ब। मिनु लीशो हुश नेल्‍ले ग्रुम्‍तीक ताम्‍बु आ ओव़तीक ङा चोशा चढ़ेतीक आ पुंम मोइक्‍चा माल्‍ब। प्रस्‍थान ३०:१,६; प्रस्‍थान ४०:६
LEV 4:8 मेकोमी पाप आ पर्बम चढ़ेशो ब्‍यफ आ बोंसो नेल्‍ल शोल्‍चा माल्‍ब। गा क्‍यी आ तार ङा नु मेको कली गिल्‍शो बोंसो,
LEV 4:9 आ चिच निम्‍फा, मेको आ क्रातो तार ङा बोंसो नेल्‍ले नु आ आइदीम क्‍येप्‍शो बोंसो नेल्‍ल ग्रुंइचा माल्‍नीम।
LEV 4:10 दुशा बाक्‍चा आ पर्बम चढ़ेशो ब्‍यफ आ बोंसो ग्रुंइशो खोदेंशो पा शोल्‍चा माल्‍ब। मिनु चढ़ेबमी मेको मीम चोशा चढ़ेतीकेमी चढ़ेचा माल्‍ब। लेवी ८:१७
LEV 4:11 तन्‍न ब्‍यफ आ कुशुल, मेको आ श्‍ये नेल्‍ल, मेको आ पिया, खोइली नु मेको आ गा क्‍यी गोबर सुन्‍दा,
LEV 4:12 ब्‍यफ आ लीशो नेल्‍ले मुर बाक्‍तीके रे ङोन चोव़खो पुलु ताइक्‍तीकेमी लाइश्‍शा, शी तार वोइश्‍शा चोचा माल्‍नीम। लेवी ६:४
LEV 4:13 इस्राएल ङा मुर नेल्‍लेमी मतुइक्‍थु पाप पशो बाक्‍तेक्‍म हना, परमप्रभु यावेमी मपचा दे शेंशो मारेइ पशो बाक्‍तेक्‍म हना, मेको पाप मेको मुर आन दातेमी ख्रुइश्‍शो बाक्‍त हना यो, मेकोपुकी दोस ताइब दुम्‍नीम। गन्‍ती १५:२२-२६
LEV 4:14 मिनु मेको आन पशो पाप ग्रूमेनु, मेको इस्राएली नेल्‍लेमी पाप आ पर्बम चढ़ेतीके ब्‍यफ चाक्‍शा ग्रुम्‍तीक ताम्‍बु आ ङोंइती जाक्‍चा माल्‍नीम।
LEV 4:15 मिनु इस्राएल ङा खाल्‍पा नेल्‍लेमी परमप्रभु यावे आ ङोंइती मेको आन गुइ ब्‍यफ आ पिया तारी वोइक्‍चा माल्‍नीम। मिनु मेको ब्‍यफ परमप्रभु यावे आ ङोंइती साइक्‍चा माल्‍नीम।
LEV 4:16 मिनु नोले तेल लुक्‍शो चढ़ेबमी मेको ब्‍यफ आ हुश इच्‍का ग्रुम्‍तीक ताम्‍बु आगा चाक्‍चा माल्‍नीम।
LEV 4:17 मिनु चढ़ेबमी मेको आ ब्रेप्‍चो हुशेमी ख्रुम्‍शा, परमप्रभु यावे आ ङोंइती बारेशो वा आ पुंमी ७ खेयप ब्रुइक्‍चा माल्‍ब।
LEV 4:18 मिनु नोले मेकोमी ग्रुम्‍तीक ताम्‍बु आगाम बाक्‍शो धूप चढ़ेतीक आ ग्रोव़पुकीम परमप्रभु यावे आ ङोंइती ख्रेक्‍चा माल्‍ब। मिनु लीशो हुश नेल्‍ल ग्रुम्‍तीक ताम्‍बु आ ओव़तीके आ ङोंइती बाक्‍शो चोशा चढ़ेतीक आ पुंम मोइक्‍चा माल्‍ब।
LEV 4:19 मेकोमी मेको आ बोंसो नेल्‍ल शोल्‍शा, चढ़ेतीकेम चोचा माल्‍ब।
LEV 4:20 मेकोमी पाप आ पर्बम चढ़ेशो ब्‍यफ कली दोदेंशो पामे, मेको ब्‍यफ कली यो मोदेंशोन पचा माल्‍ब। मोपा चढ़ेबमी मेको आन पर्बम पाप क्‍याम्‍तीक गेय पाइब। मिनु मेकोपुकीम माफ ताइनीम।
LEV 4:21 मेकोमी मेको ब्‍यफ कली मुर बाक्‍तीके रे ङोन ग्रुंइशा लाइक्‍चा माल्‍ब। ङोंइती ङा ब्‍यफ चोशो खोदेंशो पा चोचा माल्‍ब। मेको इस्राएली आन पाप आ पर्बम चढ़ेशो बाक्‍ब। लेवी ४:११-१२
LEV 4:22 मिनु सासन पाइब कामी मतुइक्‍थु, परमप्रभु यावेमी मपचा, दे शेंशो पाप पाप्‍तु हना, मेको दोस ताइब दुम्‍ब।
LEV 4:23 मिनु मेको आ पशो पाप तुइक्‍तमे नोले, मेकोमी मारेइ मदुम्‍शो थम रिम्‍शो बोका का चाक्‍चा माल्‍ब।
LEV 4:24 मिनु मेकोमी आ गुइ मेको बोका आ पिया तार वोइक्‍चा माल्‍ब। मिनु तेकेर परमप्रभु यावे आ ङोंइती चोशा चढ़ेतीक साइक्‍नीमी, मेकेर रेन मेको साइक्‍चा माल्‍ब। मेको पाप आ पर्बम चढ़ेतीके बाक्‍ब।
LEV 4:25 मिनु चढ़ेबमी आ ब्रेप्‍चो हुशेमी ख्रुम्‍शा, चोशा चढ़ेतीक आ ग्रोव़पुकीम ख्रेक्‍चा माल्‍ब। मेको लीशो हुश चोशा चढ़ेतीक आ पुंम मोइक्‍चा माल्‍ब।
LEV 4:26 मेको आ बोंसो नेल्‍ले चढ़ेतीक आ तार चोचा माल्‍ब। मेको दुशा बाक्‍तीक आ पर्बम चढ़ेशो बोंसो खोदेंशो पा चढ़ेतीकेमी चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब।
LEV 4:27 मिनु मुर आन दाते ङा कामी मतुइक्‍थु पाप पाप्‍तु हना, परमप्रभु यावेमी मपचा, दे शेंशो पाप्‍तु हना, मेको दोस ताइब दुम्‍ब।
LEV 4:28 मिनु मेको आ पशो पाप तुइक्‍तमे नोले, मेकोमी आ पशो पाप आ पर्बम चढ़ेचा कली मारेइ मदुम्‍शो थम रिम्‍शो क्‍यारश का चढ़ेचा कली चाक्‍चा माल्‍ब। गन्‍ती १५:२७-२८
LEV 4:29 मिनु मेकोमी आ गुइ मेको पाप आ पर्बम चढ़ेतीक तार वोइक्‍चा माल्‍ब। मिनु मेको पाप आ पर्बम चढ़ेतीके कली मेको चोशा चढ़ेतीक आ नेक्‍था साइक्‍चा माल्‍ब।
LEV 4:30 मिनु चढ़ेबमी आ ब्रेप्‍चो हुशेमी ख्रुम्‍शा, चोशा चढ़ेतीक आ ग्रोव़पुकीम ख्रेक्‍चा माल्‍ब। मेको लीशो हुश चोशा चढ़ेतीक आ पुंम मोइक्‍चा माल्‍ब।
LEV 4:31 मेकोमी आ बोंसो नेल्‍ल दुशा बाक्‍चा आ पर्बम चढ़ेशो आ बोंसो खोदेंशो पा शोल्‍चा माल्‍ब। मिनु चढ़ेबमी मेको चढ़ेतीकेमी चोशा परमप्रभु यावे आ दाक्‍शो ब्रोव़शो रिना पाइक्‍चा कली चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब। लेवी ३:१४-१५
LEV 4:32 मेकोमी आ पाप आ पर्बम चढ़ेचा कली भेडा चाक्‍तु हना, मारेइ मदुम्‍शो थम रिम्‍शो भेडा चाक्‍चा माल्‍नीम।
LEV 4:33 मिनु मेकोमी आ गुइ मेको पाप आ पर्बम चढ़ेतीक तार वोइक्‍चा माल्‍ब। मिनु तेकेर चोशा चढ़ेतीक साइक्‍नीमी, मेकेर मेको पाप आ पर्बम चढ़ेतीके साइक्‍चा माल्‍ब।
LEV 4:34 मिनु चढ़ेबमी आ ब्रेप्‍चो हुशेमी ख्रुम्‍शा, चोशा चढ़ेतीक आ ग्रोव़पुकीम ख्रेक्‍चा माल्‍ब। मेको लीशो हुश चोशा चढ़ेतीक आ पुंम मोइक्‍चा माल्‍ब।
LEV 4:35 मेकोमी आ बोंसो नेल्‍ल दुशा बाक्‍चा आ पर्बम चढ़ेशो आ बोंसो खोदेंशो पा शोल्‍चा माल्‍ब। मिनु चढ़ेबमी मेको चढ़ेतीकेमी अरु चोशा चढ़ेतीक नु परमप्रभु यावे कली चोचा माल्‍ब। मोपा चढ़ेबमी मेको आ पशो पाप आ पर्बम पाप क्‍याम्‍तीक गेय पाइब। मिनु मेको माफ ताइब।
LEV 5:1 मिनु मुर कामी मार मार तशा तुइश्‍शा यो, सांकछी दुम्‍चा कली ब्रेत्‍मेनु, सांकछी दुम्‍चा कली मजाक्‍बा, मेकोमी आ तशो तुइश्‍शो मदेंत हना, मेको आ पर्बम दोस ताइब दुम्‍ब। न्‍यायाधीस १७:२; हितोपदेस २९:२४
LEV 5:2 मिनु सुइमी ग्रांग्रा दिशो थोव़क, बेक्‍शो ब्‍वाकी ङा जन्‍तु, बेक्‍शो बस्‍तु भाव, बेक्‍शो ग्रांग्रा दिशो आइक्‍च ग्रेक्‍शा गाक्‍ब जन्‍तु थिप्‍तु हना, मेकोमी मतुइक्‍ताक्‍व हना यो, मेको ग्रांग्रा दिशो दुम्‍शो बाक्‍ब। मिनु दोस ताइब दुम्‍शो बाक्‍ब।
LEV 5:3 मिनु मेकोमी मुर आन ग्रांग्रा दिशो थोव़क थिप्‍तु हना, तेकोइ मुर आन ग्रांग्रा दिशो सेल्‍शो थोव़क थिप्‍तु हना, मेकोम मेको मतुइक्‍ताक्‍व हना यो, मेको दोस ताइब दुम्‍ब। गन्‍ती १९:१३,२०
LEV 5:4 मिनु सुमी मारेइ रिम्‍शो मरिम्‍शो ममिम्‍थु कसम जाप्‍तु हना, मारेइ मतुइक्‍थु कसम जाप्‍तु हना, मिनु मेको रे मेको लोव़ ख्रुइश्‍शो बाक्‍त हना यो, मेकोमी तुइक्‍ता नोले मेको दोस ताइब दुम्‍ब।
LEV 5:5 मिनु मेको मुर आ पशो पाप तुइक्‍ता नोले, मेकोमी आ पशो पाप शोव़चा माल्‍ब। लेवी १६:२१; गन्‍ती ५:७; यहोसु ७:२०
LEV 5:6 मेकोमी परमप्रभु यावे आ ङोंइती आ पशो पाप आ पर्बम चढ़ेचा कली आ बगाल रे भेडा बाक्‍त हना यो, क्‍यारश बाक्‍त हना यो, का चाक्‍चा माल्‍ब। मिनु चढ़ेबमी मेको आ पशो पाप आ पर्बम पाप क्‍याम्‍तीक गेय पचा माल्‍ब।
LEV 5:7 तन्‍न मेकोमी भेडा चाक्‍ने मचाप्‍तु हना, मेको आ पशो पाप क्‍याम्‍तीक गेय पचा कली ढुकुर निक्‍शी कि परवा निक्‍शी परमप्रभु यावे आ ङोंइती चाक्‍चा माल्‍ब। मेको का पाप आ पर्बम चढ़ेचा कली नु का चोशा चढ़ेचा कली चाक्‍चा माल्‍ब।
LEV 5:8 मेकोमी मेको चढ़ेब आन बाक्‍तीक चाक्‍चा माल्‍नीम। मिनु चढ़ेबमी का कली पाप आ पर्बम ङोंइती चढ़ेचा माल्‍ब। मिनु मेको कली आ शुर रोप्‍चा माल्‍ब। तन्‍न मेको कली प्रोइक्‍चा मदुम्‍ब।
LEV 5:9 मिनु मेको चढ़ेबमी चढ़ेशो परवा आ हुश चढ़ेतीक आ एर ओंथ ब्रुइक्‍चा माल्‍ब। मिनु लीशो हुश चढ़ेतीक आ पुंम चिरचा माल्‍ब।
LEV 5:10 मिनु चढ़ेबमी अर्को परवा चहिं परमप्रभु यावेमी ङोंइती देंशो खोदेंशो पा चोशा चढ़ेतीक चढ़ेचा माल्‍ब। मोपा मेको चढ़ेबमी मेको आ पाप आ पर्बम पाप क्‍याम्‍तीक गेय पचा माल्‍ब। मिनु मेकोम माफ ताइब।
LEV 5:11 तन्‍न ढुकुर निक्‍शी नु परवा निक्‍शी यो चाक्‍ने मचाप्‍तु हना, मेकोमी मार पाप पशो बाक्‍मे, मेको पाप आ पर्बम एफाह का ङा १० भाग थम रिम्‍शो फस चाक्‍चा माल्‍ब। मेकोमी मेको फस तार तेल लुक्‍चा नु धूप वोइक्‍चा मदुम्‍ब। मारदे हना मेको पाप आ पर्बम चढ़ेतीके बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा १० भाग २ लिटर नु इच्‍का खोइ खोदेंशो बाक्‍ब।
LEV 5:12 मेकोमी मेको चढ़ेब आन बाक्‍तीक चाक्‍चा माल्‍ब। मिनु चढ़ेबमी मेको मिम्‍चा कली मुठी का हुइश्‍शा, परमप्रभु यावे कली मीम चोशा चढ़ेतीकेम अरु नु चोचा माल्‍ब। मेको पाप आ पर्बम चढ़ेतीक बाक्‍ब।
LEV 5:13 मोपा मेको चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेकोमी माफ ताइब। मेको रे लीशो चहिं अन्‍न चढ़ेशो खोदेंशो पा चढ़ेब आन के दुम्‍ब’ दे इस्राएली आन कली देनो” दे परमप्रभु यावेमी देंत। लेवी २:३
LEV 5:14 मिनु लेंशा परमप्रभु यावेमी मोसा कली
LEV 5:15 “सुइ मुरुमी प्रेंशा, परमप्रभु यावे आ देंशो मटिथु, पाप पाप्‍तु हना, मेको आ बगाल रे मारेइ मदुम्‍शो थम रिम्‍शो ताम्‍बु ङा चांदी के शेकेलम फाइक्‍चा कली सांड का मेको पाप आ पर्बम चढ़ेचा कली परमप्रभु यावे आ ङोंइती चाक्‍चा माल्‍ब। मेको गारचा आ पर्बम चढ़ेतीक बाक्‍ब। शेकेल का ११.५ ग्राम बाक्‍ब। चांदी नु सुन के क्‍येट बाक्‍त।
LEV 5:16 मेकोमी गारचा कली प्रेंशो बाक्‍त हना, परमप्रभु यावे कली गेतीकेम ५ भाग तेम्‍चा माल्‍ब। मिनु मेको चढ़ेब कली गेचा माल्‍ब। मिनु चढ़ेबम मेको पाप गारचा आ पर्बम चढ़ेशो सांड लाइश्‍शा पाप क्‍याम्‍तीक गेय पचा माल्‍ब। मिनु मेको माफ ताइब दुम्‍ब। लेवी ५:२३-२४; लेवी २२:१४; लेवी २७:१३;
LEV 5:17 सुइ मुरुमी परमप्रभु यावेमी मपचा, दे शेंशो पाप्‍तु हना, मेकोमी मेको मतुइक्‍ताक्‍व हना यो, मेको दोस ताइब दुम्‍शो बाक्‍ब। मिनु मेको सजाइ ताइब दुम्‍ब।
LEV 5:18 मेकोमी चढ़ेब आन बाक्‍तीकेम मारेइ मदुम्‍शो थम रिम्‍शो ठीक क्‍येट लाइब सांड का आ बगाल रे गारचा आ पर्बम चढ़ेतीक चढ़ेचा कली चाक्‍चा माल्‍ब। मिनु चढ़ेबमी मेको आ मतुइक्‍थु पशो पाप आ पर्बम पाप क्‍याम्‍तीक गेय पचा माल्‍ब। मिनु मेकोम माफ ताइब।
LEV 5:19 मेको गारतीक आ पर्बम चढ़ेतीक बाक्‍ब। मेको परमप्रभु यावे आ ङोंइती थमा पा दोस ताइब दुम्‍शो बाक्‍ब” दे मोसामी मुर आन कली देंत।
LEV 6:1 मिनु लेंशा परमप्रभु यावेमी मोसा कली
LEV 6:2 “सुइ मुरुमी परमप्रभु यावे कली मटिथु, मेको आ ङोंइती आ नेक्‍था ङा मुर नु जाकटी वोइश्‍शो थोव़क आ पर्बम जोल पाप्‍तु हना, सुइम गेनुङ, दे कबल पा यो मगेप्‍तु हना, कि मेको थोव़क रोइक्‍ताक्व हना, कि जोल पा आ नेक्‍था ङा मुर आ मारेइ थोव़क आंम के सेल्‍तु हना, गन्‍ती ५:६-८
LEV 6:3 आ नेक्‍था ङा मुर आन मार मार रोइक्‍ताक्‍व हना, जाम्‍शो थोव़क थिश्‍शा यो, मथिदु, दे जोल पाप्‍तु हना, जोल पा कसम जाप्‍तु हना, मेकोमी पाप पशो बाक्‍ब।
LEV 6:4 मेको मोपा पाप पा दोस ताइब दुम्‍ब। मिनु मेकोमी आ रोइश्‍शो, आ खुइ पशो, आ ताक्‍शो थोव़क मलेत्‍ताक्‍व हना, आ थिश्‍शो आ पर्बम जोल पाप्‍तु हना, इजीकीएल ३३:१५
LEV 6:5 तेको थोव़क आ पर्बम जोल पा कसम जशो बाक्‍मे, मेकोमी मेको थोव़क नेल्‍लेमी ५ भाग तेम्‍शा, आ होव़प कली लेश्‍शा गेचा माल्‍ब। मेकोमी दोस आ पर्बम चढ़ेतीक नाक्‍ती मेको सु के बाक्‍मे मेको आ नेक्‍था ङा मुर कली लेश्‍शा गेचा माल्‍ब।
LEV 6:6 मिनु मेकोमी परमप्रभु यावे आ ङोंइती ठीक पा हिक्‍शो क्‍येट कि आ बगाल रे मारेइ मदुम्‍शो थम रिम्‍शो सांड का आ मरिम्‍शो पशो आ पर्बम चढ़ेब आ नेक्‍था परमप्रभु यावे आ बाक्‍तीकेमी चढ़ेचा कली चाक्‍चा माल्‍ब।
LEV 6:7 मिनु मेको चढ़ेबमी मेको आ पर्बम परमप्रभु यावे आ ङोंइती पाप क्‍याम्‍तीक गेय पचा माल्‍ब। मिनु मेकोमी मार आ पर्बम दोस तशो बाक्‍मे, मेकोम माफ ताइब” देंत।
LEV 6:8 मिनु परमप्रभु यावेमी मोसा कली
LEV 6:9 “गे हारून नु आ तौ आन कली चोशा चढ़ेचा आ पर्बम अरेमी। मेको चोशा चढ़ेतीक नाक्‍दो रे सुनी सम्‍म चढ़ेतीके शी तार बाक्‍चा माल्‍ब। मिनु चढ़ेतीक ङा मी यो ब्रस ङा ब्रस बाक्‍चा माल्‍ब।
LEV 6:10 मिनु चढ़ेबमी आ सुती के आगा फेक्‍तीक वा नु सुती के फेक्‍तीके फेक्‍चा माल्‍ब। मिनु मेकोमी मीम दाक्‍शो चोशा चढ़ेशो आ पुलु हुइश्‍शा चढ़ेतीक आ नेक्‍था वोइक्‍चा माल्‍ब। प्रस्‍थान २८:४२
LEV 6:11 मिनु नोले मेकोमी आ फेक्‍शो वा प्रुइश्‍शा, अर्को वा फेक्‍शा, मेको पुलु ताम्‍बु रे ग्रुंइशा चोव़खो पुलु ताइक्‍तीकेमी लाइश्‍शा ताइक्‍चा माल्‍ब।
LEV 6:12 चढ़ेतीक ङा मी चहिं ब्रस ङा ब्रस बाक्‍चा माल्‍ब। मेको काप्‍चा मदुम्‍ब। मिनु सुनी कुस कुस चढ़ेबमी मेकेर शी तेम्‍चा माल्‍ब। मिनु चोशा चढ़ेतीके मीम दुशा बाक्‍तीक आ पर्बम चढ़ेशो आ बोंसो चोचा माल्‍ब।
LEV 6:13 चढ़ेतीक ङा मी ब्रस ङा ब्रस बाक्‍चा माल्‍ब। मेको गेनायो काप्‍चा मदुम्‍ब।
LEV 6:14 एको अन्‍न चढ़ेतीक आ पर्बम अरेशो लोव़ बाक्‍ब। हारून आ तौपुकीमी परमप्रभु यावे आ ङोंइती चढ़ेतीक आ नेक्‍था चाक्‍चा माल्‍नीम।
LEV 6:15 मिनु मेकोपुकीम अन्‍न चढ़ेतीके, तेल नु धूप आ तार वोइश्‍शो रिम्‍शो फस रे मुठी का लाइश्‍शा, मिम्‍चा कली परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीकेमी चोचा माल्‍नीम।
LEV 6:16 मिनु लीशो हारून नु आ तौपुकीम जचा माल्‍नीम। तन्‍न मेको चोव़खो बाक्‍तीकेमी बोरब ओख्‍ती मसुप्‍थु, चोशा जचा माल्‍नीम। मेकोपुकीमी ग्रुम्‍तीक ताम्‍बु आ लाङगाम बाक्‍शा, जचा माल्‍नीम।
LEV 6:17 मेकेर बोरब ओख्‍ती सुप्‍शा शोब्‍ले चोचा मदुम्‍ब। आं कली मीम चोशा चढ़ेशो रे मेको आन कली आं गेशो भाग बाक्‍ब। मेको पाप आ पर्बम चढ़ेतीके नु गारपाइक्‍चा आ पर्बम चढ़ेतीके खोदेंशो मेको थम चोव़खो बाक्‍ब।
LEV 6:18 हारून आ खिं ङा वोंइश मुर नेल्‍लेमी गेना हना यो परमप्रभु यावे कली मीम चोशा चढ़ेशो रे जचा माल्‍नीम। परमप्रभु यावे कली मीम चोशा चढ़ेशो रे मेको आ खिं ङा मुर नेल्‍ल आन कली गेशो आन भाग बाक्‍ब। मेको थीब नेल्‍ल चोव़खो दुम्‍नीम” देंत।
LEV 6:19 मिनु परमप्रभु यावेमी लेंशा मोसा कली
LEV 6:20 “हारून नु आ तौपुकीम तेल लुक्‍चा पुंइसे नाक्‍ती परमप्रभु यावे कली मार नु दोपा चढ़ेचा माल्‍नीम देंशा हना, एफाह का ङा १० भाग थम रिम्‍शो फस नाक्‍दो आधा नु सुनी आधा गेना हना यो चढ़ेचा माल्‍नीम। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा १० भाग २ लिटर नु इच्‍का खोइ ४ माना खोदेंशो बाक्‍ब।लेवी ७:३७; प्रस्‍थान २९:-
LEV 6:21 मेको शोब्‍ले तेलम चोचा माल्‍ब। गे मेको कली शुश तेलम चोशा, अन्‍न चढ़ेतीके टुक्रा टुक्रा पा परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीके चढ़ेचा माल्‍नीम।
LEV 6:22 मोपा हारून आ नोले आ तेल लुक्‍शो तौमी मोदेंशो पचा माल्‍ब। मेको गेना हना यो परमप्रभु यावे केन बाक्‍ब। मिनु मेको नेल्‍ल चोचा माल्‍ब।
LEV 6:23 मिनु चढ़ेब आन अन्‍न चढ़ेतीक नेल्‍ल चोचा माल्‍नीम। मेको जचा मदुम्‍ब” देंत।
LEV 6:24 मिनु परमप्रभु यावेमी मोसा कली
LEV 6:25 “गे हारून नु आ तौ आन कली मार देंचा माल्‍नेवे देंशा हना ‘पाप क्‍याम्‍चा कली चढ़ेतीक आ पर्बम अरेशो बाक्‍ब। पाप क्‍याम्‍चा कली चढ़ेतीक परमप्रभु यावे आ ङोंइती चोशा चढ़ेतीक कली साइक्‍तीकेमी साइक्‍चा माल्‍ब। मेको थम चोव़खो बाक्‍ब। लेवी ४:-
LEV 6:26 मेको पाप क्‍याम्‍चा कली चढ़ेशो चढ़ेबमी मेको रे ब्‍वचा माल्‍ब। मेकोपुकीमी ग्रुम्‍तीक ताम्‍बु ङा लाङगाम बाक्‍शा, ब्‍वचा माल्‍नीम।
LEV 6:27 मेको श्‍ये मारम थीबा, मेको यो चोव़खो दुम्‍ब। मेको आ हुश वाम प्रेक्‍ताक्‍व हना, गेपुकीम मेको वा चोव़खो बाक्‍तीकेमी मुरचा माल्‍नीनी।
LEV 6:28 मेको श्‍ये तेको खप के ग्‍योंबुम लोप्‍नीमी, मेको ग्‍योंब प्रोल्‍शा ताइक्‍चा माल्‍नीम। मेको कांसा के ग्‍योंबुम लोप्‍शो बाक्‍त हना, मेको सिक्‍स ब्‍वाक्‍कुम शेक्‍चा माल्‍नीम।
LEV 6:29 मेको चढ़ेब आन दाते ङा वोंइश मुर नेल्‍लेमी मेको ब्‍वचा माल्‍नीम। मेको थम चोव़खो बाक्‍ब।
LEV 6:30 तन्‍न तेको पाप क्‍याम्‍चा कली चढ़ेतीके आ हुश पाप क्‍याम्‍तीक गेय पचा कली ग्रुम्‍तीक ताम्‍बु आ आगाम चाक्‍नीमी, मेको ब्‍वचा मदुम्‍ब। मेको चोचा माल्‍नीम।
LEV 7:1 गारचा आ पर्बम चढ़ेतीक थम चोव़खो बाक्‍ब। एको दोपा पचा माल्‍ब देंशा हना, लेवी ५:१४-२६
LEV 7:2 चोशा चढ़ेतीक तेकेर साइक्‍नीमी, मेकेरेन गारचा आ पर्बम चढ़ेतीक साइक्‍चा माल्‍ब। मेको आ हुश, चढ़ेतीक आ एर ओंथ ब्रुइक्‍चा माल्‍ब।
LEV 7:3 मेको आ बोंसो नेल्‍ले, बोंसो पाइश्‍शो मीलु, गा क्‍यी सुम्‍शो बोंसो, लेवी ३:९-१०
LEV 7:4 चिच निम्‍फा, मेको आ तार ङा नु क्रातो ङा बोंसो, चिच सुन्‍दा आइदीम क्‍येप्‍शो बोंसो नेल्‍ल शोल्‍शा, चढ़ेचा माल्‍ब।
LEV 7:5 चढ़ेबमी परमप्रभु यावे कली मीम चोशा चढ़ेचा माल्‍ब। मेको गारचा आ पर्बम चढ़ेतीके बाक्‍ब।
LEV 7:6 मेको चढ़ेब आन खिं ङा वोंइश मुर नेल्‍लेमी मेको ब्‍वचा माल्‍नीम। मेको चोव़खो बाक्‍तीके ब्‍वचा माल्‍नीम। मेको थम चोव़खो बाक्‍ब।
LEV 7:7 गारचा आ पर्बम चढ़ेतीके पाप आ पर्बम चढ़ेतीक खोदेंशो बाक्‍ब। पतीक गेय यो कान बाक्‍ब। मिनु तेको चढ़ेबम मेको पाप क्‍याम्‍तीक गेय पवा, मेको मेको केन दुम्‍ब।
LEV 7:8 मिनु तेको चढ़ेबमी मुर आन चाक्‍शो चोशा चढ़ेतीक चढ़ेबा, मेको चोशा चढ़ेशो आ कुशुल यो मेको केन दुम्‍ब। लेवी १:६
LEV 7:9 मिनु चुप्‍लुम चोशो, दिउरेमी क्‍येशो नु तांवाम चोशो चढ़ेशो नेल्‍ले मेको चढ़ेब केन दुम्‍ब। लेवी २:४,५,७
LEV 7:10 तन्‍न अरु अन्‍न चढ़ेतीके तेलम ब्‍वाइश्‍शो नु मब्वाइश्‍शो नेल्‍ल हारून नु आ तौ आन कली योक्‍चा कली बाक्‍ब। लेवी २:१-३
LEV 7:11 मिनु परमप्रभु यावे कली दुशा बाक्‍चा आ पर्बम चढ़ेतीके दोपा चढ़ेचा माल्‍ब, दे अरेशो बाक्‍ब देंशा हना, लेवी ३:-
LEV 7:12 सुइमी परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍शा चढ़ेप्‍तु हना, मेकोमी तेलम निशो बोरब ओख्‍ती मसुप्‍शो बटुक, बोरब ओख्‍ती मसुप्‍शो तेल ख्रेक्‍शो शोब्‍ले नु थम रिम्‍शो फस के सेल्‍शो तेल वोइश्‍शो शोब्‍ले चढ़ेचा माल्‍नीम। लेवी १९:५-८; लेवी २२:२९-३०
LEV 7:13 मेकोमी “गे रिम्‍शो पाइब बाक्‍नीनी” दे ठेयब सेल्‍शा नु दुशा बाक्‍चा आ पर्बम चढ़ेशो नु बोरब ओख्‍ती सुप्‍शो शोब्‍ले यो चढ़ेचा माल्‍ब।
LEV 7:14 मेकोमी चढ़ेशो शोब्‍ले नेल्‍ल रे का का पा परमप्रभु यावे कली क्‍युक्‍शा चढ़ेचा माल्‍ब। दुशा बाक्‍चा आ पर्बम चढ़ेतीके आ हुश तेको चढ़ेबम ब्रुइक्‍बा, मेको केन दुम्‍ब।
LEV 7:15 “गे रिम्‍शो पाइब बाक्‍नीनी” दे ठेयब सेल्‍शा नु दुशा बाक्‍चा आ पर्बम चढ़ेशो श्‍ये मेको चढ़ेशो नाक्‍तीन नेक्‍चा माल्‍नीम। सुनी सम्‍म मारेइ हें‍चा मदुम्‍ब।
LEV 7:16 मेको चढ़ेशो कसम जशो आ पर्बम नु ग्‍येरशा चढ़ेशो बाक्‍त हना, मेको चढ़ेशो नाक्‍ती ब्‍वचा माल्‍नीम। आ लीशो आ दीसा ब्‍वचा दुम्‍ब।
LEV 7:17 आ नित्‍थ नाक्‍त सम्‍म लीशो चढ़ेशो श्‍ये चहिं मीम चोचा माल्‍ब।
LEV 7:18 मेको दुशा बाक्‍तीक आ पर्बम चढ़ेशो आ श्‍ये आ नित्‍थ नाक्‍त सम्‍म सुइम ब्‍वाप्‍तु हना, मेको काइ मदुम्‍ब। मेको मुरुमी यो मचढ़ेशो खोदेंशो दुम्‍ब। मेको श्‍ये ब्‍वचा ग्रांग्रा दित्‍चा ङा बाक्‍ब। मेको ब्‍वाइब मुर दोस ताइब।
LEV 7:19 मारेइ ग्रांग्रा दिशो थोव़कम थिशो श्‍ये ब्‍वचा मदुम्‍ब। मेको चोचा माल्‍ब। तन्‍न सुइ चोव़खो दुम्‍शो बाक्‍तेक्‍म हना, अरु श्‍ये ब्‍वने चाप्‍नीम।
LEV 7:20 तन्‍न सुइ ग्रांग्रा दिशो दुम्‍शा, परमप्रभु यावे कली दुशा बाक्‍चा आ पर्बम चढ़ेशो श्‍ये ब्‍वाप्‍तु हना, मेको आ खिं ङा मुर रे तिल्‍चा पुंइसीब।
LEV 7:21 मिनु इन दातेमी सुमी मारेइ मारेइ ग्रांग्रा दिशो थोव़क थिशा, मुर आन ग्रांग्रा दिशो, ग्रांग्रा दिशो जन्‍तु कि मारेइ ग्रांग्रा दिशो थिप्‍तु हना, नोले परमप्रभु यावे कली दुशा बाक्‍चा आ पर्बम चढ़ेशो श्‍ये ब्‍वाप्‍तु हना, मेको आ खिं ङा मुर रे तिल्‍चा पुंइसीब’ दे माइक्‍मी” दे परमप्रभु यावेमी मोसा कली देंत।
LEV 7:22 मिनु लेंशा परमप्रभु यावेमी मोसा कली
LEV 7:23 “गे इस्राएली आन कली ‘गेपुकीम ब्‍यफ, भेडा नु क्‍यारश आन बोंसो काइ मब्‍वने। लेवी ३:१७
LEV 7:24 आंमा बेक्‍शो, मारेइमी साइश्‍शो बस्‍तु भाव आन बोंसो अर्को मारेइ गेयम चलेने चाप्‍नीनी। तन्‍न गेपुकीमी मेको ब्‍वचा मदुम्‍ब। प्रस्‍थान २२:३०
LEV 7:25 मिनु इन दातेमी सुमी परमप्रभु यावे कली मीम चोशा चढ़ेतीके आ बोंसो ब्‍वाइबा, मेको आ खिं ङा मुर रे तिल्‍चा पुंइसीब।
LEV 7:26 गेपुकी ते बाक्‍तीनी हना यो, तेकोइ चिक्‍ब नु बी ब्‍यफ, क्‍यारश भेडा आन हुश ब्‍वचा मदुम्‍ब।
LEV 7:27 मिनु सुमी हुश ब्‍वाइबा, मेको आ खिं ङा मुर रे तिल्‍चा पुंइसीब’ माइक्‍मी” देंत।
LEV 7:28 मिनु परमप्रभु यावेमी मोसा कली
LEV 7:29 “गे इस्राएली आन कली ‘सुमी परमप्रभु यावे कली गे रिम्‍शो पाइब बाक्‍नीनी, दे ठेयब सेल्‍शा चढ़ेतीक चाड सेल्‍बा, मेकोमी आ चढ़ेशो रे परमप्रभु यावे आ बाक्‍तीकेम आंमान चाक्‍चा माल्‍ब।
LEV 7:30 मेकोमी परमप्रभु यावे कली मीम चोशा चढ़ेचा कली बोंसो नु कुथ्रु चाक्‍चा माल्‍ब। मिनु मेको कुथ्रु परमप्रभु यावे कली क्‍युक्‍शा चढ़ेतीक चढ़ेचा माल्‍ब। प्रस्‍थान २९:२४
LEV 7:31 मिनु चढ़ेबमी मेको बोंसो कली मीम चोचा माल्‍ब। तन्‍न मेको कुथ्रु हारून नु आ तौ आन के दुम्‍ब।
LEV 7:32 मिनु इन दुशा बाक्‍चा आ पर्बम चढ़ेतीके रे आ ग्‍युरा फिला चढ़ेब कली क्‍युक्‍शा चढ़ेचा कली गेचा माल्‍नीनी। लेवी ९:२१
LEV 7:33 हारून आ तौ तेकोम दुशा बाक्‍चा आ पर्बम चढ़ेतीक चढ़ेबा नु हुश ब्रुइक्‍बा, ग्‍युरा फिला मेको के दुम्‍ब।
LEV 7:34 मारदे हना गो इस्राएली आन “गे रिम्‍शो पाइब बाक्‍नीनी” दे ठेयब सेल्‍शा चढ़ेशो कुथ्रु नु ग्‍युरा फिला गेपुकी रे ताक्‍शा चढ़ेब हारून नु मेको आ तौ आन कली गेना हना यो कली गेतामी’ दे माइक्‍मी।
LEV 7:35 हारून नु आ तौपुकी तेको नाक्‍त रे परमप्रभु यावे कली चढ़ेब दुम्‍मा, मेको नाक्‍ती रेन परमप्रभु यावे कली मीम चोशा चढ़ेशो चढ़ेतीक रे मेको आन भाग गेतामी।
LEV 7:36 तेको नाक्‍ती रे मेकोमी मेको आन कली तेल लुक्‍ता, मेको नाक्‍त रेन मेको आन कली इस्राएलीपुकी रे ततीक भाग परमप्रभु यावेमी ‘मेको आन के बाक्‍ब’ देंशो बाक्‍ब। मेको आन कली गेना हना यो नेल्‍ल आन पाला सम्‍म आन भाग बाक्‍ब, देनो” देंत।
LEV 7:37 “मेको चोशा चढ़ेतीके, अन्‍न चढ़ेतीके, पाप आ पर्बम चढ़ेतीके, गारचा आ पर्बम चढ़ेतीके, नक गेय पचा आ पर्बम चढ़ेतीके नु परमप्रभु यावे कली ‘गे रिम्‍शो पाइब बाक्‍नीनी’ दे ठेयब सेल्‍शा चढ़ेतीक आ पर्बम पतीके बाक्‍ब।
LEV 7:38 मिनु परमप्रभु यावेमी मेको लोव़ मोसा कली सीनै डांडाम अरेशो बाक्‍त। मेको नाक्‍ती परमप्रभु यावेमी सीनै ङा गोरशो रागीम इस्राएली आन कली आन चढ़ेतीक आ बाक्‍तीक चाक्‍कीन” दे अरेशो बाक्ब।
LEV 8:1 मिनु परमप्रभु यावेमी मोसा कली
LEV 8:2 “गे हारून नु आ तौ आन कली, चढ़ेब आन फेक्‍तीक वा, आन कली लुक्‍चा कली तेल, पाप आ पर्बम चढ़ेतीक ब्‍यफ, सांड निक्‍शी नु बोरब ओख्‍ती मसुप्‍शो शोब्‍ले चाक्‍को। प्रस्‍थान २८:३९-४३
LEV 8:3 मुर नेल्‍ल आन कली ग्रुम्‍तीक ताम्‍बु आ ओव़तीकेम पुक्‍मी” देंत।
LEV 8:4 मिनु मोसामी परमप्रभु यावेमी दोदेंशो पा अरेवा, मोदेंशो पा पाप्‍तु। मिनु मुरपुकी ग्रुम्‍तीक ताम्‍बु आ ओव़तीकेम बुक्‍तेक्‍म।
LEV 8:5 मिनु मोसाम बुक्‍शो मुर आन कली “परमप्रभु यावेमी ‘पावो’ दे अरेशो लोव़ एकोन बाक्‍ब” देंत।
LEV 8:6 मिनु मोसामी हारून नु आ तौ आन कली चाक्‍शा चिक्‍ताक्‍मी।
LEV 8:7 मिनु मेकोमी हारून कली आगा वा फेक्‍ताक्‍व। मिनु किप्‍शुर किप्‍ताक्‍व। मिनु मेकोमी आ तार ङा फेक्‍तीक फेक्‍ताक्‍व। मेकोमी क्रातो आ ङोंइती क्‍युक्‍तीक वा क्‍युक्‍‍ताक्‍व। मिनु रिम्‍शो पा प्रोव़शो बुटा आप्‍शो किप्‍शुर नु क्रातो ङोंइती क्‍युक्‍तीक झोला मेको आ तार किप्‍ताक्‍व।
LEV 8:8 मिनु नोले मेकोमी हारून कली कुचुम रेल्‍तीक झोला रेल्‍ताक्‍व, मिनु मेको आगा “ऊरीम नु थुम्‍मीम” कुर पाप्‍तु। ऊरीम नु थुम्‍मीम कली छेङछेङ नु निसाफ पतीके देंसीब। परमप्रभु यावे आ देंशो कोंइब बाक्‍ब।प्रस्‍थान २८:३०
LEV 8:9 मिनु मेको आ पियाम गुप्‍तीके गुप्‍ताक्‍व। मिनु सुन के मुशो कुप्‍फीम पांइतीके “परमप्रभु यावे कली ला” दे मेको आ ङोंइती गे पांइताक्‍व। परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु। प्रस्‍थान २८:३६-३८; लेवी ३९:३०
LEV 8:10 मेको नोले मोसामी लुक्‍तीक तेल चाक्‍शा परमप्रभु यावे आ बाक्‍तीके नु मेकेर बाक्‍शो मारेइ मारेइ आन कली ब्रुइश्‍शा, “परमप्रभु यावे केन बाक्‍ब” दे चोव़खो सेल्‍तु।
LEV 8:11 मिनु मेकोमी तेल इच्‍का चढ़ेतीकेम ७ खेयप ब्रुइक्‍ताक्‍व। मोपा चढ़ेतीके, मेकेर बाक्‍शो चढ़ेचा कली माल्‍तीक नेल्‍ले नु चिक्‍तीक ठेयब ग्‍योंब नु आ नाइक्‍तीके, नेल्‍ल आन कली परमप्रभु यावे के सेल्‍चा कली तेल ब्रुइक्‍ताक्‍मी।
LEV 8:12 मिनु मेकोमी हारून आ पियाम लुक्‍तीक तेल लुक्‍शा, मेको कली परमप्रभु यावे कली ला गेय पाइब सेल्‍तु।
LEV 8:13 मिनु मोसामी हारून आ तौ आन कली चाक्‍पाइश्‍शा, आगा वा फेक्‍ताक्‍मी। मिनु किप्‍शुर किप्‍शा पियाम गुप्‍तीके गुप्‍ताक्‍मी। परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु।
LEV 8:14 मिनु नोले मोसामी पाप आ पर्बम चढ़ेतीक ब्‍यफ चाक्‍तु। मिनु हारून नु आ तौपुकीम मेको पाप आ पर्बम चढ़ेतीक ब्‍यफ आ पिया तारी आन गुइ वोइक्‍तेक्‍म। लेवी ४:१-१२
LEV 8:15 मिनु मोसामी मेको ब्‍यफ कली साइक्‍तु। मिनु मेकोमी मेको इच्‍का हुश लाइश्‍शा आ ब्रेप्‍चोमी चढ़ेतीक एर ओंथ ङा ग्रोव़म ख्रेक्‍शा, चढ़ेतीक कली परमप्रभु यावे कली ला, चोव़खो सेल्‍तु। मिनु लीशो हुश चहिं चढ़ेतीक आ पुंम मोइक्‍तु। मोपा मेको चढ़ेतीक कली पाप क्‍याम्‍तीक गेय पचा, दे चोव़खो सेल्‍तु।
LEV 8:16 मिनु मोसामी गा क्‍यी गिल्‍शो बोंसो नेल्‍ल, आइदी क्‍येप्‍शो बोंसो नु चिच निम्‍फा नु आ बोंसो चढ़ेतीकेम चोप्‍तु।
LEV 8:17 मिनु ब्‍यफ, मेको आ कुशुल, आ श्‍ये नु गोबर मुर आ बाक्‍तीक क्‍येङा ङोन मीम चोप्‍तु। परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु।
LEV 8:18 मिनु नोले मोसामी चोशा चढ़ेतीक सांड चाक्‍तु। मिनु हारून नु आ तौपुकीमी आन गुइ मेको सांड आ पिया तार वोइक्‍तेक्‍म। लेवी १:१०-१३
LEV 8:19 मिनु मोसामी मेको सांड कली क्‍योरतु। मिनु मेकोमी आ हुश चढ़ेतीक एर ओंथ ब्रुइक्‍ताक्‍व।
LEV 8:20 मिनु मोसामी मेको सांड कली टुक्रा टुक्रा पा चेक्‍तु। मेको आ पिया, चेक्‍शो श्‍ये नु बोंसो नेल्‍ल चोप्‍तु।
LEV 8:21 मेकोमी गा क्‍यी नु फिला मुरतु। मोपा मोसामी मेको सांड नेल्‍ल चढ़ेतीकेमी चोप्‍तु। मेको परमप्रभु यावे कली ब्रोव़शो रिना पाइश्‍शो मीम चोशा चढ़ेशो बाक्‍त। मिनु परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु।
LEV 8:22 मिनु नोले मोसामी अर्को चढ़ेतीक सांड चाक्‍तु। मेको गेय गोचा कली चढ़ेतीक ङा सांड बाक्‍त। मिनु हारून नु आ तौपुकीम आन गुइ मेको सांड आ पिया तार वोइक्‍तेक्‍म।
LEV 8:23 मिनु मोसामी मेको सांड कली क्‍योरतु। मिनु मेकोमी मेको आ हुश हारून आ ग्‍युरा नोफा आ फेनेम, आ ग्‍युरा गुइ ङा बोंग्‍ये नु आ ग्‍युरा खोइल ङा बोंग्‍येमी ख्रेक्‍ताक्‍व।
LEV 8:24 मिनु मोसामी हारून आ तौ आन कली चाक्‍पाइक्‍तु। मिनु मेकोमी मेको आन ग्‍युरा नोफा आन फेनेम, आन ग्‍युरा गुइ ङा बोंग्‍ये नु आन ग्‍युरा खोइल ङा बोंग्‍येमी ख्रेक्‍ताक्‍व। मिनु मोसामी मेको हुश कली चढ़ेतीके आ एर ओंथ ब्रुइक्‍ताक्‍व। लेवी १७:११
LEV 8:25 मिनु मेकोमी मेको सांड आ बोंसो, मेको बोंसो पाइश्‍शो मीलु, गा क्‍यीम गिल्‍शो बोंसो, आइदीम क्‍येप्‍शो बोंसो, चिच निम्‍फा नु मेक ङा बोंसो नु ग्‍युरा फिला लाइक्‍तु।
LEV 8:26 मिनु परमप्रभु यावे आ ङोंइती बाक्‍शो बोरब ओख्‍ती मसुप्‍शो मार मार आ डालो रे बोरब ओख्‍ती मसुप्‍शो हिरशो शोब्‍ले का, तेलम ख्रुम्‍शो शोब्‍ले का नु बाबर का ग्रुंइशा, मेको बोंसो नु ग्‍युरा फिला तार वोइक्‍तु।
LEV 8:27 मिनु मेको नेल्‍ल लाइश्‍शा हारून नु आ तौ आन गुइमी वोइक्‍तु। मिनु परमप्रभु यावे आ ङोंइती हिम्‍शा चढ़ेतीके चढ़ेप्‍तु।
LEV 8:28 मिनु मोसामी मेको आन गुइ रे लाइश्‍शा, चोशा चढ़ेशो आ तारी चोप्‍तु। मेको गेय गोचा कली चढ़ेतीके परमप्रभु यावे कली ब्रोव़शो रिना पाइश्‍शो मीम चोशा चढ़ेतीक बाक्‍त।
LEV 8:29 मिनु मोसामी मेको सांड आ कुथ्रु लाइश्‍शा, परमप्रभु यावे आ ङोंइती हिम्‍शा चढ़ेतीके चढ़ेप्‍तु। मेको गेय गोचा कली चढ़ेशो सांड आ श्‍ये मोसा आ भाग दुम्‍त। परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु।
LEV 8:30 मिनु मोसामी लुक्‍तीक तेल नु चढ़ेतीकेम वोइश्‍शो हुश लाइश्‍शा, हारून नु आ तौ आन फेक्‍शो वाम ब्रुइक्‍ताक्‍व। मोपा मोसामी हारून नु मेको आ फेक्‍शो वा, आ तौपुकी नु मेको आन फेक्‍शो वा नेल्‍ल परमप्रभु यावे कली ला गेय पाइब, दे चोव़खो सेल्‍तु।
LEV 8:31 मिनु मोसाम हारून नु आ तौ आन कली “गे मेको श्‍ये कली ग्रुम्‍तीक ताम्‍बु आ ओव़तीकेम लोपीन। मिनु गेय गोचा कली चढ़ेशो डालो ङा शोब्‍ले नु मेक उइ जने ब्‍वने। आं देंशो खोदेंशो पा जचा ब्‍वचा माल्‍नीनी।
LEV 8:32 हेंशो श्‍ये नु शोब्‍ले गे मीम चोचा माल्‍नीनी।
LEV 8:33 मिनु नोले गे ७ नाक्‍त सम्‍म, इन कली गेय गोचा कली चढ़ेशो ७ नाक्‍त मगाम सम्‍म ग्रुम्‍तीक ताम्‍बु आ ओव़तीक रे लाङगा मलने। मारदे हना ७ नाक्‍त मजाक्‍दीम सम्‍म इन गेय गोचा कली चढ़ेतीक गेय ला थुम्‍सीब।
LEV 8:34 मुलाक्‍त मार पङा, मेको परमप्रभु यावेमी अरेशो इन कली पाप क्‍याम्‍तीक गेय बाक्‍त।
LEV 8:35 गेपुकी ७ नाक्‍त सम्‍म नाक्‍दो नाक्‍ती ग्रुम्‍तीक ताम्‍बु आ ओव़तीकेमी बाक्‍चा माल्‍नीनी। गे परमप्रभु यावेमी अरेशो पने। मो मपाइतीनी हना, गे बेक्‍नीनी। मारदे हना आं कली मोदें अरेशो बाक्‍ब” दे माइक्‍तीमी।
LEV 8:36 मिनु परमप्रभु यावेमी मोसा रे पा अरेशो नेल्‍ल हारून नु आ तौपुकीम पाम्‍तेक्‍म।
LEV 9:1 मिनु ८ नाक्‍ती मोसामी हारून, आ तौ नु इस्राएल ङा खाल्‍पा आन कली ब्रेत्‍ताक्‍मी। लेवी ८:३३
LEV 9:2 मिनु मेकोमी हारून कली “गे पाप आ पर्बम चढ़ेचा कली मारेइ मदुम्‍शो थम रिम्‍शो बाछा का नु चोशा चढ़ेचा कली मारेइ मदुम्‍शो थम रिम्‍शो सांड का चाक्‍शा परमप्रभु यावे आ ङोंइती चढ़ेवो।
LEV 9:3 मिनु इस्राएली आन कली ‘गेपुकीमी पाप आ पर्बम चढ़ेचा कली बोका का नु चोशा चढ़ेचा कली बर्स का दुम्‍शा, मारेइ मदुम्‍शो थम रिम्‍शो बाछा का नु मारेइ मदुम्‍शो थम रिम्‍शो पाठा का चाक्‍कीन।
LEV 9:4 मिनु परमप्रभु यावे आ ङोंइती दुशा बाक्‍चा आ पर्बम चढ़ेचा कली ब्‍यफ का, सांड का नु तेलम निशो अन्‍न चढ़ेतीक यो चाक्‍कीन। मारदे हना मुलाक्‍ती परमप्रभु यावेमी इन कली तपांइसीब’ माइक्‍मी” देंत।
LEV 9:5 मिनु मोसामी अरेशो खोदेंशो पा मेकोपुकीमी मारेइ मारेइ ग्रुम्‍तीक ताम्‍बु आ ङोंइती चाक्‍तेक्‍म। मिनु मुर नेल्‍ले परमप्रभु यावे आ ङोंइती जाक्‍शा राप्‍तेक्‍म।
LEV 9:6 मिनु मोसामी “गेपुकीमी परमप्रभु यावेमी अरेशो पचा माल्‍शो गेय एकोन बाक्‍ब। मिनु परमप्रभु यावे आ छेङछेङम इन कली तपांइसीब” देंत।
LEV 9:7 मिनु मोसाम हारून कली “चढ़ेतीक आ नेक्‍था जाक्‍शा, इ पाप आ पर्बम चढ़ेतीक नु इ चोशा चढ़ेतीक चढ़ेवो। मिनु आंम इ पर्बम नु मुर आन पर्बम पाप क्‍याम्‍तीक गेय पावो। परमप्रभु यावेमी अरेशो खोदेंशो पा मुर आन चाक्‍शो चढ़ेतीक चढ़ेशा, मुर आन पर्बम पाप क्‍याम्‍तीक गेय पावो” देंत। लेवी १६:६,११,१५; हिब्रू ५:३; हिब्रू ७२७
LEV 9:8 मिनु हारून चढ़ेतीक आ नेक्‍था जाक्‍शा, आ पाप आ पर्बम चढ़ेतीक बाछा क्‍योरतु।
LEV 9:9 मिनु हारून आ तौपुकीमी मेको आ हुश चाक्‍तेक्‍म। मिनु मेकोमी आ ब्रेप्‍चो हुशेम ख्रुम्‍शा चढ़ेतीक आ ग्रोव़पुकीम ख्रेक्‍ताक्‍व। मिनु लीशो हुश कली चढ़ेतीक आ पुंम मोइक्‍तु।
LEV 9:10 मिनु मेकोमी पाप आ पर्बम चढ़ेशो आ बोंसो, चिच नु आइदीम क्‍येप्‍शो बोंसो चढ़ेतीकेम चोप्‍तु। परमप्रभु यावेमी मोसा कली दोदेंशो पा अरेवा, मोदेंशो पा हारूनमी पाप्‍तु। लेवी ४:८-१२; लेवी ८:१४-१७
LEV 9:11 तन्‍न श्‍ये नु कुशुल चहिं मुर आन बाक्‍तीके क्‍येङा ङोन चोप्‍तु।
LEV 9:12 मिनु नोले हारूनमी चोशा चढ़ेतीक क्‍योरतु। मिनु मेको आ तौपुकीमी मेको आ हुश चाक्‍शा गेम्‍तेक्‍म। मिनु मेकोमी मेको चढ़ेतीक आ एर ओंथ ब्रुइक्‍ताक्‍व। लेवी १:१०-१३
LEV 9:13 मिनु मेकोपुकीमी मेको चोशा चढ़ेतीके टुक्रा टुक्रा पा चेक्‍शा, पिया सुन्‍दा चाक्‍शा, मेको कली गेम्‍तेक्‍म। मिनु हारूनमी मेको चढ़ेतीकेमी चोप्‍तु।
LEV 9:14 मिनु मेकोमी गा क्‍यी नु खोइल मुरशा, चोशा चढ़ेतीके नु चोप्‍तु।
LEV 9:15 मिनु नोले हारूनमी मुर आन पर्बम चढ़ेतीक चाक्‍शा, मेको आन पाप आ पर्बम चढ़ेशो बोका क्‍योरतु। मिनु ङोंइती ङा खोदेंशो पा पाप आ पर्बम चढ़ेतीके चढ़ेप्‍तु।
LEV 9:16 मेको नोले चोशा चढ़ेतीक चाक्‍शा, अरेशो खोदेंशो पा चढ़ेप्‍तु।
LEV 9:17 मिनु अन्‍न चढ़ेतीक चाक्‍शा, मुठी का हुइश्‍शा, सुनी ङा चोशा चढ़ेतीक नु चढ़ेप्‍तु।
LEV 9:18 मिनु हारूनमी मुर आन कली दुशा बाक्‍चा आ पर्बम चढ़ेतीके ब्‍यफ नु सांड क्‍योरतु। मिनु हारून आ तौपुकीम हुश चाक्‍शा, मेको कली गेम्‍तेक्‍म। मिनु मेकोमी चढ़ेतीक आ एर ओंथ ब्रुइक्‍ताक्‍व।
LEV 9:19 मिनु ब्‍यफ नु सांड आस बोंसो, बोंसो पाइश्‍शो मीलु, गा क्‍यी गिल्‍शो बोंसो, चिच निम्‍फा नु आइदीम क्‍येप्‍शो बोंसो लाइक्‍तेक्‍म।
LEV 9:20 मिनु ङोंइती कुथ्रु तार वोइक्‍तेक्‍म। नोले बोंसो चढ़ेतीकेम चोम्‍तेक्‍म।
LEV 9:21 मिनु मोसाम अरेशो खोदेंशो पा हारूनमी कुथ्रु नु ग्‍युरा फिला चहिं परमप्रभु यावे आ ङोंइती क्‍युक्‍शा हिम्‍शा चढ़ेतीके चढ़ेप्‍तु। लेवी ७:३०-३४;
LEV 9:22 मिनु हारूनमी आ गुइ मुर आन गे पोक्‍शा, आसीक गेम्‍तीमी। मोपा पाप आ पर्बम चढ़ेतीके, चोशा चढ़ेतीके नु दुशा बाक्‍चा आ पर्बम चढ़ेतीके चढ़ेशा, मेको उइ तोंइसाक्‍व।
LEV 9:23 मिनु मोसा नु हारून ग्रुम्‍तीक ताम्‍बु आगा ओव़ताक्‍स। मिनु ग्रूशा मुर आन कली आसीक गेम्‍ताक्‍स। मिनु परमप्रभु यावे आ छेङछेङ मुर नेल्‍लेमी ताम्‍तेक्‍म। प्रस्‍थान १६:१०; प्रस्‍थान ४०:३४
LEV 9:24 मिनु परमप्रभु यावे आ ङोंइती रे मी ग्रूशा, चढ़ेतीकेम बाक्‍शो चोशा चढ़ेतीक नु मेक बाक्‍शो बोंसो नेक्‍तु। मिनु मुरपुकीमी मेको तशा, ठेयब सेंदा पा ग्‍येरसीशा, खुम्‍की पा बाप्‍तेक्‍म। न्‍यायाधीस ६:२१; १राजा १८:३८; १इतिहास २१:२६; २इतिहास ७:१
LEV 10:1 मिनु हारून आ तौ नादाब नु अबीहुम आस थनौरो लाइश्‍शा, मी कुर पाम्‍ताक्‍स। मिनु मी आ तारी धूप वोइक्‍ताक्‍स। मोपा मेको निक्‍शी परमप्रभु यावेमी “अरु मी मलाइक्‍चा” दे अरेशो लोव़ मटिम्‍स, मेको परमप्रभु यावे आ ङोंइती चढ़ेम्‍ताक्‍स। प्रस्‍थान ६:२३; प्रस्‍थान २८:१; प्रस्‍थान ३०:९
LEV 10:2 मिनु परमप्रभु यावे आ ङोंइती रे मी ग्रूशा, मेको आस कली ग्रु दाक्‍तु। मोपा मेको निक्‍शी परमप्रभु यावे आ ङोंइती बेक्‍ताक्‍स।
LEV 10:3 मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।
LEV 10:4 मोसामी हारून आ बकान्‍छा उज्‍जीएल आ तौ एल-साफान नु मीशाएल आस कली ब्रेश्‍शा “इस लोक्‍ब आस कली ताम्‍बु रे कुरशा ग्रुंइदीस” देंत। प्रस्‍थान ६:२२
LEV 10:5 मिनु मेको निक्‍शी जाक्‍शा, आस फेक्‍शो वा रे क्‍युक्‍शा मोसा आ देंशो खोदेंशो पा कुरशा ग्रुंइताक्‍स।
LEV 10:6 मिनु मोसाम हारून नु आ तौ एलाजर नु इथामार आन कली “रोंका पा इन पिया ङा चां मप्रेक्‍कीन। इन वा मखाक्‍कीन। मो पाइतीनी हना, गेपुकी बेक्‍नीनी। मिनु परमप्रभु यावे आ गाइक्‍तीक नेल्‍ल मुर आन तारी जुक्‍ब। तन्‍न परमप्रभु यावे आ सोइश्‍शो मीम दुप्‍शा बेक्‍ब आस पर्बम इन खिं ङा मुर नु इस्राएली ङा मुर नेल्‍ल रोंका पचा दुम्‍ब। लेवी २१:१०
LEV 10:7 गेपुकी चहिं ग्रुम्‍तीक ताम्‍बु रे लाङगा मलने। मो पाइतीनी हना, बेक्‍नीनी। मारदे हना परमप्रभु यावे आ लुक्‍शो तेल गे इन तार बाक्‍ब” देंत। मिनु मेकोपुकीमी मोसा आ देंशो खोदेंशो पाम्‍तेक्‍म।
LEV 10:8 मिनु नोले परमप्रभु यावेमी हारून कली
LEV 10:9 “गे नु इ तौपुकी ग्रुम्‍तीक ताम्‍बुम ओव़नीनु, अङगुर शांबु नु अरु दुक्‍तीक थोव़क मतूङीन। तूतीनी हना, गेपुकी बेक्‍नीनी। मेको गेना हना यो इन पतीक दुम्‍ब। इजीकीएल ४४:२१; होसे ४:११; आमोस २:८
LEV 10:10 आं थोव़क नु मुर आ थोव़क तिल्‍चा माल्‍नीनी। ग्रांग्रा दिशो थोव़क नु चोव़खो थोव़क यो तिल्‍चा माल्‍नीनी। इजीकीएल २२:२६; इजीकीएल ४४:२३
LEV 10:11 मिनु गो मोसा कली अरेशो नेल्‍ल, गे इस्राएली आन कली शेंचा माल्‍नीनी” देंत।
LEV 10:12 मिनु मोसामी हारून नु आ लीशो तौ एलाजर नु इथामार आन कली “परमप्रभु यावे कली मीम चोशा अन्‍न चढ़ेशो रे लीशो बोरब ओख्‍ती मसुप्‍थु चढ़ेतीके आ नेक्‍था बाक्‍शा जने। मारदे हना मेको थम चोव़खो बाक्‍ब। लेवी ९:१७,१८
LEV 10:13 गेपुकीम मेको कली चोव़खो बाक्‍तीकेमी जने। मारदे हना परमप्रभु यावे कली मीम चोशा चढ़ेशो चढ़ेतीक रे मेको गे नु इ तौ इन भाग बाक्‍ब। आं कली मोदें अरेशो बाक्‍ब। लेवी २:३
LEV 10:14 तन्‍न क्‍युक्‍शा चढ़ेशो कुथ्रु नु हिम्‍शा चढ़ेशो फिला चहिं गे इन तौ नु इन तमीम चोव़खो बाक्‍तीकेमी बाक्‍शा ब्‍वने। मारदे हना मेको इस्राएली आन दुशा बाक्‍चा आ पर्बम चढ़ेशो रे गे नु इ तमी तौ इन भाग बाक्‍ब। लेवी ७:३४
LEV 10:15 मिनु हिम्‍शो फिला, क्‍युक्‍शो कुथ्रु नु मीम चोशा चढ़ेशो मार मार आन बोंसो परमप्रभु यावे आ ङोंइती हिम्‍शा चढ़ेचा कली चाक्‍चा माल्‍नीनी। मिनु परमप्रभु यावेमी अरेशो खोदेंशो पा गेना हना यो, गे नु इ तमी तौ इन भाग दुम्‍ब” देंत। लेवी ९:२०-२१
LEV 10:16 मिनु मोसामी पाप आ पर्बम चढ़ेशो बोका माल्‍तु। तन्‍न मेको चोने थुम्‍शो बाक्‍माक्‍त। मिनु मेकोमी हारून आ लीशो तौ एलाजर नु इथामार आस कली गाइश्‍शा, लेवी ९:१५
LEV 10:17 “गेपुकीमी मारदे पाप आ पर्बम चढ़ेशो कली चोव़खो बाक्‍तीकेम मब्‍वनी? मारदे हना मेको थम चोव़खो बाक्‍ब। मिनु परमप्रभु यावेमी मुर आन पर्बम पाप क्‍याम्‍तीक गेय पचा, दे मेको इन कली गेशो बाक्‍ब।
LEV 10:18 मेको आ हुश ताम्‍बु आ आगामी मलाइश्‍शो बाक्‍त। गेपुकीम थमा पा आं देंशो खोदेंशो पा चोव़खो बाक्‍तीकेम मेको श्‍ये ब्‍वचा माल्‍शो ननी” देंत। लेवी ६:१९,२२
LEV 10:19 मिनु हारूनमी मोसा कली “नेनीन, मुलाक्‍ती मेकोपुकीमी आन पाप आ पर्बम चढ़ेतीक नु आन चोशा चढ़ेतीक परमप्रभु यावे आ ङोंइती चढ़ेम्‍तेक्‍म। मिनु मुलाक्‍त गो गिश श्‍येत जशो बाक्‍नुङ। गो मुलाक्‍ती मेको पाप आ पर्बम चढ़ेशो ब्‍वशो नङ हना, मार, मेको परमप्रभु यावे आ ङोंइती रिम्‍शो दुम वा ङा?” देंत।
LEV 10:20 मिनु मेको लोव़ नेंशा मोसा सिक्‍सी पाप्‍तु।
LEV 11:1 मिनु परमप्रभु यावेमी मोसा नु हारून आस कली
LEV 11:2 “गे इस्राएली आन कली ‘रागीम बाक्‍शो जन्‍तु, बस्‍तु भाव, चिक्‍ब तेक तेको ब्‍वचा दुम्‍बा, तेक तेको ब्‍वचा मदुम्‍बा, मेको शेंदीस। मिनु जन्‍तु नु बस्‍तु भाव तेको ब्‍वने चाप्‍नीनी देंशा हना, प्रेरित १०:१२-१५; कलस्‍सी २:१६; १तिमोथी ४:३-४
LEV 11:3 गेपुकीमी आन गेंच जेश्‍शो नु शोंया हेक्‍बपुकी ब्‍वने चाप्‍नीनी।
LEV 11:4 मो हना यो गेंच जेश्‍शो ला कि शोंया हेक्‍ब दुम्‍शो ला ब्‍वचा मदुम्‍ब। दल‍ओंठ मेको शोंया हेक्‍ब, तन्‍न आ गेंच मजेश्‍शो बाक्‍ब। मेको इन कली ग्रांग्रा बाक्‍ब।
LEV 11:5 मिनु शापन मब्‍वने। मारदे हना मेकोमी शोंया हेक्‍ब, तन्‍न आ गेंच मजेश्‍शो बाक्‍ब। मेको इन कली ग्रांग्रा बाक्‍ब।
LEV 11:6 मिनु खरायो मब्‍वने। मारदे हना मेकोमी शोंया हेक्‍ब, तन्‍न आ गेंच मजेश्‍शो बाक्‍ब। मेको इन कली ग्रांग्रा बाक्‍ब।
LEV 11:7 मिनु पोव़ मब्‍वने। मारदे हना मेको आ गेंच जेश्‍शो बाक्‍ब, तन्‍न शोंया महेक्‍ब। मेको इन कली ग्रांग्रा बाक्‍ब। यसैया ६५:४; यसैया ६६:१७
LEV 11:8 गेपुकीमी मेको आन श्‍ये मब्‍वने। आन सिनु यो मथिने। मेको इन कली ग्रांग्रा बाक्‍ब।
LEV 11:9 ब्‍वाक्‍कु, खोला नु समुन्‍द्रम बाक्‍बपुकीमी फ्रां नु कत्‍ला पाइश्‍शो ब्‍वने चाप्‍नीनी।
LEV 11:10 तन्‍न समुन्‍द्र नु खोलाम बाक्‍ब फ्रां नु कत्‍ला मपाइश्‍शो ब्‍वचा मदुम्‍ब। मेको आइक्‍च ब्‍वाक्‍कुम बाक्‍ब जन्‍तु नु अरु नेल्‍ल सेल जन्‍तु इन कली ग्रांग्रा बाक्‍नीम।
LEV 11:11 मेको इन कली ग्रांग्रा बाक्‍तीके, मेको आन श्‍ये मब्‍वने। मिनु मेको आन सिनु इन कली ग्रांग्रा बाक्‍नीम।
LEV 11:12 मिनु ब्‍वाक्‍कुम बाक्‍ब नेल्‍ले फ्रां नु कत्‍ला मपाइश्‍शो जन्‍तु, इन कली ग्रांग्रा बाक्‍नीम।
LEV 11:13 मिनु चिक्‍ब आन दातेमी इन कली तेको तेको ग्रांग्रा दिशो नु ब्‍वचा मदुम्‍शो बाक्‍नीम देंशा हना, ककाकुली, गिद, क्‍येर गिद,
LEV 11:14 लल ब्‍वारदे नु नेल्‍ल खाल ङा क्‍येर ब्‍वारदे, लेवी ५:२
LEV 11:15 खद नेल्‍ले,
LEV 11:16 ठेयब हुहुचील, ग्रीब बुक्‍स, ब्‍वाक्‍कुम बाक्‍ब चिक्‍ब, मिनु बाज नेल्‍ले,
LEV 11:17 आइक्‍च हुहुचील, ब्‍वाक्‍कु ङा खदी, भुल्‍का,
LEV 11:18 बुश हुहुचील, गोरशो रागी ङा हुहुचीलपुकी, ङांइ ब्‍वाइब ब्‍वारदे,
LEV 11:19 सारस, बोकुला नेल्‍ल, फाप्रे चिक्‍ब नु पकातिक्‍ती मब्‍वने। यसैया ६६:१७
LEV 11:20 फ्रां पाइश्‍शो, ४ ओटा खोइलीम ग्रे‍शा गाक्‍ब जन्‍तु नेल्‍ल इन कली ग्रांग्रा बाक्‍नीम।
LEV 11:21 मिनु ४ ओटा खोइलीम ग्रेशा गाक्‍ब, फ्रां पाइश्‍शो खपीम प्रेक्‍चा कली खोइल बोइश्‍शो नेल्‍ल मालेपुकी ब्‍वने चाप्‍नीनी।
LEV 11:22 गे सल्‍हा माले, खुइले माले, किथ्रो माले नु फटेङग्रापुकी ब्‍वने चाप्‍नीनी।
LEV 11:23 ४ ओटा खोइल पाइश्‍शो नु फ्रां पाइश्‍शो नेल्‍ल इन कली ग्रांग्रा बाक्‍नीम।
LEV 11:24 मेकोपुकी रे गेपुकी ग्रांग्रा दिशो दुम्‍नीनी। सुमी मेको आन सिनु थीबा, मेको नां मरिक्‍म सम्‍म ग्रांग्रा दिशो दुम्‍ब।
LEV 11:25 मिनु सुमी मेको सिनु रे इच्‍का कुरबा, मेकोमी आ वा मुरचा माल्‍ब। मिनु नां मरिक्‍म सम्‍म ग्रांग्रा दिशो दुम्‍ब।
LEV 11:26 मिनु तेको जन्‍तु आन गेंच जेश्‍शो बाक्‍बा, तन्‍न मब्राक्‍शो बाक्‍बा, मेको शोंया महेक्‍बा, मेको इन कली ग्रांग्रा बाक्‍ब। मेको थीब नेल्‍ल ग्रांग्रा दिशो दुम्‍नीम।
LEV 11:27 मिनु ब्रेप्‍चोम थेक्‍शा ४ ओटा खोइलीम गाक्‍ब जन्‍तु नेल्‍ल इन कली ग्रांग्रा बाक्‍नीम। मेको आन सिनु थीब नेल्‍ल नां मरिक्‍म सम्‍म ग्रांग्रा दिशो दुम्‍नीम।
LEV 11:28 मेको सुमी आन सिनु कुरब मेकोमी आ वा मुरचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब। मेको इन कली ग्रांग्रा दिशो बाक्‍नीम।
LEV 11:29 मिनु खपीम ग्रेशा गाक्‍ब आइक्‍च जन्‍तु तेको ग्रांग्रा दिशो बाक्‍नीम देंशा हना, कोचोम्‍बो, यिच, ठेयब नु आइक्‍च खोते नेल्‍ले,
LEV 11:30 माउसुली, घोरी, भाले मुङग्रो, बाल्‍वाम बाक्‍ब खोते नु रङ फाइक्‍ब खोतेपुकी,
LEV 11:31 मेको ग्रे‍शा गाक्‍ब नेल्‍ल इन कली ग्रांग्रा बाक्‍नीम। सुमी मेको आन सिनु थीबा, मेको नां मरिक्‍म सम्‍म ग्रांग्रा दिशो दुम्‍ब।
LEV 11:32 मोदेंशो जन्‍तु बेक्‍शा, मार तारी दोक्‍बा, मेको थोव़क ग्रांग्रा दिशो दुम्‍ब। शी के सेल्‍शो, वा, कुशुल, भाङग्रा नु मारेइ के बाक्‍ल, मेको थोव़क ब्‍वाक्‍कुम नुप्‍चा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब। मिनु नोले ठीक दुम्‍ब।
LEV 11:33 मिनु मेको मार मार खप के बोसुम दोक्‍त हना, मेको बोस नेल्‍ल ग्रांग्रा दिशो दुम्‍ब। गेपुकीमी मेको बोस प्रोल्‍चा माल्‍नीनी।
LEV 11:34 मेको आगाम ब्‍वाक्‍कु बाक्‍त हना, मिनु मेको ब्‍वाक्‍कुम थिशो मारेइ मारेइ जचा थोव़क ग्रांग्रा दिशो दुम्‍ब। मिनु मेको बोसुम बाक्‍शो तूचा थोव़क नेल्‍ल ग्रांग्रा दिशो दुम्‍नीम।
LEV 11:35 मेको आन सिनु मारेइ थोव़कम दोक्‍त हना, चुप्‍लुम बाक्‍त हना यो, मेको प्रेश्‍शा ताइक्‍चा माल्‍ब। मेको ग्रांग्रा दिशो बाक्‍ब। मेको गेना हना यो इन कली ग्रांग्रा बाक्‍ब।
LEV 11:36 मो हना यो ब्‍वाक्‍कु बुक्‍तीके, कुवा नु ब्‍वाक्‍कु वोइक्‍तीके चोव़खो बाक्‍नीम। तन्‍न मेको आन सिनु थीब चहिं ग्रांग्रा दिशो बाक्‍ब।
LEV 11:37 मेको आन श्‍ये शोक्‍तीक वांचेरम दोक्‍त हना, मेको चहिं चोव़खो लीब।
LEV 11:38 तन्‍न मेको आ सिनु शोक्‍चा कली ब्‍वाक्‍कुम वोइश्‍शो वांचेर तारी दोक्‍त हना, मेको इन कली ग्रांग्रा दिशो दुम्‍ब।
LEV 11:39 इन बस्‍तु भाव बेक्‍त हना, सुमी मेको कली थीब, मेको नां मरिक्‍म सम्‍म ग्रांग्रा दिशो दुम्‍ब।
LEV 11:40 मेको सुम ब्‍वाइबा, मेकोमी आ वा मुरचा माल्‍ब नु नां मरिक्‍म सम्‍म ग्रांग्रा दिशो दुम्‍ब। मेको सिनु कुरबमी यो आ वा मुरचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब। प्रस्‍थान २२:३०
LEV 11:41 खपीम ग्रे‍शा गाक्‍ब जन्‍तु नेल्‍ल ग्रांग्रा दिशो बाक्‍नीम। मेको ब्‍वचा मदुम्‍ब।
LEV 11:42 कोव़जीम ग्रे‍शा गाक्‍ब, ४ ओटा खोइलीम गाक्‍ब नु शुश खोइल पाइश्‍शो खपीम गाक्‍ब जन्‍तुपुकी ब्‍वचा मदुम्‍ब। मारदे हना मेकोपुकी ग्रांग्रा दिशो बाक्‍नीम।
LEV 11:43 मिनु गेपुकी तेकोइ ग्रे‍शा गाक्‍ब जन्‍तु रे ग्रांग्रा दिशो मदुमीन। मेकोपुकी रे इन कली ग्रांग्रा दिशो मसेलीन।
LEV 11:44 मिनु गो परमप्रभु यावे, इन परमप्रभु नङ। मोपतीके गेपुकी ग्रांग्रा दिशो मदुम्‍थु मेको रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ। गेपुकी खपीम ग्रे‍शा गाक्‍ब जन्‍तु रे ग्रांग्रा दिशो मदुमीन। लेवी १९:२
LEV 11:45 गो परमप्रभु यावे, इन कली इजीप्‍त रागी रे ग्रुंइशा एक चाक्‍ब, इन परमप्रभु नङ। मोपतीके गेपुकी ग्रांग्रा दिशो रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ’ देनो” देंत।
LEV 11:46 एको रागी ङा जन्‍तु, चिक्‍ब नु ब्‍वाक्‍कुम गाक्‍ब नु खपीम ग्रे‍शा गाक्‍ब जन्‍तु आन पर्बम अरेतीक बाक्‍ब।
LEV 11:47 मिनु ग्रांग्रा दिशो नु ग्रांग्रा मदिशो, ब्‍वचा दुम्‍ब नु मदुम्‍ब जन्‍तु आन पर्बम तिलीन।
LEV 12:1 मिनु परमप्रभु यावेमी मोसा कली
LEV 12:2 “इस्राएली आन कली ‘कोव़ज कुरशा तौ थीब मीश मुर ७ नाक्‍त सम्‍म ग्रांग्रा दिशो बाक्‍ब। मेको आ रां ब्रोल्‍म नाक्‍त ङा खोदेंशो पा ग्रांग्रा बाक्‍ब। लेवी १५:१९
LEV 12:3 मिनु ८ नाक्‍ती मेको आ तौ कली ख्रोइक्‍तीक चिनु ख्रोइक्‍चा माल्‍ब। उत्‍पत्ती १७:१०-१२; लूका २:२१; यूहन्‍ना ७:२२
LEV 12:4 मिनु मेको मीश मुर आ हुश चोव़खेचा कली ३३ नाक्‍त सम्‍म दुम्‍चा माल्‍ब। मिनु मेकोमी चोव़खो दुम्‍तीक नाक्‍ती मगाम सम्‍म मारेइ चोव़खो थोव़क थिचा मदुम्‍ब। मिनु ग्रुम्‍तीक ताम्‍बु यो ओव़चा मदुम्‍ब।
LEV 12:5 तन्‍न मेकोमी तमी थिप्‍तु हना, आ रां ब्रोल्‍म नाक्‍त ङा खोदेंशो पा १४ नाक्‍त सम्‍म ग्रांग्रा दिशो बाक्‍ब। मिनु आ हुश चोव़खेचा कली ६६ नाक्‍त दुम्‍चा माल्‍ब।
LEV 12:6 मिनु मेको आ चोव़खेतीक गाम नाक्‍ती, तौ आ पर्बम बाक्‍त हना यो, तमी आ पर्बम बाक्‍त हना यो, मेकोमी चोशा चढ़ेचा कली बर्स का गाप्‍शो भेडा का नु पाप आ पर्बम चढ़ेचा कली ढुकुर का कि परवा का ग्रुम्‍तीक ताम्‍बु आ ओव़तीकेम बाक्‍शो चढ़ेब कली चाक्‍चा माल्‍ब।
LEV 12:7 मिनु चढ़ेबमी परमप्रभु यावे आ ङोंइती मेको चढ़ेशा, मेको आ पर्बम पाप क्‍याम्‍तीक गेय पचा माल्‍ब। मिनु मेको आ हुश यिशो रे चोव़खो दुम्‍ब। मेको मीश मुरुमी तौ कि तमी थिवा नोले, एको पचा माल्‍शो अरेतीक लोव़ बाक्‍ब।
LEV 12:8 मिनु मेकोमी भेडा चाक्‍ने मचाप्‍बाक्‍त हना, ढुकुर निक्‍शी कि परवा निक्‍शी चाक्‍चा माल्‍ब। मेको का चोशा चढ़ेतीक नु का पाप आ पर्बम चढ़ेतीक बाक्‍ब। मिनु चढ़ेबमी मेको चढ़ेशा मेको आ पर्बम पाप क्‍याम्‍तीक गेय पचा माल्‍ब। मिनु मेको ग्रांग्रा मदिशो दुम्‍ब’ माइक्‍मी” देंत। लेवी ५:७; लूका २:२४
LEV 13:1 परमप्रभु यावेमी मोसा नु हारून आस कली गन्‍ती १२:१०-१२; ब्‍यवस्‍था २४:८-९; अय्‍युब १८:१३
LEV 13:2 “सुइ मुर आन रां ङा कुशुल बोरत हना, गार दुम्‍त हना, बुश दुम्‍त हना, मेको कोव़र खोदेंशो दुम्‍त हना, मेको कली चढ़ेब हारून कि आ तौ का आ बाक्‍तीके चाक्‍चा माल्‍ब।
LEV 13:3 मिनु मेको चढ़ेबमी आ रांम दुम्‍शो गार कोव़चा माल्‍ब। मिनु मेको आ गारम बाक्‍शो चां बुश बाक्‍त नु मेको आ गार इच्‍का लुक्‍च लशो बाक्‍त हना, मेको याक्‍सीब रोइ बाक्‍ब। मिनु चढ़ेबमी मेको कली कोव़ङा नोले ‘एको ग्रांग्रा बाक्‍ब’ देंचा माल्‍ब।
LEV 13:4 तन्‍न मेको कुशुल ङा बुश गार कुशुल लुक्‍च मलशो बाक्‍त हना, मिनु मेकेर वाशो चां यो बुश मदुम्‍शो बाक्‍त हना, चढ़ेबमी मेको रोइ पाइब मुर कली ७ नाक्‍त सम्‍म तिल्‍शा वोइक्‍चा माल्‍ब।
LEV 13:5 मिनु चढ़ेबमी ७ नाक्‍त नोले मेको गार लेंशा कोव़चा माल्‍ब। मिनु मेको कुशुल ङा गार एर ओंथ मबारशो बाक्‍त हना, चढ़ेबम मेको कली अर्को ७ नाक्‍त सम्‍म तिल्‍शा वोइक्‍चा माल्‍ब।
LEV 13:6 मिनु लेंशा ७ नाक्‍त नोले चढ़ेबमी कोव़ङानु, आ गार बारचा नांइसाक्‍व हना, आ कुशुलम मब्रशो बाक्‍त हना, चढ़ेबम मेको कली ग्रांग्रा मदिशो बाक्‍ब, मेको गार ला बाक्‍ब, देंचा माल्‍ब। मेको मुर आ वा मुरचा माल्‍ब। मिनु मेको चोव़खो दुम्‍ब।
LEV 13:7 तन्‍न चढ़ेबमी ‘चोव़खो दुम्‍त’ देंम नोले यो गार बारत हना, मेको लेंशा चढ़ेब आ बाक्‍तीक जाक्‍शा, आ गार कोंइचा माल्‍ब।
LEV 13:8 मिनु चढ़ेबमी लेंशा कोव़चा माल्‍ब। आ गार कुशुलम बारशा लशो बाक्‍त हना, चढ़ेबमी ‘मेको कली ग्रांग्रा दिशो बाक्‍ब’ देंचा माल्‍ब। मेको कोव़र खोदेंशो याक्‍सीब रोइ बाक्‍ब।
LEV 13:9 मिनु सुइ मुर कली कोव़र खोदेंशो याक्‍सीब रोइ दुम्‍शो बाक्‍त हना, चढ़ेब आन बाक्‍तीकेम चाक्‍चा माल्‍ब।
LEV 13:10 मिनु चढ़ेबमी मेको कली कोव़चा माल्‍ब। मिनु आ कुशुल बुश दुम्‍शा बोरशो बाक्‍त हना, नु मेको आ गार ङा चां बुश दुम्‍शा, बोरशो कुशुल ङा गारम श्‍ये तांइसाक्‍व हना,
LEV 13:11 मेको शुश नाक्‍ती सम्‍म बाक्‍ब कुशुल ङा रोइ कोव़र बाक्‍ब। मिनु चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मेकोमी मेको कली तिल्‍शा वोइक्‍चा ममाल्‍ब। मारदे हना मेको ग्रांग्रा दिशो बाक्‍ब।
LEV 13:12 मिनु मेको आ रोइ कुशुलम बारना बारन लशा, चढ़ेबमी कोव़ङानु, आ गार पिया रे खोइल सम्‍म बाक्‍त हना,
LEV 13:13 चढ़ेबमी मेको कली रिम्‍शो पा कोव़चा माल्‍ब। मिनु मेको कुशुल ङा रोइम आ रां नेल्‍ल कली सुम्‍शो बाक्‍त हना, चढ़ेबमी मेको कली ‘ग्रांग्रा मदिशो बाक्‍ब’ देंचा माल्‍ब। मारदे हना मेको आ रां नेल्‍ल बुश दुम्‍तीके, मेको मुर ग्रांग्रा मदिशो बाक्‍ब।
LEV 13:14 तन्‍न मेको मुर आ रांम श्‍ये तांइसाक्‍व हना, मेको ग्रांग्रा दिशो बाक्‍ब।
LEV 13:15 मिनु चढ़ेबमी मेको तांइसीशो श्‍ये कोव़शा, मेको कली ‘ग्रांग्रा दिशो बाक्‍ब’ देंचा माल्‍ब। मेको तांइसीशो श्‍ये ग्रांग्रा बाक्‍ब। मारदे हना मेको कोव़र बाक्‍ब।
LEV 13:16 तन्‍न मेको तांइसीशो श्‍ये लेंशा बुश दुम्‍त हना, मेको मुर लेंशा चढ़ेब आ बाक्‍तीक लचा माल्‍ब।
LEV 13:17 मिनु मेको गार बुश दुम्‍शो बाक्‍त हना, मेको चढ़ेबमी ग्रांग्रा मदिशो बाक्‍ब देंचा माल्‍ब। मिनु मेको मुर चोव़खो बाक्‍ब।
LEV 13:18 सुइ मुर आ रांमी कान ग्रूशा, सात हना,
LEV 13:19 मिनु मेको कान ग्रूशा साशो गारम बुश दुम्‍शा, बोरत हना, कि लल दुम्‍शा बुश पा बोरत हना, मेको मुरुमी मेको आ गार चढ़ेब कली कोंइचा माल्‍ब।
LEV 13:20 मिनु चढ़ेबमी रिम्‍शो पा कोव़ङानु, मेको गार लुक्‍च लशो बाक्‍त नु चां यो बुश दुम्‍शो बाक्‍त हना, मेको कली ‘ग्रांग्रा दिशो बाक्‍ब’ देंचा माल्‍ब। मेको कोव़र खोदेंशो रोइ कान रे ग्रूशो बाक्‍ब।
LEV 13:21 तन्‍न चढ़ेबमी रिम्‍शो पा कोव़ङानु, मेकेर बुश चां मग्रूशो बाक्‍त नु मेको कुशुल क्‍येङा लुक्‍च मलशो बाक्‍त हना, तन्‍न सोव़ना सोव़न, जाम्‍ना जाम्‍न लशो बाक्‍त हना, चढ़ेबमी मेको कली ७ नाक्‍त सम्‍म तिल्‍शा वोइक्‍चा माल्‍ब।
LEV 13:22 मेको गार कुशुलम बारना बारन लत हना, चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मारदे हना मेको याक्‍सीब रोइ बाक्‍ब।
LEV 13:23 तन्‍न मेको गार एर ओंथ मबारथु, मेक उइ ला बाक्‍त हना, मेको कान आ खत बाक्‍ब। चढ़ेबमी मेको कली ‘ग्रांग्रा मदिशो बाक्‍ब’ देंचा माल्‍ब।
LEV 13:24 सुइ मुर आन रांमी दुप्‍शा गार दुम्‍त नु मेको दुप्‍शो गारम नक श्‍ये ग्रूशा, लल दुम्‍त हना यो, बुश दुम्‍त हना यो,
LEV 13:25 चढ़ेबमी मेको गार रिम्‍शो पा कोव़चा माल्‍ब। मिनु मेको गार ङा चां बुश दुम्‍शा, कुशुल क्‍येङा लुक्‍च लशो बाक्‍त हना, मेको याक्‍सीब रोइ बाक्‍ब। मेको दुप्‍शो गार रे ग्रूशो बाक्‍ब। मिनु चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मेको कुशुल ङा याक्‍सीब रोइ बाक्‍ब।
LEV 13:26 तन्‍न चढ़ेबमी रिम्‍शो पा कोव़ङानु, मेको गार ङा चां बुश मबाक्‍थु नु कुशुल क्‍येङा लुक्‍च मलथु, सोव़ना सोव़न बाक्‍त हना, चढ़ेबमी मेको मुर कली ७ नाक्‍त सम्‍म तिल्‍शा वोइक्‍चा माल्‍ब।
LEV 13:27 मिनु चढ़ेबमी मेको कली ७ नाक्‍त नोले रिम्‍शो पा कोव़चा माल्‍ब। मिनु मेको कुशुलम एर ओंथ बारशो बाक्‍त हना, चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मेको याक्‍सीब कुशुल ङा रोइ बाक्‍ब।
LEV 13:28 तन्‍न मेको गार एर ओंथ मबारथु, सोव़ना सोव़न लशो बाक्‍त हना, मेको दुप्‍शो रे होम्‍शो ला बाक्‍ब। मिनु चढ़ेबमी मेको कली ‘ग्रांग्रा मदिशो बाक्‍ब’ देंचा माल्‍ब। मारदे हना, मेको दुप्‍शो गार आ खत ला बाक्‍ब।
LEV 13:29 सुइ मीश मुर, वोंइश मुर आन पियाम, गाल शोक्रेम मारेइ गार का बाक्‍त हना,
LEV 13:30 चढ़ेबमी मेको गार रिम्‍शो पा कोव़चा माल्‍ब। मिनु मेको कुशुल क्‍येङा लुक्‍च लशो बाक्‍त हना, नु मेको गार ङा चां हाव जिशो नु आइक्‍च बाक्‍त हना, चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मेको रक सुइब आ पिया ङा नु गाल शोक्रे ङा याक्‍सीब रोइ बाक्‍ब।
LEV 13:31 मिनु चढ़ेबमी मेको रक सुइब रोइ रिम्‍शो पा कोव़ङानु, मेको कुशुल क्‍येङा लुक्‍च मलशो नु मेकेर क्‍येर चां यो मबाक्‍तेक्‍म हना, चढ़ेबम मेको कली ७ नाक्‍त सम्‍म तिल्‍शा वोइक्‍चा माल्‍ब।
LEV 13:32 मिनु ७ नाक्‍त नोले चढ़ेबमी मेको कली रिम्‍शो पा कोव़चा माल्‍ब। मिनु मेको रक सुइब रोइ मबारशो बाक्‍त हना, मेक ङा चां हाव मजिशो बाक्‍त नु गार यो कुशुल क्‍येङा लुक्‍च मलशो बाक्‍त हना,
LEV 13:33 मेकोमी गार प्रोंइशा आ चां प्रेक्‍चा माल्‍ब। मिनु चढ़ेबम मेको रोइ पाइब कली अर्को ७ नाक्‍त सम्‍म तिल्‍शा वोइक्‍चा माल्‍ब।
LEV 13:34 मिनु ७ नाक्‍त नोले चढ़ेबमी मेको रक सुइब गार रिम्‍शो पा कोव़चा माल्‍ब। मिनु मेको मबारथु, कुशुल क्‍येङा लुक्‍च मलशो बाक्‍त हना, चढ़ेबमी मेको कली ‘ग्रांग्रा मदिशो बाक्‍ब’ देंचा माल्‍ब। मिनु मेको मुर आ वा मुरशा, चोव़खो दुम्‍ल।
LEV 13:35 तन्‍न मेको चोव़खो दुम नोले यो मेको रक सुइब रोइ बारशा लत हना,
LEV 13:36 चढ़ेबमी मेको गार रिम्‍शो पा कोव़चा माल्‍ब। मेको कुशुलम बारशा लशो बाक्‍त हना, चढ़ेबमी मेकेर ङा चां हाव बाक्‍म कों मबाक्‍म, दे कोव़चा ममाल्‍ब। मेको मुर ग्रांग्रा दिशो बाक्‍ब।
LEV 13:37 तन्‍न चढ़ेबमी मेको रक सुइब रोइ रिम्‍शो पा कोव़ङानु मेकेर क्‍येर चां वाशो बाक्‍त हना, मेको साशो बाक्‍ब। मेको ग्रांग्रा मदिशो बाक्‍ब। मिनु चढ़ेबम मेको कली ‘ग्रांग्रा मदिशो बाक्‍ब’ देंचा माल्‍ब।
LEV 13:38 सुइ मीश मुर, वोंइश मुर आन रांम बुश गारपुकी बाक्‍तेक्‍म हना,
LEV 13:39 चढ़ेबमी मेको रिम्‍शो पा कोव़चा माल्‍ब। मिनु मेको आन रां ङा गारपुकी बुश बाक्‍तेक्‍म हना, मेको कुशुल ङा रोइ ला बाक्‍ब। मेको कुशुल रे ला ग्रूशो बाक्‍ब। मेको मुर ग्रांग्रा मदिशो बाक्‍ब।
LEV 13:40 सुइ मुर आन पिया ङा चां दुल्‍शो बाक्‍त हना, मेको ग्रांग्रा मदिशो बाक्‍नीम।
LEV 13:41 मेको आ चां कुप्‍फी रे दुल्‍शो बाक्‍त हना, मेको ग्रांग्रा मदिशो बाक्‍ब।
LEV 13:42 तन्‍न मेको आन कुप्‍फीमी लल बुश गार ग्रूत हना, मेको कुप्‍फीम ग्रूशो याक्‍सीब रोइ बाक्‍ब
LEV 13:43 मिनु चढ़ेबमी मेको कली रिम्‍शो पा कोव़ङानु, आ कुप्‍फीम होम्‍शो गार लल बुश नु कोव़र खोदेंशो तांइसाक्‍व हना,
LEV 13:44 मेको मुर कोव़र पशो नु ग्रांग्रा दिशो बाक्‍ब। मिनु चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मेको रोइ आ पियाम बाक्‍ब।
LEV 13:45 कोव़र प‍शो मुरुम गाक्‍शो वा फेक्‍शा, आ पियाम मारेइ गुप्‍चा मदुम्‍ब। मेकोमी आ गाल शोक्रे कली सुम्‍शा ‘ग्रांग्रा दिशो, ग्रांग्रा दिशो’ दे ग्रीचा माल्‍ब।
LEV 13:46 मेको आ रोइ गेना सम्‍म लीबा, मेना सम्‍म मेको ग्रांग्रा दिशो दुम्‍ब। मेको आ कांइचीक बाक्‍चा माल्‍ब। मिनु मेको मुर आन बाक्‍तीक क्‍येङा ङोन बाक्‍चा माल्‍ब। गन्‍ती ५:२-३; २राजा १५:५
LEV 13:47 मिनु वाम बुंखी ङाइक्‍ताक्‍व हना, ऊन के वासी बाक्‍त हना यो, सुती के वासी बाक्‍त हना यो,
LEV 13:48 फेक्‍तीक नेल्‍ल, कुशुल के सेल्‍शो मारेइ मारेइमी
LEV 13:49 बुंखी ङाइश्‍शा गिगी लल लुम्‍सीशो बाक्‍त हना, वासी नेल्‍ल नु मारेइ मारेइ चढ़ेब कली कोंइचा माल्‍ब।
LEV 13:50 मिनु चढ़ेबमी मेको रिम्‍शो पा कोव़चा माल्‍ब। मिनु मेको बुंखी ङाइश्‍शो थोव़क आन कली ७ नाक्‍त सम्‍म तिल्‍शा वोइक्‍चा माल्‍ब।
LEV 13:51 मिनु चढ़ेबमी ७ नाक्‍त नोले लेंशा रिम्‍शो पा कोव़चा माल्‍ब। मिनु मेको वासी, कुशुल के सेल्‍शो मारेइ थोव़कीम बुंखी बारशा लशो बाक्‍त हना, मेको बिग्रेब बुंखी ङाइश्‍शो बाक्‍ब। मेको थोव़क ग्रांग्रा दिशो बाक्‍ब।
LEV 13:52 मिनु मेकोमी बुंखी ङाइश्‍शो वासी कि कुशुल के सेल्‍शो मारेइ थोव़क चोचा माल्‍ब। मारदे हना मेको राक्‍ब बुंखी बाक्‍ब। मेको मीम चोचा माल्‍ब।
LEV 13:53 तन्‍न चढ़ेबमी रिम्‍शो पा कोव़ङानु, मेको वासी, कि कुशुल के सेल्‍शो मारेइ थोव़कम मेको बुंखी मबारशो बाक्‍त हना,
LEV 13:54 मिनु चढ़ेबमी मेको मुर कली ‘मेको बुंखी ङाइश्‍शो थोव़क मुरचा माल्‍ब’ दे अरेचा माल्‍ब। मिनु मेकोमी चिनु ७ नाक्‍त सम्‍म मेको वासी कली तिल्‍शा वोइक्‍चा माल्‍ब।
LEV 13:55 मेको मुरशो नोले चढ़ेबम मेको कली रिम्‍शो पा कोव़चा माल्‍ब। मिनु मेको बुंखी आ लुम्‍सीशो रङ मफांइसीशो बाक्‍त हना यो, मेको ग्रांग्रा दिशो बाक्‍ब। मेको बुंखी आ तार गे बाक्‍त हना यो, आगा गे बाक्‍त हना यो, मेको कली मीम चोचा माल्‍ब।
LEV 13:56 तन्‍न चढ़ेबमी मेको मुरशो नोले कोव़ङानु, बुंखी जाम्‍ना जाम्‍न लशो बाक्‍त हना, मेको वासी कि मारेइ मारेइ कुशुल के सेल्‍शो मेको लुम्‍सीशो ला खाक्‍शा ताइक्‍चा माल्‍ब।
LEV 13:57 तन्‍न मेको बुंखी, वासी, कुशुल के सेल्‍शो मारेइ मारेइमी लेंशा तांइसाक्‍व हना, मेको बारना बारन लशो बाक्‍ब। मेको बुंखी ङाइश्‍शो थोव़क मीम चोचा माल्‍ब।
LEV 13:58 मिनु मेको वासी, कुशुल के सेल्‍शो मारेइ मारेइ थोव़क मुरशोनु, मेको रे बुंखी लत हना, मेको लेंशा मुरचा माल्‍ब। मेको ग्रांग्रा मदिशो बाक्‍ब।
LEV 13:59 ऊन के सेल्‍शो वासीम, सुती के वासी नु कुशुल के सेल्‍शो मारेइ थोव़कम बुंखी ङाइश्‍शो आ पर्बम ग्रांग्रा दिशो नु मदिशो आन पर्बम पचा माल्‍शो गेय एकोन बाक्‍नीम, दे शेंचा” दे मोसा नु हारून आस कली देंत।
LEV 14:1 मिनु परमप्रभु यावेमी मोसा कली
LEV 14:2 “कोव़र खोदेंशो पा रोइ पशो मुर कली आ रोइ साम नोले मार पचा माल्‍ब देंशा हना, मुरुमी मेको कली चढ़ेब आन बाक्‍तीक चाक्‍चा माल्‍नीम। मत्ती ८:४
LEV 14:3 मिनु चढ़ेबमी मुर आन बाक्‍तीके रे लाङगा ग्रूशा, मेको मुर कली रिम्‍शो पा कोव़चा माल्‍ब। मिनु मेको कुशुल ङा याक्‍सीब रोइ साशो बाक्‍त हना,
LEV 14:4 मेको चढ़ेबमी मेको चोव़खो सेल्‍चा पुंइसीशो मुर आ पर्बम ‘सेस नु चोव़खो चिक्‍ब निक्‍शी, लेबानोन ङा लाइश्‍शो रवा आ शी, लल रङम नुप्‍शो ऊन नु हिस्‍सोप चाक्‍को’ दे अरेचा माल्‍ब। लेवी ११:३-२०; गन्‍ती १९:६
LEV 14:5 मिनु चढ़ेबमी ‘मेको चिक्‍ब निक्‍शीमी का खप के सिक्‍स ब्‍वाक्‍कुम ब्रीशो बोस तारी सतो’ दे अरेचा माल्‍ब।
LEV 14:6 मिनु चढ़ेबमी मेको सेस चिक्‍ब, मेको लेबानोन ङा लाइश्‍शो रवा आ शी, मेको लल रङम नुप्‍शो ऊन नु हिस्‍सोप मेको सिक्‍स ब्‍वाक्‍कु तारी साइश्‍शो चिक्‍ब आ हुशेमी ख्रुम्‍शा ग्रुंइचा माल्‍ब।
LEV 14:7 मिनु मेकोमी रोइ रे साशो चोव़खो सेल्‍चा पुंइसीब मुर कली ७ खेयप ब्रुइश्‍शा ‘चोव़खो बाक्‍ब’ देंचा माल्‍ब। मिनु मेकोमी मेको सेस चिक्‍ब कली प्रोंइशा बेरपाइक्‍चा माल्‍ब। लेवी १६:२२
LEV 14:8 मिनु मेको चोव़खो सेल्‍चा पुंइसीशो मुरुम आ वा मुरचा माल्‍ब। आ चां नेल्‍ल प्रेक्‍शा, चिक्‍चा माल्‍ब। मिनु मेको ग्रांग्रा मदिशो चोव़खो दुम्‍ब। मिनु नोले मुर आन बाक्‍तीके लचा दुम्‍ब। तन्‍न ७ नाक्‍त सम्‍म आ ताम्‍बु आ लाङगाम बाक्‍चा माल्‍ब। गन्‍ती ८:७
LEV 14:9 मिनु ७ नाक्‍त नोले मेकोमी आ चां, गाल शोक्रे, मुकुक्‍स नेल्‍ल प्रेक्‍चा माल्‍ब। मिनु नोले आ वा मुरशा, चिक्‍चा माल्‍ब। मिनु मेको मुर चोव़खो दुम्‍ब।
LEV 14:10 मिनु ८ नाक्‍त नोले मेकोमी मारेइ मदुम्‍शो थम रिम्‍शो सांड निक्‍शी नु बर्स का दुम्‍शो मारेइ मदुम्‍शो थम रिम्‍शो पाठी का, अन्‍न चढ़ेचा कली तेलम निशो थम रिम्‍शो फस एफाह का के ३० भाग नु लोग का तेल चाक्‍चा माल्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा ३० भाग ६.५ लिटर खोदेंशो बाक्‍ब। नेल्‍ल १२ माना खोदेंशो बाक्‍ब। लोग का पुक्‍तीके का बाक्‍ब। मेको ०.३ लिटर रिक्‍ब।
LEV 14:11 मिनु चढ़ेबमी मेको चोव़खो सेल्‍चा पुंइसीशो मुर नु मेको आ चाक्‍शो नेल्‍ल परमप्रभु यावे आ ङोंइती ग्रुम्‍तीक ताम्‍बु आ ओव़तीकेम वोइक्‍चा माल्‍ब।
LEV 14:12 मिनु चढ़ेबमी सांड का नु मेको लोग का तेल गारचा आ पर्बम चढ़ेचा माल्‍ब। मिनु क्‍युक्‍शा हिम्‍शा चढ़ेतीक परमप्रभु यावे आ ङोंइती चढ़ेचा माल्‍ब। लोग आइक्‍च पुक्‍तीके बाक्‍ब। मेको ०.३ लिटर रिक्‍ब।
LEV 14:13 मिनु मेकोमी पाप आ पर्बम चढ़ेतीक नु चोशा चढ़ेतीक साइक्‍तीके मेको चोव़खो बाक्‍तीकेम साइक्‍चा माल्‍ब। मारदे हना गारचा आ पर्बम चढ़ेशो नु पाप आ पर्बम चढ़ेशो चढ़ेब के दुम्‍ब। मेको थम चोव़खो बाक्‍ब। लेवी ७:७
LEV 14:14 मिनु चढ़ेबमी मेको गारचा आ पर्बम चढ़ेशो आ हुश लाइश्‍शा, मेको चोव़खो सेल्‍चा पुंइसीशो मुर आ ग्‍युरा नोफा आ फेनेम, आ ग्‍युरा गुइ ङा बोंग्‍ये नु आ ग्‍युरा खोइल ङा बोंग्‍येमी ख्रेक्‍चा माल्‍ब। लेवी ८:२३; प्रस्‍थान २९:२०
LEV 14:15 मिनु चढ़ेबमी मेको तेल रे इच्‍का लाइश्‍शा, आ पेरा गुइ ङा ताप्‍लाम लुक्‍चा माल्‍ब।
LEV 14:16 मिनु चढ़ेबमी आ ग्‍युरा गुइ ङा ब्रेप्‍चोम आ पेरा गुइम बाक्‍शो तेलम ख्रुम्‍शा, परमप्रभु यावे आ ङोंइती ७ खेयप ब्रुइक्‍चा माल्‍ब। लेवी ४:६,१७
LEV 14:17 मिनु चढ़ेबमी आ गुइम लीशो तेल चोव़खो सेल्‍चा पुंइसीशो मुर आ ग्‍युरा नोफा ङा फेनेम, मेको आ ग्‍युरा गुइ ङा बोंग्‍येमी नु आ ग्‍युरा खोइल ङा बोंग्‍येम नु गारचा आ पर्बम चढ़ेशो आ हुश तारी ख्रेक्‍चा माल्‍ब।
LEV 14:18 मिनु चढ़ेबमी आ गुइम लीशो तेल मेको चोव़खो सेल्‍चा पुंइसीशो मुर आ पियाम ख्रेक्‍चा माल्‍ब। मिनु चढ़ेबमी परमप्रभु यावे आ ङोंइती मेको मुर आ पर्बम पाप क्‍याम्‍तीक गेय पचा माल्‍ब।
LEV 14:19 मिनु चढ़ेबमी मेको आ पाप आ पर्बम चढ़ेचा माल्‍ब। मोपा मेको चोव़खो सेल्‍चा पुंइसीशो मुरुम पाप क्‍याम्‍तीक गेय पशो बाक्‍ब। मिनु नोले मेकोमी चोशा चढ़ेतीक क्‍योरचा माल्‍ब।
LEV 14:20 मिनु चढ़ेबमी मेको चोशा चढ़ेतीक नु अन्‍न चढ़ेतीक चढ़ेतीकेम चढ़ेचा माल्‍ब। मोपा मेको चढ़ेबमी मेको आ पर्बम पाप क्‍याम्‍तीक गेय पचा माल्‍ब। मिनु मेको मुर ग्रांग्रा मदिशो चोव़खो दुम्‍ब।
LEV 14:21 मिनु मेको मुर प्रुङग बाक्‍त हना, मोशो यो चाक्‍ने मचाप्‍बाक्‍त हना, मेकोमी आ पाप क्‍याम्‍तीक गेय आ पर्बम क्‍युक्‍शा हिम्‍शा चढ़ेचा कली सांड का नु अन्‍न चढ़ेचा कली तेलम निशो एफाह का के १० भाग थम रिम्‍शो फस नु लोग का तेल चाक्‍चा माल्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको के १० भाग २ लिटर नु इच्‍का खोइ बाक्‍ब। लोग आइक्‍च पुक्‍तीके का बाक्‍ब। मेको ०.३ लिटर रिक्‍ब।
LEV 14:22 मिनु आ चाप्‍शो खोदेंशो पा परवा निक्‍शी कि ढुकुर निक्‍शी, का पाप आ पर्बम चढ़ेचा कली नु का चोशा चढ़ेचा कली चाक्‍चा माल्‍ब। लेवी ५:७
LEV 14:23 मिनु मेकोमी ८ नाक्‍ती आंम कली चोव़खो सेल्‍पाइक्‍चा कली मेको निक्‍शी ग्रुम्‍तीक ताम्‍बु आ ओव़तीक परमप्रभु यावे आ ङोंइती चढ़ेब आ बाक्‍तीकेमी चाक्‍चा माल्‍ब।
LEV 14:24 मिनु चढ़ेबमी गारचा आ पर्बम चढ़ेचा कली मेको सांड नु लोग का तेल चाक्‍शा, क्‍युक्‍शा, हिम्‍शा, चढ़ेतीके परमप्रभु यावे आ ङोंइती क्‍युक्‍शा हिम्‍शा चढ़ेचा माल्‍ब। लोग का इस्राएली आन आइक्‍च पुक्‍तीक का बाक्‍ब। मेको ०.३ लिटर रिक्‍ब। मेको माना का नु इच्‍का खोइ खोदेंशो बाक्‍ब।
LEV 14:25 मिनु चढ़ेबमी मेको गारचा आ पर्बम चढ़ेतीक सांड क्‍योरशा, मेको आ हुश इच्‍का लाइश्‍शा, चोव़खो सेल्‍चा पुंइसीब मुर आ ग्‍युरा नोफा ङा फेनेम, आ ग्‍युरा गुइ ङा बोंग्‍ये नु आ ग्‍युरा खोइल ङा बोंग्‍येमी ख्रेक्‍चा माल्‍ब।
LEV 14:26 मिनु चढ़ेबमी मेको तेल इच्‍का आ पेरा गुइ ङा ताप्‍लाम लुक्‍चा माल्‍ब।
LEV 14:27 मिनु आ ग्‍युरा गुइ ङा ब्रेप्‍चोम पेरा गुइम बाक्‍शो तेल परमप्रभु यावे आ ङोंइती ७ खेयप ब्रुइक्‍चा माल्‍ब।
LEV 14:28 मिनु चढ़ेबमी आ गुइम बाक्‍शो तेल मेको चोव़खो सेल्‍चा पुंइसीब मुर आ ग्‍युरा नोफा आ फेनेम, आ ग्‍युरा गुइ ङा बोंग्‍ये नु आ ग्‍युरा खोइल ङा बोंग्‍येम गारचा आ पर्बम चढ़ेशो आ हुश ख्रेक्‍शो तार ख्रेक्‍चा माल्‍ब।
LEV 14:29 मिनु चढ़ेबमी आ गुइम लीशो तेल मेको चोव़खो सेल्‍चा पुंइसीब मुर आ पियाम ख्रेक्‍चा माल्‍ब। मोपा मेकोमी चोव़खो सेल्‍चा पुंइसीब मुर कली परमप्रभु यावे आ ङोंइती पाप क्‍याम्‍तीक गेय पाइब।
LEV 14:30 मिनु मेकोमी ढुकुर कि परवा आ चाप्‍शो खोदेंशो पा चढ़ेचा माल्‍ब।
LEV 14:31 मिनु का पाप आ पर्बम, का चोशा चढ़ेचा कली अन्‍न चढ़ेतीक नु चढ़ेचा माल्‍ब। मोपा चढ़ेबमी चोव़खो सेल्‍चा पुंइसीब मुर आ पर्बम परमप्रभु यावे आ ङोंइती पाप क्‍याम्‍तीक गेय पचा माल्‍ब।
LEV 14:32 कुशुल ङा याक्‍सीब रोइ पशा, चोव़खो दुम्‍तीक आ पर्बम प्रुङग आन पचा माल्‍शो गेय एको बाक्‍ब” देंत। लेवी १३:४७-५९
LEV 14:33 परमप्रभु यावेमी मोसा नु हारून आस कली
LEV 14:34 “मुल गो इन कली गेशो कनान रागीम जाक्‍दीश्‍शा बाक्‍नीनु, इन आंम के सेल्‍नी नोले, गो मेको रागी ङा तेकोइ खिंम बुंखी ङाइक्‍पाइक्‍ता हना,
LEV 14:35 मेको खिं ङा मुर जाक्‍शा चढ़ेब कली ‘आं खिंम बुंखी ङाइश्‍शो खोदेंशो तांइसाक्‍व’ देंचा माल्‍ब। लेवी १३:२
LEV 14:36 मिनु चढ़ेबमी ‘आं जाक्‍शा रिम्‍शो पा कोव़चा क्‍येङा ङोंइती इ खिं कली श्‍येत्‍थ पावो। मो मपाइतीनी हना खिंम बाक्‍शो मारेइ मारेइ ग्रांग्रा दिशो दुम्‍ब’ दे अरेचा माल्‍ब। मिनु नोले मेको चढ़ेब मेको खिं कोव़थ लचा माल्‍ब।
LEV 14:37 मिनु मेकोमी मेको बुंखी ङाइश्‍शो रिम्‍शो पा कोव़चा माल्‍ब। मेको खिं ङा गारो गिगी, लल दुम्‍शा, गारो क्‍येङा लुक्‍च लशो बाक्‍त हना, लेवी १३:३
LEV 14:38 चढ़ेब खिं रे लाङगा ग्रूशा, ७ नाक्‍त सम्‍म लाप्‍चो चोक्‍शा वोइक्‍चा माल्‍ब।
LEV 14:39 मिनु मेको चढ़ेब ७ नाक्‍त नोले जाक्‍शा, मेको बुंखी गारोम बारशो बाक्‍म कों मबाक्‍म रिम्‍शो पा कोव़चा माल्‍ब। मिनु मेको गारोम बारशो बाक्‍त हना,
LEV 14:40 चढ़ेबमी मेको बुंखी ङाइश्‍शो फुल्‍लु ग्रुंइपाइश्‍शा, सहर क्‍येङा ङोन ग्रांग्रा दिशो ताइक्‍तीकेमी ताइक्‍पाइक्‍चा माल्‍ब।
LEV 14:41 मेको खिं आगा तेइ तेइ खोतेर पपाइक्‍चा माल्‍ब। मिनु खोतेर पाइश्‍शो खप सहर क्‍येङा ङोन ग्रांग्रा दिशो ताइक्‍तीकेमी ताइक्‍पाइक्‍चा माल्‍ब।
LEV 14:42 मिनु नोले मेकोपुकीमी ताइश्‍शो फुल्‍लु आ पा ङा अर्को फुल्‍लु चाक्‍शा, मेको फुल्‍लु बाक्‍तीकेम प्रोव़चा माल्‍नीम। मिनु नक खप चाक्‍शा, खिं सिल्‍चा माल्‍नीम।
LEV 14:43 मिनु फुल्‍लु ग्रुंइशा, अर्को फुल्‍लु प्रोव़शा, खप खोतेर पा ग्रुंइशा, अर्को खप सिल्‍शा यो, मेको बुंखी लेंशा ग्रूत हना,
LEV 14:44 चढ़ेबमी लेंशा जाक्‍शा, रिम्‍शो पा कोव़चा माल्‍ब। मिनु मेको बुंखी खिंम बारना बारन लशो बाक्‍त हना, मेको बारतीक बुंखी ङाइश्‍शो बाक्‍ब। मेको खिं ग्रांग्रा बाक्‍ब।
LEV 14:45 मिनु मेको खिं कली प्रेत्‍चा माल्‍ब। मेको आ फुल्‍लु, शी नु सिल्‍शो खप सहर क्‍येङा ङोन ग्रांग्रा दिशो ताइक्‍तीकेमी ताइक्‍चा माल्‍ब।
LEV 14:46 मिनु सुइ मेको खिं चोक्‍शो नोले ओव़त हना, मेको नां मरिक्‍म सम्‍म ग्रांग्रा दिशो दुम्‍ब। लेवी ११:२४
LEV 14:47 मिनु सुइ मेको खिंमी इप्‍त हना यो, जाप्‍तु हना यो, मेकोमी आ वा मुरचा माल्‍ब।
LEV 14:48 तन्‍न चढ़ेबमी मेको खिं रिम्‍शो पा कोव़ङानु, सिल्‍शा फिक्‍शा नोले मेको बुंखी ङाइश्‍शो मबारत हना, चढ़ेबमी मेको खिं कली ‘ग्रांग्रा मदिशो चोव़खो बाक्‍ब’ देंचा माल्‍ब। मारदे हना मेको बुंखी जाम्‍शा लत।
LEV 14:49 मिनु मेको खिं ङा मुरुमी खिं कली चोव़खो सेल्‍चा कली चिक्‍ब निक्‍शी, लेबानोन ङा लाइश्‍शो रवा आ शी, हिस्‍सोप नु लल श्‍येले चाक्‍चा माल्‍ब।
LEV 14:50 मिनु चढ़ेबमी ‘मेको चिक्‍ब निक्‍शीमी का खप के सिक्‍स ब्‍वाक्‍कुम ब्रीशो बोस तारी सतो’ दे अरेचा माल्‍ब। लेवी १४:४-७
LEV 14:51 मिनु चढ़ेबमी मेको लेबानोन ङा लाइश्‍शो रवा आ शी, हिस्‍सोप नु लल रङम नुप्‍शो श्‍येले नु मेको सेस चिक्‍ब लाइश्‍शा, मेको नेल्‍ल कली मेको सिक्‍स ब्‍वाक्‍कु तारी साइश्‍शो चिक्‍ब आ हुशेमी ख्रुम्‍शा ग्रुंइचा माल्‍ब। मिनु मेकोमी मेको खिं कली ७ खेयप ब्रुइक्‍चा माल्‍ब।
LEV 14:52 मोपा मेकोम चिक्‍ब आ हुश, सिक्‍स ब्‍वाक्‍कु, सेस चिक्‍ब, लेबानोन ङा लाइश्‍शो रवा आ शी, हिस्‍सोप नु लल रङम नुप्‍शो श्‍येलेमी मेको खिं ग्रांग्रा मदिशो चोव़खो सेल्‍चा माल्‍ब।
LEV 14:53 मिनु मेकोमी मेको सेस चिक्‍ब कली सहर रे लाङगा प्रोंइशा बेरपाइक्‍चा माल्‍ब। मोपा मेकोमी मेको खिं ङा बुंखी क्‍याम्‍तीक गेय पचा माल्‍ब। मिनु मेको खिं ग्रांग्रा मदिशो चोव़खो दुम्‍ब।
LEV 14:54 मिनु कुशुल ङा याक्‍सीब रोइ नेल्‍ल, रक सुइब रोइ,
LEV 14:55 वासी नु खिं ङा बुंखी ङाइक्‍तीके,
LEV 14:56 होम्‍शो नु आइक्‍च गार नु बुश लुम्‍सीशो गारपुकी चोव़खो सेल्‍तीक गेय एकोन बाक्‍नीम।
LEV 14:57 ग्रांग्रा दिशो नु मदिशो तुइक्‍तीक एको बाक्‍ब। मेको कोव़र नु कोव़र खोदेंशो रोइ नु बुंखी ङाइश्‍शो आन पर्बम पतीक गेय एकोन बाक्‍नीम” दे परमप्रभु यावेमी मोसा नु हारून आस कली माइक्‍तीम्‍सी।
LEV 15:1 परमप्रभु यावेमी मोसा नु हारून आस कली
LEV 15:2 “इस्राएली आन कली ‘सुइ वोंइश मुर आन के मार मार यित हना यो, मेको यितीके मेको मुर ग्रांग्रा दिशो बाक्‍ब। गन्‍ती ५:२
LEV 15:3 मेको आ रां रे यितीके मार बाक्‍ब देंशा हना, रां रे यित हना यो, देक्‍त हना यो, मेको मुर ग्रांग्रा दिशो बाक्‍ब।
LEV 15:4 मेको मुर इप्‍शो ब्राख्‍ये नेल्‍ल नु आ निश्‍शो नित्‍तीके नेल्‍ल ग्रांग्रा दिशो बाक्‍नीम।
LEV 15:5 सुमी मेको आ ब्राख्‍ये थीबा, मेकोमी आ वा मुरशा, चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।
LEV 15:6 मिनु सु मेको आ नित्‍तीकेमी निप्‍बा, मेकोमी आ वा मुरशा, चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।
LEV 15:7 सुमी मेको मुर कली थीबा, मेकोमी आ वा मुरशा, चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।
LEV 15:8 मेको मुरुमी चोव़खो मुर कली तोक्‍ताक्‍व हना, मेको चोव़खो मुर चिक्‍सीचा माल्‍ब। मेकोमी आ वा मुरचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।
LEV 15:9 मेको मुर तेको शारा तार ब्रतीके थेंकाम निप्‍बा, मेको ग्रांग्रा दिशो दुम्‍ब।
LEV 15:10 सुमी मेको आ नित्‍तीके थीबा, मेको नां मरिक्‍म सम्‍म ग्रांग्रा दुम्‍ब। सुमी मेको थोव़क कुरबा, मेकोमी आ वा मुरशा, चिक्‍सीचा माल्‍ब। मेको नां मरिक्‍म सम्‍म ग्रांग्रा दुम्‍ब।
LEV 15:11 मेको मुरुमी आ गुइ मचिक्‍थु, सुइ कली थिप्‍तु हना, मेको थिचा पुंइसीब मुरुम आ वा मुरशा, चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दुम्‍ब।
LEV 15:12 मेको मुरुम तेकोइ खप के बोस थिप्‍तु हना, मेको प्रोल्‍चा माल्‍ब। तन्‍न शी के बाक्‍त हना, ब्‍वाक्‍कुम शेक्‍चा माल्‍ब। लेवी ११:३३
LEV 15:13 मेको मुरुमी आ ग्रांग्रा दिशो देक्‍म नोले, चोव़खो दुम्‍चा कली ७ नाक्‍त रिम्‍चा माल्‍ब। मिनु आ वा मुरशा, आ रां नेल्‍ल ब्‍वाक्‍कुम चिक्‍सीचा माल्‍ब। मिनु मेको चोव़खो दुम्‍ब।
LEV 15:14 मिनु मेकोमी ८ नाक्‍ती परवा निक्‍शी कि ढुकुर निक्‍शी कुरशा, परमप्रभु यावे आ ङोंइती ग्रुम्‍तीक ताम्‍बु आ ओव़तीक जाक्‍शा, मेको चढ़ेब कली गेचा माल्‍ब। लेवी ५:७
LEV 15:15 मिनु चढ़ेबमी मेको का पाप आ पर्बम नु का चोशा चढ़ेतीक चढ़ेचा माल्‍ब। मोपा चढ़ेबमी मेको ग्रांग्रा दिशो यिशो मुर आ पर्बम परमप्रभु यावे आ ङोंइती पाप क्‍याम्‍तीक गेय पचा माल्‍ब।
LEV 15:16 मिनु सुइ वोंइश मुर आ बिउ मोशा यित हना, मेकोमी आ रां नेल्‍ल ब्‍वाक्‍कुम चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दुम्‍ब। लेवी २२:४
LEV 15:17 मिनु आ बिउ तेको वा नु कुशुल के सेल्‍शो मारेइमी दोक्‍त हना, मेको मुरचा माल्‍ब। मिनु मेको नां मरिक्‍म सम्‍म ग्रांग्रा दुम्‍ब।
LEV 15:18 सुइ वोंइश मुर मीश मुर नु इम्‍मेनु, बिउ दोक्‍त हना, मेको निम्‍फा चिक्‍सीचा माल्‍नीस। मिनु नां मरिक्‍म सम्‍म ग्रांग्रा दुम्‍नीस।
LEV 15:19 सुइ मीश मुर मथिचा दुम्‍त हना, मेको आ रां ङा दुम्‍तीक बाक्‍ब। मेको ७ नाक्‍त सम्‍म ग्रांग्रा दिशो दुम्‍ब। सुम मेको कली थीबा, मेको नां मरिक्‍म सम्‍म ग्रांग्रा दिशो बाक्‍ब। लेवी १८:१९
LEV 15:20 मेको मीश मुर ग्रांग्रा दिशो दुम्‍मेनु, आ इप्‍तीके नु नित्‍तीके नेल्‍ल ग्रांग्रा दिशो दुम्‍नीम।
LEV 15:21 सुम मेको आ ब्राख्‍ये थीबा, मेकोमी आ वा मुरशा, चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।
LEV 15:22 सुम मेको आ निश्‍शो थोव़क थीबा, मेकोमी आ वा मुरचा माल्‍ब। मिनु चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।
LEV 15:23 सुइ मुरुमी आ ब्राख्‍ये कि आ निश्‍शो पीरा थिप्‍तु हना, मेको नां मरिक्‍म सम्‍म ग्रांग्रा दिशो दुम्‍ब।
LEV 15:24 मिनु वोंइश मुर मेको नु इप्‍त नु मेको आ ग्रांग्रा दिशो लुम्‍साक्‍व हना, मेको ७ नाक्‍त सम्‍म ग्रांग्रा दिशो दुम्‍ब। मिनु मेको आ इप्‍शो ब्राख्‍ये यो ग्रांग्रा दिशो दुम्‍ब।
LEV 15:25 मिनु सुइ मीश मुर आ रां ब्रोल्‍शो प्रोंइशा मेको क्‍येङा शुश नाक्‍त सम्‍म हुश यिस ङा यिस बाक्‍त हना, आ मथिचा दुम्‍शो नङा खोदेंशो पा ग्रांग्रा दिशो दुम्‍ब। मेको आ मथिचा नाक्‍त खोदेंशो पा मेको ग्रांग्रा दिशो दुम्‍ब।
LEV 15:26 मेको आ हुश यिशो नाक्‍त, आ इप्‍शो ब्राख्‍ये आ मथिचा दुम्‍शो नङा खोदेंशो पा ग्रांग्रा दिशो दुम्‍ब। आ निश्‍शो पीरा आ मथिची नङा खोदेंशो पा ग्रांग्रा दिशो दुम्‍ब।
LEV 15:27 मेको थोव़क थीब ग्रांग्रा दिशो दुम्‍ब। मेकोमी आ वा मुरशा, चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।
LEV 15:28 मेकोमी आ हुश यिचा देक्‍म नोले ७ नाक्‍ती रिम्‍चा माल्‍ब। मिनु मेको नोले मेको ग्रांग्रा मदिशो दुम्‍ब।
LEV 15:29 मिनु ८ नाक्‍ती मेकोमी ढुकुर निक्‍शी कि परवा निक्‍शी चाक्‍शा, ग्रुम्‍तीक ताम्‍बु आ ओव़तीक चढ़ेब आ ङोंइती जाक्‍चा माल्‍ब।
LEV 15:30 मिनु चढ़ेबमी का पाप आ पर्बम नु का चोशा चढ़ेतीके चढ़ेचा माल्‍ब। मोपा चढ़ेबमी मेको आ हुश यिशो आ पर्बम परमप्रभु यावे आ ङोंइती मेको आ पर्बम चोव़खो दुम्‍तीक गेय पचा माल्‍ब।
LEV 15:31 मोपा गे निक्‍शीमी इस्राएल ङा मुर आन कली ग्रांग्रा दितीक रे ङोन वोतीस। मो मपाइतीसी हना, मेकोपुकीम आं बाक्‍तीक ताम्‍बु ग्रांग्रा दिशो सेल्‍नीम। मिनु मेको आन ग्रांग्रा आ पर्बम बेक्‍नीम।
LEV 15:32 एको ग्रांग्रा दिशो यितीक कि बिउ दोक्‍शो ग्रांग्रा दिशो दुम्‍शो वोंइश मुर आ पर्बम चोव़खो सेल्‍तीके गेय बाक्‍ब।
LEV 15:33 मिनु मथिचा दुम्‍शो, ग्रांग्रा यिशो वोंइश मुर कि मीश मुर नु ग्रांग्रा दिशो दुम्‍शो मीश मुर नु इप्‍ब वोंइश मुर आन कली ग्रांग्रा मदिशो सेल्‍तीक गेय एकोन बाक्‍नीम’ देंचा माल्‍नीसी” देंत।
LEV 16:1 हारून आ तौ निक्‍शी परमप्रभु यावे आ ङोंइती बेक्‍सा नोले परमप्रभु यावेमी मोसा नु लोव़ पाप्‍तु। लेवी १०:१-२;
LEV 16:2 मिनु परमप्रभु यावेमी मोसा कली “इ लोक्‍ब हारून कली ‘इ दाक्‍शो खोदेंशो पा, गेना हना यो फारशो वा आ आगा बाक्‍शो चोव़खो कोठामी कबल पशो सन्‍दोस तार बाक्‍शो शिशी पतीके आ ङोंइती मजाक्‍को। मटीतीनी हना, गे बेक्‍नेवे। मारदे हना गो शिशी बाक्‍तीकेम गोस्‍स आगाम बाक्‍शा जाक्‍नुङ। प्रस्‍थान २६:३३-३४
LEV 16:3 हारून दोपा ओव़ने चाप्‍ब देंशा हना, पाप आ पर्बम चढ़ेचा कली ब्‍यफ का नु चोशा चढ़ेचा कली सांड का चाक्‍शा ला ओव़ने चाप्‍ब। लेवी ४:३; लेवी १:१०
LEV 16:4 सुती के आं गेय पचा कली ला आगा फेक्‍तीक वा फेक्‍शा, सुती के आ तार फेक्‍तीक फेक्‍शा, सुती के किप्‍शुर किप्‍शा नु सुती वा के पियाम गुप्‍तीक गुक्‍शा ओव़चा माल्‍ब। मेको वा आ गेय पचा कली ला बाक्‍त। मेकोमी चिक्‍सीशा ला मेको वा फेक्‍सीचा माल्‍ब। प्रस्‍थान २८:३९,४२; प्रस्‍थान २९:४; प्रस्‍थान ३०:१९-२०
LEV 16:5 मेकोमी इस्राएल ङा मुर आन गुइ रे पाप आ पर्बम चढ़ेचा कली बोका निक्‍शी नु चोशा चढ़ेचा कली सांड का ताक्‍चा माल्‍ब। लेवी ३:९,१५,१६
LEV 16:6 मिनु हारूनमी आंम पाप आ पर्बम चढ़ेतीक ब्‍यफ चढ़ेचा माल्‍ब। मिनु आ नु आ खिं ङा मुर आन पर्बम पाप क्‍याम्‍तीक गेय पचा माल्‍ब। लेवी ९:२, ८-११; हिब्रू ७:२७
LEV 16:7 मिनु मेकोमी मेको बोका निक्‍शी लाइश्‍शा, ग्रुम्‍तीक ताम्‍बु आ ओव़तीक परमप्रभु यावे आ ङोंइती वोइक्‍चा माल्‍ब।
LEV 16:8 मिनु हारूनमी मेको बोका निक्‍शी आ पर्बम फेन्‍टे आप्‍चा माल्‍ब। मेकोमी परमप्रभु यावे कली का नु मो प्रोंइचा कली का फेन्‍टे आप्‍चा माल्‍ब।
LEV 16:9 मिनु हारूनमी परमप्रभु यावे कली दुम्‍शो बोका कली आ नेक्‍था चाक्‍शा पाप आ पर्बम चढ़ेचा माल्‍ब।
LEV 16:10 फेन्‍टे आप्‍शा मो प्रोंइतीक बोका कली सेसीन परमप्रभु यावे आ ङोंइती चाक्‍चा माल्‍ब। मिनु मेको आ तारी पाप क्‍याम्‍तीक गेय पा, मेको बोका कली गोरशो रागीम प्रोंइशा सोइक्‍चा माल्‍ब।
LEV 16:11 मिनु हारूनमी आ आंम पाप आ पर्बम चढ़ेतीके ब्‍यफ चाक्‍चा माल्‍ब। मिनु आ आंम कली नु आ खिं ङा मुर आन पर्बम पाप क्‍याम्‍तीक गेय पचा माल्‍ब। मिनु मेकोमी आ पाप आ पर्बम चढ़ेतीक ब्‍यफ क्‍योरचा माल्‍ब। रोमी ३:२५
LEV 16:12 मिनु मेकोमी परमप्रभु यावे आ ङोंइती चढ़ेतीके रे ब्रशो कोइला धूप चोतीकेम कुर पा मुठी निक्‍शी चुशो ब्रोव़शो रिना पाइश्‍शो धूप कुरशा फारतीक वा चोव़खो कोठा ओव़चा माल्‍ब।
LEV 16:13 मिनु मेकोमी परमप्रभु यावे आ ङोंइती बाक्‍शा, धूप चोचा माल्‍ब। मिनु धूप आ कुनम कबल पशो सन्‍दोस आ तार बाक्‍शो शिशी बाक्‍तीक कली सुम्‍चा माल्‍ब। मोदेंशो मपाप्‍तु हना, मेको बेक्‍ब। प्रस्‍थान २५:१७-२२
LEV 16:14 मेको नोले मेकोम ब्‍यफ आ हुश इच्‍का ब्रेक्‍शा पिश्‍शा, परमप्रभु यावे आ बाक्‍तीक तारी पूर्ब गे ब्रुइक्‍चा माल्‍ब। मेकेर मेकोमी आ ब्रेप्‍चोमी मेको हुश कली ७ खेयप ब्रुइक्‍चा माल्‍ब।
LEV 16:15 मिनु मेकोमी मुर आन पाप आ पर्बम चढ़ेतीक बोका क्‍योरचा माल्‍ब। मिनु मेको आ हुश फारशो वा आ आगा ङा कोठा चाक्‍शा, ब्‍यफ आ हुश खोदेंशो पा, शिशी बाक्‍तीक तार नु आ ङोंइती ब्रुइक्‍चा माल्‍ब। हिब्रू ४:१६; हिब्रू ९:५
LEV 16:16 मोपा मेकोमी मेको कोठा चोव़खो दुम्‍ब। मिनु इस्राएल ङा मुर आन ग्रांग्रा दिशो नु मरिम्‍शो पशो नु मेको आन पाप आन पर्बम पाप क्‍याम्‍तीक गेय बाक्‍ब। मिनु मेकोमी ग्रुम्‍तीक ताम्‍बु कली यो पचा माल्‍ब।
LEV 16:17 मिनु हारूनमी चोव़खो कोठामी पाप क्‍याम्‍तीक गेय पवानु, सुइ मुर ग्रुम्‍तीक ताम्‍बु ओव़चा मदुम्‍ब। मेकोमी आंम आ पर्बम, आ खिं ङा मुर आन पर्बम नु इस्राएल ङा मुर नेल्‍ल आन पर्बम पाप क्‍याम्‍तीक गेय मथुमा सम्‍म, सुइमी ग्रुम्‍तीक ताम्‍बु ओव़चा मदुम्‍ब।
LEV 16:18 मिनु नोले मेको लाङगा ग्रूशा, परमप्रभु यावे आ ङोंइती बाक्‍शो चढ़ेतीकेम लशा, मेको आ पर्बम पाप क्‍याम्‍तीक गेय पचा माल्‍ब। मिनु मेकोमी ब्‍यफ आ हुश नु बोका आ हुश इच्‍का लाइश्‍शा, चढ़ेतीक आ एर ओंथ ङा ग्रोव़ नेल्‍लेम ख्रेक्‍चा माल्‍ब। प्रस्‍थान ३०:१०
LEV 16:19 मिनु इच्‍का हुश लाइश्‍शा, आ ब्रेप्‍चोम ७ खेयप मेको चढ़ेतीक तार ब्रुइक्‍चा माल्‍ब। मोपा मेको चढ़ेतीके इस्राएली आन ग्रांग्रा दिशो रे चोव़खो सेल्‍चा माल्‍ब।
LEV 16:20 मिनु हारूनमी चोव़खो कोठा, ग्रुम्‍तीक ताम्‍बु नु चढ़ेतीके आ पर्बम पाप क्‍याम्‍तीक गेय पवा नोले, मेको सेस बोका चाक्‍चा माल्‍ब।
LEV 16:21 मिनु नोले हारूनम आ गुइ निम्‍फा मेको सेस बोका आ पिया तार वोइक्‍चा माल्‍ब। मिनु इस्राएली आन मरिम्‍शो पशो नेल्‍ल नु आन पशो पाप नेल्‍ल शोव़शा, मोपा नेल्‍ल पाप बोका आ पियाम वोइक्‍चा माल्‍ब। मिनु नोले मुर काम मेको बोका कली गोरशो रागीम चोक्‍चा माल्‍ब।
LEV 16:22 मोपा मेको बोकाम मेको आन मरिम्‍शो पशो कुरशा, सुइ मबाक्‍शो गोरशो रागीम लाइक्‍चा माल्‍ब। मेको मुरुम मेको बोका कली गोरशो रागीम प्रोंइचा माल्‍ब।
LEV 16:23 मेको नोले हारून ग्रुम्‍तीक ताम्‍बुम ओव़शा, मेको आ ङोंइती चोव़खो कोठा ओव़शा, फेक्‍शो सुती वा प्रुइश्‍शा, मेक उइ वोइक्‍चा माल्‍ब।
LEV 16:24 मिनु मेकोमी चोव़खो बाक्‍तीके लशा, चिक्‍सीचा माल्‍ब। मिनु आ वा फेक्‍शा लेत्‍चा माल्‍ब। मिनु आंम आ पर्बम नु मुर आन पर्बम चोशा चढ़ेतीक चढ़ेशा, आंम कली नु मुर आन कली पाप क्‍याम्‍तीक गेय पचा माल्‍ब।
LEV 16:25 मिनु मेकोमी पाप आ पर्बम चढ़ेशो आ बोंसो चढ़ेतीकेमी चोचा माल्‍ब।
LEV 16:26 मिनु प्रोंइचा पुंइसीब बोका कली चोव़‍थ लाइब मुर आ वा मुरशा, चिक्‍सीचा माल्‍ब। मिनु मेको नोले मुर आन बाक्‍तीक जाक्‍ने चाप्‍ब।
LEV 16:27 मिनु पाप आ पर्बम चढ़ेशो ब्‍यफ नु बोका आस हुशेमी मेको चोव़खो कोठा कली पाप क्‍याम्‍तीक गेय पशा नोले मेको मुर आन बाक्‍तीक रे ग्रुंइशा, मेको आस कुशुल, श्‍ये नु गोबर नेल्‍ल चोचा माल्‍ब। लेवी ४:१२; लेवी ६:२३; हिब्रू १३:११
LEV 16:28 मिनु मेको चोइबमी आ वा मुरशा, चिक्‍सीचा माल्‍ब। मिनु मेको नोले मुर आन बाक्‍तीके लेन्‍ने चाप्‍ब।
LEV 16:29 एको नेल्‍ले इन कली गेना हना यो पतीके बाक्‍ब। ७ महिना ङा १० नाक्‍ती परमप्रभु यावे आ नेक्‍था जाक्‍चा माल्‍नीनी। मेको नाक्‍ती गे, इस्राएली नु अर्को रागी ङा मुर नेल्‍लेमी काइ गेय मपने। लेवी २३:२७-३२; गन्‍ती २९:७
LEV 16:30 मारदे हना मेको नाक्‍ती इन पर्बम पाप क्‍याम्‍तीक गेय पाइनीम। मिनु परमप्रभु यावे आ ङोंइती इन पाप क्‍याम्‍शो बाक्‍ब।
LEV 16:31 एको इन ठेयब नाइक्‍तीक नाक्‍ती बाक्‍ब। मोपतीके काइ गेय मपने। एको गेना हना यो कली पतीक बाक्‍ब।
LEV 16:32 तेल लुक्‍शो नु आ आफ आ पा ङा चढ़ेब दुम्‍चा कली सु योव़सीशो बाक्‍मे, मेकोमी पाप क्‍याम्‍तीक गेय पचा माल्‍ब। मिनु मेकोमी मेको गेय कली ला वोइश्‍शो सुती के फेक्‍तीके फेक्‍चा माल्‍ब। प्रस्‍थान २८:४१-४२
LEV 16:33 मेकोमी चोव़खो कोठा कली, ग्रुम्‍तीक ताम्‍बु नु चढ़ेतीक कली पाप क्‍याम्‍तीक गेय पचा माल्‍ब। मिनु मेकोमी चढ़ेबपुकी नु मुर नेल्‍ल आन पर्बम पाप क्‍याम्‍तीक गेय पचा माल्‍ब।
LEV 16:34 मिनु बर्सम खेयप का इस्राएली नेल्‍ल आन कली पाप क्‍याम्‍तीक गेय पचा माल्‍ब। मेको इन कली गेना हना यो पतीक बाक्‍त। बर्सम खेयप का इस्राएली नेल्‍ल आन पाप आ पर्बम माफ पुंइचा माल्‍ब’ दे हारून कली देनो” देंत। मिनु परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु। प्रस्‍थान ३०:१०; हिब्रू १०:३
LEV 17:1 मिनु परमप्रभु यावेमी मोसा कली
LEV 17:2 “गे हारून, मेको आ तौपुकी नु इस्राएली नेल्‍ल आन कली ‘परमप्रभु यावेमी अरेशो मार बाक्‍ब देंशा हना,
LEV 17:3 सुमी इस्राएली आन बाक्‍तीकेमी ब्‍यफ, भेडा नु क्‍यारश क्‍योरबा,
LEV 17:4 मिनु परमप्रभु यावे आ ङोंइती चढ़ेचा कली ग्रुम्‍तीक ताम्‍बु आ ओव़तीकेम मचाक्‍बा, मेको मुर साइश्‍शो आ पर्बम दोस ताइब। मेकोमी साइक्‍तीके आ मुर रे तिल्‍चा पुंइसीब। उत्‍पत्ती ९:६
LEV 17:5 मोपतीके इस्राएलीपुकीमी आन क्‍योरशा चढ़ेतीके आन बाक्‍तीके रे ग्रुंइशा, परमप्रभु यावे आ ङोंइती चाक्‍चा माल्‍नीम। मेकोपुकीमी आन क्‍योरतीक बस्‍तु भाव चढ़ेब आ बाक्‍तीकेम, ग्रुम्‍तीक ताम्‍बु आ ओव़तीके आ ङोंइती चाक्‍शा, दुशा बाक्‍तीक आ पर्बम चढ़ेचा माल्‍नीम।
LEV 17:6 मिनु चढ़ेबमी मेको आ हुश ग्रुम्‍तीक ताम्‍बु आ ओव़तीके आ ङोंइती बाक्‍शो परमप्रभु यावे कली चढ़ेतीकेम ब्रुइक्‍चा माल्‍ब। मिनु बोंसो परमप्रभु यावे कली आ दाक्‍शो ब्रोव़शो रिना पपाइश्‍शो सेल्‍चा कली चोचा माल्‍ब।
LEV 17:7 मेकोपुकीमी मोपा वोल कली चढ़ेशा, आंम कली तेल्‍लेम खोदेंशो सेल्‍ने मचाप्‍नीम। एकोम परमप्रभु यावे आ अरेशो लोव़ नेल्‍ल आन पाला सम्‍म गेना हना यो कली अरेतीके बाक्‍ब’ दे‍‍नो” देंत। ब्‍यवस्‍था १७:१७
LEV 17:8 मिनु परमप्रभुमी “मेको आन कली ‘इस्राएली नु मेको नु बाक्‍ब अर्को रागी ङा मुर चोशा चढ़ेतीके चढ़ेचा दाक्‍ताक्‍म हना, ब्‍यवस्‍था १२:१४
LEV 17:9 मिनु मेको ग्रुम्‍तीक ताम्‍बु आ ओव़तीके मचाक्‍थु, परमप्रभु यावे कली मचढ़ेप्‍तु हना, मेको मुर कली आ मुर आन दाते रे तिल्‍चा माल्‍नीम’ दे माइक्‍मी।
LEV 17:10 इस्राएली नु मेको आन दातेम बाक्‍ब अर्को रागी ङा मुर सुइमी हुश ब्‍वाम्‍तेक्‍म हना, गो मेको हुश ब्‍वाइब कली मरिम्‍शो पाइनुङ। मिनु मेको मुर कली आ मुर आन दाते रे क्‍याम्‍नुङ। लेवी ३:१७
LEV 17:11 मारदे हना मेको बस्‍तु भाव आन हुशेम ब्रोंइतीक सोक्‍त बाक्‍ब। मिनु गो मेको हुश इन कली चढ़ेतीकेमी इन पाप क्‍याम्‍तीक गेय पचा कली गेता। मारदे हना हुशेम पाप क्‍याम्‍तीके बाक्‍ब। हिब्रू ९:२२
LEV 17:12 मोपतीके गेपुकी नु गेपुकी नु बाक्‍ब अर्को रागी ङा मुर सुइमी हुश ब्‍वचा मदुम्‍ब, दे गो इस्राएली आन कली देंशो बाक्‍नुङ।
LEV 17:13 मिनु सुइ इस्राएलीपुकी नु गेपुकी नु बाक्‍ब अर्को रागी ङा मुर सिखार ग्‍यारशा, ग्‍याइश्‍शा मारेइ साइक्‍तीनी हना, मेको आ हुश नेल्‍ल जारशा, खपीम सुम्‍चा माल्‍ब।
LEV 17:14 मारदे हना मारेइ मारेइ के ब्रोंइतीक सोक्‍त हुशेमी बाक्‍ब। मोपतीके गो इस्राएली नेल्‍ल आन कली ‘गे तेकोइ जन्‍तु, बस्‍तु भाव आन हुश ब्‍वचा मदुम्‍ब। मारदे हना नेल्‍ल जन्‍तु आन ब्रोंइतीके हुशेम बाक्‍ब। मेको सुमी ब्‍वाइबा, मेको क्‍याम्‍चा पुंइसीब। उत्‍पत्ती ९:४
LEV 17:15 मिनु इस्राएली नु अर्को रागी ङा मुर नेल्‍लेमी, सुम आंमा बेक्‍शो मारेइ मारेइ नु ब्‍वाकी ङा जन्‍तुम साइश्‍शो मार मार ब्‍वाम्‍तेक्‍म हना, मेको आन वा मुरशा, चिक्‍सीचा माल्‍नीम। मिनु नां मरिक्‍म सम्‍म ग्रांग्रा बाक्‍चा माल्‍नीम। मिनु नोले मेको ग्रांग्रा मदिशो दुम्‍नीम। लेवी ११:४०; लेवी २२:८; प्रस्‍थान २१:३३-३६; प्रस्‍थान २२:३०; प्रेरित १५:२०
LEV 17:16 तन्‍न मेकोपुकीमी आन वा ममुरथु, मचिक्‍साक्‍म हना, मेको आन पशो आ पर्बम मेको दोस ताइब दुम्‍नीम’ दे हारून नु आ तौ आन कली देनो” दे परमप्रभु यावेमी देंत।
LEV 18:1 मिनु परमप्रभु यावेमी मोसा कली
LEV 18:2 “गे इस्राएली आन कली ‘गो परमप्रभु यावे, इन परमप्रभु नङ।
LEV 18:3 गेपुकी इजीप्‍त रागीम पशो खोदेंशो मपने। मिनु गो इन कली कनान रागी लाइक्‍नन्‍नी। गेपुकीमी मेक ङा मुर आन पशो खोदेंशो मपने। प्रस्‍थान २३:२४
LEV 18:4 गेपुकीमी आं पावो, दे अरेशो लोव़ नु आं फुल्‍लुम मुशा ब्रेक्‍शो लोव़ पचा माल्‍नीनी। मारदे हना गो परमप्रभु यावे, इन परमप्रभु नङ।
LEV 18:5 सुमी आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ पाइबा, मेको ब्रोंइचा ताइब। मारदे हना गो परमप्रभु यावे नङ। नेहेम्‍याह ९:२९; इजीकीएल २०:११; रोमी ७:१०; रोमी १०:५; गलाती ३:१२
LEV 18:6 गेपुकी सुइ आंम नेक्‍था ङा नाता नु मइपीन। मारदे हना गो परमप्रभु यावे नङ।
LEV 18:7 इन ममा नु इप्‍शा इन आफ कली मुने मतोक्‍कीन। इन ममा नु इप्‍चा मदुम्‍ब।
LEV 18:8 गे इ आफ आ अरु मीश नु मइपो। मो पाइ‍तीनी हना, गेपुकीमी इन आफ कली मुने तोक्‍नीनी। उत्‍पत्ती ३५:२२; ब्‍यवस्‍था २७:२०; २सामुएल १६:२२; १कोरिन्‍थी ५:१
LEV 18:9 गे इ दिदी, बहिनी नु मइपो। इ आफ आ तमी बाक्‍त हना यो, इ ममा आ तमी बाक्‍त हना यो नु आंम खिंम जरमेशो बाक्‍त हना यो अर्को रागीम जरमेशो बाक्‍त हना यो, मेको नु इप्‍चा मदुम्‍ब।
LEV 18:10 मिनु तौ आ तमी बाक्‍त हना यो, इ तमी आ तमी बाक्‍त हना यो, इ चच बाक्‍त हना यो मेको नु मइपो। मो पाप्‍तीवी हना, गे आंमा मुने दोक्नेवे।
LEV 18:11 गे इ आफ आ अरु मीश आ तमी नु मइपो। मेको इन समी बाक्‍ब।
LEV 18:12 गे इन फुपु नु मइपो। मेको इन आफ आ समी बाक्‍ब। प्रस्‍थान ६:२०
LEV 18:13 गे इ ममा आ लोक्‍ब नु मइपो। मेको इन ममा आ नाता बाक्‍नीम।
LEV 18:14 इन बोडमा नु आमा कान्‍छी नु मइपो। मेको इन बोडमा नु आमा कान्‍छी बाक्‍नीम।
LEV 18:15 गे इ चाइमी नु मइपो। मेको इ तौ आ मीश बाक्‍ब। गे मेको नु इप्‍चा मदुम्‍ब।
LEV 18:16 गे इ भोग्‍यु, बोहारी नु मइपो। मोपा इ लोक्‍ब कली मुने मतोक्‍को। लेवी २०:२१; मर्कूस ६:१८
LEV 18:17 गे मीश मुर का नु आ तमी निम्‍फा नु मइपो। मिनु मेको आ तौ आ तमी नु आ तमी आ तमी, चच नु मइपो। मेकोपुकी नेक्‍था ङा नाता बाक्‍नीम। मो पचा मरिम्‍शो बाक्‍ब।
LEV 18:18 गे इ मीश बाक्‍ना बाक्‍न, मेको आ लोक्‍ब मचाक्‍को। मेको नु मइपो।
LEV 18:19 गे रां ब्रोल्‍शा ग्रांग्रा दिशो दुम्‍शो मीश मुर नु मइपो।
LEV 18:20 गे अर्को मुर आ मीश नु इप्‍शा आंम कली ग्रांग्रा मसेलो। २सामुएल ११:४
LEV 18:21 गे मोलेक कली आंम तमी तौपुकी चढ़ेशा, आंम परमप्रभु यावे, इन परमप्रभु आ नें ग्रांग्रा मसेलीन। गो परमप्रभु यावे नङ।
LEV 18:22 मीश मुर नु इप्‍शो खोदेंशो पा वोंइश मुर नु मइपो। मेको थम ग्रांग्रा बाक्‍ब।
LEV 18:23 गे बस्‍तु भाव नु इप्‍शा, आंम कली ग्रांग्रा मसेलो। मीश मुर यो बस्‍तु भाव नु इप्‍चा मदुम्‍ब। मेको थम मरिम्‍शो दूली गेय बाक्‍ब। प्रस्‍थान २२:१८; लेवी २०:१६
LEV 18:24 गेपुकीमी मोदेंशो पाप पा आंम कली ग्रांग्रा मसेलीन। मारदे हना गो मोदेंशो पाप आ पर्बम जात जात ङा मुर इन ङोंइती रे ग्रुंइनुङमी। मेको नेल्‍लेम मोदेंशो पाप पा ग्रांग्रा दिशो दुम्‍शो बाक्‍तेक्‍म।
LEV 18:25 मोपान मेको रागी ग्रांग्रा दिशो दुम्‍त। मिनु गो मेको आन पाप आ पर्बम सजाइ गेता। मिनु रागीम मेक ङा मुर आन कली उक्‍बे पा ताइक्‍ताक्‍व।
LEV 18:26 तन्‍न गे आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ टिने। मिनु गे इस्राएली नु इन दातेमी बाक्‍ब अर्को रागी ङा मुर मोदेंशो ग्रांग्रा दिशो गेय मपने।
LEV 18:27 मारदे हना इन ङोंइती मेकेर बाक्‍ब मुरपुकीमी मोदेंशो ग्रांग्रा नेल्‍ल पाम्‍तेक्‍म। मिनु रागी ग्रांग्रा दिशो दुम्‍त।
LEV 18:28 मिनु आं अरेशो मपथु, मेको रागी ग्रांग्रा दिशो सेल्‍तीनी हना, मेको ङोंइती बाक्‍ब मुर आन कली खोदेंशो पा मेको रागीमी इन कली यो उक्‍बे पा ताइक्‍ब।
LEV 18:29 सुइमी मेको मरिम्‍शो का ला पाप्‍तु हना, मेको मुर आ मुर रे तिल्‍चा पुंइसीब।
LEV 18:30 मोपतीके गे ङोंइती ङा मुरपुकीमी पशो खोदेंशो पा मेको दूली ग्रांग्रा दिशो पाप मपने। मिनु आंम कली ग्रांग्रा दिशो मसेलीन। मारदे हना गो परमप्रभु यावे, इन परमप्रभु नङ’ देनो” देंत।
LEV 19:1 मिनु परमप्रभु यावेमी मोसा कली
LEV 19:2 “इस्राएली आन ग्रुम्‍तीक ङा मुर नेल्‍ल आन कली ‘गेपुकी आं कली ला ठेयब सेलीन। मारदे हना गो परमप्रभु यावे, इन परमप्रभु का ला नङ। लेवी ११:४४-४५; मत्ती ५:४८; १ पत्रुस १:१५-१६
LEV 19:3 गे नेल्‍लेमी इन आंम आफ आस कली मान पने। मिनु आं नाइक्‍तीक नाक्‍ती नांइसीन। गो परमप्रभु यावे, इन परमप्रभु नङ। प्रस्‍थान २०:१२; प्रस्‍थान २०:८
LEV 19:4 गे मूर्ति कली पूजा मपने। मिनु गे आंम कली मूर्ति मसेलीन। गो परमप्रभु यावे, इन परमप्रभु नङ। प्रस्‍थान २०:३; प्रस्‍थान ३४:१७
LEV 19:5 गे दुशा बाक्‍चा आ पर्बम परमप्रभु यावे आ ङोंइती चढ़ेनीनु, परमप्रभु यावेमी ब्रचा ङा पा चढ़ेने। लेवी ७:१२-१८;
LEV 19:6 गे चढ़ेनीनु, मेको चढ़ेशो नाक्‍त नु आ दीसा सम्‍म नेल्‍ल ब्‍वशा नेंचा माल्‍नीनी आ नित्‍थ नाक्‍त सम्‍म मारेइ लीत हना, मेको चोचा माल्‍नीनी।
LEV 19:7 आ नित्‍थ नाक्‍त मेको ब्‍वाइताक्‍नी हना, थम ग्रांग्रा दुम्‍ब। मिनु मेको चढ़ेशो मब्राइब।
LEV 19:8 मेको ब्‍वाइब नेल्‍लेमी सजाइ ताइनीम। मारदे हना मेकोमी परमप्रभु यावे कली चढ़ेशो ग्रांग्रा दिशो सेल्‍शा, मेको कली मटीम। मिनु मोदेंशो मुर आन मुर रे तिल्‍चा पुंइसीनीम।
LEV 19:9 मिनु गे इन बाली नाली रिक्‍नीनु, रू आ सुर सुर सम्‍म मरिक्‍कीन। सिला बाला मगुपीन। लेवी २३:२२; ब्‍यवस्‍था २४:१९; रूथ २:२,१५,१६
LEV 19:10 गेपुकीमी इन अङगुर रू ङा फल काइ मलीपाइक्‍थु, मसेक्‍कीन। मिनु रूम दोक्‍शो अङगुर यो मगुपीन। मेको प्रुङग नु अर्को रागी ङा मुर आन कली बाक्‍ल। गो परमप्रभु यावे, इन परमप्रभु नङ।
LEV 19:11 गे खुइ मपने। मठगेने। गे जोल मपमुने। प्रस्‍थान २०:१५-१६; १ थिस्‍सलोनिकी ४:६
LEV 19:12 गेपुकीमी आं नें थिशा, जोल पा कसम मजने। मो पाइतीनी हना, गे इन परमप्रभु आ नें आइक्‍च सेल्‍नीनी। गो परमप्रभु यावे नङ। प्रस्‍थान २०:७; मत्ती ५:३३
LEV 19:13 गे आंम नेक्‍था ङा मुर आन कली श्‍येत गेशा, मदिपीन। मिनु मेको आन मार मार मरोइक्‍तीन। गाल्‍च ताक्‍शा गेय पाइब आन क्‍येट काब नाक्‍दो यो इन खिंम वोइक्‍चा मदुम्‍ब। ब्‍यवस्‍था २४:१४-१५; येरमीया २२:१३; याकूब ५:४
LEV 19:14 नोफा मनेंब मुर कली मरिम्‍शो लोव़ मपने। मिक्‍च मताइब आ ङोंइती दाइल पाइक्‍तीक थोव़क मवोतीन। इन परमप्रभु क्‍येङा हिनीन। गो परमप्रभु यावे नङ। उत्‍पत्ती २७:१९; ब्‍यवस्‍था २७:१८
LEV 19:15 गे जोल पाइब सांकछी मदुमीन। ठेयब मुर बाक्‍त हना यो, आइक्‍च मुर बाक्‍त हना यो, मुर आन कुल मकोव़थु, ठीक निसाफ पने। प्रस्‍थान २३:३,६; ब्‍यवस्‍था १६:१९,२०
LEV 19:16 गेपुकी मुर आन पर्बम जोल पा लोव़ मपमुने। गे इन नेक्‍था ङा मुर कली साइक्‍चा ममालीन। गो परमप्रभु यावे नङ। प्रस्‍थान २३:७
LEV 19:17 गे इन लोक्‍ब कली काइ मदाक्‍ब मदुमीन। इन नेक्‍था ङा मुर कली रिम्‍शो पा मोदेंशो दूली गेय मपने’ दे लोव़ पने। मो मपाइतीनी हना, गे पाप राइनीनी। भजन संग्रह १४१:५; मत्ती १८:१५
LEV 19:18 गे इन मुर आन कली क्‍येक्‍क मलेत्‍तीन। ईख मकुरीन। तन्‍न इन नेक्‍था ङा मुर कली आंम कली खोदेंशो पा दाक्‍तीन। गो परमप्रभु यावे नङ। २राजा ६:२२; २इतिहास २९:९-१५; मत्ती ५:४३-४८; मत्ती २२:३९; लूका १०:२५-३७; यूहन्‍ना १३:३४; रोमी १३:९; गलाती ५:१४; याकूब २:८
LEV 19:19 गे आं फुल्‍लु मुशा ब्रेक्‍शो लोव़ पने। निक्‍शी खाल ङा जन्‍तु, बस्‍तु भाव आन कली मब्‍वाइक्‍तीन। इन रूमी निक्‍शी खाल ङा वांचेर मशोक्‍कीन। गेपुकीमी निक्‍शी खाल ङा श्‍येले ब्‍वाइश्‍शा प्रोव़शो वा मफेक्‍सीन। ब्‍यवस्‍था २२:९-११
LEV 19:20 मिनु वोंइश मुर कामी वाइलीम दुम्‍शो मीश आल नु इप्‍त हना, मेको मीश आल चहिं अरु वोंइश मुर कली गेचा चिक्‍शो बाक्‍त हना, तन्‍न मग्‍याप्‍थु, मप्रोंइथु बाक्‍त हना, मेको वोंइश मुर कली खोदील निदील पचा माल्‍नीम। मेको आस कली साइक्‍चा मदुम्‍ब। मारदे हना मेको मीश आल मप्रोंइशो बाक्‍त। प्रस्‍थान २१:७-११
LEV 19:21 तन्‍न मेको वोंइश मुरुमी परमप्रभु यावे आ ङोंइती ग्रुम्‍तीक ताम्‍बु आ ओव़तीकेम आ दोस आ पर्बम सांड का चढ़ेचा माल्‍ब।
LEV 19:22 मिनु चढ़ेबमी मेको आ दोस आ पर्बम सांड चढ़ेशा परमप्रभु यावे आ ङोंइती पाप क्‍याम्‍तीक गेय पचा माल्‍ब। मोपा मेको आ पाप क्‍याम्‍सीशा माफ ताइब दुम्‍ब। लेवी ५:१७-१८
LEV 19:23 मिनु गेपुकी मेको रागी जाक्‍दीश्‍शा, तेकोइ जचा दुम्‍ब फल फुल रवा ख्रुम्‍नीनु, बर्स सां सम्‍म मेको आन फल मजने।
LEV 19:24 मिनु ४ बर्सम चहिं फल फुल नेल्‍ले परमप्रभु यावे कली ग्‍येरशो गेचा माल्‍नीनी। परमप्रभु यावे कली ठेयब मान पचा कली बाक्‍ब।
LEV 19:25 तन्‍न ५ बर्सम गेपुकीम मेको फल फुल जने चाप्‍नीनी। मिनु मेको रवा इन कली शुश सिप्‍ब दुम्‍नीम। गो परमप्रभु यावे, इन परमप्रभु नङ।
LEV 19:26 गेपुकीमी तेकोइ चिक्‍ब, जन्‍तु, बी बयफ, क्‍यारश भडा आन श्‍ये हुश सुन्‍दा मब्‍वने। मिनु गेपुकी लिंक्‍यु मकोव़ङीन। मिनु गे टुना मुना काइ मपने। लेवी ३:१७; ब्‍यवस्‍था १८:१०
LEV 19:27 गेपुकीमी इन चां एर ओंथ मख्रोतीन। मिनु इन गाल शोक्रे आ सुर मख्रोतीन। लेवी २१:५; ब्‍यवस्‍था १४:१
LEV 19:28 गेपुकी बेक्‍शो मुर आन पर्बम आंम रां क्‍योरशा गार मसेलीन। मिनु इन रांमी चिनु मखोपेन। गो परमप्रभु यावे नङ।
LEV 19:29 गेपुकीमी इन तमी आन कली तेल्‍लेम सेल्‍शा, ग्रांग्रा दिशो मसेलीन। मो पाइतीनी हना, रागी तेल्‍लेम बाक्‍तीक खोदेंशो दुम्‍शा, ग्रांग्रा दिशोमी ब्रीब। ब्‍यवस्‍था २३:१८; २राजा २३:७
LEV 19:30 गे आं नाइक्‍तीक नाक्‍तीम नांइसीन। मिनु आं बाक्‍तीक ताम्‍बु कली मान पने। गो परमप्रभु यावे नङ। लेवी २६:२
LEV 19:31 गेपुकी बेक्‍शो मुर रे लोव़ पाइब नु लिंक्‍यु कोव़ब कली ‘वारच पाइक्‍की’ दे आन बाक्‍तीके मलने। मेकोपुकी नु सल्‍ला पा, गे आंम कली ग्रांग्रा दिशो मसेल्‍सीन। गो परमप्रभु यावे, इन परमप्रभु नङ। लेवी २०:६; ब्‍यवस्‍था १८:१०-११; १सामुएल २८:७
LEV 19:32 गे खूशो आ ङोंइती बोक्‍कीन। खाल्‍पी खाल्‍पा आन कली मान पने। मिनु इन परमप्रभु कली मान पा हिनीन। गो परमप्रभु यावे नङ।
LEV 19:33 गेपुकी नु बाक्‍ब अर्को रागी ङा मुर आन कली मदिपीन। प्रस्‍थान २२:२०
LEV 19:34 गे मेको आन कली इन रागीम जरमेशो मुर खोदेंशो मिम्‍तीन। मेको आन कली आंम कली खोदेंशो पा दाक्‍तीन। मारदे हना गेपुकी यो इजीप्‍तमी अर्को रागी ङा मुर दुम्‍शा बाक्‍शो बाक्‍तीनी। गो परमप्रभु यावे, इन परमप्रभु नङ।
LEV 19:35 गेपुकीमी पुक्‍नीनु, नाक्‍तीनीनु नु थाप्‍तीनीनु जोल मपने।
LEV 19:36 इन नाक्‍तीकेम तुला ठीक दुम्‍चा माल्‍ब। इन ढक ठीक दुम्‍चा माल्‍नीमी। मिनु इन पुक्‍तीके ठीक दुम्‍चा माल्‍नीमी। गो इन कली इजीप्‍त रे ग्रुंइब परमप्रभु यावे, इन परमप्रभु नङ। ब्‍यवस्‍था २५:१३-१६; हितोपदेस ११:१
LEV 19:37 गे आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ नेल्‍ल थुंम वोइश्‍शा, पचा माल्‍नीनी। मारदे हना गो परमप्रभु यावे नङ” दे परमप्रभु यावेमी मोसा कली देंत।
LEV 20:1 मिनु परमप्रभु यावेमी मोसा कली
LEV 20:2 “गे लेंशा इस्राएली आन कली ‘इस्राएलीपुकी, मेको नु बाक्‍ब अर्को रागी ङा मुरपुकी सुम आन आल मोलेक कली चढ़ेनीमी, मेको आन कली साइक्‍चा माल्‍नीम। ग्रुम्‍तीक ङा मुरपुकीम मेको कली फुल्‍लु आप्‍शा साइक्‍चा माल्‍नीम।
LEV 20:3 मेकोपुकीमी आन आल मोलेक कली चढ़ेमेनु, आं बाक्‍तीक ताम्‍बु नु आं ठेयब नें ग्रांग्रा दिशो सेल्‍तेक्‍म। मोपतीके गो आंमा मेको आन कली ब्रोंइचा मगेथु, आ मुर आन दाते रे क्‍याम्‍नुङमी।
LEV 20:4 मिनु मेको रागी ङा मुरपुकीम आ आल मोलेक कली चढ़ेब मुर कली तुइश्‍शा यो मसाइक्‍तेक्‍म हना,
LEV 20:5 गो आंमा मेको नु आ खिं ङा मुर आन कली ब्रोंइचा मगेथु, मेको आन मुर आन दाते रे क्‍याम्‍नुङमी। मेको नु मेको आन नोले खोइक्‍ब मोलेक कली चढ़ेब नेल्‍ल आन कली क्‍याम्‍नुङमी।
LEV 20:6 सु मुर बेक्‍शो मुर रे लोव़ पाइब नु लिंक्‍यु कोव़ब आन कली “वारच पयी” दे आन बाक्‍तीके लाइबा, गो मेको कली ब्रोंइचा मगेथु, आ मुर आन दाते रे क्‍याम्‍नुङ। लेवी १९:३१
LEV 20:7 मोपतीके आं कली जिम्‍मा गेंसीशा आं के दुमीन। मारदे हना गो परमप्रभु यावे, इन परमप्रभु नङ। लेवी १९:२
LEV 20:8 आं फुल्‍लुम मुशा ब्रेक्‍शो लोव़ इन थुंम वोइश्‍शा टिने। गो परमप्रभु यावे नङ। गो इन कली आं खोदेंशो सेल्‍नुङ।
LEV 20:9 सुमी आ आंम आफ आस कली सराप पाइक्‍बा, मेको मुर कली साइक्‍चा माल्‍ब। आ आंम आफ आस कली सराप पाइक्‍तीके साइक्‍चा पुंइसीब। प्रस्‍थान २१:१७
LEV 20:10 सुइ मुर अरु आन मीश नु इप्‍त हना, मेको पाइब निम्‍फा आस कली साइक्‍चा माल्‍ब। प्रस्‍थान २०:१४; २सामुएल ११:४; यूहन्‍ना ८:५
LEV 20:11 सु आ आफ आ मीश नु इप्‍बा, मेकोम आ आफ कली मुने तोक्‍ब। मेको निम्‍फा आस कली साइक्‍चा माल्‍ब। मेको साइक्‍चा पुंइसीनीस। लेवी १८:६-२३
LEV 20:12 सु आ चाइमी नु इप्‍बा, मेको निम्‍फा आस कली साइक्‍चा माल्‍ब। मेको दूली पा मेको थम मरिम्‍शो बाक्‍ब। मेको साइक्‍चा पुंइसीनीस।
LEV 20:13 सुइ मुर मीश मुर नु इप्‍शो खोदेंशो पा वोंइश मुर नु इप्‍त हना, मेको थम ग्रांग्रा दितीक बाक्‍ब। मेको आस कली साइक्‍चा माल्‍ब। मेको थमा पा साइक्‍चा पुंइसीनीस।
LEV 20:14 सु मुर ममा नु आ तमी निम्‍फा नु इप्‍बा, मेको काइ मरिम्‍शो बाक्‍ब। मेको सां आन कली चोचा माल्‍ब। इन दातेमी मोदेंशो मरिम्‍शो मदुम्‍ल।
LEV 20:15 सुइ वोंइश मुर बस्‍तु भाव नु इप्‍त हना, मेको कली साइक्‍चा माल्‍ब। मिनु मेको बस्‍तु कली यो साइक्‍चा माल्‍ब।
LEV 20:16 सुइ मीश मुर बस्‍तु भाव नु इप्‍‍त हना, मेको मीश मुर नु बस्‍तु निम्‍फा आस कली साइक्‍चा माल्‍ब। मेको साइक्‍चा पुंइसीनीस।
LEV 20:17 सु मुर आ दिदी बहिनी, आ आंम आ तमी कि आ आफ आ तमी नु इप्‍त हना, मेको थम मुने बाक्‍ब। मेको निम्‍फा आस कली आस मुर आन दाते रे नेल्‍लेम तचा ङा पा साइश्‍शा क्‍याम्‍चा माल्‍ब। मेकोमी आंम आ समी नु इप्‍तीके सजाइ गेचा पुंइसीब।
LEV 20:18 सुइ मुर रां ब्रोल्‍शो मीश मुर नु इप्‍त हना, मेको निम्‍फा आस कली आस मुर आन दाते रे साइश्‍शा क्‍याम्‍चा माल्‍ब। मारदे हना मेको वोंइश मुरुमी मीश मुर आ हुश यितीक ताप्‍तु। मिनु मीश मुरुमी चहिं आ हुश यितीके कोंइताक्‍व। लेवी १५:२४
LEV 20:19 इन ममा आ लोक्‍ब नु इन आफ आ समी नु मइपीन। मारदे हना मो पाइतीनी हना, आंम खिं ङा मुर कली मुने तोक्‍नीनी। मेको सजाइ ताइनीस।
LEV 20:20 सुइ मुरुमी आ बोडो, बकान्‍छा कि मामा आ मीश नु इप्‍त हना, मेकोमी आ बोडो, बकान्‍छा कि मामा कली मुने तोक्‍ब। मेको सजाइ जचा पुंइसीनीस। मिनु आल मथिथु बेक्‍नीस।
LEV 20:21 सुमी मुरुमी आ भोग्‍यु कि बोहारी चाक्‍बा, मेको ग्रांग्रा दिशो बाक्‍ब। मेकोमी आंम लोक्‍ब कली मुने तोक्‍ब। मिनु आल मथिथु बेक्‍नीस।
LEV 20:22 गेपुकीमी आं फुल्‍लुम मुशा ब्रेक्‍शो लोव़ नु आं पाबो, दे अरेशो लोव़ नेल्‍ल तुइश्‍शा पचा माल्‍नीनी। मो मपाइतीनी हना, गो इन कली चाक्‍शो रागीमी इन कली उक्‍बे पा ताइक्‍ब।
LEV 20:23 गे इन ङोंइती खेरशो रागी रागी ङा मुर आन पशो मपने। मेकोपुकीमी मोदेंशो नेल्‍ल पाम्‍तेक्‍म। मोपतीके गो मेको आन कली तशा थम ग्रांग्रा दीती।
LEV 20:24 तन्‍न गो इन कली मेको आन रागी इन के दुम्‍ब। गो इन कली गेनुङ, देंती। मिनु मेको रागीम दूध नु खुदो शुश बाक्‍ब। गो परमप्रभु यावे, इन परमप्रभु नङ। मिनु गो इन कली रागी रागी ङा मुर रे तिल्‍शा योव़तन्‍नी। प्रस्‍थान १९:५-६
LEV 20:25 मोपतीके गेपुकीमी ग्रांग्रा मदिशो नु ग्रांग्रा दिशो जन्‍तु नु ग्रांग्रा मदिशो नु ग्रांग्रा दिशो चिक्‍ब तुइश्‍शा तिल्‍चा माल्‍नीनी। गेपुकीमी ग्रांग्रा दिशो जन्‍तु, चिक्‍ब नु खपीम ग्रेशा गाक्‍ब जन्‍तु रे आंम कली ग्रांग्रा दिशो मसेल्‍सीन। मारदे हना मेको ग्रांग्रा दिशो बाक्‍नीम, दे शेंताक्‍ङ। लेवी ११:-
LEV 20:26 गेपुकी ग्रांग्रा दिशो क्‍येङा ङोन बाक्‍शो दुमीन। मारदे हना गो ग्रांग्रा दिशो क्‍येङा ङोन बाक्‍शो परमप्रभु यावे नङ। मिनु गो इन कली आं मुर दुम्‍चा कली अरु मुर रे तिल्‍शा योव़तन्‍नी।
LEV 20:27 सु इन दातेमी वोंइश मुर कि मीश मुर बेक्‍शो मुर रे लोव़ पाइबा कि लिंक्‍यु कोव़नीम, मेको आन कली साइक्‍चा माल्‍ब। मेको आन कली फुल्‍लु आप्‍शा साइक्‍चा माल्‍ब। मेको साइक्‍चा पुंइसीनीम’ दे इस्राएली आन कली शेंदो” दे परमप्रभु यावेमी मोसा कली देंत। प्रस्‍थान २२:१७
LEV 21:1 मिनु परमप्रभु यावेमी मोसा कली “हारून आ तौ, चढ़ेब आन कली ‘इन मुर बेक्‍तेक्‍म हना, गेपुकी मेको बेक्‍शो मुर कली थिशा आंम कली ग्रांग्रा दिशो मसेलीन। इजीकीएल ४४:२५-२७
LEV 21:2 तन्‍न इन आम आफ, तमी तौ नु लोक्‍ब,
LEV 21:3 कन्‍ने दिदी बहिनी आन पर्बम ला आंम इन कली ग्रांग्रा दिशो सेल्‍ने चाप्‍नीनी।
LEV 21:4 मिनु गेपुकीमी ग्‍युंबे पा नक नाता ङा मुर आन पर्बम आंम कली ग्रांग्रा दिशो सेल्‍चा मदुम्‍ब।
LEV 21:5 गे चढ़ेबपुकीमी रोंका पा, इन चां प्रेक्‍चा, इन गाल शोक्रे आ सुर ख्रोइक्‍चा नु इन रां क्‍योरशा गार सेल्‍चा मदुम्‍नीनी। लेवी १९:२७-२८
LEV 21:6 इन परमप्रभु कली ला गेय पाइब दुमीन। इन परमप्रभु आ नें ग्रांग्रा दिशो सेल्‍ब मदुम्‍नीम। मारदे हना गेपुकीमी परमप्रभु यावे कली मीम चोशा चढ़ेतीके चढ़ेनीनी। मोपतीके गेपुकी परमप्रभु कली ला गेय पाइब बाक्‍नीनी।
LEV 21:7 गे चढ़ेबपुकीमी तेल्‍लेम मीश मुर, ग्रांग्रा दिशो मीश मुर नु आ वोंइशेमी प्रोंइशो मीश मुर चाक्‍चा मदुम्‍ब। मारदे हना गेपुकी परमप्रभु आ मुर बाक्‍नीनी।
LEV 21:8 मिनु गे इस्राएलीपुकीमी चढ़ेब आन कली परमप्रभु आ गेय पाइब मिम्‍तीन। मारदे हना मेकोपुकी इन परमप्रभु आ जचा चढ़ेनीम। मेकोपुकी इन पर्बम परमप्रभु आ गेय पाइब दुम्‍शो बाक्‍नीम, दे मिम्‍तीन। मारदे हना इन कली ग्रांग्रा रे ङोन बाक्‍ब सेल्‍ब, गो ग्रांग्रा रे ङोन बाक्‍ब परमप्रभु यावेमी इन कली आं खोदेंशो सेल्‍नुङ।
LEV 21:9 मिनु चढ़ेब आ तमीमी तेल्‍लेम पा आंम कली ग्रांग्रा दिशो सेल्‍तु हना, मेकोमी आ आफ कली ग्रांग्रा दिशो सेल्‍ब। मेको कली मीम चोशा साइक्‍चा माल्‍ब।
LEV 21:10 मिनु सु आंम लोक्‍ब आन दातेम ठेयब चढ़ेब दुम्‍शो बाक्‍मे, मिनु आ पियाम तेल लुक्‍शो बाक्‍मे नु ठेयब चढ़ेब आ वा फेक्‍चा कली तिल्‍शो बाक्‍मे, मेकोमी रोंका पशा, आ पिया ङा चां प्रेक्‍चा मदुम्‍ब नु आ वा खाक्‍चा मदुम्‍ब। लेवी ८:१२; प्रस्‍थान २८:४१; प्रस्‍थान २९:७; लेवी १०:६; लेवी २१:२
LEV 21:11 मेकोमी बेक्‍शो मुर बाक्‍तीके लशा, आंम कली ग्रांग्रा दिशो सेल्‍चा मदुम्‍ब। मेको आ आम आफ आ बेक्‍शो रां यो कोव़थ लचा मदुम्‍ब।
LEV 21:12 मेको परमप्रभु यावे आ बाक्‍तीके ताम्‍बु रे ग्रूचा मदुम्‍ब। मोदेंशो पाप्‍तु हना, मेकोमी आंम परमप्रभु आ बाक्‍तीके ग्रांग्रा दिशो सेल्‍ब। मारदे हना मेको परमप्रभु आ तेल लुक्‍शो मुर बाक्‍ब। गो परमप्रभु यावे नङ।
LEV 21:13 मेकोमी कन्‍ने मीश आल कली ला ग्‍युंबे पने चाप्‍ब।
LEV 21:14 आ वोंइश बेक्‍शो मीश मुर, आ वोंइश प्रोंइशो मीश मुर, ग्रांग्रा दिशो कि तेल्‍लेम मीश मुर चाक्‍ने मचाप्‍ब। मिनु मेकोमी आ जात ङा कन्‍ने मीश आल ग्‍युंबे पचा माल्‍ब।
LEV 21:15 मगारचा ङा मीश मुर नु ग्‍युंबे पा, आंम जात नु आंम तमी तौ आन कली ग्रांग्रा दिशो सेल्‍चा मदुम्‍ब। मारदे हना गो परमप्रभु यावे नङ। गो मेको कली आंम मुर सेल्‍ता’ दे शेंदो” दे परमप्रभु यावेमी मोसा कली देंत।
LEV 21:16 मिनु परमप्रभु यावेमी मोसा कली
LEV 21:17 “गे हारून कली ‘इ तमी तौ, चच युइ आन दातेमी गुइ खोइल कुंजे नु दूली मुर आंम परमप्रभु कली चढ़ेब दुम्‍ने मचाप्‍ब।
LEV 21:18 मारदे हना सुइ दूली मुर, मिक्‍च मताइब, खोइल मदुक्‍ब, आ कुल कि रां बिग्रेशो कि खोइल का लाइश्‍शो मुर परमप्रभु आ ङोंइती जाक्‍चा मदुम्‍ब।
LEV 21:19 गुइ जिक्‍शो, खोइल जिक्‍शो,
LEV 21:20 कुप्रे, बामन्‍ने, मिक्‍च रोइ पशो, रक सुतीक रोइ पशो, लुतो पशो कि आ गेडा ठीक मदुम्‍शो मुर आं परमप्रभु आ ङोंइती जाक्‍ने मचाप्‍ब।
LEV 21:21 चढ़ेब हारून आ तमी तौ चच युइ सु दूली दुम्‍शो बाक्‍मे, मेको परमप्रभु यावे कली चोशो चढ़ेतीक चढ़ेने मचाप्‍ब। मारदे हना मेको दूली बाक्‍ब। मेकोम आंम परमप्रभु कली जचा थोव़क चढ़ेचा मदुम्‍ब।
LEV 21:22 मेकोमी आंम परमप्रभु कली चढ़ेशो नु चोव़खो नु थम चोव़खो जचा थोव़क चहिं जने ब्‍वने चाप्‍ब।
LEV 21:23 तन्‍न मेको फारशो वा नु चढ़ेतीक आ नेक्‍था जाक्‍चा मदुम्‍ब। मारदे हना मेको दूली मुर जाक्‍शा, आं बाक्‍तीक ताम्‍बु ग्रांग्रा दिशो मसेलल। गो परमप्रभु यावे नङ। गो मेको आन कली मेको आं के सेल्‍नुङ’ दे शेंदो” दे परमप्रभु यावेमी मोसा कली देंत।
LEV 21:24 मिनु मोसामी हारून, मेको आ तौपुकी नु इस्राएली नेल्‍ल आन कली एको लोव़ नेंपाइक्‍तीमी।
LEV 22:1 परमप्रभु यावेमी मोसा कली
LEV 22:2 “गे हारून नु आ तौ आन कली मार शेंचा माल्‍नेवे देंशा हना, ‘इस्राएलीपुकीमी आं कली चढ़ेशो थोव़क आन पर्बम होस पा बाक्‍कीन। मिनु आं नें कली ग्रांग्रा दिशो मसेलीन। गो परमप्रभु यावे नङ’ दे शेंचा माल्‍नेवे” दे परमप्रभु यावेम मोसा कली देंत।
LEV 22:3 मिनु मोसा कली “गो परमप्रभु यावे नङ। गे मेको आन कली ‘इन तौ, चच युइ आन पाला ङा तेकोइ मुर ग्रांग्रा दिशो दुम्‍शा, इस्राएलीपुकीमी परमप्रभु यावे कली चढ़ेशो थोव़क आन नेक्‍था जाक्‍तेक्‍म हना, मेको मुर आं ङोंइती रे तिल्‍चा पुंइसीब। गो परमप्रभु यावे नङ।
LEV 22:4 मिनु हारून आ तौ, चच युइ आन दातेमी सुइ कुशुल ङा रोइ नु ग्रांग्रा यितीक पशो बाक्‍तेक्‍म हना, मेको ग्रांग्रा मदिशो सम्‍म आं कली चढ़ेशो मारेइ थोव़क जचा ब्‍वचा मदुम्‍ब। सुइमी बेक्‍शो मुर के कि बिउ यिशो मुर रे ग्रांग्रा दिशो दुम्‍शो मुर कली थीबा, लेवी १३:-१५:-
LEV 22:5 कि खपीम ग्रेशा गाक्‍ब जन्‍तु कली थिशो ग्रांग्रा दिशो दुम्‍शो मुर थीबा, कि मार मार आ पर्बम ग्रांग्रा दिशो बाक्‍त हना,
LEV 22:6 मेको मुर नां मरिक्‍म सम्‍म ग्रांग्रा दिशो बाक्‍ब। मेकोमी मचिक्‍से सम्‍म ला आं कली चढ़ेशो जचा ब्‍वचा मदुम्‍ब। लेवी ११:-
LEV 22:7 मोदेंशो मुर नां रिक्‍म नोले ला ग्रांग्रा मदिशो दुम्‍ब। मिनु नोले मेकोमी आं कली चढ़ेशो थोव़क जने ब्‍वने चाप्‍ब। मारदे हना मेको आं कली चढ़ेशो आ जचा ब्‍वचा थोव़क बाक्‍ब।
LEV 22:8 मिनु बेक्‍शो, ब्‍वाकी ङा जन्‍तुपुकीम क्राइश्‍शा साइश्‍शो जन्‍तु, बस्‍तु भाव कली ब्‍वचा मदुम्‍ब। मोदेंशो पाप्‍तु हना, मेको मुर ग्रांग्रा दिशो सेल्‍सीब। गो परमप्रभु यावे नङ। लेवी ७:२४
LEV 22:9 चढ़ेबपुकीमी आं देंशो टिचा माल्‍नीम। मो मपाम्‍तेक्‍म हना, मेकोपुकीमी आं देंशो मटितेक्‍म हना, मेकोपुकी दोस तशा आं बाक्‍तीक ताम्‍बुमी बेक्‍नीम। मिनु गो मेको आन कली आंम आं मुर सेल्‍ब परमप्रभु यावे नङ।
LEV 22:10 मिनु अर्को रागी ङा मुर नु चढ़ेब आ खिंम पौना बाक्‍शो कि गाल्‍च ताइब मुर आं कली चढ़ेशो थोव़क जचा ब्‍वचा मदुम्‍ब।
LEV 22:11 तन्‍न चढ़ेबमी क्‍येट थाप्‍शा ग्‍याप्‍शो मुर नु मेको आ खिंम जरमेशो मुर चढ़ेब आ भाग रे जचा ब्‍वचा दुम्‍ब।
LEV 22:12 मिनु चढ़ेब आ तमी अर्को खिं ङा मुर नु ग्‍युंबे पशो बाक्‍त हना, परमप्रभु कली चढ़ेशो जचा ब्‍वचा मदुम्‍ब।
LEV 22:13 तन्‍न चढ़ेब आ तमी आ वोंइश बेक्‍शो कि प्रोंइचा पुंइसीशो बाक्‍त हना, आ तमी तौ मदुम्‍थु, आ आफ आ खिं लेत्‍त हना, आ आल ना ङा खोदेंशो पा आन आफ आ भाग ङा चढ़ेशो रे जने ब्‍वने चाप्‍ब। तन्‍न अर्को खिं ङा मुर मेको जचा ब्‍वचा मदुम्‍ब।
LEV 22:14 मिनु मरुम मतुइक्‍थु परमप्रभु कली चढ़ेशो रे जाप्‍तु हना, मेकोमी चढ़ेब कली मेको आ जशो क्‍येङा ५ भाग तेम्‍शा, परमप्रभु कली चढ़ेशो खोदेंशो पा चढ़ेब कली लेत्‍चा माल्‍ब। लेवी ५:१६
LEV 22:15 मोपा सुइमी इस्राएली आन परमप्रभु यावे कली चढ़ेशो थोव़क ग्रांग्रा सेल्‍चा मदुम्‍ब।
LEV 22:16 मोदेंशो परमप्रभु कली चढ़ेशो जशो मुर दोस ताइनीम। मिनु मेकोमी गारशा आ पर्बम चढ़ेतीक चाक्‍चा माल्‍ब। मारदे हना मेकोमी परमप्रभु यावे कली चढ़ेशो जाप्‍तु ब्‍वाप्‍तु। गो परमप्रभु यावे नङ। मिनु गो मेको कली आंम आं मुर सेल्ता’ दे शेंदो” देंत।
LEV 22:17 मिनु परमप्रभु यावेमी मोसा कली
LEV 22:18 “गे हारून, आ तौपुकी नु इस्राएली नेल्‍ल आन कली ‘इस्राएली आन दातेमी मुर का कि इस्राएलम बाक्‍ब अर्को रागी ङा मुरुमी ग्‍येरशा परमप्रभु यावे कली चढ़ेतीके चोशा चढ़ेशो खोदेंशो परमप्रभु यावे कली चढ़ेचा दाक्‍ताक्‍व हना,
LEV 22:19 मिनु परमप्रभु आ ङोंइती ब्रचा ङा पा मेकोमी मारेइ मदुम्‍शो थम रिम्‍शो ब्‍यफ, सांड कि बोका चढ़ेचा माल्‍ब।
LEV 22:20 गार पाइश्‍शो बस्‍तु चढ़ेचा मदुम्‍ब। मारदे हना मेको मब्रचा ङा बाक्‍नीम। ब्‍यवस्‍था १५:२१; ब्‍यवस्‍था १७:१; मलाकी १:८
LEV 22:21 मिनु मुर कामी दुशा बाक्‍चा आ पर्बम चढ़ेतीके परमप्रभु यावे कली चढ़ेशा, आ पशो कसम खबानु, ग्‍येरशा परमप्रभु यावे कली चढ़ेतीके, खोदेंशो पा, मेको ब्रचा ङा दुम्‍पाइक्‍चा कली आ हुल रे मारेइ मदुम्‍शो थम रिम्‍शो बस्‍तु चढ़ेचा माल्‍ब।
LEV 22:22 मिनु गेपुकीम परमप्रभु यावे कली मिक्‍च मताइब, गार दुम्‍शो, आन रां बिग्रेशो, ग्रांग्रा यितीके पाइब, कुशुल रोइ पाइब कि लुतो पाइब बस्‍तु भाव चढ़ेचा मदुम्‍ब। मोदेंशो मीम चोशा चढ़ेचा कली परमप्रभु यावे कली चढ़ेतीकेमी वोइक्‍चा मदुम्‍ब।
LEV 22:23 मिनु गेपुकीमी लाइश्‍शा खोइल पाइश्‍शो ब्‍यफ कि भेडा चहिं ग्‍येरशा चढ़ेतीके चढ़ेतीनी हना दुम्‍ब। तन्‍न कसम जशोनु, इन चढ़ेतीके मब्राइब दुम्‍ब।
LEV 22:24 तेको ब्‍यफ, क्‍यारश भेडा खसी पशो गार सेल्‍शो नु चेश्‍शो बाक्‍बा, मेको परमप्रभु यावे कली चढ़ेचा मदुम्‍ब। इन रागीम मो पचा मदुम्‍ब।
LEV 22:25 गेपुकीमी मोदेंशो बस्‍तु भाव अर्को रागी ङा मुर रे ग्‍याप्‍शा ताक्‍शा इन परमप्रभु कली जचा थोव़क चढ़ेचा मदुम्‍ब। मेको आन रां बिग्रेशो नु गारम पतीके इन पर्बम मब्रतीक दुम्‍ब’ दे शेंदो” दे परमप्रभु यावेमी मोसा कली देंत।
LEV 22:26 मिनु परमप्रभु यावेमी मोसा कली
LEV 22:27 “बाछा, भेडा पाठा कि क्‍यारश पाठा जरमेशा, मेको ७ नाक्‍त सम्‍म आ ममा नु बाक्‍चा माल्‍ब। मिनु मेको कली ८ नाक्‍त रे चोशा चढ़ेशोनु, परमप्रभु यावेमी ब्राइब। प्रस्‍थान २७:२९
LEV 22:28 तन्‍न गेपुकी बी नु आ चाइक्‍ब कि भेडा नु आ पाठा काबुमी क्‍योरचा मदुम्‍ब। ब्‍यवस्‍था २२:६-७
LEV 22:29 गेपुकीमी परमप्रभु यावे कली ‘गे रिम्‍शो पाइब बाक्‍नीनी’ दे चढ़ेशो चढ़ेनीनु, मेको इन पर्बम ब्रचा ङा पा चढ़ेने। लेवी ७:१५
LEV 22:30 मेको चढ़ेशो नाक्‍ती मेको कली ब्‍वने। आ दीसा सुनी सम्‍म मारेइ महेंचा। गो परमप्रभु यावे नङ।
LEV 22:31 मिनु गेपुकीमी आं शेंतीके तुइश्‍शा टिने। गो परमप्रभु यावे नङ।
LEV 22:32 गे आं ग्रांग्रा रे ङोन बाक्‍शो नें ग्रांग्रा दिशो मसेलीन। मोपतीके गो इस्राएली आन दातेमी का ला ठेयब दुम्‍ती। गो परमप्रभु यावे नङ। मिनु गो इन कली आंम आं मुर सेल्‍ता। लेवी २२:९,१६
LEV 22:33 मिनु इन परमप्रभु दुम्‍चा कली गो इन कली इजीप्‍त रागी रे ग्रुंइताक्‍ङ। गो परमप्रभु यावे नङ, दे शेंदो” देंत।
LEV 23:1 मिनु परमप्रभु यावेमी मोसा कली
LEV 23:2 “गे इस्राएली आन कली ‘परमप्रभु यावे आ देंशो पचा माल्‍शो चाड परमप्रभु यावे के बाक्‍नीम। मिनु गे मेको पचा माल्‍नीनी।
LEV 23:3 गे ६ नाक्‍ती सम्‍म गेय पचा माल्‍नीनी। तन्‍न ७ नाक्‍त चहिं थमा पा नाइक्‍तीक नाक्‍ती बाक्‍शा, परमप्रभु यावे केन बाक्‍ब। गे मारेइ गेय मपने। इन बाक्‍तीक नेल्‍लेमी परमप्रभु यावे आ नाइक्‍तीक नाक्‍ती बाक्‍ब’ ” देंत। प्रस्‍थान २०:८-११
LEV 23:4 मिनु परमप्रभु यावेमी लेंशा, मुर आन कली शेंचा, दे मोसा कली “परमप्रभु यावे आ देंशो पचा माल्‍शो चाड आ चाड बाक्‍नीम। आ देंशो नाक्‍ती मानेचा माल्‍नीनी। परमप्रभु यावे आ चाडपुकी मार बाक्‍नीम देंशा हना, प्रस्‍थान २३:१४-१९
LEV 23:5 ङोंइती ङा महिना ङा १४ नाक्‍ती नाक्‍नाक्‍दो पास्‍सा चाड ङा परमप्रभु यावे कली चढ़ेतीक गेय पचा माल्‍नीम। प्रस्‍थान १२:-
LEV 23:6 मेको महिना ङा १५ नाक्‍ती परमप्रभु यावे कली बोरब ओख्‍ती मसुप्‍शो शोब्‍ले जतीक चाड बाक्‍ब। गेपुकीमी ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी।
LEV 23:7 ङोंइती ङा नाक्‍ती आं पर्बम ग्रुम्‍तीक नाक्‍ती दुम्‍चा माल्‍ब। मेको नाक्‍ती मारेइ गेय मपने।
LEV 23:8 मिनु ७ नाक्‍त सम्‍म गेपुकीमी परमप्रभु यावे कली मी चोशो चढ़ेतीके चढ़ेचा माल्‍नीनी। मेको आ ७ नाक्‍ती लेंशा परमप्रभु यावे आ पर्बम ग्रुम्‍तीक दुम्‍चा माल्‍ब। मेको नाक्‍ती गेपुकीमी मारेइ गेय मपने” देंत। प्रस्‍थान १३:६
LEV 23:9 मिनु परमप्रभु यावेमी मोसा कली
LEV 23:10 “गे इस्राएली आन कली ‘इन कली गेशो रागीम जाक्‍दीश्‍शा, मेकेर ङा बाली नाली खुप्‍तीनीनु, गेपुकीमी ङोंइती ङा रिक्‍शो बाली मुठा का चढ़ेब आन कली चाक्‍कीन।
LEV 23:11 मेकोमी अन्‍न मुठा परमप्रभु यावे आ ङोंइती क्‍युक्‍शा हिम्‍चा माल्‍ब। मो पाइतीनी हना परमप्रभु यावेमी इन कली ब्राइब। नाइक्‍तीक नाक्‍ती आ दीसा चढ़ेबमी मेको क्‍युक्‍शा हिम्‍चा माल्‍ब।
LEV 23:12 मेको क्‍युक्‍शा हिम्‍शो नाक्‍ती गेपुकीमी परमप्रभु यावे कली बर्स का दुम्‍शो मारेइ मदुम्‍शो थम रिम्‍शो सांड चोशा चढ़ेचा माल्‍नीनी।
LEV 23:13 मेको नु अन्‍न चढ़ेतीक चढ़ेचा माल्‍नीनी। मेको अन्‍न चढ़ेतीक चहिं तेलम निशो एफाह के २० भाग थम रिम्‍शो फस दुम्‍चा माल्‍ब। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। मेको नु तूचा थोव़क चढ़ेतीके हिन का ङा ४ भाग सेल्‍शो रे भाग का अङगुर शांबु चढ़ेचा माल्‍नीनी। एफाह पुक्‍तीके का बाक्‍ब। एफाह का २२ लिटर रिक्‍ब। मेको के २० भाग ४.४ लिटर बाक्‍ब। लोग आइक्‍च पुक्‍तीके का बाक्‍ब। मेको ०.३ लिटर रिक्‍ब। हिन अर्को पुक्‍तीक का बाक्‍ब। हिन का ४ लिटर खोदेंशो रिक्‍ब। हिन का ४ भाग सेल्‍शो रे भाग का लिटर का खोदेंशो बाक्‍ब।
LEV 23:14 मेको नेल्‍ल परमप्रभु कली चढ़ेशो नोले ला शोब्‍ले, कारशो अन्‍न नु गिगी बाला मारेइ जने चाप्‍नीनी। मेको गेपुकी ते बाक्‍तीनी हना यो, एको गेना हना यो नेल्‍ल पाला सम्‍म पतीक बाक्‍ब।
LEV 23:15 मिनु नाइक्‍तीक नाक्‍ती आ दीसा, गे अन्‍न आ मुठा क्‍युक्‍शा हिम्‍शा चढ़ेतीक नाक्‍त रे गेपुकीमी ७ हप्‍ता हिक्‍चा माल्‍नीनी। गन्‍ती २८:२६-३१; ब्‍यवस्‍था १६:९-१२
LEV 23:16 मिनु गेपुकीमी ७ हप्‍ता आ दीसा, ५० नाक्‍त सम्‍म हिक्‍चा माल्‍नीनी। मेको नाक्‍ती गेपुकीम परमप्रभु यावे कली नक अन्‍न चढ़ेचा माल्‍नीनी।
LEV 23:17 गेपुकीमी आंम इन खिं रे शोब्‍ले निक्‍शी क्‍युक्‍शा हिम्‍शा चढ़ेचा कली माल्‍नीनी। मेको शोब्‍ले का एफाह का के २० भाग थम रिम्‍शो फस रे बोरब ओख्‍ती सुप्‍थु चोशा सेल्‍शो दुम्‍चा माल्‍ब। मेको ङोंइती मीशो अन्‍न के परमप्रभु यावे कली चढ़ेतीक बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको के २० भाग ४.४ लिटर खोदेंशो बाक्‍ब।
LEV 23:18 मेको शोब्‍ले नु बर्स का गाप्‍शो ७ ओटा मारेइ मदुम्‍शो थम रिम्‍शो पाठा नु ब्‍यफ का नु सांड निक्‍शी चढ़ेचा माल्‍नीनी। मेको अन्‍न चढ़ेतीक नु तूचा थोव़क चढ़ेतीके परमप्रभु यावे कली आ दाक्‍शो ब्रोव़शो रिना पाइश्‍शो मीम चोशो चढ़ेतीक बाक्‍ब।
LEV 23:19 मिनु गेपुकीमी पाप आ पर्बम चढ़ेचा कली बोका का नु दुशा बाक्‍चा आ पर्बम चढ़ेचा कली बर्स का गाप्‍शो सांड निक्‍शी यो चढ़ेचा माल्‍नीनी।
LEV 23:20 मिनु चढ़ेबमी परमप्रभु यावे कली ङोंइती नक मीशो अन्‍न के शोब्‍ले नु सांड निक्‍शी क्‍युक्‍शा हिम्‍शा चढ़ेचा माल्‍ब। मेको चढ़ेब आ भाग दुम्‍चा कली परमप्रभु यावे कली गेशो बाक्‍नीम।
LEV 23:21 मेको नाक्‍त इन कली ठेयब ग्रुम्‍तीक नाक्‍त बाक्‍ब, दे गेपुकीमी नेल्‍ल आन कली नेंपाइक्‍चा माल्‍नीनी। गेपुकीमी मारेइ गेय मपने। मेको गेपुकी ते बाक्‍तीनी हना यो, एको गेना हना यो नेल्‍ल पाला सम्‍म पतीक बाक्‍ब।
LEV 23:22 मिनु गेपुकीमी इन बाली नाली रिक्‍नीनु, रू आ कुना कुना सम्‍म मरिक्‍कीन। गेपुकीमी इन रू ङा सिला बाला यो मगुपीन। गेपुकीमी इन दाते ङा प्रुङग नु अर्को रागी ङा मुर आन पर्बम प्रोनीन। गो परमप्रभु यावे, इन परमप्रभु नङ’ दे शेंचा माल्‍नेवे” देंत। लेवी १९:९-१०
LEV 23:23 मिनु परमप्रभु यावेमी मोसा कली
LEV 23:24 “इस्राएली आन कली ‘७ महिना ङा ङोंइती ङा नाक्‍ती गे नाइक्‍चा माल्‍नीनी। गे परमप्रभु यावे आ पर्बम ग्रुम्‍शा, मेको नाक्‍त मिम्‍चा कली तुराही ताप्‍चा माल्‍नीनी। गन्‍ती २९:१-६; गन्‍ती १०:१०
LEV 23:25 गेपुकीमी मेको नाक्‍त मारेइ गेय मपने। मिनु परमप्रभु यावे कली मीम चोशो चढ़ेतीके चढ़ेन’ दे शेंचा माल्‍नेवे” देंत।
LEV 23:26 मिनु परमप्रभु यावेमी मोसा कली
LEV 23:27 “मेको ७ महिना ङा १० नाक्‍त पाप क्‍याम्‍तीक नाक्‍त बाक्‍ब। मेको नाक्‍ती गेपुकीमी परमप्रभु यावे आ पर्बम ग्रुम्‍चा माल्‍नीनी। गेपुकी मेको नाक्‍त माइजा बाक्‍चा माल्‍नीनी। मिनु गेपुकीमी परमप्रभु यावे कली मीम चोशा चढ़ेतीक चढ़ेचा माल्‍नीनी। लेवी १६:-
LEV 23:28 मेको नाक्‍त मारेइ गेय मपने। मारदे हना मेको पाप क्‍याम्‍तीक नाक्‍त बाक्‍ब। मेको नाक्‍ती परमप्रभु यावे, इन परमप्रभु आ ङोंइती इन पर्बम पाप क्‍याम्‍तीक गेय पतीक नाक्‍ती बाक्‍ब।
LEV 23:29 मिनु सु मेको नेल्‍ल नाक्‍ती माइजा मबाक्‍बा, मेको आ मुर आन दाते रे साइक्‍चा पुंइसीब।
LEV 23:30 मिनु सुइमी मेको नाक्‍त मारेइ गेय पाम्‍तेक्‍म हना, गो मेको आन कली साइक्‍नुङ।
LEV 23:31 गेपुकीमी मेको नाक्‍त मारेइ गेय मपने। गेपुकी ते बाक्‍तीनी हना यो, मेको गेना हना यो इन पतीक बाक्‍ब।
LEV 23:32 मेको नाक्‍त इन कली थमा पा नाइक्‍तीक नाक्‍त बाक्‍ब। मिनु मेको नाक्‍त गेपुकी माइजा बाक्‍चा माल्‍नीनी। मेको महिना ङा ९ नाक्‍त ङा नां रिक्‍म रे आ दीसा नां रिक्‍म सम्‍म गेपुकी माइजा बाक्‍शा नाइक्‍चा माल्‍नीनी, दे शेंचा माल्‍नेवे” देंत।
LEV 23:33 मिनु परमप्रभु यावेमी मोसा कली
LEV 23:34 “गे इस्राएली आन कली ‘७ महिना ङा १५ नाक्‍त रे ७ नाक्‍न सम्‍म परमप्रभु यावे आ ङोंइती गोठ सेल्‍शा बाक्‍तीक चाड मानेचा माल्‍नीनी।
LEV 23:35 मेको आ ङोंइती ङा नाक्‍ती परमप्रभु यावे आ पर्बम ग्रुम्‍चा माल्‍नीनी। गेपुकी मेको नाक्‍त इन गेय मपने।
LEV 23:36 मिनु गेपुकीमी ७ नाक्‍त सम्‍म परमप्रभु यावे कली मीम चोशा चढ़ेतीक चढ़ेन। मिनु गेपुकीमी आ दीसा परमप्रभु यावे आ पर्बम ग्रुम्‍तीक नाक्‍ती मानेन। मिनु परमप्रभु यावे कली मीम चोशा चढ़ेन। मेको ठेयब ग्रुम्‍तीक नाक्‍ती बाक्‍ब। मिनु गेपुकीम मेको नाक्‍त इन गेय काइ मपने। यूहन्‍ना ७:३७
LEV 23:37 मिनु परमप्रभु यावे आ देंशो ठेयब ग्रुम्‍तीक ङा मानेचा माल्‍शो चाड तेको बाक्‍नीम देंशा हना, मेको नाक्‍ती गेपुकीमी परमप्रभु यावे कली मीम चोशा चढ़ेतीके, अन्‍न चढ़ेतीके, क्‍योरशा चढ़ेतीके नु तूचा थोव़क चढ़ेतीके ठीक नाक्‍ती चढ़ेचा माल्‍नीनी।
LEV 23:38 मेको क्‍येङा परमप्रभु यावे आ नाइक्‍तीक नाक्‍ती ङा, इन दाक्‍शा गेतीक थोव़क, इन कबल पशो गेतीक थोव़क नु इन ग्‍येरशा गेशो थोव़क परमप्रभु यावे कली चढ़ेचा माल्‍नीनी।
LEV 23:39 मिनु ७ महिना ङा १५ नाक्‍ती आंम रू ङा अन्‍न खुप्‍शो नोले गेपुकीमी ७ नाक्‍त सम्‍म परमप्रभु यावे आ चाड मानेचा माल्‍नीनी। ङोंइती ङा नाक्‍त नु ८ नाक्‍ती थमा पा नाइक्‍चा माल्‍नीनी।
LEV 23:40 ङोंइती ङा नाक्‍ती गेपुकीमी रवा आन रिम्‍शो फल फुल, खजूर रवा आन राशी, शुश सफा पाइश्‍शो रवा आन राशी नु अरु खोलामी बाक्‍शो रवा आन राशी चाक्‍शा, गे परमप्रभु यावे, इन परमप्रभु आ ङोंइती ७ नाक्‍त सम्‍म ग्‍येरसीन। नेहेम्‍याह ८:१४-१६
LEV 23:41 गेपुकीमी बर्सम ७ नाक्‍त सम्‍म एको चाड मानेशा, परमप्रभु यावे कली ठेयब सेल्‍चा माल्‍नीनी। गेपुकी ७ महिनामी एको चाड मानेचा माल्‍नीनी। एको इन कली गेना हना यो पतीक बाक्‍ब।
LEV 23:42 गे ७ नाक्‍त सम्‍म गोठीमी बाक्‍कीन। इस्राएल ङा मुर नेल्‍ल गोठीम बाक्‍चा माल्‍नीम।
LEV 23:43 गो इन कली इजीप्‍त रे ग्रुंइशा चाक्‍नीनु, गोठीम बाक्‍पाइश्‍शो नङ, दे इन चच युइपुकीम तुइक्‍चा माल्‍नीम। गो परमप्रभु यावे, इन परमप्रभु नङ’ दे शेंदो” देंत।
LEV 23:44 मिनु मोसामी परमप्रभु यावे कली मानेचा माल्‍शो चाड मुर नेल्‍ल आन कली नेंपाइक्‍तीमी।
LEV 24:1 मिनु परमप्रभु यावेमी मोसा कली
LEV 24:2 “गे इस्राएली आन कली ‘बत्ती गेना हना यो ब्रपाइश्‍शा वोइक्‍चा कली गेपुकीमी तेल रवा आ फल रे तुप्‍शा सेल्‍‍शो तेल चाक्‍कीन। प्रस्‍थान २७:२
LEV 24:3 मिनु हारूनमी बत्ती कली ग्रुम्‍तीक ताम्‍बु आगा, फारशो वा आ ङोंइती वोइक्‍चा माल्‍ब। मेको परमप्रभु यावे आ ङोंइती नाक्‍दो रे सुनी सम्‍म गेना हना यो ब्रचा माल्‍ब। मेको इन कली गेना हना यो पतीके बाक्‍ब।
LEV 24:4 मेकोमी परमप्रभु यावे आ ङोंइती क्‍येख सुन के सेल्‍शो बत्ती दातीक तारी गेना हना यो वोइक्‍चा माल्‍ब।
LEV 24:5 गे रिम्‍शो फस चाक्‍शा, बार ओटा शोब्‍ले चोवो। शोब्‍ले का एफाह का के २० भाग थम रिम्‍शो फस के दुम्‍चा माल्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको के २० भाग ४.४ लिटर खोदेंशो बाक्‍ब।प्रस्‍थान २५:३०
LEV 24:6 मेको शोब्‍ले परमप्रभु यावे आ ङोंइती क्‍येख सुन के टेबल आ तार ६, ६ ओटा ख्रोप्‍शा वोइक्‍चा माल्‍ब।
LEV 24:7 मेको निक्‍शी ख्रोप्‍तीकेमी का का पा रिम्‍शो धूप वोइक्‍चा माल्‍ब। मिनु मेको शोब्‍ले आ पा ङा मेको धूप मीम चोशा परमप्रभु यावे कली चढ़ेचा माल्‍ब।
LEV 24:8 मोपा हारूनमी नेल्‍ल नाइक्‍तीक नाक्‍ती मेको शोब्‍ले कली परमप्रभु यावे आ ङोंइती वोइक्‍चा माल्‍ब। मेको इस्राएली आन कली मेको गेना हना यो पतीक नु लीब कबल बाक्‍ब।
LEV 24:9 मेको शोब्‍ले हारून नु आ तौ चच आन कली बाक्‍नीम। मेकोपुकीमी मेको शोब्‍ले चोव़खो बाक्‍तीकेमी बाक्‍शा जचा माल्‍नीम। मारदे हना मेको शोब्‍ले परमप्रभु यावे कली मीम चोशा चढ़ेशो रे नेल्‍ल क्‍येङा चोव़खो हारून नु आ तौ चच आन भाग बाक्‍ब’ दे अरेवो” देंत।
LEV 24:10 मिनु इजीप्‍ती आफ नु इस्राएली ममा पाइश्‍शो मुर का बाक्‍माक्‍त। मेको मुर इस्राएली आन दातेमी जाक्‍शा, इस्राएली का नु तुम्‍मुसा बाक्‍त।
LEV 24:11 मिनु मेको इस्राएली ममा आ तौमी परमप्रभु यावे आ नें थिशा, सराप पवा बाक्‍त। मिनु मुरपुकीमी मेको कली मोसा आ बाक्‍तीकेम चाक्‍गमे बाक्‍त। मेको आ ममा आ नें शेलोमीथ बाक्‍माक्‍त। मिनु मेको दान आ थर ङा दिब्री आ तमी बाक्‍माक्‍त।
LEV 24:12 मिनु मेको मुर कली चाक्‍शा, परमप्रभु यावे आ मिम्‍शो मतुइक्‍तमे सम्‍म चोक्‍शा वोदमे बाक्‍त। गन्‍ती १५:३४
LEV 24:13 मिनु नोले परमप्रभु यावेमी मोसा कली
LEV 24:14 “मेको सराप पाइब कली मुर आन बाक्‍तीक रे लाङगा ग्रुंइदीन। मिनु मेको आ नेक्‍था बाक्‍ब मुर नेल्‍लेमी मेको आन गुइ आ पिया तारी वोइक्‍चा माल्‍नीम। मिनु मेको नोले नेल्‍लेमी मेको कली फुल्‍लु आप्‍शा साइक्‍चा माल्‍नीम। गन्‍ती १५:३६; ब्‍यवस्‍था १५:५; प्रेरित ७:५६
LEV 24:15 मिनु गे इस्राएली आन कली ‘सुम आ परमप्रभु कली सराप पाइबा, मेको आ पाप राइब।
LEV 24:16 परमप्रभु यावे आ नें आ पर्बम मरिम्‍शो लोव़ पाइब साइक्‍चा पुंइसीब। इस्राएल ङा मुर बाक्‍त हना यो, अर्को रागी ङा मुर बाक्‍त हना यो, सुम परमप्रभु यावे आ नें आ पर्बम मरिम्‍शो लोव़ पाइबा, मेको साइक्‍चा पुंइसीब। प्रस्‍थान २०:७; मत्ती २६:६५-६६
LEV 24:17 सुमी मुर का कली साइक्‍बा, मेको साइक्‍चा पुंइसीब। प्रस्‍थान २१:१२
LEV 24:18 सुइमी बस्‍तु भाव कली तुप्‍शा साइक्‍तु हना, मेको आ पा ङा अरु गेचा माल्‍ब। ब्रोंइशो बस्‍तु आ पा ङा ब्रोंइशो बस्‍तु गेचा माल्‍ब। प्रस्‍थान २१:३३-३७
LEV 24:19 सुइमी आ नेक्‍था ङा मुर कली आ खोइल जिक्‍ताक्‍व हना, मेको यो आ खोइल जिक्‍चा पुंइसीब।
LEV 24:20 जिक्‍तीके आ पा ङा जिक्‍तीके, मिक्‍च आ पा ङा मिक्‍च, ख्रुइ आ पा ङा ख्रुइ, सुमी सु कली मार पाइबा, मेको यो मो पाइक्‍चा पुंइसीब। मेको कली यो मो पाइक्‍चा माल्‍ब। प्रस्‍थान २१:२३-२५
LEV 24:21 सुइमी बी ब्‍यफ, क्‍यारश भेडा आन कली तुप्‍शा साइक्‍तु हना, मेको आ पा ङा अर्को गेचा माल्‍ब। तन्‍न मुर साइक्‍ब कली चहिं, साइक्‍चान माल्‍ब।
LEV 24:22 आंम रागी ङा मुर नु अर्को रागी ङा मुर आन पर्बम खाल का ङा ऐन कानुन दुम्‍चा माल्‍ब। मारदे हना गो परमप्रभु यावे, इन परमप्रभु नङ’ दे शेंचा माल्‍नेवे” देंत। लेवी १९:३४; प्रस्‍थान १२:४९
LEV 24:23 मिनु मोसामी इस्राएली आन कली मेको लोव़ शेंदीमी नोले मेकोपुकीमी मेको सराप पाइब कली मुर आन बाक्‍तीक रे ग्रुंइशा, फुल्‍लु आप्‍शा साइक्‍तेक्‍म। मिनु परमप्रभु यावेमी मोसा कली अरेशो खोदेंशो पा इस्राएली नेल्‍लेमी पाम्‍तेक्‍म।
LEV 25:1 मिनु परमप्रभु यावेमी सीनै डांडामी मोसा कली
LEV 25:2 “गे इस्राएली आन कली ‘गेपुकी गो इन कली गेशो रागीमी जाक्‍दीन्‍नी नोले मेको रागी यो परमप्रभु यावे आ नेंमी नांइसीचा माल्‍ब।
LEV 25:3 गे ६ बर्स सम्‍म आंम रूम मार मार शोक्‍चा ख्रुम्‍चा माल्‍नीनी। ६ बर्स सम्‍म इन अङगुर रू ङा बोट आन मसिश्‍शो राशी ख्रोइश्‍शा ताइक्‍चा माल्‍नीनी। मिनु मेको आ अङगुर खुप्‍चा माल्‍नीनी। प्रस्‍थान २३:१०-११
LEV 25:4 तन्‍न ७ बर्सम रू नेल्‍ले परमप्रभु यावे आ बर्सम नाइक्‍चा माल्‍ब। गेपुकीमी ७ बर्सम इन रूम मारेइ मशोक्‍चा मख्रुम्‍चा। मिनु अङगुर बोट आ फल मसिप्‍ब राशी यो मख्रोतीन।
LEV 25:5 इन रूमी आंमा वाशो मारेइ मारेइ खुप्‍चा मदुम्‍ब। मख्रोइश्‍शो अङगुर बोट आ फल खुप्‍चा मदुम्‍ब। मेको रू कली थम नांइसीतीक बर्स दुम्‍चा माल्‍ब।
LEV 25:6 मेको रू नांइसे ना आंमा सिश्‍शो मारेइ मारेइ जने चाप्‍नीनी। मिनु इन वाइलीम वाइल नु गे नु बाक्‍ब इन थाप्‍शो गेय पाइबपुकीमी जने चाप्‍नीमी।
LEV 25:7 मेको रूमी वाशो, इन बस्‍तु भाव नु ब्‍वाकी ङा जन्‍तु आन कली ब्‍वतीक दुम्‍ब।
LEV 25:8 मिनु गेपुकीमी ७ नाइक्‍तीक बर्स मानेनी नोले, मिनु ४९ बर्स दुम्‍बा,
LEV 25:9 मिनु ७ महिना ङा १० नाक्‍ती पाप क्‍याम्‍तीक नाक्‍त बाक्‍ब। मेको नाक्‍ती इन रागी नेल्‍लेमी तुराही ताप्‍पाइक्‍चा माल्‍नीनी। लेवी २३:२७
LEV 25:10 मिनु ५० ङा बर्स परमप्रभु यावे आ बर्स बाक्‍ब। मिनु गे रागी ङा मुर नेल्‍ल आन कली आन ङोंइती ङा अधिकार लेंशा ताइनीम, दे नेंपाइक्‍चा माल्‍नीनी। मेको इन कली प्रोंइतीक बर्स बाक्‍ब। मिनु मुर नेल्‍ल आन आन खिं नु आन आन बाक्‍तीक लेन्‍ने चाप्‍नीम। यसैया ६१:२; लूका ४:१९
LEV 25:11 मेको ५० बर्स इन कली ङोंइती ङा खोदेंशो पा लेंशा सेल्‍तीक बर्स बाक्‍ब। मेको बर्स गेपुकीमी मारेइ मशोक्‍कीन, मख्रुमीन। आंमा वाशो बाली नाली मरुप्‍चा। अङगुर बोट आन ममुंइशो राशीम सिश्शो अङगुर मखुप्‍चा।
LEV 25:12 मारदे हना मेको प्रोंइतीक बर्स बाक्‍ब। मेको परमप्रभु यावे आ बर्स दुम्‍ब। गेपुकीमी रूम आंमा वाशो, आंमा सिश्‍शो ला जने।
LEV 25:13 मेको प्रोंइतीक बर्समी मुर नेल्‍ल आन आन रू नु खिं लेत्‍चा माल्‍नीम।
LEV 25:14 मिनु आंम नेक्‍था ङा मुर नु ग्‍याप्‍तीक लेयतीक गेय पनीनु, मठगेपामुने। १ थिस्‍सलोनिकी ४:६
LEV 25:15 गे इन नेक्‍था ङा मुर रे रू का ग्‍याप्‍तीवी हना, मेको प्रोंइतीक बर्स जाक्‍चा गिश बर्स लीनीम, दे हिक्‍शा ला ग्‍यापीन।
LEV 25:16 गिश बर्स लीनीमी मेको कोव़शा गेपुकीमी आ क्‍येट बारपाइक्‍चा माल्‍नीनी। मिनु इच्‍का बर्स ला लीतेक्‍म हना, क्‍येट तोक्‍चा माल्‍नीनी। मारदे हना अन्‍न खुप्‍तीक बर्स कोव़शा, मेको रू लेयशो बाक्‍ब।
LEV 25:17 गेपुकी आंम आंमा मठगेपामुने। तन्‍न परमप्रभु क्‍येङा हिनीन। मारदे हना गो परमप्रभु यावे, इन परमप्रभु नङ।
LEV 25:18 गेपुकीमी आं फुल्‍लुम मुशा ब्रेक्‍शो लोव़ तुइश्‍शा पचा माल्‍नीनी। आ पावो, दे अरेशो लोव़ टिने। मोपा ला गे मेको रागीमी रिम्‍शो पा बाक्‍ने चाप्‍नीनी। लेवी २६:५; १राजा ५:५
LEV 25:19 मिनु रागीमी अन्‍न ग्रेल्‍ब। गेपुकी जचा तूचाम श्‍येत मजाइनीनी। मिनु मेको रागीमी महिंथु थुं नाइश्‍शा बाक्‍चा ताइनीनी।
LEV 25:20 गेपुकीमी अन्‍न मशोक्‍थु मखुप्‍थु ७ बर्सम चहिं गो मार जाइनीकी, दे देंतीनी हना,
LEV 25:21 गो ६ बर्सम इन कली आं आसीक गेनन्‍नी। मिनु रागीम बर्स सां सम्‍म शुश अन्‍न ग्रेल्‍पाइक्‍नुङ। ब्‍यवस्‍था २८:८
LEV 25:22 गेपुकीमी ८ बर्सम ख्रुम्‍नीनु, गे माइत अन्‍न रे जाइनीनी। ९ बर्सम नक बाली नाली ममीम सम्‍म गे माइतन जाइनीनी।
LEV 25:23 मिनु इन गे रू गेना हना यो कली लेयने मचाप्‍नीनी। मारदे हना मेको रागी आं के बाक्‍ब। गेपुकी गे आं के वाइल नु बुम्‍था पाइब खोदेंशो बाक्‍नीनी। भजन संग्रह ३९:१३
LEV 25:24 इन ग्‍याप्‍शो अधिकारम पिशो रू लेंशा लेत्‍चा माल्‍नीनी।
LEV 25:25 सुइ इन मुर प्रुङग दुम्‍तीके आन रू लेयचा माल्‍तेक्‍म हना, मेको आ नेक्‍था ङा मुर जाक्‍शा, मेको लेश्‍शा ग्‍याप्‍पाइक्‍चा माल्‍ब। रूथ ४:३-४
LEV 25:26 तन्‍न मो पाइब सुइ मबाक्‍तेक्‍म हना, नोले मेको आंमान क्‍येट थीब दुम्‍शा, लेश्‍शा आंमा ग्‍याप्‍चा माल्‍ब।
LEV 25:27 मेकोमी मेको लेयशो गिश बर्स दुम्‍मे, मेको हिक्‍चा माल्‍ब। मिनु सु कली लेयशो बाक्‍मे, मेको लीशो बर्स ङा खुप्‍‍तीक अन्‍न ङा क्‍येट गेचा माल्‍ब। मिनु मेको मुर आ रू लेंशा मेको केन दुम्‍ब।
LEV 25:28 तन्‍न आंमा लेन्‍ने मचाप्‍तु हना, मेको रू ग्‍याप्‍ब मुर नु बाक्‍ब। मिनु रू ग्‍याप्‍बमी प्रोंइतीक बर्सम लेत्‍चा माल्‍ब।
LEV 25:29 मिनु सुइमी गारो हिरशो सहर आगा ङा खिं लेयतु हना, लेयशो बर्स का सम्‍म मेकोमी मेको आ खिं लेन्‍ने चाप्‍ब। मेको कली मेको अधिकार बर्स का सम्‍म बाक्‍ब।
LEV 25:30 तन्‍न बर्स काम यो मेको लेन्‍ने मचाप्‍तु हना, ग्‍याप्‍ब नु आ खिं ङा मुर आन कली मेको खिं आन शोंप दुम्‍ब। प्रोंइतीक बर्सम यो मेको लेश्‍शा गेचा ममाल्‍ब।
LEV 25:31 तन्‍न गारो महिरशो बाक्‍तीके ङा खिंपुकी चहिं रूपुकी खोदेंशो पा पचा माल्‍ब। मेको लेन्‍ने चाप्‍नीम। मिनु प्रोंइतीक बर्सम लेश्‍शा गेचा माल्‍नीम।
LEV 25:32 मिनु लेवी आन सहरमी बाक्‍शो खिं चहिं मेकोपुकीमी आंम खिं गेना हना यो लेन्‍ने चाप्‍नीम। गन्‍ती ३५:२-५
LEV 25:33 लेवी आन सहरम बाक्‍शो लेयशो खिं अरु लेवीम लेन्‍ने मचाप्‍तेक्‍म हना, प्रोंइतीक बर्समी मेको खिं लेश्‍शा, मेको कली गेचा माल्‍ब। मारदे हना लेवी आन सहरम बाक्‍शो खिं इस्राएली आन दातेमी लेवी आन शोंप बाक्‍नीम।
LEV 25:34 मेको आन सहर क्‍येङा लाङगाम बाक्‍शो रूपुकी लेयचा मताइनीम। मारदे हना मेको आन गेना हना यो लीब शोंप बाक्‍नीम।
LEV 25:35 मिनु इन इस्राएली लोक्‍ब का शुश प्रुङग दुम्‍शा, पने जने मचाप्‍तु हना, गेपुकीमी मेको कली अर्को रागी ङा मुर खोदेंशो पा वारच पचा माल्‍नीनी। मिनु मेको गेपुकी नु बाक्‍ने चबल।
LEV 25:36 मिनु गे मेको कली जेर गेनीनु, आ चाइक्‍ब मताक्‍कीन। गे इन परमप्रभु क्‍येङा हिनीन। मिनु इन लोक्‍ब कली गे नु बाक्‍चा गेन। प्रस्‍थान २२:२४; ब्‍यवस्‍था २३:२०
LEV 25:37 गेपुकीमी मेको कली क्‍येट गेतीकेमी चाइक्‍ब मताक्‍कीन। मिनु मेको कली जचा थोव़क गेशा, मेको आ क्‍येङा शुश मलेप्‍पाइक्‍तीन।
LEV 25:38 गो इन परमप्रभु दुम्‍चा नु इन कली कनान रागी गेचा, दे इन कली इजीप्‍त रागी रे ग्रुंइशा, एक चाक्‍ब, गो परमप्रभु यावे, इन परमप्रभु नङ।
LEV 25:39 मिनु गे इन इस्राएली लोक्‍ब शुश प्रुङग दुम्‍शा, आंमा इन कली लेयसाक्‍म हना, मेको आन कली वाइल खोदेंशो पा गेय मपपतीन। प्रस्‍थान २१:२
LEV 25:40 मिनु गेपुकीमी मेको कली थाप्‍शो गेय पाइब कि अर्को रागी ङा गेय पाइब खोदेंशो पा बाक्‍चा गेने। मिनु मेको प्रोंइतीक बर्स सम्‍म गेपुकी नु बाक्‍शा इन गेय पाइब दुम्‍ब।
LEV 25:41 मिनु नोले मेकोपुकी नु आन तमी तौ गे इन बाक्‍तीक रे लशा, आन खिं ङा मुर नु आन बाक्‍तीक लेम्‍मल।
LEV 25:42 मारदे हना मेकोपुकी गो इजीप्‍त रे ग्रुंइशा चाक्‍शो आं गेय पाइबपुकी बाक्‍नीम। मेको आन कली वाइलीम वाइल खोदेंशो पा लेयचा मदुम्‍ब।
LEV 25:43 मिनु गेपुकीमी मेको आन कली शुश अरेशा श्‍येत मगेन। इन परमप्रभु कली तशा हिनीन। प्रस्‍थान २१:२०-२१
LEV 25:44 मिनु गेपुकीमी इन वाइलीम वाइल चहिं एर ओंथ ङा अर्को रागी ङा मुर रे ग्‍याप्‍चा माल्‍नीनी।
LEV 25:45 गेपुकी नु बाक्‍ब अर्को रागी ङा मुरपुकी नु इन रागीम जरमेशो मेको आन खिं ङा मुर रे ग्‍याप्‍शा, इन के सेल्‍ने चाप्‍नीनी।
LEV 25:46 गे मेको आन कली आंम तौ चच आंम वाइलीम वाइल दुम्‍चा कली ग्‍याप्‍शा वोइक्‍ने चाप्‍नीनी। गे मेको आन कली वाइलीम वाइल खोदेंशो पा दिप्‍शा गेय पपाइक्‍ने चाप्‍नीनी। तन्‍न आंम लोक्‍ब इस्राएली आन कली मोपा श्‍येत गेशा दिप्‍ने मचाप्‍नीनी।
LEV 25:47 मिनु इन दातेमी बाक्‍ब अर्को रागी ङा मुर क्‍येट थीब दुम्‍त हना नु सुइ इन लोक्‍ब श्‍येत जशा, प्रुङग दुम्‍शा, मेको आंम कली कि आ खिं ङा मुर कली लेयसाक्‍व हना,
LEV 25:48 मेको लेयसे नोले आ लोक्‍बपुकीमी मेको कली लेन्‍ने चाप्‍नीम। मेको आ लोक्‍ब कामी मेको कली लेन्‍ने चाप्‍ब।
LEV 25:49 मेको आ आफ आ लोक्‍ब, आं लोक्‍ब नु सुइ आ नेक्‍था ङा मुरुमी मेको कली लेन्‍ने चाप्‍ब। मेको नोले शुश क्‍येट थीब दुम्‍त हना, आंमा थाप्‍शा ग्रूने चाप्‍ब।
LEV 25:50 मेको मुरुमी आ अर्को रागी ङा ठेयब मुर कली लेयसीशो बर्स रे प्रोंइतीक बर्स सम्‍म हिक्‍शा, आ गेय पतीक लीशो बर्स कली जेला तशो खोदेंशो पा हिक्‍चा माल्‍ब। मिनु लीशो बर्सम ततीके जेला ङा क्‍येट हिक्‍शा थाप्‍चा माल्‍ब।
LEV 25:51 मिनु शुश बर्स लीमेनु, आंमा लेयसीशो मुरुमी मेको गेय मपशो नेल्‍ल बर्स हिक्‍शा, मेको कली गारचा ङा पा थाप्‍चा माल्‍ब।
LEV 25:52 मिनु मेको प्रोंइतीक बर्स सम्‍म का निक्‍शी बर्स ला लीतेक्‍म हना, मेकोमी जेला तशो खोदेंशो पा का निक्‍शी बर्स ङा गारचा ङा पा प्रोंइतीक बर्स सम्‍म क्‍येट थाप्‍चा माल्‍ब।
LEV 25:53 मिनु मेको अर्को रागी ङा ठेयब मुरुमी आंमा लेयसीशो इस्राएली कली बर्स का कली जेला ताक्‍शा गेय पाइब खोदेंशो पा रिम्‍शो पचा माल्‍ब। मेको कली वाइलीम वाइल कली खोदेंशो पचा मदुम्‍ब। लेवी २५:४३
LEV 25:54 मोपा यो मेको मुर प्रोंइचा मपुंइसाक्‍व हना, रिम्‍शा। मेको नु आ खिं ङा मुर प्रोंइतीक बर्सम ला लचा ताइनीम।
LEV 25:55 मारदे हना इस्राएलीपुकी आं गेय पाइब बाक्‍नीम। गो मेको आन कली इजीप्‍त रागी रे ग्रुंइशा चाक्‍ताक्‍मी। गो परमप्रभु यावे, इन परमप्रभु नङ’ दे शेंदो” दे परमप्रभु यावेमी देंत।
LEV 26:1 मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५
LEV 26:2 गेपुकीमी आं नाइक्‍तीक नाक्‍ती मानेन। मिनु आं बाक्‍तीक कली मान पने। गो परमप्रभु यावे नङ। लेवी १९:३०
LEV 26:3 गेपुकीमी आं फुल्‍लुम मुशा ब्रेक्‍शो लोव़ टिशा पाइतीनी हना,
LEV 26:4 गो रेउ यिची ना रेउ यिपाइक्‍नुङ। मिनु इन रूम शुश अन्‍न ग्रेल्‍नीम। मिनु रवाम शुश फल फुल सित्‍नीम।
LEV 26:5 मिनु अङगुर सेक्‍ची ना सम्‍म इन अन्‍न तुप्‍नीनी। मिनु अङगुर सेक्‍ने मथुम्‍थु शोक्‍ची ना दुम्‍ब। मोपा गेपुकी नु शुश जचा तूचा बाक्‍ब। मिनु इन रागीम थुं नाइश्‍शा बाक्‍चा ताइनीनी। आमोस ९:१३
LEV 26:6 मिनु गो रागी ङा मुर आन कली थुं नाइश्‍शा बाक्‍चा गेनुङ। मिनु गेपुकी गोल्‍शा निन्‍द्रा पाइनीनी। सुइमी इन कली हिंच मकोंइब। गो इन रागी रे हिंचा ङा जन्‍तु आन कली खेरनुङमी। इन रागीमी लडाइ मदुम्‍ब। इजीकीएल ३४:२५
LEV 26:7 मिनु गेपुकीमी इन जोरी सत्रु आन कली खेदा पा तरवारम साइक्‍नीनी।
LEV 26:8 इन मुर ५ जनामी सहे का मुर आन कली नु सहे का मुरुमी १० हजार मुर आन कली खेदा पाइनीम। इन जोरी सत्रु इन तरवारम शोल्‍मो पा बेक्‍नीम। ब्‍यवस्‍था ३२:३०; यहोसु २३:१०
LEV 26:9 मिनु गो इन कली शिशी पा कोव़नन्‍नी। मिनु गो इन कली सोशा बोशा शुश दुम्‍पाइक्‍नुङ। मिनु आं पशो कबल गेपुकी नु गेना हना यो लीपाइक्‍नुङ। इजीकीएल ३६:११
LEV 26:10 गेपुकीम इन खेक्‍शा वोइश्‍शो माइत अन्‍न जना जन, नक अन्‍न वोइक्‍चा कली माइत अन्‍न तिल्‍चा माल्‍नीनी।
LEV 26:11 गो इन कली ग्रांग्रा मदित्‍थु, इन दातेमीन आ बाक्‍तीकेम बाक्‍नुङ। येरमीया ७:२३; २कोरिन्‍थी ६:१६
LEV 26:12 मिनु गो इन दातेमी बाक्‍शा, गो परमप्रभु दुम्‍नुङ। मिनु गेपुकी आं मुर बाक्‍नीनी। गो परमप्रभु यावे, इन परमप्रभु बाक्‍नुङ।
LEV 26:13 गो परमप्रभु यावे, इन परमप्रभु नङ। गेपुकी इन कली इजीप्‍ती आन वाइलीम वाइल मदुम्‍पाइक्‍थु, एक चाक्‍तन्‍नी। गो इन शुर ङा जवा जिक्‍शा, इन पिया पोक्‍शा गाक्‍ब सेल्‍तन्‍नी। इजीकीएल ३४:२७-२८
LEV 26:14 तन्‍न गेपुकीमी आं लोव़ मटीतीनी नु आं अरेशो मपाइतीनी,
LEV 26:15 नु आं फुल्‍लुम मुशा ब्रेक्‍शो लोव़ मकोव़तीनी, आं अरेशो मपाइतीनी नु आं कबल प्रोंइतीनी हना,
LEV 26:16 गो इन कली मार पाइनुङ देंशा हना, गो इन दातेमी शुश हिंतीके सेल्‍नुङ। मिनु इन रां सोव़ना सोव़न बाक्‍नीम। मिनु जरो पा इन मिक्‍च ततीके जाम्‍ना जाम्‍न लाइब। मिनु गे ओंखां पा बेक्‍नीनी। इन शोक्‍शो अन्‍न मोशा दुम्‍नीम। मारदे हना इन जोरी सत्रुम नेक्‍नीम।
LEV 26:17 गो इन कली मरिम्‍शो पाइक्‍नुङ। गे इन जोरी सत्रु रे ब्रुइनीनी। इन जोरी सत्रु इन कली हुकुम पाइब दुम्‍नीम। मिनु सुइमी इन कली खेदा मपाम्‍तेक्‍म हना यो, गेपुकी प्रोक्‍नीनी।
LEV 26:18 मेको नेल्‍ल तुइश्‍शा यो, आं कली मटीतीनी हना, गो इन पाप ७ खेयप तेम्‍शा सजाइ गेनन्‍नी।
LEV 26:19 गो इन ठेयब लेश्‍शो खतम सेल्‍नुङ। मिनु गो इन सरीङ फलाम खोदेंशो नु इन रू तांबा खोदेंशो सेल्‍नुङ। ब्‍यवस्‍था ११:११:१७
LEV 26:20 मिनु इन सक्ति मोशा दुम्‍शा मारेइ पने मचाप्‍नीनी। इन रूम मारेइ मवाब। मिनु इन रागी ङा रवापुकीम फल मसित्‍नीम।
LEV 26:21 गेपुकी दूली लांम गाक्‍स ङा गाक्‍स पा, आं कली मटीतीनी हना, गो इन पाप ७ खेयप तेम्‍शा इन कली श्‍येत गेनन्‍नी
LEV 26:22 गो इन दातेमी ब्‍वाकी ङा जन्‍तुपुकी सोइक्‍नुङमी। मेकोमी इन आल आन कली ब्‍वाइनीम। मिनु इन बस्‍तु भाव साइक्‍नीम। मिनु गे का निक्‍शी ला दुम्‍तीके इन लां नेल्‍ल श्‍येत्‍थ दुम्‍नीम। इजीकीएल ५:१७
LEV 26:23 मोपा सजाइ तशा यो, गेपुकी आं गे मलेत्‍तीनी हना, नु दूली लां गाक्‍स ङा गाक्‍स पाइतीनी हना, २सामुएल २२:२७
LEV 26:24 गो इन कली यो मरिम्‍शो पस ङा पस पाइनुङ। मिनु गो इन पाप ७ खेयप तेम्‍शा, इन कली श्‍येत गेनुङ।
LEV 26:25 गो इन कली लडाइ तोपाइक्‍नुङ। मिनु आं कबल प्रोंइशो आ पर्बम क्‍येक्‍क लेत्‍नुङ। गेपुकी आंम आंमा सहरम बुक्‍तीनी हना, गो मेकेर यो इन दातेम बेक्‍पाइक्‍ब रोइ सोइक्‍नुङ। मिनु इन जोरी सत्रु आन गुइम दुम्‍नीनी। यसैया १:२०,२४
LEV 26:26 मिनु गो इन अन्‍न थमा पा साम्‍पाइक्‍नुङ। १० ओटा खिं ङा मीश मुरुमी चुप्‍लु कामी क्‍येनीम। क्‍येशा पुक्‍शा तेम्‍मेनु, सुइ मरू‍नीम। यसैया ३:१; इजीकीएल ४:१६
LEV 26:27 मिनु मेको मो दुम्‍शा यो, गे आं कली मटिथु, दूली लां गाक्‍स ङा गाक्‍स पाइतीनी हना,
LEV 26:28 गो इन कली मरिम्‍शो पस ङा पस ग्रुम्‍नुङ। मिनु इन पाप ७ खेयप तेम्‍शा, सजाइ गेनन्‍नी। ब्‍यवस्‍था २८:५३; येरमीया १९:९
LEV 26:29 गेपुकीमी इन तमी तौ आन श्‍ये ब्‍वचा माल्‍नीनी।
LEV 26:30 गो इन डांडा ङा पूजा पतीक थामपुकी प्रेत्‍नुङ। इन धूप चोतीक नेल्‍ल प्रेत्‍नुङ। मिनु इन बेक्‍शो रां मेको ब्रोल्‍शो मूर्ति आन तार ताइक्‍नुङ। मिनु गो इन कली तशा ग्रांग्रा दिशा तिल्‍नुङ। इजीकीएल ६:४,६
LEV 26:31 गो इन सहर गोरशो रागी खोदेंशो सेल्‍नुङ। मिनु इन पूजा पतीके थान श्‍येत्‍थ सेल्‍नुङ। गो इन ब्रोव़शो धूप आन रिना मनाम्‍नुङ।
LEV 26:32 मिनु गो रागी कली खतम पोक्‍नुङ। मिनु मेकेर जाक्‍शा बाक्‍ब इन जोरी सत्रुमी मेको तशा छक लाक्‍नीम।
LEV 26:33 गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।
LEV 26:34 मिनु रागी श्‍येत्‍थ दुम्‍मेनु, मेको आ नाइक्‍तीक बर्स ग्‍येरशा मानेब। मिनु गेपुकी इन जोरी सत्रु आन रागीम बाक्‍नीनु, इन रागी चहिं ग्‍येरशा नांइसीब। लेवी २५:२; २इतिहास २६:२१
LEV 26:35 मेको रागी गिश नाक्‍त सम्‍म श्‍येत्‍थ लीबा, मिश नाक्‍त नाइक्‍चा ताइब। गेपुकी मेक बाक्‍नीनु, नाइक्‍तीक बर्स नाइक्‍चा मतशो, नाइक्‍तीक बर्स मानेशो बाक्‍ब।
LEV 26:36 मिनु गो इन जोरी सत्रु आन रागीम बाक्‍शो लीशो मुर आन थुं लुक्‍च लपाइक्‍नुङ। मिनु सफा दोक्‍शो रेयके नेंशा यो, आन जोरी सत्रुम खेदा पशो खोदेंशो पा प्रोक्‍नीम। मिनु मोशा दाइल पा थित्‍नीम।
LEV 26:37 सुइमी खेदा मपथु यो, मेकोपुकी तरवार तशा प्रोक्‍शो खोदेंशो पा, प्रोक्‍नीम। मिनु थोक्‍मुशा गोल्‍नीम। मोपतीके आन जोरी सत्रु आन ङोंइती राप्‍ने मचाप्‍नीम।
LEV 26:38 गेपुकी अर्को रागी ङा मुर आन दातेमी जाम्‍शा लाइनीनी। मिनु इन जोरी सत्रु आन रागीमी इन कली दाक्‍ब।
LEV 26:39 मिनु लीशोपुकी चहिं जोरी सत्रु आन रागीमी आन पाप नु आन किकी पिपी आन पाप पतीके बेक्‍ना बेक्‍न लाइनीम। इजीकीएल २४:२३; इजीकीएल ३३:१०
LEV 26:40 तन्‍न मेकोपुकीमी आंम पाप नु आन किकी पिपी आन पाप आ पर्बम ‘मरिम्‍शो पाइतक नु दूली लां गाक्‍स ङा गाक्‍स पाइतक’ देंतेक्‍म हना, ब्‍यवस्‍था ४:३०
LEV 26:41 मिनु गो मेको आन कली मरिम्‍शो पस ङा पस बाक्‍शा, आन जोरी सत्रु आन रागीम सोइक्‍ताक्‍ङमी। मिनु मेको आन खकटा थुं ब्रेम्‍शो दुम्‍शा, आन पाप आ पर्बम पाप क्‍याम्‍तीक गेय पाम्‍तेक्‍म हना, ब्‍यवस्‍था १०:१६; येरमीया ९:२५
LEV 26:42 गो याकूब, इसहाक नु अब्राहाम नु पशो आं कबल नु मेको रागी कली मिम्‍नुङ। प्रस्‍थान २:२४; २राजा १३:२३
LEV 26:43 मारदे हना मेको रागी श्‍येत्‍थ दुम्‍शा, आ नाइक्‍तीक बर्सपुकी मुर मबाक्‍तीके मानेना मानेन बाक्‍ब। मिनु मेकोपुकीमी आन मरिम्‍शो पशो आ पर्बम सजाइ ताइनीम। मारदे हना मेकोपुकीमी आं पावो, दे अरेतीक लोव़ नु आं फुल्‍लुम मुशा ब्रेक्‍शो लोव़ काइ मपाम।
LEV 26:44 मिनु मोदेंशो पाम्‍तेक्‍म हना यो, गो मेको आन कली आन जोरी सत्रु आन रागीमी कोव़शा, ग्रांग्रा दिशा खतम मसेल्‍नुङमी। मिनु मेकोपुकी नु पशो आं कबल मप्रोंइनुङ। मारदे हना गो परमप्रभु यावे, मेको आन परमप्रभु नङ। होसे ११:९
LEV 26:45 तन्‍न गो मेको आन कली मिम्‍शा, आन किकी पिपी नु पशो आं कबल मिम्‍नुङ। गो नेल्‍ल रागी ङा मुरपुकीम तचा ङा पा मेको आन परमप्रभु दुम्‍तीके, मेको आन कली इजीप्‍त रागी रे ग्रुंइशा चाक्‍ताक्‍मी। गो परमप्रभु यावे नङ” दे परमप्रभु यावेमी देंत। उत्‍पत्ती १२:७
LEV 26:46 एको परमप्रभु यावेमी सीनै डांडाम मोसा कली गेशो आं नु इस्राएली आन दातेमी फुल्‍लुम मुशा ब्रेक्‍शो लोव़ नु “पावो” दे अरेशो लोव़ बाक्‍नीम।
LEV 27:1 मिनु परमप्रभु यावेमी मोसा कली
LEV 27:2 “गे इस्राएली आन कली ‘सुइमी परमप्रभु यावे कली मुर आ पा ङा क्‍येट गेनुङ’ दे कसम जाप्‍तु हना,
LEV 27:3 मेकोमी २० बर्स रे ६० बर्स सम्‍म ङा वोंइश मुर आन पर्बम आं ताम्‍बु ङा चांदी के ५० शेकेल परमप्रभु यावे कली गेचा माल्‍नीम। शेकेल इस्राएली आन क्‍येट बाक्‍ब। शेकेल का ११.५ ग्राम चांदी बाक्‍ब। ताम्‍बु ङा शेकेल चहिं १२ ग्राम बाक्‍त।न्‍यायाधीस ११:३१; १सामुएल १:११
LEV 27:4 मीश मुर आ पर्बम बाक्‍त हना, मेकोम ३० शेकेल गेचा माल्‍ब। ३० शेकेल ३६० ग्राम चांदी बाक्‍ब।
LEV 27:5 मिनु ५ बर्स रे २० बर्स सम्‍म ङा वोंइश आल आन पर्बम २० शेकेल गेचा माल्‍ब। मीश आल बाक्‍त हना, १० शेकेल गेचा माल्‍ब।
LEV 27:6 मिनु महिना का रे ५ बर्स सम्‍म ङा वोंइश आल आन पर्बम चांदी के ५ शेकेल नु मीश आल आन पर्बम चांदी के शेकेल सां गेचा माल्‍नीम।
LEV 27:7 मिनु ६० बर्स क्‍येङा ग्‍येत्‍थ ङा वोंइश मुर आ पर्बम १५ शेकेल नु मीश मुर आ पर्बम १० शेकेल गेचा माल्‍ब। ताम्‍बु ङा शेकेल का १२ ग्राम बाक्‍ब।
LEV 27:8 मिनु मेको मुर प्रुङग दुम्‍शा, गेने मचाप्‍ब बाक्‍त हना, मेको कली चढ़ेब आ ङोंइती चाक्‍चा माल्‍नीम। मिनु चढ़ेबमी मेको कसम जाइब आ चाप्‍शो खोदेंशो पा मेको आ क्‍येट देंचा माल्‍ब।
LEV 27:9 मिनु परमप्रभु यावे कली चढ़ेचा ङा बी ब्‍यफ, क्‍यारश भेडा बाक्‍तेक्‍म हना, मेको मारेइ मदुम्‍शो थम रिम्‍शो नु ग्रांग्रा मदिशो बाक्‍चा माल्‍नीम।
LEV 27:10 मेको आ पा ङा अरु फाइक्‍चा मदुम्‍ब। रिम्‍शो बस्‍तु आ पा ङा मरिम्‍शो नु मरिम्‍शो आ पा ङा रिम्‍शो फाइक्‍चा मदुम्‍ब। चढ़ेचा ङा बस्‍तु फाइक्‍तेक्‍म हना, मेको बस्‍तु निम्‍फा मारेइ मदुम्‍शो थम रिम्‍शो ग्रांग्रा मदिशो बाक्‍चा माल्‍नीस।
LEV 27:11 मिनु परमप्रभु यावे आ ङोंइती चढ़ेचा मदुम्‍शो ग्रांग्रा दिशो बस्‍तु भाव बाक्‍तेक्‍म हना, मेको आन कली चढ़ेब कली कोंइचा माल्‍नीम।
LEV 27:12 मिनु चढ़ेबम मेको बस्‍तु रिम्‍शो बाक्‍त हना यो, मरिम्‍शो बाक्‍त हना यो, मेको गिश क्‍येट लाइक्‍बा, दे चढ़ेबमी देंचा माल्‍ब। मिनु चढ़ेबमी दोशो देंबा मेको ठीक दुम्‍ब।
LEV 27:13 मेको मुरुम क्‍येट थाप्‍शा, मेको बस्‍तु कली प्रोंइचा दाक्‍ब हना, चढ़ेब आ देंशो क्‍येङा यो ५ भाग ङा भाग का क्‍येट तेम्‍शा गेचा माल्‍ब। लेवी ५:१६
LEV 27:14 मिनु सुइ मुरुमी परमप्रभु यावे कली खिं का चढ़ेप्‍तु हना, चढ़ेबमी मेको खिं कोव़शा रिम्‍शो बाक्‍म कों मरिम्‍शो बाक्‍मे ‘ओशो क्‍येट लाइक्‍ब’ देंचा माल्‍ब। मिनु चढ़ेबमी दोशो देंबा मेको ठीक दुम्‍ब।
LEV 27:15 मिनु मेको मुरुमी क्‍येट थाप्‍शा लेत्‍चा थुं पाप्‍तु हना, चढ़ेबमी देंशो क्‍येङा यो ५ भाग ङा भाग का क्‍येट तेम्‍शा गेचा माल्‍ब। मिनु मेको खिं मेको केन दुम्‍ब।
LEV 27:16 मिनु सुइ मुरुमी तेकोइ आंम रू परमप्रभु यावे कली चढ़ेप्‍तु हना, चढ़ेबमी मेको रूम दोशो वांचेर लाइ‍बा कोव़शा, मेको आ क्‍येट देंचा माल्‍ब। होमेर का क्‍योव़ज वांचेर लाइब रू कली ५० चांदी के शेकेल दुम्‍चा माल्‍ब। होमेर का २२० लिटर रिक्‍ब पुक्‍तीक का बाक्‍ब। ताम्‍बु ङा शेकेल का १२ ग्राम चांदी बाक्‍ब।२सामुएल २४:२४
LEV 27:17 मेको मुरुमी आ रू कली लेंशा प्रोंइतीक बर्स आ नोले ङा बर्स रे चढ़ेप्‍तु हना, मेको आ क्‍येट चढ़ेबमी देंशो खोदेंशो दुम्‍ब। लेवी २५:८-५५
LEV 27:18 तन्‍न मेकोमी आ रू लेंशा प्रोंइतीक बर्स इच्‍का बर्स नोले चढ़ेप्‍तु हना, लेंशा प्रोंइतीक बर्स जाक्‍चा दोशो लीशो बाक्‍मे, चढ़ेबमी मेको हिक्‍चा माल्‍ब। मिनु आ देंशो क्‍येट रे तोक्‍चा माल्‍ब।
LEV 27:19 मेको मुरुमी मेको रू लेंशा फेत्‍चा दाक्‍ब हना, चढ़ेबमी देंशो क्‍येट क्‍येङा ५ भाग ङा भाग का क्‍येट तेम्‍शा गेचा माल्‍ब। मिनु मेको रू मेको केन दुम्‍ब।
LEV 27:20 तन्‍न मेकोमी मेको रू मलेप्‍ब हना, मेकोमी मेको रू अर्को मुर कली लेयशो बाक्‍त हना, मेकोमी मेको रू गेनायो लेत्‍चा मताइब।
LEV 27:21 मेको रू लेंशा प्रोंइतीक बर्सम प्रोंइशो बाक्‍त हना, मेको परमप्रभु यावे कली जिम्‍मा गेशो रू दुम्‍शा, चढ़ेबमी मेको रूम शोक्‍ब।
LEV 27:22 मिनु सुइ मुरुमी आंम के ममाइ, तन्‍न आ ग्‍याप्‍शो रू परमप्रभु यावे कली चढ़ेप्‍तु हना,
LEV 27:23 चढ़ेबमी लेंशा प्रोंइतीक बर्स सम्‍म हिक्‍शा, मेको आ क्‍येट दोशो बाक्‍मे, मोशो गेचा माल्‍ब। मेको नाक्‍तीन परमप्रभु यावे कली गेचा माल्‍ब।
LEV 27:24 मिनु लेंशा प्रोंइतीक बर्सम मेको रू सु रे ग्‍याप्‍शो बाक्‍मे, मेको लेंशा ताइब।
LEV 27:25 मिनु गिश क्‍येट लाइ‍बा, मेको नेल्‍ल परमप्रभु यावे आ ताम्‍बु ङा चांदी के शेकेलम थाप्‍चा माल्‍ब। शेकेल काम २० गेरा बाक्‍नीम। गेरा का ०.६ ग्राम बाक्‍ब।
LEV 27:26 मिनु बी ब्‍यफ, क्‍यारश भेडा आन ङोंइती जरमेशो ब्‍यफ बाक्‍त हना यो, सांड बाक्‍त हना यो, बोका बाक्‍त हना यो, मेको ङोंइती रे परमप्रभु यावे केन बाक्‍ब। सुइमी परमप्रभु यावे कली गेने मचाप्‍नीमी। प्रस्‍थान १३:२,१२,१३; गन्‍ती १८:१५
LEV 27:27 मेको ग्रांग्रा दिशो बस्‍तु भाव बाक्‍त हना, आ देंशो क्‍येट क्‍येङा ५ भाग ङा भाग का तेम्‍शा, लेत्‍चा माल्‍ब। तन्‍न मलेत्‍ताक्‍म हना, आ देंशो क्‍येटीम लेयचा माल्‍ब।
LEV 27:28 मिनु परमप्रभु यावे कली साइक्‍चा कली जिम्‍मा गेशो मारेइ मारेइ मुर बाक्‍त हना यो, बस्‍तु भाव बाक्‍त हना यो, आंम रू बाक्‍त हना यो, मेको लेयने नु लेन्‍ने मचाप्‍नीम। मेको साइक्‍चा कली जिम्‍मा गेशो मारेइ मारेइ थमा पा परमप्रभु यावे केन बाक्‍नीम। गन्‍ती १८:१४; गन्‍ती २१:२; यहोसु ६:१८,२६; इजीकीएल ४४:२९
LEV 27:29 मिनु सु मुर साइक्‍चा कली जिम्‍मा गेचा पुंइसीशो बाक्‍बा, मेको कली क्‍येट थाप्‍शा मलेत्‍थु, साइक्‍चा माल्‍ब। यहोसु ६:१७-१८; १सामुएल १५:३-९
LEV 27:30 मिनु रू नेल्‍ल ङा, अन्‍न कि रवा आ फल फुल १० भाग परमप्रभु यावे केन बाक्‍ब। मेको परमप्रभु यावे केन बाक्‍ब। गन्‍ती १८:२१; ब्‍यवस्‍था १४:२२-२९; नेहेम्‍याह १३:१२
LEV 27:31 मुरुमी आंमा आ गेशो १० भाग लेत्‍चा दाक्‍ताक्‍व हना, ५ भाग तेम्‍शा, लेन्‍ने चाप्‍ब।
LEV 27:32 नेल्‍ल गोठ ङा बी ब्‍यफ, क्‍यारश भेडा, मारेइ मारेइ गोठलाम हिक्‍तु हना यो, १० ओटा ङा का परमप्रभु यावे केन बाक्‍ब। २इतिहास ३१:६
LEV 27:33 मेकोमी रिम्‍शो नु मरिम्‍शो तिल्‍शा फाइक्‍चा मदुम्‍ब। मुरुमी मेको बस्‍तु फाइक्‍चा थुं पाप्‍तु हना, निम्‍फा परमप्रभु यावे कली गेचा माल्‍ब। मिनु क्‍येट थाप्‍शा, लेत्‍चा मदुम्‍ब, दे अरेवो” दे परमप्रभु यावेमी मोसा कली देंत।
LEV 27:34 मिनु सीनै डांडामी परमप्रभु यावेमी इस्राएली आन कली मोसा रे पा शेंशो लोव़ एको बाक्‍नीम। लेवी ७:३८; लेवी २५:१; २६:४६
NUM 1:1 इस्राएलीपुकी इजीप्‍त रे जाक्‍मा आ बर्स निक्‍शी, महिना निक्‍शी ङा ङोंइती ङा नाक्‍त परमप्रभु यावेमी सीनै ङा रागीमी बाक्‍शो ग्रुम्‍तीक ताम्‍बुमी मोसा कली लोव़ पाप्‍तु। प्रस्‍थान ४०:१७
NUM 1:2 मिनु मेकोमी “गे इस्राएली वोंइश मुर आन थर थर नु आन खिं खिं पा नेल्‍ल आन नें ब्रेक्‍चा माल्‍नेवे। उत्‍पत्ती ३५:२३-३६; प्रस्‍थान ३०:१२
NUM 1:3 इस्राएलमी २० बर्स गाप्‍शो नु मेको क्‍येङा लाक्‍शो लडाइम लने चाप्‍ब मुर नेल्‍ल आन कली गे नु हारूनमी लडाइ पचा कली खुप्‍शा वोइक्‍चा माल्‍नीसी।
NUM 1:4 मेको नेल्‍ल आन थर रे मुर का कामी इस कली वारच पचा माल्‍नीम। मेको मुर आन खिं ङा ठेयब मुर बाक्‍चा माल्‍नीम।
NUM 1:5 मिनु सु सुम इन कली वारच पचा माल्‍नीम देंशा हना, रूबेन आ थर रे शेदेउर आ तौ एली-सुर,
NUM 1:6 सिमियोन आ थर रे सुरी-शदै आ तौ शेलुमीएल,
NUM 1:7 यहूदा आ थर रे अम्‍मीनादाब आ तौ नहशोन, प्रस्‍थान ६:२३
NUM 1:8 इस्‍साकार आ थर रे सुआर आ तौ नेथनेल,
NUM 1:9 जबूलून आ थर रे हेलोन आ तौ एलीआब,
NUM 1:10 योसेफ आ तौ एफ्राइम आ थर रे अम्‍मीहुद आ तौ एली-शामा, योसेफ आ तौ मनस्‍से आ थर रे पेदा-सुर आ तौ गमलीएल, १इतिहास ७:२६; उत्‍पत्ती ४८:५
NUM 1:11 बेन्‍यामीन आ थर रे गिदेओनी आ तौ आबी-दान,
NUM 1:12 दान आ थर रे अम्‍मी-शदै आ तौ अही-एजेर,
NUM 1:13 आशेर थर रे ओक्रान आ तौ पगीएल,
NUM 1:14 गाद आ थर रे दूएल आ तौ एली-आसाफ,
NUM 1:15 नाप्‍ताली आ थर रे एनान आ तौ अहीरा बाक्‍नीम” दे परमप्रभु यावेमी मोसा कली देंत।
NUM 1:16 एकोपुकी इस्राएली आन दाते रे योव़शो आन थर ङा ठेयब मुर बाक्‍नीम।
NUM 1:17 मोसा नु हारूनमी योव़शो मुर आन कली ब्रेत्‍ताक्‍स।
NUM 1:18 मिनु मेको निक्‍शीमी महिना निक्‍शी ङा ङोंइती ङा नाक्‍ती इस्राएली नेल्‍ल आन कली पुक्‍ताक्‍स। मिनु मुर नेल्‍लेमी आन थर नु आन खिं देंशा, ब्रेक्‍पाइक्‍तेक्‍म। मिनु २० बर्स गाप्‍शो नु मेको क्‍येङा लाक्‍शो आन नें नेल्‍ल ब्रेक्‍पाइक्‍तेक्‍म।
NUM 1:19 मिनु परमप्रभु यावेमी अरेशो खोदेंशो पा, मोसामी सीनै ङा गोरशो रागीमी मेको आन कली खुप्‍शा वोइक्‍तीमी।
NUM 1:20 इस्राएल आ ङोंइती जरमेशो तौ रूबेन आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:21 मिनु मेको लडाइ पचा कली खुप्‍शो रूबेन आ थर ङा मुर ४६ हजार ५ सहे बाक्‍तेक्‍म।
NUM 1:22 सिमियोन आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:23 मिनु मेको लडाइ पचा कली खुप्‍शो सिमियोन आ थर ङा मुर ५९ हजार सहे सां बाक्‍तेक्‍म।
NUM 1:24 गाद आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:25 मिनु मेको लडाइ पचा कली खुप्‍शो गाद आ थर ङा मुर ४५ हजार ६ सहे ५० बाक्‍तेक्‍म।
NUM 1:26 यहूदा आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:27 मिनु मेको लडाइ पचा कली खुप्‍शो यहूदा आ थर ङा मुर ७४ हजार ६ सहे बाक्‍तेक्‍म।
NUM 1:28 इस्‍साकार आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:29 मिनु मेको लडाइ पचा कली खुप्‍शो इस्‍साकार आ थर ङा मुर ५४ हजार ४ सहे बाक्‍तेक्‍म।
NUM 1:30 जबूलून आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:31 मिनु मेको लडाइ पचा कली खुप्‍शो जबूलून आ थर ङा मुर ५७ हजार ४ सहे बाक्‍तेक्‍म।
NUM 1:32 योसेफ आ तौ एफ्राइम आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:33 मिनु मेको लडाइ पचा कली खुप्‍शो योसेफ आ तौ एफ्राइम आ थर ङा मुर ४० हजार ५ सहे बाक्‍तेक्‍म।
NUM 1:34 योसेफ आ तौ मनस्‍से आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:35 मिनु मेको लडाइ पचा कली खुप्‍शो योसेफ आ तौ मनस्‍से आ थर ङा मुर ३२ हजार सहे निक्‍शी बाक्‍तेक्‍म।
NUM 1:36 बेन्‍यामीन आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:37 मिनु मेको लडाइ पचा कली खुप्‍शो बेन्‍यामीन आ थर ङा मुर ३५ हजार ४ सहे बाक्‍तेक्‍म।
NUM 1:38 दान आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:39 मिनु मेको लडाइ पचा कली खुप्‍शो दान आ थर ङा मुर ६२ हजार ७ सहे बाक्‍तेक्‍म।
NUM 1:40 आशेर आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:41 मिनु मेको लडाइ पचा कली खुप्‍शो आशेर आ थर ङा मुर ४१ हजार ५ सहे बाक्‍तेक्‍म।
NUM 1:42 नाप्‍ताली आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।
NUM 1:43 मिनु मेको लडाइ पचा कली खुप्‍शो नाप्‍ताली आ थर ङा मुर ५३ हजार ४ सहे बाक्‍तेक्‍म।
NUM 1:44 मिनु मेको मुर नेल्‍ले लडाइ पचा कली खुप्‍ताक्‍म। मोसा, हारून नु मेको आस कली वारच पाइब इस्राएल आ १२ थर ङा ठेयब मुरपुकीमी मेको आन कली लडाइ पचा कली खुप्‍ताक्‍म। उत्‍पत्ती १७:२०; उत्‍पत्ती २५:१६
NUM 1:45 मिनु गिश मुर २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर बाक्‍शो बाक्‍तेक्‍म देंशा हना, गन्‍ती २:३२; प्रस्‍थान १२:३७
NUM 1:46 मेको नेल्‍ल पा ६ लाख ३ हजार ५ सहे ५० जना बाक्‍तेक्‍म।
NUM 1:47 लेवी आ खिं ङा मुरपुकी चहिं अरु आन खोदेंशो पा महिक्‍सम।
NUM 1:48 मिनु ङोंइती परमप्रभु यावेमी मोसा कली
NUM 1:49 “लेवी आ थर ङा मुर आन कली चहिं लडाइ पचा कली मखुप्‍तीमी। मिनु इस्राएली आन कली खोदेंशो पा महिक्‍मी। गन्‍ती २:२३; गन्‍ती ३:१५-३९
NUM 1:50 तन्‍न गे लेवी आन कली आं कबल पशो सन्‍दोस वोइश्‍शो ताम्‍बु नु आ मारेइ मारेइ थोव़क कोव़चा कली वोइक्‍मी। मेकोपुकीमी ग्रुम्‍तीक ताम्‍बु नु आ मारेइ मारेइ थोव़क कुरचा माल्‍नीम। मेकोपुकीमी मेको कोव़चा माल्‍नीम। मिनु आन ताम्‍बु ग्रुम्‍तीक ताम्‍बु आ एर ओंथ कीचा माल्‍नीम।
NUM 1:51 मिनु ग्रुम्‍तीक ताम्‍बु याक्‍तमेनु, लेवीपुकीम मेको प्राक्‍चा माल्‍नीम। मिनु ग्रुम्‍तीक ताम्‍बु कीङमेनु, मेकोपुकीमी सेल्‍चा माल्‍नीम। आन नेक्‍था जाक्‍ब अरु मुर साइक्‍चा पुंइसीनीम। गन्‍ती ३:१०,३८; गन्‍ती १७:५
NUM 1:52 अरु इस्राएली आन आन हुल आन दातेमी नु आन छेदर आ ख्रुक्‍तीके ङा बाक्‍तीकेम बाक्‍चा माल्‍नीम।
NUM 1:53 लेवी आ मुर चहिं परमप्रभु यावे आ कबल पशो सन्‍दोस वोइश्‍शो ताम्‍बु आ एर ओंथ आन ताम्‍बु कीचा माल्‍नीम। इस्राएलीपुकी ग्रुम्‍तीके ताम्‍बु आ नेक्‍था लचा मदुम्‍नीम। मिनु मेको आन पर्बम परमप्रभु यावे मगाइक्‍ब। मिनु लेवीपुकीमी परमप्रभु यावे आ कबल पशो सन्‍दोस वोइश्‍शो ताम्‍बु खाल पचा माल्‍नीम” दे परमप्रभु यावेमी देंत। गन्‍ती १७:११; गन्‍ती १८:५; २सामुएल २४:१; २इतिहास १९:२; यसैया ५७:१७; यसैया ६४:४-६
NUM 1:54 मिनु इस्राएलीपुकीमी परमप्रभु यावेमी मोसा कली अरेशो खोदेंशो पा नेल्‍ल पाम्‍तेक्‍म।
NUM 2:1 मिनु परमप्रभु यावेमी मोसा नु हारून आस कली
NUM 2:2 “इस्राएलीपुकीम आन थर ङा छेदर बाक्‍तीकेम आन ताम्‍बु कीचा माल्‍नीम। मेकोपुकी ग्रुम्‍तीक ताम्‍बु क्‍येङा ङोन एर ओंथ बाक्‍चा माल्‍नीम।
NUM 2:3 पूर्ब, नां दाप्‍तीक गे यहूदा आ हुल आन बाक्‍तीके बाक्‍ब। मेको आन छेदर आ नेक्‍था आन ताम्‍बु कीचा माल्‍नीम। यहूदा आ थर ङा मुर आन ठेयब मुर अम्‍मीनादाब आ तौ नहशोन बाक्‍त।
NUM 2:4 मेको आन कली खुप्‍शा हिक्‍शोनु ७४ हजार ६ सहे लडाइ पाइब वोंइश मुर बाक्‍नीम।
NUM 2:5 मेको आन नेक्‍था इस्‍साकार आ हुल आन बाक्‍तीके बाक्‍ब। इस्‍साकार आ थर ङा मुर आन ठेयब मुर सुआर आ तौ नेथनेल बाक्‍ब।
NUM 2:6 मेको आन कली खुप्‍शा हिक्‍शोनु ५४ हजार लडाइ पाइब वोंइश मुर बाक्‍नीम।
NUM 2:7 मिनु नोले जबूलून आ थर ङा मुर आन बाक्‍तीके बाक्‍ब। जबूलून आ थर ङा मुर आन ठेयब मुर हेलोन आ तौ एलीआब बाक्‍ब।
NUM 2:8 मेको आन कली खुप्‍शा हिक्‍शोनु ५७ हजार ४ सहे लडाइ पाइब वोंइश मुर बाक्‍नीम।
NUM 2:9 यहूदा आ नेक्‍था खुप्‍शा हिक्‍शो मुर आन हुल नेल्‍ल पा लाख का ८६ हजार ४ सहे लडाइ पाइब वोंइश मुर बाक्‍नीम। मेको नेल्‍ल मुर आन ङोंइती गाक्‍चा माल्‍नीम।
NUM 2:10 मिनु दक्‍खिन गे रूबेन आ हुल आन बाक्‍तीके बाक्‍ब। मेको आन छेदर आ नेक्‍था आन ताम्‍बु कीचा माल्‍नीम। रूबेन आ थर ङा मुर आन ठेयब मुर शेदेउर आ तौ एली-सुर बाक्‍ब।
NUM 2:11 मेको आन कली खुप्‍शा हिक्‍शोनु ४६ हजार ५ सहे लडाइ पाइब वोंइश मुर बाक्‍नीम।
NUM 2:12 मेको आन नेक्‍था सिमियोन आ हुल आन बाक्‍तीके बाक्‍ब। सिमियोन आ थर ङा मुर आन ठेयब मुर सुरी-शदै आ तौ शेलुमीएल बाक्‍ब।
NUM 2:13 मेको आन कली खुप्‍शा हिक्‍शोनु ५९ हजार सहे सां लडाइ पाइब वोंइश मुर बाक्‍नीम।
NUM 2:14 मिनु नोले गाद आ थर ङा मुर आन बाक्‍तीके बाक्‍ब। गाद आ थर ङा मुर आन ठेयब मुर रूएल आ तौ एली-आसाफ बाक्‍ब।
NUM 2:15 मेको आन कली खुप्‍शा हिक्‍शोनु ४५ हजार ६ सहे ५० जना लडाइ पाइब वोंइश मुर बाक्‍नीम।
NUM 2:16 रूबेन आ नेक्‍था खुप्‍शा हिक्‍शो मुर आन हुल नेल्‍ल पा लाख का ५२ हजार ४ सहे ५० जना लडाइ पाइब वोंइश मुर बाक्‍नीम। मेकोपुकी यहूदा आ हुल आन नोले गाक्‍चा माल्‍नीम।
NUM 2:17 मिनु ग्रुम्‍तीक ताम्‍बु नु लेवी आन बाक्‍तीक ताम्‍बु कुरशा गाक्‍चा माल्‍नीम। दोदेंशो पा आन ताम्‍बु कीशो बाक्‍मे, मोदेंशो पा आन छेदर आ नेक्‍था गाक्‍चा माल्‍नीम। गन्‍ती १०:१७,२१
NUM 2:18 पच्‍छिम गे एफ्राइम आ हुल आन बाक्‍तीके बाक्‍ब। मेको आन छेदर आ नेक्‍था आन ताम्‍बु कीचा माल्‍नीम। एफ्राइम आ थर ङा मुर आन ठेयब मुर अम्‍मीहुद आ तौ एली-शामा बाक्‍ब।
NUM 2:19 मेको आन कली खुप्‍शा हिक्‍शोनु ४० हजार ५ सहे लडाइ पाइब वोंइश मुर बाक्‍नीम।
NUM 2:20 मेको आन नेक्‍था मनस्‍से आ हुल आन बाक्‍तीके बाक्‍ब। मनस्‍से आ थर ङा मुर आन ठेयब मुर पेदा-सुर आ तौ गमालीएल बाक्‍ब।
NUM 2:21 मेको आन कली खुप्‍शा हिक्‍शोनु ३२ हजार सहे निक्‍शी लडाइ पाइब वोंइश मुर बाक्‍नीम।
NUM 2:22 मिनु नोले बेन्‍यामीन आ थर ङा मुर आन बाक्‍तीके बाक्‍ब। बेन्‍यामीन आ थर ङा मुर आन ठेयब मुर गिदेओनी आ तौ आबी-दान बाक्‍ब।
NUM 2:23 मिनु मेको आन कली खुप्‍शा हिक्‍शोनु ३५ हजार ४ सहे लडाइ पाइब वोंइश मुर बाक्‍नीम।
NUM 2:24 एफ्राइम आ नेक्‍था खुप्‍शा हिक्‍शो मुर आन हुल नेल्‍ल पा लाख का ८ हजार सहे का लडाइ पाइब वोंइश मुर बाक्‍नीम। मेकोपुकी लेवी आन नोले गाक्‍चा माल्‍नीम।
NUM 2:25 उत्तर गे दान आ हुल आन बाक्‍तीके बाक्‍ब। मेको आन छेदर आ नेक्‍था आन ताम्‍बु कीचा माल्‍नीम। दान आ थर ङा मुर आन ठेयब मुर अम्‍मी-शदै आ तौ अही-एजेर बाक्‍ब।
NUM 2:26 मेको आन कली खुप्‍शा हिक्‍शोनु ६३ हजार ७ सहे लडाइ पाइब वोंइश मुर बाक्‍नीम।
NUM 2:27 मेको आन नेक्‍था आशेर आ हुल आन बाक्‍तीके बाक्‍ब। आशेर आ थर ङा मुर आन ठेयब मुर ओक्रान आ तौ पगीएल बाक्‍ब।
NUM 2:28 मेको आन कली खुप्‍शा हिक्‍शोनु ४१ हजार ५ सहे लडाइ पाइब वोंइश मुर बाक्‍नीम।
NUM 2:29 मिनु नोले नाप्‍ताली आ थर ङा मुर आन बाक्‍तीके बाक्‍ब। नाप्‍ताली आ थर ङा मुर आन ठेयब मुर एनान आ तौ अहीरा बाक्‍ब।
NUM 2:30 मेको आन कली खुप्‍शा हिक्‍शोनु ५३ हजार ४ सहे लडाइ पाइब वोंइश मुर बाक्‍नीम।
NUM 2:31 दान आ नेक्‍था खुप्‍शा हिक्‍शो मुर आन हुल नेल्‍ल पा लाख का ५७ हजार ६ सहे लडाइ पाइब वोंइश मुर बाक्‍नीम। मेकोपुकी मुर नेल्‍ल आन क्‍येङा नोले गाक्‍चा माल्‍नीम।
NUM 2:32 एको इस्राएली आन थर थर ङा लडाइ पने चाप्‍ब खुप्‍शा हिक्‍शो मुर बाक्‍नीम। आन हुल हुल ङा मुर नेल्‍ल पा ६ लाख हजार सां ५ सहे ५० जना लडाइ पाइब वोंइश मुर बाक्‍नीम” देंत गन्‍ती १:४६
NUM 2:33 मिनु परमप्रभु यावेमी मोसा कली अरेशो खोदेंशो पा लेवी आ थर ङा मुर अरु इस्राएलीपुकी खोदेंशो पा मखुप्‍शो महिक्‍शो बाक्‍तेक्‍म। गन्‍ती १:४८-४९
NUM 2:34 इस्राएलीपुकीमी परमप्रभु यावेमी मोसा कली अरेशो खोदेंशो पा पाम्‍तेक्‍म। आन थर ङा बाक्‍तीकेमी आन छेदर आ नेक्‍था बाक्‍शा, आन थर थर पा गाक्‍तेक्‍म।
NUM 3:1 परमप्रभु यावेमी मोसा नु सीनै डांडाम लोव़ पची ना मोसा नु हारून आस खिं ङा मुर सु सु बाक्‍तेक्‍म देंशा हना, प्रस्‍थान ६:२३
NUM 3:2 हारून आ तौ आन नें, आ ङोंइती जरमेशो तौ नादाब नु अबीहु, एलाजर नु इथामार बाक्‍तेक्‍म।
NUM 3:3 मेको नेल्‍ल तेल लुक्‍शो चढ़ेब बाक्‍तेक्‍म। हारूनमी मेको आन कली चढ़ेतीक गेय पचा, दे तेल लुक्‍ताक्‍व। प्रस्‍थान ४०:१५
NUM 3:4 नादाब नु अबीहु सीनै ङा गोरशो रागीम बेक्‍ताक्‍स। मारदे हना, मेको निक्‍शीमी परमप्रभु यावेमी मदुम्‍ब देंशो अर्को मी धूप चोतीकेम कुर पा, परमप्रभु यावे आ ङोंइती चढ़ेम्‍ताक्‍स। मिनु परमप्रभु यावे आ ङोंइती बेक्‍ताक्‍स। मिनु मेको आस के आल मबाक्‍म। मोपतीके आ तौ एलाजर नु इथामार निक्‍शीमी ला आस आफ आ ङोंइती चढ़ेतीक गेय पाम्‍ताक्‍स। लेवी १०:१-२
NUM 3:5 परमप्रभु यावेमी मोसा कली
NUM 3:6 “लेवी आ थर ङा मुर आन कली ब्रेश्‍शा, मेको आन कली चढ़ेब हारून आ ङोंइती राप्‍पाइक्‍मी। मिनु मेकोपुकीमी मेको कली वारच पचा माल्‍नीम। प्रस्‍थान ३२:२९
NUM 3:7 मिनु मेकोपुकीमी हारून कली वारच पा इस्राएली नेल्‍ल आन पर्बम ग्रुम्‍तीक ताम्‍बु आ ङोंइती गेय पचा माल्‍नीम। गन्‍ती १८:३; गन्‍ती १६:९
NUM 3:8 मेकोपुकीमी ग्रुम्‍तीक ताम्‍बु ङा मारेइ मारेइ कोव़चा माल्‍नीम। मिनु मेकोपुकीमी ग्रुम्‍तीक ताम्‍बु ङा इस्राएली आन पचा माल्‍शो गेय पचा माल्‍नीम। गन्‍ती ४:-
NUM 3:9 गे मेको लेवी आ मुर आन कली हारून नु आ तौ आन कली गेचा माल्‍नेवे। मेको इस्राएली आन दाते रे योव़शा हारून कली गेशो बाक्‍नीम।
NUM 3:10 मिनु गे हारून नु आ तौ आस कली चढ़ेबम पचा माल्‍शो गेय पपाइक्‍मी। मेकोपुकी ङा लाक्‍शा अर्को सुइ मुरुम मो पाम्‍तेक्‍म हना, मेको आन कली साइक्‍चा माल्‍नीम” देंत। गन्‍ती १:१५
NUM 3:11 मिनु लेंशा परमप्रभु यावेमी मोसा कली
NUM 3:12 “गो इस्राएली आन ङोंइती जरमेशो तौ आन पा ङा लेवी आ थर ङा मुर आन कली इस्राएली आन दाते रे योव़तामी। मोपतीके लेवी आ मुर आं केन बाक्‍नीम। गन्‍ती ८:१६; प्रस्‍थान १३:२
NUM 3:13 ङोंइती जरमेशो नेल्‍ल आं के बाक्‍नीम। इजीप्‍तमी ङोंइती जरमेशो नेल्‍ल सदुमी नाक्‍ती, गो इस्राएली आन ङोंइती जरमेशो आं कली वोंइसाक्‍यी। मिनु गो मुर नु बी ब्‍यफ, क्‍यारश भेडा नेल्‍ल आं कली वोंइसाक्‍यी। मेको आं के बाक्‍नीम। गो परमप्रभु यावे नङ” देंत।
NUM 3:14 मिनु परमप्रभु यावेमी सीनै ङा गोरशो रागीमी मोसा कली
NUM 3:15 “गे लेवी आ थर ङा मुर आन कली आन खिं खिं पा हिक्‍मी। महिना का गाप्‍शो नु मेको क्‍येङा लाक्‍शो वोंइश मुर नेल्‍ल आन कली हिक्‍मी” देंत।
NUM 3:16 मिनु मोसामी परमप्रभु यावेमी अरेशो खोदेंशो पा मेको आन कली हिक्‍तीमी।
NUM 3:17 मिनु लेवी आ तौ सु सु बाक्‍तेक्‍म देंशा हना, गेरशोन, कोहाथ नु मेरारी बाक्‍तेक्‍म। प्रस्‍थान ६:१६-१९; गन्‍ती २६:५७-६४
NUM 3:18 गेरशोन आ तौ लिब्‍नी नु आ खिं ङा मुर नु शिमेइ नु आ खिं ङा मुर बाक्‍तेक्‍म।
NUM 3:19 कोहाथ आ तौ अम्राम नु आ खिं ङा मुर नु इच्‍हार नु आ खिं ङा मुर, हेब्रोन नु आ खिं ङा मुर नु उज्‍जीएल नु आ खिं ङा मुर बाक्‍तेक्‍म।
NUM 3:20 मेरारी आ तौ माहली नु आ खिं ङा मुर नु मुशी नु आ खिं ङा मुर बाक्‍तेक्‍म। एको लेवी आ थर ङा मुर आन खिं खिं ङा मुर बाक्‍तेक्‍म।
NUM 3:21 गेरशोन रे पा लिब्‍नी नु शिमेइ आस खिं खिं ङा मुर दुम्‍तेक्‍म। मेकोन गेरशोन आ खिं खिं ङा मुर बाक्‍नीम।
NUM 3:22 मेकोपुकी महिना का गाप्‍शो नु मेको क्‍येङा लाक्‍शो वोंइश मुर हिक्‍शोनु ७ हजार ५ सहे बाक्‍तेक्‍म।
NUM 3:23 गेरशोन आ खिं ङा मुर आन बाक्‍तीके ग्रुम्‍तीक ताम्‍बु आ नोले, पच्‍छिम गे दुम्‍चा माल्‍ब।
NUM 3:24 गेरशोनी आन खिं ङा ठेयब मुर, लाएल आ तौ एली-आसाफ बाक्‍त।
NUM 3:25 गेरशोन आ मुरपुकीमी ग्रुम्‍तीक ताम्‍बु कली सुम्‍तीके, ग्रुम्‍तीक ताम्‍बु आ आगा ओव़तीक ङा फारशो वा,
NUM 3:26 लाङगा ङा फारशो वा, ताम्‍बु नु चढ़ेतीक आ एर ओंथ ङा लाङगा आ आगा ओव़तीक ङा फारशो वा नु ताम्‍बु ङा डोरीपुकी कोव़चा माल्‍बाक्‍तेक्‍म।
NUM 3:27 कोहाथ रे पा अम्राम आ खिं ङा मुर, इच्‍हार आ खिं ङा मुर, हेब्रोन आ खिं ङा मुर नु उज्‍जीएल आ खिं ङा मुरपुकी दुम्‍तेक्‍म। मेको कोहाथ आ खिं खिं ङा मुर बाक्‍नीम।
NUM 3:28 मेकोपुकी महिना का गाप्‍शो नु मेको क्‍येङा लाक्‍शो वोंइश मुर हिक्‍शोनु ८ हजार ६ सहे बाक्‍तेक्‍म। मिनु मेकोपुकी ग्रुम्‍तीक ताम्‍बु ङा गेय पाइब आन कली वारच पाइब बाक्‍तेक्‍म।
NUM 3:29 कोहाथ आ खिं ङा मुर आन बाक्‍तीके ग्रुम्‍तीक ताम्‍बु आ दक्‍खिन गे दुम्‍चा माल्‍ब।
NUM 3:30 कोहाथी आन खिं ङा ठेयब मुर उज्‍जीएल आ तौ, एली-जाफान बाक्‍ब। लेवी १०:४
NUM 3:31 कोहाथीपुकीमी कबल पशो सन्‍दोस, शोब्‍ले वोइक्‍तीक टेबल, बत्ती दातीके, चढ़ेतीक निक्‍शी नु चढ़ेब आन माल्‍शो मारेइ मारेइ नु नेल्‍ल क्‍येङा चोव़खो कोठा ङा फारशो वा कोव़चा माल्‍बाक्‍तेक्‍म। गन्‍ती ७:९
NUM 3:32 मिनु चढ़ेब हारून आ तौ एलाजर चहिं लेवी आन थर ङा ठेयब मुर आन नेल्‍ल क्‍येङा ठेयब मुर बाक्‍त। मिनु मेको ग्रुम्‍तीक ताम्‍बु ङा गेय पाइब नेल्‍ल आन कली कोव़ब मुर बाक्‍त।
NUM 3:33 मेरारी रे पा माहली आ खिं ङा मुर नु मुशी आ खिं ङा मुर बाक्‍तेक्‍म। एको मेरारी आ खिं खिं ङा मुर बाक्‍नीम।
NUM 3:34 मेकोपुकी महिना का गाप्‍शो नु मेको क्‍येङा लाक्‍शो वोंइश मुर नेल्‍ल हिक्‍शोनु ६ हजार सहे निक्‍शी बाक्‍तेक्‍म।
NUM 3:35 मेरारी आ खिं ङा ठेयब मुर अबीहेल आ तौ सुरीएल बाक्‍ब। मेरारी आ खिं ङा मुर आन बाक्‍तीके ग्रुम्‍तीक ताम्‍बु आ उत्तर गे दुम्‍चा माल्‍ब।
NUM 3:36 मेरारी आ तौपुकीमी ग्रुम्‍तीक ताम्‍बु ङा फलेकपुकी, थामपुकी नु आन राप्‍पाइक्‍तीकपुकी नु आन मारेइ मारेइ कोव़चा माल्‍नीम।
NUM 3:37 मेकोपुकीमी लाङगा एर ओंथ ङा थामपुकी नु आन राप्‍पाइक्‍तीकपुकी, किलापुकी नु डोरीपुकी कोव़चा माल्‍नीम।
NUM 3:38 मोसा, हारून नु आस तौ आन बाक्‍तीके ग्रुम्‍तीक ताम्‍बु आ ङोंइती पूर्ब गे, नां दाप्‍तीके गे दुम्‍चा माल्‍बाक्‍त। मेकोपुकीमी ग्रुम्‍तीक ताम्‍बुम इस्राएली आन पर्बम मार मार पचा माल्‍शो बाक्‍मे, मेको पचा माल्‍बाक्‍तेक्‍म। मेकोपुकी ङा लाक्‍शा अर्को सुइ मुरुम मो पाम्‍तेक्‍म हना, मेको आन कली साइक्‍चा माल्‍नीम।
NUM 3:39 मोसा नु हारूनमी परमप्रभु यावे आ देंशो खोदेंशो पा हिक्‍शो लेवी आ थर ङा खिं खिं ङा मुर महिना का गाप्‍शो नु मेको क्‍येङा लाक्‍शो नेल्‍ल २२ हजार जना बाक्‍तेक्‍म।
NUM 3:40 मिनु परमप्रभु यावेमी मोसा कली “महिना का गाप्‍शो नु मेको क्‍येङा लाक्‍शो इस्राएली आन ङोंइती जरमेशो तौ नेल्‍ल आन कली हिक्‍शा आन नें ब्रेक्‍तो।
NUM 3:41 मिनु गे इस्राएली आन ङोंइती जरमेशो तौ आन पा ङा लेवी आ मुर आन कली आं के सेल्‍मी। मोपा इस्राएली आन ङोंइती जरमेशो बी ब्‍यफ क्‍यारश भेडा आन पा ङा लेवी आन बी ब्‍यफ क्‍यारश भेडा आं के सेल्‍मी। गो परमप्रभु यावे नङ” देंत। गन्‍ती १८:१५
NUM 3:42 मिनु मोसामी परमप्रभु यावेमी अरेशो खोदेंशो पा इस्राएली आन ङोंइती जरमेशो तौ आन कली हिक्‍तीमी।
NUM 3:43 मिनु मेकोपुकी महिना का गाप्‍शो नु मेको क्‍येङा लाक्‍शो ङोंइती जरमेशो आन नें ब्रेक्‍शा, हिक्‍शोनु नेल्‍ल २२ हजार सहे निक्‍शी ७३ जना बाक्‍तेक्‍म।
NUM 3:44 मिनु लेंशा परमप्रभु यावेमी मोसा कली
NUM 3:45 “इस्राएली आन ङोंइती जरमेशो तौ आन पा ङा लेवी आ मुर आं के सेल्‍मी। मिनु मेको आन बी ब्‍यफ, क्‍यारश भेडा आन पा ङा लेवी आ मुर आन बी ब्‍यफ, क्‍यारश भेडा आं के सेल्‍मी। लेवी आ मुर आं के बाक्‍नीम। गो परमप्रभु यावे नङ।
NUM 3:46 मिनु लेवी आन क्‍येङा शुश दुम्‍शो इस्राएली आन ङोंइती जरमेशो तौ सहे निक्‍शी ७३ जना बाक्‍तेक्‍म। मेको आन कली प्रोंइचा माल्‍बाक्‍त।
NUM 3:47 मेको आन कली प्रोंइचा कली का के ५ शेकेल ताक्‍को। ग्रुम्‍तीक ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ग्रुम्‍तीके ताम्‍बु ङा शेकेल १२ ग्राम बाक्‍ब।
NUM 3:48 मिनु गे इस्राएली आन कली प्रोंइचा कली गेशो शेकेल हारून नु आ तौ आन कली गेचा माल्‍नेवे” देंत। शेकेल इस्राएली आन क्‍येट बाक्‍ब। बजार ङा शेकेल ११.५ ग्राम बाक्‍ब। ताम्‍बु कली गेतीक शेकेल चहिं १२ ग्राम बाक्‍ब। मेको सुन के नु चांदी के शेकेल बाक्‍नीम।
NUM 3:49 मिनु मोसामी लेवी आन क्‍येङा शुश दुम्‍शो, प्रोंइचा माल्‍शो मुर रे प्रोंइतीक क्‍येट ताक्‍तु।
NUM 3:50 मिनु मेकोमी इस्राएली आन ङोंइती जरमेशो तौ रे प्रोंइतीक क्‍येट ताक्‍शा, मेको हजार का सहे सां ६५ ताम्‍बु ङा शेकेल बाक्‍तेक्‍म।
NUM 3:51 मिनु मोसामी परमप्रभु यावेमी अरेशो खोदेंशो पा, मेको प्रोंइतीक क्‍येट हारून नु आ तौ आन कली गेम्‍तीमी।
NUM 4:1 परमप्रभु यावेमी मोसा नु हारून आस कली
NUM 4:2 “लेवी आ मुर आन दाते ङा कोहाथी आन कली आन खिं खिं ङा मुर पा हिक्‍कीस।
NUM 4:3 गे ३० बर्स रे ५० बर्स सम्‍म ङा वोंइश मुर आन कली हिक्‍कीस। मेकोपुकी ला ग्रुम्‍तीक ताम्‍बु ङा गेय पने चाप्‍नीम। गन्‍ती ८:२४-२५; १इतिहास २३:२४
NUM 4:4 मेको कोहाथी आन पचा माल्‍शो गेय ग्रुम्‍तीक ताम्‍बु ङा नेल्‍ल क्‍येङा चोव़खो थोव़क नु बाक्‍ब।
NUM 4:5 मिनु ग्रुम्‍तीक ताम्‍बु याक्‍तमेनु, हारून नु आ तौ ग्रुम्‍तीक ताम्‍बु ओव़शा, फारशो वा शोल्‍शा, मेको वामी कबल पशो सन्‍दोस सुम्‍चा माल्‍नीम।
NUM 4:6 मिनु नोले मेकोपुकीमी मेको आ तार रिम्‍शो कोक्‍तेमी सुम्‍चा माल्‍नीम। मेको आ तारी नीलो रङ ङा वामी सुम्‍चा माल्‍नीम। मिनु मेको आ कुरतीक कोक्‍के शुइक्‍चा माल्‍नीम।
NUM 4:7 मिनु मेकोपुकीमी कोंइतीक शोब्‍ले वोइक्‍तीक टेबल तार नीलो वा का ब्रशा, मेको आ तारी थालपुकी, थनौरोपुकी, बोसपुकी नु तूचा थोव़क चढ़ेचा कली कचौरा वोइक्‍चा माल्‍नीम। मिनु नाक्‍त किंत किंत ङा कोंइतीक शोब्‍ले यो मेको तार बाक्‍चा माल्‍ब।
NUM 4:8 मिनु नोले मेको आ तार लल रङ ङा वा ब्रशा, मेको आ तार रिम्‍शो कोक्‍तेम सुम्‍चा माल्‍नीम। मिनु मेको आ कुरतीक कोक्‍के शुइक्‍चा माल्‍नीम।
NUM 4:9 मेकोपुकीमी बत्ती दातीके नीलो वाम सुम्‍चा माल्‍नीम। मेको आ बत्ती, आ थनारो, आ थाल नु तेल वोइक्‍तीके नेल्‍ल सुम्‍चा माल्‍नीम। प्रस्‍थान २५:३१
NUM 4:10 मिनु मेको नेल्‍ल कली रिम्‍शो कोक्‍तेमी वोइश्‍शा, कुरतीक तारी वोइक्‍चा माल्‍नीम।
NUM 4:11 मेकोपुकीमी सुन के चढ़ेतीक तारी नीलो वा ब्रशा, रिम्‍शो कोक्‍तेम सुम्‍चा माल्‍नीम। मिनु मेको आ कुरतीक कोक्‍के शुइक्‍चा माल्‍नीम। प्रस्‍थान ४०:२६-२७
NUM 4:12 मिनु ग्रुम्‍तीक ताम्‍बुम माल्‍शो मारेइ मारेइ खुप्‍शा, नीलो वाम कुम्‍लो पचा माल्‍नीम। मिनु मेको कली रिम्‍शो कोक्‍तेम सुम्‍चा माल्‍नीम। मिनु कुरतीक तारी वोइक्‍चा माल्‍नीम।
NUM 4:13 मेकोपुकीमी चढ़ेतीक रे पुलु शोल्‍शा, मेको आ तार प्‍याजी रङ ङा वा ब्रचा माल्‍नीम।
NUM 4:14 मिनु मेकोपुकीमी चढ़ेतीकेम माल्‍शो मारेइ मारेइ थोव़की मेको आ तारी वोइक्‍चा माल्‍नीम। मी वोइक्‍तीके, श्‍ये ग्रुंइतीके, बेल्‍चापुकी, ब्‍वाक्‍कु वोइक्‍तीक ग्‍योंबपुकी नु चढ़ेतीक ङा मारेइ मारेइ वोइश्‍शा, मेको तार रिम्‍शो कोक्‍तेम सुम्‍चा माल्‍नीम। मेको आ कुरतीक कोक्‍के शुइक्‍चा माल्‍नीम।
NUM 4:15 मिनु हारून नु आ तौपुकीमी मेको ग्रुम्‍तीक ताम्‍बु ङा मारेइ मारेइ सुम्‍ने थुम्‍मे नोले कोहाथीपुकी मेको कुरथ जाक्‍चा माल्‍नीम। तन्‍न मेकोपुकीमी परमप्रभु यावे आ मार मार थोव़क थिचा मदुम्‍नीम। मेकोपुकीम थिम्‍तेक्‍म हना, बेक्‍नीम। कोहाथीपुकीमी ग्रुम्‍तीक ताम्‍बु ङा कुरचा माल्‍शो थोव़क मेकोन बाक्‍नीम। गन्‍ती ७:९; २सामुएल ६:६-७
NUM 4:16 चढ़ेब हारून आ तौ एलाजर बत्ती दाशो तेल, ब्रोव़शो रिना पाइक्‍ब धूप, नाक्‍त किंत किंत ङा चढ़ेतीक अन्‍न नु लुक्‍तीक तेल कली कोव़ब बाक्‍ब। मेको ग्रुम्‍तीक ताम्‍बु नु मेकेर ङा मारेइ मारेइ कोव़ब बाक्‍ब” देंत।
NUM 4:17 मिनु नोले परमप्रभु यावेमी मोसा नु हारून आस कली
NUM 4:18 “गे लेवी आन दाते ङा कोहाथी आन खिं खिं ङा मुर आन कली खतम दुम्‍चा मगेस।
NUM 4:19 गे, कोहाथी मबेक्‍थु, ब्रोंइमल दे नेल्‍ल क्‍येङा चोव़खो थोव़क आ नेक्‍था जाक्‍मानु, मार पचा माल्‍नीनी देंशा हना, हारून नु आ तौपुकी आगा ओव़शा, मेको आन कली आन आन गेय नु मार मार कुरचा माल्‍नीनी, मेको योक्‍शा गेचा माल्‍नीमी।
NUM 4:20 तन्‍न कोहाथीपुकीम मेको नेल्‍ल क्‍येङा चोव़खो थोव़क आन कली कोव़चा मदुम्‍ब। कोव़तेक्‍म हना, बेक्‍नीम” देंत। १सामुएल ६:१९
NUM 4:21 मिनु परमप्रभु यावेमी मोसा कली
NUM 4:22 “गेरशोनी आन कली यो आन खिं खिं पा हिक्‍मी।
NUM 4:23 गे ३० बर्स रे ५० बर्स सम्‍म ङा वोंइश मुर आन कली हिक्‍को। मेकोपुकी ला ग्रुम्‍तीक ताम्‍बु ङा गेय पने चाप्‍नीम।
NUM 4:24 मिनु गेरशोन आ मुर आन पतीके मार बाक्‍त देंशा हना, गेय पचा नु मार मार कुरचा माल्‍नीम।
NUM 4:25 ग्रुम्‍तीक ताम्‍बु ङा फारशो वा, ग्रुम्‍तीक ताम्‍बु आ सुम्‍तीके नु मेको तार बाक्‍शो रिम्‍शो कोक्‍ते नु ग्रुम्‍तीक ताम्‍बु आ ओव़तीक ङा फारशो वा कुरचा माल्‍नीम।
NUM 4:26 मिनु लाङगा ङा एर ओंथ फारशो वा, ओव़तीक ङा फारशो वा, ग्रुम्‍तीक ताम्‍बु नु चढ़ेतीक आ एर ओंथ ङा वा नु आ डोरी नु मेको आ गेय कली माल्‍शो नेल्‍ल पचा माल्‍नीम।
NUM 4:27 गेरशोन आ मुरपुकीमी हारून नु आ तौपुकीमी अरेशो खोदेंशो पा ला आन कुरतीक नु अरु गेय पने चाप्‍नीम। हारून नु आ तौपुकीमी मेको आन कुरचा माल्‍शो नु पतीक गेय नेल्‍ल अरेचा माल्‍नीम। प्रस्‍थान ३८:२१
NUM 4:28 मिनु गेरशोनीमी ग्रुम्‍तीक ताम्‍बुम पचा माल्‍शो गेय एकोन बाक्‍ब। मिनु हारून आ तौ इथामार मेको आन कली अरेब बाक्‍ब।
NUM 4:29 गे मेरारी आ मुर आन कली आन खिं खिं ङा मुर पा हिक्‍शा, ब्रेक्‍तो।
NUM 4:30 गे ३० बर्स रे ५० बर्स सम्‍म ङा वोंइश मुर आन कली हिक्‍को। मेकोपुकी ला ग्रुम्‍तीक ताम्‍बु ङा गेय पने चाप्‍नीम।
NUM 4:31 मिनु मेकोपुकीमी ग्रुम्‍तीक ताम्‍बु ङा मार कुरचा माल्‍नीम देंशा हना, ग्रुम्‍तीक ताम्‍बु ङा फलेकपुकी, मेको आन ग्‍याइक्‍तीक कोक्‍केपुकी, थामपुकी नु राप्‍पाइक्‍तीकपुकी कुरचा माल्‍नीम।
NUM 4:32 मिनु लाङगा ङा थाम नेल्‍ले, आन राप्‍पाइक्‍तीकपुकी, किलापुकी, डोरीपुकी नु मार मार अरु बाक्‍मा मेको कोव़चा नु कुरचा माल्‍नीम।
NUM 4:33 मेको मेरारी आ मुरपुकीम आन ग्रुम्‍तीक ताम्‍बु कली पचा माल्‍शो गेय बाक्‍ब। मिनु चढ़ेब हारून आ तौ इथामार मेको आन कली अरेब बाक्‍ब” देंत।
NUM 4:34 मोसा, हारून नु थर थर ङा मुर आन ठेयब मुरपुकीमी कोहाथी आन खिं खिं ङा मुर आन कली हिक्‍शा ब्रेक्‍ताक्‍म।
NUM 4:35 मिनु ३० बर्स रे ५० बर्स सम्‍म ङा मुर ला ग्रुम्‍तीक ताम्‍बुमी गेय पने चाप्‍बाक्‍तेक्‍म।
NUM 4:36 मिनु मेको आन खिं खिं ङा मुर हिक्‍शोनु, हजार निक्‍शी ७ सहे ५० जना बाक्‍तेक्‍म।
NUM 4:37 मेको ग्रुम्‍तीक ताम्‍बु ङा गेय पाइब कोहाथीपुकी बाक्‍नीम। मिनु मोसा नु हारूनमी परमप्रभु यावेमी अरेशो खोदेंशो पा मेको आन कली हिक्‍शा ब्रेक्‍शो बाक्‍ताक्‍स।
NUM 4:38 मिनु गेरशोनी आन खिं खिं ङा मुर आन कली हिक्‍शा ब्रेक्‍ताक्म।
NUM 4:39 मिनु ३० बर्स रे ५० बर्स सम्‍म ङा मुर ला ग्रुम्‍तीक ताम्‍बुमी गेय पने चाप्‍बाक्‍तेक्‍म।
NUM 4:40 मिनु मेको आन खिं खिं ङा मुर हिक्‍शोनु, हजार निक्‍शी ६ सहे ३० जना बाक्‍तेक्‍म।
NUM 4:41 मेको ग्रुम्‍तीक ताम्‍बु ङा गेय पाइब गेरशोनी बाक्‍नीम। मिनु मोसा नु हारूनमी परमप्रभु यावेमी अरेशो खोदेंशो पा मेको आन कली हिक्‍शा ब्रेक्‍‍ताक्‍स।
NUM 4:42 मिनु मेरारी आ मुर आन खिं खिं ङा मुर आन कली हिक्‍तेक्‍म।
NUM 4:43 मेको ३० बर्स रे ५० बर्स सम्‍म ङा मुर ला ग्रुम्‍तीक ताम्‍बुमी गेय पने चाप्‍बाक्‍तेक्‍म।
NUM 4:44 मिनु मेको आन खिं खिं ङा मुर हिक्‍शोनु, हजार सां सहे निक्‍शी बाक्‍तेक्‍म।
NUM 4:45 मेको ग्रुम्‍तीक ताम्‍बु ङा गेय पाइब मेरारी आ मुर बाक्‍नीम। मिनु मोसा नु हारूनमी परमप्रभु यावेमी अरेशो खोदेंशो पा मेको आन कली हिक्‍शा ब्रेक्‍‍ताक्‍स।
NUM 4:46 मिनु मोसा, हारून नु इस्राएल आ थर ङा मुर आन ठेयब मुरपुकीमी लेवी आ मुर नेल्‍ल आन खिं खिं ङा मुर हिक्‍शा ब्रेक्‍ताक्‍म।
NUM 4:47 मिनु ३० बर्स रे ५० बर्स सम्‍म ङा मुर ला ग्रुम्‍तीक ताम्‍बुमी गेय पने नु मार मार कुरने चाप्‍बाक्‍तेक्‍म।
NUM 4:48 मिनु मेको आन खिं खिं ङा मुर हिक्‍शोनु ८ हजार ५ सहे ८० जना बाक्‍तेक्‍म।
NUM 4:49 मिनु परमप्रभु यावेमी अरेशो खोदेंशो पा मोसामी मेको आन कली हिक्‍शा, मार गेय पचा माल्‍नीमी, मार कुरचा माल्‍नीमी, मेको अरेम्‍तीमी। मिनु परमप्रभु यावेमी मोसा कली अरेशो खोदेंशो पा मेको आन कली हिक्‍शो बाक्‍त।
NUM 5:1 परमप्रभु यावेमी मोसा कली
NUM 5:2 “गे इस्राएली आन कली गेपुकीमी कोव़र खोदेंशो रोइ पाइब, आन रां रे ग्रांग्रा दिशो यिशो नु बेक्‍शो मुर थिशा ग्रांग्रा दुम्‍शो मुर आन कली इन बाक्‍तीक क्‍येङा ङोन वोइक्‍चा माल्‍नीनी। लेवी १३:४६; लेवी १५:२; गन्‍ती ९:६-७
NUM 5:3 मोदेंशो वोंइश मुर नु मीश मुर नेल्‍ल आन कली मुर आन बाक्‍तीके क्‍येङा ङोन वोइक्‍चा माल्‍नीनी। मेकोपुकीमी मुर आन बाक्‍तीके ग्रांग्रा दिशो सेल्‍चा मदुम्‍नीम। मारदे हना गो इन दातेमी बाक्‍शो बाक्‍नुङ” देंत। गन्‍ती १२:१४-१५; प्रस्‍थान २५:८
NUM 5:4 मिनु इस्राएलीपुकीमी मो पाम्‍तेक्‍म। मोदेंशो मुर आन कली मुर आन बाक्‍तीके क्‍येङा ङोन वोइक्‍तेक्‍म। परमप्रभु यावेमी मोसा कली अरेशो खोदेंशो पा इस्राएलीपुकीमी पाम्‍तेक्‍म।
NUM 5:5 मिनु लेंशा परमप्रभु यावेमी मोसा कली
NUM 5:6 “गे इस्राएली आन कली ‘मीश मुर, वोंइश मुर सु बाक्‍त हना यो, परमप्रभु यावे आ ङोंइती पाप पा अरु मुर आन कली मारेइ मरिम्‍शो पाप्‍तु हना, मेको मुर दोस ताइब दुम्‍ब। लेवी ५:२१-२६
NUM 5:7 मिनु मेकोमी आ मरिम्‍शो पशो शोव़चा माल्‍ब। मिनु मेको मुरुमी आ खुइ पशो नेल्‍ल लेश्‍शा गेशा, मेको क्‍येङा यो ५ भाग तेम्‍शा गेचा माल्‍ब।
NUM 5:8 तन्‍न मेको खुइ पचा पुंइसीशो मुर बेक्‍शा, मेको के सुइ मबाक्‍तेक्‍म हना, मेको पाप आ पर्बम थाप्‍शो परमप्रभु यावे के दुम्‍शा, चढ़ेब आन के दुम्‍ब। मिनु आ पाप क्‍याम्‍तीक गेय पचा कली सांड का गेचा माल्‍ब।
NUM 5:9 मिनु इस्राएलीपुकीमी आन परमप्रभु यावे कली गेशो क्‍युक्‍शा चढ़ेतीक नेल्‍ले चढ़ेब कली गेचा माल्‍नीम। मिनु मेको चढ़ेब केन दुम्‍ब। गन्‍ती १८:८
NUM 5:10 मिनु मुर नेल्‍ल आन परमप्रभु यावे कली गेशो, मेको केन दुम्‍ब। मार गेम्‍तेक्‍म हना यो, मेको चढ़ेब केन दुम्‍ब’ दे अरेमी” देंत।
NUM 5:11 मिनु परमप्रभु यावेमी मोसा कली
NUM 5:12 “गे इस्राएली आन कली ‘सुइ आन मीश हेंथे गाक्‍शा, आ वोंइश कली मरिम्‍शो पाप्‍तु हना,
NUM 5:13 अरु वोंइश मुर नु इप्‍त हना, मेको आ वोंइश रे ख्रुइश्‍शो बाक्‍त हना, मेकोमी सुइम मतुइक्‍थु, ग्रांग्रा दिशो सेल्‍सीशो बाक्‍त हना यो, मेको सुइम थित्‍चा मपुंइसीशो बाक्‍त हना यो,
NUM 5:14 मेको वोंइश मुरुमी आ ग्रांग्रा दिशो सेल्‍सीशो मीश आ पर्बम रुश पा, आ थुंम मरिम्‍शो मिम्‍शो बाक्‍त हना, मेको आ मीश आंम कली ग्रांग्रा दिशो मसेल्‍सीशो बाक्‍त हना यो,
NUM 5:15 मेको वोंइश मुरुमी आ मीश कली चढ़ेब आ बाक्‍तीके चाक्‍चा माल्‍ब। मिनु मेको आ मीश आ पर्बम एफाह का ङा १० भाग ङा भाग का क्‍योव़ज फस चाक्‍चा माल्‍ब। मेको आ तारी तेल लुक्‍चा नु धूप वोइक्‍चा मदुम्‍ब। मारदे हना मेको रुश पशो आ पर्बम अन्‍न चढ़ेतीक बाक्‍ब। मेको अन्‍न चढ़ेतीक मरिम्‍शो पशो मिम्‍चा कली बाक्‍ब। एफाह का २२ लिटर ङा पुक्‍तीक बाक्‍ब।
NUM 5:16 मिनु चढ़ेबमी मेको मीश मुर कली आ नेक्‍था चाक्‍शा, परमप्रभु यावे आ ङोंइती राप्‍पाइक्‍चा माल्‍ब।
NUM 5:17 मिनु चढ़ेबमी खप के ग्‍योंबुम नक ब्‍वाक्‍कु चाक्‍चा माल्‍ब। मिनु मेकोमी ग्रुम्‍तीक ताम्‍बु ङा खप ङा फुरक इच्‍का हुइश्‍शा, मेको ब्‍वाक्‍कुम कुर पचा माल्‍ब।
NUM 5:18 मिनु चढ़ेबमी मेको मीश मुर कली परमप्रभु यावे आ ङोंइती राप्‍पा, मेको आ चां प्रुइक्‍चा माल्‍ब। मिनु मेकोमी मेको मिम्‍चा कली अन्‍न चढ़ेतीक आ गुइमी वोइक्‍चा माल्‍ब। मेको रुश पशो आ पर्बम अन्‍न चढ़ेतीक बाक्‍ब। मिनु मेको चढ़ेबमी मेको सराप चीले रशो कशो ब्‍वाक्‍कु आ गुइमी ग्‍याइक्‍चा माल्‍ब।
NUM 5:19 मिनु चढ़ेबमी मेको मीश मुर कली कसम जपाइश्‍शा “थमा पा गे सुइ वोंइश मुर नु मइप्‍शो बाक्‍ते हना, इ वोंइश नु बाक्‍शा, हेंथे मगाक्‍थु, इ कली ग्रांग्रा दिशो मसेल्‍सीशो बाक्‍ते हना, एको कशो ब्‍वाक्‍कु तूङीनु, गे सराप चीले मराइनेवे।
NUM 5:20 तन्‍न गे इ वोंइश नु बाक्‍शा यो, हेंथे गाक्‍शा, ग्रांग्रा दिशो सेल्‍सीशो बाक्‍ते हना, गे अरु वोंइश मुर नु इप्‍शो बाक्‍ते” हना, देंशा,
NUM 5:21 चढ़ेबमी मेको मीश मुर कली सराप चीले रतीक कसम जपाइक्‍चा माल्‍ब। मिनु मेकोमी मीश मुर कली “परमप्रभु यावेमी इ कोव़ज होम्‍पाइक्‍तीक नु देल्‍लो सोव़पाइक्‍तीक रोइ पपाइश्‍शो तशा, गे इ मुर आन दातेमी हिंचा ङा कोंइतीक दुम्‍नेवे।
NUM 5:22 एको सराप चीले रतीक ब्‍वाक्‍कु इ कोव़जम ओव़शा इ कोव़ज होम्‍तीक नु इ देल्‍लो सोव़तीक रोइ पपाइक्‍ब” देंचा माल्‍ब। मिनु मेको मीश मुरुमी “आमेन, मोदेंशोन दुम्‍ल” देंचा माल्‍ब।
NUM 5:23 मिनु नोले चढ़ेबमी मेको सराप चीले कागजम ब्रेक्‍शा मेको कशो ब्‍वाक्‍कुम मेको कागज कली मुरचा माल्‍ब।
NUM 5:24 मिनु नोले मेकोमी मेको मीश मुर कली मेको सराप चीले बाक्‍शो कशो ब्‍वाक्‍कु तूपाइक्‍चा माल्‍ब। मिनु मेको सराप चीले बाक्‍शो ब्‍वाक्‍कु मेको मीश मुर आ कोव़जम ओव़शा मेको कली शुश खाइक्‍पाइक्‍ब। भजन संग्रह १०९:१८
NUM 5:25 मिनु चढ़ेबमी मेको रुश पतीक आ पर्बम चढ़ेशो अन्‍न मेको मीश मुर आ गुइ रे लाइश्‍शा, परमप्रभु यावे आ ङोंइती क्‍युक्‍शा, चढ़ेतीकेम चाक्‍चा माल्‍ब।
NUM 5:26 मिनु चढ़ेबमी मेको अन्‍न चढ़ेतीक रे मिम्‍चा कली योल का हुइश्‍शा चढ़ेतीकेमी चोचा माल्‍ब। मिनु नोले मेको कली मेको ब्‍वाक्‍कु तूपाइक्‍चा माल्‍ब।
NUM 5:27 मिनु मेकोमी मेको मीश मुर कली मेको ब्‍वाक्‍कु तूपदानु, मेको ग्रांग्रा दिशो दुम्‍शो बाक्‍त हना, नु आ वोंइश कली मरिम्‍शो पशो बाक्‍त हना, मेको सराप चीले बाक्‍शो कशो ब्‍वाक्‍कु मेको आ आगा ओव़शा, शुश खाइक्‍पाइक्‍ब। मेको आ कोव़ज होम्‍ब। मिनु मेको आ देल्‍लो सोव़ब। मिनु मेको मीश मुर आ मुर आन दातेमी हिंचा ङा कोंइतीक दुम्‍ब।
NUM 5:28 तन्‍न मेको मीश मुरुम आंम कली ग्रांग्रा दिशो मसेल्‍सीशो नु मरिम्‍शो मपशो बाक्‍त हना, मेको ब्‍वाक्‍कु मखाइक्‍‍थु, आल थीब दुम्‍ब।
NUM 5:29 आ वोंइश नु बाक्‍शा यो, हेंथे गाक्‍शा ग्रांग्रा दिशो सेल्‍सीशो मीश मुर आ पर्बम रुश पाइब वोंइश कली अरेशो लोव़ बाक्‍ब।
NUM 5:30 मिनु वोंइश मुर रुश पाइब दुम्‍शा, आ मीश आ पर्बम रुश पाप्‍तु हना, मेकोमी आ मीश परमप्रभु यावे आ ङोंइती राप्‍पाइक्‍चा माल्‍ब। मिनु चढ़ेबमी मेको अरेशो लोव़ नेल्‍ले मेको मीश मुर आ पर्बम पचा माल्‍ब।
NUM 5:31 मिनु मेको वोंइश मुर दोस मताइब दुम्‍ब। मिनु आ मीशेमी चहिं आ मरिम्‍शो पशो राइब’ दे इस्राएली आन कली शेंदो” दे परमप्रभु यावेमी मोसा कली देंत।
NUM 6:1 परमप्रभु यावेमी मोसा कली
NUM 6:2 “गे इस्राएली आन कली ‘सुइ मीश मुर, वोंइश मुरुमी परमप्रभु यावे कली दिल्‍शा बाक्‍चा, दे नाजिरी कबल पाप्‍तु हना, १सामुएल १:११
NUM 6:3 मेकोमी शांबु राकसी तूचा काइ मदुम्‍ब। मेकोम ग्‍युरशो अङगुर शांबु नु अङगुर आ रस तूचा मदुम्‍ब। क्‍येख नु सोव़पाइश्‍शो अङगुर यो ब्‍वचा मदुम्‍ब। आमोस १:११-१२; लूका १:१५
NUM 6:4 गिश नाक्‍त सम्‍म मेको नाजिरी दुम्‍शा दिल्‍शा बाक्‍बा, मिश नाक्‍त सम्‍म मेको अङगुर आ वांचेर रे आ खोश्‍ले सम्‍म यो ब्‍वचा मदुम्‍ब।
NUM 6:5 मेको गिश नाक्‍त सम्‍म नाजिरी दुम्‍शा दिल्‍शा बाक्‍बा, मिश नाक्‍त सम्‍म आ पिया ङा चां प्रेक्‍चा मदुम्‍ब। मेको आ नाजिरी दुम्‍शा दिल्‍शो नाक्‍ती मनुम्‍म सम्‍म मेकोमी परमप्रभु यावे कली ला दिल्‍शो बाक्‍ब। मेकोमी आ चां बारचा गेचा माल्‍ब। न्‍यायाधीस १३:५
NUM 6:6 गिश नाक्‍त सम्‍म मेको परमप्रभु यावे आ पर्बम दिल्‍शा बाक्‍बा, मिश नाक्‍त सम्‍म मेको बेक्‍शो मुर आन नेक्‍था लचा मदुम्‍ब।
NUM 6:7 मेको आ आम आफ, आ लोक्‍बपुकी सु बेक्‍तेक्‍म हना यो, मेको आन पर्बम मेकोमी आंम कली ग्रांग्रा दिशो सेल्‍चा मदुम्‍ब। मारदे हना मेको आ पियाम आ परमप्रभु आ पर्बम दिल्‍शो चिन्‍ड बाक्‍ब। लेवी २१:११
NUM 6:8 आ दिल्‍शा बाक्‍शो नाक्‍त नेल्‍ले मेको परमप्रभु यावे कली ला दुम्‍शो बाक्‍ब।
NUM 6:9 मिनु दोक का का पा सुइ मुर मेको आ नेक्‍था बेक्‍शा, आ चां ग्रांग्रा सेल्‍तु हना, ग्रांग्रा मदिशो दुम्चा कली ७ नाक्‍तीम आ चां प्रेक्‍चा माल्‍ब। गन्‍ती १९:११,१४,१६
NUM 6:10 मिनु मेकोमी ८ नाक्‍ती परवा हना यो, ढुकुर हना यो निक्‍शी ग्रुम्‍तीक ताम्‍बु ङा ओव़तीक चढ़ेब आ ङोंइती चाक्‍चा माल्‍ब। लेवी ५:७
NUM 6:11 मिनु चढ़ेबमी मेको का पाप आ पर्बम चढ़ेतीके नु का चोशा चढ़ेतीके चढ़ेचा माल्‍ब। मिनु मेको मुर आ पर्बम पाप क्‍याम्‍तीक गेय पचा माल्‍ब। मारदे हना मेको बेक्‍शो मुर आ नेक्‍था बाक्‍शा पाप दुम्‍शा, ग्रांग्रा दिशो दुम्‍शो बाक्‍ब। मिनु मेको नाक्‍त रे मेकोम आ पिया परमप्रभु यावे कली तिल्‍चा माल्‍ब।
NUM 6:12 मिनु मेको मुरुमी आ नाजिरी बाक्‍तीक नाक्‍ती नक गोशा परमप्रभु यावे कली दिल्‍चा माल्‍ब। मिनु मेकोमी गारचा आ पर्बम चढ़ेचा कली बर्स का गाप्‍शो सांड का चाक्‍चा माल्‍ब। मेको मुर दिल्‍शा बाक्‍मेनु, ग्रांग्रा दिशो दुम्‍तीके आ ङोंइती ङा नाक्‍त महिक्‍सीब।
NUM 6:13 मिनु नाजिरी आन कली अरेशो लोव़ मार बाक्‍ब देंशा हना, आंम दिल्‍शा बाक्‍शो नाक्‍त गाक्‍म नोले, मेको मुर आ पतीके मार बाक्‍ब देंशा हना, मेको कली ग्रुम्‍तीक ताम्‍बु आ ओव़तीक आ ङोंइती चाक्‍चा माल्‍ब।
NUM 6:14 मिनु मेकोमी परमप्रभु यावे कली मारेइ मदुम्‍शो थम रिम्‍शो सांड का चोशा चढ़ेतीक चढ़ेचा माल्‍ब। मिनु मेकोमी बर्स का गाप्‍शो मारेइ मदुम्‍शो थम रिम्‍शो पाठी का पाप आ पर्बम चढ़ेचा माल्‍ब। मिनु मारेइ मदुम्‍शो थम रिम्‍शो बर्स का गाप्‍शो सांड का दुशा बाक्‍चा आ पर्बम चढ़ेचा माल्‍ब।
NUM 6:15 मिनु मेकोमी डालो का बोरब ओख्‍ती मसुप्‍शो शोब्‍ले, थम रिम्‍शो तेलम निशो फस के बटुकपुकी नु तेल ख्रेक्‍शो बोरब ओख्‍ती मसुप्‍शो बाबरपुकी चढ़ेचा माल्‍ब।
NUM 6:16 मिनु चढ़ेबमी मेको नेल्‍ल परमप्रभु यावे आ ङोंइती वोइक्‍चा माल्‍ब। मिनु मेको पाप आ पर्बम चढ़ेतीके नु चोशा चढ़ेतीके चढ़ेचा माल्‍ब।
NUM 6:17 मिनु मेकोमी मेको सांड दुशा बाक्‍चा आ पर्बम परमप्रभु यावे कली चढ़ेचा माल्‍ब। मेको नु डालोम बाक्‍शो बोरब ओख्‍ती मसुप्‍शो शोब्‍ले चढ़ेचा माल्‍ब। मिनु मेको चढ़ेबमी मेको नु अन्‍न चढ़ेतीके नु तूचा थोव़क चढ़ेतीक चढ़ेचा माल्‍ब।
NUM 6:18 मिनु नोले मेको नाजिरीमी ग्रुम्‍तीक ताम्‍बु ओव़तीक आ ङोंइती आ तिल्‍शो पिया ङा चां प्रेक्‍चा माल्‍ब। मिनु मेको चां दुशा बाक्‍चा आ पर्बम चढ़ेतीक आ आगाम चोचा माल्‍ब। प्रेरित १८:१८
NUM 6:19 मिनु आ पिया प्रेक्‍गा नोले मेको चढ़ेबमी मेको सांड आ लोप्‍शो बला नु डालो ङा बोरब ओख्‍ती मसुप्‍शो बटुक का नु बोरब ओख्‍ती मसुप्‍शो बाबर का मेको नाजिरी आ गुइम वोइक्‍चा माल्‍ब।
NUM 6:20 मिनु चढ़ेबमी मेको कली क्‍युक्‍शा परमप्रभु यावे आ ङोंइती क्‍युक्‍शा चढ़ेतीक चढ़ेचा माल्‍ब। मिनु क्‍युक्‍शा चढ़ेशो, कुथ्रु नु फिला चढ़ेब आ भाग दुम्‍ब। मेको नोले मेको नाजिरीमी अङगुर शांबु तूतु हना दुम्‍ब। प्रस्‍थान २९:२३,२४,२७
NUM 6:21 मिनु कसम जशो नाजिरी कली अरेशो लोव़ मार बाक्‍ब देंशा हना, आ परमप्रभु यावे कली चढ़ेशो नाजिरी आ कसम जशो खोदेंशो बाक्‍चा माल्‍ब। आ चाप्‍शो तेम्‍ने चाप्‍ब। आ कसम जशो गारचा माल्‍ब। मिनु आ जिम्‍मा ङा अरेशो लोव़ नेल्‍ल गारचा माल्‍ब’ देनो” देंत।
NUM 6:22 मिनु परमप्रभु यावेमी मोसा कली
NUM 6:23 “गे हारून नु आ तौ आन कली ‘गे इस्राएली आन कली आसीक गेनीनु, मार देंचा माल्‍नीनी देंशा हना, लेवी ९:२२-२३; ब्‍यवस्‍था १०:८
NUM 6:24 परमप्रभु यावेमी इन कली आसीक गेवल। इन कली गेना हना यो कोव़ङल। उत्‍पत्ती २४:१,३५; भजन संग्रह १२१:-
NUM 6:25 परमप्रभु यावे इन कली तशा ग्‍येरसेक्‍ल। मिनु इन कली शिशी पवल। भजन संग्रह ८०:४; प्रस्‍थान ३४:६-७
NUM 6:26 परमप्रभु यावेमी इन कली कोव़शा, इन थुं नाइश्‍शा बाक्‍चा गेवल’ देंचा माल्‍नीनी। भजन संग्रह ६९:१७-१८; भजन संग्रह ८५:९; यसैया ५७:१९
NUM 6:27 मेकोपुकीमी मोदेंशो लोव़ पा, आं नें इस्राएली आन तार वोइक्‍चा माल्‍नीम। मिनु गो मेको आन कली आसीक गेनुङमी” दे मोसा कली देंत।
NUM 7:1 मोसामी ग्रुम्‍तीक ताम्‍बु सेल्‍ने थुम्‍शा, मेको नु आ मारेइ मारेइ आन कली तेल ब्रुइक्‍ताक्मी। मिनु परमप्रभु यावे आ गेय पचा कली वोइक्‍तु। मिनु मेकोमी चढ़ेतीक नु आ मारेइ मारेइ तेल ब्रुइश्‍शा परमप्रभु यावे आ गेय पचा कली वोइक्‍तीमी। प्रस्‍थान ४०:९,१०,१७
NUM 7:2 मिनु इस्राएल ङा थर थर नु खिं खिं ङा खुप्‍शा हिक्‍शो मुर आन ठेयब मुरपुकीमी चढ़ेम्‍तेक्‍म।
NUM 7:3 मेकोपुकीमी आन चढ़ेतीके परमप्रभु यावे आ ङोंइती चाक्‍तेक्‍म। मार चाक्‍तेक्‍म देंशा हना, ६ ओटा बग्‍गी, १२ ओटा ब्‍यफ, निक्‍शी थर ङा मुर आन ठेयब मुर आस कली बग्‍गी का बाक्‍त। मिनु ठेयब मुर का का पा ब्‍यफ का का चढ़ेचा कली चाक्‍तेक्‍म। मिनु मेकोपुकीमी ग्रुम्‍तीक ताम्‍बु आ ङोंइती वोइक्‍तेक्‍म।
NUM 7:4 मिनु नोले परमप्रभु यावेमी मोसा कली
NUM 7:5 “मेको आन चाक्‍शो ताक्‍को। मिनु मेकोमी ग्रुम्‍तीक ताम्‍बु ङा गेय पने चाप्‍नीम। लेवी आन कली आन आन गेय गारचा ङा पा गेमी” देंत।
NUM 7:6 मिनु मोसामी मेको बग्‍गी नु ब्‍यफपुकी ताक्‍शा, लेवी आन कली गेम्‍तीमी।
NUM 7:7 मिनु मेकोमी बग्‍गी निक्‍शी नु ४ ओटा ब्‍यफ गेरशोन आ तौ आन गेय कोव़शा, मेको आन कली गेम्‍तीमी।
NUM 7:8 मिनु ४ ओटा बग्‍गी नु ८ ओटा ब्‍यफ मेरारी आ मुर आन गेय कोव़शा, मेको आन कली गेम्‍तीमी। चढ़ेब हारून आ तौ इथामार मेको आन कली अरेब बाक्‍त। गन्‍ती ४:२८,३३
NUM 7:9 तन्‍न मेकोमी कोहाथी आन कली मारेइ मगेमी। मारदे हना मेकोपुकीमी परमप्रभु यावे आ मार मार थोव़क कोव़चा नु आन बलाम कुरचा माल्‍बाक्‍तेक्‍म। गन्‍ती ४:१५
NUM 7:10 मिनु चढ़ेतीक कली तेल ब्रुइक्‍तीक नु परमप्रभु यावे आ गेय पचा कली वोइक्‍तीक नाक्‍त मेको इस्राएल आ थर ङा मुर आन ठेयब मुरुमी यो चढ़ेचा कली मार मार चाक्‍शा, चढ़ेतीक आ ङोंइती वोइक्‍तेक्‍म।
NUM 7:11 मिनु परमप्रभु यावेमी मोसा कली “मेकोपुकीमी चढ़ेचा कली मार मार चाक्‍चा माल्‍नीम। मेको चढ़ेतीके आं गेय पचा कली वोइक्‍तीक नाक्‍ती इस्राएल आ थर ङा मुर आन ठेयब मुर का कामी नाक्‍त का कली चढ़ेतीक चाक्‍चा माल्‍नीम” देंत। गन्‍ती १:४-१६; गन्‍ती २:३-२९
NUM 7:12 मिनु ङोंइती ङा नाक्‍ती यहूदा आ थर ङा मुर आन ठेयब मुर अम्‍मीनादाब आ तौ नहशोनमी आ चढ़ेतीक चाक्‍तु।
NUM 7:13 मिनु मार चाक्‍तु देंशा हना, सहे का ३० शेकेल ङा चांदी के थाल का ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त। ताम्‍बु ङा शेकेल का १२ ग्राम ङा क्‍येट बाक्‍ब। बजार ङा शेकेल चहिं ११.५ ग्राम बाक्‍ब।
NUM 7:14 मिनु १० शेकेल ङा धूपम ब्रीशो सुन के आइक्‍च बोस का,
NUM 7:15 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:16 पाप आ पर्बम चढ़ेचा कली बोका का,
NUM 7:17 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको अम्‍मीनादाब आ तौ नहशोन आ चढ़ेतीक बाक्‍त।
NUM 7:18 मिनु आ दीसा इस्‍साकार आ थर ङा मुर आन ठेयब मुर सुआर आ तौ नेथनेलम आ चढ़ेतीक चाक्‍तु।
NUM 7:19 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:20 मिनु १० शेकेल ङा धूपम ब्रीशो सुन के आइक्‍च बोस का,
NUM 7:21 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:22 पाप आ पर्बम चढ़ेचा कली बोका का,
NUM 7:23 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको सुआर आ तौ नेथनेल आ चढ़ेतीक बाक्‍त।
NUM 7:24 मिनु मेको आ नित्‍थ नाक्‍ती जबूलून आ थर ङा मुर आन ठेयब मुर हेलोन आ तौ एलीआबमी आ चढ़ेतीक चाक्‍तु।
NUM 7:25 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:26 मिनु १० शेकेल ङा धूपम ब्रीशो सुन के आइक्‍च बोस का,
NUM 7:27 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:28 पाप आ पर्बम चढ़ेचा कली बोका का,
NUM 7:29 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको हेलोन आ तौ एलीआब आ चढ़ेतीक बाक्‍त।
NUM 7:30 मिनु मेको आ सांबु नाक्‍ती रूबेन आ थर ङा मुर आन ठेयब मुर शेदेउर आ तौ एली-सुरमी आ चढ़ेतीक चाक्‍तु।
NUM 7:31 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त। ताम्‍बु ङा शेकेल का १२ ग्राम चांदी बाक्‍ब।
NUM 7:32 मिनु १० शेकेल ङा धूपम ब्रीशो सुन के आइक्‍च बोस का,
NUM 7:33 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:34 पाप आ पर्बम चढ़ेचा कली बोका का,
NUM 7:35 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको शेदेउर आ तौ एली-सुर आ चढ़ेतीक बाक्‍त।
NUM 7:36 मिनु मेको आ नोले ङा नाक्‍ती सिमियोन आ थर ङा मुर आन ठेयब मुर सुरी-शदै आ तौ शेलुमीएलमी आ चढ़ेतीक चाक्‍तु।
NUM 7:37 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:38 मिनु १० शेकेल ङा धूपम ब्रीशो सुन के आइक्‍च बोस का,
NUM 7:39 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:40 पाप आ पर्बम चढ़ेचा कली बोका का,
NUM 7:41 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको सुरी-शदै आ तौ शेलुमीएल आ चढ़ेतीक बाक्‍त।
NUM 7:42 मिनु मेको आ नोले ङा नाक्‍ती गाद आ थर ङा मुर आन ठेयब मुर दूएल आ तौ एली-आसाफमी आ चढ़ेतीक चाक्‍तु।
NUM 7:43 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:44 मिनु १० शेकेल ङा धूपम ब्रीशो सुन के आइक्‍च बोस का,
NUM 7:45 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:46 पाप आ पर्बम चढ़ेचा कली बोका का,
NUM 7:47 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको दूएल आ तौ एली-आसाफ आ चढ़ेतीक बाक्‍त।
NUM 7:48 मिनु मेको आ नोले ङा नाक्‍ती एफ्राइम आ थर ङा मुर आन ठेयब मुर अम्‍मीहुद आ तौ एली-शामामी आ चढ़ेतीक चाक्‍तु।
NUM 7:49 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:50 मिनु १० शेकेल ङा धूपम ब्रीशो सुन के आइक्‍च बोस का,
NUM 7:51 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:52 पाप आ पर्बम चढ़ेचा कली बोका का,
NUM 7:53 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको अम्‍मीहुद आ तौ एली-शामा आ चढ़ेतीक बाक्‍त।
NUM 7:54 मिनु मेको आ नोले ङा नाक्‍ती मनस्‍से आ थर ङा मुर आन ठेयब मुर पेदा-सुर आ तौ गमालीएलमी आ चढ़ेतीक चाक्‍तु।
NUM 7:55 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:56 मिनु १० शेकेल ङा धूपम ब्रीशो सुन के आइक्‍च बोस का,
NUM 7:57 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:58 पाप आ पर्बम चढ़ेचा कली बोका का,
NUM 7:59 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको पेदा-सुर आ तौ गमालीएल आ चढ़ेतीक बाक्‍त।
NUM 7:60 मिनु मेको आ नोले ङा नाक्‍ती बेन्‍यामीन आ थर ङा मुर आन ठेयब मुर गिदेओनी आ तौ आबी-दानमी आ चढ़ेतीक चाक्‍तु।
NUM 7:61 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:62 मिनु १० शेकेल ङा धूपम ब्रीशो सुन के आइक्‍च बोस का,
NUM 7:63 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:64 पाप आ पर्बम चढ़ेचा कली बोका का,
NUM 7:65 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको गिदेओनी आ तौ आबी-दान आ चढ़ेतीक बाक्‍त।
NUM 7:66 मिनु मेको आ नोले ङा नाक्‍ती दान आ थर ङा मुर आन ठेयब मुर अम्‍मी-शदै आ तौ अही-एजेरमी आ चढ़ेतीक चाक्‍तु।
NUM 7:67 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:68 मिनु १० शेकेल ङा धूपम ब्रीशो सुन के आइक्‍च बोस का,
NUM 7:69 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:70 पाप आ पर्बम चढ़ेचा कली बोका का,
NUM 7:71 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको अम्‍मी-शदै आ तौ अही-एजेर आ चढ़ेतीक बाक्‍त।
NUM 7:72 मिनु मेको आ नोले ङा नाक्‍ती आशेर आ थर ङा मुर आन ठेयब मुर ओक्रान आ तौ पगीएलमी आ चढ़ेतीक चाक्‍तु।
NUM 7:73 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:74 मिनु १० शेकेल ङा धूपम ब्रीशो सुन के आइक्‍च बोस का,
NUM 7:75 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:76 पाप आ पर्बम चढ़ेचा कली बोका का,
NUM 7:77 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको ओक्रान आ तौ पगीएल आ चढ़ेतीक बाक्‍त।
NUM 7:78 मिनु मेको आ नेल्‍ल क्‍येङा नोले ङा नाक्‍ती नाप्‍ताली आ थर ङा मुर आन ठेयब मुर एनान आ तौ अहीरामी आ चढ़ेतीक चाक्‍तु।
NUM 7:79 मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसम प्रिंशो बाक्‍ताक्‍स। मेको अन्‍न चढ़ेतीके बाक्‍त।
NUM 7:80 मिनु १० शेकेल ङा धूपम ब्रीशो सुन के आइक्‍च बोस का,
NUM 7:81 चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।
NUM 7:82 पाप आ पर्बम चढ़ेचा कली बोका का,
NUM 7:83 दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको एनान आ तौ अहीरा आ चढ़ेतीक बाक्‍त।
NUM 7:84 मिनु परमप्रभु यावे आ गेय पचा कली वोइश्‍शो चढ़ेतीक कली तेल ब्रुइक्‍तीक नाक्‍ती इस्राएल आ थर थर ङा मुर आन ठेयब मुर आन चढ़ेशो मार बाक्‍तेक्‍म देंशा हना, १२ ओटा चांदी के थाल, १२ ओटा चांदी के बोस नु १२ ओटा सुन के आइक्‍च बोस बाक्‍तेक्‍म।
NUM 7:85 मेको चांदी के थाल का का पा सहे का ३० शेकेल हेल्‍शो बाक्‍तेक्‍म। मेको चांदी के बोस का का पा ७० शेकेल हेल्‍शो बाक्‍तेक्‍म। मेको चांदी के ग्‍योंब नेल्‍ल नाक्‍शोनु, ग्रुम्‍तीक ताम्‍बु ङा शेकेल खोदेंशो पा हजार निक्‍शी ४ सहे शेकेल हेल्‍शो बाक्‍त।
NUM 7:86 मिनु मेको १२ ओटा धूपमी ब्रीशो सुन के आइक्‍च बोस का का पा ग्रुम्‍तीक ताम्‍बु ङा शेकेल खोदेंशो पा १०, १० शेकेल हेल्‍शो बाक्‍तेक्‍म। मेको सुन नेल्‍ल नाक्‍शोनु, सहे का २० शेकेल हेल्‍शो बाक्‍त।
NUM 7:87 मिनु बी ब्‍यफ, क्‍यारश भेडा रे चोशा चढ़ेचा कली १२ ओटा ब्‍यफ, १२ ओटा सांड, १२ ओटा बर्स का गाप्‍शो पाठा नु मेकोपुकी नु गारचा ङा पा अन्‍न चढ़ेतीके बाक्‍तेक्‍म। मिनु पाप आ पर्बम चढ़ेचा कली १२ ओटा बोका बाक्‍तेक्‍म।
NUM 7:88 मिनु बी ब्‍यफ, क्‍यारश भेडा रे दुशा बाक्‍चा आ पर्बम चढ़ेचा कली २४ ओटा ब्‍यफ, ६० ओटा सांड, ६० ओटा बोका नु ६० ओटा बर्स का गाप्‍शो पाठा बाक्‍तेक्‍म। मेको परमप्रभु यावे आ गेय पचा कली ला मेको चढ़ेतीक कली तेल ब्रुइक्‍तीक नाक्‍ती आ नोले चढ़ेशो बाक्‍तेक्‍म।
NUM 7:89 मिनु मोसा परमप्रभु यावे नु लोव़ पचा कली ग्रुम्‍तीक ताम्‍बुम ओव़मेनु, मेकोमी कबल पशो सन्‍दोस सुम्‍शो शिशी बाक्‍तीके, करूब निक्‍शी आस दाते इर रे लोव़ पशो नेंतु। मोपा मेकोमी मोसा नु लोव़ पाप्‍तु। प्रस्‍थान २५:१७-२२; प्रस्‍थान २९:४२; प्रस्‍थान ३३:७; १सामुएल ३:३-१४
NUM 8:1 मिनु परमप्रभु यावेमी मोसा कली
NUM 8:2 “गे हारून कली ‘गे मेको बत्ती वोदीनु, मेको ७ ओटा बत्ती दातीक आ ङोंइती गे ब्रपतो’ देनो” देंत।
NUM 8:3 मिनु हारूनमी मो पाप्‍तु। परमप्रभु यावेमी मोसा कली अरेशो खोदेंशो पा दातीक आ ङोंइती गे ब्रपाइक्‍तु। प्रस्‍थान २५:९, ३१-४०
NUM 8:4 मिनु बत्ती दातीके दोपा सेल्‍शो बाक्‍त देंशा हना, मेको सुन के तुप्‍शा सेल्‍शो बाक्‍त। मेको उइ रे इर सम्‍म तुप्‍शा सेल्‍शो बाक्‍त। मिनु परमप्रभु यावेमी मोसा कली कोंइशो खोदेंशो पा, हारूनमी मेको बत्ती दातीक सेल्‍तु।
NUM 8:5 परमप्रभु यावेमी मोसा कली
NUM 8:6 “इस्राएली आन दाते रे लेवी आन कली चाक्‍शा, मेको आन कली चोव़खो सेल्‍मी।
NUM 8:7 मेको आन कली मार पचा माल्‍नेवे देंशा हना, मेको आन तारी चोव़खो सेल्‍तीक ब्‍वाक्‍कु ब्रुइक्‍तीमी। मिनु मेकोपुकीमी आन रां ङा चां नेल्‍ल प्रेक्‍शा, आन वा मुरशा, चिक्‍सीशा ग्रांग्रा मदिशो सेल्‍सीचा माल्‍नीम। गन्‍ती १९:९,१७; लेवी १४:८
NUM 8:8 मिनु नोले मेकोपुकीमी ब्‍यफ का नु तेलम निशो रिम्‍शो फस अन्‍न चढ़ेतीके चाक्‍चा माल्‍नीम। गे चहिं पाप आ पर्बम चढ़ेचा कली ब्‍यफ का चाक्‍को।
NUM 8:9 मिनु गे लेवी आन कली ग्रुम्‍तीक ताम्‍बु आ ङोंइती चाक्‍शा, इस्राएली नेल्‍ल आन कली ग्रुम्‍पाइक्‍मी।
NUM 8:10 मिनु गे लेवी आन कली परमप्रभु यावे आ ङोंइती चाक्‍गीनु, इस्राएली नेल्‍लेमी आन गुइ लेवी आन तार वोइक्‍चा माल्‍नीम।
NUM 8:11 मिनु हारूनमी लेवी आ मुर आन कली परमप्रभु यावे आ गेय पचा कली मेको आ ङोंइती क्‍युक्‍शा चढ़ेशो खोदेंशो पा वोइक्‍चा माल्‍ब। प्रस्‍थान २९:२४
NUM 8:12 मिनु लेवी आ मुरपुकीमी आन गुइ मेको ब्‍यफ आस पिया तार वोइक्‍चा माल्‍नीम। मिनु हारूनमी लेवी आ मुर आन पर्बम पाप क्‍याम्‍तीक गेय पचा कली ब्‍यफ का पाप आ पर्बम चढ़ेतीके नु अर्को चोशा चढ़ेतीके परमप्रभु यावे कली चढ़ेचा माल्‍ब।
NUM 8:13 मिनु मेको नोले गे लेवी आ मुर आन कली हारून नु आ तौ आन ङोंइती राप्‍पा, परमप्रभु यावे कली क्‍युक्‍शा चढ़ेतीक खोदेंशो पा वोइक्‍चा माल्‍नेवे।
NUM 8:14 मोपा गे लेवी आ मुर आन कली अरु इस्राएली रे तिल्‍चा माल्‍नेवे। मिनु लेवी आ मुर आं के दुम्‍नीम। गन्‍ती ३:४५
NUM 8:15 मिनु गे लेवी आ मुर आन कली ग्रांग्रा मदिशो सेल्‍शा, मेको आन कली क्‍युक्‍शा चढ़ेतीक खोदेंशो पा वोइक्‍मी नोले मेकोपुकीमी ग्रुम्‍तीक ताम्‍बुमी गेय पने चाप्‍नीम।
NUM 8:16 मिनु मेकोपुकी इस्राएली आन दाते रे थमा पा आं कली तिल्‍शो बाक्‍नीम। गो मेको आन कली इस्राएली आन नेल्‍ल क्‍येङा ङोंइती जरमेशो तौ आन पा ङा आं कली वोइक्‍तामी। गन्‍ती ३:१२-१३
NUM 8:17 मिनु इस्राएली आन दातेम मुर बाक्‍तेक्‍म हना यो, बी ब्‍यफ, क्‍यारश भेडा बाक्‍तेक्‍म हना यो, ङोंइती जरमेशो नेल्‍ल आं के बाक्‍नीम। इजीप्‍ती आन नेल्‍ल क्‍येङा ङोंइती जरमेशो तौ नेल्‍ल आन कली सदुमी नाक्‍त रे गो मेको आन कली आं कली तिल्‍शा वोंइसाक्‍यी। प्रस्‍थान १३:२
NUM 8:18 मिनु इस्राएली आन ङोंइती जरमेशो आन पा ङा गो लेवी आ मुर तिल्‍शा वोंइसाक्‍यी।
NUM 8:19 मिनु गो इस्राएली आन दाते रे लेवी आ मुर आन कली हारून नु आ तौ आन कली गेतामी। मार कली गेतामी देंशा हना, इस्राएली आन पर्बम ग्रुम्‍तीक ताम्‍बुमी गेय पचा कली इस्राएली आन पर्बम पाप क्‍याम्‍तीक गेय पचा कली नु इस्राएलीपुकी ग्रुम्‍तीक ताम्‍बु आ नेक्‍था मजाक्‍मल नु मुर बेक्‍तीक रोइम मबेक्‍म, दे गेतामी” दे परमप्रभु यावेमी मोसा कली देंत। गन्‍ती ३:९; गन्‍ती १:५३
NUM 8:20 मिनु मोसा, हारून नु इस्राएल ङा मुर नेल्‍लेमी लेवी आ मुर आन पर्बम परमप्रभु यावेमी मोसा कली अरेशो खोदेंशो पा पाम्‍तेक्‍म।
NUM 8:21 मिनु लेवी आ मुरपुकीमी आंम आन पाप रे ग्रांग्रा मदिशो सेल्‍सीशा आन वा मुरतेक्‍म। मिनु नोले हारूनमी मेको आन कली क्‍युक्‍शा चढ़ेतीक खोदेंशो पा परमप्रभु यावे आ ङोंइती वोइक्‍तीमी। मिनु हारूनमी मेको आन कली पाप क्‍याम्‍तीक गेय पा ग्रांग्रा मदिशो सेल्‍तीमी।
NUM 8:22 मिनु मेको नोले लेवी आ मुरपुकीमी हारून नु आ तौ आन कली वारच पा ग्रुम्‍तीक ताम्‍बु ङा गेय पाम्‍तेक्‍म। मिनु परमप्रभु यावेमी मोसा कली लेवी आ मुर आन पर्बम अरेशो खोदेंशो पा मेकोपुकीमी पाम्‍तेक्‍म।
NUM 8:23 मिनु परमप्रभु यावेमी मोसा कली
NUM 8:24 “एको लोव़ २५ बर्स गाप्‍शो नु मेको क्‍येङा लाक्‍शो लेवी आ मुर आन पर्बम बाक्‍ब। मिनु मेकोपुकी ग्रुम्‍तीक ताम्‍बुमी गेय पचा गोचा माल्‍नीम। गन्‍ती ४:३,२३,३०,४७; १इतिहास २३:३,२४
NUM 8:25 मिनु मेकोपुकी ५० बर्स लाक्‍गमेनु, गेय पचा प्रोन्‍मेक्‍ल।
NUM 8:26 मिनु मेकोपुकी ग्रुम्‍तीक ताम्‍बुमी गेय पाइब आन लोक्‍ब आन कली वारच पदमेक्‍ल। तन्‍न आंमा चहिं गेय मपामेक्‍ल। गे लेवी आ मुर आन कली मोदेंशो पा गेय पपाइक्‍चा माल्‍नेवे” देंत।
NUM 9:1 मिनु परमप्रभु यावेमी इस्राएलीपुकी इजीप्‍त रे जाक्‍मा आ बर्स निक्‍शी नोले ङोंइती ङा महिनाम सीनै ङा गोरशो रागीमी मोसा कली
NUM 9:2 “गे इस्राएलीपुकीमी आं देंशो नाक्‍ती पास्‍सा चाड मानेचा माल्‍नीनी।
NUM 9:3 मेको महिना ङा १४ नाक्‍त ङा नाक्‍नाक्‍दो मेको चाड मानेचा माल्‍नीनी। गेपुकीमी मेको आ पर्बम फुल्‍लुम मुशा ब्रेक्‍शो लोव़ नु शेंशो पतीके नेल्‍लेमी मानेचा माल्‍नीनी” देंत।
NUM 9:4 मिनु मोसामी इस्राएली आन कली “पास्‍सा चाड मानेचा माल्‍नीनी” दे अरेप्‍तु।
NUM 9:5 मिनु मेकोपुकीम ङोंइती ङा महिना ङा १४ नाक्‍ती ङा नाक्‍नाक्‍दो सीनै ङा गोरशो रागीमी पास्‍सा चाड मानेम्‍तेक्‍म। परमप्रभु यावेमी मोसा कली अरेशो खोदेंशो पा इस्राएलीपुकीमी पाम्‍तेक्‍म।
NUM 9:6 मिनु मेकेर मुर का निक्‍शी बेक्‍शो मुर थिशा, ग्रांग्रा दिशो दुम्‍शो बाक्‍तेक्‍म। मोपा मेकोपुकीमी मेको नाक्‍ती मेको पास्‍सा चाड मानेचा मतामे। मेकोपुकी मेको नाक्‍ती मोसा नु हारून आस ङोंइती जाक्‍तेक्‍म। गन्‍ती १९:११
NUM 9:7 मिनु मेको मुरपुकीमी “गो बेक्‍शो मुर थिशा ग्रांग्रा दिशो दुम्‍शो बाक्‍तक हना यो, मारदे मेको देंशो नाक्‍ती गोपुकीमी इस्राएली आन दातेमी आंइ परमप्रभु यावे कली चढ़ेतीके चढ़ेचा मताइनीकी?” देंतेक्‍म।
NUM 9:8 मिनु मोसाम मेको आन कली “रिम्‍दीन, परमप्रभु यावेमी इन पर्बम मार देंबा, गो मेको नेंचा माल्‍नुङ” देंत।
NUM 9:9 मिनु परमप्रभु यावेमी मोसा कली
NUM 9:10 “गे इस्राएली आन कली ‘सुइ इन दातेमी नु इन चच युइ आन दातेमी बेक्‍शो मुर थिशा ग्रांग्रा दिशो दुम्‍शो बाक्‍त हना यो, ङोन लत हना यो, मेकोमी परमप्रभु यावे कली पास्‍सा चाड मानेचा माल्‍ब।
NUM 9:11 मेकोपुकीमी महिना निक्‍शी ङा १४ नाक्‍ती नाक्‍नाक्‍दो मेको मानेचा माल्‍नीम। मिनु मेकोपुकीमी मेको पाठा कली बोरब ओख्‍ती मसुप्‍शो शोब्‍ले, कशो खाइ नु ब्‍वचा माल्‍नीम।
NUM 9:12 मिनु मेको आ दीसा सुनी सम्‍म मारेइ हेंचा मदुम्‍ब। मिनु मेको आ रुश का यो जिक्‍चा मदुम्‍ब। मिनु पास्‍सा चाड आ पर्बम फुल्‍लुम मुशा, मार ब्रेक्‍शो बाक्‍मे, मेको पचा माल्‍नीम।
NUM 9:13 तन्‍न तेको मुर ग्रांग्रा दिशो मदुम्‍शो बाक्‍बा, ङोन यो मलशो बाक्‍बा, मेकोमी पास्‍सा चाड ममानेप्‍तु हना, मेको मुर आ मुर आन दाते रे तिल्‍चा पुंइसीब। मारदे हना मेकोमी आ देंशो नाक्‍ती परमप्रभु यावे कली चढ़ेतीक मचढ़ेवो। मेको मुर आ पाप राइब।
NUM 9:14 मिनु इन दातेमी बाक्‍शो अर्को रागी ङा मुरुमी परमप्रभु यावे कली पास्‍सा चाड मानेचा दाक्‍ताक्‍व हना, मेकोमी मेको आ पर्बम ब्रेक्‍शो नेल्‍ल शेंशो पतीक खोदेंशो पा पचा माल्‍ब। मिनु अर्को रागी ङा मुर नु इन मुर नेल्‍ल आन कली पास्‍सा चाड आ पर्बम ब्रेक्‍शो लोव़ का दुम्‍चा माल्‍ब’ देनो” देंत।
NUM 9:15 मिनु ग्रुम्‍तीक ताम्‍बु वोइक्‍ने थुम्‍शो नाक्‍ती गोस्‍सुमी मेको कबल पशो सन्‍दोस वोइश्‍शो ताम्‍बु सुम्‍तु। मेको नाक्‍नाक्‍दो रे सुनी सम्‍म ताम्‍बु तारी बाक्‍त। मेको गोस्‍स मी खोदेंशो तांइसीशो बाक्‍त। प्रस्‍थान ४०:३४-३५
NUM 9:16 मेको मोदेंशो गेना हना यो दुम्‍शो बाक्‍त। गोस्‍सुमी मेको ताम्‍बु कली नाक्‍ती सुम्‍बाक्‍त। मिनु नाक्‍दो मी खोदेंशो दुम्‍बाक्‍त।
NUM 9:17 मिनु मेको गोस्‍स ताम्‍बु आ तार रे इर गे लमेनु, इस्राएलीपुकी गाक्‍चा गोम्‍तेक्‍म। मिनु तेकेर मेको गोस्‍स जुक्‍ता, मेकेर इस्राएलीपुकीमी आन बाक्‍तीक सेल्‍तेक्‍म। प्रस्‍थान ४०: ३६-३८
NUM 9:18 मिनु इस्राएलीपुकी परमप्रभु यावे आ अरेशोमी गाक्‍बाक्‍तेक्‍म। मिनु परमप्रभु यावे आ अरेशोमी मेकोपुकीमी आन बाक्‍तीक सेल्‍बाक्‍तेक्‍म। मिनु मेकोपुकी मेको गोस्‍स ग्रुम्‍तीक ताम्‍बु तार बाक्‍म सम्‍म मेकेर बाक्‍बाक्‍तेक्‍म।
NUM 9:19 मेको गोस्‍स शुश नाक्‍त सम्‍म ग्रुम्‍तीक ताम्‍बु तार बाक्‍त हना यो, इस्राएलीपुकी परमप्रभु यावे आ देंशो टिशा मगाक्‍बाक्‍तेक्‍म।
NUM 9:20 कोइ नाक्‍ती मेको गोस्‍स ग्रुम्‍तीक ताम्‍बु आ तार का निक्‍शी नाक्‍त सम्‍म ला बाक्‍बाक्‍त। मिनु मेकोपुकी परमप्रभु यावे आ अरेशो टिशा, बास बाक्‍बाक्‍तेक्‍म। मिनु परमप्रभु यावे आ अरेशो खोदेंशो पा गाक्‍बाक्‍तेक्‍म।
NUM 9:21 कोइ नाक्‍ती मेको गोस्‍स नाक्‍दो रे सुनी सम्‍म ला बाक्‍बाक्‍त। मिनु सुनी गोस्‍स इर लमेनु, मेकोपुकी गाक्‍बाक्‍तेक्‍म। नाक्‍ती बाक्‍त हना यो, नाक्‍दो बाक्‍त हना यो, मेको गोस्‍स इर लत हना, मेकोपुकी गाक्‍बाक्‍तेक्‍म।
NUM 9:22 मिनु मेको गोस्‍स नाक्‍त निक्‍शी, महिना का नु मेको क्‍येङा शुश नाक्‍त सम्‍म यो ग्रुम्‍तीक ताम्‍बु तार बाक्‍त हना, इस्राएली आन बाक्‍तीकेमी बाक्‍बाक्‍तेक्‍म। तन्‍न गोस्‍स इर गे लत हना, मेकोपुकी गाक्‍बाक्‍तेक्‍म।
NUM 9:23 मिनु मेकोपुकी परमप्रभु यावेमी अरेशो खोदेंशो पा आन बाक्‍तीक सेल्‍बाक्‍तेक्‍म। मिनु परमप्रभु यावे आ अरेशो खोदेंशो पा गाक्‍बाक्‍तेक्‍म। मेकोपुकीमी परमप्रभु यावेमी मोसा कली अरेशो खोदेंशो पा पाइबाक्‍तेक्‍म।
NUM 10:1 परमप्रभु यावेमी मोसा कली
NUM 10:2 “गे चांदी के तुराही निक्‍शी सेलो। मेको तुप्‍शा, सेल्‍चा माल्‍नेवे। मिनु गे मेको ताप्‍शा, इस्राएली आन कली ग्रुम्‍पाइक्‍चा माल्‍नेवे। मिनु गाक्‍ची ना दुम्‍मेनु, गे मेको ताप्‍चा माल्‍नेवे। गन्‍ती ३१:६
NUM 10:3 मेको निक्‍शी कालेम ताप्‍शोनु, इस्राएली नेल्‍ल इ ङोंइती ग्रुम्‍तीक ताम्‍बु आ ओव़तीकेमी जाक्‍शा बुक्‍चा माल्‍नीम।
NUM 10:4 तन्‍न का ला ताप्‍शोनु, इस्राएली आन थर थर ङा मुर आन ठेयब मुरपुकी इ ङोंइती जाक्‍शा बुक्‍चा माल्‍नीम।
NUM 10:5 मिनु ठेयब सेंदामी ताप्‍शोनु, पूर्ब गे बाक्‍शो मुरपुकी गाक्‍चा माल्‍नीम।
NUM 10:6 मिनु निक्‍शी खेयप ताप्‍शोनु, दक्‍खिन गे बाक्‍शो मुरपुकी गाक्‍चा माल्‍नीम। गाक्‍ची ना दुम्‍मेनु, गेना हना यो तुराही ताप्‍चा माल्‍नीम।
NUM 10:7 गे मुर आन कली ग्रुम्‍पाइक्‍ची ना मेको ताप्‍चा माल्‍नेवे। तन्‍न मेको गाक्‍ची ना ङा खोदेंशो पा ताप्‍चा मदुम्‍ब।
NUM 10:8 मिनु हारून आ तौ चढ़ेब निक्‍शीमी मेको तुराही ताप्‍चा माल्‍नीस। मेको इन कली नु इन चच युइ आन कली गेना हना यो पतीके बाक्‍ब।
NUM 10:9 मिनु गे इन रागीमी इन कली दिप्‍ब जोरी सत्रुपुकी नु लडाइ पथ लनीनु, ठेयब सेंदामी तुराही ताप्‍चा माल्‍नीस। मो पाइतीनी हना, परमप्रभु यावे, इन परमप्रभुमी इन कली मिम्‍शा, इन जोरी सत्रु रे प्रोंइब। न्‍यायाधीस ६:३४
NUM 10:10 मिनु गेपुकी ग्‍येरशा बाक्‍नीनु, गे इन पचा माल्‍शो चाड मानेनीनु, औंसी ङा चाड मानेनीनु, इन चोशा चढ़ेतीके नु इन दुशा बाक्‍चा आ पर्बम चढ़ेतीके चढ़ेनीनु, गेपुकीमी तुराही ताप्‍चा माल्‍नीनी। मिनु मेको ताप्‍नीनु, इन परमप्रभुमी इन कली मिम्‍ब। गो परमप्रभु यावे, इन परमप्रभु नङ” देंत। लेवी २३:२४; २राजा ११:१४; २इतिहास ७:६
NUM 10:11 मिनु बर्स निक्‍शी, महिना निक्‍शी ङा २० नाक्‍ती मेको गोस्‍स परमप्रभु यावे आ कबल पशो सन्‍दोस बाक्‍शो ताम्‍बु रे इर लत। गन्‍ती १:१
NUM 10:12 मिनु नोले इस्राएलीपुकी सीनै ङा गोरशो रागी रे हुल हुल पा गाक्‍तेक्‍म। मिनु मेको गोस्‍स पारान ङा गोरशो रागीम नांइसाक्‍व।
NUM 10:13 मिनु परमप्रभु यावेमी मोसा कली अरेशो खोदेंशो पा टिशा, मेकोपुकी गाक्‍तेक्‍म। गन्‍ती २:-
NUM 10:14 नेल्‍ल क्‍येङा ङोंइती यहूदा आ बाक्‍तीक ङा मुर हुल हुल पा आन छेदर कुरशा गाक्‍तेक्‍म। मेको आन ठेयब मुर अम्‍मीनादाब आ तौ नहशोन बाक्‍त।
NUM 10:15 मिनु इस्‍साकार आ बाक्‍तीक ङा मुर आन ठेयब मुर सुआर आ तौ नेथनेल बाक्‍त।
NUM 10:16 मिनु जबूलून आ बाक्‍तीक ङा मुर आन ठेयब मुर हेलोन आ तौ एलीआब बाक्‍त।
NUM 10:17 मिनु नोले ग्रुम्‍तीक ताम्‍बु पोक्‍शा, गेरशोन आ मुरपुकी नु मेरारी आ मुरपुकीमी मेको कुरशा, गाक्‍तेक्‍म।
NUM 10:18 मिनु मेको आन नोले रूबेन आ बाक्‍तीक ङा मुरपुकी हुल हुल पा आन छेदर कुरशा गाक्‍तेक्‍म। मेको आन ठेयब मुर शेदेउर आ तौ एली-सुर बाक्‍त।
NUM 10:19 मिनु सिमियोन आ बाक्‍तीक ङा मुर आन ठेयब मुर सुरी-शदै आ तौ शेलुमीएल बाक्‍त।
NUM 10:20 मिनु गाद आ बाक्‍तीक ङा मुर आन ठेयब मुर दूएल आ तौ एली-आसाफ बाक्‍त।
NUM 10:21 मिनु कोहाथीपुकी परमप्रभु यावे आ ताम्‍बु ङा मार मार कुरशा, गाक्‍तेक्‍म। मेको आन जाक्‍चा क्‍येङा ङोंइती मेको ग्रुम्‍तीक ताम्‍बु सेल्‍ने थुम्‍शो बाक्‍चा माल्‍बाक्‍त।
NUM 10:22 मेको नोले एफ्राइम आ बाक्‍तीक ङा मुरपुकी हुल हुल पा आन छेदर कुरशा गाक्‍तेक्‍म। मेको आन ठेयब मुर अम्‍मीहुद आ तौ एली-शामा बाक्‍त।
NUM 10:23 मिनु मनस्‍से आ बाक्‍तीक ङा मुर आन ठेयब मुर पेदा-सुर आ तौ गमालीएल बाक्‍त।
NUM 10:24 मिनु बेन्‍यामीन आ बाक्‍तीक ङा मुर आन ठेयब मुर गिदेओनी आ तौ आबी-दान बाक्‍त।
NUM 10:25 मिनु नेल्‍ल आन क्‍येङा नोले दान आ बाक्‍तीक ङा मुर हुल हुल पा आन छेदर कुरशा, गाक्‍तेक्‍म। मेको आन ठेयब मुर अम्‍मी-शदै आ तौ अही-एजेर बाक्‍त।
NUM 10:26 मिनु आशेर आ बाक्‍तीक ङा मुर आन ठेयब मुर ओक्रान आ तौ पगीएल बाक्‍त।
NUM 10:27 मिनु नाप्‍ताली आ बाक्‍तीक ङा मुर आन ठेयब मुर एनान आ तौ अहीरा बाक्‍त।
NUM 10:28 मोपा इस्राएली आन हुल हुल पा गाक्‍चा माल्‍शो बाक्‍तेक्‍म।
NUM 10:29 मिनु मोसामी मिदयान ङा रूएल आ तौ होबाब, आ रिउ कली “परमप्रभु यावेमी आंइ कली गेशो रागी लना लन बाक्‍नीकी। गे यो गोपुकी नु पिने। गो इन कली रिम्‍शो पाइक्‍नीकी। मारदे हना परमप्रभु यावेमी ‘इस्राएली आन कली रिम्‍शो पाइनुङ’ देंत” दे मोसामी देंत। प्रस्‍थान २:१८; प्रस्‍थान १८:१; न्‍यायाधीस १:१६; न्‍यायाधीस ४:११
NUM 10:30 होबाबमी “गो मलाइक्‍नुङ। गो आं रागी नु आं मुर आन बाक्‍तीके लेत्‍नुङ” देंत।
NUM 10:31 मिनु मोसामी “आंइ कली मप्रोनीन। मारदे हना मेको गोरशो रागीमी ते ताम्‍बु कीचा मेको तुइक्‍नीनी। मिनु गे आंइ कली लां कोंइब दुम्‍नीनी।
NUM 10:32 गे गोपुकी नु गाक्‍तीनी हना, परमप्रभु यावेमी आंइ कली मार मार रिम्‍शो पाइबा, गो मेको खोदेंशो पा इन कली पाइनीकी” देंत।
NUM 10:33 मिनु मेकोपुकी परमप्रभु यावे आ डांडा रे नाक्‍त सां सम्‍म गाक्‍तेक्‍म। परमप्रभु यावे आ कबल पशो सन्‍दोस कुरबपुकी मेको आन कली बास बाक्‍तीक माल्‍चा, दे मेको आन ङोंइङोंइती गाक्‍तेक्‍म।
NUM 10:34 मिनु परमप्रभु यावे आ गोस्‍स मेको आन गाक्‍ची ना मेको आन तार बाक्‍त। प्रस्‍थान १३:२१; गन्‍ती ९:१५-२३
NUM 10:35 मिनु कुरबपुकीमी मेको कबल पशो सन्‍दोस कुरशा गाक्‍मानु, गेना हना यो मोसामी “परमप्रभु यावे, बोक्‍कीन। इन जोरी सत्रु एर ओंथ ब्रामल। मिनु इन जोरी सत्रु इन क्‍येङा प्रोक्‍मल” देंबाक्‍त। २इतिहास ६:४१; भजन संग्रह ३:८; भजन संग्रह ९:२०; भजन संग्रह १०:१२; भजन संग्रह १७:१३; भजन संग्रह ६८:२; भजन संग्रह १३२:८
NUM 10:36 मिनु मेको कबल पशो सन्‍दोस नाइक्‍तमेनु, मेकोमी “परमप्रभु यावे, गे हजार, हजार इस्राएली आन दातेमी लेश्‍शा, जाक्‍कीन” देंबाक्‍त।
NUM 11:1 मिनु परमप्रभु यावेमी मुर आन श्‍येत जशो आ पर्बम गन गन पशो नेंतु। परमप्रभु यावेमी मेको नेंशा, शुश गाइक्‍ताक्‍व। मिनु परमप्रभु यावे गाइश्‍शा, मुर आन बाक्‍तीके गे मी सोइश्‍शा, एर सुर मीम नेक्‍पाइक्‍तु। लेवी १०:२
NUM 11:2 मिनु मुरपुकीमी मोसा कली “वारच पने” दे ग्रीतेक्‍म। मिनु मोसामी परमप्रभु यावे कली पुंइतु। मिनु मेको मी काप्‍त।
NUM 11:3 मिनु परमप्रभु यावेमी मेको आन दातेमी मी सोइक्‍तीके, मेको बाक्‍तीके आ नें तबेरा वोइक्‍तेक्‍म।
NUM 11:4 मिनु मेको आन दातेमी बाक्‍शो अर्को रागी ङा मुरपुकीमी मार मार जचा थोव़क जचा ब्‍वचा दाक्‍तेक्‍म। मिनु इस्राएली यो लेंशा ङाक्‍शा “गोपुकीमी श्‍ये ब्‍वचा तक हना, दुम वा। प्रस्‍थान १२:३८; प्रस्‍थान १६:३; १कोरिन्‍थी १०:६
NUM 11:5 गो इजीप्‍तीमी मो ब्‍वशो ङांइ श्‍ये मिम्‍नीकी। मिनु वोबीस, खाइपुकी, प्‍याज नु लसुन यो मिम्‍नीकी।
NUM 11:6 तन्‍न गो मुल ओले पेते दुम्‍शा, एको मन्‍ना ङा लाक्‍शा मारेइ मथित्‍नीकी” देंतेक्‍म।
NUM 11:7 मन्‍ना चहिं धन्‍या वांचेर खोदेंशो बाक्‍त। मेको कोव़शोनु, खोटो खोदेंशो तांइसीबाक्‍त। प्रस्‍थान १६:१४-३१
NUM 11:8 मिनु मुरपुकी लशा, मेको खुप्‍शा, कोइमी हिल्‍शा, कोइमी चुशा, कोंइमी नेल्‍शा, कोइम बटुक सेल्‍शा जाम्‍तेक्‍म। मिनु मेको तेलम चोशो शोब्‍ले खोदेंशो पा ब्रोव़बाक्‍त।
NUM 11:9 मिनु नाक्‍दो आन बाक्‍तीकेमी सीत यिमेनु, मन्‍ना यो यीबाक्‍त।
NUM 11:10 मिनु मोसामी मुर नेल्‍ल आन आन ताम्‍बु ङा ओव़तीकेमी राप्‍शा ङाक्‍शो ताप्‍तु। मिनु मुरपुकीमी परमप्रभु यावे कली शुश गाइक्‍पाइक्‍तीके, मोसामी मेको आन पशो काइ मदाक्‍शो बाक्‍त।
NUM 11:11 मिनु मोसामी परमप्रभु यावे कली “गे मारदे आं कली श्‍येत गेयीनी? मारदे गो इन ङोंइती शिशी मतङा? मारदे आं कली इश ङा मुर आन कली कोव़ब सेल्‍यीनी?
NUM 11:12 मार, एको इश ङा मुर आं आल नमी ङा? मार, गो मेको आन कली थिङमी ङा? गे आं कली ‘दूध तूब आल कली आ आममी कुरशा लाइश्‍शो खोदेंशो पा, आंइ किकी पिपी आन कली इन गेशो रागीमी कुरशा लावो’ देंनीनी।
NUM 11:13 गो इश ङा मुर आन ब्‍वतीक श्‍ये ते थित्‍नुङ ङा? मिनु मेकोपुकीमी आं कली ‘श्‍ये ब्‍वचा गेकी’ दे जाक्‍शा ङाक्‍तेक्‍म।
NUM 11:14 गो इश ङा मुर आन कली खुल्‍ने मचाप्‍नुङ। एको आं मचाप्‍चा ङा गेय बाक्‍ब।
NUM 11:15 मिनु गे आं कली ओदेंशो पाइक्‍तीनी। मिनु गो इन शिशी ताता हना, साइय्‍यीनी। मिनु गो आं खतम दुम्‍तीके तचा ममाल्‍नुङ” देंत। प्रस्‍थान ३२:३२
NUM 11:16 मिनु परमप्रभु यावेमी मोसा कली “गे इस्राएली आन दाते रे ७० जना खाल्‍पा आन कली खुप्‍तीमी। मेको आन मुर आन दाते ङा ठेयब मुर नु मेको आन कली सासन पाइब मुर दुम्‍चा माल्‍नीम। मिनु गे मेको आन कली तुइक्‍चा माल्‍नेवे। मिनु मेको आन कली ग्रुम्‍तीक ताम्‍बुमी चाक्‍मी। मिनु मेकोपुकी गे नु बाक्‍चा माल्‍नीम। प्रस्‍थान १८:२१-२६; प्रस्‍थान २४:९-११
NUM 11:17 मिनु गो यिशा, गे नु लोव़ पाइनुङ। मिनु गो इ आगामी बाक्‍शो सोक्‍त रे लाइश्‍शा, मेको आन तारी वोइक्‍नुङ। मिनु मेकोपुकीमी गे नु गारशा, मेको मुर आन श्‍येत कुरनीम। मिनु गे का ला कुरचा ममाल्‍नेवे।
NUM 11:18 मिनु गे मुर आन कली ‘गे दीसा कली ग्रांग्रा मदिशो दुम्‍शा, ठीक दुमीन। गेपुकीमी श्‍ये ब्‍वचा ताइनीनी। मारदे हना गेपुकीमी परमप्रभु यावे आ ङोंइती श्‍ये ब्वचा तक हना, रिम्‍शो दुम वा, दे ङाक्‍शो बाक्‍तीनी। आंइ कली एको रागी क्‍येङा इजीप्‍तमी रिम्‍शो बाक्‍त’ देंतीनी। मोपतीके परमप्रभु यावेमी इन कली श्‍ये ब्‍वचा गेब। मिनु गे मेको ब्‍वाइनीनी। प्रस्‍थान १९:१०
NUM 11:19 मिनु नाक्‍त का, नाक्‍त निक्‍शी ५ नाक्‍ती, १० नाक्‍ती नु २० नाक्‍त ला ममाइ,
NUM 11:20 गेपुकीमी ब्रीचा ङा पा महिना का सम्‍म श्‍ये ब्‍वचा ताइनीनी। मारदे हना गेपुकीम आंम इन दातेम बाक्‍शो परमप्रभु यावे कली मटिनी। मिनु गे मेको आ ङोंइती ‘गो मारदे इजीप्‍त रे ग्रूशा गाक्‍का?’ दे ङाक्‍तीनी” देंत।
NUM 11:21 मिनु मोसामी “गो नु लां गाक्‍ब मुर ६ लाख बाक्‍नीम। मो हना यो, गे ‘मेको आन कली महिना का सम्‍म श्‍ये ब्‍वचा गेनुङमी’ देंतीनी।
NUM 11:22 मार, बी ब्‍यफ, क्‍यारश भेडा नेल्‍ल क्‍योरशा हना यो, एको इश ङा मुर आन कली गाप्‍बा ङा? समुन्‍द्र ङा ङांइ नेल्‍ल रेश्‍शा हना यो, नेल्‍ल आन कली गाप्‍बा ङा?” देंत।
NUM 11:23 मिनु परमप्रभु यावेमी मोसा कली “मार, आं सक्ति ग्‍युम्‍शो बाक्‍बा ङा? आं देंशो लोव़ गाप्‍बाक्‍म कों मगाप्‍बाक्‍मे, तुइक्‍नेवे” देंत। यसैया ५०:२; यसैया ५९:१
NUM 11:24 मोपतीके मोसा लाङगा ग्रूशा, मुर नेल्‍ल आन कली परमप्रभु यावे आ देंशो लोव़ नेंपाइक्‍तीमी। मिनु मेको मुर आन दाते ङा ७० जना खाल्‍पा आन कली ताम्‍बु आ एर ओंथ राप्‍पाइक्‍मी।
NUM 11:25 मिनु नोले परमप्रभु यावे गोस्‍सुमी उइ आगा तोइश्‍शा, मोसा नु लोव़ पाप्‍तु। मिनु मेकोमी मोसा आ आगा बाक्‍शो सोक्‍त इच्‍का लाइश्‍शा, मेको ७० जना खाल्‍पा आन तार वोइक्‍तु। मिनु मेको सोक्‍त मेको आन तार नांइसेनु, मेकोपुकीमी परमप्रभु यावे आ लोव़ पाम्‍तेक्‍म। तन्‍न नोनोले मो मपाम।
NUM 11:26 मिनु ७० जना खाल्‍पा आन दातेमी एल्‍दाद नु मेदाद माइश्‍शो मुर निक्‍शी बाक्‍ताक्‍स। मेको आस नें यो ब्रेक्‍शो बाक्‍त। तन्‍न मेको निक्‍शी ग्रुम्‍तीक ताम्‍बुम मलसा बाक्‍त। मिनु परमप्रभु यावे आ सोक्‍त मेको आस तार यो नांइसे बाक्‍त। मिनु मेको निक्‍शीमी मुर आन बाक्‍तीकेमी परमप्रभु यावे आ लोव़ पाम्‍से बाक्‍त।
NUM 11:27 मिनु वोंइश मुर का दोरशा जाक्‍शा, मोसा कली “एल्‍दाद नु मेदादमी मुर आन बाक्‍तीकेमी परमप्रभु यावे आ लोव़ पाम्‍ताक्‍स” देंत।
NUM 11:28 मिनु नून आ तौ यहोसु मोसा कली वारच पाइब बाक्‍त। मेको मोसा आ योव़शो मुरुमी मोसा कली “हजुर, आं होव़प मेको आस कली तेक्‍कीन” देंत। गन्‍ती १३:१६; प्रस्‍थान २४:१३
NUM 11:29 तन्‍न मोसामी मेको कली “मार, आं पर्बम गे ईख पाइब दुमे? परमप्रभु यावेमी आ सोक्‍त आ मुर नेल्‍ल आन तार वोइश्‍शा, मेको नेल्‍ल परमप्रभु यावे आ लोव़ पाइब दुम हना, गिश रिम्‍शो दुम वा” देंत। योएल ३:१; मर्कूस ९:३८-३९
NUM 11:30 मिनु मोसा नु इस्राएली खाल्‍पा मुर आन बाक्‍तीके लेत्‍तेक्‍म।
NUM 11:31 मिनु नोले परमप्रभु यावेमी फश पपाइक्‍तु। मिनु मेको फशेमी समुन्‍द्र रे बटटाइपुकी चाक्‍तु। मिनु मुर आन बाक्‍तीक आ एर ओंथ नेल्‍ल नाइक्‍पाइक्‍तु। काबु ङा नाक्‍त ङा लां सम्‍म कुबीत निक्‍‍निक्‍शी थांइशो पा नांइसाक्‍म। कुबीत का ०.५ मिटर खोदेंशो बाक्‍ब।प्रस्‍थान १६:१३
NUM 11:32 मिनु मुरपुकीमी मेको नाक्‍त रे, नाक्‍दो रे नु आ दीसा नाक्‍त सम्‍म मेको ग्‍याइक्‍ताक्‍म। नेल्‍ल क्‍येङा इच्‍का खोइ ग्‍याइक्‍बमी यो १० होमेर ग्‍याइक्‍ताक्‍मे। मिनु मेकोपुकीम आन बाक्‍तीक एर ओंथ नेल्‍ल सोव़पाइक्‍तेक्‍म। होमेर का २२० लिटर रिक्‍ब पुक्‍तीके का बाक्‍ब।
NUM 11:33 तन्‍न मेकोपुकीमी श्‍ये ब्‍वना ब्‍वन परमप्रभु यावे मेको आन पर्बम शुश गाइक्‍ताक्‍व। मिनु परमप्रभु यावेमी मेको आन कली थम ठेयब बेक्‍तीक रोइ पपाइक्‍तीमी।
NUM 11:34 मोपतीके मेको बाक्‍तीके आ नें किब्रोथ-हत्तावा वोइक्‍तेक्‍म। मारदे हना मेकेर शुश वाल्‍ब मुर आन कली थिम्‍तेक्‍म।
NUM 11:35 मिनु मुरपुकी किब्रोथ-हत्तावा रे पा गाक्‍शा, हसेरोथ गे लाम्‍तेक्‍म।
NUM 12:1 मिनु हसेरोथमी बाक्‍मानु, मोसामी कूश रागी ङा मीश चाक्‍तीके मिरयाम नु हारूनमी मोसा कली मरिम्‍शो लोव़ पाम्‍ताक्‍स। मारदे हना मेकोमी कूश रागी ङा मीश ग्‍युंबे पशो बाक्‍त। प्रस्‍थान २:२१
NUM 12:2 मिनु मेको निक्‍शीमी “मार, परमप्रभु यावेमी मोसा नु ला लोव़ पशो बाक्‍बा ङा? मार, मेकोमी गोपुकी नु यो लोव़ मपशो बाक्‍बा ङा?” देंताक्‍स। मिनु परमप्रभु यावेमी मेको लोव़ नेंतु।
NUM 12:3 मोसा चहिं रागी ङा मुर नेल्‍ले आन क्‍येङा ब्रेम्‍शो मुर बाक्‍त।
NUM 12:4 मिनु परमप्रभु यावेमी रीब पा मोसा, हारून नु मिरयाम आन कली “गे सांफा, ग्रुम्‍तीक ताम्‍बुम रे ग्रूङीन” देंत। मिनु मेको सांफा ग्रूतेक्‍म।
NUM 12:5 मिनु नोले परमप्रभु यावे गोस्‍स के थामम यिशा ग्रुम्‍तीक ताम्‍बु आ ओव़तीक राप्‍शा, हारून नु मिरयाम आस कली ब्रेत्‍ताक्‍मसी। मिनु मेको निम्‍फा जाक्‍ताक्‍स। प्रस्‍थान १६:१०
NUM 12:6 मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्‍त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।
NUM 12:7 तन्‍न आं गेय पाइब मोसा नु मोदेंशो मपाइनुङ। मेको आ गेय नेल्‍लेमी थमा सुइक्‍चा पुंइसीशो बाक्‍ब। हिब्रू ३:२
NUM 12:8 गो मेको नु कोव़मुशा लोव़ पाइनुङ। मिनु मेको नु रुप्‍चा ङा लोव़ पा ख्रुइश्‍शो लोव़ मपाइनुङ। मिनु मेको आं नेक्‍था जाक्‍ने चाप्‍ब। मारदे गे आं गेय पाइब मोसा आ पर्बम मरिम्‍शो लोव़ पचा काइ महिंसी?” देंत। प्रस्‍थान ३३:११; ब्‍यवस्‍था ३४:१०
NUM 12:9 मिनु परमप्रभु यावेमी मेको आस पर्बम शुश गाइक्‍ताक्‍व। मिनु मेको गाक्‍त।
NUM 12:10 मिनु मेको गोस्‍स ताम्‍बु आ तार रे लमेनु, मिरयाम कोव़र मुशा फुं खोदेंशो बुश दुम्‍त। मिनु हारूनमी मिरयाम कली कोव़ङानु, मेको कोव़री दुम्‍ने थुम्‍शो बाक्‍त। ब्‍यवस्‍था २४:९
NUM 12:11 मिनु हारूनमी मोसा कली “आं प्रभु, गो मूर्ख दुम्‍शा, पाप पशो आ पर्बम आंस कली सजाइ मगेने।
NUM 12:12 एको कली आ आम आ कोव़ज रे ग्रूमेनु, आ रां फेके का राक्‍शो शाम्‍शो आल खोदेंशो दुम्‍चा मगेने” देंत।
NUM 12:13 मिनु मोसामी परमप्रभु यावे कली “परमप्रभु, एको कली सापतीन” दे पुंइतु। प्रस्‍थान १५:२६
NUM 12:14 मिनु परमप्रभु यावेमी मोसा कली “मार, मेको आ आफोमी आ कुलुम तोक्‍शो हना, मेको ७ नाक्‍त सम्‍म मुने मदोक्‍बा ङा? मेको कली ७ नाक्‍त सम्‍म मुर आन बाक्‍तीक क्‍येङा लाङगाम तिल्‍शा वोतो। मेको नोले ला लेश्‍शा जाक्‍चा गेवो” देंत। गन्‍ती १३:४६
NUM 12:15 मिनु मिरयाम ७ नाक्‍त सम्‍म मुर आन बाक्‍तीक क्‍येङा लाङगाम तिल्‍शा वोइक्‍चा पुंइसाक्‍व। मिनु मिरयाम कली लेश्‍शा मचाक्‍गमे सम्‍म मुरपुकी यो मगाक्‍म।
NUM 12:16 मिनु मेको आ नोले मेकोपुकी हसेरोथ रे गाक्‍शा, पारान ङा गोरशो रागीम आन बाक्‍तीक सेल्‍तेक्‍म।
NUM 13:1 मिनु परमप्रभु यावेमी मोसा कली
NUM 13:2 “गे कनान रागी क्‍यारी पाइब मुरपुकी सोइक्‍तो। गो मेको रागी इस्राएली आन कली गेनुङ। मेको आन थर थर रे पा मुर का का सोइक्‍तो। मेको आन मुर आन दाते ङा ठेयब मुर दुम्‍चा माल्‍नीम” देंत।
NUM 13:3 मिनु परमप्रभु यावे आ देंशो खोदेंशो पा, मोसामी मेको क्‍यारी पाइब आन कली पारान ङा गोरशो रागी रे सोइक्‍ताक्‍मी। मेको नेल्‍ले इस्राएली आन दाते ङा ठेयब मुर बाक्‍तेक्‍म।
NUM 13:4 मिनु सु सु बाक्‍तेक्‍म देंशा हना, रूबेन आ थर रे जाक्‍कुर आ तौ शम्‍मुआ,
NUM 13:5 सिमियोन आ थर रे होरी आ तौ शाफात,
NUM 13:6 यहूदा आ थर रे यपुन्‍ने आ तौ कालेब, यहोसु १४:७
NUM 13:7 इस्‍साकार आ थर रे योसेफ आ तौ इगाल,
NUM 13:8 एफ्राइम आ थर रे नून आ तौ होशेआ, गन्‍ती १३:१६
NUM 13:9 बेन्‍यामीन आ थर रे रफु आ तौ पाल्‍ती,
NUM 13:10 जबूलून आ थर रे सोदी आ तौ गददीएल,
NUM 13:11 योसेफ आ तौ मनस्‍से आ थर रे सूसी आ तौ गाददी,
NUM 13:12 दान आ थर रे गेमल्‍ली आ तौ अम्‍मीएल,
NUM 13:13 आशेर आ थर रे मिकाएल आ तौ सेथुर,
NUM 13:14 नाप्‍ताली आ थर रे वोफ्‍सी आ तौ नाहबी,
NUM 13:15 गाद आ थर रे माकी आ तौ गूएल बाक्‍तेक्‍म।
NUM 13:16 मिनु मोसामी मेको रागी कली क्‍यारी पथ सोइश्‍शो मुर आन नें एकोन बाक्‍नीम। मोसामी नून आ तौ होशेआ आ नें यहोसु वोइक्‍तु। गन्‍ती ११:२८; १इतिहास ७:२७
NUM 13:17 मोसामी मेको आन कली कनान रागी कली क्‍यारी पथ सोइक्‍ताक्‍मी। मिनु मोसामी मेको आन कली “गे एक रे लशा, नेगेब माइश्‍शो दक्‍खिन ङा रागी रे पहाड गे लने।
NUM 13:18 मेको रागी दोदेंशो बाक्‍मे, मेकेर ङा मुरपुकी बोल्‍यो बाक्‍मा कों, मबाक्‍मा, शुश बाक्‍मा कों, इच्‍का खोइ ला बाक्‍मा? मेको नेल्‍ल कोव़ङीन।
NUM 13:19 मिनु मेको आन रागी रिम्‍शो बाक्‍म कों, मरिम्‍शो बाक्‍म? मिनु मेको आन सहर गारो हिरशो बाक्‍म कों महिरशो बाक्‍म?
NUM 13:20 मिनु मेको रागी ङा खप दोदेंशो बाक्‍मे, मलिलो बाक्‍म कों, पाङकोक्‍च बाक्‍म? मेकेर रवापुकी बाक्‍मा कों, मबाक्‍मा? महिंब दुमीन। मिनु मेको रागी ङा फल फुल चाक्‍कीन” दे माइक्‍तीमी। मेना ङोंइती ङा अङगुर मीची जाक्‍शो बाक्‍त।
NUM 13:21 मिनु मेकोपुकी ग्‍येत्‍थ लशा, जीन ङा गोरशो रागी रे रेहोब सम्‍म मेको रागी क्‍यारी पाम्‍तेक्‍म। रेहोब लेबो-हमाथ आ नेक्‍था बाक्‍माक्‍त।
NUM 13:22 मिनु मेकोपुकी नेगेब गे ग्‍येत्‍थ लशा, हेब्रोन सहर जाक्‍दीम्‍मा बाक्‍त। मेकेर अनाक आ मुर अहीमान, शेशै नु तल्‍मै बाक्‍बाक्‍तेक्‍म। हेब्रोन चहिं इजीप्‍त ङा सोआन सहर क्‍येङा ७ बर्स ङोंइती सेल्‍शो बाक्‍त।
NUM 13:23 मिनु नोले एश्‍कोल ङा दिंममी जाक्‍दीत्‍तेक्‍म। मिनु मेकेर अङगुर सिश्‍शो राशी क्‍योरशा, मेको कोक्‍के कामी शुइश्‍शा मुर निक्‍शीमी कुरशा चाक्‍तेक्‍स। मेकोपुकीमी अनार नु फोव़शी गेडा यो चाक्‍तेक्‍म।
NUM 13:24 मिनु मेको ठेयब अङगुर ख्रोइक्‍तीके नोले मेको बेंसी आ नें एश्‍कोल ङा बेंसी वोइक्‍तेक्‍म।
NUM 13:25 मिनु ४० नाक्‍ती नोले मेकोपुकीमी मेको रागी क्‍यारी पशा, लेत्‍तेक्‍म।
NUM 13:26 मिनु लेश्‍शा, मोसा, हारून नु इस्राएली नेल्‍ल आन बाक्‍तीके, पारान ङा गोरशो रागी कादेशमी जाक्‍तेक्‍म। मिनु मेको क्‍यारी पाइबपुकीमी मोसा, हारून नु मुर नेल्‍ल आन कली आन तशो शेंताक्‍मे। मिनु मेको रागी ङा फल फुल कोंइताक्‍मे। गन्‍ती २०:१; उत्‍पत्ती १६:१४; उत्‍पत्ती २०:१; ब्‍यवस्‍था १:१९,४६; यहोसु १४:६-७
NUM 13:27 मिनु मोसा कली “गोपुकी इन सोइश्‍शो रागीमी जाक्‍दीत्‍तक। मेको रागीम थमा पा दूध नु खुदो शुश बाक्‍ब। मिनु मेको रागी ङा फल फुल एकोन बाक्‍नीम। प्रस्‍थान ३:८,१७
NUM 13:28 तन्‍न मेकेर बाक्‍ब मुरपुकी बोल्‍यो बाक्‍नीम। मिनु मेको आन सहरपुकी गारोम हिरशो नु थम ठेयब बाक्नीम। मिनु गोपुकीमी मेकेर अनाक आ मुर आन कली यो ताइतक।
NUM 13:29 मिनु अमालेक आ मुर नेगेब रागीम बाक्‍बाक्‍तेक्‍म। मिनु हित्ती, यबुसी नु एमोरी पहाडम बाक्‍बाक्‍तेक्‍म। मिनु कनानी ठेयब समुन्‍द्र आ नेक्‍था नु यर्दन खोला आ नेक्‍था बाक्‍बाक्‍तेक्‍म” देंतेक्‍म।
NUM 13:30 मिनु कालेबमी मोसा आ ङोंइती बाक्‍शो मुर आन थुं नाइक्‍पाइक्‍चा, दे मोसा कली “गोपुकी रीब पा लशा, मेको रागी इं के सेल्‍य। मारदे हना गो मेको थमा पा ग्राने चाप्‍नय” देंत। गन्‍ती १४:६
NUM 13:31 मिनु नोले मेको नु लाइब मुरपुकीमी “गोपुकी मेको मुरपुकी नु लडाइ पथ लने मचाप्‍नय। मारदे हना मेकोपुकी गो इं क्‍येङा शुश बोल्‍यो बाक्‍नीम” देंतेक्‍म।
NUM 13:32 मोपा मेकोपुकीमी क्‍यारी पथ लतीक रागी आ पर्बम मरिम्‍शो लोव़ नेंपाइश्‍शा “गोपुकीमी क्‍यारी पथ लशो रागीमी आ मुर आन कली साइक्‍ब ताइतक। मिनु आंइ तशो मुरपुकी थम ठेयब बाक्‍नी‍म।
NUM 13:33 गोपुकीमी मेकेर नेफीलीमपुकी यो ताइतक। अनाक आ मुर नेफीलीम रे दुम्‍शो बाक्‍नीम। मिनु गो मेको आन कली तशा, गो आंमा माले खोदेंशो तांइसाक्‍क। मिनु गो मेको आन ङोंइती यो मोदेंशोन तांइसीनय” देंतेक्‍म। ब्‍यवस्‍था १:२८; ब्‍यवस्‍था ९:२
NUM 14:1 मिनु मेको नाक्‍दो मेको मुर नेल्‍ले वाइ ब्रेश्‍शा ङाक्‍तेक्‍म। ब्‍यवस्‍था १:२६-४४
NUM 14:2 मिनु इस्राएली नेल्‍ल मोसा नु हारून आस पर्बम गन गन पाम्‍तेक्‍म। मिनु नेल्‍लेमी मेको आस कली “गोपुकी इजीप्‍त उइ बेक्‍शो नकी हना, रिम्‍शो दुम वा। एको गोरशो रागीम बेक्‍शो नकी हना यो, दुम वा। गन्‍ती ११:१; प्रस्‍थान १६:२-३; प्रस्‍थान १७:२-३
NUM 14:3 मारदे परमप्रभु यावेमी आंइ कली तरवारम साइक्‍पाइक्‍चा कली एको रागी चाक्‍गा? गो आंइ मीशपुकी नु आंइ आलपुकी रोइश्‍शा लाइक्‍नीम। गोपुकी इजीप्‍त रागी लेत्‍चा रिम्‍शो ममाइ ङा?” देंतेक्‍म। भजन संग्रह १०६:२४-२६
NUM 14:4 मिनु मेकोपुकी “मुल गो लां कोंइब मुर का योव़शा, इजीप्‍त रागीम लेय्‍य” देंमुम्‍तेक्‍म।
NUM 14:5 मिनु मोसा नु हारून मेकेर बुक्‍शो इस्राएली नेल्‍ल आन ङोंइती खुम्‍की पा बाप्‍ताक्‍स। गन्‍ती १६:४
NUM 14:6 मिनु मेको रागीम क्‍यारी पथ लाइब नून आ तौ यहोसु नु यपुन्‍ने आ तौ कालेबमी सुर्ता पा आस आस वा खाक्‍ताक्‍स। गन्‍ती १३:६,८,१६,३०
NUM 14:7 मिनु मेको निक्‍शीमी इस्राएली नेल्‍ल आन कली “गोपुकी आंइ क्‍यारी पथ लशो रागी थम रिम्‍शो बाक्‍ब।
NUM 14:8 परमप्रभु यावे गोपुकी इं कली तशा ग्‍येरसाक्‍व हना, मेकोमी इं कली मेको रागीम चाक्‍दीप्‍ब। मिनु मेको रागी दूध नु खुदो शुश बाक्‍शो रागी बाक्‍ब। मेको रागी इं कली गेब। गन्‍ती १३:२७
NUM 14:9 गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२
NUM 14:10 तन्‍न मुर नेल्‍लेमी मेको आस कली “फुल्‍लु आप्‍नीकी” दे हिंच कोंइताक्‍म। मेना परमप्रभु यावे आ छेङछेङ इस्राएली नेल्‍ल आन कली ग्रुम्‍तीक ताम्‍बुम तपांइसाक्‍व। प्रस्‍थान १७:४; प्रस्‍थान १६:१०
NUM 14:11 मिनु परमप्रभु यावेमी मोसा कली “एको मुरपुकीम गेना सम्‍म आं कली मटीनीमी? एको आन दातेम आं कोंइशो चिन्‍ड तशा यो, गेना सम्‍म आं कली थमा मसुइक्‍नीमी?
NUM 14:12 गो मेको आन कली बेक्‍तीक रोइमी साइक्‍नुङमी। मेको आं मुर खोदेंशो मबाक्‍नीम। मिनु गो इ रे मेको आन क्‍येङा शुश नु बोल्‍यो जात का सेल्‍नुङमी” देंत। प्रस्‍थान ३२:१०-१४
NUM 14:13 मिनु मोसामी परमप्रभु यावे कली “मोदेंशो पाइतीनी हना, इजीप्‍त ङा मुरपुकीमी एको लोव़ नेंनीम। मारदे हना गे मेको आन कली इन सक्तिमी मेकेर रे ग्रुंइताक्‍नी।
NUM 14:14 एको रागी ङा मुरपुकीम मेको आन कली नेंपाइक्‍नीम। परमप्रभु यावे, गे इन मुर आन दातेम बाक्‍शो बाक्‍नीनी, दे मेकोपुकीमी देंशो लोव़ नेंने थुम्‍शो बाक्‍नीम। परमप्रभु यावे, गे मेको आन ङोंइतीन तपांइसीशो बाक्‍नीनी। मिनु इन गोस्‍स मेको आन तार बाक्‍शो बाक्‍ब। मिनु गे नाक्‍ती गोस्‍स के थामम नु नाक्‍दो मी के थामम बाक्‍शा, मेको आन ङोंइती गाक्‍नीनी। प्रस्‍थान १३:२१-२२; गन्‍ती ९:१५-२३
NUM 14:15 मिनु मुल गे एको मुर आन कली कालेमी साइक्‍तीनी हना, इन पशो नेंब रागी रागी ङा मुरपुकीमी
NUM 14:16 ‘परमप्रभु यावेमी मेको आन कली गेनुङ, दे कसम जशो रागीम चाक्‍दीन्‍ने मच‍ब। मोपतीके मेको आन कली गोरशो रागीम साइक्‍तु’ देंनीम। ब्‍यवस्‍था ९:२८; यहोसु ७:८-९
NUM 14:17 मोपतीके, परमप्रभु, इन ठेयब सक्ति कोंइदीन। गे इन थोक्‍शो पशो लोव़ खाप्‍पीन।
NUM 14:18 ‘परमप्रभु यावे रीब पा मगाइक्‍ब नु गेना हना यो दाक्‍ब, प्रस्‍थान ३४:६-७ मेकोमी मरिम्‍शो पशो नु दूली पशो क्‍याम्‍ब, तन्‍न दोस ताइब कली दोस मताइब मदेंब। आन आंम आफ आन पशो पाप मेको आन आल, चच, युइ नु युइ आन आल सम्‍म रपाइक्‍ब’ दे थोक्‍शा लोव़ पशो बाक्‍तीनी।
NUM 14:19 मिनु गे मेको मुर आन मरिम्‍शो पशो इन ठेयब नु गेना हना यो दाक्‍तीकेमी क्‍याम्‍दीन। गे इन मुर आन कली इजीप्‍त रे एक सम्‍म आन मरिम्‍शो पशो क्‍याम्‍शो खोदेंशो पने” दे पुंइतु। प्रस्‍थान ३४:१०
NUM 14:20 मिनु परमप्रभु यावेमी “गे इ पुंइशो खोदेंशो पा एको मुर आन मरिम्‍शो पशो क्‍याम्‍नुङ।
NUM 14:21 मो हना यो गो थमा पा, रागी नेल्‍ले आं सक्तिमी प्रिंनुङ। प्रस्‍थान ९:१६
NUM 14:22 मेकोपुकीमी इजीप्‍तमी नु गोरशो रागीमी आं ठेयब सक्ति नु छक लाक्‍चा ङा गेय तशा यो, आं कली १० खेयप नाक्‍शा, मटीब दुम्‍शा, मेको नेल्‍लेमी
NUM 14:23 मेको आन किकी पिपी आन कली कसम जशा ‘गेनुङ’ देंशो रागी ओव़चा मताइनीम। मिनु आं कली काइ मदाक्‍बपुकीम मेको रागी मताइनीम। भजन संग्रह ९५:११; हिब्रू ३:११,१७-१९
NUM 14:24 तन्‍न आं गेय पाइब कालेब आ थुंमी अर्को सोक्‍ती बाक्‍ब। मिनु मेकोमी आ थुं नेल्‍लेमी आं कली टिशो बाक्‍ब। गो मेको कली आ क्‍यारी पथ लशो रागी चाक्‍दीत्‍नुङ। मिनु मेको आ तौ चच युइ आन रागी दुम्‍ब। यहोसु १४:६-९
NUM 14:25 मिनु अमालेक आ मुर नु कनानीपुकी बेंसीम बाक्‍तीके, गेपुकी दीसा लने। मिनु लल समुन्‍द्र गे पा गोरशो रागी लने” देंत।
NUM 14:26 मिनु परमप्रभु यावेमी मोसा नु हारून आस कली
NUM 14:27 “गेना सम्‍म एको मरिम्‍शो मुरपुकीम आं पर्बम गन गन पाइनीमी? गो इस्राएली आन आं कली गन गन पशो नेंता। मेकोपुकीम आं कली गन गन पाइनीम। प्रस्‍थान ३२:३४-३५
NUM 14:28 गे मेको आन कली ‘परमप्रभु यावेमी थमा पा इन देंशो खोदेंशो पा इन कली पाइनुङ।
NUM 14:29 गे नेल्‍ल गोरशो रागीमी बेक्‍चा माल्‍नीनी। नें ब्रेक्‍शो नेल्‍ले, २० बर्स गाप्‍शो नु मेको क्‍येङा लाक्‍शो आं कली गन गन पाइब बेक्‍चा माल्‍नीम। १कोरिन्‍थी १०:१०
NUM 14:30 आं कसम जशा, इन कली गेनुङ देंशो रागीमी सुइ ओव़चा मताइनीम। यपुन्‍ने आ तौ कालेब नु नून आ तौ यहोसु ला ओव़चा ताइनीस।
NUM 14:31 मिनु रोइक्‍चा पुंइसीनीम, देंशो इन आल आन कली चहिं गो मेक चाक्‍दीत्‍नुङमी। मिनु मेकोपुकीमी इन मदाक्‍शो रागीम बाक्‍शा, तुइक्‍नीम।
NUM 14:32 गेपुकी चहिं एको गोरशो रागीमी बेक्‍नीनी।
NUM 14:33 मिनु इन आल मेको गोरशो रागीमी ४० बर्स सम्‍म गोठला दुम्‍शा हिरचा माल्‍नीम। मोपा इन मटिशो आ पर्बम श्‍येत जाइनीम। गे नेल्‍ल इन नेल्‍ल क्‍येङा नोले ङा मुर मबेक्‍नी सम्‍म मोदेंशो पा हिरचा माल्‍नीम। प्रस्‍थान १६:३५; ब्‍यवस्‍था २:७; ब्‍यवस्‍था ८:४
NUM 14:34 गेपुकीमी मेको रागी क्‍यारी पचा कली ४० नाक्‍त सम्‍म माल्‍शो बाक्‍तीनी। मोपतीके नाक्‍त का ङा बर्स का पा ४० बर्स सम्‍म गेपुकीम इन मरिम्‍शो पशो आ पर्बम श्‍येत जचा माल्‍नीनी। मिनु गो इन पर्बम गाइक्‍ताक्‍ङ, दे तुइक्‍नीनी’ दे येरमीया २:१९; गन्‍ती ३२:१३
NUM 14:35 गो, परमप्रभु यावेमी, लोव़ पाता। मिनु गो एको आं कली गन गन पा बुक्‍शो मरिम्‍शो मुर आन कली थमा पा मो पाइनुङ। मेको नेल्‍ल एको गोरशो रागीमीन बेक्‍शा नुप्‍नीम” देंत।
NUM 14:36 मिनु मोसाम क्‍यारी पथ सोइश्‍शो मुरपुकी लेश्‍शा जाक्‍शा मेको रागी आ पर्बम मरिम्‍शो लोव़ पा मुर नेल्‍ल आन कली परमप्रभु यावे कली गन गन पपाइक्‍तेक्‍म। १कोरिन्‍थी १०:५,१०; यहूदा:५
NUM 14:37 मेको रागी आ पर्बम मरिम्‍शो लोव़ चाक्‍ब मुर नेल्‍ल परमप्रभु यावे आ ङोंइती बेक्‍चा माल्‍नीम।
NUM 14:38 मिनु मेको रागी क्‍यारी पथ लाइब आन दाते ङा नून आ तौ यहोसु नु यपुन्‍ने आ तौ कालेब ला ब्रोंइनीस।
NUM 14:39 मिनु मोसाम मुर नेल्‍ल आन कली एको लोव़ नेंपदानु, मुर नेल्‍ल शुश रोंका पाम्‍तेक्‍म।
NUM 14:40 मेकोपुकीमी सुनी कना बोक्‍शा इर पहाड गे ङोइश्‍शा “गोपुकी मुल एक रे परमप्रभु यावे आ कबल पशो रागी लाइनीकी। मारदे हना, गोपुकीम पाप पशो बाक्‍नीकी” देंतेक्‍म। ब्‍यवस्‍था १:४१
NUM 14:41 तन्‍न मोसामी मेको आन कली “मारदे गेपुकीमी परमप्रभु यावे आ लोव़ लाक्‍नीनी? गे मग्रानीनी।
NUM 14:42 गे इर मङोंइसीन। मारदे हना परमप्रभु यावे गेपुकी नु मबाक्‍ब। मो पाइतीनी हना, इन जोरी सत्रुपुकीमी इन कली साइक्‍नीम।
NUM 14:43 मिनु अमालेक आ मुर नु कनानीपुकीमी इन कली लडाइ तोइनीम। मिनु गेपुकी तरवारम साइक्‍चा पुंइसीनीनी। मारदे हना गेपुकी परमप्रभु यावे कली टिचा प्रोंइतीनी। मोपतीके परमप्रभु यावे इन दातेमी मबाक्‍ब” देंत।
NUM 14:44 मो हना यो मेकोपुकीम लोव़ मनेंथु, इर पहाड गे ङोंइसाक्‍म। तन्‍न परमप्रभु यावे आ कबल पशो सन्‍दोस ग्रुम्‍तीक ताम्‍बुम बाक्‍त। मिनु मोसा मुर आन बाक्‍तीक उइ बाक्‍त।
NUM 14:45 मिनु मेको पहाडम बाक्‍ब अमालेक आ मुर नु कनानीपुकी उइ तोइश्‍शा, मेको आन कली साइक्‍ना साइक्‍न होरमा सम्‍म खेदा पाम्‍तेक्‍म। गन्‍ती २१:३; ब्यवस्‍था १:४४
NUM 15:1 परमप्रभु यावेमी मोसा कली
NUM 15:2 “गे इस्राएली आन कली ‘गो इन कली गेशो बाक्‍तीक रागीम जाक्‍दीन्‍नीनु,
NUM 15:3 गे कसम जशो खाप्‍चा कली मीम चोशा चढ़ेतीक चढ़ेचा दाक्‍ताक्‍नी हना, यो, चोशा चढ़ेतीके चढ़ेचा दाक्‍तीनी हना यो, क्‍योरशा चढ़ेचा दाक्‍ताक्‍नी हना यो, इन कली देंशो चाडमी ग्‍येरशा परमप्रभु यावे कली चढ़ेचा दाक्‍ताक्‍नी हना यो, गे इन गोठ नु बगाल रे परमप्रभु यावे कली आ दाक्‍शो ब्रोव़शो रिना पाइश्‍शो चढ़ेचा माल्‍नीनी।
NUM 15:4 मिनु सुमी परमप्रभु यावे कली चढ़ेबा, मेकोमी अन्‍न चढ़ेतीके यो चढ़ेचा माल्‍ब। मेको अन्‍न चढ़ेतीक एफाह का ङा १० भाग ङा भाग का रिम्‍शो फस, हिन का ङा ४ भाग ङा भाग का तेल ब्‍वाइश्‍शा, चढ़ेचा माल्‍नीनी। एफाह का २२ लिटर पुक्‍तीके बाक्‍ब। हिन का ४ लिटर खोदेंशो बाक्‍ब।लेवी २:-; गन्‍ती २८:५
NUM 15:5 गे चोशा चढ़ेतीक पाठा का का नु तूचा थोव़क चढ़ेतीक हिन का ङा भाग सां ङा भाग का अङगुर शांबु यो चढ़ेचा माल्‍नीनी। गन्‍ती २८:७; प्रस्‍थान २९:४०; लेवी २३:१३
NUM 15:6 सांड का चढ़ेचा दाक्‍तीनी हना, मेको नु अन्‍न चढ़ेतीक यो चढ़ेचा माल्‍नीनी। मेको अन्‍न चढ़ेतीक एफाह का ङा १० भाग ङा भाग निक्‍शी रिम्‍शो फस नु हिन का ङा भाग सां ङा भाग का तेल ब्‍वाइश्‍शा, चढ़ेचा माल्‍नीनी।
NUM 15:7 तूचा थोव़क चढ़ेतीक कली हिन का ङा भाग सां ङा भाग का अङगुर शांबु चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीक बाक्‍ब।
NUM 15:8 मिनु कसम जशो खाप्‍चा कली कि दुशा बाक्‍चा आ पर्बम परमप्रभु यावे कली चोशा चढ़ेचा कली कि क्‍योरशा चढ़ेचा कली ब्‍यफ का चढ़ेतीनी हना,
NUM 15:9 मेको नु अन्‍न चढ़ेतीके यो चढ़ेचा माल्‍नीनी। गे एफाह का ङा १० भाग ङा भाग सां रिम्‍शो फस नु आधा हिन तेल ब्‍वाइश्‍शा, चढ़ेचा माल्‍नीनी। एफाह का २२ लिटर पुक्‍तीक बाक्‍ब। हिन का ४ लिटर पुक्‍तीके बाक्‍ब।
NUM 15:10 मिनु तूचा थोव़क चढ़ेतीक कली आधा हिन अङगुर शांबु यो मेको चोशा चढ़ेतीक नु चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।
NUM 15:11 मिनु मेको ब्‍यफ, सांड, बोका, पाठा नु आइक्‍च पाठा चढ़ेशोनु, मो पचा माल्‍नीनी।
NUM 15:12 गेपुकीम दोशो चढ़ेनीनी, मेको नेल्‍ल आन कली का का पा मो पचा माल्‍नीनी।
NUM 15:13 मिनु इस्राएली सु सुमी परमप्रभु यावे कली ब्रोव़शो रिना पाइश्‍शो मीम चोशा चढ़ेतीके चढ़ेनीमी, मेकोपुकीमी मोदेंशो पचा माल्‍नीमी।
NUM 15:14 मिनु अर्को रागी ङा मुर, गेपुकी नु इच्‍का नाक्‍त बाक्‍त हना यो, गेना हना यो बाक्‍त हना यो, मेकोमी परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीक चढ़ेचा दाक्‍ताक्‍व हना, इन खोदेंशो पा पचा माल्‍ब।
NUM 15:15 मिनु इन ग्रुम्‍तीकेमी गेपुकी नु बाक्‍शो अर्को रागी ङा मुर आन कली नेल्‍ल पाला सम्‍म एको पचा माल्‍शो कान बाक्‍ब। गेपुकी नु अर्को रागी ङा मुर परमप्रभु यावे आ ङोंइती खाल का ङा बाक्‍नीनी। प्रस्‍थान १२:४८-४९
NUM 15:16 गेपुकी नु गे नु बाक्‍शो अर्को रागी ङा मुर आन कली अरेशो लोव़ नु ठीक पतीक लोव़ खाल ङा बाक्‍चा माल्‍ब’ देंचा माल्‍नेवे” दे परमप्रभु यावेमी मोसा कली देंत।
NUM 15:17 परमप्रभु यावेमी मोसा कली
NUM 15:18 “गे इस्राएली आन कली परमप्रभु यावेमी इन कली लाइश्‍शो, रागीम जाक्‍दीन्‍नीनु,
NUM 15:19 गेपुकीमी मेको रागी ङा अन्‍न जनीनु, परमप्रभु यावे कली कोसेली का गेचा माल्‍नीनी।
NUM 15:20 मिनु इन ङोंइती निशो फस रे सेल्‍शो शोब्‍ले का परमप्रभु यावे कली गेचा माल्‍नीनी। खला रे क्‍युक्‍शा चढ़ेशो खोदेंशो पा चढ़ेचा माल्‍नीनी। नेहेम्‍याह १०:३८; इजीकीएल ४४:३०
NUM 15:21 मिनु गेपुकीमी नेल्‍ल इन पाला सम्‍म इन ङोंइती ङा निशो फस रे शोब्‍ले का परमप्रभु यावे कली क्‍युक्‍शा चढ़ेतीके कली चढ़ेचा माल्‍नीनी।
NUM 15:22 मिनु गेपुकीमी मतुइक्‍थु परमप्रभु यावेमी मोसा कली शेंशो लोव़ नेल्‍लेमी का मपाइतीनी हना, लेवी ४:१३-२१
NUM 15:23 परमप्रभु यावेमी मोसा रे पा इन कली नु इन नोले ङा मुर आन कली शेंशो लोव़ मपाइतीनी हना,
NUM 15:24 गे नु ग्रुम्‍तीक ङा मुरुमी मतुइक्‍थु पशो पाप आ पर्बम मेको ग्रुम्‍तीक ङा मुर नेल्‍लेमी ब्‍यफ का चोशा चढ़ेचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो बाक्‍ब। मेको आ शेंशो खोदेंशो पा अन्‍न चढ़ेतीक नु तूचा थोव़क चढ़ेतीक यो चढ़ेचा माल्‍नीम। मिनु पाप आ पर्बम बोका का यो चढ़ेचा माल्‍नीम।
NUM 15:25 मिनु चढ़ेबमी इस्राएली नेल्‍ल आन पर्बम पाप क्‍याम्‍तीक गेय पचा माल्‍ब। मिनु मेकोपुकी आन पाप क्‍याम्‍चा ताइनीम। मारदे हना मेकोम मतुइक्‍थु पाप पशो बाक्‍नीम। मिनु मेकोपुकीमी परमप्रभु यावे कली मीम चोशा चढ़ेतीक चढ़ेचा माल्‍नीम। मेको आन मतुइश्‍शो पाप आ पर्बम परमप्रभु यावे कली चढ़ेचा माल्‍नीम।
NUM 15:26 मिनु ग्रुम्‍तीक ङा इस्राएली नु मेको नु बाक्‍शो अर्को रागी ङा मुर नेल्‍ल माफ ताइनीम। मारदे हना मेको मुर नेल्‍लेम मतुइक्‍थु पाप पशो बाक्‍नीम।
NUM 15:27 मिनु सुइमी मतुइक्‍थु पाप पाप्‍तु हना, मेकोमी आ पाप आ पर्बम बर्स का गाप्‍शो क्‍यारश आ पाठी का चढ़ेचा माल्‍ब। लेवी ४:२७-२८
NUM 15:28 मिनु चढ़ेबमी मेको मुर आ पशो पाप मतुइक्‍तीके, परमप्रभु यावे आ ङोंइती पाप क्‍याम्‍तीक गेय पचा माल्‍ब। मिनु नोले मेको मुरुम माफ ताइब।
NUM 15:29 मतुइक्‍थु पाप पाइब इस्राएलीपुकी नु मेको नु बाक्‍ब अर्को रागी ङा मुर नेल्‍ल आन कली मतुइक्‍थु पाप पशो आ पर्बम पचा माल्‍शो गेय खाल का ङा बाक्‍ब।
NUM 15:30 तन्‍न इस्राएली बाक्‍त हना यो, अर्को रागी ङा मुर बाक्‍त हना यो, तुइश्‍शा यो, मटिथु पाप पाप्‍तु हना, मेको परमप्रभु यावे कली पाप पाइब बाक्‍ब। मेको मुर कली ग्रुम्‍तीके रे तिल्‍चा माल्‍ब। प्रेरित १३:३८; हिब्रू १०:२६-२९
NUM 15:31 मिनु मेको मुरुमी परमप्रभु यावे आ लोव़ लाक्‍शा, आ अरेशो काइ मटितीके, मेको मुर तिल्‍चा पुंइसीशा, आ पाप राइब” देंत।
NUM 15:32 मिनु इस्राएलीपुकी गोरशो रागीम बाक्‍मानु, मेकोपुकीमी नाइक्‍तीक नाक्‍ती मुर का कली शी खुप्‍शो थित्‍तेक्‍म। प्रस्‍थान २०:८-१०
NUM 15:33 मिनु मुरपुकीमी मेको शी खुप्‍ब कली मोसा, हारून नु मुर नेल्‍ल आन ङोंइतीमी चाक्‍तेक्‍म।
NUM 15:34 मिनु मेको कली मार पाइक्‍चा माल्‍बा मतुइक्‍तीके चोक्‍शा वोइक्‍तेक्‍म। लेवी २४:१२
NUM 15:35 मिनु परमप्रभु यावेमी मोसा कली “मेको मुर कली साइक्‍चा माल्‍ब। ग्रुम्‍तीक ङा मुर नेल्‍लेमी मेको कली मुर आन बाक्‍तीके रे ग्रुंइशा, फुल्‍लु आप्‍शा साइक्‍चा माल्‍नीम” देंत। प्रस्‍थान ३१:१४-१५; प्रस्‍थान ३५:२-३
NUM 15:36 मिनु ग्रुम्‍तीक ङा मुर नेल्‍लेमी मेको कली मुर आन बाक्‍तीके रे ग्रुंइ‍शा, फुल्‍लु आप्‍शा साइक्‍तेक्‍म। परमप्रभु यावेमी मोसा कली दोदेंशो पा अरेवा, मोदेंशो पा मुरपुकीमी पाम्‍तेक्‍म।
NUM 15:37 मिनु लेंशा परमप्रभु यावेमी मोसा कली
NUM 15:38 “गे इस्राएली आन कली ‘गेपुकीमी इन फेक्‍तीक वा आन सुरमी नीलो श्‍येले के फेने सेलीन। मोदेंशो नेल्‍ल इन पाला सम्‍म पचा माल्‍नीनी। ब्‍यवस्‍था २२:१२; मत्ती २३:५; प्रस्‍थान ३९:१
NUM 15:39 मारदे मोदेंशो पचा माल्‍तीनी देंशा हना, गे मेको फेने तशा, परमप्रभु यावे आ शेंतीके नेल्‍ल मिम्‍शा, टिचा कली मोदेंशो पचा माल्‍नीनी। इन थुं ङा द‍ला दाक्‍स मपचा कली नु इन मिक्‍च कली पाप मपपाइक्‍चा कली मोदेंशो पचा माल्‍नीनी।
NUM 15:40 गे परमप्रभु यावे आ शेंतीक नेल्‍ल मिम्‍शा पचा माल्‍नीनी। मिनु गे इन परमप्रभु आ ङोंइती ग्रांग्रा मदिशो दुम्‍चा माल्‍नीनी।
NUM 15:41 गो, परमप्रभु यावे, इन परमप्रभु नङ। गो इन परमप्रभु दुम्‍चा कली इन कली इजीप्‍त रागी रे ग्रुंइताक्‍नी। गो परमप्रभु यावे, इन परमप्रभु नङ’ देंचा माल्‍नेवे” देंत।
NUM 16:1 मिनु लेवी आ तौ कोहाथ, आ चच इच्‍हार, आ युइ कोराह, नु रूबेन आ थर ङा एलीआब आ तौ निक्‍शी दाथान नु अबीराम नु पेलेथ आ तौ ओन सल्‍ला पाम्‍तेक्‍म। प्रस्‍थान ६:१६,१८,२१; गन्‍ती २६:७-९; यहूदा १:११
NUM 16:2 मिनु मेकोपुकीम सहे निक्‍शी ५० जना इस्राएली ब्रेत्‍ताक्‍म। मेकोपुकी ग्रुम्‍तीकेमी योव़चा पुंइसीशो ठेयब मुर बाक्‍तेक्‍म। मेको आन कली मुर नेल्‍लेमी तुइश्‍शो बाक्‍तेक्‍म। मेकोपुकीम मोसा कली दोस गेम्‍तेक्‍म। गन्‍ती १२:१-२
NUM 16:3 मिनु मेकोपुकी बुक्‍शा, मोसा नु हारून आस कली “गे निक्‍शीमी थम मरिम्‍शो पाइतीसी। ग्रुम्‍तीक ङा मुर नेल्‍ले का का पा, ग्रांग्रा मदिशो बाक्‍नीम। मिनु परमप्रभु यावे मेको आन दातेमी बाक्‍ब। गे मारदे इस कली परमप्रभु यावे आ मुर आन क्‍येङा ठेयब सेल्‍सीनीसी?” देंतेक्‍म।
NUM 16:4 मिनु मोसा मेको लोव़ नेंशा, खुम्‍की पा बाप्‍त। गन्‍ती १४:५
NUM 16:5 मिनु मेकोमी कोराह नु मेको आ मुर नेल्‍ल आन कली “दीसा सुनी परमप्रभु यावेमी सु मेको आ मुर बाक्‍बा, सु ग्रांग्रा मदिशो बाक्‍बा नु सु आ नेक्‍था जाक्‍दीत्‍चा गेबा, मेको तुइक्‍पाइक्‍ब। २तिमोथी २:१९
NUM 16:6 कोराह, गे नु बाक्‍ब मुर नेल्‍लेमी थनौरो चाक्‍शा जाक्‍कीन।
NUM 16:7 मिनु गे दीसा मेकेर मी कुर पा परमप्रभु यावे आ ङोंइती धूप चोने। मिनु परमप्रभु यावेमी सु कली योव़बा, मेको ग्रांग्रा मदिशो बाक्‍ब। लेवीपुकी, गे थम मरिम्‍शो पाइतीनी” देंत।
NUM 16:8 मिनु मोसामी कोराह कली “गे लेवीपुकी नेनीन।
NUM 16:9 इस्राएली आन परमप्रभु यावेमी इन कली आ नेक्‍था जाक्‍चा गेशा, आ ताम्‍बु ङा गेय पचा कली मुर आन दाते रे योव़शो बाक्‍ब। गे ग्रुम्‍तीक आ ङोंइती राप्‍शा, मेको मुर आन गेय पचा, आइक्‍च मिम्‍नीनी? गन्‍ती ३:६-१३; गन्‍ती ४:४-२०
NUM 16:10 मेकोमी गे नु इ लोक्‍ब, लेवी नेल्‍ल आन कली आ नेक्‍था जाक्‍चा गेप्‍तु। मार, गेपुकीम चढ़ेब आन गेय यो माल्‍नीनी?
NUM 16:11 गे नु इ मुर नेल्‍ले परमप्रभु यावे कली दोस गेशा बुक्‍तीनी। हारून सु बाक्‍बा ङा? गे मेको कली गन गन पनी?” दे माइक्‍तीमी।
NUM 16:12 मिनु मोसामी एलीआब आ तौ दाथान नु अबीराम आस कली ब्रेत्‍थ सोइक्‍ताक्‍व। तन्‍न मेको निक्‍शीमी “गो मजाक्‍नस्‍कु।
NUM 16:13 गे आंइ कली दूध नु खुदो शुश बाक्‍शो रागी रे एको गोरशो रागीम साइक्‍थ चाक्‍शा यो, मार, इन कली मजाक्‍दीम्‍मे? मिनु गे आंइ कली हुकुम यो पचा माल्‍नीसी?
NUM 16:14 गे आंइ कली दूध नु खुदो शुश बाक्‍शो रागीम चाक्‍दीन्‍नी? रू नु अङगुर रू गे‍नी? मार, गे एको मुर आन मिक्‍च फेत्‍चा दाक्‍नीनी? गोपुकी थमा पा मजाक्‍नीकी” देंताक्‍स। प्रस्‍थान ३:८
NUM 16:15 मिनु मोसा शुश गाइश्‍शा, परमप्रभु यावे कली “मेको आन चढ़ेशो मताक्‍कीन। गो मेको आन गधा का यो मताक्‍गु। गो मेको आन कली मरिम्‍शो यो मपङ” देंत।
NUM 16:16 मिनु मोसामी कोराह कली “गे नु इ मुरपुकी नु हारून यो दीसा परमप्रभु यावे आ ङोंइती जाक्‍कीन।
NUM 16:17 गे नेल्‍लेमी आंम आंम थनौरो चाक्‍शा, मेकेर धूप कुर पने। मिनु गे का का पा आंम थनौरो परमप्रभु यावे आ ङोंइती चाक्‍कीन। गे नु हारूनम यो इस थनौरो चाक्‍कीस। मेको सहे निक्‍शी ५० ओटा थनौरो बाक्‍नीम” देंत।
NUM 16:18 मिनु मेको का का पा आन थनौरोम मी कुर पा धूप वोइक्‍तेक्‍म। मिनु मेकोपुकी मोसा नु हारून ग्रुम्‍तीक ताम्‍बु आ ओव़तीकेमी राप्‍तेक्‍म।
NUM 16:19 मिनु कोराहमी ग्रुम्‍तीक ङा मुर नेल्‍ल आन कली मोसा नु हारून आस पर्बम गन गन पचा, दे ग्रुम्‍तीक ताम्‍बु आ ओव़तीकेमी पुक्‍तीमी। मेना परमप्रभु यावे आ छेङछेङ मेको नेल्‍ल आन ङोंइती ग्रूत। गन्‍ती १६:१०
NUM 16:20 मिनु परमप्रभु यावेमी मोसा नु हारून आस कली
NUM 16:21 “गे निक्‍शी मेको मुर आन रे दिलीस। मिनु गो याम कामी एको नेल्‍ल आन कली रोवल चिवल पोक्‍नुङमी” देंत। उत्‍पत्ती १९:१४
NUM 16:22 मिनु मोसा नु हारूनमी खुम्‍की पा “परमप्रभु मुर नेल्‍ल आन कली ब्रोंइचा गेब परमप्रभु, मुर कामी पाप पतीके गे मुर नेल्‍ल नु गाइक्‍नीनी?” देंताक्‍स। अय्‍युब १०:१२; अय्‍युब १२:१०; २सामुएल २४:१७; गन्‍ती २७:१६
NUM 16:23 मिनु परमप्रभु यावेमी मोसा कली
NUM 16:24 “एको मुर आन कली ‘कोराह, दाथान नु अबीराम आन बाक्‍तीक रे दिलीन’ दे माइक्‍मी” देंत।
NUM 16:25 मिनु मोसा बोक्‍शा दाथान नु अबीराम आस बाक्‍तीक लत। मिनु इस्राएली आन खाल्‍पापुकी यो लाम्‍तेक्‍म।
NUM 16:26 मिनु मेकोम नेल्‍ल मुर आन कली “मेको मरिम्‍शो मुर आन ताम्‍बु रे दिल्‍शा बाक्‍कीन। मेको आन के मारेइ मथिने। मो मपाइतीनी हना, मेको आन पापमी पतीके गेपुकी यो साइक्‍चा पुंइसीनीनी” दे माइक्‍तीमी।
NUM 16:27 मोपतीके मेकोपुकी कोराह, दाथान नु अबीराम आन ताम्‍बु रे दिल्‍तेक्‍म। मिनु दाथान नु अबीराम आस ताम्‍बु रे ग्रूशा, मेको आस ताम्‍बु आ ओव़तीकेम आस मीश नु आस आलपुकी नु राप्‍ताक्‍स।
NUM 16:28 मिनु मोसामी मेको नेल्‍ल आन कली “परमप्रभु यावेमी आं कली एको गेय पचा कली सोइश्‍शो बाक्‍ब, दे गे तुइक्‍नीनी। एको गेय नेल्‍ल गो आंमा पशो मनङ।
NUM 16:29 मेको मुरपुकी अरु मुरपुकी खोदेंशो पा बेक्‍तेक्‍म हना, गो परमप्रभु यावे आ सोइश्‍शो मनङ।
NUM 16:30 तन्‍न परमप्रभु यावेमी नक गेय का पा, रागीम आ शोव़ पाक्‍शा, दाक्‍तु हना, एको आन मारेइ मारेइ सुन्‍दा सेसीन बेक्‍शो मुर आन बाक्‍तीके दोक्‍तेक्‍म हना, एकोपुकीमी परमप्रभु यावे आ लोव़ लाक्‍शो बाक्‍मा बाक्‍त, दे गेपुकीमी तुइक्‍नीनी” देंत।
NUM 16:31 मिनु मेको लोव़ पने थुमा नोले मेको आन बाक्‍शो रागी ब्रोल्‍त। ब्‍यवस्‍था ११:६
NUM 16:32 मिनु रागीम आ शोव़ पाक्‍शा, मेको नु मेको आस खिं ङा मुर नेल्‍ल, कोराह आ खिं ङा मुर नेल्‍ले नु मेको आन मारेइ मारेइ नेल्‍ल दाक्‍तु।
NUM 16:33 मिनु मेकोपुकी नु आन मारेइ मारेइ सेसीन बेक्‍शो मुर आन बाक्‍तीके लाम्‍तेक्‍म। मिनु रागीम मेको आन तार आ शोव़ ख्रेप्‍ताक्‍व। मिनु मेकोपुकी ग्रुम्‍तीक ङा मुर आन दाते रे जाम्‍तेक्‍म।
NUM 16:34 मिनु आन नेक्‍था बाक्‍ब इस्राएली नेल्‍लेमी मेको आन वाइ ब्रेश्‍शो नेंशा “गोपुकी इं कली यो मुल रागीम दाक्‍ब” देंना देंन प्रोक्‍तेक्‍म।
NUM 16:35 मिनु परमप्रभु यावे रे मी ग्रूशा, मेको सहे निक्‍शी ५० जना धूप चोइब आन कली दाक्‍तु। लेवी १०:१-२; भजन संग्रह १०६:१७-१८
NUM 16:36 मिनु परमप्रभु यावेमी मोसा कली
NUM 16:37 “चढ़ेब हारून आ तौ एलाजर कली थनौरोपुकी ब्रशो मी रे ग्रुंइचा कली नु मी आ फिलीङगो शुश ङोन लाइश्‍शा फ्रचा कली अरेवो। गन्‍ती ३:४; प्रस्‍थान ६:२५
NUM 16:38 मारदे हना मेको पाप पाइबपुकी बेक्‍तीके आन थनौरोपुकी ग्रांग्रा मदिशो बाक्‍नीम। मेको थनौरो तुप्‍शा, चढ़ेतीके गिल्‍तीक पाता सेल्‍चा माल्‍ब। मारदे हना मेको मुर आन थनौरो परमप्रभु यावे आ ङोंइती चढ़ेतीके ग्रांग्रा मदिशो दुम्‍तेक्‍म। मिनु मेको इस्राएली आन कली मिम्‍तीक चिन्‍ड दुम्‍चा माल्‍नीम” देंत।
NUM 16:39 मिनु चढ़ेब एलाजरमी मेको बेक्‍शो मुरपुकीम धूप चोशो तांबा के थनौरो गुप्‍तु। मिनु मेको कली तुप्‍शा चढ़ेतीक गिल्‍चा कली पाता सेल्‍तु।
NUM 16:40 मेको इस्राएली आन कली मिम्‍तीके बाक्‍ब। मार मिम्‍तीके बाक्‍ब देंशा हना, हारून आ मुर ङा लाक्‍शा, अरु मुरपुकी परमप्रभु यावे आ ङोंइती धूप चोचा कली आ नेक्‍था लने मचाप्‍नीम। मिनु कोराह नु आ मुरपुकी खोदेंशो पा साइक्‍चा मपुंइसीनीम, दे मिम्‍पाइक्‍तीक बाक्‍ब। मिनु परमप्रभु यावे मोसा रे पा एलाजर कली दोदेंशो पा लोव़ पवा, मोदेंशो पा पाप्‍तु। गन्‍ती ३:१०
NUM 16:41 मिनु आ दीसा सुनी इस्राएली नेल्‍लेमी मोसा नु हारून आस पर्बम गन गन पा “गे निक्‍शीमी परमप्रभु यावे आ मुर आन कली साइक्‍तीसी” देंतेक्‍म। प्रस्‍थान १७:३
NUM 16:42 मिनु मुरपुकीम मोसा नु हारून आस कली गन गन पा बुक्‍शा, ग्रुम्‍तीक ताम्‍बु गे कोव़ङमेनु, गोस्‍सुमी मेको ताम्‍बु कली सुम्‍शो ताम्‍तेक्‍म। मिनु परमप्रभु यावे आ छेङछेङ ग्रूत।
NUM 16:43 मेना मोसा नु हारून ग्रुम्‍तीक ताम्‍बु आ ङोंइती लाम्‍ताक्‍स।
NUM 16:44 मिनु परमप्रभु यावेमी मोसा कली
NUM 16:45 “गे मेको मुर आन दाते रे दिलीस। गो मेको आन कली याम कामी रोवल चिवल पोक्‍नुङमी” देंत। मिनु मेको खुम्‍की बाप्‍ताक्‍से।
NUM 16:46 मिनु मोसामी हारून कली “मेको थनौरो लाइश्‍शा, मेको चढ़ेतीक ङा मी कुर पा धूप चोवो। मिनु रीब पा मेको मुर आन दातेमी लाइश्‍शा, मेको आन पाप क्‍याम्‍तीक गेय पावो। मारदे हना परमप्रभु यावे गाइक्‍ताक्‍व। मिनु मुर बेक्‍तीक रोइ बोक्‍चा गोप्‍तु” देंत। लेवी १६:१२,१३,१७; गन्‍ती १:५३
NUM 16:47 मिनु मोसामी देंशो खोदेंशो पा हारून थनौरो लाइश्‍शा मुर आन दातेमी दोरशा लत। मेना मुर आन दातेमी मुर साइक्‍ब रोइ जाक्‍ने थुम्‍शो बाक्‍त। मिनु मेकोमी धूप चोशा मुर आन पर्बम पाप क्‍याम्‍तीक गेय पाप्‍तु।
NUM 16:48 मिनु हारून बेक्‍शो नु सेस मुर आन दातेमी राप्‍त। मिनु मेको मुर बेक्‍‍तीक रोइ देक्‍त।
NUM 16:49 कोराह बेक्‍तीकेम बेक्‍शो प्रोंइशा, मेको मुर बेक्‍तीक रोइम बेक्‍शो मुर १४ हजार ७ सहे बाक्‍तेक्‍म।
NUM 16:50 मिनु मेको मुर बेक्‍तीक रोइ देक्‍म नोले हारून मोसा आ बाक्‍तीक, ग्रुम्‍तीक ताम्‍बु आ ओव़तीकेम लेत्‍त।
NUM 17:1 मिनु परमप्रभु यावेमी मोसा कली
NUM 17:2 “गे इस्राएली नेल्‍ल आन कली ‘गे इन किकी पिपी आन थर थर रे पा का का पा १२ ओटा कोक्‍के चाक्‍कीन’ दे माइक्‍मी। मेको मुर आन नें मेको आन आन कोक्‍केमी ब्रेक्‍तो।
NUM 17:3 मिनु हारून आ नें लेवी आ थर ङा मुर आन कोक्‍केम ब्रेक्‍तो। मारदे हना नेल्‍ल थर ङा ठेयब मुर आन नेंम कोक्‍के का का दुम्‍चा माल्‍ब।
NUM 17:4 मिनु गे मेको कोक्‍के आन कली ग्रुम्‍तीक ताम्‍बुमी सल्‍ला पशो सन्‍दोस आ ङोंइती वोतो। गो मेकेर रे इन कली लोव़ पाइनुङ। प्रस्‍थान २५:२२
NUM 17:5 मिनु आं योव़शो मुर आ कोक्‍केम कोच्‍वा दाप्‍ब। मोपा गो इस्राएलीपुकीम इस पशो गन गन नाइक्‍पाइक्‍नुङमी” देंत। गन्‍ती १६:५-७
NUM 17:6 मिनु मोसाम इस्राएली आन कली मेको लोव़ नेंपाइक्‍तीमी। मिनु मेको आन ठेयब मुर नेल्‍लेमी मेको कली कोक्‍के का का चाक्‍शा, गेम्‍तेक्‍म। मिनु मेको आन किकी पिपी आन थर थर पा १२ ओटा कोक्‍के गेम्‍तेक्‍म। मिनु हारून आ कोक्‍के यो मेको आन कोक्‍के आन दातेम बाक्‍त।
NUM 17:7 मिनु मोसामी मेको कोक्‍के नेल्‍ल परमप्रभु यावे आ सल्‍ला पशो सन्‍दोस बाक्‍शो ताम्‍बुमी परमप्रभु यावे आ ङोंइती वोइक्‍तु।
NUM 17:8 मिनु मोसा आ दीसा सल्‍ला पशो सन्‍दोस बाक्‍शो ताम्‍बुम लत। मिनु लेवी आ थर ङा मुर, हारून आ कोक्‍केम कोच्‍वा दाप्‍शा, फू बोइश्‍शा देसी बदाम सिश्‍शो मीशो ताप्‍तु।
NUM 17:9 मिनु नोले मोसामी कोक्‍के नेल्‍ल खुप्‍शा, परमप्रभु यावे आ ङोंइती रे लाइश्‍शा, इस्राएली आन कली गेम्‍तीमी। मिनु मेकोपुकीमी कोव़शा, आन आन कोक्‍के लांइसाक्‍म।
NUM 17:10 मिनु परमप्रभु यावेमी मोसा कली “मरिम्‍शो पाइब मुर आन कली मिम्‍तीके दुम्‍पाइक्‍चा कली हारून आ कोक्‍के लेंशा सल्‍ला पशो सन्‍दोस आ ङोंइती लाइश्‍शा वोतो। मिनु मेकोपुकीमी आं पर्बम गन गन पचा मप्रोंइतेक्‍म हना, बेक्‍नीम” देंत। हिब्रू ९:४
NUM 17:11 मिनु मोसामी परमप्रभु यावे आ देंशो खोदेंशो पा पाप्‍तु।
NUM 17:12 मिनु इस्राएलीपुकीमी मोसा कली “कोव़ङीन, गोपुकी खतम दुम्‍शा जाम्‍शा लाइनीकी।
NUM 17:13 सु परमप्रभु यावे आ ताम्‍बु आ नेक्‍था लाइबा, मेको बेक्‍ब। मार, गो नेल्‍ल यो बेक्‍नीकी?” देंतेक्‍म। भजन संग्रह १३०:३-४
NUM 18:1 मिनु परमप्रभु यावेमी हारून कली “गे इ तौपुकी नु इ आफ आ खिं ङा मुरुम परमप्रभु यावे आ बाक्‍तीक कली मरिम्‍शो पशो कुरचा माल्‍नीनी। मिनु गे नु इ तौपुकीमी चढ़ेतीक गेय पाइब आन मरिम्‍शो पशो कुरचा माल्‍नीनी। प्रस्‍थान २८:३८; लेवी १६:३२-३३
NUM 18:2 मोपतीके गे इ लोक्‍ब लेवी आ थर ङा मुर आन कली यो इ कली वारच पचा कली चाक्‍मी। गे नु इ तौपुकीम ताम्‍बु आ ङोंइती गेय पना पन बाक्‍नीनु, मेकोपुकीम इन कली वारच पामेक्‍ल। गन्‍ती ३:६-१०
NUM 18:3 मेकोपुकी इ कली वारच पशा, ताम्‍बु ङा गेय पचा माल्‍नीम। तन्‍न मेकोपुकीम ताम्‍बु ङा मार मार थिचा मदुम्‍नीम। मिनु चढ़ेतीक आ नेक्‍था जाक्‍चा मदुम्‍नीम। मो पाम्‍तेक्‍म हना, मेकोपुकी नु गे यो बेक्‍नीनी।
NUM 18:4 मेकोपुकीम इन अरेशो टिशा, ग्रुम्‍तीक ताम्‍बु ङा मारेइ मारेइ गेय पचा माल्‍नीम। गे इन ङा लाक्‍शा अरु सुइम मेको गेय पचा मताइनीम।
NUM 18:5 मिनु गे इस्राएली आन दातेमी लेंशा गाइक्‍तीक गेनायो मजाक्‍ल, दे परमप्रभु यावे आ बाक्‍तीक नु चढ़ेतीक ङा गेय आंमा पचा माल्‍नेवे। गन्‍ती १७:११
NUM 18:6 मिनु गो मुल इस्राएली आन दाते रे इ लोक्‍ब लेवी आन कली योव़नुङ। गो मेको इ कली गेनुङ। मेकोपुकी ग्रुम्‍तीक ताम्‍बु ङा गेय पचा कली आं कली जिम्‍मा गेशो बाक्‍नीम। गन्‍ती ३:१२,४५
NUM 18:7 तन्‍न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्‍शो पा पने। चढ़ेतीक गेय इन कली गेतन्‍नी। अरु सुइ मेकेर जाक्‍तेक्‍म हना, मेको साइक्‍चा पुंइसीनीम” देंत। गन्‍ती १:५१
NUM 18:8 मिनु परमप्रभु यावेमी हारून कली “गो आं कली चढ़ेशो इ कली गेतन। इस्राएलीपुकीमी आं कली चढ़ेशो नेल्‍ल गेतन। मेको इ कली नु इ तौ आन कली चढ़ेतीक गेय पशो ङा गेना हना यो इन भाग बाक्‍ब। लेवी ३:२,१०; लेवी ६:९-११,१९-२२; लेवी ७:६-१०
NUM 18:9 मिनु मी रे पा प्रोंइशा आं कली चढ़ेशो इन कली मार बाक्‍ब देंशा हना, मेको आं कली नेल्‍ल क्‍येङा चोव़खो चढ़ेशो अन्‍न चढ़ेशो बाक्‍त हना यो, पाप आ पर्बम चढ़ेशो बाक्‍त हना यो नु गारचा आ पर्बम चढ़ेशो नेल्‍ल इ कली नु इ तौ आन कली बाक्‍ब।
NUM 18:10 मिनु मेको इन कली नेल्‍ल क्‍येङा चोव़खो जचा थोव़क बाक्‍ब। मेको इन दाते ङा वोंइश मुर नेल्‍लेमी जने चाप्‍नीम। मेको इन कली चोव़खो बाक्‍ब। लेवी ६:९; लेवी १०:१२,१४
NUM 18:11 मिनु इस्राएलीपुकीमी क्‍युक्‍शा चढ़ेतीक चढ़ेम्‍तेक्‍म हना, मेको तिल्‍शो नेल्‍ल इ कली नु इ तमी तौ आन कली गेना हना यो इन भाग बाक्‍ब, दे गेतन्‍नी। इ खिंम ग्रांग्रा मदिशो बाक्‍शो सुइ सुइमी मेको जने चाप्‍नीम।
NUM 18:12 मिनु मेकोपुकीमी परमप्रभु यावे कली गेशो नेल्‍ल क्‍येङा रिम्‍शो तेल, नेल्‍ल क्‍येङा रिम्‍शो अङगुर शांबु, अन्‍न नु रिम्‍शो मारेइ मारेइ गो इ कली गेतन।
NUM 18:13 मेकोपुकीमी परमप्रभु यावे कली चढ़ेथ चाक्‍शो आन ङोंइती मीशो फल फुल नेल्‍ल इं केन दुम्‍ब। इ खिंमी ग्रांग्रा मदिशो बाक्‍शो मुर नेल्‍लेमी मेको जने चाप्‍नीम। प्रस्‍थान २३:१९; ब्‍यवस्‍था १८:३-४
NUM 18:14 इस्राएलम आं कली चढ़ेशो मारेइ मारेइ इ केन बाक्‍ब। लेवी २७:२८
NUM 18:15 मिनु परमप्रभु यावे कली चढ़ेशो, मुर आन ङोंइती जरमेशो, बी ब्‍यफ क्‍यारश भेडा आन ङोंइती जरमेशो नेल्‍ल इ केन बाक्‍नीम। मो दुम्‍त हना यो, गे मुर आ ङोंइती जरमेशो कली प्रोंइचा माल्‍नेवे। ग्रांग्रा दिशो बस्‍तु भाव आन ङोंइती जरमेशो यो प्रोंइचा माल्‍नेवे। प्रस्‍थान १३:२; प्रस्‍थान ३४:१९-२०
NUM 18:16 मेको आन कली प्रोंइतीक क्‍येट महिना का गाप्‍शो कली चांदी के ५ शेकेल ताक्‍चा माल्‍नेवे। मेको ताम्‍बु ङा शेकेल बाक्‍चा माल्‍नीम। मेको ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ताम्‍बु ङा शेकेल का १२ ग्राम ङा क्‍येट बाक्‍ब।लेवी २७:६,२७
NUM 18:17 मिनु बी, भेडा क्‍यारश आन ङोंइती जरमेशो आन कली प्रोंइने मचाप्‍नीम। मेको आं केन बाक्‍नीम। गे मेको आन हुश चढ़ेतीकेमी ब्रुइक्‍चा माल्‍नेवे। मिनु मेको आन बोंसो चोचा माल्‍नेवे। मेको परमप्रभु यावे कली आ दाक्‍चा ब्रोव़शो रिना पाइश्‍शो मीम चोशा चढ़ेतीक बाक्‍ब।
NUM 18:18 तन्‍न आन श्‍ये इ केन बाक्‍ब। मेको क्‍युक्‍शा चढ़ेशो कुथ्रु नु ग्‍युरा फिला खोदेंशो पा इ केन बाक्‍ब।
NUM 18:19 मिनु इस्राएलीपुकीमी आं कली चढ़ेशो नेल्‍ल इ कली नु इ तमी तौ आन कली गेना हना यो कली गेतन्‍नी। मेको इ कली नु इ चच युइ आन कली परमप्रभु यावे आ ङोंइती गेना हना यो लीशो हिक्‍सी आ कबल पशो बाक्‍ब” देंत। लेवी २:१३; २इतिहास १३:५
NUM 18:20 मिनु नोले परमप्रभु यावेमी हारून कली “गे मेको रागीम मुर आन दातेमी रू मताइनीनी। गो इस्राएली आन दातेमी इन भाग नु इन शोंप नङ। गन्‍ती ३५:-; ब्‍यवस्‍था १०:९; ब्‍यवस्‍था १२:१२; यहोसु १३:१४,३३; भजन संग्रह १६:५; भजन संग्रह ७३:२६; इजीकीएल ४४:२८
NUM 18:21 गो लेवी आ मुर आन कली ग्रुम्‍तीक ताम्‍बुमी गेय पचा कली इस्राएली नेल्‍ल आन १० भाग ङा भाग का गेतामी। लेवी २७:३०
NUM 18:22 मुल रे इस्राएलीपुकी ग्रुम्‍तीक ताम्‍बु आ नेक्‍था जाक्‍ने मचाप्‍नीम। जाक्‍तेक्‍म हना, पापम पतीकेमी बेक्‍नीम।
NUM 18:23 तन्‍न लेवीपुकीमी ग्रुम्‍तीक ताम्‍बु ङा गेय पचा माल्‍नीम। मेकोपुकीमी पाप पाम्‍तेक्‍म हना, मेको आंमा कुरचा माल्‍नीम। मेको इन कली गेना हना यो लीब शेंतीके बाक्‍ब। तन्‍न मेकोपुकीमी इस्राएली आन दातेमी रू मताइनीम।
NUM 18:24 मारदे हना गो लेवी आन कली इस्राएली आन परमप्रभु यावे कली चढ़ेशो १० भाग ङा भाग का गेतामी। मोपतीके गो मेको आन कली ‘गे इस्राएली आन दातेमी रू मताइनीनी’ देंती” देंत।
NUM 18:25 मिनु परमप्रभु यावेमी मोसा कली
NUM 18:26 “गे लेवी आन कली ‘परमप्रभु यावेमी इन कली मुर आन गुइ रे इन भाग दुम्‍चा कली गेशो, इस्राएली आ १० भाग ङा भाग का ताक्‍नीनु, गेपुकीम मेको रे यो परमप्रभु यावे कली १० भाग ङा भाग का तिल्‍शा, गेचा माल्‍नीनी।
NUM 18:27 मिनु मेको अन्‍न नु अङगुर शांबु मुर आन रे चाक्‍शो भाग खोदेंशो मिम्‍सीब।
NUM 18:28 मोपा गे इस्राएली आन रे ताक्‍शो १० भाग ङा भाग का नेल्‍ल रे तिल्‍शा परमप्रभु यावे कली १० भाग ङा भाग का गेचा माल्‍नीनी। मेको चढ़ेब हारून कली गेचा माल्‍नीनी।
NUM 18:29 मिनु गे मार मार ताक्‍नी, मेको नेल्‍ल रे परमप्रभु यावे आ भाग तिल्‍चा माल्‍नीनी’ दे माइक्‍मी।
NUM 18:30 मिनु गे मेको आन कली ‘गेपुकीमी नेल्‍ल क्‍येङा रिम्‍शो भाग तिल्‍नी नोले, मेको लीशो इन रू रे रुप्‍शो अन्‍न नु इन अङगुर रू ङा शांबु खोदेंशो बाक्‍ब।
NUM 18:31 मिनु गे नु इन खिं ङा मुर नेल्‍ले ते ते जचा दाक्‍नीनी, मेक मेक जने चाप्‍नीनी। मारदे हना मेको इन ग्रुम्‍तीक ताम्‍बुमी गेय पशो ङा गाल्‍च बाक्‍ब। मत्ती १०:१०
NUM 18:32 मिनु गे मेको आन नेल्‍ल क्‍येङा रिम्‍शो भाग गेतीके इन कली मारेइ दोस मदुम्‍ब। तन्‍न इस्राएलीपुकीम आन परमप्रभु यावे कली गेशो थोव़क दूली पा मचलेने। मो पाइतीनी हना गे बेक्‍नीनी’ दे माइक्‍चा माल्‍नेवे” दे परमप्रभु यावेमी मोसा कली देंत।
NUM 19:1 परमप्रभु यावेमी मोसा नु हारून आस कली
NUM 19:2 “गे इस्राएली आन कली ‘परमप्रभु यावेमी ब्रेक्‍शा अरेशो पचा माल्‍शो लोव़ का एको बाक्‍ब। गेपुकी थम रिम्‍शो मारेइ मदुम्‍शो गेनायो जवा मलाप्‍शो लल बी का आंस बाक्‍तीक चाक्‍कीन’ देनीस। हिब्रू ९:१३; लेवी २२:२०; ब्‍यवस्‍था २१:३
NUM 19:3 मिनु गे मेको बी कली चढ़ेब एलाजर कली गेसे। मिनु मेकोमी मेको बी कली मुर आन बाक्‍तीक रे ङोन लाइश्‍शा, आ ङोंइती मेको कली क्‍योरपाइक्‍चा माल्‍ब।
NUM 19:4 मिनु चढ़ेब एलाजरमी आ ब्रेप्‍चोमी आ हुश ख्रुम्‍शा, ग्रुम्‍तीक ताम्‍बु आ ङोंइती ७ खेयप ब्रुइक्‍चा माल्‍ब। लेवी ४:६,१७
NUM 19:5 मिनु नोले मेको बी चढ़ेब आ ङोंइती चोचा माल्‍ब। आ कुशुल, आ श्‍ये, आ हुश नु गोबर सुन्‍दा चोचा माल्‍ब। लेवी ७:८; लेवी ४:११-१२
NUM 19:6 मिनु चढ़ेबमी लेबानोन ङा लाइश्‍शो रवा आ शी, हिस्‍सोप के ब्राक्‍स, लल रङ ङा ऊन चाक्‍शा, मेको बी कली जेन्‍ना जेन्‍न पशो मीम हुम्‍चा माल्‍ब। लेवी १४:६
NUM 19:7 मेको नोले चढ़ेबमी आ वा मुरशा, चिक्‍सीचा माल्‍ब। नोले मेको मुर आन बाक्‍तीके लेन्‍ने चाप्‍ब। तन्‍न मेको चढ़ेब नां मलाक्‍गा सम्‍म ग्रांग्रा दिशो बाक्‍ब। लेवी १६:२८
NUM 19:8 मिनु नोले मेको बी चोइ‍बमी आ वा मुरशा, चिक्‍सीचा माल्‍ब। मेको नां मलाक्‍गा सम्‍म ग्रांग्रा दिशो बाक्‍ब।
NUM 19:9 मिनु ग्रांग्रा मदिशो मुर कामी मेको बी कली चोशो पुलु खुप्‍शा, मुर आन बाक्‍तीके रे ङोन ग्रांग्रा मदिशो बाक्‍तीकेम वोइक्‍चा माल्‍ब। मेको इस्राएली आन कली चोव़खेतीक ब्‍वाक्‍कु सेल्‍चा कली बाक्‍ब। मेको चोव़खेसीचा कली चढ़ेतीक बाक्‍ब।
NUM 19:10 मिनु मेको बी चोशो पुलु हुइक्‍बमी यो आ वा मुरचा माल्‍ब। मिनु नां मलाक्‍गा सम्‍म मेको ग्रांग्रा दिशा बाक्‍ब। मेको इस्राएलीपुकी नु मेकोपुकी नु बाक्‍ब अर्को रागी ङा मुर नेल्‍ल आन कली पचा माल्‍शो गेय बाक्‍ब।
NUM 19:11 मिनु सुमी बेक्‍शो मुर कली थीबा, मेको ७ नाक्‍त सम्‍म ग्रांग्रा दिशोन बाक्‍ब।
NUM 19:12 मिनु मेकोम मेको सां नाक्‍तीम ब्‍वाक्‍कु चोव़खेसीचा माल्‍ब। मिनु ७ नाक्‍तीम लेंशा चोव़खेसीचा माल्‍ब। मिनु मेको ग्रांग्रा मदिशो दुम्‍ब। तन्‍न मेकोमी सां नाक्‍त नु ७ नाक्‍त मचोव़खेसाक्‍व हना, मेको ग्रांग्रा दिशा बाक्‍ब।
NUM 19:13 मिनु सुमी बेक्‍शो मुर थिशा, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कु मेको आ तार मब्रुइश्‍शो बाक्‍ब। मोपतीके मेको ग्रांग्रा दिशो बाक्‍ब। मिनु मेको आ ग्रांग्रा दितीके मेको नु लीब। लेवी १५:३१
NUM 19:14 मिनु मुर आ ताम्‍बुम बेक्‍त हना, मेको आ पर्बम पचा माल्‍शो गेय मार बाक्‍ब देंशा हना, सु मेको ताम्‍बुम बाक्‍बा, सु मेको ताम्‍बुम जाक्‍बा, मेको ७ नाक्‍त सम्‍म ग्रांग्रा दिशो बाक्‍नीम।
NUM 19:15 मिनु मसुम्‍शो ग्‍योंब नेल्‍ल ग्रांग्रा दिशो बाक्‍नीम।
NUM 19:16 मिनु सुमी लांम तरवारम साइक्‍चा पुंइसीशो मुर बाक्‍त हना यो, आंमा बेक्‍शो मुर बाक्‍त हना यो, मुर आ रुश बाक्‍त हना यो, मेको थीब मुर ७ नाक्‍त सम्‍म ग्रांग्रा दिशो दुम्‍ब।
NUM 19:17 मिनु मुरुमी मेको ग्रांग्रा दिशो मुर कली चोव़खेचा कली चढ़ेतीक पुलु ग्‍योंबुम कुर पा नक ब्‍वाक्‍कु लुक्‍चा माल्‍ब।
NUM 19:18 मिनु नोले ग्रांग्रा मदिशो मुर कामी हिस्‍सोप के ब्राक्‍स मेको चोव़खेतीक ब्‍वाक्‍कुम नुप्‍शा, मेको बेक्‍शो मुर आ ताम्‍बु, मेकेर बाक्‍शो मारेइ मारेइ, मेक बाक्‍ब मुर आन कली, रुश थीब मुर आन कली, साइक्‍चा पुंइसीशो मुर थीब, बेक्‍शो मुर नु तुरस थीब मुर आन कली मेको ब्‍वाक्‍कु ब्रुइक्‍चा माल्‍ब।
NUM 19:19 मिनु ग्रांग्रा मदिशो मुरुमी सां नाक्‍तीम नु ७ नाक्‍तीम ग्रांग्रा दिशो मुर आन कली मेको चोव़खेतीक ब्‍वाक्‍कु ब्रुइक्‍चा माल्‍ब। मिनु ७ नाक्‍तीम मेको आन कली चोव़खेतीके नुप्‍ब। मिनु नोले मेकोपुकीम आन वा मुरशा, आन रां चिक्‍सीचा माल्‍नीम। मिनु मेकोपुकी नां लाक्‍गा नोले ग्रांग्रा मदिशो दुम्‍नीम। गन्‍ती १९:१२-१३
NUM 19:20 मिनु सु ग्रांग्रा दिशो दुम्‍शा यो, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कुम मेको कली मब्रुइश्‍शो बाक्‍ब। मोपतीके मेको ग्रांग्रा दिशोन बाक्‍ब।
NUM 19:21 मिनु मेको, मेको कली गेना हना यो आ पतीक दुम्‍ब। मिनु मेको ब्‍वाक्‍कु ब्रुइक्‍ब मुरुम आ वा मुरचा माल्‍ब। मिनु सुमी चोव़खेतीक ब्‍वाक्‍कु थीबा, मेको नां मलाक्‍गा सम्‍म ग्रांग्रा दिशो दुम्‍शो बाक्‍ब।
NUM 19:22 ग्रांग्रा दिशो दुम्‍शो मुरुमी मार थिवा, मेको नेल्‍ल ग्रांग्रा दिशो दुम्‍नीम। मिनु सुमी मेको ग्रांग्रा दिशो थोव़क थीबा, मेको यो नां मलाक्‍गा सम्‍म ग्रांग्रा दिशो दुम्‍ब” देंत।
NUM 20:1 मिनु ङोंइती ङा महिनाम इस्राएली नेल्‍ले जीन ङा गोरशो रागीम जाक्‍तेक्‍म। मिनु कादेशमी बाक्‍तीक सेल्‍शा बाक्‍तेक्‍म। मिनु मिरयाम मेक उइ बेक्‍त। मिनु मेक उइ थिम्‍तेक्‍म। गन्‍ती १३:२१; गन्‍ती १२:१५
NUM 20:2 मिनु मेकेर मुर आन कली ब्‍वाक्‍कु मबा। मिनु मुरपुकी मोसा नु हारून आस पर्बम मरिम्‍शो पा बुक्‍तेक्‍म। प्रस्‍थान १७:१-७
NUM 20:3 मिनु मेकोपुकीमी मोसा कली जिचा तोशा मेको कली “गो आंइ लोक्‍बपुकी परमप्रभु यावे आ ङोंइती बेक्‍मानु, गोपुकी यो बेक्‍शो नकी हना, रिम्‍शो दुम वा।
NUM 20:4 गे मारदे परमप्रभु यावे आ मुर, आंइ कली एको गोरशो रागीम चाक्‍नी? मुल गोपुकी नु आंइ बी ब्‍यफ, क्‍यारश भेडा नेल्‍ल एक बेक्‍ब दुम्‍तक।
NUM 20:5 गे मारदे आंइ कली इजीप्‍त रे एको मरिम्‍शो रागीम चाक्‍नी। एको रागीम अन्‍न, फोव़शी, अङगुर नु अनार मारेइ मथिंसीब। एकोक्‍के तूचा कली ब्‍वाक्‍कु यो मबा” देंतेक्‍म।
NUM 20:6 मिनु नोले मोसा नु हारून मुर आन बाक्‍तीक रे लशा, ग्रुम्‍तीक ताम्‍बु आ ओव़तीकेमी खुम्‍की पा बाप्‍ताक्‍स। मिनु परमप्रभु यावे आ छेङछेङ मेको आस ङोंइती ग्रूत।
NUM 20:7 मिनु परमप्रभु यावेमी मोसा कली
NUM 20:8 “एको कोक्‍के लतो। मिनु गे नु इ लोक्‍ब हारून लशा, मुर आन कली पुक्‍कीस। मिनु मेको आन ङोंइतीन एको फुल्‍लु कली हुकुम पावो। मिनु फुल्‍लु रे ब्‍वाक्‍कु यीब। मिनु गे मुर आन ङोंइती एको सेरथे फुल्‍लु कली ‘ब्‍वाक्‍कु बुक्‍को’ दे मतो। मोपा गे मुर आन कली मेको सेरथे फुल्‍लु रे ब्‍वाक्‍कु यिपाइक्‍नेवे। गे मोपा मुर नु मेको आन बी ब्‍यफ क्‍यारश भेडा आन कली तूचा गेनेवे” देंत।
NUM 20:9 मिनु मोसामी मेको कोक्‍के परमप्रभु यावेम देंशो खोदेंशो पा ताक्‍तु। गन्‍ती १७:२५
NUM 20:10 मिनु मोसा नु हारूनमी मुर नेल्‍ल आन कली सेरथे फुल्‍लु आ ङोंइती पुक्‍ताक्‍स। मिनु मोसाम मेको आन कली “गे गन गन पाइबपुकी नेनीन। मार, गो एको सेरथे फुल्‍लु रे इन कली ब्‍वाक्‍कु बुक्‍पाइश्‍शा गेन्‍नी?” दे माइक्‍तीमी। भजन संग्रह १०६:३२-३३
NUM 20:11 मिनु मोसामी आ गुइ क्‍युक्‍शा आ कोक्‍केमी निक्‍शी खेयप मेको सेरथे फुल्‍लु कली तुप्‍तु। मिनु मेकेर शुश ब्‍वाक्‍कु बुक्‍शा ग्रूत। मिनु मुरपुकी नु आन बी ब्‍यफ, क्‍यारश भेडामी तूतेक्‍म।
NUM 20:12 तन्‍न परमप्रभु यावेमी मोसा नु हारून आस कली “गे आं कली थमा मसुइक्‍तीके नु आं ठेयब सक्ति इस्राएली आन ङोंइती मकोंइतीके, गे एको मुर आन कली गो इन कली गेशो रागीम चाक्‍दीत्‍चा मताइनीसी” देंत। गन्‍ती २७:१४; ब्‍यवस्‍था १:३७; ब्‍यवस्‍था ४:२१; ब्‍यवस्‍था ५०:५१
NUM 20:13 मोपतीके मेको ब्‍वाक्‍कु कली मेरीबा ङा ब्‍वाक्‍कु देंसीब। मेकेर इस्राएलीपुकीमी परमप्रभु यावे कली जिचा तोम्‍तेक्‍म। मिनु मेकोमी आ सक्ति कोंइताक्‍व। भजन संग्रह ८१:८
NUM 20:14 मिनु मोसामी कादेश रे एदोम ङा पिप कली “इन लोक्‍ब इस्राएलमी इन कली ‘गो आंइ कली दुम्‍शो श्‍येत गे तुइक्‍नीनी। उत्‍पत्ती ३६:१,३१; ब्‍यवस्‍था २:१-८; ब्‍यवस्‍था २३:८
NUM 20:15 आंइ किकी पिपी इजीप्‍त लशा, मेकेर शुश बाक्‍शो बाक्‍तेक्‍म। मिनु इजीप्‍तीपुकीमी आंइ किकी पिपी नु आंइ कली दिप्‍शा, मरिम्‍शो पाम्‍तेक्‍म।
NUM 20:16 मिनु गोपुकीमी परमप्रभु यावे कली पुंइतक। मिनु मेकोमी आंइ पुंइशो नेंशा, आ स्‍वर्ग ङा गेय पाइब का सोइश्‍शा, गो आंइ कली इजीप्‍त रे ग्रुंइशा एक चाक्‍तु। मुल गो इन रागी ङा सांद कादेश देंशो सहरम बाक्‍शो बाक्‍नीकी। प्रस्‍थान २३:२०
NUM 20:17 मिनु गो आंइ रागी रे पा लचा गेने। गोपुकी रू नु अङगुर रू रे पा मलाइनीकी। गोपुकीम इन तेकोइ इनार ङा ब्‍वाक्‍कु मतूनीकी। गो पिप आ ठेयब लां रे पा लाइनीकी। इन रागी मलाक्‍का सम्‍म गो ग्‍युरा पेरा मपाइनीकी’ देंशो बाक्‍ब, देनीन” दे मुर सोइक्‍ताक्‍मी। गन्‍ती २१:२२; ब्‍यवस्‍था २:१-८; न्‍यायाधीस ११:१७
NUM 20:18 तन्‍न एदोममी मेको कली “गेपुकी एको रागी रे पा लचा मताइनीनी। मो पाइतीनी हना, गोपुकीमी गेपुकी इन कली लडाइ तोइनीकी” देंत।
NUM 20:19 मिनु इस्राएलीपुकीमी मेको कली “गोपुकी ठेयब लां रे पा लाइनीकी। मिनु गो नु आंइ बी ब्‍यफ क्‍यारश भेडामी इन ब्‍वाक्‍कु तूतक हना, मेको ङा क्‍येट थाप्‍नीकी। आंइ कली इन रागी रे पा ला लचा गेने” देंतेक्‍म।
NUM 20:20 तन्‍न मेकोपुकीमी “गेपुकी लचा मताइनीनी” देंतेक्‍म। मिनु एदोममी मेको आन कली लडाइ तोचा कली शुश या कुरशा, ठेयब हुल लडाइ पाइब चाक्‍शा जाक्‍त।
NUM 20:21 मोपा एदोममी इस्राएली आन कली आ रागी रे पा लचा मगेमी। मोपतीके इस्राएलीपुकी मेकेर रे लेत्‍तेक्‍म।
NUM 20:22 मिनु इस्राएली कादेश रे गाक्‍शा, होर डांडामी जाक्‍तेक्‍म।
NUM 20:23 मिनु नोले परमप्रभु यावेमी एदोम रागी ङा सांद ङा होर डांडामी मोसा नु हारून आस कली
NUM 20:24 “हारून आ किकी पिपी नु बाक्‍थ लाइब। गे निम्‍फा मेरीबा ङा ब्‍वाक्‍कुम आं देंशो मटितीके, गोम इस्राएली आन कली गेशो रागीम हारून ओव़चा मताइब।
NUM 20:25 हारून नु मेको आ तौ एलाजर आस कली होर डांडा लाइश्‍शा लावो।
NUM 20:26 मिनु हारून आ वा प्रुइश्‍शा, मेको आ तौ एलाजर कली फेक्‍तो। मेको नोले हारून आ किकी पिपी नु बाक्‍थ लचा कली बेक्‍ब” देंत। प्रस्‍थान २९:४-७
NUM 20:27 मिनु मोसामी परमप्रभु यावे आ देंशो खोदेंशो पा पाप्‍तु। मिनु मुर नेल्‍ल आन ङोंइती रे मेकोपुकी होर डांडा लाम्‍तेक्‍म।
NUM 20:28 मिनु मोसामी हारून आ वा प्रुइश्‍शा, आ तौ एलाजर कली फेक्‍ताक्‍व। मिनु हारून मेको डांडा तार बेक्‍त। मिनु मोसा नु एलाजर मेको डांडा रे ब्रुप्‍ताक्‍स। गन्‍ती ३३:३८-३९; ब्‍यवस्‍था १०:६
NUM 20:29 मिनु इस्राएली नेल्‍लेमी हारून बेक्‍शो तुइश्‍शा, ३० नाक्‍त सम्‍म रोंका पाम्‍तेक्‍म। ब्‍यवस्‍था ३४:८
NUM 21:1 मिनु नेगेबम बाक्‍ब कनानी आराद ङा पिपम इस्राएली अथारीम ङा लां रे पा पिना पिन बाक्‍नीम, देंशो लोव़ नेंतु। मिनु मेकोमी इस्राएली नु लडाइ पा, इस्राएली का निक्‍शी आन कली ग्‍याइक्‍ताक्‍व। गन्‍ती १४:४४,४५; न्‍यायाधीस १:११-१५
NUM 21:2 मिनु इस्राएलीपुकीमी परमप्रभु यावे कली “गे एको मुर आन कली थमा पा आंइ गुइमी गेतीनी हना, गोपुकीमी मेको आन सहर नेल्‍ल रोवल चिवल पोक्‍नीकी” दे कसम जाम्‍तेक्‍म। ब्‍यवस्था १३:१६; ब्‍यवस्‍था २०:१४,१६,१७; यहोसु ६:१७; न्‍यायाधीस १:१७; १सामुएल १५:३
NUM 21:3 मिनु परमप्रभु यावेमी इस्राएली आन पुंइशो लोव़ नेंशा, मेको कनानी आन कली मेको आन गुइमी गेप्‍तु। मिनु इस्राएलीपुकीम मेकोपुकी नु मेको आन सहर नेल्‍ल खतम पोक्‍तेक्‍म। मोपतीके मेको रागी आ नें होरमा वोइक्‍तेक्‍म। होरमा हिब्रू लोव़मी खतम दुम्‍तीके देंसीब।गन्‍ती १४:१४,४५; ब्‍यवस्‍था १:४४
NUM 21:4 मिनु मेकोपुकी एदोम रागी कली हेरशा लचा, दे होर डांडा रे लल समुन्‍द्र गे लाम्‍तेक्‍म। तन्‍न मुरपुकी शुश गाक्‍चा माल्‍तीके दाम्‍तेक्‍म। गन्‍ती ११:४-६
NUM 21:5 मिनु मेकोपुकीम परमप्रभु नु मोसा आस पर्बम गन गन पा “मारदे गे आंइ कली एको गोरशो रागीम बेक्‍पाइक्‍चा कली इजीप्‍त रागी रे ग्रुंइशा एक चाक्‍सी? एकेर जचा थोव़क मबा। ब्‍वाक्‍कु यो मबा। गो एको मब्रोव़शो जचा थोव़क क्‍येङा ब्रीताक्‍क” देंतेक्‍म।
NUM 21:6 मिनु नोले परमप्रभु यावेमी बीस पाइश्‍शो बुस्‍स मेको मुर आन दातेमी सोइक्‍ताक्‍व। मिनु बुस्‍सपुकीमी मुर आन कली कोक्‍तेक्‍म। मिनु शुश इस्राएली बेक्‍तेक्‍म। १कोरिन्‍थी १०:९
NUM 21:7 मिनु मुरपुकी मोसा आ बाक्‍तीक जाक्‍शा “गोपुकीम परमप्रभु यावे नु इन पर्बम मरिम्‍शो लोव़ पा पाप पाइतक। मेको बुस्‍सपुकी खेरचा, दे परमप्रभु यावे कली आंइ पर्बम पुनीन” देंतेक्‍म। मिनु मोसामी मेको मुर आन पर्बम पुंइतु। प्रस्‍थान ३२:३०-३४
NUM 21:8 मिनु परमप्रभु यावेमी मोसा कली “गे मेको बीस पाइश्‍शो बुस्‍स खोदेंशो पा बुस्‍स का सेल्‍शा, ख्रांबा काम क्‍युक्‍को। मिनु सु बुस्‍सुम कोक्‍शो बाक्‍मे, मेकोमी मेको बुस्‍स कोव़शा, ब्रोंइब” देंत। २राजा १८:४; यूहन्‍ना ३:१४
NUM 21:9 मिनु मोसाम कांसा के बुस्‍स का सेल्‍तु। मिनु मेको कली ख्रांबा काम क्‍युक्‍तु। मिनु सु सु बुस्‍सुमी कोक्‍शो बाक्‍मा, मेकोपुकीम कांसा के बुस्‍स कोव़ङमेनु, ब्रोंइतेक्‍म।
NUM 21:10 मिनु इस्राएलीपुकी गाक्‍शा, ओबोथम बाक्‍तीक सेल्‍तेक्‍म।
NUM 21:11 मिनु ओबोथ रे गाक्‍शा, मोआब आ पूर्ब गे ङा सांद इये-अबारीम ङा गोरशो रागीम बाक्‍तीक सेल्‍तेक्‍म।
NUM 21:12 मिनु मेकोपुकी मेकेर रे गाक्‍शा, जेरेद ङा बेंसीम बाक्‍तीक सेल्‍तेक्‍म।
NUM 21:13 मिनु मेकोपुकी मेकेर रे गाक्‍शा, एमोरी आन सांदम ग्रूतीक गोरशो रागीम बाक्‍शो अरनोन खोला आ आइक्‍ची हांबुम आन बाक्‍तीक सेल्‍तेक्‍म। मेको अरनोन खोला मोआब आ सांद बाक्‍ब। मेको एमोरी नु मोआबी आन दातेम बाक्‍ब।
NUM 21:14 मोपतीके परमप्रभु यावे आ लडाइ ङा किताबमी दोपा ब्रेक्‍शो बाक्‍ब देंशा हना “वाहेब सहर सुफाह नु अरनोन खोला आ दिंम, यहोसु १०:१३; २सामुएल १:१८
NUM 21:15 नु आर माइश्‍शो बाक्‍तीके सम्‍म लाइब लुक्‍च लतीक लां। मेको मोआब आ सांद सम्‍म लशो बाक्‍ब” देंशो बाक्‍ब।
NUM 21:16 मिनु मेकेर रे मेकोपुकी बेयर लाम्‍तेक्‍म। मिनु परमप्रभु यावेमी मोसा कली “मुर आन कली पुक्‍मी। मिनु गो ब्‍वाक्‍कु गेनुङमी” देंशो कुवा मेकेर बाक्‍ब।
NUM 21:17 मिनु नोले इस्राएलीपुकीम एको कुम्‍सो पाम्‍तेक्‍म। “कुवा, ब्‍वाक्‍कु बुक्‍शा ग्रूङो। मिनु मेको आ पर्बम कुम्‍सो पावो।
NUM 21:18 मेको कुवा मेको ठेयब मुरपुकीम दोशो बाक्‍तेक्‍म। मिनु मुरपुकीमी मेको कुवा पिप आ सुन के कोक्‍केम दोशो बाक्‍तेक्‍म” दे कुम्‍सो पाम्‍तेक्‍म। मिनु मेकोपुकी गोरशो रागी रे ग्रूशा मत्ताना लाम्‍तेक्‍म।
NUM 21:19 मिनु नोले मत्ताना रे नाहालीएल, नाहालीएल रे बामोथ सम्‍म
NUM 21:20 बामोथ रे मोआब ङा दिंम बाक्‍शो बेंसी सम्‍म, गोरशो रागी रे तांइसीतीक इर पिस्‍गा डांडा सम्‍म लाम्‍तेक्‍म।
NUM 21:21 मिनु नोले इस्राएलीपुकीमी एमोरी आन पिप सीहोन आ बाक्‍तीकेम मुर आन कली सोइश्‍शा ब्‍यवस्‍था २:२६-३७
NUM 21:22 “गो आंइ कली इन रागी रे पा लचा गेने। गो रू नु अङगुर रू रे पा मलाइनीकी। गोपुकीम इन तेकोइ कुवा ङा ब्‍वाक्‍कु मतूनीकी। इन रागी मलाक्‍का सम्‍म गो पिप आ ठेयब लां रे पा लाइनीकी” देंपाइक्‍तेक्‍म।
NUM 21:23 तन्‍न सीहोनमी इस्राएली आन कली आ रागी लाक्‍शा लचा मगेवो। मेकोम आ लडाइ पाइबपुकी खुप्‍शा, गोरशो रागीम इस्राएली आन कली लडाइ तोप्‍तु। मेकोमी याहास सम्‍म जाक्‍शा, इस्राएली नु लडाइ पाप्‍तु।
NUM 21:24 मिनु इस्राएलीपुकीम मेको कली तरवारम क्‍योरशा साइक्‍तेक्‍म। मिनु अरनोन खोला रे यब्‍बोक खोला सम्‍म मेको आ रागी आन के सेल्‍तेक्‍म। मिनु अम्‍मोनी आन सांद सम्‍म मेकोपुकीम आन रागी सेल्‍तेक्‍म। मारदे हना, अम्‍मोनी आन सांद बोल्‍यो बाक्‍त।
NUM 21:25 इस्राएलीपुकीम मेको सहर नेल्‍ल आन के सेल्‍तेक्‍म। मिनु मेकोपुकीम एमोरी आन सहर नेल्‍ल नु हेश्‍बोन नु मेको आ एर ओंथ ङा गाउं नेल्‍लेम बाक्‍तेक्‍म।
NUM 21:26 हेश्‍बोन सहर एमोरी आन पिप सीहोन आ सहर बाक्‍त। पिप सीहोनमी मोआबी आन ङोंइती ङा पिप नु लडाइ पा मेको आ रागी अरनोन खोला सम्‍म आ के सेल्‍शो बाक्‍त।
NUM 21:27 मोपतीके कुम्‍सो पाइबपुकीम “गेपुकी हेश्‍बोन सहरम जाक्‍कीन। मिनु मेको लेंशा सेल्‍सीन। सीहोन आ सहर लेंशा सेलीन।
NUM 21:28 हेश्‍बोन रे मी ग्रूत। सीहोन आ सहर रे ब्रशो मी ग्रूत। मिनु मेको मीम मोआब ङा आर सहर नु अरनोन ङा डांडा दाक्‍तु।
NUM 21:29 आबी आबी, मोआब, केमोश आ मुरपुकी बेक्‍तेक्‍म। एमोरी आन पिप सीहोनमी मेको आ तौ आन कली प्रोक्‍ब सेल्‍तीमी। आ तमी आन कली ग्‍याइक्‍चा पुंइसीब सेल्‍तीमी। न्‍यायाधीस ११:३४; १राजा ११:१७
NUM 21:30 मोपा मेको आन थेरशो रू हेश्‍बोन रे दीबोन सम्‍म खतम दुम्‍त। मिनु मेदेबा मीम नेक्‍चा क्‍येङा ङोंइती गो मेको खतम पोक्‍तका” दे कुम्‍सो पाम्‍तेक्‍म।
NUM 21:31 मोपा इस्राएलीपुकी एमोरी आन रागीम आन खिं सेल्‍‍तेक्‍म।
NUM 21:32 मिनु मोसामी याजेर रागी कली क्‍यारी पथ मुर सोइक्‍ताक्‍व। मिनु मेकोपुकीमी मेको आन एर ओंथ ङा गाउं आन के सेल्‍तेक्‍म। मेकेर ङा एमोरी आन कली खेरतेक्‍म।
NUM 21:33 मेको नोले मेकोपुकी हिरशा बाशान ङा लां रे पा ङोइश्‍शा लाम्‍तेक्‍म। मिनु बाशान ङा पिप ओग नु आ मुरपुकी इस्राएली नु लडाइ पचा कली ग्रूशा एद्रेइमी जाक्‍तेक्‍म। ब्‍यवस्‍था ३:१-११
NUM 21:34 मिनु परमप्रभु यावेमी मोसा कली “मेको नु महिंनो। मारदे हना गो मेको कली आ मुर नेल्‍ल नु मेको आ रागी यो यो इ कली गेतन। गे हेश्‍बोन ङा एमोरी आन पिप सीहोन कली पाइश्‍शो खोदेंशो पा मेको कली यो पतो” दे माइक्‍तु। भजन संग्रह १३६:१७-२२
NUM 21:35 मोपतीके मेको कली, मेको आ तौपुकी नु मेको आ मुर नेल्‍ल आन कली का यो मप्रोंइथु साइश्‍शा, मेको आन रागी आन के सेल्‍तेक्‍म।
NUM 22:1 मिनु इस्राएलीपुकी गाक्‍शा, यरीको यर्दन खोला आ आइक्‍ची हांबुम बाक्‍शो मोआब ङा दिंममी बाक्‍तीक सेल्‍तेक्‍म।
NUM 22:2 मिनु सिप्‍पोर आ तौ बालाकमी इस्राएलीपुकीम एमोरी आन कली मार पाइश्‍शो बाक्‍मा, मेको नेल्‍ल तुइश्‍शो बाक्‍त।
NUM 22:3 मिनु मोआब ङा मुर इस्राएली आन कली तशा साप्‍पा हिंतेक्‍म। मारदे हना मेको शुश बाक्‍तेक्‍म। मोपतीके मेको आन थुं ग्‍येत्‍थ लुक्‍च दुम्‍त।
NUM 22:4 मिनु मोआबीपुकीमी मिदयान ङा खाल्‍पा आन कली “दोपा ब्‍यफोम घांस बाक्‍तीक दिंम चाइश्‍शा घांस नेल्‍ल ब्‍वाइबा, मोपा एको हुलपुकीमी इं कली एर ओंथ नेल्‍ल रे ब्‍वाइनीम” देंतेक्‍म। मेना सिप्‍पोर आ तौ बालाक मोआब ङा पिप बाक्‍त।
NUM 22:5 मेकोमी आमाव रागी युफ्रेटीस माइश्‍शो ठेयब खोला आ नेक्‍था, पेथोर सहरम बाक्‍शो बेओर आ तौ बालाम कली मुरपुकी ब्रथ सोइक्‍ताक्‍व। मेकोपुकीमी “इजीप्‍त रे जाक्‍शो मुरुम रागी नेल्‍ल ब्रीतेक्‍म। मेकोपुकी आं नेक्‍था जाक्‍शा बाक्‍शो बाक्‍नीम। गन्‍ती ३१:८; यहोसु २४:९; मीका ६:५
NUM 22:6 मुल गे जाक्‍को। आं कली वारच पा, मेको मुर आन कली सराप चीले पाइक्‍मी। मारदे हना मेकोपुकी आं क्‍येङा शुश नु बोल्‍यो बाक्‍नीम। मो पाइतीनी हना, गो मेको आन कली ग्राशा, आं रागी रे ग्रुंइने चबु वा। मारदे हना गे सु कली आसीक गेनीनी, मेको आसीक राइनीम। मिनु सु कली सराप चीले पाइनीनी, मेको सराप चीले राइनीम, दे गो तुइक्‍नुङ” दे सोइक्‍ताक्‍व। २पत्रुस २:१५
NUM 22:7 मिनु मोआब नु मिदयान ङा खाल्‍पापुकीम मेको गेय पचा कली क्‍येट कुरशा, बालाम आ बाक्‍तीक जाक्‍शा, बालाक आ लोव़ शोव़तेक्‍म।
NUM 22:8 मिनु बालाममी मेको आन कली “मुलाक्‍दो एकेन बाक्‍कीन। मिनु परमप्रभु यावेमी आं कली मार देंबा, गो मेकोन इन कली देंनुङ” देंत। मोपतीके मेको मोआब ङा ठेयब गेय पाइब मुरपुकी मेको नाक्‍दो बालाम आ खिं उइ बाक्‍तेक्‍म।
NUM 22:9 मिनु परमप्रभु बालाम आ बाक्‍तीक जाक्‍शा, मेको कली “गे नु बाक्‍ब मुरपुकी सु नमी?” देंत।
NUM 22:10 मिनु बालाममी परमप्रभु कली “मोआब ङा पिप, सिप्‍पोर आ तौ बालाकमी आं कली
NUM 22:11 ‘इजीप्‍त रे ग्रूशा जाक्‍शो मुरपुकीम रागी नेल्‍ल ब्रीशो बाक्‍नीम। मुल जाक्‍शा आं कली वारच पा मेको आन कली सराप चीले पाइक्‍मी। मो दुम्‍त हना, गो मेको आन कली लडाइ पा ग्राशा, खेरने चाप्‍नुङ ङा कों?’ दे लोव़ कुर पा सोइश्‍शो मुर बाक्‍ब” देंत।
NUM 22:12 मिनु परमप्रभुमी बालाम कली “गे एकोपुकी नु मलावो। गे मेको मुर आन कली सराप चीले मपाइक्‍मी। मारदे हना मेकोपुकी आसीक रशो बाक्‍नीम” देंत।
NUM 22:13 मिनु बालाम सुनी कना बोक्‍शा, मेको बालाक आ सोइश्‍शो मुर आन कली “गेपुकी इन रागी लने। मारदे हना, परमप्रभु यावेमी आं कली गेपुकी नु लचा मगेयी” दे माइक्‍तीमी।
NUM 22:14 मिनु मोआब ङा ठेयब मुरपुकी बालाक आ बाक्‍तीक जाक्‍शा “बालाम गोपुकी नु जाक्‍ने मबिस्‍से” देंतेक्‍म।
NUM 22:15 मिनु बालाकमी लेंशा, मेको आन क्‍येङा ठेयब नु शुश मुरपुकी सोइक्‍ताक्‍मी।
NUM 22:16 मिनु मेकोपुकी बालाम आ बाक्‍तीक जाक्‍दीश्‍शा “सिप्‍पोर आ तौ बालाकमी इन कली ‘आं बाक्‍तीक जाक्‍चा मारेइम मतेक्‍गल।
NUM 22:17 गो थमा पा इ कली मान पशा, ठेयब सेल्‍नुङ। गे मार देंनीनी, गो मेकोन पाइनुङ। मिनु जाक्‍शा, मेको मुर आन कली सराप चीले पाइक्‍मी’ देंत” देंतेक्‍म।
NUM 22:18 तन्‍न बालाममी बालाक आ गेय पाइब मुर आन कली “बालाकमी सुन नु चांदीम ब्रीशो आ दरवार गेती हना यो, गो परमप्रभु यावे, आं परमप्रभु आ लोव़ आइक्‍च बाक्‍त हना यो, ठेयब बाक्‍त हना यो, मेको लोव़ लाक्‍ने मचाप्‍नुङ। १राजा १३:८
NUM 22:19 मिनु अरु आन खोदेंशो पा गेपुकी यो, मुलाक्‍दो एक उइ बाक्‍कीन। मिनु परमप्रभु यावेमी आं कली लेंशा मार मार देंबा गो तुइक्‍नुङ” देंत।
NUM 22:20 मिनु मेको नाक्‍दो परमप्रभु बालाम आ बाक्‍तीक जाक्‍शा, मेको कली “एको मुरपुकी इ कली ब्रेत्‍थ जाक्‍शो बाक्‍तेक्‍म हना, बोक्‍को, मिनु मेकोपुकी नु लावो। तन्‍न गो इ कली मार देंङा, मेको ला पावो” देंत।
NUM 22:21 मिनु बालाम सुनी कना बोक्‍शा, आ गधा छांदेशा मोआब ङा ठेयब मुरपुकी नु लत।
NUM 22:22 मिनु मेको मोपा लतीके परमप्रभु गाइक्‍ताक्‍व। मिनु परमप्रभु यावे आ स्‍वर्ग ङा गेय पाइब कामी मेको कली तेक्‍चा, दे लांम राप्‍शा बाक्‍त। मिनु बालाम आ गधाम ङोइश्‍शा लना लन बाक्‍त। मेको आ गेय पाइब निक्‍शी यो मेको नु गाक्‍शो बाक्‍ताक्‍स। उत्‍पत्ती १६:७
NUM 22:23 मिनु मेको गधामी परमप्रभु यावे आ स्‍वर्ग ङा गेय पाइब शोइश्‍शो तरवार शेशा, लांम बाक्‍शो ताप्‍तु। मिनु मेको गधा हिंशा, लां रे रूम लत। मिनु बालामम गधा कली लां गे सोइक्‍चा कली तुप्‍तु। यहोसु ५:१३
NUM 22:24 मिनु परमप्रभु यावे आ स्‍वर्ग ङा गेय पाइब आइक्‍च लांम राप्‍शा बाक्‍त। मेको लां निम्‍फा पटटी गारो प्रोव़शो अङगुर रू आस दातेमी बाक्‍त।
NUM 22:25 मिनु मेको गधामी परमप्रभु यावे आ स्‍वर्ग ङा गेय पाइब कली तशा, गारो गे ढेंसेसीशा गाक्‍त। मिनु बालाम आ खोइली मेको गारोम खोरताक्‍व। मिनु मेकोमी मेको कली लेंशा तुप्‍तु।
NUM 22:26 मिनु लेंशा परमप्रभु यावे आ स्‍वर्ग ङा गेय पाइब इच्‍का ग्‍येत्‍थ लशा, ग्‍युरा पेरा तेइ रे मलाक्‍चा ङा पा आइक्‍च लांमी राप्‍त।
NUM 22:27 मिनु बालाम आ गधाम परमप्रभु यावे आ स्‍वर्ग ङा गेय पाइब कली तशा, गु ब्रे‍शा बाक्‍त। मिनु बालाम थाम्‍पा गाइश्‍शा, आ गधा कली कोक्‍केमी तुबा बाक्‍त।
NUM 22:28 मिनु नोले परमप्रभु यावेमी मेको गधा कली ब्‍वाक्‍ब सेल्‍तु। मिनु मेकोमी बालाम कली “गो इन कली मार पङा? मारदे गे आं कली सां खेयप तुप्‍यीनी?” देंत। २ पत्रुस २:१६
NUM 22:29 मिनु बालाममी मेको गधा कली “गे आं कली शाक्‍ती। गो आं गुइम तरवार बाक्‍शो हना, गो इ कली मुलन साइक्‍न वा” दे माइक्‍तु।
NUM 22:30 तन्‍न गधाम बालाम कली “गो ङोंइती रे मुल सम्‍म इन ङोइश्‍शो गधा मनङा ङा? गो ङोंइती इन कली गेनायो ओदेंशो मपङ” देंत। मिनु मेकोमी “मपवी” देंत।
NUM 22:31 मिनु परमप्रभु यावेमी बालाम कली मिक्‍च ताइब सेल्‍तु। मिनु मेकोमी तरवार शोइश्‍शो परमप्रभु यावे आ स्‍वर्ग ङा गेय पाइब का लांम राप्‍शो ताप्‍तु। मिनु बालाम खुम्‍की पा बाप्‍त।
NUM 22:32 मिनु मेको परमप्रभु यावे आ स्‍वर्ग ङा गेय पाइबमी मेको कली “मारदे इ गधा कली खेयप सां तुबी? कोव़ङो, गो इ लां तेक्‍चा कली जाक्‍शो बाक्‍नुङ। मारदे हना गे आं ङोंइती इ द‍ला दाक्‍स पाप्‍तीवी।
NUM 22:33 इ गधामी आं कली तशा, खेयप सां सम्‍म आं बाक्‍तीक रे प्रोक्‍त। मेकोम आं कली तशा, मप्रोक्‍शो हना, गो इ कली मुल साइक्‍ने थुमु वा। तन्‍न मेको कली चहिं सेसीन सोइक्‍तु वा” दे माइक्‍तु।
NUM 22:34 मिनु बालाममी परमप्रभु यावे आ स्‍वर्ग ङा गेय पाइब कली “गो पाप पाता। आं लां तेक्‍शा इन राप्‍शो गो मतुइक्‍तु। मिनु इन ङोंइती एको मरिम्‍शो बाक्‍त हना, गो लेश्‍शा लाइनुङ” देंत।
NUM 22:35 मिनु परमप्रभु यावे आ स्‍वर्ग ङा गेय पाइबमी बालाम कली “एको मुरपुकी नु लावो। तन्‍न गो इ कली मार लोव़ पाइनुङा, गे मेको ला देनो” दे माइक्‍तु। मोपतीके बालाम बालाक आ सोइश्‍शो ठेयब मुरपुकी नु लत।
NUM 22:36 मिनु बालाकमी बालाम जाक्‍शो नें‍शा, मेकोमी आ रागी आ सुर अरनोन खोला ङा सांद ङा सहर इर-मोआब सम्‍म मेको कली ग्रुम्‍थ लत।
NUM 22:37 मिनु बालाकमी बालाम कली “गो इन कली ब्रेत्‍थ मुर सोइक्‍ताक्‍ङमी। तन्‍न गे मारदे आं बाक्‍तीक मजाक्‍नी? गो इ कली मान पने मचाप्‍नुङा ङा?” देंत।
NUM 22:38 मिनु बालाममी बालाक कली “मुल गो इन बाक्‍तीके जाक्‍ती। मार देंचा माल्‍नुङा, दे मतुइक्‍नुङ। परमप्रभुम मार देंबा, गो मेको ला देंने चाप्‍‍नुङ” देंत।
NUM 22:39 मिनु बालाम बालाक नु लत। मिनु मेको नेल्‍ल किरयथ-हुसोथमी जाक्‍तेक्‍म।
NUM 22:40 मिनु बालाकमी ब्‍यफ नु क्‍यारश भेडा क्‍योरशा चढ़ेशा, बालाम नु मेको नु बाक्‍ब ठेयब मुर आन कली यो थुल्‍तीमी।
NUM 22:41 आ दीसा सुनी बालाकमी बालाम कली लाइश्‍शा, बामोथ-बालमी ङोइश्‍शा लत। मिनु मेकेर रे बालाममी इच्‍का मुर आन कली ताप्‍तु। यहोसु १३:१७
NUM 23:1 मिनु बालाममी बालाक कली “आं कली ७ ओटा चढ़ेतीक सेलीन। मिनु ७ ओटा ब्‍यफ नु ७ ओटा सांड ठीक सेलीन” देंत।
NUM 23:2 मिनु बालाकमी बालाममी देंशो खोदेंशो पाप्‍तु। मिनु बालाक नु बालाममी ब्‍यफ का नु सांड का चढ़ेतीक का काम चढ़ेम्‍ताक्‍से।
NUM 23:3 मिनु नोले बालाममी बालाक कली “गे इन चोशा चढ़ेतीके आ नेक्‍था राप्‍शा बाक्‍कीन। गो चहिं एर गे लाइनुङ। परमप्रभु यावे आं कली ग्रुम्‍थ जाक्‍बा, कों। मिनु मेकोमी आं कली मार कोंइबा, मेको इन कली देंनुङ” देंत। मिनु मेको गोरशो डांडा ङोंइसाक्‍व।
NUM 23:4 मिनु परमप्रभुमी बालाम कली ग्रुमानु, बालाममी मेको कली “गो ७ ओटा चढ़ेतीके सेल्‍पाइश्‍शा, मेकेर ब्‍यफ का का नु सांड का का चढ़ेता” देंत।
NUM 23:5 मिनु परमप्रभु यावेमी बालाम कली लोव़ पशा “गे बालाक आ बाक्‍तीके लेतो। इ कली देंशो लोव़ मेको कली मतो” देंत।
NUM 23:6 मिनु मेको बालाक आ बाक्‍तीके लेश्‍शा जाक्‍त। मेना बालाक नु मोआब ङा ठेयब मुरपुकी चोशा चढ़ेतीके आ नेक्‍था राप्‍शा बाक्‍तेक्‍म।
NUM 23:7 मिनु बालाममी परमप्रभु आ देंशो लोव़ पा बालाकमी आं कली अराम रागी रे चाक्‍तु। नां दाप्‍तीके ङा पहाडम बाक्‍ब मोआबी आन पिपमी आं कली “जाक्‍कीन, मिनु आं पा ङा याकूब कली सराप चीले पने। इस्राएली आन कली हिंच कोंइदीमी” देंत।
NUM 23:8 मिनु “परमप्रभुमी सराप चीले मपाइश्‍शो आन कली, गो दोपा सराप चीले पाइक्‍नुङमी? परमप्रभु यावेमी हिंच मकोंइशो आन कली, गो दोपा हिंच कोंइनुङमी?
NUM 23:9 गो सेरथे फुल्‍लु तार बाक्‍शा, मेको आन कली ताइनुङ। गो डांडाम बाक्‍शा, मेको आन कली कोव़नुङ। मेको आन का ला बाक्‍ब जात ङा मुर बाक्‍नीम। मिनु रागी रागी ङा मुर नु मखाल्‍सीनीम।
NUM 23:10 याकूब आ मुर फुरक खोदेंशो पा शुश दुम्‍शो बाक्‍नीम। इस्राएल ङा मुर आन ४ भाग ङा भाग का यो, सुम हिक्‍ने चाप्‍नीमी ङा? उत्‍पत्ती १३:१६ गे आं कली ठीक पाइब मुर आन कली खोदेंशो पा बेक्‍चा गेयीनी। मिनु आं बेक्‍तीके मेको आन केन खोदेंशो दुम्‍ल” देंत।
NUM 23:11 मिनु बालाकमी बालाम कली “गे आं कली मार पनी? गो इन कली आं जोरी सत्रु आन कली सराप चीले पाइक्‍चा कली ब्रेश्‍शा चाक्‍तन्‍नी। तन्‍न गे दूली पा मेको आन कली आसीक कका गेतीनी” देंत।
NUM 23:12 मिनु मेकोमी “गो परमप्रभु यावेम आं थुंम वोइश्‍शो देंशो लोव़ ब्‍वाक्‍चा माल्‍नुङ” देंत। गन्‍ती २२:३८
NUM 23:13 मिनु बालाकमी मेको कली “गो नु अर्को बाक्‍तीके पिने। गे एकेर रे मेको आन कली ताइनीनी। मेकेर रे मेको आन कली इच्‍का ला ताइतीनी। नेल्‍ल आन कली तने मचाप्‍नीनी। मेको आन कली मेकेर रे सराप चीले पतीन” देंत।
NUM 23:14 मिनु मेकोमी मेको कली चोफीम ङा रू पिस्‍गा डांडाम लाइक्‍तु। मिनु ७ ओटा चढ़ेतीक सेल्‍शा, मेको तारी ब्‍यफ का का नु सांड का का चढ़ेप्‍तु।
NUM 23:15 मिनु बालाममी बालाक कली “गो परमप्रभु यावे कली ग्रुम्‍थ एर लाइनुङ। गे चहिं एको इन चोशा चढ़ेशो आ नेक्‍था राप्‍शा बाक्‍कीन” देंत।
NUM 23:16 मिनु परमप्रभु यावेमी बालाम कली ग्रुम्‍शा, आ थुंमी लोव़ वोइश्‍शा, मेको कली “गे बालाक आ बाक्‍तीके लेतो। इ कली देंशो लोव़ मेको कली मतो” देंत।
NUM 23:17 मिनु मेको बालाक आ बाक्‍तीके लेश्‍शा जाक्‍त। मेना बालाक नु मोआब ङा ठेयब मुरपुकी चोशा चढ़ेतीके आ नेक्‍था राप्‍शा बाक्‍तेक्‍म। मिनु बालाकमी मेको कली “परमप्रभु यावेम मार देंम?” दे हिल्‍लो पाप्‍तु।
NUM 23:18 मिनु बालाममी परमप्रभु आ देंशो लोव़ पा “बालाक बोक्‍शा, आं लोव़ नेनो। सिप्‍पोर आ तौ इ नोफा दाइक्‍तो।
NUM 23:19 परमप्रभु मुर ममाइ। मेकोमी जोल मपाइब। मेको बेक्‍शा लाइब मुर खोदेंशो पा आ थुं मफाइक्‍ब। मेकोमी लोव़ थोक्‍शा देंम ङा मेरे पाइब। मेकोम पाइक्‍नुङ देंम ङा मेरे मेको मपाइक्‍बा ङा? १सामुएल १५:२९
NUM 23:20 नेनीन, गो मेको आन कली आसीक गेतीक लोव़ त‍शो बाक्‍नुङ। मेकोमी मेको आन कली आसीक गेशो बाक्‍ब। मिनु गो मेको फाइक्‍ने चाप्‍नुङा ङा?
NUM 23:21 याकूब कली मरिम्‍शो मदुम्‍ब, देंशो बाक्‍ब। मिनु इस्राएली आन कली श्‍येत मदुम्‍ब। मेको परमप्रभु यावे, आन परमप्रभु मेकोपुकी नु बाक्‍ब। मिनु मेको आन दातेमी पिप बाक्‍ब।
NUM 23:22 परमप्रभुमी मेको आन कली इजीप्‍त रे ग्रुंइशा, आ सक्तिम मेको आन कली ब्‍वाकी ङा ब्‍यफ खोदेंशो सेल्‍शो बाक्‍ब।
NUM 23:23 थमा पा, याकूब कली राइब मारेइ मन्‍तर तन्‍तर मबाक्‍ब। इस्राएली आन कली राइब मारेइ लिंक्‍यु कोव़तीके मबाक्‍नीम। मुल याकूब नु इस्राएल आ पर्बम परमप्रभु आ पशो कोव़ङीन।
NUM 23:24 कोव़ङीन, मेको जात ङा मुर गुप्‍सनी खोदेंशो पा बोक्‍नीम। प्रेक्‍शा ग्राम्‍चा चिक्‍शो गुप्‍स खोदेंशो पा मेको छुल बोक्‍ब। मेकोमी सिखार मब्‍वा सम्‍म नु सिखार आ हुश मतूङा सम्‍म मनाइक्‍ब” देंत। गन्‍ती २४:९; इजीकीएल १९:२
NUM 23:25 मिनु बालाकमी बालाम कली “मेको आन कली सराप चीले मगेने, आसीक यो मगेने” देंत।
NUM 23:26 तन्‍न बालाममी बालाक कली “परमप्रभु यावेमी मार देंबा, गो मेको पचा माल्‍नुङ, दे गो इन कली ना कना मदेंङा ङा?” देंत।
NUM 23:27 मिनु बालाकमी बालाम कली “मुल पिने, गो इन कली अर्को बाक्‍तीकेमी लाइक्‍नन्‍नी। मेकेर रे गे आं पा ङा मेको आन कली सराप चीले पचा कली परमप्रभुमी दाक्‍बा कों?” देंत।
NUM 23:28 मिनु बालाकमी बालाम कली पेओर डांडाम लाइक्‍तु। मेकेर रे गोरशो रागी नेल्‍ल तांइसाक्‍व। गन्‍ती २२:४१; गन्‍ती २५:३
NUM 23:29 मिनु बालाममी बालाक कली “एकेर आं कली ७ ओटा चढ़ेतीक सेलीन। मिनु ७ ओटा ब्‍यफ ७ ओटा सांड ठीक पने” देंत।
NUM 23:30 मिनु बालाकमी बालाममी देंशो खोदेंशो पा पाप्‍तु। मिनु चढ़ेतीक नेल्‍लेमी ब्‍यफ का का नु सांड का का चढ़ेप्‍तु।
NUM 24:1 मिनु बालाममी परमप्रभु यावेमी इस्राएली आन कली आसीक गेचा थुं पशो बाक्‍त, दे तुइक्‍ताक्‍व। मिनु मेको ङोंइती ङा खोदेंशो पा परमप्रभु कली हिल्‍लो पथ मला। तन्‍न मेकोमी आ कुल गोरशो रागी गे हिरशा कोव़तु।
NUM 24:2 मिनु बालाममी कोव़ना कोव़न, इस्राएली आन कली थर थर पा बाक्‍शो ताम्‍तीमी। मिनु परमप्रभु आ सोक्‍तीम मेको कली सुम्‍तु।
NUM 24:3 मिनु मेकोमी परमप्रभु आ पपाइश्‍शो लोव़ पा “गो बेओर आ तौ बालाम, मिक्‍च ताइब नङ, आ देंशो लोव़ मार बाक्‍त देंशा हना, १सामुएल ९:९
NUM 24:4 गो, परमप्रभु आ लोव़ नेंबमी, एको लोव़ पाइनुङ। गो नेल्‍ल क्‍येङा सक्ति पाइश्‍शो आ कोंइशो ताइनुङ। मिनु गो आ ङोंइती बाप्‍शा, मेको कली ताइनुङ।
NUM 24:5 याकूब आ मुर इन ताम्‍बु गिश रिम्‍शो बाक्‍नीमी। गे इस्राएली इन बाक्‍तीके दारशो बाक्‍नीम।
NUM 24:6 मेको खजूर रवा ख्रुम्‍शो ठेयब दिंम खोदेंशो बाक्‍ब। मेको खोला आ नेक्‍था ख्रुम्‍शो फू रू खोदेंशो बाक्‍ब। मेको परमप्रभु यावेमी ख्रुम्‍शो ठेयब घ्‍यू कुमारी खोदेंशो बाक्‍ब। ब्‍वाक्‍कु आ नेक्‍था वाशो लेबानोन ङा लाइश्‍शो रवा खोदेंशो बाक्‍ब।
NUM 24:7 मेको आन गरपुकीम ब्‍वाक्‍कु ब्रीशा क्‍युप्‍ब। मिनु मेको आन रू शुश ब्‍वाक्‍कु ताइनीम। मेको आन पिप अगाग क्‍येङा यो ठेयब बाक्‍‍ब। मिनु मेको आ राज्‍य ठेयब सेल्‍चा पुंइसीब।
NUM 24:8 परमप्रभुमी मेको आन कली इजीप्‍त रे ग्रुंइशा चाक्‍शो बाक्‍ब। आ सक्ति इस्राएली आन कली ब्‍वाकी ङा ब्‍यफ आ ग्रोव़ खोदेंशो बाक्‍ब। रागी रागी ङा जोरी सत्रु आन कली क्‍याम्‍ब। मेको आन रुश जिक्‍ब। मेको आन लिब्रामी मेको आन कली ख्रिश्‍शा साइक्‍ब।
NUM 24:9 मेको गुप्‍स खोदेंशो पा बाप्‍शा बाक्‍ब। गुप्‍सनी खोदेंशो पा बाप्‍शा बाक्‍ब। सुम मेको कली पोक्‍बा ङा? इस्राएली, सुमी इन कली आसीक गेनीमी, मेको आसीक राइनीम। सुमी इन कली सराप चीले पाइक्‍नीमी, मेको सराप चीले राइनीम” देंत। गन्‍ती २३:२४; उत्‍पत्ती ४९:९; उत्‍पत्ती १२:३; उत्‍पत्ती २७:२९
NUM 24:10 मिनु बालाक बालाम कली तशा, शुश गाइक्‍ताक्‍व। मिनु मेकोमी आ गुइ क्‍युक्‍शा, बालाम कली “गो इ कली आं जोरी सत्रु आन कली सराप चीले पाइक्‍चा कली कका ब्रेत्‍ताक्‍न। तन्‍न गे मेको आन कली सां खेयप आसीक कका गेप्‍तीवी।
NUM 24:11 मोपतीके मुल गे दोरोर पा इ खिं लेतो। गो इ कली ठेयब सेल्‍नुङ, दे मिम्‍शो नङ। तन्‍न परमप्रभु यावेमी इ कली मान ततीक रे तेक्‍तु” देंत।
NUM 24:12 मिनु बालामम बालाक कली “गे आं कली ब्रेत्‍थ सोइश्‍शो मुर आन कली गो
NUM 24:13 ‘बालाकमी आं कली सुन नु चांदीम ब्रीशो आ दरवार गेती हना यो, परमप्रभु यावे आ लोव़ लाक्‍शा आं मिम्‍शोमी मारेइ रिम्‍शो नु मरिम्‍शो पने मचाप्‍नुङ। परमप्रभु यावेमी आं कली मार देंबा, गो मेकोन देंनुङ’ मदेंशो नङा ङा? गन्‍ती २२:१८
NUM 24:14 मुल गो आं मुर आन बाक्‍तीके लाइनुङ। तन्‍न इस्राएलीपुकीम इन मुर आन कली नोले मार पाइक्‍नीमी, मेको इन कली शेंनुङ” देंत।
NUM 24:15 मिनु बालाममी परमप्रभु आ पपाइश्‍शो लोव़ पा “गो बेओर आ तौ बालाम, मिक्‍च ताइब नङ, आ देंशो लोव़ मार बाक्‍त देंशा हना,
NUM 24:16 गो, परमप्रभु आ लोव़ नेंबमी, एको लोव़ पाइनुङ। गो नेल्‍ल क्‍येङा ठेयब तुइश्‍शा, नेल्‍ल क्‍येङा सक्ति पाइश्‍शो आ कोंइशो ताइनुङ। मिनु गो आं मिक्‍च मसुम्‍शो आ ङोंइती बाप्‍शा,
NUM 24:17 गो मेको कली ताइनुङ, तन्‍न मुल ममाइ। गो मेको कली कोव़नुङ। तन्‍न आ नेक्‍था रे ममाइ। याकूब रे पा सोरुल का दाप्‍ब। मिनु इस्राएली रे पा पिप का ग्रूब। मिनु मेकोमी मोआब रागी आ सांद रे पा खतम सेल्‍ब। मिनु शेथ आ थर ङा मुर आन कली खतम पोक्‍ब। मत्ती २:२; लूका १:७८; उत्‍पत्ती ४९:१०; २सामुएल ८:२
NUM 24:18 एदोम रागी आ केन सेल्‍ब। मिनु सेइर रागी ग्राब। मिनु इस्राएल बोल्‍यो दुम्‍ब। २सामुएल ८:१४; येरमीया ४९:७-२२
NUM 24:19 याकूब रे पा हुकुम पाइब का ग्रूब। मिनु इर सहर ङा लीशो आन कली साइक्‍ब” देंत। मीका ५:१,७,८
NUM 24:20 मिनु बालाममी अमालेक आ मुर आन कली कोव़शा “अमालेक आ मुरपुकी रागी रागी नेल्‍ल क्‍येङा ङोंइती ङा बाक्‍तेक्‍म। तन्‍न मेकोपुकी गेना हना यो जाम्‍शा लाइनीमी” देंत। प्रस्‍थान १७:१४; १सामुएल १५:२-३,७
NUM 24:21 मिनु नोले मेकोमी केनी ङा मुर आन कली कोव़शा “इन बाक्‍तीक रागी बोल्‍यो बाक्‍ब। इन बाक्‍तीक सेरथे फुल्‍लुमी सेल्‍शो ग्‍योव़ खोदेंशो बाक्‍ब। १सामुएल १५:६
NUM 24:22 तन्‍न गे काइन सहर ङा मुरपुकी मीम चोचा पुंइसीनीनी। गिश सम्‍म अश्‍शुरीमी इन कली फ्रेंशा लाइक्‍नीम” देंत।
NUM 24:23 मिनु लेंशा मेकोमी लोव़ पा “आबी, परमप्रभुम मोदेंशो पवानु, सु ब्रोंइने चाप्‍बा ङा?
NUM 24:24 कित्तीम रे जहाजपुकी जाक्‍नीम। मिनु मेकोपुकीम अश्‍शुर नु एबेर कली श्‍येत गे‍नीम। मिनु मेकोपुकी यो खतम दुम्‍नीम” देंत। उत्‍पत्ती १०:-४; उत्‍पत्ती १०:२१-२२
NUM 24:25 मिनु बालाम बोक्‍शा, आ खिं लेत्‍त। मिनु बालाक यो आ लां लत। गन्‍ती ३१:८,१६
NUM 25:1 इस्राएलीपुकी शित्तीममी बाक्‍मानु, मुरपुकी मोआबी आन तमीपुकी नु इप्‍शा, मरिम्‍शो पचा गोम्‍तेक्‍म। गन्‍ती ३३:४९; १कोरिन्‍थी १०:८
NUM 25:2 मिनु मेकोपुकीम इस्राएली आन कली आन देवी देवता आन कली चढ़ेतीकेम ब्रेत्‍ताक्‍म। मिनु मेकोपुकीम मेको आन भोज जशा, मेको आन देवी देवता आन ङोंइती बाप्‍तेक्‍म।
NUM 25:3 मोपा इस्राएलीपुकीम पेओर डांडा ङा बाल देवता कली पूजा पचा गोम्‍तेक्‍म। मिनु परमप्रभु यावे इस्राएली आन पर्बम गाइक्‍ताक्‍व। ब्‍यवस्‍था ४:३; भजन संग्रह १०६:२८
NUM 25:4 मिनु परमप्रभु यावेमी मोसा कली “एको मुर आन ठेयब मुर नेल्‍ल आन कली चाक्‍शा क्‍युक्‍शा साइश्‍शा, परमप्रभु यावे आ ङोंइती नाप्‍शो नांम वोइक्‍मी। मिनु परमप्रभु यावे इस्राएली आन पर्बम आ थाम्‍पा गाइश्‍शो नांइसीब” देंत। ब्‍यवस्‍था २१:२२-२३; २सामुएल २१:६-९
NUM 25:5 मिनु मोसाम इस्राएली आन निसाफ पाइब आन कली “गे नेल्‍लेमी पेओर डांडा ङा बाल देवता कली पूजा पाइब इन मुर नेल्‍ल आन कली साइक्‍चा माल्‍नीनी” दे माइक्‍तीमी। प्रस्‍थान ३२:२७
NUM 25:6 मिनु इस्राएलीपुकी ग्रुम्‍तीक ताम्‍बु आ ओव़तीकेम ङाक्‍शा बाक्‍मानु, मेना इस्राएली काम मोसा नु इस्राएली नेल्‍ल आन ङोंइती आ खिंम मिदयानी मीश का चाक्‍तु। गन्‍ती ३१:१६
NUM 25:7 मिनु चढ़ेब हारून आ चच, एलाजर आ तौ फिनेहासमी मेको तशा, मेको बोक्‍शा, आ गुइमी तूतीक का शेशा, प्रस्‍थान ६:२५
NUM 25:8 मेको इस्राएली आ नोनोले लशा, आ बाक्‍तीक ओव़शा, मेको इस्राएली नु मेको मीश मुर निम्‍फा आस कली एर ओंथ ख्रिप्‍पाइश्‍शा थोक्‍तीम्‍सी। मिनु इस्राएली आन दाते रे मेको मुर बेक्‍तीक रोइ जाम्‍त।
NUM 25:9 तन्‍न मेको मुर बेक्‍तीक रोइम बेक्‍बपुकी २४ हजार बाक्‍तेक्‍म। भजन संग्रह १०६:२९-३१
NUM 25:10 मिनु परमप्रभु यावेमी मोसा कली
NUM 25:11 “चढ़ेब हारून आ चच, एलाजर आ तौ, फिनेहासमी इस्राएली आन पर्बमी आं गाइश्‍शो नाइक्‍पाइक्‍तु। फिनेहासमी आं रुश पशो तुइश्‍शा, आ जोंब बोक्‍शा, आं गाइश्‍शो नाइक्‍पाइक्‍तु। मिनु मेको आन कली मसदुमी।
NUM 25:12 मोपतीके गे मेको कली ‘परमप्रभुमी इ कली आं थुं नाइक्‍तीक कबल पाइब। १इतिहास ९:२०; यसैया ५४:१०; मलाकी २:५
NUM 25:13 मिनु मेको कबल इ कली नु इ चच युइ आन कली बाक्‍ब। मेको गेना हना यो चढ़ेब दुम्‍तीक कबल बाक्‍ब। मारदे हना गे इ परमप्रभु आ पर्बम जोंब बोक्‍शा, गेय पाप्‍तीवी। मिनु गेमी इस्राएली आन पर्बम पाप क्‍याम्‍तीक गेय पाप्‍तीवी’ देनो” देंत।
NUM 25:14 मेको मिदयानी मीश मुर नु साइक्‍चा पुंइसीब इस्राएली आ नें जिम्री बाक्‍त। मेको सालु आ तौ सिमियोन आ थर ङा खिं का ङा ठेयब मुर बाक्‍त।
NUM 25:15 मेको साइक्‍चा पुंइसीब मिदयानी मीश मुर आ नें कोज्‍बी बाक्‍त। मेको सुर आ तमी बाक्‍त। मेको मिदयान ङा ठेयब मुर बाक्‍त।
NUM 25:16 मिनु परमप्रभु यावेमी मोसा कली
NUM 25:17 “मिदयानी आन कली श्‍येत गेशा, साइक्‍मी। गन्‍ती ३१:२-१०
NUM 25:18 मारदे हना, मेकोपुकीमी इन कली यो श्‍येत गेचा गोम्‍तेक्‍म। मिनु इन कली बाल-पेओर कली पूजा पपाइक्‍तेक्‍म। मेना मिदयान ङा ठेयब मुर आ तमी कोज्‍बीमी इन कली श्‍येत गेपाइक्‍तु। मेको चहिं मुर साइक्‍चा रोइ बोक्‍म नाक्‍त साइक्‍चा पुंइसाक्‍व। पेओर कली पूजा पतीके मो दुम्‍शो बाक्‍त” देंत।
NUM 26:1 मेको मुर बेक्‍तीक रोइ दुम नोले परमप्रभु यावेमी मोसा नु चढ़ेब हारून आ तौ एलाजर आस कली
NUM 26:2 “इस्राएली नेल्‍ल आन दातेमी २० बर्स गाप्‍शो नु मेको क्‍येङा लाक्‍शो लडाइम लने चाप्‍ब आन कली थर थर पा हिक्‍कीस” देंत। गन्‍ती १:२-४७;
NUM 26:3 मिनु मोसा नु चढ़ेब एलाजरमी यरीको आ आइक्‍ची हांबु यर्दन खोला आ शुंइच मोआब ङा दिंमम इस्राएली आन कली ग्रुम्‍पाइश्‍शा
NUM 26:4 “परमप्रभु यावेमी मोसा कली अरेशो खोदेंशो पा २० बर्स गाप्‍शो नु मेको क्‍येङा लाक्‍शो मुर आन कली हिक्‍कीन” दे माइक्‍तीमी। मिनु इजीप्‍त रे ग्रूशा जाक्‍शो इस्राएलीपुकी एकोन बाक्‍तेक्‍म।
NUM 26:5 इस्राएल आ ङोंइती जरमेशो तौ रूबेन आ थर, हनोक आ खिं खिं ङा मुरपुकी, पल्‍लु आ खिं खिं ङा मुरपुकी, उत्‍पत्ती ३५:२३-२६; उत्‍पत्ती ४६:८-२७; १इतिहास ४:-८:-
NUM 26:6 हेस्रोन आ खिं खिं ङा मुरपुकी नु कारमी आ खिं खिं ङा मुरपुकी बाक्‍तेक्‍म।
NUM 26:7 एको रूबेन आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु, ४३ हजार ७ सहे ५० जना बाक्‍तेक्‍म।
NUM 26:8 पल्‍लु आ तौ आन दातेमी का एलीआब बाक्‍‍त।
NUM 26:9 एलीआब आ तौपुकी, नेमुएल, दाथान नु अबीराम बाक्‍तेक्‍म। एकोपुकी मेको दाथान नु अबीराम आन दाते ङा ठेयब मुरपुकी बाक्‍तेक्‍म। मेकोपुकी कोराह आ हुलम ब्‍वांइसीशा मोसा नु हारून नु जिचा पोक्‍शा, परमप्रभु यावे आ पर्बम दूली पा बोक्‍शो बाक्‍तेक्‍म। गन्‍ती १६:१,१२
NUM 26:10 मिनु रागीम आ शोव़ पाक्‍शा मेको आन कली कोराह नुन दाक्‍शो बाक्‍त। मेना सहे निक्‍शी ५० जना आन कली मीम खतम पोक्‍शो बाक्‍त। मेकोपुकी मरिम्‍शो पाइब दुम्‍शो बाक्‍तेक्‍म।
NUM 26:11 तन्‍न कोराह आ तौपुकी चहिं मबेक्‍शो बाक्‍तेक्‍म।
NUM 26:12 सिमियोन आ थर ङा मुर आन खिं खिं ङा मुरपुकी का का पा हिक्‍शोनु, नेमुएल आ खिं खिं ङा मुरपुकी, यामीन आ खिं खिं ङा मुरपुकी, याकीन आ खिं खिं ङा मुरपुकी,
NUM 26:13 जेराह आ खिं खिं ङा मुरपुकी नु शावल आ खिं खिं ङा मुरपुकी बाक्‍तेक्‍म। उत्‍पत्ती ३६:१३
NUM 26:14 एको सिमियोन आ थर ङा खिं खिं ङा मुरपुकी बाक्‍नीम। मेको नेल्‍ल आन कली हिक्‍शोनु, २२ हजार सहे निक्‍शी बाक्‍तेक्‍म।
NUM 26:15 गाद आ थर ङा मुर आन खिं खिं ङा मुरपुकी का का पा हिक्‍शोनु, सेफोन आ खिं खिं ङा मुरपुकी, हाग्‍गी आ खिं खिं ङा मुरपुकी, शुनी आ खिं खिं ङा मुरपुकी,
NUM 26:16 ओज्‍नी आ खिं खिं ङा मुरपुकी, एरी आ खिं खिं ङा मुरपुकी,
NUM 26:17 अरोद आ खिं खिं ङा मुरपुकी नु अरेली आ खिं खिं ङा मुरपुकी बाक्‍तेक्‍म।
NUM 26:18 एको गाद आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु ४० हजार ५ सहे जना बाक्‍तेक्‍म।
NUM 26:19 मिनु यहूदा आ तौ एर नु ओनान बाक्‍ताक्‍स। तन्‍न मेको कनान रागीम बेक्‍ताक्‍स। उत्‍पत्ती ३८:७-१०
NUM 26:20 यहूदा आ थर ङा मुर आन खिं खिं ङा मुरपुकी का का पा हिक्‍शोनु, शेलाह आ खिं खिं ङा मुरपुकी, पेरेस आ खिं खिं ङा मुरपुकी, जेराह आ खिं खिं ङा मुरपुकी बाक्‍तेक्‍म।
NUM 26:21 मिनु पेरेस आ चच युइ ङा मुर चहिं, हेस्रोन आ खिं खिं ङा मुरपुकी नु हामुल आ खिं खिं ङा मुरपुकी बाक्‍तेक्‍म। रूथ ४:१८
NUM 26:22 एको यहूदा आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु, ७६ हजार ५ सहे जना बाक्‍तेक्‍म।
NUM 26:23 इस्‍साकार आ थर ङा मुर आन खिं खिं ङा मुरपुकी का का पा हिक्‍शोनु, तोला आ खिं खिं ङा मुरपुकी, पुवा आ खिं खिं ङा मुरपुकी,
NUM 26:24 याशुब आ खिं खिं ङा मुरपुकी नु शिम्रोन आ खिं खिं ङा मुरपुकी बाक्‍तेक्‍म।
NUM 26:25 एको इस्‍साकार आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु, ६४ हजार सहे सां बाक्‍तेक्‍म।
NUM 26:26 जबूलून आ थर ङा मुर आन खिं खिं ङा मुरपुकी का का पा हिक्‍शोनु, सेरेद आ खिं खिं ङा मुरपुकी, एलोन आ खिं खिं ङा मुरपुकी नु याहलेल आ खिं खिं ङा मुरपुकी बाक्‍तेक्‍म।
NUM 26:27 एको जबूलून आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु, ६० हजार ५ सहे जना बाक्‍तेक्‍म।
NUM 26:28 मिनु योसेफ आ तौ मनस्‍से नु एफ्राइम आस थर ङा मुर आन खिं खिं ङा मुर आन कली का का पा हिक्‍शोनु,
NUM 26:29 मनस्‍से आ चच युइ ङा माकीर आ खिं खिं ङा मुरपुकी बाक्‍तेक्‍म। माकीर गिलाद आ आफ बाक्‍त। यहोसु १७:१-६
NUM 26:30 गिलाद आ चच युइपुकी इएजेर आ खिं खिं ङा मुर रे इएजेर, हेलेक आ खिं खिं ङा मुरपुकी,
NUM 26:31 अस्रीएल आ खिं खिं ङा मुरपुकी, शेकेम आ खिं खिं ङा मुरपुकी,
NUM 26:32 शेमीदा आ खिं खिं ङा मुरपुकी नु हेफेर आ खिं खिं ङा मुरपुकी बाक्‍तेक्‍म। हेफेर आ तौ सेलोफेहाद के चहिं तौ मबाक्‍थु, तमीपुकी ला बाक्‍तेक्‍म।
NUM 26:33 हेफेर आ तौ सेलोफेहाद आ तमी आन नें महलाह, नोआह, होग्‍ला, मिल्‍का नु तिरचा बाक्‍तेक्‍म। गन्‍ती २७:१
NUM 26:34 एको मनस्‍से आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु, ५२ हजार ७ सहे बाक्‍तेक्‍म।
NUM 26:35 एफ्राइम आ थर ङा मुर आन खिं खिं ङा मुरपुकी का का पा हिक्‍शोनु, शुथेलाह आ खिं खिं ङा मुरपुकी, बेकेर आ खिं खिं ङा मुरपुकी नु तहन आ खिं खिं ङा मुरपुकी बाक्‍तेक्‍म।
NUM 26:36 मिनु शुथेलाह आ खिं खिं ङा मुरपुकी चहिं एरान आ खिं खिं ङा मुर बाक्‍तेक्‍म।
NUM 26:37 एको एफ्राइम आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु, ३२ हजार ५ सहे बाक्‍तेक्‍म। मेको योसेफ आ चच युइ आन खिं खिं ङा मुरपुकी बाक्‍तेक्‍म।
NUM 26:38 बेन्‍यामीन आ थर ङा मुर आन खिं खिं ङा मुरपुकी का का पा हिक्‍शोनु, बेला आ खिं खिं ङा मुरपुकी, अश्‍बेल आ खिं ङा मुरपुकी, अहीराम आ खिं खिं ङा मुरपुकी,
NUM 26:39 शुफाम आ खिं खिं ङा मुरपुकी नु हुफाम आ खिं खिं ङा मुरपुकी बाक्‍तेक्‍म।
NUM 26:40 मिनु बेला आ तौ आरद नु नामान बाक्‍ताक्‍स। आरद आ खिं खिं ङा मुरपुकी नु नामान आ खिं खिं ङा मुरपुकी बाक्‍तेक्‍म।
NUM 26:41 एको बेन्‍यामीन आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु, ४५ हजार ६ सहे बाक्‍तेक्‍म।
NUM 26:42 दान आ थर ङा मुर आन खिं खिं ङा मुरपुकी का का पा हिक्‍शोनु, शुहाम आ खिं खिं ङा मुरपुकी बाक्‍तेक्‍म। मेको दान आ थर ङा खिं खिं ङा मुरपुकी बाक्‍तेक्‍म।
NUM 26:43 एको शुहाम आ खिं खिं ङा मुर नेल्‍ल आन कली हिक्‍शोनु, ६४ हजार ४ सहे बाक्‍तेक्‍म।
NUM 26:44 आशेर आ थर ङा मुर आन खिं खिं ङा मुरपुकी का का पा हिक्‍शोनु, इम्नाह आ खिं खिं ङा मुरपुकी, इश्‍वी आ खिं खिं ङा मुरपुकी, बेरीआ आ खिं खिं ङा मुरपुकी,
NUM 26:45 हेबेर आ खिं खिं ङा मुरपुकी नु माल्‍कीएल आ खिं खिं ङा मुरपुकी बाक्‍तेक्‍म।
NUM 26:46 आशेर आ तमी आ नें सेराह बाक्‍त।
NUM 26:47 एको आशेर आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु ५३ हजार ४ सहे बाक्‍तेक्‍म।
NUM 26:48 नाप्‍ताली आ थर ङा मुर आन खिं खिं ङा मुरपुकी का का पा हिक्‍शोनु, याहसेल आ खिं खिं ङा मुरपुकी, गुनी आ खिं खिं ङा मुरपुकी,
NUM 26:49 येसेर आ खिं खिं ङा मुरपुकी नु शिल्‍लेम आ खिं खिं ङा मुरपुकी बाक्‍तेक्‍म।
NUM 26:50 एको नाप्‍ताली आ थर ङा खिं खिं ङा मुरपुकी बाक्‍तेक्‍म। मेको नेल्‍ल आन कली हिक्‍शोनु, ४५ हजार ४ सहे बाक्‍तेक्‍म।
NUM 26:51 इस्राएली वोंइश मुर नेल्‍ल आन कली हिक्‍शोनु, ६ लाख हजार का ७ सहे ३० जना बाक्‍तेक्‍म।
NUM 26:52 मिनु परमप्रभु यावेमी मोसा कली
NUM 26:53 “मेको आन खिं खिं ङा मुर गिश बाक्‍नीमी, दे मिम्‍शा, रागी आंम के सेल्‍चा कली योक्‍शा गेमी।
NUM 26:54 गे मेको आन कली ठेयब थर आन कली ठेयब रागी नु आइक्‍च थर आन कली आइक्‍च रागी पा योक्‍शा गेमी। थर का का आन कली मेको आ मुर आन कली कोव़शा हुकुम पचा गेमी।
NUM 26:55 मो हना यो मेको रागी चिठठा आप्‍शा योक्‍चा माल्‍ब। मेकोपुकीमी आन किकी पिपी आन नें नें खोदेंशो पा अधिकार पामेक्‍ल। गन्‍ती ३३:५४; यहोसु १४:२
NUM 26:56 ठेयब नु आइक्‍च आन दातेमी आन अधिकार पतीके चिठठा आप्‍शा योक्‍चा माल्‍ब” देंत।
NUM 26:57 मिनु लेवी आ थर ङा मुर का का पा हिक्‍शोनु, सु सु बाक्‍तेक्‍म देंशा हना, गेरशोन आ खिं खिं ङा मुर, कोहाथ आ खिं खिं ङा मुर, मेरारी आ खिं खिं ङा मुर बाक्‍तेक्‍म। गन्‍ती ३:१७-२०; प्रस्‍थान ६:१६-२५
NUM 26:58 मिनु लेवी आ थर ङा खिं खिं ङा मुर अरु सु सु अरु बाक्‍तेक्‍म देंशा हना, लिब्‍नी आ खिं खिं ङा मुर, हेब्रोन आ खिं खिं ङा मुर, माहली आ खिं खिं ङा मुर, मुशी आ खिं ङा मुर, कोराह आ खिं ङा मुर बाक्‍तेक्‍म। कोहाथ चहिं अम्राम आ किकी बाक्‍त। गन्‍ती ३३:२०; गन्‍ती १३:२२
NUM 26:59 अम्राम आ मीश आ नें योकेबेद बाक्‍त। मेको चहिं लेवी आ थर ङा इजीप्‍त रागीमी थिशो तमी बाक्‍त। मेकोमी अम्राम रे हारून नु मोसा नु आस समी मिरयाम आन कली थिम्‍तीमी।
NUM 26:60 मिनु हारूनमी नादाब, अबीहु, एलाजर नु इथामार थिम्‍तीमी।
NUM 26:61 तन्‍न नादाब नु अबीहु चहिं परमप्रभु यावे आ ङोंइती अरु मी रे पा चोशा चढ़ेतीके, बेक्‍ताक्‍स। लेवी १०:१-२
NUM 26:62 मेको वोंइश आल नेल्‍ले महिना का नु मेको क्‍येङा लाक्‍शो हिक्‍शोनु २३ हजार बाक्‍तेक्‍म। मेकोपुकी अरु इस्राएली आन खोदेंशो पा लडाइ पचा कली महिक्‍शो बाक्‍तेक्‍म। मारदे हना मेकोपुकी इस्राएली आन दातेमी आंम आन रागी कली मगेशो बाक्‍त।
NUM 26:63 मिनु मोसा नु एलाजर चढ़ेबमी मेको नेल्‍ल आन कली हिक्‍ताक्‍स। मेना मेकोपुकी मोआब ङा दिंम यर्दन आ शुंइच, यरीको आ नेक्‍था बाक्‍तेक्‍म।
NUM 26:64 तन्‍न मोसा नु हारूनमी सीनै ङा गोरशो रागीम हिक्‍शो इस्राएली का यो मबाक्‍म। गन्‍ती १:-
NUM 26:65 मारदे हना, परमप्रभु यावेमी मेको आन पर्बम “मेकोपुकी थमा पा गोरशो रागीमीन बेक्‍चा माल्‍नीम” देंशो बाक्‍त। यपुन्‍ने आ तौ कालेब नु नून आ तौ यहोसु ङा लाक्‍शा, मेको आन दाते ङा का यो सेस मलीम। गन्‍ती १४:२२-३८
NUM 27:1 योसेफ आ तौ मनस्‍से, मनस्‍से आ तौ माकीर, माकीर आ तौ गिलाद, गिलाद आ तौ हेफेर, हेफेर आ तौ सेलोफेहाद आ तमीपुकी महलाह, नोआह, होग्‍ला, मिल्‍का नु तिरचा बाक्‍तेक्‍म। गन्‍ती २६:३३; यहोसु १७:३-६
NUM 27:2 मेकोपुकी मोसा, चढ़ेब एलाजर, ठेयब मुरपुकी नु मेकेर बाक्‍ब मुर नेल्‍ले आन ङोंइती ग्रुम्‍तीक ताम्‍बु आ लाप्‍चो आ ङोंइती बाक्‍तेक्‍म।
NUM 27:3 मिनु सेलोफेहाद आ तमीपुकीमी “आंइ आफ गोरशो रागीम बेक्‍त। तन्‍न मेको परमप्रभु यावे आ पर्बम मरिम्‍शो पा बोक्‍ब कोराह आ हुलम मबाक्‍शो बाक्‍त। तन्‍न मेको आ आंम पाप पतीके बेक्‍त। मिनु मेको के तौ मबाक्‍म। गन्‍ती १६:७; उत्‍पत्ती ३:१९
NUM 27:4 मिनु तौ मबाक्‍तीके आंइ आफ आ नें आ थर आ मुर आन दाते रे मारदे क्‍याम्‍सीबा? आंइ आफ आ लोक्‍बपुकी नु आंइ कली यो अङस गेने” देंतेक्‍म।
NUM 27:5 मिनु मोसामी मेको आन पोक्‍शो लोव़ परमप्रभु यावे आ ङोंइती चाक्‍तु।
NUM 27:6 मिनु परमप्रभु यावेमी मोसा कली
NUM 27:7 “सेलोफेहाद आ तमीपुकीम पोक्‍शो लोव़ ठीक बाक्‍ब। गे थमा पा मेको आन कली आन आफ आ लोक्‍ब आन दातेमी अङस गेचा माल्‍नेवे। मिनु गे मेको आन आफ आ अङस मेको आन कली गेमी।
NUM 27:8 मिनु गे इस्राएली आन कली ‘सुइ मुर तौ मथिथु, बेक्‍त हना, मेको आ तमी आन कली आ अङस गेचा माल्‍नीनी।
NUM 27:9 मेको के तमी यो मबाक्‍त हना, मेको आ अङस आ लोक्‍ब आन कली गेचा माल्‍नीनी।
NUM 27:10 मेको के आ लोक्‍ब यो मबाक्‍त हना, मेको आ अङस आ आफ आ लोक्‍ब कली गेचा माल्‍नीनी।
NUM 27:11 मिनु मेको आ आफ आ लोक्‍ब यो मबाक्‍त हना, मेको आ अङस आ थर ङा नेल्‍ल क्‍येङा आ नेक्‍था ङा मुर कली गेचा माल्‍नीनी। मिनु मेको अङस मेको केन दुम्‍ब’ दे माइक्मी” देंत। मेको लोव़ परमप्रभु यावेमी मोसा कली देंशो, इस्राएली आन कली फुल्‍लुम मुशा ब्रेक्‍शो नु अरेशो लोव़ बाक्‍ब।
NUM 27:12 मिनु परमप्रभु यावेमी मोसा कली “गे एको अबारीम पहाड ङा डांडा ङोंइसो। मिनु इस्राएली आन कली गेशो रागी कोव़ङो। गन्‍ती २१:११; ब्‍यवस्‍था ३२:४८-५२
NUM 27:13 मिनु गे मेको रागी तवी नोले, गे इ लोक्‍ब हारून खोदेंशो पा इ किकी पिपी नु बाक्‍थ लाइनेवे। गन्‍ती २०:२४-२८
NUM 27:14 मारदे हना जीन ङा गोरशो रागीमी मुरपुकी गो नु जिचा पोक्‍ग्‍मेनु, गे यो मटिसी। मेरीबाथ-कादेश ङा ब्‍वाक्‍कुम मुर आन ङोंइती गे आं कली ठेयब मसेल्‍यीसी” देंत। गन्‍ती २०:१२-१३
NUM 27:15 मिनु मोसामी परमप्रभु यावे कली
NUM 27:16 “परमप्रभु यावे, मुर नेल्‍ल आन ब्रोंइचा गेब परमप्रभु, एको मुर आन कली लां कोंइब मुर का वोतीन। गन्‍ती १६:२२
NUM 27:17 मिनु मेको मुर आन ङोंइती गाक्‍ल। मिनु मेको आन कली लतीक नु जाक्‍तीक लां कोंइदल। मोपा परमप्रभु यावे आ मुर गोठला मबाक्‍शो भेडा खोदेंशो मदुम्‍मल” देंत। मीका ५:३; मत्ती ९:३६
NUM 27:18 मिनु परमप्रभु यावेमी मोसा कली “गे आं सोक्‍त पाइश्‍शो नून आ तौ यहोसु कली चाक्‍शा, इ गुइ मेको आ तार वोतो। प्रस्‍थान ३३:११; ब्‍यवस्‍था ३४:९
NUM 27:19 मिनु मेको कली चढ़ेब एलाजर नु मुर नेल्‍ल आन ङोंइती राप्‍पतो। मिनु मेको मुर नेल्‍लेम तचा ङा पा मेको कली एको गेय जिम्‍मा गेवो।
NUM 27:20 मोपा गे मेको कली इ अधिकार गेवो। मिनु इस्राएली नेल्‍लेमी मेको आ देंशो टीमेक्‍ल। प्रस्‍थान ३४:२९-३०; २राजा २:९,१५
NUM 27:21 मिनु यहोसु चढ़ेब एलाजर आ ङोंइती राप्‍चा माल्‍ब। मिनु एलाजरमी ऊरीम यहोसु आ पर्बम मार देंबा, दे परमप्रभु यावे आ ङोंइती हिल्‍लो पचा माल्‍ब। यहोसु आ देंशोमी इस्राएली नेल्‍ले मेको नु लडाइ पथ लचा नु लेत्‍चा माल्‍नीम” देंत। प्रस्‍थान २८:३०; ब्‍यवस्‍था ३३:८
NUM 27:22 मिनु मोसामी परमप्रभु यावेमी अरेशो खोदेंशो पा पाप्‍तु। मेकोमी यहोसु कली चाक्‍शा चढ़ेब एलाजर नु इस्राएली नेल्‍ल आन ङोंइती राप्‍पाइक्‍तु।
NUM 27:23 मिनु मोसामी परमप्रभु यावेमी देंशो खोदेंशो पा आ गुइ यहोसु आ तार वोइश्‍शा, आ गेय पचा कली जिम्‍मा गेप्‍तु।
NUM 28:1 परमप्रभु यावेमी मोसा कली
NUM 28:2 “गे इस्राएली आन कली मीम चोशा चढ़ेतीके आं जचा थोव़क, आं दाक्‍शो ब्रोव़शो रिना पाइश्‍शो चढ़ेतीके गे आं देंशो नाक्‍त चढ़ेचा माल्‍नीम, दे शेंचा माल्‍नेवे। लेवी २१:६
NUM 28:3 मिनु गे मेको आन कली ‘गे परमप्रभु यावे कली मीम चोशा चढ़ेतीके मार चढ़ेचा माल्‍नीनी देंशा हना, मारेइ मदुम्‍शो थम रिम्‍शो बर्स का गाप्‍शो पाठा निक्‍शी नाक्‍त किंत किंत चढ़ेचा माल्‍नीनी। प्रस्‍थान २९:३८-४२
NUM 28:4 मिनु का सुनी नु का नाक्‍दो चढ़ेचा माल्‍नीनी।
NUM 28:5 मेको नु अन्‍न चढ़ेतीके कली एफाह का ङा १० भाग ङा भाग का रिम्‍शो फस नु हिन का ङा ४ भाग ङा भाग का ख्राक्‍शो तेल ब्‍वाइश्‍शा चढ़ेचा माल्‍नीनी। एफाह का २२ लिटर पुक्‍तीक बाक्‍ब। हिन का ४ लिटर बाक्‍ब। ४ भाग ङा भाग का लिटर का बाक्ब।
NUM 28:6 एको परमप्रभु यावे कली गेना हना यो मीम चोशा चढ़ेतीके बाक्‍ब। मेको आ दाक्‍शो ब्रोव़शो रिना पाइश्‍शो सीनै डांडाम देंशो खोदेंशो पा चढ़ेतीके बाक्‍ब।
NUM 28:7 मेको नु तूचा थोव़क चढ़ेतीके पाठा का कली हिन का ङा ४ भाग ङा भाग का अङगुर शांबु चढ़ेचा माल्‍नीनी। मेको परमप्रभु यावे आ बाक्‍तीकेम परमप्रभु यावे आ ङोंइती मोइक्‍चा माल्‍नीनी।
NUM 28:8 मेको अर्को पाठा नां रिक्‍चावानु, चढ़ेचा माल्‍नीनी। मेको नु सुनी ङा खोदेंशो पा अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी। एको परमप्रभु यावे कली मीम चोशा चढ़ेशो आ दाक्‍शो ब्रोव़शो रिना पाइश्‍शो चढ़ेतीके बाक्‍ब।
NUM 28:9 मिनु नाइक्‍तीक नाक्‍तीम मारेइ मदुम्‍शो थम रिम्‍शो बर्स का गाप्‍शो पाठा निक्‍शी चढ़ेचा माल्‍नीनी। मेको नु अन्‍न चढ़ेतीके तेल ब्‍वाइश्‍शो रिम्‍शो फस एफाह का ङा १० भाग ङा भाग निक्‍शी चढ़ेचा माल्‍नीनी। मिनु मेको नु तूचा थोव़क चढ़ेतीके यो चढ़ेचा माल्‍नीनी। एफाह का २२ लिटर पुक्‍तीक बाक्‍ब।मत्ती १२:५
NUM 28:10 मेको नाइक्‍तीक नाक्‍ती ङा चोशा चढ़ेतीके बाक्‍ब। मेको नाक्‍त किंत किंत ङा चोशा चढ़ेतीके नु तूचा थोव़क चढ़ेतीके चढ़ेशा यो मेको चढ़ेचा माल्‍नीनी।
NUM 28:11 मिनु गे नेल्‍ल महिना ङा ङोंइती ङा नाक्‍त परमप्रभु यावे कली चोशा चढ़ेतीके चढ़ेचा माल्‍नीनी। मेको ब्‍यफ निक्‍शी, सांड का नु ७ ओटा मारेइ मदुम्‍शो थम रिम्‍शो बर्स का का गाप्‍शो पाठा चढ़ेचा माल्‍नीनी। गन्‍ती १०:१०; इजीकीएल ४६:१,३,६; यसैया १:१३
NUM 28:12 मिनु मेको ब्‍यफ का का पा नु अन्‍न चढ़ेतीके तेलम निशो रिम्‍शो फस एफाह ङा १० भाग ङा भाग सां चढ़ेचा माल्‍नीनी। मेको सांड का नु अन्‍न चढ़ेतीके तेलम निशो रिम्‍शो फस एफाह का ङा १० भाग ङा भाग निक्‍शी चढ़ेचा माल्‍नीनी। एफाह का २२ लिटर पुक्‍तीके बाक्‍ब।गन्‍ती १५:२-१२
NUM 28:13 मिनु मेको ७ ओटा पाठा नु का का पा एफाह ङा १० भाग ङा भाग का तेलम निशो रिम्‍शो फस चढ़ेचा माल्‍नीनी। एको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।
NUM 28:14 मेको नु तूचा थोव़क चढ़ेतीके ब्‍यफ का का नु आधा हिन अङगुर शांबु बाक्‍चा माल्‍ब। सांड नु हिन का ङा भाग सां ङा भाग का अङगुर शांबु बाक्‍चा माल्‍ब। मिनु पाठा नेल्‍ल नु हिन का ङा ४ भाग ङा भाग का अङगुर शांबु चढ़ेचा माल्‍नीनी। मेको बर्स ङा महिना नेल्‍ल ङा औंसीम चोशा चढ़ेतीके बाक्‍नीम।
NUM 28:15 मिनु पाप पशो आ पर्बम बोका का परमप्रभु यावे कली चढ़ेचा माल्‍नीम। मेको नाक्‍त किंत किंत ङा चोशा चढ़ेतीक नु तूचा थोव़क चढ़ेतीके चढ़ेशा यो मेको चढ़ेचा माल्‍नीनी।
NUM 28:16 मिनु ङोंइती ङा महिना ङा १४ नाक्‍ती परमप्रभु यावे कली पास्‍सा चाड ङा चढ़ेतीके चढ़ेचा माल्‍नीनी। लेवी २३:५-१४
NUM 28:17 मिनु मेको महिना ङा १५ नाक्‍ती ठेयब चाड का मानेचा माल्‍नीम। मेको चाडम ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी।
NUM 28:18 ङोंइती ङा नाक्‍तीम परमप्रभु यावे नु ग्रुम्‍तीके का दुम्‍चा माल्‍ब। मेको नाक्‍ती गे काइ गेय मपने।
NUM 28:19 गे परमप्रभु यावे कली मीम चोशा चढ़ेतीके चढ़ेचा माल्‍नीनी। मार चढ़ेचा माल्‍नीनी देंशा हना, ब्‍यफ निक्‍शी, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको नेल्‍ल मारेइ मदुम्‍शो थम रिम्‍शो बाक्‍चा माल्‍नीम।
NUM 28:20 मेको नु अन्‍न चढ़ेतीके तेल ब्‍वाइश्‍शो रिम्‍शो फस दुम्‍चा माल्‍ब। मेको ब्‍यफ का नु एफाह का ङा १० भाग ङा भाग सां चढ़ेचा माल्‍नीनी। मेको सांड का नु एफाह का ङा १० भाग ङा भाग निक्‍शी चढ़ेचा माल्‍नीनी। एफाह का २२ लिटर खोदेंशो बाक्‍ब।
NUM 28:21 मिनु मेको ७ ओटा पाठा नु एफाह ङा १० भाग ङा भाग का का पा रिम्‍शो फस चढ़ेचा माल्‍नीनी।
NUM 28:22 मिनु इन पाप आ पर्बम पाप क्‍याम्‍तीक गेय पचा कली बोका का चढ़ेचा माल्‍नीनी।
NUM 28:23 मिनु सुनी ङा चोशा चढ़ेतीके, मेको गेना हना यो पचा माल्‍शो चोशा चढ़ेतीक बाक्‍ब, मेको चढ़ेचा माल्‍नीनी।
NUM 28:24 गे मोदेंशो चढ़ेतीके ७ नाक्‍त सम्‍म नाक्‍त किंत किंत जचा थोव़क कली चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍ब। मेको नाक्‍त किंत किंत ङा चोशा चढ़ेतीके नु तूचा थोव़क चढ़ेतीके चढ़ेशा यो मेको चढ़ेचा माल्‍नीनी।
NUM 28:25 मिनु ७ नाक्‍तीम परमप्रभु यावे नु ग्रुम्‍तीके का दुम्‍चा माल्‍ब। मेको नाक्‍ती गे काइ गेय मपने।
NUM 28:26 ङोंइती मीशो अन्‍न नु फल फुल ङा चाड नाक्‍त गे परमप्रभु यावे कली नक अन्‍न रे अन्‍न चढ़ेतीक चढ़ेनीनी। मेको हप्‍ता ङा चाड बाक्‍ब। मेना परमप्रभु यावे नु ग्रुम्‍तीके का दुम्‍चा माल्‍ब। मेको नाक्‍ती गे काइ गेय मपने। लेवी २३:१५-२१; ब्‍यवस्‍था १६:१०
NUM 28:27 गे परमप्रभु यावे कली चोशा चढ़ेतीके चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीके बाक्‍ब। गेपुकीमी ब्‍यफ निक्‍शी, सांड का नु बर्स का का गाप्‍शो ७ ओटा पाठा चढ़ेचा माल्‍नीनी।
NUM 28:28 मेको नु अन्‍न चढ़ेतीके तेल ब्‍वाइश्‍शो रिम्‍शो फस दुम्‍चा माल्‍ब। मेको ब्‍यफ का नु एफाह का ङा १० भाग ङा भाग सां चढ़ेचा माल्‍नीनी। मेको सांड का नु एफाह का ङा १० भाग ङा भाग निक्‍शी चढ़ेचा माल्‍नीनी। एफाह का २२ लिटर खोदेंशो बाक्‍ब।
NUM 28:29 मिनु मेको ७ ओटा पाठा नु भाग का रिम्‍शो फस चढ़ेचा माल्‍नीनी।
NUM 28:30 मिनु इन पाप आ पर्बम पाप क्‍याम्‍तीक गेय पचा कली बोका का चढ़ेचा माल्‍नीनी।
NUM 28:31 मिनु नाक्‍त किंत किंत ङा चोशा चढ़ेतीक नु मेको अन्‍न चढ़ेतीक गेपुकीम मेको नु आ तूचा थोव़क चढ़ेतीक चढ़ेचा माल्‍नीनी। मेको ब्‍यफ, सांड, पाठा नेल्‍ल मारेइ मदुम्‍शो थम रिम्‍शो बाक्‍चा माल्‍नीम।
NUM 29:1 गेपुकी ७ महिना ङा ङोंइती ङा नाक्‍ती ग्रुम्‍तीके का सेल्‍चा माल्‍नीनी। मेको नाक्‍ती गे काइ गेय मपने। मेको नाक्‍ती गे तुराही ताप्‍चा माल्‍नीनी। गन्‍ती १०:१०; लेवी २३:२४-२५
NUM 29:2 गे परमप्रभु यावे कली चोशा चढ़ेतीके चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीके बाक्‍ब। गेपुकीमी ब्‍यफ का, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको मारेइ मदुम्‍शो थम रिम्‍शो दुम्‍चा माल्‍नीम।
NUM 29:3 मिनु मेको ब्‍यफ नु अन्‍न चढ़ेतीके, तेल ब्‍वाइश्‍शो रिम्‍शो फस एफाह का १० भाग ङा भाग सां नु सांड नु १० भाग ङा भाग निक्‍शी चढ़ेचा माल्‍नीनी। एफाह का २२ लिटर पुक्‍तीके का बाक्‍ब। भाग सां ६ नु आधा लिटर खोदेंशो बाक्‍ब। भाग निक्‍शी ४ नु आधा लिटर खोदेंशो बाक्‍ब।
NUM 29:4 मिनु मेको ७ ओटा पाठा नु का का पा भाग का चढ़ेचा माल्‍नीनी।
NUM 29:5 मिनु इन पाप आ पर्बम पाप क्‍याम्‍तीक गेय पचा कली बोका का चढ़ेचा माल्‍नीनी।
NUM 29:6 मेको नेल्‍ले औंसी नाक्‍त ङा चोशा चढ़ेतीक नु मेको नु अन्‍न चढ़ेतीके, नाक्‍त किंत किंत ङा चोशा चढ़ेतीक नु मेको नु अन्‍न चढ़ेतीके, मेको नेल्‍ल नु तूचा थोव़क चढ़ेतीके यो चढ़ेचा माल्‍नीनी। मेको नेल्‍ले परमप्रभु यावेमी देंशो खोदेंशो पा आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍नीम।
NUM 29:7 मेको ७ महिना ङा १० नाक्‍त परमप्रभु यावे नु ग्रुम्‍तीके का दुम्‍चा माल्‍ब। मेको नाक्‍ती गे माइजा बाक्‍शा, काइ गेय मपने। लेवी २३:२७-३२
NUM 29:8 गे परमप्रभु यावे कली चोशा चढ़ेतीके चढ़ेचा माल्‍नीनी। मेको आ दाक्‍शो ब्रोव़शो रिना पाइश्‍शो चढ़ेतीके बाक्‍ब। मिनु गे ब्‍यफ का, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको थम रिम्‍शो मारेइ मदुम्‍शो दुम्‍चा माल्‍नीम।
NUM 29:9 मिनु मेको ब्‍यफ नु अन्‍न चढ़ेतीके, तेल ब्‍वाइश्‍शो रिम्‍शो फस एफाह का ङा १० भाग ङा भाग सां नु सांड नु १० भाग ङा भाग निक्‍शी चढ़ेचा माल्‍नीनी। एफाह का २२ लिटर खोदेंशो बाक्‍ब
NUM 29:10 मिनु मेको ७ ओटा पाठा नु का का पा भाग का का पा चढ़ेचा माल्‍नीनी।
NUM 29:11 मिनु मेको नु पाप पशो आ पर्बम बोका का चढ़ेचा माल्‍नीनी। मेको पाप पशो क्‍याम्‍तीक गेय पचा कली चढ़ेशा यो नाक्‍त किंत किंत ङा चोशा चढ़ेतीके, मेको नु अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी। लेवी १६:११-२८
NUM 29:12 गे ७ महिना ङा १५ नाक्‍ती परमप्रभु यावे नु ग्रुम्‍तीके का सेल्‍चा माल्‍नीनी। मेको नाक्‍ती गे काइ गेय मपने। गे परमप्रभु यावे कली ७ नाक्‍त सम्‍म चाड मानेचा माल्‍नीनी। लेवी २३: ३४-४३
NUM 29:13 गेपुकीमी परमप्रभु यावे कली चोशा चढ़ेतीके चढ़ेचा माल्‍नीनी। मेको आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। मेको चोशा चढ़ेतीके मार बाक्‍चा माल्‍नीम देंशा हना, १३ ओटा ब्‍यफ, सांड निक्‍शी नु बर्स का गाप्‍शो १४ ओटा पाठा बाक्‍चा माल्‍नीम। मेको नेल्‍ल थम रिम्‍शो मारेइ मदुम्‍शो बाक्‍चा माल्‍नीम।
NUM 29:14 मिनु मेको नु अन्‍न चढ़ेतीके तेल ब्‍वाइश्‍शो रिम्‍शो फस बाक्‍चा माल्‍ब। मेको १३ ओटा ब्‍यफ आन कली का का पा एफाह का ङा १० भाग ङा भाग सां चढ़ेचा माल्‍नीम। मेको सांड निक्‍शी नु एफाह का ङा १० भाग ङा भाग निक्‍शी रिम्‍शो तेल ब्‍वाइश्‍शो फस चढ़ेचा माल्‍नीम। एफाह का २२ लिटर खोदेंशो बाक्‍ब।
NUM 29:15 मिनु मेको १४ ओटा पाठा नु का का पा भाग का का रिम्‍शो फस चढ़ेचा माल्‍नीनी। भाग ला ब्रेक्‍शो बाक्‍त हना, एफाह ङा १० भाग ङा भाग का मिम्‍सीब। मेको २ लिटर २०० सी सी बाक्‍ब।
NUM 29:16 मिनु मेको नु पाप पशो आ पर्बम बोका का चढ़ेचा माल्‍नीनी। मेको पाप पशो क्‍याम्‍तीक गेय पचा कली चढ़ेशा यो नाक्‍त किंत किंत ङा चोशा चढ़ेतीके, मेको नु अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीम।
NUM 29:17 मिनु मेको आ दीसा गे १२ ओटा ब्‍यफ, सांड निक्‍शी १४ ओटा बर्स का गाप्‍शो पाठा चढ़ेचा माल्‍नीनी। मेको नेल्‍ल थम रिम्‍शो मारेइ मदुम्‍शो बाक्‍चा माल्‍नीम।
NUM 29:18 मेको नु अन्‍न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्‍यफ, सांड नु पाठा आन कली हिक्‍शा, चढ़ेचा माल्‍नीनी।
NUM 29:19 मिनु मेको नु पाप पशो आ पर्बम बोका का चढ़ेचा माल्‍नीनी। मेको पाप पशो क्‍याम्‍तीक गेय पचा कली चढ़ेशा यो नाक्‍त किंत किंत ङा चोशा चढ़ेतीके, मेको नु अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी।
NUM 29:20 मिनु मेको आ दीसा गे ११ ओटा ब्‍यफ, सांड निक्‍शी १४ ओटा बर्स का गाप्‍शो पाठा चढ़ेचा माल्‍नीनी। मेको नेल्‍ल मारेइ मदुम्‍शो थम रिम्‍शो बाक्‍चा माल्‍नीम।
NUM 29:21 मेको नु अन्‍न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्‍यफ, सांड नु पाठा आन कली हिक्‍शा, चढ़ेचा माल्‍नीनी।
NUM 29:22 मिनु मेको नु पाप पशो आ पर्बम बोका का चढ़ेचा माल्‍नीनी। मेको पाप पशो क्‍याम्‍तीक गेय पचा कली चढ़ेशा यो नाक्‍त किंत किंत ङा चोशा चढ़ेतीके, मेको नु अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी।
NUM 29:23 मिनु मेको आ दीसा गे १० ओटा ब्‍यफ, सांड निक्‍शी १४ ओटा बर्स का गाप्‍शो पाठा चढ़ेचा माल्‍नीनी। मेको नेल्‍ल मारेइ मदुम्‍शो थम रिम्‍शो बाक्‍चा माल्‍नीम।
NUM 29:24 मेको नु अन्‍न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्‍यफ, सांड नु पाठा आन कली हिक्‍शा, चढ़ेचा माल्‍नीनी।
NUM 29:25 मिनु मेको नु पाप पशो आ पर्बम बोका का चढ़ेचा माल्‍नीनी। मेको पाप पशो क्‍याम्‍तीक गेय पचा कली चढ़ेशा यो नाक्‍त किंत किंत ङा चोशा चढ़ेतीके, मेको नु अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी।
NUM 29:26 मिनु मेको आ दीसा गे ९ ओटा ब्‍यफ, सांड निक्‍शी, १४ ओटा बर्स का गाप्‍शो पाठा चढ़ेचा माल्‍नीनी। मेको नेल्‍ल थम रिम्‍शो मारेइ मदुम्‍शो बाक्‍चा माल्‍नीम।
NUM 29:27 मेको नु अन्‍न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्‍यफ, सांड नु पाठा आन कली हिक्‍शा, चढ़ेचा माल्‍नीनी।
NUM 29:28 मिनु मेको नु पाप पशो आ पर्बम बोका का चढ़ेचा माल्‍नीनी। मेको पाप पशो क्‍याम्‍तीक गेय पचा कली चढ़ेशा यो नाक्‍त किंत किंत ङा चोशा चढ़ेतीके, मेको नु अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी।
NUM 29:29 मिनु मेको आ दीसा गे ८ ओटा ब्‍यफ, सांड निक्‍शी १४ ओटा बर्स का गाप्‍शो पाठा चढ़ेचा माल्‍नीनी। मेको नेल्‍ल मारेइ मदुम्‍शो थम रिम्‍शो बाक्‍चा माल्‍नीम।
NUM 29:30 मेको नु अन्‍न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्‍यफ, सांड नु पाठा आन कली हिक्‍शा, चढ़ेचा माल्‍नीनी।
NUM 29:31 मिनु मेको नु पाप पशो आ पर्बम बोका का चढ़ेचा माल्‍नीनी। मेको पाप पशो क्‍याम्‍तीक गेय पचा कली चढ़ेशा यो नाक्‍त किंत किंत ङा चोशा चढ़ेतीके, मेको नु अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीम।
NUM 29:32 मिनु मेको आ दीसा गे ७ ओटा ब्‍यफ, सांड निक्‍शी १४ ओटा बर्स का गाप्‍शो पाठा चढ़ेचा माल्‍नीनी। मेको मारेइ मदुम्‍शो थम रिम्‍शो बाक्‍चा माल्‍नीम।
NUM 29:33 मेको नु अन्‍न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्‍यफ, सांड नु पाठा आन कली हिक्‍शा, चढ़ेचा माल्‍नीनी।
NUM 29:34 मिनु मेको नु पाप पशो आ पर्बम बोका का चढ़ेचा माल्‍नीनी। मेको पाप पशो क्‍याम्‍तीक गेय पचा कली चढ़ेशा यो नाक्‍त किंत किंत ङा चोशा चढ़ेतीके, मेको नु अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी।
NUM 29:35 मिनु मेको आ नोले ङा नाक्‍त गे परमप्रभु यावे नु ग्रुम्‍तीके का सेल्‍चा माल्‍नीनी। मेको नाक्‍त गे काइ गेय मपने।
NUM 29:36 गे परमप्रभु यावे कली चोशा चढ़ेतीके चढ़ेचा माल्‍नीनी। मेको आ दाक्‍शो ब्रोव़शो रिना पाइश्‍शो चढ़ेतीके बाक्‍ब। मिनु गे ब्‍यफ का, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको नेल्‍ल मारेइ मदुम्‍शो थम रिम्‍शो बाक्‍चा माल्‍नीम।
NUM 29:37 मेको नु अन्‍न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्‍यफ, सांड नु पाठा आन कली हिक्‍शा, चढ़ेचा माल्‍नीनी।
NUM 29:38 मिनु मेको नु पाप पशो आ पर्बम बोका का चढ़ेचा माल्‍नीनी। मेको पाप पशो क्‍याम्‍तीक गेय पचा कली चढ़ेशा यो नाक्‍त किंत किंत ङा चोशा चढ़ेतीके, मेको नु अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी।
NUM 29:39 मिनु गे मेको चढ़ेतीके नेल्‍ले इन कली ङोंइती देंशो नाक्‍तीम परमप्रभु यावे कली चढ़ेचा माल्‍नीनी। मेको नु इन नाक्‍त किंत किंत ङा चढ़ेतीके, इन ग्‍येरशा चढ़ेतीके, चोशा चढ़ेतीके, इन अन्‍न चढ़ेतीके, इन तूचा थोव़क चढ़ेतीके नु इन दुशा बाक्‍चा आ पर्बम चढ़ेतीके चढ़ेशा यो मेको चढ़ेचा माल्‍नीनी’ देनो” देंत।
NUM 29:40 मिनु परमप्रभु यावेमी मोसा कली अरेशो खोदेंशो पा मोसाम लोव़ नेल्‍ल इस्राएली आन कली शेंताक्‍मी।
NUM 30:1 मिनु मोसामी इस्राएल आ थर थर ङा ठेयब मुर आन कली “परमप्रभु यावेमी अरेशो मार बाक्‍त देंशा हना,
NUM 30:2 मुर कामी परमप्रभु यावे कली लोव़ पाप्‍तु हना यो, कसम जाप्‍तु हना यो, मेकोमी आ पशो लोव़ पचा नु आ कसम जशो खाप्‍चा माल्‍ब। मेको आ शोव़ रे मार लोव़ ग्रूशो बाक्‍मे, मेकोमी मेको खाप्‍चा माल्‍ब।
NUM 30:3 मिनु मीश आलमी आ आम आफ आस खिंम बाक्‍मेनु, परमप्रभु यावे कली लोव़ गेप्‍तु हना यो, कसम जाप्‍तु हना यो, लेवी २७:२-२५; ब्‍यवस्‍था २३:२२; न्‍यायाधीस ११:३५; उपदेसक ५:३,४; गन्‍ती ६:१-२१
NUM 30:4 मिनु मेको आ आफोमी आ लोव़ नेंशा यो सिक्‍सी पा बाक्‍त हना, मेको आ गेशो लोव़ बाक्‍त हना यो कसम बाक्‍त हना यो लीब।
NUM 30:5 तन्‍न आ आफोमी मेको नेना नाक्‍ती ‘मेको मदुम्‍ब’ देंत हना, मेको आ लोव़ गेशो नु आ कसम जशो मलीब। मेको आ आफोमी मदुम्‍ब देंतीके परमप्रभु यावेमी मेको आ पाप क्‍याम्‍ब।
NUM 30:6 मिनु मेकोम कसम जशो बाक्‍त हना यो, ममिम्‍थु लोव़ गेवा नोले आ ग्‍युंबे दुम्‍त हना,
NUM 30:7 मिनु आ वोंइशेमी मेको नेंशा यो सिक्‍सी पा बाक्‍त हना, मेको आ गेशो लोव़ बाक्‍त हना यो कसम बाक्‍त हना यो मेको लीब।
NUM 30:8 तन्‍न मेको आ वोंइशेमी मेको लोव़ नेंना नाक्‍त मेको कली ‘मदुम्‍ब’ देंत हना, मेको आ जशो कसम नु आ ममिम्‍थु गेशो लोव़ मलीब। मिनु परमप्रभु यावेमी मेको आ पाप क्‍याम्‍ब।
NUM 30:9 आ वोंइश बेक्‍शो नु आ वोंइशेमी प्रोंइशो मीश मुरुमी कसम जाप्‍तु हना, मेको लीब।
NUM 30:10 सुइ मीश मुरुमी आ वोंइश आ खिंम बाक्‍शा, लोव़ गेप्‍तु हना, कसम जाप्‍तु हना,
NUM 30:11 मिनु आ वोंइशेमी मेको नेंशा यो सिक्‍सी पा बाक्‍त हना, मेको आ गेशो लोव़ बाक्‍त हना यो, कसम बाक्‍त हना यो, मेको लीब। येरमीया ४४:१९,२५
NUM 30:12 तन्‍न आ वोंइशेमी मेको नेंशा ‘मदुम्‍ब’ देंत हना, मेको आ गेशो लोव़ ङा कसम मलीब। आ वोंइशेमी मेको आ गेशो लोव़ क्‍याम्‍शो बाक्‍त। मिनु परमप्रभु यावेमी मेको मीश मुर आ पाप क्‍याम्‍ब।
NUM 30:13 आ वोंइशेमी आ मीश आ मारेइ लोव़ गेशो, आ मारेइ कसम जशो पचा गेने नु क्‍याम्‍ने चाप्‍ब।
NUM 30:14 तन्‍न मेको आ वोंइशेमी मेको नेंशा यो नाक्‍त किंत किंत सिक्‍सी पा बाक्‍त हना, मेकोमी आ कसम जशो नु आ गेशो लोव़ पचा गेशो बाक्‍ब।
NUM 30:15 तन्‍न मेकोमी नेंना आ नाक्‍त का निक्‍शी नोले ‘मेको मदुम्‍ब’ देंत हना, मेकोमी आ मीश आ तशो दोस कुरचा माल्‍ब” देंत।
NUM 30:16 एको वोंइश मीश नु आ आम आफ आस खिंम बाक्‍शो मीश आल आ पर्बम फुल्‍लुम मुशा ब्रेक्‍शो लोव़ एको बाक्‍ब। एको लोव़ परमप्रभु यावेमी मोसा कली अरेशो बाक्‍ब।
NUM 31:1 मिनु परमप्रभु यावेमी मोसा कली
NUM 31:2 “इस्राएली आन पर्बम गे मिदयान ङा मुर आन कली क्‍येक्‍क लेत्‍तीमी। मेको आ नोले गे बेक्‍नेवे” देंत।
NUM 31:3 मिनु मोसामी मुर आन कली “इन लडाइ पाइब आन दाते ङा मिदयान नु लडाइ पचा कली नु परमप्रभु यावेमी मेको आन कली क्‍येक्‍क लेत्‍चा कली इन मुर आन कली ठीक पने।
NUM 31:4 गे इस्राएली आन थर थर नेल्‍ल रे हजार का का मुर लडाइ पचा कली सोइक्‍तीने” देंत।
NUM 31:5 मोपतीके इस्राएली आन शुश मुर रे थर थर रे हजार का का पा, १२ हजार लडाइ पाइब मुर या कुरशा ठीक दुम्‍तेक्‍म।
NUM 31:6 मिनु मोसामी थर नेल्‍ल रे हजार का का मुर आन कली लडाइम सोइक्‍ताक्‍मी। मिनु मेकोपुकी नु चढ़ेब एलाजर आ तौ फिनेहास यो सोइक्‍ताक्‍व। मेकोमी परमप्रभु यावे आ ताम्‍बु ङा माल्‍शो नु लडाइ ङा तुराही ताप्‍तीक कुरशो बाक्‍त। गन्‍ती १०:२
NUM 31:7 परमप्रभु यावेमी मोसा कली अरेशो खोदेंशो पा मेकोपुकीम मिदयान ङा मुर नु लडाइ पाम्‍तेक्‍म। मिनु मेको आन वोंइश मुर नेल्‍ल आन कली साइक्‍तेक्‍म। ब्‍यवस्‍था २०:१३
NUM 31:8 मेकोपुकीमी मिदयान ङा ५ जना पिप एवी, रेकेम, सुर, हुर नु रेबा आन कली साइक्‍तेक्‍म। मिनु मेको नु बाक्‍ब अरु मुर यो साइक्‍तेक्‍म। मिनु बेओर आ तौ बालाम कली यो तरवारमी साइक्‍तेक्‍म। यहोसु १३:२१-२२; गन्‍ती २२:५
NUM 31:9 मिनु इस्राएलीपुकीम मिदयान ङा मीश मुरपुकी नु आल ब्रेप्‍च ग्‍याइक्‍तेक्‍म। मेको आन बी ब्‍यफ, क्‍यारश भेडा नु आन शोंप नेल्‍ल लाइक्‍तेक्‍म।
NUM 31:10 मिनु मेको आन बाक्‍शो सहर नेल्‍ल नु मेको आन ताम्‍बु नेल्‍ल क्रोइक्‍तेक्‍म।
NUM 31:11 मेको आन ग्राशो मुर, बी ब्‍यफ, क्‍यारश भेडा, नु शोंप नेल्‍ल लाइश्‍शा गाक्‍तेक्‍म।
NUM 31:12 मिनु यरीको आ आइक्‍ची हांबु यर्दन खोला आ शुंइचीम मोआब ङा दिंममी बाक्‍शो ताम्‍बुम मोसा, चढ़ेब एलाजर नु इस्राएली नेल्‍ल आन ङोंइती चाक्‍तेक्‍म।
NUM 31:13 मिनु मोसा, चढ़ेब एलाजर नु मेको आन दाते ङा ठेयब मुर नेल्‍ल मेको आन कली ग्रुम्‍थ, लाङगा ग्रूतेक्‍म।
NUM 31:14 मिनु मोसामी लडाइ रे ग्राशा, लेश्‍शा जाक्‍शो हजार का नु सहे का ङा कप्‍तान आन कली तशा गाइक्‍ताक्‍व।
NUM 31:15 मिनु मोसाम मेको आन कली “मार गे मीश मुर नेल्‍ल आन कली सेसीन प्रोंइनी?
NUM 31:16 एको मीश मुरपुकीमी बालाम आ देंशो पशा, इस्राएली आन कली पेओरम परमप्रभु यावे कली मरिम्‍शो पपाइश्‍शो बाक्‍तेक्‍म। मोपतीके परमप्रभु यावे आ मुर आन दातेमी मुर साइक्‍ब रोइ ग्रूत। गन्‍ती २५:१-३; प्रकाश २:१४
NUM 31:17 मोपतीके वोंइश आल नेल्‍ल वोंइश मुर नु बाक्‍शो मीश मुर नेल्‍ल आन कली सतीन। न्‍यायाधीस २१:११-१२
NUM 31:18 तन्‍न वोंइश मुर नु मबाक्‍शो मीश आल नेल्‍ल चहिं इन कली वोंइसीन।
NUM 31:19 गेपुकी सु सुम मुर साइश्‍शो बाक्‍नी नु बेक्‍शो मुर आन कली थिशो बाक्‍नी मेको नेल्‍ल ७ नाक्‍त सम्‍म इन बाक्‍तीक आ लाङगाम बाक्‍कीन। मिनु सां नाक्‍त नु ७ नाक्‍ती गेपुकीमी इन कली ग्रांग्रा मदिशो सेल्‍सीशा, इन ग्‍याइश्‍शो आन कली यो ग्रांग्रा मदिशो सेलीन। गन्‍ती १९:११-२०
NUM 31:20 गेपुकीम वा नेल्‍ले, कुशुल के मार मार, क्‍यारश आ चां के सेल्‍शो नु शी के मार मार नेल्‍ल ग्रांग्रा मदिशो सेलीन” देंत।
NUM 31:21 मिनु चढ़ेब एलाजरमी लडाइम लाइब मुर नेल्‍ल आन कली “परमप्रभु यावेमी मोसा कली फुल्‍लुम मुशा ब्रेक्‍शो आ अरेशो लोव़ मार बाक्‍त देंशा हना,
NUM 31:22 ‘सुन, चांदी, कांसा, फलाम, टीन नु सिसा,
NUM 31:23 मीम मनेक्‍ब मारेइ मारेइ थोव़क मीम क्रोइश्‍शा, ग्रांग्रा मदिशो दुम्‍ब। मीम नेक्‍चा ङा थोव़क चहिं ग्रांग्रा मदिशो दुम्‍तीक ब्‍वाक्‍कुमी ग्रांग्रा मदिशा सेल्‍ने चाप्‍नीमी।
NUM 31:24 मिनु ७ नाक्‍ती गेपुकीमी इन वा मुरचा माल्‍नीनी। मिनु गेपुकी ग्रांग्रा मदिशो दुम्‍नीनी। मेको नोले गे इन बाक्‍तीके ओव़ने चाप्‍नीनी’ ” देंत।
NUM 31:25 मिनु परमप्रभु यावेमी मोसा कली
NUM 31:26 “गे, चढ़ेब एलाजर नु मुर आन थर ङा ठेयब मुरपुकीम ‘ग्‍याइश्‍शो मुर नु बी ब्‍यफ, क्यारश भेडा आन कली हिक्‍शा ब्रेक्‍चा माल्‍नीनी।
NUM 31:27 मेको नेल्‍ल के भाग निक्‍शी सेलीन। भाग का लडाइम लाइब आन कली नु भाग का अर्को मुर नेल्‍ल आन कली बाक्‍ब। यहोसु २२:८; १सामुएल ३०:२४-२५
NUM 31:28 लडाइम लाइब मुर आन भाग रे मुर, बी ब्‍यफ, गधा नु क्‍यारश भेडा ५ सहे रे का परमप्रभु यावे कली गेचा माल्‍नीनी।
NUM 31:29 मेको लडाइ पाइब आन भाग रे ताक्‍शा, चढ़ेब एलाजरमी परमप्रभु यावे कली चढ़ेचा माल्‍ब।
NUM 31:30 मिनु इस्राएली आन भाग रे मुर, बी ब्‍यफ, गधा नु क्‍यारश भेडा ५० रे का ताक्‍शा, परमप्रभु यावे आ ताम्‍बुम गेय पाइब लेवी आ थर ङा मुर आन कली गेचा माल्‍नीनी’ देनो” देंत।
NUM 31:31 मिनु परमप्रभु यावेमी मोसा कली अरेशो खोदेंशो पा मोसा नु चढ़ेब एलाजरमी पाम्‍ताक्‍स।
NUM 31:32 मेको लडाइ पाइबपुकीमी रोइश्‍शो गिश बाक्‍तेक्‍म देंशा हना, क्‍यारश भेडा ६ लाख ७५ हजार
NUM 31:33 बी ब्‍यफ ७२ हजार
NUM 31:34 गधा ६१ हजार
NUM 31:35 वोंइश मुर नु मबाक्‍शो मीश आलपुकी ३२ हजार जना बाक्‍तेक्‍म।
NUM 31:36 मेको लडाइम लाइब आन भाग गिश बाक्‍तेक्‍म देंशा हना, क्‍यारश भेडा ३ लाख ३७ हजार ५ सहे,
NUM 31:37 मेको रे पा ६ सहे ७५ ओटा परमप्रभु यावे कली गेशो बाक्‍तेक्‍म।
NUM 31:38 बी ब्‍यफ ३६ हजार बाक्‍तेक्‍म। मेको रे पा ७२ ओटा बी ब्‍यफ परमप्रभु यावे कली गेशो बाक्‍तेक्‍म।
NUM 31:39 गधा ३० हजार ५ सहे बाक्‍तेक्‍म। मेको रे पा ६१ ओटा गधा परमप्रभु यावे कली गेशो बाक्‍तेक्‍म।
NUM 31:40 मिनु मीश आल १६ हजार जना बाक्‍तेक्‍म। मेको रे पा ३२ जना परमप्रभु यावे कली गेशो बाक्‍तेक्‍म।
NUM 31:41 परमप्रभु यावेमी मोसा कली देंशो खोदेंशो पा मोसामी परमप्रभु यावे कली गेशो भाग चढ़ेब एलाजर कली गेप्‍तु।
NUM 31:42 मोसामी लडाइम लाइब मुर रे योक्‍शा अर्को इस्राएली आन कली गेशो,
NUM 31:43 क्‍यारश भेडा लाख सां ३७ हजार ५ सहे बाक्‍तेक्‍म,
NUM 31:44 बी ब्‍यफ ३६ हजार बाक्‍तेक्‍म,
NUM 31:45 गधा ३० हजार ५ सहे बाक्‍तेक्‍म,
NUM 31:46 नु मीश आल १६ हजार जना बाक्‍तेक्‍म।
NUM 31:47 परमप्रभु यावेमी अरेशो खोदेंशो पा मोसामी इस्राएली आन भाग रे मुर नु बी ब्‍यफ, क्‍यारश भेडा हिक्‍शा, ५०, ५० रे का का ग्रुंइशा परमप्रभु यावे आ बाक्‍तीकेमी गेय पाइब लेवी आ थर ङा मुर आन कली गेप्‍तु।
NUM 31:48 मिनु लडाइ पाइब आन हजार का नु सहे का ङा कप्‍तान मोसा आ बाक्‍तीके जाक्‍तेक्‍म।
NUM 31:49 मिनु मेकोपुकीमी मोसा कली “इन गेय पाइब, गोपुकीमी आंइ लडाइ पाइब आन कली हिक्‍तक। मिनु आंइ के मुर का यो मजाम्‍शो बाक्‍नीम।
NUM 31:50 मिनु गो नेल्‍ल आंइ थिश्‍शो सुन के गहाना, बाला, छाप थोक्‍तीक औंठी, नचे नु साङलीपुकी परमप्रभु यावे कली चढ़ेशा, आंइ पर्बम पाप क्‍याम्‍तीक गेय पचा, दे चाक्‍शा जाक्‍ताक्‍क” देंतेक्‍म। न्‍यायाधीस ८:२४-२६
NUM 31:51 मिनु मोसा नु चढ़ेब एलाजरमी मेको आन चाक्‍शो सुन के गहाना नेल्‍ल ताक्‍ताक्‍से।
NUM 31:52 मिनु हजार, हजार ङा कप्‍तान नु सहे, सहे ङा कप्‍तान आन चाक्‍शो परमप्रभु यावे कली चढ़ेशो सुन १६ हजार ७ सहे ५० शेकेल बाक्‍तेक्‍म। शेकेल का ११.५ ग्राम बाक्‍ब।
NUM 31:53 लडाइम लाइब आन रोइश्‍शो मार मार आंम आंमा लांइसीशो बाक्‍तेक्‍म।
NUM 31:54 मिनु मोसा नु चढ़ेब एलाजरमी हजार का, हजार का, नु सहे का, सहे का मुर आन कप्‍तानपुकीमी चाक्‍शो सुन ताक्‍शा, परमप्रभु यावे आ ग्रुम्‍तीक ताम्‍बुम वोइक्‍ताक्‍स। मेको परमप्रभु यावे आ ङोंइती इस्राएली आन कली मिम्‍पाइक्‍चा कली वोइक्‍ताक्‍स। प्रस्‍थान ३०:१२-१६
NUM 32:1 मिनु रूबेन आ थर ङा मुर नु गाद आ थर ङा मुर आन के शुश बी ब्‍यफ बाक्‍तेक्‍म। मिनु मेकोपुकीम याजेर नु गिलादमी रिम्‍शो योव़तीक ताम्‍तेक्‍म।
NUM 32:2 मिनु गाद आ थर ङा मुर नु रूबेन आ थर ङा मुरुमी मोसा, चढ़ेब एलाजर नु ग्रुम्‍तीक ङा ठेयब मुर आन बाक्‍तीक जाक्‍शा
NUM 32:3 “अतारोथ, दीबोन, याजेर, निम्रा, हेश्‍बोन, एलेआले, सेबाम, नेबो नु बेओन,
NUM 32:4 परमप्रभु यावेमी मेको रागी इस्राएली आन ङोंइती खतम पोक्‍शो बाक्‍त। मेको रागी बी ब्‍यफ योव़चा कली रिम्‍शो बाक्‍ब। मिनु इन गेय पाइब, गोपुकी नु बी ब्‍यफ यो बाक्‍नीम।
NUM 32:5 गे आंइ कली दाक्‍ताक्‍नी हना, एको रागी आंइ कली गेकी। आंइ कली यर्दन आइक्‍ची हांबु मलाइक्‍की” देंतेक्‍म।
NUM 32:6 मिनु मोसामी गाद आ थर ङा मुर नु रूबेन आ थर ङा मुर आन कली “इन लोक्‍बपुकी एर लडाइम लमानु, गेपुकी चहिं एक बाक्‍नीनी?
NUM 32:7 मारदे गे परमप्रभु यावे आ गेशो आइक्‍ची हांबु ङा रागीम लचा कली इस्राएली आन थुं क्‍याल्‍नीनी?
NUM 32:8 गो इन आफ आन कली कादेश-बारनेआ रे एको रागी क्‍यारी पथ सोइक्‍तुनु, मेकोपुकीमी यो इन खोदेंशो पशो बाक्‍तेक्‍म। गन्‍ती १३:-
NUM 32:9 मिनु मेकोपुकी एश्‍कोल ङा खोला लशा, एको रागी ताम्‍तेक्‍म। मिनु परमप्रभु यावेमी गेशो रागीम मलचा, दे इस्राएली आन थुं क्‍याल्‍शो बाक्‍तेक्‍म।
NUM 32:10 मिनु मेको नाक्‍ती परमप्रभु यावे गाइक्‍ताक्‍व। मिनु मेकोमी कसम जशा
NUM 32:11 ‘इजीप्‍त रे जाक्‍शो २० बर्स गाप्‍शो नु मेको क्‍येङा लाक्‍शो सुइ मेको अब्राहाम, इसहाक नु याकूब नु कसम जशो रागी ओव़चा मताइनीम। मारदे हना आं कली मटीयीमी। गन्‍ती १४:२२-३८; गन्‍ती २६:६५
NUM 32:12 केनीज्‍जी यपुन्‍ने आ तौ कालेब नु नून आ तौ यहोसु ला ओव़चा ताइनीस। मारदे हना मेको निक्‍शीमी थमा पा आं नोले खोइक्‍तीस्सी’ दे कसम जाप्‍तु” दे मोसामी देंत। गन्‍ती १४:७-९; यहोसु १४:६-१५
NUM 32:13 मिनु मोसामी “परमप्रभु यावे इस्राएली आन पर्बम गाइक्‍ताक्‍व। मिनु मेकोमी मेको आन कली ४० बर्स सम्‍म गोरशो रागीम हिरपाइक्‍तीमी। परमप्रभु यावे आ ङोंइती मरिम्‍शो पाइब मबेक्‍म सम्‍म मोदेंशो पाप्‍तु।
NUM 32:14 मिनु मुल गे, पाप पाइबपुकी, परमप्रभु यावेमी इस्राएल आ पर्बम गाइश्‍‍शो बाक्‍त। मिनु गेपुकीमी चिनु तेम्‍शो बाक्‍नीनी।
NUM 32:15 गेपुकीम मेको आ नोले खोइक्‍ने मबिस्‍साक्‍नी हना, मेकोमी एको मुर नेल्‍ल आन कली एको गोरशो रागीमीन प्रोंइब। मिनु गे मेको मुर नेल्‍ल आन कली खतम सेल्‍ब दुम्‍नीनी” दे माइक्‍तीमी।
NUM 32:16 मिनु मेकोपुकी मोसा आ नेक्‍था जाक्‍शा “गो आंइ भेडा आन कली गोठ नु आंइ आल आन कली सहर सेल्‍चा दाक्‍नीकी।
NUM 32:17 तन्‍न गोपुकी चहिं इस्राएली आन कली मेको आन बाक्‍तीकेमी मचाक्‍दीश्‍शो सम्‍म मेको आन ङोंइङोंइती लडाइ पा लाइनीकी। मेना आंइ मीशपुकी नु आंइ आलपुकी चहिं एको रागी ङा मुर आन रे मारेइ पाइक्‍चा मपुंइसीथु, मेको सहर ङा गारो आगाम बाक्‍नीम।
NUM 32:18 इस्राएल ङा मुर नेल्‍लेमी आन योव़शो रागी मतामे सम्‍म गो आंइ खिं मलेत्‍नीकी।
NUM 32:19 गोपुकीमी यर्दन खोला आ आइक्‍ची हांबु नु मेको क्‍येङा एर गे रागी मताक्‍नीकी। मारदे हना, आंइ भाग यर्दन ओंथ हांबु पूर्ब गे दुम्‍शो बाक्‍ब” देंतेक्‍म। यहोसु १३:८
NUM 32:20 मिनु मोसामी मेको आन कली “दुम्ब। गेपुकी परमप्रभु यावे आ ङोंइती लडाइम लाइनीनी हना, यहोसु १:१२-१५
NUM 32:21 नु परमप्रभु यावेमी आ जोरी सत्रु आन कली खेरशा मेको रागी मफ्रुवा सम्‍म गेपुकी परमप्रभु यावे आ ङोंइती लडाइ पा यर्दन आइक्‍ची हांबु लाइतीनी हना,
NUM 32:22 मिनु मेको रागी परमप्रभु यावे आ ङोंइती ग्रानी नोले, गे लेन्‍ने चाप्‍नीनी। मिनु इन पुंइशो रागी परमप्रभु यावे आ ङोंइती इन के दुम्‍ब।
NUM 32:23 तन्‍न गेपुकीम मो मपाइतीनी हना, परमप्रभु यावे आ ङोंइती पाप पाइनीनी। मिनु इन पाप थमा पा राइनीनी।
NUM 32:24 गेपुकी इन मीश नु आल आन कली सहर नु इन बी ब्‍यफ, क्‍यारश भेडा आन कली गोठ सेलीन। तन्‍न इन गेशो लोव़ खाप्‍चा माल्‍नीनी” देंत।
NUM 32:25 मिनु गाद नु रूबेन आस थर ङा मुरपुकीमी मोसा कली “इन गेय पाइब, गोपुकी इन अरेशो पाइनीकी।
NUM 32:26 आंइ आलपुकी, आंइ मीशपुकी, आंइ बी ब्‍यफ, क्‍यारश भेडा नेल्‍ल एको गिलाद सहरमी बाक्‍नीम।
NUM 32:27 तन्‍न इन गेय पाइब, गोपुकी इन अरेशो खोदेंशो पा परमप्रभु यावे आ ङोंइती लडाइ पचा कली या कुरशा लाइनीकी” देंतेक्‍म।
NUM 32:28 मिनु मोसामी मेको आन पर्बम चढ़ेब एलाजर, नून आ तौ यहोसु नु इस्राएली आन थर थर ङा ठेयब मुर आन कली अरेम्‍तीमी।
NUM 32:29 मिनु मोसाम मेको आन कली “गाद नु रूबेन आस थर ङा मुर गेपुकी नु या कुरशा, परमप्रभु यावे आ ङोंइती लडाइ पा यर्दन आइक्‍ची हांबु लाम्‍तेक्‍म हना, नु मेको रागी इन गुइम दुम नोले, गेपुकीमी गिलाद रागी मेको आन कली गेचा माल्‍नीनी।
NUM 32:30 तन्‍न मेकोपुकी या कुरशा लडाइ पा गेपुकी नु यर्दन आइक्‍ची हांबु लने मबिस्‍साक्‍म हना, मेकोपुकी इन दातेमी कनान रागीमीन आन रागी तचा माल्‍नीम” दे माइक्‍तीमी।
NUM 32:31 मिनु गाद नु रूबेन आस थर ङा मुरपुकीमी “परमप्रभु यावेमी इन गेय पाइब, आंइ कली मार देंमे मेको पाइनीकी।
NUM 32:32 गोपुकी या कुरशा परमप्रभु यावे आ ङोंइती आइक्‍ची हांबु कनान रागी लाइनीकी। तन्‍न आंइ योव़शो रागी यर्दन ओंथ हांबुमी बाक्‍ल” देंतेक्‍म।
NUM 32:33 मिनु मोसामी गाद आ थर, रूबेन आ थर नु योसेफ आ तौ मनस्‍से आ उइक्‍थ थर ङा मुर आन कली एमोरी आन पिप सीहोन आ राज्‍य नु बाशान ङा पिप ओग आ राज्‍य, मेको रागी नु आ एर ओंथ ङा सहर नेल्‍ल गेम्‍तीमी। यहोसु १३:१५-३२
NUM 32:34 मिनु गाद आ थर ङा मुरपुकीमी दीबोन, अतारोथ, आरोएर,
NUM 32:35 अत्रोथ-शोफान, याजेर, योग-बेहा,
NUM 32:36 बेथ-निम्रा, बेथ-हारान नेल्‍ल गारोम हिरशो सहर सेल्‍तेक्‍म। मिनु भेडा आन कली गोठ यो सेल्‍तेक्‍म।
NUM 32:37 मिनु रूबेन आ थर ङा मुरपुकीमी हेश्‍बोन, एलेआले नु किरयथ-थाइम,
NUM 32:38 नेबो, बाल-मेओन नु सिब्‍मा लेंशा सेल्‍तेक्‍म। मिनु मेकोपुकीमी आन लेंशा सेल्‍शो सहर कली नक नें वोइक्‍तेक्‍म।
NUM 32:39 मनस्‍से आ तौ माकीर आ चच युइ गिलादम लशा, मेको आन के सेल्‍शा, मेकेर बाक्‍ब एमोरी आन कली खेरतेक्‍म।
NUM 32:40 मोपतीके मोसामी मनस्‍से आ तौ माकीर आ चच युइ आन कली गिलाद गेप्‍तु। मिनु मेकोपुकी मेकेर बाक्‍तेक्‍म। ब्‍यवस्‍था ३:१४; न्‍यायाधीस १०:३-४
NUM 32:41 मनस्‍से आ तौ याइर लशा, मेकेर ङा गाउं आंम के सेल्‍तु। मिनु मेको नेल्‍ल आन नें हव्‍वोथ-याइर वोइक्‍तु।
NUM 32:42 मिनु नोबाह लशा केनाथ नु मेको आ गाउंपुकी आंम के सेल्‍तु। मिनु मेको नेल्‍ल आन नें आ नें रे पा नोबाह वोइक्‍तु।
NUM 33:1 मिनु इस्राएली लडाइ पाइब खोदेंशो पा इजीप्‍त रे हुल हुल पा गाक्‍तेक्‍म। मोसा नु हारून मेको आन लां कोंइब बाक्‍ताक्‍स।
NUM 33:2 मिनु मोसामी परमप्रभु यावेमी देंशो खोदेंशो पा ते ते लचा माल्‍बा, नेल्‍ल ब्रेक्‍ताक्‍व। मिनु आन गाक्‍शो लां ङा रागी नु सहर तेको तेको बाक्‍तेक्‍म देंशा हना,
NUM 33:3 मेकोपुकी ङोंइती ङा महिना ङा १५ नाक्‍ती रामे‍सेस रे गाक्‍चा गोम्‍तेक्‍म। मिनु इजीप्‍ती नेल्‍ल आन ङोंइती काइ महिंथु पास्‍सा चाड आ दीसा नाक्‍ती गाक्‍चा गोम्‍तेक्‍म। प्रस्‍थान १:११; प्रस्‍थान १२:२,६; प्रस्‍थान ३:१९
NUM 33:4 मेना इजीप्‍तीपुकीमी परमप्रभु यावेमी साइश्‍शो आन ङोंइती जरमेशो तौ आन कली थिम्‍शो बाक्‍तेक्‍म। मिनु परमप्रभु यावेमी मेको आन देवी देवता आन कली यो निसाफ पशो बाक्‍त।
NUM 33:5 मिनु इस्राएलीपुकी रामे‍सेस रे गाक्‍शा, सुक्‍कोथ सहर जाक्‍दीश्‍शा बाक्‍तीके सेल्‍शा बाक्‍तेक्‍म। प्रस्‍थान १२:३७
NUM 33:6 मिनु सुक्‍कोथ सहर रे गाक्‍शा, गोरशो रागी आ सुर ङा एथाम सहरम बाक्‍तीके सेल्‍शा बाक्‍तेक्‍म। प्रस्‍थान १३:२०
NUM 33:7 मिनु एथाम रे गाक्‍शा, बाल-सेफोन गे बाक्‍शो पी-हहीरोथ लेत्‍तेक्‍म। मिनु मिग्‍दोल आ नेक्‍था बाक्‍तीके सेल्‍शा बाक्‍तेक्‍म। प्रस्‍थान १४:२
NUM 33:8 मिनु पी-हहीरोथ रे गाक्‍शा, समुन्‍द्र आ दाते रे पा गाक्‍शा, गोरशो रागीम जाक्‍तेक्‍म। मेकोपुकी नाक्‍त सां ङा लां एथाम ङा गोरशो रागीम गाक्‍शा, माराह माइक्‍तीकेमी बाक्‍तीके सेल्‍शा बाक्‍तेक्‍म। प्रस्‍थान १४:२२; प्रस्‍थान १५:२३
NUM 33:9 मिनु माराह रे गाक्‍शा, एलीम जाक्‍तेक्‍म। एलीमम १२ ओटा ब्‍वाक्‍कु बुक्‍तीके नु ७० ओटा खजूर रवा बाक्‍तेक्‍म। मिनु मेकेर बाक्‍तीके सेल्‍शा बाक्‍तेक्‍म। प्रस्‍थान १५:२७
NUM 33:10 मिनु मेकोपुकी एलीम रे गाक्‍शा, लल समुन्‍द्र आ नेक्‍था बाक्‍तीके सेल्‍शा बाक्‍तेक्‍म।
NUM 33:11 मिनु मेकोपुकी लल समुन्‍द्र रे गाक्‍शा, सीन माइश्‍शो गोरशो रागीम बाक्‍तीके सेल्‍शा बाक्‍तेक्‍म। प्रस्‍थान १६:१
NUM 33:12 मिनु सीन माइश्‍शो गोरशो रागी रे गाक्‍शा, दोफ्‍कामी बाक्‍तीके सेल्‍शा बाक्‍तेक्‍म।
NUM 33:13 मिनु दोफ्‍का रे गाक्‍शा, आलुशमी बाक्‍तीके सेल्‍शा बाक्‍तेक्‍म।
NUM 33:14 मिनु आलुश रे गाक्‍शा, रेफीदीममी बाक्‍तीके सेल्‍शा बाक्‍तेक्‍म। मेकेर मुर आन कली तूतीक ब्‍वाक्‍कु मबा। प्रस्‍थान १७:१
NUM 33:15 मिनु रेफीदीम रे गाक्‍शा, सीनै ङा गोरशो रागीम बाक्‍तीक सेल्‍शा बाक्‍तेक्‍म।
NUM 33:16 मिनु सीनै ङा गोरशो रागी रे गाक्‍शा, किब्रोथ-हत्तावामी बाक्‍तीक सेल्‍शा बाक्‍तेक्‍म। गन्‍ती ११:३४
NUM 33:17 मिनु किब्रोथ-हत्तावा रे गाक्‍शा, हसेरोथमी बाक्‍तीक सेल्‍शा बाक्‍तेक्‍म।
NUM 33:18 मिनु हसेरोथ रे गाक्‍शा, रिथ्‍माहमी बाक्‍तीके सेल्‍शा बाक्‍तेक्‍म। गन्‍ती १२:१६
NUM 33:19 मिनु रिथ्‍माह रे गाक्‍शा, रिम्‍मोन-पेरेसमी बाक्‍तीके सेल्‍शा बाक्‍तेक्‍म।
NUM 33:20 मिनु रिम्‍मोन-पेरेस रे गाक्‍शा, लिब्‍नामी बाक्‍तीके सेल्‍शा बाक्‍तेक्‍म।
NUM 33:21 मिनु लिब्‍ना रे गाक्‍शा, रिस्‍साहमी बाक्‍तीके सेल्‍शा बाक्‍तेक्‍म।
NUM 33:22 मिनु रिस्‍साह रे गाक्‍शा, केहेलाथामी बाक्‍तीके सेल्‍शा बाक्‍तेक्‍म।
NUM 33:23 मिनु केहेलाथा रे गाक्‍शा, शेफेर डांडा आ नेक्‍था बाक्‍तीके सेल्‍शा बाक्‍तेक्‍म।
NUM 33:24 मिनु शेफेर डांडा रे गाक्‍शा, हरादामी बाक्‍तीके सेल्‍शा बाक्‍तेक्‍म।
NUM 33:25 मिनु हरादा रे गाक्‍शा, मखेलोथमी बाक्‍तीके सेल्‍शा बाक्‍तेक्‍म।
NUM 33:26 मिनु मखेलोथ रे गाक्‍शा, तहाथमी बाक्‍तीके सेल्‍शा बाक्‍तेक्‍म।
NUM 33:27 मिनु तहाथ रे गाक्‍शा, तेराहमी बाक्‍तीक सेल्‍शा बाक्‍तेक्‍म।
NUM 33:28 मिनु तेराह रे गाक्‍शा, मिथ्‍कामी बाक्‍तीक सेल्‍शा बाक्‍तेक्‍म।
NUM 33:29 मिनु मिथ्‍का रे गाक्‍शा, हश्‍मोनाहमी बाक्‍तीक सेल्‍शा बाक्‍तेक्‍म।
NUM 33:30 मिनु हश्‍मोनाह रे गाक्‍शा, मोसेरोथमी बाक्‍तीक सेल्‍शा बाक्‍तेक्‍म।
NUM 33:31 मिनु मोसेरोथ रे गाक्‍शा, बेने-याकानमी बाक्‍तीक सेल्‍शा बाक्‍तेक्‍म। ब्‍यवस्‍था १०:६-७
NUM 33:32 मिनु बेने-याकान रे गाक्‍शा, होर-हगीद-गादमी बाक्‍तीक सेल्‍शा बाक्‍तेक्‍म।
NUM 33:33 मिनु होर-हगीद-गाद रे गाक्‍शा, योत्‍बाथाहमी बाक्‍तीक सेल्‍शा बाक्‍तेक्‍म।
NUM 33:34 मिनु योत्‍बाथाह रे गाक्‍शा, अब्रोनाहमी बाक्‍तीक सेल्‍शा बाक्‍तेक्‍म।
NUM 33:35 मिनु अब्रोनाह रे गाक्‍शा, एस्‍योन-गेबेरमी बाक्‍तीक सेल्‍शा बाक्‍तेक्‍म। १राजा ९:२६; १राजा २२:४९
NUM 33:36 मिनु एस्‍योन-गेबेर रे गाक्‍शा, जीन ङा गोरशो रागीम बाक्‍शा, कादेशमी बाक्‍तीक सेल्‍शा बाक्‍तेक्‍म। गन्‍ती २०:१
NUM 33:37 मिनु कादेश रे गाक्‍शा, एदोम रागी आ सांदमी बाक्‍शो होर डांडा आ नेक्‍था बाक्‍तीक सेल्‍शा बाक्‍तेक्‍म। गन्‍ती २०:२२-२९; ब्‍यवस्‍था ३४:१-१२
NUM 33:38 मिनु परमप्रभु यावे आ देंशो खोदेंशो पा, चढ़ेब हारून होर डांडा ङोइश्‍शा लत। मिनु मेकेर बेक्‍त। मेना इस्राएली इजीप्‍त रागी रे ग्रूशो ४० बर्स ५ महिना ङा ङोंइती ङा नाक्‍ती बाक्‍त।
NUM 33:39 हारून होर डांडा तार बेक्‍मेनु, हारून सहे का २३ बर्स दुम्‍शो बाक्‍त।
NUM 33:40 कनान ङा नेगेब देंशो रागीम हुकुम पाइब पिप आरादमी इस्राएली पिन पिन पाइश्‍शो बाक्‍नीम, देंशो लोव़ नेंतु। गन्‍ती २१:१
NUM 33:41 मिनु मेकोपुकी होर डांडा रे गाक्‍शा, सल्‍मोनामी बाक्‍तीक सेल्‍शा बाक्‍तेक्‍म।
NUM 33:42 मिनु सल्‍मोना रे गाक्‍शा, पुनोनमी बाक्‍तीक सेल्‍शा बाक्‍तेक्‍म।
NUM 33:43 मिनु पुनोन रे गाक्‍शा, ओबोथमी बाक्‍तीक सेल्‍शा बाक्‍तेक्‍म। गन्‍ती २१:१०-११
NUM 33:44 मिनु ओबोथ रे गाक्‍शा, मोआब ङा सांदमी बाक्‍शो इये-अबारीममी बाक्‍तीक सेल्‍शा बाक्‍तेक्‍म।
NUM 33:45 मिनु इयीम रे गाक्‍शा, दीबोन-गादमी बाक्‍तीक सेल्‍शा बाक्‍तेक्‍म। गन्‍ती ३२:३४
NUM 33:46 मिनु दीबोन-गाद रे गाक्‍शा, अल्‍मोन-दिब्‍लाथाइममी बाक्‍तीक सेल्‍शा बाक्‍तेक्‍म।
NUM 33:47 मिनु अल्‍मोन-दिब्‍लाथाइम रे गाक्‍शा, नेबो सहर आ ङोंइती अबारीम ङा पहाडम बाक्‍तीक सेल्‍शा बाक्‍तेक्‍म।
NUM 33:48 मिनु अबारीम ङा पहाड रे गाक्‍शा, यर्दन आ शुंइचीमी बाक्‍शो यरीको रे आइक्‍ची हांबु मोआब ङा दिंममी बाक्‍तीक सेल्‍शा बाक्‍तेक्‍म। गन्‍ती २२:१; ब्‍यवस्‍था ३२:४९
NUM 33:49 मिनु यर्दन खोला आ शुंइच ङा मोआब ङा दिंममी बेथ-येशीमोथ रे पा आबेल-शित्तीम सम्‍म बाक्‍तीक सेल्‍शा बाक्‍तेक्‍म। गन्‍ती २५:१
NUM 33:50 मिनु यरीको आ आइक्‍ची हांबु यर्दन खोला आ नेक्‍था मोआब ङा दिंममी परमप्रभु यावेमी मोसा कली
NUM 33:51 “गे इस्राएली आन कली ‘गे यर्दन खोला शोक्‍शा, कनान रागीमी जाक्‍दीन्‍नीनु, प्रस्‍थान २३:२३-२४; प्रस्‍थान ३४:१२-१४
NUM 33:52 मेको रागी ङा मुर नेल्‍ल आन कली मेको रागी रे खेरचा माल्‍नीनी। मिनु मेको आन मुशा सेल्‍शो नु कांसा के सेल्‍शो मूर्ति नेल्‍ल कली खतम पोक्‍कीन। मेको आन डांडा ङा थानपुकी प्रेश्‍शा खतम पोक्‍चा माल्‍नीनी।
NUM 33:53 गे मेको रागी इन के सेल्‍शा, मेक उइ बाक्‍कीन। मारदे हना गो मेको रागी इन कली गेता।
NUM 33:54 मिनु गे थर थर आन खिं खिं ङा मुर आन कली हिक्‍शा, रागी योव़शा, मेको रागी योक्‍सीन। शुश खिं पाइश्‍शो थर आन कली ठेयब रागी गेचा, शुश खिं मपाइश्‍शो थर आन कली आइक्‍च रागी गेचा माल्‍नीनी। सुका आ नें बाजीम कोंइबा, मेको मेको थर केन दुम्‍ब। इन किकी पिपी आन थर थर पा मेको रागी योक्‍कीन। गन्‍ती २६:५४-५५
NUM 33:55 तन्‍न गे मेको रागीम बाक्‍ब मुर आन कली इन ङोंइती रे मखेरतीनी हना, मेको लीशो मुर इन मिक्‍चीम कसीङगर नु इन कोव़खाम थोक्‍शो चू खोदेंशो दुम्‍नीम। मिनु गे ते बाक्‍तीनी हना यो, मेकोपुकीमी इन कली श्‍येत गेनीम। प्रस्‍थान २३:३१-३३; यहोसु २३:१२-१३
NUM 33:56 मिनु गो मेको आन कली मार पदुमी, दे मिम्‍शा बाक्‍ङा, मेको इन कली पाइनुङ’ दे माइक्‍मी” देंत।
NUM 34:1 मिनु परमप्रभु यावेमी मोसा कली
NUM 34:2 “इस्राएली आन कली ‘गे कनान रागी ओव़नीनु, इन कली योक्‍शा गेशो रागी आ सांद तेको बाक्‍नीम देंशा हना, इजीकीएल ४७:१३-२०; ब्‍यवस्‍था ३२:८
NUM 34:3 इन दक्‍खिन ङा रागी जीन ङा गोरशो रागी रे एदोम सम्‍म बाक्‍ब। इन दक्‍खिन ङा सांद हिक्‍सी समुन्‍द्र आ पूर्ब रे गोचा माल्‍ब। यहोसु १५:२-४
NUM 34:4 मिनु अक्रब्‍बीम ङा ग्‍येत्‍थ लतीक लां ङा दक्‍खिन गे जीन गे लाइब। कादेश-बारनेआ आ दक्‍खिन सम्‍म जाक्‍दीत्‍चा माल्‍ब। मिनु नोले हासार-अददार रे पा अज्‍मोन जाक्‍दीत्‍चा माल्‍ब।
NUM 34:5 मिनु नोले मेको सांद अज्‍मोन रे पा हिरशा, इजीप्‍त ङा खोला सम्‍म जाक्‍दीश्‍शा ठेयब समुन्‍द्र नुप्‍ब।
NUM 34:6 मिनु पच्‍छिम ङा सांद ठेयब समुन्‍द्र बाक्‍ब। मेको ठेयब समुन्‍द्र आ शुंइच इन पच्‍छिम गे ङा सांद बाक्‍ब।
NUM 34:7 मिनु इन उत्तर गे ङा सांद ठेयब समुन्‍द्र रे होर डांडा सम्‍म फ्रेंचा माल्‍नीनी।
NUM 34:8 मिनु होर डांडा रे लेबो-हमाथ सम्‍म फ्रेंदीन। मिनु मेको सेदाद सम्‍म जाक्‍दीत्‍चा माल्‍ब।
NUM 34:9 मिनु नोले सिप्रोन सम्‍म जाक्‍दीत्‍चा माल्‍ब। मिनु हासार-एनानमी नुप्‍ब। मेको इन उत्तर गे ङा सांद बाक्‍ब।
NUM 34:10 मिनु इन पूर्ब ङा सांद हासार-एनान रे शेफाम सम्‍म फ्रेंदीन।
NUM 34:11 मिनु शेफाम रे उइ ब्रुप्‍शा ऐन ङा पूर्ब गे ङा रिब्‍ला सम्‍म जाक्‍दीत्‍चा माल्‍ब। मिनु नोले मेको सांद ब्रुप्‍शा, किन्‍नेरेथ समुन्‍द्र आ पूर्ब ङा शुंइच सम्‍म जाक्‍दीत्‍चा माल्‍ब।
NUM 34:12 मिनु मेको सांद यर्दन खोला रे पा हिक्‍सी समुन्‍द्र सम्‍म जाक्‍दीश्‍शा नुप्‍ब। इन रागी आ एर ओंथ ङा सांद एको बाक्‍नीम’ दे माइक्‍मी” देंत।
NUM 34:13 मिनु मोसामी इस्राएली आन कली “परमप्रभु यावे आ अरेशो खोदेंशो पा फेन्‍टे आप्‍शा ९ थर नु आधा थर आन कली गेशो रागी बाक्‍ब।
NUM 34:14 मारदे हना रूबेन आ थर ङा खिं खिं ङा मुर, गाद आ थर ङा खिं खिं ङा मुर नु मनस्‍से आ उइक्‍थ थर ङा खिं खिं ङा मुर आन भाग तने थुम्‍शो बाक्‍तेक्‍म। गन्‍ती ३२:२९-३३
NUM 34:15 मेको निक्‍शी नु उइक्‍थ थर ङा मुरपुकीमी यरीको ओंथ हांबु, यर्दन खोला आ पूर्ब गे आन आन रागी तशो बाक्‍नीम” देंत।
NUM 34:16 मिनु परमप्रभु यावेमी मोसा कली
NUM 34:17 “इन कली रागी योक्‍शा गेब मुर आन नें मार बाक्‍नीस देंशा हना, ङोंइती मेको चढ़ेब एलाजर नु नून आ तौ यहोसु बाक्‍नीस। यहोसु १४:१; ब्‍यवस्‍था १:३८
NUM 34:18 मिनु गे थर थर ङा मुर आन ठेयब मुर का का योव़चा माल्‍नेवे।
NUM 34:19 मेको थर थर ङा ठेयब मुर सु सु बाक्‍नीम देंशा हना, यहूदा आ थर ङा यपुन्‍ने आ तौ कालेब, गन्‍ती १३:६,३०
NUM 34:20 सिमियोन आ थर ङा अम्‍मीहुद आ तौ शेमुएल,
NUM 34:21 बेन्‍यामीन आ थर ङा किस्‍लोन आ तौ एलीदाद,
NUM 34:22 दान आ थर ङा योग्‍ली आ तौ बुक्‍की,
NUM 34:23 योसेफ आ तौ मनस्‍से आ थर ङा एफोद आ तौ हन्‍नीएल,
NUM 34:24 योसेफ आ तौ एफ्राइम आ थर ङा शिफ्‍तान आ तौ केमुएल,
NUM 34:25 जबूलून आ थर ङा पारनाक आ तौ एली-जाफान,
NUM 34:26 इस्‍साकार आ थर ङा अज्‍जान आ तौ पाल्‍तीएल,
NUM 34:27 आशेर आ थर ङा शेलोमी आ तौ अहीहुद,
NUM 34:28 नाप्‍ताली आ थर ङा अम्‍मीहुद आ तौ पेदाहेल बाक्‍नीम।
NUM 34:29 मिनु मेको परमप्रभु यावेमी अरेशो इस्राएली आन कली कनान रागी योक्‍ब थर थर ङा योव़शो ठेयब मुर एको बाक्‍नीम” देंत।
NUM 35:1 परमप्रभु यावेमी यरीको आ आइक्‍ची हांबु यर्दन खोला आ शुंइच मोआब ङा दिंमम मोसा कली यहोसु २१:१-३
NUM 35:2 “गे इस्राएल आन कली ‘गे इन आंम सेल्‍शो रागी रे लेवी आ थर ङा मुर आन कली सहरपुकी गेचा माल्‍नीनी। मिनु मेको आन कली मेको सहर आन एर ओंथ बी ब्‍यफ, क्‍यारश भेडा योव़तीके गेचा माल्‍नीनी। गन्‍ती १८:२०; लेवी २५:३२-३४
NUM 35:3 मेको सहरपुकी मेको आन कली बाक्‍तीक दुम्‍नीम। बी ब्‍यफ, क्‍यारश भेडा योव़तीक मेको आन बी ब्‍यफ, क्‍यारश भेडा आन कली दुम्‍ब।
NUM 35:4 मिनु गे लेवी आ थर ङा मुर आन कली गेशो सहर मेर ङा योव़तीक मेको सहर आ गारो आ एर ओंथ रे हजार का कुबीत बाक्‍चा माल्‍ब। कुबीत का ०.५ मिटर बाक्‍ब।
NUM 35:5 गे सहर आ लाङगा पूर्ब गे हजार निक्‍शी कुबीत, दक्‍खिन गे हजार निक्‍शी कुबीत, पच्‍छिम गे हजार निक्‍शी कुबीत नु उत्तर गे हजार निक्‍शी कुबीत पुक्‍चा माल्‍नीनी। मिनु सहर मेको आ दातेम बाक्‍चा माल्‍ब। मेको आन सहर ङा योव़तीके मेकोन बाक्‍नीम’ देनो” देंत।
NUM 35:6 मिनु “गे लेवी आ थर ङा मुर आन कली गेशो सहर रे ६ ओटा सहर चहिं ब्रोंइशा बाक्‍तीक सहर दुम्‍चा माल्‍नीम। गे मेकेर मुर साइक्‍ब मुर कली प्रोक्‍चा गेचा माल्‍नीनी। मेको नु तेम्‍शा ४२ ओटा सहर दुम्‍चा माल्‍नीम। प्रस्‍थान २१:१३
NUM 35:7 गे लेवी थर ङा मुर आन कली नेल्‍लेमी ४८ ओटा सहर नु मेको आन एर ओंथ ङा योव़तीक रू गेचा माल्‍नीनी।
NUM 35:8 मिनु ठेयब रागी तशो इस्राएली आन थर रे शुश सहर गेचा नु आइक्‍च रागी तशो इस्राएली आन थर रे का निक्‍शी सहर गेचा माल्‍नीनी। मेको थर थर ङा मुरुमी आ योक्‍शा गेशो रागी गारचा ङा पा लेवी थर ङा मुर आन कली सहरपुकी गेचा माल्‍नीम, देंचा माल्‍नेवे” दे परमप्रभु यावेमी मोसा कली देंत। गन्‍ती २६:५४
NUM 35:9 मिनु परमप्रभु यावेमी लेंशा मोसा कली
NUM 35:10 “गे इस्राएली आन कली ‘गेपुकी यर्दन खोला शोक्‍शा कनान रागी जाक्‍दीन्‍नी नोले,
NUM 35:11 गे ब्रोंइशा बाक्‍तीक सहर योव़चा माल्‍नीनी। मिनु मतुइक्‍थु, मुर साइक्‍तु हना, मेको मुर साइक्‍ब मुर मेकेर प्रोक्‍ने चाप्‍ब।
NUM 35:12 मेको सहरपुकी क्‍येक्‍क लेप्‍ब आन क्‍येङा ब्रोंइशा बाक्‍तीक सहर दुम्‍ब। मिनु मेको मुर साइक्‍ब मेको सहर ङा मुर आन दातेमी निसाफ पचा पुंइसीचा ङोंइती साइक्‍चा मपुंइसेक्‍ल।
NUM 35:13 मिनु इन योव़शो ब्रोंइशा बाक्‍तीक सहर ६ ओटा दुम्‍चा माल्‍नीम।
NUM 35:14 गे यर्दन खोला आ ओंथ हांबुमी सां नु कनान रागीमी सां सहर ब्रोंइशा बाक्‍चा कली तिल्‍चा माल्‍नीनी।
NUM 35:15 मेको ६ ओटा सहर इस्राएली, आन दातेम बाक्‍ब अर्को रागी ङा मुर नु लां गाक्‍ब मुर आन कली ब्रोंइशा बाक्‍तीक सहर दुम्‍ब। मोपा मतुइक्‍थु मुर साइक्‍ब मुर मेकेर प्रोक्‍शा लशा बाक्‍ने चाप्‍नीम।
NUM 35:16 सुइमी फलाम के मारेइमी आप्‍शा, मुर साइक्‍तु हना, मेको मुर साइक्‍ब बाक्‍ब। मेको मुर साइक्‍ब कली साइक्‍चान माल्‍ब।
NUM 35:17 सुइ मुरुमी मुर आन कली फुल्‍लु आप्‍शा साइक्‍तु हना, मेको मुर साइक्‍ब बाक्‍ब। मेको मुर साइक्‍ब कली साइक्‍चान माल्‍ब।
NUM 35:18 सुइमी मुर कली शीम तुप्‍शा साइक्‍तु हना, मेको मुर साइक्‍ब बाक्‍ब। मेको मुर साइक्‍ब कली साइक्‍चान माल्‍ब।
NUM 35:19 मेको क्‍येक्‍क लेप्‍बमी मेको मुर साइक्‍ब कली साइक्‍चा माल्‍ब। मेको कली ग्रुमानुन, मेको कली साइक्‍चा माल्‍ब।
NUM 35:20 मिनु सुइमी मुर कली काइ मदाक्‍थु नेप्‍शा, मार मार आप्‍शा कि लांम बाप्‍शा साइक्‍तु हना,
NUM 35:21 गुइम तुप्‍शा साइक्‍तु हना, मेको मुर कली साइक्‍चा माल्‍ब। मेको मुर साइक्‍ब बाक्‍ब। मेको क्‍येक्‍क लेप्‍बमी मेको मुर साइक्‍ब कली ग्रुमानु, मेको कली साइक्‍चा माल्‍ब।
NUM 35:22 तन्‍न सुइमी मुर कली मगाइक्‍थु, मतुइक्‍थु, चुशा तोक्‍तु हना, कि मारेइ थोव़क आबानु मेको कली ख्रशा बेक्‍त हना,
NUM 35:23 मेको आ वारचमी ठेयब फुल्‍लु ग्‍याइक्‍तानु, आ गुइ रे दोक्‍शा ख्रशा बेक्‍त हना,
NUM 35:24 मेको सहर ङा मुरपुकीम मेको मुर साइक्‍ब नु क्‍येक्‍क लेप्‍ब आस दातेमी निसाफ पचा माल्‍नीम।
NUM 35:25 मिनु मेको सहर ङा मुरपुकीम मेको मुर साइक्‍ब कली क्‍येक्‍क लेप्‍ब आ गुइ रे प्रोंइचा माल्‍नीम। मिनु नोले सहर ङा मुरपुकीमी मेको मुर साइक्‍ब ब्रोंइशा बाक्‍तीक सहर सोइक्‍चा माल्‍नीम। मिनु मेको मुर साइक्‍ब तेल लुक्‍शो ठेयब चढ़ेब मबेक्‍म सम्‍म मेकेर बाक्‍चा माल्‍ब। लेवी २१:१०
NUM 35:26 तन्‍न मेको मुर साइक्‍ब मेको आ ब्रोंइशा बाक्‍तीक सहर रे ग्रूत हना,
NUM 35:27 मिनु क्‍येक्‍क लेत्‍चा माल्‍ब मुरुमी मेको कली ग्रुम्‍शा साइक्‍तु हना, मेको कली साइक्‍ब दोस मताइब।
NUM 35:28 मारदे हना मेको साइक्‍ब ठेयब चढ़ेब मबेक्‍म सम्‍म मेको ब्रोंइशा बाक्‍तीक सहरम बाक्‍चा माल्‍ब। तन्‍न ठेयब चढ़ेब बेक्‍म नोले ला मेको आ रू खिंम लेत्‍ने चाप्‍ब।
NUM 35:29 मिनु मेको गेना हना यो परमप्रभु यावेमी इन कली फुल्‍लुम मुशा ब्रेक्‍शो नु आ शेंशो लोव़ बाक्‍ब। मिनु गेपुकी ते बाक्‍तीनी हना यो, इन तौ चच युइ नेल्‍ल पाला ङा मुरुमी पचा माल्‍नीम।
NUM 35:30 सुइम सुइ आन कली साइक्‍तु हना, मेको मुर साइक्‍ब कली सांकछी आन लोव़ नेंशा ला साइक्‍चा माल्‍ब। तन्‍न सांकछी का आ लोव़ नेंशा ला मेको कली मसाइक्‍चा। ब्‍यवस्‍था १७:६; ब्‍यवस्‍था १९:५
NUM 35:31 गेपुकी साइक्‍चा पुंइसीब मुर प्रोंइचा कली मेको आ पा ङा क्‍येट मताक्‍कीन। मेको मुर साइक्‍ब कली साइक्‍चा माल्‍ब। भजन संग्रह ४९:८-९
NUM 35:32 ब्रोंइशा बाक्‍तीक सहरम प्रोक्‍शो मुर, ठेयब चढ़ेब मबेक्‍थु, आ खिं रू लेत्‍चा गेचा कली गे क्‍येट मताक्‍कीन। ठेयब चढ़ेब मबेक्‍म सम्‍म मेको आ खिं रूमी लेत्‍चा मताइब।
NUM 35:33 मिनु गेपुकीमी इन बाक्‍तीक रागी ग्रांग्रा दिशो मसेलीन। मारदे हना रागी हुशेम ग्रांग्रा दिशो सेल्‍ब। मिनु मेको ग्रांग्रा मदिशो सेल्‍ने मचाप्‍नीम। हुश ख्राक्‍श पोक्‍ब कली साइश्‍शा ला मेको रागी ग्रांग्रा मदिशो सेल्‍ने चाम्‍सीब।
NUM 35:34 गे इन बाक्‍शो रागी ग्रांग्रा दिशो मसेलीन। गो यो मेकेर बाक्‍नुङ। मारदे हना गो परमप्रभु यावे इस्राएली आन दातेमी बाक्‍नुङ’ दे इस्राएली आन कली देनो” देंत। लेवी १८:२४-२८; प्रस्‍थान २९:४५
NUM 36:1 योसेफ आ युइ, मनस्‍से आ चच माकीर आ तौ गिलाद आ खिं खिं ङा योसेफ आ थर का ङा ठेयब मुरपुकी, मोसा नु इस्राएली आन थर थर ङा ठेयब मुर आन ङोंइती जाक्‍तेक्‍म।
NUM 36:2 मिनु मेकोपुकीमी “परमप्रभु यावेमी आंइ होव़प, इन कली इस्राएली आन कली रागी योक्‍शा गेचा, दे अरेशो बाक्‍त। मिनु आंइ लोक्‍ब सेलोफेहाद आ शोंप चहिं मेको आ तमी आन कली गेचा माल्‍ब, दे परमप्रभु यावेमी अरेशो बाक्‍त। गन्‍ती २६:५५
NUM 36:3 तन्‍न मेको मीश आलपुकीम इस्राएली आन अरु थर ङा मुर नु ग्‍युंबे पाम्‍तेक्‍म हना, मेको आन शोंप वोंइश मुर आन शोंपोम तेम्‍सीब। मोपा मेको आन भाग आंइ किकी पिपी आन रागी रे जाम्‍शा लाइब।
NUM 36:4 मिनु प्रोंइतीक बर्स जाक्‍मेनु, मेको मीश मुर आन रू यो ग्‍युंबे पा लाइब मुर आन रूम तेम्‍सीब। मोपा गो आंइ थर रागी रे जाम्‍शा लाइब” देंतेक्‍म। लेवी २५:१०-१३
NUM 36:5 मिनु परमप्रभु यावेमी मोसा कली अरेशो खोदेंशो पा मोसामी इस्राएली आन कली “योसेफ आ तौ आन थर ङा मुर आन देंशो लोव़ थमा बाक्‍ब।
NUM 36:6 परमप्रभु यावेमी सेलोफेहाद आ तमी आन पर्बम अरेशो मार बाक्‍त देंशा हना, मेकोपुकीमी आन दाक्‍शो वोंइश आल ग्‍युंबे पने चाप्‍नीम। तन्‍न आन आफ आ खिं खिं ङा मुर नु ला ग्‍युंबे पने चाप्‍नीम।
NUM 36:7 मो दुम्‍मेनु इस्राएली आन रागी थर का रे अर्को थरम मयाक्‍सीब। मारदे हना इस्राएली नेल्‍ल आन किकी पिपी आन रागीम बाक्‍चा माल्‍नीम।
NUM 36:8 सुइ मीश आल आ आफ आ शोंप तशो बाक्‍त हना, मेकोमी आ आफ आ खिं खिं ङा मुर का ग्‍युंबे पचा माल्‍ब। मोपा इस्राएली नेल्‍ले आन किकी पिपी आन थर ङा रागी लीब।
NUM 36:9 मिनु इस्राएली आन रागी थर का रे अर्को थरम याक्‍चा मदुम्‍ब। मोपा इस्राएली नेल्‍ल आन आंम रागीम बाक्‍चा ताइनीम” देंत।
NUM 36:10 सेलोफेहाद आ तमीपुकीमी परमप्रभु यावेमी मोसा कली अरेशो खोदेंशो पा पाम्‍तेक्‍म।
NUM 36:11 सेलोफेहाद आ तमीपुकी महलाह, तिरचा, होग्‍ला, मिल्‍का नु नोआहमी आन आफ आ लोक्‍ब आन तौपुकी नु ग्‍युंबे पाम्‍तेक्‍म। गन्‍ती २६:२९-३४
NUM 36:12 मेकोपुकीमी योसेफ आ तौ मनस्‍से आ थर ङा मुरपुकी नु ग्‍युंबे पाम्‍तेक्‍म। मोपा मेको आन शोंप आन थर नु आन आफ आ खिं खिं ङा मुर नु लीत।
NUM 36:13 एको परमप्रभु यावेमी मोसा कली शेंतीके नु ठीक पतीके लोव़ बाक्‍ब। मिनु मोसामी इस्राएली आन कली नेल्‍ल अरेशो बाक्‍ब। मेना मेकोपुकी यर्दन खोला आ शुंइच, मोआब ङा दिंममी यरीको आ नेक्‍था बाक्‍तेक्‍म।
DEU 1:1 मोसामी एको ब्रेक्‍शो लोव़ इस्राएली नेल्‍ल आन कली शेंशो बाक्‍ब। मिनु मेना मेकोपुकी सुफ माइश्‍शो दिंम आ ओंथ हांबुम बाक्‍तेक्‍म। मेको बाक्‍तीके अराबाहम, पारान, तोफेल, लाबान, हसेरोथ नु दी-साहाब आन दातेमी यर्दन खोला आइक्‍ची हांबु ङा रागीम बाक्‍ब।
DEU 1:2 होरेब रे पा कादेश-बारनेआ सम्‍म, सेइर ङा लां रे लचा कली ११ नाक्‍त माल्‍ब।
DEU 1:3 मिनु परमप्रभु यावेमी मोसा कली मार मार शेंदा, मेको मोसामी ४० बर्स नु ११ महिना ङा ङोंइती ङा नाक्‍तीमी मेको इस्राएली नेल्‍ल आन कली शेंताक्‍व। गन्‍ती ३३:३८
DEU 1:4 ङोंइती मेकोपुकीमी हेश्‍बोन ङा एमोरी आन पिप सीहोन नु अश्‍तारोथ नु एद्रेइ सहरम बाक्‍ब बाशान ङा पिप ओग नु लडाइ पा ग्रातेक्‍म। गन्‍ती २१:२१-३५
DEU 1:5 मिनु यर्दन खोला आइक्‍ची हांबुम, मोआब रागीम बाक्‍शा, मोसामी परमप्रभु यावे आ अरेशो लोव़ शेंचा गोप्‍तु।
DEU 1:6 मिनु मोसामी “होरेब डांडाम बाक्‍शो परमप्रभु यावे, इं परमप्रभुमी ‘गेपुकी एको पहाडम शुश नाक्‍त बाक्‍तीनी। गन्‍ती १०:११-१२
DEU 1:7 मुल गे गाक्‍चा गोने। कनानी आन रागी लने। एमोरी आन पहाड नु दिंमम लने। मेको आ नेक्‍था ङा अराबाह माइक्‍तीके यो लने। मेको पहाड बाक्‍ब। मेको शेफेलाह, नेगेब नु समुन्‍द्र आ नेक्‍था ङा कनानी आन रागी बाक्‍ब। गे लेबानोन नु युफ्रेटीस माइश्‍शो ठेयब खोला सम्‍म लने’ देंत।
DEU 1:8 मिनु लेंशा परमप्रभु यावेमी ‘कोव़ङीन, मेको रागी इन ङोंइती बाक्‍ब। मेकेर ओव़शा, मेको रागी आंम के सेलीन। मारदे हना गो मेको रागी इन किकी पिपी अब्राहाम, इसहाक, याकूब नु आन चच युइ आन कली गेनुङ’ दे कसम जाता” देंत। उत्‍पत्ती १२:७; गन्‍ती ११:१४
DEU 1:9 मिनु गो इन कली “गो आं का ला इन कली कोव़ने मचाप्‍नुङ। प्रस्‍थान १८:१८
DEU 1:10 मिनु परमप्रभु यावे, इन परमप्रभुमी इन कली शुश सेल्‍शा, गे मुल सरीङ ङा सोरुल खोदेंशो पा शुश दुम्‍शो बाक्‍नीनी। ब्‍यवस्‍था १०:२२; उत्‍पत्ती १५:५
DEU 1:11 परमप्रभु यावे, इन किकी पिपी आन परमप्रभुमी इन कली का का पा हजार क्‍येङा शुश सेलल। आ देंशो खोदेंशो पा इन कली आसीक गेवल।
DEU 1:12 दोपा गो का ला इन श्‍येत तशा, इन जिशो खेशो नेल्‍ल गारपाइक्‍ने चाप्‍नुङा ङा?
DEU 1:13 मिनु गे इन थर थर रे निप्‍स पाइश्‍शो, लोव़ रुप्‍ब नु मारेइ मारेइ तुइक्‍ब मुर योव़ङीन। मिनु गो मेको आन कली इन कली कोव़ब सेल्‍नुङ।
DEU 1:14 मिनु गेपुकीमी आं कली ‘इन देंशो लोव़ रिम्‍शो बाक्‍ब’ देंतीनी।
DEU 1:15 मोपतीके गो इन थर ङा निप्‍स पाइश्‍शो, तुइक्‍ब नु ठेयब मुरपुकी योव़शा, इन कली कोव़ब सेल्‍ता। मिनु इन थर थर ङा हजार का, सहे का, ५० नु १० जना मुर आन कली का का पा कोव़ब ठेयब मुरपुकी सेल्‍ताक्‍मी। आंम इन थर थर ङा मुरपुकी यो योव़ताक्‍मी। प्रस्‍थान १८:२५
DEU 1:16 मेना गो इन कली निसाफ पाइब आन कली ‘इन लोक्‍ब आन दातेमी जिशो खेशो रिम्‍शो पा नेंशा, ठीक पा निसाफ पने। इस्राएली नु रागी ङा मुर जिशो यो नेल्‍ल आन कली ठीक पा निसाफ पने। लेवी १९:१५
DEU 1:17 निसाफ पनीनु, मुर आन कुल मकोव़ङीन। गेपुकीमी आइक्‍च नु ठेयब मुर, नेल्‍ल आन लोव़ नेनीन। सुइ कली महिनीन। मारदे हना निसाफ परमप्रभु आ गुइमी बाक्‍ब। इन मचाप्‍शो निसाफ चहिं गो नेंनुङ। मेको कली आं बाक्‍तीक चाक्‍कीन’ दे माइक्‍ताक्‍मी। ब्‍यवस्‍था १६:१९; २इतिहास १९:६-७; प्रस्‍थान २१:६
DEU 1:18 मेना गो इन पचा माल्‍शो गेय नेल्‍ल अरेतन्‍नी।
DEU 1:19 मिनु नोले परमप्रभु यावे, इं परमप्रभुमी दें‍शो खोदेंशो पा गोपुकी होरेब डांडा रे पा एमोरी आन बाक्‍तीक पहाड लाइतक। गोपुकी एको हिंचा ङा ठेयब गोरशो रागी लकानु, गे मेको नेल्‍ल तुइक्‍नीनी। मोपा गो कादेश-बारनेआम जाक्‍तक। गन्‍ती २०:१
DEU 1:20 मिनु गो इन कली ‘परमप्रभु यावे, इं परमप्रभुमी इं कली गेशो एमोरी आन पहाड रागीमी जाक्‍तीनी।
DEU 1:21 कोव़ङीन, परमप्रभु यावे, इन परमप्रभुमी एको रागी इन कली गेशो बाक्‍त। मिनु परमप्रभु यावे, इन किकी पिपी आन परमप्रभुमी देंशो खोदेंशो पा मेकेर इर लशा, आंम के सेलीन। गेपुकी महिनीन। सुर्ता मपने’ देंती।
DEU 1:22 मिनु गे नेल्‍लेमी आं कली ‘मेको रागी ङा मारेइ मारेइ तुइक्‍चा कली आंइ ङोंइती क्‍यारी पाइबपुकी सोइक्‍तीन। मेकोपुकीम तेको लां गाक्‍चा नु तेको सहर जाक्‍दीत्‍नीकी, दे शेंने चाप्‍नीमी’ देंतीनी। गन्‍ती १३:२
DEU 1:23 मिनु गो मेको लोव़ ठीक लाक्‍ती। गो इन थर थर ङा का का पा १२ जना मुर योव़ताक्‍मी।
DEU 1:24 मिनु मेकोपुकी पहाड गे लशा, एश्‍कोल ङा दिंमम जाक्‍दीश्‍शा, क्‍यारी पथ लाम्‍‍तेक्‍म।
DEU 1:25 मिनु मेकोपुकीमी मेको रागी ङा फल फुल कुरशा चाक्‍शा, आंइ कली ‘परमप्रभु यावे, इं परमप्रभुमी गेशो रागी शुश रिम्‍शो बाक्‍ब’ देंतेक्‍म।
DEU 1:26 तन्‍न गेपुकी परमप्रभु यावे, इन परमप्रभुमी देंशो मटिथु, मेको रागी लचा मबिस्‍सी‍नी।
DEU 1:27 मिनु गे इन बाक्‍तीक ताम्‍बुमी गन गन पा ‘परमप्रभु यावेमी आंइ कली मदाक्‍तीके नु एमोरी आन गुइ रे पा साइक्‍पाइक्‍चा कली आंइ कली इजीप्‍त रे ग्रुंइशा, एक चाक्‍शो बाक्‍ब। गन्‍ती १४:-
DEU 1:28 मारदे मेकेर लचा? मेको क्‍यारी पाइबपुकीमी आंइ कली मेकेर ङा मुरपुकी आंइ क्‍येङा लाइश्‍शो नु बोल्‍यो बाक्‍नीम। मेको आन सहर आन गारो सरीङ थिचा ङा पा लाइश्‍शो बाक्‍नीम। मिनु मेकेर गोपुकीमी अनाकीम ङा मुर यो ताइतक, दे हिंच कोंइताक्‍म’ दे गन गन पाइतीनी। ब्‍यवस्‍था ९:१-२; गन्‍ती १३:३३
DEU 1:29 मिनु गो इन कली हिंशा, ख्रिंख्रि मपने। मेको आन कली तशा महिनीन। प्रस्‍थान १४:१४-२५; यहोसु १०:१४
DEU 1:30 इन ङोंइती गाक्‍ब, परमप्रभु यावे, इन परमप्रभुमी इन पा ङा लडाइ पाइब। दोपा इजीप्‍त रागीमी इन ङोंइती मार मार पवा, मोपा पाइब।
DEU 1:31 मिनु गोरशो रागीम गेपुकी गाक्‍नीनु, आफोम आ तौ कली कुरशो खोदेंशो पा, परमप्रभु यावे, इन परमप्रभुमी इन कली एक जाक्‍ची सम्‍म कुरशो बाक्‍त। गे आंमा तुइक्‍नीनी। ब्‍यवस्‍था ८:५; प्रस्‍थान १९:४
DEU 1:32 मोदेंशो दुम्‍त हना यो गे परमप्रभु यावे, इन परमप्रभु कली थमा मसुइक्‍नी।
DEU 1:33 मेको इन ङोंइती इन कली बाक्‍तीके कोंइथ गाक्‍त हना यो, गे थमा मसुइक्‍नी। मिनु लां कोंइचा कली नाक्‍दोम मी नु नाक्‍तीम गोस्‍स दुम्‍शा इन कली लां कोंइताक्‍व। प्रस्‍थान १३:२१
DEU 1:34 मिनु परमप्रभु यावेमी इन रेय‍के पा लोव़ पशो नेंशा गाइश्‍शा
DEU 1:35 ‘एको मरिम्‍शो मुर आन दातेमी मुर का ला मेको आन किकी पिपी आन कली गेशो रिम्‍शो रागी लचा ताइब। गन्‍ती १४:२३-२४
DEU 1:36 मेको यपुन्‍ने आ तौ कालेब बाक्‍ब। मेको नु आ तौ चचम मेको आ थेक्‍शो रागी ताइनीम। मारदे हना मेकोमी आं कली, परमप्रभु यावे कली थमा पा नोले खोइश्‍शो बाक्‍त’ दे कसम जशा देंत।
DEU 1:37 मिनु परमप्रभु यावेमी इन पशो तशा, आं पर्बम यो गाइक्‍ताक्‍व। मिनु मेकोमी आं कली ‘गे यो मेको रागी ओव़चा मताइनेवे। गन्‍ती २०:१२
DEU 1:38 इ के गेय पाइब नून आ तौ यहोसु चहिं ओव़चा ताइब। गे मेको आ थुं बारपाइक्‍चा माल्‍नेवे। मारदे हना यहोसुमी इस्राएली आन कली मेको रागी योक्‍शा गेचा माल्‍ब’ दे परमप्रभुमी कसम जशा देंत। गन्‍ती ३४:१७
DEU 1:39 मिनु गेपुकीमी इन आल ब्रेप्‍च आन पर्बम ‘मेको गोरशो रागीमी बेक्‍नीम’ देंतीनी। तन्‍न मेकोपुकी ओव़चा ताइनीम। इन आइक्‍च तौपुकी ओव़चा ताइनीम। मेको रागी मेको आन कली गेनुङ। मिनु मेकोपुकीमी मेको रागी आंम के सेल्‍नीम।
DEU 1:40 मिनु गेपुकी चहिं लेश्‍शा गोरशो रागी लल समुन्‍द्र गे लने। गन्‍ती १४:२५
DEU 1:41 मिनु गेपुकीमी आं कली ‘गो परमप्रभु यावे कली पाप पाइतक। परमप्रभु यावे, इं परमप्रभुमी शें‍शो खोदेंशो पा गो लडाइ पथ लाइनीकी’ देंतीनी। मिनु गे नेल्‍ले इन या पिम्‍साक्‍नी। मिनु गो ग्रानीक, दे मिम्‍शा, पहाडी रागी कली लडाइ तोचा, दे ग्‍येत्‍थ लाइतीनी। गन्‍ती १४:४०
DEU 1:42 मिनु परमप्रभु यावेमी आं कली ‘गेपुकी इन जोरी सत्रु रे ब्रुइनीनी, गे मेको डांडा ङोइश्‍शा मलने। लडाइ मपने। मारदे हना गो इन दातेमी मबाक्‍शो बाक्‍नुङ, दे मेको आन कली माइक्‍मी’ देंत।
DEU 1:43 मिनु गो इन कली मेको लोव़ पाता। तन्‍न गेपुकीमी नेंसीन मनेंनी। ठेयब लेश्‍शा, परमप्रभु यावे आ लोव़ मबित्‍थु मटिथु, गे डांडा ङोंइसाक्‍नी।
DEU 1:44 मिनु मेको डांडाम बाक्‍ब एमोरीपुकीमी गेपुकी नु लडाइ पाम्‍तेक्‍म। मिनु मेकोपुकीमी सुरब आन हुल खोदेंशो पा इन कली खेदा पाम्‍तेक्‍म। मिनु सेइर नु होरमा सम्‍म खेदा पा इन कली फ्रुम्‍तेक्‍म। गन्‍ती १४:४५
DEU 1:45 मिनु गेपुकी लेश्‍शा जाक्‍शा, परमप्रभु यावे आ ङोंइती ङाक्‍तीनी। तन्‍न मेकोमी इन ङाक्‍शो मनेन। इन पुंइशो लोव़ यो मगेवो।
DEU 1:46 मिनु नोले गे शुश नाक्‍त कादेशम बाक्‍तीनी। ब्‍यवस्‍था २:१४
DEU 2:1 मिनु परमप्रभु यावेमी आं कली देंशो खोदेंशो पा गोपुकी गोरशो रागी लल समुन्‍द्र गे लाइतक। मिनु शुश नाक्‍त सम्‍म सेइर डांडा हिरना हिरन बाक्‍तक। गन्‍ती २१:४
DEU 2:2 मिनु परमप्रभु यावेमी आं कली
DEU 2:3 ‘गेपुकी शुश नाक्‍ती एको डांडा कली हिरना हिरन बाक्‍तीनी। मुल उत्तर गे लने।
DEU 2:4 गे मुर आन कली मुल गे सेइरम बाक्‍ब, इन लोक्‍बपुकी एसाव आ चच युइ आन रागी लाइनीनी। मेकोपुकी इन कली तशा हिंनीम। मिनु गेपुकी होस पचा माल्‍नीनी। गन्‍ती २०:१४
DEU 2:5 मेकोपुकी नु काइ मजिने। मारदे हना गो मेको आन रागी रे इन कली खोइल थेक्‍तीक खो‍मो रू यो मगेनुङ। गो सेइर पहाड एसाव कली गेशो बाक्‍नुङ। उत्‍पत्ती ३६:८
DEU 2:6 मिनु इन माल्‍शो जचा थोव़क मेको आन के ग्‍याप्‍शा ला जने। ब्‍वाक्‍कु यो मेको आन के ग्‍याप्‍शा तूङीन।
DEU 2:7 मारदे हना परमप्रभु यावे, इन परमप्रभुमी इन पशो नेल्‍लेमी इन कली आसीक गेशो बाक्‍ब। गेपुकी मेको ठेयब गोरशो रागीम गाक्‍नीनु, इन कली कोव़तु। मिनु परमप्रभु यावे, इन परमप्रभु ४० बर्स सम्‍म गेपुकी नु बाक्‍त। इन माल्‍शो नेल्‍ल ताइतीनी’ दे परमप्रभुमी देंत। गन्‍ती १४:३३
DEU 2:8 मिनु गो, सेइरम बाक्‍ब एसाव आ चच युइ, आंइ लोक्‍ब आन बाक्‍तीक दिंम ङा अराबाह ङा लां रे पा एलाथ नु एस्‍योन-गेबेर रे मगाक्‍थु, गो मोआब ङा गोरशो रागी गे लाइतक।
DEU 2:9 मिनु परमप्रभु यावेमी आं कली ‘मोआब नु लडाइ मपने। मेकोपुकी नु काइ मजिने। मेको रागी इ कली मगेनन। मारदे हना गो आर सहर लोत नु आ चच युइ आन कली गेता। उत्‍पत्ती १९:३६-३७
DEU 2:10 मिनु ङोंइती मेकेर एमीमपुकी बाक्‍तेक्‍म। मेको शुश नु लाइश्‍शो मुर बाक्‍तेक्‍म। अनाकीम ङा मुर खोदेंशो शुश लाइश्‍शो कोल्‍शो मुर बाक्‍तेक्‍म। ब्‍यवस्‍था १:२८
DEU 2:11 मिनु अनाकीम ङा मुर आन कली खोदेंशो पा रेफाइम माइश्‍शो मुरपुकी शुश कोल्‍शो मुर देंनीम। मिनु मोआबीम मेको आन कली एमीम देंनीम।
DEU 2:12 ङोंइती होरीपुकी यो सेइरम बाक्‍शो बाक्‍तेक्‍म। मिनु नोले एसाव आ मुरपुकीम मेको आन कली साइश्‍शा, मेको आन रागीम बाक्‍तेक्‍म। परमप्रभु यावेमी इस्राएली आन कली गेशो रागी मेकोपुकीम आंम के सेल्‍शो खोदेंशो पा, मोआब ङा मुरपुकीमी मेको रागी आंम के सेल्‍शो बाक्‍तेक्‍म’ देंत। उत्‍पत्ती १४:६
DEU 2:13 मिनु नोले परमप्रभुमी ‘गेपुकी जेरेद खोल्‍सा शोक्‍सीन’ देंत। मिनु गो जेरेद खोल्‍सा शोक्‍साक्‍क। गन्‍ती २१:१२
DEU 2:14 मिनु ङोंइती परमप्रभु यावेमी कसम जशो खोदेंशो पा कादेश-बारनेआ रे जेरेद खोल्‍सा आइक्‍ची हांबु सम्‍म जाक्‍चा नु लडाइ पाइब नेल्‍ल मनुम्‍मा सम्‍म आंइ कली ३८ बर्स माल्‍ताक्‍व। गन्‍ती १४:३४
DEU 2:15 थमा पा परमप्रभु यावेमी मेको लडाइ पाइब आन कली आंमान क्‍याम्‍ताक्‍व। गन्‍ती १६:३१-३२; गन्‍ती २१:६; गन्‍ती २५:३-५
DEU 2:16 मिनु मुर आन दाते ङा लडाइ पाइब नेल्‍ल बेक्‍ने थुम्‍मे नोले
DEU 2:17 परमप्रभु यावेमी आं कली
DEU 2:18 ‘गे मुलाक्‍त मोआब ङा सांद आर सहर लाक्‍शा, लचा माल्‍नीनी। गन्‍ती २१:१३,१५
DEU 2:19 मिनु गे अम्‍मोनी आन रागी जाक्‍दीत्‍नीनी। मेको नु लडाइ मपने। काइ मजिने। मारदे हना अम्‍मोनी आन रागी इन कली मगेनुङ। मेको लोत नु आ चच युइ आन कली गेतामी। उत्‍पत्ती १९:३८
DEU 2:20 मेको रागी यो लाइश्‍शो कोल्‍शो मुर आन रागी बाक्‍त। ङोंइती मेकेर रेफाइम माइश्‍शो मुर बाक्‍तेक्‍म। तन्‍न अम्‍मोनीपुकीमी मेको आन कली जाम्‍जुम्‍मीम देंनीम।
DEU 2:21 मेको शुश दुम्‍शो नु लाइश्‍शो अनाकीम ङा मुर खोदेंशो बाक्‍तेक्‍म। मिनु परमप्रभु यावेमी मेको आन कली अम्‍मोनी आन ङोंइती खतम सेल्‍तु। मिनु मेको नेल्‍ल आन कली खेरशा, अम्‍मोनी मेको आन बाक्‍तीकेम बाक्‍तेक्‍म।
DEU 2:22 परमप्रभुम सेइरम बाक्‍ब एसाव आ खिं खिं ङा मुर आन पर्बम यो मोदेंशोन पाप्‍तु। मेको आन ङोंइती होरी आन कली खतम सेल्‍तु। मिनु होरी नेल्‍ल आन कली खेरशा, मुल सम्‍म एसाव आ खिं खिं ङा मुर मेकेर बाक्‍नीम।
DEU 2:23 मिनु मेको मोदेंशो पा गाजा ङा काफ्‍तोर सहर रे जाक्‍शो काफ्‍तोरीपुकीमी आव्‍वीम सहर ङा मुर आन कली साइक्‍तेक्‍म। मिनु मेको आन बाक्‍तीकेमी बाक्‍तेक्‍म’ देंत। उत्‍पत्ती १०:१४; यहोसु १३:३
DEU 2:24 मिनु परमप्रभुमी ‘बोक्‍कीन। गाक्‍चा गोने। मिनु अरनोन खोल्‍सा शोक्‍सीन। मारदे हना गो हेश्‍बोनम बाक्‍शो एमोरी आन पिप सीहोन नु आ रागी इन कली गेता। मेको इन के सेल्‍ना सेल्‍न लडाइ पने।
DEU 2:25 मुलाक्‍त रे गो जात जात ङा मुर नेल्‍ल आन कली इन लोव़ नेंशा, इन क्‍येङा हिंशा, ख्रिंख्रि पाइब सेल्‍नुङमी’ देंत। प्रस्‍थान २३:२७
DEU 2:26 मिनु गो केदेमोथ माइश्‍शो गोरशो रागी रे हेश्‍बोन ङा पिप सीहोन नु दुचा गारचा आ पर्बम मुरपुकी लोव़ पथ सोइक्‍ताक्‍ङमी। गन्‍ती २१:२१-२६
DEU 2:27 मार लोव़ सोइक्‍ताक्‍ङमी देंशा हना ‘आंइ कली इन रागी रे लचा गेकी। गो एर ओंथ मपथु, ठेयब लां खोइश्‍शा गाक्‍नीकी।
DEU 2:28 गे जचा थोव़क क्‍येट ताक्‍शा आंइ कली लेयङीन। ब्‍वाक्‍कु यो क्‍येट ताक्‍शा गेकी। आंइ कली गाक्‍तीक लां ला गेकी।
DEU 2:29 मोपा सेइरम बाक्‍ब एसाव आ खिं खिं ङा मुरपुकीमी नु आर सहरम बाक्‍ब मोआबी ङा मुरपुकीमी गाक्‍चा गेम्‍तेक्‍म। परमप्रभु यावे, इं परमप्रभुमी गेशो यर्दन खोला आइक्‍ची हांबु ङा रागी जाक्‍दीचा सम्‍म लां गेने’ देंथ, मुरपुकी सोइक्‍ताक्‍ङमी।
DEU 2:30 तन्‍न हेश्‍बोन ङा पिप सीहोनमी आंइ कली गाक्‍तीक लां मगेव। मारदे हना परमप्रभु यावे, इन परमप्रभुमी इन पा ङा लडाइ पा ग्राचा कली मेको आ थुं खकटा नु मटीब सेला बाक्‍त। मिनु मोदेंशो दुम्‍त। प्रस्‍थान ४:२१
DEU 2:31 मिनु परमप्रभु यावेमी आं कली ‘गो सीहोन नु आ रागी इन कली जिम्‍मा गेचा गोव़ता। मेको आ रागी लडाइ पा आंम के के सेलीन’ देंत। यहोसु १०:१२; येरमीया २४:८; रोमी १:२४; रोमी ४:२५; ८:३२
DEU 2:32 मिनु सीहोन नु आ मुर नेल्‍ल गोपुकी नु लडाइ पथ याहास माइक्‍तीकेमी जाक्‍‍तेक्‍म।
DEU 2:33 मिनु परमप्रभु यावे, इं परमप्रभुमी मेको कली साइक्‍च, दे इं कली जिम्‍मा गेप्‍तु। मिनु गोपुकीमी मेको कली, मेको आ तौ नु मेको आ मुर नेल्‍ल आन कली साइक्‍तक।
DEU 2:34 मेना गो मेको आन सहर नेल्‍ल आंइ के सेल्‍तक। आन मुर नेल्‍ल कली साइक्‍तक। वोंइश मुर, मीश मुर नु आल नेल्‍ल साइक्‍तक। का कली यो मप्रोंइ‍थु, नेल्‍ल आन कली साइक्‍तक।
DEU 2:35 गो आंइ ग्राशो सहर ङा मारेइ मारेइ आंम के सेल्‍शा, बी ब्‍यफ, क्‍यारश भेडा यो आंइ कली वोंइसाक्‍क।
DEU 2:36 अरनोन खोल्‍सा ङा दिंमम बाक्‍ब आरोएर सहर रे गिलाद सम्‍म आंइ ग्राने मचाप्‍चा ङा सहर कान मबाक्‍म। परमप्रभु यावे, इं परमप्रभुमी मेको नेल्‍ल आंइ कली ग्राचा गेप्‍तु। यहोसु १३:९; २सामुएल २४:५
DEU 2:37 यब्‍बोक खोल्‍सा आ नेक्‍था बाक्‍ब अम्‍मोनी आन रागी, पहाड ङा सहरपुकी नु परमप्रभु यावे, इं परमप्रभुमी इं कली मलचा देंशो रागी ला मलक।
DEU 3:1 मिनु नोले गो बाशान ग्‍येत्‍थ लाइतक। मिनु बाशान ङा पिप ओग नु आ मुर नेल्‍ले गोपुकी नु लडाइ पथ एद्रेइम जाक्‍तेक्‍म। गन्‍ती २१:३३-३५
DEU 3:2 मिनु परमप्रभु यावेमी आं कली ‘मेको आन कली तशा महिनो। मारदे हना गो मेको नु आ मुर नेल्‍ल आन कली इन गुइमी गेता। मेको आ रागी नु आ मुरपुकी इन के दुम्‍त। मिनु गे हेश्‍बोनम बाक्‍शो एमोरी आन पिप सीहोन कली खोदेंशो पा मेको कली यो पने’ देंत।
DEU 3:3 मिनु परमप्रभु यावे, इं परमप्रभुमी बाशान ङा पिप ओग कली यो नु आ मुर नेल्‍ल आन कली इं गुइमी गेप्‍तु। मेकेर यो का कली यो मप्रोंइथु, नेल्‍ल आन कली साइक्‍तक।
DEU 3:4 मेना गो मेको आ सहर नेल्‍ल ग्रातक। का यो मली। बाशान ङा ओग आ राज्‍यम अरगोब माइश्‍शो रागी नेल्‍ल पा ६० ओटा सहर ग्रातक।
DEU 3:5 मेको सहर नेल्‍ले लाइश्‍शो गारो हिरशो बाक्‍तेक्‍म। मेको गारो ङा ठेयब लाप्‍चो आग्‍लो पाइश्‍शो बाक्‍तेक्‍म। मेको प्रोंइशा, अरु गारो महिरशो शुश गाउं यो ग्रातक।
DEU 3:6 मिनु हेश्‍बोन ङा पिप सीहोन कली खोदेंशो पा मेको सहर ङा वोंइश मुर, मीश मुर नु आल नेल्‍ल साइक्‍तक।
DEU 3:7 मिनु बी ब्‍यफ, क्‍यारश भेडा नु सहर ङा मारेइ मारेइ आंइ कली वोंइसाक्‍क। ब्‍यवस्‍था २०:१३-१८
DEU 3:8 मोपा गो यर्दन ओंथ हांबु ङा एमोरी पिप निक्‍शी आस रागी ग्रातक। अरनोन खोल्‍सा रे हेरमोन डांडा सम्‍म ङा रागी ग्रातक। ब्‍यवस्‍था ४:४८; १इतिहास ५:२३; भजन संग्रह २९:६
DEU 3:9 सीदोनीपुकीमी हेरमोन डांडा कली सिरीयोन नु एमोरीपुकीमी सेनीर देंनीम।
DEU 3:10 गोपुकी दिंम ङा सहर नेल्‍ले, गिलाद रागी नेल्‍ल, बाशान, साल्‍का नु एद्रेइ सम्‍म, बाशानम बाक्‍शो ओग आ राज्‍य नेल्‍ल ग्रातक।
DEU 3:11 मिनु बाशान ङा पिप ओग चहिं मेको लाइश्‍शो मुर, रेफाइम आन दातेमी नेल्‍ल क्‍येङा नोले साइक्‍चा पुंइसाक्‍व। मिनु मेको आ फलाम के खाट मुल सम्‍म अम्‍मोनी आन सहर रब्‍बाहम बाक्‍ब। मेको खाट ९ कुबीत लाइश्‍शो नु ४ कुबीत ब्रेम्‍शो बाक्‍ब। कुबीत का आधा मिटर कि हात का खोदेंशो बाक्‍ब।
DEU 3:12 मिनु मेना तेको तेको रागी आंइ के सेल्‍तक देंशा हना, अरनोन खोल्‍सा आ नेक्‍था दिंमम बाक्‍शो आरोएर रे गिलाद पहाड आधा नु मेकेर ङा सहरपुकी सम्‍म गो रूबेन आ थर नु गाद आ थर ङा मुर आन कली गेतामी।
DEU 3:13 गिलाद ङा लीशो, ओग आ राज्‍य, बाशान रागी नेल्‍ल, मनस्‍से आ उइक्‍थ थर ङा मुर आन कली गेतामी। बाशान नु अरगोब रागी नेल्‍ल रेफाइम माइश्‍शो, लाइश्‍शो मुर आन रागी देंनीम।
DEU 3:14 मनस्‍से आ युइ याइरमी अरगोब ङा रागी नेल्‍ल, गेशुरी नु माकाथी आन सांद सम्‍म लाइक्‍तु। मेको बाशान कली आ नें हव्‍वोथ-याइर वोइक्‍तु। मेको मुल सम्‍म बाक्‍ब।
DEU 3:15 मिनु गो माकीर कली गिलाद गेता।
DEU 3:16 मिनु गो रूबेन आ थर नु गाद आ थर ङा मुर आन कली मार गेतामी देंशा हना, गिलाद रे अरनोन खोल्‍सा आ दाते सम्‍म नु आ नेक्‍था ङा दिंम यब्‍बोक खोल्‍सा सम्‍म गेतामी। मेको अम्‍मोनी आन सांद बाक्‍ब।
DEU 3:17 मिनु मेको अराबाह दिंम, यर्दन नु आ नेक्‍था ङा किन्‍नेरेथ रे अराबाह समुन्‍द्र, मेको हिक्‍सी समुन्‍द्र यो देंनीम, सम्‍म नां दाप्‍तीके ङा पिस्‍गा डांडा रूबेन आ थर नु गाद आ थर ङा मुर आन कली गेतामी। यहोसु ११:२; यहोसु १९:३५; मर्कूस ६:५३
DEU 3:18 मेना गो इन कली ‘परमप्रभु यावे, इन परमप्रभुमी एको रागी इन के दुम्‍चा कली गेशो बाक्‍ब। मो हना यो इन दाते ङा लडाइ पाइब वोंइश मुरपुकी इन या पिम्‍सीशा, इन लोक्‍ब इस्राएली आन ङोंइती यर्दन खोला शोक्‍चा माल्‍नीनी।
DEU 3:19 मिनु इन मीश, इन आलपुकी नु इन बी ब्‍यफ, क्‍यारश भेडा गो इन कली गेशो सहरम ला बाक्‍चा ताइनीम। इन के बी ब्‍यफ, क्‍यारश भेडा शुश बाक्‍नीम, दे तुइक्‍नुङ।
DEU 3:20 परमप्रभु यावेमी इन कली खोदेंशो पा इन लोक्‍ब आन कली मनाइक्‍पदा सम्‍म मोदेंशो दुम्‍चा माल्‍ब। मिनु परमप्रभु यावे, इन परमप्रभुमी यर्दन आइक्‍ची हांबु मेको आन कली गेशो रागी आंम के मसेल्‍मे सम्‍म गेपुकीमी मो पचा माल्‍नीनी। मिनु नोले गोम इन कली गेशो रागी लेश्‍शा, जाक्‍ने चाप्‍नीनी’ दे माइक्‍मी” देंत।
DEU 3:21 मिनु मेना गो यहोसु कली “परमप्रभु यावे, इन परमप्रभुमी एको पिप निक्‍शी आस कली मार मार पवा, गे मेको नेल्‍ल ताप्‍तीवी। मुल गे आइक्‍ची हांबु शोक्‍सेनु, परमप्रभु यावेमी मेकेर ङा राज्‍य नेल्‍ल आन कली यो मोदेंशोन पाइब। गन्‍ती २७:१८-२२
DEU 3:22 मेको आन क्‍येङा महिनीन। मारदे हना परमप्रभु यावे, इन परमप्रभुमी इन पा ङा लडाइ पाइब” दे माइक्‍ता। ब्‍यवस्‍था १:२९-३०
DEU 3:23 मिनु मेना गो परमप्रभु यावे कली
DEU 3:24 “परमप्रभु, परमप्रभु यावे, गे इन गेय पाइब कली इन ठेयब पतीके नु सक्ति कोंइचा गोइतीनी। मिनु स्‍वर्ग नु रागीम बाक्‍ब तेको प्रभु इन खोदेंशो पा ठेयब पतीके नु सक्ति पाइश्‍शो गेय पने चाप्‍बा ङा?
DEU 3:25 मेको यर्दन आइक्‍ची हांबु ङा रिम्‍शो रागी, ठेयब पहाड नु लेबानोन तङल, दे आं कली यर्दन खोला आइक्‍ची हांबु शोक्‍चा गेयीनी” दे पुंइता।
DEU 3:26 तन्‍न इन पतीके परमप्रभु यावे गो नु गाइश्‍शो बाक्‍त। मिनु मेकोमी आं पुंइशो मनेन। मिनु परमप्रभु यावेमी आं कली “मुल रे एको आ पर्बम लोव़ मपावो। गन्‍ती २०:१२
DEU 3:27 गे पिस्‍गा डांडा ङोइश्‍शा, पच्‍छिम, उत्तर दक्‍खिन नु पूर्ब गे कोव़ङो। मारदे हना गे यर्दन आइक्‍ची हांबु शोक्‍चा मताइनेवे।
DEU 3:28 मिनु गे यहोसु कली अरेशा, लोव़ पा ठेयब थुं पाइश्‍शो सेलो। मारदे हना मेकोमी मुर आन ङोंइती शोक्‍शा, इ तशो रागी मेको आन के दुम्‍चा कली योव़ब” दे परमप्रभुम आं कली देंत। ब्‍यवस्‍था ३१:३,७;
DEU 3:29 मिनु गोपुकी बेथ-पेओर आ ङोंइती ङा दिंमम बाक्‍तक।
DEU 4:1 मिनु मोसामी “मिनु गे इस्राएली नेल्‍ले, गो इन कली परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंनुङ। इन नोफा दाइक्‍तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्‍चा ताइनीनी।
DEU 4:2 मिनु गो इन कली परमप्रभु यावे, इन परमप्रभु आ लोव़ शेंशा ‘परमप्रभु आ शेंशो पचा माल्‍ब’ दे अरेनुङ। गेपुकीमी आं शेंशो लोव़ कली का यो मतेम्‍दीन। का यो मशोलीने। ब्‍यवस्‍था १३:१; हितोपदेस ३०:६; प्रकाश २२:१८-१९
DEU 4:3 मिनु परमप्रभु यावेमी बाल-पेओर मूर्ति आ नोले खोइक्‍ब आन कली मार पवा, गे आंमा ताइतीनी। मिनु परमप्रभु यावे, इन परमप्रभुमी बाल-पेओर आ नोले खोइक्‍ब वोंइश मुर नेल्‍ल साइक्‍तु। गन्‍ती २५:३-९
DEU 4:4 गे परमप्रभु यावे, इन परमप्रभु कली आ नोले खोइक्‍बपुकी चहिं नेल्‍ल ब्रोंइशो बाक्‍नीनी।
DEU 4:5 मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंतान्‍नी। मारदे शेंतान्‍नी देंशा हना, गे जाक्‍शा इन के सेल्‍चा चिक्‍शो रागीमी मेको नेल्‍ल पचा, दे शेंतान्‍नी।
DEU 4:6 मोपतीके गेपुकीमी एको लोव़ होस पा, टिने। मेकोमी इन कली तुइक्‍ब नु रुप्‍ब मुर सेल्‍ब। मिनु जात जात ङा मुरपुकी मेको फुल्‍लुम मुशा ब्रेक्‍शो लोव़ नेल्‍ल नेंशा, मेकोपुकीमी ‘मेको ठेयब जात ङा मुर थमा पा तुइक्‍ब नु रुप्‍ब मुर बाक्‍नीम’ देंनीम। यसैया २:३
DEU 4:7 मिनु परमप्रभु यावे इं परमप्रभुमी आंइ नेक्‍था बाक्‍शो नु आंइ पुंइशो लोव़ नेंब खोदेंशो पा तेको अर्को ठेयब जात ङा देवी देवताम मोदेंशो पाइनीमी? २सामुएल ७:२३
DEU 4:8 मुलाक्‍त गो इन कली परमप्रभु यावे आ अरेशो लोव़ नेल्‍ले नेंपाइक्‍नुङ। मिनु तेको ठेयब जात ङा मुर इं खोदेंशो रिम्‍शो पचा कली फुल्‍लुम मुशा ब्रेक्‍शो लोव़ नु निसाफ पतीक लोव़ नेंचा ताइनीमी। येरमीया ८:८
DEU 4:9 इन आंम तशो इन थुंम वोइश्‍शा, मप्रेंथु, होस पा बाक्‍कीन। गे ब्रोंइनी सम्‍म इन थुंम वोतीन। इन आल नु चच युइ आन आन कली शेंदीन। भजन संग्रह १०३:२
DEU 4:10 मिनु गेपुकी काबु परमप्रभु यावे, इन परमप्रभु आ ङोंइती होरेब डांडा तार राप्‍शो बाक्‍तीनी, मेको मिम्‍तीन। मिनु परमप्रभु यावेमी आं कली मुर आन कली आं ङोंइती पुक्‍मी। गो मेको आन कली आं लोव़ नेंपाइक्‍नुङमी। मिनु मेकोपुकी रागीम मबेक्‍मा सम्‍म आं कली मान पा हिंचा शेंसामल। मिनु मेकोपुकीमी एको लोव़ आन तमी तौ आन कली शेंचा माल्‍नीम” देंत। प्रस्‍थान १९:१७; ब्‍यवस्‍था ६:७
DEU 4:11 मिनु गे आ नेक्‍था जाक्‍शा, डांडा आ पुंम राप्‍तीनी। मेको डांडाम सरीङ सम्‍म मी ब्रत। मिनु छिङछिङ, ठेयब गोस्‍स नु नाक्‍दो खोदेंशो बाक्‍त।
DEU 4:12 मिनु परमप्रभु यावेमी मी आ दाते रे गेपुकी नु लोव़ पाप्‍तु। गे मेको आ लोव़ नेंतीनी, तन्‍न मारेइ मतनी। ब्‍यवस्‍था ५:४,२४
DEU 4:13 मिनु मेकोमी गे नु कबल पाप्‍तु। आ अरेशो १० ओटा लोव़ गे टिशा पने, दे गेप्‍तु। मिनु मेकोमी मेको लोव़ फुल्‍लु निक्‍शी तार मुशा गेप्‍तु। प्रस्‍थान ३१:१८
DEU 4:14 मिनु मेना परमप्रभु यावेमी आं कली “मेको आन कली आं फुल्‍लुम मुशा ब्रेक्‍शो लोव़ नु निसाफ पतीक लोव़ शेंदो। नोले आन गाक्‍शो आंम के सेल्‍शो रागीमी मेको लोव़ टिशा पचा, दे मेको लोव़ शेंदो” दे माइक्‍ती।
DEU 4:15 मिनु परमप्रभु यावेमी इन कली होरेब डांडाम मी रे लोव़ पवानु, गे मारेइ मतनी।
DEU 4:16 मिनु गे इन कली मूर्ति सेल्‍शा, खतम मसेल्‍सीन। गे होस पा बाक्‍कीन। तेकोइ वोंइश मुर, मीश मुर, प्रस्‍थान २०:४
DEU 4:17 रागी ङा बी ब्‍यफ, क्‍यारश भेडा, जन्‍तु सरीङम बेरब चिक्‍ब,
DEU 4:18 खपीम गाक्‍ब, ब्‍वाक्‍कुम बाक्‍ब ङांइ के मूर्ति काइ मसेलीन।
DEU 4:19 मिनु गे सरीङ इर कोव़शा, परमप्रभु यावे, इन परमप्रभुमी जात जात ङा मुर नेल्‍ल आन कली गेशो नां, तास्‍ला, सोरुल नेल्‍ल तशा, मेको आन ङोंइती सेउ पा पूजा मपने। होस पा बाक्‍कीन। ब्‍यवस्‍था १७:३; रोमी १:२३
DEU 4:20 परमप्रभु यावेमी इन कली आंम मुर सेल्‍चा, दे फलम चोतीके खोदेंशो इजीप्‍त रागी रे ग्रुंइताक्‍व। मोदेंशो पा मुलाक्‍त बाक्‍ब, दे तुइक्‍नीनी। १राजा ८:५१; यसैया ४८:१०; येरमीया ११:४; प्रस्‍थान १९:५-६; यसैया १९:२५
DEU 4:21 मिनु परमप्रभु यावे इन पतीके, आं पर्बम गाइक्‍ताक्‍व। मेकोमी आं कली “गे यर्दन खोला मशोक्‍थु, इस्राएली आन कली गेशो रिम्‍शो रागी लचा मताइ‍नेवे” दे कसम जाप्‍तु। ब्‍यवस्‍था ३:२६
DEU 4:22 मिनु गो यर्दन खोला मशोक्‍थु, मुल बाक्‍शो रागीमी बेक्‍चा माल्‍नुङ। तन्‍न गेपुकी यर्दन शोक्‍शा, मेको रिम्‍शो रागी इन के सेल्‍नीनी।
DEU 4:23 मिनु परमप्रभु यावे, इन परमप्रभुमी गे नु पशो कबल मप्रेक्‍थु, होस पा बाक्‍कीन। गे मप्रेंथु परमप्रभु यावे, इन परमप्रभुमी देंशो टिशा मारेइ के मूर्ति मसेलीन।
DEU 4:24 मारदे हना परमप्रभु यावे, इन परमप्रभु ठेयब मी खोदेंशो नु रुश पाइब परमप्रभु बाक्‍ब। ब्‍यवस्‍था ९:३; प्रस्‍थान २४:१७; यसैया १०:१७; हिब्रू १२:२९; प्रस्‍थान २०:५
DEU 4:25 मिनु गेपुकी मेको रागीमी शुश बर्स बाक्‍शा, तमी तौ, चच युइ थिशा बाक्‍नीनी। तन्‍न परमप्रभु यावे, इन परमप्रभुमी मदाक्‍चा ङा पा मारेइ के मूर्ति सेल्‍शा, परमप्रभु यावे कली गाइक्‍पाइक्‍तीनी हना,
DEU 4:26 गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;
DEU 4:27 मिनु परमप्रभु यावेमी इन कली जात जात ङा मुर आन दातेमी ब्रपाइक्‍ब। मिनु परमप्रभु यावेमी इन कली कोंइशो रागी रागी आन दातेमी इच्‍का ला लीनीनी।
DEU 4:28 मिनु गेपुकीमी मेकेर ङा मुर आन सेल्‍शो शी के, फुल्‍लु के मताइब, मनेंब, मजाइब नु मनाम्‍ब मूर्ति आन कली पूजा पाइनीनी। ब्‍यवस्‍था २८:३६; भजन संग्रह ११५:४-७
DEU 4:29 तन्‍न गे मेकेर बाक्‍शा, परमप्रभु यावे, इन परमप्रभु कली माल्‍नीनी। मिनु गे थमा पा इन थुं नेल्‍लेम माल्‍तीनी हना, गे मेको कली थित्‍नीनी। भजन संग्रह २७:८; येरमीया २९:१३-१४
DEU 4:30 आं देंशो लोव़ मोदेंशो पा दुम्‍शा, श्‍येत जनीनु, गे नोले ङा नाक्‍तीम परमप्रभु यावे, इन परमप्रभु गे लेत्‍नीनी। आं देंशो लोव़ टीनीनी। ब्‍यवस्‍था ३०:२
DEU 4:31 मारदे हना परमप्रभु यावे, इन परमप्रभु, शिशी पाइब परमप्रभु बाक्‍ब। इन किकी पिपी नु कसम जशा पशो कबल मप्रेंब। मेकोमी इन कली मप्रोंइथु, खतम मसेल्‍ब।
DEU 4:32 मिनु गे इन क्‍येङा ङोंइती ङा नाक्‍त मिम्‍तीन। परमप्रभुमी मुर नु रागी सेल्‍शो रे मुल सम्‍म ओदेंशो ठेयब गेय पशो आ पर्बम लोव़ नेंनी? तनी?
DEU 4:33 अरु सुइ मुरुम गे इन खोदेंशो पा परमप्रभुमी मी रे लोव़ पशो नेंन्‍मे?। मिनु गे नेंशा यो ब्रोंइशो बाक्‍नीनी। प्रस्‍थान २०:१,१९
DEU 4:34 मिनु तेको देवी देवतामी इन कली खोदेंशो पा शुश रागी आन दाते रे आंम मुर सेल्‍चा कली योव़शो बाक्‍बा? मुर आन कली नाक्‍शा, चिनु कोंइ‍शा, छक लाक्‍चा ङा गेय पा, मेको आन पर्बम लडाइ पा, शुश हिंचा ङा सक्तिमी, परमप्रभु यावे, इन परमप्रभुमी इन कली इजीप्‍त रागी रे ग्रुंइशो गे ताइतीनी। ब्‍यवस्‍था ७:१९; ब्‍यवस्‍था २९:२
DEU 4:35 गे मारदे मेको ताइतीनी देंशा हना, परमप्रभु यावे, का ला परमप्रभु बाक्‍ब। मेको क्‍येङा लाक्‍शा अर्को परमप्रभु मबाक्‍ब, दे तुइक्‍पाइक्‍चा कली इन कली कोंइताक्‍व।
DEU 4:36 मिनु मेकोमी सरीङ रे इन कली शेंचा, दे आ सेंदा नेंपाइक्‍तु। मिनु खपीम इन कली आ ठेयब मी कोंइताक्‍व। गे मी आ दाते रे आ लोव़ पशो नेंतीनी। प्रस्‍थान २०:१,१८,२०
DEU 4:37 मिनु इन किकी पिपी आन कली दाक्‍तीके, आन चच युइ आन कली योव़शा, मेकोमी आंमान आ ठेयब सक्तिमी इन कली इजीप्‍त रे ग्रुंइताक्‍व। प्रस्‍थान ३३:१४
DEU 4:38 इन कली रागी गेचा, दे इन ङोंइती इन क्‍येङा सक्ति पाइश्‍शो नु शुश मुर आन कली आन रागी रागी रे ग्रुंइताक्‍व। मिनु गे रागी इन के सेल्‍चा कली ठीक दुम्‍शो बाक्‍नीनी। मोदेंशो मुलाक्‍ती बाक्‍ब, दे तुइक्‍नीनी।
DEU 4:39 मिनु गे मुलाक्‍ती परमप्रभु यावे, का ला सरीङ नु रागी ङा परमप्रभु बाक्‍ब। मेको ङा लाक्‍शा अर्को सुइ परमप्रभु मबाक्‍ब। एको लोव़ गे मुलाक्‍ती थमा पा तुइक्‍तीन। मिनु इन थुंम लील।
DEU 4:40 मुलाक्‍त गो इन कली माइश्‍शो परमप्रभु यावे आ फुल्‍लुम मुशा ब्रेक्‍शो लोव़ नु आ शेंशो टिने। मो पाइतीनी हना, इन आल नु चच आन कली रिम्‍शो दुम्‍ब। मिनु परमप्रभु यावे, इन परमप्रभुमी इन कली गेना हना यो बाक्‍चा कली गेशो रागीम गे शुश नाक्‍ती बाक्‍चा ताइनीनी।
DEU 4:41 मिनु मोसामी यर्दन खोला नां दाप्‍तीक गे सहर सां योव़तु। ब्‍यवस्‍था १९:२-१३; गन्‍ती ३५:६-२९
DEU 4:42 ङोंइती मगाइक्‍मुशो, मतुइक्‍थु मुर का कली साइक्‍ब मुर मेकेर प्रोक्‍शा लने चाप्‍ब। मोदेंशो मुर मेको सहरम प्रोक्‍शा, ब्रोंइचा ताइब।
DEU 4:43 मोसामी रूबेन आ थर ङा मुर आन कली गोरशो रागी ङा दिंमम बेसेर सहर योव़तु। गाद आ थर ङा मुर आन कली गिलाद ङा रामोथ सहर योव़तु। मनस्‍से आ थर ङा मुर आन कली बाशान ङा गोलान सहर योव़तु।
DEU 4:44 मोसामी इस्राएली आन कली परमप्रभु यावे आ अरेशो लोव़ शेंताक्‍व।
DEU 4:45 मिनु मेको परमप्रभु यावे आ आ देंशो, आ फुल्‍लुम मुशा ब्रेक्‍शो लोव़ नु आ निसाफ पतीक लोव़ बाक्‍नीम। मोसामी मेको नेल्‍ल इस्राएली आन कली इजीप्‍त रे ग्रुंइची ना शेंताक्‍व।
DEU 4:46 मिनु मेना मेकोपुकी यर्दन ओंथ हांबु, बेथ-पेओर आ ङोंइती बाक्‍शो बेंसीम बाक्‍तेक्‍म। मेको ङोंइती हेश्‍बोनम बाक्‍शो सीहोन, एमोरी आन पिप आ रागी बाक्‍त। मेको रागी मोसा नु इस्राएलीपुकीमी इजीप्‍त रे गाक्‍मा नोले लडाइ पा ग्राशो बाक्‍तेक्‍म। गन्‍ती २१:२४
DEU 4:47 मेको रागी आंम के सेल्‍शा, बाशान ङा पिप ओग आ रागी यो आंम के सेल्‍शो बाक्‍तेक्‍म। मेको निक्‍शी एमोरी आन पिप बाक्‍ताक्‍स। मेको रागी यर्दन ओंथ हांबु नां दाप्‍तीके गे बाक्‍त।
DEU 4:48 मेको रागी अरनोन खोल्‍सा आ नेक्‍था बाक्‍ब आरोएर सहर रे सिरीयोन माइश्‍शो, हेरमोन पहाड, ब्‍यवस्‍था ३:८-९
DEU 4:49 मिनु यर्दन आ ओंथ हांबु नां दाप्‍तीके गे अराबाह नेल्‍ल पिस्‍गा डांडा नु आ दिंमम अराबाह समुन्‍द्र माइश्‍शो, हिक्‍सी समुन्‍द्र सम्‍म इस्राएलीपुकीमी आंम रागी सेल्‍ने थुम्‍शो बाक्‍तेक्‍म।
DEU 5:1 मिनु मोसामी इस्राएली नेल्‍ल आन कली ब्रेश्‍शा, मेको आन कली “इस्राएली नेनीन। परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ नेनीन। मुलाक्‍ती गो मेको इन कली शें‍नुङ। गे मेको लोव़ शेंसीशा, होस पने।
DEU 5:2 मिनु परमप्रभु यावे, इं परमप्रभुमी होरेब डांडाम गोपुकी नु कबल का पाप्‍तु। प्रस्‍थान १९:५
DEU 5:3 परमप्रभु यावेमी इं किकी पिपी नु एको कबल मपथु, मुलाक्‍त एकेर बाक्‍शो गोपुकी नु पशो बाक्‍त। ब्‍यवस्‍था २९:१४
DEU 5:4 परमप्रभु यावेमी गो आंइ नेक्‍था डांडाम बाक्‍शो, मी आ दाते रे लोव़ पाप्‍तु। ब्‍यवस्‍था ५:२४
DEU 5:5 मारदे हना गे मी तशा हिंतीनी, डांडा मङोंइसीनी। गो परमप्रभु यावे आ लोव़ इन कली शेंचा, दे परमप्रभु यावे नु इन दातेम, राप्‍शो बाक्‍ती” देंत।
DEU 5:6 मिनु परमप्रभुमी इन कली “वाइलीम वाइल दुम्‍शा बाक्‍शो इजीप्‍त रे ग्रुंइशा एक चाक्‍ब, गो परमप्रभु यावे, इन परमप्रभु नङ।
DEU 5:7 आं क्‍येङा लाक्‍शा सुइ देवी देवता आन कली ठेयब सेल्‍शा ममानेचा। ब्‍यवस्‍था ११:१६,२८
DEU 5:8 सरीङमी, रागीमी, रागी आ आगामी ब्‍वाक्‍कुम बाक्‍ब मारेइ जन्‍तु के गेपुकीमी आंम कली मूर्ति मसेल्‍सीन। ब्‍यवस्‍था २७:१५
DEU 5:9 मेको आन ङोंइती मबपीन। मेको आन कली पूजा मपने। मारदे हना गो परमप्रभु यावे, इन परमप्रभु रुश पाइब परमप्रभु नङ। आ कली मटीब आम आफ बाक्‍ताक्‍स हना, मेको आ आल, चच, युइ नु युइ आन युइ सम्‍म सजाइ ताइनीम। ब्‍यवस्‍था ४:२४
DEU 5:10 मिनु सुम आं कली दाक्‍बा नु आं शेंशो लोव़ टीबा, मेको आन चच युइ आन हजार हजार पाला सम्‍म गेना हना यो दाक्‍नुङमी।
DEU 5:11 गे परमप्रभु यावे, इन परमप्रभु आ नें मो मथिने। मारदे हना सुमी परमप्रभु यावे आ नें मोशा थिप्ब, मेकोम पाप पाइब” देंत।
DEU 5:12 परमप्रभु यावे, इन परमप्रभुमी अरेशो खोदेंशो पा नाइक्‍तीक नाक्‍ती परमप्रभु आ नाक्‍ती बाक्‍ब, दे नाइक्‍सीन।
DEU 5:13 ६ नाक्‍त गे इन गेय पने।
DEU 5:14 मिनु मेको आ नोले ङा ७ नाक्‍ती चहिं परमप्रभु यावे, इन परमप्रभु आ नाइक्‍तीक नाक्‍त बाक्‍ब। मेको नाक्‍ती मारेइ गेय मपने। गे इन तमी तौ, वाइलीम वाइल, ब्‍यफ, गधा, क्‍यारश भेडा नेल्‍ल नु इन सहरम बाक्‍शो अर्को रागी ङा मुर नेल्‍ल आन कली इन खोदेंशो पा गेय मपपतीन।
DEU 5:15 मिनु गेपुकी इजीप्‍तमी वाइल दुम्‍तीके मप्रेंदीन। परमप्रभु यावे, इन परमप्रभुमी शुश सक्ति पाइश्‍शो नु आ ठेयब बोल पतीकेमी इन कली ग्रुंइशा, एक चाक्‍तु। मोपतीके परमप्रभु यावे, इन परमप्रभुमी इन कली नाइक्‍तीक नाक्‍ती नाइक्‍चा माल्‍ब, दे अरे‍शो बाक्‍ब। ब्‍यवस्‍था १५:१५; ब्‍यवस्‍था १६:१२; ब्‍यवस्‍था २४:१६,२२
DEU 5:16 परमप्रभु यावे, इन परमप्रभुमी अरेशो खोदेंशो पा इन आंम आफ कली मान पने। मो पाइतीनी हना, परमप्रभु यावे, इन परमप्रभुमी इन कली गेशो रागीम रोइ मपथु, शुश नाक्‍त ब्रोंइशा बाक्‍नीनी।
DEU 5:17 मुर मसाइक्‍चा।
DEU 5:18 आंम मीश क्‍येङा अरु नु मइप्‍चा।
DEU 5:19 खुइ मपचा।
DEU 5:20 आंम नेक्‍था ङा मुर आन पर्बम जोल पा सांकछी मबाक्‍चा।
DEU 5:21 आंम नेक्‍था ङा मुर आ खिं, आ मीश, आ रू, आ वाइलीम वाइल, आ बी ब्‍यफ, गधा मेको के मार बाक्‍त हना यो, मेको तशा मवाल्‍चा। मीका २:२
DEU 5:22 परमप्रभु यावेमी डांडाम नेल्‍ल इन कली एको लोव़ नेंपाइक्‍तु। मेकोमी मी, गोस्‍स नु हिंचा ङा छिङछिङ खोदेंशो पा आ दाते रे ठेयब सेंदामी इन कली लोव़ पाप्‍तु। मिनु मेकोमी मारेइ मतेम्द। मिनु नोले मेकोमी मेको अरेशो लोव़ फुल्‍लु निक्‍शीम ब्रेक्‍शा, गेती। प्रस्‍थान ३१:१८
DEU 5:23 मिनु गेपुकीमी डांडाम मी ब्रशो तशा, छिङछिङ रे सेंदा नेंनीनु, गे इन थर थर ङा ठेयब मुरपुकी नु खाल्‍पापुकी आं नेक्‍था जाक्‍तेक्‍म।
DEU 5:24 मिनु गेपुकीमी “परमप्रभु यावे, इं परमप्रभुमी इं कली आ ठेयब पतीके नु आ छेङछेङ कोंइताक्‍व। मिनु गोपुकीमी मेको आ सेंदा मी आ दाते रे नेंतक। मुलाक्‍त मार ताइतक देंशा हना, परमप्रभुमी मुर नु लोव़ पाइब। मो हना यो मुर मबेक्‍म, दे ताइतक। ब्‍यवस्‍था ४:१२-१३,३३
DEU 5:25 मुल गोपुकी एको ठेयब मीमी मारदे बेक्‍चा? गोपुकी मुल यो परमप्रभु यावे, इं परमप्रभु आ सेंदा नेंना नेंन बाक्‍तय हना, बेक्‍नय।
DEU 5:26 मिनु सु मुरुम इं खोदेंशो पा ब्रोंइशा बाक्‍ब परमप्रभु आ सेंदा मी आ दाते रे पा नेंशा यो ब्रोंइशो बाक्‍बा?
DEU 5:27 गे आ नेक्‍था लने। मिनु परमप्रभु यावे, इं परमप्रभु आ देंशो लोव़ नेंशा, आंइ कली नेल्‍ल शेंदीन। मिनु मेको नेंशा पाइनीकी” देंतीनी।
DEU 5:28 मिनु परमप्रभु यावेमी इन पशो लोव़ नेंतु। मिनु आं कली “मुरपुकीम इ कली देंशो लोव़ नेंता। आन देंशो नेल्‍ल रिम्‍शो बाक्‍ब।
DEU 5:29 आं कली मान पा हिंतेक्‍म हना, आं शेंशो गेना हना यो टिम्‍तेक्‍म हना, मेको नु आन आल आन कली गेना हना यो रिम्‍शो दुम्‍ब। ब्‍यवस्‍था २९:३
DEU 5:30 मेकेर लावो। मिनु मेको आन कली ‘इन ताम्‍बुम लेत्‍तीन’ दे माइक्‍मी।
DEU 5:31 तन्‍न गे आं नेक्‍था बाक्‍को। मिनु गेमी आं शेंशो नेल्‍ल, आं फुल्‍लुम मुशा ब्रेक्‍शो लोव़ नु आं निसाफ पतीक लोव़ इ कली देंनन। मिनु मेकोपुकीमी मेको आन कली गेशो रागीम मेको पचा माल्‍नीम” दे परमप्रभुम देंत।
DEU 5:32 मोपतीके इन परमप्रभु यावेमी इन कली शें‍शो होस पा टिने। गेपुकी ग्‍युरा पेरा गे मलथु, आ लां खोतीन। ब्‍यवस्‍था ४:२; ब्‍यवस्‍था २८:१४; यहोसु १:७; हितोपदेस ४:२७
DEU 5:33 परमप्रभु यावे, इन परमप्रभुमी इन कली कोंइशो लां ठीक पा गाक्‍कीन। मो पाइतीनी हना, गे ब्रोंइनीनी, इन कली रिम्‍शो दुम्‍ब नु इन के सेल्‍चा चिक्‍शो रागीम शुश नाक्‍ती ब्रोंइनीनी।
DEU 6:1 मिनु मोसामी “परमप्रभु यावेमी इन कली माइश्‍शो फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍ब। मिनु गो इन कली शेंचा माल्‍नुङ, दे आं कली माइक्‍ती। गेपुकी मुल इन लशा, इन के सेल्‍चा चिक्‍शो रागीम बाक्‍नीनु, मेको पचा माल्‍नीनी।
DEU 6:2 गेपुकी मबेक्‍नी सम्‍म परमप्रभु यावे, इन परमप्रभु कली मान पा हिंचा माल्‍नीनी। गो इन कली माइश्‍शो परमप्रभु आ फुल्‍लुम मुशा ब्रेक्‍शो लोव़ नु आ शेंशो नेल्‍ले थुंम वोइक्‍चा माल्‍नीनी। गे, इन तौ नु इन चच युइ नेल्‍लेमी होस पा टिचा माल्‍नीमी। मो पाइतीनी हना, शुश नाक्‍त ब्रोंइनीनी।
DEU 6:3 मोपतीके इस्राएलीपुकी, इन नोफा दाइश्‍शा, एको पचा कली होस पा बाक्‍कीन। गे शुश सोशो बोशो दुम्‍शा इन कली रिम्‍शो दुम्‍ल। ङोंइती परमप्रभु यावे, इन किकी पिपी आन परमप्रभुमी मेको आन कली मोदेंशो पा लोव़ पाप्‍तु। मेको दूध नु खुदो शुश बाक्‍शो रागी इन के दुम्‍ब। लूका ११:२८
DEU 6:4 इस्राएलीपुकी, नोफा दाइश्‍शा, नेनीन। परमप्रभु यावे, का ला इं परमप्रभु बाक्‍ब। मर्कूस १२:२९; १कोरिन्‍थी ८:४-६
DEU 6:5 मिनु गेपुकी परमप्रभु यावे, इन परमप्रभु कली इन थुं नेल्‍लेमी, इन सोक्‍त नेल्‍लेमी नु इन बोल नेल्‍लेमी दाक्‍चा माल्‍नीनी। ब्‍यवस्‍था १०:१२; २राजा २२:२५; मत्ती २२:३७
DEU 6:6 मिनु गो इन कली मुलाक्‍ती अरेशो लोव़ इन थुंम वोइक्‍चा माल्‍नीनी। ब्‍यवस्‍था ११:१८-२०
DEU 6:7 मिनु गेपुकीम मेको लोव़ इन आल आन कली शेंचा माल्‍नीनी। मिनु खिंम बाक्‍नीनु, लांम गाक्‍नीनु, इप्‍शा बाक्‍नीनु, बोक्‍नीनु, मेको अरेशो लोव़ आन पर्बम लोव़ पने। उत्‍पत्ती १८:१९
DEU 6:8 मिनु मेको मिम्‍चा कली इन गुइम फ्रेंशा वोतीन। मेको इन कुप्‍फीम फ्रेंचा माल्‍नीनी। प्रस्‍थान १३:९; मत्ती २३:५
DEU 6:9 मिनु मेको इन खिं ङा थाम नु इन लाप्‍चोपुकीम ब्रेक्‍शा वोतीन।
DEU 6:10 मिनु ङोंइती परमप्रभु यावे, इन परमप्रभुमी इन किकी पिप अब्राहाम, इसहाक नु याकूब आन कली ‘मेको रागी इन चच युइ आन कली गेनुङ’ दे कसम जाप्‍तु। मुल मेकेर गे इन मसेल्‍शो ठेयब रिम्‍शो सहर,
DEU 6:11 इन मसेल्‍शो रिम्‍शो थोव़कीम ब्रीशो खिं, इन मदोशो इनारपुकी, इन मख्रुम्‍शो अङगुर रू नु तेल रवा रू ताइनीनी। मिनु गे शुश जचा तूचा तशा, ब्‍यवस्‍था ८:३०
DEU 6:12 परमप्रभु यावे कली मप्रेंचा, दे होस पा बाक्‍कीन। मेकोमी इन कली इन वाइलीम वाइल दुम्‍शो इजीप्‍त रे ग्रुंइताक्‍व।
DEU 6:13 गेपुकी परमप्रभु यावे, इन परमप्रभु कली मान पा हिनीन। मेको कली गेय पने। मिनु मेको आ नेंम ला कसम जने। ब्‍यवस्‍था १०:२०; मत्ती ४:१०
DEU 6:14 गे इन एर ओंथ ङा रागीम बाक्‍शो जात जात ङा मुर आन देवी देवता आन नोले मखोतीन।
DEU 6:15 मारदे हना परमप्रभु यावे, इन परमप्रभु, रुश पाइब परमप्रभु इन दातेमी बाक्‍ब। मो पाइतीनी हना, परमप्रभु यावे, इन परमप्रभु इन पर्बम शुश गाइक्‍ब। मिनु मेकोमी इन कली रागी रे क्‍याम्‍ब। प्रस्‍थान २०:५
DEU 6:16 गेपुकीमी मास्‍साहमी परमप्रभु यावे, इन परमप्रभु कली नाक्‍शो खोदेंशो पा, मेको कली मनाक्‍तीन। मत्ती ४:७; प्रस्‍थान १७:२-७
DEU 6:17 गेपुकीमी परमप्रभु यावे, इन परमप्रभुमी इन कली माइश्‍शो आ शेंशो लोव़, आ देंशो नेल्‍ल नु आ फुल्‍लुम मुशा ब्रेक्‍शो लोव़ शुश होस पा पने।
DEU 6:18 मिनु परमप्रभु यावे आ ङोंइती तेको ठीक नु रिम्‍शो बाक्‍बा, मेको पने। मोपा इन कली रिम्‍शो दुम्‍ब। मिनु परमप्रभु यावेमी इन किकी पिप नु कसम जशो, रिम्‍शो रागी इन के सेलीन।
DEU 6:19 मेको नोले परमप्रभु यावेमी देंशो खोदेंशो पा इन जोरी सत्रु नेल्‍ल आन कली इन ङोंइती रे खेरब। प्रस्‍थान २३:२७-२८
DEU 6:20 मिनु नोले इन तौपुकीमी इन कली ‘परमप्रभु यावे, इं परमप्रभुमी आ देंशो लोव़, आ फुल्‍लुम मुशा ब्रेक्‍शो लोव़ नु आ निसाफ पतीक लोव़ आन अर्थ मार में?’ दे हिल्‍लो पाम्‍तेक्‍म हना, प्रस्‍थान १३:१४
DEU 6:21 गे मेको आन कली ‘गो इजीप्‍त ङा पिप फाराओ आ वाइलीम वाइल बाक्‍तय। मिनु शुश सक्ति पाइश्‍शो परमप्रभु यावेमी मेक रे ग्रुंइताक्‍व। भजन संग्रह ४४:२
DEU 6:22 मिनु परमप्रभु यावेम गोपुकीम तचा ङा पा इजीप्‍ती ङा पिप फाराओ नु आ खिं ङा मुर नेल्‍ल कली खतम सेल्‍चा, दे ठेयब नु हिंचा ङा चिन्‍ड नु छक लाक्‍चा ङा गेय पाप्‍तु।
DEU 6:23 मिनु आंइ किकी पिपी आन कली गेनुङ देंशा कसम जशो रागीम इं कली चाक्‍चा कली मेकेर रे ग्रुंइताक्‍व।
DEU 6:24 मिनु परमप्रभु यावेमी एको फुल्‍लुम मुशा ब्रेक्‍शो लोव़ नेल्‍ल पचा माल्‍ब, दे माइश्‍शो बाक्‍त। गोपुकी परमप्रभु यावे, इं परमप्रभु कली मान पा हिंतय हना, आंइ कली नेल्‍ल नाक्‍त रिम्‍शो दुम्‍ब। मिनु आंइ कली ब्रोंइचा गेब। मुलाक्‍त मोदेंशो बाक्‍ब।
DEU 6:25 मिनु गोपुकी मेको आ शेंशो नेल्‍ल परमप्रभु यावे, इं परमप्रभु आ ङोंइती पाइतय हना, मेकोमी रिम्‍शो दुम्‍ब’ दे इन तौ आन कली देंचा माल्‍नीनी” देंत। ब्‍यवस्‍था ९:५-६; रोमी २:१३, १९-२४
DEU 7:1 मिनु मोसामी “परमप्रभु यावे, इन परमप्रभुमी इन कली गेशो रागीम चाक्‍दीत्ची ना, इन ओव़चा क्‍येङा ङोंइती हित्ती, गिरगाशी, एमोरी, कनानी, परि‍जी, हिव्‍वी नु यबुसी आन कली खेरब। मेको नेल्‍ल इन क्‍येङा बोल्‍यो नु शुश मुर पाइश्‍शो ७ रागी ङा मुर बाक्‍नीम। ब्‍यवस्‍था ३१:३
DEU 7:2 मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।
DEU 7:3 मेकोपुकी नु ग्‍युंबे मपचा। इन तमी मेको आन तौ कली ग्‍युंबे पा मगेन। इन तौ कली आन तमी मचाक्‍चा। प्रस्‍थान ३४:१५-१६
DEU 7:4 मारदे हना मेकोपुकीमी इन तौ आन कली आंम देवी देवता गे कीनीम। परमप्रभु यावे कली गेय मपथु, देवी देवता आन नोले खोइक्‍पाइक्‍नीम। मो दुम्‍मेनु, परमप्रभु यावे शुश गाइश्‍‍शा, इन कली रीब पा साइक्‍ब।
DEU 7:5 मेको आन कली मार पचा माल्‍नीनी देंशा हना, मेको आन चढ़ेतीक प्रेत्‍चा माल्‍नीनी। मेको आन लाइश्‍शो मूर्ति जिक्‍चा माल्‍नीनी। मेको आन अशेराह देवी आ मूर्ति ख्रोइक्‍चा माल्‍नीनी। मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। ब्‍यवस्‍था १२:२-३
DEU 7:6 मारदे हना गे परमप्रभु यावे, इन परमप्रभु आ आंम मुर बाक्‍नीनी। परमप्रभु यावेमी नेल्‍ल जात जात ङा मुर आन दाते रे इन कली आंम मुर सेल्‍चा, दे योव़तु। प्रस्‍थान १९:५-६
DEU 7:7 मिनु परमप्रभु यावेमी जात जात आन क्‍येङा गे शुश मुर बाक्‍तीके इन कली दाक्‍शा योव़शो ममाइ। थमा पा, गे जात जात ङा मुर आन क्‍येङा आइक्‍च जात बाक्‍नीनी। ब्‍यवस्‍था १०:१५
DEU 7:8 तन्‍न परमप्रभु यावेमी इन कली दाक्‍ब। मिनु मेकोमी ‘इन किकी पिपी नु पशो कबल खाप्‍नुङ’ देंत। मोपतीके परमप्रभु यावेमी शुश सक्ति पाइश्‍शोमी इन कली वाइलीम वाइल सेल्‍शो इजीप्‍त ङा पिप फाराओ रे प्रोंइशा, ग्रुंइताक्‍व। होसे ११:१
DEU 7:9 परमप्रभु यावे, इन परमप्रभुमी आ कबल काइ मप्रोंइब आ देंशो पाइब परमप्रभु बाक्‍ब। मिनु परमप्रभु कली दाक्‍ब नु आ शेंशो टीब आन कली हजार पाला सम्‍म आ पशो कबल खाप्‍ब नु आ शिशी कोंइना कोंइन बाक्‍ब। प्रस्‍थान २०:६
DEU 7:10 मेकोमी आ कली मदाक्‍ब आन कली चहिं क्‍येक्‍क लेश्‍शा, साइक्‍ब। आ कली मदाक्‍ब आन कली शुश मफाल्‍थु, मेको आन कली शोल्‍मो पा साइक्‍ब। नहुम १:२
DEU 7:11 मोपतीके गो मुलाक्‍त इन कली माइश्‍शो आ शेंशो, आ फुल्‍लुम मुशा ब्रेक्‍शो लोव़ नु आ निसाफ पतीके लोव़ होस पा पने।
DEU 7:12 मिनु गेपुकीमी एको ठीक पतीके लोव़ होस पा नेंशा टिशा, पाइतीनी हना, इन परमप्रभुमी इन किकी पिपी नु कसम जशा, पशो कबल खाप्‍शा इन कली मप्रोंइब। प्रस्‍थान २३:२२-३१
DEU 7:13 मेकोमी इन कली दाक्‍शा, आसीक गेशा, शुश सेल्‍ब। मेकोमी इन आल आन कली आसीक गेब। इन किकी पिपी आन कली कसम जशा गेशो रागीमी इन रू ङा फल फुल, इन अन्‍न, इन अङगुर शांबु नु तेल, इन बी ब्‍यफ आन बाछा नु इन क्‍यारश भेडा आन चाइक्‍ब नेल्‍ल आन कली आसीक गेब। होसे २:७-१२
DEU 7:14 गे नेल्‍ल जात जात ङा मुर आन क्‍येङा आसीक राइब दुम्‍नीनी। इन दातेमी सुइ वोंइश मुर नु मीश मुर आल मथीब मबाक्‍नीम। इन बी ब्‍यफ, क्‍यारश भेडा थारा मदुम्‍नीम।
DEU 7:15 मिनु परमप्रभु यावेमी रोइ नेल्‍ल इन क्‍येङा ङोन वोइक्‍ब। गे इन तशो इजीप्‍त ङा हिंचा ङा रोइ इन कली मपपाइक्‍ब। तन्‍न इन कली मदाक्‍ब आन कली मेको रोइ कोप्‍ब। प्रस्‍थान ९:१-१२
DEU 7:16 मिनु गे परमप्रभु यावे, इन परमप्रभुमी इन कली जिम्‍मा गेशो जात जात ङा मुर नेल्‍ल कली रीब पा साइक्‍नीनी। मिनु गे मेको आन कली शिशी मपने। मेको आन देवी देवता आन कली सेउ मपने। मारदे हना मो पाइतीनी हना, गे खतम दुम्‍नीनी। प्रस्‍थान २३:३३; प्रस्‍थान ३४:१२; यहोसु २३:१३
DEU 7:17 मिनु गे इन थुंमी ‘एको रागी रागी ङा मुर आंइ क्‍येङा शुश बाक्‍नीम। गो मेको आन कली दोपा ग्रुंइशा, खेरने चाप्‍नीकी ङा?’ मदेनीन। गन्‍ती १३:३१; गन्‍ती १४:१-४
DEU 7:18 मेको आन क्‍येङा महिनीन। परमप्रभु यावे, इन परमप्रभुमी फाराओ नु इजीप्‍त रागी ङा मुर नेल्‍ल कली मार मार पवा, मेको मिम्‍तीन।
DEU 7:19 गेपुकीमी परमप्रभु यावे, इन परमप्रभुमी आ ठेयब नाक्‍तीक, आ पशो चिन्‍ड नु छक लाक्‍चा ङा गेय, आ शुश सक्ति पाइश्‍शो नु ठेयब बोल पतीकेमी इन कली ग्रुंइताक्‍व। गे आंमा तशो बाक्‍नीनी। मिनु परमप्रभु यावे, इन परमप्रभुमी इन हिंशो जात जात ङा मुर नेल्‍ल आन कली इजीप्‍ती आन कली खोदेंशो पाइब। ब्‍यवस्‍था ४:३४; ब्‍यवस्‍था २९:२
DEU 7:20 मिनु परमप्रभु यावे, इन परमप्रभुमी मेको आन के लीशो नु इन कली तशा हिंशा ख्रुइश्‍शा बाक्‍शो मुरपुकी यो मुर साइक्‍ब रोइ सोइश्‍शा साइक्‍ब।
DEU 7:21 गेपुकी चहिं मेको आन क्‍येङा महिनीन। मारदे हना परमप्रभु यावे, इन परमप्रभु इन दातेमी बाक्‍ब। मेको ठेयब नु मान पा हिंचा ङा परमप्रभु बाक्‍ब।
DEU 7:22 मिनु परमप्रभु यावे, इन परमप्रभुमी मेको रागी रागी ङा मुर आन कली इन ङोंइती रे का का पा ग्रुंइब। गेपुकीमी मेकेर ङा मुर आन कली कालेम साइक्‍चा मताइनीनी। मो पाइतीनी हना, इन एर ओंथ ङा ब्‍‍वाकी ङा जन्‍तु शुश दुम्‍नीम।
DEU 7:23 मिनु परमप्रभु यावे, इन परमप्रभुमी मेको जात जात ङा मुर आन कली शुश वाम ग्‍याम सेल्‍शा, का का पा साइक्‍चा सम्‍म, इन कली जिम्‍मा गेब।
DEU 7:24 मिनु मेकोमी मेको आन पिप यो इन कली जिम्‍मा गेब। मिनु गे मेको आन नें रागी रे क्‍याम्‍नीनी। इन ङोंइती सुइ मबाक्‍नीम।
DEU 7:25 गेपुकीमी मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। मूर्तिम बाक्‍शो सुन चांदी बाक्‍त हना, वाल्‍शा आंम कली मवोंइसीन। मारदे हना मोदेंशो पाइतीनी हना, इन कली मरिम्‍शो दुम्‍ब। मेको परमप्रभु यावे, इन परमप्रभु कली ग्रांग्रा बाक्‍ब।
DEU 7:26 मिनु गेपुकीमी मारेइ ग्रांग्रा दिचा ङा थोव़क इन खिंम मचाक्‍कीन। मो पाइतीनी हना गेपुकी यो मेको आन खोदेंशो पा सराप राइब दुम्‍नीनी। गेपुकीमी मेको नेल्‍ल कली ग्रांग्रा दिशो दुम्‍तीके, तिल्‍चा माल्‍नीनी” देंत। यहोसु ७:११-१२
DEU 8:1 मिनु मोसामी “गो मुलाक्‍त इन कली परमप्रभु आ शेंशो नेल्‍ल माइक्‍तन्‍नी। गेपुकीमी मेको होस पा पचा माल्‍नीनी। मो पाइतीनी हना, गेपुकी ब्रोंइचा ताइनीनी, सोशा बोशा शुश दुम्‍नीनी नु परमप्रभु यावेमी इन किकी पिपी आन कली ‘मेको गेनुङ’ दे कसम जशो रागी ओव़शा इन के सेल्‍शा बाक्‍चा ताइनीनी।
DEU 8:2 मिनु परमप्रभु यावे, इन परमप्रभुमी इन कली ४० बर्स सम्‍म गोरशो रागीमी बाक्‍पाइक्‍तु। इन कली मारदे मोदेंशो पाप्‍तु देंशा हना, इन कली ब्रेम्‍पाइक्‍चा, इन थुं नाक्‍चा नु गे इन नेल्‍ल थुंमी आ शेंशो पाइनीनी देय मपाइनीनी, दे तुइक्‍चा कली इन कली मेको ४० बर्स सम्‍म मेकेर गाक्‍पाइक्‍तु। ब्‍यवस्‍था १३:४; उत्‍पत्ती २२:१; प्रस्‍थान १६:४; प्रस्‍थान २०:२०; न्‍यायाधीस २:२२
DEU 8:3 मिनु मेकोमी इन कली ब्रेम्‍पाइक्‍चा, दे शोव़लु बेक्‍पाइक्‍तु। मिनु मेकोमी इन किकी पिपी कली इन मतुइश्‍शो मन्‍ना जपाइक्‍तु। मारदे इन कली मन्‍ना जपाइक्‍तु देंशा हना, मुरुम जचा थोव़क जशा ला मब्रोंइनीम, तन्‍न परमप्रभु यावे आ लोव़ रे ब्रोंइनीम, दे तुइक्‍पाइक्‍चा कली मन्‍ना जपाइक्‍तु। प्रस्‍थान १६:१३-१५; मत्ती ४:४
DEU 8:4 मेको ४० बर्स सम्‍म इन फेक्‍शो वा मजे। इन खोइल महोम्‍म। ब्‍यवस्‍था २९:४
DEU 8:5 मिनु मुरपुकीमी दोदेंशो पा आन तौ आन कली शेंचा, दे सजाइ गेनीमी, मोदेंशो पा परमप्रभु यावे, इन परमप्रभुमी इन कली शेंचा, दे सजाइ गेप्‍तु। मेको तुइक्‍चा माल्‍नीनी। यसैया २८:२६; येरमीया ३०:११; येरमीया ४६:२८
DEU 8:6 मिनु गेपुकीमी परमप्रभु यावे, इन परमप्रभु आ शेंशो पना पन बाक्‍कीन। परमप्रभु आ लां गाक्‍शा, मेको कली मान पा हिनीन।
DEU 8:7 परमप्रभु यावे, इन परमप्रभुमी इन कली रिम्‍शो रागी लाइक्‍ब। मेकेर खोला, दिंम नु पहाड रे बुक्‍शो ब्‍वाक्‍कु नु दोम्‍ली बाक्‍नीम।
DEU 8:8 मेको रागीम चेरब, क्‍योव़ज, अङगुर बोट, फोव़शी रवा, दारीम बोट, तेल रवा नु खुदो बाक्‍ब।
DEU 8:9 मेको रागीम गे काइ श्‍येत मजथु, मारेइमी खांचो मदुम्‍नीनी। मेको रागी ङा फुल्‍लुमी फलाम बाक्‍ब। मेको आ पहाड रे गे तांबा ग्रुंइनीनी।
DEU 8:10 मिनु गेपुकीमी मरूनी सम्‍म जशा तूशा, इन कली गेशो रिम्‍शो रागी आ पर्बम परमप्रभु यावे, इन परमप्रभु कली ठेयब सेल्‍चा माल्‍नीनी।
DEU 8:11 मिनु गे परमप्रभु यावे, इन परमप्रभु कली मप्रेंदीन। मिनु मुलाक्‍त गो इन कली देंशो आ शेंशो, आ निसाफ पतीके लोव़ नु आ फुल्‍लुम मुशा ब्रेक्‍शो लोव़ यो मप्रेंचा, दे होस पा बाक्‍कीन।
DEU 8:12 मिनु गेपुकी जशा तूशा, रूशा, रिम्‍शो खिं सेल्‍शा बाक्‍नीनी,
DEU 8:13 मिनु इन बी ब्‍यफ नु क्‍यारश भेडा शुश दुम्‍शा, इन सुन चांदी नु इन मारेइ मारेइ शुश दुम्‍मेनु,
DEU 8:14 गेपुकी ठेयब लेश्‍शा, वाइलीम वाइल दुम्‍तीक इजीप्‍त रे ग्रुंइब परमप्रभु यावे, इन परमप्रभु कली मप्रेंचा, दे होस पा बाक्‍कीन।
DEU 8:15 मेकोमी इन कली ठेयब हिंचा ङा गोरशो रागीम बाक्‍पाइक्‍तु। मेकेर बीस पाइश्‍शो बुस्‍स नु बिच्‍छी बाक्‍तेक्‍म। मेकोमी इन कली सोव़शो रागीम हिरताक्‍व। मिनु इन पर्बम ठेयब फुल्‍लु रे ब्‍वाक्‍कु बुक्‍पाइक्‍तु। गन्‍ती २१:६; प्रस्‍थान १७:६
DEU 8:16 मिनु मेकोमी इन कली गोरशो रागीम मन्‍ना जचा गेप्‍तु। मेको इन किकी पिपी आन मतुइश्‍शो जचा थोव़क बाक्‍त। मारदे मोदेंशो पाप्‍तु देंशा हना, मेको नेल्‍ल इन कली ब्रेम्‍पाइक्‍चा, नाक्‍चा नु नोले रिम्‍शो पचा कली पाप्‍तु।
DEU 8:17 मिनु गे नोले इन थुंमी ‘गो आंम आंइ सक्तिम एको शोंप चेम्‍तक’ दे मदेनीन।
DEU 8:18 तन्‍न परमप्रभु यावे, इन परमप्रभुमी आंइ कली शोंप चेम्‍तीक सक्ति गेप्‍तु, दे मिम्‍तीन। मेकोमी इन किकी पिपी नु कसम जशा पशो कबल गेना हना यो लीपाइक्‍ब। मोदेंशो पा मुलाक्‍त बाक्‍ब, दे तुइक्‍नीनी। ब्‍यवस्‍था ४:३१
DEU 8:19 मिनु गे परमप्रभु यावे, इन परमप्रभु कली प्रेंशा, देवी देवता आन नोले खोइक्‍तीनी, मेको आन कली पूजा पाइतीनी नु मेको आन ङोंइती बाप्‍तीनी हना, गो इन कली ‘गेपुकी थमा पा साइक्‍चा पुंइसीनीनी’ दे मुलाक्‍ती लोव़ का पाइनुङ।
DEU 8:20 मिनु परमप्रभु यावेमी इन ङोंइती रागी रागी ङा मुर आन कली खतम सेल्‍शो खोदेंशो पा, गेपुकीमी आ लोव़ मनेंथु, मटीतीनी हना, परमप्रभु यावे, इन परमप्रभुमी इन कली यो खतम सेल्‍ब” देंत।
DEU 9:1 मिनु मोसामी “गे इस्राएलीपुकी, नोफा दाइश्‍शा, नेनीन! मुल गे मेको रागी ओव़चा कली यर्दन खोला शोक्‍नीनी। इन क्‍येङा ठेयब नु सक्ति पाइश्‍शो रागी रागी, सरीङ थिचा चिक्‍शो गारो हिरशो सहरपुकी इन के सेल्‍नीनी। ब्‍यवस्‍था १:२८
DEU 9:2 मेकेर अनाक आ चच युइ बाक्‍नीमी। मेकोपुकी ठेयब नु लाइश्‍शो मुर बाक्‍नीम, दे तुइक्‍नीनी। गे ङोंइती ‘अनाकीम ङा मुर आन ङोंइती सु राप्‍ने चाप्‍बा ङा’ दे लोव़ पशो नेंतीनी।
DEU 9:3 परमप्रभु यावे, इन परमप्रभु इन ङोंइङोंइती शोक्‍शा लाइब, दे तुइक्‍चा माल्‍नीनी। मेको नेल्‍ल ग्रु दाक्‍ब मी खोदेंशो बाक्‍ब। मिनु मेको आन कली मी खोदेंशो पा दाक्‍ब। मेकोमी इन कली जिम्‍मा गेब। मिनु परमप्रभु यावेमी देंशो खोदेंशो पा, गे मेको आन कली खेरशा रीब पा साइक्‍नीनी। ब्‍यवस्‍था ४२४
DEU 9:4 मिनु परमप्रभु यावे, इन परमप्रभुमी मेको आन कली इन ङोंइती रे खेरानु, गे इन थुंमी ‘परमप्रभु यावेमी आंइ ठीक पतीके एको रागीम चाक्‍तु’ दे ममिम्‍तीन। मेको रागी रागी ङा मुर आन मरिम्‍शो पतीके परमप्रभु यावेमी मेको आन कली इन ङोंइती रे खेरब। ब्‍यवस्‍था ८:१७; उत्‍पत्ती १५:१६
DEU 9:5 गेपुकी इन ठीक पतीक नु इन ठीक थुं दुम्‍तीके मेको आन रागी इन के सेल्‍चा तशो मननी। तन्‍न मेको रागी रागी ङा मुर आन मरिम्‍शो पतीके परमप्रभु यावे, इन परमप्रभुमी मेको आन कली खेरब। मिनु इन किकी पिप अब्राहाम, इसहाक नु याकूब नु जशो कसम खाप्‍चा कली मो पाइब। ब्‍यवस्‍था ६:२५
DEU 9:6 परमप्रभु यावे, इन परमप्रभुमी इन ठीक पतीक आ पर्बम इन कली मेको रिम्‍शो रागी इन के सेल्‍चा कली मगेवो। मारदे हना गे शुश मटीब मुर बाक्‍नीनी। प्रस्‍थान ३२:९
DEU 9:7 मिनु गेपुकी गोरशो रागीम परमप्रभु यावे, इन परमप्रभु कली दोपा गाइक्‍पाइक्‍नी, मेको मप्रेंदीन। इजीप्‍त रागी रे गे एक जाक्‍नी सम्‍म गे परमप्रभु यावे आ देंशो मटिशो बाक्‍तीनी।
DEU 9:8 मिनु होरेब डांडामी यो गे परमप्रभु यावे कली गाइक्‍पाइक्‍तीनी। मिनु परमप्रभु यावेमी इन कली क्‍याम्‍चा ङा पा शुश गाइक्‍ताक्‍व। प्रस्‍थान ३२:१-२४
DEU 9:9 मिनु गो परमप्रभु यावेमी गेपुकी नु पशो कबल ङा लोव़ ब्रेक्‍शो फुल्‍लु ब्रथ डांडा ङोंइसाक्‍यी। मिनु गो ४० नाक्‍त नु ४० नाक्‍दो मेकेर बाक्‍ती। शोब्‍ले मजङ, ब्‍वाक्‍कु यो मतूङु। प्रस्‍थान ३४:२८
DEU 9:10 मिनु परमप्रभु यावेमी, आंम गुइम ब्रेक्‍शो फुल्‍लु निक्‍शी गेती। मिनु मेको फुल्‍लु तार मार ब्रेक्‍शो बाक्‍त देंशा हना, परमप्रभु यावेमी डांडामी इन कली पशो लोव़ नेल्‍ल ब्रेक्‍शो बाक्‍त। परमप्रभुमी मेको ग्रुम्‍ची नाक्‍त डांडाम ब्रशो मी आ दाते रे इन कली लोव़ पशो बाक्‍त।
DEU 9:11 मिनु मेको ४० नाक्‍ती नाक्‍दो थुम्‍ची ना परमप्रभु यावेमी मेको कबल ङा लोव़ ब्रेक्‍शो फुल्‍लु निक्‍शी आं कली गेती।
DEU 9:12 मिनु परमप्रभु यावेमी आं कली ‘बोक्‍को, रीब पा एक रे ब्रुपो। मारदे हना इ इजीप्‍त रे ग्रुंइशो मुरपुकीमी आं देंशो लां रीब पा प्रोंइतेक्‍म। आंम आन कली खतम सेल्‍तेक्‍म। गोम मेको आन कली मपचा देंशो पाम्‍तेक्‍म नु आंम कली सुन के मूर्ति सेल्‍तेक्‍म’ देंत।
DEU 9:13 मिनु परमप्रभु यावेमी आं कली ‘गो एको मुर आन कली कोव़ता। मिनु एकोपुकी काइ मटीब बाक्‍नीम।
DEU 9:14 मुल आं कली पुंइचा प्रोंइयी। मिनु गो मेको आन कली खतम सेल्‍नुङ। मिनु मेको आन नें रागी रे क्‍याम्‍नुङ। मिनु गे रे पा मेको आन क्‍येङा ठेयब नु सक्ति पाइश्‍शो जात का सेल्‍नुङ’ देंत।
DEU 9:15 मिनु गो डांडा रे ब्रुप्‍ती। मेको डांडाम मी ब्रस ङा ब्रस बाक्‍त। मिनु गो मेको कबल ङा लोव़ ब्रेक्‍शो फुल्‍लु निक्‍शी कुरता।
DEU 9:16 मिनु गेपुकीमी परमप्रभु यावे, इन परमप्रभु कली पाप पा, आंम कली बाछा आ मूर्ति सेल्‍सीशो बाक्‍तीनी। परमप्रभु यावेमी इन कली अरेशो लां रीब पा प्रोंइशा दूली लां खोइक्‍नी बाक्‍त।
DEU 9:17 मिनु गो मेको फुल्‍लु निम्‍फा ताइश्‍शा, इन ङोंइती प्रोल्‍ता।
DEU 9:18 मिनु ङोंइती खोदेंशो पा, गो परमप्रभु यावे आ ङोंइती बाप्‍शा, ४० नाक्‍ती ४० नाक्‍दो शोब्‍ले मजङ, ब्‍वाक्‍कु यो मतूङु। इन पशो पाप आ पर्बम मोदेंशो पा बाक्‍ती। गे परमप्रभु यावे कली काइ मरिम्‍शो पा गाइक्‍पाइक्‍तीनी।
DEU 9:19 मारदे हना गो परमप्रभु यावेमी इन पर्बम गाइश्‍शा, चुरशा पशो तशा, साप्‍पा हिंती। मेकोमी इन कली थमा पा साइक्‍च, दे मिम्‍शो बाक्‍त। मिनु परमप्रभु यावेमी मेना यो आं पुंइशो लोव़ नेंतु। हिब्रू १२:२१
DEU 9:20 परमप्रभु यावे हारून आ पर्बम यो शुश गाइश्‍शा ‘मेको कली साइक्‍नुङ’ दे मिम्‍शो बाक्‍त। गो हारून आ पर्बमी यो पुंइता।
DEU 9:21 मिनु इन पशो पाप, मेको बाछा लाइश्‍शा, मीम हुम्‍ताक्‍ङ। मेको कली तुप्‍शा, फस सेल्‍ता। मिनु मेको फस पहाड रे यिशो खोलाम ताइक्‍ताक्‍ङ।
DEU 9:22 मिनु गेपुकीमी तबेरा, मास्‍साह नु किब्रोथ-हत्तावामी यो परमप्रभु यावे कली गाइक्‍पाइक्‍तीनी। गन्‍ती ११:३; प्रस्‍थान १७:७; गन्‍ती ११:३४
DEU 9:23 मिनु परमप्रभु यावेमी गे कादेश-बारनेआ रे लशा, इन कली ‘मेकेर लने। मिनु इन कली गेशो रागी इन के सेलीन’ दे सोइक्‍ताक्‍व। मिनु गेपुकीमी परमप्रभु यावे, इन परमप्रभु आ अरेशो मबित्‍थु, गन गन पा मेको कली थमा मसुइक्‍नी। मेको आ लोव़ यो मटिनी। गन्‍ती १३:२,३१; गन्‍ती १४:१-४
DEU 9:24 गो इन कली तुइक्‍तु रेन गे परमप्रभु यावे आ लोव़ मटिथु गन गन पाइतीनी।
DEU 9:25 मोपतीके परमप्रभु यावे आ ङोंइती गो ४० नाक्‍ती ४० नाक्‍दो सम्‍म बाप्‍शा बाक्‍ती। मारदे हना परमप्रभु यावेमी ‘गे इन कली क्‍याम्‍नुङ’ देंशो बाक्‍त। ब्‍यवस्‍था ९:१८
DEU 9:26 मिनु गो परमप्रभु यावे कली ‘परमप्रभु, इन मुर आन कली मक्‍याम्‍दीन। गे मेको आन कली प्रोंइशा इन शुश सक्ति पाइश्‍शोमी इजीप्‍त रागी रे ग्रुंइताक्‍नी।
DEU 9:27 इन वाइल अब्राहाम, इसहाक नु याकूब आन कली मिम्‍तीन। एको मुर आन खकटा थुं, इन अरेशो मटितीके नु आन मरिम्‍शो पतीके मकोव़ङीन।
DEU 9:28 गे मेको आन कली क्‍याम्‍ताक्‍नी हना, आंइ कली ग्रुंइशो रागी ङा मुरपुकीमी “परमप्रभु यावेमी मेको आन कली देंशो रागी चाक्‍दीन्‍ने मचाप्‍तीके, मेको आन कली मदाक्‍तीके गोरशो रागीम साइक्‍चा कली एक रे ग्रुंइशा लाइक्‍तु” देंनीम। गन्‍ती १४:१६
DEU 9:29 मेको इन मुर बाक्‍नीम। मिनु गे शुश सक्ति नु ठेयब बोलमी ग्रुंइशा चाक्‍तीनी’ दे परमप्रभु कली पुंइशा, लोव़ पाता” देंत।
DEU 10:1 मेना परमप्रभु यावेमी आं कली “ङोंइती ङा खोदेंशो पा फुल्‍लु निक्‍शी चे‍तो। मिनु आं कली ग्रुम्‍थ, डांडा ङोंइसो। मिनु शी के सन्‍दोस का यो सेलो। प्रस्‍थान ३४:१; प्रस्‍थान २५:१०
DEU 10:2 मिनु गो ङोंइती ङा इ प्रोल्‍शो फुल्‍लुम ब्रेक्‍शो लोव़ खोदेंशो पा, नक फुल्‍लुम लेंशा ब्रेक्‍नुङ। मिनु गे मेको कली सन्‍दोसम कुर पा वोतो” माइक्‍ती। प्रस्‍थान ३२:१९
DEU 10:3 मिनु गो बोल्‍यो शी के सन्‍दोस का सेल्‍ता। मिनु ङोंइती ङा खोदेंशो पा फुल्‍लु निक्‍शी चेत्‍ता। मिनु मेको चेश्‍शो फुल्‍लु निक्‍शी कुरशा, डांडा ङोंइसाक्‍यी।
DEU 10:4 मिनु परमप्रभु यावेमी ङोंइती डांडाम लोव़ पशो खोदेंशो पा मेको १० ओटा लोव़ लेंशा ब्रेक्‍ताक्‍व। मेको लोव़, गेपुकीम डांडा ङा मी आ दाते रे नेंशो ननी। मिनु परमप्रभु यावेमी मेको ब्रेक्‍स पाइश्‍शो चेश्‍शो फुल्‍लु निक्‍शी गेती।
DEU 10:5 मिनु मेको कुर‍शा गो डांडा रे ब्रुप्‍ती। मिनु गो मेको चेश्‍शो फुल्‍लु निक्‍शी कली आं सेल्‍शो सन्‍दोस आगाम कुर पा वोइक्‍ता। मिनु परमप्रभु यावेमी आं कली अरेशो खोदेंशो पा मेको फुल्‍लु सन्‍दोस आगाम बाक्‍नीस। प्रस्‍थान २५:२१
DEU 10:6 मिनु इस्राएलीपुकी बेयरोथ-बेने-याकान रे गाक्‍शा, मोसेराह माइक्‍तीके जाक्‍तेक्‍म। मेकेर हारून बेक्‍त। मिनु मेको कली मेकेर थिम्‍तेक्‍म। मिनु आ तौ एलाजरमी आ पा ङा चढ़ेतीक गेय पचा गोप्‍तु। गन्‍ती ३३:३१-३३; गन्‍ती २०:२८; गन्‍ती ३३:३७-३९
DEU 10:7 मिनु इस्राएलीपुकी मेकेर रे गाक्‍शा, गुदगोदा गे लाम्‍तेक्‍म। मिनु गुदगोदा रे गाक्‍शा, शुश ब्‍वाक्‍कु बाक्‍तीके योत्‍बाथाह जाक्‍तेक्‍म।
DEU 10:8 मेना परमप्रभु यावेमी लेवी आ थर ङा मुर आन कली योव़तीमी। मार कली योव़तीमी देंशा हना, परमप्रभु यावे आ कबल ङा लोव़ कुरपाइश्‍शो सन्‍दोस कुरचा, परमप्रभु यावे कली गेय पचा कली आ ङोंइती राप्‍चा नु आ नेंम मुर आन कली आसीक गेचा कली योव़तीमी। मुल सम्‍म मोदेंशो बाक्‍ब। ब्‍यवस्‍था १८:५; गन्‍ती ६:२३-२७
DEU 10:9 मोपतीके लेवीपुकीम आन लोक्‍ब खोदेंशो पा रागी ङा रू मतामे। परमप्रभु यावे मेको आन शोंप बाक्‍ब। परमप्रभु यावे, इन परमप्रभुमी दोदेंशो देंमे, मोदेंशो दुम्‍त। गन्‍ती १८:२०
DEU 10:10 मिनु गो ङोंइती ङा खोदेंशो पा ४० नाक्‍ती ४० नाक्‍दो डांडाम बाप्‍शा बाक्‍ती। मेना यो परमप्रभु यावेमी आं लोव़ नेंतु। मिनु इन कली मसद।
DEU 10:11 मिनु परमप्रभु यावेमी आं कली “मुल बोक्‍शा लावो। मुर आन ङोंइती गाक्‍चा कली लावो। मिनु गो मेको आन किकी पिपी आन कली कसम जशा गेशो रागी मेकोपुकी ओव़शा, आंम के सेल्‍चा माल्‍नीम” दे माइक्‍ती।
DEU 10:12 मिनु गे इस्राएलीपुकी, परमप्रभु यावे, इन परमप्रभुमी इन कली मार पशो दाक्‍ब देंशा हना, गेपुकी परमप्रभु यावे, इन परमप्रभु कली मान पा हिंचा माल्‍नीनी। गेपुकी मेको आ लां गाक्‍शा, मेको कली दाक्‍चा नु इन थुं नु सोक्‍त नेल्‍लेमी परमप्रभु यावे, इन परमप्रभु कली गेय पचा माल्‍नीनी। मीका ६:८
DEU 10:13 दोपा दाक्‍चा नु गेय पचा देंशा हना, गो मुलाक्‍ती इन कली देंशो परमप्रभु यावे आ शेंशो नु आ फुल्‍लुम मुशा ब्रेक्‍शो लोव़ पचा माल्‍नीनी। मेको इन कली थम रिम्‍शो दुम्‍ब।
DEU 10:14 मिनु नेनीन, स्‍वर्ग नु सरीङ नु रागी नु मेकेर बाक्‍ब मारेइ मारेइ नेल्‍ल परमप्रभु यावे, इन परमप्रभु केन बाक्‍ब।
DEU 10:15 मो हना यो परमप्रभु यावेमी इन किकी पिपी आन कली तशा, दाक्‍ताक्‍व। मिनु मेको आन चच युइ, इन कली जात जात ङा मुर नेल्‍ल आन दाते रे योव़तु। मोदेंशो पा मुलाक्‍ती बाक्‍ब, दे तुइक्‍नीनी। ब्‍यवस्‍था ७६
DEU 10:16 मोपतीके इन थुं कली ख्रोइक्‍तीक चिनु ख्रोतीन। मिनु मटीब मदुमीन।
DEU 10:17 मारदे हना परमप्रभु यावे, इन परमप्रभु देवी देवता आन परमप्रभु बाक्‍ब। मेको प्रभु आन प्रभु बाक्‍ब। मेको नेल्‍ल क्‍येङा ठेयब, सक्ति पाइश्‍शो नु हिंचा ङा परमप्रभु बाक्‍ब। मेकोमी सुइ आन कुल मकोव़ब। मेकोमी घूस मताक्‍ब।
DEU 10:18 मेकोमी रोम रोइक्‍च नु वोंइश बेक्‍शो मीश मुर आन कली ठीक निसाफ पाइब। मेकोमी अर्को रागी ङा मुर आन कली दाक्‍ब। मिनु मेको आन कली जचा फेक्‍चा गेब।
DEU 10:19 मिनु गेपुकी यो अर्को रागी ङा मुर आन कली दाक्‍तीन। मारदे हना गे यो इजीप्‍तमी अर्को रागी ङा मुर बाक्‍तीनी। प्रस्‍थान २२:२०-२३
DEU 10:20 गेपुकीमी परमप्रभु यावे, इन परमप्रभु कली मान पा हिंचा माल्‍नीनी। मेको आ गेय पचा माल्‍नीनी। मेको आ नोले खोइश्‍शा, आ नेंमी कसम जचा माल्‍नीनी।
DEU 10:21 मेकोन इन कली ठेयब सेल्‍तीके बाक्‍ब। मिनु इन परमप्रभु दुम्‍शा, इन पर्बम हिंचा ङा ठेयब गेय पाइब मेकोन बाक्‍ब। गे मेको नेल्‍ल आंमा तशो बाक्‍नीनी।
DEU 10:22 इन किकी पिपी इजीप्‍त रागी लमानु, ७० जना मुर ला लशो बाक्‍तेक्‍म। मिनु मुल परमप्रभु यावे, इन परमप्रभुमी इन कली सरीङ ङा सोरुल खोदेंशो पा शुश सेल्‍तु। उत्‍पत्ती ४६:२७; ब्‍यवस्‍था १:१०
DEU 11:1 मिनु मोसामी “गे परमप्रभु यावे, इन परमप्रभु कली दाक्‍चा माल्‍नीनी। गे नाक्‍त किंत किंत मेको आ ब्रेक्‍शा अरेशो लोव़, आ फुल्‍लुम मुशा ब्रेक्‍शो लोव़, आ निसाफ पतीक लोव़ नु आ शेंशो नेल्‍ल टिने।
DEU 11:2 मिनु परमप्रभु यावे, इन परमप्रभुमी इन आल आन ङोंइती मारेइ यो छक लाक्‍चा ङा गेय नु सजाइ मकोंइद। तन्‍न मेकोमी दोपा आ ठेयब पतीकेमी शुश सक्ति पाइश्‍शो नु ठेयब बोल पतीकेमी इन कली इजीप्‍त रागी रे ग्रुंइशो, गे नेल्‍लेम तशा तुइश्‍शा मिम्‍चा माल्‍नीनी। ब्‍यवस्‍था ४:३६
DEU 11:3 मिनु इजीप्‍त रागी नु आ पिप फाराओ नु मेको आ मुर नेल्‍ल आन कली कोंइशो चिन्‍ड नु आ पशो गे नेल्‍ले तशो तुइश्‍शो बाक्‍नीनी।
DEU 11:4 मिनु मेकोमी इजीप्‍त ङा लडाइ पाइक्‍ब, शारा नु बग्‍गी आन कली पशो नेल्‍ल तुइक्‍नीनी। इन कली खेदा पामेनु, मेकोमी मेको आन कली लल समुन्‍द्र ङा ब्‍वाक्‍कुम साइक्‍चा कली ख्रुम्‍तु, मेको यो तशो बाक्‍नीनी। मुल सम्‍म मेको लडाइ पाइब आन हुल खतम दुम्‍शो बाक्‍नीम। प्रस्‍थान १४:२५,२७
DEU 11:5 मिनु एको रागी मजाक्‍शो सम्‍म गोरशो रागीम मेकोमी इन कली मार मार पवा, मेको गे तुइश्‍शो बाक्‍नीनी।
DEU 11:6 मिनु मेकोमी रूबेन आ चच निक्‍शी, एलीआब आ तौ दाथान नु अबीराम आस कली पशो तुइक्‍नीनी। दोपा खपीम आ शोव़ पाक्‍शा इस्राएली आन दातेमी मेको आस कली दाक्‍गा। मिनु आस खिं ङा मुर नु आस ताम्‍बु नु मेको आस मारेइ मारेइ दाक्‍शो गेपुकीम तुइश्‍शो बाक्‍नीनी। गन्‍ती १६:२५-३४
DEU 11:7 गेपुकी परमप्रभु यावेमी पशो ठेयब गेय नेल्‍ले तशो बाक्‍नीनी।
DEU 11:8 मोपतीके गो मुलाक्‍ती इन कली दें‍शो परमप्रभु यावे आ शें‍शो नेल्‍ल टिशा पने। मेको पाइतीनी हना, गेपुकी बोल्‍यो दुम्‍नीनी। मिनु खोला शोक्‍शा इन के सेल्‍चा चिक्‍शो रागीम ओव़शा, थमा पा इन के सेल्‍ने चाप्‍नीनी।
DEU 11:9 मोपा गे परमप्रभु यावेमी इन किकी पिपी नु आन चच युइ, इन कली, गेशो रागीम शुश ब्रोंइशा बाक्‍चा ताइनीनी। मेको रागीम शुश दूध नु खुदो बाक्‍ब। प्रस्‍थान ३:१७
DEU 11:10 मारदे हना मेको इन के सेल्‍चा चिक्‍शो रागी, इन ग्रूशा पिशो इजीप्‍त रागी खोदेंशो ममाइ, मेकेर वांचेर शोक्‍शा, गिग खाइ रू कली ब्‍वाक्‍कु कुर पचा माल्‍ताक्‍नी।
DEU 11:11 मेको गे शोक्‍चा, इन के सेल्‍चा चिक्‍शो रागी, डांडा नु बेंसी ङा रागी बाक्‍ब। मेकेर रेउ यिशा, रागी जिप्‍पाइक्‍ब।
DEU 11:12 परमप्रभु यावे, इन परमप्रभुमी मेको रागी कली कोव़ब। मेकोमी बर्स ङा ङोंइती ङा नाक्‍त रे नोले ङा नाक्‍त सम्‍म, गेना हना यो कोव़ब।
DEU 11:13 मिनु मुलाक्‍ती गो इन कली दें‍शो आं शें‍शो नेंतीनी, गे परमप्रभु यावे, इन परमप्रभु कली इन थुं सोक्‍त नेल्‍लेमी दाक्‍शा नु मेको कली गेय पाइतीनी हना, लेवी २६:३-५; येरमीया ५:२४
DEU 11:14 मेना परमप्रभु यावेमी इन कली ‘गो इन रू कली गारचा ङा रेउ गेनुङ। ङोंइती नु नोले ङा रेउ ठीक पा गेनुङ। मोपा इन अन्‍न, इन अङगुर नु तेल रवा आन फल खुप्‍ने चाप्‍नीनी।
DEU 11:15 मिनु गो इन बी ब्‍यफ, क्‍यारश भेडा आन कली योव़तीकेम घांस वापाइक्‍नुङ। मिनु गे जशा तूशा रूनीनी’ दे परमप्रभुमी इन कली देंत।
DEU 11:16 मोपतीके सुइम इन कली हेंथे गाक्‍पाइक्‍चा मगेने, होस पा बाक्‍कीन। गेपुकी परमप्रभु क्‍येङा ङोन लाइतीनी नु देवी देवता आन कली सेउ पाइतीनी हना,
DEU 11:17 परमप्रभु यावेमी गाइश्‍शा रागीम रेउ मयिपाइक्‍ब। मिनु मारेइ खुप्‍चा मताइनीनी। मिनु परमप्रभु यावेमी इन कली गेशो रिम्‍शो रागी रे क्‍याम्‍ब। ब्‍यवस्‍था २८:२३-२४; लेवी २६:१९-२०
DEU 11:18 मिनु गेपुकीमी आं देंशो लोव़ इन थुंम वोतीन। मेको मिम्‍चा कली इन गुइमी चिन्‍ड फ्रेंदीन। मिनु कुप्‍फीम फ्रेंतीके खोदेंशो पा फ्रेंचा माल्‍नीम। ब्‍यवस्‍था ६:६-९
DEU 11:19 आंम खिंम बाक्‍नीनु, लां गाक्‍नीनु, इप्‍थ लनीनु नु बोक्‍नीनु इन तमी तौ आन कली मेको अरेशो आ पर्बम लोव़ पा शेंदीन।
DEU 11:20 इन खिं ङा थाम तारी नु लाप्‍चो तारी ब्रेक्‍तीन।
DEU 11:21 मिनु गे नु इन आलपुकी परमप्रभु यावेमी इन किकी पिपी आन कली ‘गेनुङ’ दे कसम जशो रागीमी शुश ब्रोंइनीनी। रागी तार सरीङ बाक्‍म सम्‍म शुश ब्रोंइनीनी।
DEU 11:22 गेपुकीमी गो इन कली दें‍शो अरेशो लोव़ नेल्‍ल होस पा पाइतीनी नु परमप्रभु यावे, इन परमप्रभु कली दाक्‍ताक्‍नी हना, मेको आ लां नेल्‍ल गाक्‍शा, मेको कली मप्रोंइतीनी हना,
DEU 11:23 परमप्रभु यावेमी मेकेर ङा रागी रागी ङा मुर नेल्‍ल कली इन ङोंइती रे खेरब। मिनु गे इन क्‍येङा शुश नु सक्ति पाइश्‍शो रागी रागी ङा मुर आन रागी इन के सेल्‍नीनी। ब्‍यवस्‍था ७:१-२
DEU 11:24 गे इन खोइलीम थेक्‍शो रागी नेल्‍ल गे इन के दुम्‍ब। गोरशो रागी रे लेबानोन सम्‍म नु ठेयब खोला युफ्रेटीस रे पच्‍छिम ङा समुन्‍द्र सम्‍म इन के सांद दुम्‍ब।
DEU 11:25 गे नु लडाइ पा सुइ मग्रानीम। परमप्रभु यावे, इन परमप्रभुमी आ देंशो खोदेंशो पा तेको रागी थेक्‍नीनी, मेकेर ङा मुर आन कली इन कली तशा हिंतीक थुं गेब। प्रस्‍थान २३:२७
DEU 11:26 नेनीन, मुलाक्‍त गो आसीक नु सराप इन ङोंइती वोइक्‍नुङ। ब्‍यवस्‍था ३०:१,१५,१९
DEU 11:27 गे परमप्रभु यावे, इन परमप्रभु आ शेंशो टीतीनी हना, आसीक राइनीनी। ब्‍यवस्‍था २८:२,१५
DEU 11:28 परमप्रभु यावे, इन परमप्रभु आ शेंशो मटिथु, गो मुलाक्‍ती इन कली देंशो लचा माल्‍शो लां रे हेंथे गाक्‍तीनी नु इन मतुइश्‍शो देवी देवता आन नोले खोइक्‍तीनी हना, सराप राइनीनी।
DEU 11:29 मिनु परमप्रभु यावे, इन परमप्रभुमी इन कली इन के सेल्‍चा चिक्‍शो रागीम ओंइचानीनु, गेरीजीम डांडा रे आसीक गेचा नु एबाल डांडा रे सराप पचा माल्‍नीनी। ब्‍यवस्‍था २७:१२-१३; यहोसु ८:३३-३४
DEU 11:30 मेको डांडापुकी यर्दन आइक्‍ची हांबु, नां रिक्‍तीक गे यर्दन बेंसी ङा लां आ नोले, अराबाहमी बाक्‍शो कनानी आन रागीम बाक्‍नीस। मेको गिल्‍गाल आ ङोंइती मोरेह माइश्‍शो ब्‍वाकी आ नेक्‍था बाक्‍नीस। उत्‍पत्ती १२:६
DEU 11:31 मिनु गेपुकी यर्दन शोक्‍शा, परमप्रभु यावे, इन परमप्रभुमी इन कली गेशो रागी ओव़नीनी। मिनु गे मेको इन के सेल्‍शा, मेकेर बाक्‍नीनी।
DEU 11:32 मुलाक्‍त गो इन कली शेंशो फुल्‍लुम मुशा ब्रेक्‍शो लोव़ नु ठीक पतीक लोव़ नेल्‍ल पशा, होस पा बाक्‍कीन” देंत।
DEU 12:1 मिनु मोसामी “मेको परमप्रभु यावे आ फुल्‍लुम मुशा ब्रेक्‍शो लोव़ नु आ ठीक पतीक लोव़ बाक्‍नीम। गे मेको नेल्‍ल परमप्रभु यावे, इन किकी पिपी आन परमप्रभुमी इन के सेल्‍चा कली गेशो रागीम मबेक्‍नी सम्‍म टिचा माल्‍नीनी।
DEU 12:2 मिनु गे तेको रागी ङा मुर आन कली खेरनीनी, मेको आन देवी देवता आन थान नेल्‍ल प्रेत्‍चा माल्‍नीनी। मेको लाइश्‍शो डांडाम, पहाडीम नु नेल्‍ल रवा आन पुंम बाक्‍शो बाक्‍नीम। ब्‍यवस्‍था ७५,२५; प्रस्‍थान ३४:१३
DEU 12:3 गे मेको आन चढ़ेतीक प्रेत्‍चा माल्‍नीनी। मेको आन लाइश्‍शो मूर्तिपुकी जिक्‍चा माल्‍नीनी नु मेको आन मूर्ति मीम हुम्‍चा माल्‍नीनी। मिनु मेको शी के सेल्‍शो मूर्तिपुकी खोल्‍शा बिग्रेचा माल्‍नीनी। मिनु आन नें क्‍याम्‍चा माल्‍नीनी।
DEU 12:4 मिनु गेपुकीमी मेको आन देवी देवता आन कली ठेयब सेल्शो खोदेंशो पा परमप्रभु यावे, इन परमप्रभु कली ठेयब मसेलीन।
DEU 12:5 परमप्रभु यावे, इन परमप्रभुमी इन थर थर आन बाक्‍तीक रागीमी ते बाक्‍चा दाक्‍बा, मेको माल्‍शा मेकेर लचा माल्‍नीनी।
DEU 12:6 मिनु इन चोशा चढ़ेशो, क्‍योरशा चढ़ेशो, इन १० भाग ङा भाग का, इन गेचा ङा चढ़ेशो, इन देंशो चढ़ेशो नु इन आंम दाक्‍शो चढ़ेशो, इन बी ब्‍यफ आन ङोंइती जरमेशो नु इन क्‍यारश भेडा आन ङोंइती जरमेशो मेकेर लाइक्‍चा माल्‍नीनी।
DEU 12:7 मिनु गे नु इन खिं ङा मुर नेल्‍लेमी परमप्रभु यावे, इन परमप्रभुमी इन कली आसीक गेशो गेय मिम्‍चा, दे मेकेर परमप्रभु यावे, इन परमप्रभु आ ङोंइती जशा तूशा, ग्‍येरसीचा माल्‍नीनी।
DEU 12:8 गोपुकीम मुल सम्‍म ‘आंम पशो ठीक बाक्‍ब’ दे पशो खोदेंशो पा मुल मपने।
DEU 12:9 मारदे हना गेपुकी मुल सम्‍म परमप्रभु यावे, इन परमप्रभुमी गेशो नाइक्‍तीके नु रागी मजाक्‍दीश्‍शो बाक्‍नीनी।
DEU 12:10 तन्‍न यर्दन शोक्‍शा, परमप्रभु यावे, इन परमप्रभुमी इन कली गेशो रागीमी बाक्‍नीनी, मिनु इन एर ओंथ बाक्‍शो इन जोरी सत्रु रे ब्रोंइशा, श्‍येत मजथु बाक्‍नीनी। यहोसु १:१३; यहोसु २१:४४; १राजा ५:५; भजन संग्रह ९५:११; होसे २:२०; हिब्रू ४:११
DEU 12:11 मेना परमप्रभु यावे, इन परमप्रभुम आ बाक्‍तीके का योव़ब। गो इन कली अरेशो इन चोशा चढ़ेशो, इन क्‍योरशा चढ़ेशो, इन १० भाग ङा भाग का, इन गेचा ङा चढ़ेशो नु इन मार मार परमप्रभु यावे कली देंशो चढ़ेशो मेकेर चाक्‍चा माल्‍नीनी।
DEU 12:12 मिनु गेपुकी, इन तमी तौ, वाइलीम वाइल, इन सहरम बाक्‍शो आंम कली शोंप मतशो लेवी नेल्‍ल परमप्रभु यावे, इन परमप्रभु आ ङोंइती ग्‍येरसीचा माल्‍नीनी। ब्‍यवस्‍था १०:९
DEU 12:13 इन चोशा चढ़ेतीक ते ते थिन्‍नी मेक मेक मचढ़ेन, गे होस पा बाक्‍कीन।
DEU 12:14 तन्‍न परमप्रभु यावेमी इन थर थर आन दातेमी योव़शो आ बाक्‍तीकेम ला चढ़ेने चाप्‍नीनी। मेकेर ला इन चोशा चढ़ेतीके चाक्‍चा माल्‍नीनी। गो आं अरेशो गेय नेल्‍ल मेकेर पचा माल्‍नीनी।
DEU 12:15 तन्‍न गेपुकी श्‍ये ब्‍वचा दाक्‍तीनी हना, परमप्रभु यावे, इन परमप्रभुमी इन कली आसीक गेशो खोदेंशो पा इन सहर सहरमी क्‍योरशा, ब्‍वने चाप्‍नीनी। ग्रांग्रा दिशो नु ग्रांग्रा मदि‍शो मुर नेल्‍लेमी ब्‍वने चाप्‍नीम। गेपुकीम कि‍श्‍श नु रोकोश खोदेंशो पा ब्‍वने चाप्‍नीनी। ब्‍यवस्‍था १२:२२; ब्‍यवस्‍था १४:५
DEU 12:16 तन्‍न हुश चहिं मब्‍वने। मेको ब्‍वाक्‍कु खोदेंशो पा खपीम ताइक्‍तीन। लेवी ३:१७; लेवी १७:११
DEU 12:17 इन अन्‍न, अङगुर शांबु नु तेल आन १० भाग ङा भाग का चढ़ेशो, बी ब्‍यफ नु क्‍यारश भेडा आन ङोंइती जरमेशो, इन देंशो चढ़ेशो, इन आंम दाक्‍शा गेशो नु इन गेचा माल्‍शो चढ़ेशो चहिं आंम सहरम मजने मब्‍वने।
DEU 12:18 तन्‍न परमप्रभु यावे, इन परमप्रभु आ ङोंइती, आ योव़शो बाक्‍तीकेमी मेको गेपुकी नु इन तमी तौ, वाइलीम वाइल नु इन सहरम बाक्‍शो लेवीपुकी नु जने ब्‍वने। गेपुकी इन पशो नेल्‍लेमी परमप्रभु यावे, इन परमप्रभु आ ङोंइती ग्‍येरसीने। ब्‍यवस्‍था १४:२३
DEU 12:19 इन रागीम गेना सम्‍म बाक्‍नीनी, मेना सम्‍म लेवी आ थर ङा मुर आन कली रिम्‍शो कोव़ङीन। ब्‍यवस्‍था १२:१२; ब्‍यवस्‍था १४:२७
DEU 12:20 मिनु परमप्रभु यावे, इन परमप्रभुम आ कबल पशो खोदेंशो पा इन रागी बारपाइक्‍ब। गेपुकी श्‍ये ब्‍वचा दाक्‍तीनी हना, रूचा ङा पा ब्‍वने।
DEU 12:21 परमप्रभु यावे, इन परमप्रभु आ योव़शो बाक्‍तीके इन क्‍येङा ङोन बाक्‍त हना, परमप्रभु यावेमी इन कली गेशो बी ब्‍यफ नु क्‍यारश भेडा आ अरेशो खोदेंशो पा इन सहरम क्‍योरशा ब्‍वने चाप्‍नीनी।
DEU 12:22 मिनु किश्‍श नु रोकोश ब्‍वशो खोदेंशो पा परमप्रभु आ ङोंइती ग्रांग्रा दि‍शो नु ग्रांग्रा मदिशो नेल्‍लेमी ब्‍वने चाप्‍नीम। ब्‍यवस्‍था १२:१५
DEU 12:23 होस पा हुश गेनायो ब्‍वचा मदुम्‍ब। मारदे हना हुशेमी ब्रोंइतीक सोक्‍त बाक्‍ब। श्‍ये नु ब्रोंइतीक सोक्‍त ब्‍वचा मदुम्‍ब। ब्‍यवस्‍था १२:१६
DEU 12:24 मेको ब्‍वचा मदुम्‍ब। मेको कली ब्‍वाक्‍कु खोदेंशो पा खपीम ताइक्‍चा माल्‍नीनी।
DEU 12:25 गेपुकीम मेको मब्‍वचा। मिनु गे परमप्रभु यावे आ ङोंइती मार ठीक बाक्‍मे, मेको पतीके, गेपुकी नु इन नोले ङा इन आल आन कली रिम्‍शो दुम्‍ल।
DEU 12:26 तन्‍न गेपुकी इन परमप्रभु कली गेशो थोव़कपुकी नु इन गेचा माल्‍शो, इन दाक्‍शा गेशो कुरशा परमप्रभु यावे आ योव़शो बाक्‍तीकेम लचा माल्‍नीनी।
DEU 12:27 मिनु इन चोशा चढ़ेशो श्‍ये नु मेको आ हुश परमप्रभु यावे, इन परमप्रभु कली चढ़ेतीकेम चढ़ेचा माल्‍नीनी। इन क्‍योरशा चढ़ेशो आ हुश परमप्रभु यावे, इन परमप्रभु कली चढ़ेतीके आ पुंम जारचा माल्‍नीनी। मेको आ श्‍ये गे ब्‍वने चाप्‍नीनी। ब्‍यवस्‍था १२:६
DEU 12:28 गेपुकीमी होस पा आं अरेशो लोव़ नेल्‍ल नेनीन। मिनु टिशा पाइतीनी हना, इन कली नु इन नोले ङा इन तमी तौ आन कली गेना हना यो रिम्‍शो दुम्‍ब। परमप्रभु यावे, इन परमप्रभु आ ङोंइती रिम्‍शो नु ठीक पाइबपुकी रिम्‍शो दुम्‍नीम।
DEU 12:29 परमप्रभु यावे, इन परमप्रभुमी मेको रागी रागी ङा मुर आन कली इन ङोंइती क्‍याम्‍ब। गे मेको आन कली खेरचा कली जाक्‍नीनी। मिनु थमा पा खेरशा, मेको आन बाक्‍तीकेम बाक्‍नीनी।
DEU 12:30 इन ङोंइती क्‍याम्‍शो मुर आन देवी देवता आन पर्बम मेको रागी रागी ङा मुरपुकीमी आन देवी देवता कली दोपा ठेयब सेल्‍मे? गो यो मोदेंशो पाइनीकी, दे हिल्‍लो पा लोव़ मपने। होस पा बाक्‍कीन। गे यो मेको आन खोदेंशो पा हेंथे गाक्‍तीनी हना, मेको आन खोदेंशो पा साइक्‍चा पुंइसीनीनी। प्रस्‍थान २३:२४; इजीकीएल २०:३२
DEU 12:31 गेपुकीमी परमप्रभु यावे, इन परमप्रभु कली मोदेंशो मपने। मारदे हना मार मार परमप्रभु यावे आ ङोंइती ग्रांग्रा दित्‍चा ङा बाक्‍मे, मेकोपुकीमी आन देवी देवता आन कली नेल्‍ल पाम्‍तेक्‍म। मेकोपुकीमी आंम तमी तौ आन कली मेको आन देवी देवता आन पर्बम मीम चोशा चढ़ेम्‍तेक्‍म।
DEU 12:32 गो इन कली दोशो अरेङा, मेको नेल्‍ल होस पा पने। गेपुकीमी मारेइ मतेम्‍दीन, मारेइ मशोलीने” देंत।
DEU 13:1 मिनु मोसामी “इन दातेमी परमप्रभु यावे आ लोव़ पाइब, ङोमु शेंब ‘चिन्‍ड नु छ‍क लाक्‍चा ङा गेय दुम्‍ब’ देंब।
DEU 13:2 मिनु आन देंशो खोदेंशो पा दुम्‍शा मेकोपुकीमी ‘गोपुकी आंइ ङोंइती मतुइश्‍शो देवी देवता आन नोले खोइय्‍या। मेको आन कली ठेयब सेल्य‍’ दे लोव़ पाम्‍तेक्‍म हना,
DEU 13:3 गेपुकीमी मेको परमप्रभु यावे आ लोव़ पाइब, ङोमु शेंब, आन लोव़ काइ मनेनीन, मटिने। मारदे हना परमप्रभु यावे, इन परमप्रभुमी गे इन थुं नु सोक्‍त नेल्‍लेमी परमप्रभु यावे, इन परमप्रभु कली दाक्‍नीनी देय मदाक्‍नीनी, दे इन थुं नाक्‍शो बाक्‍ब।
DEU 13:4 गेपुकी परमप्रभु यावे, इन परमप्रभु कली ला खोतीन। मिनु मेको कली ला मान पा हिनीन। मिनु मेको आ शेंशो पचा माल्‍नीनी। मेको आ देंशो टिशा, मेको कली गेय पशा, मप्रोंइथु बाक्‍कीन। ब्‍यवस्‍था ८:२
DEU 13:5 मिनु गेपुकीमी परमप्रभु यावे आ लोव़ पाइब मेको ङोमु ङा लोव़ शेंब कली साइक्‍चा माल्‍नीनी। मारदे हना मेकोमी परमप्रभु यावे, इन परमप्रभु कली प्रोंइपाइक्‍चा, दे इन कली दूली शेंताक्‍व। मिनु इन कली वाइलीम वाइल दुम्‍तीके रे इजीप्‍त रे ग्रुंइशा एक चाक्‍ब परमप्रभु यावे, इन परमप्रभु बाक्‍ब। मोदेंशो मुरपुकीमी इन कली परमप्रभु यावे आ कोंइ‍शो लां रे हेंथे गाक्‍पाइक्‍चा दाक्‍नीम।
DEU 13:6 मिनु सुइमी इ कली ख्रुइश्‍शोमी हें‍थे गाक्‍चा कली लेम्‍ब, मेको इ लोक्‍ब बाक्‍त हना, इ आफ आ तौ बाक्‍त हना, इ आंम आ तौ बाक्‍त हना, इ आंम आ तमी बाक्‍त हना, इ दाक्‍शो मीश बाक्‍त हना, इ शुश दाक्‍शो वारच बाक्‍त हना, नु मेकोमी ‘गे नु इ किकी पिपीमी मतुइश्‍शो देवी देवता आन कली सेउ पय’ देंतेक्‍म हना, ब्‍यवस्‍था १८:२०; १कोरिन्‍थी ५:९,१३
DEU 13:7 इन एर ओंथ बाक्‍शो जात जात ङा इन नेक्‍था रागी ङा बाक्‍ल कि ङोन रागी ङा बाक्‍ल आन देवी देवता बाक्‍तेक्‍म हना यो,
DEU 13:8 मेको लेम्‍ब आ लोव़ मनेंचा, आ देंशो मटिचा। गे मेको कली शिशी मपथु, मेको कली मख्रुइक्‍थु,
DEU 13:9 मेको कली थमा पा साइक्‍चा माल्‍नीनी। मिनु गे नेल्‍ल क्‍येङा ङोंइती मेको कली साइक्‍च, दे आप्‍चा माल्‍नेवे। नोले ला इ मुर नेल्‍लेम आप्‍शा साइक्‍चा माल्‍नीनी।
DEU 13:10 मिनु नेल्‍लेमी मेको कली मबेक्‍म सम्‍म फुल्‍लु आप्‍चा माल्‍नीम। मारदे हना इन वाइलीम वाइल दुम्‍तीके इजीप्‍त रे ग्रुंइब परमप्रभु यावे, इन परमप्रभु रे हेंथे गाक्‍ब सेल्‍चा माल्‍शो बाक्‍त। ब्‍यवस्‍था १७:७
DEU 13:11 मिनु इस्राएली नेल्‍ल मेको नेंशा, हिंचा माल्‍नीम। मिनु इन दातेमी मोदेंशो मरिम्‍शो गेनायो मपमेक्‍ल।
DEU 13:12 मिनु परमप्रभु यावे, परमप्रभुमी इन कली बाक्‍चा कली गेशो सहर काम
DEU 13:13 इन दाते रे मरिम्‍शो वोंइश मुरपुकी बोक्‍शा, सहर ङा मुर आन कली दूली पपाइश्‍शा, मेकोपुकीमी ‘लय, देवी देवता आन कली पूजा पय’ देंतेक्‍म हना, गेपुकी मेको देवी देवता गेनायो मतुइश्‍शो बाक्‍तीनी हना,
DEU 13:14 गेपुकीम रिम्‍शो पा खोदील निदील पा हिल्‍लो पचा माल्‍नीनी। मिनु मेको मरिम्‍शो थमा पा इन दातेमी पशो बाक्‍त हना,
DEU 13:15 गेपुकीमी मेको सहर ङा मुर आन कली थमा पा क्‍योरशा साइक्‍चा माल्‍नीनी। मेको सहर नेल्‍ल कली खतम सेल्‍चा माल्‍नीनी। मिनु मेकेर बाक्‍शो बी ब्‍यफ, क्‍यारश भेडा नेल्‍ल यो साइक्‍चा माल्‍नीनी।
DEU 13:16 मेकेर बाक्‍शो मारेइ मारेइ, मेको सहर आ दातेम खुप्‍चा माल्‍नीनी। मिनु मेको खुप्‍शो नु सहरम मी सुइक्‍तीन। मेको परमप्रभु यावे, इन परमप्रभु कली चोशा चढ़ेशो खोदेंशो दुम्‍ल। मेको सहर गेना हना यो फोहोर ताइक्‍तीके दुम्‍ल। मिनु मेको सहर कली लेंशा मसेलीन। ब्‍यवस्‍था २०:१६-१८
DEU 13:17 मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।
DEU 13:18 गेपुकी परमप्रभु यावे, इन परमप्रभु आ देंशो टीतीनी, मुलाक्‍ती गो इन कली देंशो आं शेंशो नेल्‍ल पाइतीनी हना, गेपुकी परमप्रभु यावे, इन परमप्रभु आ ङोंइती ठीक पाइब दुम्‍नीनी” देंत। यहोसु ७:-
DEU 14:1 मिनु मोसामी “गेपुकी परमप्रभु यावे, इन परमप्रभु आ तमी तौ ननी। बेक्‍शो मुर आ पर्बम इन कुशुल प्रेक्‍चा मदुम्‍ब। इन चां प्रेक्‍चा मदुम्‍ब। लेवी १९:२७-२८; येरमीया ४७:५; इजीकीएल ७:१८
DEU 14:2 मारदे हना गेपुकी परमप्रभु यावे, इन परमप्रभु आ आंम मुर बाक्‍नीनी। मिनु परमप्रभु यावेमी जात जात ङा मुर नेल्‍ल आन दाते रे इन कली आ मुर सेल्‍चा कली योव़तु।
DEU 14:3 गेपुकीमी मारेइ ग्रांग्रा दिचा ङा थोव़क मजने मब्‍वने।
DEU 14:4 गेपुकीमी ब्‍वचा दुम्‍ब जन्‍तु तेको बाक्‍नीम देंशा हना, ब्‍यफ, क्‍यारश, भेडा,
DEU 14:5 रोकोश, किश्‍श, बरांट, कौरो किश्‍श, साबर, चितल नु थार बाक्‍नीम।
DEU 14:6 मिनु गेपुकीमी जन्‍तु आन दातेमी तेको नेल्‍ल गेंच चेश्‍शो नु शोकोल हेक्‍ब बाक्‍नीमी, मेको आन कली ब्‍वचा दुम्‍ब।
DEU 14:7 तन्‍न शोकोल हेक्‍ब नु गेंच जेश्‍शो आन दातेमी तेको मब्‍वचा देंशा हना, दल‍ओंठ, खरायो, रोंगु ङा खरायो मब्‍वचा। मारदे हना मेकोपुकी शोकोल हेक्‍नीम हना यो, आन गेंच मजेश्‍शो बाक्‍नीम। मेको इन कली ग्रांग्रा बाक्‍ब।
DEU 14:8 मिनु पोव़ आन गेंच जेश्‍शो बाक्‍नीम हना यो, शोकोल महेक्‍नीम। मेको इन कली ग्रांग्रा बाक्‍ब। मेको आन श्‍ये मब्‍वचा, आन सिनु यो थिचा मदुम्‍ब।
DEU 14:9 ब्‍वाक्‍कुम बाक्‍बपुकीमी फ्रां नु कत्‍ला पाइश्‍शो ब्‍वचा दुम्‍ब।
DEU 14:10 तन्‍न फ्रां नु कत्‍ला मपाइश्‍शो मब्‍वने। मेको इन कली ग्रांग्रा बाक्‍ब।
DEU 14:11 गेपुकीमी ग्रांग्रा मदि‍चा ङा चिक्‍ब नेल्‍ल ब्‍वने चाप्‍नीनी।
DEU 14:12 तन्‍न गेपुकीमी ब्‍वचा मदुम्‍शोपुकी चहिं ककाकुली, ब्‍वारदे, गिद, कुही,
DEU 14:13 नेल्‍ल खाल ङा ब्‍वारदे,
DEU 14:14 खद,
DEU 14:15 सुतुमुर्ग, हुहुचील, हांस, नेल्‍ल खाल ङा बेसारा,
DEU 14:16 हुहुचील, कोइरालो नु बुक्‍स,
DEU 14:17 धनेस, सिनु ब्‍वाइ‍ब गिद हांडगील,
DEU 14:18 सारस, नेल्‍ल खाल ङा बोकुला, फाप्रे चिक्‍बी नु पकातिक्‍ती चहिं मब्‍वने।
DEU 14:19 फ्रां पाइश्‍शो माले फटेङग्रा नेल्‍ल इन कली ग्रांग्रा बाक्‍ब। मेकोपुकी मब्‍वचा।
DEU 14:20 तन्‍न ग्रांग्रा मदिचा ङा फ्रां पाइश्‍शो नेल्‍ल ब्‍वने चाप्‍नीनी।
DEU 14:21 गेपुकीमी परमप्रभु यावे, इन परमप्रभुम आ कली योव़शो मुर बाक्‍नीनी। मोपतीके आंमा बेक्‍शो जन्‍तुपुकी ब्‍वचा मदुम्‍‍नीनी। गे नु बाक्‍शो अर्को रागी ङा मुर आन कली मेको गेने चाप्‍नीनी। मेकोपुकीमी मेको ब्‍वाम्‍तेक्‍म हना यो, लेयतेक्‍म हना यो, ठीक दुम्‍ब। क्‍यारश आ पाठा आ ममा आ दूधम मक्‍येने। प्रस्‍थान २२:३०; प्रस्‍थान २३:१९
DEU 14:22 गेपुकीमी गेनायो मप्रोंइचा ङा पा बर्स बर्स ङा इन रूम नु खेतम वाशा सिश्‍शो नेल्‍ल रे १० भागम भाग का तिल्‍शा वोइश्‍‍शा, गेचा माल्‍नीनी। लेवी २७:३०
DEU 14:23 मिनु परमप्रभु यावे, इन परमप्रभु आ योव़शो बाक्‍तीकेमी मेको आ ङोंइती जचा माल्‍नीनी। मार जचा ब्‍वचा माल्‍नीनी देंशा हना, इन १० भाग ङा भाग का अन्‍न, इन अङगुर शांबु, इन तेल, इन कली ङोंइती जरमेशो ब्‍यफ नु क्‍यारश भेडा जचा ब्‍वचा तूचा माल्‍नीनी। मो पाइतीनी हना, गे मबेक्‍नी सम्‍म परमप्रभु यावे, इन परमप्रभु कली मान पा हिंचा शेंसीनीनी। ब्‍यवस्‍था १२:१७-१८; ब्‍यवस्‍था १९:२३
DEU 14:24 मिनु परमप्रभु यावे, इन परमप्रभु आ योव़शो बाक्‍तीक इन बाक्‍तीके रे शुश ङोन बाक्‍त हना, नु परमप्रभु यावे, इन परमप्रभुमी इन कली आसीक गेप्‍तु नु इन १० भागम भाग का मेकेर लाइक्‍ने मचाप्‍तीनी हना,
DEU 14:25 मेको इन तिल्‍शा वोइश्‍शो १० भागम भाग का लेयङीन। मेको रे ताक्‍शो क्‍येट लाइश्‍शा, परमप्रभु यावे, इन परमप्रभु आ योव़शो बाक्‍तीके लने।
DEU 14:26 मिनु इन दाक्‍शो खोदेंशो पा बी ब्‍यफ, क्‍यारश भेडा, अङगुर शांबु, रकसी मेको क्‍येटीमी ग्‍यापीन। मिनु गे नु इन खिं ङा मुर परमप्रभु यावे, इन परमप्रभु आ ङोंइती जशा ब्‍वशा ग्‍येरसीने।
DEU 14:27 इन सहरम बाक्‍ब लेवी आ थर ङा मुर आन कली रिम्‍शो पा कोव़ङीन। मारदे हना मेकोपुकी इन खोदेंशो पा शोंप मतामे। ब्‍यवस्‍था १२:१२,१९;
DEU 14:28 मिनु बर्स सां नोले गे इन रुप्‍शो ङा १० भागमी भाग का इन सहर ङा वोइक्‍तीकेम वोइक्‍चा माल्‍नीनी। ब्‍यवस्‍था २६:१२-१५; लेवी २७:३२-३३
DEU 14:29 मिनु इन खोदेंशो पा शोंप मताइब लेवी आ थर ङा मुरपुकी, अर्को रागी ङा मुर, रोम रोइक्‍च नु वोंइश बेक्‍शो मीश मुरपुकी मेकेर जाक्‍शा, रूथ्री जचा ब्‍वचा तामेक्‍ल। मो पाइतीनी हना, परमप्रभु यावे, इन परमप्रभुमी इन कली इन पतीक नेल्‍लेमी आसीक गेब” देंत।
DEU 15:1 मिनु मोसामी “गे इन कली ७ बर्स नोले जेर क्‍याम्‍तीक बर्स बाक्‍ब। प्रस्‍थान २३:१०-११
DEU 15:2 मेको मथाप्‍तीक माफ गेतीक बर्स दोपा पचा माल्‍नीनी देंशा हना, सु सुमी आ वारच, दे लोक्‍ब आन कली जेर गेम्‍तेक्‍म हना, मेको गेबपुकीमी जेर ताक्‍ब आन कली गेशो जेर मथाप्‍पाइक्‍थु प्रोन्‍मेक्‍ल। मेकोमी आ वारच नु आ लोक्‍ब आन कली जेर आ पर्बम गेन कि गेन, दे पुंइचा मदुम्‍ब। मारदे हना परमप्रभु यावे रे पा जेर क्‍याम्‍तीक ङा बर्स बाक्‍ब। नेहेम्‍याह ५:१०; नेहेम्‍याह १०:३२
DEU 15:3 अर्को रागी ङा मुर आन कली चहिं गेन कि गेन, दे पुंइने चाप्‍नीनी। तन्‍न इन लोक्‍ब आन कली चहिं दोशो जेर बाक्‍मे मेको प्रोंइचा माल्‍नीनी।
DEU 15:4 इन दातेमी सुइ प्रुङग मबाक्‍म कों? मारदे हना परमप्रभु यावेमी योव़शा गेशो इन के सेल्‍शो रागीम इन कली शुश आसीक गेब।
DEU 15:5 गेपुकीमी परमप्रभु यावे, इन परमप्रभु आ देंशो होस पा टीतीनी हना, इन कली अरेशो नेल्‍ल पाइतीनी हना, सुइ प्रुङग मदुम्‍नीनी।
DEU 15:6 मारदे हना परमप्रभु यावे, इन परमप्रभुमी इन कली देंशो खोदेंशो पा इन कली आसीक गेब। मिनु गे शुश रागी रागी ङा मुर आन कली जेर गेब दुम्‍नीनी। गेपुकीम चहिं जेर पुंइचा ममाल्‍नीनी। मिनु गेपुकीमी शुश रागी रागी ङा मुर आन कली हुकुम पाइनीनी। तन्‍न मेकोपुकीमी इन कली हुकुम मपाइ‍नीम। ब्‍यवस्‍था २८:१२
DEU 15:7 मिनु परमप्रभु यावे, इन परमप्रभुमी इन कली गेशो रागीम, सहर कामी बाक्‍शो इन लोक्‍ब का प्रुङग बाक्‍त हना, इन थुं खकटा पा मबाक्‍कीन। ‘काइ मगेनुङ’ दे मदेनीन। १यूहन्‍ना ३:१७
DEU 15:8 तन्‍न गे शिशी पा मेको कली आ माल्‍शो नेल्‍ल जेर गेने। लूका ६:३४-३५
DEU 15:9 मिनु इन थुंमी ‘जेर क्‍याम्‍तीक बर्स जाक्‍चा चिक्‍ताक्‍व’ दे इन प्रुङग लोक्‍ब आ पर्बम गन गन पा, मेको कली वारच पा जेर गेचा मदाक्‍नीनी हना, होस पने। मेको प्रुङगुमी इन पर्बम परमप्रभु यावे कली पुंइब। मिनु गे पापी दुम्‍नीनी।
DEU 15:10 गेपुकीमी मेको कली हाइश्‍शो थुं पा गन गन मपथु गेने। मारदे हना ओं पतीकेन परमप्रभु यावे, इन परमप्रभुमी इन कली इन पशो नेल्‍लेमी आसीक गेब। २कोरिन्‍थी ९:६-७
DEU 15:11 मारदे हना रागीम श्‍येत जशो प्रुङगपुकी गेना हना यो बाक्‍नीम। मोपतीके गो इन कली इन रागीम बाक्‍शो श्‍येत जाइब इन लोक्‍ब नु प्रुङग आन कली तशा, हाइश्‍‍शो मुर दुम्‍शा गेन। मत्ती २६:११; यसैया ५८:७; याकूब २:१५-१६
DEU 15:12 मिनु इन हिब्रू आन दाते ङा लोक्‍ब, मीश मुर वोंइश मुर, आंम कली इन गुइमी लेयसीनीम हना, मेकोमी इन कली ६ बर्स गेय पचा माल्‍नीम। मेको ७ बर्समी मेको आन कली प्रोंइशा लचा गेचा माल्‍नीनी। येरमीया ३४:१४
DEU 15:13 मिनु गे मेको प्रोंइनीनु, श्‍येत्‍थ गुइ मसोइक्‍तीन।
DEU 15:14 परमप्रभु यावे, इन परमप्रभुमी इन कली आसीक गेशो रे इन क्‍यारश भेडा इन अन्‍न नु अङगुर शांबु रे मेको कली शुश गेशा सोइक्‍तीन।
DEU 15:15 गेपुकी इजीप्‍त रागीमी वाइलीम वाइल दुम्‍शा बाक्‍तीनी। मिनु परमप्रभु यावे, इन परमप्रभुमी इन कली प्रोंइतु, मेको मिम्‍तीन। मोपतीके गो मुलाक्‍ती दोपा पचा, दे गो इन कली शेंनुङ। ब्‍यवस्‍था ५:१५
DEU 15:16 मिनु मेकोमी इन कली नु इन मुर आन कली दाक्‍शा, मेकोमी ‘गो इन कली मप्रोंइथु, एकेन गेय पाइनुङ’ देंत हना,
DEU 15:17 गे मेको मुर कली लाप्‍चोमी राप्‍पाइश्‍शा लूजे का लाइश्‍शा, मेको आ नोफा लाप्‍चो ङा शी तारी ख्रित्‍चा माल्‍नीनी। मिनु मेको मबेक्‍म सम्‍म इन वाइल दुम्‍ब। वाइलीम कली यो मोदेंशो पचा माल्‍नीनी।
DEU 15:18 गेपुकीमी मेको आन कली प्रोंइशा सोइक्‍चा श्‍येत मलाक्‍कीन। मारदे हना गाल्‍च ताक्‍शा गेय पाइब आन क्‍येङा निक्‍शी खेयप हिक्‍शो खोदेंशो पा मेकोमी ६ बर्सम गेय पने थुम्‍शो बाक्‍ब। गेपुकीमी इन प्रोंइशो वाइलीम वाइल कली रिम्‍शो पा गेतीनी हना, परमप्रभु यावे, इन परमप्रभुमी इन कली इन पशो नेल्‍लेमी आसीक गेब।
DEU 15:19 इन बी ब्‍यफ आ ङोंइती जरमेशो बाछा नु इन क्‍यारश भेडा आ ङोंइती जरमेशो पाठा परमप्रभु यावे, इन परमप्रभु कली गेचा माल्‍नीनी। इन ङोंइती जरमेशो ब्‍यफ लाइश्‍शा गेय मपचा। ङोंइती जरमेशो सांड आन कली ऊन मप्रेक्‍चा। प्रस्‍थान १३:२,१३-१६
DEU 15:20 मिनु बर्स बर्सम गेपुकी नु इन खिं ङा मुर नेल्‍लेमी परमप्रभु यावे आ बाक्‍तीकेमी परमप्रभु यावे, इन परमप्रभु आ ङोंइती ब्‍वचा माल्‍नीनी। ब्‍यवस्‍था १४:२३
DEU 15:21 तन्‍न मेको ब्‍यफ, सांड कली मारेइ दुम्‍शो बाक्‍त हना, कोङटे बोङटे बाक्‍त हना, नु मिक्‍च मताइब मारेइ दुम्‍शो बाक्‍त हना, गेपुकीमी मेको कली परमप्रभु यावे, इन परमप्रभु कली चढ़ेचा मदुम्‍ब। लेवी २२:२०
DEU 15:22 गेपुकीमी इन सहरमी किश्‍श नु रोकोश ब्‍वशो खोदेंशो पा परमप्रभु आ ङोंइती ग्रांग्रा दिशो नु मदिशो नेल्‍लेमी ब्‍वने चाप्‍नीम। ब्‍यवस्‍था १२:१५,२२
DEU 15:23 मेको आ हुश ला मब्‍वचा। मेको ब्‍वाक्‍कु खोदेंशो पा खपीम ताइक्‍चा माल्‍नीनी” देंत। ब्‍यवस्‍था १२:१६
DEU 16:1 मिनु मोसामी “गेपुकीमी आबीब महिनाम परमप्रभु यावे, इन परमप्रभु आ पास्‍सा चाड मानेचा माल्‍नीनी। मारदे हना परमप्रभु यावे, इन परमप्रभुमी आबीब महिना ङा नाक्‍दो इन कली इजीप्‍त रे ग्रुंइताक्‍व। प्रस्‍थान १२:-
DEU 16:2 मिनु गेपुकीमी परमप्रभु यावे आ नें वोइक्‍चा कली आ योव़शो बाक्‍तीकेमी परमप्रभु यावे, इन परमप्रभु कली बोका नु ब्‍यफपुकी क्‍योरशा पास्‍सा चाड मानेचा माल्‍नीनी।
DEU 16:3 गेपुकीमी ग्‍युरशो बोरब ओख्‍ती सुप्‍शो शोब्‍ले मेको श्‍ये नु मजने। गेपुकी ७ नाक्‍त सम्‍म ग्‍युरशो बोरब ओख्‍ती मसुप्‍शो शोब्‍ले जचा माल्‍नीनी। मेको इन श्‍येत ङा शोब्‍ले बाक्‍ब। मारदे हना गे इजीप्‍त रे चुइश्‍शा ग्रूतीनी। मिनु गेपुकीमी मबेक्‍नी सम्‍म इजीप्‍त रे ग्रूशो नाक्‍ती मिम्‍चा कली मेको पास्‍सा चाड मानेचा माल्‍नीनी। प्रस्‍थान १२:११
DEU 16:4 मिनु ७ नाक्‍त सम्‍म इन रागी नेल्‍लेमी ग्‍युरशो बोरब ओख्‍ती बाक्‍चा मदुम्‍ब। मिनु गेपुकी ङोंइती ङा नाक्‍दो क्‍योरशो श्‍ये सुनी सम्‍म मारेइ हेंचा मदुम्‍ब।
DEU 16:5 परमप्रभु यावे, इन परमप्रभुमी इन कली गेशो सहरमी मेको पास्‍सा चाड ङा मार मार क्‍योरने मचाप्‍नीनी।
DEU 16:6 परमप्रभु यावे, इन परमप्रभुमी आ नें वोइक्‍चा कली नोले योव़शो बाक्‍तीकेमी मेको पास्‍सा चाड ङा मार मार क्‍योरचा माल्‍नीनी। गे मेको इजीप्‍त रे ग्रुंइशा, नां रिक्‍ची ना पचा माल्‍नीनी।
DEU 16:7 मिनु गे मेको श्‍ये कली वाल्‍शा, परमप्रभु यावे, इन परमप्रभुमी नोले योव़शो बाक्‍तीकेम चोचा माल्‍नीनी। मिनु सुनी लेश्‍शा, आंम आंम ताम्‍बु लने।
DEU 16:8 गे ६ नाक्‍त सम्‍म ग्‍युरशो बोरब ओख्‍ती मसुप्‍शो शोब्‍ले जचा माल्‍नीनी। मिनु ७ नाक्‍तीम परमप्रभु यावे, इन परमप्रभु आ पर्बम बुक्‍तीक नाक्‍त बाक्‍ब। मेको नाक्‍ती मारेइ गेय मपने।
DEU 16:9 मिनु मीशो बाली रिक्‍चा गोशो नाक्‍त रे गेपुकीमी ७ हप्‍ता हिक्‍चा माल्‍नीनी।
DEU 16:10 मिनु गेपुकी हप्‍तापुकी ङा चाड परमप्रभु यावे, इन परमप्रभु कली मानेचा माल्‍नीनी। परमप्रभु यावे, इन परमप्रभुमी इन कली आसीक गेशो खोदेंशो पा इन ग्‍येरसीशो थुंमी चढ़ेशा चाड मानेचा माल्‍नीनी। प्रस्‍थान ३४:२२
DEU 16:11 मिनु गेपुकी, इन तमी तौपुकी, वाइलीम वाइल, इन सहरम बाक्‍शो लेवी आ थर ङा मुरपुकी, इन दातेमी बाक्‍शो अर्को रागी ङा मुरपुकी, रोम रोइक्‍च नु आन वोंइश बेक्‍शो मीश मुर नेल्‍ल परमप्रभु यावे, इन परमप्रभु आ नें वोइक्‍चा कली नोले योव़शो बाक्‍तीकेमी मेको आ ङोंइती ग्‍येरसीचा माल्‍नीनी।
DEU 16:12 गेपुकी इजीप्‍त रागीम वाइलीम वाइल दुम्‍शो मिम्‍चा माल्‍नीनी। गे मेको फुल्‍लुम मुशा ब्रेक्‍शो लोव़ होस पा टिचा माल्‍नीनी। ब्‍यवस्‍था ५:१५
DEU 16:13 मिनु इन रू ङा अन्‍न अङगुर मारेइ मारेइ खुम्‍ने थुम्‍शा, गेपुकीमी बाली नाली ओंइतीक चाड ७ नाक्‍त सम्‍म मानेचा माल्‍नीनी।
DEU 16:14 मिनु गेपुकी, इन तमी तौ, इन वाइलीम वाइल, इन सहरम बाक्‍शो लेवीपुकी, अर्को रागी ङा मुरपुकी, रोम रोइक्‍च नु आन वोंइश बेक्‍शो मीश मुरपुकी, नेल्‍लेमी ग्‍येरसीशा मेको चाड मानेचा माल्‍नीम। ब्‍यवस्‍था २६:११; यसैया ३०:२९
DEU 16:15 मिनु गेपुकीमी परमप्रभु यावे, इन परमप्रभु आ योव़शो बाक्‍तीकेमी ७ नाक्‍त सम्‍म मेको चाड मानेचा माल्‍नीनी। मारदे हना परमप्रभु यावे, इन परमप्रभुमी इन कली बाली नाली शुश गेब नु इन मारेइ मारेइ पशोमी इन कली आसीक गेब। मोपतीके गेपुकी शुश ग्‍येरसीचा माल्‍नीनी।
DEU 16:16 मिनु परमप्रभु यावे, इन परमप्रभुमी आ नोले योव़शो बाक्‍तीकेमी इन दाते ङा वोंइश मुर नेल्‍ले सां खेयप परमप्रभु यावे आ ङोंइती जाक्‍दीत्‍चा माल्‍नीम। ग्‍युरशो बोरब ओख्‍ती मसुप्‍शो शोब्‍ले ङा पास्‍सा माइश्‍शो चाड, ७ हप्‍ता नोले ङा हप्‍ता ङा चाड नु बाली नाली ओंइतीक गोठ सेल्‍तीक चाडम जाक्‍दीत्‍चा माल्‍नीम। मिनु परमप्रभु यावे आ ङोंइती श्‍येत्‍थ गुइ जाक्‍चा मदुम्‍ब।
DEU 16:17 परमप्रभु यावे, इन परमप्रभुमी आसीक गे‍शो खोदेंशो पा नेल्‍लेमी आन चाप्‍शो गेचा माल्‍नीम।
DEU 16:18 मिनु मुर आन कली ठीक निसाफ पचा कली गेपुकीमी इन थर थर ङा नु परमप्रभु यावे, इन परमप्रभुमी इन कली गेशो सहर सहरम निसाफ पाइब नु ठेयब मुर योव़शा वोइक्‍चा माल्‍नीनी। ब्‍यवस्‍था १:१६-१८; गन्‍ती ११:१६
DEU 16:19 निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३
DEU 16:20 मिनु परमप्रभु यावे, इन परमप्रभुमी गेशो रागीम ब्रोंइचा नु इन के सेल्‍चा, दे ठीक पतीक लां खोतीन।
DEU 16:21 गेपुकीमी अशेराह देवी आ लाइश्‍शो मूर्ति परमप्रभु यावे, इन परमप्रभु कली चढ़ेतीक आ नेक्‍था ख्रुक्‍चा मदुम्‍ब। ब्‍यवस्‍था ७:५; २राजा २३:४
DEU 16:22 गेपुकीमी तेकोइ अर्को मूर्ति वोइक्‍चा मदुम्‍ब। मारदे हना मेको नेल्‍ल परमप्रभु यावे, इन परमप्रभुमी कली ग्रांग्रा दीब” देंत। लेवी २६:१; येरमीया २:२७
DEU 17:1 मोसामी “गेपुकीमी परमप्रभु यावे, इन परमप्रभु कली कोङटे बोङटे गाक्‍ब मिक्‍च मताइब, मारेइ दुम्‍शो ब्‍यफ भेडा चढ़ेचा मदुम्‍ब। मोदेंशो परमप्रभु यावे, इन परमप्रभु कली ग्रांग्रा बाक्‍ब। लेवी २२:२०; मलाकी १:६-९
DEU 17:2 मिनु परमप्रभु यावे, इन परमप्रभुमी इन कली गेशो सहरमी सुइ वोंइश मुर मीश मुरुमी परमप्रभु यावे, इन परमप्रभु आ ङोंइती मरिम्‍शो पा आ कबल कली प्रोंइशा, ब्‍यवस्‍था १३:७-१२
DEU 17:3 मेकोपुकीमी देवी देवता खोइश्‍शा, मेको आन कली ठेयब सेल्‍शा, नां, तास्‍ला, सोरुल आन ङोंइती बाप्‍शा गोम ‘मपन देंशो’ पाम्‍तेक्‍म हना, ब्‍यवस्‍था ४:१९
DEU 17:4 मिनु मुरपुकीम मेको आन पर्बम इन कली शेंताक्‍म हना, गेपुकीम रिम्‍शो पा खोदील निदील पा हिल्‍लो पचा माल्‍नीनी। मिनु मेको थमा पा इन इस्राएलमी मोदेंशो ग्रांग्रा दिचा ङा गेय पशो बाक्‍त हना,
DEU 17:5 मेको मोदेंशो ग्रांग्रा पाइब वोंइश मुर हना यो, मीश मुर हना यो इन सहर रे ग्रुंइशा, फुल्‍लु आप्‍शा साइक्‍चा माल्‍नीनी। लेवी २४:१४
DEU 17:6 साइक्‍चा पुंइसीब आन पर्बम मुर निक्‍शी नु सांमी ‘गो ताता, सांकछी दुम्‍ती’ देंतेक्‍म हना, ला साइक्‍चा दुम्‍ब। का ला सांकछी बाक्‍त हना साइक्‍चा मदुम्‍ब। ब्‍यवस्‍था १९:१५; १राजा २१:१०; हिब्रू १०:२८
DEU 17:7 मेको आन पशो ताइब सांकछीपुकीमी नेल्‍ल क्‍येङा ङोंइती मेको आन कली साइक्‍चा, दे फुल्‍लु आप्‍चा माल्‍ब। मेको नोले ला नेल्‍ल अरुम पचा माल्‍नीम। मिनु मोपा गेपुकीमी मरिम्‍शो नेल्‍ल इन दाते रे ग्रुंइचा माल्‍नीनी।
DEU 17:8 मिनु इन सहरम मुर साइक्‍तीके, रू योक्‍तीके, तुम्‍मुतीके नु मारेइ मारेइ मचाप्‍चा ङा निसाफ बाक्‍त हना, इन सहर रे परमप्रभु यावे, इन परमप्रभु आ योव़शो बाक्‍तीकेम लचा माल्‍नीनी।
DEU 17:9 मिनु गेपुकी चढ़ेब, लेवी आ थर ङा मुर नु मेना गेय पाइब निसाफ पाइब कली ‘मार पचा’ दे हिल्‍लो पचा कली ग्रुम्‍थ लचा माल्‍नीनी। मेकोमी इन कली दोपा निसाफ पचा शेंनीम। २इतिहास १९:८,११
DEU 17:10 मिनु परमप्रभु यावे आ योव़शो बाक्‍तीकेमी मेकोपुकीमी इन कली मार देंनीम, मेको मोदेंशो पा ठीक पा निसाफ पचा माल्‍नीनी। मिनु इन कली दोपा शेंदमे, मोपा होस पा पचा माल्‍नीनी।
DEU 17:11 मेको इन कली शेंशा अरेशो लोव़ नु निसाफ पतीके गे पचा माल्‍नीनी। मेको लोव़ नेंशा, ग्‍युरा नु पेरा गे मलने।
DEU 17:12 सुइम ठेयब लेश्‍शा, परमप्रभु यावे, इन परमप्रभु आ गेय पचा कली वोइश्‍शो चढ़ेब, निसाफ पाइब आन लोव़ मटिप्‍तु हना, मेको साइक्‍चा पुंइसीब। मिनु मोपा गेपुकीमी इस्राएली, इन दाते रे मरिम्‍शो नेल्‍ल ग्रुंइचा माल्‍नीनी।
DEU 17:13 मिनु मुर नेल्‍लेमी मेको नेंशा हिंशा मोदेंशो मपाइक्‍नीम।
DEU 17:14 मिनु गेपुकी परमप्रभु यावे, इन परमप्रभुमी इन कली गेशो रागी जाक्‍दीश्‍शा, इन के सेल्‍शा बाक्‍नीनु, गेपुकीमी ‘एर ओंथ ङा रागी रागी खोदेंशो पा आंइ कली यो पिप का वोइक्‍चा माल्‍नीक’ देंतीनी हना, १सामुएल ८:५-९
DEU 17:15 परमप्रभु यावे, इन परमप्रभुमी योव़शो मुर कली ला वोइक्‍चा दुम्‍ब। इन लोक्‍ब आन दाते रे योव़शा पिप वोइक्‍चा माल्‍नीनी। अर्को जात ङा मुर पिप सेल्‍चा मदुम्‍ब, इन लोक्‍ब कली ला सेल्‍चा माल्‍ब।
DEU 17:16 मेकोमी शुश शारा आंम कली मवोदल। मिनु मेकोमी शारा ग्‍याप्‍चा कली मुर आन कली इजीप्‍त मसोइक्‍तल। मारदे हना परमप्रभु यावेमी ‘मेको लां गेनायो लेश्‍शा मलने’ देंत। १राजा १०:२६-२९
DEU 17:17 मिनु परमप्रभु यावे रे ङोन मलल, दे मीश मुर शुश चाक्‍चा मदुम्‍ब। मिनु मेकोम आंम कली शुश सुन चांदी मखुप्‍तल। १राजा ११:१-८; १राजा १०:१४
DEU 17:18 मिनु मेको पिपमी सासन पवानु, चढ़ेब, लेवी आ थर ङा मुर आन किताब रे परमप्रभु यावे आ अरेशा लोव़ किताब काम ब्रेक्‍चा माल्‍ब।
DEU 17:19 मेको लोव़ मेको नु बाक्‍चा माल्‍ब। मिनु मेकोमी परमप्रभु यावे, आ परमप्रभु कली मान पा हिंचा कली शेंसीचा कली मबेक्‍म सम्‍म नाक्‍त किंत किंत पढेचा माल्‍ब। मेको अरेशो लोव़ नेल्‍ल नु फुल्‍लुम मुशा ब्रेक्‍शो लोव़ होस पा पचा माल्‍ब।
DEU 17:20 मेकोमी आंम लोक्‍ब आन दा‍तेमी आंम कली ठेयब मसुदल। परमप्रभु यावे आ शेंशो लोव़ रे ङोन मलल। ग्‍युरा पेरा गे मलल। मिनु आं तौ चचपुकीमी इस्राएल ङा राज्‍य कली शुश नाक्‍ती सम्‍म सासन पामेक्‍ल” देंत। ब्‍यवस्‍था ५:२९
DEU 18:1 मोसामी “लेवी आ थर ङा चढ़ेब, नु लेवी आ थर ङा मुर नेल्‍लेमी रू मथेरनीम। परमप्रभु यावे कली चोशा चढ़ेशो नु मेको कली गेशो मेकोपुकीम जामेक्‍ल। ब्‍यवस्‍था १०:९; गन्‍ती १८:८-२०; १सामुएल २:२८; १कोरिन्‍थी ९:१३
DEU 18:2 मेको आन लोक्‍ब आन दातेमी मारेइ शोंप मताइनीम। आं देंशो खोदेंशो पा परमप्रभु यावे मेको आन शोंप बाक्‍ब।
DEU 18:3 मिनु मुरपुकीमी ब्‍यफ, भेडा, क्‍यारश क्‍योरशा चढ़ेमेनु, चढ़ेब कली मार गेचा माल्‍नीम देंशा हना, आ बला रे खोइल सम्‍म, शांपे निक्‍शी नु कोव़ज गेचा माल्‍नीम।
DEU 18:4 मिनु इन ङोंइती रिक्‍शो अन्‍न, ङोंइती ङा अङगुर शांबु, ङोंइती ङा ख्राक्‍शो तेल नु भेडा आन ङोंइती प्रेक्‍शो ऊन गेचा माल्‍नीम। प्रस्‍थान २३:१९
DEU 18:5 मारदे हना परमप्रभु यावे, इन परमप्रभुमी नेल्‍ल इन थर रे लेवी आ थर योव़शो बाक्‍त। मारदे योव़शो बाक्‍त देंशा हना, मेको नु आ तौपुकी गेना हना यो परमप्रभु यावे आ ङोंइती राप्‍शा, आ गेय पचा कली योव़शो बाक्‍त।
DEU 18:6 मिनु इस्राएलम बाक्‍ब लेवी आ थर ङा मुर तेको तेको सहर रे परमप्रभु यावे आ योव़शो बाक्‍तीके जाक्‍शा, न्‍यायाधीस १७:७; न्‍यायाधीस १९:१
DEU 18:7 परमप्रभु यावे आ ङोंइती राप्‍ब आ लोक्‍ब नेल्‍ल खोदेंशो पा परमप्रभु यावे, आ परमप्रभु कली गेय पने चाक्‍ब।
DEU 18:8 मेको नु आ मार मार लेयशो क्‍येट बाक्‍त हना यो, अरु चढ़ेब खोदेंशो पा उइक्‍थ उइक्‍थ जचा ताइब।
DEU 18:9 परमप्रभु यावे, इन परमप्रभुमी इन कली गेशो रागी जाक्‍दीन्‍नी नोले मेकेर ङा रागी रागी ङा मुर आन पशो ग्रांग्रा दिशो गेय शेंसीशा काइ मपने।
DEU 18:10 मेको ग्रांग्रा दिशो गेय मार बाक्‍ब देंशा हना, आंम तमी तौ आन कली मीम चोशा चढ़ेशा, लिंक्‍यु कोव़चा, टुना मुना पचा, मन्‍तर तन्‍तर पचा, लेवी १८:२१; लेवी १९:२६,३१
DEU 18:11 ठेयब मिक्‍च पचा, बेक्‍शो मुर रे लोव़ पचा नु बेक्‍शो मुर आ अर्ती नेंथ माल्‍चा मेको नेल्‍ल ग्रांग्रा दिचा ङा गेय बाक्‍ब। मोदेंशो पाइब इन दातेमी काइ मदुम्‍ब। लेवी २०:२७; १सामुएल २८:३-२०
DEU 18:12 मोदेंशो पाइब मुर परमप्रभु यावे आ ङोंइती ग्रांग्रा दिचा ङा बाक्‍नीम। मेको ग्रांग्रा दिचा ङा गेय आ पर्बम परमप्रभु यावे, इन परमप्रभुमी मेको मुर आन कली इन ङोंइती रे ग्रुंइब।
DEU 18:13 परमप्रभु यावे, इन परमप्रभु आ ङोंइती गेपुकी थमा सुइक्‍चा पुंइसीब रिम्‍शो पाइब दुमीन। उत्‍पत्ती ६:९; उत्‍पत्ती १७:१
DEU 18:14 मारदे हना गे खेरचा चिक्‍शो रागी रागी ङा मुरुम टुना मुना पाइनीम नु लिंक्‍यु कोव़नीम। परमप्रभु यावे, इन परमप्रभुमी इन कली मोदेंशो पचा मगेब।
DEU 18:15 परमप्रभु यावे, इन परमप्रभुमी इन दाते रे आं खोदेंशो पा आ लोव़ पाइब का योव़ब। गेपुकीमी मेको आ लोव़ नेंचा माल्‍नीनी। गन्‍ती १२:६-८; यूहन्‍ना १:४५; यूहन्‍ना ६:१४; यूहन्‍ना ७:४०; प्रेरित ३:२२; प्रेरित ७:३७
DEU 18:16 मिनु होरेब डांडाम ग्रुम्‍या नाक्‍त परमप्रभु यावे, इन परमप्रभु कली मार पुंइतीनी देंशा हना ‘गो परमप्रभु यावे, आंइ परमप्रभु आ सेंदा लेंशा नेंचा मदाक्‍नीक। मिनु मेको ठेयब मी लेंशा तचा मदाक्‍नीकी। लेंशा, ताइताक हना, बेक्‍नीकी, कों’ दे हिंशा पुंइतीनी। प्रस्‍‍थान २०:१९; हिब्रू १२:१९
DEU 18:17 मिनु परमप्रभु यावेम आं कली ‘मेकोपुकीमी रिम्‍शो लोव़ पाम्‍तेक्‍म’ देंत। ब्‍यवस्‍था ५:२५
DEU 18:18 मिनु परमप्रभु यावेमी आं कली ‘इ खोदेंशो पा आं लोव़ पाइब, आन लोक्‍ब आन दाते रे का योव़नुङ। आं देंचा माल्‍शो लोव़ गो मेको कली देंपाइक्‍नुङ। मिनु आं अरेशो लोव़ मेकोमी नेल्‍ले मुर आन कली देंब। प्रस्‍थान ४:१२; यसैया ६:८; येरमीया १:९; मत्ती १०:१९
DEU 18:19 मिनु सुमी मेको आं नेंम, देंशो लोव़ मटीबा, मेको कली गो सजाइ गेनुङमी।
DEU 18:20 तन्‍न तेको आं लोव़ पाइबमी आं मदेंशो लोव़ देंशा नु अरु देवी देवता आन देंशो लोव़ पाप्‍तु हना, मेको आं लोव़ पाइब कली साइक्‍चा माल्‍नीनी। ब्‍यवस्‍था १३:२-६; येरमीया १४:१३-१५
DEU 18:21 मिनु गे इन थुंमी “परमप्रभु यावे आ लोव़ बाक्‍बा देय मबाक्‍बा मेको दोपा तुइक्‍नय?” दे मिम्‍ताक्‍नी हना,
DEU 18:22 मेको परमप्रभु यावे आ लोव़ पाइबमी परमप्रभु यावे आ नेंमी लोव़ पाइब, तन्‍न मेको लोव़ मगाप्‍त नु मदुम्‍त हना, मेको आं देंशो ममाइ। मेको आं लोव़ पाइबमी आंमा थुं ङा लोव़ पाप्‍तु। गेपुकी मेको कली तशा महिनीन’ दे परमप्रभुमी देंत” दे मोसामी इस्राएली आन कली लोव़ पाप्‍तु। येरमीया २३:१४; येरमीया २८:-; इजीकीएल १३:३-१६
DEU 19:1 मिनु परमप्रभु यावे, इन परमप्रभुमी रागी रागी ङा मुर आन कली खेरशा इन कली गेशो रागीमी आन सहर नु खिंपुकी इन के दुम्‍‍मेनु,
DEU 19:2 मेना परमप्रभु यावे, इन परमप्रभुमी इन कली गेशो रागीम गे सहर सां तिल्‍चा माल्‍नीनी। ब्‍यवस्‍था ४:४१-४३
DEU 19:3 मिनु परमप्रभु यावे, इन परमप्रभुम इन कली गेशो रागी कली का का पा प्रोक्‍तीक सहर योव़चा, दे भाग सां सेल्‍चा माल्‍नीनी। मेको का का पा सहर सांम मुर साइक्‍ब मुर प्रोक्‍शा, लशा बाक्‍तीक सहर सेल्‍चा माल्‍नीनी।
DEU 19:4 मिनु सुइमी गेहे मपथु, साइक्‍चा ममिम्‍थु मुर का कली साइक्‍तु हना, मेकेर प्रोक्‍शा लशा ब्रोंइल।
DEU 19:5 दोदेंशो दुम्‍ने चाप्‍ब देंशा हना, आन वारच नु शी ख्रोइक्‍थ ब्‍वाकी लमानु, रवा तिम्‍मेनु, मेको खा ङा फलम बुइश्‍शा, लशा, ख्रशा आ वारच बेक्‍त हना, मोदेंशो पा मुर साइक्‍ब मुर मेको सहरम प्रोक्‍शा लने चाप्‍नीम।
DEU 19:6 मेको सहर ङोन बाक्‍त हना बेक्‍ब मुर आ मुरपुकीम मेको कली क्‍येक्‍क लेत्‍चा कली लांमी खेदा पा साइक्‍ब। तन्‍न मेको मुर साइक्‍चा मपुंइसीब बाक्‍ब। मारदे हना मेको आ वारच बाक्‍त।
DEU 19:7 मोपतीके गो इन कली “सहर सां तिल्‍चा माल्‍नीनी” दे माइक्‍तन्‍नी।
DEU 19:8 मिनु परमप्रभु यावे, इन परमप्रभुमी इन किकी पिपी नु कसम जशो खोदेंशो पा इन रागी बारपाइक्‍तु हना,
DEU 19:9 मिनु गे मुलाक्‍ती शेंशो परमप्रभु यावे आ अरेशो नेल्‍ल होस पा पाइतीनी हना, मिनु गे परमप्रभु यावे, इन परमप्रभु कली दाक्‍ताक्‍नी हना, गे नेल्‍ल नाक्‍ती मेको आ लांम गाक्‍तीनी हना, मेको सहर सां कली अर्को सहर सां तेम्‍चा माल्‍नीनी।
DEU 19:10 मोपा परमप्रभु यावे, इन परमप्रभुमी इन कली गेशो रागीम दोस मताइब कली मसदमेक्‍ल। दोस मताइब कली साइक्‍नीम हना, इन दातेमी साइक्‍चा ङा पाप राइब।
DEU 19:11 तन्‍न मुरुम ङोंइती रे ईख कुरशा, गेहे पशा, बाप्‍शा मुर कली तुप्‍शा साइक्‍तु हना, प्रोक्‍तीक सहर काम प्रोक्‍त हना,
DEU 19:12 मेको मुर आ सहर ङा खाल्‍पापुकीमी मेको कली चाक्‍पाइश्‍शा, क्‍येक्‍क लेप्‍ब आन गुइमी साइक्‍पाइक्‍चा कली जिम्‍मा गेमेक्‍ल।
DEU 19:13 मेको कली शिशी मपन। मिनु इस्राएलम सुम मारेइ दोस मतशो मुर कली हुश ख्राक्‍श पोक्‍शो पाप मोदेंशो पा क्‍याम्‍चा माल्‍ब। ब्‍यवस्‍था २१:८-९
DEU 19:14 मिनु गे परमप्रभु यावे, इन परमप्रभुमी इन कली इन के सेल्‍चा कली गेशो रागीम बाक्‍तीनी हना, इन किकी पिपीमी वोइश्‍शो इन नेक्‍था ङा मुर आन सांद याक्‍चा मदुम्‍ब। ब्‍यवस्‍था २७:१७
DEU 19:15 मुर कामी दोस ताइब दुम्‍शो बाक्‍त देंतेक्‍म हना, सांकछी का आ लोव़ ला नेंशा मदुम्‍ब। सांकछी निक्‍शी, सां आन लोव़ गारत हना ला मेको कली दोस गेचा। ब्‍यवस्‍था १७:६; गन्‍ती ३५:३०; यूहन्‍ना ८:१७; २कोरिन्‍थी १३:१; हिब्रू १०:२८
DEU 19:16 मिनु जोल पा सांकछी बाक्‍शा, मुर का कली दोस गेचा कली बोक्‍त हना,
DEU 19:17 दोस गेब नु दोस ताइब निम्‍फा, परमप्रभु यावे आ ङोंइती, चढ़ेब नु निसाफ पाइब आ नेक्‍था जाक्‍चा माल्‍नीस।
DEU 19:18 मेको निसाफ पाइबमी मेको निक्‍शी आस कली खोदील निदील पा हिल्‍लो पचा माल्‍ब। दोस गेब आ लोव़ जोल बाक्‍त हना, दूली पा आ लोक्‍ब कली दोस गेशो बाक्‍त हना,
DEU 19:19 मेकोम आंम लोक्‍ब कली मार पचा मिम्‍शो बाक्‍मे, मेको कली मोन पचा माल्‍ब। मोपा गे इन दाते रे मरिम्‍शो पतीके क्‍याम्‍चा माल्‍नीनी।
DEU 19:20 मिनु अरु मुरपुकीमी मेको नेंशा हिंचा माल्‍नीम। मिनु नोले इन दातेमी मोदेंशो मरिम्‍शो मपाइनीम।
DEU 19:21 मिनु गेपुकीमी शिशी मपने। साइक्‍ब कली साइक्‍चा माल्‍ब। मिक्‍च पुक्‍ब कली आ मिक्‍च पुक्‍चा माल्‍ब। ख्रुइ जिक्‍ब कली आ ख्रुइ जिक्‍चा माल्‍ब। गुइ खोइल जिक्‍ब कली आ गुइ खोइल जिक्‍चा प्रस्‍थान २१:२३-२५
DEU 20:1 मिनु मोसामी “गेपुकी लडाइ पथ लनीनु, शारा नु बग्‍गीपुकी तशा, इन जोरी सत्रु इन क्‍येङा शुश बाक्‍तेक्‍म हना, महिनीन। मारदे हना परमप्रभु यावे, इन कली इजीप्‍त रे ग्रुंइब इन परमप्रभु गेपुकी नु बाक्‍ब।
DEU 20:2 मिनु लडाइम लचा क्‍येङा ङोंइती चढ़ेबमी लडाइ पथ लाइब आन ङोंइती लशा
DEU 20:3 ‘इस्राएलीपुकी नेनीन, गेपुकी मुल लडाइ पथ लचा चिक्‍शो बाक्‍नीनी। मोपतीके आइक्‍च थुं मपने। महिनीन। मेको आन कली तशा, ग्रीचोक पा इन थुं ग्‍येत्‍थ लुक्‍च मदुमीने।
DEU 20:4 मारदे हना परमप्रभु यावे, इन परमप्रभु इन जोरी सत्रु नु लडाइ पा इन कली ग्रापाइक्‍चा कली गेपुकी नु लाइब’ देंचा माल्‍ब।
DEU 20:5 मिनु आन ठेयब मुरपुकीमी मुर आन कली ‘सु इन दातेमी नक खिं का सेल्‍शा, ओव़तीक चाड ममानेशो बाक्‍त हना, मेको आ खिं लेश्‍शा, लचा माल्‍ब। मेको लडाइम बेक्‍त हना, आ खिंम अर्को मुर चाड सेल्‍शा ओव़ब, मेको मदुम्‍ब। ब्‍यवस्‍था १:१५; ब्‍यवस्‍था १६:१८
DEU 20:6 सुइ इन दातेमी अङगुर रू ख्रुम्‍शा, जचा मतशो बाक्‍तीनी हना, इन खिं लेश्‍शा लने। मेको लडाइम बेक्‍त हना, आ अङगुर रू अर्कोम जाइब, मेको मदुम्‍ब। ब्‍यवस्‍था २८:३०; लेवी १९:२४-२५
DEU 20:7 सुइ इन दातेमी मीश आल का पुंइशा ग्‍युंबे पचा चिक्‍शो बाक्‍तीनी हना, मेको खिं लेश्‍शा लचा माल्‍ब। मेको लडाइम बेक्‍त हना, मेको मीश आल अर्कोम लाइक्‍ब। मेको मदुम्‍ब’ देंचा माल्‍नीम। ब्‍यवस्‍था २४:५
DEU 20:8 मिनु मेको ठेयब मुरपुकीमी लेंशा मुर आन कली ‘इन दातेमी सुइम हिंब नु आ थुं लुक्‍च लाइब बाक्‍त हना, मेको आ खिं लेश्‍शा लचा माल्‍ब। मेकेर बाक्‍त हना, आ लोक्‍ब आन थुं यो ग्‍येत्‍थ लुक्‍च लपाइक्‍ब’ देंचा माल्‍नीम। न्‍यायाधीस ७:३
DEU 20:9 मिनु ठेयब मुरपुकीमी मो देंने थुम्‍मे नोले, मेकोपुकीमी लडाइ पाइब आन ङोंइती गाक्‍चा कली, ठेयब मुरपुकी योव़चा माल्‍नीमी।
DEU 20:10 मिनु गेपुकी सहर का कली लडाइ पथ, आ नेक्‍था जाक्‍दीन्‍नी नोले मेको आन कली ‘लडाइ मपय, गुइ पोक्‍कीन’ देंचा माल्‍नीनी।
DEU 20:11 मिनु मेकोपुकीमी ‘दुम्‍ब’ दे गुइ पोक्‍तेक्‍म हना, मेकेर ङा मुर नेल्‍ले आन कली वाइलीम वाइल खोदेंशो पा गेय पाइब सेल्‍चा माल्‍नीनी।
DEU 20:12 तन्‍न मेको सहर ङा मुरपुकीमी इन देंशो मबित्‍थु लडाइ पचा दाक्‍ताक्‍म हना, मेको सहर कली पुम्‍दीन।
DEU 20:13 मिनु परमप्रभु यावे, इन परमप्रभुमी मेको सहर इन कली गेप्‍तु हना, गेपुकीमी मेकेर ङा वोंइश मुर नेल्‍ल आन कली तरवारम साइक्‍चा माल्‍नीनी। ब्‍यवस्‍था ३:६-७; गन्‍ती ३१:७,१४-१८
DEU 20:14 तन्‍न मीश मुर, आलपुकी, बी ब्‍यफ, क्‍यारश भेडा नु सहरम बाक्‍शो मारेइ मारेइ इन के दुम्‍ब। मोपा परमप्रभु यावे, इन परमप्रभुमी गेशो ग्राशो थोव़क तशा ग्‍येरसीन।
DEU 20:15 आंम नेक्‍था ङा रागी रागी कली ममाइ, तन्‍न ङोन ङा सहर कली मोदेंशो पचा माल्‍नीनी।
DEU 20:16 तन्‍न परमप्रभु यावे, इन परमप्रभुमी मेको जात जात ङा मुर आन सहर इन कली गेशो सहरम मार मार सेस बाक्‍मे, मेको साइक्‍चा माल्‍नीनी। गन्‍ती २१:१-३; यहोसु १०:४०
DEU 20:17 परमप्रभु यावे, इन परमप्रभुमी अरेशो खोदेंशो पा, हित्ती, एमोरी, कनानी, परिज्‍जी, हिव्‍वी नु यबुसी नेल्‍ल आन कली साइश्‍शा क्‍याम्‍चा माल्‍नीनी।
DEU 20:18 मो मपाइतीनी हना, मेको आन देवी देवता आन कली ग्रांग्रा दिचा ङा पतीके शेंसीनीनी। मोपा परमप्रभु यावे, इन परमप्रभु कली मरिम्‍शो पा पाप पाइनीनी।
DEU 20:19 मिनु गेपुकीमी सहर का कली लडाइ पा शुश नाक्‍त सम्‍म पुम्‍शा बाक्‍नीनु, मेको सहर ङा रवापुकी मतिम्‍चा। मारदे हना गेपुकीमी नोले मेको आन फल जने चाप्‍नीनी। मार, मेको एर ओंथ ङा रवापुकी मुर खोदेंशो बाक्‍नीमी ङा?
DEU 20:20 तन्‍न इन तुइश्‍शो जचा फल मसिप्‍ब रवा तिम्‍ने चाप्‍नीनी। मिनु मग्रानी सम्‍म मेको रे सहर ङा गारो ङोइक्‍तीके सेल्‍ने चाप्‍नीनी” देंत।
DEU 21:1 मिनु परमप्रभु यावे, इन परमप्रभुमी इन कली गेशो इन के सेल्‍चा चिक्‍शो रागी ङा दिंम मेर बेक्‍शो मुर का थित्‍तीनी नु मेको साइक्‍ब मुर मतुंइ‍साक्‍व हना,
DEU 21:2 इन खाल्‍पा नु निसाफ पाइबपुकी लशा, मेको साइश्‍शो मुर तेको एर ओंथ ङा सहर क्‍येङा नेक्‍था बाक्‍बा, पुक्‍चा माल्‍नीम।
DEU 21:3 मिनु मेको आ नेल्‍ल क्‍येङा नेक्‍था ङा सहर आ खाल्‍पापुकीमी गेय मपपाइश्‍शो नु हलो मवाक्‍शो बी बाछा का चाक्‍चा माल्‍नीम।
DEU 21:4 मिनु मेको खाल्‍पापुकीमी मवाक्‍शो नु वांचेर मशोक्‍शो रू नु गेना हना यो ब्‍वाक्‍कु बाक्‍शो खोला आ नेक्‍था लाइश्‍शा, मेको बाछा आ शुर रोप्‍चा माल्‍नीम।
DEU 21:5 मिनु चढ़ेब, लेवी आ तौपुकी मेको आ नेक्‍था जाक्‍चा माल्‍नीम। मारदे हना परमप्रभु यावे, इन परमप्रभु आ गेय पचा नु आ नेंमी आसीक गेचा कली योव़तु। मिनु जिशो खेशो बाक्‍त हना, मेको आन देंशो पचा माल्‍नीम। ब्‍यवस्‍था १७:८-९
DEU 21:6 मिनु मेको साइश्‍शो मुर आ सहर नेक्‍था ङा खाल्‍पापुकी मेको शुर रोप्‍शा साइश्‍शो खोला ङा बी तार आन गुइ चिक्‍‍सीमल। मत्ती २७:२४
DEU 21:7 मिनु मेकोपुकीमी “गोपुकी आंइ गुइमी हुश ख्राक्‍श मपोक्‍शो। सुम पवा मेको यो मतुइश्‍शो।
DEU 21:8 मोपतीके परमप्रभु यावे इन श्‍येत रे प्रोंइशो इन मुर इस्राएली आंइ पाप क्‍याम्‍दीन। इन मुर इस्राएली आन दातेमी एको दोस मतशो मुर कली पोक्‍शो हुश ख्राक्‍श आ पाप गो आंइ दा‍तेमी मलील” दे पुंइचा माल्‍नीम। मिनु मेको हुश ख्राक्‍श पोक्‍तीके पाप क्‍याम्‍सीब।
DEU 21:9 मोपा गेपुकीमी दोस मतशो मुर कली साइक्‍चा पुंइसीतीके इन दाते रे ग्रुंइचा माल्‍नीनी। मारदे हना गेपुकीमी परमप्रभु यावे आ ङोंइती ठीक पचा माल्‍नीनी। गन्‍ती ३५:३३
DEU 21:10 मिनु गेपुकीमी लडाइम लनीनु, परमप्रभु यावे, इन परमप्रभुमी इन जोरी सत्रु आन कली इन गुइमी गेवानु,
DEU 21:11 मिनु फ्रेंशा लाइश्‍शो आन दातेमी दारशो मीश आल का ताइतीनी नु मेको नु ग्‍युंबे पचा दाक्‍ताक्‍नी हना,
DEU 21:12 मेको कली इन खिंम लतीन। मिनु मेको मीश आलम आ चां फ्रेंचा नु आ ग्‍ये ख्रोइक्‍चा माल्‍ब।
DEU 21:13 मिनु नोले मेकोमी आ माइत वा प्रुइश्‍शा नक वा फेक्‍चा माल्‍ब। मेको इन खिंम बाक्‍शा, महिना का सम्‍म आ आंम आफ आन पर्बम रोंका पचा माल्‍ब। मिनु नोले मेको कली ग्‍युंबे पा मेको निक्‍शी मीश वोंइश दुम्‍ने चाप्‍नीम।
DEU 21:14 मिनु गे मेको कली तशा ब्रीताक्‍नी हना, मेको कली तिल्‍चा दाक्‍ताक्‍नी हना, मेको कली प्रोंइ‍शा लचा गेन। गे मेको कली लेयचा मताइनीनी। मिनु वाइलीम कली खोदेंशो पचा मताइनीनी। मारदे हना मेको इन मीश बाक्‍त।
DEU 21:15 मिनु वोंइश मुर का के मीश निक्‍शी बाक्‍शा, का आ दाक्‍शो नु का आ मदाक्‍शो मीश बाक्‍त हना, मेको निक्‍शीमी तौ का थिशा, आ मदाक्‍शो मीशेम चहिं ङोंइती तौ थिशो बाक्‍त हना, उत्‍पत्ती २९:३०-३२
DEU 21:16 अङस पशोनु, आ दाक्‍शो मीश आ तौ, मदाक्‍शो आ तौ प्रोंइशा, ङोंइती जरमेशो तौ सेल्‍ने मचाप्‍ब।
DEU 21:17 मेकोमी आ मदाक्‍शो मीश आ तौ “ङोंइती जरमेशो तौ बाक्‍ब” दे आ शोंप ङा भाग निक्‍शी गेचा माल्‍ब। मारदे हना मेको आ ङोंइती ङा सक्तिम थिशो बाक्‍ब। ङोंइती जरमेशो तौ आ अधिकार मेको केन बाक्‍ब। उत्‍पत्ती ४९:३
DEU 21:18 मिनु मुर का हेंथे गाक्‍ब मटीब तौ का बाक्‍त हना, मेको आ आम आफ आस देंशो काइ मटीब बाक्‍त हना, तुप्‍शा, शेंशा यो मेको आस देंशो मटिप्‍तु हना, ब्‍यवस्‍था २७:१६; प्रस्‍थान २०:१२
DEU 21:19 मेको आ आंम आफोम मेको कली ग्‍याइश्‍शा, सहर ङा खाल्‍पा आन ङोंइती सहर ङा लाप्‍चो आ नेक्‍था चाक्‍चा माल्‍नीम।
DEU 21:20 मिनु नोले मेको निक्‍शीमी सहर ङा खाल्‍पा आन कली “एको आंस तौ हेंथे गाक्‍ब नु मटीब बाक्‍ब। एकोमी आंस अरेशो मटीब। एको शुश जाइब नु रकसी शांबु तूब बाक्ब” देंसल।
DEU 21:21 मिनु मेको सहर ङा मुर नेल्‍लेमी मेको कली फुल्‍लु आप्‍शा साइक्‍चा माल्‍नीम। मिनु गेपुकीमी इन दाते ङा मरिम्‍शो क्‍याम्‍चा माल्‍नीनी। मिनु इस्राएली नेल्‍लेमी मेको नेंशा, हिंचा माल्‍नीम।
DEU 21:22 मिनु मुर कामी बेक्‍चा माल्‍शो सजाइ त‍शा, गेपुकीमी मेको कली रवाम क्‍युक्‍तीनी हना, गन्‍ती २५:४; यहोसु ८:२९; यहोसु १०:२६-२७; १सामुएल ३१:१०; २सामुएल ४:१२; २सामुएल २१:६,९
DEU 21:23 मेको आ लास आ दीसा सुनी सम्‍म रवाम क्‍युक्‍शा, वोइक्‍चा मदुम्‍ब। मेको नाक्‍तीन मेको कली थिम्‍चा माल्‍नीनी। मारदे हना क्‍युक्‍शा साइश्‍शो मुर परमप्रभुम पशो सराप चीले बाक्‍ब। परमप्रभु यावे, इन परमप्रभुमी गेशो रागी कली ग्रांग्रा दिशो मसेलीन। यहोसु ८:१९; यहोसु १०:२७; यूहन्‍ना १९:३१; गलाती ३:१३
DEU 22:1 गे इन लोक्‍ब आन ब्‍यफ, भेडा हें‍थे गाक्‍शो ताइक्‍तीनी हना, गे मेको कली इन लोक्‍ब आ बाक्‍तीकेम चाक्‍दीतीन। प्रस्‍थान २३:४
DEU 22:2 इन लोक्‍ब इन नेक्‍था मबाक्‍त हना, मेको आ होव़प मतुइक्‍ताक्‍नी हना, गे मेको आन कली इन खिं चाक्‍शा वोतीन। मिनु ममाल्‍मे सम्‍म इन खिंम थुलीन। मिनु मेको मुर ब्रथ जाक्‍त हना, लेत्‍नीन।
DEU 22:3 मिनु जाम्‍शो गधा, वासी नु मारेइ मारेइ जाम्‍शो थित्‍तीनी हना, मेको मोदेंशो पचा माल्‍नीनी। वारच पचा मप्रोनीन।
DEU 22:4 मिनु इन नेक्‍था ङा मुर आ गधा, ब्‍यफ लांम थिश्‍शो ताइतीनी हना, मतशो खोदेंशो मपने। मेको कली पोक्‍चा कली वारच पतीन।
DEU 22:5 मीश मुरुमी वोंइश मुर आन फेक्‍तीक वा मफेक्‍सीन। वोंइश मुरुमी मीश मुर आन फेक्‍तीक वा मफेक्‍सीन। सु सुमी मेको पाइबा, मेको परमप्रभु यावे, इन परमप्रभु कली ग्रांग्रा बाक्‍ब।
DEU 22:6 मिनु गे, रवाम खपीम चिक्‍ब आ ग्‍योव़ का थित्‍तीनी हना, मेको ग्‍योव़म ब्‍वोफु कि चाइक्‍ब बाक्‍तेक्‍म हना, गे मेको चिक्‍बी नु आ चाइक्‍ब आन कली लाइक्‍चा मदुम्‍ब।
DEU 22:7 मेको चिक्‍ब कली बेरचा गेचा माल्‍नीनी। आ चाइक्‍ब आन कली लाइक्‍ने चाप्‍नीनी। मो पाइतीनी हना, गे रिम्‍शो पा बाक्‍चा ताइनीनी। मिनु इन ब्रोंइतीक नाक्‍त शुश दुम्‍नीम।
DEU 22:8 गे नक खिं सेल्‍तीनी हना, खिं तार एर ओंथ नेल्‍ल थरपु हिरचा माल्‍नीनी। मारदे हना मुर का दोक्‍त हना, गे इन खिं तार दोस मतशो मुर कली साइक्‍तीक पाप राइब।
DEU 22:9 गेपुकीमी इन अङगुर रूमी अरु वांचेर तेम्‍शा मशोक्‍कीन। मो पाइतीनी हना, इन शोक्‍शो निम्‍फा परमप्रभु कली मगारचा ङा दुम्‍ब। लेवी १९:१९
DEU 22:10 गे ब्‍यफ नु गधा कालेम वाक्‍चा मदुम्‍ब।
DEU 22:11 गे ऊन नु सुती ब्‍वाइश्‍शा प्रोव़शो फेक्‍चा मदुम्‍ब।
DEU 22:12 गे इन फेक्‍तीक वा आ कुनामी झुम्‍का क्‍युक्‍शा सेलीन। गन्‍ती १५:३८
DEU 22:13 मिनु मुर कामी ग्‍युंबे पा आ मीश नु बाक्‍शा, नोले मदाक्‍ताक्‍व हना,
DEU 22:14 आ मीश प्रोंइचा कली आ मीश आ पर्बम “आं ग्‍युंबे पशो मीश आल नु बाक्‍ङानु, कन्‍ने मबा” देंत हना,
DEU 22:15 मेना मेको मीश आल आ आम आफोम आस तमी कन्‍ने दुम्‍तीक चिनु लाइश्‍शा, सहर ङा ठेयब लाप्‍चोम बाक्‍ब खाल्‍पा आन बाक्‍तीके लचा माल्‍नीस।
DEU 22:16 मिनु मीश मुर आ आफोम मेको खाल्‍पा आन कली “गो आं तमी मेको मुर कली ग्‍युंबे पा गेता। मिनु मेकोमी मुल आं तमी कली मदाक्‍ब।
DEU 22:17 मिनु मेकोमी आं तमी नु ब्रा‍चा कली ‘इ तमी कन्‍ने मबाक्‍शो बाक्‍त’ देंत” देंशा, मेको इप्‍शो वा मेको खाल्‍पा आन ङोंइती ब्रचा माल्ब।
DEU 22:18 मिनु सहर ङा खाल्‍पापुकीमी मेको वोंइश मुर कली सजाइ गेचा माल्‍नीम।
DEU 22:19 मिनु मेको वोंइश मुरुम मेको मीश मुर आ आफ कली सहे का चांदी के शेकेल थाप्‍चा माल्‍ब। मारदे हना इस्राएल ङा कन्‍ने मीश आल आ नें मरिम्‍शो सेल्‍चा माल्‍शो बाक्‍त। मिनु मेको आ मीश कली मबेक्‍म सम्‍म प्रोंइने मचाप्‍ब। शेकेल का ११.५ ग्राम चांदी के क्‍येट बाक्‍ब।ब्‍यवस्‍था २२:२९
DEU 22:20 तन्‍न मेको वोंइश मुर आ देंशो थमा बाक्‍त हना, मिनु कन्‍ने आ चिनु मेको मीश आल नु मबाक्‍शो बाक्‍त हना,
DEU 22:21 मेको मीश मुर कली आ आफ आ खिं ङा लाप्‍चोम चाक्‍चा माल्‍नीम। मिनु मेको आ सहर ङा वोंइश मुर नेल्‍लेमी मेको कली फुल्‍लु आप्‍शा साइक्‍चा माल्‍नीम। मारदे हना मेकोमी आ आफ आ खिंम तेल्‍लेम पा इस्राएलम काइ मरिम्‍शो पाप्‍तु। मिनु मोपा गेपुकीमी इन दातेमी पशो मरिम्‍शो क्‍याम्‍चा माल्‍नीनी। उत्‍पत्ती ३४:७
DEU 22:22 मिनु वोंइश मुर का अरु आन मीश नु इप्‍शो थितेक्‍म हना, मेको निम्‍फा आस कली साइक्‍चा माल्‍नीम। मेको मीश मुर नु बाक्‍शो वोंइश मुर यो साइक्‍चा माल्‍नीम। मिनु मोपा गेपुकीमी इन इस्राएलम पशो मरिम्‍शो क्‍याम्‍चा माल्‍नीनी। लेवी २०:१०; २सामुएल ११:४
DEU 22:23 मिनु ग्‍युंबे पचा कली पुंइशो मीश आल का कली सहरम अरु वोंइश मुर काम ग्रुम्‍तु हना, मेको नु इप्‍त हना,
DEU 22:24 मेको निम्‍फा आस कली सहर ङा ठेयब लाप्‍चो रे ग्रुंइशा, फुल्‍लु आप्‍शा साइक्‍चा माल्‍नीम। मेको मीश आल वारच पन, दे मग्रीतीके नु मेको वोंइश मुर आ इस्राएली लोक्‍ब आ मीश आल नु बाक्‍तीके, निम्‍फा आस कली साइक्‍चा माल्‍नीम। मिनु मोपा गेपुकीमी इन दातेमी पशो मरिम्‍शो क्‍याम्‍चा माल्‍नीनी।
DEU 22:25 तन्‍न मेको वोंइश मुरुम मेको ग्‍युंबे पचा कली पुंइशो मीश आल कली रूम थित्‍तु हना, मेको कली ग्‍याइश्‍शा बिथोलो पाप्‍तु हना, मेको वोंइश मुर कली ला साइक्‍चा माल्‍ब।
DEU 22:26 मेको मीश आल कली मारेइ मपचा। मारदे हना मेकोमी साइक्‍चा पुंइसीचा ङा पाप मपशो बाक्‍ब। मेको पाप कली साइश्‍शो खोदेंशो बाक्‍ब।
DEU 22:27 मेको पुंइशो मीश आल रूमी वाइ ब्रेश्‍शा ग्रीम माइ, तन्‍न सुइमी वारच मपा‍मे माइ।
DEU 22:28 मिनु वोंइश मुर काम ग्‍युंबे पचा कली मपुंइशो कन्‍ने मीश आल कली ग्‍याइश्‍शा, मेको नु बाक्‍शो, थित्‍तेक्‍म हना, प्रस्‍थान २२:१५
DEU 22:29 मेको नु बाक्‍शो वोंइश मुरुम मेको मीश आल आ आफ कली ५० शेकेल चांदी थाप्‍चा माल्‍ब। मिनु मेको वोंइश मुरुम मेको मीश आल नु बाक्‍तीके, आ मीश दुम्‍चा माल्‍ब। मेकोमी मेको कली मबेक्‍म सम्‍म प्रोंइने मचाप्‍ब। मारदे हना मेको मेको नु इप्‍त।
DEU 22:30 मुरुमी आ आफ आ मीश कली चाक्‍ने मचाप्‍ब। आ आफ नु इप्‍शो मीश मुर नु आ तौ इप्‍चा मदुम्‍ब। लेवी १८:८; २सामुएल १६:२२
DEU 23:1 मिनु वोंइश मुर कली आल मथीब सेल्‍चा कली आ चारतीक ख्रोइश्‍शो बाक्‍त हना, परमप्रभु यावे आ ग्रुम्‍तीकेमी ओव़ने मचाप्‍ब। यसैया ५६:३-४; प्रेरित ८:२७
DEU 23:2 तेल्‍लेम पा थिश्‍शो आल परमप्रभु यावे आ ग्रुम्‍तीकेमी ओव़ने मचाप्‍ब। मेको आ १० पाला सम्‍म परमप्रभु यावे आ ग्रुम्‍तीकेमी ओव़चा मताइनीम। एज्रा ९:-; एज्रा १०:-
DEU 23:3 अम्‍मोनी नु मोआबी परमप्रभु यावे आ ग्रुम्‍तीकेमी ओव़ने मचाप्‍नीम। मेको आ १० पाला सम्‍म परमप्रभु यावे आ ग्रुम्‍तीकेमी ओव़चा मताइनीम। उत्‍पत्ती १९:३७-३८
DEU 23:4 मारदे हना गे इजीप्‍त रे ग्रूनीनु, मेकोपुकीमी जचा थोव़क नु ब्‍वाक्‍कु कुरशा इन कली ग्रुम्‍थ मपीम। मिनु मेकोपुकीमी यो इन कली सराप पचा, दे बेओर आ तौ बालाम मेसोपोटामीया आ नेक्‍था ङा अराम-नाहाराइम ङा पेथोर सहर रे क्‍येट गेशा ब्रेत्‍ताक्‍म। गन्‍ती २२:५-६
DEU 23:5 मो हना यो परमप्रभु यावे, इन परमप्रभुमी बालाम आ लोव़ मनेन। मेकोमी मेको सराप के आसीक सेल्‍तु। मारदे हना परमप्रभु यावे, इन परमप्रभुमी इन कली दाक्‍ताक्‍व।
DEU 23:6 मोपतीके गेपुकीमी गेनायो मोआबी नु अम्‍मोनी नु मगरीन, वारच मदुमीन। एज्रा ९:१२
DEU 23:7 मिनु गेपुकीमी एदोमी आन कली ग्रांग्रा मदित्‍चा। मारदे हना मेकोपुकी इन लोक्‍ब बाक्‍नीम। गेपुकीमी इजीप्‍ती आन कली ग्रांग्रा मदित्‍चा। मारदे हना गेपुकी मेको आन रागीम बाक्‍शो बाक्‍तीनी।
DEU 23:8 मेको आन युइ आन पाला रे परमप्रभु यावे आ ग्रुम्‍तीकेमी ओव़चा गेने चाप्‍नीनी।
DEU 23:9 मिनु गेपुकी लडाइ पथ लनीनु, इन ताम्‍बुम नेल्‍ल मरिम्‍शो रे ङोन बाक्‍कीन।
DEU 23:10 मिनु इन दाते ङा वोंइश मुर का नाक्‍दोम ग्रांग्रा दितीके दुम्‍त हना, मेको बाक्‍तीके रे ङोन लचा माल्‍ब। मिनु लडाइ पाइब आन बाक्‍तीके मओव़चा। लेवी १५:१६-१८
DEU 23:11 मिनु मेको मुर नाक्‍नाक्‍दो चिक्‍सीशा, नां रिक्‍ची ना लेंशा आ बाक्‍तीके ओव़चा ताइब।
DEU 23:12 मिनु गेपुकी लडाइ पाइब आन बाक्‍तीक मेर ङाइक्‍तीके का सेल्‍चा माल्‍ब।
DEU 23:13 गेपुकी इन थोव़क नु दोतीक का यो बाक्‍चा माल्‍ब। ङाइक्‍चा कली लनीनु, पोव़ला दोशा, आगा ङाइश्‍शा नोले ख्री सुम्‍शा वोतीन।
DEU 23:14 मारदे हना इन कली प्रोंइचा नु इन जोरी सत्रु आन कली इन कली जिम्‍मा गेचा कली परमप्रभु यावे, इन परमप्रभु इन लडाइ पाइब आन बाक्‍तीकेम बाक्‍ब। मेकोमी इन कली इन जोरी सत्रु रे प्रोंइचा नु मेको आन कली इन गुइम गेब। मोपतीके इन बाक्‍तीके रिम्‍शो, आ खोदेंशो दुम्‍चा माल्‍ब। मिनु इन दातेमी ग्रांग्रा दित्‍चा ङा ताप्‍तु हना, इन बाक्‍तीक रे गाक्‍ब। लेवी २६:१२
DEU 23:15 मिनु वाइल का आ होव़प रे प्रोक्‍शा, इन बाक्‍तीकेम जाक्‍त हना, गेपुकीमी मेको कली लेंशा आ होव़प कली गेचा मदुम्‍ब।
DEU 23:16 मेको इन दातेमी आ दाक्‍शो सहरमी बाक्‍चा गेने। गेपुकीमी मेको कली श्‍येत मगेने। फिलेमोन १२-१६
DEU 23:17 मिनु इस्राएली आन तमी कि तौ मन्‍दीर ङा तेल्‍लेम पाइब दुम्‍चा मदुम्‍ब। होसे ४:१४; १राजा १४:२४; २राजा २३:७
DEU 23:18 वोंइश मुर, मीश मुर तेल्‍लेम पशो क्‍येट परमप्रभु यावे, इन परमप्रभु आ खिंम कबल खाप्‍चा कली चाक्‍चा मदुम्‍ब। मारदे हना मेको परमप्रभु यावे, इन परमप्रभु कली ग्रांग्रा बाक्‍ब। प्रकाश २२:१५
DEU 23:19 मिनु गेपुकीमी क्‍येट, जचा थोव़क नु मारेइ मारेइ जेर गेशो इन आंम लोक्‍ब रे मेको आ चाइक्‍ब मताक्‍चा। प्रस्‍थान २२:२४; लेवी २५:३६
DEU 23:20 अर्को रागी ङा मुर आन कली चाइक्‍ब गेपाइक्‍ने चाप्‍नीनी। तन्‍न इन लोक्‍ब आन कली जेर गेशा आ चाइक्‍ब मथाप्‍पाइक्‍चा। मिनु मेको टीतीनी हना, परमप्रभु यावे, इन परमप्रभुमी गे लचा चिक्‍शो इन के सेल्‍चा चिक्‍शो रागीमी इन कली आसीक गेब।
DEU 23:21 मिनु गेपुकीमी परमप्रभु यावे, इन परमप्रभु नु कसम जनीनु, मेको खाप्‍शा, थाप्‍चा कली मरिम्‍दीन। मारदे हना परमप्रभु यावे, इन परमप्रभुमी कसम खाप्‍शो कोव़चा दाक्‍ब। मो मपाइतीनी हना, गे पाप राइनीनी। गन्‍ती ३०:३
DEU 23:22 तन्‍न गेपुकी कसम मजाइतीनी हना, गे पाप मराइनीनी।
DEU 23:23 गेपुकीमी मार देंनी, मेको खाप्‍शा, पचा माल्‍नीनी। मारदे हना गे परमप्रभु यावे, इन परमप्रभु नु आंमान कसम जाइतीनी।
DEU 23:24 मिनु गेपुकी इन लोक्‍ब आ अङगुर रूमी ओव़तीनी हना, मरूनी सम्‍म सेक्‍शा ब्‍वने चाप्‍नीनी। तन्‍न कुरशा लाइक्‍चा मताइनीनी। मत्ती १२:१
DEU 23:25 मिनु गेपुकी इन लोक्‍ब आ बाली मीशो रूमी ओव़तीनी हना, जचा कली बाली सेक्‍चा ताइनीनी। तन्‍न रिक्‍चा चहिं मताइ‍नीनी।
DEU 24:1 मिनु मुर कामी ग्‍युंबे पा आ मीश नु बाक्‍शा, नोले ला मेको मरिम्‍शो बाक्‍त, दे तुइश्‍शा, मेको कली प्रोंइचा कली ब्रा‍चा आ पर्बम ब्रेक्‍स गेशा, आ खिं रे सोइक्‍ताक्‍व हना,
DEU 24:2 मेको लशा, अर्को आ मीश दुम्‍मेनु,
DEU 24:3 मिनु मेको अर्को वोंइशेम यो मरिम्‍शो बाक्‍त, दे तुइश्‍शा, मेको कली मदाक्‍थु प्रोंइचा कली ब्रा‍चा आ पर्बम ब्रेक्‍स गेशा, आ खिं रे सोइक्‍ताक्‍व हना, कि मेको मुर आंमा बेक्‍त हना,
DEU 24:4 मेको आ ङोंइती प्रोंइशो वोंइशेम मेको मीश मुर अरु वोंइश नु बाक्‍शा ग्रांग्रा दुम्‍शो नोले लेंशा चाक्‍ने मचाप्‍ब। मारदे हना मोदेंशो पशो परमप्रभु यावे आ ङोंइती ग्रांग्रा बाक्‍ब। परमप्रभु यावे, इन परमप्रभुमी इन कली गेशो रागीमी पाप मचाक्‍कीन।
DEU 24:5 वोंइश मुर कामी नक ग्‍युंबे पशो बाक्‍त हना, मेको लडाइम लचा मदुम्‍ब। अरु गेय यो “मेको कली पावो” दे अरेचा मदुम्‍ब। बर्स का सम्‍म मेको आ खिंम बाक्‍शा आ नक चाक्‍शो मीश नु ग्‍येरसीचा माल्‍ब। ब्‍यवस्‍था २०:७
DEU 24:6 सुइमी सुइ आन यात जाकटी मवोइक्‍चा। मारदे हना मेको मबाक्‍त हना दोपा शोब्‍ले सेल्‍ने चाप्‍नीमी?
DEU 24:7 सुइ मुरुमी इस्राएली लोक्‍ब कली ग्‍याइश्‍शा खुइ पा आ वाइल सेल्‍तु हना, लेयतु हना, मेको खुइ कली साइक्‍चा माल्‍नीम। मोपा गेपुकीमी इन दाते रे मरिम्‍शो नेल्‍ले ग्रुंइचा माल्‍नीनी। प्रस्‍थान २१:१६
DEU 24:8 कोव़र मुतीक तशा होस पा बाक्‍कीन। चढ़ेब, लेवीपुकीमी मेको आ पर्बम इन कली शेंशो खोदेंशो पा नेल्‍ल पचा माल्‍नीनी। गो मेको आन कली अरेशो खोदेंशो पा होस पा बाक्‍कीन।
DEU 24:9 गेपुकी इजीप्‍त रे ग्रूशा पिनीनु, परमप्रभु यावे, इन परमप्रभुमी लांम मिरयाम कली पशो गेय मप्रेंदीन। गन्‍ती १२:१०-१५
DEU 24:10 मिनु गेपुकीमी इन वारच कली जेर गेनीनु, मेको के मार मार जाकटी पुंइथ आ खिं मओव़ङीन।
DEU 24:11 लाङगामीन रिम्‍दीन। मिनु जेर लाइबमी मेको जाकटी लाङगा ग्रुंइशा गेब।
DEU 24:12 मेको मुर प्रुङग बाक्‍त हना, मेको आ जाकटी इन खिंम वोइश्‍शा ब्रशा मइपीन।
DEU 24:13 नां रिक्‍ची ना मेको जाकटी लेश्‍शा गेने। मिनु मेकोमी मेको आ फेक्‍तीक फेक्‍शा इप्‍थ लने चाप्‍ब। मिनु मेकोम इन कली आसीक गेब। मेको परमप्रभु यावे, इन परमप्रभु आ ङोंइती ठीक पतीक बाक्‍ब। प्रस्‍थान २२:२५; अय्‍युब २२:६; आमोस २:८; ब्‍यवस्‍था ६:२५
DEU 24:14 गेपुकीमी इस्राएल ङा कि इन सहरम बाक्‍शो अर्को रागी ङा प्रुङग नु श्‍येत जाइब खेत्‍लाम इन कली गेय पाप्‍तु हना, आ ततीक ठीक पा गेने।
DEU 24:15 गेय पची नाक्‍ती नां मरिक्‍थु, आ तचा ङा गाल्‍च गेचा माल्‍नीनी। मेको प्रुङग मुर आ गाल्‍च माल्‍ब बाक्‍ब। ठीक पा मगेतीनी हना, मेकोमी इन मरिम्‍शो पशो आ पर्बम परमप्रभु यावे नु लोव़ पाइब। मिनु गे पाप राइनीनी।
DEU 24:16 मुर आ तमी तौम साइक्‍चा ङा पाप पाप्‍तु हना, आफ कली मसाइक्‍चा। मिनु आफोमी साइक्‍चा ङा पाप पाप्‍तु हना, आ तमी तौ आन कली मसाइक्‍चा। सुमी पाप पाइबा, मेको ला साइक्‍चा पुंइसीब। २राजा १४:६
DEU 24:17 मिनु अर्को रागी ङा मुर नु रोम रोइक्‍च आन कली निसाफ दूली मपने। मिनु वोंइश बेक्‍शो मीश मुर आन फेक्‍तीक वा जाकटी मवोतीन।
DEU 24:18 गेपुकी इजीप्‍त रागीम वाइलीम वाइल दुम्‍शो मिम्‍तीन। मिनु परमप्रभु यावे, इन परमप्रभुमी इन कली मेक रे प्रोंइशो मप्रेंदीन। मोपतीके गो इन कली मोदेंशो पचा, दे अरेता। ब्‍यवस्‍था ५:१५
DEU 24:19 गेपुकीमी खेतम बाली नाली रिक्‍शा, मुठा का खेतम प्रेंताक्‍नी हना, लेश्‍शा ब्रथ मलने। मेको मुठा अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली बाक्‍ब। मो पाइतीनी हना, परमप्रभु यावे, इन परमप्रभुमी इन गेय नेल्‍लेमी इन कली आसीक गेब। लेवी १९:९-१०
DEU 24:20 गेपुकीमी तेल रवा आ फल थेप्‍तीनी हना, लेंशा लीशो फल मथेपीन। मेको लीशो फल अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली बाक्‍नीम।
DEU 24:21 गेपुकीमी इन अङगुर रू ङा अङगुर सेक्‍तीनी हना, लेंशा लीशो फल मसेक्‍कीन। मेको लीशो फल अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली बाक्‍नीम।
DEU 24:22 गेपुकी इजीप्‍त रागीम वाइलीम वाइल दुम्‍शो, मिम्‍तीन। मोपतीके गो इन कली मोदेंशो पचा, दे अरेता।
DEU 25:1 मिनु मोसामी “वोंइश मुर निक्‍शी जिम्‍ताक्‍स हना, मुददा कोम्‍मुइनीस। मिनु निसाफ पाइबमी का कली रिम्‍शो नु का कली मरिम्‍शो देंब। प्रस्‍थान २३:७
DEU 25:2 मिनु मरिम्‍शो पाइब का तुप्‍चा सजाइ पुंइसाक्‍व हना, मेको निसाफ पाइब आ ङोंइतीन मेको कली खोल्‍शा, मेको आ पाप गिश खेयप तुप्‍चा ङा बाक्‍मे, मिश खेयप मेको कली तुप्‍चा माल्‍नीम।
DEU 25:3 मेकोमी ४० खेयप सम्‍म तुप्‍चा दुम्‍ब। मेको क्‍येङा शुश तुप्‍पाइक्‍तु हना, इन लोक्‍ब इन ङोंइती मुने दोक्‍ब। २कोरिन्‍थी ११:२४
DEU 25:4 दांइ पशो ब्‍यफ कली फुङला पाइक्‍चा मदुम्‍ब। १कोरिन्‍थी ९:९; १तिमोथी ५:१८
DEU 25:5 मिनु लोक्‍ब निक्‍शी काथा बाक्‍ताक्‍स हना, का तौ मथिथु, बेक्‍त हना, मेको आ मीशेम अर्को खिं ङा मुर नु ग्‍युंबे पचा मदुम्‍ब। बेक्‍शो मुर आ लोक्‍बमी मेको मीश मुर कली ग्‍युंबे पचा माल्‍ब।
DEU 25:6 मिनु मेको आ ङोंइती जरमेशो तौ कली मेको बेक्‍शो आ नें वोइक्‍चा माल्‍नीम। मिनु मोपा आ नें इस्राएल रे मक्‍याम्‍सीब।
DEU 25:7 तन्‍न आ रिउम आ भोग्‍यु वोइक्‍चा मबिस्‍साक्‍व हना, मेको मीश मुरुमी सहर ङा ठेयब लाप्‍चोम बाक्‍ब खाल्‍पा आन नेक्‍था लशा ‘आं रिउम आ लोक्‍ब आ नें इस्राएलम वोइक्‍ने मबिस्‍से। मेकोमी आ पचा माल्‍शो गेय मपावो’ देंचा माल्‍ब।
DEU 25:8 मिनु मेको सहर ङा खाल्‍पापुकीमी मेको कली ब्रेश्‍शा, मेको नु लोव़ पचा माल्‍नीम। मिनु मेकोमी ‘गो एको कली मचाक्‍नुङ’ दे आ थुं मलेत्‍ताक्‍व हना,
DEU 25:9 आ भोग्‍युम सहर ङा खाल्‍पा आन ङोंइती मेको आ जुत्ता प्रुइश्‍शा आ कुलम तोक्‍चा माल्‍ब। मिनु मेको मीश मुरुम ‘सुम आ लोक्‍ब आ खिं ङा मुर सेल्‍चा मदाक्‍बा, मेको कली ओं पाइक्‍चा माल्‍ब’ दे लोव़ पचा माल्‍ब।
DEU 25:10 मिनु इस्राएलमी मेको आ खिं ङा मुर आन कली ‘जुत्ता प्रुंइसीशो मुर’ दे नें वोइक्‍चा माल्‍नीम।
DEU 25:11 मिनु वोंइश मुर निक्‍शी राम्‍शी पाम्‍सेनु, का आ मीश जाक्‍शा, आ वोंइश कली प्रोंइचा, दे अर्को आ ख्रुइश्‍शो थोव़क ग्‍याइक्‍ताक्‍व हना,
DEU 25:12 गेपुकीमी मेको कली शिशी मपाइक्थु, आ गुइ ख्रोइक्‍चा माल्‍ब।
DEU 25:13 मिनु इन पुक्‍तीक नाक्‍तीक ठेयब नु आइक्‍च बाक्‍चा मदुम्‍ब। लेवी १९:३५-३६; इजीकीएल ४५:१०; आमोस ८:५; मीका ६:११
DEU 25:14 इन खिंमी यो निक्‍शी खाल ङा पुक्‍तीके एफाह मदुम्‍ब। एफाह का २२ लिटर रिक्‍ब पुक्‍तीके बाक्‍ब।
DEU 25:15 तन्‍न इन खिंमी ठीक नाक्‍तीक नु ठीक पुक्‍तीक बाक्‍चा माल्‍नीम। मो पाइतीनी हना, परमप्रभु यावे, इन परमप्रभुमी गेशो रागीम शुश नाक्‍त ब्रोंइनीनी।
DEU 25:16 मारदे हना मरिम्‍शो पुक्‍बपुकी, परमप्रभु यावे, इन परमप्रभु आ ङोंइती ग्रांग्रा दित्‍चा ङा बाक्‍नीम।
DEU 25:17 मिनु गेपुकी इजीप्‍त रे पिनीनु, अमालेक ङा मुरपुकीमी इन कली लांम मार पामे मेको मप्रेंदीन। प्रस्‍थान १७:८-१६
DEU 25:18 मेकोपुकीमी इन कली लडाइ तोशा, गेपुकी लांम गाक्‍शो रे दनीनु नोले गाक्‍ब नेल्‍ल आन कली साइश्‍‍शो बाक्‍तेक्‍म। मेकोपुकी परमप्रभु क्‍येङा महिंम।
DEU 25:19 मोपतीके परमप्रभु यावे, इन परमप्रभुमी इन कली योव़शा गेशो इन के सेल्‍चा चिक्‍शो रागीम इन जोरी सत्रु नु लडाइ पशा, नाइक्‍साक्‍नी हना, अमालेकी आन नें रागी रे क्‍याम्‍चा माल्‍नीनी। मेको मप्रेंदीन” देंत। १सामुएल १५:२-३
DEU 26:1 मिनु मोसामी “परमप्रभु यावे, इन परमप्रभुमी इन कली गेशो रागी जाक्‍दीश्‍शा, इन के सेल्‍शा, मेक बाक्‍नीनु,
DEU 26:2 परमप्रभु यावे, इन परमप्रभुमी इन कली गेशो रागी ङा ङोंइती मीशो मारेइ मारेइ डालो काम कुर पा परमप्रभु यावे, इन परमप्रभु आ योव़शो बाक्‍तीकेम लतीन। प्रस्‍थान २३:१९; लेवी २:१४
DEU 26:3 मिनु गे मेना गेय पाइब चढ़ेब आन बाक्‍तीक लचा माल्‍नीनी। मिनु मेको कली गो परमप्रभु यावे, इन परमप्रभु आ ङोंइती ‘परमप्रभु यावेमी आंइ किकी पिपी नु कसम जशा गे‍नुङ, देंशो रागीम गो मुलाक्‍ती जाक्‍ती’ देंचा माल्‍नीनी।
DEU 26:4 मिनु मेको चढ़ेबमी मेको डालो इन गुइ रे ताक्‍शा, परमप्रभु यावे, इन परमप्रभु कली चढ़ेतीक आ ङोंइती वोइक्‍चा माल्‍ब।
DEU 26:5 मिनु गेपुकीमी परमप्रभु यावे, इन परमप्रभु आ ङोंइती ‘आं किकी पिपी हिरब अरामी बाक्‍तेक्‍म। मेको इजीप्‍त रागीम अर्को रागी ङा मुर दुम्‍शा बाक्‍शो बाक्‍त। ङोंइती मेको शुश मुर मबाक्‍म। नोले शोशा बोशा शुश नु बोल्‍यो ठेयब रागी ङा मुर दुम्‍तेक्‍म। ब्‍यवस्‍था ६:२०-२५; यहोसु २४:२-१३; भजन संग्रह ७८:-; भजन संग्रह १०५:-; भजन संग्रह १३६:-
DEU 26:6 मिनु इजीप्‍तीपुकीम आंइ कली मरिम्‍शो पा दिप्‍शा, आंइ कली शुश गेय पपाइक्‍तेक्‍म।
DEU 26:7 मिनु गोपुकीमी परमप्रभु यावे, इं किकी पिप आन परमप्रभु कली पुंइतक। मिनु मेकोमी आंइ पुंइशो नेंशा, आंइ श्‍येत तशा नु दोपा आंइ कली दिप्‍शो बाक्‍मा, मेको ताप्‍तु।
DEU 26:8 मिनु परमप्रभु यावेमी शुश सक्ति पाइश्‍शो ठेयब बोल पतीकेमी हिंचा ङा चिन्‍ड नु छक लाक्‍चा ङा गेय कोंइशा, आंइ कली इजीप्‍त रे ग्रुंइशा एक चाक्‍तु।
DEU 26:9 मेकोमी एकेर चाक्‍शा, एको रागी आंइ कली गेप्‍तु। मिनु एको रागीम दूध नु खुदो शुश बाक्‍त।
DEU 26:10 मिनु परमप्रभु यावे, आं कली गेशो रागी ङा ङोंइती ङा मीशो मारेइ मारेइ इन बाक्‍तीक चाक्‍ता’ देंचा माल्‍तीनी। मिनु मेको नेल्‍ल परमप्रभु यावे, इन परमप्रभु आ ङोंइती वोइश्‍शा, मेको परमप्रभु यावे, इन परमप्रभु आ ङोंइती बाप्‍शा ठेयब सेल्‍चा माल्‍नीनी।
DEU 26:11 मिनु गे परमप्रभु यावे, इन परमप्रभुमी इन कली नु इन खिं ङा मुर आन कली शुश गे‍शो तशा, लेवीपुकी नु गेपुकी नु बाक्‍ब अर्को रागी ङा मुरपुकी ग्‍येरसीचा माल्‍नीमी। ब्‍यवस्‍था १६:११-१४
DEU 26:12 मिनु गेपुकीमी बर्स सां सांमी इन बाली नाली ङा मारेइ मारेइ रे इन सहरम १० भाग ङा भाग का तिल्‍शा वोइक्‍चा माल्‍नीनी। मेको इन सहर ङा लेवी आ थर ङा मुर, अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली गारचा ङा जचा थोव़क बाक्‍ब। ब्‍यवस्‍था १४:२७-२९
DEU 26:13 मिनु गेपुकीमी परमप्रभु यावे, इन परमप्रभु आ ङोंइती ‘गो इन भाग आं खिं रे तिल्‍शा, इन शेंशो खोदेंशो पा लेवी आ थर ङा मुर, अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली गेता। गो इन शेंशो नेल्‍ल पाता। गो मेको काइ मप्रेंदु’ देंचा माल्‍नीनी।
DEU 26:14 रोंका पङानु, मेको रे मारेइ मजङ। गो ग्रांग्रा दिशो बाक्‍ङानु, मेको रे मारेइ मग्रुंइदु। मिनु बेक्‍शो मुर आन कली यो मेकेर रे मारेइ मगेशो बाक्‍ती। गो परमप्रभु यावे, आं परमप्रभु आ देंशो टिशा, इन अरेशो नेल्‍ल खाप्‍शो बाक्‍ती। गन्‍ती १९:१४-१५; इजीकीएल २४:१७,२२; होसे ९:४
DEU 26:15 इन स्‍वर्ग ङा बाक्‍तीके रे कोव़शा, इन मुर, इस्राएली, आंइ कली आसीक गेने। मिनु आंइ किकी पिपी नु कसम जशा गेशो शुश दूध नु खुदो बाक्‍शो रागी कली यो आसीक गेने” दे परमप्रभु कली लोव़ पचा माल्ब।
DEU 26:16 मिनु मोसामी “मुलाक्‍त परमप्रभु यावे, इन परमप्रभुमी इन कली मेको फुल्‍लुम मुशा ब्रेक्‍शो लोव़ नु निसाफ पतीक लोव़ पचा माल्‍नीनी। गेपुकीमी मेको कली इन थुंम वोइश्‍शा, इन थुं नु सोक्‍त नेल्‍लेमी टिने।
DEU 26:17 गेपुकीमी मुलाक्‍ती परमप्रभु यावे कली ‘गे आंइ परमप्रभु बाक्‍नीनी। गो इन लां खोइक्‍नीकी। मिनु इन फुल्‍लुम मुशा ब्रेक्‍शो लोव़, इन शेंशो नु इन निसाफ पतीके लोव़ पाइनीकी नु इन देंशो टीनीकी’ दे परमप्रभु कली लोव़ पाइतीनी।
DEU 26:18 मिनु मुलाक्‍ती परमप्रभु यावेमी इन कली ‘गो इन कली आं दाक्‍शो मुर सेल्‍ता। आं शेंशो नेल्‍ल टिचा माल्‍नीनी।
DEU 26:19 गो आं सेल्‍शो रागी रागी आन दातेमी इन कली नेल्‍ल क्‍येङा ठेयब सेल्‍नुङ। मान पाइक्‍चा पुंइसीशा, इन नें ठेयब सेल्‍चा नु शुश दारशो सेल्‍नुङ। मिनु परमप्रभु यावे, इन परमप्रभु आ मुरपुकी दुम्‍चा माल्‍नीनी’ दे परमप्रभु यावेमी इन कली देंशो बाक्‍त” देंत। ब्‍यवस्‍था १८:१
DEU 27:1 मिनु मोसा नु इस्राएल ङा खाल्‍पापुकीमी मुर आन कली “मुलाक्‍ती इन कली देंशो शेंशो लोव़ नेल्‍ल टिशा पने।
DEU 27:2 परमप्रभु यावे, इन परमप्रभुमी इन कली गेशो यर्दन आइक्‍ची हांबु ङा रागीमी शोक्‍सीनी नोले ङा नाक्‍तीमी ठेयब फुल्‍लु थारशा, बुलु ब्रुइक्‍तीन।
DEU 27:3 मिनु शोक्‍सीनी नोले गेपुकीमी मेको अरेशो लोव़ नेल्‍ले मेको फुल्‍लु तार ब्रेक्‍चा माल्‍नीनी। मो पाइतीनी हना, परमप्रभु यावे, इन परमप्रभुमी इन कली गेशो रागी ओव़चा ताइनीनी। परमप्रभु यावे, इन किकी पिपी आन परमप्रभुमी इन कली देंशो खोदेंशो पा इन कली दूध नु खुदो शुश बाक्‍शो रागी गेब।
DEU 27:4 यर्दन आइक्‍ची हांबु जाक्‍दीन्‍नी नोले गो इन कली अरेशो, मेको फुल्‍लुपुकी एबाल डांडाम थारशा बुलु ब्रुइक्‍तीन।
DEU 27:5 मिनु मेकेर रे गेपुकीम परमप्रभु यावे, इन परमप्रभु कली फुल्‍लु के चढ़ेतीक का सेलीन। मेको सेल्‍नीनु, मेको फुल्‍लु आन कली फलम के यामी काइ मथिचा। प्रस्‍थान २०:२५
DEU 27:6 गेपुकीमी परमप्रभु यावे, इन परमप्रभु कली चढ़ेतीक सेल्‍नीनु, मप्रोल्‍शो फुल्‍लु के सेलीन। मिनु मेको तारी परमप्रभु यावे, इन परमप्रभु कली चोशा चढ़ेतीक मेकेर चढ़ेचा माल्‍नीनी।
DEU 27:7 मिनु गेपुकीमी दुशा बाक्‍चा आ पर्बम चढ़ेतीक चढ़ेचा माल्‍नीनी। मिनु गेपुकीमी परमप्रभु यावे, इन परमप्रभु आ ङोंइती मेको जशा ब्‍वशा ग्‍येरसीने। ब्‍यवस्‍था १२:७
DEU 27:8 मिनु मेको फुल्‍लु आन तारी एको अरेशो लोव़ नेल्‍ल मुशा, रिम्‍शो पा ब्रेक्‍चा माल्‍नीनी” देंत।
DEU 27:9 मिनु मोसा नु चढ़ेब, लेवीपुकीमी इस्राएली नेल्‍ल आन कली “इस्राएलीपुकी ब्‍वालेइ पा, नेनीने। मुलाक्‍ती गेपुकी परमप्रभु यावे, इन परमप्रभु आ मुर दुम्‍तीनी। ब्‍यवस्‍था २६:१८-१९
DEU 27:10 मोपतीके परमप्रभु यावे, इन परमप्रभु आ देंशो टिने। मुलाक्‍ती गो इन कली माइश्‍शो आ शेंशो लोव़ नु आ फुल्‍लुम मुशा ब्रेक्‍शो लोव़ नेल्‍ल टिने” देंतेक्‍म।
DEU 27:11 मिनु मेको नाक्‍तीम मोसामी मुर आन कली
DEU 27:12 “गेपुकी यर्दन आइक्‍ची हांबु शोक्‍सीने थुम्‍नी नोले, सु सुमी मुर आन कली आसीक गेचा कली गेरीजीम माइश्‍शो डांडाम राप्‍शा बाक्‍चा माल्‍नीम देंशा हना, सिमियोन, लेवी, यहूदा, इस्‍साकार, योसेफ नु बेन्‍यामीन राप्‍शा बाक्‍चा माल्‍नीम। ब्‍यवस्‍था ११:२९
DEU 27:13 मिनु सु सुमी मुर आन कली सराप पचा कली एबाल माइश्‍शो डांडाम राप्‍शा बाक्‍चा माल्‍नीम देंशा हना, रूबेन, गाद, आशेर, जबूलून, दान नु नाप्‍ताली राप्‍शा बाक्‍चा माल्‍नीम।
DEU 27:14 मिनु लेवीपुकीमी नेल्‍ल इस्राएल ङा मुर आन कली ठेयब सेंदामी लोव़ पचा माल्‍नीम” देंत।
DEU 27:15 मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३
DEU 27:16 मिनु “सु मुरुमी आंम आम आफ कली मान मपाइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २१:१७
DEU 27:17 मिनु “सु मुरुमी आ नेक्‍था ङा मुर आ रू ङा सांद याक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। ब्‍यवस्‍था १९:१४
DEU 27:18 मिनु “सु मुरुमी मिक्‍च मताइब कली हेंथे लां कोंइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी १९:१४
DEU 27:19 मिनु “सु मुरुमी अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली ठीक निसाफ मपाइबा, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २२:२०-२१
DEU 27:20 मिनु “सु मुर आ आफ आ मीश नु इप्‍बा, मेको मुर सराप राइब। मारदे हना मेकोमी आ आफ कली मुने तोक्‍ब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी १८:८
DEU 27:21 मिनु “सु मुरुमी बी ब्‍यफ, क्‍यारश भेडा नु इप्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी २२:१८
DEU 27:22 मिनु “सु मुर आ समी नु इप्‍ब, मेको आ आफ आ तमी बाक्‍त हना यो आ आम आ तमी बाक्‍त हना यो, सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी १८:९,११
DEU 27:23 मिनु “सु मुर आ शिमी नु इप्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी १८:१७
DEU 27:24 मिनु “सु मुरुमी बाप्‍शा, मुर कली साइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २१:१२; गन्‍ती ३५:२०
DEU 27:25 मिनु “सु मुरुमी क्‍येट ताक्‍शा, दोस मतशो मुर कली साइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २३:८
DEU 27:26 मिनु “सु मुरुमी एको अरेशो लोव़ नेल्‍ल खाप्‍शा मपाइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। गलाती ३:१०
DEU 28:1 मिनु मोसामी “मुलाक्‍त गो इन कली माइश्‍शो परमप्रभु यावे, इन परमप्रभु आ देंशो नेल्‍ल होस पा टिशा, आ शेंशो पाइतीनी हना, परमप्रभु यावे, इन परमप्रभुमी इन कली नेल्‍ल रागी रागी ङा मुर आन क्‍येङा ठेयब सेल्‍ब। ब्‍यवस्‍था २६:१९
DEU 28:2 गे परमप्रभु यावे, इन परमप्रभु आ देंशो टिशा पाइतीनी हना, गेपुकी एको आसीक नेल्‍ल राइनीनी।
DEU 28:3 गेपुकी सहरम बाक्‍शा, आसीक राइनीनी। मिनु रूम बाक्‍शा, आसीक राइनीनी। उत्‍पत्ती ४९:२५-२६
DEU 28:4 इन आलपुकी, इन बाली नाली, इन बी ब्‍यफ नु इन क्‍यारश भेडा नु गोठ नेल्‍ल आसीक रशा सोशा बोशा लाइनीमी।
DEU 28:5 इन फस वोइक्‍तीक डालो नु फस नित्‍तीक बोस आसीक राइनीम।
DEU 28:6 गेपुकी खिंङगा ओव़नीनु, आसीक राइनीनी। मिनु लाङगा ग्रूनीनु, आसीक राइनीनी। भजन संग्रह १२१:८
DEU 28:7 मिनु परमप्रभु यावेमी इन कली लडाइ पाइब इन जोरी सत्रु आन कली इन ङोंइती ब्रुपाइक्‍ब। मेको लां कामी इन कली लडाइ पथ जाक्‍नीम। मिनु ब्रुशा, शाउ शिउ ब्रशा ७ ओटा लां रे प्रोक्‍नीम।
DEU 28:8 मिनु परमप्रभु यावेमी इन भकारीमी आसीक गेब। मिनु गे मार मार पाइनीनी रिम्‍शो दुम्‍चा कली आसीक गेब। मिनु परमप्रभु यावे, इन परमप्रभुमी इन कली गेशो रागीमी इन कली आसीक गेब। लेवी २५:२१
DEU 28:9 मिनु गेपुकीमी परमप्रभु यावे, इन परमप्रभु आ शेंशो लोव़ टिशा पाइतीनी हना नु आ लांमी गाक्‍तीनी हना, आ कसम जशो खोदेंशो पा इन कली आंम मुर सेल्‍शा वोइक्‍ब। प्रस्‍थान १९:५-६
DEU 28:10 मिनु ‘गेपुकी परमप्रभु यावे आ नें पाइश्‍शो मुर बाक्‍नीनी’ दे जात जात ङा मुर नेल्‍लेम तुइश्‍शा, इन कली तशा, शुश हिंनीम।
DEU 28:11 मिनु परमप्रभु यावेमी इन किकी पिपी आन कली गेनुङमी देंशो रागीमी गेपुकी शुश आल थीब दुम्‍नीनी। इन बी ब्‍यफ, क्‍यारश भेडा आन चाइक्‍ब शुश दुम्‍नीम, इन बाली नाली नेल्‍ल सोशा बोशा लाइनीनी। इन रागी रिम्‍शो दुम्‍ब।
DEU 28:12 मिनु परमप्रभु यावेमी नेल्‍ल सरीङ ङा शोंप वोइक्‍तीक रोक्‍शा, इन रू कली माल्‍ची ना रेउ यिपाइक्‍ब। मिनु गे मार मार पाइनीनी, मेको कली आसीक गेब। मिनु गेपुकीमी शुश रागी रागी ङा मुर आन कली जेर गेनीनी, गे चहिं सुइ आन जेर मताक्‍नीनी। ब्‍यवस्‍था १५:६
DEU 28:13 मिनु मुलाक्‍ती इन कली माइश्‍शो परमप्रभु यावे, इन परमप्रभु आ शेंशो होस पा टिशा पाइतीनी हना, परमप्रभु यावेमी इन कली पिया खोदेंशो पा, मुर आन कली अरेब सेल्‍ब। मीलु खोदेंशो पा अरु आन कली खोइक्‍ब ममाइ। मिनु गे शुश ठेयब दुम्‍शा लाइक्‍नीनी।
DEU 28:14 मिनु आं देंशो लोव़ नेल्‍ल पाइतीनी हना, आइदी आइक्‍था पा अरु देवी देवता आन हेंथे लां मलाइतीनी हना, मोदेंशो आसीक राइब दुम्‍नीनी। ब्‍यवस्‍था ५:२९-३२
DEU 28:15 मिनु गे परमप्रभु यावे, इन परमप्रभु आ देंशो मटीब दुम्‍तीनी हना, मुलाक्‍ती गो इन कली माइश्‍शो आ शेंशो नु आ फुल्‍लुम मुशा ब्रेक्‍शो लोव़ नेल्‍ल होस पा मपाइतीनी हना, एको सराप चीले नेल्‍ल राइनीनी। मिनु गेपुकी सराप रशो मुर दुम्‍नीनी। दानीएल ९:११
DEU 28:16 गेपुकी सहरम बाक्‍शा, सराप राइनीनी। मिनु रूम बाक्‍शा, सराप राइनीनी।
DEU 28:17 इन फस वोइक्‍तीस डालो नु इन फस नित्‍तीक बोस सराप राइनीम।
DEU 28:18 इन आल, इन बाली नाली, इन बी ब्‍यफ, इन क्‍यारश भेडा गोठ सराप राइनीम।
DEU 28:19 गेपुकी खिंङगा ओव़नीनु, सराप राइनीनी, मिनु लाङगा ग्रूनीनु, सराप राइनीनी।
DEU 28:20 मिनु परमप्रभु यावे कली टिचा प्रोंइशा बाक्‍तीनी हना, इन मार मार पतीकेमी इन थुं ग्‍यशा सराप राइनीनी। इन मरिम्‍शो पतीके गे रीब पा क्‍याम्‍चा पुंइसीनीनी।
DEU 28:21 मिनु परमप्रभु यावेमी इन कली गेशो नु इन के सेल्‍शो रागी रे ग्रुंइचा सम्‍म इन कली मुर बेक्‍तीक रोइ पपाइक्‍ब।
DEU 28:22 मिनु परमप्रभु यावेमी इन कली रां सोक्‍तीक रोइ, जोरो, शुश गार मुइक्‍तीके, रेउ मयितीके, नेल्‍ल बाली नाली सोव़‍तीके बुंखी ङाइक्‍तीके रोइ सोइक्‍ब।
DEU 28:23 मिनु इन तारी बाक्‍शो सरीङ कांसा खोदेंशो दुम्‍ब। मिनु इन रू ङा खप फलम खोदेंशो दुम्‍ब। ब्‍यवस्‍था ११:१७
DEU 28:24 मिनु परमप्रभु यावेमी इन रागीम रेउ कली फुरक सेल्‍ब। मिनु गेपुकी खतम मदुम्‍नी सम्‍म सरीङ रे मोदेंशो पा फुरक इन तारी यिना यिन बाक्‍ब।
DEU 28:25 मिनु परमप्रभु यावेमी इन कली इन जोरी सत्रु आन ङोंइती ब्रुपाइक्‍ब। गेपुकी मेकोपुकी नु लडाइ पथ लां कामी लाइनीनी, मिनु ब्रुशा शाउ शिउ ब्रशा ७ ओटा लां रे प्रोक्‍चा माल्‍नीनी। मिनु राज्‍य राज्‍य ङा मुर नेल्‍ल आन ङोंइती ग्रांग्रा दिशो दुम्‍नीनी।
DEU 28:26 मिनु गेपुकी बेक्‍नीनु, चिक्‍बपुकी नु ब्‍वाकी ङा जन्‍तुपुकीमी इन श्‍ये ब्‍वाइनीम। मिनु मेको आन कली खेरब ‘हा हाइ’ दे ग्रीब सुइ मबाक्‍नीम।
DEU 28:27 मिनु परमप्रभु यावेमी इन कली इजीप्‍त रागी ङा कान मुपाइक्‍ब, साने मचाप्‍चा ङा पा गार नु लुतो पपाइक्‍ब। प्रस्‍थान ९:९
DEU 28:28 मिनु परमप्रभु यावेमी इन थुं ग्‍यपाइक्‍ब, मिक्‍च मतपाइक्‍ब नु निप्‍स ग्‍यशो दुम्‍पाइक्‍ब।
DEU 28:29 मिनु मिक्‍च मताइबमी एर ओंथ सुल्‍ना सुल्‍न गाक्‍शो खोदेंशो पा गेपुकी नाक्‍तीन सुल्‍शा गाक्‍नीनी। मिनु गेपुकीमी मार पाइतीनी हना यो, रिम्‍शो मदुम्‍नीनी। मिनु गेपुकी नाक्‍त किंत किंत तुप्‍चा नु रोइक्‍चा पुंइसीशा बाक्‍नीनी। सुइमी इन कली वारच मपाइब। यसैया ५९:१०
DEU 28:30 गेपुकी मीश आल का कली पुंइनीनी, तन्‍न अरु वोंइश मुरुम मेको नु इप्‍ब। मिनु खिं का सेल्‍नीनी, तन्‍न आंमान बाक्‍चा मताइ‍नीनी। मिनु गेपुकीम अङगुर रू का ख्रुम्‍नीनी, तन्‍न आंमान ब्‍वचा मताइनीनी।
DEU 28:31 मिनु इन ङोंइती इन बी ब्‍यफ क्‍योरनीम, तन्‍न आ श्‍ये ब्‍वचा मताइ‍नीनी। इन गधा इन कली तचा ङा पा रोइक्‍नीम, मलेत्‍नीम। इन क्‍यारश भेडा इन जोरी सत्रु आन कली गेनीम। मिनु इन कली वारच पाइब सुइ मबाक्‍नीम।
DEU 28:32 इन तमी तौपुकी अर्को रागी ङा मुर आन कली गेनीम। मिनु गे मेको तशा, नाक्‍त किंत किंत मेको आन लां कोव़शा बाक्‍नीनी, तन्‍न मारेइ पने मचाप्‍नीनी।
DEU 28:33 इन मतुइश्‍शो मुरपुकीमी इन रू ङा ख्रुम्‍शो जाइनीम। मिनु गेपुकी गेना हना यो श्‍येत जचा नु दिप्‍चा पुंइसीनीनी। न्‍यायाधीस ६:३
DEU 28:34 मिनु इन मिक्‍चीम तशोपुकीम इन निप्‍स ग्‍यपाइक्‍ब।
DEU 28:35 मिनु परमप्रभु यावेमी इन पोक्‍च नु खोइलीम गेनायो मसाब गार मुपाइक्‍ब। मिनु मोदेंशो गारम इन पिया रे दिम्‍ला सम्‍म रां नेल्‍ल सुम्‍पाइक्‍ब। मिनु सुइम इन कली सापाइक्‍ने मचाप्‍ब।
DEU 28:36 मिनु परमप्रभु यावेमी इन कली नु इन योव़शो पिप कली, गेपुकी नु इन किकी पिपी यो मतुइश्‍शो जात ङा मुर आन रागी कोंइब। मिनु गेपुकीमी मेकेर रे शी नु फुल्‍लु के देवी देवता आन कली गेय पाइ‍नीनी। ब्‍यवस्‍था ४:२८
DEU 28:37 मिनु परमप्रभु यावेमी इन कली खेरशा जात जात ङा मुर आन दातेमी इन पर्बम शुक्‍शी पा, देंतीके सेल्‍शा, शुक्‍शी पचा पुंइसीनीनी। १राजा ९:७; येरमीया २४:९
DEU 28:38 गेपुकीमी शुश वांचेर शोक्‍नीनी, तन्‍न इच्‍का ला रुप्‍नीनी। मारदे हना मालेपुकीमी मेको नेल्‍ल नेक्‍नीम। मीका ६:१५
DEU 28:39 गेपुकीमी अङगुर रू ख्रुम्‍नीनी, तन्‍न बुस्‍स जोल्‍शा अङगुर खुप्‍चा नु अङगुर शांबु तूचा मताइनीनी।
DEU 28:40 गे इन बाक्‍तीक तेइ तेइ तेल रवा बाक्‍नीम, तन्‍न ख्रेक्‍चा कली तेल मताइनीनी। मारदे हना मेको फल हेम्‍शा दोक्‍नीम।
DEU 28:41 गे तमी तौ थीनीनी, तन्‍न मेकोपुकी इन के मदुम्‍नीम। मेकोपुकी ग्‍याइश्‍शा अर्को रागी लाइक्‍चा पुंइसीनीम।
DEU 28:42 इन रवा नु बाली नाली नेल्‍ले मालेपुकीमी खतम सेल्‍नीम।
DEU 28:43 मिनु गेपुकी नु बाक्‍ब अर्को रागी ङा मुर क्‍येट थीब दुम्‍शा, ङोंइती क्‍येङा ठेयब दुम्‍नीम, तन्‍न गेपुकी दोक्‍ना दोक्‍न लाइ‍नीनी।
DEU 28:44 मेकोपुकीमी इन कली जेर गेनीम। तन्‍न गेपुकीमी मेको आन कली जेर गेने मचाप्‍नीनी। मेकोपुकी पिया खोदेंशो दुम्‍नीम, गेपुकी चहिं मीलु खोदेंशो दुम्‍नीनी। ब्‍यवस्‍था २८:१२-१३
DEU 28:45 मिनु मेको सराप चीले नेल्‍ल गे मबेक्‍नी सम्‍म राइनीनी। मारदे हना गेपुकीमी परमप्रभु यावे, इन परमप्रभु आ शेंशो लोव़ नु आ फुल्‍लुम मुशा ब्रेक्‍शो लोव़ नेल्‍ल होस पा मटिनी।
DEU 28:46 मिनु मेको सराप इन कली नु इन चच युइ आन कली छ‍क लाक्‍चा ङा नु हिंचा ङा बाक्‍नीमी।
DEU 28:47 मारदे हना गेपुकी मारेइ मारेइमी गाप्‍शो बाक्‍नीनु, गे परमप्रभु यावे, इन परमप्रभु कली ग्‍येरसीशा नेल्‍ल थुंम टिशा गेय मपनी।
DEU 28:48 मोपतीके परमप्रभु यावेमी इन कली जोरी सत्रु सोइक्‍ब। गेपुकी शोव़लु बेक्‍शा नु तूतू दाक्‍ना दाक्‍न, फेक्‍चा मतथु नु मारेइ मगाप्‍शो दुम्‍शा, मेको आन गेय पचा माल्‍नीनी। मिनु मेकोमी इन कली मक्‍याम्‍दमे सम्‍म फलम के हलो इन तारी वोइक्‍नीम। येरमीया २८:१३-१४
DEU 28:49 मिनु परमप्रभु यावेमी नेल्‍ल क्‍येङा ङोन बाक्‍शो रागी रे मरुप्‍शो लोव़ पाइब मुरपुकी बेरशो ककाकुली खोदेंशो पा इन तारी जुक्‍पाइक्‍ब। हबकुक १:८; यसैया ३३:१९; येरमीया ५:१५
DEU 28:50 मेको मुरपुकी काइ शिशी मपाइश्‍शो बाक्‍नीम। मेकोपुकीमी खाल्‍पा आन कली मान मपाइनीम। मिनु आल आन कली यो काइ शिशी मकोंइनीम।
DEU 28:51 मिनु गेपुकी खतम मदुम्‍नी सम्‍म मेकोपुकीमी इन थुल्‍शो बी ब्‍यफ, क्‍यारश भेडा नु बाली नाली जाइनीम। मिनु मेकोपुकीमी इन अन्‍न, अङगुर शांबु, तेल, बी ब्‍यफ आन चाइक्‍ब, क्‍यारश भेडा आन पाठा का यो मगेनीम।
DEU 28:52 मिनु मेकोपुकीमी इन सहर नेल्‍ल आन कली पुम्‍नीम। मिनु गेपुकीमी ‘सुइम आंइ कली मफ्रुइब’ दे इन बोल्‍यो नु ग्‍येत्‍थ लाइश्‍शो ठेयब गारो कली थमा सुइक्‍तीनी, तन्‍न मेकोपुकीमी परमप्रभु यावे, इन परमप्रभुमी इन कली गेशो रागी ङा सहर नेल्‍ल पुम्‍शा, गारो प्रेत्‍नीम।
DEU 28:53 मिनु मोदेंशो पा इन जोरी सत्रुपुकीमी इन कली पुम्‍दमेनु, गे श्‍येत जशा, परमप्रभु यावे, इन परमप्रभुमी इन कली गेशो तमी तौ आन श्‍ये ब्‍वाइनीनी। लेवी २६:२९; २राजा ६:२८-२९; येरमीया १९:९; बिलाप २:२०; बिलाप ४:१०; इजीकीएल ५:१०
DEU 28:54 मिनु गेपुकी इन दाते ङा नेल्‍ल क्‍येङा रिम्‍शो थुं पाइश्‍शो नु ठीक पाइब वोंइश मुरुमी यो आ लोक्‍ब, आ दाक्‍शो मीश नु आ लीशो आ तमी तौ आन कली शिशी मपथु, जचा थोव़क रोइक्‍ब।
DEU 28:55 मिनु मेकोमी मेको आन कली आ ब्‍वचा माल्‍शो आ आल आ श्‍ये सुइ आन कली मगेब। मारदे हना जोरी सत्रुपुकीमी सहर पुम्‍शा जचा थोव़क मारेइ मबाक्‍ब।
DEU 28:56 मिनु इन दाते ङा नेल्‍ल आन क्‍येङा शकल मकल पाइश्‍शो नु नेल्‍ल क्‍येङा सुख जशो, आ खोइलीमी खप यो थेक्‍ने मबिप्‍ब मीश मुरुम आ दाक्‍शो वोंइश नु आ तमी तौ कली गेहे पा कोव़ब।
DEU 28:57 मारदे गेहे पा कोव़ब देंशा हना, आ नक थिशो आल नु आल आ उम्रो आ पर्बम गेहे पा कोव़ब। मिनु जोरी सत्रुम सहर पुम्‍तीके श्‍येत जशा, मेको मीश मुरुम ख्रुइश्‍शोमी आ उम्रो ‘आंमा ब्‍वाइनुङ’ दे मिम्‍ब।
DEU 28:58 मिनु गेपुकीमी एको किताबमी ब्रेक्‍शो अरेशो लोव़ नेल्‍ले टिशा मपाइतीनी हना, मेको ठेयब नु हिंचा ङा परमप्रभु यावे, इन परमप्रभु आ नें कली मान पा महिंतीनी हना,
DEU 28:59 परमप्रभु यावेमी इन कली नु इन चच युइ आन कली गेचा ङा श्‍येत ङोंइती मतशो खोदेंशो पा ठेयब फाल्‍ने मचाप्‍चा श्‍येत गेब। मेको ठेयब श्‍येत नु ठेयब नु मसाचा ङा रोइ पपाइक्‍ब।
DEU 28:60 मिनु परमप्रभु यावेमी हिंचा ङा इजीप्‍त रागी ङा मुर बेक्‍तीक रोइ इन कली पपाइक्‍ब। मिनु मेको बेक्‍तीक ङा रोइ इन दातेमी याक्‍सीब। ब्‍यवस्‍था २८:२७
DEU 28:61 मिनु मेको अरेशो लोव़ ङा किताबम मब्रेक्‍शो रोइ नु बेक्‍तीक रोइ यो इन कली पपाइक्‍ब। परमप्रभु यावेमी गेपुकी खतम मदुम्‍नी सम्‍म मोदेंशो पपाइक्‍ब।
DEU 28:62 मिनु गेपुकी ङोंइती सरीङ ङा सोरुल खोदेंशो पा शुश बाक्‍तीनी। मिनु नोले इच्‍का ला लीनीनी। मारदे हना गेपुकीमी परमप्रभु यावे, इन परमप्रभु आ देंशो मटिनी।
DEU 28:63 मिनु परमप्रभु यावेमी दोपा इन कली रिम्‍शो पचा नु शुश सेल्‍चा कली ग्‍येरसीशो बाक्‍मे, मोपा परमप्रभु यावेमी इन कली खतम सेल्‍चा नु क्‍याम्‍चा कली ग्‍येरसीशो बाक्‍ब। मिनु मेकोमी गे ओव़चा नु इन के सेल्‍चा चिक्‍शो रागी रे इन कली तुल्‍ब। हितोपदेस १:२६
DEU 28:64 मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्‍शो शी नु फुल्‍लु के देवी देवता आन कली गेय पाइनीनी।
DEU 28:65 मेको रागी रागी ङा मुर आन दातेमी गे नाइक्‍चा मताइनीनी। इन कली गेना हना यो खेरनीमी। मिनु परमप्रभु यावेमी मेकेर इन कली हिंब थुं गेब। मिनु फाल्‍ने मचाप्‍ब नु थुं लुक्‍च लाइब मुर दुम्‍नीनी।
DEU 28:66 मिनु गेपुकी दीसा मार दुम्‍बा ‘ब्रोंइनुङा, मब्रोंइनुङा’ दे मारेइ मतुइक्‍थु, नाक्‍दो नाक्‍ती हिंशा बाक्‍चा माल्‍नीनी।
DEU 28:67 मिनु सुनी कना गेपुकीमी ‘नां रिक्‍शो हना, रिम्‍शो दुम वा’ देंनीनी। मिनु नां रिक्‍ची ना ‘नां सोव़शो हना, गिश रिम्‍शो दुम वा’ देंनीनी। मारदे हना मार मार ताइनीनी, गे शुश हिंनीनी।
DEU 28:68 परमप्रभु यावेमी इन कली जहाजम इजीप्‍त रागीम लेश्‍शा सोइक्‍ब। गो मेको लां आ पर्बमी ‘गेपुकीमी एको लां गेनायो लेंशा लचा मदुम्‍ब’ दे गो इन कली देंती। मेकेर जाक्‍शा इन कली इन जोरी सत्रु आन कली वाइलीम वाइल सेल्‍चा कली लेयचा दाक्‍नीम, तन्‍न सुइम इन कली मग्‍याप्‍नीम” देंत। ब्‍यवस्‍था १७:१६; होसे ८:१३
DEU 29:1 मिनु होरेब डांडामी परमप्रभु यावेमी इस्राएली नु पशो कबल नु तेम्‍शा, मोआब रागीम मोसा कली इस्राएली आन कली तेम्‍चा ङा लोव़ मार बाक्‍नीम देंशा हना, ब्‍यवस्‍था ५:२
DEU 29:2 मोसामी इस्राएली नेल्‍ल आन कली ब्रेश्‍शा “परमप्रभु यावेमी इजीप्‍तमी फाराओ नु मेको आ गेय पाइब नेल्‍ल नु आ रागी कली पशो गेपुकीमी नेल्‍ल तशो बाक्‍नीनी। प्रस्‍थान १९:४
DEU 29:3 गेपुकी मेको ठेयब नाक्‍तीके ताइतीनी। मिनु मेको ठेयब चिन्‍ड नु छक लाक्‍चा ङा गेय यो ताइतीनी। ब्‍यवस्‍था ४:३४; ब्‍यवस्‍था ७:१९
DEU 29:4 तन्‍न मुल सम्‍म परमप्रभु यावेमी इन कली रुप्‍तीक थुं, कोव़तीक मिक्‍च नु नेंतीक नोफा मगेशो बाक्‍ब। ब्‍यवस्‍था ५:२६
DEU 29:5 मिनु गो इन कली ४० बर्स सम्‍म गोरशो रागीम लां कोंइताक्‍न्‍नी। इन फेक्‍तीक मजे, जुत्ता यो मजे। ब्‍यवस्‍था ८:४
DEU 29:6 गेपुकीमी शोब्‍ले मजनी, अङगुर शांबु नु रकसी यो तूचा मतनी, तन्‍न ब्रोंइतीनी। मिनु गो परमप्रभु यावे, इन परमप्रभु नङ, दे गेपुकीमी रुप्‍तीनी।
DEU 29:7 मिनु गेपुकी एको रागीम जाक्‍नीनु, हेश्‍बोन ङा पिप सीहोन नु बाशान ङा पिप ओग गोपुकी नु लडाइ पचा कली ग्रुम्‍शा जाक्‍ताक्‍स। मिनु गो मेको आन कली फ्रुइतय। गन्‍ती २१:२१-३५
DEU 29:8 मिनु गोपुकीमी मेको आन रागी ग्राशा, रूबेन आ थर, गाद आ थर नु मनस्‍से आ थर ङा आधा मुर आन कली आन के सेल्‍चा कली रू गेशो। गन्‍ती ३२:-
DEU 29:9 मोपतीके एको कबल पशो लोव़ होस पा पने। मिनु मो पाइतीनी हना, गे मार मार पनी, मेको रिम्‍शो दुम्‍ब।
DEU 29:10 मिनु गे नेल्‍ल परमप्रभु यावे, इन परमप्रभु आ ङोंइती राप्‍शो बाक्‍नीनी। इन थर थर ङा ठेयब मुरपुकी, इन खाल्‍पापुकी, ससान पाइबपुकी नु इस्राएली नेल्‍ल,
DEU 29:11 इन आलपुकी नु इन मीशपुकी, अर्को रागी ङा इन दातेमी बाक्‍शो मुरपुकी, शी चाक्‍ब नु ब्‍वाक्‍कु कुरब नेल्‍ल बाक्‍नीम। यहोसु ९:२७
DEU 29:12 मारदे नेल्‍ल बाक्‍शो बाक्‍तीनी देंशा हना, परमप्रभु यावे, इन परमप्रभुमी गे नु कसम जशो कबल मुलाक्‍त परमप्रभु यावे, इन परमप्रभुमी गे नु पाइब।
DEU 29:13 दोपा परमप्रभु यावेमी इन किकी पिपी अब्राहाम, इसहाक नु याकूब नु कसम जशो बाक्‍मे, मोपान मुलाक्‍ती इन परमप्रभुमी इन कली आंम के मुर सेल्‍चा कली कबल पाप्‍तु।
DEU 29:14 मिनु गो मेको कसम जशो कबल परमप्रभु यावे, इं परमप्रभु आ ङोंइती राप्‍शा बाक्‍ब इन कली ला ममाइ, ब्‍यवस्‍था ५:३; उत्‍पत्ती १७:७
DEU 29:15 तन्‍न सु सु मुलाक्‍त मबाक्‍तेक्‍म हना, यो मेको कबल पाइनुङ।
DEU 29:16 गो दोपा इजीप्‍त रागीम बाक्‍या, तुइक्‍नीनी। गोपुकी रागी रागीम गाक्‍शा, दोपा जाक्‍या, दे यो तुइक्‍नीनी।
DEU 29:17 मिनु गे आन ग्रांग्रा दित्‍चा ङा शी, फुल्‍लु, सुन नु चांदी के देवी देवता आन कली यो तशो बाक्‍नीनी।
DEU 29:18 मिनु इन दाते रे सुइ वोंइश मुर, मीश मुर, खिं ङा मुर नु थर ङा सुइ आन थुं परमप्रभु यावे, इं परमप्रभु रे नोले शोंइसी‍शा, मेको रागी रागी ङा देवी देवता आन कली पूजा पचा दाक्‍ब बाक्‍नीम कों? इन दातेमी मोदेंशो ओश्‍येर पाइश्‍शो शाक्‍श का बाक्‍बा कों? ब्‍यवस्‍था ३२:३२; होसे १०:४; आमोस ६:१२; हिब्रू १२:१५
DEU 29:19 मिनु मोदेंशो पाइब मुर मेको कसम ङा लोव़ नेंशा, आ थुंमी ‘गो आंम मिम्‍तीके पशा बाक्‍ती हना यो, गो सराप मराइनुङ। गो आसीक ताइब बाक्‍ती’ दे मिम्‍ब। मोदेंशो मिम्‍तीके नेल्‍ल आन कली खतम सेल्‍ब।
DEU 29:20 मिनु परमप्रभु यावेमी मोदेंशो मुर आ पाप मक्‍याम्‍ब। परमप्रभु यावे मेको कली तशा, आ गाइक्‍चा नु आ गेहे पतीके मी खोदेंशो पा ब्राइब। मिनु मेको अरेशो लोव़ ङा किताबम ब्रेक्‍शो सराप नेल्‍ल मेको मुर कली राइब। मिनु परमप्रभु यावेमी मेको आ नें रागी रे क्‍याम्‍ब। ब्‍यवस्‍था २८:१५-६८
DEU 29:21 मिनु परमप्रभु यावेमी मेको कली इस्राएली आन थर रे तिल्‍शा, मेको अरेशो किताबम ब्रेक्‍शो कबल ङा सराप नेल्‍ल रपाइक्‍ब।
DEU 29:22 इन नोले जरमेशो पाला, इन नोले जाक्‍शो तमी तौ नु ङोन रागी ङा मुरपुकीमी मेको रागी ङा श्‍येत नु परमप्रभु यावेमी मेको आन कली गेशो बेक्‍तीक ङा रोइ तशा
DEU 29:23 मेको रागी नेल्‍लेम मी ब्रशा गन्‍धक नु हिक्‍सी बाक्‍ब। मारेइ मशोक्‍शो, काइ गिग मग्रूशो मारेइ मवाशो बाक्‍ब। मेको परमप्रभु यावेमी चुरशा गाइश्‍शो सोदोम नु गोमोररा, अदमाह नु सेबोयीम खतम सेल्‍शो रागी खोदेंशो बाक्‍ब। उत्‍पत्ती १९:२४
DEU 29:24 मिनु रागी रागी ङा मुर नेल्‍लेमी ‘परमप्रभु यावेमी एको रागी कली मारदे ओदेंशो सेला? एको आ पर्बम मारदे मोदेंशो शुश चुरशा गाइक्‍ता?’ दे हिल्‍लो पाइनीम।
DEU 29:25 मिनु मेकोपुकीमी ‘मेको परमप्रभु यावे, आन किकी पिपी आन परमप्रभुमी मेको कली इजीप्‍त रे ग्रुंइची ना पशो कबल प्रोंइने थुम्‍शो बाक्‍तेक्‍म।
DEU 29:26 मिनु मेकोपुकीमी आन मतुइ‍श्‍शो नु परमप्रभुम मपचा देंशो देवी देवता आन ङोंइती बाप्‍शो बाक्‍तेक्‍म।
DEU 29:27 मोपतीके परमप्रभु यावे एको रागी आ पर्बम शुश गाइक्‍ताक्‍व। मिनु मेकोमी एको किताबम ब्रेक्‍शो सराप नेल्‍ल मेको रागी कली रपाइक्‍तु।
DEU 29:28 मिनु परमप्रभु यावेमी चुरशा, गाइश्‍शा, आ ठेयब गाइश्‍शोम मेको आन कली आन रागी रे खेरशा, अर्को रागीम ताइक्‍ताक्‍व। मेको मोदेंशो मुलाक्‍त दुम्‍शो बाक्‍ब’ देंनीम।
DEU 29:29 मिनु मारेइ मारेइ ख्रुइश्‍‍शो परमप्रभु यावे, इं परमप्रभु के बाक्‍ब। तन्‍न मेको अरेशो लोव़ नेल्‍ल टिचा नु मेको तुइक्‍तीके आंइ के नु आंइ तमी तौ के बाक्‍ब” देंत। ब्‍यवस्‍था ३२:३४
DEU 30:1 मिनु गो इन कली देंशो लोव़, दोपा आसीक राइनीनी नु दोपा सराप राइनीनी, गे मेको नोले आंमा तशो, परमप्रभु यावे, इन परमप्रभुमी इन कली रागी रागी ङा मुर आन दाते रे खेरा नु ला तुइक्‍नीनी। ब्‍यवस्‍था २८:-
DEU 30:2 मिनु गो मुलाक्‍ती इन कली अरेशो खोदेंशो पा गे नु इन तमी तौ इन थुं नु सोक्‍त नेल्‍लेमी परमप्रभु यावे, इन परमप्रभु गे लेश्‍शा टिचा दाक्‍तीनी हना, ब्‍यवस्‍था ४:३०; लेवी २६:४०
DEU 30:3 मेना परमप्रभु यावे, इन परमप्रभुमी इन रिम्‍शो नाक्‍ती लेप्‍पाइक्‍ब। मिनु परमप्रभु यावे, इन परमप्रभुमी इन कली शिशी पाइश्‍शा, जात जात ङा मुर आन दातेमी ब्रपाइक्‍तीके रे खुप्‍शा चाक्‍ब। इजीकीएल १६:५३; येरमीया २९:१४; आमोस ९:१४; येरमीया ३२:३७
DEU 30:4 मिनु गे शुश ङोन रागी सम्‍म खेरचा पुंइसाक्‍नी हना यो परमप्रभु यावे, इन परमप्रभुमी इन कली खुप्‍शा एक चाक्‍ब। ब्‍यवस्‍था २८:६४; नेहेम्‍याह १:९
DEU 30:5 मिनु परमप्रभु यावे, इन परमप्रभुमी इन कली इन किकी पिपी आन रागीमी चाक्‍ब। मेको रागी इन के बाक्‍ब। मिनु मेकोमी इन कली इन किकी पिपी क्‍येङा शुश नु रिम्‍शो सेल्‍ब।
DEU 30:6 मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९
DEU 30:7 मिनु परमप्रभु यावे, इन परमप्रभुमी मेको सराप नेल्‍ल इन कली खेदा पाइब, इन कली गेहे पाइब जोरी सत्रु आन कली रपाइक्‍ब।
DEU 30:8 मुलाक्‍ती गो इन कली माइश्‍शो गे लेश्‍शा परमप्रभु यावे आ शेंशो नेल्‍ल टीनीनी।
DEU 30:9 मिनु परमप्रभु यावे, इन परमप्रभुमी इन पतीके नेल्‍लेमी इन कली आसीक गेब। मेकोमी इन कली शुश तमी तौ, बी ब्‍यफ, क्‍यारश भेडा नु इन रू ङा अन्‍न शुश सेल्‍ब। मारदे हना परमप्रभु यावेमी इन किकी पिपी आन कली रिम्‍शो पशो खोदेंशो पा इन कली यो रिम्‍शो पचा दाक्‍ब।
DEU 30:10 गेपुकीम परमप्रभु यावे, इन परमप्रभु आ देंशो टीतीनी हना, आ शेंशो, आ फुल्‍लुम मुशा ब्रेक्‍शो लोव़ नु मेको अरेशो लोव़ ङा किताबम ब्रेक्‍शो लोव़ पाइतीनी हना, गे इन थुं नु सोक्‍त नेल्‍लेमी परमप्रभु यावे, इन परमप्रभु गे लेत्‍तीनी हना, गे लेंशा आसीक राइनीनी।
DEU 30:11 मिनु गो मुलाक्‍त इन कली माइश्‍शो परमप्रभु यावे आ शेंशो मरुप्‍चा ङा नु इन पने मचाप्‍चा ङा मबाक्‍ब। मेको इन नेक्‍था बाक्‍ब।
DEU 30:12 मेको लोव़ इर सरीङमी मबाक्‍ब। मिनु गेपुकीमी “सु सरीङ लशा मेको लोव़ आंइ कली चाक्‍बा? मिनु मेको नेंशा, पाइनीकी” देंचा ममाल्‍नीनी। रोमी १०:६-८
DEU 30:13 मिनु मेको समुन्‍द्र आ आइक्‍ची हांबु यो मबाक्‍ब। गेपुकीमी “सुम आंइ कली समुन्‍द्र आइक्‍ची हांबु मेको ब्रथ लाइबा? मिनु मेको नेंशा, पाइनीकी” देंचा ममाल्‍नीनी।
DEU 30:14 मेको अरेशो लोव़ इन नेक्‍था बाक्‍ब। गे मेको आ पर्बम लोव़ पाइनीनी। मिनु मेको पचा कली इन थुंमी बाक्‍ब।
DEU 30:15 मिनु मुलाक्‍ती गो ब्रोंइतीक नु रिम्‍शो दुम्‍तीक, बेक्‍तीक नु मरिम्‍शो दुम्‍तीक इन कली कोंइ‍शो बाक्‍नुङ। ब्‍यवस्‍था ११:२६
DEU 30:16 मिनु गोम मुलाक्‍त इन कली माइश्‍शो परमप्रभु यावे आ शेंशो, आ फुल्‍लुम मुशा ब्रेक्‍शो लोव़ नु आ निसाफ पतीक लोव़ टीतीनी हना, परमप्रभु यावे, इन परमप्रभु कली दाक्‍ताक्‍नी हना, मेको आ लां गाक्‍तीनी हना, गे ब्रोंइ‍शा, सोशा बोशा, शुश दुम्‍शा बाक्‍नीनी। मिनु परमप्रभु यावे, इन परमप्रभुमी इन ओव़चा चिक्‍शो रागीमी आसीक गेब।
DEU 30:17 तन्‍न गे इन थुं हिरशा मटीब दुम्‍तीनी हना, नु देवी देवता आन ङोंइती बाप्‍शा, गेय पाइतीनी हना,
DEU 30:18 गो इन कली मुलाक्‍ती “गेपुकी थमा पा बेक्‍नीनी। मिनु यर्दन आइक्‍ची हांबु इन के सेल्‍शो रागीमी गे शुश नाक्‍ती मब्रोंइनीनी” देंनुङ। ब्‍यवस्‍था ८:१९
DEU 30:19 गो मुलाक्‍ती सरीङ नु रागी कली इन ङोंइती सांकछी वोइक्‍नुङ। गो इन कली ब्रोंइचा नु बेक्‍चा, आसीक नु सराप इन कली कोंइताक्‍ङ। गे नु इन चच युइ ब्रोंइतीक योव़ङीन। ब्‍यवस्‍था ४:२६
DEU 30:20 परमप्रभु यावे, इन परमप्रभु कली दाक्‍तीन। आ देंशो टिने। मेको कली मप्रोंइथु बाक्‍कीन। मारदे हना मेकोम इन कली ब्रोंइचा नु शुश नाक्‍ती बाक्‍चा गेब। मिनु गेपुकी परमप्रभु यावेमी इन किकी पिपी अब्राहाम, इसहाक नु याकूब आन कली कसम जशा गेशो रागीम बाक्‍ने चाप्‍नीनी।
DEU 31:1 मिनु मोसामी इस्राएली नेल्‍ल आन कली एको लोव़ नेंपाइक्‍तु।
DEU 31:2 मिनु मेकोमी “मुलाक्‍ती गो सहे का २१ बर्स गाप्‍ती। गो मुल रे इन कली लां कोंइने मचाप्‍नुङ। मिनु परमप्रभु यावेमी आं कली ‘गे मेको यर्दन मशोक्‍नेवे’ दे माइक्‍ती। प्रस्‍थान ७:७; गन्‍ती २०:१२
DEU 31:3 परमप्रभु यावे, इन परमप्रभु इन ङोंइती यर्दन शोक्‍शा, आइक्‍ची हांबु लाइब। मेकोमी इन ङोंइती मेको रागी रागी ङा मुर आन कली क्‍याम्‍ब। मिनु गेपुकीमी मेको आन कली खेरने चाप्‍‍नीनी। मिनु परमप्रभु यावेमी देंशो खोदेंशो पा यहोसु इन ङोंइती शोक्‍ब। ब्‍यवस्‍था ३:२२
DEU 31:4 मिनु परमप्रभु यावेमी मेको एमोरी आन पिप सीहोन नु ओग नु आन रागी खतम पोक्‍शो खोदेंशो पा, मेको आन कली यो खतम पोक्‍ब। गन्‍ती २१:२१-३५
DEU 31:5 मिनु परमप्रभु यावेमी मेको आन कली इन जिम्‍मा गेब। गो इन कली माइश्‍शो परमप्रभु यावे आ शेंशो खोदेंशो पा नेल्‍ल गेपुकीमी मेको आन कली पचा माल्‍नीनी। प्रस्‍थान २३:३२-३३
DEU 31:6 बोल्‍यो नु महिंब दुमीन। मेको आन कली तशा महिनीन मारदे हना परमप्रभु यावे, इन परमप्रभु गेपुकी नु लाइब। मेकोम इन कली कोव़शा, मप्रोंइब” दे मोसामी देंत। ब्‍यवस्‍था १:२९-३०
DEU 31:7 मिनु मोसामी यहोसु कली ब्रेश्‍शा, इस्राएली नेल्‍ल आन ङोंइती “बोल्‍यो नु महिंब दुमो। मारदे हना परमप्रभु यावेमी मेको इन किकी पिपी आन कली कसम जशा ‘मेको रागी इन कली गेनुङ’ देंशो बाक्‍त। मिनु गे मेको रागी मेको आन कली योक्‍शा गेनीनी। ब्‍यवस्‍था ३:२८; यहोसु १:६
DEU 31:8 मिनु परमप्रभु यावे इ ङोंइती लाइब। मेको गे नु बाक्‍ब। मेकोम इन कली कोव़शा, मप्रोंइब। महिनीन नु मेको आन कली तशा इन थुं लुक्‍च मलने” दे मोसामी यहोसु कली देंत।
DEU 31:9 मिनु मोसामी परमप्रभु आ अरेशो लोव़ ब्रेक्‍शा, चढ़ेब, लेवी आ थर ङा मुर नु इस्राएली आन खाल्‍पा आन कली गेम्‍तीमी। मिनु लेवी आ थर ङा मुरपुकीमी चहिं परमप्रभु यावे आ सल्‍ला पतीक सन्‍दोस कुरशो बाक्‍तेक्‍म।
DEU 31:10 मिनु मोसाम मेको आन कली “७ बर्स ङा प्रोंइतीक बर्समी गोठ सेल्‍तीक चाडमी ब्‍यवस्‍था १५:१; ब्‍यवस्‍था १६:१३
DEU 31:11 नेल्‍ल इस्राएली परमप्रभु यावे, इन परमप्रभु आ योव़शो बाक्‍तीकेमी मेको अरेशो लोव़ इस्राएली नेल्‍ल आन ङोंइती पढेचा माल्‍नीनी।
DEU 31:12 गेपुकीमी वोंइश मुर, मीश मुर, आलपुकी नु इन सहरम बाक्‍शो अर्को रागी ङा मुर नेल्‍ल आन कली खुप्चा माल्‍नीनी। मिनु मेकोपुकीमी मेको अरेशो लोव़ नेंशा, शेंशा, परमप्रभु यावे, इन परमप्रभु कली मान पा हिंब दुम्‍चा माल्‍नीम। मिनु एको अरेशो लोव़ नेल्‍ल तुइश्‍शा पचा माल्‍नीम।
DEU 31:13 मिनु एको अरेशो लोव़ मतुइक्‍ब, आन आलपुकीमी यो नेंशा रुप्‍शा, परमप्रभु यावे, इन परमप्रभु कली मान पा हिंचा शेंचा माल्‍नीम। गेपुकीमी यर्दन खोला आ आइक्‍ची हांबु इन के सेल्‍शो रागीम बाक्‍ची ना मोदेंशो पचा माल्‍नीनी” दे माइक्‍तीमी।
DEU 31:14 मिनु परमप्रभु यावेमी मोसा कली “मुल इ बेक्‍ची नाक्‍ती जाक्‍शो बाक्‍ब। मोपतीके यहोसु कली ब्रेश्‍शा, मेको कली इ गेय जिम्‍मा गेनुङ। मोपतीके ग्रुम्‍तीक ताम्‍बुम जाक्‍शा, राप्‍शा बाक्‍कीस” देंत। मिनु मोसा नु यहोसु लशा ग्रुम्‍तीक ताम्‍बुम राप्‍शा बाक्‍ताक्‍स।
DEU 31:15 मिनु परमप्रभु यावे ग्रुम्‍तीक ताम्‍बुम गोस्‍स के थामम ग्रूत। मिनु गोस्‍स के थाम ताम्‍बु आ ओव़तीकेमी बाक्‍त। प्रस्‍थान ३२:९
DEU 31:16 मिनु परमप्रभु यावेमी मोसा कली “गे इ किकी पिपी नु बाक्‍चा चिक्‍शो बाक्‍नेवे। गे बेक्‍ङे नोले मेको मुर आन लशो रागीम जाक्‍दीश्‍शा, मेको रागी ङा आन मतुइश्‍शो देवी देवता आन कली खोइक्‍नीम। आं कली प्रोंइशा, गो नु पशो कबल क्‍याम्‍नीम।
DEU 31:17 मिनु गो मेको नाक्‍त मेको आन पर्बम शुश गाइक्‍नुङ। मिनु गो मेको आन कली प्रोंइशा, मेको आन कली वारच मपाइ‍नुङ। मेकोपुकी रोइक्‍चा पुंइसीनीम। मिनु मेकोपुकीमी शुश मरिम्‍शो दुम्‍शा, ठेयब श्‍येत जाइनीम। मिनु मेको नाक्‍त मेकोपुकीमी ‘इं परमप्रभु गोपुकी नु मबाक्‍तीके इं कली मोदेंशो दुम्‍शो बाक्‍ब’ देंनीम।
DEU 31:18 मिनु मेकोपुकी शुश मरिम्‍शो पा, देवी देवता आन नोले खोइक्‍ब दुम्‍नीम। मोपतीके गो मेको आन कली वारच मपाइ‍नुङ।
DEU 31:19 एको कुम्‍सो ब्रेक्‍तो। मिनु इस्राएली आन कली शेंदो। मेको रिम्‍शो तुइक्‍पतो। मारदे हना मेको कुम्‍सो इस्राएली आन पर्बम आं सांकछी दुम्‍चा माल्‍ब। ब्‍यवस्‍था ३२:१-४३
DEU 31:20 गो मेको आन किकी पिपी आन कली गेनुङ, दे कसम जशो दूध नु खुदो शुश बाक्‍शो रागी मेको आन कली गेनुङ। मिनु मेकोपुकी जशा ब्‍वशा, रूशा दोम्‍नीम। मिनु मेकोपुकीमी देवी देवता खोइश्‍शा, मेको आन गेय पाइनीम। आं कली चहिं आइक्‍च सेल्‍नीम गो नु आं कबल क्‍याम्‍नीम।
DEU 31:21 मिनु मेको मरिम्‍शो दुम्‍शा, शुश श्‍येत जाम्‍तेक्‍म हना, मेको कुम्‍सो मेको आन पशो आ पर्बम आं सांकछी दुम्‍ब। मारदे हना आन चच युइ मेको कुम्‍सो शेंसीशा, तुइश्‍शो बाक्‍नीम। ‘मेको आन कली गेनुङ’ दे कसम जशो रागीम चाक्‍चा क्‍येङा ङोंइती आन मिम्‍तीके दूली बाक्‍ब, दे तुइक्‍नुङ” दे परमप्रभु यावेमी मोसा कली देंत। भजन संग्रह १३९:२
DEU 31:22 मिनु मेको नाक्‍ती मोसामी एको कुम्‍सो ब्रेक्‍शा, इस्राएली आन कली शेंताक्‍मी।
DEU 31:23 मिनु परमप्रभु यावेमी नून आ तौ यहोसु कली अरेशा “बोल्‍यो नु महिंब दुमो। मारदे हना ‘मेको आन कली गेनुङ’ देंशो रागीम गे इस्राएली आन कली चाक्‍दीत्‍चा माल्‍नेवे। मिनु गो गे नु बाक्‍नुङ” देंत।
DEU 31:24 मिनु मोसामी मेको अरेशो लोव़ किताबम ब्रेक्‍ने थुम्‍शा नोले
DEU 31:25 मेकोमी परमप्रभु यावे आ सल्‍ला पतीक सन्‍दोस कुरब लेवी आ थर ङा मुर आन कली
DEU 31:26 “एको अरेशो लोव़ ङा किताब लाइश्‍शा, परमप्रभु यावे, इन परमप्रभु आ सल्‍ला पतीक सन्‍दोस आ नेक्‍था वोतीन। मोदेंशो पा मेको आन पर्बम सांकछी दुम्‍शा बाक्‍ब। यूहन्‍ना ५:४५
DEU 31:27 मारदे हना गो इन मरिम्‍शो पतीक नु इन मटितीके तुइक्‍नुङ। गो मुल सम्‍म गेपुकी नु बाक्‍शा यो, गेपुकी परमप्रभु यावे कली गन गन पा मटीब बाक्‍तीनी। गो बेक्‍ङा नोले दोशो मरिम्‍शो पाइनीनी?
DEU 31:28 मिनु गे इन थर थर ङा खाल्‍पा नु ठेयब मुर नेल्‍ल आं बाक्‍तीकेम ब्रेश्‍शा खुम्‍सीन। मिनु गो मेको आन कली एको लोव़ नेंपाइक्‍नुङमी। मिनु मेको गो सरीङ नु रागी आन पर्बम सांकछी वोइक्‍नुङ। ब्‍यवस्‍था ३२:१
DEU 31:29 मारदे हना गो बेक्‍ङा नोले गेपुकी थमा पा दूली पाइब दुम्‍नीनी। मेको गो तुइक्‍नुङ। मिनु गेपुकी आं अरेशो लां रे ङोन लाइनीनी। मिनु गेपुकीमी परमप्रभु यावे आ ङोंइती मरिम्‍शो पाइनीनी। मिनु मेको इन पतीकेमी मेको कली गाइक्‍पाइक्‍नीनी। नोले ङा नाक्‍तीमी इन कली शुश श्‍येत दुम्‍ब” देंत।
DEU 31:30 मिनु मोसामी इस्राएली नेल्‍ल आन ङोंइती एको कुम्‍सो थुम्‍चा सम्‍म नेंपाइक्‍तीमी।
DEU 32:1 “सरीङ, गो मार देंनुङा, नोफा दाइश्‍शा नेनो। रागीम, आं लोव़ नेनल। यसैया १:२
DEU 32:2 आं अरेशो लोव़ रेउ खोदेंशो पा यीब। आं अरेशो लोव़ सीत खोदेंशो पा दोक्‍ब। कल्‍लो घांस तार भूस भुसे रेउ खोदेंशो पा नु सुवा आन तार ठेयब रेउ खोदेंशो पा यीब। यसैया ५५:१०-११
DEU 32:3 मारदे हना गो परमप्रभु यावे आ नें ठेयब सेल्‍नुङ। इं परमप्रभु ठेयब बाक्‍ब।
DEU 32:4 मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।
DEU 32:5 तन्‍न मेको पाला ङा मरिम्‍शो दुम्‍शो मुरपुकीमी मेको कली मरिम्‍शो पाम्‍तेक्‍म। मेको दूली पाइब नु हेंथे गाक्‍ब ला ङा बाक्‍नीम। यसैया १:२-४; मत्ती १७:१७
DEU 32:6 मूर्ख नु निप्‍स मपाइश्‍शो मुरपुकी, मार, गे परमप्रभु यावे कली क्‍येक्‍क लेत्‍नीनी? मार, इन कली सेल्‍ब इन आफ मेको ममाइ ङा? मेको इन कली सेल्‍ब नु वोइक्‍ब बाक्‍ब।
DEU 32:7 साइ ङोंइती ङा नाक्‍त मिम्‍तीन। साइ ङा बर्स कली मिम्‍तीन। इन आफ कली हिल्‍लो पने। मिनु मेकोमी इन कली शेंनीम। इन खाल्‍पा आन कली हिल्‍लो पने। मेकोमी इन कली देंनीम।
DEU 32:8 नेल्‍ल क्‍येङा ठेयबमी रागी रागी ङा मुर आन कली आन रागी गेप्‍तु। मेकोमी मुर नेल्‍ल आन कली शुश खाल ङा सेल्‍तु। मेना इस्राएली आन थर ङा खिं खिं ङा मुर कोव़शा, आन सांद योक्‍शा गेप्‍तु। उत्‍पत्ती ११:८; प्रेरित १७:२६
DEU 32:9 मिनु परमप्रभु यावे आ भाग आ मुरपुकी बाक्‍तेक्‍म। याकूब आ मुर आन भाग आ योव़शो रागी बाक्‍त।
DEU 32:10 मेकोमी याकूब कली सुइ मबाक्‍शो रागीम थुल्‍तु। गोरशो रागीमी कोव़शा थुल्‍तु। मिनु मेकोमी मेको कली आ एर ओंथ नेल्‍ल रे कोव़तु। मिनु मेको कली आ मिक्‍च कली खोदेंशो पा होस पा कोव़तु। भजन संग्रह १७:८; इजीकीएल १६:१०-१४; जकरिया २:१२
DEU 32:11 आंम चाइक्‍ब कली रिम्‍शो कोव़शा जचा गेब, फ्रां प्राक्‍शा चाइक्‍ब कली पुप्‍ब नु आ फ्रांम इर कुरब ककाकुली खोदेंशो पा, प्रस्‍थान १९:४
DEU 32:12 परमप्रभु यावेमी मेको कली लां कोंइताक्‍व। मेको नु अर्को तेकोइ देवता मबाक्‍म।
DEU 32:13 मेकोमी मेको कली नेल्‍ल क्‍येङा रिम्‍शो रागीम वोइक्‍तु। मेकोमी रूम शोक्‍शो थोव़कीम थुल्‍तु। मिनु मेको कली रोंगु ङा खुदो नु फुल्‍लु रे तेल जचा गेप्‍तु। भजन संग्रह ८१:१७
DEU 32:14 मिनु बी आन दूध के दहि, भेडा आन दूध नु पाठा नु सांड आन बोंसो ब्‍वचा गेप्‍तु। बाशान ङा ब्‍यफ नु क्‍यारश आन श्‍ये ब्‍वचा गेप्‍तु। नेल्‍ल क्‍येङा रिम्‍शो चेरब फस जशा, अङगुर शांबु तूशा बाक्‍ते।
DEU 32:15 मिनु येशुरुनमी दोम्‍शा ताइक्‍तु। गे दोम्‍ते। गे दोम्‍शा, ठेयब लेश्‍शो दुम्‍ते। मेकोमी आ कली सेल्‍ब परमप्रभु कली प्रोंइतु। मिनु आ श्‍येत रे प्रोंइब सेरथे फुल्‍लु, कली प्रोंइतु। येशुरुन याकूब-इस्राएल कली मान पतीक नें बाक्‍ब।ब्‍यवस्‍था ३३:५,२६; यसैया ४४:२; ब्‍यवस्‍था ३१:२०; नेहेम्‍याह ९:२५
DEU 32:16 मिनु मेकोपुकीमी अर्को देवी देवता आन कली ठेयब सेल्‍शा, मेको कली गेहे पपाइक्‍तेक्‍म। मेकोपुकीमी ग्रांग्रा दिचा ङा थोव़कीम पतीके मेको कली गाइक्‍पाइक्‍तेक्‍म।
DEU 32:17 मेकोपुकीमी परमप्रभु कली ममाइ, वोल आन कली चढ़ेम्‍तेक्‍म। आन ङोंइती मतुइश्‍शो देवी देवता आन कली चढ़ेम्‍तेक्‍म। आन किकी पिपीमी महिंशो नक सेल्‍शो देवी देवता आन कली चढ़ेम्‍तेक्‍म।
DEU 32:18 मिनु गे इन कली सेल्‍ब सेरथे फुल्‍लु कली ममिम्‍तीनी। इन कली थीब परमप्रभु यावे कली प्रेंताक्‍नी। उत्‍पत्ती ४९:२४; भजन संग्रह १८:३२; भजन संग्रह ७८:१५-१६
DEU 32:19 मिनु परमप्रभु यावे मेको तशा रुश पाप्‍तु। मारदे हना आ तमी तौपुकीम मेको कली आइक्‍च सेल्‍तेक्‍म।
DEU 32:20 मिनु मेकोमी ‘गो मेको आन कली वारच मपाइ‍नुङ। मेको दोपा बेक्‍नीमी, मेको कोव़नुङ। मारदे हना मेको दूली पाइब पाला ङा मुर बाक्‍नीम। मेको थमा मसुइक्‍चा ङा बाक्‍नीम।
DEU 32:21 देवी देवता आन पर्बमी आं कली रुश पपाइक्‍नीम। मूर्ति पूजा पा आं कली गाइक्‍ब सेल्‍तीमी। मोपतीके गो ङोन ङा मुर आन कली आंम के सेल्‍शा, एको आन कली रुश पपाइक्‍नुङ। रागी ङा मतुइक्‍ब मुर आन कली गुप्‍शा, मेको आन कली गाइक्‍पाइक्‍नुङ। भजन संग्रह ७८:५८; येरमीया २:११; रोमी १०:१९
DEU 32:22 मारदे हना आं गाइक्‍चा मी खोदेंशो पा ब्रशो बाक्‍ब। रागी आगा सम्‍म ब्राइब। रागी नु मेकेर बाक्‍शो नेल्‍ले नेक्‍ब। मेकोमी डांडा आन जग नेल्‍ल नेक्‍ब।
DEU 32:23 गो मेको आन कली शुश श्‍येत गे‍नुङ। गो मेको आन कली ब्रा आप्‍नुङ। दोपा आप्‍नुङ देंशा हना,
DEU 32:24 बेक्‍चा ङा शोव़लु, शुश नाप्‍शो जोरो, मुर कली साइक्‍ब रोइ नु मेको आन कली ब्रुप्‍शा ब्‍वाइब जन्‍तुपुकी नु खपीम ग्रे‍शा गाक्‍ब बीस पाइश्‍शो बुस्‍सपुकी सोइक्‍नुङ।
DEU 32:25 लां लांमी तरवारम मेको आन कली रोम रोइक्‍च सेल्‍नुङ। खिं खिंम राम्‍शी पोक्‍नुङ। ठिटा ठिटी, दूध तूब आल, चां बोइश्‍शो नेल्‍ल आन कली खाल का ङा पाइ‍नुङ। इजीकीएल ५:१७; इजीकीएल १४:२१
DEU 32:26 गो मेको आन कली ङोन ङोन सम्‍म ब्रापाइक्‍नुङ। गो मेको आन कली मुर आन दातेम ममिम्पाइक्‍नुङ।
DEU 32:27 तन्‍न आन जोरी सत्रुपुकीमी दूली मिम्‍शा “गोपुकीमी इं सक्तिम ग्रातय। एको परमप्रभु यावे आ पशो ममाइ” देंनीम। मिनु आं कली गाइक्‍पाइक्‍नीम।
DEU 32:28 मारदे हना मेकोपुकी रागी ङा निप्‍स मपाइश्‍शो मुर नम। मेकोपुकी नु मारेइ रुप्‍तीक थुं मबाक्‍ब। यसैया २७:११; येरमीया ४:२२
DEU 32:29 मेकोपुकी निप्‍स पाइश्‍शो नम हना, एको लोव़ रुबेम वा। मेको आन बेक्‍तीक तुइक्‍तेम वा।
DEU 32:30 मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७
DEU 32:31 इं जोरी सत्रुमी “मेको आन सेरथे फुल्‍लु आंइ सेरथे फुल्‍लु खोदेंशो ममाइ” दे लोव़ पाम्‍तेक्‍म। ब्‍यवस्‍था ३२:४,३७
DEU 32:32 मारदे हना मेको आन अङगुर सोदोम ङा अङगुर बाक्‍नीम। मेको गोमोररा ङा अङगुर रू रे दुम्‍शो बाक्‍नीम। मेको आन अङगुर बीखम ब्रीशो बाक्‍नीम। मेको आ गेडा कशो बाक्‍नीम।
DEU 32:33 मेको आन अङगुर बुस्‍स आ बीस नु साइक्‍चा ङा बीख बाक्‍ब।
DEU 32:34 गो एको मिम्‍शा वोइश्‍शो बाक्‍नुङ। आं वोइक्‍तीकेमी छाप थोक्‍शा वोइश्‍शो बाक्‍नुङ। ब्‍यवस्‍था २९:२८
DEU 32:35 सजाइ नु क्‍येक्‍क लेत्‍तीक आं के बाक्‍ब। मिनु ग्रेक्‍शा थित्‍तीक नाक्‍त नु आन बेक्‍तीक नाक्‍त जाक्‍चा चिक्‍शो बाक्‍ब। मेको आन खतम दुम्‍तीक नाक्‍त जाक्‍चा चिक्‍शो बाक्‍ब। भजन संग्रह ९४:१; रोमी १२:१९; हिब्रू १०:३०
DEU 32:36 परमप्रभु यावेमी आ मुर आन कली थमा पा वारच पाइब। आ मुर आन कली शिशी पाइब। मेको आन सक्ति लत हना, मुर नु वाइलीम वाइल यो खतम दुम्‍नीम।
DEU 32:37 मेको आन देवी देवता ते बाक्‍नीमी? मेको आन ख्रुइक्‍तीक सेरथे फुल्‍लु ते बाक्‍बा ङा? ब्‍यवस्‍था ३२:३१
DEU 32:38 आन क्‍योरशा चढ़ेतीके ङा बोंसो सुमी ब्‍ववा? मिनु तूचा थोव़क चढ़ेतीके रे सुम तूङा? मेकोपुकी बोक्‍शा इन कली वारच पामेक्‍ल। मिनु इन कली प्रोन्‍मेक्‍ल। न्‍यायाधीस १०:१४; येरमीया २:२८
DEU 32:39 मुल कोव़ङीन, गो ला परमप्रभु नङ। आं क्‍येङा लाक्‍शा सुइ परमप्रभु मबाक्‍ब। गो साइक्‍ब नु ब्रोंइपाइक्‍ब नङ। गो गार सेल्‍ब नु सापाइक्‍ब नङ। आं गुइ रे ब्रोंइब सुइ मबाक्‍ब। ब्‍यवस्‍था ४:३५; यसैया ४५:५; १सामुएल २:६; प्रस्‍थान १५:२६; अय्‍युब ५:१८; होसे ६:१-२
DEU 32:40 मिनु गो आं गुइ सरीङ गे पोक्‍शा, गो गेना हना यो ब्रोंइशा बाक्‍शो खोदेंशो पा कसम जाइनुङ।
DEU 32:41 गो आं टल्‍केशो या शेप्‍ता हना, आं गुइमी निसाफ पचा कली ग्‍याइक्‍ताक्‍ङ हना, आं जोरी सत्रु आन कली क्‍येक्‍क लेत्‍नुङ। आं कली काइ मदाक्‍ब आन कली क्‍येक्‍क लेत्‍नुङ। येरमीया ४६:१०
DEU 32:42 आं ब्रा आन कली ग्‍याइश्‍शा साइश्‍शो मुर आन हुशेमी गिल्‍नुङ। आं या लाइश्‍शो चां पाइश्‍शो आं जोरी सत्रु आन श्‍ये ब्‍वाइब खोदेंशो सेल्‍नुङ’ दे परमप्रभुमी देंत।
DEU 32:43 गे रागी रागी ङा मुरपुकी, ग्येरसीशो मेको आ मुर बाक्‍नीनी। मिनु नेल्‍लेमी परमप्रभु कली मान पने। मारदे हना मेकोमी आ गेय पाइब आन हुश आ क्‍येक्‍क लेप्‍ब। आ मुर आन कली मरिम्‍शो पाइब आन कली क्‍येक्‍क लेप्‍ब। मिनु मेको आन कली काइ मदाक्‍ब आन कली क्‍येक्‍क लेप्‍ब। मिनु मेकोमी आ मुर आन रागी कली लेंशा रिम्‍शो सेल्‍ब” दे मोसामी कुम्‍सो पाप्‍तु। रोमी १५:१०; ब्यवस्‍था २१:८; गन्‍ती ३५:३३-३४
DEU 32:44 मिनु मोसा नु नून आ तौ यहोसु मुर आन ङोंइती एको कुम्‍सो ङा लोव़ नेंपाइक्‍ताक्‍स।
DEU 32:45 मिनु मोसामी इस्राएली नेल्‍ल आन कली एको लोव़ नेंपाइक्‍ने थुम्‍शा,
DEU 32:46 मेको आन कली “मुलाक्‍त गे इन कली आं देंशो लोव़ नेल्‍ल इन थुंम वोतीन। इन तमी तौ आन कली देनीन। गे मेको आन कली ‘मेको अरेशो लोव़ नेल्‍ल होस पा पचा माल्‍नीनी’ दे मतीन। ब्‍यवस्‍था ६:७
DEU 32:47 मारदे हना एको इन कली आइक्‍च लोव़ ममाइ। एको इन ब्रोंइतीक बाक्‍ब। एको पशा, गेपुकी यर्दन शोक्‍शा इन के सेल्‍शो रागीम शुश नाक्‍त ब्रोंइनीनी” दे माइक्‍तीमी। लेवी १८:५
DEU 32:48 मिनु मेको नाक्‍ती परमप्रभु यावेमी मोसा कली
DEU 32:49 “गे अबारीम डांडा ङोंइसो। यरीको आ नेक्‍था मोआब रागीम बाक्‍शो नेबो डांडा ङोंइसो। मिनु गो इस्राएली आन कली गेशो कनान रागी नेल्‍ल कोव़ङो। गन्‍ती २७:१२; गन्‍ती ३३:४८
DEU 32:50 मिनु दोपा इ लोक्‍ब हारून होर डांडाम बेक्‍मे नु आ किकी पिपी आ मुर आन बाक्‍तीक लमे, मोपा गे मेको इ ङोइश्‍शो डांडाम बेक्‍नेवे। मिनु बेक्‍शा इ किकी पिपी आन बाक्‍तीक लाइनेवे। गन्‍ती २०:२३-२९
DEU 32:51 मारदे हना गे निक्‍शीमी जीन ङा गोरशो रागी मेरीबाथ-कादेशमी आं ब्‍वाक्‍कु आ नेक्‍था इस्राएली आन दातेमी आं कली थमा मसुइक्‍यीसी। आं कली टिचा माल्‍नीम, दे इस्राएली आन ङोंइती मकोंइथु, आं कली ठेयब मसेल्‍सी। गन्‍ती २०:१२-१३
DEU 32:52 गे आं इस्राएली आन कली गेशो रागी ङोन रे ताप्‍तीवी हना यो, गे मेकेर लचा मताइनेवे” दे परमप्रभु यावेमी मोसा कली देंत।
DEU 33:1 परमप्रभु आ मुर, मोसामी आ बेक्‍चा क्‍येङा ङोंइती इस्राएली आन कली मार आसीक गेप्‍तु देंशा हना
DEU 33:2 “परमप्रभु यावे सीनै रे जाक्‍शो बाक्‍ब। मेको सेइर रे पा आंइ ङोंइती ग्रूत। मेको पारान डांडा रे पा टल्‍केसाक्‍व। मेको नु लाख लाख आ मुर बाक्‍तेक्‍म। आ ग्‍युरा गे आंम मुर ङा ठेयब हुल बाक्‍तेक्‍म। न्‍यायाधीस ५:४
DEU 33:3 थमा पा, मुर आन दातेमी आ मुर शुश दाक्‍शो मुर बाक्‍नीम। गे इन मुर नेल्‍ल आन कली कोव़ब बाक्‍तीनी। मेकोपुकी इन खोइल आ नेक्‍था गाक्‍शो बाक्‍तेक्‍म। इन देंशो नेल्‍ल पाम्‍तेक्‍म।
DEU 33:4 मोसामी आंइ कली इन अरेशो लोव़ ‘पचा माल्‍नीनी’ दे माइक्‍तु। मेको अरेशो लोव़ याकूब आ जात ङा मुर नेल्‍ल आन के दुम्‍त।
DEU 33:5 मिनु येशुरुन पिप का दुम्‍त। मुर आन ठेयब मुरपुकी बुक्‍तेक्‍म। मिनु इस्राएल आन थर थर नेल्‍ल ग्रुम्‍तेक्‍म। येशुरुन याकूब-इस्राएल कली मान पतीक नें बाक्‍ब।प्रस्‍थान १५:१८; ब्‍यवस्‍था ३२:१५; प्रस्‍थान १९:७
DEU 33:6 रूबेन आ मुर शुश मदुम्‍तेक्‍म हना यो, ब्रोंइशा बाक्‍ल, मबेक्‍ल” देंत।
DEU 33:7 मिनु यहूदा आ पर्बम मार देंशो बाक्‍त, देंशा हना “परमप्रभु यावे, यहूदा आ लोव़ नेनीन। मेको कली आ मुर आन बाक्‍तीक चाक्‍कीन। मेको कली सक्ति गेने। मेको आ जोरी सत्रु आन पर्बम मेको कली वारच पतीन” देंत।
DEU 33:8 मिनु लेवी आ पर्बम मार देंशो बाक्‍त, देंशा हना “गे लेवी कली इन थुम्‍मीम गेने। इन ऊरीम इन थमा सुइक्‍चा ङा गेय पाइब कली गेने। गे मेको कली मास्‍साहम नाक्‍ताक्‍नी। गे मेरीबा ङा ब्‍वाक्‍कुम मेको नु जीतीनी” देंत। प्रस्‍थान २८:३०; १सामुएल १४:४१; प्रस्‍थान १७:२,७; भजन संग्रह ९५:८
DEU 33:9 मेकोमी आ आम आफ आस पर्बम “गो मेको आस कली ममिम्‍नुङ। मेकोमी आं खिं ङा मुर आन कली प्रोंइतु। आ तौ आन कली मतुइक्‍त। मारदे हना मेकोमी इन लोव़ टिप्‍तु। मिनु गे नु कबल पशो बाक्‍त। प्रस्‍थान ३२:२७-२९; मत्ती १०:३७
DEU 33:10 मेकोपुकीमी याकूब कली इन पतीके लोव़ नु इस्राएली आन कली इन अरेशो लोव़ शेंनीम। मेकोपुकीमी इन ङोंइती धूप चोइनीम। इन कली इन चढ़ेतीके तार नेल्‍ल चोशा चढ़ेतीके चढ़ेनीम।
DEU 33:11 परमप्रभु यावे, गे मेको कली आसीक गेने। मेको आन गेय ताक्‍कीन। मेको कली काइ मदाक्‍ब आन कली नु आ जोरी सत्रु आन कली लेंशा मबोक्‍चा ङा पा खतम सेलीन” देंत।
DEU 33:12 मिनु बेन्‍यामीन आ पर्बम मार देंशो बाक्‍त, देंशा हना “परमप्रभु यावे आ दाक्‍शो महिंचा ङा पा नाइक्‍ब। नेल्‍ल क्‍येङा ठेयबमी मेको कली नाक्‍त रे कोव़ब। मेको आ दाक्‍शो मुर आ बला आस दातेम नाइक्‍ब” देंत।
DEU 33:13 मिनु योसेफ आ पर्बमी मार देंशो बाक्‍त, देंशा हना “परमप्रभु यावे आ रू आन कली आसीक गेवल। मेकोमी इर सरीङ नु उइ रागी ङा नेल्‍ल क्‍येङा रिम्‍शो तवल। उत्‍पत्ती ४९:२५
DEU 33:14 नांम सिश्‍शो फल फुल तवल। महिना महिना ङा रिम्‍शो फल फुल तवल।
DEU 33:15 माइत पहाड ङा नेल्‍ल क्‍येङा रिम्‍शो अन्‍न नु गेना हना यो लीब डांडा ङा शुश बाली नाली तवल।
DEU 33:16 मेको रू ङा नेल्‍ल क्‍येङा रिम्‍शो सिश्‍शो शुश तवल। मिनु सीनै डांडाम बाक्‍ब आ दाक्‍शो तवल। मिनु मेको आसीक योसेफ आ पिया तार दुम्‍ल। प्रस्‍थान ३:२-४; उत्‍पत्ती ४९:२६
DEU 33:17 मेको आ लोक्‍ब आन दाते ङा नेल्‍ल क्‍येङा ठेयब मुर, योसेफ आ पिया तार दुम्‍ल। मेको ङोंइती जरमेशो बाछा खोदेंशो बाक्‍ब। मेको ताइब बाक्‍ब। मेको आ ग्रोव़ ब्‍वाकी ङा ब्‍यफ आ ग्रोव़ खोदेंशो बाक्‍ब। मेकोमी जात जात ङा मुर आन कली खेरशा, रागी आ सुर सम्‍म नेप्‍ब। मेकोपुकी एफ्राइम आ लाख लाख ङा मुर नु मनस्‍से आ हजार हजार ङा मुर बाक्‍नीम” देंत। उत्‍पत्ती ४६:२०
DEU 33:18 मिनु जबूलून आ पर्बम मार देंशो बाक्‍त, देंशा हना “जबूलून, लाङगा लशा ग्‍येरसो। मिनु इस्‍साकार इ ताम्‍बुम बाक्‍शा ग्‍येरसो।
DEU 33:19 मेकोपुकीमी जात जात ङा मुर आन कली डांडाम ब्रेत्‍नीम। मेकेर ठीक दुम्‍शो चढ़ेतीक चढ़ेनीम। मारदे हना मेकोपुकीमी समुन्‍द्र ङा शोंप नु बाल्‍वाम ख्रुइश्‍शो शोंप जाइ‍नीम” देंत।
DEU 33:20 मिनु गाद आ पर्बम मार देंशो बाक्‍त, देंशा हना “गाद कली सोशो बोशो दुम्‍शा ग्‍येरसो। गाद गुप्‍स खोदेंशो पा बाप्‍शा बाक्‍ब। मेकोमी गुइ नु पिया रेप्‍ब।
DEU 33:21 मेकोमी आंम कली नेल्‍ल क्‍येङा रिम्‍शो रागी योव़तु। मारदे हना मेको कली कप्‍तान आ भाग वोइश्‍शो बाक्‍त। मेको नेल्‍ल इस्राएली आन ङोंइती गाक्‍त। परमप्रभु यावेमी देंशो ठीक पतीके पाप्‍तु” देंत। गन्‍ती ३२:२९-३२
DEU 33:22 दान आ पर्बम मार देंशो बाक्‍त, देंशा हना “दान बाशान रे प्रेक्‍शा, जाक्‍ब, गुप्‍स आ चाइक्‍ब बाक्‍ब” देंत।
DEU 33:23 मिनु नाप्‍ताली आ पर्बम मार देंशो बाक्‍त, देंशा हना “नाप्‍ताली, गे परमप्रभु यावे आ दाक्‍शो, आसीक ताइब बाक्‍नेवे। गे पच्‍छिम नु दक्‍खिन इ के सेलो” देंत।
DEU 33:24 मिनु आशेर आ पर्बम मार देंशो बाक्‍त, देंशा हना “मुर आन दातेमी नेल्‍ल क्‍येङा आसीक राइब आशेर बाक्‍ब। मेको आ लोक्‍बपुकीमी मेको कली दाक्‍तमेक्‍ल। मेको आ खोइल तेलम चिक्‍सेक्‍ल।
DEU 33:25 इ आग्‍लोपुकी फलाम नु कांसा के बाक्‍नीम। इ नाक्‍त दोदेंशो बाक्‍मे इ सक्ति यो मोदेंशोन बाक्‍ल” देंत।
DEU 33:26 मिनु “येशुरुन आ परमप्रभु खोदेंशो सुइ मबाक्‍ब। मेको इ कली वारच पाइक्‍चा कली स्‍वर्ग रे पीब। मेको सरीङ मेर रे मान पचा पुंइसीशा पीब। येशुरुन याकूब-इस्राएल कली मान पतीक नें बाक्‍ब। आ अर्थ ठीक पाइब बाक्‍ब।ब्‍यवस्‍था ३२:१५
DEU 33:27 साइ नेसी ङा परमप्रभु ख्रुइश्‍शा बाक्‍तीक बाक्‍ब। इन ङोंइती इन जोरी सत्रु आन हुल कली खेरतु। मिनु मेको आन पर्बम खतम सेलीन, देंत।
DEU 33:28 मोपतीके इस्राएली मारेइ मदुम्‍थु, रिम्‍शो पा बाक्‍ब। याकूब आ बाक्‍तीकेमी श्‍येत मजाइनीम। मेको अन्‍न नु अङगुर आ रागीमी सीत यीब। लेवी २५:१८; १राजा ५:५; भजन संग्रह ६८:२७-२८; यसैया ५१:१-२; उत्‍पत्ती २७:२८
DEU 33:29 गे इस्राएली, ग्‍येरसीने। परमप्रभु यावेमी प्रोंइचा पुंइसीशो इन खोदेंशो जात सु बाक्‍बा? परमप्रभु यावे इन कली वारच पाइब नु तेक्‍तीक बाक्‍ब। मेको इन ग्रातीक तरवार बाक्‍ब। इन जोरी सत्रु इन ङोंइती बाप्‍नीम। मिनु गे मेको आन चीमी थेक्‍शा गाक्‍नीनी” दे आसीक गेशा, देंत। ब्‍यवस्‍था ४:७-८; भजन संग्रह ३३:१२; भजन संग्रह १४४:१५
DEU 34:1 मिनु नोले मोसा मोआब रे यरीको आ नेक्‍था बाक्‍शो नेबो डांडा रे पिस्‍गा डांडा ङोंइसाक्‍व। मेको यरीको एर बाक्‍ब। परमप्रभु यावेमी मेको कली गिलाद रागी नेल्‍ल दान सम्‍म कोंइताक्‍व। ब्‍यवस्‍था ३:२७
DEU 34:2 नाप्‍ताली आ रागी नेल्‍ल, एफ्राइम नु मनस्‍से, यहूदा आ रागी नेल्‍ल पच्‍छिम गे ङा समुन्‍द्र सम्‍म,
DEU 34:3 नेगेब नु दिंम, मेको यरीको ङा दिंम बाक्‍ब। खजूर रवा आ सहर यरीको रे सोआर सम्‍म कोंइताक्‍व। इतिहास २८:१५
DEU 34:4 मिनु परमप्रभु यावेमी मेको कली “इन चच युइ आन कली गेनुङ, दे अब्राहाम इसहाक नु याकूब नु कसम जशो रागी एकोन बाक्‍ब। गो एको इ कली कोंइतन। तन्‍न गे मेकेर लचा मताइनेवे” देंत। उत्‍पत्ती १२:७
DEU 34:5 मिनु परमप्रभु यावेमी आ देंशो खोदेंशो पा परमप्रभु यावे आ गेय पाइब मोसा मोआब रागीम बेक्‍त। ब्‍यवस्‍था ३२:५०
DEU 34:6 मिनु परमप्रभुमी मोसा कली मोआब रागी बेथ-पेओर आ ङोंइती दिंम कामी थिम्‍तु। तन्‍न मुल सम्‍म मोसा आ तुरस सुइमी मतुइक्‍नीम।
DEU 34:7 मोसा बेक्‍मेनु, मेको सहे का २१ बर्स दुम्‍शो बाक्‍त। मेको आ मिक्‍च ब्राब्रा मदुम्‍शो बाक्‍त। आ बोल यो मग्‍युम्‍शो बाक्‍त। ब्‍यवस्‍था ३१:२
DEU 34:8 मोआब ङा दिंमम इस्राएलीपुकीमी ३० नाक्‍त सम्‍म मोसा आ पर्बम रोंका पाम्‍तेक्‍म। नोले मोसा आ पर्बम रोंका पतीक नाक्‍त नुप्‍त।
DEU 34:9 मिनु नून आ तौ यहोसु रुप्‍तीक तुइक्‍तीक सोक्‍तीम ब्रीशो बाक्‍त। मारदे हना मोसामी आ गुइ मेको आ तार वोइश्‍शो बाक्‍त। मिनु परमप्रभु यावेमी मोसा कली माइश्‍शो खोदेंशो पा इस्राएलीपुकीमी यहोसु कली टिम्‍तेक्‍म। गन्‍ती २७:१८-२३; १तिमोथी ४:१४; २तिमोथी १:६
DEU 34:10 मेना रे मुल सम्‍म इस्राएली आन दातेमी मोसा खोदेंशो परमप्रभु यावे आ लोव़ पाइब सुइ मग्रूम। परमप्रभु यावेमी मेको कली थमा पा तुइक्‍बाक्‍त। प्रस्‍थान ३३:११; गन्‍ती १२६-८; १कोरिन्‍थी १३:१२
DEU 34:11 मिनु परमप्रभु यावेमी मेको कली इजीप्‍त रागीमी चिन्‍ड नु छक लाक्‍चा ङा गेय पथ सोइक्‍ताक्‍व। मोदेंशो मुल सम्‍म सुइम मपावो मोसामी फाराओ, आ गेय पाइब नु रागी ङा मुर नेल्‍ल आन ङोंइती कोंइताक्‍व।
DEU 34:12 मिनु मेकोमी इस्राएली आन दातेमी सक्तिम पाइश्‍शो गेय नु हिंचा ङा गेय कोंइशो बाक्‍त।
JOS 1:1 परमप्रभु यावे आ गेय पाइब मोसा बेक्‍म नोले परमप्रभु यावेमी मोसा आ गेय पाइब नून आ तौ, यहोसु कली लोव़ पाप्‍तु।
JOS 1:2 परमप्रभु यावेमी मार लोव़ पाप्‍तु देंशा हना “आं गेय पाइब मोसा बेक्‍त। मोपतीके गे मुर नेल्‍ल आन कली लाइक्‍चा सासो। मिनु गो इस्राएली आन कली गेचा चिक्‍शो रागी यर्दन खोला आ आइक्‍ची हांबु लावो। ब्‍यवस्‍था ३४:५
JOS 1:3 गोमी मोसा कली देंशो खोदेंशो पा, इन खोइलीम थेक्‍शो रागी नेल्‍ल इन कली गेता। ब्‍यवस्‍था ११:२४
JOS 1:4 गोरशो रागी नु लेबानोन रे ठेयब युफ्रेटीस खोला सम्‍म, हित्ती आन रागी नेल्‍ल, पच्‍छिम गे ङा ठेयब समुन्‍द्र सम्‍म इन रागी दुम्‍ब।
JOS 1:5 गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५
JOS 1:6 गे बोल्‍यो नु महिंब दुमो। मिनु गो ङोंइती ‘इ किकी पिपी आन कली गेनुङ’ दे कसम जशो रागी, गे इस्राएली आन कली आंम के सेल्‍पाइक्‍चा माल्‍नेवे। ब्‍यवस्‍था ३:२८;
JOS 1:7 गे थम बोल्‍यो नु महिंब दुमो। आं गेय पाइब मोसामी इ कली अरेशो लोव़ नेल्‍ल होस पा टिवो। मेको रे ग्‍युरा पेरा गे मलावो। मिनु गे ते लते हना यो ग्रानेवे। ब्‍यवस्‍था ५:२९; ब्‍यवस्‍था २९:८; १राजा २:३
JOS 1:8 एको आं अरेशो लोव़ ङा किताब इ थुं रे ङोन मवोतो। मेको कली नाक्‍दो नाक्‍ती मिम्‍तो। मेकेर ब्रेक्‍सीशो नेल्‍ल होस पा टिवो। मो पाप्‍तीवी हना, गे ग्राना ग्रान गाक्‍नेवे। मिनु इ पतीक नेल्‍ल थम रिम्‍शो दुम्‍ब। भजन संग्रह १:२-३
JOS 1:9 गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।
JOS 1:10 मिनु यहोसुमी मेकेर ङा ठेयब मुर आन कली “गे नेल्‍ल मुर आन बाक्‍तीकेमी लने। मिनु मेको आन कली
JOS 1:11 ‘बुत लाम्‍ज कुरशा सासीन। मारदे हना सांबु नाक्‍ती परमप्रभु यावे, इन परमप्रभुमी गेशो रागी आंम के सेल्‍चा कली यर्दन खोला शोक्‍सीचा माल्‍नय’ देनीन” दे अरेप्‍तु।
JOS 1:12 मिनु यहोसुमी रूबेन आ थर, गाद आ थर नु मनस्‍से आ उइक्‍थ थर कली ब्‍यवस्‍था ३:१२-२०; गन्‍ती ३२:२०-२९
JOS 1:13 “परमप्रभु यावे आ गेय पाइब मोसामी इन कली अरेशो लोव़ मिम्‍तीन। मिनु मेकोमी इन कली ‘परमप्रभु यावे, इन परमप्रभुमी इन कली नाइक्‍पाइक्‍तीक गेशा, मेको रागी गेनुङ’ देंशो लोव़ मप्रेंदीन।
JOS 1:14 इन मीश नु आलपुकी, बी ब्‍यफ, क्‍यारश भेडा नेल्‍ल मोसामी इन कली गेशो रागी यर्दन ओंथ हांबुम बाक्‍चा माल्‍नीम। तन्‍न गे लडाइ पाइब वोंइश मुरपुकी या कुरशा इन लोक्‍ब आन कली वारच पचा कली मेको आन क्‍येङा ङोंइती आइक्‍ची हांबु लचा माल्‍नीनी।
JOS 1:15 मिनु परमप्रभु यावेमी इन लोक्‍ब आन कली, इन कली खोदेंशो पा नाइक्‍चा मगेवा सम्‍म, मेको रागी आंम के मसेल्‍मे सम्‍म नु परमप्रभु यावे, इन परमप्रभुमी मेको आन कली गेचा चिक्‍शो रागी मग्रामा सम्‍म मेको आन कली वारच पचा माल्‍नीनी। मिनु नोले परमप्रभु यावे आ गेय पाइब मोसामी यर्दन आ पूर्ब गे इन कली गेशो रागीमी लेश्‍शा, बाक्‍ने चाप्‍नीनी” देंत।
JOS 1:16 मिनु मेकोपुकीमी यहोसु कली “गे आंइ कली मार मार अरेनी, गो मेको नेल्‍ल पाइनीकी। मिनु गे आंइ कली ते ते सोइक्‍नीनी, गो मेक मेक लाइनीकी।
JOS 1:17 दोपा मोसा आ लोव़ नेल्‍ल टिशो नया, मोपान इन लोव़ यो टीनीकी। दोपा परमप्रभु यावे, इन परमप्रभु मोसा नु बाक्‍मे, मोपान गे नु यो बाक्‍ल।
JOS 1:18 सुमी इन अरेशो लोव़ ‘मपाइनुङ’ दे इन लोव़ मनेंबा, मेको साइक्‍चा पुंइसीब। मोपतीके गे बोल्‍यो नु महिंब दुमीन” देंतेक्‍म। यहोसु १:६
JOS 2:1 मिनु नून आ तौ यहोसुमी, सुइम मतुइक्‍चा ङा पा, शित्तीम रे मुर निक्‍शी क्‍यारी पथ सोइक्‍ताक्‍व। मिनु यहोसुमी मेको आस कली “मेको रागी नु यरीको नेल्‍ल क्‍यारी पथ लस” देंत। मिनु मेको निक्‍शी मेकेर जाक्‍दीश्‍शा, राहाब माइश्‍शो तेल्‍लेम आ खिंमी बास बाक्‍सा बाक्‍त। मत्ती १:५; हिब्रू ११:३१; याकूब २:२५
JOS 2:2 मिनु मेकेर ङा मुर कामी यरीको ङा पिप कली “हजुर, मुलाक्‍त नाक्‍दो इस्राएल ङा मुर निक्‍शी एको रागी कली क्‍यारी पथ, जाक्‍ताक्‍स” दे मदा बाक्‍त।
JOS 2:3 मिनु यरीको ङा पिपमी राहाब आ बाक्‍तीकेमी मुर सोइक्‍ता नाक्‍त। मेकोपुकीमी राहाब कली “इ खिंमी जाक्‍शो मेको मुर निक्‍शी आस कली ग्रुंइशा, एक चाक्‍को। मारदे हना मेको निक्‍शी इं रागी नेल्‍ल कली क्‍यारी पथ जाक्‍शो नसी” दे लोव़ सोइक्‍ता बाक्‍त।
JOS 2:4 तन्‍न मेको मीश मुरुमी मेको निक्‍शी आस कली लाइश्‍शा, ख्रुइक्‍तीम्‍सी बाक्‍त। मिनु मेकोमी लोव़ चाक्‍ब आन कली “मेको निक्‍शी थमा पा आं बाक्‍तीकेमी जाक्‍ताक्‍स। तन्‍न ते रे जाक्‍शो नसी गो मतुइक्‍तु।
JOS 2:5 मिनु नां रिक्‍शा, सहर ङा ठेयब लाप्‍चो चोक्‍ची ना, मेको निक्‍शी ग्रूशा गाक्‍ताक्‍स। मेको ते लसा गो मतुइक्‍नुङ। रीब पा माल्‍तीनी हना, थित्‍नीनी कों” दे लोव़ लेत्‍ता बाक्‍त।
JOS 2:6 तन्‍न मेकोमी मेको निक्‍शी आस कली तला तारी वोइश्‍शा, पले आ डाठमी सुम्‍शा, ख्रुइश्‍शा वोइश्‍शो बाक्‍माक्‍त।
JOS 2:7 मिनु मेको निक्‍शी आस कली खेदा पाइबपुकी यर्दन ङा लां लशा, खोला सम्‍म जाक्‍दीम्‍मा बाक्‍त। मेको खेदा पाइबपुकी सहर रे ग्रूमा नोले ठेयब लाप्‍चो चोक्गमे बाक्‍त।
JOS 2:8 मेको मीश मुर इप्‍चा क्‍येङा ङोंइती मेको निक्‍शी आस बाक्‍तीक ङोइश्‍शा, ग्रुम्‍थ लमाक्‍त।
JOS 2:9 मिनु मेको मीश मुरुमी मेको आस कली “परमप्रभु यावेमी आंइ रागी इन कली गेशो बाक्‍ब, दे गो तुइक्‍नुङ। मारदे हना एको रागीम बाक्‍ब मुर नेल्‍ल इन कली तशा, शुश हिंनीम। प्रस्‍थान २३:२७
JOS 2:10 गे इजीप्‍त रागी रे ग्रूशा पिनीनु, परमप्रभु यावेमी इन ङोंइती लल समुन्‍द्र सोव़पाइक्‍तु। मिनु यर्दन आइक्‍ची हांबु ङा एमोरी आन पिप सीहोन नु ओग आस कली साइश्‍शा खतम सेल्‍शो लोव़ गोपुकीमी नेंतक। प्रस्‍थान १४:२१; गन्‍ती २१:२१-२६
JOS 2:11 मोदेंशो लोव़ नेंशो नोले, गोपुकी साप्‍पा हिंतक। इन पतीक तशा, गो नेल्‍ल शुश हिंतक। मारदे हना परमप्रभु यावे, इन परमप्रभु इर स्‍वर्ग ङा नु उइ रागी ङा परमप्रभु बाक्‍ब। यहोसु ५:१; प्रस्‍थान १५:१४-१५; ब्‍यवस्‍था ४:३९
JOS 2:12 मोपतीके गो इस कली वारच पाता। गे परमप्रभु यावे आ नें थिशा, कसम जसे। मार कसम जस देंशा हना, गो इस कली वारच पशो खोदेंशो पा, गे लडाइ पनीनु, आं खिं ङा मुर नेल्‍ल आन कली यो वारच पसे। आं कली वारच पतीके चिन्‍ड का गेयीसी। यहोसु ६:२३,२५
JOS 2:13 मिनु आं आम आफ, आं लोक्‍बपुकी नु मेको आन खिं ङा मुर नेल्‍ल आन कली ब्रोंइचा गेन। बेक्‍चा रे प्रोनीन” दे मेकोमी देंमाक्‍त।
JOS 2:14 मिनु मेको निक्‍शीमी “गे आंइ पचशो गेय सुइ आन कली मदेंते हना, नु परमप्रभु यावेमी एको रागी आंइ कली गेवा नोले गो इ कली थमा पा वारच पा रिम्‍शो पाइनस्‍कु। इ कली साइक्‍चा क्‍येङा ङोंइती आंस कली साइक्‍चा माल्‍नीम” देंसा बाक्‍त।
JOS 2:15 मिनु मेको मीश मुरुमी मेको निक्‍शी आस कली झेल रे डोरी तोक्‍‍शा, उइ तोइक्‍चा गेम्‍सी बाक्‍त। मारदे हना मेको आ खिं मेको सहर ङा गारोम बाक्‍माक्‍त।
JOS 2:16 मिनु मेको मीश मुरुमी मेको निक्‍शी आस कली “गे डांडा गे लसे। मेक लाइतीसी हना, खेदा पाइबपुकीमी इस कली मथित्‍नीम। मेको खेदा पाइब एक्‍य मलेम्‍मा सम्‍म, गे सां नाक्‍ती मेकेर ख्रुंइसीस। मिनु नोले इस लां लसे” देंमाक्‍त।
JOS 2:17 मिनु मेको निक्‍शीमी “गे आस देंशो मपाप्‍तीवी हना, गो कसम मजशो खोदेंशो दुम्‍नस्‍कु।
JOS 2:18 गो लेंशा एक जाक्‍कानु, गे आंस कली तोइक्‍तीक झेलम मेको लल डोरी फ्रेंशा वोतो। इ आम आफ, इ लोक्‍ब नु इ खिं ङा मुर नेल्‍ल यो इ खिंम बाक्‍चा माल्‍नीम।
JOS 2:19 मेना सु इन खिं रे लांम ग्रूबा, मेको साइक्‍चा पुंइसीब। मिनु आंइ कली मारेइ यो दोस मदुम्‍ब। सु चहिं इ खिंम बाक्‍शा यो, साइक्‍चा पुंइसीबा, मेको आ दोस आंइ तारी दुम्‍ल।
JOS 2:20 तन्‍न एको लोव़ गे सुइ कली देंते हना, आंस कली जपाइश्‍शो कसम मराइनीक” देंसा बाक्‍त।
JOS 2:21 मिनु मेको मीश मुरुमी “इस देंशो खोदेंशो दुम्‍ल” देंमाक्‍त। मिनु मेको निक्‍शी लसा बाक्‍त। मिनु नोले मेको मीश मुरुमी आ झेलम मेको लल डोरी फ्रेंशा वोदा बाक्‍त।
JOS 2:22 मेको निक्‍शी लशा, डांडामी जाक्‍दीश्‍शा, खेदा पाइब मलेम्‍मा सम्‍म नाक्‍ती सां मेकेर बाक्‍सा बाक्‍त। खेदा पाइबपुकीमी मेको निक्‍शी आस कली साप्‍पा माल्मे बाक्‍त हना यो, मथिदमे बाक्‍त।
JOS 2:23 मिनु मेको निक्‍शी डांडा रे ब्रुप्‍शा, लेश्‍शा, खोला आइक्‍ची हांबु नून आ तौ यहोसु आ बाक्‍तीक जाक्‍दीश्‍शा, मेको कली मार मार दुम्‍मे, मेको नेल्‍ल शोव़ताक्‍स।
JOS 2:24 मेको निक्‍शीमी यहोसु कली “थमा पा, परमप्रभु यावेमी मेको रागी नेल्‍ल इं कली गेशो बाक्‍ब। मेको रागी ङा मुर इं कली तशा, शुश हिंशा, ख्रिंख्रि पशो बाक्‍तेक्‍म” देंताक्‍स। यहोसु २:९
JOS 3:1 मिनु यहोसु सुनी कना बोक्‍शा, इस्राएलीपुकी नु शित्तीम प्रोंइशा, यर्दन खोलामी जाक्‍तेक्‍म। मिनु आइक्‍ची हांबु शोक्‍सीचा क्‍येङा ङोंइती मेकेर बास बाक्‍तेक्‍म। गन्‍ती २५:१
JOS 3:2 मिनु सां नाक्‍त नोले ठेयब मुरपुकी मुर आन बाक्‍तीकेमी लाम्‍तेक्‍म।
JOS 3:3 मिनु मेकोपुकीमी मुर आन कली “गेपुकी गेना परमप्रभु यावे, इन परमप्रभु आ कबल पशो सन्‍दोस चढ़ेब लेवीपुकीम कुरशो ताइनीनी, मेना छुल छाल बोक्‍शा, इन मारेइ मारेइ कुरशा, मेको आन नोले खोतीन।
JOS 3:4 मो पाइतीनी हना, इन लतीक लां तुइक्‍नीनी। मारदे हना गे मेको लां ङोंइती मगाक्‍शो बाक्‍तीनी। गे मेको आन क्‍येङा हजार निक्‍शी हात नोले ला गाक्‍कीन। मेको आन नेक्‍था मलन” देंतेक्‍म। कुबीत का, ०.५ मिटर खोदेंशो बाक्‍ब।
JOS 3:5 मिनु यहोसुमी मुर आन कली “गेपुकी आंम कली परमप्रभु यावे आ ङोंइती बाक्‍चा कली ठीक सेल्‍सीन। मारदे हना दीसा परमप्रभु यावेमी इं दातेमी छक लाक्‍चा ङा गेय पाइब” देंत। प्रस्‍थान १९:१०
JOS 3:6 यहोसुमी चढ़ेब आन कली “परमप्रभु आ कबल पशो सन्‍दोस कुरशा, मुर आन ङोंइती गाक्‍कीन” देंत। मिनु मेकोपुकी सन्‍दोस कुरशा, मुर आन ङोंइती गाक्‍तेक्‍म। यहोसु ६:६
JOS 3:7 मिनु परमप्रभु यावेमी यहोसु कली “मुलाक्‍त रे गो इ कली इस्राएली नेल्‍ल आन ङोंइती ठेयब सेल्‍नन। दोपा गो मोसा नु बाक्‍ङा, मोपा गे नु यो बाक्‍नुङ, दे नेल्‍ल आन कली तुइक्‍पाइक्‍नुङ। यहोसु ४:१४; यहोसु १:५,१७
JOS 3:8 गे कबल पशो सन्‍दोस कुरब चढ़ेब आन कली ‘गेपुकी यर्दन खोला आ सुर ङा ब्‍वाक्‍कुम जाक्‍दीश्‍शा, मेक उइ राप्‍शा, बाक्‍चा माल्‍नीनी’ दे अरेचा माल्‍नेवे” देंत।
JOS 3:9 मिनु यहोसुमी इस्राएली आन कली “ओंथ पिन। मिनु परमप्रभु यावे, इन परमप्रभु आ लोव़ नेनीन” देंत।
JOS 3:10 मिनु यहोसुमी “ब्रोंइशा बाक्‍ब परमप्रभु इन दातेमी बाक्‍ब, गे तुइक्‍ब दुम्‍नीनी। मिनु मेकोमी कनानी, हित्ती, हिव्‍वी, परिज्‍जी, गिरगाशी, एमोरी नु यबुसी आन कली इन ङोंइती रे थमा पा खेरब।
JOS 3:11 कोव़ङीन, रागी नेल्‍ल आन कली सासन पाइब परमप्रभु आ कबल पशो सन्‍दोस इन ङोंइङोंइती यर्दन शोक्‍चा कली लाइब।
JOS 3:12 मिनु मुल इस्राएल ङा थरपुकी रे १२ जना वोंइश मुर थर का रे का का पा योव़ङीन।
JOS 3:13 गेना परमप्रभु यावे, रागी नेल्‍ल आन कली सासन पाइब परमप्रभु आ कबल पशो सन्‍दोस कुरब चढ़ेब आन खोइली यर्दन ङा ब्‍वाक्‍कुमी ख्रुम्‍नीमी, मेना इर रे यिशो यर्दन ङा ब्‍वाक्‍कु नांइसीब। मिनु गारो खोदेंशो पा राप्‍शा बाक्‍ब” देंत। भजन संग्रह ९७:५; मीका ४:१३; जकरिया ४:१४
JOS 3:14 मिनु मुर नेल्‍ल यर्दन शोक्‍सीचा कली ठीक पा बाक्‍मानु, चढ़ेबपुकीमी मुर आन ङोंइती परमप्रभु यावे आ कबल पशो सन्‍दोस कुरशा गाक्‍तेक्‍म।
JOS 3:15 मिनु बाली नाली रुप्‍ची ना, खोला गेना हना यो शुश बारशो बाक्‍ब। मिनु चढ़ेबपुकीमी आन खोइली यर्दन खोला आ सुर ङा ब्‍वाक्‍कुम ख्रुम्‍मेनु,
JOS 3:16 इर रे यिशो ब्‍वाक्‍कु तेक्‍साक्‍व। मेको गारो खोदेंशो दुम्‍शा, मुर आन लतीके लां रे ङोन बाक्‍त। मेको ते तेक्‍सीशो बाक्‍त देंशा हना, चारेथन आ नेक्‍था ङा आदम सहर माइश्‍शोमी तेक्‍सीशो बाक्‍त। मिनु इर रे यिशो दिंम ङा अराबाह समुन्‍द्र, मेको कली हिक्‍सी समुन्‍द्र यो देंनीम, यीब ब्‍वाक्‍कु तेक्‍सीशो बाक्‍त। प्रस्‍थान १४:२१-२२; भजन संग्रह ११४:३
JOS 3:17 मिनु मुरपुकी गाक्‍शा, सोव़शो खपीम यर्दन शोक्‍सीचा गोम्‍तेक्‍म। मिनु परमप्रभु यावे आ कबल पशो सन्‍दोस कुरब चढ़ेबपुकी यर्दन आ दातेमी सोव़शो खपीम राप्‍शा, रिम्‍शा बाक्‍तेक्‍म। मिनु इस्राएली नेल्‍ल सोव़शो खपीम गाक्‍शा, यर्दन आइक्‍ची हांबु जाक्‍दीत्‍तेक्‍म।
JOS 4:1 मिनु मुर नेल्‍ल यर्दन आइक्‍ची हांबु शोक्‍ने थुम्‍मे नोले परमप्रभु यावेमी यहोसु कली
JOS 4:2 “मेको मुर आन दाते रे १२ जना वोंइश मुर योव़ङो। थर का रे का का पा योव़शा लावो।
JOS 4:3 मेको आन कली ‘यर्दन आ दातेमी चढ़ेब आन राप्‍तीके रे १२ ओटा फुल्‍लु गुप्‍शा, कुरशा चाक्‍कीन। मिनु नाक्‍दो ते बास बाक्‍नीनी, मेको फुल्‍लु यो मेक उइ वोतीन’ दे मतो” देंत।
JOS 4:4 मिनु यहोसुमी आ योव़शो इस्राएली थर नेल्‍ल ङा का का पा १२ जना वोंइश मुर आन कली ब्रेत्‍ताक्‍व।
JOS 4:5 मिनु यहोसुमी मेको आन कली “गे यर्दन आ दातेमी परमप्रभु यावे, इन परमप्रभु आ कबल पशो सन्‍दोस आ ङोंइती लने। मिनु मेकेर इस्राएल आ १२ थर खोदेंशो पा १२ ओटा फुल्‍लु बलाम लाप्‍शा पितीन।
JOS 4:6 मिनु मेको इन कली मिम्‍तीके दुम्‍ल। दीसा नित्‍थी इन तमी तौपुकीमी ‘एको फुल्‍लु आ अर्थ मार बाक्‍म?’ दे हिल्‍लो पाम्‍तेक्‍म हना, प्रस्‍थान १२:२६;
JOS 4:7 गेपुकीमी मेको आन कली ‘परमप्रभु यावेमी आ कबल पशो सन्‍दोस यर्दन शोक्‍ची ना, मेको आ ङोंइती यर्दन ङा ब्‍वाक्‍कु तेक्‍‍पाइक्‍तु। मेको यर्दन शोक्‍ची ना, यर्दन ङा ब्‍वाक्‍कु नाइक्‍पाइक्‍तु। एको फुल्‍लु इस्राएली आन कली गेना हना यो मिम्‍तीक दुम्‍ल’ देंचा माल्‍नीनी” देंत।
JOS 4:8 मिनु परमप्रभु यावेमी यहोसु कली माइश्‍शो खोदेंशो पा यहोसुमी दोपा अरेवा, मोपा इस्राएल ङा १२ थर ङा १२ जना वोंइश मुरुमी १२ ओटा फुल्‍लु यर्दन आ दाते रे पिश्‍शा, मेको आन बाक्‍शो दिंममी वोइक्‍तेक्‍म।
JOS 4:9 मिनु यहोसुमी कबल ङा सन्‍दोस कुरशा चढ़ेबपुकी राप्‍तीकेमी यो यर्दन खोला आ दातेमी १२ ओटा फुल्‍लु वोइक्‍तु। मिनु मेको फुल्‍लुपुकी मुलाक्‍त सम्‍म बाक्‍नीम।
JOS 4:10 मिनु सन्‍दोस कुरब चढ़ेबपुकी यर्दन आ दातेमी परमप्रभु यावेमी यहोसु कली देंशो लोव़ नेल्‍ल मपामे सम्‍म राप्‍शा बाक्‍तेक्‍म। ङोंइती मोसामी अरेशो खोदेंशो पा यहोसुमी मुर आन कली मअरेवा सम्‍म राप्‍शा बाक्‍तेक्‍म। मिनु मुरपुकी रीब पा शोक्‍साक्‍म।
JOS 4:11 मिनु मुरपुकी शोक्‍ने थुम्‍मे नोले, परमप्रभु यावे आ कबल पशो सन्‍दोस कुरब आन ङोंइती चढ़ेबपुकी यो शोक्‍साक्‍म।
JOS 4:12 मोसामी मेको आन कली देंशो खोदेंशो पा, रूबेन आ थर, गाद आ थर नु मनस्‍से आ उइक्‍थ थर ङा वोंइश मुर या कुरशा, इस्राएली आन ङोंइती गाक्‍तेक्‍म। यहोसु १:१२-१६
JOS 4:13 मिनु परमप्रभु यावे आ ङोंइती हेररा ४० हजार लडाइ पाइब, या कुरशो वोंइश मुरपुकी शोक्‍शा, लडाइ पचा कली यरीको ङा दिंम गे लाम्‍तेक्‍म।
JOS 4:14 मेको नाक्‍त परमप्रभु यावेमी यहोसु कली इस्राएली आन ङोंइती ठेयब सेल्‍तु। मिनु मेकोपुकीम मोसा कली हिक्‍शो खोदेंशो पा यहोसु कली यो मबेक्‍म सम्‍म हिक्‍तेक्‍म। यहोसु ३:७
JOS 4:15 मिनु परमप्रभु यावेमी यहोसु कली
JOS 4:16 “कबल पशो सन्‍दोस कुरब चढ़ेब आन कली ‘मुल यर्दन रे इर कुन’ देंशा ब्रेत्‍तो” दे माइक्‍तु।
JOS 4:17 मोपतीके यहोसुमी मेको आन कली “यर्दन रे इर कुन” दे ब्रेत्‍ताक्‍व।
JOS 4:18 परमप्रभु यावे आ कबल पशो सन्‍दोस कुरब चढ़ेबपुकी यर्दन आ दाते रे गाक्‍शा, खोला आ सुर ङा सोव़शो खपीम थेक्‍‍त्‍मे नोले यर्दन ङा ब्‍वाक्‍कु लेंशा ङोंइती ङा खोदेंशो पा एर ओंथ सुम्‍शा शांइसाक्‍व।
JOS 4:19 मिनु इस्राएलीपुकी ङोंइती ङा महिना ङा १० नाक्‍तीमी यर्दन रे ग्रूतेक्‍म। मिनु यरीको आ पूर्ब गे गिल्‍गाल माइक्‍तीकेमी बास बाक्‍तीक सेल्‍साक्‍म। यहोसु ५:९-१०
JOS 4:20 मिनु यहोसुमी मुरपुकीम यर्दन रे ग्रुंइशा पिश्‍शो १२ ओटा फुल्‍लु गिल्‍गालमी पुक्‍‍पाइक्‍तु।
JOS 4:21 मिनु इस्राएली आन कली “इन तमी तौपुकीमी आन आफ आन कली ‘एको फुल्‍लु आ अर्थ मार बाक्‍बा?’ दे हिल्‍लो पाम्‍तेक्‍म हना, यहोसु ४:६
JOS 4:22 गेपुकीमी इन तमी तौ आन कली ‘गो इस्राएलीपुकी सोव़शो खपीम गाक्‍शा, यर्दन खोला शोक्‍सीशो नकी’ देंचा माल्नीनी।
JOS 4:23 दोपा परमप्रभु यावे, इन परमप्रभुमी लल समुन्‍द्र मशोक्‍सीशो सम्‍म सोव़पदा, मोपान आंइ ङोंइती यर्दन मशोक्‍सीशो सम्‍म मेकेर ङा ब्‍वाक्‍कु यो सोव़पाइक्‍तु। यहोसु ३:९-१७; प्रस्‍थान १४:२१-२२
JOS 4:24 मिनु रागी ङा मुर नेल्‍लेमी परमप्रभु यावे, इन परमप्रभु ठेयब सक्ति पाइश्‍शो बाक्‍ब, दे तुइक्‍तमेक्‍ल। मिनु गे परमप्रभु यावे, इन परमप्रभु कली तुइश्‍शा, गेना हना यो मान पा हिनीन, दे मोदेंशो पाप्‍तु” देंत।
JOS 5:1 मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४
JOS 5:2 मेना परमप्रभु यावेमी यहोसु कली “फुल्‍लु के ख्रोइक्‍तीक सेल्‍शा, चिनु मख्रोइश्‍शो इस्राएली आन कली ख्रोइक्‍तीक चिनु ख्रोतो” दे अरेप्‍तु। प्रस्‍थान ४:२५; उत्‍पत्ती १७:१२-१४
JOS 5:3 मिनु यहोसुमी फुल्‍लु के ख्रोइक्‍तीक सेल्‍शा, गिबेआथ-हारालोथमी इस्राएली आन कली ख्रोइक्‍तीक चिनु ख्रोइक्‍तु।
JOS 5:4 यहोसुमी मारदे इस्राएली आन कली ख्रोइक्‍तीक चिनु ख्रोइक्‍तु देंशा हना, इजीप्‍त रागी रे पि‍शो वोंइश मुर नु लडाइ पाइब नेल्‍ल गोरशो रागीमी बेक्‍ने थुम्‍शो बाक्‍तेक्‍म।
JOS 5:5 इजीप्‍त रागी रे पिशो वोंइश मुर नेल्‍ल आन के ख्रोइक्‍तीक चिनु ख्रोइक्‍ने थुम्‍शो बाक्‍तेक्‍म। तन्‍न गोरशो रागीमी जरमेशो आन कली चहिं ख्रोइक्‍तीक चिनु मख्रोइश्‍शो बाक्‍तेक्‍म।
JOS 5:6 मिनु ङोंइती परमप्रभु यावेमी आंइ किकी पिपी आन कली “दूध नु खुदो शुश बाक्‍शो रागी इन चच युइ आन कली गेनुङ” दे कसम जाप्‍तु। तन्‍न आ लोव़ मटितीके इजीप्‍त रे पिशो लडाइ पाइब नेल्‍ल ४० बर्स गोरशो रागीमी मबेक्‍मा सम्‍म हिरचा माल्‍तेक्‍म। परमप्रभु यावेमी मेको आन मटितीके मेको आन कली “गे इन कली मेको दूध नु खुदो शुश बाक्‍शो रागी ओव़चा मगेनुङ” दे कसम जशो बाक्‍त। गन्‍ती १४:२२-२३
JOS 5:7 मेकोमी आन आफ आन पा ङा आन तौ आन कली मेको रागी तचा कली कोल्‍पाइक्‍तु। मिनु यहोसुमी मेको आन तौ आन कली ख्रोइक्‍तीक चिनु ख्रोइक्‍पाइक्‍तु। मारदे हना लांमी गाक्‍तीके मेको आन कली ख्रोइक्‍तीक चिनु मख्रोइश्‍शो बाक्‍तेक्‍म।
JOS 5:8 मिनु नेल्‍ल मुर आन कली ख्रोइक्‍तीक चिनु ख्रोइक्‍ने थुम्‍मे नोले, मेकोपुकी ख्रोइश्‍‍शो गार मसाम सम्‍म आन बाक्‍तीकेमी बाक्‍शो बाक्‍तेक्‍म।
JOS 5:9 मिनु परमप्रभु यावेमी यहोसु कली “मुलाक्‍त ङा नाक्‍ती इजीप्‍त ङा इन मुने नेल्‍ल क्‍याम्‍ताक्‍ङ” देंत। मोपतीके मुलाक्‍त सम्‍म मेको आन बाक्‍शो बाक्‍तीके कली गिल्‍गाल देंशो बाक्‍नीम। यहोसु ४:१९
JOS 5:10 इस्राएलीपुकी गिल्‍गाल सहरम बाक्‍शो बाक्‍तेक्‍म। मिनु मेकोपुकीमी महिना ङा १४ नाक्‍ती पास्‍सा चाड मानेम्‍तेक्‍म। मेको यरीको ङा दिंमम बाक्‍शो बाक्‍तेक्‍म। प्रस्‍थान १२:६,३९; लेवी २३:१०,१४; २राजा २३:२१:२२; होसे ९:१५
JOS 5:11 पास्‍सा चाड आ दीसा नाक्‍ती मेकोपुकीमी मेको रागी ङा सिश्‍शो अन्‍न रे पा बोरब ओख्‍ती मसुप्‍शो शोब्‍ले नु कारशो अन्‍न जाम्‍तेक्‍म।
JOS 5:12 मेको रागी ङा अन्‍न जामे नोले, आ दीसा नाक्‍त रे मन्‍ना शोब्‍ले यिचा नांइसाक्‍व। मेकोपुकीमी मेको नाक्‍त रे कनान रागी ङा अन्‍न जाम्‍तेक्‍म। प्रस्‍थान १६:३५
JOS 5:13 यहोसु यरीको आ नेक्‍था बाक्‍मेनु, मेको आ ङोंइती गुइमी तरवार शेशा मुर का दोक राप्‍शो ताप्‍तु। मिनु यहोसु मेको आ नेक्‍था लशा “गे आंइ मुर ननी देय आंइ जोरी सत्रु आ मुर ननी?” दे हिल्‍लो पाप्‍तु। गन्‍ती २२:२३,३१
JOS 5:14 मिनु मेकोमी “ममाइ, गो परमप्रभु यावे आ फौज आन कली चलेब नङ। मोपतीके जाक्‍ती” देंत। मिनु यहोसुमी गु बाप्‍शा सेउ पशा “आं प्रभु, गो इन गेय पाइब नङ। आं कली मार लोव़ पाइनीनी?” दे हिल्‍लो पाप्‍तु।
JOS 5:15 मिनु परमप्रभु यावे आ फौज आन कली चलेबमी यहोसु कली “इ लिक्‍शो जुत्ता प्रुतो। मारदे हना इ बाक्‍शो परमप्रभु यावे आ बाक्‍तीक बाक्‍ब” देंत। मिनु यहोसुमी मेको आ देंशो खोदेंशो पा आ जुत्ता प्रुइक्‍तु। प्रस्‍थान ३:५
JOS 6:1 मिनु यरीको ङा मुरपुकीमी इस्राएली आन कली तशा, आन गारो ङा ठेयब लाप्‍चो चोक्‍तेक्‍म। मिनु सुइ मुर सहर रे खिंङगा लाङगा मपाम।
JOS 6:2 मिनु परमप्रभु यावेमी यहोसु कली “गो यरीको, मेकेर ङा पिप नु मेकेर ङा लडाइ पाइब नेल्‍ल इ कली गेता।
JOS 6:3 मोपतीके ६ नाक्‍त सम्‍म, नाक्‍तीमी खेयप का इ लडाइ पाइब वोंइश मुर नेल्‍ल आन कली मेको यरीको सहर एर ओंथ हिरपतो।
JOS 6:4 मिनु ७ जना चढ़ेब ७ ओटा ताप्‍तीक ग्रोव़ कुरशा, परमप्रभु यावे आ सल्‍ला पतीक सन्‍दोस कुरशो चढ़ेब आन ङोंइङोंइती गाक्‍चा माल्‍नीम। मिनु ७ नाक्‍तीमी गे ७ खेयप मेको सहर एर ओंथ हिरचा माल्‍नीनी। मेना मेको ७ जना चढ़ेबपुकीमी आन ग्रोव़ ताम्‍ना ताम्‍न गाक्‍चा माल्‍नीम।
JOS 6:5 मिनु मेकोपुकीमी शुश रेयके पा ग्रोव़ ताम्‍ना ताम्‍न बाक्‍मानु, इन मुर नेल्‍लेमी मेको रेयके नेन्‍मे नोले, ठेयब सेंदा पा ग्रीचा माल्‍नीम। मोपा ग्रीमानु, मेको सहर ङा गारो नेल्‍ल ब्रेप्‍ब। मिनु मुर नेल्‍ल आंम आंम ङोंइती बारशा, ब्रेश्‍शो गारो ङोइक्‍चा माल्‍नीम” दे परमप्रभुम माइक्‍तु।
JOS 6:6 मिनु नून आ तौ यहोसुमी चढ़ेब आन कली ब्रेश्‍शा, मेको आन कली “परमप्रभु यावे आ कबल पशो सन्‍दोस कुरीन। मेको ७ जना अरु चढ़ेबपुकी चहिं ७ ओटा ताप्‍तीक ग्रोव़ कुरशा, परमप्रभु यावे आ कबल पशो सन्‍दोस कुरब आन ङोंइती गाक्‍पतीन” देंत।
JOS 6:7 मिनु मेकोमी मुर आन कली “गे यो सहर एर ओंथ हिरसीन। मिनु या कुरशो मुरपुकी परमप्रभु यावे आ कबल पशो सन्‍दोस आ ङोंइङोंइती गाक्‍चा माल्‍नीम” देंत।
JOS 6:8 मिनु यहोसुमी देंशो खोदेंशो पा मेको ७ जना चढ़ेब परमप्रभु यावे आ ङोंइती ताप्‍तीक ग्रोव़ कुरशा, ताम्‍ना ताम्‍न गाक्‍तेक्‍म। मिनु परमप्रभु यावे आ कबल पशो सन्‍दोस कुरबपुकी मेको आन नोले खोइक्‍तेक्‍म।
JOS 6:9 मिनु या कुरब चहिं ग्रोव़ ताप्‍ब चढ़ेब आन ङोंइङोंइती गाक्‍तेक्‍म। मिनु मुर नेल्‍ल सन्‍दोस आ नोनोले गाक्‍तेक्‍म। चढ़ेबपुकी ताप्‍तीक ग्रोव़ ताम्‍ना ताम्‍न गाक्‍तेक्‍म।
JOS 6:10 मिनु यहोसुमी नोनोले गाक्‍ब मुर आन कली “गे काइ मग्रीङीन। इन सेंदा काइ मनेंसेक्‍ल। सिक्‍सी पा गाक्‍कीन। तेको नाक्‍त गो इन कली ‘ग्रीङीन’ देंनुङा, मेको नाक्‍त ला वाइ ब्रेश्‍शा ग्रीचा माल्‍नीनी” दे माइक्‍तु।
JOS 6:11 मोपा मेकोपुकी परमप्रभु यावे आ कबल पशो सन्‍दोस नाक्‍त कामी खेयप का सहर आ एर ओंथ हिरताक्‍म। मिनु मुर नेल्‍ल आन बाक्‍तीकेमी लशा, बास बाक्‍तेक्‍म।
JOS 6:12 मिनु यहोसु सुनी कना बोक्‍त। मिनु चढ़ेबपुकीमी परमप्रभु यावे आ कबल पशो सन्‍दोस कुरतेक्‍म।
JOS 6:13 मिनु परमप्रभु यावे आ कबल पशो सन्‍दोस आ ङोंइती गाक्‍ब ताप्‍तीक ग्रोव़ कुरब ७ जना चढ़ेबपुकीमी ग्रोव़ ताम्‍ना ताम्‍न गाक्‍तेक्‍म। या कुरब मेको आन ङोंइङोंइती गाक्‍तेक्‍म। अर्को नेल्‍ल परमप्रभु यावे आ कबल पशो सन्‍दोस आ नोले मेको ताप्‍शो नेंना नेंन खोइक्‍तेक्‍म।
JOS 6:14 मोपा आ दीसा नाक्‍त यो खेयप का सहर आ एर ओंथ हिरताक्‍म। मिनु आन बाक्‍तीकेमी लेत्‍तेक्‍म। मोपा ६ नाक्‍त सम्‍म मोदेंशो पाम्‍तेक्‍म।
JOS 6:15 मिनु मेको आ ७ नाक्‍ती नां सोव़चा क्‍येङा ङोंइती बोक्‍शा, ङोंइती ङा खोदेंशो पा मेको सहर एर ओंथ हिरसाक्‍म। तन्‍न मेको नाक्‍ती मेकोपुकीमी मेको सहर ७ खेयप हिरसाक्‍म।
JOS 6:16 मिनु ७ खेयप हिरसीमा नोले चढ़ेबपुकीमी ताप्‍तीक ग्रोव़ ताप्‍ची ना, यहोसुमी मुर आन कली “वाइ ब्रेश्‍शा ग्रीङीन। मारदे हना परमप्रभु यावेमी एको सहर इन कली गेप्‍तु।
JOS 6:17 एको सहर नु एको आगा बाक्‍शो मारेइ मारेइ खतम सेल्‍तीक परमप्रभु यावे केन बाक्‍ब। राहाब तेल्‍लेम नु आ खिंमी बाक्‍ब मुर ला ब्रोंइचा ताइनीम। मारदे हना मेकोमी आंइ सोइश्‍शो क्‍यारी पाइब मुर आस कली ख्रुइश्‍शा प्रोंइशो बाक्‍त। ब्‍यवस्‍था २०:१६-१७; यहोसु २:१२-१३; हिब्रू ११:३१
JOS 6:18 मिनु परमप्रभुमी खतम सेल्‍चा, देंशो थोव़क लाइक्‍चा मदुम्‍ब। होस पा बाक्‍कीन। गे परमप्रभु आ देंशो मटिथु, मारेइ लाइक्‍तीनी हना, गे आंमा खतम दुम्‍नीनी। सुइमी मारेइ खुइ पा, इस्राएली आन बाक्‍तीकेम वोइक्‍तीनी हना, मेको खतम दुम्‍ब। मिनु मुर नेल्‍ल आन कली श्‍येत जपाइक्‍ब। लेवी २७:२८; ब्‍यवस्‍था १३:१८
JOS 6:19 सुन चांदी, कांसा नु फलाम के सेल्‍शो थोव़क नेल्‍ल परमप्रभु यावे केन बाक्‍नीम। मेको परमप्रभु यावे आ शोंप वोइक्‍तीकेमी वोइक्‍चा माल्‍नीम” देंत।
JOS 6:20 मिनु मुरपुकी वाइ ब्रेश्‍शा ग्रीतेक्‍‍म। मिनु चढ़ेबपुकीमी ग्रोव़ ताम्‍ना ताम्‍न बाक्‍तेक्‍म। मुरपुकीमी ग्रोव़ ताप्‍शो नेंशा, शुश ग्री‍तेक्‍म। मिनु मेको गारो ब्रेत्‍त। मिनु मुरपुकी ग्‍येत्‍थ बारशा, मेको सहर आंम के सेल्‍तेक्‍म। हिब्रू ११:३०
JOS 6:21 मिनु सहर ङा मीश मुर वोंइश मुर, आल, खाल्‍पी खाल्‍पा बी ब्‍यफ, क्‍यारश भेडा, गधा नेल्‍ल आन कली तरवारम साइक्‍तेक्‍म।
JOS 6:22 मिनु यहोसुमी मेको क्‍यारी पाइब निक्‍शी आस कली “गे मेको तेल्‍लेम आ खिं लस। मिनु इस कसम जशो खोदेंशो पा मेको मीश मुर नु आ खिं ङा मुर नेल्‍ल आन कली ग्रुंइदीस” देंत। यहोसु २:१२-१४
JOS 6:23 मिनु मेको ङोंइती क्‍यारी पाइब ठिटा निक्‍शी मेको आ खिं ओव़शा, राहाब कली ग्रुंइताक्‍स। मेको नु आ आम आफ आ लोक्‍ब नु आ खिं ङा मुर नेल्‍ल आन कली यो ग्रुंइताक्‍स। मिनु मेको आन कली इस्राएली आन बाक्‍तीके आ लाङगाम बाक्‍चा गेम्‍ताक्‍स। गन्‍ती ३१:१९
JOS 6:24 मिनु मी सुइश्‍शा, मेको सहर नु आगा ङा थोव़क नेल्‍ल क्रोइक्‍तेक्‍म। सुन चांदी, कांसा नु फलाम के सेल्‍शो थोव़कपुकी ला परमप्रभु यावे आ खिं ङा शोंप वोइक्‍तीकेमी वोइक्‍तेक्‍म।
JOS 6:25 तन्‍न यहोसुमी राहाब तेल्‍लेम नु आ खिं ङा मुर आन कली प्रोंइतु। मारदे हना मेकोमी यहोसु आ यरीको सोइश्‍शो क्‍यारी पाइब निक्‍शी आस कली ख्रुइश्‍शा प्रोंइशो बाक्‍त। मेको नाक्‍त रे राहाब आ खिं ङा मुरपुकी इस्राएली आन दातेमी बाक्‍तेक्‍म। मत्ती १:५; न्‍यायाधीस १:२५
JOS 6:26 मेना यहोसुमी “सुमी यरीको सहर लेंशा सेल्‍बा, मेको परमप्रभु यावे आ ङोंइती सराप राइब। मेकोमी जग फुल्‍लु वोदानु, आ ङोंइती जरमेशो तौ बेक्‍ब। मिनु आ गारो ङा ठेयब लाप्‍चो वोदानु, आ कान्‍छा तौ बेक्‍ब” दे कसम जाप्‍तु। १राजा १६:३४
JOS 6:27 मिनु परमप्रभु यावेमी यहोसु कली वारच पाप्‍तु। मेको रागी ङा मुर नेल्‍ल मेको तुइश्‍शा, यहोसु तशा हिंतेक्‍म।
JOS 7:1 मिनु इस्राएलीपुकीमी मटिथु, खतम सेल्‍चा माल्‍शो परमप्रभु यावे आ थोव़क रे खुइ पाम्‍तेक्‍म। यहूदा आ थर ङा जेराह आ युइ, जब्‍दी आ चच, कारमी आ तौ आकानमी मलाइक्‍चा थोव़क रे पा मार मार खुइ पा लदा बाक्‍त। मोपतीके परमप्रभु यावे इस्राएली नेल्‍ल आन कली तशा चुरमाक्‍त। यहोसु ६:१८
JOS 7:2 मिनु यहोसुमी यरीको रे बेथेल आ पूर्ब बेथ-आवेन आ नेक्‍था ऐ सहरमी मुर आन कली सोइक्‍ताक्‍व। मिनु मेको आन कली “गेपुकी मेक लशा, मेको रागी कली क्‍यारी पन” दे माइक्‍तु। मिनु मेको मुरपुकी लशा, मेको ऐ सहर कली क्‍यारी पाम्‍तेक्‍म।
JOS 7:3 मिनु मेकोपुकीमी यहोसु बाक्‍तीक लेश्‍शा जाक्‍शा “मुर नेल्‍ल ऐ सहरम लचा ममाल्‍नीम। निक्‍शी सां हजार मुर ला लशा, लडाइ पाम्‍तेक्‍म हना, ग्रा‍नीम। नेल्‍ल कली श्‍येत मगेन। मारदे हना मेकेर शुश मुर मबाक्‍म” देंतेक्‍म।
JOS 7:4 मोपतीके हजार सां खोइ मुर ला लाम्‍तेक्‍म। तन्‍न मेकोपुकी ऐ सहर ङा मुरपुकी नु लडाइ ब्रुशा, प्रोक्‍शा लेत्‍तेक्‍म।
JOS 7:5 मिनु ऐ ङा मुरपुकीमी ३६ जना इस्राएली आन कली साइक्‍तेक्‍म। मेकोपुकीमी सहर ङा ठेयब लाप्‍चो रे शेबारीम ङा लुक्‍च लतीक लां सम्‍म खेदा पा, मेको आन कली साइक्‍तेक्‍म। मिनु इस्राएली आन थुं लुक्‍च लशा, शुश हिंतेक्‍म।
JOS 7:6 मिनु यहोसु नु इस्राएल ङा खाल्‍पापुकीम सुर्ता पा आंम वा खाक्‍शा, पियामी फुरक फुइश्‍शा, परमप्रभु यावे आ कबल पशो सन्‍दोस आ नेक्‍था पोक्‍च थेक्‍शा, मेकेर नाक्‍दो सम्‍म बाक्‍तेक्‍म।
JOS 7:7 मिनु यहोसुमी “परमप्रभु, परमप्रभु यावे, मारदे गे मेको मुर आन कली यर्दन खोला शोक्‍चा गेनी? मारदे गे आंइ कली एमोरी आन गुइमी साइक्‍चा कली गेनी? गो यर्दन आइक्‍ची हांबु ठीक पा बाक्‍शो नकी।
JOS 7:8 परमप्रभु, इस्राएली आन जोरी सत्रु रे प्रोक्‍चा माल्‍तेक्‍म। गो मुल मार पाइनुङा ङा?
JOS 7:9 मारदे हना कनानीपुकी नु एको रागी ङा मुर नेल्‍लेमी एको लोव़ नेंशा, आंइ कली पुम्‍नीम। मिनु आंइ नें रागी रे पा क्‍याम्‍नीम। मिनु गे इन ठेयब नें आ पर्बम मार पाइनीनी?” दे परमप्रभु यावे कली लोव़ पाप्‍तु। प्रस्‍थान ३२:१२
JOS 7:10 मिनु परमप्रभु यावेमी यहोसु कली “बोक्‍को। गे मारदे इ कुल खुक्‍शा, बाप्‍शा बाक्‍नेवे?
JOS 7:11 इस्राएलीपुकीमी पाप पाम्‍तेक्‍म। मेकोपुकीमी आं माइश्‍शो ‘पचा माल्‍ब’ दे पशो कबल प्रोंइ‍तेक्‍म। खतम सेल्‍चा माल्‍शो थोव़क खुइ पा लाइश्‍शा, आंम थोव़क नु ब्‍वाइश्‍शा, ख्रुइश्‍शा वोइक्‍तेक्‍म।
JOS 7:12 मोपतीके इस्राएली आन जोरी सत्रु आन कली तशा, प्रोक्‍नीम। मारदे हना मेकोपुकी यो खतम सेल्‍चा माल्‍शो दुम्‍शो बाक्‍नीम। मेको आन खतम सेल्‍चा माल्‍शो ख्रुइश्‍शो थोव़क इन दाते रे मग्रुंइताक्‍नी हना, गो गे नु मबाक्‍नुङ।
JOS 7:13 बोक्‍को। मुर आन कली आं ङोंइती ठीक सेल्‍पतो। मिनु मेको आन कली गे दीसा कली परमप्रभु यावे आ ङोंइती ठीक सेल्‍सीन। मारदे हना परमप्रभु यावे, इस्राएली आन परमप्रभुमी इन दातेमी खतम सेल्‍चा माल्‍शो थोव़क बाक्‍नीम। मेको मग्रुंइताक्‍वी हना, इन जोरी सत्रु क्‍येङा ग्राने मचाप्‍‍नीनी। यहोसु ३:५
JOS 7:14 मिनु गे सुनी कना थर थर ङा मुरपुकी बुक्‍शा, जाक्‍चा माल्‍नीनी। मिनु परमप्रभु यावेमी तेको थर कली कोंइबा, मेको थर ङा नेल्‍ल खिं खिं ङा मुरपुकी जाक्‍चा माल्‍नीम। मिनु परमप्रभु यावेमी तेको खिं ङा मुर कली कोंइबा, मेको आ खिं खिं ङा मुर आन ङोंइती जाक्‍चा माल्‍नीम। मिनु परमप्रभु यावेमी तेको खिं कली कोंइबा, मेको खिं रे का का पा वोंइश मुरपुकी मुर आन ङोंइती जाक्‍चा माल्‍नीम।
JOS 7:15 मिनु तेको मुर नु खुइ पशो थोव़क बाक्‍बा तुंइसीब, मेको नु आ मारेइ मारेइ मीम हुम्‍चा पुंइसीब। मारदे हना मेकोमी परमप्रभु यावे आ देंशो मटिथु, इस्राएली आन दातेमी काइ मरिम्‍शो ग्रांग्रा दिशो गेय पाप्‍तु” दे माइक्‍तु।
JOS 7:16 मिनु यहोसुमी सुनी कना बोक्‍शा, इस्राएली नेल्‍ल आन कली थर थर पा बुक्‍पाइक्‍तु। मो पशोनु यहूदा आ थर कोंइचा पुंइसाक्‍व। १सामुएल १०:२०-२१; १सामुएल १४:४१-४२
JOS 7:17 मिनु यहूदा आ खिं खिं ङा मुर आन ङोंइती जाक्‍चा माल्‍तेक्‍म। मिनु जेराह आ खिं खिं ङा मुर कोंइचा पुंइसाक्‍म। मिनु यहोसुमी जेराह आ खिं खिं ङा मुर आन कली आ ङोंइती जाक्‍पाइक्‍तु। मेको रे जब्‍दी आ खिं ङा मुर कोंइचा पुंइसाक्‍व। गन्‍ती २६:२०
JOS 7:18 मिनु यहोसुमी मेको आ खिं ङा वोंइश मुर का का पा मुर आन ङोंइती जाक्‍पाइक्‍तु। मोपा जाक्‍मानु, यहूदा आ थर ङा जेराह आ युइ, जब्‍दी आ चच, कारमी आ तौ आकान कोंइचा पुंइसाक्‍व।
JOS 7:19 मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।
JOS 7:20 मिनु आकानमी यहोसु कली “थमा, गो परमप्रभु यावे, इस्राएली आन परमप्रभु आ ङोंइती पाप पाता। गो मार पाता देंशा हना, गन्‍ती २१:७; न्‍यायाधीस १०:१०; १सामुएल ७:६; भजन संग्रह ५१:५-६
JOS 7:21 गो खतम सेल्‍चा माल्‍शो थोव़क रे पा शिनार रागी ङा रिम्‍शो फेक्‍तीक वा, सहे निक्‍शी शेकेल चांदी नु ५० शेकेल हेल्‍शो सुन के कोक्‍के का ताता। गो मेको साप्‍पा दाक्‍ताक्‍ङ ङा मिन लांइसाक्‍यी। मिनु मेको आं ताम्‍बु आगाम थिम्‍शा वोइक्‍ता। मेको चांदी नेल्‍ल क्‍येङा आगाम बाक्‍ब” देंत। शेकेल का ११.५ ग्राम बाक्‍ब।
JOS 7:22 मिनु यहोसुमी गेय पाइब आन कली आकान आ ताम्‍बुम सोइक्‍ताक्‍व। मेकोपुकी दोरशा लशा, मेको आ ताम्‍बुमी दोशा, फेक्‍तीक वा नु ख्रुइश्‍शो थोव़क नेल्‍ल ग्रुंइताक्‍म। मिनु मेको चांदी नेल्‍ल क्‍येङा आगाम बाक्‍त।
JOS 7:23 मिनु मेकोपुकीमी मेको थोव़क ग्रुंइ‍शा, यहोसु नु इस्राएली नेल्‍ल आन बाक्‍तीकेम चाक्‍तेक्‍म। मिनु परमप्रभु यावे आ ङोंइती वोइक्‍तेक्‍म।
JOS 7:24 मिनु यहोसु नु इस्राएली नेल्‍ल गारशा, जेराह आ खिं ङा आकान नु आ खुइ पशो चांदी, फेक्‍तीक वा नु सुन के कोक्‍के, मेको आ तमी तौ मेको आ बी ब्‍यफ, आ गधापुकी, आ भेडापुकी, मेको आ ताम्‍बु नु मेको नु बाक्‍शो मारेइ मारेइ आकोर आ बेंसीमी लाइक्‍तेक्‍म। लेवी २४:१४-१५
JOS 7:25 मिनु यहोसुमी आकान कली “गे गो आंइ कली शुश श्‍येत गेप्‍तीवी। मुलाक्‍ती परमप्रभु यावेमी इ कली श्‍येत गेब” देंत। मिनु इस्राएली नेल्‍लेमी मेको आन कली फुल्‍लुमी आप्‍शा साइक्‍तेक्‍म। मिनु मेको आन कली साइश्‍शा, मीम हुम्‍ताक्‍म। ब्‍यवस्‍था १३:१६-१७
JOS 7:26 मिनु मेको आन तारी शुश फुल्‍लु तेल्‍तेक्‍म। मेको फुल्‍लु तेल्‍तीके मुलाक्‍त सम्‍म बाक्‍ब। मिनु नोले परमप्रभु यावे आ गाइक्‍चा नांइसाक्‍व। मिनु मेको बेंसी आ नें आकोर बेंसी वोइक्‍तेक्‍म। मेको मुल सम्‍म बाक्‍ब। यसैया ६५:१०; होसे २:१७
JOS 8:1 मिनु परमप्रभु यावेमी यहोसु कली “महिनो। इ थुं लुक्‍च मलल। मुल लडाइ पाइब नेल्‍ल लाइश्‍शा, ऐ सहर कली लडाइ तोवो। मारदे हना गो ऐ सहर ङा पिप, मेकेर ङा मुरपुकी, सहर नु रागी इ कली गेता।
JOS 8:2 गे यरीको नु मेकेर ङा पिप कली मार मार पवी, ऐ सहर नु मेकेर ङा पिप कली यो मोदेंशो पावो। मेक ङा मारेइ मारेइ, बी ब्‍यफ क्‍यारश भेडा नेल्‍ल गे इन कली लांइसीन। मिनु सहर आ नोले गे हुल का मुर बाप्‍पाइश्‍शा, वोतीन” देंत। यहोसु ६:२१; ब्‍यवस्‍था २०:१०-१८
JOS 8:3 मिनु यहोसु नु लडाइ पाइब नेल्‍ल ऐ सहर कली लडाइ तोथ, लाम्‍तेक्‍म। यहोसुमी ३० हजार लडाइ पाइब मुर आन कली योव़शा, नाक्‍दो सोइक्‍ताक्‍व।
JOS 8:4 मिनु मेकोमी “गे मेको सहर आ नोले बाप्‍शा बाक्‍चा माल्‍नीनी। मेको सहर क्‍येङा ङोन मलने। लडाइ पचा कली ठीक दुम्‍शा, होस पा बाक्‍कीन।
JOS 8:5 गो नु आं मुर नेल्‍ल सहर गे बारनीकी। मिनु मेको ङोंइती खोदेंशो पा आंइ कली खेदा पा ग्रूतेक्‍म हना, गो प्रोक्‍खु पाइनीकी।
JOS 8:6 मेकोपुकीमी आंइ कली खेदा पा खोइक्‍नीम। आंइ कली खेदा पा खोदमेनु, गोपुकी मेको आन कली सहर रे शुश ङोन लपाइक्‍चा कली आंइ कली खेदा पपाइक्‍नीकी। मारदे हना मेकोपुकीमी ‘इस्राएलीपुकी ङोंइती ङा बुदी गो आंइ कली तशा, प्रोक्‍ना प्रोक्‍न बाक्‍नीम’ दे मिम्‍नीम। मोपा गो प्रोक्‍कानु, यहोसु ७:५
JOS 8:7 गेपुकी इन बाप्‍तीके रे बोक्‍शा ग्रूशा, सहर आंम के सेलीन। मिनु परमप्रभु यावे, इन परमप्रभुमी मेको सहर इन कली गेब।
JOS 8:8 परमप्रभु यावेमी आ देंशो खोदेंशो पा, सहर इन गुइमी गेवा नोले, मेको कली मी सुइक्‍तीन” दे मेको आन कली देंत।
JOS 8:9 मिनु यहोसुमी मेको आन कली सोइक्‍ताक्‍व। मिनु मेकोपुकी ऐ क्‍येङा पच्‍छिम बेथेल नु ऐ आस दातेम बाप्‍शा बाक्‍तेक्‍म। मिनु यहोसु मेको नाक्‍दो आ मुर आन दातेमी बाक्‍त।
JOS 8:10 मिनु यहोसु सुनी कना बोक्‍शा, आ मुर आन कली खुप्‍ताक्‍व। इस्राएल ङा खाल्‍पा नु ऐ सहर गे लाम्‍तेक्‍म।
JOS 8:11 यहोसु नु बाक्‍शो लडाइ पाइब नेल्‍ल यो मेकेर लाम्‍तेक्‍म। मिनु ऐ सहर आ ङोंइती जाक्‍तेक्‍म। सहर आ उत्तर गे जाक्‍शा बाक्‍तेक्‍म। मेको ऐ सहर नु आन दातेमी बेंसी का बाक्‍त।
JOS 8:12 मिनु ङोंइती यहोसुमी ५ हजार लडाइ पाइब आन कली लाइश्‍शा, ऐ क्‍येङा पच्‍छिम गे बेथेल नु ऐ आस दातेम बाप्‍चा कली वोइक्‍तु।
JOS 8:13 मोपा ऐ सहर आ उत्तर गे शुश लडाइ पाइब आन बाक्‍तीकेमी बाक्‍मानु, पच्‍छिम गे मेको बाप्‍शो ५ हजार लडाइ पाइब बाक्‍तेक्‍म। मेको नाक्‍दो यहोसु नु आ मुरपुकी बेंसीम बाक्‍तेक्‍म।
JOS 8:14 मिनु सुनी कना ऐ ङा पिपमी मेको आन कली तशा, ऐ ङा लडाइ पाइब नु सहर ङा वोंइश मुर नेल्‍ल इस्राएली नु लडाइ पथ लाम्‍तेक्‍म। पिप नु आ मुर नेल्‍ल अराबाह माइक्‍तीकेमी दिंम आ ङोंइती जाक्‍तेक्‍म। तन्‍न सहर आ नोले मेकोपुकी बाप्‍शा बाक्‍शो बाक्‍नीम मतुइक्‍तेम।
JOS 8:15 मिनु यहोसु नु इस्राएली नेल्‍ल ब्रुशो खोदेंशो पा, गोरशो रागी गे प्रोक्‍खु पाम्‍तेक्‍म।
JOS 8:16 मेको पिपमी ऐ सहर ङा मुर नेल्‍ल आन कली ब्रेश्‍शा, इस्राएली आन कली खेदा पपाइक्‍तु। मोपा यहोसु कली खेदा पा, मेकोपुकी ऐ सहर क्‍येङा ङोन सम्‍म लाम्‍तेक्‍म।
JOS 8:17 ऐ नु बेथेल ङा वोंइश मुर नेल्‍लेमी इस्राएली आन कली खेदा पाम्‍तेक्‍म। खेदा मपाइब का सम्‍म यो मलीम। मेकोपुकी आंम सहर ङा गारो आ ठेयब लाप्‍चो रोक्‍शा वोइश्‍शा, इस्राएली आन कली खेदा पाम्‍तेक्‍म।
JOS 8:18 मिनु परमप्रभु यावेमी यहोसु कली “इ गुइमी बाक्‍शो तरवार ऐ सहर गे कोंइशा दिंदो। मारदे हना गो मेको सहर इ कली गेनन” देंत। मिनु यहोसुमी आ गुइमी बाक्‍शो तरवार ऐ सहर गे कोंइशा दिंताक्‍व।
JOS 8:19 मिनु यहोसुम आ तरवार दिंदानु, मेको बाप्‍शा बाक्‍ब लडाइ पाइब नेल्‍ल बोक्‍शा बारशा, ऐ सहर आगा ओव़तेक्‍म। मेकोपुकी ओव़शा, सहर कली आंम के सेल्‍शा, मी सुइक्‍ताक्‍म।
JOS 8:20 मिनु ऐ सहर ङा खेदा पाइबपुकीमी बिर हिरशा, कोव़ङमेनु, आंम सहरमी कुन जुइश्‍शो ताम्‍तेक्‍म। मोपा कुन जुइश्‍शो तशा, मेकोपुकीमी एर ओंथ प्रोक्‍ने मचबेम। मारदे हना गोरशो रागी गे प्रोक्‍खु पाइब इस्राएलीपुकी लेश्‍शा, मेकोपुकी नु लडाइ पचा गोम्‍तेक्‍म।
JOS 8:21 यहोसु नु इस्राएली नेल्‍लेमी मेको ऐ सहर बाप्‍शा बाक्‍बपुकीमी सहर आंम के सेल्‍शो ताम्‍तेक्‍म। सहर रे कुन जुइश्‍शो तामे चोटीन, मेकोपुकी बिर हिरशा, ऐ सहर ङा वोंइश मुर आन कली साइक्‍चा गोम्‍तेक्‍म।
JOS 8:22 मिनु ङोंइती बाप्‍शा बाक्‍बपुकी सहर रे ग्रूतेक्‍म। मोपा इस्राएलीपुकीमी ऐ सहर ङा मुर आन कली आन दाते पा आन एर ओंथ बाक्‍शा, का कली यो प्रोक्‍चा मगेम। नेल्‍ल आन कली साइक्‍तेक्‍म।
JOS 8:23 मिनु मेकेर ङा पिप कली चहिं सेसीन ग्‍याइश्‍शा, यहोसु आ बाक्‍तीक चाक्‍तेक्‍म।
JOS 8:24 मिनु इस्राएलीपुकीमी ऐ ङा मुर नेल्‍ल आन कली, गोरशो रागी ङा दिंममी साइक्‍ने थुम्‍शा, ऐ सहर लेश्‍शा, ओव़शा, मेकेर बाक्‍शो आन कली यो तरवारमी क्‍योरशा साइक्‍तेक्‍म।
JOS 8:25 मेको नाक्‍ती साइक्‍चा पुंइसीशो मुर वोंइश मुर नु मीश मुर नेल्‍ल पा १२ हजार बाक्‍तेक्‍म। ऐ ङा मुर नेल्‍ल मोशोन बाक्‍तेक्‍म।
JOS 8:26 मिनु यहोसुमी ऐ ङा मुर नेल्‍ल साइक्‍ने मथुम्‍मे सम्‍म आ तरवार शेशा दिंशो गुइ मतोक्‍ग।
JOS 8:27 मिनु परमप्रभु यावेमी यहोसु कली देंशो खोदेंशो पा बी ब्‍यफ, क्‍यारश भेडा नु रोइश्‍शो मारेइ मारेइ इस्राएलीपुकीमी वोंइसाक्‍म।
JOS 8:28 मिनु यहोसुमी ऐ सहर कली चोशा, गेनायो मसेल्‍चा ङा पा खतम सेल्‍तु। मोदेंशो मुल सम्‍म बाक्‍ब।
JOS 8:29 मिनु मेकोमी ऐ ङा पिप कली नां मरिक्‍म सम्‍म रवामी क्‍युक्‍शा वोइक्‍पाइक्‍तु। मिनु नां रिक्‍म नोले यहोसुमी पिप आ रां रवा रे शोल्‍शा, सहर ओव़तीक लाप्‍चोम लाइश्‍शा ताइक्‍पाइक्‍तु। मेको आ तारी शुश फुल्‍लु तेल्‍तेक्‍म। मेको मुल सम्‍म बाक्‍ब। ब्‍यवस्‍था २१:२२-२३
JOS 8:30 मिनु यहोसुमी परमप्रभु यावे, इस्राएली आन परमप्रभु कली एबाल डांडामी चढ़ेतीक का सेल्‍तु। ब्‍यवस्‍था २७:२-८
JOS 8:31 परमप्रभु यावे आ गेय पाइब मोसामी इस्राएली आन कली देंशो खोदेंशो पा नु मोसामी अरेशो लोव़ ब्रेक्‍शा किताबम ब्रेक्‍शो खोदेंशो, मक्‍योरशो, फलामम मथिपाइश्‍शो फुल्‍लु खुप्‍शा, चढ़ेतीक का सेल्‍तेक्‍म। मेकेर परमप्रभु यावे कली चोशा चढ़ेतीके नु दुशा बाक्‍चा आ पर्बम चढ़ेतीके चढ़ेम्‍तेक्‍म। प्रस्‍थान २०:२५; प्रस्‍थान २४:१-८
JOS 8:32 मिनु मेकेर इस्राएली नेल्‍ल आन ङोंइती यहोसुमी परमप्रभु यावे आ अरेशो लोव़ मोसामी मुशा ब्रेक्‍शो खोदेंशो पा, फुल्‍लुम मुशा ब्रेक्‍ताक्‍व।
JOS 8:33 मिनु इस्राएली नेल्‍ल, मेको नु बाक्‍ब अर्को रागी ङा मुरपुकी, खाल्‍पापुकी, ठेयब मुर नु मेको आन ठेयब मुरपुकी परमप्रभु यावे आ कबल पशो सन्‍दोस आ नेक्‍था राप्‍शो बाक्‍तेक्‍म। मेकोपुकी परमप्रभु यावे आ सन्‍दोस कुरब लेवी आ थर ङा चढ़ेब गे कोव़शा, राप्‍शो बाक्‍तेक्‍म। इस्राएली नु मेको नु बाक्‍ब अर्को रागी ङा मुर नेल्‍ल आधी गेरीजीम डांडा गे कोव़शा, अरु आधी एबाल डांडा गे कोव़शा राप्‍शो बाक्‍तेक्‍म। मिनु परमप्रभु यावे आ गेय पाइब मोसामी अरेशो खोदेंशो पा यहोसुमी इस्राएली नेल्‍ल आन कली आसीक गेप्‍तु। ब्‍यवस्‍था ११:२९; ब्‍यवस्‍था २७:१२-२६; ब्‍यवस्‍था २८:-
JOS 8:34 मिनु नोले यहोसुमी परमप्रभु यावे आ अरेशो लोव़ नेल्‍ल, आसीक नु सराप आ पर्बम ब्रेक्‍शो यो पढेप्‍तु। दोदेंशो पा ब्रेक्‍शो बाक्‍मे, मोदेंशो पा पढेप्‍तु।
JOS 8:35 मोसामी मार मार लोव़ अरेशा, ब्रेक्‍शो बाक्‍मे, मेको नेल्‍ल यहोसुमी इस्राएली नेल्‍ल कली पढेशा नेंपाइक्‍तु। मेक बाक्‍शो वोंइश मुर, मीश मुर, आलपुकी नु मेकोपुकी नु बाक्‍ब अर्को रागी ङा मुर आन ङोंइती नेल्‍ल पढेशा नेंपाइक्‍तु।
JOS 9:1 मिनु यर्दन आइक्‍ची हांबु पहाड नु दिंममी, ठेयब समुन्‍द्र आ नेक्‍था नु लेबानोन गे बाक्‍ब हित्ती, एमोरी, कनानी, परिज्‍जी, हिव्‍वी नु यबुसी आन पिपपुकीमी एको लोव़ नेंशा,
JOS 9:2 मेकोपुकी थुं का दुम्‍शा, यहोसु नु इस्राएलीपुकी नु लडाइ पचा कली बुक्‍तेक्‍म।
JOS 9:3 मिनु गिबोन ङा मुरपुकीमी यहोसुमी यरीको नु ऐ सहर कली मार मार पवा, मेको लोव़ नेंशा, यहोसु ६:२०-२१; यहोसु ६:२६-२८
JOS 9:4 मेकोपुकीमी ङोन रागी रे जाक्‍शो खोदेंशो पा बुत सेल्‍शा, आन गधा तारी माइत धोक्रो वोइश्‍शा, गाक्‍शो फेरशो कुशुल के अङगुर शांबु वोइक्‍तीक कुर पाइक्‍‍तेक्‍म।
JOS 9:5 मिनु गाक्‍शो माइत जुत्ता नु जेक्‍शो वासी फेक्‍साक्‍म। मेको आन कुरशो बुत सोव़शो नु बुंखी ङाइश्‍शो बाक्‍त।
JOS 9:6 मिनु मेकोपुकीमी गिल्‍गाल यहोसु आ बाक्‍तीकेमी जाक्‍शा, यहोसु नु इस्राएली नेल्‍ल वोंइश मुर नेल्‍ल आन कली “गोपुकी ङोन रागी रे जाक्‍शो नकी। मोपतीके गोपुकी नु गारशा, कबल पने” देंतेक्‍म।
JOS 9:7 मिनु इस्राएलीपुकीमी मेको हिव्‍वी आन कली “गेपुकी आंइ दातेमी बाक्‍ब मुर बाक्‍नीनी, कों? गोपुकी गेपुकी नु दोपा गारने चाप्‍नीकी ङा?” देंतेक्‍म। यहोसु ११:१९; प्रस्‍थान २३:३२
JOS 9:8 मिनु मेकोपुकीमी यहोसु कली “गो इन गेय पाइब नकी” दे लोव़ लेत्‍ताक्‍म। मिनु यहोसुमी मेको आन कली “गे सु ननी? ते रे जाक्‍शो ननी” दे हिल्‍लो पाप्‍तु।
JOS 9:9 मिनु मेकोपुकीमी “गो इन गेय पाइबपुकी शुश ङोन रागी रे जाक्‍शो नकी। गोपुकी परमप्रभु यावे, इन परमप्रभु आ पर्बम शुश नेंतक। मिनु इजीप्‍त रागीमी मार पवा मेको नेल्‍ल नेंतक।
JOS 9:10 यर्दन आइक्‍ची हांबु ङा एमोरी आन पिप निक्‍शी, हेश्‍बोन ङा पिप सीहोन कली नु अश्‍तारोथम बाक्‍ब बाशान ङा पिप ओग कली मार मार पनी मेको नेल्‍ल नेंतक। गन्‍ती २१:२१-३५
JOS 9:11 मोपतीके आंइ ठेयब मुरपुकी नु आंइ रागी ङा मुर नेल्‍लेमी ‘गेपुकीमी लांम जतीक बुत कुरशा, मेको आन कली ग्रुम्‍थ लने’ देंतेक्‍म। मेको आन कली ‘गो इन गेय पाइब नकी। गे गो नु कबल पा आंइ कली ब्रने, दे देनीन’ देंतेक्‍म।
JOS 9:12 इन कली ग्रुम्‍थ गाक्‍शो नाक्‍ती गोपुकीमी आंइ खिं रे एको शोब्‍ले होश कुरशो नकी। मुल सोव़शा बुंखी ङाइश्‍शो बाक्‍ब।
JOS 9:13 मिनु आंइ गाक्‍ची ना एको अङगुर शांबुम प्रिंशो कुशुल के थैलो नक बाक्‍तेक्‍म। मुल कोव़ङीन, एको यो गाक्‍ने थुम्‍तेक्‍म। मेको लाइश्‍शो लां दुम्‍तीके आंइ फेक्‍शो वासी नु जुत्ता यो माइत दुम्‍शा जेक्‍तेक्‍म” देंतेक्‍म।
JOS 9:14 मिनु इस्राएलीपुकीमी आन चाक्‍शो कोसेली ताक्‍तेक्‍म, तन्‍न परमप्रभु यावे कली हिल्‍लो मपथु, जाम्‍तेक्‍म। गन्‍ती २७:२१
JOS 9:15 मिनु यहोसुमी मेको आन कली “इन थुं नांइसीन। ब्रोंइचा ताइनीनी” दे कबल पाप्‍तु। मिनु मेकेर ङा ठेयब मुरपुकीमी यो कसम जाम्‍तेक्‍म।
JOS 9:16 मिनु कबल पशो सां नाक्‍त नोले मेको मुर आन नेक्‍था ङा मुर आंम दातेमी बाक्‍ब मुर बाक्‍तेक्‍म, दे इस्राएलीपुकीमी नेंतेक्‍म।
JOS 9:17 मिनु इस्राएली गाक्‍शा, सां नाक्‍तीमी मेको आन सहर जाक्‍दीत्‍तेक्‍म। मेको आन सहर गिबोन, केफीरा, बेयरोथ नु किरयथ-यारीम बाक्‍तेक्‍म।
JOS 9:18 मिनु इस्राएलीपुकीमी मेको आन सहर कली लडाइ मतोम। मारदे हना इस्राएल ङा ठेयब मुरपुकीमी मेको नु परमप्रभु यावे, इस्राएली आन परमप्रभु आ ङोंइती कसम जशो बाक्‍तेक्‍म। मोपतीके मुरपुकीमी इस्राएली आन ठेयब मुर आन पर्बम गन गन पाम्‍तेक्‍म।
JOS 9:19 मिनु ठेयब मुरपुकीमी इस्राएली नेल्‍ल आन कली “गोपुकीमी परमप्रभु यावे, इस्राएली आन परमप्रभु आ नेंमी कसम जाइतक। मोपतीके गो मेको आन कली ब्रोंइचा गेचा माल्‍नीकी।
JOS 9:20 मुल मेको आन कली ब्रोंइचा गेचा माल्‍नीकी। मोदेंशो मपाइतक हना, आंइ जशो कसममी पतीके, गो सराप राइनीक” दे इस्राएली आन कली देंतेक्‍म। गन्‍ती १:५३; २सामुएल २४:१
JOS 9:21 मिनु ठेयब मुरपुकीमी “मेको आन कली ब्रोंइचा गेन” देंतेक्‍म। मिनु मेकोपुकी इस्राएली आन शी चेप्‍ब नु ब्‍वाक्‍कु क्‍याक्‍ब वाइल दुम्‍तेक्‍म। ठेयब मुरुमी दोदेंशो देंमे मोदेंशो दुम्‍त।
JOS 9:22 मिनु यहोसुमी मेको गिबोन ङा मुर आन कली ब्रेश्‍शा “गेपुकी आंइ नेक्‍था गोपुकी नु बाक्‍ब बाक्‍नीनी। तन्‍न ‘गो ङोन रागी ङा नकी’ दे मारदे जोल पनी?
JOS 9:23 मोपा जोल पतीके मुल गेपुकी सराप रशो दुम्‍तीनी। गेपुकी गेना हना यो वाइल दुम्‍चा माल्‍नीनी। गेपुकी आं परमप्रभु यावे आ खिं ङा शी चेप्‍ब नु ब्‍वाक्‍कु क्‍याक्‍ब दुम्‍तीनी” देंत।
JOS 9:24 मिनु मेकोपुकीमी यहोसु कली “परमप्रभु यावे, इ परमप्रभुमी आ गेय पाइब मोसा कली ‘रागी नेल्‍ल इन के दुम्‍ब। एको रागी ङा मुर नेल्‍ल सतीन’ दे अरेशो तुइश्‍शो नकी। मोपतीके गो इन कली तशा शुश हिंतीके, आंइ कली प्रोंइचा कली जोल पाइतक।
JOS 9:25 मुल गो इन गुइमी बाक्‍नीकी। आंइ कली मार पशो नु रिम्‍शो लाक्‍नीनी, मोदेंशोन पन” देंतेक्‍म।
JOS 9:26 मोपा यहोसुमी मेको आन कली इस्राएली आन गुइ रे पा प्रोंइतु। मिनु इस्राएलीपुकीमी मेको आन कली साइक्‍चा मतामे।
JOS 9:27 मिनु मेको नाक्‍त रे यहोसुमी मेको आन कली इस्राएली नेल्‍ल नु परमप्रभु यावे आ चढ़ेतीक कली शी चेप्‍ब नु ब्‍वाक्‍कु क्‍याक्‍ब सेल्‍तु। मेकोपुकीम मुल सम्‍म मोदेंशो पाइनीमी। ब्‍यवस्‍था २९:१०; १इतिहास २१:२९; २इतिहास १:३
JOS 10:1 मिनु यरूसलेम ङा पिप अदोनी-सेदेकमी “यहोसुमी ऐ सहर ग्राशा, खतम सेल्‍तु। मिनु यरीको नु मेकेर ङा पिप कली पाइश्‍शो खोदेंशो पा मेको ऐ सहर नु मेकेर ङा पिप कली यो पाइक्‍‍तु। मिनु गिबोन ङा मुरपुकी इस्राएली नु गारशा, मुल आन दातेमी बाक्‍शो बाक्‍तेक्‍म” दे नेंतु। यहोसु ६:-; यहोसु ८:-; यहोसु ९:-
JOS 10:2 मिनु मेको नु आ मुर नेल्‍ल शुश हिंतेक्‍म। मारदे हना गिबोन थम ठेयब सहर, पिप आ बाक्‍तीक सहर खोदेंशो, बाक्‍‍त। मिनु मेको ऐ सहर क्‍येङा ठेयब बाक्‍त। मिनु मेकेर ङा वोंइश मुर नेल्‍ल बोल्‍यो लडाइ पाइब बाक्‍तेक्‍म।
JOS 10:3 मिनु यरूसलेम ङा पिप अदोनी-सेदेकमी हेब्रोन ङा पिप होहाम, यरमुथ ङा पिप पिराम, लाकीश ङा पिप याफीया नु एग्‍लोन ङा पिप देबीर बाक्‍तीकेमी लोव़ सोइक्‍ताक्‍व।
JOS 10:4 मिनु मेको आन कली “आं कली वारच पथ पिन। गो नेल्‍ल गारशा, गिबोन नु लडाइ पय। मारदे हना मेकोपुकी यहोसु नु इस्राएलीपुकी नु गारमा बाक्‍त” दे लोव़ सोइक्‍ताक्‍व।
JOS 10:5 मोपा एमोरी आन ५ जना पिप, यरूसलेम, हेब्रोन, यरमुथ, लाकीश नु एग्‍लोन ङा पिप खुम्‍सीशा, आन लडाइ पाइब नेल्‍ल नु जाक्‍शा, गिबोन नु लडाइ पाम्‍तेक्‍म।
JOS 10:6 मिनु गिबोन ङा मुरपुकीमी गिल्‍गाल सहरम बाक्‍शो यहोसु कली “मुल, गे इन गेय पाइब, गो आंइ कली मप्रेंदीन। गे रीब पा जाक्‍कीन। आंइ कली वारच पा प्रोनीन। मारदे हना पहाड रागीम बाक्‍ब एमोरी आन पिप नेल्‍ल गो नु लडाइ पचा कली खुम्‍सीशो बाक्‍नीम” दे लोव़ सोइक्‍ताक्‍म।
JOS 10:7 मिनु यहोसुमी आ लडाइ पाइब नेल्‍ल आन कली लाइश्‍शा, गिल्‍गाल रे लत। मिनु आ नेल्‍ल क्‍येङा बोल्‍यो लडाइ पाइबपुकी यो मेको नु लाम्‍तेक्‍म।
JOS 10:8 मोपा लमानु, परमप्रभु यावेमी यहोसु कली “मेको आन कली तशा, महिनो। मारदे हना गो मेको आन कली इन गुइमी गेता। मेको आन मुर का सम्‍म यो इन ङोंइती राप्‍ने मचाप्‍नीम” देंत।
JOS 10:9 मिनु नेल्‍ल नाक्‍दो यहोसु नु इस्राएली गिल्‍गाल रे गाक्‍शा, मेक जाक्‍दीश्‍शा, छक लाक्‍चा ङा पा मेको आन कली लडाइ तोम्‍तेक्‍म।
JOS 10:10 मिनु परमप्रभु यावेमी एमोरी ङा मुर आन कली इस्राएली आन ङोंइती वाम ग्याम सेल्‍शा, मेको आन कली गिबोन सहरम ब्रुपाइक्‍तु। इस्राएलीपुकीमी मेको आन कली गिबोन रे बेथ-होरोन ङा ग्‍येत्‍थ लां रे पा खेदा पाम्‍तेक्‍म। आजेका नु माकेदा सम्‍म खेदा पा साइक्‍तेक्‍म।
JOS 10:11 मिनु मोपा इस्राएली आन ङोंइती बेथ-होरोन रे आजेका सम्‍म ब्रुप्‍शा प्रोक्‍मानु, परमप्रभु यावेमी सरीङ रे ठेयब मुप्‍स यिपाइक्‍तु। इस्राएलीपुकीमी तरवारमी क्‍योरशा बेक्‍शो क्‍येङा ठेयब मुप्‍सीम ख्रशा बेक्‍शो मुर शुश बाक्‍तेक्‍म। प्रस्‍थान ९:२२-२५; अय्‍युब ३८:२२-२३; हबकुक ३:११; २सामुएल १:१८
JOS 10:12 मिनु परमप्रभु यावेमी एमोरी आन कली इस्राएली आन गुइमी गेशो नाक्‍ती यहोसुमी परमप्रभु यावे कली इस्राएली नेल्‍ल आन ङोंइती “नां, गे गिबोन तारी नांइसो। तास्‍ला, आइयालोन बेंसी तारी नाइश्‍शा बाक्‍को” देंत।
JOS 10:13 मिनु यहोसुमी मेको आन कली क्‍येक्‍क मलेत्‍ता सम्‍म नां नु तास्‍ला नांइसाक्‍स। मेको लोव़ याशार ङा किताबमी यो ब्रेक्‍सीशो बाक्‍ब। मिनु नां सरीङ आ दातेमी नांइसाक्‍व। मिनु नां मेको नाक्‍त का मपेरस।
JOS 10:14 मोदेंशो ङोंइती नु नोले गेनायो मदुम्‍शो बाक्‍त। मारदे हना परमप्रभु यावेमी मुर आ लोव़ नेंशा, इस्राएली आन पर्बम लडाइ पाप्‍तु।
JOS 10:15 मिनु नोले यहोसु नु इस्राएली नेल्‍ल आंम बाक्‍तीके गिल्‍गाल लेत्‍तेक्‍म।
JOS 10:16 मिनु मेको ५ जना पिपपुकी चहिं प्रोक्‍शा, माकेदा ङा पुक्‍खीमी ख्रुंइसाक्‍म।
JOS 10:17 मिनु मुरपुकीमी यहोसु कली “मेको ५ जना पिपपुकी माकेदा ङा पुक्‍खीमी ख्रुइश्‍शो बाक्‍नीम” दे नेंपाइक्‍तेक्‍म। ब्‍यवस्‍था २१:२२-२३
JOS 10:18 मिनु यहोसुमी “ठेयब ठेयब फुल्‍लु लोक्‍शा लाइश्‍शा, मेको पुक्‍खी आ ओव़तीके सुने। मिनु आ ङोंइतीमी खाल पाइबपुकी वोतीन।
JOS 10:19 तन्‍न गेपुकी मो मबाक्‍कीन। इन जोरी सत्रु आन कली खेदा पना पन ङोंइती बारीन। नेल्‍ल क्‍येङा नोले ङा सम्‍म यो सतीन। मेको आन कली लेंशा, आन सहर ओव़चा मगेन। मारदे हना परमप्रभु यावे, इन परमप्रभुमी मेको इन गुइमी गेशो बाक्‍ब” देंत।
JOS 10:20 मिनु यहोसु नु इस्राएलीपुकीमी मेको आन कली खतम सेल्‍‍तेक्‍म। का निक्‍शी चहिं प्रोक्‍शा, गारो पाइश्‍शो सहर आगा ओव़तेक्‍म।
JOS 10:21 मिनु मुर नेल्‍ल माकेदा, यहोसु आ बाक्‍तीकेमी, रिम्‍शो पा लेत्‍तेक्‍म। मेको इस्राएली आन पर्बम सुइ मुरुमी यो शुक्‍शी लोव़ पने मचबेम।
JOS 10:22 मिनु यहोसुमी “पुक्‍खी रोक्‍शा, मेको ५ जना पिप आन कली आं बाक्‍तीक चाक्‍कीन” देंत।
JOS 10:23 मिनु मेकोपुकीमी मेको ५ जना पिप आन कली चाक्‍तेक्‍म। यरूसलेम ङा पिप, हेब्रोन ङा पिप, यरमुथ ङा पिप, लाकीश ङा पिप नु एग्‍लोन ङा पिप कली पुक्‍खी रे ग्रुंइ‍शा, यहोसु आ बाक्‍तीकेम चाक्‍तेक्‍म।
JOS 10:24 मिनु मेको आन कली यहोसु आ बाक्‍तीक चाक्‍ग्‍मे नोले, यहोसुमी इस्राएली नेल्‍ल आन कली खुप्‍शा, लडाइ पाइब आन ठेयब मुर आन कली “एको पिप आन शुरमी इन खोइलीमी दिम्‍दीन” देंत। मिनु मेकोपुकीमी जाक्‍शा, आन खोइलीमी मेको पिप आन शुर दिम्‍ताक्‍म।
JOS 10:25 मिनु यहोसुमी मेको आन कली “बोल्‍यो नु महिंब दुमीन। मारदे हना इं परमप्रभु यावेमी गे सु नु लडाइ पाइनीनी, मेको आन कली मोदेंशो पाइब” देंत।
JOS 10:26 मेको नोले यहोसुमी मेको ५ जना पिप आन कली तुप्‍शा साइश्‍शा, ५ ओटा रवामी क्‍युक्‍पाइक्‍तु। मिनु नाक्‍दो सम्‍म क्‍युक्‍शा, वोइक्‍तेक्‍म।
JOS 10:27 मिनु नां रिक्‍ची ना, यहोसुमी “मेको आन कली लाइश्‍शा, ङोंइती आन ख्रुइश्‍शो पुक्‍खीमी वोतीन। मिनु मेको पुक्‍खी आ ओव़तीकेमी ठेयब फुल्‍लुपुकी लाइश्‍शा सुने” दे अरेप्‍तु। मिनु मेको फुल्‍लु मुल सम्‍म बाक्‍नीम। ब्‍यवस्‍था २१:२२-२३
JOS 10:28 मिनु मेको नाक्‍ती यहोसुमी माकेदा आंम के सेल्‍तु। मेको सहर ङा मुर नेल्‍ल आन कली नु मेकेर ङा पिप कली तरवारमी साइक्‍तु। मेकोमी मेकेर ङा मुर नेल्‍ल आन कली खतम पोक्‍तु। सुइ कली यो मप्रोन। मेकोमी यरीको ङा पिप कली पशो बुदी माकेदा ङा पिप कली यो पाइक्‍‍तु।
JOS 10:29 मिनु यहोसु नु इस्राएली नेल्‍ल माकेदा रे गाक्‍शा, लिब्‍ना लाम्‍तेक्‍म। मिनु लडाइ पाम्‍तेक्‍म।
JOS 10:30 मिनु परमप्रभु यावेमी मेक ङा मुर नु पिप कली यो यहोसु नु इस्राएली आन गुइमी गेप्‍तु। मेकोपुकीमी लिब्‍ना ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। यरीको ङा पिप कली पशो खोदेंशो मेकेर ङा पिप कली यो पाम्‍तेक्‍म।
JOS 10:31 मिनु यहोसु नु इस्राएली नेल्‍ल लिब्‍ना रे गाक्‍शा, लाकीश लाम्‍तेक्‍म। मिनु लाकीश कली पुम्‍शा, लडाइ पाम्‍तेक्‍म।
JOS 10:32 परमप्रभु यावेमी लाकीश कली यो इस्राएली आन गुइमी गेप्‍तु। मिनु मेको आ दीसा नाक्‍ती यहोसुमी लाकीश आंम के सेल्‍तु। मिनु मेकेर ङा मुर नेल्‍ल आन कली लिब्‍ना कली पशो खोदेंशो पाप्‍तु। नेल्‍ल आन कली तरवारमी साइक्‍तु।
JOS 10:33 मेना गेजेर ङा पिप होराम लाकीश कली वारच पथ जाक्‍त। मिनु यहोसुमी मेको नु आ लडाइ पाइब नेल्‍ल आन कली फ्रु‍शा, का कली यो मप्रोंइथु, ग्‍याइश्‍शा साइक्‍तु।
JOS 10:34 मिनु यहोसु नु इस्राएली नेल्‍ल लाकीश रे गाक्‍शा, एग्‍लोन लाम्‍तेक्‍म। मिनु मेकेर यो पुम्‍शा, लडाइ पाम्‍तेक्‍म।
JOS 10:35 मेको नाक्‍ती मेकोपुकीमी एग्‍लोन कली ग्रातेक्‍म। मिनु मेकेर ङा मुर नेल्‍ल आन कली तरवारमी साइक्‍तेक्‍म। लाकीश कली दोदेंशो पामे, एग्‍लोन कली यो मोदेंशो पाम्‍तेक्‍म।
JOS 10:36 मिनु यहोसु नु इस्राएली नेल्‍ल एग्‍लोन रे ग्‍येत्‍थ ङोइश्‍शा हेब्रोन लाम्‍तेक्‍म। मेकेर यो लडाइ पाम्‍तेक्‍म।
JOS 10:37 मिनु मेकोपुकीमी हेब्रोन सहर कली ग्राशा, मेको सहर ङा पिप नु आ एर ओंथ गाउं ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। मेकोपुकीमी एग्‍लोन कली पशो खोदेंशो पा, नेल्‍ल मुर आन कली खतम पोक्‍तेक्‍म।
JOS 10:38 मिनु यहोसु नु इस्राएली नेल्‍ल देबीर गे लेश्‍शा, मेको नु लडाइ पाम्‍तेक्‍म।
JOS 10:39 मेकोमी मेकेर ङा सहर नेल्‍ल, आन पिप नु एर ओंथ ङा गाउं आन कली ग्रातेक्‍म। मुर नेल्‍ल आन कली खतम पोक्‍तेक्‍म। सुइ कली यो मप्रोनेम। मेकोपुकीमी हेब्रोन नु मेकेर ङा पिप नु लिब्‍ना कली दोदेंशो पामे, मोदेंशो पा देबीर नु मेकेर ङा पिप कली यो पाम्‍तेक्‍म।
JOS 10:40 मोपा यहोसुमी पहाड नेल्‍ल, नेगेब रागी, पच्‍छिम नेल्‍ल ङा आइक्‍च पहाड नु आइक्‍च डांडा ङा देम्‍सीलो ग्रात। पिप नेल्‍ल आन कली साइक्‍तु। का कली यो मप्रोन। मेको ब्रोंइशो नेल्‍ल आन कली खतम सेल्‍तु। परमप्रभु यावे, इस्राएली आन परमप्रभुमी दोदेंशो अरेवा, मोदेंशो पाप्‍तु। ब्‍यवस्‍था २०:१६-१८
JOS 10:41 मिनु यहोसुमी कादेश-बारनेआ, गाजा नु गोशेन रे लाइश्‍शा गिबोन सम्‍म नेल्‍ल ग्रात। यहोसु ११:१६
JOS 10:42 मिनु यहोसुमी मेको आन पिप आन कली नु आन रागी नेल्‍ल कली कालेम ग्रात। मारदे हना परमप्रभु यावे, इस्राएली आन परमप्रभुमी इस्राएली आन पा ङा लडाइ पाप्‍तु।
JOS 10:43 मिनु नोले यहोसु नु इस्राएली नेल्‍ल आन बाक्‍तीके गिल्‍गालमी लेत्‍तेक्‍म। यहोसु १०:१५
JOS 11:1 मिनु हासोर ङा पिप याबीनमी यहोसुमी पशो नेल्‍ल नेंशा, मादोन ङा पिप योबाब, शिम्रोन ङा पिप आकशाफ,
JOS 11:2 उत्तर ङा पहाडम बाक्‍ब पिपपुकी नु किन्‍नेरोथ ङा दक्‍खिन ङा पिप, अराबाह ङा पहाडम बाक्‍ब आन पिप नु पच्‍छिमम नाफथ-डोर डांडा गे बाक्‍ब आन पिप, किन्‍नेरोथ किन्‍नेरेथ यो बाक्‍ब।
JOS 11:3 पूर्ब नु पच्‍छिम ङा कनानी आन पिप नु एमोरी आन पिप, हित्ती आन पिप, परिज्‍जी आन पिप, पहाड रागीम बाक्‍ब यबुसी आन पिप नु रागी ङा हेरमोन डांडा आइदी मिस्‍पा रागी गे बाक्‍ब हिव्‍वी आन पिप, नेल्‍ल आन कली ब्रेश्‍शा सोइक्‍ताक्‍व।
JOS 11:4 मिनु मेको पिपपुकी नु आन लडाइ पाइब मुर नेल्‍ल जाक्‍तेक्‍म। मेकोपुकी ठेयब समुन्‍द्र ङा बाल्‍वा खोदेंशो पा शुश बाक्‍तेक्‍म। मिनु मेको आन के शारापुकी नु बग्‍गीपुकी यो शुश बाक्‍तेक्‍म।
JOS 11:5 मिनु मेको पिप नेल्‍ल खुम्‍सीशा, इस्राएली नु लडाइ पचा कली मेरोम माइश्‍शो ब्‍वाक्‍कु आ बुक्‍तीके आ नेक्‍था बाक्‍तेक्‍म।
JOS 11:6 मिनु परमप्रभु यावेमी यहोसु कली “मेको आन कली तशा महिनीन। मारदे हना दीसा गो मेको आन कली साइश्‍शा, गे इस्राएली इन गुइमी गेनुङ। गे मेको आन शारा आन ठेयब नारी ख्रोइश्‍शा, आन बग्‍गी आन कली मीम क्रोतो” देंत।
JOS 11:7 मिनु यहोसु नु आ लडाइ पाइब नेल्‍लेमी मेरोम माइश्‍शो ब्‍वाक्‍कु बुक्‍तीके आ नेक्‍था जाक्‍दीश्‍शा, मेकोपुकी नु लडाइ पाम्‍तेक्‍म।
JOS 11:8 मिनु परमप्रभु यावेमी मेको आन कली इस्राएली आन गुइमी गेप्‍तु। मिनु इस्राएलीपुकीमी मेको आन कली ठेयब सहर सीदोन नु मिस्रेपोत-माइम सम्‍म नु पूर्ब ङा मिस्‍पा दिंम सम्‍म खेदा पा साइक्‍तेक्‍म। सुइ कली यो मप्रोनेम। यहोसु १३:६
JOS 11:9 मिनु यहोसुमी परमप्रभु यावेमी देंशो खोदेंशो पा, मेको आन शारा आन ठेयब नारी ख्रोइश्‍शा, मेको आन बग्‍गीपुकी मीम क्रोइक्‍तु।
JOS 11:10 मिनु यहोसु नु इस्राएलीपुकी मेकेर रे लेश्‍शा, हासोर ग्रातेक्‍म। मेकेर ङा पिप कली तरवारमी साइक्‍तेक्‍म। हासोर चहिं मेको रागी ङा नेल्‍ल क्‍येङा ठेयब सहर बाक्‍माक्‍त।
JOS 11:11 मिनु इस्राएलीपुकीमी मेकेर बाक्‍ब मुर नेल्‍ल आन कली तरवारमी साइक्‍तेक्‍म। मेकोपुकीमी नेल्‍ल आन कली खतम सेल्‍तेक्‍म। ब्रोंइशो का कली यो मप्रोनेम। मिनु मेकोपुकीमी हासोर सहरम मी सुइक्‍ताक्‍म। यहोसु १०:४०
JOS 11:12 मिनु यहोसुमी मेकेर ङा पिप नेल्‍ल आन सहर ग्राशा, पिप नेल्‍ल आन कली साइक्‍तु। मिनु परमप्रभु यावे आ गेय पाइब मोसामी देंशो खोदेंशो पा नेल्‍ल आन कली खतम पोक्‍तु।
JOS 11:13 मिनु इस्राएलीपुकीमी अरु डांडाम बाक्‍शो सहर आन कली मक्रोदेम। यहोसुमी हासोर सहर कली ला क्रोइक्‍तु।
JOS 11:14 मिनु इस्राएलीपुकीमी मेको सहर ङा मार मार थोव़क नु बी ब्‍यफ, क्‍यारश भेडा आंम कली वोंइसाक्‍म। तन्‍न मुर नेल्‍ल आन कली साइक्‍तेक्‍म। नेल्‍ल आन कली खतम सेल्‍शा, का कली यो मप्रोनेम। ब्‍यवस्‍था २०:१०-१५
JOS 11:15 दोपा परमप्रभु यावेमी आ गेय पाइब मोसा कली अरेशो बाक्‍मे, मोपा मोसामी यहोसु कली अरेशो बाक्‍माक्‍त। मिनु यहोसुमी मोदेंशोन पाप्‍तु। परमप्रभु यावेमी मोसा कली अरेशो लोव़ यहोसुमी का सम्‍म यो मप्रोन। नेल्‍ल रिम्‍शो पा टिप्‍तु।
JOS 11:16 मोपा यहोसुमी मेको रागी नेल्‍ल आंम के सेल्‍तु। तेको तेको रागी आंम के सेल्‍तु देंशा हना, पहाड, नेगेब नेल्‍ल, गोशेन नेल्‍ल नु दिंम ङा रागी, अराबाह रागी नु इस्राएल ङा ठेयब डांडा नु आ दिंम, यहोसु १०:४१
JOS 11:17 सेइर ग्‍येत्‍थ लाइब हालाक माइश्‍शो डांडा रे पा लेबानोन ङा बेंसी हेरमोन डांडा आंइदी बाल-गाद सम्‍म ग्राशा, आंम के सेल्‍तु। मिनु मेकेर ङा पिप नेल्‍ल आन कली ग्‍याइश्‍शा साइक्‍तु।
JOS 11:18 मिनु शुश नाक्‍त सम्‍म यहोसुमी मेको पिपपुकी नु लडाइ पाप्‍तु।
JOS 11:19 मिनु गिबोन ङा मुर हिव्वीपुकी ला इस्राएलीपुकी नु गारशा सल्‍ला पाम्‍तेक्‍म। अरु सहर ङा मुरपुकी मेकोपुकी नु गारथ मजाक्‍म। मोपतीके इस्राएलीपुकीमी सहर नेल्‍ल नु लडाइ पा ग्राशा, आंम के सेल्‍तेक्‍म। यहोसु ९:१५
JOS 11:20 मारदे हना नेल्‍ल आन कली खतम सेल्‍चा, दे परमप्रभु यावेमी मेको नेल्‍ल आन थुं खकटा सेल्‍शा, नेल्‍ल खतम दुम्‍चा कली इस्राएलीपुकी नु लडाइ पतीक थुं गेप्‍तु। मिनु शिशी मपथु, नेल्‍ल आन कली खतम सेल्‍पाइक्‍तु। परमप्रभु यावेमी मोसा कली अरेशो खोदेंशो दुम्‍त। प्रस्‍थान ४:२१; ब्‍यवस्‍था ७:२
JOS 11:21 मिनु मेना यहोसुमी हेब्रोन, देबीर, आनाब नु यहूदा आन पहाड नु इस्राएली आन पहाड रागीमी बाक्‍ब अनाकीम ङा मुर आन कली खतम सेल्‍तु। यहोसुमी मेको आन कली नु आन सहर नेल्‍ल खतम सेल्‍तु। यहोसु १४:६-१५; ब्‍यवस्‍था ९:२
JOS 11:22 इस्राएली आन रागीमी अनाकीम ङा मुर का सम्‍म यो मलीम। गाजा, गाथ नु अश्‍दोदमी का निक्‍शी ला लीतेक्‍म। १सामुएल १७:४; २सामुएल २१:२२
JOS 11:23 परमप्रभु यावेमी मोसा कली देंशो खोदेंशो पा यहोसुमी रागी नेल्‍ल ग्राशा, आंम के सेल्‍तु। मिनु यहोसुमी इस्राएली आन थर थर ङा मुर आन कली कोव़शा, रागी रागी योक्‍शा गेप्‍तु। मिनु नोले रागी लडाइ रे नांइसाक्‍म। यहोसु १४:१५
JOS 12:1 मिनु इस्राएलीपुकीमी यर्दन ङा पूर्ब, अरनोन खोला रे हेरमोन डांडा सम्‍म नु पूर्ब ङा अराबाह दिंम नेल्‍ल आंम के सेल्‍तेक्‍म। मेको ब्रुशो पिप सु सु बाक्‍तेक्‍म देंशा हना,
JOS 12:2 एमोरी आन पिप सीहोन, मेको हेश्‍बोनमी बाक्‍शो बाक्‍माक्‍त। मेकोमी ते ते हुकुम पाइब बाक्‍माक्‍त देंशा हना, अरनोन खोला आ नेक्‍था बाक्‍शो आरोएर रे अरनोन खोला आ दाते रे यब्‍बोक खोला सम्‍म सासन पाइब बाक्‍माक्‍त। मेको अम्‍मोनी आन सांद बाक्‍त। मिनु मेकोमी आधा गिलाद कली यो सासन पशो बाक्‍माक्‍त। गन्‍ती २१:२४
JOS 12:3 मिनु पूर्ब गे किन्‍नेरोथ माइश्‍शो समुन्‍द्र रे अराबाह दिंम नु अराबाह हिक्‍सी समुन्‍द्र, बेथ-येशीमोथ नु दक्‍खिन गे पिस्‍गा डांडा आधी रागी सम्‍म यो सासन पशो बाक्‍माक्‍त।
JOS 12:4 मेको बाशान ङा पिप, ओग आ रागी बाक्‍त। मिनु मेको रेफाइम आन नोले ङा पिप का बाक्‍माक्‍त। मेको ते ते सासन पाइबाक्‍माक्‍त देंशा हना, अश्‍तारोथ नु एद्रेइमी सासन पाइबाक्‍माक्‍त। गन्‍ती २१:३३; ब्‍यवस्‍था ३:१०-११
JOS 12:5 हेरमोन डांडा, साल्‍का, बाशान नेल्‍ल, गेशुरी आन सांद नु माकाथ आ मुर आन सांद सम्‍म नु आधा गिलाद रे लाइश्‍शा, हेश्‍बोन ङा पिप सीहोन आ सांद सम्‍म सासन पाइबाक्‍माक्‍त।
JOS 12:6 परमप्रभु यावे आ गेय पाइब मोसा नु इस्राएलीपुकीमी मेको आन कली ग्राशा साइक्‍तेक्‍म। मिनु परमप्रभु यावे आ गेय पाइब मोसामी रूबेन आ थर, गाद आ थर नु मनस्‍से आ उइक्‍थ थर ङा मुर आन कली “मेको रागी इन के दुम्‍त” दे गेप्‍तु। गन्‍ती ३२:३३
JOS 12:7 मिनु यहोसु नु इस्राएलीपुकीमी यर्दन खोला आ पच्‍छिम ङा पिप आन रागी तेको तेको ग्रातेक्‍म देंशा हना, लेबानोन बेंसी ङा बाल-गाद, सेइर ङा ग्‍येत्‍थ लां ङा हालाक डांडा सम्‍म ग्रातेक्‍म। मिनु ङोंइती देंशो खोदेंशो पा यहोसुमी इस्राएली आन थर थर ङा मुर गिश बाक्‍नीम, दे कोव़शा, मेको आन कली “मेको रागी इन के दुम्‍त” दे गेप्‍तु। मेको रागी तेको तेको बाक्‍तेक्‍म देंशा हना,
JOS 12:8 पहाड रागी, पच्‍छिम ङा आइक्‍च डांडापुकी, अराबाह रागी, पहाड ङा देम्‍सीलो, गोरशो रागी नु नेगेब बाक्‍तेक्‍म। मेकेर तेको जात ङा मुर बाक्‍तेक्‍म देंशा हना, हित्ती, एमोरी, कनानी, परिज्‍जी, हिव्‍वी नु यबुसीपुकी बाक्‍तेक्‍म। मिनु ब्रुइब पिप तेको तेको सहर ङा बाक्‍तेक्‍म देंशा हना, यहोसु ११:३
JOS 12:9 यरीको ङा पिप, ऐ ङा पिप, मेको बेथेल आ नेक्‍था बाक्‍ब, यहोसु ६:२; यहोसु ८:२९
JOS 12:10 यरूसलेम ङा पिप, हेब्रोन ङा पिप, यहोसु १०:-
JOS 12:11 यरमुथ ङा पिप, लाकीश ङा पिप,
JOS 12:12 एग्‍लोन ङा पिप, गेजेर ङा पिप,
JOS 12:13 देबीर ङा पिप, गेदेर ङा पिप यहोसु १३:३८; न्‍यायाधीस १:११
JOS 12:14 होरमा ङा पिप, आराद ङा पिप, न्‍यायाधीस १:१७; गन्‍ती २१:१
JOS 12:15 लिब्‍ना ङा पिप, अदुल्‍लाम ङा पिप, यहोसु १०:२९-३०
JOS 12:16 माकेदा ङा पिप, बेथेल ङा पिप, यहोसु १०:२८
JOS 12:17 ताप्‍पुआह ङा पिप, हेफेर ङा पिप, यहोसु १५:५३; १सामुएल ४:१; १इतिहास ५:१६
JOS 12:18 अफेक ङा पिप, लशारोन ङा पिप,
JOS 12:19 मादोन ङा पिप, हासोर ङा पिप, यहोसु ११:१,१०
JOS 12:20 शिम्रोन-मेरोन ङा पिप, आकशाफ ङा पिप,
JOS 12:21 तानाक ङा पिप, मेगीददो ङा पिप, यहोसु १७:११
JOS 12:22 केदेश ङा पिप, कारमेलम बाक्‍शो योकनाम ङा पिप, यहोसु १९:३७; यहोसु १९:११
JOS 12:23 नाफाथ-डोरम बाक्‍शो डोर डांडा ङा पिप, गिल्‍गालम बाक्‍शो गोयीम ङा पिप, ग्रीक लोव़म गिल्‍गाल कली गालील यो देंब।उत्‍पत्ती १४:१९
JOS 12:24 नु तिरचा ङा पिप बाक्‍तेक्‍म। मेको नेल्‍ल पा ३१ जना पिप बाक्‍तेक्‍म। १राजा १४:१७
JOS 13:1 मिनु यहोसु शुश खाल्‍पा दुम्‍त। मिनु परमप्रभु यावेमी मेको कली “गे मुल शुश खाल्‍पा दुम्‍ते। रागी शुश इन के सेल्‍चा माल्‍शो लीशो बाक्‍नीम।
JOS 13:2 मिनु तेको तेको रागी लीशो बाक्‍तेक्‍म देंशा हना, पलिस्‍ती नु गेशुरी आन रागी नेल्‍ल, १सामुएल २७:८
JOS 13:3 इजीप्‍त रागी ङा पूर्ब ङा शीहोर खोला रे लाइश्‍शा इजीप्‍त आ उत्तर ङा एक्रोन सम्‍म लीशो बाक्‍तेक्‍म। मेको नेल्‍ल कनानी आन रागी बाक्‍ब। मिनु पलिस्‍ती आन ५ जना सासन पाइब आन सहर गाजा, अश्‍दोद, अश्‍कलोन, गाथ नु एक्रोन लीशो बाक्‍नी‍म। मिनु दक्‍खिन ङा आव्‍वीम ङा मुर आन रागी यो लीशो बाक्‍त।
JOS 13:4 मिनु दक्‍खिन गे कनानी आन रागी नेल्‍ल नु सीदोनी आन मेआरा रागी रे लाइश्‍शा, अफेक सहर एमोरी आन सांद सम्‍म लीशो बाक्‍नी‍म।
JOS 13:5 गेबाली आन रागी, लेबानोन नेल्‍ल नु पूर्ब गे ङा हेरमोन डांडा दी ङा बाल-गाद रे लाइश्‍शा, लेबो-हमाथ सम्‍म लीशो बाक्‍नी‍म।
JOS 13:6 मिनु लेबानोन रे मिस्रेपोत-माइम सम्‍म पहाड ङा मुर नेल्‍ल नु सीदोनी आन रागी लीशो बाक्‍नी‍म। गो मेको मुर नेल्‍ल आन कली इस्राएली आन ङोंइती रे ग्रुंइनुङमी। गोम इ कली अरेशो खोदेंशो पा मेको रागी इस्राएली आन कली योक्‍शा गेवो। मेको रागी आंम के सेल्‍चा कली योक्‍शा गेमी।
JOS 13:7 मिनु एको रागी ९ थर नु मनस्‍से आ उइक्‍थ थर कली योक्‍शा गेवो” दे परमप्रभु यावेमी यहोसु कली देंत।
JOS 13:8 मिनु ङोंइती परमप्रभु यावे आ गेय पाइब मोसामी मनस्‍से आ उइक्‍थ थर, रूबेन आ थर नु गाद आ थर आन कली यर्दन आइक्‍ची हांबु पूर्बमी आन रागी गेने थुम्‍शो बाक्‍त। यहोसु १३:१५-३२
JOS 13:9 तेको रागी गेशो बाक्‍त देंशा हना, अरनोन खोला आ नेक्‍था बाक्‍शो आरोएर सहर नु दिंम आ दातेमी बाक्‍शो मेदेबा सहर ङा दिंम दीबोन सहर सम्‍म ङा रागी नेल्‍ल गेशो बाक्‍त।
JOS 13:10 मिनु हेश्‍बोन सहरम हुकुम पाइब एमोरी आन पिप सीहोन आ सहर नेल्‍ल अम्‍मोनी आन सांद सम्‍म गेशो बाक्‍त।
JOS 13:11 गिलाद रागी नु गेशुरी नु माकाथी आन रागी नु हेरमोन नेल्‍ल नु बाशान नेल्‍ल रे लाइश्‍शा साल्‍का सम्‍म गेशो बाक्‍त। ब्‍यवस्‍था ३:१४; २सामुएल ३:३; २सामुएल १५:८
JOS 13:12 मिनु अश्‍तारोथ नु एद्रेइमी सासन पाइब बाशान सहरम बाक्‍ब ओग माइश्‍शो पिप आ रागी नेल्‍ल गेशो बाक्‍त। मेको पिप ओग ला रेफाइम आन दातेमी ब्रोंइशा लीशो बाक्‍माक्‍त। मोसामी मेको आन कली ग्राशा, खेरशो बाक्‍त।
JOS 13:13 तन्‍न इस्राएलीपुकीमी गेशुरी नु माकाथ आ मुर आन कली मखेरेम। मोपतीके मुल सम्‍म मेको गेशुरी नु माकाथी इस्राएली आन दातेमी बाक्‍शो बाक्‍नीम।
JOS 13:14 मोसामी लेवी आ थर कली ला रागी मगेवो। मारदे हना परमप्रभु यावे आ देंशो खोदेंशो पा परमप्रभु यावे, इस्राएली आन परमप्रभु कली चोशा चढ़ेशो मेको आन भाग बाक्‍ब। यहोसु १३:३३; उत्‍पत्ती ४९:५; गन्‍ती १८:२०-२१
JOS 13:15 मिनु मोसामी रूबेन आ थर ङा खिं खिं ङा मुर गिश बाक्‍नीमी, दे कोव़शा, रागी गेशो बाक्‍त।
JOS 13:16 मेको आन रागी अरनोन खोला आ नेक्‍था बाक्‍शो आरोएर सहर नु मेको दिंम आ दातेम बाक्‍शो सहर नु मेदेबा दिंम आ नेक्‍था ङा रागी नेल्‍ल,
JOS 13:17 हेश्‍बोन नु दिंम ङा सहर नेल्‍ल, दीबोन, बामोथ-बाल नु बेथ-बाल-मेओन,
JOS 13:18 याहास, केदेमोथ नु मेफा-आथ,
JOS 13:19 किरयथ-थाइम, सिब्‍मा नु बेंसी ङा डांडामी बाक्‍शो सेरेथ-शाहार,
JOS 13:20 बेथ-पेओर, पिस्‍गा ङा देम्‍सीलो, बेथ-येशीमोथ,
JOS 13:21 दिंम ङा सहर नेल्‍ल नु एमोरी आन पिप सीहोन आ रागी नेल्‍ल गेशो बाक्‍त। सीहोन हेश्‍बोनमी सासन पाइब बाक्‍त। मिनु मोसामी मेको कली नु मिदयान ङा सासन पाइब आन कली ग्राशा साइश्‍शो बाक्‍त। मेको सासन पाइब सु सु बाक्‍तेक्‍म देंशा हना, मिदयानमी बाक्‍शो एवी, रेकेम, सुर, हुर नु रेबा, सीहोनमी वोइश्‍शो सासन पाइब बाक्‍तेक्‍म।
JOS 13:22 मिनु इस्राएलीपुकीमी मेकोपुकी नु बेओर आ तौ बालाम, लिंक्‍यु कोव़ब कली यो तरवारमी साइक्‍तेक्‍म। गन्‍ती २२:५; गन्‍ती ३१:८
JOS 13:23 मिनु रूबेन आ थर ङा मुर आन सांद यर्दन नु आ सुर सम्‍म बाक्‍त। मेको रूबेन आ थर आन खिं खिं ङा मुर आन कली गेशो सहर नु गाउंपुकी एकोन बाक्‍तेक्‍म।
JOS 13:24 मिनु मोसामी गाद आ थर ङा खिं खिं ङा मुर आन कली कोव़शा, रागी गेशो बाक्‍त। उत्‍पत्ती ४९:१९
JOS 13:25 मेको आन कली याजेर नु गिलाद ङा सहर नेल्‍ल नु अम्‍मोनी आन आधा रागी, रब्‍बाह आ पूर्ब ङा आरोएर सम्‍म गेशो बाक्‍त।
JOS 13:26 मिनु हेश्‍बोन रे रामाथ-मिस्‍पे नु बेतोनीम सम्‍म नु महा-नाइम रे देबीर सहर सम्‍म गेशो बाक्‍त।
JOS 13:27 मिनु हेश्‍बोन ङा पिप सीहोन आ लीशो राज्‍य नेल्‍ल, दिंम बेथ-हाराम, बेथ-निम्रा, सुक्‍कोथ, साफोन, यर्दन नु आ सुर मेको आ सांद बाक्‍त। मेको आन कली यर्दन ङा पूर्ब गे किन्‍नेरेथ समुन्‍द्र आ दक्‍खिन उइ सम्‍म गेशो बाक्‍त।
JOS 13:28 मेको गाद आ थर आन खिं खिं ङा मुर आन कली कोव़शा गेशो रागी ङा सहर नु गाउंपुकी एकोन बाक्‍नीम।
JOS 13:29 मिनु मोसामी मनस्‍से आ उइक्‍थ थर कली रागी गेशो बाक्‍त। मेको आ खिं खिं ङा मुर आन कली गिश बाक्‍नीम, दे कोव़शा, रागी योक्‍शा गेशो बाक्‍त।
JOS 13:30 मेको आन रागी महा-नाइम रे लाइश्‍शा, बाशान नेल्‍ल गेशो बाक्‍त। बाशान ङा पिप ओग आ राज्‍य नेल्‍ल नु बाशान ङा याइर आ सहर नेल्‍ल पा ६० ओटा सहर गेशो बाक्‍त। यहोसु १७:१; न्‍यायाधीस १०:३-४
JOS 13:31 मिनु आधा गिलाद, अश्‍तारोथ नु एद्रेइ बाशान ङा पिप ओग आ राज्‍य ङा सहरपुकी मनस्‍से आ तौ माकीर आ खिं खिं ङा आधा मुर आन कली आन खिं खिं कोव़शा गिश बाक्‍नीमी योक्‍शा गेशो बाक्‍‍त।
JOS 13:32 मिनु ङोंइती मोसामी मेको रागी नेल्‍ल मोआब ङा दिंमम बाक्‍शा योक्‍शा गेशो बाक्‍त। मेको दिंम ते बाक्‍शो बाक्‍त देंशा हना, यरीको नु यर्दन आ पूर्ब गे बाक्‍त।
JOS 13:33 तन्‍न लेवी आ थर ङा मुर आन कली तेकोइ रागी मगेम। मारदे हना परमप्रभु यावे, इस्राएली आन परमप्रभु मेको आन भाग बाक्‍ब। यहोसु १३:१४
JOS 14:1 मिनु इस्राएलीपुकीमी कनान रागी ङा तेको तेको रागी आंम कली ताम्‍तेक्‍म देंशा हना, चढ़ेब एलाजर, नून आ तौ यहोसु नु इस्राएल ङा थर नेल्‍ल आन ठेयब मुरपुकीमी इस्राएली आन थर थर आन कली रागी योक्‍तेक्‍म। गन्‍ती ३४:१७
JOS 14:2 मिनु परमप्रभु यावेमी मोसा कली दोपा अरेवा, मोपा मेको ९ थर नु उइक्‍थ थर आन कली रागी योक्‍शा गेशो बाक्‍त। गन्‍ती २६:५५
JOS 14:3 मारदे हना मोसामी थर निक्‍शी नु उइक्‍थ थर आन कली यर्दन खोला आ पूर्बम रागी गेने थुम्‍शो बाक्‍त। तन्‍न लेवी आन कली मेको आन दातेमी तेकोइ रागी मगेशो बाक्‍त। यहोसु १३:१४,३३; ब्‍यवस्‍था १०:९
JOS 14:4 मिनु योसेफ आ तौ मनस्‍से नु एफ्राइम निक्‍शी थर बाक्‍ताक्‍स। तन्‍न लेवी आन कली रागी काइ मगेमे बाक्‍त। मेकोपुकी बाक्‍चा कली सहरपुकी नु मेको आन बी ब्‍यफ, क्‍यारश भेडा योव़चा कली इच्‍का रू ला तामे बाक्‍त। यहोसु २१:-
JOS 14:5 परमप्रभु यावेमी मोसा कली दोदेंशो पा अरेवा, मोदेंशो पा इस्राएलीपुकीमी थर थर आन कली रागी योक्‍शा गेम्‍तेक्‍म।
JOS 14:6 मिनु यहूदा आ थर ङा वोंइश मुरपुकी यहोसु बाक्‍तीक गिल्‍गालमी जाक्‍तेक्‍म। मिनु केनीज्‍जी यपुन्‍ने आ तौ कालेबमी मेको कली “परमप्रभु यावेमी कादेश-बारनेआमी आं नु इन पर्बमी परमप्रभु आ मुर मोसा कली देंशो लोव़ तुइक्‍नीनी। गन्‍ती १४:२४; ब्‍यवस्‍था १:३६
JOS 14:7 गो ४० बर्स ङा बाक्‍ङानु, परमप्रभु यावे आ गेय पाइब मोसामी कादेश-बारनेआ रे एको रागी कली क्‍यारी पथ सोइक्‍ताक्‍व। मिनु गो क्‍यारी पा आं तुइश्‍शो लोव़ शोव़शो नङ। गन्‍ती १३:६,३०
JOS 14:8 गो नु लशो लोक्‍बपुकीमी चहिं मरिम्‍शो लोव़ पा, मुर नेल्‍ल आन कली हिंपाइक्‍तेक्‍म। तन्‍न गो परमप्रभु यावे, आं परमप्रभु कली आं थुं नेल्‍लेमी आ नोले खोइक्‍ता।
JOS 14:9 मिनु मेको नाक्‍ती मोसामी आं कली कसम जशा गे ते गाक्‍ङे, मेको रागी इ कली नु इ तौ, चच युइ आन कली गेना हना यो कली दुम्‍ल। मारदे हना इ थुं नेल्‍लेमी परमप्रभु यावे, आं परमप्रभु नोले खोइक्‍तीवी।
JOS 14:10 मिनु नेनीन, परमप्रभु यावेमी आं कली ब्रोंइचा गेप्‍तु। इस्राएलीपुकी गोरशो रागीमी हिरसामानु, परमप्रभु यावेमी मोसा कली एको लोव़ देंशो ४५ बर्स दुम्‍त। मिनु मुलाक्‍ती गो ८५ बर्स दुम्‍ती।
JOS 14:11 मिनु मोसामी आं कली सोइक्‍ची ना दोशो बोल्‍यो बाक्‍ङा, मोशोन मुलाक्‍ती यो बोल्‍यो बाक्‍नुङ। लडाइ पचा नु खिंङगा लाङगा पचा मेना दोदेंशो नङा, मुलाक्‍ती यो मे मोदेंशोन बाक्‍नुङ।
JOS 14:12 मोपतीके एको डांडा ङा रागी आं कली गेने। परमप्रभु यावेमी एको आ पर्बम मेनान देंने थुम्‍तु। मिनु ‘मेकेर अनाकीम ङा मुर बाक्‍नीम। मिनु मेकेर गारो पाइश्‍शो ठेयब सहर बाक्‍नीम’ देंशो गे नेंतीनी। मिनु परमप्रभु यावे गो नु बाक्‍त हना, परमप्रभु यावे आ देंशो खोदेंशो पा गो मेको आन कली खेरने चाप्‍नुङ” देंत। यहोसु ११:२१
JOS 14:13 मिनु यहोसुमी मेको कली आसीक गेशा, यपुन्‍ने आ तौ कालेब कली हेब्रोन सहर गेप्‍तु। यहोसु १५:१३-१९; यहोसु २१:११-१२
JOS 14:14 मोपतीके मुल सम्‍म केनीज्‍जी यपुन्‍ने आ तौ कालेब आ रागी हेब्रोन बाक्‍ब। मारदे हना मेकोमी परमप्रभु यावे, इस्राएली आन परमप्रभु कली आ थुं नेल्‍लेमी आ नोले खोइश्‍शो बाक्‍त। गन्‍ती ३२:१२
JOS 14:15 ङोंइती हेब्रोन कली किरयथ-अरबा देंशो बाक्‍तेक्‍म। मेको अरबा माइश्‍शो मुर अनाकीम ङा मुर आन दातेमी नेल्‍ल क्‍येङा लाइश्‍शो मुर बाक्‍तेक्‍म। मिनु मेको रागी लडाइ रे नांइसाक्‍व। गन्‍ती १३:२२; यहोसु ११:२३
JOS 15:1 मिनु योक्‍शा गेशो यहूदा आ खिं खिं ङा मुर आन रागी एदोम रागी रे दक्‍खिन जीन माइश्‍शो गोरशो रागी सम्‍म बाक्‍त। उत्‍पत्ती ४९:८-९; गन्‍ती ३४:३-५
JOS 15:2 मेको आन रागी ङा दक्‍खिन ङा सांद हिक्‍सी समुन्‍द्र आ दक्‍खिन रे दक्‍खिन गे
JOS 15:3 अक्रब्‍बीम रे ग्‍येत्‍थ लाइश्‍शा जीन लाक्‍शा कादेश-बारनेआ आ दक्‍खिन रे ग्‍येत्‍थ लशा, हेस्रोन लाक्‍शा, अदार सम्‍म जाक्‍दीश्‍शा, कारका सहर सम्‍म बाक्‍त।
JOS 15:4 मेकेर रे अच्‍मोन लाक्‍शा इजीप्‍त ङा खोला रे समुन्‍द्र जाक्‍दीश्‍शा नुप्‍शो बाक्‍त। मेको रागी मेको आन के दक्‍खिन गे ङा सांद बाक्‍त।
JOS 15:5 मिनु पूर्ब ङा सांद चहिं हिक्‍सी समुन्‍द्र यर्दन आ ओव़तीक सम्‍म बाक्‍त। उत्तर ङा सांद यर्दन आ ओव़तीक रे लाइश्‍शा
JOS 15:6 बेथ-होग्‍ला रे बेथ-अराबाह आ उत्तर लाक्‍शो बाक्‍त। मिनु मेको सांद रूबेन आ तौ बोहान आ फुल्‍लु सम्‍म ग्‍येत्‍थ लशो यहोसु १८:१७
JOS 15:7 नु आकोर नें पाइश्‍शो दिंम रे देबीर नु उत्तर गे गिल्‍गाल सम्‍म बाक्‍त। गिल्‍गाल अदुम्‍मीम ङा ग्‍येत्‍थ लतीक लां रे आइक्‍ची गे सम्‍म बाक्‍त। मेको अदुम्‍मीम दिंम ङा दक्‍खिन गे बाक्‍ब। मेको सांद एन-शेमेश नें पाइश्‍शो खोला रे लशा, एन-रोगेल सम्‍म लशो बाक्‍त। २सामुएल १७:१७
JOS 15:8 मेको सांद हिन्‍नोम आ तौ आ दिंम रे यबुसी आन सहर आ दक्‍खिन रे ग्‍येत्‍थ खोइश्‍शो बाक्‍त। यबुसी आन सहर यरूसलेम बाक्‍ब। मिनु मेकेर रे हिन्‍नोम दिंम ङा पच्‍छिमम बाक्‍शो डांडा ग्‍येत्‍थ रे रेफाइम आन दिंम ङा उत्तर सम्‍म लशो बाक्‍त। २इतिहास २८:३
JOS 15:9 मेको सांद डांडा आ थेपील रे नेप्‍तोआह नें पाइश्‍शो ब्‍वाक्‍कु बुक्‍तीके जाक्‍दीश्‍शा, एफ्रोन पहाड ङा सहर सम्‍म जाक्‍दीश्‍शो बाक्‍त। लेंशा मेको सांद मेको किरयथ-यारीम, मेको कली बालाह यो देंनीम, सम्‍म जाक्‍दीश्‍शो बाक्‍त। यहोसु १५:६०; यहोसु ९:१७; यहोसु १८:१५
JOS 15:10 मिनु मेको सांद बालाह रे पा सेइर पहाड सम्‍म पच्‍छिम गे हिरब। येआरीम डांडा आ उत्तर गे ङा देम्‍सीलो रे पा बेथ-शेमेश रे लुक्‍च लशा, तिम्‍नाह सम्‍म बाक्‍त। मेको येआरीम डांडा कली केसालोन यो देंनीम। यहोसु १९:४३; न्‍यायाधीस १४:१
JOS 15:11 मेको सांद लेंशा एक्रोन आ उत्तर गे जाक्‍दीश्‍शो बाक्‍त। मिनु शिक्‍केरोन सहरमी जाक्‍दीश्‍शा, बालाह डांडा लाक्‍शा, यब्‍नेलमी जाक्‍दीश्‍शो बाक्‍त। मेको सांद समुन्‍द्र सम्‍म बाक्‍त।
JOS 15:12 पच्‍छिम ङा सांद चहिं ठेयब समुन्‍द्र सम्‍म बाक्‍त। यहूदा आ थर आन खिं खिं ङा मुर आन रागी एर ओंथ ङा सांद एकोन बाक्‍नीम। यहोसु १४:६-१५; न्‍यायाधीस १:१०-१५
JOS 15:13 मिनु परमप्रभु यावेमी यहोसु कली अरेशो खोदेंशो पा यहूदा आ थर ङा रागी आ दातेमी यपुन्‍ने आ तौ कालेब कली किरयथ-अरबा गेप्‍तु। मेको कली हेब्रोन यो देंनीम। मेको अरबा अनाक आ आफ बाक्‍त।
JOS 15:14 मिनु कालेबमी हेब्रोन रे अनाक आ चच युइ सां शेशै, अहीमान नु तल्‍मै आन कली खेरतीमी।
JOS 15:15 मिनु मेकेर रे देबीरमी बाक्‍ब मुरपुकी नु लडाइ पथ लत। ङोंइती देबीर कली किरयथ-सेफेर देंशो बाक्‍तेक्‍म।
JOS 15:16 मिनु कालेबमी “सुमी चहिं किरयथ-सेफेर लडाइ पा ग्राशा, खतम पाइ‍बा, मेको कली आं तमी अकसा ग्‍युंबे पा गेनुङ” देंत। न्‍यायाधीस १:१२
JOS 15:17 मिनु कालेब आ लोक्‍ब केनाज आ तौ ओथ्‍नीएलमी मेको सहर ग्रात। मिनु कालेबमी ओथ्‍नीएल कली आ तमी अकसा ग्‍युंबे पा गेप्‍तु। न्‍यायाधीस ३:९
JOS 15:18 अकसा ओथ्‍नीएल नु लम नोले, अकसामी ओथ्‍नीएल कली “आं आफ नु रू का पुन” देंत। मिनु अकसा आ गधा रे तोंइसाक्‍व। मिनु आ आफ कालेबमी अकसा कली “मार माल्‍दे” दे हिल्‍लो पाप्‍तु।
JOS 15:19 मिनु अकसामी “आं कली रिम्‍शो थोव़क का गेन। मारदे हना गे आं कली नेगेब ङा रू गेतीनी। मुल आं कली ब्‍वाक्‍कु बुक्‍तीके यो गेन” देंत। मिनु कालेबमी अकसा कली आइदी नु आइक्‍था ङा ब्‍वाक्‍कु बुक्‍तीके गेप्‍तु।
JOS 15:20 मिनु यहूदा आ थर ङा मुर आन खिं खिं ङा मुर आन कली गेशो रागी तेको तेको बाक्‍नीम देंशा हना,
JOS 15:21 यहूदा आ खिं ङा मुर आन दक्‍खिनम बाक्‍शो एदोम आ सांद गे ङा सहरपुकी कब्‍सेल, एदेर नु यागुर,
JOS 15:22 कीनाह, दिमोना नु अदादाह,
JOS 15:23 केदेश, हासोर नु इथ्‍‍नान,
JOS 15:24 जीफ, तेयलेम नु बेआलोथ,
JOS 15:25 हासोर-हादत्ता, केरयोथ-हेस्रोन, मेको कली हासोर यो देंनीम,
JOS 15:26 अमाम, शेमा नु मोलादा
JOS 15:27 हासार-गददा, हेश्‍मोन नु बेथ-पेलेत,
JOS 15:28 हासार-शुआल, बेयर-शेबा नु बिज्‍योत्‍या,
JOS 15:29 बालाह, यीम नु एसेम,
JOS 15:30 एल्‍तोलद, केसील नु होरमा,
JOS 15:31 सिकलाग, मदमन्‍ना नु सन्‍सन्‍ना,
JOS 15:32 लेबाओत, शिल्‍हीम, ऐन नु रिम्‍मोन सहर बाक्‍नीम। मेको नेल्‍ल पा २९ ओटा सहर नु आन नेक्‍था ङा गाउं नेल्‍ल यो बाक्‍नीम।
JOS 15:33 मिनु दिंम गे चहिं एश्‍ताओल, सोराह नु अश्‍ना, न्‍यायाधीस १३:२५; न्‍यायाधीस १६:३१
JOS 15:34 जानोह, एन-गन्‍नीम ताप्‍पुआह नु एनाम,
JOS 15:35 यरमुथ, अदुल्‍लाम, सोकोह नु आजेका,
JOS 15:36 शा-आराइम, अदीथैम, गेदेराह नु गेदे-रोथैम बाक्‍नीम। मेको नेल्‍ल पा १४ ओटा सहर नु आन नेक्‍था ङा गाउं नेल्‍ल यो बाक्‍नीम।
JOS 15:37 मिनु सेनान, हदाशा नु मिग्‍दल-गाद,
JOS 15:38 दिलेआन, मिस्‍पा नु योकतेल,
JOS 15:39 लाकीश, बोस्‍कत नु एग्‍लोन,
JOS 15:40 कब्‍बोन, लहमाम नु कित्‍लीश,
JOS 15:41 गेदे-रोथ, बेथ-दागोन, नामा नु माकेदा बाक्‍नीम। मेको नेल्‍ल पा १६ ओटा सहर नु आन नेक्‍था ङा गाउं नेल्‍ल यो बाक्‍नीम।
JOS 15:42 लिब्‍ना, एथेर नु आशान,
JOS 15:43 इफ्‍‍ताह, अश्‍ना नु नेजीब,
JOS 15:44 कैलाह, अकजीब नु मारेशा बाक्‍नीम। मेको आन बाक्‍तीक नेल्‍ल पा ९ ओटा सहर बाक्‍नीम। यहोसु १९:२९
JOS 15:45 मेको एक्रोन सहर नु आ नेक्‍था ङा खिंपुकी नु गाउं नेल्‍ल, १सामुएल ५:१०; यहोसु १९:४१-४६
JOS 15:46 एक्रोन आ पच्‍छिम गे ङा समुन्‍द्र सम्‍म अश्‍दोद आ नेक्‍था ङा सहर नेल्‍ल नु मेकेर ङा गाउं नेल्‍ल
JOS 15:47 अश्‍दोद नु मेको आ नेक्‍था ङा खिंपुकी नु गाउं नेल्‍ल, गाजा नु मेको आ नेक्‍था ङा खिंपुकी नु गाउं नेल्‍ल नु इजीप्‍त ङा खोला नु ठेयब समुन्‍द्र आ सुर सम्‍म बाक्‍नीम। १सामुएल ५:१; न्‍यायाधीस १:१८
JOS 15:48 मिनु पहाड ङा शामीर, यत्तीर नु सोकोह,
JOS 15:49 दन्‍ना, किरयथ-सन्‍ना, मेको कली देबीर यो देंनीम,
JOS 15:50 आनाब, एश्‍तेमोह नु अनीम,
JOS 15:51 गोशेन, होलोन नु गिलोह। मेको नेल्‍ल पा ११ ओटा सहर नु आन नेक्‍था ङा गाउं नेल्‍ल यो बाक्‍नीम।
JOS 15:52 अराब, दुमा नु एशान,
JOS 15:53 यानीम, बेथ-ताप्‍पुआह नु अफेकाह,
JOS 15:54 हुम्‍ता, किरयथ-अरबा, मेको कली हेब्रोन यो देंनीम, नु सीओर बाक्‍नीम। मेको नेल्‍ल पा ९ ओटा सहर नु आन नेक्‍था ङा गाउं नेल्‍ल यो बाक्‍नीम।
JOS 15:55 माओन, कारमेल, जीफ नु युत्ता,
JOS 15:56 येज्रेल, योकदाम नु जानोह,
JOS 15:57 काइन, गिबा नु तिम्‍नाह बाक्‍नीम। मेको नेल्‍ल पा १० ओटा सहर नु आन नेक्‍था ङा गाउं नेल्‍ल यो बाक्‍नीम।
JOS 15:58 हल्‍हुल, बेथ-सुर नु गेदोर,
JOS 15:59 माराथ, बेथ-अनोत नु एल्‍तेकोन। मिनु मेको नेल्‍ल पा ६ ओटा सहर नु आन नेक्‍था ङा गाउं नेल्‍ल यो बाक्‍नीम।
JOS 15:60 किरयथ-बाल, मेको कली किरयथ-यारीम यो देंनीम नु रब्‍बाह बाक्‍नीम। मेको नेल्‍ल पा सहर निक्‍शी नु आस नेक्‍था ङा गाउं नेल्‍ल यो बाक्‍नीम। यहोसु ९:१७; यहोसु १८:१४
JOS 15:61 मिनु गोरशो रागीमी बेथ-अराबाह, मिदीन नु सेकाका
JOS 15:62 निब्‍शान, शुश हिक्‍सी सेल्‍ब आन सहर नु एन-गेदी बाक्‍नीम। मेको नेल्‍ल पा ६ ओटा सहर नु आन नेक्‍था ङा गाउं नेल्‍ल यो बाक्‍नीम।
JOS 15:63 तन्‍न यहूदा आ खिं ङा मुरपुकीमी यरूसलेम सहरमी बाक्‍ब यबुसी आन कली खेरने मचबेम। मोपतीके एको यबुसीपुकी मुलाक्‍त सम्‍म यरूसलेममी यहूदा आ खिं ङा मुरपुकी नु काथा बाक्‍नीम। यहोसु १८:२८; २सामुएल ५:६-७
JOS 16:1 मिनु योक्‍शा गेशो योसेफ आ खिं खिं ङा मुर आन रागी तेको तेको बाक्‍तेक्‍म देंशा हना, यरीको आ नेक्‍था ङा यर्दन रे यरीको खोला आ पूर्ब रे ग्‍येत्‍थ लाइब गोरशो रागी लाक्‍शा, बेथेल ङा पहाड रागी सम्‍म बाक्‍त। उत्‍पत्ती ४९:२२
JOS 16:2 बेथेल कली लूज यो देंनीम। मेकेर रे अरकी आ मुर आन रागी लाक्‍शा, अतारोथ सम्‍म जाक्‍दीश्‍शो बाक्‍त।
JOS 16:3 मिनु पच्‍छिम गे तोइश्‍शा याफ्‍लेत आ मुर आन रागी रे पा आइदी ङा बेथ-होरोन नु गेजेर सम्‍म ङा समुन्‍द्र जाक्‍दीश्‍शा नुप्‍शो बाक्‍त।
JOS 16:4 मिनु योसेफ आ तौ निक्‍शी, मनस्‍से नु एफ्राइम आस खिं खिं ङा मुरपुकीमी आंम कली रागी ताम्‍तेक्‍म।
JOS 16:5 मिनु एफ्राइम आ खिं खिं ङा मुर आन रागी तेको तेको बाक्‍तेक्‍म देंशा हना, मेको आन के सांद पूर्ब गे अतारोथ-अदार रे पा आइक्‍था ङा बेथ-होरोन सम्‍म बाक्‍त।
JOS 16:6 मिनु मेको सांद ठेयब समुन्‍द्र सम्‍म लत। उत्तर गे ङा मिकमेथाथ रे लाइश्‍शा, पूर्ब गे तानत-शिलो लाक्‍शा, पूर्ब ङा यानोह सम्‍म जाक्‍दीश्‍शो बाक्‍त।
JOS 16:7 मिनु नोले यानोह रे पा अतारोथ नु नाराह सम्‍म तोइश्‍‍शा यरीको जाक्‍दीश्‍शा, यर्दन सम्‍म बाक्‍त।
JOS 16:8 मेको सांद ताप्‍पुआह रे पा लाइश्‍शा पच्‍छिम गे कानाह खोल्‍सा सम्‍म लशा समुन्‍द्रमी जाक्‍दीश्‍शा नुप्‍शो बाक्‍त। मेको एफ्राइम आ खिं खिं ङा मुर आन रागी बाक्‍ब।
JOS 16:9 एको क्‍येङा लाक्‍शा मनस्‍से आ खिं ङा मुर आन दातेमी एफ्राइम आ खिं ङा मुर आन कली यो सहर नु गाउंपुकी गेशो बाक्‍त। यहोसु १७:९
JOS 16:10 तन्‍न मेकोपुकीमी गेजेर सहरमी बाक्‍ब कनानी आन कली मखेरेम। मोपतीके कनानीपुकी मुल सम्‍म एफ्राइम आ मुर आन दातेमी बाक्‍नीम। मेकोपुकी वाइलीम वाइल दुम्‍शा बाक्‍शो बाक्‍नीम। न्‍यायाधीस १:२९; १राजा ९:१६
JOS 17:1 मिनु योसेफ आ ठेयब तौ मनस्‍से नु मनस्‍से आ ठेयब तौ माकीर कली योक्‍शो रागी गिलाद नु बाशान बाक्‍माक्‍त। गिलाद आ किकी पिपी बाक्‍माक्‍त। मेकोपुकी बोल्‍यो लडाइ पाइब बाक्‍तेक्‍म। यहोसु १३:३१; गन्‍ती २६:२९
JOS 17:2 मिनु मेको योव़शो रागी मनस्‍से आ लीशो मुर आन कली बाक्‍त। मिनु मेको लीशो मुर सु सु बाक्‍तेक्‍म देंशा हना, अबीएजेर आ खिं ङा मुर, हेलेक आ खिं ङा मुर, अस्रीएल आ खिं ङा मुर, शेकेम आ खिं ङा मुर, हेफेर आ खिं ङा मुर नु शेमीदा आ खिं ङा मुर बाक्‍तेक्‍म। मेकोपुकी योसेफ आ चच युइ आन खिं खिं ङा मुर बाक्‍तेक्‍म। न्‍यायाधीस ६:११,२४; न्‍यायाधीस ८:३२
JOS 17:3 तन्‍न मनस्‍से आ तौ माकीर, मेको आ तौ गिलाद, मेको आ तौ हेफेर नु मेको आ तौ सेलोफेहाद के तमीपुकी ला बाक्‍तेक्‍म, तौ मबाक्‍म। मेको आ तमीपुकी महलाह, नोआह, होग्‍ला, मिल्‍का नु तिरचा बाक्‍तेक्‍म। गन्‍ती २६:३३; गन्‍ती २७:१-८; गन्‍ती ३६
JOS 17:4 मेकोपुकीमी चढ़ेब एलाजर, नून आ तौ यहोसु नु ठेयब मुर आन ङोंइती जाक्‍शा “आंइ कली आंइ लोक्‍ब आन दातेमीन रागी गेचा, दे परमप्रभु यावेमी मोसा कली अरेशो बाक्‍ब” देंतेक्‍म। मिनु यहोसुमी मेको आन कली, परमप्रभु यावे आ देंशो खोदेंशो पा, आन बोडो बकान्‍छा आन दातेमी रागी गेप्‍तु।
JOS 17:5 मिनु मनस्‍से कली १० ओटा रागी गेम्‍तेक्‍म। मिनु मेको कली यर्दन आ पूर्ब ङा गिलाद नु बाशान रागी यो तेम्‍शा गेम्‍तेक्‍म।
JOS 17:6 मारदे हना मनस्‍से आ थर ङा तमीपुकीमी यो मेको आन तौ आन दातेमीन रागी ताम्‍तेक्‍म। गिलाद रागी चहिं मनस्‍से आ अरु तौ आन रागी दुम्‍त।
JOS 17:7 मनस्‍से आ रागी आशेर रे लाइश्‍शा शेकेम आ पूर्ब ङा मिकमेथाथ सम्‍म बाक्‍शो बाक्‍त। मेको सांद दक्‍खिन गे लशा एन-ताप्‍पूआह सहरमी बाक्‍ब आन रागी सम्‍म जाक्‍दीश्‍शो बाक्‍त।
JOS 17:8 मिनु ताप्‍पुआह आ एर ओंथ ङा रागी मनस्‍से के बाक्‍त। तन्‍न मनस्‍से आ सांदमी बाक्‍शो ताप्‍पुआह सहर चहिं एफ्राइम आ खिं ङा मुर आन के बाक्‍त।
JOS 17:9 मेको सांद दक्‍खिन गे कानाह खोला सम्‍म जाक्‍दीश्‍शो बाक्‍त। एफ्राइम आ सहर आन दातेमी मनस्‍से आ सहरपुकी यो बाक्‍तेक्‍म। तन्‍न मनस्‍से आ सांद चहिं खोला आ उत्तर गे ङा समुन्‍द्र जाक्‍दीश्‍शा नुप्‍शो बाक्‍त।
JOS 17:10 दक्‍खिन गे एफ्राइम आ रागी बाक्‍त। मिनु उत्तर गे मनस्‍से आ रागी बाक्‍त। मनस्‍से थर आ रागी समुन्‍द्र रे लशा, उत्तर गे आशेर आ रागी नु पूर्ब गे इस्‍साकार आ रागी सम्‍म जाक्‍दीश्‍शो बाक्‍त।
JOS 17:11 इस्‍साकार नु आशेर आस रागी आस दातेमी मनस्‍से आ सहर नु गाउं का निक्‍शी यो बाक्‍तेक्‍म। मेको तेको तेको बाक्‍तेक्‍म देंशा हना, बेथ-शेआन, इब्‍लाम नु आ एर ओंथ, एन-डोर, तानाक, मेगीददो नु एर ओंथ ङा गाउंपुकी बाक्‍तेक्‍म। मेको कली डांडा सां यो देंनीम। न्‍यायाधीस १:२७-२८
JOS 17:12 मिनु मनस्‍से आ थर ङा मुरपुकीमी मेको सहर आंम के सेल्‍ने मचाप्‍शो बाक्‍तेक्‍म। मिनु कनानीपुकी मेकेर बाक्‍शो बाक्‍तेक्‍म।
JOS 17:13 मिनु नोले इस्राएलीपुकी बोल्‍यो दुम्‍शा, मेको कनानी आन कली वाइलीम वाइल सेल्‍तेक्‍म। तन्‍न नेल्‍ल आन कली मखेरेम। यहोसु १६:१०
JOS 17:14 मिनु योसेफ आ खिं ङा मुरपुकीमी यहोसु कली “गे मारदे आंइ कली रागी का ला गेनी? गो शुश मुर बाक्‍नीकी। मिनु परमप्रभु यावेमी आंइ कली शुश आसीक गेप्‍तु” देंतेक्‍म।
JOS 17:15 मिनु यहोसुमी मेको आन कली “गेपुकी मोदेंशो शुश बाक्‍नीनी नु एफ्राइम आ पहाड रागी इन कली आइक्‍च दुम्‍त हना, परिज्‍जी नु रेफाइम आन रागी ङा ब्‍वाकी कोव़थ लने” देंत।
JOS 17:16 मिनु योसेफ आ खिं ङा मुरपुकीमी “पहाड रागी आंइ कली मजाक्‍दीप्‍ब। मिनु दिंमम बाक्‍ब कनानीपुकी नु फलाम के बग्‍गी बाक्‍नीम। मिनु बेथ-शेआन, एर ओंथ ङा मुरपुकी नु येज्रेल आ दिंममी बाक्‍बपुकी नु यो फलाम के बग्‍गी बाक्‍नीम” देंतेक्‍म।
JOS 17:17 मिनु यहोसुमी योसेफ आ खिं ङा मुर, एफ्राइम नु मनस्‍से आस मुर आन कली “गे शुश मुर नु बोल्‍यो यो बाक्‍नीनी। गे रागी का ला मताइनीनी।
JOS 17:18 गे पहाड ब्‍वाकी ङा रागी यो ताइनीनी। मिनु लशा, मेको कली शुश लाइश्‍शो सम्‍म क्‍योव़ङीन। मिनु मेको इन के दुम्‍ब। मेको कनानीपुकी नु फलाम के बग्‍गी बाक्‍त हना नु बोल्‍यो बाक्‍तेक्‍म हना यो, गेपुकीमी मेको आन कली खेरने चाप्‍नीनी” देंत।
JOS 18:1 मिनु इस्राएल ङा मुर नेल्‍ल शिलोमी बुक्‍तेक्‍म। मेकेर ग्रुम्‍तीक ताम्‍बु की‍तेक्‍म। मेना मेको रागी मेको आन रागी दुम्‍शो बाक्‍त। न्‍यायाधीस २१:१९; १सामुएल १:३; येरमीया ७:१२-१५
JOS 18:2 तन्‍न इस्राएली ७ थरपुकीमी आंम कली रागी मतशो बाक्‍तेक्‍म।
JOS 18:3 मिनु यहोसुमी इस्राएली आन कली “गे परमप्रभु यावे, इन किकी पिपी आन परमप्रभुमी इन कली गेशो रागी आंम के सेल्‍चा कली मार रिम्‍नीनी।
JOS 18:4 मुल गेपुकीमी थर थर रे सां सां मुरपुकी योव़ङीन। गो मेको आन कली रागी कोव़थ सोइक्‍नुङ। मिनु मेकोपुकी लशा, आंम आंम रागी दोदेंशो बाक्‍मे, मेको ब्रेक्‍चा माल्‍नीम। मिनु नोले आं बाक्‍तीक लेत्‍चा माल्‍नीम।
JOS 18:5 मिनु गे मेको रागी कली ७ भाग पा योक्‍चा माल्‍नीनी। यहूदा दक्‍खिन गे आंम रागीमी बाक्‍ब। योसेफ आ खिं ङा मुर चहिं उत्तर गे मेको आन रागीम बाक्‍नीम।
JOS 18:6 गेपुकीमी मेको रागी कली ७ भाग पा ब्रेक्‍स ब्रेक्‍ने थुम्‍शा नोले, आं बाक्‍तीक चाक्‍कीन। मिनु गो परमप्रभु यावे, इं परमप्रभु आ ङोंइती मेको रागी इन कली योक्‍शा गेनन्‍नी।
JOS 18:7 तन्‍न लेवी आ थर ङा मुरपुकीमी इन दातेमी रागी मताइनीम। मारदे हना परमप्रभु यावे आ चढ़ेब दुम्‍तीकेन मेको आन भाग बाक्‍ब। मिनु गाद, रूबेन नु मनस्‍से आ उइक्‍थ थरमी यर्दन आ पूर्ब गे आन रागी तशो बाक्‍तेक्‍म। मारदे हना परमप्रभु यावे आ गेय पाइब मोसामी मेको आन कली आन रागी गेने थुम्‍शो बाक्‍त” देंत। यहोसु १३:१४,३३
JOS 18:8 मिनु मेको मुरपुकी बोक्‍शा लशा, मेको रागी आ ब्रेक्‍स ब्रेक्‍चा गोम्‍तेक्‍म। यहोसुमी मेको आन कली दोदेंशो दें‍मे, मोदेंशो पाम्‍तेक्‍म। मिनु ङोंइती यहोसुमी “लने, मेको रागी नेल्‍ल हिरसीन। मिनु मेको रागी आ ब्रेक्‍स ब्रेक्‍शा, आ बाक्‍तीक चाक्‍कीन। मिनु गो एक शिलोमी गे इन कली परमप्रभु यावे आ ङोंइती योक्‍शा गेनन्‍नी” दें‍त।
JOS 18:9 मिनु मेकोपुकी लशा, रागी नेल्‍ल हिरसाक्‍म। मिनु सहर सहर कोव़शा, मेको रागी ७ भाग सेल्‍शा ब्रेक्‍ताक्‍म। मिनु यहोसु आ बाक्‍तीके शिलोम लेत्‍तेक्‍म।
JOS 18:10 मिनु यहोसुमी शिलोमी परमप्रभु यावे आ ङोंइती इस्राएली थर ङा खिं खिं ङा मुर आन कली मेको रागी योक्‍शा गेप्‍तु।
JOS 18:11 मिनु योव़ङमेनु, बेन्‍यामीन आ खिं खिं ङा मुरपुकीमी आन रागी ताम्‍तेक्‍म। मेको आन रागी यहूदा थर नु योसेफ आस थर निक्‍शी आन दातेमी बाक्‍त। उत्‍पत्ती ४९:२७
JOS 18:12 मेको सांद उत्तर गे यर्दन रे पा लाइश्‍शा यरीको आ उत्तर ङा देम्‍सीलो लाक्‍शा, पच्‍छिम गे ङा पहाड लाक्‍शा गोरशो रागी बेथ-आवेन सम्‍म जाक्‍दीश्‍शो बाक्‍त। यहोसु ७:२
JOS 18:13 मेकेर रे मेको सांद दक्‍खिन ङा लूज ङा देम्‍सीलो लाक्‍शा, अतारोथ-अदार आ आइदी जाक्‍दीश्‍शो बाक्‍त। लूज कली बेथेल यो देंनीम। मेको आ दक्‍खिन गे जाक्‍दीश्‍शा, आइदी बेथ-होरोन आ दक्‍खिन गे ङा पहाड रे पा लुक्‍च लशो बाक्‍त। उत्‍पत्ती १२:८; उत्‍पत्ती २८:१९
JOS 18:14 मिनु मेको सांद मेकेर ङा पहाड आ ङोंइती बाक्‍शो बेथ-होरोन आ दक्‍खिन पच्‍छिम रे पा दक्‍खिन गे हिरशो बाक्‍त। मिनु किरयथ-बाल सम्‍म जाक्‍दीश्‍शो बाक्‍त। किरयथ-बाल कली किरयथ-यारीम यो देंनीम। मेको यहूदा आ थर ङा मुर आन सहर बाक्‍त। मेको पच्‍छिम गे बाक्‍ब। यहोसु १५:६-९,६०
JOS 18:15 दक्‍खिन गे ङा सांद चहिं किरयथ-यारीम आ एर ओंथ ङा पच्‍छिम गे बाक्‍त। मिनु मेको सांद एफ्रोन रे नेप्‍तोआह आ ब्‍वाक्‍कु बुक्‍तीकेमी जाक्‍दीश्‍शो बाक्‍त। यहोसु १५:९
JOS 18:16 नोले मेको सांद बेन-हिन्‍नोम दिंम आ ङोंइती ङा डांडा आ पुं रे लाइब। मेको रेफाइम आन दिंम ङा उत्तर गे बाक्‍ब। मेको सांद हिन्‍नोम दिंम गे लशा, यबुसी आन सहर आ दक्‍खिन ङा देम्‍सीलो रे पा लुक्‍च लशा एन-रोगेलमी तोइश्‍शो बाक्‍त।
JOS 18:17 मिनु उत्तर गे लशा, एन-शेमेश लाक्‍शा, अदुम्‍मीम आ ङोंइती बाक्‍शो गेलीलोत रे रूबेन आ तौ बोहान आ फुल्‍लु सम्‍म जाक्‍दीश्‍शो बाक्‍त।
JOS 18:18 मेकेर रे पा लाक्‍शा बेथ-अराबाह आ उत्तर ङा देम्‍सीलो रे अराबाह रागीम जाक्‍दीश्‍शा नुप्‍शो बाक्‍त। यहोसु १५:६३; न्‍यायाधीस १:२१
JOS 18:19 मेको सांद बेथ-होग्‍ला आ उत्तर ङा देम्‍सीलो लाक्‍शा यर्दन आ दक्‍खिन गे बाक्‍शो हिक्‍सी समुन्‍द्र आ उत्तर ङा ओव़तीक सम्‍म लशो बाक्‍त। मेको दक्‍खिन गे ङा सांद बाक्‍ब।
JOS 18:20 मिनु यर्दन खोला मेको आ पूर्ब ङा सांद बाक्‍ब। बेन्‍यामीन आ खिं खिं ङा मुर आन रागी ङा सांद नेल्‍ल एकोन बाक्‍नीम।
JOS 18:21 बेन्‍यामीन आ खिं खिं ङा मुरपुकीमी तेको तेको सहर ताम्‍तेक्‍म देंशा हना, यरीको, बेथ-होग्‍ला, एमेक-केसीस,
JOS 18:22 बेथ-अराबाह, सेमाराइम, बेथेल,
JOS 18:23 आव्‍वीम, पारा, ओफ्रा,
JOS 18:24 केफार-अम्‍मोनी, ओप्‍नी, गेबा मेको आन के बाक्‍तीक नेल्‍ल पा १२ ओटा सहर नु मेको आन गाउंपुकी बाक्‍तेक्‍म।
JOS 18:25 गिबोन, रामाह, बेयरोथ,
JOS 18:26 मिस्‍पा, केफीरा, मोचाह,
JOS 18:27 रेकेम, इरपेल, तरालाह,
JOS 18:28 जेला, हा-एलेफ, यबुसी आन सहर, मेको कली यरूसलेम यो देंनीम, गिबा नु किरयथ-यारीम बाक्‍नीम। मेको आन के बाक्‍तीक नेल्‍ल पा १४ ओटा सहर नु आन गाउंपुकी बाक्‍तेक्‍म। मेको बेन्‍यामीन आन खिं खिं ङा मुर आन रागी बाक्‍ब।
JOS 19:1 मिनु नोले योव़ङमेनु, सिमियोन आ खिं खिं ङा मुरपुकीमी आन रागी ताम्‍तेक्‍म। मेको आन रागी यहूदा आ खिं खिं ङा मुर आन रागी आ दातेमी बाक्‍त। उत्‍पत्ती ४९:५
JOS 19:2 मेको आन रागी तेको तेको बाक्‍त देंशा हना, बेयर-शेबा, मेको कली शेबा यो देंनीम, मोलादा, उत्‍पत्ती २१:१४,३१,३३
JOS 19:3 हासार-शुआल, बलाह, एसेम,
JOS 19:4 एल्‍तोलद, बेथुल, होरमा,
JOS 19:5 सिकलाग, बेथ-मारकाबोथ, हासार-सूसाह,
JOS 19:6 बेथ-लेबाओथ नु शारूहेन मेको आन के बाक्‍तीक नेल्‍ल पा १३ ओटा सहर नु गाउंपुकी बाक्‍तेक्‍म।
JOS 19:7 ऐन, रिम्‍मोन, एथेर नु आशान। मेको आन के बाक्‍तीक नेल्‍ल पा ४ ओटा सहर नु मेकेर ङा गाउंपुकी बाक्‍तेक्‍म। मेको आन एर ओंथ ङा गाउं नेल्‍ल बालाथ-बेर, दक्‍खिन गे ङा रामाह सम्‍म बाक्‍तेक्‍म।
JOS 19:8 मेको सिमियोन आ थर ङा खिं खिं ङा मुर कोव़शा, मेको सहर नेल्‍ल आन एर ओंथ ङा गाउं बालाथ-बेएर नु नेगेब ङा रामाह सम्‍म बाक्‍ब।
JOS 19:9 मेको सिमियोन आ खिं खिं ङा मुर आन रागी बाक्‍त। मिनु मेको आन रागी यहूदा आ खिं खिं ङा मुर आन रे पा तशो बाक्‍तेक्‍म। मारदे हना यहूदा थर आन रागी माल्‍शो क्‍येङा यो शुश बाक्‍माक्‍त। मोपतीके सिमियोन आ खिं खिं ङा मुरपुकीमी मेको आन रागी यहूदा आन रागीमी ताम्‍तेक्‍म।
JOS 19:10 मिनु नोले योव़ङमेनु, जबूलून आ खिं खिं ङा मुरपुकीमी आन रागी ताम्‍तेक्‍म। मेको आन सांद सारीद सम्‍म बाक्‍त। उत्‍पत्ती ४९:१३
JOS 19:11 मिनु पच्‍छिम गे मरलाह सम्‍म लशा, दब्‍बेशेत लाक्‍शा, योकनाम आ नेक्‍था ङा खोला सम्‍म जाक्‍दीत्‍त।
JOS 19:12 सारीद रे पा लशा, पूर्ब नां दाप्‍तीक गे किस्‍लोथ-ताबोर रागी रे दाबेराथमी ग्रूशा याफीया सम्‍म ङोइश्‍शा लशो बाक्‍त।
JOS 19:13 मेकेर रे मेको पूर्ब गे लशा, गाथ-हेफेर नु एथ-कासीन सम्‍म जाक्‍दीश्‍शा, यो रिम्‍मोन सम्‍म ग्रूशो बाक्‍त। मेको सांद नेआह सम्‍म जाक्‍दीश्‍शो बाक्‍त।
JOS 19:14 मिनु मेको सांद हन्‍नातोन उत्तर गे लशा, हिरशा इफ्‍ताह-एल ङा दिंममी जाक्‍दीश्‍शा नुप्‍शो बाक्‍त।
JOS 19:15 मेको सांद आगाम कात्‍ताथ, नहालाल, शिम्रोन, इदलाह नु बेथलेहेम यो बाक्‍तेक्‍म। मेको आन के बाक्‍तीक नेल्‍ल पा १२ ओटा सहर नु मेकेर ङा गाउंपुकी बाक्‍तेक्‍म। न्‍यायाधीस १:३०
JOS 19:16 जबूलून आ खिं खिं ङा मुर आन सहर नु गाउंपुकी एकोन बाक्‍तेक्‍म।
JOS 19:17 मिनु नोले योव़ङमेनु, इस्‍साकार आ खिं खिं ङा मुरपुकीमी आन रागी ताम्‍तेक्‍म।
JOS 19:18 मेको आन सहर तेको तेको बाक्‍तेक्‍म देंशा हना, येज्रेल, केसुल्‍लोथ नु शुनेम, २राजा ४:८
JOS 19:19 हाफ्राइम, शीओन नु अनाहारथ,
JOS 19:20 रब्‍बीत, किश्‍योन नु एबेस,
JOS 19:21 रेमेथ, एन-गन्‍नीम, एन-हददाह नु बेथ-पस्‍सेस बाक्‍तेक्‍म।
JOS 19:22 मेको सांद ताबोर, शहसूमा नु बेथ-शेमेश सम्‍म जाक्‍दीश्‍शा, यर्दनमी नुप्‍शो बाक्‍त। मेको आन के बाक्‍तीक सहर नेल्‍ल पा १४ ओटा सहर नु मेकेर ङा गाउंपुकी बाक्‍तेक्‍म।
JOS 19:23 इस्‍साकार आ खिं खिं ङा मुर आन सहर नु गाउंपुकी एकोन बाक्‍तेक्‍म।
JOS 19:24 मिनु नोले योव़ङमेनु, आशेर आ खिं खिं ङा मुरपुकीमी आन रागी ताम्‍तेक्‍म। मेको आन रागी तेको तेको बाक्‍तेक्‍म देंशा हना, उत्‍पत्ती ४९:२०
JOS 19:25 हेल्‍काथ, हाली, बेतेन नु आकशाफ,
JOS 19:26 अल्‍लाम्‍मेलेक, अमाद नु मिशाल बाक्‍तेक्‍म। मिनु मेको सांद पच्‍छिममी कारमेल नु शीहोर-लिब्‍नाथ सम्‍म जाक्‍दीश्‍शो बाक्‍त।
JOS 19:27 मिनु नोले पूर्ब गे बेथ-दागोन गे लशा, जबूलून नु इफ्‍ताह-एल ङा दिंम सम्‍म जाक्‍दीश्‍शो बाक्‍त। मेको उत्तर गे ङा बेथ-एमेक नु नेइल लशा, पेरा गे काबुल रागीमी ग्रूशो बाक्‍त।
JOS 19:28 मिनु एब्रोन, रेहोब, हम्‍मोन नु कानाह सहर रे पा ठेयब सीदोन सम्‍म जाक्‍दीश्‍शो बाक्‍त।
JOS 19:29 मिनु मेको सांद रामाह नु गारो पाइश्‍शो टायर सहर गे हिरशो बाक्‍त। मेको सांद लशा, होसाह गे समुन्‍द्र आ नेक्‍था ङा अक‍जीब सहरमी नुप्‍शो बाक्‍त। यहोसु १५:४४; न्‍यायाधीस १:३१
JOS 19:30 उम्‍मा, अफेकाह नु रेहोब, नेल्‍ल पा मेको आन के २२ ओटा सहर नु मेकेर ङा गाउंपुकी बाक्‍तेक्‍म।
JOS 19:31 आशेर आ खिं खिं ङा मुर आन सहर नु गाउंपुकी एकोन बाक्‍तेक्‍म।
JOS 19:32 मिनु नोले योव़ङमेनु, नाप्‍ताली आ खिं खिं ङा मुरपुकीमी आन रागी ताम्‍तेक्‍म। उत्‍पत्ती ४९:२१
JOS 19:33 मेको आन सांद हेलेफ, सा-अनानीममी बाक्‍शो ठेयब रवा, अदामी-नेकेब लाक्‍शा, यब्‍नेल रे लक्‍कुम सम्‍म लशा, यर्दनमी नुप्‍शो बाक्‍त।
JOS 19:34 मेको सांद पच्‍छिममी अच्‍नोथ-ताबोर रे लाइश्‍शा, हुक्‍कोकमी ग्रूशो बाक्‍त। मिनु मेको दक्‍खिन गे जबूलून सम्‍म, पच्‍छिम गे आशेर सम्‍म, नु पूर्ब गे यहूदा आ यर्दन सम्‍म जाक्‍दीश्‍शो बाक्‍त।
JOS 19:35 मिनु गारो पाइश्‍शो सहरपुकी चहिं सिददीम, सेर, हम्‍माथ, रक्‍कत, किन्‍नेरेथ,
JOS 19:36 आदामाह, रामाह, हासोर,
JOS 19:37 केदेश, एद्रेइ, एन-हासोर
JOS 19:38 इरोन, मिग्‍दल-एल, होरेम, बेथ-अनात नु बेथ-शेमेश बाक्‍तेक्‍म। मेको नेल्‍ल पा मेको आन के १९ ओटा सहर नु मेकेर ङा गाउंपुकी बाक्‍तेक्‍म। न्‍यायाधीस १:३३
JOS 19:39 मिनु मेको नाप्‍ताली आ खिं खिं ङा मुर आन सहर नु गाउंपुकी एकोन बाक्‍तेक्‍म।
JOS 19:40 मिनु नोले योव़ङमेनु, दान आ खिं खिं ङा मुरपुकीमी आन रागी ताम्‍तेक्‍म। मेको आन रागी तेको तेको बाक्‍तेक्‍म देंशा हना, उत्‍पत्ती ४९:१६
JOS 19:41 सोराह, एश्‍ताओल नु इर-शेमेश,
JOS 19:42 शा-आलब्‍बीन, आइयालोन नु इथ्‍‍लाह,
JOS 19:43 एलोन, तिम्‍नाह नु एक्रोन, यहोसु १५:१०
JOS 19:44 एल-तेके, गिब्‍बेथोन नु बालाथ,
JOS 19:45 येहुद, बेने-बेराक नु गाथ-रिम्‍मोन,
JOS 19:46 मे-यारकोन, रक्‍कोन नु योप्‍पा आ ङोंइती ङा रागी बाक्‍तेक्‍म। योना १:३
JOS 19:47 मिनु दान आ खिं खिं ङा मुर मेको रागी ग्राचा कली श्‍येत जाम्‍तेक्‍म। मिनु मेकोपुकीमी लेशेम सहरमी लशा, लडाइ पा तरवारमी मुर नेल्‍ल आन कली साइश्‍शा ग्रा‍तेक्‍म। मेकोपुकी मेको सहरमी बाक्‍शा, मेको कली आंम किकी आ नें दान वोइक्‍तेक्‍म। न्‍यायाधीस १८:२७-२९
JOS 19:48 मिनु मेको दान आ खिं खिं ङा मुर आन सहर नु गाउंपुकी एकोन बाक्‍तेक्‍म।
JOS 19:49 मिनु मेकोपुकीमी रागी नेल्‍ल योव़शा, योक्‍ने थुम्‍मे नोले इस्राएलीपुकीमी नून आ तौ यहोसु कली मेको आन दातेम रागी गेम्‍तेक्‍म।
JOS 19:50 परमप्रभु यावेमी देंशो खोदेंशो पा यहोसुमी पुंइ‍शो एफ्राइम ङा पहाड रागी ङा तिम्‍नाथ-सेराह सहर मेको कली गेम्‍तेक्‍म। मिनु यहोसुमी सहर सेल्‍शा मेकेन बाक्‍त। यहोसु २४:३०; न्‍यायाधीस २:९
JOS 19:51 मिनु चढ़ेब एलाजर, नून आ तौ यहोसु नु इस्राएली आन थर थर ङा ठेयब मुर नेल्‍ल परमप्रभु यावे आ ङोंइती शिलोम ग्रुम्‍तीक ताम्‍बु आ लाप्‍चोमी रागी नेल्‍ल योक्‍ने थुम्‍तेक्‍म। मोपा मेकोपुकीमी रागी योक्‍तीके गेय यो थुम्‍तेक्‍म। यहोसु १४:१; यहोसु १८:१
JOS 20:1 मिनु नोले परमप्रभु यावेमी यहोसु कली
JOS 20:2 “गेम इस्राएली आन कली ‘प्रोक्‍शा बाक्‍तीक सहरपुकी वोइक्‍चा माल्‍नीनी’ दे देंचा माल्‍नेवे। गो मोसा रे पा इ कली देंशो खोदेंशो पा पावो। गन्‍ती ३५:९-२९
JOS 20:3 मजोक्‍थु, मतुइक्‍थु सुइमी सुइ कली साइक्‍तु हना, मेको साइक्‍ब मुर प्रोक्‍शा, मेको सहर लल। मेको सहर क्‍येक्‍क लेप्‍ब रे पा ब्रोंइतीक सहर दुम्‍ब।
JOS 20:4 मिनु मेको मोदेंशो सहरमी मुर साइक्‍ब मुर प्रोक्‍त हना, मेको सहर ङा ठेयब लाप्‍चोमी राप्‍शा बाक्‍चा माल्‍ब। मिनु सहर ङा ठेयब मुर आन ङोंइती आं लोव़ नेंपदल। मिनु नोले मेकोपुकीमी मेको मुर कली सहर ओव़चा नु बाक्‍तीक खिं गेचा माल्‍नीम। मिनु मेको मुर मेकोपुकी नु बाक्‍चा माल्‍ब।
JOS 20:5 मिनु क्‍येक्‍क लेप्‍ब मुरुमी मेको मुर साइक्‍ब कली खेदा पाप्‍तु हना, मेको सहर ङा मुरुमी मेको मुर साइक्‍ब मुर कली जिम्‍मा गेचा मदुम्‍ब। मारदे हना मेकोमी मजोक्‍थु मतुइक्‍थु साइक्‍तु।
JOS 20:6 मिनु निसाफ दुम नोले नु मेकेर ङा नेल्‍ल क्‍येङा ठेयब चढ़ेब मबेक्‍म सम्‍म मेको मुर मेको सहरमीन बाक्‍चा माल्‍ब। नोले मेको मुर आंम सहर आंम खिंमी, ते रे प्रोक्‍शा जाक्‍मे, मेकेन लेन्‍ने चाप्‍ब।
JOS 20:7 मिनु मेकोपुकीमी नाप्‍ताली आ पहाड रागी गालील ङा केदेश सहर वोइक्‍तेक्‍म। एफ्राइम पहाड रागी ङा शेकेम नु यहूदा आ पहाड रागी ङा किरयथ-अरबा सहर वोइक्‍तेक्‍म। मेको कली हेब्रोन यो देंनीम। ग्रीक लोव़म गिल्‍गाल कली गालील देंब।यहोसु १९:३७; यहोसु १५:१३
JOS 20:8 यर्दन नु यरीको आ पूर्ब गे रूबेन आ थर आन गोरशो रागीमी बाक्‍शो दिंम ङा बेसेर सहर वोइक्‍तेक्‍म। गाद आ थर ङा गिलाद रागीमी रामोथ सहर वोइक्‍तेक्‍म। मनस्‍से थर आन बाशानमी गोलान सहर वोइक्‍तेक्‍म। मेकोपुकी मोपा मुर बाक्‍तीक सेल्‍तेक्‍म। ब्‍यवस्‍था ४:४१-४३
JOS 20:9 सुइ इस्राएली नु मेको आन दातेमी बाक्‍शो अर्को रागी ङा मुरुमी मतुइक्‍थु मुर साइक्‍तु हना, मेको मोदेंशो वोइश्‍शो सहरमी प्रोक्‍ने चाप्‍ब। निसाफ दुम्‍चा क्‍येङा ङोंइती क्‍येक्‍क लेप्‍ब मुर आन गुइ रे मेको मुर साइक्‍चा मपुंइसेक्‍ल” देंत।
JOS 21:1 मिनु लेवी थर ङा ठेयब मुरपुकी, चढ़ेब एलाजर, नून आ तौ यहोसु नु इस्राएल थर थर ङा ठेयब मुर आन ङोंइती बुक्‍तेक्‍म। यहोसु १४:१; गन्‍ती ३५:२-८
JOS 21:2 मेको कनान रागी ङा शिलोम बुक्‍शा, मेको आन कली “परमप्रभु यावेमी मोसा कली अरेशो खोदेंशो पा, गे आंइ कली बाक्‍चा कली सहरपुकी नु आंइ बी ब्‍यफ आन कली योव़तीक रूपुकी गेचा माल्‍नीनी” देंतेक्‍म।
JOS 21:3 मिनु परमप्रभु यावेमी अरेशो खोदेंशो पा इस्राएलीपुकीमी लेवी आन कली आंम आंम रागी रे पा सहर नु बी ब्‍यफ, क्‍यारश भेडा योव़तीक रूपुकी गेम्‍तेक्‍म।
JOS 21:4 मिनु योव़ङमेनु, कोहाथ आ मुर आन खिं खिं ङा ग्रूतेक्‍म। मेकोपुकी लेवी आ थर चढ़ेब हारून आ चच युइ बाक्‍तेक्‍म। मेकोपुकीमी यहूदा आ थर, सिमियोन आ थर नु बेन्‍यामीन आ थर रे पा १३ ओटा सहर ताम्‍तेक्‍म। गन्‍ती ३:१७-३९
JOS 21:5 लीशो खिं खिं ङा कोहाथ आ चच युइमी एफ्राइम आ थर, दान आ थर नु मनस्‍से आ उइक्‍थ थर रे पा १० ओटा सहर ताम्‍तेक्‍म।
JOS 21:6 मिनु गेरशोन आ खिं खिं ङा मुर आन चच युइमी इस्‍साकार आ थर, आशेर आ थर, नाप्‍ताली आ थर नु बाशानमी बाक्‍ब मनस्‍से आ उइक्‍थ थर रे पा १३ सहर ताम्‍तेक्‍म।
JOS 21:7 मिनु मेरारी आ चच युइ आन खिं खिं ङा मुरुमी रूबेन आ थर, गाद आ थर नु जबूलून आ थर रे पा १२ ओटा सहर ताम्‍तेक्‍म।
JOS 21:8 मिनु परमप्रभु यावेमी मोसा कली अरेशो खोदेंशो पा इस्राएलीपुकीमी लेवी थर ङा मुर आन कली मेको सहरपुकी नु बी ब्‍यफ, क्‍यारश भेडा योव़तीक रू गेम्‍तेक्‍म।
JOS 21:9 मेकोपुकीमी यहूदा आ थर ङा खिं खिं ङा मुर नु सिमियोन आ थर ङा खिं खिं ङा मुरपुकीमी तेको तेको सहर ताम्‍तेक्‍म देंशा हना,
JOS 21:10 लेवी आ थर ङा हारून आ चच युइ, कोहाथ आ खिं खिं ङा मुरपुकीमी ताम्‍तेक्‍म। मारदे हना नेल्‍ल क्‍येङा ङोंइती योव़ङमेनु, मेको आन नें ग्रूत।
JOS 21:11 मिनु मेकोपुकीमी मेको आन कली यहूदा आ पहाड रागीमी किरयथ-अरबा नु आ नेक्‍था ङा योव़तीक रूपुकी गेम्‍तेक्‍म। किरयथ-अरबा कली हेब्रोन यो देंनीम। मेको अरबा अनाक आ आफ बाक्‍त। यहोसु २०:७
JOS 21:12 तन्‍न मेकोपुकीमी मेको सहर ङा रूपुकी नु मेकेर ङा गाउंपुकी चहिं यपुन्‍ने आ तौ कालेब कली गेशो बाक्‍तेक्‍म। यहोसु १४:३४; यहोसु १५:१३
JOS 21:13 मिनु चढ़ेब हारून आ चच युइ आन खिं खिं ङा मुरपुकीमी मुर साइक्‍ब मुर प्रोक्‍शा लशा बाक्‍तीक सहर हेब्रोन, लिब्‍ना,
JOS 21:14 यत्तीर, एश्‍तेमोआ,
JOS 21:15 होलोन, देबीर,
JOS 21:16 ऐन, युत्ता नु बेथ-शेमेश नु आन बी ब्‍यफ, क्‍यारश भेडा योव़तीक रू नेल्‍ल पा मेको निक्‍शी थर रे ९ ओटा सहर ताम्‍‍तेक्‍म। १सामुएल ६:१२,१५
JOS 21:17 मिनु बेन्‍यामीन आ थर रे पा गिबोन नु गेवा,
JOS 21:18 अनाथोथ, अल्‍मोन नु आन बी ब्‍यफ, क्‍यारश भेडा योव़तीक रू नेल्‍ल पा ४ सहर ताम्‍तेक्‍म। येरमीया १:१
JOS 21:19 चढ़ेब हारून आ चच युइ आन खिं खिं ङा मुर आन के नेल्‍ल पा १३ ओटा सहर नु आन बी ब्‍यफ, क्‍यारश भेडा योव़तीके दुम्‍त।
JOS 21:20 लेवी आ थर ङा कोहाथ आ खिं खिं ङा लीशो मुर आन कली योव़ङमेनु, एफ्राइम आ थर आ रागी रे पा तेको तेको सहरपुकी ताम्‍तेक्‍म देंशा हना, यहोसु २०:७
JOS 21:21 एफ्राइम आ पहाड रागीमी मुर साइक्‍ब मुर बाक्‍तीक सहर शेकेम नु गेजेर,
JOS 21:22 किब्‍साइम नु बेथ-होरोन, नेल्‍ल पा ४ ओटा सहर नु आन बी ब्‍यफ, क्‍यारश भेडा योव़तीक रू ताम्‍तेक्‍म।
JOS 21:23 दान आ थर रे एल-तेके, गिब्‍बेथोन,
JOS 21:24 आइयालोन, गाथ-रिम्‍मोन, नेल्‍ल पा ४ ओटा सहर नु आन बी ब्‍यफ, क्‍यारश भेडा योव़तीक रू ताम्‍तेक्‍म।
JOS 21:25 मनस्‍से आ उइक्‍थ थर रे पा तानाक नु गाथ-रिम्‍मोन सहर निक्‍शी नु आन बी ब्‍यफ, क्‍यारश भेडा योव़तीक रू ताम्‍तेक्‍म।
JOS 21:26 कोहाथ आ खिं खिं ङा लीशो मुर आन कली १० ओटा सहर नु आन बी ब्‍यफ, क्‍यारश भेडा योव़तीक रू गेम्‍तेक्‍म।
JOS 21:27 मेकोपुकीमी लेवी थर ङा गेरशोन आ खिं खिं ङा मुर आन कली मनस्‍से आ उइक्‍थ थर रे पा बाशानमी मुर साइक्‍ब मुर प्रोक्‍शा लशा बाक्‍तीक सेल्‍शो गोलान नु बेयश्‍तेराह, सहर निक्‍शी नु आन बी ब्‍यफ, क्‍यारश भेडा योव़तीक रू गेम्‍तेक्‍म। यहोसु २०:८
JOS 21:28 मिनु इस्‍साकार आ थर रे पा किश्‍योन, दावेराथ,
JOS 21:29 यरमुथ नु एन-गन्‍नीम, नेल्‍ल पा ४ ओटा सहर नु आन बी ब्‍यफ, क्‍यारश भेडा योव़तीक रू गेम्‍तेक्‍म।
JOS 21:30 मिनु आशेर आ थर रे पा मिशाल नु अब्‍दोन,
JOS 21:31 हेल्‍काथ नु रेहोब, नेल्‍ल पा ४ ओटा सहर नु आन बी ब्‍यफ, क्‍यारश भेडा योव़तीक रू गेम्‍तेक्‍म।
JOS 21:32 मिनु नाप्‍ताली आ थर रे पा गालील रागीमी मुर साइक्‍ब मुर प्रोक्‍शा लशा बाक्‍तीक सहर केदेश, हम्‍मोथ-डोर नु कारतान, नेल्‍ल पा सहर सां नु आन बी ब्‍यफ, क्‍यारश भेडा योव़तीक रू गेम्‍तेक्‍म। यहोसु २०:७
JOS 21:33 मेको गेरशोनी आ सहर नेल्‍ल पा १३ ओटा सहर नु आन बी ब्‍यफ, क्‍यारश भेडा योव़तीक रू गेम्‍तेक्‍म।
JOS 21:34 मिनु लेवी आ थर ङा लीशो मेरारी आ खिं खिं ङा मुर आन कली जबूलून आ थर रे पा योकनाम, कारताह,
JOS 21:35 दीम्‍नाह नु नहालाल, नेल्‍ल पा ४ ओटा सहर नु आन बी ब्‍यफ, क्‍यारश भेडा योव़तीक रू गेम्‍तेक्‍म।
JOS 21:36 मिनु रूबेन आ थर ङा बेसेर नु याहास, यहोसु २०:८
JOS 21:37 केदेमोथ नु मेफा-आथ, नेल्‍ल पा ४ ओटा सहर नु आन बी ब्‍यफ, क्‍यारश भेडा योव़तीक रू गेम्‍तेक्‍म।
JOS 21:38 मिनु गाद आ थर ङा मुर साइक्‍ब मुर प्रोक्‍शा लशा बाक्‍तीक गिलाद रागी ङा रामोथ, महा-नाइम, यहोसु २०:८
JOS 21:39 हेश्‍बोन नु याजेर, नेल्‍ल पा ४ ओटा सहर नु आन बी ब्‍यफ, क्‍यारश भेडा योव़तीक रू गेम्‍तेक्‍म।
JOS 21:40 मिनु लेवी आ लीशो मेरारी आ खिं खिं ङा मुर आन कली योव़शा १२ ओटा सहर गेम्‍तेक्‍म।
JOS 21:41 मिनु इस्राएली आन रागी आन दातेमी लेवी आन के ४८ ओटा सहर नु आन बी ब्‍यफ, क्‍यारश भेडा योव़तीक रू दुम्‍तेक्‍म।
JOS 21:42 एको सहर नेल्‍ल आन एर ओंथ बी ब्‍यफ, क्‍यारश भेडा योव़तीक रू बाक्‍तेक्‍म।
JOS 21:43 मोपा परमप्रभु यावेमी इस्राएली आन कली “गेनुङ” दे मेको आन किकी पिपी आन कली जशो कसम खाप्‍तु। मिनु इस्राएलीपुकीमी मेको रागी कली आंम के सेल्‍शा बाक्‍तेक्‍म। उत्‍पत्ती १२:७
JOS 21:44 मिनु परमप्रभु यावेमी इस्राएली आन किकी पिपी आन कली कसम जशो खोदेंशो पा नेल्‍ल रे पा नाइक्‍चा गेप्‍तु। मेको आन जोरी सत्रु नेल्‍ल मेको नु ब्रुम्‍तेक्‍म। परमप्रभु यावेमी मेको आन जोरी सत्रु इस्राएली नेल्‍ल आन गुइमी गेप्‍तु। ब्‍यवस्‍था १२:९-१०
JOS 21:45 मिनु परमप्रभु यावेमी पशो रिम्‍शो लोव़ का सम्‍म यो मली, नेल्‍ल खाप्‍तु। यहोसु २३:१४; १राजा ८:५६
JOS 22:1 मिनु यहोसुमी रूबेन आ थर, गाद आ थर नु मनस्‍से आ उइक्‍थ थर ङा वोंइश मुर आन कली ब्रेत्‍ताक्‍व।
JOS 22:2 मिनु मेको आन कली “परमप्रभु यावे आ गेय पाइब मोसामी इन कली अरेशो नेल्‍ल पाइतीनी। आं अरेशो लोव़ यो नेल्‍ल टीतीनी। गन्‍ती ३२:२०-२२; ब्‍यवस्‍था ३:१८-२०
JOS 22:3 गेपुकीमी शुश नाक्‍ती सम्‍म इन लोक्‍ब आन कली यो वारच पा मप्रोंइ‍नी। मिनु परमप्रभु यावे, इन परमप्रभु कली अरेशो नेल्‍ल टीतीनी।
JOS 22:4 मुल परमप्रभु यावे, इन परमप्रभुमी आ देंशो खोदेंशो पा इन लोक्‍ब आन कली नाइक्‍चा गेशो बाक्‍त। मुल गेपुकी परमप्रभु यावे आ गेय पाइब मोसामी इन कली यर्दन आइक्‍ची हांबु गेशो इन खिं खिं लेतीन। हिब्रू ४:८
JOS 22:5 मुल गे परमप्रभु यावे आ गेय पाइब मोसामी अरेशो लोव़ होस पा पने। परमप्रभु यावे, इन परमप्रभु कली दाक्‍तीन। मेको आ लां गाक्‍कीन। आ अरेशो लोव़ टिने। मेको कली मप्रोनीन। गे इन थुं नेल्‍लेमी परमप्रभु यावे आ गेय पने” देंत। ब्‍यवस्‍था १०:१२
JOS 22:6 मिनु यहोसुमी मेको आन कली आसीक गेशा, सोइक्‍ताक्‍व। मिनु मेकोपुकी आंम आंम खिं लाम्‍तेक्‍म।
JOS 22:7 मनस्‍से आ उइक्‍थ थर कली मोसामी बाशानमी आंम रागी गेप्‍तु। तन्‍न अर्को उइक्‍थ थर कली यहोसुमी यर्दन आ पच्‍छिम गे मेको आन लोक्‍ब नु गेप्‍तु। मिनु यहोसुमी मेको आन कली आंम आंम खिंम सोइक्‍ची ना मेको आन कली आसीक गेप्‍तु।
JOS 22:8 मिनु मेको आन कली “इन जोरी सत्रु रे रोइश्‍शो शुश शोंप नु शुश बी ब्‍यफ, क्‍यारश भेडा, शुश सुन चांदी, कांसा फलाम नु शुश वासी लाइश्‍शा, इन लोक्‍ब आन कली यो योक्‍शा गेचा माल्‍नीनी” देंत। गन्‍ती ३१:२७
JOS 22:9 मोपा रूबेन आ थर, गाद आ थर नु मनस्‍से आ उइक्‍थ थर ङा वोंइश मुर कनान रागी ङा शिलो रे इस्राएलीपुकी नु ब्राशा, गिलाद रागी लेत्‍तेक्‍म। मेको रागी परमप्रभु यावे आ देंशो नु मोसा आ पतीकेमी ङोंइती रे ग्राशा, आंम के सेल्‍शा बाक्‍ने थुम्‍शो बाक्‍तेक्‍म।
JOS 22:10 मिनु मेकोपुकी कनान रागी ङा यर्दन खोला आ नेक्‍था गेलीलोत सहर जाक्‍दीत्‍तेक्‍म। मिनु मेको रूबेन आ थर, गाद आ थर नु मनस्‍से आ उइक्‍थ थरमी यर्दन खोला नेक्‍था थम ठेयब चढ़ेतीक का सेल्‍तेक्‍म।
JOS 22:11 मिनु इस्राएलीपुकीमी “रूबेन आ थर, गाद आ थर नु मनस्‍से आ उइक्‍थ थरमी कनान रागी आ सांदमी यर्दन आ नेक्‍था इस्राएली आन रागीमी ठेयब चढ़ेतीक का सेल्‍तेक्‍म” देंशो नेंतेक्‍म।
JOS 22:12 मिनु इस्राएलीपुकीमी मेको नेन्‍मे नोले, मेकोपुकी नु लडाइ पचा कली शिलोमी खुम्‍साक्‍म।
JOS 22:13 मिनु इस्राएलीपुकीमी चढ़ेब एलाजर आ तौ फिनेहास कली गिलाद रागीमी रूबेन आ थर, गाद आ थर नु मनस्‍से आ उइक्‍थ थर आन बाक्‍तीकेमी सोइक्‍ताक्‍म। गन्‍ती २५:७
JOS 22:14 मेको नु काथा इस्राएल ङा नेल्‍ल थर रे पा १० जना ठेयब मुर आन कली यो सोइक्‍ताक्‍म।
JOS 22:15 मिनु मेकोपुकी रूबेन आ थर, गाद आ थर नु मनस्‍से आ उइक्‍थ थर बाक्‍तीक गिलाद रागी जाक्‍दीश्‍शा, मेको आन कली
JOS 22:16 “परमप्रभु यावे आ मुर नेल्‍लेमी ‘मारदे गेपुकीमी परमप्रभु यावे, इस्राएली आन परमप्रभु रे नोले शोंइसीनी? गे दोपा परमप्रभु यावे रे पा ङोन लशा, मेको कली मटिथु, आंम कली चढ़ेतीक सेल्‍नी? लेवी १७:८-९; ब्‍यवस्‍था १२:१३-१४
JOS 22:17 मार, पेओर नु पशो पापम आंइ कली मजाक्‍दीम्‍मे? मेना परमप्रभु यावे आ मुर शुश बेक्‍तेक्‍म हना यो, मेको आ पाप रे गो मुल सम्‍म आंम कली ठीक सेल्‍ने मचाप्‍शो बाक्‍नीक। गन्‍ती २५:१-९
JOS 22:18 मुलाक्‍त गेपुकी परमप्रभु यावे रे नोले शोंइसीनी? गे मुलाक्‍ती परमप्रभु यावे कली टिचा प्रोंइतीनी हना, मेको आ दीसा इस्राएली नेल्‍ल आन कली तशा, गाइक्‍ब, दे मतुइक्‍तीनी?
JOS 22:19 मिनु आंम इन रागी ग्रांग्रा दिशो बाक्‍त हना, ओंथ हांबु परमप्रभु यावे आ रागी नु आ बाक्‍तीक पिशा, गोपुकी नु रागी योक्‍कीन। तन्‍न गे परमप्रभु यावे नु आंइ कली मटिथु, परमप्रभु यावे, इं परमप्रभु आ चढ़ेतीक क्‍येङा लाक्‍शा, आंम के चढ़ेतीक मसेलीन।
JOS 22:20 मिनु जेराह आ तौ आकानमी मटिथु, खुइ पवानु, परमप्रभु यावे आ गाइश्‍शोमी नेल्‍ल आन कली मार दुम्‍मे? आकान ला मबे, इस्राएली नेल्‍लेमी श्‍येत जाम्‍तेक्‍म’ ” देंतेक्‍म। यहोसु ७:६-१३
JOS 22:21 मिनु रूबेन आ थर, गाद आ थर नु मनस्‍से आ उइक्‍थ थरमी इस्राएल आ थर थर ङा ठेयब मुर आन कली गन्‍ती १:१६; गन्‍ती १०:४
JOS 22:22 “परमप्रभु यावे, नेल्‍ल क्‍येङा सक्ति पाइश्‍शो परमप्रभु यावेमी नेल्‍ल तुइक्‍ब। गो परमप्रभु यावे कली मटिशो बाक्‍तय हना, इस्राएलीपुकीमी यो मेको तुइक्‍तमेक्‍ल। मुलाक्‍त आंइ कली सतीन।
JOS 22:23 गोपुकीमी परमप्रभु यावे आ नोले खोइक्‍चा प्रोंइशा, आंम कली चढ़ेतीक सेल्‍शा, मेको चढ़ेतीकेमी चोशा चढ़ेशो, अन्‍न चढ़ेशो, दुशा बाक्‍तीक चढ़ेशो चढ़ेतय हना, परमप्रभु यावेमी आंइ कली सजाइ गेवल।
JOS 22:24 तन्‍न ममाइ, गोपुकीमी मारदे एको चढ़ेतीक सेल्‍तक देंशा हना, इन चच युइमी आंइ चच युइ आन कली ‘गे परमप्रभु यावे, इस्राएली आन परमप्रभु नु मार पाइक्‍मुनी ङा?
JOS 22:25 परमप्रभु यावेमी यर्दन कली गो आंइ सांद सेल्‍शा गेप्‍तु। गे रूबेन आ थर नु गाद आ थर परमप्रभु यावे के मबाक्‍नीनी। मिनु इन चच युइमी आंइ चच युइ आन कली परमप्रभु यावे कली मान पा हिंचा तेक्‍नीमी’ देंनीमी कों।
JOS 22:26 मोपतीके गोपुकीमी ‘चढ़ेतीक का सेल्‍य। चोशा चढ़ेतीक नु अरु चढ़ेतीक चढ़ेचा कली ममाइ।
JOS 22:27 तन्‍न मेको चढ़ेतीक गे नु गो आंइ दातेमी नु आंइ चच युइ आन दातेमी एको चढ़ेतीक सांकछी दुम्‍ल। मिनु गोपुकीमी परमप्रभु यावे कली आ बाक्‍तीकेमी ठेयब सेल्‍या। मिनु मेकेर गो आंइ चोशा चढ़ेशो नु दुशा बाक्‍तीक चढ़ेशो चाक्‍शा चढ़ेनय। मिनु इन चच युइमी गो आंइ चच युइ आन कली “गे परमप्रभु यावे आ मुर मबाक्‍नीनी” दे देंने मचाप्‍नीम, दे एको चढ़ेतीक सेल्‍तक। यहोसु २४:२७
JOS 22:28 मिनु गोपुकीमी मेकोपुकीमी खेयप का आंइ कली कि आंइ चच युइ आन कली मोदेंशो देंतेक्‍म हना, गोपुकीमी मेको आन कली मेको आंइ किकी पिपीमी परमप्रभु यावे कली चढ़ेतीक सेल्‍शो थोव़क कोव़ङीन। चोशा चढ़ेतीक नु अरु चढ़ेतीक चढ़ेचा कली ममाइ, तन्‍न गे नु गो इं दातेमी सांकछी दुम्‍ल’ दे सेल्‍तक।
JOS 22:29 मिनु गोपुकीमी थमा पा मुलाक्‍ती परमप्रभु यावे कली मटिथु, मेको आ नोले खोइक्‍चा प्रोंइशा एको चढ़ेतीक मसेल्‍क। मेको चढ़ेतीकेमी चोशा चढ़ेतीक, अन्‍न चढ़ेतीक नु अरु चढ़ेतीक चढ़ेचा कली यो मसेल्‍क। परमप्रभु यावे, आंइ परमप्रभु आ बाक्‍तीक आ ङोंइती बाक्‍शो चढ़ेतीके क्‍येङा लाक्‍शा अरु मसेल्‍नीकी” देंतेक्‍म।
JOS 22:30 मिनु चढ़ेब फिनेहास, मेको नु बाक्‍ब इस्राएली आन ठेयब मुरपुकी नु थर थर ङा ठेयब मुरपुकीमी रूबेन आ थर, गाद आ थर नु मनस्‍से आ उइक्‍थ थर आन लोव़ नेंशा ग्‍येरसाक्‍म।
JOS 22:31 मिनु चढ़ेब एलाजर आ तौ फिनेहासमी रूबेन, गाद नु मनस्‍से आ थर ङा मुर आन कली “परमप्रभु यावे गो आंइ दातेमी बाक्‍ब, दे मुलाक्‍ती गोपुकीमी तुइक्‍ताक्‍क। मारदे हना एको चढ़ेतीक सेल्‍चा कली परमप्रभु यावे रे पा नोले मशोंइसीनी। मुल चहिं गेपुकीमी इस्राएली आन कली परमप्रभु यावे आ गुइ रे प्रोंइतीनी” देंत।
JOS 22:32 मिनु चढ़ेब एलाजर आ तौ फिनेहास नु ठेयब मुर नेल्‍ल गिलाद रागी रे रूबेन नु गाद आ थर ङा मुर ग्रुम्‍तीके रे कनान रागी गे लेत्‍तेक्‍म। मिनु इस्राएली आन कली मेको लोव़ नेल्‍ल शेंताक्‍म।
JOS 22:33 मेको लोव़ नेंशा नेल्‍ल ग्‍येरसाक्‍म। मिनु परमप्रभु कली “गे रिम्‍शो पाइब बाक्‍नीनी” दे ठेयब सेल्‍तेक्‍म। मिनु मेकोपुकीमी लेंशा रूबेन नु गाद आस थर बाक्‍शो रागी कली खतम सेल्‍तीक नु लडाइ पतीक लोव़ गेनायो मपाम।
JOS 22:34 मिनु रूबेन नु गाद आस थर ङा मुरुमी मेको चढ़ेतीक आ नें “सांकछी” वोइक्‍तेक्‍म। मिनु मेको आ अर्थ मार बाक्‍त देंशा हना “गे नु गो इं दातेमी परमप्रभु यावे थमा पा परमप्रभु बाक्‍ब, दे मेको चढ़ेतीक सांकछी बाक्‍ब” देंतेक्‍म।
JOS 23:1 मिनु शुश नाक्‍त नोले परमप्रभु यावेमी इस्राएली आन कली आन जोरी सत्रु रे पा प्रोंइशा, नाइश्‍शा बाक्‍चा गेप्‍तु। मेना यहोसु खाल्‍पा दुम्‍शा, शुश बर्स दुम्‍शो बाक्‍‍त। यहोसु २१:४४
JOS 23:2 मिनु यहोसुमी इस्राएली नेल्‍ल आन खाल्‍पा, आन ठेयब मुर, आन निसाफ पाइब नु मेको आन सासन पाइब आन कली ब्रेत्‍ताक्‍व। मिनु मेकोमी मेको आन कली “गो मुल खाल्‍पा दुम्‍ती। शुश बर्स यो दुम्‍ती।
JOS 23:3 परमप्रभु यावे, इन परमप्रभुमी मेको रागी रागी ङा मुर आन कली गे इन पर्बम मार मार पवा, गेपुकीमी मेको नेल्‍ल ताइतीनी। परमप्रभु यावे, इन परमप्रभुमी इन पचा ङा लडाइ आंमान पाप्‍तु।
JOS 23:4 गोम योक्‍शा, लीशो रागी इन थर थर ङा मुर आन कली गेता। मिनु गो यर्दन रे पच्‍छिम गे ङा ठेयब समुन्‍द्र सम्‍म रागी नेल्‍ल ग्राती।
JOS 23:5 परमप्रभु यावे, इन परमप्रभुमी मेको लीशो मुर आन कली इन ङोंइती रे ग्रुंइब। मिनु मेकोमी मेको आन कली इन ङोंइती रे खेरब। मिनु परमप्रभु यावे, इन परमप्रभुमी देंशो खोदेंशो पा, मेको आन रागी इन के सेल्‍नीनी।
JOS 23:6 गे थम बोल्‍यो दुमीन। मिनु मोसा आ ब्रेक्‍शो अरेशो लोव़ होस पा टिने। गे ग्‍युरा पेरा गे गेनायो मलने। ब्‍यवस्‍था ५:२९
JOS 23:7 गे इन दातेमी बाक्‍शो अर्को रागी ङा मुरपुकी नु मब्‍वांइसीन। मेको आन देवता आन नें मथिने। मेको आन नेंमी कसम मजने। मेको आन कली पूजा मपने। मिनु मेको आन ङोंइती बाप्‍शा सेउ मपने। प्रस्‍थान २३:१३-२४
JOS 23:8 तन्‍न गेपुकी मुलाक्‍त ङा नाक्‍त सम्‍म पशो खोदेंशो पा परमप्रभु यावे, इन परमप्रभु नु ला बाक्‍कीन।
JOS 23:9 परमप्रभु यावेमी इन ङोंइती रे ठेयब सक्ति पाइश्‍शो रागी ङा मुर आन कली खेरशो बाक्‍ब। मिनु मुलाक्‍त सम्‍म मेको रागी ङा मुर सुइमी यो गे इन कली ग्राने मचाप्‍शो बाक्‍तेक्‍म। लेवी २६:७-८; ब्‍यवस्‍था २८:७
JOS 23:10 इन मुर कामी मेको आन के हजार का मुर आन कली खेरने चाप्‍ब। मारदे हना आ देंशो खोदेंशो पा इन लडाइ पचा ङा परमप्रभु यावे, इन परमप्रभुमी पाइब।
JOS 23:11 मोपतीके गे परमप्रभु यावे, इन परमप्रभु कली दाक्‍तीन। मिनु होस पने।
JOS 23:12 तन्‍न गे नोले शोंइसाक्‍नी हना नु मेको रागी ङा इन दातेमी लीशो मुरपुकी नु गारपाइक्‍तीनी हना, गे इन तमी मेको आन तौ कली गेतीनी हना, इन तौ कली मेको आन तमी चाक्‍तीनी हना नु मेको मुरपुकी नु गारशा गेय पाइतीनी हना,
JOS 23:13 परमप्रभु यावे, इन परमप्रभुमी मेको रागी ङा मुर आन कली इन ङोंइती रे मखेरब, दे तुइक्‍तीन। तन्‍न मेकोपुकी इन कली ग्‍याइल नु ब्‍वारद दुम्‍नीम। मेकोपुकी इन ची कली युक्‍तीक नु इन मिक्‍च कली चू दुम्‍नीम। परमप्रभु यावे, इन परमप्रभुमी इन कली गेशो रिम्‍शो रागी रे गे मबेक्‍नी सम्‍म मोदेंशो दुम्‍ब। गन्‍ती ३३:५५; ब्‍यवस्‍था ७:१६; न्‍यायाधीस २:३
JOS 23:14 नेनीन, गो मुल मुर नेल्‍ल खोदेंशो पा बेक्‍चा चिक्‍ताक्‍ङ। मिनु परमप्रभु यावे, इन परमप्रभुमी इन कली देंशो रिम्‍शो लोव़ मारेइ मली। मेकोमी नेल्‍ल इन कली खाप्‍शो बाक्‍ब। मिनु का सम्‍म यो मख्राइक्‍थु पाप्‍तु, दे गे इन थुं ङा मिम्‍तीकेमी तुइक्‍नीनी। यहोसु २१:४५
JOS 23:15 दोपा परमप्रभु यावे, इन परमप्रभुमी इन कली देंशो रिम्‍शो लोव़ नेल्‍ल खाप्‍बा, मोपा परमप्रभु यावेमी गे आ अरेशो लोव़ मटीतीनी हना, इन कली देंशो हिंच कोंइतीक लोव़ यो खाप्‍ब। मिनु परमप्रभु यावे, इन परमप्रभुमी इन कली एको रिम्‍शो रागी रे खेरशा, खतम सेल्‍ब। ब्‍यवस्‍था २८:१५-४७
JOS 23:16 गेपुकी परमप्रभु यावे, इन परमप्रभु आ कबल कली प्रोंइशा, अरु देवी देवता आन कली ठेयब सेल्‍थ लाइतीनी हना नु मेको आन कली बाप्‍शा सेउ पाइतीनी हना, परमप्रभु यावे शुश चुरशा, मेकोमी इन कली एको रिम्‍शो रागी रे रीब पा खेरशा खतम सेल्ब” देंत।
JOS 24:1 मिनु यहोसुमी इस्राएली आन थर नेल्‍ल कली शेकेममी इस्राएली आन खाल्‍पा, आन ठेयब मुर, आन निसाफ पाइब नु मेको आन सासन पाइब आन कली ब्रेत्‍ताक्‍व। मिनु मेको नेल्‍ल परमप्रभु आ ङोंइती जाक्‍शा बाक्‍तेक्‍म।
JOS 24:2 मिनु यहोसुमी मुर नेल्‍ल आन कली “परमप्रभु यावे, इस्राएली आन परमप्रभुमी ‘साइ नेसी इन किकी पिपी, अब्राहाम नु नाहोर आ आफ तेराह युफ्रेटीस खोला आ आइक्‍ची हांबुम बाक्‍शो बाक्‍तेक्‍म। मिनु मेकोपुकीमी अरु देवी देवता आन कली ठेयब सेल्‍तेक्‍म। उत्‍पत्ती ११:२६; उत्‍पत्ती ३१:१९; उत्‍पत्ती ३५:२
JOS 24:3 तन्‍न गो इन किकी पिपी अब्राहाम कली खोला आइक्‍ची हांबु रे पा पित्‍ता। मिनु मेको कली कनान रागी नेल्‍ल हिरताक्‍ङ। मिनु सोशा बो‍शा, इसहाक माइश्‍शो तौ का गेता।
JOS 24:4 मिनु इसहाक कली याकूब नु एसाव माइश्‍शो तौ निक्‍शी गेता। मिनु एसाव कली सेइर पहाडम बाक्‍चा कली गेता। मिनु याकूब नु आ तौपुकी चहिं इजीप्‍त रागी लाम्‍तेक्‍म। उत्‍पत्ती ३२:४; उत्‍पत्ती ४६:६
JOS 24:5 मिनु नोले गो मोसा नु हारून कली सोइक्‍ताक्‍ङसी। मिनु गो इजीप्‍त ङा मुर आन कली श्‍येत गेता। मिनु गो इन कली मेकेर रे ग्रुंइ‍ताक्‍नी। प्रस्‍थान ३:१०
JOS 24:6 मिनु गो इन किकी पिपी आन कली इजीप्‍त रागी रे पा ग्रुंइ‍शा पित्‍ता। मिनु मेकोपुकी लल समुन्‍द्र सम्‍म जाक्‍तेक्‍म। इजीप्‍त ङा मुरपुकीमी इन किकी पिपी आन कली शारा नु बग्‍गीमी लल समुन्‍द्र सम्‍म खेदा पाम्‍तेक्‍म। प्रस्‍थान १२:३३,५१
JOS 24:7 मिनु खेदा पाइब आन कली तशा मेकोपुकीमी परमप्रभु यावे, आं कली “वारच पाइय्‍यीकी” दे आं कली थोम्‍तेक्‍म। मिनु गो मेकोपुकी नु खेदा पाइब आन दातेमी छिङछिङ सेल्‍ता। मिनु मेको खेदा पाइब नेल्‍ल आन कली ब्‍वाक्‍कुमी ख्रुम्‍शा साइक्‍तामी। गो इजीप्‍त रागी ङा मुर आन कली मार मार पङा, गे आंमा ताइतीनी। मिनु नोले गेपुकी शुश नाक्‍ती सम्‍म गोरशो रागीमी बाक्‍तीनी। प्रस्‍थान १४:--
JOS 24:8 मिनु गो इन कली यर्दन आ पूर्ब एमोरी आन रागीमी चाक्‍‍ता। मिनु मेकोपुकीमी गेपुकी नु लडाइ पाम्‍तेक्‍म। मिनु गो मेको आन कली इन गुइमी गेता। गो मेको आन कली इन ङोंइती खतम सेल्‍ता। मिनु गेपुकीमी मेको आन रागी आंम के सेल्‍तीनी। गन्‍ती २१:२५,३१
JOS 24:9 मिनु मोआब ङा पिप सिप्‍पोर आ तौ बालाकमी इस्राएलीपुकी नु लडाइ पचा मिम्‍शा, इन कली सराप पचा कली बेओर आ तौ बालाम कली ब्रेत्‍थ सोइक्‍ताक्‍व। गन्‍ती २२:-
JOS 24:10 तन्‍न गो बालाम आ लोव़ मनेनु। मोपतीके मेकोमी इन कली आसीक गेस ङा गेस पाप्‍तु। मिनु गो इन कली बालाम आ गुइ रे पा प्रोंइता। गन्‍ती २३:११,२०
JOS 24:11 मिनु नोले गेपुकी यर्दन शोक्‍सीशा यरीकोमी जाक्‍तीनी। मिनु यरीको ङा मुरपुकी एमोरी, परिज्‍जी, कनानी, हित्ती, गिरगाशी, हिव्‍वी नु यबुसीपुकीमी गेपुकी नु लडाइ पाम्‍तेक्‍म। तन्‍न गो मेको आन कली इन गुइमी गेता। यहोसु ३:१०; यहोसु ६:१-२१
JOS 24:12 गो इन ङोंइङोंइती हिकवा सोइक्‍ताक्‍ङ। मेकोमी एमोरी आन पिप निक्‍शी आस कली खेदा पाम्‍तेक्‍म। गे इन तरवार नु लिब्रामी खेदा पचा ममाल्‍नी। प्रस्‍थान २३:२८; यहोसु १०:१-२
JOS 24:13 गो इन कली इन मशोक्‍शो रू, रागी नु इन मसेल्‍शो सहर गेता। मिनु गेपुकी मेकेर बाक्‍नीनी। गेपुकीमी मख्रुम्‍शो अङगुर रू नु तेल रवा ङा फल जना जन बाक्‍नीनी’ दे परमप्रभुमी देंत” दे यहोसुमी मुर नेल्‍ल आन कली देंत। ब्‍यवस्‍था ६:१०-११
JOS 24:14 मिनु यहोसुमी “मोपतीके मुल परमप्रभु यावे कली मान पा हिंशा, मेको कली थमा पा मप्रोंइथु, गेय पने। इन किकी पिपीमी खोला आइक्‍ची हांबु नु इजीप्‍त रागीमी पूजा पशो देवी देवता आन कली ताइक्‍तीन। परमप्रभु यावे कली ठेयब सेलीन। यहोसु २४:२; प्रस्‍थान ३२:-
JOS 24:15 तन्‍न परमप्रभु यावे आ नें ठेयब सेल्‍चा मदाक्‍नीनी हना, सु कली ठेयब सेल्‍नीनी? मुलाक्‍ती योव़ङीन। गे इन किकी पिपीमी खोला आइक्‍ची हांबुम पूजा पशो देवी देवता आन कली ठेयब सेल्‍नीनी देय मुल बाक्‍शो एमोरी आन रागी ङा देवी देवता आन कली ठेयब सेल्‍नीनी? योव़ङीन। तन्‍न गो नु आ खिं ङा मुरुमी परमप्रभु यावे कली ला ठेयब सेल्‍नीकी” देंत। ब्‍यवस्‍था ६:१३-१४
JOS 24:16 मिनु मुरपुकीमी “गो गेनायो परमप्रभु यावे कली मप्रोंइनीकी। मिनु अरु देवी देवता आन कली पूजा मपाइनीकी।
JOS 24:17 मारदे हना परमप्रभु यावे, आंइ परमप्रभुमी आंइ कली नु आंइ किकी पिपी आन कली इजीप्‍त रागीम वाइल दुम्‍शो खिं रे ग्रुंइशा पिश्‍शो बाक्‍त। मिनु मेकोमी आंइ ङोंइती दुम्‍तीक ठेयब ठेयब छक लाक्‍चा ङा गेय पाप्‍तु। गो ते लाइतक हना यो, परमप्रभु यावेमी आंइ कली कोव़ना कोव़न बाक्‍त।
JOS 24:18 मिनु परमप्रभु यावेमी आंइ ङोंइती रे एको रागीम बाक्‍ब एमोरी आन कली खेरतु। मोपतीके गोपुकीमी यो परमप्रभु यावे कली ठेयब सेल्‍नीक। मारदे हना मेको आंइ परमप्रभु बाक्‍ब” देंतेक्‍म।
JOS 24:19 मिनु यहोसुमी मुर आन कली “गेपुकीमी परमप्रभु यावे कली ठेयब सेल्‍ने मचाप्‍नीनी। मारदे हना मेको का ला परमप्रभु नु रुश पाइब परमप्रभु बाक्‍ब। मिनु मेकोमी इन मरिम्‍शो पशो नु इन पाप मक्‍याम्‍ब। ब्‍यवस्‍था २९:३; प्रस्‍थान २०:५
JOS 24:20 गेपुकीमी परमप्रभु यावे कली प्रोंइशा, अरु देवी देवता आन कली पूजा पाइतीनी हना, इन कली ङोंइती रिम्‍शो पा, नोले मरिम्‍शो पचा गोइब। मिनु इन कली खतम पोक्‍ब” देंत।
JOS 24:21 मिनु मुरपुकीमी यहोसु कली “ममाइ, गोपुकीम परमप्रभु यावे कली ठेयब सेल्‍नीकी” देंतेक्‍म।
JOS 24:22 मिनु यहोसुमी “गेपुकीमी परमप्रभु यावे कली ‘ठेयब सेल्‍नीक’ देंशा, गे आंमा सांकछी दुम्‍तीनी” देंत। मिनु मेकोपुकीमी “गो थमा पा सांकछी दुम्‍तक” देंतेक्‍म।
JOS 24:23 यहोसुमी “मुल गेपुकी नु बाक्‍शो देवी देवता ताइक्‍तीन। इन थुं परमप्रभु यावे, इस्राएली आन परमप्रभु गे हिरदीन” देंत। उत्‍पत्ती ३५:२;
JOS 24:24 मिनु मुरपुकीमी यहोसु कली “गो परमप्रभु यावे, आंइ परमप्रभु कली ठेयब सेल्‍नीकी। मेको आ लोव़ टीनीक” देंतेक्‍म।
JOS 24:25 मेको नाक्‍ती यहोसुमी मुर आन कली कबल पाप्‍तु। शेकेममी मेको आन कली पतीक नु मपतीक नेल्‍ल ब्रेक्‍ताक्‍व। २राजा २५:३
JOS 24:26 मिनु यहोसुमी मेको ब्रेक्‍स नेल्‍ल परमप्रभु आ अरेशो लोव़ ब्रेक्‍तीक किताबमी ब्रेक्‍ताक्‍व। मिनु मेकोमी ठेयब फुल्‍लु का लाइश्‍शा, परमप्रभु यावे आ बाक्‍तीक आ नेक्‍था ङा ठेयब रवा आ पुंम ख्रुक्‍तु। उत्‍पत्ती ३५:४; न्‍यायाधीस ९:६
JOS 24:27 मिनु यहोसुमी मुर नेल्‍ल आन कली “कोव़ङीन, एको फुल्‍लु आंइ सांकछी बाक्‍ब। परमप्रभु यावेमी आंइ कली देंशो लोव़ नेल्‍ल एको फुल्‍लुमी यो तुइश्‍शो बाक्‍ब। मोपतीके गेपुकीमी इन परमप्रभु कली प्रोंइतीनी हना, गे जोल पाइब बाक्‍नीनी, दे एको फुल्‍लु सांकछी बाक्‍ब” देंत। यहोसु २२:२७; उत्‍पत्ती ३१:४८
JOS 24:28 मिनु यहोसुमी मेको आन कली मेको आन आंम आंम थेरशो रूमी सोइक्‍ताक्‍व।
JOS 24:29 मेको नेल्‍ल दुम नोले नून आ तौ, परमप्रभु यावे आ गेय पाइब यहोसु सहे का १० बर्समी बेक्‍त। गन्‍ती २७:१८-२३
JOS 24:30 मिनु मेकोपुकीमी यहोसु कली गाश डांडा आ उत्तर गे एफ्राइम आ पहाड तिम्‍नाथ-सेराह माइक्‍तीक, आंम आ रूमी थिम्‍तेक्‍म। यहोसु १९:५०
JOS 24:31 इस्राएलीपुकीमी यहोसु आ ब्रोंइतीक नाक्‍त सम्‍म परमप्रभु यावे कली ठेयब सेल्‍तेक्‍म। मिनु परमप्रभु यावेमी पशो नेल्‍ल तशा तुइक्‍ब खाल्‍पापुकी बाक्‍मा सम्‍म मेकोपुकीमी परमप्रभु यावे कली ठेयब सेल्‍तेक्‍म। न्‍यायाधीस २:७
JOS 24:32 इस्राएलीपुकीमी योसेफ आ रुश कली इजीप्‍त रागी रे लाइश्‍शा, शेकेम सहरम थिम्‍तेक्‍म। याकूबमी मेको रू कली हमोर आ तौपुकी रे सहे का चांदी के शेकेलमी ग्‍याप्‍शो बाक्‍त। हमोर चहिं शेकेम सेल्‍ब बाक्‍त। शेकेम योसेफ आ चच युइ आन थेरशो रू दुम्‍त। शेकेल का ११.५ ग्राम खोदेंशो बाक्‍ब। उत्‍पत्ती ५०:२५; उत्‍पत्ती ३३:१९
JOS 24:33 मिनु हारून आ तौ एलाजर यो बेक्‍त। मेको कली गिबा सहरमी थिम्‍तेक्‍म। मेको एफ्राइम ङा पहाड रागीमी बाक्‍शो सहर, मेको आ तौ फिनेहास कली गेम्‍तेक्‍म। ब्‍यवस्‍था १०:६
JDG 1:1 यहोसु बेक्‍म नोले इस्राएलीपुकीमी परमप्रभु यावे कली “ङोंइती आंइ दाते ङा तेको थरमी कुशा, कनानी आन कली लडाइ तोचा?” दे हिल्‍लो पामे बाक्‍त। उत्‍पत्ती ४९:८; न्‍यायाधीस १८:५; न्‍यायाधीस २०:१८; प्रस्‍थान २८:३०; गन्‍ती २७:२१
JDG 1:2 मिनु परमप्रभु यावेमी “यहूदा आ थर ङा मुर कुचा माल्‍नीम। नेनीन, गो मेको रागी मेको आन कली गेनुङ” देंमाक्‍त।
JDG 1:3 मिनु यहूदा आ लोक्‍ब सिमियोन कली “गे आं कली गेशो रागी ग्राचा कली वारच पथ पिवो। मोपा गो कनानी नु लडाइ पाइनस। नोले गो गे नु इ कली गेशो रागी ग्राचा कली वारच पथ लाइनुङ” देंमाक्‍त। मिनु सिमियोन आ थर ङा मुर यहूदा आ थर ङा मुर नु लमा बाक्‍त।
JDG 1:4 मिनु यहूदा आ थर ङा मुरपुकीमी लडाइ पा परमप्रभु यावेमी कनानी नु परिज्‍जी आन कली मेको आन गुइम गेवा बाक्‍त। मेकोपुकीमी मेको आन कली खेदा पामे बाक्‍त। बेसेक सहरमी १० हजार मुर आन कली साइश्‍शा ग्रामा बाक्‍त।
JDG 1:5 मेकेर मेकोपुकीमी अदोनी-बेसेक माइश्‍शो पिप नु लडाइ पामे बाक्‍त। मेकोपुकीमी कनानी नु परिज्‍जी आन कली ग्रामा बाक्‍त।
JDG 1:6 मिनु अदोनी-बेसेक प्रोक्‍माक्‍त। तन्‍न यहूदा आ थर ङा मुरपुकीमी मेको कली खेदा पा थिश्‍शा, आ गुइ खोइल ङा बोंग्‍ये ख्रोइश्‍शा गेमे बाक्‍त।
JDG 1:7 मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।
JDG 1:8 यहूदा आ थर ङा मुरपुकीमी यरूसलेम कली लडाइ पा ग्राशा, आंम के सेल्‍मे बाक्‍त। मेकोपुकीमी मेकेर ङा मुर आन कली तरवारमी क्‍योरशा सदमे बाक्‍त। मिनु सहर कली मी सुइक्‍त्‍मे बाक्‍त। न्‍यायाधीस १:२१
JDG 1:9 मिनु नोले यहूदा ङा मुरपुकी पहाडी रागीमी, नेगेब नु दिंममी बाक्‍शो कनानी नु लडाइ पथ लमा बाक्‍त। यहोसु १०:४०; यहोसु ११:१६-२०
JDG 1:10 मिनु मेकोपुकीमी हेब्रोन ङा कनानी नु लडाइ पामे बाक्‍त। मिनु शेशै, अहीमान नु तल्‍मै कली ग्रामा बाक्‍त। हेब्रोन आ ङोंइती ङा नें किरयथ-अरबा बाक्‍त। यहोसु १५:१३-१९
JDG 1:11 मिनु नोले देबीर ङा मुरपुकी नु लडाइ पचा ठीक दुम्‍मा बाक्‍त। देबीर कली ङोंइती किरयथ-सेफेर देंबाक्‍तेक्‍म।
JDG 1:12 मिनु कालेबमी “सुम किरयथ-सेफेर कली लडाइ पा ग्राबा, मेको कली आं तमी अकसा ग्‍युंबे पा गेनुङ” देंमाक्‍त। यहोसु १५:१६
JDG 1:13 मिनु कालेब आ लोक्‍ब केनाज आ तौ ओथ्‍नीएलमी किरयथ-सेफेर कली ग्रामाक्‍त। मिनु कालेबमी आ तमी अकसा कली मेको नु ग्‍युंबे पा गेवा बाक्‍त। यहोसु १५:१६-१९
JDG 1:14 मिनु काबु ओथ्‍नीएलमी अकसा कली “आं आफ ‘रू का गेयी’ दे पुन” दे मदा बाक्‍त। मिनु अकसा आ गधा रे तोंइसे बाक्‍त। मोपा तोइश्‍शो तशा कालेबमी “गे मार माल्‍दे?” दे हिल्‍लो पवा बाक्‍त।
JDG 1:15 मिनु अकसामी “आं कली मारेइ गेनीनी कों? गे आं कली नेगेबमी रू गेतीनी। मोपतीके मुल आं कली ब्‍वाक्‍कु बुक्‍तीक पाइश्‍शो रू यो गेने” देंमाक्‍त। मिनु कालेबमी मेको कली आइदी नु आइक्‍था ङा ब्‍वाक्‍क बुक्‍तीके निक्‍शी गेवा बाक्‍त।
JDG 1:16 मोसा आ शिउ आ खिं ङा होबाब आ चच युइ, केनीपुकी नु यहूदा ङा मुरपुकी खजूर रवा आ सहर रे पा आराद सहर आ नेक्‍था ङा नेगेबमी बाक्‍शो यहूदा ङा गोरशो रागीमी लमा बाक्‍त। मिनु मेकेर बाक्‍ब अमालेक ङा मुरपुकी नु बाक्‍चा गोव़मे बाक्‍त। न्‍यायाधीस ४:११; गन्‍ती १०:२९; यहोसु १२:१४
JDG 1:17 मिनु यहूदा ङा मुरपुकी आंम लोक्‍ब सिमियोन आ थर ङा मुरपुकी नु लशा, सेफतमी बाक्‍ब कनानी आन कली लडाइ पा मेको आन सहर खतम पोक्‍गमे बाक्‍त। मोपतीके मेको सहर आ नें होरमा वोदमे बाक्‍त। ब्‍यवस्‍था २०:१२-१८
JDG 1:18 यहूदा आ थर ङा मुरपुकीमी गाजा, अश्‍कलोन, एक्रोन सहर नु मेको आ नेक्‍था बाक्‍शो रू नेल्‍ल आंम के सेल्‍मे बाक्‍त।
JDG 1:19 मिनु परमप्रभु यावेमी यहूदा आ थर ङा मुर आन कली वारच पतीके मेकेर ङा पहाडी रागी नेल्‍ल आंम के सेल्‍मे बाक्‍त। तन्‍न मेकोपुकीमी दिंम ङा मुर आन कली खेरने मचाप्‍‍बमे बाक्‍त। मारदे हना मेकोपुकी नु फलाम के बग्‍गी बाक्‍मा बाक्‍त।
JDG 1:20 मिनु मोसामी देंशो खोदेंशो पा कालेब कली हेब्रोन सहर गेमे बाक्‍त। मिनु मेकोमी अनाक आ तौ सां आन कली मेकेर रे खेरा बाक्‍त। यहोसु १४:६-१५
JDG 1:21 तन्‍न बेन्‍यामीन आ थर ङा मुरपुकीमी यरूसलेम ङा यबुसी आन कली मखेरमे बाक्‍त। मोपतीके यबुसीपुकी मुलाक्‍त सम्‍म यरूसलेममी बेन्‍यामीन आ थर ङा मुरपुकी नु बाक्‍नीम। न्‍यायाधीस १:८; यहोसु १५:६३; यहोसु १८:२८
JDG 1:22 योसेफ आ थर ङा मुरपुकीमी बेथेल नु लडाइ पचा कली लमा बाक्‍त। परमप्रभु यावे योसेफ आ थर ङा मुरपुकी नु बाक्‍माक्‍‍त।
JDG 1:23 मेकोपुकीमी बेथेलमी क्‍यारी पाइब मुर सोइक्‍तमे बाक्‍त। ङोंइती बेथेल आ नें लूज बाक्‍माक्‍त। उत्‍पत्ती २८:१९; यहोसु १२:१६
JDG 1:24 मेको क्‍यारी पाइबपुकीमी मुर का कली बेथेल सहर रे ग्रूशो तशा, मेको कली “सहर दोपा ओव़चा? आंइ कली शेंदीन। गो इन कली मारेइ यो मरिम्‍शो मपाइनीकी” देंमा बाक्‍त।
JDG 1:25 मिनु मेको मुरुमी सहर दोपा ओव़चा, मेको नेल्‍ल कोंइदा बाक्‍त। मिनु योसेफ आ थर ङा मुरपुकीमी मेको सहर ओव़शा, मेकेर ङा मुर नेल्‍ल आन कली तरवारमी क्‍योरशा सदमे बाक्‍त। तन्‍न मेको लां शोव़ब नु आ खिं ङा मुर आन कली मारेइ यो मपामे बाक्‍त। यहोसु ६:२५
JDG 1:26 मिनु मेको लां कोंइब मुर हित्ती आन रागी लमाक्‍त। मिनु मेकेर सहर का सेल्‍शा, मेको सहर आ नें लूज वोदा बाक्‍त। मेको सहर कली मुलाक्‍त सम्‍म लूज देंनीम।
JDG 1:27 मनस्‍से आ थर ङा मुरपुकीमी बेथ-शेआन, तानाक, डोर, इब्‍लाम नु मेगीददो ङा मुर आन कली नु मेकेर ङा गाउं ङा मुर आन कली मखेरमे बाक्‍त। मारदे हना कनानीपुकीमी मेकेर बाक्‍चा थुं पामे बाक्‍त। यहोसु १७:११-१३
JDG 1:28 नोले इस्राएलीपुकी बोल्‍यो दुम्‍शा, मेको आन कली वाइलीम वाइल सेल्‍ना सेल्‍न बाक्‍मा बाक्‍त। तन्‍न मेको आन कली गेनायो मखेरमे बाक्‍त।
JDG 1:29 एफ्राइम आ थर ङा मुरपुकीमी यो गेजेर सहरमी बाक्‍ब कनानी आन कली मखेरमे बाक्‍त। मेकोपुकी गेना हना यो गेजेरमी बाक्‍मा बाक्‍त। यहोसु १६:१०
JDG 1:30 जबूलून आ थर ङा मुरपुकीमी कित्रोन नु नहलोल सहरमी बाक्‍ब कनानी आन कली मखेरमे बाक्‍त। मिनु कनानी जबूलून ङा मुर आन दातेमी बाक्‍शा, आन वाइलीम वाइल दुम्‍मा बाक्‍त। यहोसु १९:१५
JDG 1:31 आशेर आ थर ङा मुरपुकीमी अक्‍को, सीदोन, अहलाब, अकजीब, हेल्‍बा, अफीक नु रेहोब सहरमी बाक्‍ब आन कली मखेरमे बाक्‍त।
JDG 1:32 मोपा आशेर आ थर ङा मुरपुकी कनानी नु बाक्‍मा बाक्‍त। मारदे हना सुइ कली मखेरमे बाक्‍त।
JDG 1:33 नाप्‍ताली आ थर ङा मुरपुकीमी बेथ-शेमेश नु बेथ-अनात सहरमी बाक्‍ब आन कली मखेरमे बाक्‍त। मिनु मेकेर ङा कनानी नु बाक्‍मा बाक्‍त। तन्‍न बेथ-शेमेश नु बेथ-अनातमी बाक्‍ब आन कली वाइलीम वाइल सेल्‍मे बाक्‍त। यहोसु १९:३८
JDG 1:34 मिनु एमोरीपुकीमी दान आ थर ङा मुर आन कली पहाडी रागी मेर सोइक्‍तमे बाक्‍त। दिंममी यिचा मगेमे बाक्‍त।
JDG 1:35 एमोरीपुकीमी हार-हेरेस, आइयालोन नु शा-आल्‍बीम सहरम बाक्‍चा थुं पामे बाक्‍त। तन्‍न योसेफ आ थर ङा मुरपुकीमी मेको आन कली लडाइ पा ग्राशा, वाइलीम वाइल सेल्‍मे बाक्‍त। यहोसु १९:४२
JDG 1:36 एमोरी आन सांद दक्‍खिन अक्रब्‍बीम आइक्‍था, सेला सहर रे लाइश्‍शा, मेको क्‍येङा आइक्‍था सम्‍म लशो बाक्‍माक्‍त।
JDG 2:1 मिनु परमप्रभु यावे आ स्‍वर्ग ङा गेय पाइब गिल्‍गाल रे बोकीम सहरमी कुमाक्‍त। मेकोमी “गो इन कली इजीप्‍त रे ग्रुंइताक्‍न्‍नी। इन किकी पिपी आन कली ‘इन कली गेनुङ’ देंशो रागीमी चाक्‍तन्‍नी। गो गे नु पशो कबल गेना हना यो खाप्‍नुङ। यहोसु २४:२९-३१
JDG 2:2 मिनु गे एको रागी ङा मुरपुकी नु काइ कबल मपने। गे मेको आन चढ़ेतीक प्रेत्‍चा माल्‍नीनी। तन्‍न गे आं देंशो मटिनी। लो कोव़ङीन, गे मार पनी?
JDG 2:3 मोपतीके ‘इन ङोंइती रे मेको आन कली मखेरनुङ। मेकोपुकी इन कली चू खोदेंशो दुम्‍नीम। मिनु मेको आन देवी देवता इन कली ग्‍याइल खोदेंशो दुम्‍नीम’ देंनुङ” देंमाक्‍त।
JDG 2:4 मोपा परमप्रभु यावे आ स्‍वर्ग ङा गेय पाइबमी देंने थुमा नोले, मेकेर ङा मुर नेल्‍ले ङाक्‍शा रोंका पामे बाक्‍त।
JDG 2:5 मोपतीके मेको आन बाक्‍तीक कली बोकीम नें वोदमे बाक्‍त। मिनु मेकोपुकीमी मेकेर परमप्रभु यावे कली मार मार चढ़ेमे बाक्‍त। बोकीम आ अर्थ ङाक्‍चा बाक्‍ब।
JDG 2:6 मिनु यहोसुमी नेल्‍ल आन कली लचा गेवा नोले, मेकोपुकी आंम आंम थेरशो रागी आंम के सेल्‍थ लमा बाक्‍त।
JDG 2:7 मिनु इस्राएलीपुकीमी यहोसु मबेक्‍म सम्‍म परमप्रभु यावे कली ठेयब सेल्‍मे बाक्‍त। मिनु परमप्रभु यावेम इस्राएली आन पर्बम पशो ठेयब गेय ताइब खाल्‍पापुकी बाक्‍मा सम्‍म यो परमप्रभु यावे कली ठेयब सेल्‍मे बाक्‍त।
JDG 2:8 मिनु नून आ तौ यहोसु, परमप्रभु यावे आ वाइल सहे का १० बर्समी बेक्‍माक्‍त।
JDG 2:9 मिनु आ थेरशो रूम थिम्‍मे बाक्‍माक्‍त। आ रू ते बाक्‍त देंशा हना, गाश डांडा आ उत्तर, एफ्राइम ङा पहाडी रागीमी बाक्‍शो तिम्‍नाथ-हेरेसमी बाक्‍माक्‍त।
JDG 2:10 मेको पाला ङा मुर नेल्‍ल बेक्‍मा बाक्‍त। मिनु मेको आन आल ठेयब दुम्‍मा बाक्‍त। मेकोपुकी परमप्रभु यावे कली मतुइक्‍ब बाक्‍मा बाक्‍त। मिनु इस्राएल ङा मुर आन कली ठेयब गेय पा वारच पशो यो मतुइश्‍शो बाक्‍मा बाक्‍त।
JDG 2:11 मिनु इस्राएलीपुकीमी परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी बाल देवी देवता आन कली ठेयब सेल्‍मे बाक्‍त।
JDG 2:12 मिनु मेको आन कली इजीप्‍त रागी रे ग्रुंइब, परमप्रभु यावे, आंम किकी पिपी आन परमप्रभु कली प्रोन्‍मे बाक्‍त। मेको आन दातेमी बाक्‍ब जात जात ङा मुर आन देवी देवता आन ङोंइती बाम्‍मा बाक्‍त। मोपा परमप्रभु यावे कली चुरपदमे बाक्‍त।
JDG 2:13 मेकोपुकीमी परमप्रभु यावे कली प्रोंइशा, बाल नु अश्‍तारोथ देवता कली ठेयब सेल्‍मे बाक्‍त।
JDG 2:14 मिनु परमप्रभु यावेमी इस्राएली आन पर्बम गाइश्‍शा, मेको आन कली रोइक्‍ब आन गुइमी गेमी बाक्‍त। मिनु मेकोपुकीमी मेको आन मारेइ मारेइ रोइक्‍तमे बाक्‍त। मिनु मेकोमी मेको आन कली आन नेक्‍था बाक्‍ब जोरी सत्रु आन हुकुममी बाक्‍चा गेमे बाक्‍त।। मोपा इस्राएलीपुकीमी आन जोरी सत्रु आन कली ग्राने मचाप्‍बमे बाक्‍त।
JDG 2:15 गेना मेकोपुकी लडाइ पथ ग्रूमा, मेना परमप्रभु यावेमी मेको आन कली श्‍येत गेमी बाक्‍त। मोपा परमप्रभु यावेमी मेको आन कली ङोंइती देंशो नु आ कबल पशो खबा बाक्‍त। मोपतीके मेकोपुकीमी शुश श्‍येत जामे बाक्‍त। लेवी २६:१७; ब्‍यवस्‍था २:१५; ब्‍यवस्‍था २८:२०; १सामुएल १२:१५
JDG 2:16 मिनु नोले परमप्रभु यावेमी मेको आन कली रोइक्‍ब आन गुइ रे प्रोंइचा कली निसाफ पाइब सोइक्‍ता बाक्‍त। मिनु मेको आन कली प्रोंइना प्रोंइन बाक्‍मा बाक्‍त। प्रेरित १३:२०
JDG 2:17 तन्‍न मेकोपुकीमी निसाफ पाइब आन देंशो लोव़ मनेन्‍मे बाक्‍त। मेकोपुकीमी तेल्‍लेम पशो खोदेंशो पा अरु देवी देवता आन नोले खोदमे बाक्‍त। मेको आन ङोंइती बाम्‍मा बाक्‍त। मेकोपुकी परमप्रभु यावे आ शेंशो लोव़ टीब आन किकी पिपी आन गाक्‍शो लां प्रोंइशा, मटीब दुम्‍मा बाक्‍त।
JDG 2:18 गेना परमप्रभु यावेमी मेको आन कली निसाफ पाइब सोइक्‍ता, मेना परमप्रभु यावे मेको नु बाक्‍माक्‍त। मेको निसाफ पाइब मबेक्‍म सम्‍म आन जोरी सत्रु रे प्रोंइशा वोदा बाक्‍त। मारदे हना परमप्रभु यावेमी आन जोरी सत्रु रे श्‍येत जशो तशा शिशी पवा बाक्‍त।
JDG 2:19 तन्‍न निसाफ पाइब बेक्‍म चोटीन आन किकी पिपी क्‍येङा लाक्‍शा मरिम्‍शो पामे बाक्‍त। देवी देवता आन कली ठेयब सेल्‍शा, मेको आन ङोंइती बाप्‍शा, मेको आन नोले खोदमे बाक्‍त। आन मरिम्‍शो पशो प्रोंइने मबिस्‍समा बाक्‍त। प्रस्‍थान ३२:९
JDG 2:20 मोपतीके परमप्रभु यावे इस्राएलीपुकी नु गाइक्‍ता बाक्‍त। मिनु “गो मेको आन किकी पिपी आन कली देंशो नु कबल पशो एकोपुकीमी खतम सेल्‍तेक्‍म। आं देंशो लोव़ मटितीके
JDG 2:21 मुल यहोसुमी आ बेक्‍ची ना मखेरशो रागी रागी ङा मुर कली यो इस्राएली आन ङोंइती रे मखेरनुङ” दे परमप्रभु यावेमी देंमाक्‍त।
JDG 2:22 इस्राएली आन किकी पिपी परमप्रभु यावे आ लांम गाक्‍शो खोदेंशो पा मेकोपुकी गाक्‍नीमी कों मगाक्‍नीमी, दे इस्राएली आन कली नाक्‍चा कली मेको अर्को जात ङा मुर मखेरशो बाक्‍माक्‍त। न्‍यायाधीस ३:१,४; ब्‍यवस्‍था ८:२
JDG 2:23 मोपा परमप्रभु यावेमी ङोंइती यहोसु आ गुइमी मगेशो रागी रागी ङा मुर आन कली मोशीन प्रोंइशा वोइश्‍शो बाक्‍माक्‍‍त। न्‍यायाधीस १:२८; भजन संग्रह १०६:३४
JDG 3:1 मिनु परमप्रभु यावेमी इस्राएली आन कली नाक्चा, दे रागी रागी ङा मुर इस्राएली आन ङोंइती रे मखेरशो बाक्‍माक्‍त। मेना इस्राएली आन नक पाला ङा मुरपुकीम कनान रागीम लडाइ पचा आ पर्बम मारेइ मतुइश्‍शो बाक्‍मा बाक्‍त। न्‍यायाधीस २:२२
JDG 3:2 मोदेंशो मारेइ मतुइक्‍ब इस्राएली आन कली दोपा लडाइ पचा, दे शेंचा कली परमप्रभुमी अर्को जात ङा मुर आन कली वोइश्‍शो बाक्‍माक्‍त।
JDG 3:3 मेको तेको तेको जात बाक्‍मा बाक्‍त देंशा हना, ५ जना हुकुम पाइब पलिस्‍ती, कनानी नेल्‍ले, सीदोन ङा मुर नेल्‍ले नु बाल-हेरमोन डांडा रे लाइश्‍शा, लेबानोन ङा पहाडम लेबो-हमाथ सम्‍म बाक्‍ब हिव्‍वीपुकी बाक्‍मा बाक्‍त। यहोसु १३:३
JDG 3:4 मिनु परमप्रभु यावेमी इस्राएली आन किकी पिपीम मोसा कली गेशो शेंतीके मेकोपुकीमी पाइनीमी कों मपाइनीमी, दे नाक्‍चा कली मेको अर्को जात ङा मुर आन कली बाक्‍चा गेवा बाक्‍त।
JDG 3:5 मोपा इस्राएलीपुकी कनानी, हित्ती, एमोरी, परिज्‍जी, हिव्‍वी नु यबुसी आन दातेमी बाक्‍शो बाक्‍मा बाक्‍त।
JDG 3:6 मिनु मेकोपुकीमी मेको आन तमीपुकी ग्‍युंबे पा चाक्‍गमे बाक्‍त। मिनु आंम तमीपुकी यो मेको आन तौ आन कली ग्‍युंबे पा गेमे बाक्‍त। मिनु मेकोपुकीमी मेको आन देवी देवता आन कली यो मार मार चढ़ेशा ठेयब सेल्‍मे बाक्‍त। ब्‍यवस्‍था ७:३
JDG 3:7 इस्राएलीपुकीमी परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी परमप्रभु यावे, आन परमप्रभु कली प्रेंद‍मे बाक्‍त। मिनु बाल नु अशेराह देवी आस कली ठेयब सेल्‍मे बाक्‍त।
JDG 3:8 मिनु परमप्रभु यावेमी इस्राएली आन कली तशा गाइक्‍ता बाक्‍त। मिनु मेसोपोटामीया ङा अराम-नहाराइम ङा पिप कुशन-रिशातैम आ गुइमी लेयङा बाक्‍त। मेकोम इस्राएली आन कली ८ बर्स सम्‍म सासन पवा बाक्‍त।
JDG 3:9 मिनु इस्राएलीपुकीमी “वारच पाइय्‍यी‍की” दे परमप्रभु यावे कली थोव़मेनु, इस्राएली आन कली प्रोंइचा, दे केनाज आ तौ ओथ्‍नीएल कली सोइक्‍ता बाक्‍त। मेको कालेब आ लोक्‍ब बाक्‍त। मिनु मेकोमी मेको आन कली प्रोना बाक्‍त। न्‍यायाधीस १:१३; यहोसु १५:१७-१८
JDG 3:10 परमप्रभु यावे आ सोक्‍त मेको तार जाक्‍माक्‍त। मिनु मेकोमी इस्राएली आन कली निसाफ पवा बाक्‍त। मिनु मेकोमी लडाइ पचा गोवा बाक्‍त। मिनु परमप्रभु यावेमी मेसोपोटामीया ङा पिप कुशन-रिशातैम कली ओथ्‍नीएल आ गुइम गेवा बाक्‍त। मोपा ओथ्‍नीएलमी मेको पिप कली ग्रामाक्‍त। न्‍यायाधीस ६:३४
JDG 3:11 केनाज आ तौ ओथ्‍नीएल मबेक्‍म सम्‍म मेको रागी ४० बर्स सम्‍म लडाइ रे नांइसे बाक्‍त।
JDG 3:12 मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मिनु मेको आन मरिम्‍शो पशो आ पर्बम परमप्रभु यावेमी मोआब ङा पिप एग्‍लोन कली इस्राएली क्‍येङा बोल्‍यो सेला बाक्‍त।
JDG 3:13 मिनु एग्‍लोनमी अम्‍मोनी नु अमालेक ङा मुर आन कली लडाइ पचा कली खुप्‍तीमी बाक्‍त। मिनु इस्राएली नु लडाइ पचा गोव़मे बाक्‍त। मिनु खजूर रवा बाक्‍शो सहर आंम के सेल्‍मे बाक्‍त। न्‍यायाधीस १:३६
JDG 3:14 इस्राएलीपुकी १८ बर्स सम्‍म मोआब ङा पिप एग्‍लोन आ सासनमी बाक्‍मा बाक्‍त।
JDG 3:15 मिनु इस्राएलीपुकीमी लेंशा “वारच पाइक्‍की” दे परमप्रभु यावे कली थोव़मेनु, परमप्रभु यावेमी इस्राएली आन कली श्‍येत रे प्रोंइचा कली बेन्‍यामीन आ थर ङा गेरा आ तौ एहूद कली सोइक्‍ता बाक्‍त। मेको पेरा गुइम गेय पाइब बाक्‍त। मिनु इस्राएलीपुकीमी मेको कली मोआब ङा पिप एग्‍लोन आ बाक्‍तीकेम तिरो थाप्‍थ सोइक्‍तमे बाक्‍त।
JDG 3:16 मिनु एहूदमी आंम कली कुबीत का लाइश्‍शो निक्‍शी गे हेश्‍शो क्‍योरतीक पाइश्‍शो तरवार का सेल्‍शा, आ वा आगामी ग्‍युरा गे ख्रुइश्‍शा पिप्‍शा कुरा बाक्‍त। कुबीत का ०,५ मिटर कि ठेयब हात का खोदेंशो बाक्‍ब।
JDG 3:17 मिनु नोले मेकोमी तिरो कुरब लाइश्‍शा, मोआब ङा पिप एग्‍लोन आ बाक्‍तीके लमाक्‍त। एग्‍लोन साप्‍पा दोम्‍शो मुर का बाक्‍माक्‍त।
JDG 3:18 मिनु मेकोमी तिरो नेल्‍ल पोक्शा, कुरब मुर नु गाक्‍माक्‍त।
JDG 3:19 एहूद चहिं गिल्‍गाल आ नेक्‍था बाक्‍शो फुल्‍लु के मूर्ति आन बाक्‍तीक रे लेश्‍शा, पिप कली “पिप, गो इन कली ख्रुइश्‍शा लोव़ का पचा माल्‍नुङ” देंमाक्‍त। मिनु पिप एग्‍लोनम “सिक्‍सी पने” दे आ नेक्‍था बाक्‍ब नेल्‍ल आन कली लाङगा सोइक्‍तीमी बाक्‍त।
JDG 3:20 मिनु मेको पिप आ दरवार ङा तला तारी सितल कोठामी बाक्‍शो बाक्‍माक्‍त। मिनु एहूद मेको आ ङोंइती जाक्‍शा “परमप्रभु रे पा गो इन कली लोव़ का देंचा माल्‍नुङ” देंमाक्‍त।
JDG 3:21 मिनु एग्‍लोन आ नित्‍तीके रे बोक्‍शा राम्‍माक्‍त। मिनु एहूदमी आ पेरा गुइमी आ ग्‍युरा गे बाक्‍शो तरवार ग्रुंइशा, मेको पिप आ कोव़जमी तूदा बाक्‍त। २सामुएल २०:९-१०
JDG 3:22 मेको तरवार आ ग्‍याइक्‍तीक सम्‍म ओव़माक्‍त। मिनु कोव़ज ङा बोंसोम मेको तरवार नेल्‍ल सुमा बाक्‍त। मिनु पिप आ कोव़ज रे ख्री ग्रूमाक्‍त। मिनु एहूदमी तरवार मग्रुंइथु, प्रोंइशा वोदा बाक्‍त।
JDG 3:23 मिनु तला तारी ङा कोठा ङा लाप्‍चो चोक्‍शा, एग्‍लोन कली आगाम चोक्‍शा, सांचो पाइश्‍शा वोइश्‍शा, लाङगा ग्रूमाक्‍त।
JDG 3:24 मिनु ग्रूने थुमा नोले, एग्‍लोन आ गेय पाइब जाक्‍मा बाक्‍त। मिनु लाप्‍चो चोक्‍शो तशा “पिप ङाइश्‍शा बाक्‍म कों” दे मिम्‍तमे बाक्‍त।
JDG 3:25 मेकोपुकी शुश सम्‍म रिम्‍स ङा रिम्‍स बाक्‍शा, मुने यो पामे बाक्‍त। तन्‍न पिपमी तला तारी ङा कोठा ङा लाप्‍चो यो मरोक्‍गा बाक्‍त। मोपतीके मेकोपुकीमी सांचो चाक्‍शा, लाप्‍चो रोक्‍ग‍मे बाक्‍त। मिनु आन पिप कली खपीम गोल्‍शा बेक्‍शो तामे बाक्‍त।
JDG 3:26 मोपा मेकोपुकीमी शुश रिम्‍शा बाक्‍मानु, एहूद प्रोक्‍ने थुम्‍शो बाक्‍माक्‍‍त। मेको फुल्‍लु के मूर्ति आन बाक्‍तीक लाक्‍शा सेइरा माइक्‍तीकेमी जाक्‍दीम्‍माक्‍त।
JDG 3:27 मिनु एफ्राइम ङा पहाड रागीम जाक्‍दीम नोले, मेकेर रे मेकोमी तुराही तबा बाक्‍त। मिनु इस्राएली मेको नु पहाड रे तोइश्‍शा, आ नोले खोदमे बाक्‍त।
JDG 3:28 एहूदमी “आं नोले खोतीन। मारदे हना परमप्रभु यावेमी इन जोरी सत्रु मोआबी आन कली इन गुइमी गेशो बाक्‍ब” दे माइक्‍मी बाक्‍त। मोपतीके आ नोनोले तोइश्‍शा यिमा बाक्‍त। मिनु मोआबी मप्रोक्‍मल, दे मेको आ नेक्‍था ङा यर्दन खोला शोक्‍तीके आन के सेल्‍मे बाक्‍त। मिनु सुइ आन कली मेक रे शोक्‍चा मगेमे बाक्‍त।
JDG 3:29 मेको नाक्‍ती १० हजार खोदेंशो मोआबी आन कली सदमे बाक्‍त। मेको नेल्‍ल बोल्‍यो लडाइ पाइब बाक्‍मा बाक्‍त। मेको का यो प्रोक्‍चा मतामे बाक्‍त।
JDG 3:30 मोपा मेको नाक्‍ती रे इस्राएलीम मोआबी आन कली हुकुम पामे बाक्‍त। मिनु मेको रागी ८० बर्स सम्‍म लडाइ रे नांइसे बाक्‍त।
JDG 3:31 एहूद आ नोले अनाथ आ तौ शाम्‍गार इस्राएली आन निसाफ पाइब दुम्‍माक्‍त। मेकोमी ब्‍यफ वाक्‍तीक हरीसमी ६ सहे पलिस्‍ती आन कली तुप्‍शा साइक्‍मी बाक्‍त। मेकोमी यो इस्राएली आन कली आन जोरी सत्रु रे प्रोंइमी बाक्‍त। न्‍यायाधीस ५:६
JDG 4:1 एहूद बेक्‍म नोले इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त।
JDG 4:2 मोपतीके परमप्रभु यावेमी मेको आन कली हासोरमी सासन पाइब कनानी आन पिप याबीन आ गुइमी गेवा बाक्‍त। मेको आ लडाइ पाइब आन ठेयब मुर सीसेरा माइश्‍शो बाक्‍माक्‍त। मेको हरोशेथ-हा-गोयीममी बाक्‍माक्‍त। यहोसु ११:२
JDG 4:3 मिनु लेंशा इस्राएलीपुकीमी परमप्रभु यावे कली “वारच पाइय्‍यीकी” दे थोव़मे बाक्‍त। मारदे हना सीसेरा के ९ सहे फलाम के बग्‍गी बाक्‍तेक्म। मिनु इस्राएली आन कली २० बर्स सम्‍म शुश श्‍येत गेशा, दिप्‍शा वोइश्‍शो बाक्‍माक्‍त।
JDG 4:4 मेना लप्‍पीदोथ आ मीश, देबोरा इस्राएली आन कली निसाफ पाइब दुम्‍शो बाक्‍माक्‍त। मेको परमप्रभु यावे आ लोव़ पाइब यो बाक्‍माक्‍त।
JDG 4:5 मेको एफ्राइम ङा पहाडी रागी, रामाह नु बेथेल आ दातेमी बाक्‍शो देबोरा आ खजूर रवा आ पुंमी बाक्‍शो बाक्‍माक्‍त। मिनु इस्राएलीपुकी निसाफ पुंइथ मेक जाक्‍‍मा बाक्‍त। उत्‍पत्ती ३५:८
JDG 4:6 मेकोमी अबीनोअम आ तौ बाराक कली नाप्‍ताली ङा केदेश सहर रे ब्रेत्‍थ सोइक्‍ता बाक्‍त। मिनु मेको कली परमप्रभु यावे, इस्राएली आन परमप्रभुम इ कली “गे लशा, नाप्‍ताली नु जबूलून आस थर ङा १० हजार मुर आन कली योव़शा, मेको आन कली ताबोर डांडामी पिश्‍शा पिवो। यहोसु २१:३२
JDG 4:7 गो चहिं याबीन आ लडाइ पाइब आन कप्‍तान सीसेरा आ मुर नु आ बग्‍गीपुकी ग्रुंइशा, किशोन खोला आ नेक्‍था चाक्‍‍नुङ। मिनु इन गुइमी गेनुङ” दे मदा बाक्‍त।
JDG 4:8 मिनु बाराकमी देबोरा कली “गे गो नु लाइतीनी हना, गो लाइनुङ। गे गो नु मलाइतीनी हना, गो मलाइनुङ” दे लोव़ लेत्‍ता बाक्‍त।
JDG 4:9 मिनु देबोरामी “थमा पा, गो गे नु लाइनुङ। तन्‍न एको ठेयब गेय आ ततीक मान गे मताइनेवे। मारदे हना परमप्रभु यावेमी सीसेरा कली मीश मुर का आ गुइमी गेशो बाक्‍ब” देंमाक्‍त। मिनु देबोरा बोक्‍शा ङा मिन बाराक नु केदेश सहरमी लमाक्‍त।
JDG 4:10 बाराकमी जबूलून नु नाप्‍ताली आस थर ङा मुर आन कली केदेश सहरमी ब्रेत्‍ता बाक्‍त। मोपा १० हजार लडाइ पाइबपुकीमी मेको आ नोले खोदमे बाक्‍त। मिनु देबोरा मेको नु लमाक्‍त।
JDG 4:11 मिनु केनी ङा मुर, मोसा आ शिउ होबाब आ चच युइ बाक्‍मा बाक्‍त। केनी हेबेर चहिं केनी आन दाते रे ब्राशो बाक्‍माक्‍त। मोपा ब्राशा, केदेश सहर आ नेक्‍था एलोन-बे-सा-अना‍नीममी बाक्‍शो ठेयब रवा आ नेक्‍था जाक्‍दीश्‍शा, आ ताम्‍बु कीशा बाक्‍शो बाक्‍माक्‍त। न्‍यायाधीस १:१६; गन्‍ती १०:२९
JDG 4:12 मिनु सीसेरामी अबीनोअम आ तौ बाराक ताबोर डांडामी लशो बाक्‍ब देंशो नेना बाक्‍त।
JDG 4:13 मिनु सीसेरामी आ ९ सहे फलाम के बग्‍गी नु आ लडाइ पाइब आन कली हरोशेथ-हा-गोयीम रे किशोन खोलाम खुप्‍ता बाक्‍त।
JDG 4:14 मिनु देबोरामी बाराक कली “बोक्‍को, मुलाक्‍त परमप्रभु यावेमी सीसेरा कली इ गुइमी गेशो बाक्‍ब। परमप्रभु यावे इ ङोंइती मगाक्‍बा ङा?” देंमाक्‍त। मोपतीके बाराक नु आ १० हजार लडाइ पाइब ताबोर डांडा रे ब्रुम्‍मा बाक्‍त।
JDG 4:15 मिनु परमप्रभु यावेमी सीसेरा नु आ बग्‍गी नेल्‍ले, आ लडाइ पाइब नेल्‍ल बाराक नु ब्रुपदा बाक्‍त। सीसेरा चहिं आ बग्‍गी रे तोइश्‍शा प्रोक्‍माक्‍त। न्‍यायाधीस ५:२०; उत्‍पत्ती ३५:५; प्रस्‍थान २३:२७; ब्‍यवस्‍था २:२५; यहोसु २:९-११
JDG 4:16 मिनु बाराकमी बग्‍गीपुकी नु लडाइ पाइब आन कली हरोशेथ-हा-गोयीम सम्‍म खेदा पा, सीसेरा आ लडाइ पाइब नेल्‍ल आन कली तरवारमी क्‍योरशा सदा बाक्‍त। का यो ब्रोंइचा मतामे बाक्‍त।
JDG 4:17 सीसेरा चहिं खोइलीमी प्रोक्‍ना प्रोक्‍न, केनी हेबेर आ मीश याएल आ ताम्‍बुमी जाक्‍माक्‍त। मारदे हना हासोर ङा पिप याबीन नु केनी हेबेर ङा मुरपुकी लडाइ मपथु, वारच दुम्‍शो बाक्‍मा बाक्‍त।
JDG 4:18 मिनु याएल सीसेरा कली ग्रुम्‍चा, दे लाङगा ग्रूमाक्‍त। मिनु मेकोमी “हजुर ओव़ङीन। महिनीन” देंमाक्‍त। मिनु सीसेरा ताम्‍बु आगा ओव़माक्‍त। मिनु याएलमी मेको कली ख्रुइश्‍शा, वाम सुमा बाक्‍त।
JDG 4:19 सीसेरामी याएल कली “आं कली ब्‍वाक्‍क तूचा गेन। गो साप्‍पा तूतू दाक्‍ती” देंमाक्‍त। मिनु मेकोमी दूध वोइश्‍शो बो‍स का ग्रुंइशा, मेको कली तूचा गेवा बाक्‍त। मिनु मेको कली वा फेक्‍ता बाक्‍त।
JDG 4:20 मिनु सीसेरामी मेको कली “ताम्‍बु आ लाप्‍चोमी राप्‍शा बाक्‍को, सुइ जाक्‍शा ‘एकेर सुइ मुर जाक्‍मा?’ दे हिल्‍लो पाम्‍तेक्‍म हना, मजाक्‍म देनो” देंमाक्‍त।
JDG 4:21 तन्‍न हेबेर आ मीश याएलमी थात्‍ला का नु ताम्‍बु ङा किला का लाइश्‍शा, निन्‍द्रा पशो सीसेरा आ नेक्‍था लमाक्‍त। मिनु याएलमी सीसेरा आ पियामी खप सम्‍म ग्रुक्‍चा ङा पा किला थोक्‍ता बाक्‍त। मिनु शुश दशा, निन्‍द्रा पा बाक्‍शो, सीसेरा बेक्‍माक्‍त।
JDG 4:22 मिनु बाराक सीसेरा कली खेदा पा मेक जाक्‍माक्‍त। मिनु याएलमी मेको कली ग्रुम्‍शा “ओव़ङीन, गो इन माल्‍शो मुर इन कली कोंइनुङ” देंमाक्‍त। मिनु बाराक मेको नु ताम्‍बु आगा ओव़माक्‍त। मिनु सीसेरा आ पियामी किला ग्रुक्‍शा बेक्‍शो तवा बाक्‍त।
JDG 4:23 मेको नाक्‍ती परमप्रभुमी कनान ङा पिप याबीन कली इस्राएलीपुकी नु ब्रुपदा बाक्‍त।
JDG 4:24 मिनु इस्राएलीपुकीमी कनानी पिप याबीन कली शुश श्‍येत गेशा, मसदमे सम्‍म श्‍येत गेमे बाक्‍त।
JDG 5:1 मेको नाक्‍त देबोरा नु अबीनोअम आ तौ बाराकमी कुम्‍सो पाम्‍से बाक्‍त। मेको निक्‍शीमी मार कुम्‍सो पाम्‍से बाक्‍त, देंशा हना
JDG 5:2 “इस्राएल ङा ठेयब मुरुमी लडाइ पाइब आन कली खुल्‍मेनु, मेकोपुकीमी आन ठेयब मुर आन कली टिम्‍तेक्‍म। मोपतीके परमप्रभु यावे कली ठेयब सेलीन।
JDG 5:3 पिपपुकी, नेनीन। सासन पाइबपुकी, इन नोफा दाइक्‍तीन। नेनीन। गो परमप्रभु यावे कली कुम्‍सो पाइनुङ। गो परमप्रभु यावे, इस्राएली आन परमप्रभु कली ताप्‍तीक का ताप्‍शा, कुम्‍सो का पाइनुङ।
JDG 5:4 परमप्रभु यावे, सेइर रे पा गाक्‍नी ना, एदोम रागी रे लाइतीनी, मेना रागी नेल्‍ल ख्रिंख्रि पाप्‍तु। रेउ यित। गोस्‍सुमी रेउ यिपाइक्‍तु। ब्‍यवस्‍था ३३:२; हबकुक ३:३-६
JDG 5:5 मिनु सीनै डांडा ङा परमप्रभु यावे आ ङोंइती पहाडमी ख्रिनु कुत। परमप्रभु यावे, इस्राएली आन परमप्रभु आ ङोंइती डांडा ख्रिंख्रि पाप्‍तु। भजन संग्रह ६८:९
JDG 5:6 अनाथ आ तौ शाम्‍गार आ पालामी, याएल बाक्‍म सम्‍म ग्‍याप्‍ब लेयब आन हुल ठेयब लां मगाक्‍ब दुम्‍तेक्‍म। मुरपुकी ख्रुइश्‍शो लांमी गाक्‍चा गोम्‍तेक्‍म। न्‍यायाधीस ३:३१
JDG 5:7 मिनु इस्राएलीपुकीमी आन रूमी शोक्‍ने खुप्‍ने मचबेम। देबोरा, गे मेको आन दातेमी मजाक्‍ङे सम्‍म मारेइ पने मचबेम। गे इस्राएली आन ममा खोदेंशो पा जाक्‍ते।
JDG 5:8 इस्राएलीपुकीमी नक देवी देवता आन कली ठेयब सेल्‍चा कली योव़ची ना सहर ङा लाप्‍चोमी लडाइ दुम्‍त। मिनु ४० हजार इस्राएली आन के तेक्‍तीक नु तरवार मबा।
JDG 5:9 इस्राएली लडाइ पाइब आन ठेयब मुर दाक्‍नुङ। मारदे हना मेकोपुकी महिंथु, लडाइ पचा कली, दे आंम कली जिम्‍मा गेम्‍तेक्‍म। परमप्रभु यावे ठेयब बाक्‍ब।
JDG 5:10 बुश गधा ङोइश्‍शा गाक्‍बपुकी, राडी तारी निप्‍बपुकी, खोइलीम गाक्‍ब नेल्‍लेमी यो परमप्रभु यावेम मेको लडाइ ‘दोपा पवा’ मेको शेंदीन।
JDG 5:11 मिनु ब्‍वाक्‍कु बुक्‍तीकेमी बाजा ताप्‍शा ‘परमप्रभु यावे आ ग्रातीक ठेयब बाक्‍ब’ दे लेंशा कुम्‍सो पाइनीम। ‘मिनु इस्राएल ङा बोल्‍यो मुर आन ग्राशो आ पर्बम कुम्‍सो पाइनीम। मिनु परमप्रभु यावेमी रूम शोक्‍ब आन कली ग्रापाइक्‍तु’ दे कुम्‍सो पाइनीम। मिनु परमप्रभु यावे आ मुरपुकी उइ सहर ङा ठेयब लाप्‍चोमी लाम्‍तेक्‍म।
JDG 5:12 बोक्‍को, देबोरा, बोक्‍को, बोक्‍शा ङा मीन, कुम्‍सो पावो। अबीनोअम आ तौ बाराक, बोक्‍को, इ ग्‍याइश्‍शो मुर आन कली एक रे योल्‍दो।
JDG 5:13 मिनु ठेयब मुरपुकी उइ गाक्‍तेक्‍म। परमप्रभु यावे आ मुरपुकी ङोंइती बारशा, बोल्‍यो मुर नु लडाइ पचा चिक्‍ताक्‍म।
JDG 5:14 एफ्राइम आ थर ङा मुर दिंमम जाक्‍तेक्‍म। बेन्‍यामीन आ थर ङा मुरपुकीमी मेको आन नोले खोइक्‍तेक्‍म। माकीर रे आन ठेयब मुर यिम्‍तेक्‍म। जबूलून आ थर ङा मुर आन रागी रे पिशा, आन थर ङा कप्‍तानपुकी जाक्‍तेक्‍म। यहोसु १७:१
JDG 5:15 इस्‍साकार आ थर ङा हुकुम पाइबपुकी देबोरा नु जाक्‍तेक्‍म। मिनु इस्‍साकार आ थर ङा मुर बाराक कली मप्रोंइथु आ नोले खोइक्‍तेक्‍म। मेकोपुकी उइ दिंममी मेको आ नोले दोरशा लाम्‍तेक्‍म। मिनु रूबेन आ थर ङा मुर चहिं आन दातेमी ‘लचा देय मलचा’ दे शुश लोव़ पा मिम्‍ना मिम्‍न थुं नाक्‍मुम्‍तेक्‍म।
JDG 5:16 मारदे गोठम बाक्‍नीनी? मेको योव़ब आन ताप्‍शो नेंचा दाक्‍नीनी? मिनु रूबेन आ थर ङा मुर आन दातेमी शुश मिम्‍ना मिम्‍न बाक्‍तेक्‍म।
JDG 5:17 गिलाद ङा मुरपुकी यर्दन आइक्‍ची हांबुमी बाक्‍तेक्‍म। दान आ थर ङा मुरपुकी, मारदे डोंगा आन नेक्‍था रिम्‍शा बाक्‍नीमी? मिनु आशेर आ थर ङा मुरपुकी समुन्‍द्र आ नेक्‍था देश पा बाक्‍तेक्‍म। मेकोपुकी डोंगा आन नाइक्‍तीकेमी मेक उइ बाक्‍शो बाक्‍तेक्‍म।
JDG 5:18 मिनु जबूलून आ थर ङा मुरपुकीमी महिंथु लडाइ पाम्‍तेक्‍म। मिनु नाप्‍ताली आ थर ङा मुरपुकीमी यो लडाइ पाम्‍तेक्‍म।
JDG 5:19 कनान ङा पिपपुकी लडाइ पा जाक्‍तेक्‍म। मेगीददो आ नेक्‍था तानाक सहरमी लडाइ पाम्‍तेक्‍म। तन्‍न चांदी नु अरु रोइश्‍शो मारेइ यो लाइक्‍चा मताम।
JDG 5:20 मिनु सोरुलपुकीमी सरीङ रे लडाइ पाम्‍तेक्‍म। मेको आन लतीक लां रे सीसेरा नु लडाइ पाम्‍तेक्‍म। प्रस्‍थान १४:२५; यहोसु १०:१४
JDG 5:21 मिनु किशोन खोलामी सीसेरा आ लडाइ पाइब आन कली योल्‍ताक्‍व। मेको बारशो किशोन खोलाम मोदेंशो पाप्‍तु। आं थुं महिंथु, बारशा, लडाइ पावो।
JDG 5:22 मिनु शारा आन खोइल रेयके पपाइश्‍शा मेको साप्‍पा दोरतेक्‍म। आन खोइल ताप्‍शा, मेको साप्‍पा दोरतेक्‍म।
JDG 5:23 परमप्रभु यावे आ स्‍वर्ग ङा गेय पाइबमी ‘मेरोज कली सराप पावो। मिनु मेकेर बाक्‍ब मुर आन कली सराप पावो। मारदे हना मेकोपुकीमी परमप्रभु यावे कली मारेइ यो वारच मपाम’ देंत।
JDG 5:24 केनी हेबेर आ मीश याएल मीश मुर नेल्‍ल आन क्‍येङा आसीक ताइब दुम्‍ब। ताम्‍बुमी बाक्‍ब मीश मुर नेल्‍ल आन क्‍येङा आसीक ताइब बाक्‍ब।
JDG 5:25 सीसेरामी ब्‍वाक्‍कु पुंइतु। तन्‍न मेकोमी दूध गेप्‍तु। मेको कली दारशो डप्‍कामी दहि ख्रेत्‍ताक्‍व। न्‍यायाधीस ४:१९
JDG 5:26 मिनु मेकोमी ताम्‍बु आ किला तुल्‍शा, थात्‍ला का गुप्‍तु। मिनु सीसेरा आ पियाम थोक्‍ताक्‍व। मेको कली आ रेक्‍च्रे ख्रिश्‍शा साइक्‍तु।
JDG 5:27 सीसेरा याएल आ खोइलीम बेक्‍त। मेको आ खोइलीमी गोल्‍शा बेक्‍त।
JDG 5:28 मिनु सीसेरा आ ममामी झेल रे चिवा पा कोव़तु। मोपा चिवा पा कोव़शा ‘मेको आ बग्‍गी मारदे मजाक्‍मे? आ बग्‍गी आ रेयके मारदे मनेंसे?’ दे वाइ ब्रेत्‍त।
JDG 5:29 मिनु मेकेर बाक्‍ब नेल्‍ल क्‍येङा अरेब मीश मुरुमी आ देंशो लोव़ आंमान लेन्‍ना लेन्‍न
JDG 5:30 मेको आन रोइश्‍शो नेल्‍ल योक्‍गमे कों? मुर नेल्‍ल कली मीश आल का कि निक्‍शी ताइनीम कों? मिनु सीसेरामी रिम्‍शो रङ पाइश्‍शो वा ताइबा कों? आं कली बुटा आप्‍शो दारशो कुप्‍नी निक्‍शी चाक्‍बा कों? दे आंमा नु लोव़ पशो बाक्‍त।
JDG 5:31 मिनु परमप्रभु यावे, इन जोरी सत्रु नेल्‍ल मोपान खतम दुम्‍मल। इन कली दाक्‍बपुकी चहिं सुनी दाप्‍शो नां खोदेंशो पा ब्रशा सक्ति पाइश्‍शो दुम्‍शा, बाक्‍मल” दे कुम्‍सो पाम्‍से बाक्‍त। मिनु ४० बर्स सम्‍म मेको रागीमी लडाइ मदुम्‍माक्‍त। ब्‍यवस्‍था ६:५
JDG 6:1 मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मोपतीके परमप्रभु यावेमी मेको आन कली ७ बर्स कली मिदयान ङा मुर आन गुइमी गेवा बाक्‍त।
JDG 6:2 मिनु मिदयान ङा मुरपुकीमी इस्राएली आन कली शुश दिप्‍शा, सक्ति पाइश्‍शो दुम्‍मा बाक्‍त। मोपतीके इस्राएलीपुकी पहाड ङा पुक्‍खी, रोंगु इर लशा, आन ख्रुइश्‍शा बाक्‍तीक सेल्‍मे बाक्‍त।
JDG 6:3 इस्राएलीपुकीमी वांचेर शोक्‍गमे चोटीन मिदयान ङा मुरपुकी, अमालेक ङा मुरपुकी नु पूर्ब ङा मुरपुकी जाक्‍शा, इस्राएलीपुकी नु लडाइ पाइबाक्‍मा बाक्‍त। ब्‍यवस्‍था २८:३३
JDG 6:4 मेको आन ताम्‍बु कीशा बाक्‍शा, गाजा सम्‍म ङा बाली नाली कली खतम पोक्‍गमे बाक्‍त। मेकोपुकीमी इस्राएल ङा मुर आन कली जचा थोव़क काइ महेंदमे बाक्‍त। आन भेडा, ब्‍यफ नु गधा नेल्‍ल रोइश्‍शा लदमे बाक्‍त।
JDG 6:5 मेकोपुकी आंम के बी ब्‍यफ नु ताम्‍बुपुकी चाक्‍शा, सल्‍हा माले खोदेंशो पा जाक्‍मा बाक्‍त। मुर नु मेको आन दलओंठ हिक्‍ने मचाप्‍चा ङा पा शुश बाक्‍तीके, मोपा मेको रागी कली खतम पोक्‍गमे बाक्‍त।
JDG 6:6 मिनु मिदयान ङा मुरपुकीमी इस्राएली आन कली शुश प्रुङग सेल्‍मे बाक्‍त। मिनु इस्राएलीपुकीमी “वारच पाइय्‍यीकी” दे परमप्रभु यावे कली थोव़मे बाक्‍त।
JDG 6:7 मोपा इस्राएलीपुकीमी परमप्रभु यावे कली मिदयान ङा मुर आन पर्बम थोव़मे नोले
JDG 6:8 परमप्रभु यावेमी मेको आन कली आ लोव़ पाइब का सोइक्‍ता बाक्‍त। मिनु मेकोमी “परमप्रभु यावे, इस्राएली आन परमप्रभुम इन कली ‘गो इन कली इजीप्‍त रागी वाइलीम वाइल दुम्‍तीक रे प्रोंइशा ग्रुंइशा पित्‍ता।
JDG 6:9 गो इन कली इजीप्‍त ङा मुर आन गुइ रे नु इन कली श्‍येत गेब मुर आन गुइ रे प्रोंइशा चाक्‍ता। मेको इन कली दिप्‍ब नेल्‍ल आन कली इन ङोंइती रे खेरताक्‍मी। मिनु मेको आन रागी इन कली गेता।
JDG 6:10 मिनु गो इन कली गो परमप्रभु यावे, इन परमप्रभु नङ। गेपुकी एमोरी आन रागीमी बाक्‍तीनी हना यो, मेको आन देवी देवता आन कली ठेयब मसेलीन’। तन्‍न गे आं लोव़ मनेनी” दे मेको परमप्रभु यावे आ लोव़ पाइबमी माइक्‍मी बाक्‍त।
JDG 6:11 मिनु परमप्रभु यावे आ स्‍वर्ग ङा गेय पाइब जाक्‍शा, ओफ्रा सहर आ नेक्‍था बाक्‍शो ठेयब रवा आ पुंम निस्‍से बाक्‍त। मेको रू अबीएजेर आ मुर योआश आ रू बाक्‍माक्‍त। योआश आ तौ गिदोन चहिं मिदयान ङा मुरपुकी रे ख्रुइक्‍चा कली अङगुर ख्राक्‍तीकेमी चेरब तुम्‍‍ना तुम्‍‍न बाक्‍मा बाक्‍त। यहोसु १७:२
JDG 6:12 मिनु परमप्रभु यावे आ स्‍वर्ग ङा गेय पाइब मेको आ ङोंइती ग्रूशा मेको कली “गे महिंथु लडाइ पाइब मुर, परमप्रभु यावे गे नु बाक्‍ब” देंमाक्‍त।
JDG 6:13 मिनु गिदोनमी मेको कली “हजुर, परमप्रभु यावे गोपुकी नु बाक्‍त हना, आंइ कली मारदे ओदेंशो दुम्‍मे? मिनु मेको आ छक लाक्‍चा ङा गेय नेल्‍ले ते बाक्‍नीमी? आंइ किकी पिपीपुकीमी ‘परमप्रभु यावेमी आंइ कली इजीप्‍त रागी रे ग्रुंइशा पिश्‍शो’ दे मदेंमा ङा? तन्‍न मुल परमप्रभु यावेमी आंइ कली प्रोंइतु। मिनु आंइ कली मिदयान ङा मुर आन गुइमी गेप्‍तु” देंमाक्‍त।
JDG 6:14 मिनु परमप्रभु यावे मेको गे लेश्‍शा “गे महिंब नु बोल्‍यो बाक्‍नेवे। मोपतीके लावो। इस्राएली आन कली मिदयान ङा मुर आन गुइ रे प्रोनो। गो इ कली सोइक्‍नुङ” देंमाक्‍त। न्‍यायाधीस ६:३२; १सामुएल १२:११; हिब्रू ११:३२
JDG 6:15 मिनु गिदोनमी “हजुर, गो दोपा इस्राएली आन कली प्रोंइने चाप्‍नुङा? आं खिं मनस्‍से आ थरमी नेल्‍ल क्‍येङा आइक्‍च बाक्‍ब। मिनु गो आं आफ आ खिंमी यो नेल्‍ल क्‍येङा आइक्‍च मुर बाक्‍नुङ” देंमाक्‍त।
JDG 6:16 मिनु परमप्रभु यावेमी मेको कली “गो गे नु बाक्‍नुङ। मिनु गे मिदयानी नेल्‍ल आन कली साइक्‍नेवे” देंमाक्‍त। प्रस्‍थान ३:१२
JDG 6:17 मिनु मेकोमी “गो इन ङोंइती शिशी ताता हना, नु गे थमा पा गो नु लोव़ पाइब बाक्‍तीनी हना, आं कली चिन्‍ड का कोंइदीनी।
JDG 6:18 गो इन कली जचा मख्रेत्‍तु सम्‍म, गे एक रे मलन” देंमाक्‍त। मिनु मेकोमी “गे मजाक्‍ङे सम्‍म गो एकेन बाक्‍नुङ” देंमाक्‍त। न्‍यायाधीस १३:१५-१६
JDG 6:19 मिनु गिदोन खिं ओव़शा, क्‍यारश पाठा का ठीक पवा बाक्‍त। एफाह का फस के बोरब ओख्‍ती मसुप्‍शो शोब्‍ले चोवा बाक्‍त। मिनु श्‍ये डालोम कुर पा आ शेक्‍क चहिं बो‍स काम लुक्‍शा, ठेयब रवा आ पुंमी लाइश्‍शा, मेको कली ख्रेत्‍ता बाक्‍त। एफाह का २२ लिटर पुक्‍तीक बाक्‍ब। एफाह का ५ पाथी खोदेंशो बाक्‍ब।लेवी ४:२८
JDG 6:20 मिनु परमप्रभु आ स्‍वर्ग ङा गेय पाइबमी “मेको श्‍ये नु बोरब ओख्‍ती मसुप्‍शो शोब्‍ले एको फुल्‍लु तारी वोतो। आ शेक्‍क चहिं आ तार मोतो” देंमाक्‍त। मिनु मोदेंशोन पवा बाक्‍त।
JDG 6:21 मिनु नोले परमप्रभु यावे आ स्‍वर्ग ङा गेय पाइबमी मेको श्‍ये नु शोब्‍ले कली आ गुइम बाक्‍शो कोक्‍केमी थिवा बाक्‍त। मिनु मेको फुल्‍लु रे पा मी ग्रूशा, मेको श्‍ये नु बोरब ओख्‍ती मसुप्‍शो शोब्‍ले नेल्‍ल नेक्‍गा बाक्‍त। मिनु परमप्रभु यावे आ स्‍वर्ग ङा गेय पाइब यो लमाक्‍त। लेवी ९:१४
JDG 6:22 मिनु गिदोनमी “थमा पा परमप्रभु यावे आ स्‍वर्ग ङा गेय पाइब बाक्‍माक्‍त” दे तुइक्‍ता बाक्‍त। मिनु “परमप्रभु, परमप्रभु यावे, आं कली वारच पाइय्‍यीनी। मुलाक्‍त परमप्रभु यावे आ स्‍वर्ग ङा गेय पाइब कली आं नेक्‍थान ताता” देंमाक्‍त। न्‍यायाधीस १३:२२; प्रस्‍थान ३३:२०
JDG 6:23 मिनु परमप्रभु यावेमी “इ थुं नाइक्‍तो। महिनो। मारदे हना मबेक्‍नेवे” देंमाक्‍त।
JDG 6:24 मिनु गिदोनमी परमप्रभु यावे कली चढ़ेतीक का सेला बाक्‍त। मिनु आ नें “परमप्रभु यावे थुं नाइक्‍चा गेब बाक्‍ब” दे नें वोदा बाक्‍त। मेको चढ़ेतीक मुलाक्‍त सम्‍म अबीएजेर आ मुर आन ओफ्रा सहरम बाक्‍ब।
JDG 6:25 मेको नाक्‍दो परमप्रभु यावेमी गिदोन कली “इ आफ आ गोठ रे ७ बर्स दुम्‍शो ब्‍यफ चाक्‍को। इ आफ आ बाल देवता नु आ नेक्‍था बाक्‍शो अशेराह देवी आ शी के थाम प्रेश्‍शा गेवो” देंमाक्‍त। २राजा ११:१८; २राजा २३:१२-१५
JDG 6:26 मिनु “मेकेर परमप्रभु यावे, इ परमप्रभु कली आं देंशो खोदेंशो पा चढ़ेतीक का सेलो। मिनु नोले आं कली मेको ब्‍यफ कली इ प्रेश्‍‍शो अशेराह देवी आ शी के खोल्‍शो थाम तारी चोशा चढ़ेतीक का चढ़ेवो” देंमाक्‍त।
JDG 6:27 मिनु गिदोनमी आंम के १० जना गेय पाइब कली लाइश्‍शा, परमप्रभु यावे आ देंशो खोदेंशो पवा बाक्‍त। मिनु नाक्‍त मेको गेय पचा कली आं आफ आ खिं ङा मुर नु मेको सहर ङा मुर आन कली तशा शुश हिंमाक्‍त। मोपतीके मेकोमी गेय नेल्‍ले नाक्‍दोमी पवा बाक्‍त।
JDG 6:28 मिनु मेको सहर ङा मुरपुकी सुनी कना बोक्‍शा, बाल देवता आ चढ़ेतीके प्रेश्‍शो, मेको आ नेक्‍था बाक्‍शो अशेराह देवी आ मूर्ति यो प्रेश्‍‍शो नु गिदोनमी सेल्‍शो चढ़ेतीकेम नोले ङा ब्‍यफ चढ़ेशो तामे बाक्‍त।
JDG 6:29 मिनु मेकोपुकीमी “एको सुम पवा, माइ?” दे हिल्‍लो पमुमा बाक्‍त। शुश हिल्‍लो पामे नोले योआश आ तौ गिदोनमी पाप्‍तु, दे तुइक्‍त्‍मे बाक्‍त।
JDG 6:30 मिनु सहर ङा मुरपुकीमी योआश कली “इ तौ कली लाङगा ग्रुंइदो। मेको बेक्‍चा माल्‍ब। मेकोमी बाल देवता आ चढ़ेतीक प्रेदा बाक्‍त। मिनु आ नेक्‍था बाक्‍शो अशेराह देवी आ मूर्ति पाइश्‍शो थाम यो खोला बाक्‍त। मोपतीके मेको कली साइक्‍चा माल्‍नीक” देंमा बाक्‍त।
JDG 6:31 मिनु योआशमी मेको आ नेक्‍था बाक्‍शो ग्रीब मुर नेल्‍ल आन कली “गेपुकी बाल देवता आ पर्बम ग्रीशो ननी? बाल देवता कली वारच पचा दाक्‍नीनी? सुम मेको कली वारच पाइबा, मेको दीसा सुनी सम्‍म साइक्‍चा पुंइसीब। आ चढ़ेतीक प्रेत्‍चा पुंइसीशो बाल देवता थमा पा देवता बाक्‍त हना, मेकोमी आंमान आ सक्ति कोंइदल” देंमाक्‍त। १रजा १८:२१-३९
JDG 6:32 मेको नाक्‍त रे मेकोपुकीमी गिदोन आ नें येरूब-बाल, दे वोदमे बाक्‍त। मेको आ अर्थ “बाल देवता आंमान गिदोन कली आ सक्ति कोंइदल। मारदे हना गिदोनमी आ चढ़ेतीक प्रेश्‍शो बाक्‍ब” देंमा बाक्‍त। न्‍यायाधीस ७:१
JDG 6:33 मिनु मिदयानी, अमालेकी नु पूर्ब ङा मुरपुकी खुम्‍सीशा, हुल का दुम्‍मा बाक्‍त। मेकोपुकी यर्दन खोला शोक्‍शा, येज्रेल आ दिंमम ताम्‍बु कीङमे बाक्‍त।
JDG 6:34 मिनु परमप्रभु यावे आ सोक्‍तीम गिदोन कली सुमा बाक्‍त। मिनु तुराही ताप्‍शा, अबीएजेर आ मुर नेल्‍ल आन कली “आं नोले खोतीन” दे ब्रेत्‍ता बाक्‍त। न्‍यायाधीस ३:१०; न्‍यायाधीस ११:२९; न्‍यायाधीस १३:२५
JDG 6:35 मिनु मनस्‍से आ थर आन बाक्‍तीकेमी लोव़ कुरब मुर सोइक्‍ता बाक्‍त। मिनु मेको आन कली “आं नोले खोतीन” दे ब्रेत्‍ता बाक्‍त। मिनु मोपा आशेर, जबूलून नु नाप्‍ताली आन बाक्‍तीकेम यो लोव़ कुरब मुर सोइक्‍ता बाक्‍त। मिनु मेको नेल्‍ल गिदोन कली ग्रुम्‍थ जाक्‍मा बाक्‍त।
JDG 6:36 मिनु गिदोनमी परमप्रभु कली “गे देंनी बुदी आं कली इस्राएली आन कली प्रोंइब सेल्‍तीनी हना,
JDG 6:37 गो भेडा आ ऊन कली खलामी वोइक्‍नुङ। मेको खला ङा ऊन कली ला सीतमी जिश्‍शो नु एर ओंथ ङा खप चहिं मजिश्‍शो बाक्‍त हना, इन देंशो लोव़, गे इस्राएली आन कली प्रोंइचा, दे आं कली ब्रेत्‍तीनी, देंशो लोव़ थमा बाक्‍ब, दे तुइक्‍नुङ” देंमाक्‍त।
JDG 6:38 मिनु मेको आ देंशो खोदेंशोन दुम्‍माक्‍त। मेको आ सुनी बोक्‍शा मेको ऊन रे चिर‍शा, बोस का ब्‍वाक्‍कु ग्रुंइदा बाक्‍त। एर ओंथ ङा खप चहिं मजिश्‍शो बाक्‍माक्‍त।
JDG 6:39 मिनु लेंशा गिदोनमी परमप्रभु कली “गो नु मगाइक्‍तीन। मिनु आं कली चिनु लोव़ का देंचा गेन। गो इन कली लेंशा पुंइनुङ। आं कली खेयप का मेको ऊन सोव़शो नु एर ओंथ ङा खप चहिं जिप्‍पाइश्‍शा कोंइदीन” देंमाक्‍त। उत्‍पत्ती १८:३०
JDG 6:40 मिनु परमप्रभुमी मेको नाक्‍दो यो गिदोन आ देंशो खोदेंशो पवा बाक्‍त। खप ला जिम्‍माक्‍त, मेको ऊन चहिं सोव़शो बाक्‍माक्‍त।
JDG 7:1 गिदोन कली येरूब-बाल यो देंबाक्‍तेक्‍म। मिनु गिदोन नु आ मुर नेल्‍ले सुनी कना बोक्‍शा ङा मिन हारोद सहर ङा ब्‍वाक्‍कु बुक्‍तीके आ नेक्‍था ताम्‍बु कीङमे बाक्‍त। मिदयान ङा मुरपुकीमी चहिं मेको आन उत्तर गे ङा मोरेह डांडा आ नेक्‍था ङा दिंममी ताम्‍बु कीङमे बाक्‍त। न्‍यायाधीस ६:३२
JDG 7:2 मिनु परमप्रभु यावेमी गिदोन कली “गे नु बाक्‍शो मुरपुकी माल्‍शो क्‍येङा शुश बाक्‍नीम। गो मिदयान ङा मुर आन कली मोदेंशो शुश मुर आन गुइमी गेता हना, इस्राएलीपुकीमी आं कली प्रेंशा ‘गो आंमा आंइ सक्तिमी मिदयान ङा मुर आन कली ग्राशो नकी’ दे ठेयब लेत्‍नीम।
JDG 7:3 मोपतीके मुल गे मेको नेल्‍ल आन कली ‘सुइ मुर हिंशा ख्रिंख्रि पाइब बाक्‍तेक्‍म हना, मेको मुर आन खिं लेत्‍चा माल्‍नीम’ दे नेंपतो” देंमाक्‍त। मिनु २२ हजार आन खिं लेश्‍शा, १० हजार इस्राएली ला लीमा बाक्‍त। ब्‍यवस्‍था २०:८
JDG 7:4 मिनु परमप्रभु यावेमी गिदोन कली “मुल यो शुश मुर बाक्‍नीम। मोपतीके मेको आन कली उइ खोलामी लतो। मेकेर गो मुर योव़शा गेनुङ। गो इ कली ‘एको मुर लाइब’ देंती हना, ‘मेको मुर गे नु लचा माल्‍ब। एको मुर गे नु मलाइब’ देंती हना, मेको गे नु लचा मताइब” देंमाक्‍त।
JDG 7:5 मिनु गिदोनमी मुर आन कली उइ खोलामी लाइक्‍मी बाक्‍त। मिनु परमप्रभु यावेमी गिदोन कली “सु सुमी बाप्‍शा, खोला ङा ब्‍वाक्‍कु कुचुममी तुक्‍शो खोदेंशो पा लेंमी तुक्‍शा तूनीमी, मेको आन कली एर वोतो। सु सुम चहिं खोला ङा ब्‍वाक्‍कु पोक्‍च थेक्‍शा गुइम तूनीमी, मेको आन कली ओंथ वोतो” देंमाक्‍त।
JDG 7:6 मिनु कुचुम खोदेंशो पा ब्‍वाक्‍कु तुक्‍शा तूबपुकी सहे सां दुम्‍मा बाक्‍त। मिनु अरु नेल्‍लेमी पोक्‍च थेक्‍शा आन गुइमी तूङमे बाक्‍त।
JDG 7:7 मिनु परमप्रभु यावेमी गिदोन कली “एको सहे सां ब्‍वाक्‍कु तुक्‍शा तूब मुर रे पा मिदयानी आन गुइ रे प्रोंइनुङ। लीशो आन कली आंम आंम खिंमी लचा गेमी” देंमाक्‍त। १सामुएल १४:६
JDG 7:8 मिनु मुरपुकीमी मेको आन बुत लाम्‍ज नु तुराही वोइश्‍शा, मेको आन खिं गाक्‍मा बाक्‍त। गिदोनमी मेको सहे सां कली वोइक्‍मी बाक्‍त। मिदयानी आन बाक्‍तीक चहिं मेको आन क्‍येङा उइ दिंममी बाक्‍माक्‍त।
JDG 7:9 मिनु मेको नाक्‍दो परमप्रभु यावेमी गिदोन कली “बोक्‍को, मिदयानी आन बाक्‍तीके ब्रुपो। मारदे हना गो मेको आन कली इ गुइमी गेता।
JDG 7:10 तन्‍न हिंनेवे हना, इ गेय पाइब पुराह कली लाइश्‍शा ब्रुपो।
JDG 7:11 मिनु लशा, मेको आन लोव़ पशो नेनो। मेको आन लोव़ नेंनी नोले, मेको आन कली लडाइ तोचा महिंनेवे” देंमाक्‍त। मिनु मेको आ गेय पाइब पुराह नु मिदयानी आन ङोंइती ङा ताम्‍बु आ नेक्‍था ल‍माक्‍त। मेकेर लडाइ पाइबपुकी बाक्‍शो बाक्‍मा बाक्‍त।
JDG 7:12 मेको मिदयानी, अमालेकी नु पूर्ब ङा थर ङा मुर नेल्‍ल शुश सल्‍हा माले खोदेंशो पा दिंममी बाक्‍शो बाक्‍मा बाक्‍त। मेको आन दलओंठ ठेयब समुन्‍द्र ङा बाल्‍वा खोदेंशो हिक्‍ने मचाप्‍चा ङा पा शुश बाक्‍मा बाक्‍त।
JDG 7:13 मिनु गिदोन मेको आन ताम्‍बु आ नेक्‍था जाक्‍दीम्‍मेनु, मेकेर ङा मुर कामी आ वारच कली आ ङोमु शोव़ङा बाक्‍त। मेकोमी “गो आ ङोमुमी क्‍योव़ज शोब्‍ले का गुलुल पा लोक्‍सीशा, मिदयानी आन बाक्‍तीकेमी जाक्‍शा, मेको आन ताम्‍बु चिप्‍शो ताता” देंमाक्‍त।
JDG 7:14 मिनु आ वारचमी “थमा पा, मेको इस्राएली योआश आ तौ गिदोन आ तरवार बाक्‍ब। परमप्रभुमी मिदयान नु मुर नेल्‍ले आन कली मेको आ गुइमी गेप्‍तु” देंमाक्‍त।
JDG 7:15 मिनु गिदोनमी ङोमु नु मेको आ अर्थ नेंशा ङा मिन परमप्रभु यावे कली ठेयब सेला बाक्‍त। मिनु इस्राएली आन बाक्‍तीकेम लेश्‍शा “बोक्‍कीन, परमप्रभु यावेमी मिदयानी नेल्‍ल आन कली इन गुइमी गेप्‍तु” देंमाक्‍त।
JDG 7:16 मिनु मेको सहे सां मुर आन कली, हुल सांमी योक्‍गा बाक्‍त। मिनु नेल्‍ल आन कली का का पा तुराही नु आगा रांको वोइश्‍शो शेत्‍थ गर का का गेमी बाक्‍त।
JDG 7:17 मिनु “आं कली कोव़ङीन। आं खोदेंशो पने। गो मेको आन ताम्‍बु आ नेक्‍था जाक्‍दीशा, मार मार पाइनुङा, गे यो मोदेंशो पने।
JDG 7:18 मिनु गो नु बाक्‍ब हुलमी गेना तुराही ताप्‍नीमी, मेना गे यो आन बाक्‍तीक एर ओंथ इन तुराही ताप्‍शा ‘परमप्रभु यावे कली नु गिदोन कली’ दे ठेयब सेंदा पा ग्रीङीन” देंमाक्‍त।
JDG 7:19 गिदोन नु मेको नु बाक्‍ब सहे का मुरपुकी क्‍येर नाक्‍दोमी मिदयान ङा मुर आन बाक्‍तीक आ नेक्‍था जाक्‍दीम्‍मा बाक्‍त। मेको आन खाल पाइब नक फांइसीशो बाक्‍मा बाक्‍त। मिनु गिदोन आ मुरपुकीमी तुराही ताप्‍शा, आन गुइमी कुरशो शेत्‍थ गर प्रोल्‍मे बाक्‍त।
JDG 7:20 मोपा मेको हुल सांमीन तुराही ताप्‍शा, आन कुरशो गर प्रोल्‍मे बाक्‍त। आन पेरा गुइमी रांको नु ग्‍युरा गुइमी तुराही कुरशा “परमप्रभु यावे कली तरवार का नु गिदोन कली तरवार का” दे ग्रीमा बाक्‍त।
JDG 7:21 मिनु गिदोन आ मुर नेल्‍ल मेको आन बाक्‍तीक एर ओंथ राप्‍शा बाक्‍मा बाक्‍त। मिदयान ङा लडाइ पाइबपुकी चहिं नेल्‍ल वाइ ब्रेश्‍शा प्रोक्‍मा बाक्‍त।
JDG 7:22 मिनु मेको सहे सां मुरुमी तुराही ताप्‍मेनु, परमप्रभु यावेमी मेको मिदयान ङा मुर आन दातेमी साइक्‍मुपाइक्‍मी बाक्‍त। मिनु मिदयान ङा लडाइ पाइबपुकी सेरेराह गे बेथ-शित्‍ता सम्‍म प्रोक्‍मा बाक्‍त। मेको आबेल-मेहोलाह आ सांद तब्‍बाथ सहर आ नेक्‍था सम्‍म प्रोक्‍मा बाक्‍त। भजन संग्रह ८३:१०; यसैया ९:३; यसैया १०:२६
JDG 7:23 मिनु गिदोनमी नाप्‍ताली आ थर, आशेर आ थर नु मनस्‍से आ थर ङा मुर आन कली ब्रेश्‍शा, मिदयान ङा मुर आन कली खेदा पपदा बाक्‍त।
JDG 7:24 मिनु गिदोनमी एफ्राइम ङा पहाडी रागीम बाक्‍ब मुर आन कली लोव़ सोइक्‍ता बाक्‍त। मार लोव़ सोइक्‍ता बाक्‍त, देंशा हना “उइ ब्रुप्‍शा, मिदयानी आन कली सतीन। बेथ-बाराह सम्‍म यर्दन ङा लांमी प्रोक्‍चा मगेन” दे लोव़ सोइक्‍ता बाक्‍त। मिनु मेको ब्रेश्‍शो एफ्राइम आ थर ङा मुरपुकीमी बेथ-बरा ङा ब्‍वाक्‍कु रे यर्दन ङा शोक्‍तीक सम्‍म ङा लां तेक्‍गमे बाक्‍त।
JDG 7:25 मेकोपुकीमी मेको मिदयानी आन कली खेदा पस ङा पस पा आन कप्‍तान निक्‍शी ओरेब नु जेयब कली ग्‍याइक्‍तमे बाक्‍त। मिनु मेकोपुकीमी ओरेब कली ओरेब आ फुल्‍लु तारी नु जेयब कली आ अङगुर ख्राक्‍तीक कोलमी सदमे बाक्‍त। मिनु नोले मेकोपुकीमी ओरेब नु जेयब आस पिया क्‍योरशा, यर्दन आइक्‍ची हांम गिदोन आ बाक्‍तीकेम चाक्‍गमे बाक्‍त।
JDG 8:1 मिनु एफ्राइम आ थर ङा मुरपुकीमी गिदोन कली “मारदे आंइ कली ओदेंशो पाइनीनी? मिदयान ङा मुरपुकी नु लडाइ पथ लनीनु, मारदे आंइ कली मब्रेन्‍नी?” देंमा बाक्‍त। मिनु गिदोन कली शुश दोस गेशा जिचा तोव़मे बाक्‍त।
JDG 8:2 मिनु गिदोनमी “गो मार पङा ङा? गे आं क्‍येङा ठेयब गेय पाइतीनी। मार, अबीएजेर आ मुरपुकीम मिदयान ङा मुर नेल्‍ल आन कली प्रोक्‍पाइक्‍चा क्‍येङा एफ्राइम आ थर ङा मुरपुकीमी मेको आन कली साइक्‍चा ठेयब मबाक्‍बा ङा?
JDG 8:3 परमप्रभुमी मिदयान ङा कप्‍तान ओरेब नु जेयब आस कली इन गुइमी गेशो बाक्‍ब। गेपुकीमी पशो खोदेंशो गो पङा ङा?” देंमाक्‍त। मिनु आ लोव़ नेंशा आन गाइश्‍शो नांइसे बाक्‍त।
JDG 8:4 मिनु गिदोन यर्दन खोला जाक्‍शा, शोक्‍से बाक्‍त। मिनु गिदोन नु मेको नु बाक्‍शो सहे सां मुरपुकी मिदयान ङा मुर आन कली खेदा पा दशा योलक योलुक दुम्‍शा शोव़लु बेक्‍शो बाक्‍मा बाक्‍त।
JDG 8:5 मिनु गिदोनमी सुक्‍कोथ ङा मुर आन कली “आं मुर आन कली इच्‍का शोब्‍ले गेन। मारदे हना एकोपुकी दशा, शोव़लु बेक्‍शो बाक्‍नीम। मिनु गो मिदयान ङा पिप जेबाह नु साल्‍मुन्‍ना आस कली खेदा पना पन बाक्‍नुङ” दे पुना बाक्‍त। उत्‍पत्ती ३३:१७
JDG 8:6 तन्‍न सुक्‍कोथ ङा ठेयब मुरपुकीमी “मार, जेबाह नु साल्‍मुन्‍ना आस कली गे ग्‍याइक्‍ने थुमी ङा? इ लडाइ पाइब आन कली मारदे शोब्‍ले गेनीकी?” दे लोव़ लेत्‍मे बाक्‍त।
JDG 8:7 मिनु गिदोनमी “परमप्रभु यावेमी जेबाह नु साल्‍मुन्‍ना आस कली आं गुइमी गेप्‍तु हना, गो गोरशो रागी ङा चोंक चूमी युक्‍नन्‍नी” देंमाक्‍त।
JDG 8:8 मिनु पेनुएल सहरमी लमाक्‍त। मिनु मेकेर ङा मुर आन कली खाल का ङा लोव़ पवा बाक्‍त। मिनु मेकेर ङा मुरपुकीमी यो सुक्‍कोथ ङा मुरपुकीमी खोदेंशो पा लोव़ लेत्‍मे बाक्‍त।
JDG 8:9 मिनु पेनुएल ङा मुर आन कली “गो रिम्‍शो पा लेङङा नोले, गो मेको इन लाइश्‍शो खिं प्रेश्‍शा गेनन्‍नी” देंमाक्‍त।
JDG 8:10 मिनु जेबाह नु साल्‍मुन्‍ना १५ हजार लडाइ पाइब नु कारकोर सहरमी बाक्‍सा बाक्‍त। पूर्ब ङा लडाइ पाइब आन लीशो में मोशोन बाक्‍मा बाक्‍त। लाख का २० हजार लडाइ पाइब चहिं साइक्‍चा पुंइसमा बाक्‍त।
JDG 8:11 मिनु गिदोन नोबाह नु योग-बेहा आ पूर्बम बाक्‍शो ग्‍याप्‍ब लेयब आन गाक्‍तीक लां लशा, जेबाह नु साल्‍मुन्‍ना आस लडाइ पाइबपुकीमी लडाइ आ पर्बम मारेइ ममिम्‍थु बाक्‍मानु, गिदोनमी लडाइ तोवा बाक्‍त।
JDG 8:12 मिनु जेबाह नु साल्‍मुन्‍ना चहिं मेक रे प्रोक्‍सा बाक्‍त। गिदोनमी मेको मिदयानी पिप आस कली खेदा पा ग्‍याइक्‍ता बाक्‍त। मोपतीके मेको आन लडाइ पाइब नेल्‍ले वाम ग्‍याम दुम्‍मा बाक्‍त।
JDG 8:13 मिनु योआश आ तौ गिदोन लडाइ रे हेरेस इर गे लतीक लां रे लेम्‍माक्‍त।
JDG 8:14 मिनु सुक्‍कोथ ङा ठिटा का कली ग्‍याइश्‍शा, मेको कली “सुक्‍कोथ ङा ठेयब मुर नु खाल्‍पापुकी, सु सु बाक्‍नीमी?” दे हिल्‍लो पवा बाक्‍त। मिनु मेको ठिटामी सुक्‍कोथ ङा ७० जना ठेयब मुर नु खाल्‍पा आन नें ब्रेक्‍शा गेवा बाक्‍त।
JDG 8:15 मिनु नोले गिदोन सुक्‍कोथ सहरम जाक्‍शा, मेकेर ङा मुर आन कली “जेबाह नु साल्‍मुन्‍ना एकेर बाक्‍नीस। मेको आस पर्बम गेपुकीमी आं कली ‘मार, जेबाह नु साल्‍मुन्‍ना आस कली ग्‍याइक्‍ने थुमी ङा? इ लडाइ पाइब आन कली गो मारदे शोब्‍ले गेनीकी ङा?’ दे शुक्‍शी पाइतीनी” देंमाक्‍त।
JDG 8:16 मिनु सुक्‍कोथ सहर ङा ठेयब मुर नु खाल्‍पा आन कली लाइश्‍शा, गोरशो रागी ङा चोंक चूम युक्‍मी बाक्‍त।
JDG 8:17 पेनुएल सहरम बाक्‍शो लाइश्‍शो खिं कली प्रेश्‍शा, मेकेर ङा वोंइश मुर आन कली साइक्‍मी बाक्‍त।
JDG 8:18 मिनु गिदोनमी जेबाह नु साल्‍मुन्‍ना आस कली “गे निक्‍शीमी ताबोरमी साइश्‍शो मुर दोदेंशो बाक्‍मा?” दे हिल्‍लो पाम्‍सी बाक्‍त। मिनु “इन खोदेंशो बाक्‍तेक्‍म। पिप आ तौ खोदेंशो बाक्‍मा बाक्‍त” दे लोव़ लेत्‍मे बाक्‍त।
JDG 8:19 मिनु गिदोनमी “मेकोपुकी आं लोक्‍बपुकी बाक्‍तेक्‍म। आं आम आ तौपुकी बाक्‍तेक्‍म। मिनु मेको आन कली मसाइक्‍नी हना, परमप्रभु यावे ब्रोंइशा, बाक्‍शो खोदेंशो पा, गो थमा पा, इस कली ब्रोंइचा गेङ वा” दे माइक्‍सी बाक्‍त। गन्‍ती ३५:३१
JDG 8:20 मिनु आ जेठा तौ, येथेर कली “बोक्‍शा, एको आस कली सांइ‍सी” देंमाक्‍त। तन्‍न आ तौ आल बाक्‍तीके हिंशा, आ तरवार मशोदा बाक्‍त।
JDG 8:21 मिनु जेबाह नु साल्‍मुन्‍नामी “आंमान बोक्‍शा, आंस कली सतीन। मारदे हना गे नु वोंइश मुर आ बोल बाक्‍ब” देंसा बाक्‍त। मिनु गिदोन बोक्‍शा, मेको निक्‍शी आस कली सांइ‍सी बाक्‍त। मिनु मेको आस दलओंठ आ शुरमी बाक्‍शो शुश क्‍येट लाइब गहनापुकी प्रुइश्‍शा लदा बाक्‍त।
JDG 8:22 मिनु इस्राएलीपुकीमी गिदोन कली “गो आंइ कली मिदयानी रे पा प्रोंइतीनी। मुल आंइ कली हुकुम पाइब दुमीन। मिनु इन तौ नु इन चच नेल्‍ल आंइ सासन पाइब दुम्‍मल” देंमा बाक्‍त।
JDG 8:23 मिनु गिदोनमी “गो नु आं तौ ममाइ, तन्‍न परमप्रभु यावेमी इन कली हुकुम पाइब” देंमाक्‍त।
JDG 8:24 मेकोमी “गो इन कली थोव़क का पुंइनुङ, मार पुंइनुङ देंशा हना, गेपुकीमी का का पा इन रोइश्‍शो रे पा नोफाम पांइतीक का का आं कली गेने” देंमाक्‍त। मारदे हना मेको आन जोरी सत्रु इश्‍माएली बाक्‍मा बाक्‍त। मेकोपुकीमी सुन के नोफाम पांइतीक पाइबाक्‍मा बाक्‍त।
JDG 8:25 मिनु मेकोपुकीमी “दुम्‍ब, गो मेको इन कली गेनीकी” देंमा बाक्‍त। मिनु वा का ब्रामे बाक्‍त। मिनु नेल्‍लेमी आंम के रोइश्‍शो सुन मेकेर वोदमे बाक्‍त।
JDG 8:26 मिनु अरु शुश क्‍येट लाइक्‍ब माला नु आन दलओंठ आ शुरम रेल्‍शो सुन के माला, पिप आन फेक्‍तीक वा मनाक्‍थु, मेकोमी पुंइशो सुन हजार का ७ सहे शेकेल दुम्‍माक्‍‍त। शेकेल का ११.५ ग्राम खोदेंशो बाक्‍ब। गन्‍ती ३१:५०
JDG 8:27 मिनु गिदोनमी मेको सुन रे पा निसाफ पतीक ऊरीम नु थुम्‍मीम बाक्‍शो झोला का सेल्‍शा, मेको कली आ सहर ओफ्रामी वोदा बाक्‍त। मिनु इस्राएली नेल्‍लेमी मेको कली ठेयब सेल्‍शा, आंम कली दूली पाइब सेल्‍मे बाक्‍त। मेको गिदोन नु आ खिं ङा मुर आन कली यो हेंथे पपाइक्‍चा कली बाक्‍माक्‍त। न्‍यायाधीस १७:५;
JDG 8:28 मोपा मिदयान ङा मुरपुकी इस्राएली आन गुइमी दुम्‍शा, मेकोपुकीमी लेंशा लडाइ मपामे बाक्‍त। मिनु गिदोन बाक्‍म सम्‍म इस्राएल रागी ४० बर्स सम्‍म लडाइ रे नांइसे बाक्‍त। न्‍यायाधीस ३:११; न्‍यायाधीस ५:३१
JDG 8:29 मिनु नोले योआश आ तौ येरूब-बाल आ खिं लशा, बाक्‍शो बाक्‍माक्‍त।
JDG 8:30 गिदोन आ तौ ७० जना बाक्‍मा बाक्‍त। मारदे हना मेको आ मीश शुश बाक्‍मा बाक्‍त।
JDG 8:31 मेको आ कान्‍छी मीश शेकेम सहरमी बाक्‍माक्‍त। मेकोमी यो तौ का थिमाक्‍त। गिदोनमी आ तौ आ नें अबीमेलेक वोदा बाक्‍त।
JDG 8:32 मिनु योआश आ तौ गिदोन शुश खूशो दुम्‍शा बेक्‍माक्‍‍त। मेको कली आ आफ अबीएजेर आ तुरस ओफ्रा सहरमी थिम्‍मे बाक्‍त। न्‍यायाधीस ६:११
JDG 8:33 गिदोन बेक्‍म नोले इस्राएलीपुकीमी लें‍शा बाल देवता कली ठेयब सेल्‍मे बाक्‍त। मेकोपुकीमी बाल-बेरीत कली आंम देवता सेल्‍मे बाक्‍त। न्‍यायाधीस २:११; न्‍यायाधीस ९:४
JDG 8:34 मिनु मेको आन कली एर ओंथ ङा जोरी सत्रु रे प्रोंइब परमप्रभु यावे, आन परमप्रभु कली प्रेंद‍मे बाक्‍त।
JDG 8:35 येरूब-बाल माइश्‍शो गिदोन आ पशो रिम्‍शो गेय प्रेंशा, मेको आन खिं ङा मुर आन कली ममिम्‍थु, आइक्‍च सेल्‍मे बाक्‍त। न्‍यायाधीस ९:५,९,२४
JDG 9:1 येरूब-बाल आ तौ अबीमेलेक आ ममा आ खिं ङा मुर आन बाक्‍तीक शेकेम सहरमी लमाक्‍त। मेकोमी आ मामा आन खिं ङा मुर मौली नेल्‍ल आन कली न्‍यायाधीस ८:३१
JDG 9:2 “शेकेम सहर ङा मुर नेल्‍ल कली लोव़ का हिल्‍लो पन। मार लोव़ हिल्‍लो पन देंशा हना ‘येरूब-बाल आ ७० जना तौ नेल्‍लेमी इन कली सासन पशो रिम्‍शो दय गोम इन कली सासन पशो रिम्‍शो?’ गो इन हुश बाक्‍नुङ, दे मिम्‍तीन” देंमाक्‍त। न्‍यायाधीस ९:१८
JDG 9:3 मिनु आ मामापुकीमी मेको शेकेम ङा मुर आन कली मेको लोव़ शोव़ङमे बाक्‍त। मिनु मुर नेल्‍लेमी “मेको आंइ लोक्‍ब बाक्‍ब” दे अबीमेलेक आ नोले खोइक्‍चा थुं पामे बाक्‍त।
JDG 9:4 मिनु मेकोपुकीमी अबीमेलेक कली बाल-बेरीत आ मन्‍दीर रे पा ७० शेकेल चांदी के क्‍येट गेमे बाक्‍त। मिनु मेकोमी मेको क्‍येट लाइश्‍शा, मरिम्‍शो पाइब मुर आन कली गेवा बाक्‍त। मिनु मेकोपुकी मेको आ नोले खोदमे बाक्‍त। न्‍यायाधीस ८:३३
JDG 9:5 मिनु मेको नेल्‍ल आ आफ आ खिं ओफ्रामी लमा बाक्‍त। मेकेर येरूब-बाल आ तौ नेल्‍ल आन कली फुल्‍लु का तारी क्‍योरशा सदमे बाक्‍त। तन्‍न येरूब-बाल आ कान्‍छा तौ योथाम ख्रुइश्‍शा ब्रोंइमाक्‍त।
JDG 9:6 मिनु शेकेम नु बेथ-मिल्‍लो ङा ठेयब मुर नेल्‍ल खुम्‍सीशा, शेकेममी बाक्‍शो ठेयब थाम आ नेक्‍था बाक्‍शो ठेयब रवा आ पुंमी अबीमेलेक कली पिप सेल्‍मे बाक्‍त। उत्‍पत्ती ३५:४; यहोसु २४:२६
JDG 9:7 मिनु ठेयब मुरपुकीमी मेको लोव़ योथाम कली नेंपदमे बाक्‍त। मेको लशा गेरीजीम डांडामी राम्‍माक्‍त। मिनु ठेयब सेंदामी “शेकेम सहरम बाक्‍ब ठेयब मुर नेल्‍ल, गे आं लोव़ नेंतीनी हना, परमप्रभुमी इन लोव़ नेंब।
JDG 9:8 काबु रवा नेल्‍ल खुम्‍सीशा, आंम कली पिप सेल्चा, दे लोव़ पमुमा बाक्‍त। मिनु मेकोपुकीमी तेल रवा कली ‘आंइ पिप दुमीन’ देंमा बाक्‍त।
JDG 9:9 तन्‍न तेल रवामी ‘मार, देवी देवता नु मुर आन कली ठेयब सेल्‍पाइक्‍ब आंम के रिम्‍शो तेल सेल्‍चा प्रोंइशा, गो रवा आन कली सासन पाइनुङा?’ देंमाक्‍त।
JDG 9:10 मिनु रवापुकीमी फोव़शी रवा कली ‘गे आंइ पिप दुमीन’ देंमा बाक्‍त।
JDG 9:11 मिनु फोव़शी रवामी ‘मार, आंम के रिम्‍शो जिज नु ब्रोव़शो फल सेल्‍चा प्रोंइशा, गो रवा आन कली सासन पाइनुङा?’ देंमाक्‍त।
JDG 9:12 मिनु रवापुकीमी अङगुर बोट कली ‘गे आंइ पिप दुमीन’ देंमा बाक्‍त।
JDG 9:13 मिनु अङगुर बोटमी ‘मार, देवी देवता नु मुर आन कली ग्‍येरपाइक्‍ब आं के अङगुर शांबु सेल्‍चा प्रोंइशा, गो रवा आन कली सासन पाइनुङा?’ देंमाक्‍त।
JDG 9:14 मिनु नोले रवापुकीमी चू रवा कली ‘गे आंइ पिप दुमीन’ देंमा बाक्‍त। २राजा १४:९
JDG 9:15 मिनु चू रवामी ‘गेपुकीमी थमा पा, आं कली इन पिप सेल्‍चा दाक्‍नीनी हना, आं नेक्‍था जाक्‍शा, आं पुंम बाक्‍कीन। मबाक्‍तीनी हना, चू रवा रे पा मी ग्रूशा लेबानोन ङा ठेयब रवा नेल्‍ल आन कली खतम सेल्‍ब’ देंमाक्‍त” दे कथा सेल्‍शा ठेयब सेंदा पा देंमाक्‍त।
JDG 9:16 मिनु योथाममी “मुल नेनीन, गे अबीमेलेक कली थमा सुइश्‍शा नु रिम्‍शो थुंमी पिप सेल्‍तीनी हना, दुम्‍ब। मिनु येरूब-बाल नु आ खिं ङा मुरुम इन कली रिम्‍शो पशो खोदेंशो पा, गेमी यो मेको आन कली रिम्‍शो पाइतीनी हना, दुम्‍ब।
JDG 9:17 आं आफोमी बेक्‍नुङ, दे महिंथु, लडाइ पा इं कली मिदयानी रे पा प्रोंइतु।
JDG 9:18 तन्‍न मुलाक्‍त आं आफ आ खिं ङा मुर आन कली थम मरिम्‍शो पाइतीनी। मेको आ ७० जना तौ आन कली फुल्‍लु तारी क्‍योरशा साइक्‍तीनी। मेको आ वाइलीम आ तौ अबीमेलेक कली शेकेम ङा पिप सेल्‍तीनी। मारदे हना मेको इन लोक्‍ब बाक्‍ब।
JDG 9:19 मिनु मुलाक्‍त गेपुकीमी येरूब-बाल नु आ खिं ङा मुर आन कली रिम्‍शो पा मान पशो बाक्‍तीनी हना, गे अबीमेलेक नु ग्‍येरसीन। मिनु अबीमेलेक यो गेपुकी नु ग्‍येरसेक्‍ल।
JDG 9:20 तन्‍न मोदेंशो मदुम्‍त हना, अबीमेलेक रे मी ग्रूशा, शेकेम नु बेथ-मिल्‍लो ङा मुर आन कली खतम पोक्‍गल। मिनु शेकेम नु बेथ-मिल्‍लो ङा मुर रे मी ग्रूशा अबीमेलेक कली खतम पोक्‍गल” देंमाक्‍त। न्‍यायाधीस ९:५७
JDG 9:21 मिनु योथाम मेकेर रे प्रोक्‍शा, बेयर माइश्‍शो सहरमी जाक्‍दीम्‍माक्‍त। मिनु मेको आ लोक्‍ब अबीमेलेक तशा हिंशा, मेकेरेन बाक्‍माक्‍त।
JDG 9:22 अबीमेलेकमी इस्राएली आन कली बर्स सां सासन पवा बाक्‍त।
JDG 9:23 मेना परमप्रभुमी अबीमेलेक नु शेकेम ङा ठेयब मुर आन दातेमी जिपाइक्‍चा कली मरिम्‍शो जि‍पाइक्‍ब वोल का सोइक्‍ता बाक्‍त। मिनु शेकेम ङा ठेयब मुरपुकीमी मेको कली जोल पा मरिम्‍शो पामे बाक्‍त। १सामुएल १६:१४; १सामुएल १८:१०; १सामुएल १९:९
JDG 9:24 मिनु परमप्रभुमी येरूब-बाल आ ७० जना तौ आन कली हुश ख्राक्‍श पोक्‍तीके, अबीमेलेक नु मेको कली वारच पाइब शेकेम ङा ठेयब मुर आन कली क्‍येक्‍क लेत्‍चा कली मोदेंशो जिप्‍पाइक्‍ब वोल का सोइश्‍‍शो बाक्माक्‍त। उत्‍पत्ती ९:६
JDG 9:25 मिनु शेकेम ङा ठेयब मुरपुकीमी अबीमेलेक कली काइ मदाक्‍थु, साइक्चा, दे डांडाम बाप्‍चा कली मुर सोइक्‍तमे बाक्‍त। मेकोपुकीमी लांम गाक्‍ब आन मारेइ मारेइ रोइक्‍तमे बाक्‍त। मिनु लांम बाप्‍शो बाक्‍नीम, दे अबीमेलेक कली तुइक्‍पदमे बाक्‍त।
JDG 9:26 मिनु एबेद आ तौ गाल नु आ खिं खिं ङा मुर शेकेममी बाक्‍चा कली जाक्‍मा बाक्‍त। मिनु शेकेम ङा ठेयब मुरपुकीमी गाल कली थमा सुइश्‍शा, दाक्‍चा गोव़मे बाक्‍त।
JDG 9:27 शेकेम ङा मुर आन अङगुर रूमी लशा, अङगुर सेक्‍शा कोलमी ख्राक्‍गमे बाक्‍त। मिनु आन देवता आ मन्‍दीरमी चाड मानेचा कली लमा बाक्‍त। मिनु मेकेर जशा तूशा अबीमेलेक आ पर्बम शुक्‍शी लोव़ पामे बाक्‍त।
JDG 9:28 मिनु एबेद आ तौ गालमी “अबीमेलेक सु बाक्‍बा ङा? मार, मेको येरूब-बाल आ तौ ममाइ ङा? मेको नु आ लडाइ पाइब आन कप्‍तान जेबुलमी शेकेम आ आफ हमोर आ मुर आन कली गेय मपामे? गो शेकेम ङा मुर, मारदे मेको कली गेय पाइनीकी? उत्‍पत्ती ३४:२
JDG 9:29 गो शेकेम ङा मुर आन कली सासन पाइब बाक्‍शो नङ हना, गो अबीमेलेक कली क्‍याम्‍दु वा। गो मेको कली ‘लडाइ पाइब शुश सेल्‍शा, लडाइ पय’ देङ वा” देंमाक्‍त।
JDG 9:30 मिनु सहर ङा सासन पाइब जेबुलमी एबेद आ तौ गाल आ देंशो नेंशा, शुश गाइक्‍ता बाक्‍त।
JDG 9:31 मिनु मेकोमी ख्रुइश्‍शोमी अबीमेलेक कली लोव़ सोइक्‍ता बाक्‍त। मार लोव़ सोइक्‍ता बाक्‍त देंशा हना “एबेद आ तौ गाल नु आ खिं खिं ङा मुर शेकेममी जाक्‍शा बाक्‍शा, सहर ङा मुर आन कली इन पर्बम मरिम्‍शो लोव़ पना पन बाक्‍नीम।
JDG 9:32 मोपतीके गे इन लडाइ पाइब नु नाक्‍दोन बोक्‍शा, सहर ङा लाङगा ङा रूमी रिम्‍दीन।
JDG 9:33 मिनु सुनी कना नां दाप्‍ची ना सहर कली लडाइ तोन। मिनु गाल नु आ मुरपुकी लाङगा ग्रूमानु, मेको आन कली मार पचा माल्‍नीनी, मेको पन” देंमाक्‍त।
JDG 9:34 मिनु अबीमेलेक नु आ लडाइ पाइब नाक्‍दोन बोक्‍शा, ४ हुल दुम्‍शा, शेकेम आ लाङगाम लडाइ तोचा कली बाप्‍शा बाक्‍मा बाक्‍त।
JDG 9:35 मिनु एबेद आ तौ गाल सहर ङा लाङगा लशा, सहर ङा ओव़तीक लाप्‍चोमी राप्‍शा बाक्‍माक्‍त। मिनु अबीमेलेक नु आ लडाइ पाइब आन बाप्‍तीक रे ग्रूमा बाक्‍त।
JDG 9:36 मिनु गालमी मेको आन कली तशा, जेबुल कली “मुरपुकी डांडा रे ब्रुम्‍ना ब्रुम्‍न बाक्‍नीम” देंमाक्‍त। मिनु जेबुलमी “मेको मुर ममाइ, डांडा आ वांकु बाक्‍ब। मेको मुर खोदेंशो तांइसीनीम” दे लोव़ लेत्‍ता बाक्‍त।
JDG 9:37 मिनु लेंशा गालमी “कोव़ङीन, मुरपुकी रागी आ दाते रे ब्रुम्‍ना ब्रुम्‍न बाक्‍नीम। मुर आ हुल का चहिं चिङगा कोंइतीक रवा रे यिना यिन बाक्‍नीम” देंमाक्‍त। इजीकीएल ३८:१२
JDG 9:38 मिनु जेबुलमी “इ ङोंइती ङा ठेयब लेश्‍शो लोव़, ते लाक्‍गा? गे ‘अबीमेलेक सु बाक्‍बा? गो मारदे मेको कली गेय पाइनीकी?’ देंशो नवे। इ मदाक्‍शो मुर मेको मनमी ङा? मुल लावो। मेकोपुकी नु लडाइ पावो” देंमाक्‍त।
JDG 9:39 मोपतीके गालमी शेकेम ङा ठेयब मुर आन ङोंइती लशा, अबीमेलेक नु लडाइ पवा बाक्‍त।
JDG 9:40 तन्‍न अबीमेलेकमी मेको लडाइ ग्रामाक्‍त। गाल चहिं प्रोक्‍माक्‍त। मिनु शुश मुर साइक्‍चा पुंइसमा बाक्‍त। सहर ङा ठेयब लाप्‍चो सम्‍म शुश मुर शोल्‍मो पा बेक्‍शो बाक्‍मा बाक्‍त।
JDG 9:41 मिनु अबीमेलेक लशा, अरुमाह माइक्‍तीक सहरम बाक्‍माक्‍त। जेबुलमी चहिं गाल नु आ खिं खिं ङा मुर आन कली शेकेम रे खेरमी बाक्‍त।
JDG 9:42 आ दीसा शेकेम ङा मुरपुकी लाङगा रूमी लमा बाक्‍त। मिनु मुरपुकीमी मेको लोव़ अबीमेलेक कली नेंपदमे बाक्‍त।
JDG 9:43 मोपतीके आ लडाइ पाइब आन कली हुल सां पा योक्‍शा, सहर मेर ङा रूमी बाप्‍शा, बाक्‍पदा बाक्‍त। मिनु मुरपुकी सहर रे ग्रूशा पिशो तशा, मेको आन कली साइक्‍मी बाक्‍त।
JDG 9:44 अबीमेलेक नु आ हुल रीब पा ङोंइती बारमा बाक्‍त। मिनु सहर ओव़तीक ठेयब लाप्‍चोमी लडाइ पचा सासमा बाक्‍त। अरु हुल निक्‍शी चहिं पिशा, रूमी बाक्‍शोपुकी नु लडाइ पा मेको आन कली सदमे बाक्‍त।
JDG 9:45 अबीमेलेकमी सुनी रे नाक्‍दो सम्‍म लडाइ पा, मेको सहर कली आंम के सेला बाक्‍त। मेकेर ङा मुर नेल्‍ल आन कली साइक्‍मी बाक्‍त। मिनु सहर खतम पोक्‍शा, हिक्‍सी फ्रवा बाक्‍त।
JDG 9:46 मिनु शेकेम ङा बोल्‍यो दरवार ङा ठेयब मुरपुकीमी सहर खतम दुम्‍शो नेंशा, मेकोपुकी एल-बेरीत देवता आ बोल्‍यो खिं आगा लमा बाक्‍त। न्‍यायाधीस ८:३३
JDG 9:47 मिनु मुरपुकीमी “शेकेम ङा बोल्‍यो दरवार ङा मुर नेल्‍ल बुक्‍शा बाक्‍नीम” दे अबीमेलेक कली नेंपदमे बाक्‍त।
JDG 9:48 मिनु अबीमेलेक नु आ लडाइ पाइब सल्‍मोन डांडामी लमा बाक्‍त। मेकोमी खा लाइश्‍शा, शाक्‍श क्‍योरशा, बालाम लाप्‍शा कुरा बाक्‍त। आ लडाइ पाइब आन कली “गे आं कली मार पशो तनी, रीब पा मोदेंशो पन” देंमाक्‍त।
JDG 9:49 मोपा लडाइ पाइब नेल्‍लेमी मोदेंशो पा शाक्‍श क्‍योरशा, यित्‍मे बाक्‍त। मिनु अबीमेलेक आ नोले खोदमे बाक्‍त। मेको शाक्‍श लाइश्‍शा, एल-बेरीत आ बोल्‍यो खिंम तेल्‍शा, मी सुइक्‍तमे बाक्‍त। मिनु शेकेम ङा बोल्‍यो दरवारम बाक्‍ब नेल्‍ल बेक्‍मा बाक्‍त। मेकेर हजार का खोदेंशो वोंइश मुर नु मीश मुर बाक्‍शो बाक्‍मा बाक्‍त।
JDG 9:50 मिनु मेकेर रे अबीमेलेक थेबेस गे लमाक्‍त। मिनु मेको थेबेस सहर कली लडाइ पा आंम के सेला बाक्‍त।
JDG 9:51 मेको सहर आ दातेमी बोल्‍यो दरवार का बाक्‍माक्‍त। मिनु सहर ङा मुर नेल्‍ले, वोंइश मुर नु मीश मुरपुकी मेकेर ख्रुइश्‍शा, आन नोले लाप्‍चो चोक्‍शा, नेल्‍ल क्‍येङा तला तारी कौसीमी ङोइश्‍शा बाक्‍मा बाक्‍त।
JDG 9:52 मिनु अबीमेलेक मेको बोल्‍यो दरवार आ नेक्‍था जाक्‍शा, लडाइ तोवा बाक्‍त। मिनु बोल्‍यो दरवार कली मी सुइक्‍चा, दे दरवार ङा लाप्‍चो आ नेक्‍था जाक्‍दीम्‍माक्‍त।
JDG 9:53 मेना मीश मुर कामी तला ङा यात तोक्‍शा, मेको आ पिया प्रोल्‍शा गेवा बाक्‍त।
JDG 9:54 मिनु अबीमेलेकमी रीब पा आ या कुरब कली ब्रेश्‍शा “मुरपुकीमी ‘मीश मुर कामी मेको कली साइक्‍तु’ दे मदेंमल, दे रीब पा इ तरवार शोइश्‍शा, साइय्‍यी” दे मदा बाक्‍त। मिनु आ या कुरबमी तूदानु, अबीमेलेक बेक्‍माक्‍त। १सामुएल ३१:४; २सामुएल ११:२१
JDG 9:55 मिनु इस्राएल ङा मुरपुकीमी अबीमेलेक बेक्‍शो तशा, नेल्‍ल आंम आंम खिं गे लेम्‍मा बाक्‍त।
JDG 9:56 मोपा परमप्रभुमी अबीमेलेक आ आफ कली पशो पाप, आ ७० जना लोक्‍ब आन कली साइश्‍शो आ क्‍येक्‍क लेत्‍ता बाक्‍त।
JDG 9:57 मिनु परमप्रभुमी शेकेम ङा मुर आन मरिम्‍शो पशो आ पर्बम क्‍येक्‍क लेत्‍ता बाक्‍त। मेकोपुकीमी येरूब-बाल आ तौ योथाम आ सराप रमा बाक्‍त। न्‍यायाधीस ९:२०
JDG 10:1 अबीमेलेक आ नोले इस्‍साकार आ थर ङा, पुआ आ तौ दोदो आ चच तोला माइश्‍शो मुर इस्राएली आन कली प्रोंइचा कली जाक्‍माक्‍त। मेको एफ्राइम ङा पहाडी रागी शामीरमी बाक्‍शो बाक्‍माक्‍त। उत्‍पत्ती ४६:१३; गन्‍ती २६:२३
JDG 10:2 तोलाम २३ बर्स सम्‍म इस्राएली आन कली निसाफ पशो बाक्‍माक्‍त मिनु नोले बेक्‍माक्‍त। मिनु मुरपुकीमी मेको कली शामीरमी थिम्‍मे बाक्‍त।
JDG 10:3 तोला आ नोले गिलाद ङा मुर याइरम २२ बर्स सम्‍म इस्राएली आन कली निसाफ पशो बाक्‍माक्‍त। गन्‍ती ३२:४१
JDG 10:4 मेको आ तौ ३० जना बाक्‍मा बाक्‍त। मेकोपुकी ३० ओटा गधाम ङोइक्‍बाक्‍मा बाक्‍त। मिनु गिलाद ङा ३० ओटा सहर मेको आन के बाक्‍माक्‍‍त। मुल सम्‍म मेको सहर आन नें हव्‍वोथ-याइर देंनीम। मेको गिलाद रागीम बाक्‍नीम। ब्‍यवस्‍था ३:१४
JDG 10:5 मिनु नोले याइर बेक्‍माक्‍त। मिनु मुरपुकीमी मेको कली कामोनमी थिम्‍मे बाक्‍त।
JDG 10:6 मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी बाल, अश्‍तारोथ नु देवी देवता आन कली ठेयब सेल्‍मे बाक्‍त। मिनु अराम, सीदोन, मोआब नु अम्‍मोनी नु पलिस्‍ती आन देवी देवता कली यो ठेयब सेल्‍मे बाक्‍त। मोपा परमप्रभु यावे कली प्रोंइशा, मेको कली ठेयब मसेल्‍मे बाक्‍त।
JDG 10:7 मोपतीके परमप्रभु यावे मेकोपुकी नु गाइश्‍शा मेको आन कली पलिस्‍ती नु अम्‍मोनी आन गुइमी गेवा बाक्‍त।
JDG 10:8 मेको बर्समी मेकोपुकीमी इस्राएली आन कली थाम्‍पा श्‍येत गेशा, साप्‍पा दिप्‍मे बाक्‍त। मिनु यर्दन खोला आ आइक्‍ची हांबु, पूर्ब गे गिलाद माइश्‍शो एमोरी आन रागीमी बाक्‍ब इस्राएली आन कली १८ बर्स सम्‍म थाम्‍पा श्‍येत गेशा दिप्‍मे बाक्‍त।
JDG 10:9 अम्‍मोनीपुकीमी ओंथ हाम ला ममाइ, यर्दन आइक्‍ची हांबु यो शोक्‍शा, यहूदा आ थर, बेन्‍यामीन आ थर नु एफ्राइम आ थर ङा मुर आन कली लडाइ तोव़मे बाक्‍त। मिनु इस्राएलीपुकीमी शुश श्‍येत जामे बाक्‍त।
JDG 10:10 मिनु इस्राएलीपुकीमी परमप्रभु यावे कली “वारच पाइय्‍यीकी। पाप पाइतक। आंइ परमप्रभु, इन कली प्रोंइशा, बाल देवी देवता आन कली पूजा पाइतक” देंमा बाक्‍त। १सामुएल १२:१०
JDG 10:11 मिनु परमप्रभु यावेमी इस्राएली आन कली “ङोंइती इन कली इजीप्‍त ङा मुर, एमोरी, अम्‍मोनी नु पलिस्‍ती आन गुइ रे प्रोंइतन्‍नी।
JDG 10:12 मिनु सीदोन ङा मुर, अमालेक आ मुर नु मोआबीपुकीमी इन कली दिप्‍मेनु ‘वारच पाइय्‍यीकी’ दे ब्रेत्‍तीनी। मेना इन कली मेको आन गुइ रे प्रोंइता।
JDG 10:13 तन्‍न गेपुकीमी आं कली प्रोंइशा, अरु देवी देवता आन कली पूजा पा ठेयब सेल्‍तीनी। मोपतीके मुल रे गो इन कली मप्रोंइनुङ।
JDG 10:14 लने, इन योव़शो देवी देवता आन कली थोन। मेकोपुकीमी इन कली इन श्‍येत रे प्रोन्‍मेक्‍ल” दे परमप्रभु यावेमी देंमाक्‍त। ब्‍यवस्‍था ३२:३७-३८; येरमीया २:२८
JDG 10:15 तन्‍न इस्राएलीपुकीमी परमप्रभु यावे कली “गोपुकीमी पाप पाइतक। मोपतीके गे आंइ कली मार पचा दाक्‍नीनी, मेको पन। तन्‍न मुल आंइ कली प्रोनीन” दे पुन्‍मे बाक्‍त।
JDG 10:16 मिनु अरु देवी देवता आन कली ताइश्‍शा, परमप्रभु यावे कली ठेयब सेल्‍मे बाक्‍त। मिनु परमप्रभु यावेमी इस्राएली आन कली मेको क्‍येङा श्‍येत गेचा मगेमी बाक्‍त। यहोसु २४:२३; न्‍यायाधीस २:१८
JDG 10:17 मिनु अम्‍मोनी लडाइ पचा कली खुम्‍सीशा, गिलादमी ताम्‍बु कीशा बाक्‍शो बाक्‍मा बाक्‍त। मिनु इस्राएली यो खुम्‍सीशा, मिस्‍पामी बाक्‍शो बाक्‍मा बाक्‍त। न्‍यायाधीस ११:२९
JDG 10:18 मिनु गिलाद सहरम बाक्‍ब इस्राएली लडाइ पाइब आन कप्‍तान ग्रुम्‍मुशा “सुम अम्‍मोनी आन कली लडाइ तोचा गोइबा, मेकोमी गिलादम बाक्‍ब आन कली हुकुम पाइब” दे लोव़ पमुमा बाक्‍त। न्‍यायाधीस ११:६-१०
JDG 11:1 गिलाद सहर ङा येफ्‍ता ठेयब नु बोल्‍यो लडाइ पाइब मुर बाक्‍माक्‍त। मेको गिलाद आ तौ तेल्‍लेम रे पा थिशो बाक्‍माक्‍त।
JDG 11:2 मिनु गिलाद आ मीशेमी यो मेको के शुश तौ थिशो बाक्‍माक्‍त। मिनु मेकोपुकी कोल्‍शो दुम्‍शा, येफ्‍ता कली खेरमे बाक्‍त। मेकोपुकीमी येफ्‍ता कली “आंइ आफ आ खिंमी इ के मारेइ यो अङस मबाक्‍ब। गे अर्को मीश आ तौ नवे” देंमा बाक्‍त। उत्‍पत्ती २१:१०
JDG 11:3 मोपतीके येफ्‍ता मेको आ लोक्‍बपुकी रे पा ब्रोंइचा कली प्रोक्‍शा, तोब रागीमी लशा बाक्‍शो बाक्‍माक्‍त। मिनु मरिम्‍शो पाइब मुरपुकी मेको नु गारशा, रोइक्‍थ, लमा बाक्‍त। न्‍यायाधीस ९:४; १सामुएल २२:२
JDG 11:4 मिनु इच्‍का नोले अम्‍मोनीपुकीमी इस्राएली नु लडाइ पामे बाक्‍त।
JDG 11:5 मिनु लडाइ दुम्‍मेनु, गिलाद ङा खाल्‍पापुकीमी तोब रागीमी बाक्‍शो येफ्‍ता कली ब्रथ लमा बाक्‍त।
JDG 11:6 मेकोपुकीमी येफ्‍ता कली “पिन, आंइ लडाइ पाइब आन ठेयब मुर दुमीन। मिनु गो अम्‍मोनी नु लडाइ पने चाप्‍नीकी” देंमा बाक्‍त।
JDG 11:7 मिनु येफ्‍तामी मेको गिलाद ङा खाल्‍पा आन कली “गेपुकीमी आं कली मदाक्‍थु, आं आफ आ खिं रे खेरतीनी। मुल श्‍येत जनी ना मारदे आं कली ब्रेत्‍नीनी?” देंमाक्‍त।
JDG 11:8 मिनु मेको खाल्‍पापुकीमी येफ्‍ता कली “मोपतीके गो इन कली ग्रुम्‍थ जाक्‍तक। मुल गोपुकी नु गाक्‍कीन। मिनु अम्‍मोनी नु लडाइ पा ग्राशा, गिलादमी बाक्‍ब नेल्‍ल आंइ ठेयब मुर दुमीन” देंमा बाक्‍त। न्‍यायाधीस १०:१८
JDG 11:9 येफ्‍तामी मेको आन कली “गेपुकीमी आं कली अम्‍मोनी नु लडाइ पथ लेम्‍शा लाइक्‍तीनी नु परमप्रभु यावेमी मेको आन कली आं गुइमी गेप्‍तु हना, इन ठेयब मुर दुम्‍नुङा?” दे माइक्‍मी बाक्‍त।
JDG 11:10 मिनु गिलाद ङा खाल्‍पापुकीमी येफ्‍ता कली “परमप्रभु यावे गो आंइ दातेमी सांकछी बाक्‍ब। गो इन देंशो खोदेंशो पाइनीकी” देंमा बाक्‍त।
JDG 11:11 मिनु येफ्‍ता गिलाद ङा खाल्‍पापुकी नु लमाक्‍त। मेकेर ङा मुरपुकीमी मेको कली ठेयब मुर नु लडाइ पाइब आन ठेयब मुर सेल्‍मे बाक्‍त। मिनु येफ्‍तामी मिस्‍पामी परमप्रभु यावे आ ङोंइती मेको लोव़ नेल्‍ल शोव़ङा बाक्‍त। न्‍यायाधीस ११:२९; न्‍यायाधीस १०:१७
JDG 11:12 मिनु येफ्‍तामी अम्‍मोनी आन पिप कली “गे मारदे आंइ रागी कली लडाइ तोथ पीनीनी? गे नु आंइ दातेमी मार मरिम्‍शो बाक्‍बा?” दे हिल्‍लो पचा कली मुर सोइक्‍ता बाक्‍त।
JDG 11:13 मिनु अम्‍मोनी आन पिपमी येफ्‍ता आ मुर आन कली “इस्राएलीपुकी इजीप्‍त रे जाक्‍शा, अरनोन खोला रे यब्‍बोक नु यर्दन खोला सम्‍म आंइ रागी लाइक्‍तेक्‍म। मेको रागी सिक्‍सी पा लेत्‍तीन” दे लोव़ सोइक्‍ता बाक्‍त।
JDG 11:14 मिनु येफ्‍तामी लेंशा मुर सोइश्‍शा अम्‍मोनी आन पिप कली
JDG 11:15 “येफ्‍ता आ लोव़ मार बाक्‍त देंशा हना, इस्राएलीपुकीमी गेनायो मोआबी आन रागी नु अम्‍मोनी आन रागी मलदेम। ब्‍यवस्‍था २:९,१९
JDG 11:16 इस्राएलीपुकी इजीप्‍त रे कुशा, गोरशो रागी रे लल समुन्‍द्र गे कादेश सहरम जाक्‍दीम्‍मा बाक्‍त।
JDG 11:17 मिनु एदोम ङा पिप कली ‘इन रागी ङा लां लचा गेकी’ दे लोव़ सोइक्‍त्‍मे बाक्‍त। तन्‍न एदोम ङा पिपमी मेको लोव़ नेंसीन मनेना बाक्‍त। मिनु मोआबी आन पिप कली यो लोव़ सोइक्‍तमे बाक्‍त। तन्‍न मेको यो मबिस्‍से बाक्‍त। मोपतीके इस्राएलीपुकी कादेशमी बाक्‍मा बाक्‍त। गन्‍ती २०:१४-२१
JDG 11:18 मेकेर रे एदोम नु मोआब रागी हिरशा, गोरशो रागी रे मोआब आ नां दाप्‍तीक गे लमा बाक्‍त। मिनु अरनोन खोला आ नेक्‍था ताम्‍बु कीङमे बाक्‍त। मोआबी आन रागी मओव़म। मारदे हना अरनोन मोआब आ सांद बाक्‍माक्‍त। गन्‍ती २१:१३
JDG 11:19 मिनु नोले हेश्‍बोनम बाक्‍शो एमोरी आन पिप सीहोन कली ‘इन रागी ङा लां रे पा आंइ रागी सम्‍म लचा गेकी’ दे लोव़ सोइक्‍तमे बाक्‍त। गन्‍ती २१:२१-३१
JDG 11:20 तन्‍न सीहोनमी इस्राएली आन कली मेकेर रे लाइनीम, दे थमा मसुदा बाक्‍त। मिनु मुर नेल्‍ल कली खुप्‍शा, याहासमी आन ताम्‍बु कीशा, इस्राएली नु लडाइ पामे बाक्‍त।
JDG 11:21 मिनु परमप्रभु यावे, इस्राएली आन परमप्रभुमी सीहोन नु आ मुर आन कली इस्राएली आन गुइमी गेमी बाक्‍त। मिनु मेकोपुकीमी मेको आन कली ग्राशा, आन रागीमी बाक्‍शो एमोरी आन रागी आंम के सेल्‍मे बाक्‍त।
JDG 11:22 मेकोपुकीमी अरनोन खोला रे पा यब्‍बोक खोला सम्‍म नु गोरशो रागी रे पा यर्दन खोला सम्‍म एमोरी आन रागी आंम के सेल्‍मे बाक्‍त।
JDG 11:23 मोपा परमप्रभु यावे, इस्राएली आन परमप्रभुमी आंम मुर आन कली रिम्‍शो पचा, दे एमोरी आन कली खेरा बाक्‍त। मुल एको रागी लेंशा ताक्‍चा मगारनीनी।
JDG 11:24 इन देवता केमोशमी इन कली गेशो ताइनीनी ममाइ ङा? परमप्रभु यावे, आंइ परमप्रभुमी मार गेबा, गो यो मेको ताइनीकी। गन्‍ती २१:२९
JDG 11:25 मुल मार, गे मोआबी आन पिप सिप्‍पोर आ तौ बालाक क्‍येङा रिम्‍शो बाक्‍नीनी? मार, मेकोमी इस्राएली नु जिशा, मेको नु लडाइ पवा ङा? गन्‍ती २२:२; यहोसु २४:९
JDG 11:26 इस्राएलीपुकी सहे सां बर्स सम्‍म हेश्‍बोन नु आ एर ओंथ ङा गाउंपुकी, आरोएर नु मेको आ एर ओंथ ङा गाउंपुकी नु अरनोन आ नेक्‍था ङा सहर नेल्‍लेम बाक्‍मा बाक्‍त। मारदे मेको क्‍येङा ङोंइती इन के मसेल्‍नी?
JDG 11:27 गोपुकीमी इन कली मारेइ यो मरिम्‍शो मपशो। तन्‍न गेपुकीमी आं कली लडाइ तोशा, मरिम्‍शो पाइनीनी। मुलाक्‍ती परमप्रभु यावेमी इस्राएली नु अम्‍मोनी आन दातेमी निसाफ पाइब” दे येफ्‍तामी अम्‍मोनी आन पिप कली लोव़ सोइक्‍ता बाक्‍त।
JDG 11:28 तन्‍न अम्‍मोनी आन पिपमी येफ्‍तामी सोइश्‍शो लोव़ मारेइ खोदेंशो मलाक्‍माक्‍त।
JDG 11:29 मिनु परमप्रभु यावे आ सोक्‍तीम येफ्‍ता कली सुमा बाक्‍त। मिनु गिलाद नु मनस्‍से आन रागी लाक्‍शा, गिलाद ङा मिस्‍पा जाक्‍दीम्‍माक्‍त। मिनु मेकेर रे अम्‍मोनी आन रागी लमाक्‍त। न्‍यायाधीस ६:३४
JDG 11:30 येफ्‍तामी परमप्रभु यावे कली कबल का पवा बाक्‍त। मेकोमी मार कबल पवा बाक्‍त देंशा हना “परमप्रभु यावे, गे अम्‍मोनी आन कली आं गुइमी गेतीनी हना, २सामुएल १५:८
JDG 11:31 गो अम्‍मोनी रे रिम्‍शो पा आं खिं लेत्‍ती हना, सु आं खिंमी नेल्‍ल क्‍येङा ङोंइती गो नु ग्रुम्‍थ जाक्‍बा, मेको इन के दुम्‍ब। गो मेको कली चोशा चढ़ेनुङ” दे कसम जवा बाक्‍त। २राजा ३:२७
JDG 11:32 मिनु येफ्‍ता अम्‍मोनी नु लडाइ पथ आइक्‍ची हांम शोक्‍शा लमाक्‍त। मिनु परमप्रभु यावेमी अम्‍मोनी आन कली येफ्‍ता आ गुइमी गेवा बाक्‍त।
JDG 11:33 मेकोमी आरोएर रे मिन्‍नीथ नु आबेल-केरामीम सम्‍म २० ओटा सहर खतम सेला बाक्‍त। मोपा इस्राएलीमी अम्‍मोनी आन कली ग्रामा बाक्‍त।
JDG 11:34 मिनु येफ्‍ता आ खिं मिस्‍पामी लेम्‍माक्‍त। मिनु आ तमी खैजडी ताप्‍शा, सिल पना पन मेको कली ग्रुम्‍थ जाक्‍माक्‍त। मेको आ तमी का ला बाक्‍माक्‍त। अरु आल मबाक्‍मा बाक्‍त।
JDG 11:35 मिनु येफ्‍तामी आ तमी तवा चोटीन आ वा खाक्‍शा “आं तमी, आं थुं जिक्‍‍तीवी। शुश श्‍येत गेप्‍तीवी। गो परमप्रभु यावे कली कसम जाता। मिनु मेको कसम मखाप्‍थु मदुम्‍नुङ” देंमाक्‍त। गन्‍ती ३०:३
JDG 11:36 मिनु आ तमीमी “आं आफ, परमप्रभु यावे कली कसम जाइतीनी हना, कबल पशो खोदेंशो पा आं कली पने। मारदे हना परमप्रभु यावेमी इन जोरी सत्रु अम्‍मोनी नु क्‍येक्‍क लेश्‍शो बाक्‍ब।
JDG 11:37 तन्‍न आं कली शिशी पन। महिना निक्‍शी सम्‍म आं कली प्रोनीन। आं वारचपुकी नु एको डांडाम हिरनुङ। गो कन्‍नेमी बेक्‍चा माल्‍ताक्‍यी, दे रोंका पचा तङल” देंमाक्‍त।
JDG 11:38 मिनु येफ्‍तामी “लावो” देंशा, आ तमी कली महिना निक्‍शी सम्‍म प्रोना बाक्‍त। मिनु मेको आ वारचपुकी नु डांडा लशा ङा मीन आ कन्‍नेमीन बाक्‍शा बेक्‍चा माल्‍शो आ पर्बम ङाक्‍माक्‍त।
JDG 11:39 मिनु महिना निक्‍शी नोले मेको लेश्‍शा जाक्‍माक्‍त। मिनु येफ्‍तामी परमप्रभु कली आ पशो कसम खबा बाक्‍त। मिनु मेको मीश आल कन्‍नेन बेक्‍माक्‍त। न्‍यायाधीस ११:३१; ब्‍यवस्‍था १२:२९-३१
JDG 11:40 मेना रे इस्राएल ङा तमी नेल्‍लेमी बर्स बर्समी ४ नाक्‍त सम्‍म गिलाद सहर ङा येफ्‍ता आ तमी कली मिम्‍शा, रोंका पाइनीम।
JDG 12:1 एफ्राइम आ थर ङा मुरुमी आ लडाइ पाइब आन कली खुप्‍ता बाक्‍त। मिनु मेकोपुकी यर्दन आइक्‍ची हांबु साफोन गे शोक्‍शा, येफ्‍ता कली “अम्‍मोनी नु लडाइ पथ लनीनु, आंइ कली मारदे मब्रेन्‍नी? मुल इन कली नु इन खिं कली मी सुइक्‍नीकी” देंमा बाक्‍त। न्‍यायाधीस ८:१
JDG 12:2 मिनु येफ्‍तामी “गो नु आं मुर अम्‍मोनी नु ठेयब लडाइ दुम्‍मेनु, गे इन कली ‘वारच पन’ दे ब्रेश्‍शो नङ। तन्‍न गेपुकीमी आंइ कली मेको आन गुइ रे मप्रोंइनी।
JDG 12:3 मिनु गेपुकीमी आंइ कली वारच मपाइनीनी, दे तुइक्‍तु नोले, महिंथु, खोला शोक्‍शा, अम्‍मोनी नु लडाइ पथ गाक्‍तक। मिनु परमप्रभु यावेमी मेको आन कली आंइ गुइमी गेप्‍तु। मिनु मारदे मुलाक्‍ती गेपुकी गो नु जिथ जाक्‍नीनी?” देंमाक्‍त। न्‍यायाधीस ५:१८; न्‍यायाधीस ९:१७
JDG 12:4 मिनु येफ्‍तामी गिलाद ङा मुर नेल्‍ल कली खुप्‍शा, एफ्राइम आ थर ङा मुर नु लडाइ पवा बाक्‍त। मिनु गिलाद ङा मुरपुकीमी मेको आन कली ग्रामा बाक्‍त। मेको जिचा मारदे बोक्‍शो बाक्‍त देंशा हना, एफ्राइम आ थर ङा मुरपुकीमी “गे गिलादी एफ्राइम नु मनस्‍से आन दातेमी बाक्‍शो ला ननी” दे देंशो बाक्‍मा बाक्‍त।
JDG 12:5 मिनु गिलादीपुकीमी यर्दन ङा शोक्‍तीक लां एफ्राइम रे रोइश्‍शा, आंम के सेल्‍मे बाक्‍त। मिनु गिलाद ङा मुरपुकीमी खोला शोक्‍ब मुर आन कली “गे एफ्राइम आ थर ङा मुर बाक्‍नीनी?” दे हिल्‍लो पामे बाक्‍त। “गो मनङ” देंमा बाक्‍त हना,
JDG 12:6 गिलाद ङा मुरपुकीमी “मो हना, शिब्‍बोलेथ देनो” देंबाक्‍मा बाक्‍त। मिनु मेकोमी ठीक पा देंने मचाप्‍थु “सिब्‍बोलेथ” देंतेक्‍म हना, मेकेर ग्‍याइश्‍शा यर्दन आ नेक्‍था साइक्‍बाक्‍मा बाक्‍त। मेना एफ्राइम आ थर ङा मुर ४२ हजार साइक्‍चा पुंइसमा बाक्‍त।
JDG 12:7 येफ्‍ता ६ बर्स सम्‍म इस्राएली आन निसाफ पाइब दुम्‍शा बेक्‍माक्‍त। मिनु मेको कली आ सहर गिलादमी थिम्‍मे बाक्‍त।
JDG 12:8 येफ्‍ता आ नोले बेथलेहेम ङा इब्‍सान इस्राएली आन निसाफ पाइब दुम्‍माक्‍त।
JDG 12:9 मेको के ३० जना तौ नु ३० जना तमी बाक्‍मा बाक्‍त। मेकोमी आ तमी आन कली अरु थर ङा मुर नु ग्‍युंबे पा गेवा बाक्‍त। मिनु आ तौ आन कली अरु थर ङा ३० जना मीश आल ग्‍युंबे पा चाक्‍गा बाक्‍त। मेको ७ बर्स सम्‍म इस्राएली आन निसाफ पाइब दुम्‍‍माक्‍त।
JDG 12:10 मिनु इब्‍सान बेक्‍माक्‍त। मिनु मेको कली बेथलेहेममी थिम्‍मे बाक्‍त।
JDG 12:11 मेको बेक्‍म नोले जबूलून आ थर ङा एलोन १० बर्स सम्‍म इस्राएली आन निसाफ पाइब दुम्‍माक्‍त। गन्‍ती २६:२६
JDG 12:12 मिनु जबूलून आ थर ङा एलोन बेक्‍माक्‍त। मिनु मेको कली जबूलून आ रागी ङा आइयालोन सहरमी थिम्‍मे बाक्‍त।
JDG 12:13 मेको आ नोले पिराथोन सहर ङा हिल्‍लेल आ तौ अब्‍दोन इस्राएली आन निसाफ पाइब दुम्‍‍माक्‍त।
JDG 12:14 मेको के ४० जना तौ नु ३० जना चच बाक्‍मा बाक्‍त। मेको आन के ७० ओटा गधा बाक्‍माक्‍‍त। मिनु मेकोपुकी आंम आंम गधामी ङोइक्‍बाक्‍मा बाक्‍त। मिनु अब्‍दोनमी ८ बर्स सम्‍म इस्राएली आन कली निसाफ पशो बाक्‍माक्‍त।
JDG 12:15 मिनु नोले पिराथोन सहर ङा हिल्‍लेल आ तौ अब्‍दोन बेक्माक्‍‍त। मिनु अमालेकी आन पहाडी रागी ङा एफ्राइम ङा पिराथोन सहरमी थिम्‍मे बाक्‍त।
JDG 13:1 मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मोपतीके परमप्रभु यावेमी मेको आन कली ४० बर्स सम्‍म पलिस्‍ती आन गुइमी गेमी बाक्‍त।
JDG 13:2 मिनु दान आ थर ङा मुर का बाक्‍माक्‍त। मेको सोराह सहरमी बाक्‍शो बाक्‍माक्‍त। मेको मुर आ नें मानोआह बाक्‍माक्‍त। मिनु मेको आ मीश आल मथीब बाक्‍माक्‍त।
JDG 13:3 मिनु परमप्रभु यावे आ स्‍वर्ग ङा गेय पाइब मेको मीश मुर आ ङोंइती ग्रूशा, मेको कली “गे आल मथीब बाक्‍नेवे। तन्‍न मुल गे कोव़ज कुरशा तौ थीनेवे। उत्‍पत्ती १५:२; उत्‍पत्ती २५:२१; उत्‍पत्ती २९:३१
JDG 13:4 मोपतीके होस पा बाक्‍को, अङगुर शांबु नु अरु दुक्‍तीक काइ मतूङो, मगारचा ङा जचा थोव़क मजावो। गन्‍ती ६:२-२१; लेवी ११:-; १सामुएल १:११
JDG 13:5 मारदे हना गे कोव़ज कुरशा, तौ थी‍नेवे। मेको आ चां गेनायो ख्रोइक्‍चा मदुम्‍ब। मारदे हना मेको वोंइश आल जरमेसे चोटीन परमप्रभु कली योव़शो नाजिरी का दुम्‍ब। मिनु मेकोमी इस्राएली आन कली पलिस्‍ती आन गुइ रे प्रोंइचा गोइब” देंमाक्‍त।
JDG 13:6 मिनु मेको मीश मुरुमी आ वोंइश कली “परमप्रभु आ गेय पाइब मुर का आं बाक्‍तीक जाक्‍त। मेको आ कुल हिंचा ङा परमप्रभु आ स्‍वर्ग ङा गेय पाइब खोदेंशो बाक्‍त। मिनु ‘सु बाक्‍नीनी?’ दे हिल्‍लो मपङ। मिनु मेकोमी यो आ नें मदे।
JDG 13:7 तन्‍न मेकोमी आं कली ‘गे कोव़ज कुरशा तौ थीनेवे। मिनु अङगुर शांबु नु अरु दुक्‍तीक मतूङो, मगारचा ङा जचा थोव़क मजावो। मारदे हना मेको आल जरमेसे रे मबेक्‍म सम्‍म परमप्रभु आ योव़शो नाजिरी का दुम्‍ब’ दे माइक्‍ती” देंमाक्‍त।
JDG 13:8 मिनु मानोआहमी परमप्रभु यावे कली “परमप्रभु, इन सोइश्‍शो मुर लेंशा आंस नेक्‍था सोइक्‍तीन। मेकोमी आंस कली मेको नोले जरमेसीब वोंइश आल कली दोपा कोल्‍पाइक्‍चा, गो निक्‍शीमी मार पचा माल्‍बा, आंस कली शेंदल” दे पुना बाक्‍त।
JDG 13:9 मिनु परमप्रभुमी मानोआह आ पुंइशो लोव़ नेना बाक्‍त। मिनु आ मीश रूमी बाक्‍मेनु, परमप्रभु आ स्‍वर्ग ङा गेय पाइब लेंशा जाक्‍माक्‍त। मेना आ वोंइश मेको नु मबाक्‍शो बाक्‍माक्‍त।
JDG 13:10 मिनु आ मीश दोरशा लशा, आ वोंइश कली “मेको ङोंइती जाक्‍शो मुर लेंशा आं बाक्‍तीक जाक्‍त” देंमाक्‍त।
JDG 13:11 मिनु मानोआह बोक्‍शा, आ मीश नु लशा, मेकेर जाक्‍दीशा, मेको कली “आं मीश नु लोव़ पाइब गे ननी?” दे हिल्‍लो पवा बाक्‍त। मिनु मेकोमी “गो नङ” देंमाक्‍त।
JDG 13:12 मिनु मानोआहमी “इन देंशो लोव़ दुम ङा मेरे मेको वोंइश आलमी मार मार पचा दुम्‍बा, मार मार पचा मदुम्‍बा” दे हिल्‍लो पवा बाक्‍त।
JDG 13:13 मिनु परमप्रभु यावे आ स्‍वर्ग ङा गेय पाइबमी “गो मार मार देंङा, इ मीशेमी रिम्‍शो पा टिचा माल्‍ब।
JDG 13:14 अङगुर बोट रे सिश्‍शो मारेइ यो जचा मदुम्‍ब। मेकोमी अङगुर शांबु नु अरु दुक्‍तीक तूचा मदुम्‍ब। मगारचा ङा मारेइ यो जचा मदुम्‍ब। गो मार मार देंङा, मेकोमी नेल्‍ल टिचा माल्‍ब” देंमाक्‍त। न्‍यायाधीस १३:४
JDG 13:15 मिनु मानोआहमी परमप्रभु यावे आ स्‍वर्ग ङा गेय पाइब कली “गो इन कली पाठा का क्‍योरशा क्‍येनीकी। मोपतीके रिम्‍दीन” देंमाक्‍त। न्‍यायाधीस ६:१८
JDG 13:16 मिनु परमप्रभु यावे आ स्‍वर्ग ङा गेय पाइबमी “आं कली तेक्‍तीसी हना यो, गो इन क्‍येशो मजाइनुङ। तन्‍न गेमी चोशा चढ़ेतीक ठीक सेल्‍तीनी हना, परमप्रभु यावे कली चढ़ेवो” देंमाक्‍त। मानोआहमी मेको परमप्रभु यावे आ स्‍वर्ग ङा गेय पाइब बाक्‍ब, दे मतुइक्‍ता बाक्‍त।
JDG 13:17 मिनु मानोआहमी परमप्रभु यावे आ स्‍वर्ग ङा गेय पाइब कली “इन नें मार बाक्‍बा? मारदे हना इन लोव़ थमा दुम्‍त हना, गो इन कली ठेयब सेल्‍चा दाक्‍नीकी” देंमाक्‍त। उत्‍पत्ती ३२:३०
JDG 13:18 मिनु परमप्रभु यावे आ स्‍वर्ग ङा गेय पाइबमी मेको कली “गे मारदे आं नें हिल्‍लो पाइनेवे? मेको मतुइक्‍चा ङा बाक्‍ब” देंमाक्‍त।
JDG 13:19 मिनु मानोआहमी अन्‍न नु पाठा लाइश्‍शा, फुल्‍लु तारी छक लाक्‍चा ङा गेय पाइब परमप्रभु यावे कली चढ़ेवा बाक्‍त। न्‍यायाधीस ६:२१
JDG 13:20 मिनु मेको चढ़ेतीक रे मी ग्रूशा, सरीङ गे लमेनु, परमप्रभु यावे आ स्‍वर्ग ङा गेय पाइब मेको मी नु सरीङ गे लमाक्‍त। मानोआह नु आ मीश कोव़स ङा कोव़स बाक्‍शा, सेउ पाम्‍से बाक्‍त।
JDG 13:21 मिनु मेको नोले परमप्रभु यावे आ स्‍वर्ग ङा गेय पाइब मानोआह नु आ मीश आ ङोंइती गेनायो मग्रूमाक्‍त। मिनु मानोआहमी मेको परमप्रभु यावे आ स्‍वर्ग ङा गेय पाइब बाक्‍माक्‍त, दे तुइक्‍ता बाक्‍त।
JDG 13:22 मिनु मेकोमी आ मीश कली “गो थमा पा बेक्‍नस। मारदे हना गो परमप्रभु कली ताइतस” देंमाक्‍त। प्रस्‍थान ३३:२०
JDG 13:23 तन्‍न आ मीशेमी “परमप्रभु यावेमी इस कली साइक्‍चा दाक्‍शो हना, इस चढ़ेशो चोशा चढ़ेतीक नु अन्‍न चढ़ेतीक मब्रव वा। इस कली मोदेंशो लोव़ मदे वा, मकोंइद वा” देंमाक्‍त।
JDG 13:24 मिनु मानोआह आ मीशेमी तौ का थिवा बाक्‍त। मेको कली सिम्‍सोन नें वोदा बाक्‍त। मेको आल कोल्‍ना कोल्‍न लमाक्‍त। मिनु परमप्रभु यावेमी मेको कली आसीक गेवा बाक्‍त। उत्‍पत्ती २४:१; उत्‍पत्ती ३५:९; गन्‍ती २२:६
JDG 13:25 मिनु सोराह नु एश्‍ताओल सहर आस दातेमी बाक्‍शो माहानेह-दान सहरमी बाक्‍मेनु, परमप्रभु यावे आ सोक्‍तीमी मेको कली गेय पपाइक्‍चा गोवा बाक्‍त। न्‍यायाधीस ३:९-१०; न्‍यायाधीस ६:३४; न्‍यायाधीस १४:६,९; न्‍यायाधीस १५:१४; गन्‍ती २४:२-४; १सामुएल १०:६,१०; १सामुएल १६:१३; इजीकीएल ११:५
JDG 14:1 काबु सिम्‍सोन तिम्‍नाह सहर ब्रुम्‍माक्‍त। मिनु मेकेर पलिस्‍ती मीश आल का तवा बाक्‍त। यहोसु १९:४३
JDG 14:2 मिनु आ खिं लेश्‍शा, आ आम आफ आस कली “तिम्‍नाहमी पलिस्‍ती मीश आल का ताता। मेको नु ग्‍युंबे पा गेयीनी” दे माइक्‍सी बाक्‍त।
JDG 14:3 मिनु आ आम आफोमी “मार, आंइ मुर नु इं थर ङा मीश आल मबाक्‍बा? मिनु गे ख्रोइक्‍तीक चिनु मख्रोइश्‍‍शो, मेको पलिस्‍ती आ तमी का चाक्‍चा दाक्‍नेवे?” देंसा बाक्‍त। तन्‍न सिम्‍सोनमी “मेको मीश आल आं कली चाक्‍कीन। मारदे हना गो मेको कली दाक्‍नुङ” देंमाक्‍त। उत्‍पत्ती ३४:१४; प्रस्‍थान ३४:१६
JDG 14:4 परमप्रभु यावेम सिम्‍सोन कली मेको मीश आल कली दाक्‍पाइश्‍शो बाक्‍त, दे आ आम आफोमी मतुइश्‍शो बाक्‍ताक्‍स। परमप्रभुमी पलिस्‍ती आन कली खतम पचा कली मोदेंशो पशो बाक्‍माक्‍त। मेना पलिस्‍तीपुकीमी इस्राएली आन कली सासन पशो बाक्‍मा बाक्‍त।
JDG 14:5 मिनु नोले सिम्‍सोन आ आम आफ नु तिम्‍नाहमी ब्रुम्‍माक्‍त। मिनु मेकेर ङा अङगुर रूमी जाक्‍दीम्‍माक्‍त। मिनु मेकेर ठिटा गुप्‍स का ग्रूशा, मेको कली ग्राम्‍दा बाक्‍त।
JDG 14:6 मिनु परमप्रभु यावे आ सोक्‍तीम सिम्‍सोन कली ठेयब सक्तिम सुमा बाक्‍त। मिनु आ गुइमी मारेइ यो या मबाक्‍त हना यो, मेको गुप्‍स कली पाठा खोदेंशो पा सदा बाक्‍त। मिनु गुप्‍स साइश्‍शो लोव़ आ आम आफ कली मशोव़ङा बाक्‍त। न्‍यायाधीस १३:२५
JDG 14:7 मिनु सिम्‍सोन मेकेर जाक्‍दीश्‍शा, मेको मीश आल नु लोव़ पवा बाक्‍त। मिनु मेको मीश आल कली दाक्‍शा लेम्‍माक्‍त।
JDG 14:8 मिनु इच्‍का नोले सिम्‍सोन मेको मीश आल कली ग्‍युंबे पचा कली लेंशा तिम्‍ना ब्रुम्‍माक्‍त। मिनु लां प्रोंइ‍शा, साइश्‍शो गुप्‍स कोव़थ लमाक्‍त। मिनु राक्‍शो गुप्‍स आ आगाम हुल का सुरब नु खुदो बाक्‍माक्‍त।
JDG 14:9 मिनु खुदो ग्रुंइ‍शा, जना जन लमाक्‍त। मेकोमी आ आम आफ आस कली यो जचा गेम्‍सी बाक्‍त। मिनु जाम्‍से बाक्‍त। तन्‍न मेको खुदो राक्‍शो गुप्‍स आ आगा रे ग्रुंइशो, दे आ आम आफ कली मशोव़ङा बाक्‍त।
JDG 14:10 मिनु सिम्‍सोन आ आफ मेको मीश आल कोव़थ लमाक्‍त। मिनु सिम्‍सोनमी अरुम ग्‍युम्‍लेम पशो खोदेंशो पा भोज का गेवा बाक्‍त।
JDG 14:11 मिनु मेकेर ङा मुरपुकीमी सिम्‍सोन कली ग्रुम्‍शा, ३० जना वोंइश मुर मेको कली वारच पचा कली चाक्‍गमे बाक्‍त।
JDG 14:12 मिनु सिम्‍सोनमी मेको आन कली “इन कली लोव़ का हिल्‍लो पाइनन्‍नी। एको ७ नाक्‍त ङा भोजमी मेको लोव़ लेन्‍ने चाप्‍तीनी हना, गो इन कली ३० ओटा बुश फेक्‍तीक वा नु ३० ओटा शुश क्‍येट लाइब फेक्‍तीक वा गेनन्‍नी।
JDG 14:13 तन्‍न आं हिल्‍लो पशो लोव़ लेन्‍ने मचाप्‍तीनी हना, गे आं कली ३० ओटा बुश फेक्‍तीक वा नु शुश क्‍येट लाइब फेक्‍तीक वा गेचा माल्‍नीनी” देंमाक्‍त। मिनु मेकोपुकीमी “लो दुम्‍ब, हिल्‍लो पन” देंमा बाक्‍त।
JDG 14:14 मिनु सिम्‍सोनमी मेको आन कली “शुश ब्‍वाइब रे जचा थोव़क ग्रूत। बोल्‍यो रे जिज थोव़क ग्रूत। मेको मार बाक्‍बा?” दे हिल्‍लो पामी बाक्‍त। मिनु मेकोपुकीमी नाक्‍त सां सम्‍म मिम्‍ना मिम्‍न बाक्‍शा, मेको लोव़ मार बाक्‍बा, दे लेन्‍ने मचाप्‍बमे बाक्‍त।
JDG 14:15 मिनु ४ नाक्‍तीम मेकोपुकीमी सिम्‍सोन आ मीश कली “इ वोंइश कली लेम्‍शा, हिल्‍लो पावो। मिनु आंइ कली शोव़ङो। मोदेंशो मपाप्‍तीवी हना, गो इ कली नु इ आफ आ खिं कली मी सुइक्‍नीकी। आंइ कली प्रुङग सेल्‍चा कली निम्‍तो पवी?” देंमा बाक्‍त।
JDG 14:16 मिनु सिम्‍सोन आ मीश आ वोंइश आ ङोंइती ङाक्‍शा “गे आं कली काइ मदाक्‍नीनी। गे थमा पा आं कली मदाक्‍नीनी। गे आं मुर आन कली लोव़ का हिल्‍लो पाइतीनी। मिनु मेको लोव़ आ अर्थ चहिं आं कली मदेंनी” देंमाक्‍त। मिनु सिम्‍सोनमी “मेको लोव़ आ अर्थ आं आम आफ कली लाइयो मदेंङ। मिनु इ कली मारदे देंनुङा?” देंमाक्‍त।
JDG 14:17 मिनु भोज के ७ नाक्‍ती मनुम्‍म सम्‍म आ मीश सिम्‍सोन आ ङोंइती ङाक्‍स ङा ङाक्‍स बाक्‍माक्‍त। मोपतीके ७ नाक्‍त सम्‍म शुश हिल्‍लो पा पुंइतीके सिम्‍सोनमी मेको लोव़ आ मीश कली शोव़ङा बाक्‍त। मिनु मेकोमी लशा, आ मुर आन कली देंमाक्‍त। न्‍यायाधीस १६:१६-१७
JDG 14:18 मिनु मेको ७ नाक्‍ती नां सोव़चा क्‍येङा ङोंइती सहर ङा मुरपुकीमी सिम्‍सोन कली “खुदो क्‍येङा जिज, मार बाक्‍बा ङा? गुप्‍स क्‍येङा बोल्‍यो सु बाक्‍बा ङा?” देंमा बाक्‍त। मिनु सिम्‍सोनमी “आं मीशेमी इन कली मेको लोव़ मशोव़ङ हना, गेपुकीमी लेन्‍ने मचाप्‍नी वा” देंमाक्‍त।
JDG 14:19 मिनु परमप्रभु यावे आ सोक्‍तीम सिम्‍सोन कली ठेयब सक्तिम सुमा बाक्‍त। मिनु मेको अश्‍कलोन सहरमी लशा, मेकेर ३० जना मुर साइक्‍मी बाक्‍त। मिनु मेको आन के मार मार थोव़क नु वा पिश्‍शा, मेको लोव़ लेप्‍ब आन कली शुश क्‍येट लाइब फेक्‍तीक वा गेवा बाक्‍त। मिनु सिम्‍सोन गाइश्‍शा, आ आफ आ खिं लेम्‍माक्‍त।
JDG 14:20 मिनु सिम्‍सोन आ मीश चहिं सिम्‍सोन कली वारच पाइब का कली गेमे बाक्‍त। न्‍यायाधीस १५:२
JDG 15:1 मिनु इच्‍का नोले चेरब रिक्‍ची ना सिम्‍सोन पाठा का कुरशा, आ मीश कली ग्रुम्‍थ लमाक्‍त। मिनु “गो आं मीश आ कोठामी ओव़चा दाक्‍नुङ” देंमाक्‍त। तन्‍न आ शिउमी ओव़चा मगेवा बाक्‍त।
JDG 15:2 मिनु आ शिउमी “आं तमी काइ मदाक्‍नीनी, दे मिम्‍ताक्‍ङ। मोपतीके इन कली वारच पाइब कली गेता। मेको आ लोक्‍ब मेको क्‍येङा दारशो मबाक्‍बा ङा? मुल इ मीश आ पा ङा मेको कली लतो” देंमाक्‍त। न्‍यायाधीस १४:२०
JDG 15:3 मिनु सिम्‍सोनमी “गो मुल पलिस्‍ती आन कली थम मरिम्‍शो पाता हना यो, दोस मताइब दुम्‍ती” देंमाक्‍त।
JDG 15:4 मिनु सिम्‍सोनमी लशा, सहे सां सिवार ग्‍याइश्‍शा, निक्‍‍निक्‍शी पा आस मीलु फ्रेंशा, आस दातेमी रांको का यो फ्रेंदा बाक्‍त।
JDG 15:5 मिनु रांको जेश्‍शा, पलिस्‍ती आन रिक्‍शा वोइश्‍शो चेरब, मीशो चेरब रू, अङगुर रू नु तेल रवा रू आगा सोइक्‍ता बाक्‍त।
JDG 15:6 मिनु पलिस्‍तीपुकीमी “एको सुम पवा?” दे हिल्‍लो पामे बाक्‍त। मिनु का निक्‍शीमी “तिम्‍ना ङा मुर आ चांइवा सिम्‍सोनमी पाप्‍तु। मारदे हना आ शिउमी आ तमी, सिम्‍सोन आ मीश दुम्‍शा यो आ वारच कली गेप्‍तु” देंमा बाक्‍त। मिनु पलिस्‍तीपुकी लशा, सिम्‍सोन आ मीश नु आ आफ कली मीम क्रोइश्‍शा सद‍मे बाक्‍त।
JDG 15:7 मिनु सिम्‍सोनमी मेको आन कली “क्‍येक्‍क मलेत्‍थु मप्रोंइनुङ” दे कसम जवा बाक्‍त।
JDG 15:8 मिनु सिम्‍सोनमी मेको आन कली शुश श्‍येत गेशा, शुश मुर आन कली साइक्‍मी बाक्‍त। मिनु मेकेर रे लशा, एताम ङा रोंगु ङा पुक्‍खीमी बाक्‍माक्‍त।
JDG 15:9 मिनु पलिस्‍तीपुकी कुशा यहूदामी ताम्‍बु कीशा, लेही सहर आ नेक्‍था बाक्‍मा बाक्‍त।
JDG 15:10 मिनु यहूदा आ थर ङा मुरपुकीमी मेको आन कली “गे मारदे आंइ कली लडाइ तोइनीनी?” दे हिल्‍लो पामे बाक्‍त। मिनु मेकोपुकीमी “गो सिम्‍सोन कली ग्‍याइश्‍शा, फ्रेंचा कली पीतक। मेकोमी आंइ कली मार पवा, गो यो मेको कली मोदेंशोन पाइनीक” देंमा बाक्‍त।
JDG 15:11 मिनु यहूदा ङा हजार सां मुर एताम ङा रोंगु ङा पुक्‍खीमी यिमा बाक्‍त। मिनु मेकोपुकीमी सिम्‍सोन कली “पलिस्‍तीपुकी आंइ सासन पाइब बाक्‍नीम, दे गे तुइक्‍नीनी। गे मारदे आंइ कली मोदेंशो पा मरिम्‍शो पनी?” देंमा बाक्‍त। मिनु सिम्‍सोनमी “मेकोपुकीमी आं कली दोदेंशो पामे, गो यो में मोदेंशो ला पाता” देंमाक्‍त।
JDG 15:12 मिनु मेकोपुकीमी “गो दा इ कली फ्रेंशा पलिस्‍ती आन गुइमी गेचा कली जाक्‍तक” देंमा बाक्‍त। मिनु सिम्‍सोनमी “मो हना आं कली मसाइक्‍नीक, देंशा, कसम जने” देंमाक्‍त।
JDG 15:13 मिनु मेकोपुकीमी “इन कली फ्रेंशा ला पलिस्‍ती आन गुइमी गेनीक। गो इन कली मसाइक्‍नीक” देंमा बाक्‍त। मिनु मेकोपुकीमी सिम्‍सोन कली नक डोरी निक्‍शीमी फ्रेंशा, पुक्‍खी क्‍येङा आइक्‍था कुत्‍मे बाक्‍त।
JDG 15:14 मिनु मेकोपुकी लेहीमी जाक्‍दीत्‍चामेनु, पलिस्‍तीपुकीमी मेको कली तशा ग्रीना ग्रीन पिमा बाक्‍त। मेना परमप्रभु यावे आ सोक्‍तीमी सिम्‍सोन कली सुमा बाक्‍त। मिनु सिम्‍सोनमी आ कली फ्रेंशो डोरी निक्‍शी मीम दुप्‍शो पले खोदेंशो पा प्रोदा बाक्‍त। न्‍यायाधीस १३:२५
JDG 15:15 मिनु गधा आ पिया ङा रुश खप रे गुप्‍शा, मेकोमी हजार का मुर आन कली तुप्‍शा सदा बाक्‍त।
JDG 15:16 मिनु मेकोमी “गो गधा आ पिया ङा रुशेमी तुम्‍ना तुम्‍न शुश मुर साइक्‍ता। तेन्‍ना तेन्‍न हजार का मुर साइक्‍ता” देंमाक्‍त।
JDG 15:17 मेकोमी मो देंने थुम्‍शा, मेको रुश ताइक्‍ता बाक्‍त। मोपतीके मेको ठाउं कली रामाथ-लेही नें वोदमे बाक्‍त।
JDG 15:18 मिनु सिम्‍सोनमी ब्‍वाक्‍कु तूतू दाक्‍शा, परमप्रभु यावे कली पुंइशा, “गे इन वाइल कली ठेयब लडाइ ग्रापाइक्‍तीनी। मुल गो तूतू दाक्‍शा बेक्‍नुङा? एको ख्रोइक्‍तीक चिनु मख्रोइश्‍शो आन गुइमी बेक्‍नुङा?” देंमाक्‍त।
JDG 15:19 मिनु परमप्रभुमी लेही ङा खाल्‍टा कली प्रोल्‍शा, मेक रे ब्‍वाक्‍क ग्रुंइदा बाक्‍त। मिनु सिम्‍सोनमी ब्‍वाक्‍कु तूङा बाक्‍त। मिनु लें‍शा, बोल्‍यो दुम्‍माक्‍‍त। मोपतीके लेही ङा ब्‍वाक्‍कु बुक्‍तीक कली मुलाक्‍त सम्‍म एन-हाकोरे देंनीम।
JDG 15:20 मिनु पलिस्‍तीपुकीमी इस्राएली आन कली दिप्‍शा सासन पामेनु, सिम्‍सोनमी २० बर्स सम्‍म इस्राएली आन निसाफ पशो बाक्‍माक्‍त।
JDG 16:1 काबु सिम्‍सोन गाजा सहरमी लमाक्‍त। मिनु मेकेर तेल्‍लेम का तशा, मेको नाक्‍दो मेको नु इप्‍थ लमाक्‍त।
JDG 16:2 मिनु गाजेज सहर ङा मुरपुकीमी “सिम्‍सोन मेकेर जाक्‍शो बाक्‍ब” दे गाजा ङा मुर आन कली तुइक्‍पदमे बाक्‍त। मिनु मेकोपुकीमी सिम्‍सोन आ बाक्‍तीक पुम्‍तमे बाक्‍त। मिनु मुरपुकी नाक्‍दो सहर ङा ठेयब लाप्‍चोमी बाप्‍शा बाक्‍मा बाक्‍त। नाक्‍दो मेकोपुकी सिक्‍सी पा बाक्‍मा बाक्‍त। मेकोपुकीमी “नां सोव़चीना साइक्‍चा” दे सल्‍ला पशो बाक्‍मा बाक्‍त।
JDG 16:3 तन्‍न सिम्‍सोन क्‍येर नाक्‍दो सम्‍म ला आ ब्राख्‍येमी गोल्‍शा बाक्‍माक्‍‍त। मिनु बोक्‍शा लशा, सहर ङा ठेयब लाप्‍चो नु आ थाम निक्‍शी आ दलीन नेल्‍ल तुल्‍शा बालाम लाप्‍शा, हेब्रोन आ नेक्‍था ङा डांडाम लदा बाक्‍त।
JDG 16:4 मिनु नोले सिम्‍सोनम सोरेक ङा दिंममी बाक्‍ब देलीलाह माइश्‍शो मीश मुर का दाक्‍ता बाक्‍त।
JDG 16:5 मिनु पलिस्‍ती आन ठेयब मुरपुकी मेको मीश मुर कली ग्रुम्‍थ लमा बाक्‍त। मिनु मेको कली “सिम्‍सोन कली लेम्‍शा ‘इ कली सुमी बोल गेबा? दोपा इ कली फ्रेंने चाप्‍नीकी’ दे हिल्‍लो पावो। मिनु गो आंइ कली शेंदो। मारदे हना गो ग्‍याइक्‍चा दाक्‍नीकी। मिनु ग्‍याइश्‍शा गो का का पा इ कली ११, ११ सहे चांदी के शेकेल गेनीकी” देंमा बाक्‍त।
JDG 16:6 मिनु देलीलाहमी सिम्‍सोन कली “सुमी इन कली शुश बोल गेवा? दोपा इन कली फ्रेंने चाम्‍सीबा? मुरपुकीम दोपा इन कली ग्‍याइक्‍ने चाप्‍नीमी? आं कली शेंदीन” दे हिल्‍लो पवा बाक्‍त।
JDG 16:7 मिनु सिम्‍सोनमी “आं कली लिब्रा आ ७ ओटा क्‍येख डोरीमी फ्रेंताक्‍यीमी हना, अरु मुर खोदेंशो बोल मपाइश्‍शो दुम्‍नुङ” देंमाक्‍त।
JDG 16:8 मिनु पलिस्‍ती आन ठेयब मुरपुकीमी ७ ओटा लिब्रा आ क्‍येख डोरी चाक्‍शा, देलीलाह कली गेमे बाक्‍त। मिनु मेकोमी सिम्‍सोन कली फ्रेंदा बाक्‍त।
JDG 16:9 मेकोमी आगा ङा कोठामी मुरपुकी ख्रुइश्‍शा वोइश्‍शो बाक्‍माक्‍त। मिनु मेकोमी “सिम्‍सोन इन कली साइक्‍चा, दे पलिस्‍ती जाक्‍तेक्‍म” दे ग्रीमाक्‍त। मिनु सिम्‍सोनमी मेको डोरी कली मीम किक्‍शो पले खोदेंशो पा प्रोइश्‍शा प्रोक्‍माक्‍त। मिनु आ बोल चहिं मारम बाक्‍बा, दे मतुइक्‍तमे बाक्‍त।
JDG 16:10 मिनु देलीलाहमी सिम्‍सोन कली “गे आं कली शुक्‍शी पा जोल पाइतीनी। तन्‍न मुल ङा मेरे दोपा इन कली पाइक्‍ने चाम्‍सीबा, लो, देनीन” देंमाक्‍त।
JDG 16:11 मिनु सिम्‍सोनमी “आं कली नक मारेइ यो मफ्रेंशो डोरीमी फ्रेंताक्‍यीमी हना, अरु मुर खोदेंशो दुम्‍नुङ” देंमाक्‍त।
JDG 16:12 मोपतीके देलीलाहमी नक डोरी चाक्‍शा, मेको कली फ्रेंदा बाक्‍त। मेना यो मुरपुकी आ कोठामी ख्रुइश्‍शा बाक्‍शो बाक्‍मा बाक्‍त। मिनु मेकोमी “सिम्‍सोन इन कली साइक्चा, दे पलिस्‍ती जाक्‍तेक्‍म” दे ग्रीमाक्‍त। मिनु सिम्‍सोनमी मेको डोरी कली श्‍येले प्रोइश्‍शो खोदेंशो पा प्रोदा बाक्‍त।
JDG 16:13 मिनु देलीलाहमी लेंशा सिम्‍सोन कली “गे मुल सम्‍म आं कली शुक्‍शी पा जोल पाइतीनी। इन कली दोपा फ्रेंने चाम्‍सीबा?” दे हिल्‍लो पवा बाक्‍त। मिनु सिम्‍सोनमी “गे आं चां ङा ७ ओटा लामा कली तोव़ ओल्‍तीकेम पाइक्‍ताक्‍यी नु मेको तोव़ आ प्रोव़शो हिरतीक ठीक पा वोइक्‍तीवी हना, अरु मुर खोदेंशो पा बोल मपाइश्‍शो दुम्‍नुङ” देंमाक्‍त।
JDG 16:14 मोपतीके मेकोमी सिम्‍सोन इम्‍मेनु, मेको आ चां ङा ७ ओटा लामा कली तोव़ आ प्रोव़शो हिरतीकेमी हिरशा फ्रेंशा वोदा बाक्‍त। मिनु मेकोमी “सिम्‍सोन इन कली साइक्चा, दे पलिस्‍ती जाक्‍तेक्‍म” दे ग्रीमाक्‍त। मिनु सिम्‍सोन निन्‍द्रा रे सेंशा, तोव़ ओल्‍तीके, तोव़ नेल्‍ल नु प्रोव़शो वा यो उइश्‍शा बोक्‍माक्‍‍त।
JDG 16:15 मिनु देलीलाहमी “आं कली दाक्‍नुङ, दे दोपा देंने चाप्‍नीनी ङा? इन थुंमी आं कली मदाक्‍शो बाक्‍नीनी। गे आं कली खेयप सां शुक्‍शी पा, इन ठेयब बोल मारम बाक्‍बा, मुल सम्‍म मशेंदीनी” देंमाक्‍त।
JDG 16:16 मिनु मेकोमी सिम्‍सोन कली नाक्‍त किंत किंत हिल्‍लो पा श्‍येत गेवा बाक्‍त। न्‍यायाधीस १४:१७
JDG 16:17 मोपतीके सिम्‍सोनमी आ ख्रुइश्‍शो थमा लोव़ मेको कली शेंदा बाक्‍त। मेकोमी “मुल सम्‍म आं चां मप्रेक्‍शो बाक्‍ब। मारदे हना गो जरमेसी ङा रे परमप्रभु आ योव़शो नाजिरी का नङ। आं चां प्रेक्‍तेक्‍म हना, आं बोल लाइब। मिनु गो अरु मुर खोदेंशो पा बोल मपाइश्‍शो दुम्‍नुङ” देंमाक्‍त। न्‍यायाधीस १३:५
JDG 16:18 मिनु सिम्‍सोनमी देलीलाह कली आ थुं ङा लोव़ नेल्‍ल शोव़शा, नोले देलीलाहमी पलिस्‍ती आन ठेयब मुर आन कली “रीब पा जाक्‍कीन। मारदे हना मेकोमी आ थुं ङा लोव़ नेल्‍ल शेंताक्‍यी” दे ब्रेत्‍थ सोइक्‍ता बाक्‍त। मिनु पलिस्‍ती आन ठेयब मुरपुकी चांदी कुरशा जाक्‍मा बाक्‍त।
JDG 16:19 मिनु देलीलाहमी सिम्‍सोन कली आ थुकुमी इप्‍पदा बाक्‍त। मिनु मुर का ब्रेश्‍शा, आ ७ ओटा लामा प्रेक्‍पदा बाक्‍त। मोपा देलीलाहमी सिम्‍सोन आ बोल जाम्‍पाइश्‍शा सक्ति मपाइश्‍शो सेला बाक्‍त।
JDG 16:20 मिनु मेकोमी “सिम्‍सोन बोक्‍कीन, इन कली साइक्चा, दे पलिस्‍ती जाक्‍तेक्‍म” दे ग्रीमाक्‍त। मिनु मेको निन्‍द्रा रे बोक्‍माक्‍त। मिनु गो आंम कली गेना हना यो प्रोंइनुङ, दे मिम्‍ता बाक्‍त। तन्‍न “परमप्रभु यावेमी आं कली प्रोंइने थुम्‍तु” दे मेकोमी मतुइक्‍ता बाक्‍त। १सामुएल १६:१४
JDG 16:21 मिनु पलिस्‍तीपुकीमी मेको कली ग्‍याइश्‍शा, आ मिक्‍च पुक्‍तमे बाक्‍त। मिनु गाजा सहरम चाक्‍गमे बाक्‍त। मिनु कांसा के साङलोमी पाइश्‍शा जेल्‍खानमी यात हिल्‍पदमे बाक्‍त।
JDG 16:22 मिनु नोले आ प्रेक्‍शो चां लेंशा लाइश्‍शो दुम्‍माक्‍त।
JDG 16:23 मिनु पलिस्‍ती आन ठेयब मुरपुकीमी “इं देवतामी इं सत्रु सिम्‍सोन कली इं गुइमी गेप्‍तु” देंशा, आन देवता दागोन कली ठेयब चढ़ेतीक चढ़ेचा कली नु ग्‍येरसीचा कली खुम्‍समा बाक्‍त।
JDG 16:24 मिनु खुम्‍सीशो मुरपुकीमी सिम्‍सोन आ पर्बम “इं देवतामी इं सत्रु, इं रागी ङा सत्रु, इं रागी ङा मुर साइक्‍ब मुर कली इं गुइमी गेशो बाक्‍ब” दे ग्रीशा, आन देवता कली ठेयब सेल्‍मे बाक्‍त।
JDG 16:25 मिनु शुश ग्‍येरसीशा “सिम्‍सोन कली ग्रुंइदीन। मिनु मेकोमी आंइ कली सिल पा कोंइदल” दे पुन्‍मे बाक्‍त। मिनु सिम्‍सोन कली जेल्खान रे ग्रुंइदमे बाक्‍त। मिनु मेकोमी मेको आन कली सिल पा कोंइदा बाक्‍त। मिनु मेकोपुकीमी सिम्‍सोन कली ठेयब थाम आस दातेमी राप्‍पदमे बाक्‍त।
JDG 16:26 मिनु सिम्‍सोनमी आ गुइ ग्‍याइश्‍शा खुल्‍ब ठिटा कली “एको खिं कली तिक्‍ब नेल्‍ल क्‍येङा ठेयब थाम कली ग्‍याइक्‍चा गेयी। मिनु गो मेकेर रक एश्‍शा बाक्‍नुङ” देंमाक्‍त।
JDG 16:27 मेको खिंम शुश वोंइश मुर नु मीश मुर बाक्‍मा बाक्‍त। पलिस्‍ती आन ठेयब मुरपुकी यो नेल्‍ल मेकेर बाक्‍मा बाक्‍त। हजार सां खोइ वोंइश मुर नु मीश मुर चहिं खिं ङा नेल्‍ल क्‍येङा तला तार बाक्‍शा, सिम्‍सोन आ सिल कोव़ङमे बाक्‍त।
JDG 16:28 मिनु सिम्‍सोनमी परमप्रभु यावे कली “परमप्रभु, परमप्रभु यावे, आं कली मिम्‍तीन। आं कली लेंशा खेयप का सक्ति गेयीनी। परमप्रभु, गो काले आं मिक्‍च निक्‍शी आ पर्बम मेको आन कली क्‍येक्‍क लेत्‍ने चबुल” दे पुना बाक्‍त।
JDG 16:29 मिनु सिम्‍सोनमी मेको खिं कली तिक्‍शा वोइक्‍ब खिं आ दातेमी वोइश्‍शो थाम निक्‍शी कली पेरा गुइमी का नु ग्‍युरा गुइमी अर्को कली ग्‍याइक्‍ता बाक्‍त।
JDG 16:30 मिनु सिम्‍सोनमी “आं कली पलिस्‍तीपुकी नु बेक्‍चा गेन” देंशा, आ सक्ति नेल्‍लेमी बोल पा मेको थाम निक्‍शी कली नेप्‍ता बाक्‍त। मिनु मेको खिं ब्रेम्‍माक्‍त। मोपा बाक्‍शो नेल्‍ल ठेयब मुर नु अरु मुर नेल्‍ले चिप्‍शा बेक्मा बाक्‍त। मोपा सिम्‍सोनमी आ ब्रोंइशो क्‍येङा यो आ बेक्‍ची ना शुश मुर सदा बाक्‍त। हिब्रू ११:३२-३४
JDG 16:31 मिनु सिम्‍सोन आ आफ आ खिं ङा मुर नु आ लोक्‍बपुकी मेकेर जाक्‍शा, आ रां आ आफ मानोआह आ तुरस सोराह नु एश्‍ताओल सहर आ दातेमी थिम्‍मे बाक्‍त। सिम्‍सोन २० बर्स सम्‍म इस्राएली आन निसाफ पाइब दुम्‍‍शो बाक्‍माक्‍त। न्‍यायाधीस १३:२५; न्‍यायाधीस १५:२०
JDG 17:1 एफ्राइम ङा पहाडम मीकाह नें पाइश्‍शो मुर का बाक्‍माक्‍त।
JDG 17:2 मिनु मेकोमी आ आम कली “इन जाम्‍शो ११ सहे चांदी के शेकेल आ पर्बम सराप पशो, गो नेंता। मेको चांदी के शेकेल गो नु बाक्‍नीम। गो लाइश्‍शो नङ। मुल गो लेत्‍नन्‍नी” देंमाक्‍त। मिनु मेको आ ममामी “आं तौ, परमप्रभु यावेमी इ कली आसीक गेवल” देंमाक्‍त। लेवी ५:१; हितोपदेस २९:२४
JDG 17:3 मिनु मेको ११ सहे चांदी के शेकेल आ ममा कली लेश्‍शा गेवानु, आ ममामी “एको चांदी आं तौ कली रिम्‍शो दुम्‍ल, दे मुशो, चांदीम गिल्‍शो मूर्ति सेल्‍पाइश्‍शा परमप्रभु यावे कली गेनुङ। मोपतीके गो मेको चांदी के शेकेल लेंशा इ कली गेनन” देंमाक्‍त। शेकेल का ११.५ ग्राम बाक्‍ब।
JDG 17:4 आ तौमी मेको चांदी आ ममा कली गेवानु, आ ममामी सहे निक्‍शी चांदी के शेकेल लाइश्‍शा, चेम्‍ब कली गेवा बाक्‍त। मिनु मेकोमी मुशो मूर्ति का सेल्‍शा मेको कली चांदीम गिला बाक्‍त। मिनु मेको मीकाह आ खिंमी वोदमे बाक्‍त।
JDG 17:5 मेको मीकाह के देवता थान का यो बाक्‍माक्‍त। मेकोमी चढ़ेब आ ङोंइती फेक्‍तीके निसाफ पतीक ऊरीम नु थुम्‍मीम बाक्‍शो झोला सेल्‍पाइश्‍शा, खिं ङा देवतापुकी यो सेल्‍पदा बाक्‍त। मिनु आ तौ का कली योव़शा, चढ़ेब सेला बाक्‍त। न्‍यायाधीस ८:२७; उत्‍पत्ती ३१:१९; प्रस्‍थान २८:४१
JDG 17:6 मेना इस्राएल रागीमी पिप मबाक्‍मा बाक्‍त। मोपतीके सुम मार पचा दाक्‍मा, मेको पाइक्‍बाक्‍मा बाक्‍त। न्‍यायाधीस १८:१; न्‍यायाधीस १९:१; न्‍यायाधीस २१:२५
JDG 17:7 मिनु यहूदा ङा बेथलेहेम रे पा जाक्‍शो यहूदा आ थर ङा रागीम बाक्‍ब लेवी ठिटा का बाक्‍माक्‍त। न्‍यायाधीस १८:३; ब्‍यवस्‍था १८:६-८
JDG 17:8 मेको यहूदा ङा बेथलेहेम सहर प्रोंइशा, अर्को सहरम बाक्‍चा कली बाक्‍तीक माल्‍ना माल्‍न गाक्‍माक्‍त। मोपा गाक्‍मेनु, मेको एफ्राइम रागी ङा पहाड मीकाह आ खिंमी जाक्‍दीम्‍‍माक्‍त।
JDG 17:9 मिनु मीकाहमी “ते रे जाक्‍शो नवे?” दे हिल्‍लो पवा बाक्‍त। मिनु मेकोमी “गो यहूदा ङा बेथलेहेम रे पा जाक्‍शो लेवी का नङ। मिनु बाक्‍चा कली बाक्‍तीक का माल्‍ना माल्‍न गाक्‍ती” देंमाक्‍त।
JDG 17:10 मिनु मीकाहमी “गो नु बाक्‍को। मिनु आं आफ नु आं चढ़ेब दुमो। गो इ कली बर्स बर्समी १० ओटा चांदी के शेकेल गेनन। मिनु जचा फेक्‍चा यो गेनन” देंमाक्‍त।
JDG 17:11 मोपतीके मेको लेवी मीकाह नु बाक्‍चा बिस्‍से बाक्‍त। मिनु मीकाहमी मेको कली आ तौ आन दाते ङा का खोदेंशो पा वोदा बाक्‍त।
JDG 17:12 मिनु मीकाहमी मेको लेवी ठिटा कली आ गेय गेवा बाक्‍त। मिनु मेको ठिटा आ चढ़ेब दुम्‍शा, मेको आ खिंम बाक्‍माक्‍त। प्रस्‍थान २८:४१
JDG 17:13 मिनु मीकाहमी “मुल परमप्रभु यावेमी आं कली सोशो बोशो सेल्ती, दे तुइक्‍ताक्‍ङ। मारदे हना लेवी का आं चढ़ेब दुम्‍शो बाक्‍ब” देंमाक्‍त।
JDG 18:1 मेना इस्राएल रागीम पिप मबाक्‍मा बाक्‍त। मिनु मेना दान आ थर ङा मुरपुकीमी बाक्‍चा कली रू माल्‍ना माल्‍न बाक्‍मा बाक्‍त। मारदे हना इस्राएली आन दातेमी योक्‍शो रागी मथेरशो बाक्‍मा बाक्‍त। न्‍यायाधीस १:३४; यहोसु १९:४०-४८
JDG 18:2 मोपतीके दान आ थर ङा मुरपुकीमी सोराह नु एश्‍ताओल रे ५ जना मुर आन कली क्‍यारी पथ सोइक्‍त्‍मे बाक्‍त। मिनु मेको आन कली “लन, मिनु मेको रागी कली क्‍यारी पन” देंमा बाक्‍त। मिनु मेकोपुकी एफ्राइम आ पहाडी रागी, मीकाह आ खिंमी जाक्‍शा, बास बाक्‍मा बाक्‍त। न्‍यायाधीस १३:२५
JDG 18:3 मिनु मेकोपुकी मीकाह आ खिंम बाक्‍मानु, मेको लेवी ठिटा आ लोव़ पशो नेंशा तुइक्‍तमे बाक्‍त। मिनु मेको लेवी कली “सुम इ कली एकेर चाक्‍गा? एकेर मार पाइनेवे? मार गेय पाइनेवे?” दे हिल्‍लो पामे बाक्‍त। न्‍यायाधीस १७:७
JDG 18:4 मिनु मेकोमी “मीकाहमी गेय गेती। मेको आ चढ़ेब दुम्‍ती” देंमाक्‍त।
JDG 18:5 मिनु मेकोपुकीमी मेको लेवी कली “मो हना आंइ गेय रिम्‍शो दुम्‍बा देय मदुम्‍बा, परमप्रभु कली हिल्‍लो पावो” देंमा बाक्‍त।
JDG 18:6 मिनु लेवीमी “थुं नाइश्‍शा लने, परमप्रभु यावेमी इन गेय दाक्‍शो बाक्‍ब” देंमाक्‍त।
JDG 18:7 मिनु मेको ५ जना मुर लशा, लाइश सहरमी जाक्‍दीम्‍मा बाक्‍त। मेकोपुकीमी मेकेर ङा मुर आन कली सीदोन ङा मुरपुकी खोदेंशो पा लडाइ मपथु, रिम्‍शो नु क्‍येट थीब दुम्‍शा, बाक्‍शो तामे बाक्‍त। मेकोपुकी नु मारेइ मारेइ बाक्‍माक्‍त। मेको आन रागी सीदोनी आन रागी क्‍येङा ङोन बाक्‍माक्‍त। मिनु मेकोपुकी आंमा ला बाक्‍शो बाक्‍मा बाक्‍त।
JDG 18:8 मिनु मेको ५ जना मुर सोराह नु एश्‍ताओल सहरमी लेश्‍शा जाक्‍मा नोले आन लोक्‍बपुकीमी “मार लोव़ चाक्‍नी?” दे हिल्‍लो पामे बाक्‍त।
JDG 18:9 मिनु क्‍यारी पाइबपुकीमी “लो, लय। मिनु मेकोपुकी नु लडाइ पय। मारदे हना मेको रागी थम रिम्‍शो बाक्‍ब। मुल मार सिक्‍सी पा बाक्‍नीनी? मुल लचा कली देश मपने। मिनु मेको रागी कली आंम के सेल्‍य।
JDG 18:10 गे मेकेर जाक्‍दीश्‍शा, कोव़नीनु, ठेयब रागीमी थम रिम्‍शो पा बाक्‍शो जात का ङा मुर आन कली ताइनीनी। मेको मुरपुकीमी लडाइ आ पर्बम मारेइ ममिम्‍शो बाक्‍नीम। मेको रागी परमप्रभुमी इन गुइमी गेशो बाक्‍ब। मेको रागीमी बाक्‍शो मारेइ मारेइ थीसीब” देंमा बाक्‍त।
JDG 18:11 मिनु दान आ थर ङा ६ सहे या कुरशो मुरपुकी सोराह नु एश्‍ताओल सहर रे पा गाक्‍मा बाक्‍त। न्‍यायाधीस १३:२,२५
JDG 18:12 मेकोपुकी कुशा, यहूदा ङा किरयथ-यारीम आ नेक्‍था ताम्‍बु कीशा बाक्‍मा बाक्‍त। मोपतीके मुल सम्‍म मेको कली माहानेह-दान देंनीम। मेको किरयथ-यारीम आ पच्‍छिममी बाक्‍ब।
JDG 18:13 मिनु मेक रे गाक्‍शा, एफ्राइम ङा पहाडी रागीम बाक्‍शो मीकाह आ खिंमी जाक्‍दीम्‍मा बाक्‍त।
JDG 18:14 मिनु ङोंइती रागी क्‍यारी पथ पिशो ५ जना मुरुमी आन लोक्‍ब आन कली “एको खिं कामी चढ़ेब आ निसाफ पतीक ऊरीम नु थुम्‍मीम बाक्‍शो झोला नु खिं ङा देवता, मुशा चांदीमी गिल्‍शो मूर्ति बाक्‍नीम। गेपुकीमी तुइक्‍चा माल्‍नीनी। मिनु मुल मार पचा माल्‍बा, मिम्‍चा माल्‍नीनी” देंमा बाक्‍त।
JDG 18:15 मिनु मेकोपुकी मीकाह आ खिं आ नेक्‍था जाक्‍शा, लेवी ठिटा आ बाक्‍तीक जाक्‍मा बाक्‍त। मिनु “दोदेंशो बाक्‍नेवे?” दे हिल्‍लो पामे बाक्‍त।
JDG 18:16 या कुरशो ६ सहे दान आ थर ङा मुरपुकी चहिं लाप्‍चोमी बाक्‍मा बाक्‍त।
JDG 18:17 मिनु ङोंइती क्‍यारी पथ जाक्‍शो ५ जना मुर खिं आगा ओव़मा बाक्‍त। मिनु मेकोपुकीमी मेको मुशा चांदीम गिल्‍शो मूर्ति, निसाफ पतीके ऊरीम नु थुम्‍मीम बाक्‍शो झोला नु खिं ङा देवता नेल्‍ल लदमे बाक्‍त। मेना चढ़ेब यो मेको ६ सहे मुर नु लाप्‍चोम राप्‍शा बाक्‍शो बाक्‍माक्‍त। न्‍यायाधीस १७:५
JDG 18:18 मिनु मोपा मेको ५ जना मुरुमी मीकाह आ खिंमी ओव़शा, मेको मुशा चांदीम गिल्‍शो मूर्ति, चढ़ेब आ ङोंइती फेक्‍शो निसाफ पतीके ऊरीम नु थुम्‍मीम बाक्‍शो झोला नु खिं ङा देवतापुकी लदमेनु, चढ़ेबमी “मार पनी?” दे हिल्‍लो पामी बाक्‍त।
JDG 18:19 मिनु मेकोपुकीमी “ब्‍वालेइ पावो। लोव़ का यो मपावो। गो नु गाक्‍शा आंइ आफ नु चढ़ेब दुमो। मार, मुर का आ चढ़ेब दुम्‍चा रिम्‍शो देय इस्राएल ङा थर का नु आन मुर आन चढ़ेब दुम्‍चा रिम्‍शो दुम्‍बा? लो, मिम्‍तो” देंमा बाक्‍त।
JDG 18:20 मिनु मेको चढ़ेब बिश्‍शा, मेको निसाफ पतीके ऊरीम नु थुम्‍मीम बाक्‍शो झोला खिं ङा देवतापुकी नु मेको मुशा चांदीम गिल्‍शो मूर्ति कुरशा, मेकोपुकी नु गाक्‍माक्‍‍त।
JDG 18:21 मिनु मेकोपुकी मेकेर रे लेश्‍शा, आन लां खोदमे बाक्‍त। मेकोपुकीमी आलपुकी, बस्‍तु भाव नु आन मारेइ मारेइ लाइश्‍शा, आन ङोंइती खुल्‍शा गाक्‍मा बाक्‍त।
JDG 18:22 मिनु दान आ थर मा मुरपुकी मीकाह आ खिं रे इच्‍का ङोन जाक्‍दीम्‍मानु, मीकाहमी आ नेक्‍था ङा मुर आन कली ब्रेश्‍शा खुप्‍शा, खेदा पा थिम्‍मी बाक्‍त।
JDG 18:23 मिनु हुइक्‍तीमी बाक्‍त। मिनु दान आ थर ङा मुरपुकीमी मीकाह कली “इ कली मार दुम्‍मे? मारदे मोदेंशो पा शुश मुर खुप्‍तीमी?” देंमा बाक्‍त।
JDG 18:24 मिनु मीकाहमी “आं कली सेल्‍सीशो देवी देवता नु आं चढ़ेब मुर मारदे लाइक्‍नी? आं कली मारेइ महेंदीनी। मिनु आं कली ‘इ कली मार दुम्‍मे?’ दे हिल्‍लो पाइनीनी?” देंमाक्‍त।
JDG 18:25 मिनु दान आ थर ङा मुरपुकीमी “ब्‍वाले पावो। मारदे हना आंइ दाते ङा चुरब मुरपुकीमी चुरशा, इ कली नु इ खिं ङा मुर आन कली साइक्‍नीमी” देंमा बाक्‍त।
JDG 18:26 मिनु मेको दान आ थर ङा मुरपुकी मेकेर रे गाक्‍मा बाक्‍त। मीकाह यो आ क्‍येङा बोल्‍यो मुर तशा, मारेइ मपथु, आ खिं लेम्‍माक्‍त।
JDG 18:27 मोपा मेको चढ़ेब नु मीकाह आ सेल्‍सीशो मूर्ति लाइश्‍शा, मेकोपुकी गाक्‍मा बाक्‍त। मिनु मेकोपुकी लाइश सहर नु लडाइ पामे बाक्‍त। मेकेर ङा मुरपुकी थुं नाइश्‍शा, लडाइ ममिम्‍थु बाक्‍शो बाक्‍मा बाक्‍त। मिनु दान आ थर ङा मुरपुकीमी मेको आन कली तरवारमी साइश्‍शा, मेको आन सहरम मी सुइक्‍तमे बाक्‍त।
JDG 18:28 मेको आन कली प्रोंइब सुइ मबाक्‍मा बाक्‍त। मारदे हना मेको सहर सीदोन रे शुश ङोन बाक्‍‍माक्‍त। मेको सहर बेथ-रेहोब आ नेक्‍था ङा दिंममी बाक्‍माक्‍त। मिनु दान आ थर ङा मुरपुकीमी मेको सहर सेल्‍शा बाक्‍चा गोव़मे बाक्‍त।
JDG 18:29 मिनु मेको सहर कली इस्राएल आ तौ, मेको आन किकी पिपी आ नें दान वोदमे बाक्‍त। मेको सहर आ नें ङोंइती लाइश बाक्‍माक्‍त। यहोसु १९:४७
JDG 18:30 मिनु दान आ थर ङा मुरपुकीमी मेको मूर्ति पूजा पचा कली वोदमे बाक्‍त। इस्राएली नेल्‍ल ग्‍याइश्‍शा लाइक्‍चा मपुंइसीमा सम्‍म मोसा आ तौ गेरशोम, आ तौ योनाथन नु मेको आ चच युइ दान आ थर ङा चढ़ेब दुम्‍मा बाक्‍त। १राजा १२:२९; आमोस ८:१४; प्रस्‍थान १८:३; २राजा १५:२९
JDG 18:31 परमप्रभु आ खिं शिलोमी बाक्‍म सम्‍म मेकोपुकीमी मीकाहमी सेल्‍सीशो मूर्ति कली पूजा पामे बाक्‍त। यहोसु १८:३; येरमीया ७:१२
JDG 19:1 मेना इस्राएल रागीम पिप मबाक्‍माक्‍त। मिनु लेवी का बाक्‍‍माक्‍त। मेको एफ्राइम ङा नेल्‍ल क्‍येङा नोले ङा पहाडी रागीम बाक्‍शो बाक्‍‍माक्‍त। मेकोमी यहूदा ङा बेथलेहेम रे मीश का चाक्‍शो बाक्‍माक्‍त। न्‍यायाधीस १७:६
JDG 19:2 मिनु आ वोंइश नु गाइश्‍शा, मेको कली प्रोंइशा आ माइत यहूदा ङा बेथलेहेममी लशो बाक्‍माक्‍त। मिनु मेको मीश मुर मेकेर बाक्‍शो ४ महिना दुम्‍शो बाक्‍‍माक्‍त।
JDG 19:3 मिनु आ वोंइश आ कान्‍छी मीश कली लेम्‍शा बिप्‍पाइश्‍शा, मेको कली पित्‍चा कली ल‍माक्‍त। मेकोमी वाइल का नु गधा निक्‍शी यो लदा बाक्‍त। मिनु मेको आ शिउ आ खिंमी जाक्‍दीम्‍माक्‍त। मिनु आ शिउमी मेको कली तशा ग्‍येरसीशा ग्रुमा बाक्‍त।
JDG 19:4 मिनु आ शिउमी “बाक्‍कीन” दे नमो सिमो पवा बाक्‍त। मोपतीके नाक्‍त सां सम्‍म बाक्‍माक्‍त। मेकोपुकी जशा तूशा बाक्‍मा बाक्‍त।
JDG 19:5 मिनु ४ नाक्‍त नोले मेको लेवी सुनी कना बोक्‍शा, गाक्‍चा कली सासे बाक्‍त। तन्‍न आ शिउमी “लचा क्‍येङा ङोंइती मारेइ जने” देंमाक्‍त।
JDG 19:6 मोपतीके जशा तूशा बाक्‍सा बाक्‍त। मिनु आ शिउमी “मुलाक्‍त नाक्‍दो का बाक्‍शा, चिनु ग्‍येरसीशा लने” देंमाक्‍त।
JDG 19:7 मिनु मेको निक्‍शी जशा तूशा बाक्‍सा बाक्‍त। मिनु आ शिउमी “चिनु काब नाक्‍दो बाक्‍कीन” दे नमो सिमो पवा बाक्‍त।
JDG 19:8 मिनु ५ नाक्‍त मेको लचा कली सुनी कना बोक्‍माक्‍त। तन्‍न आ शिउमी “ङोंइती जने, नां इच्‍का चोक्‍तल। मिनु नोले लने” देंमाक्‍त। मोपतीके मेको निक्‍शी नां चोक्‍चा सम्‍म बाक्‍शा, जशा तूशा, बाक्‍सा बाक्‍त।
JDG 19:9 मिनु मेको मुर, आ मीश नु आ वाइल नु लचा, दे बोक्‍मेनु, आ शिउमी “लो, कोव़ङीन, नां रिक्‍चाप्‍तु। मोपतीके मुलाक्‍त नाक्‍दो बाक्‍शा, इन थुं ग्‍येरपतीन। मिनु दीसा सुनी कना बोक्‍शा इन खिं ले‍तीन” देंमाक्‍त। लूका २४:२९
JDG 19:10 तन्‍न मेको नाक्‍दो बाक्‍चा मबिस्‍से बाक्‍त। मेक रे बोक्‍शा, आ मीश, आ वाइल नु गधा निक्‍शी खुल्‍शा, मेकोपुकी यबुस आ आइदी जाक्‍दीम्‍मा बाक्‍त। यबुस सहर कली यरूसलेम यो देंबाक्‍मा बाक्‍त। न्‍यायाधीस १:२१; १इतिहास ११:४
JDG 19:11 मिनु यबुस आ नेक्‍था जाक्‍दीम्‍मानु, नां रिक्‍चशो बाक्‍माक्‍त। मिनु वाइलमी “मुलाक्‍त नाक्‍दो लशा, यबुसी आन सहरमी बाक्‍य” देंमाक्‍त।
JDG 19:12 तन्‍न लेवीमी “गो इस्राएली अरु मुर आन सहरम मलाइनीक। गिबा सहरमी लय।
JDG 19:13 लो, गाक्‍य, गिबा हना यो रामाह सहर हना यो का सम्‍म जाक्‍दीशा, बास बाक्‍य” देंमाक्‍त।
JDG 19:14 मिनु गाक्‍मा बाक्‍त। मोपा गाक्‍मा गाक्‍मा बेन्‍यामीन आन गिबा सहर जाक्‍चामेनु, नां रिक्‍माक्‍त। यहोसु १८:२८
JDG 19:15 मिनु मेकेर बास माल्‍शा लामा बाक्‍त। मिनु सहर ङा चोकमी बाक्‍मा बाक्‍त। मारदे हना सुइमी मेको आन कली बास बाक्‍चा कली आन खिंमी मलदमे बाक्‍त।
JDG 19:16 मिनु खाल्‍पा का आ रूमी गेय पा नाक्‍दो खिं लेश्‍शो बाक्‍माक्‍त। मेको खाल्‍पा एफ्राइम ङा पहाडी रागी ङा बाक्‍माक्‍त। तन्‍न गिबामी बेन्‍यामीन आ थर ङा सहरम बाक्‍बाक्‍माक्‍त।
JDG 19:17 मिनु मेको खाल्‍पामी इर कोव़शा सहर ङा चोकमी बाक्‍शो लां गाक्‍ब मुर आन कली तवा बाक्‍त। मिनु लशा मेको आन कली “ते रे पिनी? ते लाइनीनी?” दे हिल्‍लो पवा बाक्‍त।
JDG 19:18 मिनु मेकोमी “गोपुकी यहूदा ङा बेथलेहेम रे एफ्राइम ङा नेल्‍ल क्‍येङा नोले ङा पहाडी रागीम लाइनीकी। गो मेकेर ङा नङ। गो यहूदा ङा यबुस बेथलेहेममी लती। मुल मेक रे लेश्‍शा, आं खिं लना लन बाक्‍नुङ। मिनु सुइमी आंइ कली बास बाक्‍चा मगेम।
JDG 19:19 गोपुकी नु आंइ गधा कली नल नु जचा थोव़क बाक्‍ब। गो, आं मीश नु आं वाइल नेल्‍ल कली जचा तूचा थोव़क यो बाक्‍ब। गो आंइ कली माल्‍शो मारेइ मारेइ गोपुकी नु बाक्‍ब” दे लोव़ लेत्‍ता बाक्‍त।
JDG 19:20 मिनु खाल्‍पामी “थुं नाइक्‍तीन। आं खिंम बाक्‍कीन। इन माल्‍शो नेल्‍ल गेनन्‍नी। गेपुकीमी चोकमी बाक्‍शा, नां सोंइचा काइ मदुम्‍ब” देंमाक्‍त।
JDG 19:21 मिनु खाल्‍पामी आ खिंमी लाइक्‍मी बाक्‍त। गधा आस कली जचा गेवा बाक्‍त। मिनु आन खोइल चिक्‍शा, जशा तूशा बास बाक्‍मा बाक्‍त।
JDG 19:22 मेकोपुकी ग्‍येरसीशा बाक्‍शो बाक्‍मानु, सहर ङा मरिम्‍शो मुरपुकीमी मेको खिं कली दि दा रे पा पुम्दमे बाक्‍त। मिनु खिं ङा लाप्‍चो कली ख्रोकोल पना पन “इ खिंमी ओव़ब मुर कली लाङगा ग्रुंइदो। गोपुकी मेको नु इप्‍नीकी” दे ग्रीमा बाक्‍त। उत्‍पत्ती १९:५-८
JDG 19:23 मिनु खाल्‍पा लाङगा ग्रूशा, मेको आन कली “आं लोक्‍बपुकी, एको मुर आं वारच बाक्‍ब। मोदेंशो मरिम्‍शो मपन। एको मुर आं पौना बाक्‍ब। मेको कली मारेइ यो मपन।
JDG 19:24 एकेर आं कन्‍ने तमी नु एको पौना आ कान्‍छी मीश बाक्‍ब। मेको आस कली लतीन। मिनु इन दाक्‍शो पन। तन्‍न एको मुर कली मारेइ यो मपन” देंमाक्‍त।
JDG 19:25 तन्‍न मेको मुरपुकीमी खाल्‍पा आ लोव़ काइ मबिस्‍समा बाक्‍त। मोपतीके मेको पौनामी आ कान्‍छी मीश मेको आन बाक्‍तीक सोइक्‍ता बाक्‍त। मिनु मेकोपुकी मेको नाक्‍दो नेल्‍ल मेको मीश मुर नु इम्‍मा बाक्‍त। मेको कली का का पा बिग्रेमे बाक्‍त। मिनु सुनी सोइक्‍तमे बाक्‍त।
JDG 19:26 मिनु सुनी कना आ वोंइश बाक्‍शो खिं ङा लाप्‍चोमी जाक्‍शा गोल्‍माक्‍‍त। मिनु नां मसोक्‍म सम्‍म मेकेरेन गोल्‍शा बाक्‍माक्‍त।
JDG 19:27 मिनु आ वोंइश बोक्‍शा, मुल गाक्‍चा, दे लाप्‍चो रोक्‍गानु, आ मीश कली लाप्‍चो आ पुंम गोल्‍शो तवा बाक्‍त।
JDG 19:28 मिनु “बोक्‍को, गाक्‍य” देंमेनु, मारेइ लोव़ मलेत्‍ता बाक्‍त। मिनु आ मीश कली गधा तारी वोइश्‍शा खिं लदा बाक्‍त।
JDG 19:29 मिनु खिं जाक्‍दीश्‍शा, आ छूरी ग्रुंइ‍शा आ मीश कली क्‍योरशा, १२ टुक्रा पा इस्राएल आ थर नेल्‍ल आन कली सोइक्‍ता बाक्‍त। १सामुएल ११:७
JDG 19:30 मेको ताइब नेल्‍लेमी “गो इस्राएलीपुकीम इजीप्‍त रागी रे पिशो रे मुलाक्‍त सम्‍म ओदेंशो मदुम्‍शो नु मतशो बाक्‍तय। मोपतीके मुल मार पचा मिम्‍तीन। मिनु सल्‍ला पने” देंमा बाक्‍त। होसे १०:९
JDG 20:1 मिनु इस्राएली नेल्‍ले दान रे पा बेयर-शेबा सम्‍म गिलाद रागी परमप्रभु यावे आ ङोंइती मिस्‍पामी ग्रुम्‍मा बाक्‍त। यहोसु १८:२६; १सामुएल ७:५
JDG 20:2 इस्राएली आन थर थर ङा ठेयब मुरपुकी नु तरवार कुरब ४ लाख लडाइ पाइबपुकी परमप्रभु आ मुर आन ग्रुम्‍तीकेमी जाक्‍मा बाक्‍त।
JDG 20:3 मिनु बेन्‍यामीन आ थर ङा मुरपुकीमी इस्राएली नेल्‍ले मिस्‍पामी बुक्‍तेक्‍म, दे तुइक्‍तमे बाक्‍त। मिनु इस्राएलीपुकीमी मेको लेवी कली “एको मरिम्‍शो गेय दोपा दुम्‍मे?” दे हिल्‍लो पामे बाक्‍त।
JDG 20:4 मिनु मेको साइक्‍चा पुंइसीशो मीश मुर आ वोंइश लेवीमी “गो नु आं मीश बास बाक्‍चा कली बेन्‍यामीन आ थर ङा गिबा सहरमी लशो नस्‍कु। न्‍यायाधीस १९:१४; यहोसु १८:२८
JDG 20:5 मिनु मेको नाक्‍दो गिबा सहरम बाक्‍ब मुरपुकीम आं कली मरिम्‍शो पचा कली आं बाक्‍शो खिं पुम्‍ताक्‍म। मिनु मेकोपुकीमी आं कली साइक्‍चा माल्‍तेक्‍म। मिनु आं मीश कली कीशा लाइश्‍शा, मेको नु मबेक्‍म सम्‍म का का पा इप्‍तेक्‍म।
JDG 20:6 मिनु गो आं बेक्‍शो मीश कली टुक्रा टुक्रा पा चेक्‍ता। मिनु इस्राएल आ थर नेल्‍ल आन रागीम सोइक्‍ताक्‍ङ। मेकोपुकीमी इस्राएलमी मोदेंशो ग्रांग्रा दिशो नु मरिम्‍शो पामे बाक्‍त, दे तुइक्‍पाइक्‍चा कली गो मो पाता। उत्‍पत्ती ३४:७
JDG 20:7 मुल गे इस्राएली नेल्‍ल लोव़ पने। मार पचा माल्‍बा, इन मिम्‍शो शोव़ङीन” देंमाक्‍त।
JDG 20:8 मिनु मुर का दुम्‍शो खोदेंशो पा मुर नेल्‍ले बोक्‍मा बाक्‍त। मिनु मेकोपुकीमी “गोपुकी सुइ यो आंम खिं लेश्‍शा मलय। का सम्‍म यो लेश्‍शा मलय।
JDG 20:9 मुल गोपुकीमी गिबा सहर ङा मुर आन कली मार पचा देंशा हना, गो फेन्‍टे आप्‍शा, गिबा सहर लशा, लडाइ तोय।
JDG 20:10 इस्राएल आ थर नेल्‍ल ङा सहे का रे १० जना, हजार का रे सहे का जना, १० हजार रे हजार का जना मुर लाइश्‍शा, लडाइ पाइब आन कली जचा थोव़क क्‍याप्‍‍ब नु कुरब सेल्‍य। मिनु मोपा गो गिबा सहरम बाक्‍ब बेन्‍यामीन आ थर ङा मुरपुकीम इस्राएलम पशो ग्रांग्रा दिशो गेय आ पर्बम क्‍येक्‍क लेत्‍तय” देंमा बाक्‍त।
JDG 20:11 मोपा इस्राएली नेल्‍ले थुं का दुम्‍शा, मेको सहर नु लडाइ पचा कली खुम्‍साक्‍मा बाक्‍त।
JDG 20:12 मिनु इस्राएल आ थर ङा मुरपुकीमी बेन्‍यामीन आ थर ङा मुर नेल्‍ल आन कली “इन दातेमी पशो ग्रांग्रा दिशो गेय, मार बाक्‍बा?
JDG 20:13 मोदेंशो मरिम्‍शो पाइब आन कली आंइ गुइमी गेन। मिनु गो मेको आन कली साइश्‍शा, इस्राएल रागी कली मोदेंशो ग्रांग्रा दिशो रे रिम्‍शो सेल्‍नीकी” दे लोव़ पथ, मुर सोइक्‍तमे बाक्‍त। तन्‍न बेन्‍यामीन आ थर ङा मुरपुकीम आंम लोक्‍ब इस्राएली आन लोव़ मनेन्‍मे बाक्‍त। प्रस्‍थान २१:१२; गन्‍ती ३५:३३-३४
JDG 20:14 मिनु बेन्‍यामीन आ थर ङा मुरपुकी इस्राएलीपुकी नु लडाइ पचा कली गिबामी खुम्‍समा बाक्‍त।
JDG 20:15 बेन्‍यामीन आ थर ङा मुरपुकीमी रीब पा २६ हजार तरवार कुरशो लडाइ पाइब मेको सहर रे खुप्‍तमे बाक्‍त। मेको आन क्‍येङा लाक्‍शा गिबा सहर ङा मुर यो बाक्‍मा बाक्‍त।
JDG 20:16 मेको आन दातेमी ७ सहे पेरा गुइ चलेब, हुरद आप्‍चा शुश जोक्‍ब मुर यो बाक्‍मा बाक्‍त। आन सहर नु गिबा रे यो जाक्‍मा बाक्‍त।
JDG 20:17 मिनु इस्राएलीपुकीमी चहिं बेन्‍यामीन आ थर ङा मुरपुकी नु लडाइ पचा कली तरवार कुरशो ४ लाख लडाइ पाइब ठीक पामे बाक्‍त।
JDG 20:18 मिनु इस्राएलीपुकी रीब पा बेथेल लशा, परमप्रभु कली “आंइ इस्राएली आन दातेमी तेको थरमी नेल्‍ल क्‍येङा ङोंइती बेन्‍यामीन आ थर ङा मुर नु लडाइ पचा?” दे हिल्‍लो पामे बाक्‍त। मिनु परमप्रभु यावेमी “यहूदा आ थर ङा मुरपुकीमी ङोंइती लडाइ पचा माल्‍नीम” देंमाक्‍त। न्‍यायाधीस १:१-२; गन्‍ती २७:२१
JDG 20:19 मिनु इस्राएलीपुकी सुनी कना बोक्‍शा लशा, गिबा आ नेक्‍था ताम्‍बु कीशा बाक्‍मा बाक्‍त।
JDG 20:20 मेकोपुकीमी बेन्‍यामीन आ थर ङा मुरपुकी नु लडाइ पचा कली गिबा सहर आ नेक्‍था ठीक पा बाक्‍मा बाक्‍त।
JDG 20:21 मेको नाक्‍ती बेन्‍यामीन आ थर ङा मुरपुकी गिबा सहर रे लशा, लडाइ पा २२ हजार इस्राएली आन कली सदमे बाक्‍त।
JDG 20:22 तन्‍न इस्राएल ङा मुरपुकी थुं बारपाइश्‍शा, ङोंइती नाक्‍ती खोदेंशो पा लेंशा लडाइ पचा कली ठीक पा बाक्‍मा बाक्‍त।
JDG 20:23 मिनु इस्राएलीपुकी लशा, नाक्‍दो सम्‍म परमप्रभु यावे आ ङोंइती ङाक्‍मा बाक्‍त। मिनु मेकोपुकीमी परमप्रभु यावे कली “आंम लोक्‍ब बेन्‍यामीन आ थर ङा मुर नु लेंशा लडाइ तोचा देय मतोचा” दे हिल्‍लो पामे बाक्‍त। मिनु परमप्रभु यावेमी “मेकोपुकी नु लडाइ पचा कली लन” देंमाक्‍त।
JDG 20:24 आ दीसा नाक्‍त यो मेकोपुकीमी बेन्‍यामीन आ थर ङा मुरपुकी नु लडाइ पचा गोव़मे बाक्‍त।
JDG 20:25 मिनु बेन्‍यामीन आ थर ङा मुरपुकी मेकोपुकी नु लडाइ पचा कली गिबा रे ग्रूमा बाक्‍त। मिनु मेकोपुकीमी लेंशा १८ हजार इस्राएली आन कली सदमे बाक्‍त। उत्‍पत्ती ४९:२७
JDG 20:26 मिनु इस्राएली नेल्‍ले बेथेल सहर लमा बाक्‍त। मिनु मेकोपुकीमी नाक्‍दो सम्‍म परमप्रभु यावे आ ङोंइती ङाक्‍शा माइजा बाक्‍मा बाक्‍त। मेकोपुकीमी परमप्रभु यावे कली चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त। न्‍यायाधीस २०:१८; यहोसु १८:२१-२२
JDG 20:27 मिनु इस्राएलीपुकीमी परमप्रभु यावे कली “मार पचा” दे हिल्‍लो पामे बाक्‍त। मारदे हना मेना परमप्रभु आ कबल पशो सन्‍दोस मेकेर बाक्‍माक्‍त।
JDG 20:28 मिनु हारून आ तौ एलाजर आ तौ फिनेहासमी मेको कली कोव़ब बाक्‍माक्‍त। मिनु इस्राएलीपुकीमी परमप्रभु यावे कली “मुल गो आंइ लोक्‍ब बेन्‍यामीन आ थर ङा मुरपुकी नु लडाइ पथ लेंशा लचा देय मलचा” दे हिल्‍लो पामे बाक्‍त। मिनु परमप्रभु यावेमी “लन, गो दीसा मेको आन कली इन गुइमी गेनन्‍नी” देंमाक्‍त। गन्‍ती २५:७; यहोसु २४:३३
JDG 20:29 मोपतीके इस्राएल ङा मुरपुकीमी लडाइ पाइब आन कली गिबा आ एर ओंथ बाप्‍पदमे बाक्‍त। यहोसु ८:१२,१४
JDG 20:30 मेको सां नाक्‍ती इस्राएलीपुकी बेन्‍यामीन आ थर ङा मुरपुकी नु लडाइ पथ लमा बाक्‍त। ङोंइती पशो खोदेंशो पा लडाइ पचा कली गिबा सहर आ ङोंइती ठीक पा बाक्‍मा बाक्‍त।
JDG 20:31 मिनु बेन्‍यामीन आ थर ङा मुरपुकी चहिं इस्राएली आन लडाइ पाइब नु लडाइ पचा कली लाङगा ग्रूमा बाक्‍त। इस्राएलीपुकी सहर रे प्रोक्‍खु पा मेको आन कली गिबा सहर रे ङोन लदमे बाक्‍त। मिनु बेन्‍यामीन आ थर ङा मुर ङोंइती खोदेंशो पा इस्राएली सदमे बाक्‍त। मेकोपुकी ठेयब लांमी बाक्‍मा बाक्‍त। लां का बेथेल गे लाइब नु अरु चहिं गिबा नु अर्को रू गे लाइब लां बाक्‍‍माक्‍त। मेकेर ३० जना इस्राएली कली सदमे बाक्‍त।
JDG 20:32 मिनु बेन्‍यामीन आ थर ङा मुरपुकीमी “गो ङोंइती खोदेंशो पा ग्राना ग्रान बाक्‍नय” दे मिम्‍तमे बाक्‍त। तन्‍न इस्राएलीपुकीमी “गो प्रोक्‍खु पा मेको आन कली सहर रे ङोन ठेयब लां सम्‍म ग्रुंइचा माल्‍नीक” देंमा बाक्‍त।
JDG 20:33 मोपा इस्राएली आन लडाइ पाइब आन ठेयब हुल आंम आन लडाइ पतीके प्रोंइशा बाल-तामार गे प्रोक्‍खु पामे बाक्‍त। मिनु बाप्‍शा बाक्‍बपुकी चहिं गेबा आ पच्‍छिम रे रीब पा ग्रूमा बाक्‍त। गेबा गिबा सहर दुम्‍ने चाप्‍ब।
JDG 20:34 मिनु इस्राएल ङा १० हजार योव़सीशो लडाइ पाइबपुकीमी गिबा गे बारशा ठेयब लडाइ तोमे बाक्‍त। तन्‍न बेन्‍यामीन आ थर ङा मुरपुकीमी “ठेयब श्‍येत जाक्‍चा चिक्‍शो बाक्‍त” दे मतुइक्‍तमे बाक्‍त।
JDG 20:35 मिनु परमप्रभु यावेमी बेन्‍यामीन आ थर ङा मुर आन कली इस्राएली आन गुइ रे खतम सेला बाक्‍त। मेको नाक्‍ती इस्राएलीपुकीमी २५ हजार सहे का बेन्‍यामीन आ थर ङा मुर आन कली सदमे बाक्‍त।
JDG 20:36 मिनु बेन्‍यामीन आ थर ङा मुरपुकीमी “मुल गो ब्रुइतक” दे तुइक्‍तमे बाक्‍त। मारदे हना इस्राएलीपुकीमी ब्रुशो देंखु पा गिबा आ नेक्‍था बाप्‍शा बाक्‍ब आन कली थमा सुइश्‍शा, प्रोक्‍खु पामे बाक्‍त।
JDG 20:37 मिनु मेको बाप्‍शा बाक्‍बपुकीमी रीब पा लडाइ पा गिबा सहर ओव़मा बाक्‍त। मिनु मेकोपुकीमी मोपा ओव़शा, गिबा ङा मुर नेल्‍ल कली तरवारमी क्‍योरशा सदमे बाक्‍त।
JDG 20:38 इस्राएली नु मेको बाप्‍शा बाक्‍ब मुर आन सल्‍ला मार बाक्‍त देंशा हना, मेकोपुकीमी सहर ओव़शा, ग्राशा, मी मुइश्‍शा सरीङ गे कुन सोइक्‍चा माल्‍बाक्‍मा बाक्‍त।
JDG 20:39 मिनु प्रोक्‍खु पशो इस्राएल ङा ठेयब हुल मेको तशा लेत्चा, दे सल्‍ला पशो बाक्‍मा बाक्‍त। मिनु ङोंइती बेन्‍यामीन आ थर ङा मुरपुकीमी इस्राएली आन कली ३० जना साइश्‍शा “गो थमा पा ग्रानीक” दे मिम्‍शो बाक्‍मा बाक्‍त।
JDG 20:40 मिनु सहर आ दाते रे कुन ग्रूशो तशा, बेन्‍यामीन आ थर ङा मुरपुकीमी नोले हिरशा कोव़ङमे बाक्‍त। मिनु सहर नेल्‍लेमी मी ब्रशो तामे बाक्‍त।
JDG 20:41 मिनु प्रोक्‍खु पाइब इस्राएलीपुकी फ्रा लेश्‍शा, बेन्‍यामीन आ थर ङा मुर आन कली लडाइ तोव़मे बाक्‍त। मिनु बेन्‍यामीन आ थर ङा मुरपुकी “ला, मुल बेक्‍साक्‍व” दे हिंमा बाक्‍त।
JDG 20:42 मोपतीके बेन्‍यामीन आ थर ङा मुर मेक रे गोरशो रागी गे प्रोक्‍मा बाक्‍त। तन्‍न सहर रे जाक्‍शो इस्राएलीपुकीमी मेको आन कली दाते पा क्‍योरशा साइक्‍चा गोव़मे बाक्‍त।
JDG 20:43 मेकोपुकीमी बेन्‍यामीन आ थर ङा मुर नेल्‍ल कली मनाइक्‍थु, खेदा पामे बाक्‍त। मिनु नोहा रे गिबा आ नां दाप्‍तीके सम्‍म मेको आन कली खेदा पा साइश्‍शा ग्रामा बाक्‍त।
JDG 20:44 मिनु १८ हजार बेन्‍यामीन आ थर ङा मुरपुकी साइक्‍चा पुंइसमा बाक्‍त। मेको नेल्‍ल बोल्‍यो लडाइ पाइब बाक्‍मा बाक्‍त।
JDG 20:45 मिनु लेश्‍शा गोरशो रागी रिम्‍मोन माइश्‍शो ठेयब फुल्‍लु गे प्रोक्‍मानु, इस्राएलीपुकीमी ठेयब लांमी ५ हजार खोइ बेन्‍यामीन आ थर ङा मुर आन कली सदमे बाक्‍त। मेकोपुकीमी अरु आन कली गिदोम सहर सम्‍म खेदा पा हजार निक्‍शी आन कली सदमे बाक्‍त।
JDG 20:46 मेको नाक्‍ती २५ हजार या कुरशो बेन्‍यामीन आ थर ङा मुरपुकी लडाइमी साइक्‍चा पुंइसमा बाक्‍त।
JDG 20:47 तन्‍न ब्रोंइशा लीशो ६ सहे जना बेन्‍यामीन आ थर ङा मुरपुकी गोरशो रागी ङा रिम्‍मोन फुल्‍लु मेर प्रोक्‍शा, ४ महिना मेकेर बाक्‍मा बाक्‍त। न्‍यायाधीस २१:१३
JDG 20:48 मिनु इस्राएलीपुकीमी बेन्‍यामीन आ थर ङा मुर नेल्‍ल आन कली लडाइ पा सदमे बाक्‍त। सहर कली क्रोइश्‍शा, मुर नु बस्‍तु भाव मारेइ मारेइ सदमे बाक्‍त। मेकोपुकीमी लीशो सहर नेल्‍ल आन कली यो मी सुइक्‍तमे बाक्‍त। उत्‍पत्ती ३४:२५-२९; गन्‍ती ३५:३०-३४; ब्‍यवस्‍था १३:१३-१९
JDG 21:1 मिनु ङोंइती मिस्‍पामी जाक्‍शो इस्राएलीपुकीमी मार कसम जशो बाक्‍मा बाक्‍त देंशा हना “गोपुकीमी इं तमी आन कली बेन्‍यामीन आ थर ङा मुर आन कली ग्‍युंबे पा मगेय” दे कसम जशो बाक्‍‍मा बाक्‍त। न्‍यायाधीस २०:१
JDG 21:2 मिनु मुरपुकी बेथेल लशा, नाक्‍दो सम्‍म परमप्रभु आ ङोंइती बाक्‍शा, शुश ङाक्‍मा बाक्‍त। न्‍यायाधीस २०:१८,२३,२६
JDG 21:3 मेकोपुकीमी “परमप्रभु यावे, इस्राएली आन परमप्रभु, मारदे ओदेंशो दुम्‍मे? मुलाक्‍त मारदे इस्राएली आन थर का जाम्‍मे?” देंमा बाक्‍त।
JDG 21:4 मिनु आ दीसा मुरपुकी सुनी कना बोक्‍शा, मेकेर चढ़ेतीके का सेल्‍शा, चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त।
JDG 21:5 मिनु नोले इस्राएलीपुकीमी “तेको थर परमप्रभु यावे आ ङोंइती मजाक्‍मा?” दे हिल्‍लो पमुमा बाक्‍त। मारदे हना मिस्‍पामी मेकोपुकीमी “परमप्रभु यावे आ ङोंइती सु मजाक्‍बा, मेको कली साइक्‍चा माल्‍ब” दे कसम जशो बाक्‍मा बाक्‍त।
JDG 21:6 मिनु आंम लोक्‍ब बेन्‍यामीन आ थर ङा मुर आन पर्बम ङाक्‍शा “मुलाक्‍ती इस्राएल ङा थर का क्‍याम्‍साक्‍व।
JDG 21:7 लीशो वोंइश मुर आन कली मीश आल चाक्‍चा कली मार पय? गोपुकीमी परमप्रभु यावे आ ङोंइती मेको आन कली आंइ तमी ग्‍युंबे पा मगेनीक, दे कसम जशो बाक्‍नीकी” देंमा बाक्‍त।
JDG 21:8 मिनु मेकोपुकीमी “परमप्रभु यावे आ ङोंइती इस्राएली आन थर ङा मिस्‍पामी मजाक्‍ब, सु बाक्‍मे?” दे हिल्‍लो पशा, याबेश-गिलाद रे सुइ यो ग्रुम्‍तीक ताम्‍बुमी मजाक्‍मा बाक्‍त, दे तुइक्‍तमे बाक्‍त।
JDG 21:9 मारदे हना मेकोपुकीमी मुर हिक्‍गमेनु, याबेश-गिलाद ङा सुइ मुर मजाक्‍शो तुइक्‍तमे बाक्‍त।
JDG 21:10 मोपतीके मेको ग्रुम्‍शो मुरपुकीमी १२ हजार लडाइ पाइब आन कली याबेश-गिलाद ङा वोंइश मुर, मीश मुर, आल ब्रेप्‍च नेल्‍ल कली तरवारमी क्‍योरशा सतीन, दे हुकुम पा सोइक्‍तमे बाक्‍त।
JDG 21:11 मिनु “वोंइश मुर नु मेको नु इप्‍शो मीश मुर नेल्‍ल आन कली सतीन। तन्‍न कन्‍ने आन कली प्रोनीन” दे हुकुम पामे बाक्‍त। गन्‍ती ३१:१७-१८
JDG 21:12 मिनु सोइश्‍शोपुकीमी याबेश-गिलादमी ४ सहे सुइ नु मइप्‍शो कन्‍ने मीश आल थिश्‍शा, मेको आन कली कनान ङा शिलोम बाक्‍शो ताम्‍बुमी चाक्‍गमे बाक्‍त।
JDG 21:13 मिनु ग्रुम्‍शो इस्राएली नेल्‍लेमी रिम्‍मोनमी ख्रुइश्‍शा बाक्‍शो बेन्‍यामीन आ थर ङा मुर आन कली “गारचा” दे ब्रेत्‍थ सोइक्‍मे बाक्‍त। न्‍यायाधीस २०:४७
JDG 21:14 मिनु बेन्‍यामीन आ थर ङा मुरपुकी लेश्‍शा जाक्‍मा बाक्‍त। मिनु मेकोपुकीमी मेको आन कली याबेश-गिलादम सेस प्रोंइशो मीश आल गेमे बाक्‍त। तन्‍न बेन्‍यामीन आ थर ङा वोंइश मुर आन कली मेको मीश आल मजाक्‍दीम्‍माक्‍त।
JDG 21:15 मिनु इस्राएलीपुकीमी बेन्‍यामीन आ थर आ पर्बम सुर्ता पस ङा पस बाक्‍मा बाक्‍त। मारदे हना परमप्रभु यावेमी इस्राएल ङा बेन्‍यामीन आ थर हेररा क्‍याम्‍शो बाक्‍माक्‍त।
JDG 21:16 मोपतीके मेको ग्रुम्‍तीक ङा खाल्‍पापुकीमी “मुल लीशो वोंइश मुर आन कली मीश गेचा कली मार पय? मारदे हना बेन्‍यामीन आ थर ङा मीश मुर नेल्‍ल बेक्‍तेक्‍म” देंमा बाक्‍त।
JDG 21:17 मिनु मुरपुकीमी “प्रोक्‍शा ब्रोंइशो बेन्‍यामीन आ थर ङा मुर आन कली चच युइ दुम्‍चा माल्‍नीम। मोदेंशो मदुम्‍त हना, इस्राएल रे थर का ग्‍याम्‍शा लाइब।
JDG 21:18 तन्‍न गो मेको आन कली इं तमी गेने मचाप्‍नय” देंमा बाक्‍त। मारदे हना इस्राएलीपुकीमी “सुम बेन्‍यामीन आ थर ङा मुर कली आ तमी गेबा, मेको सराप राइब” दे कसम ज‍शो बाक्‍मा बाक्‍त।
JDG 21:19 मोपतीके “नेनीन, परमप्रभु यावे आ पर्बम बर्सम काले दुम्‍ब चाड शिलोमी पाइनीम। शिलो बेथेल आ उत्तर गे बाक्‍ब। मिनु मेको बेथेल रे शेकेम लतीक ठेयब लां आ पूर्ब नु लेबोना सहर आ दक्‍खिनम बाक्‍शो बाक्‍ब” देंमा बाक्‍त। यहोसु १८:१
JDG 21:20 मिनु बेन्‍यामीन आ थर ङा मुर आन कली “गे लशा अङगुर रूमी ख्रुइश्‍शा बाक्‍कीन।
JDG 21:21 मिनु शिलो ङा मीश आलपुकी सिल पथ जाक्‍मानु, अङगुर रू रे फो फु ग्रूशा, आंम मीश सेल्‍चा कली का का पा मीश आल कीङीन। मिनु बेन्‍यामीन आ थर ङा रागी लन। प्रस्‍थान २१:१६; ब्‍यवस्‍था २४:७
JDG 21:22 मिनु मेको मीश आल आन आफ नु लोक्‍बपुकी जाक्‍शा, आंइ कली लोव़ पाम्‍तेक्‍म हना, गो मेको आन कली ‘बेन्‍यामीन आ थर ङा मुर आन कली शिशी पन। मेको आन कली ग्‍युंबे पचा गेन। मारदे हना गो लडाइमी मेको मिश ङा वोंइश मुर आन कली मीश आल ग्‍याइक्‍ने मचाप्‍क। मिनु गे इन तमी गेशा यो दोस मताइनीनी। मारदे हना गे मेको आन कली इन तमी आंमन मगेनी’ देंनीकी” देंमा बाक्‍त।
JDG 21:23 मिनु बेन्‍यामीन आ थर ङा मुरपुकीमी मोदेंशो पामे बाक्‍त। मेको सिल पाइब मीश आल का का आंम मीश सेल्‍चा कली कीङमे बाक्‍त। मेको आन रागी लेश्‍शा आंम सहर कली लेंशा सेल्‍शा, मेकेर बाक्‍मा बाक्‍त।
JDG 21:24 मेना इस्राएली नेल्‍ल मेकेर रे लशा ब्राशा, आंम आंम थर नु आंम आंम खिं लमा बाक्‍त।
JDG 21:25 मेना इस्राएल रागीम पिप मबाक्‍माक्‍त। मोपतीके सु सुमी मार मार पचा दाक्‍मा मेको पाइक्‍बाक्‍मा बाक्‍त। न्‍यायाधीस १७:६
RUT 1:1 निसाफ पाइबपुकीमी इस्राएली आन कली हुकुम पची ना, अन्‍काल दुम्‍माक्‍त। मोपतीके यहूदा रागी ङा बेथलेहेम रे मुर का, आ मीश नु आ तौ निक्‍शी लाइश्‍शा, मोआबी आन रागीम बाक्‍थ लमाक्‍त। गन्‍ती २५:१-५; १सामुएल २२:३-४
RUT 1:2 मेको मुर आ नें एलीमेलेक बाक्‍माक्‍त। आ मीश आ नें नाओमी नु आ तौ निक्‍शी आस नें का के माहलोन, का के किल्‍योन बाक्‍माक्‍त। मेकोपुकी यहूदा रागी ङा बेथलेहेम एफ्राथाह सहरम बाक्‍शो बाक्‍मा बाक्‍त। मिनु मोआबी आन रागी जाक्‍दीश्‍शा, मेक उइ बाक्‍मा बाक्‍त। उत्‍पत्ती ४८:७; मीका ५:१
RUT 1:3 मिनु नाओमी आ वोंइश एलीमेलेक बेक्‍शा, नाओमी नु आ तौ निक्‍शी प्रोंइचा पुंइसमा बाक्‍त। ब्‍यवस्‍था ७:३; ब्‍यवस्‍था २३:४; नेहेम्‍याह १३:२३
RUT 1:4 मिनु मेको आ तौ निक्‍शीमी मोआबी मीश आल चाक्‍ग्‍से बाक्‍त। का आ नें ओरपा, का आ नें रूथ बाक्‍माक्‍त। मेकोपुकी मेकेर १० बर्स बाक्‍मा बाक्‍त।
RUT 1:5 मिनु माहलोन नु किल्‍योन निम्‍फा बेक्‍सा बाक्‍त। मोपा आ वोंइश नु आ तौ निम्‍फा बेक्‍शा, नाओमी ला लीमाक्‍त।
RUT 1:6 मिनु नोले नाओमी आ चाइमी निक्‍शी नु मोआब रे आ रागी लेत्‍चा चिक्‍ता बाक्‍त। मारदे हना मोआब रागीम बाक्‍मेनु, नाओमीमी “परमप्रभु यावेम आ मुर आन कली मिम्‍शा, मेको आन कली जचा गेप्‍तु” देंशो लोव़ नेना बाक्‍त। २राजा ८:३
RUT 1:7 मिनु मेको आ चाइमी निक्‍शी नु आ बाक्‍तीके रे गाक्‍शा, यहूदा रागी लमा बाक्‍त।
RUT 1:8 मिनु नाओमीमी आ चाइमी निक्‍शी आस कली “इस इस माइत लेतीसे। गे दोपा बेक्‍शो आन कली नु आं कली रिम्‍शो पसी, मोपा परमप्रभु यावेमी इस कली रिम्‍शो पवल।
RUT 1:9 परमप्रभु यावेमी इस कली अर्को वोंइश गेशा, इस थुं नाइश्‍शा बाक्‍चा गेवल” देंमाक्‍त। मिनु आ चाइमी आस कली पुक्‍पु पाइश्‍शा, नेल्‍ल ङाक्‍मा बाक्‍त। रूथ ३:१
RUT 1:10 मिनु आ चाइमी निक्‍शीमी “गो थमा पा इन मुर आन बाक्‍तीके लाइनस्‍कु” देंसा बाक्‍त।
RUT 1:11 मिनु नाओमीमी “आं चाइमी निक्‍शी लेतीसे। मारदे गो नु लचा दाक्‍नीसी? मार, गो इस वोंइश दुम्‍पाइक्‍चा कली तौ थीने चाप्‍नुङा ङा?
RUT 1:12 आं चाइमी निक्‍शी लेतीस। गो खाल्‍पी दुम्‍शा, ग्‍युंबे पने मचाप्‍नुङ। गो आल मिम्‍शा, मुलाक्‍दोन वोंइश नु बाक्‍शा, तौ थिती हना यो, मेको मकोल्‍म सम्‍म
RUT 1:13 रिम्‍शा बाक्‍ने चाप्‍नीसी? मेको आस कली रिम्‍शा, अर्को ग्‍युंबे मपथु बाक्‍नीसी? मदुम्‍ब, आं चाइमी निक्‍शी। मारदे हना इस क्‍येङा गो परमप्रभु यावे आ गुइ रे श्‍येत जाइब बाक्‍ती” देंमाक्‍त।
RUT 1:14 मिनु मेकोपुकी लेंशा ङाक्‍मा बाक्‍त। मेको नोले ओरपामी आ शिमी कली पुक्‍पु पाइश्‍शा वोइश्‍शा, आ मुर आन बाक्‍तीके लेम्‍माक्‍त। रूथ चहिं आ शिमी नुन बाक्‍माक्‍त।
RUT 1:15 मिनु नाओमीमी “नेनो, इ देउरानी आ मुर आन बाक्‍तीके नु आ देवी देवताम लेत्‍त। गे इ देउरानी आ पशो खोदेंशो पावो” देंमाक्‍त।
RUT 1:16 मिनु रूथमी “इन कली प्रोंइपाइश्‍शा, आं कली लेश्‍शा, सोइक्‍चा कली ढिपी मपाइय्‍यीनी। गे ते लाइनीनी, गो यो मेकेन लाइनुङ। गे ते बाक्‍नीनी, गो यो मेकेन बाक्‍नुङ। इन मुरपुकी आं मुर दुम्‍नीम। इन परमप्रभु आं परमप्रभु दुम्‍ब।
RUT 1:17 गे ते बेक्‍नीनी, गो यो मेकेन बेक्‍नुङ। मिनु मेकेन थिम्‍चा पुंइसीनुङ। गो मबेक्‍थु इन कली प्रोंइतन्‍नी हना, परमप्रभु यावेमी सजाइ गेयील” देंमाक्‍त।
RUT 1:18 मिनु नाओमीमी रूथमी आ कली प्रोंइसीन मप्रोंइब, दे तुइश्‍शा, अरु मारेइ मदेंमाक्‍त।
RUT 1:19 मिनु मेको निम्‍फा गाक्‍शा, बेथलेहेम जाक्‍सा बाक्‍त। मिनु बेथलेहेम जाक्‍सानु, सहर ङा मुर नेल्‍लेमी मेको आस पर्बम लोव़ पामे बाक्‍त। मिनु मीश मुरपुकीमी “मार, एको नाओमीन बाक्‍बा?” देंमा बाक्‍त।
RUT 1:20 मिनु नाओमीमी “आं कली नाओमी मदेनीन। मारा देनीन। मारदे हना नेल्‍ल क्‍येङा सक्ति पाइश्‍शो परमप्रभु यावेमी आं कली मरिम्‍शो पाइश्‍शा, श्‍येत जपाइक्‍ती। नाओमी देंशो दारशो रुम्‍सीब, मारा चहिं कशो रुम्‍सीब।
RUT 1:21 गो मारेइ मारेइमी गाप्‍शा लशो नङ। मुल परमप्रभु यावेमी श्‍येत्‍थ लेश्‍शा चाक्‍ती। गे मारदे आं कली नाओमी देंनीनी? नेल्‍ल सक्ति पाइश्‍शो परमप्रभु यावेमी आं कली दोस गेशा, मरिम्‍शो पाइक्‍ती” देंमाक्‍त।
RUT 1:22 मोपा नाओमी नु आ चाइमी मोआबी रूथ मोआब रागी रे बेथलेहेम जाक्‍सा बाक्‍त। मेको बेथलेहेमम जाक्‍सानु, क्‍योव़ज मीशो बाक्‍माक्‍त।
RUT 2:1 मिनु नाओमी आ वोंइश एलीमेलेक आ खिं ङा शुश शोंप पाइश्‍शो नु ठेयब मुर का बाक्‍माक्‍त। मेको आ नें बोआज बाक्‍माक्‍त।
RUT 2:2 मिनु मोआबी रूथमी नाओमी कली “गो रूम लशा, सु सुम आं कली शिशी पाइनीमी, मेको आन नोनोले सिला बाला गुप्‍दी ङा?” देंमाक्‍त। मिनु आ शिमीमी “दुम्‍ब, आं चाइमी लावो” देंमाक्‍त।
RUT 2:3 मिनु रूथ लशा, रिक्‍ब आन नोनोले सिला बाला गुबा बाक्‍त। आ जाक्‍दीश्‍शो रू चहिं एलीमेलेक आ खिं ङा मुर बोआज आ रू बाक्‍माक्‍त।
RUT 2:4 मेना बोआज बेथलेहेम रे जाक्‍माक्‍त। मिनु मेकोमी रिक्‍ब आन कली “परमप्रभु यावे गेपुकी नु बाक्‍ल” देंमाक्‍त। मिनु रिक्‍बपुकीमी यो “परमप्रभु यावेमी इन कली आसीक गेवल” देंमा बाक्‍त। रूथ १:२
RUT 2:5 मिनु बोआजमी आ गेय पाइब आन कली कोव़ब कली “एको मीश आल सुम?” दे हिल्‍लो पवा बाक्‍त।
RUT 2:6 मिनु मेको गेय पाइब आन कली कोव़ब मुरुमी “एको मोआब रागी रे नाओमी नु जाक्‍शो मोआबी मीश आल बाक्‍ब।
RUT 2:7 एकोमी आं कली ‘रिक्‍ब आन नोनोले मुठा आन नेक्‍था यो सिला गुप्‍चा गेयीनी’ दे पुंइतु। मिनु एको सुनी रे इच्‍कका ला नाइश्‍शा, सिला गुप्‍स ङा गुप्‍स बाक्‍त” देंमाक्‍त।
RUT 2:8 मिनु बोआजमी रूथ कली “नेनो, गे अरु आन रू सिला गुप्‍थ मलावो। आं गेय पाइब मीश मुर आन नेक्‍थान बाक्‍को।
RUT 2:9 मुरपुकीम ते ते रिक्‍नीमी, मेके मेके लावो। आं गेय पाइब वोंइश मुर आन कली ‘इ कली मथिचा’ दे माइक्‍तामी। तूतू दाक्‍ते हना, वोंइश मुर आन चाक्‍शो गर ङा ब्‍वाक्‍कु तूङो” देंमाक्‍त।
RUT 2:10 मिनु रूथ मेको आ ङोंइती बाप्‍शा, मेको कली “गो अर्को रागी ङा मुर नङ, दे तुइश्‍शा यो मारदे आं कली इश ङा शिशी पाइय्‍यीनी?” देंमाक्‍त। ब्‍यवस्‍था २३:४-६
RUT 2:11 मिनु बोआजमी “इ वोंइश बेक्‍म नोले इ शिमी कली दोदेंशो रिम्‍शो पवी, मेको नेल्‍ल मुरपुकीम आं कली माइक्‍तीमी। गे इ आम आफ, इ जरमेशो रागी प्रोंइशा, मतुइश्‍शो मुर आंइ बाक्‍तीके जाक्‍ते। रूथ १:१६,१७
RUT 2:12 परमप्रभु यावेमी इ कली रिम्‍शो पवल। परमप्रभु यावे, इस्राएली आन परमप्रभुम इ कली वारच पवल, दे मेको आ नेक्‍था जाक्‍ते। मेकोमी इ माल्‍शो नेल्‍ल गेवल” देंमाक्‍त। भजन संग्रह ३६:८
RUT 2:13 मिनु रूथमी “प्रभु, इन ङोंइती शिशी ताता। गे आं थुं नाइक्‍पाइक्‍तीनी। गो इन गेय पाइब मबाक्‍ती हना यो, गे आं कली रिम्‍शो लोव़ पाइतीनी” देंमाक्‍त।
RUT 2:14 मिनु लाम्‍ज जची ना, बोआजमी मेको कली “एक पिवो। शोब्‍ले जावो। इ शोब्‍ले अङगुर शांबुम तेप्‍तो” देंमाक्‍त। मिनु रूथ रिक्‍ब मुर नु निस्‍से बाक्‍त। मिनु बोआजमी मेको कली कारशो क्‍योव़ज गेवा बाक्‍त। रूथमी रूथ्री सम्‍म जशा, हेंशा वोदा बाक्‍त।
RUT 2:15 मिनु मेको बोक्‍शा, सिला गुप्‍थ लमाक्‍त। बोआजमी आ गेय पाइब वोंइश मुर आन कली “मेको कली मुठा आन नेक्‍नेक्‍था यो सिला गुप्‍चा गेने, महुइक्‍तीन।
RUT 2:16 इच्‍का बाला तोक्‍शा गेने। मिनु गुबानु, महुइक्‍तीन” दे माइक्‍मी बाक्‍त। लेवी १०:९-१०
RUT 2:17 मोपा रूथ नां रिक्‍चावा सम्‍म सिला गुम्‍ना गुम्‍न बाक्‍माक्‍त। मिनु तुबानु, एफाह का क्‍योव़ज दुम्‍माक्‍त। एफाह का २२ लिटर पुक्‍तीके खोदेंशो बाक्‍‍ब।
RUT 2:18 मिनु मेको कुरशा, सहर जाक्‍माक्‍त। आ शिमीमी मिश ङा क्‍योव़ज गुप्‍शा, चाक्‍शो तवा बाक्‍त। मिनु रूथमी आ हेंशो जचा थोव़क यो ग्रुंइशा, आ शिमी कली गेवा बाक्‍त।
RUT 2:19 मिनु आ शिमीमी “मुलाक्‍ती सिला गुप्‍थ ते लवे? इ कली शिशी पाइब मुर आसीक तवल” देंमाक्‍त। मिनु रूथमी ते सिला गुबा आ शिमी कली शेंदा बाक्‍त। “मुलाक्‍ती आं सिला गुप्‍शो रू ङा होव़प आ नें बोआज बाक्‍त” देंमाक्‍त।
RUT 2:20 मिनु नाओमीमी आ चाइमी कली “परमप्रभु यावेमी मेको कली आसीक गेवल। मिनु बेक्‍शो नु ब्रोंइशो मुर आन कली शिशी पचा मप्रोन। मेको मुर इस खाल ङा बाक्‍ब” देंमाक्‍त। रूथ ४:४
RUT 2:21 मिनु मोआबी रूथमी “मेकोमी आं कली ‘क्‍योव़ज नेल्‍ल ओंइने मथुमु सम्‍म आं मुरपुकी नु सिला गुप्‍थ जाक्‍को’ देंत” देंमाक्‍त।
RUT 2:22 मिनु नाओमीमी “आं चाइमी, मेको आ गेय पाइब मीश मुर नु गाक्‍चा रिम्‍शो बाक्‍ब। इ कली सुइमी अर्को आन रूमी श्‍येत मगेमेक्‍ल” देंमाक्‍त।
RUT 2:23 मोपतीके क्‍योव़ज नु चेरब रिक्‍ने मनुम्‍म सम्‍म, रूथ बोआज आ गेय पाइब मीश मुरपुकी नु सिला गुबा बाक्‍त। मिनु आ शिमी नु बाक्‍बाक्‍माक्‍त।
RUT 3:1 मिनु रूथ आ शिमी नाओमीमी “आं चाइमी, इ कली रिम्‍शो दुम्‍चा कली इ खिं पशा बाक्‍शो तचा दाक्‍नुङ।
RUT 3:2 बोआज इं खाल ङा मुर बाक्‍ब। गे मेको आ गेय पाइब मीश मुरपुकी नु बाक्‍ते। मुलाक्‍दो मेकोमी आ क्‍योव़ज तुप्‍तीकेम गेय पाइब।
RUT 3:3 मोपतीके गे चिक्‍शा, तेल ख्रेक्‍शा, रिम्‍शो वा फेक्‍शा, क्‍योव़ज तुप्‍तीकेम लावो। बोआजम मजवा मतूङा सम्‍म मतपांइसो।
RUT 3:4 मिनु मेको इप्‍दीमेनु, आ इप्‍तीके कोव़शा वोतो। मिनु नोले लशा, आ खोइल गे ङा फेक्‍शो वा हुक्‍शा गोलो। मिनु गे मार पचा माल्‍नेवे, मेकोमी इ कली देंब” देंमाक्‍त।
RUT 3:5 मिनु रूथमी “इन देंशो, नेल्‍ल पाइनुङ” देंमाक्‍त।
RUT 3:6 मिनु रूथ क्‍योव़ज तुप्‍तीके लशा, आ शिमी आ देंशो खोदेंशो पवा बाक्‍त।
RUT 3:7 बोआज जशा, तूशा ग्‍येरसे बाक्‍त। मिनु क्‍योव़ज पुक्‍तीके आ नोले इप्‍थ लमाक्‍त। मिनु रूथ बोआज आ मतुइक्‍चा ङा पा जाक्‍शा, आ खोइली गे ङा वा हुक्‍शा, गोल्‍माक्‍त।
RUT 3:8 मिनु नाक्‍दो उइक्‍थ दुम्‍मेनु, बोआज सेंसे बाक्‍त। मिनु आ खोइल गे मीश मुर का गोल्‍शो तवा बाक्‍त।
RUT 3:9 मिनु बोआजमी “गे सु नवे?” दे हिल्‍लो पवा बाक्‍त। मिनु मेकोमी “गो इन वाइलीम रूथ नङ। गे आंइ खाल ङा मुर बाक्‍नीनी, इन वा फेक्‍तीनी” देंमाक्‍त। इजीकीएल १६:८
RUT 3:10 मिनु बोआजमी “परमप्रभु यावेमी इ कली आसीक गेवल। ङोंइती पशो क्‍येङा मुल ङा इ पशो रिम्‍शो बाक्‍ब। गे क्‍येट थीब नु मथीब सुइ ठिटा वोंइश मुर आन नोले मखोदी। रूथ २:११
RUT 3:11 गे महिंथु बाक्‍को। इ माल्‍शो गो नेल्‍ल पाइनुङ। गे रिम्‍शो मीश मुर बाक्‍नेवे। सहर ङा मुर नेल्‍लेमी तुइश्‍शो बाक्‍नीम।
RUT 3:12 गो थमा पा इ खाल ङा मुर बाक्‍नुङ। तन्‍न आं क्‍येङा यो आं नेक्‍था ङा अर्को मुर का बाक्‍‍ब।
RUT 3:13 मुलाक्‍दो एके बाक्‍को। दीसा सुनी मेको मुरुमी इ नेक्‍था ङा मुर आ पचा माल्‍शो गेय पाइब, मपाप्‍तु हना, परमप्रभु यावे ब्रोंइ‍शा बाक्‍शो खोदेंशो पा, गो एको गेय पाइनुङ। नां मसोव़म सम्‍म इपो” देंमाक्‍त।
RUT 3:14 मिनु रूथ नां मसोव़म सम्‍म इम्‍माक्‍त। मिनु रिम्‍शो पा नां मसोव़थु बोक्‍माक्‍त। मिनु बोआजमी “क्‍योव़ज तुप्‍तीकेमी मीश मुर का बाक्‍त, दे सुइम मतुइक्‍तमेक्‍ल।
RUT 3:15 इ कुप्‍नी दाइक्‍तो” देंमाक्‍त। मिनु रूथमी दाइक्‍तानु, ६ सेआह क्‍योव़ज गेशा कुरपदा बाक्‍त। मिनु रूथ सहर लेम्‍माक्‍त। सेआह का ७ लिटर खोदेंशो बाक्‍ब। मिनु ६ पुक्‍तीके ४२ लिटर कि १० पाथी खोदेंशो बाक्‍ब।
RUT 3:16 मिनु आ शिमी आ बाक्‍तीके जाक्‍दीम्‍मेनु, आ शिमीमी “आं चाइमी, मार दुम्‍मे?” दे हिल्‍लो पवा बाक्‍त।
RUT 3:17 मिनु रूथमी बोआजमी पशो नेल्‍ल शेंशा “मेकोमी आं कली ‘इ शिमी आ बाक्‍तीके श्‍येत्‍थ मलेतो’ दे आं कली ६ सेआह क्‍योव़ज गेती” देंमाक्‍त। सेआह का ७ लिटर खोदेंशो बाक्‍ब।
RUT 3:18 मिनु नाओमीमी “आं चाइमी, एको दोदेंशो दुम्‍बा, मतुइक्‍ती सम्‍म इ थुं नाइश्‍शा बाक्‍को। मारदे हना मेकोमी मेको गेय मुलाक्‍तीन मथुमा सम्‍म आ थुं यो नाइक्‍चा मताइब” देंमाक्‍त।
RUT 4:1 मिनु बोआज सहर ङा गारो ङा ठेयब लाप्‍चोम लशा, मेकेर निश्‍शा बाक्‍माक्‍त। मिनु याम का नोले रूथ आ नेक्‍था ङा मुर जाक्‍शो तशा, बोआजमी आ नें थिशा “एके पिशा, निस्‍सो” दे ब्रेत्‍ता बाक्‍त। मिनु मेको निस्‍से बाक्‍त।
RUT 4:2 मिनु बोआजमी १० जना सहर ङा खाल्‍पा आन कली यो तेक्‍शा “निस्‍सीने” देंमाक्‍त। मिनु मेकोपुकी निस्‍समा बाक्‍त।
RUT 4:3 मिनु बोआजमी रूथ आ नेक्‍था ङा मुर कली “मोआब रागी रे जाक्‍शो नाओमीमी इं लोक्‍ब एलीमेलेक आ रू लेयचा चिक्‍शो बाक्‍ब।
RUT 4:4 गो इ कली मो देंङ, देंशो नङ। एको सहर ङा मुरपुकी नु खाल्‍पा आन ङोंइती गे ग्‍याप्‍चा दाक्‍नेवे हना, ग्‍यापो। ग्‍याप्‍चा मदाक्‍नेवे हना, आं कली तुइक्‍पाइय्‍यी। मारदे हना इ नेक्‍था ङा मुर गो नङ” देंमाक्‍त। मिनु मेको मुरुमी “गो ग्‍याप्‍नुङ” देंमाक्‍त। लेवी २५:२५; येरमीया ३२
RUT 4:5 मिनु बोआजमी “नाओमी रे मेको रू ग्यबी नाक्‍ती, गे बेक्‍शो मुर आ मीश मोआबी रूथ यो ताइनेवे। मेको बेक्‍शो मुर आ नें आ थेरशो रू नु लील, दे मो दुम्‍चा माल्‍ब” देंमाक्‍त। ब्‍यवस्‍था २५:५-६
RUT 4:6 मिनु रूथ आ नेक्‍था ङा मुरुमी “गो ग्‍याप्‍ता हना, आं आंम थेरशो रू मरिम्‍शो दुम्‍ब। आं पचा माल्‍शो गेय गेन पावो। गो ग्‍याप्‍ने मचाप्‍नुङ” देंमाक्‍त।
RUT 4:7 इस्राएल रागीमी ङोंइती रू ग्‍याप्‍मेनु, लेयङमेनु, रू ङा होव़प फांइसीमानु, रू लेयबमी ग्‍याप्‍ब कली आ जुत्ता प्रुइश्‍शा गेचा माल्‍बाक्‍माक्‍त। इस्राएलमी लोव़ फाइक्‍चा मततीके आ पर्बम मोदेंशो पचा माल्‍बाक्‍माक्‍त। ब्‍यवस्‍था २५:७-१०
RUT 4:8 मिनु रूथ आ नेक्‍था ङा मुरुमी बोआज कली “गे ग्‍याम्‍सो” दे आ जुत्ता प्रुइश्‍शा गेवा बाक्‍त।
RUT 4:9 मिनु बोआजमी खाल्‍पापुकी नु मेकेर बाक्‍ब मुर आन कली “गो एलीमेलेक, माहलोन नु किल्‍योन आन थेरशो रू नेल्‍ले नाओमी रे ग्‍याप्‍ता। गे मुलाक्‍ती सांकछी दुम्‍तीनी।
RUT 4:10 माहलोन आ मीश, मोआबी रूथ यो बेक्‍शो मुर आ नें, आ थेरशो रू नु लील, दे चाक्‍ता। मोपा आ लोक्‍ब आन दातेमी नु आ जरमेशो बाक्‍तीकेम आ नें लील, दे मो पाता। गेपुकी मुलाक्‍ती सांकछी दुम्‍तीनी” देंमाक्‍त।
RUT 4:11 मिनु ठेयब लाप्‍चोम बाक्‍ब नु खाल्‍पा नेल्‍लेमी “गो सांकछी दुम्‍तक। परमप्रभु यावेम एको इ खिंम जाक्‍शो मीश मुर कली राहेल नु लेआ खोदेंशो सेलल। मेको निक्‍शीमी इस्राएल आ खिं सेल्‍शो बाक्‍ताक्‍से। बेथलेहेम एफ्राथाहम इ नें ठेयब दुम्‍ल।
RUT 4:12 तामारम यहूदा रे थिशो पेरेस आ खिं खोदेंशो पा, परमप्रभु यावेमी एको ठिटी मीश मुर रे थिशो आलम इ खिं सेलल” देंमा बाक्‍त। उत्‍पत्ती ३८:२९
RUT 4:13 मिनु बोआजमी रूथ चाक्‍शा, मेको नु बाक्‍माक्‍त। मिनु परमप्रभु यावे आ आसीकमी रूथ कोव़ज कुरशा, तौ का थिमाक्‍त।
RUT 4:14 मिनु मीश मुरपुकीमी नाओमी कली “परमप्रभु यावे ठेयब बाक्‍ब। मेकोमी इ कली मुल इ खाल ङा मुर नु वोइक्‍ते। परमप्रभुम इ कली चच का गेते। एको आ नें इस्राएलम ठेयब दुम्‍ल।
RUT 4:15 एकोमी इ कली मुल नक ब्रोंइतीक गेशा, खाल्‍पी दुमेनु, इ कली थुल्‍ब। मारदे हना ७ जना तौ आन क्‍येङा इ कली दाक्‍ब चाइमीमी रिम्‍शो पशो बाक्‍ब” देंमा बाक्‍त।
RUT 4:16 मिनु नाओमीमी मेको आल ताक्‍शा, आ थुकुम वोइश्‍शा, मेको कली कोव़ब दुम्‍माक्‍त।
RUT 4:17 मिनु आ नेक्‍था ङा मीश मुरपुकीमी “नाओमी के चच का दुम्‍त। गो मेको आ नें ओबेद वोइय्‍य” देंमुमा बाक्‍त। मेकोन येस्‍से आ आफ, दाऊद आ बाजे बाक्‍माक्‍त। मत्ती १:५-६; लूका २:३२
RUT 4:18 पेरेसम हेस्रोन थिमाक्‍त।
RUT 4:19 हेस्रोनम राम थिमाक्‍त। राममी अम्‍मीनादाब थिमाक्‍त। १इतिहास २:९-१५
RUT 4:20 अम्‍मीनादाबमी नहशोन थिमाक्‍त। नहशोनमी साल्‍मोन थिमाक्‍त। गन्‍ती १:७
RUT 4:21 साल्‍मोनमी बोआज थिमाक्‍त। बोआजमी ओबेद थि‍माक्‍त।
RUT 4:22 ओबेदमी येस्‍से थिमाक्‍त। येस्‍सेमी दाऊद थि‍माक्‍त। १सामुएल १६:१, ११-१३
1SA 1:1 रामाथाइम-सोफीम रे जाक्‍शो मुर का बाक्‍माक्‍त। मेको एफ्राइम ङा पहाड ङा सुफ आ खिं ङा बाक्‍माक्‍त। मेको आ नें एल्‍काना बाक्‍माक्‍त। एल्‍काना येरोहाम आ तौ, एलीहु आ चच बाक्‍माक्‍त। मेको आ शेर बाजे तोहु नु आ किकी बाजे जूफ माइश्‍शो एफ्राइम थर ङा बाक्‍माक्‍त। १इतिहास ६:१; १इतिहास १२:१९-२०
1SA 1:2 एल्‍काना के मीश निक्‍शी बाक्‍सा बाक्‍त। का आ नें हान्‍नाह नु अर्को आ नें पेनी‍नाह बाक्‍माक्‍त। पेनी‍नाह के आल बाक्‍मा बाक्‍त, तन्‍न हान्‍नाह के आल मबाक्‍माक्‍त। उत्‍पत्ती २९:३१
1SA 1:3 एल्‍काना बर्स बर्सम आ सहर रे शिलो लाइबाक्‍माक्‍त। मेकेर मुर नेल्‍ल आन परमप्रभु यावे कली ठेयब सेल्‍शा, चढ़ेतीक चढ़ेचा कली लाइबाक्‍माक्‍त। मिनु मेकेर चढ़ेब एली आ तौ निक्‍शी होफ्‍नी नु फिनेहास बाक्‍सा बाक्‍त। मेको परमप्रभु यावे कली चढ़ेब बाक्‍सा बाक्‍त। यहोसु १८:१
1SA 1:4 मिनु एल्‍कानाम चढ़ेशो नाक्‍ती आ मीश पेनी‍नाह आ तमी तौ नेल्‍ल आन कली चढ़ेशो थोव़क गेबाक्‍माक्‍त।
1SA 1:5 मिनु हान्‍नाह कली निक्‍शी भाग खोइ गेबाक्‍माक्‍त। मारदे हना एल्‍कानाम हान्‍नाह कली शुश दाक्‍बाक्‍माक्‍त। तन्‍न परमप्रभु यावेमी हान्‍नाह कली आल मथीब सेल्‍शो बाक्‍माक्‍त।
1SA 1:6 हान्‍नाह के आल मबाक्‍तीके आ सौतामी मेको कली आ थुं शुश खाइक्‍पाइश्‍शा, तोक्‍शा लोव़ पाइक्‍बाक्‍माक्‍त। मारदे हना परमप्रभु यावेमी हान्‍नाह कली आल मथीब सेल्‍शो बाक्‍माक्‍त।
1SA 1:7 मोपा एल्‍कानामी बर्स बर्सम परमप्रभु यावे कली चढ़ेथ लमेनु, आ सौतामी हान्‍नाह कली श्‍येत गेस ङा गेस पतीके हान्‍नाह ङाक्‍शा, मारेइ मजवा मब्‍ववा बाक्‍त।
1SA 1:8 मिनु आ वोंइश एल्‍कानामी मेको कली “हान्‍नाह, गे मारदे ङाक्‍स ङा ङाक्‍स बाक्‍ङे? मारदे मजवी मब्‍ववी? गे मारदे इ थुं खाइक्‍पाइक्‍नेवे? मार, गो इ कली १० जना तौ आन क्‍येङा यो शुश दाक्‍ब मनङा ङा?” देंमाक्‍त।
1SA 1:9 मिनु काले शिलोमी जने तूने थुम्‍मे नोले हान्‍नाह बोक्‍माक्‍त। मिनु परमप्रभु यावे आ ङोंइती लशा राम्‍माक्‍त। मेना चढ़ेब एली परमप्रभु यावे आ ताम्‍बु आ ओव़तीक नेक्‍था आ नित्‍तीकेम निश्‍शो बाक्‍माक्‍त।
1SA 1:10 मिनु हान्‍नाह आ थुं शुश खाइश्‍शा, ङाक्‍शा, परमप्रभु यावे कली पुना बाक्‍त।
1SA 1:11 मिनु मेकोमी कबल पा “मुर नेल्‍ल आन परमप्रभु यावे, गे इन वाइलीम, आं श्‍येत तशा, आं कली मिम्‍शा, मप्रेंताक्‍नी हना, आं कली तौ का गेयीनी। गो मेको कली मबेक्‍म सम्‍म परमप्रभु यावे, इन कली जिम्‍मा गेनुङ। मेको आ चां गेनायो मप्रेक्‍सीब मेकोम गेनायो अङगुर शांबु मतूब” दे कबल पवा बाक्‍त। आमोस २:११; न्‍यायाधीस १३:५
1SA 1:12 मिनु मेकोमी परमप्रभु यावे आ ङोंइती पुंइस ङा पुंइस बाक्‍मेनु, एलीम मेको आ शोव़ हिक्‍शो कोव़शा बाक्‍माक्‍त।
1SA 1:13 हान्‍नाहमी आ थुंम ला पुंइशो बाक्‍माक्‍त। मिनु आ शोव़ हिक्‍साक्‍व हना यो, आ सेंदा मग्रूमाक्‍त। मिनु एलीम मेको कली दुक्‍शो मीश मुर का बाक्‍त, दे मिम्‍ता बाक्‍त।
1SA 1:14 मिनु एलीमी मेको कली “गे गेना सम्‍म मोपा दुक्‍शा बाक्‍नेवे? अङगुर शांबु तूचा प्रोनो” दे मदा बाक्‍त।
1SA 1:15 मिनु हान्‍नाहमी “आं प्रभु, गो थुं खाइश्‍शो मीश मुर का बाक्‍नुङ। गो मारेइ अङगुर शांबु मतूङु। गो परमप्रभु यावे आ ङोंइती आं थुं ङा श्‍येत नेल्‍ल शोव़ता।
1SA 1:16 आं कली मरिम्‍शो मीश मुर मसुइय्‍यीनी। आं थुं खाइक्‍तीके नु शुश श्‍येत जतीके गो मुल सम्‍म पुंइस ङा पुंइसन बाक्‍ती” देंमाक्‍त।
1SA 1:17 मिनु एलीम “इ थुं नाइश्‍शा लावो। इस्राएली आन परमप्रभुम इ पुंइशो लोव़ गेवल” देंमाक्‍त।
1SA 1:18 मिनु हान्‍नाहमी “गो इन शिशी ताइब दुम्‍ङल” देंमाक्‍त। मिनु नोले मेको लशा, आ वोंइश नु जवा तूङा बाक्‍त। मिनु नोले लेंशा आ थुं मखाइक्‍माक्‍त।
1SA 1:19 मिनु मेकोपुकी आ दीसा सुनी कना बोक्‍शा, परमप्रभु यावे कली ठेयब सेल्‍शा, आन खिं रामाह लेम्‍मा बाक्‍त। मिनु एल्‍काना आ मीश हान्‍नाह नु इम्‍माक्‍त। मिनु परमप्रभु यावेमी हान्‍नाह कली मिम्‍ता बाक्‍त। उत्‍पत्ती ३०:२२
1SA 1:20 मिनु नोले हान्‍नाहम कोव़ज कुरशा, तौ का थिमाक्‍त। मेकोमी आ नें सामुएल वोदा बाक्‍त। मारदे हना मेकोम “गो मेको परमप्रभु यावे नु पुंइशो नङ” देंमाक्‍त।
1SA 1:21 परमप्रभु यावे कली बर्स बर्स ङा चढ़ेतीक चढ़ेशा, आंम कबल खाप्‍चा कली एल्‍काना आ खिं ङा मुर नु इर शिलो लमाक्‍त।
1SA 1:22 तन्‍न हान्‍नाह चहिं मेकोपुकी नु मलमाक्‍त। मेकोमी आ वोंइश कली “आलम दूध प्रोना नोले गो एको कली परमप्रभु यावे आ बाक्‍तीक चोव़दीनुङ। मिनु एको गेना हना यो परमप्रभु यावे आ ङोंइती मेक उइ बाक्‍ब” देंमाक्‍त।
1SA 1:23 मिनु मेको आ वोंइश एल्‍कानामी “गे मार दाक्‍ती, मेकोन पावो। मेकोम दूध मप्रोना सम्‍म खिं उइ बाक्‍को। परमप्रभु यावेम आ पशो लोव़ कबल” देंमाक्‍त। मिनु हान्‍नाह आलम दूध मप्रोना सम्‍म खिं उइ बाक्‍शा, थुल्‍शा, मेको कली कोल्‍पदा बाक्‍त।
1SA 1:24 मिनु दूध प्रोना नोले मेको आल लाइश्‍शा, शिलो लमाक्‍त। मिनु मेकोमी आ नु बर्स सां ङा ब्‍यफ का, एफाह का फस नु गर का अङगुर शांबु यो इर परमप्रभु यावे आ ताम्‍बुम लदा बाक्‍त। मेना मेको आल आइक्‍चन बाक्‍माक्‍त। एफाह का २२ लिटर बाक्‍ब। मेको ५ पाथी खोदेंशो बाक्‍ब।गन्‍ती १५:३,८-११
1SA 1:25 मिनु मेकोपुकीम मेको ब्‍यफ साइश्‍शा, चढ़ेमे बाक्‍त। मिनु मेको आल कली एली आ बाक्‍तीक चाक्‍दीत्‍मे बाक्‍त।
1SA 1:26 मिनु हान्‍नाहमी मेको कली “आं प्रभु, गे ब्रोंइशा बाक्‍शो खोदेंशो पा, गो थमा लोव़ पाइनुङ। गो परमप्रभु यावे कली पुंइशा, इन ङोंइती राप्‍शा, बाक्‍ब मीश मुर नङ।
1SA 1:27 गो एको वोंइश आल आ पर्बम पुंइशो नङ। मिनु परमप्रभु यावेमी आं पुंइशो गेती।
1SA 1:28 मोपतीके गो एको कली परमप्रभु यावे कली जिम्‍मा गेनुङ। एको ब्रोंइशा बाक्‍म सम्‍म परमप्रभु यावे कली जिम्‍मा गेंसीशो बाक्‍ब” देंमाक्‍त। मिनु मेकोपुकी यो परमप्रभु यावे आ ङोंइती बाप्‍शा, मेको कली ठेयब सेल्‍मे बाक्‍त। १सामुएल १:११
1SA 2:1 हान्‍नाहमी “आं थुं परमप्रभु यावे नु ग्‍येरसीब। गो परमप्रभु यावे आ पर्बम आं पिया पोक्‍नुङ। गो आं जोरी सत्रु आन कली ग्राती। गेम आं कली प्रोंइतीके गो ग्‍येरसाक्‍यी। लूका १:४६-५५
1SA 2:2 परमप्रभु यावे खोदेंशो अरु सुइ मबाक्‍नीम। इन क्‍येङा लाक्‍शो अर्को सुइ मबाक्‍नीम। आंइ परमप्रभु, सेरथे फुल्‍लु खोदेंशो अरु सुइ मबाक्‍नीम। ब्‍यवस्‍था ४:३५; उत्‍पत्ती ४९:२४; ब्‍यवस्‍था ३२:१८; भजन संग्रह १८:२२
1SA 2:3 ठेयब लेश्‍शो लोव़ नु मरिम्‍शो लोव़ पचा प्रोनीन। मारदे हना परमप्रभु यावे नेल्‍ल जोक्‍ब तुइक्‍ब बाक्‍ब। मेकोमी मुर आन पतीके नु लोव़ नेल्‍ले नाक्‍ब।
1SA 2:4 सक्ति पाइश्‍शो मुर आन लिब्रा जिक्‍शो बाक्‍ब। तन्‍न सक्ति मपाइश्‍शो बोल्‍यो दुम्‍शो बाक्‍नीम।
1SA 2:5 ङोंइती मारेइ मारेइम गाप्‍शो मुर यो मुल जचा आ पर्बम गेय पाइनीम। तन्‍न शोव़लु बेक्‍शोपुकी रूशो बाक्‍नीम। आल मथीब मीश मुरुमी ७ जना आल थिप्‍तु। तन्‍न शुश आल थीब ममा आ थुं बेक्‍ब।
1SA 2:6 परमप्रभु यावे बेक्‍पाइक्‍ब नु सेंपाइक्‍ब बाक्‍ब। मेकोमी मुर आन कली बेक्‍शो मुर आन बाक्‍तीके सोइक्‍ब। मिनु मेकोमी सेंपाइक्‍ने यो चाप्‍ब। ब्‍यवस्‍था ३२:३९; भजन संग्रह ७१:२०
1SA 2:7 परमप्रभु यावे प्रुङग नु शोंप पाइश्‍शो सेल्‍ब बाक्‍ब। मेकोमी आइक्‍च नु ठेयब यो सेल्‍ब। भजन संग्रह ७५:८
1SA 2:8 मेकोमी मारेइ मथीब आन कली फुरक रे पोक्‍ब। प्रुङग आन कली घुरेन रे पोक्‍ब। मिनु मेको आन कली पिप आन तौ नु निप्‍पाइक्‍ब। मेको ठेयब मुर आन दातेम बाक्‍चा नु मान पाइक्‍तीक ताइनीम। मारदे हना रागी आ थाम परमप्रभु यावे केन बाक्‍नीम। मेकोम मेको तार रागी वोइक्‍तु। भजन संग्रह ११३:७-८
1SA 2:9 मेकोमी थमा सुइक्‍चा पुंइसीब मुर आन कली कोव़ब। तन्‍न आ अरेशो लोव़ मटीब आन कली छिङछिङमी खतम पोक्‍‍पाइक्‍ब। मारदे हना मुरपुकीम आन सक्तिमी मग्रानीम। भजन संग्रह ३३:१६
1SA 2:10 परमप्रभु यावे आ पर्बम जोरी सत्रु साइक्‍चा पुंइसीनीम। नेल्‍ल क्‍‍येङा ठेयबमी मेको आन पर्बम सरीङ रे बुंबु पपाइक्‍ब। मिनु परमप्रभु यावेमी रागी नेल्‍ल आन कली निसाफ पाइब। मेकोम आ पिप कली सक्ति गेब। मिनु आ तेल लुक्‍शो आ पिया पोक्‍ब” देंमाक्‍त।
1SA 2:11 मिनु नोले एल्‍काना आ खिं ङा मुरपुकी नु रामाह लेम्‍माक्‍त। मेको वोंइश आल चहिं परमप्रभु यावे कली चढ़ेब एली आ ङोंइती बाक्‍शा, परमप्रभु यावे आ गेय पवा बाक्‍त।
1SA 2:12 एली आ तौ निम्‍फा हिंचा ङा मरिम्‍शो पाइब बाक्‍सा बाक्‍त। मेको निक्‍शी परमप्रभु यावे कली मान पा महिंब बाक्‍सा बाक्‍त।
1SA 2:13 मेको चढ़ेब निक्‍शीमी चढ़ेथ जाक्‍ब मुर आन कली मार पाइक्‍बाक्‍ताक्‍स देंशा हना, मुर आन चाक्‍शो चढ़ेशो श्‍ये क्‍येशा ब्रुइक्‍तानु, मेको आस गेय पाइब कली ठेयब तूतीक सां पाइश्‍शो काटा कुरपाइश्‍शा, लेवी ३:२-५; लेवी ७:११-१७,२८-३४
1SA 2:14 कराइ, ताप्‍के, दिउरे कि ठेयब बोसुम लोप्‍शो श्‍ये तूपाइश्‍शा, दोशो ग्रूमे मोशो आंम के सेल्‍बाक्‍सा बाक्‍त। मोपा शिलोम चढ़ेथ जाक्‍शो इस्राएली नेल्‍ल आन कली मो पाइक्‍बाक्‍सा बाक्‍त।
1SA 2:15 मेको निक्‍शीमी नेल्‍ल क्‍येङा मरिम्‍शो मार पाइक्‍बाक्‍सा बाक्‍त देंशा हना, मेको बोंसो चोशा चढ़ेचा क्‍येङा ङोंइती आस गेय पाइबपुकी सोइश्‍शा “चढ़ेब कली वाल्‍चा कली श्‍ये गेवो। लोप्‍शो श्‍ये मताक्‍ब। क्‍येख ला ताक्‍ब” देंपाइक्‍बाक्‍सा बाक्‍त।
1SA 2:16 मिनु मेको मुरुमी “ममाइ, ङोंइती बोंसो चोचा गेयी। मिनु नोले इ दाक्‍शो लाइक्‍ने चाप्‍नेवे” देंमेनु, मेको आस गेय पाइबमी “ममाइ, मुलन गेयी। मगेप्‍तीवी हना, गो रोइश्‍‍शा लाइक्‍नुङ” देंबाक्‍माक्‍त।
1SA 2:17 मिनु मेको ठिटा आस मरिम्‍शो पशो परमप्रभु यावे आ ङोंइती ठेयब पाप दुम्‍माक्‍त। मारदे हना मुरपुकीमी परमप्रभु यावे कली चढ़ेशो आइक्‍च मिम्‍तसे बाक्‍त।
1SA 2:18 मिनु सामुएल परमप्रभु यावे आ ङोंइती गेय पाइक्‍बाक्‍माक्‍त। मेको वोंइश आल सुती वा के कुचु तार चढ़ेब आ फेक्‍तीके फेक्‍शा, गेय पाइबाक्‍माक्‍त। १सामुएल २२:१८; प्रस्‍थान २८:४-६हिब्रू लोव़मी एफोद देंशो कुचु आ फेक्‍तीक बाक्‍त।
1SA 2:19 मिनु आ ममाम मेको कली बर्स बर्सम आइक्‍च फेक्‍तीक वा फेरबाक्‍माक्‍त। मिनु आ वोंइश नु बर्स बर्स ङा क्‍योरशा चढ़ेदीमेनु, मेको वा लाइश्‍शा गेबाक्‍माक्‍त।
1SA 2:20 मिनु एलीमी एल्‍काना नु आ मीश आस कली आसीक गेशा “एको आल आ पा ङा परमप्रभु यावेमी एको मीश रे इन कली आलपुकी गेवल। मारदे हना एको परमप्रभु यावे कली गेप्‍ती‍वी” देंबाक्‍माक्‍त। मिनु नोले मेको आन खिं लेप्‍बाक्‍मा बाक्‍त।
1SA 2:21 मिनु परमप्रभु यावेमी हान्‍नाह कली आसीक गेवानु, मेको आल थीब दुम्‍शा, तौ सां नु तमी निक्‍शी थिमाक्‍त। मिनु सामुएल चहिं परमप्रभु यावे आ ङोंइती कोल्‍ना कोल्‍न ल‍माक्‍त। लूका १:८०
1SA 2:22 मिनु एली थम खूशो दुम्‍माक्‍त। आ तौ निक्‍शीमी इस्राएली आन कली दोदेंशो पाम्‍से, मेको नेल्‍ल नेना बाक्‍त। मेकोमी आ तौ ग्रुम्‍तीक ताम्‍बु आ ङोंइती गेय पाइब मीश मुरपुकी नु इप्‍शो, यो नेना बाक्‍त। प्रस्‍थान ३८:८
1SA 2:23 मोपतीके मेकोमी मेको आस कली “गे निक्‍शीमी मारदे ओदेंशो गेय पसी? गेमी ओदेंशो मरिम्‍शो गेय पाइतीसी देंशो लोव़ गो मुर नेल्‍ल आन शोव़ रे नेंता।
1SA 2:24 आं तौ निक्‍शी ओदेंशो गेय पचा प्रोनीस। मारदे हना, परमप्रभु यावे आ मुर आन दातेमी एको लोव़ ब्रशो नेंता। एको थम मरिम्‍शो बाक्‍ब। गे परमप्रभु यावे आ मुर आन कली पाप पपाइक्‍नीसी।
1SA 2:25 मुरुमी मुर आन कली पाप पाप्‍तु हना, परमप्रभुम निसाफ पाइब। तन्‍न मुरुमी परमप्रभु यावे कली पाप पाप्‍तु हना, सुम गारपाइक्‍ने चाप्‍बा ङा” देंमाक्‍त। मेको लोव़ नेल्‍ल नेंताक्‍स हना यो, मेको निक्‍शीमी आस आफ आ लोव़ मटिम्‍से बाक्‍त। मारदे हना परमप्रभु यावेम मेको निक्‍शी आस कली साइक्‍चा माल्‍शो बाक्‍माक्‍त। अय्‍युब १६:२०-२१
1SA 2:26 मिनु सामुएल कोल्‍ना कोल्‍न लमेनु, परमप्रभु यावे नु मुर आन ङोंइती दाक्‍शो दुम्‍माक्‍त। लूका २:५२
1SA 2:27 मिनु परमप्रभु आ लोव़ पाइब का जाक्‍शा, एली कली “परमप्रभु यावेमी इन कली लोव़ का पाइब। मेको मार बाक्‍ब देंशा हना, गो इन आफ नु आ खिं ङा मुर इजीप्‍त फाराओ आ रागीमी बाक्‍मानु, गो मतपांइ‍सीङा ङा?
1SA 2:28 गो इस्राएल ङा थर नेल्‍ल रे मेको कली आं कली चढ़ेब दुम्‍पाइक्‍चा कली योव़ता। आं कली चढ़ेतीकेम चढ़ेचा, आं कली धूप चोचा, नु आं ङोंइती निसाफ पतीक ऊरीम नु थुम्‍मीम बाक्‍शो झोला फेक्‍चा कली योव़ता। इस्राएल ङा मीम चढ़ेशो नेल्‍ल इ आफ आ खिं ङा मुर आन कली गेता। ब्‍यवस्‍था १८:१; गन्‍ती १८:८-२०
1SA 2:29 मारदे गे आं देंशो चढ़ेशो नु जचा थोव़क चढ़ेशो नेल्‍ल आइक्‍च मिम्‍ती? मिनु आं क्‍येङा गे इ तौ आस कली ठेयब सेल्‍नेवे। आं मुर, इस्राएली आन चढ़ेशो रे गे नेल्‍ल क्‍येङा रिम्‍शो मारदे आंम कली वोंइसीशा, इ तौ आस कली ठेयब सेल्‍नेवे?” देंमाक्‍त।
1SA 2:30 मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८
1SA 2:31 मुल गे नु इ किकी पिपी आन खिं ङा मुर आन सक्ति नेल्‍ल साम्‍नुङ। इ खिं ङा मुर सुइ खूशो दुम्‍चा मताइनीम। १राजा २:२७
1SA 2:32 गे आं मुर इस्राएली आन कली गेशो रिम्‍शो थोव़क तशा गेहे पाइनीनी। मिनु इ खिंमी सुइ खूशो सम्‍म मलीनीम।
1SA 2:33 तन्‍न गो इ तौ चच युइ आन दाते ङा आं कली चढ़ेतीकेम गेय पाइब, का कली मसाइक्‍नुङ। मेको शुश ङाक्‍शा, आ थुं लुक्‍च लाइक्‍ब। मारदे हना मेकोमी आ वोंइश मुर नेल्‍ल बेक्‍ची मजाक्‍थु बेक्‍शो ताइब।
1SA 2:34 मिनु इ तौ निक्‍शी होफ्‍नी नु फिनेहास काबुमीन बेक्‍नीस। मेको आं देंशो लोव़ थमा बाक्‍ब, देंशो चिन्‍ड का बाक्‍ब। १सामुएल ४:११
1SA 2:35 गो आं कली थमा सुइक्‍ब चढ़ेब का पोक्‍नुङ। मेकोम आं कली टिशा, आं थुंम मिम्‍शो पाइब। गो मेको कली गेना हना यो लीब खिं का सेल्‍नुङ। मिनु मेकोमी आं तेल लुक्‍शो आ ङोंइती गेना हना यो गेय पाइ‍ब। १राजा २:३५; हिब्रू ५:४-६
1SA 2:36 मिनु इ खिं ङा ब्रोंइशा लीशोपुकी मेको आ ङोंइती बाप्‍शा ‘टुक्रा का चांदी, शोब्‍ले का तचा कली, आं कली चढ़ेतीक गेय गेयीनी। मिनु गो नु जचा थोव़क बाक्‍ल’ देंनीम” दे परमप्रभु यावेमी देंत।
1SA 3:1 मिनु सामुएल एली आ देंशो टिशा, परमप्रभु यावे आ गेय पना पन बाक्‍माक्‍त। मेना परमप्रभु यावे आ लोव़ शुश मनेंसीबाक्‍माक्‍त। मिनु ततीक यो शुश मतांइसीबाक्‍माक्‍त। आमोस ८:११
1SA 3:2 मिनु काबु नाक्‍दो एली आ इप्‍तीकेमी गोल्‍शा बाक्‍माक्‍त। आ मिक्‍च ब्राब्रा दुम्‍शा, रिम्‍शो पा तने मचाप्‍ब दुम्‍शो बाक्‍माक्‍त।
1SA 3:3 मिनु सामुएल परमप्रभु यावे आ ताम्‍बु ङा कबल पशो सन्‍दोस आ नेक्‍था इप्‍शो बाक्‍माक्‍त। मेना परमप्रभु आ बत्ती मकाप्‍शो बाक्‍माक्‍त। गन्‍ती ७:८९
1SA 3:4 मिनु परमप्रभु यावेमी “सामुएल, सामुएल” दे ब्रेत्‍ता बाक्‍त। मिनु सामुएलम “गो एक बाक्‍ती” देंमाक्‍त।
1SA 3:5 मिनु एली आ बाक्‍तीकेम दोरशा लशा “गे आं कली ब्रेत्‍ताक्‍यीनी। गो एक बाक्‍ती” देंमाक्‍त। मिनु एलीमी “गो इ कली मब्रेत्‍तन, लावो। इपो” दे मदा बाक्‍त। मिनु मेको लशा इम्‍माक्‍त।
1SA 3:6 मिनु परमप्रभु यावेम लेंशा “सामुएल” दे ब्रेम्‍माक्‍त। मिनु मेको बोक्‍शा एली आ बाक्‍तीक लमाक्‍त। मिनु मेकोमी “गो एक बाक्‍ती। गे आं कली ब्रेत्‍ताक्‍यीनी” देंमाक्‍त। मिनु एलीमी “आं तौ, गो इ कली मब्रेत्‍तन। लावो। इपो” दे मदा बाक्‍त।
1SA 3:7 मेना सम्‍म सामुएलम परमप्रभु यावे कली मतुइश्‍शो बाक्‍माक्‍त। परमप्रभु यावे आ लोव़ मेको कली मतुइक्‍पाइश्‍शो बाक्‍माक्‍त।
1SA 3:8 मिनु परमप्रभु यावेमी मेको कली सां खेयप ब्रेम्‍माक्‍त। मिनु मेको लेंशा एली आ बाक्‍तीक लशा “गो एक बाक्‍ती। गे आं कली ब्रेत्‍ताक्‍यीनी” देंमाक्‍त। मेना एलीमी “परमप्रभु यावेम एको आल कली ब्रेत्‍ता बाक्‍त” दे तुइक्‍ता बाक्‍त।
1SA 3:9 मिनु मेकोमी सामुएल कली “लशा, गोल्‍शा, बाक्‍को। मेकोम लेंशा ब्रेत्‍ताक्‍व हना ‘परमप्रभु यावे, लोव़ पने। इन गेय पाइबम नेंशो बाक्‍नुङ’ देनो” दे मदा बाक्‍त। मिनु सामुएल लशा, आ इप्‍तीकेम गोल्‍शा, बाक्‍माक्‍त।
1SA 3:10 मिनु परमप्रभु यावे मेकेर जाक्‍शा, राप्‍शा, ङोंइती ङा खोदेंशो पा “सामुएल, सामुएल” दे ब्रेम्‍माक्‍त। मिनु सामुएलमी “देनीन, इन गेय पाइबम नेंशो बाक्‍नुङ” देंमाक्‍त।
1SA 3:11 मिनु परमप्रभु यावेम सामुएल कली “गो इस्राएलमी रीब पा गेय का पाइनुङ। मेको आ पर्बम नेंबपुकी शुश हिंनीम।
1SA 3:12 मेको नाक्‍ती गो एली नु आ खिं ङा मुर आन कली आं देंशो नेल्‍ल पाइनुङ।
1SA 3:13 मारदे हना गो मेको कली ‘गो इ खिं ङा मुर आन कली गेना हना यो सजाइ गेनुङ। मारदे हना एलीमी आ तौ निक्‍शीमी मरिम्‍शो पशो तुइश्‍शा यो, मेको आस कली मतेक्‍ग। १सामुएल २:२७-३६
1SA 3:14 मोपतीके गो एली आ खिं ङा मुर आन पर्बम कसम जशा, एली आ खिं ङा मुर आन मरिम्‍शो पशो मक्‍याम्‍सीब। मेको मारेइ मारेइ चढ़ेशोमी मक्‍याम्‍सीब’ देंशो बाक्‍नुङ” देंमाक्‍त।
1SA 3:15 मिनु सामुएल नां सोव़म सम्‍म इम्‍माक्‍त। मिनु बोक्‍शा परमप्रभु यावे आ खिं ङा लाप्‍चो रोक्‍गा बाक्‍त। मिनु मेकोम परमप्रभु यावे आ देंशो नु कोंइशो लोव़ एली कली शेंचा हिंमाक्‍त।
1SA 3:16 मिनु एलीम सामुएल कली ब्रेश्‍शा “ए आं तौ, सामुएल” देंमाक्‍त। मिनु मेकोमी “गो एक बाक्‍ती” देंमाक्‍त।
1SA 3:17 मिनु एलीमी “मेकोमी इ कली मार देंमे? आं कली मेको नेल्‍ल मख्रुइक्‍थु, देनो। मेकोम इ कली देंशो लोव़ का सम्‍म यो ख्रुइक्‍ताक्‍वी हना, परमप्रभुम इ कली थम ठेयब सजाइ गेवल” देंमाक्‍त।
1SA 3:18 मिनु सामुएलम परमप्रभु यावे आ देंशो लोव़ नेल्‍ल शेंदा बाक्‍त। तेकोइ लोव़ मख्रुइक्‍ता बाक्‍त। मिनु एलीमी “मेको परमप्रभु यावे बाक्‍ब। मेकोम आ दाक्‍शो पवल” देंमाक्‍त। २सामुएल १५:२६
1SA 3:19 मिनु सामुएल कोल्‍ना कोल्‍न लमाक्‍त। परमप्रभु यावे मेको नु बाक्‍माक्‍त। मिनु मेकोम आ लोव़ नेल्‍ल खबा बाक्‍त।
1SA 3:20 मिनु दान रे बेयर-शेबा सम्‍म ङा इस्राएली नेल्‍लेमी सामुएल परमप्रभु यावे आ लोव़ पाइब दुम्‍माक्‍त, दे तुइक्‍तमे बाक्‍त।
1SA 3:21 मिनु परमप्रभु यावेमी शिलोम आंम कली तुइक्‍पांइसीन सीन बाक्‍माक्‍त। मारदे हना परमप्रभु यावेमी सामुएल कली आ लोव़ नेंपदा बाक्‍त।
1SA 4:1 मिनु सामुएल आ लोव़ नेल्‍ल इस्राएलम ब्रमाक्‍त। मेना पलिस्‍ती इस्राएली नु लडाइ पचा कली लशो बाक्‍मा बाक्‍त। इस्राएलीपुकीम एबेन-एजेरमी आन बाक्‍तीक सेल्‍मे बाक्‍त। मिनु पलिस्‍तीपुकीम अफेकमी आन बाक्‍तीक सेल्‍मे बाक्‍त। यहोसु १५:५३
1SA 4:2 मिनु पलिस्‍तीपुकी इस्राएली आन ङोंइती लडाइ पचा कली गारशा, बाक्‍मा बाक्‍त। मिनु लडाइ ठेयब दुम्‍शा, इस्राएलीपुकी ब्रुमा बाक्‍त। पलिस्‍तीपुकीम मेकेर ४ हजार खोइ इस्राएली सदमे बाक्‍त।
1SA 4:3 मिनु लडाइ पाइब आन बाक्‍तीके लेश्‍शा जाक्‍मानु, इस्राएली आन खाल्‍पापुकीमी “मुलाक्‍ती मारदे परमप्रभु यावेमी आंइ कली पलिस्‍ती नु ब्रुपदा? गो शिलो रे परमप्रभु यावे आ कबल पशो सन्‍दोस एक चाक्‍य। मो पाइतय हना परमप्रभु यावे गोपुकी नु बाक्शा, इं जोरी सत्रु रे प्रोंइब” देंमा बाक्‍त। प्रस्‍थान २५:१०; यहोसु ३:६,११
1SA 4:4 मोपतीके मुरपुकीमी शिलोम मुर सोइक्‍तमे बाक्‍त। मिनु करूब आस दातेम बाक्‍ब मुर नेल्‍ल आन परमप्रभु यावे आ कबल पशो सन्‍दोस चाक्‍ग‍मे बाक्‍त। मिनु एली आ तौ होफ्‍नी नु फिनेहास परमप्रभु आ कबल पशो सन्‍दोस नु बाक्‍सा बाक्‍त। प्रस्‍थान २५:२२; २सामुएल ६:२
1SA 4:5 मिनु परमप्रभु यावे आ कबल पशो सन्‍दोस लडाइ पाइब आन बाक्‍तीकेम चाक्‍ग्‍मेनु, इस्राएली नेल्‍ल ठेयब सेंदा पा ग्‍येरशा रेयके पामे बाक्‍त। मिनु मेको आन रेयके पशो सेंदामी रागी नेल्‍ल मुरदा बाक्‍त।
1SA 4:6 मिनु पलिस्‍तीपुकीम मेको ग्‍येरशो सेंदा नेंशा “हिब्रू आन बाक्‍तीकेम मार दुम्‍मे? मार रेयके नेंसे?” दे हिल्‍लो पमुमा बाक्‍त। मिनु परमप्रभु यावे आ कबल पशो सन्‍दोस आन बाक्‍तीकेमी चाक्‍तेक्म, दे तुइक्‍त‍मे बाक्‍त।
1SA 4:7 मिनु पलिस्‍तीपुकी हिंशा “परमप्रभु मेको आन बाक्‍तीकेम जाक्‍त।
1SA 4:8 आबी, मुल गो बेक्‍नय। मो देंशो ङोंइती गेनायो मदुम्‍शो बाक्‍त” देंमा बाक्‍त। “आबी, सुम आंइ कली मेको शुश सक्ति पाइश्‍शो परमप्रभु रे प्रोंइबा? मेकोम इजीप्‍ती आन कली श्‍येत गेशा गोरशो रागीम बेक्‍तीक रोइ पपाइश्‍शा साइश्‍शो बाक्‍त।
1SA 4:9 गे पलिस्‍तीपुकी महिनीन। बोल्‍यो दुमीन। मेकोपुकी दोपा इं वाइल दुम्‍मा, मोपा गेपुकी यो हिब्रू आन वाइल मदुम्‍चा ङा पा, इन थुं लुक्‍च मलपाइक्‍थु, लडाइ पने। बोल्‍यो दुम्‍शा, लडाइ पने” देंमा बाक्‍त। न्‍यायाधीस १३:१
1SA 4:10 मिनु पलिस्‍तीपुकीम लडाइ पामे बाक्‍त। मिनु इस्राएलीपुकी ब्रुशा, आन आन ताम्‍बुम प्रोक्‍मा बाक्‍त। मेको लडाइम शुश मुर साइक्‍चा पुंइसमा बाक्‍त। खोइलीम गाक्‍ब ३० हजार लडाइ पाइबपुकी बेक्‍मा बाक्‍त।
1SA 4:11 मिनु परमप्रभु आ कबल पशो सन्‍दोस रोइश्‍शा, एली आ तौ होफ्‍‍नी नु फिनेहास आस कली यो सदमे बाक्‍त। १सामुएल २:३४
1SA 4:12 मिनु मेको नाक्‍ती बेन्‍यामीन आ थर ङा मुर का लडाइ पतीक रे प्रोक्‍शा, खाक्‍शो वा फेक्‍सीशा, आ पियाम फुरक फुंइसीशा, दोरशा शिलोम जाक्‍माक्‍त।
1SA 4:13 मेको जाक्‍मेनु, एली आ नित्‍तीकेम निश्‍शा, लां कोव़शा बाक्‍शो बाक्‍माक्‍त। मारदे हना परमप्रभु आ कबल पशो सन्‍दोस आ पर्बम थाम्‍पा सुर्ता पवा बाक्‍त। मिनु मेको मुर दोरशा, जाक्‍शा सहर ङा मुर नेल्‍ल आन कली मार दुम्‍मे, मेको नेल्‍ल शेंदा बाक्‍त। मिनु सहर ङा मुर नेल्‍ल ग्रीशा वाइ ब्रेम्‍मा बाक्‍त।
1SA 4:14 मिनु एलीम आन वाइ ब्रेश्‍शो नेंशा “एको मार रेयके बाक्‍मे” देंमाक्‍त। मेको मुर दोरोर पा दोरशा, एली आ बाक्‍तीक जाक्‍शा, लोव़ नेल्‍ल शेंदा बाक्‍त।
1SA 4:15 मेना एली ९८ बर्स दुम्‍शो बाक्‍माक्‍‍त। मिनु मिक्‍च मताइब दुम्‍शो बाक्‍माक्‍त। १सामुएल ३:२
1SA 4:16 मिनु मेको मुरुम मेको कली “गो लडाइ रे नक जाक्‍ती। गो लडाइ रे प्रोक्‍शा जाक्‍ती” देंमाक्‍त। मिनु एलीम “ए, आं तौ, मार दुम्‍मे” दे हिल्‍लो पवा बाक्‍त।
1SA 4:17 मिनु मेको दोरशा जाक्‍बमी “इस्राएली पलिस्‍ती आन क्‍येङा प्रोक्‍तेक्‍म। लडाइ पाइब शुश साइक्‍चा पुंइसाक्‍म। इन तौ होफ्‍नी नु फिनेहास निम्‍फा साइक्‍चा पुंइसाक्‍स। मिनु परमप्रभु आ कबल पशो सन्‍दोस यो रोइक्‍ताक्‍म” देंमाक्‍त।
1SA 4:18 मिनु मेकोमी परमप्रभु आ कबल पशो सन्‍दोस आ पर्बम लोव़ पवानु, एली ठेयब लाप्‍चो आ नेक्‍था बाक्‍शो आ नित्‍तीक रे नोले गे गोल्‍माक्‍त। मिनु आ शुर जिक्‍शा, मेको बेक्‍माक्‍त। मारदे हना मेको खूशो नु ठेयब रां पाइश्‍शो मुर बाक्‍माक्‍त। मेकोम ४० बर्स सम्‍म इस्राएली आन कली निसाफ पशो बाक्‍माक्‍‍त।
1SA 4:19 मेको आ चाइमी, फिनेहास आ मीशेमी कोव़ज कुरशो बाक्‍माक्‍त। मिनु आ आल थिची ना दुम्‍शो बाक्‍माक्‍त। मिनु मेकोमी परमप्रभु आ कबल पशो सन्‍दोस रोइश्‍शा योल्‍शो नु आ शिउ नु आ वोंइश बेक्‍शो नेंशा, आ आल थितीक रोइम जेत्‍ता बाक्‍त। मिनु गोल्‍शा आल थिवा बाक्‍त।
1SA 4:20 मिनु मेको बेक्‍चा चिक्‍तानु, आ वारच पाइब मीश मुरुम “इ थुं ग्‍येत्‍थ लुक्‍च मदुमो। गे तौ का थिप्‍तीवी” दे मदा बाक्‍त। तन्‍न मेकोम लोव़ मलेत्‍ता बाक्‍त। मेकोम आ नोफा मदाइक्‍ता बाक्‍त। उत्‍पत्ती ३५:१७
1SA 4:21 मिनु मेकोमी आल आ नें इकाबोद वोदा बाक्‍त। मेको आ अर्थ “परमप्रभु आ छेङछेङ इस्राएल रे जाम्‍त” देंशो बाक्‍माक्‍त। मारदे हना परमप्रभु आ कबल पशो सन्‍दोस रोइश्‍शो नु आ शिउ नु आ वोंइश बेक्‍शो मिम्‍शा इकाबोद आ अर्थ “इस्राएल ङा छेङछेङ जाम्‍त” देंशो बाक्‍त१सामुएल १४:३; भजन संग्रह ७८:६१
1SA 4:22 “इस्राएल ङा छेङछेङ जाम्‍त। मारदे हना परमप्रभु आ कबल पशो सन्‍दोस रोंइसाक्‍व” देंमाक्‍त।
1SA 5:1 पलिस्‍तीपुकीम परमप्रभु आ कबल पशो सन्‍दोस रोइश्‍शा लाइश्‍शा, एबेन-एजेर रे अश्‍दोद सहरम चाक्‍ग‍मे बाक्‍त। यहोसु १५:४७
1SA 5:2 मिनु मेकोपुकीम मेको कली लाइश्‍शा दागोन मूर्ति आ थानम चाक्‍दीत्‍मे बाक्‍त। मिनु दागोन आ नेक्‍था वोदमे बाक्‍त। न्‍यायाधीस १६:२३
1SA 5:3 मिनु आ दीसा अश्‍दोद ङा मुरपुकी सुनी कना बोक्‍शा कोव़ङमेनु, दागोन आ मूर्ति गोल्‍शा, परमप्रभु यावे आ कबल पशो सन्‍दोस आ ङोंइती बाप्‍शो तामे बाक्‍त। मिनु मेकोपुकीम दागोन कली पोक्‍शा, आ बाक्‍तीकेम वोदमे बाक्‍त।
1SA 5:4 मिनु मेकोपुकी लेंशा आ दीसा सुनी कना बोक्‍शा कोव़ङमेनु, दागोन परमप्रभु यावे आ कबल पशो सन्‍दोस आ ङोंइती गोल्‍शो तामे बाक्‍त। मिनु मेको मूर्ति आ पिया नु गुइ निक्‍शी जिक्‍शा, लाप्‍चो ङा शीम बाक्‍शो तामे बाक्‍त। दागोन आ रां ला लीशो बाक्‍माक्‍त।
1SA 5:5 मोपतीके मेको नाक्‍त रे अश्‍दोद सहरमी दागोन कली चढ़ेबपुकी नु सु सु दागोन आ थानम ओव़बाक्‍मा, मेकोपुकीम दागोन आ थान ङा लाप्‍चो ङा शी मदिम्‍थु, ख्राक्‍शा ओव़बाक्‍मा बाक्‍त। सेफन्‍याह १:९
1SA 5:6 मिनु परमप्रभु यावेमी अश्‍दोद ङा मुर आन कली शुश श्‍येत गेमी बाक्‍त। मेकोमी मेको अश्‍दोद ङा नु मेको आ एर ओंथ ङा मुर आन कली गार मुतीक रोइमी श्‍येत गेमी बाक्‍त। मिनु मेको आन रागीम शुश यिच ग्रूमा बाक्‍त। मिनु मेको आन सहर नेल्‍लेम मारेइ मारेइ खतम दुम्‍तीक नु बेक्‍तीकेम सुमा बाक्‍त। भजन संग्रह ७८:६६
1SA 5:7 मिनु अश्‍दोद ङा मुरपुकीम मोदेंशो दुम्‍शो तशा “इस्राएली आन परमप्रभु आ कबल पशो सन्‍दोस एक वोइक्‍चा मदुम्‍ब। मारदे हना मेको आ गाइश्‍शोमी इं कली नु इं देवता दागोन कली श्‍येत दुम्‍शो बाक्‍ब” देंमा बाक्‍त।
1SA 5:8 मोपतीके मेकोपुकीम पलिस्‍ती आन ठेयब मुर आन कली ब्रेश्‍शा खुप्‍शा “गो इस्राएली आन परमप्रभु आ कबल पशो सन्‍दोस मार पय?” दे हिल्‍लो पामे बाक्‍त। मिनु मेकोपुकीमी “परमप्रभु आ कबल पशो सन्‍दोस गाथ सहरम लतीन” देंमा बाक्‍त। मिनु मेकोपुकीम इस्राएली आन परमप्रभु आ सन्‍दोस गाथम चाक्गमे बाक्‍त। यहोसु ११:२२
1SA 5:9 मिनु गाथम लदमे नोले परमप्रभु यावेम मेको सहर ङा मुर आन कली शुश हिंचा ङा श्‍येत गेमी बाक्‍त। मेकेर ङा ठेयब रे आइक्‍च मुर नेल्‍ल आन कली गार मुतीक रोइ पपाइक्‍मी बाक्‍त।
1SA 5:10 मिनु मेकोपुकीमी परमप्रभु आ कबल पशो सन्‍दोस एक्रोनम सोइक्‍तमे बाक्‍त। मिनु इस्राएली आन परमप्रभु आ कबल पशो सन्‍दोस एक्रोनमी चाक्‍दीत्‍मेनु, मेकेर ङा मुरपुकीम “मारदे मेकोपुकीम इं कली नु इं खिं ङा मुर आन कली साइक्‍चा कली इस्राएली आन परमप्रभु आ कबल पशो सन्‍दोस एक चाक्‍मे?” दे ग्रीशा रेयके पामे बाक्‍त। यहोसु १५:४५
1SA 5:11 मोपतीके मेकोपुकीम पलिस्‍ती आन ठेयब मुर नेल्‍ल आन कली ग्रुम्‍शा लोव़ पचा कली ब्रेत्‍थ सोइक्‍तमे बाक्‍त। मिनु मेको आन कली “इस्राएली आन परमप्रभु आ कबल पशो सन्‍दोस आ बाक्‍तीकेम लेश्‍शा सोइक्‍तीन। मेको कली आ बाक्‍तीकेम चाक्‍दीतीन। मो मपाइतीनी हना, गो नेल्‍ल बेक्‍नय” देंमा बाक्‍त। सहर ङा मुर नेल्‍ल शुश हिंशो बाक्‍मा बाक्‍त। मारदे हना परमप्रभु शुश गाइश्‍शो बाक्‍माक्‍त।
1SA 5:12 मिनु मबेक्‍शो आन कली गार मुतीक रोइम श्‍येत जपाइश्‍शो बाक्‍माक्‍त। मेको सहर ङा मुर आन ङाक्‍शो सरीङ सम्‍म जाक्‍दीमाक्‍त।
1SA 6:1 परमप्रभु यावे आ कबल पशो सन्‍दोस पलिस्‍ती आन रागीम बाक्‍शो ७ महिना दुम्‍शो बाक्‍माक्‍त।
1SA 6:2 मिनु पलिस्‍तीपुकीम दागोन कली चढ़ेब नु लिंक्‍यु कोव़ब आन कली ब्रेश्‍शा, मेको आन कली “गो परमप्रभु यावे आ कबल पशो सन्‍दोस कली मार पय? गो मेको आ बाक्‍तीकेम दोपा सोइक्‍तय? आंइ कली शेंदीकी” दे हिल्‍लो पामे बाक्‍त।
1SA 6:3 मिनु मेकोपुकीम “गेपुकीम इस्राएली आन परमप्रभु आ कबल पशो सन्‍दोस लेश्‍शा सोइक्‍नीनी हना, मोशा मसोइक्‍तीन। परमप्रभु कली दोस आ पर्बम चढ़ेतीक नु सोइक्‍तीन। मिनु नोले गे सा‍नीनी। मिनु मेकोमी लेंशा इन कली श्‍येत मगेब” देंमा बाक्‍त।
1SA 6:4 मिनु मेकोपुकीम “गो दोस आ पर्बम मार चढ़ेतीक सोइक्‍नीकी?” दे हिल्‍लो पामे बाक्‍त। मिनु मेकोपुकीम “५ ओटा सुन के कान नु ५ ओटा सुन के यिच, इन ५ जना ठेयब मुर खोदेंशो पा नु इन कली श्‍येत गे‍ब कान खोदेंशो पा सोइक्‍तीन। यहोसु १३:३
1SA 6:5 गे इन कान खोदेंशो सुन के कान नु रागी कली खतम पोक्‍ब यिच खोदेंशो पा सुन के यिच सेलीन। मिनु इस्राएली आन परमप्रभु कली मान पने। मिनु मेकोमी इन कली, इन देवी देवता आन कली नु इन रागी कली श्‍येत गेचा प्रोंइबा कों?
1SA 6:6 गे मारदे इजीप्‍त ङा मुर नु फाराओ खोदेंशो पा इन थुं खकटा सेल्‍नीनी? मेकोम आ सक्ति कोंइदा नोले मेकोपुकी मूर्ख दुम्‍शा इस्राएली आन कली लचा मगेमे ङा?” देंमा बाक्‍त। प्रस्‍थान ४:२१; प्रस्‍थान १२:३१
1SA 6:7 मिनु “मुल गे नक बग्‍गी का सेलीन। मिनु गिक्‍शो नु गेनायो जुवा मलाप्‍शो बी निक्‍शी लतीन। मिनु मेको बी आस कली नारेशा, बग्‍गी कीपाइक्‍चा कली ठीक पने। मेको आस बाछा कली चहिं फ्राशा गोठम लतीन।
1SA 6:8 मिनु परमप्रभु यावे आ कबल पशो सन्‍दोस लाइश्‍शा, बग्‍गी तारी वोतीन। मिनु मेको इन दोस आ पर्बम चढ़ेशो सुन के थोव़की आइक्‍च सन्‍दोस काम कुर पा, मेको आ नेक्‍था वोतीन। मिनु मेको सोइक्‍तीन।
1SA 6:9 मिनु मेको बग्‍गी कली कोव़शा बाक्‍कीन। मेको सन्‍दोस कुरशो बग्‍गी आ रागी, बेथ-शेमेश ग्‍येत्‍थ गे लत हना, परमप्रभुमी एको ठेयब श्‍येत दुम्‍पाइश्‍शो बाक्‍माक्‍त, दे तुंइसीब। मो मदुम्‍त हना, एको श्‍येत मेकोमी मदुम्‍पाइश्‍शो बाक्‍माक्‍त। आंमा दुम्‍शो बाक्‍तेक्‍म, दे तुंइसीब” दें‍मा बाक्‍त।
1SA 6:10 मिनु मेको मुरपुकीमी मो पामे बाक्‍त। मिनु गिक्‍शो बी निक्‍शी चाक्‍शा, बग्‍गीम नारेमे बाक्‍त। मेको आस बाछा चहिं गोठ उइ पाइश्‍शा, वोदमे बाक्‍त।
1SA 6:11 मिनु परमप्रभु यावे आ कबल पशो सन्‍दोस नु सुन के यिच नु सुन के कान बाक्‍शो आइक्‍च सन्‍दोस बग्‍गी तार वोदमे बाक्‍त।
1SA 6:12 मिनु मेको बी एर ओंथ मपथु, गाक्‍ची ना ग्रीना ग्रीन इर बेथ-शेमेश ठेयब लां गे लसा बाक्‍त। मिनु पलिस्‍ती आन ठेयब मुरपुकी मेको बी आस नोले बेथ-शेमेश ङा सांद सम्‍म लमा बाक्‍त। यहोसु १५:१०
1SA 6:13 मेना बेथ-शेमेश ङा मुरपुकी दिंमम चेरब रिक्‍ना रिक्‍न बाक्‍मा बाक्‍त। मिनु मेकोपुकीम इर गे कोव़ङमेनु, सन्‍दोस तशा ग्‍येरशा मेको आ नेक्‍था लमा बाक्‍त।
1SA 6:14 मेको बग्‍गी बेथ-शेमेश ङा यहोसु आ रूम जाक्‍शा, नांइसे बाक्‍त। मेको आ नेक्‍था ठेयब फुल्‍लु का बाक्‍माक्‍त। मिनु मेकोपुकीम मेको बग्‍गी ख्रोइश्‍शा, मेको बी साइश्‍शा, परमप्रभु यावे कली चोशा चढ़े‍मे बाक्‍त।
1SA 6:15 मिनु लेवीपुकीम परमप्रभु यावे आ कबल पशो सन्‍दोस नु मेको आ नेक्‍था बाक्‍शो सुन के थोव़क बाक्‍शो आइक्‍च सन्‍दोस शोल्‍शा, मेको ठेयब फुल्‍लु तारी वोदमे बाक्‍त। मिनु मेको नाक्‍त बेथ-शेमेश ङा मुरपुकीम परमप्रभु यावे कली चोशा चढ़ेतीक नु अरु चढ़ेतीक चढ़े‍मे बाक्‍त।
1SA 6:16 मिनु पलिस्‍ती आन ५ जना ठेयब मुरुमी मेको नेल्‍ल तशा, मेको नाक्‍तीन एक्रोन लेम्‍मा बाक्‍त।
1SA 6:17 मिनु मेको पलिस्‍तीपुकीम मेको आन दोस आ पर्बम परमप्रभु यावे कली सोइश्‍शो सुन के कान मार कली बाक्‍मा बाक्‍त देंशा हना, अश्‍दोद कली का, गाजा कली का, अश्‍कलोन कली का, गाथ कली का नु एक्रोन कली का बाक्‍मा बाक्‍त।
1SA 6:18 मिनु सुन के यिच चहिं गारो हिरशो सहर आन कली नु आन हुकुम पाइब नु आन एर ओंथ ङा सहर आन कली का का बाक्‍माक्‍त। मिनु मेकोपुकीमी परमप्रभु यावे आ कबल पशो सन्‍दोस कली लाइश्‍शा, ठेयब फुल्‍लु तारी वोदमे बाक्‍त। मेको फुल्‍लु मुल सम्‍म बेथ-शेमेश ङा यहोसु आ रूम सांकछी बाक्‍ब।
1SA 6:19 मिनु परमप्रभु यावेमी बेथ-शेमेश ङा मुर आन दाते ङा ७० जना आन कली सदा बाक्‍त। मारदे हना मेकोपुकीम परमप्रभु यावे आ कबल पशो सन्‍दोस आगा कोव़ङमे बाक्‍त। मिनु परमप्रभु यावेमी मोदेंशो पशो आ पर्बम मुरपुकी रोंका पामे बाक्‍त। गन्‍ती ४:२०; २सामुएल ६:६-७
1SA 6:20 मिनु बेथ-शेमेश ङा मुरपुकीम “मेको परमप्रभु यावे, का ला परमप्रभु आ ङोंइती सु राप्‍ने चाप्‍बा ङा? मिनु आंइ बाक्‍तीके रे मुल मेको सु आ बाक्‍तीके लाइक्‍चा माल्‍बा?” देंमा बाक्‍त।
1SA 6:21 मिनु मेकोपुकीम किरयथ-यारीम ङा मुर आन कली लोव़ कुरब सोइश्‍शा, मेको आन कली “पलिस्‍तीपुकीम परमप्रभु यावे आ कबल पशो सन्‍दोस लेत्‍ताक्‍म। उइ यिशा, मेको इन बाक्‍तीकेम कुतीन” देंमा बाक्‍त। १इतिहास १३:६; भजन संग्रह ३२:३-६
1SA 7:1 मिनु किरयथ-यारीम ङा मुर जाक्‍शा, परमप्रभु यावे आ कबल पशो सन्‍दोस लाइश्‍शा, डांडाम बाक्‍ब अबीनादाब आ खिंम चाक्‍दीत्‍मे बाक्‍त। मिनु मेको आ तौ एलाजर कली परमप्रभु यावे आ कबल पशो सन्‍दोस कोव़चा कली ठीक सेल्‍मे बाक्‍त। लेवी ८:-
1SA 7:2 मिनु मेको सन्‍दोस किरयथ-यारीमम वोइश्‍शो, शुश नाक्‍त दुम्‍शा, २० बर्स मेकेर बाक्‍माक्‍त। मिनु इस्राएली नेल्‍लेमी “परमप्रभु यावेम इं कली प्रोंइतु” दे सुर्ता पामे बाक्‍त। १सामुएल ६:२१; १सामुएल ४:२२; १इतिहास १३:६
1SA 7:3 मिनु सामुएलमी इस्राएली नेल्‍ल आन कली “गे इन थुं नेल्‍लेमी परमप्रभु यावे गे लेत्‍चा दाक्‍ताक्‍नी हना, इन दाते रे अर्को रागी ङा देवी देवता नु अश्तारोथ माइश्‍शो मूर्ति पाइश्‍शो थाम नेल्‍ल ग्रुंइदीन। मिनु इन थुं नेल्‍लेमी परमप्रभु यावे कली ला ठेयब सेलीने। मिनु मेकोम इन कली पलिस्‍ती आन गुइ रे प्रोंइब” देंमाक्‍त। उत्‍पत्ती ३५:२; यहोसु २४:२३
1SA 7:4 मिनु इस्राएलीपुकीमी बाल देवता नु मूर्ति पाइश्‍शो थाम नेल्‍ल ग्रुंइदमे बाक्‍त। मिनु परमप्रभु यावे कली ला ठेयब सेल्‍मे बाक्‍त। न्‍यायाधीस १०:१६
1SA 7:5 मिनु सामुएलमी इस्राएली नेल्‍ल आन कली “मिस्‍पाम बुक्‍कीने। मिनु गो परमप्रभु यावे कली इन पर्बम पुंइनुङ” देंमाक्‍त। १सामुएल १०:१७; यहोसु १८:२६; न्‍यायाधीस २०:१
1SA 7:6 मिनु मेकोपुकी मिस्‍पाम बुक्‍‍मा बाक्‍त। मिनु ब्‍वाक्‍कु चाक्‍शा, परमप्रभु यावे आ ङोंइती मोदमे बाक्‍त। मिनु मेको नाक्‍ती माइजा बाक्‍शा, मेकोपुकीमी “गो परमप्रभु यावे आ ङोंइती पाप पाइतक” देंमा बाक्‍त। मिनु सामुएलम इस्राएली आन कली मिस्‍पा सहरम ब्रेश्‍शा निसाफ पवा बाक्‍त। २सामुएल २३:१६
1SA 7:7 मिनु पलिस्‍तीपुकीमी इस्राएली मिस्‍पाम बुक्‍‍तेक्‍म देंशो लोव़ नेंन्‍मे बाक्‍त। मिनु मेको आन ठेयब मुरपुकी इस्राएली नु लडाइ पचा कली लमा बाक्‍त। मिनु इस्राएलीपुकी मेको नेंशा, पलिस्‍ती आन कली तशा शुश हिंमा बाक्‍त।
1SA 7:8 मिनु इस्राएलीपुकीम सामुएल कली “आंइ कली पलिस्‍ती आन गुइ रे प्रोंइचा कली परमप्रभु यावे, आंइ परमप्रभु कली पुंइचा मप्रोनीन। मिनु मेकोम पलिस्‍ती आन गुइ रे प्रोंइबा कों, दे पुनीन” दे सामुएल कली देंमा बाक्‍त। १सामुएल १२:२३; उत्‍पत्ती २२:१७; १राजा १३:६; येरमीया ३७:३; येरमीया ७:१६
1SA 7:9 मिनु सामुएलमी परमप्रभु यावे कली दूध तूब पाठा का चोशा चढ़ेवा बाक्‍त। मिनु इस्राएली आन पर्बम ठेयब सेंदा पा परमप्रभु यावे कली पुना बाक्‍त। मिनु परमप्रभु यावेम मेको आ पुंइशो लोव़ नेना बाक्‍त।
1SA 7:10 सामुएलम चोशा चढ़ेना ढ़ेन बाक्‍मेनु, पलिस्‍तीपुकी इस्राएली नु लडाइ पचा कली आन नेक्‍था जाक्‍मा बाक्‍त। मिनु मेको नाक्‍ती परमप्रभु यावेमी पलिस्‍ती आन तारी ठेयब बुंबु पपदा बाक्‍त। मिनु पलिस्‍तीपुकी वाम ग्याम दुम्‍शा, इस्राएली आन ङोंइती रे प्रोक्‍मा बाक्‍त। उत्‍पत्ती ३५:५; प्रस्‍थान १४:२४; प्रस्‍थान २३:२७; यहोसु १०:१०; न्‍यायाधीस ४:१५
1SA 7:11 मिनु इस्राएलीपुकीम मेको आन कली मिस्‍पा रे खेदा पना पन, बेथ-कर आ दी सम्‍म साइक्‍ना साइक्‍न खेदा पामे बाक्‍त।
1SA 7:12 मिनु सामुएलमी फुल्‍लु का लाइश्‍शा, मिस्‍पा नु येशाना आस दातेमी ख्रुक्‍गा बाक्‍त। मेको कली एबेन-एजेर नें वोइश्‍शा “परमप्रभु यावेम आंइ कली एक सम्‍म वारच पाप्‍तु” देंमाक्‍त।
1SA 7:13 मोपा पलिस्‍ती ब्रुशा, इस्राएली आन रागी लेंशा मओव़मा बाक्‍त। मिनु परमप्रभु यावेम सामुएल बाक्‍म सम्‍म पलिस्‍तीपुकी रे इस्राएली आन कली श्‍येत मगेपदा बाक्‍त।
1SA 7:14 मिनु पलिस्‍ती आन ङोंइती ग्राशो सहर एक्रोन रे गाथ सम्‍म नु आन एर ओंथ ङा गाउं नेल्‍ल इस्राएलीपुकीमी पलिस्‍ती आन गुइ रे ताक्‍गमे बाक्‍त। मिनु इस्राएली नु एमोरीपुकी गारमा बाक्‍त।
1SA 7:15 मिनु सामुएल बाक्‍म सम्‍म इस्राएली आन कली निसाफ पवा बाक्‍त। न्‍यायाधीस १०:१-५; न्‍यायाधीस १२:७-१४
1SA 7:16 मेकोमी बर्स बर्सम बेथेल, गिल्‍गाल नु मिस्‍पाम हिरशा, इस्राएली आन कली निसाफ पाइक्‍बाक्‍माक्‍त।
1SA 7:17 मिनु मेको रामाह लेप्‍बाक्‍माक्‍त। मारदे हना मेको आ खिं मेकेर बाक्‍माक्‍त। मिनु मेकोमी मुर आन कली निसाफ पा, परमप्रभु यावे कली चढ़ेतीक का सेला बाक्‍त। यहोसु १८:२५
1SA 8:1 सामुएल खूशो दुम्‍तीके, आ तौ आन कली इस्राएली आन कली निसाफ पाइब सेल्‍मी बाक्‍त।
1SA 8:2 मेको आ ङोंइती जरमेशो तौ आ नें योएल नु आ माइला तौ आ नें अबीयाह बाक्‍माक्‍त। मेको बेयर-शेबाम निसाफ पाइब बाक्‍सा बाक्‍त। १इतिहास ६:१३; आमोस ८:१४
1SA 8:3 तन्‍न मेको निक्‍शीमी आस आफोम पशो खोदेंशो मपाम्‍से बाक्‍त। क्‍येट पाइश्‍शो दुम्‍चा कली घूस जाम्‍से बाक्‍त। दूली निसाफ पाम्‍से बाक्‍त। ब्‍यवस्‍था १६:१९
1SA 8:4 मोपतीके इस्राएल ङा खाल्‍पा नेल्‍ल ग्रुम्‍शा, रामाहम सामुएल आ बाक्‍तीक जाक्‍मा बाक्‍त। १सामुएल ७:१७
1SA 8:5 मिनु मेकोपुकीमी “गे मुल खूशो दुम्‍तीनी। इन तौ निक्‍शी इन देंशो लांम मगाक्‍स। मोपतीके अर्को रागी रागी ङा मुर आन खोदेंशो पा आंइ कली सासन पचा कली पिप का सेल्‍शा, गेकी” देंमा बाक्‍त। ब्‍यवस्‍था १७:१४-२०; होसे १३:१०; प्रेरित १३:२१
1SA 8:6 तन्‍न सामुएलम सासन पचा कली पिप पुंइशो लोव़ नेंशा, काइ मदाक्‍ता बाक्‍त। मिनु सामुएलमी परमप्रभु यावे नु लोव़ पवा बाक्‍त।
1SA 8:7 मिनु परमप्रभु यावेमी सामुएल कली “मुरुम मार मार देंमा, मेको नेल्‍ल नेनो। मारदे हना मेकोपुकीम इ कली प्रोंइशो ममाइ, आं कली प्रोंइशो नम। मेकोपुकीम आं कली आन पिप दुम्‍शो मदाक्‍शो नम। प्रस्‍थान १५:१८; गन्‍ती २३:२१; ब्‍यवस्‍था ३३:५; भजन संग्रह २४:७-१०; भजन संग्रह ७४:१२; यसैया ६:५
1SA 8:8 इजीप्‍त रे ग्रुंइशो नाक्‍त रे आं कली मार मार पाइय्‍यीमी, मुल मेकोपुकीम इ कली यो मो पाइनीम। मेकोपुकीम अरु देवी देवता आन नोले खोइश्‍शा, आं कली प्रोंइशो बाक्‍नीम। मिनु मुल इ कली यो प्रोंइनीम।
1SA 8:9 मिनु मुल मार देंना देंन बाक्‍मा, मेको नेनो। मुल मेको आन कली हिंपाइश्‍शा शेंदीमी। आन सासन पाइब पिपम दोदेंशो पाइनीमी, मेको आन कली माइक्‍मी” देंमाक्‍त।
1SA 8:10 मिनु सामुएलमी पिप पुंइब मुर आन कली परमप्रभु यावेम देंशो लोव़ नेल्‍ल नेंपाइक्‍मी बाक्‍त।
1SA 8:11 मिनु सामुएलमी “इन कली सासन पाइब पिपमी मार पाइब देंशा हना, इन तौ आन कली लाइश्‍शा, आ बग्‍गी, शारा नु गेय पाइब सेल्‍ब। मेकोमी मेको आन कली आ बग्‍गी आ ङोंइङोंइती दोरपाइक्‍ब।
1SA 8:12 मिनु का निक्‍शी आन कली हजार का जना आन ठेयब मुर सेल्‍ब। का निक्‍शी आन कली ५० जना आन ठेयब मुर सेल्‍ब। मेको आ रू वाक्‍शा, आ बाली नाली रुप्‍ब सेल्‍ब। मिनु मेको आन लडाइ पतीक या नु बग्‍गी सेल्‍पाइक्‍ब।
1SA 8:13 मेकोमी इन तमी आन कली रांम ख्रेक्‍तीक तेल सेल्‍पाइक्‍ब। जचा थोव़क क्‍येब नु शोब्‍ले चोइब सेल्‍चा कली लाइक्‍ब।
1SA 8:14 मेकोमी इन नेल्‍ल क्‍येङा रिम्‍शो रू, अङगुर रू नु तेल रवा बाक्‍शो रू रोइश्‍शा, आ गेय पाइब आन कली गेब।
1SA 8:15 मेकोमी इन अन्‍न १० भागमी भाग का लाइक्‍ब। इन अङगुर यो मोपान लाइक्‍ब। मिनु आ कप्‍तान नु आ खिं ङा गेय पाइब आन कली गेब।
1SA 8:16 मेकोमी इन वाइलीम वाइल, इन नेल्‍ल क्‍येङा रिम्‍शो बी ब्‍यफ नु गधापुकी लाइश्‍शा आ गेय पपाइक्‍ब।
1SA 8:17 मेकोमी इन क्‍यारश भेडा रे १० भाग ङा भाग का लाइक्‍ब। मिनु गेपुकी यो मेको आ गेय पाइब दुम्‍नीनी।
1SA 8:18 मो दुम्‍मेनु, इन योव़शो पिप आ पर्बम ठेयब सेंदा पा पुंइनीनी। तन्‍न मेना परमप्रभु यावेम इन पुंइशो लोव़ मनेंब” देंमाक्‍त।
1SA 8:19 तन्‍न मुरपुकीम सामुएल आ लोव़ नेंने मबिस्‍समा बाक्‍त। मिनु मेकोपुकीम “ममाइ, आंइ कली पिप का माल्‍नीकी।
1SA 8:20 गो यो अर्को रागी ङा मुर खोदेंशो दुम्‍चा दाक्‍नीकी। आंइ कली सासन पाइब नु लडाइम आंइ ङोंइती गाक्‍ब पिप का माल्‍नीकी” देंमा बाक्‍त।
1SA 8:21 मिनु सामुएलम मेको मुर आन देंशो लोव़ नेल्‍ल नेंशा, परमप्रभु यावे कली नेंपदा बाक्‍त।
1SA 8:22 मिनु परमप्रभु यावेम “मेको आन देंशो खोदेंशो पावो। मेको आन कली पिप का गेमी” देंमाक्‍त। मिनु सामुएलमी इस्राएल ङा मुर नेल्‍ल आन कली आन खिं खिं सोइक्‍तीमी बाक्‍त।
1SA 9:1 बेन्‍यामीन आ थर ङा मुर का बाक्‍माक्‍त। मेको आ नें कीश बाक्‍माक्‍त। मेको आ आफ अबीएल, मेको आ बाजे जरोर, आ शेर बाजे बेकोराथ नु आ किकी बाजे आफीयाह बेन्‍यामीन थर ङा बाक्‍माक्‍त। कीश शोंप पाइश्‍शो मुर का बाक्‍माक्‍त।
1SA 9:2 मिनु मेको आ तौ का बाक्‍माक्‍त। मेको आ नें सावल बाक्‍माक्‍त। मेको ठिटा दारशो बाक्‍माक्‍त। मेना इस्राएल रागीमी मेको क्‍येङा दारशो अर्को सुइ मबाक्‍मा बाक्‍त। मुर नेल्‍ले मेको आ बला ङा लुक्‍च ला बाक्‍मा बाक्‍त।
1SA 9:3 मिनु काबु सावल आ आफ कीश आ गधापुकी जाम्‍मा बाक्‍त। मिनु मेकोमी आ तौ सावल कली “गेय पाइब ठिटा का लाइश्‍शा, गधापुकी माल्‍थ लावो” दे मदा बाक्‍त।
1SA 9:4 मिनु मेको निक्‍शी एफ्राइम ङा पहाड लाक्‍शा, शालीशाह रागी रे पा लसा बाक्‍त। तन्‍न गधा मथित्‍से बाक्‍त। मेको निक्‍शी शालीम रागी लसा, बेन्‍यामीन आ रागी रे पा हिरशा, लसा बाक्‍त। मेकेर यो मथिदसे बाक्‍त।
1SA 9:5 मिनु मेको निक्‍शी जूफ रागी ओव़सा बाक्‍त। मिनु सावलम आ गेय पाइब कली “मुल गो लेस्‍स। मुल मलेत्‍तस हना, आं आफोम गधा आन पर्बम सुर्ता पचा प्रोंइशा, इस पर्बम सुर्ता पाइब” देंमाक्‍त। १सामुएल १०:२
1SA 9:6 मिनु मेको गेय पाइबम “एको सहरम परमप्रभु आ लोव़ पाइब का बाक्‍ब। मेको आ देंशो नेल्‍ल गाप्‍तीके, मेको आ नें थाम्‍पा चलेशो बाक्‍ब। गो मेक लांइसाक्‍व हना, मेकोमी तेको लां लचा माल्‍बा, मेको शेंबा कों?” देंमाक्‍त।
1SA 9:7 मिनु सावलमी “गो मेक लशा हना, मेको कली मार गेचा? गो इस नु मारेइ जचा थोव़क मबाक्‍ब। परमप्रभु आ मुर कली मारेइ कोसेली यो मबाक्‍ब” दे आ गेय पाइब कली देंमाक्‍त।
1SA 9:8 मिनु मेको गेय पाइबमी “गो नु ४ भाग ङा भाग का शेकेल चांदी बाक्‍ब। इस कली लां कोंइचा, दे गो मेको मुर कली एको चांदी गेनुङ” देंमाक्‍त। शेकेल का ११.५ ग्राम बाक्‍ब। मेको आ गेशो २.६ ग्राम चांदी के क्‍येट बाक्‍त।
1SA 9:9 ङोंइती इस्राएल रागीम सुइम परमप्रभु आ लोव़ तुइक्‍चा माल्‍ताक्‍व हना, मार देंबाक्‍मा बाक्‍त देंशा हना “परमप्रभु यावे आ ततीक ताइब आ बाक्‍तीक लय” देंबाक्‍मा बाक्‍त। तन्‍न सिनाक्‍त मुलाक्‍त परमप्रभु यावे आ ततीके ताइब कली परमप्रभु यावे आ लोव़ पाइब देंनीम। गन्‍ती २४:३-४; २राजा १७:१३; १इतिहास ९:२२
1SA 9:10 मिनु सावलमी आ गेय पाइब कली “इ देंशो रिम्‍शो बाक्‍ब। गो मेको आ बाक्‍तीक लस” देंमाक्‍त। मिनु मेको निक्‍शी मेको परमप्रभु आ मुर बाक्‍तीक सहर लसा बाक्‍त।
1SA 9:11 मिनु मेको निक्‍शी इर सहर गे लना लन बाक्‍सानु, ब्‍वाक्‍कु दिथ यीब मीश आल आन कली ग्रुम्‍से बाक्‍त। मिनु मेको आन कली “परमप्रभु यावे आ ततीक ताइब खिंम बाक्‍मे?” दे हिल्‍लो पाम्‍से बाक्‍त।
1SA 9:12 मिनु मेकोपुकीमी “ओं, इस ङोंइती लना लन बाक्‍ब। रीब पा लने। मेको मुलाक्‍त सहर रे जाक्‍त। मारदे हना मुलाक्‍त डांडाम क्‍योरशा चढ़ेतीक नाक्‍त बाक्‍ब।
1SA 9:13 मिनु गे सहरम ओव़तीसी हना, गे मेको कली जचा कली इर लना लन पशो थित्‍नीसी। मेको मजाक्‍म सम्‍म मुरपुकीम भोज मजाइनीम। मारदे हना, मुरुम जचा क्‍येङा ङोंइती मेकोमी क्‍योरशा चढ़ेतीकेम आसीक गेब। मिनु नोले ला ब्रेश्‍शो मुरपुकीम जाइनीम। मिनु इर लसे, गे मुलाक्‍ती मेको कली ग्रुम्‍नीसी” देंमा बाक्‍त।
1SA 9:14 मिनु इर सहर लसा बाक्‍त। मिनु सहर ओव़सानु, सामुएल कली थित्‍से बाक्‍त।
1SA 9:15 मिनु परमप्रभु यावेमी सावल आ जाक्‍चा क्‍येङा नाक्‍त का ङोंइती सामुएल कली आ मिम्‍शो लोव़ तुइक्‍पाइश्‍शो बाक्‍माक्‍त।
1SA 9:16 मेकोमी “दीसा गो बेन्‍यामीन रागी ङा मुर का इ कली ग्रुम्‍थ सोइक्‍नुङ। मिनु गे मेको कली आं मुर, इस्राएली, आन पिप सेल्‍शा, तेल लुक्‍तो। मेकोमी आं मुर आन कली पलिस्‍ती आन गुइ रे प्रोंइब। मारदे हना गो आं मुर आन श्‍येत ताता। मेको आन पुंइशो नेंता” देंमाक्‍त।
1SA 9:17 मिनु सामुएलम सावल कली जाक्‍शो तवा बाक्‍त। मेना परमप्रभु यावेम मेको कली “आं देंशो मुर एकोन बाक्‍ब। एको आं मुर आन कली सासन पाइब दुम्‍ब” देंमाक्‍त।
1SA 9:18 मिनु सावलमी ठेयब लाप्‍चोम जाक्‍शा, सामुएल कली “परमप्रभु यावे आ ततीके ताइब आ खिं ते बाक्‍म, आं कली कोंइदीनी” देंमाक्‍त।
1SA 9:19 मिनु सामुएलमी सावल कली “परमप्रभु यावे आ ततीके ताइब गो नङ। आं ङोंइङोंइती इर गाक्‍कीस। मारदे हना मुलाक्‍ती गे गो नु जचा माल्‍नीसी। मिनु दीसा सुनी इ कली लचा गेनुङ। इ थुंम मार मार बाक्‍मे, गो मेको इ कली शेंनन। प्रस्‍थान २४:११
1SA 9:20 मिनु नाक्‍त सां ङोंइती जाम्‍शो गधा आन पर्बम सुर्ता मपावो। मेको थिन्‍ने थुम्‍तेक्‍म। नेल्‍ल क्‍येङा ठेयब लोव़ मार बाक्‍ब देंशा हना, इस्राएली नेल्‍लेमी इ कली नु इ किकी पिपी आन खिं ङा मुर कली मिम्‍शो बाक्‍नीम” देंमाक्‍त।
1SA 9:21 मिनु सावलमी “गो इस्राएली आन नेल्‍ल क्‍येङा आइक्‍च बेन्‍यामीन आ थर ङा मुर का नङ। मिनु आं खिं बेन्‍यामीन आ थर ङा नेल्‍ल क्‍येङा आइक्‍च बाक्‍ब। मिनु गे मारदे आं कली एको लोव़ देंनी?” दे हिल्‍लो पवा बाक्‍त। १सामुएल १५:१७
1SA 9:22 मिनु सामुएलमी सावल नु आ गेय पाइब आस कली जतीक कोठाम ओंइदीम्‍सी बाक्‍त। मिनु ब्रेश्‍शो मुर आन दातेमी नेल्‍ल क्‍येङा ठेयब नित्‍तीकेम निप्‍पदा बाक्‍त। मेकेर मेको नेल्‍ल पा ३० जना मुर बाक्‍मा बाक्‍त।
1SA 9:23 मिनु सामुएलमी क्‍येब कली “ङोंइती गो इ कली तिल्‍शा वोइक्‍चा देंशो भाग एक पितो” दे मदा बाक्‍त।
1SA 9:24 मिनु मेको क्‍येबमी फिला चाक्‍शा, सावल आ ङोंइती वोदा बाक्‍त। मिनु सामुएलमी “इ कली वोइश्‍शो भाग एकोन बाक्‍ब। ब्‍वावो। मुर आन कली ब्रेश्‍शो भोजम एको इ कली वोइश्‍शो भाग बाक्‍ब” दे सावल कली देंमाक्‍त। मिनु मेको नाक्‍ती सावल पौनापुकी नु भोज जवा बाक्‍त।
1SA 9:25 मिनु नोले मेकोपुकी डांडा रे सहर ब्रुम्‍मा बाक्‍त। मिनु सामुएलमी सावल कली खिं तला तारी लाइश्‍शा लोव़ पवा बाक्‍त।
1SA 9:26 मिनु नां सोव़ची ना सामुएलम सावल कली “बोक्‍को। मुल गो इ कली चोव़दीनन” देंमाक्‍त। मिनु सावल नु आ गेय पाइब बोक्‍सा नोले सामुएल नु काथ काथा गाक्‍मा बाक्‍त।
1SA 9:27 मिनु मेकोपुकी सहर लाग्‍मे नोले सामुएलम सावल कली “इ गेय पाइब कली ङोंइती सोइक्‍तो” देंमाक्‍त। मिनु मेकोमी मो पवा बाक्‍त। मिनु सामुएलमी “गे एकेर रिम्‍दो। गो इ कली परमप्रभु आ लोव़ नेंपाइक्‍नन” देंमाक्‍त।
1SA 10:1 मिनु सामुएलमी तेल कुरतीक रे तेल ग्रुंइशा, सावल आ पिया तार लुक्‍ता बाक्‍त। मिनु मेको कली पुक्‍पु पा “परमप्रभु यावेमी इ कली आ मुर इस्राएली आन पिप सेल्‍तु। गे आ मुर आन कली सासन पाइक्‍नेवे। मिनु गे मेको आन एर ओंथ ङा जोरी सत्रु आन गुइ रे प्रोंइनेवे। परमप्रभु यावेम थमा पा इन कली आ मुर आन कली सासन पाइब सेल्‍शो आ चिन्‍ड मार बाक्‍ब देंशा हना,
1SA 10:2 गे मुलाक्‍ती एक रे लाइनीसी। मिनु बेन्‍यामीन आ सांद सेल्‍साह सहर आ नेक्‍था राहेल कली थिम्‍तीकेमी मुर निक्‍शी ग्रुम्‍नीसी। मेको निक्‍शीमी इस कली ‘इन माल्‍शो गधा थित्‍तेक्‍म। इन आफोमी मेको आन पर्बम सुर्ता पचा प्रोंइशा, इस पर्बम सुर्ता पा “मुल आं तौ आ पर्बम गो मार पाइनुङा?” देंत’ देंनीस। उत्‍पत्ती ३५:१९
1SA 10:3 मिनु मेकेर रे लाक्‍शा, ताबोर ङा ठेयब रवा आ नेक्‍था सम्‍म लाइनीसी। मेकेर परमप्रभु कली चढ़ेथ बेथेल गे लाइब मुर सां ग्रुम्‍नीसी। मेको ङोंइती ङा मुरुम पाठा सां, दाते ङा मुरुम शोब्‍ले सां नु नोले ङा मुरुम गर का अङगुर शांबु कुरशा गाक्‍‍शो बाक्‍नीम।
1SA 10:4 मिनु मेकोपुकीमी इस कली ‘रिम्‍शो बाक्‍नी?’ दे हिल्‍लो पाइनीम। मिनु इस कली शोब्‍ले निक्‍शी गेनीम। मिनु गे मेको ताक्‍चा माल्‍नीसी।
1SA 10:5 मिनु नोले गे परमप्रभु आ डांडा गिबेआथ-एलोहीम जाक्‍नीसी। मेकेर लडाइ पचा कली बाक्‍शो पलिस्‍ती बाक्‍नीमी। मिनु गे मेको सहर ओव़तीसी हना, डांडा रे यिन यिन पशो परमप्रभु यावे आ लोव़ पाइब आन हुल का ग्रुम्‍नीसी। मेको आन ङोंइती मार मार ताप्‍तीके ताप्‍बपुकी गाक्‍शो बाक्‍नीम। मिनु मेकोमी परमप्रभु यावे आ लोव़ पाइनीम।
1SA 10:6 मिनु परमप्रभु यावे आ सोक्‍त इन तार जुक्‍ब। मिनु गे यो परमप्रभु यावे आ लोव़ पाइनीनी। मिनु गे अर्को मुर दुम्‍नीनी। न्‍यायाधीस १३:२५
1SA 10:7 मिनु मोदेंशो चिन्‍ड नेल्‍ल दुम नोले इ ङोंइती मार गेय बाक्‍बा, मेको पावो। मारदे हना परमप्रभु गे नु बाक्‍ब।
1SA 10:8 मिनु गे आं ङोंइती गिल्‍गाल यिवो। मिनु गो चोशा चढ़ेचा नु दुशा बाक्‍चा आ पर्बम चढ़ेचा कली इ बाक्‍तीक जाक्‍नुङ। गो इ बाक्‍तीक मजाक्‍ङा सम्‍म, ७ नाक्‍त सम्‍म आं कली रिम्‍शा बाक्‍को। मिनु गो जाक्‍शा गे मार पचा माल्‍नेवे, इन कली शेंनुङ” दे सामुएलम सावल कली देंमाक्‍त। १सामुएल १३:८
1SA 10:9 मिनु सावल गाक्‍चा कली सामुएल नु ब्रामेनु, परमप्रभुम सावल आ थुं नक सेला बाक्‍त। मिनु मेको नोले मेको चिन्‍ड नेल्‍ल दुम्‍माक्‍त।
1SA 10:10 मिनु मेको गिबा जाक्‍दीस्‍सानु, परमप्रभु यावे आ लोव़ पाइब हुल मेको कली ग्रुम्‍थ, यिशो बाक्‍मा बाक्‍त। मिनु परमप्रभु आ सोक्‍तीम मेको कली सुमा बाक्‍त। मिनु सावल यो मेको आन दातेमी परमप्रभु यावे आ लोव़ पाइब दुम्‍माक्‍त। १सामुएल १९:२०-२४
1SA 10:11 मिनु मेको कली ङोंइती रे तुइक्‍ब मुरपुकीम, परमप्रभु यावे आ लोव़ पाइब आन दातेमी लोव़ पाइब दुम्‍शो तशा “कीश आ तौ कली मार दुम्‍मे? मार, सावल यो परमप्रभु यावे आ लोव़ पाइब आन दाते ङा का बाक्‍मे” देंमुमा बाक्‍त।
1SA 10:12 मिनु मेकेर ङा मुर कामी “मेरे आन आफ सु बाक्‍मे?” दे हिल्‍लो पवा बाक्‍त। मेना रे मुरपुकीमी “सावल यो परमप्रभु यावे आ लोव़ पाइब आन दाते ङा बाक्‍मे?” दे देंतीक लोव़ लीमाक्‍त।
1SA 10:13 मिनु मेकोमी परमप्रभु यावे आ लोव़ पने थुम्‍शा, आ खिं लमाक्‍त।
1SA 10:14 मिनु सावल आ बकान्‍छाम, सावल नु आ गेय पाइब आस कली “गे निक्‍शी ते लसी?” दे हिल्‍लो पवा बाक्‍त। मिनु सावलमी “जाम्‍शो गधा माल्‍दीशो नस्‍कु। गो थिन्‍ने मचाप्‍स्‍कु। मिनु गो सामुएल आ बाक्‍तीक यो लाइतस्‍कु” देंमाक्‍त।
1SA 10:15 मिनु सावल आ बकान्‍छाम “सामुएलम इ कली मार देंमे? आं कली शेंदीसी” देंमाक्‍त।
1SA 10:16 मिनु सावलमी “ ‘गधा थित्‍तेक्‍म’ देंत” देंमाक्‍त। तन्‍न पिप दुम्‍तीके आ पर्बम देंशो लोव़ मशेंदा बाक्‍त।
1SA 10:17 मेना सामुएलमी मुर आन कली परमप्रभु यावे आ बाक्‍तीके मिस्‍पामी ग्रुम्‍चा, दे ब्रेत्‍तीमी बाक्‍त। १सामुएल ७:५
1SA 10:18 मिनु मेकोमी इस्राएली आन कली “परमप्रभु यावे, इस्राएली आन परमप्रभुमी मार देंत देंशा हना ‘गो इस्राएली इन कली इजीप्‍त रागी रे ग्रुंइशा, एक चाक्‍तन्‍नी। इन कली श्‍येत गेब इजीप्‍ती आन गुइ रे प्रोंइतन्‍नी। मिनु नोले इन कली दिप्‍ब अर्को रागी ङा मुर आन गुइ रे यो प्रोंइतन्‍नी’ दें‍त।
1SA 10:19 तन्‍न मुलाक्‍ती गे इन कली हिंचा ङा श्‍येत नु मरिम्‍शो रे प्रोंइब इन परमप्रभु कली प्रोंइतीनी। मिनु गेपुकीमी ‘आंइ कली पिप का योव़शा गेने’ देंतीनी। मोपतीके मुल परमप्रभु यावे आ ङोंइती इन थर थर नु खिं खिं ङा मुर पा रपीन” दे माइक्‍मी बाक्‍त। १सामुएल ८:७
1SA 10:20 मिनु सामुएलमी इस्राएली नेल्‍ल आन थर आन कली राप्‍पाइक्‍मी बाक्‍त। मिनु बेन्‍यामीन आ थर योव़चा पुंइसे बाक्‍त। १सामुएल १४:४१-४२; यहोसु ७:१६
1SA 10:21 मिनु मेकोमी बेन्‍यामीन आ थर ङा खिं खिं ङा मुर आन कली राप्‍पदा बाक्‍त। मिनु मात्री आ खिं ङा मुर योव़चा पुंइसमा बाक्‍त। मिनु मेको नोले कीश आ तौ सावल योव़चा पुंइसे बाक्‍त। मिनु मेको कली माल्‍शा, मथित्‍मे बाक्‍त।
1SA 10:22 मिनु मेकोपुकीम परमप्रभु यावे कली “मार, मेको मुर एक बाक्‍बा?” दे हिल्‍लो पामे बाक्‍त। मिनु परमप्रभु यावेमी “मेको मार मार आन दातेमी ख्रुइश्‍शा बाक्‍शो बाक्‍ब” देंमाक्‍त।
1SA 10:23 मिनु मुरपुकी दोरशा लशा, मेको कली चाक्‍ग‍‍मे बाक्‍त। मिनु मेको मुर आन दातेमी राम्‍मेनु, नेल्‍ल आन क्‍येङा लाइश्‍शो बाक्‍माक्‍त। मुर नेल्‍ले मेको आ बला ङा लुक्‍च ला बाक्‍मा बाक्‍त।
1SA 10:24 मिनु सामुएलम मुर नेल्‍ल आन कली “परमप्रभु यावेमी योव़शो मुर कली कोव़ङीन। मुर नेल्‍ल आन दातेमी एको खोदेंशो सुइ मबाक्‍म” देंमाक्‍त। मिनु मुर नेल्‍ल ग्‍येरशा “पिप शुश ब्रोंइल” दे ग्रीमा बाक्‍त। मत्ती २१:९
1SA 10:25 मिनु सामुएलमी मुर आन कली पिप आ अधिकार आ पर्बम शेंदीमी बाक्‍त। मिनु मेको नेल्‍ल कागजम ब्रेक्‍शा, परमप्रभु यावे आ ङोंइती वोदा बाक्‍त। मिनु नोले मेकोमी मुर आन कली आन खिं खिं सोइक्‍तीमी बाक्‍त।
1SA 10:26 मिनु सावल यो आ खिं गिबा लमाक्‍त। मिनु परमप्रभुम आन थुं थि‍शो रिम्‍शो लडाइ पाइबपुकी मेको नु लमा बाक्‍त।
1SA 10:27 मेकेर मरिम्‍शो मुर यो बाक्‍मा बाक्‍त। मेकोपुकीमी “एको मुरुम आंइ कली आंइ जोरी सत्रु रे दोपा प्रोंइने चाप्‍बा ङा” देंमा बाक्‍त। मिनु मेकोपुकीमी सावल कली शुक्‍शी पा मेको कली मान पतीके यो मारेइ मचाक्‍ग्‍मे बाक्‍त। तन्‍न सावल सिक्‍सी पा बाक्‍माक्‍त। १सामुएल ११:१२
1SA 11:1 मिनु महिना का नोले अम्‍मोन ङा नाहाशमी याबेश-गिलादम लडाइ पा पुम्‍दमे बाक्‍त। याबेश ङा वोंइश मुरपुकीम नाहाश कली “गोपुकी नु गरीन। मिनु गो इन गेय पाइब दुम्‍नीकी” देंमा बाक्‍त। १सामुएल ३१:११
1SA 11:2 मिनु अम्‍मोन ङा नाहाशमी मेको आन कली “गो गेपुकी नु गारचा कली नेल्‍ल इन ग्‍युरा मिक्‍च पुक्‍शा ला गेपुकी नु गारनुङ। मोपा इस्राएली नेल्‍ल इन कली मुने तोक्‍नुङ” देंमाक्‍त।
1SA 11:3 मिनु याबेश सहर ङा खाल्‍पापुकीमी “इस्राएली नेल्‍ल आन कली नेंपाइक्‍चा कली आंइ कली ७ नाक्‍त सम्‍म रिम्‍दीन। मिनु नोले आंइ कली सुइमी प्रोंइने मचाप्‍तेक्‍म हना, गो इन जिम्‍मा गेंसीनीकी” देंमा बाक्‍त।
1SA 11:4 मिनु लोव़ कुरबपुकी सावल आ बाक्‍तीक गिबा जाक्‍मा बाक्‍त। मिनु मुर आन ङोंइती मेको लोव़ शेंदमे बाक्‍त। मिनु मुर नेल्‍ले ठेयब सेंदा पा ङाक्‍मा बाक्‍त।
1SA 11:5 मेना सावल रू रे पा ब्‍यफ खुल्‍शा जाक्‍ना जाक्‍न बाक्‍माक्‍त। मिनु मेकोमी “मुरपुकी मारदे ठेयब सेंदा पा ङाक्‍मा” दे हिल्‍लो पामी बाक्‍त। मिनु याबेश-गिलाद ङा मुरपुकीमी देंशो लोव़ मेको कली शेंदमे बाक्‍त।
1SA 11:6 मिनु सावलम मेको लोव़ नेनानु, परमप्रभु आ सोक्‍तीम मेको कली सुमा बाक्‍त। मिनु सावल थाम्‍पा गाइक्‍ता बाक्‍त। न्‍यायाधीस १३:२५
1SA 11:7 मिनु मोपा गाइश्‍शा, हाल का ब्‍यफ टुक्रा टुक्रा पा चेक्‍गा बाक्‍त। मिनु मुर आन कली मेको टुक्रा कुरपाइश्‍शा इस्राएल रागी नेल्‍लेमी “सु मुर लडाइ पथ सावल नु सामुएल आस नोले मखोइक्‍नीमी, मेको आन ब्‍यफ यो ओदेंशो टुक्रा टुक्रान दुम्‍नीम देनीन” दे सोइक्‍तीमी बाक्‍त। परमप्रभु यावेमी मुर आन कली शुश हिंपाइश्‍शो बाक्‍माक्‍त। मोपतीके मेकोपुकी थुं का दुम्‍शा, सावल नु सामुएल आस नोले खोदमे बाक्‍त। न्‍यायाधीस १९:२९
1SA 11:8 मिनु सावलम मेको आन कली बेसेकम लडाइ पचा कली ठीक पामी बाक्‍त। मेकेर इस्राएल ङा लाख सां नु यहूदा ङा ३० हजार मुर दुम्‍मा बाक्‍त।
1SA 11:9 मिनु मेको ङोंइती लोव़ चाक्‍ब मुर आन कली “याबेश-गिलाद ङा मुर आन कली ‘गे दीसा नाक्‍त उइक्‍थ दुम्‍मेनु, ब्रोंइचा ताइनीनी’ दे मतीन” देंमाक्‍त। मिनु मेकोपुकीमी याबेश ङा मुर आन कली मेको लोव़ शेंदमे बाक्‍त। मिनु मेको नेंशा, शुश ग्‍येरसमा बाक्‍त।
1SA 11:10 मिनु याबेश ङा मुरपुकीमी अम्‍मोनी आन कली “गो दीसा इन बाक्‍तीक जाक्‍नीकी। मिनु गे मार पचा दाक्‍नीनी, मेको पने” देंमा बाक्‍त।
1SA 11:11 मिनु आ दीसा सावलमी आ मुर आन कली हुल सां सेल्‍मी बाक्‍त। सुनी कना रिम्‍शो पा हाम्‍सो मदुम्‍थु, मेको आन जोरी सत्रु आन बाक्‍तीके ओव़शा, नाक्‍ती उइक्‍थ दुम सम्‍म लडाइ पा अम्‍मोनी आन कली फ्रूमे बाक्‍त। मोपा मुरपुकी निक्‍शी सम्‍म काथा मदुम्‍चा ङा पा ब्रा‍शा प्रोक्‍मा बाक्‍त।
1SA 11:12 मिनु मुरपुकीम सामुएल कली “ ‘सावलम आंइ कली सासन पने चाप्‍बा ङा?’ देंब सु बाक्‍मा? मेको आन कली साइक्‍चा कली आंइ गुइम गेने” देंमा बाक्‍त। १सामुएल १०:२७
1SA 11:13 तन्‍न सावलमी “ममाइ, मुलाक्‍ती परमप्रभु यावेमी इस्राएली इं कली ग्रापदा नाक्‍त सुइ साइक्‍चा मदुम्‍ब” देंमाक्‍त। १सामुएल १४:४५
1SA 11:14 मिनु सामुएलम मुर आन कली “गो गिल्‍गालम लशा, एको राज्‍य कली लेंशा सेल्‍य” देंमाक्‍त। १सामुएल १०:८
1SA 11:15 मोपतीके मेको नेल्‍ल गिल्‍गालम लशा, परमप्रभु यावे आ ङोंइती सावल कली पिप सेल्‍मे बाक्‍त। मिनु परमप्रभु यावे आ ङोंइती दुशा बाक्‍चा आ पर्बम चढ़ेतीक चढ़ेमे बाक्‍त। मिनु सावल नु इस्राएली नेल्‍ले शुश ग्‍येरसमा बाक्‍त।
1SA 12:1 मिनु सामुएलमी ग्रुम्‍शा बाक्‍शो इस्राएली नेल्‍ल आन कली “गो इन पुंइशो नेंता। मिनु गो इन कली सासन पपाइक्‍चा कली पिप का योव़शा गेतन्‍नी। १सामुएल ८:७,२२; १सामुएल ११:१५
1SA 12:2 मुल एको पिप इन ठेयब मुर दुम्‍शो बाक्‍ब। मुल गो खूशो दुम्‍ती। आं चां बोइश्‍शो बाक्‍ब। आं तौ गेपुकी नु बाक्‍शो बाक्‍नीस। गो आं ठिटा रेन इन कली लां कोंइब दुम्‍शो नङ।
1SA 12:3 गो एक बाक्‍ती। आं पर्बम मारेइ मरिम्‍शो लोव़ पचा बाक्‍त हना, परमप्रभु यावे नु आ तेल लुक्‍शो आ ङोंइती देनीन। गो सुका आ ब्‍यफ, गधा रोइश्‍शो बाक्‍ङा? गो सु सु कली श्‍येत गेङा? गो सु सु आन कली दि‍बुमी? मिनु सु सु आन निसाफ पची ना घूस जङा? आं कली देंनीन। मिनु गो मेको थाप्‍नुङ” दे माइक्‍मी बाक्‍त। गन्‍ती १६:१५
1SA 12:4 मिनु मेकोपुकीमी “आंइ कली श्‍येत मगेनी। गे आंइ कली मदिप्‍नी। गे सुइ रे मारेइ मलाइक्‍‍नी” देंमा बाक्‍त।
1SA 12:5 मिनु सामुएलम मेको आन कली “गे आं कली दोसी सेल्‍ने मचाप्‍नी। मेको आ पर्बम परमप्रभु यावे नु आ तेल लुक्‍शो सांकछी बाक्‍नीस” देंमाक्‍त। मिनु मेकोपुकीमी “मेको सांकछी बाक्‍नीस” देंमा बाक्‍त।
1SA 12:6 मिनु लेंशा सामुएलम मुर आन कली “परमप्रभु यावे सांकछी बाक्‍ब। मेकोमी मोसा नु हारून आस कली योव़तु। मिनु इन किकी पिपी आन कली इजीप्‍त रागी रे ग्रुंइशा, एक चाक्‍तु।
1SA 12:7 मिनु गे आं ङोंइती बाक्‍कीन। गो परमप्रभु यावे आ ङोंइती गेपुकी नु लोव़ पाइनुङ। परमप्रभु यावेमी इन कली नु इन किकी पिपी आन कली दोपा प्रोना, मेको इन कली देंनुङ।
1SA 12:8 याकूब इजीप्‍त रागी ब्रु‍मेनु, इजीप्‍त ङा मुरपुकीमी मेको आन कली दिप्‍मे बाक्‍त। मिनु इन किकी पिपीपुकीमी परमप्रभु यावे कली ‘वारच पाइक्‍की’ दे पुन्‍मे बाक्‍त। मिनु परमप्रभु यावेमी मोसा नु हारून आस कली सोइक्‍ता बाक्‍त। मेको निक्‍शीमी इन किकी पिपी आन कली इजीप्‍त रे ग्रुंइशा एक चाक्‍शा बाक्‍पदसे बाक्‍त। प्रस्‍थान ३:७
1SA 12:9 तन्‍न मेकोपुकीमी परमप्रभु यावे, आन परमप्रभु कली प्रेंताक्‍म। मेकोमी मेको आन कली प्रोंइशा, सीसेरा आ गुइमी गेवा बाक्‍त। सीसेरा हासोर ङा पिप याबीन आ नेल्‍ल क्‍येङा सक्ति पाइश्‍शो लडाइ पाइब आन कप्‍तान बाक्‍माक्‍त। परमप्रभुमी मेको आन कली पलिस्‍ती आन गुइमी गेवा बाक्‍त। मिनु मोआब ङा पिप आन गुइमी यो गेवा बाक्‍त। मिनु मेकोपुकी मेको नु लडाइ पना पन बाक्‍मा बाक्‍त। न्‍यायाधीस ४:२; न्‍यायाधीस १०:७; न्‍यायाधीस १३:१; न्‍यायाधीस ३:१२
1SA 12:10 मिनु नोले मेकोपुकीम परमप्रभु यावे कली ‘गो पाप पाइतक। गो परमप्रभु यावे कली प्रोंइतक। गो बाल देवता नु अश्‍तारोथ माइश्‍शो मूर्ति पाइश्‍शो थाम कली पूजा पाइतक। मिनु मुल आंइ जोरी सत्रु आन गुइ रे प्रोनीन। मिनु गो इन कली ला ठेयब सेल्‍नीकी’ देंमा बाक्‍त। गन्‍ती २१:७; यहोसु ७:२०; न्‍यायाधीस १०:१०; दानीएल ९:९-१९
1SA 12:11 मिनु परमप्रभु यावेमी येरूब-बाल, बाराक, येफ्ता नु सामुएल आन कली सोइक्‍ता बाक्‍त। मिनु मेकोपुकीमी इन एर ओंथ बाक्‍शो जोरी सत्रु रे प्रोन्‍मे बाक्‍त। मिनु गेपुकी थुं नाइश्‍शा, मारेइ मदुम्‍थु बाक्‍चा तशो बाक्‍तीनी। न्‍यायाधीस ६:१४, ३२; न्‍यायाधीस ४:६; न्‍यायाधीस ११:२९; १सामुएल ७:३
1SA 12:12 तन्‍न गे अम्‍मोनी आन पिप नाहाश कली लडाइ पथ पिशो ताइतीनी। मिनु गेपुकीमी ‘परमप्रभु यावे, इन परमप्रभु इन पिप बाक्‍त हना यो, आंइ कली सासन पपाइक्‍चा कली पिप का गेने’ देंतीनी। १सामुएल ११:१-२; १सामुएल ८:१९
1SA 12:13 मुल इन पुंइशो पिप एक बाक्‍ब। गेपुकीम एको कली माल्‍शा, योव़तीनी। मिनु परमप्रभु यावेमी इन कली पिप का गेप्‍तु।
1SA 12:14 गेपुकीम परमप्रभु यावे कली मान पा हिंशा ठेयब सेल्‍तीनी हना, मेको आ देंशो टीतीनी हना, इन कली सासन पाइब पिपमी यो परमप्रभु यावे, इन परमप्रभु आ नोले खोइक्‍तु हना, परमप्रभु यावे गेपुकी नु बाक्‍ब।
1SA 12:15 तन्‍न गेपुकीम परमप्रभु यावे आ देंशो ममिम्‍ताक्‍नी नु आ देंशो मटीतीनी हना, परमप्रभु यावेमी इन कली नु इन पिप कली यो प्रोंइब। न्‍यायाधीस २:१५
1SA 12:16 मोपतीके गे बाक्‍कीन। मिनु परमप्रभु यावेमी इन ङोंइती मार ठेयब गेय पाइबा, मेको कोव़ङीन।
1SA 12:17 मुल चेरब रिक्‍ची जाक्‍शो बाक्‍ब। मिनु गो परमप्रभु यावे कली रेउ नु बुंबु पुंइनुङ। मिनु मेकोम बुंबु पपाइश्‍शा, रेउ यिपाइक्‍ब। मिनु गे परमप्रभु यावे आ ङोंइती पिप पुंइशा, इन परमप्रभु यावे आ अरेशो लोव़ मटिशो ठेयब पाप बाक्‍ब, दे तुइक्‍नीनी” देंमाक्‍त।
1SA 12:18 मिनु सामुएलमी परमप्रभु यावे कली पुना बाक्‍त। मिनु मेकोमी मेको नाक्‍ती बुंबु पपाइश्‍शा रेउ यिपदा बाक्‍त। मिनु मुर नेल्‍ल परमप्रभु यावे नु सामुएल तशा, शुश हिंमा बाक्‍त।
1SA 12:19 मिनु मुर नेल्‍लेमी सामुएल कली “परमप्रभु यावे, इन परमप्रभु कली आंइ पर्बम ‘गो मबेक्‍कल’ दे पुनीन। मारदे हना आंइ मरिम्‍शो पशो ला ममाइ, आंइ कली पिप का माल्‍नीकी, दे आंइ मरिम्‍शो पतीक तेम्‍ताक्‍क” देंमा बाक्‍त।
1SA 12:20 मिनु सामुएलम मुर आन कली “महिनीन। गेपुकी मेको मरिम्‍शो नेल्‍ल पाइतीनी हना यो, परमप्रभु यावे आ नोले खोइक्‍चा मप्रोनीन। मिनु इन थुं नेल्‍लेम परमप्रभु यावे कली ठेयब सेलीन।
1SA 12:21 मो मपाइतीनी हना, गे शोर गाक्‍शो दुम्‍नीनी। मेकोम इन कली वारच मपाइब। श्‍येत रे यो मप्रोंइब। ब्‍यवस्‍था ३२:३७-३८; यसैया ४१:२९
1SA 12:22 मारदे हना परमप्रभु यावेमी आ ठेयब नें आ पर्बम आ मुर आन कली कोव़शा मप्रोंइब। परमप्रभु यावेमी इन कली आंम आ मुर सेल्‍चा कली ग्‍येरसाक्‍व। प्रस्‍थान १९:६
1SA 12:23 मिनु गो इन पर्बम पुंइचा प्रोंइचा यो परमप्रभु यावे आ ङोंइती पाप बाक्‍ब। पुंइचा मप्रोंइनुङ। गो इन कली रिम्‍शो नु ठीक लां शेंनुङ। १सामुएल ७:८-९; उत्‍पत्ती १८:२३-३२; प्रस्‍थान ३२:११-१४,३२
1SA 12:24 मिनु परमप्रभु यावे कली मान पा हिनीन। इन थुं नेल्‍लेम थमा पा मेको कली ठेयब सेलीन। मेकोमी इन कली गिश ठेयब गेय पशो बाक्‍मे, मेको मिम्‍तीन। ब्‍यवस्‍था ६:१२-१५
1SA 12:25 तन्‍न गे मेको तुइश्‍शा यो, मरिम्‍शो पाइतीनी हना, गेपुकी नु इन पिप मलीनीनी” देंमाक्‍त।
1SA 13:1 सावल पिप दुम्‍मेनु, ३० बर्स खोदेंशो दुम्‍शो बाक्‍माक्‍त। मेकोमी इस्राएल कली ४२ बर्स क्‍येङा शुश सासन पवा बाक्‍त। एको लोव़ मतुंइसीब। मारदे हना माइत हिब्रू किताबमी क्‍‍याम्‍सीशो बाक्‍माक्‍त।
1SA 13:2 सावलमी इस्राएल ङा हजार सां मुर आन कली योव़मी बाक्‍त। मिनु हजार निक्‍शी आं नु मिकमाशम नु बेथेल ङा पहाडीम बाक्‍मा बाक्‍त। मिनु हजार का मुर योनाथन नु बेन्‍यामीन ङा गिबाम बाक्‍मा बाक्‍त। लीशो मुर आन कली चहिं आन खिं सोइक्‍तीमी बाक्‍त।
1SA 13:3 मिनु योनाथनम गेबा ङा पलिस्‍ती आन ठेयब मुर कली सदा बाक्‍त। मिनु मेको लोव़ पलिस्‍ती आन दातेमी ब्रमाक्‍त। मिनु सावलमी “हिब्रू नेल्‍लेम नेंन्‍मेक्‍ल” दे रागी नेल्‍लेमी तुराही ताप्‍पदा बाक्‍त। १सामुएल १४:४९
1SA 13:4 मिनु सावलम पलिस्‍ती आन ठेयब मुर साइक्‍तीके, पलिस्‍तीपुकीम इस्राएली आन नें थिचा ग्रांग्रा दी‍नीम देंशो नेंन्‍मे बाक्‍त। मिनु सावल कली वारच पा लडाइ पचा कली मुर नेल्‍ल गिल्‍गालमी ब्रेत्‍मे बाक्‍त।
1SA 13:5 मिनु पलिस्‍तीपुकी इस्राएली नु लडाइ पचा कली बुक्‍मा बाक्‍त। मेकोपुकी नु ३० हजार बग्‍गी, ६ हजार शारा ङोइक्‍बपुकी नु समुन्‍द्र ङा बाल्‍वा खोदेंशो पा हिक्‍ने मचाप्‍चा ङा पा खोइलीम गाक्‍ब लडाइ पाइब मुर बाक्‍मा बाक्‍त। मेकोपुकी इर ग्रूशा, बेथ-आवेन आ पूर्ब गे मिकमाशम आन बाक्‍तीके सेल्‍मे बाक्‍त।
1SA 13:6 मिनु इस्राएलीपुकीमी थम श्‍येत जामे बाक्‍त। मारदे हना लडाइ पाइबपुकी थाम्‍पा आइक्‍च सेल्‍चा पुंइसमा बाक्‍त। मोपतीके मेकोपुकी पुक्‍खी, काक्‍पे, सेरथे फुल्‍लु आन दातेम, बेक्‍शो मुर वोइक्‍तीके नु इनार आगाम ख्रुंइसमा बाक्‍त।
1SA 13:7 का निक्‍शी हिब्रू यर्दन खोला शोक्‍शा, गाद आन रागी गिलाद जाक्‍दीम्‍मा बाक्‍त। तन्‍न सावल चहिं गिल्‍गाल उइ बाक्‍माक्‍त। मेको आ नोले खोइक्‍ब नेल्‍ले थाम्‍पा हिंशा ख्रिंख्रि पामे बाक्‍त।
1SA 13:8 मिनु सावलमी सामुएल कली ७ नाक्‍त सम्‍म रिम्‍दा बाक्‍त। तन्‍न सामुएल गिल्‍गालमी मजाक्‍माक्‍त। मोपतीके मुरपुकी सावल आ बाक्‍तीक रे नोले शोंइसीमा बाक्‍त। १सामुएल १०:८
1SA 13:9 मिनु सावलमी “चोशा चढ़ेतीक नु दुशा बाक्‍चा आ पर्बम चढ़ेतीक एक आं बाक्‍तीक चाक्‍कीन” देंमाक्‍त। मिनु आंमान चोशा चढ़ेतीक चढ़ेवा बाक्‍त।
1SA 13:10 सावलम चोशा चढ़ेतीक चढ़ेने थुमा नोले सामुएल जाक्‍माक्‍त। मिनु सावल मेको कली ग्रुम्‍थ लमाक्‍त।
1SA 13:11 मिनु सामुएलमी “एको मार पवी” देंमाक्‍त। मिनु सावलमी “मुरपुकीम आं कली प्रोंइ‍शा, लशो तातामी। इन जाक्‍नुङ देंशो ना मजाक्‍नी। पलिस्‍तीपुकी मिकमाशम बुक्‍तेक्‍म।
1SA 13:12 पलिस्‍तीपुकी गो नु लडाइ पथ गिल्‍गालम जाक्‍नीम, दे मिम्‍ताक्‍ङ। गो परमप्रभु यावेम शिशी पवल, दे मपुनु। मोपतीके गो आंमान एको चोशा चढ़ेतीक चढ़ेचा माल्‍ताक्‍यी” देंमाक्‍त।
1SA 13:13 मिनु सामुएलमी सावल कली “गे मूर्ख गेय पाप्‍तीवी। परमप्रभु यावे, इ परमप्रभुमी शेंशो लोव़ मटिवी। गे टिशो नवे हना, परमप्रभु यावेमी इ राज्‍य इस्राएलमी गेना हना यो लीपद वा।
1SA 13:14 तन्‍न मुल इ राज्‍य मली। परमप्रभु यावेम आ दाक्‍शो मुर का योव़तु। परमप्रभु यावेमी मेको कली आ मुर आन पिप सेल्‍ब। मारदे हना, गे परमप्रभु यावे आ लोव़ मटिवी” देंमाक्‍त। १सामुएल १६:१; प्रेरित १३:२२
1SA 13:15 मिनु सामुएल बोक्‍शा, गिल्‍गाल प्रोंइशा, बेन्‍यामीन आ गिबा गे खोदा बाक्‍त। लीशो मुरपुकी चहिं सावल आ नोले लडाइ पाइब दुम्‍चा कली खोदमे बाक्‍त। मिनु सावलमी मेको मुर आन कली हिक्‍गानु, मेको नेल्‍ल पा ६ सहे मुर बाक्‍मा बाक्‍त।
1SA 13:16 सावल, मेको आ तौ योनाथन नु मेको नु बाक्‍शो मुरपुकी नु बेन्‍यामीन आ रागी गेबाम लीमा बाक्‍त। पलिस्‍तीपुकी चहिं मिकमाशम आन बाक्‍तीक सेल्‍शा बाक्‍मा बाक्‍त।
1SA 13:17 मिनु पलिस्‍ती आन बाक्‍तीक रे रोइक्‍बपुकी हुल सां ग्रूमा बाक्‍त। हुल का शुआल आ रागीम बाक्‍शो ओफ्रा गे लमा बाक्‍त।
1SA 13:18 अर्को हुल बेथ-होरोन गे लमा बाक्‍त। मिनु लीशो हुल चहिं डांडा गे लमा बाक्‍त। मेको डांडा रे सेबोयीम ङा बेंसी गोरशो रागी तांइसीबाक्‍माक्‍त।
1SA 13:19 मेना इस्राएल रागीमी तुप्‍तील का यो मथिंसीबाक्‍माक्‍त। मारदे हना पलिस्‍तीपुकीम हिब्रू आन कली तरवार नु तूतीक सेल्‍चा मगेशो बाक्‍मा बाक्‍त। न्‍यायाधीस ५:८
1SA 13:20 इस्राएलीपुकी आंम फाली, कोदाली, खा नु गुये शेप्‍थी यो पलिस्‍ती आन खिं लचा माल्‍बाक्‍मा बाक्‍त।
1SA 13:21 फाली का नु कोदाली का शेप्‍चा कली शेकेल का के भाग सांमी भाग निक्‍शी थाप्‍चा माल्‍बाक्‍मा बाक्‍त। खा नु ब्‍यफ खुल्‍तीक कोक्‍के शेप्‍‍चा कली शेकेल का के भाग सांमी भाग का थाप्‍चा माल्‍बाक्‍मा बाक्‍त। शेकेल का ११.५ ग्राम बाक्‍ब। मेको शेप्‍तीक गेय कली का का कली ३.५ ग्राम चांदी थाप्‍शो बाक्‍तेक्‍म।
1SA 13:22 मोपतीके लडाइ दुम्‍मेनु, सावल नु योनाथन नु बाक्‍शो लडाइ पाइब आन के तरवार नु तूतीक का यो मबाक्‍माक्‍त। तन्‍न सावल नु योनाथन आस के ला बाक्‍माक्‍त।
1SA 13:23 पलिस्‍तीपुकी मिकमाश ङा लां मेर लमा बाक्‍त।
1SA 14:1 काबु सावल आ तौ योनाथनमी, आ या कुरब कली “पिवो, गो लां ख्रोइश्‍शा, पलिस्‍ती आन बाक्‍तीक लस” देंमाक्‍त। तन्‍न मेकोमी मेको लोव़ आ आफ कली मशेंदा बाक्‍त।
1SA 14:2 मेना सावल गिबा सहर क्‍येङा लाङगा मिग्रोनम बाक्‍शो अनार रवा आ पुंमी बाक्‍शो बाक्‍माक्‍त। मेको नु ६ सहे मुर ला बाक्‍मा बाक्‍त।
1SA 14:3 मिनु परमप्रभु यावे कली चढ़ेब एली आ तौ फिनेहास, फिनेहास आ तौ अहीतुब नु आ लोक्‍ब इकाबोद मेकेर बाक्‍मा बाक्‍त। अहीतुब आ तौ अहीयाह शिलोमी चढ़ेब बाक्‍शा, निसाफ पतीक ऊरीम नु थुम्‍मीम बाक्‍शो झोला यो फेक्‍शो बाक्‍माक्‍त। मेको मुरपुकीमी योनाथन पलिस्‍ती आन बाक्‍तीके लशो, मतुइक्‍तमे बाक्‍त। २सामुएल ८:१७; १सामुएल ४:१९-२१ प्रस्‍थान २८:६-३०
1SA 14:4 मिनु योनाथन पलिस्‍ती आन बाक्‍तीक लतीक लांमी ठेयब सेरथे फुल्‍लु निक्‍शी बाक्‍सा बाक्‍त। का एर गे नु अर्को ओंथ गे बाक्‍सा बाक्‍त। का आ नें बोसेस नु अर्को आ नें सेनेह बाक्‍माक्‍त।
1SA 14:5 मेको का उत्तर मिकमाश गे नु का दक्‍खिन गेबा गे बोक्‍शो बाक्‍सा बाक्‍त।
1SA 14:6 योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०
1SA 14:7 मेको आ या कुरबमी “गे मार पचा दाक्‍नीनी, पने। गे मार पाइ‍नीनी गो मेको वारच पाइ‍नुङ” देंमाक्‍त।
1SA 14:8 मिनु योनाथनमी “दुम्‍ब, गो आइक्‍ची गे लस। मिनु पलिस्‍ती आन कली तपांइसस।
1SA 14:9 मिनु मेकोपुकीमी इस कली ‘गो मजाक्‍का सम्‍म रिम्‍दीस’ देंतेक्‍म हना, गो मेकेर राप्‍शा बाक्‍स। गो मेको आन बाक्‍तीके मलस।
1SA 14:10 तन्‍न मेकोपुकीमी ‘आंइ बाक्‍तीक कुस जाक्‍कीन’ देंतेक्‍म हना, गो इर ङोइश्‍शा लस। मारदे हना परमप्रभु यावेम मेको आन कली इस गुइमी गेशो बाक्‍माक्‍त, दे तुइक्‍नस। मेको गो इस कली चिन्‍ड बाक्‍ब” देंमाक्‍त।
1SA 14:11 मोपतीके मेको निक्‍शी पलिस्‍ती आन कली तपांइससा बाक्‍त। मिनु पलिस्‍तीपुकीम “कोव़ङीन। हिब्रू आन ख्रुइक्‍तीक पोव़ला रे ग्रूमा बाक्‍त” देंमुमा बाक्‍त।
1SA 14:12 मिनु पलिस्‍तीपुकीमी योनाथन नु आ या कुरब आस कली “गो आंइ बाक्‍तीक गे ङोइश्‍शा कुस। गो इस कली मारेइ कोंइनीकी” देंमा बाक्‍त। मिनु योनाथनमी आ या कुरब कली “आं नोले कुवो। परमप्रभु यावेम मेको आन कली इस्राएली आन गुइमी जिम्‍मा गेशो बाक्‍त” दे मदा बाक्‍त।
1SA 14:13 मिनु योनाथन गुइ खोइल थेक्‍शा ङोंइसे बाक्‍त। मिनु मेको या कुरब आ नोले कुमाक्‍त। मिनु मेको पलिस्‍ती योनाथन आ ङोंइती गोल्‍मा बाक्‍त। मिनु मेको आ नोले जाक्‍ब आ या कुरबमी मेको आन कली सदा बाक्‍त।
1SA 14:14 मेको ङोंइती ङा लडाइमी योनाथन नु आ या कुरबम २० जना खोइ सद‍से बाक्‍त। मेको साइक्‍तीके रू ४ रोपानी खोदेंशो पा दिंम का बाक्‍माक्‍त।
1SA 14:15 मिनु नोले पलिस्‍तीपुकी शुश हिंमा बाक्‍त। मिनु लाङगा मेर बाक्‍ब मुर नु अरु मुर नेल्‍ल ख्रिंख्रि पा हिंमा बाक्‍त। आन ठेयब मुर नु रोइक्‍ब नेल्‍ल शुश हिंमा बाक्‍त। मिनु ख्रिनु कुशा ठेयब खल्‍बल दुम्‍माक्‍त। १सामुएल ७:१०
1SA 14:16 मिनु बेन्‍यामीन आ गिबाम खाल पाइब सावल आ मुरपुकीम पलिस्‍ती आन हुल खल्‍बल पा एर ओंथ दोरशो तामे बाक्‍त।
1SA 14:17 मिनु सावलमी सु सु मबाक्‍मा, दे हिक्‍पाइक्‍मी बाक्‍त। मिनु मेकोपुकीमी योनाथन नु आ या कुरब मबाक्‍शो तुइक्‍तमे बाक्‍त।
1SA 14:18 मिनु सावलमी अहीयाह कली “परमप्रभु आ कबल पशो सन्‍दोस एक चाक्‍को” देंमाक्‍त। मेना परमप्रभु आ कबल पशो सन्‍दोस इस्राएलीपुकी नु बाक्‍माक्‍त। १सामुएल २१:१०
1SA 14:19 मिनु सावलम लोव़ पन पना पलिस्‍ती आन बाक्‍तीक ङा खल्‍बल ठेयब दुम्‍ना दुम्‍न लमाक्‍त। मिनु मेकोमी चढ़ेब कली “याम का रिम्‍दो” देंमाक्‍त।
1SA 14:20 मिनु सावल नु आ मुरपुकी रेयके पना पन लडाइ पतीक गे लमा बाक्‍त। मेना आन जोरी सत्रु ब्रशा आंम आंमा साइक्‍मुशो तामे बाक्‍त। न्‍यायाधीस ७:२२; २इतिहास २०:२३
1SA 14:21 मेना सम्‍म हिब्रूपुकी पलिस्‍ती नु बाक्‍मा बाक्‍त। मेकोपुकीमी यो पलिस्‍ती आन बाक्‍तीकेम बाक्‍शा यो, इस्राएली आन गे ल‍शा सावल नु योनाथन आस कली वारच पदमे बाक्‍त।
1SA 14:22 एफ्राइम आ पहाडीम बाक्‍शो प्रोक्‍शो इस्राएलीपुकीमी पलिस्‍ती प्रोक्‍शो लोव़ नेंन्‍मे बाक्‍त। मिनु मेकोपुकी यो गारशा पलिस्‍ती आन कली खेदा पामे बाक्‍त।
1SA 14:23 मेको नाक्‍ती परमप्रभु यावेमी इस्राएली आन कली ग्रापदा बाक्‍त। मिनु मेको लडाइ बेथ-आवेन आ आइक्‍ची सम्‍म दुम्‍माक्‍त। सावल आ लडाइ पाइब १० हजार खोइ दुम्‍मा बाक्‍त। मेको लडाइ एफ्राइम ङा पहाड नेल्‍लेम दुम्‍माक्‍त।
1SA 14:24 मेको नाक्‍ती सावलमी ममिम्‍थु, गेय पवा बाक्‍त। मेकोमी मुर आन कली “गो आं जोरी सत्रु आन कली क्‍येक्‍क लेन्‍ने मथुमु सम्‍म, सुम नाक्‍दो दुम्‍चा क्‍येङा ङोंइती जाइ‍बा, मेको सराप रल” देंशा कसम जपाइक्‍मी बाक्‍‍त। मोपा मेको नाक्‍ती इस्राएली थाम्‍पा दशो बाक्‍मा बाक्‍त। सुइमी मारेइ मजामे बाक्‍त।
1SA 14:25 मिनु मेकोपुकी ब्‍वाकीम जाक्‍मानु, सुरब खुदो चाका तामे बाक्‍त।
1SA 14:26 तन्‍न मेकोपुकीम मेकेर खुदो याप्‍शो तशा यो, कसम जतीके सुइमी खुदो थिसीन मथीमे बाक्‍त।
1SA 14:27 तन्‍न आ आफोम मुर आन कली कसम जपाइश्‍शो नु मजचा देंशो योनाथनमी मनेंशो बाक्‍माक्‍‍त। मेकोमी आ गुइमी बाक्‍शो कोक्‍के दिंशा, मेको आ ङरीमी थोक्‍शा तुक्‍गा बाक्‍त। मिनु आ सक्ति बारमाक्‍त।
1SA 14:28 तन्‍न लडाइ पाइब कामी मेको कली “इन आफोमी मो पचा मदुम्‍ब देंशो बाक्‍ब” देंमाक्‍त। मेकोमी “मुलाक्‍त जचा थोव़क जाइ‍ब सराप रल देंशो बाक्‍ब” देंमाक्‍त। मुरपुकी चहिं शोव़लुम बेक्‍चशो बाक्‍मा बाक्‍त।
1SA 14:29 मिनु योनाथनमी “आं आफोमी मुर आन कली श्‍येत गेतीक गेय ङा लाक्‍शा अरु मपशो बाक्‍ब। कोव़ङीन गो एको खुदो थाम्‍शा दोशो सक्ति पाइश्‍शो दुम्‍ङा।
1SA 14:30 मुरपुकीम जोरी सत्रु रे रोइश्‍शो मार मार जचा तशो नम हना, गिश रिम्‍शो दुम वा। पलिस्‍ती आन कली यो शुश साइक्‍ने चबेम वा” देंमाक्‍त।
1SA 14:31 मेको नाक्‍ती मेकोपुकीम पलिस्‍ती आन कली ग्रामा बाक्‍त। मिनु मेको आन कली मिकमाश रे आइयालोन सम्‍म खेदा पामे बाक्‍त। मिनु मोपा लडाइ पाइबपुकी शुश दमा बाक्‍त।
1SA 14:32 तन्‍न मुरपुकी शोव़लुम बेक्‍चा चिक्‍शा, मार मार रोइक्‍चा गोव़मे बाक्‍त। मोपा भेडा बी ब्‍यफ नु बाछा ग्‍याइक्‍तमे बाक्‍त। मिनु खपीमीन साइश्‍शा हुश सुन्‍दा ब्‍वामे बाक्‍त। लेवी ३:१७
1SA 14:33 मुरपुकीम हुश सुन्‍दा श्‍ये ब्‍वशा “परमप्रभु यावे कली पाप पाम्‍तेक्‍म” दे मुरुमी सावल कली शेंदमे बाक्‍त। मिनु सावलमी “एको दा थम मरिम्‍शो दुम्‍त। ठेयब फुल्‍लु का लोक्‍शा एक चाक्‍कीन” देंमाक्‍त।
1SA 14:34 मिनु सावलमी मेको मुर कली “मुर आन दातेमी लशा ‘ग्‍याइश्‍शो ब्‍यफ नु भेडापुकी एक चाक्‍शा ब्‍वामेक्‍ल। मिनु हुश सुन्‍दा ब्‍वशा परमप्रभु यावे कली पाप मपामेक्‍ल’ देनो” देंमाक्‍त। मिनु मेको नाक्‍दो आन ग्‍याइश्‍शो ब्‍यफ खुल्‍शा जाक्‍शा मेकेर सदमे बाक्‍त।
1SA 14:35 मोपा सावलमी परमप्रभु यावे कली चढ़ेतीक का सेला बाक्‍त। मेको सावलम परमप्रभु यावे कली सेल्‍शो नेल्‍ल क्‍येङा ङोंइती ङा चढ़ेतीक बाक्‍माक्‍त।
1SA 14:36 मिनु सावलमी “मुल गो उइ लशा पलिस्‍ती आन कली नाक्‍दो लडाइ तोय। मिनु नां सोव़म सम्‍म मेको आन मारेइ मारेइ रोइक्‍तय। मेको आन कली का यो महेंदय” देंमाक्‍त। मिनु मुरपुकीम “गे मार पचा दाक्‍नीनी मेको पने” देंमा बाक्‍त। मिनु चढ़ेबमी “गो ङोंइती परमप्रभु नु सल्‍ला पय” देंमाक्‍त।
1SA 14:37 मिनु सावलमी परमप्रभु कली “मार गो पलिस्‍ती आन कली खेदा पका? गे मेको आन कली इस्राएली आन गुइमी गेनीनी?” दे हिल्‍लो पवा बाक्‍त। तन्‍न परमप्रभुमी मेको कली मारेइ लोव़ मलेत्‍ता बाक्‍त। १सामुएल १४:१८; १सामुएल २३:९-१२
1SA 14:38 मिनु सावलम “इस्राएल ङा ठेयब मुर नेल्‍ल आं ङोंइती जाक्‍कीन। मिनु मुलाक्‍त मार पाप दुम्‍मे तुइक्‍चा माल्‍ताक्‍व।
1SA 14:39 परमप्रभु यावे ब्रोंइशा बाक्‍शो खोदेंशो पा नु इस्राएल श्‍येत रे प्रोंइब, गो मेको आ नेंम कसम जशा देंनुङ, आं तौ योनाथनम मेको पाप पशो बाक्‍त हना यो, मेको कली साइक्‍चा माल्‍ब” देंमाक्‍त। मिनु सुइमी मेको कली लोव़ मलेत्‍मे बाक्‍त।
1SA 14:40 मिनु मेकोम इस्राएली नेल्‍ल आन कली “गे नेल्‍ल का पटटी बाक्‍कीन। गो नु आं तौ योनाथन का पटटी बाक्‍नस्‍कु” देंमाक्‍त। मिनु मुरपुकीम “गे मार पचा दाक्‍नीनी मेकोन पने” देंमा बाक्‍त।
1SA 14:41 मिनु सावलमी परमप्रभु यावे, इस्राएली आन परमप्रभु कली “मुलाक्‍ती गे इन गेय पाइब कली मारदे लोव़ मलेत्‍तीनी? मेको दोस गो नु आं तौ योनाथन नु बाक्‍त हना यो, तुइक्‍पतीन” देंमाक्‍त। परमप्रभु यावे, इस्राएली आन परमप्रभु गे ऊरीम कोंइदीन। तन्‍न इन मुर दोस ताइब बाक्‍नीम हना, थुम्‍मीम कोंइदीन। मिनु मेको मो पामे नोले योनाथन नु सावल आस नेंम ग्रूमाक्‍त। मुरपुकी चहिं ब्रोंइमा बाक्‍त। १सामुएल २८:६; प्रस्‍थान २८:३०; गन्‍ती २७:२१; ब्‍यवस्‍था ३३:८
1SA 14:42 मिनु सावलमी “गो नु आं तौ योनाथन आंस दातेमी ऊरीम आपीन” देंमाक्‍त। मिनु योनाथन आ नेंम ग्रूमाक्‍त।
1SA 14:43 मिनु सावलमी योनाथन कली “गे मार पवी आं कली देनो” दे हिल्‍लो पवा बाक्‍त। मिनु योनाथनमी “थमा पा गो आं कोक्‍के आ ङरीमी इच्‍का खोइ खुदो थाम्‍ता। गो एक बाक्‍ती, गो बेक्‍चा कली ठीक बाक्‍नुङ” देंमाक्‍त। यहोसु ७:१९
1SA 14:44 मिनु सावलमी योनाथन बेक्‍चान माल्ब, दे कसम जवा बाक्‍त।
1SA 14:45 तन्‍न मुरपुकीम सावल कली “मार, योनाथन सांइसीबा? मेको योनाथनमी ओमो ठेयब गेय पा इस्राएल कली मग्रापदा? मोदेंशो मदुम्‍ल। गेना हना यो ब्रोंइशा बाक्‍ब परमप्रभु यावे आ नेंमी गो कसम जशा देंनीकी, मेको के चां का यो महेम्‍ल। मारदे हना मेकोम मुलाक्‍ती परमप्रभु नु गेय पशो बाक्‍ब” देंमा बाक्‍त। मोपा मुरपुकीम योनाथन कली प्रोन्‍मे बाक्‍त। मिनु मेको मसांइसे बाक्‍त।
1SA 14:46 मिनु सावलमी पलिस्‍ती आन कली खेदा पचा प्रोना बाक्‍त। मिनु पलिस्‍ती आन खिं लेम्‍मा बाक्‍त।
1SA 14:47 मिनु सावलमी इस्राएलमी आ सासन पतीके बोल्‍यो सेल्‍ने थुमा बाक्‍त। मिनु मेकोमी मोआबी, अम्‍मोनी, एदोमी, सोबाह ङा पिपपुकी नु पलिस्‍ती आंम एर ओंथ ङा जोरी सत्रु नु लडाइ पवा बाक्‍त। मेकोपुकी ते ते लमा मेक मेक ग्रामा बाक्‍त।
1SA 14:48 मेकोमी अमालेकी आन कली ग्रामा बाक्‍त। मिनु इस्राएली आन कली रोइक्‍ब हुल आन रे प्रोना बाक्‍त।
1SA 14:49 सावल आ तौपुकी योनाथन, इश्‍वी नु माल्‍कीशुआ बाक्‍मा बाक्‍त। मेको आ ङोंइती जरमेशो तमी आ नें मेराब नु अर्को के मिकाल बाक्‍माक्‍त। १इतिहास ९:३९
1SA 14:50 मेको आ मीश चहिं अहीमाज आ तमी अहीनोआम बाक्‍माक्‍त। मेको आ लडाइ पाइब आन कप्‍तान मेको आ बकान्‍छा नेर आ तौ आब्‍नेर बाक्‍माक्‍त। १सामुएल १७:५५
1SA 14:51 सावल आ आफ कीश नु आब्‍नेर आ आफ नेर अबीएल आ तौ बाक्‍सा बाक्‍त। १इतिहास ९:३६,३९
1SA 14:52 सावल आ पालाम पलिस्‍तीपुकी नु लडाइ दुम्‍स ङा दुम्‍स दुम्‍माक्‍त। मेकोमी आ थिश्‍शो बोल्‍यो नु सक्ति पाइश्‍शो मुर आ गेय पचा कली लाइक्बाक्‍माक्‍त।
1SA 15:1 मिनु सामुएलम सावल कली “परमप्रभु यावेम इ कली आ मुर इस्राएली आन पिप सेल्‍शा तेल लुक्‍चा, दे आं कली सोइक्‍ताक्‍यी। मोपतीके परमप्रभु यावे आ लोव़ नोफा दाइश्‍शा नेनो। १सामुएल १०:१
1SA 15:2 मुर नेल्‍ल आन परमप्रभु यावेमी मार देंत, देंशा हना ‘इस्राएली इजीप्‍त रे ग्रूशा पिमानु, अमालेकीपुकीम मेको आन कली लडाइ तोम्‍तेक्‍म। मोपतीके अमालेकी आन कली थमा पा सजाइ गेनुङमी’ देंत। प्रस्‍थान १७:८-१६; ब्‍यवस्‍था २५:१७-१९
1SA 15:3 अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।
1SA 15:4 मिनु सावलमी मुर नेल्‍ल आन कली तेलाम बाक्‍तीकेम जाक्‍चा कली ब्रेश्‍शो बाक्‍त। मेकेर लाख निक्‍शी खोइलीम गाक्‍ब लडाइ पाइब नु यहूदा ङा १० हजार लडाइ पाइब बाक्‍मा बाक्‍त।
1SA 15:5 मिनु सावल अमालेक आ सहरमी जाक्‍‍माक्‍त। मिनु मेकेर बेंसीम बाप्‍शा, इच्‍का नाक्‍त बाक्‍मा बाक्‍त।
1SA 15:6 मेना सावलम केनी ङा मुर आन कली “अमालेकी आन कली प्रोंइशा उइ यिने, दे लोव़ सोइक्‍ता बाक्‍त। मो मपाइतीनी हना, गो इन कली नु मेको आन कली खतम पोक्‍नुङ। मारदे हना इस्राएली इजीप्‍त रे ग्रूशा पिमानु, गेपुकीमी वारच पाइश्‍शो ननी” देंमाक्‍त। मोपतीके केनी ङा मुरपुकी अमालेकी आन कली प्रोंइशा, उइ ब्रुम्‍मा बाक्‍त। न्‍यायाधीस १:१६
1SA 15:7 मिनु सावलमी हवीलाह रे इजीप्‍त ङा पूर्ब ङा सांद शुर सम्‍म ङा अमालेकी आन कली साइक्‍मी बाक्‍त।
1SA 15:8 तन्‍न मेकोमी अमालेकी आन पिप अगाग कली सेसीन ग्‍याइक्‍ता बाक्‍त। अरु नेल्‍ल आन कली तरवारम सदमे बाक्‍त।
1SA 15:9 सावल नु मेको आ लडाइ पाइबपुकीमी पिप अगाग आ रिम्‍शो भेडापुकी, बी ब्‍यफ, दोम्‍शो बस्‍तु भाव, पाठापुकी नु वोइक्‍चा ङा मारेइ मारेइ प्रोंइशा वोदमे बाक्‍त। मेकोपुकीम मेको आन कली खतम पोक्‍चा मदाक्‍तमे बाक्‍त।
1SA 15:10 परमप्रभु यावेमी सामुएल कली
1SA 15:11 “गो बित्‍‍चीम ला सावल कली पिप सेलु बाक्‍त। मारदे हना मेकोमी आं नोले खोइक्‍चा प्रोंइतु। मिनु आं देंशो मटीव” देंमाक्‍त। मिनु सामुएल गाइश्‍शा नाक्‍दो रे परमप्रभु यावे कली पुंइना पुंइन बाक्‍माक्‍त। उत्‍पत्ती ६:६
1SA 15:12 मिनु सामुएल सुनी कना बोक्‍शा सावल कली ग्रुम्‍थ लमाक्‍त। तन्‍न मुरुमी “सावल कारमेल लत” दे मेको कली नेंपदमे बाक्‍त। सावलम आंम कली मिम्‍तमेक्ल, दे आंम के मूर्ति का सेल्‍शा, गिल्‍गालम ब्रुम्‍ने थुम्‍शो बाक्‍माक्‍त। यहोसु १५:५५
1SA 15:13 मिनु मेकोमी सावल कली ग्रुमा बाक्‍त। मिनु सावलम मेको कली “परमप्रभु यावे आ आसीक इन नु बाक्‍ल। गो परमप्रभु यावे आ देंशो टीता” देंमाक्‍त।
1SA 15:14 तन्‍न सामुएलम मेको कली “आं नोफाम नेंशो भेडा नु बी ब्‍यफ आन ग्रीशो चहिं मारम” दे हिल्‍लो पवा बाक्‍त।
1SA 15:15 मिनु सावलमी “मुरपुकीम मेको अमालेकी रे चाक्‍शो नम। मुरपुकीम भेडा नु बी ब्‍यफ रे रिम्‍‍शो चहिं परमप्रभु यावे, इन परमप्रभु कली चोशा चढ़ेचा कली प्रोंइशा वोइक्‍तेक्‍म। लीशो आन कली गो नेल्‍ल साइक्‍तक” देंमाक्‍त।
1SA 15:16 मिनु सामुएलम सावल कली “मो‍क्‍ल दुम्‍त। सिनाक्‍दो परमप्रभु यावेम मार देंमे, मेको गो इ कली शेंनन” देंमाक्‍त। मिनु सावलमी “देनीन” देंमाक्‍त।
1SA 15:17 मिनु सामुएलमी “ङोंइती गे आंमा कली आंमान शोर गाक्‍शो मुर मिम्‍शो ननी। तन्‍न मुल गे इस्राएली आन पिप बाक्‍नीनी। परमप्रभु यावेमी इन कली तेल लुक्‍शा इस्राएल ङा पिप सेल्‍तु। १सामुएल ९:२१
1SA 15:18 परमप्रभु यावेम इन कली मेको पाप पाइब अमालेकी आन कली खतम पोक्चा, दे थमा पा देंशा सोइश्‍शो बाक्‍त। मेको आन कली काइ मवोइक्‍थु मसाइक्‍नी सम्‍म गे लडाइ पस ङा पस बाक्‍चा माल्‍शो ननी।
1SA 15:19 गे मारदे परमप्रभु यावे आ देंशो मटिनी? गे मारदे रोइश्‍शो मार मार ताक्‍नी? मिनु परमप्रभु यावे आ ङोंइती मार मरिम्‍शो बाक्‍मे, मेको पनी” देंमाक्‍त।
1SA 15:20 तन्‍न सावलमी सामुएल कली “गो परमप्रभु यावे आ देंशो टीता। गो परमप्रभु यावेम सोइश्‍शो रागी लती। मिनु अमालेकी आन पिप अगाग कली ग्‍याइश्‍शा चाक्‍ता। गो आ मुर नेल्‍ल आन कली खतम पोक्‍तामी।
1SA 15:21 मुरपुकीम रोइश्‍शो मार मार भेडा नु बी ब्‍यफ नु रिम्‍‍शो थोव़क गिल्‍गालम परमप्रभु यावे, इन परमप्रभु कली चढ़ेचा कली वोइश्‍शो बाक्‍नीम” देंमाक्‍त।
1SA 15:22 मिनु सामुएलमी “परमप्रभु यावेमी चोशा चढ़ेशो नु अरु चढ़ेशो क्‍येङा आ देंशो टिशो दाक्‍ब। थमा पा, चढ़ेशो क्‍येङा आ देंशो टिचा रिम्‍शो बाक्‍ब। मिनु सांड आ बोंसो चढ़ेचा क्‍येङा आ देंशो टिचा रिम्‍शो बाक्‍ब। यसैया १:११-१७; येरमीया ७:२२; होसे ६:६; आमोस ५:२१-२२; मीका ६:६-८; जकरिया ७:५-७; मत्ती ९:१३; मत्ती १२:७
1SA 15:23 मेको आ देंशो मटिचा लिंक्‍यु कोव़चा खोदेंशो पाप बाक्‍ब। मटिचा हेंथे पतीके मूर्ति पूजा पशो खोदेंशो बाक्‍ब। मारदे हना गे परमप्रभु यावे आ देंशो टिचा प्रोंइतीनी। मेकोम इन कली यो पिप सेल्‍तीक रे प्रोंइशो बाक्‍ब” देंमाक्‍त। १सामुएल १६:१
1SA 15:24 मिनु सावलम सामुएल कली “गो पाप पाता। परमप्रभु यावे आ देंशो नु इन लोव़ ममिम्‍तु। मारदे हना गो मुर आन क्‍येङा हिंती। मिनु मुर आन देंशो टीता।
1SA 15:25 तन्‍न गो मुल आं पाप माफ तङल, दे पुंइनुङ। गो नु जाक्‍कीन। मिनु गो परमप्रभु यावे कली ठेयब सेल्‍‍नुङ” देंमाक्‍त।
1SA 15:26 मिनु सामुएलमी “गो गे नु मलेत्‍नुङ। गे परमप्रभु यावे आ देंशो प्रोंइतीनी। मिनु परमप्रभु यावेमी यो इन कली इस्राएल ङा पिप दुम्‍तीक रे प्रोंइतु” देंमाक्‍त।
1SA 15:27 मिनु सामुएल गाक्‍चवानु, सावलम आ वा आ सुर ग्‍याइक्‍ता बाक्‍त। मिनु मेको गाक्‍माक्‍त।
1SA 15:28 मिनु सामुएलम मेको कली “मुलाक्‍त रे परमप्रभु यावेम इस्राएल ङा राज्‍य खाक्‍शा अर्को कली गेप्‍तु। इन नेक्‍था ङा, इन क्‍येङा रिम्‍शो मुर का कली गेप्‍तु। १सामुएल २८:१७
1SA 15:29 परमप्रभु यावे इस्राएल ङा मान ताइब बाक्‍ब। मेकोमी आ लोव़ मफाइक्‍ब। आ थुं यो मफाइक्‍ब। मेको थुं फाइक्‍ब बेक्‍शा लाइब मुर खोदेंशो ममाइ” देंमाक्‍त। गन्‍ती २३:१९
1SA 15:30 मिनु सावलमी “गो पाप पाता। मो हना यो खूशो नु इस्राएली आन ङोंइती आं मान ततीक गेने। गो नु लेतीन। मिनु गो परमप्रभु यावे, इन परमप्रभु कली ठेयब सेल्‍नुङ” देंमाक्‍त।
1SA 15:31 मोपतीके सामुएल सावल नु लेश्‍शा लमाक्‍त। मिनु सावलमी परमप्रभु यावे कली ठेयब सेला बाक्‍त।
1SA 15:32 मिनु सामुएलमी “अमालेकी आन पिप अगाग कली एक चाक्‍कीन” देंमाक्‍त। मिनु अगाग ओंखां पा गाक्‍शा, मेक जाक्‍माक्‍त। मिनु अगागमी “थमा पा, एको बेक्‍चा ङा श्‍येत बाक्‍ब” देंमाक्‍त।
1SA 15:33 मिनु सामुएलमी “दोपा इ तरवारम मीश मुर आन कली आल मपाइश्‍शो सेला, मोपा इ ममा यो मीश मुर आन दातेमी आल मपाइश्‍शो दुम्‍ब” देंमाक्‍त। मिनु सामुएलमी अगाग कली परमप्रभु यावे आ ङोंइती गिल्‍गालम क्‍योरशा सदा बाक्‍त।
1SA 15:34 मिनु सामुएल रामाहम लमाक्‍त। सावल चहिं आ खिं गिबा लमाक्‍त।
1SA 15:35 मिनु सामुएल मबेक्‍म सम्‍म गेनायो सावल कली ग्रुम्‍थ मलमाक्‍त। तन्‍न परमप्रभु यावेम “सावल कली बित्‍चीम ला इस्राएल ङा पिप सेलु बाक्‍त” देंशो, मिम्‍शा सुर्ता पस ङा पस बाक्‍माक्‍त।
1SA 16:1 परमप्रभु यावेमी सामुएल कली “गे सावल आ पर्बम गेना सम्‍म सुर्ता पा बाक्‍नेवे? गो मेको कली पिप दुम्‍तीक रे ग्रुंइताक्‍ङ। मुल गे नु बाक्‍शो ग्रोव़मी तेल कुर पा लतो। गो इ कली बेथलेहेम ङा येस्‍से आ बाक्‍तीक सोइक्‍नन। मारदे हना, गो मेको आ तौ का कली पिप सेल्‍चा कली योव़ता” देंमाक्‍त। १सामुएल १५:२३,३५
1SA 16:2 मिनु सामुएलमी “गो दोपा लने चाप्‍नुङा? एको लोव़ सावलम नेंशा, आं कली साइक्‍ब” देंमाक्‍त। मिनु परमप्रभु यावेम “गे मगिक्‍शो बी का लतो। मिनु परमप्रभु यावे कली क्‍योरशा चढ़ेथ जाक्‍त, देनो।
1SA 16:3 येस्‍से कली यो मेको चढ़ेतीक चाडम ब्रेत्‍तो। मिनु गे मार पचा माल्‍नेवे गो शेंन‍न। गो सु कली कोंइनुङा मेको कली गे तेल लुक्‍तो” देंमाक्‍त।
1SA 16:4 मिनु सामुएलमी परमप्रभु यावे आ देंशो खोदेंशो पवा बाक्‍त। मेको बेथलेहेम लमाक्‍त। मिनु सहर ङा खूशोपुकी ख्रिंख्रि पा ग्रुम्‍थ जाक्‍शा, मेकोपुकीमी “गे मारदे जाक्‍नी? मार, नेल्‍ल रिम्‍शोन बाक्‍बा” देंमा बाक्‍त।
1SA 16:5 मिनु सामुएलमी “नेल्‍ल रिम्‍शोन बाक्‍ब। गो परमप्रभु यावे कली चढ़ेथ जाक्‍ती। गेपुकी आंम कली ठीक सेल्‍सीशा, चढ़ेतीकेम जाक्‍कीन” देंमाक्‍त। मिनु मेकोम चहिं येस्‍से नु आ तौ आन कली परमप्रभु यावे आ ङोंइती ठीक सेल्‍शा चढ़ेतीकेम ब्रेत्‍तीमी बाक्‍त।
1SA 16:6 मिनु मेको नेल्‍ल जाक्‍मा नोले सामुएलमी एलीआब कली तशा “परमप्रभु यावेम तेल लुक्‍चा देंशो मुर एकोन बाक्‍ब” दे मिम्‍ता बाक्‍त।
1SA 16:7 तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४
1SA 16:8 मिनु येस्‍सेमी अबीनादाब कली ब्रेत्‍ता बाक्‍त। मिनु सामुएल आ ङोंइती गाक्‍पदा बाक्‍त। तन्‍न मेकोमी “ममाइ, परमप्रभु यावेम योव़शो एको ममाइ” देंमाक्‍त।
1SA 16:9 मिनु येस्‍सेमी शम्माह कली चाक्‍गा बाक्‍त। तन्‍न सामुएलमी “परमप्रभु यावेम एको कली यो मयोव़ङ” देंमाक्‍त।
1SA 16:10 मोपा येस्‍सेमी आ ७ जना तौ आन कली सामुएल आ ङोंइती चाक्‍मी बाक्‍त। तन्‍न सामुएलमी “एको तेकोइ आन कली परमप्रभु यावेम मयोव़मी” देंमाक्‍त। १इतिहास २:१३-१५; १सामुएल १७:१२
1SA 16:11 मिनु सामुएलमी “मार इ तौ नेल्‍ल ओशोन नमी” देंमाक्‍त। मिनु येस्‍सेमी “मुल यो कान्‍छा का नु बाक्‍ब। तन्‍न मेको दा भेडा गोठला बाक्‍ब” देंमाक्‍त। मिनु सामुएलम येस्‍से कली “मेको कली ब्रेत्‍थ सोइक्‍तो। मेको मजाक्‍म सम्‍म गो मनित्‍थु बाक्‍नय” देंमाक्‍त। १सामुएल १७:१४
1SA 16:12 मोपतीके मेकोमी मेको कली ब्रथ मुर सोइक्‍ता बाक्‍त। मेको लल चोव़चो पाइश्‍शो, दारशो मिक्‍च पाइश्‍शो नु दारशो ठिटा का बाक्‍माक्‍त। मिनु परमप्रभु यावेम सामुएल कली “बोक्‍शा, मेको कली तेल लुक्‍तो। एकोन बाक्‍ब” देंमाक्‍त।
1SA 16:13 मिनु सामुएलमी तेल बाक्‍शो ग्रोव़ ग्रुंइ‍शा, आ लोक्‍ब आन ङोंइती तेल लुक्‍ता बाक्‍त। मिनु परमप्रभु यावे आ सोक्‍त दाऊद तार जुक्‍ता बाक्‍त। मिनु मेना रे मेको नुन बाक्‍माक्‍त। मिनु सामुएल रामाह ङा लां खोदा बाक्‍त। २सामुएल २:४; २सामुएल ५:३; भजन संग्रह ८९:२१
1SA 16:14 मिनु परमप्रभु यावे आ सोक्‍तीम सावल कली प्रोना बाक्‍त। परमप्रभु यावे रे मरिम्‍शो पाइब सोक्‍तीम मेको कली श्‍येत गेवा बाक्‍त।
1SA 16:15 मेको आ गेय पाइबपुकीम सावल कली “कोव़ङीन हजुर, परमप्रभुमी इन कली श्‍येत गेब सोक्‍त गेशो बाक्‍ब।
1SA 16:16 इन ङोंइती बाक्‍शो इन गेय पाइब आन कली इन पर्बम बीना ताप्‍ब का माल्‍शा चाक्‍कीन, दे मारदे मदेंनी? परमप्रभु रे मेको मरिम्‍शो पाइब सोक्‍तीम इन कली सुम्‍ब। मेना मेको मुरुम बीना ताप्‍ब। मिनु गे सा‍नीनी” देंमा बाक्‍त।
1SA 16:17 मिनु सावलमी आ गेय पाइब आन कली “रिम्‍शो बीना ताप्‍ब मुर का मालीन। मिनु मेको कली आं बाक्‍तीक चाक्‍कीन” देंमाक्‍त।
1SA 16:18 मिनु मेको आ गेय पाइब आन दाते ङा काम “बेथलेहेम ङा येस्‍से आ तौ आन दातेमी, काम ताप्‍शो गो नेंशो बाक्‍नुङ। मेको बोल्‍यो मुर बाक्‍ब। मिनु रिम्‍शो लडाइ पाइब, निप्‍स खाप्‍शा ब्‍वाक्‍ब नु दारशो यो बाक्‍ब। परमप्रभु यावे मेको नु बाक्‍शो बाक्‍ब” देंमाक्‍त।
1SA 16:19 मोपतीके सावलमी लोव़ कुरब मुर कली येस्‍से आ बाक्‍तीक सोइक्‍ता बाक्‍त। मिनु मेकोम आ भेडा योव़ब तौ दाऊद कली सावल आ बाक्‍तीक सोइक्‍तीक हुकुम पवा बाक्‍त।
1SA 16:20 मिनु येस्‍सेमी कुशुल के थैलो का शांबु, पाठा का इच्‍का खोइ शोब्‍ले कुर पा नु आ तौ दाऊद कली सावल आ बाक्‍तीक सोइक्‍ता बाक्‍त।
1SA 16:21 मिनु दाऊद सावल आ बाक्‍तीक जाक्‍माक्‍त। मिनु मेको आ गेय पतीकेमी योव़से बाक्‍त। सावलम मेको कली थाम्‍पा दाक्‍चा गोवा बाक्‍त। मिनु मेको सावल आ या कुरब दुम्‍माक्‍त।
1SA 16:22 मोपतीके सावलम येस्‍से कली “दाऊद आं गेयमीन बाक्‍ल। मारदे हना गो मेको तशा ग्‍येरसाक्‍यी” दे लोव़ कुरब सोइक्‍ता बाक्‍त।
1SA 16:23 मिनु परमप्रभु रे मरिम्‍शो श्‍येत गेब सोक्‍त सावल तार जुक्‍तानु, दाऊदमी बीना ताप्‍बाक्‍माक्‍त। मिनु मरिम्‍शो पाइब सोक्‍तीम प्रोंइशा लमेनु, सावल सा‍बाक्‍माक्‍त।
1SA 17:1 पलिस्‍तीपुकीम लडाइ पचा कली आन लडाइ पाइब आन कली खुप्‍त‍मे बाक्‍त। मिनु यहूदा ङा सोकोहम बुक्‍मा बाक्‍त। मेकोपुकीमी सोकोह नु आजेका आस दाते एफेस-दाम्‍मीमम आन बाक्‍तीके सेल्‍मे बाक्‍त। यहोसु १५:३५
1SA 17:2 सावल नु इस्राएलीपुकी यो ग्रुम्‍शा एलाह ङा दिंमम आन बाक्‍तीके सेल्‍मे बाक्‍त। मेकोपुकी पलिस्‍ती आन ङोंइती लहर पा राम्‍मा बाक्‍त।
1SA 17:3 पलिस्‍तीपुकी डांडा का नु इस्राएलीपुकी अर्को डांडा पा बाक्‍मा बाक्‍त। मेको आन दातेमी दिंम का बाक्‍माक्‍त।
1SA 17:4 मिनु पलिस्‍ती आन बाक्‍तीक रे गाथ ङा गोल्‍याथ नें पाइश्‍शो बोल्‍यो लडाइ पाइब का ग्रूशा, पिमाक्‍त। मेको ६ कुबीत ३ इन्‍च लाइश्‍शो बाक्‍माक्‍त। कुबीत का ०.५ मिटर बाक्‍ब।यहोसु ११:२२
1SA 17:5 मेको आ पियामी कांसा के टोपी बाक्‍माक्‍त। ५ हजार शेकेल ङा कांसा के फेक्‍तीक फेक्‍शो बाक्‍माक्‍त। शेकेल का ११.५ ग्राम, तोला का खोदेंशो बाक्‍ब।
1SA 17:6 मेको आ खोइलीम कांसा के मुइक्‍तीक मुइश्‍शो बाक्‍माक्‍त। मेको आ बलाम ठेयब कांसा के या कुरशो बाक्‍माक्‍त।
1SA 17:7 मेको आ तूतीक आ ग्‍याइक्‍तीके वा प्रोव़ब आन शी खोमो बाक्‍माक्‍त। मेको आ तूतीके फलाम के बाक्‍माक्‍त। मेको ६० शेकेल ङा बाक्‍माक्‍त। मेको आ या कुरब मेको आ ङोंइङोंइती गाक्‍बाक्‍माक्‍त। शेकेल का ११.५ ग्राम बाक्‍ब। मेको या ६९० ग्राम बाक्‍त।१इतिहास ११:२३
1SA 17:8 मेको मुर राप्‍शा, इस्राएल ङा मुर नेल्‍ल आन कली ठेयब सेंदा पा “ए सावल आ गेय पाइबपुकी, गेपुकी मारदे लडाइ पथ जाक्‍नीनी? गो पलिस्‍ती नङ। गो नु लडाइ पचा कली इन मुर योव़ङीन। मिनु लडाइ पथ पिन। गे सावल आ गेय पाइब मननी ङा?
1SA 17:9 आ कान लडाइ पा मेकोम आं कली साइक्‍ने चाप्‍ती हना, गो इन वाइल दुम्‍नीकी। तन्‍न गो मेको कली ग्रा‍ती हना, गेपुकी आंइ वाइल दुम्‍शा, आंइ गेय पचा माल्‍नीनी” देंमाक्‍त।
1SA 17:10 मिनु लेंशा “गो मुलाक्‍ती इस्राएल ङा लडाइ पाइ‍ब आन कली आइक्‍च मिम्‍नुङ। मुर का सोइक्‍तीन। मिनु गो लडाइ पाइक्‍नस्‍कु” देंमाक्‍त। २राजा १९:१६; भजन संग्रह ७४:१८; सेफन्‍याह २:८
1SA 17:11 मिनु सावल नु इस्राएलीपुकी मेको पलिस्‍ती आ देंशो नेंशा, थाम्‍पा हिंमा बाक्‍त।
1SA 17:12 दाऊद बेथलेहेम, एफ्राथाह सहर ङा यहूदा ङा येस्‍से माइश्‍शो आ तौ बाक्‍माक्‍त। मेको येस्‍से के ८ जना तौ बाक्‍मा बाक्‍त। सावल आ पालाम मेको खाल्‍पा बाक्‍माक्‍त। १सामुएल १६:१-११
1SA 17:13 येस्‍से आ तौ, जेठा, माइला नु साइला लडाइ पचा कली सावल आ नोले खोइश्‍शो बाक्‍मा बाक्‍त। मेको जेठा एलीआब, आ माइला अबीनादाब नु आ साइला शम्‍माह बाक्‍मा बाक्‍त।
1SA 17:14 दाऊद चहिं कान्‍छा बाक्‍माक्‍त। मेको ठिटा सां चहिं सावल आ नोले खोइश्‍शो बाक्‍मा बाक्‍त।
1SA 17:15 मेना दाऊद सावल आ बाक्‍तीके नु बेथलेहेम आ आफ आ क्‍यारश भेडापुकी कोव़चा कली एर ओंथ पाइक्‍बाक्‍माक्‍त।
1SA 17:16 मेको पलिस्‍ती ४० नाक्‍त सम्‍म नाक्‍दो सुनी आन ङोंइती जाक्‍शा आ राप्‍तीकेम राप्‍बाक्‍माक्‍त।
1SA 17:17 काबु नाक्‍ती येस्‍सेमी आ तौ दाऊद कली “इ लोक्‍ब आन कली एको ४ पाथी तांब्रा नु १० ओटा शोब्‍ले लाइश्‍शा रीब पा चोव़थ लावो।
1SA 17:18 एको १० ओटा दूध के सेल्‍शो जचा थोव़क चहिं आन हजार का मुर आन कप्‍तान कली लतो। इ लोक्‍बपुकी दोदेंशो पा बाक्‍मा कोव़ङो। मिनु मेको आन रे मारेइ चिनु कुरशा जाक्‍को” दे मदा बाक्‍त।
1SA 17:19 मेना सावल, दाऊद आ लोक्‍ब सां नु इस्राएली नेल्‍ले एलाह ङा दिंमम पलिस्‍ती नु लडाइ पना पन बाक्‍मा बाक्‍त।
1SA 17:20 मिनु आ दीसा सुनी कना दाऊद आ भेडापुकी मुर आन कली “कोव़ङीन” दे येस्‍से आ देंशो खोदेंशो पा, मेको चोव़थ गाक्‍माक्‍त। लडाइ पाइब नेल्‍ल आन आन राप्‍तीकेम राप्‍शा लडाइ के बाजा ताप्‍मे ना, मेको आन बाक्‍तीकेम जाक्‍दीम्‍माक्‍त।
1SA 17:21 इस्राएली पलिस्‍ती आन ङोंइतीमी, पलिस्‍ती इस्राएली आन ङोंइतीमी लहर पा राम्‍मा बाक्‍त।
1SA 17:22 मार मार वोइक्‍ब आन कली, मार मार गेशा, दाऊद आ लोक्‍ब आन राप्‍तीकेम मेको आन कली ग्रुम्‍थ दोरशा लमाक्‍त।
1SA 17:23 मिनु मेको आ लोक्‍बपुकी नु लोव़ पना पन बाक्‍मेनु, मेको गाथ ङा पलिस्‍ती गोल्‍याथ आ हुल रे ग्रूशा, ङोंइती ङा खोदेंशो पा ग्रीमाक्‍त। मेको लोव़ दाऊदम नेना बाक्‍त।
1SA 17:24 इस्राएलीपुकी मेको मुर कली तामे चोटीन प्रोक्‍बाक्‍मा बाक्‍त।
1SA 17:25 मेकोपुकीमी “कोव़ङीन, मेरे मुर नाक्‍त किंत किंत ग्रूशा इस्राएली आन कली ग्रीशा हिंपाइक्‍ब। मेरे मुर कली साइक्‍ब कली पिपम शुश इनाम गेब। आ तमी यो मेको मुर कली गेशा ग्‍युंबे पाइ‍ब। मेको आ खिं ङा मुर आन कली इस्राएलमी पिप आ गेय पतीक रे थमा पा प्रोंइब” देंमा बाक्‍त।
1SA 17:26 मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।
1SA 17:27 मिनु मेको आ पर्बम मार दुम्‍बा? मेको कली साइक्‍ब मुर कली मार पांइसीबा, दे मुरपुकीमी दाऊद कली शेंदमे बाक्‍त।
1SA 17:28 मेको कली मुरपुकी नु लोव़ पा बाक्‍शो आ लोक्‍ब एलीआबम नेना बाक्‍त। मिनु मेको गाइक्‍ता बाक्‍त। मेकोम दाऊद कली “गे मारदे एक बाक्‍ङे? गोरशो रागीम बाक्‍शो मेको इच्‍का खोइ भेडापुकी यो सु कली कोव़पाइक्‍मी? गो इ कली तुइक्‍नुङ। गे मटीब नु हेंथे पाइब बाक्‍नेवे। गे एक लडाइ कोव़थ ला जाक्‍शो नवे” दे मदा बाक्‍त।
1SA 17:29 मिनु दाऊदमी “मुल गो मार पङा ङा? गो हिल्‍लो पचा यो मताइ‍नुङा?” देंमाक्‍त।
1SA 17:30 मिनु मेको ब्राशा अर्को मुर आन बाक्‍तीक लशा, मेको लोव़ हिल्‍लो पामी बाक्‍त। तन्‍न नेल्‍लेमी मेको कली मोदेंशो लोव़ मदमे बाक्‍त।
1SA 17:31 मिनु दाऊदम देंशो लोव़ मुरपुकीम सावल कली शेंदमे बाक्‍त। मिनु मेकोमी दाऊद कली ब्रेत्‍थ सोइक्‍ता बाक्‍त। १सामुएल १७:३१
1SA 17:32 मिनु दाऊदम मेको कली “गे ग्‍येत्‍थ लुक्‍च मदुमीन। गो इन गेय पाइब लशा मेको पलिस्‍ती नु लडाइ पाइक्‍नुङ” देंमाक्‍त।
1SA 17:33 मिनु सावलमी “गे लशा, मेको पलिस्‍ती नु लडाइ पने मचाप्‍नेवे। गे नक ङा आलन बाक्‍नेवे। मेको साइ रेन लडाइ पाइब मुर बाक्‍ब” दे मदा बाक्‍त।
1SA 17:34 मिनु दाऊदमी सावल कली “गो आं आफ आ भेडा गोठला नङ। जोइ वां जाक्‍शा। भेडा बगाल रे योल्‍नीम।
1SA 17:35 मेना गो मेको आन कली खेदा पा लशा, आन शोव़ रे मेको रोइश्‍शा चाक्‍नुङ। आं कली क्राइक्‍चा कली मेको लेत्‍तेक्‍म हना, मेको आन कली आन शांपेम ग्‍याइश्‍शा तुप्‍शा साइक्‍नुङमी
1SA 17:36 गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।
1SA 17:37 आं कली जोइ नु वां आन शोव़ रे प्रोंइब परमप्रभु यावेमी मेको पलिस्‍ती आ गुइ रे यो प्रोंइब” देंमाक्‍त। मिनु सावलमी “लावो, परमप्रभु यावे गे नु बाक्‍ल” देंमाक्‍त।
1SA 17:38 मिनु सावलमी दाऊद कली आ लडाइम फेक्‍तीक फेक्‍‍पदा बाक्‍त। कांसा के टोपी आ पियाम गुप्‍ता बाक्‍त। मिनु आ कांसा के फेक्‍तीक यो फेक्‍ता बाक्‍त।
1SA 17:39 मेको नोले मेको आ तरवार पिप्‍ता बाक्‍त। मिनु दाऊद गाक्‍चा थुं पवा बाक्‍त। तन्‍न मच‍बा बाक्‍त। मारदे हना मेकोमी मेको गेना यो मफेक्‍शो, मपांइशो बाक्‍माक्‍त। मोपतीके मेकोम सावल कली “गो एको पांइशा, फेक्‍शा लने मचाप्‍नुङ। मारदे हना गो एको गेनायो मपांइशो मफेक्‍शो नङ” देंमाक्‍त। मिनु मेकोमी मेको नेल्‍ल प्रुइक्‍मी बाक्‍त।
1SA 17:40 मेको नोले मेकोमी आ कोक्‍के कुरा बाक्‍त। मिनु खोला रे ५ ओटा सिल सिल देंशो फुल्‍लु गुबा बाक्‍त। मिनु आ झोलाम कुर पवा बाक्‍त। मिनु आ हुरद शेशा, मेको पलिस्‍ती नु लडाइ पथ लमाक्‍त।
1SA 17:41 मेको पलिस्‍ती आ या कुरब कली ङोंइती गाक्‍पाइश्‍शा, दाऊद आ बाक्‍तीक गे पिमाक्‍त। मेको आ तेक्‍तीक कुरबमी मेको कली वारच पशो बाक्‍माक्‍त।
1SA 17:42 मिनु मेकोमी दाऊद कली तशा, रिस्‍से बाक्‍त। मिनु लल चोव़चो, पाइश्‍‍शो दारशो ठिटा कली तशा, शुक्‍शी पचा गोवा बाक्‍त। १सामुएल १६:१२
1SA 17:43 मिनु मेको पलिस्‍तीम दाऊद कली “मार, गो कुचुम नङा? मिनु कोक्‍के शेशा, गो नु लडाइ पथ जाक्‍ङे” मदा बाक्‍त। मिनु मेकोमी आ देवता आ नें थिशा दाऊद कली सराप पवा बाक्‍त।
1SA 17:44 मेकोमी “पिवो, गो इ श्‍ये चिक्‍ब नु ब्‍वाकी ङा जन्‍तु आन कली ब्‍वचा गेनुङ” दे मदा बाक्‍त।
1SA 17:45 मिनु दाऊदमी पलिस्ती कली “गे, गो नु लडाइ पचा कली तूतीक तरवार कुरशा, पिशो बाक्‍नेवे। तन्‍न गो गे नु लडाइ पचा कली मुर नेल्‍ल आन परमप्रभु यावे, इस्राएल ङा लडाइ पाइब आन परमप्रभु आ नेंमी पिशो बाक्नुङ।
1SA 17:46 मुलाक्‍ती परमप्रभु यावेम इ कली आं गुइम गेब। गो इ कली साइक्‍नन। मिनु इ पिया ख्रोइश्‍शा। इ रां नु पलिस्‍ती आन रां चिक्‍ब नु ब्‍वाकी ङा जन्‍तु आन कली ब्‍वचा गेनुङ। मिनु इस्राएलम परमप्रभु का बाक्‍ब, दे रागी नेल्‍ल ङा मुरुम तुइक्‍नीम।
1SA 17:47 मिनु एक बाक्‍शो मुर नेल्‍लेम परमप्रभु यावेम तूतीक नु तरवारम मप्रोंइब, दे तुइक्‍नीम। मारदे हना एको लडाइ परमप्रभु यावे केन बाक्‍ब। मेकोमी गे नेल्‍ल इन कली आंइ गुइमी गेब” दे मदा बाक्‍त। प्रस्‍थान १५:३; भजन संग्रह २०:८; जकरिया ४:६
1SA 17:48 मिनु मेको पलिस्‍ती दाऊद गे पिमाक्‍त। मिनु दाऊदम मेको नु लडाइ पचा कली, आ ङोंइती गे दोरशा लमाक्‍त।
1SA 17:49 मेकोमी आ गुइ झोलाम कुर पा फुल्‍लु का ग्रुंइदा बाक्‍त। मिनु हुरदम वोदा बाक्‍त। मिनु हिरशा, मेको पलिस्‍ती आ कुप्‍फीम आबा बाक्‍त। मिनु मेको फुल्‍लुम कुप्‍फ होदा बाक्‍त। मिनु मेको खपीम गोल्‍माक्‍त।
1SA 17:50 मोपा दाऊद आ हुरद नु फुल्‍लुम ग्रामाक्‍त। मेको नु तरवार मबाक्‍त हना यो, पलिस्‍ती गोल्‍याथ कली सदा बाक्‍त।
1SA 17:51 मेको दोरशा मेको पलिस्‍ती गोल्‍याथ गे लमाक्‍त। मिनु आ नेक्‍था राम्‍माक्‍त। मेको आ तरवार खोत रे शोइश्‍शा, मेको कली साइश्‍शा आ पिया ख्रोदा बाक्‍त। पलिस्‍तीपुकीमी आंम बोल्‍यो लडाइ पाइब साइश्‍शो तामे बाक्‍त। मिनु मेकोपुकी हिंशा प्रोक्‍मा बाक्‍त।
1SA 17:52 मिनु इस्राएली नु यहूदीपुकीमी लडाइ ङा ग्रीतीक ग्रीमा बाक्‍त। गाथ नु एक्रोन ङा ठेयब लाप्‍चो सम्‍म मेको आन कली थाम्‍पा खेदा पामे बाक्‍त। शा-आराइम, गाथ नु एक्रोन लतीक लां सम्‍म आन बेक्‍शो रां नेल्‍ल थाम्‍पा ब्रमाक्‍त।
1SA 17:53 पलिस्‍ती आन कली खेदा पा लेम्‍मानु, मेकोपुकीमी मेको आन बाक्‍तीक ङा मारेइ मारेइ खुप्‍तमे बाक्‍त।
1SA 17:54 दाऊदमी गोल्‍याथ आ या मेको आ ताम्‍बुमीन प्रोंइशा, मेको आ पिया चहिं कुरशा यरूसलेम चाक्‍गा बाक्‍त।
1SA 17:55 मिनु सावलमी दाऊद कली पलिस्‍तीपुकी नु लडाइ पथ लशो तशा, मेकोम आ लडाइ पाइब आन कप्‍तान आब्‍नेर कली “मेको ठिटा सु का आ तौ बाक्‍मे?” दे हिल्‍लो पवा बाक्‍त। मिनु आब्‍नेरमी “गो इन नेंमी कसम जशा देंनुङ, गो मेको कली मतुइक्‍नुङ” देंमाक्‍त।
1SA 17:56 पिपम आब्‍नेर कली “मेको सुका आ तौ बाक्‍मे रुपो” देंमाक्‍त।
1SA 17:57 मिनु दाऊद मेको पलिस्‍ती कली साइश्‍शा, ले‍म नोले आब्‍नेरमी दाऊद कली सावल आ ङोंइती चाक्‍दीदा बाक्‍त। दाऊदमी मेको पलिस्‍ती आ पिया गुइम ग्‍याइश्‍शो बाक्‍माक्‍त।
1SA 17:58 मिनु सावलम मेको कली “ए ठिटा, गे सुका आ तौ नवे” दे हिल्‍लो पवा बाक्‍त। मिनु दाऊदमी “गो इन गेय पाइब बेथलेहेम ङा येस्‍से आ तौ नङ” देंमाक्‍त।
1SA 18:1 मोपा दाऊदम सावल नु लोव़ पने थुमा बाक्‍त। नोले योनाथनमी, दाऊद कली आंम कली खोदेंशो पा आ थुं रेन दाक्‍चा गोवा बाक्‍त। मेको सावलम तुइक्‍ता बाक्‍त।
1SA 18:2 मिनु सावलमी दाऊद कली लदा बाक्‍त। आ आफ आ खिं लेश्‍शा लचा मगेवा बाक्‍त। १सामुएल १६:२२; १सामुएल १७:१५
1SA 18:3 मिनु योनाथन नु दाऊद आस थुं रेन थमा पा वारच बु दुम्‍सा बाक्‍त। मारदे हना मेको निक्‍शी काम अर्को कली आंम कली खोदेंशो पा दाक्‍मुसा बाक्‍त। मिनु कबल का पाम्‍से बाक्‍त। १सामुएल २३:१८; २सामुएल २१:७; १सामुएल १९:१; १सामुएल २०:१७; २सामुएल १:२६
1SA 18:4 मिनु योनाथनमी आ फेक्‍शो वा प्रुइश्‍शा दाऊद कली गेवा बाक्‍त। आ तरवार, लिब्रा नु पेटी सुन्‍दा प्रुइश्‍शा गेवा बाक्‍त।
1SA 18:5 दाऊदम सावल आ पथ सोइश्‍शो हिंचा ङा गेय यो रिम्‍शो पा पवा बाक्‍त। मिनु सावलमी दाऊद कली नेल्‍ल क्‍येङा सक्ति पाइश्‍शो कप्‍तान सेला बाक्‍त। मोपा मेको कली मान बारपाइश्‍शोमी सावल नु आ ठेयब मुरपुकी यो ग्‍येरसमा बाक्‍त।
1SA 18:6 दाऊदम पलिस्‍ती आन कली साइश्‍शा लेम्‍मेनु, इस्राएल ङा सहर नेल्‍ल ङा मीश मुर नेल्‍ल कोव़थ ग्रूमा बाक्‍त। सिल पाइब मीश मुरपुकी खैजडी ताप्‍शा, कुम्‍सो पना पन, सिल पना पन पिप सावल कली ग्रुम्‍थ जाक्‍मा बाक्‍त। न्‍यायाधीस ११:३४
1SA 18:7 मिनु मीश मुरपुकीम ग्‍येरसीशा “सावलम हजार हजार आन कली साइक्‍तीमी। तन्‍न दाऊदमी १० हजार, हजार आन कली साइक्‍तीमी” दे कुम्‍सो पामे बाक्‍त। १सामुएल २१:१२; १सामुएल २९:५
1SA 18:8 मिनु सावल थाम्‍पा गाइक्‍ता बाक्‍त। मेको लोव़ नेंशा थाम्‍पा आ थुं खुरसे बाक्‍त। मेकोमी दाऊद कली चहिं “१० हजार, हजार तन्‍न आं कली चहिं हजार हजार ला देंतेक्‍म। मुल मेको कली पिप सेल्‍चा का ला लीत” दे मिम्‍ता बाक्‍त।
1SA 18:9 मेको नाक्‍त रे सावलमी दाऊद कली गेहे पचा गोवा बाक्‍त।
1SA 18:10 आ दीसा परमप्रभु रे मरिम्‍शो पाइब सोक्‍त काम सावल कली सुमा बाक्‍त। मिनु सावलमी आ खिंमी हेंथे पवा बाक्‍त। मिनु दाऊदमी ङोंइती ङा खोदेंशो पा सावल आ पर्बम बीना तबा बाक्‍त। सावल आ गुइमी तूतीक का बाक्‍माक्‍त। १सामुएल १६:१४,२३
1SA 18:11 मेकोम “गो दाऊद कली गारोम क्‍येप्‍नुङ” दे मिम्‍शा, आ तूतीक आबा बाक्‍त। तन्‍न दाऊद निक्‍शी खेयप दिल्‍शा मख्रपांइसे बाक्‍त। १सामुएल १९:१०; १सामुएल २०:३३
1SA 18:12 मिनु सावल दाऊद कली तशा हिंमाक्‍त। मारदे हना परमप्रभु यावेम आ कली प्रोंइशा दाऊद नु बाक्‍शो बाक्‍ब, दे तुइक्‍ता बाक्‍त।
1SA 18:13 मोपतीके सावलम दाऊद कली आ दरवार रे ग्रुंइशा, हजार का मुर आन कप्‍तान सेला बाक्‍त। मिनु दाऊदमी आ मुर आन कली लडाइम लाइक्‍मी बाक्‍त।
1SA 18:14 मिनु परमप्रभु यावे मेको नु बाक्‍तीके आ पशो गेय नेल्‍लेमी मेको रिम्‍शो दुम्‍माक्‍त। १सामुएल १८:५
1SA 18:15 सावलमी दाऊद आ गेय नेल्‍ल रिम्‍शो दुम्‍शो तशा, ङोंइती क्‍येङा हिंमाक्‍त।
1SA 18:16 इस्राएल नु यहूदा ङा मुर नेल्‍लेमी दाऊद कली दाक्‍तमे बाक्‍त। मारदे हना मेको लडाइ पतीकेम लां कोंइशा ङोंइती गाक्‍बाक्‍माक्‍त।
1SA 18:17 मिनु सावलम दाऊद कली “गो आं ठेयब तमी मेराब इ कली गेशा ग्‍युं‍बे पपाइक्‍नुङ। तन्‍न गे मेको आ पर्बम बोल्‍यो पा आं गेय पचा माल्‍नेवे। मिनु परमप्रभु यावे आ पर्बम लडाइ पावो” दे मदा बाक्‍त। मारदे हना सावलम दाऊद कली आंम आ गुइम ममाइ पलिस्‍ती आन गुइ रे साइक्‍पाइक्‍चा माल्‍शो बाक्‍माक्‍त।
1SA 18:18 मिनु दाऊदमी “गो सु नङा ङा? आं आफ आ खिं ङा मुर इस्राएली सु नमी ङा? गो पिप आ चांइवा दुम्‍नुङा?” देंमाक्‍त। २सामुएल ७:१८
1SA 18:19 मो हना यो सावल आ तमी मेराब नु दाऊद आस ग्‍युं‍बे दुम्‍तीक नाक्‍त जाक्‍चा क्‍येङा ङोंइती, मेराब कली मेहोला आ मुर अद्रीएल नु ग्‍युं‍बे पा सोइक्‍ता बाक्‍त।
1SA 18:20 तन्‍न सावल आ अर्को तमी मिकाल दाऊद नु दाक्‍मुसा बाक्‍त। मेको लोव़ सावलम नेनानु “आं मिम्‍शो गाप्‍ब दुम्‍त” दे मिम्‍ता बाक्‍त।
1SA 18:21 मेको आ थुंमी “गो मेको कली दाऊद नु ग्‍युं‍बे पपाइक्‍नुङ। पलिस्‍ती आन गुइम बेक्‍पाइक्‍चा कली मेको वाल्‍पाइक्‍तीक गेय बाक्‍ब” देंमाक्‍त। मोपतीके सावलमी आ चांइवा सेल्‍चा कली लोव़ पवा बाक्‍त।
1SA 18:22 मेकोमी आ गेय पाइब आन कली “एको लोव़ सुइम मतुइक्‍चा ङा पा दाऊद कली मतीन” देंमाक्‍त। मिनु मेकोपुकीम दाऊद कली “पिप इन क्‍येङा थाम्‍पा ग्‍येरशो बाक्‍ब। मिनु आ गेय पाइब नेल्‍ल आन दाक्‍शो यो गे बाक्‍नीनी। पिप आ खिं ङा मुर नु ग्‍युं‍बे पतीक नाक्‍ती यो मुलन बाक्‍ब” देंमा बाक्‍त। १सामुएल २२:१४
1SA 18:23 सावल आ मुरपुकीम दाऊद कली मोदेंशो लोव़ पामेनु, दाऊदम मेको आन कली “गेपुकीम पिप आ तमी नु ग्‍युं‍बे पचा आइक्‍च लोव़ मिम्‍तीनी? आं खोदेंशो मारेइ मथीब मुरुम ओदेंशो पने चाप्‍नुङा?” दे माइक्‍मी बाक्‍त।
1SA 18:24 मिनु दाऊद आ देंशो लोव़ आ गेय पाइबपुकीम सावल कली शेंदमे बाक्‍त।
1SA 18:25 मिनु मेकोमी दाऊद कली “जोरी सत्रु आन क्‍येक्‍क लेत्‍चा कली पिपम ग्‍युम्‍ली आ पर्बम सहे का पलिस्‍ती आन ख्रोइक्‍तीक चिनु ख्रोइक्‍तीक ङा कुशुल ला पुंइब मतीन” देंमाक्‍त। मारदे हना पलिस्‍ती आन गुइ रे दाऊद बेक्‍ल देंशो बाक्‍माक्‍त।
1SA 18:26 मिनु सावल आ देंशो लोव़ आ गेय पाइब मुरपुकीम दाऊद कली नेंपदमे बाक्‍त। मिनु मेको लोव़मी मेको पिप आ तमी नु ग्‍युं‍बे पचा बिस्‍से बाक्‍त।
1SA 18:27 मिनु देंशो नाक्‍त आ ङोंइती, नाक्‍त दाऊद आ मुरपुकी नु लशा सहे निक्‍शी पलिस्‍ती आन कली सदमे बाक्‍त। मिनु मेकोम मेको आन ख्रोइक्‍तीक चिनु ख्रोइक्‍तीक ङा कुशुल लाइश्‍शा, चांइवा सेल्‍यीनी, दे पिप आ ङोंइती हिक्‍शा, गेवा बाक्‍त। मिनु सावलमी आ तमी मिकाल दाऊद कली गेशा ग्‍युंबे पाइक्‍ता बाक्‍त।
1SA 18:28 मिनु सावलमी परमप्रभु यावे दाऊद नु बाक्ब, दे तुइक्‍ता बाक्‍त। आ तमी मिकालम मेको कली दाक्‍‍ब, दे यो तुइक्‍ता बाक्‍त।
1SA 18:29 मिनु सावल दाऊद क्‍येङा शुश हिंचा गोवा बाक्‍त। मिनु आ लीशो ब्रोंइतीक नाक्‍त सम्‍मन मेको दाऊद आ जोरी सत्रु दुम्‍माक्‍त। १सामुएल १८:१२
1SA 18:30 पलिस्‍ती आन कप्‍तान का का पा लडाइ पथ जाक्‍बाक्‍मा बाक्‍त। मेकोपुकी मोपा जाक्‍मानु, सावल आ अरु गेय पाइब आन क्‍येङा दाऊदमी रिम्‍शो गेय पवा बाक्‍त। मोपा मेको आ नें ठेयब दुम्‍माक्‍त।
1SA 19:1 सावलमी दाऊद कली साइक्चा, दे आ तौ योनाथन नु आ गेय पाइब नेल्‍ल आन कली लोव़ पवा बाक्‍त। तन्‍न सावल आ तौ योनाथन दाऊद आ वारच बाक्‍माक्‍त। १सामुएल १८:३
1SA 19:2 योनाथनमी आ आफ सावलमी दाऊद कली साइक्‍चा माल्‍शो बाक्‍ब, दे दाऊद कली शेंदा बाक्‍त। मेकोमी दाऊद कली “होस पा, दीसा सुनी सुइमी मतुइक्‍तीकेमी ख्रुइश्‍शा बाक्‍कीन।
1SA 19:3 सुनी गो ग्रूशा पीनुङ। मिनु इन ख्रुइश्‍शा बाक्‍तीके आ नेक्‍था आं आफ नु ग्रुम्‍नुङ। मिनु मेको नु इन पर्बम लोव़ पाइ‍नुङ। मारेइ तुइक्‍ताक्‍ङ हना, गो इन कली शेंनुङ” देंमाक्‍त।
1SA 19:4 मिनु योनाथनम आ आफ कली दाऊद आ पर्बम रिम्‍शो लोव़ पा “इन गेय पाइब दाऊद कली मारेइ पाप मपने। मारदे हना मेकोमी इन कली मारेइ पाप मपावो। थमा पा, आ पशो गेय नेल्‍ल इन कली रिम्‍शो दुम्‍ब।
1SA 19:5 मेकोमी पलिस्‍ती कली सदानु, आंमा चहिं बेक्‍नुङ देय ब्रोंइनुङ, दे मतुइश्‍शो बाक्‍त। मिनु परमप्रभु यावेम इस्राएल कली ठेयब सेल्‍शा ग्रापाइक्‍तु। गे मेको नेल्‍ल तशा शुश ग्‍येरशो बाक्‍तीनी। गे मारदे मेको दोस मताइब दाऊद कली मरिम्‍शो पचा माल्‍नीनी? बित्‍चीम मेको कली मारदे साइक्‍चा दाक्‍नीनी?” देंमाक्‍त। १सामुएल १७:५०
1SA 19:6 मिनु सावलमी योनाथन आ लोव़ नेंशा “परमप्रभु यावे ब्रोंइशा बाक्‍शो खोदेंशो पा, दाऊद मसाइक्‍नुङ” दे कसम जवा बाक्‍त।
1SA 19:7 मिनु योनाथनमी दाऊद कली ब्रेश्‍शा, मेको लोव़ नेल्‍ल नेंपदा बाक्‍त। मिनु योनाथनमी दाऊद कली सावल आ बाक्‍तीके चाक्‍दीदा बाक्‍त। मिनु मेकोम ङोंइती ङा खोदेंशो पा सावल आ गेय पवा बाक्‍त।
1SA 19:8 मिनु लेंशा पलिस्‍तीपुकी नु लडाइ दुम्‍माक्‍त। दाऊदम मेकोपुकी नु लडाइ पवा बाक्‍त। मिनु मेकोमी हिंचा ङा पा लडाइ पतीके मेको पलिस्‍ती प्रोक्‍मा बाक्‍त।
1SA 19:9 मिनु काबु परमप्रभु यावे रे मरिम्‍शो पाइब सोक्‍तीम सावल कली सुमा बाक्‍त। मेना सावल आ खिंमी तूतीक शेशा बाक्‍शो बाक्‍माक्‍त। दाऊद चहिं बीना ताप्‍ना ताप्‍न बाक्‍माक्‍त। १सामुएल १८:१०-११
1SA 19:10 मिनु सावलम दाऊद कली गारोम क्‍येप्‍चा ङा पा तूतीकेम आबा बाक्‍त। तन्‍न दाऊद दिल्‍माक्‍त। मिनु मेको तूतीक गारोम ग्रुक्‍से बाक्‍त। दाऊद चहिं ब्रोंइशा प्रोक्‍माक्‍त।
1SA 19:11 सावलमी मेको कली सुनी साइक्‍चा कली दाऊद आ खिंम क्‍यारी पाइब मुर वोदा बाक्‍त। तन्‍न दाऊद आ मीश मिकालमी मेको कली हिंपाइश्‍शा “गे मुल नाक्‍दोन प्रोक्‍शा मगाक्‍तीनी हना, दीसा इन कली साइक्‍नीम” दे मदा बाक्‍त। भजन संग्रह ५९:१
1SA 19:12 मिकालमी दाऊद कली झेल रे उइ तोइक्‍पदा बाक्‍त। मिनु मेको सुइमी मतुइक्‍थु प्रोक्‍माक्‍त।
1SA 19:13 मिकालमी मूर्ति चाक्‍शा, दाऊद आ ब्राख्‍येम वोदा बाक्‍त। मिनु आ पिया थांइसीतीकेम चहिं क्‍यारश आ चां वोदा बाक्‍त। उत्‍पत्ती ३१:१९
1SA 19:14 मिनु सावलमी दाऊद कली कोव़थ मुर सोइक्‍तानु, मेकोम “रोइ पशो बाक्‍ब” देंमाक्‍त।
1SA 19:15 मिनु सावलमी मेको आन कली “गे आमा दाऊद कली कोव़ङीन” दे सोइक्‍तीमी बाक्‍त। मेकोमी “मेको कली आ खाट सुन्‍दा क्‍युक्‍शा एक चाक्‍कीन। मिनु गो साइक्‍नुङ” दे सोइक्‍तीमी बाक्‍त।
1SA 19:16 मिनु मेकोपुकी जाक्‍मानु, ब्राख्‍येम मूर्ति नु पिया थांइतीकेमी क्‍यारश आ चां ला थित्मे बाक्‍त।
1SA 19:17 मिनु सावलमी मिकाल कली “गे मारदे आं कली जोल पाइय्‍यी? आं जोरी सत्रु कली मारदे रिम्‍शो पा प्रोक्‍पदी?” देंमाक्‍त। मिनु मिकालमी “मेकोम ‘आं कली रिम्‍शो पा मप्रोक्‍पाइक्‍ती हना, गो इ कली साइक्‍नन’ दे माइक्‍ती” देंमाक्‍त।
1SA 19:18 मिनु दाऊद प्रोक्‍शा लशा, रामाह सामुएल आ बाक्‍तीकेम जाक्‍दीम्‍माक्‍त। मिनु सावलमी मार मार पवा, मेको नेल्‍ल शेंदा बाक्‍त। मिनु मेको नु सामुएल लशा नायोथमी बाक्‍सा बाक्‍त।
1SA 19:19 मिनु मुर कामी सावल कली “दाऊद रामाह ङा नायोथम बाक्‍ब” दे शेंदा बाक्‍त।
1SA 19:20 सावलमी दाऊद कली ग्‍याइक्चा, दे मुर आन कली सोइक्‍ता बाक्‍त। मेकोपुकीमी परमप्रभु यावे आ लोव़ पाइब आन हुल परमप्रभु यावे आ सोक्‍तीम लोव़ पा बाक्‍शो तामे बाक्‍त। मिनु सामुएल मेको आन ठेयब मुर बाक्‍माक्‍त। मिनु परमप्रभु आ सोक्‍तीम मेको आन कली सु‍मा बाक्‍त। मिनु मेकोपुकी यो परमप्रभु यावे आ सोक्‍तीम लोव़ पामे बाक्‍त। १सामुएल १०:१०-१२
1SA 19:21 मिनु सावलम मेको नेंशा, अर्को हुल का सोइक्‍ता बाक्‍त। मेकोपुकीम यो परमप्रभु यावे आ सोक्‍तीम लोव़ पामे बाक्‍त। मिनु सावलमी लेंशा अर्को हुल का सोइक्‍तीमी बाक्‍त। मिनु मेकोपुकी यो मोदेंशो दुम्‍मा बाक्‍त।
1SA 19:22 मिनु नोले सावल आंमान रामाहम पिशा, सेकुम बाक्‍शो ठेयब कुवाम जाक्‍माक्‍त। मिनु मेकोमी “सामुएल नु दाऊद ते बाक्‍सा?” दे हिल्‍लो पवा बाक्‍त। मिनु “मेको निक्‍शी रामाह ङा नायोथम बाक्‍नीसी” दे शेंदमे बाक्‍त।
1SA 19:23 मेको रामाह ङा नायोथ लना लन पवानु, परमप्रभु आ सोक्‍तीम मेको कली यो सुमा बाक्‍त। मिनु रामाह ङा नायोथ सम्‍मन, परमप्रभु यावे आ लोव़ पना पन जाक्‍दीम्‍माक्‍त।
1SA 19:24 मेकोमी यो आ वा प्रुइश्‍शा, सामुएल आ ङोंइती परमप्रभु यावे आ सोक्‍तीम लोव़ पना पन नाक्‍त रे नु नाक्‍दो रे शिश्रा बाक्‍माक्‍त। मोपतीके मुरपुकीम “मार, सावल यो परमप्रभु यावे आ लोव़ पाइब आन दातेमी बाक्‍मे?” देंबाक्‍मा बाक्‍त।
1SA 20:1 मिनु दाऊद रामाह ङा नायोथ रे प्रोक्‍शा, योनाथन आ बाक्‍तीक जाक्‍दीम्‍माक्‍त। मिनु मेकोमी योनाथन कली “गो मार पङा? आं दोस मार बाक्‍बा? मारदे इन आफोम आं कली साइक्‍चा माल्‍बा?” दे हिल्‍लो पवा बाक्‍त।
1SA 20:2 मिनु योनाथनमी “मोदेंशो मदुम्‍ल। गे मबेक्‍नीनी। आं आफोम आं कली मदेंथु, आइक्‍च नु ठेयब गेय मारेइ मपाइ‍ब। ओदेंशो लोव़ आं आफोम आं रे दोपा ख्रुइक्‍बा ङा? मोदेंशो मपाइब” देंमाक्‍त।
1SA 20:3 मिनु दाऊदमी “गे आं कली दाक्‍नीनी, दे इन आफोम तुइक्‍ब। मेकोमी ‘योनाथनम मतुइक्‍तल। तुइक्‍ताक्‍व हना, आ थुं खाइक्‍ब’ दे मिम्‍शो बाक्‍ब। थमा पा, परमप्रभु यावे ब्रोंइशा बाक्‍शो खोदेंशो पा बेक्‍तीक आं नेक्‍था बाक्‍त” दे कसम जवा बाक्‍त।
1SA 20:4 मिनु योनाथनमी दाऊद कली “गे मार देंनीनी, गो मेको पाइनुङ” देंमाक्‍त।
1SA 20:5 मिनु दाऊदमी योनाथन कली “दीसा औंसी बाक्‍ब। गो पिप नु बाक्‍शा, जचा माल्‍नुङ। गो नाक्‍त सां सम्‍म रू मेर लशा ख्रुइश्‍शा बाक्‍नुङ।
1SA 20:6 इन आफोम आं मजाक्‍शो आ पर्बम लोव़ ग्रुंइताक्‍व हना, मेको कली ‘दाऊदमी बेथलेहेम आ खिंम रीब पा लचा माल्‍तीके, आं कली हिल्‍लो पती। मारदे हना मेकेर खिं ङा मुर नेल्‍लेमी बर्सम चढ़ेतीक चढ़ेचा माल्‍बाक्‍माक्‍त’ देनीन।
1SA 20:7 मिनु मेकोम ‘ठीक बाक्‍ब’ देंत हना, मेको रिम्‍शो बाक्‍ब। तन्‍न मेको गाइश्‍शा चुरशा पाप्‍तु हना, मेकोमी आं पर्बम मरिम्‍शो मिम्‍शो बाक्ब, दे गे तुइक्‍नीनी।
1SA 20:8 मोपतीके गे इन गेय पाइब, गो नु थमा सुइक्‍चा ङा गेय पने। मारदे हना गे नु गो परमप्रभु यावे आ ङोंइती कबल का पशो बाक्‍नस। गो दोस ताइब बाक्‍ती हना, गे आं कली साइय्‍यीनी। इन आफ बाक्‍तीकेमी मलाइय्‍यीनी” देंमाक्‍त। १सामुएल १८:३
1SA 20:9 मिनु योनाथनम “मोदेंशो लोव़ मपन। आं आफोम इन कली साइक्‍चा मिम्‍शो गो तुइक्‍ताक्‍ङ हना, इन कली शेंनुङ” देंमाक्‍त।
1SA 20:10 मिनु दाऊदम योनाथन कली “इन आफोम मरिम्‍शो लोव़ पाप्‍तु हना, मेको सुम आं कली तुइक्‍पाइक्‍बा?” देंमाक्‍त।
1SA 20:11 मिनु योनाथनमी “गो नु पिने” देंमाक्‍त। मिनु मेको निम्‍फा हिरथ लसा बाक्‍त।
1SA 20:12 मिनु योनाथनम दाऊद कली “गो इन कली, परमप्रभु यावे, इस्राएली आन परमप्रभु आ ङोंइती एको लोव़ पाइनुङ। दीसा कि नित्‍थ नाक्‍त आं आफ आ थुं थामु नोले मेकोम इन पर्बम रिम्‍शो मिम्‍शो बाक्‍त हना, गो इन कली तुइक्‍पाइक्‍नुङ।
1SA 20:13 तन्‍न आं आफोम मरिम्‍शो मिम्‍शो बाक्‍त हना यो, गो इन कली तुइक्‍पाइक्‍नुङ। गो इन कली मतुइक्‍पाइक्‍ता हना नु इन कली मप्रोंइता हना, परमप्रभु यावेमी आं कली सजाइ गेवल। परमप्रभु यावे आं आफ नु बाक्‍शो खोदेंशो पा गे नु यो बाक्‍ल।
1SA 20:14 गो ब्रोंइ‍ङा सम्‍म परमप्रभु यावेम आ गेना हना यो दाक्‍शा मप्रोंइशो खोदेंशो पा इन दाक्‍तीक आं कली कोंइदीन।
1SA 20:15 परमप्रभु यावेम रागी रे दाऊद आ जोरी सत्रु नेल्‍ल क्‍याम्‍ताक्‍व हना यो, गे इन गेना हना यो दाक्‍तीक आं खिं ङा मुर आन रे मक्‍याम्‍दीन” दे योनाथनमी दाऊद कली देंमाक्‍त।
1SA 20:16 मेना योनाथनमी दाऊद आ खिं ङा मुर नु कबल पा “परमप्रभु यावेम दाऊद आ जोरी सत्रु आन कली माल्‍शा ग्रुंइदल” देंमाक्‍त।
1SA 20:17 मेको नु दाक्‍मुशो आ पर्बम योनाथनमी दाऊद नु कसम जवा बाक्‍त। मारदे हना, मेकोम मेको कली आंम कली खोदेंशो पा दाक्‍बाक्‍माक्‍त।
1SA 20:18 मिनु योनाथनम दाऊद कली “दीसा औंसी बाक्‍ब। इन नित्‍तीक श्‍येत्‍थ बाक्‍शो तशा, गे मबाक्‍नीनी, दे तुंइसीब।
1SA 20:19 मोपतीके नित्‍थ नाक्‍त इन ख्रुइक्‍तीके उइ मेर लने। इन ङोंइती ख्रुइक्‍तीकेम लशा, फुल्‍लु आ नेक्‍था बाक्‍कीन।
1SA 20:20 मिनु गो मेको फुल्‍लु आ नेक्‍था ब्रा सां आप्‍नुङ।
1SA 20:21 मिनु गो मेको वोंइश आल कली ब्रा इ ङोंइती बाक्‍नीम, दे माल्‍थ सोइक्‍ताक्‍ङ हना, गे ग्रूशा पिन। परमप्रभु यावे ब्रोंइशा बाक्‍शो खोदेंशो पा गे ठीक बाक्‍नीनी।
1SA 20:22 तन्‍न गो मेको वोंइश आल कली ‘कोव़ङो, ब्रा इ नोले गे बाक्‍नीम। मेको खुप्‍शा चाक्‍को’ देंती हना, गे प्रोक्‍कीन। मारदे हना परमप्रभु यावेम इन कली सोइश्‍शो बाक्‍ब।
1SA 20:23 गो निक्‍शी इस दातेम पशो लोव़ गेना हना यो लील, दे परमप्रभु यावे सांकछी बाक्‍ब” देंमाक्‍त।
1SA 20:24 मोपतीके दाऊद रू मेर ख्रुइश्‍शा बाक्‍माक्‍त। मिनु औंसीमी भोज ठीक दुम नोले पिप जचा कली निस्‍से बाक्‍त।
1SA 20:25 सावल ङोंइती खोदेंशो पा आ नित्‍तीकेम निस्‍से बाक्‍त। आ नित्‍तीके गारो आ नेक्‍था बाक्‍शो बाक्‍त। आब्‍नेर मेको आ नेक्‍था निस्‍से बाक्‍त। योनाथन चहिं राप्‍शा बाक्‍शो बाक्‍माक्‍त। तन्‍न दाऊद आ नित्‍तीक श्‍येत्‍थ बाक्‍माक्‍त।
1SA 20:26 मेको नाक्‍त सावलम मारेइ मदेंमाक्‍त। मेको ग्रांग्रा दिशो दुम माइ। मोपतीके मजाक्‍म माइ, दे मिम्‍ता बाक्‍त। लेवी १५:१६
1SA 20:27 औंसी आ दीसा दाऊद आ नित्‍तीक श्‍येत्‍थ बाक्‍माक्‍त। मिनु सावलम आ तौ योनाथन कली “सिनाक्‍त मुलाक्‍त येस्‍से आ तौ भोजम मारदे मजाक्‍म” दे हिल्‍लो पवा बाक्‍त।
1SA 20:28 मिनु योनाथनम सावल कली “दाऊदमी ‘गो बेथलेहेम लाइनुङ’ दे लोव़ पाप्‍तु।
1SA 20:29 मेकोमी ‘आं खिं ङा मुरपुकी चढ़ेचा कली सहर लशो बाक्‍नीम। आं लोक्‍बम आं कली मेक जाक्‍चा, दे ब्रेत्‍ताक्‍यी। मिनु गे आ कली शिशी पाइ‍नीनी हना, आं लोक्‍ब आन कली ग्रुम्‍थ लचा गेयीनी’ देंत। मोपतीके मेको पिप नु जथ जाक्‍ने मचब” देंमाक्‍त।
1SA 20:30 मिनु सावल योनाथन नु गाइश्‍शा मेको कली “गे दूली पाइब नु मटीब मीश आ तौ, गे येस्‍से आ तौ कली वारच सेल्‍शा, मुने दोक्‍शो बाक्‍नेवे। मिनु इ ममा इ कली जरमेशो आ पर्बम मुने दोक्‍त।
1SA 20:31 येस्‍से आ तौ रागीम ब्रोंइशा बाक्‍म सम्‍म गे मलीनेवे। इ राज्‍य यो मलीब। मेको कली रीब पा एक चाक्‍चा कली ब्रेत्‍थ सोइक्‍तीमी। थमा पा मेको साइक्‍चा पुंइसीब बाक्‍ब” देंमाक्‍त।
1SA 20:32 मिनु योनाथनमी आ आफ कली “मेको मारदे साइक्‍चा पुंइसीबा? मेकोम मार पवा ङा?” देंमाक्‍त।
1SA 20:33 मेको लोव़म पतीके सावलमी आ तूतीक क्‍युक्‍शा, आ तौ कली साइक्‍चा मला बाक्‍त। मिनु योनाथनमी आ आफोम दाऊद कली साइक्‍चान माल्‍शो बाक्‍माक्‍त, दे तुइक्‍ता बाक्‍त। १सामुएल १८:११
1SA 20:34 मिनु योनाथन गाइश्‍शा चुरशा आ नित्‍तीक रे बोक्‍शा, मारेइ मजवा बाक्‍त। मारदे हना दाऊद कली साइक्‍चा माल्‍शो आ पर्बम सुर्ता पवा बाक्‍त। आ आफोम दाऊद कली मरिम्‍शो पचा मिम्‍शो बाक्‍माक्‍त।
1SA 20:35 मिनु आ दीसा सुनी देंशो खोदेंशो पा, योनाथन दाऊद कली ग्रुम्‍थ लमाक्‍त। मेको नु वोंइश आल का यो बाक्‍माक्‍त।
1SA 20:36 मेकोमी मेको वोंइश आल कली “गो आं आप्‍शो ब्रा माल्‍थ लावो” दे मदा बाक्‍त। मेको वोंइश आल दोरमेनु, योनाथनम आ नोले गे ब्रा आबा बाक्‍त।
1SA 20:37 मिनु मेको वोंइश आल योनाथनम ब्रा आप्‍तीकेम जाक्‍दीम्‍मेनु, योनाथनम “ब्रा इ नोले गे बाक्‍ब” दे ब्रेत्‍ता बाक्‍त।
1SA 20:38 मिनु योनाथनमी मेको वोंइश आल कली “रीब पा लावो। देश मपावो” दे ब्रेत्‍ता बाक्‍त। मिनु मेको वोंइश आल ब्रा गुप्‍शा आ ठेयब मुर आ बाक्‍तीक चाक्‍गा बाक्‍त।
1SA 20:39 मेको वोंइश आलम मारेइ मतुइश्‍शो बाक्‍माक्‍त। योनाथन नु दाऊदम ला आस ङोंइती देंशो लोव़ तुइक्‍तसे बाक्‍त।
1SA 20:40 मिनु योनाथनम आ या मेको वोंइश आल कली गेशा “सहरम लतो” दे सोइक्‍ता बाक्‍त।
1SA 20:41 मिनु मेको वोंइश आल लम नोले, दाऊद आ ख्रुइक्‍तीक फुल्‍लु आ नोले रे ग्रूशा, खेयप सां बाप्‍शा मान पवा बाक्‍त। मिनु मेको निक्‍शी पुक्‍पु पाइक्‍मुसा बाक्‍त। मिनु निम्‍फा ङाक्‍सा बाक्‍त। दाऊद योनाथन क्‍येङा शुश ङाक्‍माक्‍त।
1SA 20:42 मिनु योनाथनम दाऊद कली “रिम्‍शो पा लावो। गे नु गो परमप्रभु यावे आ नेंमी कसम जशा, परमप्रभु यावे गे नु गो इस दातेमी बाक्‍ल। मेको इ चच युइ नु आं चच युइ आन दातेमी गेना हना यो बाक्‍ल” देंमाक्‍त। मिनु दाऊद बोक्‍शा लमाक्‍त। योनाथन चहिं सहर लेम्‍माक्‍त।
1SA 21:1 मिनु दाऊद नोब ङा चढ़ेब अहीमेलेक आ बाक्‍तीक जाक्‍माक्‍त। मिनु अहीमेलेक ख्रिंख्रि पा दाऊद कली ग्रुम्‍शा “मारदे इन का ला जाक्‍नी? गे नु सुइ मबाक्‍मा” देंमाक्‍त। १सामुएल २२:९,१९
1SA 21:2 मिनु दाऊदम चढ़ेब अहीमेलेक कली “गो पिप आ हुकुममी जाक्‍ती। मेको गो सुइ आन कली शेंचा मदुम्‍नुङ। गो आं मुर आन कली सुइ मबाक्‍तीकेम ग्रुम्‍चा नङ, दे माइक्‍तामी।
1SA 21:3 मुल इन नु मार बाक्‍बा आं कली ५ ओटा शोब्‍ले कि दोशो बाक्‍मे, मोशो गेयीनी” देंमाक्‍त।
1SA 21:4 मिनु चढ़ेबम दाऊद कली “गो नु शोब्‍ले मबाक्‍ब। कोंइतीक शोब्‍ले ला बाक्‍नीम। तन्‍न मार, मेरे वोंइश मुरपुकी मीश मुर रे ङोन बाक्‍शो बाक्‍नीमी?” दे हिल्‍लो पवा बाक्‍त। लेवी २४:५-९; प्रस्‍थान १९:१५
1SA 21:5 मिनु दाऊदमी “गो इन कली थमा लोव़ पाइनुङ, गेना हना यो गो लां गाक्‍ची ना मीश मुर रे ङोन बाक्‍नीकी। एको वोंइश मुर ग्रांग्रा मदिशो बाक्‍नीम। मुल मेको क्‍येङा ग्रांग्रा मदिशो बाक्‍नीकी” देंमाक्‍त।
1SA 21:6 मोपतीके मेकेर अरु शोब्‍ले मबाक्‍तीके चढ़ेबमी मेको परमप्रभु यावे आ ङोंइती वोइश्‍शो कोंइतीक शोब्‍ले गेवा बाक्‍त। तेको नाक्‍ती कोंइतीक शोब्‍ले परमप्रभु यावे आ ङोंइती रे लदमे, मेको नाक्‍ती अर्को होश शोब्‍ले वोइक्‍चा माल्‍बाक्‍माक्‍त। मत्ती १२:३-४
1SA 21:7 सावल आ गेय पाइब आन दाते ङा गेय पाइब का यो मेको नाक्‍ती मेकेर परमप्रभु यावे आ ङोंइती दिक्‍शा, बाक्‍शो बाक्‍माक्‍त। मेको एदोम ङा दोएग बाक्‍माक्‍त। मेको सावल आ गोठला आन नेल्‍ल क्‍येङा ठेयब मुर बाक्‍माक्‍त। प्रस्‍थान २१:१३; लेवी १३:४,३१; १सामुएल २२:९,१८
1SA 21:8 दाऊदम अहीमेलेक कली “गे नु तूतीक तरवारपुकी बाक्‍नीमी? मारदे हना पिप आ गेय रीब पा पचा माल्‍तीके गो तरवार नु अरु या कुरचा मतङ” देंमाक्‍त।
1SA 21:9 मिनु चढ़ेबमी “एलाह ङा दिंमम इन साइश्‍शो पलिस्‍ती गोल्‍याथ आ तरवार एक बाक्‍ब। मेको निसाफ पतीक ऊरीम नु थुम्‍मीम बाक्‍शो झोला आ नोले वाम गिल्‍शा वोइश्‍शो बाक्‍ब। मेको लाइक्‍नीनी हना, लतीन। मेको ङा लाक्‍शा एक अर्को या मबाक्‍ब” देंमाक्‍त। मिनु दाऊदमी “मेको खोदेंशो रिम्‍शो अर्को तरवार मबाक्‍ब। आं कली मेकोन गेयीनी” देंमाक्‍त। १सामुएल १७:५०-५१; न्‍यायाधीस ८:२७
1SA 21:10 मेको नाक्‍ती दाऊद बोक्‍शा सावल रे प्रोक्‍माक्‍त। मिनु गाथ ङा पिप अकीश आ बाक्‍तीके जाक्‍माक्‍त। भजन संग्रह ५६:१
1SA 21:11 अकीश आ गेय पाइबपुकीम मेको कली “थमा पा रागी ङा पिप दाऊद एकोन बाक्‍ब। एको आ पर्बम सावलम हजार हजार आन कली साइक्‍तु। दाऊदम १० हजार हजार आन कली साइक्‍तीमी” दे कुम्‍सो मपामे ङा? १सामुएल १८:७
1SA 21:12 दाऊदम मेको लोव़ आ थुंम वोइश्‍शो बाक्‍माक्‍त। मिनु मेको गाथ ङा पिप अकीश तशा थाम्‍पा हिंमाक्‍त।
1SA 21:13 मोपतीके मेकोमी मेको आन ङोंइती आ निप्‍स ग्राइश्‍शो खोदेंशो दुम्‍खु पवा बाक्‍त। मेकोम ठेयब लाप्‍चोमी रेन्‍ना रेन्‍न नु आ राल आ गल शोक्रेम तोक्‍ना तोक्‍न बाक्‍माक्‍त। भजन संग्रह ३४:१
1SA 21:14 मिनु अकीशमी आ गेय पाइब आन कली “एको मुर आ निप्‍स ग्राइश्‍शो बाक्‍त। एको कली मारदे आं बाक्‍तीक चाक्‍नी?
1SA 21:15 गो अरु निप्‍स ग्राइश्‍शो मुर माल्‍नुङा? गे मारदे एको कली आं ङोंइती हेंथे पपाइक्‍चा कली चाक्‍नी। मेको आं खिंमी बाक्‍ल, दे मिम्‍नीनी?” दे माइक्‍मी बाक्‍त।
1SA 22:1 दाऊद मेकेर रे प्रोक्‍शा, अदुल्‍लाम ङा पुक्‍खीम लमाक्‍त। मिनु मेको आ लोक्‍ब नु आ खिं ङा मुर नेल्‍लेम मेको लोव़ नेंन्‍मे बाक्‍त। मिनु मेकोपुकी आ बाक्‍तीक जाक्‍दीम्‍मा बाक्‍त। भजन संग्रह ५७:१; यहोसु १५:३६
1SA 22:2 श्‍येत जशो, जेर दुम्‍शो नु आन थुं मनुशो मुरपुकी मेको आ बाक्‍तीकेम जाक्‍मा बाक्‍त। मिनु दाऊद मेको आन कप्‍तान दुम्‍माक्‍त। मेकोपुकी ४ सहे खोइ बाक्‍मा बाक्‍त। न्‍यायाधीस ११:३
1SA 22:3 मेकेर रे मेकोपुकी मोआब ङा मिस्पे लमा बाक्‍त। मिनु मोआब ङा पिप कली “परमप्रभुम आं पर्बम मार पाइ‍बा, मेको मतुइक्‍तु सम्‍म आं आंम आफ आस कली इन बाक्‍तीकेम बाक्‍चा गेने” देंमाक्‍त। २सामुएल ८:२; रूथ १:३
1SA 22:4 दाऊदमी आ आम आफ आस कली मोआब ङा पिप नु वोदा बाक्‍त। मेको आ बोल्‍यो ख्रुइश्‍शा बाक्‍तीकेम बाक्‍ची ना सम्‍म आ आम आफ मोआब ङा पिप नु बाक्‍सा बाक्‍त।
1SA 22:5 मिनु परमप्रभु यावे आ लोव़ पाइब गादमी दाऊद कली “गे मेको बोल्‍यो ख्रुइश्‍शा बाक्‍तीकेम मबाक्‍कीन। रीब पा यहूदा रागी लने” देंमाक्‍त। मोपतीके दाऊद हेरेथ ङा ब्‍वाकीम लमाक्‍त। भजन संग्रह ६३:१
1SA 22:6 मिनु सावलमी दाऊद नु आ मुरपुकी ते बाक्‍शो बाक्‍मा मेको नेना बाक्‍त। सावल गिबा ङा डांडाम बाक्‍शो, ठेयब रवा आ पुंम, गुइम तूतीक शे‍शा बाक्‍शो बाक्‍माक्‍त। मेको आ गेय पाइब नेल्‍ल आ एर ओंथ राप्‍शा बाक्‍शो बाक्‍मा बाक्‍त।
1SA 22:7 मिनु सावलमी आ एर ओंथ बाक्‍शो मुर आन कली “गे बेन्‍यामीन आ थर ङा मुर, आं लोव़ नेनीन। मार, येस्‍से आ तौमी नेल्‍ल इन कली रू नु अङगुर रू गेबा कों? नेल्‍ल इन कली सहे का ङा नु हजार का लडाइ पाइब मुर आन कप्‍तान सेल्‍बा कों, दे आस पाइ‍नीनी?
1SA 22:8 मोपतीके गे नेल्‍लेम आं कली मरिम्‍शो पशो बाक्‍तीनी। इन दातेमी सुइम आं कली आं तौ नु येस्‍से आ तौ कबल पमुशो मशेंदीनी। सुइम आं कली आं तौमीन आं गेय पाइब कली जोंब पोक्शा, आं कली बाप्‍पाइश्‍शो लोव़ मशेंदीनी” देंमाक्‍त। १सामुएल १८:३
1SA 22:9 मिनु सावल आ गेय पाइब नु राप्‍शा बाक्‍शो एदोम ङा दोएगमी “गो येस्‍से आ तौ कली नोब ङा अहीतुब आ तौ अहीमेलेक आ बाक्‍तीकेम जाक्‍शो ताता। भजन संग्रह ५२:२; १सामुएल २१:१-१०
1SA 22:10 अहीमेलेकम दाऊद आ पर्बम परमप्रभु यावे कली पुंइतु। मेको नोले जचा थोव़क नु पलिस्‍ती गोल्‍याथ आ तरवार यो मेको कली गेप्‍तु” देंमाक्‍त।
1SA 22:11 मिनु सावलमी नोब ङा चढ़ेब अहीतुब आ तौ अहीमेलेक नु नोबम बाक्‍ब आ खिं ङा चढ़ेब नेल्‍ल आन कली ब्रथ सोइक्‍तीमी बाक्‍त। मिनु मेको नेल्‍ल पिप आ ङोंइती जाक्‍मा बाक्‍त।
1SA 22:12 मिनु सावलम “ए अहीतुब आ तौ नेनो” देंमाक्‍त। मिनु मेकोमी “दुम्‍ब, आं प्रभु” देंमाक्‍त।
1SA 22:13 मिनु सावलम मेको कली “गे नु येस्‍से आ तौमी आं पर्बम मारदे मरिम्‍शो पसी? गे मेको कली शोब्‍ले नु तरवार गेप्‍तीवी। मेको आ पर्बम परमप्रभु नु पुंइतीवी। मेको आं पर्बम मरिम्‍शो पचा कली ठीक दुम्‍शो बाक्‍ब। मुल आं कली बाप्‍शा बाक्‍चा कली मोदेंशो पाइतीनी” देंमाक्‍त।
1SA 22:14 मिनु अहीमेलेकमी “इन गेय पाइब नेल्‍लेमी थमा सुइक्‍चा पुंइसीशो इन चांइवा, इन गेय पाइब दुम्‍शो, इन खिंम मान पाइक्‍चा पुंइसीब दाऊद बाक्‍ब। १सामुएल १८:२२,२७
1SA 22:15 मोदेंशो मुर आ पर्बम परमप्रभु नु ङोंइती ङा खेयप सल्‍ला पुंइशा, मार मरिम्‍शो पङा ङा? मोदेंशो लोव़ आं रे ङोन बाक्‍ल। गो नु आं खिं ङा मुर आन कली दोस मगेकी। मारदे हना, गो एको आ पर्बम मारेइ मतुइश्‍शो बाक्‍नीकी” देंमाक्‍त।
1SA 22:16 मिनु पिपम “अहीमेलेक गे थमा पा साइक्‍चा पुंइसीनेवे। गे नु इ खिं ङा मुर नेल्‍ल साइक्‍चा पुंइसीनीम” देंमाक्‍त।
1SA 22:17 मिनु सावलम आ नेक्‍था उइ राप्‍शा बाक्‍शो आ कली खाल पाइब कली “लशा परमप्रभु यावे कली चढ़ेब आन कली सतो। मारदे हना, मेकोपुकी दाऊद नु गारशो बाक्‍नीम। मेकोपुकीमी दाऊद प्रोक्‍शो बाक्‍ब, दे तुइश्‍शा यो, आं कली मशेंदीमी” देंमाक्‍त। तन्‍न पिप कली खाल पाइबपुकीमी परमप्रभु यावे कली चढ़ेब आन कली साइक्‍चा थुं मपामे बाक्‍त।
1SA 22:18 मोपतीके पिपम एदोम ङा दोएग कली “ए दोएग लशा चढ़ेब आन कली सतो” देंमाक्‍त। मिनु दोएग लशा, चढ़ेब आन कली सदा बाक्‍त। मिनु मेकोमी मेको नाक्‍ती ८५ जना निसाफ पतीक ऊरीम नु थुम्‍मीम बाक्‍शो झोला फेक्‍शो मुर आन कली साइक्‍मी बाक्‍त।
1SA 22:19 सावलमी चढ़ेब आन सहर नोब ङा वोंइश मुर, मीश मुर, आलपुकी, ब्‍यफ गधा नु भेडा नेल्‍ल आन कली तरवारमी क्‍योरशा साइक्‍मी बाक्‍त। १सामुएल २१:२
1SA 22:20 अहीतुब आ तौ अहीमेलेक आ तौ का अबीयाथार चहिं प्रोक्‍शा दाऊद आ बाक्‍तीक जाक्‍दीम्‍माक्‍त। १सामुएल २३:६; मर्कूस २:२६
1SA 22:21 मिनु अबीयाथारमी सावलम दोपा परमप्रभु यावे कली चढ़ेब आन कली सदा, मेको नेल्‍ल दाऊद कली शेंदा बाक्‍त।
1SA 22:22 मिनु दाऊदमी अबीयाथार कली “मेको नाक्‍ती एदोम ङा दोएग मेकेर बाक्‍त। मेकोम सावल कली शेंब, दे गो तुइश्‍शो नङ। इ आफ नु आ खिं ङा मुर नेल्‍ल आन कली साइक्‍पाइक्‍ब दोस ताइब गो दुम्‍ती। १सामुएल २२:९
1SA 22:23 गे एक गो नु बाक्‍को। महिनो। इ कली साइक्‍चा माल्‍बम आं कली साइक्‍चा माल्‍शो बाक्‍ब। गे गो नु मारेइ मदुम्‍थु बाक्‍नेवे” दे मदा बाक्‍त। १राजा २:२६-२७
1SA 23:1 मुरपुकीम दाऊद कली “पलिस्‍तीपुकीम कैलाह नु लडाइ पा अन्‍न वोइक्‍तीक रोइक्‍ना रोइक्‍न बाक्नीम” देंमा बाक्‍त। यहोसु १५:४४
1SA 23:2 मिनु दाऊदम परमप्रभु यावे कली “गो लशा पलिस्‍तीपुकी नु लडाइ पङ देय मपङ” दे हिल्‍लो पवा बाक्‍त। मिनु परमप्रभु यावेम “लशा, मेको आन कली लडाइ तोव़मी कैलाह कली प्रोनो” देंमाक्‍त।
1SA 23:3 तन्‍न दाऊद आ मुरपुकीम मेको कली “गो यहूदा रागीम बाक्‍शा ला यो हिंनीकी। कैलाह ङा पलिस्‍तीपुकी नु लडाइ पाइतय हना, मेको क्‍येङा शुश हिंनीकी” देंमा बाक्‍त।
1SA 23:4 मिनु लेंशा दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “कैलाहम लावो। गो पलिस्‍ती आन कली इन गुइमी गेनुङ” देंमाक्‍त।
1SA 23:5 मोपतीके दाऊद नु आ मुरपुकी कैलाहम लमा बाक्‍त। मिनु पलिस्‍तीपुकी नु लडाइ पामे बाक्‍त। मेकोपुकीम मेको आन बी ब्‍यफ रोइक्‍तमे बाक्‍त। मेको आन कली मरिम्‍शो पा फ्रूमे बाक्‍त। मिनु कैलाह ङा मुर आन कली प्रोन्‍मे बाक्‍त। १सामुएल २२:२०; न्‍यायाधीस ८:२७
1SA 23:6 अहीमेलेक आ तौ अबीयाथार दाऊद आ बाक्‍तीक, कैलाह सहर प्रोक्‍मेनु, निसाफ पतीक ऊरीम नु थुम्‍मीम बाक्‍शो झोला यो लाइश्‍शा लशो बाक्‍माक्‍त।
1SA 23:7 दाऊद कैलाह ओव़शो बाक्‍ब, दे का निक्‍शी मुरुमी सावल कली शेंदमे बाक्‍त। मिनु सावलमी “परमप्रभुम मेको कली आं गुइमी गेशो बाक्‍ब। मारदे हना मेको गारो हिरशो, आग्‍लो पाइश्‍शो, सहरम ओव़शो बाक्‍ब” दे मिम्‍ता बाक्‍त।
1SA 23:8 सावलम आ लडाइ पाइब नेल्‍ल आन कली कैलाहम लडाइ पा दाऊद नु आ मुर आन कली एर ओंथ रे पुम्‍चा नम, दे हुकुम पवा बाक्‍त।
1SA 23:9 मिनु दाऊदमी आंम पर्बम मरिम्‍शो पचा चिक्‍शो तुइक्‍ता बाक्‍त। मिनु मेकोमी अबीयाथार चढ़ेब कली “निसाफ पतीक ऊरीम नु थुम्‍मीम बाक्‍शो झोला चाक्‍को” दे मदा बाक्‍त। १सामुएल ३०:७-८
1SA 23:10 मिनु नोले मेकोमी “परमप्रभु यावे, इस्राएली आन परमप्रभु सावल कैलाहम जाक्‍शा, आं पर्बम एको सहर खतम पोक्‍चशो बाक्‍ब, देंशो लोव़ इन गेय पाइबम नेंशो बाक्‍नुङ।
1SA 23:11 मार, कैलाह सहरम बाक्‍ब मुरपुकीमी आं कली मेको आ गुइम गेनीमी? मार आं नेंशो खोदेंशो पा सावल एक जाक्‍बा? परमप्रभु यावे, इस्राएली आन परमप्रभु, इन गेय पाइब कली शेंदीन” देंमाक्‍त। मिनु परमप्रभु यावेम “थमा पा मेको एक जाक्‍ब” देंमाक्‍त।
1SA 23:12 मिनु दाऊदमी “मार कैलाह ङा मुरपुकीमी गो नु आं मुर आन कली सावल आ गुइम गेनीमी?” देंमाक्‍त। मिनु परमप्रभु यावेम “मो पाइ‍नीम” देंमाक्‍त।
1SA 23:13 मिनु दाऊदमी आ ६ सहे खोइ मुर लाइश्‍शा, कैलाह रे गाक्‍माक्‍त। मिनु तेइ तेइ हिरना हिरन बाक्‍मा बाक्‍त। दाऊद कैलाह रे प्रोक्‍त, देंशो लोव़ नेंशा, सावल लेम्‍माक्‍त।
1SA 23:14 दाऊद जीफ ङा पहाड ङा गोरशो रागीमी बोल्‍यो ख्रुइश्‍शा बाक्‍तीकेमी ख्रुइश्‍शा बाक्‍माक्‍त। सावल मेको कली नाक्‍त किंत किंत माल्‍शा गाक्‍बाक्‍माक्‍त। तन्‍न परमप्रभुम दाऊद कली मेको आ गुइमी मगेवा बाक्‍त।
1SA 23:15 दाऊद जीफ ङा गोरशो रागी ङा होरेशम बाक्‍मेनु, सावलम थमा पा आ कली साइक्‍चा कली ग्रूशा पिशो बाक्‍ब, दे तुइक्‍ता बाक्‍त।
1SA 23:16 मिनु सावल आ तौ योनाथन दाऊद आ बाक्‍तीक होरेश जाक्‍दीम्‍माक्‍त। मिनु मेको कली परमप्रभु आ नेंमी आ थुं बारपदा बाक्‍त।
1SA 23:17 मेकोमी “गे महिनीन। गे आं आफ आ गुइ रे मबेक्‍नीनी। मेकोम इन कली मथिप्‍ब। गे इस्राएल ङा पिप दुम्‍नीनी। गो इन दी ङा दुम्‍नुङ। मेको लोव़ आं आफोम तुइश्‍शो बाक्‍ब” देंमाक्‍त। १सामुएल २०:३०-३१; १सामुएल २४:२१
1SA 23:18 मिनु नोले मेको निक्‍शीमी परमप्रभु यावे आ ङोंइती कबल पाम्‍से बाक्‍त। मिनु दाऊद होरेशम बाक्‍माक्‍त। योनाथन चहिं आ खिं लेम्‍माक्‍त। १सामुएल १८:३
1SA 23:19 मिनु जीफ ङा मुरपुकीम सावल गिबाम बाक्‍मेनु “दाऊद आंइ दाते ङा बोल्‍यो ख्रुइश्‍शा बाक्‍तीक होरेशम बाक्‍ब। मेको हाकीलाह डांडा रे येशीमोन आ दक्‍खिन गे बाक्‍ब। १सामुएल २६:१; भजन संग्रह ५४:२
1SA 23:20 मुल गे गेना ब्रुप्‍चा दाक्‍नीनी, मेना ब्रुपीन। मिनु गो मेको कली इन गुइम गेनीकी” दे लोव़ पामे बाक्‍त।
1SA 23:21 मिनु सावलमी “थमा पा परमप्रभु यावेम इन कली आसीक गेवल। मारदे हना गो आं कली शिशी पाइतीनी।
1SA 23:22 मुल लशा, चिनु रु‍पीन। मिनु मेको ते बाक्‍मे? मेको कली सुम तवा तुइक्‍तीन। मेको मुर आन मिक्‍च सिल्‍ब बाक्‍ब।
1SA 23:23 मेको तेको ख्रुइक्‍तीकेम बाक्‍मे, रिम्‍शो पा रु‍पीन। मिनु आं बाक्‍तीक जाक्‍शा शेंदीनी। मिनु गो गेपुकी नु लाइ‍नुङ। मेको एको रागीम बाक्‍त हना, गो यहूदा आ खिं खिं ङा मुर आन दाते रे माल्‍शा ग्रुंइनुङ” देंमाक्‍त।
1SA 23:24 मिनु मेकोपुकी रीब पा सावल क्‍येङा ङोंइती जीफ गे लमा बाक्‍त। दाऊद नु आ मुर चहिं अराबाह ङा माओनम बाक्‍मा बाक्‍त। मेको येशीमोन आ दक्‍खिन गे ङा गोरशो रागीम बाक्‍ब। यहोसु १५:५५
1SA 23:25 सावल आ मुरपुकी नु मेको आन कली माल्‍थ गाक्‍माक्‍त। दाऊदम मेको लोव़ नेंशा, रोंगु लुक्‍च लशा, माओन ङा गोरशो रागीम बाक्‍मा बाक्‍त।
1SA 23:26 सावल मेको डांडामी लमाक्‍त। दाऊद नु आ मुर मेको डांडा आ अर्को पटटी बाक्‍मा बाक्‍त। दाऊद नु आ मुरपुकी प्रोक्‍चा माल्‍ना माल्‍न बाक्‍मा बाक्‍त। सावल नु मेको आ नोले खोइक्‍बपुकीम चहिं मेको आन कली ग्‍याइक्‍चा कली आन नेक्‍था जाक्‍दीम्‍मा बाक्‍त।
1SA 23:27 मिनु लोव़ कुरब मुर का सावल आ बाक्‍तीक जाक्‍शा “रीब पा जाक्‍कीन। मारदे हना पलिस्‍तीपुकीम इन रागीम मारेइ मारेइ रोइक्‍ना रोइक्‍न श्‍येत गेशो बाक्‍नीम” देंमाक्‍त।
1SA 23:28 मोपतीके सावल, दाऊद कली खेदा पचा प्रोंइशा, पलिस्‍तीपुकी नु लडाइ पथ लेम्‍माक्‍त। मोपतीके मेको कली “प्रोक्‍पाइक्‍ब रोंगु” देंनीम।
1SA 23:29 मेको नोले दाऊद डांडा ङोइश्‍शा एन-गेदी ङा बोल्‍यो ख्रुइश्‍शा बाक्‍तीक मेर बाक्‍माक्‍त।
1SA 24:1 मिनु सावल पलिस्‍ती आन कली खेदा पा लेम्‍मेनु, मुरपुकीमी मेको कली “दाऊद एन-गेदी ङा गोरशो रागीम बाक्‍ब” दे लोव़ पामे बाक्‍त। यहोसु १५:६२
1SA 24:2 मिनु सावलमी इ‍स्राएल रे योव़शो हजार सां मुर लाइश्‍शा, दाऊद कली रोको‍श आन रोंग गे मला बाक्‍त।
1SA 24:3 मेको लांमी भेडा योव़बपुकी बाक्‍मा बाक्‍त। मेको आ नेक्‍था पुक्‍खी का यो बाक्‍माक्‍त। मिनु सावल मेको आगा ङाइक्‍चा कली ओव़माक्‍त। मेको पुक्‍खी आ नेल्‍ल क्‍येङा आगाम दाऊद नु आ मुरपुकी ख्रुइश्‍शा बाक्‍शो बाक्‍मा बाक्‍त।
1SA 24:4 मिनु दाऊद आ मुरपुकीम “परमप्रभु यावेम देंशो खोदेंशो पा इन जोरी सत्रु कली इन गुइमी गेतीक नाक्‍त मुलाक्‍त बाक्‍ब। एको कली मार पचा दाक्‍नीनी मेको पने चाप्‍नीनी” देंमा बाक्‍त। मिनु दाऊद सिक्‍सी पा लशा, सावल आ वा आ सुर का रिक्‍गा बाक्‍त। भजन संग्रह १४२:१
1SA 24:5 मोपा रिक्‍गा नोले “ला गो पिप आ वा रिक्‍‍ता” दे इच्‍का हिंमाक्‍त।
1SA 24:6 मिनु दाऊदम आ मुर आन कली “गो आं ठेयब मुर, परमप्रभु यावेम तेल लुक्‍शो मुर कली मारेइ मपाइ‍नुङ। गो मेको कली मसाइक्‍नुङ। मारदे हना मेको परमप्रभु यावे आ तेल लुक्‍शो मुर बाक्‍ब” देंमाक्‍त।
1SA 24:7 मोपा दाऊदम आ मुर आन कली हुइश्‍शा, सावल कली मारेइ पाइक्‍चा मगेमी बाक्‍त। मिनु सावल बोक्‍शा, पुक्‍खी रे आ लां खोदा बाक्‍त। १सामुएल १:३४
1SA 24:8 मेको नोले दाऊद यो पुक्‍खी रे लाङगा ग्रूमाक्‍त। मिनु सावल कली “आं प्रभु, आं पिप” दे ब्रेत्‍ता बाक्‍त। मिनु सावल आ नोले लेश्‍शा कोव़ङा बाक्‍त। मिनु दाऊद बाप्‍शा खुम्‍की पा सेउ पवा बाक्‍त।
1SA 24:9 मिनु दाऊदमी “गे मारदे आं पर्बम मुर आन लोव़ नेंनीनी? गो इन कली मरिम्‍शो पाइब, दे थमा सुइक्‍नीनी?
1SA 24:10 मुलाक्‍त गेन तुइक्‍ताक्‍नी। मुलाक्‍त पुक्‍खी आगाम परमप्रभु यावेमी इन कली आं गुइम गेशो बाक्‍त। का निक्‍शीम ‘इन कली साइक्‍चा’ थुं पाम्‍तेक्‍म। तन्‍न गो इन कली प्रोंइशा सोइक्‍ताक्‍ङ। मिनु गो ‘आं प्रभु, इन कली मसाइक्‍नुङ। मारदे हना मेको परमप्रभु यावे आ तेल लुक्‍शो मुर बाक्‍ब’ देंती।
1SA 24:11 कोव़ङीन, आं आफ एको आं गुइम बाक्‍शो वा कोव़ङीन। गो एको रिक्‍ता, तन्‍न इन कली मसदु। मोपतीके गे रु‍पीन। गो इन कली श्‍येत गेचा नु साइक्‍चा ममिम्‍तु। गो इन कली मारेइ पाप मपङ। मो हना यो गे आं कली साइक्‍चा दाक्‍नीनी।
1SA 24:12 परमप्रभु यावेम इस दातेम निसाफ पवल। मेकोमी आं पर्बम इन कली क्‍येक्‍क लेत्‍ताक्‍व हना यो, गो इन कली मारेइ मपाइ‍‍नुङ।
1SA 24:13 साइ ङोंइती ङा लोव़मी ‘मरिम्‍शोमी मरिम्‍शोन जाक्ब’ देंशो बाक्‍ब। मो हना यो गो आं गुइ इन पर्बम मक्‍युक्‍नुङ। रोमी १२:१९; १ पत्रुस २:२३
1SA 24:14 इस्राएल ङा पिप सु का आ पर्बम बोक्‍शो बाक्‍बा? गे सु कली खेदा पना पन बाक्‍नीनी? बेक्‍शो कुचुम, चुक्‍बे का कली खेदा पाइनीनी?
1SA 24:15 परमप्रभु यावे निसाफ पाइब बाक्‍ब। मिनु मेकोमी इस दातेम निसाफ पवल। परमप्रभु यावेम कोव़ङल। आं परमप्रभु यावेम आं कली इन गुइ रे प्रोंइब” देंमाक्‍त।
1SA 24:16 मिनु दाऊद ब्‍वाक्‍ने थुमा नोले, सावलम “मार, मेको इ सेंदा बाक्‍ब, आं तौ दाऊद?” देंशा, ङाक्‍माक्‍त।
1SA 24:17 मिनु मेकोमी दाऊद कली “गे आं क्‍येङा ठीक पाइब मुर बाक्‍नेवे। गे आं कली रिम्‍शो पाप्‍तीवी। गो चहिं इ कली मरिम्‍शो पाता।
1SA 24:18 मुलाक्‍त गे आं कली रिम्‍शो पाप्‍तीवी। परमप्रभु यावेमी मुलाक्‍त आं कली इ गुइम गेप्‍तु। तन्‍न गे आं कली मसाइय्‍यी।
1SA 24:19 सुइमी आंम जोरी सत्रु आन कली थिश्‍शा, रिम्‍शो पा लचा मगेब। मोपतीके मुलाक्‍त इ पशो गेय आ पर्बम परमप्रभु यावेम इ कली इनाम गेवल।
1SA 24:20 मुल गो थमा पा तुइक्‍ताक्‍ङ गे पिप दुम्‍नेवे। इ पालाम इस्राएलम थम रिम्‍शो दुम्‍ब।
1SA 24:21 मोपतीके परमप्रभु यावे आ नेंम आं खिं ङा मुर आन कली, आं चच युइ आन कली खतम मपाइ‍नुङ। आं नें आं आफ आ खिं रे मक्‍याम्‍नुङ, दे कसम जावो” देंमाक्‍त। १सामुएल २३:१७
1SA 24:22 मिनु दाऊदमी सावल नु कसम जवा बाक्‍त। मिनु सावल आ खिं लेम्‍माक्‍त। दाऊद नु आ मुरपुकी चहिं आन बोल्‍यो ख्रुइश्‍शा बाक्‍तीक पुक्‍खीम लेम्‍मा बाक्‍त।
1SA 25:1 मिनु सामुएल बेक्‍माक्‍त। मिनु इस्राएली नेल्‍ल बुक्‍शा, मेको आ पर्बम रोंका पामे बाक्‍त। मेको कली आ खिं रामाह उइ थिम्‍मे बाक्‍त। मेको नोले दाऊद पारान ङा गोरशो रागीम ब्रुम्‍माक्‍त। १सामुएल २८:३
1SA 25:2 माओनमी कारमेल ङा मुर का बाक्‍माक्‍त। मेको शुश शोंप पाइश्‍शो मुर बाक्‍माक्‍त। मेको के हजार सां भेडा नु हजार का क्‍यारश बाक्‍मा बाक्‍त। मेको कारमेलम आ भेडा आन ऊन प्रेक्‍शो बाक्‍माक्‍त। यहोसु १५:५५
1SA 25:3 मेको आ नें नाबाल बाक्‍माक्‍त। आ मीश आ नें अबीगेल बाक्‍माक्‍त। अबीगेल दारशो नु निप्‍स पाइश्‍शो मीश मुर बाक्‍माक्‍त। मेको आ वोंइश, कालेब आ चच युइ, खकटा थुं पाइश्‍शो मरिम्‍शो पाइब बाक्‍माक्‍त।
1SA 25:4 दाऊदमी गोरशो रागीम “नाबालमी आ भेडा आन ऊन प्रेक्‍शो बाक्‍ब” देंशो लोव़ नेना बाक्‍त।
1SA 25:5 मिनु दाऊदमी आ १० ठिटा मुर आन कली “कारमेल लने। मिनु नाबाल कली ग्रुमीन। मिनु मेको कली आं नेंमी ‘रिम्‍शो बाक्‍कीन’ मतीन।
1SA 25:6 मिनु मार देनीन देंशा हना ‘इन थुं नांइसेक्‍ल। इन खिं ङा मुर थुं नाइश्‍शा बाक्‍चा तामेक्‍ल। गे नु बाक्‍ब नेल्‍ले थुं नाइश्‍शा बाक्‍मल।
1SA 25:7 गे नु भेडा आ ऊन प्रेक्‍ब मुर बाक्‍नीम, देंशो लोव़ नेंता। इन भेडा योव़बपुकी गो नु बाक्‍शो बाक्‍तेक्‍म। मिनु गो मेको आन कली मारेइ मरिम्‍शो मपक। मेकोपुकी कारमेलम बाक्‍मानु, मेको आन के मारेइ मजाम।
1SA 25:8 इन ठिटा आन कली हिल्‍लो पने। मिनु मेकोपुकीम इन कली शेंनीम। मोपतीके आं मुर आन कली रिम्‍शो पा शिशी पा ब्रने। मारदे हना मुलाक्‍त चाड का बाक्‍ब। इन गेय पाइब नु इन तौ दाऊद कली मार गेने चाप्‍नीनी मेको गेने’ देंत, दे मतीन” देंमाक्‍त।
1SA 25:9 मिनु दाऊद आ ठिटा मुरपुकी ल‍शा, नाबाल कली दाऊद आ नेंमी मेको लोव़ नेल्‍ल मदमे बाक्‍त। मिनु रिम्‍तमे बाक्‍त।
1SA 25:10 तन्‍न नाबालमी दाऊद आ मुर आन कली “दाऊद माइश्‍शो सु बाक्‍बा? येस्‍से आ तौ बाक्‍बा? सिनाक्‍त मुलाक्‍ती आन होव़प रे प्रोक्‍शो वाइल शुश बाक्‍नीम।
1SA 25:11 आं शोब्‍ले, आं ब्‍वाक्‍कु नु ऊन प्रेक्‍ब आन कली सेल्‍शो श्‍ये लाइश्‍शा, मतुइश्‍शो मुर आन कली गेनुङा?” दे माइक्‍मी बाक्‍त।
1SA 25:12 मिनु दाऊद आ ठिटा मुरपुकी लेश्‍शा, जाक्‍दीश्‍शा, दाऊद कली मेको लोव़ नेल्‍ल शेंदमे बाक्‍त।
1SA 25:13 मिनु दाऊदम आ मुर आन कली “नेल्‍लेमी आंम आंम तरवार पिम्‍सीन” देंमाक्‍त। दाऊदमी यो आ तरवार पिम्‍से बाक्‍त। मिनु ४ सहे जना खोइ मुर दाऊद आ नोले खोदमे बाक्‍त। सहे निक्‍शी मुर चहिं मार मार खाल पचा कली मेक उइ बाक्‍मा बाक्‍त।
1SA 25:14 मिनु नाबाल आ ठिटा मुर कामी नाबाल आ मीश अबीगेल कली “दाऊदम गोरशो रागी रे आ मुर आन कली आंइ होव़प कली मान पा, मार मार पुंइथ सोइश्‍शो बाक्‍त। तन्‍न आंइ होव़पमी मेको आन कली हुइक्‍ताक्‍व।
1SA 25:15 मेको मुरपुकीम आंइ कली रिम्‍शो पशो नम। आंइ कली मारेइ श्‍येत मगेम। गोपुकी मेकोपुकी नु ब्‍वाकीम नाक्‍दो नाक्‍ती एर ओंथ पकानु, आंइ के मारेइ मजाम।
1SA 25:16 गो आंइ भेडा योव़दीकानु, मेकोपुकी नाक्‍दो नाक्‍ती आंइ एर ओंथ गारो खोदेंशो पा बाक्‍तेक्‍म।
1SA 25:17 गे मार पचा माल्‍नीनी मेको रिम्‍शो पा मिम्‍तीन। मारदे हना, आंइ होव़प नु आ खिं थमा पा खतम दुम्‍ब। आंइ होव़प थम मरिम्‍शो बाक्‍ब। मेको नु लोव़ पने सुइ मचाप्‍ब” देंमाक्‍त।
1SA 25:18 मोपतीके अबीगेलम रीब पा सहे निक्‍शी शोब्‍ले, थैलो निक्‍शी अङगुर शांबु, क्‍योरशा ठीक सेल्‍शो ५ ओटा भेडा, ५ एफाह तांब्रा, सहे का सोव़पाइश्‍शो अङगुर के शोब्‍ले नु सहे निक्‍शी सोव़पाइश्‍शो फोव़शी गेडा के शोब्‍ले ठीक पा गधा आन कली कुरपदा बाक्‍त। एफाह का ७ लिटर खोदेंशो पा रीब।
1SA 25:19 मिनु मेकोमी आ ठिटा गेय पाइब आन कली “गे आं ङोंइती लने। गो इन नोले पीनुङ” माइक्‍मी बाक्‍त। तन्‍न आ वोंइश नाबाल कली मेको मशेंदा बाक्‍त।
1SA 25:20 मिनु मेको डांडाम फारतीक रे गधा लना लन बाक्‍मानु, दाऊद नु आ मुरपुकी मेको आन गे लुक्‍च ब्रुम्‍ना ब्रुम्‍न बाक्‍मा बाक्‍त। मिनु अबीगेलमी मेको आन कली ग्रुमा बाक्‍त।
1SA 25:21 मिनु दाऊदमी “गोरशो रागीम मारेइ मजाम्‍चा ङा पा, मेको मुर आ मार मार खाल पशो मोशा दुम्‍त। मेकोम आ कली रिम्‍शो पाइश्‍शो आ पा ङा, आं कली मरिम्‍शो पाइक्‍ती” देंमाक्‍त।
1SA 25:22 मिनु दाऊदमी “दीसा सुनी सम्‍म गो मेको आ खिं ङा वोंइश मुर नेल्‍ल मसाइक्‍ताक्‍मी हना, परमप्रभुम आं कली मोन पवल” दे कसम जवा बाक्‍त।
1SA 25:23 मिनु अबीगेलमी दाऊद कली तशा, आ गधा रे फ्रु तोइश्‍शा, दाऊद आ ङोंइती बाम्‍माक्‍त।
1SA 25:24 मेको आ खोइलीम बाप्‍शा “आ प्रभु, दोस ताइब गो नङ। इन वाइलीम कली ब्‍वाक्‍चा गेने। आं लोव़ नेनीन।
1SA 25:25 आ प्रभु, मेको शोर गाक्‍शो मुर आ पर्बम मगाइक्‍तीन। मेको आ नें दोपा नाबाल बाक्‍मे, मेको मो देंशोन बाक्‍ब। आ नें नाबाल बाक्‍ब। मिनु मेको मूर्ख बाक्‍ब। तन्‍न गो, इन गेय पाइबम, इन सोइश्‍शो ठिटा आन कली मतङमी।
1SA 25:26 आ प्रभु, परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, परमप्रभु यावेमी इन कली हुश ख्राक्‍श पोक्‍तीक नु क्‍येक्‍क लेत्‍तीक रे तेक्‍शो बाक्‍ब। इन जोरी सत्रु नु इन कली मरिम्‍शो पाइब नाबाल खोदेंशो दुम्‍मल।
1SA 25:27 मिनु इन गेय पाइबम, आ प्रभु, इन कली चाक्‍शो कोसेली इन नोले खोइक्‍ब ठिटा आन कली गेन।
1SA 25:28 इन गेय पाइब आ मरिम्‍शो पशो ङा आं कली माफ गेयीनी। परमप्रभु यावेमी आं प्रभु, इन खिं ङा मुर आन कली गेना हना यो रिम्‍शो पवल। मारदे हना गे परमप्रभु यावे आ पर्बम लडाइ पशो बाक्‍नीनी। गे बाक्‍नी सम्‍म इन कली मारेइ मरिम्‍शो मदुम्‍ब। २सामुएल ७:१६
1SA 25:29 सुइ मुरुम इन कली खेदा पा साइक्‍चा माल्‍तु हना, परमप्रभु यावे, इन परमप्रभुमी इन कली कोव़ब। तन्‍न इन जोरी सत्रु आन कली चहिं हुरदम वोइश्‍शा ताइश्‍शो फुल्‍लु खोदेंशो पा ताइक्‍ब। भजन संग्रह ६९:२९
1SA 25:30 परमप्रभु यावेम आं प्रभु, इन कली, आ देंशो खोदेंशो पा रिम्‍शो पाप्‍तु हना नु इन कली इस्राएल ङा सासन पाइब सेल्‍तु हना, २सामुएल ५:२
1SA 25:31 गे मो हुश ख्राक्‍श पोक्‍तीक नु इन गाइश्‍शोमी मरिम्‍शो पशो आ पर्बम सुर्ता पचा ममाल्‍नीनी। इन थुं खाइक्‍पाइक्‍चा ममाल्नीनी। मिनु परमप्रभु यावेमी इन कली रिम्‍शो पाप्‍तु हना, इन गेय पाइब, आं कली यो मिम्‍तीन” देंमाक्‍त।
1SA 25:32 मिनु दाऊदमी अबीगेल कली “मुलाक्‍ती आं कली ग्रुम्‍पाइक्‍चा कली इन कली सोइक्‍ब परमप्रभु यावे, इस्राएली आन परमप्रभु ठेयब बाक्‍ल।
1SA 25:33 इन मिम्‍तीक रिम्‍शो बाक्‍ब। गे मुलाक्‍ती आं कली हुश ख्राक्‍श पोक्‍तीक नु क्‍येक्‍क लेत्‍तीक रे तेक्‍तीके आसीक राइनीनी।
1SA 25:34 मिनु परमप्रभु यावेम आं कली इ कली श्‍येत गेतीके रे तेक्‍शो बाक्‍ब। मारदे हना गे रीब पा आं कली ग्रुम्‍थ जाक्‍तीनी। मो मपशो ननी हना परमप्रभु यावे, इस्राएली आन परमप्रभु ब्रोंइशा बाक्‍शो खोदेंशो पा, सुनी सम्‍म नाबाल आ खिं ङा वोंइश मुर का सम्‍म यो मलीम वा” देंमाक्‍त।
1SA 25:35 मिनु दाऊदमी अबीगेलमी आ कली चाक्‍शो कोसेली ब्रवा बाक्‍त। मिनु “इन थुं नाइश्‍शा खिं लेतीन। गो इन लोव़ नेंशा बिस्‍साक्‍यी” देंमाक्‍त।
1SA 25:36 मिनु अबीगेल लेश्‍शा जाक्‍मेनु, नाबालमी आ खिंमी, पिपम खोदेंशो पा ठेयब भोज सेल्‍शा भोज पशो तवा बाक्‍त। नाबाल ग्‍येरसीशा शांबुम दुक्‍शा बाक्‍शो बाक्‍माक्‍त। मेको थाम्‍पा दुक्‍शा बाक्‍तीके आ मीशेमी सुनी सम्‍म रिम्‍शो मरिम्‍शो मारेइ शेंने मचबा बाक्‍त।
1SA 25:37 सुनी शांबुम प्रोना नोले आ मीशेमी लोव़ नेल्‍ल शेंदा बाक्‍त। मिनु मेको आ लुङगीर खाइश्‍शा, फुल्‍लु खोदेंशो दुम्‍माक्‍त।
1SA 25:38 मिनु १० नाक्‍त नोले परमप्रभु यावेमी मेको कली बेक्‍पदा बाक्‍त।
1SA 25:39 मिनु दाऊदम नाबाल बेक्‍शो लोव़ नेंशा मेकोमी “परमप्रभु यावे ठेयब बाक्‍ब। मारदे हना मेकोमी आं कली मरिम्‍शो पशो आ पर्बम नाबाल कली सजाइ गेप्‍तु। मिनु आ गेय पाइब, आं कली मरिम्‍शो पतीक रे तेक्‍ती। नाबाल आ मरिम्‍शो पशो आ पियामीन मोइक्‍तु” देंमाक्‍त। मिनु दाऊदमी अबीगेल कली आ मीश सेल्‍चा कली लोव़ पथ मुर सोइक्‍ता बाक्‍त।
1SA 25:40 मिनु दाऊद आ गेय पाइबपुकी अबीगेल आ बाक्‍तीक कारमेल लशा, मेको कली “दाऊदमी गे नु ग्युंबे पचा कली आंइ कली ब्रथ सोइक्‍ताक्‍व” देंमा बाक्‍त।
1SA 25:41 मिनु अबीगेल बोक्‍शा बाप्‍शा सेउ पा “गो इन गेय पाइब आन खोइल चिक्‍ब वाइलीम नङ” देंमाक्‍त।
1SA 25:42 मिनु अबीगेल रीब पा सासे बाक्‍त। गधा ङोइश्‍शा आ ५ जना गेय पाइब लाइश्‍शा लोव़ चाक्‍ब दाऊद आ मुरपुकी नु लमाक्‍त। मिनु मेको आ मीश दुम्‍माक्‍त। १सामुएल २७:३; १सामुएल ३०:५; २सामुएल ३:३
1SA 25:43 दाऊदम मेको क्‍येङा ङोंइती येज्रेल ङा अहीनोआम कली यो ग्‍युं‍बे पशो बाक्‍माक्‍त। मिनु मेको निम्‍फा मेको आ मीश दुम्‍सा बाक्‍त।
1SA 25:44 मेना सावलमी आ तमी, दाऊद आ मीश मिकाल कली गाल्‍लीम ङा लाइश आ तौ पाल्‍ती कली गेवा बाक्‍त। २सामुएल ३:१४-१५
1SA 26:1 मिनु जीफ ङा मुरपुकी सावल आ बाक्‍तीक गिबाम जाक्‍शा “दाऊद येशीमोन आ आइक्‍ची हाम हाकीलाह डांडाम ख्रुइश्‍शा बाक्‍शो बाक्‍ब” दे शेंदमे बाक्‍त। १सामुएल २३:१९-२४:२३; भजन संग्रह ५४:२
1SA 26:2 मिनु सावलमी दाऊद कली माल्चा, दे हजार सां इस्राएल ङा योव़शो मुरपुकी लाइश्‍शा, रीब पा जीफ ङा गोरशो रागी गे लमाक्‍त।
1SA 26:3 येशीमोन आइक्‍ची हाम ङा हाकीलाह डांडा ङा लां आ नेक्‍था आन बाक्‍तीक सेल्‍मे बाक्‍त। मेना दाऊद चहिं गोरशो रागीमी बाक्‍माक्‍त। मिनु सावलम आ कली खेदा पचा कली गोरशो रागीम जाक्‍शो बाक्‍ब देंशो लोव़ नेंना चोटीन
1SA 26:4 दाऊदमी क्‍यारी पाइबपुकी सोइक्‍ता बाक्‍त। मिनु सावल आ बाक्‍तीके तुइश्‍शा लेम्‍मा बाक्‍त।
1SA 26:5 मिनु दाऊद सावल आ बाक्‍तीक गे लमाक्‍त। मिनु सावल नु आ लडाइ पाइब आन नेल्‍ल क्‍येङा ठेयब मुर, नेर आ तौ आब्‍नेर इप्‍शा बाक्‍शो थिदा बाक्‍त। आ मुर नेल्‍लेम एर ओंथ रे हिरतीकेमी सावल इप्‍शो बाक्‍माक्‍त। १सामुएल १४:५०
1SA 26:6 दाऊदमी हित्ती अहीमेलेक नु सेरूयाह आ तौ योआब आ लोक्‍ब अबीशै गे लेश्‍शा कोव़शा “सावल आ बाक्‍तीकेम गो नु सु लने चाप्‍बा” देंमाक्‍त। मिनु अबीशैमी “गो लाइ‍नुङ” देंमाक्‍त।
1SA 26:7 मिनु नाक्‍दो दाऊद नु अबीशै सावल आ बाक्‍तीकेम ओव़सा बाक्‍त। मिनु सावल आ मुर आन दातेमी आ तूतीक आ पिया गे ख्रुक्‍शा, इप्‍शो थित्से बाक्‍त। आब्‍नेर नु आ मुरपुकी चहिं सावल आ एर ओंथ हिरशा इप्‍शो बाक्‍मा बाक्‍त।
1SA 26:8 मिनु अबीशैमी दाऊद कली “परमप्रभुम मुलाक्‍ती इन जोरी सत्रु आन कली इन गुइमी गेशो बाक्‍माक्‍त। तूतीकेम काले‍मीन खप सम्‍म ग्रुक्‍सीचा ङा पा आप्‍चा कली हुकुम गेयीनी। गो खेयप निक्‍शी आप्‍‍चा ममाल्‍ङल” देंमाक्‍त। २सामुएल १६:९
1SA 26:9 तन्‍न दाऊदमी अबीशै कली “पिप कली साइक्‍चा ममिम्‍तो। परमप्रभु यावे आ तेल लुक्‍शो कली साइक्‍बपुकी सु चहिं सजाइ मतशो बाक्‍बा ङा?” देंमाक्‍त।
1SA 26:10 मिनु दाऊदमी लेंशा “परमप्रभु यावे ब्रोंइशा बाक्‍शो खोदेंशो पा, मेकोमीन मेको कली काबु साइक्‍ब कि आ बेक्‍ची नाक्‍त जाक्‍शा बेक्‍ब कि लडाइम लशा साइक्‍चा पुंइसीब। १सामुएल २४:१३
1SA 26:11 गो परमप्रभु यावे आ तेल लुक्‍शो पिप कली गेनायो मरिम्‍शो मपाइनुङ। तन्‍न मुल मेको आ पिया गे ख्रुक्‍शो तूतीक नु आ ब्‍वाक्‍कु तूतीक ग्‍योंब कुरशा गाक्‍स” देंमाक्‍त।
1SA 26:12 मिनु दाऊदम मेको आ पिया आ नेक्‍था बाक्‍शो तूतीक नु आ ब्‍वाक्‍क तूतीक कुरशा गाक्‍सा बाक्‍त। सुइमी मेको आस कली मतामे बाक्‍त। मिनु सुइ मसेंसीमा बाक्‍त। मारदे हना परमप्रभु यावेम मेको आन कली मारेइ मतुइक्‍चा ङा पा निन्‍द्रा पपदा बाक्‍त। उत्‍पत्ती १५:१२
1SA 26:13 मिनु दाऊद आइक्‍ची हाम लशा, डांडा ङोइश्‍शा मेको आन क्‍येङा ङोन राम्‍माक्‍त।
1SA 26:14 मिनु दाऊदम नेर आ तौ आब्‍नेर आ नें थिशा “ए आब्‍‍नेर, गे आं लोव़ लेत्‍ती” देंमाक्‍त। मिनु आब्‍नेरमी “गे पिप कली हुइश्‍शा लोव़ पाइब सु नवे” देंमाक्‍त।
1SA 26:15 मिनु दाऊदमी आब्‍नेर कली “मार गे मुर मनवे। मार इस्राएलमी अरु यो इ खोदेंशो मुर बाक्‍नीमी? गे मारदे इ प्रभु, पिप कली रिम्‍शो पा खाल मपवी? मारदे हना आं मुर का इ प्रभु, इ पिप कली साइक्‍चा कली मेकेर जाक्‍त।
1SA 26:16 इन पशो मरिम्‍शो बाक्‍ब। परमप्रभु यावे ब्रोंइशा बाक्‍शो खोदेंशो पा गे साइक्‍चा पुंइसीचा ङा बाक्‍नीनी। मारदे हना गे इन प्रभु कली खाल मपनी। परमप्रभु यावे आ तेल लुक्‍शो कली खाल मपनी। लो कोव़ङीन, मेको इन पिप आ पिया गे बाक्‍शो आ तूतीक नु ब्‍वाक्‍कु तूतीक ग्‍योंब ते बाक्‍म?” देंमाक्‍त।
1SA 26:17 मेना सावलमी दाऊद आ सेंदा नेंशा “आं तौ दाऊद, मेको इ सेंदा बाक्‍बा?” देंमाक्‍त। मिनु दाऊदमी “आं प्रभु, आं पिप, आं सेंदा बाक्‍ब” दे लोव़ लेत्‍ता बाक्‍त
1SA 26:18 मिनु दाऊदम “आं प्रभु, मारदे गे इन गेय पाइब, आं कली, खेदा पाइनीनी? गो मार पङा ङा? आं दोस मार बाक्‍बा?
1SA 26:19 मोपतीके आं प्रभु नु आं पिप, इन गेय पाइब, आं लोव़ नेनीन। परमप्रभु यावेमी इन कली आं कली खेदा पपाइक्‍चा कली पोक्‍शो बाक्‍त हना, मेकोमी चढ़ेतीक का ब्राइबा कों। तन्‍न बेक्‍शा लाइब मुरुम इन कली आं कली खेदा प‍चा कली पोक्‍शो बाक्‍त हना, मेको परमप्रभु यावे आ ङोंइती सराप रल। मारदे हना मेकोपुकीम मुलाक्‍त आं कली परमप्रभु यावे आ गेशो रू रे खेरशा ‘लावो, अरु देवी देवता आन कली सेउ पावो’ दे लोव़ पाम्तेक्‍म। उत्‍पत्ती ८:२१; ब्‍यवस्‍था ३२:९; २राजा ५:१७
1SA 26:20 मोपतीके परमप्रभु यावे क्‍येङा ङोन आं हुश मशाइक्‍पतीन। मारदे हना इस्राएल ङा पिप चुक्‍बे का कली माल्‍थ ग्रूशो बाक्‍ब। मेको पहाडम थेल्‍मी सिखार ग्‍यारशो खोदेंशो दुम्‍त” दे सावल कली देंमाक्‍त।
1SA 26:21 मिनु सावलमी “गो मरिम्‍शो पाता। आं तौ दाऊद, लेश्‍शा जाक्‍को। मुलाक्‍ती गे आं कली ब्रोंइचा गेती मुल रे गो इ कली गेनायो श्‍येत मगेनुङ। गो मूर्ख दुम्‍ती। गो थमा पा मरिम्‍शो पाता” देंमाक्‍त।
1SA 26:22 मिनु दाऊदमी “पिप आ तूतीक एक बाक्‍ब। इन ठिटा मुर का कुशा लदल।
1SA 26:23 परमप्रभु यावेम ठीक पाइब नु थमा सुइक्‍चा पुंइसीब मुर आन कली इनाम गेब। मिनु मुलाक्‍ती परमप्रभु यावेमी इन कली आं गुइमी गेप्‍तु। तन्‍न गो परमप्रभु यावे आ तेल लुक्‍शो कली साइक्‍ने मबिस्‍सीङ।
1SA 26:24 दोपा मुलाक्‍त गो इन ब्रोंइतीक ठेयब मिम्‍तु, मोपा परमप्रभु यावेम आं ब्रोंइतीक कली ठेयब मिम्‍तल। मिनु आं कली हिंचा ङा श्‍येत नेल्‍ल रे प्रोंइ‍यील” देंमाक्‍त।
1SA 26:25 मिनु सावलमी दाऊद कली “आं तौ दाऊद, गे आसीक रवेल। गे शुश गेय पशा, नेल्‍ल रिम्‍शो पाइ‍नेवे। मिनु गे ग्रा‍नेवे” देंमाक्‍त। मिनु दाऊद आ लां खोदा बाक्‍त। सावल चहिं आ बाक्‍तीक मेर लेम्‍माक्‍त।
1SA 27:1 दाऊदमी “काबु सावलम आं कली साइक्‍ब। मोपतीके पलिस्‍ती आन रागीम आं कली प्रोक्‍शा लचा रिम्‍शो दुम्‍ब। मिनु सावलमी इस्राएल आगामी आं कली माल्‍चा प्रोंइब। मिनु गो मेको आ गुइ रे ब्रोंइ‍नुङ” दे मिम्‍ता बाक्‍त। १सामुएल २३:२३
1SA 27:2 मोपतीके दाऊद नु आ ६ सहे मुर रीब पा सांद लाक्‍शा, गाथ ङा पिप माओक आ तौ अकीश आ बाक्‍तीकेम लमा बाक्‍त। १सामुएल २१:११-१६
1SA 27:3 दाऊद आ लडाइ पाइब मुर, मेको आन खिं ङा मुर नु दाऊद नु आ मीश निक्‍शी, येज्रेल ङा अहीनोआम नु कारमेल ङा बेक्‍शो नाबाल आ मीश अबीगेल गाथम अकीश नु बाक्‍मा बाक्‍त। १सामुएल २५:४०-४३
1SA 27:4 दाऊद गाथम प्रोक्‍शा लत देंशो लोव़ मुरुमी सावल कली नेंपदमे बाक्‍त। मिनु मेकोम दाऊद कली माल्‍चा प्रोना बाक्‍त।
1SA 27:5 दाऊदम अकीश कली “गे आं कली शिशी पाइतीनी हना, आं कली इन रागी ङा तेकोइ सहरम बाक्‍चा गेयीनी। गो दोपा पिप नु पिप आ सहरम बाक्‍नुङा?” देंमाक्‍त।
1SA 27:6 मिनु मेको नाक्‍ती अकीशम मेको कली सिकलाग गेवा बाक्‍त। मोपतीके मुल सम्‍म सिकलाग यहूदा ङा पिप आन के बाक्‍ब। यहोसु १५:३१
1SA 27:7 दाऊद पलिस्‍ती आन रागीम बर्स का ४ महिना सम्‍म बाक्‍माक्‍त।
1SA 27:8 दाऊद नु मेको आ मुरपुकी लडाइ पथ ग्रूमानु, गेशुरी, गिरजी अमालेकी आन मारेइ मारेइ रोइक्‍बाक्‍मा बाक्‍त। मारदे हना मेकोपुकी तेलाम रे शुर सम्‍म नु इजीप्‍त सम्‍म बाक्‍बाक्‍मा बाक्‍त।
1SA 27:9 दाऊदमी मेको आन रागीम मार मार रोइक्‍तानु, मेकेर ङा वोंइश मुर मीश मुर सुइ आन कली का यो मवोइक्‍थु साइक्‍बाक्‍माक्‍त। क्‍यारश भेडा, बी ब्‍यफ, गधा, दलओंठ वासी नेल्‍ल लाइश्‍शा अकीश आन बाक्‍तीक लेप्‍बाक्‍मा बाक्‍त।
1SA 27:10 मिनु अकीशमी मेको कली “मुलाक्‍त गे ते रोइक्‍तीनी” दे हिल्‍लो पाइ‍क्‍बाक्‍माक्‍त। मिनु मेकोमी “यहूदा रागी ङा नेगेब, येराहमेल आ मुर आन नेगेब नु केनी आन नेगेबम रोइक्‍ताक्‍क” देंबाक्‍माक्‍त।
1SA 27:11 दाऊदमी सेस मीश मुर वोंइश मुर आन कली गाथम मचाक्‍बाक्‍माक्‍त। मारदे हना मेको आन पशो गेय आ पर्बम दाऊद नु आ मुर आन कली मरिम्‍शो सेल्‍नीम, दे दाऊद हिंबाक्‍माक्‍त। पलिस्‍ती नु बाक्‍म सम्‍म मेकोम मोदेंशो पवा बाक्‍त।
1SA 27:12 अकीशम “दाऊदम आंम रागी इस्राएलमी मरिम्‍शो पतीके मेक बाक्‍चा मताइब। मोपतीके गेना हना यो आं मुर दुम्‍शा गो नु बाक्‍ब” दे मिम्‍शो बाक्‍माक्‍त।
1SA 28:1 मेना पलिस्‍तीपुकीम इस्राएल नु लडाइ पचा, दे आन लडाइ पाइब मुर आन कली खुप्‍तमे बाक्‍त। मिनु अकीशम दाऊद कली “गे नु इ मुरपुकी लडाइ पचा कली गो नु लडाइ पतीकेम लचा माल्‍नीनी। देंशो लोव़ तुइश्‍शो बाक्‍ङे माइ” देंमाक्‍त।
1SA 28:2 मिनु दाऊदमी अकीश कली “दुम्‍ब इन गेय पाइ‍बम मार पने चाप्‍बा, मेको गे तुइक्‍नीनी” देंमाक्‍त। मिनु अकीशमी दाऊद कली “गो इ कली बाक्‍ङे सम्‍म आं कली खाल पाइब सेल्‍नन” देंमाक्‍त।
1SA 28:3 सामुएल बेक्‍ने थुम्‍शो बाक्‍माक्‍त। मिनु इस्राएली नेल्‍लेमी मेको आ पर्बम रोंका पा मेको कली मेको आ सहर रामाहम थिम्‍शो बाक्‍मा बाक्‍त। सावलमी बेक्‍शो मुर रे लोव़ पाइब नु लिंक्‍यु कोव़ब आन कली मेको रागी रे ग्रुंइने थुम्‍शो बाक्‍माक्‍त। १सामुएल २५:१; प्रस्‍थान २२:१७
1SA 28:4 पलिस्‍तीपुकीमी नेल्‍ल क्‍येङा सक्ति पाइश्‍शो आन लडाइ पाइब आन कली ग्रुम्‍पाइश्‍शा, शुनेम सहरम आन बाक्‍तीक सेल्‍मे बाक्‍त। सावलम इस्राएली नेल्‍ल आन कली ग्रुम्‍पाइश्‍शा गिल्‍बोआम आन बाक्‍तीक सेल्‍शा बाक्‍मा बाक्‍त। यहोसु १९:१८
1SA 28:5 मिनु सावल पलिस्‍ती आन नेल्‍ल क्‍येङा सक्ति पाइश्‍शो लडाइ पाइब कली तशा, थाम्‍पा हिंशा ख्रिंख्रि पवा बाक्‍त।
1SA 28:6 मिनु सावलम परमप्रभु यावे कली हिल्‍लो पवा बाक्‍त। तन्‍न परमप्रभु यावेम ङोमुम, ऊरीम नु परमप्रभु यावे आ लोव़ पाइब आन रे लोव़ मलेत्‍ता बाक्‍त। १सामुएल १४:४१; प्रस्‍थान २८:३०
1SA 28:7 मोपतीके मेकोमी आ गेय पाइब आन कली “आं कली बेक्‍शो मुर नु लोव़ पाइब मीश मुर का मालीन। गो मेकेर लशा, मेको कली हिल्‍लो पाइ‍नुङ” देंमाक्‍त। मिनु “एन-डोरम मोदेंशो मीश मुर का बाक्‍ब” दे आ गेय पाइबपुकीमी देंमा बाक्‍त। लेवी १९:३१
1SA 28:8 मिनु सावल अर्को वा फेक्‍शा, आ मुर निक्‍शी नु मेकेर लमाक्‍त। मिनु नाक्‍दो मेको मीश मुर आ बाक्‍तीक जाक्‍दीशा, मेको कली “आं कली मार दुम्‍बा बेक्‍शो मुर कली हिल्‍लो पा शेंदीनी। मिनु गो तेको बेक्‍शो मुर कली ब्रेत्‍चा देंनुङा, मेको कली ब्रेत्‍तीन” देंमाक्‍त।
1SA 28:9 मेको मीश मुरुम मेको कली “सावलम मार पवा मेको गे तुइक्‍नीनी। मेकोमी बेक्‍शो मुर नु लोव़ पाइब नु लिंक्‍यु कोव़ब नेल्‍ल कली रागी रे ग्रुंइशा खेरतु। मिनु गे मारदे आं कली साइक्पाइक्‍चा कली ओदेंशो गेय पपाइक्‍चा माल्‍नीनी?” देंमाक्‍त।
1SA 28:10 मिनु सावलमी परमप्रभु यावे आ नेंम कसम जशा, मेको कली “परमप्रभु यावे ब्रोंइशा बाक्‍शो खोदेंशो पा, गे एको गेय आ पर्बम मारेइ सजाइ मताइनीनी” देंमाक्‍त।
1SA 28:11 मिनु मेको मीश मुरुम “सु कली ब्रेत्‍चा” दे हिल्‍लो पवा बाक्‍त। मिनु सावलमी “सामुएल कली ब्रेत्‍चा” देंमाक्‍त।
1SA 28:12 मिनु मेको मीश मुरुमी सामुएल कली तशा ठेयब सेंदा पा ग्रीशा सावल कली “गे आं कली मारदे मरिम्‍शो पवी? गे सावल बाक्‍ङे बाक्‍त” देंमाक्‍त।
1SA 28:13 मिनु पिपम मेको कली “महिनो। गे मार तवी” देंमाक्‍त। मिनु मेको मीश मुरुम “गो स्‍वर्ग ङा गेय पाइब खोदेंशो खप रे ग्रूशो ताता” देंमाक्‍त।
1SA 28:14 मिनु सावलमी “मेको दोदेंशो बाक्‍मे” दे हिल्‍लो पवा बाक्‍त। मिनु मेकोमी “खूशो मुर का ग्रूशा कुत। मेकोमी दारशो वा फेक्‍शो बाक्‍त” देंमाक्‍त। मिनु सावलमी मेको सामुएल बाक्‍ब, दे तुइश्‍शा खुम्‍की पा बाप्‍शा सेउ पवा बाक्‍त।
1SA 28:15 मिनु सामुएलमी सावल कली “गे मारदे आं कली श्‍येत गेशा, ग्रुंइदीनी?” देंमाक्‍त। मिनु सावलमी “गो थम ठेयब श्‍येतम बाक्‍नुङ। पलिस्‍तीपुकीम आं कली लडाइ तो‍शो बाक्‍नीम। परमप्रभुम आं कली प्रोंइती। मेकोम आं कली आ लोव़ पाइब नु ङोमु रे लोव़ मलेत्‍ती। मोपतीके गो इन कली ‘मुल मार पचा माल्‍नुङा’ दे हिल्‍लो पचा कली ब्रेत्‍ताक्‍न्‍‍नी” देंमाक्‍त।
1SA 28:16 मिनु सामुएलमी “परमप्रभु यावेम इ कली प्रोंइशा, इ जोरी सत्रु दुम्‍शो बाक्‍ब, दे तुइश्‍शा यो, गे आं कली मारदे हिल्‍लो पयी।
1SA 28:17 परमप्रभु यावेम ङोंइती आं कली देंशो खोदेंशो पा पाप्‍तु। परमप्रभु यावेमी मेको राज्‍य इ गुइ रे लाइश्‍शा, इ नेक्‍था ङा मुर दाऊद कली गेशो बाक्‍ब। १सामुएल १५:२८
1SA 28:18 मारदे हना गे परमप्रभु यावे आ देंशो मटिवी। अमालेकी आन पर्बम परमप्रभु यावे आ गाइश्‍शो गे मखबी। मोपतीके मेकोम मोदेंशो पाप्‍तु। १सामुएल १५:१८-१९; प्रस्‍थान १७:१४,१६
1SA 28:19 मुल चिनु तेम्‍शा, परमप्रभु यावेमी इस्राएली नु इ कली पलिस्‍ती आन गुइमी गे‍ब। दीसा गे नु इ तौपुकी गो नु बाक्‍नीनी। परमप्रभु यावेमी इस्राएल ङा लडाइ पाइब नेल्‍ल आन कली पलिस्‍ती आन गुइमी गे‍ब” देंमाक्‍त। १सामुएल ३१:६
1SA 28:20 मिनु सावल सामुएल आ लोव़ नेंशा हिंशा, आ थुं ग्‍येत्‍थ लुक्‍च दुम्‍शा, खपीम गोल्‍माक्‍त। मिनु नाक्‍त रे नाक्‍दो रे मारेइ मजतीके मेको आ बोल नेल्‍ल जाम्‍माक्‍त।
1SA 28:21 मिनु मेको मीश मुर सावल आ नेक्‍था लशा, सावल शुश हिंशो तशा, सावल कली “गो बेक्‍चा आ पर्बम महिंथु, इन देंशो टीता।
1SA 28:22 मोपतीके मुल गे आं लोव़ नेनीन। गो इन कली जचा थोव़क गेनुङ। बोल्‍यो दुम्‍शा इन लां गाक्चा कली मेको जने” देंमाक्‍त।
1SA 28:23 मिनु सावलमी “गो मजाइनुङ” देंमाक्‍त। तन्‍न आ गेय पाइबमी यो मेको मीश मुर आ देंशो लोव़मी लोव़ तेम्‍दा बाक्‍त। मिनु मेको आन देंशो लोव़ बिश्‍शा, खप रे बोक्‍शा, खाटम निस्‍से बाक्‍त।
1SA 28:24 मेको मीश मुर आ खिंमी दोम्‍शो बाछा का बाक्‍माक्‍त। मेको मीश मुरुम मेको बाछा क्‍योरशा क्‍येशा, फस निवा बाक्‍त। मिनु बोरब ओख्‍ती मसुप्‍शो शोब्‍ले चोवा बाक्‍त। प्रस्‍थान १२:३९
1SA 28:25 मिनु मेकोमी, सावल नु आ गेय पाइब आन कली ख्रेत्‍तीमी बाक्‍त। मिनु मेकोपुकीम मेको जशा ब्‍वशा मेको नाक्‍दोन गाक्‍मा बाक्‍त।
1SA 29:1 पलिस्‍तीपुकीमी लडाइ पाइब आन कली अफेकम पुक्‍गमे बाक्‍त। इस्राएलीपुकीम चहिं येज्रेल ङा ब्‍वाक्‍कु बुक्‍तीकेम आन बाक्‍तीक सेल्‍मे बाक्‍त। १सामुएल ४:१; यहोसु १५:५३
1SA 29:2 पलिस्‍ती आन ठेयब मुरुम आन नेल्‍ल क्‍येङा सक्ति पाइश्‍शो लडाइ पाइब आन कली सहे सहे नु हजार हजार ङा हुल पा कप्‍तान दुम्‍मा बाक्‍त। दाऊद नु आ मुरपुकी नोले ङा हुलमी अकीश नु गाक्‍शो बाक्‍मा बाक्‍त। यहोसु १३:३
1SA 29:3 मिनु पलिस्‍ती आन ठेयब मुरपुकीम “एको हिब्रूपुकी मारदे पिमा?” देंमा बाक्‍त। मिनु अकीशमी “एको इस्राएल ङा सावल आ गेय पाइब दाऊद बाक्‍ब। एको गो नु बर्स का क्‍येङा यो शुश बाक्‍त। एको गो नु बाक्‍म रे मारेइ मरिम्‍शो मतङ” देंमाक्‍त। १सामुएल २७:७
1SA 29:4 तन्‍न पलिस्‍ती आन ठेयब मुरपुकी गाइश्‍शा, अकीश कली “मेको मुर कली इन गेशो आ बाक्‍तीकेम सोइक्‍तीन। मेकोम आंइ कली वारच पा लडाइ मपवल। मो पाप्‍तु हना, मेकोम आंइ कली वारच प‍खु पा मरिम्‍शो पाइब। आंइ कली साइश्‍शा आ प्रभु आ शिशी तचा मेको कली नेल्‍ल क्‍येङा रिम्‍शो बाक्‍ब।
1SA 29:5 एको दाऊद बाक्‍ब। एको आ पर्बम ङोंइती मुरपुकीम ‘सावलम हजार हजार आन कली साइक्‍तीमी। तन्‍न दाऊदमी १० हजार हजार आन कली साइक्‍तीमी’ दे कुम्‍सो पना पन, सिल पाम्‍तेक्‍म” देंमा बाक्‍त। १सामुएल १८:७
1SA 29:6 मिनु अकीशमी दाऊद कली ब्रेश्‍शा “परमप्रभु यावे ब्रोंइशा बाक्‍शो खोदेंशो पा, गे थमा सुइक्‍चा पुंइसीब मुर बाक्‍नेवे। मिनु गे गो नु लडाइ पचा कली आं कली ठीक बाक्‍ब। मारदे हना इ जाक्शो रे मुल सम्‍म गेम मारेइ मरिम्‍शो पशो मतङ। तन्‍न मेको कप्‍तानपुकीमी इ कली थमा मसुइक्‍नीम।
1SA 29:7 मोपतीके गे रिम्‍शो पा लेश्‍शा खिं लावो। मेको पलिस्‍ती आन ठेयब मुर आन मिम्‍शो खोदेंशो पा मरिम्‍शो मपावो” देंमाक्‍त।
1SA 29:8 मिनु दाऊदमी अकीश कली “गो मार पङा ङा? गो इन गेय पचा गोङा रे गे आं कली मार मरिम्‍शो पशो तनी? गो आं प्रभु, आं पिप, आ जोरी सत्रु नु लडाइ पचा मताइक्‍नुङा?” देंमाक्‍त।
1SA 29:9 मिनु अकीशम दाऊद कली “गे आं पर्बम दोस मताइब नु परमप्रभु आ स्‍वर्ग ङा गेय पाइब खोदेंशो बाक्‍नेवे। तन्‍न पलिस्‍ती आन कप्‍तानम ‘गे मेकोपुकी नु लडाइ पथ लचा मदुम्‍नेवे’ देंतेक्‍म। २सामुएल १४:१७
1SA 29:10 मोपतीके दीसा सुनी कना बोक्‍शा, गे नु इ नोले खोइक्‍ब मुरपुकी आं गेशो सहरम लेतीन। दीसा सुनी कना बोक्‍कीन। मिनु नां सोव़म चोटीन लने” देंमाक्‍त।
1SA 29:11 मोपतीके दाऊद नु आ मुरपुकी पलिस्‍ती आन रागी लेत्‍चा कली सुनी कना बोक्‍मा बाक्‍त। पलिस्‍तीपुकी चहिं येज्रेल ङा लां खोदमे बाक्‍त।
1SA 30:1 मिनु लेम्‍मा आ नित्‍थ नाक्‍ती सिकलाग जाक्‍दीम्‍मा बाक्‍त। मेना अमालेकीपुकीमी नेगेब रोइक्‍ने थुम्‍शा, सिकलागम लडाइ तोशा मी सुइश्‍शो बाक्‍मा बाक्‍त। १सामुएल २७:६
1SA 30:2 मेकोपुकीम मीश मुर, आइक्‍च नु ठेयब मुर नेल्‍ल आन कली मसाइक्‍थु सेसीन लाइश्‍शो बाक्‍मा बाक्‍त। मेकोपुकीमी मेको आन कली ङोंइङोंइती गाक्‍पाइश्‍शा लाइक्‍ना लाइक्‍न बाक्‍मा बाक्‍त।
1SA 30:3 दाऊद नु आ मुरपुकी मेकेर जाक्‍दीम्‍मानु, सहर कली मीम क्रोइश्‍शो नु मेको आन मीश नु तमी तौ नेल्‍ल आन कली योल्‍शो तुइक्‍तमे बाक्‍त।
1SA 30:4 मिनु दाऊद नु मेको नु बाक्‍शो मुरपुकी ङाक्‍ने मचाप्‍थ्री ङाक्‍मा बाक्‍त।
1SA 30:5 दाऊद आ मीश निम्‍फा येज्रेल ङा अहीनोआम नु कारमेल ङा बेक्‍शो नाबाल आ मीश अबीगेल निम्‍फा ग्‍याइश्‍शा लाइक्‍चा पुंइसीसा बाक्‍त। १सामुएल २५:४२-४३
1SA 30:6 दाऊद कली हिंचा ङा दुम्‍शो बाक्‍त। मारदे हना मुरपुकीम मेको आन तमी तौ नेल्‍ल योल्‍ने थुम्‍तीके, दाऊद कली फुल्‍लु आप्‍शा साइक्‍नीकी देंशो बाक्‍मा बाक्‍त। तन्‍न दाऊदमी परमप्रभु यावे, आ परमप्रभु कली सक्ति पुना बाक्‍त।
1SA 30:7 मिनु दाऊदमी अहीमेलेक आ तौ चढ़ेब अबीयाथार कली “निसाफ पतीक ऊरीम नु थुम्‍मीम बाक्‍शो एफोद चाक्‍को” दे मदा बाक्‍त। मिनु चाक्‍गा बाक्‍त। १सामुएल २३:९
1SA 30:8 मिनु दाऊदमी परमप्रभु यावे कली “मार, गो मेको रोइक्‍ब आन कली खेदा पङा? गो मेको आन कली थिन्‍ने चाप्‍नुङा?” देंमाक्‍त। मिनु “मेको आन कली खेदा पावो। थमा पा, गे मेको आन कली थिश्‍शा, नेल्‍ल आन कली प्रोंइने चाप्‍नेवे” देंशो नेना बाक्‍त।
1SA 30:9 मिनु दाऊद नु मेको आ ६ सहे मुर गाक्‍मा बाक्‍त। मिनु बेसोर ङा खोल्‍सा सम्‍म जाक्‍दीम्‍मा बाक्‍त। मेकेर दशा गाक्‍ने मचाप्‍बपुकी बाक्‍मा बाक्‍त।
1SA 30:10 मिनु मेको आन दाते ङा सहे निक्‍शी मुर थाम्‍पा दशा, बेसोर खोल्‍सा शोक्‍ने मचाप्‍शो बाक्मा बाक्‍त। मिनु मेकोपुकी मेकेर बाक्‍मा बाक्‍त। दाऊद चहिं ४ सहे मुर लाइश्‍शा खेदा पचा कली लमाक्‍त।
1SA 30:11 मोपा गाक्‍ना गाक्‍न लमानु, मेकोपुकीमी इजीप्‍त ङा मुर का थित्मे बाक्‍त। मिनु मेको कली दाऊद आ बाक्‍तीक चाक्‍गमे बाक्‍त। मिनु मेको कली जचा तूचा गेमे बाक्‍त। मिनु मेकोमी जवा तूङा बाक्‍त।
1SA 30:12 मेको कली डल्‍ला का फोव़शी गेडा नु डल्‍ला निक्‍शी सोक्‍शो अङगुर यो गेमे बाक्‍त। मिनु मेको नेक्‍गा नोले मेको आ सोक्‍त पिमाक्‍त। मारदे हना मेकोम नाक्‍त सां नु नाक्‍दो सां सम्‍म मारेइ मजशो बाक्‍माक्‍त।
1SA 30:13 मिनु दाऊदम मेको कली “गे ते रे जाक्‍शो नवे। सु आ मुर नवे?” दे हिल्‍लो पवा बाक्‍त। मिनु मेकोमी “गो इजीप्‍त ङा ठिटा का नङ। अमालेकी का आ वाइल नङ। तन्‍न गो नाक्‍त सां ङोंइती रे रोइ पतीके आं होव़पम आं कली प्रोंइशा गाक्‍त।
1SA 30:14 गो यहूदा रागी ङा केरेथी आन नेगेब ङा मारेइ मारेइ नु कालेब आ नेगेब तेइ तेइ रोइक्‍ताक्‍क। मिनु सिकलाग सहरम मी सुइक्‍ताक्‍क” देंमाक्‍त। २सामुएल ८:१८; यहोसु १४:१३
1SA 30:15 मिनु दाऊदमी “गे आंइ कली लां कोंइशा मेको आन बाक्‍तीके चाक्‍दीन्‍ने चाप्‍नेवे?” देंमाक्‍त। मिनु मेकोमी “गे परमप्रभु आ ङोंइती ‘आं कली मसाइक्‍नीकी नु आं होव़प आ गुइम जिम्‍मा मगेनीकी’ दे कसम जने। मिनु गो लां कोंइशा मेको आन बाक्‍तीक चाक्‍दीत्‍नुङ” देंमाक्‍त।
1SA 30:16 मिनु मेकोम लां कोंइना कोंइन मेको आन कली उइ चाक्‍दीदा बाक्‍त। मेकेर अमालेकी एर ओंथ ब्रशा जशा तूशा सिल पा, आन रोइश्‍शो मार मार पुक्‍शा ग्‍येरशा बाक्‍शो बाक्‍मा बाक्‍त। मारदे हना मेकोपुकीम पलिस्‍ती नु यहूदा रे शुश मार मार रोइश्‍शो बाक्‍मा बाक्‍त।
1SA 30:17 मिनु दाऊदम मेको आन कली सुनी रे आ दीसा नाक्‍दो सम्‍म नेल्‍ल साइक्‍मी बाक्‍त। ४ सहे ठिटा मुर ला दल‍ओंठ ङोइश्‍शा प्रोक्‍मा बाक्‍त।
1SA 30:18 दाऊदमी अमालेकी आन रोइश्‍शो नेल्‍ल लेंशा थिदा बाक्‍त। मेको आ मीश निम्‍फा आस कली यो थिदा बाक्‍त।
1SA 30:19 मेको आन के मारेइ यो मजाम्‍माक्‍त। आन खिं ङा आइक्‍ची ठेयब, तमी तौ रोइश्‍शा लाइश्‍शो नेल्‍ल थोव़क थित्मे बाक्‍त। मोपा दाऊदमी मारेइ मारेइ प्रोना बाक्‍त।
1SA 30:20 दाऊद नु आ मुरपुकीम मेकोपुकीम ङोंइती रोइश्‍शो क्‍यारश भेडा, बी ब्‍यफ नेल्‍ल आन कली लदमे बाक्‍त। मिनु “एको नेल्‍ल दाऊद के बाक्‍ब” देंमा बाक्‍त।
1SA 30:21 नोले दाऊदम बेसोर ङा खोल्‍साम नाइश्‍शा बाक्‍शो सहे निक्‍शी मुर आन बाक्‍तीक जाक्‍माक्‍त। मेकोपुकी दाऊद कली नु मेको आ मुर आन कली ग्रुम्‍थ जाक्‍मा बाक्‍त। मिनु दाऊदम मेको नेल्‍ल आन कली “मार दुम्‍मे? दोपा बाक्‍नी” दे हिल्‍लो पवा बाक्‍त।
1SA 30:22 तन्‍न दाऊद नु लाइब का निक्‍शी शोर गाक्‍शो मुरपुकीम मेको आ लोव़ ख्रोइश्‍शा दाऊद कली “एको मुरपुकी गो नु मलम। गोपुकीम लशा रोइश्‍शा चाक्‍शो मार मार गो मेको आन कली योक्‍शा मगेनीकी। मेकोपुकीम आन मीश नु आन आलपुकी ला लद‍मेक्‍ल” देंमा बाक्‍त।
1SA 30:23 मिनु दाऊदमी मेको आन कली “परमप्रभु यावेम इं कली प्रोंइतु। एको नेल्‍ल गेप्‍तु। इं जोरी सत्रु आन कली इं गुइमी गेप्‍तु।
1SA 30:24 सुम इन देंशो लोव़ बिप्‍बा? खाल पाइब नु लडाइम लाइब नेल्‍लेम उइक्‍थ उइक्‍थ ताइनीम” देंमाक्‍त। गन्‍ती ३१:२४
1SA 30:25 मिनु दाऊदमी इस्राएलम मेको फुल्‍लुम मुशा ब्रेक्‍शो खोदेंशो पा नु निसाफ पतीक लोव़ पवा बाक्‍त। मेको मेना रे मुल सम्‍म लीशो बाक्‍ब।
1SA 30:26 मिनु दाऊद सिकलागम जाक्‍शा, रोइश्‍शो मार मार रे यहूदा ङा आ वारच खाल्‍पा आन कली “परमप्रभु यावे आ जोरी सत्रु रे रोइश्‍शो मार मार एको इन कली कोसेली बाक्‍ब” देंशा, सोइक्‍ता बाक्‍त।
1SA 30:27 मेकोमी सु सु आन कली कोसेली सोइक्‍ता बाक्‍त देंशा हना, बेथेल सहर, नेगेब ङा रामोथ सहर, यत्तीर, सहर
1SA 30:28 आरोएर सहर, सिफ्‍मोथ सहर, एश्‍‍तेमोआ सहर,
1SA 30:29 राकाल सहर, येराहमेल आ मुर आन सहरम बाक्‍ब आन कली, केनी आन सहरम बाक्‍ब आन कली, १सामुएल २७:१०
1SA 30:30 होरमा सहर, बोर-अशान सहर, अथाक सहर
1SA 30:31 हेब्रोन सहरम बाक्‍ब नेल्‍ल आन कली नु दाऊद नु आ मुर गाक्‍शो सहर गाउं नेल्‍ल आन कली कोसेली सोइक्‍तीमी बाक्‍त। ङोंइती मेकेर दाऊद नु आ मुरपुकीम मार मार पामे बाक्‍त।
1SA 31:1 पलिस्‍ती नु इस्राएली लडाइ पामे बाक्‍त। मिनु इस्राएली पलिस्‍ती आन क्‍येङा ब्रुशा प्रोक्‍मा बाक्‍त। शुश इस्राएली गिल्‍बोआ डांडाम साइक्‍चा पुंइसमा बाक्‍त।
1SA 31:2 पलिस्‍तीपुकीम सावल नु आ तौ आन कली साप्‍पा खेदा पामे बाक्‍त। मिनु सावल आ तौ सां योनाथन, अबीनादाब नु माल्‍कीशुआ आन कली सदमे बाक्‍त।
1SA 31:3 लडाइम सावलमी थाम्‍पा श्‍येत जवा बाक्‍त। मारदे हना लिब्रा आप्‍बम मेको कली ख्रपाइश्‍शा गार सेल्‍मे बाक्‍त।
1SA 31:4 मिनु मेकोम आ या कुरब कली “इ तरवार शोइश्‍शा आं कली साइय्‍यी। मिनु मेको ख्रोइक्‍तीक चिनु मख्रोइश्‍शोपुकीम आं कली शुक्‍शी पचा मतामेक्‍ल” देंमाक्‍त। तन्‍न मेको या कुरब हिंशा, मबिस्‍से बाक्‍त। मेको नोले सावलमी आ तरवार शोइश्‍शा आंमा थोक्‍सीशा बेक्‍माक्‍त। न्‍यायाधीस ९:५४
1SA 31:5 मिनु मेको या कुरबमी सावल बेक्‍शो तशा, मेको यो आ तरवारम थोक्‍सीशा मेको नु बेक्‍माक्‍त।
1SA 31:6 मोपा सावल, आ तौ सांफा, आ या कुरब नु लडाइ पाइब नेल्‍ल काबुमीन बेक्‍मा बाक्‍त।
1SA 31:7 बेंसी नु यर्दन आइक्‍ची हांबुम बाक्‍ब इस्राएलीपुकीम लडाइ पाइब इस्राएली प्रोक्‍शो नु सावल नु आ तौ नेल्‍ल बेक्‍शो नेंन्‍मे बाक्‍त। मोपतीके मेकोपुकी आंम आंम सहर प्रोंइशा प्रोक्‍मा बाक्‍त। मिनु पलिस्‍ती जाक्‍शा मेको सहर आन के सेल्‍मे बाक्‍त।
1SA 31:8 आ दीसा पलिस्‍तीपुकी बेक्‍शो आन मार मार रोइक्‍चा कली जाक्‍मा बाक्‍त। मिनु मेकोपुकीम गिल्‍बोआ डांडाम सावल नु आ तौपुकी बेक्‍शो थित्मे बाक्‍त।
1SA 31:9 मिनु मेकोपुकीम सावल आ पिया ख्रोदमे बाक्‍त। मिनु आ यापुकी लदमे बाक्‍त। मेको नोले मेकोपुकीम मेको रिम्‍शो लोव़ रागी ङा तेइ तेइ नु देवी देवता नेल्‍ल आन कली नेंपाइक्‍चा, दे मुर सोइक्‍तमे बाक्‍त।
1SA 31:10 मेकोपुकीम सावल आ यापुकी अश्‍तारोथ माइश्‍शो मूर्ति पाइश्‍शो थाम आ खिंमी वोदमे बाक्‍त। मिनु मेको आ बेक्‍शो रां बेथ-शान ङा गारोम किला थोक्‍शा क्‍युक्‍शा वोदमे बाक्‍त। ब्‍यवस्‍था २१:२२-२३
1SA 31:11 पलिस्‍तीपुकीम सावल आ बेक्‍शो रां कली मार पामे, मेको याबेश-गिलाद ङा मुरपुकीम नेंन्‍मे बाक्‍त। १सामुएल ११:१-११
1SA 31:12 मिनु मेको आन बोल्‍यो मुरपुकी नेल्‍ल नाक्‍दो रे गाक्‍शा, सावल नु आ तौ आन बेक्‍शो रां बेथ-शान ङा गारो रे शोल्‍शा, याबेशम चाक्‍ग‍मे बाक्‍त। मिनु मेको आन कली थिम्‍मे बाक्‍त।
1SA 31:13 मिनु नोले आन रुश याबेश ङा ठेयब रवा आ पुंमी थिम्‍मे बाक्‍त। मिनु मेकोपुकी ७ नाक्‍त सम्‍म माइजा बाक्‍मा बाक्‍त। २सामुएल १:१२
2SA 1:1 सावल बेक्‍म नोले दाऊदम अमालेकी आन कली खेदा पशा, लेश्‍शा नाक्‍त निक्‍शी सिक‍ला‍ग सहरम बाक्‍शो बाक्‍माक्‍त। १सामुएल ३०:२६
2SA 1:2 मिनु आ नित्‍थ नाक्‍ती, आ वा खाक्‍शो नु पियाम खप फुंइसीशो मुर का सावल आ बाक्‍तीक रे जाक्‍माक्‍त। मिनु मेको दाऊद आ बाक्‍तीक जाक्‍शा, मेको आ ङोंइती खुम्‍की पा बाम्‍‍माक्‍त।
2SA 1:3 दाऊदम मेको कली “गे ते रे जाक्‍ङे?” दे हिल्‍लो पवा बाक्‍त। मिनु मेकोमी “गो इस्राएल ङा लडाइ पाइब आन बाक्‍तीके रे प्रोक्‍शा जाक्‍ती” देंमाक्‍त।
2SA 1:4 मिनु दाऊदमी मेको कली “मार दुम्‍मे? आं कली देंनो” देंमाक्‍त। मिनु मेकोमी “लडाइ पाइबपुकी लडाइ रे प्रोक्‍तेक्‍म। शुश मुर साइक्‍चा पुंइसाक्‍म। मिनु सावल नु आ तौ योनाथन यो साइक्‍चा पुंइसाक्‍स” देंमाक्‍त।
2SA 1:5 मिनु दाऊदम मेको लोव़ चाक्‍ब ठिटा कली “सावल नु आ तौ योनाथन साइक्‍चा पुंइसाक्स, दे दोपा तुइक्‍ती?” देंमाक्‍त।
2SA 1:6 मिनु मेको ठिटामी “गो गिल्‍बोआ डांडाम बाक्‍शो नङ। मेकेर सावल कली आ तूतीक तिक्‍शा राप्‍शा बाक्‍शो ताता। बग्‍गी ङोइक्‍ब नु शारा ङोइक्‍बपुकीम मेको कली थित्‍चा चिक्‍ताक्‍म। १सामुएल ३१:१-३
2SA 1:7 मिनु मेकोमी नोले लेश्‍शा कोव़ङानु, आं कली तती। मिनु ब्रेत्‍ताक्‍यी। मिनु गो ‘मार देंनी’ देंती।
2SA 1:8 मिनु मेकोमी ‘गे सु नवे’ दे हिल्‍लो पती। मिनु ‘गो अमालेकी का नङ’ देंती।
2SA 1:9 मिनु मेकोमी ‘आं नेक्‍था जाक्‍को। आं कली साइ‍य्‍‍यी। मारदे हना गो बेक्‍चा चिक्‍शो बाक्‍ती। आं सोक्‍त ला बाक्‍ब’ देंत।
2SA 1:10 मोपतीके गो आ नेक्‍था लशा, मेको कली साइक्‍ता। मारदे हना मेको मब्रोंइब, दे गो तुइक्‍ताक्‍ङ। मिनु गो मेको आ पिया रे सिरपेच नु आ गुइ ङा पांइतीके, आं प्रभु, इन बाक्‍तीकेम चाक्‍ता” देंमाक्‍त।
2SA 1:11 मेको लोव़ नेंशा, दाऊदम आ वा खाक्‍गा बाक्‍त। मेको नु बाक्‍ब मुर नेल्‍लेमी यो मो पामे बाक्‍त। १सामुएल ४:१२
2SA 1:12 मेकोपुकी नां मरिक्‍म सम्‍म सावल नु आ तौ योनाथन आस पर्बम ङाक्‍शा रोंका पा माइजा बाक्‍मा बाक्‍त। मारदे हना परमप्रभु यावे आ लडाइ पाइबपुकी नु इस्राएल आ खिं ङा मुरपुकी तरवारम साइक्‍चा पुंइसमा बाक्‍त। १सामुएल ३१:१३
2SA 1:13 मिनु दाऊदम मेको लोव़ चाक्‍ब ठिटा कली “गे ते रे जाक्‍शो नवे?” दे हिल्‍लो पवा बाक्‍त। मिनु मेकोमी “गो अर्को रागी ङा अमालेकी का आ तौ नङ” देंमाक्‍त।
2SA 1:14 मिनु दाऊदमी “परमप्रभु यावे आ तेल लुक्‍शो मुर कली साइक्‍चा महिंने?” देंमाक्‍त। १सामुएल २४:७; १सामुएल २६:९
2SA 1:15 मिनु दाऊदमी आ ठिटा मुर का कली ब्रेश्‍शा “मेको कली सतो” दे अरेवा बाक्‍त। मिनु मेकोमी मेको कली तुप्‍शा सदा बाक्‍त। २सामुएल ४:१०-१२
2SA 1:16 दाऊदमी मेको कली “इ हुश इ पिया तार मोंइसेक्‍ल। मारदे हना गे ‘गो परमप्रभु यावे आ तेल लुक्‍शो कली साइक्‍ता’ देंते। इ शोव़मीन आंम इ कली दोसी सेल्‍साक्‍वे” देंमाक्‍त।
2SA 1:17 मिनु दाऊदमी सावल नु आ तौ योनाथन आस पर्बम रोंका पतीक कुम्‍सो पवा बाक्‍त।
2SA 1:18 मिनु मेको रोंका पतीक कुम्‍सो यहूदा ङा मुर आन कली शेंचा माल्‍ब, दे हुकुम पवा बाक्‍त। मेको कुम्‍सो याशार आ किताबम ब्रेक्‍शो बाक्‍ब। २सामुएल १:२२; यहोसु १०:१३
2SA 1:19 “इस्राएल, इ छेङछेङ डांडाम साइक्‍चा पुंइसाक्‍म। सक्ति पाइश्‍शो मुरपुकी दोपा बेक्‍मा?
2SA 1:20 गाथम एको लोव़ मपने। अश्‍कलोन ङा लांम एको लोव़ मपने। मो पाइतीनी हना, पलिस्‍ती आन तमी ग्‍येरसीनीम। ख्रोइक्‍तीक चिनु मख्रोइश्‍शो आन तमी ग्‍येरसीनीम।
2SA 1:21 गिल्‍बोआ नें पाइश्‍शो डांडा, इ तार सीत नु रेउ मयिल। अन्‍न ग्रेल्‍ब रू मबाक्‍ल। मारदे हना सक्ति पाइश्‍शो आ तेक्‍तीक ग्रांग्रा दिशो सेल्‍तेक्‍म। सावल आ तेक्‍तीक कली मुल रे तेल मख्रेक्‍नीम।
2SA 1:22 योनाथन आ लिब्रा साइक्‍चा पुंइसीशो जोरी सत्रु आन हुश नु बोल्‍यो मुर आन बोंसो मलुम्‍सीथु, गेनायो मले। सावल आ तरवार यो मोशा मले।
2SA 1:23 सावल नु योनाथन दाक्‍मुबाक्‍ताक्‍स। अरुम यो दाक्‍चा पुंइसाक्‍स। ब्रोंइसा नु बेक्‍सा नु यो काथा दुम्‍‍ताक्‍स। मेको निक्‍शी ककाकुली क्‍येङा यो रीब पा पाइब बाक्‍ताक्‍स। गुप्‍स क्‍येङा यो बोल्‍यो बाक्‍ताक्‍स।
2SA 1:24 इस्राएल ङा तमीपुकी सावल आ पर्बम ङाक्‍कीन। मेकोमी इन कली लल दारदारशो शुश क्येट लाइब वा फेक्‍पाइश्‍शो बाक्‍त। मेकोमी इन कली सुन के गहना पांइपाइश्‍शो बाक्‍त।
2SA 1:25 सक्ति पाइश्‍शो दोपा बेक्‍मा! मेको लडाइम बेक्‍तेक्‍म। योनाथन साइक्‍चा पुंइसीशा, डांडाम गोल्‍शो बाक्‍ब।
2SA 1:26 आं लोक्‍ब योनाथन, गो इ पर्बम रोंका पाइ‍नुङ। गो इ कली थाम्‍पा दाक्‍ताक्‍न। इ आं कली दाक्‍शो ठेयब बाक्‍त। मीश मुर आन कली दाक्‍तीक क्‍येङा यो लाक्‍शो बाक्‍त।
2SA 1:27 सक्ति पाइश्‍शो दोपा बेक्‍मा! मेको लडाइम आन या खतम दुम्‍तेक्‍म” दे कुम्‍सो पशो बाक्‍त।
2SA 2:1 मेको नोले दाऊदमी परमप्रभु यावे कली “मार गो यहूदा ङा सहर काम लङा?” दे हिल्‍लो पवा बाक्‍त। मिनु परमप्रभु यावेमी “लावो” देंमाक्‍त। मिनु दाऊदमी “तेको सहरम लङ” दे हिल्‍लो पवा बाक्‍त। मिनु “हेब्रोन सहरम लावो” देंमाक्‍त। १सामुएल २३:६,९; १सामुएल ३०:७-८
2SA 2:2 मोपतीके दाऊद आ मीश निक्‍शी येज्रेल ङा अहीनोआम नु कारमेल ङा बेक्‍शो नाबाल आ मीश अबीगेल नु मेकेर लमाक्‍त। १सामुएल २५:४२-४३
2SA 2:3 मिनु दाऊदमी आ नु गाक्‍ब मुर आन खिं ङा मुर नेल्‍ल यो लाइक्‍मी बाक्‍त। मिनु मेकोपुकी हेब्रोन सहरमी बाक्‍मा बाक्‍त।
2SA 2:4 मिनु यहूदा ङा मुरपुकी जाक्‍शा, दाऊद कली तेल लुक्‍शा, आन पिप सेल्‍मे बाक्‍त। मिनु मुरपुकीमी दाऊद कली “याबेश-गिलाद ङा मुरपुकीम सावल कली थिम्‍तेक्‍म” दे नेंपदमे बाक्‍त। २सामुएल ५:३; १सामुएल १६:१३; १सामुएल ३१:११-१३
2SA 2:5 मिनु दाऊदम याबेश-गिलाद ङा मुर आन कली लोव़ कुरब मुर सोइश्‍शा “परमप्रभु यावेम इन कली आसीक गेवल। मारदे हना गे इन प्रभु सावल कली रिम्‍शो पा थिम्‍तीनी।
2SA 2:6 मिनु परमप्रभु यावेमी इन कली गेना हना यो दाक्‍शा मप्रोनल। मिनु गो यो इन पशो गेय आ पर्बम इन कली इनाम गेनुङ।
2SA 2:7 मोपतीके बोल्‍यो नु महिंब दुमीन। मारदे हना इन प्रभु सावल बेक्‍शा लत। मिनु यहूदा ङा मुरपुकीम आं कली आन पिप सेल्‍तीमी” दे लोव़ कुरब मुर सोइक्‍ता बाक्‍त।
2SA 2:8 मेना सावल आ लडाइ पाइब मुर आन ठेयब मुर नेर आ तौ आब्‍नेरमी सावल आ तौ इश-‍बोशेथ कली यर्दन ओंथ हांबु महा-नाइमम चाक्‍गा बाक्‍त। १सामुएल १४:५०; उत्‍पत्ती ३२:२-३
2SA 2:9 मिनु गिलाद, अश्‍शुर, येज्रेल, एफ्राइम, बेन्‍यामीन आ थर ङा मुर नु इस्राएली नेल्‍ल आन पिप सेला बाक्‍त।
2SA 2:10 सावल आ तौ इश-‍बोशेथ इस्राएल ङा पिप दुम्‍मेनु ४० बर्स दुम्‍शो बाक्‍माक्‍त। मेकोमी बर्स निक्‍शी सम्‍म सासन पवा बाक्‍त। तन्‍न यहूदा ङा मुर दाऊद आ नोले खोदमे बाक्‍त।
2SA 2:11 दाऊदमी हेब्रोन सहरम यहूदा ङा मुर आन कली ७ बर्स ६ महिना सम्‍म सासन पवा बाक्‍त।
2SA 2:12 नेर आ तौ आब्‍नेर, सावल आ तौ इश-‍बोशेथ नु आ गेय पाइबपुकी महा-नाइम रे गिबोन लमा बाक्‍त।
2SA 2:13 सेरूयाह आ तौ योआबमी दाऊद आ गेय पाइब आन कली लाइश्‍शा गिबोन ङा दोम्‍लीम लडाइ पवा बाक्‍त। मेको निक्‍शी गिबोन ङा दोम्‍लीम ग्रुम्‍सा बाक्‍त। मिनु काम दोम्‍ली आ आइक्‍ची हांबुम, काम दोम्‍ली आ ओंथ हांबुम आस लडाइ पाइब आन कली राप्‍पदसे बाक्‍त। १सामुएल २६:६; यहोसु ९:३,१७
2SA 2:14 मिनु आब्‍नेरम योआब कली “इ लडाइ पाइब मुर नु आं लडाइ पाइब का का पा ग्रुम्‍शा इस ङोंइती लडाइ पामेक्‍ल” देंमाक्‍त। मिनु योआबमी “दुम्‍ब, मो पामेक्‍ल” देंमाक्‍त।
2SA 2:15 मोपतीके मेकोपुकी ग्रूशा लशा, बेन्‍यामीन नु सावल आ तौ इश-‍बोशेथ आन मुर १२ जना नु दाऊद आ मुर १२ जना का का पा राम्‍मा बाक्‍त।
2SA 2:16 मिनु मेको नेल्‍लेमी आंम आंम जोरी सत्रु आन पियाम ग्‍याइश्‍शा कोखाम तरवारम आप्‍मे बाक्‍त। मोपा नेल्‍ल कालेम बेक्‍मा बाक्‍त। मोपतीके गिबोन आ नेक्‍था ङा रू कली हेल्‍काथ-हच्‍चुरीम देंनीम। मेको नें आ अर्थ तरवार आ क्‍योरतीक देंसीब।
2SA 2:17 मेको नाक्‍त थम ठेयब लडाइ दुम्‍माक्‍त। मिनु आब्‍नेर नु इस्राएल ङा मुर दाऊद आ मुर आन क्‍येङा ब्रुमा बाक्‍त।
2SA 2:18 सेरूयाह आ तौ सांफा योआब, अबीशै नु आसाहेल मेकेर बाक्‍शो बाक्‍मा बाक्‍त। आसाहेल ब्‍वाकी ङा दोरब किश्‍श खोदेंशो रीब पा गेय पाइब बाक्‍माक्‍त। १इतिहास २:१६
2SA 2:19 मेकोम ग्‍युरा पेरा एर ओंथ मारेइ मकोव़थु दोरशा आब्‍नेर कली खेदा पवा बाक्‍त।
2SA 2:20 मिनु आब्‍नेरम नोले लेश्‍शा कोव़शा “मार गे आसाहेल नवे?” दे हिल्‍लो पवा बाक्‍त। मिनु आसाहेलमी “गो नङ” देंमाक्‍त।
2SA 2:21 मिनु आब्‍नेरमी “ग्‍युरा गे कि पेरा गे लशा, लडाइ पाइब का कली आ मार मार रोइक्‍तो” देंमाक्‍त। तन्‍न आसाहेलमी मेको कली खेदा पचा मप्रोना बाक्‍त।
2SA 2:22 मिनु आब्‍नेरमी लेंशा “आं कली खेदा पचा प्रोंइ‍यी। गो इ कली मारदे साइक्‍नुङा? इ लोक्‍ब योआब आ ङोंइती दोपा आं कुल कोंइनुङा?” देंमाक्‍त।
2SA 2:23 तन्‍न आसाहेल एर ओंथ लने मबिस्‍से बाक्‍त। मिनु आब्‍नेरमी आ तूतीक नोले गे आप्‍शा मेको आ कोव़ज ख्रिदा बाक्‍त। मिनु मेकेर गोल्‍शा बेक्‍माक्‍त। मिनु आसाहेल बेक्‍शो बाक्‍तीके जाक्‍शा मुर नेल्‍ल दिक्‍मा बाक्‍त। २सामुएल ३:२७
2SA 2:24 मिनु योआब नु अबीशैमी आब्‍नेर कली खेदा पस ङा पस पाम्‍से बाक्‍त। मिनु नां मलाक्‍थु, मेकोपुकी अम्‍माह डांडा जाक्‍मा बाक्‍त। अम्‍माह डांडा गिअह आ ङोंइती, गिबोन रे गोरशो रागी ङा लांम बाक्‍ब।
2SA 2:25 बेन्‍यामीन आ थर ङा मुर आब्‍नेर गे बुक्‍मा बाक्‍त। मिनु हुल का दुम्‍शा, अम्‍माह डांडा तार लडाइ पचा कली ठीक दुम्‍मा बाक्‍त।
2SA 2:26 मिनु आब्‍नेरमी ठेयब सेंदा पा योआब कली “मार, गेना हना यो क्‍योरमुस ङा मुस, साइक्‍मुस ङा साइक्‍मुस बाक्‍चा? मेको नोले मरिम्‍शो दुम्‍ब, दे गे मतुइक्‍नेवे? आंम लोक्‍ब आन कली खेदा पचा प्रोंइचा, दे इ मुर आन कली ममाइक्‍‍नेवे?” देंमाक्‍त।
2SA 2:27 मिनु योआबमी “परमप्रभु ब्रोंइशा बाक्‍शो खोदेंशो पा, गे मो मदेंशो नवे हना, मुरपुकीम दीसा सुनी सम्‍म यो आन लोक्‍ब आन कली खेदा पचा मप्रोनेम वा” देंमाक्‍त।
2SA 2:28 मिनु योआबम तुराही तबा बाक्‍त। मिनु मुर नेल्‍लेमी इस्राएली आन कली खेदा पचा प्रोन्‍‍मे बाक्‍त। मिनु लडाइ नांइ‍से बाक्‍त।
2SA 2:29 आब्‍नेर नु आ मुरपुकी नाक्‍दो रे अराबाह रे गाक्‍शा यर्दन खोला शोक्‍समा बाक्‍त। मिनु सुनी रे गाक्‍शा महा-नाइमम जाक्‍दीम्‍मा बाक्‍त।
2SA 2:30 मिनु योआबमी आब्‍नेर कली खेदा पचा प्रोंइशा, लडाइ पाइब आन कली पुक्‍मी बाक्‍त। मिनु आसाहेल प्रोंइशा, दाऊद आ मुर १९ जना मबाक्‍मा बाक्‍त।
2SA 2:31 तन्‍न दाऊद आ लडाइ पाइबपुकीमी बेन्‍यामीन आ थर ङा मुर नु आब्‍नेर आ नोले खोइक्‍ब ३ सहे ६० जना आन कली सदमे बाक्‍त।
2SA 2:32 मेकोपुकीम आसाहेल कली कुरशा लाइश्‍शा, आ आफ आ तुरस बेथलेहेम सहरम थिम्‍मे बाक्‍त। मेको नोले योआब नु आ मुरपुकी नाक्‍दो रे गाक्‍शा नां सोव़ सोव़ हेब्रोन सहरमी जाक्‍दीम्‍मा बाक्‍त।
2SA 3:1 सावल नु दाऊद आस खिं ङा मुर शुश नाक्‍त सम्‍म लडाइ पस ङा पस बाक्‍मा बाक्‍त। मिनु दाऊद बोल्‍यो दुम्‍ना दुम्‍न लमाक्‍त। सावल आ खिं ङा मुर चहिं मचाप्‍ब दुम्‍ना दुम्‍न लमा बाक्‍त। २सामुएल ५:१०
2SA 3:2 हेब्रोनमी दाऊद आ तौपुकी जरमेसीमा बाक्‍त। मेको आ ङोंइती जरमेशो तौ अम्‍नोन बाक्‍माक्‍त। मेको आ ममा येज्रेल ङा अहीनोआम बाक्‍माक्‍त। १इतिहास ३:१-४; २सामुएल १३:१
2SA 3:3 मेको आ माइला तौ किलेआब बाक्‍माक्‍त। मेको आ ममा कारमेल ङा बेक्‍शो नाबाल आ मीश अबीगेल बाक्‍माक्‍त। मेको आ साइला तौ अब्‍सालोम बाक्‍माक्‍त। मेको आ ममा गेशुर ङा पिप तल्‍मै आ तमी माकाह बाक्‍माक्‍त। २सामुएल १५:१
2SA 3:4 काइला अदोनीयाह बाक्‍माक्‍त। मेको आ ममा हग्‍गीथ बाक्‍माक्‍त। ठाइला शेफत्‍याह बाक्‍माक्‍त। मेको आ ममा अबीतल बाक्‍माक्‍त। १राजा १:५
2SA 3:5 आ कान्‍छा इथ्रेआम बाक्‍माक्‍त। मेको आ ममा दाऊद आ मीश एग्‍लाह बाक्‍माक्‍त। मेको नेल्‍ल हेब्रोनम जरमेशो दाऊद आ तौ बाक्‍मा बाक्‍त।
2SA 3:6 सावल नु दाऊद आस खिं ङा मुर आन दातेमी लडाइ दुम्‍ना दुम्‍न लमेनु, आब्‍नेर सावल आ खिंमी बोल्‍यो दुम्‍ना दुम्‍न लमाक्‍त।
2SA 3:7 मिनु सावल आ कान्‍छी मीश का बाक्‍माक्‍त। मेको आइयाह आ तमी बाक्‍माक्‍त। मेको आ नें रिस्‍पाह बाक्‍माक्‍त। मिनु इश-‍बोशेथम आब्‍नेर कली “गे आं आफ आ कान्‍छी मीश नु मारदे इ‍मे?” दे मदा बाक्‍त।
2SA 3:8 आब्‍नेरमी इश-‍बोशेथ आ लोव़ नेंशा गाइश्‍शा “मार, गो यहूदा आ गेय पाइब कुचुम नङा? मुल सम्‍म गो इ आफ सावल आ खिं ङा मुर, आ लोक्‍ब नु आ वारच आन कली मानेब मुर बाक्‍ती। गो इन कली दाऊद आ गुइम मगेङ। मो हना यो गे एको मीश मुर आ पर्बम आं कली दोस गेनीनी।
2SA 3:9 गो परमप्रभुमी दाऊद कली देंशो मपाता हना, आं कली सजाइ गेयील। परमप्रभु यावेमी दाऊद कली दोदेंशो कसम जवा, गो मोदेंशो पाइ‍नुङ।
2SA 3:10 ‘सावल आ खिं ङा मुर आन राज्‍य रोइ‍क्‍चा नु दाऊद कली इस्राएल यहूदा नु दान रे बेयर-शेबा सम्‍म सासन पपाइक्‍‍नुङ’ दे परमप्रभु यावेमी देंशो बाक्‍ब” दे आब्‍नेरम इश-बोशेथ कली देंमाक्‍त।
2SA 3:11 मिनु इश-बोशेथ आब्‍नेर क्‍येङा हिंतीके मारेइ लोव़ मलेत्‍ता बाक्‍त।
2SA 3:12 मेको नोले आब्‍नेरम हेब्रोनम बाक्‍ब दाऊद कली “एको रागी सु के बाक्‍बा? गे गो नु कबल का पने। मिनु गो इस्राएल नेल्‍ल इन के सेल्‍चा कली वारच पाइ‍नुङ” दे लोव़ कुरब मुर सोइक्‍ता बाक्‍त।
2SA 3:13 मिनु दाऊदमी मेको आन कली “दुम्‍ब। गो गे नु कबल पाइनुङ। तन्‍न गो इ कली लोव़ का पाइ‍नुङ। गे सावल आ तमी मिकाल कली मचाक्‍तीवी हना, आं ङोंइती मजाक्‍को, दे मतीन” दे माइक्‍मी बाक्‍त।
2SA 3:14 मिनु दाऊदमी सावल आ तौ इश-‍बोशेथ कली यो “आं मीश मिकाल गेयी। गो मेको आ पर्बम सहे का जना पलिस्‍ती आन ख्रोइक्‍तीक चिनु ख्रोइश्‍शो कुशुल थाप्‍ताक्‍ङ” देंपाइक्‍थ मुर सोइक्‍ता बाक्‍त। १सामुएल १८:२५-२७
2SA 3:15 मोपतीके इश-‍बोशेथम मुर सोइश्‍शा मिकाल आ वोंइश लाइश आ तौ, पाल्‍तीएल आ बाक्‍तीक रे चाक्‍पदा बाक्‍त। १सामुएल २५:४४
2SA 3:16 मेको ङाक्‍ना ङाक्‍न बाहुरीम सहर सम्‍म मिकल आ नोले खोइश्‍शा पिमाक्‍त। मिनु आब्‍नेरमी “लेश्‍शा खिं लावो” दे मदा नोले लेम्‍माक्‍त।
2SA 3:17 मिनु नोले आब्‍नेरम इस्राएल ङा खाल्‍पा आन कली “शुश ङोंइती रे गेपुकीम दाऊद कली पिप सेल्‍चा माल्‍शो ननी।
2SA 3:18 मुल मेको पची जाक्‍त। मारदे हना परमप्रभु यावेमी दाऊद कली ‘गो आं गेय पाइब दाऊद आ गुइ रे आं मुर इस्राएली आन कली पलिस्‍ती नु आन जोरी सत्रु नेल्‍ल आन गुइ रे प्रोंइनुङ’ दे लोव़ थोक्‍शो बाक्‍ब” देंमाक्‍त।
2SA 3:19 आब्‍नेरमी बेन्‍यामीन आ थर ङा मुर नु यो लोव़ पवा बाक्‍त। नोले आब्‍नेर दाऊद आ बाक्‍तीक हेब्रोन लमाक्‍त। मिनु इस्राएली नु बेन्‍यामीन आ थर ङा मुर आन पचा देंशो लोव़ नेल्‍ल देंमाक्‍त।
2SA 3:20 मिनु आब्‍नेर २० जना मुर नु दाऊद आ बाक्‍तीक हेब्रोन जाक्‍दीम्‍माक्‍त। दाऊदम आब्‍नेर नु मेको नेल्‍ल आन कली भोज गेमी बाक्‍त।
2SA 3:21 मिनु आब्‍नेरमी दाऊद कली “मुल आं कली इस्राएली नेल्‍ल आन कली आं प्रभु, पिप इन ङोंइती चाक्‍चा गेयीनी। मिनु मेकोपुकीम गे नु कबल का पाइनीम। गे इन दाक्‍शो राज्‍य कामी रागी नेल्‍ल ङा पिप दुम्‍नीनी” देंमाक्‍त। नोले दाऊदमी आब्‍नेर नु गारशा सोइक्‍ता बाक्‍त।
2SA 3:22 मेना योआब दाऊद आ मुरपुकी नु गारशा, लडाइ पा मार मार रोइश्‍शा जाक्‍मा बाक्‍त। आब्‍नेर चहिं गाक्‍ने थुम्‍तीके दाऊद नु हेब्रोन सहरम मबाक्‍माक्‍त। मारदे हना दाऊदम मेको नु गारशा, सोइक्‍ने थुम्‍शो बाक्‍माक्‍त।
2SA 3:23 मिनु योआब नु लडाइ पाइब हुल जाक्‍मानु, मुरुमी “नेर आ तौ आब्‍नेर दाऊद आ बाक्‍तीक जाक्‍मेनु, दाऊदमी मेको नु गारशा सोइक्‍ताक्‍व” दे नेंपदमे बाक्‍त।
2SA 3:24 मिनु योआबम पिप आ बाक्‍तीक लशा “गे एको मार पनी? आब्‍नेर इन बाक्‍तीक जाक्‍माक्‍त। गे मारदे मेको कली मो लेश्‍शा सोइक्‍तीनी?
2SA 3:25 गे नेर आ तौ आब्‍नेर कली तुइक्‍नीनी। मेकोम इन कली जोल पा इन पर्बम रुप्‍चा कली नु गे मार पा बाक्‍नी, मेको तुइक्‍चा कली जाक्‍शो बाक्‍ब” देंमाक्‍त।
2SA 3:26 मिनु योआब दाऊद आ बाक्‍तीक रे ग्रूशा, लोव़ कुरब मुर कली आब्‍नेर आ नोले सोइक्‍ता बाक्‍त। मिनु मेकोम आब्‍नेर कली सिराह ङा कुवा रे लेश्‍शा चाक्‍दीत्‍मे बाक्‍त। तन्‍न दाऊदम मेको नेल्‍ल मतुइक्‍ता बाक्‍त।
2SA 3:27 मोपा आब्‍नेर हेब्रोनम लेश्‍शा जाक्‍मेनु, योआबमी लोव़ पचा, दे सुइ मबाक्‍तीकेम लदा बाक्‍त। मिनु आ कोव़जम थोक्‍गा बाक्‍त। मोपा मेको आसाहेल साइश्‍शो आ पर्बम बेक्‍माक्‍त। १राजा २:५; २सामुएल २:२३
2SA 3:28 मिनु नोले दाऊदम मेको लोव़ नेंशा “गो नु आं राज्‍य परमप्रभु यावे आ ङोंइती गेनायो नेर आ तौ आब्‍नेर साइश्‍शो आ पर्बम दोस मताइब दुम्‍नीकी।
2SA 3:29 मेको दोस योआब नु आ आफ आ खिं ङा मुर आन पियाम दुम्‍ल। योआब आ खिंम ग्रांग्रा यितीके रोइ पाइब कि कोव़र मुशो रोइ पाइब कि कोक्‍के तिक्‍शा गाक्‍ब कि तरवारम साइक्‍चा पुंइसीब कि जचा मताइब मुर का गेना हना यो बाक्‍ल” देंमाक्‍त।
2SA 3:30 मोपा योआब नु आ लोक्‍ब अबीशैमी आब्‍नेर कली सदसे बाक्‍त। मारदे हना आब्‍नेरमी मेको आस लोक्‍ब आसाहेल कली गिबोन ङा लडाइम साइश्‍शो बाक्‍माक्‍त। न्‍यायाधीस ८:१८-२१; २राजा १४:५
2SA 3:31 मिनु दाऊदमी योआब नु आ नु बाक्‍ब नेल्‍ल आन कली “इन वा खाक्‍कीन। मिनु भाङग्रा फेक्‍सीन। मिनु आब्‍नेर आ पर्बम रोंका पने” देंमाक्‍त। मिनु पिप दाऊद बेक्‍शो आब्‍नेर कुरब आन नोले गाक्‍माक्‍त।
2SA 3:32 मिनु आब्‍नेर कली हेब्रोनम थिम्‍मे बाक्‍त। मिनु पिप आब्‍नेर आ तुरसुम ठेयब सेंदा पा ङाक्‍माक्‍त। मिनु मुर नेल्‍ल यो ङाक्‍मा बाक्‍त।
2SA 3:33 मिनु पिपमी आब्‍नेर आ पर्बम रोंका पशो कुम्‍सो सेला बाक्‍त। मेकोमी “मार, आब्‍नेर परमप्रभु यावे आ अरेशो मटीब खोदेंशो दुम्‍शा, बेक्‍चा माल्‍दा?
2SA 3:34 इ गुइ मफ्रेंशो बाक्‍त। इ खोइलीम साङलो मपाइश्‍शो बाक्‍त। गे परमप्रभु यावे आ अरेशो मटीब आन ङोंइती मेकोपुकी खोदेंशो पा गोल्‍ते” देंमाक्‍त। मिनु मुर नेल्‍ल मेको आ पर्बम लेंशा ङाक्‍मा बाक्‍त।
2SA 3:35 मिनु मुरपुकीमी दाऊद कली “नां लाक्‍चा ङोंइती जने” देंमा बाक्‍त। तन्‍न दाऊदमी कसम जशा “नां मलाक्‍गा सम्‍म गो मारेइ जचा थोव़क मथी‍नुङ। थीता हना, परमप्रभुमी सजाइ गेयील” देंमाक्‍त।
2SA 3:36 मुर नेल्‍लेम मेको लोव़ रुप्‍शा बिस्‍समा बाक्‍त। मिनु ग्‍येरसमा बाक्‍त। पिप आ पशो नेल्‍ल दाक्‍तमे बाक्‍त।
2SA 3:37 मेको नाक्‍ती इस्राएल ङा मुर नेल्‍लेमी नेर आ तौ आब्‍नेर साइश्‍शोमी पिप आ दोस मबा, दे तुइक्‍तमे बाक्‍त।
2SA 3:38 मिनु पिपमी आ गेय पाइब आन कली “मुलाक्‍ती इस्राएलमी लडाइ पाइब नु ठेयब मुर का बेक्‍‍त, दे तुइक्‍चा माल्‍नीनी। १सामुएल २६:१५
2SA 3:39 गो तेल लुक्‍शो पिप दुम्‍ती हना यो, मुलाक्‍ती सक्ति मपाइश्‍शो दुम्‍शो बाक्‍नुङ। एको हुश ख्राक्‍श पोक्‍ब सेरूयाह आ तौ गो नु मगारनीम। परमप्रभु यावेमी मरिम्‍शो पाइब आन कली आन पशो क्‍येक्‍क लेप्‍ब” देंमाक्‍त। २सामुएल २:१८
2SA 4:1 सावल आ तौ इश-‍बोशेथम हेब्रोनम आब्‍नेर साइश्‍शो लोव़ नेंशा आ थुं लुक्‍च लमाक्‍त। मिनु इस्राएली नेल्‍ल हिंशा ग्‍येत्‍थ लुक्‍च दुम्‍मा बाक्‍त। २सामुएल ३:२७
2SA 4:2 सावल आ तौ के मार मार रोइक्‍‍ब आन हुल ङा कप्‍तान निक्‍शी बाक्‍सा बाक्‍त। मेको का आ नें बानाह नु अर्को आ नें रेकाब बाक्‍माक्‍त। मेको बेयरोथ सहर ङा बेन्‍यामीन आ थर ङा रिम्‍मोन आ तौ बाक्‍सा बाक्‍त। मारदे हना बेयरोथ यो बेन्‍यामीन आ रागीम बाक्‍माक्‍त। यहोसु ९:१७
2SA 4:3 मिनु बेयरोथ सहर ङा मुर गित्ताइम सहर प्रोक्‍शा लशो बाक्‍मा बाक्‍त। मिनु मेना रे मेकेर अर्को रागी ङा मुर दुम्‍शा बाक्‍मा बाक्‍त। नेहेम्‍याह ११:१३
2SA 4:4 मिनु सावल आ तौ योनाथन के यो तौ का बाक्‍माक्‍त। मेको खोइल निम्‍फा मदुक्‍ब बाक्‍माक्‍त। मेको ५ बर्स दुम्‍मेनु, सावल नु योनाथन बेक्‍ताक्‍स देंशो लोव़ येज्रेल रे नेंसे बाक्‍त। मेको लोव़ नेंशा आ खाल पाइ‍ब मीश मुरुमी मेको कली कुरशा प्रोक्‍मेनु, थिश्‍शा मेको आल आ खोइल मदुक्‍ब दुम्‍शो बाक्‍माक्‍त। मेको आ नें मेफी-बोशेथ बाक्‍माक्‍त।मेफी-बोशेथ आ नें मेरीब-बाल नु इश-बोशेथ देंनीम।२सामुएल ९:३; १इतिहास ८:३४; १इतिहास ९:४०
2SA 4:5 बेयरोथ सहर ङा मुर रिम्‍मोन आ तौ निक्‍शी रेकाब नु बानाह नाक्‍ती उइक्‍थ दुम्‍मेनु, इश-‍बोशेथ आ खिंम जाक्‍सा बाक्‍त। मेना इश-‍बोशेथ इप्‍शो बाक्‍माक्‍त। २सामुएल २:८
2SA 4:6 मेको निक्‍शी चेरब लाइक्‍चशो खोदेंशो पखु पा, खिं ओव़सा बाक्‍त। मिनु मेको कली कोव़जम तूशा सदसे बाक्‍त। मिनु रेकाब नु आ लोक्‍ब बानाह सुइम मतुइक्‍थु प्रोक्‍सा बाक्‍त।
2SA 4:7 मेको निक्‍शीमी इश-बोशेथ कली दोपा सदसे बाक्‍त देंशा हना, इश-बोशेथ इप्‍शा बाक्‍शो कोठा ओव़शा, मेको कली तूशा साइश्‍शा आ पिया ख्रोइश्‍शा लदसे बाक्‍त। मिनु नाक्‍दो रे अराबाह रे गाक्‍शा, हेब्रोन जाक्‍सा बाक्‍त।
2SA 4:8 मिनु मेको निक्‍शीमी मेको पिया दाऊद आ बाक्‍तीक हेब्रोनमी चाक्‍गसे बाक्‍त। मिनु पिप कली “सावल आ तौ इश-बोशेथ आ पिया एको बाक्‍ब। इन कली साइक्‍चा माल्‍ब इन सत्रु बाक्‍त। मुलाक्‍ती परमप्रभु यावेमी सावल नु आ चच युइ आन कली क्‍येक्‍क लेत्‍ताक्‍व” देंसा बाक्‍त।
2SA 4:9 मिनु दाऊदमी बेयरोथ सहर ङा रिम्‍मोन आ तौ रेकाब नु बानाह आस कली “परमप्रभु यावे ब्रोंइशा बाक्‍शो खोदेंशो पा, मेकोमी आं कली आं श्‍येत नेल्‍ल रे प्रोंइती।
2SA 4:10 ‘सावल बेक्‍शो रिम्‍शो लोव़ बाक्‍ब’ दे मिम्‍शा आं कली देंब मुर कली गो ग्‍याइश्‍शा सिकलागमी साइक्‍ता। मेको आ लोव़ आ इनाम बाक्‍त। २सामुएल १:१५
2SA 4:11 मिनु परमप्रभु यावे आ अरेशो मटीब मुरुमी ठीक पाइब मुर कली आ आंम खिंम बाक्‍शा, इप्‍तीकेम इप्‍शो मुर कली साइक्‍ब आस कली मेको क्‍येङा यो क्‍येक्‍क लेत्‍चा ममाल्‍नुङा ङा? मार, मुल गो मेको आ हुश आ क्‍येक्‍क लेश्‍शा इस कली साइश्‍शा, रागी रे मक्‍याम्‍नुङा?” देंमाक्‍त। २सामुएल ३:३२
2SA 4:12 मिनु दाऊदम ठिटा मुर आन कली “मेको आस कली सतीन” दे अरेवा बाक्‍त। मिनु मेको आस कली सदमे बाक्‍त। आस गुइ खोइल ख्रोइश्‍शा, हेब्रोन ङा दोम्‍ली आ नेक्‍था क्‍युक्‍गमे बाक्‍त। मिनु मुरपुकीमी इश-‍बोशेथ आ पिया लाइश्‍शा, आब्‍नेर आ तुरस हेब्रोनमी थिम्‍मे बाक्‍त। ब्‍यवस्‍था २१:२२-२३
2SA 5:1 मिनु नोले इस्राएल आ थर ङा मुर नेल्‍ल दाऊद आ बाक्‍तीक हेब्रोनम जाक्‍शा, मेको कली “गो इन हुश नकी।
2SA 5:2 ङोंइती सावल आंइ पिप बाक्‍मेनु, गे लडाइ पाइब आन कली लाइक्‍तीक नु चाक्‍तीक पशो ननी। परमप्रभु यावेमी इन कली ‘गे आं मुर इस्राएली आन गोठला दुम्‍चा माल्‍नेवे। गे इस्राएली आन पिप दुम्‍नेवे’ देंशो बाक्‍ब” देंमा बाक्‍त। १सामुएल १८:१३,१६; १सामुएल १३:१४; १सामुएल २५:३०
2SA 5:3 मिनु इस्राएल ङा खाल्‍पा नेल्‍ल पिप आ बाक्‍तीक हेब्रोनम जाक्‍मा बाक्‍त। मेकेर पिप दाऊदमी मेकोपुकी नु परमप्रभु यावे आ ङोंइती कबल का पवा बाक्‍त। मिनु मेकोपुकीम दाऊद कली तेल लुक्‍शा, इस्राएल ङा पिप सेल्‍मे बाक्‍त। २सामुएल २:४; १सामुएल १६:१३
2SA 5:4 दाऊद ३० बर्स दुम्‍मेनु, पिप दुम्‍माक्‍त। मिनु मेकोमी ४० बर्स सासन पवा बाक्‍त। १राजा २:११; १इतिहास ३:४; १इतिहास २९:२७
2SA 5:5 मेकोम हेब्रोनम बाक्‍शा, यहूदा कली ७ बर्स ६ महिना सासन पवा बाक्‍त। मिनु यरूसलेम सहरमी बाक्‍शा ३३ बर्स इस्राएल नेल्‍ल नु यहूदा कली सासन पवा बाक्‍त।
2SA 5:6 नोले पिप दाऊद नु आ मुरपुकी, यरूसलेम सहरम बाक्‍ब यबुसी नु लडाइ पचा कली यरूसलेम लमा बाक्‍त। मिनु यबुसीपुकीम दाऊद कली “गे एक जाक्‍ने मचाप्‍नीनी। मिक्‍च मताइब नु खोइल मदुक्‍बम यो इन कली प्रोक्‍पाइक्‍नीम” देंमा बाक्‍त। मोपा दाऊद जाक्‍ने मचाप्‍ब, दे मिम्‍तमे बाक्‍त। यहोसु १५:६३; न्‍यायाधीस १:२१; न्‍यायाधीस १९:१०-१२
2SA 5:7 मो हना यो दाऊदमी गारो हिरशो सियोन ग्रामाक्‍त। मिनु मेको दाऊद आ सहर दुम्‍माक्‍त।
2SA 5:8 मेको नाक्‍त दाऊदमी “सुम यबुसी आन कली साइक्‍बा, मेकोम ब्‍वाक्‍कु यितीक रे जाक्‍शा, दाऊद कली ग्रांग्रा दीब मिक्‍च मताइब नु खोइल मदुक्‍ब आन कली सदमेक्‍ल” देंमाक्‍त। मोपतीके “मिक्‍च मताइब नु खोइल मदुक्‍ब पिप आ खिं ओव़चा मताइनीम” देंशो बाक्‍मा बाक्‍त।
2SA 5:9 मिनु दाऊद मेको गारो हिरशो सहरम बाक्‍शा, मेको आ नें दाऊद आ सहर वोदा बाक्‍त। मिनु दाऊदमी मिल्‍लो रे पा आगा एर ओंथ नेल्‍ल सहर सेला बाक्‍त।
2SA 5:10 मिनु दाऊद शुश ठेयब दुम्‍ना दुम्‍न लमाक्‍त। मारदे हना परमप्रभु यावे मुर नेल्‍ल आन परमप्रभु मेको नु बाक्‍माक्‍त। २सामुएल ३:३
2SA 5:11 टायर ङा पिप हीराममी आ लोव़ कुरब आन कली दाऊद आ बाक्‍तीके सोइक्‍ता बाक्‍त। हीरामम लेबानोन ङा लाइश्‍शो रवा आ शी नु शी सेल्‍ब नु गारो प्रोव़ब यो सोइक्‍ता बाक्‍त। मिनु मेकोपुकीम दाऊद कली खिं का सेल्‍मे बाक्‍त।
2SA 5:12 मिनु दाऊदमी “परमप्रभु यावेम आं कली इस्राएल ङा सक्ति पाइश्‍शो पिप सेल्‍यी बाक्‍त। मिनु आ मुर इस्राएली आन पर्बम मेको आन राज्‍य ठेयब सेला बाक्‍त” दे तुइक्‍ता बाक्‍त।
2SA 5:13 दाऊद हेब्रोन रे यरूसलेम याक्‍से नोले मेकोमी मेकेर शुश मीश चाक्‍गा बाक्‍त। मेको के अर्को तमी तौ यो जरमेसमा बाक्‍त। २सामुएल ३:२-५; १इतिहास ३:५-९
2SA 5:14 यरूसलेम सहरम जरमेशो दाऊद आ तौपुकी शम्‍मुआ, शोबाब, नाथान, सोलोमन, लूका ३:३१; मत्ती १:६
2SA 5:15 इभार, एली-शुआ, नेफेग, याफीया
2SA 5:16 एली-शामा, एली-आदा नु एली-फेलेत बाक्‍मा बाक्‍त।
2SA 5:17 पलिस्‍तीपुकीम दाऊद इस्राएल ङा पिप दुम्‍त देंशो लोव़ नेन्‍मे बाक्‍त। मिनु पलिस्‍ती नेल्‍ल लडाइ पाइब लाइश्‍शा, दाऊद कली माल्‍थ लमा बाक्‍त। तन्‍न दाऊदम मेको लोव़ नेंशा उइ ङा बोल्‍यो दरवार लशा बाक्‍माक्‍त। १सामुएल २२:१; २सामुएल २३:१४
2SA 5:18 मिनु पलिस्‍तीपुकी जाक्‍शा, रेफाइम ङा बेंसीम ब्रशा बाक्‍मा बाक्‍त। यहोसु १५:८; यहोसु १८:१६
2SA 5:19 मिनु दाऊदमी परमप्रभु यावे कली “गो पलिस्‍ती आन कली लडाइ तोतामी हना, गे मेको आन कली आं गुइमी गेनीनी?” दे हिल्‍लो पवा बाक्‍त। मिनु परमप्रभु यावेमी “लावो, गो थमा पा मेको आन कली इ गुइम गेनुङ” देंमाक्‍त। १सामुएल ३०:८
2SA 5:20 मिनु दाऊद लशा, बाल-पेराजीमम लडाइ तोमी बाक्‍त। मिनु मेको आन कली ग्रामाक्‍त। मिनु दाऊदमी “बारशो ब्‍वाक्‍कुम आ एर ओंथ प्रेश्‍शो खोदेंशो पा, परमप्रभु यावेम आं जोरी सत्रु आन कली फ्रुप्‍तु” देंमाक्‍त। मोपतीके मेकेर बाल-पेराजीम नें लीमाक्‍त। यसैया २१:२८
2SA 5:21 पलिस्‍तीपुकीम आन मूर्ति मेक उइ प्रोन्‍मे बाक्‍त। मिनु दाऊद नु आ मुरपुकीमी मेको लदमे बाक्‍त।
2SA 5:22 मिनु लेंशा पलिस्‍तीपुकी जाक्‍शा रेफाइम ङा बेंसीम ब्रशा बाक्‍मा बाक्‍त।
2SA 5:23 मिनु दाऊदम लेंशा परमप्रभु यावे कली हिल्‍लो पवा बाक्‍त। मिनु परमप्रभु यावेमी “मुल सोजो लडाइ मपावो। हिरशा, ठेयब रवा आ आइक्‍ची हांबु नोले रे लडाइ पावो।
2SA 5:24 रवा आन ङरम लडाइ पाइब आन दोरशो नेंनी चोटी होस पावो। मारदे हना परमप्रभु यावे पलिस्‍ती आन कली फ्रुचा कली इ ङोंइती गाक्‍ब” देंमाक्‍त।
2SA 5:25 मिनु दाऊदमी परमप्रभु यावेम आ कली देंशो खोदेंशो पा पवा बाक्‍त। मिनु पलिस्‍ती आन कली गेबा रे गेजेर सहर ङा लां सम्‍म शोल्‍मो पा सदमे बाक्‍त। न्‍यायाधीस १:२९
2SA 6:1 मिनु दाऊदमी इस्राएल ङा ३० हजार योव़शो मुर आन कली खुप्‍तीमी बाक्‍त।
2SA 6:2 मिनु दाऊद नु मेको मुर नेल्‍ल परमप्रभु आ सन्‍दोस चाक्‍चा कली यहूदा ङा बाले सहर रे लमा बाक्‍त। मेको सन्‍दोस तार आ नें बाक्‍त। मुर नेल्‍ल आन परमप्रभु यावे आ नें मेकेर बाक्‍ब। मेको करूब आस दातेम बाक्‍ब। बाले सहर आ अर्को नें किरयथ-यारीम बाक्‍त।यहोसु १५:९ प्रस्‍थान २५:२२
2SA 6:3 मेकोपुकीम परमप्रभु आ सन्‍दोस डांडाम बाक्‍शो अबीनादाब आ खिं रे ग्रुंइशा, नक बग्‍गी काम वोदमे बाक्‍त। अबीनादाब आ तौ निक्‍शी उज्‍जाह नु अहीयोमी मेको नक बग्‍गी खुल्‍ना खुल्‍न लदसे बाक्‍त। १सामुएल ७:१
2SA 6:4 मेकोपुकीम परमप्रभु आ सन्‍दोस डांडाम बाक्‍शो अबीनादाब आ खिं रे लदमे बाक्‍त। अहीयो चहिं मेको बग्‍गी आ ङोंइती गाक्‍माक्‍त।
2SA 6:5 मिनु दाऊद नु इस्राएली नेल्‍ल आन जोंब बोक्‍शा परमप्रभु यावे आ ङोंइती कुम्‍सो पना पन बीना, तार पाइश्‍शो ठेयब ताप्‍तीक, खैजडी, मार मार ताप्‍तीक नु बुप्‍केल ताप्‍शा सिल पना पन गाक्‍मा बाक्‍त।
2SA 6:6 मेकोपुकी नाकोन आ खलाम जाक्‍मानु, ब्‍यफ दाइल पांइससा बाक्‍त। मिनु उज्‍जाहम आ गुइ दिंशा, परमप्रभु आ सन्‍दोस तिक्‍गा बाक्‍त।
2SA 6:7 मिनु परमप्रभु यावे उज्‍जाह कली तशा, गाइक्‍ता बाक्‍त। मिनु परमप्रभुमी मेको आ गुइ दिंशा, सन्‍दोस थिशो तशा, आ सन्‍दोस आ नेक्‍था उइ सदा बाक्‍त। १सामुएल ६:१९; गन्‍ती ४:१५
2SA 6:8 मिनु दाऊद गाइक्‍ता बाक्‍त। मारदे हना परमप्रभु यावेम उज्‍जाह आ पर्बम गाइश्‍शा, मेको कली सदा बाक्‍त। मोपतीके मेकेर पेरेस-उज्‍जा नें वोदा बाक्‍त। मेको आ नें मुल सम्‍म मेकोन बाक्‍ब।
2SA 6:9 मेको नाक्‍ती दाऊद परमप्रभु यावे क्‍येङा हिंमाक्‍त। मिनु “मुल गो परमप्रभु यावे आ सन्‍दोस दोपा लाइक्‍नुङा?” देंमाक्‍त।
2SA 6:10 मिनु दाऊदमी परमप्रभु यावे आ सन्‍दोस आ बाक्‍तीके, दाऊद आ सहर, लाइक्‍ने मचबा बाक्‍त। मिनु आ खिं लाइक्‍चा आ पा ङा मेको गित्त आ खिं ङा मुर, ओबेद-एदोम आ खिंमी चाक्‍दीदा बाक्‍त।
2SA 6:11 मोपा परमप्रभु यावे आ सन्‍दोस ओबेद-एदोम आ खिंमी महिना सां सम्‍म बाक्‍माक्‍त। मिनु परमप्रभु यावेमी गित्त आ खिं ङा ओबेद-एदोम नु आ खिं ङा मुर नेल्‍ल आन कली आसीक गेमी बाक्‍त।
2SA 6:12 मिनु मुरपुकीमी दाऊद कली “परमप्रभु यावेमी, परमप्रभु आ सन्‍दोस वोइश्‍शो आ पर्बम ओबेद-एदोम आ खिं ङा मुर नु आ मारेइ मारेइ आन कली आसीक गेप्‍तु” दे मदमे बाक्‍त। मिनु दाऊद लशा, ओबेद-एदोम आ खिं रे थाम्‍पा ग्‍येरसीशा, मेको परमप्रभु आ सन्‍दोस आ सहरमी चाक्‍गा बाक्‍त।
2SA 6:13 परमप्रभु यावे आ सन्‍दोस कुरब मुर ६ पैला गाक्‍शा नोले, मेकोपुकीम ब्‍यफ का नु दोम्‍शो बाछा का क्‍योरशा चढ़ेमे बाक्‍त। १राजा ८:५
2SA 6:14 दाऊदम सुती के ऊरीम नु थुम्‍मीम कुरतीके पांइशा, परमप्रभु यावे आ ङोंइती आ जोंब बोक्‍शा सिल पवा बाक्‍त। प्रस्‍थान २८:६; १सामुएल २:१८; १सामुएल २२:१८
2SA 6:15 मिनु दाऊद नु इस्राएल आ खिं ङा मुर नेल्‍ल रेयके पना पन तुराही ताम्‍ना ताम्‍न परमप्रभु यावे आ सन्‍दोस चाक्‍गमे बाक्‍त।
2SA 6:16 मिनु परमप्रभु यावे आ सन्‍दोस दाऊद आ सहरमी चाक्‍गमेनु, सावल आ तमी मिकालमी झेल रे कोव़ङा बाक्‍त। मिनु पिप दाऊद कली परमप्रभु यावे आ ङोंइती प्रेक्‍ना प्रेक्‍न, सिल पशो तशा, आ थुंमी ग्रांग्रा दिमाक्‍त।
2SA 6:17 मिनु मेकोपुकीम परमप्रभु यावे आ सन्‍दोस वोइक्‍चा कली दाऊदम कीशो ताम्‍बुम ओंइदमे बाक्‍त। मिनु दाऊदमी परमप्रभु यावे आ ङोंइती चोशा चढ़ेतीक नु दुशा बाक्‍चा आ पर्बम चढ़ेतीक चढ़ेवा बाक्‍त।
2SA 6:18 दाऊदमी मेको चोशा चढ़ेतीक नु दुशा बाक्‍चा आ पर्बम चढ़ेतीके चढ़ेने थुम्‍शा, मुर नेल्‍ल आन परमप्रभु यावे आ नेंमी आ मुर नेल्‍ल आन कली आसीक गेमी बाक्‍त। १राजा ८:५५
2SA 6:19 मिनु दाऊदमी इस्राएली नेल्‍ल आन कली नु मेकेर देल्‍शो मीश मुर, वोंइश मुर नेल्‍ल आन कली शोब्‍ले का का, चोकटा का का श्‍ये, सोव़शो अङगुर शोब्‍ले गेमी बाक्‍त। मिनु मुर नेल्‍ल आन खिं खिं लेम्‍मा बाक्‍त।
2SA 6:20 मिनु दाऊद आ खिं ङा मुर आन कली आसीक गेथ लेम्‍मेनु, सावल आ तमी मिकाल मेको कली ग्रुम्‍थ लाङगा ग्रूशा पिमाक्‍त। मिनु मेकोम “मुलाक्‍ती इस्राएल ङा पिप थम ठेयब मिम्‍सीशो बाक्‍त। मेको मुलाक्‍त आ गेय पाइब वाइलीम आन ङोंइती शिश्रा दुम्‍शा, मुने मपाइश्‍शो आइक्‍च मुर खोदेंशो दुम्‍त” देंमाक्‍त।
2SA 6:21 मिनु दाऊदम मिकाल कली “इ आफ नु आ खिं ङा मुर आन पा ङा आं कली इस्राएल ङा आ मुर आन पिप सेल्‍ब परमप्रभु यावे आ ङोंइती मो पाता। गो परमप्रभु यावे आ ङोंइती ग्‍येरशा सिल पाइनुङ। २सामुएल ५:२
2SA 6:22 गो थमा पा मुल यो मेको क्‍येङा यो आइक्‍च दुम्‍नुङ। तन्‍न मेको आं वाइलीम आन पर्बम गे मार देंने, मेकोपुकीमी आं कली मो पशो आ पर्बम मान पाइनीम” देंमाक्‍त।
2SA 6:23 मोपतीके मेको सावल आ तमी मिकाल के आ बेक्‍ची नाक्‍त सम्‍म तमी तौ मदुम्‍मा बाक्‍त।
2SA 7:1 मिनु पिप आंम खिंम बाक्‍म नोले, परमप्रभु यावेम मेको कली आ एर ओंथ ङा जोरी सत्रु नेल्‍ल आन रे नाइक्‍चा गेवा बाक्‍त।
2SA 7:2 मिनु पिपमी परमप्रभु यावे आ लोव़ पाइब नाथान कली “कोव़ङीन। गो लेबानोन ङा लाइश्‍शो रवा आ शी के सेल्‍शो खिंम बाक्‍शो बाक्‍नुङ। तन्‍न परमप्रभु आ सन्‍दोस चहिं ताम्‍बुम बाक्‍ब” देंमाक्‍त। भजन संग्रह १३२:३-५
2SA 7:3 मिनु नाथानमी पिप कली “दुम्‍ब, इन थुंम मार बाक्‍मे, मेको पने। मारदे हना परमप्रभु यावे गे नु बाक्‍ब” देंमाक्‍त।
2SA 7:4 तन्‍न मेको नाक्‍दोन परमप्रभु यावेम नाथान कली लोव़ पवा बाक्‍त।
2SA 7:5 मार लोव़ पवा बाक्‍त देंशा हना “गे लशा, आं गेय पाइब दाऊद कली ‘गे आं कली बाक्‍चा कली खिं सेल्‍नेवे ङा? १इतिहास २२:८; १राजा ५:१७
2SA 7:6 गो इस्राएली आन कली इजीप्‍त रे चाक्‍गुमी रे मुल सम्‍म गेनायो खिंम मबाक्‍ङ। ताम्‍बु नु अरु बाक्‍तीकेम बाक्‍ती। १राजा ८:१६,२७; यसैया ६६:१
2SA 7:7 गो इस्राएल ङा आं मुरपुकी नु ते ते गाक्‍ङा, मेक मेक मार आं मुर इस्राएली आन कली कोव़ब, आन थर ङा ठेयब मुर आन कली आं कली लेबानोन ङा लाइश्‍शो रवा आ शी के खिं मारदे मसेल्‍नी’ देंङा ङा?
2SA 7:8 मोपतीके गे आं गेय पाइब दाऊद कली मुर नेल्‍ल आन परमप्रभु यावेमी मार देंत देंशा हना ‘इ कली, आं मुर इस्राएली आन कली कोव़ब दुम्‍पाइक्‍चा कली भेडा योव़तीक रे चाक्‍तन। १सामुएल १६:११-१३; २सामुएल ५:२
2SA 7:9 गे ते ते गाक्‍ङे, मेक मेक गो गे नु बाक्‍ती। गो इ जोरी सत्रु नेल्‍ल आन कली इ ङोंइती रे खेर‍तामी। गो इ नें रागी ङा ठेयब मुर आन नें खोदेंशो पा ठेयब सेल्‍नुङ।
2SA 7:10 गो आं मुर इस्राएली आन कली बाक्‍तीक का योव़नुङ। मिनु मेकोपुकी आंम आंम रागीम बाक्‍नीम। मुल रे मेको आन कली सुइम श्‍येत मगेनीम। ङोंइती ङा खोदेंशो पा मुल रे मेको आन कली सुइम मरिम्‍शो मपाइनीम, श्‍येत मगेनीम।
2SA 7:11 आं मुर इस्राएली आन कली निसाफ पाइब योव़शो रे गो इ कली इ जोरी सत्रु नेल्‍ल रे नाइक्‍पाइक्‍नन। मिनु परमप्रभु यावेमी इ कली चच युइ गेब’ दे मतो” देंमाक्‍त।
2SA 7:12 परमप्रभु यावेम दाऊद कली “इ नाक्‍त नुप्‍त हना नु इ किकी पिपी नु बाक्‍थ लचा नोले गो इ खिं ङा मुर आन दाते रे का कली इ पा ङा पिप सेल्‍नुङ। मिनु मेको आ राज्‍य बोल्‍यो सेल्‍नुङ। १राजा ८:२०
2SA 7:13 मिनु मेकोमी आं नेंमी खिं का सेल्‍ब। गो मेको आ राज्‍य गेना हना यो बाक्‍ब सेल्‍नुङ। १राजा ५:१९; १राजा ६:१२; भजन संग्रह ८९:४-५; यसैया ९:६
2SA 7:14 गो मेको आ आफ दुम्‍नुङ। मिनु मेको आं तौ दुम्‍ब। मेकोम मरिम्‍शो पाप्‍तु हना, गो मेको कली मुर खोदेंशो पा कोक्‍केम तुप्‍नुङ। भजन संग्रह २:७; भजन संग्रह ८९:२७; लूका १:३२; हिब्रू १:५
2SA 7:15 तन्‍न गो गेना हना यो आं दाक्‍तीकेम मप्रोंइनुङ। मेको इ ङोंइती सावल कली प्रोंइ‍शो खोदेंशो पा मेको कली मप्रोंइनुङ। १सामुएल १५:२३-२६
2SA 7:16 इ खिं नु इ राज्‍य गेना हना यो आं ङोंइती लीब। इ सासन पतीक गेना हना यो लीब” देंमाक्‍त। भजन संग्रह ७२:-; यसैया ५५:३
2SA 7:17 मिनु नाथानम मेको देंशो लोव़ नु कोंइशो नेल्‍ल दाऊद कली देंमाक्‍त।
2SA 7:18 मिनु पिप दाऊद परमप्रभु यावे आ बाक्‍तीक ओव़शा, मेको कली “परमप्रभु यावे, गो सु नङा? आं खिं ङा मुर सु बाक्‍नीमी? मिनु गे आं कली एक सम्‍म चाक्‍यीनी?
2SA 7:19 आं कली पशो इन ङोंइती आइक्‍च बाक्‍ब। गे इन गेय पाइब आ खिं आ पर्बम नोले दुम्‍ब लोव़ यो पाइतीनी। परमप्रभु यावे, मेको इन मुर आन कली अरेशो लोव़ बाक्‍ब।
2SA 7:20 परमप्रभु यावे, मुल गो एको क्‍येङा शुश मार देंने चाप्‍नुङा ङा? मारदे हना गे इन गेय पाइब कली रिम्‍शो पा तुइक्‍नीनी।
2SA 7:21 गे इन थुंम मिम्‍शा, थोक्‍शा पशो लोव़ इन गेय पाइब, आं कली तुइक्‍पाइक्‍चा कली मोदेंशो ठेयब गेय पाइतीनी।
2SA 7:22 मोपतीके परमप्रभु यावे, परमप्रभु गे ठेयब बाक्‍नीनी। इन खोदेंशो अरु सुइ मबाक्‍नीम। अर्को परमप्रभु यो मबाक्‍नीम।
2SA 7:23 इन मुर खोदेंशो अर्को सु बाक्‍नीमी? इस्राएली खोदेंशो सु बाक्‍नीमी? रागी नेल्‍लेमी परमप्रभुम प्रोंइशो इस्राएली खोदेंशो अर्को जात यो बाक्‍मा कों? गे इन नें ठेयब सेल्‍चा कली गे इन मुर आन कली ठेयब नु छक लाक्‍चा ङा गेय पाइतीनी। गे इन मुर आन ङोंइती रे रागी रागी ङा मुर नु आन देवी देवता आन कली खेरतीनी। ब्‍यवस्‍था ४:७
2SA 7:24 गे इन मुर इस्राएली आन कली गेना हना यो इन मुर दुम्‍पाइक्‍‍चा कली बोल्‍यो सेल्‍तीनी। मिनु परमप्रभु यावे, गे मेको आन परमप्रभु दुम्‍तीनी।
2SA 7:25 परमप्रभु यावे, मुल परमप्रभु, इन गेय पाइब नु मेको आ खिं ङा मुर आन पर्बम देंशो गेना हना यो खपीन। इन थोक्‍शा पशो लोव़ खोदेंशो पा पने।
2SA 7:26 मुर नेल्‍ल आन परमप्रभु यावे इस्राएली आन परमप्रभु बाक्‍ब। मिनु इन गेय पाइब दाऊद आ खिं गेना हना यो इन ङोंइती लीब, दे इन नें गेना हना यो ठेयब सेल्‍नीम।
2SA 7:27 मारदे हना गे, मुर नेल्‍ल आन परमप्रभु यावे, इस्राएल आ परमप्रभु, इन गेय पाइब कली ‘गो इ खिं सेल्‍नुङ’ देंतीनी। गो महिंथु, एको लोव़ पाता। यसैया ५०:५
2SA 7:28 परमप्रभु यावे, गे परमप्रभु बाक्‍नीनी। इन लोव़ थमा बाक्‍ब। गे इन गेय पाइब कली रिम्‍शो थोक्‍शा पशो लोव़ पाइतीनी। १राजा ८:२६
2SA 7:29 मोपतीके मुल इन गेय पाइब आ खिं कली आसीक गेने। मिनु मेको इन ङोंइती गेना हना यो लील। परमप्रभु यावे मेको गे पाइतीनी। मिनु इन आसीकमी इन गेय पाइब आ खिं गेना हना यो आसीक राइब” दे परमप्रभु कली पुना बाक्‍त।
2SA 8:1 मिनु इच्‍का नोले दाऊदमी पलिस्‍ती आन कली लडाइ तोशा ग्रामाक्‍त। दाऊदमी मेथेग-आम्‍माह सहर आंम के सेला बाक्‍त।
2SA 8:2 दाऊदम मोआबी आन कली यो फ्रुवा बाक्‍त। मिनु मेको आन कली खपीम इप्‍पाइक्‍मी बाक्‍त। मिनु डोरी कामी थाप्‍शा भाग सां सेल्‍मी बाक्‍त। भाग निक्‍शी ङा मुर आन कली साइक्‍मी बाक्‍त। मिनु भाग का ङा मुर आन कली प्रोंइमी बाक्‍त। मिनु मोआबीपुकी मेको आ वाइल दुम्‍मा बाक्‍त। मिनु मेकोपुकीम दाऊद कली तिरो थाप्‍चा माल्‍मा बाक्‍त। १सामुएल २२:३
2SA 8:3 मिनु दाऊद युफ्रेटीस खोला आ नेक्‍थाम आ अधिकार वोइक्‍चा कली लमेनु, सोबाह सहर ङा रेहोब आ तौ पिप हादादेजेर कली यो लडाइ पा ग्रामाक्‍त।
2SA 8:4 दाऊदम मेको रे हजार का ७ सहे शारा ङोइक्‍बपुकी नु २० हजार जना खोइलीम गाक्‍ब लडाइ पाइब आन कली ग्‍याइक्‍तीमी बाक्‍त। मिनु दाऊदम बग्‍गी कीब शारा आन नारी ख्रोदा बाक्‍त। मिनु आंम कली सहे का शारा बग्‍गी कीचा कली वोदा बाक्‍त। यहोसु ११:९
2SA 8:5 मेना दमस्‍कस ङा अराम ङा मुर सोबाह सहर ङा पिप हादादेजेर कली वारच पाइक्‍चा कली जाक्‍मा बाक्‍त। मिनु दाऊदम मेको आन दाते ङा २२ हजार अरामी आन कली साइक्‍मी बाक्‍त।
2SA 8:6 मिनु दाऊदम मेको अराम ङा मुर आन रागी दमस्‍कसम कोव़ब मुर वोइक्‍मी बाक्‍त। मिनु मेकोपुकी दाऊद आ वाइल दुम्‍शा, तिरो थाप्‍चा माल्‍मा बाक्‍त। मोपा परमप्रभु यावेम दाऊद ते ते गाक्‍मे, मेक मेक ग्रापदा बाक्‍त।
2SA 8:7 हादादेजेर आ गेय पाइब आन कुरशो सुन के तेक्‍‍तीके दाऊदम आइक्‍के सेला बाक्‍त। मिनु मेको यरूसलेम सहरम चाक्‍गा बाक्‍त।
2SA 8:8 मेकोमी हादादेजेर आ सहर, बेताह नु बेरोथाइ सहर रे शुश कांसा चाक्‍गा बाक्‍त।
2SA 8:9 मिनु हमाथ ङा पिप तोइमी “दाऊदम हादादेजेर आ लडाइ पाइब नेल्‍ल आन कली फ्रुप्‍तु” देंशो नेना बाक्‍त।
2SA 8:10 मिनु पिप तोइमी आ तौ योराम कली दाऊद कली ग्रुम्‍थ सोइक्‍ता बाक्‍त। मिनु मेकोमी दाऊद कली “गे लडाइम हादादेजेर कली फ्रुशा रिम्‍शो पाइतीनी” देंथ नु मान पा ठेयब सेल्‍तीक लोव़ पथ सोइक्‍ता बाक्‍त। मारदे हना हादादेजेर नु तोइ आस दातेमी लडाइ दुम्‍ना दुम्‍न बाक्‍शो बाक्‍माक्‍त। योराममी सुन चांदी नु कांसा के ग्‍योंब यो चाक्‍गा बाक्‍त।
2SA 8:11 पिप दाऊदमी मेको यो परमप्रभु यावे कली गेवा बाक्‍त। आ फ्रुशो रागी नेल्‍ल ङा सुन चांदी मोपा गेबाक्‍माक्‍त।
2SA 8:12 एदोम, मोआब, अम्‍मोन पलिस्‍ती नु अमालेक रे चाक्‍शो सुन चांदी, सोबाह सहर ङा रेहोब आ तौ पिप हादादेजेर रे रोइश्‍शो मारेइ मारेइ परमप्रभु यावे कली गेवा बाक्‍त।
2SA 8:13 दाऊद लडाइ ग्राशा, आ नें चेम्‍शा लेम्‍मेनु, हिक्‍सी बाक्‍शो बेंसीम १८ हजार एदोम ङा मुर आन कली साइक्‍मी बाक्‍त। भजन संग्रह ६०:२
2SA 8:14 मेकोमी एदोम रागी नेल्‍लेम कोव़ब मुर वोइक्‍मी बाक्‍त। मिनु एदोम ङा मुर नेल्‍ल दाऊद आ वाइल दुम्‍मा बाक्‍त। मोपा परमप्रभु यावेम दाऊद ते ते लमे, मेक मेक ग्रापदा बाक्‍त। उत्‍पत्ती २७:४०; गन्‍ती २४:१८
2SA 8:15 मिनु दाऊदमी इस्राएल रागी नेल्‍लेम सासन पवा बाक्‍त। मिनु आ मुर नेल्‍ल आन कली ठीक निसाफ पवा बाक्‍त।
2SA 8:16 सेरूयाह आ तौ योआब लडाइ पाइब आन ठेयब मुर बाक्‍माक्‍त। अहीलुद आ तौ येहो-शाफात मेको आ ब्रेक्‍ब बाक्‍माक्‍त। २सामुएल २:२३-२६
2SA 8:17 अहीतुब आ तौ सादोक नु अबीयाथार आ तौ अहीमेलेक चढ़ेब बाक्‍सा बाक्‍त। सेरायाह ब्रेक्‍ब बाक्‍माक्‍त।
2SA 8:18 येहो-यादा आ तौ बेनायाह, केरेथी नु पेलेथी, पिप कली कोव़ब आन ठेयब मुर बाक्‍माक्‍त। दाऊद आ तौपुकी चहिं चढ़ेब बाक्‍मा बाक्‍त। २सामुएल १५:१८
2SA 9:1 मिनु दाऊदमी “मार, सावल आ खिं ङा मुर सुइ ब्रोंइशो बाक्‍नीमी? मेको आन कली गो योनाथन आ पर्बम शिशी पाइक्‍ने चाप्‍नुङा?” दे हिल्‍लो पवा बाक्‍त।
2SA 9:2 सावल आ खिं ङा सीबा नें पाइश्‍शो गेय पाइब मुर का बाक्‍माक्‍त। दाऊदम मेको कली ब्रेत्‍थ सोइक्‍ता बाक्‍त। मिनु पिपमी मेको कली “मार, गे सीबा नवे” देंमाक्‍त। मिनु मेकोम “ओं, गो इन गेय पाइब सीबा नङ” देंमाक्‍त। २सामुएल १६:१
2SA 9:3 मिनु पिपमी “सावल आ खिं ङा सुइ ब्रोंइशा लीशो बाक्‍नीमी? गो मेको कली परमप्रभु आ दाक्‍तीक कोंइचा दाक्‍नुङ?” देंमाक्‍त। मिनु सीबाम पिप कली “योनाथन आ तौ का ब्रोंइशा लीशो बाक्‍ब। मेको आ खोइल निम्‍फा मदुक्‍ब बाक्‍ब” देंमाक्‍त।
2SA 9:4 मिनु पिपमी मेको कली “मेको ते बाक्‍म?” दे हिल्‍लो पवा बाक्‍त। मिनु सीबामी “मेको लो-देबार सहर ङा अम्‍मीएल आ तौ माकीर आ खिंम बाक्‍ब” देंमाक्‍त। २सामुएल १७:२७
2SA 9:5 मिनु पिप दाऊदमी लो-देबार ङा अम्‍मीएल आ तौ माकीर आ खिंम मुर सोइश्‍शा मेको कली चाक्‍पदा बाक्‍त।
2SA 9:6 मिनु योनाथन आ तौ सावल आ चच मेफी-बोशेथ दाऊद आ बाक्‍तीके जाक्‍माक्‍त। मिनु मेकोमी खुम्‍की पा बाप्‍शा पिप कली सेउ पवा बाक्‍त। मिनु दाऊदम मेको कली “मेफी-बोशेथ” देंमाक्‍त। मिनु मेफी-बोशेथमी “गो इन गेय पाइब एक बाक्‍ती” देंमाक्‍त।
2SA 9:7 मिनु दाऊदम मेको कली “महिंनो, गो इ कली इ आफ योनाथन आ पर्बम शिशी पाइक्‍नुङ। गो इ कली इ बाजे सावल आ रू नेल्‍ल लेश्‍शा गेन‍न। मिनु गे गेना हना यो गो नु बाक्‍शा जाइ‍नेवे” देंमाक्‍त।
2SA 9:8 मिनु मेफी-बोशेथम खुम्‍की पा बाप्‍शा “गो सु नङा ङा? पिपमी गो बेक्‍शो कुचुम खोदेंशो मुर, आं कली शिशी पाइय्‍यीनी?” देंमाक्‍त।
2SA 9:9 मिनु दाऊदमी सावल आ गेय पाइ‍ब सीबा कली ब्रेश्‍शा “सावल नु आं खिं ङा शोंप नेल्‍ल गो इ होव़प आ चच कली गेता। २सामुएल १९:२९-३०
2SA 9:10 गे, इ तौपुकी नु इ गेय पाइब नेल्‍लेमी मेको आ रूम गेय पचा माल्‍नीनी। मिनु गे इ होव़प आ चच आ खिं ङा मुर आन कली गेचा माल्‍नेवे। तन्‍न इ होव़प आ चच मेफी-बोशेथ गेना हना यो गो नु काथा बाक्‍शा जाइ‍ब” दे मदा बाक्‍त। सीबा के १५ जना तौ नु २० जना गेय पाइब बाक्‍मा बाक्‍त।
2SA 9:11 मिनु सीबाम पिप कली “आं प्रभु पिप, गो इन गेय पाइबमी इन देंशो खोदेंशो पा नेल्‍ल पाइक्‍नुङ” देंमाक्‍त। मेफी-बोशेथ पिप आ तौ का खोदेंशो पा पिप दाऊद आ खिंम बाक्‍शा, जवा बाक्‍त।
2SA 9:12 मेफी-बोशेथ आ तौ का बाक्‍माक्‍त। मेको आ नें मीका बाक्‍माक्‍त। मिनु सीबा आ खिं ङा मुर नेल्‍ल मेफी-बोशेथ आ गेय पाइब दुम्‍मा बाक्‍त।
2SA 9:13 तन्‍न मेफी-बोशेथ यरूसलेमम बाक्‍माक्‍त। मारदे हना मेकोमी गेना हना यो पिप नु जवा बाक्‍त। मेको आ खोइल निम्‍फा मदुक्‍ब बाक्‍माक्‍त। २सामुएल ९:३
2SA 10:1 मिनु नोले अम्‍मोनी आन पिप बेक्‍माक्‍त। मिनु मेको आ पा ङा आ तौ हानुन पिप दुम्‍माक्‍त।
2SA 10:2 दाऊदम “नाहाशमी आं कली रिम्‍शो पशो खोदेंशो पा गो नाहाश आं तौ हानुन कली रिम्‍शो पाइनुङ” दे मिम्‍ता बाक्‍त। मिनु मेकोमी आ आफ बेक्‍शो आ पर्बम लेम्‍शो लोव़ नेंपाइक्‍थ लोव़ कुरब मुर आन कली सोइक्‍ता बाक्‍त। मिनु दाऊद आ मुरपुकी अम्‍मोनी आन रागीम ओव़मानु, १सामुएल ११:१
2SA 10:3 अम्‍मोनी आन कली सासन पाइबम आन प्रभु हानुन कली “दाऊदमी इन आफ कली ठेयब सेल्‍चा आ पर्बम इन कली लेम्‍शो लोव़ नेंपाइक्‍थ सोइश्‍‍शो बाक्ब, दे थमा सुइक्‍नीनी? एको मुरपुकी क्‍यारी पाइब नम। दाऊदमी एको आन कली इन सहर दोपा ओव़चा, दे क्‍यारी पथ सोइश्‍शो बाक्‍ब” देंमा बाक्‍त।
2SA 10:4 मोपतीके हानुनमी दाऊद आ सोइश्‍शो मुर आन कली ग्‍याइश्‍शा, आन गल शोक्रे उइक्‍थ उइक्‍थ ख्रोइश्‍शा नु आन फेक्‍शो वा क्रातो सम्‍म ख्रोइश्‍शा सोइक्‍तीमी बाक्‍त।
2SA 10:5 मेको आन कली मो पशो दाऊदम नेना बाक्‍त। मिनु दाऊदमी मेको आन कली ग्रुम्‍थ मुर सोइक्‍ता बाक्‍त। मारदे हना मेकोपुकी थम मुने तोक्‍चा पुंइस‍मा बाक्‍त। मिनु दाऊदमी “मेको आन गल शोक्रे ङोंइती ङा खोदेंशो मदु‍म सम्‍म यरीको सहरमी बाक्‍मल” देंमाक्‍त।
2SA 10:6 मिनु अम्‍मोन ङा मुरपुकीमी दाऊद कली गाइक्‍पाइश्‍शो तुइक्‍तमे बाक्‍त। मिनु अम्‍मोन ङा मुरपुकीम बेथ-रेहोब, सोबाह ङा २० हजार मुर नु अराम ङा खोइलीम गाक्‍ब लडाइ पाइब आन कली गाल्‍च थाप्‍शा चाक्‍गमे बाक्‍त। मेकोपुकीम माकाह ङा पिप नु हजार का मुर नु तोब रागी रे १२ हजार मुरपुकी गाल्‍च थाप्‍शा चाक्‍गमे बाक्‍त।
2SA 10:7 दाऊदम मेको लोव़ नेंशा, योआब नु लडाइ पाइब नेल्‍ल आन कली सोइक्‍तीमी बाक्‍त।
2SA 10:8 अम्‍मोन ङा मुर जाक्‍शा सहर ओव़तीक ठेयब लाप्‍चोमी ठीक दुम्‍मा बाक्‍त। तन्‍न सोबाह, रेहोब सहर ङा, अराम ङा मुरपुकी नु तोब नु माकाह रागी ङा मुरपुकी चहिं दिंमम लडाइ पचा कली ठीक दुम्‍मा बाक्‍त।
2SA 10:9 योआबम आ ङोंइती नु नोले निम्‍फा पटटी रे लडाइ तोचशो तवा बाक्‍त। मिनु मेकोमी इस्राएल ङा योव़शो मुर आन कली अरामी आन ङोंइती वोइक्‍मी बाक्‍त।
2SA 10:10 लीशो मुर चहिं आ लोक्‍ब अबीशै आ हुकुममी गेमी बाक्‍त। मेकोपुकी अम्‍मोनी आन ङोंइती लडाइ तोचा कली ठीक दुम्‍मा बाक्‍त।
2SA 10:11 योआबम “अराम ङा मुरपुकीम आंइ कली ग्राना ग्रान पिम्‍तेक्‍म हना, आंइ कली वारच पने। अम्‍मोन ङा मुरपुकीम इन कली ग्राना ग्रान पिम्‍तेक्‍म हना, गो इन कली वारच पाइ‍नीकी।
2SA 10:12 सक्ति पाइश्‍शो बोल्‍यो दुमीन। गो आंम मुरपुकी नु आंम परमप्रभु आ सहर आ पर्बम महिंथु, लडाइ पय। मिनु परमप्रभु यावेमी आ दाक्‍‍शो पवल” देंमाक्‍त।
2SA 10:13 मिनु योआब नु आ मुरपुकी अरामी नु लडाइ पामे बाक्‍त। मिनु अरामी मेको आन ङोंइती रे प्रोक्‍मा बाक्‍त।
2SA 10:14 मिनु अम्‍मोनीपुकीम अराम ङा मुर आन कली प्रोक्‍शो तशा, आं यो अबीशै आ ङोंइती रे प्रोक्‍शा, आन सहर ओव़मा बाक्‍त। मिनु योआब अम्‍मोनी नु लडाइ पचा प्रोंइशा, लेश्‍शा यरूसलेम जाक्‍‍माक्‍त।
2SA 10:15 तन्‍न अरामी इस्राएली नु ब्रुशो तशा, लेंशा बुक्‍मा बाक्‍त।
2SA 10:16 हादादेजेरमी युफ्रेटीस खोला आ आइक्‍ची हांबु रे अरामी आन कली ब्रेत्‍थ सोइक्‍तीमी बाक्‍त। मिनु मेकोपुकी हादादेजेर आ लडाइ पाइब आन ठेयब मुर शोबाक आ हुकुममी हेलाम सहरम जाक्‍मा बाक्‍त।
2SA 10:17 मिनु दाऊदमी मेकोपुकी लडाइ पथ पिशो लोव़ नेना बाक्‍त। मिनु मेकोम रीब पा इस्राएल ङा लडाइ पाइब नेल्‍ल आन कली खुप्‍शा यर्दन आइक्‍ची हांबु शोक्‍से बाक्‍त। मिनु हेलाम सहरम जाक्‍मा बाक्‍त। मेकेर अरामीपुकी दाऊद नु लडाइ पचा कली ठीक दुम्‍मा बाक्‍त। मिनु लडाइ पामे बाक्‍त।
2SA 10:18 तन्‍न इस्राएलीपुकीम मेको आन कली प्रोक्‍पदमे बाक्‍त। मेकेर दाऊदमी ७ सहे बग्‍गी ङोइक्‍ब नु ४० हजार शारा ङोइक्‍ब अरामी आन कली सदा बाक्‍त। लडाइ पाइब आन ठेयब मुर शोबाक कली बेक्‍चा ङा पा गार सेला बाक्‍त। मिनु मेको लडाइ पतीकेमीन बेक्‍माक्‍त।
2SA 10:19 मिनु हादादेजेर कली वारच पाइब पिप नेल्‍लेमी इस्राएली नु ब्रुशो, दे तुइश्‍शा, इस्राएली नु गारचा गोव़मे बाक्‍त। मिनु इस्राएली आन हुकुममी बाक्‍ने बिस्‍समा बाक्‍त। मेना रे अराम ङा मुरपुकीम अम्‍मोनी आन कली लेंशा गेनायो वारच मपदमे बाक्‍त।
2SA 11:1 नक बर्स जाक्‍मेनु, पिपपुकी लडाइ पथ ग्रूमा बाक्‍त। दाऊदमी योआब, लडाइ पाइब आन ठेयब मुर नु इस्राएल ङा लडाइ पाइब नेल्‍ल आन कली सोइक्‍तीमी बाक्‍त। मिनु मेकोपुकीम अम्‍मोन खतम पोक्‍गमे बाक्‍त। रब्‍बाह सहर कली पुम्‍दमे बाक्‍त। तन्‍न दाऊद चहिं यरूसलेम सहरमी बाक्‍माक्‍त। १इतिहास २०:१
2SA 11:2 काबु नाक्‍ती नाक्‍नाक्‍दो दाऊद आ इप्‍तीक रे बोक्‍शा, खिं तार हिरसेनु, मेकोमी मीश मुर का चिक्‍शो तवा बाक्‍त। मेको थम दारशो बाक्‍माक्‍त। मत्ती ५:२८-२९
2SA 11:3 मेको सु बाक्म, दे हिल्‍लो पथ, मुर का सोइक्‍ता बाक्‍त। मिनु मेकोमी “मेको एलीआम आ तमी, हित्ती उरीयाह आ मीश बाथ्‍शेबा बाक्‍त” देंमाक्‍त। २सामुएल २३:३९
2SA 11:4 मिनु दाऊदम मेको कली ब्रथ सोइक्‍ता बाक्‍त। मिनु मेको जाक्‍माक्‍त। मिनु दाऊद मेको नु इम्‍माक्‍त। मेको मीश मुर मेना आ रां ब्रोल्‍शा चिक्‍शो बाक्‍माक्‍त। मिनु नोले बाथ्‍शेबा आ खिं लेम्‍माक्‍त। प्रस्‍थान २०:१४; लेवी २०:१०; ब्‍यवस्‍था २२:२२; लेवी १५:१९
2SA 11:5 मिनु मेकोमी कोव़ज कुरा बाक्‍त “गो कोव़ज कुरशो दुम्‍‍ती” दे दाऊद कली लोव़ सोइक्‍ता बाक्‍त।
2SA 11:6 मिनु दाऊदमी योआब कली “मेको आ वोंइश हित्ती उरीयाह कली आं बाक्‍तीक सोइक्‍तो” दे लोव़ कुरब सोइक्‍ता बाक्‍त। मिनु योआबमी मेको कली दाऊद आ बाक्‍तीक सोइक्‍ता बाक्‍त।
2SA 11:7 मिनु उरीयाह जाक्‍मेनु, दाऊदमी “लडाइ दोदेंशो दुम्‍मे, योआब नु अरु लडाइ पाइबपुकी मार पामे?” दे हिल्‍लो पवा बाक्‍त।
2SA 11:8 मेको नोले दाऊदमी हित्ती उरीयाह कली “उइ इ खिं लशा नांइ‍सो, इ खोइल चिक्‍सो” दे मदा बाक्‍त। मिनु मेको पिप आ खिं रे ग्रूशा गाक्‍मेनु, पिपमी मेको आ नोले कोसेली सोइक्‍ता बाक्‍त।
2SA 11:9 तन्‍न उरीयाह उइ आ खिं मलथु, पिप आ ओव़तीक लाप्‍चो आ नेक्‍था इम्‍माक्‍त। मेकेर आ प्रभु आ गेय पाइबपुकी यो इप्‍शो बाक्‍मा बाक्‍त।
2SA 11:10 मिनु दाऊदम उरीयाह उइ आ खिं मला देंशो लोव़ नेना बाक्‍त। मिनु मेको कली “गे लाइश्‍शो लां गाक्‍शा जाक्‍शो बाक्‍नेवे। मारदे गे उइ इ खिं मलवे?” दे मदा बाक्‍त।
2SA 11:11 मिनु उरीयाहमी “परमप्रभु आ सन्‍दोस, इस्राएल नु यहूदा ङा मुर नेल्‍ल, आं प्रभु योआब नु इन गेय पाइब नेल्‍ल दिंम ङा बाक्‍तीकेम बाक्‍शो बाक्‍नीम। मिनु गो दोपा जचा तूचा नु आं मीश नु इप्‍चा कली खिं लाइक्‍नुङा? गे इन ब्रोंइशा बाक्‍शो खोदेंशो पा, गो मो पने मचाप्‍नुङ” देंमाक्‍त।
2SA 11:12 मिनु दाऊदमी उरीयाह कली “मो हना मुलाक्‍त का एक बाक्‍को। मिनु दीसा लेश्‍शा सोइक्‍नन” देंमाक्‍त। मोपतीके उरीयाह मेको नाक्‍ती यरूसलेम उइ बाक्‍माक्‍त।
2SA 11:13 मिनु आ दीसा दाऊदमी मेको कली आ बाक्‍तीकेम जथ ब्रेत्‍ता बाक्‍त। मिनु मेको कली दुक्‍पदा बाक्‍त। तन्‍न नाक्‍दो मेको लाङगा ग्रूशा आ प्रभु आ गेय पाइबपुकी नु आ ब्राख्‍येम इम्‍माक्‍त। तन्‍न मेको उइ आ खिं मलमाक्‍त।
2SA 11:14 आ दीसा दाऊदमी योआब कली चिठी का ब्रेक्‍शा, उरीयाह आ गुइमी सोइक्‍ता बाक्‍त।
2SA 11:15 मेको चिठीम “तेकेर ठेयब लडाइ दुम्‍मे मेकेर उरीयाह कली सोइश्‍शा, गेपुकी चहिं नोले शोंइसीन। मिनु मेको बेक्‍ल” दे ब्रेक्‍ता बाक्‍त। प्रस्‍थान २०:१३
2SA 11:16 योआब नु लडाइ पाइबपुकीमी सहर कली पुम्‍दमे बाक्‍त। मिनु मेकोमी उरीयाह कली थम ठेयब लडाइ दुम्‍तीकेम सोइक्‍ता बाक्‍त।
2SA 11:17 मिनु सहर ङा मुरपुकी फो फु ग्रूशा योआब नु लडाइ पामे बाक्‍त। दाऊद आ मुरपुकी का निक्‍शी बेक्‍मा बाक्‍त। हित्ती उरीयाह यो साइक्‍चा पुंइसे बाक्‍त।
2SA 11:18 मिनु योआबमी लडाइ ङा लोव़ नेल्‍ल देंशा, मुर का दाऊद आ बाक्‍तीकेम सोइक्‍ता बाक्‍त।
2SA 11:19 योआबमी लोव़ कुर‍ब मुर कली “गे लडाइम मार मार दुम्‍मे, मेको लोव़ नेल्‍ल पिप कली शेंने थुमी नोले,
2SA 11:20 पिप गाइश्‍शा ‘लडाइ पनीनु सहर आ नेक्‍था मारदे लनी? गारो तार रे आप्‍नीम, दे मतुइक्‍नीनी?
2SA 11:21 येरूब-बाल आ तौ अबीमेलेक कली सुम सदा? मीश मुर कामी थेबेस ङा गारो रे यात तोक्‍शा साइश्‍शो बाक्‍ब। मारदे गे गारो आ नेक्‍था लनी?’ देंत हना, गे मेको कली ‘इन गेय पाइब हित्ती उरीयाह यो बेक्‍त’ मतो” दे मदा बाक्‍त। न्‍यायाधीस ९:५३-५४
2SA 11:22 मिनु मेको लोव़ कुरब मुर दाऊद आ बाक्‍तीक जाक्‍माक्‍त। मिनु योआब आ देंशो खोदेंशो पा लोव़ नेल्‍ल शोव़ङा बाक्‍त।
2SA 11:23 मिनु मेको लोव़ चाक्‍ब मुरुमी दाऊद कली “मुरपुकी आंइ कली लडाइ तोचा कली बुक्‍तेक्‍म। मिनु फो फु ग्रूशा दिंमम आंइ कली लडाइ तोम्‍तेक्‍म। गोपुकीम मेको आन कली सहर आ लाप्‍चो सम्‍म खेदा पा लाइ‍तक।
2SA 11:24 मिनु ब्रा आप्‍बपुकीम इन गेय पाइब आंइ कली गारो तार रे ब्रा आप्‍तेक्‍म। मिनु इन मुर का निक्‍शी बेक्‍तेक्‍म। इन वाइल हित्ती उरीयाह यो बेक्‍त” देंमाक्‍त।
2SA 11:25 मिनु दाऊदम मेको कली “गे योआब कली ‘गे मेको साइश्‍शो मुर आन पर्बम सुर्ता मपावो। मारदे हना तरवारम गेना हना यो मुर साइक्‍ब। गे सहर कली लडाइ तोस ङा तोस बाक्‍शा, ग्रानीनी’ दे आ थुं बारपतीन” देंमाक्‍त।
2SA 11:26 मिनु उरीयाह आ मीशेम आ वोंइश बेक्‍शो लोव़ नेंशा, मेको आ पर्बम रोंका पवा बाक्‍त।
2SA 11:27 मिनु रोंका पतीक नाक्‍त नुम नोले दाऊदम मुर सोइश्‍शा आ खिं चाक्‍गा बाक्‍त। मिनु मेको दाऊद आ मीश दुम्‍शा, तौ का थि‍माक्‍त। तन्‍न दाऊद आ पशो परमप्रभु यावे आ ङोंइती थम मरिम्‍शो बाक्‍माक्‍त।
2SA 12:1 परमप्रभु यावेमी आ लोव़ पाइब नाथान कली दाऊद आ बाक्‍तीक सोइक्‍ता बाक्‍त। मिनु मेको दाऊद आ बाक्‍तीक जाक्‍शा, मेको कली “सहर कामी मुर निक्‍शी बाक्‍सा बाक्‍त। मुर का शोंप पाइश्‍शो नु का प्रुङग बाक्‍माक्‍त। प्रस्‍थान २०:१७
2SA 12:2 शोंप पाइश्‍शो मुर के शुश क्‍यारश भेडा नु बी ब्‍यफ बाक्‍मा बाक्‍त।
2SA 12:3 मेको प्रुङग मुर के पाठी का ला बाक्‍माक्‍त। मेको कली ग्‍याप्‍शो बाक्‍माक्‍त। मेको पाठी कली थुल्‍शा, आ आलपुकी नु कोल्‍पदा बाक्‍त। मिनु मेकोमी मेको आ भाग जशा तूशा बाक्‍बाक्‍माक्‍त। मेको आ थुकुमीन इप्‍बाक्‍माक्‍त। मिनु मेको मुरुमी मेको पाठी कली आ तमी खोदेंशोन पाइक्‍बाक्‍माक्‍त।
2SA 12:4 काबु नाक्‍ती मेको शोंप पाइश्‍शो मुर आ खिंम पौना का जाक्‍माक्‍त। मेको शोंप पाइश्‍शो मुरुम आ पौना कली थुल्‍चा कली आ क्‍यारश भेडा रे मारेइ गेचा थुं मपवा बाक्‍त। तन्‍न मेको प्रुङग मुर आ पाठी चाक्‍शा आ पौना कली जचा ब्‍वचा थोव़क सेला बाक्‍त” दे मदा बाक्‍त।
2SA 12:5 मिनु दाऊदम मेको लोव़ नेंशा, मो पाइब मुर आ पर्बम थाम्‍पा गाइक्‍ता बाक्‍त। मिनु मेकोमी नाथान कली “परमप्रभु यावे ब्रोंइशा बाक्‍शो खोदेंशो पा मेको मुर साइक्‍चा पुंइसीब।
2SA 12:6 मेकोम मोपा शिशी मकोंइतीके मेको पाठी का के ४ ओटा पाठी गेचा माल्‍ब” देंमाक्‍त। प्रस्‍थान २१:३७
2SA 12:7 मिनु नाथानम दाऊद कली “मेको मुर गेन ननी। इस्राएली आन परमप्रभु यावेमी मार देंत देंशा हना ‘गो इ कली तेल लुक्‍शा, इस्राएल ङा पिप सेल्‍तन। सावल आ गुइ रे प्रोंइतन। १राजा २०:४०
2SA 12:8 गो इ कली इ होव़प आ खिं नु आ मीशपुकी गे‍तन। गो इस्राएल नु यहूदा ङा मुर इ कली गेतन। मोशोम मगाप्‍ते हना यो, गो अरु शुश गेन वा।
2SA 12:9 गे मारदे आं लोव़ मटिवी? मारदे आं ङोंइती मरिम्‍शो पवी? गे हित्ती उरीयाह कली तरवारम क्‍योरतीवी। मिनु मेको आ मीश लाइश्‍शा, आ वोंइश कली अम्‍मोनी आन गुइम साइक्‍पाइक्‍तीवी। २सामुएल ११:-; १राजा १५:५
2SA 12:10 मोपतीके इ खिं गेना हना यो तरवार रे नाइक्‍चा मताइब। मारदे हना गे आं लोव़ मटिथु, हित्ती उरीयाह आ मीश चाक्‍तीवी’ दें‍त। २सामुएल १३:२८-२९; २सामुएल १८:१४; १राजा २:२४-२५; २राजा २५:७
2SA 12:11 परमप्रभु यावेमी ‘गो इ कली इ खिं रे श्‍येत दुम्‍पाइक्‍नुङ। गो इ मीश आन कली इ ङोंइती इ नेक्‍था ङा मुर कली गेनुङ। मिनु मेकोमी नाक्‍तीन मुर नेल्‍लेम तचा ङा पा मेकोपुकी नु इप्‍ब। २सामुएल १६:२२; अय्‍युब ३१:९-१०
2SA 12:12 मारदे हना गे मेको ख्रुइश्‍शा पाप्‍तीवी। तन्‍न गो इस्राएली नेल्‍ल आन तचा ङा पा नाक्‍तीन पाइ‍नुङ’ देंशो बाक्‍ब” दे नाथानमी देंमाक्‍त।
2SA 12:13 मिनु दाऊदमी नाथान कली “गो परमप्रभु यावे आ ङोंइती पाप पाता” देंमाक्‍त। मिनु नाथानम मेको कली “परमप्रभु यावेमी इ पाप क्‍याम्‍ताक्‍व। गे मबेक्‍नेवे। २सामुएल २४:१०; भजन संग्रह ५१:३; इजीकीएल १८:२१-२३
2SA 12:14 तन्‍न गे एको पाप पा परमप्रभु यावे कली गाइक्‍पाइक्‍तीवी। मोपतीके इ थिशो आल चहिं बेक्‍ब” देंमाक्‍त। २सामुएल ११:२७
2SA 12:15 मिनु नाथान आ खिं लमाक्‍त। परमप्रभु यावेम उरीयाह आ मीश रे पा जरमेशो दाऊद आ आल कली रोइ पपदा बाक्‍त।
2SA 12:16 मोपतीके दाऊदम मेको आल आ पर्बम परमप्रभु कली पुना बाक्‍त। मेको मारेइ मजथु खिंङगा लशा खपीम गोल्‍शा नां सोंइदा बाक्‍त।
2SA 12:17 खिं ङा खाल्‍पापुकीमी मेको कली “गे बोक्‍कीन” देंमा बाक्‍त। तन्‍न मेको मबिस्‍से बाक्‍त। मिनु मेकोपुकी नु जने यो मबिस्‍से बाक्‍त।
2SA 12:18 मिनु ७ नाक्‍त नोले आल बेक्‍माक्‍त। मिनु दाऊद आ गेय पाइबपुकीम “आल बेक्‍त” दे दाऊद कली देंचा हिंमा बाक्‍त। मारदे हना मेकोपुकीमी “आल सेस बाक्‍मेनु ला यो इं लोव़ मनेंन। मुल मेको कली ‘आल बेक्‍त’ दे दोपा देंचा? मेकोमी आंम आ कली मारेइ मरिम्‍शो पाइक्‍बा कों?” देंमा बाक्‍त।
2SA 12:19 तन्‍न दाऊदम आ गेय पाइ‍बपुकीम शिप शिप पा देंशो लोव़ नेंशा, आल बेक्‍माक्‍त, दे तुइक्‍ता बाक्‍त। मिनु दाऊदमी आ गेय पाइब आन कली “आल बेक्‍मे” दे हिल्‍लो पामी बाक्‍त। मिनु मेकोपुकीम “बेक्‍त” देंमा बाक्‍त।
2SA 12:20 मिनु दाऊद खप रे बोक्‍शा, चिक्‍सीशा, तेल ख्रेक्‍सीशा, अर्को वा फेक्‍से बाक्‍त। मिनु परमप्रभु यावे आ बाक्‍तीक लशा, परमप्रभु यावे कली ठेयब से‍ला बाक्‍त। मिनु नोले खिं जाक्‍शा, जचा थोव़क पुंइशा, जवा बाक्‍त।
2SA 12:21 मिनु मेको आ गेय पाइबपुकीम मेको कली “गे मार पनी? आल सेस बाक्‍म सम्‍म गे मेको आ पर्बम मारेइ मजथु ङाक्‍शा बाक्‍तीनी। तन्‍न आल बेक्‍म नोले बोक्‍शा जाइतीनी” देंमा बाक्‍त।
2SA 12:22 मिनु दाऊदमी “आल सेस बाक्‍म सम्‍म गो मारेइ मजथु ङाक्‍शा बाक्‍ती। परमप्रभु यावेमी आं कली शिशी पा, आल ब्रोंइबा, कों? दे मिम्‍ताक्‍ङ।
2SA 12:23 तन्‍न मुल मेको बेक्‍त। मारदे गो मारेइ मजथु बाक्‍नुङा? मार गो मेको कली लेश्‍शा चाक्‍ने चाप्‍नुङा ङा? गो मेको आ बाक्‍तीक लाइनुङ। तन्‍न मेको आं बाक्‍तीक लेश्‍शा मजाक्‍ब” देंमाक्‍त।
2SA 12:24 मिनु दाऊदमी आ मीश बाथ्‍शेबा कली लेम्‍दा बाक्‍त। मिनु मेको नु इम्‍माक्‍त। मिनु अर्को तौ का थि‍माक्‍त। मेको आ नें सोलोमन वोदमे बाक्‍त। मिनु परमप्रभु यावेमी मेको कली दाक्‍ता बाक्‍त।
2SA 12:25 मिनु मेको आ नें येदीदीयाह वोइक्‍चा माल्ब, दे आ लोव़ पाइब नाथान रे पा दाऊद कली लोव़ सोइक्‍ता बाक्‍त। येदीदीयाह आ अर्थ चहिं “परमप्रभु यावे आ दाक्‍शो मुर” बाक्‍ब।
2SA 12:26 मेको नोले योआबमी लडाइ पा अम्‍मोनी आन पिप आ रब्‍बाह सहर, ग्रामाक्‍त।
2SA 12:27 मेकोमी “गो रब्‍बाहम लडाइ पा मेको शुश ब्‍वाक्‍कु बाक्‍शो सहर ग्राती।
2SA 12:28 गेमी लीशो मुर आन कली खुप्‍शा, मेको सहर कली लडाइ तोशा ग्राङीन। मो मपाइतीनी हना, गो आं के सेल्‍नुङ। मिनु मेको सहर आं के दुम्‍ब” दे दाऊद कली लोव़ सोइक्‍ता बाक्‍त।
2SA 12:29 मोपतीके दाऊदम मुर नेल्‍ल आन कली खुप्‍तीमी बाक्‍त। मिनु रब्‍बाह सहर लमाक्‍त। मिनु लडाइ तोशा मेको आइक्‍के सेला बाक्‍त।
2SA 12:30 मेकोमी मिल्‍कोम आ पिया रे सिरपेच प्रुदा बाक्‍त। मेको टलेन्ट का सुन के बाक्‍माक्‍त। मेको तारी हीरा का यो क्‍येप्‍शो बाक्‍माक्‍त। मेको दाऊद कली गुक्‍त्‍मे बाक्‍त। मेकोम सहर रे शुश मार मार यो रोइश्‍शा चाक्‍गा बाक्‍त। टलेन्‍ट का ३४ किलो खोइ बाक्‍ब।
2SA 12:31 मेकोमी मेकेर ङा मुर आन कली लाइश्‍शा आरा, खन्‍ती नु खामी गेय पपदा बाक्‍त। मिनु इंटा सेल्‍तीकेम गेय पपदा बाक्‍त। मेको अम्‍मोनी आन सहर नेल्‍लेम मोदेंशो पवा बाक्‍त। मिनु नोले दाऊद नु आ मुर नेल्‍ल यरूसलेम लेम्‍मा बाक्‍त।
2SA 13:1 मेको मो दुम्‍शो इच्‍का बर्स दुम्‍माक्‍त। मिनु दाऊद आ तौ अब्‍सालोम के थम दारशो समी का बाक्‍माक्‍त। मेको आ नें तामार बाक्‍माक्‍त। दाऊद आ अर्को तौ अम्‍नोनम मेको कली दाक्‍ता बाक्‍त। २सामुएल ३:२-३
2SA 13:2 अम्‍नोन आ सान्‍मा आ तमी तामार नु दाक्‍मुतीके, आ थुंम थम मरिम्‍शो दुम्‍माक्‍त। मिनु मेकोमी दाक्‍तीके मेको रोइ पवा बाक्‍त। मारदे हना मेको कन्‍ने मीश आल बाक्‍तीके, मेकोम मारेइ मरिम्‍शो पने मचबा बाक्‍त।
2SA 13:3 तन्‍न अम्‍नोन आ वारच का बाक्‍माक्‍त। मेको आ नें योनादाब बाक्‍माक्‍त। मेको दाऊद आ लोक्ब शिमेआह आ तौ बाक्‍माक्‍त। मेको मिक्‍च सिल्‍ब मुर का बाक्‍माक्‍त। १सामुएल १७:१३
2SA 13:4 मेकोम अम्‍नोन कली “ए पिप आ तौ, मारदे गे नाक्‍त किंत किंत मरिम्‍शो दुम्‍ना दुम्‍न लवे? मार दु‍मे आं कली देनो” दे मदा बाक्‍त। मिनु अम्‍नोनमी “गो आं लोक्‍ब अब्‍सालोम आ समी तामार कली दाक्‍नुङ” देंमाक्‍त।
2SA 13:5 मिनु योनादाबमी “रोइ पाता, देंखु पा इप्‍शा बाक्‍को। मिनु इ आफ इ कली कोव़थ जाक्‍त हना, गे मेको कली ‘आं समी तामारम आं कली जचा थोव़क सेल्‍शा गेयील। मेकोम जचा थोव़क आं ङोंइती सेलल। मिनु गो मेको आ सेल्‍शो कोव़नुङ। मिनु मेको आ गुइ रे जाइ‍नुङ’ देंनो” देंमाक्‍त।
2SA 13:6 मोपतीके अम्‍नोन “रोइ पाता” देंखु पा इप्‍शा बाक्‍माक्‍त। मिनु पिप मेको कली कोव़थ जाक्‍माक्‍त। मिनु अम्‍नोनमी पिप कली “आं समी तामारम आं ङोंइती शोब्‍ले निक्‍शी चोशा गेयील। मिनु गो मेको आ गुइ रे जाइनुङ” देंमाक्‍त।
2SA 13:7 मिनु दाऊदमी खिंम लोव़ कुरब मुर का तामार आ बाक्‍तीक सोइक्‍ता बाक्‍त। मेकोमी “इ लोक्‍ब अम्‍नोन आ बाक्‍तीक लशा, मेको कली जचा थोव़क सेल्‍शा गेवो” दे लोव़ पथ सोइक्‍ता बाक्‍त।
2SA 13:8 मिनु तामार आ लोक्‍ब अम्‍नोन आ खिं लमाक्‍‍त। मिनु मेको कली इप्‍शा बाक्‍शो थिदा बाक्‍त। मिनु तामारमी फस निशा, आ ङोंइती शोब्‍ले चोशा गेवा बाक्‍त।
2SA 13:9 मिनु मेकोम तांइ शेशा अम्‍नोन आ बाक्‍तीक लशा, शोब्‍ले कुर पवा बाक्‍त। तन्‍न अम्‍नोन जने मबिस्‍से बाक्‍त। मिनु अम्‍नोनमी “नेल्‍ल आन कली लाङगा सोइक्‍तो” देंमाक्‍त। मिनु मुर नेल्‍ल लमा बाक्‍त।
2SA 13:10 मिनु अम्‍नोनमी तामार कली “मेको जचा थोव़क आं कोठाम पितो। मिनु गो इ गुइ रे जाइ‍नुङ” दे मदा बाक्‍त। मिनु तामारमी आ चोशो शोब्‍ले आ लोक्‍ब अम्‍नोन आ कोठाम लदा बाक्‍त।
2SA 13:11 मिनु मेकोम शोब्‍ले गेवानु, अम्‍नोनम मेको कली ग्‍याइश्‍शा “आं समी पिवो। गो नु इ‍पो” देंमाक्‍त। लेवी १८:९
2SA 13:12 तन्‍न तामारमी “ममाइ, आं लोक्‍ब, आं कली ओदेंशो मपने। इस्राएलम ओदेंशो गेय पचा मदुम्‍ब। ओदेंशो मरिम्‍शो गेय मपने।
2SA 13:13 गो आं मुनेम आं कुल ग्रुंइने मचाप्‍नुङ। गे यो इस्राएलम काइ मरिम्‍शो मुर दुम्‍नीनी। आं पर्बम पिप नु लोव़ पने। गो नु ग्‍युंबे पचा कली पिप बिप्‍ब” देंमाक्‍त।
2SA 13:14 तन्‍न मेकोम तामार आ लोव़ का यो मनेना बाक्‍त। मिनु मेको कली बोल पा ग्‍याइश्‍शा, मेको नु इम्‍माक्‍त।
2SA 13:15 मिनु नोले अम्‍नोनम मेको कली मदाक्‍‍ता बाक्‍त। अम्‍नोन आ ङोंइती ङा दाक्‍‍शो क्‍येङा नोले ङा ग्रांग्रा दिशो शुश बाक्‍माक्‍त। मिनु अम्‍नोनम मेको कली “बोक्‍शा लावो” दे मदा बाक्‍त।
2SA 13:16 मिनु तामारमी “ममाइ, आं लोक्‍ब, इ पशो गेय क्‍येङा यो आं कली ग्रुंइशा सोइक्‍चा थम मरिम्‍शो बाक्‍ब” देंमाक्‍त। तन्‍न अम्‍नोनम मेको आ लोव़ मनेना बाक्‍त।
2SA 13:17 मिनु अम्‍नोनम आ गेय पाइब वोंइश आल कली ब्रेश्‍शा “एको मीश मुर कली आं ङोंइती रे ग्रुंइदो। एको कली ग्रुंइशा आग्‍लो पतो” देंमाक्‍त।
2SA 13:18 तामारमी कन्‍ने मीश आल पिप आ तमीमी फेक्‍तीक लाइश्‍शो वा फेक्‍शो बाक्‍माक्‍त। मिनु अम्‍नोन आ गेय पाइब वोंइश आलम तामार कली ग्रुंइशा, आ नोले लाप्‍चोम आग्‍लो पदा बाक्‍त।
2SA 13:19 मिनु तामारमी आ पियाम पुलु फुंइसीशा, आ लाइश्‍शो वा खाक्‍गा बाक्‍त। मिनु आ पियाम गुइ वोइश्‍शा ठेयब सेंदा पा ङाक्‍ना ङाक्‍न ल‍माक्‍त।
2SA 13:20 मेको आ लोक्‍ब अब्‍सालोमम “मार, इ लोक्‍ब अम्‍नोन गे नु इम्‍मे? मुल आं समी सिक्‍सी पा बाक्‍को। मेको इ लोक्‍ब बाक्‍ब। सुर्ता मपावो” देंमाक्‍त। मोपतीके तामार आ लोक्‍ब अब्‍सालोम आ खिंमी प्रोंइचा पुंइसीशो मीश मुर खोदेंशो पा बाक्‍माक्‍त।
2SA 13:21 मिनु पिप दाऊदम मेको लोव़ नेंशा थाम्‍पा गाइक्‍ता बाक्‍त। तन्‍न अम्‍नोन कली सजाइ मगेवा बाक्‍त। मारदे हना आ दाक्‍शो ङोंइती ङा तौ बाक्‍माक्‍त।
2SA 13:22 अब्‍सालोमम अम्‍नोन कली रिम्‍शो मरिम्‍शो मारेइ लोव़ मपवा बाक्‍त। आ समी तामार कली बिथोलो सेल्‍‍तीके अब्‍सालोमम अम्‍नोन कली काइ मदाक्‍ता बाक्‍त।
2SA 13:23 बर्स निक्‍शी नोले अब्‍सालोमम आ भेडा आन ऊन प्रेक्‍चा कली मुर आन कली ब्रेत्‍ता बाक्‍त। मेको एफ्राइम आ नेक्‍था बाल-हजोरम बाक्‍माक्‍त। मिनु मेको भोजमी पिप आ तौ नेल्‍ल आन कली ब्रेत्‍तीमी बाक्‍त।
2SA 13:24 अब्‍सालोमम पिप आ बाक्‍तीक जाक्‍शा “गो, इन गेय पाइबम, ऊन प्रेक्‍तीक चाड मानेशो बाक्‍नुङ। पिप नु इन गेय पाइबपुकी यो गो नु गाक्‍कीन” देंमाक्‍त।
2SA 13:25 तन्‍न पिपमी “ममाइ, आं तौ, गो नेल्‍ल जाक्‍शा इ कली श्‍येत मगेनीकी” देंमाक्‍त। अब्‍सालोमम “जाक्‍कीन कि जाक्‍कीन” देंमाक्‍त। मिनु पिप मबिस्‍से बाक्‍त। तन्‍न आसीक गेशा सोइक्‍ता बाक्‍त।
2SA 13:26 मिनु अब्‍सालोमम “गे जाक्‍ने मचाप्‍नीनी हना यो, आं लोक्‍ब अम्‍नोन कली गो नु लचा गेनीनी कों?” देंमाक्‍त। मिनु पिपमी “मारदे मेको गे नु लाइ‍बा?” दे हिल्‍लो पवा बाक्‍त।
2SA 13:27 तन्‍न दाऊदम अम्‍नोन नु अरु आ तौ मसोइक्‍ता सम्‍म अब्‍सालोमम देंस ङा देंस पवा बाक्‍त। मिनु अब्‍सालोमम पिप आन कली गारचा ङा ठेयब भोज सेला बाक्‍त।
2SA 13:28 मेकोम आ गेय पाइब आन कली “रिम्‍शा बाक्‍कीन। अम्‍नोन अङगुर शांबुम दुक्‍त हना, गो ‘मेको कली सतीन’ देंनुङ। मिनु गे मेको कली सतीन। मारेइ हिंचा ममाल्‍नीनी। एको आं हुकुम बाक्‍ब। महिंथु बाक्‍कीन” दे माइक्‍मी बाक्‍त। लेवी २०:१७
2SA 13:29 मिनु अब्‍सालोम आ गेय पाइबपुकीम आ देंशो खोदेंशो पा अम्‍नोन कली पामे बाक्‍त। मिनु पिप आ तौ नेल्‍ल आन आन खच्‍चर ङोइश्‍शा डांडा रे खिं प्रोक्‍मा बाक्‍त।
2SA 13:30 मेकोपुकी लांम बाक्‍न बाक्‍ना पिप कली “अब्‍सालोमम पिप आ तौ नेल्‍ल आन कली साइक्‍तु। सुइ मब्रोंइम” देंशो लोव़ चाक्‍दीत्‍मे बाक्‍त।
2SA 13:31 मिनु पिप बोक्‍शा आ वा खाक्‍गा बाक्‍त। मिनु खपीम निस्‍से बाक्‍त। मेको आ एर ओंथ बाक्‍ब आ गेय पाइब नेल्‍लेमी यो आन वा खाक्‍गमे बाक्‍त।
2SA 13:32 मिनु दाऊद आ लोक्‍ब शिमेआह आ तौ योनादाबम “आं प्रभु, मेकोमी पिप आ तौ नेल्‍ल साइक्‍तु, दे ममिम्‍तीन। अम्‍नोन कली ला साइश्‍शो बाक्‍ब। अम्‍नोनम तामार कली बिथोलो सेला नाक्‍त रे अब्‍सालोम आ कुल राव किक्‍शो तांइसीशो बाक्‍ब।
2SA 13:33 आं प्रभु, पिप आ तौ नेल्‍ल आन कली साइक्‍तु देंशो जोल लोव़ मनेनीन। अम्‍नोन ला साइक्‍चा पुंइसाक्‍व” देंमाक्‍त।
2SA 13:34 मिनु अब्‍सालोम प्रोक्‍शा गाक्‍माक्‍त। मेना कोव़ब मुरुमी इर गे कोव़ङानु, होरोनाइम डांडा रे पा मुर आन हुल यिशो तवा बाक्‍त।
2SA 13:35 मिनु योनादाबम पिप कली “गो इन गेय पाइब, आं देंशो खोदेंशो पा पिप आ तौपुकी यिना यिन बाक्‍नीम” देंमाक्‍त।
2SA 13:36 मेकोम लोव़ पने थुमानु, पिप आ तौपुकी खिंङगा ओव़शा ठेयब सेंदा पा ङाक्‍मा बाक्‍त। पिप नु आ गेय पाइब मुरपुकी यो हुइ हुइ पा ङाक्‍मा बाक्‍त।
2SA 13:37 तन्‍न अब्‍सालोम प्रोक्‍शा गेशुर ङा पिप अम्‍मीहुद आ तौ तल्‍मै आ बाक्‍तीक लशा बाक्‍माक्‍त। दाऊद आ तौ आ पर्बम शुश नाक्‍त सम्‍म रोंका पवा बाक्‍त।
2SA 13:38 अब्‍सालोम गेशुरम प्रोक्‍म रे बर्स सां सम्‍म मेक उइ बाक्‍माक्‍त।
2SA 13:39 अम्‍नोन बेक्‍शो शुश दुम नोले, पिपमी आ थुं अब्‍सालोम गे हिरदा बाक्‍त। २सामुएल ३:३; २सामुएल १४:२३; यहोसु १३:११
2SA 14:1 मिनु सेरूयाह आ तौ योआबम पिप आ थुंम अब्‍सालोम कली दाक्‍चा गोप्‍तु, दे तुइक्‍ता बाक्‍त।
2SA 14:2 मिनु योआबम मुर का कली तेकोहा सहरम सोइश्‍शा जोक्‍ब तुइक्‍ब मीश मुर का कली चाक्‍पाइक्‍मी बाक्‍त। योआबम मेको मीश मुर कली “रोंका पशो मीश मुर खोदेंशो पखु पावो। रोंका पतीक वा फेक्‍सो। पियाम तेल मख्रेक्‍सो। शुश नाक्‍त रे बेक्‍शो मुर आ पर्बम रोंका पशो मीश मुर खोदेंशो पखु पावो।
2SA 14:3 मिनु पिप आ बाक्‍तीक लशा, आं शेंशो लोव़ देंनो” दे मदा बाक्‍त। मिनु मार देंचा माल्‍बा, योआबम मेको कली शेंदा बाक्‍त।
2SA 14:4 मिनु तेकोहा सहर ङा मीश मुर पिप आ बाक्‍तीक जाक्‍शा, खप सम्‍म बाप्‍शा सेउ पवा बाक्‍त। मिनु ङाक्‍ना ङाक्‍न “पिप वारच पाइय्‍यीनी” देंमाक्‍त।
2SA 14:5 मिनु पिपमी मेको कली “इ कली मार श्‍येत दुम्‍मे?” दे मदा बाक्‍त। मिनु मेकोमी “गो वोंइश बेक्‍शो मीश मुर का नङ। आं वोंइश बेक्‍त।
2SA 14:6 मेको इन वाइल आ तौ निक्‍शी बाक्‍ताक्‍स। मेको निक्‍शी दिंमम राम्‍शी पाम्‍से बाक्‍त। मेको आस कली फ्राब सुइ मबाक्‍मा बाक्‍त। मिनु काम आ लोक्‍ब कली तुप्‍शा सदा बाक्‍त।
2SA 14:7 मुल आ थर ङा मुर नेल्‍लेमी, इन वाइलीम कली ‘आ लोक्‍ब साइक्‍ब कली आंइ गुइम गेने। मिनु गो मेको कली साइक्‍नीकी। मारदे हना आ लोक्‍ब कली साइक्‍तु। गो इ अङस ताइब सुइ मबाक्‍त हना यो, गो मेको कली साइक्‍नीक’ देंतेक्‍म। मेकोपुकीम मो पाम्‍तेक्‍म हना, आं लीशो मी यो काप्‍नीम। मिनु आं वोंइश आ नें नु चच युइ यो रागी रे क्‍याम्‍सीनीम” दें‍माक्‍त। ब्‍यवस्‍था १९:११-१३
2SA 14:8 मिनु पिपमी मेको मीश मुर कली “इ खिं लावो। इ निसाफ गो कोव़नुङ” देंमाक्‍त।
2SA 14:9 मिनु मेको तेकोहा सहर ङा मीश मुरुमी पिप कली “आं प्रभु पिप, मेको दोस गो नु आं आफ आ खिं कली दुम्‍ल। पिप नु इन राज्‍य दोस मतवल” देंमाक्‍त।
2SA 14:10 मिनु पिपमी “मुल यो सुइम इ कली मारेइ देंतेक्‍म हना, मेको आन कली आं बाक्‍तीक चाक्‍को। मिनु मेकोपुकीम इ कली लेंशा श्‍येत मगेनीम” दे मदा बाक्‍त।
2SA 14:11 मिनु मेको मीश मुरुमी “पिप, गे परमप्रभु यावे, इन परमप्रभु कली मिम्‍शा गेय पने। मिनु हुश ख्राक्‍श पोक्‍चा नांइसेक्‍ल। मिनु आं तौ साइक्‍चा मपुंइसीब” देंमाक्‍त। मिनु पिपमी “परमप्रभु यावे ब्रोंइशो खोदेंशो पा इ तौ के चां का यो महेम्‍ब” देंमाक्‍त। गन्‍ती ३५:१९-२१
2SA 14:12 मिनु मेको मीश मुरुमी “आं प्रभु पिप, गो इन वाइलीममी मुल यो लोव़ का देंचा ताइक्‍नुङा कों?” देंमाक्‍त। मिनु पिपमी “देंनो” देंमाक्‍त।
2SA 14:13 मिनु मेको मीश मुरुमी “गे परमप्रभु आ मुर आन कली मारदे ओदेंशो पचा मिम्‍तीनी? गे मोदेंशो पाइतीनी हना, गे दोसी खोदेंशो दुम्‍नीनी। गे रागी रे ग्रुंइशा सोइश्‍शो मुर कली लेंशा जाक्‍चा गेने मबिस्‍सीनी।
2SA 14:14 गो नेल्‍ल बेक्‍चा माल्‍नय। गो खपीम क्‍युप्‍शा हुइक्‍ने मचाप्‍चा ङा ब्‍वाक्‍कु खोदेंशो बाक्‍नय। तन्‍न परमप्रभुमी मुर कली मखेरब। मेकोमी आ ङोंइती चाक्‍चा कली मिम्‍ना मिम्‍न बाक्‍ब। इजीकीएल १८:२३
2SA 14:15 गो, इन वाइलीम, एको लोव़ आं प्रभु पिप, इन कली देंथ जाक्‍ती। मारदे हना मुरपुकीम आं कली हिंच कोंइताक्‍यीमी। मिनु गो पिप नु लोव़ पाइनुङ। मेकोमी आ वाइलीम कली आ पुंइशो गेबा कों?
2SA 14:16 मिनु पिपमी आ गेय पाइब, आं लोव़ नेंशा, गो नु आं तौ आंस कली श्‍येत गेब मुर रे प्रोंइबा कों, देंती। मारदे हना मेको मुरपुकीमी आंस कली परमप्रभु आ गेशो रू रे क्‍याम्‍चा माल्‍तेक्‍म।
2SA 14:17 मिनु इन वाइलीम, आं प्रभु, आं पिप, आ लोव़म आं थुं नाइक्‍चा गेब। मारदे हना गे, आं प्रभु पिप, परमप्रभु आ स्‍वर्ग ङा गेय पाइब खोदेंशो बाक्‍नीनी। रिम्‍शो नु मरिम्‍शो तिल्‍ब बाक्‍नीनी। परमप्रभु यावे, इन परमप्रभु गे नु बाक्‍ब” देंमाक्‍त। २सामुएल १९:२८; १सामुएल २९:९
2SA 14:18 मिनु पिपमी मेको मीश मुर कली “आं ङोंइती मारेइ लोव़ मख्रुइक्‍तो, इ कली लोव़ का हिल्‍लो पाइक्‍नुङ” देंमाक्‍त। मिनु मीश मुरुमी “आं प्रभु पिप, देंनीन” देंमाक्‍त।
2SA 14:19 मिनु पिपमी “मार, एको नेल्‍ल योआब आ देंशो बाक्मे?” देंमाक्‍त। मिनु मेको मीश मुरुमी “इन ब्रोंइशा बाक्‍शो खोदेंशो पा, आं प्रभु पिप, गे मारेइ लोव़ हिल्‍लो पनीनु, लोव़ लेप्‍ब के ग्‍युरा पेरा लतीक मबाक्‍ब। मारदे हना इन गेय पाइब योआबम आं कली मोदेंशो लोव़ पचा शेंशा सोइक्‍ताक्‍यी।
2SA 14:20 योआबमी इन थुं ङा मिम्‍शो गेय फाइक्‍चा कली मोदेंशो पपाइक्‍ती। तन्‍न गे, आं प्रभु, परमप्रभु आ स्‍वर्ग ङा गेय पाइब खोदेंशो पा रुप्‍तीक थुं पाइश्‍शो बाक्‍नीनी। रागीम मार दुम्‍शो बाक्‍बा, मेको नेल्‍ल तुइक्‍नीनी” देंमाक्‍त। २सामुएल १४:१७
2SA 14:21 मिनु पिपमी योआब कली “दुम्‍ब, गो एको लोव़ बिस्‍साक्‍यी। लशा, मेको ठिटा अब्‍सालोम कली लेश्‍शा चाक्‍कीन” देंमाक्‍त।
2SA 14:22 मिनु योआबमी आ कुल खप सम्‍म बा‍प्‍शा, सेउ पवा बाक्‍त। मेकोमी पिप कली “परमप्रभु यावेमी इन कली आसीक गेवल। मुलाक्‍ती गो आं प्रभु, पिप इन ङोंइती शिशी ताता, दे तुइक्‍ताक्‍ङ। मारदे हना गे आं पुंइशो गेतीनी” देंमाक्‍त।
2SA 14:23 मिनु योआब रीब पा गेशुर लशा, अब्‍सालोम कली यरूसलेमम चाक्‍गा बाक्‍त। २सामुएल १३:३७
2SA 14:24 तन्‍न पिपमी “मेको आ खिंमीन बाक्‍ल। आं ङोंइती जाक्‍चा मदुम्‍ब” देंमाक्‍त। मोपतीके अब्‍सालोम आ खिंमीन बाक्‍शा, पिप आ ङोंइती मजाक्‍माक्‍त।
2SA 14:25 इस्राएल नेल्‍लेमी अब्‍सालोम खोदेंशो दारशो सुइ मबाक्‍मा बाक्‍त। आ पिया रे खोइल सम्‍म मेको के मारेइ मरिम्‍शो मदुम्‍शो मबाक्‍माक्‍त।
2SA 14:26 मेकोम बर्स बर्सम आ चां ख्रोइक्‍बाक्‍माक्‍त। मारदे हना हेल्‍बाक्‍माक्‍त। मिनु मेको आ चां पिप आ नाक्‍तीकेम नाक्‍शोनु, सहे निक्‍शी शेकेल ङा दुम्‍बाक्‍‍त। २०० शेकेल २ किलो ३०० ग्राम खोदेंशो बाक्‍ब।
2SA 14:27 अब्‍सालोम के तौ सां नु तमी का बाक्‍मा बाक्‍त। आ तमी आ नें तामार बाक्‍माक्‍त। मेको थाम्‍पा दारशो मीश मुर बाक्‍माक्‍त।
2SA 14:28 मिनु अब्‍सालोम बर्स निक्‍शी सम्‍म यरूसलेमम बाक्‍माक्‍त। मेको पिप आ ङोंइती मजाक्‍थु बाक्‍माक्‍त।
2SA 14:29 मिनु अब्‍सालोममी पिप कली ग्रुम्‍चा कली योआब कली लोव़ सोइक्‍ता बाक्‍त। तन्‍न योआब जाक्‍ने मबिस्‍से बाक्‍त। लेंशा ब्रथ सोइक्‍ता‍नु यो, जाक्‍ने मबिस्‍से बाक्‍त।
2SA 14:30 मिनु अब्‍सालोमम आ गेय पाइब आन कली “योआब आ रू का आं रू आ नेक्‍था बाक्‍ब। मेको के क्‍योव़ज वाशो बाक्‍ब, दे गे तुइक्‍नीनी। मेकेर मी सुइक्‍तीन” दे माइक्‍मी बाक्‍त। मोपतीके अब्‍सालोम आ गेय पाइबपुकीम मेकेर मी सुइक्‍तमे बाक्‍त।
2SA 14:31 मिनु योआब रीब पा अब्‍सालोम आ खिं लशा, मेको कली “मारदे इन गेय पाइबपुकीम आं रूम मी सुइक्‍तमे?” दे हिल्‍लो पवा बाक्‍त।
2SA 14:32 मिनु अब्‍सालोममी योआब कली “गो इन कली ब्रथ सोइक्‍ताक्‍ङ। गे आं पर्बम पिप कली लोव़ लाइक्‍नीनी कों, दे मिम्‍ताक्‍ङ। गे पिप कली ‘गो मारदे गेशुर रे जाक्‍चा माल्‍ङा? गो मेक उइ बाक्‍शो नङ हना, रिम्‍शो दुम वा’ देंचा कली ब्रेत्‍थ सोइक्‍ताक्‍ङ। गो पिप आ ङोंइती लचा तङल। गो मारेइ मरिम्‍शो पशो बाक्‍ती हना, दोस ताइब बाक्‍ती हना, साइय्‍यील” देंमाक्‍त।
2SA 14:33 मिनु नोले योआब पिप आ बाक्‍तीक लशा, अब्‍सालोम आ लोव़ नेंपदा बाक्‍त। मिनु पिपमी अब्‍सालोम कली ब्रेत्‍थ सोइक्‍ता बाक्‍त। मिनु मेको पिप आ ङोंइती जाक्‍शा खप सम्‍म बाप्‍शा, सेउ पवा बाक्‍त। मिनु पिपमी अब्‍सालोम कली पुक्‍पु पदा बाक्‍त।
2SA 15:1 मिनु नोले अब्‍सालोमम बग्‍गी का, शारा नु आ ङोंइङोंइती दोरचा कली ५० जना मुर आंम कली वोदा बाक्‍त। १राजा १:५
2SA 15:2 अब्‍सालोम सुनी कना बोक्‍शा, सहर ओव़तीक ठेयब लाप्‍चोमी बाक्‍बाक्‍माक्‍त। मिनु मुरपुकी पिप कली निसाफ पुंइथ जाक्‍बाक्‍तेक्‍म। अब्‍सालोममी मेको आन कली का का पा “तेको सहर रे जाक्‍शो नवे” देंबाक्‍माक्‍त। मिनु मेकोमी “इन गेय पाइब इस्राएल ङा एको थर रे जाक्‍शो नङ” देंबाक्‍मा बाक्‍त।
2SA 15:3 मिनु अब्‍सालोमम मेको कली “इ लोव़ ठीक बाक्‍ब। तन्‍न पिपमी इ कली ठीक निसाफ पा मनेंपाइक्‍ब” देंबाक्‍माक्‍‍त।
2SA 15:4 मिनु नोले अब्‍सालोममी “गो एको रागी ङा निसाफ पाइब दुम्‍शो नङ हना, सु सु कली निसाफ माल्‍दा, गो मेको नेल्‍ल आन कली निसाफ गेङ वा” देंबाक्‍माक्‍त।
2SA 15:5 सुइ मुर मेको कली सेउ पथ जाक्‍मेनु, मेको कली आ गुइ हाम्‍शा मुप्‍शा, पुक्‍पु पाइक्‍बाक्‍माक्‍त।
2SA 15:6 अब्‍सालोममी पिप आ निसाफ पतीकेम इस्राएली सु सु जाक्‍बाक्‍मा, मेको आन कली मोपा आन थुं खुइ पाइबाक्‍माक्‍त।
2SA 15:7 मिनु ४ बर्स नोले अब्‍सालोमम पिप कली “गे आं कली हेब्रोन लचा गेयीनी। गो परमप्रभु यावे कली पशो कबल खाप्‍चा दाक्‍नुङ।
2SA 15:8 मारदे हना गो, इन गेय पाइबम अराम ङा गेशुरम बाक्‍ङानु, कबल का पाता। गो मार कबल पाता देंशा हना, ‘परमप्रभु यावे, गे आं कली थमा पा यरूसलेमम लेश्‍शा चाक्‍ती हना, गो हेब्रोनम परमप्रभु यावे, इन कली ठेयब सेल्‍नुङ’ दे कबल पाता” देंमाक्‍त। उत्‍पत्ती २८:२०-२१; २सामुएल १३:३७-३८
2SA 15:9 मिनु पिपमी “गे इ थुं नाइश्‍शा लावो” देंमाक्‍त। मिनु मेको बोक्‍शा, हेब्रोन लमाक्‍त।
2SA 15:10 मिनु अब्‍सालोमम इस्राएल ङा थर नेल्‍ल आन कली सुइम मतुइक्‍चा ङा पा, लोव़ कुरब सोइश्‍शा “तुराही ग्रीशो नेंनी चोटी, गेपुकीम ‘अब्‍सालोम हेब्रोनम पिप दुम्‍त’ देंनीन” देंपाइक्‍मी बाक्‍त।
2SA 15:11 यरूसलेम ङा सहे निक्‍शी जना मुर अब्‍सालोम आ नोले खोइक्‍ब दुम्‍मा बाक्‍त। मेको आन कली अब्‍सालोमम ब्रेश्‍शो बाक्‍माक्‍त। तन्‍न मेकोपुकी मारेइ मतुइक्‍थु, लशो बाक्‍मा बाक्‍त।
2SA 15:12 अब्‍सालोमम आ क्‍योरशा चढ़ेतीकेम चढ़ेवानु, गिलोह सहर ङा अहीथोफेल कली ब्रेत्‍थ सोइक्‍ता बाक्‍त। मेको अहीथोफेल चहिं गिलोह सहर ङा दाऊद कली अर्ती गेब मुर बाक्‍माक्‍त। मोपा पिप कली मरिम्‍शो गेय पना पन लशा अब्‍सालोम आ मुर शुश दुम्‍ना दुम्‍न लमा बाक्‍त। २सामुएल २३:३४; यहोसु १५:५१
2SA 15:13 मिनु लोव़ कुरब मुर का दाऊद आ बाक्‍तीकेम जाक्‍शा “इस्राएल ङा मुरपुकी अब्‍सालोम आ नोले खोइक्‍तेक्‍म” देंमाक्‍त।
2SA 15:14 मिनु दाऊदम यरूसलेमम आं नु बाक्‍ब आ ठेयब गेय पाइब आन कली “बोक्‍कीन, गोपुकी रीब पा प्रोक्‍चा माल्‍नय। मो मपाइतय हना, गो सुइ अब्‍सालोम आ गुइ रे ब्रोंइचा मताइ‍नय। रीब पा पने, मो मदुम्‍त हना, मेकोमी इं क्‍येङा लाक्‍शा, इं कली शुश श्‍येत गेशा, सहर कली लडाइ तोइब” देंमाक्‍त।
2SA 15:15 मिनु पिप आ ठेयब गेय पाइबपुकीमी “गे आंइ प्रभु पिपमी, मार देंनी, गो इन गेय पाइबम मेको पाइनीकी” देंमा बाक्‍त।
2SA 15:16 मिनु पिपमी आ खिं ङा सुइ सुइ आन कली लाइश्‍शा गाक्‍माक्‍त। मेकोमी १० जना नोले चाक्‍शो मीश आन कली खिं कोव़चा कली प्रोंइशा वोइक्‍मी बाक्‍त।
2SA 15:17 मिनु पिप गाक्‍माक्‍त। मिनु मुर नेल्‍ल आ नोले खोदमे बाक्‍त। मिनु नोले ङा खिंम चहिं दिक्‍मा बाक्‍त।
2SA 15:18 मिनु पिप आ ठेयब गेय पाइब, केरेथी नु पेलेथी नेल्‍ल, गाथ सहर रे जाक्‍शो ६ सहे गित्त आ खिं ङा नु मुर नेल्‍ल पिप आ ङोंइती लाक्‍गमे बाक्‍त। २सामुएल ८:१८; १सामुएल २७:२
2SA 15:19 मिनु पिपमी गित्त आ खिं ङा इत्‍ताइ कली “मारदे गे यो गो नु पिवे? लेश्‍शा लशा, पिप नु बाक्‍को। मारदे हना गे अर्को रागी ङा मुर नवे। गे इ रागी रे ग्रुंइचा पुंइसीशो मुर नवे।
2SA 15:20 गे सिनाक्‍त साबेर नाक्‍त ला जाक्‍शो मुर नवे। गो मुलाक्‍त इ कली दोपा गो नु गाक्‍को देंनुङा? गो ते लाइक्‍नुङा आंमान मतुइक्‍नुङ। गे खिं लावो। मिनु इ मुर आन कली यो लाइक्‍मी। परमप्रभु यावेमी इ कली आ गेना हना यो दाक्‍शा मप्रोंइतीके कोंइदल” देंमाक्‍त।
2SA 15:21 तन्‍न इत्‍ताइमी पिप कली “परमप्रभु यावे ब्रोंइशा बाक्‍शो खोदेंशो पा नु आं प्रभु पिप इन ब्रोंइशा बाक्‍शो खोदेंशो पा, गे ते लाइतीनी हना यो, गो मेक लाइक्‍नुङ। ब्रोंइतीनी हना यो, बेक्‍तीनी हना यो, गो इन गेय पाइब, इन नु बाक्‍नुङ” दे मदा बाक्‍त।
2SA 15:22 मिनु दाऊदमी इत्‍ताइ कली “लो, दुम्‍ब गाक्‍को” दे मदा बाक्‍त। मोपा गित्त आ खिं ङा इत्‍ताइ, आ मुर नेल्‍ल नु आ आल नेल्‍ल नु गाक्‍मा बाक्‍त।
2SA 15:23 पिप मोपा गाक्‍मेनु लांम बाक्‍ब मुर नेल्‍ल ङाक्‍मा बाक्‍त। पिप किद्रोन खोला शोक्‍शा गोरशो रागी गे लमा बाक्‍त।
2SA 15:24 मिनु अबीयाथार, सादोक नु लेवी नेल्‍ल परमप्रभु आ कबल पशो सन्‍दोस कुरशा, जाक्‍मा बाक्‍त। मेकोपुकी चहिं सहर ङा मुर नेल्‍ल ग्रूशा मगाक्‍मा सम्‍म सन्‍दोस नाइश्‍शा रिम्‍शा बाक्‍मा बाक्‍त।
2SA 15:25 मिनु पिपमी सादोक कली “परमप्रभु आ सन्‍दोस सहर लेश्‍शा लतीन। परमप्रभु यावेमी आं कली शिशी पाइक्‍ती हना, आं कली लेश्‍शा जाक्‍चा गेब। मिनु सन्‍दोस नु मेको वोइक्‍तीके लेंशा कोव़चा गेब।
2SA 15:26 तन्‍न परमप्रभु यावेमी ‘गो इ कली शिशी मपाइनुङ’ देंत हना, गो एक उइ बाक्‍नुङ। मेकोम आं कली आ दाक्‍शो पवल।
2SA 15:27 कोव़ङीन, गे नु इ तौ अहीमाज नु अबीयाथार नु आ तौ योनाथन एको ठिटा निक्‍शी आस कली लाइश्‍शा, सहर लेतीन। १राजा १:४२
2SA 15:28 गो गोरशो रागी आ सुरमी इन लोव़ मनेंनु सम्‍म रिम्‍शा बाक्‍नुङ। एको लोव़ मप्रेंदीन” देंमाक्‍त।
2SA 15:29 मिनु सादोक नु अबीयाथारम परमप्रभु आ सन्‍दोस यरूसलेम लेश्‍शा लदसे बाक्‍त। मिनु मेको मेक उइ बाक्‍सा बाक्‍त।
2SA 15:30 तन्‍न दाऊद जैतून डांडा ङा ग्‍येत्‍थ लांमी ङाक्‍ना ङाक्‍न लमाक्‍त। मेकोम आ पिया सुम्‍शो बाक्‍माक्‍त। श्‍येत्‍थ खोइल गाक्‍शो बाक्‍माक्‍त। मेको नु गाक्‍ब नेल्‍ल यो आन पिया सुम्‍शा ङाक्‍ना ङाक्‍न गाक्‍मा बाक्‍त।
2SA 15:31 मिनु दाऊद कली अहीथोफेल मरिम्‍शो पाइ‍ब आन दातेम अब्‍सालोम नु बाक्‍त देंशो लोव़ नेंपदमे बाक्‍त। मिनु दाऊदम “परमप्रभु यावे अहीथोफेल आ अर्ती शोर गाक्‍शो सेलीन” दे पुंना बाक्‍त। २सामुएल १७:१४
2SA 15:32 मिनु दाऊद परमप्रभु कली ठेयब सेल्‍तीक डांडा तार जाक्‍माक्‍त। मेना अरकी आ खिं ङा हुशाइ आ वा खाक्‍शा, आ पियाम खप फुंइसीशा दाऊद कली ग्रुम्‍थ जाक्‍माक्‍त। १राजा ३:२; यहोसु १६:२
2SA 15:33 दाऊदम मेको कली “गे गो नु गाक्‍ते हना, आं कली श्‍येत ला दुम्‍ब।
2SA 15:34 तन्‍न गे सहर लेश्‍शा लशा अब्‍सालोम कली ‘गो इन आफ आ गेय पशो खोदेंशो पा इन गेय पाइब दुम्‍नुङ’ देंते हना, मिनु मेक बाक्‍ते हना, अहीथोफेल आ अर्ती खतम सेल्‍चा कली आं कली वारच पाइ‍‍नेवे। २सामुएल १७:७
2SA 15:35 चढ़ेब सादोक नु अबीयाथार गे नु मेक बाक्‍नीस। पिप आ खिंम मार मार लोव़ नेंनी, मेको नेल्‍ल मेको आस कली शेंदीम्‍सी।
2SA 15:36 मेको निक्‍शी नु आस तौ मेको नु बाक्‍नीस। सादोक आ तौ अहीमाज नु अबीयाथार आ तौ योनाथन रे इन नेंशो लोव़ नेल्‍ल आं कली नेंपाइक्‍ने चाप्‍नीनी” देंमाक्‍त। २सामुएल १७:१५-२१
2SA 15:37 मिनु दाऊद आ वारच हुशाइ, अब्‍सालोम यरूसलेमम ओव़न ओव़ना, सहर जाक्‍दीम्‍माक्‍त। १इतिहास २७:३३
2SA 16:1 दाऊद डांडा तार रे इच्‍का आइक्‍ची जाक्‍दीम्‍मेनु, मेफी-बोशेथ आ गेय पाइ‍ब सीबामी दाऊद कली ग्रुमा बाक्‍त। मेकोम लगम पाइश्‍शो गधा निक्‍शीम सहे निक्‍शी शोब्‍ले, सहे का मुठा सोव़शो अङगुर, सहे का फल फुल नु मसक का अङगुर शांबु कुरपाइश्‍शा, चाक्‍गा बाक्‍त। २सामुएल ७:२
2SA 16:2 पिपमी सीबा कली “गे एको नेल्‍ल मारदे चाक्‍गी?” दे हिल्‍लो पवा बाक्‍त। मिनु सीबाम “एको गधा पिप आ खिं ङा मुर ङोइक्‍चा कली बाक्‍नीस। शोब्‍ले नु फल फुल चहिं ठिटा आन कली जचा कली बाक्‍ब। अङगुर शांबु गोरशो रागीम दशा थशो आन कली तूचा कली बाक्‍ब” देंमाक्‍त।
2SA 16:3 मिनु पिपमी “इ होव़प आ तौ ते बाक्‍म” दे हिल्‍लो पवा बाक्‍त। मिनु सीबाम “मेको यरूसलेममीन बाक्‍शो बाक्‍ब। मेकोमी ‘मुलाक्‍ती इस्राएलीपुकीम आ बाजे आ राज्‍य लेश्‍शा गेनीम’ दे रिम्‍शा बाक्‍शो बाक्‍ब” देंमाक्‍त। २सामुएल १९:२५-३१
2SA 16:4 मिनु पिपमी सीबा कली “मुल मेफी-बोशेथ आ मारेइ मारेइ इ के दुम्‍‍ब” दे मदा बाक्‍त। मिनु सीबामी “आं प्रभु पिप, गो इन वाइल का नङ। इन ङोंइती शिशी तङल” देंमाक्‍त। १राजा २:८-९; प्रस्‍थान २२:२७
2SA 16:5 मिनु पिप दाऊद बाहुरीम सहरम जाक्‍माक्‍त। मिनु मेकेर सावल आ खिं ङा मुर का, गेरा आ तौ शिमेइ ग्रूशा दाऊद कली सराप चीले पना पन पिमाक्‍त।
2SA 16:6 मेकोम पिप दाऊद नु आ गेय पाइ‍ब नेल्‍ल, लडाइ पाइब नेल्‍ल नु अरु मुर नेल्‍ल आन कली एर ओंथ नेल्‍ल फुल्‍लु क्रोम्‍दीमी बाक्‍त। दाऊद आ ग्‍युरा नु पेरा आ लडाइ पाइब नु आ मुर बाक्‍मा बाक्‍त।
2SA 16:7 शिमेइमी “लावो, लावो, ए मुर साइक्‍ब नु मरिम्‍शो पाइब” दे ग्रीशा, सराप पवा बाक्‍त।
2SA 16:8 मिनु “परमप्रभु यावेम सावल आ खिं ङा मुर आन हुश आ क्‍येक्‍क लेत्‍ताक्‍वे। गे मेको आ पा ङा सासन पाप्‍तीवी। मिनु परमप्रभु यावेमी एको राज्‍य इ तौ अब्‍सालोम कली गेप्‍तु। मुल गे खतम दुम्‍ते श्‍येत जाइनेवे। मारदे हना गे हुश ख्राक्‍श पोक्‍ब बाक्‍नेवे” देंमाक्‍त।
2SA 16:9 मिनु सेरूयाह आ तौ अबीशैमी पिप कली “मारदे मेरे बेक्‍शो कुचुममी आं प्रभु, पिप इन कली सराप पवा? गो आइक्‍ची हांबु लशा मेरे आ पिया ख्रोइक्‍नुङ” देंमाक्‍त। १सामुएल २६:८
2SA 16:10 तन्‍न पिपमी “ए सेरूयाह आ तौ, गे गो नु मगारचा ङा बाक्‍नीसी। परमप्रभु यावेमी मेको कली ‘दाऊद कली सराप पावो’ दे सोइश्‍शो बाक्‍त हना, सुम तेक्‍ने चाप्‍बा ङा?” देंमाक्‍त। २सामुएल १९:१७-२४
2SA 16:11 मिनु दाऊदम अबीशै नु आ गेय पाइब नेल्‍ल आन कली “आं तौमी आं कली साइक्‍चा माल्‍ब हना, मेरे बेन्‍‍यामीन आ थर ङा मुर के मार लोव़ पचा ङा? मेरे कली प्रोनीन। मेरेमी सराप पवल। मारदे हना परमप्रभु यावेमीन मेरे कली सराप पचा गेशो बाक्‍म माइ।
2SA 16:12 परमप्रभु यावेम मेरे मुलाक्‍त ङा सराप आ पा ङा आं श्‍येत तशा आं कली रिम्‍शो पाइबा कों” देंमाक्‍त।
2SA 16:13 मिनु दाऊद नु आ मुर आन लां खोदमे बाक्‍त। शिमेइ चहिं दाऊद आ लां गे आइक्‍ची हांबुइ आइक्‍ची हांबु लमाक्‍त। लमेनु दाऊद कली सराप पना पन फुल्‍लु आप्‍ना आप्‍न, खप ब्‍वारना ब्‍वारन लमाक्‍त।
2SA 16:14 मिनु पिप नु मेको नु गाक्‍ब मुर नेल्‍ल यर्दन खोला आ नेक्‍था जाक्‍दीम्‍मा बाक्‍त। मिनु मेको थाम्‍पा दशा नांइ‍समा बाक्‍त।
2SA 16:15 अब्‍सालोम नु मेको नु बाक्‍ब इस्राएली नेल्‍ल यरूसलेम जाक्‍‍मा बाक्‍त। अहीथोफेल यो मेको नु बाक्‍माक्‍त।
2SA 16:16 मिनु अरकी आ खिं ङा हुशाइ दाऊद आ वारचमी अब्‍सालोम कली ग्रुमा बाक्‍त। मिनु मेकोमी अब्‍सालोम कली “पिप गेना हना यो ब्रोंइशा बाक्‍ल। पिप गेना हना यो ब्रोंइशा बाक्‍ल” देंमाक्‍त। २सामुएल १५:३७
2SA 16:17 तन्‍न अब्‍सालोममी हुशाइ कली “इ वारच कली मप्रोंइतीके, मोदेंशो बाक्‍बा ङा? मारदे गे इ वारच नु मलवे” दे मदा बाक्‍त।
2SA 16:18 मिनु हुशाइमी अब्‍सालोम कली “ममाइ, परमप्रभु यावे मेकेर बाक्‍ब मुर नु इस्राएली नेल्‍लेमी योव़शो मुर आ गेय पचा मिम्‍ताक्‍ङ। गो एक बाक्‍नुङ।
2SA 16:19 मुल गो सुका आ गेय पाइ‍नुङ ङा? पिप आ तौ कली गेय पचा मदुम्‍बा ङा? गो दोपा इन आफ आ गेय पङा, मोपा इन गेय यो पाइ‍नुङ” देंमाक्‍त।
2SA 16:20 मिनु अब्‍सालोममी अहीथोफेल कली “आंइ कली इन अर्ती गेने। गो दोपा गेय पचा माल्‍नीकी?” दे हिल्‍लो पवा बाक्‍त।
2SA 16:21 मिनु अहीथोफेलमी अब्‍सालोम कली “इन आफोमी आ खिं कोव़चा कली प्रोंइशा वोइश्‍शो आ नोले चाक्‍शो मीशपुकी नु इ‍पो। मोपा इन आफ कली मरिम्‍शो पशो इस्राएल नेल्‍लेम नेंनीम। मिनु इन नोले खोइक्‍ब आन थुं बारब” देंमाक्‍त। २सामुएल १५:१६
2SA 16:22 मोपतीके मेकोपुकीम अब्‍सालोम कली खिं तार ताम्‍बु का कीङमे बाक्‍त। मिनु अब्‍सालोममी इस्राएली नेल्‍लेम तचा ङा पा, आ आफ आ नोले चाक्‍शो मीशपुकी नु इम्‍माक्‍त।
2SA 16:23 मेना मुरपुकीम अहीथोफेल आ अर्ती परमप्रभु आ लोव़ खोदेंशो मिम्‍बाक्‍मा बाक्‍त। मोपतीके दाऊद नु अब्‍सालोमम अहीथोफेल आ अर्ती ठेयब मिम्‍बाक्‍‍सा बाक्‍त।
2SA 17:1 अहीथोफेलम अब्‍सालोम कली “आं कली १२ हजार योव़शो मुर गेयीनी। मिनु गो मुलाक्‍दो दाऊद कली खेदा पाइ‍नुङ।
2SA 17:2 मेको दशा, आ थुं लुक्‍च लशा बाक्‍मेनु, मेको कली थित्‍नुङ। मिनु मेको नु बाक्‍ब मुर नेल्‍ल ब्रशा प्रोक्‍‍नीम। मिनु गो पिप कली ला साइक्‍नुङ, अरु सुइ मसाइक्‍नुङ।
2SA 17:3 मिनु गो इस्राएली नेल्‍ल आन कली ग्‍युम्‍ली आ ग्‍युम्‍ले बाक्‍तीक जाक्‍शो खोदेंशो पा इन बाक्‍तीक चाक्‍नुङमी। गे मुर का आ सोक्‍त माल्‍ना माल्‍न बाक्‍नीनी। लीशो मुर मारेइ मदुम्‍नीम” देंमाक्‍त।
2SA 17:4 मिनु अब्‍सालोम नु इस्राएल ङा खाल्‍पा नेल्‍लेम अहीथोफेल आ अर्ती दाक्‍तमे बाक्‍त।
2SA 17:5 तन्‍न अब्‍सालोमम “अरकी आ हुशाइ कली ब्रेत्‍तीन। मेकोमी मार देंबा, मेको नेंय” देंमाक्‍त। २सामुएल १६:१६
2SA 17:6 मिनु हुशाइ अब्‍सालोम आ ङोंइती जाक्‍मेनु, अब्‍सालोममी “अहीथोफेल आ देंशो नेल्‍ल शेंदा बाक्‍त। मेको आ देंशो पचा, दे मपचा? मपचा हना, गे मार मिम्‍नेवे देंनो” देंमाक्‍त।
2SA 17:7 मिनु हुशाइमी अब्‍सालोम कली “एको मुल ङा अहीथोफेल आ देंशो ठीक मदुम्‍ब” देंमाक्‍त।
2SA 17:8 मिनु हुशाइमी लेंशा “गे इन आफ नु मेको नु बाक्‍ब मुरपुकी थम जोक्‍ब लडाइ पाइबपुकी बाक्‍नीम, दे तुइक्‍नीनी। मेकोपुकी चाइक्‍ब रोइक्‍चा पुंइसीशो वां खोदेंशो दुम्‍शो बाक्‍नीम। इन आफ लडाइ पतीकेम जोक्‍ब तुइक्‍ब बाक्‍ब। मेको नाक्‍दो आ लडाइ पाइ‍ब नु काथा मबाक्‍ब।
2SA 17:9 मुल यो मेको तेकोइ ढोडोङगा नु अरु बाक्‍तीकेमी ख्रुइश्‍शा बाक्‍म माइ? मिनु इं लडाइ पाइबपुकी ङोंइती साइक्‍चा पुंइसाक्‍म हना, मेको नेंबपुकीमी ‘अब्‍सालोम आ नोले खोइक्‍बपुकी बेक्‍ना बेक्‍न बाक्‍नीम’ देंशो नेंनीम।
2SA 17:10 मोदेंशो दुम्‍मेनु, महिंब गुप्‍स खोदेंशो थुं पाइश्‍शो लडाइ पाइब मुर यो हिंनीम। मारदे हना इस्राएली नेल्‍लेमी इन आफ बोल्‍यो लडाइ पाइब मुर बाक्‍ब, दे तुइक्‍नीम। मेको नु बाक्‍ब थम बोल्‍यो बाक्‍नीम, दे तुइक्‍नीम।
2SA 17:11 आं अर्ती चहिं मार बाक्‍ब देंशा हना, दान रे बेयर-शेबा सम्‍म ङा इस्राएली नेल्‍ल आन कली खुप्‍चा माल्‍नीम। मेको समुन्‍द्र ङा बाल्‍वा खोदेंशो पा शुश बाक्‍नीम। मिनु गे मोदेंशो पा लडाइ पथ लने।
2SA 17:12 मिनु मेको ते बाक्‍त हना यो, गो मेको कली थिश्‍शा लडाइ तोइ‍नय। गो सीत यि‍शो खोदेंशो पा मेको तार जुक्‍नय। मिनु मेको नु मेको कली खोइक्‍ब का यो ब्रोंइचा मताइनीम।
2SA 17:13 मेको प्रोक्‍शा सहर लशा, बाक्‍तीक पुंइशा बाक्‍त हना यो गो इस्राएली नेल्‍ल मेकेर लशा मेको सहर कली डोरीम कीशा फुल्‍लु का यो ख्रोप्‍शा मलीपाइक्‍थु, दिंमम चाक्‍नय” दे हुशाइमी देंमाक्‍त।
2SA 17:14 मिनु अब्‍सालोम नु इस्राएली नेल्‍लेमी “अहीथोफेल आ अर्ती क्‍येङा अरकी आ हुशाइमी गेशो अर्ती रिम्‍शो बाक्‍ब” देंमा बाक्‍त। मारदे हना परमप्रभु यावेमी अहीथोफेल आ अर्ती क्‍याम्‍शा, अब्‍सालोम कली खतम पोक्‍चा कली मो पवा बाक्‍त। २सामुएल १५:३१-३४
2SA 17:15 मिनु नोले हुशाइमी चढ़ेब सादोक नु अबीयाथार आस कली अहीथोफेलम अब्‍सालोम नु इस्राएल ङा खाल्‍पा आन कली गेशो अर्ती नु आ गेशो अर्ती नेल्‍ल शेंदीम्‍सी बाक्‍त।
2SA 17:16 मिनु गे दाऊद कली “गोरशो रागी आ सुरम बास मबाक्‍थु, गोरशा रागी लाक्‍शा गाक्‍कीन। मो मपाइतीनी हना, पिप नु आ नु बाक्‍ब नेल्‍ल साइक्‍चा पुंइसीनीम” देंमाक्‍त।
2SA 17:17 मेना योनाथन नु अहीमाज एन-रोगेलमी रिम्‍शा बाक्‍शो बाक्‍सा बाक्‍त। मिनु वाइलीम का लशा, मेको आस कली शेंबाक्‍माक्‍त। मिनु मेको निक्‍शीमी पिप दाऊद कली शेंबाक्‍सा बाक्‍त। मारदे हना सहर ङा मुरुम मतामेक्‍ल, दे मो पाइक्‍बाक्‍मा बाक्‍त। २सामुएल १५:३६; यहोसु १५:७-८
2SA 17:18 तन्‍न मेना वोंइश आल काम मेको आस कली तशा, अब्‍सालोम कली शेंदा बाक्‍त। मोपतीके मेको निक्‍शी रीब पा बाहुरीम ङा मुर का आ खिं जाक्‍दीस्‍सा बाक्‍त। मेको आ लाङगाम इनार का बाक्‍माक्‍त। मिनु मेको निक्‍शी मेको आगा ओव़सा बाक्‍त।
2SA 17:19 मेको खिं ङा मुर आ मीशेमी सुम्‍तीक का चाक्‍‍शा, मेको तार बिस्‍कुन हामा बाक्‍त। सुइम मारेइ मतुइक्‍तमे बाक्‍त।
2SA 17:20 मिनु अब्‍सालोम आ गेय पाइब मुरपुकी जाक्‍शा, मेको मीश मुर कली “अहीमाज नु योनाथन ते बाक्‍सा” दे हिल्‍लो पामे बाक्‍त। मिनु मेकोमी “मेको निक्‍शी आइक्‍ची हांबु लाक्‍ताक्‍स” देंमाक्‍त। मेको मुरपुकीम एर ओंथ माल्‍मे बाक्‍त, तन्‍न मथिदमे बाक्‍त। मोपतीके मेकोपुकी यरूसलेम लेम्‍मा बाक्‍त।
2SA 17:21 मिनु मेकोपुकी लमा नोले मेको निक्‍शी इनार रे ग्रूसा बाक्‍त। मिनु मेको लशा पिप दाऊद कली नेल्‍ल शोव़ङसे बाक्‍त। मेको निक्‍शीमी दाऊद कली “बोक्‍कीन, रीब पा खोला शोक्‍सीन” देंसा बाक्‍त। अहीथोफेल आ देंशो अर्ती ङा लोव़ यो शेंदसे बाक्‍त।
2SA 17:22 मोपतीके दाऊद नु आ मुरपुकी रीब पा यर्दन खोला शोक्‍सीमा बाक्‍त। बुरुरु पा हाम्‍सो दुम्‍मेनु, आइक्‍ची हांबु मजाक्‍दीप्‍ब, सुइ मलीमा बाक्‍त।
2SA 17:23 मिनु अहीथोफेलमी आ अर्ती ङा लोव़ मबिश्‍शो तुइश्‍शा, आ गधा ठीक पा आ सहर ङा खिं लमाक्‍त। मिनु आ खिं ङा मुर आन कली देंचा माल्‍शो लोव़ देंशा, आं चहिं ग्‍युक्‍शा बेक्‍माक्‍त। मेको मोपा बेक्‍शा आ आफ आ तुरसुम थिम्‍चा पुंइसे बाक्‍त। १सामुएल ३१:४; १राजा १६:१८; मत्ती २७:५
2SA 17:24 मिनु दाऊद महा-नाइमम जाक्‍दीम्‍माक्‍त। मेना अब्‍सालोम नु मेको नु बाक्‍शो इस्राएली यर्दन खोला शोक्‍सीने थुम्‍मे बाक्‍त। २सामुएल २:८
2SA 17:25 अब्‍सालोमम योआब आ पा ङा इश्‍‍माएली इथ्रा आ तौ आमासा कली कप्‍तान सेला बाक्‍त। इथ्रामी अबीगेल कली ग्‍युंबे पवा बाक्‍त। अबीगेल, नाहाश नु सेरूयाह आस समी आ तमी बाक्‍माक्‍त। सेरूयाह योआब आ ममा बाक्‍माक्‍त।
2SA 17:26 इस्राएलीपुकी नु अब्‍सालोमम गिलादमी आन बाक्‍तीक सेल्‍मे बाक्‍त।
2SA 17:27 मिनु दाऊद महा-नाइमम जाक्‍मेनु, रब्‍बाहम बाक्‍ब अम्‍मोनी नाहाश आ तौ शोबी, लो-देबारम बाक्‍ब अम्‍मीएल आ तौ माकीर नु रोगे‍लीम बाक्‍ब गिलाद आ मुर बारजील्‍लाइम, १इतिहास १९:१; २सामुएल ९:४; १राजा २:७
2SA 17:28 ब्रतीक फेक्‍तीक, ग्‍योंबपुकी, खप के ग्‍योंबपुकी, क्‍योव़ज नु चेरब, फस, सिबी, दाल,
2SA 17:29 खुदो, दहि, भेडा नु दूध के सेल्‍शो जचा थोव़क दाऊद नु मेको नु बाक्‍ब मुर आन कली चाक्‍शा, गेमे बाक्‍त। मारदे हना मेकोपुकीम दाऊद नु आ मुरपुकी गोरशो रागीम शोव़लु बेक्‍शो, तूतू दाक्‍शो नु थाम्‍पा दशो बाक्‍नीम, दे तुइक्‍त्‍मे बाक्‍त।
2SA 18:1 दाऊदमी आं नु बाक्‍शो मुर आन कली लडाइ पचा कली पुक्‍मी बाक्‍त। मिनु हजार का नु सहे का ङा मुर आन कप्‍तान योव़मी बाक्‍त।
2SA 18:2 मिनु नोले दाऊदमी आ लडाइ पाइ‍ब आन कली भाग सां सेल्‍मी बाक्‍त। भाग का योआब आ हुकुममी, भाग का सेरूयाह आ तौ अबीशै योआब आ लोक्‍ब आ हुकुममी नु भाग का गित्त आ खिं ङा मुर इत्‍ताइ आ हुकुममी गेमी बाक्‍त। मिनु पिपमी “गो यो गेपुकी नु लडाइम लाइ‍नुङ” देंमाक्‍त। २सामुएल १५:१९
2SA 18:3 तन्‍न मेकोपुकीमी “ममाइ, गे चहिं मलने। ब्रुशा प्रोक्‍चा माल्‍ताक्‍क हना, आंइ कली सुइम मतुइक्‍नीम। गो उइक्‍थ बेक्‍तक हना यो, मेकोपुकीम आंइ कली मकोव़नीम। तन्‍न गे आंइ १० हजार खोदेंशो बाक्‍नीनी। मोपतीके गे सहरम बाक्‍शा, आंइ कली वारच पाइतीनी हना, रिम्‍शो दुम्‍ब” देंमा बाक्‍त।
2SA 18:4 मिनु पिपमी “मो हना गो, गे मार देंनी, मेको पाइ‍नुङ” देंमाक्‍त। मिनु मेको ठेयब लाप्‍चोम राप्‍शा बाक्‍माक्‍त। मिनु लडाइ पाइबपुकी हजार का, सहे का ङा हुल पा आ ङोंइती रे लमा बाक्‍त।
2SA 18:5 पिपमी योआब, अबीशै नु इत्‍ताइ आन कली “गो आं पर्बम मेको ठिटा अब्‍सालोम नु मरिम्‍शो मपने” दे अब्‍सालोम आ पर्बम लडाइ पाइब आन कली अरेशो मुर नेल्‍लेम नेन्‍मे बाक्‍त। २सामुएल १८:१२
2SA 18:6 मिनु लडाइ पाइ‍बपुकी इस्राएली नु लडाइ पथ जाक्‍दीम्‍मा बाक्‍त। मेको लडाइ एफ्राइम ङा ब्‍वाकीम दुम्‍माक्‍त।
2SA 18:7 मेकेर दाऊद आ मुरपुकीम इस्राएली आन कली फ्रूमे बाक्‍त। मेको नाक्‍ती थम ठेयब लडाइ दुम्‍शा २० हजार मुर बेक्‍मा बाक्‍त।
2SA 18:8 लडाइ राज्‍य आ एर ओंथ नेल्‍ल ब्रमाक्‍त। तरवारम साइश्‍शो क्‍येङा ब्‍वाकीम साइश्‍शो मुर शुश दुम्‍‍मा बाक्‍त।
2SA 18:9 अब्‍सालोममी दाऊद आ मुर कली तवा बाक्‍त। अब्‍सालोम आ खच्‍चर ङोइश्‍शो बाक्‍माक्‍त। मेको खच्‍चर शुश राशी पाइश्‍शो ठेयब बोल्‍यो रवा का आगा रे ग्रीशा लमाक्‍त। मिनु अब्‍सालोम आ चां मेको बोल्‍यो रवा आ राशीम ब्‍वेक्‍ता बाक्‍त। मिनु मेको ग्‍युक्‍शा लीमाक्‍त। आ खच्‍चर चहिं ग्रीशा लाक्‍गा बाक्‍त।
2SA 18:10 मुर कामी मेको तशा योआब कली “गो अब्‍सालोम कली बोल्‍यो ठेयब रवा काम ग्‍युक्‍शा लीशो ताता” मदा बाक्‍त।
2SA 18:11 योआबमी मेको मुर कली “गे मेको कली मोपा तशा, मारदे मसदी? गो इ कली १० टुक्रा चांदी नु काम्‍बरी का गेन वा” देंमाक्‍त।
2SA 18:12 मेको मुरुम योआब कली “गे आं कली हजार का टुक्रा चांदी गेतीनी हना यो, गो पिप आ तौ आ पर्बम आं गुइ मक्‍युक्‍नुङ। मारदे हना पिपमी ‘मेको ठिटा अब्‍सालोम कली सुम थिप्‍बा, मेकोमी रिम्‍शो पने’ दे अबीशै, इत्‍ताइ नु इन कली देंशो गो नेल्‍लेम नें‍तक। २सामुएल १८:५
2SA 18:13 मिनु गो मेको कली मरिम्‍शो पा साइक्‍ता हना, मेको लोव़ पिपमी रीब पा नेंब। मिनु गे दोस मताइब दुम्‍नीनी” देंमाक्‍त।
2SA 18:14 मिनु योआबमी “गो गे नु लोव़ पा मग्‍योल्‍नुङ” देंमाक्‍त। मिनु मेकोमी तूतीक सां शेशा, अब्‍सालोम मो पा रवाम ग्‍युक्‍शा बाक्‍मेनु, आ कुचुमी थोक्‍गा बाक्‍त। मेना सम्‍म अब्‍सालोम सेस बाक्‍शो बाक्‍माक्‍त।
2SA 18:15 मिनु योआब आ या कुरब १० जना मुरुम अब्‍सालोम कली आ एर ओंथ बाक्शा, मेको कली आप्‍शा सदमे बाक्‍त।
2SA 18:16 मिनु योआबम तुराही तबा बाक्‍त। मिनु लडाइ पाइ‍बपुकी इस्राएली आन कली खेदा पचा प्रोंइशा, लेम्‍मा बाक्‍त। मारदे हना योआबम लडाइ पाइब आन कली तेक्‍मी बाक्‍त।
2SA 18:17 मेकोपुकीम अब्‍सालोम आ बेक्‍शो रां लाइश्‍शा, ब्‍वाकी ङा ठेयब ढोडोङगा काम ताइक्‍तमे बाक्‍त। मिनु मेको तार शुश फुल्‍लु पुक्‍गमे बाक्‍त। मिनु इस्राएली नेल्‍ल आन आन खिं प्रोक्‍मा बाक्‍त। यहोसु ८:२९
2SA 18:18 ङोंइती अब्‍सालोममी पिप आ बेंसीम थाम का ख्रुक्‍शो बाक्‍माक्‍त। मारदे हना मेकोमी “आं नें वोइक्‍चा कली आं तौ मबाक्‍ब” देंशो बाक्‍माक्‍त। मेकोमी मेको थाम कली आ नें वोइश्‍शो बाक्‍माक्‍त। मुल सम्‍म मेको थाम कली अब्‍सालोम आ थाम देंसीब। २सामुएल १४:२७
2SA 18:19 मिनु सादोक आ तौ अहीमाजम “परमप्रभु यावेम क्‍येक्‍क लेत्‍ताक्‍व। मिनु पिप कली आ जोरी सत्रु आन गुइ रे प्रोंइतु, देंचा कली आं कली दोरपा सोइक्‍तीनी” देंमाक्‍त। २सामुएल १५:३६; २सामुएल १७:१७
2SA 18:20 तन्‍न योआबमी मेको कली “मुलाक्‍ती इ लोव़ लाइक्‍तीक नाक्‍त ममाइ। अर्को नाक्‍ती गे लोव़ लाइक्‍चा माल्‍नेवे। मारदे हना मुलाक्‍ती पिप आ तौ बेक्‍शो बाक्‍ब” देंमाक्‍त।
2SA 18:21 मिनु योआबमी कूश आ खिं ङा मुर का कली “लशा, इ तशो नेल्‍ल पिप कली नेंपतो” दे मदा बाक्‍त। मिनु मेको कूश आ मुर योआब कली बाप्‍शा सेउ पा दोरशा लमाक्‍त।
2SA 18:22 मिनु सादोक आ तौ अहीमाजम लेंशा, योआब कली “मार दुम्‍त हना यो आं कली कूश ङा मुर आ नोनोले दोरशा लचा गेयीनी” देंमाक्‍त। मिनु योआबमी “आं तौ गे मारदे लाइ‍नेवे? इ लोव़ आ पर्बम गे मारेइ इनाम मताइ‍नेवे” दे मदा बाक्‍त।
2SA 18:23 मिनु मेकोमी “मार दुम्‍त हना यो, गो दोरशा लाइ‍नुङ” देंमाक्‍त। मिनु योआबमी “मो हना लावो” देंमाक्‍त। मिनु अहीमाज यर्दन ङा बेंसी रे पा दोरमाक्‍त। मिनु मेकोम कूश आ खिं ङा मुर कली ग्रामाक्‍त।
2SA 18:24 मेना दाऊद लाप्‍चो निक्‍शी आस दातेमी बाक्‍शो बाक्‍माक्‍त। खाल पाइबमी गारो आ तार लशा कोव़ङा बाक्‍त। मिनु मुर का दोरशा पिशो तवा बाक्‍त।
2SA 18:25 मिनु मेको खाल पाइ‍बम पिप कली ठेयब सेंदा पा देंमाक्‍त। मिनु पिपमी “मेको आ का ला बाक्‍त हना, मारेइ लोव़ चाक्‍तु” देंमाक्‍त। मेको मुर आन नेक्‍था जाक्‍माक्‍त।
2SA 18:26 मिनु मेको खाल पाइबमी अर्को मुर का यो दोरशा पिशो तवा बाक्‍त। मिनु लाप्‍चो खाल पाइब कली “कोव़ङीन, दे अर्को मुर का यो आ कान दोरशा पिन पिन बाक्‍ब” देंमाक्‍त। मिनु पिपमी “मेकोम यो लोव़ चाक्‍गा माइ” देंमाक्‍त।
2SA 18:27 मिनु मेको खाल पाइबमी “मेरे ङोंइती दोरब सादोक आ तौ अहीमाज खोदेंशो पा दोरत” देंमाक्‍त। मिनु पिपमी “मेको रिम्‍शो मुर बाक्‍ब, मेकोम रिम्‍शो लोव़ चाक्गा माइ” देंमाक्‍त।
2SA 18:28 मिनु अहीमाजम पिप कली ठेयब सेंदा पा “नेल्‍ल रिम्‍शो बाक्‍ब” देंमाक्‍त। मिनु पिप आ ङोंइती खुम्‍की पा बाप्‍शा, पिप कली “परमप्रभु यावे, इन परमप्रभु ठेयब बाक्‍ब। मेकोम आं प्रभु, पिप इन कली मरिम्‍शो पाइब आन कली इन गुइमी गेशो बाक्‍ब” देंमाक्‍त।
2SA 18:29 मिनु पिपमी “मार मेको ठिटा अब्‍सालोम रिम्‍शोन बाक्‍मे?” देंमाक्‍त। मिनु अहीमाजम “इन गेय पाइब योआबम आं कली सोइक्‍तानु, गो ठेयब ग्रांग्‍ये माग्‍ये दुम्‍शो ताता। तन्‍न मार दुम्‍शो बाक्‍मे मतुइक्‍नुङ” देंमाक्‍त।
2SA 18:30 मिनु पिपमी मेको कली “गे मेकेर राप्‍शा बाक्‍को” दे मदा बाक्‍त। मिनु मेको मेकेर राप्‍शा बाक्‍माक्‍त।
2SA 18:31 मिनु मेको कूश आ मुर जाक्‍शा मेकोमी “आं प्रभु, आ पिप, इन कली नेल्‍ल रिम्‍शो बाक्‍ब। मारदे हना मुलाक्‍ती परमप्रभु यावेमी इन कली मरिम्‍शो पाइब आन गुइ रे प्रोंइशो बाक्‍ब” देंमाक्‍त।
2SA 18:32 मिनु पिपमी मेको कूश आ मुर कली “मेको ठिटा अब्‍सालोम रिम्‍शोन बाक्‍मे” दे हिल्‍लो पवा बाक्‍त। मिनु मेको कूश आ मुरुमी “आं प्रभु, पिप आ जोरी सत्रु नु मरिम्‍शो पाइब नेल्‍ल मेको ठिटा खोदेंशो दुम्‍मल” देंमाक्‍त।
2SA 18:33 मिनु पिप आ थुं ग्‍येत्‍थ लुक्‍च दुम्‍शा, मेको ठेयब लाप्‍चो आ तार ङा कोठाम लशा ङाक्‍माक्‍त। मिनु गाक्‍ना गाक्‍न लमेनु “आं तौ अब्‍सालोम, आं तौ अब्‍सालोम, इ पा ङा गो बेक्‍शो नङ हना, दुम वा। अब्‍सालोम! आं तौ, आं तौ” दे ङाक्‍माक्‍त।
2SA 19:1 मिनु योआबम “पिप दाऊद अब्‍सालोम आ पर्बम ङाक्‍ना ङाक्‍न रोंका पा बाक्‍शो बाक्‍ब” देंशो लोव़ नेना बाक्‍त।
2SA 19:2 मेको नाक्‍त ङा ग्राशो नेल्‍ल लडाइ पाइब आन कली रोंका पतीक दुम्‍माक्‍त। मारदे हना लडाइ पाइबपुकीमी पिप आ तौ आ पर्बम रोंका पशो बाक्‍ब, दे नेंन्‍मे बाक्‍त।
2SA 19:3 मेको नाक्‍ती लडाइ पाइबपुकी लडाइम ब्रुशा आन कुल कोंइने मचाप्‍थु, मुने दोक्‍शा प्रोक्‍शो मुर खोदेंशो पा सिक्‍सी पा सहर ओव़मा बाक्‍त।
2SA 19:4 पिप आ कुल सुम्‍शा ठेयब सेंदा पा ङाक्‍ना ङाक्‍ना “आं तौ अब्‍सालोम, अब्‍सालोम, आं तौ, आं तौ” देंमाक्‍त।
2SA 19:5 मिनु योआब पिप आ खिंम ओव़शा मेको कली “गे मुलाक्‍ती इन कप्‍तान नेल्‍ल आन कली मुने तोक्‍तीनी। मारदे हना मुलाक्‍ती मेकोपुकीमी इन कली प्रोंइतेक्‍म। इन तमी तौ, इन मीशपुकी नु इन नोले चाक्‍शो मीश आन कली यो प्रोंइतेक्‍म।
2SA 19:6 इन कली काइ मदाक्‍ब कली गे दाक्‍नीनी। इन कली दाक्‍ब आन कली गे काइ मदाक्‍नीनी। मुलाक्‍ती गो लडाइ पाइब आन कप्‍तान नु ठेयब मुर इन ङोंइती मारेइ मनकी, दे रुप्‍पाइक्‍तीनी। मुलाक्‍ती अब्‍सालोम ब्रोंइशा, गो नेल्‍ल बेक्‍शो नकी हना, गे ग्‍येरसीनी वा।
2SA 19:7 मुल रीब पा लशा, इन गेय पाइब आन थुं बारपतीन। गे मो मपाइतीनी हना, गो परमप्रभु यावे आ नेंमी कसम जशा ‘मुलाक्‍दो गे नु सुइ मबाक्‍नीम’ देंनुङ। मिनु ङोंइती इन तशो श्‍येत क्‍येङा मुलाक्‍त ङा श्‍येत ठेयब दुम्‍ब” देंमाक्‍त।
2SA 19:8 मिनु पिप बोक्‍शा, ठेयब लाप्‍चोम बाक्‍माक्‍त। मिनु पिप ठेयब लाप्‍चोम बाक्‍शो बाक्‍ब, दे लडाइ पाइब आन कली नेंपदमे बाक्‍त। मिनु लडाइ पाइब नेल्‍ल पिप आ ङोंइती जाक्‍मा बाक्‍त। मेना सम्‍म इस्राएली नेल्‍ल आन आन खिं प्रोक्‍ने थुम्‍शो बाक्‍मा बाक्‍त।
2SA 19:9 इस्राएल ङा थर नेल्‍ल ङा मुरुम आंम आंम लोव़ पा “पिपमी आंइ कली आंइ जोरी सत्रु रे प्रोंइतु। पलिस्‍ती आन गुइ रे यो प्रोंइतु। मुल अब्‍सालोमम पतीके आंम रागी रे प्रोक्‍शा गाक्‍शो बाक्‍ब।
2SA 19:10 मुल गो इं पिप सेल्‍शो अब्‍सालोम लडाइम बेक्‍त। मोपतीके गो मुल मारदे पिप कली लेश्‍शा मचाक्‍नया?” देंमुमा बाक्‍त।
2SA 19:11 मिनु पिप दाऊदमी सादोक नु अबीयाथार कली “यहूदा ङा खाल्‍पा आन कली ‘मारदे गे पिप कली आ खिंमी लेश्‍शा चाक्‍चा कली नेल्‍ल क्‍येङा नोले दुम्‍चा दाक्‍नीनी? इस्राएली नेल्‍लेम देंशो लोव़ पिपमी नेंने थुम्‍शो बाक्‍ब।
2SA 19:12 गेपुकी आं मुर ननी। आं हुश ननी। पिप कली लाइक्‍चा कली गे मारदे नोले दुम्‍नी’ मतीस। २सामुएल ५:१
2SA 19:13 मिनु आमासा कली ‘गे आं मुर नु आं हुश मनवे? गे योआब आ पा ङा गो बाक्‍ङा सम्‍म कप्‍तान दुम्‍नेवे। मो मपाता हना, परमप्रभुमी सजाइ गेवल’ देंत मतीस” देंमाक्‍त। २सामुएल १:२५
2SA 19:14 मिनु आमासामी यहूदा ङा मुर नेल्‍लेमी “दाऊद कली ब्रेत्‍चा माल्‍ब” दे थुं का सेला बाक्‍त। मिनु मेकोपुकीम पिप कली “गे नु इन गेय पाइब नेल्‍ल नु लेश्‍शा जाक्‍कीन” दे लोव़ सोइक्‍तमे बाक्‍त।
2SA 19:15 मोपतीके पिप लेश्‍शा यर्दन जाक्‍माक्‍त। ङोंइती यहूदा ङा मुरपुकी गिल्‍गालम पिप ग्रुम्‍चा कली जाक्‍मा बाक्‍त। मेकोपुकीमी पिप कली यर्दन खोला शोक्‍पाइक्‍थ जाक्‍मा बाक्‍त।
2SA 19:16 बेन्‍यामीन आ थर ङा मुर बाहुरीम ङा गेरा आ तौ शिमेइ यो यहूदा ङा मुर नु रीब पा पिप दाऊद कली ग्रुम्‍थ जाक्‍माक्‍त।
2SA 19:17 मेको नु हजार का जना बेन्‍यामीन आ थर ङा मुर यो बाक्‍मा बाक्‍त। सावल आ गेय पाइब सीबा यो आ १५ जना तौ नु आ २० जना गेय पाइब नु मेकेर बाक्‍शो बाक्‍माक्‍त। मेकोपुकी पिप आ ङोंइती यर्दन खोलाम जाक्‍दीम्‍मा बाक्‍त। २सामुएल ९:२,१०; २सामुएल १६:१-४
2SA 19:18 मिनु मेको आइक्‍ची हांबुम लचा कली पिप आ खिं ङा मुर आन कली शोक्‍चा कली नु पिप आ माल्‍शो पचा कली मेकेर जाक्‍मा बाक्‍त। मिनु गेरा आ तौ शिमेइ पिप खोला शोक्‍ची ना पिप आ ङोंइती बाम्‍‍माक्‍त।
2SA 19:19 मिनु शिमेइमी पिप कली “आं प्रभु, पिप, गे यरूसलेम प्रोंइची ना आं मरिम्‍शो पशो आ पर्बम दोस मगेथु ममिम्‍तीन।
2SA 19:20 मारदे हना गो, इन गेय पाइबम पाप पाता, दे तुइक्‍नुङ। मोपतीके गो योसेफ आ खिं ङा मुर नेल्‍ल आन क्‍येङा ङोंइती आं प्रभु पिप इन कली ग्रुम्‍थ जाक्‍ती” देंमाक्‍त।
2SA 19:21 मिनु सेरूयाह आ तौ अबीशैमी “परमप्रभु यावे आ तेल लुक्‍शो कली सराप पतीके शिमेइ साइक्‍चा मपुंइसीबा ङा?” देंमाक्‍त।
2SA 19:22 तन्‍न दाऊदमी “सेरूयाह आ तौ, गे आं कली काइ मगारब मुर बाक्‍नीसी। गे मुलाक्‍ती आं जोरी सत्रु दुम्‍तीसी? मुलाक्‍ती इस्राएलमी तेकोइ मुर साइक्‍चा मदुम्‍ब। मुलाक्‍ती गो इस्राएल ङा पिप दुम्‍ती, दे गो मतुइक्‍नुङा ङा?” देंमाक्‍त। २सामुएल १६:१०
2SA 19:23 मिनु पिपमी शिमेइ कली “गे साइक्‍चा मपुंइसीनेवे” देंमाक्‍त। मिनु पिपमी मेको लोव़ थमा सेल्‍चा कली कसम जवा बाक्‍त। १राजा २:८-९
2SA 19:24 सावल आ चच मेफी-बोशेथ यो दाऊद पिप कली ग्रुम्‍थ उइ यिमाक्‍त। मेकोम पिप गाक्‍म रे ग्राशा मलेम्‍म सम्‍म आ खोइल ङा ग्‍ये यो मख्रोदा बाक्‍त। आ गल शोक्रे यो मप्रेक्‍गा बाक्‍त। आ वा यो ममुरशो बाक्‍माक्‍त। २सामुएल ९:६
2SA 19:25 मेको पिप कली ग्रुम्‍थ यरूसलेम रे जाक्‍मेनु, पिपमी मेको कली “मेफी-बोशेथ गे मारदे गो नु मगाक्‍ङे?” दे मदा बाक्‍त।
2SA 19:26 मिनु मेकोमी “आं प्रभु पिप, आं गेय पाइ‍बम आं कली मरिम्‍शो पाप्‍तु। गो आं गधाम लगम पाइश्‍शा पिप नु गाक्‍चा ठीक दुम्‍शो नङ। मारदे हना गो इन गेय पाइब खोइल थेक्‍ने मचाप्‍ब मुर नङ।
2SA 19:27 मेको आ लोव़मी आं प्रभु पिप इन कली आं पर्बम मरिम्‍शो दुम्‍पाइक्‍तु। गे आं प्रभु पिप परमप्रभु आ स्‍वर्ग ङा गेय पाइब खोदेंशो बाक्‍नीनी। गे मार पचा दाक्‍नीनी मेको पने। २सामुएल १६:३; २सामुएल १४:१७
2SA 19:28 आं आफ आ खिं ङा मुर नेल्‍ल इन गुइमी बेक्‍चा ङा नकी। तन्‍न गो इन गेय पाइ‍ब आं कली इन नु जचा बाक्‍चा गेतीनी। मेको क्‍येङा लाक्‍शा, गो मार शिशी ताइक्‍नुङा ङा?” देंमाक्‍त। २सामुएल ९:७
2SA 19:29 मिनु पिपमी “मुल दुम्‍त। सीबा नु गे रू योक्‍सीस, देंती” देंमाक्‍त। २सामुएल ९:९-१०; २सामुएल १६:३-४
2SA 19:30 मिनु मेफी-बोशेथमी पिप कली “नेल्‍ल मेकोम पांइसेक्‍ल। मारदे हना गे आं प्रभु पिप मारेइ मदुम्‍थु खिं लेश्‍शा जाक्‍तीनी” देंमाक्‍त।
2SA 19:31 मिनु गिलाद आ मुर बारजील्‍लाइ यो रोगेलीम रे उइ यिमाक्‍त। मिनु पिप कली यर्दन शोक्‍चा कली पिप आ नेक्‍था जाक्‍माक्‍त। २सामुएल १७:२७; १राजा २:७
2SA 19:32 बारजील्‍लाइ ८० बर्स दुम्‍शो थम खूशो बाक्‍माक्‍त। मेकोमी पिप महा-नाइमम बाक्‍मेनु, पिप कली जचा थोव़क गेशो बाक्‍माक्‍त। मारदे हना मेको थम शोंप पाइश्‍शो मुर बाक्‍माक्‍त।
2SA 19:33 पिपमी बारजील्‍लाइ कली “गो नुन खोला शोक्‍शा लय। गो इन कली यरूसलेममी कोव़शा थुल्‍शा वोइक्‍नुङ” देंमाक्‍त।
2SA 19:34 मिनु बारजील्‍लाइमी पिप कली “गो शुश बर्स मब्रोंइनुङ। दोपा गो पिप नु यरूसलेम लाइनुङ।
2SA 19:35 मुल गो ८० बर्स दुम्‍ती। मुल गो रिम्‍शो नु मरिम्‍शो दोपा तुइक्‍नुङा? आं जशो तूशो ब्रोव़शो नु मब्रोव़शो मारेइ मतुइक्‍नुङ। वोंइश मुर मीश मरुम कुम्‍सो पशो, गो नेंने मचाप्‍नुङ। मोपतीके गो आं प्रभु पिप इन कली मारदे श्‍येत तेम्‍नुङा?
2SA 19:36 गो इन गेय पाइ‍ब यर्दन आइक्‍ची हांबु इच्‍का सम्‍म पिप इन नु लाइ‍नुङ। पिपमी आं कली मारदे ओदेंशो रिम्‍शो इनाम गेयीनी?
2SA 19:37 आं कली लचा गेयीनी। मिनु आं आंम सहरम आं आम आफ आस तुरस आ नेक्‍था आं लीशो नाक्‍त थुम्‍चा गेयीनी। तन्‍न इन वाइल किम्‍हाम एक बाक्‍ब। मेको कली आं प्रभु पिप इन नु आइक्‍ची हांबु लतीन। गे मार रिम्‍शो लाक्‍नीनी, मेकोन पने” देंमाक्‍त। येरमीया ४१:१७
2SA 19:38 मिनु पिपमी “मो हना किम्‍हाम गो नु आइक्‍ची हांबु गाक्‍ल। मिनु गे मार पचा दाक्‍नीनी, मेको इन देंशो खोदेंशो पाइ‍नुङ। गे मार दाक्‍नीनी गो मेको पाइ‍नुङ” देंमाक्‍त।
2SA 19:39 मिनु मुर नेल्‍ल यर्दन आइक्‍ची हांबु शोक्‍समा बाक्‍त। पिप यो शोक्‍से बाक्‍त। मिनु पिपमी बारजील्‍लाइ कली पुक्‍पु पा आसीक गेवा बाक्‍त। मिनु बारजील्‍लाइ आंम आ खिं लेम्‍माक्‍त।
2SA 19:40 पिप खोला शोक्‍शा गिल्‍गाल जाक्‍माक्‍त। किम्‍हाम मेको नु गाक्‍शो बाक्‍माक्‍त। यहूदा ङा मुर नेल्‍ल नु इस्राएल ङा उइक्‍थ मुरुम पिप कली इच्‍का आइक्‍ची सम्‍म चाक्‍दीत्‍मे बाक्‍त।
2SA 19:41 मिनु इस्राएल ङा मुर नेल्‍ल काथा दुम्‍शा, पिप आ बाक्‍तीक जाक्‍मा बाक्‍त। मिनु मेकोपुकीमी “मारदे आंइ लोक्‍ब यहूदा ङा मुरपुकीम इन कली खुइ पा लदमे? पिप, आ खिं ङा मुर नु इन मुर नेल्‍ल लाइश्‍शा यर्दन आइक्‍ची हांबु चाक्‍दीत्‍मे?” देंमा बाक्‍त।
2SA 19:42 मिनु यहूदा ङा मुर नेल्‍लेमी इस्राएल ङा मुर आन कली “पिप आंइ नेक्‍था ङा मुर बाक्‍ब। गे मारदे आंइ पर्बम गाइक्‍नीनी? मार, गो पिप आ शोंप जका? मार पिपमी गो आंइ कली मारेइ गेवा?” देंमा बाक्‍त। २सामुएल १९:१२-१३
2SA 19:43 मिनु इस्राएल ङा मुरपुकीम यहूदा ङा मुर आन कली “पिप इन क्‍येङा १० खेयप शुश आंइ पिप बाक्‍ब। गे मारदे आइक्‍च सेल्‍नीनी? पिप दाऊद कली लेश्‍शा चाक्‍‍ता, दे गोपुकीम ङोंइती देंशो बाक्‍नीकी, मेको मप्रेंदीन” देंमा बाक्‍त। तन्‍न इस्राएल ङा मुर क्‍येङा यहूदा ङा मुरपुकीमी ठेयब लोव़ पामे बाक्‍त। २सामुएल १९:१०-११
2SA 20:1 शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६
2SA 20:2 मोपतीके इस्राएली नेल्‍लेमी दाऊद कली प्रोंइ‍शा, बिक्री आ तौ शेबा आ नोले खो‍दमे बाक्‍त। तन्‍न यहूदा ङा मुरपुकी चहिं दाऊद कली मप्रोंइथु, यर्दन रे यरूसलेम सम्‍म आ नोले खोइक्‍स ङा खोइक्‍स पामे बाक्‍त।
2SA 20:3 मिनु दाऊद आ खिं यरूसलेमम जाक्‍माक्‍त। मिनु मेकोम आ खिं कोव़चा कली वोइश्‍शो मेको १० जना नोले चाक्‍शो मीश आन कली खिं कामी कोव़ब मुर का वोइश्‍शा वोइक्‍मी बाक्‍त। मेकोमी आन माल्‍शो नेल्‍ल गेमी बाक्‍त। तन्‍न मेको नु गेनायो मइम्‍माक्‍त। मोपा मेको आन बेक्‍ची नाक्‍त सम्‍म यो मप्रोंइथु वोइक्‍मी बाक्‍त। मोपा मेकोपुकी वोंइश बेक्‍शो मीश मुर खोदेंशो पा बाक्‍मा बाक्‍त। २सामुएल १६:२१
2SA 20:4 पिपमी आमासा कली “यहूदा ङा वोंइश मुर आन कली खुप्‍तीमी। मिनु नाक्‍त सांमी आं बाक्‍तीकेमी जाक्‍पाइक्‍मी। मिनु गे यो जाक्‍को” दे मदा बाक्‍त।
2SA 20:5 मोपतीके आमासा यहूदा ङा मुर आन कली खुप्‍‍चा कली गाक्‍माक्‍त। तन्‍न पिपमी देंशो क्‍येङा मेको कली शुश नाक्‍त माल्‍दा बाक्‍त।
2SA 20:6 मिनु दाऊदमी अबीशै कली “अब्‍सालोम क्‍येङा बिक्री आ तौ शेबामी इं कली शुश श्‍येत गेब। पिप आ गेय पाइब आन कली लाइश्‍शा, मेको कली खेदा पावो। मेको गारो हिरशो सहरम ओव़त हना, इं गुइ रे ब्रोंइब” दे मदा बाक्‍त।
2SA 20:7 मिनु योआबम केरेथी, पेलेथी नु लडाइ पाइब नेल्‍ल यरूसलेम रे लाइश्‍शा, बिक्री आ तौ शेबा कली खेदा पवा बाक्‍त। २सामुएल ८:१८
2SA 20:8 मिनु मेकोपुकी गिबोन ङा ठेयब फुल्‍लु बाक्‍तीक जाक्‍मानु, आमासा, मेको आन कली ग्रुम्‍थ जाक्‍माक्‍त। मिनु योआबम लडाइ पतीक वा फेक्‍शो बाक्‍माक्‍त। मेको तार किप्‍शुर किप्‍शो बाक्‍माक्‍त। मिनु खोतम शुइश्‍शा तरवार किप्‍शुरम पिप्‍शो बाक्‍माक्‍त। मिनु मेको ङोंइती गे लमेनु, मेको तरवार खोत रे दोक्‍माक्‍त। मत्ती २६:४८-५०
2SA 20:9 योआबम आमासा कली “आं लोक्‍ब आमासा गे रिम्‍शोन बाक्‍ङे?” दे हिल्‍लो पवा बाक्‍त। मिनु मेकोमी आमासा कली पुक्‍पु पाइक्‍चा कली आ ग्‍युरा गुइमी मेको आ गल शोक्रे ग्‍याइक्‍ता बाक्‍त।
2SA 20:10 आमासामी योआब आ गुइमी तरवार बाक्‍शो मतुइक्‍ता बाक्‍त। मिनु योआबमी मेको आ कोव़जम तूदा बाक्‍त। मिनु मेको आ गा क्‍यी खपीम दोक्‍शा बेक्‍माक्‍त। मेकोमी खेयप निक्‍शी तूचा ममाल्‍दा बाक्‍त। मिनु योआब नु आ लोक्‍ब अबीशै बिक्री आ तौ शेबा कली खेदा पना पन लसा बाक्‍त। १राजा २:५
2SA 20:11 मिनु योआब आ ठिटा मुर काम आमासा आ बेक्‍शो रां आ नेक्‍था राप्‍शा “योआब नु दाऊद आस नोले खोइक्‍बपुकीम योआब आ नोले खोदमेक्‍ल” देंमाक्‍त।
2SA 20:12 आमासा आ बेक्‍शो रां हुशेम गिल्‍शा ठेयब लांमी गोल्‍शा बाक्‍माक्‍त। मिनु मुर नेल्‍ल लांमी दिक्‍शा बाक्‍शो बाक्‍मा बाक्‍त। मिनु मेकोम आमासा आ बेक्‍शो रां कली लां रे लाइश्‍शा आइक्‍ची खेतम ताइक्‍ता बाक्‍त। मिनु मेको कली वा काम सुमा बाक्‍त।
2SA 20:13 मेको कली ठेयब लां रे लदमे नोले, मुर नेल्‍लेम बिक्री आ तौ शेबा कली खेदा पचा कली योआब आ नोले खोदमे बाक्‍त।
2SA 20:14 शेबा इस्राएल ङा थर नेल्‍ल लाक्‍शा, आबेल ङा बेथ-माकाहम जाक्‍मा सम्‍म बिक्री आ खिं ङा मुर नेल्‍ल तेइ तेइ रे ग्रुम्‍मा बाक्‍त। मिनु मेको आ नोले सहर ओव़मा बाक्‍त।
2SA 20:15 योआब आ लडाइ पाइब मुर नेल्‍ल जाक्‍शा, आबेल ङा बेथ-माकाह कली पुम्‍दमे बाक्‍त। मिनु सहर ङा गारो गे मार मार तेल्‍शा, गारो ङोइक्‍तीक ठीक पामे बाक्‍त। मिनु योआब आ लडाइ पाइबपुकीमी गारो प्रेत्‍चा गोव़मे बाक्‍त।
2SA 20:16 मिनु जोक्‍ब तुइक्‍ब मीश मुर काम सहर रे ब्रेश्‍शा “नेनीन, नेनीन, योआब कली ब्रेश्‍शा सोइक्‍तीन। मिनु गो मेको नु लोव़ पाइ‍नुङ” देंमाक्‍त।
2SA 20:17 मिनु योआब आ ङोंइती जाक्‍माक्‍त। मिनु मेको मीश मुरुमी “मार, गे योआब ननी?” देंमाक्‍त। मिनु योआबम “ओं, गो नङ” देंमाक्‍त। मिनु मेको मीश मुरुमी “इन गेय पाइब आं लोव़ रिम्‍शो पा नेनीन” देंमाक्‍त। मिनु मेकोमी “नेंता” देंमाक्‍त।
2SA 20:18 मिनु मेकोमी “साइ रे मुरपुकीमी लोव़ नेंचा कली ‘आबेल सहर लचा माल्‍नीम’ देंशो बाक्‍ब। मिनु मोपा निसाफ दुम्‍बाक्‍त।
2SA 20:19 आं सहर इस्राएल ङा सहरपुकीम लडाइ मपाइ‍ब, पिप कली दाक्‍शा मान पाइ‍ब सहरम हिक्‍सीब। मिनु गे एको सहर, इस्राएली आन कली कोव़ब ममा खोदेंशो सहर कली खतम सेल्‍चा माल्‍नीनी? मारदे गे परमप्रभु यावे आ शोंप कली खतम पोक्‍चा माल्‍नीनी?” देंमाक्‍त। ब्‍यवस्‍था ३२:९
2SA 20:20 मिनु योआबमी “गो खतम मपोक्‍नुङ, मक्‍याम्‍नुङ।
2SA 20:21 गो मो पचा माल्‍शो मनकी। तन्‍न एफ्राइम पहाड ङा बिक्री आ तौ शेबामी पिप दाऊद कली मरिम्‍शो पचा माल्‍शो बाक्‍ब। मेको मुर कली आंइ कली गेने। मिनु गो सहर प्रोंइशा गाक्‍नीक” देंमाक्‍त। मिनु मेको मीश मुरुम योआब कली “मेको आ पिया सहर रे लाङगा ब्‍वारनीकी” देंमाक्‍त।
2SA 20:22 मिनु मेको मीश मुरुम आ लोव़ मुर नेल्‍ल आन कली नेंपाइक्‍मी बाक्‍त। मिनु मेकोपुकीम बिक्री आ तौ शेबा आ पिया ख्रोइश्‍शा, योआब कली ब्‍वारदमे बाक्‍त। मिनु योआबम तुराही तबा बाक्‍त। मिनु लडाइ पाइ‍ब नेल्‍ल सहर प्रोंइशा आन खिं खिं लेम्‍मा बाक्‍त। योआब चहिं पिप आ बाक्‍तीके यरूसलेम लेश्‍शा लमाक्‍त।
2SA 20:23 योआब इस्राएल ङा लडाइ पाइब आन नेल्‍ल क्‍येङा ठेयब मुर बाक्‍माक्‍त। येहो-यादा आ तौ बेनायाह केरेथी नु पेलेथी पिप कली खाल पाइब आन ठेयब मुर बाक्‍माक्‍‍त। २सामुएल ८:१६-१८; १राजा ४:४-६
2SA 20:24 अदोराम वाइलीम वाइल आन ठेयब मुर बाक्‍माक्‍त। अहीलुद आ तौ येहो-शाफात ब्रेक्‍ब बाक्‍माक्‍त।
2SA 20:25 शेवा चहिं लडाइ पाइब आन ब्रेक्‍ब बाक्‍माक्‍त। सादोक नु अबीयाथार चहिं चढ़ेब बाक्‍सा बाक्‍त।
2SA 20:26 याइर आ मुर इरा चहिं दाऊद आ चढ़ेब बाक्‍माक्‍त।
2SA 21:1 पिप दाऊद आ पालाम बर्स सां सम्‍म अन्‍काल दुम्‍स ङा दुम्‍स पवा बाक्‍त। मिनु दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “सावल नु आ खिं ङा मुर आन तार हुश आ दोस बाक्‍शो बाक्‍ब। मारदे हना मेकोम गिबोनी आन कली साइक्‍तु” देंमाक्‍त।
2SA 21:2 मिनु पिपमी गिबोनी आन कली ब्रेश्‍शा, मेकोपुकी नु लोव़ पवा बाक्‍त। गिबोनी इस्राएली आन थर ङा मुर मबाक्‍मा बाक्‍त। मेकोपुकी एमोरी रे ब्रोंइशा लीशो बाक्‍मा बाक्‍त। इस्राएलीपुकीम मेको आन कली प्रोंइतीक कसम जशो बाक्‍मा बाक्‍त। मो हना यो सावलमी इस्राएल नु यहूदा आ पर्बम मेको आन कली क्‍याम्‍चा माल्‍शो बाक्‍माक्‍त। यहोसु ९:३,१५,१९
2SA 21:3 दाऊदमी गिबोनी आन कली “गो इन कली मार पङ? परमप्रभु यावे आ मुर आन कली आसीक गेचा कली गो दोपा गारपाइक्‍नुङा?” दे हिल्‍लो पवा बाक्‍त। ब्‍यवस्‍था ३२:९
2SA 21:4 मिनु गिबोनीपुकीमी “सावल आ खिं नु आंइ खिं ङा मुर आन दातेम सुन नु चांदीम गार पाइक्‍ने मचाम्‍सीब। इस्राएली का यो साइक्‍चा मगारनीकी” देंमा बाक्‍त। मिनु दाऊदम “मिनु मुल गोम इन कली मार पवल, दे मिम्‍नीनी?” देंमाक्‍त।
2SA 21:5 मिनु मेकोपुकीम पिप कली “सुम आंइ कली खतम पोक्‍गा, आंइ कली रागी रे क्‍याम्‍दा, मेको कली खतम पोक्‍चा कली आंइ गुइम गेने।
2SA 21:6 मेको आ ७ जना तौ चच आंइ कली गेने। मिनु गो मेको आन कली परमप्रभु यावे आ ङोंइती आ डांडा गिबोन सहरमी साइक्‍नीकी” देंमा बाक्‍त। मिनु पिपमी “गो मेको इन कली गेनुङ” देंमाक्‍त। ब्‍यवस्‍था २१:२२-२३
2SA 21:7 तन्‍न पिपमी परमप्रभु यावे आ नेंम नु सावल आ तौ योनाथन नु कसम जतीके सावल आ चच योनाथन आ तौ मेफी-बोशेथ कली प्रोंइशा वोदा बाक्‍त। १सामुएल २०:१५-१७;
2SA 21:8 पिपमी आइयाह आ तमी रिस्‍‍पाहम सावल रे जरमेशो तौ निक्‍शी आरमोनी नु मेफी-बोशेथ चाक्‍गा बाक्‍त। मिनु सावल आ तमी मेराबम मेहोला आ मुर बारजील्‍लाइ आ तौ अद्रीएल रे जरमेशो ५ जना तौ यो चाक्‍गा बाक्‍त। २सामुएल ३:७; १सामुएल १८:१९
2SA 21:9 मिनु मेको आन कली गिबोनी आन गुइमी गेमी बाक्‍त। मेकोपुकीम मेको आन कली परमप्रभु यावे आ ङोंइती सदमे बाक्‍त। मिनु मेको ७ जना कालेम बेक्‍मा बाक्‍त। मेकोपुकी क्‍योव़ज रिक्‍तीक आ ङोंइती ङा नाक्‍त साइक्‍चा पुंइसीमा बाक्‍त।
2SA 21:10 आइयाह आ तमी रिस्‍‍पाहम रोंगु तारी आंम कली बाक्‍तीक सेल्‍चा कली भाङग्रा ब्रवा बाक्‍त। मिनु क्‍योव़ज ओंइतीक आ ङोंइती ङा नाक्‍त रे रेउ यिचा सम्‍म मेकोमी आ तौ आन बेक्‍शो रां आन कली खाल पवा बाक्‍त। नाक्‍ती आन तार चिक्‍ब जुक्‍चा मगेथु, नाक्‍दो ब्‍वाकी ङा जन्‍तुम ब्‍वचा मगेमी बाक्‍त।
2SA 21:11 मिनु दाऊदमी सावल आ नोले चाक्‍शो मीश आइयाह आ तमी रिस्‍‍पाह आ पशो नेंशा,
2SA 21:12 मेकोमी सावल नु आ तौ योनाथन आस रुश याबेश-गिलाद ङा मुर आन गुइ रे चाक्‍गा बाक्‍त। मेकोपुकीम सावल नु योनाथन आस बेक्‍शो रां बेथ-शान सहर ङा चोक रे लदमे बाक्‍त। पलिस्‍तीपुकीमी मेको आस कली गिल्‍बोआम साइश्‍शा, नोले मेकेर क्‍युक्‍शो बाक्‍मा बाक्‍त। १सामुएल ३१:१२
2SA 21:13 मेकोम मेकेर रे सावल नु योनाथन आस रुश चाक्‍गा बाक्‍त। मिनु मेको रिस्‍पाह आ तौ आन रुश यो खुप्‍तमे बाक्‍त।
2SA 21:14 मेकोपुकीम सावल नु आ तौ योनाथन आस रुश बेन्‍यामीन आ थर आन रागी ङा जेला सहर सावल आ आफ कीश आ तुरसुम थिम्‍मे बाक्‍त। पिपमी मेको आन कली मार मार देंमे, मेको पामे बाक्‍त। मेको नोले परमप्रभुम रागी आ पर्बम पुंइशो लोव़ नेना बाक्‍त। २सामुएल २४:२५
2SA 21:15 पलिस्‍ती नु इस्राएली लडाइ पामे बाक्‍त। दाऊद आ मुर नु लडाइ पथ यिमाक्‍त। मिनु पलिस्‍ती नु लडाइ पामे बाक्‍त। मिनु दाऊद थाम्‍पा दमाक्‍त।
2SA 21:16 इश्‍बी-बेनोब रेफाइम आ बोल्‍यो लाइश्‍शो मुर का बाक्‍माक्‍त। मेको आ तूतीके सहे सां शेकेल कांसा के बाक्‍माक्‍त। मिनु नक या का यो पिम्‍सीशो बाक्‍माक्‍त। मेकोमी “दाऊद कली साइक्‍नुङ” देंमाक्‍त। शेकेल का ११.५ ग्राम बाक्‍ब। ३०० शेकेल ३ किलो आधा बाक्‍ब।
2SA 21:17 मेना सेरूयाह आ तौ अबीशै दाऊद कली वारच पाइक्‍थ जाक्‍शा, मेको पलिस्‍ती कली सदा बाक्‍त। मेना दाऊद आ लडाइ पाइबपुकीमी “मुल रे गे गो नु लडाइमी मगाक्‍कीन। मारदे हना गे इस्राएल ङा छेङछेङन ननी। मेको मकाप्‍ल” दे कसम जामे बाक्‍त। २सामुएल २३:१८; २सामुएल २२:२९
2SA 21:18 मिनु नोले लेंशा, गोब सहरम पलिस्‍तीपुकी नु लडाइ दुम्‍माक्‍त। मेना हुशा ङा मुर सिब्‍बेकैम साफ माइश्‍‍शो रेफाइ आ मुर कली सदा बाक्‍त। रेफा थम लाइश्‍शो रेफाइ माइश्‍शो मुर आन किकी पिपी बाक्‍शो बाक्‍त।
2SA 21:19 मिनु लेंशा गोब सहरम पलिस्‍तीपुकी नु अर्को लडाइ का दुम्‍‍माक्‍त। बेथलेहेम ङा यारे-ओरेगीम आ तौ एल्‍हानानम गाथ सहर ङा गित्त आ खिं ङा मुर गोल्‍याथ कली सदा बाक्‍त। मेको आ तूतीक आ बिड तोव़ प्रोव़ब आन प्रोव़तीक शी खोमो बाक्‍माक्‍त। १सामुएल १७:७
2SA 21:20 मिनु नोले लेंशा गाथ सहरम लडाइ दुम्‍माक्‍त। मेकेर यो ठेयब लाइश्‍शो मुर का बाक्‍माक्‍त। मेको आ गुइ नु खोइलीम ६, ६ ओटा अम्‍ला, नेल्‍ल पा २४ ओटा अम्‍ला पाइश्‍शो रेफाइ आन मुर बाक्‍माक्‍त।
2SA 21:21 मिनु मेकोम इस्राएली आन कली हिंच कोंइदा बाक्‍त। मिनु दाऊद आ लोक्‍ब शिमेइ आ तौ योनाथनमी मेको कली सदा बाक्‍त। १सामुएल १७:१०
2SA 21:22 मेको ४ जना मुर गाथम बाक्‍ब रेफाइ आन दाते ङा बाक्‍मा बाक्‍त। मेको नेल्‍ल दाऊद नु आ मुर आन गुइ रे बेक्‍मा बाक्‍त।
2SA 22:1 परमप्रभु यावेमी दाऊद कली आ जोरी सत्रु नेल्‍ल नु सावल रे प्रोना नोले दाऊदमी परमप्रभु यावे कली कुम्‍सो पवा बाक्‍त।
2SA 22:2 मेकोमी “परमप्रभु यावे आं सेरथे फुल्‍लु, आं बोल्‍यो दरवार नु आं कली श्‍येत रे प्रोंइब बाक्‍ब।
2SA 22:3 आं परमप्रभु आं सेरथे फुल्‍लु आं ख्रुइक्‍तीके बाक्‍ब। मेको आं तेक्‍तीक नु आं ब्रोंइतीक बाक्‍ब। मेको आं बोल्‍यो दरवार नु आं फाम्‍सीतीक बाक्‍ब। मेको आं कली हुश ख्राक्‍श पोक्‍तीके रे प्रोंइब बाक्‍ब।
2SA 22:4 गो परमप्रभु यावे कली थोइ‍नुङ। मेको ठेयब सेल्‍चा पुंइसीब बाक्‍ब। मिनु मेकोम आं कली आं जोरी सत्रु रे प्रोंइब।
2SA 22:5 बेक्‍पाइक्‍बम आं कली ब्‍वाक्‍कु आ छालम खोदेंशो पा गिल्‍ती। खतम पोक्‍ब बारशो ब्‍वाक्‍कुम आं कली सुम्‍ती।
2SA 22:6 बेक्‍शो मुर आन बाक्‍तीकेम आं एर ओंथ नेल्‍ल रे गिल्‍ती। बेक्‍पाइक्‍ब आ ब्‍वारद आं ङोंइती बाक्‍ब।
2SA 22:7 मिनु गो आं श्‍येत आ पर्बम परमप्रभु यावे कली थोव़ता। गो आं परमप्रभु कली ‘वारच पने’ दे पुंइता। मिनु मेकोमी आ बाक्‍तीके रे आं सेंदा नेंतु। आं पुंइशो नेंतु।
2SA 22:8 मिनु रागीमी ख्रिनु कुत। सरीङ ङा जग हिम्‍साक्‍म। मारदे हना, परमप्रभु यावे गाइश्‍शो बाक्‍त।
2SA 22:9 मेको आ नें रे कुन ग्रूत। मेको आ शोव़ रे ग्राव ग्रु दाक्‍ब मी ग्रूत। मेकेर रे ब्रशो कोइला ग्रूतेक्‍म।
2SA 22:10 मेको सरीङ रे तोंइसाक्‍व। मेको आ खोइली आगा क्‍येर गोस्‍स बाक्‍त।
2SA 22:11 मेको करूब ङोइश्‍शा बेरत। फश के फ्रांम बेरशो तांइसाक्‍व।
2SA 22:12 मेको छिङछिङम सुम्‍साक्‍व। शुश ब्‍वाक्‍कु बाक्‍शो क्‍येर गोस्‍स आ एर ओंथ बाक्‍तेक्‍म।
2SA 22:13 मेको आ ङोंइती ङा छेङछेङ रे ब्रशो कोइला ग्रूतेक्‍म।
2SA 22:14 परमप्रभु यावेमी सरीङ रे बुंबु पाप्‍तु। नेल्‍ल क्‍येङा ठेयबम आ सेंदा नेंपाइक्‍तु।
2SA 22:15 मेकोम ब्रा आप्‍शा, एर ओंथ ब्रपाइक्‍तु। चिला आप्‍शा, सोइक्‍ताक्‍व।
2SA 22:16 समुन्‍द्र आ पुं तांइसाक्‍व। रागी आ जग हुक्‍साक्‍व। मेको परमप्रभु यावे आ हुइश्‍शो नु आ सास रे मोदेंशो दुम्‍त।
2SA 22:17 मेकोमी इर रे आ गुइ दिंशा ग्‍याइक्‍ताक्‍यी। आं कली ठेयब समुन्‍द्र रे कीशा ग्रुंइताक्‍यी।
2SA 22:18 मेकोमी आं कली आं बोल्‍यो जोरी सत्रु नु आं कली काइ मदाक्‍ब, रे प्रोंइती। मेको आं क्‍येङा शुश बोल्‍यो बाक्‍तेक्‍म।
2SA 22:19 मेकोपुकीमी गो हिंचा ङा श्‍येत जङा ना आं कली लडाइ तोम्‍तेक्‍म। तन्‍न परमप्रभु यावेमी आं कली तिक्‍ती।
2SA 22:20 मेकोमी आं कली लाङगा ङा ठेयब बाक्‍तीकेम ग्रुंइशा, श्‍येत रे प्रोंइती। मारदे हना मेको आं कली तशा ग्‍येरशो बाक्‍त।
2SA 22:21 परमप्रभु यावेमी आं कली आं ठीक पशो ङा इनाम गेती। आं गुइम हुश मशाइक्‍पाइक्‍तीके आं रिम्‍शो पशो ङा गेती।
2SA 22:22 मारदे हना गो परमप्रभु यावे आ लांम गाक्‍शो बाक्‍ती। गो आ अरेशो लोव़ मटीब खोदेंशो पा आं परमप्रभु रे ङोन मलङ।
2SA 22:23 मारदे हना आ ठीक पतीक लोव़ आं ङोंइती बाक्‍तेक्‍म। गो मेको आ फुल्‍लुम मुशा ब्रेक्‍शो लोव़ नेल्‍ल टिशा पाता।
2SA 22:24 मेको आ ङोंइ‍ती गो दोस मताइ‍ब बाक्‍ती। गो मरिम्‍शो पतीक रे ङोन बाक्‍ती।
2SA 22:25 मोपतीके परमप्रभु यावेमी आं कली आं ठीक नु रिम्‍शो पशो आ पा ङा गेती।
2SA 22:26 गे मप्रोंइब आन कली मप्रोंइब बाक्‍नीनी। दोस मताइ‍ब आन कली दोस मताइब बाक्‍नीनी।
2SA 22:27 गे रिम्‍शो पाइ‍ब आन कली रिम्‍शो पाइब बाक्‍नीनी। दूली पाइब आन कली दूली पाइब बाक्‍नीनी।
2SA 22:28 गे ब्रेम्‍शो मुर आन कली प्रोंइनीनी। तन्‍न ठेयब लेश्‍शो आन कली आइक्‍च सेल्‍‍नीनी।
2SA 22:29 परमप्रभु यावे गे थमा पा आं बत्ती खोदेंशो बाक्‍नीनी। परमप्रभु यावेमी आं कली छिङछिङमी छेङछेङ दुम्‍पाइक्‍ब।
2SA 22:30 इन पतीकेमी गो लडाइ पाइब आन कली ग्रानुङ। आं परमप्रभु गो गारो ख्राक्‍शा लाक्‍ने चाप्‍नुङ।
2SA 22:31 परमप्रभु आ लां ठीक बाक्‍ब। परमप्रभु यावे आ थोशा पशो लोव़ थमा बाक्‍ब। मेको आ बाक्‍तीकेम ख्रुंइसीब आन कली तेक्‍तीक बाक्‍ब।
2SA 22:32 परमप्रभु यावे क्‍येङा अर्को तेकोइ परमप्रभु मबाक्‍ब। आंइ परमप्रभु क्‍येङा लाक्‍शा अर्को तेकोइ सेरथे फुल्‍लु मबाक्‍ब।
2SA 22:33 परमप्रभुमी आं कली सक्ति गेती। आं गाक्‍तीक लां ब्रेम्‍शो सेल्‍तु।
2SA 22:34 मेकोम आं कली किश्‍श खोदेंशो पा दोरब सेल्‍ती। मेकोमी आं कली इर वोइश्‍शा कोव़ब।
2SA 22:35 मेकोम आं गुइ कली लडाइ पचा शेंब। मोपा आं गुइमी कांसा के लिब्रा खुक्‍ने चाप्‍ब।
2SA 22:36 गे आं कली इन तेक्‍शा ब्रोंइतीक गेतीनी। इन वारच पतीकेम आं कली ठेयब सेल्‍ती।
2SA 22:37 गे आं कली ठीक पा गाक्‍चा गेतीनी। मोपतीके आं खोइल गेनायो मग्रेक्‍ब।
2SA 22:38 गो आं जोरी सत्रु आन कली खेदा पा खतम पोक्‍तामी। गो मेको नेल्‍ल आन कली खतम मपोक्‍गुमी सम्‍म मलेङङ।
2SA 22:39 गो मेको आन कली खतम पोक्‍‍शा साइक्‍‍‍नुङमी। मिनु मेकोपुकी गेनायो बोक्‍ने मचाप्‍नीम। मेकोपुकी आं खोइली आगाम गोल्‍तेक्‍म।
2SA 22:40 गे आं कली लडाइ पचा कली सक्ति गेनीनी। आं जोरी सत्रु आन कली आं ङोंइती आइक्‍च सेल्‍तीनी।
2SA 22:41 गे आं जोरी सत्रु आन कली आं ङोंइती रे प्रोक्‍‍पाइक्‍नीनी। गो आं कली काइ मदाक्‍ब आन कली खतम पोक्‍‍तामी।
2SA 22:42 मेकोपुकीम कोव़ना कोव़न बाक्‍तेक्‍म। तन्‍न मेको आन कली प्रोंइब सुइ मबाक्‍ब। मेकोपुकीम परमप्रभु यावे कली पुंइतेक्‍म। तन्‍न मेकोमी मेको आन कली लोव़ मलेत्‍‍त।
2SA 22:43 गो मेको नेल्‍ल आन कली रागी ङा फुरक खोदेंशो पा फस पोक्‍तामी। गो मेको आन कली लां ङा हिलो खोदेंशो पा दिम्‍ताक्‍ङमी।
2SA 22:44 गे आं कली मुर आन जिचा पोक्‍तीक रे प्रोंइतीनी। गे आं कली रागी रागी ङा मुर आन ठेयब मुर सेल्‍शा वोइक्‍तीनी। आं मतुइश्‍शो मुरपुकीम आं कली गेय पाम्‍तेक्‍म।
2SA 22:45 अर्को रागी ङा मुर जाक्‍शा आं कली मान पाम्‍तेक्‍म। आं लोव़ नेंशा, मेकोपुकी आं देंशो टि‍म्‍तेक्‍म।
2SA 22:46 अर्को रागी ङा मुर हिंशा ख्रिंख्रि पा आन बोल्‍यो दरवार रे जाक्‍तेक्‍म।
2SA 22:47 परमप्रभु यावे ब्रोंइशा बाक्‍ब। आं सेरथे फुल्‍लु ठेयब बाक्‍ब। आं परमप्रभु मान ताइब बाक्‍ब। मेको आं कली प्रोंइब, सेरथे फुल्‍लु बाक्‍ब।
2SA 22:48 परमप्रभुम आं पर्बम क्‍येक्‍क लेत्‍ताक्‍व। मिनु मुर आन कली आं सासनम वोइक्‍तीमी।
2SA 22:49 मेकोम आं कली आं जोरी सत्रु रे प्रोंइती। गे आं कली आं जोरी सत्रु आन क्‍येङा ठेयब सेल्‍तीनी। गे आं कली हुश ख्राक्‍श पोक्‍ब रे प्रोंइतीनी।
2SA 22:50 मोपतीके परमप्रभु यावे, गो रागी रागी ङा मुर आन दातेमी इन कली ठेयब सेल्‍नुङ। मिनु इन कली ठेयब सेल्‍तीक कुम्‍सो पाइ‍नुङ।
2SA 22:51 परमप्रभु यावे पिप, आं ब्रोंइशा बाक्‍तीक बाक्‍ब। मेकोम आ तेल लुक्‍शो दाऊद कली नु आ चच युइ आन कली गेना हना यो दाक्‍तीक कोंइब” दे दाऊदमी परमप्रभु यावे कली ठेयब सेला बाक्‍‍त।
2SA 23:1 एको दाऊद आ नोले ङा लोव़ बाक्‍ब। येस्‍से आ तौ दाऊद आ नोले देंशो लोव़ एको बाक्‍ब। परमप्रभुमी ठेयब सेल्‍शो मुर आ पशो लोव़ एको बाक्‍ब। याकूब आ परमप्रभुमी मेको कली तेल लुक्‍शा, पिप सेल्‍शो बाक्‍त। इस्राएली आन सक्ति पाइश्‍शो आन दातेमी दाऊद कली नेल्‍ल क्‍येङा दाक्‍ब बाक्‍ब। १सामुएल १६:१३
2SA 23:2 “परमप्रभु यावे आ सोक्‍त आं रे पा ब्‍वाक्‍शो बाक्‍ब। मेको आ देंशो लोव़ आं शोव़म बाक्‍ब।
2SA 23:3 इस्राएली आन परमप्रभुम लोव़ पाप्‍तु। इस्राएली आन सेरथे फुल्‍लुमी आं कली ‘सुमी मुर आन कली ठीक निसाफ पाइ‍बा, सुम परमप्रभु कली मान पा हिंशा हुकुम पाइ‍बा,
2SA 23:4 मेको सुनी ङा नां खोदेंशो बाक्‍ब। मेको गोस्‍स मबाक्‍शो सुनी दाप्‍शो नां खोदेंशो बाक्‍ब। मिनु मेको रेउ यिम नोले वाशो घांस खोदेंशो बाक्‍ब’ देंत। न्‍यायाधीस ५:३१
2SA 23:5 मोपा आं खिं परमप्रभु नु बाक्‍ब। मारदे हना मेकोमी गो नु गेना हना यो लीब कबल का पशो बाक्‍ब। मेको नेल्‍ल रिम्‍शो नु ली‍ब। मिनु मेकोमी आं रिम्‍शो दुम्‍शो नु आं दाक्‍शो बारना बारना लपाइक्‍ब।
2SA 23:6 तन्‍न परमप्रभु यावे आ अरेशो मटीब फशेम बेरशो चू खोदेंशो बाक्‍नीम। सुइम मेको कली गुइम थीने मचाप्‍नीम।
2SA 23:7 सुम मेको कली ताइक्‍चा दाक्‍बा, मेकोमी फलाम नु कोक्‍के लाइश्‍शा गुप्‍नीम। मेको मीम हुम्‍शा, रीब पा दाक्‍चा पुंइसीनीम” देंत।
2SA 23:8 दाऊद आ बोल्‍यो लडाइ पाइब मुर आन नें मार बाक्‍तेक्‍म देंशा हना, ङोंइती ताह-केमोन आ खिं ङा मुर योशेब-बा‍शेबेथ बाक्‍माक्‍त। मेको बोल्‍यो सां आन दाते ङा कप्‍तान बाक्‍माक्‍त। मेकोमी ८ सहे मुर आन कली आ तूतीकेम काले‍मी साइक्‍मी बाक्‍त।
2SA 23:9 मेको आ नोले ङा बोल्‍यो सां लडाइ पाइब आन दा‍ते ङा अहोही आ चच दोदो आ तौ एलाजर बाक्‍माक्‍त। मेको दाऊद नु बाक्‍शो बाक्‍माक्‍त। मेकेर पलिस्‍तीपुकी लडाइ पचा कली बुक्‍शो बाक्‍मा बाक्‍त। मिनु इस्राएलीपुकी प्रोक्‍मानु, मेको कामीन लडाइ पतीकेम राप्‍शा,
2SA 23:10 मदम सम्‍म पलिस्‍ती आन कली तरवारम क्‍योरस ङा क्‍योरस पामी बाक्‍त। मेको आ गुइमी तरवार खोक्‍शो बाक्‍माक्‍त। मोपा परमप्रभु यावेम मेको नाक्‍ती थाम्‍पा ग्रापदा बाक्‍त। मेको नोले मुरपुकी बेक्‍शो मुर आन मार मार रोइक्‍थ ला जाक्‍मा बाक्‍त।
2SA 23:11 मेको आ नोले ङा हरारी आगी आ तौ शम्‍माह बाक्‍माक्‍त। पलिस्‍तीपुकी लेहीम बुक्‍शो बाक्‍मा बाक्‍त। मेकेर मस शोक्‍शो थम रिम्‍शो रू का बाक्‍माक्‍त। मिनु अरामीपुकी पलिस्‍ती आन ङोंइती रे ब्रुशा प्रोक्‍मा बाक्‍त।
2SA 23:12 मिनु पलिस्‍तीपुकीमी मुर आन कली खेदा पा लदमेनु, मेको शम्‍मा मस शोक्‍शो रू आ दातेमी राप्‍शा, खाल पा बाक्‍शो बाक्‍माक्‍त। मिनु मेकोमी पलिस्‍ती आन कली साइक्‍मी बाक्‍त। मोपा परमप्रभु यावेमी मेको आन कली थाम्‍पा ग्रापदा बाक्‍त।
2SA 23:13 अन्‍न रिक्‍तीक ङोंइती ङा नाक्‍ती, मेको ३० जना कप्‍तान आन दाते ङा मेको सां अदुल्‍लाम ङा पुक्‍खी दाऊद आ बाक्‍तीकेम जाक्‍शो बाक्‍मा बाक्‍त। पलिस्‍ती आन हुल का चहिं रेफाइम ङा बेंसीम बाक्‍तीक सेल्‍शा बाक्‍शो बाक्‍मा बाक्‍त। १सामुएल २२:१
2SA 23:14 मेना दाऊद डांडा ङा गारो हिरशो बोल्‍यो बाक्‍तीकेम बाक्‍शो बाक्‍माक्‍त। पलिस्‍ती आन लडाइ पाइब हुल बेथलेहेमम बाक्‍मा बाक्‍त।
2SA 23:15 मिनु काबु नाक्‍त दाऊद थाम्‍पा ब्‍वाक्‍कु तूतू दाक्‍शो बाक्‍माक्‍त। मिनु मेकोमी तूतू दाक्‍शा “सुइमी आं कली बेथलेहेम ङा ठेयब लाप्‍चो आ नेक्‍था बाक्‍शो इनार ङा ब्‍वाक्‍कु तूचा गेयीमी हना, रिम्‍शो दुम वा” देंमाक्‍त।
2SA 23:16 मिनु मेको बोल्‍यो लडाइ पाइब सां पलिस्‍ती आन दाते रे ग्रीशा लशा बेथलेहेम ङा ठेयब लाप्‍चो आ नेक्‍था बाक्‍शो इनार ङा ब्‍वाक्‍कु चाक्‍शा दाऊद कली गेमे बाक्‍त। तन्‍न दाऊदम मेको तूने मबिस्‍से बाक्‍त। मेकोमी मेको ब्‍वाक्‍कु परमप्रभु यावे आ ङोंइती मोदा बाक्‍त।
2SA 23:17 मेकोमी “परमप्रभु यावे आ नेंमी गो एको ब्‍वाक्‍कु मतूनुङ। मार, गो एको मुर आन हुश तूनुङा? एकोपुकीम एको ब्‍वाक्‍कु हेररा आन गिंम सोइक्‍चा ङा पा लशा चाक्‍तेक्‍म” देंमाक्‍त। मोपतीके दाऊदमी मेको ब्‍वाक्‍कु मतूङा बाक्‍त। मेको बोल्‍यो लडाइ पाइब सां आन ठेयब गेय मेकोन बाक्‍त।
2SA 23:18 मिनु सेरूयाह आ तौ योआब आ लोक्‍ब अबीशै मेको ३० जना आन दाते ङा ठेयब बाक्‍माक्‍त। मेकोमी सहे सां जना मुर आन कली आ तूतीकेम लडाइ पा साइक्‍मी बाक्‍त। मेको सांमी “मेको बोल्‍यो मुर बाक्‍ब” देंमा बाक्‍त। २सामुएल २१:१७
2SA 23:19 मेको, मेको ३० जना आन दाते ङा नेल्‍ल क्‍येङा हिक्‍सीशो मुर बाक्‍शो बाक्‍त। मिनु मेको आन कप्‍तान दुम्‍माक्‍त। तन्‍न मेको बोल्‍यो मुर सां खोदेंशो दुम्‍ने मचबा बाक्‍‍‍त।
2SA 23:20 कब्‍सेल सहर ङा येहो-यादा आ तौ बेनायाह यो बोल्‍यो लडाइ पाइब का बाक्‍माक्‍त। मेकोमी ठेयब गेय पशो बाक्‍माक्‍त। मेकोम मोआब ङा अरीएल आ तौ निक्‍शी साइश्‍शो बाक्‍माक्‍त। फुं यिम ना मेकोमी खाल्‍टाम लशा मेकेर गुप्‍स का साइश्‍शो बाक्‍माक्‍त। २सामुएल ८:१८; यहोसु १५:२१
2SA 23:21 मेकोमी दारशो बोल्‍यो इजीप्‍त ङा मुर का कली साइश्‍शो बाक्‍माक्‍त। मेको इजीप्‍त ङा मुर तूतीक का शेशो बाक्‍माक्‍त। तन्‍न बेनायाह कोक्‍के का शेशा लशा, मेको इजीप्‍त ङा मुर आ तूतीक आ गुइ रे रोइश्‍शा, मेको कली सदा बाक्‍त।
2SA 23:22 येहो-यादा आ तौ बेनायाह आ पशो मेकोन बाक्‍ब। मेको सांमी “मेको बोल्‍यो लडाइ पाइब का बाक्‍ब” देंमा बाक्‍त।
2SA 23:23 मेको, मेको ३० जना मुर आन दाते ङा हिक्‍सीशो मुर का बाक्‍शो बाक्‍त। तन्‍न मेको बोल्‍यो सां खोदेंशो दुम्‍ने मचबा बाक्‍‍‍त। मिनु दाऊदमी मेको कली आं कली खाल पाइब आन ठेयब मुर सेला बाक्‍त।
2SA 23:24 मिनु मेको ३० जना आन दातेमी सु सु बाक्‍मा बाक्‍त देंशा हना, योआब आ लोक्‍ब आसाहेल, बेथलेहेम ङा दोदो आ तौ एल्‍हानान, २सामुएल २:१८
2SA 23:25 हारोद सहर ङा शम्‍माह, हारोद सहर ङा एलीका,
2SA 23:26 पाल्‍ती आ खिं ङा हेलेस, तेकोहा सहर ङा इक्‍केश आ तौ इरा,
2SA 23:27 अनाथोथ सहर ङा अबीएजेर, हुशा ङा मुर मेबुन्‍नाइ,
2SA 23:28 अहोही आ खिं ङा मुर सल्‍मोन, नेतोफाह आ खिं ङा माहाराइ,
2SA 23:29 नेतोफाह आ खिं ङा बानाह आ तौ हेलेब, गिबा सहर ङा बेन्‍यामीन आ थर ङा रिबाइ आ तौ इत्‍ताइ,
2SA 23:30 पिराथोन सहर ङा बेनायाह, गाश खोला ङा हिददाइ,
2SA 23:31 अरबा आ खिं ङा मुर अबी-अल्‍बोन, बाहुरीम सहर ङा अज्‍मावेथ,
2SA 23:32 शा-आल्‍बोन सहर ङा एली-अहबा, याशेन आ तौ योनाथन,
2SA 23:33 हरारी सहर ङा शम्‍माह, हरारी सहर ङा शरार आ तौ अहीयाम, २सामुएल १५:१२
2SA 23:34 माकाह सहर ङा अहास्‍बाइ आ तौ एली-फेलेत, गिलो ङा अहीथोफेल आ तौ एलीआम,
2SA 23:35 कारमेल पहड ङा हेस्रो, यहूदा ङा अरब सहर ङा पाराइ,
2SA 23:36 सोबाह सहर ङा नाथान आ तौ इगाल, गाद आ थर ङा बानी,
2SA 23:37 अम्‍मोनी जेलेक, बेयरोथ सहर ङा नहाराइ, मेको सेरूयाह आ तौ योआब आ या कुरब बाक्‍माक्‍त।
2SA 23:38 इथ्री आ खिं ङा इरा, इथ्री आ खिं ङा गारेब नु २सामुएल ११:३
2SA 23:39 हित्ती आ मुर उरीयाह, मेको नेल्‍ल पा ३७ जना बाक्‍मा बाक्‍त।
2SA 24:1 मिनु परमप्रभु यावे इस्राएली आन पर्बम लेंशा गाइक्‍ता बाक्‍त। मिनु मेकोमी दाऊद कली मेको आन पर्बम मरिम्‍शो पपाइक्‍चा कली क्‍युक्‍गा बाक्‍त। मिनु दाऊदमी “इस्राएल नु यहूदा ङा मुर आन कली हिक्‍कीन” देंमाक्‍त।
2SA 24:2 मिनु पिपमी योआब नु मेको नु बाक्‍ब लडाइ पाइब आन ठेयब मुर नेल्‍ल आन कली “दान रे बेयर-शेबा सम्‍म ङा इस्राएल आ खिं खिं ङा मुर आन बाक्‍तीक तेइ तेइ लशा, नेल्‍ल आन कली हिक्‍शा, मेको दोशो बाक्‍मा, आं बाक्‍तीकेम ब्रेक्‍शा चाक्‍कीन” देंमाक्‍त। प्रस्‍थान ३०:१२
2SA 24:3 तन्‍न योआबम पिप कली “परमप्रभु यावे, इन परमप्रभुम मुर आन कली सहे का खेयप हिक्‍शो क्‍येङा यो शुश सेलल। मेको तचा ङा पा इन ब्रोंइची ना दुम्‍ल। तन्‍न मारदे आं प्रभु पिप मोदेंशो पचा माल्‍नी?” दे हिल्‍लो पवा बाक्‍त।
2SA 24:4 तन्‍न पिप आ अरेशो योआब नु लडाइ पाइब आन ठेयब मुरपुकीम पचा माल्‍मा बाक्‍त। मोपतीके योआब नु लडाइ पाइब आन ठेयब मुर पिप आ ङोंइती रे इस्राएल ङा मुर आन कली हिक्‍चा कली लमा बाक्‍त।
2SA 24:5 मिनु मेकोपुकी यर्दन खोला शोक्‍शा, आरोएर सहर नु दिंम आ दाते ङा सहर रे गाद नु याजेर गे लमा बाक्‍त। ब्‍यवस्‍था २:३६
2SA 24:6 मिनु मेकोपुकी हित्ती आन रागी गिलाद नु कादेश जाक्‍मा बाक्‍त। नोले दान लशा, सीदोन जाक्‍दीम्‍मा बाक्‍त।
2SA 24:7 मिनु नोले गारो हिरशो सहर टायर, हिव्‍वी नु कनानी आन सहर नेल्‍ल लमा बाक्‍त। नोले यहूदा ङा नेगेब ङा बेयर-शेबा सहर सम्‍म लमा बाक्‍त।
2SA 24:8 मिनु ९ महिना नु २० नाक्‍त नोले मेकोपुकी रागी नेल्‍ल हिरशा, लेश्‍शा यरूसलेम जाक्‍मा बाक्‍त।
2SA 24:9 मिनु योआबम पिप कली “या चलेने चाप्‍ब लडाइ पाइब इस्राएलम ८ लाख नु यहूदाम ५ लाख बाक्‍तेक्‍म” दे शेंदा बाक्‍त।
2SA 24:10 मिनु नोले दाऊद मुर आन कली हिक्‍शो आ पर्बम आ थुं मनुमाक्‍त। मिनु दाऊदमी परमप्रभु यावे कली “गो मुर आन कली हिक्‍शा ठेयब पाप पाता। मुल परमप्रभु यावे, इन वाइल आ मरिम्‍शो पशो क्‍याम्‍दीन। मारदे हना गो थम मूर्ख गेय पाता” देंमाक्‍त। २सामुएल १२:१३
2SA 24:11 मिनु दाऊद सुनी कना बोक्‍माक्‍त। मिनु परमप्रभु यावेमी आ लोव़ पाइ‍ब गाद कली लोव़ पवा बाक्‍त।
2SA 24:12 मार लोव़ पवा बाक्‍त देंशा हना “गे दाऊद कली परमप्रभु यावेम इ कली मार देंब देंशा हना ‘गो इ कली लोव़ सां गेन‍न। मेको आन दाते ङा का योव़चा माल्‍नेवे। मिनु गो मेको इ कली पाइनुङ’ देंत” देंमाक्‍त।
2SA 24:13 मिनु गाद दाऊद आ बाक्‍तीक जाक्‍शा “इन कली नु रागी कली बर्स सां सम्‍म अन्‍काल दुम्‍तीके, महिना सां सम्‍म इन जोरी सत्रुम खेदा पचा पुंइसीतीके नु इन रागीम नाक्‍त सां सम्‍म मुर बेक्‍तीक रोइ जाक्‍तीके, तेको योव़नीनी मिम्‍शा देंनीन। मिनु आं कली सोइक्‍ब कली मार देंचा माल्‍नुङा देंनीन” देंमाक्‍त। येरमीया २४:१०; इजीकीएल ६:११-१२
2SA 24:14 मिनु दाऊदम गाद कली “गो शुश श्‍येत जशो बाक्‍नुङ। आंइ कली परमप्रभु यावे आ गुइम दुम्‍चान रिम्‍शो बाक्‍ब। मारदे हना आ शिशी ठेयब बाक्‍ब। गो मुर आन गुइम मदुम्‍ङल” देंमाक्‍त।
2SA 24:15 मोपतीके परमप्रभु यावेमी आ देंशो नाक्‍त रे इस्राएल नेल्‍लेम मुर बेक्‍तीक रोइ जाक्‍पदा बाक्‍त। मिनु दान रे बेयर-शेबा सम्‍म ७० हजार मुर बेक्‍मा बाक्‍त।
2SA 24:16 मिनु परमप्रभु यावे आ स्‍वर्ग ङा गेय पाइ‍बमी यरूसलेम खतम पोक्‍चा कली आ गुइ मेक गे दिंदा बाक्‍त। मिनु परमप्रभु यावेमी मुर आन कली खतम सेल्‍ब आ स्‍वर्ग ङा गेय पाइब कली तेक्‍शा “मोक्‍ल, मुल दुम्‍त” देंमाक्‍त। मेना मेको परमप्रभु यावे आ स्‍वर्ग ङा गेय पाइ‍ब यबुसी अरौनाह आ खलाम राप्‍शो बाक्‍माक्‍त। उत्‍पत्ती १९:१३; प्रस्‍थान १२:२३; यसैया ५४:१६
2SA 24:17 मिनु दाऊदमी मेको मुर आन कली साइक्‍ब परमप्रभु आ आ स्‍वर्ग ङा गेय पाइ‍ब कली तवा बाक्‍त। मिनु मेकोमी परमप्रभु यावे कली “पाप पाइब, गो आं का ला नङ। इन अरेशो लोव़ मटीब यो गो नङ। तन्‍न एको मुर मार पामे ङा? गे आं कली नु आं खिं ङा मुर आन कली श्‍येत गेने” देंमाक्‍त। गन्‍ती १६:२२
2SA 24:18 मेको नाक्‍ती गाद दाऊद आ बाक्‍तीकेम जाक्‍शा, मेको कली “गे लशा, यबुसी अरौनाह आ खलाम परमप्रभु यावे कली चढ़ेतीक का सेलो” देंमाक्‍त।
2SA 24:19 मिनु परमप्रभु यावेमी अरेशो गादमी देंशो खोदेंशो पा दाऊद इर ङोइश्‍शा लमाक्‍त।
2SA 24:20 मिनु अरौनाहम पिप नु आ मुर आन कली आ बाक्‍तीक गे पिशो तशा, पिप आ ङोंइती खुम्‍की पा बाप्‍शा सेउ पवा बाक्‍त।
2SA 24:21 मिनु अरौनाहमी “मारदे आं प्रभु पिप इन वाइल कली ग्रुम्‍थ जाक्‍नी” दे हिल्‍लो पवा बाक्‍त। मिनु दाऊदमी “गो परमप्रभु यावे कली चढ़ेतीक का सेल्‍‍चा, दे इ खला ग्‍याप्‍थ जाक्‍ती। मो पाता हना, एको मुर बेक्‍तीक रोइ दिक्‍बा कों?” देंमाक्‍त।
2SA 24:22 मिनु अरौनाहमी दाऊद कली “आं प्रभु पिप मेको इन के दुम्‍त। मिनु दोदेंशो दाक्‍नीनी मोदेंशो पा चढ़ेन। चोशा चढ़ेचा कली गो नु ब्‍यफ बाक्‍नीम। शी कली जुवा नु दांइ पतीक शी बाक्‍नीम।
2SA 24:23 पिप, गो इन कली मेको नेल्‍ल गेनुङ। परमप्रभु यावे, इन परमप्रभुम इन चढ़ेशो ब्रवल” देंमाक्‍त।
2SA 24:24 तन्‍न पिपमी अरौनाह कली “ममाइ, गो मेको ग्‍याप्‍नुङ। गो क्‍येट मथाप्‍शो थोव़क परमप्रभु यावे, आं परमप्रभु कली मचढ़ेनुङ” देंमाक्‍त। मोपतीके दाऊदम मेको खला नु ब्‍यफ ङा ५० शेकेल चांदी थाप्‍शा ग्‍यबा बाक्‍त। शेकेल का ११.५ ग्राम बाक्‍ब।
2SA 24:25 मिनु दाऊदम मेकेर परमप्रभु यावे कली चढ़ेतीक का सेला बाक्‍त। मिनु चोशा चढ़ेतीक नु दुशा बाक्‍चा आ पर्बम चढ़ेतीके चढ़ेवा बाक्‍त। मिनु परमप्रभु यावेमी रागी आ पर्बम पुंइशो लोव़ नेना बाक्‍त। मिनु इस्राएलम मुर बेक्‍तीक रोइ दिक्‍माक्‍त। २सामुएल २१:१४
1KI 1:1 मिनु दाऊद पिप शुश बर्स दुम्‍शा, थम खूशो दुम्‍माक्‍त। मिनु वा फेक्‍सेनु, यो महोमाक्‍त।
1KI 1:2 मोपतीके मेको आ गेय पाइबपुकीम मेको कली “आंइ प्रभु पिप इन कली कोव़चा कली नु इन काल्‍गी पचा कली, गो कन्‍ने मीश आल का माल्‍नीकी। मिनु मेको आंइ प्रभु पिप, इन कली होपाइक्‍चा कली इन नु इप्‍ल” देंमा बाक्‍त।
1KI 1:3 मिनु मेकोपुकीम इस्राएल रागी नेल्‍लेम दारशो मीश आल का माल्‍मेनु, शुनेम सहर ङा अबीशाग, कन्‍ने मीश आल कली थित्‍मे बाक्‍त। मिनु मेको कली पिप आ बाक्‍तीक चाक्‍ग्‍मे बाक्‍त।
1KI 1:4 मेको थम दारशो मीश आल बाक्‍माक्‍त। मिनु मेकोमी पिप कली कोव़चा नु आ काल्‍गी पचा गोवा बाक्‍त। तन्‍न पिप मेको नु मबाक्‍माक्‍त।
1KI 1:5 मिनु हग्‍गीथ आ तौ अदोनीयाहम आंम कली ठेयब सेल्‍शा “गोन पिप दुम्‍नुङ” देंचा गोवा बाक्‍त। मोपतीके मेकोम बग्‍गीपुकी, शारा ङोइक्‍बपुकी नु आ ङोंइङोंइती दोरपाइक्‍चा कली ५० जना मुर ठीक पवा बाक्‍त। २सामुएल ३:४; २सामुएल १५:१
1KI 1:6 मिनु मेको आ आफोम मेको कली “गे मारदे मोदेंशो पवी?” दे गेनायो महुइक्‍ता बाक्‍त। अदोनीयाह यो थम दारशो मुर का बाक्‍माक्‍त। मेको अब्‍सालोम क्‍येङा नोले जरमेशो बाक्‍माक्‍त।
1KI 1:7 मिनु मेकोमी सेरूयाह आ तौ योआब नु चढ़ेब अबीयाथार नु लोव़ गारपदा बाक्‍त। मिनु मेको निक्‍शीमी अदोनीयाह कली वारच पदसे बाक्‍त। १राजा २:२७
1KI 1:8 तन्‍न चढ़ेब सादोक, येहो-यादा आ तौ बेनायाह, परमप्रभु यावे आ लोव़ पाइब नाथान, शिमेइ, रेइ नु दाऊद आ लडाइ पाइबपुकी चहिं अदोनीयाह नु मगारमा बाक्‍त।
1KI 1:9 मिनु अदोनीयाहमी एन-रोगेल आ नेक्‍था ङा सोहेलेथ देंशो फुल्‍लुम भेडा, ब्‍यफ नु दोम्‍शो बस्‍तु भाव चढ़ेवा बाक्‍त। मिनु मेकोमी आ लोक्‍ब नेल्‍ले, पिप आ तौ नेल्‍ले नु पिप आ ठेयब गेय पाइब यहूदा ङा मुर नेल्‍ल आन कली ब्रेत्‍तीमी बाक्‍त। यहोसु १५:७-८
1KI 1:10 तन्‍न मेकोमी परमप्रभु यावे आ लोव़ पाइब नाथान, बेनायाह, लडाइ पाइबपुकी नु आ लोक्‍ब सोलोमन आन कली चहिं मब्रेत्‍ता बाक्‍त।
1KI 1:11 मिनु नाथानमी सोलोमन आ ममा बाथ्‍शेबा कली “मार गे हग्‍गीथ आ तौ अदोनीयाह आंइ प्रभु दाऊद आ मतुइक्‍थु पिप दुम्‍त देंशो लोव़ मनेंनी?
1KI 1:12 मोपतीके मुल नेनीन। आंम इन कली नु इन तौ सोलोमन कली दोपा प्रोंइने चाम्‍सीबा, मेको आ पर्बम गो इन कली सल्‍ला गेनुङ।
1KI 1:13 मुल रीब पा लशा, पिप दाऊद कली ग्रुमीन। मिनु मेको कली ‘आं प्रभु, मार, गे इन वाइलीम नु थमा पा इ तौ सोलोमन आं नोले पिप दुम्‍ब। मिनु मेको आं नित्‍तीकेम निप्‍ब देंशो मननी ङा? मिनु मुल मारदे अदोनीयाह कका पिप दुम्‍मे?’ देनीन। १इतिहास २८:५-१०
1KI 1:14 मिनु मोपा गे पिप नु लोव़ पना पन बाक्‍नीनु, गो जाक्‍नुङ। मिनु गो इन देंशो लोव़म लोव़ तेम्‍नुङ” देंमाक्‍त।
1KI 1:15 मिनु बाथ्‍शेबा पिप आ बाक्‍‍तीक कोठाम ओव़माक्‍त। पिप थम खूशो दुम्‍शो बाक्‍माक्‍त। मेना शुनेम सहर ङा अबीशागमी मेको आ काल्‍गी पना पन बाक्‍माक्‍त।
1KI 1:16 मिनु बाथ्‍शेबाम पिप आ ङोंइती बाप्‍शा आ पोक्‍च थेक्‍शा सेउ पवा बाक्‍त। मिनु पिपम “गे मार पुनी” दे मदा बाक्‍त।
1KI 1:17 मिनु मेकोमी पिप कली “आं प्रभु, गे इन वाइलीम, आं कली परमप्रभु यावे, इन परमप्रभु आ ङोंइती कसम जशा ‘इ तौ सोलोमन आं नोले पिप दुम्‍ब। मिनु आं नित्‍तीकेम निप्‍ब’ देंशो ननी।
1KI 1:18 तन्‍न मुल अदोनीयाह कका पिप दुम्‍‍त। एको लोव़ आं प्रभु पिपम मतुइश्‍शो बाक्‍नीनी।
1KI 1:19 मेकोमी शुश ब्‍यफ नु दोम्‍शो बस्‍तु भाव नु भेडा क्‍योरशा चढ़ेशो बाक्‍ब। मिनु पिप आ आल नेल्‍ले, चढ़ेब अबीयाथार नु लडाइ पाइब आन नेल्‍ल क्‍येङा ठेयब मुर योआब नेल्‍ल आन कली ब्रेश्‍शो बाक्‍ब। तन्‍न इन गेय पाइब सोलोमन कली चहिं मब्रेश्‍शो बाक्‍ब।
1KI 1:20 मिनु मुल आं प्रभु पिप, इन नोले सु पिप दुम्‍बा? मिनु इन नित्‍तीकेम सु निप्‍बा, दे तुइक्‍चा कली इस्राएल ङा मुर नेल्‍लेम इन लां कोव़शो बाक्‍नीम।
1KI 1:21 मो मदुम्‍‍त हना, नोले गे आं प्रभु पिप इन किकी पिपी नु इप्‍नीनी। मिनु गो नु आं तौ सोलोमन आंस कली मरिम्‍शो पाइब खोदेंशो सेल्‍नीम” दे बाथ्‍शेबाम देंमाक्‍त।
1KI 1:22 मिनु मेको पिप नु लोव़ पना पन बाक्‍मेनु, परमप्रभु यावे आ लोव़ पाइब नाथान जाक्‍माक्‍त।
1KI 1:23 मिनु पिप कली “परमप्रभु यावे आ लोव़ पाइब नाथान जाक्‍शो बाक्‍ब” देंशो लोव़ नेंपदमे बाक्‍त। मिनु नाथान जाक्‍शा, खप सम्‍मन बाप्‍शा, पिप कली सेउ पवा बाक्‍त।
1KI 1:24 मिनु नाथानम “आं प्रभु पिपमी ‘अदोनीयाह आं नोले पिप दुम्‍ब। मिनु आं नित्‍तीकेमी निप्‍ब’ देंशो ननी देय मननी?
1KI 1:25 मेको मुलाक्‍ती उइ ब्रुप्‍शा शुश ब्‍यफ, दोम्‍शो बस्‍तु भाव नु भेडा क्‍योरशा चढ़ेशो बाक्‍ब। मिनु मेकोम पिप इन आल नेल्‍ले, लडाइ पाइब आन ठेयब मुर योआब नु चढ़ेब अबीयाथार नेल्‍ल आन कली ब्रेश्‍शो बाक्‍ब। मिनु मुल मेको नेल्‍ल मेको आ ङोंइती जना जन, तूना तून ‘पिप अदोनीयाह गेना हना यो ब्रोंइशा बाक्‍ल’ देंना देंन बाक्‍नीम।
1KI 1:26 तन्‍न मेकोम इन गेय पाइब आं कली, चढ़ेब सादोक, येहो-यादा आ तौ बेनायाह नु इन गेय पाइब सोलोमन आंइ कली मब्रेत्‍तीकी।
1KI 1:27 मार, आं प्रभु पिप इन दें‍तीके मो पशो नमी? मिनु गो इन गेय पाइब आंइ कली चहिं इन नोले सु पिप दुम्‍ब, दे मशेंदीनी” देंमाक्‍त।
1KI 1:28 मिनु पिप दाऊदमी “बाथ्‍शेबा कली आं नेक्‍था ब्रेत्‍तीन” देंमाक्‍त। मिनु मेको पिप आ ङोंइती जाक्‍शा राम्‍माक्‍त।
1KI 1:29 मिनु पिपमी “गो आं कली आं श्‍येत नेल्‍ल रे प्रोंइब नु गेना हना यो बाक्‍ब परमप्रभु यावे ब्रोंइशा बाक्‍शो खोदेंशो पा गो कसम जाइनुङ।
1KI 1:30 ङोंइती गो परमप्रभु यावे, इस्राएली आन परमप्रभु आ नेंमी इ कली ‘इ तौ सोलोमन आं नोले पिप दुम्‍ब। मिनु आं नित्‍तीकेम निश्‍शा, आं पा ङा पिप दुम्‍ब’ देंती। मुलाक्‍त गो मेको कसम जशो खाप्‍नुङ” देंमाक्‍त।
1KI 1:31 मिनु बाथ्‍शेबा पिप आ ङोंइती आ पोक्‍च थेक्‍शा बाप्‍शा “आं प्रभु पिप दाऊद गेना हना यो ब्रोंइशा बाक्‍ल” देंमाक्‍त।
1KI 1:32 मिनु पिप दाऊदम “चढ़ेब सादोक, परमप्रभु यावे आ लोव़ पाइब नाथान नु येहो-यादा आ तौ बेनायाह आन कली ब्रेत्‍तीने” देंमाक्‍त। मिनु मेको पिप आ ङोंइती जाक्‍मा बाक्‍त।
1KI 1:33 मिनु पिपम मेको आन कली “गे इन प्रभु, आं ठेयब गेय पाइब आन कली ल‍तीन। मिनु आं तौ सोलोमन कली आं खच्‍चरम ङोइक्‍पाइश्‍शा गिहोन सम्‍म ल‍तीन।
1KI 1:34 मिनु मेकेर चढ़ेब सादोक नु परमप्रभु यावे आ लोव़ पाइब नाथानमी मेको कली तेल लुक्‍शा इस्राएल ङा पिप सेल्‍सेक्‍ल। मिनु तुराही ताप्‍शा ‘पिप सोलोमन गेना हना यो ब्रोंइशा बाक्‍ल’ देंमल।
1KI 1:35 मिनु मेको आ नोले खोतीन। मेको जाक्‍शा आं नित्‍तीकेम नित्‍चा माल्‍ब। मिनु मेकोम आं पा ङा सासन पचा माल्‍ब। मारदे हना गो मेको कली इस्राएल नु यहूदाम सासन पचा कली योव़ता” देंमाक्‍त।
1KI 1:36 मिनु येहो-यादा आ तौ बेनायाहम पिप कली “आमेन। परमप्रभु यावे, आं प्रभु पिप आ परमप्रभुमी मोदेंशोन पवल।
1KI 1:37 दोपा परमप्रभु यावे आं प्रभु पिप इन नु बाक्‍मे, मोपान सोलोमन नु यो बाक्‍ल। मिनु मेको आ राज्‍य आं प्रभु पिप दाऊद आ राज्‍य क्‍येङा यो सक्ति पाइश्‍शो सेलल” देंमाक्‍त।
1KI 1:38 मिनु चढ़ेब सादोक, परमप्रभु यावे आ लोव़ पाइब नाथान, येहो-यादा आ तौ बेनायाह नु केरेथी नु पेलेथी उइ ब्रुप्‍शा सोलोमन कली दाऊद पिप आ खच्‍चरम ङोइक्‍पाइश्‍शा गिहोन सम्‍म लदमे बाक्‍त। २सामुएल ८:१८
1KI 1:39 मिनु चढ़ेब सादोकमी परमप्रभु यावे आ ताम्‍बु रे तेल वोइश्‍शो ग्रोव़ ग्रुंइशा सोलोमन कली लुक्‍शा पिप सेला बाक्‍त। मिनु मेकोपुकीम तुराही ताप्‍मे बाक्‍त। मिनु मुर नेल्‍लेम ठेयब सेंदा पा “पिप सोलोमन गेना हना यो ब्रोंइशा बाक्‍ल” देंमा बाक्‍त। १इतिहास २३:१; २सामुएल २९:२२
1KI 1:40 मिनु मुर नेल्‍ल ठेयब सेंदा पा ग्‍येरशा बांसुरी ताप्‍शा, मेको आन नो‍नोले इर ङोइश्‍शा लमा बाक्‍त। मिनु मेको आन ग्‍येरशा रेयके पशोम रागी नेल्‍ल मुरदा बाक्‍त।
1KI 1:41 मिनु अदोनीयाह नु आ मुरपुकीम मेको रेयके नेन्‍मे बाक्‍त। मेना मेकोपुकीमी नक भोज जने ला थुम्‍शो बाक्‍मा बाक्‍त। मिनु योआबमी तुराही ग्रीशो नेंशा “सहरम मार रेयके पामे?” देंमाक्‍त।
1KI 1:42 मिनु मेकोमी मो देंन देंना चढ़ेब अबीयाथार आ तौ योनाथन जाक्‍माक्‍त। मिनु अदोनीयाहमी मेको कली “खिंङगा पिवो। गे रिम्‍शो मुर बाक्‍नेवे। मिनु गे थमा पा रिम्‍शो लोव़ चाक्‍गी माइ” देंमाक्‍त। २सामुएल १५:२७,३६
1KI 1:43 मिनु योनाथनमी अदोनीयाह कली “ममाइ, इं प्रभु पिप दाऊदमी सोलोमन कली पिप सेल्‍तु।
1KI 1:44 पिपमी चढ़ेब सादोक, परमप्रभु यावे आ लोव़ पाइब नाथान, येहो-यादा आ तौ बेनायाह नु केरेथी नु पेलेथी आन कली मेको नु सोइक्‍ताक्‍व। मिनु मेकोपुकीम मेको कली पिप आ खच्‍चरम ङोइक्‍पाइश्‍शा लाइक्‍तेक्‍म।
1KI 1:45 मिनु चढ़ेब सादोक नु परमप्रभु यावे आ लोव़ पाइब नाथानमी मेको कली गिहोनमी तेल लुक्‍शा, पिप सेल्‍ताक्‍स। मिनु मुल मेकोपुकीम मेको कली ग्‍येरशा इर खिं लाइक्‍तेक्‍म। मोपतीके सहरम रेयके दुम्‍शो बाक्‍ब। गेपुकीम मेको रेयके नेंशो बाक्‍नीनी।
1KI 1:46 मुल सोलोमन पिप आ नित्‍तीकेम निप्‍ब।
1KI 1:47 मिनु पिप आ खिं ङा ठेयब गेय पाइब मुरपुकीमी इं प्रभु पिप दाऊद कली ‘इन परमप्रभुम इन तौ सोलोमन आ नें इन क्‍येङा यो सक्ति पाइश्‍शो सेलल। मिनु मेको आ नित्‍तीक इन नित्‍तीक क्‍येङा यो सक्ति पाइश्‍शो सेलल’ देंथ लशो बाक्‍नीम। मिनु पिपमी आ खाटमी बाप्‍शा
1KI 1:48 ‘परमप्रभु यावे, इस्राएली आन परमप्रभु ठेयब बाक्‍ब। मुलाक्‍ती मेकोमी आं सेस बाक्‍ना बाक्‍न, आं कली तपाइक्‍चा कली आं नित्‍तीकेम पिप का निप्‍पाइक्‍तु’ दें‍त” देंमाक्‍त।
1KI 1:49 मोपतीके अदोनीयाह आ मुरपुकी हिंशा छुल छाल बोक्‍शा आन लां खोदमे बाक्‍त।
1KI 1:50 मिनु अदोनीयाह आंमा यो सोलोमन क्‍येङा हिंशा लशा, चढ़ेतीक ङा ग्रोव़ ग्‍याइक्‍ता बाक्‍त।
1KI 1:51 मेको नोले सोलोमन कली “अदोनीयाह पिप क्‍‍येङा हिंशा, चढ़ेतीक ङा ग्रोव़ ग्‍याइश्‍शा ‘पिप सोलोमनम आ गेय पाइब आं कली मक्‍योरनुङ, दे कसम जवल’ देंशो बाक्‍ब” देंशो लोव़ नेंपदमे बाक्‍त। १राजा २:२८
1KI 1:52 मिनु सोलोमनमी “मेकोमी गो ओदेंब पाइब मुर नङ, देंने चाप्‍तु हना, मेको के आ चां का यो महेम्‍ब। तन्‍न मेकोम मरिम्‍शो पशो थिंसाक्‍व हना, मेको थमा पा साइक्‍चा पुंइसीब” देंमाक्‍त। २सामुएल १४:११
1KI 1:53 मिनु पिप सोलोमनम मुर आन कली सोइश्‍शा, मेको कली चढ़ेतीक रे उइ तोइक्‍पदा बाक्‍त। मिनु अदोनीयाह जाक्‍शा, पिप सोलोमन कली सेउ पवा बाक्‍त। मिनु सोलोमनम मेको कली “इ खिं लावो” दे मदा बाक्‍त।
1KI 2:1 मिनु दाऊद आ बेक्‍ची ना जाक्‍माक्‍त। मिनु मेकोमी आ तौ सोलोमन कली आ बाक्‍शो मारेइ मारेइ जिम्‍मा गेवा बाक्‍त।
1KI 2:2 मिनु मेकोमी “गो रागी ङा मुर नेल्‍ल आन खोदेंशो पा बेक्‍नुङ। मोपतीके गे बोल्‍यो नु महिंब दुमो।
1KI 2:3 मिनु गे परमप्रभु यावे, इ परमप्रभु आ देंशो टिवो। मेको आ लांम गाक्‍को। मिनु मोसा आ अरेशो लोव़म गेशो खोदेंशो पा परमप्रभु यावे आ फुल्‍लुम मुशा ब्रेक्‍शो लोव़, आ शेंशो, आ देंशो पतीक लोव़ नु आ गेशो अर्ती नेल्‍ल पावो। मिनु गे मार मार पाइनेवे, ते ते लाइनेवे, मेको नेल्‍ल रिम्‍शो दुम्‍ल। ब्‍यवस्‍था १७:१४-२०; यहोसु १:७
1KI 2:4 परमप्रभु यावेमी आं कली ‘इ तौ चच नेल्‍लेम आंमा दोपा बाक्‍चा माल्‍बा, दे मिम्‍ताक्‍म हना नु आन थुं नु आन सोक्‍त नेल्‍लेम आं कली मप्रोंइथु आं ङोंइती गाक्‍तेक्‍म हना, गेना हना यो इस्राएलम हुकुम पचा कली इ तौ चच का लीब’ दे लोव़ गेशा कबल पशो बाक्‍ब।
1KI 2:5 सेरूयाह आ तौ योआबम आं कली मार पवा? गे मेको तुइक्‍नेवे। मेकोमी इस्राएल ङा लडाइ पाइब आन ठेयब मुर नेर आ तौ आब्‍नेर नु येथेर आ तौ आमासा आस कली साइक्‍तीम्‍सी। मेको लोव़ गे आंमा तुइश्‍शो बाक्‍नेवे। मेकोमी मेको निम्‍फा आस कली लडाइ मदुम्‍थु, थुं नाइश्‍शा बाक्‍तीक ना साइक्‍तीम्‍सी। मिनु मेको हुशेमीन आ किप्‍‍शुर नु आ जुत्ता दोस ताइब सेल्‍तु। २सामुएल ३:२७; २सामुएल २०:१०
1KI 2:6 मोपतीके इ जोक्‍ब तुइक्‍‍ब थुंम मार पचा देंबा, मेको पावो। तन्‍न मेको आ बोइश्‍शो चां थुं मनाइक्‍थु बेक्‍शो मुर आन बाक्‍तीकेम लल।
1KI 2:7 गिलाद ङा बारजील्‍लाइ आ तौ आन कली चहिं मप्रोंइथु रिम्‍शो पावो। मेको गे नु काथा जाइब आन दातेमी बाक्‍‍म‍ल। गो इ लोक्‍ब अब्‍सालोम क्‍येङा प्रोक्‍शा गाक्‍ङानु, मेकोपुकीम रिम्‍शो पाम्‍‍तेक्‍म। २सामुएल १७:२७; २सामुएल १९:३२-४१; २सामुएल १५:-
1KI 2:8 मिनु गे बाहुरीम ङा बेन्‍यामीन आ थर ङा गेरा आ तौ शिमेइ कली योव़की पावो। मेकोमी गो महा-नाइम लङा नाक्‍त आं कली थाम्‍पा सराप पाइक्‍ती। नोले मेको यर्दन खोलाम आं कली ग्रुम्‍थ जाक्‍त। मिनु मेना गो मेको कली ‘मसाइक्‍नन’ दे परमप्रभु यावे आ नें थिशा कसम जाता। २सामुएल १६:५; २सामुएल १९:१७-२४
1KI 2:9 तन्‍न मुल गे मेको कली दोस मताइब ममिम्‍तो। गे जोक्‍ब तुइक्‍ब मुर बाक्‍नेवे। मोपतीके मेको कली मार पचा माल्‍बा, मेको तुइक्‍नेवे। मेको आ बोइश्‍शो चां हुश सुन्‍दा बेक्‍शो मुर आन बाक्‍तीकेम सोइक्‍तो” देंमाक्‍त।
1KI 2:10 मिनु दाऊद बेक्‍माक्‍त। मिनु दाऊद आ सहरम थिम्‍चा पुंइसे बाक्‍त।
1KI 2:11 दाऊदम इस्राएलम ४० बर्स सम्‍म सासन पवा बाक्‍त। मेकोम ७ बर्स हेब्रोनमी नु ३३ बर्स यरूसलेमम सासन पवा बाक्‍त। २सामुएल ५:४-५; १इतिहास २९:२७
1KI 2:12 मिनु सोलोमन आ आफ दाऊद आ पा ङा पिप दुम्‍माक्‍त। मिनु मेको आ राज्‍य बोल्‍यो दुम्‍माक्‍त।
1KI 2:13 मिनु हग्‍गीथ आ तौ अदोनीयाह, सोलोमन आ ममा बाथ्‍शेबा बाक्‍तीक जाक्‍माक्‍त। मिनु बाथ्‍शेबाम मेको कली “मार गे रिम्‍शो मिम्‍शा जाक्‍ङे” दे हिल्‍लो पवा बाक्‍त। मिनु मेकोमी “ओं रिम्‍शो पान जाक्‍ती” देंमाक्‍त।
1KI 2:14 मिनु मेकोम लेंशा “गो इन कली लोव़ का देंनुङ” देंमाक्‍त। मिनु मेकोम “दुम्‍ब देंनो” देंमाक्‍त।
1KI 2:15 मिनु अदोनीयाहम “राज्‍य आं के बाक्‍त। गे मेको तुइक्‍नीनी। मिनु इस्राएली नेल्‍लेम आं कली पिप दुम्‍ब, दे मिम्‍शो बाक्‍तेक्‍म। तन्‍न मारेइ मारेइ दूली दुम्‍त। मुल राज्‍य आं लोक्‍ब के दुम्‍त। मारदे हना परमप्रभु यावे आ दाक्‍शो मेकोन बाक्‍त।
1KI 2:16 मुल गो इन कली लोव़ का पाइनुङ। आं पशो लोव़ मदुम्‍ब मदेनीन” देंमाक्‍त। मिनु मेकोमी “मेको मार बाक्‍बा? देंनो” देंमाक्‍त।
1KI 2:17 मिनु अदोनीयाहम “गो शुनेम सहर ङा अबीशाग कली ग्‍युंबे पचा तङल, दे पिप सोलोमन कली पुनीन। मेकोमी इन कली मदुम्‍ब मदेंब” देंमाक्‍त। १राजा १:३; २सामुएल ३:७
1KI 2:18 मिनु बाथ्‍शेबाम “मेको रिम्‍शो बाक्‍ब। गो इ पर्बम पिप नु लोव़ पाइनुङ” देंमाक्‍त।
1KI 2:19 मोपतीके बाथ्‍शेबा अदोनीयाह आ पर्बम लोव़ पथ पिप सोलोमन आ बाक्‍तीक लमाक्‍त। मिनु पिप मेको कली मान पथ बोक्‍माक्‍त। मिनु आ ममा आ ङोंइती बाप्‍शा मान पा, आ नित्‍तीकेम निस्‍से बाक्‍त। पिप सोलोमनम आ ममा कली नित्‍चा कली नित्‍तीक का चाक्‍पदा बाक्‍त। मिनु मेको पिप आ ग्‍युरा गे निस्‍से बाक्‍त।
1KI 2:20 मिनु मेकोमी “गो गे नु आइक्‍च लोव़ का पचा माल्‍नुङ। मेको आं लोव़ मदुम्‍ब मदेनो” देंमाक्‍त। मिनु पिपमी आ ममा कली “मार देंनीनी? आं ममा गो इन लोव़ मदुम्‍ब मदेंनुङ” देंमाक्‍त।
1KI 2:21 मिनु मेकोमी “इ लोक्‍ब अदोनीयाह नु शुनेम सहर ङा अबीशाग आस कली ग्‍युंबे पाइक्‍सी” देंमाक्‍त।
1KI 2:22 मिनु पिप सोलोमनम आ ममा कली “गे मारदे शुनेम सहर ङा अबीशाग नु अदोनीयाह आस कली ग्‍युंबे पाइक्‍चा कली पुंइनी? गे मेको कली राज्‍य पुंइतीनी हना यो दुम्‍ब। मारदे हना मेको आं ठेयब लोक्‍ब बाक्‍ब। चढ़ेब अबीयाथार नु सेरूयाह आ तौ योआब आस पर्बम यो पुनीन” देंमाक्‍त। १राजा १:६-७
1KI 2:23 मिनु पिप सोलोमनम परमप्रभु यावे आ नें थिशा “एको आ पर्बम अदोनीयाह साइक्‍चा मपुंइसाक्‍व हना, परमप्रभुम आं कली थम मरिम्‍शो सजाइ गेयील” दे कसम जवा बाक्‍त।
1KI 2:24 मनु “मुल आं कली आं आफ दाऊद आ राज्‍यम वोइक्‍ब नु आ पाइनुङ देंशो लोव़ खाप्‍शा, आं थर आन कली सेल्‍ब परमप्रभु यावे ब्रोंइशा बाक्‍शो खोदेंशो पा, गो कसम जशा देंनुङ, अदोनीयाह मुलाक्‍तीन साइक्‍चा पुंइसीब” देंमाक्‍त।
1KI 2:25 मेको नोले पिप सोलोमनम येहो-यादा आ तौ बेनायाह कली “अदोनीयाह कली तुप्‍शा सतो” दे हुकुम गेवा बाक्‍त। मिनु मेकोम अदोनीयाह कली तुप्‍शा सदा बाक्‍त।
1KI 2:26 मिनु पिपम चढ़ेब अबीयाथार कली “अनाथोथम बाक्‍शो इ खिंम लावो। गे साइक्‍चा पुंइसीब बाक्‍नेवे। मो हना यो मुल गो इ कली मसाइक्‍नन। मारदे हना गे आं आफ दाऊद आ ङोंइती परमप्रभु यावे आ सन्‍दोस कुरब बाक्‍ते। मिनु गे मेको आ श्‍येत नेल्‍लेम बाक्‍शो बाक्‍ते” देंमाक्‍त। १राजा १:७; १सामुएल २२:२०-२३; १सामुएल ३०:७; २सामुएल १५:२४
1KI 2:27 मोपतीके सोलोमनम अबीयाथार कली परमप्रभु यावे कली चढ़ेतीक गेय रे ग्रुंइदा बाक्‍त। मोपा परमप्रभु यावेमी शिलोम एली आ खिं आ पर्बम देंशो लोव़ गाम्‍माक्‍त। १सामुएल २:३१-३२
1KI 2:28 मिनु मेको लोव़ नेल्‍ल योआबम नेना बाक्‍त। मेको अब्‍सालोम गे ममाइ, तन्‍न अदोनीयाह गे बाक्‍शो बाक्‍माक्‍त। मिनु योआब प्रोक्‍शा परमप्रभु यावे आ ताम्‍बुम लमाक्‍त। मिनु चढ़ेतीक आ ग्रोव़ ग्‍याइश्‍शा बाक्‍माक्‍त। १राजा १:५१
1KI 2:29 मिनु पिप सोलोमनम “योआब प्रोक्‍शा लशा, परमप्रभु यावे आ ताम्‍बुम चढ़ेतीक आ नेक्‍था जाक्‍दीश्‍शा बाक्‍शो बाक्‍ब” देंशो लोव़ नेना बाक्‍त। मिनु मेकोम येहो-यादा आ तौ बेनायाह कली “योआब कली तुप्‍शा सतो” दे अरेशा सोइक्‍ता बाक्‍त। प्रस्‍थान २१:१२-१४
1KI 2:30 मोपतीके बेनायाह परमप्रभु यावे आ ताम्‍बुम ओव़शा, योआब कली “पिपम लाङगा ग्रूङो देंशो बाक्‍ब” दे मदा बाक्‍त। तन्‍न मेकोम “गो एक उइ बेक्‍नुङ” देंमाक्‍त। मिनु बेनायाहमी लशा पिप कली योआब आ लोव़ नेंपदा बाक्‍त।
1KI 2:31 मिनु पिपमी बेनायाह कली “मेको आ देंशो खोदेंशो पावो। मेको कली साइश्‍शा थिमीन। मोपा योआब आ मोशा हुश ख्राक्‍श पोक्‍शो दोस गो नु आं आफ आ खिं रे क्‍याम्‍दीन।
1KI 2:32 मिनु परमप्रभु यावेमी मेको आ हुश ख्राक्‍श पोक्‍शो मेको आ पियामीन मोइक्‍ब। मारदे हना मेकोमी आं आफ दाऊद आ मतुइक्‍थु आ क्‍येङा ठीक पाइब इस्राएल ङा लडाइ पाइब आन ठेयब मुर निक्‍शी नेर आ तौ आब्‍नेर नु येथेर आ तौ यहूदा ङा ठेयब मुर आमासा आस कली साइश्‍शो बाक्‍त। १राजा २:५
1KI 2:33 मेको आस हुश आ दोस गेना हना यो योआब नु मेको आ तौ चच आन पिया तार लील। तन्‍न दाऊद नु मेको आ तौ चच आन तार, मेको आन खिंम नु आन राज्‍यम परमप्रभु यावे आ ङोंइती गेना हना यो थुं नाइश्‍शा बाक्‍तीक दुम्‍ल” देंमाक्‍त।
1KI 2:34 मोपतीके येहो-यादा आ तौ बेनायाह इर लमाक्‍त। मिनु योआब कली तुप्‍शा सदा बाक्‍त। मिनु मेको कली गोरशो रागी, आ खिं आ नेक्‍था आ रूम थिम्‍मे बाक्‍त।
1KI 2:35 मिनु पिपमी येहो-यादा आ तौ बेनायाह कली योआब आ पा ङा लडाइ पाइब आन ठेयब मुर सेला बाक्‍त। मिनु चढ़ेब अबीयाथार आ पा ङा सादोक कली चढ़ेब सेला बाक्‍त। १राजा ४:४
1KI 2:36 मेको नोले पिपमी शिमेइ कली ब्रथ सोइश्‍शा, मेको कली “यरूसलेममी खिं का सेल्‍शा, मेक उइ बाक्‍को। मिनु सहर प्रोंइशा तेइ मलावो।
1KI 2:37 सहर प्रोंइशा, किद्रोन खोल्‍सा शोक्‍साक्‍वे हना, गे थमा पा साइक्‍चा पुंइसीनेवे। मो पाप्‍तीवी हना, इ हुश आ दोस इ पियामीन मोंइसीब” दे मदा बाक्‍त।
1KI 2:38 मिनु शिमेइम पिप कली “गे मार देंनी मेको रिम्‍शो बाक्‍ब। आं प्रभु पिपम आ वाइल कली देंशो खोदेंशो पा गो पाइनुङ” देंमाक्‍त। मोपतीके शुश नाक्‍त सम्‍म शिमेइ यरूसलेममीन बाक्‍माक्‍त।
1KI 2:39 तन्‍न बर्स सां नोले मेको आ वाइल निक्‍शी प्रोक्‍शा, गाथ ङा पिप माकाह आ तौ अकीश आ बाक्‍तीक लसा बाक्‍त। मिनु शिमेइम “इ वाइल निक्‍शी गाथ सहरम बाक्‍ताक्‍स” देंशो लोव़ नेना बाक्‍त।
1KI 2:40 मिनु शिमेइ रीब पा आ गधाम लगम पाइश्‍शा, आ वाइल आस कली माल्‍थ गाथ ङा अकीश आ बाक्‍तीक लमाक्‍त। मोपा शिमेइमी गाथ रे आ वाइल निक्‍शी आस कली चाक्‍‍सी बाक्‍त।
1KI 2:41 मिनु पिप सोलोमन कली शिमेइ यरूसलेम रे गाथ जाक्‍दीश्‍शा लेश्‍शा जाक्‍शो लोव़ नेंपदमे बाक्‍त।
1KI 2:42 मिनु पिपमी शिमेइ कली ब्रथ सोइक्‍ता बाक्‍त। मिनु मेको कली “मार, गो इ कली परमप्रभु यावे आ नें थिशा कसम जपाइश्‍शो मनङा ङा? गे अर्को रागी लचा कली एको सहर रे गाक्‍ते हना, साइक्‍चा पुंइसीनेवे, देंशो मनङा? मिनु मेना गे आं कली ‘इन देंशो लोव़ रिम्‍शो बाक्‍ब देंशो मनवे?’ मेना गे ‘इन देंशो टीनुङ’ देंशो नवे।
1KI 2:43 मिनु मारदे गे परमप्रभु यावे आ नें थिशा कसम जशो नु आं देंशो लोव़ मटिवी?” दे हिल्‍लो पवा बाक्‍त।
1KI 2:44 मिनु पिपम शिमेइ कली “आं आफ दाऊद आ पर्बम पशो मरिम्‍शो नेल्‍ल गे तुइश्‍शो बाक्‍नेवे। मुल परमप्रभु यावेमी मेको मरिम्‍शो पशो आ क्‍येक्‍क इ पियामीन मोइक्‍ब। १राजा २:८
1KI 2:45 तन्‍न पिप सोलोमन आसीक ताइब। मिनु परमप्रभु यावे आ ङोंइती दाऊद आ राज्‍य गेना हना यो लीब” देंमाक्‍त।
1KI 2:46 मिनु पिपमी येहो-यादा आ तौ बेनायाह कली हुकुम गेवा बाक्‍त। मिनु मेको लशा, शिमेइ कली तुप्‍शा सदा बाक्‍त। मिनु मेको बेक्‍माक्‍त। मोपा पिप सोलोमन आ राज्‍य बोल्‍यो दुम्‍माक्‍त।
1KI 3:1 सोलोमन आ ग्‍युंबेम पतीके इजीप्‍त ङा पिप फाराओ आ खिं ङा मुर दुम्‍माक्‍त। मिनु सोलोमनम फाराओ आ तमी नु ग्‍युंबे पवा बाक्‍त। मिनु मेको कली पिप आ खिं, परमप्रभु यावे आ खिं नु यरूसलेम ङा गारो सेल्‍ने मथुमा सम्‍म दाऊद आ सहरम चाक्‍शा वोदा बाक्‍त। ब्‍यवस्‍था २३:८; १राजा ११:१-२
1KI 3:2 मेना सम्‍म मुरपुकीम डांडा मेर चढ़ेबाक्‍मा बाक्‍त। मारदे हना परमप्रभु यावे आ नें कली मान पा तेकोइ खिं मसेल्‍शो बाक्‍माक्‍त।
1KI 3:3 सोलोमनम चहिं परमप्रभु यावे कली दाक्‍शा, मेको आ लांम गाक्‍शा आ आफ दाऊद आ पशो खोदेंशो पवा बाक्‍त। तन्‍न मेकोमी डांडा ङा थानम चढ़ेशा, धूप चोइबाक्‍माक्‍त।
1KI 3:4 काले पिप सोलोमन गिबोन सहरम मार मार चढ़ेथ लमाक्‍त। मारदे हना मेको डांडा नेल्‍ल क्‍येङा ठेयब चढ़ेतीक बाक्‍माक्‍त। मिनु मेको चढ़ेतीकेम सोलोमनम हजार का मार मार चोशा चढ़ेतीक चढ़ेवा बाक्‍त। १इतिहास २१:२९; १राजा ९:२
1KI 3:5 मिनु मेको नाक्‍दो परमप्रभु यावे गिबोनम सोलोमन आ ङोमुम जाक्‍शा “गे मार पुंइनेवे, मेको गेनन” देंमाक्‍त।
1KI 3:6 मिनु सोलोमनम “गे इन गेय पाइब, आं आफ दाऊद कली इन ठेयब गेना हना यो दाक्‍तीक कोंइताक्‍नी। मारदे हना मेको इन कली मप्रोंइथु, ठीक पाइब नु रिम्‍शो थुं पाइश्‍शो इन नोले खोइक्‍ब मुर बाक्‍‍त। मिनु गे मेको कली इन ठेयब नु गेना हना यो दाक्‍तीके कोंइशो बाक्‍तीनी। मिनु मुलाक्‍ती मेको आ नोले आ नित्‍तीकेम वोइक्‍चा कली मेको कली तौ का गेतीनी। १राजा १:४८
1KI 3:7 मिनु मुल परमप्रभु यावे, आं परमप्रभु गे इन गेय पाइब, आं कली, आं आफ दाऊद आ पा ङा पिप सेल्‍तीनी। मो हना यो गो आइक्‍च आल का ला बाक्‍नुङ। मिनु गो दोपा लाङगा लचा माल्‍नुङा, दोपा जाक्‍चा माल्‍नुङा, मेको मतुइक्‍नुङ।
1KI 3:8 मुल गो इन गेय पाइब इन योव़शो मुर इस्राएली आन दातेम बाक्‍शो बाक्‍नुङ। मेको शुश नु हिक्‍ने मचाप्‍चा ङा बाक्‍नीम। १राजा ४:२०
1KI 3:9 मोपतीके इन गेय पाइब, आं कली इन मुर आन कली ठीक पा सासन पचा कली रुप्‍तीक थुं गेयीनी। मिनु गो रिम्‍शो नु मरिम्‍शो तिल्‍स जोक्‍नुङ। मो मदुम्‍त हना, एको इश्‍का इन मुर आन कली सुम सासन पने चाप्‍नीमी ङा” देंमाक्‍त।
1KI 3:10 मिनु परमप्रभु यावे सोलोमनम मेको लोव़ पुंइशो तशा, ग्‍येरसे बाक्‍त।
1KI 3:11 मोपतीके परमप्रभुमी मेको कली “गेमी एको लोव़ पुंइतीके, तन्‍न आंम इ पर्बम शुश ब्रोंइतीक, शोंप चेम्‍तीके नु इ जोरी सत्रु आन कली साइक्‍तीक मपुंइतीके, मार ठीक बाक्‍म, दे रुप्‍तीक थुं पुंइतीके,
1KI 3:12 मुल गो इ पुंइशो गे‍नुङ। गो थमा पा इ कली जोक्‍तीक तुइक्‍तीक थुं नु रुप्‍तीक थुं गेनन। ङोंइती इ खोदेंशो अर्को सुइ मबाक्‍म। मिनु नोले यो इ खोदेंशो सुइ मदुम्‍नीम। ब्‍यवस्‍था २६:१४
1KI 3:13 मेको प्रोंइशा यो, गो अर्को इ मपुंइशो यो गेनन। गे मबेक्‍ङे सम्‍म इ कली शोंप नु मान ततीके यो गेनन। तेकोइ पिपपुकी गे नु उइक्‍थ मदुम्‍नीम। मत्ती ६:३३
1KI 3:14 मिनु गे इ आफ दाऊदम खोदेंशो पा, आं लांम गाक्‍ते हना, आं फुल्‍लुम मुशा ब्रेक्‍शो लोव़ नु आं शेंतीके टिप्‍तीवी हना, गो इ कली शुश ब्रोंइचा गेनन” देंमाक्‍त।
1KI 3:15 मिनु नोले सोलोमन सेंसे बाक्‍त। मिनु एको दा ङोमु कका बाक्‍‍त, दे तुइक्‍ता बाक्‍त। मिनु मेको नोले यरूसलेम लेम्‍माक्‍त। मिनु परमप्रभु यावे आ कबल पशो सन्‍दोस आ नेक्‍था राम्‍माक्‍त। मिनु मेकेर चोशा चढ़ेतीक नु दुशा बाक्‍तीक आ पर्बम चढ़ेतीके चढ़ेवा बाक्‍त। मिनु मेकोमी आ गेय पाइब नेल्‍ल आन कली भोज का गेमी बाक्‍त।
1KI 3:16 मिनु नोले तेल्‍ले‍म मीश मुर निक्‍शी पिप आ ङोंइती जाक्‍शा, राप्‍‍सा बाक्‍त।
1KI 3:17 मिनु मेको आस दाते ङा काम “आं प्रभु, एको मीश मुर नु गो खिं कामीन बाक्‍नस्‍कु। मिनु गो एको नु बाक्‍ङानु, आल का थीता।
1KI 3:18 मिनु गो आल थिङा आ नाक्‍त सां नोले एकोमी यो आल का थिप्‍तु। मेकेर गो निक्‍शी ला बाक्‍शो नस्‍कु। मेको खिंम आंस निक्‍शी ङा लाक्‍शा, अर्को सुइ मबाक्‍म।
1KI 3:19 मिनु नाक्‍दो एको मीश मुरुम आ तौ कली चिप्‍शा सदा बाक्‍त।
1KI 3:20 मिनु नाक्‍दो उइक्‍थ दुम्‍मेनु, गो, इन वाइलीम निन्‍द्रा पङा ना एको बोक्‍शा जाक्‍शा, आं तौ लदा बाक्‍त। मिनु आ बेक्‍शो तौ चहिं आं थुकुम वोदा बाक्‍त।
1KI 3:21 मिनु आ दीसा सुनी गो बोक्‍शा ‘आल दूध तुंइदु’ देंङानु दा, आल बेक्‍शो बाक्‍त। तन्‍न गो मेको कली सुनी रिम्‍शो पा शिरशा कोव़ङुनु, मेको आं थिशो तौ ममाइ बाक्‍‍त” देंमाक्‍त।
1KI 3:22 मिनु मेको अर्को मीश मुरुम “ममाइ सेस आल आं तौ बाक्‍ब। बेक्‍शो इ के बाक्‍ब” देंमाक्‍त। तन्‍न ङोंइती ङा मीश मुरुम “ममाइ बेक्‍शो तौ इ के बाक्‍ब। सेस चहिं आं तौ बाक्‍ब” देंमाक्‍त। मोपा मेको निक्‍शी पिप आ ङोंइती जिम्‍से बाक्‍त।
1KI 3:23 मिनु पिपम “कामी ‘सेस तौ आं के बाक्‍ब। बेक्‍शो चहिं इ के बाक्‍ब’ दें‍त। मिनु अर्कोम ‘ममाइ बेक्‍शो तौ इ के बाक्‍ब। सेस चहिं आं तौ बाक्‍ब’ दें‍त” देंमाक्‍त।
1KI 3:24 मिनु पिपम “आं कली तरवार का चाक्‍शा गेयीनी” देंमाक्‍त। मिनु मेकोपुकीम पिप कली तरवार का चाक्‍शा गेमे बाक्‍त।
1KI 3:25 मिनु पिपम “मेको सेस आल कली उइक्‍थ पा क्‍योरीन। मिनु उइक्‍थ भाग का, का कली नु अर्को उइक्‍थ भाग का अर्को कली गेने” देंमाक्‍त।
1KI 3:26 मिनु मेको सेस आल आ ममाम आ तौ कली शिशी पा पिप कली “ए प्रभु, एको सेस आल एकोमीन लदल। एको आल कली मसतीन” देंमाक्‍त। मिनु अर्कोम चहिं “एको आल गे यो लाइक्‍चा मताइनेवे, गो यो लाइक्‍चा मताइनुङ। एको कली उइक्‍थ पा क्‍योरीन” देंमाक्‍त। यसैया ४९:१५
1KI 3:27 मिनु पिपम आ निसाफ ङा लोव़ नेंपाइश्‍शा “एको सेस आल ङोंइती ङा मीश मुर कली गेने। एको आल कली मसतीन। आल आ ममा एकोन बाक्‍ब” देंमाक्‍त।
1KI 3:28 मिनु पिप आ निसाफ नेंशा, इस्राएली नेल्‍ल आन थुंमी रिम्‍शो पशो तुइश्‍शा, हिंमा बाक्‍त। मारदे हना मेकोपुकीम ठीक पा निसाफ पचा कली मेको आ थुंम परमप्रभु आ रुप्‍‍पाइक्‍तीक थुं बाक्‍त, दे तुइक्‍तमे बाक्‍त।
1KI 4:1 मोपा पिप सोलोमनम इस्राएल नेल्‍लेम सासन पवा बाक्‍त।
1KI 4:2 मेको आ ठेयब गेय पाइब सु सु बाक्‍मा बाक्‍त देंशा हना, सादोक आ तौ अजारयाह चढ़ेब बाक्‍माक्‍त।
1KI 4:3 शीशा आ तौ एली-होरेफ नु अहीयाह ब्रेक्‍ब बाक्‍सा बाक्‍त। अहीलुद आ तौ येहो-शाफात हिक्‍शा ब्रेक्‍शा वोइक्‍ब मुर बाक्‍माक्‍त।
1KI 4:4 येहो-यादा आ तौ बेनायाह लडाइ पाइब आन ठेयब मुर बाक्‍माक्‍त। सादोक नु अबीयाथार चढ़ेब बाक्‍‍सा बाक्‍त। १राजा २:३४-३५; २सामुएल २३:२०
1KI 4:5 नाथान आ तौ अजारयाह सासन पाइब आन ठेयब मुर बाक्‍माक्‍त। नाथान आ तौ जाबुद चढ़ेब नु पिप आ वारच बाक्‍माक्‍त।
1KI 4:6 अहीशार पिप आ खिं ङा मारेइ मारेइ कोव़ब मुर बाक्‍माक्‍त। अब्‍दा आ तौ अदोनीराम गेय पाइब आन कली कोव़ब बाक्‍माक्‍त। १राजा ५:२८
1KI 4:7 सोलोमनम इस्राएल नेल्‍लेम १२ जना सासन पाइब वोइश्‍शो बाक्‍माक्‍त। मेकोपुकीम पिप कली नु पिप आ खिं ङा मुर आन कली जचा थोव़क गारपाइक्‍बाक्‍मा बाक्‍त। मेको नेल्‍लेमी बर्सम महिना का का कली जचा थोव़क चाक्‍तीक गेय पाइक्‍बाक्‍मा बाक्‍त। १सामुएल ८:११-१८
1KI 4:8 मेको आन नें मार मार बाक्मा बाक्‍त देंशा हना, बेन-हुर, एफ्राइम पहाड ङा ठेयब मुर बाक्‍माक्‍त। बेन-हुर देंशो हुर आ तौ बाक्‍ब।
1KI 4:9 बेन-देकेर, माकाज, शा-आल्‍बीम, बेथ-शेमेश नु एलोन-बेथ-हानान सहर ङा ठेयब मुर बाक्‍माक्‍त।
1KI 4:10 बेन-हेसेद, अरुब्‍बोथ ङा ठेयब मुर बाक्‍माक्‍त। मेको आ जिम्‍माम सोकोह नु हेफेर ङा रागी नेल्‍ल बाक्‍मा बाक्‍त।
1KI 4:11 बेन-अबीनादाब नाफाथ-डोर ङा ठेयब मुर बाक्‍माक्‍त। बेन-अबीनादाबम सोलोमन आ तमी थाफाथ कली ग्‍युंबे पशो बाक्‍माक्‍त। १सामुएल १६:८
1KI 4:12 अहीलुद आ तौ बाना तानाक सहर, मेगीददो नु बेथ-शेआन ङा ठेयब मुर बाक्‍माक्‍त। बेथ-शेआन चारेथन आ नेक्‍था नु येज्रेल आ दी बाक्‍ब। मेको बेथ-शेआन रे आबेल-मेहोलाह योकमाम सहर आ अर्को पटटी सम्‍म ङा ठेयब मुर बाक्‍माक्‍त।
1KI 4:13 बेन-गेबेर रामोथ-गिलाद ङा ठेयब मुर बाक्‍माक्‍त। मेको आ जिम्‍माम मनस्‍से आ तौ याइर आ गिलादम बाक्‍शो गाउंपुकी बाक्‍मा बाक्‍त। मेको के बाशान रागी ङा अरगोब गारो हिरशो ६० ओटा ठेयब सहर यो बाक्‍मा बाक्‍त। मेको गारो ङा लाप्‍चोम कांसा के आग्‍लो बाक्‍मा बाक्‍त। गन्‍ती ३२:४१
1KI 4:14 इददो आ तौ अहीनादाब महा-नाइम ङा ठेयब मुर बाक्‍माक्‍त।
1KI 4:15 अहीमाज नाप्‍ताली ङा ठेयब मुर बाक्‍माक्‍त। मेकोम सोलोमन आ तमी बासेमाथ नु ग्‍युंबे पशो बाक्‍माक्‍त।
1KI 4:16 हुशाइ आ तौ बाना आशेर नु बेआलोथ ङा मुर आन ठेयब मुर बाक्‍माक्‍त।
1KI 4:17 पारुआह आ तौ येहो-शाफात इस्‍साकार ङा ठेयब मुर बाक्‍माक्‍त।
1KI 4:18 एला आ तौ शिमेइ बेन्‍यामीन रागी ङा ठेयब मुर बाक्‍माक्‍त।
1KI 4:19 ऊरी आ तौ गेबेर गिलाद ङा ठेयब मुर बाक्‍माक्‍त। मेको एमोरी आन पिप सीहोन नु बाशान रागी ङा पिप ओग आस रागी ङा यो ठेयब मुर बाक्‍माक्‍त। मिनु यहूदा रागी कली कोव़ब अर्को मुर मबाक्‍मा बाक्‍त।
1KI 4:20 यहूदा नु इस्राएल ङा मुरपुकी समुन्‍द्र ङा बाल्‍वा खोदेंशो पा शुश बाक्‍मा बाक्‍त। मेकोपुकी जशा तूशा ग्‍येरशा बाक्‍बाक्‍मा बाक्‍त। १राजा ३:८; उत्‍पत्ती १३:१६
1KI 4:21 सोलोमनम युफ्रेटीस खोला रे पलिस्‍ती आन रागी इजीप्‍त ङा सांद सम्‍म ङा राज्‍यम सासन पशो बाक्‍माक्‍त। मिनु मेको रागीम सोलोमन कली तिरो थाप्‍बाक्‍मा बाक्‍त। मिनु मेकोपुकी सोलोमन ब्रोंइम सम्‍म मेको आ गेय पाइब दुम्‍शा बाक्‍मा बाक्‍त। उत्‍पत्ती १५:१८
1KI 4:22 सोलोमन आ खिंमी काबु ङा जचा थोव़क ३० कोर रिम्‍शो फस नु ६० कोर अरु फस बाक्मा बाक्‍त। कोर का २२० लिटर ङा ठेयब पुक्‍तीके बाक्‍ब।
1KI 4:23 मिनु १० ओटा दोम्‍शो ब्‍यफ, २० ओटा खर्कम योव़शो ब्‍यफ नु सहे का क्‍यारश भेडा बाक्‍मा बाक्‍त। मेको प्रोंइशा किश्श, रोको‍श नु दोम्‍शो हांसपुकी यो बाक्‍मा बाक्‍त।
1KI 4:24 मारदे हना मेकोम युफ्रेटीस खोला आ पच्‍छिम गे ङा रागी तिफ्‍साह रे गाजा सम्‍म युफ्रेटीस खोला आ पच्‍छिम गे बाक्‍ब पिप नेल्‍ल आन कली सासन पशो बाक्‍माक्‍त। मेको आ राज्‍य नेल्‍ल लडाइ मदुम्‍थु थुं नाइश्‍शा बाक्‍शो बाक्‍मा बाक्‍त।
1KI 4:25 सोलोमन बाक्‍म सम्‍म दान रे बेयर-शेबा सम्‍म यहूदा नु इस्राएल रिम्‍शो दुम्‍शा बाक्‍‍सा बाक्‍त। मुर नेल्‍ल आंम आंम अङगुर नु फोव़शी जशा बाक्‍मा बाक्‍त। लेवी २५:१८
1KI 4:26 सोलोमन के ४ हजार बग्‍गी कीब शारा आन कली वोइक्‍तीक खिं बाक्‍माक्‍त। मेको के १२ हजार शारा ङोइक्‍ब बाक्‍मा बाक्‍त। २इतिहास ९:२५
1KI 4:27 मिनु मेको १२ जना सासन पाइबपुकीमी महिना महिनाम पाल्‍पालो पा सोलोमन नु मेको नु बाक्‍शा जाइब आन कली जचा थोव़क चाक्‍बाक्‍मा बाक्‍त। मोपा चाक्‍ग्‍मेनु, मेकोपुकीम तेकोइ थोव़क मख्राइक्‍थु चाक्‍बाक्‍मा बाक्‍त।
1KI 4:28 मेकोपुकीमी शारा नु बग्‍गी कीब शारा आन कली यो क्‍योव़ज नु नल चाक्‍बाक्‍मा बाक्‍त। नेल्‍लेम आन पचा ङा गेय पाइबाक्‍मा बाक्‍त।
1KI 4:29 परमप्रभुमी सोलोमन कली शुश जोक्‍तीक तुइक्‍तीक थुं गेवा बाक्‍त। मेको आ रुप्‍तीके समुन्‍द्र ङा बाल्‍वा खोदेंशो पा शुश बाक्‍माक्‍त।
1KI 4:30 पूर्ब ङा मुर नेल्‍ल नु इजीप्‍त ङा मुर नेल्‍ले आन दातेमी सोलोमन के खोदेंशो जोक्‍‍तीक तुइक्‍तीक थुं सुइ के मबाक्‍मा बाक्‍त।
1KI 4:31 मिनु मेको अरु नेल्‍ल आन क्‍येङा जोक्‍ब तुइक्‍ब दुम्‍‍माक्‍त। मेको एज्राह आ खिं ङा एथान नु माहोल आ तौ हेमान, कल्‍कोल नु दारदा आन क्‍येङा यो शुश जोक्‍ब तुइक्‍ब बाक्‍माक्‍त। मिनु मोपा आ जोक्‍तीके तुइक्‍तीके रागी रागी ङा मुर नेल्‍ल आन दातेमी ब्रमाक्‍त।
1KI 4:32 मेकोमी हजार सां अर्ती ब्रेक्‍ता बाक्‍त। मिनु हजार का ५ ओटा कुम्‍सो सेला बाक्‍त। उपदेसक १२:९
1KI 4:33 मेकोमी रवा आन पर्बम लेबानोन ङा लाइश्‍शो रवा रे लाइश्‍शा, गारोम वाब हिस्सोप माइश्‍शो सुप्‍तीक बोट सम्‍म आन पर्बम ब्रेक्‍ता बाक्‍त। मिनु मेकोमी चिक्‍ब, जन्‍तु, खपीम ग्रेशा गाक्‍ब जन्‍तु नु ङांइ नेल्‍ल आन पर्बम यो ब्रेक्‍ता बाक्‍त।
1KI 4:34 रागी ङा शुश मुर सोलोमन आ जोक्‍‍तीक तुइक्‍ती नेंचा तुइक्‍चा कली जाक्‍बाक्‍मा बाक्‍त। रागी ङा पिपपुकीम सोलोमन आ पर्बम नेंशा, मेको आ लोव़ नेंचा कली मुर आन कली सोइक्‍बाक्‍मा बाक्‍त।
1KI 5:1 टायर ङा पिप हीराममी सोलोमन आ आफ आ पा ङा पिप दुम्‍शो बाक्‍ब देंशो लोव़ नेना बाक्‍त। मिनु मेकोमी आ गेय पाइब आन कली सोलोमन आ बाक्‍तीक सोइक्‍ता बाक्‍त। मारदे हना मेको गेना हना यो दाऊद आ वारच दुम्‍शा बाक्‍शो बाक्‍माक्‍त। २सामुएल ५:११
1KI 5:2 मिनु सोलोमनम हीराम कली लोव़ सोइक्‍ता बाक्‍त।
1KI 5:3 मार लोव़ सोइक्‍ता बाक्‍त देंशा हना “परमप्रभु यावे, आं आफ दाऊदम आ परमप्रभु आ नें कली मान पा खिं का सेल्‍चा थुं पशा यो सेल्‍ने मच‍ब। मारदे हना मेको आ एर ओंथ नेल्‍ल ङा जोरी सत्रु नु लडाइ दुम्‍‍तीके नु परमप्रभु यावेमी मग्रापदा सम्‍म मोदेंशो दुम्‍शो बाक्‍‍त। गे मेको लोव़ नेल्‍ल तुइक्‍नीनी।
1KI 5:4 तन्‍न मुल परमप्रभु यावे, आं परमप्रभुमी आं कली सुइ नु लडाइ मपपाइक्‍थु, थुं नाइश्‍शा बाक्‍चा गेती। आं कली लडाइ तोशा श्‍येत गेब सुइ मबाक्‍नीम।
1KI 5:5 मोपतीके मुल परमप्रभु यावेमी आं आफ दाऊद कली देंशो खोदेंशो पा, गो परमप्रभु यावे, आं परमप्रभु आ नें कली मान पा, खिं का सेलु दें‍ती। परमप्रभु यावेमी आं आफ दाऊद कली ‘गे इ पा ङा पिप दुम्‍‍ब इ तौमी आं कली मान पा खिं का सेल्‍ब’ देंशो बाक्‍त। २सामुएल ७:१३
1KI 5:6 मोपतीके गे आं कली लेबानोन रे लाइश्‍शो रवा क्‍योरशा चाक्‍चा हुकुम गेयीनी। आं गेय पाइबपुकी, इन गेय पाइबपुकी नु गारशा गेय पाइनीम। मिनु गे इन गेय पाइब आन कली दोशो गाल्‍च गेचा देंनीनी, गो मेको गेनुङमी। सीदोनी खोदेंशो पा शी क्‍योरस जोक्‍ब एक आंइ दातेमी सुइ मबाक्‍नीम” दे लोव़ कुरब मुर सोइक्‍ता बाक्‍त।
1KI 5:7 मिनु हीरामम सोलोमन आ लोव़ नेंशा थाम्‍पा ग्‍येरसीशा “परमप्रभु यावे ठेयब बाक्‍ब। मारदे हना मेकोम दाऊद कली इश्‍का मुर आन कली सासन पाइब जोक्‍ब तुइक्‍ब तौ का गेप्‍तु” देंमाक्‍त। १राजा १०:९
1KI 5:8 मिनु हीरामम सोलोमन कली “गो इन सोइश्‍शो लोव़ नेंता। इन माल्‍शो नेल्‍ल गेनुङ। लेबानोन ङा लाइश्‍शो रवा नु अरु रवा आन शी खाप्‍शा गेनुङ।
1KI 5:9 आं गेय पाइबपुकीम मेको रवा लेबानोन रे समुन्‍द्र सम्‍म चाक्‍नीम। मिनु गो मेको शी फ्रेंपाइश्‍शा, इन देंतीक सम्‍म समुन्‍द्रम योल्‍पाइश्‍शा सोइक्‍पाइक्‍नुङमी। गो मेको आन कली इन दें‍तीकेम प्राक्‍पाइक्‍नुङमी। मिनु गे मेको लाइक्‍ने चाप्‍नीनी। मिनु गे आं खिं कली जचा थोव़क सोइश्‍शा आं मिम्‍शो ख‍पीन” दे लोव़ कुरब मुर सोइक्‍ता बाक्‍त।
1KI 5:10 मोपा हीरामम सोलोमन कली माल्‍शो लेबानोन ङा लाइश्‍शो रवा आ शी नु अरु शी नेल्‍ले सोइक्‍ता बाक्‍त।
1KI 5:11 मिनु सोलोमनम चहिं मेको आ पा ङा हीराम आ खिं कली २० हजार कोर चेरब नु २० कोर रिम्‍शो तेल सोइक्‍ता बाक्‍त। मोपा सोलोमनम बर्स बर्सम मेको सोइक्‍ता बाक्‍त। कोर का २२० लिटर बाक्‍ब। १राजा ५:२
1KI 5:12 मिनु परमप्रभु यावेमी कबल पा देंशो खोदेंशो पा सोलोमन कली जोक्‍तीक तुइक्‍तीक थुं गेवा बाक्‍त। मिनु हीराम नु सोलोमन आस दातेमी दुशा बाक्‍तीक दुम्‍माक्‍त। मिनु मेको निम्‍फा गारशा बाक्‍स, दे सल्‍ला पमु‍सा बाक्‍त।
1KI 5:13 मिनु पिप सोलोमनम इस्राएल नेल्‍ल रे मोशा गेय पाइब ३० हजार मुर आन कली खुप्‍ती‍मी बाक्‍त।
1KI 5:14 मिनु मेकोमी मेको आन कली महिना महिनाम १०, १० हजार पा लेबानोनम सोइक्‍ती‍मी बाक्‍त। मोपा मुरपुकी महिना का लेबानोनम नु महिना निक्‍शी आन खिंम बाक्‍मा बाक्‍त। मेको गेय पाइब आन कली कोव़ब अदोनीराम बाक्‍माक्‍त। १राजा ४:६
1KI 5:15 सोलोमन के ७० हजार कुरब नु ८० हजार फुल्‍लु ख्रोइक्‍ब मुर पहाडम बाक्‍मा बाक्‍त।
1KI 5:16 सोलोमन आ गेय पाइब आन कली कोव़ब ३३ सहे ठेयब मुर बाक्‍मा बाक्‍त।
1KI 5:17 मिनु पिप आ अरेशो खोदेंशो पा, परमप्रभु यावे आ खिंम जग वोइक्‍चा कली रिम्‍शो पा फुल्‍लु ख्रोइश्‍शा ग्रुंइद‍मे बाक्‍त।
1KI 5:18 मोपा सोलोमन नु हीराम आस मुरपुकी नु गेबाल ङा मुरपुकीम खिं सेल्‍चा कली फुल्‍लु ख्रोइश्‍शा शी ठीक सेल्‍मे बाक्‍त। यहोसु १३:५; इजीकीएल २७:९
1KI 6:1 इस्राएली इजीप्‍त रे ग्रूशा जाक्‍शो ४ सहे ८० बर्स दुम्‍शो बाक्‍माक्‍त। मिनु सोलोमनम इस्राएली आन कली हुकुम पशो ४ बर्स नु महिना निक्‍शी ङा जिव महिनाम परमप्रभु यावे आ खिं सेल्‍चा गोवा बाक्‍त। मत्ती १:१७
1KI 6:2 सोलोमनमी परमप्रभु यावे कली सेल्‍शो खिं ६० कुबीत लाइश्‍शो, २० कुबीत ब्रेम्‍शो नु ३० कुबीत ग्‍येत्‍थ लाइश्‍शो बाक्‍माक्‍‍त। कुबीत का ०.५ मिटर खोदेंशो बाक्‍ब।
1KI 6:3 मेको परमप्रभु यावे आ खिं आ ङोंइती ङा पिंडी आ ब्रेम्‍शो नु आ लाइश्‍शो २० कुबीत बाक्‍माक्‍त। मेको खिं आ ङोंइती गे १० कुबीत लाइश्‍शो ग्रूशो बाक्‍माक्‍त। कुबीत का ०.५ मिटर खोदेंशो बाक्‍ब। १राजा ७:१५-२१
1KI 6:4 मेकोमी खिं आ दी गे गारोम रोक्‍तीक पाइश्‍शो झेलपुकी सेल्‍पदा बाक्‍त।
1KI 6:5 नोले मेकेर चोव़खो नु नेल्‍ल क्‍येङा चोव़खो बाक्‍शो खिं आ एर ओंथ ङा गारो नेल्‍लेम बोइश्‍शो कोठापुकी सेल्‍पदा बाक्‍त।
1KI 6:6 मिनु नेल्‍ल क्‍येङा आगा ङा तला ५ कुबीत ब्रेम्‍शो बाक्‍माक्‍त। मिनु दाते ङा तला ६ कुबीत ब्रेम्‍शो नु नेल्‍ल क्‍येङा आ तार ङा तला ७ कुबीत ब्रेम्‍शो बाक्‍माक्‍त। मेकोमी ठेयब गारो आ एर ओंथ नेल्‍ले लाङगा गे पाइद्रा वोइक्‍चा कली गारो प्रोव़पदा बाक्‍त। मोपा पाइद्रा खिं ङा गारो मओव़चा ङा पा सेल्‍पदा बाक्‍त।
1KI 6:7 खिं सेल्‍मेनु, फुल्‍लु खांनीमीन ख्रोद‍मे बाक्‍त। मेको खिं सेल्‍मेनु घन, खा नु मारेइ फलाम के या आन रेयके मनेंसे बाक्‍त।
1KI 6:8 नेल्‍ल क्‍येङा आगा ङा तला ङा ओव़तीक दक्‍खिन गे बाक्‍माक्‍त। मिनु मेकेर रे दाते ङा नु आ तार ङा तला लचा कली हिरशो थेंकापुकी बाक्‍मा बाक्‍त।
1KI 6:9 मोपा मेकोम लेबानोन ङा लाइश्‍शो रवा के पाइद्रा नु फलेक साप्‍शा खिं सेल्‍ने थुम्‍पदा बाक्‍त।
1KI 6:10 मेकोम खिं आ एर ओंथ नेल्‍ल आइक्‍च आइक्‍च कोठा सेल्‍पदा बाक्‍त। मेको कोठा नेल्‍ल ५, ५ कुबीत लाइश्‍शो बाक्‍मा बाक्‍त। मिनु मेको कोठा नेल्‍ल लेबानोन ङा लाइश्‍शो रवा आ शीम खिं नु बोइश्‍शो बाक्‍मा बाक्‍त।
1KI 6:11 मिनु परमप्रभु यावेम सोलोमन कली लोव़ पवा बाक्‍त।
1KI 6:12 मार लोव़ पवा बाक्‍त देंशा हना “एको इ सेल्‍शो खिं आ पर्बम लोव़ पाइनुङ। गे आं फुल्‍लुम मुशा ब्रेक्‍शो लोव़ पाप्‍तीवी हना, आं देंशो पतीक लोव़ नु आं शेंशो नेल्‍ल पशा, आं लांम गाक्‍ते हना, इ आफ दाऊद नु थोक्‍शा पशो कबल गे नु पाइनुङ। २सामुएल ७:१३
1KI 6:13 मिनु गो इस्राएल ङा आं आल आन दातेम बाक्‍नुङ। मिनु गो आं मुर इस्राएली आन कली गेनायो मप्रोंइनुङमी” देंमाक्‍त। प्रस्‍थान २९:४५
1KI 6:14 मोपा सोलोमनम परमप्रभु यावे आ खिं सेल्‍ने थुमा बाक्‍त। प्रेरित ७:४७
1KI 6:15 मेकोमी खिं आगा गे ङा गारोम लेबानोन ङा लाइश्‍शो रवा आ शी के फलेक गारपाइश्‍शा क्‍येप्‍पदा बाक्‍त। खप रे इर ङा शी सम्‍मन शी के फलेक गारपाइश्‍शा क्‍येप्पदा बाक्‍त। मिनु खपीम चहिं अरु रवा ङा फलेक ब्रपदा बाक्‍त।
1KI 6:16 सोलोमनमी मेको खिं आगा आ नोले गे २० कुबीत लाइश्‍शो नेल्‍ल क्‍येङा चोव़खो कोठा सेल्‍पदा बाक्‍त। मेको कोठा नेल्‍ले लेबानोन ङा लाइश्‍शो रवा आन फलेक गारपाइश्‍शा क्‍येप्‍पदा बाक्‍त। कुबीत का ०.५ मिटर बाक्‍ब।
1KI 6:17 मेको नेल्‍ल क्‍येङा चोव़खो कोठा आ ङोंइती ४० कुबीत लाइश्‍शो बाक्‍माक्‍त। १ कुबीत ०,५ खोदेंशो बाक्‍ब।
1KI 6:18 मेको खिं आ आगा गे लेबानोन ङा लाइश्‍शो रवा आ शी के फलेकम चहिं लौका नु बोइश्‍शो फू आ बुटा मुशा आप्‍शो बाक्‍मा बाक्‍त। मेको शी नेल्‍ल मोदेंशो बाक्‍मा बाक्‍त। मेकेर फुल्‍लु का यो मतांइसीशो बाक्‍माक्‍त।
1KI 6:19 मेको आ खिं आ नेल्‍ल क्‍येङा आगाम चहिं परमप्रभु यावे आ कबल पशो सन्‍दोस वोइक्‍चा कली नेल्‍ल क्‍येङा चोव़खो कोठा सेल्‍पदा बाक्‍त।
1KI 6:20 मेको नेल्‍ल क्‍येङा चोव़खो कोठा पुक्‍शो नु २० कुबीत लाइश्‍शो, २० कुबीत ब्रेम्‍शो नु २० कुबीत ग्‍येत्‍थ लाइश्‍शो बाक्‍माक्‍त। मिनु मेकोमी मेकेर नेल्‍ल क्‍येख सुन क्‍येप्‍‍पदा बाक्‍त। मिनु मोदेंशो पा मेकोमी लेबानोन ङा लाइश्‍शो रवा आ शी के सेल्‍शो चढ़ेतीक कली यो सुनम गिल्‍पदा बाक्‍त। कुबीत का ०,५ खोदेंशो बाक्‍ब।१राजा ७:४८
1KI 6:21 सोलोमनम मेको खिं आगा गे नेल्‍ल क्‍येख सुन क्‍येप्‍‍पदा बाक्‍त। मिनु आगा ङा नेल्‍ल क्‍येङा चोव़खो कोठा नेल्‍ल सुन क्‍येप्‍पाइश्‍‍शा, आ ङोंइती सुन के साङलीपुकी क्‍याइक्‍पदा बाक्‍त।
1KI 6:22 मोपा मेकोम खिं आगा नेल्‍ल सुन क्‍येप्‍‍पदा बाक्‍त। आगा बाक्‍तीक ङा चढ़ेतीक कली यो सुनम गिल्‍‍पदा बाक्‍त।
1KI 6:23 मेकोमी परमप्रभु यावे आ खिं आगा ङा चोव़खो बाक्‍तीकेम तेल रवा आ शी के करूब निक्‍शी सेल्‍पदा बाक्‍त। मेको निम्‍फा १०, १० कुबीत ग्‍‍येत्‍थ लाइश्‍शो बाक्‍सा बाक्‍त। कुबीत का ०,५ खोदेंशो बाक्‍ब।प्रस्‍थान ३७:७-९
1KI 6:24 करूब आ फ्रां का ५ कुबीत लाइश्‍शो बाक्‍माक्‍त। मिनु अर्को यो ५ कुबीत लाइश्‍शो बाक्‍माक्‍त। मिनु फ्रां का आ ङर रे अर्को फ्रां आ ङर सम्‍म १० कुबीत लाइश्‍शो बाक्‍माक्‍त।
1KI 6:25 मोपान अर्को करूब आ फ्रां यो १० कुबीत लाइश्‍शो बाक्‍माक्‍त। मारदे हना मेको करूब निम्‍फा उइक्‍थ उइक्‍थ पा खाल का ङा बाक्‍सा बाक्‍त।
1KI 6:26 मेको करूब निम्‍फा खाल का ङा पा १०, १० कुबीत लाइश्‍शो बाक्‍सा बाक्‍त।
1KI 6:27 मिनु मेकोमी मेको करूब आस कली परमप्रभु यावे आ खिं ङा नेल्‍ल क्‍येङा चोव़खो कोठाम वोदा बाक्‍त। मेको करूब आस फ्रां प्राक्‍पाइश्‍शा सेल्‍शो बाक्‍माक्‍त। मोपा करूब का आ फ्रां कामी गारो का कली नु अर्को करूब आ फ्रां कामी अर्को गारो कली थिशो बाक्‍माक्‍त। मिनु मेको आस अर्को फ्रां चहिं दातेम थिमुशो बाक्‍सा बाक्‍त।
1KI 6:28 मिनु मेकोमी मेको करूब आस कली यो सुनम गिल्‍पदा बाक्‍त।
1KI 6:29 मेकोमी परमप्रभु यावे आ खिं ङा नेल्‍ल क्‍येङा चोव़खो कोठा आ एर ओंथ नेल्‍ल, गारो नेल्‍ल करूब, खजूर रवा नु बोइश्‍शो फु आन बुटा मुशा आप्‍पदा बाक्‍त। मेको चोव़खो कोठा आगा नु लाङगा नेल्‍ल मोदेंशो पा मुशा बुटा आप्‍पदा बाक्‍त।
1KI 6:30 मिनु मेकोमी परमप्रभु यावे आ खिं ङा नेल्‍ल क्‍येङा चोव़खो कोठा ङा खप नेल्‍ल सुन ब्रपदा बाक्‍त।
1KI 6:31 मेकोमी नेल्‍ल क्‍येङा चोव़खो कोठा ओव़चा कली तेल रवा आ शी के लाप्‍चो निक्‍शी सेल्‍पदा बाक्‍त। मेको लाप्‍चो ङा शी ५ सुर पाइश्‍शो पा सेल्‍पदा बाक्‍त।
1KI 6:32 मिनु मेकोम तेल रवा आ शी के लाप्‍चो निक्‍शीम करूब, खजूर रवा नु बोइश्‍शो फु आन बुटा मुशा आप्‍पदा बाक्‍त। मिनु सुनम गिल्‍पदा बाक्‍त।
1KI 6:33 मेको खिं ङा लाप्‍चो ङा शी यो तेल रवा आ शी के ४ पाटे पा सेल्‍पदा बाक्‍त।
1KI 6:34 मिनु मेकोमी अरु शी के लाप्‍चो निक्‍शी सेल्‍पदा बाक्‍त। मेको आगा नु लाङगा ङा लाप्‍चो हिरब लाप्‍चो बाक्‍सा बाक्‍त।
1KI 6:35 मिनु मेकोमी मेकेर नेल्‍ल करूब, खजूर रवा नु बोइश्‍शो फु आन बुटा मुशा आप्‍पदा बाक्‍त। मिनु सुनम गिल्‍पदा बाक्‍त।
1KI 6:36 मिनु मेकोमी खिं आगा ङा गारो यो ख्रोइश्‍शो फुल्‍लु सां खेयप ख्रोप्‍शा क्‍येप्‍शा, मेको आ तारी लेबानोन ङा लाइश्‍शो रवा के फलेकम सुम्‍पदा बाक्‍त।
1KI 6:37 सोलोमनमी सासन पवा आ ४ बर्स जिव माइश्‍शो महिनामी परमप्रभु यावे आ खिं आ जग वोदमे बाक्‍त। १राजा ६:१
1KI 6:38 मिनु ११ बर्स ङा बुल माइश्‍शो महिनामी मेको खिं नेल्‍ले सेल्‍ने थुम्‍मे बाक्‍त। मेको सेल्‍चा कली ७ बर्स माल्‍दा बाक्‍त।
1KI 7:1 सोलोमन आ खिं सेल्‍चा कली १३ बर्स माल्‍दा बाक्‍त। मिनु मेकोमी आ खिं नु मारेइ मारेइ सेल्‍ने थुमा बाक्‍त। १राजा ९:१०
1KI 7:2 मेकोमी लेबानोन ङा ब्‍वाकी माइश्‍शो खिं सेला बाक्‍त। मेको खिं सहे का कुबीत लाइश्‍शो, ५० कुबीत ब्रेम्‍शो नु ३० कुबीत ग्‍येत्‍थ लाइश्‍शो बाक्‍माक्‍त। मेको खिं ४ लहर लेबानोन ङा लाइश्‍शो रवा आ शी के थाम पाइश्‍शो बाक्‍माक्‍‍त। मिनु मेको आ तार लेबानोन ङा लाइश्‍शो रवा आ पाइद्रा वोदा बाक्‍त। कुबीत का ०.५ मिटर खोदेंशो बाक्‍ब। यसैया २२:८
1KI 7:3 मेको नेल्‍ल लेबानोन ङा लाइश्‍शो रवा आ शी के फलेकम साप्‍शो बाक्‍माक्‍त। मेको थाम लहर कामी १५ ओटा पा, लहर सांमी ४५ ओटा बाक्‍मा बाक्‍त।
1KI 7:4 मेकेर लहर सां पा झेलपुकी वोइश्‍शो बाक्‍मा बाक्‍त। मेकोपुकी एर ओंथ पा कोव़मुशो बाक्‍मा बाक्‍त।
1KI 7:5 लाप्‍चो ङा शी नेल्‍ल ४ पाटे बाक्‍मा बाक्‍त। मेको यो नेल्‍ल लहर सां पा कोव़मुशो बाक्‍मा बाक्‍त।
1KI 7:6 मेकोमी ५० कुबीत लाइश्‍शो नु ३० कुबीत ब्रेम्‍शो थाम पाइश्‍शो ठेयब पिंडी सेल्‍पदा बाक्‍त। मिनु मेको आ ङोंइती थाम पाइश्‍शो ओव़तीक बाक्‍माक्‍त। मेको आ ङोंइती इप्‍तीक का यो बाक्‍माक्‍‍त।
1KI 7:7 मेकोमी निसाफ पचा कली ठेयब नित्‍तीके बाक्‍शो कोठा का सेल्‍पदा बाक्‍त। मेको कली निसाफ पतीक कोठा, दे नें वोदा बाक्‍त। मिनु मेकोमी मेको कोठा नेल्‍ले इर रे उइ सम्‍म लेबानोन ङा लाइश्‍शो रवा आ शी के फलेक क्‍येप्‍पदा बाक्‍त।
1KI 7:8 मेकोम मेको निसाफ पतीक खिं आ नोले आ बाक्‍तीक खिं सेल्‍पदा बाक्‍त। मेको खिं ङोंइती ङा खिं खोदेंशो पा सेल्‍पदा बाक्‍त। मिनु सोलोमनमी आ ग्‍युंबे पा चाक्‍शो फाराओ आ तमी कली यो मोदेंशोन खिं सेल्‍पदा बाक्‍त। १राजा ३:१
1KI 7:9 मेको खिं नेल्‍ल शुश क्‍येट लाइब फुल्‍लु रे पा सेल्‍शो बाक्‍मा बाक्‍त। मेको फुल्‍लु नेल्‍ले गारपा अराम ख्रोइश्‍शो बाक्‍माक्‍त। मेको खिं इर रे उइ सम्‍म नु खिंङगा रे लाङगा सम्‍म मोदेंशो फुल्‍लु के सेल्‍शो बाक्‍मा बाक्‍त।
1KI 7:10 मेको आ जग फुल्‍लु ठेयब नु शुश क्‍येट लाइब बाक्‍मा बाक्‍त। मेको पुक्‍शोनु कोइ १० कुबीत लाइश्‍शो, कोइ ८ कुबीत लाइश्‍शो बाक्‍मा बाक्‍त।
1KI 7:11 मेको आ तार शुश क्‍येट लाइब, थम गारपा ख्रोइश्‍शो फुल्‍लु ब्रपदा बाक्‍त। मिनु मेको तार लेबानोन ङा लाइश्‍शो रवा आ शी के फलेक गारपा ब्रपदा बाक्‍‍त।
1KI 7:12 मिनु ठेयब लाङगाम एर ओंथ नेल्‍ल ख्रोइश्‍शा गारपाइश्‍शो फुल्‍लु सां खेयप ब्रशा, फुल्‍लु तार लेबानोन ङा लाइश्‍शो रवा आ शी के फलेक ब्रशो बाक्‍माक्‍त। मिनु परमप्रभु यावे आ खिं आगा ङा लाङगा नु आ पिंडी यो मोदेंशोन बाक्‍माक्‍त। १राजा ६:३६
1KI 7:13 पिप सोलोमनम हुराम कली टायर रे ब्रेत्‍थ सोइक्‍ता बाक्‍त। २इतिहास २:१३-१४
1KI 7:14 मेको आ ममा नाप्‍ताली आ खिं ङा आ वोंइश बेक्‍शो मीश मुर का बाक्‍माक्‍त। मेको आ आफ टायर ङा थाम्‍पा कांसा के गेय पस जोक्‍ब मुर बाक्‍माक्‍त। मोपतीके हुराम यो थाम्‍पा कांसा के गेय पस जोक्‍ब बाक्‍माक्‍त। मिनु मेको पिप सोलोमन आ बाक्‍तीक जाक्‍माक्‍त। मिनु आ कली गेशो गेय नेल्‍ल पवा बाक्‍त।
1KI 7:15 मेकोम यपाइश्‍शा कांसा के थाम निक्‍शी सेला बाक्‍त। मेको थाम का १८ कुबीत लाइश्‍शो बाक्‍माक्‍त। मेको आ एर ओंथ नेल्‍ल १२ कुबीत बाक्‍माक्‍त। मिनु अर्को यो मोदेंशोन बाक्‍माक्‍त। कुबीत का ०.५ मिटर खोदेंशो बाक्‍त। २राजा २५:१७
1KI 7:16 मिनु मेकोमी मेको थाम आस ङरम पिया वोइक्‍चा कली यपाइश्‍शो कांसा के पिया निक्‍शी सेला बाक्‍त। मेको निम्‍फा ५, ५ कुबीत लाइश्‍शो बाक्‍सा बाक्‍त।
1KI 7:17 मेकोमी थाम आ पिया कली बुटा आप्‍शो जाली के ७ ओटा झुम्‍का सेला बाक्‍त। मिनु अर्को थाम कली यो मोदेंशोन सेला बाक्‍त।
1KI 7:18 मिनु मेको थाम आ पिया ग्‍योम्‍चा कली कांसा के जाली नेल्‍ल आन एर ओंथ लहर निक्‍शी बुटा आप्‍शो दारीमपुकी सेला बाक्‍त। मिनु मेकोम अर्को कली यो मोदेंशो पान सेला बाक्‍त।
1KI 7:19 मिनु मेको पिंडी ङा थाम आन पिया ४, ४ कुबीत लाइश्‍शो लिली फू खोदेंशो पा सेला बाक्‍त।
1KI 7:20 मिनु मेको थाम आ पियामी कचौरा खोदेंशो बाक्‍तीकेम जाली थाम आ पिया आ एर ओंथ नेल्‍ल लहर लहर पा सहे निक्‍शी दारीम क्‍याइक्‍चा कली सेला बाक्‍त। मिनु अर्को थाम कली यो मोदेंशोन सेला बाक्‍त।
1KI 7:21 मिनु मेकोमी परमप्रभु यावे आ खिं आ पिंडीम मेको थाम निक्‍शी राप्‍पदा बाक्‍त। मिनु दक्‍खिन गे ङा थाम आ नें याकीन वोदा बाक्‍त। मिनु उत्तर गे ङा थाम आ नें बोआज वोदा बाक्‍त।
1KI 7:22 मेको थाम आस पिया लिली फू खोदेंशो बाक्‍मा बाक्‍त। मोपा मेको थाम आस गेय नुम्‍माक्‍‍त।
1KI 7:23 मिनु मेकोमी कांसा के यपाइश्‍शा ब्‍वाक्‍कु वोइक्‍तीक ठेयब बोस का सेला बाक्‍त। मेको आ सुर का रे अर्को सुर सम्‍म १० कुबीत बाक्‍माक्‍त। मेको ५ कुबीत ग्‍येत्‍थ लाइश्‍शो बाक्‍माक्‍त। मेको आ एर ओंथ पुक्‍शोनु ३० कुबीत बाक्‍‍बाक्‍त।
1KI 7:24 मेको ठेयब बोस आ एर ओंथ नेल्‍ल ङा सुरमी कुबीत काम १०, १० ओटा लौका आ बुटा आप्‍शा ग्रुंइशो बाक्‍माक्‍त। मोपा मेको ठेयब बोसुम लहर निक्‍शी लौका सेला बाक्‍त।
1KI 7:25 मेको ठेयब बोस १२ ओटा ब्‍यफ आन तार वोइश्‍शो बाक्‍माक्‍त। मेको ब्‍यफ सां उत्तर गे, सां पच्‍छिम गे, सां दक्‍खिन गे नु सां पूर्ब गे कोव़शो बाक्‍मा बाक्‍त। मेको ब्‍यफ नेल्‍ल लाङगा गे हिरशो बाक्‍मा बाक्‍त।
1KI 7:26 मेको बोस ४ आंइची थांइशो बाक्‍माक्‍त। मिनु मेको आ शोव़ चहिं कचौरा नु बोइक्‍चशो लिली फू खोदेंशो बाक्‍माक्‍त। मेकेर हजार निक्‍शी बाथ ब्‍वाक्‍कु रिक्‍बाक्‍माक्‍त। बाथ का २२ लिटर खोदेंशो बाक्‍ब।
1KI 7:27 मिनु मेकोमी कांसा के १० ओटा अरु निप्‍पाइक्‍‍तीक सेला बाक्‍त। मेको नेल्‍ल ४, ४ कुबीत लाइश्‍शो ४, ४ कुबीत ब्रेम्‍शो नु ३, ३ कुबीत ग्‍येत्‍थ लाइश्‍शो बाक्‍मा बाक्‍त। कुबीत का ०.५ मिटर खोदेंशो बाक्‍त।
1KI 7:28 मेको निप्‍पाइक्‍‍तीक आन खोइली आन दातेमी बोइक्‍तीके बाक्‍मा बाक्‍त।
1KI 7:29 मेको वोइक्‍तीकेमी ब्‍यफ, गुप्‍स नु करूब आन बुटा आप्‍शो बाक्‍मा बाक्‍त। मेको आन दी गे यो झुम्‍का क्‍‍याइश्‍शो बाक्‍मा बाक्‍त।
1KI 7:30 मेको निप्‍पाइक्‍‍तीक नेल्‍लेम कांसा के ४, ४ ओटा गुगील बाक्‍मा बाक्‍त। मेको बोस आन पुंमी तिक्‍‍तीक क्‍येप्‍शो बाक्‍मा बाक्‍त। मेको झुम्‍का आन नेक्‍था बाक्‍मा बाक्‍त।
1KI 7:31 मेको आन रोक्‍तीक कुबीत का ग्‍येत्‍थ लाइश्‍शो बाक्‍मा बाक्‍त। मेको कुल कुल देंशो बाक्‍मा बाक्‍त। मेको कुबीत का नु आधा ब्रेम्‍शो बाक्‍मा बाक्‍त। मिनु मेको आन रोक्‍तीकेमी बुटा आप्‍शो बाक्‍मा बाक्‍त। मिनु मेको निप्‍पाइक्‍‍तीक चहिं कुल कुल देंशो ममाइ ४ पाटे बाक्‍मा बाक्‍त।
1KI 7:32 मेको ४ ओटा गुगील आगा गे बाक्‍मा बाक्‍त। मिनु मेको गुगील आन बोइक्‍तीक नु बोइश्‍शो बाक्‍मा बाक्‍त। मेको गुगील नेल्‍ल कुबीत का नु आधा ङा बाक्‍मा बाक्‍त।
1KI 7:33 मेको गुगील बग्‍गी आन गुगील खोदेंशो पा सेल्‍शो बाक्‍मा बाक्‍त। मेको आन गुगील नु आन मारेइ मारेइ यपाइश्‍शा सेल्‍शो बाक्‍मा बाक्‍त।
1KI 7:34 मेको निप्‍पाइक्‍‍तीक आन तिक्‍तीक ४ पाटे बाक्‍मा बाक्‍त। मेको नेल्‍ल टुक्रा का के सेल्‍शो बाक्‍मा बाक्‍त।
1KI 7:35 मेको निप्‍पाइक्‍‍तीक आन तार आधा आधा कुबीत ग्‍येत्‍थ लाइश्‍शो कुल कुल देंशो सुर बाक्‍मा बाक्‍त। मेको निप्‍पाइक्‍‍तीक आन तार बाक्‍शा, मेको नु टुक्रा का के बाक्‍मा बाक्‍त।
1KI 7:36 मिनु मेकोमी मेकेर तेक तेक श्‍येत्‍थ बाक्‍मा, मेक मेक गुप्‍स, करूब नु खजूर रवा आन बुटा आबा बाक्‍त। मेको आन एर ओंथ नेल्‍ल मुशा सेल्‍शो कांसा के मालापुकी सेला बाक्‍त।
1KI 7:37 मोपा मेकोमी मेको १० ओटा निप्‍पाइक्‍‍तीक सेला बाक्‍त। मेको नेल्‍ल खाल का ङा पा सेला बाक्‍त।
1KI 7:38 मेको नोले मेकोम कांसा के १० ओटा चिक्‍तीक बोस सेला बाक्‍त। मेको नेल्‍लेमी ४०, ४० बाथ ब्‍वाक्‍कु रिक्‍बाक्‍मा बाक्‍त। मेको पुक्‍शोनु ४, ४ कुबीत ङा बाक्‍मा बाक्‍त। मेको निप्‍पाइक्‍‍तीक नेल्‍ल आन कली का का बाक्‍मा बाक्‍त। बाथ का २२ लिटर खोदेंशो बाक्‍ब।
1KI 7:39 मिनु मेकोमी ५ ओटा निप्‍पाइक्‍‍तीके खिं आ दक्‍खिन गे नु ५ ओटा खिं आ उत्तर गे वोदा बाक्‍त। मिनु ठेयब बोस चहिं परमप्रभु यावे आ खिं आ दक्‍खिन पूर्ब गे वोदा बाक्‍त।
1KI 7:40 हुराममी बोसपुकी, पुलु ताप्‍तीक नु ग्‍योंबपुकी सेला बाक्‍त। मोपा हुराममी पिप सोलोमन आ देंशो खोदेंशो पा परमप्रभु यावे आ खिं ङा मारेइ मारेइ सेल्‍ने थुमा बाक्‍त।
1KI 7:41 थाम निक्‍शी, मेको आस ङर सुम्‍चा कली कचौरा खोदेंशो पिया निक्‍शी, मेको थाम आस पिया ग्‍योम्‍तीक बुटा आप्‍शो जाली निक्‍शी,
1KI 7:42 मेको जाली निक्‍शी आस कली ४ सहे दारीम, मेको कचौरा खोदेंशो पिया पाइश्‍शो थाम निक्‍शी आस कली सुम्‍तीक जाली आस कली लहर निक्‍शी दारीम,
1KI 7:43 मेको १० ओटा निप्‍पाइक्‍‍तीक आन कली १० ओटा बोस,
1KI 7:44 ठेयब बोस का मेको आगा ङा १२ ओटा ब्‍यफ सेल्‍ने थुमा बाक्‍त।
1KI 7:45 हुराममी बोसपुकी, पुलु ताप्‍तीक नु ग्‍योंबपुकी सेला बाक्‍त। मोपा हुराममी पिप सोलोमन आ देंशो खोदेंशो पा परमप्रभु यावे आ खिं ङा मारेइ मारेइ सेल्‍ने थुमा बाक्‍त। मेको नेल्‍ल टल्‍केशो कांसा के बाक्‍मा बाक्‍त।
1KI 7:46 मेको नेल्‍ल पिपम यर्दन खोला ङा दिंम सुक्‍कोथ नु चारेथन आस दातेमी मार मार यपाइक्‍तीकेम यपाइश्‍शा, सेल्‍पाइश्‍शो बाक्‍माक्‍त।
1KI 7:47 सोलोमनम मेको मिश का थोव़क सेल्‍तीके, मेको नेल्‍ल मनाक्‍थुन वोदमे बाक्‍त। मेको सेल्‍चा कली दोशो कांसा माल्‍दा, मेको यो मनाक्‍तमे बाक्‍त।
1KI 7:48 मिनु सोलोमनम परमप्रभु यावे आ खिं दारपाइक्‍चा कली मारेइ मारेइ थोव़क नेल्‍ल सेल्‍पदा बाक्‍त। मेकोमी सुन के चढ़ेतीके नु कोंइतीक शोब्‍ले वोइक्‍तीक सुन के टेबल यो सेल्‍पदा बाक्‍त।
1KI 7:49 क्‍येख सुन के बत्ती दातीक सेल्‍पाइश्‍शा, नेल्‍ल क्‍येङा चोव़खो बाक्‍तीक कोठाम दक्‍खिन गे ५ ओटा नु उत्तर गे ५ ओटा पा वोइक्‍पदा बाक्‍त। सुन के फू खोदेंशो बुटा, सुन के बत्ती दातीक, सुन के थनारो,
1KI 7:50 क्‍येख सुन के ग्‍योंब, सल्‍दो ख्रोइक्‍तीक कांइची, बोसपुकी थनौरो, कोइला कुरतीके, ब्‍वाक्‍कु ब्रुइक्‍तीक डाडु, कचौरा, थनौरो, नेल्‍ल क्‍येङा चोव़खो कोठा ङा लाप्‍चो नु अरु लाप्‍चो ङा हेक्‍तीक नेल्‍ल क्‍येख सुन के सेल्‍पदा बाक्‍त।
1KI 7:51 मिनु पिप सोलोमनम परमप्रभु यावे आ खिं ङा गेय नेल्‍ल थुम्‍पदा बाक्‍त। मिनु मेकोमी आ आफ दाऊदमी जिम्‍मा गेशो थोव़कपुकी, सुन, चांदी नु दारपाइक्‍तीक चाक्‍पाइश्‍शा, परमप्रभु यावे आ खिं ङा शोंप वोइक्‍तीकेमी वोइक्‍पाइक्‍मी बाक्‍त।
1KI 8:1 मिनु नोले सोलोमनम इस्राएल ङा खाल्‍पा, इस्राएल ङा थर थर ङा ठेयब मुर नु इस्राएली आन खिं खिं ङा मुर आन कली दाऊद आ सहर, सियोन रे परमप्रभु यावे आ कबल पशो सन्‍दोस चाक्‍चा कली यरूसलेम सहरम बुक्‍चा कली ब्रेप्‍पाइक्‍मी बाक्‍त।
1KI 8:2 मिनु एथानीम माइश्‍शो ७ महिना ङा चाड नाक्‍ती, इस्राएल ङा मुर नेल्‍ल पिप सोलोमन आ ङोंइती बुक्‍मा बाक्‍त।
1KI 8:3 मिनु इस्राएल ङा खाल्‍पा नेल्‍ल जाक्‍ने थुम्‍मे नोले, चढ़ेबपुकीमी परमप्रभु यावे आ सन्‍दोस कुरमे बाक्‍त।
1KI 8:4 मिनु चढ़ेब नु लेवीपुकीमी परमप्रभु यावे आ सन्‍दोस नु ग्रुम्‍तीक ताम्‍बुम बाक्‍शो परमप्रभु आ मारेइ मारेइ कुरशा, इर लदमे बाक्‍त।
1KI 8:5 मिनु पिप सोलोमन इस्राएल ङा मुर नेल्‍ले नु मेको आ ङोंइती बुक्‍ब नेल्‍लेम, सन्‍दोस आ ङोंइती हिक्‍ने मचाप्‍चा ङा पा भेडा नु ब्‍यफ क्‍योरशा चढ़ेमे बाक्‍त। २सामुएल ६:१३
1KI 8:6 मिनु नोले चढ़ेबपुकीम परमप्रभु यावे आ कबल पशो सन्‍दोस खिं ङा नेल्‍ल क्‍येङा चोव़खो बाक्‍तीकेम चाक्‍शा करूब आस फ्रां आगाम वोदमे बाक्‍त। २सामुएल ६:१७; १राजा ६:२७
1KI 8:7 मारदे हना मेको करूब आस फ्रांम सन्‍दोस नु कुरतीक कोक्‍के कली सुम्‍शो बाक्‍सा बाक्‍त।
1KI 8:8 मेको कुरतीक कोक्‍के थम लाइश्‍शो बाक्‍तीके, मेको आन सुर नेल्‍ल क्‍येङा चोव़खो बाक्‍तीक आ ङोंइती रे तांइसीबाक्‍मा बाक्‍त। तन्‍न नेल्‍ल क्‍येङा चोव़खो बाक्‍तीक आ लाङगा रे मतांइसी बाक्‍मा बाक्‍त। मेको मुल सम्‍म मेकेर बाक्‍नीम। प्रस्‍थान २५:१३-१५
1KI 8:9 मिनु होरेब डांडाम परमप्रभु यावेमी इस्राएली आन कली इजीप्‍त रे ग्रुंइची ना कबल पशो बाक्‍त। मेना मोसामी मेको कबल पशो लोव़ मु‍शा ब्रेक्‍शो फुल्‍लु निक्‍शी सन्‍दोसम कुर पा वोदा बाक्‍त। मेको सन्‍दोसम फुल्‍लु निक्‍शी ङा लाक्‍शा अर्को मारेइ मबाक्‍माक्‍त। प्रस्‍थान २५:२१; ब्‍यवस्‍था १०:५
1KI 8:10 मिनु चढ़ेब नेल्‍ल क्‍येङा चोव़खो बाक्‍तीक रे ग्रूमानु, परमप्रभु यावे आ खिं गोस्‍सुम ब्रीमाक्‍त।
1KI 8:11 मिनु मेकेर गोस्‍सुम सुम्‍तीके चढ़ेबपुकीम गेय पने मचाप्‍मे बाक्‍त। मारदे हना परमप्रभु यावे आ छेङछेङम आ खिं ब्रीशो बाक्‍माक्‍त। प्रस्‍थान ४०:३४-३५
1KI 8:12 मिनु सोलोमनमी “परमप्रभु यावे क्‍येर गोस्‍सुम बाक्‍ब देंशो बाक्‍ब। प्रस्‍थान २०:२१
1KI 8:13 गो इन कली गेना हना यो बाक्‍चा कली गारचा ङा खिं का सेल्‍ता” देंमाक्‍त।
1KI 8:14 मिनु पिपमी लेश्‍शा कोव़शा, इस्राएल ङा बुक्‍शो मुर नेल्‍ल आन कली आसीक गेमी बाक्‍त। मेना मेकोपुकी चहिं राप्‍शो बाक्‍मा बाक्‍त।
1KI 8:15 मिनु मेकोमी “परमप्रभु यावे, इस्राएली आन परमप्रभु ठेयब बाक्‍ल। मेकोमी आं आफ दाऊद नु कबल पा, मुल मेको खाप्‍तु।
1KI 8:16 मारदे हना मेकोमी ‘गो आं मुर आन कली इजीप्‍त रे ग्रुंइशा चाक्‍गु रे मुल सम्‍म इस्राएल ङा तेकोइ थर ङा मुर आन सहरम आं नें बाक्‍ल, दे आं खिं सेल्‍चा कली मयोव़ङु। तन्‍न गो आं मुर इस्राएली आन कली सासन पचा कली दाऊद कली योव़ता’ देंत।
1KI 8:17 आं आफ दाऊदमी परमप्रभु यावे, इस्राएली आन परमप्रभु आ नें कली मान पा खिं का सेल्‍चा मिम्‍शो बाक्‍त। २सामुएल ७:-
1KI 8:18 तन्‍न परमप्रभु यावेमी आं आफ दाऊद कली ‘गे आं नें कली मान पा खिं का सेल्‍चा मिम्‍ताक्‍वी, मेको रिम्‍शो बाक्‍त।
1KI 8:19 मो हना यो गे मेको खिं मसेल्‍नेवे। तन्‍न इ तौमी आं नें कली मान पा खिं का सेल्‍ब’ देंशो बाक्‍‍तीनी।
1KI 8:20 मुल परमप्रभु यावेमी ‘गो पाइनुङ’ देंशो लोव़ खाप्‍तु। गो आं आफ दाऊद आ पा ङा पिप दुम्‍शो बाक्‍नुङ। मिनु परमप्रभु यावेमी ‘पाइनुङ’ देंशो खोदेंशो पा गो इस्राएल ङा पिप दुम्‍ती। मिनु परमप्रभु यावे, इस्राएली आन परमप्रभु आ नें कली मान पा एको खिं सेल्‍ता।
1KI 8:21 गो मेकेर परमप्रभु यावे आ कबल पशो सन्‍दोस बाक्‍‍तीके का सेल्‍ता। परमप्रभु यावेमी इं किकी पिपी आन कली इजीप्‍त रागी रे ग्रुंइशा चाक्‍गानु, मेकोपुकी नु कबल पशो बाक्‍माक्‍त” देंमाक्‍त।
1KI 8:22 मिनु सोलोमनम इस्राएल ङा बुक्‍शो मुर नेल्‍ल आन दातेम परमप्रभु यावे कली चढ़ेतीक आ ङोंइती राप्‍शा, आ गुइ सरीङ गे क्‍युक्‍गा बाक्‍त।
1KI 8:23 मिनु मेकोमी “परमप्रभु यावे, इस्राएली आन परमप्रभु इर स्‍वर्गम नु रागीम इन खोदेंशो अर्को तेकोइ परमप्रभु मबाक्‍नीम। इन कली आन थुं नेल्‍लेमी नोले खोइक्‍ब, इन गेय पाइब आन कली पशो कबल खाप्‍शा, मेको आन कली गेना हना यो दाक्‍नीनी।
1KI 8:24 गे इन गेय पाइब, आं आफ दाऊद नु पशो कबल खाप्‍तीनी। मुलाक्‍ती ‘गो पाइनुङ’ देंशो कबल थमा पा खाप्‍तीनी।
1KI 8:25 मोपतीके परमप्रभु यावे, इस्राएली आन परमप्रभु इन गेय पाइब आं आफ दाऊद नु पशो कबल खाप्‍पीन। गे मेको नु कबल पा ‘गेना हना यो इ तौ चच रे इस्राएलम पिप दुम्‍नीम। तन्‍न मेकोपुकी इ खोदेंशो पा आं ङोंइती होस पा गाक्‍तेक्‍म हना, ला मोदेंशो दुम्‍ब’ देंशो बाक्‍तीनी।
1KI 8:26 मोपतीके इस्राएली आन परमप्रभु, इन गेय पाइब आं आफ दाऊद कली ‘गो पाइनुङ’ देंशो लोव़ खाप्‍पीन” देंमाक्‍त।
1KI 8:27 मेकोमी “मार, थमा पा परमप्रभु रागीम बाक्‍बा ङा? कोव़ङीन, इर ङा ठेयब सरीङम ला यो गे मरिक्‍नीनी हना, एको आं सेल्‍शो खिंम दोपा रिक्‍नीनी ङा? यसैया ६६:१; प्रेरित १७:२४
1KI 8:28 मो हना यो परमप्रभु यावे, आं परमप्रभु इन गेय पाइब आं प्रार्थना नु आं पुंइशो लोव़ नेनीन। मुलाक्‍ती इन गेय पाइबमी इन ङोंइती ठेयब सेंदा पा पुंइशो लोव़ नेनीन।
1KI 8:29 मिनु नाक्‍दो नाक्‍ती एको खिं कली कोव़ङीन। गे ‘गो एको खिंम बाक्‍नुङ’ देंशो बाक्‍तीनी। मोपतीके इन गेय पाइब आं लोव़ नेनीन। जकरिया १२:४; प्रस्‍थान २:२४
1KI 8:30 इन गेय पाइब नु इन मुर इस्राएलीम एको खिं गे कोव़शा पुंइतेक्‍म हना, मेको आन पुंइशो गेन। मेको आन लोव़ इर इन बाक्‍तीक रे नेनीन। मिनु गे मेको आन पुंइशो गेशा, माफ गेने।
1KI 8:31 सुइ मुरुमी आ नेक्‍था ङा मुर आन पर्बम मरिम्‍शो पा कसम जपाइक्‍तु हना, मेकोम मेको कसम एको इन खिं ङा चढ़ेतीक आ ङोंइती जाप्‍तु हना,
1KI 8:32 गे इर स्‍वर्गम मेको आन लोव़ नेंशा, निसाफ पने। मिनु दोस ताइब आ मरिम्‍शो पशो आ पियामी मोइक्‍तीन। मिनु ठीक पाइब कली दोस मताइब बाक्‍ब देंनीन। मोपा ठीक पाइब कली रिम्‍शो पाइब दुमीन।
1KI 8:33 मिनु इन मुर, इस्राएलीपुकीमी पाप पशा आन जोरी सत्रु नु ब्रुशा, इन गे लेश्‍शा ‘गे आंइ परमप्रभु यावे बाक्‍नीनी’ दे एको इन खिं गे कोव़शा पुंइतेक्‍म हना,
1KI 8:34 इर स्‍वर्ग रे मेको आन पुंइशो नेनीन। मिनु इन मुर इस्राएली आन पाप माफ गेन। मिनु मेको आन किकी पिपी आन कली गेशो रागीम लेश्‍शा चाक्‍कीन।
1KI 8:35 मिनु इन मुरपुकीमी पाप पतीके सरीङ चोक्‍सीशा रेउ मयित हना, इन गेशो सजाइ तुइश्‍शा, ‘गे आंइ परमप्रभु यावे बाक्‍नीनी’ दे आन पशो पाप प्रोंइतेक्‍म हना, १राजा १७:१
1KI 8:36 इर स्‍वर्ग रे मेको आन पुंइशो लोव़ नेंशा, इन गेय पाइब, इन मुर इस्राएली आन पाप माफ गेने। मेको आन पचा माल्‍शो शेंदीन। मिनु मेको आन कली गेशो रागीमी रेउ यिपतीन।
1KI 8:37 मेको रागीम अन्‍काल दुम्‍‍त हना, मुर बेक्‍तीक रोइ जाक्‍त हना, बाली नाली सोव़तीक नु बुक्‍खी ङाइक्‍तीक रोइ जाक्‍त हना, सल्‍हा माले नु बुस्‍स जाक्‍तेक्‍म हना, मेको आन तेकोइ सहरम जोरी सत्रुम पुम्‍ताक्‍म हना, मारेइ श्‍येत नु मारेइ रोइ जाक्‍त हना,
1KI 8:38 इन मुर इस्राएली सुइम आन थुंम श्‍येत जशा, एको इन खिं गे कोव़शा आन गुइ क्‍युक्‍शा पुन्‍मेनु, इन बाक्‍तीक इर स्‍वर्ग रे मेको आन पुंइशो नेनीन।
1KI 8:39 गे मुर नेल्‍ल आन थुं तुइक्‍तीके, इन बाक्‍तीक स्‍वर्ग रे मेको आन लोव़ नेंशा, आन पशो कोव़शा माफ गेने। मारदे हना गे ला मुर नेल्‍ल आन थुं तुइक्‍ब बाक्‍नीनी। भजन संग्रह १३९:१-२
1KI 8:40 मिनु मेकोपुकी इन कली मान पा हिंशा, आंइ किकी पिपी आन कली इन गेशो रागीम बाक्‍नीम।
1KI 8:41 मिनु इन मुर इस्राएली ममाइ, तन्‍न अर्को रागी ङा मुर सुइमी इन कली तुइश्‍शा ङोन ङोन रागी रे जाक्‍तेक्‍म हना, गन्‍ती १५:१४-१६
1KI 8:42 मेकोपुकीम इन ठेयब नें, इन ठेयब सक्ति नु इन वारच पतीके नेंशो बाक्‍तेक्‍म। मोदेंशो मुर जाक्‍शा, एको खिं गे कोव़शा पुंइतेक्‍म हना,
1KI 8:43 गे मेको आन लोव़ इन बाक्‍तीक स्‍वर्ग रे नेंशा, मेको अर्को रागी ङा मुर आन पुंइशो नेल्‍ल गेने। मिनु इन मुर इस्राएली खोदेंशो पा रागी ङा मुर नेल्‍लेम इन नें तुइक्‍तमेक्‍ल। मिनु इन कली मान पा हिंमल। गे एको आं सेल्‍शो खिंम बाक्‍नीनी, दे तुइक्‍तमेक्‍ल।
1KI 8:44 मिनु इन मुर आन जोरी सत्रु नु लडाइ पथ लाम्‍तेक्‍म हना, गे मेको आन कली तेइ सोइक्‍ताक्‍नी हना, मेकोपुकीम एको इन योव़शो सहर नु गोम इन कली सेल्‍शो एको खिं गे कोव़शा, पुंइतेक्‍म हना,
1KI 8:45 गे स्‍वर्ग रे मेको आन पुंइशो नेनीन। मिनु मेको आन कली वारच पतीन।
1KI 8:46 मेकोपुकीम पाप पाम्‍तेक्‍म हना, मारदे हना पाप मपाइब सुइ मबाक्‍नीम। मिनु गे इन गाइश्‍शोमी आन जोरी सत्रु आन गुइम गेतीनी। मिनु मेकोपुकीम मेको आन कली आन रागीम ग्‍याइश्‍शा लाइक्‍तेक्‍म हना, भजन संग्रह १४:३-४; रोमी ३:२३
1KI 8:47 मिनु मेकोपुकीम आन कली ग्‍याइश्‍शा लाइश्‍शो रागीम श्‍येत जशा ‘गो पाप पाइतक। दूली पा काइ मरिम्‍शो पाइतक’ देंतेक्‍म हना, नेहेम्‍याह ९:३३; दानीएल ९:५
1KI 8:48 मिनु मेको आन ग्‍याइश्‍शा लाइश्‍शो जोरी सत्रु आन रागीमी आन थुं नेल्‍लेम इन गे लेत्‍तेक्‍म हना, मेको आन किकी पिपी आन कली इन गेशो रागी नु इन योव़शो एको सहर नु इन नें कली मान पा आं सेल्‍शो खिं गे कोव़शा, इन कली पुंइतेक्‍म हना, दानीएल ६:११
1KI 8:49 इन बाक्‍तीक इर स्‍वर्ग रे मेको आन पुंइशो लोव़ नेंशा, आन माल्‍शो गेन। मिनु मेको आन कली वारच पतीन।
1KI 8:50 मिनु मेको इन मुर आन पाप नु हेंथे पशो नेल्‍ल माफ गेने। मिनु मेको आन जोरी सत्रुम शिशी पपतीन।
1KI 8:51 मारदे हना मेकोपुकी इन खिं ङा मुर बाक्‍नीम। गे मेको आन कली शुश श्‍येत गेतीके इजीप्‍त रागी रे ग्रुंइशा चाक्‍तीनी।
1KI 8:52 मिनु गे इन गेय पाइब नु इन मुर इस्राएली आन कली कोव़ङीन। मेको आन पुंइशो लोव़ गेना हना यो नेनीन। मिनु मेकोपुकीम इन कली ब्रेम्‍मानु, मेको आन ब्रेश्‍शो नेनीन।
1KI 8:53 मारदे हना गे मेको आन कली इन मुर सेल्‍चा कली, रागी नेल्‍ल ङा मुर आन दाते रे योव़शा तिल्‍तीनी। मोपा आंइ किकी पिपी आन कली इजीप्‍त रे ग्रुंइशा चाक्‍नीनु, इन गेय पाइब मोसा कली मोदेंशो लोव़ पशो बाक्‍तीनी” देंमाक्‍त। प्रस्‍थान १९:५-६
1KI 8:54 मोपा सोलोमनम परमप्रभु यावे कली प्रार्थना पा पुंइने थुमा बाक्‍त। मिनु मेको परमप्रभु यावे कली चढ़ेतीक आ ङोंइती रे बोक्‍माक्‍त। मेकेर सरीङ गे कोव़शा आ गुइ क्‍युक्‍शा आ पोक्‍च थेक्‍शा प्रार्थना पशो बाक्‍माक्‍त।
1KI 8:55 मिनु मेको राप्‍‍शा, ठेयब सेंदा पा बुक्‍शा बाक्‍शो इस्राएली नेल्‍ल आन कली आसीक गेमी बाक्‍त।
1KI 8:56 मेकोमी “आ मुर इस्राएली आन कली आ देंशो खोदेंशो पा नाइक्‍चा गेब परमप्रभु यावे ठेयब बाक्‍ल। मेकोम आ गेय पाइब मोसा रे पा पाइनुङ देंशो रिम्‍शो गेय नेल्‍ले का सम्‍म यो मख्राइक्‍थु, पाप्‍तु। यहोसु २१:४५
1KI 8:57 परमप्रभु यावे इं परमप्रभु इं किकी पिपी नु बाक्‍शो खोदेंशो पा गोपुकी नु यो बाक्‍ल। मेकोमी इं कली गेनायो मप्रोनल।
1KI 8:58 मेकोमी इं किकी पिपी आन कली शेंशो लोव़, आ फुल्‍लुम मुशा ब्रेक्‍शो लोव़ नु आ ठीक पतीक लोव़ पना पन, इन थुं नेल्‍लेमी मेको आ लांम गाक्‍कीन।
1KI 8:59 गो इं परमप्रभु यावे आ ङोंइती पुंइशो लोव़ नाक्‍दो नाक्‍ती परमप्रभु यावे, इं परमप्रभु आ ङोंइती बाक्‍ल। मिनु मेकोमी नाक्‍त किंत किंत आ गेय पाइब नु आ मुर इस्राएली इं माल्‍शो गेशा, वारच पवल।
1KI 8:60 मिनु रागी ङा मुर नेल्‍लेमी परमप्रभु यावे ला परमप्रभु बाक्‍ब, दे तुइक्‍नीम। मिनु मेको ङा लाक्‍शा अर्को सुइ परमप्रभु मबाक्‍ब, दे यो तुइक्‍नीम।
1KI 8:61 मोपतीके इं थुं नेल्‍लेमी परमप्रभु यावे, इं परमप्रभु कली जिम्‍मा गेसय। मुलाक्‍त खोदेंशो पा गोपुकीमी आ फुल्‍लुम मुशा ब्रेक्‍शो लोव़ टिना टिन, आ शेंशो पना पन बाक्‍य” देंमाक्‍त।
1KI 8:62 मिनु नोले पिप नु इस्राएली नेल्‍लेमी परमप्रभु यावे आ ङोंइती चढ़ेतीक चढ़े‍मे बाक्‍त।
1KI 8:63 सोलोमनमी दुशा बाक्‍चा आ पर्बम २२ हजार ब्‍यफ नु लाख का २० हजार भेडा चढ़ेवा बाक्‍त। मोपा पिप नु इस्राएल ङा मुर नेल्‍लेमी परमप्रभु यावे आ खिं कली जिम्‍मा गेमे बाक्‍त।
1KI 8:64 मेको नाक्‍त पिपमी परमप्रभु यावे आ खिं आ ङोंइती बाक्‍शो लाङगा आ दाते ङा लाङगा कली यो तिला बाक्‍त। मारदे हना मेकोमी मेकेर चोशा चढ़ेतीके, अन्‍न चढ़ेतीके नु दुशा बाक्‍चा आ पर्बम चढ़ेतीके आन बोंसो चढ़ेवा बाक्‍त। अन्‍न चढ़ेतीके, दुशा बाक्‍चा आ पर्बम चढ़ेतीके नु चोशा चढ़ेतीक आन बोंसो वोइक्‍चा कली मेको परमप्रभु यावे आ ङोंइती बाक्‍शो कांसा के चढ़ेतीके आइक्‍च दुम्‍माक्‍त।
1KI 8:65 मिनु सोलोमन नु मेको नु बुक्‍शा बाक्‍शो इस्राएली लेबो-हमाथ रे इजीप्‍त ङा खोला सम्‍म ङा ठेयब हुल नेल्‍लेमी परमप्रभु यावे, इं परमप्रभु आ ङोंइती मेको नाक्‍त रे ७ नाक्‍त सम्‍म नु अर्को ७ नाक्‍त तेम्‍शा, नेल्‍ल पा १४ नाक्‍त सम्‍म चाड मानेमे बाक्‍त।
1KI 8:66 मिनु आ दीसा मेकोमी मुर आन कली आन खिं सोइक्‍ती‍मी बाक्‍त। मिनु मेकोपुकीम पिप कली ठेयब सेल्‍मे बाक्‍त। मिनु परमप्रभु यावेमी आ गेय पाइब दाऊद नु आ मुर इस्राएली आन कली रिम्‍शो पशो तशा, ग्‍येरना ग्‍येरन आन आन खिं लमा बाक्‍त।
1KI 9:1 मिनु सोलोमनम परमप्रभु यावे आ खिं, पिप आ खिं नु आ सेल्‍चा दाक्‍शो मारेइ मारेइ नेल्‍ल सेल्‍ने थुमा बाक्‍त।
1KI 9:2 मेना परमप्रभु यावेम सोलोमन कली गिबोनम लोव़ पशो खोदेंशो पा लेंशा लोव़ पवा बाक्‍त। १राजा ३:५
1KI 9:3 मिनु परमप्रभु यावेमी मेको कली “गो इ आं ङोंइती पशो प्रार्थना नु इ पुंइशो लोव़ नेंता। गो एको इ सेल्‍शो खिं कली आं के सेल्‍ता। मिनु गो गेना हना यो एकेर बाक्‍नुङ। आं थुं एकेर बाक्‍शा, गो एको खिं कली गेना हना यो कोव़नुङ। १राजा ८:२९
1KI 9:4 मिनु गे चहिं ब्रेम्‍शो दुम्‍शा, इ आफ दाऊद खोदेंशो पा आं ङोंइती गेना हना यो रिम्‍शो पाइब नु रिम्‍शो थुं पाइश्‍शो दुम्‍ते हना, आं इ कली शेंशो नेल्‍ल पना पन, आं फुल्‍लुम मुशा ब्रेक्‍शो लोव़ नु आं निसाफ पतीक लोव़ नेल्‍ल पाप्‍तीवी हना,
1KI 9:5 गो इ राज्‍य इस्राएल कली गेना हना यो बोल्‍यो दुम्‍पाइक्‍नुङ। मिनु गो इ आफ दाऊद कली ‘इ तौ चच रे गेना हना यो इस्राएलम पिप दुम्‍नीम’ दे कबल पशो खोदेंशो पा गे नु यो कबल पाइनुङ। २सामुएल ७:१२; येरमीया ३३:१७
1KI 9:6 तन्‍न गे नु इ आलपुकी आं नोले खोइक्‍चा प्रोंइशा, गो इन ङोंइती वोइश्‍शो आं शेंशो नु आं फुल्‍लुम मुशा ब्रेक्‍शो लोव़ मपाइतीनी हना नु देवी देवता आन कली पूजा पाइतीनी हना,
1KI 9:7 गो इस्राएली आन कली आं गेशो रागी रे खेरनुङमी। मिनु एको आं कली सेल्‍शो खिं कली प्रोंइशा मकोव़नुङ। मिनु इस्राएली चहिं मुर नेल्‍ल आन दातेमी मुने दोक्‍शा, ग्रांग्रा दित्‍तीक दुम्‍नीम। ब्‍यवस्‍था ४:२६; ब्‍यवस्‍था ८:१९-२०; मत्ती २३:३८
1KI 9:8 एको खिं ब्रेश्‍शा, फुल्‍लु देल्‍शो दुम्‍ब। मिनु नोले एकेर गाक्‍ब मुर नेल्‍ल छक लाक्‍नीम। मिनु मुरपुकीमी मेको तशा ‘मारदे परमप्रभु यावेमी एको खिं नु एको रागी कली ओं पवा, माइ?’ दे शुक्‍शी पाइनीम।
1KI 9:9 मिनु मुरपुकीमी ‘मेकोपुकीमी परमप्रभु यावे, आन परमप्रभुम मेको आन किकी पिपी आन कली इजीप्‍त रागी रे ग्रुंइशा चाक्‍तु हना यो, मेको कली प्रोंइशा, देवी देवता आन कली मानेशा, पूजा पाम्‍तेक्‍म। मोपतीके परमप्रभु यावेमी मेको आन कली मोदेंशो श्‍येत गेप्‍तु’ देंनीम” देंमाक्‍त।
1KI 9:10 सोलोमन कली परमप्रभु यावे आ खिं नु आ बाक्‍तीक खिं सेल्‍चा कली २० बर्स माल्‍दा बाक्‍त। १राजा ६:३८; १राजा ७:१
1KI 9:11 टायर ङा पिप हीराममी सोलोमन कली माल्‍शो लेबानोन ङा लाइश्‍शो रवा आ शी, अरु शी, सुन नु आ माल्‍शो नेल्‍ल गेशो बाक्‍माक्‍त। मोपतीके पिप सोलोमनमी हीराम कली गालील रागी ङा २० ओटा सहर गेवा बाक्‍त। २इतिहास ८:२
1KI 9:12 मिनु हीरामम टायर रे मेको सोलोमन आ गेशो सहरपुकी कोव़थ लमाक्‍त। मिनु मेकोम मेको सहर मदाक्‍ता बाक्‍त।
1KI 9:13 मिनु मेकोमी सोलोमन कली “आं लोक्‍ब, मेको इ गेशो सहरपुकी दा दोकका देंशो बाक्‍तेक्‍मे” देंमाक्‍त। मिनु मेकोम मेको सहर आन कली “काबुल रागी” देंशो नें वोदा बाक्‍त। मेको सहर आन नें मुल सम्‍म मेकोन बाक्‍नीम।
1KI 9:14 मिनु हीराममी पिप सोलोमन कली सहे का २० टलेन्‍ट सुन सोइक्‍ता बाक्‍त। टलेन्‍ट का ३४ किलो बाक्‍ब।
1KI 9:15 पिप सोलोमनम पपाइश्‍शो गेय मार मार बाक्‍त देंशा हना, परमप्रभु यावे आ खिं, आ बाक्‍तीक खिं, मिल्‍लो माइश्‍शो बोल्‍यो दरवार, यरूसलेम ङा गारो, हासोर, मेगीददो नु गेजेर सहर सेल्‍पदा बाक्‍त।
1KI 9:16 इजीप्‍त ङा पिप फाराओम गेजेर सहर कली लडाइ तोशा ग्राशा, मेकेर मी सुइश्‍शो बाक्‍माक्‍‍त। मेकोम मेकेर बाक्‍ब कनानी आन कली साइश्‍शा, मेको सहर आ तमी, सोलोमन आ मीश कली दाइजो गेशो बाक्‍माक्‍त। यहोसु १६:१०; १राजा ३:१
1KI 9:17 मिनु सोलोमनम गेजेर सहर, बेथ-होरोन,
1KI 9:18 बालाथ नु मेको गोरशो रागी ङा तामार नु आ एर ओंथ ङा रागी,
1KI 9:19 सोलोमन आ मार मार वोइक्‍तीक सहरपुकी, आ बग्‍गी नु शारा वोइक्‍तीके नु शारा ङोइक्‍ब आन कली बाक्‍चा कली सहरपुकी यो सेल्‍पदा बाक्‍त। सोलोमनमी यरूसलेम, लेबानोन नु आ सासन पशो राज्‍य नेल्‍लेमी मार सेल्‍चा दाक्‍शो बाक्‍मे, मेको सेल्‍ने थुमा बाक्‍त। १राजा १०:२६
1KI 9:20 मिनु लीशो एमोरी, हित्ती, परिज्‍जी, हिव्‍वी नु यबुसी चहिं इस्राएली आन थर ङा मुर मबाक्‍मा बाक्‍त।
1KI 9:21 इस्राएलीपुकीमी मेको रागीम लीशो मेको आन चच युइ आन कली काइ मवोइक्‍थु साइक्‍ने मचाप्‍शो बाक्‍मा बाक्‍त। सोलोमनमी मेको आन कली गेय पाइब वाइल सेल्‍शा वोइक्‍मी बाक्‍त। मेको मुल सम्‍म मोपान बाक्‍शो बाक्‍नीम। यहोसु १६:१०
1KI 9:22 तन्‍न सोलोमनम इस्राएली सुइ आन कली वाइलीम वाइल मसेल्‍मी बाक्‍त। मेकोपुकी चहिं लडाइ पाइब, लडाइ पाइब आन ठेयब मुर, कप्‍तान, बग्‍गी चलेब आन ठेयब मुर नु शारा ङोइक्‍ब सेल्‍मी बाक्‍त।
1KI 9:23 मिनु सोलोमन आ ठेयब गेय पाइब ५ सहे ५० जना बाक्‍मा बाक्‍त। मेकोपुकी गेय पाइब आन कली कोव़ब बाक्‍मा बाक्‍त।
1KI 9:24 मिनु फाराओ आ तमी दाऊद आ सहर रे पिप सोलोमनम सेल्‍शा गेशो आंम खिंम लमाक्‍त। सोलोमनमी मिल्‍लो माइश्‍शो बोल्‍यो दरवार यो सेल्‍पदा बाक्‍त।
1KI 9:25 मिनु सोलोमनमी परमप्रभु यावे कली सेल्‍शो चढ़ेतीकेमी बर्सम खेयप सां परमप्रभु यावे आ ङोंइती चोशा चढ़ेतीक नु दुशा बाक्‍चा आ पर्बम चढ़ेतीक चढ़ेशा धूप यो चोशा चढ़ेवा बाक्‍त। मोपा मेकोम परमप्रभु यावे आ खिं ङा गेय नेल्‍ल पवा बाक्‍त।
1KI 9:26 मिनु पिप सोलोमनम लल समुन्‍द्र आ शुंइच एदोम रागी एलोथ आ नेक्‍था एस्‍योन-गेबेर सहरम जहाजपुकी यो सेल्‍पदा बाक्‍त। गन्‍ती ३३:३५; २इतिहास ८:१७-१८
1KI 9:27 हीराममी समुन्‍द्र आ पर्बम तुइक्‍ब नु जहाजम गेय पाइब मुर सोलोमन आ गेय पाइबपुकी नु गेय पपाइक्‍चा कली सोइक्‍ती‍मी बाक्‍त। १राजा १०:११
1KI 9:28 मिनु मेकोपुकी जहाजम ओफीर लमा बाक्‍त। मिनु मेकेर रे ४ सहे २० टलेन्‍ट सुन चाक्‍ग्‍मे बाक्‍त। मिनु मेको पिप सोलोमन कली गेमे बाक्‍त। उत्‍पत्ती १०:२९
1KI 10:1 शेबा ङा पिपीममी सोलोमन आ रिम्‍शो पशो नेल्‍ल, परमप्रभु यावे आ ठेयब नें नु आ पशो नेल्‍ल नेना बाक्‍त। मिनु लोव़ लेन्‍ने मचाप्‍चा ङा लोव़ कुरशा सोलोमन कली नाक्‍चा कली जाक्‍माक्‍त। मत्ती १२:४२; १राजा ५:१४
1KI 10:2 मेको शुश मुर नु शुश मस्‍ला, सुन नु शुश क्‍येट लाइब हीरा दलओंठम कुरपाइश्‍शा यरूसलेम जाक्‍माक्‍त। मिनु आ थुंम बाक्‍शो लोव़ नेल्‍ल सोलोमन कली देंमाक्‍त।
1KI 10:3 मिनु सोलोमनम मेको आ हिल्‍लो पशो लोव़ नेल्‍ल लेत्‍ता बाक्‍त। मेको हिल्‍लो पशो लोव़ लेत्‍चा कली पिप कली मारेइ श्‍येत मदुम्‍माक्‍त।
1KI 10:4 मिनु शेबा ङा पिपीममी सोलोमन आ जोक्‍तीक तुइक्‍तीक नेल्‍ले, मेको आ सेल्‍शो पिप आ खिं,
1KI 10:5 मेको आ जचा थोव़क, मेको आ एर ओंथ बाक्‍ब आ ठेयब गेय पाइब आन बाक्‍तीके, आ गेय पाइब आन गेय पशो, मेको आन फेक्‍शो वा, आ ग्‍योंबपुकी, परमप्रभु यावे आ खिंम चोशा चढ़ेतीकपुकी तशा, शुश छक लाक्‍माक्‍त।
1KI 10:6 मिनु मेकोमी पिप कली “गो आं रागीमी इन गेय नु जोक्‍तीक तुइक्‍‍तीक आ पर्बम लोव़ नेंता।
1KI 10:7 तन्‍न गो आंमा जाक्‍शा, मतङा सम्‍म थमा मसुदु। मेको आं कली नें‍शो दा उइक्‍थ लाइ यो मनें‍शो बाक्‍ती। इन जोक्‍तीक तुइक्‍तीक, इन पशो गेय नु इन शोंप आ पर्बम आं नेंशो क्‍येङा यो शुश बाक्‍त।
1KI 10:8 इन मीशपुकी नु इन गेय पाइबपुकीमी गेना हना यो इन जोक्‍शो तुइश्‍‍शो लोव़ नेंशा ग्‍येरसीशो बाक्‍नीमी।
1KI 10:9 मिनु परमप्रभु यावे, इन परमप्रभु ठेयब बाक्‍ब। मेकोमी इन कली दाक्‍शा इस्राएल कली सासन पचा कली पिप सेल्‍तु। परमप्रभु यावेमी इस्राएली आन कली गेना हना यो दाक्‍ताक्‍व। मोपतीके मेकोमी इन कली ठीक निसाफ पचा नु ठीक पचा कली मेको आन पिप सेल्‍शो बाक्‍त” देंमाक्‍त। १राजा ५:२१
1KI 10:10 मिनु नोले मेकोमी पिप कली सहे का २० टलेन्‍ट सुन, शुश मस्‍लापुकी नु शुश क्‍येट लाइब हीरापुकी गेवा बाक्‍त। शेबा ङा पिपीममी सोलोमन कली गेशो खोदेंशो पा शुश मस्‍ला ङोंइती सुइम मचाक्‍गमे बाक्‍त। टलेन्‍ट का ३४ किलो बाक्‍ब।
1KI 10:11 मेको नेल्‍ल प्रोंइशा यो हीराम आ जहाजपुकीम ओफीर रे सुन चाक्‍बाक्‍मा बाक्‍त। मेकोपुकीमी जहाजम सिरी खन्‍ड के शुश क्‍येट लाइब शी नु हीरापुकी चाक्‍बाक्‍मा बाक्‍त। १राजा ९:२७-२८
1KI 10:12 मिनु पिपमी मेको सिरी खन्‍ड के शी रे परमप्रभु यावे आ खिं नु आ बाक्‍तीके खिं कली क्रेसी ङा ग्‍याइक्‍तीक सेल्‍पदा बाक्‍त। मिनु कुम्‍सो पाइब आन कली बीना नु तार पाइश्‍शो ताप्‍तीक यो मेको शी के सेल्‍पदा बाक्‍त। मेको मोदेंशो पा सिरी खन्‍ड के शी गेना यो मचाक्‍शो बाक्‍मा बाक्‍त। मिनु मेना रे मुल सम्‍म यो गेनायो मतांइसीशो बाक्‍ब।
1KI 10:13 मिनु पिप सोलोमनम शेबा ङा पिपीम कली आ गेशो प्रोंइशा यो आ दाक्‍शा पुंइशो थोव़क नेल्‍ल गेवा बाक्‍त। मेको नोले मेको आ गेय पाइब नेल्‍ल लाइश्‍शा आ रागी लेम्‍माक्‍त।
1KI 10:14 सोलोमन आ बाक्‍तीकेम बर्स बर्सम जाक्‍शो सुन सहे सां ६६ टलेन्‍ट दुम्‍बाक्‍माक्‍त। टलेन्‍ट का ३४ किलो बाक्‍ब।
1KI 10:15 मेको प्रोंइशा, ग्‍याप्‍ब लेयब आन चाक्‍शो, अराब रागी ङा पिपपुकी नु अर्को रागी ङा सासन पाइबपुकी रे यो सुन जाक्‍बाक्‍माक्‍त।
1KI 10:16 मिनु पिप सोलोमनम तुप्‍शा सेल्‍शो सुन के सहे निक्‍शी ठेयब तेक्‍तीक सेल्‍पदा बाक्‍त। मेको का सेल्‍चा कली ६ सहे शेकेल सुन माल्‍दा बाक्‍त। शेकेल का ११.५ ग्राम खोदेंशो बाक्‍ब। १राजा १४:२६
1KI 10:17 मेकोमी तुप्‍शो सुन के सहे सां आइक्‍च आइक्‍च तेक्‍तीक यो सेल्‍पदा बाक्‍त। मेको का सेल्‍चा कली सहे सां शेकेल सुन माल्‍दा बाक्‍त। मिनु पिपमी मेको नेल्‍ल लेबानोन ङा ब्‍वाकी माइश्‍शो खिंम वोइक्‍पाइक्‍मी बाक्‍त। १राजा ७:२
1KI 10:18 मिनु पिपम हात्ती आ दारा के ठेयब नित्‍‍तीक का सेल्‍शा, मेको कली क्‍येख सुनमी गिल्‍पदा बाक्‍त।
1KI 10:19 मेको नित्‍तीक तार ङोइक्‍तीक ६ ओटा थेंका बाक्‍मा बाक्‍त। मेको नित्‍तीक आ नोले गे कुल कुल पा सेल्‍शो बाक्‍माक्‍त। मेको नित्‍तीक आ निम्‍फा गे गुइ वोइक्‍तीक पाइश्‍शो बाक्‍माक्‍त। मेको गुइ वोइक्‍तीक आस नेक्‍था गुप्‍स निक्‍शी सेल्‍शो बाक्‍माक्‍त।
1KI 10:20 मेको ६ ओटा थेंका नेल्‍लेम एर गे का, ओंथ गे का पा १२ ओटा गुप्‍स बाक्‍मा बाक्‍त। मेको मोदेंशो नित्‍तीके तेकोइ राज्‍य ङा पिप आन पर्बम मसेल्‍शो बाक्‍माक्‍त।
1KI 10:21 पिप सोलोमन आ तूतीक कचौरा नेल्‍ल सुन के बाक्‍मा बाक्‍त। मिनु लेबानोन ङा ब्‍वाकी माइश्‍शो पिप आ खिंम बाक्‍शो ग्‍योंब नेल्‍ले क्‍येख सुन के बाक्‍मा बाक्‍त। चांदी के मारेइ मबाक्‍मा बाक्‍त। मारदे हना सोलोमन आ पालाम चांदी मारेइ खोदेंशो मबाक्‍माक्‍त।
1KI 10:22 मिनु पिप नु हीराम आस जहाजपुकी टारसीस गे लाइबाक्‍मा बाक्‍त। मिनु बर्स सां सांमी मेको जहाजम काले टारसीस रे सुन, चांदी, हात्ती आन ख्रुइ, बुदी नु मजुर चाक्‍शा, जाक्‍बाक्‍मा बाक्‍त।
1KI 10:23 मोपा सोलोमन आ शोंप नु आ जोक्‍तीक तुइक्‍तीकेमी पिप नेल्‍ल आन क्‍येङा ठेयब दुम्‍माक्‍त।
1KI 10:24 रागी नेल्‍ल ङा मुरपुकी परमप्रभुम सोलोमन कली गेशो जोक्‍शो तुइश्‍शो लोव़ नेंचा कली जाक्‍‍बाक्‍मा बाक्‍त।
1KI 10:25 मेको मोपा जाक्‍ब नेल्‍लेमी बर्स बर्सम कोसेली सुन चांदी के मार मार, फेक्‍तीक वा, यापुकी, मस्‍ला, शारा नु खच्‍चर चाक्‍बाक्‍मा बाक्‍त।
1KI 10:26 सोलोमनम शुश बग्‍गी नु शारा तेल्‍मी बाक्‍त। मेको के १४ सहे बग्‍गी नु १२ हजार शारा बाक्‍मा बाक्‍त। मेकोमी बग्‍गी आन कली बग्‍गी वोइक्‍तीक सहरम वोदा बाक्‍त। का निक्‍शी आन कली चहिं आं नुन यरूसलेमम वोइक्‍मी बाक्‍त। १राजा ५:६
1KI 10:27 पिपमी यरूसलेमम चांदी फुल्‍लु खोदेंशो पा तेल्‍मी बाक्‍त। मिनु लेबानोन ङा लाइश्‍शो रवा आ शी चहिं शेफेलाह ङा फोव़शी रवा खोदेंशो पा शुश तेल्‍मी बाक्‍त।
1KI 10:28 सोलोमन आ शारा इजीप्‍त नु क्‍युए रे ग्‍याप्‍शा चाक्‍शो बाक्‍मा बाक्‍त।
1KI 10:29 मेकोपुकीम इजीप्‍त रे ६ सहे शेकेल चांदीम बग्‍गी नु सहे का ५० शेकेल चांदीम शारा ग्‍याप्‍बाक्‍मा बाक्‍त। मिनु पिप आ ग्‍याप्‍ब लेयबपुकीम हित्ती आन पिप नु अराम ङा पिप नेल्‍ल आन कली लेयबाक्‍मा बाक्‍त। शेकेल का ११.५ ग्राम, तोला का खोदेंशो बाक्‍ब।
1KI 11:1 पिप सोलोमनम फाराओ आ तमी ग्‍युंबे पा यो, मेकोमी शुश अर्को रागी ङा मीश मुर, मोआबी, अम्मोनी, एदोमी, सीदोनी नु हित्ती आन कली दाक्‍तीमी बाक्‍त। ब्‍यवस्‍था १७:१७
1KI 11:2 परमप्रभु यावेमी इस्राएली आन कली मेको रागी ङा मुर आन पर्बम “गेपुकीम मेको आन कली ग्‍युंबे पचा मदुम्‍नीनी। मारदे हना मेकोपुकीम थमा पा इन थुं आन देवी देवता आन नोले खोइक्‍पाइक्‍नीम” देंशो बाक्‍माक्‍त। तन्‍न सोलोमनम मेको आन कली दाक्‍तीमी बाक्‍त। प्रस्‍थान ३४:१६
1KI 11:3 मेको के ७ सहे ग्‍युंबे पशो मीश नु सहे सां अरु नोले चाक्‍शो मीश बाक्‍मा बाक्‍त। मिनु मेकोपुकीम आ थुं क्‍याल्‍पदमे बाक्‍त।
1KI 11:4 मिनु सोलोमन खूशो दुम्‍मेनु, मेको आ मीशपुकीम आ थुं अरु देवी देवता आन गे हिरपदमे बाक्‍त। मिनु मेको आ आफ दाऊद आ थुंम खोदेंशो पा आ थुं नेल्‍लेम परमप्रभु यावे, आ परमप्रभु आ नोले मखोदा बाक्‍त।
1KI 11:5 मोपा सोलोमन सीदोनी आन अश्‍‍तोरेथ देवी नु अम्‍मोनी आन ग्रांग्रा दिशो मूर्ति मोलोक आस नोले खोदा बाक्‍त। मोलोक नु मोलेक नें वोइश्‍शो देवता मिल्‍कोम यो बाक्‍त।
1KI 11:6 मोपा सोलोमनम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मेको आ आफ दाऊद खोदेंशो पा आ थुं नेल्‍लेमी परमप्रभु यावे आ नोले मखोदा बाक्‍त।
1KI 11:7 मिनु सोलोमनम मोआब ङा ग्रांग्रा दिशो मूर्ति केमोश नु अम्‍मोनी आन ग्रांग्रा दिशो मूर्ति मोलेक आस कली यरूसलेम आ पूर्ब गे ङा डांडा काम पूजा पतीक थान सेला बाक्‍त। गन्‍ती २१:२९; २राजा २३:१३
1KI 11:8 मेकोमी अर्को रागी ङा आ मीश नेल्‍ल आन कली मोदेंशो पवा बाक्‍त। मेकोपुकीमी आन देवी देवता आन कली धूप चोशा चढ़ेमे बाक्‍त।
1KI 11:9 मिनु परमप्रभु यावे सोलोमन क्‍येङा गाइक्‍ता बाक्‍त। मारदे हना परमप्रभुमी मेको नु खेयप निक्‍शी लोव़ पशो बाक्‍त हना यो, मेको परमप्रभु यावे, इस्राएली आन परमप्रभु रे ङोन लशो बाक्‍माक्‍त। १राजा ३:५; १राजा ९:२
1KI 11:10 परमप्रभु यावेमी सोलोमन कली “अरु देवी देवता आन नोले मखोतो” देंशो बाक्‍माक्‍त। मो हना यो सोलोमनम परमप्रभु यावे आ शेंशो मपवा बाक्‍त।
1KI 11:11 मोपतीके परमप्रभु यावेम इस्राएली आन पिप सोलोमन कली “इ मो पशो, आं कबल प्रोंइशो नु इ कली पावो, दे आं फुल्‍लुम मुशा ब्रेक्‍शो लोव़ मटितीके गो थमा पा एको इ राज्‍य रोइश्‍शा इ गेय पाइब कली गेनुङ। १सामुएल १५:२८
1KI 11:12 मो हना यो इ आफ दाऊद आ पर्बम इ पालामी मो मपाइनुङ। गो एको राज्‍य इ तौ आ पालाम रोइक्‍नुङ। १राजा १२:१९
1KI 11:13 तन्‍न गो राज्‍य नेल्‍ल मरोइक्‍नुङ। आं गेय पाइब दाऊद नु आं योव़शो सहर यरूसलेम आस पर्बम इस्राएल ङा थर का इ तौ कली गेनुङ” देंमाक्‍त।
1KI 11:14 मिनु परमप्रभु यावेमी इस्राएली आन मुर एदोम ङा पिप आ खिं ङा मुर हादाद कली सोलोमन आ जोरी सत्रु सेल्‍शा पोक्‍गा बाक्‍त।
1KI 11:15 ङोंइती दाऊदम एदोमी नु लडाइ पवानु, मेको आ लडाइ पाइब आन ठेयब मुर योआबमी मेकेर बेक्‍शो मुर आन कली थिम्‍थ लमेनु, मेको रागी ङा वोंइश मुर नेल्‍ल आन कली साइश्‍शो बाक्‍माक्‍त। २सामुएल ८:१४
1KI 11:16 मेना योआब नु इस्राएली नेल्‍लेम एदोम ङा वोंइश मुर नेल्‍ल आन कली साइक्‍ने मथुम्‍मे सम्‍म मेकेर ६ महिना बाक्‍मा बाक्‍त।
1KI 11:17 मेना हादाद आलन बाक्‍माक्‍त। मिनु आ आफ आ गेय पाइब का निक्‍शी एदोमी नु प्रोक्‍शा इजीप्‍त लशो बाक्‍माक्‍त।
1KI 11:18 मिनु मेकोपुकी मिदयान रे पारानम जाक्‍मा बाक्‍त। मिनु पारान रे सुइ मुर आन कली लाइश्‍शा इजीप्‍त ङा पिप फाराओ आ बाक्‍तीके लशो बाक्‍मा बाक्‍त। मिनु फाराओमी हादाद कली आ रागीम खिं का रू नु जचा तूचा थोव़क गार पा गेशा वोइश्‍शो बाक्‍माक्‍त।
1KI 11:19 फाराओमी हादाद कली शुश दाक्‍ता बाक्‍त। मिनु मेकोम आ मीश पिपीम तहपेनेस आ लोक्‍ब का गेशा ग्‍युंबे पदा बाक्‍त।
1KI 11:20 मिनु तहपेनेस आ लोक्‍बमी हादाद रे गेनुबाथ नें पाइश्‍शो तौ का थिवा बाक्‍त। मिनु तहपनेसमी मेको आल कली दूध प्रोंइपाइश्‍शा फाराओ आ खिंम थुला बाक्‍त। मिनु गेनुबाथ फाराओ आ आलपुकी नुन कोल्‍माक्‍त।
1KI 11:21 मिनु हादाद इजीप्‍तम बाक्‍मेनु, मेकोम दाऊद बेक्‍शो नु मेको आ लडाइ पाइब आन ठेयब मुर योआब यो बेक्‍ने थुम्‍शो लोव़ नेना बाक्‍त। मिनु हादादम फाराओ कली “आं कली आं रागी लेत्‍चा गेयीनी” देंमाक्‍त।
1KI 11:22 तन्‍न फाराओम मेको कली “आं रागीम इन कली मार मजाक्‍दीम्‍मे? मिनु ‘आं रागी लेश्‍शा लाइनुङ’ देंनी” दे हिल्‍लो पवा बाक्‍त। मिनु मेकोमी “मारेइ माल्‍शो मबाक्‍ब। तन्‍न आं कली लचा गेयीनी” देंमाक्‍त।
1KI 11:23 मिनु परमप्रभुम सोलोमन आ पर्बम अर्को जोरी सत्रु का यो पोक्‍गा बाक्‍त। मेको एल-आदा आ तौ रेसोन बाक्‍माक्‍त। मेको आ होव़प सोबाह ङा पिप हादादेजेर रे प्रोक्‍शा लशो बाक्‍माक्‍त। २सामुएल ८:३
1KI 11:24 मिनु दाऊदम सोबाह ङा लडाइ पाइब आन कली सदानु, मेको रेसोनमी आ मुर आन कली खुप्‍ता बाक्‍त। मिनु मेको मरिम्‍शो पाइब आन हुल ङा ठेयब मुर दुम्‍माक्‍त। मिनु मेको मरिम्‍शो पाइब आन हुल दमस्‍कस लमा बाक्‍त। मिनु मेकोपुकीम मेकेर ग्राशा दमस्‍कस आन के सेल्‍मे बाक्‍त। मिनु मेको मेकेर ङा पिप दुम्‍माक्‍त। २सामुएल १०:१८
1KI 11:25 रेसोन सोलोमन बाक्‍म सम्‍मन इस्राएल आ जोरी सत्रु दुम्‍माक्‍त। मिनु हादाद आ मरिम्‍शो पशोम, मेकोम मरिम्‍शो तेम्‍दा बाक्‍त। मिनु अरामम हुकुम पवा बाक्‍त। मिनु मेको इस्राएल आ जोरी सत्रु दुम्‍‍माक्‍त।
1KI 11:26 एफ्राइम आ थर, सेरेदाह सहर ङा नेबात आ तौ येरोबाम सोलोमन आ गेय पाइब बाक्‍माक्‍त। मेको आ ममा आ नें सेरूआह बाक्‍माक्‍त। मेको आ वोंइश बेक्‍शो मीश मुर बाक्‍माक्‍त। मेको येरोबाममी यो सोलोमन कली श्‍येत गेचा गोवा बाक्‍त।
1KI 11:27 मेकोमी पिप कली मार पवा बाक्‍त देंशा हना, सोलोमनम मेको कली मिल्‍लो बोल्‍यो दरवार सेल्‍पाइश्‍शो नु आ आफ दाऊद आ सहर ङा ब्रेश्‍शो गारो सुपाइश्शो बाक्‍माक्‍त। १राजा ९:१५,२४
1KI 11:28 येरोबाम थाम्‍पा गेय पाइब मुर का बाक्‍माक्‍त। मेको ठिटा मुर आ गेय पशो तशा, सोलोमनमी मेको कली योसेफ आ खिं ङा गेय पाइब आन कली कोव़ब मुर सेला बाक्‍त।
1KI 11:29 मिनु येरोबाम यरूसलेम रे अर्को रागी लना लन बाक्‍माक्‍त। मेना परमप्रभु यावे आ लोव़ पाइब शिलो सहर ङा अहीयाहमी मेको कली लांम ग्रुमा बाक्‍त। अहीयाहम नक वा फेक्‍शो बाक्‍माक्‍त। लांम ग्रुम्‍सानु मेको निक्‍शी ला बाक्‍सा बाक्‍त।
1KI 11:30 मिनु अहीयाहमी मेको आ फेक्‍शो नक वा खाक्‍शा १२ टुक्रा सेला बाक्‍त।
1KI 11:31 मिनु मेकोमी येरोबाम कली “१० टुक्रा गुम्‍सो। मारदे हना परमप्रभु यावे, इस्राएली आन परमप्रभुमी ‘गो एको राज्‍य सोलोमन आ गुइ रे रोइक्‍नुङ। मिनु इ कली १० थर गेनन। १राजा १२:१५; १राजा १४:२
1KI 11:32 थर का मेको केन लीब। आं गेय पाइब दाऊद नु यरूसलेम आ पर्बम मोदेंशो दुम्‍ब। मारदे हना गो यरूसलेम सहर इस्राएली आन थर नेल्‍ल आन दाते रे आं के दुम्‍पाइश्‍शा योव़ता। भजन संग्रह १३२:१३
1KI 11:33 मेकोमी आं कली प्रोंइतीके, गो मो पाइनुङ। मेकोमी सीदोनी आन देवी अश्‍‍तोरेथ, मोआब ङा देवता केमोश नु अम्‍मोनी आन देवता मोलेक कली पूजा पाप्‍तु। मेको आं लांम मगा। मेकोमी आं ङोंइती मार ठीक बाक्‍मे, मेको मपावो। मेकोम आ आफ दाऊदम पशो खोदेंशो पा, आं फुल्‍लुम मुशा ब्रेक्‍शो लोव़ नु आं निसाफ पतीक लोव़ मपावो। मोलेक देवता कली मिल्‍कोम यो देंशो बाक्‍त।
1KI 11:34 मो हना यो गो मेको आ राज्‍य नेल्‍ल मरोइक्‍नुङ। गो मेको कली मबेक्‍म सम्‍म सासन पाइब सेल्‍नुङ। मेको आं योव़शो गेय पाइब नु आं शेंशो नु आं फुल्‍लुम मुशा ब्रेक्‍शो लोव़ टीब दाऊद आ पर्बम मोदेंशो पाइनुङ। २सामुएल ७:१२
1KI 11:35 तन्‍न गो मेको आ राज्‍य आ तौ रे १० थर रोइश्‍शा इ कली गेनन।
1KI 11:36 थर का चहिं गो मेको आ तौ कली गेनुङ। मोपा आं योव़शा बाक्‍शो सहर यरूसलेमम आं गेय पाइब दाऊद आ मुर का लीमल। १राजा १५:४; २राजा ८:१९
1KI 11:37 गो इ कली सासन पपाइक्‍नुङ। गे इ दाक्‍शो नेल्‍ल आन कली सासन पाइनेवे। गे इस्राएल ङा पिप दुम्‍नेवे।
1KI 11:38 मिनु गे आं गेय पाइब दाऊद खोदेंशो पा आं शेंशो नेल्‍ल पाप्‍तीवी नु आं लांम गाक्‍ते हना, आं ङोंइती मार ठीक बाक्‍मे, मेको नेल्‍ल पाप्‍‍तीवी हना, आं फुल्‍लुम मुशा ब्रेक्‍शो लोव़ नु आं शेंशो नेल्‍ल आं गेय पाइब दाऊदम खोदेंशो पा टिप्‍‍तीवी हना, गो गे नु बाक्‍नुङ। गो इ खिं कली गेना हना यो लीपाइक्‍नुङ। मिनु इस्राएल इ कली गेनन। १राजा ९:४
1KI 11:39 मिनु गो दाऊद आ चच युइ आन कली सजाइ गे‍नुङमी। तन्‍न गेना हना यो कली ममाइ’ दे परमप्रभुम देंशो बाक्‍ब” देंमाक्‍त।
1KI 11:40 मोपतीके सोलोमनमी येरोबाम कली साइक्‍चा मला बाक्‍त। तन्‍न येरोबाम इजीप्‍त ङा पिप शीशक आ बाक्‍तीक प्रोक्‍शा लमाक्‍त। मिनु सोलोमन मबेक्‍म सम्‍म मेकेर बाक्‍माक्‍त। १राजा १४:२५
1KI 11:41 मिनु सोलोमनम पशो अरु गेय, आ जोक्‍तीक तुइक्‍तीक, मार, मेको सोलोमन आ इतिहासम ब्रेक्‍शो मबाक्‍बा ङा? २इतिहास ९:२९-३१
1KI 11:42 सोलोमनमी यरूसलेमम बाक्‍शा, इस्राएली नेल्‍ल आन कली ४० बर्स सम्‍म सासन पवा बाक्‍त।
1KI 11:43 मिनु नोले मेको बेक्‍माक्‍त। मिनु आ आफ दाऊद आ सहरमी थिम्‍चा पुंइसे बाक्‍त। मिनु मेको आ पा ङा आ तौ रेहोबाम पिप दुम्‍माक्‍त।
1KI 12:1 रेहोबाम शेकेम सहर लमाक्‍त। मारदे हना इस्राएली नेल्‍ले मेको कली पिप सेल्‍चा कली मेकेर लशो बाक्‍मा बाक्‍त।
1KI 12:2 मिनु नेबात आ तौ येरोबामम मेको लोव़ नेना बाक्‍त। मेको मेना सम्‍म इजीप्‍त रागीमी बाक्‍शो बाक्‍माक्‍त। मेको सोलोमन पिप क्‍येङा प्रोक्‍शा, लशो बाक्‍माक्‍त। मिनु येरोबाम इजीप्‍त रे लेम्‍माक्‍त। १राजा ११:४०
1KI 12:3 मोपतीके मुरपुकीम येरोबाम कली ब्रेत्‍थ सोइक्‍तमे बाक्‍त। मिनु मेको नु इस्राएली नेल्‍ल जाक्‍शा रेहोबाम कली
1KI 12:4 “इन आफोमी आंइ कली शुश श्‍येत गेप्‍तु। मिनु मुल गे इन आफ खोदेंशो मपथु, आंइ कली मोदेंशो श्‍येत रे प्रोनीन। मिनु गो इन गेय पाइब दुम्‍नीकी” देंमा बाक्‍त।
1KI 12:5 मिनु रेहोबामम मेको आन कली “आं कली नाक्‍त सां सम्‍म मिम्‍चा गेयीनी। मिनु लेंशा जाक्‍कीन” देंमाक्‍त। मोपतीके मुरपुकी खिं लमा बाक्‍त।
1KI 12:6 मिनु पिप रेहोबाममी आ आफ सोलोमन आ पाला ङा सल्‍ला गेब खाल्‍पापुकी नु सल्‍ला पुंइशा “एको मुर आन कली गो मार देंङ, गे मार सल्‍ला गेनीनी?” दे हिल्‍लो पामी बाक्‍त।
1KI 12:7 मिनु मेकोपुकीमी “मुलाक्‍त गे मेको मुर आन कली रिम्‍शो पाइतीनी हना, गे मेको आन गेय पाइब खोदेंशो दुमीन। मिनु मेको आन कली रिम्‍शो लोव़ पने। मिनु नोले मेकोपुकी गेना हना यो इन गेय पाइब दुम्‍नीम” देंमा बाक्‍त।
1KI 12:8 तन्‍न मेकोमी मेको खाल्‍पा आन सल्‍ला मबिस्‍से बाक्‍त। मिनु मेकोमी आ खोदेंशो आ नु कोल्‍शो सल्‍ला गेब ठिटा आन कली सल्‍ला पुना बाक्‍त।
1KI 12:9 मिनु मेकोमी मेको आन कली “गे मार देंनीनी? मुरपुकीमी ‘इन आफोम शुश श्‍येत गेप्‍तु’ देंतेक्‍म। मुल गो मेको आन कली मार देंचा माल्‍नुङा?” दे हिल्‍लो पामी बाक्‍त।
1KI 12:10 मिनु मेको नु कोल्‍शो ठिटापुकीम मेको कली “इन कली ‘इन आफोम शुश श्‍येत गेप्‍तु, मुल गे आंइ कली मेको श्‍येत रे प्रोनीन’ देंब आन कली गे मार देंचा माल्‍नीनी देंशा हना ‘आं आइक्‍च ब्रेप्‍चो आं आफ आ क्रातो क्‍येङा यो ठेयब बाक्‍ब।
1KI 12:11 आं आफोम इन कली श्‍येत गेप्‍तु। मुल गो इन कली मेको क्‍येङा यो शुश श्‍येत गे‍नुङ। आं आफोम इन कली कोक्‍केम तुप्‍पाइश्‍शो बाक्‍त। तन्‍न मुल गो इन कली बिच्‍छीम क्राइक्‍‍पाइक्‍नन्‍नी’ दे मतीन” देंमा बाक्‍त।
1KI 12:12 मिनु पिपमी नाक्‍त सां नोले जाक्‍कीन, दे सोइश्‍शो येरोबाम नु मुर नेल्‍ले पिप रेहोबाम आ बाक्‍तीक जाक्‍मा बाक्‍त।
1KI 12:13 मिनु पिपमी मेको खाल्‍पा आन गेशो सल्‍ला मनेंथु, मेको आन कली मरिम्‍शो लोव़ पाइक्‍मी बाक्‍त। हितोपदेस १५:१
1KI 12:14 मेको ठिटा आन गेशो सल्‍ला बिश्‍शा, मुर आन कली “आं आफोम इन कली श्‍येत गेप्‍तु। मुल गो इन कली मेको क्‍येङा यो शुश श्‍येत गेनुङ। आं आफोमी इन कली कोक्‍केम तुप्‍पाइश्‍शो बाक्‍त। तन्‍न मुल गो इन कली बिच्‍छीम क्राइक्‍‍पाइक्‍नन्‍नी” दे मा‍इक्‍मी बाक्‍त।
1KI 12:15 मोपा पिपम मेको मुर आन लोव़ मनेना बाक्‍त। मारदे हना, शिलो सहर ङा अहीयाह रे पा नेबात आ तौ येरोबाम कली देंशो लोव़ गाप्‍चा कली परमप्रभु यावेमी मोदेंशो पशो बाक्‍माक्‍त। १राजा ११:२९-३१
1KI 12:16 मिनु इस्राएली नेल्‍लेमी पिपम मेको आन लोव़ मनेंशो तुइश्‍शा, मेकोपुकीम पिप कली “दाऊद नु आंइ के ततीक मार बाक्‍बा ङा? येस्‍से आ तौ नु आंइ के ततीक मारेइ मबाक्‍ब। इस्राएली, आंम आंम खिं लेतीन। दाऊद गे आंम थुती थाती पांइसो” देंमा बाक्‍त। मोपतीके इस्राएली आन आन खिं लेम्‍मा बाक्‍त। २सामुएल २०:१
1KI 12:17 तन्‍न पिप रेहोबामम यहूदा ङा सहरम बाक्‍ब इस्राएली आन कली सासन पना पन बाक्‍माक्‍त।
1KI 12:18 मिनु पिप रेहोबामम वाइल आन गेय कोव़ब अदोराम कली सोइक्‍ता बाक्‍त। तन्‍न इस्राएली नेल्‍लेम मेको कली फुल्‍लु आप्‍शा सदमे बाक्‍त। मोपतीके पिप रेहोबाम रीब पा आ बग्‍गी ङोइश्‍शा यरूसलेम प्रोक्‍माक्‍त।
1KI 12:19 मोपतीके मेको नाक्‍त रे मुल सम्‍म इस्राएलीपुकी दाऊद आ खिं ङा मुर नु जोरी सत्रु दुम्‍शो बाक्‍नीम।
1KI 12:20 मिनु इस्राएली नेल्‍लेमी “येरोबाम लेश्‍शा जाक्‍शो बाक्‍ब” देंशो लोव़ नेंशा, मेको कली ब्रेत्‍थ सोइक्‍तमे बाक्‍त। मिनु मेको कली इस्राएल ङा पिप सेल्‍मे बाक्‍त। यहूदा आ थर ङा मुर ला दाऊद आ खिं ङा मुर आ नोले खोदमे बाक्‍त।
1KI 12:21 मिनु सोलोमन आ तौ रेहोबाम यरूसलेमम जाक्‍शा, इस्राएली नु लडाइ पा आ राज्‍य लेत्‍चा कली यहूदा नु बेन्‍यामीन आस थर ङा लाख का ८० हजार लडाइ पाइब आन कली खुप्‍ती‍मी बाक्‍त।
1KI 12:22 तन्‍न परमप्रभुमी आ मुर शेमायाह कली लोव़ पवा बाक्‍त।
1KI 12:23 मार लोव़ पवा बाक्‍त देंशा हना “सोलोमन आ तौ यहूदा ङा पिप रेहोबाम, यहूदा नु बेन्‍यामीन आस थर ङा मुर नेल्‍ल नु लीशो मुर आन कली,
1KI 12:24 परमप्रभु यावेमी ‘गेपुकी आंम लोक्‍ब इस्राएली नु लडाइ पचा कली इर मलने। गे नेल्‍ल इन खिं खिं लेश्‍शा लने। मारदे हना एको आं मिम्‍शा पशो बाक्‍ब’ देंनो” देंमाक्‍त। मोपतीके मेकोपुकी परमप्रभु यावे आ देंशो खोदेंशो पा लडाइ पथ मलथु, आन खिं खिं लेश्‍शा लमा बाक्‍त।
1KI 12:25 मेको नोले येरोबाममी एफ्राइम ङा पहाडम बाक्‍शो शेकेम सहर सेला बाक्‍त। मिनु आ रागी बोल्‍यो सेल्‍शा, मेकेर बाक्‍माक्‍त। मेकेर रे लशा मेकोम पेनुएल सहर सेला बाक्‍त।
1KI 12:26 मिनु येरोबामम आ थुंमी “एको राज्‍य दाऊद आ खिं गेन लेश्‍शा लाइब।
1KI 12:27 एको मुरपुकी गेना हना यो परमप्रभु यावे आ खिं यरूसलेमम चढ़ेथ लाम्‍तेक्‍म हना, मेको आन थुं आन ठेयब मुर यहूदा आ खिं ङा पिप रेहोबाम गे लेप्‍ब। मेकोपुकीम आं कली साइश्‍शा यहूदा ङा पिप रेहोबाम गे लेत्‍नीम” दे मिम्‍शो बाक्‍माक्‍त।
1KI 12:28 मिनु पिपम सल्‍ला पा सुन के बाछा निक्‍शी सेल्‍पदा बाक्‍त। मिनु मेकोम मुर आन कली “गे मुल यरूसलेम लशा शुश श्‍येत जाइनीनी। इस्राएली, इन कली, इजीप्‍त रे ग्रुंइशा चाक्‍ब देवता एकेन बाक्‍नीम” दे माइक्‍मी बाक्‍त। प्रस्‍थान ३२:४,८
1KI 12:29 मिनु मेकोमी मेको बाछा का बेथेल सहरम नु का चहिं दानम वोदा बाक्‍त। न्‍यायाधीस १८:३०
1KI 12:30 मिनु मेको मो पशो इस्राएलमी पाप दुम्‍माक्‍त। मुरपुकी मेको देवता आस कली पूजा पचा कली बेथेल नु दान सम्‍म लाइबाक्‍मा बाक्‍त। १राजा १४:१६
1KI 12:31 मिनु येरोबामम डांडा तार यो पूजा पतीक थानपुकी सेला बाक्‍त। मिनु मेकेर लेवी आन मुर मबाक्‍तेक्‍म हना यो अर्को थर ङा मुर रे चढ़ेबपुकी योव़शा वोइक्‍मी बाक्‍त।
1KI 12:32 मिनु येरोबामम ८ महिना ङा १५ नाक्‍त यहूदा ङा चाड खोदेंशो पा चाड का मानेतीक नाक्‍त सेला बाक्‍त। मिनु थानपुकीम क्‍योरशा चढ़ेपपाइक्‍मी बाक्‍त। मेकोमी आ सेल्‍शो बाछा आस कली यो मार मार क्‍योरशा चढ़ेपपाइक्‍मी बाक्‍त। मेकोमी बेथेलम आ सेल्‍शो डांडा ङा थानपुकीमी यो चढ़ेब आन कली योव़शा वोइक्‍मी बाक्‍त।
1KI 12:33 मेकोम ८ महिना ङा १५ नाक्‍त आ देंशो ना बेथेल ङा आ सेल्‍शो चढ़ेतीकेम मार मार चढ़ेवा बाक्‍त। मोपा मेकोम इस्राएली आन कली चाड का मानेतीक नाक्‍त सेला बाक्‍त। मिनु मेकोमी धूप चोवा बाक्‍त।
1KI 13:1 मिनु येरोबाम धूप चोचा कली चढ़ेतीक आ नेक्‍था राम्‍मेनु, परमप्रभु आ मुर का परमप्रभु यावे आ लोव़ कुरशा यहूदा रे बेथेलम जाक्‍माक्‍त।
1KI 13:2 मिनु मेकोमी मेको चढ़ेतीक आ पर्बम परमप्रभु यावे आ लोव़ पा “ए चढ़ेतीके! ए चढ़ेतीके! परमप्रभु यावेमी ‘दाऊद आ खिं रे योसीयाह नें पाइश्‍शो आल का जरमेब। मिनु मेकोमी इर थान ङा धूप चोइब चढ़ेब आन कली क्‍योरशा इ तार चढ़ेब। मेको आन रुश इ तार चोइब’ देंशो बाक्‍ब” देंमाक्‍त। २राजा २३:१६,२०
1KI 13:3 मेको नाक्‍त मेको मुरुमी चि‍न्‍ड का कोंइदा बाक्‍त। मेकोमी “परमप्रभु यावे आ लोव़ आ चिन्‍ड मार बाक्‍ब देंशा हना, मेको चढ़ेतीक ब्रेप्‍ब। मिनु मेकेर बाक्‍शो पुलु चहिं लाङगाम ब्राइब” देंमाक्‍त।
1KI 13:4 मिनु येरोबामम परमप्रभु आ मुरुम बेथेल ङा चढ़ेतीक आ पर्बम ठेयब सेंदा पा देंशो लोव़ नेना बाक्‍त। मिनु मेकोम चढ़ेतीक रे आ गुइ दिंशा “मेरे कली ग्‍याइक्‍तीन” देंमाक्‍त। तन्‍न येरोबाम आ गुइ मुक्‍ने मचबा बाक्‍त।
1KI 13:5 परमप्रभु यावे आ लोव़मी आ मुर रे देंशो लोव़ गाप्‍शा, चढ़ेतीक ब्रेम्‍माक्‍त। पुलु यो लाङगाम ब्रमाक्‍त।
1KI 13:6 मिनु पिपमी परमप्रभु आ मुर कली “आं गुइ ङोंइती ङा खोदेंशो दुम्‍ल, दे परमप्रभु यावे, इन परमप्रभु कली आं पर्बम पुनीन” देंमाक्‍त। मिनु पिप आ देंशो खोदेंशो पा मेको परमप्रभु आ मुरुम परमप्रभु यावे कली पुना बाक्‍त। मिनु पिप आ गुइ ङोंइती ङा खोदेंशो दुम्‍माक्‍त। प्रस्‍थान ८:४
1KI 13:7 मिनु पिपम परमप्रभु आ मुर कली “गो नु आं खिं गाक्‍कीन। मिनु मारेइ जचा थोव़क जने। मिनु गो इन कली कोसेली गेन‍न्‍नी” देंमाक्‍त।
1KI 13:8 तन्‍न मेको परमप्रभु आ मुरुमी पिप कली “गे आं कली इन राज्‍य उइक्‍थ पा योक्‍शा गेतीनी हना यो, गो इन खिं मलाइनुङ। गो जचा थोव़क यो मजाइनुङ, ब्‍वाक्‍कु यो मतूनुङ।
1KI 13:9 मारदे हना परमप्रभु यावेमी आं कली ‘गे मेकेर जचा थोव़क मजावो। ब्‍वाक्‍कु यो मतूङो। मिनु इ लशो लां रे लेश्‍शा मपिवो’ देंशो बाक्‍ब” देंमाक्‍त।
1KI 13:10 मोपतीके मेको अर्को लां रे पा लेम्‍माक्‍त। ङोंइती बेथेल जाक्‍शो लां रे मलेम्‍माक्‍त।
1KI 13:11 मेना बेथेलमी खूशो परमप्रभु यावे आ लोव़ पाइब मुर का बाक्‍माक्‍त। मिनु मेको आ तौपुकी जाक्‍शा, मेको नाक्‍त परमप्रभु आ मुरुम बेथेलम पशो गेय नेल्‍ल शेंदमे बाक्‍त। मेकोपुकीम मेकोमी पिप कली देंशो लोव़ यो आन आफ कली शेंदमे बाक्‍त।
1KI 13:12 मिनु मेको आन आफोमी मेको आन कली “मेको तेको लां रे लम?” दे हिल्‍लो पामी बाक्‍त। मिनु आ तौपुकीम यहूदा रे जाक्‍शो मेको परमप्रभु आ मुर लशो लां कोंइदमे बाक्‍त।
1KI 13:13 मिनु मेकोमी आ तौ आन कली “आं कली गधा काम लगम पाइश्‍शा गेयीनी” दे माइक्‍मी बाक्‍त। मिनु मेकोपुकीम मेको कली गधा काम लगम पाइश्‍शा गेमे बाक्‍त। मिनु मेको गधाम ङोइश्‍शा, मेको मुर आ नोले खोदा बाक्‍त।
1KI 13:14 मिनु मेकोमी परमप्रभु आ मुर माल्‍शा, मेको कली रवा आ पुंमी नाइश्‍शा बाक्‍शो थिदा बाक्‍त। मिनु मेकोमी मेको कली “यहूदा रे जाक्‍शो परमप्रभु आ मुर गेन ननी?” दे हिल्‍लो पवा बाक्‍त। मिनु मेकोम “ओं, गोन नङ” देंमाक्‍त।
1KI 13:15 मिनु मेकोमी मेको कली “गो नु आं खिं लशा, मारेइ जचा थोव़क जने” देंमाक्‍त।
1KI 13:16 तन्‍न मेकोमी “गो गे नु लेश्‍शा लने मचाप्‍नुङ। इन खिंम ओव़ने मचाप्‍नुङ। गो एको रागीम मारेइ जने तूने मचाप्‍नुङ।
1KI 13:17 मारदे हना परमप्रभु यावेमी ‘गे मेको रागीम जचा थोव़क मजावो। ब्‍वाक्‍कु यो मतूङो। इ लशो लां रे मले‍तो’ देंशो बाक्‍ब” देंमाक्‍त।
1KI 13:18 मिनु मेको परमप्रभु यावे आ लोव़ पाइब खूशोमी मेको कली “गो यो इन खोदेंशो परमप्रभु यावे आ लोव़ पाइब नङ। मिनु परमप्रभु यावे आ स्‍वर्ग ङा गेय पाइब काम गो नु जचा तूचा कली इन कली आं खिंम चाक्‍चा माल्‍नेवे दें‍त” देंमाक्‍त। तन्‍न मेकोमी मेको कली जोल पाइश्‍शो बाक्‍माक्‍त।
1KI 13:19 नोले मेको परमप्रभु आ मुर लेश्‍शा, मेको नु लमाक्‍त। मिनु मेको आ खिंम जवा तूङा बाक्‍त।
1KI 13:20 मिनु मेकोपुकी जना जन बाक्‍मानु, परमप्रभु यावेमी मेको लेश्‍शा चाक्‍ब, आ लोव़ पाइब खूशो कली लोव़ पपदा बाक्‍त।
1KI 13:21 मिनु मेकोमी यहूदा रे जाक्‍शो, परमप्रभु आ मुर कली ठेयब सेंदा पा “परमप्रभु यावेमी ‘गे परमप्रभु यावे आ लोव़ मटि‍वी। मिनु गे परमप्रभु यावे, इ परमप्रभु आ अरेशो मटिवी।
1KI 13:22 मेको आ मजावो, मतूङो देंशो रागीम लेश्‍शा, जथ तूथ जाक्‍ते। मोपतीके मुल इ बेक्‍शो रां इ किकी पिपी आन तुरसुम मथिम्‍सीब’ देंशो बाक्‍ब” देंमाक्‍त।
1KI 13:23 मिनु मेको परमप्रभु आ मरुम जने तूने थुमा नोले, मेको कली लेश्‍शा चाक्‍ब परमप्रभु यावे आ लोव़ पाइब खूशोमी मेको कली आ लगम पाइश्‍शो गधा गेवा बाक्‍त।
1KI 13:24 मिनु मेको लना लन बाक्‍मेनु लांम गुप्‍स का ग्रूशा मेको कली सदा बाक्‍त। मिनु मेको आ बेक्‍शो रां लांम गोल्‍शा लीमाक्‍त। गधा मेको आ नेक्‍थान राप्‍शा बाक्‍शो बाक्‍माक्‍त। मिनु गुप्‍स यो मेको आ नेक्‍था राप्‍शा बाक्‍शो बाक्‍माक्‍त। १राजा २०:३६
1KI 13:25 मिनु मेको लां रे पा गाक्‍ब मुरपुकीम मेको आ बेक्‍शो रां लांम गोल्‍शा बाक्‍शो नु गुप्‍स मेको आ नेक्‍थान बाक्‍शो तामे बाक्‍त। मिनु मेकोपुकीम मेको खूशो परमप्रभु यावे आ लोव़ पाइब आ सहर लशा, मेको लोव़ शोव़ङमे बाक्‍त।
1KI 13:26 मिनु मेको कली लां रे लेश्‍शा चाक्‍ब मेको खूशो परमप्रभु यावे आ लोव़ पाइबमी मेको लोव़ नेना बाक्‍त। मिनु मेकोम “मेको परमप्रभु आ मुर बाक्‍ब। मेकोम परमप्रभु यावे आ लोव़ मटिशो बाक्‍त। मोपतीके परमप्रभु यावेम मेको कली गुप्‍स कली गेवा बाक्‍त। मिनु परमप्रभु यावेम मेको आ पर्बम पशो लोव़ गाप्‍चा कली गुप्‍सम मेको कली सदा बाक्‍त” देंमाक्‍त
1KI 13:27 मिनु मेको परमप्रभु यावे आ लोव़ पाइब खूशोमी आ तौ आन कली “आं कली गधा काम लगम पाइश्‍शा गेयीनी” दे माइक्‍मी बाक्‍त। मिनु गधाम लगम पाइश्‍शा गेमे बाक्‍त।
1KI 13:28 मिनु मेको लमेनु, मेको मुर बेक्‍शा लांम गोल्‍शा बाक्‍शो नु गधा नु गुप्‍स मेको आ नेक्‍था राप्‍शा बाक्‍शो थिदा बाक्‍त। मेको गुप्‍सम मेको बेक्‍शो मुर कली मब्‍वशो बाक्‍माक्‍त। गधा कली यो मसाइश्‍शो बाक्‍माक्‍त।
1KI 13:29 मिनु मेको परमप्रभु यावे आ लोव़ पाइब खूशोमी मेको परमप्रभु आ मुर आ बेक्‍शो रां गुप्‍शा गधाम वोदा बाक्‍त। मिनु मेको आ पर्बम रोंका पा थिम्‍चा कली आ सहरमी चाक्‍गा बाक्‍त।
1KI 13:30 मिनु मेकोम मेको बेक्‍शो मुर कली आ तुरसुमीन थिमा बाक्‍त। मिनु मेकोपुकीम “ए आंइ लोक्‍ब, ए आंइ लोक्‍ब” दे रोंका पामे बाक्‍त। येरमीया २२:१८
1KI 13:31 मिनु मेको कली थिम्‍ने थुम्‍शा, मेको परमप्रभु यावे आ लोव़ पाइब खूशोमी आ तौ आन कली “गो बेक्‍ङा नोले आं कली यो मेकेर वोतीन। आं रुश मेको परमप्रभु आ मुर आ नेक्‍था लीमल।
1KI 13:32 मारदे हना मेको मुर आ देंशो, बेथेलम बाक्‍शो परमप्रभु यावे कली चढ़ेतीक नु सामरीया सहर ङा डांडा ङा थान आन पर्बम देंशो नेल्‍ल थमा पा गाप्‍ब” देंमाक्‍त।
1KI 13:33 मिनु मेको नोले यो येरोबामम आ मरिम्‍शो पतीक मप्रोना बाक्‍त। मेकोम डांडाम बाक्‍शो थानम थर नेल्‍ल ङा मुर रे चढ़ेब योव़शा वोइक्‍ना वोइक्‍न बाक्‍माक्‍त। सुइ मुर चढ़ेब दुम्‍चा दाक्‍ताक्‍व हना, मेको कली तेकोइ डांडा का ङा चढ़ेब सेल्‍शा वोदा बाक्‍त। १राजा १२:३१; प्रस्‍थान २८:४१
1KI 13:34 मेको येरोबाम आ खिं ङा पाप बाक्‍त। मोपतीके मेको आ खिं मलीथु, रागी रे क्‍याम्‍चा पुंइसे बाक्‍त।
1KI 14:1 मिनु येरोबाम आ तौ अबीयाह रोइ पवा बाक्‍त।
1KI 14:2 मिनु येरोबाममी आ मीश कली “गे येरोबाम आ मीश नवे, दे मुरुम मतुइक्‍पाइक्‍चा ङा पा वा फेक्‍सो। मिनु शिलो सहरम लावो। मेकेर परमप्रभु यावे आ लोव़ पाइब अहीयाह बाक्‍ब। मेकोम आं कली एको मुर आन पिप दुम्‍नेवे देंशो बाक्‍त। १राजा ११:२९-३१
1KI 14:3 मिनु गे १० ओटा शोब्‍ले, आइक्‍च बटुक नु गर का खुदो लाइश्‍शा, मेको आ बाक्‍तीक लावो। मिनु मेकोमी आल कली मार दुम्‍बा, मेको इ कली शेंब” दे मदा बाक्‍त।
1KI 14:4 मोपतीके येरोबाम आ मीशेम मेकोम देंशो खोदेंशो पवा बाक्‍त। मिनु मेको रीब पा शिलो अहीयाह आ खिं लमाक्‍त। मेना अहीयाह मिक्‍च मताइब दुम्‍शो बाक्‍माक्‍त। मारदे हना मेको खूशो दुम्‍‍शो बाक्‍माक्‍त।
1KI 14:5 तन्‍न परमप्रभु यावेमी अहीयाह कली “येरोबाम आ मीश आ रोइ पशो तौ आ पर्बम इ कली हिल्‍लो पथ जाक्‍ब। मिनु गे मेको कली आं देंशो लोव़ मतो” देंमाक्‍त। मिनु मेको अर्को मीश मुर दुम्‍खु पा जाक्‍माक्‍त।
1KI 14:6 मिनु अहीयाहमी आ लाप्‍चोम खोइल थेक्‍शो नेंशा, मेको कली “ए येरोबाम आ मीश खिंङगा पिवो। गे मारदे अर्को मीश मुर खोदेंशो दुम्‍खु पवी? गो इ कली मरिम्‍शो लोव़ देंचा माल्‍नुङ।
1KI 14:7 गे येरोबाम कली परमप्रभु यावे, इस्राएली आन परमप्रभुमी ‘गो इ कली मुर आन दाते ङा ठेयब मुर सेल्‍ता। मिनु आं मुर इस्राएली, आन कली सासन पाइब सेल्‍तन। १राजा ११:३७
1KI 14:8 गो दाऊद आ खिं ङा मुर रे राज्‍य ख्रोइश्‍शा, इ कली गेतन। तन्‍न गे आं गेय पाइब दाऊद खोदेंशो मदुमे। मेकोमी आं ङोंइती मार ठीक बाक्‍मे, मेको पना पन आं देंशो टिप्‍तु। मिनु आ थुं नेल्‍लेम आं नोले खोइक्‍ती।
1KI 14:9 तन्‍न गे इ क्‍येङा ङोंइती ङा मुर नेल्‍ल आन क्‍येङा यो शुश मरिम्‍शो पाप्‍तीवी। गे इ कली यपाइश्‍शा देवी देवता आन मूर्ति सेल्‍शा, आं कली गाइक्‍पाइक्‍ती। मिनु गे नोले शोंइसाक्‍वे।
1KI 14:10 मोपतीके गो येरोबाम आ खिंम श्‍येत चाक्‍शा, मरिम्‍शो पाइनुङ। गो इस्राएलम बाक्‍शो येरोबाम आ खिं ङा वोंइश मुर, वाइल बाक्‍तेक्‍म हना यो, अरु मुर बाक्‍तेक्‍म हना यो, नेल्‍ल आन कली साइक्‍नुङमी। गो मेको आन कली मनुम्‍मा सम्‍म येरोबाम आ खिं कली गोबर चोशो खोदेंशो पा चोइनुङ। १राजा १५:२९; १राजा २१:२१
1KI 14:11 सहरम बेक्‍शो येरोबाम आ खिं ङा मुर आन कली कुचुमम ब्‍वाइनीम। मिनु रू मेर बेक्‍शो आन कली चिक्‍बीम ब्‍वाइनीम’ दे परमप्रभु यावेमी देंशो बाक्‍ब। १राजा १६:४; १राजा २१:२४
1KI 14:12 मुल गे लेश्‍शा इ खिं लावो। गे सहरम ओव़ङे चोटी इ आल बेक्‍ब।
1KI 14:13 मिनु इस्राएली नेल्‍लेमी मेको आ पर्बम रोंका पा, मेको कली थिम्‍नीम। मारदे हना मेको का ला रिम्‍शो पा थिम्‍चा पुंइसीब बाक्‍त। परमप्रभु यावे, इस्राएली आन परमप्रभुमी मेको आल कली दाक्‍ताक्‍व।
1KI 14:14 मिनु परमप्रभु यावेमी इस्राएलमी पिप का सेल्‍ब। मेकोमी येरोबाम आ खिं कली क्‍याम्‍ब। मेको मुलाक्‍तीन बाक्‍ब। १राजा १५:२९
1KI 14:15 परमप्रभु यावेम इस्राएल कली ब्‍वाक्‍कुम एर ओंथ पा हिम्‍‍शो बुदी मीलु घांस खोदेंशो सेल्‍ब। मेकोमी इस्राएली आन किकी पिपी आन कली गेशो, एको रिम्‍शो रागी रे खेरब। मिनु मेको आन कली युफ्रेटीस खोला आ आइक्‍ची हांबुम एर ओंथ ब्रपाइक्‍ब। मारदे हना मेकोपुकीम देवी आ मूर्ति पाइश्‍शो थाम सेल्‍शा, परमप्रभु यावे कली गाइक्‍पाइक्‍तेक्‍म। २राजा १७:२३
1KI 14:16 मिनु मेकोमी येरोबामम मरिम्‍शो पतीके नु इस्राएली आन कली मरिम्‍शो पपाइश्‍शो आ पर्बम इस्राएल कली प्रोंइब” देंमाक्‍त। १राजा १२:२८-३०; १राजा १३:३४
1KI 14:17 मिनु येरोबाम आ मीश बोक्‍शा, आ खिं तिरचा सहर लेम्‍माक्‍त। मिनु मेको आ खिं ङा लाप्‍चो जाक्‍मेनु, आल बेक्‍माक्‍त।
1KI 14:18 मिनु परमप्रभु यावेम आ गेय पाइब, अहीयाह रे पा देंशो खोदेंशो पा इस्राएली नेल्‍लेमी मेको आ पर्बम रोंका पा थिम्‍मे बाक्‍त।
1KI 14:19 येरोबाम आ पशो अरु गेय, मेको आ पशो लडाइपुकी, मेकोम दोदेंशो पा सासन पवा, मेको नेल्‍ल इस्राएल ङा पिप आन इतिहासम ब्रेक्‍शो बाक्‍ब।
1KI 14:20 येरोबाममी २२ बर्स सासन पवा बाक्‍त। मिनु मेको बेक्‍माक्‍त। मिनु मेको आ पा ङा आ तौ नादाब पिप दुम्‍माक्‍त। १राजा १५:२५
1KI 14:21 मिनु सोलोमन आ तौ रेहोबाम यहूदा ङा पिप दुम्‍माक्‍त। मेको ४१ बर्स दुम्‍शो बाक्‍माक्‍त। मेकोम यरूसलेम सहरम १७ बर्स सासन पवा बाक्‍त। परमप्रभु यावेमी इस्राएली आन थर नेल्‍ल आन दातेम बाक्‍चा कली मेको सहर योव़शो बाक्‍माक्‍त। रेहोबाम आ ममा आ नें नामा बाक्‍माक्‍त। मेको अम्‍मोनी का बाक्‍माक्‍त। १राजा १२:१७
1KI 14:22 यहूदा ङा मुरपुकीम परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी आन किकी पिपीम मरिम्‍शो पशो क्‍येङा यो शुश मरिम्‍शो पामे बाक्‍त। परमप्रभु यावे कली थाम्‍पा रुश पपदमे बाक्‍त।
1KI 14:23 मेकोपुकीम इर डांडा डांडा ङा थानम, देवी आ मूर्ति पाइश्‍शो थाम नु लाइश्‍शो डांडा ङा शुश सफा पाइश्‍शो रवा आन आगाम थान सेल्‍समा बाक्‍त। २राजा १६:१-४
1KI 14:24 मेको रागी ङा थानम तेल्‍लेम वोंइश मुरपुकी यो बाक्‍मा बाक्‍त। मेकोपुकीमी परमप्रभु यावेमी आन ङोंइती रे खेरशो रागी रागी ङा मुर आन ग्रांग्रा दिशो नेल्‍ल पामे बाक्‍त।
1KI 14:25 मिनु रेहोबामम सासन पवा आ ५ बर्सम इजीप्‍त ङा पिप शीशकमी यरूसलेम कली लडाइ तोवा बाक्‍त। १राजा ११:४०
1KI 14:26 मिनु मेकोमी परमप्रभु यावे आ खिं नु पिप आ खिं ङा शुश क्‍येट लाइब मारेइ मारेइ रोइश्‍शा लदा बाक्‍त। मेकोम सोलोमन आ सेल्‍शो सुन के तेक्‍तीक नेल्‍ल योल्‍दा बाक्‍त। १राजा १०:१६
1KI 14:27 मिनु पिप रेहोबामम मेको आ पा ङा कांसा के तेक्‍तीक सेल्‍शा, पिप आ खिं ङा लाप्‍चो खाल पाइब आन ठेयब मुर आन कली जिम्‍मा गेमी बाक्‍त।
1KI 14:28 मिनु पिप परमप्रभु यावे आ खिंम ओव़मेनु, मेको खाल पाइबपुकीम मेको तेक्‍तीके कुरबाक्‍मा बाक्‍त। मिनु नोले लेश्‍शा चाक्‍शा खाल पाइब आन कोठाम वोइक्‍बाक्‍मा बाक्‍त।
1KI 14:29 रेहोबाम आ पशो अरु गेय, मेको आ पशो नेल्‍ले मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
1KI 14:30 रेहोबाम नु येरोबाम आस दातेम गेना हना यो लडाइ दुम्‍स ङा दुम्‍स बाक्‍माक्‍त।
1KI 14:31 मिनु रेहोबाम बेक्‍माक्‍त। मिनु मेको आ किकी पिपी नु दाऊद आ सहरम थिम्‍चा पुंइसे बाक्‍त। मेको आ ममा आ नें नामा बाक्‍माक्‍त। मेको अम्‍मोनी बाक्‍माक्‍त। मिनु रेहोबाम आ पा ङा आ तौ अबीयाम पिप दुम्‍माक्‍त।
1KI 15:1 मिनु अबीयाम यहूदा ङा पिप दुम्‍माक्‍त। मेना नेबात आ तौ येरोबाम पिप दुम्‍शो १८ बर्स दुम्‍शो बाक्‍माक्‍त। २इतिहास १३:-
1KI 15:2 मेकोमी यरूसलेमम बर्स सां सासन पवा बाक्‍त। मेको आ ममा आ नें माकाह बाक्‍माक्‍त। मेको अबीशालोम आ तमी बाक्‍माक्‍त।
1KI 15:3 मेकोमी आ आफ खोदेंशो पा मरिम्‍शो पवा बाक्‍‍त। मेको आ किकी दाऊद खोदेंशो पा, आ थुं नेल्‍लेमी परमप्रभु यावे, आ परमप्रभु आ नोले मखोदा बाक्‍त।
1KI 15:4 मो हना यो परमप्रभु यावे, मेको आ परमप्रभुमी दाऊद आ पर्बम अबीयाम आ पा ङा पिप दुम्‍पाइक्‍चा कली तौ का गेवा बाक्‍त। मोपा यरूसलेम बोल्‍यो सेला बाक्‍‍त। १राजा ११:३६
1KI 15:5 मारदे हना दाऊदमी परमप्रभु यावे आ ङोंइती ठीक पशो बाक्‍माक्‍त। मेको परमप्रभु यावे आ देंशो रे एर ओंथ मपवा बाक्‍त। मेकोमी हित्ती उरीयाह कली मरिम्‍शो पशो ङा लाक्‍शा अरु मारेइ मरिम्‍शो मपवा बाक्‍त। २सामुएल ११:-; २सामुएल १२:९
1KI 15:6 रेहोबाम नु येरोबाम आस दातेमी लडाइ दुम्‍स ङा दुम्‍स बाक्‍माक्‍त। अबीयाम ब्रोंइम सम्‍म मोदेंशो दुम्‍‍माक्‍त।
1KI 15:7 अबीयाम आ पशो अरु गेय, मेको आ पशो नेल्‍ले, मार, मेको यहूदा ङा पिप आन इतिहासम ब्रेक्‍शो मबाक्‍बा ङा? अबीयाम नु येरोबाम आस दातेम गेना हना यो लडाइ दुम्‍स ङा दुम्‍स बाक्‍माक्‍त।
1KI 15:8 मिनु अबीयाम बेक्‍माक्‍त। मिनु मेको दाऊद आ सहरमी थिम्‍चा पुंइसे बाक्‍त। मिनु मेको आ पा ङा आ तौ आसा पिप दुम्‍माक्‍त।
1KI 15:9 आसा यहूदा ङा पिप दुम्‍माक्‍त। मेना इस्राएल ङा पिप येरोबाम पिप दुम्‍शो २० बर्स दुम्‍शो बाक्‍माक्‍त।
1KI 15:10 मिनु आसामी यरूसलेममी ४१ बर्स सासन पवा बाक्‍त। मेको आ बगे अबीशालोम आ तमी माकाह बाक्‍माक्‍त।
1KI 15:11 आसामी आ किकी दाऊद खोदेंशो पा, परमप्रभु यावे आ ङोंइती मार ठीक बाक्‍मे, मेको पवा बाक्‍त।
1KI 15:12 मेकोमी थानम बाक्‍ब तेल्‍लेम वोंइश मुर आन कली रागी रे ग्रुंइदीमी बाक्‍त। मिनु मेकोमी आ किकी पिपपुकीम सेल्‍शो मूर्ति नेल्‍ल ताइक्‍ती‍मी बाक्‍त। २राजा २३:७; २इतिहास १४:१-४
1KI 15:13 मिनु आ बगे माकाह कली राज्‍य ङा ममा रे ग्रुंइदा बाक्‍त। मारदे हना मेकोमी अशेराह देवी आ ग्रांग्रा दिशो थाम पाइश्‍शो मूर्ति का सेल्‍सीशो बाक्‍माक्‍त। आसामी मेको मूर्ति पाइश्‍शो थाम क्‍‍योरशा खोल्‍शा किद्रोन खोल्‍साम चोपाइक्‍मी बाक्‍त।
1KI 15:14 मेकोमी इर डांडा ङा थान चहिं मप्रेत्‍तीके लीमा बाक्‍त। तन्‍न आसा ब्रोंइम सम्‍म आ थुं नेल्‍लेमी परमप्रभु यावे आ नोले खोदा बाक्‍त। १राजा २२:४४
1KI 15:15 मेकोमी आं नु आ आफोम चढ़ेशो सुन, चांदी नु अरु मार मार परमप्रभु यावे आ खिंम चाक्‍पाइक्‍मी बाक्‍त।
1KI 15:16 मेको पिप आसा नु इस्राएल ङा पिप बाशा आस दातेम गेना हना यो लडाइ दुम्‍स ङा दुम्‍स बाक्‍माक्‍त। २इतिहास १६:१-६
1KI 15:17 इस्राएल ङा पिप बाशामी यहूदा कली लडाइ तोवा बाक्‍त। मिनु सुइ आन कली यहूदा ङा पिप आसा आ रागी लचा मगेथु, रामाह सहरम गारो प्रोव़शा तेक्‍गा बाक्‍त।
1KI 15:18 मोपतीके आसामी परमप्रभु यावे आ खिं नु दरवार ङा लीशो सुन नु चांदी नेल्‍ल लाइश्‍शा, आ गेय पाइब आन कली गेमी बाक्‍त। पिप आसामी मेको नेल्‍ल आ गेय पाइब आन कली गेशा, पिप ताब्रीमोन आ तौ, अराम ङा हेज्‍योन आ चच, पिप बेन-हादाद आ बाक्‍तीक सोइक्‍ती‍मी बाक्‍त। मेको दमस्‍कस सहरम बाक्‍शो बाक्‍माक्‍त। २राजा १२:१९
1KI 15:19 मिनु पिप आसामी पिप बेन-हादाद कली “इस आफ गारशो खोदेंशो पा, गो यो गारस। गो एको सुन नु चांदी कोसेली सोइक्‍ताक्‍ङ। मुल इस्राएल ङा पिप बाशा नु पशो कबल प्रोनीन। मिनु मेकोमी आं रागी प्रोनल” दे सल्‍ला पचा कली मुर सोइक्‍ता बाक्‍त।
1KI 15:20 मिनु बेन-हादादमी पिप आसा आ देंशो बिस्‍से बाक्‍त। मिनु मेकोमी आ लडाइ पाइब आन ठेयब मुर आन कली इस्राएल ङा सहर नु लडाइ पथ सोइक्‍ता बाक्‍त। मिनु मेकोपुकीम इयोन, दान, आबेल-बेथ-माकाह किन्‍नेरोथ नेल्‍ल नु नाप्‍ताली आ रागी नेल्‍ल ग्रामा बाक्‍त। २राजा १५:२९
1KI 15:21 मिनु बाशामी मेको लोव़ नेंशा, रामाह सहर कली बोल्‍यो सेल्‍चा प्रोना बाक्‍त। मिनु तिरचा लेश्‍शा लमाक्‍त।
1KI 15:22 मिनु पिप आसामी यहूदा ङा मुर नेल्‍ल आन कली “बाशामी रामाह कली बोल्‍यो सेल्‍चा कली तेल्‍शो शी फुल्‍लु चाक्‍कीन” दे अरेमी बाक्‍त। मिनु पिप आसामी मेको शी फुल्‍लुमी बेन्‍यामीन ङा गेबा नु मिस्‍पा सहर सेला बाक्‍त।
1KI 15:23 आसा आ पशो अरु गेय, मेको आ सक्ति, मेको आ पतीके, मेको आ सेल्‍शो सहर, मार, मेको यहूदा ङा पिप आन इतिहासम ब्रेक्‍शो मबाक्‍बा ङा? मिनु मेको खूशो दुम्‍मेनु, आ खोइल रोइ पवा बाक्‍त। २इतिहास १६:११-१४
1KI 15:24 मिनु आसा बेक्‍माक्‍त। मिनु मेको आ किकी पिपी नु दाऊद आ सहरम थिम्‍चा पुंइसे बाक्‍त। मिनु मेको आ पा ङा तौ येहो-शाफात पिप दुम्‍माक्‍त। १राजा २२:४१
1KI 15:25 येरोबाम आ तौ नादाब इस्राएल ङा पिप दुम्‍माक्‍त। मेना आसा यहूदा ङा पिप दुम्‍शो बर्स निक्‍शी दुम्‍शो बाक्‍माक्‍त। मिनु पिप नादाबमी इस्राएलम बर्स निक्‍शी सासन पवा बाक्‍त।
1KI 15:26 मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मेको आ आफोम खोदेंशो पा पाप पा मेको आ लांम गाक्‍माक्‍त। मिनु आ आफोमी इस्राएली आन कली पपाइश्‍शो पाप यो पवा बाक्‍त। १राजा १२:२८-३०
1KI 15:27 मिनु इस्‍साकार आ खिं ङा मुर अहीयाह आ तौ बाशाम मेको कली मरिम्‍शो पचा गोवा बाक्‍त। मिनु बाशामी मेको कली गिब्बेथोन सहरम तुप्‍शा सदा बाक्‍त। मेको गिब्बेथोन सहर नादाब नु इस्राएली नेल्‍लेम पुम्‍शा वोइश्‍शो, पलिस्‍ती आन सहर बाक्‍माक्‍त। यहोसु १९:४४
1KI 15:28 मिनु यहूदा ङा पिप आसा पिप दुम्‍शो बर्स सां दुम्‍मेनु, बाशामी नादाब कली सदा बाक्‍त। मिनु मेको आ पा ङा पिप दुम्‍माक्‍त।
1KI 15:29 मिनु मेको पिप दुम चोटीन येरोबाम आ खिं ङा मुर नेल्‍ल आन कली साइक्‍मी बाक्‍त। मेकोम येरोबाम आ खिं ङा सेस बाक्‍शो नेल्‍ल आन कली साइक्‍मी बाक्‍त। मोपा परमप्रभु यावेमी आ गेय पाइब शिलो ङा अहीयाह रे पा देंशो लोव़ नेल्‍ल खबा बाक्‍त। १राजा १४:१०-११
1KI 15:30 येरोबाम आ पशो पाप, मेकोमी इस्राएली आन कली पपाइश्‍शो पापम पतीके नु मेकोमी परमप्रभु यावे, इस्राएली आन परमप्रभु कली गाइक्‍पाइक्‍तीके मो दुम्‍शो बाक्‍माक्‍त।
1KI 15:31 नादाबमी पशो अरु गेय, मेको आ पशो नेल्‍ल, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?
1KI 15:32 पिप आसा नु इस्राएल ङा पिप बाशा आस दातेमी गेना हना यो लडाइ दुम्‍स ङा दुम्‍स बाक्‍माक्‍त।
1KI 15:33 मिनु अहीयाह आ तौ बाशामी इस्राएलम सासन पवा बाक्‍त। मेना आसा यहूदा ङा पिप दुम्‍शो बर्स सां दुम्‍शो बाक्‍माक्‍त। मिनु बाशा तिरचा सहरम बाक्‍शा २४ बर्स इस्राएल कली सासन पवा बाक्‍त।
1KI 15:34 मिनु मेको येरोबाम आ लांम गाक्‍शा, मेकोमी इस्राएली आन कली पपाइश्‍शो पाप पशा, परमप्रभु यावे आ ङोंइती मार मरिम्‍शो बाक्‍मे, मेको नेल्‍ल पवा बाक्‍‍त।
1KI 16:1 मेको नोले परमप्रभु यावेम बाशा आ पर्बम हानानी आ तौ येहू कली लोव़ पवा बाक्‍त।
1KI 16:2 मार लोव़ पवा बाक्‍त देंशा हना “गो इ कली फुरक रे पोक्‍शा आं मुर इस्राएली आन ठेयब मुर सेल्‍तन। तन्‍न गे येरोबाम आ लांम गाक्‍शा, आं मुर इस्राएली आन कली पाप पपाइक्‍तीवी। मिनु मेको आन पापम पतीके आं कली गाइक्‍पाइक्‍तीमी। १राजा १४:७
1KI 16:3 मोपतीके गो बाशा नु आ खिं कली खतम पोक्‍चा चिक्‍शो बाक्‍नुङ। मिनु गो इ खिं कली नेबात आ तौ येरोबाम आ खिं खोदेंशो सेल्‍नुङ। १राजा १५:२९
1KI 16:4 बाशा, इ खिं ङा सहरम बेक्‍शो मुर आन कली कुचुमम ब्‍वाइनीम। मिनु रूम बेक्‍शो मुर आन कली चिक्‍बपुकीम ब्‍वाइनीम” देंमाक्‍त। १राजा १४:११
1KI 16:5 बाशा आ पशो नु अरु गेय, मेको आ सक्ति, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?
1KI 16:6 मिनु बाशा बेक्‍माक्‍त। मिनु तिरचा सहरम आ किकी पिपी आ नेक्‍था थिम्‍चा पुंइसे बाक्‍त। मिनु मेको आ पा ङा आ तौ एलाह पिप दुम्‍माक्‍त।
1KI 16:7 ङोंइती परमप्रभु यावेमी हानानी आ तौ, आ लोव़ पाइब येहू कली बाशा नु आ खिं ङा मुर आन पर्बम लोव़ पशो बाक्‍माक्‍त। मेकोमी परमप्रभु यावे आ ङोंइती मरिम्‍शो पा गाइक्‍पाइक्‍तीके, येरोबाम आ खिं ङा मुर खोदेंशो दुम्‍तीके नु येरोबाम नु आ खिं ङा मुर आन कली खतम पोक्‍तीके हानानी आ तौ, आ लोव़ पाइब येहू कली मोदेंशो लोव़ पशो बाक्‍माक्‍त।
1KI 16:8 बाशा आ तौ एलाह इस्राएल ङा पिप दुम्‍माक्‍त। मेना आसा यहूदा ङा पिप दुम्‍शो २६ बर्स दुम्‍शो बाक्‍माक्‍त। मिनु एलाहम तिरचा सहरम बाक्‍शा, बर्स निक्‍शी इस्राएल कली सासन पवा बाक्‍त।
1KI 16:9 मिनु मेको आ लडाइ पाइब बग्‍गी चलेब, आन भाग निक्‍शीमी भाग का ङा ठेयब मुर जिम्रीमी मेको कली मरिम्‍शो पचा गोवा बाक्‍त। मेना पिप एलाह तिरचा सहरम आ खिं ङा मारेइ मारेइ कोव़ब अरचा आ खिं तिरचा सहरम बाक्‍शा, तूशा दुक्‍शो बाक्‍माक्‍त।
1KI 16:10 मिनु जिम्री आगा ओव़शा, मेको कली तुप्‍शा सदा बाक्‍त। मिनु मेको आ पा ङा पिप दुम्‍माक्‍त। मेना आसा यहूदामी पिप दुम्‍शो २७ बर्स दुम्‍शो बाक्‍माक्‍त। २राजा ९:३१
1KI 16:11 मिनु जिम्री पिप दुम चोटीन बाशा आ खिं ङा मुर नेल्‍ल आन कली साइक्‍मी बाक्‍त। मेकोम बाशा आ खिं ङा मुर, मेको आ वारचपुकी नु आ नाता गोव़ता वोंइश मुर नेल्‍ल आन कली का यो मप्रोंइ‍थु साइक्मी बाक्‍त।
1KI 16:12 परमप्रभु यावेमी बाशा आ पर्बम आ लोव़ पाइब येहू रे देंशो खोदेंशो पा, जिम्रीमी बाशा आ मुर नेल्‍ल आन कली साइक्‍मी बाक्‍त।
1KI 16:13 बाशा नु मेको आ तौ एलाहमी पशो पाप नु इस्राएली आन कली पपाइश्‍शो पाप आ पतीके, आन शोर गाक्‍शो मूर्ति सेल्‍तीके नु परमप्रभु यावे, इस्राएली आन परमप्रभु कली गाइक्‍पाइक्‍तीके मोदेंशो दुम्‍शो बाक्‍माक्‍त।
1KI 16:14 एलाह आ पशो नु अरु गेय नेल्‍ले, मार, इस्राएल ङा पिप आन इतिहासम ब्रेक्‍शो मबाक्‍बा ङा?
1KI 16:15 मिनु जिम्रीम तिरचा सहरम ७ नाक्‍त सासन पवा बाक्‍त। मेना आसा यहूदा ङा पिप दुम्‍शो २७ बर्स दुम्‍शो बाक्‍माक्‍त। लडाइ पाइबपुकी चहिं पलिस्‍ती आन सहर गिब्‍बेथोन आ नेक्‍था बाक्‍तीक सेल्‍शा बाक्‍शो बाक्‍मा बाक्‍त। १राजा १५:२७
1KI 16:16 मिनु बाक्‍तीक सेल्‍शा बाक्‍ब इस्राएलीपुकीमी जिम्री आ पशो नु पिप कली साइश्‍शो लोव़ नेंशा, मेको नाक्‍तीन मेकोपुकीमी आन बाक्‍तीक उइ लडाइ पाइब आन ठेयब मुर ओम्री कली इस्राएल ङा पिप सेल्‍मे बाक्‍त।
1KI 16:17 मिनु ओम्री नु इस्राएल ङा लडाइ पाइब नेल्‍लेम गिब्‍बेथोन प्रोंइशा तिरचा कली पुम्‍दमे बाक्‍त।
1KI 16:18 मिनु जिम्रीमी सहर ग्राशो तवा चोटी पिप आ खिं ओव़शा मी सुइश्‍शा, आंमा यो दुप्‍शा बेक्‍माक्‍त। २सामुएल १७:२३
1KI 16:19 मेकोम परमप्रभु यावे आ ङोंइती मार मरिम्‍शो बाक्‍मे, मेको पशा, येरोबाम आ लांम गाक्‍शो बाक्‍माक्‍त। मिनु येरोबाम आ पशो पाप नु इस्राएली आन कली पपाइश्‍शो पाप पतीकेम मेको मोदेंशो दुम्‍शो बाक्‍माक्‍त।
1KI 16:20 जिम्री आ पशो नु अरु गेय, एलाह कली मरिम्‍शो पशो, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?
1KI 16:21 मेको नोले इस्राएल ङा मुरपुकी हुल निक्‍शी दुम्‍मा बाक्‍त। हुल काम गिनाथ आ तौ तिब्‍नी कली पिप सेल्‍चा कली वारच पदमे बाक्‍त। मिनु हुल का चहिं ओम्री आ नोले खोदमे बाक्‍त।
1KI 16:22 तन्‍न ओम्री आ नोले खोइक्‍बपुकी गिनाथ आ तौ तिब्‍नी आ नोले खोइक्‍ब आन क्‍येङा बोल्‍यो बाक्‍मा बाक्‍त। मोपतीके तिब्‍नी कली साइश्‍शा, ओम्री पिप दुम्‍माक्‍त।
1KI 16:23 मोपा ओम्री इस्राएल ङा पिप दुम्‍माक्‍त। मेना आसा यहूदाम पिप दुम्‍शो ३१ बर्स दुम्‍शो बाक्‍माक्‍त। ओम्रीमी नेल्‍ल पा १२ बर्स सासन पवा बाक्‍त। मेकोम ६ बर्स तिरचा सहरम बाक्‍शा, सासन पवा बाक्‍त।
1KI 16:24 मेकोम टलेन्‍ट निक्‍शी चांदीम शेमेर आ गुइ रे सामरीया ङा डांडा ग्‍याप्‍शा, मेकेर गारो हिरशो सहर का सेला बाक्‍त। मिनु मेको सहर ङा होव़प शेमेर आ नें रे पा मेको आ नें सामरीया वोदा बाक्‍त। टलेन्‍ट का ३४ किलो बाक्‍ब।
1KI 16:25 तन्‍न ओम्रीमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मेकोम आ ङोंइती ङा पिप नेल्‍ल आन क्‍येङा शुश मरिम्‍शो पवा बाक्‍‍त। मीका ६:१६
1KI 16:26 मेको नेबात आ तौ येरोबाम आ पाप ङा लांम गाक्माक्‍‍त। मेकोमी मेको पाप इस्राएली आन कली पपाइश्‍शो बाक्‍माक्‍त। मिनु मेकोपुकीम मेको पाप पा आन ग्रांग्रा दिशो मूर्ति आन पर्बम परमप्रभु यावे, इस्राएली आन परमप्रभु कली गाइक्‍पाइश्‍शो बाक्‍मा बाक्‍त।
1KI 16:27 ओम्री आ पशो नु अरु गेय, मेको आ सक्ति कोंइतीके नेल्‍ल, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?
1KI 16:28 मिनु ओम्री बेक्‍माक्‍त। मिनु सामरीया सहरम थिम्‍चा पुंइसे बाक्‍त। मिनु मेको आ पा ङा आ तौ आहाब पिप दुम्‍माक्‍त।
1KI 16:29 ओम्री आ तौ आहाब इस्राएल ङा पिप दुम्‍माक्‍त। मेना आसा यहूदा ङा पिप दुम्‍शो ३८ बर्स दुम्शो बाक्‍माक्‍त। ओम्री आ तौ आहाब सामरीया सहरम बाक्‍शा, इस्राएल कली २२ बर्स सासन पवा बाक्‍त।
1KI 16:30 मिनु ओम्री आ तौ आहाबमी परमप्रभु यावे आ ङोंइती पिप नेल्‍ल आन क्‍येङा मरिम्‍शो पवा बाक्‍‍त।
1KI 16:31 नेबात आ तौ येरोबाम आ पाप ङा लांम गाक्‍चा, मेको कली मारेइ खोदेंशो मदुम्‍माक्‍त। मेकोम सीदोन ङा पिप एथ-बाल आ तमी इजेबेल कली ग्‍युंबे पवा बाक्‍त। मिनु बाल देवता कली पूजा पा ठेयब सेला बाक्‍‍त।
1KI 16:32 मेकोम सामरीयाम बाल आ खिंम बाल कली चढ़ेतीक का सेला बाक्‍त। २राजा ३:२; २राजा १०:२७-२८; २राजा ११:१८
1KI 16:33 आहाबम अशेराह देवी आ मूर्ति पाइश्‍शो थाम का यो सेल्‍पदा बाक्‍त। मिनु मेकोम आ क्‍येङा ङोंइती ङा इस्राएल ङा पिप आन क्‍येङा परमप्रभु यावे, इस्राएली आन परमप्रभु कली शुश गाइक्‍पाइक्‍तीक गेय पवा बाक्‍त।
1KI 16:34 आहाबम सासन पवा ना बेथेल ङा हीएलमी यरीको सहर लेंशा सेला बाक्‍त। मेको आ जग वोदमेनु, मेको आ ङोंइती जरमेशो तौ अबीराम बेक्‍माक्‍त। मिनु मेको आ ठेयब लाप्‍चो वोदमेनु, मेको आ कान्‍छा तौ सेगुब बेक्‍माक्‍त। मोपा परमप्रभु यावेमी नून आ तौ यहोसु रे पा देंशो लोव़ खबा बाक्‍त। यहोसु ६:२६
1KI 17:1 मिनु गिलाद ङा तिश्‍बे सहर ङा एलीयाम आहाब कली “परमप्रभु यावे, इस्राएली आन परमप्रभु ब्रोंइशा बाक्‍शो खोदेंशो पा, गो मेको आ ङोंइती राप्‍शा गेय पाइनुङ। इस्राएलम रेउ नु सीत मारेइ मयीब” देंमाक्‍त। १राजा ८:३५; लूका ४:२५; याकूब ५:१७; प्रकाश ११:६
1KI 17:2 मिनु परमप्रभु यावेमी एलीया कली लोव़ पवा बाक्‍त।
1KI 17:3 मार लोव़ पवा बाक्‍त देंशा हना “एको रागी प्रोंइशा, पूर्ब गे लावो। मिनु यर्दन आ पूर्ब गे बाक्‍शो केरीथ खोलाम लशा ख्रुइश्‍शा बाक्‍को।
1KI 17:4 गे मेको खोला ङा ब्‍वाक्‍कु तूङो। मिनु गो इ कली थुल्‍चा कली मेकेर ङा खद आन कली अरेता” देंमाक्‍त।
1KI 17:5 मिनु मेकोमी परमप्रभु यावे आ देंशो खोदेंशो पवा बाक्‍त। मिनु मेको यर्दन आ पूर्बम बाक्‍शो केरीथ खोला लशा, ख्रुइश्‍शा बाक्‍माक्‍त।
1KI 17:6 मिनु खदपुकीम मेको कली नाक्‍दो सुनी शोब्‍ले नु श्‍ये चाक्‍शा, गेमे बाक्‍त। मिनु एलीया मेको खोला ङा ब्‍वाक्‍कु तूशा बाक्‍माक्‍त।
1KI 17:7 इच्‍का नाक्‍त नोले रेउ मयितीके मेको खोला ङा ब्‍वाक्‍कु सोव़माक्‍त।
1KI 17:8 मिनु परमप्रभु यावेमी मेको कली लोव़ पवा बाक्‍त।
1KI 17:9 मार लोव़ पवा बाक्‍त देंशा हना “मुल गे सीदोन ङा चारेफाथ सहर लावो। गो मेकेर इ कली थुल्‍चा कली आ वोंइश बेक्‍शो मीश मुर का कली अरेता” देंमाक्‍त। लूका ४:२५-२६
1KI 17:10 मोपतीके मेको चारेफाथ सहरम लमाक्‍त। मिनु मेको चारेफाथ सहर ङा ठेयब लाप्‍चोम जाक्‍दीम्‍मेनु, आ वोंइश बेक्‍शो मीश मुर का शी खुम्‍ना खुम्‍न बाक्‍शो तवा बाक्‍त। मिनु मेको कली ब्रेश्‍शा “आं कली शिशी पा लोटा का ब्‍वाक्‍कु तूचा गेयी। मिनु गो तूनुङ” देंमाक्‍त।
1KI 17:11 मिनु मेको मीश मुर ब्‍वाक्‍कु ब्रथ लन लना, लेंशा ब्रेश्‍शा “आं कली शिशी पा टुक्रा का शोब्‍ले यो पिश्‍शा गेयी” देंमाक्‍त।
1KI 17:12 तन्‍न मेकोमी “परमप्रभु यावे, इन परमप्रभु ब्रोंइशा बाक्‍शो खोदेंशो पा बोसुम मुठी का फस नु ढुङग्रोम इच्‍का खोइ तेल ङा लाक्‍शा, आं खिंम मारेइ मबाक्‍ब। गो इच्‍का खोइ शी खुप्‍शा, खिं लशा, गो नु आ तौ आंस कली शोब्‍ले सेल्‍नुङ। मिनु गो मेको जशा, बेक्‍नस्‍कु” देंमाक्‍त।
1KI 17:13 मिनु एलीयाम मेको कली “महिनो, खिं लशा इ देंशो खोदेंशो पावो। तन्‍न मेको क्‍येङा ङोंइती बटुक का सेल्‍शा, एक आं बाक्‍तीक चाक्‍को। मिनु मेको नोले इस कली जचा थोव़क सेलो।
1KI 17:14 मारदे हना परमप्रभु यावे, इस्राएली आन परमप्रभुमी ‘गो रागीम रेउ मयिपदु सम्‍म फस मनुप्‍ब। मिनु ढुङग्रो ङा तेल यो मनुप्‍ब’ देंशो बाक्‍ब” देंमाक्‍त। २राजा ४:२-४
1KI 17:15 मिनु मेको मीश मुर लशा एलीयाम देंशो खोदेंशो पवा बाक्‍त। मिनु मेको नेल्‍ल आन कली शुश नाक्‍त सम्‍म जचा थोव़क गाम्‍माक्‍‍त।
1KI 17:16 मारदे हना एलीया रे पा परमप्रभु यावेम देंशो खोदेंशो पा बोस ङा फस मनुम्‍माक्‍त। मिनु ढुङग्रो ङा तेल यो मनुम्‍माक्‍त।
1KI 17:17 इच्‍का नाक्‍त नोले मेको मीश मुर, मेको खिं ङा होव़पोक्‍म आ तौ रोइ पवा बाक्‍त। मिनु मेको नाक्‍त किंत किंत मरिम्‍शो दुम्‍ना दुम्‍न लमाक्‍त। मिनु नोले बेक्‍माक्‍त।
1KI 17:18 मिनु मेको मीश मुरुम एलीया कली “परमप्रभु आ मुर, गे नु गो इस दातेम मार मरिम्‍शो दुम्‍शो बाक्‍बा? मार, गे आं पाप कोंइशा, आं तौ कली साइक्‍थ जाक्‍नी?” देंमाक्‍त।
1KI 17:19 मिनु एलीयाम “इ तौ आं कली गेयी” देंमाक्‍त। मिनु मेकोमी मेको आ तौ आ गुइ रे ताक्‍शा आ बाक्‍तीक तला तार लदा बाक्‍त। मिनु मेको कली आ ब्राख्‍येम वोदा बाक्‍त।
1KI 17:20 मेको नोले मेकोमी ठेयब सेंदा पा परमप्रभु यावे कली “परमप्रभु यावे, आं परमप्रभु, गो सुका आ खिंम बाक्‍ङा, मेको आ तौ बेक्‍पा मेको वोंइश बेक्‍शो मीश मुर कली मारदे श्‍येत गेनी” देंमाक्‍त।
1KI 17:21 मिनु मेको सां खेयप मेको बेक्‍शो आल तार गोल्‍माक्‍त। मिनु ठेयब सेंदा पा, परमप्रभु यावे कली “परमप्रभु यावे, आं परमप्रभु, एको आल कली लेंशा ब्रोंइपतीन” देंमाक्‍त। २राजा ४:३४; प्रेरित २०:१०
1KI 17:22 मिनु परमप्रभु यावेमी एलीया आ पुंइशो लोव़ नेना बाक्‍त। मिनु मेको आल ब्रोंइमाक्‍त।
1KI 17:23 मिनु एलीयाम मेको कली पोक्‍शा तला तार रे आगा यिदा बाक्‍त। मिनु मेको आ ममा कली गेशा “कोव़ङो, इ तौ ब्रोंइत” दे मदा बाक्‍त। लूका ७:१५; हिब्रू ११:३५
1KI 17:24 मिनु मेको मीश मुरुमी एलीया कली “गे परमप्रभु आ मुर बाक्‍नीनी, दे मुल गो थमा पा तुइक्‍ताक्‍ङ। मिनु इन देंशो परमप्रभु यावे आ लोव़ थमा बाक्‍त” देंमाक्‍त।
1KI 18:1 मिनु परमप्रभु यावेम रागी सोव़शो शुश नाक्‍त नोले बर्स सांमी एलीया कली लोव़ पवा बाक्‍त। मार लोव़ पवा बाक्‍त देंशा हना “गे लशा, आहाब कली ग्रुमो। मिनु गो रागीम रेउ यिपाइक्‍नुङ” देंमाक्‍त।
1KI 18:2 मोपतीके एलीया आहाब कली ग्रुम्‍थ लमाक्‍त। मेना सामरीया सहरम ठेयब अन्‍काल दुम्‍शो बाक्‍माक्‍त।
1KI 18:3 मिनु आहाबमी आ खिं कोव़ब ओबदिया कली ब्रेत्‍थ सोइक्‍ता बाक्‍त। मेको ओबदिया परमप्रभु यावे कली शुश मान पा हिंशा, थमा सुइक्‍ब मुर का बाक्‍माक्‍त।
1KI 18:4 इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।
1KI 18:5 मिनु आहाबम ओबदिया कली “रागी ङा ब्‍वाक्‍कु बुक्‍तीके, खोल्‍सा मेर लावो। गो शारा नु खच्‍चर आन कली प्रोंइचा कली घांस थित्‍नसा कों? मोपा इं बस्‍तु भाव आन कली साइक्‍चा ममाल्‍नया कों?” दें‍माक्‍त।
1KI 18:6 मिनु मेको निक्‍शीमी कोव़चा कली रागी योक्‍स‍सा बाक्‍त। मिनु आहाब का गे नु ओबदिया अर्को गे लसा बाक्‍त।
1KI 18:7 मिनु ओबदिया लांम गाक्‍ना गाक्‍न बाक्‍मेनु, एलीयाम मेको कली ग्रुमा बाक्‍त। मिनु ओबदियामी मेको कली तुइश्‍शा खप सम्‍मन बाप्‍शा सेउ पा “आं प्रभु, गे थमा पा एलीयान ननी?” देंमाक्‍त।
1KI 18:8 मिनु एलीयाम “ओं, गो नङ। गे लशा इ होव़प कली ‘एलीया एक बाक्‍त’ मतो” देंमाक्‍त।
1KI 18:9 मिनु ओबदियामी “गो मार मरिम्‍शो पङा ङा? गे इन गेय पाइब, आं कली साइक्‍पाइक्‍चा कली आहाब आ गुइम गेनीनी?
1KI 18:10 परमप्रभु यावे, इन परमप्रभु गेना हना यो ब्रोंइशा बाक्‍शो खोदेंशो पा, आं होव़पम इन कली रागी रागी नु राज्‍य नेल्‍लेम माल्‍थ सोइक्‍ताक्‍व। तेकोइ रागी नु राज्‍य मलीशो बाक्‍ब। मिनु मेकोपुकीमी ‘एलीया एक मबाक्‍ब। गो थमा पा मेको कली थिन्‍ने मचाप्‍का’ देंमानु, मेको कसम जचा माल्‍तेक्‍म।
1KI 18:11 तन्‍न मुल गे आं कली लावो, इ होव़प कली ‘एलीया एक बाक्‍त, देंनो’ दें‍तीनी।
1KI 18:12 गो इन कली प्रोनु चोटी परमप्रभु यावे आ सोक्‍तीम इन कली लाइक्‍ब। मिनु गो लशा आहाब कली मो देंङानु, मेकोमी इन कली मथित्‍तु हना, आं कली साइक्‍ब। मो हना यो, गो, इन गेय पाइब, आं आल रेन परमप्रभु यावे कली मान पा हिंशा, थमा सुइक्‍ब बाक्‍नुङ।
1KI 18:13 आं प्रभु, इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, गो मार पङा, मेको गे मनेंनी ङा? गो मेको आन दाते ङा सहे का जना आन कली ५०, ५० जना पा पुक्‍खीम ख्रुइश्‍शा वोइक्‍तामी। मिनु मेको आन कली जचा तूचा गेतामी।
1KI 18:14 मिनु मुल गे आं कली लावो, इ होव़प कली ‘एलीया एक बाक्‍त’ देंनो, दें‍तीनी। मेकोमी आं कली थमा पा साइक्‍ब” देंमाक्‍त।
1KI 18:15 मिनु एलीयामी “गो मेको आ ङोंइती बाक्‍शो मुर नेल्‍ल आन परमप्रभु यावे ब्रोंइशा बाक्‍शो खोदेंशो पा, मुलाक्‍ती थमा पा आहाब कली ग्रुम्‍नुङ” देंमाक्‍त।
1KI 18:16 मिनु ओबदिया आहाब कली ग्रुम्‍थ लमाक्‍त। मिनु मेको कली मेको लोव़ शेंदा बाक्‍त। मिनु आहाब एलीया कली ग्रुम्‍थ जाक्‍‍माक्‍त।
1KI 18:17 मिनु आहाबमी एलीया कली तशा, मेको कली “इस्राएल कली श्‍येत गेब गेन नवे?” दे मदा बाक्‍त। येरमीया ३८:४
1KI 18:18 मिनु एलीयाम “इस्राएल कली श्‍येत गेब गो मनङ। तन्‍न गे नु इन आफ आ खिं ङा मुर इस्राएल कली श्‍येत गेब ननी। मारदे हना गे परमप्रभु यावे आ शेंतीक प्रोंइशा, बाल देवता आ नोले खोइश्‍शो बाक्‍तीनी। १राजा १६:३१-३३
1KI 18:19 मोपतीके मुल कारमेल डांडाम इस्राएल ङा मुर नेल्‍ल आं कली ग्रुम्‍पाइक्‍चा कली ब्रेत्‍तीन। मिनु इजेबेलम थुल्‍शा वोइश्‍शो बाल देवता आ नोले दुम्‍ब लोव़ पाइब ४ सहे ५० जना मुर नु अशेराह देवी आ नोले दुम्‍ब लोव़ पाइब ४ सहे जना मुर नेल्‍ल आन कली यो ब्रेत्‍तीन” देंमाक्‍त।
1KI 18:20 मोपतीके आहाबमी इस्राएली नेल्‍ल आन कली लोव़ सोइक्‍ती‍मी बाक्‍त। मिनु बाल नु अशेराह देवी आस नोले दुम्‍ब लोव़ पाइब नेल्‍ल आन कली कारमेल डांडाम पुक्‍मी बाक्‍त।
1KI 18:21 मिनु एलीया मुर नेल्‍ल आन ङोंइती राप्‍शा “गे गेना सम्‍म थुं निक्‍शी पा बाक्‍नीनी? परमप्रभु यावे, थमा परमप्रभु बाक्‍ब देंनीनी हना, मेको आ नोले खोतीन। बालन परमप्रभु बाक्‍ब देंनीनी हना, मेको आ नोले खोतीन” देंमाक्‍त। तन्‍न मुरपुकीम लोव़ का यो मलेत्‍थु, सिक्‍सी पा बाक्‍मा बाक्‍त। यहोसु २४:१४; मत्ती ६:२४
1KI 18:22 मिनु एलीयाम मेको आन कली “परमप्रभु यावे आ लोव़ पाइब गो आं का ला लीती। तन्‍न बाल आ नोले दुम्‍ब लोव़ पाइब ४ सहे ५० जना बाक्‍नीम।
1KI 18:23 मुल आंइ कली ब्‍यफ निक्‍शी चाक्‍शा गेने। मिनु मेकोपुकीम का योव़सीशा मेको कली क्‍योरशा चेक्‍शा, शी तार वोइश्‍शा, मी मसुइक्‍थु वोइक्‍चा माल्‍नीम। गो यो मेको अर्को कली क्‍योरशा मो पान शी तार वोइश्‍शा मी मसुइक्‍‍थु वोइक्‍नुङ।
1KI 18:24 मिनु गे इन देवता आ नें थिशा, मेको कली पुनीन। गो परमप्रभु यावे आ नें थिशा, मेको कली पुंइनुङ। मिनु पुंइशो नेंशा, मी सोइक्‍ब, परमप्रभु बाक्‍ब” देंमाक्‍त। मिनु मुर नेल्‍लेमी “दुम्‍ब इन देंशो लोव़ ठीक बाक्‍ब” देंमा बाक्‍त। उत्‍पत्ती १५:१७
1KI 18:25 मिनु एलीयाम बाल आ लोव़ पाइब नेल्‍ल आन कली “गे ङोंइती ब्‍यफ का योव़शा, मेको कली क्‍योरीन। मारदे हना गे शुश बाक्‍नीनी। मिनु इन देवता आ नें थिशा पुनीन। तन्‍न मी मसुइक्‍तीन” दे माइक्‍मी बाक्‍त।
1KI 18:26 मोपतीके मेको आन योव़शो ब्‍यफ लांइसीशा, क्‍योरशा चढ़ेशा, बाल आ नें थिशा सुनी रे नाक्‍त सम्‍म “ए बाल! आंइ कली लोव़ लेत्‍तीकी” दे ग्रीमा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मिनु मेकोपुकी मेको आन सेल्‍शो चढ़ेतीक आ एर ओंथ प्रेक्‍ना प्रेक्‍न सिल पामे बाक्‍त।
1KI 18:27 मिनु नाक्‍त उइक्‍थ दुम्‍मेनु, एलीयाम मेको आन कली “मुल यो ठेयब सेंदा पा ग्रीङीन। मेको थमा पा देवता बाक्‍ब। मेको मिम्‍ना मिम्‍न बाक्‍म माइ, ना हिरथ गाक्‍म कों? ना ङोन लम कों? ना इप्‍शा बाक्‍म कों? मेको कली पोक्‍चा माल्‍ब” दे शुक्‍शी पा लोव़ पवा बाक्‍त।
1KI 18:28 मोपतीके मेको चिनु ठेयब सेंदा पा ग्रीमा बाक्‍त। मिनु मेकोपुकीम आन रिती थिती पा आंम आन रां तरवार नु भालाम चेस्‍सीशा, हुश चुंइसमा बाक्‍त।
1KI 18:29 मोपा नाक्‍त रे नाक्‍दो चढ़ेची ना सम्‍म ग्रीना ग्रीन बाक्‍मा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मी यो मयिमाक्‍त।
1KI 18:30 मिनु एलीयाम मुर नेल्‍ल आन कली “आं नेक्‍था जाक्‍कीन” देंमाक्‍त। मिनु मेको नेल्‍ल मेको आ नेक्‍था जाक्‍मा बाक्‍त। मिनु मेकोम ङोंइती ब्रेश्‍शो परमप्रभु यावे कली चढ़ेतीके लेंशा सेला बाक्‍त।
1KI 18:31 मिनु एलीयाम १२ ओटा फुल्‍लु चाक्‍मी बाक्‍त। मेको याकूब आ १२ जना तौ आन थर का का पा १२ ओटा फुल्‍लु गुबा बाक्‍त। ङोंइती परमप्रभु यावेमी याकूब कली “इ नें इस्राएल दुम्‍ब” देंशो बाक्‍माक्‍त। प्रस्‍थान २४:४; उत्‍पत्ती ३२:२९
1KI 18:32 मिनु मेकोमी मेको फुल्‍लु रे परमप्रभु यावे आ नेंम चढ़ेतीक का सेला बाक्‍त। मिनु मेको चढ़ेतीक कली एर ओंथ हिरशा, कुला दोवा बाक्‍त। मेकेर सेआह अन्‍न पुक्‍तीक बोस निक्‍शी रिक्‍ब बाक्‍माक्‍त। सेआह का ७.३ लिटर बाक्‍ब।
1KI 18:33 मिनु नोले शी गार पाइश्‍शा, मेको ब्‍यफ क्‍योरशा चेक्‍शा, मेको शी तार वोदा बाक्‍त। मिनु मेकोमी मुर आन कली “गे ४ गाग्री ब्‍वाक्‍कु चाक्‍शा, एको चोशा चढ़ेतीक नु शी तार लुक्‍तीन” दे माइक्‍मी बाक्‍त। मिनु मेकोपुकीम मो पामे बाक्‍त।
1KI 18:34 मिनु नोले मेकोमी “मेको लेंशा पने” देंमाक्‍त। मिनु मेकोपुकीम मो पामे बाक्‍त। मिनु मेकोम लेंशा “चीनु खेयप सां मो पने” देंमाक्‍त। मिनु मेकोपुकीम खेयप सां यो मो पामे बाक्‍त।
1KI 18:35 मिनु चढ़ेतीक आ एर ओंथ ङा कुला नेल्‍ल ब्‍वाक्‍कु ब्रीशा क्‍युम्‍माक्‍त।
1KI 18:36 मिनु नाक्‍त किंत किंत ङा नाक्‍दो ङा चढ़ेची ना परमप्रभु यावे आ लोव़ पाइब एलीयामी मेको आ चढ़ेतीक आ ङोंइती लशा “परमप्रभु यावे, अब्राहाम, इसहाक नु इस्राएल आ परमप्रभु, गे का ला इस्राएल रागीम परमप्रभु बाक्‍नीनी, दे मुलाक्‍ती एको आन कली तुइक्‍पतीन। मिनु गो इन गेय पाइब बाक्‍नुङ। मिनु गो एको नेल्‍ल इन देंतीके पशो बाक्‍नुङ, दे यो एको आन कली तुइक्पतीन।
1KI 18:37 आं लोव़ लेत्‍तीनी। परमप्रभु यावे, आं लोव़ लेत्‍तीनी। मिनु एको मुरपुकीम गेन परमप्रभु यावे, थमा परमप्रभु बाक्‍नीनी, दे तुइक्‍तमेक्‍ल। एको आन थुं लेप्‍पाइक्‍ब गेन बाक्‍नीनी” देंमाक्‍त।
1KI 18:38 मिनु इर रे परमप्रभु यावे आ मी यिशा चोशा चढ़ेतीके, चोशा चढ़ेतीक ङा शी, फुल्‍लु नु खप नेल्‍ल नेक्‍गा बाक्‍त। मिनु मेको कुला ङा ब्‍वाक्‍कु यो सोव़माक्‍त। लेवी ९:२४
1KI 18:39 मिनु मुर नेल्‍ल मेको तशा, खुम्‍की पा बाप्‍शा “परमप्रभु यावे, थमा पा परमप्रभु बाक्‍माक्‍त। परमप्रभु यावे, थमा पा परमप्रभु बाक्‍माक्‍त” देंमा बाक्‍त।
1KI 18:40 मिनु एलीयामी मेको आन कली “बाल आ लोव़ पाइब आन कली ग्‍याइक्‍तीन। का यो प्रोक्‍चा मतामेक्‍ल” दे माइक्‍मी बाक्‍त। मिनु मेकोपुकीम मेको आन कली ग्‍याइक्‍तमे बाक्‍त। मिनु एलीयाम मेको आन कली किशोन खोल्‍साम लाइश्‍शा साइक्‍मी बाक्‍त। प्रस्‍थान २२:१९; ब्‍यवस्‍था १३:६-९
1KI 18:41 मिनु एलीयाम आहाब कली “लशा जने तूङीन। मारदे हना गो ठेयब रेउ आ रेयके नेंता” देंमाक्‍त। याकूब ५:१८
1KI 18:42 मिनु आहाब जचा तूचा कली लमाक्‍त। तन्‍न एलीया चहिं कारमेल डांडा ङोइश्‍शा, मेकेर आ पिया पोक्‍चीम ख्रेप्‍शा बाक्‍माक्‍त।
1KI 18:43 मिनु मेकोमी आ गेय पाइब कली “लशा, समुन्‍द्र गे कोव़ङो” दे मदा बाक्‍त। मिनु मेको लशा कोव़ङा बाक्‍त। मिनु मेकोमी “मेकेर मारेइ मबा” देंमाक्‍त। मिनु एलीयामी मेको कली “७ खेयप मेकेर लशा, कोव़ङो” दे सोइक्‍ता बाक्‍त।
1KI 18:44 मिनु ७ खेयप ङा पाली मेकोमी “मुर आ गुइ खोमो गोस्‍स का समुन्‍द्र रे बोक्‍शो ताता” देंमाक्‍त। मिनु एलीयाम मेको कली “मुल लशा आहाब कली ‘इन बग्‍गी ठीक पा, उइ खिं लने। मो मपाइतीनी हना, इन कली रेउम तेक्‍‍ब’ दे मतो” देंमाक्‍त।
1KI 18:45 मिनु क्‍येर गोस्‍सुम सरीङ सुम्‍शा, फश गिवार पा ठेयब रेउ यिचा गोवा बाक्‍त। मिनु आहाब आ बग्‍गी ङोइश्‍शा येज्रेल सहर लमाक्‍त।
1KI 18:46 मिनु परमप्रभु यावेमी एलीया कली थिवा बाक्‍त। मिनु मेको आ फेक्‍शो वा खाइश्‍शा आहाब आ ङोंइङोंइती येज्रेल ङा ठेयब लाप्‍चो सम्‍म दोरशा लमाक्‍त।
1KI 19:1 मिनु आहाबमी इजेबेल कली एलीया आ पशो गेय नेल्‍ल नु मेकोमी दोपा देवी देवता आन लोव़ पाइब नेल्‍ल आन कली तरवारम सदा, मेको नेल्‍ल शेंदा बाक्‍त।
1KI 19:2 मिनु इजेबेलम एलीया आ बाक्‍तीकेम “गे दोपा मेको आन कली सदी, मोपा गो दीसा एं ना सम्‍म इ कली मसाइक्‍तन हना, देवतापुकीम आं कली यो मोदेंशोन पाइय्‍यीमील। मेको क्‍येङा यो शुश पाइय्‍यीमील” देंथ लोव़ कुरब मुर सोइक्‍ता बाक्‍त।
1KI 19:3 मिनु एलीया हिंशा, प्रोक्‍माक्‍त। मिनु मेको प्रोक्‍शा यहूदा ङा बेयर-शेबा जाक्‍माक्‍त। मिनु मेकोमी आ गेय पाइब कली मेक उइ प्रोना बाक्‍त।
1KI 19:4 मिनु आं चहिं काबु ङा लां ङोन गोरशो रागीम ओव़माक्‍त। मिनु मेको बुटा आगाम निश्‍शा, परमप्रभु यावे कली “मुल नुप्‍त। आ सोक्‍त ब्रने। मारदे हना गो आं किकी पिपी आन क्‍येङा रिम्‍शो मनङ” देंमाक्‍त। अय्‍युब ७:१५; योना ४:३
1KI 19:5 मिनु नोले बुटा आ आगामीन गोल्‍शा निन्‍द्रा पवा बाक्‍त। मेना परमप्रभु यावे आ स्‍वर्ग ङा गेय पाइब कामी मेको कली ब्रा थिशा “बोक्‍शा जावो” देंमाक्‍त।
1KI 19:6 मिनु मेकोमी बोक्‍शा, एर ओंथ कोव़ङानु, आ पिया गे चोशो होश शोब्‍ले का नु ढुङग्रो का ब्‍वाक्‍कु तवा बाक्‍त। मिनु मेकोम मेको जशा तूशा लेंशा इम्‍माक्‍त।
1KI 19:7 मिनु परमप्रभु यावे आ स्‍वर्ग ङा गेय पाइब लेंशा जाक्‍शा, मेको कली थिशा “बोक्‍शा जावो। इ लां थम लाइश्‍शो बाक्‍ब” देंमाक्‍त।
1KI 19:8 मोपतीके मेको बोक्‍शा, जवा तूङा बाक्‍त। मिनु मेको आ बोलम मेको ४० नाक्‍त नु ४० नाक्‍दो सम्‍म गाक्‍शा, परमप्रभु आ डांडा होरेब जाक्‍दीम्‍माक्‍त। प्रस्‍थान २४:१८
1KI 19:9 मिनु मेकेर ङा पुक्‍खी काम ओव़शा, मेक उइ नां सोंइदा बाक्‍त। मेकेर बाक्‍मेनु, परमप्रभु यावेम मेको कली “एलीया, गे एक मार पा बाक्‍ङे?” दे हिल्‍लो पवा बाक्‍त।
1KI 19:10 मिनु मेकोमी “परमप्रभु यावे, मुर नेल्‍ल आन परमप्रभु, गो इन पर्बम शुश गेय पाता। इस्राएलीमी इन कबल प्रोंइतेक्‍म। इन कली चढ़ेतीक प्रेत्‍तेक्‍म। मिनु इन लोव़ पाइब आन कली तरवारम क्‍योरशा साइक्‍तेक्‍म। गो आं का ला लीशो बाक्‍नुङ। मिनु मुल मेकोपुकीमी आं कली यो साइक्‍चा माल्‍शो बाक्‍नीम” देंमाक्‍त। भजन संग्रह ६९:१०; यसैया ४९:४; १राजा १८:२२; रोमी ११:३
1KI 19:11 मिनु परमप्रभु यावेमी “ग्रूङो, आं ङोंइती डांडाम रपो” देंमाक्‍त। मारदे हना परमप्रभु यावे मेकेर रे लन लन बाक्‍माक्‍त। मिनु परमप्रभु यावे आ ङोंइङोंइती ठेयब फश गिवार डांडा आन कली प्रोल्‍ना प्रोल्‍न नु फुल्‍लु आन कली ख्रिन्‍ना ख्रिन्‍न जाक्‍माक्‍त। तन्‍न परमप्रभु यावे मेको फशेम मबाक्‍माक्‍त। मेको आ नोले ठेयब ख्रिनु कुमाक्‍त। तन्‍न परमप्रभु यावे मेको ख्रिनुमी यो मबाक्‍माक्‍त। प्रस्‍थान ३३:२२
1KI 19:12 मिनु मेको ख्रिनु आ नोले मी का जाक्‍माक्‍त। तन्‍न मेको मीमी यो परमप्रभु यावे मबाक्‍माक्‍त। मिनु मी आ नोले इम्‍चीली सेंदा का जाक्‍माक्‍त।
1KI 19:13 मिनु एलीयामी मेको सेंदा नेंशा, आ वामी आ कुल सुम्‍से बाक्‍त। मिनु लाङगा ग्रूशा पुक्‍खी आ ङोंइती राम्‍माक्‍त। मिनु मेको आइक्‍च सेंदाम “एलीया गे एक मार पन पन बाक्‍ङे?” देंमाक्‍त।
1KI 19:14 मिनु मेकोमी “परमप्रभु यावे, मुर नेल्‍ल आन परमप्रभु गो इन पर्बम शुश गेय पाता। इस्राएलीमी इन कबल प्रोंइतेक्‍म। इन कली चढ़ेतीक प्रेत्‍तेक्‍म। मिनु इन लोव़ पाइब आन कली तरवारम क्‍योरशा साइक्‍तेक्‍म। गो आं का ला लीशो बाक्‍नुङ। मिनु मुल मेकोपुकीमी आं कली यो साइक्‍चा माल्‍शो बाक्‍नीम” देंमाक्‍त।
1KI 19:15 मिनु परमप्रभु यावेम मेको कली “गे तेको लां रे जाक्‍शो बाक्‍ङे, मेको लां रे पा लेश्‍शा दमस्‍कस ङा गोरशो रागीम लावो। मिनु गे मेको सहर जाक्‍दीश्‍शा, हजाएल कली अराम ङा पिप सेलो। २राजा ८:१३,१५
1KI 19:16 मिनु निम्‍शी आ तौ येहू कली यो इस्राएल ङा पिप सेलो। आबेल-मेहोलाह ङा शाफात आ तौ एलीशा कली इ पा ङा आं लोव़ पाइब से‍लो। २राजा ९:२-३
1KI 19:17 मिनु हजाएल आ तरवार रे ब्रोंइशो आन कली येहूमी साइक्‍ब। मिनु येहू आ तरवार रे ब्रोंइशो आन कली एलीशामी साइक्‍ब।
1KI 19:18 मो हना यो, गो ७ हजार जना आन कली इस्राएलम प्रोंइशा वोइक्‍नुङमी। मेकोपुकीमी बाल आ ङोंइती आन पोक्‍च मथेक्‍शो बाक्‍नीम। मिनु मेकोपुकीम बाल कली पुक्‍पु मपाइश्‍शो बाक्‍नीम” देंमाक्‍त। रोमी ११:४
1KI 19:19 मिनु एलीया मेकेर रे लमाक्‍त। मिनु शाफात आ तौ एलीशा कली ग्रुमा बाक्‍त। मेको १२ हाल ब्‍यफ वाक्‍ना वाक्‍न बाक्‍माक्‍त। मेको चहिं मेको नेल्‍ल क्‍येङा नोले ङा हाल वाक्‍ना वाक्‍न बाक्‍माक्‍त। मिनु एलीया लशा, आ फेक्‍शो वा मेको आ तार कोप्‍ता बाक्‍त।
1KI 19:20 मिनु एलीशामी आ ब्‍यफ प्रोंइशा, एलीया आ नोनोले दोरमाक्‍त। मिनु मेकोम “आं कली आं आंम आफ आस कली पुक्‍पु पाइक्‍चा गेयीनी। मिनु इन नोले खोइक्‍नुङ” देंमाक्‍त। मिनु एलीयाम “लावो, गो इ कली मार पङा मेको मिम्‍तो” दे मदा बाक्‍त। लूका ९:६१-६२
1KI 19:21 मिनु एलीशाम एलीया कली प्रोंइशा लमाक्‍त। मिनु मेकोमी आ हाल ब्‍यफ लाइश्‍शा क्‍योरा बाक्‍त। मिनु मेकोम हलो चोशा श्‍ये क्‍येवा बाक्‍त। मिनु मुर आन कली ब्‍वचा गेमी बाक्‍त। मिनु मुरपुकीम ब्‍वामे बाक्‍त। मिनु मेको नोले एलीया आ नोले खोदा बाक्‍त। मिनु मेको आ गेय पाइब दुम्‍माक्‍त।
1KI 20:1 अराम ङा पिप बेन-हादादम आ लडाइ पाइब नेल्‍ल आन कली खुप्‍ती‍मी बाक्‍त। मिनु मेकोमी ३२ जना पिप, मेको आन शारा नु बग्‍गीपुकी लाइश्‍शा, सामरीया सहर कली पुम्‍शा लडाइ तोवा बाक्‍त।
1KI 20:2 मेकोमी लोव़ कुरब आन कली सहरम सोइश्‍शा, इस्राएल ङा पिप आहाब कली “बेन-हादाद आ लोव़ नेनीन,
1KI 20:3 ‘इन सुन चांदी आं के नम। इन नेल्‍ल क्‍येङा दारशो मीश नु इन तमी तौ यो आं केन नम’ दें‍त” देनीन, दे सोइक्‍ती‍मी बाक्‍त।
1KI 20:4 मिनु इस्राएल ङा पिपमी मेको आन कली “आं प्रभु, पिप इन देंशो खोदेंशो पा ‘गो नु बाक्‍शो मारेइ मारेइ इन केन नम, दें‍त’ मतीन” दे सोइक्‍ती‍मी बाक्‍त।
1KI 20:5 मिनु लेंशा बेन-हादादमी लोव़ कुरब सोइश्‍शा “इन सुन चांदी, इन मीश नु इन तमी तौ नेल्‍ल आं कली गेन।
1KI 20:6 गो दीसा एं ना आं गेय पाइब आन कली, इन खिं नु इन ठेयब गेय पाइब आन खिंमी इन शुश क्‍येट लाइब थोव़क ब्रथ सोइक्‍नुङमी। मेकोपुकीमी आन दाक्‍शो मारेइ मारेइ लाइक्‍नीम” दे लोव़ कुरब सोइक्‍ता बाक्‍त।
1KI 20:7 मिनु इस्राएल ङा पिपम आ रागी ङा खाल्‍पा नेल्‍ल आन कली ब्रेश्‍शा, मेको आन कली “गे तुइश्‍शो बाक्‍नीनी। मेको मुरुम लडाइ पचा कली खुज्री माल्‍ना माल्‍न बाक्‍ब। मेकोम आं मीश, आं आलपुकी नु आं सुन चांदी आ केन नम देंमेनु यो, गो मारेइ मदेंङ” देंमाक्‍त।
1KI 20:8 मिनु खाल्‍पा नु मुर नेल्‍लेमी मेको कली “मेको आ लोव़ मनेनीन। गे मेको आ देंशो मबिस्‍सीन” देंमा बाक्‍त।
1KI 20:9 मोपतीके मेकोमी बेन-हादाद आ लोव़ कुरब आन कली “आं प्रभु पिप कली ‘आं ठेयब पिप आ ङोंइती पुंइशो नेल्‍ल गेनुङ। तन्‍न मुल इन पुंइशो लोव़ गो गेने मचाप्‍नुङ’ मुल लशा गेपुकीम बेन-हादाद कली एको लोव़ मतीन” दे माइश्‍शा सोइक्‍ती‍मी बाक्‍त। मिनु मेको लोव़ कुरबपुकी लशा, आन होव़प बेन-हादाद कली शोव़ङमे बाक्‍त।
1KI 20:10 मिनु बेन-हादादम आहाब कली “गो नु शुश लडाइ पाइब बाक्‍नीम। आं लडाइ पा ग्राशो सामरीया ङा फुरक, आं लडाइ पाइब आन कली योल का का गेचा कली यो मगाप्‍‍ब। मेको गाप्‍त हना, देवतापुकीम आं कली खतम पोय्‍यीमील” देंथ मुर सोइक्‍ता बाक्‍त।
1KI 20:11 मिनु मेको आन कली इस्राएल ङा पिपमी “मेको कली ‘लडाइ ग्राचा गेना गेना, मुल कना मार ठेयब लेश्‍शो लोव़ पाइनेवे’ दें‍त, मतीन” दे सोइक्‍ती‍मी बाक्‍त।
1KI 20:12 मेना बेन-हादाद नु अरु पिप आन बाक्‍तीकेम शांबु दुक्‍शा बाक्‍मानु, मेको लोव़ नेना बाक्‍त। मिनु मेकोमी रीब पा आ लडाइ पाइब आन कली “लडाइ पचा ठीक दुमीन” दे हुकुम गेमी बाक्‍त। मिनु मेकोपुकी मेको सहर कली लडाइ तोचा कली ठीक दुम्‍मा बाक्‍त।
1KI 20:13 मेना परमप्रभु यावे आ लोव़ पाइब का इस्राएल ङा पिप आहाब आ बाक्‍तीक जाक्‍शा, मेको कली “परमप्रभु यावेमी ‘मार, गे एको ठेयब हुल लडाइ पाइब आन कली तवी? कोव़ङो, गो मुलाक्‍तीन मेको आन कली इ गुइमी गेनुङ। मिनु गोन परमप्रभु यावे नङ, दे तुइक्‍नेवे’ देंत” दें‍माक्‍त।
1KI 20:14 मिनु आहाबमी “तन्‍न मेको सुम पाइबा?” दे हिल्‍लो पवा बाक्‍‍त। मिनु परमप्रभु यावे आ लोव़ पाइबमी “परमप्रभु यावेम ‘हुकुम पाइब ठेयब मुर आन गेय पाइब ठिटापुकीम लडाइ पाइनीम’ ” देंमाक्‍त। मिनु पिपमी “लडाइ सुम गोचा माल्‍बा?” दे हिल्‍लो पवा बाक्‍‍त। मिनु मेको परमप्रभु यावे आ लोव़ पाइबम “गे गोचा माल्‍नीनी” देंमाक्‍त।
1KI 20:15 मिनु आहाबमी मेको हुकुम पाइब ठेयब मुर आन गेय पाइब सहे निक्‍शी ३२ जना ठिटा आन कली खुप्‍थ सोइक्‍ती‍मी बाक्‍त। मिनु नोले इस्राएली नेल्‍ल आन कली पुक्‍मी बाक्‍त। मेको नेल्‍ले ७ हजार बाक्‍मा बाक्‍त।
1KI 20:16 मिनु नाक्‍त उइक्‍थ दुम्‍मेनु, बेन-हादाद नु मेको आ वारच ३२ जना पिप आन बाक्‍तीकेमी दुक्‍शो बाक्‍मा ना मेकोपुकी ग्रू‍मा बाक्‍त।
1KI 20:17 मिनु मेको हुकुम पाइब आन गेय पाइब ठिटापुकी ङोंइती बारमा बाक्‍त। मेना बेन-हादादमी क्‍यारी पाइबपुकी सोइश्‍शो बाक्‍माक्‍त। मिनु मेकोपुकी जाक्‍शा “सामरीया रे मुरपुकी पिशो बाक्‍नीम” देंमा बाक्‍त।
1KI 20:18 मिनु बेन-हादादम “मेकोपुकी गारचा कली जाक्‍शो बाक्‍तेक्‍म हना, मेको आन कली सेसीन ग्‍याइक्‍तीन। लडाइ पथ जाक्‍शो बाक्‍तेक्‍म हना यो, सेसीन ग्‍याइक्‍तीन” दे माइक्‍मी बाक्‍त।
1KI 20:19 मिनु मेको हुकुम पाइब ठेयब मुर आन गेय पाइब ठिटापुकी सहर रे लाङगा ग्रू‍मानु, आहाब आ अरु लडाइ पाइबपुकी मेको आन नोले खोइश्‍शा ग्रूमा बाक्‍त।
1KI 20:20 मिनु नेल्‍लेमी आन जोरी सत्रु आन कली सदमे बाक्‍त। मिनु मो दुम्‍मेनु अरामी प्रोक्मा बाक्‍त। मिनु इस्राएलीपुकीम मेको आन कली खेदा पा‍मे बाक्‍त। तन्‍न अराम ङा पिप बेन-हादाद आ शारा ङोइश्‍शा, अरु शारा ङोइक्‍बपुकी नु प्रोक्‍माक्‍त।
1KI 20:21 मिनु इस्राएल ङा पिप ङोंइती बारशा, शारा नु बग्‍गी आन कली ग्रामाक्‍त। मिनु अरामी शुश आन कली साइक्मी बाक्‍त।
1KI 20:22 मिनु नोले मेको परमप्रभु यावे आ लोव़ पाइब इस्राएल ङा पिप आ बाक्‍तीक जाक्‍शा, मेको कली “इन लडाइ पाइब आन कली ठीक पा वोतीन। मार पचा माल्‍बा, मेको रिम्‍शो पा मिम्‍तीन। मारदे हना मुल जाक्‍शो बर्सम अराम ङा पिपम लेंशा गेपुकी नु लडाइ पाइब” देंमाक्‍त।
1KI 20:23 मिनु अराम ङा पिप आ गेय पाइबपुकीम आन पिप कली “मेको आन देवता पहाड ङा देवता बाक्‍नीम। मोपतीके मेकोपुकी इं क्‍येङा शुश बोल्‍यो बाक्‍नीम। मुल गोपुकीम मेको आन कली दिंमम लडाइ पाइतय हना, थमा पा गो मेको आन क्‍येङा बोल्‍यो दुम्‍नय।
1KI 20:24 मुल गे मार पचा माल्‍नीनी देंशा हना, एको पिप आन कली लडाइ पाइब आन ठेयब मुर रे ग्रुंइदीन। मिनु मेको आन पा ङा अर्को मुर योव़ङीन।
1KI 20:25 ङोंइती बेक्‍शो लडाइ पाइब आन खोदेंशो पा, अर्को लडाइ पाइब आन हुल का सेलीन। शारा ङोइक्‍ब आन कली शारा नु बग्‍गी ङोइक्‍ब आन कली बग्‍गी ठीक पने। मिनु नोले गो इस्राएली नु दिंमम लडाइ पथ लय। मिनु गो थमा पा मेको आन क्‍येङा बोल्‍यो दुम्‍नय” देंमा बाक्‍त। मिनु बेन-हादादमी मेको आन सल्‍ला बिश्‍शा, मेको आन देंशो खोदेंशो पवा बाक्‍त।
1KI 20:26 मिनु मेको जाक्‍शो बर्सम बेन-हादादम लडाइ पचा कली अरामी आन कली पुक्‍मी बाक्‍त। मिनु इस्राएली नु लडाइ पचा कली अफेक सहर गे लमा बाक्‍त।
1KI 20:27 मिनु इस्राएली यो खुम्‍सीशा, जशा तूशा, मेको नु लडाइ पचा कली हुल हुल पा ग्रूमा बाक्‍त। इस्राएलीम अरामी आन ङोंइती गे आन बाक्‍तीक सेल्‍मे बाक्‍त। मेकोपुकी क्‍यारश आन आइक्‍च हुल निक्‍शी खोदेंशो बाक्‍मा बाक्‍त। तन्‍न अरामी चहिं मेको रागी ङा दिंम एर ओंथ नेल्‍ल ब्रीशा बाक्‍मा बाक्‍त।
1KI 20:28 मिनु परमप्रभु आ मुर का इस्राएल ङा पिप आ बाक्‍तीकेम जाक्‍शा, मेको कली “परमप्रभु यावेम ‘अरामीपुकीम परमप्रभु यावे, इस्राएली आन परमप्रभु पहाड ङा देवता ला बाक्‍ब। बेंसी ङा देवता ममाइ, दे मिम्‍शो बाक्‍नीम। मोपतीके गो एको ठेयब हुल लडाइ पाइब आन कली इ गुइमी गेनुङ। मिनु गे गोन परमप्रभु यावे नङ, दे तुइक्‍नेवे’ देंत” देंमाक्‍त। प्रस्‍थान ७:५
1KI 20:29 मिनु मेको आन ङोंइती आन बाक्‍तीकेम कोव़मुशा ७ नाक्‍त सम्‍म बाक्‍मा बाक्‍त। मिनु नोले ७ नाक्‍तीम लडाइ पामे बाक्‍त। मिनु इस्राएलीपुकीम काबुम अरामी आन खोइलीम गाक्‍ब लडाइ पाइब लाख का आन कली सदमे बाक्‍त।
1KI 20:30 मिनु मेको आन दाते ङा लीशोपुकी अफेक ङा सहरम प्रोक्‍मा बाक्‍त। मिनु मेकेर ङा गारो ब्रेश्‍शा १७ हजार आन कली चिप्‍ता बाक्‍त। बेन-हादाद चहिं सहर ओव़शा, ख्रुइश्‍शा बाक्‍माक्‍त।
1KI 20:31 मिनु मेको आ गेय पाइबपुकीम मेको कली “गोपुकीमी इस्राएल आ खिं ङा पिपपुकी दा शिशी पाइब बाक्‍नीम देंशो लोव़ नेंशो बाक्‍नीकी। मोपतीके क्रातोम अरन्‍डी फेक्‍सीय। मिनु पियाम डोरी फ्रेंसीशा इस्राएल ङा पिप आ बाक्‍तीक लय। मिनु मेकोम इन कली ब्रोंइचा गेबा कों?” देंमा बाक्‍त।
1KI 20:32 मोपतीके मेकोपुकीमी आन क्रातोम अरन्‍डी फेक्‍शा, आन पियाम डोरी फ्रेंसीशा इस्राएल ङा पिप आ बाक्‍तीक लशा मेको कली “इन वाइल बेन-हादादम ‘गो आं कली ब्रोंइचा गेयीमी’ देंशो बाक्‍ब” देंमा बाक्‍त। मिनु पिपमी “मार, मेको मुल यो सेसीन बाक्‍मे? मेको आं लोक्‍ब बाक्‍ब” देंमाक्‍त।
1KI 20:33 मिनु मेको मुरपुकीम पिप आ लोव़ रिम्‍शो बाक्‍माक्‍त दाप्‍शा “ओं, इन लोक्‍ब बेन-हादाद मुल यो सेसीन बाक्‍ब” देंमा बाक्‍त। मिनु पिपमी मेको आन कली “लशा, मेको कली एक चाक्‍कीन” देंमाक्‍त। मिनु बेन-हादाद ग्रूशा जाक्‍मेनु, आहाबम मेको कली आ बग्‍गीम ङोइक्‍पदा बाक्‍त।
1KI 20:34 मिनु बेन-हादादमी मेको कली “आं आफोम इन आफ रे ग्राशो सहर नेल्‍ल गो लेश्‍शा गेनन्‍नी। मिनु आं आफोम सामरीयाम पशो खोदेंशो पा, गे यो दमस्कसम ग्‍याप्‍तीक लेयतीक सेल्‍ने चाप्‍नीनी” देंमाक्‍त। मिनु इस्राएल ङा पिप आहाबमी “मेको सल्‍लाम पतीके गो इ कली प्रोंइनन” देंमाक्‍त। मोपा आहाबमी दुचा आ पर्बम लोव़ पा, मेको कली प्रोना बाक्‍त।
1KI 20:35 मिनु परमप्रभु यावे आ लोव़ पा, मेको आ लोव़ पाइब आन दाते ङा काम आ वारच का कली “आं कली तुब्‍यी” देंमाक्‍त। तन्‍न मेकोमी तुप्‍ने मबिस्‍से बाक्‍त।
1KI 20:36 मिनु मेको परमप्रभु यावे आ लोव़ पाइबमी “गे परमप्रभु यावे आ अरेशो लोव़ मटितीके आं कली प्रोंइशा लवे चोटीन इ कली गुप्‍स काम साइक्‍ब” देंमाक्‍त। मिनु मेको लम नोले गुप्‍स काम थिश्‍शा, मेको कली सदा बाक्‍त। १राजा १३:२४
1KI 20:37 मिनु मेको परमप्रभु यावे आ लोव़ पाइबमी अर्को मुर का कली ग्रुम्‍‍शा, मेको कली “आं कली तुब्‍‍‍यी” देंमाक्‍त। मोपतीके मेकोमी मेको कली तुप्‍शा, गार सेला बाक्‍त।
1KI 20:38 मिनु मेको परमप्रभु यावे आ लोव़ पाइब लशा, मतुइक्‍पांइसीचा ङा पा आ मिक्‍चीम वा फ्रेंशा पिप कली लांम रिम्‍दा बाक्‍त।
1KI 20:39 मिनु पिप मेको आ नेक्‍था रे लमेनु, मेकोमी पिप कली ब्रेश्‍शा “गो इन वाइल लडाइ पतीकेम जाक्‍दीश्‍शो नङ। मिनु मेकेर लडाइ पाइब मुर काम फ्रेंशो मुर का चाक्‍शा आं बाक्‍तीक जाक्‍त। मिनु मेकोमी आं कली ‘एको मुर जिम्‍मा ब्रावो। एको मुर दोकका पा प्रोक्‍त हना, एको आ पा ङा गे बेक्‍चा माल्‍नेवे कि टलेन्‍ट का चांदी थाप्‍चा माल्‍नेवे’ दें‍त। टलेन्‍ट का ३४ किलो बाक्‍ब।२राजा १०:२४
1KI 20:40 मिनु गो, इन वाइल, गेय पा बाक्‍ङा सम्‍म, मेको ग्‍याइश्‍शो मुर प्रोक्‍माक्‍त” देंमाक्‍त। मिनु इस्राएल ङा पिपमी मेको कली “गे इ निसाफ आंमान पाप्‍तीवी। मेकोन इ कली पतीक निसाफ बाक्‍ब” देंमाक्‍त।
1KI 20:41 मिनु मेको परमप्रभु यावे आ लोव़ पाइबमी रीब पा आ मिक्‍चीम फ्रेंशो वा प्रुदा बाक्‍त। मिनु इस्राएल ङा पिपम मेको कली परमप्रभु यावे आ लोव़ पाइब का बाक्‍त, दे तुइक्‍ता बाक्‍त।
1KI 20:42 मिनु मेकोमी पिप कली “परमप्रभु यावेमी ‘गो साइक्‍चा कली ठीक पशो मुर कली गे प्रोंइतीवी। मोपतीके मेको आ पा ङा गे बेक्‍चा माल्‍नेवे। मिनु मेको आ मुर आन पा ङा इ मुर बेक्‍चा माल्‍नीम’ देंत” देंमाक्‍त।
1KI 20:43 मिनु इस्राएल ङा पिपमी “मार लोव़ पवा?” दे गाइश्‍शा, आ खिं सामरीयाम जाक्‍माक्‍त।
1KI 21:1 इच्‍का नाक्‍त नोले मार दुम्‍माक्‍त देंशा हना, येज्रेल सहर ङा नाबोथ माइश्‍शो मुर का बाक्‍माक्‍त। मेको के अङगुर रू का बाक्‍माक्‍त। मेको अङगुर रू येज्रेल सहर सामरीया ङा पिप आहाब आ दरवार आ नेक्‍था बाक्‍माक्‍त।
1KI 21:2 काबु नाक्‍ती आहाबमी नाबोथ कली “इ अङगुर रू आं कली गिग खाइ ख्रुम्‍चा कली गेयी। मारदे हना मेको आं खिं आ नेक्‍था बाक्‍ब। मेको आ पा ङा गो इ कली अर्को मेको क्‍येङा रिम्‍शो अङगुर रू का गेनन। क्‍येट देंनेवे हना यो, क्‍येट गेन‍न” देंमाक्‍त।
1KI 21:3 तन्‍न नाबोथमी आहाब कली “परमप्रभु यावे आ ङोंइती मोदेंशो पने मचाप्‍नुङ। गो आं किकी पिपी आन गेशो रू इन कली गेने मचाप्‍नुङ” देंमाक्‍त।
1KI 21:4 मोपतीके आहाब आ थुं खुरसीशा गाइश्‍शा आ खिं लमाक्‍त। मारदे हना येज्रेली नाबोथमी “आं किकी पिपी आन गेशो रू इन कली मगेनुङ” देंशो बाक्‍माक्‍त। मिनु मेको आ कुल किरशा आ ब्राख्‍येम इप्‍शा बाक्‍माक्‍त। जने यो मबिस्‍से बाक्‍त।
1KI 21:5 मिनु मेको आ मीश इजेबेल जाक्‍शा, मेको कली “गे मारदे इन थुं खुरसीनी? मारदे मारेइ जने मबिस्‍सीनी?” दे हिल्‍लो पवा बाक्‍त।
1KI 21:6 मिनु मेकोम इजेबेल कली “गो येज्रेली नाबोथ कली ‘इ अङगुर रू ग्‍याप्‍चा गेयी कि इ दाक्‍शो रू नु फाइक्‍‍स’ माइक्‍ता। तन्‍न मेकोम ‘गो आं अङगुर रू इन कली मगेन‍न्‍नी’ दें‍त” देंमाक्‍त।
1KI 21:7 मिनु मेको आ मीश इजेबेलम मेको कली “गे इस्राएल ङा पिप बाक्‍नीनी। मिनु गे मोदेंशो पाइनीनी? बोक्‍शा, जने तूङीन। मिनु ग्‍येरसीने। गो येज्रेली नाबोथ आ अङगुर रू इन कली गेन‍न्‍नी” देंमाक्‍त।
1KI 21:8 मिनु इजेबेलम आहाब आ नेंमी चिठी का ब्रेक्‍ता बाक्‍त। मिनु मेकेर पिप आ छाप थोक्‍ता बाक्‍त। मिनु मेको नाबोथ आ सहर ङा खाल्‍पा नु ठेयब मुर आन कली सोइक्‍ता बाक्‍त।
1KI 21:9 मेकोम मेको चिठीमी “ ‘माइजा बाक्‍तीक नाक्‍त का बाक्‍ब’ देंनीन। मिनु नाबोथ कली मरिम्‍शो पाइब आन नित्‍तीकेम निप्‍पतीन।
1KI 21:10 मिनु मरिम्‍शो पाइब मुर निक्‍शी आस कली मेको आ ङोंइती निप्‍पाइश्‍शा, एकोम ‘परमप्रभु नु पिप कली सराप पशो बाक्‍ब’ दे दोस गेपतीन। मिनु मेको नोले मेको कली लाङगा ग्रुंइशा फुल्‍लु आप्‍शा सतीन” दे ब्रेक्‍ता बाक्‍त। ब्‍यवस्‍था १७:६; मत्ती २६:५९-६१; प्रस्‍थान २२:२७
1KI 21:11 मिनु इजेबेलम मेको आन कली चिठीम ब्रेक्‍शो खोदेंशो पा, मेको सहर ङा मुर, खाल्‍पा नु मेकेर ङा ठेयब मुरपुकीम पामे बाक्‍त।
1KI 21:12 मिनु मेकोपुकीम माइजा बाक्‍तीक नाक्‍त का सेल्‍मे बाक्‍त। मिनु नाबोथ कली मरिम्‍शो पाइब आन कली निप्‍पाइक्‍तीकेम निप्‍पदमे बाक्‍त।
1KI 21:13 मिनु मेको नोले मेको मरिम्‍शो पाइब मुर निक्‍शी जाक्‍शा, मेको आ ङोंइती निस्‍ससा बाक्‍त। मिनु मेको निक्‍शीमी “नाबोथम परमप्रभु नु पिप कली सराप पशो बाक्‍ब” दे नेल्‍लेम नेंचा ङा पा दोस गेम्‍से बाक्‍त। मिनु मेकोपुकीम मेको कली लाङगा ग्रुंइशा फुल्‍लु आप्‍शा सदमे बाक्‍त।
1KI 21:14 मेको नोले मेकोपुकीमी इजेबेल कली “नाबोथ कली फुल्‍लु आप्‍शा साइक्‍तक” दे लोव़ कुरब मुर सोइक्‍तमे बाक्‍त।
1KI 21:15 मिनु इजेबेलम नाबोथ कली फुल्‍लु आप्‍शा साइक्‍तेक्‍म देंशो लोव़ नेंना चोटीन आहाब कली “मुल बोक्‍शा येज्रेल सहर ङा नाबोथम इन कली लेयने मबिश्‍शो रू इन के सेलीन। मारदे हना मेको बेक्‍त” देंमाक्‍त।
1KI 21:16 मिनु नाबोथ बेक्‍माक्‍त देंशो लोव़ नेंशा, आहाब बोक्‍शा येज्रेल सहर ङा नाबोथ आ अङगुर रू हिरशा आंम के सेल्‍थ लमाक्‍त।
1KI 21:17 मिनु परमप्रभु यावेमी तिश्‍बे सहर ङा एलीया कली लोव़ पवा बाक्‍त।
1KI 21:18 मार लोव़ पवा बाक्‍त देंशा हना “इस्राएल ङा पिप आहाब कली ग्रुम्‍थ उइ लावो। मेको सामरीयाम बाक्‍शो नाबोथ आ अङगुर रू आंम के सेल्‍थ लशो बाक्‍ब।
1KI 21:19 गे मेको कली परमप्रभु यावेमी ‘मार, गे मुर का कली साइश्‍शा, मेको आ रू इ के मसेली ङा?’ दें‍त, मतो। मिनु मेको कली परमप्रभु यावेमी ‘नाबोथ आ हुश कुचुमम तुक्‍तीकेमीन इ हुश यो कुचुमम तुक्‍नीम’ दें‍त, मतो” देंमाक्‍त। १राजा २२:३८
1KI 21:20 मिनु आहाबमी एलीया कली “आं सत्रु, गे आं कली थिय्‍यी?” दे मदा बाक्‍त। मिनु मेकोम “ओं, गो इ कली थित्‍तन। मारदे हना गे परमप्रभु यावे आ ङोंइती मार मरिम्‍शो बाक्‍मे, मेको ला पना पन बाक्‍ते।
1KI 21:21 मोपतीके परमप्रभु यावेमी ‘मुल गो इ तार शुश श्‍येत कोप्‍नुङ। गो इस्राएल रागीम बाक्‍ब, गे नु इ खिं ङा वोंइश मुर नेल्‍ल आन कली साइक्‍नुङमी। वाइल बाक्‍मल कि प्रोंइचा पुंइसीशो बाक्‍मल, नेल्‍ल आन कली साइक्‍नुङमी। २राजा ९:७-८
1KI 21:22 मिनु गो इ खिं कली नेबात आ तौ येरोबाम नु अहीयाह आ तौ बाशा आस खिं कली पाइश्‍शो खोदेंशो पाइनुङ। मारदे हना गे आं कली गाइक्‍पाइक्‍तीके नु इस्राएल कली पाप पपाइक्‍तीके, मो पाइनुङ’ देंत। १राजा १५:२९; १राजा १६:११-१२
1KI 21:23 मिनु परमप्रभु यावेम इजेबेल आ पर्बम ‘कुचुमपुकीम इजेबेल कली येज्रेल सहरम ब्‍वाइनीम। २राजा ९:३३-३६
1KI 21:24 सहरम बेक्‍शो आहाब आ खिं ङा मुर आन कली कुचुमम ब्‍वाइनीम। मिनु रूम बेक्‍शो आन कली चिक्‍बपुकीम ब्‍वाइनीम’ देंत” देंमाक्‍त। १राजा १४:११; १राजा १६:४; १राजा २१:२४
1KI 21:25 आहाबम आ मीश इजेबेल आ लोव़ नेंशा, परमप्रभु यावे आ ङोंइती काइ मरिम्‍शो पवा बाक्‍त। मोदेंशो मुर अर्को सुइ मबाक्‍मा बाक्‍त।
1KI 21:26 मेको परमप्रभु यावेमी इस्राएली आन ङोंइती रे खेरशो एमोरी खोदेंशो पा मेको आन ग्रांग्रा दिशो मूर्ति आन नोले खोदा बाक्‍त।
1KI 21:27 मिनु आहाबम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा माइजा बाक्‍माक्‍त। मेको अरन्‍डी फेक्‍शा आ थुं लुक्‍च लशा इम्‍माक्‍त।
1KI 21:28 मिनु परमप्रभु यावेम तिश्‍बे सहर ङा एलीया कली लोव़ पवा बाक्‍त।
1KI 21:29 मार लोव़ पवा बाक्‍त देंशा हना “आहाब आं ङोंइती ब्रेम्‍शो दुम्‍शो तवी? मारदे हना मेको ब्रेम्‍शो दुम्‍तीके गो मेको आ पालाम ठेयब श्‍येत मदुम्‍पाइक्‍नुङ। तन्‍न मेको आ तौ आ पालाम मेको आ खिंम ठेयब श्‍येत चाक्‍नुङ” देंमाक्‍त। २राजा ९:२६
1KI 22:1 मिनु बर्स सां सम्‍म अरामी नु इस्राएली आन दातेमी लडाइ मदुम्‍माक्‍‍त।
1KI 22:2 तन्‍न बर्स सां नोले यहूदा ङा पिप येहो-शाफात इस्राएल ङा पिप कली ग्रुम्‍थ ब्रुम्‍माक्‍‍त। १राजा २२:४१
1KI 22:3 मिनु इस्राएल ङा पिपमी आ गेय पाइब आन कली “गे नेल्‍लेम रामोथ-गिलाद इं के बाक्‍ब, दे तुइक्‍नीनी। मो हना यो गो मेको अराम ङा पिप रे लेश्‍शा ताक्‍चा कली मारेइ मपशो बाक्‍नय” देंमाक्‍त। यहोसु २१:३८
1KI 22:4 मोपतीके मेकोम येहो-शाफात कली “रामोथ-गिलाद कली लडाइ तोचा कली गे आं कली वारच पाइक्‍नीनी?” दे हिल्‍लो पवा बाक्‍त। मिनु येहो-शाफातमी इस्राएल ङा पिप कली “गो इन खोदेंशो नङ। आं मुरपुकी इन मुर नम। आं शारा नेल्‍ल इन केन नम” देंमाक्‍त। २राजा ३:७
1KI 22:5 तन्‍न येहो-शाफातम इस्राएल ङा पिप कली “ङोंइती परमप्रभु यावे कली हिल्‍लो पने” देंमाक्‍त।
1KI 22:6 मोपतीके इस्राएल ङा पिपम ४ सहे जना खोइ परमप्रभु यावे आ लोव़ पाइब आन कली पुक्‍शा, मेको आन कली “गो रामोथ-गिलाद कली लडाइ तोङ देय मतोङ” दे हिल्‍लो पामी बाक्‍त। मिनु मेकोपुकीमी “तोन, परमप्रभु यावेम मेको इन गुइमी गेब” देंमा बाक्‍त।
1KI 22:7 मिनु येहो-शाफातम “हिल्‍लो पचा कली परमप्रभु यावे आ लोव़ पाइब अर्को सुइ मबाक्‍नीमी” देंमाक्‍त। २राजा ३:११
1KI 22:8 मिनु इस्राएल ङा पिपम येहो-शाफात कली “परमप्रभु यावे कली हिल्‍लो पचा कली अर्को का बाक्‍ब। मेको इम्‍लाह आ तौ मीकाया बाक्‍ब। तन्‍न गो मेको मुर कली काइ मदाक्‍नुङ। मारदे हना मेकोम आं पर्बम गेनायो रिम्‍शो लोव़ मपाइब। गेना हना यो मरिम्‍शो लोव़ ला पाइब” देंमाक्‍त। मिनु येहो-शाफातमी पिप कली “पिपम मोदेंशो लोव़ मपवल” देंमाक्‍त। २इतिहास १८:७-२७
1KI 22:9 मिनु इस्राएल ङा पिपम आ मुर आन दाते ङा का कली ब्रेश्‍शा “इम्‍लाह आ तौ मीकाया कली रीब पा चाक्‍को” दे मदा बाक्‍त।
1KI 22:10 मिनु इस्राएल ङा पिप नु यहूदा ङा पिप येहो-शाफात पिपम फेक्‍तीक वा फेक्‍शा सामरीया ङा ठेयब लाप्‍चो आ ङोंइती आस आस नित्‍तीकेम निश्‍शा बाक्‍शो बाक्‍सा बाक्‍त। मिनु परमप्रभु यावे आ लोव़ पाइब नेल्‍ले मेको आस ङोंइती बाक्‍शा नोले दुम्‍ब लोव़ पना पन बाक्‍शो बाक्‍मा बाक्‍त।
1KI 22:11 मेको आन दाते ङा का केनानाह आ तौ सिदकीयाहमी चहिं फलाम के ग्रोव़ सेल्‍सीशो बाक्‍माक्‍त। मिनु मेकोमी “परमप्रभु यावेमी ‘गे एको ग्रोव़मी अरामी आन कली नेल्‍ल मबेक्‍मा सम्‍म ख्रुइक्‍नीनी’ देंत” देंमाक्‍त।
1KI 22:12 मिनु परमप्रभु यावे आ लोव़ पाइब नेल्‍लेमी मेको मोदेंशोन लोव़ पशो बाक्‍मा बाक्‍त। मेकोपुकीमी “रामोथ-गिलाद कली लडाइ तोशा रीब पा ग्राङीन। मारदे हना परमप्रभु यावेम मेको पिप इन गुइमी गेब” देंशो बाक्‍मा बाक्‍त।
1KI 22:13 मिनु मीकाया कली ब्रेश्‍शा चाक्‍ब मुरुम मेको कली “परमप्रभु यावे आ लोव़ पाइब नेल्‍लेमी लोव़ का पा पिप कली ग्‍येरपाइश्‍शो बाक्‍नीम। गे यो मेको आन खोदेंशो पा रिम्‍शो लोव़ पने” देंमाक्‍त।
1KI 22:14 तन्‍न मीकायाम चहिं “गो परमप्रभु यावे गेना हना यो ब्रोंइशा बाक्‍शो खोदेंशो पा परमप्रभु यावेमी आं कली मार देंबा, मेको ला देंनुङ” देंमाक्‍त।
1KI 22:15 मिनु मीकाया पिप आ ङोंइती जाक्‍मेनु, पिपमी मेको कली “मीकाया, गो रामोथ-गिलाद कली लडाइ तोङ देय मतोङ?” दे हिल्‍लो पवा बाक्‍‍त। मिनु मेकोमी “लडाइ तोने। मिनु ग्राङीन। मारदे हना परमप्रभु यावेमी मेको इन गुइमी गे‍ब” देंमाक्‍त।
1KI 22:16 मिनु पिपमी मेको कली “परमप्रभु यावे आ नेंमी थमा लोव़ ला पचा, दे गिश खेयप कसम जपाइक्‍नना?” देंमाक्‍त।
1KI 22:17 मिनु मीकायामी “गो इस्राएली नेल्‍ल आन कली गोठला मबाक्‍शो भेडा खोदेंशो पा, डांडा मेर ब्रशो तातामी। मिनु परमप्रभु यावेमी ‘मेको मुर आन ठेयब मुर मबाक्‍ब। मेको नेल्‍ल आन थुं नाइश्‍शा आन खिं लमल’ देंशो बाक्‍ब” देंमाक्‍त। गन्‍ती २७:१७; मत्ती ९:३६
1KI 22:18 मिनु इस्राएल ङा पिपम येहो-शाफात कली “मार एकोम आं पर्बम मरिम्‍शो लोव़ ङा लाक्‍शा अर्को मारेइ मदेंब, देंङा ममाइ ङा?” देंमाक्‍त।
1KI 22:19 मिनु मीकायामी लोव़ तेम्‍शा “एको परमप्रभु यावे आ लोव़ नेनीन। गो परमप्रभु यावे आ स्‍वर्ग ङा गेय पाइब नेल्‍ल आन कली आ ग्‍युरा गे नु आ पेरा गे राप्‍पाइश्‍शा, परमप्रभु यावे आ नित्‍तीकेम बाक्‍शो ताता। २इतिहास १८:१८; अय्‍युब १:६; यसैया ६:१
1KI 22:20 मिनु परमप्रभु यावेमी ‘आहाब कली रामोथ-गिलाद नु लडाइ पपाइश्‍शा, मेको कली साइक्‍पाइक्‍चा कली सुम क्‍युक्‍बा?’ दें‍त। मिनु काम लोव़ का पाप्‍तु, अर्कोम अर्को लोव़ पाप्‍तु।
1KI 22:21 मिनु नोले का जाक्‍शा, परमप्रभु यावे आ ङोंइती राप्‍शा ‘गो मेको आ थुं क्‍याक्‍नुङ’ दें‍त। यसैया १९:१४
1KI 22:22 मिनु परमप्रभु यावेमी मेको कली ‘दोपा?’ दे हिल्‍लो पाप्‍तु। मिनु मेकोमी ‘गो लशा मेको आ नोले दुम्‍ब लोव़ पाइब नेल्‍ल आन शोव़मी जोल पाइब सोक्‍त का दुम्‍नुङ’ दें‍त। मिनु परमप्रभु यावेम मेको कली ‘गे थमा पा मेको कली क्‍युक्‍ने चाप्‍नेवे। गे लावो। मिनु इ देंशो पावो’ दें‍त। १यूहन्‍ना ४:६
1KI 22:23 मोपतीके परमप्रभु यावेम इन नोले दुम्‍ब लोव़ पाइब नेल्‍ल आन शोव़मी जोल पाइब सोक्‍त कुर पशो बाक्‍ब। परमप्रभु यावेम इन कली खतम दुम्‍‍तीक नाक्‍त चाक्‍शो आ पर्बम नेंपाइक्‍ने थुम्‍शो बाक्‍ब” देंमाक्‍त।
1KI 22:24 मिनु केनानाह आ तौ सिदकीयाह, इर ङोइश्‍शा मीकाया आ चोव़चो रबा बाक्‍त। मिनु मेको कली “दोपा परमप्रभु यावे आ सोक्‍त आं रे पा इ थुंम ब्‍वाक्‍थ जाक्‍मे?” देंमाक्‍त।
1KI 22:25 मिनु मीकायाम “गे आंमा आगा ङा कोठाम ख्रुइक्‍थ लवे नाक्‍त, तुइक्‍नेवे” दे मदा बाक्‍त।
1KI 22:26 मिनु इस्राएल ङा पिपम “मीकाया कली ग्‍याइक्‍तीन। मिनु सहर ङा ठेयब मुर आमोन नु पिप आ तौ योआश आस जिम्‍माम गेने।
1KI 22:27 मिनु एको मुर कली चोक्‍शा वोतीन। गो रिम्‍शो पा लेश्‍शा मजाक्‍ङा सम्‍म एको कली शोब्‍ले नु ब्‍वाक्‍कु ङा लाक्‍शा अरु मारेइ मगेने” देंमाक्‍त।
1KI 22:28 मिनु मीकायाम मेको कली “गे रिम्‍शो पा लेश्‍शा जाक्‍तीनी हना, परमप्रभु यावे गो नु मब्‍वाक्‍शो बाक्‍माक्‍त, देंनुङ” देंमाक्‍त। मिनु मेकोम चिनु लोव़ तेम्‍शा “गे नेल्‍लेम एको लोव़ नेंशा, इन थुंम वोतीन” देंमाक्‍त।
1KI 22:29 मिनु इस्राएल ङा पिप नु यहूदा ङा पिप येहो-शाफात रामोथ-गिलाद लसा बाक्‍त।
1KI 22:30 मिनु इस्राएल ङा पिपम येहो-शाफात कली “गो मतुइक्‍चा ङा वा फेक्‍शा लडाइ पथ लाइनुङ। तन्‍न गे इन फेक्‍तीक वा फेक्‍शा बाक्‍कीन” देंमाक्‍त। मिनु इस्राएल ङा पिप मतुइक्‍पांइसीचा ङा वा फेक्‍शा लडाइ पथ लमाक्‍त।
1KI 22:31 मिनु अराम ङा पिपम आ ३२ जना बग्‍गी ङोइश्‍शा लडाइ पाइब आन ठेयब मुर आन कली “इस्राएल ङा पिप ङा लाक्‍शा अरु आइक्‍च ठेयब सुइ नु लडाइ मपने” दे हुकुम गेशो बाक्‍माक्‍त।
1KI 22:32 मिनु बग्‍गी ङोइश्‍शा, लडाइ पाइब आन ठेयब मुरपुकीम येहो-शाफात कली तशा “थमा पा इस्राएल ङा पिप मेकोन बाक्‍ब” देंशा, मेको नु लडाइ पचा कली ल‍मा बाक्‍त। तन्‍न येहो-शाफात ठेयब सेंदा पा वाइ ब्रेम्‍माक्‍त।
1KI 22:33 मिनु मेको बग्‍गी ङोइश्‍शा, लडाइ पाइब आन ठेयब मुरपुकीम “एको दा इस्राएल ङा पिप ममाइ बाक्‍माक्‍त” दे तुइक्‍तमे बाक्‍त। मिनु मेको कली खेदा पचा प्रोंइशा लेम्‍मा बाक्‍त।
1KI 22:34 तन्‍न मुर कामी आ लिब्रा खुक्‍शा, हेंथे पा ब्रा आप्‍शा सोइक्‍ता बाक्‍त। मिनु मेको ब्रामी इस्राएल ङा पिप आ कुचु तेक्‍तीक पाता आ बोंइसेम ख्रवा बाक्‍त। मिनु पिपम आ बग्‍गी खुल्‍ब कली “बग्‍गी हिरशा लडाइ रे ग्रुंइदी। गो ठेयब गार दुम्‍शो बाक्‍नुङ” देंमाक्‍त।
1KI 22:35 मिनु नाक्‍त रे ठेयब लडाइ दुम्‍माक्‍त। पिप चहिं आ बग्‍गीम अरामी आन ङोंइती राप्‍शा बाक्‍शो बाक्‍माक्‍त। मेको आ गार रे ग्रूशो हुश बग्‍गी आगामीन शाइश्‍शो बाक्‍माक्‍त। मिनु मेको पिप मेको नाक्‍दोन बेक्‍माक्‍त।
1KI 22:36 मिनु नां लाक्‍गा नोले लडाइ पाइब आन हुलम “मुर नेल्‍ल इन सहर सहर नु इन बाक्‍तीक लने” देंशो लोव़ नेन्‍मे बाक्‍त।
1KI 22:37 मोपा पिप बेक्‍माक्‍त। मिनु मुरपुकीम मेको कली सामरीयाम चाक्‍शा थिम्‍मे बाक्‍त।
1KI 22:38 मिनु मेकोपुकीम मेको बग्‍गी सामरीया ङा दोम्‍ली काम मुरमे बाक्‍त। मेकेर कुचुमपुकीम आ हुश तुक्‍गमे बाक्‍त। तेल्‍लेमपुकी मेकेर जाक्‍शा, चिक्‍सी‍मा बाक्‍त। मोपा परमप्रभु यावे आ देंशो खोदेंशो दुम्‍माक्‍त। १राजा २१:१९; २राजा ९:२५-२६
1KI 22:39 आहाब आ पशो अरु गेय, मेको आ पशो नेल्‍ले, मेको आ सेल्‍शो हात्ती आन ख्रुइ के खिं नु मेको आ सेल्‍शो सहरपुकी, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?
1KI 22:40 मोपा आहाब बेक्‍माक्‍त। मिनु मेको आ पा ङा आ तौ अहाज्‍याह पिप दुम्‍माक्‍त।
1KI 22:41 आसा आ तौ येहो-शाफात यहूदा ङा पिप दुम्‍माक्‍त। मेना इस्राएल ङा पिप आहाबम सासन पशो ४ बर्स दुम्‍शो बाक्‍माक्‍त। १राजा १५:२४
1KI 22:42 येहो-शाफात पिप दुम्‍मेनु ३५ बर्स दुम्‍शो बाक्‍माक्‍त। मिनु मेकोम यरूसलेमम २५ बर्स सासन पवा बाक्‍त। मेको आ ममा आ नें अजुबाह बाक्‍माक्‍त। मेको शिल्‍ही आ तमी बाक्‍माक्‍त।
1KI 22:43 मेको गेना हना यो आ आफ आसा आ लांम गाक्‍माक्‍त। मिनु मेको रे गेनायो मलेम्‍माक्‍त। मेकोमी परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त। मो हना यो मेकोम डांडा मेर सेल्‍शो थानपुकी मप्रेदा बाक्‍त। मिनु मेना सम्‍म मुरपुकीम मेकेर पूजा पना पन धूप चोना चोन बाक्‍मा बाक्‍त।
1KI 22:44 येहो-शाफात इस्राएल ङा पिप नु यो गारशा बाक्‍माक्‍त। १राजा १५:१४; २राजा १२:४
1KI 22:45 येहो-शाफात आ पशो अरु गेय, आ सक्ति कोंइशो, मेको आ लडाइ पशो, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
1KI 22:46 मेकोमी आ आफ आसा आ पालाम लीशो थान ङा तेल्‍लेम वोंइश मुर आन कली क्‍याम्‍दा बाक्‍त। २इतिहास १७:-२०:-
1KI 22:47 मेना एदोमम सुइ पिप मबाक्‍मा बाक्‍त। मिनु मेकेर सोइश्‍शो मुर कामी मेको रागीम सासन पवा बाक्‍त। १राजा १५:१२
1KI 22:48 येहो-शाफातम ओफीर रे सुन चाक्‍चा कली टारसीस ङा खोदेंशो पा जहाजपुकी सेल्‍पदा बाक्‍त। तन्‍न मेकोपुकी एस्‍योन-गेबेरम बिग्रेतीके समुन्‍द्रम लने मचाप्‍‍मे बाक्‍त।
1KI 22:49 मेना आहाब आ तौ अहाज्‍याहम येहो-शाफात कली “इन गेय पाइबपुकी आं गेय पाइब नु जहाजम लचा गेने” देंमाक्‍त। तन्‍न येहो-शाफात मबिस्‍से बाक्‍त। १राजा ९:२८
1KI 22:50 मिनु नोले येहो-शाफात बेक्‍माक्‍त। मिनु मेको आ आफ दाऊद आ सहरम थिम्‍चा पुंइसे बाक्‍त। मिनु मेको आ पा ङा आ तौ येहोराम पिप दुम्‍माक्‍त।
1KI 22:51 आहाब आ तौ अहाज्‍याह सामरीयाम इस्राएल ङा पिप दुम्‍माक्‍त। मिनु मेकोम बर्स निक्‍शी इस्राएलम सासन पवा बाक्‍त। मेना यहूदा ङा पिप येहो-शाफात पिप दुम्‍शो १७ बर्स दुम्‍शो बाक्‍माक्‍त। २राजा ८:१६
1KI 22:52 पिप अहाज्‍याहमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मेको आ आंम आफ नु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। १राजा २२:४०
1KI 22:53 मेकोम बाल देवता कली पूजा पवा बाक्‍त। मेकोमी आ आफोम परमप्रभु यावे, इस्राएली आन परमप्रभु कली गाइक्‍पाइश्‍शो खोदेंशो पा, मेकोमी यो परमप्रभु कली गाइक्‍पदा बाक्‍त। १राजा १२:२८-३०
2KI 1:1 मिनु आहाब बेक्‍म नोले मोआबमी इस्राएली आन कली मटिवा बाक्‍त। २सामुएल ८:२; २राजा ३:४-२७
2KI 1:2 अहाज्‍याह सामरीया सहर ङा आ खिं ङा तला तार रे दोक्‍शा, गार दुम्‍माक्‍त। मोपतीके मेकोमी मुर आन कली “लशा, एक्रोन ङा देवता बाल-जेबुब नु पुनीन। गो एको आं गार रे सानुङा देय मसानुङा?” दे हिल्‍लो पचा कली सोइक्‍तीमी बाक्‍त। १राजा २२:५२-५४
2KI 1:3 तन्‍न परमप्रभु यावे आ स्‍वर्ग ङा गेय पाइबमी तिश्‍बे सहर ङा एलीया कली “बोक्‍शा लशा, सामरीया ङा पिप आ लोव़ कुरब आन कली ग्रुम्‍शा, मेको आन कली ‘मार, इस्राएलम परमप्रभु मबाक्‍बा ङा? मिनु गेपुकी एक्रोन ङा देवता बाल-जेबुब आ बाक्‍तीके हिल्‍लो पथ लनी?’ यसैया ८:१९
2KI 1:4 मोपतीके परमप्रभु यावेमी अहाज्‍याह कली ‘गे इ रोइ पा गोल्‍तीक रे मबोक्‍नेवे। गे थमा पा बेक्‍नेवे’ देंशो बाक्‍ब, देनीन” देंमाक्‍त। मिनु एलीया गाक्‍माक्‍त।
2KI 1:5 मिनु मेको लोव़ कुरब मुरपुकी पिप आ बाक्‍तीक लेश्‍शा जाक्‍मा बाक्‍त। मिनु पिपमी “गे मारदे लेश्‍शा जाक्‍नी?” दे हिल्‍लो पामी बाक्‍त।
2KI 1:6 मिनु मेकोपुकीमी “गो आंइ कली ग्रुम्‍थ मुर का जाक्‍त। मिनु मेकोमी ‘लेश्‍शा लशा इन कली सोइक्‍ब पिप आ बाक्‍तीक लने। मिनु मेको कली परमप्रभु यावेमी मार, इस्राएलम परमप्रभु मबाक्‍बा ङा? गे एक्रोन ङा देवता बाल-जेबुब कली हिल्‍लो पथ मुर सोइक्‍तीके, मसा‍नीनी, बेक्‍नीनी’ देंत माइक्‍चा” देंमा बाक्‍त।
2KI 1:7 मिनु पिपमी मेको आन कली “इन कली ग्रुम्‍शा, मेको लोव़ पाइब मुर दोदेंशो बाक्‍म” दे हिल्‍लो पामी बाक्‍त।
2KI 1:8 मिनु मेकोपुकीम “दलओंठ आ चां के प्रोव़शो वा फेक्‍सीशो नु कुशुल के पेटी किम्‍सीशो बाक्‍त” देंमा बाक्‍त। मिनु मेकोमी “मेको तिश्‍बे सहर ङा एलीया बाक्‍ब” देंमाक्‍त। इतिहास १६:१७; मत्ती ३:४
2KI 1:9 मिनु पिपमी ५० जना लडाइ पाइब नु आन कप्‍तान आन कली एलीया आ बाक्‍तीक सोइक्‍तीमी बाक्‍त। मिनु मेको ठेयब मुर डांडा ङोइश्‍शा एलीया आ बाक्‍तीक लमाक्‍त। मेना एलीया डांडाम बाक्‍शो बाक्‍माक्‍त। मिनु मेको कप्‍तानमी “परमप्रभु आ मुर, पिपमी इन कली ‘यिन’ देंशो बाक्‍ब” देंमाक्‍त।
2KI 1:10 मिनु एलीयामी मेको ५० जना ङा लडाइ पाइब आन कप्‍तान कली “गो परमप्रभु आ मुर बाक्‍ती हना, सरीङ रे मी दोक्‍शा, गे नु इ लडाइ पाइब ५० जना इन कली दाक्‍गल” देंमाक्‍त। मिनु सरीङ रे मी दोक्‍शा, मेको कप्‍तान नु आ लडाइ पाइब ५० जना आन कली दाक्‍गा बाक्‍त। लूका ९:५४; प्रकाश ११:५
2KI 1:11 मिनु मेको नोले पिपमी अर्को ५० जना लडाइ पाइब नु आन कप्‍तान कली एलीया आ बाक्‍तीक सोइक्‍तीमी बाक्‍त। मिनु मेको लडाइ पाइब आन कप्‍तान डांडा ङोइश्‍शा लशा “परमप्रभु आ मुर, पिपमी इन कली ‘रीब पा यिन’ देंत” देंमाक्‍त।
2KI 1:12 मिनु एलीयाम “गो परमप्रभु आ मुर बाक्‍ती हना, सरीङ रे मी दोक्‍शा, गे नु इ ५० जना लडाइ पाइब इन कली दाक्‍गल” देंमाक्‍त। मिनु परमप्रभु आ मी सरीङ रे दोक्‍शा, मेको नु मेको आ लडाइ पाइब ५० जना आन कली दाक्‍गा बाक्‍त।
2KI 1:13 मिनु पिपमी लेंशा ५० जना लडाइ पाइब नु आन कप्‍तान कली सोइक्‍तीमी बाक्‍त। मिनु मेको सोइश्‍शो लडाइ पाइब आन कप्‍तान डांडा ङोइश्‍शा एलीया आ बाक्‍तीक लमाक्‍त। मिनु मेकोमी एलीया आ ङोंइती पोक्‍च थेक्‍शा सेउ पा “परमप्रभु आ मुर, गो नु एको इन गेय पाइब ५० जना आंइ कली शिशी पा ब्रोंइचा गेने।
2KI 1:14 ङोंइती ङा ५०, ५० जना लडाइ पाइब नु आन कप्‍तान निक्‍शी आस कली सरीङ रे मी दोक्‍शा, दाक्‍तु। तन्‍न मुल आंइ कली शिशी पा ब्रोंइचा गेने” देंमाक्‍त।
2KI 1:15 मिनु परमप्रभु यावे आ स्‍वर्ग ङा गेय पाइबमी एलीया कली “मेको नु उइ ब्रुपो। मेको क्‍येङा महिनो” देंमाक्‍त। मोपतीके एलीया मेको लडाइ पाइब आन कप्‍तान नु पिप आ बाक्‍तीक लमाक्‍त।
2KI 1:16 मिनु मेकोमी पिप कली “परमप्रभु यावेमी इन कली ‘मार, इस्राएलम परमप्रभु मबाक्‍बा ङा? मिनु गे मुर आन कली एक्रोन ङा देवता बाल-जेबुब आ बाक्‍तीके हिल्‍लो पथ सोइक्‍तीनी? मोपतीके गे इन गोल्‍तीके रे मबोक्‍नीनी। गे थमा पा बेक्‍नीनी’ देंशो बाक्‍ब” देंमाक्‍त।
2KI 1:17 मिनु एलीयामी देंशो खोदेंशो पा, परमप्रभु यावे आ लोव़ गाप्‍शा अहाज्‍याह बेक्‍माक्‍त। मिनु मेको आ पा ङा आ लोक्‍ब येहोराम पिप दुम्‍माक्‍त। मारदे हना अहाज्‍याह के तौ मबाक्‍मा बाक्‍त। मेना यहूदा ङा पिप येहो-शाफात आ तौ येहोराम यहूदा ङा पिप दुम्‍शो बर्स निक्‍शी दुम्‍शो बाक्‍माक्‍त। येहोराम कली ब्रेत्‍तीक नें योराम यो बाक्‍त।२राजा ३:१
2KI 1:18 अहाज्‍याह आ पशो अरु गेय, मार, इस्राएल ङा पिप आन इतिहासम ब्रेक्‍शो मबाक्‍बा ङा?
2KI 2:1 परमप्रभु यावेमी एलीया कली फश गिवारम क्‍युक्‍शा स्‍वर्ग लाइक्‍चा चिक्‍शो बाक्‍माक्‍त। मेना एलीया नु एलीशा गिल्‍गाल प्रोंइशा गाक्‍ना गाक्‍न बाक्‍सा बाक्‍त।
2KI 2:2 मिनु एलीयामी एलीशा कली “गे एक उइ बाक्‍को। मारदे हना परमप्रभु यावेमी आं कली बेथेल सोइश्‍शो बाक्‍ब” देंमाक्‍त। तन्‍न एलीशामी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निक्‍शी बेथेल ब्रुप्‍सा बाक्‍त।
2KI 2:3 मिनु मेकेर परमप्रभु यावे आ लोव़ पाइब आन हुल का जाक्‍शा, एलीशा कली “परमप्रभु यावेमी मुलाक्‍ती इन होव़प कली लाइक्‍ब, दे तुइक्‍नीनी?” दे हिल्‍लो पामे बाक्‍त। मिनु एलीशामी “गो तुइक्‍नुङ। गे सिक्‍सी पने” देंमाक्‍त।
2KI 2:4 मिनु एलीयामी मेको कली “एलीशा गे एक बाक्‍को। मारदे हना परमप्रभु यावेमी आं कली यरीको सोइश्‍शो बाक्‍ब” देंमाक्‍त। तन्‍न मेकोमी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निक्‍शी यरीको सम्‍म ब्रुप्‍सा बाक्‍त।
2KI 2:5 मिनु यरीकोम परमप्रभु यावे आ लोव़ पाइब आन हुल का जाक्‍शा, एलीशा कली “परमप्रभु यावेमी मुलाक्‍ती इन होव़प कली लाइक्‍ब, दे तुइक्‍नीनी?” दे हिल्‍लो पामे बाक्‍त। मिनु मेकोमी “गो तुइक्‍नुङ। गे सिक्‍सी पने” देंमाक्‍त।
2KI 2:6 मिनु एलीयामी मेको कली “गे एक उइ बाक्‍को। मारदे हना परमप्रभु यावेम आं कली ‘यर्दन खोला लावो’ दे सोइक्‍ताक्‍यी” देंमाक्‍त। तन्‍न एलीशामी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निम्‍फा गाक्‍सा बाक्‍त।
2KI 2:7 मिनु ५० जना परमप्रभु यावे आ लोव़ पाइबपुकीम एलीया नु एलीशा आस नोले खोदमे बाक्‍त। मिनु मेको निक्‍शी यर्दन खोला आ नेक्‍था राप्‍शा बाक्‍सानु, मेकोपुकी ङोन रे कोव़शो बाक्‍मा बाक्‍त।
2KI 2:8 मिनु एलीयामी आ फेक्‍शो वा प्रुइश्‍शा ओल्‍शा यर्दन खोला ङा ब्‍वाक्‍कु तुबा बाक्‍त। मिनु ब्‍वाक्‍कु ग्‍युरा गे नु पेरा गे ब्राशा, सोव़शो लां दुम्‍माक्‍त। मेको निक्‍शी आइक्‍ची हांबु मजाक्‍दीस्‍सा सम्‍म मोपा ब्राशा बाक्‍माक्‍‍त। प्रस्‍थान १४:२१-२२; यहोसु ३:१६
2KI 2:9 मिनु खोला शोक्‍ससा नोले एलीयाम एलीशा कली “आं कली इ रे पा लाइक्‍चा पुंइसीचा क्‍येङा ङोंइती गो इ पर्बम मार पङ?” देंमाक्‍त। मिनु एलीशामी “इन सोक्‍त क्‍येङा भाग निक्‍शी आं कली गेयीनी” देंमाक्‍त। ब्‍यवस्‍था २१:१७
2KI 2:10 मिनु एलीयामी “गे दा ठेयब लोव़ कका पुंइतीवी। तन्‍न आं कली एक रे क्‍युक्‍शा लाइश्‍शो ताप्‍तीवी हना, मेको इ पुंइ‍शो गाप्‍ब। तन्‍न मताप्‍तीवी हना, मेको इ पुंइशो मगाप्‍ब” देंमाक्‍त।
2KI 2:11 मिनु मेको निक्‍शी लोव़ पना पन गाक्‍सा बाक्‍त। मिनु रीब पा मी ब्रशो बग्‍गी नु शारापुकी ग्रूमा बाक्‍त। मिनु मेकोपुकीमी मेको निक्‍शी आस कली फ्रादमे बाक्‍त। मिनु एलीया फश गिवारम क्‍युक्‍शा इर सरीङ लाइक्‍चा पुंइसे बाक्‍त। उत्‍पत्ती ५:२४
2KI 2:12 मिनु एलीशाम मेको तशा, वाइ ब्रेश्‍शा “ए आं आफ! ए आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। मिनु मेना रे एलीशाम एलीया कली लेंशा मतवा बाक्‍त। मिनु नोले मेकोमी आ वा जेर खाक्‍गा बाक्‍त। २राजा ६:२१; २राजा १३:१४
2KI 2:13 मिनु एलीशाम एलीया आ दोक्‍शो फेक्‍शो वा गुबा बाक्‍त। मिनु लेश्‍शा यर्दन खोला आ नेक्‍था राम्‍माक्‍त।
2KI 2:14 मिनु मेकोमी एलीया आ फेक्‍शो वामी ब्‍वाक्‍कु तुप्‍शा “परमप्रभु यावे, एलीया आ परमप्रभु ते बाक्‍म?” देंमाक्‍त। मिनु ब्‍वाक्‍कु तुबा बाक्‍त। मिनु ब्‍वाक्‍कु ग्‍युरा गे नु पेरा गे ब्रामेनु, मेको ओंथ हांबु शोक्‍से बाक्‍त।
2KI 2:15 मिनु मेको कोव़शा बाक्‍ब यरीको ङा परमप्रभु यावे आ लोव़ पाइब हुलमी “एलीया आ सोक्‍त एलीशा तार जाक्‍माक्‍त” देंमा बाक्‍त। मिनु मेकोपुकी एलीशा कली ग्रुम्‍थ जाक्‍मा बाक्‍त। मिनु मेको आ ङोंइती खप सम्‍मन बाम्‍मा बाक्‍त।
2KI 2:16 मिनु मेकोपुकीम एलीशा कली “कोव़ङीन, गो इन गेय पाइबपुकी नु बोल्‍यो ५० जना मुर बाक्‍नीम। मेकोपुकी लशा, इन होव़प कली माल्‍चा गेने। परमप्रभु यावे आ सोक्‍तीम क्‍युक्‍शा लाइश्‍शा, मेको कली तेकोइ पहाड, बेंसीम वोइश्‍शो बाक्‍म माइ” देंमा बाक्‍त। तन्‍न एलीशाम “ममाइ, मेको आन कली मसोइक्‍तीन” देंमाक्‍त।
2KI 2:17 तन्‍न मेकोपुकीम एलीशा कली सोइक्‍तीन कि सोइक्‍तीन देंमा बाक्‍त। मिनु एलीशाम मेको आन कली “लो, मो हना सोइक्‍तीन” देंमाक्‍त। मिनु मेकोपुकीम मेको ५० जना मुर आन कली सोइक्‍तमे बाक्‍त। मिनु मेकोपुकीम नाक्‍त सां सम्‍म माल्‍शा मथिदमे बाक्‍त।
2KI 2:18 मिनु एलीशा यरीकोम बाक्‍मेनु, मेकोपुकी लेश्‍शा, मेको आ बाक्‍तीक जाक्‍मा बाक्‍त। मिनु एलीशाम मेको आन कली “मार, गो इन कली मलन मदेंङा ङा?” दे माइक्‍मी बाक्‍त।
2KI 2:19 मिनु मेको सहर ङा मुरपुकीम एलीशा कली “एको आंइ सहर रिम्‍शो बाक्‍ब। तन्‍न एकेर ङा ब्‍वाक्‍कु मरिम्‍शो बाक्‍ब। मिनु एको ब्‍वाक्‍कुमी आल शाम्‍पाइक्‍ब” देंमा बाक्‍त।
2KI 2:20 मिनु मेकोमी “आं कली नक बोस का गेयीनी। मिनु मेकेर हिक्‍सी कुर पने” देंमाक्‍त। मिनु मेकोपुकीम मोपा चाक्‍गमे बाक्‍त।
2KI 2:21 मिनु एलीशा मेको ब्‍वाक्‍कु बुक्‍तीकेम लशा, मेको हिक्‍सी ब्रुइश्‍शा, मेकोमी “परमप्रभु यावेमी मार देंत देंशा हना ‘गो एको ब्‍वाक्‍कु कली रिम्‍शो सेल्‍ता। मुल एकोमी मबेक्‍पाइक्‍ब, मशाम्‍पाइक्‍ब’ देंत” देंमाक्‍त।
2KI 2:22 मिनु एलीशा आ देंशो खोदेंशो पा मेको ब्‍वाक्‍कु मुल सम्‍म रिम्‍शो बाक्‍ब।
2KI 2:23 मेको नोले एलीशा इर बेथेल लमाक्‍त। मिनु लना लन बाक्‍मेनु, सहर ङा हुल का वोंइश आल जाक्‍शा, मेको कली शाक्‍शा “ए तालु खुइले, इर लावो। ए तालु खुइले, इर लावो” दे ग्रीमा बाक्‍त।
2KI 2:24 मिनु मेकोम लेश्‍शा कोव़शा, मेको आन कली परमप्रभु यावे आ नेंमी सराप पाइक्‍मी बाक्‍त। मिनु ब्‍वाकी रे छाउरी वां निक्‍शी ग्रूशा, मेको आन दाते ङा ४२ जना आन कली क्राइ‍श्‍शा साइक्‍मी बाक्‍त।
2KI 2:25 मिनु मेको मेकेर रे कारमेल डांडा लमाक्‍त। मिनु नोले सामरीया लेम्‍माक्‍त।
2KI 3:1 आहाब आ तौ येहोराम सामरीयाम इस्राएल ङा पिप दुम्‍माक्‍त। मिनु मेकोमी १२ बर्स सासन पवा बाक्‍त। मेना यहूदा ङा पिप येहो-शाफात पिप दुम्‍शो १८ बर्स दुम्‍शो बाक्‍माक्‍त। २राजा १:१७
2KI 3:2 मिनु येहोराममी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। तन्‍न मेको आ आंम आफोम पशो खोदेंशो चहिं ममाइ। मेकोमी आ आफ आ सेल्‍शो बाल आ थामपुकी प्रेदा बाक्‍त। १राजा १६:३२
2KI 3:3 मो हना यो मेकोमी नेबात आ तौ येरोबामम इस्राएली आन कली पपाइश्‍शो पाप मप्रोंइथु, पवा बाक्‍त।
2KI 3:4 मोआब ङा पिप मेशामी भेडा थुल्‍बाक्‍माक्‍त। मिनु मेकोमी गेना हना यो इस्राएल ङा पिप कली लाख का पाठा नु लाख का सांड आन ऊन गेबाक्‍माक्‍त।
2KI 3:5 तन्‍न आहाब बेक्‍म नोले मोआब ङा पिपमी इस्राएल ङा पिप कली मटिवा बाक्‍त।
2KI 3:6 मोपतीके पिप येहोराम सामरीया रे जाक्‍शा, इस्राएली नेल्‍ल आन कली खुप्‍तीमी बाक्‍त।
2KI 3:7 मिनु मेकोमी यहूदा ङा पिप येहो-शाफात कली “मोआब ङा पिपम आं कली मटीयी। गे आं कली मोआब ङा पिप नु लडाइ पचा कली वारच पाइक्‍नीनी” दे लोव़ कुरब मुर सोइक्‍तीमी बाक्‍त। मिनु मेकोमी “गो वारच पाइनुङ। गो गे नु बाक्‍नुङ। आं मुर इन मुर नम। आं शारा नेल्‍ल इन के नम” देंमाक्‍त। १राजा २२:४
2KI 3:8 मिनु येहो-शाफातमी “गो ते रे लडाइ तोय?” दे हिल्‍लो पवा बाक्‍त। मिनु येहोराममी “एदोम ङा गोरशो रागी रे” देंमाक्‍त।
2KI 3:9 मोपतीके इस्राएल ङा पिप, यहूदा ङा पिप नु एदोम ङा पिप गारशा, लडाइ पथ लमा बाक्‍त। मिनु मेकोपुकी ७ नाक्‍त सम्‍म गाक्‍मानु, लडाइ पाइब नु आन लाइश्‍शो बी ब्‍यफ आन कली तूतीक ब्‍वाक्‍कु मबाक्‍माक्‍त।
2KI 3:10 मिनु इस्राएल ङा पिपमी “आबी, परमप्रभु यावेमी गो पिप सां इं कली मोआबी आन गुइमी जिम्‍मा गेचा कली एक चाक्‍शो बाक्‍त” देंमाक्‍त।
2KI 3:11 तन्‍न येहो-शाफातमी “मार एकेर परमप्रभु यावे आ लोव़ पाइब सुइ मबाक्‍नीमी? मेको रे पा गो परमप्रभु यावे कली हिल्‍लो पने चाप्‍नीक” देंमाक्‍त। मिनु इस्राएल ङा पिप आ गेय पाइब आन दाते ङा काम “एलीया आ गुइम ब्‍वाक्‍कु लुक्‍ब शाफात आ तौ एलीशा एक बाक्‍ब” देंमाक्‍त। १राजा २२:५,७; १राजा १९:१९-२१
2KI 3:12 मिनु येहो-शाफातमी “परमप्रभु यावे आ लोव़ मेको नु बाक्‍ब” देंमाक्‍त। मोपतीके इस्राएल ङा पिप, येहो-शाफात नु एदोम ङा पिप एलीशा आ बाक्‍तीक ब्रुम्‍मा बाक्‍त।
2KI 3:13 मिनु एलीशाम इस्राएल ङा पिप कली “गे नु गो इस के मार बाक्‍बा ङा? इन आम आफ आस नोले दुम्‍ब लोव़ पाइब आन बाक्‍तीक लने” देंमाक्‍त। तन्‍न इस्राएल ङा पिपमी मेको कली “ममाइ, परमप्रभु यावेमी गो पिप सांफा आंइ कली मोआबी आन गुइमी जिम्‍मा गेचा कली एक चाक्‍शो बाक्‍ब” देंमाक्‍त।
2KI 3:14 मिनु एलीशामी “गो आं गेय पशो, मुर नेल्‍ल आन परमप्रभु यावे ब्रोंइशा बाक्‍शो खोदेंशो पा यहूदा ङा पिप येहो-शाफात कली मान मपशो नङ हना, गो इन कली मसेत्‍तु वा, मारेइ मसुदु वा” देंमाक्‍त। १राजा १८:१५
2KI 3:15 मिनु मेकोमी “तन्‍न मुल आं कली तार पाइश्‍शो ताप्‍तीके ताप्‍ब का चाक्‍कीन” देंमाक्‍त। मिनु मेकोमी तार पाइश्‍शो ताप्‍तीक ताप्‍बमी तबानु, परमप्रभु यावे आ सक्तिम एलीशा कली सुमा बाक्‍त। १सामुएल १६:१६
2KI 3:16 मिनु मेकोमी “परमप्रभु यावेमी ‘गे एको खोल्‍सा ङा दिंमम दोम्‍ली नु शुश खाल्‍टा दोन’ ” देंमाक्‍त।
2KI 3:17 मारदे हना परमप्रभु यावेमी “गे फश गिवार नु रेउ यिशो मताइनीनी। मो हना यो एको दिंम ब्‍वाक्‍कुम ब्रीब। मिनु गे, इन बी ब्‍यफ नु इन शाराम ब्‍वाक्‍कु तूनीनी।
2KI 3:18 एको परमप्रभु यावे आ ङोंइती आइक्‍च गेय का ला बाक्‍ब। मेकोमी मोआबी आन कली यो इन गुइम गेब।
2KI 3:19 गेपुकीम गारो हिरशो सहर नेल्‍ल नु ठेयब दारशो सहर नेल्‍ल ग्रानीनी। गेपुकीम रिम्‍शो रवा नेल्‍ल तिम्‍नीनी। मिनु ब्‍वाक्‍कु यितीक नेल्‍ल तेक्‍नीनी। मिनु रू नेल्‍लेम फुल्‍लु तेल्‍नीनी, देंशो बाक्‍ब” देंमाक्‍त।
2KI 3:20 मिनु आ दीसा सुनी चढ़ेची ना छक लाक्‍चा ङा पा एदोम रे ब्‍वाक्‍कु शाइश्‍शा यिचा गोवा बाक्‍त। मिनु रागी नेल्‍ल ब्‍वाक्‍कुम ब्रीमाक्‍त। गन्‍ती २८:४-५
2KI 3:21 मेना मोआबीपुकीम पिप नेल्‍ल गोपुकी नु लडाइ पथ जाक्‍शो बाक्‍नीम देंशो लोव़ नेन्‍मे बाक्‍त। मोपतीके या चलेने चाप्‍ब वोंइश मुर, ठिटा नु खाल्‍पा नेल्‍ल आन कली ब्रेत्‍मे बाक्‍त। मिनु मेको आन कली लडाइ पचा कली ठीक पामे बाक्‍त।
2KI 3:22 मिनु मेकोपुकी आ दीसा सुनी कना बोक्‍मा बाक्‍त। मिनु मेना ब्‍वाक्‍कुम नां टल्‍केशो तांइसीशो बाक्‍माक्‍त। मिनु मोआबीपुकीम मेको आन ङोंइती ङा ब्‍वाक्‍कु नांम हुश खोदेंशो लल तामे बाक्‍त।
2KI 3:23 मिनु मेकोपुकीम “एको दा हुश बाक्‍त। मेको पिपपुकी आंम आंमा लडाइ पा साइक्‍मुमा बाक्‍त, थांका। मुल ए मोआबी, मार मार रोइक्‍थ लय” देंमुमा बाक्‍त।
2KI 3:24 मिनु मोआबी इस्राएली आन बाक्‍तीकेम जाक्‍मानु, इस्राएली ग्रूशा मेको आन कली मप्रोक्‍पदमे सम्‍म लडाइ तोव़मे बाक्‍त। मिनु इस्राएलीम मोआबी आन कली लडाइ तोस ङा तोस पामे बाक्‍त।
2KI 3:25 मिनु मेकोपुकीम मेको आन सहर प्रेश्‍शा श्‍येत्‍थ पोक्‍गमे बाक्‍त। मिनु मुर नेल्‍लेमी मेको आन रूम फुल्‍लु का का ताइश्‍शा, तेइ तेइ फुल्‍लुम प्रिंदमे बाक्‍त। मेकोपुकीम ब्‍वाक्‍कु यितीक नेल्‍ल तेक्‍गमे बाक्‍त। मिनु रिम्‍शो रवा नेल्‍ल तिम्‍मे बाक्‍त। मेकोपुकीम किर-हारेसेथ सहर ङा गारो ला हेंदमे बाक्‍त। तन्‍न मेको सहर कली हुरद आप्‍बपुकीम तेक्‍शा लडाइ तोव़मे बाक्‍त।
2KI 3:26 मिनु मोआब ङा पिपमी लडाइ ब्रुइ‍नुङ, दे तुइश्‍शा, तरवार शेब लडाइ पाइब ७ सहे जना आन कली लाइश्‍शा, एदोम ङा पिप आ बाक्‍तीक ओव़चा कली लमाक्‍त। तन्‍न मेकोमी मो पने मचबा बाक्‍त।
2KI 3:27 मिनु मेकोमी आ पा ङा पिप दुम्‍ब आ ङोंइती जरमेशो तौ कली गारोम क्‍योरशा चोशा चढ़ेवा बाक्‍त। मिनु इस्राएली छक लाक्‍शा लेश्‍शा आन रागी लमा बाक्‍त।
2KI 4:1 मिनु परमप्रभु यावे आ लोव़ पाइब का आ मीश जाक्‍शा ठेयब सेंदा पा एलीशा कली “इन गेय पाइब आं वोंइश बेक्‍त। मेको परमप्रभु यावे कली मान पा हिंब बाक्‍त, दे तुइक्‍नीनी। तन्‍न मुल मेको आ जेर जशो मुर जाक्‍शा आं आल निक्‍शी आस कली वाइल सेल्‍चा कली लाइक्‍चशो बाक्‍ब” देंमाक्‍त।
2KI 4:2 मिनु एलीशामी मेको कली “गो इ कली मार पाइनुङा? इ खिंम मार बाक्‍बा? आं कली देनो” देंमाक्‍त। मिनु मेकोमी “गो, इन वाइलीम आं खिंम गर का तेल ङा लाक्‍शा अर्को मारेइ मबाक्‍ब” देंमाक्‍त। १राजा १७:१२
2KI 4:3 मिनु एलीशामी “इ नेक्‍था ङा मुर आन खिं लशा, श्‍येत्‍थ गर का निक्‍शी ला ममाइ, शुश गर पुंइशा चाक्‍को।
2KI 4:4 मिनु गे खिं ओव़शा, इ आल आस कली यो आगा ओंइशा, लाप्‍चो चोक्‍को। मिनु मेको गर ङा तेल अर्को गर नेल्‍लेम कुर पावो। मिनु ब्रीशो गार याक्‍शा वोतो” देंमाक्‍त।
2KI 4:5 मिनु मेको मीश मुर एलीशा आ बाक्‍तीक रे गाक्‍माक्‍त। मिनु आ खिं जाक्‍दीश्‍शा, आ आल आस कली खिंङगा ओंइशा लाप्‍चो चोक्‍गा बाक्‍त। मिनु आ चाक्‍शो श्‍येत्‍थ गर शुशेमी तेल प्रिंदा बाक्‍त।
2KI 4:6 मिनु मेको गर तेलम ब्रीमा बाक्‍त। मिनु मेकोमी आ तौ कली “अर्को गर चाक्‍को” देंमाक्‍त। मिनु मेकोमी “मुल श्‍येत्‍थ गार का यो मबा” देंमाक्‍त। मिनु तेल यिचा यो देक्‍माक्‍त।
2KI 4:7 मिनु मेको लशा, मेको परमप्रभु आ मुर कली शेंदा बाक्‍त। मिनु मेकोमी “लशा मेको तेल लेयङो। मिनु इ जेर थाप्‍तो। मिनु लीशो क्‍येट चहिं इन खिं ङा मुर आन कली थुल्‍चा कली दुम्‍ल” दे मदा बाक्‍त।
2KI 4:8 काबु नाक्‍ती एलीशा शुनेम सहर लमाक्‍त। मेकेर शुश शोंप पाइश्‍शो मीश मुर का बाक्‍माक्‍त। मिनु मेकोम एलीशा कली जथ तूथ ब्रेत्‍ता बाक्‍त। मिनु एलीशा मेको मेर गाक्‍मेनु, जथ तूथ ओव़बाक्‍माक्‍त। यहोसु १९:१८
2KI 4:9 मिनु काबु नाक्‍त मेको मीश मुरुमी आ वोंइश कली “एको गेना हना यो इं लां रे गाक्‍ब मुर थमा पा परमप्रभु आ मुर बाक्‍ब, दे गो तुइक्‍नुङ।
2KI 4:10 गो तला तार थरपु हिरशा मेको कली आइक्‍च कोठा का सेल्‍शा गेय। मिनु मेको कोठाम मेको कली खाट का, टेबल का, नित्‍तीक का नु बत्ती का वोइश्‍शा गेचा। मिनु मेको एक जाक्‍मेनु, मेकेर बाक्‍तीक पवल” देंमाक्‍त।
2KI 4:11 मिनु काबु नाक्‍त एलीशा जाक्‍शा, नाइक्‍चा कली मेको कोठाम लशा गोल्‍माक्‍त।
2KI 4:12 मिनु मेकोम आ गेय पाइब गेहाजी कली “मेको शुनेम सहर ङा मीश मुर कली ब्रेश्‍शा कुतो” दे मदा बाक्‍त। मिनु मेकोम, मेको कली ब्रेत्‍ता बाक्‍त। मिनु मेको एलीशा आ ङोंइती जाक्‍माक्‍त।
2KI 4:13 मिनु एलीशाम आ गेय पाइब कली “मेको कली ‘गे आं पर्बम इश्‍का श्‍येत पाप्‍तीवी। मुल गो इ कली मार पने चाप्‍नुङा? मार, गो इ पर्बम पिप नु लडाइ पाइब आन ठेयब मुर नु मारेइ लोव़ पशा गेना?’ दे मेको कली हिल्‍लो पावो” दे मदा बाक्‍त। मिनु मेको मीश मुरुमी “गो एक आं मुर आन दातेमीन बाक्‍नुङ” देंमाक्‍त।
2KI 4:14 मिनु एलीशाम गेहाजी कली “मो हना मुल गो मेको कली मार पने चाप्‍नुङा?” देंमाक्‍त। मिनु गेहाजीम “मेको के तौ मबाक्‍ब। आ वोंइश खूशो दुम्‍शो बाक्‍ब” देंमाक्‍त।
2KI 4:15 मिनु एलीशामी “मेको कली ब्रेत्‍तो” देंमाक्‍त। मिनु गेहाजीम मेको कली ब्रेत्‍तानु, मेको लाप्‍चोम राम्‍माक्‍त। २राजा २:२५
2KI 4:16 मिनु एलीशामी “अर्को बर्स इ थुकुम तौ का बाक्‍ब” देंमाक्‍त। मिनु मेकोमी “ममाइ, आं प्रभु, गे परमप्रभु आ मुर बाक्‍नीनी। मोपा इन वाइलीम आं कली जोल मपने” देंमाक्‍त। उत्‍पत्ती १८:१०,१४
2KI 4:17 मिनु मेको कोव़ज कुरशो दुम्‍शा, एलीशाम देंम ना तौ का थिमाक्‍त।
2KI 4:18 मिनु मेको आल कोल्‍शा, काबु आ आफ नु खेत्‍ला आन अन्‍न खुप्‍तीकेम लमाक्‍त। २राजा ४:१६
2KI 4:19 मिनु मेकोमी आ आफ कली ठेयब सेंदा पा “आं पिया ब्‍वती, आं पिया ब्‍वती” देंमाक्‍त। मिनु आ आफोम आ गेय पाइब का कली “एको कली आ ममा आ बाक्‍तीक लतो” दे मदा बाक्‍त। लूका १०:४
2KI 4:20 मिनु मेको गेय पाइब मुरुम मेको आल कली आ ममा आ बाक्‍तीक चाक्‍दीदा बाक्‍त। मिनु मेको आल आ ममा आ थुकुम नाक्‍ती उइक्‍थ दुम सम्‍म बाक्‍शा बेक्‍माक्‍त।
2KI 4:21 मिनु मेको मीश मुरुमी मेको आल कली इर परमप्रभु आ मुर आ ब्राख्‍येम लाइश्‍शा खोल्‍शा वोइश्‍शा लाप्‍चो चोक्‍शा ग्रूशा गाक्‍माक्‍त।
2KI 4:22 मिनु मेकोमी आ वोंइश कली ब्रेश्‍शा “आं कली गेय पाइब का नु गधा का सोइक्‍तीनी। मिनु गो रीब पा परमप्रभु आ मुर बाक्‍तीक लशा लेत्‍नुङ” देंमाक्‍त।
2KI 4:23 मिनु आ वोंइशेमी “मुलाक्‍त मारदे लचा माल्‍दे? औंसी यो ममाइ, नाइक्‍तीक नाक्‍त यो ममाइ” दे मदा बाक्‍त। मिनु मेकोमी “लचा माल्‍नुङ” देंमाक्‍त।
2KI 4:24 मिनु मेकोमी गधाम लगम पाइश्‍शा, आ गेय पाइब कली “गो नाइक्‍तो मदेंङा सम्‍म खुलो देश मपावो” दे मदा बाक्‍त।
2KI 4:25 मोपा मेको गाक्‍शा, परमप्रभु आ मुर बाक्‍तीके कारमेल डांडाम जाक्‍माक्‍त। मिनु परमप्रभु आ मुरुम मेको कली ङोन रेन तशा आ गेय पाइब गेहाजी कली “कोव़ङ, दे मेरे जाक्‍ब शुनेम सहर ङा मीश मुर बाक्‍ब।
2KI 4:26 गे दोरशा लशा मेरे कली ‘मार नेल्‍ल रिम्‍शोन बाक्‍बा? मार, इ वोंइश रिम्‍शोन बाक्‍मे? इ आल रिम्‍शोन बाक्‍मे?’ दे हिल्‍लो पावो” दे मदा बाक्‍त। मिनु मेकोम हिल्‍लो पवानु “नेल्‍ल रिम्‍शोन बाक्‍नीम” देंमाक्‍त।
2KI 4:27 मिनु मेको परमप्रभु आ मुर बाक्‍तीक डांडाम जाक्‍शा, एलीशा आ खोइल मुबा बाक्‍त। मिनु गेहाजी मेको कली फ्राचा कली जाक्‍मेनु, परमप्रभु आ मुरुम एको कली “मपावो, एको कली ठेयब श्‍येत दुम्‍शो बाक्‍ब। तन्‍न परमप्रभु यावेमी मेको लोव़ ख्रुइश्‍शा, आं कली मशेंदी” देंमाक्‍त।
2KI 4:28 मिनु मेको मीश मुरुमी “ए आं प्रभु, मार गो तौ पुंइशो नङा ङा? आं कली आस कोंइशा मोशा मसेल्‍यीनी देंशा पुंइशो मनङा ङा?” देंमाक्‍त।
2KI 4:29 मिनु एलीशाम गेहाजी कली “इ किप्‍शुर किम्‍सो। एको आं कोक्‍के कुरशा दोरशा लावो। लांम सुइ ग्रुम्‍तीवी हना, मेकोपुकी नु लोव़ पचा कली मदिक्‍को। सुइमी इ कली लोव़ पाम्‍तेक्‍म हना, मेको आन कली लोव़ मलेत्‍तो। एको आं कोक्‍के लाइश्‍शा, मेको आल आ कुलुम वोतो” दे मदा बाक्‍त।
2KI 4:30 तन्‍न मेको आल आ ममामी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा गो इन कली मप्रोंइनुङ” देंमाक्‍त। मोपतीके एलीशा बोक्‍शा, मेको मीश मुर आ नोले खोदा बाक्‍त।
2KI 4:31 गेहाजी चहिं ङोंइती लशा मेको कोक्‍के मेको आल आ कुलुम वोदा बाक्‍त। तन्‍न मेको मारेइ मदुम्‍माक्‍त। मोपतीके एलीशा कली ग्रुम्‍चा कली गेहाजी लेम्‍माक्‍त। मिनु मेको कली “मेको आल मसेस” देंमाक्‍त।
2KI 4:32 मिनु एलीशा खिं जाक्‍मेनु, मेको आल कली आ ब्राख्‍येम बेक्‍शो थिदा बाक्‍त।
2KI 4:33 मिनु एलीशा आगा ओव़शा लाप्‍चो चोक्‍शा, परमप्रभु यावे कली पुना बाक्‍त। प्रेरित ९:४०
2KI 4:34 मेको नोले मेको ब्राख्‍येम ङोइश्‍शा, मेको आल आ शोव़म आ शोव़, मेको आ मिक्‍चम आ मिक्‍ची नु मेको आ गुइम आ गुइ वोइश्‍शा, मेको आल तार गोल्‍माक्‍त। मिनु मेको आल होना होन लमाक्‍त। १राजा १७:२१
2KI 4:35 मिनु एलीशा बोक्‍शा कोठाम एर ओंथ पवा बाक्‍त। मिनु मेको लेंशा खाट ङोइश्‍शा मेको आल कली कोव़ङानु, मेको आलम ७ खेयप हाक्‍च पा, आ मिक्‍च पाक्‍गा बाक्‍त।
2KI 4:36 मिनु एलीशाम गेहाजी कली “मेको शुनेम सहर ङा मीश मुर कली ब्रेश्‍शा, एक चाक्‍को” दे मदा बाक्‍त। मिनु मेकोमी मेको कली ब्रेत्‍ता बाक्‍त। मिनु मेको मीश मुर जाक्‍मेनु, एलीशामी मेको कली “इ तौ लतो” दे मदा बाक्‍त।
2KI 4:37 मिनु मेको आगा ओव़शा एलीशा आ खोइलीम खप सम्‍मन बाम्‍माक्‍त। मिनु मेको नोले आ तौ लाइश्‍शा ग्रूशा लमाक्‍त।
2KI 4:38 मिनु एलीशा लेश्‍शा गिल्‍गाल लमाक्‍त। मेना मेको रागीम ठेयब अन्‍काल दुम्‍शो बाक्‍माक्‍त। परमप्रभु यावे आ लोव़ पाइब आन हुल का मेको आ ङोंइती बाक्‍मा बाक्‍त। मिनु मेकोम आ गेय पाइब कली “चुप्‍लुम ठेयब बोस का काशा एको परमप्रभु यावे आ लोव़ पाइब आन हुल आन कली खोले क्‍येवो” दे मदा बाक्‍त।
2KI 4:39 मेको आन दाते ङा का चहिं गिग खाइ माल्‍थ रू मेर लमाक्‍त। मिनु ब्‍वाकी ङा वोबीस थिदा बाक्‍त। मिनु मेकोम मेको सेक्‍शा पोल्‍टो का पा चाक्‍गा बाक्‍त। मेकोमी मेको मार बाक्‍मे, दे मतुइक्‍थु प्रेक्‍शा खोलेम सुप्‍ता बाक्‍त।
2KI 4:40 मिनु मुरपुकीम जामेक्‍ल, दे मेको तेम्‍शा ख्रेत्‍तीमी बाक्‍त। मिनु मेकोपुकीम जशा, ठेयब सेंदा पा “ए परमप्रभु आ मुर, एको बोसुम दा ओश्‍येर कका बाक्‍त” देंमा बाक्‍त। मिनु मेकोपुकीम मेको जने मचाप्‍‍मे बाक्‍त।
2KI 4:41 मिनु एलीशाम “इच्‍का खोइ फस चाक्‍कीन” देंमाक्‍त। मिनु मेकोम मेको फस बोसुम कुर पवा बाक्‍त। मिनु मेकोमी “मुल मेको आन कली एको जचा गेने” देंमाक्‍त। मेको नोले मेको बोसुम ओश्‍येर मबाक्‍माक्‍त।
2KI 4:42 मिनु बाल-शालीशा ङा मुर काम परमप्रभु आ मुर कली आ ङोंइती मीशो क्‍योव़ज के २० ओटा शोब्‍ले नु नक मीशो अन्‍न चाक्‍शा जाक्‍माक्‍त। मिनु एलीशाम “एको मुर आन कली जचा गेने” देंमाक्‍त। मत्ती १५:३३,३७; मत्ती १६:९-१०; यूहन्‍ना ६:९
2KI 4:43 मिनु मेको आ गेय पाइबमी “गो एको सहे का मुर आन कली जचा थोव़क दोपा जचा गेनुङमी” देंमाक्‍त। मिनु मेकोमी लेंशा “एको मुर आन कली जचा गेमी। मारदे हना परमप्रभु यावेम ‘मेको नेल्‍लेम जशा यो, इच्‍का हें‍ब’ देंशो बाक्‍ब” देंमाक्‍त।
2KI 4:44 मिनु मेकोमी मुर आन ङोंइती ख्रेत्‍तीमी बाक्‍त। मिनु परमप्रभु यावे आ देंशो खोदेंशो पा, मेको मुरपुकीम जशा यो हें‍माक्‍त।
2KI 5:1 नामान अराम ङा पिप आ लडाइ पाइब आन ठेयब मुर बाक्‍माक्‍त। मेको आ होव़पम मेको कली शुश दाक्‍बाक्‍माक्‍त। मेको शुश हिक्‍सीशो मुर का बाक्‍माक्‍त। मारदे हना मेकोम पतीकेन परमप्रभु यावेम अराम कली ग्रापाइश्‍शो बाक्‍माक्‍त। मिनु मेको थम सक्ति पाइश्‍शो लडाइ पाइब मुर यो बाक्‍माक्‍त। तन्‍न मेको कोव़र पशो बाक्‍माक्‍त।
2KI 5:2 मिनु अराम रे लडाइ पाइबपुकी लशा इस्राएल ङा मीश आल का कली ग्‍याइश्‍शा चाक्‍शो बाक्‍मा बाक्‍त। मिनु मेको नामान आ मीश आ गेय पाइब दुम्‍शो बाक्‍माक्‍त।
2KI 5:3 मिनु मेकोमी आ होव़पोक्‍म कली “आं होव़प, आं प्रभुमी सामरीयाम बाक्‍ब परमप्रभु यावे आ लोव़ पाइब कली ग्रुम्‍शो हना, मेकोमी आ कोव़र सापद वा” देंमाक्‍त।
2KI 5:4 मिनु नामान आ प्रभु पिप बाक्‍तीक लशा, मेको इस्राएल रे चाक्‍शो मीश आल आ देंशो लोव़ नेल्‍ल नेंपदा बाक्‍त।
2KI 5:5 मिनु अराम ङा पिपमी “दुम्‍ब, गे लावो। गो इस्राएल ङा पिप कली चिठी का ब्रेक्‍नुङ” देंमाक्‍त। मोपतीके नामान १० टलेन्‍ट चांदी, ६ हजार शेकेल सुन नु १० जोर फेक्‍तीक वा कुरशा लमाक्‍त। टलेन्‍ट का ३४ किलो बाक्‍ब। शेकेल का ११.५ ग्राम बाक्‍ब।
2KI 5:6 मिनु मेकोमी मेको चिठी इस्राएल ङा पिप आ बाक्‍तीक चाक्‍गा बाक्‍त। मेको चिठीम इस्राएल ङा पिप कली “गो एको चिठी नु आं गेय पाइब ठेयब मुर नामान कली इन बाक्‍तीक सोइक्‍ताक्‍ङ। गे मेको आ कोव़र सापतीन” दे ब्रेक्‍शो बाक्‍माक्‍त।
2KI 5:7 मिनु इस्राएल ङा पिपम मेको चिठी पढेवा चोटीन आ वा खाक्‍शा “मार, गो परमप्रभु नङा ङा? मिनु बेक्‍पाइक्‍ने नु सेंपाइक्‍ने चाप्‍नुङा? मेको मुरुम मारदे एको मुर कली आ कोव़र सापाइक्‍चा कली आं बाक्‍तीक सोइक्‍ता? मेकोम गो नु खुज्री माल्‍तु” देंमाक्‍त।
2KI 5:8 मिनु इस्राएल ङा पिपमी आ वा खाक्‍शो लोव़ परमप्रभु आ मुर एलीशाम नेना बाक्‍त। मिनु मेकोमी पिप कली “गे मारदे इन वा खाक्‍नी? मेको मुर कली एक आं बाक्‍तीक सोइक्‍तीन। मिनु मेकोमी इस्राएलमी परमप्रभु यावे आ लोव़ पाइब मुर का बाक्‍ब, दे तुइक्‍ब” दे लोव़ कुरब मुर सोइक्‍ता बाक्‍त।
2KI 5:9 मोपतीके नामान आ बग्‍गी नु शारापुकी चाक्‍शा जाक्‍माक्‍त। मिनु एलीशा आ खिं आ लाप्‍चोमी राम्‍माक्‍त।
2KI 5:10 मिनु एलीशाम मेको कली “गे लशा, यर्दन खोलाम ७ खेयप चिक्‍सीचा माल्‍नेवे। मिनु इन श्‍ये ङोंइती ङा खोदेंशो दुम्‍ब। मिनु गे ग्रांग्रा मदिशो दुम्‍नीनी” देंथ मुर का कली सोइक्‍ता बाक्‍त।
2KI 5:11 तन्‍न नामान गाइश्‍शा “गो मेको ग्रूशा राप्‍शा, थमा पा, परमप्रभु यावे, आ परमप्रभु आ नें थिशा पुंइशा, आं गार तार आ गुइ वोइश्‍शा, आं कोव़र सापाइक्‍ब, दे मिम्‍शो नङ।
2KI 5:12 मार, आबाना, फारपार नु दमस्‍कस ङा खोला मेर ङा ब्‍वाक्‍कु इस्राएल ङा ब्‍वाक्‍कु नेल्‍ल क्‍येङा रिम्‍शो ममाइ ङा? मार, गो मेकेर ङा ब्‍वाक्‍कुम चिक्‍शा साने मचाप्‍नुङा ङा?” दे गाइश्‍शा गाक्‍माक्‍त।
2KI 5:13 तन्‍न नामान आ गेय पाइबपुकी जाक्‍शा मेको कली “ए, आंइ आ‍फ, मार परमप्रभु यावे आ लोव़ पाइबमी इन कली ‘श्‍येत ङा गेय का पने’ देंशो हना, गे मेको मपाइ‍नीनी ङा? मेकोमी इन कली ‘ब्‍वाक्‍कुम चिक्‍शा ग्रांग्रा मदिशो दुमीन’ देंमेनु, मेको मारदे मपाइनीनी?” देंमा बाक्‍त।
2KI 5:14 मोपतीके मेको उइ ब्रुम्‍माक्‍त। मिनु परमप्रभु आ मुरुम देंशो खोदेंशो पा, यर्दन खोलाम ७ खेयप चिक्‍से बाक्‍त। मिनु मेको आ श्‍ये नु कुशुल ङोंइती ङा खोदेंशो पा ठिटा आन के खोदेंशो दुम्‍माक्‍त। मिनु मेको ग्रांग्रा मदिशो दुम्‍माक्‍त। लेवी १४:७-९; लूका ४:२७
2KI 5:15 मिनु मेको नु आ मुर नेल्‍ल लेश्‍शा परमप्रभु आ मुर बाक्‍तीके जाक्‍मा बाक्‍त। मिनु मेको एलीशा आ ङोंइती राप्‍शा “इस्राएलम ङा लाक्‍शा, अर्को तेकोइ रागीम परमप्रभु मबाक्‍माक्‍त। मुल गो तुइक्‍ताक्‍ङ। इन गेय पाइब आं गुइ रे कोसेली का ताक्‍कीन” देंमाक्‍त। २राजा ५:५
2KI 5:16 मिनु परमप्रभु यावे आ लोव़ पाइबमी “गो आ गेय पशो, परमप्रभु यावे ब्रोंइशा बाक्‍शो खोदेंशो पा, गो मारेइ मब्राइनुङ” देंमाक्‍त। नामानम मेको कली ताक्‍कीन कि ताक्‍कीन देंमाक्‍त। मो हना यो मेको मबिस्‍से बाक्‍त।
2KI 5:17 मिनु नामानमी “गे एको मताक्‍नीनी हना, इन गेय पाइब, आं कली भारी निक्‍शी गधाम कुरतीक खप लाइक्‍चा गेयीनी। मारदे हना मुल गो इन गेय पाइबम, परमप्रभु यावे कली ङा लाक्‍शा अरु तेकोइ देवी देवता आन कली चोशा चढ़ेतीक नु अरु चढ़ेतीक मचढ़ेनुङ।
2KI 5:18 तन्‍न एको गेय काम ला परमप्रभु यावेम इन गेय पाइब कली माफ गेवल। मेको आं होव़प रिम्‍मोन कली पूजा पथ लमेनु, आं गुइमी ग्‍याइक्‍पाइश्‍शा आगा ओव़ब। मिनु मेकोमी मेकेर पूजा पवानु, गो यो बाप्‍चा माल्‍नुङ। मोपतीके मेको आ पर्बम परमप्रभु यावेमी आ गेय पाइब, आं कली माफ गेयील” देंमाक्‍त।
2KI 5:19 मेको नोले एलीशाम मेको कली “इ थुं नाइश्‍शा लावो” दे मदा बाक्‍त। मिनु नामान गाक्‍शा इच्‍का आइक्‍ची जाक्‍दीम्‍मेनु,
2KI 5:20 परमप्रभु आ मुर एलीशा आ गेय पाइब गेहाजी आ थुंमी “एको आं होव़पमी दा एको अरामी नामान आ चाक्‍शो मारेइ मब्रथु लेश्‍शा कका सोइक्‍ताक्‍व। मुल गो परमप्रभु यावे ब्रोंइशा बाक्‍शो खोदेंशो पा, गो मेको आ नोले लशा मारेइ थोव़क ताक्‍नुङ” दे मिम्‍ता बाक्‍त।
2KI 5:21 मोपतीके गेहाजी नामान आ नोले दोरशा लमाक्‍त। मिनु नामानम मेको कली आ नोनोले दोरशा पिशो तवा बाक्‍त। मिनु मेको कली ग्रुम्‍चा कली नामान आ बग्‍गी रे तोइश्‍शा “मार नेल्‍ल ठीक बाक्‍बा?” दे हिल्‍लो पवा बाक्‍त।
2KI 5:22 मिनु गेहाजीम “मारेइ मदुम। तन्‍न आं होव़पमी आं कली एफ्राइम पहाड ङा परमप्रभु यावे आ लोव़ पाइब आन हुल रे ठिटा निक्‍शी जाक्‍ताक्‍स। मिनु शिशी पा मेको आस कली ‘टलेन्‍ट का चांदी नु जोर निक्‍शी वा गेने’ देंथ सोइक्‍ताक्‍यी” देंमाक्‍त। टलेन्‍ट का ३४ किलो बाक्‍ब।
2KI 5:23 मिनु नामानमी मेको कली “थमा पा गे टलेन्‍ट निक्‍शी लतीन” देंमाक्‍त। मिनु नामानमी गेहाजी कली “लतीन कि लतीन” दे मदा बाक्‍त। मिनु मेको कली टलेन्‍ट निक्‍शी चांदी नु जोर निक्‍शी वा थैलो निक्‍शीम कुर पा, फ्रेंशा गेवा बाक्‍त। मेकोमी मेको आ गेय पाइब निक्‍शी आस कली मेको कुरपाइश्‍शा गेहाजी कली चोव़थ सोइक्‍ता बाक्‍त। टलेन्‍ट का ३४ किलो बाक्‍ब।
2KI 5:24 मिनु मेको गेहाजी डांडाम जाक्‍शा, मेको गेय पाइब आस गुइ रे ताक्‍शो थोव़क आ खिंम वोदा बाक्‍त। मिनु मेको आस कली चहिं सोइक्‍तीम्‍सी बाक्‍त। मिनु मेको गाक्‍सा बाक्‍त।
2KI 5:25 मिनु मेको आगा लशा, आ होव़प एलीशा आ ङोंइती राम्‍माक्‍त। मिनु एलीशामी “गेहाजी गे ते लवे” दे हिल्‍लो पवा बाक्‍त। मिनु गेहाजीम “इन गेय पाइब, गो तेइ मलशो बाक्‍नुङ” देंमाक्‍त।
2KI 5:26 तन्‍न एलीशाम मेको कली “मार, मेको मुर आ बग्‍गी रे तोइश्‍शा इ कली ग्रुम्‍थ पिमेनु, आं सोक्‍त गे नु मबाक्‍म ङा? मुल क्‍येट, वा, तेल रवा, अङगुर रू, भेडा, ब्‍यफ नु वाइलीम वाइलपुकी आंम के सेल्‍तीक ना बाक्‍बा ङा?
2KI 5:27 मुल नामान आ कोव़र पतीक रोइ गे नु इ चच युइ इन खिंम गेना हना यो खोक्‍शा लीब” दे मदा बाक्‍त। मिनु गेहाजी मेको आ ङोंइती रे लमाक्‍त। मिनु मेको फुं खोदेंशो पा बुश पा कोव़र मुमाक्‍त।
2KI 6:1 परमप्रभु यावे आ लोव़ पाइब आन हुल काम एलीशा कली “एको इं बाक्‍शो खिं इं कली थम आइक्‍च बाक्‍ब।
2KI 6:2 मुल गो यर्दन खोला आ नेक्‍था लय। मिनु मेकेर नेल्‍लेम शी चाक्‍शा खिं का सेल्‍सय” देंमा बाक्‍त। मिनु एलीशाम “दुम्‍ब लने” देंमाक्‍त।
2KI 6:3 मिनु मेको आन दाते ङा काम “गे यो इन गेय पाइबपुकी नु लाइनीनी?” देंमाक्‍त। मिनु एलीशाम “दुम्‍ब गो यो लाइनुङ” देंमाक्‍त।
2KI 6:4 मिनु एलीशा मेकोपुकी नु लमाक्‍त। मिनु मेकोपुकी यर्दन खोला जाक्‍दीश्‍शा रवा तिम्‍चा गोव़मे बाक्‍त।
2KI 6:5 मिनु मुर काम रवा तिम्‍ना तिम्‍न पवानु, आ खा बुइश्‍शा ब्‍वाक्‍कुम ओव़माक्‍त। मिनु मेको ठेयब सेंदा पा “आबी, आं प्रभु, मेको दा पुंइशा चाक्‍शो खा कका बाक्‍ब” देंमाक्‍त।
2KI 6:6 मिनु मेको परमप्रभु आ मुरुम “मेको ते दोक्‍म” दे हिल्‍लो पवा बाक्‍त। मिनु मेकोम एकेर दोक्‍त, दे कोंइदा बाक्‍त। मिनु एलीशाम मेकेर शी का ख्रोइश्‍शा ब्‍वारदा बाक्‍त। मिनु मेको खा ब्‍वाक्‍कु तार ग्रूमाक्‍त।
2KI 6:7 मिनु एलीशाम “शोल्‍शा लतो” देंमाक्‍त। मिनु मेको मुरुम आ गुइ दिंशा शोल्‍शा लदा बाक्‍त।
2KI 6:8 काले अराम ङा पिप इस्राएल नु लडाइ पना पन बाक्‍माक्‍त। मिनु मेकोम आ गेय पाइब लडाइ पाइब आन ठेयब मुरपुकी नु सल्‍ला पा “गो आं बाक्‍तीक मेकेर सेल्‍नुङ” देंमाक्‍त।
2KI 6:9 मिनु परमप्रभु आ मुरुम इस्राएल ङा पिप कली “मेकेर रे गाक्‍ची ना होस पा गाक्‍कीन। मारदे हना अरामी मेकेर लशो बाक्‍नीम” देंमाक्‍त।
2KI 6:10 मोपतीके इस्राएल ङा पिपमी आ मुर आन कली मेकेर गाक्‍नीनु “होस पा गाक्‍कीन” दे का निक्‍शी खेयप हिंच कोंइदा बाक्‍त। मिनु मेकोपुकी होस पा बाक्‍मा बाक्‍त।
2KI 6:11 मोपतीके अराम ङा पिपमी “इस्राएल ङा पिपम इं बाक्‍तीक दोपा तुइक्‍ता” दे थाम्‍पा गाइक्‍ता बाक्‍त। मिनु मेकोम आ लडाइ पाइब आन ठेयब मुर आन कली ब्रेश्‍शा “गे इन दाते ङा सुमी चहिं इस्राएल ङा पिप कली लोव़ शेंदीनी? लो, देनीन” देंमाक्‍त।
2KI 6:12 मिनु मेको लडाइ पाइब आन ठेयब मुर आन दाते ङा काम “आं प्रभु पिप, आं प्रभु, गो सुइम मो मपक। तन्‍न इस्राएल ङा परमप्रभु यावे आ लोव़ पाइब एलीशाम गे इन इप्‍तीक कोठाम ब्‍वाक्‍शो यो शेंब” देंमाक्‍त।
2KI 6:13 मिनु पिपमी “मेको ते बाक्‍मे माल्‍शा तुइश्‍शा जाक्‍कीन। मिनु गो मुर आन कली सोइश्‍शा, मेको कली ग्‍याइक्‍पाइक्‍नुङ” देंमाक्‍त। मिनु मेकोम “मेको दोथान सहरम बाक्‍ब” देंमाक्‍त।
2KI 6:14 मिनु पिपम शारा नु बग्‍गी पाइश्‍शो ठेयब सक्ति पाइश्‍शो लडाइ पाइब आन हुल का मेक सोइक्‍ता बाक्‍त। मिनु मेकोपुकी नाक्‍दो लशा, मेको सहर पुम्‍दमे बाक्‍त।
2KI 6:15 मिनु परमप्रभु आ मुर आ गेय पाइब सुनी कना बोक्‍शा लाङगा ग्रूमाक्‍त। मिनु मेना शारा नु बग्‍गी पाइश्‍शो लडाइ पाइब आन हुलमी सहर पुम्‍शो तवा बाक्‍त। मिनु मेको गेय पाइब लशा आ होव़प कली “आबी, आं प्रभु, मुल मार पय” देंमाक्‍त।
2KI 6:16 मिनु मेको परमप्रभु यावे आ लोव़ पाइबमी “महिनो। मेकोपुकी नु बाक्‍शो आन क्‍येङा गो नु बाक्‍शो शुश बाक्‍नीम” देंमाक्‍त।
2KI 6:17 मिनु एलीशामी “परमप्रभु यावे, एको आ मिक्‍च ताइब सेलीन। मिनु एकोम तवल” दे पुना बाक्‍त। मिनु परमप्रभु यावेम मेको गेय पाइब आ मिक्‍च ताइब सेला बाक्‍त। मिनु मेकोमी एलीशा आ एर ओंथ ङा डांडा नेल्‍लेम मी ब्रशो शारा नु बग्‍गीम ब्रीशो तवा बाक्‍त। यहोसु ५:१३
2KI 6:18 मिनु अरामीपुकी तोइश्‍शा मेको आ बाक्‍तीक पिमानु, एलीशाम परमप्रभु यावे कली “एको मुर आन कली मिक्‍च मताइब सेलीन” दे पुना बाक्‍त। मिनु एलीशाम पुंइशो खोदेंशो पा, परमप्रभु यावेम मेको आन कली मिक्‍च मताइब सेल्‍मी बाक्‍त। उत्‍पत्ती १९:११
2KI 6:19 मिनु एलीशाम मेको आन कली “एको लां ममाइ। एको सहर यो ममाइ। गे आं नोले खोइय्‍यीनी। मिनु गो इन माल्‍शो मुर आ बाक्‍तीक चाक्‍दीत्‍नन्‍नी” दे माइक्‍मी बाक्‍त। मिनु एलीशाम मेको आन कली सामरीयाम चाक्‍दीम्‍मी बाक्‍त।
2KI 6:20 मिनु मेकोपुकी सामरीया सहरम जाक्‍दीम्‍मा नोले एलीशाम “ए परमप्रभु यावे, एको मुर आन कली मिक्‍च ताइब सेलीन। मिनु एकोपुकीम लेंशा तने चाप्‍मेक्‍ल” दे पुना बाक्‍त। मिनु परमप्रभु यावेमी मेको आन कली मिक्‍च ताइब सेल्‍मी बाक्‍त। मिनु मेकोपुकीम कोव़ङमेनु, सामरीया सहरम बाक्‍शो तामे बाक्‍त।
2KI 6:21 मिनु इस्राएल ङा पिपमी मेको आन कली तशा, एलीशा कली “आं आफ, मार गो एको आन कली सदुमी। एको आन कली सदुमी?” दे हिल्‍लो पवा बाक्‍त।
2KI 6:22 मिनु एलीशाम “मेको आन कली मसतीन। मार, गे आंमा इन लिब्रा नु तरवारम ग्‍याइश्‍शो आन कली साइक्‍ने चाप्‍नीनी ङा? गे एको मुर आन कली जचा तूचा गेने। मिनु एकोपुकी जशा तूशा आन होव़प बाक्‍तीक लमल” देंमाक्‍त। लेवी १९:१८; २इतिहास २८:९-१५; हितोपदेस २५:२१-२२
2KI 6:23 मिनु पिपमी मेको आन कली ठेयब भोज का सेल्‍शा थुल्‍मी बाक्‍त। मिनु मेकोपुकी जशा तूशा पामे नोले मेको आन कली आन होव़प बाक्‍तीक सोइक्‍तीमी बाक्‍त। मिनु मेको आन होव़प बाक्‍तीक लेम्‍मा बाक्‍त। मेना रे अरामीपुकीमी इस्राएली आन कली लडाइ तोतीक नु मार मार रोइक्‍तीक मपामे बाक्‍त।
2KI 6:24 तन्‍न इच्‍का नाक्‍त नोले अराम ङा पिप बेन-हादादमी आ लडाइ पाइब आन कली खुप्‍शा सामरीयाम सोइश्‍शा, मेको कली एर ओंथ नेल्‍ल रे पुम्‍पदा बाक्‍त।
2KI 6:25 मिनु मोपा पुम्‍दमे नोले मेको सहरम थम ठेयब अन्‍काल दुम्‍माक्‍त। मेकेर गधा आ पिया का कली ८० शेकेल चांदी नु काब का ङा ४ भाग, ङा भाग का ढुकुर आन ख्री कली ५ शेकेल चांदी थाप्‍चा माल्‍दा बाक्‍त। शेकेल का ११.५ ग्राम बाक्‍ब। काब का १.२ लिटर खोदेंशो पुक्‍तीके बाक्‍ब। काब ङा ४ भाग ङा भाग का, १/४ लिटर खोदेंशो बाक्‍ब।
2KI 6:26 काबु नाक्‍त इस्राएल ङा पिप सहर ङा गारो तार हिरसे बाक्‍त। मिनु मीश मुर काम पिप कली “आं प्रभु पिप, आं प्रभु आं कली वारच पाइय्‍यीनी” देंमाक्‍त।
2KI 6:27 मिनु पिपमी “परमप्रभु यावेमी इ कली वारच पवल। गो ते रे वारच पाइक्‍नना? अन्‍न तुप्‍तीक रे देय अङगुर ख्राक्‍तीक रे?” देंमाक्‍त।
2KI 6:28 मिनु पिपम मेको कली “इ कली मार दु‍म?” दे मदा बाक्‍त। मिनु मेको मीश मुरुम “एको मीश मुरुम आं कली ‘मुलाक्‍ती इ तौ ब्‍वचा योक्‍को। मिनु दीसा चहिं आं तौ ब्‍वय’ देंत। ब्‍यवस्‍था २८:५३
2KI 6:29 मिनु गो आं तौ कली ब्‍वाइतक। मिनु गो एको कली ‘मुलाक्‍त ब्‍वचा कली इ तौ चाक्‍को’ दे माइक्‍ता। तन्‍न एकोम आ तौ ख्रुइश्‍शा मग्रुंइद” देंमाक्‍त।
2KI 6:30 मिनु पिपमी मेको मीश मुर आ लोव़ नेंशा, आ वा खाक्‍गा बाक्‍त। मुरपुकीम मेको कली आगाम अरन्‍डी फेक्‍शो तामे बाक्‍त। मारदे हना मेको सहर ङा गारो तार गाक्‍शो बाक्‍माक्‍त।
2KI 6:31 मिनु मेकोम “मुलाक्‍त गो शाफात आ तौ एलीशा आ पिया मख्रोइक्‍ता हना, परमप्रभुम सजाइ ला ममाइ, मेको क्‍येङा यो शुश पाइय्‍यील” देंमाक्‍त।
2KI 6:32 मिनु पिपम आ लोव़ कुरब मुर का कली एलीशा आ बाक्‍तीक सोइक्‍ता बाक्‍त। मेना एलीशा खाल्‍पापुकी नु आ खिंम बाक्‍शो बाक्‍माक्‍त। तन्‍न मेको लोव़ कुरब मुर जाक्‍चा क्‍येङा ङोंइती एलीशाम मेको खाल्‍पा आन कली “मेको मुर साइक्‍बम आं पिया ख्रोइक्‍पाइक्‍चा कली मुर सोइश्‍शो गे मतनी? कोव़ङीन, मेको आ लोव़ कुरब जाक्‍मेनु, लाप्‍चो चोक्‍कीन। मिनु थम बोल्‍यो पा नेप्‍शा बाक्‍कीन। मार मेको आ होव़प मेको आ नो‍नोले मपिशो बाक्‍बा ङा?” देंमाक्‍त।
2KI 6:33 मिनु एलीशाम मेकोपुकी नु लोव़ पना पन बाक्‍मेनु मेको लोव़ कुरब मुर जाक्‍माक्‍त। मिनु पिपमी “एको खतम दुम्‍तीक परमप्रभु यावे रे जाक्‍शो बाक्‍ब। मुल गो मारदे परमप्रभु यावे कली आस पा बाक्‍नुङा?” देंमाक्‍त। आमोस ३:६
2KI 7:1 एलीशाम “परमप्रभु यावे आ लोव़ नेनीन। परमप्रभु यावेमी ‘दीसा सामरीया ङा ठेयब लाप्‍चो आ ङोंइती शेकेल का चांदीमी सेआह माइश्‍शो पुक्‍तीक का रिम्‍शो फस नु शेकेल का चांदीम पुक्‍तीक निक्‍शी क्‍योव़ज लेयसीब’ देंशो बाक्‍ब” देंमाक्‍त। शेकेल का ११.५ ग्राम खोदेंशो बाक्‍ब।सेआह का आगा ७,३ लिटर रिक्‍शो ठेयब पाथी खोदेंशो पुक्‍तीके बाक्‍ब। २राजा ७:१६-१९
2KI 7:2 मिनु पिप कली कुक्‍‍ब लडाइ पाइब आन ठेयब मुरुम परमप्रभु आ मुर कली “परमप्रभु यावेमी आ सरीङ ङा झेल नेल्‍ल रोक्‍तु हना यो, मोदेंशो गेनायो दुम्‍ने मचाप्‍ब” देंमाक्‍त। मिनु एलीशाम “गे मेको इ मिक्‍चीमीन ताइनेवे। तन्‍न जचा चहिं मताइक्‍नेवे” देंमाक्‍त।
2KI 7:3 मिनु मेको सहर ङा लाप्‍चो आ ङोंइती ४ जना कोव़र पशो मुर बाक्‍मा बाक्‍त। मिनु मेकोपुकीम “गो मबेक्‍या सम्‍म मारदे एकेर बाक्‍नया? लेवी १३:४६
2KI 7:4 गो सहर ओव़तय हना, मेकेर ङा अन्‍कालम बेक्‍नय। एक उइ बाक्‍तय हना यो, शोव़लुम बेक्‍नय। मोपतीके गो अरामी आन लडाइ पाइब आन बाक्‍तीकेम लशा, जिम्‍मा गेसय। मिनु मेकोपुकीम इ कली प्रोंइतेक्‍म हना, गो ब्रोंइनय। साइक्‍तेक्‍म हना, यो बेक्‍य” देंमुमा बाक्‍त।
2KI 7:5 मिनु मेकोपुकी नाक्‍नाक्‍दो बोक्‍शा अरामी आन बाक्‍तीक गे लमा बाक्‍त। मिनु मेकोपुकी अरामी आन बाक्‍तीक आ नेक्‍था जाक्‍मानु, सुइ आन कली मतामे बाक्‍त।
2KI 7:6 मारदे हना परमप्रभुमी अरामी आन कली शारा बग्‍गी नु ठेयब लडाइ पाइब हुल आन रेयके नेंपाइश्‍शो बाक्‍माक्‍त। मिनु मेकोपुकीम आंम आंमा “इस्राएल ङा पिपम गोपुकी नु लडाइ पचा कली हित्ती नु इजीप्‍त ङा पिप कली क्‍येट थाप्‍शा ब्रेत्‍तीमी बाक्‍त, थांका” देंमुमा बाक्‍त। २राजा १९:७
2KI 7:7 मोपतीक मेकोपुकीम आन बाक्‍तीक ताम्‍बु यो मो हेंथे पा प्रोंइशा, शारा नु गधा यो प्रोंइशा, आन गिंम पोंइचा कली प्रोक्‍मा बाक्‍त।
2KI 7:8 मिनु मेको कोव़र पशो मुर अरामी आन बाक्‍तीक जाक्‍दीम्‍मा बाक्‍त। मिनु मेकोपुकी ताम्‍बु काम ओव़शा जशा तूशा बाक्‍मा बाक्‍त। मिनु सुन चांदी वापुकी एर ओंथ लाइश्‍शा ख्रुइश्‍शा वोदमे बाक्‍त। मेको नोले मेकोपुकी लेंशा अर्को बाक्‍तीकेम ओव़मा बाक्‍त। मिनु मार मार लाइश्‍शा ख्रुइश्‍शा वोदमे बाक्‍त।
2KI 7:9 मिनु मेकोपुकी आंम आंमा “गो मरिम्‍शो गेय पाइतय। मुलाक्‍ती रिम्‍शो लोव़ नेंपाइक्‍तीक नाक्‍त बाक्‍ब। गोपुकी चहिं सिक्‍सी पा बाक्‍शो बाक्‍नय। दीसा सम्‍म गो ओं पा बाक्‍तय हना, दोस ताइनय। मुल गो रीब पा लशा, पिप आ दरवारम एको लोव़ नेंपाइ‍य्‍य” देंमुमा बाक्‍त।
2KI 7:10 मिनु मेकोपुकी लशा, सहर ङा ठेयब लाप्‍चो खाल पाइब आन कली ब्रेश्‍शा “गोपुकी अरामी आन बाक्‍तीक लाइतक। मिनु मेकेर मुर का यो मतक। मारेइ चाल चुल मबा। शारा नु गधापुकी पाइक्‍स ङा पाइक्‍स बाक्‍तेक्‍म। मिनु मुर आन ताम्‍बु यो मो प्रोंइशो बाक्‍तेक्‍म” देंमा बाक्‍त।
2KI 7:11 मिनु लाप्‍चो खाल पाइबपुकीम ठेयब सेंदा पा मेको लोव़ पिप आ खिंम नेंपदमे बाक्‍त।
2KI 7:12 मिनु पिप नाक्‍दो कना बोक्‍शा, आ गेय पाइब मुर आन कली “गो इन कली लोव़ का पाइनुङ। अरामीपुकीम गो इं कली मार पामे? गो मेको इन कली देंनुङ। गोपुकी शोव़लु बाक्‍शो बाक्‍नय, दे मेकोपुकीम तुइश्‍शो बाक्‍नीम। मोदेंशो मिम्‍शा आन बाक्‍तीक प्रोंइशा, एर ओंथ लशा ख्रुइश्‍शा बाक्‍शो बाक्‍नीम। मेकोपुकीम ‘गोपुकी थमा पा ग्रूनीम। मिनु गो मेको आन कली सेसीन ग्‍याइश्‍शा, सहर ओव़नय’ देंशो बाक्‍नीम” दे माइक्‍मी बाक्‍त।
2KI 7:13 मिनु मेको आ गेय पाइब काम “इं सहर ङा ५ ओटा शारा आन कली कोव़थ सोइक्‍तीन। मेकोपुकी एको बेक्‍शो इस्राएली खोदेंशोन दुम्‍नीम। थमा पा मेकोपुकी एक बेक्‍ब इस्राएली खोदेंशोन दुम्‍नीम। मार दुम्‍शो बाक्‍मे, मेको तुइक्‍चा कली सोइक्‍तय” देंमाक्‍त।
2KI 7:14 मिनु मेकोपुकीम बग्‍गी निक्‍शी निक्‍‍निक्‍शी शारा ग्रुंइदमे बाक्‍त। मिनु पिपम मेको आन कली “अरामी लडाइ पाइब आन कली मार दुम्‍मे, मेको रुपीन” दे सोइक्‍तीमी बाक्‍त।
2KI 7:15 मिनु मेको यर्दन खोला सम्‍मन कोव़न कोव़न लमा बाक्‍त। मिनु अरामी नेल्‍लेम रीब पा प्रोक्‍मानु, लां नेल्‍ल मेको आन प्रोंइशो वासी नु यापुकी तामे बाक्‍त। मिनु क्‍यारी पथ लाइब मुरपुकी लेश्‍शा जाक्‍शा, मेको लोव़ पिप कली शेंदमे बाक्‍त।
2KI 7:16 मिनु मुरपुकी ग्रूशा, अरामी आन बाक्‍तीक ङा मार मार नेल्‍ल लदमे बाक्‍त। मिनु परमप्रभु यावे आ देंशो खोदेंशो पा सेआह पुक्‍तीक का रिम्‍शो फस शेकेल का चांदीम नु पुक्‍तीक निक्‍शी क्‍योव़ज शेकेल का चांदीम लेयङमे बाक्‍त। शेकेल का ११.५ ग्राम चांदी के क्‍येट बाक्‍ब।
2KI 7:17 मिनु पिप कली कुक्‍शा गाक्‍ब लडाइ पाइब आन ठेयब मुर कली लाप्‍चोम कोव़ब सेल्‍शा वोदमे बाक्‍त। मिनु मेको कली मुरपुकीम दिम्‍शा सदमे बाक्‍त। मिनु पिप मेको कली ग्रुम्‍थ आ खिंम लमेनु, परमप्रभु आ मुरुम देंशो खोदेंशो पा मेको कली मुरपुकीम ठेयब लाप्‍चोम दिम्‍शा साइश्‍शो बाक्‍मा बाक्‍त।
2KI 7:18 परमप्रभु आ मुरुम पिप कली “दीसा सेआह पुक्‍तीक का रिम्‍शो फस शेकेल का चांदीम नु पुक्‍तीक निक्‍शी क्‍योव़ज शेकेल का चांदीम सामरीया ङा ठेयब लाप्‍चो आ ङोंइती लेयसीब” देंशो बाक्‍माक्‍त।
2KI 7:19 मिनु मेको लडाइ पाइब आन ठेयब मुरुम परमप्रभु आ मुर कली “परमप्रभु यावेम आ सरीङ ङा झेल रोक्‍तु हना यो, मोदेंशो दुम्‍ने मचाप्‍ब” देंशो बाक्‍माक्‍त। मिनु परमप्रभु आ मुरुम “गे मेको मो पशो ताइनेवे, तन्‍न जचा चहिं मताइक्‍नेवे” देंशो बाक्‍माक्‍त।
2KI 7:20 मिनु मेको कली मोदेंशोन दुम्‍माक्‍त। मारदे हना मेको कली मुरपुकीम लाप्‍चोम दिम्‍शा सदमे बाक्‍त। मिनु मेको बेक्‍माक्‍त।
2KI 8:1 तेको मीश मुर आ तौ कली एलीशाम बेक्‍शो रे सेंशो बाक्‍मे, मेको मीश मुर कली एलीशाम “इ खिं ङा मुर नेल्‍ल मेकेर रे गाक्‍कीन। मिनु इच्‍का नाक्‍ती कली ते दुम्‍बा, मेक लशा बाक्‍कीन। मारदे हना परमप्रभु यावेम एको रागीम ७ बर्स सम्‍म अन्‍काल दुम्‍पाइक्‍ब” दे माइश्‍शो बाक्‍माक्‍त। २राजा ४:३५
2KI 8:2 मिनु मेको परमप्रभु आ मुरुम देंशो खोदेंशो पा, मेको मीश मुरुम पवा बाक्‍त। मिनु मेको आ खिं ङा मुर नेल्‍ल लाइश्‍शा लमाक्‍त। मिनु लशा पलिस्‍ती आन रागीम ७ बर्स सम्‍म बाक्‍मा बाक्‍त।
2KI 8:3 मिनु ७ बर्स नोले मेको पलिस्‍ती आन रागी रे लेश्‍शा जाक्‍माक्‍त। मिनु मेको आ रू नु खिं लेश्‍शा तचा कली पिप आ बाक्‍तीक लमाक्‍त।
2KI 8:4 मेना पिप चहिं परमप्रभु आ मुर आ गेय पाइब गेहाजी कली “एलीशाम पशो ठेयब ठेयब गेय नेल्‍ल आं कली शेंदी” दे मेको नु लोव़ पना पन बाक्‍शो बाक्‍माक्‍त।
2KI 8:5 मिनु गेहाजीम एलीशाम बेक्‍शो मुर आन कली दोपा सेंपदा, मेको नेल्‍ल पिप कली शेंना शेंन बाक्‍शो बाक्‍माक्‍त। मेना मेको आ तौ बेक्‍शो रे सेंपाइश्‍शो मीश मुर आ रू नु खिं लेश्‍शा तङल, दे पिप आ बाक्‍तीकेम कागज ब्रेक्‍शा गेथ जाक्‍माक्‍त। मिनु गेहाजीम “ए आं प्रभु पिप, एलीशाम बेक्‍शो रे सेंपाइश्‍शो। एको मीश मुर आ तौ बाक्‍ब। मिनु बेक्‍शो रे सेंसीशो आ तौ एकोन बाक्‍ब” देंमाक्‍त।
2KI 8:6 मिनु पिपमी मेको मीश मुर कली मेको आ पर्बम हिल्‍लो पवा बाक्‍त। मिनु मेकोमी यो शोव़ङा बाक्‍त। मिनु पिपम आ गेय पाइब ठेयब मुर का कली “एकोम आ रागी प्रोंइशा गाक्‍म नाक्‍त रे मुल सम्‍म ङा मेको रू ङा मारेइ मारेइ एको कली लेश्‍शा गेने” देंमाक्‍त।
2KI 8:7 मिनु एलीशा दमस्‍कस लमाक्‍त। मेना अराम ङा पिप बेन-हादाद रोइ पशो बाक्‍माक्‍त। मिनु मुरपुकीम पिप कली “परमप्रभु आ मुर एक जाक्‍शो बाक्‍ब” दे नेंपदमे बाक्‍त।
2KI 8:8 मिनु पिपमी हजाएल कली “कोसेली लाइश्‍शा, परमप्रभु आ मुर कली ग्रुम्‍थ लावो। मेको रे पा परमप्रभु यावे कली ‘गो एको रोइ रे सा‍नुङा देय मसा‍नुङा’ दे हिल्‍लो पपतो” दे अरेवा बाक्‍त।
2KI 8:9 मिनु हजाएलम दमस्‍कसम बाक्‍शो रिम्‍शो रिम्‍शो मारेइ मारेइ कोसेली ४० ओटा दल‍ओंठम कुरपाइश्‍शा लमाक्‍त। मिनु मेको आगा ओव़शा परमप्रभु यावे आ लोव़ पाइब आ ङोंइती राम्‍माक्‍त। मिनु मेकोम “इन तौ, अराम ङा पिप बेन-हादादमी आं कली ‘गो आं रोइ रे सानुङा देय मसानुङा’ दे हिल्‍लो पथ सोइक्‍ताक्‍यी” देंमाक्‍त।
2KI 8:10 मिनु एलीशाम मेको कली “लशा, पिप कली ‘गे थमा पा सानीनी’ दे मतो” देंमाक्‍त। तन्‍न एलीशाहमी “परमप्रभु यावेम आं कली ‘मेको थमा पा बेक्‍ब’ देंशो बाक्‍ब” देंमाक्‍त।
2KI 8:11 मिनु मेकोमी पर ङोशा, हजाएल कली कोव़स ङा कोव़स बाक्‍माक्‍त। मिनु हजाएल मुने पवा बाक्‍त। मिनु मेको परमप्रभु आ मुर ङाक्‍माक्‍त। लूका १९:४१-४४
2KI 8:12 मिनु हजाएलम “ए आं प्रभु, गे मारदे ङाक्‍नी?” दे हिल्‍लो पवा बाक्‍त। मिनु मेकोमी हजाएल कली “गेम इस्राएल ङा मुर आन कली काइ मरिम्‍शो पशो तुइक्‍नुङ। गे मेको आन दरवारम मी सुइक्‍नेवे। मिनु मेको आन ठिटा मुर आन कली तरवारम क्‍योरनेवे। मेको आन आइक्‍च आल आन कली खपीम राप्‍शा साइक्‍नेवे। मेको आन कोव़ज कुरशो मीश मुर आन कोव़ज पाक्‍नेवे” दे मदा बाक्‍त। २राजा १०:३२
2KI 8:13 मिनु हजाएलमी “गो महिक्‍शो, कुचुम खोदेंशो मुरुम ओदेंशो ठेयब गेय दोपा पने चाप्‍नुङ ङा?” देंमाक्‍त। मिनु एलीशाम “परमप्रभु यावेम गे अराम ङा पिप दुम्‍नेवे, दे आं कली कोंइशो बाक्‍ब” देंमाक्‍त। १राजा १९:१५
2KI 8:14 मेको नोले हजाएल एलीशा आ ङोंइती रे गाक्‍माक्‍त। मिनु आ होव़प बेन-हादाद आ बाक्‍तीक लेश्‍शा जाक्‍माक्‍त। मिनु बेन-हादादम “एलीशाम इ कली मार देंमे?” दे हिल्‍लो पवा बाक्‍त। मिनु मेकोमी “गे थमा पा सानीनी नें” दे मदा बाक्‍त।
2KI 8:15 तन्‍न आ दीसा हजाएलमी सुम्‍तीक वा का ब्‍वाक्‍कुम नुप्‍शा, पिप आ कुलुमी सुमा बाक्‍त। मिनु मोपा मेको पिप बेक्‍माक्‍त। मिनु बेन-हादाद आ पा ङा हजाएल पिप दुम्‍माक्‍त।
2KI 8:16 येहो-शाफात आ तौ येहोराम यहूदा ङा पिप दुम्‍शा, सासन पचा गोवा बाक्‍त। मेना इस्राएल ङा पिप आहाब आ तौ येहोराम पिप दुम्‍शो ५ बर्स दुम्‍शो बाक्‍माक्‍त। मेको निक्‍शी आस नें येहोराम बाक्‍त। मेको आस कली योराम यो देंमा बाक्‍त।१राजा २२:५१
2KI 8:17 येहोराम पिप दुम्‍मेनु, मेको ३२ बर्स दुम्‍शो बाक्‍माक्‍त। मिनु मेकोम यरूसलेममी ८ बर्स सासन पवा बाक्‍त।
2KI 8:18 मेको इस्राएल ङा पिप, आहाब आ खिं ङा मुर आन लांम गाक्‍माक्‍त। मारदे हना मेकोम आहाब आ तमी ग्‍युं‍वे पशो बाक्‍माक्‍त। मिनु मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।
2KI 8:19 मो हना यो परमप्रभु यावेमी आ गेय पाइब दाऊद आ पर्बम यहूदा कली मक्‍याम्‍दा बाक्‍त। मेकोमी दाऊद कली इ तौ चच का गेना हना यो पिप दुम्‍शा बाक्‍ब, दे कबल पशो बाक्‍माक्‍त। २सामुएल ७:११-१६; १राजा ११:३६
2KI 8:20 येहोरामम पिप पवा ना एदोम ङा मुरुमी यहूदा आ देंशो मटिथु, आंम आन पिप का सेल्‍मे बाक्‍त।
2KI 8:21 मोपतीके यहूदा ङा पिप येहोराम आ बग्‍गी नेल्‍ल लाइश्‍शा, आइक्‍ची हांबु जाइर सहरमी लमाक्‍त। मिनु एदोमीपुकीम येहोराम आ बग्‍गी नेल्‍ल नु आ लडाइ पाइब आन ठेयब मुर नेल्‍ल आन कली पुम्‍दमे बाक्‍त। मिनु मेको आ लडाइ पाइबपुकी चहिं प्रोक्‍शा, आन आन खिं लेम्‍मा बाक्‍त।
2KI 8:22 मोपतीके एदोम मुल सम्‍म यहूदा रे ब्राशो बाक्‍ब। मेना लिब्‍ना यो यहूदा आ देंशो मटिथु ब्रा‍शो बाक्‍माक्‍त।
2KI 8:23 मिनु यहूदा ङा पिप येहोराम आ पशो अरु गेय, मेको आ पशो नेल्‍ल, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
2KI 8:24 यहूदा ङा पिप येहोराम बेक्‍माक्‍त। मिनु मेको आ किकी पिपी नु दाऊद आ सहरमी थिम्‍चा पुंइसे बाक्‍त। मिनु मेको आ पा ङा आ तौ अहाज्‍याह पिप दुम्‍माक्‍त।
2KI 8:25 मिनु यहूदा ङा पिप येहोराम आ तौ अहाज्‍याह यहूदाम पिप दुम्‍माक्‍त। मेना इस्राएल ङा पिप आहाब आ तौ येहोराम पिप दुम्‍शो १२ बर्स दुम्‍शो बाक्माक्‍‍त।
2KI 8:26 अहाज्‍याह पिप दुम्‍मेनु २२ बर्स दुम्‍शो बाक्‍माक्‍त। मिनु मेकोम यरूसलेममी बर्स का सासन पवा बाक्‍त। मेको आ ममा आ नें अथाल्‍याह बाक्‍माक्‍त। मेको इस्राएल ङा पिप ओम्री आ चच बाक्‍माक्‍त। २राजा ११:१
2KI 8:27 अहाज्‍याह आहाब आ खिं ङा मुर आन लांम गाक्‍माक्‍त। मिनु आहाब आ खिं ङा मुरपुकीम खोदेंशो पा परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मारदे हना मेको आहाब आ चांइवा दुम्‍शो बाक्‍माक्‍त।
2KI 8:28 यहूदा ङा पिप अहाज्‍याह नु आहाब आ तौ इस्राएल ङा पिप येहोराम नु गारशा, अराम ङा पिप हजाएल नु लडाइ पचा कली रामोथ-गिलादम लमाक्‍त। तन्‍न अरामीपुकीम येहोराम कली गार सेल्‍मे बाक्‍त।
2KI 8:29 मिनु अराम ङा पिप हजाएल नु लडाइ पथ लमेनु, रामाहम गार दुम्‍शो रे साचा कली येहोराम येज्रेल सहरम लमाक्‍त। मिनु यहूदा ङा पिप येहोराम आ तौ अहाज्‍याह इस्राएल ङा पिप आहाब आ तौ येहोराम कली कोव़थ येज्रेल सहर लमाक्‍त। मारदे हना मेको कली गार दुम्‍शो बाक्‍माक्‍त। २राजा ९:१४-१६
2KI 9:1 परमप्रभु यावे आ लोव़ पाइब एलीशामी परमप्रभु यावे आ लोव़ पाइब आन हुल ङा का कली ब्रेश्‍शा “इ किप्‍शुर किप्‍शा, एको तेल कुरशा रामोथ-गिलादम लावो।
2KI 9:2 मिनु मेक जाक्‍दीश्‍शा, निम्‍शी आ चच, येहो-शाफात आ तौ येहू कली मालो। मिनु मेको कली आ वारचपुकी रे फ्राशा, आगा ङा कोठाम लतो।
2KI 9:3 मिनु नोले मेको तेल मेको आ पियाम लुक्‍शा ‘परमप्रभु यावेम इ कली इस्राएल ङा पिप सेल्‍ता’ देंशो बाक्‍ब, दे मतो। मिनु लाप्‍चो ग्रु रोक्‍शा प्रोक्‍को। देश मपावो” दे मदा बाक्‍त। १राजा १९:१६
2KI 9:4 मोपतीके परमप्रभु यावे आ लोव़ पाइब, ठिटा रामोथ-गिलादमी लमाक्‍त।
2KI 9:5 मिनु मेको मेक जाक्‍दीम्‍मेनु, येहू लडाइ पाइब आन ठेयब मुरपुकी नु ग्रुम्‍शा काथा बाक्‍शो थिम्‍मी बाक्‍त। मिनु मेकोम येहू कली “लडाइ पाइब आन ठेयब मुरपुकी, गो इन नु लोव़ का पचा माल्‍‍नुङ” देंमाक्‍त। मिनु येहूम “गो आंइ दाते ङा सु नु लोव़ पचा माल्‍नेवे?” देंमाक्‍त। मिनु मेकोम “इन नु” देंमाक्‍त।
2KI 9:6 मिनु येहू बोक्‍शा, आगा ङा कोठाम ओव़माक्‍त। मिनु मेको ठिटाम येहू आ पियाम तेल लुक्‍शा “परमप्रभु यावे, इस्राएली आन परमप्रभुमी ‘गो इ कली आं मुर इस्राएली आन पिप सेल्‍तन।
2KI 9:7 गे इ होव़प आहाब आ खिं ङा मुर आन कली साइक्‍चा माल्‍नेवे। मिनु इजेबेलमी आं गेय पा आं लोव़ पाइबपुकी नु आं गेय पाइब मुर आन कली साइश्‍शो आ क्‍येक्‍क लेत्‍नुङ।
2KI 9:8 आहाब आ खिं ङा मुर नेल्‍ल बेक्‍चा माल्‍नीम। इस्राएलम मेको आ खिं ङा वोंइश मुर वाइल बाक्‍मल कि मबाक्‍मल, गो नेल्‍ल आन कली साइक्‍नुङमी। १राजा १४:१०
2KI 9:9 गो आहाब आ खिं कली नेबात आ तौ येरोबाम नु अहीयाह आ तौ बाशा आस खिं खोदेंशो सेल्‍नुङ। १राजा १५:२९; १राजा १६:३,११
2KI 9:10 इजेबेल कली चहिं येज्रेल ङा रू काम कुचुमम ब्‍वाइनीम। मेको कली सुइम मथिम्‍नीम’ देंशो बाक्‍ब” देंशा, मेको लाप्‍चो ग्रु रोक्‍शा दोरशा प्रोक्‍माक्‍त। १राजा २१:२३
2KI 9:11 मिनु येहू मेको नोले लडाइ पाइब आन ठेयब मुर आन बाक्‍तीक जाक्‍माक्‍त। मिनु मेकोपुकीम मेको कली “मार नेल्‍ल रिम्‍शोन बाक्‍बा? मेको आ निप्‍स ग्‍यशो मुर इ बाक्‍तीक मारदे जाक्‍म?” दे हिल्‍लो पामे बाक्‍त। मिनु येहूमी मेको आन कली “गे मेको मुर कली तुइक्‍नीनी। मिनु मेकोम मार देंबा, मेको यो तुइक्‍नीनी” दे माइक्‍मी बाक्‍त।
2KI 9:12 मिनु मेकोपुकीम “गे जोल पाइनीनी। आंइ कली थमा लोव़ पने” देंमा बाक्‍त। मिनु येहूम “मेकोमी आं कली मार देंत देंशा हना, परमप्रभु यावेमी ‘गो इ कली इस्राएल ङा पिप सेल्‍नुङ’ देंशो बाक्‍ब” दे माइक्‍मी बाक्‍त।
2KI 9:13 मिनु मेकोपुकीम रीब पा आन आ तार फेक्‍शो वा प्रुइश्‍शा, तला ङोइक्‍तीक थेंका ङा फुल्‍लु तार ब्रामे बाक्‍त। मिनु मेकोपुकीम तुराही ताप्‍शा, ठेयब सेंदा पा “येहू पिप दुम्‍त” देंमा बाक्‍त। मत्ती २१:७
2KI 9:14 मोपतीके निम्‍शी आ चच येहो-शाफात आ तौ येहूम येहोराम कली मरिम्‍शो पचा गोवा बाक्‍त। मिनु येहोराम नु इस्राएली नेल्‍ले अराम ङा पिप हजाएल आ जोरी सत्रु दुम्‍शा रामोथ-गिलाद कली खाल पामे बाक्‍त।
2KI 9:15 तन्‍न पिप येहोराम चहिं आ गार सापाइक्‍चा कली येज्रेल लशो बाक्‍माक्‍त। मेको गार अराम ङा पिप हजाएल नु लडाइ पवानु, अरामीपुकीम सेल्‍शो बाक्‍मा बाक्‍त। मिनु येहूमी मेको लडाइ पाइब आन ठेयब मुर आन कली “गे गो नु बाक्‍तीनी हना, सुइ मुर रामोथ-गिलाद सहर रे एको लोव़ शोव़चा कली येज्रेल रे ग्रूचा मतामेक्‍ल” देंमाक्‍त। २राजा ८:२८-२९
2KI 9:16 मिनु येहू आ बग्‍गीम ङोइश्‍शा येज्रेल लमाक्‍त। मारदे हना येहोराम मेकेर नाइश्‍शा बाक्‍माक्‍त। मिनु यहूदा ङा पिप अहाज्‍याह यो येहोराम कली कोव़थ मेक उइ बाक्‍शो बाक्‍माक्‍त।
2KI 9:17 मिनु येज्रेल सहर कली कोव़शा खाल पाइबमी येहू नु आ मुर आन कली जाक्‍शो तवा बाक्‍त। मिनु मेकोमी ठेयब सेंदा पा “गो हुल का लडाइ पाइब मुर पिशो तातामी” देंमाक्‍त। मिनु येहोराममी “शारा ङोइक्‍ब का मेको आन कली ग्रुम्‍थ सोइश्‍शा ‘मार, गे रिम्‍शो पथ जाक्‍शो बाक्‍नीनी?’ दे हिल्‍लो पपतो” देंमाक्‍त।
2KI 9:18 मिनु मेको शारा ङोइक्‍ब मुर येहू कली ग्रुम्‍थ लशा “पिपमी इन कली ‘मार, गे रिम्‍शो पथ जाक्‍नी?’ दे हिल्‍लो पाप्‍तु” देंमाक्‍त। मिनु येहूम “रिम्‍शो पथ जाक्‍ङल कि मरिम्‍शो पथ जाक्‍ङल, गे मारदे माल्‍दे? आं नोले खोइय्‍यी” दे मदा बाक्‍त। मिनु मेको कोव़शा खाल पाइबमी पिप कली “मेको लोव़ कुरबम मेको आन कली ग्रुम्‍चा दा ग्रुम्‍तु, तन्‍न मेको लेश्‍शा मजा” देंमाक्‍त।
2KI 9:19 मिनु पिपमी अर्को शारा ङोइक्‍ब सोइक्‍ता बाक्‍त। मिनु मेको, मेको आन नेक्‍था जाक्‍दीश्‍शा “पिपमी ‘गे रिम्‍शो पथ जाक्‍नी’ दे हिल्‍लो पाप्‍तु” देंमाक्‍त। मिनु येहूम “रिम्‍शो पथ जाक्‍ङल कि मरिम्‍शो पथ जाक्‍ङल इ कली मारदे माल्‍दे, आं नोले खोइय्‍यी” दे मदा बाक्‍त।
2KI 9:20 मिनु मेको कोव़शा खाल पाइबमी “मेको लोव़ कुर‍बमी मेको आन कली ग्रुम्‍चा दा ग्रुम्‍तु, तन्‍न मेको यो लेश्‍शा मजा। मेरे बग्‍गी दोरपाइक्‍ब दा निम्‍शी आ चच येहू बाक्‍त। मारदे हना मेकोम निप्‍स ग्‍यशो मुरुमी दोरपाइश्‍शो खोदेंशो पा दोरपाइक्‍ब” देंमाक्‍त।
2KI 9:21 मिनु येहोराममी “आं बग्‍गी ठीक पने” देंमाक्‍त। मिनु मेकोपुकीम मेको ठीक पामे बाक्‍त। मिनु इस्राएल ङा पिप येहोराम नु यहूदा ङा पिप अहाज्‍याह आस बग्‍गी ङोइश्‍शा येहू कली ग्रुम्‍थ लसा बाक्‍त। मिनु मेको निक्‍शीम येहू कली “येज्रेल सहर नाबोथ आ रूम ग्रुम्‍से बाक्‍त। १राजा २१:१
2KI 9:22 मिनु येहोरामम येहू कली तशा, मेको कली ‘येहू, गे मार रिम्‍शो मिम्‍शा ग्रुम्‍थ जाक्‍ङे?’ दे हिल्‍लो पवा बाक्‍त। तन्‍न येहूम इ ममा इजेबेलम आ ग्रांग्रा दिशो मूर्ति पूजा पाइब, टुना मुना पाइब। मिनु मार रिम्‍शो पा ग्रुम्‍थ जाक्‍नुङा?” देंमाक्‍त।
2KI 9:23 मिनु येहोराममी आ बग्‍गी लेश्‍शा अहाज्‍याह कली “अहाज्‍याह मरिम्‍शो दुम्‍त” देंना देंन प्रोक्‍माक्‍त।
2KI 9:24 मिनु येहूम आ लिब्रा कीशा येहोराम आ बला आ दातेमी आबा बाक्‍त। मिनु मेको ब्राम मेको आ लुङ‍गीर ख्रिदा बाक्‍त। मिनु मेको आ बग्‍गीमी गोल्‍माक्‍त।
2KI 9:25 मिनु येहूम आ लडाइ पाइब आन ठेयब मुर बिदकार कली “मेरे कली पोक्‍शा येज्रेली नाबोथ आ रूम ताइक्‍तो। गे नु गो मेको आ आफ आहाब नु शाराम काथ काथा लसानु, मेको आ पर्बम परमप्रभु यावेम लोव़ पशो गे तुइश्‍शो बाक्‍नेवे। १राजा २१:१९; यसैया १३:१; येरमीया २३:३३-४०
2KI 9:26 परमप्रभु यावेमी ‘गो सिनाक्‍ती नाबोथ नु मेको आ आल आन हुश ताता। मिनु गो थमा पा इ कली एको रूमी क्‍येक्‍क लेत्‍नुङ’ देंशो बाक्‍त। मोपतीके मेरे कली पोक्‍शा परमप्रभु यावे आ देंशो खोदेंशो पा मेको रूमीन ताइक्‍तो” दे मदा बाक्‍त।
2KI 9:27 मिनु यहूदा ङा पिप अहाज्‍याह मेको तशा, बेथ-हाग्‍गान लतीक लां गे प्रोक्‍माक्‍त। मिनु येहू मेको आ नो‍नोले खेदा पना पन लशा “मेरे कली यो सतीन” देंमाक्‍त। मिनु मेको कली इब्‍लाम ङा गुर ङा ग्‍येत्‍थ लतीक लांम आप्‍शा गार सेल्‍मे बाक्‍त। तन्‍न मेको प्रोक्‍शा मेगीददोम जाक्‍दीम्‍माक्‍त। मिनु मेक उइ बेक्‍माक्‍त। २इतिहास २२:७-९
2KI 9:28 मिनु मेको आ गेय पाइब ठेयब मुरपुकीम मेको आ बेक्‍शो रां यरूसलेमम लाइश्‍शा दाऊद आ सहरम मेको आ किकी पिप नु आ तुरसुम थिम्‍मे बाक्‍त।
2KI 9:29 आहाब आ तौ येहोरामम सासन पवा आ ११ बर्सम अहाज्‍याह यहूदा ङा पिप दुम्‍शो बाक्‍माक्‍त।
2KI 9:30 मिनु येहू येज्रेल सहरमी जाक्‍माक्‍त। मार मार दुम्‍मे, मेको नेल्‍ल इजेबेलम नेंशो बाक्‍माक्‍त। मिनु मेकोम आ मिक्‍चीम गाजल ख्रेक्‍से बाक्‍त। मिनु चां मिंसीशा झेल रे उइ लां गे कोव़ङा बाक्‍त।
2KI 9:31 मिनु येहू ठेयब लाप्‍चो रे ओव़माक्‍त। मिनु इजेबेलम “ए आंम होव़प कली साइक्‍ब जिम्री, मार, गे रिम्‍शो पथ जाक्‍ङे” दे मदा बाक्‍त। १राजा १६:९-१०
2KI 9:32 मिनु मेकोमी इर झेल गे कोव़शा ठेयब सेंदा पा “आं गे सु बाक्‍नी? सु बाक्‍नी?” देंमाक्‍त। मिनु का निक्‍शी दरवार ङा गेय पाइब मेको गे कोव़ङमे बाक्‍त।
2KI 9:33 मिनु येहूमी “मेको कली झेल रे ताइक्‍तीन” देंमाक्‍त। मिनु मेकोपुकीम इजेबेल कली उइ ताइक्‍तमे बाक्‍त। मिनु मेको आ हुश प्रेक्‍शा कोइ गारोमी नु कोइ शारा आन कली जुक्‍तमे बाक्‍त।
2KI 9:34 मेको नोले येहू आगा ओव़शा जचा तूचा थोव़क जवा तूङा बाक्‍त। मिनु मेकोमी “मेको सराप रशो मीश मुर कली लाइश्‍शा थिमीन। मारदे हना मेको पिप आ तमी बाक्‍ब” देंमाक्‍त।
2KI 9:35 मिनु मुरपुकी मेको कली थिम्‍चा कली उइ ब्रुम्‍मा बाक्‍त। तन्‍न मेकेर आ पिया, गुइ नु खोइल ङा लाक्‍शा अरु मारेइ मथिदमे बाक्‍त।
2KI 9:36 मिनु मेकोपुकी लेश्‍शा जाक्‍शा येहू कली शेंदमे बाक्‍त। मिनु मेकोमी “परमप्रभु यावेम आ गेय पाइब तिश्‍बे सहर ङा एलीया रे पा ‘इजेबेल कली येज्रेल सहरम कुचुमम ब्‍वाइनीम। १राजा २१:२३
2KI 9:37 इजेबेल आ बेक्‍शो रां येज्रेल सहरम मोव़ल खोदेंशो पा राक्‍ब। मिनु मेको कली एको इजेबेल बाक्ब, दे सुइम मतुइक्‍नीम’ देंशो बाक्‍ब” देंमाक्‍त।
2KI 10:1 आहाब आ ७० जना तौ सामरीया सहरम बाक्‍शो बाक्‍मा बाक्‍त। मोपतीके येहूमी चिठी का ब्रेक्‍शा सामरीयाम, येज्रेल ङा हुकुम पाइब, खाल्‍पा नु आहाब आ तौ आन कली कोव़ब मुर आन कली सोइक्‍ता बाक्‍त।
2KI 10:2 मेको चिठीम “गे इन होव़प आ तौ मेकेर बाक्‍तीके, इन बग्‍गी, शारा, गारो हिरशो सहर नु यापुकी बाक्‍तीके,
2KI 10:3 गेपुकीमी इन होव़प आ तौ आन दातेमी नेल्‍ल क्‍येङा रिम्‍शो नु नेल्‍ल क्‍येङा निप्‍स पाइश्‍शो, का कली आ आफ आ पा ङा पिप सेलीन। मिनु मेको नोले इन होव़प आ खिं आ पर्बम लडाइ पने” दे ब्रेक्‍शा सोइक्‍तीमी बाक्‍त।
2KI 10:4 तन्‍न मेकोपुकी थाम्‍पा हिंशा सुर्ता पा “पिप निक्‍शी ला यो मेको आ ङोंइती राप्‍‍ने मचबेस हना, गो मार पने चाप्‍नया ङा?” देंमुमा बाक्‍त।
2KI 10:5 मोपतीके पिप आ खिं ङा खाल पाइबपुकी, सहर ङा हुकुम पाइबपुकी, खाल्‍पापुकी नु आहाब आ तौ आन कली कोव़ब नेल्‍ल गारशा येहू कली “गोपुकी इन गेय पाइब नकी। गे आंइ कली मार देंनीनी, गो मेको पाइनीकी। गो सुइ कली पिप मसेल्‍नीकी। गे मार पचा दाक्‍नीनी, मेको पने” दे लोव़ कुरब मुर सोइक्‍तमे बाक्‍त।
2KI 10:6 मिनु येहूमी मेको आन कली अर्को चिठी का ब्रेक्‍शा “गेपुकी आं गे बाक्‍तीनी हना नु आं अरेशो बित्‍नीनी हना, दीसा एं खोइ ना इन होव़प आ तौ आन पिया कुरशा येज्रेल सहरमी जाक्‍कीन” दे ब्रेक्‍शा सोइक्‍ता बाक्‍त। मेना मेको पिप आ ७० जना तौ चहिं आन कली कोव़ब मुर आन खिंमी बाक्‍शो बाक्‍मा बाक्‍त।
2KI 10:7 मिनु मेको चिठी मेक जाक्‍दीम्‍मेनु, मेकोपुकीम मेको ७० जना पिप आ तौ आन कली लाइश्‍शा सदमे बाक्‍त। मिनु मेकोपुकीम मेको आन ख्रोइश्‍शो पिया थुन्‍सेपुकीम कुर पा येज्रेल सहरम सोइक्‍तमे बाक्‍त।
2KI 10:8 मिनु लोव़ कुरब मुर जाक्‍शा, येहू कली “मेकोपुकीम पिप आ तौ आन पिया चाक्‍तेक्‍म” देंमाक्‍त। मिनु येहूमी मेको कली “मेको आन कली पुक्‍थ्री निक्‍शी पा पुक्‍शा, सहर ङा ठेयब लाप्‍चो आ ङोंइती दीसा सुनी सम्‍म वोतीन” देंमाक्‍त।
2KI 10:9 मिनु आ दीसा सुनी येहू लाङगा ग्रूमाक्‍त। मिनु मेकोम मेकेर राप्‍शा बाक्‍ब नेल्‍ल आन कली “गे दोस ताइब मननी। आंम होव़प कली मरिम्‍शो पा साइक्‍ब मुर दा गो नङ। तन्‍न एको नेल्‍ल आन कली चहिं सुम सदा?
2KI 10:10 आहाब आ खिं ङा मुर आन कली परमप्रभु यावेम देंशो लोव़ का यो मोशा मदुम्‍ब। परमप्रभु यावेम आ गेय पाइब एलीया रे पा देंशो लोव़ नेल्‍ल गाप्‍त” देंमाक्‍त। १राजा २१:२१
2KI 10:11 मोपा येहूमी येज्रेलम लीशो आहाब आ खिं ङा मुर नेल्‍ल, मेको आ ठेयब गेय पाइब मुरपुकी, मेको आ वारच नु मेको आ चढ़ेब, नेल्‍ल आन कली का यो मप्रोंइ‍थु साइक्‍मी बाक्‍त। होसे १:४
2KI 10:12 मेको नोले येहू सामरीया गे लमाक्‍त। मिनु गोठला आन बाक्‍तीक बेथ-एकेद सहरम जाक्‍दीम्‍माक्‍त।
2KI 10:13 मिनु मेकेर येहूम यहूदा ङा पिप अहाज्‍याह आ मुर आन कली ग्रुमा बाक्‍त। मिनु येहूमी मेको आन कली “गे सु ननी?” दे हिल्‍लो पामी बाक्‍त। मिनु मेकोपुकीम “गो पिप अहाज्‍याह आ मुर नकी। मिनु गो पिप तौ आन कली नु ठेयब पिपीमी आ तौ आन कली ग्रुम्‍थ लाइतक” देंमा बाक्‍त। २इतिहास २२:८
2KI 10:14 मिनु येहूम “एको आन कली सेसीन ग्‍याइक्‍तीन” देंमाक्‍त। मिनु मेकोपुकीम मेको आन कली सेसीन ग्‍याइश्‍शा बेथ-एकेद सहरम सदमे बाक्‍त। मेकोपुकीम मेकेर ४२ जना वोंइश मुर आन कली का यो सेस मप्रोन्‍मे बाक्‍त।
2KI 10:15 मिनु मेकोम मेकेर रेकाब‍ आ तौ येहो-नादाब आ कली ग्रुम्‍थ पिशो तवा बाक्‍त। मिनु येहूम मेको कली रिम्‍शो पा “मार गो आं थुं इ गे बाक्‍शो खोदेंशो पा, गे यो इ थुं नेल्‍लेम आं गे बाक्‍नेवे?” दे मदा बाक्‍त। मिनु येहो-नादाबम “बाक्‍नुङ” देंमाक्‍त। मिनु येहूमी “मो हना इ गुइ आं कली गेयी” दे मदा बाक्‍त। मिनु मेकोम आ गुइ गेवा बाक्‍त। मिनु येहूम मेको कली लाइश्‍शा आ बग्‍गीम निप्‍पदा बाक्‍त। येरमीया ३५:६
2KI 10:16 मिनु येहूम मेको कली “गे गो नु पिने। मिनु परमप्रभु यावे कली आं जोंब बोक्‍शा गेय पशो कोव़ङीन” दे मदा बाक्‍त। मिनु मेकोम मेको कली आ बग्‍गीम लदा बाक्‍त।
2KI 10:17 मिनु येहू सामरीयाम जाक्‍दीश्‍शा, परमप्रभु यावेमी एलीया कली देंशो खोदेंशो पा, आहाब आ खिं ङा लीशो मुर नेल्‍ल आन कली का यो मप्रोंइ‍थु, साइक्‍मी बाक्‍त। १राजा २१:२१
2KI 10:18 मिनु येहूमी मुर नेल्‍ल आन कली ब्रेश्‍शा, मेको आन कली “आहाबम दा इच्‍का ला बाल आ पूजा पाप्‍तु। तन्‍न येहूमी मेको क्‍येङा यो थम ठेयब पा पूजा पाइब। १राजा १६:३१-३३
2KI 10:19 मुल बाल आ लोव़ पाइब नेल्‍ले, मेको आ नोले खोइक्‍ब नेल्‍ल नु मेको कली चढ़ेब नेल्‍ल आन कली ब्रेत्‍तीन। मेकोपुकी का यो मग्राइक्‍मल। मारदे हना गो बाल कली ठेयब पूजा का पाइनुङ। मेको पूजाम मजाक्‍ब सुइ ब्रोंइचा मताइनीम” देंमाक्‍त। तन्‍न येहूम बाल आ नोले खोइक्‍ब नेल्‍ल आन कली साइक्‍चा कली मोपा जोल पशो बाक्‍माक्‍त।
2KI 10:20 मिनु येहूम “बाल आ पर्बम चाड का मानेचा माल्‍ब” देंमाक्‍त। मोपतीके मेकोपुकीम मेको लोव़ नेल्‍ल आन कली नेंपदमे बाक्‍त।
2KI 10:21 मिनु येहूम मेको लोव़ इस्राएल नेल्‍लेम नेंपाइक्‍चा कली लोव़ कुरब मुर सोइक्‍तीमी बाक्‍त। मिनु बाल आ नोले खोइक्‍ब नेल्‍ल जाक्‍मा बाक्‍त। का यो मलीमा बाक्‍त। मेकोपुकी बाल आ खिंम जाक्‍शा क्राक्‍थ्री चोक्‍थ्री दुम्‍शा एर ङा गारो रे ओंथ ङा गारो सम्‍म दुम्‍मा बाक्‍त।
2KI 10:22 मिनु मेकोमी वा वोइक्‍ब आन कली “बाल आ नोले खोइक्‍ब नेल्‍ल आन कली वा ग्रुंइदीन” दे माइक्‍मी बाक्‍त। मिनु मेकोम मेको आन कली वा ग्रुंइदमे बाक्‍त।
2KI 10:23 मिनु येहू, रेकाब आ तौ येहो-नादाब नु बाल आ खिं ओव़माक्‍त। मिनु येहूम बाल आ नोले खोइक्‍ब आन कली “होस पा एर ओंथ नेल्‍ल कोव़ङीन। मिनु थमा पा एकेर गे इन दातेम परमप्रभु यावे आ गेय पाइब सुइ मबाक्‍मल। बाल आ नोले खोइक्‍ब ला बाक्‍मल” देंमाक्‍त।
2KI 10:24 मिनु मेको क्‍योरशा चढ़ेचा नु चोशा चढ़ेचा कली आगा ओव़सा बाक्‍त। येहूमी लाङगाम ८० जना मुर आन कली योव़शा, मेको आन कली “गो एको मुर आन कली इन जिम्‍मा गेशो बाक्‍नुङ। सुइम का कली यो प्रोक्‍चा गेप्‍तु हना, मेको आ पा ङा मेको प्रोक्‍पाइक्‍ब मुर साइक्‍चा पुंइसीब” देंशो बाक्‍माक्‍त।
2KI 10:25 मिनु येहूम मार मार चढ़ेने थुमा चोटी खाल पाइब नु आ दी ङा योव़शो मुर आन ठेयब मुर आन कली “ओव़शा, मेको नेल्‍ल आन कली का यो मप्रोंइथु, क्‍योरशा सतीन” दे हुकुम गेमी बाक्‍त। मोपतीके मेको खाल पाइबपुकी नु योव़शो आन ठेयब मुरपुकीम सुइ आन कली प्रोक्‍चा मगेथु तरवारम क्‍योरशा सदमे बाक्‍त। मिनु मेको आन बेक्‍शो रां लाङगा ग्रुंइशा बाल आ खिं आ लाङगाम ताइक्‍तमे बाक्‍त। १राजा १८:४०
2KI 10:26 मिनु मेकोपुकीम बाल आ खिं ङा थाम लाङगा ग्रुंइशा चोव़मे बाक्‍त।
2KI 10:27 मिनु नोले मेकोपुकीम बाल आ थाम प्रेत्‍मे बाक्‍त। मिनु आ खिं यो प्रेत्‍मे बाक्‍त। मिनु मेको ङाइक्‍तीक खिं सेल्‍मे बाक्‍त। मेको मुल सम्‍म बाक्‍ब।
2KI 10:28 मोपा येहूमी इस्राएलमी बाल आ नोले खोइक्‍ब नेल्‍ल आन कली क्‍याम्‍दा बाक्‍त। १राजा १२:२६-३३
2KI 10:29 मो हना यो येहूम इस्राएली आन कली पाप पपाइक्‍ब नेबात आ तौ येरोबाम आ पतीक मप्रोना बाक्‍त। बेथेल नु दान ङा सुन के बाछा आस कली पूजा पतीक गेय में ङा में वोदा बाक्‍त।
2KI 10:30 मिनु परमप्रभु यावेम येहू कली “गे आं ङोंइती मार रिम्‍शो बाक्‍मे, मेको पाप्‍तीवी। मिनु आं मिम्‍शो लोव़ आहाब आ खिं ङा मुर नेल्‍ल आन कली पाप्‍तीवी। मोपतीके इ तौ चच ४ पाला सम्‍म इस्राएल ङा पिप दुम्‍नीम” देंमाक्‍त।
2KI 10:31 मो हना यो येहूम आ थुं नेल्‍लेम होस पा परमप्रभु यावे, इस्राएली आन परमप्रभु आ अरेशो मटिवा बाक्‍त। मेकोमी इस्राएली आन कली पाप पपाइक्‍ब येरोबाम आ पाप पतीक मप्रोना बाक्‍त।
2KI 10:32 मेना परमप्रभु यावेमी इस्राएल कली आइक्‍च सेल्‍चा गोवा बाक्‍त। मिनु हजाएलमी इस्राएल कली लडाइ पा ग्रामाक्‍त। २राजा ८१२
2KI 10:33 मिनु यर्दन खोला आ पूर्ब गे गिलाद ङा रागी नेल्‍ल, गाद, रूबेन नु मनस्‍से आन रागी, अरनोन खोला आ नेक्‍था आरोएर, गिलाद ङा लां रे पा बाशान सम्‍म इस्राएली आन कली फ्रूमी बाक्‍त।
2KI 10:34 येहू आ पशो अरु गेय, मेको आ पशो नेल्‍ल नु आ सक्ति मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?
2KI 10:35 मिनु येहू बेक्‍माक्‍त। मिनु मेको सामरीयाम थिम्‍चा पुंइसे बाक्‍त। मिनु मेको आ पा ङा आ तौ येहो-अहाज पिप दुम्‍माक्‍त। २राजा १३:१
2KI 10:36 येहू सामरीया सहरम बाक्‍शा २८ बर्स इस्राएल कली सासन पवा बाक्‍त।
2KI 11:1 अहाज्‍याह आ ममा अथाल्‍याहम आ तौ कली साइश्‍शो तशा, पिप आ खिं ङा मुर नेल्‍ल आन कली साइक्‍चा गोवा बाक्‍त। २राजा ८:२६; २राजा ९:२७
2KI 11:2 तन्‍न पिप येहोराम आ तमी, अहाज्‍याह आ समी येहो-शेबा बाक्‍माक्‍त। मेकोमी अहाज्‍याह आ तौ योआश कली मेको साइक्‍चा पुंइसीब पिप आ आल आन दाते रे लाइश्‍शा, मेको आ खाल पाइब मीश मुर नु इप्‍तीके कोठा काम ख्रुइक्‍ता बाक्‍त। मोपा अथाल्‍याहमी मेको आल कली साइक्‍चा मतवा बाक्‍त।
2KI 11:3 मिनु मेको आल ६ बर्स सम्‍म मेको नु परमप्रभु यावे आ खिंम ख्रुइश्‍शा बाक्‍माक्‍त। मेना अथाल्‍याहमी सासन पशो बाक्‍माक्‍त।
2KI 11:4 मिनु ७ बर्सम येहो-यादामी सहे, सहे जना पिप कली कोव़ब केरेती नु खाल पाइब आन ठेयब मुर आन कली परमप्रभु यावे आ खिंम ब्रेश्‍शा चाक्‍मी बाक्‍त। मिनु येहो-यादाम मेको आन कली कबल का पपाइश्‍शा, परमप्रभु यावे आ खिंम कसम जपाइक्‍मी बाक्‍त। मिनु मेको आन कली पिप आ तौ कोंइदीमी बाक्‍त। केरेती परमप्रभु यावे आ खिं कोव़ब बाक्‍नीम।
2KI 11:5 मिनु येहो-यादामी मेको आन कली “गे मार पचा माल्‍नीनी देंशा हना, सु सु नाइक्‍तीक नाक्‍ती गेय पथ जाक्‍नीनी, मेकोपुकीम भाग सां ङा भाग का पिप आ खिं खाल पने।
2KI 11:6 मिनु अर्को भाग का सुर माइश्‍शो लाप्‍चोम बाक्‍कीन। नोले ङा भाग लाप्‍चो खाल पाइब आन नोले गे बाक्‍शा, दरवार कोव़चा माल्‍नीम।
2KI 11:7 मिनु गे नाइक्‍तीक नाक्‍ती गेय मपाइब हुल निक्‍शी चहिं परमप्रभु यावे आ खिं खाल पा बाक्‍कीन।
2KI 11:8 गे नेल्‍ल आंम आंम गुइम या शेशा, पिप कली खाल पा आ एर ओंथ बाक्‍चा माल्‍नीनी। इन नेक्‍था जाक्‍ब नेल्‍ल आन कली सतीन। पिप ते लत हना यो, गे मेको आ नेक्‍था बाक्‍चा माल्‍नीनी” दे अरेमी बाक्‍त।
2KI 11:9 मिनु पिप कली कोव़ब आन ठेयब मुरपुकीमी चढ़ेब येहो-यादा आ अरेशो नेल्‍ल पामे बाक्‍त। मेको नेल्‍लेमी आन आन मुर आन कली खुप्‍तमे बाक्‍त। नाइक्‍तीक नाक्‍ती गेय पचा माल्‍शो नु ममाल्‍शो नेल्‍ल चढ़ेब येहो-यादा आ बाक्‍तीक जाक्‍मा बाक्‍त।
2KI 11:10 मिनु मेको चढ़ेबम मेको आन कली परमप्रभु यावे आ खिंम बाक्‍शो दाऊद आ तूतीक नु तेक्‍तीक गेमी बाक्‍त। २सामुएल ८:७
2KI 11:11 मिनु मेको खाल पाइबपुकी आंम आंम या शेशा परमप्रभु यावे आ खिं आ दक्‍खिन रे उत्तर सम्‍म, खिं नु चढ़ेतीक आ एर ओंथ पिप कली खाल पा बाक्‍मा बाक्‍त।
2KI 11:12 मिनु येहो-यादाम पिप आ तौ कली ग्रुंइदा बाक्‍त। मिनु मेको आ पियाम सिरपेच गुक्‍ता बाक्‍त। मिनु येहो-यादामी मेको कली कबल ङा कागज का गेवा बाक्‍त। मिनु मेको कली तेल लुक्‍शा पिप सेला बाक्‍त। मिनु मुरपुकीम गुइ फ्रोक्‍शा “पिप गेना हना यो ब्रोंइशा बाक्‍ल” देंमा बाक्‍त। ब्‍यवस्‍था १७:१८-१९; १राजा १:३९
2KI 11:13 मिनु अथाल्‍याहमी खाल पाइब नु मुरपुकी ठेयब सेंदा पा रेयके पशो नेना बाक्‍त। मिनु मेको परमप्रभु यावे आ खिंम बाक्‍शो मुर आन नेक्‍था लमाक्‍त।
2KI 11:14 मिनु मेकोम कोव़ङानु, पिप थाम आ नेक्‍था राप्‍पाइश्‍शो तवा बाक्‍त। मेको आन पतीक पशा ठेयब मुरपुकी नु तुराही ताप्‍बपुकी पिप आ नेक्‍था बाक्‍मा बाक्‍त। मिनु रागी ङा मुर नेल्‍ल तुराही ताप्‍ना ताप्‍न ग्‍येरसीशो बाक्‍मा बाक्‍त। मिनु अथाल्‍याहम आ वा खाक्‍गा बाक्‍त। मिनु ठेयब सेंदा पा “गो नु रागी नेल्‍ल खतम! गो नु रागी नेल्‍ल खतम!” दे वाइ ब्रेम्‍माक्‍त।
2KI 11:15 मिनु चढ़ेब येहो-यादामी लडाइ पाइब आन ठेयब मुर आन कली “मेको कली खिं रे ग्रुंइदीन। मेको आ नोले खोइक्‍ब नेल्‍ल आन कली तरवारम स‍तीन। मारदे हना ‘मेको परमप्रभु यावे आ खिंम साइक्‍चा मपुंइसेक्‍ल’ ” देंमाक्‍त।
2KI 11:16 मिनु मेको कली ग्‍याइश्‍शा, शारा वोइक्‍तीक लाइश्‍शा, सदमे बाक्‍त।
2KI 11:17 मेको नोले येहो-यादामी परमप्रभु यावे, पिप नु आ मुर कली कबल का पवा बाक्‍त। मेकोपुकी परमप्रभु यावे आ मुर दुम्‍नीम, दे कबल पवा बाक्‍त। मिनु मेकोम पिप नु मुर आन दातेम यो कबल का पवा बाक्‍त।
2KI 11:18 मिनु मेको रागी ङा मुर नेल्‍ल बाल आ खिं लशा, मेको प्रेत्‍मे बाक्‍त। मेकोपुकीम मेको आ चढ़ेतीक नु आ मूर्ति जिक्‍शा ताइक्‍तमे बाक्‍त। मिनु बाल कली चढ़ेब मत्तान कली चढ़ेतीक आ ङोंइती सदमे बाक्‍त। मिनु चढ़ेब येहो-यादाम परमप्रभु यावे आ खिं कली खाल पाइब मुर योव़मी बाक्‍त। २राजा १०:२६-२७; न्‍यायाधीस ६:२५
2KI 11:19 मिनु येहो-यादामी सहे का जना लडाइ पाइब आन कप्‍तानपुकी, केरेती, खाल पाइबपुकी नु रागी ङा मुर नेल्‍ल आन कली लाइक्‍मी बाक्‍त। मिनु मेकोपुकीमी पिप कली परमप्रभु यावे आ खिं रे खाल पाइब आन लाप्‍चो लां पा पिप आ खिंम चाक्‍ग‍मे बाक्‍त। मिनु पिप आ नित्‍तीकेम निप्‍पदमे बाक्‍त। करेती परमप्रभु यावे आ खिं कोव़ब बाक्‍तेक्‍म।
2KI 11:20 मिनु रागी ङा मुर नेल्‍ल ग्‍येरसमा बाक्‍त। मिनु सहरम थुं नाइश्‍शा बाक्‍तीक दुम्‍माक्‍त। मारदे हना अथाल्‍याह तरवारमी साइक्‍चा पुंइसे बाक्‍त।
2KI 11:21 योआश पिप दुम्‍मेनु, मेको ७ बर्स दुम्‍शो बाक्‍माक्‍त। योआश नु येहो-आश नें का बाक्‍ब, येहो-आश कली योआश यो बाक्‍ब।
2KI 12:1 योआश यहूदा ङा पिप दुम्‍माक्‍त। मेना येहू इस्राएल ङा पिप दुम्‍शो ७ बर्स दुम्‍शो बाक्‍माक्‍त। मिनु योआशमी यरूसलेमम ४० बर्स सासन पवा बाक्‍त। मेको आ ममा आ नें सिबी‍याह बाक्‍माक्‍त। मेको बेयर-शेबा ङा बाक्‍माक्‍त।
2KI 12:2 योआशमी चढ़ेब येहो-यादाम शेंशो खोदेंशो पा, ब्रोंइम सम्‍म परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त।
2KI 12:3 मो हना यो मेकोमी डांडाम बाक्‍शो थानपुकी मताइक्‍ता बाक्‍त। मेना सम्‍म मुरपुकीम मेकेर क्‍योरशा चढ़ेतीक चढ़ेशा, धूप चोव़मे बाक्‍त।
2KI 12:4 मिनु योआशमी चढ़ेब आन कली “परमप्रभु यावे आ खिंमी मुरपुकीमी आन दाक्‍शा गेशो क्‍येट, मुर आन कली हिक्‍शो नु बोक्‍शो क्‍येट नु मुरपुकीम ग्‍येरशा गेशो क्‍येट नेल्‍ले परमप्रभु यावे आ खिंम वो‍तीन। २राजा १४:४; १राजा २२:४४
2KI 12:5 चढ़ेबपुकीमी मेको क्‍येट मुर रे ताक्‍चा माल्‍नीम। मिनु परमप्रभु यावे आ खिं ङा बिग्रेशो मार मार बाक्‍मा, मेको सेल्‍पाइक्‍चा माल्‍नीम” देंमाक्‍त।
2KI 12:6 तन्‍न योआशमी सासन पवा आ २३ बर्स सम्‍म यो चढ़ेबपुकीम मेको बिग्रेशो मारेइ मसेल्‍पदमे बाक्‍त।
2KI 12:7 मोपतीके पिप योआशमी चढ़ेब येहो-यादा नु अरु चढ़ेब आन कली ब्रेश्‍शा “मारदे गे परमप्रभु यावे आ खिं ङा ब्रेश्‍शो मसेल्‍नी? मुल रे गेपुकीम इन कली गेशो क्‍येट मताक्‍कीन। तन्‍न मेको अरु परमप्रभु यावे आ खिं ङा ब्रेश्‍शो सेल्‍ब आन कली कोव़ब आ गुइमी गेचा माल्‍नीनी” देंमाक्‍त।
2KI 12:8 मोपतीके चढ़ेबपुकीमी “मुल गो क्‍येट यो मताक्‍य नु बिग्रेशो यो मसेल्‍य” दे सल्‍ला पामे बाक्‍त।
2KI 12:9 मिनु चढ़ेब येहो-यादामी सन्‍दोस का सेल्‍शा, मेको आ सुम्‍तीकेम पोव़ला का सेला बाक्‍त। मिनु येहो-यादामी मेको सन्‍दोस परमप्रभु यावे आ खिं आगा ओव़तीकेम चढ़ेतीक आ नेक्‍था ग्‍युरा गे वोदा बाक्‍त। मिनु परमप्रभु यावे आ खिं ङा लाप्‍चो कोव़ब चढ़ेबपुकीम परमप्रभु यावे आ खिंम चाक्‍शो क्‍येट नेल्‍ल मेकेर कुर पामे बाक्‍त।
2KI 12:10 मिनु मेकोपुकीमी मेको सन्‍दोस “शुश क्‍येट बाक्‍ब” दे तुइक्‍तमेनु, पिप आ ब्रेक्‍ब नु नेल्‍ल क्‍येङा ठेयब चढ़ेब जाक्‍शा, मेको परमप्रभु यावे आ खिं ङा क्‍येट हिक्‍शा थैलोम कुर पा फ्रेंशा वोइक्‍बाक्‍मा बाक्‍त।
2KI 12:11 मिनु मेकोपुकीम मेको हिक्‍गमे नोले, मेको परमप्रभु यावे आ खिंम गेय पाइब आन कली कोव़ब मुर कली गेबाक्‍मा बाक्‍त। मिनु मेकोपुकीम मेको रे परमप्रभु यावे आ खिं सेल्‍ब आन कली गेबाक्‍मा बाक्‍त। मेकोपुकीम मेको क्‍येट शी के गेय पाइब नु सेल्‍ब आन कली गेबाक्‍मा बाक्‍त।
2KI 12:12 मेकोपुकीमी मेको क्‍येट गारो प्रोव़ब, फुल्‍लु ख्रोइक्‍ब नु शी नु ख्रोइश्‍शो फुल्‍लु ग्‍याप्‍चा कली गेबाक्‍मा बाक्‍त। मिनु मेको क्‍येट परमप्रभु यावे आ खिं ङा बिग्रेशो सेल्‍चा कली नु परमप्रभु यावे आ खिं ङा अरु मार मार लेंशा सेल्‍चा कली चलेबाक्‍मा बाक्‍त।
2KI 12:13 मेकोपुकीम चांदी के बोस, सल्‍दो क्राम्‍तीक थनारो, ग्‍योंब, तुराही नु अरु सुन चांदी के मारेइ मारेइ सेल्‍चा कली परमप्रभु यावे आ खिंम चाक्‍शो क्‍येट रे मसेल्‍पदमे बाक्‍त।
2KI 12:14 मारदे हना मेको क्‍येट परमप्रभु यावे आ खिं ङा बिग्रेशो लेंशा सेल्‍ब मुर आन कली गेमे बाक्‍त।
2KI 12:15 मिनु मेको गेय पाइब आन कली गेचा कली, मेको आन कोव़ब मुर आन कली गेशो क्‍येट सु सु कली गेनी, मार मार पनी, दे हिल्‍लो मपाइक्‍बाक्‍मा बाक्‍त। मारदे हना मेकोपुकी थमा सुइक्‍चा पुंइसीशो मुर बाक्‍मा बाक्‍त। २राजा २२:७
2KI 12:16 मिनु दोस आ पर्बम नु पाप आ पर्बम चढ़ेशो क्‍येट चहिं परमप्रभु यावे आ खिं ङा क्‍येट नु मब्वाइक्‍तमे बाक्‍त। मेको चहिं चढ़ेब आन के दुम्‍बाक्‍माक्‍त।
2KI 12:17 मेना अराम ङा पिप हजाएल इर कुशा, गाथ कली लडाइ तोशा मेको आ के सेला बाक्‍त। मेको नोले हजाएल यरूसलेम नु लडाइ पचा कली मेक गे लमाक्‍त।
2KI 12:18 तन्‍न यहूदा ङा पिप योआशमी मेको आ किकी पिपी, यहूदा ङा पिप येहो-शाफात, येहोराम नु अहाज्‍याहम चढ़ेशो परमप्रभु यावे आ खिं ङा क्‍येट नु आंम आ चढ़ेशो थोव़क, परमप्रभु यावे आ खिंम बाक्‍शो थोव़क नु आ दरवारम बाक्‍शो सुन नेल्‍ल अराम ङा पिप हजाएल कली सोइक्‍ता बाक्‍त। मिनु हजाएल यरूसलेम रे लेम्‍माक्‍त। २राजा १०:३२
2KI 12:19 योआश आ पशो अरु गेय नु आ पशो नेल्‍ल, मार, मेको यहूदा ङा पिप आन इतिहासम ब्रेक्‍शो मबाक्‍बा ङा? १राजा १५:१८
2KI 12:20 मिनु नोले मेको आ गेय पाइब मुरपुकीम मेको कली साइक्‍चा माल्‍मे बाक्‍त। मिनु योआश कली सिल्‍ला सहर ङा लुक्‍च लतीक लां मिल्‍लो माइश्‍शो दरवारम सदमे बाक्‍त। २राजा १४:५
2KI 12:21 मेको कली साइक्‍ब, योआश आ गेय पाइब शिमेआथ आ तौ योजाकार नु शोमेर आ तौ येहो-जाबाद बाक्‍सा बाक्‍त। मिनु योआश बेक्‍शा आ किकी पिप नु दाऊद आ सहरम थिम्‍चा पुंइसे बाक्‍त। मिनु मेको आ पा ङा आ तौ अमस्‍याह पिप दुम्‍माक्‍त। २राजा १४:१
2KI 13:1 येहू आ तौ येहो-अहाज सामरीयाम इस्राएल ङा पिप दुम्‍माक्‍त। मेना यहूदा ङा पिप अहाज्‍याह आ तौ योआशम सासन पशो २३ बर्स दुम्‍शो बाक्‍माक्‍त। मिनु येहो-अहाजम १७ बर्स सासन पवा बाक्‍त। २राजा १०:३५
2KI 13:2 मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त। १राजा १२:२८-३०
2KI 13:3 मोपतीके परमप्रभु यावेमी इस्राएली आन कली तशा गाइक्‍ता बाक्‍त। मिनु मेकोमी मेको आन कली शुश खेयप अराम ङा पिप हजाएल नु मेको आ तौ बेन-हादाद आस गुइमी गेमी बाक्‍त। २राजा १०:३२
2KI 13:4 तन्‍न येहो-अहाजमी परमप्रभु यावे कली पुना बाक्‍त। मिनु परमप्रभु यावेम मेको आ पुंइशो नेना बाक्‍त। मारदे हना अराम ङा पिपमी इस्राएली आन कली दिप्‍शा श्‍येत गेशो तवा बाक्‍त। उत्‍पत्ती १६:१३
2KI 13:5 मिनु परमप्रभु यावेमी इस्राएली आन कली प्रोंइब का योव़ङा बाक्‍त। मिनु मेकोपुकी अरामी आन गुइ रे ब्रोंइमा बाक्‍त। मिनु इस्राएली ङोंइती ङा खोदेंशो पा आन आन खिंम बाक्‍चा तामे बाक्‍त। २राजा १४:२७
2KI 13:6 तन्‍न मेकोपुकीमी इस्राएली आन कली पाप पपाइक्‍ब येरोबाम आ पाप पतीके मप्रोंइथु, पना पन बाक्‍मा बाक्‍त। मिनु मूर्ति पाइश्‍शो थाम यो सामरीयाम बाक्‍स ङा बाक्‍स दुम्‍माक्‍त। १राजा १६:३३
2KI 13:7 येहो-अहाज के ५० जना शारा ङोइक्‍ब, १० ओटा बग्‍गी नु १० हजार खोइलीम गाक्‍ब लडाइ पाइब ङा लाक्‍शा अर्को मारेइ मलीशो बाक्‍माक्‍त। मारदे हना अरु आन कली अराम ङा पिपम साइश्‍शा, खप ङा फुरक खोदेंशो सेल्‍शो बाक्‍माक्‍त।
2KI 13:8 येहो-अहाज आ पशो अरु गेय, मेको आ पशो नेल्‍ल नु आ सक्ति दोदेंशो बाक्‍मे, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?
2KI 13:9 मिनु येहो-अहाज बेक्‍माक्‍त। मिनु मुरपुकीम मेको कली आ किकी पिपी नु सामरीयाम थिम्‍मे बाक्‍त। मिनु मेको आ पा ङा आ तौ योआश पिप दुम्‍माक्‍त।
2KI 13:10 मिनु येहो-अहाज आ तौ योआश सामरीयाम इस्राएल ङा पिप दुम्‍माक्‍त। मेना योआश यहूदा ङा पिप दुम्‍शो ३७ बर्स दुम्‍शो बाक्‍माक्‍त। मिनु इस्राएल ङा पिप योआशमी १६ बर्स सासन पवा बाक्‍त। यहूदा ङा पिप नु इस्राएल ङा पिप आस नें खाल का ङा बाक्‍त।योआश नु येहो-आश नें का बाक्‍ब, येहो-आश कली योआश यो देंशो बाक्‍त।
2KI 13:11 मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त।
2KI 13:12 योआश आ पशो अरु गेय, मेको आ पशो नेल्‍ल, यहूदा ङा पिप अमस्‍‍याह नु लडाइ पा सक्ति कोंइशो, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा? २राजा १४:८-१६
2KI 13:13 मिनु योआश बेक्‍माक्‍त। मेको आ पा ङा येरोबाम पिप दुम्‍माक्‍त। योआश इस्राएल ङा पिपपुकी नु सामरीयाम थिम्‍चा पुंइसे बाक्‍त। २राजा १४:२३
2KI 13:14 एलीशा रोइ पवा बाक्‍त। मिनु नोले मेको रोइ रे बेक्‍माक्‍त। मिनु इस्राएल ङा पिप योआश मेको कली कोव़‍थ लमाक्‍त। मिनु मेको आ ङोंइती ङाक्‍शा “ए, आं आफ! ए, आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। २राजा २:१२
2KI 13:15 मिनु एलीशामी मेको कली “लिब्रा का नु ब्रा गुपो” देंमाक्‍त। मिनु मेकोम लिब्रा नु ब्रा गुबा बाक्‍त।
2KI 13:16 मिनु मेकोमी इस्राएल ङा पिप कली “लिब्रा खुक्‍को” देंमाक्‍त। मिनु मेकोम खुक्‍गा बाक्‍त। मिनु एलीशामी आ गुइ पिप आ गुइ तार वोदा बाक्‍त।
2KI 13:17 मिनु एलीशामी “पूर्ब गे ङा झेल रोक्‍को” दे मदा बाक्‍त। मिनु रोक्‍गा बाक्‍त। मिनु एलीशाम मेको कली “ब्रा आ‍पो” दे मदा बाक्‍त। मिनु मेकोमी आबा बाक्‍त। मिनु एलीशाम “परमप्रभु यावे आ अराम रागी कली ग्रातीक ब्रा बाक्‍त। गे अफेक सहरमी अरामी आन कली लडाइ पा ग्रानीनी” दे मदा बाक्‍त।
2KI 13:18 मिनु लेंशा मेकोम “ब्रापुकी गुपो” देंमाक्‍त। मिनु मेकोमी गुबा बाक्‍त। मिनु मेकोमी इस्राएल ङा पिप कली “खप तुपो” देंमाक्‍त। मिनु पिपम खेयप सां तुप्‍शा नांइ‍से बाक्‍त।
2KI 13:19 मिनु परमप्रभु आ मुरुमी गाइश्‍शा मेको कली “गे खपीम ५, ६ खेयप तुप्‍‍चा माल्‍शो नवे। मिनु गे अराम कली गेना हना यो कली ग्राङे वा। तन्‍न मुल गे अराम कली खेयप सां ला ग्रानेवे” दे मदा बाक्‍त।
2KI 13:20 मेको नोले एलीशा बेक्‍माक्‍त। मुरपुकीम मेको कली थिम्‍मे बाक्‍त। मोआब ङा रोइक्‍बपुकी बर्स बर्समी मेको रागी ओव़बाक्‍मा बाक्‍त।
2KI 13:21 काले इस्राएलीपुकीम बेक्‍शो मुर का थिम्‍‍मेनु मोदेंशो रोइक्‍ब मोआबी आन कली तामे बाक्‍त। मोपतीके मेकोपुकीम मेको बेक्‍शो मुर एलीशा वोइक्‍तीकेमी ताइश्‍शा, प्रोक्‍मा बाक्‍त। मिनु मेको बेक्‍शो मुरुम एलीशा आ रुश थिवा चोटी सेस दुम्‍शा बोक्‍‍माक्‍त।
2KI 13:22 मिनु अराम ङा पिप हजाएलमी इस्राएल कली श्‍येत गेस ङा गेस बाक्‍माक्‍त। मेना येहो-अहाजम इस्राएलम सासन पशो बाक्‍माक्‍त।
2KI 13:23 तन्‍न परमप्रभु यावेमी अब्राहाम, इसहाक नु याकूब नु पशो कबलम पतीके, मेको आन कली शिशी पाइक्‍मी बाक्‍त। मेकोम मेको आन कली मिम्‍तीमी बाक्‍त। मिनु परमप्रभु यावेमी मेको आन कली साइक्‍चा नु आ ङोंइती रे तिल्‍चा थुं मपवा बाक्‍त। लेवी २६:४२
2KI 13:24 मिनु अराम ङा पिप हजाएल बेक्‍माक्‍त। मिनु मेको आ पा ङा आ तौ बेन-हादाद पिप दुम्‍माक्‍त।
2KI 13:25 मिनु येहो-अहाज आ तौ योआशमी आ आफ रे हजाएल आ तौ बेन-हादादम लडाइ पा ग्राशो सहरपुकी लेंशा ताक्‍गा बाक्‍त। योआशमी खेयप सां मेको कली ग्रामाक्‍त। मिनु मोपा मेकोमी इस्राएल ङा सहरपुकी लेंशा आं के सेला बाक्‍त। २राजा १३:१९
2KI 14:1 योआश आ तौ अमस्‍याह यहूदा ङा पिप दुम्‍माक्‍त। मेना यो-आहाज आ तौ योआश इस्राएल ङा पिप दुम्‍शो बर्स निक्‍शी दुम्‍शो बाक्‍माक्‍त। योआश नु येहो-आश नें का बाक्‍ब, येहो-आश कली योआश यो देंशो बाक्‍त।२राजा १२:२२
2KI 14:2 यहूदा ङा पिप अमस्‍याह पिप दुम्‍मेनु २५ बर्स दुम्‍शो बाक्‍माक्‍त। मिनु मेकोमी यरूसलेमम २९ बर्स सासन पवा बाक्‍त। मेको आ ममा आ नें येहो-अददीन बाक्‍माक्‍त। मेको यरूसलेम ङा बाक्‍माक्‍त।
2KI 14:3 अमस्‍याहमी परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त। तन्‍न मेको आ किकी दाऊदमी पशो खोदेंशो चहिं मपवा बाक्‍त। मेकोमी आ आफ योआशमी पशो खोदेंशो पवा बाक्‍त। २राजा १२:३-४
2KI 14:4 मो हना यो मेकोमी डांडाम बाक्‍शो थानपुकी मताइक्‍ता बाक्‍त। मेना सम्‍म मुरपुकीम मेकेर क्‍योरशा चढ़ेतीक चढ़ेशा, धूप चोव़मे बाक्‍त।
2KI 14:5 मेकोमी आ राज्‍य ङा गेय बोल्‍यो सेला नोले, आ आफ कली साइक्‍ब, आ गेय पाइब आन कली साइक्‍मी बाक्‍त। २राजा १२:२१:२२; २सामुएल ३:३०
2KI 14:6 तन्‍न मेकोमी मोसा आ अरेशो किताबम ब्रेक्‍शो खोदेंशो पा “तमी तौ आन पाप आ पर्बम आन आम आफ आस कली मसतीन। मिनु आम आफ आस पाप आ पर्बम यो आन तमी तौ आन कली मसतीन। सुम पाप पाइनीमी मेको ला साइक्‍चा पुंइसमल” देंशो, मेकोमी परमप्रभु यावे आ लोव़ टिशा, नेल्‍ल आंम आन पशो पापम ला साइक्‍चा पुंइसीनीम। ब्‍यवस्‍था २४:१६
2KI 14:7 मेकोम हिक्‍सी के बेंसीम १० हजार एदोमी आन कली साइक्‍मी बाक्‍त। मिनु लडाइम सेला सहर ग्राशा, मेको आ नें योकतेल वोदा बाक्‍त। मेको सहर आ नें मुल सम्‍म मेकोन बाक्‍ब।
2KI 14:8 मेको नोले अमस्‍याहम इस्राएल ङा पिप येहू आ चच येहो-अहाज आ तौ योआश कली लडाइ पतीक लोव़ पा “जाक्‍को, गो नु आं ङोंइती राप्‍शा लडाइ पावो” दे लडाइ पचा कली लोव़ कुरब मुर सोइक्‍ता बाक्‍त।
2KI 14:9 तन्‍न इस्राएल ङा पिप योआशम यहूदा ङा पिप अमस्‍याह कली “लेबानोन ङा चू बुटा काम लेबानोन ङा लाइश्‍शो रवा का कली ‘इ तमी आं तौ नु ग्‍युं‍बे पचा गेवो’ देंमाक्‍त। तन्‍न लेबानोन ङा ब्‍वाकीमी बाक्‍ब जन्‍तु का मेको मेर पा पिमाक्‍त। मिनु मेकोम चू बुटा कली दिम्‍शा ताइश्‍शा पवा बाक्‍त। न्‍यायाधीस ९:१४
2KI 14:10 गे एदोम कली ग्राशा, ठेयब लेश्‍शो दुम्‍तीनी। इन ग्राशोम ग्‍येरसीने। तन्‍न इन खिंमी सिक्‍सी पा बाक्‍कीन। आंम इन कली नु यहूदा कली मारदे खतम सेल्‍चा दाक्‍नीनी?” देंपाइक्‍थ लोव़ कुरब मुर का सोइक्‍ता बाक्‍त।
2KI 14:11 मो हना यो अमस्‍याहमी मेको लोव़ मनेना बाक्‍त। मोपतीके इस्राएल ङा पिप योआशमी लडाइ तोवा बाक्‍त। मिनु मेको नु यहूदा ङा पिप अमस्‍याह यहूदा ङा बेथ-शेमेशम लडाइ पाम्‍से बाक्‍त। यहोसु १५:१०
2KI 14:12 मिनु यहूदा ङा पिप इस्राएली आन क्‍येङा ब्रुमाक्‍त। मिनु मुर नेल्‍ल प्रोक्‍मा बाक्‍त।
2KI 14:13 मिनु इस्राएल ङा पिप योआशमी यहूदा ङा पिप अहाज्‍याह आ चच, योआश आ तौ अमस्‍याह कली बेथ-शेमेशमी ग्‍याइक्‍ता बाक्‍त। मिनु मेको नोले योआश यरूसलेम लेश्‍शा जाक्‍माक्‍त। मिनु इस्राएल ङा पिपमी यरूसलेम ङा गारो एफ्राइम ङा ठेयब लाप्‍चो रे कुना ङा ठेयब लाप्‍चो सम्‍म ४ सहे कुबीत प्रेप्‍पदा बाक्‍त। कुबीत का आधा मिटर खोदेंशो बाक्‍ब।
2KI 14:14 मेकोमी परमप्रभु यावे आ खिंम बाक्‍शो नु पिप आ खिंम थिश्‍शो सुन चांदी नु ग्‍योंब नेल्‍ल नु मुर यो ग्‍याइश्‍शा लदा बाक्‍त। मिनु नोले सामरीया लेम्‍माक्‍त।
2KI 14:15 मेको योआश आ पशो अरु गेय, आ पशो नेल्‍ल, आ सक्ति नु यहूदा ङा पिप अमस्‍याह नु पशो लडाइ, मार, मेको नेल्‍ल इस्राएल ङा पिप आन इतिहासम ब्रेक्‍शो मबाक्‍बा ङा?
2KI 14:16 मिनु योआश बेक्‍माक्‍त। मिनु इस्राएल ङा पिपपुकी नु सामरीयाम थिम्‍चा पुंइसे बाक्‍त। मिनु मेको आ पा ङा आ तौ येरोबाम पिप दुम्‍माक्‍त। २राजा १३:१३
2KI 14:17 यहूदा ङा पिप योआश आ तौ अमस्‍याह, इस्राएल ङा पिप येहो-अहाज आ तौ योआश क्‍येङा १५ बर्स शुश ब्रोंइमाक्‍त।
2KI 14:18 अमस्‍याह आ पशो अरु गेय, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
2KI 14:19 मिनु यरूसलेम सहरम मुरपुकीमी मेको कली साइक्‍चा माल्‍मे बाक्‍त। मोपतीके मेको लाकीश सहरम प्रोक्‍माक्‍त। तन्‍न मेको कली खेदा पाइब मुर सोइश्‍शा मेक उइ साइक्‍पदमे बाक्‍त। २राजा १२:२१
2KI 14:20 मिनु मेको आ बेक्‍शो रां शाराम कुर पा यरूसलेम चाक्‍गमे बाक्‍त। मिनु मेको कली आ किकी पिपी नु दाऊद आ सहरम थिम्‍मे बाक्‍त।
2KI 14:21 मिनु यहूदा ङा मुर नेल्‍लेम १६ बर्स दुम्‍शो अमस्‍याह आ तौ अजारयाह कली मेको आ पा ङा पिप सेल्‍मे बाक्‍त। २राजा १५:१-२
2KI 14:22 मेकोमी अमस्‍याह बेक्‍ने थुमा नोले एलाथ सहर लेंशा सेल्‍शा लेश्‍शा ताक्‍गा बाक्‍त। २राजा १६:६
2KI 14:23 मिनु योआश आ तौ येरोबाम सामरीया सहरम इस्राएल ङा पिप दुम्‍माक्‍त। मेना योआश आ तौ अमस्‍याह यहूदा ङा पिप दुम्‍शो १५ बर्स दुम्‍शो बाक्‍माक्‍त। मिनु येरोबाम ४१ बर्स सासन पवा बाक्‍त। होसे १:१; आमोस १:१
2KI 14:24 मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त। १राजा १२:२८-३०
2KI 14:25 मिनु परमप्रभु यावे आ गेय पाइब नु आ लोव़ पाइब इस्राएल ङा गाथ-हफेर सहर ङा अमीत्‍तै आ तौ योना आ पशो परमप्रभु यावे, इस्राएली आन परमप्रभु आ लोव़ गाम्‍माक्‍त। लेबो-हमाथ रे अराबाह ङा समुन्‍द्र सम्‍म इस्राएल ङा सांद लेंशा सेल्‍ब येरोबाम बाक्‍माक्‍त। योना १:१
2KI 14:26 मारदे हना परमप्रभु यावेमी इस्राएली आन कली शुश श्‍येत जशो तवा बाक्‍त। वाइल दुम्‍शो नु मदुम्‍शो सुइ मलीमा बाक्‍त। इस्राएली आन कली वारच पाइब सुइ मबाक्‍मा बाक्‍त।
2KI 14:27 परमप्रभु यावेमी इस्राएल कली रागी रे क्‍याम्‍चा मदेंतीके, मेकोमी योआश आ तौ येरोबाममी मेको आन कली प्रोंइमी बाक्‍त। २राजा १३:५
2KI 14:28 येरोबाम आ पशो अरु गेय, मेको आ पशो नेल्‍ल, आ सक्ति, मेको आ लडाइ पशो नु दोपा यहूदा ङा दमस्‍कस नु हमाथ सहर लेंशा इस्राएल के सेला, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?
2KI 14:29 मिनु येरोबाम बेक्‍माक्‍त। मिनु इस्राएल ङा पिप नु थिम्‍चा पुंइसे बाक्‍त। मिनु मेको आ पा ङा आ तौ जकरिया पिप दुम्‍माक्‍त। २राजा १५:८
2KI 15:1 मिनु अमस्‍याह आ तौ अजारयाह यहूदा ङा पिप दुम्‍माक्‍त। मेना येरोबाम इस्राएल ङा पिप दुम्‍शो २७ बर्स दुम्‍शो बाक्‍माक्‍त। २इतिहास २६:-; २राजा १४:२१
2KI 15:2 मिनु अजारयाह पिप दुम्‍मेनु १६ बर्स दुम्‍शो बाक्‍माक्‍त। मिनु मेकोम यरूसलेममी ५२ बर्स सासन पवा बाक्‍त। मेको आ ममा आ नें येकोल्‍याह बाक्‍माक्‍त। मेको यरूसलेम ङा बाक्‍माक्‍त।
2KI 15:3 मेकोम आ आफ अमस्‍याह खोदेंशो पा, परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त।
2KI 15:4 मो हना यो मेकोमी डांडाम बाक्‍शो थानपुकी मताइक्‍ता बाक्‍त। मेना सम्‍म मुरपुकीम मेकेर चढ़ेतीक चढ़ेशा धूप चोव़मे बाक्‍त। २राजा १४:३-४
2KI 15:5 मिनु परमप्रभु यावेमी पिप कली कोव़र मुपदा बाक्‍त। मिनु मेको मबेक्म सम्‍म आ कान खिं काम बाक्‍चा माल्‍दा बाक्‍त। मिनु पिप आ तौ योथाममी पिप आ दरवार ङा मारेइ मारेइ गेय पशा, राज्‍य ङा मुर आन कली सासन पवा बाक्‍त। लेवी १३:४६
2KI 15:6 अजारयाह आ पशो अरु गेय, मेको आ पशो नेल्‍ल, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
2KI 15:7 मिनु अजारयाह बेक्‍माक्‍त। मिनु आ किकी पिपी नु दाऊद आ सहरम थिम्‍चा पुंइसे बाक्‍त। मिनु मेको आ पा ङा आ तौ योथाम पिप दुम्‍माक्‍त। २राजा १५:३२
2KI 15:8 मिनु येरोबाम आ तौ जकरिया सामरीयाम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ३८ बर्स दुम्‍शो बाक्‍माक्‍त। मिनु जकरियामी ६ महिना सासन पवा बाक्‍त। २राजा १४:२९
2KI 15:9 मेकोमी आ किकी पिपी खोदेंशो पा, परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। १राजा १२:२८-३०; आमोस ७:९
2KI 15:10 याबेश आ तौ शाल्‍लुममी जकरिया कली साइक्‍चा मला बाक्‍त। मिनु शाल्‍लुममी मेको कली मुर आन दातेमीन तुप्‍शा सदा बाक्‍त। मिनु मेको आ पा ङा शाल्‍लुम पिप दुम्‍माक्‍त।
2KI 15:11 जकरिया आ पशो अरु गेय, मेको आ पशो नेल्‍ल, इस्राएल ङा पिप आन इतिहासम ब्रेक्‍शो बाक्‍ब।
2KI 15:12 मोपा परमप्रभु यावेम येहू कली “इ मुर ४ पाला सम्‍म पिप दुम्‍नीम” देंशो लोव़ गाम्‍माक्‍त। मिनु मोदेंशोन दुम्‍माक्‍त। २राजा १०:३०
2KI 15:13 मिनु याबेश आ तौ शाल्‍लुम सामरीयाम पिप दुम्‍माक्‍त। मेना उज्‍जीयाह यहूदा ङा पिप दुम्‍शो ३९ बर्स दुम्‍शो बाक्‍माक्‍त। मिनु शाल्‍लुममी सामरीया सहरम महिना का सासन पवा बाक्‍त।
2KI 15:14 मेको नोले गादी आ तौ मेनाहेम तिरचा सहर रे सामरीयाम कुमाक्‍त। मिनु मेकोमी याबेश आ तौ शाल्‍लुम कली तुप्‍शा सदा बाक्‍त। मिनु मेको कली साइश्‍शा, आ पा ङा पिप दुम्‍माक्‍त।
2KI 15:15 शाल्‍लुम आ पशो अरु गेय, मेको आ पशो नेल्‍ल नु जकरिया कली साइश्‍शो मेको इस्राएल ङा पिप आन इतिहासम ब्रेक्‍शो बाक्‍ब।
2KI 15:16 मेना मेनाहेममी तिरचा सहर रे लाइश्‍शा, तिफ्‍साह नु मेको आ एर ओंथ बाक्‍शो रागी नेल्‍ल आन कली लडाइ तोव़मी बाक्‍त। मारदे हना मेकोपुकीम मेको कली ठेयब लाप्‍चो रोक्‍शा मगेमे बाक्‍त। मेकोम तिफ्‍साह कली खतम सेला बाक्‍त। मिनु आल कुरशो मीश मुर नेल्‍ल आन कोव़ज पाक्‍मी बाक्‍त। तिफसाह ताप्‍पुआह सहर आ हिब्रू नें बाक्ब। यहोसु १२:२४; २राजा ८:१२
2KI 15:17 गादी आ तौ मेनाहेम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ३९ बर्स दुम्‍शो बाक्‍माक्‍त। मिनु मेनाहेम सामरीयाम १० बर्स सासन पवा बाक्‍त।
2KI 15:18 मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु मेकोमी ब्रोंइम सम्‍म इस्राएली आन कली पाप पपाइक्‍ब नेबात आ तौ येरोबाम आ लां मप्रोना बाक्‍त।
2KI 15:19 मिनु अस्‍सुर ङा पिप पुलमी मेको रागी कली लडाइ तोवा बाक्‍त। मिनु मेनाहेममी आ राज्‍य बोल्‍यो सेल्‍चा कली, पुल कली हजार का टलेन्‍ट, चांदी गेवा बाक्‍त। टलेन्‍ट का ३४ किलो बाक्‍ब। २राजा १५:२९
2KI 15:20 मेनाहेममी मेको क्‍येट इस्राएल ङा शोंप पाइश्‍शो मुर रे पोक्‍‍गा बाक्‍त। मिनु मेकेर ङा मुरपुकीमी अस्‍सुर ङा पिप कली ५० शेकेल चांदी गेचा माल्‍बाक्‍मा बाक्‍त। मोपतीके अस्‍सुर ङा पिप मेको रागीम मबाक्‍थु, आ रागी लेश्‍शा लमाक्‍त। शेकेल का ११.५ ग्राम खोदेंशो बाक्‍ब। २राजा २३:३५
2KI 15:21 मेनाहेम आ पशो अरु गेय, मेको आ पशो नेल्‍ल, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?।
2KI 15:22 मिनु मेनाहेम बेक्‍माक्‍त। मिनु मेको आ पा ङा आ तौ पेकाहीयाह पिप दुम्‍माक्‍त।
2KI 15:23 मिनु मेनाहेम आ तौ पेकाहीयाहम सामरीयाम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ५० बर्स दुम्‍शो बाक्‍माक्‍त। मिनु पेकाहीयाह बर्स निक्‍शी सासन पवा बाक्‍त।
2KI 15:24 मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त।
2KI 15:25 मिनु मेको आ लडाइ पाइब आन कप्‍तान रेमाल्‍याह आ तौ पेकाहमी मेको पिप कली साइक्‍चा मला बाक्‍त। मिनु मेकोम गिलाद ङा ५० जना मुर आन कली लाइश्‍‍शा सामरीया ङा पिप पेकाहीयाह आ दरवारम ओव़शा, मेको कली सदा बाक्‍त। मिनु अरगोब नु अरीएह आस कली यो सांइ‍सी बाक्‍त। मोपा पेकाह आ पा ङा पिप दुम्‍माक्‍त। २राजा १५:१०,१५,३०
2KI 15:26 पेकाहीयाह आ पशो अरु गेय, मेको आ पशो नेल्‍ल, इस्राएल ङा पिप आन इतिहासम ब्रेक्‍शो बाक्‍ब।
2KI 15:27 रेमाल्‍याह आ तौ पेकाह सामरीयाम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ५२ बर्स दुम्‍शो बाक्‍माक्‍त। मिनु पेकाहमी २० बर्स सासन पवा बाक्‍त।
2KI 15:28 मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त।
2KI 15:29 इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६
2KI 15:30 मिनु एलाह आ तौ होशेआमी रेमाल्‍याह आ तौ पेकाह कली साइक्‍चा मला बाक्‍त। मिनु पेकाह कली तुप्‍शा सदा बाक्‍त। मिनु मेको आ पा ङा पिप दुम्‍माक्‍त। मेना यहूदामी उज्‍जीयाह आ तौ योथामम सासन पशो २० बर्स दुम्‍शो बाक्‍माक्‍त। २राजा १७:१; २राजा १५:२५
2KI 15:31 पेकाह आ पशो अरु गेय, मेको आ पशो नेल्‍ल इस्राएल ङा पिप आन इतिहासम ब्रेक्‍शो बाक्‍ब।
2KI 15:32 मिनु उज्‍जीयाह आ तौ योथाम यहूदा ङा पिप दुम्‍माक्‍त। मेना रेमाल्‍याह आ तौ पेकाह इस्राएल ङा पिप दुम्‍शो बर्स निक्‍शी दुम्‍शो बाक्‍माक्‍त। २इतिहास २७:१-७
2KI 15:33 योथाम पिप दुम्‍मेनु २५ बर्स दुम्‍शो बाक्‍माक्‍त। मिनु मेकोम यरूसलेमम १६ बर्स सासन पवा बाक्‍त। मेको आ ममा आ नें येरुशा बाक्‍माक्‍त। मेको सादोक आ तमी बाक्‍माक्‍त।
2KI 15:34 मेकोम आ आफ उज्‍जीयाह खोदेंशो पा, परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त। २राजा १५:३,४
2KI 15:35 मो हना यो मेकोमी डांडा ङा थानपुकी मताइक्‍ता बाक्‍त। मेना सम्‍म मुरपुकीम मेकेर चढ़ेतीक चढ़ेशा, धूप चोव़मे बाक्‍त। मेकोमी परमप्रभु यावे आ खिं ङा उत्तर गे ङा ठेयब लाप्‍चो यो सेल्‍पदा बाक्‍त।
2KI 15:36 योथाम आ पशो अरु गेय, मेको आ पशो नेल्‍ल, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
2KI 15:37 मेना परमप्रभु यावेमी अराम ङा पिप रेसीन नु रेमाल्‍याह आ तौ पेकाह आस कली यहूदा नु लडाइ प‍चा कली क्‍युक्‍सी बाक्‍त। २राजा १६:५
2KI 15:38 मिनु योथाम बेक्‍माक्‍त। मिनु मेको दाऊद आ सहरम आ किकी पिपी नु थिम्‍चा पुंइसे बाक्‍त। मिनु मेको आ पा ङा आ तौ आहाज पिप दुम्‍माक्‍त।
2KI 16:1 मिनु योथाम आ तौ आहाज यहूदा ङा पिप दुम्‍माक्‍त। मेना रेमाल्‍याह आ तौ पेकाह इस्राएल ङा पिप दुम्‍शो १७ बर्स दुम्‍शो बाक्‍माक्‍त। २इतिहास २८:१-६
2KI 16:2 आहाज पिप दुम्‍मेनु २० बर्स दुम्‍शो बाक्‍माक्‍त। मिनु मेकोमी यरूसलेमम १६ बर्स सासन पवा बाक्‍त। मेकोमी आ किकी दाऊदम खोदेंशो पा परमप्रभु यावे, आ परमप्रभु आ ङोंइती मार रिम्‍शो बाक्‍मे, मेको मपवा बाक्‍त।
2KI 16:3 मेको इस्राएल ङा पिप आन लांम गाक्‍माक्‍त। मेकोमी आ तौ कली चोशा चढ़ेवा बाक्‍त। मोदेंशो ग्रांग्रा दि‍शो गेय पशो आ पर्बम परमप्रभु यावेमी ङोंइती रागी रागी ङा मुर आन कली इस्राएल रे ग्रुंइशो बाक्‍माक्‍त। लेवी १८:२१
2KI 16:4 मेकोमी डांडा ङा थानम, पहाड मेर नु गिग रवा आन पुं नेल्‍लेमी चढ़ेतीक चढ़ेशा धूप चोवा बाक्‍त।
2KI 16:5 मिनु अराम ङा पिप रेसीन नु इस्राएल ङा पिप रेमाल्‍याह आ तौ पेकाहमी यरूसलेम कली लडाइ तोशा पुम्‍दमे बाक्‍त। तन्‍न मेकोम आहाज कली ग्राने मचाप्‍से बाक्‍त। यसैया ७:१-९
2KI 16:6 मेना अराम ङा पिपमी रेसीन एलाथ ङा यहूदी आन कली खेरशा, एलाथ सहर एदोमी आन कली गेवा बाक्‍त। मिनु एदोम ङा मुर मुल सम्‍म मेकेर बाक्‍शो बाक्‍नीम। २राजा १४:२२
2KI 16:7 मिनु आहाजम अस्‍सुर ङा पिप तिग्‍लात-पिलेसेर कली “गो इन गेय पाइब नु इन तौ नङ। आं कली लडाइ तोइब अराम नु इस्राएल ङा पिप रे प्रोंइचा नङ। मेकोपुकीम आं कली लडाइ तोशो बाक्‍नीम” देंशा लोव़ कुरब मुर सोइक्‍ता बाक्‍त। २इतिहास २८:१६-२७
2KI 16:8 मिनु आहाजमी परमप्रभु यावे आ खिंम बाक्‍शो नु पिप आ खिंम बाक्‍शो सुन नु चांदी नेल्‍ल अस्‍सुर ङा पिप कली कोसेली सोइक्‍ता बाक्‍त। १राजा १५:१८
2KI 16:9 मिनु अस्‍सुर ङा पिपमी मेको आ लोव़ नेना बाक्‍त। मिनु दमस्‍कस कली लडाइ तोशा मेको आ के सेला बाक्‍त। मेकोमी मेकेर ङा मुर आन कली ग्‍याइश्‍शा कीर सहर लाइक्‍मी बाक्‍त। मिनु नोले रेसीन कली सदा बाक्‍त।
2KI 16:10 मिनु पिप आहाज, अस्‍सुर ङा पिप तिग्‍लात-पिलेसेर कली ग्रुम्‍थ दमस्‍कस लमाक्‍त। मिनु मेकोमी दमस्‍कसम चढ़ेतीक का तवा बाक्‍त। मिनु मेको दोदेंशो बाक्‍मे, मेको नेल्‍ल ब्रेक्‍शा चढ़ेब उरीयाह आ बाक्‍तीक सोइक्‍ता बाक्‍त।
2KI 16:11 मिनु चढ़ेब उरीयाहम दमस्‍कस रे पिप आहाजम सोइश्‍शो ब्रेक्‍स खोदेंशो पा, चढ़ेतीक का सेला बाक्‍त। मिनु मेकोमी मेको चढ़ेतीक पिप आहाज दमस्‍कस रे जाक्‍चा क्‍येङा ङोंइतीन सेल्‍ने थुमा बाक्‍त।
2KI 16:12 मिनु पिप दमस्‍कस रे लेश्‍शा जाक्‍शा, मेको चढ़ेतीक कोव़ङा बाक्‍त। मिनु पिपम चढ़ेतीक आ नेक्‍था लशा ङोंइसे बाक्‍त।
2KI 16:13 मेकोम मेकेर चोशा चढ़ेतीके नु अन्‍न चढ़ेतीके चढ़ेवा बाक्‍त। मिनु तूचा थोव़क चढ़ेतीक लुक्‍शा दुशा बाक्‍चा आ पर्बम चढ़ेशो आ हुश मेको तार ब्रुइक्‍ता बाक्‍त।
2KI 16:14 मेकोमी परमप्रभु यावे आ खिं आ ङोंइती बाक्‍शो कांसा के चढ़ेतीक परमप्रभु यावे आ खिं नु चढ़ेतीक आस दातेम मबाक्‍ल, दे याक्‍ता बाक्‍त। नक चढ़ेतीक लाइश्‍शा, मेकेर वोदा बाक्‍त। मेको माइत चढ़ेतीक चहिं उत्तर गे वोदा बाक्‍त।
2KI 16:15 मेको नोले पिप आहाजमी चढ़ेब उरीयाह कली “एको ठेयब नक चढ़ेतीकम सुनी चोशा चढ़ेतीके नु नाक्‍दो ङा अन्‍न चढ़ेतीके, पिप आ चोशा चढ़ेतीके, मेको आ अन्‍न चढ़ेतीके, रागी ङा मुर नेल्‍ल आन चोशा चढ़ेतीके नु मेको आन अन्‍न चढ़ेतीके नु तूचा थोव़क चढ़ेतीके चढ़ेवो। चढ़ेतीकेम चोशा चढ़ेतीक नु चढ़ेशो नेल्‍ल आन हुश ब्रुइक्‍चा माल्‍ब। तन्‍न मेको कांसा के चढ़ेतीके चहिं परमप्रभु यावे कली मारेइ लोव़ हिल्‍लो पची ना गो मेकेर चढ़ेशा हिल्‍लो पाइनुङ” दे मदा बाक्‍त।
2KI 16:16 मिनु चढ़ेब उरीयाहम पिप आहाज आ देंशो नेल्‍ल पवा बाक्‍त।
2KI 16:17 मेको नोले पिप आहाजमी चिक्‍तीक बोस आन नित्‍तीकपुकी मेको आन एर ओंथ ङा चिक्‍तीक बोस ग्रुंइ‍पदा बाक्‍त। मिनु मेको आ नेक्‍था बाक्‍शो ब्‍वाक्‍कु कुर पतीक ठेयब बोस कली ब्‍यफ आन तार रे ग्रुंइपदा बाक्‍त। मिनु मेको ठेयब बोस कली फुल्‍लुम तिक्‍शा वोइक्‍पदा बाक्‍त। १राजा ७:२३-३९
2KI 16:18 मेकोमी परमप्रभु यावे आ खिंम सेल्‍शो नाइक्‍तीक नाक्‍त कली सेल्‍शो ठेयब कोठा नु परमप्रभु यावे आ खिं ङा लाङगा पिप आ खिं रे ओव़तीक अस्‍सुर ङा पिप आ पर्बम अर्को सेला बाक्‍त।
2KI 16:19 आहाज आ पशो अरु गेय नु मेको आ पशो नेल्‍ल, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
2KI 16:20 मिनु आहाज बेक्‍माक्‍त। मिनु दाऊद आ सहरमी आ किकी पिपी नु थिम्‍चा पुंइसे बाक्‍त। मिनु मेको आ पा ङा आ तौ हिज्‍कीयाह पिप दुम्‍माक्‍त। २राजा १८:१
2KI 17:1 एलाह आ तौ होशेआ सामरीयाम इस्राएल ङा पिप दुम्‍माक्‍त। मेना यहूदा ङा पिप आहाज पिप दुम्‍शो १२ बर्स दुम्‍शो बाक्‍माक्‍त। मिनु होशेआम ९ बर्स सासन पवा बाक्‍त। २राजा १८:९-१२; २राजा १५:३०
2KI 17:2 मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। तन्‍न आ ङोंइती ङा इस्राएल ङा पिप आन पशो खोदेंशो चहिं मपवा बाक्‍त।
2KI 17:3 मिनु अस्‍सुर ङा पिप शाल्‍मानेसेर होशेआ कली लडाइ तोथ जाक्‍माक्‍त। मिनु होशेआमी मेको कली तिरो थाप्‍चा माल्‍दा बाक्‍त।
2KI 17:4 तन्‍न अस्‍सुर ङा पिपमी होशेआम आ कली मटिशो तवा बाक्‍त। मारदे हना मेकोमी इजीप्‍त ङा पिप सो कली लोव़ कुरब मुर सोइश्‍शो तुइक्‍ता बाक्‍त। मिनु बर्स बर्सम गेतीक तिरो यो अस्‍सुर ङा पिप कली मथाप्‍ता बाक्‍त। मोपतीके अस्‍सुर ङा पिपमी मेको कली ग्‍याइश्‍शा जेल्‍खानम चोक्‍गा बाक्‍त। होसे १२:२
2KI 17:5 मिनु अस्‍सुर ङा पिपम रागी नेल्‍ल आन कली लडाइ तोशा, सामरीया जाक्‍माक्‍त। मिनु मेको कली लडाइ तोशा, बर्स सां सम्‍म पुम्‍दा बाक्‍त। यसैया २८:२
2KI 17:6 अस्‍सुर ङा पिपमी होशेआम सासन पशो ९ बर्स दुम्‍मेनु, सामरीया कली ग्रामाक्‍त। मेकोमी इस्राएल ङा मुर आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह सहर नु गोजान ङा खोला हाबोर आ नेक्‍था नु मादी आन सहरम वोइक्‍मी बाक्‍त।
2KI 17:7 मारदे मोदेंशो दुम्‍शो बाक्‍त देंशा हना, परमप्रभु यावे, आन परमप्रभुम मेको आन कली इजीप्‍त रागी ङा पिप फाराओ आ गुइ रे ग्रुंइशा चाक्‍गा रे इस्राएलीपुकीम देवी देवता आन कली पूजा पशो बाक्‍मा बाक्‍त।
2KI 17:8 मेकोपुकीम परमप्रभु यावेमी आन ङोंइती ग्रुंइशो रागी रागी ङा मुर आन पतीके पशो बाक्‍मा बाक्‍त। इस्राएल ङा पिप आन पशो मरिम्‍शो गेय नेल्‍ल पशो बाक्‍मा बाक्‍त। मेकोपुकीमी परमप्रभु यावे कली मटिशो बाक्‍मा बाक्‍त। २राजा १६:३
2KI 17:9 इस्राएल ङा मुरपुकीम परमप्रभु यावे, आन परमप्रभु आ ङोंइती ख्रुइश्‍शा मरिम्‍शो पशो बाक्‍मा बाक्‍त। खाल पतीक लाइश्‍शो खिं रे सहर नेल्‍लेम आंम कली थान सेल्‍मे बाक्‍त।
2KI 17:10 मेकोपुकीम डांडा नेल्‍ल नु शुश गिग रवा आन पुंमी ख्रुक्‍शो फुल्‍लु नु मूर्ति पाइश्‍शो थामपुकी सेल्‍मे बाक्‍त। २राजा १६:४; १राजा १४:२३
2KI 17:11 मेकोपुकीम परमप्रभु यावेमी मेको आन ङोंइती रे ग्रुंइशो रागी रागी ङा मुर खोदेंशो पा डांडा ङा थानम धूप चोव़मे बाक्‍त। मेकोपुकीम परमप्रभु यावे आ अरेशो काइ मटिथु, गाइक्‍पदमे बाक्‍त।
2KI 17:12 मेकोपुकीमी मूर्ति पूजा पामे बाक्‍त। ङोंइती परमप्रभु यावेमी “मोदेंशो पचा मदुम्‍ब” देंशो बाक्‍माक्‍त।
2KI 17:13 मो हना यो परमप्रभु यावेमी आ लोव़ पाइब नु आ कोंइतीक ताइब नेल्‍ल रे पा इस्राएल नु यहूदा ङा मुर आन कली “गे इन मरिम्‍शो लां रे लेतीन। आं शेंशो, आं फुल्‍लुम मुशा ब्रेक्‍शो लोव़ नु इन किकी पिपी आन कली गेशा आं अरेशो नेल्‍ल पने” दे आ गेय पाइबपुकीमी मेको आन कली थाम्‍पा हिंच कोंइपदा बाक्‍त।
2KI 17:14 तन्‍न मेकोपुकीम आन थमा मसुइक्‍ब किकी पिपी खोदेंशो पा परमप्रभु यावे आ लोव़ मनेंथु, काइ मटीमे बाक्‍त।
2KI 17:15 मेकोपुकीम मेको आ फुल्‍लुम मुशा ब्रेक्‍शो लोव़, मेको आन किकी पिपी नु पशो कबल नु हिंच कोंइशो ममिम्‍तमे बाक्‍त। मेकोपुकी शोर गाक्‍शो मूर्ति आन नोले खोइश्‍शा, आंमा यो शोर गाक्‍शो दुम्‍शो बाक्‍मा बाक्‍त। मेको आन एर ओंथ बाक्‍ब रागी रागी ङा मुर आन नोले खोदमे बाक्‍त। परमप्रभु यावेमी मेको आन कली “गे मेको आन पशो खोदेंशो मपने” देंशा, अरेशो बाक्‍माक्‍त। प्रस्‍थान २३:२४
2KI 17:16 मेकोपुकीम परमप्रभु यावे, आन परमप्रभु आ शेंशो मटिथु, आंम कली यपाइश्‍शा बाछा निक्‍शी नु मूर्ति पाइश्‍शो थाम का सेल्‍समा बाक्‍त। मेकोपुकी नां, तास्‍ला नु सोरुल आन ङोंइती बाम्‍मा बाक्‍त। मिनु बाल देवता कली पूजा पामे बाक्‍त। १राजा १२:२८; १राजा १६:३३
2KI 17:17 मेकोपुकीम आंम तमी तौ आन कली क्‍योरशा चोशा चढ़ेमे बाक्‍त। मिनु लिंक्‍यु कोव़शा, मन्‍तर तन्‍तर पामे बाक्‍त। मिनु परमप्रभु यावे आ ङोंइती मार मरिम्‍शो बाक्‍मे, मेको पना पन बाक्‍मा बाक्‍त। मिनु मेको कली गाइक्‍पदमे बाक्‍त। लेवी १८:२१
2KI 17:18 मोपतीके परमप्रभु यावे इस्राएल आ पर्बम थाम्‍पा गाइक्‍ता बाक्‍त। मिनु मेको आन कली आ ङोंइती रे खेरमी बाक्‍त। यहूदा आ थर ङा मुर ला प्रोंइशा वोइक्‍चा पुंइसमा बाक्‍त।
2KI 17:19 मिनु यहूदा आ मुरपुकीम यो परमप्रभु यावे, आन परमप्रभु आ शेंशो लोव़ मटीमे बाक्‍त। मेकोपुकीम इस्राएली आन पशो पामे बाक्‍त।
2KI 17:20 मोपतीके परमप्रभु यावेम इस्राएल आ चच युइ नेल्‍ल आन कली प्रोंइमी बाक्‍त। मिनु मेको आन कली सजाइ गेशा, रोइक्‍ब आन गुइमी गेमी बाक्‍त। आ ङोंइती रे मखेरा सम्‍म मो पवा बाक्‍त।
2KI 17:21 मेकोमी “इस्राएली आन कली दाऊद आ खिं रे तिल्‍नुङ” दे नेबात आ तौ येरोबाम कली पिप सेल्‍पदा बाक्‍त। मिनु येरोबामम इस्राएली आन कली परमप्रभु यावे कली प्रोंइपाइश्‍शा, ठेयब पाप पपाइक्‍मी बाक्‍त। १राजा १२:२०
2KI 17:22 मिनु इस्राएलीपुकीम येरोबाम आ पपाइश्‍शो पाप नेल्‍ल पामे बाक्‍त। मिनु मेको मप्रोन्‍मे बाक्‍त।
2KI 17:23 परमप्रभु यावेमी आ गेय पा, आ लोव़ पाइबपुकी रे ङोंइती देंशो खोदेंशो पा इस्राएली आन कली आ ङोंइती रे खेरमी बाक्‍त। मोपतीके इस्राएलीपुकी आंम आन रागी रे अस्‍सुर रागीम ग्‍याइश्‍शा लाइक्‍चा पुंइसमा बाक्‍त। मिनु मुल सम्‍म मेक उइ बाक्‍शो बाक्‍नीमी। ब्‍यवस्‍था २८:६३-६४
2KI 17:24 मेको नोले अस्‍सुर ङा पिपमी बेबीलोन, कूथाह, अव्‍वा, हमाथ नु सेफारवाइम रे मुरपुकी चाक्‍मी बाक्‍त। मिनु मेको आन कली इस्राएली आन पा ङा सामरीया ङा सहरपुकीम बाक्‍पाइक्‍मी बाक्‍त। मेकोपुकी सामरीया आंम के सेल्‍शा मेकेर बाक्‍मा बाक्‍त।
2KI 17:25 मिनु ङोंइती मेकोपुकी मेकेर बाक्‍मानु, परमप्रभु यावे कली ममानेमे बाक्‍त। मोपतीके परमप्रभु यावेमी मेको आन दातेमी गुप्‍स सोइक्‍तीमी बाक्‍त। मिनु मेको गुप्‍सपुकीम कोइ कोइ आन कली सदमे बाक्‍त। होसे १३:८
2KI 17:26 मिनु मेकोपुकीमी अस्‍सुर ङा पिप कली “गे इन सोइश्‍शो रागी रागी ङा मुर सामरीया ङा सहरम बाक्‍नीम। मेकोपुकीमी मेको रागी ङा परमप्रभु आ अरेशो मतुइक्‍‍नीम। मोपतीके परमप्रभुम मेको आन दातेमी गुप्‍स सोइक्‍ताक्‍व। मारदे हना मेकोपुकी मेको रागी ङा परमप्रभु कली मतुइक्‍तीके ठेयब सेल्‍स मजोक्‍तीके, मेको गुप्‍समी मुर आन कली साइक्‍तेक्‍‍म” दे लोव़ कुरब मुर सोइक्‍तमे बाक्‍त।
2KI 17:27 मिनु अस्‍सुर ङा पिपमी “सामरीया रे ग्‍याइश्‍शा लाइश्‍शो अस्‍सुर रागीम चाक्‍शो तेकोइ चढ़ेब का मेक बाक्‍चा कली लेश्‍शा सोइक्‍तमेक्‍ल। मिनु मेकोमी मेको रागी ङा परमप्रभु आ अरेशो लोव़ मुर आन कली शेंचा माल्‍ब” दे अरेवा बाक्‍त।
2KI 17:28 मोपतीके ङोंइती सामरीया रे ग्‍याइश्‍शा लाइश्‍शो चढ़ेब का बेथेलम लेश्‍शा जाक्‍शा, मेकेर बाक्‍माक्‍त। मिनु मेकोमी मुर आन कली परमप्रभु यावे कली दोपा ठेयब सेल्‍चा माल्‍नीमी मेको शेंदीमी बाक्‍त।
2KI 17:29 मो हना यो रागी रागी ङा मुरपुकीम आंम आन बाक्‍तीके सहर सहरम आन देवी देवता सेल्‍शा, मेको डांडा ङा थानम वोदमे बाक्‍त। मोपा आन बाक्‍शो सहर नेल्‍लेमी सामरीया ङा मुर आन सेल्‍शो डांडा ङा थान यो बाक्‍मा बाक्‍त।
2KI 17:30 बेबीलोन ङा मुरपुकीम आन देवता सुक्‍कोथ-बेनोथ सेल्‍मे बाक्‍त। कूथ ङा मुरपुकीम नेरगल सेल्‍मे बाक्‍त। हमाथ ङा मुरपुकीम अशीमा सेल्‍मे बाक्‍त।
2KI 17:31 अव्‍वा सहर ङा मुरपुकीम निभाज नु तारतक सेल्‍मे बाक्‍त। मिनु सेफारवाइम ङा मुरपुकीमी आन आल आन कली आन देवता अद्राम्‍मेलेक नु अनाम्‍मेलेक आस कली चोशा चढ़ेमे बाक्‍त। २राजा १७:३१
2KI 17:32 मेकोपुकीम परमप्रभु यावे कली यो ठेयब सेल्‍मे बाक्‍त। मिनु डांडा ङा थानमी अरु मुर आन कली चढ़ेब सेल्‍मे बाक्‍त। मेकोपुकीमी डांडा ङा थानपुकीम मुर आन पर्बम चढ़ेमे बाक्‍त। १राजा १२:३१
2KI 17:33 मिनु मोपा मेकोपुकीम परमप्रभु यावे कली ठेयब सेल्‍शा, आंम आन देवी देवता आन कली यो पूजा पामे बाक्‍त। तेको रागी रे चाक्‍शो बाक्‍मा, मेको आन देवी देवता आन पतीक पशा, पूजा पामे बाक्‍त।
2KI 17:34 मेकोपुकीमी मुलाक्‍त सम्‍म मोदेंशो पना पन बाक्‍नीम। मिनु मेकोपुकीमी परमप्रभु यावे कली मान पा महिंनीम। मेको आ फुल्‍लुम मुशा ब्रेक्‍शो लोव़, आ निसाफ पतीक लोव़, आ अरेशो नु आ शेंशो मपामे बाक्‍त। परमप्रभु यावेमी मोदेंशो पचा माल्‍नीनी, दे इस्राएल माइश्‍शो याकूब आ आल आन कली अरेशो बाक्‍माक्‍त। उत्‍पत्ती ३२:२९
2KI 17:35 परमप्रभु यावेमी इस्राएली नु कबल का पवा बाक्‍त। मिनु मेकोमी इस्राएली आन कली “गेपुकीम देवी देवता आन कली ममानेन। मेको आन ङोंइती मब‍पीन। मेको आन गेय मपने। मेको आन कली मारेइ मचढ़ेन। प्रस्‍थान २३:२४
2KI 17:36 मिनु आ सक्ति नु आ क्‍युक्‍शो गुइम इन कली इजीप्‍त रे ग्रुंइशा एक चाक्‍ब परमप्रभु यावे कली ला ठेयब सेलीन। मेको आ ङोंइती ला बाप्‍पीन। मेको कली ला चढ़ेचा माल्‍नीनी” देंमाक्‍त।
2KI 17:37 मेकोमी इन कली “आं फुल्‍लुम मुशा ब्रेक्‍शो लोव़ नु आं पतीके लोव़, आं अरेशो नु आं शेंशो लोव़ नेल्‍ल शुश होस पा गेना हना यो पचा माल्‍नीनी। गेपुकीमी देवी देवता आन कली मानेचा मदुम्‍नीनी।
2KI 17:38 गेपुकीम गो नु पशो कबल मप्रेंदीन। मिनु देवी देवता आन कली मानेचा मदुम्‍नीनी।
2KI 17:39 तन्‍न गेपुकीम परमप्रभु यावे, इन परमप्रभु कली ला ठेयब सेलीन। मेकोमी इन कली इन जोरी सत्रु आन गुइ रे प्रोंइब” दे अरेशो बाक्‍माक्‍त। ब्‍यवस्‍था ६:१२-१९
2KI 17:40 मो हना यो मेकोपुकीम मेको लोव़ मनेन्‍मे बाक्‍त। मिनु मेको आन ङोंइती ङा पशो खोदेंशो पामे बाक्‍त।
2KI 17:41 मेको रागी रागी ङा मुरपुकीमी परमप्रभु यावे कली ठेयब सेल्‍शा यो आन मुशा सेल्‍शो मूर्ति आन कली पूजा पामे बाक्‍त। मुल सम्‍म आन चच युइमी आन किकी पिपीम पशो खोदेंशो पना पन बाक्‍नीम।
2KI 18:1 आहाज आ तौ हिज्‍कीयाह यहूदा ङा पिप दुम्‍माक्‍त। मेना एलाह आ तौ होशेआ इस्राएल ङा पिप दुम्‍शो बर्स सां दुम्‍शो बाक्‍माक्‍त। २राजा १६:२०
2KI 18:2 मिनु हिज्‍कीयाह पिप दुम्‍मेनु, २५ बर्स दुम्‍शो बाक्‍माक्‍त। मेकोमी यरूसलेमम २९ बर्स सासन पवा बाक्‍त। मेको आ ममा आ नें आबी बाक्‍माक्‍त। मेको जकरिया आ तमी बाक्‍माक्‍त।
2KI 18:3 मेकोम आ किकी दाऊदम खोदेंशो पा, परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त। २राजा २०:३
2KI 18:4 मेकोम डांडा ङा थानपुकी प्रेश्‍शा, ताइक्‍तीमी बाक्‍त। ख्रुक्‍शो फुल्‍लु जिक्‍शा, मूर्ति पाइश्‍शो थाम क्‍योरशा ताइक्‍तीमी बाक्‍त। मेकोमी मोसा आ सेल्‍शो कांसा के बुस्‍स कली टुक्रा टुक्रा पवा बाक्‍त। मारदे हना मेना सम्‍म इस्राएलीपुकीम मेको कली धूप चोइबाक्‍मा बाक्‍त। मेकोपुकीम मेको कली नहुश्‍तन देंबाक्‍मा बाक्‍त। २राजा १५:३५; गन्‍ती २१:८-९
2KI 18:5 हिज्‍कीयाहम परमप्रभु यावे, इस्राएली आन परमप्रभु कली थमा सुदा बाक्‍त। मेको आ क्‍येङा ङोंइती ङा नु आ क्‍येङा नोले ङा यहूदा ङा पिप नेल्‍ले मेको खोदेंशो मदुम्‍मा बाक्‍त। २राजा २३:२५
2KI 18:6 मेकोमी परमप्रभु यावे आ नोले खोइक्‍चा गेनायो मप्रोना बाक्‍त। मिनु परमप्रभु यावेमी मोसा कली शेंशो लोव़ नेल्‍ल टिवा बाक्‍त।
2KI 18:7 मिनु परमप्रभु यावे मेको नु बाक्‍माक्‍त। मेको आ पशो गेय नेल्‍लेमी रिम्‍शो दुम्‍माक्‍त। मेको अस्‍सुर ङा पिप कली मटीब दुम्‍माक्‍त। मिनु मेको आ देंशो मपवा बाक्‍त।
2KI 18:8 मेकोमी पलिस्‍ती आन रागी गाजा रे खाल पाइब आन लाइश्‍शो खिं नु गारो हिरशो सहर नेल्‍ल ग्रामाक्‍त।
2KI 18:9 हिज्‍कीयाहमी सासन पशो ४ बर्स दुम्‍माक्‍त। इस्राएल ङा पिप एलाह आ तौ होशेआम सासन पशो ७ बर्स दुम्‍मेनु, अस्‍सुर ङा पिप शाल्‍मानेसेरमी सामरीया कली लडाइ तोशा पुम्‍दा बाक्‍त। २राजा १७:३-६
2KI 18:10 मिनु अस्‍सुरीपुकीमी मेको सहर कली बर्स सां सम्‍म पुम्‍शा, आन के सेल्‍मे बाक्‍त। मेना हिज्‍कीयाह पिप दुम्‍शो ६ बर्स नु इस्राएल ङा पिप होशेआ पिप दुम्‍शो ९ बर्स दुम्‍शो बाक्‍माक्‍त। मिनु अस्‍सुर ङा पिपमी सामरीया ग्रामाक्‍त।
2KI 18:11 मिनु मेकोमी इस्राएली आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह, गोजान ङा खोला हाबोर आ नेक्‍था नु मादी आन सहरम बाक्‍पाइक्‍मी बाक्‍त।
2KI 18:12 मारदे हना मेकोपुकीमी परमप्रभु यावे, आन परमप्रभु आ देंशो मटिथु, आ कबल पशो हेंथे पशो बाक्‍मा बाक्‍त। परमप्रभु यावे आ गेय पाइब मोसामी शेंशो लोव़ मनेंशो नु मटिशो बाक्‍मा बाक्‍त।
2KI 18:13 पिप हिज्‍कीयाहमी सासन पशो १४ बर्स दुम्‍मेनु, अस्‍सुर ङा पिप सन्‍हेरीबमी यहूदा ङा गारो हिरशो सहर नेल्‍ल कली लडाइ तोशा ग्रामाक्‍त।
2KI 18:14 मोपतीके यहूदा ङा पिप हिज्‍कीयाहमी लाकीश सहरम बाक्‍ब अस्‍सुर ङा पिप कली “गो मरिम्‍शो पाता। आं रागी रे लेतीन। मिनु गे आं कली मार देंनीनी, मेको पाइ‍नुङ” दे लोव़ कुरब मुर सोइक्‍ता बाक्‍त। मिनु अस्‍सुर ङा पिपम हिज्‍कीयाह कली सहे सां टलेन्‍ट चांदी नु ३० टलेन्‍ट सुन थाप्‍पदा बाक्‍त। टलेन्‍ट का ३४ किलो बाक्‍ब।
2KI 18:15 मिनु हिज्‍कीयाहमी परमप्रभु यावे आ खिं नु पिप आ खिंम थिश्‍शो चांदी नेल्‍ल मेको कली गेवा बाक्‍त। २राजा १६:८
2KI 18:16 मेना हिज्‍कीयाहमी परमप्रभु यावे आ खिं ङा लाप्‍चो नु लाप्‍चो ङा शीम आंम आ गिल्‍शो सुन नेल्‍ल शोल्‍शा, अस्‍सुर ङा पिप कली गेवा बाक्‍त।
2KI 18:17 मिनु अस्‍सुर ङा पिपम लडाइ पाइब आन नेल्‍ल क्‍येङा ठेयब मुर तारतान, दरवार ङा ठेयब मुर राब्‍सारीस, पिप आ ठेयब गेय पाइब राब्‍शाके नु ठेयब हुल का लडाइ पाइब आन कली लाकीश रे पिप हिज्‍कीयाह आ बाक्‍तीक यरूसलेम सहरम सोइक्‍तीमी बाक्‍त। मिनु मेकोपुकी यरूसलेम जाक्‍मा बाक्‍त। मिनु आइक्‍था दोम्‍ली ङा ब्‍वाक्‍कु शाइक्‍तीक वा मुरब आन लांमी जाक्‍शा राम्‍मा बाक्‍त। यसैया ७:३
2KI 18:18 मिनु मेकोपुकीम पिप कली ब्रेत्‍मे बाक्‍त। मिनु पिप आ खिं ङा ठेयब मुर हिल्‍कीयाह आ तौ दरवार कोव़ब एल्‍याकीम, ब्रेक्‍ब शेब्‍ना नु आसाफ आ तौ पिप आ लोव़ कुरब योआह मेको आन कली ग्रुम्‍थ जाक्‍मा बाक्‍त।
2KI 18:19 मिनु राब्‍शाकेमी मेको आन कली “हिज्‍कीयाह कली, ठेयब पिप, अस्‍सुर ङा पिपमी, मार देंब देंशा हना, गे सु कली तशा, महिंब बाक्‍नीनी?
2KI 18:20 गे लोव़ पा ला लडाइ ग्रानीनी ङा? सुम इन कली वारच पा आं क्‍येङा महिंथु, आं कली मटि‍पदा?
2KI 18:21 गे इजीप्‍त रागीम इन कली वारच पाइब, दे मिम्‍नीनी। मेको जिक्‍शो किन्‍दा खोदेंशो बाक्‍ब। मेकोमी ‘वारच पाइब’ देंब आन गुइ थोक्‍ब। ‘मेकोमी वारच पाइब’ देंब नेल्‍ल आन कली इजीप्‍त ङा पिप फाराओ मोदेंशोन बाक्‍ब।
2KI 18:22 तन्‍न गे आं कली ‘गो परमप्रभु यावे, आंइ परमप्रभु आ मुर नकी। मेकोम आंइ कली वारच पाइब’ देंतीनी हना, मार, हिज्‍कीयाहम मेको डांडा ङा थान नु चढ़ेतीक प्रेश्‍शा यहूदा नु यरूसलेम सहर ङा मुर आन कली ‘गेपुकीम यरूसलेमम बाक्‍शो चढ़ेतीकेम ला चढ़ेचा माल्‍नीनी’ मदेंम ङा? ब्‍यवस्‍था १२:१४
2KI 18:23 मुल आं होव़प अस्‍सुर ङा पिप नु गारीन। इन के मिश ङा शारा ङोइक्‍ब बाक्‍‍तेक्‍म हना, गो इन कली हजार निक्‍शी शारा गेनन्‍नी।
2KI 18:24 आं होव़प आ नेल्‍ल क्‍येङा आइक्‍च लडाइ पाइब आन ठेयब मुर का कली ला यो दोपा नोले शोइक्‍पाइक्‍ने चाप्‍नीनी ङा? गे बग्‍गी नु शारा ङोइक्‍ब आन पर्बम इजीप्‍त कली थमा सुइश्‍शो बाक्‍नीनी।
2KI 18:25 मिनु अर्को लोव़, मार गो एको रागीम परमप्रभु यावे नु सल्‍ला मपथु खतम पोक्‍थ जाक्‍ङा ङा? परमप्रभु यावेमी आं कली ‘एको रागीम लडाइ पा खतम पोक्‍को’ देंशो बाक्‍ब” देंमाक्‍त।
2KI 18:26 मिनु हिल्‍कीयाह आ तौ एल्‍याकीम, शेब्‍ना नु योआहमी मेको लडाइ पाइब आन ठेयब मुर राब्शाके कली “शिशी पा, इन वाइल गोपुकी नु अरामी लोव़म ब्‍वाक्‍कीन। मारदे हना गो मेको लोव़ रुप्‍नीकी। गारोम बाक्‍ब मुर नेल्‍लेम नेंचा ङा पा यहूदी लोव़म मब्‍वाक्‍कीन” देंमा बाक्‍त।
2KI 18:27 तन्‍न राब्‍शाकेम मेको आन कली “मार, आं होव़पमी एको लोव़ इन कली नु इन होव़प कली ला नेंपाइक्‍चा कली सोइश्‍शो बाक्‍बा ङा? मार, गारोम बाक्‍ब मुर नेल्‍ल आन कली यो ममाइ ङा? गेपुकीम खोदेंशो पा, मेकोपुकीम यो आन ख्री चारनाक जचा तूचा माल्‍नीम” देंमाक्‍त।
2KI 18:28 मिनु मेको लडाइ पाइब आन ठेयब मुर राब्‍शाके राप्‍शा यहूदी लोव़मी ठेयब सेंदा पा “ठेयब पिप, अस्‍सुर ङा पिप आ लोव़ नेनीन।
2KI 18:29 मेकोमी मार देंत देंशा हना ‘हिज्‍कीयाहमी इन कली जोल पशो थमा मसुतीन। मारदे हना मेकोमी इन कली आं गुइ रे प्रोंइने मचाप्‍ब’ देंत।
2KI 18:30 हिज्‍कीयाहमी ‘परमप्रभु यावेम थमा पा इं कली श्‍येत रे प्रोंइब। मिनु एको सहर अस्‍सुर ङा पिप आ गुइम मदुम्‍ब’ दे इन कली परमप्रभु यावे कली थमा मसुइक्‍पदल।
2KI 18:31 हिज्‍कीयाह आ लोव़ मनेनीन। अस्‍सुर ङा पिपम ‘गो नु गारीन। मिनु ग्रूशा आं बाक्‍तीक जाक्‍कीन। मिनु गेपुकीमी इन अङगुर रू ङा अङगुर नु इन रवा ङा फोव़शी जचा ताइनीनी। इन इनार ङा ब्‍वाक्‍कु तूचा ताइनीनी। १राजा ५:५
2KI 18:32 गो जाक्‍शा इन कली आंम इन रागी खोदेंशो रागीम लाइक्‍नन्‍नी। मेको रागी अन्‍न नु अङगुर शांबु, शोब्‍ले नु अङगुर रू, तेल रवा नु खुदो बाक्‍शो रागी बाक्‍ब। गेपुकी बेक्‍तीक आ पा ङा ब्रोंइतीक योव़ङीन। हिज्‍कीयाह आ लोव़ मनेनीन, मेकोम इन कली “परमप्रभु यावेमी इं कली प्रोंइब” दे जोल पाइब।
2KI 18:33 मार रागी रागी ङा तेकोइ देवी देवताम आन रागी कली अस्‍सुर ङा पिप आ गुइ रे प्रोंइने चाप्‍शो बाक्‍नीमी ङा? यसैया १०:१०-११
2KI 18:34 हमाथ नु अरपाद ङा देवी देवता ते लाक्‍गमे? सेफारवाइम, हेना नु इव्‍वाह ङा देवी देवता ते बाक्‍मा? मार, मेकोपुकीम सामरीया कली आं गुइ रे प्रोंइने चाप्‍मे ङा?
2KI 18:35 मार, मेको रागी ङा देवी देवता आन दाते ङा तेकोइमी आ रागी कली आं गुइ रे प्रोंइने चबा ङा? मिनु परमप्रभु यावेमी यरूसलेम कली आं गुइ रे दोपा प्रोंइने चाप्‍बा ङा?’ ” दे इस्राएली आन कली देंमाक्‍त। दानीएल ३:१५
2KI 18:36 तन्‍न मुर नेल्‍ल सिक्‍सी पा बाक्‍शा, लोव़ का यो मलेत्‍मे बाक्‍त। मारदे हना पिपमी मेको आन कली “सुइम लोव़ मलेत्‍चा” दे अरेशो बाक्‍माक्‍त।
2KI 18:37 मिनु पिप, हिल्‍कीयाह आ तौ दरवार कोव़ब एल्‍याकीम, ब्रेक्‍ब शेब्‍ना नु आसाफ आ तौ पिप आ लोव़ कुरब योआहम आन वा खाक्‍गमे बाक्‍त। मिनु हिज्‍कीयाह आ बाक्‍तीक जाक्‍शा, राब्‍शाके आ लोव़ नेंपदमे बाक्‍त।
2KI 19:1 मिनु पिप हिज्‍कीयाहम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा, परमप्रभु यावे आ खिं लमाक्‍त।
2KI 19:2 मेकोमी दरवार कोव़ब एल्‍याकीम, ब्रेक्‍ब शेब्‍ना नु ठेयब चढ़ेब आन कली अरन्‍डी फेक्‍पाइश्‍शा, परमप्रभु यावे आ लोव़ पाइब आमोज आ तौ यसैया आ बाक्‍तीकेम सोइक्‍तीमी बाक्‍त।
2KI 19:3 मिनु मेकोपुकीमी यसैया कली “हिज्‍कीयाहमी ‘मुलाक्‍ती श्‍येत जतीक, हुइक्‍चा पुंइसीतीक नु मुने दोक्‍तीक नाक्‍त बाक्‍ब। दोपा आल थिचा चिक्‍शो मीश मुर कली आल थिचा कली बोल मबाक्‍बा, मोदेंशो दुम्‍शो बाक्‍ब।
2KI 19:4 परमप्रभु यावे, इन परमप्रभुमी अस्‍सुर ङा पिपमी सोइश्‍शो मेको राब्‍शाके आ लोव़ नेल्‍ल नेंना माइ। आ होव़प, अस्‍सुर ङा पिपमी ब्रोंइशा बाक्‍शो परमप्रभु कली शुक्‍शी पथ सोइश्‍शो बाक्‍ब। मिनु परमप्रभु यावे, इन परमप्रभुमी आ नेंशो लोव़ आ पर्बम मेको कली हुइक्‍बा कों। मोपतीके मुल लीशो मुर आन पर्बम प्रार्थना पने’ देंत” देंमा बाक्‍त। १सामुएल १७:१०; २राजा १८:३५
2KI 19:5 मिनु पिप हिज्‍कीयाह आ सोइश्‍शो गेय पाइबपुकी यसैया आ बाक्‍तीकेम बाक्‍मानु,
2KI 19:6 यसैयामी मेको आन कली “परमप्रभु यावेमी इन होव़प कली ‘इ नेंशो लोव़म महिनो। अस्‍सुर ङा पिप आ गेय पाइबपुकीमी आं कली शुक्‍शी पशो लोव़ नेंता।
2KI 19:7 गो मेको आ थुंम सोक्‍त का कुर पाइ‍नुङ। मिनु मेकोमी लोव़ का नेंब। मिनु मेको आ रागी लेश्‍शा लाइब। मेकेर गो मेको कली तरवारम साइक्‍पाइक्‍नुङ’ देंत, दे मतीन” दे माइक्‍मी बाक्‍त। २राजा १९:९; २राजा १९:३५-३७
2KI 19:8 मिनु राब्‍शाकेमी “अस्‍सुर ङा पिपमी लाकीश प्रोंइतु” देंशो लोव़ नेना बाक्‍त। मिनु मेको लेम्‍माक्‍त। मिनु मेकोमी पिप कली लिब्‍ना नु लडाइ पना पन बाक्‍शो थिदा बाक्‍त।
2KI 19:9 मिनु मेको पिपमी “एथीयोपीया ङा पिप तिरहाकाह गे नु लडाइ पचा कली पिना पिन बाक्‍ब” देंशो लोव़ नेना बाक्‍त। मोपतीके मेकोमी यहूदा ङा पिप हिज्‍कीयाह आ बाक्‍तीकेम लोव़ कुरब मुर सोइश्‍शा,
2KI 19:10 यहूदा ङा पिप हिज्‍कीयाह कली “यरूसलेम अस्‍सुर ङा पिप आ गुइम मदुम्‍ब, दे थोक्‍शा लोव़ पाइब इ थमा सुइश्‍शो परमप्रभुमी इ कली जोल मपवल।
2KI 19:11 अस्‍सुर ङा पिपमी रागी नेल्‍ल आन कली मार पवा, मेको आन कली दोपा खतम पोक्‍गा, मेको थमा पा नेंतीनी। मिनु मार, ‘गो ब्रोंइनुङ’ दे आस पाइनीनी?
2KI 19:12 मार, आं किकी पिपी आन क्‍याम्‍शो रागी रागी ङा देवी देवताम मेको आन कली प्रोंइने चाप्‍ने ङा? गोजान, हारान, रेचेफ नु तेलास्‍सार सहरम बाक्‍ब एदेन ङा मुर आन देवी देवता ते लाक्‍गमे?
2KI 19:13 हमाथ, अरपाद सेफारवाइम सहर, हेना नु इव्‍वाह ङा पिप ते लाक्‍गमे?” देंपाइक्‍चा कली मुर सोइक्‍ता बाक्‍त।
2KI 19:14 मिनु हिज्‍कीयाह मेको चिठी चाक्‍ब मुर आन गुइ रे ताक्‍शा पढेवा बाक्‍त। मिनु परमप्रभु यावे आ खिं लमाक्‍त। मिनु मेको परमप्रभु यावे आ ङोंइती प्राक्‍शा वोदा बाक्‍त।
2KI 19:15 मिनु हिज्‍कीयाहम मेको परमप्रभु यावे आ ङोंइती प्राक्‍शा वोइश्‍शा “परमप्रभु यावे, इस्राएली आन परमप्रभु गे करूब आन तार बाक्‍नीनी। रागी ङा राज्‍य नेल्‍लेम गे का ला परमप्रभु बाक्‍नीनी। गे रागी नु सरीङ सेल्‍ब बाक्‍नीनी। प्रस्‍थान २५:२२; भजन संग्रह ८०:२
2KI 19:16 परमप्रभु यावे आं लोव़ नेनीन। परमप्रभु यावे कोव़ङीन, सन्‍हेरीबम ब्रोंइशा बाक्‍शो परमप्रभु, इन कली शुक्‍शी पा सोइश्‍शो लोव़ नेनीन।
2KI 19:17 परमप्रभु यावे, अस्‍सुर ङा पिपपुकीम रागी रागी ङा मुर नु आन रागी कली खतम पोक्‍तेक्‍म। एको थमा बाक्‍ब।
2KI 19:18 मेकोपुकीमी मेको आन देवी देवता आन कली मीम हुम्‍शा नेक्‍पाइक्‍तेक्‍म। मारदे हना मेको परमप्रभु मनम। मेको मुरुमी सेल्‍शो शी नु फुल्‍लु के ला बाक्‍तेक्‍म। मोपतीके मेको खतम दुम्‍तेक्‍म।
2KI 19:19 मुल परमप्रभु यावे, आंइ परमप्रभु आंइ कली मेको आ गुइ रे प्रोनीन, दे पुंइनुङ। मिनु रागी नेल्‍ल ङा मुरपुकीम परमप्रभु यावे, गे का ला परमप्रभु बाक्‍नीनी, दे तुइक्‍तमेक्‍ल” दे पुना बाक्‍त।
2KI 19:20 मिनु आमोज आ तौ यसैयाम हिज्‍कीयाह कली “परमप्रभु यावे, इस्राएली आन परमप्रभुमी मार देंत देंशा हना ‘गो अस्‍सुर ङा पिप सन्‍हेरीब आ पर्बम इ पुंइशो लोव़ नेंता’ देंत।
2KI 19:21 सन्‍हेरीब आ पर्बम परमप्रभु यावे आ देंशो लोव़ मार बाक्‍ब देंशा हना ‘सियोन ङा तमीमी इ कली शुक्‍शी पाइब। मिनु गे प्रोक्‍शा लवेनु, यरूसलेम ङा तमीमी आ पिया हिक्‍ब।
2KI 19:22 गे सु कली शाक्‍शा शुक्‍शी पवी? गे सुका आ पर्बम ठेयब लेश्‍शा लोव़ पवी? मेको इस्राएली आन का ला बाक्‍शो परमप्रभु यावे आ पर्बम बाक्‍ब।
2KI 19:23 गे इ लोव़ कुरबपुकी सोइश्‍शा, परमप्रभु यावे कली शुक्‍शी पाप्‍‍तीवी’। मिनु गे ‘गो आं शुश बग्‍गीम ठेयब पहाड ङोंइसाक्‍यी। गो लेबानोन ङा नेल्‍ल क्‍येङा ङोन ङोंइसाक्‍यी। गो मेकेर ङा नेल्‍ल क्‍येङा लाइश्‍शो रवा नु मेकेर ङा नेल्‍ल क्‍येङा रिम्‍शो अरु रवा तिम्‍तामी। गो मेको आ सुर सम्‍म ङा नेल्‍ल क्‍येङा ठेयब ब्‍वाकीम जाक्‍दीत्‍ती।
2KI 19:24 गो इनार दोशा, अर्को रागी ङा ब्‍वाक्‍कु तूता। गो आं खोइलीम दिम्‍शा इजीप्‍त रागी ङा खोला नेल्‍ल सोव़पाइक्‍तामी’ देंशो बाक्‍नेवे।
2KI 19:25 गे ‘गो साइ ङोंइती रे मेको नेल्‍ल देंशो नङ। गो मेको साइ रे मो पाइनुङ देंशो नङ। मुल गो मेको थुम्‍ता। मार, मेको मनेंशो बाक्‍नीनी? गे गारो हिरशो सहर आन कली प्रेश्‍शा, फुल्‍लु तेल्‍शो खोदेंशो सेल्‍शो बाक्‍‍‍नेवे।
2KI 19:26 मिनु मेको सहर ङा मुर आन सोक्‍त जाम्‍शा आन थुं लुक्‍च लत। मेकोपुकी रू ङा कल्‍लो घांस खोदेंशो दुम्‍तेक्‍म। मेकोपुकी खिं तार वाशो घांस खोदेंशो दुम्‍शा, वामा चोटीन सोव़शो बाक्‍नीम।
2KI 19:27 गो इ बाक्‍शो बोक्‍शो नेल्‍ल तुइक्‍नुङ। गो इ लाङगा खिंङगा पशो नेल्‍ल तुइक्‍नुङ। मिनु आं पर्बम इ गाइश्‍शो तुइक्‍नुङ।
2KI 19:28 मारदे हना गेम आं पर्बम गाइश्‍शा, इ ठेयब लेश्‍शो लोव़ पशो नेंता। मोपतीके गो इ नेंमी आं बोल्‍सी ब्‍वेक्‍नुङ। इ शोव़मी लगम पाइक्‍नुङ। मिनु गो इ जाक्‍शो लां रेन लेप्‍पाइक्‍नन’ दे परमप्रभु यावेमी सन्‍हेरीब आ पर्बम देंत” देंमाक्‍त।
2KI 19:29 मिनु लेंशा “मेको नेल्‍ल थमा दुम्‍ब, दे मार चिन्‍ड दुम्‍ब देंशा हना, गेपुकी एको बर्स आंमा वाशो जाइनीनी। मिनु नोले ङा बर्स मेको रे वाशो जाइनीनी। मिनु बर्स सांमी गेपुकीम शोक्‍शा खुप्‍शा जने, अङगुर ख्रुम्‍शा जने।
2KI 19:30 मिनु यहूदा आ खिं ङा ब्रोंइशा लीशोपुकीम रागीम शाक्‍श थोक्‍नीम। मिनु रागी तार फल सित्‍नीम।
2KI 19:31 मारदे हना यरूसलेम रे लीशो मुरपुकी लाइनीम। सियोन डांडा रे हुल का ब्रोंइशो मुर ग्रूशा जाक्‍नीम। मुर नेल्‍ल आन परमप्रभु यावेमी आ जोंब बोक्‍शा मेको पाइब” देंमाक्‍त। यसैया ९:६
2KI 19:32 मिनु परमप्रभु यावेमी अस्‍सुर ङा पिप आ पर्बम “सन्‍हेरीब एको सहरम मओव़ब। एको सहरम ब्रा का यो मआप्‍ब। मेको आ तेक्‍तीक कुरशा एको सहर आ ङोंइती मजाक्‍ब। सहर ओव़चा कली गारो ङोइक्‍तीक मसेल्‍ब।
2KI 19:33 मेको आ जाक्‍शो लां रेन लेश्‍शा लाइब। मेको सहरम मओव़ब।
2KI 19:34 मारदे हना गो आंम आं पर्बम नु आं गेय पाइब दाऊद आ पर्बम मेको सहर कली वारच पा प्रोंइनुङ” देंमाक्‍त। २राजा २०:६
2KI 19:35 मिनु मेको नाक्‍दो परमप्रभु यावे आ स्‍वर्ग ङा गेय पाइब का जाक्‍माक्‍त। मिनु मेकोमी अस्‍सुर ङा पिप आ लडाइ पाइब आन बाक्‍तीकेम ओव़शा, लाख का ८५ हजार मुर आन कली साइक्‍मी बाक्‍त। मिनु आ दीसा सुनी मुरपुकी बोक्‍मानु मेकेर बेक्‍शो मुर ला तामे बाक्‍त। यसैया ३७:३६-३८
2KI 19:36 मोपतीके अस्‍सुर ङा पिप सन्‍हेरीब ताम्‍बु पोक्‍शा लेश्‍शा आ खिं निनवे ल‍माक्‍त।
2KI 19:37 मिनु मेको काबु आ देवता निस्रोक आ खिंमी पूजा पना पन बाक्‍मेनु, मेको आ तौ अद्राम्‍मेलेक नु शरेसेरमी मेको कली तरवारम क्‍योरशा सदसे बाक्‍त। मिनु प्रोक्‍शा आरारात रागी लसा बाक्‍त। मिनु मेको आ पा ङा आ तौ एसर-हददोन पिप दुम्‍माक्‍त। २राजा १९:७
2KI 20:1 मेना हिज्‍कीयाह रोइ पा बेक्‍चा चिक्‍ता बाक्‍त। मिनु आमोज आ तौ परमप्रभु यावे आ लोव़ पाइब यसैया हिज्‍कीयाह आ बाक्‍तीक जाक्‍शा, “परमप्रभु यावेमी इन कली मार देंत देंशा हना ‘इन खिं ङा मुर आन कली इन अरेचा माल्‍शो लोव़ अरेने। मारदे हना गे बेक्‍नीनी। मसानीनी’ देंत” देंमाक्‍त।
2KI 20:2 मिनु हिज्‍कीयाह गारो गे हिरशा, परमप्रभु यावे कली पुना बाक्‍त।
2KI 20:3 मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।
2KI 20:4 मिनु यसैया दाते ङा लाङगा रे ग्रूचा क्‍येङा ङोंइती परमप्रभु यावेम मेको कली लोव़ पवा बाक्‍त।
2KI 20:5 मार लोव़ पवा बाक्‍त देंशा हना “लेश्‍शा लशा, परमप्रभु यावे इ किकी दाऊद आ परमप्रभुमी ‘आं मुर आन कली सासन पाइब हिज्‍कीयाह कली “गो इ पुंइशो लोव़ नेंता। मिनु इ प्रेक्‍कु ताता। गो इ कली सापाइक्‍नुङ। मिनु नाक्‍त सां नोले गे परमप्रभु यावे आ खिं लाइनेवे।
2KI 20:6 गो इ ब्रोंइतीक नाक्‍त १५ बर्स तेम्‍नुङ। मिनु इ कली नु एको सहर कली अस्‍सुर ङा पिप आ गुइ रे प्रोंइनुङ। गो आं पर्बम नु आं गेय पाइब दाऊद आ पर्बम एको सहर कली वारच पा प्रोंइनुङ” देंत’ देनो” देंमाक्‍त। २राजा १९:३४
2KI 20:7 मिनु यसैयामी “मेको कली सापाइक्‍चा कली आ कानम फोव़शी गेडा शेप्‍शा ख्रेक्‍तीन” देंमाक्‍त। मिनु मुरपुकीम मेको आ कानम फोव़शी गेडा शेप्‍शा ख्रेक्‍तमे बाक्‍त।
2KI 20:8 मिनु हिज्‍कीयाहमी यसैया कली “गो सानुङ, मिनु नाक्‍त सां नोले परमप्रभु यावे आ खिं लाइनुङ, दे परमप्रभु यावेमी आं कली दोपा तुइक्‍पाइक्‍बा?” दे हिल्‍लो पवा बाक्‍‍त।
2KI 20:9 मिनु यसैयामी “परमप्रभु यावेमी आ देंशो थमा पा पाइब, दे इन कली मार कोंइब देंशा हना, नां आ वांकु १० खेयप ङोंइती गे ग्रेल देय नोले गे लेल्‍ल?” दे हिल्‍लो पवा बाक्‍त।
2KI 20:10 मिनु हिज्‍कीयाहम “नां आ वांकु १० खेयप ङोंइती ग्रेचा दा आ गेयन बाक्‍ब। मेको १० खेयप नोले गे लेत्‍चा माल्‍ब” देंमाक्‍त।
2KI 20:11 मिनु परमप्रभु यावे आ लोव़ पाइब यसैयाम, परमप्रभु यावे कली पुना बाक्‍त। मिनु परमप्रभु यावेमी आहाज आ नां आ वांकु कोंइतीके १० खेयप नोले गे लेप्‍प‍दा बाक्‍त।
2KI 20:12 मेना बेबीलोन ङा पिप बालादन आ तौ मेरोदाक-बालादानमी हिज्‍कीयाह आ बाक्‍तीकेम कोसेली नु चिठी कुर पा मुर सोइक्‍ता बाक्‍त। मारदे हना मेकोम हिज्‍कीयाह रोइ पा साशो बाक्‍ब देंशो नेना बाक्‍त।
2KI 20:13 मिनु हिज्‍कीयाहम मेको चिठी चाक्‍ब मुर आन कली मान पाइक्‍मी बाक्‍त। मिनु मेको आन कली आ शोंप वोइक्‍तीकेम नेल्‍ल कोंइदा बाक्‍त। सुन चांदी, मस्‍ला, ब्रोव़शो रिना पाइश्‍शो ख्रेक्‍तीक तेल, आ यापुकी नु आ मार मार वोइक्‍तीकेम बाक्‍शो मारेइ मारेइ थोव़क कोंइदीमी बाक्‍त। हिज्‍कीयाह आ खिंम नु आ नेक्‍थाम बाक्‍शो मेको आन कली मकोंइशो मारेइ मलीमाक्‍त।
2KI 20:14 मिनु नोले परमप्रभु यावे आ लोव़ पाइब यसैया जाक्‍शा, पिप हिज्‍कीयाह कली “मेको मुरपुकीम मार देंमा? मेकोपुकी ते रे जाक्‍शो नमी?” दे हिल्‍लो पवा बाक्‍त। मिनु हिज्‍कीयाहमी “एकोपुकी ङोन रागी बेबीलोन रे जाक्‍शो नम” देंमाक्‍त।
2KI 20:15 मिनु मेकोमी “मेकोपुकीम इन खिंम मार मार तामे?” दे हिल्‍लो पवा बाक्‍त। मिनु हिज्‍कीयाहम “एकोपुकीम आं खिंम बाक्‍शो नेल्‍ल ताम्‍तेक्‍म। आं मार मार वोइक्‍तीक खिंम बाक्‍शो मतशो मारेइ मली” देंमाक्‍त।
2KI 20:16 मिनु यसैयाम हिज्‍कीयाह कली “परमप्रभु यावे आ लोव़ नेनीन।
2KI 20:17 परमप्रभु यावेमी ‘काबु नाक्‍त इ खिंम बाक्‍शो मारेइ मारेइ थोव़क नु इ किकी पिपी नु इन आंम तेल्‍शो थोव़क नेल्‍ल बेबीलोनम चाक्‍दीत्‍नीम। मारेइ मप्रोंइनीम। २राजा २४:१३-१४
2KI 20:18 मेकोपुकीम इन तौ का निक्‍शी यो लाइक्‍नीम। मिनु मेकोपुकी बेबीलोन ङा पिप आ दरवारमी गेय पाइब दुम्‍नीम’ दे परमप्रभु यावे देंत” देंमाक्‍त। दानीएल १:३-४
2KI 20:19 मिनु हिज्‍कीयाहम यसैया कली “इन देंशो परमप्रभु यावे आ लोव़ रिम्‍शोन बाक्‍ब” देंमाक्‍त। मारदे हना मेकोमी “आं पाला सम्‍म थुं नाइश्‍शा बाक्‍तीक दुम्‍ब” दे मिम्‍ता बाक्‍त। २राजा २२:२०
2KI 20:20 हिज्‍कीयाह आ पशो अरु गेय, मेको आ सक्ति, मेको आ दोम्‍ली नु ब्‍वाक्‍कु लतीके सेल्‍शो, सहर कली ब्‍वाक्‍कु चाक्‍शो, मार, मेको नेल्‍ल यहूदा ङा पिप आन इतिहासम ब्रेक्‍शो मबाक्‍बा ङा?
2KI 20:21 मिनु हिज्‍कीयाह बेक्‍माक्‍त। मिनु मेको आ पा ङा आ तौ मनस्‍से पिप दुम्‍माक्‍त।
2KI 21:1 मनस्‍से पिप दुम्‍मेनु, १२ बर्स दुम्‍शो बाक्‍माक्‍त। मिनु मेकोम यरूसलेमम ५५ बर्स सासन पवा बाक्‍त। मेको आ ममा आ नें हेफ्‍सीबाह बाक्‍माक्‍त।
2KI 21:2 मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। परमप्रभु यावेमी इस्राएली आन ङोंइती रे खेरशो रागी रागी ङा मुर आन ग्रांग्रा दिशो गेय पवा बाक्‍त।
2KI 21:3 मेकोमी आ आफ हिज्‍कीयाहमी खतम पोक्‍शो डांडा ङा थानपुकी लेंशा सेला बाक्‍त। मेकोम इस्राएल ङा पिप आहाब खोदेंशो पा बाल कली चढ़ेतीक नु मूर्ति पाइश्‍शो थाम सेला बाक्‍त। इस्राएल ङा पिप आहाब खोदेंशो पा मेकोमी नां तास्‍ला नु सोरुल आन कली खुम्‍की पा बाप्‍शा पूजा पवा बाक्‍त। १राजा १६:३३
2KI 21:4 मेकोमी परमप्रभु यावे आ खिंमी मेको देवी देवता आन कली चढ़ेतीकपुकी सेला बाक्‍त। परमप्रभु यावेमी मेको खिं आ पर्बम “यरूसलेमम गो आं नें वोइक्‍नुङ” देंशो बाक्‍माक्‍त।
2KI 21:5 मिनु मेकोमी परमप्रभु यावे आ खिं आ लाङगा निम्‍फामी नां तास्‍ला नु सोरुल आन कली चढ़ेतीक सेला बाक्‍त। २राजा २३:१२
2KI 21:6 मेकोमी आ तौ कली चोशा चढ़ेवा बाक्‍त। मिनु मन्‍तर तन्‍तर, टुना मुना पा, बेक्‍शो मुर रे लोव़ पचा गेशा, लिंक्‍यु कोव़ङा बाक्‍त। मेकोम परमप्रभु यावे आ ङोंइती शुश मरिम्‍शो पवा बाक्‍त। मिनु मेको कली थाम्‍पा गाइक्‍पदा बाक्‍त। २राजा १६:३; लेवी १८:२१
2KI 21:7 मेकोम आ मुशा सेल्‍शो अशेराह देवी आ मूर्ति परमप्रभु यावे आ खिंम वोदा बाक्‍त। परमप्रभु यावेमी मेको खिं आ पर्बम दाऊद नु आ तौ सोलोमन आस कली “गो एको इस्राएल आ थर नेल्‍ल आन रे आं योव़शो यरूसलेम सहर ङा एको खिंम आं नें गेना हना यो वोइक्‍नुङ। १राजा ८:२९; १राजा ९:३
2KI 21:8 मिनु इस्राएलीम आं शेंशो होस पना पन बाक्‍तेक्‍म हना, मोसा रे पा, मेको आन कली आं अरेशो पना पन बाक्‍तेक्‍म हना, मेको आन किकी पिपी आन कली आ गेशो रागी प्रोंइशा गाक्‍चा ममाल्‍नीम।
2KI 21:9 तन्‍न मुरपुकीम मेको नेंसीन मनेन्‍मे बाक्‍त। मनस्‍सेम मेको आन कली हेंथे लां खोइक्‍पाइश्‍शो बाक्‍माक्‍त। मिनु मेकोपुकीम परमप्रभु यावेम इस्राएली आन ङोंइती रे खतम पोक्‍शो रागी रागी ङा मुर आन क्‍येङा यो शुश मरिम्‍शो पामे बाक्‍त” देंमाक्‍त।
2KI 21:10 मिनु परमप्रभु यावेम आ गेय पा आ लोव़ पाइब आन रे पा
2KI 21:11 “यहूदा ङा पिप मनस्‍सेम एको ग्रांग्रा दिशो गेय पशो बाक्‍ब। मेकोम ङोंइती बाक्‍शो एमोरी आन क्‍येङा यो शुश ग्रांग्रा दिशो गेय पशो बाक्‍ब। मिनु मेकोमी यहूदा ङा मुर आन कली मूर्ति पूजामी पाप पपाइश्‍शो बाक्‍ब” देंमाक्‍त।
2KI 21:12 मोपतीके परमप्रभु यावे, इस्राएली आन परमप्रभुमी “गो यरूसलेम नु यहूदाम शुश खतम दुम्‍तीक चाक्‍नुङ। मेको नेंब आन नोफामी ग्रीब। यसैया १९:३
2KI 21:13 गो सामरीया कली पुक्‍तीकेमी यरूसलेम कली पुक्‍नुङ। गो आहाब आ खिं कली थाप्‍शो डोरीम यरूसलेम कली थाप्‍नुङ। मुरपुकीम दोपा थाल शेक्‍शा गुक्‍शा वोइक्‍नीमी, मोपा गो यरूसलेम कली शेक्‍शा गुक्‍शा वोइक्‍नुङ।
2KI 21:14 गो आं लीशो मुर आन कली प्रोंइ‍शा सोइक्‍नुङमी। मिनु मेको आन कली आन जोरी सत्रु आन गुइमी गेनुङमी। मेको आन जोरी सत्रुम ग्‍याइश्‍शा लाइक्‍चा पुंइसीनीम।
2KI 21:15 मारदे हना मेकोपुकीम आं ङोंइती मार मरिम्‍शो बाक्‍मे, मेको पाम्‍तेक्‍म। मेको आन किकी पिपी आन कली इजीप्‍त रे ग्रुंइशा चाक्‍गु रे मुल सम्‍म आं कली गाइक्‍पाइक्‍स ङा गाइक्‍पाइक्‍स बाक्‍शो बाक्‍नीम” देंमाक्‍त।
2KI 21:16 मेको क्‍येङा लाक्‍शा यो मनस्‍सेम दोस मताइब शुश मुर आन हुश शाइक्‍पाइश्‍शा, यरूसलेम आ सुर का रे अर्को सुर सम्‍म प्रिंदा बाक्‍त। मिनु मेकोम यहूदा कली पाप पपदा बाक्‍त। मिनु मेकोपुकीम परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। २राजा २४:४; भजन संग्रह १०६:३८
2KI 21:17 मनस्‍से आ पशो अरु गेय, मेको आ पशो नेल्‍ल, मेको आ पशो पाप, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
2KI 21:18 मिनु मनस्‍से बेक्‍माक्‍त। मिनु मेको उज्‍जा आ खिं ङा रूम थिम्‍चा पुंइसे बाक्‍त। मिनु मेको आ पा ङा आ तौ आमोन पिप दुम्‍माक्‍त।
2KI 21:19 आमोन पिप दुम्‍मेनु २२ बर्स दुम्‍शो बाक्‍माक्‍त। मेकोम यरूसलेमम बर्स निक्‍‍शी सासन पवा बाक्‍त। मेको आ ममा आ नें मेशुल्‍लेमेथ बाक्‍माक्‍त। मेको योत्‍बाह ङा हारुच आ तमी बाक्‍माक्‍त।
2KI 21:20 मेकोम आ आफ मनस्‍से खोदेंशो पा, परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।
2KI 21:21 मेको आ आफ आ लांम गाक्‍माक्‍त। मिनु आ आफोम पूजा पशो मूर्ति आन ङोंइती खुम्‍की पा बाम्‍माक्‍त। मिनु मेको आन कली पूजा पवा बाक्‍त।
2KI 21:22 मेकोम परमप्रभु यावे, आ किकी पिपी आन परमप्रभु कली प्रोना बाक्‍त। मेको परमप्रभु यावे आ लांम मगाक्‍माक्‍त।
2KI 21:23 आमोन आ गेय पाइबपुकीम मेको कली साइक्‍चा माल्‍मे बाक्‍त। मिनु मेको कली पिप आ खिंमीन सदमे बाक्‍त।
2KI 21:24 मिनु मेको रागी ङा मुरपुकीम मेको पिप आमोन कली साइक्‍ब मुर नेल्‍ल आन कली सदमे बाक्‍त। मिनु मेको आ तौ योसीयाह कली आ पा ङा पिप सेल्‍मे बाक्‍त।
2KI 21:25 आमोन आ पशो अरु गेय, मेको आ पशो नेल्‍ल, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
2KI 21:26 मिनु मेको बेक्‍शा उज्‍जा आ तुरसुम थिम्‍चा पुंइसे बाक्‍त। मिनु मेको आ पा ङा आ तौ योसीयाह पिप दुम्‍माक्‍त।
2KI 22:1 योसीयाह पिप दुम्‍मेनु ८ बर्स दुम्‍शो बाक्‍माक्‍त। मिनु मेकोमी यरूसलेमम ३१ बर्स सासन पवा बाक्‍त। मेको आ ममा आ नें येदीदाह बाक्‍माक्‍त। मेको बोस्‍कत ङा अदायाह आ तमी बाक्‍माक्‍त।
2KI 22:2 योसीयाहमी परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त। मेको ग्‍युरा पेरा मपथु, आ किकी दाऊद आ लांम गाक्‍माक्‍त। २राजा १८:३
2KI 22:3 योसीयाह पिप दुम्‍मे आ १८ बर्सम मेकोमी मेशुल्‍लाम आ चच असाल्‍याह आ तौ ब्रेक्‍ब शाफान कली परमप्रभु यावे आ खिंम सोइक्‍ता बाक्‍त।
2KI 22:4 योसीयाहम मेको कली “ठेयब चढ़ेब हिल्‍कीयाह आ बाक्‍तीक लावो। मिनु लाप्‍चो खाल पाइबपुकीम ताक्‍शो, मुरपुकीम परमप्रभु यावे आ खिंम चाक्‍शो क्‍येट ठीक पा वोइक्‍चा माल्‍नीम, दे मतो। २राजा १२:११
2KI 22:5 मिनु मेको परमप्रभु यावे आ खिंम बाक्‍ब ठेयब गेय पाइब आन कली गेचा नम। मिनु मेकोपुकीम परमप्रभु यावे आ खिंम बिग्रेशो मार मार सेल्‍ब आन कली गेमेक्‍ल।
2KI 22:6 मेकोपुकीम परमप्रभु यावे आ खिं ङा बिग्रेशो लेंशा सेल्‍चा कली शी सेल्‍ब, गारो प्रोव़ब नु मार मार सेल्‍ब आन कली गेमेक्‍ल। मिनु शी नु ख्रोइश्‍शो फुल्‍लुपुकी ग्‍याप्‍मेक्‍ल।
2KI 22:7 मेको आन कली गेशो क्‍येट ब्रेक्‍शा वोइक्‍चा ममाल्‍नीम। मारदे हना मेकोपुकी थमा सुइश्‍शो गेय पाइब बाक्‍नीम” दे मदा बाक्‍त। २राजा १७:१६
2KI 22:8 मिनु ठेयब चढ़ेब हिल्‍कीयाहम ब्रेक्‍ब शाफान कली “गो परमप्रभु यावे आ खिंम अरेशो लोव़ ब्रेक्‍शो कागज थित्‍ता” देंमाक्‍त। मिनु हिल्‍कीयाहमी मेको कागज शाफान कली गेवा बाक्‍त। मिनु शाफानमी मेको पढेवा बाक्‍त।
2KI 22:9 मिनु मेको ब्रेक्‍ब शाफान पिप आ बाक्‍तीक लशा मेको कली “इन गेय पाइबपुकी परमप्रभु यावे आ खिंम लशा, मेकेर ङा क्‍येट परमप्रभु यावे आ खिं ङा गेय कोव़ब आन कली गेम्‍तेक्‍म” देंमाक्‍त।
2KI 22:10 मिनु नोले मेको ब्रेक्‍ब शाफानमी पिप कली “चढ़ेब हिल्‍कीयाहम आं कली कागज का गेती” दे शेंदा बाक्‍त। मिनु नोले शाफानम मेको ठेयब सेंदा पा पढेशा पिप कली नेंपदा बाक्‍त।
2KI 22:11 मिनु पिपमी मेको कागज ङा लोव़ नेंशा, आ वा खाक्‍गा बाक्‍त।
2KI 22:12 मिनु नोले पिपमी चढ़ेब हिल्‍कीयाह, शाफान आ तौ अहीकाम, मीकाया आ तौ आकबोर, ब्रेक्‍ब शाफान नु पिप आ गेय पाइब आसायाह आन कली येरमीया २६:२४
2KI 22:13 “गे आं पर्बम, आं मुर आन पर्बम नु यहूदा आ पर्बम मेको थिश्‍शो कागजमी मार ब्रेक्‍शो बाक्‍मे, दे परमप्रभु यावे कली हिल्‍लो पथ लने। मारदे हना परमप्रभु यावे थाम्‍पा गाइश्‍शो बाक्‍ब। इं किकी पिपीम एको कागजम ब्रेक्‍शो लोव़ मटीमे। मेकोपुकीम इं पर्बम मेकेर ब्रेक्‍शो लोव़ नेल्‍ल मपाम” देंमाक्‍त।
2KI 22:14 मोपतीके चढ़ेब हिल्‍कीयाह, अहीकाम, आकबोर, शाफान नु आसायाह पिप आ खिंम वासी कोव़ब हारहास आ चच, तिकवाह आ तौ शाल्‍लुम आ मीश परमप्रभु यावे आ लोव़ पाइब हुल्‍दा आ बाक्‍तीके यरूसलेमम हिल्‍लो पथ लमा बाक्‍त। मेको आ खिं यरूसलेम ङा नक सहरम बाक्‍बाक्‍माक्‍त।
2KI 22:15 मिनु हुल्‍दामी मेको आन कली “परमप्रभु यावे, इस्राएली आन परमप्रभुम इन कली आं बाक्‍तीके सोइक्‍ब कली मार देंत देंशा हना
2KI 22:16 मेकोमी ‘यहूदा ङा पिपम मेको कागजम पढेशो श्‍येत ङा लोव़, गो मेको श्‍येत यहूदा नु मेकेर बाक्‍ब मुर आन कली थमा पा गेनुङ।
2KI 22:17 मारदे हना मेकोपुकीम आं कली प्रोंइशा, देवी देवता आन कली धूप चोम्‍तेक्‍म। मिनु आन गुइम सेल्‍शो मूर्ति रे पा आं कली गाइक्‍पाइक्‍तीमी। मोपतीके गो एको रागी आ पर्बम गाइक्‍ताक्‍यी। मिनु मेको गाइश्‍‍शो मनाइक्‍ब’ देंत। ब्‍यवस्‍था ३१:२९; ब्‍यवस्‍था ३२:२१-२३
2KI 22:18 परमप्रभु यावे कली हिल्‍लो पथ सोइक्‍ब यहूदा ङा पिप कली परमप्रभु यावे, इस्राएली आन परमप्रभुमी मार देंत देंशा हना ‘गे आं लोव़ नेंतीवी।
2KI 22:19 गे आं कली टिचा दाक्‍शा, इ थुं आं ङोंइती ब्रेम्‍शो दुम्‍शा, गे सुर्ता पा इ वा खाक्‍शो ताता। मारदे हना गो यहूदा रागी नु मेकेर ङा मुर आन पर्बम सराप रशा, मुर मबाक्‍तीक दुम्‍ब, देंती। गे मेको आ पर्बम आं ङोंइती ङाक्‍शो नेंता।
2KI 22:20 मिनु गे इ थुं नाइश्‍शा बेक्‍नेवे। मिनु गो यहूदा कली गेशो ठेयब श्‍येत गे तचा ममाल्‍नेवे’ दे मतो” दे परमप्रभुमी देंमाक्‍त। मिनु मेकोपुकीम मेको लोव़ पिप आ बाक्‍तीकेम चाक्‍गमे बाक्‍त। २राजा २०:१९; यसैया ५७:१-२
2KI 23:1 मिनु नोले पिपम यहूदा नु यरूसलेम ङा खाल्‍पा नेल्‍ल आन कली आ ङोंइती बुक्‍चा, दे ब्रेत्‍थ सोइक्‍तीमी बाक्‍त।
2KI 23:2 मिनु पिप परमप्रभु यावे आ खिं लमाक्‍त। मिनु मेको नु यहूदा ङा मुर नेल्‍ल, यरूसलेम ङा मुर, चढ़ेबपुकी, परमप्रभु यावे आ लोव़ पाइबपुकी नु आइक्‍च नु ठेयब मुर नेल्‍ल पिप नु परमप्रभु यावे आ खिं लमा बाक्‍त। मिनु पिपमी नेल्‍ल नेंशा, परमप्रभु यावे आ खिंम थिश्‍शो कबल ङा लोव़ ब्रेक्‍शो कागज पढेवा बाक्‍त।
2KI 23:3 मिनु पिप थाम आ पुंम राप्‍शा, परमप्रभु यावे आ ङोंइती कबल का पवा बाक्‍त। मेको कबल मार बाक्‍त देंशा हना, “गो परमप्रभु यावे आ शेंशो, आ देंशो लोव़, आ फुल्‍लुम मुशा ब्रेक्‍शो लोव़ आं थुं नु रां नेल्‍लेमी टिशा पाइनुङ। मोपा एको कागजम ब्रेक्‍शो कबल ङा लोव़ नेल्‍ल खाप्‍नुङ” देंमाक्‍त। मिनु मेको नोले मुर नेल्‍लेमी “गोपुकीम यो मेको कबल खाप्‍नीकी” देंमा बाक्‍त। प्रस्‍थान २४:३-८; यहोसु २४:२५
2KI 23:4 मेको नोले पिपमी नेल्‍ल क्‍येङा ठेयब चढ़ेब हिल्‍कीयाह, मेको आ नोले ङा अरु चढ़ेबपुकी नु लाप्‍चो खाल पाइब आन कली “परमप्रभु यावे आ खिं रे बाल देवता, अशेराह देवी, नां तास्‍ला नु सोरुल आन कली सेल्‍शो मारेइ मारेइ बोसपुकी ग्रुंइदीन” दे अरेवा बाक्‍त। मिनु मेकोपुकीमी मेको नेल्‍ल यरूसलेम ङा किद्रोन खोल्‍साम चोव़मे बाक्‍त। मिनु पुलु चहिं बेथेलम लदमे बाक्‍त। २राजा २१:३
2KI 23:5 ङोंइती यहूदा ङा पिपपुकीम यहूदा ङा सहर नु यरूसलेम ङा डांडा ङा थानम बाक्‍शो देवी देवता आन कली चढ़ेब आन कली वोइश्‍शो बाक्‍मा बाक्‍त। मेकोपुकीमी बाल, नां, तास्‍ला, सोरुल आन कली धूप चोइबाक्‍मा बाक्‍त। मिनु पिपम मेको आन कली ग्रुंइपदा बाक्‍त।
2KI 23:6 मेकोमी अशेराह देवी आ मूर्ति पाइश्‍शो थाम परमप्रभु यावे आ खिं यरूसलेम रे ग्रुंइशा, किद्रोन खोल्‍साम लाइश्‍शा चोपाइक्‍मी बाक्‍त। मिनु मुरपुकीम मेको कली फुरक सेल्‍मे बाक्‍त। मिनु मेको आइक्‍च मुर आन तुरसुम फ्रामे बाक्‍त। २राजा २१:७
2KI 23:7 मेकोमी तेल्‍लेम वोंइश मुर आन बाक्‍तीक प्रेत्‍मे बाक्‍त। मेको खिं, अशेराह देवी आ मूर्ति कली नु मीश मुर आन तोव़ प्रोव़तीके परमप्रभु यावे आ खिं आ नेक्‍था बाक्‍शो बाक्‍माक्‍त। १राजा १४:२४
2KI 23:8 योसीयाहमी यहूदा ङा सहर रे चढ़ेब नेल्‍ल आन कली ग्रुंइदीमी बाक्‍त। मिनु गेबा सहर रे बेयर-शेबा सम्‍म ङा डांडा ङा थान आन कली ग्रांग्रा दिशो सेल्‍पदा बाक्‍त। मेकोमी सहर ङा लाप्‍चो ङा देवता थानपुकी प्रेप्‍पदा बाक्‍त। मेको सहर ङा सासन पाइब यहोसु आ लाप्‍चो आ ङोंइती गे बाक्‍माक्‍त। मेको सहर ङा ठेयब लाप्‍चो आ पेरा गे बाक्‍माक्‍त।
2KI 23:9 मेको डांडा ङा थान ङा गेय पाइब चढ़ेबपुकीम यरूसलेम ङा परमप्रभु यावे आ खिं ङा चढ़ेतीकेम जाक्‍ने मचाप्‍बमे बाक्‍त। तन्‍न मेकोपुकीम आन वारच चढ़ेबपुकी नु बोरब ओख्‍ती मसुप्‍शो शोब्‍ले जाइ‍बाक्‍मा बाक्‍त।
2KI 23:10 मिनु पिप योसीयाहम मोलेक कली आन तमी तौ क्‍योरशा चढ़ेथ मजाक्‍मल, दे बेन-हिन्‍नोम बेंसीम बाक्‍शो तोफेथ थान कली ग्रांग्रा दिशो सेल्‍पदा बाक्‍त। २राजा १७:१७; लेवी १८:२१
2KI 23:11 मेकोम यहूदा ङा पिपपुकीम परमप्रभु यावे आ खिं ओव़तीक लाप्‍चो आ ङोंइती नां कली मान पचा कली सेल्‍शो शारा प्रेश्‍शा ताइक्‍पाइक्‍मी बाक्‍त। मेको चहिं नाथान-मेलेक नें पाइश्‍शो मुर आ कोठा आ नेक्‍था बाक्‍माक्‍त। मिनु योसीयाहम नां कली मान पचा कली सेल्‍शो बग्‍गीपुकी क्रोइक्‍पाइक्‍मी बाक्‍त।
2KI 23:12 आहाज आ तार ङा कोठा ङा कौसीम यहूदा ङा पिपपुकीम सेल्‍शो चढ़ेतीकपुकी नु परमप्रभु यावे आ खिं ङा लाङगा निम्‍फा गे ङा मनस्‍सेम सेल्‍शो चढ़ेतीकपुकी प्रेश्‍शा, फस पोक्‍शा, मेको नेल्‍ल किद्रोन खोल्‍साम ताइक्‍पदा बाक्‍त। २इतिहास २८:२४; २राजा २१:४-५
2KI 23:13 मिनु पिपमी यरूसलेम आ पूर्ब गे बाक्‍शो डांडा ङा थान ग्रांग्रा दिशो सेल्‍पदा बाक्‍त। मेको खतम सेल्‍ब डांडा आ दक्‍खिन गे बाक्‍माक्‍त। मिनु मेकेर पिप सोलोमनमी सीदोनी आन ग्रांग्रा दिशो अश्‍‍तोरेथ देवी आ मूर्ति, मोआब ङा ग्रांग्रा दिशो देवता केमोश आ मूर्ति नु अम्‍मोनी आन ग्रांग्रा दिशो देवता मोलेक आ मूर्ति आन थान सेल्‍पाइश्‍शो बाक्‍माक्‍त। मिनु योसीयाहमी मेको आ सेल्‍शो पूजा पतीक थान प्रेश्‍शा ग्रांग्रा दिशो सेल्‍पदा बाक्‍त।मेको मोलेक देवता कली मिल्‍कोम यो देंशो बाक्‍त।१राजा ११:७
2KI 23:14 मिनु योसीयाहमी थान ङा ख्रुक्‍शो फुल्‍लु जिक्‍शा फस पोक्‍पाइक्‍मी बाक्‍त। मिनु मूर्ति पाइश्‍शो थाम एश्‍शा मेको आ बाक्‍तीकेम मुर आन रुशेम प्रिंपाइक्‍मी बाक्‍त।
2KI 23:15 मिनु मेकोम इस्राएली आन कली पाप पपाइक्‍ब नेबात आ तौ येरोबामम बेथेल ङा डांडाम सेल्‍शो थान यो प्रेप्‍पदा बाक्‍त। मेकोम चढ़ेतीक नु थाम यो खतम सेल्‍पदा बाक्‍त। मेको थान क्रोइश्‍शा, पुलु सेल्‍पदा बाक्‍त। मेकोमी मेको मूर्ति पाइश्‍शो थाम यो चोपदा बाक्‍त। मिनु मेको कली फस पोक्पदा बाक्‍त। मेकोम अशेराह आ थाम यो चोपदा बाक्‍त। १राजा १२:३२
2KI 23:16 मेको नोले योसीयाहम एर ओंथ कोव़ङा बाक्‍त। मिनु मेकोमी डांडाम बाक्‍शो तुरसपुकी तवा बाक्‍त। मिनु मेकोमी तुरस रे रुश ग्रुंइपदा बाक्‍त। मिनु मेकोम चढ़ेतीक ग्रांग्रा दिशो सेल्‍चा कली मेको चढ़ेतीकेम चोपाइक्‍मी बाक्‍त। परमप्रभु आ मुरुमी, येरोबाम चढ़ेतीकेम बाक्‍मेनु, देंशो परमप्रभु यावे आ लोव़ गाप्‍चा कली योसीयाहमी मो पवा बाक्‍त। मिनु पिपमी एर ओंथ कोव़शा, मोदेंशो नोले दुम्‍ब लोव़ पाइब परमप्रभु आ मुर आ तुरस तवा बाक्‍त। १राजा १३:२
2KI 23:17 मिनु पिपमी “मेरे आं तशो तुरस सु के बाक्‍मे?” दे हिल्‍लो पामी बाक्‍त। मिनु मेको सहर ङा मुरपुकीमी “मेरे परमप्रभु आ मुर आ तुरस बाक्‍ब। मेको यहूदा रे जाक्‍शा, बेथेल ङा चढ़ेतीकमी येरोबाम आ ङोंइती मुल इन पशो गेय आ पर्बम नोले दुम्‍ब लोव़ पाइब, परमप्रभु आ मुर आ तुरस बाक्‍ब” देंमा बाक्‍त। १राजा १३:३०-३२
2KI 23:18 मिनु मेकोमी “मो हना बाक्‍चा गेन। सुइम मेको आ रुश मथिने” देंमाक्‍त। मोपतीके मुरपुकीम मेको सामरीया रे जाक्‍शो परमप्रभु यावे आ लोव़ पाइब आ रुश नु यहूदा रे जाक्‍शो परमप्रभु आ मुर आ रुश चहिं मशोल्‍मे बाक्‍त।
2KI 23:19 मिनु मेको प्रोंइशा पिप योसीयाहम इस्राएल ङा पिपपुकीम सामरीया ङा सहरपुकीम सेल्‍पाइश्‍शो डांडा ङा थान प्रेप्‍पदा बाक्‍त। मुरपुकीमी मेको थान सेल्‍शा पूजा पा परमप्रभु यावे कली गाइक्‍पाइश्‍शो बाक्‍मा बाक्‍त। मिनु योसीयाहमी मेको आन कली बेथेलम पशो खोदेंशो ग्रांग्रा दिशो सेल्‍पाइक्‍मी बाक्‍त।
2KI 23:20 पिप योसीयाहमी मेको डांडा ङा थानपुकीम बाक्‍शो चढ़ेतीक तार आन चढ़ेब नेल्‍ल साइक्‍पाइक्‍मी बाक्‍त। मिनु मेको चढ़ेतीक आन तार मुर आन रुश चोपाइक्‍मी बाक्‍त। मिनु मेको नोले यरूसलेम लेम्‍माक्‍त।
2KI 23:21 मिनु पिपमी मुर नेल्‍ल आन कली “परमप्रभु यावे, इन परमप्रभु आ कबल ङा लोव़ ब्रेक्‍शो खोदेंशो पा पास्‍सा नाक्‍त ङा चाड मानेचा माल्‍नीनी” दे माइक्‍मी बाक्‍त। ब्‍यवस्‍था १६:१-८; यहोसु ५:१०-११
2KI 23:22 इस्राएली आन कली निसाफ पाइबपुकीम हुकुम पामे रे नु इस्राएल नु यहूदा ङा पिपपुकीम सासन पामे ना रे मुल सम्‍म मोदेंशो पा पास्‍सा चाड ममानेशो बाक्‍मा बाक्‍त। न्‍यायाधीस २:१०,१६,१७
2KI 23:23 तन्‍न पिप योसीयाहम सासन पवा आ १८ बर्सम यरूसलेमम मेको परमप्रभु यावे आ पास्‍सा नाक्‍त ङा चाड मानेमे बाक्‍त।
2KI 23:24 परमप्रभु यावे आ खिंमी चढ़ेब हिल्‍कीयाहमी थिश्‍शो ब्रेक्‍शो लोव़ खाप्‍चा कली योसीयाहम बेक्‍शो मुर नु लोव़ पाइब, लिंक्‍यु कोव़ब नु खिं ङा मूर्ति नेल्‍ल, यहूदा नु यरूसलेमम बाक्‍शो ग्रांग्रा दिशो मारेइ मारेइ नेल्‍ल ताइक्‍पाइक्‍मी बाक्‍त। लेवी २०:२७; ब्‍यवस्‍था २९:१६-१७
2KI 23:25 मोपा योसीयाह खोदेंशो पा आ थुं नेल्‍ले आ रां नेल्‍ले नु आ सक्ति नेल्‍लेमी मोसा आ ब्रेक्‍शो लोव़ टिशा गाक्‍शा परमप्रभु यावे गे लेप्‍ब मेको आ ङोंइती नु नोले तेकोइ पिप मदुम्‍मा बाक्‍त। २राजा १८:५; ब्‍यवस्‍था ६:५
2KI 23:26 मो हना यो परमप्रभु यावेम आ ठेयब पा गाइश्‍शो चुरशो मलेत्‍ता बाक्‍त। यहूदा आ पर्बम मेको आ गाइश्‍शो मनांइसे बाक्‍त। मिनु मनस्‍सेमी यो मेको कली थाम्‍पा गाइक्‍पाइश्‍शो बाक्‍माक्‍त। २राजा २१:११-१६
2KI 23:27 मिनु परमप्रभु यावेमी “गो दोपा इस्राएल कली ग्रुंइदु, मोपा यहूदा कली यो आं ङोंइती रे ग्रुंइनुङ। मिनु गो आं योव़शो यरूसलेम सहर नु आं नें बाक्‍ब देंशो आं खिं प्रोंइनुङ” देंशो बाक्‍माक्‍त। २राजा १७:१८; १राजा ८:२९
2KI 23:28 योसीयाह आ पशो अरु गेय, मेको आ पशो नेल्‍ल, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
2KI 23:29 पिप योसीयाहम सासन पवा ना इजीप्‍त ङा पिप फाराओ नेको अस्‍सुर ङा पिप नु लडाइ पचा कली युफ्रेटीस खोला गे लमाक्‍त। मिनु पिप योसीयाह फाराओ नेको नु लडाइ पचा कली मेकेर लमाक्‍त। तन्‍न नेकोम योसीयाह नु लडाइ पा मेको कली मेगीददोम सदा बाक्‍त।
2KI 23:30 मिनु मेको आ गेय पाइबपुकीम मेको आ बेक्‍शो रां बग्‍गीम कुर पा मेगीददो रे यरूसलेमम चाक्‍गमे बाक्‍त। मिनु मेको कली आ तुरसुमीन वोद‍मे बाक्‍त। मिनु मेको रागी ङा मुरपुकीम मेको आ तौ येहो-अहाज कली तेल लुक्‍शा, मेको आ पा ङा पिप सेल्‍मे बाक्‍त।
2KI 23:31 येहो-अहाज पिप दुम्‍मेनु २३ बर्स दुम्‍शो बाक्‍माक्‍त। मेकोम यरूसलेममी महिना सां सासन पवा बाक्‍त। मेको आ ममा आ नें हामुतल बाक्‍माक्‍त। मेको लिब्‍ना ङा येरमीया आ तमी बाक्‍माक्‍त।
2KI 23:32 मेकोमी आ किकी पिपी खोदेंशो पा, परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।
2KI 23:33 मिनु फाराओ नेकोमी मेकोम यरूसलेमम सासन मपवल, दे साङलोम फ्रेंशा हमाथ रागी ङा रिब्‍लामी चोक्‍शा वोदा बाक्‍त। मिनु मेकोमी यहूदा कली सहे का टलेन्‍ट चांदी नु टलेन्‍ट का सुन तिरो थाप्‍पदा बाक्‍त। टलेन्‍ट का ३४ किलो बाक्‍ब। इजीकीएल १९:४
2KI 23:34 मिनु फाराओ नेकोमी योसीयाह आ तौ एल्‍याकीम कली मेको आ आफ योसीयाह आ पा ङा पिप सेल्‍शा वोदा बाक्‍त। मिनु फाराओ नेकोमी मेको आ नें एल्‍याकीम रे येहो-याकीम वोदा बाक्‍त। तन्‍न मेकोमी येहो-अहाज कली इजीप्‍त रागी लदा बाक्‍त। मिनु मेको इजीप्‍त उइ बेक्‍माक्‍त। १इतिहास ३:१५
2KI 23:35 मिनु फाराओ नेको आ पुंइशो सुन नु चांदी थाप्‍चा कली येहो-याकीमम आ रागी ङा मुर आन कली तिरो थाप्‍पाइक्‍मी बाक्‍त। मिनु देंशो खोइ तिरो थाप्‍चा कली मेकोमी आ रागी ङा मुरपुकी रे सुन नु चांदी पोक्‍गा बाक्‍त। २राजा १५:२०
2KI 23:36 येहो-याकीम पिप दुम्‍मेनु मेको २५ बर्स दुम्‍शो बाक्‍माक्‍त। मेकोम यरूसलेममी ११ बर्स सासन पवा बाक्‍त। मेको आ ममा आ नें जेबीदाह बाक्‍माक्‍त। मेको रूमाह सहर ङा पेदायाह आ तमी बाक्‍माक्‍त।
2KI 23:37 मिनु मेकोमी आ किकी पिपी खोदेंशो पा, परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।
2KI 24:1 येहो-याकीममी सासन पवा ना बेबीलोन ङा पिप नेबुकदनेसर मेको रागी नु लडाइ पथ जाक्‍माक्‍त। मिनु बर्स सां सम्‍म येहो-याकीम मेको आ सासनम बाक्‍माक्‍त। तन्‍न बर्स सां नोले मेकोमी आ थुं फाइश्‍शा, नेबुकदनेसर कली मटिवा बाक्‍त। येरमीया २२:१३-१९
2KI 24:2 मिनु परमप्रभु यावेमी यहूदा नु लडाइ पचा कली कल्‍दी, अरामी, मोआबी नु अम्‍मोनी आन कली सोइक्‍तीमी बाक्‍त। परमप्रभु यावेमी आ गेय पा आ लोव़ पाइब आन देंशो खोदेंशो दुम्‍पाइश्‍शा यहूदा कली खतम पोक्‍पाइक्‍चा कली मेको आन कली सोइक्‍तीमी बाक्‍त।
2KI 24:3 परमप्रभु यावेमी आ मिम्‍शो खाप्‍शा, मनस्‍से आ पशो मरिम्‍शो नु आ पाप आ पर्बम मेको आन कली आ ङोंइती रे ग्रुंइचा कली मो पशो बाक्‍माक्‍त। २राजा २१:१०-१६; २राजा २३:२६-२७
2KI 24:4 मारदे हना मनस्‍सेम दोस मताइब मुर आन कली साइश्‍शा, यरूसलेम कली हुशेम प्रिंशो बाक्‍माक्‍त। मिनु परमप्रभु यावेमी मेको कली माफ गेने मबिश्‍शो बाक्‍माक्‍त।
2KI 24:5 मिनु येहो-याकीम आ पशो अरु गेय, मेको आ पशो नेल्‍ल, मार, मेको यहूदा ङा पिप आन इतिहासम ब्रेक्‍शो मबाक्‍बा ङा?
2KI 24:6 मिनु येहो-याकीन बेक्‍माक्‍त। मिनु मेको आ पा ङा आ तौ येहो-याकीन पिप दुम्‍माक्‍त।
2KI 24:7 इजीप्‍त ङा पिप आ रागी प्रोना नोले लेंशा मजाक्‍माक्‍त। मारदे हना बेबीलोन ङा पिपम इजीप्‍त ङा खोला रे युफ्रेटीस खोला सम्‍म ङा रागी नेल्‍ल आ के सेल्‍शो बाक्‍माक्‍त।
2KI 24:8 येहो-याकीन पिप दुम्‍मेनु १८ बर्स दुम्‍शो बाक्‍माक्‍त। मेकोमी यरूसलेमम महिना सां सासन पवा बाक्‍त। मेको आ ममा आ नें नहुश्‍ता बाक्‍माक्‍त। मेको यरूसलेम ङा एल्‍नाथान आ तमी बाक्‍माक्‍त। येरमीया २२:२४-३०
2KI 24:9 येहो-याकीनमी आ आफ खोदेंशो पा, परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।
2KI 24:10 मेना बेबीलोन ङा पिप नेबुकदनेसर आ लडाइ पाइबपुकी यरूसलेमम लडाइ पथ जाक्‍शा, मेको सहर कली पुम्‍शो बाक्‍मा बाक्‍त।
2KI 24:11 मिनु आ लडाइ पाइबपुकीम मेको सहर पुम्‍दमेनु, बेबीलोन ङा पिप नेबुकदनेसर जाक्‍माक्‍त।
2KI 24:12 मिनु यहूदा ङा पिप येहो-याकीन, नेबुकदनेसर कली जिम्‍मा गेसे बाक्‍त। मिनु मेको नु मेको आ ममा, आ गेय पाइबपुकी, आ ठेयब मुरपुकी नु आ लडाइ पाइब आन ठेयब मुर नेल्‍ल बेबीलोन ङा पिप कली जिम्‍मा गेसमा बाक्‍त। मिनु बेबीलोन ङा पिपम सासन पवा आ ८ बर्सम येहो-याकीन कली ग्‍याइश्‍शा चोक्‍गा बाक्‍त।
2KI 24:13 मेकोमी परमप्रभु यावे आ खिं ङा शोंप नु पिप आ खिं ङा शोंप नेल्‍ल लदा बाक्‍त। मेकोमी सोलोमनम सेल्‍शो परमप्रभु यावे आ खिं ङा सुन के बोस ख्रोइश्‍शा लदा बाक्‍त। मोपा परमप्रभु यावे आ देंशो लोव़ गाम्‍माक्‍त। २राजा २०:१७
2KI 24:14 मेकोपुकीम यरूसलेम ङा ठेयब मुर, लडाइ पाइब आन ठेयब मुर नेल्‍ल, लडाइ पाइब नेल्‍ल १० हजार मार मार सेल्‍स जोक्‍ब नु तुप्‍तील नेल्‍ल ग्‍याइश्‍शा लदा बाक्‍त। थम प्रुङग आन कली ला प्रोंइशा वोदा बाक्‍त। येरमीया २४:१
2KI 24:15 नेबुकदनेसरमी येहो-याकीन कली ग्‍याइश्‍शा बेबीलोनम लदा बाक्‍त। पिप आ ममा, पिप आ मीशपुकी, मेको आ ठेयब गेय पाइबपुकी नु नेल्‍ल क्‍येङा जोक्‍ब तुइक्‍ब आन कली यरूसलेम रे ग्‍याइश्‍शा बेबीलोन लदा बाक्‍त। येरमीया २२:२६
2KI 24:16 बेबीलोन ङा पिपमी ७ हजार बोल्‍यो लडाइ पाइब नु हजार का मार मार सेल्‍स जोक्‍न नु तुप्‍तील आन कली ग्‍याइश्‍शा बेबीलोन लाइक्‍मी बाक्‍त। मेको नेल्‍ल लडाइ पचा कली बोल्‍यो मुर बाक्‍मा बाक्‍त।
2KI 24:17 बेबीलोन ङा पिपमी येहो-याकीन आ बकान्‍छा मत्तन्‍याह कली मेको आ पा ङा पिप सेला बाक्‍त। मिनु मेको आ नें सिदकीयाह वोदा बाक्‍त।
2KI 24:18 सिदकीयाह पिप दुम्‍मेनु, मेको २१ बर्स दुम्‍शो बाक्‍माक्‍त। मिनु मेकोमी यरूसलेमम ११ बर्स सासन पवा बाक्‍त। मेको आ ममा आ नें हामुतल बाक्‍माक्‍त। मेको लिब्‍ना सहर ङा येरमीया आ तमी बाक्‍माक्‍त।
2KI 24:19 मेकोम येहो-याकीमम पशो खोदेंशो पा परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। २राजा २३:३७
2KI 24:20 मिनु परमप्रभु यावे आ गाइश्‍शोम पतीके यरूसलेम नु यहूदा ङा मुर नेल्‍ल आन कली आ ङोंइती रे ग्रुंइदीमी बाक्‍त। मिनु नोले सिदकीयाहमी बेबीलोन ङा पिप कली मटिवा बाक्‍त। २राजा २३:२७
2KI 25:1 सिदकीयाहम सासन पशो ९ बर्स १० महिना ङा १० नाक्‍त बेबीलोन ङा पिप नेबुकदनेसर आ लडाइ पाइब नेल्‍ल चाक्‍शा यरूसलेम नु लडाइ पथ जाक्‍माक्‍त। मिनु यरूसलेम कली पुम्‍शा एर ओंथ गारो ङोइक्‍तीक सेल्‍मे बाक्‍त। येरमीया ३४:१
2KI 25:2 पिप सिदकीयाहमी सासन पशो ११ बर्स दुम्‍मेनु, सहर पुम्‍दमे बाक्‍त।
2KI 25:3 मिनु मेको ४ महिना ङा ९ नाक्‍त सहरम थम ठेयब अन्‍काल दुम्‍माक्‍त। मिनु मेको रागीम मुर आन कली जचा थोव़क मारेइ मबाक्‍माक्‍त।
2KI 25:4 मेना पिप नु लडाइ पाइब नेल्‍ल गारो होइश्‍शा, नाक्‍दो प्रोक्‍मा बाक्‍त। मेको पिप आ रू रे गारो निक्‍शी आस दाते ङा लाप्‍चो रे कल्‍दीपुकी सहर आ एर ओंथ बाक्‍तेक्‍म हना यो, प्रोक्‍मा बाक्‍त। मोपा मेकोपुकी अराबाह गे प्रोक्‍मा बाक्‍त।
2KI 25:5 तन्‍न कल्‍दी ङा लडाइ पाइबपुकीम पिप कली खेदा पामे बाक्‍त। मिनु मेको कली यरीको ङा दिंममी थि‍त्‍मे बाक्‍त। आ लडाइ पाइब नेल्‍ल मेको कली प्रोंइशा एर ओंथ ब्रमा बाक्‍त।
2KI 25:6 मिनु मेको कली ग्‍याइश्‍शा बेबीलोन ङा पिप आ ङोंइती रिब्‍ला सहरम चाक्‍गमे बाक्‍त। मिनु मेकोमी मेको आन कली निसाफ पवा बाक्‍त।
2KI 25:7 मेकोपुकीम सिदकीयाह आ तौ आन कली मेको आ ङोंइतीन सदमे बाक्‍त। मिनु नोले सिदकीयाह आ मिक्‍च पुक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त। २सामुएल १२:१०
2KI 25:8 बेबीलोन ङा पिप नेबुकदनेसरमी सासन पशो १९ बर्स ५ महिना ङा ७ नाक्‍त, नेबुकदनेसर कली खाल पाइब आन ठेयब मुर नेबुजरादान यरूसलेम जाक्‍माक्‍त।
2KI 25:9 मिनु मेकोमी परमप्रभु यावे आ खिं, पिप आ दरवार, यरूसलेम सहर ङा खिं नेल्‍ल नु ठेयब खिं नेल्‍ल मी सुइक्‍ता बाक्‍त।
2KI 25:10 मेको पिप कली खाल पाइब आन ठेयब मुर आ हुकुमम बाक्‍शो कल्‍दी लडाइ पाइबपुकीम यरूसलेम आ एर ओंथ ङा गारो नेल्‍ल प्रेत्‍मे बाक्‍त।
2KI 25:11 मेको पिप कली खाल पाइब आन ठेयब मुर नेबुजरादानमी सहरम प्रोंइचा पुंइसीशो मुर नु अरु बेबीलोन ङा पिप कली जिम्‍मा गेंसीशो मुर आन कली ग्‍याइश्‍शा बेबीलोन लाइक्‍मी बाक्‍त।
2KI 25:12 तन्‍न मेको पिप कली खाल पाइब आन ठेयब मुरुम अङगुर रू रोक्‍चा नु रू दोचा कली थम प्रुङग आन कली चहिं प्रोंइशा वोइक्‍मी बाक्‍त।
2KI 25:13 मिनु कल्‍दीपुकीमी परमप्रभु यावे आ खिंम बाक्‍शो कांसा के थामपुकी, निप्‍‍पाइक्‍तीकपुकी नु कांसा के ठेयब बोस प्रोल्‍शा आइक्‍च सेल्‍शा बेबीलोन लदमे बाक्‍त। येरमीया २७:१९-२२
2KI 25:14 मेकोपुकीम ग्‍योंबपुकी, बेल्‍चापुकी, सल्‍दो थेप्‍तीके थनारोपुकी, कचौरापुकी, थनौरोपुकी नु चढ़ेतीकेम चलेतीक कांसा के मारेइ मारेइ ग्‍योंब नेल्‍ल लदमे बाक्‍त।
2KI 25:15 मेकोपुकीमी मी कुरतीके नु बोस नेल्‍ले लदमे बाक्‍त। मिनु पिप कली खाल पाइब आन ठेयब मुरुमी सुन नु चांदीम सेल्‍शो मारेइ मारेइ लदा बाक्‍त।
2KI 25:16 सोलोमनमी परमप्रभु यावे आ खिं कली सेल्‍शो थाम निक्‍शी, ठेयब बोस नु निप्‍‍पाइक्‍तीक सेल्‍शो कांसा नाक्‍ने मचाप्‍चा ङा बाक्‍मा बाक्‍त। १राजा ७:१५; १राजा ७:२३; १राजा ७:२७
2KI 25:17 मेको थाम का १८ कुबीत लाइश्‍शो बाक्‍माक्‍त। मिनु मेको थाम का आ पिया कुबीत सां लाइश्‍शो बाक्‍माक्‍त। मिनु मेको कांसा के जालीम आ एर ओंथ क्‍युक्‍शा हिरशो दारीम बाक्‍माक्‍त। अर्को थाम यो जालीम हिरशा मेको खोदेंशो पा सेल्‍शो बाक्‍माक्‍त। कुबीत का आधा मिटर खोदेंशो बाक्‍ब।
2KI 25:18 मिनु पिप कली खाल पाइब आन ठेयब मुरुम ठेयब चढ़ेब सेरायाह नु मेको आ दी ङा सेफन्‍याह नु लाप्‍चो कोव़ब सां आन कली यो ग्‍याइश्‍शा लाइक्‍मी बाक्‍त।
2KI 25:19 मेकोमी सहरम मुल यो लीशो आन दाते ङा लडाइ पाइब आन ठेयब मुर नु ५ जना पिप कली सल्‍ला गेब आन कली यो लाइक्‍मी बाक्‍त। मेकोम रागी ङा मुर आन कली लडाइ पाइब मुर सेल्‍चा कली योव़ब ब्रेक्‍ब ठेयब मुर नु सहरम थिश्‍शो ६० जना मुर आन कली यो लाइक्‍मी बाक्‍त।
2KI 25:20 मेको पिप कली खाल पाइब आन ठेयब मुर नेबुजरादानमी मेको आन कली बेबीलोन ङा पिप आ बाक्‍तीक रिब्‍ला सहरम चाक्‍मी बाक्‍त।
2KI 25:21 मिनु बेबीलोन ङा पिपम मेको आन कली हमाथ आ रागीम रिब्‍लाम साइक्‍पाइक्‍मी बाक्‍त। मोपा यहूदा ङा मुर आन रागी रे ग्‍याइश्‍शा लाइक्‍चा पुंइसमा बाक्‍त। २राजा २३:३३
2KI 25:22 बेबीलोन ङा पिप नेबुकदनेसरमी शाफान आ चच अहीकाम आ तौ गेदाल्‍याह कली यहूदाम प्रोंइशा वोइश्‍शो इच्‍का खोइ मुर आन कली सासन पाइब सेल्‍शा वोदा बाक्‍त।
2KI 25:23 मिनु लडाइ पाइब आन ठेयब मुर नेल्‍ल नु मेको आन मुरपुकीम बेबीलोन ङा पिपम गेदाल्‍याह कली सासन पाइब सेल्‍शो लोव़ नेन्‍मे बाक्‍त। मिनु मेको नेल्‍ल गेदाल्‍याह आ बाक्‍तीके मिस्‍पा सहरम जाक्‍मा बाक्‍त। मेको नेथन्‍याह आ तौ इश्‍माएल, कारेआह आ तौ योहानान, नेतोफाह सहर ङा तन्‍हुमेथ आ तौ सेरायाह, माकाथी आ तौ याजन्‍याह नु मेको आन मुरपुकी जाक्‍मा बाक्‍त।
2KI 25:24 मिनु गेदाल्‍याहमी मेकोपुकी नु आन मुर आन कली कसम जशा रिम्‍शो लोव़ पाइक्‍मी बाक्‍त। मिनु मेकोम “कल्‍दी ङा ठेयब मुर आन कली तशा महिनीन। रागीम बाक्‍कीन। मिनु बेबीलोन ङा पिप आ गेय पने। मिनु इन कली रिम्‍शो दुम्‍ब” दे माइक्‍मी बाक्‍त।
2KI 25:25 तन्‍न ७ महिनाम पिप आ खिं ङा मुर एली-शामा आ चच, नेथन्‍याह आ तौ इश्‍माएलम १० जना मुर आन कली चाक्‍शा जाक्‍माक्‍त। मिनु मेकोमी गेदाल्‍याह नु मेको नु मिस्‍पा सहरम बाक्‍ब यहूदा नु कल्‍दी ङा मुर आन कली तुप्‍शा साइक्‍मी बाक्‍त।
2KI 25:26 मोपतीके कल्‍दी आन क्‍येङा हिंशा आइक्‍च रे ठेयब मुर नु लडाइ पाइब आन ठेयब मुर नेल्‍ल प्रोक्‍शा इजीप्‍त रागी जाक्‍दीम्‍मा बाक्‍त। ब्‍यवस्‍था २८:६८
2KI 25:27 यहूदा ङा पिप येहो-याकीन ग्‍याइश्‍शा लाइश्‍शो ३७ बर्स, १२ महिना ङा २७ नाक्‍त दुम्‍मेनु, प्रोंइचा पुंइसे बाक्‍त। मिनु एवील-मेरोदक बेबीलोन ङा पिप दुम्‍शा सासन पशो आ ङोंइती ङा बर्सम मेको कली प्रोना बाक्‍त। २राजा २४:१५
2KI 25:28 मेकोमी येहो-याकीन कली रिम्‍शो लोव़ पवा बाक्‍त। मिनु मेको कली बेबीलोनम बाक्‍शो पिप आन दातेमी नेल्‍ल क्‍येङा ठेयब सेला बाक्‍त।
2KI 25:29 मोपा येहो-याकीनमी आ चोक्‍सीशो वा प्रुदा बाक्‍त। मिनु आ लीशो नाक्‍त नेल्‍ल पिप नु बाक्‍शा जवा बाक्‍त।
2KI 25:30 बेबीलोन ङा पिपमी मेको कली ब्रोंइम सम्‍म नाक्‍त किंत किंत आ माल्‍शो मारेइ मारेइ गेवा बाक्‍त।
1CH 1:1 आदम आ तौ सेथ बाक्‍माक्‍त। सेथ आ तौ एनोश बाक्‍माक्‍त। उत्‍पत्ती ५:-
1CH 1:2 एनोश आ तौ केनान बाक्‍माक्‍त। केनान आ तौ मा-हालालेल बाक्‍माक्‍त। मा-हालालेल आ तौ यरेद बाक्‍माक्‍त।
1CH 1:3 यरेद आ तौ हनोक बाक्‍माक्‍त। एनोक आ तौ मेथुसेलाह बाक्‍माक्‍त। मेथुसेलाह आ तौ लमेक बाक्‍माक्‍त।
1CH 1:4 लमेक आ तौ नोआह बाक्‍माक्‍त। नोआह आ तौ शेम, हाम नु यफेथ बाक्‍मा बाक्‍त।
1CH 1:5 यफेथ आ तौ गोमेर, मागोग, मादै, यावान, तूबाल, मेशेक नु तिरास बाक्‍मा बाक्‍त। उत्‍पत्ती १०:२-५
1CH 1:6 गोमेर आ तौ अश्‍केनज, दिफाथ नु तोगारमाह बाक्‍मा बाक्‍त।
1CH 1:7 यावान आ तौ एलीशाह, टारशीश, कित्तीम नु रोदानीम बाक्‍मा बाक्‍त।
1CH 1:8 हाम आ तौ कूश, इजीप्‍त, पूत नु कनान बाक्‍मा बाक्‍त। उत्‍पत्ती १०:६-२०
1CH 1:9 कूश आ तौ शेबा, हवीलाह, साब्‍ताह, रामाह नु साब्‍तेका बाक्‍मा बाक्‍त। रामाह आ तौ शेबा नु देदान बाक्‍सा बाक्‍त।
1CH 1:10 कूश निम्रोद आ आफ बाक्‍माक्‍त। निम्रोद रागी आ ङोंइती सक्ति पाइश्‍शो मुर का बाक्‍माक्‍त।
1CH 1:11 इजीप्‍त माइश्‍शो मुर लूदीम अनामीम, लेहाबीम नु नफ्‍तुहीम,
1CH 1:12 पथ्रुसीम, कस्‍लुहीम, काफ्‍तोरीम आन आफ बाक्‍माक्‍त। मेको रे पलिस्‍ती दुम्‍शो बाक्‍मा बाक्‍त।
1CH 1:13 कनान माइश्‍शो मुर आ ङोंइती थिशो तौ सीदोन नु हेथ आस आफ बाक्‍माक्‍त।
1CH 1:14 मेको निक्‍शी रे यबुसी, एमोरी, गिरगाशी,
1CH 1:15 हिव्‍वी, अरकी, सिनी,
1CH 1:16 अरवादी, सेमारी नु हमाथी दुम्‍शो बाक्‍मा बाक्‍त।
1CH 1:17 शेम आ तौ एलाम, अश्‍शुर, अरपक्‍शाद, लूद, अराम, ऊज, हुल, गेथेर नु मेशेक बाक्‍मा बाक्‍त। उत्‍पत्ती १०:२१-३०
1CH 1:18 अरपक्‍शाद शेलाह आ आफ बाक्‍माक्‍त। मिनु शेलाह एबेर आ आफ बाक्‍माक्‍त।
1CH 1:19 मिनु एबेरमी तौ निक्‍शी थिवा बाक्‍त। का आ नें पेलेग बाक्‍माक्‍त। मेको थिशो ना रागी योक्‍शो बाक्‍माक्‍त। मेको आ लोक्‍ब आ नें योकतन बाक्‍माक्‍त। उत्‍पत्ती ११:१-९
1CH 1:20 मिनु योकतन आ चच युइ अल्‍मोदाद, शेलेफ, हासार-मावेथ, येराह,
1CH 1:21 हदोराम, उजाल, दिकलाह,
1CH 1:22 एबाल, अबीमा-एल, शेबा,
1CH 1:23 ओफीर, हवीलाह नु योबाब बाक्‍मा बाक्‍त। मेको नेल्‍ल योकतन आ चच युइ बाक्‍मा बाक्‍त। उत्‍पत्ती ११:१०-२६
1CH 1:24 शेम रे अब्राम सम्‍म सु सु बाक्‍मा बाक्‍त देंशा हना, अरपक्‍शाद, शेलाह,
1CH 1:25 एबेर, पेलेग रेऊ, उत्‍पत्ती ११:१०-२६
1CH 1:26 सेरूग, नाहोर, तेराह,
1CH 1:27 नु अब्राम बाक्‍मा बाक्‍त। अब्राम कली अब्राहाम यो देंबाक्‍मा बाक्‍त।
1CH 1:28 अब्राहाम आ तौ निक्‍शी इसहाक नु इश्‍माएल बाक्‍सा बाक्‍त। उत्‍पत्ती २१:३; उत्‍पत्ती १६:१५
1CH 1:29 इश्‍माएल आ ङोंइती थिशो तौ नेबायोथ बाक्‍माक्‍त। मेको आ नोले ङा तौ केदार, अदबेल, मिब्‍साम, उत्‍पत्ती २५:१३-१६
1CH 1:30 मिश्‍मा, दुमा, मस्‍सा, हादाद, तेमा,
1CH 1:31 येतुर, नाफीश नु केदमा बाक्‍मा बाक्‍त। मेको नेल्‍ल इश्‍माएल आ तौ बाक्‍मा बाक्‍त।
1CH 1:32 अब्राहाम आ नोले चाक्‍शो मीश केतुराहमी जिम्रान, योकशान, मेदान, मिदयान, इश्‍बाक नु शुआह थीमी बाक्‍त। मिनु योकशान आ तौ शेबा नु देदान बाक्‍सा बाक्‍त। उत्‍पत्ती २५:१-४
1CH 1:33 मिदयान आ तौ एफाह, एफेर, हनोक, अबीदा नु एल्‍दाह बाक्‍मा बाक्‍त। मेको नेल्‍ल केतुराह आ तौ चच बाक्‍मा बाक्‍त।
1CH 1:34 अब्राहाम आ तौ इसहाक बाक्‍माक्‍त। मिनु इसहाक आ तौ निक्‍शी एसाव नु इस्राएल बाक्‍सा बाक्‍त। उत्‍पत्ती २५:१९-२६
1CH 1:35 एसाव आ तौ एलीफाज, रूएल, येऊश, यालाम नु कोराह बाक्‍मा बाक्‍त। उत्‍पत्ती ३६:१०-१४, २०-२८
1CH 1:36 एलीफाज आ तौ तेमान, ओमार, सेफी, गाताम, केनाज, तिम्‍ना नु अमालेक बाक्‍मा बाक्‍त।
1CH 1:37 रूएल आ तौ नाहाथ, जेराह, शम्‍माह नु मिज्‍जा बाक्‍मा बाक्‍त।
1CH 1:38 सेइर आ तौ लोतान, शोबाल, सिबोन, अनाह, दीशोन, एजेर नु दीशान बाक्‍मा बाक्‍त।
1CH 1:39 लोतान होरी नु होमाम आ किकी पिपी बाक्‍माक्‍त। मिनु लोतान आ समी तिम्‍ना बाक्‍माक्‍त।
1CH 1:40 शोबाल अल्‍यान, मानाहाथ, एबाल, शेफी नु ओनाम आ थर ङा किकी पिपी बाक्‍मा बाक्‍त। सिबोन आ तौ आइयाह नु अनाह बाक्‍सा बाक्‍स।
1CH 1:41 अनाह आ तौ दीशोन बाक्‍माक्‍त। दीशोन आ तौ हाम्रान, एश्‍बान, इथ्रान नु केरान बाक्‍मा बाक्‍त।
1CH 1:42 एजेर आ तौ बिल्‍हान, जावान नु याकान बाक्‍मा बाक्‍त। दीशान आ तौ ऊज नु अरान बाक्‍सा बाक्‍त।
1CH 1:43 इस्राएल रागीम पिप दुम्‍चा क्‍येङा ङोंइती एदोम रागीमी बेओर आ तौ बेला पिप दुम्‍शा बाक्‍शो बाक्‍माक्‍त। मेको आ सहर दिनहाबा बाक्‍माक्‍त। उत्‍पत्ती ३६:३१-४३
1CH 1:44 मिनु बेला बेक्‍म नोले बोज्रा सहर ङा जेराह आ तौ योबाब पिप दुम्‍माक्‍त।
1CH 1:45 मिनु योबाब बेक्‍म नोले तेमान ङा मुर आन रागी ङा हुशाम पिप दुम्‍माक्‍त।
1CH 1:46 मिनु हुशाम बेक्‍म नोले बेदाद आ तौ हादाद पिप दुम्‍माक्‍त। मेकोम मोआब रागीम मिदयानी आन कली लडाइ पा फ्रूमी बाक्‍त। मेको आ सहर आ नें अवीथ बाक्‍माक्‍त।
1CH 1:47 मिनु हादाद बेक्‍म नोले मास्रेकाह सहर ङा सम्‍ला पिप दुम्‍माक्‍त।
1CH 1:48 मिनु सम्‍ला बेक्‍म नोले युफ्रेटीस खोला आ नेक्‍था ङा रेहोबोथ ङा शावल पिप दुम्‍माक्‍त।
1CH 1:49 मिनु शावल बेक्‍म नोले आकबोर आ तौ बाल-हनान पिप दुम्‍माक्‍त।
1CH 1:50 मिनु बाल-हनान बेक्‍म नोले हादाद पिप दुम्‍माक्‍त। मेको आ सहर आ नें पाही बाक्‍माक्‍त। मेको आ मीश आ नें मेहेताबेल बाक्‍माक्‍त। मेको मात्रेद आ तमी, मे-जाहाब आ चच बाक्‍माक्‍त।
1CH 1:51 मिनु हादाद बेक्‍माक्‍त। एदोम रे दुम्‍शो थरपुकी तिम्‍ना, अल्‍याह, येथेथ,
1CH 1:52 ओहोली-बामा, एलाह, पिनोन,
1CH 1:53 केनाज, तेमान, मिब्‍सार,
1CH 1:54 मग्‍दीएल नु यिराम बाक्‍मा बाक्‍त। मेको नेल्‍ल एदोम रे दुम्‍शो थर बाक्‍मा बाक्‍त।
1CH 2:1 इस्राएल आ तौ रूबेन, सिमियोन, लेवी, यहूदा, इस्‍साकार, जबूलून,
1CH 2:2 दान, योसेफ, बेन्‍यामीन, नाप्‍ताली, गाद नु आशेर बाक्‍मा बाक्‍त। उत्‍पत्ती ३५:२२-२६
1CH 2:3 यहूदा आ तौ एर, ओनान नु शेलाह बाक्‍मा बाक्‍त। मेको आन ममा कनानी मीश बाथ-शुआ बाक्‍माक्‍त। मिनु यहूदा आ ङोंइती थिशो तौ एरमी परमप्रभु यावे आ ङोंइती मरिम्‍शो पवा बाक्‍त। मोपतीके परमप्रभु यावेमी मेको कली सदा बाक्‍त। उत्‍पत्ती ३८:१-७
1CH 2:4 मिनु यहूदा आ चाइमी तामारमी यहूदा रे पा पेरेस नु जेराह थिम्‍सी बाक्‍त। मिनु यहूदा आ तौ नेल्‍ल पा ५ जना दुम्‍मा बाक्‍त। उत्‍पत्ती ३८:२७-३०
1CH 2:5 पेरेस आ तौ हेस्रोन नु हामुल बाक्‍सा बाक्‍त। उत्‍पत्ती ४६:१२
1CH 2:6 जेराह आ तौ जिम्री, एथान, हेमान कल्‍कोल नु दारा बाक्‍मा बाक्‍त। मेको नेल्‍ल ५ जना बाक्‍मा बाक्‍त।
1CH 2:7 कारमी आ तौ आकान बाक्‍माक्‍त। मेकोमी इस्राएली आन कली शुश श्‍येत गेवा बाक्‍त। परमप्रभु आ थोव़क लदा बाक्‍त। यहोसु ७:-
1CH 2:8 मिनु एथान आ तौ अजारयाह बाक्‍माक्‍त।
1CH 2:9 हेस्रोन आ तौ येराहमेल, राम नु कलूबै बाक्‍मा बाक्‍त। रूथ ४:१९-२२; मत्ती १:३
1CH 2:10 राम अम्‍मीनादाब आ आफ बाक्‍माक्‍त। अम्‍मीनादाब नहशोन आ आफ बाक्‍माक्‍त। मेको यहूदा आ तौ आन दाते ङा नेल्‍ल क्‍येङा ठेयब बाक्‍माक्‍त। गन्‍ती १:७; गन्‍ती २:३; गन्‍ती ७:११-१२
1CH 2:11 नहशोन साल्‍मा आ आफ बाक्‍माक्‍त। साल्‍मा बोआज आ आफ बाक्‍माक्‍त।
1CH 2:12 बोआज ओबेद आ आफ बाक्‍माक्‍त। ओबेद येस्‍से आ आफ बाक्‍माक्‍त।
1CH 2:13 येस्‍से एलीआब आ आफ बाक्‍माक्‍त। मेको आ ङोंइती थिशो तौ बाक्‍माक्‍त। मेको आ माइला अबीनादाब, साइला शिमेआ, १सामुएल १६:५-१०
1CH 2:14 काइला नेथनेल, अन्‍तरे रदाइ,
1CH 2:15 जन्‍तरे ओसेम नु कान्‍छा दाऊद बाक्‍मा बाक्‍त। १सामुएल १७:१२
1CH 2:16 मेको आन समी सेरूयाह नु अबीगेल बाक्‍सा बाक्‍त। सेरूयाह आ तौ अबीशै, योआब नु आसाहेल सां बाक्‍मा बाक्‍त। २सामुएल २:१८
1CH 2:17 अबीगेलम आमासा थिवा बाक्‍त। मेको आ आफ इश्‍माएली येथेर बाक्‍माक्‍त। २सामुएल १७:२५
1CH 2:18 हेस्रोन आ तौ कालेबमी आ मीश अजुबाह नु येरीओथ रे पा तमी तौ थिवा बाक्‍त। मेको आ तौ येशेर, शोबाब नु अरदोन बाक्‍मा बाक्‍त। १इतिहास २:९,४२
1CH 2:19 मिनु अजुबाह बेक्‍म नोले कालेबमी एफ्राथ कली ग्‍युंबे पवा बाक्‍त। मिनु मेकोमी हुर थिवा बाक्‍त। १इतिहास २:५०
1CH 2:20 मिनु हुर आ तौ ऊरी बाक्‍माक्‍त। ऊरी आ तौ बेजालेल बाक्‍माक्‍त। प्रस्‍थान ३१:२
1CH 2:21 मिनु हेस्रोन ६० बर्स दुम्‍मेनु, माकीर आ तमी नु ग्‍युंबे पवा बाक्‍त। मेको गिलाद आ समी बाक्‍माक्‍त। मिनु हेस्रोन मेको नु बाक्‍शा सेगुब थिवा बाक्‍त।
1CH 2:22 मिनु सेगुब याइर आ आफ बाक्‍माक्‍त। याइरम गिलाद ङा २३ सहर सासन पवा बाक्‍त। न्‍यायाधीस १०:३-६; १राजा ४:१३
1CH 2:23 तन्‍न गेशुर नु अराम आस राज्‍य निक्‍शीमी मेको रे हव्‍वोथ-याइर, केनाथ नु आ नेक्‍था ङा सहर ६० ओटा सहर लडाइ पा ग्राशा आस के सेल्‍से बाक्‍त। मेको नेल्‍ल माकीर आ तौ बाक्‍मा बाक्‍त। माकीर चहिं गिलाद आ आफ बाक्‍माक्‍त।
1CH 2:24 हेस्रोन कालेब-एफ्राथाह सहरम बेक्‍म नोले हेस्रोन आ मीश अबीयाहम मेको के अश्‍हुर थिवा बाक्‍त। मेको तेकोहा आ आफ बाक्‍माक्‍त। १इतिहास ४:५
1CH 2:25 हेस्रोन आ ङोंइती थिशो तौ येराहमेल बाक्‍माक्‍त। येराहमेल आ ङोंइती थिशो तौ राम बाक्‍माक्‍त। मिनु नोले ङा तौ बुनाह, ओरेन, ओसेम नु अहीयाह बाक्‍मा बाक्‍त। इतिहास २:९
1CH 2:26 येराहमेल के अर्को मीश का यो बाक्‍माक्‍त। मेको आ नें अतारा बाक्‍माक्‍त। मेकोमी ओनाम थिवा बाक्‍त।
1CH 2:27 येराहमेल आ ङोंइती थिशो तौ राम आ तौ मास, यामीन नु एकेर बाक्‍मा बाक्‍त।
1CH 2:28 ओनाम आ तौ शम्‍माइ नु यादा बाक्‍सा बाक्‍त। मिनु शम्‍माइ आ तौ नादाब नु अबीशुर बाक्‍सा बाक्‍त।
1CH 2:29 अबीशुर आ मीश आ नें अबीहेल बाक्‍माक्‍त। मेकोमी अहबान नु मोलीद थिवा बाक्‍त।
1CH 2:30 नादाब आ तौ सेलेद नु अप्‍पाइम बाक्‍सा बाक्‍त। मिनु सेलेद आल मथिथु बेक्‍माक्‍त।
1CH 2:31 अप्‍पाइम आ तौ इशी बाक्‍माक्‍त। मिनु इशी आ तौ शेशान बाक्‍माक्‍त। शेशान आ तौ अहलै बाक्‍माक्‍त।
1CH 2:32 शम्‍माइ आ लोक्‍ब यादा आ तौ येथेर नु योनाथन बाक्‍सा बाक्‍त। मिनु येथेर आल मथिथु बेक्‍माक्‍त।
1CH 2:33 योनाथन आ तौ पेलेथ नु जाजा बाक्‍सा बाक्‍त। मेको नेल्‍ल येराहमेल आ तौ चच बाक्‍मा बाक्‍त।
1CH 2:34 मिनु शेशान के तौ मबाक्‍म। तमी ला बाक्‍मा बाक्‍त। शेशान के इजीप्‍त ङा यारहा माइश्‍शो वाइल का बाक्‍माक्‍त। १इतिहास २:३१; गन्‍ती२७:७
1CH 2:35 मिनु शेशानमी आ तमी का कली आ वाइल यारहा नु ग्‍युंबे पदा बाक्‍त। मिनु आ तमीमी अत्‍तै थिवा बाक्‍त।
1CH 2:36 अत्‍तै नाथान आ आफ बाक्‍माक्‍त। नाथान जाबाद आ आफ बाक्‍माक्‍त।
1CH 2:37 जाबाद एफ्‍लाल आ आफ बाक्‍माक्‍त। एफ्‍लाल ओबेद आ आफ बाक्‍माक्‍त।
1CH 2:38 ओबेद येहू आ आफ बाक्‍माक्‍त। येहू अजारयाह आ आफ बाक्‍माक्‍त।
1CH 2:39 अजारयाह हेलेस आ आफ बाक्‍माक्‍त। हेलेस एलेआसाह आ आफ बाक्‍माक्‍त।
1CH 2:40 एलेआसाह सिस्‍माइ आ आफ बाक्‍माक्‍त। सिस्‍माइ शाल्‍लुम आ आफ बाक्‍माक्‍त।
1CH 2:41 शाल्‍लुम येकाम्‍याह आ आफ बाक्‍माक्‍त। येकाम्‍याह एली-शामा आ आफ बाक्‍माक्‍त।
1CH 2:42 येराहमेल आ लोक्‍ब कालेब आ ङोंइती थिशो तौ मेशाह बाक्‍माक्‍त। मेको कली हिब्रू लोव़मी मारेशा यो देंसीब, मेको आ तौ जीफ बाक्‍माक्‍त। मारेशा आ तौपुकी हेब्रोन आ मुर बाक्‍मा बाक्‍त। १इतिहास २:१८
1CH 2:43 हेब्रोन आ तौ कोराह, ताप्‍पुआह, रेकेम नु शेमा बाक्‍मा बाक्‍त।
1CH 2:44 शेमा राहाम आ आफ बाक्‍माक्‍त। मिनु रहम योरकेआम आ आफ बाक्‍माक्‍त। रेकेम शम्‍माइ आ आफ बाक्‍माक्‍त।
1CH 2:45 शम्‍माइ आ तौ माओन बाक्‍माक्‍त। माओन आ तौ बेथ-सुर बाक्‍माक्‍त।
1CH 2:46 कालेब आ अर्को मीश एफाहमी हारान, मोचा नु गाजेज थिवा बाक्‍त। मिनु हारान गाजेज आ आफ बाक्‍माक्‍त।
1CH 2:47 याहदै आ तौ रेगेम, योथाम, गेशान, पेलेत, एफाह नु शाफ बाक्‍मा बाक्‍त।
1CH 2:48 कालेब आ अर्को मीश माकाहमी शेबेर नु तिरहानाह थिवा बाक्‍त।
1CH 2:49 मेकोमी मदमन्‍ना आ आफ शाफ, मकबेनाह आ आफ शेवा नु गिबा आ आफ थिवा बाक्‍त। कालेब आ तमी अकसा बाक्‍माक्‍त। यहोसु १५:१६; न्‍यायाधीस १:१२
1CH 2:50 मेको कालेब आ तौ चच युइ बाक्‍मा बाक्‍त। कालेब आ मीश एफ्राथाह आ ङोंइती थिशो तौ हुर बाक्‍माक्‍त। हुर आ तौ शोबाल किरयथ-यारीम ङा मुर आन आफ बाक्‍माक्‍त। १इतिहास २:१९
1CH 2:51 साल्‍मा बेथलेहेम आ आफ बाक्‍माक्‍त। हारेफ बेथ-गादेर आ आफ बाक्‍माक्‍त।
1CH 2:52 किरयथ-यारीम आ किकी पिपी शोबाल के अर्को तौ यो बाक्‍मा बाक्‍त। मेको हारोए नु मेनुहोथ सहर ङा आधा मुर बाक्‍मा बाक्‍त।
1CH 2:53 मिनु किरयथ-यारीम सहरम बाक्‍शो खिं खिं ङा मुर इथ्री, पूथी, शुमाथी नु मिश्री बाक्‍मा बाक्‍त। मेकोपुकी रे सोराथी नु एश्‍ताओली दुम्‍मा बाक्‍त। १इतिहास ४:२
1CH 2:54 साल्‍मा आ तौ बेथलेहेम, नेतोफाह अत्रोथ-बेथ-योआब नु मानाहाथ सहर ङा आधा मुर नु सोराह सहर ङा मुर बाक्‍मा बाक्‍त। १इतिहास ९:१६
1CH 2:55 याबेस सहरम बाक्‍ब मेको आन खिं खिं ङा मुर तिराथी, शिमेआथ आ खिं ङा मुरपुकी नु सुकाथी बाक्‍मा बाक्‍त। मेको हम्‍माथ सहर रे जाक्‍शो केनी बाक्‍मा बाक्‍त। मेको आन किकी पिपी रेकाब बाक्‍माक्‍त। येरमीया ३५:-
1CH 3:1 हेब्रोन सहरम थिशो दाऊद आ तौ सु सु बाक्‍मा बाक्‍त देंशा हना, आ ङोंइती थिशो तौ अम्‍नोन, दाऊद आ मीश येज्रेल ङा अहीनोआम के बाक्‍माक्‍त। नोले ङा तौ दानीएल, दाऊद आ मीश कारमेल ङा अबीगेल के बाक्‍माक्‍त।
1CH 3:2 नोले ङा तौ अब्‍सालोम, दाऊद आ मीश गेशुर ङा पिप तल्‍मै आ तमी माकाह के बाक्‍माक्‍त। नोले ङा तौ अदोनीयाह, दाऊद आ मीश हग्‍गीथ के बाक्‍माक्‍त। २सामुएल ३:२-५
1CH 3:3 नोले ङा तौ शेफत्‍याह, दाऊद आ मीश अबीतल के बाक्‍माक्‍त। नोले ङा तौ इथ्रेआम, दाऊद आ मीश एग्‍लाह के बाक्‍माक्‍त।
1CH 3:4 मेको नेल्‍ल हेब्रोन सहरम थिशो दाऊद आ तौ बाक्‍मा बाक्‍त। दाऊदमी हेब्रोन सहरम ७ बर्स ६ महिना सासन पवा बाक्‍त। मिनु यरूसलेमम ३३ बर्स सासन पवा बाक्‍त।
1CH 3:5 यरूसलेम सहरम थिशो दाऊद आ तौ सु सु बाक्‍मा बाक्‍त देंशा हना, शिमेआ, शोबाब, नाथान नु सोलोमन बाक्‍मा बाक्‍त। मेको ४ जना अम्‍मीएल आ तमी बाथ-शुआम थिवा बाक्‍त। १इतिहास १४:५-७; २सामुएल ५:१४-१६
1CH 3:6 अरु यरूसलेम सहरम दाऊद आ थिशो तौ इभार, एली-शामा, एली-फेलेत,
1CH 3:7 नोगाह, नेफेग, याफीया,
1CH 3:8 एली-शामा, एली-आदा नु एली-फेलेत ९ जना तौ बाक्‍मा बाक्‍त।
1CH 3:9 अरु चाक्‍शो मीश आन तौपुकी प्रोंइशा, मेको दाऊद आ तौ बाक्‍मा बाक्‍त। मिनु मेको आन समी तामार बाक्‍माक्‍त। २सामुएल १३:१
1CH 3:10 सोलोमन आ तौ चच युइ सु सु बाक्‍मा बाक्‍त देंशा हना, रेहोबाम आ तौ बाक्‍माक्‍त। रेहोबाम आ तौ अबीयाह बाक्‍माक्‍त। अबीयाह आ तौ आसा बाक्‍माक्‍त। आसा आ तौ येहो-शाफात बाक्‍माक्‍त। मत्ती १:७-१२
1CH 3:11 येहो-शाफात आ तौ योराम बाक्‍माक्‍त। योराम आ तौ अहाज्‍याह बाक्‍माक्‍त। अहाज्‍याह आ तौ योआश बाक्‍माक्‍त।
1CH 3:12 योआश आ तौ अमस्‍याह बाक्‍माक्‍त। अमास्‍याह आ तौ अजारयाह बाक्‍माक्‍त। अजारयाह आ तौ योथाम बाक्‍माक्‍त।
1CH 3:13 योथम आ तौ आहाज बाक्‍माक्‍त। आहाज आ तौ हिज्‍कीयाह बाक्‍माक्‍त। हिज्‍कीयाह आ तौ मनस्‍से बाक्‍माक्‍त।
1CH 3:14 मनस्‍से आ तौ आमोन बाक्‍माक्‍त। अम्‍मोन आ तौ योसीयाह बाक्‍माक्‍त।
1CH 3:15 योसीयाह आ ङोंइती थिशो तौ योहानान बाक्‍माक्‍त। योसीयाह आ माइला येहो-याकीम, आ साइला सिदकीयाह नु आ कान्‍छा शाल्‍लुम बाक्‍माक्‍त।
1CH 3:16 येहो-याकीम आ तौ चच युइ सु सु बाक्‍मा बाक्‍त देंशा हना, आ तौ येकोन्‍याह बाक्‍माक्‍त। येकोन्‍याह आ तौ सिदकीयाह बाक्‍माक्‍त। २इतिहास ३६:९-१०
1CH 3:17 मिनु ग्‍याइश्‍शा लाइक्‍चा पुंइसीशो येकोन्‍याह आ तौ शाल्‍तीएल बाक्‍माक्‍त।
1CH 3:18 अरु ग्‍याइश्‍शा लाइक्‍चा पुंइसीशो माल्‍कीराम, पेदायाह, शेनास्‍सार, येकाम्‍याह, होशामा नु नेदाब्‍याह बाक्‍मा बाक्‍त।
1CH 3:19 पेदायाह आ तौ जेरूब-बाबेल नु शिमेइ बाक्‍सा बाक्‍त। जेरूब-बाबेल आ तौ मेशुल्‍लाम नु हनान्‍याह बाक्‍सा बाक्‍त। मेको आस समी शेलोमीथ बाक्‍माक्‍त। एज्रा ३:२,८
1CH 3:20 अर्को हशुबाह, ओहेल, बेरेक्‍याह, हासादीयाह नु युशब-हेसेद ५ जना तौ बाक्‍मा बाक्‍त।
1CH 3:21 हनान्‍याह आ तौ पेलात्‍याह नु येशायाह बाक्‍सा बाक्‍त। येशायाह आ तौ रेफायाह बाक्‍माक्‍त। रेफायाह आ तौ अरनान बाक्‍माक्‍त। अरनान आ तौ ओबदिया बाक्‍माक्‍त। ओबदिया आ तौ शेकन्‍याह बाक्‍माक्‍त।
1CH 3:22 शेकन्‍याह आ तौ शेमायाह बाक्‍माक्‍त। शेमायाह आ तौ हत्‍तुश, इगाल, बारयाह, नेआरयाह नु शाफात नेल्‍ल पा ६ जना तौ बाक्‍मा बाक्‍त।
1CH 3:23 नेआरयाह आ तौ एली-ओ-एनाइ, हिज्‍कीयाह नु अज्रीकाम सां बाक्‍मा बाक्‍त।
1CH 3:24 एली-ओ-एनाइ आ तौ होदावीयाह, एल्‍याशीब, पेलायाह, अक्‍कुब, योहानान, देलायाह नु अनानी नेल्‍ल ७ जना बाक्‍मा बाक्‍त।
1CH 4:1 यहूदा आ तौ पेरेस, हेस्रोन, कारमी, हुर नु शोबाल बाक्‍मा बाक्‍त। १इतिहास २:४-५; १इतिहास ७:१९,५०
1CH 4:2 शोबाल आ तौ रेआयाह, याहाथ आ आफ बाक्‍माक्‍त। याहाथ अहुमै नु लाहाद आस आफ बाक्‍माक्‍त। मेको सोराथी आन चच युइ बाक्‍मा बाक्‍त। १इतिहास २:५३
1CH 4:3 एताम आ तौ येज्रेल, इश्‍मा नु इदबाश बाक्‍मा बाक्‍त। मेको आन समी आ नें हास्‍सल-एल-पोनी बाक्‍माक्‍त।
1CH 4:4 पेनुएल गेदोर आ आफ बाक्‍माक्‍त। एजेर हुशाह आ आफ बाक्‍माक्‍त। मिनु कालेब आ मीश एफ्राथाह आ ङोंइती थिशो तौ हुर बाक्‍माक्‍त। मेको आ तौ चच युइ बेथलेहेम ङा मुर बाक्‍मा बाक्‍त। १इतिहास २:१९,५०
1CH 4:5 तेकोहा आ आफ अश्‍हुर के मीश निक्‍शी बाक्‍सा बाक्‍त। मेको का आ नें हेलाह नु अर्को आ नें नाराह बाक्‍माक्‍त।
1CH 4:6 नाराहमी अहुज्‍जाम, हेफेर, तेमेनी नु हाहाश्‍तारी थिवा बाक्‍त। एको नाराह आ तौ बाक्‍मा बाक्‍त।
1CH 4:7 हेलाह आ तौ सेरेथ, इच्‍हार नु एथ्‍नान बाक्‍मा बाक्‍त।
1CH 4:8 कोस आनुब नु जोबेबा आस आफ बाक्‍माक्‍त। मिनु कोस हारुम आ तौ अहारहेल आ चच युइ आन किकी पिपी बाक्‍माक्‍त।
1CH 4:9 मिनु याबेस माइश्‍शो मुर का बाक्‍माक्‍त। मेको आ लोक्‍ब आन क्‍येङा शुश मान ताइब बाक्‍माक्‍त। मेको आ ममामी मेको कली श्‍येत पा थितीके मेको आ नें याबेस वोइश्‍शो बाक्‍माक्‍त।
1CH 4:10 मिनु याबेसमी इस्राएली आन परमप्रभु कली “आं कली आसीक गेने। आं कली रू तेम्‍शा गेयीनी। गे गो नु बाक्‍कीन। आं कली श्‍येत रे ङोन वोइय्‍यीनी” दे पुना बाक्‍त। मिनु परमप्रभुमी मेको आ पुंइशो गेवा बाक्‍त।
1CH 4:11 शुहाह आ लोक्‍ब केलुब मेहीर आ आफ बाक्‍माक्‍त। मेहीर एश्‍तोन आ आफ बाक्‍माक्‍त।
1CH 4:12 एश्‍तोन बेथ-राफा, पासओह नु तेहीन्‍नाह आन आफ बाक्‍माक्‍त। तेहीन्‍नाह इर-नाहाश आ आफ बाक्‍माक्‍त। मेको रेकाह आ मुर बाक्‍मा बाक्‍त।
1CH 4:13 केनाज आ तौ ओथ्‍नीएल नु सेरायाह बाक्‍सा बाक्‍त। ओथ्‍नीएल आ तौ हथाथ नु मेओनोथाइ बाक्‍सा बाक्‍त। यहोसु १५:१७; १न्‍यायाधीस १:१३
1CH 4:14 मेओनोथाइ ओफ्रा आ आफ बाक्‍माक्‍त। सेरायाह योआब आ आफ बाक्‍माक्‍त। योआब गे-हाराशीम आ आफ बाक्‍माक्‍त। मेको मुरपुकी मार मार सेल्‍स जोक्‍ब बाक्‍तीके मेको आन नें मेकोन बाक्‍माक्‍त।
1CH 4:15 यपुन्‍ने आ तौ कालेब आ तौ इरू, एलाह नु नाआम बाक्‍मा बाक्‍त। एलाह आ तौ केनाज बाक्‍माक्‍त। गन्‍ती १३:६; गन्‍ती १४:६
1CH 4:16 येहल्‍लेल आ तौ जीफ, जीफाह, तिरया नु असारेल बाक्‍मा बाक्‍त।
1CH 4:17 एज्राह आ तौ येथेर, मेरेद, एफेर नु यालोन बाक्‍मा बाक्‍त। मेरेदमी फाराओ आ तमी बिथीयाह ग्‍युंबे पवा बाक्‍त। मेकोमी मिरयाम, शम्‍माइ नु इश्‍बा थिवा बाक्‍त। इश्‍बा एश्‍तेमोआ आ आफ बाक्‍माक्‍त।
1CH 4:18 मेरेद आ यहूदी मीशेमी येरेद, हेबेर नु येकुथीएल थिवा बाक्‍त। येरेद गेदोर आ आफ बाक्‍माक्‍त। हेबेर सोको आ आफ बाक्‍माक्‍त। येकुथीएल जानोह आ आफ बाक्‍माक्‍त।
1CH 4:19 होदीयाहम नाहाम आ समी ग्‍युंबे पवा बाक्‍त। मेको आ तौपुकी गारम ङा कैलाह आ थर नु माकाथी एश्‍तेमोआ आ थर ङा किकी पिपी बाक्‍मा बाक्‍त।
1CH 4:20 शिमोन आ तौ अम्‍नोन, रिन्‍नाह, बेन-हानान नु तिलोन बाक्‍मा बाक्‍त। इशी आ तौ जोहेथ नु बेन-जोहेथ बाक्‍सा बाक्‍त।
1CH 4:21 यहूदा आ तौ का शेलाह बाक्‍माक्‍त। शेलाह आ तौ एर नु लेकाह सहरम बाक्‍बपुकी बाक्‍मा बाक्‍त। आ तौ लादाह नु मारेशा सहरम बाक्‍बपुकी बाक्‍मा बाक्‍त। बेथ-अश्‍बेया सहरम बाक्‍ब रिम्‍शो सुती श्‍येले के वा प्रोव़ब नु गेय पाइब आ चच युइ बाक्‍मा बाक्‍त। १इतिहास २:३
1CH 4:22 आ तौ योकीम नु कोजेबा सहरम बाक्‍ब मुर नु आ तौ योआश नु सारब बाक्‍मा बाक्‍त। योआश नु सारबमी मोआबी मीश आल ग्‍युंबे पाम्‍से बाक्‍त। तन्‍न लेहेम सहर लेश्‍शा जाक्‍शो बाक्‍सा बाक्‍त। (एको लोव़ थम माइत बाक्‍त।) बेथलेहेम बाक्‍म कों, लाशुबी-लाहेम सहर बाक्‍म, मेको मतुंइसीब।
1CH 4:23 मेकोपुकी खप के ग्‍योव़ब सेल्‍ब बाक्‍मा बाक्‍त। मिनु नेताइम नु गेदेराह सहरम बाक्‍शा, पिप आ गेय पाइब बाक्‍मा बाक्‍त।
1CH 4:24 सिमियोन आ तौपुकी नेमुएल, यामीन, यारीब, जेराह नु शावल बाक्‍मा बाक्‍त। उत्‍पत्ती ४६:१०
1CH 4:25 शावल आ तौ शाल्‍लुम बाक्‍माक्‍त। शाल्‍लुम आ तौ मिब्‍साम बाक्‍माक्‍त। मिब्‍साम आ तौ मिश्‍मा बाक्‍माक्‍त।
1CH 4:26 मिश्मा आ तौ हाम्‍मुएल बाक्‍माक्‍त। हाम्‍मुएल आ तौ जाक्‍कुर बाक्‍माक्‍त। जाक्‍कुर आ तौ शिमेइ बाक्‍माक्‍त।
1CH 4:27 शिमेइ के १६ जना तौ नु ६ जना तमी बाक्‍मा बाक्‍त। तन्‍न मेको आ लोक्‍ब के शुश आल मबाक्‍मा बाक्‍त। मोपतीके मेको आन खिं ङा मुर यहूदा ङा मुर खोदेंशो पा शुश मदुम्‍मा बाक्‍त।
1CH 4:28 मेकोपुकी बेयर-शेबा, मोलादा, हासार-शुआल, यहोसु १९:२-८
1CH 4:29 बिल्‍हाह, एसेम नु तोलाद,
1CH 4:30 बेथुएल, होरमा नु सिक‍लाग,
1CH 4:31 बेथ-मारकाबोथ, हासार-सुसीम, बेथ-बीरी नु शा-आराइम सहरमी बाक्‍बाक्‍मा बाक्‍त। दाऊदम सासन मपवा सम्‍म सिमियोन आ थर ङा मुर मेको सहरम बाक्‍शो बाक्‍मा बाक्‍त।
1CH 4:32 मेकोपुकी अर्को बाक्‍तीके एताम, ऐन, रिम्‍मोन, तोकेन नु आशान नेल्‍ल पा ५ सहर बाक्‍मा बाक्‍त।
1CH 4:33 मेको सहर आन एर ओंथ ङा गाउंपुकीम बाल सहर सम्‍म आन बाक्‍तीके बाक्‍मा बाक्‍त। मिनु मेकोपुकीमी आन नें तौ चच युइ आन नें ब्रेक्‍ना ब्रेक्‍न बाक्‍शो बाक्‍मा बाक्‍त।
1CH 4:34 मेको आन खिं खिं ङा ठेयब मुर सु सु बाक्‍मा बाक्‍त देंशा हना, मेशोबाब, याम्‍लेक, अमस्‍याह आ तौ योशाह,
1CH 4:35 योएल, येहू योशीबीयाह आ तौ बाक्‍मा बाक्‍त। योशीबीयाह सेरायाह आ तौ बाक्‍माक्‍त। सेरायाह असीएल आ तौ बाक्‍माक्‍त।
1CH 4:36 एली-ओ-एनाइ, याकोबाह, येशोहायाह, आसायाह, अदीएल, येसीमीएल बेनायाह,
1CH 4:37 जीजा शिफी आ तौ बाक्‍मा बाक्‍त। शिफी अल्‍लोन आ तौ बाक्‍माक्‍त। अल्‍लोन येदायाह आ तौ बाक्‍माक्‍त। येदायाह शिम्री आ तौ बाक्‍माक्‍त। शिम्री शेमायाह आ तौ बाक्‍माक्‍त।
1CH 4:38 मोदेंशो आन नें ब्रेक्‍शो मुर आन खिं खिं ङा ठेयब मुर बाक्‍मा बाक्‍त। मिनु आन खिं ङा मुर सोशा बोशा शुश दुम्‍मा बाक्‍त।
1CH 4:39 मेको आन बस्‍तु भाव योव़तीके माल्‍ना माल्‍न दिंम नेल्‍ल आ पूर्ब गेदोर सहर सम्‍म लमा बाक्‍त।
1CH 4:40 मेकेर शुश नु रिम्‍शो बस्‍तु भाव योव़तीके थित्‍मे बाक्‍त। मेकेर मारेइ रेयके मनेंसीब रिम्‍शो ठेयब दिंम बाक्‍माक्‍त। मेको क्‍येङा ङोंइती हाम आ मुर बाक्‍शो बाक्‍मा बाक्‍त। इतिहास १:८-१६
1CH 4:41 यहूदा ङा पिप हिज्‍कीयाहम सासन पवा ना मेको नें ब्रेक्‍शो मुरपुकीम गेदोर सहरम बाक्‍ब हाम नु मेउनीम आस मुर आन ताम्‍बु नु खिं खतम सेल्‍मे बाक्‍त। मुर आन कली सदमे बाक्‍त। मेकेर रिम्‍शो बस्‍तु भाव योव़तीके बाक्‍शा, मेक उइ आंमान बाक्‍शो बाक्‍मा बाक्‍त। २रजा १८:३
1CH 4:42 मिनु मेको सिमियोन आ थर ङा ५ सहे खोइ मुरुमी सेइर पहाड कली लडाइ तोमे बाक्‍त। मेको आन ठेयब मुर इशी आ तौ पेलात्‍याह, नेआरयाह, रेफायाह नु उज्‍जीएल बाक्‍मा बाक्‍त।
1CH 4:43 मेकोपुकीम प्रोक्‍शा लीशो अमालेकी नेल्‍ल आन कली साइश्‍शो बाक्‍मा बाक्‍त। मिनु सिमियोन आ थर ङा मुर मुल सम्‍म मेक उइ बाक्‍शो बाक्‍नीम। १सामुएल १५:३-८
1CH 5:1 इस्राएल आ तौ आन दाते ङा नेल्‍ल क्‍येङा ङोंइती थिशो रूबेन बाक्‍माक्‍त। नेल्‍ल क्‍येङा ङोंइती थिशो बाक्‍त हना यो, आ आफ आ मीश नु इप्‍तीके, आ ङोंइती थिशो तौ आ तचा ङा अधिकार इस्राएल आ तौ योसेफ आ तौ आस कली गेशो बाक्‍माक्‍त। मिनु रूबेन आ नें, ङोंइती ङा तौ आ नें ब्रेक्‍तीकेम मब्रेक्‍शो बाक्‍माक्‍त। उत्‍पत्ती ३५:२२; उत्‍पत्ती ४९:३-४
1CH 5:2 मिनु यहूदा आ लोक्‍ब आन दातेमी नेल्‍ल क्‍येङा ठेयब दुम्‍त हना यो, मेको रे पा सासन पाइब का ग्रूत हना यो, ङोंइती थिशो तौ आ अधिकार योसेफ केन दुम्‍शो बाक्‍माक्‍त। उत्‍पत्ती ४९:८,१०; ब्‍यवस्‍था ३३:७; उत्‍पत्ती ४९:२२; ब्‍यवस्‍था ३३:१३-१७
1CH 5:3 इस्राएल आ ङोंइती थिशो तौ रूबेन बाक्‍त। रूबेन आ तौ हनोक, पल्‍लु, हेस्रोन नु कारमी बाक्‍मा बाक्‍त। प्रस्‍थान ६:१४
1CH 5:4 योएल आ तौ शेमायाह बाक्‍माक्‍त। शेमायाह आ तौ गोग बाक्‍माक्‍त। गोग आ तौ शिमेइ बाक्‍माक्‍त।
1CH 5:5 शिमेइ आ तौ मीकाह बाक्‍माक्‍त। मीकाह आ तौ रेआयाह बाक्‍माक्‍त। रेआयाह आ तौ बाल बाक्‍माक्‍त।
1CH 5:6 बाल आ तौ बेयराह बाक्‍माक्‍त। मिनु मेको अस्‍सुर ङा पिप ति‍ल्‍गथ-पिलेसेरमी ग्‍याइश्‍शा लाइक्‍चा पुंइसे बाक्‍त। मेको रूबेन आ मुर आन दाते ङा ठेयब मुर का बाक्‍माक्‍त। इतिहास ५:२६
1CH 5:7 रूबेन आ थर ङा खिं खिं ङा मुर आन नें ब्रेक्‍तीकेमी ब्रेक्‍शो बाक्‍मा बाक्‍त। मेको आन ठेयब मुर यिएल, जकरिया नु
1CH 5:8 आजाज आ तौ बेला बाक्‍मा बाक्‍त। बेला आ तौ शेमा बाक्‍माक्‍त। मेको योएल आ खिं ङा मुर बाक्‍मा बाक्‍त। मेकोपुकी आरोएर सहरम बाक्‍शो बाक्‍मा बाक्‍त। आन रागी नेबो रे बाल-मेओन सम्‍म बाक्‍माक्‍त।
1CH 5:9 मेकोपुकीम पूर्ब गे गोरशो रागी आ ङोंइती युफ्रेटीस खोला आ ओंथ हांबु सम्‍म आन के सेल्‍शो बाक्‍मा बाक्‍त। मारदे हना गिलादम बाक्‍मानु, आन बस्‍तु भाव शुश दुम्‍शो बाक्‍मा बाक्‍त।
1CH 5:10 मेकोपुकी सावल आ पालाम हाग्री नु लडाइ पा ग्राशो बाक्‍मा बाक्‍त। मिनु मेकोपुकीम गिलाद आ पूर्ब नेल्‍लेमी आन ताम्‍बुमी बाक्‍शो बाक्‍मा बाक्‍त।
1CH 5:11 गाद आ मुरपुकी रूबेन आ मुर आन नेक्‍था बाशान रागीम साल्‍का सम्‍म बाक्‍शो बाक्‍मा बाक्‍त।
1CH 5:12 मेको आन ठेयब मुर योएल बाक्‍माक्‍त। मेको आ नोले ङा शाफाम बाक्‍माक्‍त। मेको आस नोले बाशान रागीम यानाइ नु शाफात बाक्‍सा बाक्‍त।
1CH 5:13 मिनु आन मुर, आन खिं खिं ङा मुर सु सु बाक्‍मा बाक्‍त देंशा हना, मिकाएल, मेशुल्‍लाम, शेबा, योराइ, याकान, जिआ नु एबेर नेल्‍ल पा ७ जना बाक्‍मा बाक्‍त।
1CH 5:14 मेकोपुकी अबीहेल आ तौ हुरी, हुरी आ तौ यारोआह, यारोआह आ तौ गिलाद, गिलाद आ तौ मिकाएल, मिकाएल आ तौ येशीशाइ, येशीशाइ आ तौ याहदो, याहदो आ तौ बूज,
1CH 5:15 अब्‍दीएल आ तौ आही, आही आ तौ गुनी मेको आ खिं खिं ङा आन ठेयब मुर बाक्‍मा बाक्‍त।
1CH 5:16 गाद आ मुरपुकी गिलाद, बाशान नु मेको आ नेक्‍था ङा सहर नेल्‍लेमी नु शारोन ङा बस्‍तु भाव योव़तीके सम्‍म बाक्‍मा बाक्‍त।
1CH 5:17 यहूदा ङा पिप योथाम नु इस्राएल ङा पिप येरोबामम सासन पाम्‍से ना मेको आन नें नेल्‍ल नें ब्रेक्‍तीकेम ब्रेक्‍शो बाक्‍मा बाक्‍त। २राजा १५:३२; २राजा १४:२३
1CH 5:18 रूबेन, गाद नु मनस्‍से आ उइक्‍थ थर ङा मुर बोल्‍यो लडाइ पाइब बाक्‍मा बाक्‍त। मेको तेक्‍तीक नु या कुरमे बाक्‍त। मेको लिब्रा आप्‍ब नु लडाइ पाइब जोक्‍ब बाक्‍मा बाक्‍त। मेको ४४ हजार ७ सहे ६० जना बाक्‍मा बाक्‍त। लडाइ पचा कली ठीक दुम्‍शो बाक्‍मा बाक्‍त।
1CH 5:19 मिनु हाग्री, येतुरी, नाफीशी नु नोदाब आ मुर नु लडाइ पामे बाक्‍त।
1CH 5:20 मेकोपुकीमी लडाइम परमप्रभु कली “वारच पाइक्‍की” दे पुंइतीके, मेको आन जोरी सत्रु हाग्री नु अरु सु बाक्‍तेक्‍म हना यो, आन गुइमी गेवा बाक्‍त। मारदे हना मेकोपुकीमी थमा सुदमे बाक्‍त।
1CH 5:21 मेकोपुकीमी बस्‍तु भाव गिश लदमे बाक्‍त देंशा हना, ५० हजार दलओंठ, लाख निक्‍शी ५० हजार भेडा, हजार निक्‍शी गधा नु लाख का मुर आन कली ग्‍याइश्‍शा लदमे बाक्‍त।
1CH 5:22 मेको लडाइम शुश मुर बेक्‍मा बाक्‍त। मारदे हना मेको लडाइ परमप्रभु रे पा दुम्‍शो बाक्‍माक्‍त। मिनु मेकोपुकी ग्‍याइश्‍शा लाइक्‍चा मपुंइसामा सम्‍म मेको आन बाक्‍तीकेम बाक्‍मा बाक्‍त।
1CH 5:23 मनस्‍से आ उइक्‍थ थर ङा मुर शुश दुम्‍शो बाक्‍मा बाक्‍त। मेको बाशान रागी रे बाल-हेरमोन, सेनीर हेरमोन डांडा सम्‍म बाक्‍शो बाक्‍मा बाक्‍त। ब्‍यवस्‍था ३:८-९
1CH 5:24 मेको आन खिं खिं ङा मुर आन ठेयब मुर सु सु बाक्‍मा बाक्‍त देंशा हना, एफेर, इशी, एलीएल, अज्रीएल, येरमीया, होदावीयाह नु याहदीएल बाक्‍मा बाक्‍त। मेको नेल्‍ल बोल्‍यो लडाइ पाइब मुर बाक्‍मा बाक्‍त। मेको आन खिं ङा ठेयब मुर बाक्‍मा बाक्‍त।
1CH 5:25 तन्‍न मेकोपुकीम आन किकी पिपी आन परमप्रभु आ पर्बम मरिम्‍शो पामे बाक्‍त। मिनु परमप्रभुम मेको आन ङोंइती खतम पोक्‍शो जात ङा मुर आन देवता आन कली पूजा पा आन नोले खोदमे बाक्‍त।
1CH 5:26 मोपतीके इस्राएली आन परमप्रभुमी अस्‍सुर ङा पिप पुल, ति‍ल्‍गथ-पिलेसेरमी कली क्‍युक्‍गा बाक्‍त। मिनु मेकोपुकीम रूवेन, गाद नु मनस्‍से आ उइक्‍थ थर ङा मुर आन कली ग्‍याइश्‍शा लदमे बाक्‍त। मेको आन कली हालाह, हाबोर, हारा नु गोजान खोला सम्‍म लदमे बाक्‍त। मेको मुल सम्‍म मेकेर बाक्‍शो बाक्‍नीम। २राजा १५:१९; २राजा १५:२९
1CH 6:1 लेवी आ तौ गेरशोम, कोहाथ नु मेरारी बाक्‍मा बाक्‍त।
1CH 6:2 कोहाथ आ तौ अम्राम, इच्‍हार, हेब्रोन नु उज्‍जीएल बाक्‍मा बाक्‍त। प्रस्‍थान ६:२०; गन्‍ती २६:५९; मीका ६:४; प्रस्‍थान ६:२३; गन्‍ती २६:६०
1CH 6:3 अम्राम आ आल हारून, मोसा नु मिरयाम बाक्‍मा बाक्‍त। हारून आ तौ नादाब, अबीहु, एलाजर नु इथामार बाक्‍मा बाक्‍त। १इतिहास ६:३५-३८
1CH 6:4 एलाजर फिनेहास आ आफ बाक्‍माक्‍त। फिनेहास अबीशुआ आ आफ बाक्‍माक्‍त।
1CH 6:5 अबीशुआ बुक्‍की आ आफ बाक्‍माक्‍त। बुककी उज्‍जी आ आफ बाक्‍माक्‍त।
1CH 6:6 उज्‍जी जेराहीयाह आ आफ बाक्‍माक्‍त। जेराहीयाह मेरायोथ आ आफ बाक्‍माक्‍त।
1CH 6:7 मेरायोथ अमारयाह आ आफ बाक्‍माक्‍त। अमारयाह अहीतुब आ आफ बाक्‍माक्‍त।
1CH 6:8 अहीतुब सादोक आ आफ बाक्‍माक्‍त। सादोक अहीमाज आ आफ बाक्‍माक्‍त। २सामुएल ८:१७; २सामुएल १५:२७,३६
1CH 6:9 अहीमाज अजारयाह आ आफ बाक्‍माक्‍त। अजारयाह योहानान आ आफ बाक्‍माक्‍त।
1CH 6:10 योहानान अजारयाह आ आफ बाक्‍माक्‍त। मेको अजारयाहम सोलोमनमी यरूसलेमम सेल्‍शो परमप्रभु यावे आ खिंम चढ़ेतीक गेय पाइबाक्‍माक्‍त।
1CH 6:11 अजारयाह अमारयाह आ आफ बाक्‍माक्‍त। अमारयाह अहीतुब आ आफ बाक्‍माक्‍त।
1CH 6:12 अहीतुब सादोक आ आफ बाक्‍माक्‍त। सादोक शाल्‍लुम आ आफ बाक्‍माक्‍त।
1CH 6:13 शाल्‍लुम हिल्‍कीयाह आ आफ बाक्‍माक्‍त। हिल्‍कीयाह अजारयाह आ आफ बाक्‍माक्‍त।
1CH 6:14 अजारयाह सेरायाह आ आफ बाक्‍माक्‍त। सेरायाह यहो-सादाक आ आफ बाक्‍माक्‍त। २राजा २५:१८; एज्रा ७:१; नहेम्‍याह १२:२६
1CH 6:15 मेना परमप्रभु यावेमी यहूदा नु यरूसलेम कली नेबुकदनेसर आ गुइम गेशो बाक्‍माक्‍त। मिनु यहो-सादाक यो ग्‍याइश्‍शा लाइक्‍चा पुंइसीशो बाक्‍माक्‍त। २राजा २५:२१
1CH 6:16 लेवी आ तौ गेरशोम, कोहाथ नु मेरारी बाक्‍मा बाक्‍त। प्रस्‍थान ६:१६-१९
1CH 6:17 गेरशोम आ तौ आस नें लिब्‍नी नु शिमेइ बाक्‍सा बाक्‍त।
1CH 6:18 कोहाथ आ तौ अम्राम, इच्‍हार, हेब्रोन नु उज्‍जीएल बाक्‍मा बाक्‍त।
1CH 6:19 मेरारी आ तौ माहली नु मुशी बाक्‍सा बाक्‍त। चढ़ेब लेवी आ खिं खिं ङा मुर मेको बाक्‍मा बाक्‍त।
1CH 6:20 गेरशोम आ तौ चच युइ सु सु बाक्‍मा बाक्‍त देंशा हना, लिब्‍नी, लिब्‍नी आ तौ याहाथ, याहाथ आ तौ जिम्‍माह,
1CH 6:21 जिम्‍माह आ तौ योआह, योआह आ तौ इददो, इददो आ तौ जेराह नु जेरह आ तौ येआथेराइ बाक्‍मा बाक्‍त।
1CH 6:22 कोहाथ आ तौ चच युइ सु सु बाक्‍मा बाक्‍त देंशा हना, अम्‍मीनादाब, अम्‍मीनादाब आ तौ कोराह, कोराह आ तौ अस्‍सीर, १इतिहास ९:१९; प्रस्‍थान ६:२४
1CH 6:23 अस्‍सीर आ तौ एल्‍काना, एल्‍काना आ तौ एब्‍यासाफ, एब्‍यासाफ आ तौ अस्‍सीर,
1CH 6:24 अस्‍सीर आ तौ तहाथ, नाहाथ आ तौ उरीएल, उरीएल आ तौ उज्‍जीयाह, उज्‍जीयाह आ तौ शावल बाक्‍मा बाक्‍त।
1CH 6:25 एल्‍काना आ तौ सु बाक्‍सा बाक्‍त देंशा हना, अमासै नु अहीमोथ बाक्‍सा बाक्‍त।
1CH 6:26 अहीमोथ आ तौ एल्‍काना, एल्‍काना आ तौ जोफाइ, जोफाइ आ तौ नाहाथ,
1CH 6:27 नाहाथ आ तौ एलीआब, एलीआब आ तौ येरोहाम, येरोहाम आ तौ एल्‍काना नु एल्‍काना आ तौ सामुएल बाक्‍मा बाक्‍त। १सामुएल १:१
1CH 6:28 सामुएल आ ङोंइती थिशो तौ योएल नु कान्‍छा अबीयाह बाक्‍सा बाक्‍त।
1CH 6:29 मेरारी आ तौ सु सु बाक्‍मा बाक्‍त देंशा हना, माहली, माहली आ तौ लिब्‍नी, लिब्‍नी आ तौ शिमेइ, शिमेइ आ तौ उज्‍जाह,
1CH 6:30 उज्‍जाह आ तौ शिमेआ, शिमेआ आ तौ हग्‍गीयाह नु हग्‍गीयाह आ तौ आसायाह बाक्‍मा बाक्‍त।
1CH 6:31 दाऊदमी परमप्रभु यावे आ बाक्‍तीकेम सन्‍दोस वोदा नोले कुम्‍सो पाइब आन कली योव़ङा बाक्‍त। २सामुएल ६:१७
1CH 6:32 सोलोमनम यरूसलेमम परमप्रभु यावे आ खिं मसेला सम्‍म मेकोपुकीमी ग्रुम्‍तीक ताम्‍बु आ ङोंइती कुम्‍सो पना पन बाक्‍मा बाक्‍त। आन पालो पालोम कुम्‍सो पना पन बाक्‍मा बाक्‍त।
1CH 6:33 मेको कुम्‍सो पाइब नु आन तौ सु सु बाक्‍मा बाक्‍त देंशा हना, कोहाथ आ खिं ङा कुम्‍सो पाइब हेमान बाक्‍माक्‍त। हेमान योएल आ तौ बाक्‍माक्‍त। योएल सामुएल आ तौ बाक्‍माक्‍त। १इतिहास १५:१७,१९
1CH 6:34 सामुएल एल्‍काना आ तौ बाक्‍माक्‍त। एल्‍काना येरोहाम आ तौ बाक्‍माक्‍त। येहोराम एलीएल आ तौ बाक्‍माक्‍त। एलीएल तोआह आ तौ बाक्‍माक्‍त। तोआह जूफ आ तौ बाक्‍माक्‍त।
1CH 6:35 जूफ एल्‍काना आ तौ बाक्‍माक्‍त। एल्‍काना माहाथ आ तौ बाक्‍माक्‍त। माहाथ अमासै आ तौ बाक्‍माक्‍त। अमासै एल्‍काना आ तौ बाक्‍माक्‍त।
1CH 6:36 एल्‍काना योएल आ तौ बाक्‍माक्‍त। योएल अजारयाह आ तौ बाक्‍माक्‍त। अजारयाह सेफन्‍याह आ तौ बाक्‍माक्‍त।
1CH 6:37 सेफन्‍याह तहाथ आ तौ बाक्‍माक्‍त। तहाथ अस्‍सीर आ तौ बाक्‍माक्‍त। अस्‍सीर एब्‍यासाफ आ तौ बाक्‍माक्‍त। एब्‍यासाफ कोराह आ तौ बाक्‍माक्‍त। कोराह इज्‍हार आ तौ बाक्‍माक्‍त।
1CH 6:38 इच्‍हार कोहाथ आ तौ बाक्‍माक्‍त। कोहाथ लेवी आ तौ बाक्‍माक्‍त। लेवी इस्राएल आ तौ बाक्‍माक्‍त।
1CH 6:39 हेमान आ लोक्‍ब आसाफ आ ग्‍युरा गे बाक्‍शो बाक्‍माक्‍त। आसाफ बेरेक्‍याह आ तौ बाक्‍माक्‍त। बेरेक्‍याह शिमेआ आ तौ बाक्‍माक्‍त। १इतिहास १५:१७,१९
1CH 6:40 शिमेआ मिकाएल आ तौ बाक्‍माक्‍त। मिकाएल बासैयाह आ तौ बाक्‍माक्‍त। बासैयाह माल्‍कीयाह आ तौ बाक्‍माक्‍त।
1CH 6:41 माल्‍कीयाह एथ्‍नी आ तौ बाक्‍माक्‍त। एथ्‍नी जेराह आ तौ बाक्‍माक्‍त। जेरह अदायाह आ तौ बाक्‍माक्‍त।
1CH 6:42 अदायाह एथान आ तौ बाक्‍माक्‍त। एथान जिम्‍माह आ तौ बाक्‍माक्‍त। जिम्‍माह शिमेइ आ तौ बाक्‍माक्‍त।
1CH 6:43 शिमेइ याहाथ आ तौ बाक्‍माक्‍त। याहात गेरशोम आ तौ बाक्‍माक्‍त। गेरशोम लेवी आ तौ बाक्‍माक्‍त।
1CH 6:44 हेमान आ लोक्‍ब मेरारी आ तौ आ पेरा गे बाक्‍शो बाक्‍मा बाक्‍त। अरु सु सु बाक्‍मा बाक्‍त देंशा हना, एथान किशी आ तौ बाक्‍माक्‍त। किशी अब्‍दी आ तौ बाक्‍माक्‍त। अब्‍दी माल्‍लुक आ तौ बाक्‍माक्‍त। १इतिहास १५:१९
1CH 6:45 माल्‍लुक हशाब्‍याह आ तौ बाक्‍माक्‍त। हशाब्‍याह अमास्‍याह आ तौ बाक्‍माक्‍त। अमस्‍याह हिल्‍कीयाह आ तौ बाक्‍माक्‍त।
1CH 6:46 हिल्‍कीयाह अम्‍जी आ तौ बाक्‍माक्‍त। अम्‍जी बानी आ तौ बाक्‍माक्‍त। बानी शेमेर आ तौ बाक्‍माक्‍त।
1CH 6:47 शेमेर माहली आ तौ बाक्‍माक्‍त। माहली मुशी आ तौ बाक्‍माक्‍त। मुशी मेरारी आ तौ बाक्‍माक्‍त। मेरारी लेवी आ तौ बाक्‍माक्‍त।
1CH 6:48 मेको आन लोक्‍ब लेवी आ मुर नेल्‍ल परमप्रभु आ बाक्‍तीक ताम्‍बु ङा मार मार पचा कली योव़शो बाक्‍मा बाक्‍त।
1CH 6:49 मिनु हारून नु आ तौपुकीमी ला चढ़ेतीकेम चोशा चढ़ेतीक नु धूप चोशा चढ़ेतीकेम चढ़ेमे बाक्‍त। मेकोम नेल्‍ल क्‍येङा चोव़खो कोठा ङा गेय यो पामे बाक्‍त। इस्राएली आन पर्बम पाप क्‍याम्‍तीक गेय पामे बाक्‍त। परमप्रभु आ गेय पाइब मोसामी दोदेंशो पा अरेवा मोदेंशो पा पामे बाक्‍त। प्रस्‍थान २८:१; लेवी १६:-
1CH 6:50 हारून आ तौपुकी सु सु बाक्‍मा बाक्‍त देंशा हना, एलाजर, एलाजर आ तौ फिनेहास, फिनेहास आ तौ अबीशुआ, १इतिहास ५:१०-३४
1CH 6:51 अबीशुआ आ तौ बुक्‍की, बुक्‍की आ तौ उज्‍जी, उज्‍जी आ तौ जेराहीयाह,
1CH 6:52 जेरह आ तौ मेरायोथ, मेरायोथ आ तौ अमारयाह, अमारयाह आ तौ अहीतुब,
1CH 6:53 अहीतुब आ तौ सादोक, सादोक आ तौ अहीमाज बाक्‍मा बाक्‍त।
1CH 6:54 हारून आ तौ कोहाथ आ खिं खिं ङा मुर नेल्‍ल आन क्‍येङा ङोंइती योव़शा गेशो बाक्‍तीके तेको बाक्‍मा बाक्‍त देंशा हना,
1CH 6:55 मेको आन कली यहूदा आ थेरशो रू रे हेब्रोन सहर नु आ एर ओंथ ङा बस्‍तु भाव योव़तीके गेमे बाक्‍त।
1CH 6:56 तन्‍न मेको सहर ङा रू नु आ एर ओंथ ङा गाउंपुकी यपुन्‍ने आ तौ कालेब कली गेमे बाक्‍त।
1CH 6:57 हारून आ तौ आन कली प्रोक्‍शा लशा ब्रोंइशा बाक्‍तीक सहर हेब्रोन, लिब्‍ना नु आ एर ओंथ ङा बस्‍तु भाव योव़तीके, यत्तीर, एश्‍तेमोआ, नु आ एर ओंथ ङा बस्‍तु भाव योव़तीके,
1CH 6:58 हीलेन नु आ एर ओंथ ङा बस्‍तु भाव योव़तीके, देबीर नु आ एर ओंथ ङा बस्‍तु भाव योव़तीके,
1CH 6:59 आशान नु आ एर ओंथ ङा बस्‍तु भाव योव़तीके, बेथ-शेमेश नु आ एर ओंथ ङा बस्‍तु भाव योव़तीके नेल्‍ल गेमे बाक्‍त।
1CH 6:60 मिनु बेन्‍यामीन आ थर ङा मुर आन थेरशो रू रे मार गेमे बाक्‍त देंशा हना, गेबा नु आ एर ओंथ ङा बस्‍तु भाव योव़तीके, आलेमेथ नु आ एर ओंथ ङा बस्‍तु भाव योव़तीके, अनाथोथ नु आ एर ओंथ ङा बस्‍तु भाव योव़तीके गेमे बाक्‍त। मिनु कोहाथ आ खिं खिं ङा मुर आन कली योक्‍सीशो सहर नेल्‍ल १३ ओटा बाक्‍मा बाक्‍त।
1CH 6:61 मिनु कोहाथ आ लीशो मुर आन कली मनस्‍से आ आधा थर ङा मुर आन रे बाजी आप्‍शा १० ओटा सहर गेमे बाक्‍त।
1CH 6:62 गेरशोम आ खिं खिं ङा मुर आन कली बाजी आप्‍शा इस्‍साकार आ थर, आशेर आ थर, नाप्‍ताली आ थर नु बाशान रागीम बाक्‍ब मनस्‍से आ आधा थर ङा मुर आन थेरशो रू रे १३ ओटा सहर गेमे बाक्‍त।
1CH 6:63 मेरारी आ खिं खिं ङा मुर आन कली बाजी आप्‍शा रूबेन आ थर, गाद आ थर नु जबूलून आ थर आन थेरशो रू रे १२ ओटा सहर गेमे बाक्‍त।
1CH 6:64 मोपा इस्राएलीपुकीमी लेवी आन कली सहर नु आन एर ओंथ ङा बस्‍तु भाव योव़तीके गेमे बाक्‍त।
1CH 6:65 मेकोपुकीमी यो बाजी आप्‍शा, यहूदा आ थर, सिमियोन आ थर नु बेन्‍यामीन आ थर आन थेरशो रू रे मेको नें ब्रेक्‍शो सहरपुकी गेमे बाक्‍त।
1CH 6:66 कोहाथ आ तौ आन खिं ङा का निक्‍शी मुर एफ्राइम आ थर ङा मुर आन थेरशो रू रे सहरपुकी तामे बाक्‍त।
1CH 6:67 मेकोपुकीमी मेको आन कली पहाड रागी ङा शेकेम सहर नु आ एर ओंथ ङा बस्‍तु भाव योव़तीके एफ्राइम पहड नु गेजेर सहर नु आ बस्‍तु भाव योव़तीक,
1CH 6:68 योकमाम सहर नु आ एर ओंथ ङा बस्‍तु भाव योव़तीके, बेथ-होरोन सहर नु आ एर ओंथ ङा बस्‍तु भाव योव़तीके,
1CH 6:69 आइयालोन सहर नु आ एर ओंथ ङा बस्‍तु भाव योव़तीके, गाथ-रिम्‍मोन सहर नु आ एर ओंथ ङा बस्‍तु भाव योव़तीके तामे बाक्‍त।
1CH 6:70 मनस्‍से आ उइक्‍थ थर ङा मुर आन थेरशो रू रे आनेर सहर नु आ एर ओंथ ङा बस्‍तु भाव योव़तीके, बिलाम सहर नु आ एर ओंथ ङा बस्‍तु भाव योव़तीके मेको नेल्‍ल कोहाथ आ लीशो मुरपुकीमी तामे बाक्‍त।
1CH 6:71 मनस्‍से आ उइक्‍थ थर ङा मुर आन थेरशो रू रे गेरशोम आ मुर आन कली मार गेमे बाक्‍त देंशा हना, बाशानम बाक्‍ब गोलान सहर नु आ एर ओंथ ङा बस्‍तु भाव योव़तीके, अश्‍तारोथ सहर नु आ एर ओंथ ङा बस्‍तु भाव योव़तीके गेमे बाक्‍त।
1CH 6:72 मिनु इस्‍साकार आ थर ङा मुर आन थेरशो रू रे केदेश सहर नु आ एर ओंथ ङा बस्‍तु भाव योव़तीके, दाबेराथ सहर नु आ एर ओंथ ङा बस्‍तु भाव योव़तीके,
1CH 6:73 रामोथ सहर नु आ एर ओंथ ङा बस्‍तु भाव योव़तीके नु आनेम सहर नु आ एर ओंथ ङा बस्‍तु भाव योव़तीके गेमे बाक्‍त।
1CH 6:74 आशेर आ थर ङा मुरपुकीमी आन थेरशो रू रे माशाल सहर नु आ एर ओंथ ङा बस्‍तु भाव योव़तीके नु अब्‍दोन सहर नु आ एर ओंथ ङा बस्‍तु भाव योव़तीके,
1CH 6:75 हुकोक सहर नु आ एर ओंथ ङा बस्‍तु भाव योव़तीके, रेहोब सहर नु आ एर ओंथ ङा बस्‍तु भाव योव़तीके गेमे बाक्‍त।
1CH 6:76 नाप्‍ताली आ थर ङा मुर आन थेरशो रू रे गालील ङा केदेश सहर नु आ एर ओंथ ङा बस्‍तु भाव योव़तीके, हम्‍मोन सहर नु आ एर ओंथ ङा बस्‍तु भाव योव़तीके नु किरयथ-थाइम सहर नु आ एर ओंथ ङा बस्‍तु भाव योव़तीके गेमे बाक्‍त।
1CH 6:77 जबूलून आ थर ङा मुरपुकीमी आन थेरशो रू रे मेरारी आ लीशो मुर आन कली रिम्‍मोनो सहर नु आ एर ओंथ ङा बस्‍तु योव़तीके, ताबोर सहर नु आ एर ओंथ ङा बस्‍तु भाव योव़तीके गेमे बाक्‍त।
1CH 6:78 रूबेन आ थर ङा मुरपुकीमी आन थेरशो रू रे यर्दन आ आइक्‍ची हांबु यरीको आ पूर्ब गे गोरशो रागीम बाक्‍शो बेसेर सहर नु एर ओंथ ङा बस्‍तु भाव योव़तीके, याहसाह सहर नु आ एर ओंथ ङा बस्‍तु भाव योव़तीके,
1CH 6:79 केदेमोथ सहर नु आ एर ओंथ ङा बस्‍तु भाव योव़तीके नु मेफा-आथ सहर नु आ एर ओंथ ङा बस्‍तु भाव योव़तीके गेमे बाक्‍त।
1CH 6:80 मिनु गाद आ थर ङा मुरपुकीमी आन थेरशो रू रे गिलाद ङा रामोथ नु सहर नु आ एर ओंथ ङा बस्‍तु भाव योव़तीके, महा-नाइम सहर आ एर ओंथ ङा बस्‍तु भाव योव़तीके,
1CH 6:81 हेश्‍बोन सहर नु आ एर ओंथ ङा बस्‍तु भाव योव़तीके नु याजेर सहर नु आ एर ओंथ ङा बस्‍तु भाव योव़तीके गेमे बाक्‍त।
1CH 7:1 इस्‍साकार आ तौ तोला, पुआ, याशुब नु शिम्रोन ४ जना बाक्‍मा बाक्‍त। उत्‍पत्ती ४६:१३; गन्‍ती २६:२३-२४
1CH 7:2 तोला आ तौ उज्‍जी, रेफायाह, येरीएल, याहमाइ, इब्‍साम नु शेमुएल बाक्‍मा बाक्‍त। मेको नेल्‍ले आन खिं खिं ङा ठेयब मुर बाक्‍मा बाक्‍त। दाऊदम सासन पवा ना तोला आ खिं खिं ङा मुर २२ हजार ६ सहे बोल्‍यो लडाइ पाइब बाक्‍मा बाक्‍त।
1CH 7:3 उज्‍जी आ तौ इज्रायाह बाक्‍माक्‍त। इज्रायाह आ तौ मिकाएल, ओबदिया, योएल नु इस्‍शीयाह बाक्‍मा बाक्‍त। मेको ५ जना नेल्‍ल ठेयब मुर बाक्‍मा बाक्‍त।
1CH 7:4 मेको प्रोंइशा यो अरु मुर आन पाला पाला ङा खिं खिं ङा मुर आन कली हिक्‍शोनु ३६ हजार लडाइ पाइब मुर बाक्‍मा बाक्‍त। मारदे हना मेको आन के शुश मीश नु तौ बाक्‍मा बाक्‍त।
1CH 7:5 मेको आन खिं खिं ङा मुर नेल्‍ल इस्‍साकार आ थर ङा मुर बाक्‍मा बाक्‍त। मेको नेल्‍ल ८७ हजार बोल्‍यो लडाइ पाइब बाक्‍मा बाक्‍त।
1CH 7:6 बेन्‍यामीन आ तौ बेला, बेकेर नु येदीएल सां बाक्‍मा बाक्‍त। १इतिहास ८:१-२; उत्‍पत्ती ४६:२१
1CH 7:7 बेला आ तौ एस्‍बोन, उज्‍जी, उज्‍जीएल, येरीमोथ नु इरी ५ जना आन खिं खिं ङा ठेयब मुर बाक्‍मा बाक्‍त। आन नें ब्रेक्‍शो २२ हजार ३४ जना बोल्‍यो लडाइ पाइब बाक्‍मा बाक्‍त।
1CH 7:8 बेकेर आ तौ जेमीरा, योआश, एलीएजर, एली-ओ-एनाइ, ओम्री, येरेमोथ, अबीयाह, अनाथोथ नु आलेमेथ बाक्‍मा बाक्‍त। मेको नेल्‍ल बेकेर आ तौ बाक्‍मा बाक्‍त।
1CH 7:9 मेको आन नें पाला पालामी ब्रेक्‍शो बाक्‍मा बाक्‍त। आन खिं खिं ङा मुर आन ठेयब मुर बाक्‍मा बाक्‍त। मिनु आन दाते ङा २० हजार सहे निक्‍शी बोल्‍यो लडाइ पाइब बाक्‍मा बाक्‍त।
1CH 7:10 येदीएल आ तौ बिल्‍हान बाक्‍माक्‍त। बिल्‍हान आ तौ येऊश बेन्‍यामीन, एहूद, केनानाह, जेथान, टारशीश नु अहीशाहार बाक्‍मा बाक्‍त।
1CH 7:11 मेको नेल्‍ल येदीएल आ तौ नु मेको आन खिं खिं ङा ठेयब मुर बाक्‍मा बाक्‍त। मेको १७ हजार सहे निक्‍शी बोल्‍यो लडाइ पाइब बाक्‍मा बाक्‍त। मेको लडाइ पचा कली ठीक दुम्‍शो बाक्‍मा बाक्‍त।
1CH 7:12 इर आ तौ शुप्‍पीम नु हुप्‍पीम बाक्‍सा बाक्‍त। आहेर आ तौ हुशीम बाक्‍माक्‍त।
1CH 7:13 नाप्‍ताली आ तौ याहसीएल, गुनी, येसेर नु शाल्‍लुम बाक्‍मा बाक्‍त। मेको बिल्‍हाह आ चच युइ बाक्‍मा बाक्‍त। उत्‍पत्ती ४६:२४
1CH 7:14 मनस्‍से आ तौ अस्रीएल बाक्‍माक्‍त। मेको आ नोले चाक्‍शो अरामी मीश रे थिशो तौ बाक्‍माक्‍त। मेकोमी गिलाद आ आफ माकीर कली यो थिवा बाक्‍त।
1CH 7:15 मिनु माकीरमी हुप्‍पीम नु शुप्‍पीम आस कली मीश आल का का माल्‍शा, ग्‍युंबे पदा बाक्‍त। माकीर आ समी आ नें माकाह बाक्‍माक्‍त। मेको आ माइला तौ आ नें सेलेफेहाद बाक्‍माक्‍त। सेलोफेहाद के तमी ला बाक्‍मा बाक्‍त। गन्‍ती २७:१
1CH 7:16 माकीर आ मीश माकाहमी तौ निक्‍शी थिवा बाक्‍त। मेको आस नें पेरेश नु शेरेश वोदा बाक्‍त। पेरेशम तौ निक्‍शी थिम्‍सी बाक्‍त। आस नें ऊलाम नु रेकेम वोदा बाक्‍त।
1CH 7:17 ऊलाम आ तौ बेदान बाक्‍माक्‍त। मेको नेल्‍ले गिलाद आ तौ चच युइ बाक्‍मा बाक्‍त। गिलाद माकीर आ तौ नु मनस्‍से आ चच बाक्‍माक्‍त।
1CH 7:18 गिलाद आ समी हाम्‍मोलेकेथमी तौ सां थीमी बाक्‍त। मेको इश्‍होद, अबीएजेर नु महलाह बाक्‍मा बाक्‍त।
1CH 7:19 शेमीदा आ तौ अहीयान, शेकेम, लिखी नु अन्‍याम बाक्‍मा बाक्‍त।
1CH 7:20 एफ्राइम आ तौ शुथेलाह बाक्‍माक्‍त। शुथेलाह आ तौ बेरेद बाक्‍माक्‍त। बेरेद आ तौ तहाथ बाक्‍माक्‍त। तहाथ आ तौ एलेआदाह बाक्‍माक्‍त। एलेआदाह आ तौ तहथ बाक्‍माक्‍त। गन्‍ती २६:३५
1CH 7:21 तहथ आ तौ जाबाद बाक्‍माक्‍त। जाबाद आ तौ शुथेलाह बाक्‍माक्‍त। शुथेलाह आ अरु तौ एजेर नु एलेआद बाक्‍सा बाक्‍त। मेको निक्‍शी गाथ ङा मुर आन बस्‍तु भाव रोइक्‍थ लसानु, गाथ ङा मुरपुकीमी मेको आस कली सदमे बाक्‍त।
1CH 7:22 मेको आस आफ एफ्राइममी मेको आस पर्बम शुश नाक्‍त सम्‍म रोंका पवा बाक्‍त। आ लोक्‍बपुकी मेको कली लेम्‍थ जाक्‍मा बाक्‍त।
1CH 7:23 मेको नोले एफ्राइम आ मीश नु बाक्‍माक्‍त। मिनु मेकोमी कोव़ज कुरशा तौ का थिवा बाक्‍त। मेको आ नें बेरीआ वोदा बाक्‍त। मारदे हना मेना मेको खिंम श्‍येत दुम्‍शो बाक्‍माक्‍त।
1CH 7:24 एफ्राइम के शेराह माइश्‍शो तमी का यो बाक्‍माक्‍त। मेकोमी आइदी नु आइक्‍था बेथ-होरोन सहर नु उज्‍जेन-शेराह सहर सेल्‍शो बाक्‍माक्‍त।
1CH 7:25 एफ्राइम के रेफाह माइश्‍शो तौ यो बाक्‍माक्‍त। रेफाह आ तौ रेशेफ बाक्‍माक्‍त। रेशेफ आ तौ तेलाह बाक्‍माक्‍त। तेलाह आ तौ तहन बाक्‍माक्‍त।
1CH 7:26 तहन आ तौ लादान बाक्‍माक्‍त। लादान आ तौ अम्‍मीहुद बाक्‍माक्‍त। अम्‍मीहुद आ तौ एली-शामा बाक्‍माक्‍त। गन्‍ती १:१०
1CH 7:27 एली-शामा आ तौ नून बाक्‍माक्‍त। नून आ तौ यहोसु बाक्‍माक्‍त। गन्‍ती १३:८,१६
1CH 7:28 मेको मुर आन थेरशो रू नु आन बाक्‍तीके बेथेल सहर नु मेको आ एर ओंथ ङा सहर, पूर्ब गे नारान सहर नु आ एर ओंथ ङा सहर, पच्‍छिम गे गेजेर सहर नु आ एर ओंथ ङा सहर नेल्‍ले, शेकेम सहर नु आ एर ओंथ ङा सहर, अय्‍याह नु आ एर ओंथ ङा सहर बाक्‍मा बाक्‍त। यहोसु १६:१; यहोसु १६:१०
1CH 7:29 मनस्‍से आ मुर आन सांद बेथ-शेआन नु आ एर ओंथ ङा सहर, तानाक नु आ एर ओंथ ङा सहर, मेगीददो नु आ एर ओंथ ङा सहर नु डोर नु आ एर ओंथ ङा सहर बाक्‍मा बाक्‍त। मेको सहर नेल्‍लेम इस्राएल आ तौ योसेफ आ चच युइ बाक्‍शो बाक्‍मा बाक्‍त। यहोसु १७:११
1CH 7:30 आशेर आ तौ इम्‍नाह, इश्‍वाह, इश्‍वी नु बेरीआ बाक्‍मा बाक्‍त। मेको आन समी सेराह बाक्‍माक्‍त।
1CH 7:31 बेरीआ आ तौ हेबेर नु माल्‍कीएल बाक्‍सा बाक्‍त। माल्‍कीएल बिरजाइथ आ आफ बाक्‍माक्‍त। उत्‍पत्ती ४६:१७
1CH 7:32 हेबेर याफ्‍लेत, शोमेर, होथाम नु मेको आन समी शुआ आन आफ बाक्‍माक्‍त।
1CH 7:33 याफ्‍लेत आ तौ पासाक, बिम्‍हाल नु अश्‍वाथ बाक्‍मा बाक्‍त। मेकोपुकी याफ्‍लेत आ तौ बाक्‍मा बाक्‍त।
1CH 7:34 शेमेर आ तौ आही, रोहगाह, हूब्‍बाह नु अराम बाक्‍मा बाक्‍त।
1CH 7:35 आन लोक्‍ब हेलेम आ तौ सोफाह, इम्‍ना, शेलेश नु आमाल बाक्‍मा बाक्‍त।
1CH 7:36 सोफाह आ तौ सुआह, हारनेफेर, शुआल, बेरी, इम्राह,
1CH 7:37 बेसेर, होद, शाम्‍मा, शिल्‍शाह, इथ्रान नु बेयरा बाक्‍मा बाक्‍त।
1CH 7:38 येथेर आ तौ यपुन्‍ने, पिस्‍पा नु आराह बाक्‍मा बाक्‍त।
1CH 7:39 उल्‍ला आ तौ आराह, हन्‍नीएल नु रिसीया बाक्‍मा बाक्‍त।
1CH 7:40 मेको नेल्‍ल आशेर आ खिं ङा मुर नु मेको आन खिं खिं ङा ठेयब मुर, बोल्‍यो लडाइ पाइब नु योव़शो जोक्‍ब तुइक्‍ब लां कोंइब हिक्‍चा पुंइसीशो मुर बाक्‍मा बाक्‍त। मेको आन खिं खिं पा हिक्‍शा, नें ब्रेक्‍तीकेमी नें ब्रेक्‍शो लडाइ पाइब २६ हजार मुर बाक्‍मा बाक्‍त।
1CH 8:1 बेन्‍यामीन आ ङोंइती थिशो तौ बेला, माइला अश्‍बेल, साइला अहाराह, उत्‍पत्ती ४६:२१
1CH 8:2 काइला नोहा नु कान्‍छा रेफा आन आफ बाक्‍माक्‍त।
1CH 8:3 बेला आ तौ अददार, गेरा, अबीहुद,
1CH 8:4 अबीशुआ, नामान, अहोयाह,
1CH 8:5 गेरा, शेफुफान नु हुराम बाक्‍मा बाक्‍त।
1CH 8:6 एहूद आ तौ आन खिं खिं ङा ठेयब मुर बाक्‍मा बाक्‍त। मेको गेबा सहरम बाक्‍शो बाक्‍मा बाक्‍त। ग्‍याइक्‍ब मुरपुकीमी मेको आन कली मानाहाथ सहरम बाक्‍चा गेमी बाक्‍त। एहूद आ तौ सु सु बाक्‍मा बाक्‍त देंशा हना,
1CH 8:7 नामान, अहीयाह नु गेरा बाक्‍मा बाक्‍त। हेग्‍लाम माइश्‍शो गेरा उज्‍जा नु अहीहुद आस आफ बाक्‍माक्‍त। मेकोपुकी ग्‍याइश्‍शा लाइक्‍चा पुंइसीमा बाक्‍त।
1CH 8:8 मिनु शाहारैममी आ मीश हुशीम नु बारा आस कली प्रोना नोले मोआब रागीम तौपुकी थिवा बाक्‍त।
1CH 8:9 आ मीश होदेशमी योबाब, सिबीया, मेशा, माल्‍काम,
1CH 8:10 येऊस, साकीया नु मिरमाह थीमी बाक्‍त। मेको शाहारैम आ तौ आन खिं खिं ङा ठेयब मुर बाक्‍मा बाक्‍त।
1CH 8:11 शाहारैम आ मीश हुशीममी यो अहीतुब नु एल्‍पाल थिम्‍सी बाक्‍त।
1CH 8:12 एल्‍पाल आ तौ एबेर, मिशाम नु शेमेद बाक्‍मा बाक्‍त। मेकोपुकीम ओनो नु लोद सहर नु आस एर ओंथ ङा सहर सेल्‍मे बाक्‍त।
1CH 8:13 मिनु बेरीआ नु शेमा आइयालोन सहरम बाक्‍ब आन खिं खिं ङा मुर आन ठेयब मुर बाक्‍सा बाक्‍त। मेको निक्‍शीमी गाथ सहरम बाक्‍ब मुर आन कली प्रोक्‍पदसे बाक्‍त।
1CH 8:14 मिनु बेरीआ आ तौ अहीयो, शाशाक, येरेमोथ,
1CH 8:15 जेबदीयाह, आराद, एदेर,
1CH 8:16 मिनु बेरीआ तौ मिकाएल, इश्‍पाह नु योहा बाक्‍मा बाक्‍त।
1CH 8:17 एल्‍पाल आ तौ जेबदीयाह, मेशुल्‍लाम, हिज्‍की, हेबेर,
1CH 8:18 इश्‍मेराइ, इज्‍लीयाह नु योबाब बाक्‍मा बाक्‍त।
1CH 8:19 शिमेइ आ तौ याकीम, जिक्री, जब्‍दी,
1CH 8:20 एली-एनाइ, सिल्‍लेथाइ, एलीएल,
1CH 8:21 अदायाह, बेरायाह नु शिम्राथ बाक्‍मा बाक्‍त।
1CH 8:22 शाशाक आ तौ इश्‍पान, एबेर, एलीएल,
1CH 8:23 अब्‍दोन, जिक्री, हानान,
1CH 8:24 हनान्‍याह, एलाम, अन्‍थोथीयाह,
1CH 8:25 इफ्‍दैयाह नु पेनुएल, बाक्‍मा बाक्‍त।
1CH 8:26 येरोहाम आ तौ शाम्‍शेराइ, शेहारयाह, अथाल्‍याह,
1CH 8:27 यारेश्‍याह, एलीया नु जिक्री बाक्‍मा बाक्‍त।
1CH 8:28 मेको आन पाला ङा खिं खिं ङा मुर आन ठेयब मुर बाक्‍मा बाक्‍त। मिनु यरूसलेम सहरम बाक्‍शो बाक्‍मा बाक्‍त।
1CH 8:29 गिबोन आ आफ यिएल गिबोन सहरम बाक्‍माक्‍त। मेको आ मीश आ नें माकाह बाक्‍माक्‍त। १इतिहास ९:३५-४४
1CH 8:30 मेको आ ङोंइती थिशो तौ अब्‍दोन बाक्‍माक्‍त। मेको आ नोले ङा तौ सुर, कीश, बाल, नादाब,
1CH 8:31 गेदोर, अहीयो, जेकेर नु मीक्‍लोथ बाक्‍मा बाक्‍त।
1CH 8:32 मीक्‍लोथ शिमेआह आ आफ बाक्‍माक्‍त। मेको नेल्‍ल यरूसलेम सहरम आन खिं खिं ङा मुर आन नेक्‍था बाक्‍शो बाक्‍मा बाक्‍त।
1CH 8:33 नेर कीश आ आफ बाक्‍माक्‍त। कीश सावल आ आफ बाक्‍माक्‍त। सावल योनाथन, माल्‍कीशुआ, अबीनादाब नु एश-बाल आन आफ बाक्‍माक्‍त। १सामुएल १४:५१; २सामुएल २:८
1CH 8:34 योनाथन आ तौ मेरीब-बाल बाक्‍माक्‍त। मेरीब-बाल मीकाह आ आफ बाक्‍माक्‍त।
1CH 8:35 मीकाह आ तौ पिथोन, मेलेक, ताहरेआ नु आहाज बाक्‍मा बाक्‍त।
1CH 8:36 आहाज येहो-अदाह आ आफ बाक्‍माक्‍त। येहो-अदाह आलेमेथ, अज्‍मावेथ नु जिम्री आन आफ बाक्‍माक्‍त। जिम्री मोचा आ आफ बाक्‍माक्‍त।
1CH 8:37 मोचा बिनेआ आ आफ बाक्‍माक्‍त। बिनेआ आ तौ रेफा बाक्‍माक्‍त। रेफा आ तौ एलेआसाह बाक्‍माक्‍त। एलेआसाह आ तौ आसेल बाक्‍माक्‍त।
1CH 8:38 आसेल के ६ जना तौ बाक्‍मा बाक्‍त। मेको आन नें अज्रीकाम, बोकेरु, इश्‍माएल, शेआरयाह, ओबदिया नु हानान बाक्‍मा बाक्‍त। मेको नेल्‍ल आसेल आ तौ बाक्‍मा बाक्‍त।
1CH 8:39 मेको आ लोक्‍ब एशेक आ ङोंइती थिशो तौ ऊलाम, माइला येऊश नु कान्‍छा एली-फेलेत बाक्‍मा बाक्‍त।
1CH 8:40 ऊलाम आ तौ रिम्‍शो पा लिब्रा आप्‍ब नु बोल्‍यो लडाइ पाइब बाक्‍मा बाक्‍त। मेको आन के शुश आल नु चच बाक्‍मा बाक्‍त। मेको नेल्‍ल सहे का ५० जना बाक्‍मा बाक्‍त। मेको नेल्‍ल बेन्‍यामीन आ थर ङा मुर बाक्‍मा बाक्‍त।
1CH 9:1 मोपा इस्राएली नेल्‍ल आन खिं खिं ङा मुर आन नें ब्रेक्‍शो बाक्‍मा बाक्‍त। मेको आन नें इस्राएल ङा पिप आन किताबमी ब्रेक्‍शो बाक्‍मा बाक्‍त। मिनु यहूदा ङा मुर आन परमप्रभु आ देंशो मटितीके बेबीलोनम ग्‍याइश्‍शा लाइक्‍चा पुंइसीमा बाक्‍त। २राजा २४:१५-१६
1CH 9:2 मिनु नेल्‍ल क्‍येङा ङोंइती लेंशा आंम थेरशो रू नु आंम आन सहरपुकीम बाक्‍ब सु सु बाक्‍मा बाक्‍त देंशा हना, इस्राएल ङा मुर, चढ़ेब, लेवी नु परमप्रभु यावे आ खिंम गेय पाइबपुकी बाक्‍मा बाक्‍त। यहोसु ९:२३,२७; एज्रा ८:२०
1CH 9:3 मिनु यहूदा आ थर ङा, बेन्‍यामीन आ थर ङा, एफ्राइम आ थर ङा नु मनस्‍से आ थर ङा मुर का निक्‍शी यरूसलेम सहरम बाक्‍मा बाक्‍त। नहेम्‍याह ११:३-१९
1CH 9:4 मेको सु सु बाक्‍मा बाक्‍त देंशा हना, उथाइ आ आफ अम्‍मीहुद, अम्‍मीहुद आ आफ ओम्री ओम्री आ आफ इम्री, इम्री आ आफ बानी बानी आ आफ पेरेस नु पेरेस आ आफ यहूदा बाक्‍मा बाक्‍त।
1CH 9:5 मिनु शिलो ङा मुर रे ङोंइती थिशो तौ आसायाह नु आ तौपुकी बाक्‍मा बाक्‍त।
1CH 9:6 जेराह आ ङोंइती ङा तौ येहुएल नु आ खिं खिं ङा मुर बाक्‍मा बाक्‍त। मेको नेल्‍ल पा ६ सहे ९० जना बाक्‍मा बाक्‍त।
1CH 9:7 बेन्‍यामीन आ थर ङा मुर रे सल्‍लु आ आफ मेशुल्‍लाम, मेशुल्‍लाम आ आफ होदावीयाह, होदावीयाह आ आफ हास्‍सेनुआ,
1CH 9:8 हास्‍सेनुआ आ आफ इब्‍नैआ, इब्‍नैआ आ आफ येरोहाम येरोहाम आ आफ एलाह, आ आफ उज्‍जी, उज्‍जी आ आफ मिक्री, मिक्री आ आफ मेशुल्‍लाम, मेशुल्‍लाम आ आफ शेफत्‍याह, शेफत्‍याह आ आफ रूएल, रूएल आ आफ इब्नीयाह बाक्‍मा बाक्‍त।
1CH 9:9 मिनु आन पाला ङा खिं खिं ङा ९ सहे ५६ जना मुर बाक्‍मा बाक्‍त। मेको नेल्‍ले आन खिं खिं ङा ठेयब मुर बाक्‍मा बाक्‍त।
1CH 9:10 चढ़ेब आन दाते ङा सु सु बाक्‍मा बाक्‍त देंशा हना, येदायाह, येहो-यारीब, याकीन,
1CH 9:11 अजारयाह आ आफ हिल्‍कीयाह, हिल्‍कीयाह आ आफ मेशुल्‍लाम, मेशुल्‍लाम आ आफ सादोक, सादोक आ आफ मेरायोथ, मेरायोथ आ आफ अहीतुब बाक्‍मा बाक्‍त। अहीतुब परमप्रभु आ खिं ङा नेल्‍ल क्‍येङा ठेयब मुर बाक्‍माक्‍त। १इतिहास ५:३८-३९
1CH 9:12 मिनु अदायाह आ आफ येरोहाम, येरोहाम आ आफ पाश्‍हुर, पश्‍‍हुर आ आफ माल्‍कीयाह, माल्‍कीयाह आ आफ मासाइ, मासाइ आ आफ अदीएल, अदीएल आ आफ याहजेराह, याहजेराह आ आफ मेशुल्‍लाम, मेशुल्‍लाम आ आफ मेशील्‍लेमीथ, मेशील्‍लेमीथ आ आफ इम्‍मेर बाक्‍मा बाक्‍त।
1CH 9:13 मेको आन खिं खिं ङा ठेयब मुर बाक्‍मा बाक्‍त। मिनु नेल्‍ले परमप्रभु आ खिंम गेय पचा जोक्‍ब तुइक्‍ब हजार का ७ सहे ६० जना बाक्‍मा बाक्‍त।
1CH 9:14 मिनु लेवी आ थर ङा मुर सु सु बाक्‍मा बाक्‍त देंशा हना, शेमायाह आ आफ हाश्‍शुब, हाश्‍शुब आ आफ अज्रीकाम, अज्रीकाम आ आफ हशाब्‍याह, हशाब्‍याह आ आफ मेरारी बाक्‍मा बाक्‍त।
1CH 9:15 मिनु बाक‍बाकार, हेरेश, गालाल नु मत्तन्‍याह आन आफ मीका, मीका आ आफ जिक्री, आ आफ जिक्री आ आफ आसाफ बाक्‍मा बाक्‍त।
1CH 9:16 मिनु ओबदिया आ आफ शेमायाह, शेमायाह आ आफ गालाल, गालाल आ आफ येदुथून, येदुथून आ आफ बेरेक्‍याह, बेरेक्‍याह आ आफ आसा नु आसा आ आफ एल्‍काना बाक्‍मा बाक्‍त। मेकोपुकी नेतोफाह ङा मुर आन गाउंमी बाक्‍शो बाक्‍मा बाक्‍त। १इतिहास २:५४
1CH 9:17 लाप्‍चो खाल पाइबपुकी शाल्‍लुम, अक्‍कुब, ताल्‍मोन नु अहीमान बाक्‍मा बाक्‍त। मिनु आन लोक्‍ब शाल्‍लुम आन ठेयब मुर बाक्‍माक्‍त।
1CH 9:18 मेको ङोंइती पूर्ब गे पिप आ लाप्‍चो खाल पाइब बाक्‍माक्‍त। मिनु अरु लेवीपुकी लेवी आन बाक्‍तीक ङा लाप्‍चो खाल पाइब बाक्‍मा बाक्‍त।
1CH 9:19 शाल्‍लुम आ आफ कोरे, कोरे आ आफ एब्‍यासाफ, एब्‍यासाफ आ आफ कोराह बाक्‍मा बाक्‍त। कोराह आ खिं खिं ङा मुर गेय आन ठेयब मुर बाक्‍तेक्‍म। मिनु परमप्रभु यावे आ ताम्‍बु आ ओव़तीक खाल पाइब आन किकी पिपी खोदेंशो पाइब बाक्‍मा बाक्‍त। २इतिहास ३४:९
1CH 9:20 मेको क्‍येङा ङोंइती एलाजर आ तौ फिनेहास मेको आन कली कोव़ब ठेयब मुर बाक्‍माक्‍त। मिनु परमप्रभु यावे मेको नु बाक्‍माक्‍त। गन्‍ती२५:७-१३
1CH 9:21 जकरिया मेशेलेम्‍याह आ तौ ग्रुम्‍तीक ताम्‍बु ङा ओव़तीक खाल पाइब बाक्‍माक्‍त।
1CH 9:22 मेको नेल्‍ल लाप्‍चो खाल पाइब योव़शो सहे निक्‍शी १२ जना मुर बाक्‍मा बाक्‍त। मेको आन नें आन गाउं गाउंमी ब्रेक्‍तीकेम ब्रेक्‍शो बाक्‍मा बाक्‍त। दाऊद नु परमप्रभु यावे आ लोव़ पाइब सामुएलम थमा सुइक्‍चा पुंइसीशो मुर आन कली मेको गेय गेम्‍से बाक्‍त। १सामुएल ९:८-११
1CH 9:23 मेको नु आन तौ चच परमप्रभु यावे आ बाक्‍तीक ङा ओव़तीक खाल पाइब बाक्‍मा बाक्‍त। मेको बाक्‍तीक ताम्‍बु बाक्‍माक्‍त।
1CH 9:24 मेकोपुकी परमप्रभु यावे आ बाक्‍तीके खाल पाइब पूर्ब, पच्‍छिम, उत्तर नु दक्‍खिन एर ओंथ गे बाक्‍मा बाक्‍त।
1CH 9:25 मेको आन खिं खिं ङा मुर आन गाउंम बाक्‍मा बाक्‍त। मेकोपुकी ७, ७ नाक्‍त पा मेको नु बाक्‍थ जाक्‍चा माल्‍मा बाक्‍त।
1CH 9:26 मिनु मेको लाप्‍चो खाल पाइब आन कली कोव़ब ठेयब मुर लेवी आ मुर ४ जना बाक्‍मा बाक्‍त। मेकोपुकी परमप्रभु आ खिं ङा कोठा नु शोंप वोइक्‍तीक कोठा खाल पाइब बाक्‍मा बाक्‍त।
1CH 9:27 मेकोपुकी नाक्‍दो परमप्रभु आ बाक्‍तीके आ नेक्‍था बाक्‍बाक्‍मा बाक्‍त। मारदे हना मेको आन गेय नाक्‍दो कोव़तीक बाक्‍माक्‍त। मिनु सुनी कुस कुस परमप्रभु आ बाक्‍तीक रोक्‍चा माल्‍बाक्‍मा बाक्‍त।
1CH 9:28 मेको आन दाते ङा का निक्‍शीमी परमप्रभु आ बाक्‍तीके ङा गेय पतीक मार मार खाल पाइब बाक्‍मा बाक्‍त। मेकोपुकीमी मार मार आगा लदमेनु नु ग्रुंइदमेनु, हिक्‍शा वोइक्‍चा माल्‍बाक्‍मा बाक्‍त।
1CH 9:29 मेको आन दाते ङा अरुमी परमप्रभु यावे आ ग्‍योंब नेल्‍ल, फस, अङगुर शांबु, तेल, धूप नु मस्‍ला खाल पाइब बाक्‍मा बाक्‍त।
1CH 9:30 चढ़ेब आन तौ ङा का निक्‍शीम मस्‍ला ब्‍वाइक्‍तीक गेय पाइबाक्‍मा बाक्‍त। प्रस्‍थान ३०:२३-२५
1CH 9:31 मिनु लेवी आ थर ङा कोराह आ खिं ङा मुर शाल्‍लुम आ ङोंइती थिशो तौ मत्तीथ्‍याहमी शोब्‍ले सेल्‍तीक गेय पाइब बाक्‍माक्‍त।
1CH 9:32 मेको आन खिं खिं ङा मुर कोहाथ आ मुर का निक्‍शीमी नाइक्‍तीक नाक्‍ती कोंइतीक शोब्‍ले ठीक पा वोइक्‍तीके गेय पाइबाक्‍मा बाक्‍‍त। लेवी २४:५-८
1CH 9:33 मिनु कुम्‍सो पाइब नु लेवी आन खिं खिं ङा ठेयब मुर परमप्रभु यावे आ खिं ङा कोठापुकीम बाक्‍बाक्‍मा बाक्‍त। मिनु अरु गेय पचा ममाल्‍बाक्‍मा बाक्‍त। मारदे हना मेको आन गेय नाक्‍दो नु नाक्‍ती बाक्‍माक्‍त।
1CH 9:34 मेको नेल्‍ल आन पालामी लेवी आ थर ङा खिं खिं ङा ठेयब मुर बाक्‍मा बाक्‍त। मिनु यरूसलेम सहरम बाक्‍बाक्‍मा बाक्‍त।
1CH 9:35 गिबोन आ आफ यिएल गिबोन सहरम बाक्‍शो बाक्‍माक्‍त। मेको आ मीश आ नें माकाह बाक्‍माक्‍त।
1CH 9:36 मेको आ ङोंइती थिशो तौ अब्‍दोन बाक्‍माक्‍त। मिनु नोले ङा तौ सुर, कीश, बाल, नेर, नादाब,
1CH 9:37 गेदोर, अहीयो, जकरिया नु मीक्‍लोथ बाक्‍मा बाक्‍त।
1CH 9:38 मीक्‍लोथ शिमे-आम आ आफ बाक्‍माक्‍त। मेकोपुकी यो यरूसलेमम आन खिं खिं ङा मुर आन नेक्‍था बाक्‍बाक्‍मा बाक्‍त।
1CH 9:39 नेर कीश आ आफ बाक्‍माक्‍त। कीश सावल आ आफ बाक्‍माक्‍त। सावल योनाथन, माल्‍कीशुआ, अबीनादाब नु एश-बाल आन आफ बाक्‍माक्‍त।
1CH 9:40 योनाथन आ तौ मेरीब-बाल बाक्‍माक्‍त। मिनु मेरीब-बाल मीकाह आ आफ बाक्‍माक्‍त।
1CH 9:41 मीकाह आ तौ पिथोन, मेलेक, ताहरेआ नु आहाज बाक्‍मा बाक्‍त।
1CH 9:42 आहाज याराह आ आफ बाक्‍माक्‍त। मिनु याराह आलेमेथ अज्‍मावेथ नु जिम्री आन आफ बाक्‍माक्‍त। जिम्री मोचा आ आफ बाक्‍माक्‍त।
1CH 9:43 मिनु मोचा बिनेआ आ आफ बाक्‍माक्‍त। बिनेआ आ तौ रेफायाह बाक्‍माक्‍त। रेफायाह आ तौ एलेआसाह बाक्‍माक्‍त। एलेआसाह आ तौ आसेल बाक्‍माक्‍त।
1CH 9:44 आसेल के ६ जना तौ बाक्‍मा बाक्‍त। मिनु मेको आन नें अज्रीकाम, बोकेरु, इश्‍माएल, शेआरयाह, ओबदिया नु हानान बाक्‍मा बाक्‍त। मेको नेल्‍ल आसेल आ तौ बाक्‍मा बाक्‍त।
1CH 10:1 पलिस्‍तीपुकीम इस्राएल नु लडाइ पामे बाक्‍त। मिनु इस्राएल ङा मुर पलिस्‍ती आन ङोंइती रे प्रोक्‍मा बाक्‍त। मिनु गिल्‍बोआ डांडाम साइक्‍चा पुंइसामा बाक्‍त।
1CH 10:2 मिनु पलिस्‍तीपुकीम सावल नु आ तौ आन कली खेदा पामे बाक्‍त। मिनु सावल आ तौ सांफा योनाथन, अबीनादाब नु माल्‍कीशुआ सदमे बाक्‍त।
1CH 10:3 मेको लडाइम सावल कली थम श्‍येत दुम्‍माक्‍त। मारदे हना का निक्‍शी ब्रा आप्‍बपुकीम मेको कली आप्‍मे बाक्‍त। मिनु सावल मेको रे गार दुम्‍माक्‍त।
1CH 10:4 मोपतीके सावलमी आ या कुरब कली “इ तरवार शोइश्‍शा साइय्‍यी। ख्रोइक्‍तीक चिनु मख्रोइश्‍शोपुकीम आं कली ग्‍याइश्‍शा मरिम्‍शो मपाइय्‍यीमील” दे मदा बाक्‍त। तन्‍न आ या कुरब हिंशा, मबिस्‍से बाक्‍त। मिनु सावल आ या शोइश्‍शा, तूसे बाक्‍त।
1CH 10:5 मिनु मेको या कुरबम सावल कली बेक्‍शो तशा, आं यो आ या शोइश्‍शा आंम कली सांइसे बाक्‍त।
1CH 10:6 मोपा सावल नु आ तौ सांफा आ खिं ङा मुर नेल्‍ल कालेम बेक्‍मा बाक्‍त।
1CH 10:7 मिनु बेंसीम बाक्‍शो इस्राएली नेल्‍लेमी लडाइ पाइब प्रोक्‍शो नु सावल नु आ तौ बेक्‍शो तशा, मेको आन सहर प्रोंइशा प्रोक्‍मा बाक्‍त। मिनु पलिस्‍ती मेकेर जाक्‍दीश्‍शा, मेको सहर आन के सेल्‍मे बाक्‍त।
1CH 10:8 मिनु आ दीसा पलिस्‍तीपुकी बेक्‍शो मुर आन मार मार गुप्‍थ जाक्‍शा, सावल नु आ तौ आन कली गिल्‍बोआ डांडाम बेक्‍शो थित्‍मे बाक्‍त।
1CH 10:9 मिनु मेकोपुकीम मेको आ फेक्‍तीक फ्रुइश्‍शा, आ पिया ख्रोइश्‍शा लाइश्‍शा, आन रागी ङा देवता नु मुर नेल्‍ल आन कली मेको लोव़ नेंपाइक्‍चा कली कुरब मुर आन कली सोइक्‍तमे बाक्‍त।
1CH 10:10 मेकोपुकीम सावल आ या आन देवी देवता आन थानम वोदमे बाक्‍त। आ पिया दागोन आ थानम क्‍युक्‍गमे बाक्‍त।
1CH 10:11 मिनु याबेश-गिलाद सहर ङा मुरपुकीमी पलिस्‍तीमी सावल कली मार मार पदमे, मेको नेंशा,
1CH 10:12 बोल्‍यो लडाइ पाइब नेल्‍ले बोक्‍शा, सावल नु आ तौ आन रां ब्रथ लमा बाक्‍त। मिनु मेकोपुकीम मेको आन रां याबेश सहर चाक्‍गमे बाक्‍त। मिनु याबेश ङा मुरपुकीमी मेको आन कली यावेश ङा ठेयब रवा आ पुंम थिम्‍मे बाक्‍त। मिनु ७ नाक्‍त सम्‍म माइजा बाक्‍मा बाक्‍त। २सामुएल २:४-५
1CH 10:13 मोपा सावल आ परमप्रभु यावे प्रोंइतीके आ पर्बम बेक्‍चा माल्‍दा बाक्‍त। मेकोमी परमप्रभु यावे आ शेंशो मटिथु, बेक्‍शो मुर नु लोव़ पाइब आ लोव़ नेना बाक्‍त। १सामुएल १५:२३; १सामुएल २८:८
1CH 10:14 मिनु परमप्रभु यावे आ अर्ती ममाल्‍थु, मनेना बाक्‍त। मोपतीके परमप्रभु यावेमी मेको कली सदा बाक्‍त। मिनु आ राज्‍य येस्‍से आ तौ दाऊद कली गेवा बाक्‍त।
1CH 11:1 मिनु मेको नोले इस्राएल ङा मुर नेल्‍ल ग्रुम्‍शा दाऊद आ बाक्‍तीक हेब्रोन सहरम बुक्‍मा बाक्‍त। मिनु मेकोपुकीम “गोपुकी इन मुर नकी। उत्‍पत्ती २९:१४
1CH 11:2 ङोंइती सावल पिप बाक्‍मेनु, गे इस्राएल ङा लडाइ पाइब आन ठेयब कप्‍तान बाक्‍तीनी। मिनु परमप्रभु यावे, इन परमप्रभुमी इन कली ‘गे आं मुर, इस्राएली आन गोठला नु आन पिप दुम्‍नेवे’ देंशो बाक्‍त” देंमा बाक्‍त।
1CH 11:3 मिनु इस्राएल ङा खाल्‍पा नेल्‍ल पिप आ बाक्‍तीक हेब्रोन सहरम जाक्‍मा बाक्‍त। मिनु दाऊदमी हेब्रोन सहरमी परमप्रभु यावे आ ङोंइती मेकोपुकी नु कबल पवा बाक्‍त। दाऊद कली तेल लुक्‍शा इस्राएल ङा पिप सेल्‍मे बाक्‍त। दोपा परमप्रभु यावेम सामुएल कली दोदेंशो देंमे, मोदेंशो पामे बाक्‍त। १सामुएल १६:१,३,११,१२
1CH 11:4 मिनु दाऊद नु इस्राएल ङा लडाइ पाइब नेल्‍ले यरूसलेम लमा बाक्‍त। मेको यबुस सहर बाक्‍माक्‍त। मेकेर यबुसी बाक्‍शो बाक्‍मा बाक्‍त।
1CH 11:5 मिनु यबुसम बाक्‍ब मुरपुकीमी दाऊद कली “गे एक गेनायो जाक्‍ने मचाप्‍नेवे” देंमा बाक्‍त। मो हना यो दाऊदम सियोन ङा बोल्‍यो सहर ग्रामाक्‍त। मेको कली मुल सम्‍म दाऊद आ सहर देंनीम।
1CH 11:6 दाऊदमी “सु यबुसी आन कली ङोंइती लडाइ तोइबा, मेको नेल्‍ल क्‍येङा ठेयब कप्‍तान दुम्‍ब” देंशो बाक्‍माक्‍त। मिनु मेकेर ङोंइती सेरूयाह आ तौ योआब ङोंइसे बाक्‍त। मोपतीके मेको ठेयब कप्‍तान दुम्‍माक्‍त।
1CH 11:7 मिनु दाऊद मेको बोल्‍यो सहरम बाक्‍शो बाक्‍माक्‍त। मोपतीके मुरुमी मेको सहर कली दाऊद आ सहर देंमा बाक्‍त।
1CH 11:8 मिनु दाऊदमी मेको सहर आ एर ओंथ ङा गारो तिक्‍तीक रे सहर नेल्‍ल आ एर ओंथ गारो हिरशा सेला बाक्‍त। मिनु योआबम लीशो ब्रेश्‍शो खिं लेंशा सेला बाक्‍त।
1CH 11:9 मोपा दाऊद शुश बोल्‍यो दुम्‍ना दुम्‍न लमाक्‍त। मारदे हना मुर नेल्‍ल आन परमप्रभु यावे मेको नु बाक्‍माक्‍त।
1CH 11:10 मिनु दाऊद आ राज्‍य बोल्‍यो सेल्‍ब नु आ लडाइ पाइब आन ठेयब कप्‍तान आन पर्बम ब्रेक्‍शो लोव़ एको बाक्‍माक्‍त। मेकोपुकी नु इस्राएली नेल्‍लेमी दाऊद कली आन पिप सेल्‍मे बाक्‍त। परमप्रभु यावेमी इस्राएली आन पर्बम दोदेंशो लोव़ पवा, मोदेंशो पामे बाक्‍त।
1CH 11:11 दाऊद आ बोल्‍यो लडाइ पाइब सु सु बाक्‍मा बाक्‍त देंशा हना, हाकमोनी आ तौ याशोबाम कप्‍तान सां आन ठेयब कप्‍तान बाक्‍माक्‍त। मेकोमी आ तूतीकेमी कालेमी सहे सां मुर आन कली सदा बाक्‍त।
1CH 11:12 मेको आ नोले अहोही ङा मुर दोदो आ तौ एलाजर बाक्‍माक्‍त। मेको बोल्‍यो मुर सां आन दाते ङा का बाक्‍माक्‍त। १इतिहास २७:४
1CH 11:13 मेको दाऊद नु पलिस्‍ती नु लडाइ पचा कली पास-दम्‍मीम बाक्‍शो बाक्‍माक्‍त। मेकेर क्‍योव़ज रू का बाक्‍माक्‍त। मिनु मुर नेल्‍ल पलिस्‍ती आन ङोंइती रे प्रोक्‍मा बाक्‍त।
1CH 11:14 तन्‍न एलाजर नु दाऊद ला रू आ दातेमी राप्‍शा बाक्‍सा बाक्‍त। मिनु मेको निक्‍शीमी पलिस्‍ती आन कली ग्राशा क्‍योव़ज रू कली मारेइ दुम्‍चा मगेम्‍से बाक्‍त। मोपा परमप्रभु यावेमी ठेयब पा ग्रापाइश्‍शा प्रोक्‍पदा बाक्‍त।
1CH 11:15 मेको ३० जना कप्‍तान आन दाते ङा सां दाऊद आ बाक्‍तीके अ‍दुल्‍‍लाम ङा पुक्‍खी आ नेक्‍था बाक्‍शो सेरथे फुल्‍लुम लमा बाक्‍त। मेना पलिस्‍ती आन लडाइ पाइब रेफाइम ङा बेंसीम ताम्‍बु कीशा बाक्‍शो बाक्‍मा बाक्‍त। १सामुएल २२:१
1CH 11:16 दाऊद बोल्‍यो बाक्‍तीकेमी बाक्‍शो बाक्‍माक्‍त। मिनु पलिस्‍ती आन लडाइ पाइब बेथलेहेम सहरम बाक्‍शो बाक्‍मा बाक्‍त।
1CH 11:17 मिनु दाऊदमी थाम्‍पा तूतू दाक्‍शा “सुइम आं कली बेथलेहेम ङा ठेयब लाप्‍चो आ ङोंइती बाक्‍शो इनार ङा ब्‍वाक्‍कु तूचा गेयीमी हना, दुम वा” देंमाक्‍त।
1CH 11:18 मेना मेको मुर सां पलिस्‍ती आन दाते रे ग्रीशा लशा बेथलेहेम ङा ठेयब लाप्‍चो आ ङोंइती ङा इनार ङा ब्‍वाक्‍कु ताप्‍शा, दाऊद आ बाक्‍तीकेम चाक्‍गमे बाक्‍त। तन्‍न दाऊदम मेको तूने मबिस्‍से बाक्‍त। मिनु ब्‍वाक्‍कु परमप्रभु यावे आ ङोंइती मोदा बाक्‍त।
1CH 11:19 मेकोमी “आं परमप्रभुम आं कली ओदेंशो पचा मगेयील। गो एको मुर आन हुश तू्‍नुङा? मारदे हना एको आन गिंम खतम दुम्‍चा ङा पा लशा ब्‍वाक्‍कु चाक्‍तेक्‍म” देंमाक्‍त। मोपतीके मेकोमी मेको ब्‍वाक्‍कु मतूङा बाक्‍त। मेको बोल्‍यो लडाइ पाइब सां आन पशो गेय मेकोन बाक्‍माक्‍त।
1CH 11:20 योआब आ लोक्‍ब अबीशै मेको ३० जना आन कप्‍तान बाक्‍माक्‍त। मेकोमी आ तूतीकेमी कालेम सहे सां मुर आन कली लडाइ पा साइक्‍मी बाक्‍त। मिनु मोपा मेको सां आन दातेमी हिक्‍चा पुंइसे बाक्‍त।
1CH 11:21 मेको ३० जना आन दातेम ठेयब दुम्‍माक्‍त। मेको सां आन दातेमी मान तवा बाक्‍त। मिनु आन कप्‍तान दुम्‍माक्‍त। तन्‍न मेको ङोंइती ङा सां आन खोदेंशो पा मान मतवा बाक्‍त।
1CH 11:22 येहो-यादा आ तौ बेनायाह कब्‍सेल सहर ङा शुश बोल्‍यो लडाइ पाइब का बाक्‍माक्‍त। मेकोमी मोआब ङा अरीएल आ तौ निक्‍शी आस कली सदा बाक्‍त। फुं यिम नाक्‍त ढोडोङगाम बाक्‍ब गुप्‍स का सदा बाक्‍त।
1CH 11:23 मेकोमी ५ कुबीत लाइश्‍शो इजीप्‍त ङा मुर का यो सदा बाक्‍त। मेको आ तूतीक वा प्रोव़तीक शी खोमो बाक्‍माक्‍त। मेको बेनायाहमी कोक्‍के का कुरशा, मेको तूतीक इजीप्‍त ङा मुर आ गुइ रे रोइश्‍शा, आंम आ तूतीकेमी सदा बाक्‍त। कुबीत का ०.५ मिटर बाक्‍ब।१सामुएल १७:७
1CH 11:24 मेको येहो-यादा आ तौ बेनायाह आ पशो बाक्‍माक्‍त। मिनु मोपा बेनायाह मेको मुर सां आन दातेम हिक्‍से बाक्‍त। १इतिहास २७:५-६
1CH 11:25 मिनु ३० जना आन क्‍येङा मेकोमी शुश मान तवा बाक्‍त। तन्‍न मेको सां आन दातेम महिक्‍से बाक्‍त। दाऊदमी मेको कली आ कली खाल पाइब आन ठेयब मुर सेला बाक्‍त।
1CH 11:26 मिनु अरु मान तशो लडाइ पाइब सु सु बाक्‍मा बाक्‍त देंशा हना, योआब आ लोक्‍ब आसाहेल, बेथलेहेम ङा दोदो आ तौ एल्‍हानान,
1CH 11:27 हारोद सहर ङा शाम्‍मोथ, पेलोन ङा मुर हेलेस, १इतिहास २७:१०
1CH 11:28 तेकोहा सहर ङा इक्‍केश आ तौ इरा, अनाथोथ ङा अबीएजेर,
1CH 11:29 हुशा ङा मुर सिब्‍बेकै, अहोही आ मुर इलाइ,
1CH 11:30 नेतोफाह ङा माहाराइ, नेतोफाह ङा बानाह आ तौ हेलेद,
1CH 11:31 बेन्‍यामीन आ थर ङा गिबा ङा रिबाइ आ तौ इथाइ, पिराथोन ङा बेनायाह,
1CH 11:32 गाश ङा खोल्‍सा आ नेक्‍था बाक्‍ब हूरै, अरबा आ मुर अबीएल,
1CH 11:33 बाहारुम सहर ङा अज्‍मावेथ, शा-आल्‍बोन सहर ङा एली-अहबा,
1CH 11:34 गिजोन ङा मुर हाशेम, हरारी शागे आ तौ योनाथन,
1CH 11:35 हरारी साकार आ तौ अहीयाम, ऊर आ तौ एलीफाल,
1CH 11:36 मेकारा सहर ङा मुर हेफेर, पेलोन ङा मुर अहीयाह,
1CH 11:37 कारमेल ङा हेस्रो, एज्‍बाइ आ तौ नाराइ,
1CH 11:38 नाथान आ लोक्‍ब योएल, हाग्री आ तौ मिभार,
1CH 11:39 अम्‍मोनी जेलेक, बेयरोथ सहर ङा नहाराइ, मेको नहाराइ ङा सेरूयाह आ तौ योआब आ या कुरब बाक्‍माक्‍त।
1CH 11:40 इथ्री आ मुर इरा, इथ्री आ मुर गारेब, २सामुएल ११:३
1CH 11:41 हित्ती उरीयाह, अहलै आ तौ जाबाद,
1CH 11:42 रूबेन आ थर ङा शीजा आ तौ अदीना मेको रूबेन आ थर ङा मुर आन ठेयब मुर का बाक्‍माक्‍त। मेको नु आ मुर नु ३० जना बाक्‍मा बाक्‍त।
1CH 11:43 माकाह आ तौ हानान, मिथ्‍नी आ मुर योशाफात,
1CH 11:44 अश्‍तारोथ सहर ङा मुर उज्‍जीया, आरोएर आ मुर होथाम आ तौ शामा नु यिएल,
1CH 11:45 शिम्री आ तौ येदीएल नु आ लोक्‍ब तिजी आ मुर योहा,
1CH 11:46 महाब आ मुर एलीएल, एल्‍नाम आ तौ येरीबाइ नु योशावीयाह नु मोआबी इथ्‍माह,
1CH 11:47 एलीएल, ओबेद नु मेजोबी यासीएल बाक्‍मा बाक्‍त।
1CH 12:1 दाऊद सिकलाग सहरम बाक्‍मेनु, आ बाक्‍तीक जाक्‍ब बोल्‍यो लडाइ पाइब नु लडाइम वारच पाइब बाक्‍मा बाक्‍त। मेना दाऊद कीश आ तौ सावल आ ङोंइती रे प्रोक्‍शो बाक्‍माक्‍त। १सामुएल २७:६
1CH 12:2 मेकोपुकी लिब्रा कुरब बाक्‍मा बाक्‍त। मिनु ग्‍युरा नु पेरा गुइ निम्‍फामी ब्रा नु हुरद आप्‍ने चाप्‍ब बाक्‍मा बाक्‍त। मेकोपुकी बेन्‍यामीन आ थर ङा सावल आ खिं खिं ङा मुर बाक्‍मा बाक्‍त।
1CH 12:3 मिनु सु सु बाक्‍मा बाक्‍त देंशा हना, मेको आन दाते ङा ठेयब मुर अही-एजेर नु योआश निम्‍फा गिबा ङा शेमाह आ तौ बाक्‍सा बाक्‍त। मिनु अरु अज्‍मावेथ आ तौ येजीएल नु पेलेत बाक्‍सा बाक्‍त। बेराकाह नु अनाथोथ ङा येहू बाक्‍सा बाक्‍त।
1CH 12:4 गिबोन ङा इश्‍मायाह मेको ३० जना आन दाते ङा बोल्‍यो लडाइ पाइब नु मेको आन ठेयब मुर बाक्‍माक्‍त। अरु येरमीया, याहासीएल, योहानान नु गेदेराह सहर ङा योजाबाद,
1CH 12:5 एलुजाइ, येरीमोथ, बेअल्‍याह, शेमारयाह, हारुफ आ मुर शेफत्‍याह बाक्‍मा बाक्‍त।
1CH 12:6 कोराह आ खिं ङा एल्‍काना, इस्‍शीयाह, अजारेल, योएजेर नु याशोबाम बाक्‍मा बाक्‍त।
1CH 12:7 मिनु गेदोर ङा येरोहाम आ तौ योएलाह नु जेबदीयाह बाक्‍सा बाक्‍त।
1CH 12:8 मिनु गाद आ थर ङा मुर यो गोरशो रागीम दाऊद आ बोल्‍यो बाक्‍तीकेम जाक्‍शो बाक्‍मा बाक्‍त। मेको तेक्‍तीक नु तूतीक कुरशो जोक्‍ब तुइक्‍ब लडाइ पाइब बाक्‍मा बाक्‍त। मेको आन कुल गुप्‍स खोदेंशो हिंचा ङा बाक्‍मा बाक्‍त। रोकोश खोदेंशो पा दोरने चाप्‍ब बाक्‍मा बाक्‍त।
1CH 12:9 मेको आन ठेयब मुर एजेर बाक्‍माक्‍त। एजेर आ नोले ङा ओबदिया बाक्‍माक्‍त। ओबदिया आ नोले ङा एलीआब बाक्‍माक्‍त।
1CH 12:10 एलीआब आ नोले ङा मिश्‍मन्‍नाह बाक्‍माक्‍त। मिश्‍मन्‍नाह आ नोले ङा येरमीया बाक्‍माक्‍त।
1CH 12:11 येरमीया आ नोले ङा अत्‍तै बाक्‍माक्‍त। अत्‍तै आ नोले ङा एलीएल बाक्‍माक्‍त।
1CH 12:12 एलीएल आ नोले ङा योहानान बाक्‍माक्‍त। योहानान आ नोले ङा एल्‍जाबाद बाक्‍माक्‍त।
1CH 12:13 एल्‍जाबाद आ नोले ङा येरमीया बाक्‍माक्‍त। येरमीया आ नोले ङा माकबन्‍नाइ बाक्‍माक्‍त।
1CH 12:14 मेको मुरपुकी गाद आ थर ङा लडाइ पाइब आन कप्‍तान बाक्‍मा बाक्‍त। मेको आन दाते ङा नेल्‍ल क्‍येङा आइक्‍च सहे का नु लडाइ पने चाप्‍ब नु नेल्‍ल क्‍येङा ठेयब हजार का नु लडाइ पने चाप्‍ब बाक्‍मा बाक्‍त।
1CH 12:15 मेको नेल्‍ले ङोंइती ङा महिनाम यर्दन खोला शोक्‍सामा बाक्‍त। मेना खोला बारशा लशो बाक्‍माक्‍त। मिनु यर्दन खोला शोक्‍शा, मेको आ पूर्ब नु पच्‍छिम ङा बेंसीम बाक्‍ब मुर नेल्‍ल आन कली खेदा पा खेरशो बाक्‍मा बाक्‍त।
1CH 12:16 मिनु बेन्‍यामीन आ थर नु यहूदा आ थर ङा का निक्‍शी मुर गोरशो रागीम दाऊद आ बोल्‍यो बाक्‍तीकेम जाक्‍मा बाक्‍त।
1CH 12:17 मिनु दाऊद मेको आन कली ग्रुम्‍थ लशा, मेको आन कली “गे गो नु वारच्‍बु दुम्‍शा, आं कली वारच पाइक्‍थ जाक्‍शो ननी हना, गो इन कली दाक्‍नुङ। तन्‍न गेपुकीम आं कली क्‍यारी पथ नु आं जोरी सत्रु आन कली शेंथ जाक्‍तीनी हना, इं किकी पिपी आन परमप्रभुम एको तशा, इन कली निसाफ पवल” देंमाक्‍त।
1CH 12:18 मेना परमप्रभु आ सोक्‍तीम मेको ३० जना आन दाते ङा कप्‍तान अमासै कली सुमा बाक्‍त। मिनु मेकोम “दाऊद, गो इन मुर नकी। येस्‍से आ तौ दाऊद गो गे नु बाक्‍नीकी। इन थुं नाइक्‍सेक्‍ल। मिनु इन कली वारच पाइब आ थुं नाइक्‍सेक्‍ल। इन परमप्रभु इन कली वारच पाइब बाक्‍ब” देंमाक्‍त। मिनु दाऊद म मेको आन कली ब्रावा बाक्‍त। मिनु मेको आन कली आ हुल ङा कप्‍तान सेल्‍मी बाक्‍त।
1CH 12:19 मिनु दाऊद पलिस्‍ती नु गारशा, सावल नु लडाइ पथ लमाक्‍त। मेना मनस्‍से आ थर ङा मुर का निक्‍शी सावल कली प्रोंइशा, दाऊद आ बाक्‍तीके जाक्‍मा बाक्‍त। तन्‍न पलिस्‍ती नु गारशा लडाइ चहिं मपामे बाक्‍त। मारदे हना पलिस्‍ती आन सासन पाइबपुकीमी आंम आंमा सल्‍ला पा दाऊद कली आ नु लडाइ मपपदमे बाक्‍त। मेकोपुकीम “मेकोमी आ होव़प सावल कली वारच पा, गो इं कली प्रोंइब। मिनु मो दुम्‍मेनु, गो लडाइ ब्रुइनय। गो बेक्‍नय” देमुमा बाक्‍त। १सामुएल २९:३-४
1CH 12:20 मिनु दाऊद सिकलाग सहरम लामेनु, मेको आ बाक्‍तीक जाक्‍ब मनस्‍से आ थर ङा मुर आदनाह, योजाबाद, येदीएल, मिकाएल, योजाबाद, एलीहु नु सिल्‍लेथाइ बाक्‍मा बाक्‍त। मेकोपुकी मनस्‍से आ खिं ङा हजार का का ङा लडाइ पाइब आन कप्‍तान बाक्‍मा बाक्‍त।
1CH 12:21 मिनु मेकोपुकीमी दाऊद कली मार मार रोइक्‍ब आन पर्बम लडाइ पचा कली वारच पाइश्‍शो बाक्‍मा बाक्‍त। मारदे हना, मेको नेल्‍ल लडाइ पाइब नु कप्‍तान बाक्‍मा बाक्‍त।
1CH 12:22 थमा पा नाक्‍त किंत किंत दाऊद आ बाक्‍तीके अर्को लडाइ पाइब वारच पथ जाक्‍मा बाक्‍त। नोले परमप्रभु आ फौज खोदेंशो शुश दुम्‍मा बाक्‍त।
1CH 12:23 दाऊद हेब्रोन सहरम बाक्‍मेनु, या कुरशा, वारच पाइब लडाइ पाइब शुश जाक्‍मा बाक्‍त। परमप्रभु यावेम देंशो खोदेंशो पा सावल आ राज्‍य रोइश्‍शा दाऊद कली गेचा, दे मो पामे बाक्‍त।
1CH 12:24 मेको सु सु बाक्‍मा बाक्‍त देंशा हना, यहूदा आ थर ङा ६ हजार ८ सहे तेक्‍तीक नु तूतीक कुरशो लडाइ पाइब बाक्‍मा बाक्‍त।
1CH 12:25 सिमियोन आ थर ङा ७ हजार सहे का बोल्‍यो लडाइ पाइब बाक्‍मा बाक्‍त।
1CH 12:26 लेवी आ थर ङा ४ हजार ६ सहे मुर बाक्‍मा बाक्‍त।
1CH 12:27 मेको हारून आ खिं ङा ठेयब मुर येहो-यादा नु हजार सां ७ सहे मुर बाक्‍मा बाक्‍त।
1CH 12:28 मिनु ठिटा लडाइ पाइब सादोक नु मेको आ खिं खिं ङा मुर २२ जना कप्‍तान बाक्‍मा बाक्‍त। १इतिहास ५:३४; २सामुएल१५:२४
1CH 12:29 सावल आ खिं ङा मुर बेन्‍यामीन आ थर ङा हजार सां मुर बाक्‍त। तन्‍न सावल आ खिं ङा शुश मुर सावल कली मप्रोंइथु बाक्‍मा बाक्‍त।
1CH 12:30 एफ्राइम आ थर ङा २० हजार ८ सहे बोल्‍यो लडाइ पाइब नु आन खिं ङा ठेयब मुर बाक्‍मा बाक्‍त।
1CH 12:31 मनस्‍से आ उइक्‍थ थर ङा १८ हजार मुर बाक्‍मा बाक्‍त। मेको दाऊद कली पिप सेल्‍चा कली योव़शो मुर बाक्‍मा बाक्‍त।
1CH 12:32 इस्‍साकार आ थर ङा इस्राएल ङा मुर तेको लां गाक्‍पाइक्‍चा माल्‍बा, मार मार पचा माल्‍नीम मारेइ मारेइ तुइक्‍ब सहे निक्‍शी कप्‍तान बाक्‍मा बाक्‍त। मेको आन खिं खिं ङा लडाइ पाइब मुर आन कप्‍तान बाक्‍मा बाक्‍त।
1CH 12:33 जबूलून आ थर ङा ५० हजार लडाइ पस जोक्‍ब मारेइ मारेइ या कुरब बाक्‍मा बाक्‍त। मेको आन थुं नेल्‍लेमी दाऊद कली वारच पाइब बाक्‍मा बाक्‍त।
1CH 12:34 नाप्‍ताली आ थर ङा हजार का कप्‍तान नु ३७ हजार तेक्‍तीक नु तूतीक कुरब लडाइ पाइब मुर बाक्‍मा बाक्‍त।
1CH 12:35 दान आ थर ङा २८ हजार ६ सहे या कुरब लडाइ पाइब बाक्‍मा बाक्‍त।
1CH 12:36 आशेर आ थर ङा ४० हजार लडाइ पचा कली ठीक दुम्‍शो लडाइ पाइब बाक्‍मा बाक्‍त।
1CH 12:37 यर्दन खोला आइक्‍ची हांबु, पूर्ब ङा रूबेन आ थर, गाद आ थर नु मनस्‍से आ उइक्थ थर ङा लाख का २० हजार मारेइ मारेइ या कुरब लडाइ पाइब बाक्‍मा बाक्‍त।
1CH 12:38 मेको लडाइ पाइब नेल्‍ले दाऊद कली इस्राएल ङा पिप सेल्‍चा कली दाऊद आ बाक्‍तीक हेब्रोन सहरमी ठेयब फौज जाक्‍मा बाक्‍त। मिनु अरु इस्राएली नेल्‍लेमी यो दाऊद कली पिप सेल्‍चा, दे मिम्‍शो बाक्‍मा बाक्‍त।
1CH 12:39 मिनु मेको नेल्‍ले मेकेर जना जन, तूना तून नाक्‍त सां सम्‍म दाऊद नु बाक्‍मा बाक्‍त। मारदे हना मेको आन मुरपुकीम मेको आन कली जचा तूचा थोव़क ठीक पशो बाक्‍मा बाक्‍त।
1CH 12:40 मिनु आन नेक्‍था ङा मुर, इस्‍साकार आ थर, जबूलून आ थर नु नाप्‍ताली आ थर ङा मुर ङोन रे गधा, दल‍ओंठ, खच्‍चर नु ब्‍यफपुकीम जचा थोव़क चाक्‍शो बाक्‍मा बाक्‍त। मेकोपुकीम शुश फस, सोव़पाइश्‍शो फोव़शी गेडा, सोव़पाइश्‍शो अङगुर, अङगुर शांबु, तेल, बी ब्‍यफ, भेडा शुश चाक्‍शो बाक्‍मा बाक्‍त। मारदे हना, इस्राएली नेल्‍ल ग्‍येरशो बाक्‍मा बाक्‍त।
1CH 13:1 दाऊदम मार पचा माल्‍ताक्‍व हना यो, आ हजार हजार ङा लडाइ पाइब आन कप्‍तान नु सहे सहे ङा लडाइ पाइब आन कप्‍तान आन कली लोव़ पा सल्‍ला पाइबाक्‍माक्‍त।
1CH 13:2 मिनु दाऊदम इस्राएल ङा ग्रुम्‍शो मुर नेल्‍ल आन कली “गेपुकी रिम्‍शो मिम्‍नीनी हना, नु परमप्रभु यावे इं परमप्रभु आ दाक्‍शो बाक्‍त हना, गो इस्राएल रागी नेल्‍लेमी लीशो इं मुरपुकी ‘मुर नेल्‍ल जाक्‍कीन’ दे लोव़ कुरब सोइक्‍तय। मेको आन दातेमी सहर आ एर ओंथ ङा बी ब्‍यफ योव़तीकेम बाक्‍ब चढ़ेब नु लेवीपुकी बाक्‍नीम। नेल्‍ल आन कली ‘जाक्‍कीन’ दे लोव़ कुरब मुर सोइक्‍तय।
1CH 13:3 गो इं परमप्रभु आ सन्‍दोस एक चाक्‍य। मारदे हना सावल बाक्‍म सम्‍म, गो मेको कली ममिम्‍तय” देंमाक्‍त।
1CH 13:4 मिनु मेको ग्रुम्‍शो मुर नेल्‍लेमी मेको लोव़ बिस्‍समा बाक्‍त। मारदे हना मुर नेल्‍लेमी मोदेंशो पचा दाक्‍तमे बाक्‍त।
1CH 13:5 मोपतीके दाऊद इजीप्‍त ङा खोला शीहोर रे लेबो-हमाथ सम्‍म इस्राएली नेल्‍ल पुक्‍मी बाक्‍त। मेको नेल्‍लेमी परमप्रभु आ सन्‍दोस किरयथ-यारीम रे चाक्‍चा माल्‍मे बाक्‍त।
1CH 13:6 मिनु दाऊद नु इस्राएली नेल्‍ल बालाह ङोइश्‍शा लमा बाक्‍त। बालाह सहर यहूदा ङा किरयथ-यारीमम बाक्‍माक्‍त। मेकेर रे परमप्रभु, परमप्रभु यावे आ सन्‍दोस ब्रथ लमा बाक्‍त। परमप्रभु यावे सन्‍दोस तारी बाक्‍शो करूब आस दातेम बाक्‍शो बाक्‍माक्‍त। मेको परमप्रभु, परमप्रभु यावे आ सन्‍दोस बाक्‍माक्‍त। यहोसु १५:९
1CH 13:7 मिनु मेकोपुकीम परमप्रभु आ सन्‍दोस अबीनादाब आ खिं रे ग्रुंइशा नक बग्‍गी कामी कुर पामे बाक्‍त। मिनु उज्‍जाह नु अहीयोमी मेको बग्‍गी खुल्‍ना खुल्‍न लसा बाक्‍त।
1CH 13:8 मिनु दाऊद नु इस्राएली नेल्‍ले परमप्रभु आ ङोंइती ग्‍येरशा कुम्‍सो पना पन आइक्‍च नु ठेयब तार पाइश्‍शो ताप्‍तीके, खैजडी, बुप्‍केल नु तुराही ताप्‍शा, जोंब बोक्‍शा, सिल पामे बाक्‍त।
1CH 13:9 मिनु मेकोपुकी किदोन आ चेरब तुप्‍तीकेम जाक्‍मानु, ब्‍यफोमी सन्‍दोस हिक्‍पदसे बाक्‍त। मिनु उज्‍जाहमी सन्‍दोस तिक्‍चा कली आ गुइ दिंदा बाक्‍त।
1CH 13:10 मिनु परमप्रभु यावे उज्‍जाह क्‍येङा गाइश्‍शा, मेको कली सदा बाक्‍त। मारदे हना मेकोमी सन्‍दोस ग्‍याइक्‍चा कली आ गुइ दिंदा बाक्‍त। मोपतीके मेको परमप्रभु आ ङोंइती बेक्‍माक्‍त।
1CH 13:11 दाऊदमी परमप्रभु यावे उज्‍जा‍ह आ पर्बम गाइश्‍शो तशा, चुरमाक्‍त। मिनु मेको बाक्‍तीके आ नें पेरेस-उज्‍जाह वोदा बाक्‍त। मेको आ नें मुल सम्‍म मेकोन बाक्‍ब।
1CH 13:12 मेको नाक्‍ती दाऊद परमप्रभु क्‍येङा हिंमाक्‍त। मेकोमी “मुल ओं दुम्‍मेनु, गो परमप्रभु आ सन्‍दोस दोपा कोव़शा वोइक्‍नुङा?” देंमाक्‍त।
1CH 13:13 मोपतीके दाऊदम मेको सन्‍दोस कोव़शा वोइक्‍चा कली आ सहर मलदा बाक्‍त। आ कोव़शा वोइक्‍चा आ पा ङा गित्त आ खिं ङा ओबेद-एदोम आ खिं लदमे बाक्‍त।
1CH 13:14 मोपा मेको परमप्रभु आ सन्‍दोस ओबेद-एदोम आ खिंम महिना सां सम्‍म लीमाक्‍त। मिनु परमप्रभु यावेमी ओबेद-एदोम आ खिं ङा मुर नु आ मारेइ मारेइ कली आसीक गेवा बाक्‍त।
1CH 14:1 टायर ङा पिप हीराममी आ लोव़ कुरबपुकी दाऊद आ बाक्‍तीकेम सोइक्‍ता बाक्‍त। मेको कुरब मुर नु दाऊद आ खिं सेल्‍चा कली लेबानोन ङा लाइश्‍शो रवा आ शी, गारो प्रोव़ब नु शी के गेय पाइब सोइक्‍तीमी बाक्‍त।
1CH 14:2 मिनु दाऊदमी “मुल परमप्रभु यावेम आं कली इस्राएली आन पिप सेल्‍ती। मिनु आ मुर इस्राएली आन पर्बम आ राज्‍य ठेयब नु मान ताइब सेल्‍शो बाक्‍ब” दे तुइक्‍ता बाक्‍त।
1CH 14:3 दाऊदमी यरूसलेमम बाक्‍मेनु, अर्को मीश चाक्‍मी बाक्‍त। मिनु शुश तमी तौ आन आफ दुम्‍माक्‍त।
1CH 14:4 यरूसलेमम थिशो आ आल आन नें मार मार बाक्‍मा बाक्‍त देंशा हना, शम्‍मुआ शोबाब, नाथान, सोलोमन,
1CH 14:5 इभार, एली-शुआ नु एली-फेलेत,
1CH 14:6 नोगाह, नेफेग, याफीया,
1CH 14:7 एली-शामा, बेलीआदा नु एली-फेलेत बाक्‍मा बाक्‍त।
1CH 14:8 मिनु पलिस्‍तीमी दाऊद इस्राएल नेल्‍ल ङा पिप दुम्‍त देंशो लोव़ नेंशा, मेको नेल्‍ले दाऊद कली माल्‍थ लमा बाक्‍त। मिनु दाऊदम मेको लोव़ नेंशा पलिस्‍ती नु लडाइ पथ लमाक्‍त।
1CH 14:9 मिनु पलिस्‍ती जाक्‍शा, रेफाइम ङा बेंसीम मार मार रोइक्‍तमे बाक्‍त।
1CH 14:10 मोपतीके दाऊदमी परमप्रभु कली “गो लशा, पलिस्‍ती आन कली लडाइ तोङमी? गे मेको आन कली आं गुइमी गेनीनी?” दे हिल्‍लो पवा बाक्‍त। मिनु परमप्रभु यावेमी “इर ङोइश्‍शा लावो, गो मेको आन कली इ गुइमी गेनन” देंमाक्‍त।
1CH 14:11 मोपतीके दाऊद नु आ मुरपुकी इर ङोइश्‍शा लशा, बाल-पेराजीमम मेको आन कली लडाइ तोशा ग्रामा बाक्‍त। मिनु दाऊदमी “परमप्रभुमी खोला आ नेक्‍था ङा रू प्रेश्‍शो खोदेंशो पा, आं जोरी सत्रु आन कली साइक्‍मी बाक्‍त” देंत। मोपतीके मेको बाक्‍तीक आ नें बाल-पेराजीम वोदमे बाक्‍त।
1CH 14:12 मेकेर पलिस्‍तीपुकीम आन देवी देवता प्रोंइशा वोदमे बाक्‍त। मिनु दाऊदमी “मेको चोने” दे अरेवा बाक्‍त। ब्‍यवस्‍था ७:५-२५
1CH 14:13 मिनु पलिस्‍तीपुकीम लेंशा बेंसीम मार मार रोइक्‍चा गोव़मे बाक्‍त।
1CH 14:14 मिनु दाऊदमी लेंशा परमप्रभु कली हिल्‍लो पवा बाक्‍त। मिनु परमप्रभुम मेको कली “मुल गे इर ङोइश्‍शा मलने। गे नोले रे हिरशा, लचा माल्‍नेवे। शुश रवा बाक्‍तीके रे मेको आन नेक्‍था लशा लडाइ तोव़मी।
1CH 14:15 गे रवा आन ङर ङरमी लडाइ पाइब आन गाक्‍शो नेंनी चोटी मेको आन कली लडाइ तोव़मी। मारदे हना परमप्रभु इन ङोंइती पलिस्‍ती आन लडाइ पाइब नु लडाइ पथ लाइब” देंमाक्‍त।
1CH 14:16 मिनु दाऊदमी परमप्रभुम देंशो खोदेंशो पा लडाइ पवा बाक्‍त। मिनु मेकोम पलिस्‍ती आन लडाइ पाइब आन कली गिबोन रे गेजेर सम्‍म खेदा पा सदमे बाक्‍त।
1CH 14:17 मोपा दाऊद आ ठेयब दुम्‍तीके रागी नेल्‍ल ब्रमाक्‍त। मिनु परमप्रभु यावेमी रागी रागी ङा मुर नेल्‍ल आन थुंमी दाऊद क्‍येङा हिंतीक थुं वोदा बाक्‍त।
1CH 15:1 दाऊदमी आ सहरमी आंम कली खिंपुकी सेला बाक्‍त। मिनु परमप्रभु आ कबल पशो सन्‍दोस वोइक्‍चा कली बाक्‍तीक का सेल्‍शा, ताम्‍बु का कीङा बाक्‍त।
1CH 15:2 मिनु नोले दाऊदम “लेवी आ थर ङा मरुमी ला परमप्रभु आ सन्‍दोस कुरचा माल्‍नीम” दे हुकुम पवा बाक्‍त। मारदे हना परमप्रभु यावेमी लेवी आन कली आ सन्‍दोस कुरचा नु गेना हना यो परमप्रभु आ गेय पचा कली योव़शो बाक्‍मा बाक्‍त।
1CH 15:3 मिनु दाऊदम परमप्रभु यावे आ कबल पशो सन्‍दोस आ ठीक पशो बाक्‍तीकेम चाक्‍चा कली इस्राएली नेल्‍ल आन कली यरूसलेम सहरम पुक्‍मी बाक्‍त।
1CH 15:4 नोले दाऊदम हारून आ चच युइ नु लेवी नेल्‍ल आन कली खुप्‍तीमी बाक्‍त।
1CH 15:5 मेको सु सु बाक्‍मा बाक्‍त देंशा हना, कोहाथ आ तौ आन ठेयब मुर उरीएल नु सहे का २० जना आन खिं खिं ङा मुर बाक्‍मा बाक्‍त।
1CH 15:6 मेरारी आ तौ आन ठेयब मुर आसायाह नु सहे निक्‍शी २० जना आन खिं खिं ङा मुर बाक्‍मा बाक्‍त।
1CH 15:7 गेरशोम आ तौ आन ठेयब मुर योएल नु सहे का ३० जना आन खिं खिं ङा मुर बाक्‍मा बाक्‍त।
1CH 15:8 एली-जाफान आ तौ आन ठेयब मुर शेमायाह नु सहे निक्‍शी आन खिं खिं ङा मुर बाक्‍मा बाक्‍त।
1CH 15:9 हेब्रोन आ तौ आन ठेयब मुर एलीएल नु ८० जना आन खिं खिं ङा मुर बाक्‍मा बाक्‍त।
1CH 15:10 उज्‍जीएल आ तौ आन ठेयब मुर अम्‍मीनादाब नु सहे का १२ जना आन खिं खिं ङा मुर बाक्‍मा बाक्‍त।
1CH 15:11 मिनु दाऊदमी चढ़ेब सादोक नु अबीयाथार नु लेवी उरीएल, आसायाह, योएल, शेमायाह, एलीएल नु अम्‍मीनादाब आन कली ब्रेत्‍तीमी बाक्‍त। २सामुएल १५:२९
1CH 15:12 मिनु मेको आन कली “गे लेवी आन खिं ङा ठेयब मुर ननी। परमप्रभु यावे, इस्राएली आन परमप्रभु आ सन्‍दोस आं ठीक पशो बाक्‍तीके कुइक्‍चा, दे इन कली नु इन खिं खिं ङा मुर आन कली ठीक सेलीन।
1CH 15:13 ङोंइती गे मेको कली मकुरतीके परमप्रभु यावे, इं परमप्रभु गोपुकी नु गाइक्‍ताक्‍व। मारदे हना गो मेको सन्‍दोस कली ठीक पा मचाक्‍क” देंमाक्‍त। १इतिहास १३:९-११
1CH 15:14 मोपतीके परमप्रभु यावे, इस्राएली आन परमप्रभु आ सन्‍दोस चाक्‍चा कली चढ़ेब नु लेवी आंम आंम कली ठीक सेल्‍समा बाक्‍त।
1CH 15:15 मिनु लेवीपुकीम परमप्रभु आ सन्‍दोस शुइश्‍शो कोक्‍केमी आन बलामी कुरमे बाक्‍त। परमप्रभु यावेम मोसा कली दोपा देंमे, मोपा मोसा आ शेंशो पामे बाक्‍त। प्रस्‍थान २५:१४; गन्‍ती ४:१५
1CH 15:16 मिनु दाऊदम लेवी आन ठेयब मुर आन कली “इन खिं खिं ङा मुर कुम्‍सो पाइब योव़शा, वोइक्‍चा माल्‍नीनी। मेकोपुकी तार पाइश्‍शो ताप्‍तीके, बीना नु बुप्‍केल ताप्‍शा, ग्‍येरशा ठेयब सेंदा पा कुम्‍सो पचा माल्‍नीम” दे अरेमी बाक्‍त।
1CH 15:17 मोपतीके लेवीपुकीम योएल आ तौ हेमान नु आ खिं खिं ङा मुर बेरेक्‍याह आ तौ आसाफ, नु मेरारी आ तौ आन खिं खिं ङा मुर रे कुशायाह आ तौ एथान आन कली योव़ङमे बाक्‍त।
1CH 15:18 मिनु मेको आन नोले जकरिया, याजीएल, शेमीरामोथ, येहीएल, उन्‍नी, एलीआब, बेनायाह, मासेयाह, मत्तीथ्‍याह, एली-फेलेहु, मीक्‍नैयाह नु लाप्‍चो खाल पाइब ओबेद-एदोम नु यिएल आन कली योव़ेङमे बाक्‍त।
1CH 15:19 मिनु कुम्‍सो पाइब हेमान, आसाफ नु एथान कांसा के बुप्‍केल ताप्‍चा कली योव़चा पुंइसमा बाक्‍त। १इतिहास ६:१८; १इतिहास ६:२४; १इतिहास ६:२९; १इतिहास २५:१
1CH 15:20 मिनु जकरिया, अजीएल, शेमीरामोथ, येहीएल, उन्‍नी, एलीआब, मासेयाह नु बेनायाह अलामोथ देंशो आइक्‍च सेंदा पाइश्‍शो तार पाइश्‍शो ताप्‍तीके ताप्‍चा कली योव़चा पुंइसमा बाक्‍त।
1CH 15:21 मिनु मत्तीथ्‍याह, एली-फेलेहु, मीक्‍नैयाह, ओबेद-एदोम, यिएल नु अज‍जीयाह शेमीनीथ देंशो ठेयब सेंदा पाइश्‍शो बीना ताप्‍तीके ताप्‍चा कली योव़चा पुंइसमा बाक्‍त।
1CH 15:22 लेवी आन ठेयब मुर केनानीयाह कुम्‍सो पचा नु ताप्‍चा जोक्‍ब तुइक्‍ब बाक्‍तीके मेको आन कली चलेब दुम्‍माक्‍त।
1CH 15:23 बेरेक्‍याह नु एल्‍काना सन्‍दोस बाक्‍तीके ङा लाप्‍चो कोव़ब बाक्‍सा बाक्‍त।
1CH 15:24 मिनु चढ़ेब शेबान्‍याह, योशाफात, नेथनेल, अमासै, जकरिया, बेनायाह नु एलीएजर परमप्रभु आ कबल पशो सन्‍दोस आ ङोंइती तुराही ताप्‍चा माल्‍बाक्‍मा बाक्‍त। ओबेद-एदोम नु येहीयाह यो सन्‍दोस बाक्‍तीके ङा लाप्‍चो कोव़ब बाक्‍सा बाक्‍त।
1CH 15:25 मिनु दाऊद नु इस्राएल ङा खाल्‍पा नु हजार हजार ङा लडाइ पाइब आन कप्‍तानपुकी ओबेद-एदोम आ खिं लशा, ग्‍येरशा परमप्रभु यावे आ कबल पशो सन्‍दोस चाक्‍गमे बाक्‍त।
1CH 15:26 मिनु परमप्रभु यावेमी आ कबल पशो सन्‍दोस कुरब लेवी आन कली वारच पाइक्‍तीके मेकोपुकीम ७ ओटा ब्‍यफ नु ७ ओटा सांड चढ़ेमे बाक्‍त।
1CH 15:27 मिनु दाऊद नु सन्‍दोस कुरब लेवी, कुम्‍सो पाइब नु केनानीयाह ताप्‍ब नु कुम्‍सो पाइब आन कली चलेब नेल्‍ल रिम्‍शो सुती के वा फेक्‍शो बाक्‍मा बाक्‍त। दाऊदम रिम्‍शो सुती वा के कुचु तार फेक्‍तीके यो फेक्‍शो बाक्‍माक्‍त। प्रस्‍थान २५:७
1CH 15:28 मोपा इस्राएली नेल्‍लेमी ठेयब रेयके पा नु ग्रोव़, तुराही, बुप्‍केल, तार पाइश्‍शो ताप्‍तीके नु बीना ताप्‍शा परमप्रभु यावे आ कबल पशो सन्‍दोस कुइश्‍शा कु‍मा बाक्‍त।
1CH 15:29 मिनु परमप्रभु यावे आ कबल पशो सन्‍दोस दाऊद आ सहरम ओंइदमेनु, सावल आ तमी, दाऊद आ मीश मिकालमी झेल रे कोव़ङा बाक्‍त। मिनु पिप दाऊद कली ग्‍येरशा सिल पशो तशा, आ थुंमी पिप कली आइक्‍च मिम्‍ता बाक्‍त।
1CH 16:1 मिनु मेकोपुकीमी परमप्रभु आ कबल पशो सन्‍दोस चाक्‍शा, दाऊदमी कीशो ताम्‍बु आगाम वोदमे बाक्‍त। मिनु मेकोपुकीमी परमप्रभु आ ङोंइती चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त।
1CH 16:2 मिनु दाऊदमी मेको चोशा चढ़ेतीके नु दुशा बाक्‍चा आ पर्बम चढ़ेतीके चढ़ेने थुम्‍शा, मुर आन कली परमप्रभु यावे आ नेंमी आसीक गेवा बाक्‍त।
1CH 16:3 मिनु मेकोमी इस्राएली नेल्‍ल आन कली, मीश मुर नु वोंइश मुर आन कली शोब्‍ले का का, श्‍ये नु अङगुर शोब्‍ले का का जचा ब्‍वचा गेमी बाक्‍त।
1CH 16:4 मिनु दाऊदमी परमप्रभु यावे आ सन्‍दोस आ ङोंइती गेय पचा, दे लेवी आन कली योव़शा वोइक्‍मी बाक्‍त। मेकोपुकीमी परमप्रभु कली पुंइतीक लोव़ “गे रिम्‍शो पाइब बाक्‍नीनी” दे नु परमप्रभु यावे, इस्राएली आन परमप्रभु कली ठेयब सेल्‍चा माल्‍बाक्‍मा बाक्‍त।
1CH 16:5 मेको आन ठेयब मुर आसाफ बाक्‍माक्‍त। मेको आ नोले ङा जकरिया, यिएल, शेमीरामोथ, येहीएल, मत्तीथ्‍याह, एलीआब, बेनायाह, ओबेद-एदोम नु यिएल ठेयब नु आइक्‍च तार पाइश्‍शो ताप्‍तीके नु सितार ताप्‍ब बाक्‍मा बाक्‍त। आसाफ बुप्‍केल ताप्‍ब बाक्‍माक्‍त।
1CH 16:6 मिनु चढ़ेब बेनायाह नु याहासीएलमी नाक्‍त किंत किंत परमप्रभु आ कबल पशो सन्‍दोस आ ङोंइती तुराही तप्‍चा माल्‍बाक्‍सा बाक्‍त।
1CH 16:7 मेको नाक्‍ती दाऊदमी नेल्‍ल क्‍येङा ङोंइती आसाफ नु आ खिं खिं ङा मुर आन कली परमप्रभु यावे कली ठेयब सेल्‍तीक कुम्‍सो पपाइक्‍मी बाक्‍त।
1CH 16:8 “परमप्रभु यावे, गे रिम्‍शो पाइब बाक्‍नीनी, आ नें थिशा मेको कली पुंनीन। मेको आ पशो जात जात ङा मुर आन कली तुइक्‍पतीन।
1CH 16:9 मेको कली कुम्‍सो पने। मेको कली ठेयब सेल्‍तीक कुम्‍सो पने। मुर आन कली मेको आ छक लाक्‍चा ङा गेय नेल्‍ल आन पर्बम लोव़ पने।
1CH 16:10 मेको आ ठेयब नें आ पर्बम ग्‍येरसीन। परमप्रभु यावे कली माल्‍बपुकीमी ग्‍येरसीन।
1CH 16:11 परमप्रभु यावे नु मेको आ सक्ति मालीन। मेको नु बाक्‍चा कली माल्‍ना माल्‍न बाक्‍कीन।
1CH 16:12 मेको आ रिम्‍शो गेय मप्रेंदीन। आ पशो छक लाक्‍चा ङा गेय नु आ निसाफ पतीके मप्रेंदीन।
1CH 16:13 आ गेय पाइब इस्राएल आ चच युइ, याकूब आ आल, आ योव़शोपुकी परमप्रभु आ पशो गेय मप्रेंदीन।
1CH 16:14 मेको परमप्रभु यावे, इं परमप्रभु बाक्‍ब। मेकोमी रागी नेल्‍ल आन कली निसाफ पाइब।
1CH 16:15 आ पशो कबल गेना हना यो मप्रेंदीन। मेको कबल हजार हजार पाला ङा मुर आन कली पशो बाक्‍त।
1CH 16:16 मेकोमी अब्राहाम नु कबल पशो बाक्‍त। मेकोमी इसहाक नु कसम जशा, थोक्‍शो लोव़ पशो बाक्‍त।
1CH 16:17 मेको कबल याकूब कली फुल्‍लुम मुशा ब्रेक्‍शा गेशो बाक्‍त। इस्राएल कली गेना हना यो लीब कबल पशो बाक्‍त।
1CH 16:18 मेको कबल मार बाक्‍त देंशा हना ‘गो इ कली कनान रागी गेनन। इ रागी नु इ थेरशो रू बाक्‍ब’ दे मेको कबल बाक्‍त।
1CH 16:19 मेकोपुकी शुश मुर मबाक्‍तीके, मान मताइब नु अर्को रागी ङा मुर बाक्‍शा,
1CH 16:20 रागी रागी ङा मुर आन दातेम हिरशा, राज्‍य का रे अर्को जात ङा मुर सम्‍म हिरना हिरन गाक्‍बाक्‍तेक्‍म।
1CH 16:21 परमप्रभु यावेमी सुइमी मेको आन कली दिप्‍चा मगेमी। मेको आन पर्बम पिप आन कली यो हुइश्‍शा उत्‍पत्ती १२:१७; उत्‍पत्ती २०:३,७; उत्‍पत्ती २६:९
1CH 16:22 ‘आं तेल लुक्‍शो आन कली मथिने। आं नोले दुम्‍ब लोव़ पाइब आन कली श्‍येत मगेने’ देंशो बाक्‍त।
1CH 16:23 रागी ङा मुर नेल्‍लेमी परमप्रभु यावे कली कुम्‍सो पने। नाक्‍त किंत किंत आ श्‍येत रे प्रोंइशो आ पर्बम लोव़ पने।
1CH 16:24 रागी रागी ङा मुर आन दातेमी मेको आ सक्ति आ पर्बम लोव़ पने। जात जात ङा मुर आन दातेमी मेको आ पशो छक लाक्‍चा ङा गेय आ पर्बम लोव़ पने।
1CH 16:25 मारदे हना परमप्रभु यावे ठेयब बाक्‍ब। ठेयब मान पाइक्‍चा पुंइसीब बाक्‍ब। देवी देवता नेल्‍ल आन क्‍येङा मान पाइक्‍चा पुंइसीब बाक्‍ब।
1CH 16:26 मारदे हना जात जात ङा मुर आन देवी देवता नेल्‍ल मूर्ति बाक्‍नीम। तन्‍न परमप्रभु यावेमी सरीङ सेल्‍शो बाक्‍ब।
1CH 16:27 ठेयब दुम्‍तीक नु मान ततीक मेको नु बाक्‍नीस। सक्ति नु ग्‍येरतीक मेको आ बाक्‍तीकेम बाक्‍नीस।
1CH 16:28 जात जात ङा खिं खिं ङा मुरपुकीमी परमप्रभु यावे कली ‘छेङछेङ नु सक्ति इन के बाक्‍ब’ दे ठेयब सेलीन। भजन संग्रह २९:१२
1CH 16:29 परमप्रभु यावे कली आ नें शिरचा ङा पा मान पने। चढ़ेतीक चाक्‍शा, आ ङोंइती जाक्‍कीन। आंम आन कली परमप्रभु यावे आ ङोंइती ठीक सेल्‍शा मेको कली ठेयब सेलीन।
1CH 16:30 रागी नेल्‍ल मेको आ ङोंइती थिर थिर पा ख्रिंख्रि पने। रागी नेल्‍ल कली गेना हना यो मदुक्‍चा ङा पा वोइश्‍शो बाक्‍ब।
1CH 16:31 सरीङ ग्येरसेक्‍ल। रागी थाम्‍पा ग्‍येरसेक्‍ल। मिनु रागी रागी ङा मुर आन दातेमी ‘परमप्रभु यावे पिप बाक्‍ब’ देंमल।
1CH 16:32 समुन्‍द्र नु मेकेर बाक्‍ब मारेइ मारेइ नेल्‍ल ग्‍येरशा रेयके पामेक्‍ल। रू नु मेकेर बाक्‍ब मारेइ मारेइ ग्‍येरसीमल।
1CH 16:33 मेना ब्‍वाकी ङा रवा परमप्रभु यावे आ ङोंइती ग्‍येरशा कुम्‍सो पाइनीम। मारदे हना मेको रागी कली निसाफ पथ जाक्‍ब।
1CH 16:34 परमप्रभु यावे कली ‘गे रिम्‍शो पाइब बाक्‍नीनी’ देंनीन। मारदे हना आ दाक्‍तीक गेना हना यो लीब। २इतिहास २०:२१
1CH 16:35 मिनु गेपुकीम ‘आंइ कली श्‍येत रे प्रोनीन। गे आंइ कली प्रोंइब परमप्रभु बाक्‍नीनी। आंइ कली रागी रागी रे खुप्‍शा, प्रोंइकी’ दे यो देनीनी। गोपुकीमी इन कली ‘गे रिम्‍शो पाइब बाक्‍नीनी’ देंशा इन नें ठेयब सेल्‍शा, ग्‍येरशा बाक्‍नीकी।
1CH 16:36 परमप्रभु यावे, इस्राएली आन परमप्रभु गेना हना यो ठेयब बाक्‍ब। गेना हना यो मोदेंशो बाक्‍ब” दे कुम्‍सो पवा बाक्‍त। मिनु नोले मुर नेल्‍लेमी “आमेन” देंशा, परमप्रभु यावे कली ठेयब सेल्‍मे बाक्‍त। भजन संग्रह ४१:१४
1CH 16:37 मिनु दाऊदम आसाफ नु आ खिं खिं ङा मुर आन कली परमप्रभु यावे आ कबल पशो सन्‍दोस आ ङोंइती नाक्‍त किंत किंत पचा माल्‍शो गेय पचा, दे वोदा बाक्‍त।
1CH 16:38 ओबेद-एदोम नु आ खिं ङा मुर मेको आन कली वारच पाइब बाक्‍मा बाक्‍त। येदुथून आ तौ ओबेद-एदोम नु होसाह लाप्‍चो कोव़ब आन ठेयब मुर बाक्‍सा बाक्‍त।
1CH 16:39 दाऊदम चढ़ेब सादोक नु मेको आ खिं खिं ङा चढ़ेब आन कली गिबोनम बाक्‍शो डांडा ङा परमप्रभु यावे आ बाक्‍तीकेम वोइश्‍शो बाक्‍माक्‍त। १इतिहास २१:२९
1CH 16:40 मेकोपुकीमी नाक्‍त किंत किंत नाक्‍दो नु सुनी चढ़ेतीकेमी चोशा चढ़ेतीक चढ़ेचा माल्‍शो बाक्‍मा बाक्‍त। परमप्रभु यावेमी इस्राएली आन कली ब्रेक्‍शा आ अरेशो लोव़म खोदेंशो पा नेल्‍ल पचा माल्‍मे बाक्‍त। २प्रस्‍थान २९:३८-३९
1CH 16:41 हेमान, येदुथून नु आन नें ब्रेक्‍शो योव़शो मुर मेको नु बाक्‍मा बाक्‍त। मेको परमप्रभु कली “गे रिम्‍शो पाइब बाक्‍नीनी। मारदे हना इन दाक्‍तीक गेना यो लीब” देंचा कली वोइश्‍शो बाक्‍मा बाक्‍त।
1CH 16:42 हेमान नु येदुथून आस ताप्‍तीक तुराही नु बुप्‍‍केल यो बाक्‍मा बाक्‍त। परमप्रभु कली कुम्‍सो पचा कली अरु ताप्‍तीके यो बाक्‍मा बाक्‍त। येदुथून आ तौपुकी लाप्‍चो खाल पाइब बाक्‍मा बाक्‍त।
1CH 16:43 मिनु नोले मुर नेल्‍ल आन खिं खिं लेम्‍मा बाक्‍त। मिनु दाऊद आ खिं ङा मुर आन कली आसीक गेथ लमाक्‍त।
1CH 17:1 मिनु दाऊद आ खिंम बाक्‍म नोले परमप्रभु यावे आ लोव़ पाइब नाथान कली “गो लेबानोन ङा लाइश्‍शो रवा आ शी के खिंम बाक्‍शो बाक्‍नुङ। तन्‍न परमप्रभु यावे आ कबल पशो सन्‍दोस ताम्‍बुम वोइश्‍शो बाक्‍ब” दे मदा बाक्‍त।
1CH 17:2 मिनु नाथानम दाऊद कली “गे इन थुंम मार बाक्‍मे, मेको पने। मारदे हना परमप्रभु गे नु बाक्‍ब” दे मदा बाक्‍त।
1CH 17:3 तन्‍न मेको नाक्‍दो परमप्रभु यावेमी नाथान कली लोव़ पवा बाक्‍त।
1CH 17:4 मेकोमी “आं गेय पाइब दाऊद कली ‘परमप्रभु यावेमी इ कली मार देंब देंशा हना, गे आं कली बाक्‍तीक खिं मसेलो।
1CH 17:5 इस्राएली आन कली इजीप्‍त रे ग्रुंइशा एक चाक्‍शो नाक्‍त रे मुल सम्‍म गो गेनायो खिंम मबाक्‍ङ। गो ताम्‍बुम, आं बाक्‍तीकेम बाक्‍शो बाक्‍ती।
1CH 17:6 मिनु गो इस्राएली आन दातेम नु ते ते गाक्‍ङा, गो मेको आं मुर आन कली लां कोंइब इन निसाफ पाइब आन कली आं कली लेबानोन ङा लाइश्‍शो रवा आ शी ङा खिं सेलो, दे गेनायो मदेंङा’।
1CH 17:7 मोपतीके आं गेय पाइब दाऊद कली मुर नेल्‍ल आन परमप्रभु यावेमी इ कली मार देंब देंशा हना ‘गो क्‍यारश भेडा योव़तीके रे आं मुर इस्राएली आन पिप दुम्‍चा कली योव़तन।
1CH 17:8 गे ते ते लवे, गो यो मेक मेक बाक्‍शो बाक्‍ती। मिनु इ लांम बाक्‍शो इ जोरी सत्रु आन कली खतम पोक्‍तामी। मुल गो इ कली रागी ङा थम ठेयब मुर खोदेंशो पा ठेयब सेल्‍नन।
1CH 17:9 गो आं मुर इस्राएली आन कली रागी का योव़नुङ। मिनु गो मेको आन कली मेकेर बाक्‍पाइक्‍नुङमी। मिनु मेको आन रागीम बाक्‍नीम। मुल रे मेको आन कली श्‍येत गेबपुकी सुइम श्‍येत मगेनीम।
1CH 17:10 गोमी ङोंइङोंइती आं मुर इस्राएली आन कली सासन पाइब निसाफ पाइबपुकी योव़ङुमी रे मेको आन कली मरिम्‍शो मुरपुकीम श्‍येत गेशो खोदेंशो पा मुल गेनायो श्‍येत मगेनीम। गो इ जोरी सत्रु नेल्‍ल आन कली इ सासनम सेल्‍नुङमी। गो इ परमप्रभु यावेम इ राज्‍य नु इ खिं बोल्‍यो सेल्‍नुङ।
1CH 17:11 मिनु इ नाक्‍त नुप्‍शा, गे बेक्‍शा इ किकी पिपपुकी नु लाइनेवे। मिनु नोले गो इ तौ का कली इ पा ङा पिप सेल्‍नुङ। मिनु गो मेको आ राज्‍य महिम्‍सीब सेल्‍नुङ।
1CH 17:12 मिनु मेकोमीन आं कली खिं का सेल्‍चा माल्‍‍ब। गो मेको आ राज्‍य गेना हना यो लीपाइक्‍नुङ। १इतिहास २२:१०-२८
1CH 17:13 गो मेको आ आफ दुम्‍नुङ। मिनु मेको आं तौ दुम्‍ब। गो मेको आ ङोंइती ङा सासन पाइब रे आं गेना हना यो दाक्‍तीके प्रोंइशो खोदेंशो पा दाऊद रे मप्रोंइनुङ।
1CH 17:14 गो मेको कली आं खिं नु आं राज्‍यम गेना हना यो कली वोइक्‍नुङ। मिनु मेको आ सासन पतीक गेना हना यो महिम्‍सीथु बाक्‍ब’ देंशो लोव़” नाथान कली तुइक्‍पदा बाक्‍त।
1CH 17:15 मिनु नाथानमी मेको कली देंशो लोव़ नु कोंइशो नेल्‍ल दाऊद कली शेंदा बाक्‍त।
1CH 17:16 मिनु पिप दाऊद परमप्रभु यावे आ बाक्‍तीक लशा “परमप्रभु यावे, परमप्रभु, गो सु नङा? मिनु आं खिं मार बाक्‍बा? मिनु गे आं कली एक सम्‍म चाक्‍यीनी। उत्‍पत्ती ३२:११
1CH 17:17 मो हना यो परमप्रभु एको इन ङोंइती शुश ममाइ। परमप्रभु यावे, परमप्रभु, गेमी इन कबल इन गेय पाइब आ खिं कली शुश नोले सम्‍म कली बारपाइश्‍शो बाक्‍नीनी।
1CH 17:18 इन गेय पाइब कली इन गेशो मान आ पर्बम दाऊदम अरु मार देंने चाप्‍बा ङा? गे इन गेय पाइब कली रिम्‍शो पा तुइश्‍शो बाक्‍नीनी।
1CH 17:19 परमप्रभु यावे, गे इन गेय पाइब आ पर्बम नु इन पत दाक्‍शो गेय खोदेंशो पा गे थम ठेयब गेय पशो बाक्‍नीनी। मिनु एको इन पशो ठेयब कबल तुइक्‍पाइश्‍शो बाक्‍नीनी।
1CH 17:20 इन खोदेंशो अर्को सुइ मबाक्‍नीम। परमप्रभु यावे, इन ङा लाक्‍शा अर्को तेकोइ परमप्रभु मबाक्‍नीम। ङोंइती इन देंशो नेंशो नेल्‍ल मुल आंइ मिक्‍चीम ताइतक। यसैया ४४:६
1CH 17:21 मिनु इन मुर इस्राएली आन कली सु नु थाप्‍ने चाम्‍सीबा ङा? मेको आन वाइल दुम्‍तीक रागी रे आंम मुर सेल्‍चा कली आंमान रागीम चाक्‍ब अर्को तेको जात ङा मुर आन परमप्रभु बाक्‍नीमी ङा? गेमी ठेयब नु हिंचा ङा गेय पा इजीप्‍त रे प्रोंइशो इन मुर आन ङोंइङोंइती अर्को जात ङा मुर आन कली खेरशा इन मुर आन कली बाक्‍पाइश्‍शो बाक्‍नीनी।
1CH 17:22 गेम इन मुर इस्राएली आन कली गेना हना यो कली इन के सेल्‍शो बाक्‍नीनी। परमप्रभु यावे गे मेको आन परमप्रभु दुम्‍शो बाक्‍नीनी।
1CH 17:23 मुल ए परमप्रभु यावे, गे इन गेय पाइब नु मेको आ खिं आ पर्बम मार मिम्‍शा पशो बाक्‍नी, मेको गेना हना यो लील। गे मार कबल पशो बाक्‍नी, मेको गाप्‍ल।
1CH 17:24 मिनु इन पशो गेय ठेयब दुम्‍चा कली मेको गेना हना यो लील। मिनु मुर नेल्‍ल आन परमप्रभु यावे, इस्राएली आन परमप्रभु बाक्‍ब। मिनु इन गेय पाइब दाऊद आ खिं इन ङोंइती बोल्‍यो दुम्‍शा लीब।
1CH 17:25 गे आं परमप्रभुम इन गेय पाइब आं खिं सेल्‍चा कली इन मिम्‍शो शेंशो बाक्‍नीनी। मोपतीके गो इन गेय पाइबम इन ङोंइती एको प्रार्थना पचा चिक्‍शो बाक्‍नुङ।
1CH 17:26 ए परमप्रभु यावे, गेन परमप्रभु बाक्‍नीनी। गे इन गेय पाइब नु एको रिम्‍शो कबल पशो बाक्‍नीनी।
1CH 17:27 मेको गेना हना यो इन ङोंइती बाक्‍ल, दे इन गेय पाइब आ खिं कली आसीक गेचा इन मिम्‍शो बाक्‍ब। मारदे हना गेन मेको कली आसीक गेशो बाक्‍नीनी। मिनु मेको गेना हना यो आसीक रशो बाक्‍‍ब” दे दाऊदम परमप्रभु कली लोव़ पवा बाक्‍त। उत्‍पत्ती १२:३
1CH 18:1 मेको आ इच्‍का नोले दाऊदमी पलिस्‍ती नु लडाइ पा ग्राशा फ्रूमी बाक्‍त। मिनु पलिस्‍ती आन गाथ सहर नु मेको आ एर ओंथ ङा गाउं नेल्‍ल आइक्‍के सेला बाक्‍त।
1CH 18:2 मेकोमी मोआबी आन कली यो फ्रूमी बाक्‍त। मिनु मेकोपुकी दाऊद आ सासनम दुम्‍शा, मेको कली तिरो थाप्‍चा माल्‍मा बाक्‍त।
1CH 18:3 मिनु दाऊदमी युफ्रेटीस खोला सम्‍म आ ग्राशो अधिकार ठीक वोइक्‍थ लमेनु, सोबाह ङा पिप हादादेजेर नु हमाथ सम्‍म लडाइ पवा बाक्‍त।
1CH 18:4 मिनु दाऊदम मेको रे पा हजार का बग्‍गी, ७ हजार शारा ङोइक्‍ब नु २० हजार खोइलीम गाक्‍ब लडाइ पाइब आन कली ग्‍याइक्‍तीमी बाक्‍त। मिनु मेकोम सहे का शारा प्रोंइशा अरु बग्‍गी ङा शारा नेल्‍ल आन कली खोइल ङा नारी ख्रोदमे बाक्‍त।
1CH 18:5 मिनु सोबाह ङा पिप हादादेजेर कली वारच पाइक्‍चा कली दमस्‍कस ङा अरामीपुकी जाक्‍मे बाक्‍त। मिनु दाऊदमी मेको आन दाते ङा २२ हजार आन कली साइक्‍मी बाक्‍त।
1CH 18:6 मिनु दाऊदम दमस्‍कस ङा अराम सहरम आ ताम्‍बु कीङा बाक्‍त। मिनु अरामीपुकी मेको आ सासनम दुम्‍शा मेको कली तिरो थाप्‍तमे बाक्‍त। मोपा दाऊद ते लत हना यो परमप्रभु यावेम मेको कली ग्रापदा बाक्‍त।
1CH 18:7 दाऊदम हादादेजेर आ लडाइ पाइब आन ठेयब मुरपुकीम कुरशो सुन के ब्रा, तेक्‍तीकपुकी रोइश्‍शा यरूसलेमम चाक्‍गमे बाक्‍त।
1CH 18:8 दाऊदम हादादेजेर आ तिब्‍हाथ नु कुन सहर रे शुश कांसा चाक्‍गमे बाक्‍त। मेको रे पा सोलोमनम ठेयब चिक्‍तीक बोस, थामपुकी नु ग्‍योंबपुकी सेला बाक्‍त। १राजा ७:२३; १राजा ७:१५
1CH 18:9 मिनु हमाथ ङा पिप तोऊमी दाऊदमी सोबाह ङा पिप हादादेजेर आ लडाइ पाइब नेल्‍ल आन कली फ्रुशो लोव़ नेना बाक्‍त।
1CH 18:10 मिनु दाऊदमी हादादेजेर कली लडाइ फ्रुशो आ पर्बम मेको कली रिम्‍शो पाइतीनी देंथ तोऊम आ तौ हदोराम कली दाऊद आ बाक्‍तीक सोइक्‍ता बाक्‍त। मारदे हना हादादेजेर नु तोऊ आस दातेमी लडाइ दुम्‍शो बाक्‍माक्‍त। मिनु हदोराममी आं नु बाक्‍शो सुन चांदी नु कांसा के ग्‍योंबपुकी चाक्‍गा बाक्‍त।
1CH 18:11 मिनु दाऊद पिपम मेको आ चाक्‍शो सुन नु चांदी के ग्‍योंब नेल्‍ल परमप्रभु यावे कली चढ़ेवा बाक्‍त। मेकोमी अर्को जात नेल्‍ल एदोम, मोआब, अम्‍मोनी, पलिस्‍ती नु अमालेकी रे चाक्‍शो सुन चांदी यो चढ़ेवा बाक्‍त।
1CH 18:12 सेरूयाह आ तौ अबीशैमी हिक्‍सी आ बेंसीम १८ हजार एदोमी लडाइ पा सदा बाक्‍त।
1CH 18:13 मिनु मेको आन रागीम ताम्‍बु कीङा बाक्‍त। मिनु एदोमी नेल्‍ल दाऊद आ सासनम दुम्‍मा बाक्‍त। मोपा दाऊद ते ते लमे, मेक मेक परमप्रभु यावेमी मेको कली ग्रापदा बाक्‍त।
1CH 18:14 मिनु दाऊदम इस्राएल नेल्‍लेमी सासन पवा बाक्‍त। मिनु आ मुर नेल्‍ल आन कली ठीक निसाफ पवा बाक्‍त।
1CH 18:15 सेरूयाह आ तौ योआब कप्‍तान बाक्‍माक्‍त। अहीलुद आ तौ येहो-शाफात ठेयब ब्रेक्‍ब बाक्‍माक्‍त।
1CH 18:16 अहीतुब आ तौ सादोक नु अबीयाथार आ तौ अहीमेलेक चढ़ेब बाक्‍सा बाक्‍त। शाव्‍शा लडाइ पाइब आन ठेयब ब्रेक्‍ब बाक्‍माक्‍त। १इतिहास २४:६
1CH 18:17 येहो-यादा आ तौ बेनायाह केरेथी नु पेलेथी पिप कली खाल पाइब आन कप्‍तान बाक्‍माक्‍त। दाऊद आ तौपुकी चहिं पिप आ गेय पाइब आन ठेयब मुर बाक्‍मा बाक्‍त।
1CH 19:1 मिनु इच्‍का नाक्‍त नोले अम्‍मोनी आन पिप नाहाश बेक्‍माक्‍त। मिनु मेको आ पा ङा आ तौ पिप दुम्‍माक्‍त। १सामुएल ११:१
1CH 19:2 मिनु दाऊदमी “आ आफोम आं कली रिम्‍शो पशो खोदेंशो पा, गो नाहाश आ तौ हानुन नु थमा पा वारच्‍बु दुम्‍चा माल्‍नस्‍कु” देंमाक्‍त। मिनु मेको आ आफ बेक्‍शो आ पर्बम सुर्ता पशो लोव़ पथ लोव़ कुरब मुर सोइक्‍ता बाक्‍त। मिनु दाऊद आ लोव़ कुरबपुकी हानुन कली रिम्‍शो लोव़ पथ अम्‍मोनी आन रागीम जाक्‍दीम्‍मा बाक्‍त।
1CH 19:3 मिनु अम्‍मोनी आन ठेयब मुरपुकीम हानुन कली “दाऊदमी इन कली रिम्‍शो लोव़ पथ मुर सोइक्‍तानु, गे दाऊदमी इन आफ कली मान पा मुर सोइश्‍शो बाक्‍ब, दे मिम्‍नीनी? इन रागीम तेरे ओव़शा खतम पोक्‍चा, दे कोव़थ कका सोइश्‍शो बाक्‍ब। आ मुरपुकी क्‍यारी पथ जाक्‍शो मनमी ङा?” दे मदमे बाक्‍त।
1CH 19:4 मिनु हानुनमी दाऊद आ सोइश्‍शो मुर आन कली ग्‍याइश्‍शा आन चां प्रेक्‍तमे बाक्‍त। आन वा इर रे आन देल्‍लो सम्‍म रिक्‍शा सोइक्‍तमे बाक्‍त।
1CH 19:5 मिनु दाऊदमी आ मुर आन कली मो पशो लोव़ नेना बाक्‍त। मिनु मेको आन कली ग्रुम्‍चा, दे मुर सोइक्‍तमे बाक्‍त। मारदे हना मेकोपुकी थाम्‍पा मुने तोक्‍चा पुंइसीशो बाक्‍मा बाक्‍त। मिनु मेको आन गल शोक्रे ङोंइती ङा खोदेंशो पा मबारम सम्‍म मेको आन कली “यरीको सहरम बाक्‍मल” दे अरेवा बाक्‍त।
1CH 19:6 मिनु अम्‍मोनीपुकीमी “दाऊद आ ङोंइती मरिम्‍शो पाइतक” दे तुइक्‍तमे बाक्‍त। मिनु हानुन नु अम्‍मोनीपुकीम मेसोपोटामीया ङा अराम-नाहाराइम, अराम-माकाह नु सोबाह रे बग्‍गीपुकी नु शारा ङोइक्‍ब चाक्‍चा कली हजार का टलेन्‍ट चांदी सोइक्‍तमे बाक्‍त। टलेन्‍ट का ३४ किलो बाक्‍ब।
1CH 19:7 मिनु मेकोपुकीमी ३२ हजार बग्‍गी नु माकाह ङा पिप नु आ लडाइ पाइब आन कली थाप्‍शा चाक्‍गमे बाक्‍त। मेकोपुकी जाक्‍शा मेदेबा सहर आ नेक्‍था ताम्‍बु कीङमे बाक्‍त। अम्‍मोनीपुकी आन सहर सहर रे ग्रूशा लडाइ पचा कली ठीक पामे बाक्‍त।
1CH 19:8 मिनु दाऊदम मेको लोव़ नेंशा, योआब नु लडाइ पाइब नेल्‍ल आन कली सोइक्‍ता बाक्‍त।
1CH 19:9 अम्‍मोनीपुकी जाक्‍शा, सहर ओव़तीकेमी लडाइ पचा कली ठीक दुम्‍मा बाक्‍त। मेको नु जाक्‍शो पिपपुकी सहर ओव़तीकेम मबाक्‍थु, इच्‍का ङोन राप्‍शा लडाइ पचा ठीक दुम्‍मा बाक्‍त।
1CH 19:10 मिनु योआबम आ नोले नु ङोंइती निम्‍फा पटटी रे लडाइ तोचशो तवा बाक्‍त। मिनु मेकोमी कोइ कोइ योव़शो हिक्‍सीशो लडाइ पाइब इस्राएली आन कली अरामी नु लडाइ पथ सोइक्‍ता बाक्‍त।
1CH 19:11 मिनु लीशो लडाइ पाइब आन कली आ लोक्‍ब अबीशै आ हुकुममी गेवा बाक्‍त। मिनु मेको अम्‍मोनी नु लडाइ पचा कली ठीक दुम्‍माक्‍त।
1CH 19:12 मिनु योआबमी “अरामीपुकी आं क्‍येङा ग्राचा चिक्‍ताक्‍म हना, गे आं कली वारच पथ पिवो। अम्‍मोनी इं क्‍येङा ग्राचा चिक्‍ताक्‍म हना, गो इ कली वारच पथ पीनुङ।
1CH 19:13 सक्ति पाइश्‍शो दुमीन। गोपुकी आंम जात नु इं परमप्रभु आ सहर आ पर्बम महिंथु, लडाइ पय। परमप्रभु यावेम मार मिम्‍शो बाक्‍बा, मेको पाइब” देंमाक्‍त।
1CH 19:14 मिनु योआब नु मेको आ मुरपुकी अरामी आन नेक्‍था लशा, मेको आन कली खेदा पामे बाक्‍त। मिनु मेकोपुकी मेको आन क्‍येङा प्रोक्‍मा बाक्‍त
1CH 19:15 मिनु अम्‍मोनीपुकी यो अरामी प्रोक्‍शो तशा, योआब आ लोक्‍ब अबीशै आ ङोंइती रे प्रोक्‍शा सहर ओव़मा बाक्‍त। मोपतीके योआब यरूसलेम लेम्‍माक्‍त।
1CH 19:16 मिनु अरामी इस्राएली आन क्‍येङा ब्रुका बाक्‍त, दे तुइश्‍शा, युफ्रेटीस खोला आ आइक्‍ची हांबु ङा हादादेजेर आ कप्‍तान शोफाक आ हुकुमम बाक्‍शो अरु अरामी आन कली ब्रेत्‍थ सोइक्‍तमे बाक्‍त।
1CH 19:17 मेको आन मो पशो लोव़ दाऊद कली नेंपदमे बाक्‍त। मिनु मेकोमी रीब पा इस्राएली लडाइ पाइब नेल्‍ल आन कली खुप्‍शा यर्दन खोला शोक्‍शा लडाइ पचा कली सोइक्‍तीमी बाक्‍त। मिनु मेकोपुकी लशा लडाइ पचा कली ठीक दुम्‍मा बाक्‍त। अरामी यो मोपान दाऊद नु लडाइ पचा कली ठीक दुम्‍मा बाक्‍त। मिनु लडाइ पामे बाक्‍त।
1CH 19:18 तन्‍न इस्राएलीपुकीम मेको आन कली फ्रुशा खेदा पामे बाक्‍त। दाऊदमी ७ हजार अरामी आन बग्‍गी खुल्‍ब नु ४० हजार लडाइ पाइब नु मेको आन कप्‍तान शोफाक आन कली सदमे बाक्‍त।
1CH 19:19 मिनु हादादेजेरम आ मुरपुकी इस्राएली आन क्‍येङा ब्रुशो तशा गारचा कली सल्‍ला पथ मुर सोइक्‍ता बाक्‍त। मिनु दाऊद कली जिम्‍मा गेसमा बाक्‍त। मोपतीके मेको नोले गेनायो अरामीपुकीम अम्‍मोनी आन कली वारच मपामे बाक्‍त।
1CH 20:1 मिनु बर्खा जाक्‍मेनु, पिपपुकी लडाइ पथ ग्रूमा बाक्‍त। मिनु योआबमी लडाइ पाइबपुकी लाइश्‍शा अम्‍मोनी आन रागी कली गोरशो सेला बाक्‍त। मिनु मेको रब्‍बाह सहर पुम्‍शा, आ एर ओंथ नेल्‍ल हिरदा बाक्‍त। दाऊद चहिं यरूसलेम उइ बाक्‍माक्‍त। मिनु योआबमी रब्‍बाह सहर कली लडाइ पा खतम सेल्‍शा ग्रामाक्‍त।
1CH 20:2 मिनु दाऊदमी मेको आन पिप आ पिया रे सिरपेच लदा बाक्‍त। मेको सुन नाक्‍शोनु, टलेन्‍ट का बाक्‍माक्‍त। मेको सिरपेचम शुश क्‍येट लाइ‍ब हीरा यो क्‍येप्‍शो बाक्‍माक्‍त। मेको सिरपेच दाऊद कली गुक्‍त्‍‍मे बाक्‍त। दाऊदमी मेको सहर रे शुश मार मार रोइश्‍शा लदा बाक्‍त। टलेन्‍ट का ३४ किलो बाक्‍ब
1CH 20:3 मेको रागी ङा मुर आन कली ग्रुंइ‍शा, मेको आन कली आरा, कोदाली नु खामी गेय पपदमे बाक्‍त। मोदेंशो दाऊदमी अम्‍मोनी आन सहर नेल्‍लेमी पवा बाक्‍त। नोले दाऊद नु आ मुर नेल्‍ले यरूसलेम लेम्‍‍मा बाक्‍त।
1CH 20:4 मेको आ नोले पलिस्‍तीपुकी नु गेजेर सहरमी लडाइ दुम्माक्‍त। मेना हुशा ङा मुर सिब्‍बेकै माइश्‍शो सि‍प्पाइ कली सदा बाक्‍त। सिप्‍पाइ चहिं रेफाइ आ चच युइ का बाक्‍शो बाक्‍माक्‍त। पलिस्‍ती ब्रुम्‍मा बाक्‍त। १इतिहास २७:११
1CH 20:5 नोले लेंशा पलिस्‍ती नु लडाइ दुम्‍माक्‍त। याइर आ तौ एल्‍हानानमी गित्त आ खिं ङा मुर गोल्‍याथ आ लोक्‍ब लाहमी कली सदा बाक्‍त। मेको आ तूतीक आ ग्‍याइक्‍तीक वा प्रोक्‍ब आन शी खोमो ठेयब बाक्‍माक्‍त।
1CH 20:6 मिनु नोले लेंशा गाथ सहरमी लडाइ दुम्‍माक्‍त। मेकेर लाइश्‍शो मुर का बाक्‍माक्‍त। आ गुइ नु खोइली नेल्‍लेम ६,६ ओटा ब्रेप्‍चो पाइश्‍शो नेल्‍ल पा २४ ओटा ब्रेप्‍चो पाइश्‍शो मुर का बाक्‍माक्‍त। मेको रेफाइ आ चच युइ का बाक्‍माक्‍त।
1CH 20:7 मेकोमी इस्राएली आन कली शुक्‍शी पवा बाक्‍त। मिनु दाऊद आ लोक्‍ब शिमेआ आ तौ योनाथनमी मेको कली सदा बाक्‍त।
1CH 20:8 मेको गाथ ङा लाइश्‍शो मुर आन चच युइ, रेफाइ आ मुर बाक्‍मा बाक्‍त। मिनु दाऊद नु आ मुरपुकीमी मेको आन कली सदमे बाक्‍त।
1CH 21:1 मिनु सैतानमी इस्राएली आन कली मरिम्‍शो पचा कली दाऊद कली आ मुर इस्राएली आन कली हिक्‍पाइक्‍मी बाक्‍त।
1CH 21:2 मोपतीके दाऊदम योआब नु आ कप्‍तान आन कली “बेयर-शेबा रे दान सम्‍म ङा इस्राएली आन कली हिक्‍शा, आं कली शेंचा नङ। मिनु मेकोपुकी दोशो बाक्‍मा, गो तुइक्‍चा माल्‍‍नुङ” दे अरेमी बाक्‍त।
1CH 21:3 तन्‍न योआबमी “परमप्रभु यावेमी आ मुर आन कली एको क्‍येङा यो सहे खेयप हिक्‍शो खोइ सोशा बोशा शुश सेलल। मेकोपुकी आं पिप इन गेय पाइब मुर मदुम्‍नीमी ङा? गे मारदे मो पचा माल्‍नीनी? गे मारदे इस्राएली आन कली दोस चाक्‍नीनी?” देंमाक्‍त। प्रस्‍थान ३०:१२
1CH 21:4 तन्‍न पिपमी योआब आ लोव़ मनेना बाक्‍त। मिनु योआब लशा, इस्राएल नेल्‍ल हिरशा, यरूसलेमम लेश्‍शा जाक्‍माक्‍त।
1CH 21:5 मिनु योआब यरूसलेम जाक्‍शा, दाऊद कली आ हिक्‍शो मुरपुकी ओशो बाक्‍तेक्‍म, दे शेंदा बाक्‍त। मेकोमी “इस्राएलम या चलेने चाप्‍ब, लडाइ पाइब ११ लाख नु यहूदाम ४ लाख ७० हजार बाक्‍नीम” देंमाक्‍त।
1CH 21:6 तन्‍न योआबमी लेवी आ थर ङा मुर नु बेन्‍यामीन आ थर ङा मुर आन कली महिक्‍मी बाक्‍त। मारदे हना योआबमी पिप आ हुकुम पशो कली काइ मदाक्‍ता बाक्‍त।
1CH 21:7 मिनु परमप्रभु दाऊद आ पशो तशा, गाइक्‍ता बाक्‍त। मिनु इस्राएली आन कली सजाइ गेवा बाक्‍त १इतिहास २७:२४
1CH 21:8 मिनु दाऊदम परमप्रभु कली “गो मोदेंशो पा ठेयब पाप पाता। मुल इन गेय पाइब आं दोस क्‍याम्‍दीन। मारदे हना गो थम मरिम्‍शो पाइब दुम्‍ती” देंमाक्‍त।
1CH 21:9 मिनु परमप्रभु यावेमी आ लोव़ पाइब गाद कली “गे लशा दाऊद कली
1CH 21:10 परमप्रभु यावेमी इन कली मार लोव़ पाइब देंशा हना ‘गो इ ङोंइती लोव़ सां वोइक्‍नुङ। मेको रे का योव़सो। मिनु मेको इ कली पाइनुङ’ देंत, मतो” देंमाक्‍त।
1CH 21:11 मिनु गाद दाऊद आ बाक्‍तीके जाक्‍शा, मेकोमी “परमप्रभु यावेमी इन कली लोव़ पाइब। मिनु गे लोव़ का योव़सो।
1CH 21:12 ‘गो इ ङोंइती लोव़ सां वोइक्‍नुङ। मेको रे का योव़सो’ देंशो बाक्‍ब। मेको लोव़ सां तेको बाक्‍नीम देंशा हना, ङोंइती ङा बर्स सां सम्‍म अन्‍काल दुम्‍तीके, नोले ङा महिना सां सम्‍म इन जोरी सत्रुमी खेदा पचा पुंइसीतीके, आन तरवारम इन कली ग्रातीके नु नेल्‍ल क्‍येङा नोले ङा परमप्रभु यावेमी आ तरवार रे नाक्‍त सां सम्‍म रागी नेल्‍लेम बेक्‍चा ङा रोइ पपाइश्‍शा मुर साइक्‍तीक। मेको लोव़ सांमी का योव़सो। परमप्रभु यावे आ स्‍वर्ग ङा गेय पाइबमी नाक्‍त सां सम्‍म इस्राएल रागीम शुश मुर आन कली साइक्‍तीक। मेको लोव़ सां बाक्‍तेक्‍म। का योव़सो। गो आं कली सोइक्‍ब कली मार देंचा माल्‍नुङ, देंनीन” देंमाक्‍त।
1CH 21:13 मिनु दाऊदम गाद कली “गो थम श्‍येत जाइब दुम्‍ती। परमप्रभु यावे आ गुइमी दुम्‍चा गेयीनी। मारदे हना मेको आ शिशी थम ठेयब बाक्‍ब। तन्‍न मुर आन गुइमी दुम्‍चा मगेयीनी” दे मदा बाक्‍त।
1CH 21:14 मोपतीके परमप्रभु यावेमी इस्राएल रागीम बेक्‍चा ङा रोइ पपाइक्‍मी बाक्‍त। मिनु ७० हजार बेक्‍मा बाक्‍त।
1CH 21:15 मिनु परमप्रभुमी आ स्‍वर्ग ङा गेय पाइब का यरूसलेम सहर खतम पोक्‍चा कली सोइक्‍ता बाक्‍त। तन्‍न मेकोमी खतम पोक्‍चा चिक्‍तानु, परमप्रभु यावेमी मेको खतम पोक्‍तीक तशा, शिशी पा तेक्‍गा बाक्‍त। मेकोमी खतम पोक्‍ब आ स्‍वर्ग ङा गेय पाइब कली “मुल दुम्‍त। इ गुइ तेक्‍को” दे मदा बाक्‍त। मेना परमप्रभु यावे आ स्‍वर्ग ङा गेय पाइब यबुसी ओरनान आ खला आ नेक्‍था राप्‍शा, बाक्‍शो बाक्‍माक्‍त।
1CH 21:16 मिनु दाऊदमी इर गे कोव़ङानु, परमप्रभु यावे आ स्‍वर्ग ङा गेय पाइब का सरीङ नु रागी आस दातेमी राप्‍शा, आ गुइमी शोइश्‍शो तरवार का यरूसलेम गे दिंशो तवा बाक्‍त। मिनु दाऊद नु मेको नु बाक्‍शो खूशोपुकी भाङग्रा फेक्‍शा खुम्‍की पा बाम्‍मा बाक्‍त।
1CH 21:17 मिनु दाऊदम परमप्रभु कली “मुर आन कली हिक्‍चा कली गो कका अरेतामी। गो कका पाप पा काइ मरिम्‍शो पाता। तन्‍न एको भेडापुकीम मार पामे ङा? परमप्रभु यावे, आं परमप्रभु, इन गेचा ङा श्‍येत आं कली नु आं आफ आ खिं कली दुम्‍ल। तन्‍न इन मुर आन कली मोदेंशो श्‍येत मगेन” देंमाक्‍त।
1CH 21:18 मिनु परमप्रभु यावे आ स्‍वर्ग ङा गेय पाइबमी गाद कली “गे दाऊद कली ‘यबुसी ओरनान आ खलामी परमप्रभु यावे कली चढ़ेतीक का सेलो’ दे मतो” देंमाक्‍त।
1CH 21:19 मोपतीके दाऊदमी गादम परमप्रभु यावे आ नेंमी अरेशो लोव़ खोदेंशो पवा बाक्‍त।
1CH 21:20 मेना ओरनान आ चेरब दांइ पा लेश्‍शा कोव़ङानु, परमप्रभु यावे आ स्‍वर्ग ङा गेय पाइब कली तवा बाक्‍त। आ नु बाक्‍शो आ ४ जना तौ चहिं ख्रुंइसमा बाक्‍त। ओरनान चहिं चेरब तुप्‍स ङा तुप्‍स बाक्‍माक्‍त।
1CH 21:21 दाऊद मेको आ बाक्‍तीक जाक्‍दीम्‍मेनु, ओरनानम पिप कली तशा, आ ङोंइती खुम्‍की पा बाम्‍माक्‍त।
1CH 21:22 मिनु दाऊदम ओरनान कली “एको खला ङा रू परमप्रभु यावे कली चढ़ेतीक का सेल्‍चा कली गेयी। मेको गिश बाक्‍मे, मेको ङा क्‍येट गेनुङ। मुर आन कली गेशो बेक्‍तीक रोइ नाइक्‍सेक्‍ल” देंमाक्‍त।
1CH 21:23 मिनु ओरनानमी दाऊद कली “मेको ताक्‍कीन। हजुर, पिपम मार पचा दाक्‍नीनी, मेको पने। चोशा चढ़ेचा कली ब्‍यफपुकी गेनुङ। शी कली दांइ पशो शी बाक्‍ब। अन्‍न चढ़ेचा कली चेरब बाक्‍ब। गो मो गेता” देंमाक्‍त।
1CH 21:24 तन्‍न पिप दाऊदमी ओरनान कली “ममाइ, गो नेल्‍ल गिश बाक्‍मे मिश क्‍येट थाप्‍नुङ। गो मोशा इ मार मार ताक्‍शा परमप्रभु यावे कली मचढ़े‍नुङ” देंमाक्‍त।
1CH 21:25 मोपतीके दाऊदमी ओरनान कली मेको रू ङा ६ सहे सुन के शेकेल नाक्‍शा गेवा बाक्‍त। सेकेल का ११.५ ग्राम ङा चांदी के क्‍येट बाक्‍ब।
1CH 21:26 मिनु दाऊदम मेकेर परमप्रभु यावे कली चढ़ेतीक का सेला बाक्‍त। मिनु चोशा चढ़ेतीक नु दुशा बाक्‍चा आ पर्बम चढ़ेतीक चढ़ेवा बाक्‍त। मिनु परमप्रभु यावे आ नें थिशा पुना बाक्‍त। परमप्रभु यावेमी सरीङ रे चोशा चढ़ेतीके तारी मी तोक्‍शा लोव़ लेत्‍ता बाक्‍त। १राजा १८:२४
1CH 21:27 मिनु परमप्रभु यावेमी आ स्‍वर्ग ङा गेय पाइब कली “इ तरवार खोतम पिप्‍तो” दे मदा बाक्‍त।
1CH 21:28 मेना दाऊदम परमप्रभु यावेम यबुसी ओरनान आ खलाम आ लोव़ लेत्‍ताक्‍यी, दे तुइश्‍शा मेकेर चढ़ेवा बाक्‍त।
1CH 21:29 मोसाम गोरशो रागीम सेल्‍शो परमप्रभु यावे आ बाक्‍तीक नु चढ़ेतीके मेना सम्‍म गिबोन इर ङा पूजा पतीकेम बाक्‍शो बाक्‍माक्‍त। १राजा ३:४; २इतिहास १:३,६
1CH 21:30 तन्‍न दाऊद परमप्रभु कली पुंइचा मेकेर लने मचाप्‍शो बाक्‍माक्‍त। मारदे हना परमप्रभु यावे आ स्‍वर्ग ङा गेय पाइब आ तरवार क्‍येङा हिंमाक्‍त।
1CH 22:1 मिनु दाऊदमी “एकेर परमप्रभु आ खिं नु इस्राएलीपुकीमी परमप्रभु यावे कली चोशा चढ़ेतीक सेल्‍चा माल्‍ब” देंमाक्‍त।
1CH 22:2 मिनु दाऊदमी “इस्राएलम बाक्‍ब अर्को रागी ङा मुर आन कली बुक्‍कीन” दे अरेवा बाक्‍त। मिनु मेको आन कली परमप्रभु आ खिं सेल्‍चा कली फुल्‍लु ख्रोइक्‍तीक गेय गेमी बाक्‍त।
1CH 22:3 दाऊदमी शुश फलाम नु कांसा गेवा बाक्‍त। मेको लाप्‍चो नु लाप्‍चो ङा शी आन कली कांटी नु ग्‍याइक्पाइक्‍तीके सेल्‍चा कली वोइश्‍शो बाक्‍त। मेको नाक्‍ने मचाप्‍चा ङा पा शुश बाक्‍शो बाक्‍त।
1CH 22:4 मिनु हिक्‍ने मचाप्‍चा ङा पा लेबानोन ङा लाइश्‍शो रवा आन शी तेल्‍पाइ‍मी बाक्‍त। मारदे हना सीदोन नु टायर ङा मुरपुकीमी दाऊद कली लेबानोन ङा रवा आन शी शुश चाक्‍गमे बाक्‍त।
1CH 22:5 मिनु दाऊदमी “आं तौ सोलोमन मुल सम्‍म आइक्‍च नु मतुइक्‍‍ब बाक्‍ब। परमप्रभु यावे कली सेल्‍शो खिं थम दारशो, रागी नेल्‍लेमी मिम्‍चा ङा पा नु ठेयब दुम्‍चा माल्‍ब। मोपतीके गो मेको सेल्‍चा कली मारेइ मारेइ ठीक पचा माल्‍नुङ” देंमाक्‍त। मिनु दाऊदम आ बेक्‍चा क्‍येङा ङोंइती मार मार शुश तेल्‍मी बाक्‍त। १इतिहास २९:१
1CH 22:6 मिनु नोले दाऊदमी आ तौ सोलोमन कली ब्रेत्‍थ सोइक्‍ता बाक्‍त। मेको कली “परमप्रभु यावे इस्राएली आन परमप्रभु कली खिं का सेलो” दे अरेवा बाक्‍त।
1CH 22:7 मिनु सोलोमन कली “आं तौ, गो परमप्रभु यावे, आं परमप्रभु कली खिं का सेल्‍चा थुं पशो बाक्‍ती।
1CH 22:8 तन्‍न परमप्रभु यावेमी आं कली लोव़ पाप्‍तु। मेकोमी ‘गे शुश हुश ख्राक्‍श पोक्‍तीवी। गे ठेयब ठेयब लडाइ पाप्‍तीवी। मोपतीके आं कली खिं सेल्‍चा मदुम्‍ब। मारदे गे आं ङोंइती रागीम शुश हुश ख्राक्‍श पोक्‍शो बाक्‍नेवे।
1CH 22:9 गे तौ का थीनेवे। मेको लडाइ मपाइब मुर दुम्‍ब। गो मेको आ एर ओंथ ङा जोरी सत्रु नेल्‍ल आन कली लडाइ मपपाइक्‍नुङ। मिनु मेको आ नें सोलोमन दुम्‍चा माल्‍ब। आ सासन पची ना, गो इस्राएलम लडाइ मदुम्‍पाइक्‍थु रिम्‍शो पा बाक्‍चा गेनुङ।
1CH 22:10 मेकोमी आं नें ठेयब सेल्‍चा कली खिं का सेल्‍चा माल्‍ब। मिनु मेको आं तौ दुम्‍ब। मिनु गो मेको आ आफ दुम्‍नुङ। गो इस्राएलम मेको आ सासन पतीके गेना हना यो बोल्‍यो सेल्‍नुङ’ दे परमप्रभुम आं कली देंत।
1CH 22:11 आं तौ, परमप्रभु यावे गे नु बाक्‍ल। मिनु परमप्रभु यावे, इ परमप्रभुमी इ पर्बम देंशो खोदेंशो पा गे मेको कली खिं सेल्‍चा माल्‍नेवे। मेको गेय नेल्‍ल रिम्‍शो दुम्‍ल।
1CH 22:12 परमप्रभु यावेमी इ कली रुप्‍तीक नु जोक्‍ब तुइक्‍ब थुं गेवल। मेकोमी इ कली इस्राएल कली सासन पचा गेवानु, गे परमप्रभु यावे, इ परमप्रभु आ अरेशो लोव़ टिशा पाइब दुम्‍नेवे।
1CH 22:13 परमप्रभु यावेमी मोसा कली आ फुल्‍लुम मुशा ब्रेक्‍शो लोव़ नु निसाफ पतीक लोव़ इस्राएली आन कली टिशा पचा कली गेशो बाक्‍त। गे मेको नेल्‍ल पाप्‍तीवी हना, इ गेय रिम्‍शो दुम्‍ब। गे बोल्‍यो नु महिंब दुमो। हिंशा इ थुं लुक्‍च लचा मगेवो। १राजा २:२-३
1CH 22:14 गो शुश श्‍येत पा परमप्रभु यावे आ खिं सेल्‍चा कली मार वोइक्‍ता देंशा हना, लाख का टलेन्‍ट सुन, १० लाख टलेन्‍ट चांदी नु नाक्‍ने मचाप्‍चा ङा पा कांसा नु फलाम खेक्‍शा वोइक्‍ता‍मी। मारदे हना मेकेर शुश बाक्‍शो बाक्‍त। शी नु फुल्‍लुपुकी यो ठीक पा वोइक्‍तामी। गे अर्को यो तेम्‍चा माल्‍नेवे। टलेन्‍ट का ३४ किलो बाक्‍ब।१इतिहास २९:२
1CH 22:15 गे नु शुश गेय पाइब बाक्‍शो बाक्‍नीम। मार गेय पाइब बाक्‍शो बाक्‍नीम देंशा हना, फुल्‍लु ख्रोइक्‍ब, गारो प्रोव़ब, शी के गेय पाइब, शुश दारशो गेय जोक्‍शा पाइब यो बाक्‍नीम।
1CH 22:16 मेकोपुकीमी सुन, चांदी, कांसा नु फलाम के मारेइ मारेइ गेय पाइब बाक्‍नीम। मुल गेय पचा गोवो। परमप्रभु यावे गे नु बाक्‍ल” दे दाऊदमी सोलोमन कली मदा बाक्‍त।
1CH 22:17 मिनु दाऊदमी इस्राएली आन ठेयब मुर नेल्‍ल आन कली “आं तौ सोलोमन कली वारच पने।
1CH 22:18 परमप्रभु यावे, इन परमप्रभु गेपुकी नु बाक्‍ब। मेकोमी इन रागी नेल्‍लेमी काइ लडाइ मदुपद। इन थुं नाइक्‍पाइश्‍शा वोइक्‍तु। मेकोमी एको रागी ङा मुर आन कली आं गुइमी गेशो बाक्‍त। मारदे हना परमप्रभु यावेमी एको रागी ङा मुर आं गुइम गेती। मेको रागीपुकी परमप्रभु यावे नु आ मुर आन सासनमी वोइक्‍तु। १इतिहास २३:२५
1CH 22:19 मुल इन थुं नेल्‍लेमी परमप्रभु यावे, इन परमप्रभु कली मालीन। मिनु परमप्रभु यावे, परमप्रभु आ बाक्‍तीक सेल्‍चा गोने। मिनु नोले परमप्रभु यावे आ कबल पशो सन्‍दोस नु परमप्रभु आ ग्‍योंबपुकी परमप्रभु यावे कली सेल्शो खिंमी वोइक्‍चा माल्‍नीनी” दे माइक्‍मी बाक्‍त।
1CH 23:1 मिनु दाऊद खूशो नु शुश बर्स दुम्‍शा, आ तौ सोलोमन कली इस्राएल ङा पिप सेला बाक्‍त। १राजा १:२८-४०
1CH 23:2 मिनु मेकोमी इस्राएली आन ठेयब मुर नेल्‍ले नु चढ़ेबपुकी नु लेवी आन कली ग्रुम्‍पाइक्‍मी बाक्‍त।
1CH 23:3 मिनु ३० बर्स गाप्‍शो नु मेको क्‍येङा लाक्‍शो लेवी आन कली हिक्‍शोनु, मेको नेल्‍ल ३८ हजार बाक्‍मा बाक्‍त।
1CH 23:4 मिनु दाऊदमी लेवी आन पर्बम “मेको आन दाते ङा २४ हजार परमप्रभु यावे आ खिं ङा गेय कोव़चा माल्‍नीम। ६ हजार मेको आन ठेयब मुर नु निसाफ पाइब दुम्‍चा माल्‍नीम।
1CH 23:5 मिनु ४ हजार लाप्‍चो खाल पाइब दुम्‍चा माल्‍नीम। मिनु नोले ङा ४ हजार आं गेशो बाजापुकी ताप्‍शा, परमप्रभु यावे कली ठेयब सेल्‍तीक कुम्‍सो पचा माल्‍नीम” देंमाक्‍त।
1CH 23:6 मिनु दाऊदम मेको आन कली लेवी आ तौ गेरशोम, कोहाथ नु मेरारी का का पा हुल पा योक्‍शा गेमी बाक्‍त। १इतिहास ६:१
1CH 23:7 गेरशोम आ तौ लादान नु शिमेइ बाक्‍सा बाक्‍त।
1CH 23:8 लादान आ ङोंइती थिशो तौ येहीएल ठेयब मुर बाक्‍माक्‍त। आ नोले ङा जेथाम नु योएल नेल्‍ल पा सां बाक्‍मा बाक्‍त। १इतिहास २६:२१
1CH 23:9 शिमेइ आ तौ शेलोमोथ, हजीएल नु हारान सां बाक्‍मा बाक्‍त। मेकोपुकी लादान आ खिं ङा ठेयब मुर बाक्‍मा बाक्‍त।
1CH 23:10 मिनु शिमेइ आ तौ याहाथ, जीना, येऊश नु बेरीआ, ४ जना बाक्‍मा बाक्‍त।
1CH 23:11 याहाथ मेको आन ठेयब मुर बाक्‍माक्‍त। मेको आ नोले ङा जीजाह बाक्‍माक्‍त। तन्‍न येऊश नु बेरीआ आस के शुश तौ मबाक्‍तीके मेको आस कली खिं का ङा मुर हुल का सेल्‍शा हिक्‍चा पुंइसमा बाक्‍त।
1CH 23:12 कोहाथ आ तौ अम्राम, इच्‍हार, हेब्रोन नु उज्‍जीएल ४ जना बाक्‍मा बाक्‍त।
1CH 23:13 अम्राम आ तौ हारून नु मोसा बाक्‍सा बाक्‍त। हारून नेल्‍ल क्‍येङा चोव़खो चढ़ेतीक गेय पाइब सेल्‍चा कली योव़चा पुंइसे बाक्‍त। मेको नु आ तौपुकी गेना हना यो परमप्रभु यावे आ ङोंइती चढ़ेचा माल्‍द‍मे बाक्‍त। परमप्रभु आ ङोंइती गेय पचा कली नु आ नेंमी गेना हना यो आसीक गेचा कली योव़शो बाक्‍मा बाक्‍त। १इतिहास ५:२९; १इतिहास ६:३४; ब्‍यवस्‍था १०:८; गन्‍ती ६:२४-२७
1CH 23:14 मोसा परमप्रभु आ मुर बाक्‍शो बाक्‍माक्‍त। मेको नु आ तौपुकी अरु लेवी आ थर ङा मुर खोदेंशो पा हिक्‍शो बाक्‍मा बाक्‍त।
1CH 23:15 मोसा आ तौ गेरशोम नु एलीएजर बाक्‍सा बाक्‍त। प्रस्‍थान १८:३-४
1CH 23:16 गेरशोम आ तौ शेबुएल ठेयब मुर का बाक्‍माक्‍त। मेको ङोंइती ङा बाक्‍माक्‍त। १इतिहास २६:२४
1CH 23:17 एलीएजर आ तौ रेहब्‍याह ठेयब मुर बाक्‍माक्‍त। मेको एलीएजर आ तौ का ला बाक्‍माक्‍त। तन्‍न रेहब्‍याह के तौ शुश बाक्‍मा बाक्‍त। १इतिहास २४:२१-३०
1CH 23:18 इच्‍हार आ तौ शेलोमीथ ठेयब मुर बाक्‍माक्‍त।
1CH 23:19 हेब्रोन आ तौ येरीयाह ठेयब मुर बाक्‍माक्‍त। मेको आ माइला अमारयाह, आ साइला याहासीएल, नु आ कान्‍छा येकामेआम बाक्‍मा बाक्‍त।
1CH 23:20 उज्‍जीएल आ तौ मीकाह ठेयब मुर बाक्‍माक्‍त। मेको आ नोले ङा तौ इस्‍शीयाह बाक्‍माक्‍त।
1CH 23:21 मेरारी आ तौ माहली नु मुशी बाक्‍सा बाक्‍त। माहली आ तौ एलाजर नु कीश बाक्‍सा बाक्‍त। १इतिहास ६:४
1CH 23:22 एलाजर तौ मथिथु बेक्‍माक्‍त। मेको के तमीपुकी ला बाक्‍मा बाक्‍त। मेको आ लोक्‍ब कीश आ तौपुकीमी मेको आन कली ग्‍युंबे पामे बाक्‍त।
1CH 23:23 मुशी आ तौपुकी माहली, एदेर नु येरेमोथ सां बाक्‍मा बाक्‍त।
1CH 23:24 मेको लेवी आ थर ङा खिं खिं ङा मुर बाक्‍मा बाक्‍त। मेको खिं खिं ङा २० बर्स गाप्‍शो नु मेको क्‍येङा लाक्‍शो बाक्‍मा बाक्‍त। मेको आन कली हिक्‍शा, आन नें ब्रेक्‍शो बाक्‍मा बाक्‍त। मारदे हना मेकोपुकी परमप्रभु यावे आ खिंम गेय पचा माल्‍बाक्‍मा बाक्‍त।
1CH 23:25 मिनु दाऊदमी “परमप्रभु यावे, इस्राएली आन परमप्रभुमी आ मुर आन कली थुं नाइक्‍चा गेशो बाक्‍ब। मिनु परमप्रभु यरूसलेम सहरम गेना हना यो बाक्‍ब।
1CH 23:26 मोपतीके मुल रे लेवी आ थर ङा मुरपुकी परमप्रभु यावे आ बाक्‍तीके नु मेको आ मार मार ग्‍योंबपुकी गेनायो कुरचा ममाल्‍नीम” देंमाक्‍त। योएल ४:२१
1CH 23:27 दाऊद आ नोले देंशो लोव़ रे पा मेको २० बर्स गाप्‍शो नु मेको क्‍येङा लाक्‍शो लेवी आ थर ङा मुर हिक्‍चा बाक्‍मा बाक्‍त।
1CH 23:28 मेकोपुकीमी हारून आ तौ परमप्रभु यावे आ खिं ङा गेय पतीकेम वारच पचा माल्‍मा बाक्‍त। लाङगा नु कोठापुकी कोव़चा, चोव़खो थोव़कपुकी सफा पचा, परमप्रभु आ खिं ङा अरु गेय नेल्‍ल पचा माल्‍बाक्‍मा बाक्‍त।
1CH 23:29 मिनु मेकोपुकीमी चढ़ेशो शोब्‍ले वोइक्‍चा कली, अन्‍न चढ़ेतीक ङा रिम्‍शो फसी, बोरब ओख्ती मसुप्‍शो शोब्‍ले, तेल ब्‍वाइश्‍शो चढ़ेतीक, नेल्‍ल नाक्‍तीक गेयम वारच पचा माल्‍बाक्‍मा बाक्‍त।
1CH 23:30 मिनु मेकोपुकी सुनी कुस कुस नु नाक्‍दो कुस कुस परमप्रभु यावे आ ङोंइती “गे रिम्‍शो पाइब बाक्‍नीनी” दे ठेयब सेल्‍चा माल्‍बाक्‍मा बाक्‍त।
1CH 23:31 नाइक्‍तीक नाक्‍त परमप्रभु यावे कली चोशो चढ़ेतीक चढ़ेचा कली, औंसी नाक्‍त नु नेल्‍ल पचा ङा चाड ङा चढ़ेतीके गेय परमप्रभु यावे आ ङोंइती वारच पचा माल्‍बाक्‍मा बाक्‍त।
1CH 23:32 मोपा मेकोपुकीमी ग्रुम्‍तीक ताम्‍बु नु चोव़खो बाक्‍तीक नेल्‍ल कोव़चा माल्‍मा बाक्‍त। मिनु मेकोपुकीमी हारून आ तौ चच आन दी बाक्‍शा परमप्रभु यावे आ खिं ङा गेय पचा माल्‍बाक्‍मा बाक्‍त।
1CH 24:1 मिनु योव़सीशो हारून आ तौ चच सु सु बाक्‍मा बाक्‍त देंशा हना, आ तौ नादाब, अबीहु एलाजर नु इथामार बाक्‍मा बाक्‍त। १इतिहास २३:६; १इतिहास ५:२९
1CH 24:2 नादाब नु अबीहु चहिं आस आफ बेक्‍चा क्‍येङा ङोंइती तौ मथिथु, बेक्‍सा बाक्‍त। मोपतीके एलाजर नु इथामार चढ़ेब दुम्‍शो बाक्‍सा बाक्‍त।
1CH 24:3 मिनु दाऊदमी एलाजर नु आ तौ सादोक नु इथामार नु आ तौ अहीमेलेक नु मेको आन गेय पचा कली हुल सेल्‍शा गेमी बाक्‍त।
1CH 24:4 मिनु इथामार आ खिं खिं ङा ठेयब मुर आन क्‍येङा एलाजर आ खिं खिं ङा मुर शुश बाक्‍शो बाक्‍मा बाक्‍त। मोपतीके एलाजर आ तौ आन खिं खिं ङा ठेयब मुर १६ जना आन कली हुल हुल सेल्‍मे बाक्‍त। इथामार आ तौ आन खिं खिं ङा ठेयब मुर ८ जना आन कली हुल हुल सेल्‍मे बाक्‍त।
1CH 24:5 मिनु आन दातेम बाजी आप्‍शा, आन हुल हुल सेल्‍मे बाक्‍त। मारदे हना एलाजर नु इथामार आस तौ आस खिं खिं ङा मुर नेल्‍ल खाल का ङा ठेयब मुर बाक्‍मा बाक्‍त। मेको नेल्‍ले परमप्रभु नु आ बाक्‍तीक ङा ठेयब मुर बाक्‍मा बाक्‍त।
1CH 24:6 नेथनेल आ तौ शेमायाह, लेवी आ थर ङा ब्रेक्‍ब का बाक्‍माक्‍त। मेकोमी पिप नु ठेयब मुरपुकी, चढ़ेब सादोक, अबीयाथार आ तौ अहीमेलेक, चढ़ेब लेवी आन खिं खिं ङा ठेयब मुर आन ङोंइती चढ़ेब आन नें ब्रेक्‍ता बाक्‍त। एलाजर आ खिं खिं ङा नु इथामार आ खिं खिं ङा गेय पतीक हुल सेल्‍मे बाक्‍त। १इतिहास १८:१६
1CH 24:7 मिनु ङोंइती ङा बाजी आप्‍शो येहो-यारीब आ नेंमी, मेको आ नोले ङा बाजी येदायाह आ नेंमी,
1CH 24:8 मेको आ नोले ङा बाजी हारीम आ नेंमी, मेको आ नोले ङा बाजी सेओरीम आ नेंमी,
1CH 24:9 मेको आ नोले ङा बाजी माल्‍कीयाह आ नेंमी, मेको आ नोले ङा बाजी मियामीन आ नेंमी,
1CH 24:10 मेको आ नोले ङा बाजी हककोस आ नेंमी, मेको आ नोले ङा बाजी अबीयाह आ नेंमी, लूका १:५
1CH 24:11 मेको आ नोले ङा बाजी येशुआ आ नेंमी, मेको आ नोले ङा बाजी शेकन्‍याह आ नेंमी,
1CH 24:12 मेको आ नोले ङा बाजी एल्‍याशीब आ नेंमी, मेको आ नोले ङा बाजी याकीम आ नेंमी,
1CH 24:13 मेको आ नोले ङा बाजी हुप्‍पाह आ नेंमी, मेको आ नोले ङा बाजी येशेबे-आब आ नेंमी,
1CH 24:14 मेको आ नोले ङा बाजी बिल्‍गाह आ नेंमी, मेको आ नोले ङा बाजी इम्‍मेर आ नेंमी,
1CH 24:15 मेको आ नोले ङा बाजी हेजीर आ नेंमी, मेको आ नोले ङा बाजी हप्‍पीसेस आ नेंमी,
1CH 24:16 मेको आ नोले ङा बाजी पेथायाह आ नेंमी, मेको आ नोले ङा बाजी येहेजकेल आ नेंमी,
1CH 24:17 मेको आ नोले ङा बाजी याकीन आ नेंमी, मेको आ नोले ङा बाजी गामुल आ नेंमी,
1CH 24:18 मेको आ नोले ङा बाजी देलायाह आ नेंमी नु मेको आ नेल्‍ल क्‍येङा नोले ङा बाजी माजीयाह आ नेंमी दुम्माक्‍त। नेल्‍ल पा २४ हुल बाक्‍मा बाक्‍त।
1CH 24:19 मेको आन किकी हारूनमी गेशो पतीक लोव़ गेय बाक्‍माक्‍त। दोपा परमप्रभु यावे आ खिं लचा ब्रेक्‍शो बाक्‍त। परमप्रभु यावे, इस्राएली आन परमप्रभुमी हारून कली गेशा शेंशो लोव़ खोदेंशो बाक्‍शो बाक्‍त। हारून आ खिं खिं ङा लेवी आन गेय पचा माल्‍मा बाक्‍त।
1CH 24:20 मिनु लीशो लेवी आ थर ङा मुर सु सु बाक्‍मा बाक्‍त देंशा हना, अम्राम आ तौ आन दाते ङा शुबाएल बाक्‍माक्‍त। शुबाएल आ तौ आ दाते ङा येहदयाह बाक्‍माक्‍त।
1CH 24:21 रेहब्‍याह आ तौ आन दाते ङा मेको आन ठेयब मुर इस्‍शीयाह बाक्‍माक्‍त।
1CH 24:22 इच्‍हार आ तौ आन दाते ङा शेलोमोथ बाक्‍माक्‍त। शेलोमोथ आ तौ आन दाते ङा याहाथ बाक्‍माक्‍त।
1CH 24:23 हेब्रोन आ तौ आन दाते ङा येरीयाह मेको आन ठेयब मुर बाक्‍माक्‍त। मेको आ माइला अमारयाह बाक्‍माक्‍त। आ साइला याहासीएल बाक्‍माक्‍त। आ कान्‍छा येकामेआम बाक्‍माक्‍त।
1CH 24:24 उज्‍जीएल आ तौ आन दाते ङा मीकाह बाक्‍माक्‍त। मीकाह आ तौ आन दाते ङा शामीर बाक्‍माक्‍त।
1CH 24:25 मिनु मीकाह आ लोक्‍ब इस्‍शीयाह आ तौ आन दाते ङा जकरिया बाक्‍माक्‍त।
1CH 24:26 मेरारी आ तौ आन दाते ङा माहली नु मुशी बाक्‍माक्‍त। याजीयाह आ तौ बेनो बाक्‍माक्‍त।
1CH 24:27 मेरारी आ तौ चच आन दाते ङा याजीयाह, बेनो, शोहाम, जाक्‍कुर नु इब्री बाक्‍मा बाक्‍त।
1CH 24:28 माहली आ तौ आन दाते ङा एलाजर बाक्‍माक्‍त। मेको के तौ मबाक्‍म।
1CH 24:29 कीश आ तौ आन दाते ङा येराहमेल बाक्‍माक्‍त।
1CH 24:30 मिनु मुशी आ तौ आन दाते ङा माहली, एदेर नु येरीमोथ बाक्‍मा बाक्‍त। मेको लेवी आ थर ङा खिं खिं ङा मुर बाक्‍मा बाक्‍त।
1CH 24:31 मेकोपुकीमी पिप दाऊद, सादोक अहीमेलेक नु चढ़ेब आन खिं खिं ङा ठेयब मुरपुकी नु लेवी आ थर ङा मुर आन ङोंइती बाजी आप्‍मे बाक्‍त। खिं खिं ङा ठेयब मुर नु नेल्‍ल क्‍येङा आइक्‍च नेल्‍लेम खाल का ङा पामे बाक्‍त। मिनु गेना गेय पचा, दे यो बाजी आप्‍मे बाक्‍त। १इतिहास २५:८
1CH 25:1 दाऊद नु आ कप्‍तानपुकीमी आसाफ आ तौपुकी, हेमान आ तौपुकी नु येदुथून आ तौ आन कली परमप्रभु यावे आ सोक्‍तीम ब्रीशा आइक्‍च नु ठेयब तार पाइश्‍शो ताप्‍तीके नु बुप्‍केल ताप्‍चा कली योव़ङ‍मे बाक्‍त। मेको गेय पाइब आन नें ब्रेक्‍तमे बाक्‍त। १इतिहास १५:१९
1CH 25:2 मिनु सु बाक्‍मा बाक्‍त देंशा हना, आसाफ आ तौ आन दाते ङा जाक्‍कुर, योसेफ, नेथन्‍याह नु अशारेलाह बाक्‍मा बाक्‍त। आसाफ मेको आन कली अरेब बाक्‍माक्‍त। आसाफमी पिप आ देंशो परमप्रभु यावे आ सोक्‍तीम ब्रीशो कुम्‍सो सेला बाक्‍त।
1CH 25:3 येदुथून आ तौ नु गेदाल्‍याह, सेरी, येशायाह, शिमेइ, हशाब्‍याह नु मत्तीथ्‍याह ६ जना बाक्‍मा बाक्‍त। आन आफ येदुथून मेको आन कली अरेब बाक्‍माक्‍त। मेकोमी बीना ताप्‍शा परमप्रभु यावे आ सोक्‍तीम ब्रीशा “गे रिम्‍शो पाइब बाक्‍नीनी” दे ठेयब सेल्‍तीक कुम्‍सो पवा बाक्‍त।
1CH 25:4 हेमान आ तौपुकी बुक्‍कीयाह, मत्तन्‍याह, उज्‍जीएल, शेबुएल, येरीमोथ, हनान्‍याह, हानानी, एली-आथा, गिदाल्‍ती, रोमाम्‍ती-एजेर, योश्‍बे-काशाह, माल्‍लोथी, होथीर नु माहाजी-ओथ बाक्‍मा बाक्‍त।
1CH 25:5 मेको नेल्‍ल पिप कली परमप्रभु आ लोव़ पाइब हेमान आ तौ बाक्‍मा बाक्‍त। मेकोपुकीमी परमप्रभु आ देंशो खोदेंशो पा परमप्रभु कली ठेयब सेल्‍चा माल्‍मा बाक्‍त। मारदे हना परमप्रभुमी हेमान कली १४ जना तौ नु तमी सां गेशो बाक्‍माक्‍त। २इतिहास ३५:१५
1CH 25:6 मिनु आन आफोमी परमप्रभु यावे आ खिंम मेको नेल्‍ल आन कली बीना ताप्‍चा, तार पाइश्‍शो ताप्‍तीके ताप्‍चा नु बुप्‍केल ताप्‍चा कली शेंशो बाक्‍माक्‍त। पिपमी आसाफ, येदुथून नु हेमान आन कली दोपा अरेवा, मोपा पामे बाक्‍त।
1CH 25:7 मेको नु आन खिं खिं ङा मुरपुकी परमप्रभु यावे कली कुम्‍सो पचा शेंसीशो बाक्‍मा बाक्‍त। नेल्‍ल तुइक्‍ब जोक्‍ब बाक्‍शो बाक्‍मा बाक्‍त। कुम्‍सो पाइब नेल्‍ल सहे निक्‍शी ८८ जना बाक्‍मा बाक्‍त।
1CH 25:8 मिनु मेकोपुकीमी गेना गेय पचा, दे बाजी आप्‍मे बाक्‍त। आइक्‍च नु ठेयब, शेंसीब नु शेंब खाल का ङा बाक्‍मा बाक्‍त। १इतिहास २४:३१
1CH 25:9 मिनु ङोंइती ङा बाजी आप्‍शो आसाफ आ तौ योसेफ आ नेंम ग्रूमाक्‍त। मिनु मेको आ नोले ङा गेदाल्‍याह, आ लोक्‍बपुकी नु आ तौ आन नेंम दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:10 मेको आ नोले ङा बाजी जाक्‍कुर, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:11 मेको आ नोले ङा बाजी इज्री, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:12 मेको आ नोले ङा बाजी नेथन्‍याह, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:13 मेको आ नोले ङा बाजी बुक्‍कीयाह, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:14 मेको आ नोले ङा बाजी येसारेला, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:15 मेको आ नोले ङा बाजी येशायाह, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:16 मेको आ नोले ङा बाजी मत्तन्‍याह, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:17 मेको आ नोले ङा बाजी शिमेइ, आ तौपुकी नु आ लोक्‍ब आन नेंमी दुम्माक्‍त। मेको नेल्‍ल १२ जना बाक्‍मा बाक्‍त।
1CH 25:18 मेको आ नोले ङा बाजी अजारेल, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त। १इतिहास १२:७
1CH 25:19 मेको आ नोले ङा बाजी हशाब्‍याह, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:20 मेको आ नोले ङा बाजी शुबाएल, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:21 मेको आ नोले ङा बाजी मत्तीथ्‍याह, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:22 मेको आ नोले ङा बाजी येरेमोथ, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:23 मेको आ नोले ङा बाजी हनान्‍याह, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:24 मेको आ नोले ङा बाजी योश्‍बे-काशाह, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:25 मेको आ नोले ङा बाजी हानानी, आ तौपुकी नु आ लोक्‍ब आन नेंमी दुम्माक्‍त। मेको नेल्‍ल १२ जना बाक्‍मा बाक्‍त।
1CH 25:26 मेको आ नोले ङा बाजी माल्‍लोथी, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:27 मेको आ नोले ङा बाजी एली-आथा, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:28 मेको आ नोले ङा बाजी होथीर, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:29 मेको आ नोले ङा बाजी गिदाल्‍ती, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:30 मेको आ नोले ङा बाजी ङा माहाजी-ओथ, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 25:31 मेको आ नेल्‍ल क्‍येङा नोले ङा बाजी रोमाम्‍ती-एजेर, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।
1CH 26:1 मिनु लाप्‍चो खाल पतीक गेय पाइब सु सु बाक्‍मा बाक्‍त देंशा हना, कोराह आ खिं खिं ङा मुर आसाफ आ तौ रे कोराह आ तौ मेशेलेम्‍याह बाक्‍माक्‍त। २इतिहास ८:१४; २इतिहास ३५:१५
1CH 26:2 मेशेलेम्‍याह आ ङोंइती थिशो तौ जकरिया, आ माइला येदीएल, आ साइला जेबदीयाह, आ काइला याथ्‍नीएल,
1CH 26:3 आ अन्‍तरे एलाम, आ जन्‍तरे येहो-हानान नु आ कान्‍छा एली-ए-होएनाइ बाक्‍मा बाक्‍त।
1CH 26:4 ओबेद-एदोम आ ङोंइती थिशो तौ शेमायाह, आ माइला येहो-जाबाद, आ साइला योआह, आ काइला साकार, आ अन्‍तरे नेथनेल, २सामुएल ६:११
1CH 26:5 आ जन्‍तरे अम्‍मीएल, आ खन्‍तरे इस्‍साकार नु आ कान्‍छा पेउल्‍लेथाइ ८ जना बाक्‍मा बाक्‍त। मारदे हना परमप्रभुमी ओबेद-एदोम कली आसीक गेशो बाक्‍माक्‍त।
1CH 26:6 मेको आ तौ शेमायाह के यो तौपुकी बाक्‍मा बाक्‍त। मेको आन खिं खिं ङा ठेयब मुर बाक्‍मा बाक्‍त। मारदे हना मेकोपुकी शुश जोक्‍ब तुइक्‍ब मुर बाक्‍मा बाक्‍त।
1CH 26:7 शेमायाह आ तौपुकी ओथ्‍नी, रेफाएल, ओबेद नु एल्‍जाबाद बाक्‍मा बाक्‍त। मेको आन लोक्‍ब एलीहु नु सेमक्‍याह यो जोक्‍ब तुइक्‍ब मुर बाक्‍सा बाक्‍त।
1CH 26:8 मेको ओबेद-एदोम आ तौपुकी, मेको आन तौ नु आन लोक्‍ब नेल्‍ले मेको गेय पचा कली जोक्‍ब तुइक्‍ब बाक्‍मा बाक्‍त। ओबेद-एदोम आ मुर नेल्‍ले पा ६२ जना बाक्‍मा बाक्‍त।
1CH 26:9 मेशेलेम्‍याह आ तौपुकी नु आ लोक्‍बपुकी नेल्‍ल जोक्‍ब तुइक्‍ब मुर बाक्‍मा बाक्‍त। मेको नेल्‍ल १८ जना बाक्‍मा बाक्‍त।
1CH 26:10 मेरारी आ तौ होसाह आ तौपुकी सु सु बाक्‍मा बाक्‍त देंशा हना, शिम्री आ ङोंइती थिशो तौ मबाक्‍त हना यो, मेको आन ठेयब मुर बाक्‍माक्‍त। आ आफोमी मेको कली ठेयब मुर सेला बाक्‍त।
1CH 26:11 मिनु होसाह आ तौ माइला हिल्‍कीयाह, आ साइला तेबल्‍याह नु आ कान्‍छा जकरिया बाक्‍मा बाक्‍त। होसाह आ तौपुकी नु आ लोक्‍बपुकी नेल्‍ल १३ जना बाक्‍मा बाक्‍त।
1CH 26:12 परमप्रभु यावे आ खिं ङा लाप्‍चो खाल पाइब आन हुल नु आन ठेयब मुर आन खिं खिं ङा मुरपुकी खोदेंशो पा परमप्रभु यावे आ खिंम गेय पचा कली योव़शो बाक्‍मा बाक्‍त।
1CH 26:13 मिनु मेकोपुकीमी आन खिं खिं ङा मुर कली तेको लाप्‍चो खाल पचा, दे बाजी आप्‍मे बाक्‍त। खूशो नु ठिटा नेल्‍ल कली खाल का ङा पा बाजी आप्‍मे बाक्‍त।
1CH 26:14 मिनु पूर्ब ङा लाप्‍चो खाल पचा कली शेलेम्‍याह आ नेंम दुम्‍माक्‍त। मेकोपुकीमी आ तौ जकरिया आ पर्बम यो बाजी आप्‍मे बाक्‍त। मिनु उत्तर ङा लाप्‍चो खाल पचा कली दुम्‍माक्‍त। जकरिया रिम्‍शो अर्ती गेब बाक्‍माक्‍त।
1CH 26:15 ओबेद-एदोम दक्‍खिन ङा ठेयब लाप्‍चो खाल पाइब दुम्‍माक्‍त। आ तौ आन गेय मार मार वोइक्‍तीक खिं कोव़तीक बाक्‍माक्‍त।
1CH 26:16 मिनु शुप्‍पीम नु होसाह पच्‍छिम ङा लाप्‍चो नु शल्‍लेकेथ माइश्‍शो लाप्‍चो खाल पाइब दुम्‍सा बाक्‍त। मेको लाप्‍चो ग्‍येत्‍थ लतीक लांम नेक्‍नेक्‍था बाक्‍माक्‍त।
1CH 26:17 मिनु पूर्ब गे नाक्‍त किंत किंत ६ जना लेवी, उत्तर गे नाक्‍त किंत किंत ४ जना, दक्‍खिन गे नाक्‍त किंत किंत ४ जना खाल पाइब बाक्‍मा बाक्‍त। मार मार वोइक्‍तीक खिं खाल पचा कली नाक्‍त किंत किंत निक्‍‍निक्‍शी मुर बाक्‍सा बाक्‍त।
1CH 26:18 परमप्रभु यावे आ खिं ङा पच्‍छिम गे ङा लांम ४ जना खाल पाइब बाक्‍मा बाक्‍त। आ खिं आ नेक्‍था चहिं खाल पाइब निक्‍शी बाक्‍सा बाक्‍त।
1CH 26:19 मेको नेल्‍ल कोराह नु मेरारी आस खिं खिं ङा लाप्‍चो खाल पाइब आन हुल बाक्‍मा बाक्‍त।
1CH 26:20 मिनु अरु लेवी आ थर ङा मुर आन गेय मार बाक्‍त देंशा हना, परमप्रभु आ खिं ङा मार मार शोंप वोइक्‍तीके नु मार मार परमप्रभु कली गेशो वोइक्‍तीके कोव़ब अहीयाह बाक्‍माक्‍त।
1CH 26:21 लादान आ तौपुकी, लादान आ खिं ङा गेरशोनी नेल्‍ले, गेरशोनी आ खिं ङा ठेयब मुर येहीएली बाक्‍मा बाक्‍त। १इतिहास २३:८
1CH 26:22 येहीएली आ तौ जेथाम नु आ लोक्‍ब योएल परमप्रभु यावे आ खिं ङा मार मार शोंप वोइक्‍तीके कोव़ब बाक्‍मा बाक्‍त।
1CH 26:23 मिनु अम्राम आ खिं ङा मुरपुकी, इच्‍हार आ खिं ङा मुरपुकी, हेब्रोन आ खिं ङा मुरपुकी नु उज्‍जीएल आ खिं ङा मुरपुकी
1CH 26:24 मार मार वोइक्‍तीके कोव़ब आन ठेयब मुर शेबुएल बाक्‍माक्‍त। मेको मोसा आ चच, गेरशोम आ तौ बाक्‍माक्‍त। १इतिहास २३:१६
1CH 26:25 गेरशोम आ लोक्‍ब एलीएजर आ तौ रेहब्‍याह बाक्‍माक्‍त। मेको आ तौ येशायाह, येशायाह आ तौ योराम योराम आ तौ जिक्री नु जिक्री आ तौ शेलोमोथ बाक्‍मा बाक्‍त। १इतिहास २३:१७
1CH 26:26 शेलोमोथ नु आ लोक्‍बपुकी पिप दाऊदमी गेशो, खिं खिं ङा ठेयब मुरपुकीमी गेशो, हजार हजार लडाइ पाइब आन कप्‍तानपुकीमी गेशो नु सहे सहे ङा लडाइ पाइब आन कप्‍तानपुकीमी गेशो शोंप वोइक्‍तीके कोव़ब बाक्‍मा बाक्‍त।
1CH 26:27 मेकोपुकीमी लडाइम रोइश्‍शा चाक्‍शो मार मार परमप्रभु यावे आ खिंम चालेचा कली गेशो बाक्‍मा बाक्‍त।
1CH 26:28 परमप्रभु यावे आ लोव़ पाइब सामुएल, कीश आ तौ सावल, नेर आ तौ आब्‍नेर नु सेरूयाह आ तौ योआबमी गेशो मारेइ मारेइ शेलोमोथ नु आ लोक्‍बपुकी कोव़ब बाक्‍मा बाक्‍त।
1CH 26:29 इच्‍हार आ थर ङा मुर आन दाते रे केनानीयाह नु आ तौ आन कली इस्राएली आन कली कोव़ब नु निसाफ पाइब बाक्‍मा बाक्‍त।
1CH 26:30 हेब्रोन आ खिं ङा मुर आन दाते रे हशाब्‍याह नु आ लोक्‍बपुकी हजार का ७ सहे जोक्‍ब तुइक्‍ब मुर यर्दन खोला आ पच्‍छिम गे ङा इस्राएल रागी ङा परमप्रभु यावे आ खिं ङा गेय नु पिप आ गेय आ पर्बम कोव़ब बाक्‍मा बाक्‍त।
1CH 26:31 दाऊद ४० बर्सम पिप दुम्‍तीके हेब्रोन आ मुर रे तेको तेको खिं ङा ठेयब जोक्‍ब तुइक्‍ब मुर माल्‍मे बाक्‍त। मिनु गिलाद ङा याजेर सहरमी मेको आन कली शुश थित्मे बाक्‍त। मिनु येरीयाह मेको आन ठेयब मुर बाक्‍माक्‍त।
1CH 26:32 पिप दाऊदमी येरीयाह नु आ लोक्‍बपुकी, हजार निक्‍शी ७ सहे जोक्‍ब तुइक्‍ब नु आंम आन खिं ङा ठेयब मुर दुम्‍शो आन कली गेय पपाइक्‍मी बाक्‍त। मार गेय पपाइक्‍मी बाक्‍त देंशा हना, मेकोपुकी रूबेन आ थर ङा मुर, गाद आ थर ङा मुर नु मनस्‍से आ आधा थर ङा मुर आन कली परमप्रभु आ पर्बम मार गेय पचा नु पिप आ पर्बम मार गेय पचा मेको कोव़ब सेल्‍मी बाक्‍त।
1CH 27:1 मिनु इस्राएली आन खिं खिं ङा ठेयब मुरपुकी, हजार हजार लडाइ पाइब आन कप्‍तानपुकी, सहे सहे ङा लडाइ पाइब आन कप्‍तानपुकी नु मेको आन ठेयब मुरपुकी बाक्‍मा बाक्‍त। मेकोपुकीमी लडाइ पाइब आन हुल हुल आन कली बर्सम महिना महिनामी पालो पा पिप आ गेय पपाइक्‍बाक्‍मा बाक्‍त। लडाइ पाइब आन हुल का का पालो पा बर्स ङा महिना का गेय पपदमे बाक्‍त। हुल काम १४ हजार मुर बाक्‍मा बाक्‍त। पिप आ नेल्‍ल क्‍येङा ठेयब कप्‍तान सु सु बाक्‍मा बाक्‍त देंशा हना,
1CH 27:2 बर्स आ ङोंइती ङा महिना ङा ङोंइती ङा हुल आन कप्‍तान जब्‍दीएल आ तौ याशोबाम बाक्‍माक्‍त। मेको आ हुलम १४ हजार मुर बाक्‍मा बाक्‍त।
1CH 27:3 मेको पेरेस आ खिं खिं ङा मुर बाक्‍मा बाक्‍त। मेको ङोंइती ङा महिना ङा लडाइ पाइब नेल्‍ल आन कप्‍तान, क्‍येङा ठेयब मुर बाक्‍माक्‍त।
1CH 27:4 मेको आ नोले ङा महिना ङा हुल आन कप्‍तान अहोही आ मुर दोदाइ बाक्‍माक्‍त। मेको हुल नेल्‍ल आन कप्‍तान क्‍येङा ठेयब मुर मीक्‍लोथ बाक्‍माक्‍त। मेको आ हुलम १४ हजार मुर बाक्‍मा बाक्‍त।
1CH 27:5 मेको आ नोले ङा महिना ङा हुल आन नेल्‍ल क्‍येङा ठेयब कप्‍तान चढ़ेब येहो-यादा आ तौ बेनायाह बाक्‍माक्‍त। मेको आ हुलम १४ हजार मुर बाक्‍मा बाक्‍त। १इतिहास ११:२२-२५
1CH 27:6 मेको बेनायाह शुश सक्ति पाइश्‍शो ३० जना मुर आन दाते ङा का बाक्‍माक्‍त। मिनु मेको ३० जना सक्ति पाइश्‍शो मुर आन ठेयब मुर बाक्‍माक्‍त। मेको आ तौ अम्‍मीजाबाद बेनायाह आ लडाइ पाइब आ हुल ङा मुर आन कप्‍तान बाक्‍माक्‍त।
1CH 27:7 मेको आ नोले ङा महिना ङा हुल आन कप्‍तान योआब आ लोक्‍ब आसाहेल बाक्‍माक्‍त। मेको आ नोले आ तौ जेबदीयाह कप्‍तान दुम्‍माक्‍त। मेको आ हुलम १४ हजार मुर बाक्‍मा बाक्‍त। १इतिहास ११:२६
1CH 27:8 मेको आ नोले ङा महिना ङा हुल आन कप्‍तान इज्रायाह आ मुर शाम्‍हुथ बाक्‍माक्‍त। मेको आ हुलम १४ हजार मुर बाक्‍मा बाक्‍त।
1CH 27:9 मेको आ नोले ङा महिना ङा हुल आन कप्‍तान तेकोहा आ मुर इक्‍केश आ तौ इरा बाक्‍माक्‍त। मेको आ हुलम १४ हजार मुर बाक्‍मा बाक्‍त। १इतिहास ११:२८
1CH 27:10 मेको आ नोले ङा महिना ङा हुल आन कप्‍तान एफ्राइम आ थर ङा, पेलोन आ खिं ङा मुर हेलेस बाक्‍माक्‍त। मेको आ हुलम १४ हजार मुर बाक्‍मा बाक्‍त। १इतिहास ११:२७
1CH 27:11 मेको आ नोले ङा महिना ङा हुल आन कप्‍तान जेराह ङा हुशा ङा मुर सिब्‍बेकै बाक्‍माक्‍त। मेको आ हुलम १४ हजार मुर बाक्‍मा बाक्‍त। १इतिहास ११:२९; १इतिहास २०:४
1CH 27:12 मेको आ नोले ङा महिना ङा हुल आन कप्‍तान बेन्‍यामीन आ थर ङा अनाथोथ सहर ङा अबीएजेर बाक्‍माक्‍त। मेको आ हुलम १४ हजार मुर बाक्‍मा बाक्‍त। १इतिहास ११:२८
1CH 27:13 मेको आ नोले ङा महिना ङा हुल आन कप्‍तान जेरह आ खिं ङा नेतोफाह सहर ङा मुर माहाराइ बाक्‍माक्‍त। मेको आ हुलम १४ हजार मुर बाक्‍मा बाक्‍त। १इतिहास ११:३०
1CH 27:14 मेको आ नोले ङा महिना ङा हुल आन कप्‍तान एफ्राइम आ थर ङा पिराथोन सहर ङा बेनायाहम बाक्‍माक्‍त। मेको आ हुलम १४ हजार मुर बाक्‍मा बाक्‍त। १इतिहास ११:३१
1CH 27:15 मिनु बर्स आ नेल्‍ल क्‍येङा नोले ङा महिना ङा हुल आन कप्‍तान ओथ्‍नीएल आ खिं ङा नेतोफाह सहर ङा हेल्‍दाइ बाक्‍माक्‍त। मेको आ हुलम १४ हजार मुर बाक्‍मा बाक्‍त।
1CH 27:16 इस्राएली आन थर थर ङा ठेयब मुरपुकी सु सु बाक्‍मा बाक्‍त देंशा हना, रूबेन आ थर ङा जिक्री आ तौ एलीएजर ठेयब मुर बाक्‍माक्‍त। सिमियोन आ थर ङा माकाह आ तौ शेफत्‍याह बाक्‍माक्‍त।
1CH 27:17 लेवी आ थर ङा केमुएल आ तौ हशाब्‍याह बाक्‍माक्‍त। हारून आ खिं ङा सादोक बाक्‍माक्‍त।
1CH 27:18 यहूदा आ थर ङा दाऊद आ लोक्‍ब एलीहु बाक्‍माक्‍त। इस्‍साकार आ थर ङा मिकाएल आ तौ ओम्री बाक्‍माक्‍त।
1CH 27:19 जबूलून आ थर ङा ओबदिया आ तौ इश्‍मायाह बाक्‍माक्‍त। नाप्‍ताली आ थर ङा अज्रीएल आ तौ येरेमोथ बाक्‍माक्‍त।
1CH 27:20 एफ्राइम आ थर ङा अज‍जीयाह आ तौ होशेआ बाक्‍माक्‍त। मनस्‍से आ उइक्‍थ थर ङा पेदायाह आ तौ योएल बाक्‍माक्‍त।
1CH 27:21 मिनु गिलादम बाक्‍शो मनस्‍से आ उइक्‍थ थर ङा जकरिया आ तौ इददो बाक्‍माक्‍त। बेन्‍यामीन आ थर ङा आब्‍नेर आ तौ यासीएल बाक्‍माक्‍त।
1CH 27:22 दान आ थर ङा येरोहाम आ तौ अजारेल बाक्‍माक्‍त। मेको नेल्‍ल इस्राएली आन थर थर ङा ठेयब मुर बाक्‍मा बाक्‍त।
1CH 27:23 मिनु दाऊदमी २० बर्स मगाप्‍शो आन कली महिक्‍मी बाक्‍त। मारदे हना परमप्रभु यावेमी “इस्राएली आन कली सरीङ ङा सोरुल खोदेंशो पा शुश सेल्‍नुङमी” दे कबल पशो बाक्‍माक्‍त। उत्‍पत्ती २२:१७
1CH 27:24 सेरूयाह आ तौ योआबमी मुर आन कली हिक्‍चा गोवा बाक्‍त। आ गेय मथुम्‍थु, परमप्रभु यावेमी इस्राएली आन पर्बम गाइक्‍ता बाक्‍त। मोपतीके मेना पिप दाऊद आ सासन पची ना मार मार दुम्‍शो बाक्‍मा ब्रेक्‍तीकेम गिश मुर हिक्‍शो बाक्‍मा मेको मब्रेक्‍शो बाक्‍माक्‍त। १इतिहास २१:७,१४
1CH 27:25 मिनु अदीएल आ तौ अज्‍मावेथ पिप आ मार मार वोइक्‍तीके कोव़ब आन ठेयब मुर बाक्‍माक्‍त। उज्‍जीयाह आ तौ योनाथन चहिं रूमी, सहरपुकीमी, गाउंपुकीमी नु वोइक्‍तीके लाइश्‍शो खिंमी बाक्‍शो पिप आ मार मार कोव़ब आन ठेयब मुर बाक्‍माक्‍त।
1CH 27:26 केलुब आ तौ एज्री रूम गेय पा दोइब आन कली कोव़ब आन ठेयब मुर बाक्‍माक्‍त।
1CH 27:27 रामाह सहर ङा शिमेइ अङगुर रूपुकी कोव़ब आन ठेयब मुर बाक्‍माक्‍त। शिफ्‍मी आ मुर जब्‍दी चहिं अङगुर शांबु वोइक्‍तीके कोव़ब आन ठेयब मुर बाक्‍माक्‍त।
1CH 27:28 गेदेराह सहर ङा बाल-हनान शेफेलाह ङा दिंममी बाक्‍शो तेल रवा नु फल सिप्‍ब फोव़शी रवापुकी कोव़ब आन ठेयब मुर बाक्‍माक्‍त। योआश चहिं तेल वोइक्‍तीक कली कोव़ब आन ठेयब मुर बाक्‍माक्‍त।
1CH 27:29 शारोन दिंम ङा शित्राइ मेकेर ङा दिंममी जोइब बी ब्‍यफ आन कली कोव़ब आन ठेयब मुर बाक्‍माक्‍त। अदलाइ आ तौ शाफात चहिं अरु दिंमम जोइब बस्‍तु भाव आन कली कोव़ब आन ठेयब मुर बाक्‍माक्‍त।
1CH 27:30 इश्‍माएली ओेबील दल‍ओंठ आन कली कोव़ब आन ठेयब मुर बाक्‍माक्‍त। मेरोनोथ ङा येहदयाह गधा आन कली कोव़ब आन ठेयब मुर बाक्‍माक्‍त। मिनु हाग्री आ मुर याजीज क्‍यारश भेडा आन कली कोव़ब आन ठेयब मुर बाक्‍माक्‍त।
1CH 27:31 मेको नेल्‍ले पिप दाऊद आ शोंप कोव़ब आन ठेयब मुर बाक्‍मा बाक्‍त।
1CH 27:32 दाऊद आ बकान्‍छा योनाथन दाऊद कली अर्ती गेब बाक्‍माक्‍त। मेको शुश जोक्‍ब तुइक्‍ब नु ब्रेक्‍स तुइक्‍ब मुर बाक्‍माक्‍त। हाकमोनी आ तौ येहीएल पिप आ तौ आन कली कोव़ब बाक्‍माक्‍त।
1CH 27:33 मिनु अहीथोफेल यो पिप कली अर्ती गेब बाक्‍माक्‍त। अरकी आ मुर हुशाइ पिप आ वारच बाक्‍माक्‍त।
1CH 27:34 अहीथोफेल आ नोले बेनायाह आ तौ येहो-यादा नु अबीयाथार पिप कली अर्ती गेब बाक्‍सा बाक्‍त। मिनु योआब पिप आ लडाइ पाइब आन ठेयब मुर बाक्‍माक्‍त। २सामुएल ८:१६
1CH 28:1 मिनु दाऊदमी यरूसलेम सहरम इस्राएली आन ठेयब मुर नेल्‍ले आन कली ग्रुम्‍पदा बाक्‍त। सु सु ग्रुम्‍पदा बाक्‍त देंशा हना, थर थर ङा ठेयब मुर, पिप आ गेय पाइब हुल हुल आन ठेयब मुर, हजार हजार लडाइ पाइब आन कप्‍तानपुकी, सहे सहे लडाइ पाइब आन कप्‍तानपुकी, पिप नु आ तौ आन मार मार नु बी ब्‍यफ कोव़ब आन ठेयब मुरपुकी, दरवारमी गेय पाइब आन ठेयब मुरपुकी, शुश सक्ति पाइश्‍शो लडाइ पाइबपुकी नु अरु महिंब लडाइ पाइब आन कली ग्रुम्‍पदा बाक्‍त।
1CH 28:2 मिनु पिप दाऊद बोक्‍शा मेको आन कली “आं लोक्‍ब नु आं मुर आं लोव़ नेनीन। गो परमप्रभु यावे आ कबल पशो सन्‍दोस कली नाइक्‍चा कली बाक्‍तीक का सेल्‍चा मिम्‍शो बाक्‍ती। परमप्रभु यावे, इं परमप्रभु आ खोइल थेक्‍तीक खोदेंशो दुम्‍चा माल्‍ब। गो मेको सेल्‍चा कली ठीक पाता। १इतिहास २२:६-१०; भजन संग्रह ९९:५; भजन संग्रह १३२:७
1CH 28:3 तन्‍न परमप्रभुमी आं कली ‘गे आं नें ठेयब सेल्‍चा कली खिं सेल्‍चा मदुम्‍ब। मारदे हना गे लडाइ पा हुश ख्राक्‍श पोक्‍शो बाक्‍ते’ देंत।
1CH 28:4 मो हना यो परमप्रभु यावे, इस्राएली आन परमप्रभुमी आं आफ आ खिं खिं रे आं कली गेना हना यो इस्राएलम पिप दुम्‍चा कली योव़ती। मारदे हना मेकोमी लां कोंइचा कली यहूदा कली योव़तु। मिनु यहूदा आ थर ङा खिं खिं रे आं आफ आ खिं कली योव़तु। मिनु आ आफ आ तौ आन दातेमी आं कली दाक्‍शा, इस्राएल ङा पिप सेल्‍ती। उत्‍पत्ती ४९:१०; १सामुएल १६:१,१२
1CH 28:5 परमप्रभु यावेमी आं कली शुश तौ गेती। परमप्रभु यावेमी आ राज्‍य इस्राएलम पिप दुम्‍चा कली आं तौ सोलोमन कली योव़तु।
1CH 28:6 मिनु आं कली ‘इ तौ सोलोमनमी आं खिं नु आं लाङगा सेल्‍चा माल्‍ब। मारदे हना गो आं तौ दुम्‍चा, दे मेको कली योव़ता। गो आ आफ दुम्‍नुङ। १इतिहास १७:११-१४
1CH 28:7 मेकोमी आं शेंशो नु निसाफ पतीक लोव़ टिना टिन बाक्‍ब। मुल खोदेंशो पा रिम्‍शो टिप्‍तु हना, गो मेको आ राज्‍य गेना हना यो बोल्‍यो सेल्‍नुङ’ देंमाक्‍त।
1CH 28:8 मोपतीके गे परमप्रभु यावे आ नेंम ग्रुम्‍शो इस्राएली नेल्‍ल आन ङोंइती नु इं परमप्रभु आ ङोंइती परमप्रभु यावे, इन परमप्रभु आ शेंतीके टिशा बिस्‍सीन। मिनु नोले मेको रिम्‍शो रागी इन के दुम्‍ब नु इन नोले इन आल आन कली गेना हना यो थेरशो रू दुम्‍ब।
1CH 28:9 आं तौ सोलोमन, इ आफ आ परमप्रभु कली तुइश्‍शा मालो। इ थुं नेल्‍लेमी ग्‍येरशा मेको आ नोले खोतो। मारदे हना परमप्रभु यावेमी इ थुं कोव़ना कोव़न, इन मिम्‍शो नु पशो नेल्‍ल तुइक्‍ब। गे मेको कली माल्‍तीवी हना, गे थित्‍नेवे। तन्‍न गे मेको कली प्रोंइतीवी हना, इ कली गेना हना यो कली प्रोंइब। येरमीया २९:१३-१४; १राजा ११:३१,३३
1CH 28:10 मुल होस पावो। मारदे हना परमप्रभु यावेमी आंम आ बाक्‍तीक खिं सेल्‍चा कली इ कलीन योव़तु। इ थुं ग्‍येत्‍थ लुक्‍च मपथु, गेय पावो” दे पिप दाऊदमी आ तौ कली मदा बाक्‍त।
1CH 28:11 मिनु नोले दाऊदम आ तौ सोलोमन कली परमप्रभु यावे आ खिं सेल्‍तीक ब्रेक्‍स गेवा बाक्‍त। मेको खिं ङा ब्रेक्‍समी परमप्रभु आ बाक्‍तीक, आ पिंडी, अरु खिं, मार मार वोइक्‍तीक, खिं आ तार ङा कोठापुकी, आगा ङा कोठापुकी नु सन्‍दोस नु आ सुम्‍तीके आ कोठा बाक्‍शो बाक्‍माक्‍त। प्रस्‍थान २५:९
1CH 28:12 दाऊद आ मिम्‍शो नेल्‍ल मेको ब्रेक्‍सम बाक्‍शो बाक्‍त। मेकोमी परमप्रभु यावे आ खिं ङा लाङगा, आ एर ओंथ नेल्‍ल ङा कोठापुकी, परमप्रभु आ खिं ङा मार मार वोइक्‍तीक कोठा नु नेल्‍ल गेशो थोव़क कली वोइक्‍तीक कोठा आ तौ कली गेवा बाक्‍त।
1CH 28:13 मिनु लेवी नु चढ़ेब आन हुल हुल, परमप्रभु यावे आ खिंमी मार मार गेय पचा नु मेकेर मार मार ग्‍योंबपुकी परमप्रभु यावे आ खिं ङा गेय कली सेल्‍चा नेल्‍ल मेको ब्रेक्‍सम ब्रेक्‍शो बाक्‍माक्‍त।
1CH 28:14 मार मार गेय पचा कली सुन के ग्‍योंब सेल्‍चा कली गिश सुन माल्‍बा, चांदी के ग्‍योंब सेल्‍चा कली गिश चांदी माल्‍बा, मेको ब्रेक्‍शो बाक्‍माक्‍त।
1CH 28:15 मिनु सुन के बत्ती दातीक नु आ दियारी आन कली गिश सुन माल्बा, चांदी के बत्ती दातीक नु आ दियारी आन कली गिश चांदी माल्बा नु मार मार गेय कली मार माल्‍बा नेल्‍ल ब्रेक्‍शो बाक्‍माक्‍त।
1CH 28:16 लहर पा वोइश्‍शो कोंइतीक शोब्‍ले कली सुन के टेबल गिश सुन नु चांदी के टेबल आन कली गिश चांदी माल्‍बा मेको ब्रेक्‍शो बाक्‍माक्‍त।
1CH 28:17 मिनु कांटा, ब्रुइक्‍तीक बोस, लोटा नु सुन के बोस आन कली गिश क्‍येख सुन माल्‍बा, मेको ब्रेक्‍शो बाक्‍माक्‍त। मिनु चांदी के बोस गिश चांदी माल्‍ब, मेको ब्रेक्‍शो बाक्‍माक्‍त।
1CH 28:18 क्‍येख सुन के धूप चोतीक कली गिश क्‍येख सुन माल्‍बा, मेको ब्रेक्‍शो बाक्‍माक्‍त। सुन के फ्रां प्राक्‍शा परमप्रभु यावे आ सन्‍दोस सुम्‍ब करूब आस कली कुरब बग्‍गी के यो ब्रेक्‍स यो सेल्‍शो बाक्‍माक्‍त। मिनु गिश सुन माल्‍बा, मेको ब्रेक्‍शो बाक्‍माक्‍त।
1CH 28:19 मिनु दाऊदमी “एको नेल्‍ल परमप्रभु यावेमी मार पचा, दोपा सेल्‍चा आं कली शेंताक्‍यी। मोपा गो मेको नेल्‍ल गेय ङा ब्रेक्‍स ब्रेक्‍ताक्‍ङ” दे दाऊदमी देंमाक्‍त।
1CH 28:20 मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६
1CH 28:21 परमप्रभु आ खिंमी गेय पचा कली चढ़ेब नु लेवी आन हुल हुल ठीक दुम्‍शो बाक्‍नीम। मिनु मेको गेय पचा कली शुश जोक्‍ब तुइक्‍ब नु ग्‍येरशो गेय पाइब गे नु बाक्‍नीम। मिनु ठेयब मुरपुकी नु मुर नेल्‍लेमी इ देंशो नेल्‍ल टीनीम” दे दाऊदम आ तौ सोलोमन कली देंमाक्‍त।
1CH 29:1 मिनु पिप दाऊदमी बुक्‍शा बाक्‍शो मुर नेल्‍ल आन कली “परमप्रभुमी आं तौ सोलोमन का ला योव़तु। मेको मुल सम्‍म ठिटा बाक्‍ब। एको खिं सेल्‍चा चहिं थम ठेयब गेय बाक्‍ब। मारदे हना एको खिं मुर आन कली ममाइ, परमप्रभु, परमप्रभु यावे आ खिं बाक्‍ब। १इतिहास २२:५
1CH 29:2 गो आं परमप्रभु आ खिं सेल्‍चा कली मार मार वोइक्‍ता देंशा हना, सुन के थोव़क कली सुन, चांदी के थोव़क कली चांदी, कांसा के थोव़क कली कांसा, फलाम के थोव़क कली फलाम, शी के थोव़क कली शी, हीरा नु सुनम ग्‍याइश्‍शो हीरा, दारपाइक्‍चा कली मार मार रङ पाइश्‍शो फुल्‍लु, मार मार हीरा नु अरु दारशो फुल्‍लु शुश तेल्‍शा वोइक्‍ता।
1CH 29:3 मेको आं परमप्रभु आ बाक्‍तीके सेल्‍चा कली खुप्‍शा वोइश्‍शो मार मार प्रोंइशा यो आं परमप्रभु आ खिं सेल्‍चा थाम्‍पा दाक्‍तीके गो आंम आं सुन नु चांदी परमप्रभु आ खिं सेल्‍चा कली गेता।
1CH 29:4 परमप्रभु यावे आ खिं ङा आगा ङा गारो गिल्‍चा कली ४३ हजार टलेन्‍ट ओफीर ङा सुन नु ७ हजार टलेन्‍ट याप्‍पाइश्‍शो चांदी वोइश्‍शो बाक्‍ब। टलेन्‍ट का ३४ किलो बाक्‍ब।१इतिहास २२:१४; प्रस्‍थान ३५:४-९
1CH 29:5 मिनु रिम्‍शो जोक्‍ब तुइक्‍ब गेय पाइब आन कली एको सुन के थोव़क कली सुन नु चांदी के थोव़क सेल्‍चा कली चांदी वोइश्‍शो बाक्‍ब। मुल परमप्रभु यावे कली आं खोदेंशो पा सु सुम मार मार गेचा दाक्‍नीनी?” दे हिलो पवा बाक्‍त।
1CH 29:6 मिनु खिं खिं ङा ठेयब मुरपुकी, इस्राएली आ थर थर ङा ठेयब मुरपुकी, हजार हजार ङा लडाइ पाइब आन कप्‍तानपुकी नु सहे सहे ङा लडाइ पाइब आन कप्‍तानपुकी नु पिप आ गेय पाइब आन कली कोव़ब मुरपुकी हाइश्‍शो दुम्‍शा मार मार गेमी बाक्‍त।
1CH 29:7 मेकोपुकीमी ग्‍येरशा परमप्रभु आ खिं सेल्‍चा कली मार मार गेमे बाक्‍त देंशा हना, ५ हजार टलेन्‍ट सुन, नु सुन के क्‍येट १० हजार दारीके, १० हजार टलेन्‍ट चांदी, १८ हजार टलेन्‍ट कांसा लाख का टलेन्‍ट फलाम गेमे बाक्‍त। दारीके का ८.४ ग्राम सुन के क्‍येट बाक्‍ब।
1CH 29:8 मिनु सु सु नु हीरा बाक्‍मा, मेकोमी परमप्रभु यावे आ शोंप वोइक्‍तीक कली गेरशोन आ खिं ङा मुर येहीएल आ गुइमी गेमे बाक्‍त। प्रस्‍थान ३५:२७
1CH 29:9 मिनु मुरपुकीमी हाइश्‍शो थुंमी गेशा ग्‍येरसीशो बाक्‍मा बाक्‍त। मारदे हना मेकोपुकीमी ग्‍येरसीशा परमप्रभु यावे कली शुश गेशो बाक्‍मा बाक्‍त। पिप दाऊद यो थाम्‍पा ग्‍येरशो बाक्‍माक्‍त।
1CH 29:10 मिनु दाऊदमी मुर नेल्‍ल आन ङोंइती परमप्रभु यावे कली “परमप्रभु यावे, आंइ किकी पिपी इस्राएल आ परमप्रभु, गे गेना हना यो ठेयब बाक्‍नीनी।
1CH 29:11 परमप्रभु यावे, नेल्‍ल क्‍येङा ठेयब दुम्‍तीके, सक्ति, छेङछेङ, ग्रातीके नु मान तचा पुंइसीतीके नेल्‍ल इन के बाक्‍नीम। मारदे हना रागी नु सरीङम बाक्‍शो मारेइ मारेइ इन के नम। परमप्रभु यावे, मेको राज्‍य इन के बाक्‍ब। गे नेल्‍ल क्‍येङा ठेयब बाक्‍नीनी। प्रकाश ४:११;५:१३
1CH 29:12 गे शोंप नु मान ततीक गेब बाक्‍नीनी। गे नेल्‍ल आन कली सासन पाइनीनी। बोल नु सक्ति इन गुइमी बाक्‍ब। गे इन गुइमी ठेयब सेल्‍शा, सक्ति गेनीनी। २इतिहास २०:६
1CH 29:13 मुल आंइ परमप्रभु, गो इन कली ‘गे रिम्‍शो पाइब बाक्‍नीनी’ दे इन नें ठेयब सेल्‍नीकी।
1CH 29:14 मिनु गो आंइ थुंम ग्‍येरशा सोम्‍शा ओपा शुश गेने चाप्‍नीकी? गो सु नङा? आं मुरपुकी सु बाक्‍नीमी? मारदे हना नेल्‍ल थोव़क इन गुइ रे जाक्‍नीम। गोपुकीमी इन गेशो रे इन कली गेतक।
1CH 29:15 गोपुकी इन ङोंइती शुश नाक्‍त मबाक्‍ब अर्को रागी ङा मुर दुम्‍शो बाक्‍नीकी। आंइ किकी पिपी यो मोदेंशो बाक्‍मा बाक्‍त। आंइ रागीम बाक्‍तीके नाक्‍ती वांकु खोदेंशो बाक्‍नीम। शुश बाक्‍तीक आस मबाक्‍ब। भजन संग्रह ३९:१३; हिब्रू ११:१३; अय्‍युब १४:२
1CH 29:16 परमप्रभु यावे, आंइ परमप्रभु खिं सेल्‍शा, इन नें ठेयब सेल्‍चा कली आंइ तेल्‍शो शोंप नेल्‍ल इन गुइ रे जाक्‍शो बाक्‍ब।
1CH 29:17 आं परमप्रभु, गे मुर आन थुं नाक्‍शा कोव़नीनी, दे तुइक्‍नुङ। गे ब्रेम्‍शो थुं पाइश्‍शो मुर तशा ग्‍येरनीनी। गो आं ब्रेम्‍शो थुं दुम्‍तीकेमी ग्‍येरशा एको नेल्‍ल इन कली चढ़ेता। मुल गो एक बाक्‍शो इन मुर आन कली ताता। ग्‍येरशो थुंमी एको नेल्‍ल चढ़ेम्‍तेक्‍म। भजन संग्रह ७:१०
1CH 29:18 परमप्रभु यावे, आंइ किकी पिपी अब्राहाम, इसहाक नु याकूब आन परमप्रभु, इन मुर आन थुंमी मोदेंशो मिम्‍चा नु पचा गेना हना यो लीपतीन। मिनु मेको आन थुं इन गे कीङीन।
1CH 29:19 आं तौ सोलोमन कली इन शेंतीके, इन देंशो नु फुल्‍लुम मुशा ब्रेक्‍शो लोव़ आ थुं नेल्‍लेमी पपतीन। मेकोमी नेल्‍ल पने चबल। मिनु आं ठीक पा वोइश्‍शो थोव़कमी इन खिं सेल्‍ने चबल” दे दाऊदमी परमप्रभु कली देंमाक्‍त।
1CH 29:20 मिनु नोले दाऊदमी मुर नेल्‍ल आन कली “परमप्रभु यावे, इन परमप्रभु कली ठेयब सेलीन” देंमाक्‍त। मिनु मुर नेल्‍लेमी परमप्रभु यावे, आन किकी पिप आन परमप्रभु कली ठेयब सेल्‍शा बाम्‍मा बाक्‍त। मिनु परमप्रभु यावे नु पिप आ ङोंइती बाप्‍शा, सेउ पामे बाक्‍त।
1CH 29:21 मिनु आ दीसा नाक्‍ती मेकोपुकीमी परमप्रभु यावे कली मार मार चढ़ेतीके नु चोशा चढ़ेतीक चढ़ेमे बाक्‍त। मेकोपुकीमी हजार का ब्‍यफ, हजार का सांड, हजार का पाठा, तूचा थोव़क चढ़ेमे बाक्‍त। इस्राएली नेल्‍ल आन पर्बम शुश चढ़ेमे बाक्‍त।
1CH 29:22 मेको नाक्‍त शुश ग्‍येरसीशा परमप्रभु यावे आ ङोंइती जशा, तूङमे बाक्‍त। मिनु नोले मेकोपुकीमी दाऊद आ तौ सोलोमन कली लेंशा पिप सेल्‍मे बाक्‍त। मिनु सोलोमन कली तेल लुक्‍शा पिप सेल्मे बाक्‍त। मिनु सादोक कली चढ़ेब सेल्‍मे बाक्‍त। १इतिहास २३:१
1CH 29:23 नोले सोलोमन आ आफ दाऊद आ पा ङा परमप्रभु यावे आ नित्‍तीकेमी निश्‍शा, पिप दुम्‍शा, ठेयब दुम्‍माक्‍त। इस्राएली नेल्‍लेमी मेको आ देंशो बिस्‍समा बाक्‍त। १इतिहास २८:५; १राजा १:३४,३५, ३९
1CH 29:24 ठेयब मुर नेल्‍ले, सक्ति पाइश्‍शो लडाइ पाइब नेल्‍ले नु पिप दाऊद आ तौ नेल्‍लेमी यो पिप सोलोमन कली आन पिप बाक्‍ब, दे कसम जामे बाक्‍त।
1CH 29:25 मिनु परमप्रभु यावेमी सोलोमन कली इस्राएली नेल्‍ल आन ङोंइती ठेयब सेला बाक्‍त। मिनु मेको कली राज्‍य नु मान ततीके शुश गेवा बाक्‍त। इस्राएलम मेको क्‍येङा ङोंइती ङा तेकोइ पिप आन कली मोदेंशो मान ततीके मगेशो बाक्‍माक्‍त।
1CH 29:26 मोपा येस्‍से आ तौ दाऊदमी इस्राएल नेल्‍लेमी सासन पवा बाक्‍त।
1CH 29:27 मेकोमी इस्राएल कली ४० बर्स सासन पवा बाक्‍त। हेब्रोनम ७ बर्स नु यरूसलेममी ३३ बर्स सासन पवा बाक्‍त। १राजा २:११
1CH 29:28 मिनु शुश खूशो दुम्‍शा बेक्‍माक्‍त। मेको के शोंप नु मान ततीके शुश बाक्‍माक्‍त। मिनु आ तौ सोलोमन आ नोले पिप दुम्‍माक्‍त। उत्‍पत्ती २५:८; उत्‍पत्ती ३५:२९; २इतिहास २४:१५; अय्‍युब ४२:१७
1CH 29:29 पिप दाऊद आ पशो मार मार बाक्‍मे, मेको ङोंइती रे नोले सम्‍म नेल्‍ल परमप्रभु यावे आ लोव़ पाइब सामुएल, नाथान नु गाद आन ब्रेक्‍शो किताबम ब्रेक्‍शो बाक्‍ब। १इतिहास २१:९
1CH 29:30 दोपा सासन पवा, आ सक्ति नु आ पशो नेल्‍ल, इस्राएली आन तशो नु रागी रागी ङा राज्‍यम मार मार दुम्‍मे, मेको लोव़ नेल्‍ल मेकेर ब्रेक्‍शो बाक्‍ब।
2CH 1:1 दाऊद आ तौ सोलोमन पिप दुम्‍शा, आ राज्‍य बोल्‍यो दुम्‍माक्‍त। मारदे हना परमप्रभु यावे, आ परमप्रभु मेको नु बाक्‍शा, मेको कली थाम्‍पा ठेयब मान ताइब सेला बाक्‍त। १राजा २:१२,४६
2CH 1:2 मिनु सोलोमनम इस्राएली नेल्‍ल, हजार हजार नु सहे सहे ङा लडाइ पाइब आन कप्‍तान, निसाफ पाइबपुकी, इस्राएली आन ठेयब मुरपुकी नु आन खिं खिं ङा ठेयब मुर नेल्‍ल खुप्‍शा लोव़ पवा बाक्‍‍त।
2CH 1:3 मिनु सोलोमन नु मेको मुर नेल्‍ल गिबोन सहर आ नेक्‍था बाक्‍शो लाइश्‍शो डांडाम लमा बाक्‍‍त। मारदे हना परमप्रभु यावे आ गेय पाइब मोसाम गोरशो रागीम सेल्‍शो परमप्रभु आ ग्रुम्‍तीक ताम्‍बु मेकेर बाक्‍माक्‍त। १इतिहास १६:३९
2CH 1:4 मिनु दाऊदम ङोंइती परमप्रभु आ कबल पशो सन्‍दोस कली किरयथ-यारीम रे आ ठीक पशो बाक्‍तीके यरूसलेमम चाक्‍शो बाक्‍माक्‍त। मारदे हना मेको कली मेकेर ताम्‍बु का कीशो बाक्‍माक्‍त। १इतिहास १३:६; १इतिहास १५:३,२; १इतिहास १६:१
2CH 1:5 मिनु हुर आ चच ऊरी आ तौ बेजालेलमी सेल्‍शो कांसा के चोशा चढ़ेतीके परमप्रभु यावे आ बाक्‍तीके आ ङोंइती गिबोनम बाक्‍शो बाक्‍माक्‍त। प्रस्‍थान ३८:३-८
2CH 1:6 मिनु सोलोमन नु आ खुप्‍शो मुर नेल्‍ल इर परमप्रभु यावे आ ङोंइती जाक्‍मा बाक्‍त। मिनु सोलोमन मेको कांसा के चढ़ेतीक सम्‍म ङोइश्‍शा लमाक्‍त। मेको ग्रुम्‍तीक ताम्‍बु आ ङोंइती बाक्‍शो बाक्‍माक्‍त। मेको आ तारी हजार का चोशा चढ़ेतीक चढ़ेवा बाक्‍त।
2CH 1:7 मेको नाक्‍दो परमप्रभुम सोलोमन कली तपांइसे बाक्‍त। मिनु सोलोमन कली “गो इ कली मार गेन? लो पुनो” देंमाक्‍त।
2CH 1:8 मिनु सोलोमनम परमप्रभु कली “गे आं आफ दाऊद कली ठेयब नु गेना हना यो दाक्‍तीक कोंइताक्‍नी। मिनु आं कली मेको आ पा ङा पिप सेल्‍शो बाक्‍नीनी।
2CH 1:9 मुल आं परमप्रभु यावे, गे आं आफ दाऊद कली गेशो इन लोव़ खाप्‍पीन। मारदे हना गे आं कली एको रागी ङा फुरक खोदेंशो पा हिक्‍ने मचाप्‍चा ङा शुश मुर आन पिप सेल्‍तीनी।
2CH 1:10 आं कली एको मुर आन कली सासन पाइब सेल्‍तीनी। मोपतीके आं कली रुप्‍तीक नु तुइक्‍तीक थुं गेयीनी। मिनु आं कली एको मुर नु रिम्‍शो पा बाक्‍चा गेयीनी। मारदे हना एको इश्‍का इन मुर आन कली सुम सासन पने चाप्‍बा ङा?” देंमाक्‍त।
2CH 1:11 मिनु परमप्रभुम सोलोमन कली “गे आं मुर आन पिप दुम्‍चा कली रुप्‍तीक नु तुइक्‍तीक थुं पुंइतीवी। तन्‍न गे शुश क्‍येट नु शोंप, मान ततीके, आंम जोरी सत्रु आन कली साइक्‍तीके नु आंम कली शुश ब्रोंइङल, दे मपुनी।
2CH 1:12 मोपतीके गो इ कली रुप्‍तीक नु तुइक्‍तीक थुं गेनन। मिनु गो इ कली शुश क्‍येट, शोंप नु मान ततीके यो गेनन। मेको इ क्‍येङा ङोंइती नु इ क्‍येङा नोले ङा तेकोइ पिपपुकीम मतशो बाक्‍नीम” दे मदा बाक्‍त।
2CH 1:13 मिनु सोलोमन गिबोन सहर आ नेक्‍था ङा डांडा ग्रुम्‍तीक ताम्‍बु आ बाक्‍‍तीक रे यरूसलेमम जाक्‍शा, इस्राएली आन कली सासन पवा बाक्‍त।
2CH 1:14 मिनु सोलोमनम शुश बग्‍गी नु शारापुकी खुप्‍तीमी बाक्‍त। मेको के हजार का ४ सहे बग्‍गी नु हजार का सहे निक्‍शी शारा बाक्‍मा बाक्‍त। मिनु मेकोमी आ बग्‍गी आन कली बग्‍गी वोइक्‍तीक सहरम वोइक्‍पदा बाक्‍त। तन्‍न का निक्‍शी चहिं आं सहर यरूसलेमम वोइक्‍पदा बाक्‍त।
2CH 1:15 सोलोमनम सुन नु चांदी यरूसलेमम बाक्‍शो फुल्‍लु खोदेंशो पा शुश तेला बाक्‍त। मिनु लेबानोन ङा लाइश्‍शो रवा आ शी, शेफेलाह ङा फोव़शी रवा खोदेंशो पा शुश तेला बाक्‍त।
2CH 1:16 सोलोमनम शारापुकी इजीप्‍त नु क्‍युए रे ग्‍याप्‍शा, चाक्‍पाइक्‍बाक्‍माक्‍त। मिनु मेको आ ग्‍याप्‍ब लेयबपुकीम क्‍युएम क्‍येट थाप्‍शा ग्‍याप्‍शा चाक्‍बाक्‍मा बाक्‍त।
2CH 1:17 मेकोपुकीम इजीप्‍त रे ग्‍याप्‍शा अर्को रागी कली लेयबाक्‍मा बाक्‍त। बग्‍गी का कली ६ सहे चांदी के शेकेल नु शारा का कली सहे का ५० चांदी के शेकेलम लेयबाक्‍मा बाक्‍त। मिनु सोलोमन आ ग्‍याप्‍ब लेयबपुकीमी मेको हित्ती नु अरामी पिप आन कली लेयबाक्‍मा बाक्‍त।
2CH 2:1 मिनु सोलोमनम परमप्रभु यावे कली मान पचा, दे खिं का नु आंम कली दरवार का सेल्‍चा थुं पवा बाक्‍त।
2CH 2:2 मिनु सोलोमनमी ७० हजार कुरब मुर, ८० हजार पहाडम फुल्‍लु ख्रोइक्‍चा कली नु मेको गेय पाइब आन कली कोव़ब हजार सां ६ सहे मुर आन कली योव़मी बाक्‍त।
2CH 2:3 मिनु सोलोमनम टायर ङा पिप हुराम कली “गे आं आफ दाऊद कली आ खिं सेल्‍चा कली लेबानोन ङा लाइश्‍शो रवा आ शी सोइश्‍शो बाक्‍‍तीनी। १इतिहास १४:१
2CH 2:4 मिनु मुल गो परमप्रभु यावे, आं परमप्रभु कली मान पचा, दे मेको कली खिं का सेल्‍चा दाक्‍नुङ। मिनु मेको खिं परमप्रभु यावे आ ङोंइती ब्रोव़शो रिना पाइश्‍शो धूप चोचा कली, मेकेर नाक्‍त किंत किंत ङा कोंइतीक शोब्‍ले हार हार पा चढ़ेचा कली, नाक्‍दो सुनी चोशा चढ़ेचा कली, नाइक्‍तीक नाक्‍ती, औंसी नाक्‍ती नु परमप्रभु यावेम, आंइ परमप्रभु गेना हना यो ‘मानेन’ दे इस्राएली आन कली गेशो चाड मानेचा कली जिम्‍मा गेचा दाक्‍नुङ।
2CH 2:5 गो आं सेल्‍चा चिक्‍शो खिं थम ठेयब नु रिम्‍शो खिं दुम्‍चा माल्‍ब। मारदे हना आंइ परमप्रभु देवी देवता नेल्‍ल आन क्‍येङा ठेयब बाक्‍ब।
2CH 2:6 तन्‍न सरीङ नु स्‍वर्गम मेको मरिक्‍ब हना, सुम मेको कली खिं सेल्‍ने चाप्‍बा ङा? मेको कली मार मार चढ़ेचा क्‍येङा लाक्‍शा, आ खिं सेल्‍ब गो सु नङा ङा? २इतिहास ६:१८; १राजा ८:२७
2CH 2:7 मोपतीके गे आं कली सेल्‍स जोक्‍ब तुइक्‍ब मुर का सोइक्‍तीन। मेको मुरुम सुन, चांदी, कांसा नु फलाम चेम्‍शा, मार मार सेल्‍स जोक्‍चा माल्‍ब। मेकोमी प्‍याजी, लल नु नीलो श्‍येले रे मार मार प्रोव़स जोक्‍चा माल्‍ब। मिनु मार मार मुशा, बुटा आप्‍चा शेंसीशो मुर दुम्‍चा माल्‍ब। मिनु मेकोमी आं आफ दाऊदम योव़शो मारेइ मारेइ पस जोक्‍ब यहूदा नु यरूसलेमम गो नु बाक्‍ब मुरपुकी नु गेय पचा माल्‍ब।
2CH 2:8 गे आं कली यो लेबानोन ङा लाइश्‍शो रवा आ शी नु लेबानोन ङा अरु रवा आ शी सोइक्‍तीनी। मारदे हना इन लेबानोन ङा मुरपुकीम रिम्‍शो पा शी ख्रोइक्‍स जोक्‍ब बाक्‍नीम, दे गो तुइक्‍नुङ। आं गेय पाइब इन गेय पाइब नु गेय पाइनीम।
2CH 2:9 आं कली शुश शी तिम्‍शा सोइक्‍तीन। मारदे हना गो ठेयब नु दारशो खिं सेल्‍चा दाक्‍नुङ।
2CH 2:10 गो इन गेय पाइब रवा तिम्‍ब आन कली २० हजार कोर हिल्‍शो चेरब, २० हजार कोर क्‍योव़ज, २० हजार बाथ अङगुर शांबु नु २० हजार बाथ तेल गेनुङमी” दे लोव़ कुरब मुर सोइक्‍ता बाक्‍त। कोर का २२० लिटर पुक्‍तीके बाक्‍ब। बाथ का २२ लिटर बाक्‍ब।
2CH 2:11 मिनु टायर ङा पिप हुराममी चिठी का ब्रेक्‍शा, सोलोमन कली सोइक्‍ता बाक्‍त। मिनु मेकोमी “परमप्रभु यावेमी आ मुर आन कली दाक्‍तीके, इन कली मेको आन पिप सेल्‍तु।
2CH 2:12 सरीङ नु रागी सेल्‍ब परमप्रभु यावे, इस्राएली आन परमप्रभु ठेयब बाक्‍ब। मेकोमी पिप दाऊद कली रुप्‍तीक नु तुइक्‍तीक थुं पाइश्‍शो तौ का गेप्‍तु। मेकोमी परमप्रभु यावे कली खिं का नु आंम कली दरवार का सेल्‍ब।
2CH 2:13 गो इन कली वारच पाइक्‍चा कली मार मार सेल्‍स शुश जोक्‍ब नु तुइक्‍ब हुराम-अबी कली सोइक्‍नुङ। १राजा ७:१३
2CH 2:14 मेको दान आ थर ङा मीश मुर आ तौ बाक्‍ब। मेको आ आफ चहिं टायर ङा बाक्‍ब। मेको सुन, चांदी, कांसा, फलाम, हीरा, शी नु प्‍याजी, लल, नीलो श्‍येले नु रिम्‍शो पा किरशो सुती श्‍येले रे प्रोव़शो वा रे मार मार सेल्‍ने चाप्‍ब। मुशा मार मार सेल्‍चा यो जोक्‍ब बाक्‍ब। इन कली मार मार ब्रेक्‍स माल्‍नीनी, मेकोमी पने चाप्‍ब। मेको मारेइ मारेइ जोक्‍ब मुरपुकी नु ठेयब पिप, इन आफ दाऊद आ मारेइ मारेइ सेल्‍बपुकी नु गेय पने चाप्‍ब। प्रस्‍थान ३१:२-६
2CH 2:15 इन ब्रेक्‍शो खोदेंशो पाइन गेय पाइब आन कली चेरब, क्‍योव़ज, तेल नु अङगुर शांबु सोइक्‍तीन।
2CH 2:16 गो इन माल्‍शो शी नेल्‍ल लेबानोनम तिम्‍नीकी। मिनु फ्रेंशा योप्‍पा सहर सम्‍म ठेयब समुन्‍द्र रे पा सोइक्‍नीकी। मिनु गे मेकेर रे यरूसलेम सम्‍म ल‍तीन” दे चिठी ब्रेक्‍शा सोइक्‍ता बाक्‍त।
2CH 2:17 मिनु सोलोमनम इस्राएलम बाक्‍शो अर्को रागी ङा मुर आन कली हिक्‍पाइक्‍मी बाक्‍त। ङोंइती आ आफ दाऊदमी मुर आन कली हिक्‍पाइश्‍शो बाक्‍माक्‍त। मुल मेकोपुकी लाख का ५३ हजार ६ सहे वोंइश मुर बाक्‍मा बाक्‍त। १इतिहास २२:२
2CH 2:18 मेको रे ७० हजार आन कली कुरब, ८० हजार आन कली पहाडम फुल्‍लु ख्रोइक्‍ब नु हजार सां ६ सहे आन कली मेको गेय पाइब आन कली कोव़ब सेल्‍मी बाक्‍त।
2CH 3:1 मिनु सोलोमनमी यरूसलेम ङा मोरीयाह डांडाम परमप्रभु यावे आ खिं सेल्‍चा गोवा बाक्‍त। ङोंइती परमप्रभु यावेमी आ आफ दाऊद कली मेको मोरीयाह डांडाम कोंइशो बाक्‍माक्‍त। मिनु दाऊदमी “परमप्रभु आ खिं यबुसी ओरनान आ चेरब तुप्‍तीकेम सेल्‍चा माल्‍ब” दे माइश्‍शो बाक्‍माक्‍त। १इतिहास २१:१८-२६
2CH 3:2 मिनु सोलोमन पिप दुम्‍शो आ ४ बर्स ङा महिना निक्‍शी ङा नाक्‍त निक्‍शीमी मेको खिं सेल्‍चा गोवा बाक्‍त।
2CH 3:3 सोलोमनम परमप्रभु आ खिं दोमो सेल्‍चा थुं पशो बाक्‍माक्‍त देंशा हना, माइत पुक्‍तीके रे आ लाइश्‍शो ६० कुबीत नु आ ब्रेम्‍शो २० कुबीत बाक्‍माक्‍त। कुबीत का ०.५ मिटर बाक्‍ब।
2CH 3:4 खिं आ ङोंइती २० कुबीत लाइश्‍शो, २० कुबीत ब्रेम्‍शो नु सहे का २० कुबीत ग्‍येत्‍थ लाइश्‍शो पिंडी बाक्‍माक्‍त। मेको आगा ङा गारोमी क्‍येख सुनम गिल्‍पदा बाक्‍त।
2CH 3:5 मेको खिं आ आगा नेल्‍ल सला के फलेक क्‍येप्‍पदा बाक्‍त। मिनु नेल्‍ल कली क्‍येख सुनम गिल्‍पदा बाक्‍त। मेको दारपाइक्‍चा कली मेको आ तार खजूर रवा नु सिक्रीपुकी बुटा आप्‍शा सेल्‍पदा बाक्‍त।
2CH 3:6 मेको खिं कली दारपाइक्‍चा कली हीरापुकी क्‍येप्‍पदा बाक्‍त। मेको आन माल्‍शो सुन पारवाइम माइक्‍तीके रे चाक्‍शो बाक्‍मा बाक्‍त।
2CH 3:7 मिनु मेको खिं आगा नेल्‍ले सुनम गिल्‍पदा बाक्‍त। मेको आ थाम, लाप्‍चो आ पुं ङा शी, गारो नु लाप्‍चो नेल्‍ल गिल्‍पदा बाक्‍त। आन गारोम करूबपुकी मुशा सेल्‍पदा बाक्‍त।
2CH 3:8 मिनु मेकोमी नेल्‍ल क्‍येङा चोव़खो कोठा सेल्‍पदा बाक्‍त। खिं आ ब्रेम्‍शो आ लाइश्‍शो यो खाल का ङा पा २० कुबीत लाइश्‍शो नु २० कुबीत ब्रेम्‍शो सेल्‍पदा बाक्‍त। मिनु मेकोमी आ आगा नेल्‍ल ६ सहे टलेन्‍ट क्‍येख सुनम गिल्‍पदा बाक्‍त। टलेन्‍ट का ३४ किलो बाक्‍ब।
2CH 3:9 मेको कांटी ङा सुन नाक्‍शोनु, ५० शेकेल बाक्‍मा बाक्‍त। मेकोमी आ इर गे ङा कोठा यो सुनम गिल्‍पदा बाक्‍त। शेकेल का ११.५ ग्राम बाक्‍ब
2CH 3:10 मिनु मेकोमी नेल्‍ल क्‍येङा चोव़खो कोठा कली करूब निक्‍शी मुशा, सुनम गिल्‍पदा बाक्‍त।
2CH 3:11 मेको करूब आस फ्रां नेल्‍ल प्राक्‍शा पुक्‍शोनु, २० कुबीत लाइश्‍शो बाक्‍मा बाक्‍त। मेको करूब आ फ्रां का ५ कुबीत लाइश्‍शो बाक्‍माक्‍त। मिनु मेको वोइश्‍शा, आ फ्रां काम परमप्रभु यावे आ खिं ङा गारो थिशो बाक्‍माक्‍त। मिनु मेको आ अर्को ५ कुबीत लाइश्‍शो फ्रांम चहिं अर्को करूब आ फ्रां थिशो बाक्‍माक्‍त।
2CH 3:12 मोपान अर्को करूब आ फ्रां खिं आ अर्को गे ङा गारो थिशा ५ कुबीत लाइश्‍शो बाक्‍माक्‍त। मिनु मेको आ अर्को फ्रांम अर्को ङोंइती ङा करूब आ फ्रांम थिशो बाक्‍माक्‍त, मेको यो ५ कुबीत लाइश्‍शो बाक्‍माक्‍त।
2CH 3:13 मेको करूब आस फ्रां नेल्‍ल पा २० कुबीत प्राक्‍शो बाक्‍मा बाक्‍त। मेको निक्‍शी राप्‍शो बाक्‍सा बाक्‍त। मिनु मेको निक्‍शीमी मेको खिं गे कोव़शो बाक्‍सा बाक्‍त।
2CH 3:14 मिनु सोलोमनम फारतीक वा नीलो, प्‍याजी नु लल श्‍येले नु रिम्‍शो पा किरशो सुती श्‍येले रे प्रोव़शो वा के सेल्‍पदा बाक्‍त। मिनु करूब आ बुटा आप्‍शा प्रोव़पदा बाक्‍त। प्रस्‍थान २६:३१
2CH 3:15 मिनु खिं आ ङोंइती ३५ कुबीत लाइश्‍शो कांसा के थाम निक्‍शी सेल्‍पदा बाक्‍त। मेको आस कली ५ कुबीत लाइश्‍शो गुप्‍तीके गुप्‍पदा बाक्‍त।
2CH 3:16 मेको थाम निक्‍शी आस गुप्‍तीके एर ओंथ हिरचा कली जाली खोदेंशो साङली निक्‍शी सेल्‍पाइश्‍शा, सहे का दारीम सेल्‍शा, मेको दारीम साङलीम क्‍युक्‍पदा बाक्‍त।
2CH 3:17 मेको थाम निक्‍शी परमप्रभु यावे आ खिं आ ङोंइती का ग्‍युरा गे, का पेरा गे राप्‍पदा बाक्‍त। मिनु ग्‍युरा गे ङा थाम आ नें याकीन वोदा बाक्‍त। पेरा गे ङा थाम आ नें बोआज वोदा बाक्‍त। याकीन आ अर्थ “थुं बारपाइक्‍ब” बाक्‍ब। बोआज आ अर्थ “मेकोमी सक्ति गेब” बाक्‍ब।
2CH 4:1 मिनु सोलोमनमी हुराम-अबी कली २० कुबीत लाइश्‍शो २० कुबीत ब्रेम्‍शो नु १० कुबीत ग्‍येत्‍थ लाइश्‍शो कांसा के चढ़ेतीक का सेल्‍पदा बाक्‍त। कुबीत का ०.५ मिटर बाक्‍ब।१इतिहास ७:७
2CH 4:2 मिनु नोले यपाइश्‍शा कांसा के थम ठेयब बोस का सेल्‍पदा बाक्‍त। मेको कली दोम्‍ली देंमा बाक्‍त। मेको सुर का रे अर्को सुर सम्‍म १० कुबीत बाक्‍माक्‍त। मिनु मेको आ ग्‍येत्‍थ लाइश्‍शो ५ कुबीत बाक्‍माक्‍त। मेको आ एर ओंथ पुक्‍शोनु ३० कुबीत बाक्‍माक्‍त।
2CH 4:3 मेको दोम्‍ली आ लाङगा गे हार निक्‍शी ब्‍यफ दारपाइक्‍चा कली बाक्‍माक्‍त। कुबीत काम १० ओटा ब्‍यफ बाक्‍शो बाक्‍मा बाक्‍त। मेको बोस नु दारपाइक्‍तीक ब्‍यफ कांसा यपाइक्‍तीक गेय रे कालेमीन सेल्‍शो बाक्‍मा बाक्‍त।
2CH 4:4 मेको दोम्‍ली १२ ओटा ब्‍यफ आन तार वोइश्‍शो बाक्‍माक्‍त। ब्‍यफ सां उत्तर गे कोव़शो, सां पच्‍छिम गे कोव़शो, सां दक्‍खिन गे कोव़शो नु सां पूर्ब गे कोव़शो बाक्‍मा बाक्‍त। मिनु मेको दोम्‍ली मेको ब्‍यफ आन तार वोइश्‍शो बाक्‍माक्‍त। मेको ब्‍यफ आन मीलु आगा गे बाक्‍शो बाक्‍मा बाक्‍त।
2CH 4:5 मेको दोम्‍ली आ सुर लिली फू आ सफा खोदेंशो पा रोम्‍सीशो बाक्‍माक्‍त। मेको आ सुर लोटा के खोदेंशो बाक्‍माक्‍त। मेको बोस इन्‍ची सां थांइशो बाक्‍माक्‍त। मेको आ आगाम हजार सां बाथ ब्‍वाक्‍कु रिक्‍बाक्‍माक्‍त। बाथ का २२ लिटर बाक्‍ब।
2CH 4:6 मिनु सोलोमनम चिनु तेम्‍शा १० ओटा आइक्‍च कांसा के चिक्‍तीक बोस सेल्‍पदा बाक्‍त। मिनु मेको के ५ ओटा दोम्‍ली आ ग्‍युरा गे नु ५ ओटा आ पेरा गे वोइक्‍पाइक्‍मी बाक्‍त। मिनु चोशा चढ़ेचा कली मार मार मुरचा माल्‍तेक्‍म हना, मेकेर मुरबाक्‍मा बाक्‍त। मेको दोम्‍ली चहिं चढ़ेब आन चिक्‍तीक बाक्‍माक्‍त।
2CH 4:7 मिनु मोसामी ङोंइती बत्ती दातीक सेल्‍चा शेंशो खोदेंशो पा, १० ओटा सुन के बत्ती दातीक सेल्‍पदा बाक्‍त। मिनु मेको परमप्रभु यावे आ खिंम ५ ओटा दक्‍खिन गे नु ५ ओटा उत्तर गे पा वोइक्‍पदा बाक्‍त।
2CH 4:8 मेकोमी १० ओटा टेबल यो सेल्‍शा, परमप्रभु यावे आ खिंम ५ ओटा ग्‍युरा गे नु ५ ओटा पेरा गे पा वोइक्‍पदा बाक्‍त। मिनु सहे का सुन के ब्रुइक्‍तीक बोस यो सेल्‍पदा बाक्‍त।
2CH 4:9 मेकोमी चढ़ेब आन बाक्‍तीक लाङगा, ठेयब लाङगा नु लाङगा ङा लाप्‍चोपुकी सेल्‍पदा बाक्‍त। मिनु लाप्‍चो आन कली कांसाम गिल्‍पदा बाक्‍त।
2CH 4:10 मिनु मेको दोम्‍ली माइश्‍शो ठेयब ब्‍वाक्‍कु वोइक्‍तीके परमप्रभु यावे आ खिं आ दक्‍खिन पूर्ब गे ङा कुनाम वोइक्‍पदा बाक्‍त।
2CH 4:11 मिनु हुराममी ग्‍योंब, बेल्‍चा नु बोसपुकी सेला बाक्‍त। मोपा हुराममी पिप सोलोमन आ गेशो परमप्रभु आ खिं ङा गेय नेल्‍ल थुमा बाक्‍त।
2CH 4:12 हुराममी थाम निक्‍शी, बोस खोदेंशो गुप्‍तीके, मेको आस एर ओंथ क्‍युक्‍शो दारपाइक्‍तीक जाली खोदेंशो साङली सेल्‍शा थुमा बाक्‍त।
2CH 4:13 मेको साङलीम क्‍युक्‍चा कली ४ सहे दारीम सेला बाक्‍त। मेको थाम आस ङरम बाक्‍शो गुप्‍तीक बोस आस कली सुम्‍चा कली सेल्‍शो जाली खोदेंशो साङली नु मेको साङलीम हार निक्‍शी पा वोइक्‍चा कली दारीमपुकी,
2CH 4:14 बोसपुकी राप्‍पाइश्‍शा वोइक्‍तीके नु बोसपुकी,
2CH 4:15 मेको दोम्‍ली माइश्‍शो ठेयब चिक्‍तीके नु मेको आ राप्‍पाइक्‍‍तीके ङा १२ ओटा ब्‍यफपुकी,
2CH 4:16 ग्‍योंबपुकी, बेल्‍चापुकी, श्‍ये ग्रुंइतीक कांटापुकी नु मेकेर माल्‍शो मारेइ मारेइ सोलोमनम अरेशो खोदेंशो पा हुराममी परमप्रभु यावे आ खिं कली सेल्‍शो नेल्‍ल टल्‍केपपाइश्‍शो कांसा के बाक्‍मा बाक्‍त।
2CH 4:17 मिनु पिपमी मेको नेल्‍ल यर्दन ङा दिंम ङा खपीम, सुक्‍कोथ नु सेरेदाह सहर आस दातेम यपाइश्‍शा सेल्‍पाइश्‍शो बाक्‍माक्‍त।
2CH 4:18 मोपा सोलोमनमी मेकेर शुश कांसा के सेल्‍तीके सेल्‍पदा बाक्‍त। मेको कली दोशो कांसा माल्‍द‍मे, मेको मतुइश्‍शो बाक्‍मा बाक्‍त।
2CH 4:19 मिनु सोलोमनम परमप्रभु आ खिं कली माल्‍तीक मारेइ मारेइ सुन के चढ़ेतीके, कोंइतीक शोब्‍ले वोइक्‍तीके टेबलपुकी सेल्‍पदा बाक्‍त।
2CH 4:20 मिनु मोसाम देंशो खोदेंशो पा नेल्‍ल क्‍येङा चोव़खो कोठा आ ङोंइती दाचा कली क्‍येख सुन के बत्ती दातीक नु आन तेल वोइक्‍तीके सेल्‍पदा बाक्‍त।
2CH 4:21 मेकोमी क्‍येख सुन के फू, तेल वोइक्‍तीके नु थनारोपुकी,
2CH 4:22 क्‍येख सुन के सल्‍दो क्‍योरतीके, बोसपुकी नु डाडुपुकी नु मी कुरतीके सेल्‍पदा बाक्‍त। मिनु परमप्रभु यावे आ खिं ङा लाप्‍चो, आगा ङा नेल्‍ल क्‍येङा चोव़खो कोठा ङा लाप्‍चो नु ठेयब बाक्‍तीक ङा लाप्‍चो नेल्‍ल सुन के सेल्‍पदा बाक्‍त।
2CH 5:1 मिनु सोलोमनम परमप्रभु यावे आ खिं कली पशो गेय नेल्‍ल थुमा नोले, आ आफ दाऊदमी परमप्रभु यावे कली गेशो नेल्‍ल चाक्‍गा बाक्‍त। मेको सुन चांदी नु ग्‍योंब नेल्‍ल मारेइ मारेइ परमप्रभु आ खिं ङा शोंप वोइक्‍तीकेमी वोइक्‍पदा बाक्‍त। १इतिहास १८:११; १इतिहास २९:२-४
2CH 5:2 मिनु नोले सोलोमनम परमप्रभु यावे आ कबल पशो सन्‍दोस दाऊद आ सहर सियोन रे चाक्‍चा कली इस्राएल ङा खाल्‍पापुकी, इस्राएली आन थर थर ङा ठेयब मुर नेल्‍ले नु इस्राएली आन खिं खिं ङा ठेयब मुर आन कली यरूसलेममी बुक्‍चा, दे ब्रेत्‍तीमी बाक्‍त।
2CH 5:3 मिनु इस्राएल ङा खुम्‍सीशो मुर नेल्‍ल ७ महिना ङा चाड नाक्‍ती पिप आ ङोंइती जाक्‍मा बाक्‍त। लेवी २३:३४
2CH 5:4 मिनु इस्राएल ङा खाल्‍पा नेल्‍ल जाक्‍मानु, लेवीपुकीम कबल पशो सन्‍दोस कुरमे बाक्‍त।
2CH 5:5 मिनु चढ़ेबपुकी नु लेवीपुकीम सन्‍दोस, ग्रुम्‍तीक ताम्‍बु नु ताम्‍बुम बाक्‍शो ग्‍योंब परमप्रभु आ मारेइ मारेइ थोव़क कुरशा, इर लदमे बाक्‍त।
2CH 5:6 मिनु पिप सोलोमन आ ङोंइती बुक्‍शो इस्राएल ङा मुर नेल्‍ले मेको कबल पशो सन्‍दोस आ ङोंइती बाक्‍शो बाक्‍मा बाक्‍त। मिनु मेकोपुकीम हिक्‍ने मचाप्‍चा ङा पा शुश ब्‍यफ नु भेडा चढ़ेमे बाक्‍त।
2CH 5:7 मिनु नोले चढ़ेबपुकीम परमप्रभु यावे आ कबल पशो सन्‍दोस आ बाक्‍तीक परमप्रभु यावे आ खिं आ आगा ङा नेल्‍ल क्‍येङा चोव़खो कोठाम चाक्‍शा करूब आस फ्रां आगाम वोदमे बाक्‍त।
2CH 5:8 मेको करूब आस फ्रां मेको कबल पशो सन्‍दोस बाक्‍तीक आ तारी प्राक्‍शो बाक्‍सा बाक्‍त। मोपा मेको करूब निक्‍शीमी आस प्राक्‍शो फ्रांम कबल पशो सन्‍दोस नु आ कोक्‍के सुम्‍शो बाक्‍सा बाक्‍त।
2CH 5:9 मेको कोक्‍के चहिं थम लाइश्‍शो बाक्‍तीके नेल्‍ल क्‍येङा चोव़खो कोठा रे ठेयब बाक्‍तीकेम तांइसीशो बाक्‍माक्‍त। तन्‍न मेको लाङगा रे मतांइसीबाक्‍माक्‍त। मेको मुल सम्‍म यो बाक्‍नीम।
2CH 5:10 मोसामी होरेब डांडाम मेको कबल पशो सन्‍दोस आगा वोइश्‍शो फुल्‍लु निक्‍शी क्‍येङा लाक्‍शा, अरु मारेइ मबाक्‍माक्‍त। मेना परमप्रभु यावेमी इस्राएली इजीप्‍त प्रोंइशा गाक्‍मानु, कबल पशो बाक्‍माक्‍त। ब्‍यवस्‍था १०:५; हिब्रू ९:४
2CH 5:11 मिनु चढ़ेबपुकी नेल्‍ल क्‍येङा चोव़खो कोठा रे ग्रूमा बाक्‍त। मेकेर बाक्‍शो चढ़ेब नेल्‍ले आन पालो मरिम्‍थुन परमप्रभु यावे आ ङोंइती जाक्‍चा कली ठीक सेल्‍सीशो बाक्‍मा बाक्‍त। १इतिहास ८:१४; लूका १:८-९
2CH 5:12 मिनु कुम्‍सो पाइब लेवी नेल्‍ल, आसाफ, हेमान, येदुथून नु मेको आन तौपुकी, मेको आन खिं खिं ङा वोंइश मुर नेल्‍ल रिम्‍शो पा किरशो श्‍येले रे प्रोव़शो सुती वा फेक्‍सीशा बुप्‍केल, ठेयब नु आइक्‍च तार पाइश्‍शो ताप्‍तीके कुरशा चढ़ेतीक आ पूर्ब गे राम्‍मा बाक्‍त। मिनु मेकोपुकी नु सहे का २० जना चढ़ेब यो बाक्‍मा बाक्‍त। मिनु मेकोपुकी चहिं तुराही ताप्‍ब बाक्‍मा बाक्‍त। १इतिहास १५:१९; १इतिहास १६:३७; १इतिहास १६:४१-४२
2CH 5:13 मिनु तुराही ताप्‍बपुकी नु कुम्‍सो पाइबपुकीम खाल का ङा सेंदा पा “परमप्रभु यावे, गे ठेयब बाक्‍नीनी। गे रिम्‍शो पाइब बाक्‍नीनी” दे कुम्‍सो पतीक मेको आन गेय बाक्‍माक्‍त। मिनु मेकोपुकीम तुराही, बुप्‍केल नु अरु ताप्‍तीक ताप्‍शा, परमप्रभु यावे कली “गे रिम्‍शो पाइब बाक्‍नीनी। इन दाक्‍तीके गेना हना यो लीब” दे कुम्‍सो पामे बाक्‍त। मिनु परमप्रभु यावे आ खिं गोस्‍सुम ब्रीमाक्‍त। १इतिहास १६:३४; भजन संग्रह १०६:१
2CH 5:14 मिनु मेको गोस्‍सुम खिं ब्रीतीके चढ़ेबपुकीम गेय पने मचाप्‍मे बाक्‍त। मारदे हना परमप्रभु यावे आ खिं आ छेङछेङम ब्रीशो बाक्‍माक्‍त। १इतिहास ७:१-३; प्रस्‍थान ४०:३५
2CH 6:1 मिनु सोलोमनम “परमप्रभु यावे, गे ‘गो थम क्‍येर गोस्‍सुम बाक्‍नुङ’ देंशो बाक्‍तीनी।
2CH 6:2 गो इन कली गेना हना यो बाक्‍चा कली थम दारशो खिं का सेल्‍ता” देंमाक्‍त।
2CH 6:3 मिनु नोले पिप खुम्‍सीशो इस्राएली गे हिरशा, नेल्‍ल आन कली आसीक गेमी बाक्‍त। मेना मुर नेल्‍ले राप्‍शो बाक्‍मा बाक्‍त।
2CH 6:4 मिनु मेकोमी “परमप्रभु यावे, इस्राएली आन परमप्रभु, गे ठेयब बाक्‍नीनी। गे आं आफ दाऊद नु देंशो लोव़ मुल खाप्‍शो बाक्‍नीनी।
2CH 6:5 गे आं आफ दाऊद कली ‘गो आं मुर आन कली इजीप्‍त रागी रे ग्रुंइशा चाक्‍गुमी रे मुल सम्‍म आं नें वोइक्‍चा नु आं खिं सेल्‍चा कली इस्राएल ङा तेकोइ थर आन सहर मयोव़ङु। मिनु गो आं मुर इस्राएली आन कली सासन पपाइक्‍चा कली पिप मयोव़ङु।
2CH 6:6 तन्‍न गो आं नें कली मान पचा, दे यरूसलेम कली योव़ता। मिनु दाऊद कली आं मुर इस्राएली आन पिप दुम्‍चा कली योव़ता’ देंशो बाक्‍तीनी।
2CH 6:7 आं आफ दाऊदम परमप्रभु यावे, इस्राएली आन परमप्रभु आ नें कली मान पा खिं का सेल्‍चा कली थुं पशो बाक्‍माक्‍त। २सामुएल ७:२-१३
2CH 6:8 तन्‍न परमप्रभु यावे, गे आं आफ दाऊद कली ‘गे आं नें कली मान पा खिं का सेल्‍चा थुं पाप्‍तीवी। मेको रिम्‍शो बाक्‍ब।
2CH 6:9 मो हना यो गे मेको सेल्‍चा मदुम्‍नेवे। तन्‍न इ तौम आं नें कली मान पा खिं का सेल्‍चा माल्‍ब’ दे माइश्‍शो बाक्‍तीनी।
2CH 6:10 मुल परमप्रभु यावे, गे इन देंशो लोव़ खाप्‍तीनी। परमप्रभु यावे, गे इन लोव़ खोदेंशो पा गो आं आफ दाऊद आ पा ङा पिप दुम्‍ती। मिनु गो इस्राएल ङा पिप आ ठेयब नित्‍तीकेम निश्‍शो बाक्‍नुङ। मिनु गो परमप्रभु यावे, इस्राएली आन परमप्रभु, इन नें कली मान पा एको खिं सेल्‍ता। जकरिया ४:९
2CH 6:11 मिनु गो इन कबल पशो सन्‍दोस मेको आगाम वोइक्‍ता। परमप्रभु यावे, इन इस्राएली नु पशो कबल आगाम बाक्‍ब” देंमाक्‍त। ब्‍यवस्‍था ९:९; ब्‍यवस्‍था १०:५
2CH 6:12 मिनु सोलोमन परमप्रभु यावे कली चढ़ेतीक आ ङोंइती नु इस्राएल ङा खुम्‍सीशो मुर नेल्‍ल आन ङोंइती राप्‍शा, आ गुइ निम्‍फा पोक्‍गा बाक्‍त।
2CH 6:13 सोलोमनम ५ कुबीत लाइश्‍शो, ५ कुबीत ब्रेम्‍शो नु कुबीत सां ग्‍येत्‍थ लाइश्‍शो कांसा के राप्‍तीक का सेल्‍पाइश्‍शा, लाङगा आ दातेम वोइश्‍शो बाक्‍माक्‍त। मिनु मेको तार राम्‍माक्‍त। मिनु नोले खुम्‍सीशो इस्राएली नेल्‍ल आन ङोंइती आ पोक्‍च थेक्‍शा, आ गुइ सरीङ गे पोक्‍गा बाक्‍त। कुबीत का ०.५ मिटर बाक्‍ब।
2CH 6:14 मिनु मेकोमी “परमप्रभु यावे, इस्राएली आन परमप्रभु, सरीङ नु रागीम इन खोदेंशो सुइ मबाक्‍नीम। गे कबल खाप्‍ब बाक्‍नीनी नु इन कली नेल्‍ल थुंम खोइक्‍ब इन वाइल आन कली गे गेना हना यो दाक्‍नीनी।
2CH 6:15 गे इन वाइल, आं आफ दाऊद कली देंशो लोव़ खाप्‍तीनी। इन देंशो लोव़ मुलाक्‍त पाइतीनी।
2CH 6:16 मोपतीके परमप्रभु यावे, इस्राएली आन परमप्रभु इन गेय पाइब, आं आफ दाऊद कली देंशो लोव़ खपीन। मार देंशो लोव़ खपीन देंशा हना, ‘इस्राएली आन कली सासन पचा कली गेना हना यो इ मुर बाक्‍ब। गे आं ङोंइती गाक्‍शो खोदेंशो पा इ आलपुकीम आं अरेशो लोव़ पाम्‍तेक्‍म हना, इस्राएल ङा ठेयब नित्‍तीकेम पिप दुम्‍चा कली गेना हना यो इ मुर का बाक्‍ब’ देंशो बाक्‍‍तीनी। २सामुएल ७:१६
2CH 6:17 मिनु मुल परमप्रभु यावे, इस्राएली आन परमप्रभु, इन गेय पाइब दाऊद कली देंशो लोव़ थमा दुम्‍पतीन।
2CH 6:18 मिनु मार, परमप्रभु थमा पा मुर नु रागीम बाक्‍बा ङा? सरीङ नु स्‍वर्गम इन कली मरिक्‍ब हना, इन कली सेल्‍शो खिंम इन कली दोपा रिक्‍बा ङा? १इतिहास २:५
2CH 6:19 इन गेय पाइब, आं पुंइशो, आं पशो लोव़ नेनीन। परमप्रभु यावे, आं परमप्रभु, आं ब्रेश्‍शो नु आं प्रार्थना नेनीन।
2CH 6:20 मिनु इन देंशो लोव़ खोदेंशो पा इन नें कली मान पचा कली सेल्‍शो बाक्‍तीक, एको खिं कली नाक्‍दो नाक्‍ती कोव़ङीन। मिनु इन खिं गे कोव़शा पुनुनु, आं लोव़ नेनीन।
2CH 6:21 मिनु इन गेय पाइब नु इस्राएली, इन मुरुम एको खिं गे कोव़शा पुन्‍मेनु, इन स्‍वर्ग ङा बाक्‍तीक रे नेनीन। मिनु नेंशा मेको आन पाप क्‍याम्‍दीन।
2CH 6:22 सुइम अरु मुर कली पाप पशो बाक्‍त हना, कसम जचा माल्‍ताक्‍व हना, मेको मुर कली इन कली चढ़ेतीक नु इन खिं आ ङोंइती कसम जपाइक्‍तेक्‍म हना, ब्‍यवस्‍था २७:२६; प्रस्‍थान २२:१०
2CH 6:23 गे स्‍वर्ग रे मेको नेंशा, मार पचा माल्‍बा, मेको पने। मिनु इन गेय पाइब आस दातेम निसाफ पने। दोस ताइब कली सजाइ गेने। मिनु दोस मताइब कली प्रोनीन। दोपा ठीक पवा, मेको आ पशो खोदेंशो पा, मेको कली गेने।
2CH 6:24 मिनु इस्राएली, इन मुरपुकीमी इन कली पाप पशा, आन जोरी सत्रु नु लडाइ पा ब्रुम्‍तेक्‍म हना, तन्‍न एको इन खिं जाक्‍शा, इन नें थिशा, इन कली पुंइशा, इन गे लेत्‍‍तेक्‍म हना, ब्‍यवस्‍था २८:२५
2CH 6:25 गे स्‍वर्ग रे मेको आन पुंइशो नेनीन। मिनु इस्राएल ङा मुर आन पाप क्‍याम्‍दीन। मिनु गे मेको आन कली नु आन किकी पिपी आन कली गेशो रागीम लेश्‍शा चाक्‍कीन।
2CH 6:26 मिनु मेकोपुकीम इन कली पाप पतीके, रेउ मयित हना, मेकोपुकीम इन बाक्‍तीक गे कोव़शा, इन कली पुंइनीम। मिनु गे मेको आन कली सजाइ गेब परमप्रभु बाक्‍नीनी, दे तुइक्‍नीम। मिनु आन पाप रे लेश्‍शा, इन कली पुंइतेक्‍म हना, ब्‍यवस्‍था २८:२३-२४
2CH 6:27 गे, स्‍वर्ग ङा बाक्‍तीक रे मेको आन पुंइशो लोव़ नेनीन। मिनु इन गेय पाइब, इस्राएली आन पाप क्‍याम्‍दीन। गे मेको आन गाक्‍चा माल्‍शो रिम्‍शो लां कोंइदीन। मिनु गे इन इस्राएल ङा मुर आन कली गेशा आन थेरशो रागीम रेउ यिपतीन।
2CH 6:28 मिनु रागीम अन्‍काल दुम्‍‍त हना, मुरपुकी बेक्‍तीक रोइ पाम्‍तेक्‍म हना, चेरब सोव़तीक रोइ जाक्‍त हना, बुंखी ङाइक्‍ताक्‍व हना, सल्‍हा सोंपु जोम्‍तेक्‍म हना, आन जोरी सत्रुम आन बाक्‍तीक पुम्‍ताक्‍म हना, दोदेंब हिंचा ङा श्‍येत नु रोइ बोक्‍त हना यो,
2CH 6:29 इन इस्राएल ङा मुर नु अरु सुइम आन श्‍येत इन कली शोव़शा, एको खिं गे कोव़शा, आन गुइ पोक्‍शा, इन कली पुंइतेक्‍म हना,
2CH 6:30 गे, इन मुर आन पुंइशो इन स्‍वर्ग ङा बाक्‍तीक रे नेनीन। मिनु मेको आन पाप क्‍याम्‍दीन। गे इन मुर आन थुं तुइश्‍शो खोदेंशो पा रिम्‍शो कली रिम्‍शो नु मरिम्‍शो कली मरिम्‍शो पने। मारदे हना गे ला मुर आन थुं तुइक्‍ब बाक्‍नीनी। भजन संग्रह १३९:१-४,२३
2CH 6:31 मोपा इन कली मान पा हिंशा, मबेक्‍मा सम्‍म इन लां गाक्‍शा नु इन गेशो आन किकी पिपीम थेरशो रागीम रिम्‍शो पा बाक्‍नीम।
2CH 6:32 मिनु इन मुर, इस्राएली मबाक्‍थु, अर्को रागी ङा मुरपुकीम ङोन रागी रे जाक्‍शा, इन ठेयब नें, इन सक्ति नु इन वारच पतीके नेंशा, एको खिं गे कोव़शा, पुंइतेक्‍म हना,
2CH 6:33 गे, इन स्‍वर्ग ङा बाक्‍तीक रे मेको आन पुंइशो नेंशा, मेको अर्को रागी ङा मुर आन पुंइशो गेने। मोपा इस्राएली खोदेंशो पा रागी ङा मुर नेल्‍लेमी इन कली तुइश्‍शा, इन कली मान पा हिंनीम। मिनु मेकोपुकीम आं सेल्‍शो खिंम गे थमा पा बाक्‍नीनी, दे तुइक्‍नीम।
2CH 6:34 मिनु इन मुरपुकीम आन जोरी सत्रु नु लडाइ पचा कली तेको लां रे सोइक्‍ताक्‍नी हना यो, इन योव़शो सहर नु गोम इन कली मान पा सेल्‍शो खिं गे कोव़शा, पुंइतेक्‍म हना, दानीएल ६:११
2CH 6:35 गे मेको आन पुंइशो लोव़ इन स्‍वर्ग ङा बाक्‍तीक रे नेंशा आन माल्‍शो गेशा वारच पने।
2CH 6:36 मिनु मेकोपुकीमी इन कली पाप पाम्‍तेक्‍म हना, मारदे हना पाप मपाइब सुइ मबाक्‍नीम। गे मेको आन कली तशा गाइश्‍शा, मेको आन कली आन जोरी सत्रु आन गुइमी गेतीनी हना, मेकोमी मेको आन कली ग्‍याइश्‍शा, ङोन रागी हना यो, आन नेक्‍था ङा रागी हना यो लाइश्‍शा, चोक्‍तेक्‍म हना,
2CH 6:37 मिनु मेको रागीमी मेको आन थुं इन गे लेश्‍शा, मेकोपुकीम ‘गो पाप पाइतक, गो दूली पाइतक, गो काइ मरिम्‍शो पाइतक’ देंशा, दानीएल ९:५
2CH 6:38 मिनु मेको रागीम आन थुं नेल्‍लेमी इन गे लेश्‍शा, आन किकी पिपीम थेरशो रागी, इन योव़शो सहर नु गो इन कली मान पचा कली सेल्‍शो खिं गे कोव़शा, इन कली पुंइतेक्‍म हना,
2CH 6:39 इन स्‍‍वर्ग ङा बाक्‍तीक रे मेको आन पुंइशो लोव़ नेनीन। मिनु मेको आन माल्‍शो गेन। आन पशो पाप नेल्‍ल क्‍याम्‍दीन।
2CH 6:40 मुल आं परमप्रभु, मेको खिं रे इन मुर आन लोव़ नेंशा कोव़ङीन। मिनु आन पुंइशो नेनीन।
2CH 6:41 परमप्रभु यावे, परमप्रभु, मुल बोक्‍कीन। गे नु इन सक्ति ङा कबल पशो सन्‍दोस इन नाइश्‍शा बाक्‍तीकेम जाक्‍कीन। परमप्रभु यावे, परमप्रभु, इन कली चढ़ेबपुकीम इन मुर आन कली पाप क्‍याम्‍तीक गेय पपतीन। मिनु इन कली थमा सुइक्‍ब इन रिम्‍शो पशो तशा ग्‍येरसमल। भजन संग्रह १३२:८
2CH 6:42 परमप्रभु यावे, परमप्रभु, गे इन तेल लुक्‍शो मुर, आं कली मप्रोंइयीनी। इन गेय पाइब दाऊद कली पशो इन गेना हना यो दाक्‍तीक मिम्‍तीन” दे सोलोमनम परमप्रभु कली देंमाक्‍त। भजन संग्रह ८९:४-५
2CH 7:1 मिनु सोलोमनम मेको पुंइने थुमा नोले सरीङ रे मी यिमाक्‍त। मिनु मेको मीम चोशा चढ़ेशो नु अरु चढ़ेशो नेल्‍ल नेक्‍गा बाक्‍त। मिनु परमप्रभु यावे आ छेङछेङम आ खिं कली ब्रीमाक्‍त। लेवी ९:२४; १राजा १८:३८; प्रस्‍थान ४०:३४
2CH 7:2 मिनु परमप्रभु यावे आ खिं आ छेङछेङम ब्रीतीके, चढ़ेबपुकी परमप्रभु यावे आ खिं ओव़ने मचब्‍मे बाक्‍त।
2CH 7:3 इस्राएली नेल्‍लेमी मेको मी यिशा नु परमप्रभु यावे आ खिं आ तार छेङछेङ बाक्‍शो तामे बाक्‍त। मेकोपुकीमी खप सम्‍मन बाप्‍शा “परमप्रभु यावे, गे रिम्‍शो पाइब बाक्‍नीनी। इन दाक्‍तीके गेना हना यो लीब” देंशा, ठेयब सेल्‍मे बाक्‍त। २इतिहास ५:१३-१४; भजन संग्रह १०६:१
2CH 7:4 मिनु नोले पिप नु मुर नेल्‍लेमी परमप्रभु यावे आ ङोंइती चढ़ेमे बाक्‍त।
2CH 7:5 मिनु पिप सोलोमनम २२ हजार ब्‍यफ नु लाख का, २० हजार भेडा चढ़ेवा बाक्‍त। मोपा पिप नु मुर नेल्‍लेमी मेको खिं परमप्रभु कली जिम्‍मा गेमे बाक्‍त।
2CH 7:6 चढ़ेब आन पालो खोदेंशो पा बाक्‍मा बाक्‍त। लेवीपुकी परमप्रभु यावे कली ताप्‍तीक ताप्‍चा कली आन ताप्‍तीके शेशा बाक्‍मा बाक्‍त। पिप दाऊदम मेको ताप्‍तीकपुकी परमप्रभु यावे कली ठेयब सेल्‍चा कली “आ दाक्‍चा गेना हना यो लीब” दे कुम्‍सो पचा कली, परमप्रभु यावे कली ठेयब सेल्‍ची ना कली सेल्‍शो बाक्‍माक्‍त। मिनु लेवीपुकीमी कुम्‍सो पामे बाक्‍त। चढ़ेबपुकी कोव़मुशा तुराही ताप्मे बाक्‍त। मेना इस्राएली नेल्‍ल राप्‍शा बाक्‍मा बाक्‍त। २इतिहास ४:१
2CH 7:7 मिनु नोले सोलोमनम परमप्रभु यावे आ खिं आ ङोंइती ङा लाङगा परमप्रभु कली जिम्‍मा गेवा बाक्‍त। मिनु मेकेर चोशा चढ़ेतीक चढ़ेवा बाक्‍त। दुशा बाक्‍चा आ पर्बम चढ़ेशो आन बोंसो यो चढ़ेवा बाक्‍त। मारदे हना मेको आ सेल्‍शो कांसा के चढ़ेतीकेम चोशा चढ़ेशो, अन्‍न चढ़ेशो नु बोंसो चढ़ेचा कली मरिक्‍ता बाक्‍त। २इतिहास ४:१
2CH 7:8 मेना सोलोमनम ७ नाक्‍ती सम्‍म चाड सेला बाक्‍‍त। मिनु इस्राएली नेल्‍ले मेको नु बाक्‍मा बाक्‍त। लेबो-हमाथ रे इजीप्‍त ङा खोला सम्‍म शुश मुरुमी ७ नाक्‍त सम्‍म चाड मानेमे बाक्‍त।
2CH 7:9 मिनु मेकोपुकीमी ८ नाक्‍तीम परमप्रभु यावे कली ठेयब ग्रुम्‍तीक का सेल्‍मे बाक्‍त। मारदे हना मेकोपुकीम चढ़ेतीक ङा जिम्‍मा गेतीके ७ नाक्‍त सम्‍म मानेमे बाक्‍त। मिनु नोले ७ नाक्‍त ङा चाड यो मानेमे बाक्‍त। गन्‍ती ७:१०
2CH 7:10 मिनु ७ महिना ङा २३ नाक्‍तीम सोलोमनम मुर आन कली आन खिं खिं सोइक्‍तीमी बाक्‍त। मेकोपुकी थुं नाइश्‍शा, थम ग्‍येरसीशा लमा बाक्‍‍त। मारदे हना परमप्रभु यावेमी दाऊद, सोलोमन नु आ मुर आन कली थम रिम्‍शो पवा बाक्‍त।
2CH 7:11 मो पा सोलोमनम परमप्रभु यावे आ खिं नु आ दरवार सेल्‍ने थुमा बाक्‍त। मिनु परमप्रभु यावे आ खिं नु आ खिं सेल्‍चा थुं पा रिम्‍शो पा थुमा बाक्‍त।
2CH 7:12 मिनु नोले परमप्रभु यावे नाक्‍दो सोलोमन आ ङोंइती तपांइसीशा, मेको कली “गो इ पुंइशो लोव़ नेंता। मिनु गो मेको खिं मुरपुकीमी आं कली मेकेर चढ़ेचा कली योव़ता। ब्‍यवस्‍था १२:५-६; यसैया ५६:७; मर्कूस ११:१७; यूहन्‍ना २:१६
2CH 7:13 गो सरीङ कली चोक्‍शो खोदेंशो पा रेउ मयिपाइक्‍ता हना, गो रागी कली खतम पोक्‍चा कली सल्‍हा सोइक्‍ताक्‍ङ हना, आं मुर आन दातेम बेक्‍तीक रोइ पपाइक्‍ता हना,
2CH 7:14 मिनु आं मुरपुकी ब्रेम्‍शो दुम्‍शा, आं कली पुंइशा, आं कली माल्‍तेक्‍म हना, आन मरिम्‍शो लां रे लेत्‍‍तेक्‍म हना, गो स्‍वर्ग रे मेको आन पुंइशो नेंनुङ। मिनु मेको आन पाप क्‍याम्‍नुङ। मिनु गो मेको आन रागी कली ङोंइती ङा खोदेंशो पा रिम्‍शो सेल्‍नुङ।
2CH 7:15 मिनु मेको बाक्‍तीकेमी मुरपुकीम आं कली पुंइशो लोव़ गो कोव़शा नोफा दाइक्‍नुङ। २इतिहास ६:४०
2CH 7:16 मारदे हना गो आं नें गेना हना यो बाक्‍चा कली एको खिं कली योव़ता। एको आं के ला बाक्‍ब। गो मेको कली कोव़नुङ। आं थुं गेना हना यो मेकेर बाक्‍ब।
2CH 7:17 मिनु गे चहिं इ आफ दाऊद आं ङोंइती गाक्‍शो खोदेंशो पा गाक्‍तेवे नु आं इन कली शेंशो फुल्‍लुम मुशा ब्रेक्‍‍शो लोव़ नु आ निसाफ पतीक लोव़ नेल्‍ल पाप्‍तीवी हना,
2CH 7:18 गो इ राज्‍य बोल्‍यो नु ठेयब सेल्‍नुङ। गो इ आफ दाऊद कली कबल पशो खोदेंशो पा इ कली यो ‘गेना हना यो इस्राएली आन कली सासन पचा कली इ खिं ङा मुर का बाक्‍ब’ दे कबल पाइनुङ। २इतिहास ६:१६
2CH 7:19 तन्‍न गे नोले शोंइसीशा, गो इ ङोंइती वोइश्‍शो आं फुल्‍लुम मुशा ब्रेक्‍शो लोव़ नु आं शेंतीके मटिप्‍तीवी हना, नु लशा अर्को देवी देवता आन कली सेउ पा पूजा पाप्‍तीवी हना,
2CH 7:20 गो इन कली गेशो रागी रे ग्रुंइनुङ। मिनु गो आं नें बाक्‍शो खिं प्रोंइनुङ, काइ मकोव़नुङ। मिनु गो एको कली जात जात ङा मुर आन दातेमी खि‍सी नु शुक्‍शी पाइक्‍तीक सेल्‍नुङ। ब्‍यवस्‍था २८:६३; १राजा १४:१५
2CH 7:21 मिनु एको खिं आ पर्बम मार देंनीमी? मुल ठेयब दारशो बाक्‍ब। तन्‍न नोले एको लां रे गाक्‍ब मुर नेल्‍ल छक लाक्‍शा ‘मारदे परमप्रभु यावेम एको रागी नु एको खिं ओदेंशो सेला?’ दे हिल्‍लो पाइनीम। ब्‍यवस्‍था २९:२३-२८; येरमीया २२:८-९
2CH 7:22 मिनु लेंशा मुरपुकीम ‘मारदे हना मेकोपुकीमी परमप्रभु यावे, आन किकी पिपी आन परमप्रभुमी मेको आन कली इजीप्‍त रे ग्रुंइशा चाक्‍ब परमप्रभु यावे कली प्रोंइतेक्‍म। मिनु अर्को देवी देवता आंम के सेल्‍शा, पूजा पा गेय पाम्‍तेक्‍म। मोपतीके परमप्रभु यावेमी मेको आन कली मोदेंशो श्‍येत गेप्‍तु’ दे लोव़ लेत्‍नीम” देंमा बाक्‍त।
2CH 8:1 मिनु सोलोमनम परमप्रभु यावे आ खिं नु आ दरवार सेल्‍चा कली २० बर्स माल्‍दा बाक्‍त।
2CH 8:2 मिनु पिप हुरामम सोलोमन कली सहरपुकी गेवा बाक्‍त। मिनु सोलोमन मेको सहर आन कली लेंशा सेला बाक्‍त। मेकेर इस्राएल ङा मुर आन कली बाक्‍पाइक्मी बाक्‍त।
2CH 8:3 मिनु सोलोमन हमाथ-सोबा लशा, लडाइ पा मेको आ के सेला बाक्‍‍त।
2CH 8:4 मिनु गोरशो रागीमी तदमोर माइश्‍शो सहर सेला बाक्‍त। मिनु हमाथम यो मार मार वोइक्‍तीक सहरपुकी सेला बाक्‍त।
2CH 8:5 मेकोमी आइक्‍था ङा बेथ-होरोन नु आइदी ङा बेथ-होरोन यो सेला बाक्‍त। मिनु गारो हिरशो, ठेयब लाप्‍चो वोइश्‍शो नु आग्‍लो पाइश्‍शो बोल्‍यो सहर दुम्‍मा बाक्‍त।
2CH 8:6 मेकोमी बालाथ सहर नु सोलोमन आ मार मार वोइक्‍तीक सहरपुकी सेला बाक्‍त। मिनु बग्‍गी वोइक्‍तीक सहर नु शारा आन कली वोइक्‍तीक सहरपुकी सेला बाक्‍त। मेकोमी यरूसलेम, लेबानोनम नु आ राज्‍य नेल्‍लेमी आ दाक्‍शो खोदेंशो पा सहरपुकी सेला बाक्‍त।
2CH 8:7 हित्ती, एमोरी, परिज्‍जी, हिव्‍वी नु यबुसी इस्राएली मबाक्‍शो मुर,
2CH 8:8 आन चच युइ इस्राएल रागीम लीशो बाक्‍मा बाक्‍त। मारदे हना मेको आन कली मसाइक्‍थु, ब्रोंइचा गेशो बाक्‍मा बाक्‍त। मिनु सोलोमनम मेको आन कली वाइल सेल्‍शा, गेय पपदा बाक्‍त। मेको मुल सम्‍म मोदेंशोन बाक्‍नीम। यहोसु १६:१०
2CH 8:9 तन्‍न सोलोमनम इस्राएल ङा मुर रे मोदेंशो वाइल गेय पचा कली सुइ मलदा बाक्‍त। मेको आन कली लडाइ पाइब, आन ठेयब मुर, आ बग्‍गी चलेब नु शारा ङोइक्‍ब आन कप्‍तान सेल्‍मी बाक्‍त।
2CH 8:10 पिप सोलोमन के सहे निक्‍शी ५० जना अधिकार पाइश्‍शो मुर बाक्‍मा बाक्‍त। मेकोपुकी मुर आन कली कोव़ब बाक्‍मा बाक्‍त।
2CH 8:11 मिनु सोलोमनम फाराओ आ तमी कली दाऊद आ सहर रे मेको कली सेल्‍शो खिंम चाक्‍गा बाक्‍त। मारदे हना मेकोमी “आं मीश इस्राएल ङा पिप दाऊद आ खिंमी बाक्‍चा मदुम्‍ब। मारदे हना मेको परमप्रभु यावे आ कबल पशो सन्‍दोस बाक्‍शो, परमप्रभु आ बाक्‍तीक ला बाक्‍ब” देंमाक्‍त। १राजा ३:३
2CH 8:12 मिनु नोले सोलोमनम परमप्रभु यावे आ खिं ङा पिंडी आ ङोंइती वोइश्‍शो आ सेल्‍शो चढ़ेतीकेम परमप्रभु यावे कली चोशा चढ़ेतीके चढ़ेवा बाक्‍त। २इतिहास ४:१
2CH 8:13 मोसा आ अरेशो खोदेंशो पा नाइक्‍तीक नाक्‍ती, औंसी नाक्‍ती, बर्स ङा चाड सां बोरब ओख्‍ती मसुप्‍शो जिज शोब्‍ले जतीक चाड, ७ नाक्‍त ङा चाड नु गोठ सेल्‍शा बाक्‍तीक चाड मानेतीक नु नाक्‍त किंत किंत चढ़ेचा माल्‍शो चढ़ेतीक चढ़ेवा बाक्‍त। लेवी २३:-; गन्‍ती २८:२,४,११,१७,२६; गन्‍ती २९:१२
2CH 8:14 सोलोमन आ आफ दाऊदम ब्रेक्‍शो अरेशो लोव़ खोदेंशो पा, तेको चढ़ेबम गेना चढ़ेचा माल्‍बा, आन पालोम पतीक गेय नेल्‍ल देंशो बाक्‍माक्‍त। मिनु लेवीपुकीमी परमप्रभु यावे कली ठेयब सेल्‍तीक कुम्‍सो पचा कली नु चढ़ेब आन कली वारच पचा कली बाक्‍मा बाक्‍त। मिनु लाप्‍चो खाल पाइब आन कली आन हुल हुल पा योव़शा, तेको तेको लाप्‍चोम बाक्‍चा माल्‍दा मोपा वोइक्‍पाइश्‍शो बाक्‍माक्‍त। मारदे हना परमप्रभु आ मुर दाऊद मोदेंशो अरेशो बाक्‍त। १इतिहास २३:- १इतिहास २६:-
2CH 8:15 मिनु चढ़ेबपुकी नु लेवीपुकीम पिप आ अरेशो नेल्‍ल ठीक पा पामे बाक्‍त। मोपा मेकोपुकीमी शोंप वोइक्‍तीक कोठा यो कोव़ङमे बाक्‍त।
2CH 8:16 सोलोमनम परमप्रभु यावे आ खिं ङा जग दोवा रे नेल्‍ल मथुमा सम्‍म मोदेंशो दुम्‍‍माक्‍त।
2CH 8:17 मेको नोले सोलोमन ठेयब समुन्‍द्र आ नेक्‍था एदोम रागी ङा एस्‍योन-गेबेर नु एलोथ लमाक्‍त।
2CH 8:18 मिनु पिप हुराममी आ गेय पाइबपुकी, आ जहाजपुकी नु जहाज चलेब आन कली सोलोमन कली वारच पचा कली ठेयब समुन्‍द्रम सोइक्‍ता बाक्‍त। मेकोपुकी सोलोमन आ गेय पाइबपुकी नु ओफीर लशा, ४ सहे ५० टलेन्‍ट सुन ग्‍याप्‍शा चाक्‍शा, पिप सोलोमन कली गेमे बाक्‍त। टलेन्‍ट का ३४ किलो बाक्‍ब।
2CH 9:1 शेबा ङा पिपीममी सोलोमन आ शुश नें चलेशो नेना बाक्‍त। मिनु मेकोमी सोलोमन कली नाक्‍चा कली लेन्‍ने मचाप्‍चा ङा लोव़ हिल्‍लो पथ यरूसलेमम जाक्‍माक्‍त। मेको शुश मुर नु जाक्‍शा, शुश दल‍ओंठम मस्‍लापुकी, शुश सुन नु हीरापुकी कुर पा जाक्‍माक्‍त। मिनु मेकोमी सोलोमन कली ग्रुम्‍शा, आ थुंम बाक्‍शो लोव़ नेल्‍ल हिल्‍लो पवा बाक्‍त। मत्ती १२:४२
2CH 9:2 मिनु सोलोमनमी आ हिल्‍लो पशो लोव़ नेल्‍ल लेत्‍‍ता बाक्‍त। मेकोमी तेको लोव़ हिल्‍लो पवा, मेको लोव़ सोलोमनम मारेइ श्‍येत मलाक्‍थु, लेत्‍‍ता बाक्‍त।
2CH 9:3 मिनु शेबा ङा पिपीममी सोलोमन आ रुप्‍तीक थुं नेल्‍ल तशा, मेको आ सेल्‍शो खिं,
2CH 9:4 मेको आ टेबल ङा जचा थोव़क, मेको आ एर ओंथ निश्‍शो आ सरकार ङा ठेयब मुरपुकी, मेको आ गेय पाइब आन दारशो वा, अरु आन फेक्‍तीके नु पिप कली तूचा गेब आन वा कोव़स ङा कोव़स दुम्‍माक्‍त। मिनु परमप्रभु यावे आ खिं लशा, मेको आ चोशा चढ़ेशो तशा, शुश छक लाक्‍माक्‍‍त।
2CH 9:5 मिनु मेकोमी पिप कली “आं रागीम इन पतीके नु शुश रुप्‍तीक थुं आ पर्बम नेंशो लोव़ नेल्‍ल थमा बाक्‍त।
2CH 9:6 तन्‍न गो जाक्‍शा, आंमा मतङा सम्‍म मेको आन देंशो लोव़ थमा मसुदु। मेकोपुकीमी आं कली इन रुप्‍तीक थुं आ पर्बम नेल्‍ल लोव़ मशोव़ङमे बाक्‍त। इच्‍का ला शोव़ङमे बाक्‍त। तन्‍न गे शुश रुप्‍तीक थुं पाइश्‍शो बाक्‍तीनी।
2CH 9:7 इन मुर ग्‍येरशो मुर बाक्‍नीमी। नाक्‍त किंत किंत इन ङोंइती गेय पाइबपुकीम इन रुप्‍तीक थुं ङा लोव़ नेंशा, ग्‍येरसीशो बाक्‍नीमी।
2CH 9:8 परमप्रभु यावे, इन परमप्रभु ठेयब बाक्‍ब। इन कली तशा ग्‍येरसीशा आ ठेयब नित्‍तीकेमी इन कली निप्‍पाइश्‍शा, आ पा ङा पिप सेल्‍तु। मारदे हना परमप्रभु यावे, इन परमप्रभुम इस्राएली आन कली दाक्‍शा, गेना हना यो बाक्‍पाइक्‍चा थुं पाप्‍तु। मोपतीके इन कली मेकेर ठीक निसाफ पचा नु ठीक पतीके शेंचा, दे आन पिप सेल्‍तु” देंमाक्‍त। १इतिहास २९:२३
2CH 9:9 मिनु नोले मेकोमी पिप कली सहे का २० टलेन्‍ट सुन शुश मस्‍ला नु शुश हीरा गेवा बाक्‍त। शेबा ङा पिपीममी सोलोमन कली गेशो मस्‍लापुकी, थम रिम्‍शो बाक्‍शा तेइ मथिंसीब बाक्‍माक्‍त। टलेन्‍ट का ३४ किलो बाक्‍ब।
2CH 9:10 मिनु मेको नेल्‍ल प्रोंइशा, पिप हुराम नु सोलोमन आस गेय पाइबपुकीम ओफीर रे सुन चाक्‍गमे बाक्‍त। मिनु मेकोपुकीमी शुश क्‍येट लाइब शी नु हीरापुकी यो चाक्‍गमे बाक्‍त।
2CH 9:11 मिनु पिपमी मेको शी रे परमप्रभु यावे आ खिं नु दरवार कली थेंका सेला बाक्‍त। कुम्‍सो पाइब आन कली ठेयब नु आइक्च तार पाइश्‍शो ताप्‍तीकपुकी सेला बाक्‍त। ङोंइती मोदेंशो रिम्‍शो शी यहूदा रागीम गेनायो मबाक्‍शो बाक्‍माक्‍त।
2CH 9:12 मिनु पिप सोलोमनम शेबा ङा पिपीम कली आ चाक्‍शा गेशो कोसेली क्‍येङा यो शुश आ माल्‍शो मारेइ मारेइ गेवा बाक्‍त। मिनु नोले मेको आ गेय पाइबपुकी नु आ रागी लेम्‍माक्‍त।
2CH 9:13 सोलोमन आ बाक्‍तीकेम बर्स काम ६ सहे ६६ टलेन्‍ट सुन ताक्‍बाक्‍माक्‍त। टलेन्‍ट का ३४ किलो बाक्‍ब।
2CH 9:14 मेको प्रोंइशा, आ ग्‍याप्‍ब लेयबपुकीमी यो चाक्‍बाक्‍मा बाक्‍त। अराब रागी ङा पिपपुकी नु रागी रागी ङा सासन पाइबपुकीमी यो सोलोमन कली सुन नु चांदी चाक्‍बाक्‍‍मा बाक्‍त।
2CH 9:15 मिनु पिप सोलोमनमी तुप्‍शो सुन के सहे निक्‍शी लडाइ पाइब आन कली ठेयब तेक्‍तीक सेला बाक्‍‍त। मेको तेक्‍तीक का सेल्‍चा कली ६ सहे शेकेल सुन माल्‍मा बाक्‍त। शेकेल का ११.५ ग्राम ङा चांदी के क्‍येट बाक्‍ब।
2CH 9:16 मेकोमी लेंशा तुप्‍शो सुन के सहे सां आइक्‍च तेक्‍तीक सेला बाक्‍‍त। मेको तेक्‍तीक का सेल्‍चा कली सहे सां शेकेल सुन माल्‍मा बाक्‍त। मिनु पिपमी मेको नेल्‍ल लेबानोन ब्‍वाकी ङा खिंम वोइक्‍पदा बाक्‍त। १राजा ७:२
2CH 9:17 मिनु पिपम हात्ती आ दारा के ठेयब नित्‍तीक का सेल्‍शा, मेको कली क्‍येख सुनम गिल्‍पदा बाक्‍त।
2CH 9:18 मेको ठेयब नित्‍तीके आ ङोंइती ६ ओटा थेंका नु सुन के खोइल वोइक्‍तीक बोंइसीशो बाक्‍माक्‍त। मेको ठेयब नित्‍तीक आ निम्‍फा पटटी गुइ वोइक्‍तीक बाक्‍माक्‍त। मेको गुइ वोइक्‍तीक निम्‍फा पटटी गे राप्‍शो गुप्‍स का का सेल्‍शो बाक्‍माक्‍त।
2CH 9:19 मेको ६ ओटा थेंकामी थेंका कामी एर गे गुप्‍स का, ओंथ गे गुप्‍स का पा १२ ओटा गुप्‍स सेल्‍शो बाक्‍माक्‍त। तेकोइ राज्‍यम मोदेंशो ठेयब नित्‍तीके गेनायो मसेल्‍शो बाक्‍माक्‍त।
2CH 9:20 सोलोमन आ तूतीक बोस नेल्‍ल सुन के बाक्‍माक्‍त। मिनु लेबानोन ब्‍वाकी ङा खिं ङा बोस नेल्‍ले क्‍येख सुन के बाक्‍मा बाक्‍त। चांदी के मारेइ मसेल्‍शो बाक्‍मा बाक्‍त। मारदे हना सोलोमन आ पालाम चांदी मारेइ खोदेंशो मबाक्‍माक्‍त।
2CH 9:21 हुराम आ गेय पाइबपुकी पिप सोलोमन आ जहाजपुकी नु टारसीस ङा बाक्‍त। मिनु बर्स सां सांमी मेको पिप आ जहाजपुकीम सुन, चांदी, हात्ती आ दारा, मोरपुकी नु मजुरपुकी चाक्‍बाक्‍मा बाक्‍त।
2CH 9:22 मोपा पिप सोलोमन शोंप पाइश्‍शो नु रुप्‍तीक थुंम रागी ङा पिप नेल्‍ल आन क्‍येङा ठेयब दुम्‍माक्‍त।
2CH 9:23 मिनु परमप्रभुम सोलोमन कली गेशो रुप्‍तीक थुं ङा लोव़ नेंचा कली रागी रागी ङा पिप नेल्‍ले मेको कली ग्रुम्‍थ जाक्‍बाक्‍मा बाक्‍त।
2CH 9:24 मिनु मेको कली ग्रुम्‍थ जाक्‍ब नेल्‍लेमी सुन नु चांदी के मार मार, फेक्‍तीक वापुकी, यापुकी, मस्‍लापुकी, शारापुकी नु खच्‍चरपुकी बर्स बर्सम कोसेली चाक्‍बाक्‍मा बाक्‍त।
2CH 9:25 सोलोमन के ४ हजार शारा नु बग्‍गीपुकी वोइक्‍तीक खिं बाक्‍मा बाक्‍त। मिनु मेको के १२ हजार शारा बाक्‍मा बाक्‍त। मेकोमी शारा नु बग्‍गी आन कली बग्‍गी वोइक्‍तीक सहरम नु का निक्‍शी चहिं आं नु यरूसलेममी वोइक्‍पाइक्‍बाक्‍माक्‍त। २इतिहास १:१४-१७; १राजा ५:६
2CH 9:26 मेकोमी युफ्रेटीस खोला रे पलिस्‍ती आन रागी नु इजीप्‍त आ सांद सम्‍म सासन पवा बाक्‍त।
2CH 9:27 पिपमी फुल्‍लु खोदेंशो पा यरूसलेम सहरम चांदी तेला बाक्‍त। लेबानोन ङा ठेयब रवा आ शी शेफेलाहम बाक्‍शो फोव़शी रवा खोदेंशो पा शुश तेला बाक्‍त।
2CH 9:28 सोलोमन आ शारापुकी चहिं इजीप्‍त नु अरु नेल्‍ल रागी रे ग्‍याप्‍शा चाक्‍बाक्‍मा बाक्‍त।
2CH 9:29 मिनु पिप सोलोमन आ ङोंइती रे ङा नोले सम्‍म पशो नेल्‍ल परमप्रभु यावे आ लोव़ पाइब नाथान आ इतिहासम मब्रेक्‍शो बाक्‍बा ङा? मिनु शिलो ङा नोले दुम्‍ब लोव़ पाइब अहीयाहम मब्रेक्‍शो बाक्‍बा ङा? इददोमी नेबात आ तौ येरोबाम आ पर्बम तशो मब्रेक्‍शो बाक्‍बा ङा?
2CH 9:30 सोलोमनम यरूसलेमम बाक्‍शा, इस्राएल नेल्‍ल कली ४० बर्स सासन पवा बाक्‍त।
2CH 9:31 मिनु सोलोमन बेक्‍माक्‍त। मिनु मुरपुकीम मेको कली आ आफ दाऊद आ सहरमी थिम्‍मे बाक्‍त। मिनु मेको आ पा ङा आ तौ रेहोबाम पिप दुम्‍माक्‍त। १राजा १४:२१
2CH 10:1 रेहोबाम शेकेमम लमाक्‍त। मारदे हना इस्राएली नेल्‍ल मेको कली पिप सेल्‍चा कली शेकेमम जाक्‍शो बाक्‍मा बाक्‍त।
2CH 10:2 मिनु नेबात आ तौ येरोबामम मेको लोव़ नेनानु, इजीप्‍त उइ बाक्‍शो बाक्‍माक्‍त। मेको सोलोमन पिप क्‍येङा प्रोक्‍शा इजीप्‍त लशो बाक्‍माक्‍त। मिनु येरोबाम इजीप्‍त रागी रे लेम्‍माक्‍त।
2CH 10:3 मिनु मुरपुकीम मेको कली ब्रेत्‍थ सोइक्‍तमे बाक्‍त। मिनु मेको नु इस्राएली नेल्‍ल रेहोबाम आ बाक्‍तीक जाक्‍शा, मेको कली
2CH 10:4 “इन आफोम आंइ कली हेल्‍शो गेय पपाइश्‍शो बाक्‍त। मुल गे इन आफोम गेशो हेल्‍शो गेय इच्‍का सोपी पाइतीनी हना, गो इन कली गेय पाइनीकी” देंमा बाक्‍त।
2CH 10:5 मिनु रेहोबामम “आं कली नाक्‍त सां सम्‍म मिम्‍चा गेयीनी। मिनु लेंशा जाक्‍कीन” दे सोइक्‍तीमी बाक्‍त। मोपतीके मुरपुकी लेश्‍शा लमा बाक्‍त।
2CH 10:6 मिनु नोले पिप रेहोबामम आ आफ सोलोमन ब्रोंइशा बाक्‍मेनु, अर्ती गेब खाल्‍पापुकी नु अर्ती पुंइशा “एको मुर आन कली मार लोव़ लेत्‍तुमी? गे मार अर्ती गेनीनी?” दे हिल्‍लो पवा बाक्‍त।
2CH 10:7 मिनु मेकोपुकीम “गे एको मुर आन कली शिशी पा रिम्‍शो लोव़ पाइतीनी हना, मेकोपुकी गेना हना यो इन गेय पाइब दुम्‍नीम” दे अर्ती गेमे बाक्‍त।
2CH 10:8 तन्‍न मेकोमी मेको खाल्‍पा आन अर्ती मनेना बाक्‍त। मिनु आ नु कोल्‍शो ठिटा आन अर्ती पुंइशा
2CH 10:9 “मेकोपुकीम आं आफोम आन कली गेशो हेल्‍शो गेय सोपी सेल्‍चा कली पुंइतेक्‍म। मिनु गो मेको आन कली मार लोव़ लेत्‍तुमी? गे मार अर्ती गेनीनी?” दे हिल्‍लो पवा बाक्‍त।
2CH 10:10 मिनु मेको नु काथा कोल्‍शो ठिटापुकीम “इन आफोम आंइ कली हेल्‍शो गेय गेशो बाक्‍त। मुल मेको सोपी सेल्‍शा गेकी, दे पुंइब मुर आन कली ‘आं आइक्‍च ब्रेप्‍चो आं आफ आ क्रातो क्‍येङा ठेयब बाक्‍ब।
2CH 10:11 आं आफोम इन कली हेल्‍शो गेय पपाइश्‍शो बाक्‍माक्‍त। तन्‍न मुल गो मेको क्‍येङा हेल्‍शो गेय पपाइक्‍नुङ। आं आफोम इन कली कोक्‍केम तुप्‍पाइश्‍शो बाक्‍माक्‍त। तन्‍न मुल गो इन कली बिच्‍छीम क्राइक्‍पाइक्‍न‍न्‍नी’ मतीन” दे अर्ती गेमे बाक्‍त।
2CH 10:12 मिनु येरोबाम नु मेको मुर नेल्‍ल पिप रेहोबामम देंशो खोदेंशो पा नाक्‍त सां नोले रेहोबाम आ बाक्‍तीकेम जाक्‍मा बाक्‍त।
2CH 10:13 मिनु पिपम मेको मुर आन कली मरिम्‍शो लोव़ पाइमी बाक्‍त। मारदे हना मेकोमी खाल्‍पा आन गेशो अर्ती मनेना बाक्‍त।
2CH 10:14 मिनु मेको ठिटापुकीम गेशो अर्ती बिश्‍शा, मेको आन कली “आं आफोम इन कली हेल्‍शो गेय गेशो बाक्‍माक्‍त। तन्‍न मुल गो मेको क्‍येङा हेल्‍शो गेय गेनुङ। आं आफोम इन कली तुप्‍पाइश्‍शो बाक्‍माक्‍त। तन्‍न मुल गो इन कली बिच्‍छीम क्राइक्‍पाइक्‍नन्‍नी” दे माइक्‍मी बाक्‍त।
2CH 10:15 मिनु पिपम मेको मुर आन लोव़ मनेना बाक्‍त। मारदे हना परमप्रभुमी शिलो ङा अहीयाह रे पा नेबात आ तौ येरोबाम आ पर्बम देंशो लोव़ खाप्‍चा कली परमप्रभु यावेम मोदेंशो पपाइश्‍शो बाक्‍माक्‍त। १राजा ११:२९-३१
2CH 10:16 मिनु उत्तरम बाक्‍ब इस्राएलीपुकी नेल्‍लेमी “पिपम आंइ देंशो मबिप्‍ब” दे तुइक्‍तमे बाक्‍त। मिनु मेकोपुकीमी पिप कली “दाऊद नु आंइ के मार भाग बाक्‍बा ङा? येस्‍से आ तौ नु आंइ के मार बाक्‍बा ङा? गे इस्राएलीपुकी, आंम ताम्‍बुम लने। मुल दाऊद आ खिं ङा मुर, गे आंमा इन खिं कली कोव़ङीन” देंमा बाक्‍त। मोपतीके इस्राएली नेल्‍ल आन ताम्‍बुम लमा बाक्‍त।
2CH 10:17 तन्‍न रेहोबामम यहूदा ङा सहरम बाक्‍ब इस्राएली आन कली सासन पा बाक्‍माक्‍त।
2CH 10:18 मिनु पिप रेहोबाममी आ गेय पाइब आन कली कोव़ब हदोराम कली मुर आन बाक्‍तीकेम सोइक्‍ता बाक्‍त। तन्‍न इस्राएलीपुकीम मेको कली फुल्‍लु आप्‍शा सदमे बाक्‍त। मिनु पिप रीब पा दयु प्रेक्‍‍शा आ बग्‍गी ङोइश्‍शा, यरूसलेम लमाक्‍त।
2CH 10:19 मिनु मेको नाक्‍ती रे मुल सम्‍म उत्तरम बाक्‍ब इस्राएलीपुकीम दाऊद आ खिं ङा मुरपुकी नु मदुथु, सासन पचा मगेशो बाक्‍नीम।
2CH 11:1 मिनु रेहोबाम यरूसलेमम लेश्‍शा, आंम राज्‍य लेंशा ताक्‍चा कली यहूदा नु बेन्‍यामीन थर ङा लाख का ८० हजार बोल्‍यो लडाइ पाइब मुरपुकी इस्राएली नु लडाइ पचा कली खुप्‍ता बाक्‍त। १राजा १२:२१-२४
2CH 11:2 तन्‍न परमप्रभु यावे आ लोव़ परमप्रभु आ मुर शेमायाह कली जाक्‍माक्‍त।
2CH 11:3 मिनु परमप्रभुमी शेमायाह कली “सोलोमन आ तौ यहूदा ङा पिप रेहोबाम, इस्राएलम बाक्‍ब यहूदा ङा मुर नु बेन्‍यामीन ङा मुर नेल्‍ल आन कली,
2CH 11:4 परमप्रभु यावेमी मार देंब देंशा हना ‘गे इन लोक्‍बपुकी नु लडाइ पथ इर ङोइश्‍शा मलने। गे नेल्‍ल इन खिं लेश्‍शा लने। मारदे हना एको नेल्‍ल आं रे पा पिशो बाक्‍ब’ दे माइक्‍मी” देंमाक्‍त। मोपतीके मेकोपुकीम परमप्रभु यावे आ लोव़ टि‍शा, येरोबाम नु लडाइ पचा थुं मपामे बाक्‍त।
2CH 11:5 मिनु रेहोबाम यरूसलेमम बाक्‍शा, यहूदा ङा सहरपुकी बोल्‍यो सेला बाक्‍त।
2CH 11:6 मेकोमी बेथलेहेम, एताम, तेकोहा,
2CH 11:7 बेथ-सुर, सोको, अदुल्‍लाम,
2CH 11:8 गाथ, मारेशा, जीफ,
2CH 11:9 अदोरैम, लाकीश, आजेका,
2CH 11:10 सोराह, आइयालोन नु हेब्रोन बोल्‍यो सेला बाक्‍त। मेको सहरपुकी यहूदा नु बेन्‍यामीनम बाक्‍मा बाक्‍त।
2CH 11:11 मिनु मेकोमी मेको सहरपुकी थम बोल्‍यो सेला बाक्‍त। मिनु मेकेर कप्‍तानपुकी योव़शा वोदा बाक्‍त। मिनु जचा थोव़क, तेल, अङगुर शांबु खेक्‍शा वोइक्‍पदा बाक्‍त।
2CH 11:12 मिनु मेकोमी सहर नेल्‍लेम ठेयब तेक्‍तीक नु तूतीकपुकी, तेल्‍शा वोइक्‍पदा बाक्‍त। मिनु मेको सहर नेल्‍ल थम बोल्‍यो सेला बाक्‍त। मोपा मेकोमी यहूदा नु बेन्‍यामीन आ राज्‍य बोल्‍यो सेल्‍शा सासन पवा बाक्‍त।
2CH 11:13 इस्राएल रागीम ब्राशा बाक्‍शो चढ़ेब नु लेवीपुकी नेल्‍ल आन बाक्‍तीक रे रेहोबाम आ बाक्‍तीक जाक्‍मा बाक्‍त।
2CH 11:14 लेवीपुकीम आन बाक्‍तीक नेल्‍ले प्रोंइशा, यहूदा नु यरूसलेमम बाक्‍थ जाक्‍मा बाक्‍त। मारदे हना येरोबाम नु आ तौपुकीमी मेको आन कली परमप्रभु यावे कली चढ़ेतीक गेय पचा मगेमे बाक्‍त। २इतिहास १३:९
2CH 11:15 मिनु येरोबाममी डांडा ङा थानम आ सेल्‍शो क्‍यारश आ मूर्ति नु बाछा आन मूर्ति पूजा पचा कली आ चढ़ेब वोइक्‍पदा बाक्‍त।
2CH 11:16 मिनु सु सुमी परमप्रभु यावे, इस्राएली आन परमप्रभु कली खोइक्‍चा थुं पशो बाक्‍मा, मेको इस्राएली नेल्‍ल परमप्रभु यावे, आन किकी पिपी आन परमप्रभु कली चढ़ेथ यरूसलेम सहरम लमा बाक्‍त। मिनु लेवीपुकी मेको आन नोले खोदमे बाक्‍त। १राजा १२:२६-२७
2CH 11:17 मेकोपुकीम यहूदा ङा राज्‍य बोल्‍यो सेल्‍शा, बर्स सां सम्‍म सोलोमन आ तौ रेहोबाम कली वारच पदमे बाक्‍त। मारदे हना मेकोपुकी बर्स सां सम्‍म दाऊद नु सोलोमन आस रिम्‍शो लांम गाक्‍मा बाक्‍त।
2CH 11:18 मिनु रेहोबामम महलाथ कली ग्‍युंबे पा चाक्‍गा बाक्‍त। मेको आ आफ दाऊद आ तौ येरीमोथ नु मेको आ ममा चहिं येस्‍से आ तौ एलीआब आ तमी अबीहेल बाक्‍माक्‍त। १सामुएल १६:६
2CH 11:19 मेकोमी रेहोबाम कली येऊशा, शेमारयाह नु चाहम तौ थिवा बाक्‍त।
2CH 11:20 मेको आ नोले रेहोबाममी अब्‍सालोम आ तमी माकाह कली ग्‍युंबे पवा बाक्‍त। मेकोमी अबीयाह, अत्‍तै, जीजा नु शेलोमीथ थीमी बाक्‍त।
2CH 11:21 मिनु रेहोबाममी आ ग्‍युंबे पशो मीशपुकी नु अरु मीश आन क्‍येङा अब्‍सालोम आ तमी माकाह कली शुश दाक्‍बाक्‍माक्‍त। मेको के १८ जना ग्‍युंबे पशो मीश नु ६० जना अरु मीश बाक्‍मा बाक्‍त। मेको के २८ जना तौ नु ६० जना तमी बाक्‍मा बाक्‍त।
2CH 11:22 रेहोबामम आ तौ नेल्‍ल आन दाते ङा माकाह आ तौ अबीयाह कली आ नोले, आ पा ङा पिप सेल्‍चा कली मिम्‍ता बाक्‍त।
2CH 11:23 मिनु मेकोमी रुप्‍तीक थुं पा अर्को तौ आन कली यहूदा नु बेन्‍यामीन ङा रागी ङा बोल्‍यो सहरम सासन पाइब सेला बाक्‍त। मेको आन कली मार मार माल्‍मा, शुश गेशा, मेको आन कली शुश मीश आल, मीश सेल्‍चा कली चाक्‍शा गेवा बाक्‍त। २इतिहास २१:३
2CH 12:1 रेहोबाम आ राज्‍य बोल्‍यो दुम नोले मेको सक्ति पाइश्‍शो दुम्‍माक्‍त। मिनु मेकोमी परमप्रभु यावे आ अरेशो लोव़ प्रोना बाक्‍त। मिनु मेको नु इस्राएली नेल्‍लेमी यो परमप्रभु यावे आ अरेशो लोव़ प्रोन्‍मे बाक्‍त।
2CH 12:2 मिनु रेहोबामम पिप पशो ५ बर्स दुम्‍मेनु, इजीप्‍त ङा पिप शीशक यरूसलेम कली लडाइ तोचा कली जाक्‍माक्‍त। मारदे हना इस्राएलीपुकीमी परमप्रभु यावे कली प्रोंइशो बाक्‍मा बाक्‍त।
2CH 12:3 पिप शीशक हजार का सहे निक्‍शी बग्‍गी नु ६० हजार शारा ङोइक्‍ब लडाइ पाइबपुकी चाक्‍शा जाक्‍माक्‍‍त। शीशक नु इजीप्‍त रे हिक्‍ने मचाप्‍चा ङा पा लिबीया, सुक्‍कीम नु एथीयोपीया ङा लडाइ पाइब मेको नु जाक्‍मा बाक्‍त।
2CH 12:4 मिनु मेकोमी यहूदा ङा बोल्‍यो सहरपुकी ग्राना ग्रान यरूसलेम सम्‍म जाक्‍माक्‍त। २इतिहास ११:५-१०
2CH 12:5 मिनु परमप्रभु यावे आ लोव़ पाइब शेमायाह नु रेहोबाम यहूदा ङा ठेयब मुर आन बाक्‍तीक जाक्‍सा बाक्‍त। मेकोपुकी शीशक आ लडाइ तोशो रे ब्रोंइचा कली प्रोक्‍शा, यरूसलेमम बुक्‍शो बाक्‍मा बाक्‍त। मिनु शेमायाहम मेको आन कली “परमप्रभु यावेमी मार देंत देंशा हना ‘गेपुकीम आं कली प्रोंइतीनी। मोपतीके गो इन कली प्रोंइशा, शीशक आ गुइमी गेतन्‍नी’ देंशो बाक्‍ब” दे माइक्‍मी बाक्‍त।
2CH 12:6 मिनु इस्राएल ङा ठेयब मुरपुकी नु पिप आन थुं ब्रेम्‍शो दुम्‍शा “परमप्रभु यावेम थमा लोव़ पवा बाक्‍त” देंमा बाक्‍त।
2CH 12:7 मिनु परमप्रभु यावेमी मेको आन थुं ब्रेम्‍शो दुम्‍शो तशा, मेको शेमायाह कली “मेकोपुकी ब्रेम्‍शो दुम्‍तीके, गो मेको आन कली खतम मसेल्‍नुङमी। तन्‍न गो मेको आन कली ब्रोंइचा गेनुङमी। आं गाइश्‍शो शीशक आ पतीके रे पा यरूसलेमम ममोइक्‍नुङ।
2CH 12:8 मो हना यो मेकोपुकी मेको शीशक आ गेय पाइब दुम्‍नीम। मोपा मेकोपुकीमी आं कली गेय पचा नु अर्को राज्‍य ङा मुर आन कली गेय पचा गिश फरक दुम्‍बाक्‍मे, मेको तुइक्‍नीम” देंशो बाक्‍माक्‍त।
2CH 12:9 मिनु इजीप्‍त ङा पिप शीशकम यरूसलेम कली लडाइ तोशा ग्राशा, परमप्रभु यावे आ खिं ङा शोंप नु पिप आ दरवार ङा शोंप लदा बाक्‍त। मिनु सोलोमन आ सेल्‍शो सुन के तेक्‍तीकपुकी यो योल्‍दा बाक्‍त।
2CH 12:10 मिनु पिप रेहोबामम मेको सुन के तेक्‍तीक आन पा ङा कांसा के तेक्‍तीक सेल्‍शा, पिप आ दरवार ङा लाप्‍चो खाल पाइब आन ठेयब मुर आन कली जिम्‍मा गेशा वोइक्‍पदा बाक्‍त।
2CH 12:11 मिनु पिप परमप्रभु यावे आ खिं ओव़मेनु, मेको खाल पाइबपुकीम मेको तेक्‍तीक कुरशा, मेको नु आगा ओव़बाक्‍मा बाक्‍त। मिनु नोले मेकोपुकीम मेको तेक्‍तीक खाल पाइब आन बाक्‍तीकेम वोइक्‍बाक्‍मा बाक्‍त।
2CH 12:12 मारदे हना परमप्रभु यावेमी रेहोबाम ब्रेम्‍शो दुम्‍शो तशा, मेको आ पर्बम गाइक्‍तीके प्रोना बाक्‍त। मिनु नेल्‍ल खतम मसेला बाक्‍त। मिनु यहूदामी रिम्‍शो दुम्‍शो यो बारना बारन लमाक्‍त। २इतिहास ३२:२६
2CH 12:13 मोपा पिप रेहोबाममी यरूसलेममी आ राज्‍य बोल्‍यो सेल्‍शा, सासन पवा बाक्‍त। रेहोबाम पिप दुम्‍मेनु, ४१ बर्स दुम्‍शो बाक्‍माक्‍त। मिनु मेकोमी यरूसलेम सहरम १७ बर्स सासन पवा बाक्‍त। परमप्रभु यावेम इस्राएल ङा थर नेल्‍ल आन दाते रे आ नें कली मान पा बाक्‍चा, दे यरूसलेम सहर योव़शो बाक्‍माक्‍त। रेहोबाम आ ममा आ नें नामा बाक्‍माक्‍त। मेको अम्‍मोनी बाक्‍माक्‍त। २इतिहास ६:२०
2CH 12:14 रेहोबामम मरिम्‍शो पवा बाक्‍त। मारदे हना मेकोमी आ थुं नेल्‍लेमी परमप्रभु यावे आ नोले मखोदा बाक्‍त।
2CH 12:15 मिनु रेहोबाम आ ङोंइती रे ङा नोले सम्‍म पशो नेल्‍ल परमप्रभु यावे आ लोव़ पाइब शेमायाह नु इददोम इतिहासम मब्रेक्‍शो बाक्‍बा ङा? मेकोपुकीम मुर आन किकी पिपी ब्रेक्‍तसे बाक्‍त। रेहोबाम नु येरोबाम आस दातेमी गेना हना यो लडाइ दुम्‍‍ना दुम्‍न बाक्‍माक्‍त। २इतिहास १३:२२
2CH 12:16 मिनु रेहोबाम बेक्‍माक्‍‍त। मिनु मुरपुकीम मेको कली दाऊद आ सहर, यरूसलेममी थिम्‍मे बाक्‍त। मिनु आ तौ अबीयाह पिप दुम्‍माक्‍त।
2CH 13:1 येरोबाम पिप पशो १८ बर्स दुम्‍मेनु, अबीयाह यहूदा ङा पिप दुम्‍माक्‍त।
2CH 13:2 मेकोमी बर्स सां यरूसलेमम सासन पवा बाक्‍त। आ ममा गिबा सहर ङा उरीएल आ तमी मीकाया बाक्‍माक्‍त। मिनु अबीयाह नु येरोबाम आस दातेम लडाइ दुम्‍ना दुम्‍न बाक्‍माक्‍त।
2CH 13:3 अबीयाहमी लडाइ पचा कली थम बोल्‍यो ४ लाख लडाइ पाइबपुकी ठीक पवा बाक्‍त। येरोबामम चहिं ८ लाख बोल्‍यो लडाइ पाइबपुकी खुप्‍ता बाक्‍त।
2CH 13:4 मिनु अबीयाह एफ्राइम ङा पहाड रागी ङा सेमाराइम डांडाम राप्‍शा, ठेयब सेंदा पा “येरोबाम नु इस्राएल ङा मुर नेल्‍ल, आं लोव़ नेनीन।
2CH 13:5 मार, गे परमप्रभु यावे, इस्राएली आन परमप्रभु दाऊद नु गेना हना यो लीब हिक्‍सी कबल पशो मतुइक्‍नीनी? मेको कबल मार बाक्‍ब देंशा हना, मेको इस्राएली आन राज्‍य नेल्‍ल दाऊद नु आ तौ आन कली गेना हना यो कली गेशो बाक्‍ब, दे मतुइक्‍नीनी? लेवी २:१३; गन्‍ती १८:१९
2CH 13:6 मो हना यो दाऊद आ तौ सोलोमन आ गेय पाइब नेबात आ तौ येरोबामम आ होव़प कली मटिथु, मेको आ पर्बम मरिम्‍शो पाप्‍तु।
2CH 13:7 मिनु शोर गाक्‍शो मुरपुकी मेको नु बाक्‍शा, सोलोमन आ तौ रेहोबाम कली शुक्‍शी पाम्‍तेक्‍म। मेना रेहोबाम आइक्‍च बाक्‍माक्‍त। मोपतीके मारेइ पने मचाप्‍बा बाक्‍त।
2CH 13:8 मुल गे दाऊद आ तौम सासन पशो, परमप्रभु यावे आ राज्‍य नु लडाइ पचा कली मिम्‍शो बाक्‍नीनी? गेपुकी थमा पा ठेयब हुल का बाक्‍नीनी। मार, गेपुकी नु येरोबामम सेल्‍शो सुन के बाछापुकी इन देवता दुम्‍चा कली गे नु बाक्‍नीमी? गे ग्रासीब, दे मिम्‍नीनी? १राजा २२:२८
2CH 13:9 मार, गेपुकीम हारून आ चच युइ परमप्रभु यावे कली चढ़ेब लेवी आन कली खेरशा, आंम मुर आन कली योव़शा, अर्को रागी खोदेंशो पा चढ़ेबपुकी मसेल्‍नी ङा? सुइ मुरुम चढ़ेब दुम्‍चा कली बाछा का नु ७ ओटा सांड चाक्‍शा जाक्‍त हना, गे मेको कली चढ़ेब सेल्‍नीनी। मिनु मेको मारेइ पने मचाप्‍ब मूर्ति कली चढ़ेब दुम्‍ब। प्रस्‍थान २१:४८; २इतिहास ११:१५
2CH 13:10 तन्‍न परमप्रभु यावे आंइ परमप्रभु बाक्‍ब। मिनु गोपुकीम मेको कली मप्रोंइक। मिनु परमप्रभु यावे कली चढ़ेब हारून आ चच युइ बाक्‍नीम। मिनु लेवीपुकीमी मेको आन कली वारच पाइनीम।
2CH 13:11 मेकोपुकीम नाक्‍दो नु सुनी परमप्रभु यावे कली चोशा चढ़ेतीक चढ़ेनीम। मेकोपुकीम ब्रोव़शो रिना पाइश्‍शो धूप चोइनीम। मेकोपुकीम कोंइतीक शोब्‍ले लहर पा क्‍येख सुन के टेबलम वोइक्‍नीम। मेकोपुकी नाक्‍दो कुस कुस सुन के बत्ती दातीकेम बत्ती दानीम। मोपा गोपुकीम आंइ परमप्रभु यावेम देंशो नेल्‍ल थमा पा पाइनीकी। तन्‍न गेपुकीम मेको कली प्रोंइतीनी। गन्‍ती २८:३-८
2CH 13:12 परमप्रभु गोपुकी नु बाक्‍शा, आंइ ङोंइती गाक्‍ब। मेको आ चढ़ेब आन तुराही गे नु लडाइ पचा कली ताप्‍चा चिक्‍शो बाक्‍नीम। गे इस्राएली मुरपुकी, गे परमप्रभु यावे, इन किकी पिपी आन परमप्रभु नु लडाइ मपने। गे मग्रानीनी” देंमाक्‍त। गन्‍ती १०:९
2CH 13:13 येरोबामम नोले रे जाक्‍शा लडाइ पचा कली हुल का बाप्‍पाइश्‍शा वोइश्‍शो बाक्‍माक्‍त। मिनु मेको आन लडाइ पाइब आन ठेयब हुलम चहिं यहूदा नु लडाइ पामे बाक्‍त। येरोबाम आ बाप्‍पाइश्‍शो हुल चहिं नोले रे जाक्‍मा बाक्‍त।
2CH 13:14 मिनु यहूदा ङा मुरपुकीम लेश्‍शा कोव़ङमेनु, लडाइ आन ङोंइती नु नोले यो बाक्‍माक्‍त, दे तुइक्‍तमे बाक्‍त। मिनु मेकोपुकीम “वारच पाइक्‍की” दे परमप्रभु यावे कली वाइ ब्रेश्‍शा थोव़मे बाक्‍त। मिनु चढ़ेबपुकीम आन तुराही ताप्‍मे बाक्‍त।
2CH 13:15 मिनु यहूदा ङा मुरपुकी लडाइ पचा कली वाइ ब्रेश्‍शा, ग्रीमा बाक्‍त। मोपा ग्रीमानु, परमप्रभुमी येरोबाम नु इस्राएली नेल्‍ल आन कली अबीयाह नु यहूदा ङा मुर आन ङोंइती ब्रुपदा बाक्‍त।
2CH 13:16 मिनु इस्राएलीपुकी यहूदा ङा मुर आन ङोंइती रे प्रोक्‍मा बाक्‍त। मिनु परमप्रभुमी मेको आन कली यहूदा ङा मुर आन गुइमी गेवा बाक्‍त।
2CH 13:17 मोपा अबीयाह नु आ लडाइ पाइबपुकीम इस्राएली आन कली खतम पोक्‍शा, ग्रामा बाक्‍त। मिनु इस्राएल ङा योव़शो बोल्‍यो लडाइ पाइब ५ लाख मुर साइक्‍चा पुंइसमा बाक्‍त।
2CH 13:18 मेना इस्राएलीपुकी ब्रुशा, दिप्‍चा पुंइसमा बाक्‍त। मिनु यहूदा ङा मुरपुकी ग्रामा बाक्‍त। मारदे हना मेकोपुकीमी परमप्रभु यावे, आन किकी पिपी आन परमप्रभु कली थमा सुइश्‍शो बाक्‍मा बाक्‍त।
2CH 13:19 अबीयाहमी येरोबाम कली खेदा पवा बाक्‍त। मिनु मेकोमी बेथेल सहर नु आ एर ओंथ ङा गाउंपुकी, येशाना सहर नु आ एर ओंथ ङा गाउंपुकी नु एफ्रोन सहर नु आ एर ओंथ ङा गाउंपुकी आंम के सेला बाक्‍त।
2CH 13:20 मिनु अबीयाह आ पालाम येरोबामम लेंशा लडाइ तोने मचबा बाक्‍त। मिनु परमप्रभु यावेमी येरोबाम कली रोइ पपाइश्‍शा, बेक्‍पदा बाक्‍त।
2CH 13:21 मिनु अबीयाह बोल्‍यो दुम्‍माक्‍त। मेकोमी १४ जना मीश चाक्‍गा बाक्‍त। मिनु मेको २२ जना तौ नु १६ जना तमी आन आफ दुम्‍माक्‍त।
2CH 13:22 अबीयाह आ पशो नेल्‍ले, दोपा बाक्‍मे मार मार पवा, परमप्रभु यावे आ लोव़ पाइब इददो आ किताबम ब्रेक्‍शो बाक्‍ब। २इतिहास १२:१५
2CH 14:1 मिनु अबीयाह बेक्‍माक्‍त। मिनु मुरपुकीम मेको कली दाऊद आ सहरमी थिम्‍मे बाक्‍त। मिनु मेको आ पा ङा आ तौ आसा पिप दुम्‍माक्‍त। मेकोमी सासन पवानु, आ रागीमी १० बर्स सम्‍म लडाइ मदुम्‍माक्‍त।
2CH 14:2 मिनु आसामी परमप्रभु यावे, आ परमप्रभु आ ङोंइती मार रिम्‍शो नु ठीक बाक्‍मे, मेकोन पवा बाक्‍त।
2CH 14:3 मेकोमी यहूदामी अर्को रागी ङा चढ़ेतीकपुकी नु डांडा ङा थानपुकी प्रेश्‍शा, ख्रुक्‍शो फुल्‍लु नु मूर्ति पाइश्‍शो थाम खोल्‍पाइश्‍शा ताइक्‍तीमी बाक्‍त।
2CH 14:4 मिनु मेकोमी यहूदा ङा मुर आन कली परमप्रभु यावे, आन किकी पिपी आन परमप्रभु आ माल्‍‍शा, आ अरेशो नु आ शेंशो लोव़ नेल्‍ल पचा, दे सासन पवा बाक्‍त।
2CH 14:5 मेकोमी यहूदा ङा नेल्‍ल सहरम बाक्‍शो डांडा ङा थान नु धूप चोतीके यो प्रेश्‍शा गेवा बाक्‍त। मेको आ सासनमी आ राज्‍य नाइक्‍चा तवा बाक्‍त। २इतिहास १५:१५
2CH 14:6 मेकोमी रागीम लडाइ मदुम्‍‍तीके यहूदा ङा सहर कली बोल्‍यो सेला बाक्‍त। मेना मेको नु सुइम लडाइ मपामे बाक्‍त। मारदे हना परमप्रभु यावेम मेको कली नाइक्‍चा गेशो बाक्‍माक्‍त। २इतिहास १५:१५
2CH 14:7 मिनु आसामी यहूदा ङा मुर आन कली “एको सहरपुकी सेल्‍य। एको आन एर ओंथ नेल्‍ल गारो हिरशा लाइश्‍शो खिं नु ठेयब आग्‍लो पाइश्‍शो लाप्‍चोपुकी सेल्‍शा बोल्‍यो सेल्‍य। मारदे हना गोपुकीम परमप्रभु यावे, इं परमप्रभु कली माल्‍शा, मेको रागी इं के बाक्‍ब। मिनु मेकोमी इं कली थुं नाइक्‍चा गेप्‍तु” देंमाक्‍त। मोपतीके मेकोपुकीम सेल्‍तीक गेय पा सोशो बोशो दुम्‍मा बाक्‍त।
2CH 14:8 आसा के ठेयब तेक्‍तीक नु तूतीक बाक्‍मा बाक्‍त। यहूदा रे जाक्‍शो लाख सां लडाइ पाइब बाक्‍मा बाक्‍त। मिनु बेन्‍यामीन रे जाक्‍शो लाख निक्‍शी ८० हजार आइक्‍च तेक्‍तीक नु लिब्रा आप्‍ब लडाइ पाइबपुकी बाक्‍मा बाक्‍त। मेको नेल्‍ल बोल्‍यो सक्ति पाइश्‍शो लडाइ पाइबपुकी बाक्‍मा बाक्‍त।
2CH 14:9 एथीयोपीया ङा जेराहमी मेकोपुकी नु लडाइ पचा कली हजार हजार लडाइ पाइबपुकी नु सहे सां बग्‍गी चाक्‍शा, मारेशा सम्‍म जाक्‍मा बाक्‍त।
2CH 14:10 मिनु मेकोपुकी जाक्‍मानु, आसा मेको कली ग्रुम्‍थ लमाक्‍त। मिनु मेकोपुकी मारेशा आ नेक्‍था सेफाथाह ङा दिंमम लडाइ पामे बाक्‍त।
2CH 14:11 मिनु आसामी परमप्रभु यावे, आ परमप्रभु कली “परमप्रभु यावे, गे सक्ति पाइश्‍शो नु सक्ति मपाइश्‍शो मुर आन कली वारच पने चाप्‍नीनी। सु कली वारच पचा दाक्‍नीनी, मेकोन चाप्‍नीनी। परमप्रभु यावे, आंइ परमप्रभु, आंइ कली वारच पाइय्‍यीकी। मारदे हना गो इन कली थमा सुइक्‍नीकी। मिनु गोपुकी इन नेंमी एको इश्‍का लडाइ पाइब नु लडाइ पथ जाक्‍तक। परमप्रभु यावे, आंइ परमप्रभु, इन कली सुइ मुरुम ग्राने मचाप्‍नीम” दे पुना बाक्‍त। १सामुएल १४:६
2CH 14:12 मिनु परमप्रभु यावेम आसा नु यहूदा ङा मुर आन ङोंइती एथीयोपीया ङा मुर नु लडाइ पा ग्रापदा बाक्‍त। मिनु एथीयोपीया ङा मुर प्रोक्‍मा बाक्‍त।
2CH 14:13 मिनु आसा नु मेको आ लडाइ पाइबपुकीम मेको आन कली गेरार सम्‍म खेदा पामे बाक्‍त। एथीयोपीया ङा मुर नेल्‍ल साइक्‍चा पुंइसमा बाक्‍त। मारदे हना परमप्रभु यावे आ लडाइ पाइबपुकीमी मेकोपुकी नु लडाइ पामे बाक्‍त। मिनु यहूदा ङा मुरपुकीम मारेइ मारेइ रोइश्‍शा शुश लदमे बाक्‍त।
2CH 14:14 मोपा लशा, मेकोपुकीम गेरार आ एर ओंथ ङा सहर नेल्‍ल खतम पोक्‍गमे बाक्‍त। मारदे हना मेक ङा मुरपुकी परमप्रभु यावे आ पशो तशा शुश हिंमा बाक्‍त। मिनु यहूदा ङा मुरपुकीमी मेको सहर ङा मारेइ मारेइ रोइक्‍तमे बाक्‍त। मारदे हना मेकेर शुश रोइक्‍चा ङा मार मार बाक्‍मा बाक्‍त।
2CH 14:15 मेकोपुकीमी ताम्‍बुम बाक्‍शो बस्‍तु भाव थुल्‍ब आन कली यो खेदा पा मेको आन शुश क्‍यारश भेडा दलओंठ रोइश्‍शा, यरूसलेम लेम्‍मा बाक्‍त।
2CH 15:1 मिनु परमप्रभु आ सोक्‍तीम ओदेद आ तौ अजारयाह कली सुमा बाक्‍त।
2CH 15:2 मिनु मेको आसा कली ग्रुम्‍थ लशा, मेको कली “आसा, यहूदा ङा मुर नु बेन्‍यामीन ङा मुर नेल्‍ले, आं लोव़ नेनीन। परमप्रभु यावे गे नु बाक्‍ब। मेको गे नु बाक्‍ब। गेपुकीम मेको कली माल्‍तीनी हना, गे थित्‍नीनी। तन्‍न गेपुकीमी मेको कली प्रोंइतीनी हना, मेकोमी यो इन कली प्रोंइब।
2CH 15:3 इस्राएली शुश बर्स सम्‍म थमा ङा परमप्रभु नु मबाक्‍शो बाक्‍तेक्‍म। मेको आन कली शेंब चढ़ेब का यो मबाक्‍शो बाक्‍माक्‍त। मिनु परमप्रभु आ अरेशो लोव़ यो मतुइक्‍तेम। होसे ३:४
2CH 15:4 तन्‍न मेकोपुकीम श्‍येत जामेनु, परमप्रभु यावे, इस्राएली आन परमप्रभु गे लेश्‍शा, माल्‍शा, मेको कली थित्‍तेक्‍म। मिनु मेको आन कली वारच पाप्‍तु। येरमीया २९:१३-१४
2CH 15:5 मेना सुइ लाङगा लशा, रिम्‍शो पा जाक्‍ने मचाप्‍शो बाक्‍‍तेक्‍म। मारदे हना मेकेर शोर गाक्‍शो शुश मुर बाक्‍मा बाक्‍त। मिनु रागीम बाक्‍ब नेल्‍लेमी श्‍येत जाम्‍तेक्‍म।
2CH 15:6 मेको नेल्‍ल ठेयब श्‍येतम बाक्‍‍तेक्‍म। रागी नु रागी लडाइ पाम्‍तेक्‍म। सहर नु सहर यो लडाइ पाम्‍तेक्‍म। मारदे हना परमप्रभुमी मेको आन कली मार मार श्‍येत गेना गेन बाक्‍त। लूका २१:१०
2CH 15:7 तन्‍न गे इन थुं बारपाइश्‍शा बोल्‍यो दुम्‍शा, गेय पने। मारदे हना गे इन पशो गेय ङा इनाम ताइनीनी” देंमाक्‍त। १कोरिन्‍थी १५:५८
2CH 15:8 मिनु आसाम परमप्रभु यावे आ लोव़ पाइब ओदेद आ तौ अजारयाह आ लोव़ नेंशा, आ थुं बारपदा बाक्‍त। मिनु यहूदा, बेन्‍यामीन नु सहर नेल्‍लेमी नु आ ग्राशो एफ्राइम ङा पहाड रागी ङा सहरपुकीम बाक्‍शो ग्रांग्रा दिचा ङा मूर्ति नेल्‍ल लाइश्‍शा, खतम पोक्‍गा बाक्‍त। मिनु परमप्रभु यावे आ खिं ङा पिंडी आ ङोंइती बाक्‍शो परमप्रभु यावे कली चढ़ेतीक यो लेंशा सेल्‍पदा बाक्‍त।
2CH 15:9 मिनु आसामी यहूदा ङा मुर, बेन्‍यामीन ङा मुर नु मेको नु बाक्‍ब एफ्राइम, मनस्‍से नु सिमियोन रे प्रोक्‍शो मुर नेल्‍ल खुप्‍ता बाक्‍त। मेकेर बाक्‍ब एफ्राइम, मनस्‍से नु सिमियोन ङा मुरपुकी परमप्रभु यावे पिप आसा नु बाक्‍ब, दे तुइश्‍शा, इस्राएल रे प्रोक्‍शा, यहूदामी जाक्‍शो बाक्‍मा बाक्‍त। मारदे हना परमप्रभु यावे, आ परमप्रभु यावे मेको नु बाक्‍शो तुइश्‍शा, इस्राएल ङा शुश मुरपुकी यहूदाम बाक्‍थ जाक्‍शो बाक्‍मा बाक्‍त। २इतिहास ११:१६; येरमीया ४१:५
2CH 15:10 आसा पिप दुम्‍शो १५ बर्स ङा महिना सांम मेको नेल्‍ले यरूसलेममी बुक्‍मा बाक्‍त।
2CH 15:11 मिनु मेको नाक्‍ती मेकोपुकीमी लडाइम रोइश्‍शा चाक्‍शो ७ सहे ब्‍यफ नु ७ हजार क्‍यारश भेडा चढ़ेमे बाक्‍त।
2CH 15:12 मिनु मेकोपुकीम आन थुं नेल्‍लेमी परमप्रभु यावे, आन किकी पिपी आन परमप्रभु आ नोले खोइक्‍चा, दे कबल पामे बाक्‍त। यहोसु २४:२५
2CH 15:13 मिनु सु सुमी परमप्रभु यावे, इस्राएली आन परमप्रभु आ नोले खोइक्‍चा मबिस्‍से, मेको साइक्‍चा पुंइसे बाक्‍त। खाल्‍पा बाक्‍त हना यो, ठिटा बाक्‍त हना यो, मीश मुर बाक्‍त हना यो, वोंइश मुर बाक्‍त हना यो साइक्‍चा पुंइसे बाक्‍त।
2CH 15:14 मिनु मेको मुर नेल्‍लेमी “परमप्रभु यावे आ नोले खोइक्‍नय” दे कसम जशा, ग्‍येरसीशा ठेयब सेंदा पा, तुराही नु ग्रोव़ ताप्‍मे बाक्‍त।
2CH 15:15 यहूदा ङा मुर नेल्‍लेमी मेको कसम जतीके ग्‍येरसमा बाक्‍त। मारदे हना मेकोपुकीमी आन थुं नेल्‍लेमी परमप्रभु यावे कली खोइक्‍चा थमा पा दाक्‍तमे बाक्‍त। मिनु परमप्रभु कली थिश्‍शो बाक्‍मा बाक्‍त। मोपतीके परमप्रभु यावेमी मेको नेल्‍ल आन रागीमी लडाइ मदुम्‍पाइक्‍थु, आन थुं नाइक्‍चा गेवा बाक्‍त। २इतिहास १४:५-६; २इतिहास २०:३०
2CH 15:16 पिप आसामी आ बगे माकाह कली यो पिप आ ममा आ गेय रे ग्रुंइदा बाक्‍त। मारदे हना मेकोमी अशेराह देवी आ ग्रांग्रा दिचा ङा मूर्ति सेल्‍पदा बाक्‍त। आसामी मेको मूर्ति क्‍योरशा जिक्‍शा फस सेल्‍शा किद्रोन ङा खोलाम चोवा बाक्‍त। १राजा १५:१३-१५
2CH 15:17 तन्‍न मेकोमी डांडा ङा थान नेल्‍ल इस्राएल रे मग्रुंइदा बाक्‍त। मो हना यो आसा मबेक्‍म सम्‍म आ थुं नेल्‍लेमी परमप्रभु यावे आ मुर दुम्‍शा बाक्‍माक्‍त।
2CH 15:18 मेकोमी आ आफोम परमप्रभु कली गेशो थोव़क नु आ गेशो थोव़क सुन चांदी नु ग्‍योंबपुकी परमप्रभु आ खिंम चाक्‍गा बाक्‍त।
2CH 15:19 आसा पिप दुम्‍मेनु, ३५ बर्स सम्‍म लडाइ का यो मदुम्‍माक्‍त।
2CH 16:1 पिप आसाम सासन पशो ३६ बर्सम इस्राएल ङा पिप बाशामी यहूदा कली लडाइ तोवा बाक्‍त। मिनु पिप बाशामी यहूदा ङा पिप आसा आ रागी ओव़तीक नु ग्रूतीक लां नेल्‍ल तेक्‍चा कली रामाह सहर कली बोल्‍यो सेला बाक्‍त।
2CH 16:2 मिनु आसामी परमप्रभु यावे आ खिं नु पिप आ दरवार ङा शोंप वोइक्‍तीक रे सुन नु चांदी ग्रुंइशा, दमस्‍कस सहरम बाक्‍शो अराम ङा पिप बेन-हादाद कली सोइश्‍शा, मेको कली
2CH 16:3 “इन आफ नु आं आफ आस दातेम गारशो खोदेंशो पा, गे नु गो यो गारस। मुल गो इन कली सुन नु चांदी सोइक्‍ताक्‍ङ। मोपतीके इस्राएल ङा पिप बाशा नु गारशो लोव़ प्रोनीन। मिनु मेकोमी आं कली पचशो लडाइ मपवल” दे लोव़ सोइक्‍ता बाक्‍त।
2CH 16:4 मिनु बेन-हादादम पिप आसा आ लोव़ बिस्‍से बाक्‍त। मिनु मेकोमी आ लडाइ पाइब आन कप्‍तान आन कली “इस्राएल ङा सहर आन कली लडाइ तोन” दे हुकुम पवा बाक्‍त। मिनु मेकोपुकीम इयोन सहर, दान सहर, आबेल-मैम सहर नु नाप्‍ताली आन मार मार वोइक्‍तीक सहर आन के सेल्‍मे बाक्‍त।
2CH 16:5 मिनु बाशामी मेको लोव़ नेंशा, रामाह कली बोल्‍यो सेल्‍चा प्रोंइशा, आ गेय नेल्‍ल तेक्‍गा बाक्‍त।
2CH 16:6 मिनु नोले पिप आसामी यहूदा ङा मुर नेल्‍ल आन कली खुप्‍शा, रामाह लाइश्‍शा, रामाह सहर ङा सेल्‍तीक फुल्‍लु नु शी नेल्‍ल कुरपाइश्‍शा लदा बाक्‍त। बाशाम मेको फुल्‍लु नु शी रामाह सहर बोल्‍यो सेल्‍चा कली मेकेर वोइश्‍शो बाक्‍माक्‍त। मिनु पिप आसाम मेको चाक्‍शो फुल्‍लु नु शीम गेबा नु मिस्‍पा सहर आस कली बोल्‍यो सेला बाक्‍त।
2CH 16:7 मेना परमप्रभु यावे आ लोव़ पाइब हानानी यहूदा ङा पिप आसा आ बाक्‍तीकेम जाक्‍शा, मेको कली “गे अराम ङा पिप कली थमा सुइक्‍तीनी नु परमप्रभु यावे, इन परमप्रभु कली थमा मसुइक्‍नी। मोपतीके इस्राएल ङा पिप आ लडाइ पाइब इन ङोंइती रे प्रोक्‍चा ताम्‍तेक्‍म।
2CH 16:8 मार, ङोंइती एथीयेपीया लिबीया ङा लडाइ पाइबपुकी शुश मबाक्‍मा? बग्‍गी नु शारा ङोइक्‍ब हिक्ने मचाप्‍चा ङा शुश मबाक्‍मा? मेना गे परमप्रभु यावे कली थमा सुइक्‍तीनी। मिनु मेकोमी नेल्‍ल आन कली इन गुइमी गेप्‍तु। २इतिहास १४:८-१२
2CH 16:9 परमप्रभु यावेमी सु आन थुंम थमा पा मेको नु बाक्‍बा, मेकोमी रागी नेल्‍लेम माल्‍ना माल्‍न मेको कली कोव़शा, मेको आन कली बोल्‍यो सेल्‍ब। गे अराम ङा पिप नु गारशा मरिम्‍शो पाइतीनी। मुल रे गे लडाइ पस ङा पस बाक्‍चा माल्‍नीनी” देंमाक्‍त। हितोपदेस १५:३
2CH 16:10 मिनु परमप्रभु यावे आ लोव़ पाइबम मोदेंशो लोव़ पा, आसा कली शुश गाइक्‍पदा बाक्‍त। मिनु मेको कली फ्रेंशा चोक्‍शा वोइक्‍पदा बाक्‍त। मेना पिप आसामी का निक्‍शी अरु मुर आन कली यो काइ मरिम्‍शो पवा बाक्‍त। २इतिहास १८:२६; मत्ती १४:३
2CH 16:11 पिप आसा आ पशो, ङोंइती नु नोले ङा नेल्‍ल, मेको यहूदा नु इस्राएल ङा पिप आन इतिहास ङा किताबम ब्रेक्‍शो बाक्‍नीम।
2CH 16:12 आसाम सासन पशो ३९ बर्स दुम्‍मेनु, आ खोइली राक्‍तीक रोइ पवा बाक्‍त। मिनु मेको रोइ शुश ठेयब दुम्‍माक्‍त। शुश रोइ पवा बाक्‍त हना यो परमप्रभु यावे आ वारच पशो कली ममाल्‍थु, ओख्‍ती ख्रेक्‍ब आन कली मला बाक्‍त।
2CH 16:13 मिनु आसा आ सासन पशो ४१ बर्स दुम्‍मेनु मेको बेक्‍माक्‍त।
2CH 16:14 मिनु मुरपुकीमी दाऊद आ सहरम आसामी सेल्‍पांइसीशो बेक्‍शो मुर कली वोइक्‍तीक कोठामी वोदमे बाक्‍त। मेकेर जोक्‍ब मुरुमी थम ब्रोव़शो मार मार ब्‍वाइश्‍शा ब्रोव़शो रिना पाइब घांस सेल्‍शा, मेको आ तारी वोदमे बाक्‍त। मिनु मुरपुकीम मेको पिप कली मान पचा, दे थम ठेयब मी मुइक्‍तमे बाक्‍त। २इतिहास २१:१९; येरमीया ३४:५
2CH 17:1 मिनु पिप आसा बेक्‍म नोले आ तौ येहो-शाफात पिप दुम्‍माक्‍त। मिनु मेकोमी “इस्राएल कली तेक्‍नुङ” दे आ लडाइ पाइब बोल्‍यो सेला बाक्‍त।
2CH 17:2 मेकोमी यहूदा ङा बोल्‍यो सेल्‍शो सहर नेल्‍लेमी लडाइ पाइबपुकी वोदा बाक्‍त। मिनु यहूदा नेल्‍ल नु आ आफ आसाम ग्राशो एफ्राइम ङा सहरपुकी यो खाल पचा कली लडाइ पाइब वोदा बाक्‍त।
2CH 17:3 मिनु परमप्रभु यावे येहो-शाफात नु बाक्‍माक्‍त। मारदे हना मेको आ किकी पिपी दाऊद आ ङोंइती ङा नाक्‍ती रिम्‍शो पा गाक्‍शो खोदेंशो पा गाक्‍माक्‍त। मेकोमी वारच पचा कली बाल देवता आन कली ममला बाक्‍त।
2CH 17:4 तन्‍न मेको परमप्रभु यावे, आ आफ आ परमप्रभु आ नोले खोदा बाक्‍त। मिनु मेको आ शेंशो पवा बाक्‍त। मेको इस्राएल ङा पिप आन लांम मगाक्‍माक्‍त।
2CH 17:5 मोपतीके परमप्रभु यावेम मेको आ राज्‍य बोल्‍यो सेला बाक्‍त। मिनु यहूदा ङा मुर नेल्‍लेमी येहो-शाफात कली मार मार चाक्‍गमे बाक्‍त। मिनु मेको शुश शोंप पाइश्‍शो नु मान ताइब दुम्‍माक्‍त। २इतिहास १८:१
2CH 17:6 मेकोमी परमप्रभु यावे आ लांम गाक्‍चा कली काइ महिंथु आ थुं बारपदा बाक्‍त। मेकोम यहूदाम बाक्‍शो डांडा ङा थान नु मूर्ति पाइश्‍शो थाम प्रेश्‍शा ताइक्‍ता बाक्‍त।
2CH 17:7 मेकोमी सासन पशो आ बर्स सांमी आ राज्‍य ङा ठेयब गेय पाइब बेन-हेल, ओबदिया, जकरिया, नेथनेल नु मीकाया आन कली यहूदा ङा सहरपुकीम मुर आन कली शेंचा कली सोइक्‍तीमी बाक्‍त।
2CH 17:8 मेकोपुकी नु लेवीपुकी बाक्‍मा बाक्‍त। मेको लेवीपुकी सु सु बाक्‍मा बाक्‍त देंशा हना, शेमायाह, नेथन्‍याह, जेबदीयाह, आसाहेल, शेमीरामोथ, येहो-नाथान, अदोनीयाह, तोबीयाह, तोबा-दोनीयाह बाक्‍मा बाक्‍त। मिनु मेको नु चढ़ेब एली-शामा नु येहोराम यो बाक्‍सा बाक्‍त।
2CH 17:9 मेकोपुकीम परमप्रभु यावे आ अरेतीक लोव़ ङा किताब मेको नु बाक्‍शो बाक्‍त। यहूदा ङा सहर नेल्‍ल ङा मुर आन कली शेंदमे बाक्‍त।
2CH 17:10 मिनु यहूदा आ एर ओंथ बाक्‍शो राज्‍य ङा मुर नेल्‍ल परमप्रभु यावे क्‍येङा हिंमा बाक्‍त। मोपतीके मेकोपुकीम येहो-शाफात नु लडाइ मपामे बाक्‍त।
2CH 17:11 पलिस्‍ती आन दातेमी का निक्‍शीमी येहो-शाफात कली आन गेचा माल्‍शो चांदी चाक्‍गमे बाक्‍त। मिनु अराबीपुकीमी यो मेको कली ७ हजार ७ सहे सांड नु ७ हजार ७ सहे बोका चाक्‍गमे बाक्‍त। १राजा ५:१
2CH 17:12 मिनु येहो-शाफात शुश सक्ति पाइश्‍शो दुम्‍माक्‍त। मेकोमी यहूदामी गारो हिरशा, बोल्‍यो दरवार नु मार मार वोइक्‍तीक सहरपुकी सेला बाक्‍त।
2CH 17:13 मेकोमी यहूदा ङा सहरपुकीम शुश सेल्‍तीक गेय यो पवा बाक्‍त। यरूसलेम सहरम लडाइ पाइब नु थम बोल्‍यो लडाइ पस जोक्‍ब मुर बाक्‍मा बाक्‍त।
2CH 17:14 मेको यहूदा ङा मुर आन खिं खिं ङा हजार हजार लडाइ पाइब आन कप्‍तान आदनाह बाक्‍माक्‍त। मेको नु लाख सां सक्ति पाइश्‍शो लडाइ पाइब बाक्‍मा बाक्‍त।
2CH 17:15 मेको आ नोले ङा येहो-हानान बाक्‍माक्‍त। मेको लाख निक्‍शी ८० हजार लडाइ पाइब आन कप्‍तान बाक्‍माक्‍त।
2CH 17:16 मेको आ नोले ङा जिक्री आ तौ अमासीयाह बाक्‍माक्‍त। मेको परमप्रभु यावे आ गेय पाइब कली कोव़ब यो बाक्‍माक्‍त। मेको लाख निक्‍शी सक्ति पाइश्‍शो लडाइ पाइब आन कप्‍तान बाक्‍माक्‍त।
2CH 17:17 बेन्‍यामीन आ थर ङा एली-आदा बोल्‍यो लडाइ पाइब बाक्‍माक्‍त। मेको नु लाख निक्‍शी लिब्रा आप्‍ब नु तेतीक कुरब बाक्‍मा बाक्‍त।
2CH 17:18 मिनु मेको आ नोले ङा येहो-जाबाद बाक्‍माक्‍त। मेको नु लाख का ८० हजार या कुरशो लडाइ पाइब बाक्‍मा बाक्‍त।
2CH 17:19 मिनु मेको नेल्‍ल पिप आ लडाइ पाइब बाक्‍मा बाक्‍त। मेको प्रोंइशा अरु लडाइ पाइबपुकी यो यहूदा ङा गारो हिरशो सहरम बाक्‍मा बाक्‍त।
2CH 18:1 मिनु पिप येहो-शाफात शुश शोंप पाइश्‍शो, मान ताइब नु थाम्‍पा ठेयब मुर दुम्‍माक्‍त। मिनु मेकोमी आहाब आ खिं ङा मुर नु ग्‍युंबे पा नाता सेला बाक्‍त।
2CH 18:2 मिनु इच्‍का बर्स नोले मेको आहाब कली ग्रुम्‍थ सामरीया लमाक्‍त। मिनु आहाबम मेको नु आ मुर आन कली थुल्‍चा, दे शुश भेडा नु ब्‍यफ क्‍योरा बाक्‍त। मिनु आहाबमी येहो-शाफात कली रामोथ-गिलाद नु लडाइ पचा कली क्‍युक्‍गा बाक्‍त।
2CH 18:3 मिनु इस्राएल ङा पिप आहाबमी यहूदा ङा पिप येहो-शाफात कली “रामोथ-गिलाद नु लडाइ पचा कली गे आं कली वारच पाइक्‍नीनी?” देंमाक्‍त। मिनु मेकोमी “गो गे नु बाक्‍नुङ। आं मुर इन मुर यो बाक्‍नीम। एको लडाइम गो इन कली वारच पाइक्‍नीकी” देंमाक्‍त।
2CH 18:4 तन्‍न येहो-शाफातमी इस्राएल ङा पिप कली “गे ङोंइती परमप्रभु यावेम मेको लडाइ आ पर्बम मार देंबा? पुनीन” देंमाक्‍त। २राजा ३:११
2CH 18:5 मिनु इस्राएल ङा पिपमी ४ सहे आ नोले दुम्‍ब लोव़ पाइब आन कली पुक्‍शा, मेको आन कली “गो रामोथ-गिलाद कली लडाइ तोङ देय मतोङ?” दे हिल्‍लो पामी बाक्‍त। मिनु मेकोपुकीम “लडाइ तोने। मारदे हना परमप्रभुम मेको आन कली इन गुइम गेब” देंमा बाक्‍त।
2CH 18:6 तन्‍न येहो-शाफातमी “परमप्रभु यावे कली हिल्‍लो पचा कली थमा पा परमप्रभु यावे आ लोव़ पाइब एकेर सुइ मबाक्‍नीमी?” दे हिल्‍लो पवा बाक्‍त।
2CH 18:7 मिनु इस्राएल ङा पिपमी येहो-शाफात कली “परमप्रभु यावे कली हिल्‍लो पचा कली मुर का बाक्‍ब। मेको इम्‍लाह आ तौ मीकाया बाक्‍ब। तन्‍न गो मेको कली काइ मदाक्‍नुङ। मारदे हना आं पर्बम गेनायो रिम्‍शो लोव़ मपाइब। मेकोमी मरिम्‍शो लोव़ ङा लाक्‍शा अरु मारेइ मदेंब” देंमाक्‍त। मिनु येहो-शाफातमी “पिपम मोदेंशो लोव़ पचा मदुम्‍ब” देंमाक्‍त।
2CH 18:8 मिनु इस्राएल ङा पिपम आ गेय पाइब का कली ब्रेश्‍शा “इम्‍लाह आ तौ मीकाया कली रीब पा चाक्‍को” दे ब्र‍थ सोइक्‍ता बाक्‍त।
2CH 18:9 मेना इस्राएल ङा पिप नु यहूदा ङा पिप येहो-शाफात आस आस पिपम फेक्‍तीक वा फेक्‍शा, सामरीया ङा ठेयब लाप्‍चो ओव़तीक ङा चेरब तुप्‍तीक दिंमम आस आस ठेयब नित्‍तीकेमी बाक्‍शो बाक्‍सा बाक्‍त। मिनु मेको नोले दुम्‍ब लोव़ पाइब नेल्‍ल मेको आस ङोंइती नोले दुम्‍ब लोव़ पन पन बाक्‍शो बाक्‍मा बाक्‍त।
2CH 18:10 मेको आन दाते ङा केनानाह आ तौ सिदकीयाहमी फलाम के ग्रोव़ सेल्‍सीशो बाक्‍माक्‍त। मिनु मेकोमी “परमप्रभु यावेम मार देंत देंशा हना ‘एको ग्रोव़म गेम अराम ङा मुर आन कली ख्रुशा खतम पोक्‍नीनी’ देंशो बाक्‍ब” देंमाक्‍त।
2CH 18:11 मिनु अरु नोले दुम्‍ब लोव़ पाइब नेल्‍लेम यो मोदेंशो लोव़ पशो बाक्‍मा बाक्‍त। मेकोपुकीम “रामोथ-गिलाद कली लडाइ तोशा ग्राङीन। मारदे हना मेको परमप्रभु यावेम पिप आ गुइमी गेब” देंमा बाक्‍त।
2CH 18:12 मिनु मीकाया कली ब्रेश्‍शा चाक्‍ब मुरुम मीकाया कली “नेनीन, अरु नोले दुम्‍ब लोव़ पाइबपुकी नेल्‍ल थुं का दुम्‍शा, पिप कली रिम्‍शो लोव़ पशो बाक्‍नीम। मिनु इन लोव़ यो मेको आन देंशो नु गारचा ङा रिम्‍शो लोव़ पने” देंमाक्‍त।
2CH 18:13 तन्‍न मीकायाम “परमप्रभु यावे ब्रोंइशा बाक्‍शो खोदेंशो पा, आं परमप्रभुम मार देंबा, मेको लोव़ ला पाइनुङ” देंमाक्‍त।
2CH 18:14 मिनु पिप आ बाक्‍तीक जाक्‍मेनु, पिप आहाबमी मेको कली “मीकाया, गो रामोथ-गिलाद कली लडाइ तोक देय मतोक” दे मदा बाक्‍त। मिनु मेकोमी “लडाइ तोने। मिनु ग्राङीन। मारदे हना परमप्रभु यावेमी मेको इन गुइम गेब” देंमाक्‍त।
2CH 18:15 तन्‍न पिपम मेको कली “परमप्रभु यावे आ नेंम थमा लोव़ ला पचा, दे गिश खेयप इ कली कसम जपाइक्‍नना?” दे मदा बाक्‍त।
2CH 18:16 मिनु नोले मीकायाम “गो इस्राएली नेल्‍ल आन कली गोठला मबाक्‍शो भेडा खोदेंशो पा पहाडम ब्रशो ताता। मिनु परमप्रभु यावेमी ‘मेको मुर आन के होव़प मबा। मेको नेल्‍ल थुं नाइश्‍शा आन खिं लेम्‍मल’ देंशो नेंता” देंमाक्‍त। मत्ती ९:३६
2CH 18:17 मिनु इस्राएल ङा पिपम येहो-शाफात कली “मार, एकोम आं पर्बम मरिम्‍शो लोव़ ङा लाक्‍शा अरु मारेइ मदेंब, खतम लोव़ ला देंब, दे गो इन कली मदेंङा ङा?” देंमाक्‍त।
2CH 18:18 मिनु मीकायाम “मुल परमप्रभु यावे आ लोव़ नेनीन। गो परमप्रभु यावे कली आ ठेयब नित्‍तीकेम निश्‍शो ताता। मिनु आ स्‍वर्ग ङा गेय पाइब नेल्‍ले आ ग्‍युरा गे नु आ पेरा गे राप्‍शो बाक्‍तेक्‍म। यसैया ६:१
2CH 18:19 मिनु परमप्रभु यावेमी ‘इस्राएल ङा पिप आहाब कली रामोथ-गिलाद नु लडाइ पा साइक्‍चा पुंइसीचा कली सुमी मेको कली जोल पाइबा?’ देंशो नेंता। मिनु काम लोव़ का पाप्‍तु, अर्कोमी अर्को लोव़ पाप्‍तु।
2CH 18:20 नोले सोक्‍त का परमप्रभु यावे आ ङोंइती जाक्‍शा ‘गो मेको कली जोल पाइनुड’ देंत। अय्‍युब १:६
2CH 18:21 मिनु परमप्रभु यावेमी ‘दोपा?’ दे हिल्‍लो पाप्‍तु। मिनु मेकोमी ‘गो लशा आहाब आ नोले दुम्‍ब लोव़ पाइब नेल्‍ल आन शोव़म जोल पाइब सोक्‍त दुम्‍नुङ’ देंत। मिनु परमप्रभु यावेमी ‘गे मेको कली जोल पावो। गे मेको पने चाप्‍नेवे। लावो’ देंत।
2CH 18:22 लो कोव़ङीन, परमप्रभु यावेमी इन नोले दुम्‍ब लोव़ पाइब आन शोव़म जोल पाइब सोक्‍त का वोइश्‍शो बाक्‍त। परमप्रभु यावेम इन कली खतम सेल्‍चा थुं पने थुम्‍शो बाक्‍ब” देंमाक्‍त।
2CH 18:23 मिनु केनानाह आ तौ सिदकीयाह इर ङोइश्‍शा लशा, मीकाया आ चोव़चो राप्‍शा “दोपा परमप्रभु यावे आ सोक्‍त आं रे पा गे नु लोव़ पथ लम” देंमाक्‍त।
2CH 18:24 मिनु मीकायाम “मेको गे हिंशा, आगा ङा कोठामी ख्रुंइसे नाक्‍ती कका तुइक्‍नेवे” देंमाक्‍त।
2CH 18:25 मिनु नोले इस्राएल ङा पिपम “मीकाया कली लाइश्‍शा, सहर कली हुकुम पाइब आमोन नु पिप आ तौ योआश आस कली गेन। मिनु मेको आस कली
2CH 18:26 ‘पिप आ देंशो मार बाक्‍ब देंशा हना, मेको मुर कली जेल्‍खानम चोक्‍शा वोतीन। रिम्‍शो पा लेश्‍शा मजाक्‍ङा सम्‍म, एको कली इच्‍का शोब्‍ले नु ब्‍वाक्‍कु ला गेने’ दे पिपम हुकुम पशो बाक्‍ब देनीन” देंमाक्‍त। २इतिहास १६:१०
2CH 18:27 मिनु मीकायामी “गे रिम्‍शो पा लेश्‍शा जाक्‍तीनी हना, परमप्रभु यावे आं रे मब्‍वाक्‍शो बाक्‍माक्‍त, देंनुङ” देंमाक्‍त। मिनु मेकोमी चिनु लोव़ तेम्‍शा “मुर नेल्‍लेमी आं लोव़ नोफा दाइश्‍शा नेनीन” देंमाक्‍त।
2CH 18:28 मिनु इस्राएल ङा पिप नु यहूदा ङा पिप येहो-शाफात रामोथ-गिलाद ग्‍येत्‍थ लसा बाक्‍त।
2CH 18:29 मिनु इस्राएल ङा पिपम येहो-शाफात कली “गो मतुइक्‍चा ङा पा अर्को वा फेक्‍शा, लडाइम लाइनुङ। तन्‍न गे इन पिपम फेक्‍तीक वा फेक्‍शा बाक्‍कीन” देंमाक्‍त। मोपा इस्राएल ङा पिप अर्को वा फेक्‍शा, लडाइम लमाक्‍त।
2CH 18:30 मिनु अराम ङा पिपम आ बग्‍गी चलेब आन कप्‍तान आन कली “इस्राएल ङा पिप कली ङा लाक्‍शा, अरु आइक्‍च ठेयब सुइ नु लडाइ मपने” दे माइश्‍शो बाक्‍माक्‍त।
2CH 18:31 मिनु बग्‍गी चलेब आन कप्‍तानमी येहो-शाफात कली तशा “मेकोन इस्राएल ङा पिप बाक्‍ब” देंमाक्‍त। मिनु मेको कली लडाइ तोथ लमा बाक्‍त। तन्‍न येहो-शाफात ठेयब सेंदा पा वाइ ब्रेम्‍माक्‍त। मिनु परमप्रभु यावेमी मेको कली वारच पशा, मेको बग्‍गी चलेब आन कली मेकेर रे लेप्‍पदा बाक्‍त।
2CH 18:32 मारदे हना बग्‍गी चलेब लडाइ पाइब आन कप्‍तानपुकीमी “एको इस्राएल ङा पिप मबाक्‍माक्‍त” दे तुइश्‍शा, मेको कली खेदा पचा प्रोन्‍मे बाक्‍त।
2CH 18:33 तन्‍न मुर काम आ लिब्रा खुक्‍शा, हेंथे पा ब्रा आप्‍शा सोइक्‍ता बाक्‍त। मिनु मेको ब्रामी इस्राएल ङा पिप आ कुचु सुम्‍तीके नु कुचु तेक्‍तीक आस दातेम ख्रवा बाक्‍त। मिनु पिपम आ बग्‍गी चलेब कली “बग्‍गी हिरशा लडाइ रे ग्रुंइदी। आं कली ब्राम ख्रशा गार सेल्‍ती” दे मदा बाक्‍त।
2CH 18:34 मेको लडाइ नाक्‍त रेन दुम्‍ना दुम्‍न लमाक्‍त। मिनु इस्राएल ङा पिप आ बग्‍गीम राप्‍शा, अरामी नु लडाइ पशो कोव़ङा बाक्‍त। मेको नाक्‍त रे मोपान बाक्‍माक्‍त। मिनु नां लाक्‍गानु, मेको बेक्‍माक्‍त।
2CH 19:1 मिनु यहूदा ङा पिप येहो-शाफात मारेइ मदुम्‍थु आ दरवार यरूसलेम लेश्‍शा जाक्‍माक्‍त।
2CH 19:2 मिनु परमप्रभु यावे आ नोले दुम्‍ब लोव़ पाइब हानानी आ तौ येहू मेको कली ग्रुम्‍थ जाक्‍माक्‍त। मिनु मेकोमी येहो-शाफात कली “मार, मरिम्‍शो पाइब कली वारच पाइश्‍शा, परमप्रभु यावे आ जोरी सत्रु कली दाक्‍चा ठीक बाक्‍बा? इन पशो तशा परमप्रभु यावे इन पर्बम गाइक्‍ताक्‍व।
2CH 19:3 मो हना यो गे का निक्‍शी रिम्‍शो गेय यो पशो बाक्‍नीनी। गे रागी रे मूर्ति थाम आन कली ग्रुंइताक्‍नी। मिनु परमप्रभु आ नोले खोइक्‍चा थुं पाइतीनी” देंमाक्‍त। २इतिहास १७:३,६
2CH 19:4 येहो-शाफात आ दरवार यरूसलेमम बाक्‍माक्‍त। मिनु मेको लेंशा बेयर-शेबा रे एफ्राइम ङा पहाड ङा मुर आन बाक्‍तीक लशा, मेको आन कली लेंशा परमप्रभु यावे, आन किकी पिपी आन परमप्रभु गे लेश्‍शा चाक्‍मी बाक्‍त।
2CH 19:5 मेकोमी यहूदा ङा बोल्‍यो सहर नेल्‍लेमी निसाफ पाइबपुकी वोदा बाक्‍त।
2CH 19:6 मिनु मेकोमी मेको निसाफ पाइब आन कली “गेपुकीम मार पाइनीनी, मेको मिम्‍तीन। गेपुकीम निसाफ नेंपाइक्‍नीनु, मुर आन कली ममाइ तन्‍न परमप्रभु यावे आ ङोंइती निसाफ पाइनीनी। गे निसाफ पची ना मेको गे नु बाक्‍ब। ब्‍यवस्‍था १:१७
2CH 19:7 परमप्रभु यावे कली मान पा हिनीन। होस पा निसाफ पने। मारदे हना परमप्रभु यावे, इं परमप्रभुमी दूली निसाफ मपाइब। मेको कुल मकोव़ब नु घूस मताक्‍ब निसाफ पाइब बाक्‍ब” देंमाक्‍त। प्रस्‍थान १८:२१; ब्‍यवस्‍था १०:१७; रोमी २:३१
2CH 19:8 येहो-शाफातम यरूसलेममी लेवीपुकी, चढ़ेबपुकी नु इस्राएल ङा खिं खिं आन ठेयब मुर आन कली परमप्रभु यावे आ ङोंइती निसाफ पचा कली नु जीब आन दातेमी गारपाइक्‍चा कली वोइश्‍शो बाक्‍माक्‍त। मिनु मेकोपुकी यरूसलेमम बाक्‍बाक्‍मा बाक्‍त। ब्‍यवस्‍था १७:८-९; ब्‍यवस्‍था १९:१७
2CH 19:9 मिनु मेकोमी मेको आन कली “इन गेय दोपा पचा देंशा हना, इन पशो नेल्‍लेमी परमप्रभु यावे कली मान पा हिंशा, थमा सुइक्‍चा ङा दुम्‍शा, इन थुं नेल्‍लेमी पचा माल्‍नीनी।
2CH 19:10 मिनु अरु सहर ङा आइक्‍च निसाफ पाइब इन लोक्‍ब, इन बाक्‍तीक सहरम इन कली हिल्‍लो पचा कली जाक्‍नीमी। मार बाक्‍त हना यो, मुर साइश्‍शो आ पर्बम बाक्‍त हना यो, परमप्रभु यावे आ अरेशो लोव़ आ पर्बम बाक्‍त हना यो, शेंतीक लोव़ आ पर्बम बाक्‍त हना यो, फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍त हना यो, गे मेको आन कली शेंचा माल्‍नीनी। मोपा मेकोपुकीमी दूली मपथु, परमप्रभु यावे आ ङोंइती पाप मपाइनीम। मेकोपुकीम मरिम्‍शो पाम्‍तेक्‍म हना, परमप्रभु इन पर्बम नु इन लोक्‍ब, आइक्‍च निसाफ पाइब आन पर्बम गाइक्‍ब। पाप मपथु, रिम्‍शो शेंदीने।
2CH 19:11 परमप्रभु यावे आ पर्बम तुइक्‍ब नु इन कली वारच पाइब ठेयब चढ़ेब अमारयाह बाक्‍ब। मिनु पिप नु राज्‍य आ पर्बम तुइक्‍ब यहूदा आ थर ङा मुर आन ठेयब मुर इश्‍माएल आ तौ जेबदीयाह इन कली वारच पाइब बाक्‍ब। लेवीपुकीम चहिं इन निसाफ पची ना ब्रेक्‍ब नु मार मार वारच पाइब बाक्‍नीम। महिंथु इन गेय पने। परमप्रभु यावे रिम्‍शो पाइबपुकी नु बाक्‍ल” दे अर्ती गेमी बाक्‍त।
2CH 20:1 मिनु नोले मोआबी अम्‍मोनी नु का निक्‍शी सेइर डांडा रे अर्को जात ङा मेउनी माइश्‍शो मुरपुकी येहो-शाफात नु लडाइ पथ जाक्‍मा बाक्‍त।
2CH 20:2 मिनु मुरपुकीमी येहो-शाफात कली “थम ठेयब हुल का लडाइ पाइब एदोम रे इन कली लडाइ तोचा कली जाक्‍शो बाक्‍नीम। मेकोपुकी हिक्‍सी समुन्‍द्र आ आइक्‍ची हांबु रे पिना पिन बाक्‍नीम। मेको हासासोन-तामार जाक्‍दीत्‍तेक्‍म” दे लोव़ नेंपदमे बाक्‍त। मेको रागी कली एन-गेदी यो देंनीम।
2CH 20:3 मिनु येहो-शाफातम हिंशा, परमप्रभु यावे कली पुंइचा, दे थुं पवा बाक्‍त। यहूदा रागी ङा मुर नेल्‍ल कली “माइजा बाक्‍कीन” दे हुकुम पवा बाक्‍त।
2CH 20:4 मिनु यहूदा ङा मुरपुकी परमप्रभु यावे कली “वारच पाइक्‍की” दे पुंइचा कली बुक्‍मा बाक्‍त। यहूदा रागी ङा सहर नेल्‍ल ङा मुरपुकी परमप्रभु यावे कली पुंइथ जाक्‍मा बाक्‍त। २इतिहास १५:९-१५
2CH 20:5 मिनु येहो-शाफात परमप्रभु यावे आ खिं ङा नक लाङगामी यहूदा नु यरूसलेम ङा खुम्‍सीशो मुर आन ङोंइती राप्‍शा
2CH 20:6 “आंइ परमप्रभु यावे, आंइ किकी पिपी आन परमप्रभु गे स्‍वर्गम बाक्‍ब परमप्रभु मननी ङा? गे रागी रागी ङा राज्‍य सासन पाइब मननी ङा? सक्ति नु अधिकार नेल्‍ल इन के बाक्‍ब। गे इन क्‍येङा ग्राब सुइ मबाक्‍नीम। उत्‍पत्ती १८:२५; १इतिहास २९:१२
2CH 20:7 आंइ परमप्रभु, मार, गे इन मुर इस्राएली जाक्‍‍मानु, एको रागी ङा मुर आन कली मखेरनी ङा? इन वारच अब्राहाम नु आ चच युइ आन कली मेको रागी गेना हना यो कली गेशो मननी ङा?
2CH 20:8 मेकोपुकी मेकेर बाक्‍शो बाक्‍तेक्‍म। मिनु इन नें कली मान पचा, दे इन कली बाक्‍तीक खिं का सेल्‍शो बाक्‍तेक्‍म।
2CH 20:9 मेकोपुकीम ‘आंइ कली ठेयब श्‍येत दुम्‍त हना, लडाइ दुम्‍त हना, निसाफ पतीके, मुर बेक्‍तीक रोइ, अन्‍काल दुम्‍त हना, इन खिं इन ङोंइती राप्‍नीकी। मारदे हना इन नें कली मान पशो खिं रे आंइ श्‍येत जशा पुंइशो लोव़ नेंशा, आंइ कली प्रोंइनीनी’ दे पुंइतेक्‍म। २इतिहास ६:२८-३०
2CH 20:10 आंइ किकी पिपी इजीप्‍त रे जाक्‍मानु, गे इस्राएली आन कली ‘अम्‍मोनी, मोआबी नु सेइर डांडा ङा मुर आन रागी मओव़ङीन’ देंशो बाक्‍तीनी। मोपतीके मेकोपुकी एर ओंथ रे हिरशा, मेको आन कली खतम मसेल्‍थु लमा बाक्‍त। ब्‍यवस्‍था २:४,५,९,१९
2CH 20:11 तन्‍न मुल कोव़ङीन, एको मुरपुकीम आंइ कली दोदेंशो पा क्‍येक्‍क लेत्‍नीमी। गे आंइ कली गेशो आंइ थेरशो रागी रे आंइ कली खेरचा कली जाक्‍शो बाक्‍नीम।
2CH 20:12 आंइ परमप्रभु, गे मेको आन कली निसाफ मपाइनीनी ङा? मारदे हना गोपुकी एको शुश मुर आन ङोंइती मारेइ पने मचाप्‍ब बाक्‍नीकी। मुल गो मार पचा माल्‍नीकी मारेइ मतुइक्‍नीकी। तन्‍न गो इन गे कोव़नीकी” दे पुना बाक्‍त।
2CH 20:13 मिनु यहूदा ङा मुर नेल्‍ले, मेको आन मीशपुकी, आन आल ब्रेप्‍च नेल्‍ल परमप्रभु यावे आ ङोंइती राम्‍मा बाक्‍त।
2CH 20:14 मिनु परमप्रभु यावे आ सोक्‍तीम खुम्‍सीशो मुर नेल्‍ल आन दातेमी आसाफ आ खिं ङा लेवी याहासीएल कली सुमा बाक्‍त। मेको जकरिया आ तौ, बेनायाह आ चच बाक्‍माक्‍त। आ अरु किकी पिपी यिएल नु मत्तन्‍याह बाक्‍सा बाक्‍त।
2CH 20:15 मिनु मेकोमी “यहूदा नु यरूसलेमम बाक्‍ब मुर नेल्‍ले नु पिप येहो-शाफात नेनीन। परमप्रभु यावेमी इन कली मार देंब देंशा हना ‘गे एको लडाइ पाइब आन ठेयब हुल तशा महिनीन। इन थुं लुक्‍च मलल। मारदे हना एको लडाइ परमप्रभु के बाक्‍ब। इन के ममाइ। प्रस्‍थान १४:१३-१४
2CH 20:16 दीसा मेकोपुकी नु लडाइ पथ ब्रुपीन। मेकोपुकी जीज ङा ग्‍येत्‍थ ल‍तीक लां रे पा कुइनीम। मिनु गेपुकीम मेको आन कली येरूएल ङा गोरशो रागी ङा बरखे खोला क्‍येङा आइदी ग्रुम्‍नीनी।
2CH 20:17 यहूदा नु यरूसलेम ङा मुर, गेपुकीम एको लडाइ पचा ममाल्‍नीनी। आं देंतीकेम लने। मिनु रिम्‍शा बाक्‍कीन। इन पा ङा गो परमप्रभु यावेम लडाइ पा ग्राशो, कोव़ङीन। महिनीन। इन थुं लुक्‍च मलल। गे ग्रूशा, मेकोपुकी नु लडाइ पथ लने। मारदे हना परमप्रभु यावे गेपुकी नु बाक्‍ब’ ” देंमाक्‍त।
2CH 20:18 मिनु येहो-शाफातम खपीम बाप्‍शा सेउ पवा बाक्‍त। मिनु यहूदा नु यरूसलेमम बाक्‍ब मुर नेल्‍ल परमप्रभु यावे आ ङोंइती बाप्‍शा, परमप्रभु यावे कली ठेयब सेल्‍मे बाक्‍त।
2CH 20:19 मिनु लेवी, कोहाथ नु कोराह आन मुर बोक्‍शा परमप्रभु यावे, इस्राएली आन परमप्रभु कली ठेयब सेंदा पा ठेयब सेल्‍तीक कुम्‍सो पामे बाक्‍त।
2CH 20:20 मिनु मेकोपुकी सुनी कना बोक्‍शा, तेकोहा सहर ङा गोरशो रागीम लमा बाक्‍त। मिनु मेकोपुकी ग्रूशा लमानु, येहो-शाफातम “यहूदा नु यरूसलेमम बाक्‍ब मुर नेल्‍लेम आं लोव़ नेनीन। गे परमप्रभु यावे, इन परमप्रभु कली थमा सुतीन। मिनु गे ग्रानीनी। परमप्रभु यावे आ लोव़ पाइब आन लोव़ थमा सुइश्‍शा बाक्‍कीन” देंमाक्‍त। यसैया ७:९; यसैया १८:१६
2CH 20:21 मिनु मेकोमी मुरपुकी नु सल्‍ला पशा, लडाइ पाइब आन ङोंइती रिम्‍शो वा फेक्‍शा, परमप्रभु यावे कली ठेयब सेल्‍तीक कुम्‍सो पाइब योव़मी बाक्‍त। मिनु मेकोपुकीम “परमप्रभु यावे कली ‘गे रिम्‍शो पाइब बाक्‍नीनी। मारदे हना इन दाक्‍तीक गेना हना यो लीब’ ” दे कुम्‍सो पामे बाक्‍त। भजन संग्रह १०६:१
2CH 20:22 मिनु मेकोपुकीम कुम्‍सो पा परमप्रभु यावे कली ठेयब सेल्‍मे चोटीन परमप्रभु यावेमी बाप्‍ब हुल का वोदा बाक्‍त। मिनु यहूदा नु लडाइ पथ जाक्‍ब अम्‍मोनी, मोआबी नु सेइर डांडा ङा मुर आन कली क्‍याम्‍दा बाक्‍त।
2CH 20:23 मिनु मार दुम्‍माक्‍त देंशा हना, अम्‍मोनी नु मोआबी गारशा सेइर डांडा ङा मुर आन कली लडाइ पा सदमे बाक्‍त। मेको आन कली साइक्‍ने थुम्‍मे नोले, लीशो मुरपुकी आंम आंमा साइक्‍मुमा बाक्‍त।
2CH 20:24 मिनु यहूदा ङा मुरपुकी गोरशो रागी ङा कोव़तीक लाइश्‍शो खिं जाक्‍शा, लडाइ पाइब आन कली कोव़ङमेनु, मेको आन कली शोल्‍मो पा खपीम गोल्‍शा बेक्‍शो तामे बाक्‍त। मेको आन दाते ङा का सम्‍म यो प्रोक्‍ने मचाप्‍शो बाक्‍मा बाक्‍त।
2CH 20:25 मिनु येहो-शाफात नु आ मुरपुकी मार मार रोइक्‍थ जाक्‍मा बाक्‍त देंशा हना, मार मार वासी, सुन चांदी के शोंप मार मार थोव़क थित्‍मे आंम कली कुरने मचाप्‍चा ङा पा रोइक्‍तमे बाक्‍त। मिनु मेको आन बस्‍तु भाव यो लदमे बाक्‍त। मेकोपुकीम नाक्‍त सां सम्‍म मेको रोइश्‍शो मार मार खुप्‍तमे बाक्‍त। मारदे हना मेको थम शुश बाक्‍माक्‍त।
2CH 20:26 मिनु ४ नाक्‍ती मेकोपुकी बेराकाह ङा दिंमम ग्रुम्‍मा बाक्‍त। मिनु मेकेर परमप्रभु यावे कली ठेयब सेल्‍मे बाक्‍त। मुल सम्‍म मेको आ नें बेराकाह ङा दिंम लीशो बाक्‍ब। बेराकाह आ अर्थ आसीक बाक्‍ब।
2CH 20:27 मेको नोले यहूदा नु यरूसलेम ङा मुर नेल्‍लेमी येहो-शाफात कली ङोंइती गाक्‍पाइश्‍शा, ग्‍येरसीशा यरूसलेम लेम्‍मा बाक्‍त। मारदे हना परमप्रभु यावेमी मेको आन कली आन जोरी सत्रु रे ग्रापाइश्‍शा, थम ग्‍येरसीशो बाक्‍मा बाक्‍त।
2CH 20:28 मिनु मेकोपुकीम ठेयब नु आइक्‍च तार पाइश्‍शो ताप्‍तीके नु तुराही ताम्‍ना ताम्‍न यरूसलेमम परमप्रभु यावे आ खिं जाक्‍मा बाक्‍त।
2CH 20:29 परमप्रभु यावेमी इस्राएल आ जोरी सत्रु नु लडाइ पा ग्रामाक्‍त देंशो लोव़ नेंशा, रागी रागी ङा राज्‍य ङा मुर नेल्‍ल परमप्रभु क्‍येङा हिंमा बाक्‍त।
2CH 20:30 मिनु येहो-शाफात आ राज्‍यम लडाइ मदुम्‍थु, नांइसे बाक्‍त। मारदे हना आ परमप्रभुमी मेको रागी कली एर ओंथ नेल्‍ल रे नाइक्‍पदा बाक्‍त। २इतिहास १५:१५
2CH 20:31 मोपा येहो-शाफातम यहूदाम सासन पवा बाक्‍त। मेको पिप दुम्‍मेनु, ३५ बर्स दुम्‍शो बाक्‍माक्‍त। मेकोमी यरूसलेम मी २५ बर्स सासन पवा बाक्‍त। मेको आ ममा आ नें अजुबाह बाक्‍माक्‍त। मेको शिल्‍ही आ तमी बाक्‍माक्‍त।
2CH 20:32 येहो-शाफात आ आफ आसा आ लांम गाक्‍माक्‍त। मिनु मेको लां रे ग्‍युरा पेरा मपवा बाक्‍त। मेकोमी परमप्रभु यावे आ ङोंइती मार ठीक बाक्‍मे, मेको पवा बाक्‍त।
2CH 20:33 मो हना यो मेकोमी डांडा ङा थानपुकी नेल्‍ल मप्रेदा बाक्‍त। मिनु मुरपुकीम आन थुं आन किकी पिपी आन परमप्रभु गे मलेत्‍मे बाक्‍त।
2CH 20:34 मिनु हानानी आ तौ येहूम येहो-शाफात आ पशो ङोंइती रे नोले सम्‍म नेल्‍ल इस्राएल ङा पिप आन इतिहासम ब्रेक्‍शा, वोइश्‍शो बाक्‍ब।
2CH 20:35 मिनु नोले यहूदा ङा पिप येहो-शाफात, इस्राएल ङा काइ मरिम्‍शो पाइब पिप अहाज्‍याह नु वारच्‍बु दुम्‍माक्‍त। मेको काइ मरिम्‍शो पाइब बाक्‍माक्‍त। १राजा २२:५२-५४
2CH 20:36 मेकोमी टारशीश लशा ग्‍याप्‍तीक लेयतीक गेय पचा कली जहाजपुकी सेल्‍चा कली अहाज्‍याह नु गारमाक्‍त। मिनु मेको ठेयब जहाजपुकी एस्‍योन-गेबेरम सेल्‍मे बाक्‍त।
2CH 20:37 मारेशा ङा दोदा-वाहु आ तौ एलीएजेरमी येहो-शाफात आ पर्बम परमप्रभु आ लोव़ पवा बाक्‍त। मेकोमी “गे अहाज्‍‍याह नु वारच्‍बु दुम्‍‍तीके, परमप्रभु यावेम इन गेय खतम सेल्‍ब” देंमाक्‍त। मिनु मेको ठेयब जहाजपुकी खतम दुम्‍मा बाक्‍त। टारशीश लचा मतामे बाक्‍त।
2CH 21:1 मिनु येहो-शाफात बेक्‍माक्‍‍त। मिनु मुरपुकीमी मेको आ किकी पिपी आन कली थिम्‍तीके दाऊद आ सहरम थिम्‍मे बाक्‍त। मिनु आ तौ येहोराम पिप दुम्‍माक्‍त।
2CH 21:2 येहो-शाफात आ तौपुकी, येहोराम नु आ लोक्‍बपुकी अजारयाह, येहीएल जकरिया, अजारयाह, मिकाएल नु शेफत्‍याह बाक्‍मा बाक्‍त। मेको नेल्‍ल यहूदा ङा पिप येहो-शाफात आ तौ बाक्‍मा बाक्‍त।
2CH 21:3 मेको आन आफोम मेको आन कली सुन, चांदी, शुश क्‍येट लाइब शोंप नु यहूदा ङा बोल्‍यो सहरपुकी यो गेशो बाक्‍माक्‍त। तन्‍न मेको राज्‍य येहोराम कली गेवा बाक्‍त। मारदे हना मेको आ ङोंइती थिशो तौ बाक्‍माक्‍त।
2CH 21:4 मिनु येहोराम आ आफ आ पा ङा सासन पा बोल्‍यो दुम्‍शा, मेकोमी आ लोक्‍ब नेल्‍ल नु इस्राएल ङा का निक्‍शी ठेयब मुर आन कली तरवारम क्‍योरशा साइक्‍मी बाक्‍त।
2CH 21:5 येहोराम पिप दुम्‍मेनु, ३२ बर्स दुम्‍शो बाक्‍माक्‍त। मेकोमी यरूसलेम ८ बर्स सासन पवा बाक्‍त।
2CH 21:6 मेकोमी आहाब आ खिं ङा मुर खोदेंशो पा इस्राएल ङा पिप आन लांम गाक्‍माक्‍त। मारदे हना मेको आ मीश पिप आहाब आ तमी बाक्‍माक्‍त। मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।
2CH 21:7 मो हना यो परमप्रभु यावेमी दाऊद नु पशो कबल आ पतीके दाऊद आ खिं ङा मुर आन कली साइक्‍चा मदाक्‍ता बाक्‍त। मारदे हना मेकोमी दाऊद नु आ तौ चच युइ आन कली “इ खिं रे गेना हना यो इस्राएली आन कली सासन पाइब का बाक्‍ब” देंशो बाक्‍माक्‍त। २सामुएल ७:१२; १राजा ११:३६; भजन संग्रह १३२:१७
2CH 21:8 मिनु येहोराममी सासन पवानु, एदोम ङा मुर यहूदा नु मदुथु, आंम आ राज्‍य सेल्‍शा, आंम पिप सेल्‍मे बाक्‍त।
2CH 21:9 मोपतीके येहोराम आ लडाइ पाइबपुकी, कप्‍तान नु आ बग्‍गी नेल्‍ल लाइश्‍शा, एदोम गे लमाक्‍त। मेकोपुकी नाक्‍दो बोक्‍शा, आंम कली, आ कप्‍तान नु आ बग्‍गी कली पुम्‍ब एदोमी नु लडाइ पा खेरमे बाक्‍त।
2CH 21:10 एदोम मुल सम्‍म यहूदा ङा सासन पाइब नु मदुशो बाक्‍ब। मेना लिब्‍ना यो येहोराम आ मरिम्‍शो सासन आ पर्बम बोक्‍माक्‍त। मारदे हना येहोरामम परमप्रभु यावे, आ किकी पिपी आन परमप्रभु कली प्रोंइशो बाक्‍माक्‍त।
2CH 21:11 मेकोमी यहूदा ङा पहाडमी डांडा ङा थानपुकी सेला बाक्‍त। मिनु मेकोमी यरूसलेमम बाक्‍ब मुर आन कली मूर्ति पूजा पा परमप्रभु कली प्रोंइपाइक्‍मी बाक्‍त। मिनु यहूदा कली दूली लांम गाक्‍पदा बाक्‍त।
2CH 21:12 मिनु येहोराममी परमप्रभु यावे आ लोव़ पाइब एलीया रे चिठी का तवा बाक्‍त। मिनु मेको चिठीमी “परमप्रभु यावेमी मार देंत देंशा हना, परमप्रभु यावे, इन किकी पिपी दाऊद आ परमप्रभुम ‘गे इ आफ येहो-शाफात नु यहूदा ङा पिप आसा खोदेंशो पा मेको आन लांम मगाक्‍ङे।
2CH 21:13 तन्‍न गे आहाब आ खिं ङा मुर खोदेंशो पा इस्राएल ङा पिप आ लांम गाक्‍शा, आहाबमी इस्राएली आन कली परमप्रभु प्रोंइपाइश्‍शो हेंथे गाक्‍शो खोदेंशो पा, गे यहूदा नु यरूसलेम ङा मुर आन कली मूर्ति पूजा पपाइश्‍शा, परमप्रभु कली प्रोंइपाइक्‍तीवी। मिनु इ आफ आ तौपुकी, इ लोक्‍ब आन कली यो साइक्‍तीवी। मेकोपुकी इं क्‍येङा रिम्‍शो मुर बाक्‍‍तेक्‍म।
2CH 21:14 मेको इ पतीके परमप्रभु यावेमी इ खिं ङा मुर, इ तौपुकी, इ मीशपुकी नु इ मुर नेल्‍ल आन कली मुर बेक्‍तीक रोइ पपाइक्‍नुङ।
2CH 21:15 मिनु गे मसा‍ब कोव़ज ङा रोइ पाइनेवे। मिनु मेको रोइम पतीके इ कोव़ज राक्‍शा इ गा क्‍यी नाक्‍त किंत किंत ग्रूनीम’ देंशो बाक्‍ब” दे ब्रेक्‍शो बाक्‍माक्‍त।
2CH 21:16 मिनु मेको नोले परमप्रभु यावेमी येहोराम नु लडाइ पपाइक्‍चा कली पलिस्‍ती नु एथीयोपीया आ नेक्‍था बाक्‍ब अराबी आन कली क्‍युक्‍मी बाक्‍त।
2CH 21:17 मिनु मेकोपुकीम यहूदा कली लडाइ तोशा, आ आगा ओव़मा बाक्‍त। मिनु मेकोपुकीम पिप आ दरवारम थिश्‍शो शोंप नेल्‍ल, मेको आ तौपुकी नु मेको आ मीशपुकी नेल्‍ल लदमे बाक्‍त। मेको आ कान्‍छा तौ येहो-अहाज ङा लाक्‍शा अर्को तौ मलीमा बाक्‍त। येहो-अहाज कली अहाज्‍याह यो देंनीम।
2CH 21:18 मेको नेल्‍ल दुम नोले परमप्रभु यावेमी येहोराम कली मसाक्‍ब कोव़ज राक्‍तीक रोइ पपदा बाक्‍त।
2CH 21:19 मिनु मेको रोइ पा बर्स निक्‍शी नोले आ कोव़ज राक्‍शा, आ गा क्‍यी ग्रूशा, शुश श्‍येत जशा बेक्‍माक्‍त। मिनु मेको आ मुरपुकीम मेको आ किकी पिपी आन पर्बम पशो खोदेंशो पा मेको कली मान पचा कली ठेयब मी ममुइक्‍तमे बाक्‍त। २इतिहास १६:१४
2CH 21:20 मेको पिप दुम्‍मेनु, ३२ बर्स दुम्‍शो बाक्‍माक्‍त। मेकोमी यरूसलेमम ८ बर्स सासन पवा बाक्‍त। मेको बेक्‍मेनु सुइम रोंका मपामे बाक्‍त। मिनु मुरपुकीमी मेको कली दाऊद आ सहरमी थिम्‍मे बाक्‍त। तन्‍न पिप आन कली थिम्‍तीकेम मथिम्‍मे बाक्‍त। २इतिहास २४:२५
2CH 22:1 मेको नोले यरूसलेम ङा मुरपुकीम मेको आ पा ङा मेको आ कान्‍छा तौ अहाज्‍याह कली पिप सेल्‍मे बाक्‍त। मारदे हना अराबी नु जाक्‍शोपुकीम मेको अरु तौ आन कली साइश्‍शो बाक्‍मा बाक्‍त। मोपतीके येहोराम आ कान्‍छा तौ अहाज्‍याह यहूदा ङा पिप दुम्‍माक्‍त।
2CH 22:2 अहाज्‍याह पिप दुम्‍मेनु, २२ बर्स दुम्‍शो बाक्‍माक्‍त। मेकोमी यरूसलेमम बर्स का सासन पवा बाक्‍त। मेको आ ममा आ नें अथाल्‍याह बाक्‍माक्‍त। मेको ओम्री आ चच बाक्‍माक्‍त।
2CH 22:3 मेको यो आहाब आ खिं ङा मुर खोदेंशो पा मेको आन लांम गाक्‍माक्‍त। मारदे हना आ ममामी मेको कली परमप्रभु यावे आ अरेशो मटिचा कली अर्ती गेवा बाक्‍त।
2CH 22:4 मेकोमी यो आहाब आ खिं ङा मुर खोदेंशो पा परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मारदे हना आ आफ बेक्‍म नोले मेको मुरपुकीमी अर्ती गेशा, मेको कली खतम सेल्‍मे बाक्‍त।
2CH 22:5 मेकोमी आन गेशो अर्ती रामोथ-गिलादम अराम ङा पिप हजाएल नु लडाइ पचा कली इस्राएल ङा पिप आहाब आ तौ येहोराम नु वारच्‍बु दुम्‍चा बिस्‍से बाक्‍त। मिनु अरामीपुकीम मेको कली गार सेल्‍मे बाक्‍त।
2CH 22:6 मिनु योराम रामाह सहरम अराम ङा पिप हजाएल नु लडाइम दुम्‍शो गार साचा कली येज्रेलम लेश्‍शा लमाक्‍त। मिनु यहूदा ङा पिप येहोराम आ तौ अहाज्‍याह, आहाब आ तौ, योराम कली ग्रुम्‍थ येज्रेलम लमाक्‍त। मारदे हना मेको रोइ पशो बाक्‍माक्‍त। येहोराम योराम यो देंनीम।
2CH 22:7 तन्‍न परमप्रभु आ मिम्‍शो खोदेंशो पा योराम नु अहाज्‍याह ग्रुम्‍सानु, अहाज्‍याह आ बेक्‍तीक दुम्‍माक्‍त। मेको ग्रुम्‍शा, अहाज्‍याह नु येहोराम निम्‍शी आ तौ येहू कली ग्रुम्‍थ लसा बाक्‍त। परमप्रभु यावेमी आहाब आ खिं ङा मुर आन कली थुम्‍पाइक्‍चा कली येहू कली योव़शो बाक्‍माक्‍त। १राजा १९:१६; २राजा ९:६-७
2CH 22:8 मिनु येहूम आहाब आ खिं ङा मुर आन कली सदानु, अहाज्‍याह आ गेय पाइब यहूदा ङा ठेयब मुरपुकी नु मेको नु पिशो आ लोक्‍ब आन तौ आन कली यो थिश्‍शा साइक्‍मी बाक्‍त। २राजा १०:१२-१४
2CH 22:9 मेको नोले मेकोमी अहाज्‍याह कली मला बाक्‍त। मिनु येहू आ मुरपुकीम मेको कली सामरीयाम थित्‍मे बाक्‍त। मिनु मेकोपुकीम अहाज्‍याह कली येहू आ बाक्‍तीक चाक्‍शा सदमे बाक्‍त। मिनु मुरपुकीम मेको आ पर्बम “आ थुं नेल्‍लेमी परमप्रभु यावे आ नोले खोइक्‍ब येहो-शाफात आ चच एकोन बाक्‍ब” दे थिम्‍मे बाक्‍त। मेको नोले अहाज्‍याह आ खिं ङा मुर सासन पाइब सुइ मलीमा बाक्‍त। २राजा ९:२७-२९
2CH 22:10 मिनु अहाज्‍याह आ ममा अथाल्‍याहम आ तौ साइश्‍शो तुइश्‍शा, मेकोमी यहूदा ङा पिप आ खिं ङा मुर नेल्‍ल आन कली साइक्‍चा कली बोक्‍माक्‍त।
2CH 22:11 तन्‍न पिप येहोराम आ तमी येहो-शबेआथम अहाज्‍याह आ तौ योआश कली साइक्‍चा चिक्‍शो पिप आ तौ आन दाते रे प्रेंइशा लदा बाक्‍त। मिनु मेको कली कोव़ब नु मेको आल आस कली इप्‍तीक कोठा कामी ख्रुइश्‍शा, वोइक्‍सी बाक्‍त। पिप येहोराम आ तमी येहो-शेबा चढ़ेब येहो-यादा आ मीश बाक्‍माक्‍त। मारदे हना अहाज्‍याह आ दिदी बाक्‍तीके, मेकोमी योआश कली अथाल्‍याह आ गुइ रे प्रोंइशा ख्रुइश्‍शा वोइक्‍पदा बाक्‍त। मिनु अथाल्‍याहम मेको कली साइक्‍चा मतवा बाक्‍त।
2CH 22:12 मेको रागीम अथाल्‍याहम सासन पवानु, योआश मेकोपुकी नु ६ बर्स सम्‍म परमप्रभु आ खिंम ख्रुइश्‍शा बाक्‍माक्‍त।
2CH 23:1 मिनु ७ बर्सम येहो-यादा महिंब दुम्‍शा, सक्ति कोंइदा बाक्‍त। मेकोमी सहे सहे ङा लडाइ पाइब आन कप्‍तानपुकी, येरोहाम आ तौ अजारयाह, येहो-हानान आ तौ इश्‍माएल, ओबेद आ तौ अजारयाह, अदायाह आ तौ मासेयाह नु जिक्री आ तौ एली-शाफात नु सल्‍ला पवा बाक्‍त।
2CH 23:2 मिनु यहूदा ङा सहरपुकी रे लेवीपुकी नु इस्राएल ङा खिं खिं ङा ठेयब मुर आन कली यरूसलेमम ग्रुम्‍पाइक्‍चा कली यहूदा नेल्‍लेमी लोव़ सोइश्‍शा, मेकोपुकी जाक्‍मा बाक्‍त।
2CH 23:3 मिनु मेकेर जाक्‍ब खुम्‍सीशो नेल्‍लेमी परमप्रभु आ खिंम पिप आ तौ योआश नु कबल पामे बाक्‍त। मिनु येहो-यादाम मेको आन कली “परमप्रभु यावेमी दाऊद आ तौ चच आन पर्बम देंशो लोव़ खोदेंशो पा पिप आ तौ पिप दुम्‍चा माल्‍ब।
2CH 23:4 मुल गेपुकीम मार पचा माल्‍नीनी देंशा हना, नाइक्‍तीक नाक्‍ती गेय पाइब चढ़ेबपुकी नु लेवीपुकी भाग सांमी भाग का ठेयब लाप्‍चोमी बाक्‍कीन।
2CH 23:5 मिनु अर्को भाग का पिप आ दरवारम बाक्‍चा माल्‍नीम। अर्को भाग काम दरवार आ लाङगा ङा ठेयब लाप्‍चो खाल पने। मिनु अरु मुर नेल्‍ल परमप्रभु यावे आ लाङगाम बाक्‍चा माल्‍नीम।
2CH 23:6 चढ़ेबपुकी नु गेय पाइब लेवीपुकी ङा लाक्‍शा, अरु सुइ आन कली परमप्रभु यावे आ खिं ओव़चा मगेचा नम। मेकोपुकी ला ओव़ने चाप्‍नीम। मारदे हना मेकोपुकी परमप्रभु यावे आ ङोंइती ठीक सेल्‍शो बाक्‍नीम। मिनु अरु मुर नेल्‍लेम परमप्रभु यावे आ ब्रेक्‍शो अरेशो लोव़ टिशा पचा माल्‍नीम।
2CH 23:7 लेवीपुकी नेल्‍ले आन आन या शेशा, पिप आ एर ओंथ बाक्‍चा माल्‍नीम। सुइ परमप्रभु यावे आ खिं ओव़तेक्‍म हना, मेको कली साइक्‍चा माल्‍नीम। पिप ते लत हना यो, मेकोपुकी मेको नुन लचा माल्‍नीनी” दे माइक्‍मी बाक्‍त।
2CH 23:8 मिनु चढ़ेब येहो-यादाम देंशो खोदेंशो पा लेवीपुकी नु यहूदा ङा मुरपुकी नेल्‍लेमी पामे बाक्‍त। मेको नेल्‍लेम नाइक्‍तीक नाक्‍ती गेय पाइब आंम मुर आन कली नु गेय थुम्‍शा नाइश्‍शो आन कली चाक्‍गमे बाक्‍त। मारदे हना चढ़ेब यहोयादाम सुइ आन कली मप्रोंइशो बाक्‍माक्‍त।
2CH 23:9 मिनु चढ़ेब येहो-यादाम लडाइ पाइब आन कप्‍तान आन कली परमप्रभु आ खिंम बाक्‍शो दाऊद आ सेल्‍शो तूतीक नु आइक्‍च नु ठेयब तेक्‍तीकपुकी गेमी बाक्‍त।
2CH 23:10 मिनु मेकोमी मुर नेल्‍ल आन कली आन गुइ गुइमी या शेशा पिप कली खाल पचा कली वोइक्‍मी बाक्‍त। मेको आन कली दक्‍खिन रे उत्तर सम्‍म नु चढ़ेतीक आ एर ओंथ हिरशा खिं नेल्‍ल कली खाल पपाइश्‍शा वोइक्‍मी बाक्‍त।
2CH 23:11 मेको नोले येहो-यादाम पिप आ तौ कली लाङगा ग्रुंइदा बाक्‍त। मिनु मेको आ पियाम सिरपेच गुप्‍शा, पिप दुम्‍तीक कागज गेशा, यहोयादा नु आ तौपुकीम मेको कली पिप सेल्‍शा, तेल लुक्‍तमे बाक्‍त। मिनु मेकोपुकीम ठेयब सेंदा पा “पिप शुश ब्रोंइशा बाक्‍ल” दे ग्रीमा बाक्‍त।
2CH 23:12 मिनु अथाल्‍याहमी मुरपुकीमी आन पिप कली ठेयब सेल्‍शा शुश रेयके पशो नेना बाक्‍त। मिनु मेको परमप्रभु यावे आ खिं मुर आन बाक्‍तीकेम जाक्‍माक्‍त।
2CH 23:13 मिनु कोव़ङानु, पिप कली थाम आ नेक्‍था लाप्‍चोम राप्‍शा बाक्‍शो तवा बाक्‍त। मिनु कप्‍तानपुकी नु तुराही ताप्‍बपुकी पिप आ एर ओंथ बाक्‍शो बाक्‍मा बाक्‍त। मिनु मेको रागी ङा मुर नेल्‍ल पिप आ ङोंइती ग्‍येरशा, तुराही ताप्‍ना ताप्‍न बाक्‍शो बाक्‍मा बाक्‍त। मिनु कुम्‍सो पाइबपुकी ताप्‍तीक ताप्‍शा, मुर नेल्‍ल आन ङोंइती कुम्‍सो पना पन बाक्‍मा बाक्‍त। मिनु अथाल्‍याहमी आ वा खाक्‍शा, ठेयब सेंदा पा “गो नु रागी नेल्‍ल खतम! गो नु रागी नेल्‍ल खतम!” दे शुश गाइश्‍शा ग्रीमाक्‍त।
2CH 23:14 मिनु चढ़ेब येहो-यादाम लडाइ पाइब आन कप्‍तान आन कली “मेको कली मुर आन दाते रे ग्रुंइदीन। मेको आ नोले खोइक्‍ब नेल्‍ल आन कली तरवारम क्‍योरशा सतीन। मेको आन कली परमप्रभु यावे आ खिं आगाम मसतीन” दे अरेमी बाक्‍त।
2CH 23:15 मिनु मेकोपुकीम मेको कली ग्‍याइक्‍तमे बाक्‍त। मिनु पिप आ दरवार ङा शारा लाप्‍चोम लाइश्‍शा, सदमे बाक्‍त।
2CH 23:16 मेको नोले येहो-यादामी, मुर नेल्‍ल नु पिप कली परमप्रभु यावे आ मुर दुम्‍चा माल्‍ब, दे कबल पवा बाक्‍त। २इतिहास १५:१२
2CH 23:17 मिनु मुरपुकी नेल्‍ल बाल देवता आ खिं ओव़शा, प्रेत्‍मे बाक्‍त। मेको कली चढ़ेतीक नु आ मूर्ति नेल्‍ल फस पोक्‍गमे बाक्‍त। मिनु बाल कली चढ़ेब मत्तान कली चढ़ेतीक आन ङोंइती सदमे बाक्‍त।
2CH 23:18 मिनु येहो-यादामी “दाऊदमी देंशो खोदेंशो पा परमप्रभु यावे आ खिं कोव़चा कली लेवी आ थर ङा चढ़ेब आन कली जिम्‍मा गेमी बाक्‍त। ङोंइती दाऊदम मोसामी ब्रेक्‍शो परमप्रभु यावे आ अरेशो लोव़ खोदेंशो पा कुम्‍सो पन पन ग्‍येरना ग्‍येरन परमप्रभु यावे कली चोशा चढ़ेतीक चढ़ेचा माल्‍नीम” दे अरेशो बाक्‍माक्‍त। २इतिहास ७:६; २इतिहास २९:१५-३०
2CH 23:19 येहो-यादाम मारेइ पा ग्रांग्रा दिशो दुम्‍शो मुर आन कली ओव़चा मगेचा कली परमप्रभु यावे आ खिं ङा लाप्‍चोम खाल पाइबपुकी वोइक्‍पदा बाक्‍त।
2CH 23:20 मिनु मेकोमी कप्‍तानपुकी, ठेयब मुरपुकी, मुर आन कली हुकुम पाइबपुकी नु रागी ङा मुर नेल्‍ल आन कली लाइश्‍शा, पिप कली परमप्रभु यावे आ खिं रे पा आइक्‍था ङा लाप्‍चो रे ओव़शा, पिप आ दरवारम चाक्‍गा बाक्‍त। मिनु पिप कली पिप आ ठेयब नित्‍तीकेम निप्‍पदा बाक्‍त।
2CH 23:21 मिनु रागी ङा मुर नेल्‍ल ग्‍येरसमा बाक्‍त। मिनु अथाल्‍याह तरवारम क्‍योरशा साइक्‍चा पुंइसे नोले सहरमी थुं नाइश्‍शा बाक्‍तीक दुम्‍माक्‍त।
2CH 24:1 योआश पिप दुम्‍मेनु, ७ बर्स दुम्‍शो बाक्‍माक्‍त। मेकोमी यरूसलेमम ४० बर्स सासन पवा बाक्‍त। मेको आ ममा आ नें बेयर-शेबा ङा सिबी‍याह बाक्‍माक्‍त।
2CH 24:2 मिनु योआशम चढ़ेब येहो-यादा ब्रोंइम सम्‍म परमप्रभु यावे आ ङोंइती मार ठीक बाक्‍मे, मेको पवा बाक्‍त।
2CH 24:3 येहो-यादामी मेको कली मीश निक्‍शी योव़ङा बाक्‍त। मिनु मेको तमी तौ आन आफ दुम्‍माक्‍त।
2CH 24:4 मेको आ इच्‍का नोले योआशम परमप्रभु यावे आ खिं लेंशा ठीक सेल्‍चा थुं पवा बाक्‍त।
2CH 24:5 मिनु मेकोमी चढ़ेब नु लेवी आन कली ब्रेश्‍शा “यहूदा ङा सहरपुकीम लशा, इस्राएली नेल्‍ल आन रे परमप्रभु आ खिं लेंशा ठीक सेल्‍चा कली मेको आन बर्स बर्सम गेतीक क्‍येट पोक्‍कीन। एको गेय रीब पा पने” देंमाक्‍त। तन्‍न लेवीपुकीम मेको गेय रीब पा मपामे बाक्‍त।
2CH 24:6 मोपतीके पिपम ठेयब चढ़ेब येहो-यादा कली ब्रेश्‍शा “परमप्रभु यावे आ गेय पाइब मोसामी गोरशो रागीमी मुर आन कली ‘परमप्रभु यावेमी लोव़ पतीक ताम्‍बु कली क्‍येट गेचा माल्‍नीम’ देंशो बाक्‍ब। मारदे गे लेवीपुकी, यहूदा नु यरूसलेम ङा मुर रे पोक्‍चा माल्‍शो क्‍येट रीब पा मचाक्‍नीनी?” दे हिल्‍लो पवा बाक्‍त।
2CH 24:7 ङोंइती मेको काइ परमप्रभु कली मटीब मीश मुर अथाल्‍याह नु आ नोले खोइबपुकीम परमप्रभु आ खिं ओव़शा, मेकेर ङा परमप्रभु यावे आ थोव़क नेल्‍ल बाल देवता आ पूजा पतीकेम चलेशो बाक्‍मा बाक्‍त। २इतिहास २२:३-४
2CH 24:8 मिनु पिपम मेको आन कली सन्‍दोस का सेल्‍पाइश्‍शा “परमप्रभु यावे आ खिं ङा ठेयब लाप्‍चो आ लाङगाम वोतीन” दे अरेमी बाक्‍त।
2CH 24:9 मिनु मेकोपुकीम यहूदा नु यरूसलेम ङा मुर नेल्‍ल आन कली “परमप्रभु आ गेय पाइब मोसाम गोरशो रागीम इस्राएली आन कली देंशो थाप्‍चा माल्‍शो क्‍येट मुरपुकीम परमप्रभु यावे आ खिंम चाक्‍चा माल्‍नीम” देंशा नेंपदमे बाक्‍त।
2CH 24:10 मिनु ठेयब मुरपुकी नु मुर नेल्‍लेमी ग्‍येरशा, आन गेचा माल्‍शो क्‍येट चाक्‍शा, मेको सन्‍दोस मब्रीम सम्‍म मेकेर कुर पामे बाक्‍त।
2CH 24:11 मिनु लेवीपुकीम पिप आ सरकार ङा गेय पाइब आन बाक्‍तीकेम सन्‍दोस चाक्‍गमेनु, मेकोपुकीम दोशो क्‍येट बाक्‍मे, मेको कोव़बाक्‍मा बाक्‍त। मिनु पिप आ ब्रेक्‍ब मुरुम मेको ब्रेक्‍शा, ठेयब चढ़ेब आ गेय पाइबपुकीम मेको सन्‍दोस श्‍येत्‍थ सेल्‍शा, लेंशा आ बाक्‍तीकेम लाइश्‍शा वोइक्‍बाक्‍मा बाक्‍त। मेकोपुकीम नाक्‍त किंत किंत मो पा शुश क्‍येट खुप्‍तमे बाक्‍त।
2CH 24:12 मिनु पिप नु येहो-यादाम मेको क्‍येट परमप्रभु यावे आ खिं ङा गेय पाइब आन कली कोव़ब मुर कली गेमी बाक्‍त। मेकोपुकीम चहिं गारो प्रोक्‍ब मुर, शी के गेय पाइब नु फलाम नु कांसा के गेय पाइब आन कली ब्रेश्‍शा, गाल्‍च गेशा, लेंशा परमप्रभु यावे आ खिं सेल्‍पदमे बाक्‍त।
2CH 24:13 मिनु मेको गेय पाइबपुकीमी शुश गेय पा लेंशा ठीक पतीके गेय रिम्‍शो दुम्‍ना दुम्‍न लमाक्‍त। मेकोपुकीम परमप्रभु आ खिं ङोंइती ङा खोदेंशो पा ठीक नु बोल्‍यो सेल्‍मे बाक्‍त।
2CH 24:14 मिनु मेकोपुकीम गेय थुम्‍मे नोले मेको लीशो क्‍येट पिप नु येहो-यादा आस कली लेश्‍शा गेमे बाक्‍त। मिनु मेको क्‍येटीम परमप्रभु यावे आ खिं कली ग्‍योंबपुकी सेल्‍मे बाक्‍त। गेय पचा कली, चोशा चढ़ेचा कली माल्‍तीक थोव़कपुकी नु सुन नु चांदी के डाडुपुकी नु ग्‍योंबपुकी सेल्‍मे बाक्‍त। यहोयादा बाक्‍म सम्‍म परमप्रभु यावे आ खिंम नाक्‍त किंत किंत चोशा चढ़ेतीक चढ़ेमे बाक्‍त।
2CH 24:15 मिनु येहो-यादा शुश ब्रोंइशा खूशो दुम्‍शा, सहे का ३० बर्स दुम्‍मेनु, बेक्‍माक्‍त। १इतिहास २९:२८
2CH 24:16 मिनु मुरपुकीम मेको कली दाऊद आ सहरम पिप आन कली थिम्‍तीकेमी थिम्‍मे बाक्‍त। मारदे हना मेकोमी इस्राएलमी रिम्‍शो पवा बाक्‍त। परमप्रभु नु आ खिं कली यो थम रिम्‍शो पवा बाक्‍त।
2CH 24:17 मिनु येहो-यादा बेक्‍म नोले यहूदा ङा सरकार आ गेय पाइब पिप योआश कली ग्रुम्‍थ जाक्‍शा, मेको कली सेउ पामे बाक्‍त। मिनु पिपम मेको आन लोव़ नेना बाक्‍त।
2CH 24:18 मिनु मेकोपुकीम परमप्रभु यावे, आन किकी पिपी आन परमप्रभु आ खिं प्रोंइशा, अशेराह आ मूर्ति पाइश्‍शो थाम नु अरु मूर्ति आन कली पूजा पामे बाक्‍त। मोपतीके परमप्रभु यावे यहूदा नु यरूसलेम ङा मुर आन पाप आ पर्बम गाइक्‍ता बाक्‍त।
2CH 24:19 मो हना यो परमप्रभु यावेम मेको आन कली आ गे लेप्‍पाइक्‍चा कली आ लोव़ पाइबपुकी सोइक्‍तीमी बाक्‍त। मिनु मेकोपुकीम मेको आन मरिम्‍शो पशो कोंइदमे बाक्‍त। तन्‍न मुरपुकीम मेको आन लोव़ मनेन्‍मे बाक्‍त।
2CH 24:20 मिनु परमप्रभु आ सोक्‍तीम चढ़ेब येहो-यादा आ तौ जकरिया कली सुमा बाक्‍त। मिनु मेको मुर आन ङोंइती राप्‍शा मेको आन कली “परमप्रभुमी मार देंशो बाक्‍त, देंशा हना, ‘गे मारदे परमप्रभु यावे आ शेंशो मपाइनीनी? मोपतीके गे गेना हना यो श्‍येत जशा, रिम्‍शो मदुम्‍नीनी। गेपुकीम परमप्रभु यावे कली प्रोंइतीके, मेकोमी यो इन कली प्रोंइशो बाक्‍ब’ देंशो बाक्‍ब” देंमाक्‍त। मत्ती २३:३५; हिब्रू ११:३७
2CH 24:21 तन्‍न मेकोपुकीम जकरिया आ पर्बम गारशा, पिप आ हुकुम पतीकेमी जकरिया कली परमप्रभु यावे आ खिं ङा लाङगाम फुल्‍लु आप्‍शा सदमे बाक्‍त।
2CH 24:22 पिप योआशम जकरिया आ आफ येहो-यादाम आ कली रिम्‍शो पशो नेल्‍ल प्रेंदा बाक्‍त। मिनु मेको आ तौ कली सदा बाक्‍त। मिनु आ बेक्‍ची ना जकरियामी “परमप्रभु यावेम एको तशा, क्‍येक्‍क लेत्‍तल” देंमाक्‍त। २इतिहास २३:-
2CH 24:23 मिनु मेको बर्स नुप्‍ची ना अराम रागी ङा लडाइ पाइबपुकी योआश नु लडाइ पथ जाक्‍मा बाक्‍त। मिनु मेकोपुकीम यहूदा नु यरूसलेम जाक्‍शा, मेकेर ङा मुर आन दाते ङा सरकार ङा गेय पाइब नु ठेयब मुर नेल्‍ले आन कली सदमे बाक्‍त। मिनु आन रोइश्‍शो मारेइ मारेइ दमस्‍कस ङा पिप कली सोइक्‍तमे बाक्‍त। २राजा १२:१८-२२
2CH 24:24 अराम ङा लडाइ पाइब इच्‍का ला बाक्‍‍तेक्‍म हना यो, परमप्रभु यावेमी इस्राएल ङा शुश लडाइ पाइब आन कली मेको आन गुइमी गेमी बाक्‍त। मारदे हना यहूदा ङा मुरपुकीम परमप्रभु यावे, आन किकी पिपी आन परमप्रभु कली प्रोंइशो बाक्‍मा बाक्‍त। मोदेंशो पा योआशमी निसाफ नु सजाइ तवा बाक्‍त।
2CH 24:25 मिनु अराम रागी ङा लडाइ पाइबपुकीमी पिप कली शुश गार सेल्‍शा, गाक्‍मा नोले, पिप आ ठेयब गेय पाइबपुकीमी गारशा, चढ़ेब येहो-यादा आ तौ कली साइश्‍शो आ क्‍येक्‍क लेत्‍चा कली पिप आ ब्राख्‍येम बाक्‍मेनु, सदमे बाक्‍त। मोपा मेको बेक्‍माक्‍त। मिनु मुरपुकीम मेको कली दाऊद आ सहरमी थिम्‍मे बाक्‍त। तन्‍न पिप आन कली थिम्‍तीकेम मथिम्‍मे बाक्‍त। २इतिहास २१:२०
2CH 24:26 मेको कली साइक्‍ब अम्‍मोनी मीश मुर शिमेआथ आ तौ जाबाद नु मोआबी मीश मुर शिम्रीथ आ तौ येहो-जाबाद बाक्‍सा बाक्‍त।
2CH 24:27 योआश आ चच युइ आन पर्बम ब्रेक्‍शो लोव़, मेको आ थाप्‍चा माल्‍शो क्‍येट आ पर्बम लोव़ नु दोपा मेकोमी लेंशा परमप्रभु आ खिं सेला, मेको नेल्‍ल पिप आन किताबम ब्रेक्‍शो बाक्‍ब। मिनु मेको आ पा ङा आ तौ अमस्‍याह पिप दुम्‍माक्‍त।
2CH 25:1 अमस्‍याह पिप दुम्‍मेनु, २५ बर्स दुम्‍शो बाक्‍माक्‍त। मेकोमी यरूसलेममी २९ बर्स सासन पवा बाक्‍त। मेको आ ममा आ नें येहो-अदान बाक्‍माक्‍त। मेको यरूसलेम ङा बाक्‍माक्‍त।
2CH 25:2 मेकोमी परमप्रभु यावे आ ङोंइती मार ठीक बाक्‍मे, मेको पवा बाक्‍त। तन्‍न आ थुं नेल्‍लेम ममाइ।
2CH 25:3 मेकोमी आ राज्‍य ङा सासन बोल्‍यो दुम नोले, आ आफ कली साइक्‍ब, आ गेय पाइब आस कली सांइ‍सी बाक्‍त। २इतिहास २४:२५
2CH 25:4 तन्‍न मेको आस आल आन कली मसदा बाक्‍त। मारदे हना मोसा आ किताबम ब्रेक्‍शो परमप्रभु यावे आ अरेशो “आम आफ आन तमी तौ आन पर्बम नु तमी तौ आन आम आफ आन पर्बम साइक्‍चा मदुम्‍ब। सुम पाप पाइबा, मेको साइक्‍चा पुंइसीब” देंशो परमप्रभु यावे आ लोव़ टिवा बाक्‍त। ब्‍यवस्‍था २४:१६
2CH 25:5 मिनु अमस्‍याहम यहूदा नु बेन्‍यामीन ङा मुर नेल्‍ल आन कली ग्रुम्‍पाइश्‍शा, आन खिं खिं ङा मुर हजार हजार आन कली कप्‍तान का का नु सहे सहे ङा आन कली कप्‍तान का का वोइक्‍पदा बाक्‍त। मेकोमी २० बर्स गाप्‍शो नु मेको क्‍येङा लाक्‍शो मुर नेल्‍ल आन कली पुक्‍मी बाक्‍त। मेको आन कली हिक्‍शोनु, लाख सां बाक्‍मा बाक्‍त। मेको नेल्‍ल लडाइ पने चाप्‍ब बाक्‍मा बाक्‍त। तूतीक नु तेक्‍तीक चलेने चाप्‍ब बाक्‍मा बाक्‍त।
2CH 25:6 मेकोमी इस्राएल रे लाख का बोल्‍यो लडाइ पाइब आन कली ब्रेश्‍शा, सहे का टलेन्‍ट चांदी गेवा बाक्‍त। टलेन्‍ट का ३४ किलो बाक्‍ब।
2CH 25:7 तन्‍न परमप्रभु आ मुर का मेको आन बाक्‍तीक जाक्‍शा “आं पिप, इस्राएल ङा लडाइ पाइब आन कली गे नु मलाइक्‍मी। मारदे हना परमप्रभु यावे इस्राएलीपुकी नु एफ्राइम आ थर ङा मुर नेल्‍ल नु मबाक्‍ब।
2CH 25:8 गे मोपा बोल्‍यो दुम्‍शा बाक्‍शो मिम्‍तीनी नु इस्राएल ङा लडाइ पाइब लाइक्‍तीनी हना, परमप्रभुम इन कली इन जोरी सत्रु आन ङोंइती ब्रुपाइक्‍ब। मारदे हना ग्रापाइक्‍तीक नु ब्रुपाइक्‍तीक सक्ति परमप्रभु आ गुइम बाक्‍ब” देंमाक्‍त।
2CH 25:9 मिनु अमस्‍याहम परमप्रभु आ मुर कली “इस्राएली लडाइ पाइब आन पर्बम गेशो मेको सहे का टलेन्‍ट चांदी आ पर्बम गो मार पाइनुङा?” दे हिल्‍लो पवा बाक्‍त। मिनु परमप्रभु आ मुरुम “परमप्रभु यावेम इन कली मेको क्‍येङा यो शुश गेने चाप्‍ब” देंमाक्‍त।
2CH 25:10 मोपतीके पिप अमस्‍याहम एफ्राइम रे जाक्‍शो लडाइ पाइब आन कली आन खिं लेश्‍शा सोइक्‍तीमी बाक्‍त। मिनु मेकोपुकी यहूदा नु शुश गाइक्‍तमे बाक्‍त। मिनु थाम्‍पा चुरशा, आन खिं लेश्‍शा लमा बाक्‍मा बाक्‍त।
2CH 25:11 मिनु अमस्‍याहम बोल पा महिंथु थुं बारपाइश्‍शा, आ लडाइ पाइब आन कली हिक्‍सी दिंमम लाइक्‍मी बाक्‍त। मिनु मेकेर सेइर ङा १० हजार मुर आन कली साइक्‍मी बाक्‍त।
2CH 25:12 मिनु यहूदा ङा लडाइ पाइबपुकीम अर्को १० हजार मुर आन कली सेसीन ग्‍याइश्‍‍शा, मेको आन कली ठेयब सेरथे फुल्‍लु तार लाइश्‍शा, नेप्‍शा ख्रीङमे बाक्‍त। ख्रीशो नेल्‍ले चोकटा लाम्‍टा दुम्‍शा बेक्‍मा बाक्‍त।
2CH 25:13 मेना अमस्‍याहम लडाइम मलाइक्‍थु, खिं लेश्‍शा सोइश्‍शो लडाइ पाइबपुकीम यहूदा ङा सहरपुकी सामरीया रे बेथ-होरोन सम्‍म मारेइ मारेइ रोइक्‍तमे बाक्‍त। मेकोपुकीम मेकेर हजार सां मुर आन कली सदमे बाक्‍त। मिनु शुश मार मार रोइश्‍शा लदमे बाक्‍त।
2CH 25:14 मिनु अमस्‍याहम एदोमी आन कली ग्राशा लेम्‍मेनु, सेइर ङा मुर आन देवतापुकी चाक्‍शा आ देवता सेला बाक्‍त। मिनु मेकोमी मेको देवता आन कली पूजा पा मेको आन कली चढ़ेवा बाक्‍त।
2CH 25:15 मोपतीके परमप्रभु यावे अमस्‍याह नु गाइश्‍शा, आ लोव़ पाइब का सोइक्‍ता बाक्‍त। मिनु मेकोमी “गे मारदे आ मुर आन कली लायो इ गुइ रे प्रोंइने मचाप्‍ब देवता आन नोले खोदी?” दे हिल्‍लो पवा बाक्‍त।
2CH 25:16 मिनु मेकोमी लोव़ पना पन, पिपमी “मार गोपुकीम इन कली पिप कली अर्ती गेब सेल्‍शो नकी ङा? ब्‍वाले पावो। मारदे साइक्‍चा पुंइसीनेवे?” दे मदा बाक्‍त। मिनु मेको परमप्रभु यावे आ लोव़ पाइबम सिक्‍सी पचा क्‍येङा ङोंइती “गेम ओं पाइतीनी, आं लोव़ मनेंतीके परमप्रभुमी इन कली थमा पा खतम पोक्‍चा थुं पवा बाक्‍त। गो तुइक्‍नुङ” देंमाक्‍त।
2CH 25:17 मेको नोले यहूदा ङा पिप अमस्‍याहम आ अर्ती गेबपुकी नु सल्‍ला पा इस्राएल ङा पिप येहू आ चच येहो-अहाज आ तौ योआश कली “जाक्‍को। गे नु गो लडाइ पस” दे मदा बाक्‍त।
2CH 25:18 तन्‍न इस्राएल ङा पिप योआशमी यहूदा ङा पिप अमस्‍याह कली कथा का देंमाक्‍त। मार कथा देंमाक्‍त देंशा हना “लेबानोन ङा चू बुटा कामी लेबानोन ङा लाइश्‍शो रवा का कली ‘इ तमी आं तौ नु ग्‍युंबे पचा गेवो’ देंमाक्‍त। तन्‍न लेबानोन ङा ब्‍वाकी ङा जन्‍तु का मेको रे पा पिमेनु, मेको चू बुटा कली दिम्‍शा लाक्‍गा बाक्‍त। न्‍यायाधीस ९:१४
2CH 25:19 गे एदोम कली ग्राती, दे बोरशा ठेयब मले‍‍तो। गे इ खिं उइ बाक्‍को। गे मारदे आंम कली नु यहूदा कली खतम पोक्‍चा माल्‍नेवे?” दे लोव़ लेत्‍ता बाक्‍त।
2CH 25:20 तन्‍न अमस्‍याहम मेको लोव़ मनेना बाक्‍त। मोपतीके परमप्रभुमी मेको कली मुर आन गुइमी गेवा बाक्‍त। मारदे हना मेकोपुकीम एदोम ङा देवता आन कली खोइश्‍शो बाक्‍मा बाक्‍त।
2CH 25:21 मिनु इस्राएल ङा पिप योआश ङोंइती लमाक्‍त। मिनु मेको नु यहूदा ङा पिप अमस्‍याह यहूदा ङा बेथ-शेमेशम लडाइ पाम्‍से बाक्‍त।
2CH 25:22 मिनु यहूदा ङा मुरपुकी इस्राएली आन क्‍येङा ब्रुमा बाक्‍त। मिनु मेको नेल्‍ल आन खिं प्रोक्‍मा बाक्‍त।
2CH 25:23 मिनु इस्राएल ङा पिप योआशमी योआश आ तौ, अहाज्‍याह आ चच, यहूदा ङा पिप अमस्‍याह कली बेथ-शेमेशम ग्‍याइश्‍शा यरूसलेमम चाक्‍गा बाक्‍त। मिनु मेकोमी एफ्राइम ङा ठेयब लाप्‍चो रे सुर ङा ठेयब लाप्‍चो सम्‍म ङा ४ सहे कुबीत लाइश्‍शो गारो प्रेदा बाक्‍त। कुबीत का ०.५ मिटर बाक्‍ब।
2CH 25:24 मेकोमी ओबेद-एदोम आ खाल पशो परमप्रभु आ खिंम बाक्‍शो सुन चांदी, ग्‍योंबपुकी नु पिप आ खिंम बाक्‍शो सुन चांदी शुश क्‍येट लाइब थोव़कपुकी नु मुर आन कली ग्‍याइश्‍शा लाइश्‍शा, सामरीया लेम्‍माक्‍त। पिप आ मुर आन कली यो ग्‍याइश्‍शा लाइश्‍शा, सामरीया लेम्‍माक्‍त। इतिहास २६:१३,१५
2CH 25:25 इस्राएल ङा पिप येहो-अहाज आ तौ योआश क्‍येङा यहूदा ङा पिप योआश आ तौ अमस्‍याह १५ बर्स शुश ब्रोंइमाक्‍त।
2CH 25:26 अमस्‍याह आ पशो, आ ङोंइती रे नोले सम्‍म नेल्‍ल यहूदा नु इस्राएल ङा पिप आन इतिहासम ब्रेक्‍शो बाक्‍ब।
2CH 25:27 मेको अमस्‍याह परमप्रभु यावे रे ङोन दुम नाक्‍त रे यरूसलेमम मेको कली साइक्‍चा, दे सल्‍ला पा गारशो बाक्‍मा बाक्‍त। मेको प्रोक्‍शा ब्रोंइचा कली लाकीशम लमाक्‍त। तन्‍न मेकोपुकीम लाकीशम आ नोनोले खेदा पाइब मुर सोइश्‍शा, मेको कली मेक उइ साइक्‍पदमे बाक्‍त। २इतिहास २४:२५
2CH 25:28 मेको नोले मेको आ बेक्‍शो रां शाराम कुर पा, यरूसलेम चाक्‍गमे बाक्‍त। मिनु मुरपुकीमी मेको कली आ किकी पिपी आन कली थिम्‍तीके दाऊद आ सहरम थिम्‍मे बाक्‍त।
2CH 26:1 मिनु यहूदा ङा मुरपुकी नेल्‍लेम १६ बर्स दुम्‍शो अमस्‍याह आ तौ उज्‍जीयाह कली मेको आ आफ आ पा ङा पिप सेल्‍मे बाक्‍त।
2CH 26:2 मिनु अमस्‍याह बेक्‍म नोले उज्‍जीयाहमी एलोथ सहर लेंशा ताक्‍शा, यहूदा कली लेश्‍शा गेशा, रिम्‍शो सेला बाक्‍त।
2CH 26:3 उज्‍जीयाह पिप दुम्‍मेनु, मेको १६ बर्स दुम्‍शो बाक्‍माक्‍त। मेकोमी यरूसलेमम ५२ बर्स सासन पवा बाक्‍त। मेको आ ममा आ नें येकोल्‍याह बाक्‍माक्‍त। मेको यरूसलेम ङा बाक्‍माक्‍त।
2CH 26:4 मेकोमी आ आफ अमस्‍याह खोदेंशो पा परमप्रभु यावे आ ङोंइती मार ठीक बाक्‍मे, मेको पवा बाक्‍त। २इतिहास २५:२
2CH 26:5 मेना जकरिया पिप कली परमप्रभु यावे कली मान पा हिंचा आ पर्बम शेंब बाक्‍माक्‍त। मिनु पिपमी जकरिया आ पालाम परमप्रभु यावे आ नोले खोइक्‍ना खोइक्‍न बाक्‍माक्‍त। मोपा खोदा सम्‍म परमप्रभुम अमस्‍याह आ पशो नेल्‍ल रिम्‍शो दुम्‍पदा बाक्‍त।
2CH 26:6 मिनु मेको पलिस्‍ती नु लडाइ पचा कली लडाइ पतीकेम लमाक्‍त। मिनु मेकोमी गाथ, याब्‍नेह नु अश्‍दोद कली ग्राशा, गारो प्रेश्‍शा गेवा बाक्‍त। मिनु मेकोमी अश्‍दोद नु आ नेक्‍था पलिस्‍ती रागी आन दातेम अरु सहरपुकी सेला बाक्‍त।
2CH 26:7 परमप्रभुमी मेको कली पलिस्‍ती, गुर-बालम बाक्‍ब अराबीपुकी नु मेउनीपुकी नु लडाइ दुम्‍‍तीकेम वारच पदा बाक्‍त।
2CH 26:8 मिनु अम्‍मोनीपुकीमी उज्‍जीयाह कली आन गेचा माल्‍शो मार मार गेमे बाक्‍त। मिनु मेको आ सोशो बोशो लोव़ इजीप्‍त आ नेक्‍था सम्‍म जाक्‍दीम्‍माक्‍त। मारदे हना मेको शुश सक्ति पाइश्‍शो दुम्‍शो बाक्‍माक्‍त।
2CH 26:9 मेकोमी यरूसलेमम गारो ङा सुर ङा ठेयब लाप्‍चो, बेंसी ङा ठेयब लाप्‍चो नु गारो आ सुर हिरतीकेमी यो लाइश्‍शो खिंपुकी सेला बाक्‍त। मिनु मेको कली बोल्‍यो सेला बाक्‍त।
2CH 26:10 मेकोमी गोरशो रागीम अरु लाइश्‍शो खिंपुकी सेला बाक्‍त। मिनु मेकोमी शुश इनारपुकी दोपाइक्‍मी बाक्‍त। मारदे हना मेको के शेफेलाह नु दिंममी शुश बी ब्‍यफ बाक्‍मा बाक्‍त। मिनु मेको के पहाडम नु रिम्‍शो खप ङा दिंमम रू दोइब नु अङगुर रू कोव़ब मुरपुकी बाक्‍मा बाक्‍त। मारदे हना मेको खेतीपाती पचा दाक्‍ब मुर बाक्‍माक्‍त।
2CH 26:11 मेको प्रोंइशा, उज्‍जीयाह के बोल्‍यो लडाइ पाइब शुश बाक्‍मा बाक्‍त। मेकोपुकी गेना हना यो लडाइ पचा कली ठीक दुम्‍शा बाक्‍बाक्‍मा बाक्‍त। मिनु मेको लडाइ पाइब आन ब्रेक्‍ब यिएल नु पुक्‍ब मासेयाहम मेको आन कली हुल हुल सेल्‍शा, पिप आ कप्‍तान हनान्‍याहम देंशो खोदेंशो पा पाम्‍से बाक्‍त।
2CH 26:12 खिं खिं ङा बोल्‍यो सक्ति पाइश्‍शो लडाइ पाइब हजार निक्‍शी ६ सहे बाक्‍मा बाक्‍त।
2CH 26:13 मेको ठेयब मुर आन हुकुममी पिप कली आ जोरी सत्रु रे वारच पाइक्‍चा कली लाख सां ७ हजार ५ सहे बोल्‍यो लडाइ पाइब आन हुल का यो बाक्‍माक्‍त।
2CH 26:14 मिनु उज्‍जीयाहमी लडाइ पाइब नेल्‍ल आन कली तेक्‍तीके, तूतीक, फलाम के टोपी, कुचुम पांइतीके, लिब्रा नु हुरद आप्‍तीक फुल्‍लु ठीक पा गेवा बाक्‍त।
2CH 26:15 मेकोमी यरूसलेम ङा गारो ङा लाइश्‍शो खिं तारी नु सुरपुकीम जोक्‍ब मुर आन सेल्‍शो ब्रा आप्‍तीक नु ठेयब फुल्‍लु आप्‍तीक वोइक्‍पदा बाक्‍त। आ ठेयब दुम्‍तीके तेइ तेइ ब्रशो बाक्‍माक्‍त। मेको सक्ति पाइश्‍शो दुम्‍माक्‍त। मारदे हना परमप्रभुमी मेको कली छक लाक्‍चा ङा पा वारच पवा बाक्‍त। मेको आ पर्बम शुश लोव़ ब्रशो बाक्‍माक्‍त।
2CH 26:16 मोपा मेको सक्ति पाइश्‍शो दुम्‍‍तीके ठेयब लेश्‍शा, खतम दुम्‍माक्‍त। मेकोमी परमप्रभु यावे, आ परमप्रभु कली मटिथु, धूप चोतीकेम धूप चोचा कली परमप्रभु यावे आ खिं ओव़माक्‍त। २इतिहास २५:१९
2CH 26:17 तन्‍न चढ़ेब अजारयाह नु अरु परमप्रभु यावे कली चढ़ेब बोल्‍यो नु महिंब ८० जना मुरुमी मेको आ नोले खोदमे बाक्‍त।
2CH 26:18 मिनु पिप उज्‍जीयाह कली तेक्‍चा, दे “पिप उज्‍जीयाह परमप्रभु यावे कली धूप चोतीक गेय इन के ममाइ। एको गेय पचा कली जिम्‍मा गेशो हारून आ चच युइ चढ़ेब आन के बाक्‍ब। परमप्रभु यावे आ बाक्‍तीक रे ग्रूङीन। मारदे हना गे दूली पाइतीनी। मिनु मुल परमप्रभु यावेमी इन कली मारेइ मान मगेपाइक्‍ब” दे मदमे बाक्‍त। गन्‍ती १८:७; प्रस्‍थान ३०:७
2CH 26:19 मिनु गुइम थनौरो शेशा धूप चोचा कली ठीक दुम्‍शो पिप गाइक्‍ता बाक्‍त। मिनु मेको चढ़ेबपुकी नु गाइक्‍ना गाइक्‍नन आ कुप्‍फीम कोव़र ग्रूमाक्‍त। मेको नेल्‍ल चढ़ेब आन ङोंइती, परमप्रभु यावे आ खिं आगाम नु धूप चढ़ेतीक आ ङोंइती दुम्‍माक्‍त।
2CH 26:20 मिनु ठेयब चढ़ेब अजारयाह नु अरु चढ़ेबपुकीम मेको कली कोव़ना कोव़न मेको आ कुप्‍फीम कोर ग्रूशो तशा, मेको कली रीब पा परमप्रभु यावे आ खिं रे लाङगा ग्रुंइदमे बाक्‍त। मेको आंमा यो रीब पा लाङगा ग्रूचा माल्‍शो बाक्‍माक्‍त। मारदे हना परमप्रभु यावेम मेको कली मेको रोइमी आप्‍शो बाक्‍माक्‍त।
2CH 26:21 मिनु पिप उज्‍जीयाह आ बेक्‍ची नाक्‍त सम्‍मन कोव़री दुम्‍शा बाक्‍माक्‍त। मेको कोव़री दुम्‍शा खिं काम आ कान बाक्‍चा माल्‍दा बाक्‍त। मेको परमप्रभु यावे आ खिं रे तिल्‍चा पुंइसे बाक्‍त। मिनु मेको आ तौ योथाममी दरवार कली कोव़शा, मुर आन कली सासन पचा गोवा बाक्‍त। गन्‍ती ५:२
2CH 26:22 उज्‍जीयाह आ पशो नेल्‍ल ङोंइती रे नोले सम्‍म ङा गेय नेल्‍ल आमोज आ तौ परमप्रभु यावे आ लोव़ पाइब यसैयाम ब्रेक्‍शो बाक्‍ब। यसैया ६:१; यसैया १:१
2CH 26:23 मिनु उज्‍जीयाह बेक्‍माक्‍‍त। मिनु मेकोपुकीमी आ किकी पिपी आन कली थिम्‍तीके आ नेक्‍था ङा रू काम थिम्‍मे बाक्‍त। मारदे हना मुरपुकीम “कोव़री का बाक्‍ब” देंमा बाक्‍त। मिनु मेको आ पा ङा आ तौ योथाम पिप दुम्‍माक्‍त।
2CH 27:1 योथाम पिप दुम्‍मेनु, २५ बर्स दुम्‍शो बाक्‍माक्‍त। मेकोमी यरूसलेमम १६ बर्स सासन पवा बाक्‍त। मेको आ ममा आ नें येरुशाह बाक्‍माक्‍त। मेको सादोक आ तमी बाक्‍माक्‍त।
2CH 27:2 मेकोमी आ आफ उज्‍जीयाह खोदेंशो पा परमप्रभु यावे आ ङोंइती मार ठीक बाक्‍मे, मेको पवा बाक्‍त। तन्‍न मेको आ आफ खोदेंशो पा परमप्रभु यावे आ खिं मओव़माक्‍त। मो हना यो मुर आन मरिम्‍शो गेय पस ङा पस बाक्‍मा बाक्‍त। २इतिहास २६:२६
2CH 27:3 मेकोमी परमप्रभु यावे आ खिं ङा आइक्‍था ङा लाप्‍चो लेंशा सेला बाक्‍त। मिनु मेकोमी ओफेल ङा गारोम शुश गेय पा बोल्‍यो पा सेला बाक्‍त।
2CH 27:4 मेकोमी यहूदा ङा पहाडमी यो सहरपुकी सेला बाक्‍त। मिनु ब्‍वाकी ङा डांडापुकीम बोल्‍यो दरवार नु लाइश्‍शो खिंपुकी सेला बाक्‍त। २इतिहास २६:१०
2CH 27:5 मिनु योथाममी अम्‍मोनी आन पिप नु लडाइ पा मेको आन कली ग्रामाक्‍त। मिनु मेको बर्स अम्‍मोनीपुकीम मेको कली सहे का टलेन्‍ट चांदी, १० हजार कोर चेरब नु १० हजार कोर क्‍योव़ज गेमे बाक्‍त। मिनु मेकोपुकीम आ नोले ङा बर्स नु मेको क्‍येङा नोले ङा बर्सम यो मोपान तिरो थाप्‍तमे बाक्‍त। टलेन्‍ट का ३४ किलो बाक्‍ब। कोर का २२० लिटर खोदेंशो बाक्‍ब।
2CH 27:6 मिनु योथामम परमप्रभु यावे, आ परमप्रभु आ ङोंइती रिम्‍शो गेय पतीके मेको थम सक्ति पाइश्‍शो दुम्‍माक्‍त।
2CH 27:7 योथामम मार मार पवा, मेको आ पशो लडाइ नेल्‍ले नु आ गाक्‍शो लां इस्राएल नु यहूदा ङा पिप आन इतिहासम ब्रेक्‍शो बाक्‍ब।
2CH 27:8 मेको पिप दुम्‍मेनु, २५ बर्स दुम्‍शो बाक्‍माक्‍त। मिनु मेकोमी यरूसलेमम १६ बर्स सासन पवा बाक्‍त।
2CH 27:9 मिनु योथाम बेक्‍माक्‍त। मिनु मुरपुकीमी मेको कली दाऊद आ सहरम थिम्‍मे बाक्‍त। मिनु आ नोले मेको आ तौ आहाज पिप दुम्‍माक्‍त।
2CH 28:1 आहाज पिप दुम्‍मेनु, २० बर्स दुम्‍शो बाक्‍माक्‍त। मेकोमी यरूसलेमम १६ बर्स सासन पवा बाक्‍त। मेकोमी आ किकी पिपी दाऊद खोदेंशो पा परमप्रभु यावे आ ङोंइती मार ठीक बाक्‍मे, मेको मपवा बाक्‍त।
2CH 28:2 मेको इस्राएल ङा पिप आन लांम गाक्‍माक्‍त। मिनु चेम्‍शा बाल देवता आ मूर्तिपुकी सेला बाक्‍त।
2CH 28:3 मिनु पिप आहाजम बेन-हिन्‍नोम आ बेंसीम धूप चढ़ेवा बाक्‍त। आहाजमी रागी रागी ङा मुर आन ग्रांग्रा दिशो गेय खोदेंशो पा, आ तौ आन कली मीम चोशा चढ़ेवा बाक्‍त। मोपतीके परमप्रभु यावेमी रागी रागी ङा मुर आन कली इस्राएली आन ङोंइती रे खेरशो बाक्‍माक्‍त। ब्‍यवस्‍था १८:९-१२
2CH 28:4 मेकोमी डांडा ङा थानपुकीम चढ़ेवा बाक्‍त। मिनु नेल्‍ल डांडाम नु ठेयब रवा आ पुंम चढ़ेतीक चढ़ेशा धूप चोवा बाक्‍त। १राजा १४:२२-२३
2CH 28:5 मोपतीके परमप्रभु यावे, आ परमप्रभुमी मेको कली अराम ङा पिप नु ब्रुपाइश्‍शा, मेको आ गुइमी गेवा बाक्‍त। मिनु मेकोमी पिप आहाज आ शुश मुर आन कली ग्‍याइश्‍शा, दमस्‍कसम लदा बाक्‍त। मेको इस्राएल ङा पिप नु यो ब्रुमाक्‍त। मिनु मेको पिपम शुश मुर आन कली सदा बाक्‍त।
2CH 28:6 रेमाल्‍याह आ तौ पेकाहमी काबुमीन यहूदा ङा लाख का २० हजार मुर आन कली साइक्‍मी बाक्‍त। मेको नेल्‍ल बोल्‍यो लडाइ पाइब बाक्‍मा बाक्‍त। मारदे हना यहूदा ङा मुरपुकीम परमप्रभु यावे, आन किकी पिपी आन परमप्रभु कली प्रोंइशो बाक्‍मा बाक्‍त।
2CH 28:7 एफ्राइम ङा जिक्री माइश्‍शो बोल्‍यो लडाइ पाइब मुर काम पिप आ तौ मासेयाह, पिप आ दरवार कोव़ब कप्‍तान अज्रीकाम नु पिप आ ठेयब ब्रेक्‍ब एल्‍काना आन कली साइक्‍मी बाक्‍त।
2CH 28:8 इस्राएलीपुकीमी लाख निक्‍शी आन थर थर ङा मुर ग्‍याइश्‍शा लदमे बाक्‍त। मेको मीश मुर, तमी नु तौ बाक्‍मा बाक्‍त। मिनु मेकोपुकीम शुश मार मार यो रोइश्‍शा, नेल्‍ल सामरीया लदमे बाक्‍त।
2CH 28:9 तन्‍न मेकेर ओदेद नें पाइश्‍शो परमप्रभु यावे आ लोव़ पाइब का बाक्‍माक्‍त। मिनु लडाइ पाइबपुकी सामरीया लेम्‍मानु, मेको आन कली ग्रुम्‍थ जाक्‍माक्‍त। मिनु मेकोमी मेको लडाइ पाइब आन कली “परमप्रभु यावे, इन किकी पिपी आन परमप्रभु यहूदा ङा मुरपुकी नु गाइक्‍तीके, मेकोमी मेको आन कली इन गुइमी गेप्‍तु। तन्‍न गेपुकीम इन गाइक्‍तीकेम मेको आन कली साइक्‍तीनी। मेको मो पशो इर स्‍वर्ग सम्‍म जाक्‍दीश्‍शो बाक्‍ब। लेवी १९:१८
2CH 28:10 मुल गे यहूदा नु यरूसलेम ङा मीश मुर, वोंइश मुर नेल्‍ल आन कली इन वाइलीम वाइल सेल्‍चा थुं पाइनीनी। गेपुकीम परमप्रभु यावे, इन परमप्रभु आ ङोंइती पाप ला पाइनीनी। अरु मार पाइनीनी?
2CH 28:11 मुल आं लोव़ नेनीन। इन ग्‍याइश्‍शो आंम मुर आन कली प्रोंइशा लेत्‍चा गेने। मारदे हना परमप्रभु यावे इन कली तशा शुश चुरशो बाक्‍ब” देंमाक्‍त।
2CH 28:12 मिनु लेंशा का निक्‍शी एफ्राइम ङा ठेयब मुर योहानान आ तौ अजारयाह, मेशील्‍लेमोथ आ तौ बेरेक्‍याह, शाल्‍लुम आ तौ येहीज्‍क्‍याह नु हादले आ तौ आमासाम लडाइ रे लेश्‍शा जाक्‍शो आन कली ग्रुम्‍शा,
2CH 28:13 मेको आन कली “गेपुकीम एको ग्‍याइश्‍शो आन कली एक चाक्‍चा मदुम्‍ब। गेपुकीम मार मिम्‍शो बाक्‍नी? मेको आ पर्बम गोपुकीम परमप्रभु यावे आ ङोंइती दोस ताइनीकी। मार, गेपुकीम इं मरिम्‍शो पशो नु इं पाप तेम्‍चा दाक्‍नीनी? मार, इं पाप ठेयब मबाक्‍बा ङा? परमप्रभु यावे इस्राएल आ पर्बम ङोंइती रे गाइक्‍ना गाइक्‍न बाक्‍ब” दे मदमे बाक्‍त।
2CH 28:14 मोपतीके लडाइ पाइबपुकीम ग्‍याइश्‍शोपुकी नु आन रोइश्‍शो मारेइ मारेइ मेको आन ठेयब मुर नु मेको देल्‍शा बाक्‍शो मुर आन ङोंइती प्रोन्‍मे बाक्‍त।
2CH 28:15 मिनु ठेयब मुरपुकीमी नें थिशा का निक्‍शी मुर आन कली ब्रेत्‍मे बाक्‍त। मेको ब्रेश्‍शो मुरपुकीम ग्‍याइश्‍शा चाक्‍शो शिश्रा मुर आन कली रोइश्‍शो वा फेक्‍पदमे बाक्‍त। जुत्ता मुइक्‍पदमे बाक्‍त। जचा नु तूचा गेशा, तेल ख्रेक्‍तमे बाक्‍त। मिनु थाम्‍पा दशो नु गाक्‍ने मचाप्‍ब मुर आन कली गधा ङोइक्‍पा, खजूर रवा आ सहर, यरीको आन खिं खिं सम्‍म चोक्‍ङमे बाक्‍त। मिनु मेकोपुकी सामरीया लेम्‍मा बाक्‍त। २राजा ६:२२; हितोपदेस २५:२१-२२
2CH 28:16 मेना पिप आहाजम अस्‍सुर ङा पिप कली “वारच पाइक्‍की” दे पुंइथ मुर सोइक्‍ता बाक्‍त।
2CH 28:17 मारदे हना एदोमीपुकीम लेंशा लडाइ पा यहूदा कली ग्राशा, मेकेर ङा मुर आन कली ग्‍याइश्‍शा लाइश्‍शो बाक्‍मा बाक्‍त।
2CH 28:18 पलिस्‍तीपुकीमी यो यहूदा ङा शेफेलाह नु नेगेब ङा सहरपुकी रोइक्‍तमे बाक्‍त। मिनु मेकोपुकीम बेथ-शेमेश, आइयालोन, गेदे-रोथ, सोको नु मेको आ गाउंपुकी, तिम्‍नाह नु मेको आ गाउंपुकी, गिम्‍जो नु मेको आ गाउंपुकी आंम के सेल्‍शा बाक्‍मा बाक्‍त। यहोसु १५:१०
2CH 28:19 यहूदा ङा पिप आहाजम पतीकेन परमप्रभु यावेम यहूदा कली थम आइक्‍च सेल्‍शो बाक्‍माक्‍त। मारदे हना पिप आहाजम थम मरिम्‍शो पा परमप्रभु यावे कली प्रोंइ‍शो बाक्‍माक्‍त।
2CH 28:20 मिनु अस्‍सुर ङा पिप ति‍ल्‍गथ-पिलेसेर मेको कली वारच पाइक्‍थ जाक्‍माक्‍त। तन्‍न मेकोमी मेको कली वारच पाइक्‍चा आ पा ङा श्‍येत कका गेवा बाक्‍त।
2CH 28:21 मिनु आहाजम परमप्रभु यावे आ खिं, पिप आ दरवार नु आ ठेयब मुर आन खिं रे मार मार लाइश्‍शा, अस्‍सुर ङा पिप कली “वारच पाइय्‍यीकी” दे गेवा बाक्‍त। तन्‍न मेको नेल्‍ल मोशा दुम्‍माक्‍त।
2CH 28:22 मोपा पिप आहाज दोशो श्‍येत जवा, मोशोन परमप्रभु यावे क्‍येङा ङोन दुम्‍माक्‍त।
2CH 28:23 मेकोमी आंम कली ब्रुपाइक्‍ब दमस्‍कस ङा देवता आन कली चढ़ेवा बाक्‍त। मारदे हना मेकोमी “अराम ङा पिप आ देवतापुकीम मेको आन कली वारच पाइक्‍तेक्‍म। गो यो मेको आन कली मार मार चढ़ेनुङ। मिनु आं कली यो वारच पाइय्‍यीमील” दे मिम्‍ता बाक्‍त। तन्‍न मेको देवतापुकी मेको कली नु इस्राएली नेल्‍ल आन कली खतम पोक्‍तीक दुम्‍माक्‍त।
2CH 28:24 मेको नोले आहाजमी परमप्रभु आ खिं ङा ग्‍योंबपुकी खुप्‍शा, ख्रोइश्‍शा बिग्रेवा बाक्‍त। मिनु परमप्रभु यावे आ खिं ङा लाप्‍चो चोक्‍गा बाक्‍त। मिनु मेकोमी यरूसलेमम तेइ तेइ थानपुकी सेला बाक्‍त।
2CH 28:25 मिनु यहूदा ङा सहर सहरमी डांडा ङा थानपुकी सेला बाक्‍त। अरु देवता आन कली मार मार चढ़ेवा बाक्‍त। मोपा मेकोमी परमप्रभु यावे, आंम किकी पिपी आन परमप्रभु कली थाम्‍पा गाइक्‍पदा बाक्‍त।
2CH 28:26 मिनु मेकोमी नोले सम्‍म मार मार पवा नु आ ङोंइती नु नोले ङा गाक्‍शो लां नेल्‍ल, यहूदा नु इस्राएल ङा पिप आन किताबम ब्रेक्‍शो बाक्‍ब।
2CH 28:27 मिनु आहाज बेक्‍मा‍क्‍त। मिनु मुरपुकीम मेको कली यरूसलेम सहरम थिम्‍मे बाक्‍त। तन्‍न मेकोपुकीम मेको कली इस्राएल ङा पिप आन कली थिम्‍तीकेम मथिम्‍मे बाक्‍त। मिनु मेको आ पा ङा आ तौ हिज्‍कीयाह पिप दुम्‍माक्‍त। २इतिहास २१:२०
2CH 29:1 हिज्‍कीयाह पिप दुम्‍मेनु २५ बर्स दुम्‍शो बाक्‍माक्‍त। मेकोमी यरूसलेमम २९ बर्स सासन पवा बाक्‍त। मेको आ ममा आ नें अबीयाह बाक्‍माक्‍त। मेको जकरिया आ तमी बाक्‍माक्‍त।
2CH 29:2 मेकोमी आ किकी पिपी दाऊदम पशो खोदेंशो पा परमप्रभु यावे आ ङोंइती मार ठीक बाक्‍मे, मेको पवा बाक्‍त।
2CH 29:3 मिनु मेको पिप दुम्‍शो ङोंइती ङा बर्स ङा ङोंइती ङा महिनाम मेकोमी परमप्रभु यावे आ खिं ङा लाप्‍चोपुकी रोक्‍शा, मेको आन कली सेल्‍पदा बाक्‍त। २इतिहास २८:२४
2CH 29:4 मेकोमी चढ़ेब नु लेवी आन कली पुक्‍शा पूर्ब ङा लाङगाम ग्रुम्‍पाइक्‍मी बाक्‍त।
2CH 29:5 मिनु मेकोमी मेको आन कली “लेवीपुकी, आं लोव़ नेनीन। मुल गेपुकी आंम कली परमप्रभु यावे आ ङोंइती ठीक सेल्‍सीन। मिनु परमप्रभु यावे, इन किकी पिपी आन परमप्रभु आ खिं ठीक सेलीन। मिनु परमप्रभु यावे आ बाक्‍तीक रे ग्रांग्रा दिशो नेल्‍ल ग्रुंइशा ताइक्‍तीन।
2CH 29:6 मारदे हना इं किकी पिपीम परमप्रभु यावे कली प्रोंइशा, परमप्रभु यावे, इं परमप्रभु आ ङोंइती मार मरिम्‍शो बाक्‍मे, मेको पाम्‍तेक्‍म। मेकोपुकीम मेको कली प्रोंइशा, मेको आ बाक्‍तीक आ पर्बम मारेइ ममिम्‍तेम। मेकोपुकीम परमप्रभु यावे आ खिं कली हिरशान मकोव़ङेम।
2CH 29:7 मेकोपुकीम पिंडी ङा लाप्‍चोपुकी यो चोक्‍तेक्‍म। बत्ती काप्‍ताक्‍म। मेकोपुकीम इस्राएली आन परमप्रभु आ खिंम धूप चोचा नु चोशा चढ़ेचा प्रोंइतेक्‍म।
2CH 29:8 मोपतीके परमप्रभु यावे यहूदा नु यरूसलेम आस पर्बम गाइक्‍ताक्‍व। मिनु मेकोमी मेको आन कली आन रागी आ नेक्‍था ङा मुर आन ङोंइती ग्रांग्रा दित्‍चा ङा शुक्‍शी पचा ङा नु तोक्‍चा पुंइसीब सेल्‍तु। मेको गे आंमा तशो बाक्‍नीनी।
2CH 29:9 मोपतीके इं आफ तरवारम क्‍योरशा साइक्‍चा पुंइसाक्‍म। मिनु इं तमी तौ नु इं मीश ग्‍याइश्‍शा लाइक्‍चा पुंइसाक्‍म। २इतिहास २८:५-८
2CH 29:10 मिनु मुल गो परमप्रभु यावे, इस्राएली आन परमप्रभु नु कबल पचा थुं पशो बाक्‍नुङ। मोपा इं पर्बम गाइश्‍शो बेक्‍बा कों?
2CH 29:11 मोपतीके आं तौपुकी, मुल देश मपने। मारदे हना गे परमप्रभु यावे आ ङोंइती राप्‍शा आ गेय पचा कली नु मेको कली चढ़ेचा कली योव़सीशो बाक्‍नीनी” देंमाक्‍त।
2CH 29:12 मिनु लेवीपुकी गेय पचा कली बोक्‍मा बाक्‍त। मेको सु सु बाक्‍मा बाक्‍त देंशा हना, कोहाथी रे अमासै आ तौ माहाथ, अजारयाह आ तौ योएल, मेरारी रे अब्‍दी आ तौ कीश नु येहल्‍लेल आ तौ अजारयाह, गेरशोनी रे जिम्‍माह आ तौ योआह नु योआह आ तौ एदेन,
2CH 29:13 एली-जाफान रे शिम्री नु येहुएल, आसाफ रे जकरिया नु मत्तन्‍याह,
2CH 29:14 हेमान रे येहुएल नु शिमेइ, येदुथून रे शेमायाह नु उज्‍जीएल, मेको लेवीपुकी बाक्‍मा बाक्‍त।
2CH 29:15 मिनु मेकोपुकीम आन आन लोक्‍ब आन कली खुप्‍तमे बाक्‍त। मिनु मेकोपुकीम आंम कली परमप्रभु यावे आ ङोंइती ठीक सेल्‍सीमा बाक्‍त। मिनु पिपम परमप्रभु यावेमी देंशो खोदेंशो पा हुकुम पवा बाक्‍त। मिनु मेकोपुकीम परमप्रभु यावे आ खिं ओव़शा, ग्रांग्रा दि‍शो मार मार ग्रुंइदमे बाक्‍त।
2CH 29:16 मिनु चढ़ेबपुकी परमप्रभु यावे आ खिं ओव़मा बाक्‍त। मोपा ओव़शा, मेकेर बाक्‍शो ग्रांग्रा दिशो थोव़क नेल्‍ल ग्रुंइशा लाङगाम तेल्‍मे बाक्‍त। मिनु लेवीपुकीम मेको गुप्‍शा, किद्रोन खोल्‍साम लाइश्‍शा ताइक्‍तमे बाक्‍त।
2CH 29:17 मेकोपुकीम ङोंइती ङा महिना ङा ङोंइती ङा नाक्‍ती ठीक सेल्‍तीक गेय पचा गोव़मे बाक्‍त। मिनु ८ नाक्‍तीम मेकोपुकी पिंडी सम्‍म जाक्‍दीम्‍मा बाक्‍त। मिनु अर्को ८ नाक्‍ती नोले मेकोपुकीम परमप्रभु यावे आ खिं नेल्‍ले ठीक से‍ल्‍शो बाक्‍मा बाक्‍त। मिनु मेकोपुकीम ङोंइती ङा महिना ङा १६ नाक्‍तीम मेको गेय थुम्‍मे बाक्‍त।
2CH 29:18 मेको नोले मेकोपुकी पिप हिज्‍कीयाह आ बाक्‍तीक लशा “गोपुकीम परमप्रभु यावे शोब्‍ले लहर पा वोइक्‍तीक टेबल नु मेको आ मारेइ मारेइ ठीक सेल्‍ने थुम्‍तक।
2CH 29:19 मिनु पिप आहाजम पिप पवा ना, परमप्रभु यावे कली प्रोंइशा, तिल्‍शा वोइश्‍शो थोव़कपुकी नेल्‍ल ठीक सेल्‍शा, आन आन बाक्‍तीकेम वोइक्‍तक। मुल मेको परमप्रभु यावे कली चढ़ेतीक आ ङोंइती वोइश्‍शो बाक्‍नीम” देंमा बाक्‍त।
2CH 29:20 मिनु पिप हिज्‍कीयाह सुनी कना बोक्‍शा, सहर ङा ठेयब मुर आन कली पुक्‍पाइश्‍शा, परमप्रभु यावे आ खिं ग्‍येत्‍थ लमा बाक्‍त।
2CH 29:21 मेकोपुकीम ७ ओटा ब्‍यफ, ७ ओटा सांड, ७ ओटा पाठा नु ७ ओटा बोका चाक्‍गमे बाक्‍त। मेको नेल्‍ले राज्‍य, परमप्रभु यावे आ बाक्‍तीक नु यहूदा आ पाप आ पर्बम चढ़ेचा कली बाक्‍मा बाक्‍त। मिनु पिपम मेको नेल्‍ल हारून आ चच युइ, चढ़ेब आन कली परमप्रभु यावे आ चढ़ेतीकेम चढ़ेचा, दे हुकुम पवा बाक्‍त।
2CH 29:22 मेकोपुकीम मेको ब्‍यफ आन कली क्‍योरमे बाक्‍त। मिनु चढ़ेबपुकीम मेको आन हुश ताक्‍शा चढ़ेतीकेम ब्रुइक्‍तमे बाक्‍त। मिनु मेकोपुकीम सांड आन कली क्‍योरमे बाक्‍त। मिनु मेको आन हुश ताक्‍शा चढ़ेतीकेम ब्रुइक्‍तमे बाक्‍त। मिनु पाठा आन कली क्‍योरशा, मेको आन हुश ताक्‍शा चढ़ेतीकेम ब्रुइक्‍तमे बाक्‍त।
2CH 29:23 मिनु मेको नोले मेकोपुकीम पाप आ पर्बम चढ़ेतीक बोका आन कली पिप नु मुर आन ङोंइती चाक्‍गमे बाक्‍त। मिनु पिप नु मुरपुकीम मेको आन तार आन आन गुइ वोदमे बाक्‍त। लेवी १६:१५-२२
2CH 29:24 मिनु चढ़ेबपुकीम मेको बोका क्‍योरशा, आन हुश पाप आ पर्बम चढ़ेतीकेम चढ़ेमे बाक्‍त। इस्राएली नेल्‍ल आन पर्बम पाप क्‍याम्‍तीक गेय पामे बाक्‍त। मारदे हना पिपम चोशा चढ़ेतीक नु पाप आ पर्बम चढ़ेतीक इस्राएली नेल्‍ल आन पर्बम चढ़ेचा माल्‍ब, दे अरेशो बाक्‍माक्‍त।
2CH 29:25 मिनु पिपम लेवी आन कली परमप्रभु यावे आ खिंम बुप्‍केल नु ठेयब नु आइक्‍च तार पाइश्‍शो ताप्‍तीके ताप्‍चा कली ठीक दुम्‍पाइक्‍मी बाक्‍त। मारदे हना ङोंइती दाऊदम, परमप्रभु यावे आ लोव़ ताइब, गाद नु नाथान रे पा मोदेंशो शेंशो बाक्‍माक्‍त। १इतिहास २५:१
2CH 29:26 मिनु लेवीपुकीम दाऊद आ सेल्‍शो ताप्‍तीकपुकी नु चढ़ेबपुकीम तुराही शेशा राम्‍मा बाक्‍त।
2CH 29:27 मिनु हिज्‍कीयाहम चोशा चढ़ेशो चढ़ेतीकेम चढ़ेचा माल्‍नीम, दे हुकुम पवा बाक्‍त। मिनु चोशा चढ़ेतीकेम चढ़ेचा गोव़मेनु, परमप्रभु यावे कली कुम्‍सो पामे बाक्‍त। तुराही नु इस्राएल ङा पिप दाऊदमी सेल्‍शो ताप्‍तीक मेको कुम्‍सो नु ताप्‍मे बाक्‍त। १इतिहास २३:५
2CH 29:28 मिनु खुम्‍सीशो मुर नेल्‍ले बाप्‍शा, परमप्रभु यावे कली ठेयब सेल्‍मे बाक्‍त। कुम्‍सो पाइबपुकीम कुम्‍सो पामे बाक्‍त। मिनु तुराही ताप्‍बपुकीम तुराही ताप्‍मे बाक्‍त। चोशा चढ़ेतीक मनुम्‍म सम्‍म मोदेंशो पामे बाक्‍त।
2CH 29:29 मिनु चढ़ेशो नुम नोले पिप नु मेकेर बाक्‍ब नेल्‍लेमी बाप्‍शा ठेयब सेल्‍मे बाक्‍त।
2CH 29:30 मिनु पिप हिज्‍कीयाह नु मेको आ सरकार ङा ठेयब मुरपुकीम लेवी आन कली दाऊद नु परमप्रभु यावे आ लोव़ पाइब आसाफ आ ब्रेक्‍शो कुम्‍सो पा परमप्रभु यावे कली ठेयब सेल्‍पदमे बाक्‍त। मोपा मेकोपुकीम थाम्‍पा ग्‍येरसीशा परमप्रभु यावे आ ङोंइती बाप्‍शा ठेयब सेल्‍मे बाक्‍त। २इतिहास २३:१८
2CH 29:31 मिनु हिज्‍कीयाहम “मुल गे आंमा परमप्रभु यावे कली जिम्‍मा गेसाक्‍नी। गेपुकीम चढ़ेतीक नु ‘गे रिम्‍शो पाइब बाक्‍नीनी’ दे चढ़ेतीके चाक्‍शा परमप्रभु यावे आ खिंम जाक्‍कीन” देंमाक्‍त। मोपतीके खुम्‍सीशो मुरपुकीम चढ़ेतीक नु “गे रिम्‍शो पाइब बाक्‍नीनी” दे चढ़ेतीक कुरशा जाक्‍मा बाक्‍त। मिनु सुइमी ग्‍येरसीशा चोशा चढ़ेतीके चाक्‍चा दाक्‍ताक्‍म हना, मेको पामे बाक्‍त।
2CH 29:32 मिनु मेको खुम्‍सीशो मुरपुकीम चाक्‍शो चोशा चढ़ेतीक हिक्‍शोनु, ७० ओटा ब्‍यफ, सहे का सांड नु सहे निक्‍शी पाठा बाक्‍मा बाक्‍त। मिनु मेको नेल्‍ल परमप्रभु यावे कली चोशा चढ़ेचा कली बाक्‍मा बाक्‍त।
2CH 29:33 मिनु परमप्रभु यावे कली चढ़ेचा कली गेशो ६ सहे ब्‍यफ नु हजार सां भेडा बाक्‍मा बाक्‍त।
2CH 29:34 तन्‍न चढ़ेबपुकी इच्‍का ला बाक्‍तीके मेको चोशा चढ़ेशो नेल्‍ल आन कुशुल उक्‍ने मचाप्‍‍मे बाक्‍त। मोपतीके मेको आन लोक्‍ब लेवीपुकीम मेको गेय नेल्‍ल मनुम्म सम्‍म नु अरु चढ़ेबपुकीम आंम कली परमप्रभु यावे आ ङोंइती ठीक मसेल्‍मे सम्‍म वारच पामे बाक्‍त। मारदे हना आंम कली परमप्रभु यावे आ ङोंइती ठीक सेल्‍चामी चढ़ेब आन क्‍येङा लेवीपुकी थम होस पाइक्‍बाक्‍मा बाक्‍त। २इतिहास ३:३,१६,१७
2CH 29:35 चोशा चढ़ेतीक नेल्‍ल नु दुशा बाक्‍चा आ पर्बम चढ़ेशो आ बोंसो नु चोशा चढ़ेशो कली तूचा थोव़क चढ़ेतीक शुश बाक्‍मा बाक्‍त। मोपा परमप्रभु यावे आ खिं ङा पतीक गेय ङोंइती ङा खोदेंशो पा रिम्‍शो दुम्‍माक्‍त। लेवी ३:१६; गन्‍ती १५:४-१०
2CH 29:36 मिनु हिज्‍कीयाह नु मुर नेल्‍ल थाम्‍पा ग्‍येरसमा बाक्‍त। मारदे हना परमप्रभुम आ मुर आन कली पशो रीब पा छक लाक्‍चा ङा पा दुम्‍माक्‍त।
2CH 30:1 मिनु हिज्‍कीयाहम इस्राएली नु यहूदा ङा मुर आन कली “यरूसलेमम बाक्‍शो परमप्रभु यावे आ खिंम परमप्रभु यावे, इस्राएली आन परमप्रभु कली पास्‍सा चाड मानेथ जाक्‍कीन” दे ब्रेत्‍ता बाक्‍त। मिनु मेकोमी एफ्राइम नु मनस्‍से ङा मुर आन कली यो चिठी ब्रेक्‍शा ब्रेत्‍ता बाक्‍त। २इतिहास ३५:१
2CH 30:2 मिनु पिप, आ सरकार ङा ठेयब मुर नु यरूसलेमम खुम्‍सीशो मुर नेल्‍लेम निक्‍शी महिनाम पास्‍सा चाड मानेचा कली लोव़ गारपदमे बाक्‍त।
2CH 30:3 मेकोपुकीम ङोंइती परमप्रभुम देंशो खोदेंशो पा मानेने मचाप्‍शो बाक्‍मा बाक्‍त। मारदे हना शुश चढ़ेबपुकीम आंम कली परमप्रभु यावे आ ङोंइती ठीक मसेल्‍सीशो बाक्‍मा बाक्‍त। मिनु मुरपुकी यो यरूसलेमम मदेल्‍शो बाक्‍मा बाक्‍त।
2CH 30:4 मिनु पिप नु खुम्‍सीशो मुर नेल्‍लेमी मेको चाड मानेतीक लोव़ आ पर्बम “ठीक बाक्‍ब” देंमा बाक्‍त।
2CH 30:5 मिनु मेकोपुकीम दक्‍खिन ङा बेयर-शेबा रे उत्तर ङा दान सम्‍म ङा इस्राएली नेल्‍ल आन कली परमप्रभु यावे, इस्राएली आन परमप्रभु आ पर्बम पास्‍सा चाड मानेचा कली यरूसलेमम जाक्‍चा माल्‍मा बाक्‍त। एको क्‍येङा ङोंइती इश्‍का मुर दुम्‍शा, एको चाड ममानेशो बाक्‍‍मा बाक्‍त।
2CH 30:6 मिनु पिप नु आ सरकार ङा ठेयब मुरुम ब्रेक्‍शो चिठी चोक्‍ब मुरपुकी पिप आ देंशो खोदेंशो पा यहूदा नु इस्राएलम लमा बाक्‍त। मिनु मेको चिठीम मार ब्रेक्‍शो बाक्‍माक्‍त देंशा हना “इस्राएली परमप्रभु यावे, इन किकी पिपी अब्राहाम, इसहाक नु इस्राएल आन परमप्रभु गे लेत्‍तीन। मेना मेकोमी अस्‍सुर ङा पिपम मलाइश्‍शो लीशो मुर आन कली लेंशा कोव़ब। इस्राएल याकूब आ नें बाक्‍ब।
2CH 30:7 गेपुकी इन किकी पिपी नु आंम मुर खोदेंशो मदुमीन। मेकोपुकीम परमप्रभु यावे, इन किकी पिपी आन परमप्रभु कली प्रोंइतेक्‍म। मोपतीके परमप्रभु यावेमी मेको आन कली खतम सेला बाक्‍त। मेको आंमा तशो बाक्‍नीनी।
2CH 30:8 गेपुकी इन किकी पिपी खोदेंशो पा काइ मटीब मदुमीन। तन्‍न परमप्रभु यावे कली आ अरेशो टिशा, आ बाक्‍तीकेम जाक्‍कीन। मिनु ‘मेको गेना हना यो आं बाक्‍तीकेम बाक्‍ब’ देंशो बाक्‍ब। गे परमप्रभु यावे कली गेय पने। मोपा इन पर्बम आ गाइश्‍शो बेक्‍बा, कों?
2CH 30:9 गे परमप्रभु यावे गे लेत्‍तीनी हना, ग्‍याइश्‍शा लाइक्‍चा पुंइसीशो इन खिं खिं ङा मुर नु इन आलपुकीम ग्‍याइक्‍ब मुर रे शिशी तशा, मेकोपुकी एको रागीम लेश्‍शा जाक्‍नीम। मारदे हना परमप्रभु यावे, इन परमप्रभु दाक्‍ब नु शिशी पाइब बाक्‍ब। गेपुकी मेको गे लेत्‍तीनी हना, मेको यो इन गे लेप्‍ब” दे ब्रेक्‍शो बाक्‍माक्‍त।
2CH 30:10 मिनु मेको चिठी चोक्‍बपुकी एफ्राइम नु मनस्‍से आस सहर सहर नेल्‍ल हिरशा जबूलून सम्‍म जाक्‍दीम्‍मा बाक्‍त। तन्‍न मुरपुकीम मेको आन कली रिश्‍शा शुक्‍शी पामे बाक्‍त।
2CH 30:11 मो हना यो आशेर, मनस्‍से नु जबूलून ङा मुर का निक्‍शी ब्रेम्‍शो दुम्‍शा यरूसलेम लमा बाक्‍त। २इतिहास ११:१६
2CH 30:12 परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।
2CH 30:13 मिनु शुश मुर महिना निक्‍शीम बोरब ओख्‍ती मसुप्‍शो शोब्‍ले ङा चाड मानेचा कली यरूसलेमम जाक्‍मा बाक्‍त। मेकेर शुश मुर खुम्‍सीशो बाक्‍मा बाक्‍त।
2CH 30:14 मिनु मेकोपुकीम यरूसलेम आ एर ओंथ बाक्‍शो चढ़ेतीकपुकी नु धूप चोतीक प्रेश्‍शा, किद्रोन खोल्‍साम लाइश्‍शा ताइक्‍तमे बाक्‍त।
2CH 30:15 मिनु मेकोपुकीम महिना निक्‍शी ङा १४ नाक्‍ती पास्‍सा चाड मानेतीक पाठा क्‍योरमे बाक्‍त। मिनु चढ़ेब नु लेवी परमप्रभु यावे आ ङोंइती आंम कली ठीक मसेल्‍तीके मुने दोक्‍शो बाक्‍मा बाक्‍त। मिनु मुल आंम कली ठीक सेल्‍शा, परमप्रभु यावे आ खिंम चोशा चढ़ेतीक चढ़ेमे बाक्‍त। गन्‍ती ९:१०-१३
2CH 30:16 परमप्रभु आ मुर मोसा आ ब्रेक्‍शो अरेशो लोव़ खोदेंशो पा मेको आन गेय पतीकेम बाक्‍मा बाक्‍त। मिनु लेवीपुकीम चाक्‍शो हुश चढ़ेबपुकीम ताक्‍शा ब्रुइक्‍तमे बाक्‍त।
2CH 30:17 तन्‍न मेको शुश खुम्‍सीशो मुर परमप्रभु यावे आ ङोंइती आंम कली ठीक सेल्‍ने मचाप्‍शो बाक्‍मा बाक्‍त। मोपतीके लेवीपुकीमी मेको मुर आन पर्बम आन पास्‍सा चाड ङा पाठा क्‍योरचा माल्‍मा बाक्‍त।
2CH 30:18 मिनु एफ्राइम, मनस्‍से, इस्‍साकार नु जबूलून रागी रे जाक्‍शो शुश मुरपुकी परमप्रभु यावे आ ङोंइती आंम कली ठीक मसेल्‍सीशो बाक्‍मा बाक्‍त। मो हना यो मेकोपुकीम परमप्रभु यावे अरेशो मपथु, पास्‍सा चाड मानेमे बाक्‍त। प्रस्‍थान १२:-
2CH 30:19 तन्‍न हिज्‍कीयाहम मेको आन पर्बम “परमप्रभु यावे गे शिशी पाइब बाक्‍नीनी। सु सुमी आन थुं नेल्‍लेमी इन कली, परमप्रभु यावे, आन किकी पिपी आन परमप्रभु खोइक्‍चा दाक्‍बा नु इन देंशो खोदेंशो पा आंम कली ठीक सेल्‍ने मचाप्‍शो बाक्‍मा, मेको आन कली मारेइ मपन” दे पुना बाक्‍त।
2CH 30:20 मिनु परमप्रभु यावेम हिज्‍कीयाह आ पुंइशो लोव़ नेना बाक्‍त। मिनु मुर आन कली सापाइक्‍मी बाक्‍त। २इतिहास ७:१४
2CH 30:21 मिनु यरूसलेमम जाक्‍ब इस्राएली नेल्‍लेमी ७ नाक्‍त सम्‍म थाम्‍पा ग्‍येरसीशा बोरब ओख्‍ती मसुप्‍शो शोब्‍ले ङा चाड मानेमे बाक्‍त। मिनु लेवी नु चढ़ेबपुकीम ठेयब सेंदाम कुम्‍सो पा, ताप्‍तीक ताप्‍शा, नाक्‍त किंत किंत परमप्रभु यावे कली ठेयब सेल्‍मे बाक्‍त।
2CH 30:22 मिनु हिज्‍कीयाहम परमप्रभु यावे आ गेय रिम्‍शो पस जोक्‍ब लेवी आन कली लोव़ पा आन थुं बारपाइक्‍मी बाक्‍त। मिनु मुरपुकीम मेको चाड ङा जचा थोव़क ७ नाक्‍ती सम्‍म जना जन बाक्‍मा बाक्‍त। मेकोपुकीम दुशा बाक्‍चा आ पर्बम चढ़ेतीक चढ़ेशा, परमप्रभु यावे, आन किकी पिपी आन परमप्रभु कली “गे रिम्‍शो पाइब बाक्‍नीनी” दे ग्‍येरसीशा बाक्‍मा बाक्‍त।
2CH 30:23 मिनु खुम्‍सीशो मुर नेल्‍लेमी अर्को ७ नाक्‍त सम्‍म चाड मानेचा कली लोव़ गारपदमे बाक्‍त। मोपतीके मेकोपुकीम अर्को ७ नाक्‍ती सम्‍म यो ग्‍येरशा मेको चाड मानेमे बाक्‍त।
2CH 30:24 यहूदा ङा पिप हिज्‍कीयाहम मेको खुम्‍सीशो मुर आन कली हजार का ब्‍यफ नु ७ हजार भेडा चढ़ेचा कली गेमी बाक्‍त। मिनु सरकार ङा ठेयब मुरपुकीम मेको खुम्‍सीशो मुर आन कली हजार का ब्‍यफ नु १० हजार भेडा गेमी बाक्‍त। शुश चढ़ेबपुकीम यो आंम कली परमप्रभु यावे आ ङोंइती ठीक सेल्‍सीमा बाक्‍त।
2CH 30:25 मिनु यहूदा ङा खुम्‍सीशो मुर नेल्‍ले, चढ़ेब नु लेवीपुकी नेल्‍ल, इस्राएल रे जाक्‍शो मुरपुकी नु इस्राएल रे प्रोक्‍शो यहूदाम बाक्‍ब मुर नेल्‍ले ग्‍येरसीशो बाक्‍मा बाक्‍त।
2CH 30:26 मोपा यरूसलेमम थम ठेयब ग्‍येरसीतीक दुम्‍माक्‍त। मेको मोदेंशो इस्राएल ङा पिप दाऊद आ तौ सोलोमन आ पाला रे गेनायो मदुम्‍शो बाक्‍माक्‍त।
2CH 30:27 मिनु चढ़ेबपुकी नु लेवीपुकी बोक्‍शा मुर आन कली आसीक गेमे बाक्‍त। मेको आन पुंइशो लोव़ परमप्रभु यावे आ बाक्‍तीक स्‍वर्ग सम्‍म नेंसे बाक्‍त।
2CH 31:1 मिनु मेको नेल्‍ल नुप्‍शा नोले यरूसलेम जाक्‍शो इस्राएली नेल्‍ल यहूदा ङा सहरपुकीम लशा, पूजा पतीक ख्रुक्‍शो फुल्‍लु प्रेत्‍मे बाक्‍त। मूर्ति पाइश्‍शो थाम खोल्‍मे बाक्‍त। यहूदा, बेन्‍यामीन, एफ्राइम नु मनस्‍से रागी नेल्‍ल ङा डांडा ङा थान बुल बाल उइश्‍शा ताइक्‍तमे बाक्‍त। मिनु नोले इस्राएली आन आन सहर नु आन आन बाक्‍तीकेम लेम्‍मा बाक्‍त। २इतिहास २९:-; ब्‍यवस्‍था ७:५; २राजा १८:४
2CH 31:2 पिप हिज्‍कीयाहमी चढ़ेब नु लेवी आन कली आन गेय गेना पचा दे पालो पालो पा वोइक्‍पदा बाक्‍त। मिनु चढ़ेब नु लेवी आन कली परमप्रभु यावे कली चोशा चढ़ेतीक चढ़ेचा नु दुशा बाक्‍चा आ पर्बम चढ़ेचा, परमप्रभु यावे कली “गे रिम्‍शो पाइब बाक्‍नीनी” दे कुम्‍सो पा, ठेयब सेल्‍तीक कुम्‍सो नु परमप्रभु यावे आ बाक्‍तीक ङा लाप्‍चो आ ङोंइती गेय पचा कली आन पालो योक्‍शा गेशो बाक्‍त।
2CH 31:3 मिनु पिपम आ गोठ रे चोशा चढ़ेचा कली मार गेशो बाक्‍माक्‍त देंशा हना, नाक्‍दो ङा चोशा चढ़ेतीके, सुनी ङा चोशा चढ़ेतीके, नाइक्‍तीक नाक्‍त ङा चोशा चढ़ेतीके, औंसी ङा चोशा चढ़ेतीके नु देंशो चाड नेल्‍ल कली चोशा चढ़ेतीक गेशो बाक्‍माक्‍त। परमप्रभु यावे आ अरेशो लोव़ दोपा ब्रेक्‍शो बाक्‍मे, मोपा पवा बाक्‍त। गन्‍ती २८:-
2CH 31:4 मिनु चढ़ेब नु लेवीपुकीम परमप्रभु यावे आ अरेशो लोव़ ङा गेय पस ङा पस बाक्‍मल, दे पिपम यरूसलेमम बाक्‍ब मुर आन कली मेको आन गेचा माल्‍शो भाग चढ़ेब नु लेवी आन कली गेचा माल्‍नीम, दे हुकुम पवा बाक्‍त।
2CH 31:5 मिनु मुरपुकीम पिप आ हुकुम नेन्‍मे चोटीन आन नेल्‍ल क्‍येङा ङोंइती ङा मीशो नु सिश्‍शो अन्‍न, नक अङगुर शांबु, तेल, खुदो नु आन रूम सिश्‍शो मार मार शुश चाक्‍शा गेमे बाक्‍त। मेकोपुकीम आन मारेइ मारेइ के १० भागम भाग का चाक्‍गमे बाक्‍त। प्रस्‍थान २३:१९; ब्‍यवस्‍था १४:२२-२३
2CH 31:6 मिनु इस्राएल नु यहूदा ङा सहरपुकीम बाक्‍ब मुरपुकीम यो आन १० भाग ङा भाग का बी ब्‍यफ नु क्‍यारश भेडा चाक्‍गमे बाक्‍त। परमप्रभु यावे, आन परमप्रभु कली गेशो थोव़क रे १० भाग ङा भाग का चाक्‍शा तेल्‍मे बाक्‍त। लेवी २७:३२
2CH 31:7 मेकोपुकीम बर्स ङा महिना सांमी चाक्‍शा तेल्‍चा गोव़मे बाक्‍त। मिनु ७ महिनाम चाक्‍ने थुम्‍मे बाक्‍त।
2CH 31:8 मिनु हिज्‍कीयाह नु मेको आ सरकार ङा ठेयब मुर जाक्‍शा, मेको तेल्‍शो थोव़क तशा, परमप्रभु यावे नु आ मुर इस्राएली आन कली “गे रिम्‍शो पाइब बाक्‍नीनी” देंमा बाक्‍त।
2CH 31:9 मिनु हिज्‍कीयाहमी मेको तेल्‍शो थोव़क आन पर्बम चढ़ेब नु लेवी आन कली हिल्‍लो हिक्‍सी पामी बाक्‍त।
2CH 31:10 मिनु सादोक आ खिं ङा मुर, ठेयब चढ़ेब अजारयाहम “मुरपुकीम परमप्रभु यावे आ खिं कली आन भाग चाक्‍गमे रे आंइ कली जचा गाप्‍त। मिनु शुश मार मार हेंशो यो बाक्‍ब। मारदे हना परमप्रभु यावेम आ मुर आन कली शुश आसीक गेशो बाक्‍ब। मिनु एको इश्‍का मार मार हेंशो यो बाक्‍ब” देंमाक्‍त।
2CH 31:11 मिनु नोले हिज्‍कीयाहमी “परमप्रभु यावे आ खिंमी मार मार वोइक्‍तीक कोठापुकी सेलीन” दे हुकुम पवा बाक्‍त। मिनु मेको सेल्‍मे बाक्‍त।
2CH 31:12 मिनु मुर नेल्‍लेमी जोल मपथु, आन १० भाग ङा भाग का नु परमप्रभु कली गेशो नेल्‍ल चाक्‍गमे बाक्‍त। मेको १० भाग ङा भाग का ताक्‍शो कोव़ब ठेयब लेवी कोनन्‍याह बाक्‍माक्‍त। मिनु मेको आ लोक्‍ब शिमेइ चहिं मेको आ दी ङा ठेयब मुर बाक्‍माक्‍त।
2CH 31:13 मिनु पिप हिज्‍कीयाह नु परमप्रभु आ खिं ङा ठेयब मुर अजारयाहमी कोनन्‍याह नु आ लोक्‍ब शिमेइ आस कली वारच पाइब येहीएल, अज‍जीयाह, नाहाथ, आसाहेल, येरीमोथ, योजाबाद, एलीएल, इस्‍माक्‍याह, माहाथ नु बेनायाह आन कली योव़शा वोइक्‍पदसे बाक्‍त।
2CH 31:14 मिनु इम्‍नाह आ तौ कोरे पूर्ब ङा लाप्‍चो खाल पाइब लेवी बाक्‍माक्‍त। मेकोमी मुर आन परमप्रभु कली ग्‍येरशा चढ़ेतीक गेशो मारेइ मारेइ कोव़ब बाक्‍माक्‍त। मिनु चढ़ेशो, चाक्‍शो मारेइ मारेइ परमप्रभु यावे कली नु सु सु कली योक्‍चा माल्‍बा, मेको नेल्‍ल कोव़ब बाक्‍माक्‍त।
2CH 31:15 मिनु कोरे कली चढ़ेब आन सहरम वारच पाइब एदेन, मीन्‍यामीन, येशुआ, शेमायाह, अमारयाह नु शेकन्‍याह बाक्‍मा बाक्‍त। मेकोपुकीम पालो पालो पा गेय पाइब चढ़ेब खाल्‍पा नु ठिटा नेल्‍ल आन कली खाल का ङा पा थमा पा जोल मपथु, योक्‍तीक गेय पामे बाक्‍त।
2CH 31:16 मोपतीके सु सु आन भाग गेचा पुंइसीब बाक्‍मा, परमप्रभु यावे आ खिं ङा गेय पाइब परमप्रभु यावे आ लोव़ खोदेंशो पालो पालो पा आन नें ब्रेक्‍तीक कागजम ब्रेक्‍शो बाक्‍मा बाक्‍त। बर्स सां लाक्‍शो वोंइश आल आन नें ब्रेक्‍शो बाक्‍माक्‍त।
2CH 31:17 मेको चढ़ेब आन खिं खिं कोव़शा, ब्रेक्‍सीशो बाक्‍मा बाक्‍त। लेवीपुकी २० बर्स लाक्‍शो, आन पचा ङा गेय नु पालो कोव़शा ब्रेक्‍शो बाक्‍मा बाक्‍त।
2CH 31:18 चढ़ेब, आन आइक्‍च आल, आन मीश, आन तमी तौ नेल्‍ल आन नें ब्रेक्‍शो बाक्‍माक्‍त। मारदे हना मेकोपुकीम “परमप्रभु यावे आ गेय ला पाइनीकी” दे थुं पशो बाक्‍मा बाक्‍त।
2CH 31:19 मिनु हारून आ तौ ङा चढ़ेब वोंइश मुरपुकी सहर आन नेक्‍था ङा योक्‍तीकेम बाक्‍शो, चढ़ेब आन दातेमी सु सु वोंइश मुर आन नें ब्रेक्‍शो बाक्‍मा, मेको आन भाग गेचा पुंइसमा बाक्‍त। मिनु चढ़ेब नु लेवी आन दातेमी सु सु आन नें ब्रेक्‍शो बाक्‍मा, मेको गेचा पुंइसमा बाक्‍त।
2CH 31:20 मिनु हिज्‍कीयाहम यहूदा नेल्‍लेमी मोदेंशो पवा बाक्‍त। मेकोमी परमप्रभु यावे, आ परमप्रभु आ ङोंइती मार रिम्‍शो, मार ठीक नु थमा सुइक्‍चा पुंइसीशो बाक्‍मे, मेको पवा बाक्‍त।
2CH 31:21 मेकोमी परमप्रभु यावे आ खिं ङा गेय पतीके, परमप्रभु यावे आ अरेशो लोव़ नु आ शेंशो तुइक्‍तीकेमी आ परमप्रभु कली आ थुं नेल्‍लेमी मला बाक्‍त। मिनु आ पशो नेल्‍लेमी रिम्‍शो दुम्‍माक्‍त। भजन संग्रह १:३
2CH 32:1 मिनु हिज्‍कीयाहम मेको रिम्‍शो गेय नेल्‍ले पने थुमा नोले, अस्‍सुर ङा पिप सन्‍हेरीब यहूदा ओव़शा “यहूदा ङा बोल्‍यो सहरपुकी आंम के सेल्‍नुङ” दे मिम्‍शा, मेको सहरपुकी आ नेक्‍था ताम्‍बु कीङा बाक्‍त।
2CH 32:2 मिनु हिज्‍कीयाहमी सन्‍हेरीब जाक्‍शा, यरूसलेम कली लडाइ तोचा चिक्‍शो तवा चोटीन
2CH 32:3 मेकोमी सहर ङा लाङगा ङा ब्‍वाक्‍कु बुक्‍तीके तेक्‍चा, दे सरकार ङा ठेयब मुर नु कप्‍तानपुकी नु सल्‍ला पवा बाक्‍त। मिनु मेकोपुकीमी पिप कली वारच पामे बाक्‍त।
2CH 32:4 मेकोपुकीम शुश मुर खुप्‍शा, आन रागी रे ब्‍वाक्‍कु बुक्‍तीक नु खोल्‍सा नेल्‍ल तेक्‍गमे बाक्‍त। मिनु मेकोपुकीम “अस्‍सुर ङा पिपपुकी एक जाक्‍शा, शुश ब्‍वाक्‍कु तूचा मतामेक्‍ल” देंमा बाक्‍त।
2CH 32:5 मिनु हिज्‍कीयाहम शुश बोल पा सहर ङा ब्रेश्‍शो गारो नेल्‍ल सेल्‍पदा बाक्‍त। मिनु आ तार लाइश्‍शो खिंपुकी सेल्‍पदा बाक्‍त। मिनु मेकोमी गारो ङा लाङगा गे अर्को गारो सेल्‍पदा बाक्‍त। मिनु दाऊद आ सहर ङा गारो तिक्‍चा कली खप तेल्‍पदा बाक्‍त। मिनु मेकोमी शुश या नु तेक्‍तीक यो सेल्‍पदा बाक्‍त। २इतिहास २५:२३;
2CH 32:6 मेकोमी लडाइ पाइब आन कप्‍तान योव़शा, मेको आन कली सहर ङा ठेयब लाप्‍चो आ ङोंइती ङा दिंममी पुक्‍शा, मेको आन कली आन थुं बारपाइश्‍शा
2CH 32:7 “बोल्‍यो नु महिंब दुमीन। अस्‍सुर ङा पिप नु मेको आ चाक्‍शो शुश मुर तशा, महिनीन। मारदे हना मेकोपुकी नु बाक्‍शो क्‍येङा गोपुकी नु बाक्‍शो का थम ठेयब बाक्‍ब।
2CH 32:8 मेको नु शुश मुर ला बाक्‍नीम। तन्‍न गोपुकी नु परमप्रभु यावे, इं परमप्रभु बाक्‍ब। मेकोमी इं कली वारच पा इं पा ङा लडाइ पाइब” दे यहूदा ङा पिप हिज्‍कीयाहमी मुर आन थुं बारपदा बाक्‍त। येरमीया १७:५-६
2CH 32:9 मेको नोले अस्‍सुर ङा पिप सन्‍हेरीबम आ लडाइ पाइब लाकीशम बाक्‍मानु, यहूदा ङा पिप हिज्‍कीयाह नु यरूसलेम ङा मुर नेल्‍ल आन कली लोव़ नेंपाइक्‍चा कली मुरपुकी सोइक्‍ता बाक्‍त।
2CH 32:10 मिनु मेकोपुकीम “अस्‍सुर ङा पिप सन्‍हेरीबम मार लोव़ पाइब देंशा हना, गे एर ओंथ रे पुम्‍शो यरूसलेम सहरम दोपा ब्रोंइने चाप्‍नीनी, दे सु कली थमा सुइक्‍नीनी?
2CH 32:11 पिप हिज्‍कीयाहमी ‘परमप्रभु यावे, इं परमप्रभु कली अस्‍सुर ङा पिप आ गुइ रे प्रोंइब, दे जोल मपवा? तन्‍न मेकोमी इन बाक्‍तीकेमीन अन्‍काल नु ब्‍वाक्‍कु तूतू दाक्‍पाइश्‍शा, इन कली बेक्‍पाइक्‍चा कली मोदेंशो लोव़ पशो बाक्‍ब।
2CH 32:12 मार, मेको हिज्‍कीयाहमी डांडा ङा थान नु आ चढ़ेतीक बुल बाल एश्‍शा खतम मपोक्‍पदा? मिनु यहूदा नु यरूसलेम ङा मुर नेल्‍ल आन कली, चढ़ेतीक काम पूजा पा नु मेकेर ला चढ़ेचा’ मदेंम ङा?
2CH 32:13 गो नु आं किकी पिपीम अर्को रागी जात जात ङा मुर आन कली मार पाइक्‍का, मेको गेपुकीम मतुइश्‍शो बाक्‍नीनी ङा? मार, मेको रागी रागी ङा मुर आन देवताम मेको रागी आन कली आं गुइ रे प्रोंइने चाप्‍मे ङा?
2CH 32:14 आं किकी पिपीम खतम पोक्‍शो रागी रागी ङा मुर आन देवता आन दाते ङा तेको देवताम आं गुइ रे आ मुर आन कली प्रोंइने चबा ङा? मिनु दोपा इन परमप्रभुमी इन कली आं गुइ रे प्रोंइने चाप्‍बा?
2CH 32:15 मोपतीके हिज्‍कीयाहम इन कली जोल पा दूली लां खोइक्‍पाइक्‍चा मगेन। मेको कली थमा मसुतीन। मिनु तेकोइ देवतापुकीम आन रागी नु राज्‍य ङा मुर आन कली आं किकी पिपी नु आं गुइ रे प्रोंइने मचाप्‍शो बाक्‍तेक्‍म हना, इन परमप्रभुमी इन कली आं गुइ रे दोपा प्रोंइने चाप्‍बा ङा? देंशो बाक्‍ब मतीन” देंमाक्‍त।
2CH 32:16 मिनु सन्‍हेरीब आ गेय पाइबपुकीमी परमप्रभु यावे नु मेको आ गेय पाइब हिज्‍कीयाह आ पर्बम चिनु मरिम्‍शो लोव़ तेम्‍शा, लोव़ पामे बाक्‍त।
2CH 32:17 पिप सन्‍हेरीबम परमप्रभु यावे, इस्राएली आन परमप्रभु कली यो तोक्‍शा लोव़ पा चिठी ब्रेक्‍शो बाक्‍माक्‍त। मिनु मेको चिठीम मार ब्रेक्‍शो बाक्‍माक्‍त देंशा हना “दोपा अर्को रागी रागी ङा मुर आन देवतापुकीम आन मुर आन कली आं गुइ रे प्रोंइने मचाप्‍मे, मोपा हिज्‍कीयाह आ परमप्रभुमी यो आ मुर आन कली आं गुइ रे प्रोंइने मचाप्‍ब” दे ब्रेक्‍शो बाक्‍माक्‍त।
2CH 32:18 मिनु मेकोपुकीम सहर आन के सेल्‍चा कली यरूसलेम ङा गारो तार राप्‍ब मुर आन कली हिंच कोंइचा कली ठेयब सेंदा पा यहूदी आन लोव़मी मेको चिठीम ब्रेक्‍शो लोव़ पा ग्रीमा बाक्‍त।
2CH 32:19 मेकोपुकीम मुर आन गुइम सेल्‍शो रागी ङा देवता आन कली खोदेंशो पा यरूसलेम ङा परमप्रभु कली तोक्‍शा लोव़ पामे बाक्‍त।
2CH 32:20 मेना पिप हिज्‍कीयाह नु आमोज आ तौ परमप्रभु यावे आ लोव़ पाइब यसैयाम परमप्रभु कली ठेयब सेंदा पा पुन्‍से बाक्‍त।
2CH 32:21 मिनु परमप्रभु यावेम आ स्‍वर्ग ङा गेय पाइब का अस्‍सुर ङा पिप आ बाक्‍तीकेम सोइश्‍शा, आ बोल्‍यो लडाइ पाइबपुकी, आ कप्‍तानपुकी नु आ ठेयब मुरपुकी नेल्‍ल साइक्‍पदा बाक्‍त। मिनु सन्‍हेरीब मुने दोक्‍शा आ रागी लेम्‍माक्‍त। मिनु मेको आ देवता थान ओव़मेनु, आ तौ का निक्‍शीमी तरवारम क्‍योरशा सदमे बाक्‍त।
2CH 32:22 मोपा परमप्रभु यावेम हिज्‍कीयाह नु यरूसलेमम बाक्‍ब मुर आन कली अस्‍सुर ङा पिप सन्‍हेरीब नु मेको आन जोरी सत्रु नेल्‍ल आन गुइ रे प्रोना बाक्‍त। परमप्रभु यावेमी मेको रागी कली नाइक्‍चा गेवा बाक्‍त।
2CH 32:23 मिनु शुश मुरपुकीम यरूसलेमम परमप्रभु यावे कली मार मार चाक्‍गमे बाक्‍त। मिनु यहूदा ङा पिप हिज्‍कीयाह कली शुश शोंप चाक्‍गमे बाक्‍त। मोपा रागी रागी ङा मुर नेल्‍लेमी मेको कली मान पामे बाक्‍त।
2CH 32:24 मिनु नोले हिज्‍कीयाह शुश रोइ पा बेक्‍चा चिक्‍ता बाक्‍त। मिनु मेकोमी परमप्रभु यावे कली पुना बाक्‍त। मिनु परमप्रभु यावेमी मेको कली लोव़ लेश्‍शा, चिन्‍ड का गेवा बाक्‍त।
2CH 32:25 तन्‍न हिज्‍कीयाहमी परमप्रभु यावेमी मेको कली रिम्‍शो पशोमी “गे रिम्‍शो पाइब बाक्‍नीनी” मदेंथु ठेयब लेश्‍शो दुम्‍‍माक्‍त। मोपतीके परमप्रभु यहूदा नु यरूसलेम आ पर्बम गाइक्‍ता बाक्‍त।
2CH 32:26 मिनु हिज्‍कीयाह नु यरूसलेम ङा मुर नेल्‍लेम ब्रेम्‍शो सेल्‍सीमे बाक्‍त। मोपतीके परमप्रभु यावे हिज्‍कीयाह आ पालाम मेकोपुकी नु मगाइक्‍ता बाक्‍त।
2CH 32:27 हिज्‍कीयाह शुश शोंप पाइश्‍शो नु मान ताइब मुर दुम्‍शो बाक्‍माक्‍त। मेकोमी आ सुन चांदी, हीरापुकी, मस्‍लापुकी तेक्‍तीकपुकी नु अरु मार मार शुश क्‍येट लाइब वोइक्‍तीक खिंपुकी सेला बाक्‍त।
2CH 32:28 शुश अन्‍न, नक अङगुर शांबु नु तेल वोइक्‍तीक खिंपुकी सेला बाक्‍त। मिनु शुश बी ब्‍यफ नु क्‍यारश भेडा आन कली ठेयब गोठपुकी सेला बाक्‍त।
2CH 32:29 मेकोमी आंम कली सहरपुकी सेला बाक्‍त। मेको के बी ब्‍यफ नु क्‍यारश भेडा शुश बाक्‍मा बाक्‍त। मारदे हना परमप्रभुम मेको कली थमा पा शुश शोंप गेशो बाक्‍माक्‍त।
2CH 32:30 मेको हिज्‍कीयाहमी गिहोन आ आइक्‍था ङा बुक्‍शो ब्‍वाक्‍कु तेक्‍शा उइ दाऊद आ सहर आ पच्‍छिम गे शाइक्‍पाइश्‍शो बाक्‍माक्‍त। मेको आ पशो गेय नेल्‍ले रिम्‍शो दुम्‍शा, सोशो बोशो दुम्‍माक्‍त।
2CH 32:31 मिनु बेबीलोन ङा सरकार ङा ठेयब मुर आन सोइश्‍शो मुर मेको रागीम तांइसीशो छक लाक्‍चा चिन्‍ड आ पर्बम हिल्‍लो पथ जाक्‍मा बाक्‍त। तन्‍न परमप्रभुम हिज्‍कीयाह कली नाक्‍शा कोव़चा कली नु मेको आ थुंम बाक्‍शो मार बाक्‍बा, दे तुइक्‍चा कली वारच मपवा बाक्‍त।।
2CH 32:32 हिज्‍कीयाह आ नोले ङा गेय नु आ रिम्‍शो पशो आमोज आ तौ परमप्रभु यावे आ लोव़ ताइब यसैया आ यहूदा ङा पिप आन किताबम ब्रेक्‍शो बाक्‍ब।
2CH 32:33 मिनु हिज्‍कीयाह बेक्‍माक्‍त। मिनु मुरपुकीम मेको कली दाऊद आ चच युइ आन कली थिम्‍तीक देम्‍सीलो मेर थि‍म्‍मे बाक्‍त। मिनु मेको बेक्‍मेनु, यहूदा नु यरूसलेम ङा मुर नेल्‍लेमी मान पामे बाक्‍त। मिनु मेको आ नोले आ तौ मनस्‍से पिप दुम्‍माक्‍त। २इतिहास १६:१४
2CH 33:1 मनस्‍से पिप दुम्‍मेनु, १२ बर्स दुम्‍शो बाक्‍माक्‍त। मेकोमी यरूसलेमम ५५ बर्स सासन पवा बाक्‍त।
2CH 33:2 मेको परमप्रभु यावेम इस्राएली आन ङोंइती रे खेरशो रागी रागी ङा मुर आन ग्रांग्रा दिशो लांम गाक्‍माक्‍त। मिनु परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। ब्‍यवस्‍था १८:९
2CH 33:3 मेकोमी आ आफ हिज्‍कीयाहम खतम पोक्‍शो डांडा ङा थान लेंशा सेला बाक्‍त। मिनु मेकोमी बाल देवता आन कली चढ़ेतीक सेला बाक्‍त। मेकोमी मूर्ति पाइश्‍शो थाम यो सेला बाक्‍त। मेकोमी सरीङ ङा सोरुल आन कली पूजा पा बाप्‍शा, सेउ पवा बाक्‍त। २राजा १८:४
2CH 33:4 मेकोमी परमप्रभु यावे आ खिंम चढ़ेतीकपुकी सेला बाक्‍त। मेको खिं आ पर्बम परमप्रभु यावेम “यरूसलेमम आं नें गेना हना यो लीब” देंशो बाक्‍माक्‍त। ब्‍यवस्‍था १२:५,११; १राजा ९:३
2CH 33:5 मेकोमी सरीङ ङा सोरुल आन कली परमप्रभु यावे आ खिं ङा लाङगा निम्‍फाम चढ़ेतीक सेला बाक्‍त।
2CH 33:6 मेकोमी आ तौ कली बेन-हिन्‍नोम आ बेंसीम चोशा चढ़ेवा बाक्‍त। मन्‍तर तन्‍तर, टुना मुना पा नु लिंक्‍यु कोव़ङा बाक्‍त। मेकोमी टुना मुना पा नु बेक्‍शो मुर नु लोव़ पवा बाक्‍त। मिनु जादू कली गेय पपदा बाक्‍त। मोपा परमप्रभु यावे आ ङोंइती थम मरिम्‍शो पवा बाक्‍त। मिनु मेको कली गाइक्‍पदा बाक्‍त। २इतिहास २८:३; लेवी २०:६
2CH 33:7 मेकोमी मुपाइश्‍शो मूर्ति परमप्रभु आ खिंम वोइक्‍पदा बाक्‍त। मेको खिं आ पर्बम परमप्रभुम दाऊद नु आ तौ सोलोमन आस कली “गो इस्राएल ङा थर नेल्‍ल आन दाते रे यरूसलेम कली योव़ता। मिनु यरूसलेमम बाक्‍शो एको खिंम गेना हना यो आं नें वोइक्‍नुङ।
2CH 33:8 मेकोपुकीम मोसामी गेशो आं शेंशो अरेशो लोव़ नेल्‍ल पशा, फुल्‍लुम मुशा ब्रेक्‍शो लोव़ नु निसाफ पतीक लोव़ होस पा रिम्‍शो पा पाम्‍तेक्‍म हना, गो आन किकी पिपी आन कली गेशो इस्राएल रागी रे इस्राएली आन कली मग्रुंइनुङमी” देंशो बाक्‍माक्‍त।
2CH 33:9 मनस्‍सेम यहूदा नु यरूसलेम ङा मुर आन कली थम दूली लां खोइक्‍पाइश्‍शो बाक्‍माक्‍त। परमप्रभु यावेमी इस्राएली आन ङोंइती खतम पोक्‍शो रागी रागी ङा मुर आन क्‍येङा यो शुश मरिम्‍शो पपाइश्‍शो बाक्‍माक्‍त।
2CH 33:10 परमप्रभु यावेम मनस्‍से नु आ मुर आन कली लोव़ पवा बाक्‍त। तन्‍न मेकोपुकी मबिस्‍समा बाक्‍त।
2CH 33:11 मोपतीके परमप्रभु यावेम मेकोपुकी नु लडाइ पपाइक्‍चा कली अस्‍सुर ङा पिप आ लडाइ पाइब आन कप्‍तान आन कली चाक्‍मी बाक्‍त। मिनु मेकोपुकीम मनस्‍से कली ग्‍याइश्‍शा मेको आ शोव़म बोल्‍सी ब्‍वेक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त।
2CH 33:12 मिनु मेको मोपा श्‍येत जवानु, परमप्रभु यावे, आ परमप्रभु आ शिशी मला बाक्‍त। मिनु आ किकी पिपी आन परमप्रभु आ ङोंइती आ थुं ब्रेम्‍पदा बाक्‍त।
2CH 33:13 मिनु मेकोमी परमप्रभु कली पुना बाक्‍त। मिनु परमप्रभुम मेको आ पुंइशो नेंशा, लेंशा यरूसलेमम चाक्‍गा बाक्‍त। मिनु लेंशा मेकेर ङा पिप सेला बाक्‍त। मिनु मोपा मनस्‍सेम परमप्रभु यावे, थमा परमप्रभु बाक्‍ब, दे तुइक्‍ता बाक्‍त। १राजा १८:३९
2CH 33:14 मिनु मेको लेश्‍शा नोले दाऊद आ सहर ङा लाङगाम अर्को गारो गिहोन आ पच्‍छिम गे सेला बाक्‍त। मेको ओफेल हिरशा, ङांइ लाप्‍चो सम्‍म सेला बाक्‍त। मेकोमी मेको गारो शुश दुइश्‍शो सेला बाक्‍त। मिनु मेकोमी यहूदा ङा बोल्‍यो सहर नेल्‍लेमी कप्‍तानपुकी वोइक्‍पदा बाक्‍त। २इतिहास २७:३
2CH 33:15 मेकोमी अर्को रागी ङा देवतापुकी नु मुशा सेल्‍शो मूर्ति परमप्रभु यावे आ खिं रे ग्रुंइदा बाक्‍त। मिनु आ परमप्रभु यावे आ खिं बाक्‍शो डांडाम नु यरूसलेमम सेल्‍शो चढ़ेतीक नेल्‍ल ताइक्‍ता बाक्‍त। मिनु मेको नेल्‍ल आन कली सहर रे ग्रुंइशा ताइक्‍ता बाक्‍त।
2CH 33:16 मिनु नोले मेकोमी परमप्रभु यावे कली चढ़ेतीके लेंशा सेल्‍शा, मेकेर दुशा बाक्‍चा आ पर्बम चढ़ेतीक नु “गे रिम्‍शो पाइब बाक्‍नीनी” दे चढ़ेतीक चढ़ेवा बाक्‍त। मिनु यहूदा ङा मुर आन कली परमप्रभु यावे, इस्राएली आन परमप्रभु कली ला गेय पचा, दे हुकुम पवा बाक्‍त।
2CH 33:17 मेना सम्‍म मुरपुकीम डांडा ङा थानम चढ़ेमे बाक्‍त। तन्‍न परमप्रभु यावे, आन परमप्रभु कली चढ़ेमे बाक्‍त।
2CH 33:18 मिनु मनस्‍सेम अरु मार मार पवा, आ परमप्रभु कली पशो पुंइतीक लोव़, नु परमप्रभु यावे, इस्राएली आन परमप्रभु आ नेंमी आ लोव़ पाइब आन लोव़ नेल्‍ल इस्राएल ङा पिप आन इतिहासम ब्रेक्‍शो बाक्‍ब।
2CH 33:19 मेको आ पुंइतीक लोव़ नु परमप्रभुम आ पुंइशो दोपा नेना, आ ब्रेम्‍शो दुम्‍चा क्‍येङा ङोंइती पशो पाप नेल्‍ल नु आ परमप्रभु कली थमा मसुइक्‍थु, डांडा ङा थान ते ते सेला, मूर्ति पाइश्‍शो थाम नु मूर्ति वोइश्‍शो नेल्‍ल परमप्रभु यावे आ लोव़ पाइब आन इतिहासम ब्रेक्‍शो बाक्‍ब।
2CH 33:20 मिनु मनस्‍से बेक्‍माक्‍‍त। मिनु मुरपुकीम आ दरवार ङा बाक्‍तीकेम थिम्‍मे बाक्‍त। मेको आ नोले आ तौ आमोन पिप दुम्‍माक्‍त।
2CH 33:21 आमोन पिप दुम्‍मेनु, २२ बर्स दुम्‍शो बाक्‍माक्‍त। मेकोमी बर्स निक्‍शी यरूसलेमम सासन पवा बाक्‍त।
2CH 33:22 मेकोमी आ आफ मनस्‍से खोदेंशो पा परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। आमोनमी आ आफ मनस्‍सेम सेल्‍शो मूर्ति नेल्‍ले आन कली चढ़ेशा, पूजा पवा बाक्‍त।
2CH 33:23 तन्‍न मेकोमी आ आफ मनस्‍से खोदेंशो पा परमप्रभु यावे आ ङोंइती आंम कली ब्रेम्‍शो मसेला बाक्‍त। आमोन आ पशो मरिम्‍शो शुश बारना बारन लमाक्‍त।
2CH 33:24 मिनु आमोन आ दरवारम गेय पाइबपुकीम लोव़ गारपाइश्‍शा, मेको कली सदमे बाक्‍त।
2CH 33:25 तन्‍न मेको रागी ङा मुरपुकीम पिप आमोन कली साइक्‍ब आन कली यो सदमे बाक्‍त। मिनु आ तौ योसीयाह कली मेको आ आफ आ पा ङा पिप सेल्‍मे बाक्‍त।
2CH 34:1 योसीयाह पिप दुम्‍मेनु, ८ बर्स दुम्‍शो बाक्‍माक्‍त। मेकोमी यरूसलेमम ३१ बर्स सासन पवा बाक्‍त।
2CH 34:2 मेकोमी परमप्रभु यावे आ ङोंइती मार ठीक बाक्‍मे, मेको पवा बाक्‍त। मेको ग्‍युरा पेरा मपथु, आ किकी पिपी दाऊद आ लांम गाक्‍माक्‍त। २इतिहास २९:२
2CH 34:3 मेकोमी सासन पशो ८ बर्स दुम्‍मेनु, ठिटा बाक्‍ना बाक्‍ना आ किकी पिपी दाऊद आ परमप्रभु कली माल्‍चा गोवा बाक्‍त। मिनु सासन पशो १२ बर्समी यहूदा नु यरूसलेम डांडा ङा थानपुकी, मूर्ति पाइश्‍शो थामपुकी नु मुशा नु चेम्‍शा सेल्‍शो मूर्तिपुकी ताइक्‍चा गोवा बाक्‍त। लेवी २६:३०
2CH 34:4 मिनु पिप आ ङोंइती बाल देवता आन चढ़ेतीकपुकी प्रेप्‍पदा बाक्‍त। मिनु मेको इच्‍का इर बाक्‍शो धूप चोतीकपुकी नु चढ़ेतीक प्रोल्‍शा खतम पोक्‍गा बाक्‍त। मिनु मेकोमी मूर्ति पाइश्‍शो थाम, चेम्‍शा सेल्‍शो मूर्तिपुकी फस पोक्‍मी बाक्‍त। मिनु मेको कली चढ़ेब आन तुरस तारी फ्रवा बाक्‍त।
2CH 34:5 मिनु मेकोमी चढ़ेब आन रुश यो आन चढ़ेतीकेम चोवा बाक्‍त। मोपा मेकोमी यहूदा नु यरूसलेम कली ग्रांग्रा मदिशो सेला बाक्‍त। १राजा १३:२
2CH 34:6 मेकोमी मनस्‍से, एफ्राइम, सिमियोन नु नाप्‍ताली आन सहर सम्‍म नु मेको आन एर ओंथ ब्रेश्‍शो खिंम बाक्‍शो २इतिहास ३१:१
2CH 34:7 अशेराह आ चढ़ेतीकपुकी प्रेश्‍शा नु मूर्ति पाइश्‍शो थामपुकी नु मूर्ति नेल्‍ल फस पोक्‍गा बाक्‍त। मिनु मेकोमी इस्राएल रागी नेल्‍ल ङा धूप चोतीक खतम पोक्‍गा बाक्‍त। मिनु नोले मेको यरूसलेम लेम्‍माक्‍त।
2CH 34:8 मेकोमी आ सासन पशो १८ बर्सम रागी नु परमप्रभु यावे आ खिं ग्रांग्रा मदिशो सेल्‍ने थुमा नोले, असाल्‍याह आ तौ शाफान, सहर ङा हुकुम पाइब मासेयाह नु राज्‍य ङा ब्रेक्‍ब यो-आहाज आ तौ योआह आन कली परमप्रभु यावे, आ परमप्रभु आ खिं बिग्रेशो सेल्‍थ सोइक्‍तीमी बाक्‍त।
2CH 34:9 मिनु मेकोपुकी ठेयब चढ़ेब हिल्‍कीयाह आ बाक्‍तीक जाक्‍शा, परमप्रभु आ खिंम चाक्‍शो क्‍येट मेको कली गेमे बाक्‍त। मेको क्‍येट लाप्‍चो खाल पाइब लेवीपुकीम मनस्‍से, एफ्राइम नु इस्राएल ङा लीशो मुर नेल्‍ल रे, यहूदा, बेन्‍यामीन नु यरूसलेमम बाक्‍ब मुर नेल्‍ल रे खुप्‍शो बाक्‍मा बाक्‍त।
2CH 34:10 मिनु मेकोपुकीमी मेको क्‍येट परमप्रभु यावे आ खिंम गेय पाइब आन कली कोव़ब आन कली गेमे बाक्‍त। मिनु मेको कोव़बपुकीमी गेय पाइब आन कली गेमे बाक्‍त। मेको क्‍येट बिग्रेशो सेल्‍तीक गेय नु मेको कली ङोंइती ङा खोदेंशो सेल्‍तीक गेय पचा कली माल्‍मा बाक्‍त।
2CH 34:11 मेकोपुकीम मेको यहूदा ङा पिपपुकीम प्रोंइशो खिं लेंशा रिम्‍शो सेल्‍चा कली माल्‍मा बाक्‍त। मेको क्‍येट शी सेल्‍ब आन कली शी, दालीन, ग्रोव़लो ग्‍याप्‍चा कली गेमे बाक्‍त। मिनु गारो प्रोव़ब आन कली ख्रोइश्‍शो फुल्‍लु ग्‍याप्‍चा कली गेमे बाक्‍त।
2CH 34:12 मिनु मुरपुकीम रिम्‍शो गेय पामे बाक्‍त। मिनु लेवीपुकी मेरारी आ तौ याहाथ नु ओबदिया, कोहाथ आ तौ जकरिया नु मेशुल्‍लाम गेय पाइब आन कली कोव़ब वोइश्‍शो बाक्‍मा बाक्‍त। अरु लेवीपुकी ताप्‍तीक ताप्‍स शुश जोक्‍ब बाक्‍मा बाक्‍त।
2CH 34:13 मेकोपुकी कुरब मुर कोव़चा कली नु गेय चलेचा कली वोइश्‍शो बाक्‍मा बाक्‍त। का निक्‍शी लेवीपुकी ब्रेक्‍ब, का निक्‍शी मार माल्‍बा, मार बाक्‍बा, तुइक्‍चा कली नु का निक्‍शी लाप्‍चो खाल पाइब बाक्‍मा बाक्‍त।
2CH 34:14 मेकोपुकीम परमप्रभु यावे आ खिंम चाक्‍शो क्‍येट ग्रुंइदमेनु, चढ़ेब हिल्‍कीयाहम मोसा रे पा गेशो परमप्रभु यावे आ अरेशो लोव़ ब्रेक्‍शो किताब थिदा बाक्‍त।
2CH 34:15 मिनु हिल्‍कीयाहम ब्रेक्‍ब शाफान कली “गो परमप्रभु यावे आ खिंम आ अरेशो लोव़ ब्रेक्‍शो किताब थिश्‍शो बाक्‍नुङ” दे मदा बाक्‍त। मिनु हिल्‍कीयाहम मेको किताब शाफान कली गेवा बाक्‍त।
2CH 34:16 मिनु शाफानम मेको किताब पिप आ बाक्‍तीक चाक्‍शा “इन गेशो गेय नेल्‍ल इन गेय पाइबपुकीम पशो बाक्‍नीम।
2CH 34:17 मेकोपुकीम परमप्रभु यावे आ खिंम बाक्‍शो क्‍येट मेकेर ङा कोव़ब मुर नु गेय पाइब आन कली गेशो बाक्‍नीम” देंमाक्‍त।
2CH 34:18 मिनु ब्रेक्‍ब शाफानम पिप कली “चढ़ेब हिल्‍कीयाहम आं कली किताब का गेशो बाक्‍ब” दे शेंदा बाक्‍त। मिनु शाफानम मेको किताब पिप आ ङोंइती पढेशा नेंपदा बाक्‍त।
2CH 34:19 मिनु पिपम मेको अरेशो लोव़ ब्रेक्‍शो किताबम ब्रेक्‍शो लोव़ नेना नोले थुं खाइश्‍शा, आ वा खाक्‍गा बाक्‍त।
2CH 34:20 मिनु पिपमी हिल्‍कीयाह, शाफान आ तौ अहीकाम, मीकाह आ तौ अब्‍दोन, ब्रेक्‍ब शाफान नु पिप कली गेय पाइब आसायाह आन कली,
2CH 34:21 “गो नु इस्राएल नु यहूदाम लीशो मुर आन पर्बम परमप्रभु यावे कली हिल्‍लो पने। मेको थिश्‍शो किताबम ब्रेक्‍शो लोव़ गो नु आंइ किकी पिपीम मटितीके परमप्रभु यावे गोपुकी नु शुश गाइश्‍शो बाक्‍माक्‍त। मेको ब्रेक्‍शो लोव़ गो मपक” देंमाक्‍त।
2CH 34:22 मोपतीके हिल्‍कीयाह नु पिपम सोइश्‍शो मुरपुकी परमप्रभु यावे आ लोव़ पाइब हुल्‍दा आ बाक्‍तीकेम हिल्‍लो पथ लमा बाक्‍त। मेको पिप आ दरवार ङा वासी कोव़ब हास्रा आ चच तोखाथ आ तौ शाल्‍लुम आ मीशे बाक्‍माक्‍त। मेको यरूसलेम ङा नक सहरम बाक्‍बाक्‍माक्‍त। मिनु मेको कली नेल्‍ल लोव़ देंमा बाक्‍त।
2CH 34:23 मिनु हुल्‍दाम मेको आन कली “परमप्रभु यावे, इस्राएली आन परमप्रभुम मार देंत देंशा हना, गे आं बाक्‍तीकेम सोइक्‍ब मुर कली
2CH 34:24 परमप्रभु यावेम ‘यहूदा ङा पिप आ ङोंइती पढेशो किताबम ब्रेक्‍शो सराप नेल्‍ल खाप्‍चा कली, गो एको रागी नु एकेर बाक्‍ब मुर नेल्‍ल आन कली खतम पोक्‍नुङमी। ब्‍यवस्‍था २८:१५-६८
2CH 34:25 मारदे हना मेकोपुकीम आं कली प्रोंइशा, अर्को देवी देवता आन कली चढ़ेशो बाक्‍नीम। मिनु मेकोपुकीम आंम आन गुइम सेल्‍शो मूर्तिम आं कली गाइक्‍पाइश्‍शो बाक्‍नीम। मोपतीके गो मेको रागी तशा गाइक्‍ताक्‍ङ। मिनु आं गाइश्‍शो मबेक्‍ब’ दें‍त।
2CH 34:26 तन्‍न परमप्रभु यावे कली हिल्‍लो पथ इन कली सोइक्‍ब यहूदा ङा पिप कली परमप्रभु यावे, इस्राएली आन परमप्रभुम मार देंत देंशा हना
2CH 34:27 ‘गे परमप्रभु यावेमी मेको रागी नु आ मुर आ पर्बम ब्रेक्‍शो लोव़ नेंशा, इ थुंम परमप्रभु आ ङोंइती ब्रेम्‍शो सेल्‍शा, इ वा खाक्‍शा, ङाक्‍शा, इ पशो लोव़ नेंता। २इतिहास ३३:१२-१३
2CH 34:28 मोपतीके गे एको खतम दुम्‍तीके मताइनेवे। गे थुं नाइश्‍शा बेक्‍नेवे। मिनु इ किकी पिपी आन कली थिम्‍तीकेम थिम्‍चा पुंइसीनेवे’ दे मतीने” देंमाक्‍त। मिनु सोइश्‍शोपुकीमी हुल्‍दा आ देंशो पिप कली मदमे बाक्‍त।
2CH 34:29 मेको नोले पिपम यहूदा नु यरूसलेम ङा खाल्‍पा नेल्‍ल आन कली ग्रुम्‍चा, दे ब्रेत्‍थ सोइक्‍ता बाक्‍त।
2CH 34:30 मिनु पिप परमप्रभु यावे आ खिं लमाक्‍त। मिनु यहूदा ङा मुर नेल्‍ल, यरूसलेमम बाक्‍ब मुरपुकी, चढ़ेब नु लेवीपुकी, आइक्‍च नु ठेयब मुर नेल्‍लेम मेको आ नोले खोदमे बाक्‍त। मिनु पिपम परमप्रभु यावे आ खिंम थिश्‍शो आ कबल ङा किताब पढेशा नेंपाइक्‍मी बाक्‍त।
2CH 34:31 मिनु पिप आ बाक्‍तीकेम राप्‍शा, परमप्रभु यावे नु कबल का पवा बाक्‍त। मार कबल पवा बाक्‍त देंशा हना, परमप्रभु यावे आ नोले खोइक्‍चा, मेको आ शेंतीके, आ देंशो नु आ फुल्‍लुम मुशा ब्रेक्‍शो लोव़ थुं नेल्‍लेमी पचा नु मेको किताबम ब्रेक्‍शो कबल ङा लोव़ नेल्‍ल पचा कली कबल पवा बाक्‍त। २इतिहास १५:१२
2CH 34:32 मेको नोले यरूसलेम नु बेन्‍यामीन रे जाक्‍शो मुर नेल्‍ल आन कली मेको ब्रेक्‍शो लोव़ खाप्‍नीकी, दे कसम जपाइक्‍मी बाक्‍त। मिनु यरूसलेमम बाक्‍ब मुरपुकीम आन किकी पिपी आन परमप्रभु आ कबल खाप्‍मे बाक्‍त।
2CH 34:33 मिनु योसीयाहम इस्राएली आन रागी नेल्‍ल रे ग्रांग्रा दिशो मूर्ति नेल्‍ल ग्रुंइशा ताइक्‍ता बाक्‍त। मिनु इस्राएलम बाक्‍ब मुर नेल्‍ल आन कली परमप्रभु यावे, आंम परमप्रभु आ नोले ठेयब सेल्‍पदा बाक्‍त। मेको पिप ब्रोंइम सम्‍म मुरपुकीम परमप्रभु यावे, आन किकी पिपी आन परमप्रभु कली खोदमे बाक्‍त।
2CH 35:1 योसीयाहमी यरूसलेममी परमप्रभु यावे कली पास्‍सा चाड मानेवा बाक्‍त। मिनु मुरपुकीमी ङोंइती ङा महिना ङा १४ नाक्‍ती पास्‍सा चाड ङा पाठा क्‍योरमे बाक्‍त। प्रस्‍थान १२:६
2CH 35:2 मिनु पिपमी चढ़ेब आन कली आन आन गेय गेमी बाक्‍त। मिनु मेकोमी परमप्रभु यावे आ खिंम गेय पचा, दे आन थुं बारपाइक्‍मी बाक्‍त।
2CH 35:3 मिनु लेवीपुकी इस्राएली आन कली शेंब बाक्‍मा बाक्‍त। मेकोपुकी परमप्रभु यावे आ गेय ला पाइब बाक्‍मा बाक्‍त। मिनु पिपमी मेको आन कली “इस्राएल ङा पिप दाऊद आ तौ सोलोमनम सेल्‍शो परमप्रभु यावे आ कबल पशो सन्‍दोस परमप्रभु यावे आ खिंम वोतीन। मुल रे गेपुकीमी मेको कली इन बालाम कुरचा ममाल्‍नीनी। मुल परमप्रभु यावे, इन परमप्रभु नु आ मुर इस्राएली आन गेय पने। २इतिहास ५:४-५; १इतिहास २३:२६,२८; प्रस्‍थान २५:१३-१५
2CH 35:4 इस्राएल ङा पिप दाऊद नु आ तौ सोलोमनम ब्रेक्‍शा गेशो लोव़ टिने। १इतिहास २३:-
2CH 35:5 गे परमप्रभु यावे आ खिंम इन पालोम इन किकी पिपी आन खिं खिं ङा मुर गारशा गेय पने। मिनु गेना हना यो खिं खिंमी परमप्रभु यावे कली गेय पाइब लेवी चढ़ेब आन कली वारच पचा कली बाक्‍चा माल्‍नीनी।
2CH 35:6 मिनु गे परमप्रभु यावे आ ङोंइती ठीक सेल्‍सीन। पास्‍सा ङा पाठा क्‍योरीन। दोशो मुरुम मेको पाठा ब्‍वने चाप्‍नीम, मोशो ला ब्रेत्‍तीन। मोसा रे पा परमप्रभु यावे आ देंशो लोव़ टिशा, गेय पने” देंमाक्‍त।
2CH 35:7 मिनु योसीयाहम मेकेर बुक्‍ब मुर नेल्‍ल आन कली पास्‍सा चाड मानेचा, दे ३० हजार क्‍यारश भेडा पाठा नु हजार सां ब्‍यफ गेमी बाक्‍त। पिपमी मेको नेल्‍ल आंम आ गोठ रे पा गेवा बाक्‍त।
2CH 35:8 मिनु मेको आ सरकार ङा गेय पाइबपुकीमी थुं रे ग्‍येरशा मुर आन कली चढ़ेब नु लेवी आन कली मार मार गेमे बाक्‍त। परमप्रभु यावे आ खिं ङा ठेयब गेय पाइब हिल्‍कीयाह, जकरियामी नु येहीएलम, चढ़ेब आन कली पास्‍सा चाड कली हजार निक्‍शी ६ सहे क्‍यारश भेडा पाठा नु सहे सां ब्‍यफ गेमे बाक्‍त।
2CH 35:9 मिनु लेवी आन ठेयब मुर कोनन्‍याह नु मेको आ लोक्‍बपुकी, शेमायाह नु नेथनेल, हशाब्‍याह, यिएल नु योजाबादमी ५ हजार क्‍यारश भेडा पाठा नु ५ सहे ब्‍यफ गेमे बाक्‍त।
2CH 35:10 मिनु चढ़ेतीक गेय ठीक सेल्‍ने थुम्‍मे नोले चढ़ेब आन बाक्‍तीकेम बाक्‍मा बाक्‍त। मिनु लेवी आन आन हुल पिपम देंशो खोदेंशो पा राम्‍मा बाक्‍त।
2CH 35:11 मिनु मेकोपुकीम पास्‍सा चाड ङा पाठा क्‍योरमे बाक्‍त। मिनु लेवीपुकीम गेशो हुश चढ़ेबपुकीम ताक्‍शा, चढ़ेतीकेम ब्रुइक्‍तमे बाक्‍त। मिनु लेवीपुकीम चहिं मेको आ कुशुल उक्‍ग्‍मे बाक्‍त।
2CH 35:12 मिनु मेकोपुकीम मोसा आ किताबम ब्रेक्‍शो खोदेंशो पा मुर आन खिं खिं ङा हुल आन कली योक्‍चा, दे परमप्रभु यावे कली चोशा चढ़ेतीक श्‍ये तिल्‍शा वोदमे बाक्‍त। मिनु ब्‍यफ आन कली यो मो देंशो पामे बाक्‍त। नोले चढ़ेबपुकीमी मेको चढ़ेचा माल्‍मा बाक्‍त।
2CH 35:13 मिनु पतीके लोव़म ब्रेक्‍शो खोदेंशो पा पास्‍सा चाड ङा श्‍ये मीम चोव़मे बाक्‍त। मिनु परमप्रभु यावे कली गेशो श्‍ये खरकुंडा, कराइ नु तस्‍लाम लोप्‍मे बाक्‍त। मिनु मेको मुर नेल्‍ले आन कली रीब पा योक्‍शा गेमे बाक्‍त। प्रस्‍थान १२:३-१०
2CH 35:14 मेको नोले आंम कली नु चढ़ेब आन कली जचा थोव़क ठीक पामे बाक्‍त। हारून आ खिं ङा चढ़ेबपुकी नाक्‍दो सम्‍मन चोशा चढ़ेतीक नु बोंसो चढ़ेतीक गेय पचा माल्‍मा बाक्‍त।
2CH 35:15 दाऊद आ देंशो खोदेंशो पा आसाफ आ चच युइ कुम्‍सो पाइबपुकी आसाफ, हेमान नु पिप कली परमप्रभु यावे आ लोव़ पाइब येदुथून आन बाक्‍तीकेम बाक्‍मा बाक्‍त। पिप दाऊदम देंशो खोदेंशो पा मेकोपुकीम पामे बाक्‍त। लाप्‍चो खाल पाइबपुकीमी आन गेय प्रोंइचा ममाल्‍मा बाक्‍त। मारदे हना आन लोक्‍ब लेवीपुकीम मेको आन कली जचा थोव़क चाक्‍शा गेमे बाक्‍त। १इतिहास २५:-; १इतिहास २६:१-९
2CH 35:16 मोपा पिप योसीयाह आ देंशो खोदेंशो पा परमप्रभु यावे कली पचा माल्‍शो गेय ठीक पशो बाक्‍माक्‍त। पास्‍सा चाड मानेचा नु परमप्रभु यावे आ चढ़ेतीकेम चोशा चढ़ेतीक चढ़ेशो बाक्‍मा बाक्‍त।
2CH 35:17 मेना मेकेर बाक्‍ब इस्राएली नेल्‍लेमी पास्‍सा चाड मानेमे बाक्‍त। मिनु ७ नाक्‍त सम्‍म बोरब ओख्‍ती मसुप्‍शो शोब्‍ले ङा चाड मानेमे बाक्‍त।
2CH 35:18 परमप्रभु यावे आ लोव़ पाइब सामुएल आ पाला रे मेना सम्‍म मोदेंशो पा पास्‍सा चाड इस्राएलम गेनायो ममानेशो बाक्‍मा बाक्‍त। पिप योसीयाहम खोदेंशो पा तेकोइ पिपम मोदेंशो ठेयब पास्‍सा चाड ममानेशो बाक्‍मा बाक्‍त। चढ़ेबपुकी, लेवीपुकी नु यहूदा नु यरूसलेमम बाक्‍ब मुरपुकी नु मेकेर जाक्‍शो इस्राएल ङा मुरपुकीम मानेमे बाक्‍त। २इतिहास ३०:२६
2CH 35:19 योसीयाहम सासन पशो १८ बर्स दुम्‍मेनु, मेको पास्‍सा चाड मानेशो बाक्‍मा बाक्‍त।
2CH 35:20 मिनु योसीयाहम परमप्रभु यावे आ खिं ङा गेय नेल्‍ल गारपदा नोले इजीप्‍त रागी ङा पिप नेको, युफ्रेटीस खोला आ शुंइच ङा कारकेमीश सहर कली लडाइ तोचा कली ग्रूमाक्‍त। मिनु योसीयाह मेकोपुकी नु लडाइ पथ लमाक्‍त।
2CH 35:21 तन्‍न नेकोमी “यहूदा ङा पिप, गे नु गो इस दातेम मार जितीक खेतीक दुम्‍शो बाक्‍बा ङा? मुलाक्‍ती गो गे नु लडाइ पचा कली जाक्‍शो मनङ। तन्‍न गो आं लडाइ तोशो मुरपुकी नु ला गाइश्‍शो बाक्‍नुङ। परमप्रभुम आं कली ‘रीब पा लशा लडाइ पावो’ देंशो बाक्‍ब। मोपतीके परमप्रभु आ पर्बम मरिम्‍शो पा मबोक्‍कीन। मेको गो नु बाक्‍शो बाक्‍ब। बोक्‍तीनी हना, मेकोमी इन कली खतम पोक्‍ब” दे आ लोव़ पाइब आन कली सोइक्‍ता बाक्‍त।
2CH 35:22 मो हना यो योसीयाहम मेको आ देंशो लोव़ मनेना बाक्‍त। तन्‍न मेको नेको नु लडाइ पचा कली अर्को वा फेक्‍से बाक्‍त। मेकोमी नेको आ देंशो परमप्रभु आ लोव़ मनेना बाक्‍त। मिनु मेको मेगीददो ङा दिंमम मेको नु लडाइ पचा कली रीब पा लमाक्‍त।
2CH 35:23 मिनु लिब्रा आप्‍बपुकीम पिप योसीयाह कली आप्‍मे बाक्‍त। मिनु पिपम आ गेय पाइब मुर कली “आं कली लडाइ पतीक रे ग्रुंइदो। मारदे हना गो ठेयब गार दुम्‍शो बाक्‍नुङ” दे मदा बाक्‍त।
2CH 35:24 मोपतीके आ गेय पाइबपुकीम मेको कली आ बग्‍गी रे ग्रुंइशा, अर्को बग्‍गीम कुर पा यरूसलेम सहरम चाक्‍गमे बाक्‍त। मिनु मेको मेकेर बेक्‍माक्‍त। मिनु मुरपुकीमी मेको कली आ किकी पिपी आन कली थिम्‍तीकेम थिम्‍मे बाक्‍त। मिनु यहूदा नु यरूसलेम ङा मुरपुकीम योसीयाह आ पर्बम रोंका पामे बाक्‍त।
2CH 35:25 मिनु येरमीयाम यो योसीयाह आ पर्बम रोंका पशो कुम्‍सो सेला बाक्‍त। मिनु कुम्‍सो पाइब मीश मुर वोंइश मुर नेल्‍लेमी मुल सम्‍म मेको रोंका पतीक कुम्‍सो पा योसीयाह कली मिम्‍नीम। मिनु मेको रोंका पतीक कुम्‍सो इस्राएली आन पतीके दुम्‍शो बाक्‍ब। मेको कुम्‍सो बिलाप किताबपुकी बाक्‍नीम।
2CH 35:26 मिनु योसीयाह आ पतीके, परमप्रभु यावे आ अरेशो टिशो,
2CH 35:27 मेको आ पशो ङोंइती रे नोले सम्‍म इस्राएल नु यहूदा ङा पिपी आन ब्रेक्‍शो बाक्‍ब।
2CH 36:1 मिनु मेको रागी ङा मुरपुकीम योसीयाह आ तौ येहो-अहाज कली चाक्‍शा, यरूसलेमम मेको आ आफ आ पा ङा पिप सेल्‍मे बाक्‍त।
2CH 36:2 येहो-अहाज पिप दुम्‍मेनु २३ बर्स दुम्‍शो बाक्‍माक्‍त। मेकोमी यरूसलेमम महिना सां सासन पवा बाक्‍त।
2CH 36:3 मिनु इजीप्‍त ङा पिपम मेको कली पिप रे ग्रुंइदा बाक्‍त। मिनु यरूसलेम कली सहे का टलेन्‍ट चांदी नु टलेन्‍ट का सुन तिरो थाप्‍पदा बाक्‍त। टलेन्‍ट का ३४ किलो बाक्‍ब।
2CH 36:4 मिनु इजीप्‍त ङा पिपम येहो-अहाज आ लोक्‍ब एल्‍याकीम कली यहूदा नु यरूसलेम ङा पिप सेला बाक्‍त। मिनु मेकोमी मेको आ नें फाइश्‍शा येहो-याकीम वोदा बाक्‍त। मिनु नेकोम आ लोक्‍ब येहो-अहाज कली इजीप्‍त रागी लदा बाक्‍त। येरमीया २२:४-१२
2CH 36:5 मिनु येहो-याकीम पिप दुम्‍मेनु, २५ बर्स दुम्‍शो बाक्‍माक्‍त। मेकोमी यरूसलेमम ११ बर्स सासन पवा बाक्‍त।
2CH 36:6 मेकोमी आ परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु बेबीलोन ङा पिप नेबुकदनेसरम मेको आ रागी कली लडाइ तोशा, मेको कली कांसा के साङलोम फ्रेंशा बेबीलोन लदा बाक्‍त। येरमीया २२:१८
2CH 36:7 नेबुकदनेसरम परमप्रभु यावे आ खिं ङा ग्‍योंबपुकी का निक्‍शी लाइश्‍शा, बेबीलोनम आ दरवारम वोदा बाक्‍त। एज्रा १:७
2CH 36:8 मिनु येहो-याकीम आ पशो, आ पशो ग्रांग्रा दिशो नु आ दोस तशो गेय नेल्‍ल इस्राएल नु यहूदा ङा पिप आन इतिहासम ब्रेक्‍शो बाक्‍ब। मिनु मेको आ नोले मेको आ तौ येहो-याकीन पिप दुम्‍माक्‍त।
2CH 36:9 येहो-याकीन पिप दुम्‍मेनु, ८ बर्स दुम्‍शो बाक्‍माक्‍त। मिनु मेकोमी यरूसलेमम महिना सां नु १० नाक्‍ती सासन पवा बाक्‍त। मिनु मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। येहो-याकीन पिप दुम्‍‍मेनु, २राजामी १८ बर्स देंब। २राजा २४:८
2CH 36:10 मिनु बर्खा जाक्‍चावानु, पिप नेबुकदनेसरम मुर सोइश्‍शा परमप्रभु यावे आ खिं ङा रिम्‍शो रिम्‍शो ग्‍योंबपुकी नु मेको पिप कली बेबीलोनम चाक्‍पदा बाक्‍त। मिनु मेकोमी मेको पिप आ खिं ङा मुर का सिदकीयाह कली यहूदा नु यरूसलेम ङा पिप सेला बाक्‍त। येरमीया २२:२४-३०
2CH 36:11 सिदकीयाह पिप दुम्‍मेनु २१ बर्स दुम्‍शो बाक्‍माक्‍त। मेकोमी यरूसलेमम ११ बर्स सासन पवा बाक्‍त।
2CH 36:12 मेकोमी आ परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। परमप्रभु यावे आ लोव़ पाइब येरमीयाम मेको कली परमप्रभु यावे आ लोव़ पशो बाक्‍माक्‍त। तन्‍न पिपमी मेको आ ङोंइती आ थुं कली ब्रेम्‍शो मसेला बाक्‍त। येरमीया ३७:-; ३८:-
2CH 36:13 मिनु पिप नेबुकदनेसरमी मेको कली परमप्रभु आ नेंम कसम जपदा बाक्‍त। तन्‍न मेको पिप कली यो मरिम्‍शो पवा बाक्‍त। मेको मरिम्‍शो पाइब नु काइ मटीब दुम्‍शा, परमप्रभु यावे, इस्राएली आन परमप्रभु गे लेन्‍ने मबिस्‍से बाक्‍त।
2CH 36:14 मेको प्रोंइशा, चढ़ेब नु मुरपुकीम थाम्‍पा मरिम्‍शो पा, रागी रागी ङा मुर आन ग्रांग्रा दिशो गेयपुकी नेल्‍ल पामे बाक्‍त। मोपा यरूसलेम ङा परमप्रभु यावे आ खिं ग्रांग्रा दिशो सेल्‍मे बाक्‍त। ब्‍यवस्‍था १८:९
2CH 36:15 मिनु परमप्रभु यावे, आन किकी पिपी आन परमप्रभुमी आ लोव़ पाइबपुकी मेको आन दातेम सोइक्‍ना सोइक्‍न बाक्‍शो बाक्‍माक्‍त। मारदे हना आ मुर नु आ बाक्‍तीक कली शिशी पाइक्‍बाक्‍माक्‍त।
2CH 36:16 तन्‍न परमप्रभु आ लोव़ पाइब आन कली शुक्‍शी पामे बाक्‍त। आ लोव़ मटिथु, आ लोव़ पाइब आन कली तोक्‍शा लोव़ पामे बाक्‍त। मोपतीके परमप्रभु यावे आ गाइश्‍शो मबेक्‍माक्‍त। लूका २०:१०-१२; प्रेरित ७:५२
2CH 36:17 मिनु परमप्रभुम मेको आन कली लडाइ तोपाइक्‍चा कली कल्‍दी आन पिप कली चाक्‍गा बाक्‍त। मिनु मेकोपुकीमी मेको आन आल आन कली परमप्रभु यावे आ बाक्‍तीक खिंम तरवारम क्‍योरशा सदमे बाक्‍त। मेकोपुकीमी वोंइश आल नु मीश आल आन कली, खाल्‍पा नु खूशो आन कली काइ शिशी मपामे बाक्‍त। परमप्रभुम मेको नेल्‍ल आन कली पिप नेबुकदनेसर आ गुइमी गेमी बाक्‍त।
2CH 36:18 मिनु मेकोमी परमप्रभु आ खिं ङा आइक्‍च ठेयब ग्‍योंब नेल्‍ल, मेकेर ङा शोंप नु दरवार नु सरकार ङा गेय पाइब आन खिं ङा शोंप नेल्‍ल बेबीलोन लदमे बाक्‍त।
2CH 36:19 मेकोपुकीम परमप्रभु आ खिंम मी सुइक्‍तमे बाक्‍त। यरूसलेम सहर ङा गारो प्रेत्‍मे बाक्‍त। मिनु मेकोपुकीम सहर ङा दरवार नेल्‍लेम मी सुइश्‍शा, आगा बाक्‍शो शोंप खतम सेल्‍मे बाक्‍त। येरमीया २६:६
2CH 36:20 मिनु मेकोमी तरवार रे ब्रोंइशो नेल्‍ल आन कली फ्रेंशा बेबीलोन लदमे बाक्‍त। मिनु पारसी आ राज्‍य मजाक्‍म सम्‍म मेकोपुकीम, मेको ग्‍याइक्‍चा पुंइसीब आन तमी तौ आन कली वाइलीम वाइल सेल्‍मे बाक्‍त।
2CH 36:21 मिनु परमप्रभु यावे आ लोव़ पाइब येरमीया रे पा देंशो परमप्रभु यावे आ लोव़ गाप्‍चा कली ७० बर्स मगाम सम्‍म इस्राएल रागीम आ नाइक्‍तीक नाक्‍ती मानेवा बाक्‍त। मेको रागीम ७० बर्स सम्‍म श्‍येत्‍थ दुम्‍मेनु, आ नाइक्‍तीक नाक्‍ती मानेवा बाक्‍त। येरमीया २५:११; लेवी २६:३४; बिलाप २:६
2CH 36:22 मिनु पारसी ङा पिप कोरेसमी पिप पवा आ ङोंइती ङा बर्सम येरमीया आ देंशो परमप्रभु यावे आ लोव़ गाप्‍चा कली परमप्रभु यावेम पारसी ङा पिप आ थुंमी लोव़ पवा बाक्‍त। मिनु मेकोमी आ ठेयब राज्‍य नेल्‍लेम लोव़ पा ब्रेक्‍शा, उरदी पपदा बाक्‍त। येरमीया २९:१०; यसैया ४४:२८
2CH 36:23 फारसी ङा पिप कोरेसम मार उरदी पपदा बाक्‍त। देंशा हना “परमप्रभु यावे, स्‍वर्ग ङा परमप्रभुम रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली यहूदा ङा यरूसलेमम आ कली खिं का सेल्‍चा कली अरेशो बाक्‍ब। इन दातेम बाक्‍शो मेको आ मुर बाक्‍‍तेक्‍म हना ‘परमप्रभु यावे, आ परमप्रभु मेको नु बाक्‍ल। मिनु मेको यरूसलेम लमल’ देंनुङ” देंमाक्‍त।
EZR 1:1 पारसी रागीमी पिप कोरेस आ ङोंइती ङा बर्समी परमप्रभु यावेमी येरमीया रे पा देंशो लोव़ खाप्‍चा कली पिप कोरेस आ थुं क्‍युक्‍गा बाक्‍त। मिनु मेको पिपमी आ राज्‍य नेल्‍लेमी मेको लोव़ नेंपाइक्‍चा कली ब्रेक्‍पदा बाक्‍त। यसैया ४५:१; यसैया ४४:२८
EZR 1:2 मिनु पारसी ङा पिप कोरेसमी मार लोव़ ब्रेक्‍पदा बाक्‍त देंशा हना “परमप्रभु यावे, स्‍वर्ग ङा परमप्रभुमी, रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली ‘यहूदा रागी ङा यरूसलेममी आं खिं सेलो’ दे माइक्‍ती।
EZR 1:3 मिनु इन दातेमी सु सु परमप्रभु आ मुर बाक्‍नीमी, मेको नु परमप्रभु बाक्‍ल। मिनु मेको मुरपुकी इर लशा, यहूदा रागी ङा यरूसलेममी बाक्‍ब परमप्रभु यावे, इस्राएली आन परमप्रभु आ खिं सेलीन।
EZR 1:4 मिनु लीशो यहूदी ते ते बाक्‍मा, मेकोपुकीमी यरूसलेमम परमप्रभु आ खिं सेल्‍चा कली सुन चांदी, अरु शोंप नु बी ब्‍यफ चाक्‍शा, आन आंम दाक्‍शो गेचा माल्‍नीम” दे पिप कोरेसमी ब्रेक्‍शो बाक्‍त।
EZR 1:5 मिनु नोले यरूसलेम सहरमी परमप्रभु यावे आ खिं लेंशा सेल्‍चा कली परमप्रभुमी मुर आन थुं पोक्‍चा पुंइसीशो यहूदा नु बेन्‍यामीन आस खिं खिं ङा ठेयब मुरपुकी, चढ़ेबपुकी नु लेवी नेल्‍ल मेकेर लचा कली सास‍मा बाक्‍त।
EZR 1:6 मिनु मेको आन नेक्‍था बाक्‍ब नेल्‍लेमी आन ङोंइती गेशो प्रोंइशा, चांदी के बोस, सुन के थोव़क, अरु थोव़क, बी ब्‍यफ नु शुश क्‍येट लाइब मार मार थोव़क शुश तेम्‍शा गेशा, मेको आन कली वारच पाम्‍तेक्‍म।
EZR 1:7 ङोंइती नेबुकदनेसरमी यरूसलेममी परमप्रभु यावे आ खिं ङा बोसपुकी रोइश्‍शा चाक्‍शा, आ देवता आ खिंमी वोइश्‍शो बाक्‍माक्‍‍त। मिनु पारसी ङा पिप कोरेसमी मेको बोस नेल्‍ल मेकेर रे ग्रुंइपाइक्‍तु। २इतिहास ३६:७,१८
EZR 1:8 मिनु पारसी ङा पिप कोरेसमी मेको बोसपुकी आ शोंप कोव़ब मिथ्रेदाथ आ गुइ रे पा यहूदा आ खिं ङा नेल्‍ल क्‍येङा ठेयब मुर शेश-बस्‍सार कली हिक्‍पाइश्‍शा, ब्रेक्‍शा गेप्‍तु। एज्रा ५:१४
EZR 1:9 मिनु मेको बोस मार मार बाक्‍तेक्‍म देंशा हना, सुन के बोस ३० ओटा, चांदी के बोस हजार का ओटा, क्‍योरतीके २९ ओटा,
EZR 1:10 सुन के आइक्‍च बोस ३० ओटा, अरु चांदी के आइक्‍च बोस ४ सहे १० ओटा अरु बोस हजार का ओटा गेशो बाक्‍त।
EZR 1:11 सुन नु चांदी के बोस नेल्‍ल पा ५ हजार ४ सहे ओटा बाक्‍तेक्‍म। मिनु ग्‍याइश्‍शा लाइक्‍चा पुंइसीशो मुरपुकी बेबीलोन रे यरूसलेम लेश्‍शा जाक्‍मानु, शेश-बस्‍सारमी मेको बोस नेल्‍ल यरूसलेममी लेश्‍शा चाक्‍तु।
EZR 2:1 बेबीलोन ङा पिप नेबुकदनेसरमी यहूदा नु यरूसलेम ङा मुर आन कली ग्‍याइश्‍शा बेबीलोन लाइश्‍शो बाक्‍त। मेको ग्‍याइश्‍शा लाइक्‍चा पुंइसीशो आन दाते ङा यहूदा नु यरूसलेम आंम आंम सहरम लेश्‍शा जाक्‍शो मुर आन नें मार बाक्‍तेक्‍म देंशा हना,
EZR 2:2 जेरूब-बाबेल नु बेबीलोन रे यरूसलेम जाक्‍ब येशुआ, नेहेम्‍याह सेरायाह, रेलायाह, मोरदेकै, बिल्‍शान, मिस्‍पार, बिग्‍वाइ, रेहुम नु बानाह जाक्‍शो बाक्‍तेक्‍म। मेको इस्राएली सु सु नु गिश मुर बाक्‍तेक्‍म देंशा हना,
EZR 2:3 पारोश आ चच युइ २,१७२
EZR 2:4 शेफत्‍याह आ चच युइ ३७२
EZR 2:5 आराह आ चच युइ ७७५
EZR 2:6 पहाथ-मोआब आ चच युइ आ तौ येशुआ नु योआब आस चच युइ २,८१२
EZR 2:7 एलाम आ चच युइ १,२५४
EZR 2:8 जत्‍तु आ चच युइ ९४५
EZR 2:9 जक्‍काइ आ चच युइ ७६०
EZR 2:10 बानी आ चच युइ ६४२
EZR 2:11 बेबाइ आ चच युइ ६२३
EZR 2:12 अज्‍गाद आ चच युइ १,२२२
EZR 2:13 अदोनीकाम आ चच युइ ६६६
EZR 2:14 बिग्‍वाइ आ चच युइ २,०५६
EZR 2:15 आदीन आ चच युइ ४५४
EZR 2:16 आतेर आ मुर हिज्‍कीयाह आ चच युइ ९८
EZR 2:17 बेजाइ आ चच युइ ३२३
EZR 2:18 योराह आ चच युइ ११२
EZR 2:19 हाशुम आ चच युइ २२३
EZR 2:20 गिब्‍बार आ चच युइ ९५
EZR 2:21 बेथलेहेम ङा १२३
EZR 2:22 नेतोफाह ङा ५६
EZR 2:23 अनाथोथ ङा १२८
EZR 2:24 अज्‍मावेथ ङा ४२
EZR 2:25 किरयथ-यारीम केफीरा नु बेयरोथ ङा ७४३
EZR 2:26 रामाह नु गेबा ङा ६२१
EZR 2:27 मिकमास ङा १२२
EZR 2:28 बेथेल नु ऐ ङा २२३
EZR 2:29 नेबो ङा ५२
EZR 2:30 मग्‍बीश आ चच युइ १५६
EZR 2:31 अर्को एलाम आ चच युइ १,२५४
EZR 2:32 हारीम आ चच युइ ३२०
EZR 2:33 लोद, हादीद नु ओनो सहर ङा ७२५
EZR 2:34 यरीको सहर ङा ३४५
EZR 2:35 नु सेनाह आ चच युइ ३,६३० जना बाक्‍तेक्‍म।
EZR 2:36 लेश्‍शो चढ़ेब सु सु बाक्‍तेक्‍म देंशा हना, येदायाह आ चच युइ, येशुआ आ खिं ङा मुर ९७३
EZR 2:37 इम्‍मेर आ चच युइ १,०५२
EZR 2:38 पश्‍हुर आ चच युइ १,२४७
EZR 2:39 नु हारीम आ चच युइ १,०१७ जना बाक्‍तेक्‍म।
EZR 2:40 लेश्‍शा जाक्‍शो लेवी आ मुर सु सु बाक्‍तेक्‍म देंशा हना, येशुआ नु कदमीएल आस चच युइ, नु होदावीयाह आ चच युइ ७४ जना बाक्‍तेक्‍म। नेहेम्‍याह १२:८
EZR 2:41 कुम्‍सो पाइबपुकीमी आसाफ आ चच युइ १२८ जना बाक्‍तेक्‍म।
EZR 2:42 लाप्‍चो खाल पाइब सु सु बाक्‍तेक्‍म देंशा हना, शाल्‍लुम, आतेर, ताल्‍मोन, अक्‍कुब, हतीता नु शोबाइ आन चच युइ नेल्‍ल पा १३९ जना मुर बाक्‍तेक्‍म।
EZR 2:43 परमप्रभु यावे आ खिंमी गेय पाइब वाइल आन चच युइ सु सु बाक्‍तेक्‍म देंशा हना, एज्रा ८:२० सीहा, हासुफा, तब्‍बाओथ,
EZR 2:44 केरोस, सीआहा, पादोन,
EZR 2:45 लेबानाह, हगावाह, अक्‍‍कुब,
EZR 2:46 हागाब, शाम्‍लाइ, हानान,
EZR 2:47 गिददेल, गहार, रेआयाह,
EZR 2:48 रेसीन, नेकोदा, गज्‍जाम,
EZR 2:49 उज्‍जा, पासेआह, बेसाइ,
EZR 2:50 अस्‍नाह, मेउनीम, नेफीसीम,
EZR 2:51 बाकबुक, हकुफा, हारहुर,
EZR 2:52 बस्‍लुथ, मेहीदा, हारशा,
EZR 2:53 बारकोस, सीसेरा, तेमाह,
EZR 2:54 नेसीयाह नु हतीफा आन चच युइ बाक्‍तेक्‍म।
EZR 2:55 सोलोमन आ गेय पाइब आन चच युइ सु सु बाक्‍तेक्‍म देंशा हना, सोताइ, हास्‍सोफेरेथ, पेरुदा, १राजा ९:२१
EZR 2:56 यालाह, दारकोन, गिददेल,
EZR 2:57 शेफत्‍याह, हत्‍तील, पोकेरेथ-हस्‍सेबाइम नु आमी आन चच युइ बाक्‍तेक्‍म।
EZR 2:58 परमप्रभु यावे आ खिं ङा गेय पाइब नु सोलोमन आ गेय पाइब नेल्‍ल पा ३९२ मुर बाक्‍तेक्‍म। यहोसु ९:२३
EZR 2:59 मिनु तेल-मेलाह, तेल-हारशा करूब, अददान नु इम्‍मेर रे लेश्‍शा जाक्‍ब यो बाक्‍तेक्‍म। तन्‍न मेकोपुकीमी आन किकी पिपी नु आन खिं ङा मुर इस्राएल ङा सु रे जाक्‍शो बाक्‍मा, मेको देंने मचबेम।
EZR 2:60 मेकोपुकी देलायाह आ चच युइ, तोबीयाह आ चच युइ नु नेकोदा आ चच युइ नेल्‍ल पा ६५२ जना बाक्‍तेक्‍म।
EZR 2:61 परमप्रभु कली चढ़ेब हबायाह आ चच युइ, हककोस आ चच युइ नु बारजील्‍लाइ आ चच युइ यो आन किकी पिपी नु आन खिं ङा मुर इस्राएली सु रे बोशो बाक्‍मा देंने मचबेम। बारजील्‍लाइ नें वोइश्‍शो मुर गिलाद ङा बारजील्‍लाइ आ तमी कली ग्‍युंबे पवा बाक्‍त। मिनु आ शिउ आ नें वोदा बाक्‍त। २सामुएल १७:२७; २सामुएल १९:३२
EZR 2:62 मेकोपुकीमी मुर आन नें ब्रेक्‍तीकेमी आन नें माल्‍तेक्‍म, तन्‍न मथिदेम। मोपतीके मेकोपुकीम चढ़ेचा मताम। मिनु चढ़ेतीक गेय रे तिल्‍चा पुंइसाक्‍म।
EZR 2:63 मिनु ऊरीम नु थुम्‍मीममी गेय पने चाप्‍ब चढ़ेब का मग्रूम सम्‍म मेकोपुकीमी नेल्‍ल क्‍येङा चोव़खो चढ़ेतीक थोव़क रे जचा मताम।
EZR 2:64 मिनु मेकेर जाक्‍ब मुर नेल्‍ल पा ४२,३६० बाक्‍तेक्‍म।
EZR 2:65 मिनु मेको आन वाइलीम वाइल ७,३३७ मुर बाक्‍तेक्‍म। मेको आन दातेमी २०० कुम्‍सो पाइब मीश मुर नु वोंइश मुर यो बाक्‍तेक्‍म।
EZR 2:66 मिनु मेको नु ७३६ शारा नु २४५ खच्‍चर बाक्‍तेक्‍म।
EZR 2:67 मिनु मेको नु ४३५ दलओंठ नु ६,७२० गधा यो बाक्‍तेक्‍म। गन्‍ती १८:९; प्रस्‍थान २८:३०; १सामुएल १४:४१
EZR 2:68 मिनु मेकोपुकी यरूसलेममी बाक्‍शो परमप्रभु यावे आ खिं जाक्‍मा नोले का निक्‍शी खिं ङा ठेयब मुरपुकीमी परमप्रभु आ खिं ङोंइती ङा आ बाक्‍तीके उइ लेंशा सेल्‍चा कली ग्‍येरशा आन दाक्‍स पा क्‍येट गेम्‍तेक्‍म।
EZR 2:69 मेकोपुकीमी आन चाप्‍स पा सेल्‍तीक गेय कली ६१ हजार सुन के आदारकोन नु ५ हजार चांदी के मीना नु चढ़ेब आन कली सहे का फेक्‍तीक वा गेम्‍तेक्‍म। आदारकोन का ८.४ ग्राम सुन के क्‍येट बाक्‍ब। चांदी के मीना का ६०० ग्राम खोदेंशो बाक्‍ब।
EZR 2:70 मिनु चढ़ेबपुकी, लेवीपुकी नु का निक्‍शी अरु मुर यरूसलेम नु आ एर ओंथ ङा गाउंपुकीमी बाक्‍तेक्‍म। मिनु कुम्‍सो पाइबपुकी, लाप्‍चो खाल पाइबपुकी, परमप्रभु यावे आ खिंमी गेय पाइबपुकी नु लीशो इस्राएली नेल्‍ल आंम आन सहरम बाक्‍तेक्‍म।
EZR 3:1 मिनु इस्राएली आंम आन गाउं गाउंमी नेल्‍ल गारपा बाक्‍ने थुम्‍शो बाक्‍तेक्‍म। आन बाक्‍शो ७ महिना दुम नोले मुर नेल्‍ल थुं का ङा दुम्‍शा, यरूसलेममी बुक्‍तेक्‍म।
EZR 3:2 मेना योसादाक आ तौ येशुआ नु मेको आ वारच चढ़ेब, शाल्‍तीएल आ तौ जेरूब-बाबेल नु मेको आ खिं ङा मुर नेल्‍लेमी इस्राएली आन परमप्रभु कली चढ़ेतीके सेल्‍तेक्‍म। परमप्रभु आ मुर मोसामी आ अरेशो लोव़म दोपा ब्रेक्‍शो बाक्‍मे, मोपा चोशा चढ़ेचा कली मेको चढ़ेतीक सेल्‍तेक्‍म। एज्रा २:२; प्रस्‍थान २७:१; लेवी ६:२
EZR 3:3 मेकोपुकीमी चढ़ेतीक ङोंइती ते बाक्‍मे मेकेर लेंशा चढ़ेतीक सेल्‍‍‍तेक्‍म। मारदे हना मेको आन एर ओंथ ङा अर्को जात ङा मुर आन कली तशा हिंशा, सुनी नु नाक्‍नाक्‍दो परमप्रभु यावे कली चढ़ेतीकेम चोशा चढ़ेतीक चढ़ेम्‍तेक्‍म।
EZR 3:4 मिनु मेकोपुकीमी गोठ सेल्‍शा बाक्‍तीक चाड मानेम्‍तेक्‍म। मिनु दोपा पतीके ब्रेक्‍शो बाक्‍मे, मोपा नाक्‍त किंत किंत ङा पचा माल्‍शो चोशा चढ़ेतीके दोशो चढ़ेचा माल्‍‍मा, मोशो चढ़ेम्‍तेक्‍म। लेवी २३:३४-४३
EZR 3:5 मिनु नाक्‍त किंत किंत ङा चोशा चढ़ेतीके, औंसी नाक्‍त ङा चढ़ेतीके नु परमप्रभु यावेमी देंशो चाड ङा चढ़ेतीके चढ़ेम्‍तेक्‍म। सु सुमी आन ग्‍येरशो थुं रे परमप्रभु यावे कली चढ़ेचा दाक्‍तमे, मेको चढ़ेम्‍तेक्‍म।
EZR 3:6 मिनु परमप्रभु यावे आ खिं ङा जग मवोइश्‍शो बाक्‍त हना यो, ७ महिना ङा ङोंइती ङा नाक्‍त रे परमप्रभु यावे कली चोशा चढ़ेतीक चढ़ेचा गोम्‍तेक्‍म।
EZR 3:7 मिनु मेकोपुकीमी गारो प्रोव़ब नु शी के गेय पाइब आन कली क्‍येट गेम्‍तेक्‍म। मिनु पारसी ङा पिप कोरेसमी देंशो खोदेंशो पा सीदोन नु टायर ङा मुर आन कली लेबानोन ङा लाइश्‍शो रवा आ शी समुन्‍द्र रे पा योप्‍पा सम्‍म चाक्‍चा कली जचा तूचा थोव़क नु तेल गेम्‍तीमी। १राजा ५:१६-२५
EZR 3:8 मिनु मुरपुकी यरूसलेममी बाक्‍शो परमप्रभु आ खिं जाक्‍शो बर्स निक्‍शी नु महिना निक्‍शी दुम्‍माक्‍त। मिनु शाल्‍तीएल आ तौ जेरूब-बाबेल, योसादाक आ तौ येशुआ नु मेको आस लीशो लोक्‍ब, चढ़ेबपुकी, लेवीपुकी नु बेबीलोन रे लेश्‍शा यरूसलेम जाक्‍ब नेल्‍लेमी परमप्रभु आ खिं लेंशा सेल्‍चा गोम्‍तेक्‍म। मिनु परमप्रभु यावे आ खिं सेल्‍तीक गेय कोव़चा कली २० बर्स जाक्‍दीश्‍शो नु मेको क्‍येङा लाक्‍शो लेवी आन कली योव़शा वोइक्‍तीमी।
EZR 3:9 मिनु परमप्रभु आ खिं सेल्‍तीक गेय पाइब आन कली कोव़ब येशुआ नु आ तौपुकी नु आ लोक्‍ब, कदमीएल नु आ तौपुकी, बिन्‍नुइ नु होदावीयाह नु हेनादाद आ तौपुकी नु लेवी आन तौ नु खिं ङा मुर नेल्‍ल गेय पाइब आन कली कोव़ब दुम्‍‍तेक्‍म।
EZR 3:10 मिनु परमप्रभु यावे आ खिं सेल्‍बपुकीमी जग वोइक्‍तेक्‍म। चढ़ेबमी आन वा फेक्‍शा तुराही ताप्‍तेक्‍म। आसाफ आ तौ लेवीपुकीम बुप्‍केल ताप्‍तेक्‍म। इस्राएल ङा पिप दाऊदमी अरेशो खोदेंशो पा परमप्रभु यावे कली ठेयब सेल्‍चा कली आन आन बाक्‍तीकेमी राप्‍तेक्‍म।
EZR 3:11 मिनु मेकोपुकीमी पालो पालो पा कुम्‍सो पाम्‍तेक्‍म। परमप्रभु यावे कली ठेयब सेल्‍ना सेल्‍न “गे रिम्‍शो पाइब बाक्‍नीनी” दे मान पा कुम्‍सो पाम्‍तेक्‍म। मेकोपुकीमी “परमप्रभु यावे रिम्‍शो पाइब बाक्‍ब, नु आ गेना हना यो दाक्‍तीक इस्राएली नु ली‍ब” दे कुम्‍सो पाम्‍तेक्‍म। परमप्रभु यावे आ खिं ङा जग वोइश्‍शो बाक्‍तीके मुर नेल्‍लेमी ठेयब सेंदा पा परमप्रभु यावे कली ठेयब सेल्‍तेक्‍म। २इतिहास ५:१३; भजन संग्रह ११८:१
EZR 3:12 परमप्रभु यावे आ ङोंइती ङा खिं तशो चढ़ेबपुकी, लेवीपुकी नु आन खिं खिं ङा ठेयब मुर नु अरु खाल्‍पापुकी परमप्रभु यावे आ खिं ङा जग वोइश्‍शो तशा, ठेयब सेंदा पा ङाक्‍‍तेक्‍म। मिनु अरु मुर चहिं ग्‍येरशा ठेयब सेंदामी रेयके पाम्‍तेक्‍म। हाग्‍गै २:३
EZR 3:13 मिनु नेंब मुरपुकीमी ग्‍येरशा ग्रीशो नु ङाक्‍शो मार बाक्‍मे मारेइ मरुबेम। मारदे हना मुर आन रेयके पशो सेंदा थम ठेयब बाक्‍त। मेको रेयके पशो ङोन ङोन सम्‍म नेंसे बाक्‍त।
EZR 4:1 लेश्‍शा जाक्‍शो ग्‍याइश्‍शा लाइक्‍चा पुंइसीशो यहूदा नु बेन्‍यामीन आस थर ङा मुरपुकीमी परमप्रभु यावे, इस्राएली आन परमप्रभु आ खिं सेल्‍ना सेल्‍न बाक्‍नीम देंशो लोव़ आन जोरी सत्रुमी नेंतेक्‍म।
EZR 4:2 मिनु मेकोपुकीमी जेरूब-बाबेल, येशुआ नु खिं खिं ङा ठेयब मुर आन बाक्‍तीकेमी जाक्‍शा “गो आंइ कली यो गे नु गारशा, मेको खिं सेल्‍चा गेकी। गो यो गे इन खोदेंशो पा इन परमप्रभु कली ठेयब सेल्‍ना सेल्‍न बाक्‍नीकी। मिनु गो आंइ कली एक चाक्‍ब अस्‍सुर ङा पिप एसर-हददोन आ पाला रे गो यो इन परमप्रभु कली चढ़ेन चढ़ेन बाक्‍तक” देंतेक्‍म। येरमीया ४१:५; २राजा १७:२४-३३; २राजा १९:३७
EZR 4:3 तन्‍न जेरूब-बाबेल, येशुआ नु इस्राएली आन लीशो खिं खिं ङा ठेयब मुरपुकीमी मेको आन कली “एको खिं गो इस्राएली आंइ परमप्रभु कली सेल्‍नीकी। एकेर गे इन पचा माल्‍शो मारेइ मबाक्‍ब। पारसी ङा पिप कोरेसमी आंइ कली अरेशो खोदेंशो पा, गो आंइ परमप्रभु यावे, इस्राएली आन परमप्रभु आ खिं आंमान सेल्‍नीकी” दे माइक्‍तेक्‍म।
EZR 4:4 मिनु नोले मेको रागी ङा मुरपुकीमी यहूदी आन कली आन थुं तोक्‍शा गेम्‍तेक्‍म। मिनु मेको खिं मसेल्‍पाइक्‍‍चा कली हिंच कोंइताक्‍म।
EZR 4:5 मिनु यहूदी आन गेय नेल्‍ल क्‍याम्‍पाइक्‍चा कली, मेकोपुकीमी दरवार ङा ठेयब मुर आन कली घूस गेम्‍तेक्‍म। मिनु मेकोपुकीमी पिप कोरेस आ सासन पची ना रे पारसी ङा पिप दारा आ सासन पची ना सम्‍म मोदेंशो गेय पना पन बाक्‍तेक्‍म। एज्रा ४:२४
EZR 4:6 मिनु अहासूरसमी सासन पचा गोवा आ ङोंइती ङा बर्स, मेको रागी ङा मुरपुकीमी यहूदा नु यरूसलेम ङा मुर आन कली दोस गेशो ब्रेक्‍स का ब्रेक्‍शा सोइक्‍ताक्‍मी।
EZR 4:7 मिनु बिश्‍लाम, मिथ्रेदाथ, ताबेल नु मेको आ वारच नेल्‍ल गारशा पारसी ङा पिप आरता-सास्‍त कली ब्रेक्‍स का ब्रेक्‍ताक्‍म। मेको ब्रेक्‍स अरामी आन लोव़मी ब्रेक्‍शो बाक्‍त। मिनु मेको आ अर्थ यो ब्रेक्‍शो बाक्‍त।
EZR 4:8 पिप आ सोइश्‍शो रेहुम नु ब्रेक्‍तीक गेय पाइब शिम्‍शाइमी, पिप आरता-सास्‍त कली यरूसलेम आ पर्बम ब्रेक्‍स का ब्रेक्‍ताक्‍स।
EZR 4:9 पिप आ सोइश्‍शो रेहुम, ब्रेक्‍तीक गेय पाइब शिम्‍शाइ नु मेको निक्‍शी नु गेय पाइबपुकी, निसाफ पाइबपुकी, पिप आ सोइश्‍शोपुकी, पारसी ङा ठेयब मुरपुकी, एरेक नु बेबीलोनमी बाक्‍ब सुसा एलाम ङा मुरपुकी
EZR 4:10 नु नेल्‍ल क्‍येङा ठेयब मान पचा पुंइसीशो ओस्‍नापरमी ग्‍याइश्‍शा लाइश्‍शो मुर आन रागी रे ग्रुंइशा सामरीया सहर नु आ एर ओंथ नु युफ्रेटीस खोला आ आइक्‍ची हांबुमी वोइश्‍शो मुरपुकीमी ब्रेक्‍ताक्‍म।
EZR 4:11 मेको सोइश्‍शो ब्रेक्‍स ङा लोव़ मार बाक्‍त देंशा हना “पिप आरता-सास्‍त कली युफ्रेटीस आइक्‍ची हांबुमी बाक्‍ब गेय पाइबपुकीमी इन कली ‘रिम्‍शो बाक्‍कीन’ देंनीम।
EZR 4:12 पिप इन कली मार लोव़ तुइक्‍पाइक्‍चा दाक्‍नीकी देंशा हना, इन कली प्रोंइशा एको रागीमी जाक्‍ब यहूदीपुकी यरूसलेममी जाक्‍तेक्‍म। मिनु मेकोपुकीमी काइ मटीब नु मरिम्‍शो पाइब आन सहर कली लेंशा सेल्‍ना सेल्‍न बाक्‍नीम। मेकोपुकीमी मेको आ जग लेंशा सेल्‍शा, आ गारो यो प्रोव़ने थुम्‍चशो बाक्‍नीम।
EZR 4:13 पिप इन कली मार लोव़ तुइक्‍पाइक्‍चा दाक्‍नीकी देंशा हना, मेको सहर कली लेंशा सेल्‍तेक्‍म नु मेको आ गारो प्रोव़ने थुम्‍तेक्‍म हना, मेकोपुकीमी पिप कली थाप्‍तीके, आन चेम्‍शो रे थाप्‍तीक नु आन रू ङा थाप्‍तीके मारेइ मथाप्‍नीम। मिनु मो पामेनु, पिप इन कली मरिम्‍शो दुम्‍ब।
EZR 4:14 गो पिप इन गेशो जाइनीकी। मोपतीके सुइम इन कली मान मपशो कोव़चा मदाक्‍नीकी। मोपतीके पिप इन कली एको लोव़ तुइक्‍पाइक्‍चा कली लोव़ कुरब मुर सोइक्‍ताक्‍क।
EZR 4:15 इन किकी पिपीमी ब्रेक्‍शा वोइश्‍शो ब्रेक्‍स माल्‍शा, कोव़ङीन। मेकेर मार ब्रेक्‍शो बाक्‍मे थित्‍नीनी। मेको सहरम काइ मटीब मुर बाक्‍नीम। मेकोपुकी पिप नु रागी कली मरिम्‍शो पाइब बाक्‍नीम। मोपतीके एको सहर कली खतम पोक्‍शो बाक्‍त।
EZR 4:16 मिनु गो पिप इन कली मार लोव़ तुइक्‍पाइक्‍चा दाक्‍नीकी देंशा हना, एको सहर लेंशा सेल्‍तेक्‍म हना, नु मेको आ एर ओंथ ङा गारो प्रोव़ने थुम्‍तेक्‍म हना, युफ्रेटीस आइक्‍ची हांबुम इन के मारेइ अधिकार मलीब” दे ब्रेक्‍शो बाक्‍त।
EZR 4:17 मिनु पिपमी “आं सोइश्‍शो रेहुम, ब्रेक्‍तीक गेय पाइब शिम्‍शाइ नु सामरीया सहर नु आ एर ओंथ नु ठेयब खोला आइक्‍ची हांबु बाक्‍ब इन गेय पाइब आन कली ‘रिम्‍शो बाक्‍कीन’ दे ब्रेक्‍नुङ।
EZR 4:18 इन सोइश्‍‍शो ब्रेक्‍स आं कली रिम्‍शो पा पढेशा मेको आ अर्थ नेंपाइक्‍तीमी।
EZR 4:19 मिनु गे इन देंशो खोदेंशो पा ब्रेक्‍शा वोइश्‍शो लोव़पुकी माल्‍पाइक्‍तामी। मिनु मार थिंसाक्‍व देंशा हना, मेको सहर ङा मुरुमी पिप आ सासन पतीकेमी मटिशो आ पर्बम शुश लोव़पुकी ब्रेक्‍शा वोइश्‍शो थिंसाक्‍व। मिनु साइ रे मोदेंशो मटितीके, पना पन पिशो बाक्‍तेक्‍म।
EZR 4:20 यरूसलेममी सासन पाइब सक्ति पाइश्‍शो पिपपुकी बाक्‍तेक्‍म। मेकोपुकीमी युफ्रेटीस आइक्‍ची हांबु ङा रागी नेल्‍ल अधिकारम वोइश्‍शो बाक्‍तेक्‍म। मिनु मुरपुकीमी पिप कली थाप्‍तीके, आन चेम्‍शो रे थाप्‍तीके नु आन रू ङा थाप्‍तीके नेल्‍ल थाप्‍शो बाक्‍तेक्‍म।
EZR 4:21 मोपतीके मेको मुर आन गेय तेक्‍चा माल्‍ब, दे मतीन। मिनु गो हुकुम मगेङा सम्‍म मेको सहर लेंशा मसेल्‍मेक्‍ल।
EZR 4:22 गेपुकीमी मेको आ पर्बम इन पचा माल्‍शो गेय हेंथे मपने। पिप आ गेय रिम्‍शो दुम्‍पाइक्‍चा कली मेको मरिम्‍शो गेय तेक्‍चा माल्‍ब” दे लोव़ कुरब मुर सोइक्‍ताक्‍व।
EZR 4:23 मिनु रेहुम, ब्रेक्‍तीक गेय पाइब शिम्‍शाइ नु मेको नु गेय पाइब आन ङोंइती पिप आरता-सास्‍त आ ब्रेक्‍स पढेमे चोटीन रेहुम नु मेको नु बाक्‍ब छुल छाल बोक्‍शा दोरोर पा यरूसलेम लशा, मेकेर ङा यहूदी आन आन सेल्‍तीक गेय नेल्‍ल ग्रा ग्रु तेक्‍तेक्‍म।
EZR 4:24 मे नोले यरूसलेममी परमप्रभु आ खिं सेल्‍तीक गेय देक्‍त। मिनु मोदेंशो पा पारसी ङा पिप दारा आ सासन पशो बर्स निक्‍शी जाक्‍दीम सम्‍म मेको सेल्‍तीक गेय देक्‍शा लीत।
EZR 5:1 मिनु परमप्रभु यावे आ लोव़ पाइब हाग्‍गै नु इददो आ तौ जकरियामी यहूदा नु यरूसलेममी बाक्‍ब यहूदी आन कली इस्राएली आन परमप्रभु आ देंशो लोव़ पाम्‍ताक्‍स। हाग्‍गै १:१; जकरिया १:१
EZR 5:2 मिनु शाल्‍तीएल आ तौ जेरूब-बाबेल नु योसादाक आ तौ येशुआमी यरूसलेममी परमप्रभु आ खिं लेंशा सेल्‍चा गोम्‍सेनु, परमप्रभु यावे आ लोव़ पाइबपुकीमी यो मेको आन कली वारच पाम्‍तेक्‍म।
EZR 5:3 मिनु युफ्रेटीस आइक्‍ची हांबु ङा रागीम सासन पाइब तत्तेनाइ, शेथार-बोजे‍नाइ नु मेको नु बाक्‍बपुकी रीब पा यहूदी आन बाक्‍तीकेम जाक्‍शा “एको खिं लेंशा सेल्‍चा नु थुम्‍चा कली इन कली सुम अधिकार गेवा?” देंतेक्‍म।
EZR 5:4 मिनु मेकोपुकीमी मेको खिं सेल्‍ब आन नें यो पुंइतेक्‍म।
EZR 5:5 तन्‍न परमप्रभुमी यहूदी आन खाल्‍पा आन कली वारच पाप्‍तु। मिनु मेकोपुकी पिप दारा आ बाक्‍तीकेम आन ब्रेक्‍स जाक्‍दीश्‍शा, पिपमी मार देंबा, मेको लोव़ मनेन्‍मे सम्‍म, मेको गेय तेक्‍ने मचबेम। ब्‍यवस्‍था ११:१२; १राजा ८:२९
EZR 5:6 युफ्रेटीस आइक्‍ची हांबु ङा रागी कली हुकुम पाइब, तत्तेनाइ, शेथार-बोजे‍नाइ नु मेको नु बाक्‍ब सोइश्‍शोपुकीमी पिप दारा कली ब्रेक्‍स का ब्रेक्‍शा सोइश्‍शो बाक्‍तेक्‍म। मेको ब्रेक्‍स एको बाक्‍ब।
EZR 5:7 मेको आन सोइश्‍शो ब्रेक्‍समी मार ब्रेक्‍शो बाक्‍त देंशा हना “पिप दारा इन थुं नाइश्‍‍शा रिम्‍शो बाक्‍कीन।
EZR 5:8 पिप, इन कली लोव़ का तुइक्‍पाइक्‍चा दाक्‍नीकी। मार लोव़ तुइक्‍पाइक्‍चा दाक्‍नीकी देंशा हना, गो यहूदा रागीमी ठेयब परमप्रभु आ खिं बाक्‍तीक लाइतक। मेको ठेयब ख्रोइश्‍‍शो फुल्‍लुमी सेल्‍नीम। आ गारो तार शी वोइक्‍ने थुम्‍तेक्‍म। शुश गेय पा, रीब पा सेल्‍ना सेल्‍न बाक्नीम” दे ब्रेक्‍शो बाक्‍त।
EZR 5:9 मिनु मेको खाल्‍पा आन कली “इन कली एको खिं लेंशा सेल्‍चा नु थुम्‍चा कली सुम अधिकार गेवा? दे हिल्‍लो पाइतक।
EZR 5:10 मिनु इन कली ब्रेक्‍चा नु तुइक्‍पाइक्‍चा कली मेको आन ठेयब मुर आन नें यो हिल्‍लो पाइतक।
EZR 5:11 तन्‍न मेकोपुकीमी ‘गो सरीङ नु रागी ङा परमप्रभु आ गेय पाइब नकी। मिनु शुश बर्स ङोंइती सेल्‍शो खिं लेंशा सेल्‍ना सेल्‍न बाक्‍नीकी। मेको ङोंइती ङा खिं इस्राएल ङा ठेयब पिप कामी सेल्‍‍शो बाक्‍त।
EZR 5:12 तन्‍न आंइ किकी पिपीमी स्‍वर्ग ङा परमप्रभु कली चुरपाइश्‍शो बाक्‍तेक्‍म। मिनु मेकोमी मेको आन कली बेबीलोन ङा कल्‍दी आन पिप नेबुकदनेसर आ गुइमी गेशो बाक्‍त। मिनु मेको पिपमी एको खिं कली प्रेश्‍शो बाक्‍त। मुर आन कली ग्‍याइश्‍शा बेबीलोन रागीमी लाइश्‍शो बाक्‍त। २राजा २४:१०-१४; २राजा २५:९
EZR 5:13 तन्‍न बेबीलोन ङा पिप कोरेसमी आ सासन पशो ङोंइती ङा बर्समी एको परमप्रभु आ खिं लेंशा सेल्‍चा कली हुकुम गेशो लोव़ ब्रेक्‍शा ग्रुंइशो बाक्‍त। एज्रा १:१-२
EZR 5:14 नेबुकदनेसरमी यरूसलेम ङा सुन नु चांदी के बोसपुकी परमप्रभु आ खिं रे लाइश्‍शा बेबीलोन ङा मन्‍दीरम वोइश्‍शो बाक्‍त। मिनु पिप कोरेसमी मेको बोसपुकी बेबीलोन ङा मन्‍दीर रे ग्रुंइशा शेश-बस्‍सार कली गेप्‍तु। पिप कोरेसमी शेश-बस्‍सार कली सासन पचा कली योव़शो बाक्‍त’। एज्रा १:७-८
EZR 5:15 मिनु मेको कली ‘एको बोसपुकी लाइश्‍शा यरूसलेम ङा परमप्रभु आ खिंमी वोतो’ देंत। मिनु परमप्रभु आ खिं ङोंइती आ बाक्‍तीक उइ लेंशा सेल्‍चा माल्‍नीम” दे माइक्‍तु।
EZR 5:16 मिनु मेको शेश-बस्‍सार जाक्‍शा, यरूसलेममी परमप्रभु आ खिं आ जग वोइक्‍तु। मेना रे मुल सम्‍म एको लेंशा सेल्‍ना सेल्‍न बाक्‍नीम। मिनु मेको मुल सम्‍म सेल्‍ने मथुम्‍शो बाक्‍ब।
EZR 5:17 मोपतीके मुल पिप, गे दाक्‍नीनी हना, बेबीलोन ङा पिप आन पालामी मार मार दुम्‍शो बाक्‍मे, मेको ब्रेक्‍स वोइक्‍तीकेमी माल्‍पतीन। मिनु पिप कोरेसमी यरूसलेममी परमप्रभु आ खिं लेंशा सेल्‍चा कली हुकुम पशो लोव़ ब्रेक्‍शा ग्रुंइशो बाक्‍म कों मबाक्म? मिनु मेको आ पर्बम इन दाक्‍शो मार बाक्‍बा, मेको आंइ कली तुइक्‍पतीन, दे ब्रेक्‍शो बाक्‍त। एज्रा ८:३६
EZR 6:1 मिनु बेबीलोन रागीमी पिप दारामी सासन पा मार मार ब्रेक्‍स वोइक्‍तीकेमी पिप आन ब्रेक्‍स माल्‍तेक्‍म।
EZR 6:2 मिनु मादी रागी ङा ठेयब सहर एक-बतानामी तोल्‍शा वोइश्‍शो ब्रेक्‍स का थित्‍तेक्‍म। मिनु मेको ब्रेक्‍समी मार ब्रेक्‍शो बाक्‍त देंशा हना
EZR 6:3 पिप कोरेसमी सासन पशो ङोंइती ङा बर्समी यरूसलेममी परमप्रभु आ खिं आ पर्बम हुकुम पशो ब्रेक्‍स का ग्रुंइशो बाक्‍ब। मार लोव़ ग्रुंइशो बाक्‍ब देंशा हना “मेको खिं लेंशा सेलीन। मेको चढ़ेचा कली नु चोशा चढ़ेतीक चढ़ेचा कली बाक्‍ब। आ ग्‍येत्‍थ लाइश्‍शो ६० कुबीत नु आ पित्‍थ ब्रेम्‍शो ६० कुबीत दुम्‍चा माल्‍ब। कुबीत का आधा मिटर खोदेंशो बाक्‍ब।
EZR 6:4 मेको ख्रोइश्‍शो फुल्‍लु के लहर सां नु शी के लहर का पा सेल्‍चा। मिनु मेको सेल्‍चा कली आ माल्‍शो नेल्‍ल पिप आ क्‍येट वोइक्‍तीक रे गेचा।
EZR 6:5 पिप नेबुकदनेसरमी यरूसलेम ङा परमप्रभु आ खिं रे ग्रुंइशा बेबीलोन सहरम चाक्‍शो सुन नु चांदी के बोसपुकी यो लेंशा ङोंइती ङा आन बाक्‍तीक उइ वोइक्‍चा। मेको नेल्‍ल यरूसलेममी परमप्रभु आ खिंमी लाइश्‍शा वोइक्‍चा नम” दे ब्रेक्‍शो बाक्‍त।
EZR 6:6 मिनु पिप दारामी “युफ्रेटीस आइक्‍ची हांबु ङा रागीमी हुकुम पाइब तत्तेनाइ, शेथार-बोजे‍नाइ नु इन गेय पाइबपुकी नु युफ्रेटीस आइक्‍ची हांबुम बाक्‍ब सोइश्‍शो नेल्‍ल इन कली
EZR 6:7 परमप्रभु आ खिं सेल्‍तीक गेय मतेक्‍कीन। यहूदी आन कली सासन पाइब नु मेको आन खाल्‍पा आन कली परमप्रभु आ खिं ङोंइती ङा आ बाक्‍तीक उइ सेल्‍चा गेने।
EZR 6:8 मिनु गो हुकुम का पाइनुङ। गे यहूदी आन खाल्‍पा आन कली परमप्रभु आ खिं सेल्‍चा कली मार पचा माल्‍नीनी मेको यो इन कली हुकुम गेनन्‍नी। मेको सेल्‍तीक गेय पचा कली युफ्रेटीस आइक्‍ची हांबु ङा रागी रे पोक्‍शो तिरो रे पिप आ क्‍येट वोइक्‍तीक रे मेको आन कली माल्‍शो नेल्‍ल गेने।
EZR 6:9 मिनु मेको आन कली माल्‍शो, बाछा, सांड, पाठा स्‍वर्गम बाक्‍ब परमप्रभु कली चोशा चढ़ेतीक चढ़ेचा कली गेचा माल्‍नीनी। यरूसलेममी बाक्‍ब चढ़ेब आन माल्‍शो चेरब, हिक्‍सी, अङगुर शांबु नु तेल मप्रेंथु, नाक्‍त किंत किंत रीब पा गेचा माल्‍नीनी।
EZR 6:10 मिनु मेकोपुकीमी स्‍वर्ग ङा परमप्रभु आ दाक्‍चा ङा पा चढ़ेने चाप्‍नीम। मिनु पिप नु आ तौपुकी शुश ब्रोंइशा बाक्‍ने चाप्‍मेक्‍ल, दे परमप्रभु कली पुंइनीम।
EZR 6:11 मेको प्रोंइशा यो गो एको हुकुम गे‍नन्‍नी सुमी एको आं अरेशो लोव़ फाइक्‍बा, मेको आ खिं ङा थाम का ग्रुंइशा, मेको थाममी क्‍युक्‍‍चा पुंइसीब। मिनु मोशो ला ममाइ, आ खिं यो प्रेश्‍शा गेचा पुंइसीब।
EZR 6:12 परमप्रभुमी आ नें तुइक्‍पाइक्‍चा कली यरूसलेममी आ बाक्‍तीक सेल्‍पाइश्‍शो बाक्‍त। परमप्रभुमी आ हुकुम फाइक्‍ब नु यरूसलेम आ खिं प्रेप्‍ब पिप नेल्‍ल नु अरु मुर, सु बाक्‍तेक्‍म हना यो, मेको आन कली खतम पोक्‍गल। गो पिप दाराम हुकुम पाता। मेको रीब पा पचा माल्‍नीम” दे हुकुम पाप्‍तु।
EZR 6:13 मिनु पिप दारामी अरेशो लोव़ युफ्रेटीस आइक्‍ची हांबु ङा रागीम हुकुम पाइब तत्तेनाइ, शेथार-बोजे‍नाइ नु मेको नु बाक्‍ब नेल्‍लेमी का यो मख्राइक्‍थु पाम्‍तेक्‍म।
EZR 6:14 मिनु यहूदी आन खाल्‍पापुकीमी सेल्‍ना सेल्‍न बाक्‍तेक्‍म। परमप्रभु यावे आ लोव़ पाइब हाग्‍गै नु इददो आ तौ जकरिया आस देंशो खोदेंशो पा रीब पा दुम्‍ना दुम्‍न लत। इस्राएली आन परमप्रभु आ देंशो खोदेंशो पा, पारसी रागी ङा पिप कोरेस आ हुकुम गेशो खोदेंशो पा, पिप दारा आ वारच पतीकेमी नु पिप आरता-सास्‍त आन ब्रेक्‍शा ग्रुंइशो हुकुम खोदेंशो पा मेकोपुकीमी मेको खिं लेंशा सेल्‍ने थुम्‍तेक्‍म।
EZR 6:15 पिप दारा आ सासन पशो ६ बर्स दुम्‍मेनु, अदार माइश्‍शो महिना ङा सां नाक्‍तीम मेको खिं सेल्‍ने थुम्‍तेक्‍म।
EZR 6:16 मिनु नोले इस्राएल ङा मुरपुकी, चढ़ेबपुकी, लेवीपुकी नु लेश्‍शा जाक्‍शो ग्‍याइश्‍शा लाइक्‍चा पुंइसीब नेल्‍लेमी परमप्रभु आ खिं परमप्रभु कली “इन के बाक्‍ब” दे ग्‍येरसीशा जिम्‍मा गेम्‍तेक्‍म।
EZR 6:17 मोपा मेकोपुकीमी मेको खिं परमप्रभु कली जिम्‍मा गेमेनु, सहे का ब्‍यफ, सहे निक्‍शी सांड नु ४ सहे पाठा चढ़ेम्‍तेक्‍म। मिनु इस्राएली आन पाप आ पर्बम १२ थर आन कली, बोका का का पा, १२ ओटा बोका चढ़ेम्‍तेक्‍म। गन्‍ती ७:१०
EZR 6:18 मिनु मेकोपुकीमी मोसा आ किताबमी ब्रेक्‍शो खोदेंशो पा चढ़ेब आन पालो पालो पा नु लेवी आन पालो पालो पा यरूसलेममी परमप्रभु आ गेय पचा कली लेंशा वोइक्‍तेक्‍म। गन्‍ती ३:६
EZR 6:19 मिनु लेश्‍शा जाक्‍शो ग्‍याइश्‍शा लाइक्‍चा पुंइसीबपुकीमी ङोंइती ङा महिना ङा १४ नाक्‍तीमी पास्‍सा चाड मानेम्‍तेक्‍म।
EZR 6:20 चढ़ेब नु लेवी नेल्‍लेमी आंम आन कली ठीक सेल्‍सीशो बाक्‍तेक्‍म। मेको नेल्‍ल परमप्रभु कली गेय पचा कली ठीक दुम्‍शो बाक्‍तेक्‍म। मेकोपुकीमी लेश्‍शा जाक्‍शो ग्‍याइश्‍शा लाइक्‍चा पुंइसीब, चढ़ेब आन लोक्‍ब आन कली नु आंम आन कली पास्‍सा चाड ङा पाठा क्‍योरतेक्‍म।
EZR 6:21 लेश्‍शा जाक्‍शो ग्‍याइश्‍शा लाइक्‍चा पुंइसीब इस्राएलीपुकीम मेको ब्‍वाम्‍तेक्‍म। मिनु रागी ङा मरिम्‍शो दुम्‍तीके रे दिल्‍शो परमप्रभु यावे, इस्राएली आन परमप्रभु कली ठेयब सेल्‍ब मुरपुकी मेको नु गारशा ब्‍वाम्‍तेक्‍म। ब्‍यवस्‍था १६:१-८
EZR 6:22 मिनु मेकोपुकीमी ग्‍येरशा ७ नाक्‍त सम्‍म बोरब ओख्‍ती मसुप्‍शो शोब्‍ले ङा चाड मानेम्‍‍तेक्‍म। मारदे हना परमप्रभु यावेमी मेको आन कली ग्‍येरपाइश्‍शो बाक्‍त। मेकोमी अस्‍सुर ङा पिप आ थुं हिरशा, मेको आन कली दाक्‍पाइश्‍शो बाक्‍त। मोपतीके मेको पिपमी इस्राएल ङा परमप्रभु आ खिं सेल्‍चा कली मेको आन कली वारच पाइक्‍तीमी।
EZR 7:1 मिनु मेको नोले, पारसी रागी ङा पिप आरता-सास्‍तमी सासन पची ना, सेरायाह आ तौ एज्रा बेबीलोन रे कुत। मेको सेरायाह आ आफ अजारयाह बाक्‍‍त। अजारयाह आ आफ हिल्‍‍कीयाह बाक्‍त। १इतिहास ५:३९-४०
EZR 7:2 हिल्‍‍कीयाह आ आफ शाल्‍लुम बाक्‍त। शाल्‍लुम आ आफ सादोक बाक्‍त। सादोक आ आफ अहीतुब बाक्‍त।
EZR 7:3 अहीतुब आ आफ अमारयाह बाक्‍त। अमारयाह आ आफ अजारयाह बाक्‍त। अजारयाह आ आफ मेरायोथ बाक्‍त।
EZR 7:4 मेरायोथ आ आफ जेराह बाक्‍त। जेराहीयाह आ आफ उज्‍जी बाक्‍त। उज्‍जी आ आफ बुक्‍की बाक्‍त।
EZR 7:5 बुककी आ आफ अबीशुआ बाक्‍त। अबीशुआ आ आफ फिनेहास बाक्‍त। फिनेहास आ आफ एलाजर बाक्‍त। एलाजर आ आफ नेल्‍ल क्‍येङा ठेयब चढ़ेब हारून बाक्‍त।
EZR 7:6 मेको एज्रा बेबीलोन रागी रे जाक्‍त। मोसा रे पा गेशो, परमप्रभु यावे, इस्राएली आन परमप्रभु आ अरेशो लोव़ जोक्‍ब तुइक्‍ब बाक्‍त। मिनु पिपमी आ पुंइशो नेल्‍ल गेप्‍तु। मारदे हना आ परमप्रभु यावे आ गुइ मेको आ तारी बाक्‍त। एज्रा ८:१८-२२; नेहेम्‍याह २:८
EZR 7:7 आरता-सास्‍त पिप दुम्‍शो ७ बर्स जाक्‍दीम्‍मेनु, का निक्‍शी इस्राएली, का निक्‍शी चढ़ेब, लेवी, कुम्‍सो पाइब, लाप्‍चोम खाल पाइब नु परमप्रभु आ खिंमी गेय पाइब मेको नु यरूसलेम लाम्‍तेक्‍म।
EZR 7:8 मिनु पिपमी सासन पशो ७ बर्स ङा ५ महिना दुम्‍मेनु, मेकोपुकी यरूसलेममी जाक्‍दीत्‍‍तेक्‍म।
EZR 7:9 मिनु ङोंइती ङा महिना ङा ङोंइती ङा नाक्‍तीमी बेबीलोन रागी रे यरूसलेम लचा गोम्‍तेक्‍म। मिनु मेकोपुकी ५ महिना ङा ङोंइती ङा नाक्‍तीमी यरूसलेम जाक्‍तेक्‍म। मारदे हना परमप्रभु यावे, आ परमप्रभु आ शिशी पतीक गुइ मेको आन तारी बाक्‍त।
EZR 7:10 एज्रामी परमप्रभु यावे आ अरेशो लोव़ रुप्‍चा नु पचा कली आ थुं फ्रेंशो बाक्‍त। मिनु परमप्रभु आ फुल्‍लुम मुशा ब्रेक्‍शो नु आ ठीक पतीक लोव़ इस्राएलम शेंचा कली मिम्‍शो बाक्‍त।
EZR 7:11 मेको पिप आरता-सास्‍तमी चढ़ेब एज्रा कली गेशो ब्रेक्‍स ङा लोव़ एको बाक्‍ब “मेको एज्रा नेल्‍ल ब्रेक्‍स तुइक्‍ब, परमप्रभु यावेमी इस्राएली आन कली शेंशो नु फुल्‍लुम मुशा ब्रेक्‍शो लोव़ रुप्‍शा जोक्‍ब बाक्‍‍त।
EZR 7:12 ‘पिप आन पिप आरता-सास्‍तमी स्‍वर्ग ङा परमप्रभु आ अरेशो लोव़ जोक्‍ब तुइक्‍ब चढ़ेब एज्रा कली थुं नाइश्‍शा बाक्‍को!’
EZR 7:13 गो हुकुम का गे‍न‍न। मार हुकुम गे‍न‍न देंशा हना, आं रागीम बाक्‍शो इस्राएल ङा मुर, चढ़ेबपुकी नु लेवीपुकी यरूसलेममी सु सु लचा दाक्‍नीमी, मेको गे नु लने चाप्‍नीम।
EZR 7:14 गो, पिप नु आं ७ जना अर्ती गेबपुकीमी इन कली यहूदा नु यरूसलेममी मार दुम्‍ना दुम्‍न बाक्‍मे, मेको कोव़चा कली सोइश्‍शो बाक्‍नीकी। गे नु बाक्‍ब इन परमप्रभु आ अरेशो लोव़ पशो बाक्‍मा कों, मपशो बाक्‍मा, मेको कोव़ङो।
EZR 7:15 गो, पिप नु आं ७ जना अर्ती गेबपुकीमी ग्‍येरशा गेशो सुन चांदी यरूसलेममी बाक्‍ब इस्राएली आन परमप्रभु कली लतीन।
EZR 7:16 मिनु गे बेबीलोन रागी नेल्‍लेमी इ कली गेशो सुन चांदी लाइश्‍शा लने। मुर नु चढ़ेबपुकीमी यरूसलेम सहरम बाक्ब आन परमप्रभु आ खिं कली ग्‍येरशा गेशो मार मार यो लतीन।
EZR 7:17 मिनु मेको क्‍येटीमी यरूसलेममी इन परमप्रभु कली चढ़ेतीकेमी चढ़ेचा कली ब्‍यफ, सांड नु पाठापुकी ग्यापीन। मेको नु चढ़ेचा कली अन्‍न नु तूचा थोव़क यो ग्‍याप्‍चा माल्‍नीनी।
EZR 7:18 मेको मोपा ग्‍याप्‍शा यो सुन चांदी हेंत हना, इन परमप्रभु आ दाक्‍स पा, गे नु इन लोक्‍बपुकीमी मार पशो नु रिम्‍शो लाक्‍नीनी, मेको पने चाप्‍नीनी।
EZR 7:19 इन परमप्रभु आ खिंमी गेय पचा कली गेशो बोसपुकी, गे मेको यरूसलेममी परमप्रभु आ ङोंइती वोइक्‍चा माल्‍नीनी।
EZR 7:20 मिनु इन परमप्रभु आ खिं कली मारेइ माल्‍ताक्‍व हना, मेको पिप आ क्‍येट वोइक्‍तीक रे शोल्‍शा, गेय पने चाप्‍नीनी।
EZR 7:21 गो, पिप आरता-सास्‍तमी, युफ्रेटीस आइक्‍ची हांबु ङा रागी ङा क्‍येट कोव़शा वोइक्‍ब आन कली हुकुम गेतामी। नेल्‍ल आन कली ‘स्‍वर्ग ङा परमप्रभु आ अरेशो लोव़ जोक्‍ब तुइक्‍ब चढ़ेब एज्रामी इन कली मार पुंइतु हना यो, रीब पा गेने।
EZR 7:22 सहे का टलेन्‍ट चांदी, सहे का कोर चेरब, सहे का बाथ अङगुर शांबु, सहे का बाथ तेल नु हिक्‍सी दोशो माल्‍नीमी मोशो गेन। टलेन्ट का ३४ किलो बाक्‍ब। कोर का २२० लिटर, ठेयब पुक्‍तीके बाक्‍ब। बाथ का २२ लिटर बाक्‍ब।
EZR 7:23 स्‍वर्ग ङा परमप्रभुमी मार अरेशो बाक्‍मे आ खिं कली मार माल्‍दा मेको रीब पा स्‍वर्ग ङा परमप्रभु कली गेने। मो मदुम्‍त हना, आ गाइश्‍शो पिप आ राज्‍य नु आ तौ चच आन तार मोंइसीब।
EZR 7:24 मिनु गो इन कली मार तुइक्‍पाइक्‍चा दाक्‍नीकी देंशा हना, चढ़ेब, लेवी, कुम्‍सो पाइब, लाप्‍चो खाल पाइब, परमप्रभु आ खिंमी गेय पाइब नु अरु गेय पाइब आन कली पिप कली गेतीक क्‍येट नु तिरो पोक्‍चा मताइनीम’ दे हुकुम गे‍नन्‍नी।
EZR 7:25 मिनु गे, एज्रा इ परमप्रभुमी इ कली तुइक्ब थुं गेशो बाक्‍त। मोपतीके युफ्रेटीस आइक्‍ची हांबु ङा रागी कली हुकुम पाइब नु निसाफ पाइब योव़शा वोइक्‍चा माल्‍नेवे। मेकोपुकीमी युफ्रेटीस आइक्‍ची हांबु ङा मुर नेल्‍ल आन कली निसाफ पचा माल्‍नीम। मेको परमप्रभु आ अरेशो लोव़ तुइक्‍ब दुम्‍चा माल्‍नीम। गे मतुइक्‍ब आन कली शेंचा माल्‍नेवे।
EZR 7:26 इ परमप्रभु आ लोव़ मटीब नु पिप आ अरेशो मटीब, नेल्‍ल आन कली सजाइ गेचा माल्‍नीम। मेको आन कली साइक्‍चा पुंइसीचा ङा, रागी रे तिल्‍चा पुंइसीतीके, मेको आन शोंप नेल्‍ल रोइक्‍चा पुंइसीतीके नु चोक्‍चा पुंइसीतीके, मार सजाइ हना यो गेचा माल्‍नीम” दे ब्रेक्‍शो बाक्‍त।
EZR 7:27 मिनु एज्रामी “परमप्रभु यावे, आंइ किकी पिपी आन परमप्रभु, गे ठेयब बाक्‍नीनी। यरूसलेममी बाक्‍शो परमप्रभु यावे, इन खिं आ मान नु छेङछेङ बारपाइक्‍चा कली पिप आ थुंमी मोदेंशो रिम्‍शो पतीके कुर पाइतीनी।
EZR 7:28 मिनु पिप, आ अर्ती गेबपुकी नु गेय पाइब आन ठेयब मुरपुकीमी आं कली दाक्‍ब सेल्‍तीनी” देंत। मारदे हना परमप्रभु यावे, आं परमप्रभु आ गुइ आं तारी बाक्‍ब, दे तुइश्‍शा, आं थुं ठेयब सेल्‍ता। मिनु गो नु यरूसलेम लचा कली बेबीलोनम बाक्‍शो इस्राएली आन ठेयब मुर आन कली पुक्‍ताक्‍मी।
EZR 8:1 पिप आरता-सास्‍तमी सासन पवा ना बेबीलोन रे गो नु लाइब खिं खिं ङा ठेयब मुर आन नें ब्रेक्‍तीकेम ब्रेक्‍शो सु सु बाक्‍तेक्‍म देंशा हना, एज्रा ७:१,७
EZR 8:2 फिनेहास आ चच युइ रे गेरशोम, इथामार आ चच युइ रे दानीएल, दाऊद आ चच युइ रे हत्‍तुश, १इतिहास ३:२२
EZR 8:3 शेकन्‍याह आ चच युइ, पारोश आ चच युइ, जकरिया नु नें ब्रेक्‍तीकेम नें ब्रेक्‍शो १५० जना वोंइश मुर,
EZR 8:4 पहाथ-मोआब आ चच युइ रे, जेराहीयाह आ तौ एली-ए-होएनाइ नु मेको नु २०० जना वोंइश मुर, एज्रा २:६
EZR 8:5 जत्‍तु आ चच युइ रे याहासीएल आ तौ शेकन्‍याह नु ३०० जना वोंइश मुर,
EZR 8:6 आदीन आ चच युइ रे योनाथन आ तौ एबेद नु ५० जना वोंइश मुर,
EZR 8:7 एलाम आ चच युइ रे अथाल्‍याह आ तौ येशायाह नु ७० जना वोंइश मुर,
EZR 8:8 शेफत्‍याह आ चच युइ रे मिकाएल आ तौ जेबदीयाह नु ८० जना वोंइश मुर,
EZR 8:9 योआब आ चच युइ रे येहीएल आ तौ ओबदिया नु २१८ जना वोंइश मुर,
EZR 8:10 बानी आ चच युइ रे योसीफीया आ तौ शेलोमीथ नु १६० जना वोंइश मुर, एज्रा २:१०
EZR 8:11 बेबाइ आ चच युइ रे आ तौ जकरिया नु २८ जना वोंइश मुर,
EZR 8:12 अज्‍गाद आ चच युइ रे हककातान आ तौ योहानान नु ११० जना वोंइश मुर,
EZR 8:13 नोले जाक्‍शो अदोनीकाम आ चच युइ रे एली-फेलेत, येहुएल नु शेमायाह नु ६० जना वोंइश मुर,
EZR 8:14 मिनु बिग्‍वाइ आ चच युइ रे उथाइ, जाक्‍कुर नु ७० जना वोंइश मुर बाक्‍तेक्‍म।
EZR 8:15 गो मेको मुर नेल्‍ल आन कली अहावा गे लाइब खोला आ नेक्‍थाम पुक्‍ताक्‍मी। मिनु गो मेकेर नाक्‍त सां सम्‍म बाक्‍तीक सेल्‍शा बाक्‍तक। मिनु गो मुर नु चढ़ेब आन कली कोव़ङुमीनु, लेवी आ चच युइ काइ मबाक्‍म।
EZR 8:16 मिनु गो मुर आन कली एलीएजर, अरीएल, शेमायाह, एल्‍नाथान, यारीब, एल्‍नाथान, नाथान, जकरिया नु मेशुल्‍लाम आन कली ब्रेत्‍थ सोइक्‍ताक्‍ङ। मेको लेवी आन दातेमी ठेयब मुर बाक्‍तेक्‍म। जोक्‍ब तुइक्‍ब योयारीब नु एल्‍नाथान आस कली यो ब्रेत्‍थ सोइक्‍ताक्‍ङ।
EZR 8:17 मिनु गो कासीपीया ङा ठेयब मुर इददो आ बाक्‍तीकेमी “लन” दे सोइक्‍ताक्‍ङमी। मिनु मेको आन कली कासीपीयाम लशा, इददो मेको आ मुरपुकी नु मेकेर ङा परमप्रभु आ खिंम गेय पाइब आन कली “आंइ परमप्रभु आ खिंमी गेय पचा कली गेय पाइबपुकी सोइक्‍तीन” दे माइक्‍थ सोइक्‍ताक्‍ङमी।
EZR 8:18 आंइ परमप्रभु आ शिशी पतीके गुइ आंइ तारी बाक्‍त। मारदे हना मेकोपुकीमी जोक्‍ब तुइक्‍ब मुर का चाक्‍तेक्‍म। मेको इस्राएल आ तौ लेवी आ तौ माहली आ चच युइ शेरेब्‍याह माइश्‍शो मुर बाक्‍त। मेको आ तौपुकी नु आ लोक्‍ब नेल्‍ल पा १८ जना वोंइश मुर चाक्‍तेक्‍म। एज्रा ७:६
EZR 8:19 मिनु मेकोपुकीम यो हशाब्‍याह, मेरारी आ चच युइ येशायाह नु मेको आ लोक्‍ब नु मेको आन तौ २० जना यो चाक्‍तेक्‍म।
EZR 8:20 मिनु मेको आन कली प्रोंइशा २२० जना परमप्रभु आ खिंमी गेय पाइब यो चाक्‍तेक्‍म। ङोंइती दाऊद नु आ गेय पाइब ठेयब मुरपुकीमी लेवी आन कली वारच पचा कली योव़शा वोइश्‍शो बाक्‍त। मेको नेल्‍ल आन नें नें ब्रेक्‍तीकेम ब्रेक्‍शो बाक्‍तेक्‍म। १इतिहास ९:२
EZR 8:21 मिनु गो अहावा खोलाम बाक्‍कानु, गो मुर आन कली “परमप्रभु कली पुंइचा कली गो माइजा बाक्‍चा माल्नय” देंती। “परमप्रभु आ ङोंइती आंइ दाक्‍शो मपथु, आंइ कली, आंइ आल आन कली नु आंइ शोंप कली लांम रिम्‍शो दुम्‍ल” दे परमप्रभु कली पुंइत‍क।
EZR 8:22 गो आंइ कली लांम आंइ जोरी सत्रु रे प्रोंइचा कली लडाइ पाइब नु शारा ङोइक्‍बपुकी सोइक्‍तीकी, दे पिप कली पुंइचा मुने पाता। मारदे हना गोपुकीमी पिप कली “आंइ परमप्रभुमी आ नोले खोइक्‍ब नेल्‍ल आन कली कोव़ब। तन्‍न मेको कली प्रोंइब आन कली आ गाइश्‍शो कोंइब” देंशो नङ।
EZR 8:23 मिनु गो आंइ रिम्‍शो पा गाक्‍तीक आ पर्बम माइजा बाक्‍शा, आंइ परमप्रभु कली पुंइतक। मिनु परमप्रभुमी आंइ पुंइशो नेंतु।
EZR 8:24 मिनु गो ठेयब चढ़ेब आन दाते रे १२ जना आन कली योव़तामी। मेको सु सु बाक्‍तेक्‍म देंशा हना, शेरेब्‍याह नु हशाब्‍याह नु मेको आस लोक्‍ब १० जना बाक्‍तेक्‍म।
EZR 8:25 मिनु पिप आ अर्ती गेब, मेको आ गेय पाइब ठेयब मुरपुकी नु मेकेर बाक्‍ब इस्राएली नेल्‍लेमी परमप्रभु आ खिं कली गेशो सुन चांदी नु अरु बोसपुकी नाक्‍शा, मेको आन कली गेतामी।
EZR 8:26 गो मेको आन कली ६ सहे ५० टलेन्ट चांदी, अरु सहे का टलेन्ट ङा चांदी के बोस नु सुन सहे का टलेन्ट, टलेन्ट का ३४ किलो बाक्‍ब।
EZR 8:27 सुन के बोस २० ओटा, मेको नेल्‍ल हजार का आदारकोन ङा बाक्‍नीम। नु सुन खोदेंशो रिम्‍शो कांसा के बोस निक्‍शी यो गेतामी। आदारकोन सुन के क्‍येट बाक्‍ब। टुक्रा का ८.४ ग्राम बाक्‍ब।
EZR 8:28 मिनु गो मेको आन कली “गे परमप्रभु यावे आ मुर बाक्‍नीनी। एको बोस यो परमप्रभु यावे आ बोस बाक्‍नीम। मुरपुकीमी एको सुन नु चांदी इन किकी पिपी आन परमप्रभु कली ग्‍येरशा गेशो बाक्‍‍नीम।
EZR 8:29 गे मेको नेल्‍ल कली रिम्‍शो कोव़ङीन। यरूसलेम परमप्रभु यावे आ खिंमी ठेयब चढ़ेबपुकी, लेवी नु इस्राएली आन खिं खिं ङा ठेयब मुर आन ङोंइती नाक्‍शा मगेशो सम्‍म होस पा कोव़ङीन” दे माइक्‍तामी।
EZR 8:30 मिनु मेको चढ़ेब नु लेवीपुकीमी यरूसलेमम बाक्‍शो आंइ परमप्रभु आ खिंमी लाइक्‍चा कली मेको नाक्‍शो सुन चांदी नु बोसपुकी ताक्‍‍तेक्‍म।
EZR 8:31 मिनु गो ङोंइती ङा महिना ङा १२ नाक्‍तीमी यरूसलेम लचा कली अहावा खोला रे गाक्‍तक। मिनु आंइ परमप्रभु आ गुइ आंइ तार बाक्‍त। मेकोमी पतीके जोरी सत्रु नु लांम बाप्‍शा बाक्‍ब रे ब्रोंइतक।
EZR 8:32 मिनु गो यरूसलेम जाक्‍शा नाक्‍त सां सम्‍म नांइसाक्‍क।
EZR 8:33 मिनु आ दीसा मेको सुन चांदी नु बोसपुकी, आंइ परमप्रभु आ खिंमी लाइश्‍शा, चढ़ेब उरीयाह आ तौ मेरेमोथ कली नाक्‍शा गेतक। मेको नु फिने‍हास आ तौ एलाजर यो बाक्‍त। मिनु मेको निक्‍शी नु लेवी आन दाते ङा येशुआ आ तौ योजाबाद नु बिन्‍नुइ आ तौ नोआदीयाह यो बाक्‍ताक्‍स।
EZR 8:34 मेको नेल्‍ल हिक्‍शा नाक्‍शा ब्रेक्‍शा वोइक्‍तेक्‍म।
EZR 8:35 लेश्‍शा जाक्‍शो ग्‍याइश्‍शा लाइक्‍चा पुंइसीब इस्राएलीपुकीम आन परमप्रभु कली चोशा चढ़ेम्‍तेक्‍म। इस्राएली नेल्‍ल आन पर्बम १२ ओटा ब्‍यफ, ९६ ओटा सांड, ७७ ओटा पाठा नु पाप आ पर्बम चढ़ेतीके चढ़ेचा कली १२ ओटा बोका चढ़ेम्‍तेक्‍म। मेको नेल्‍ल परमप्रभु यावे कली चोशा चढ़ेतीके बाक्‍तेक्‍म। एज्रा ६:१७
EZR 8:36 मेकोपुकीमी पिपमी ब्रेक्‍शा अरेशो लोव़ युफ्रेटीस आइक्‍ची हांबु ङा रागी ङा पिप आ गेय पाइब नु हुकुम पाइब आन कली गेम्‍तेक्‍म। मिनु मेकोपुकीमी मुर आन कली नु परमप्रभु आ खिं कली ठेयब वारच पाइक्‍तेक्‍म।
EZR 9:1 मिनु मेको नेल्‍ल पने थुम्‍शो नोले का निक्‍शी योव़चा पुंइसीशो मुरपुकी आं बाक्‍तीकेम जाक्‍शा “इस्राएल ङा मुरपुकी, चढ़ेब नु लेवीपुकीमी, कनानी हित्ती, परिज्‍जी, यबुसी, अम्‍मोनी, मोआबी, इजीप्‍ती नु एमोरी आन ग्रांग्रा दि‍शो गेय रे ङोन मदुम्‍शो बाक्‍नीम।
EZR 9:2 मेकोपुकीमी मेको आन तमी आंम कली नु आन तौ आन कली मीश चाक्‍शो बाक्‍तेक्‍म। मोदेंशो पा परमप्रभु आ आंम मुरपुकी अर्को रागी ङा मुरपुकी नु खाल्‍साक्‍म। मिनु योव़चा पुंइसीशो ठेयब मुर नु सासन पाइब आन परमप्रभु आ देंशो मपथु, शुश दोस ताइब बाक्‍नीम” देंतेक्‍म। ब्‍यवस्‍था ७:३; ब्‍यवस्‍था २३:३; गन्‍ती ११:१७-२५; नेहेम्‍याह १३:२३
EZR 9:3 मिनु गो मेको लोव़ नेंशा आं फेक्‍शो वा खाक्‍ता। आं चां नु गल शोक्रे तुल्‍ता। मारेइ लोव़ पने मचाप्‍थु, सिक्‍सी पा बाक्‍ती।
EZR 9:4 मेको ग्‍याइश्‍शा लाइक्‍चा पुंइसीब आन मरिम्‍शो पतीके आ पर्बम इस्राएली आन परमप्रभु आ लोव़ कली मान पा हिंबपुकी आं बाक्‍तीकेम एर ओंथ बुक्‍तेक्‍म। मेकेर रे गो नाक्‍दो ङा चढ़ेतीक सम्‍म मारेइ लोव़ पने मचाप्‍थु, सिक्‍सी पा बाक्‍ती।
EZR 9:5 मिनु नाक्‍दो ङा चढ़ेतीक दुम्‍मेनु, आं खाक्‍शो वा फेक्‍शा, गो पोक्‍च थेक्‍शा, आं गुइ परमप्रभु यावे, आं परमप्रभु गे दिंशा
EZR 9:6 “आं परमप्रभु, गो इन कली आं कुल कोंइचा थाम्‍पा मुने पाता। मारदे हना आंइ मरिम्‍शो पतीके आंइ पिया क्‍येङा यो लाक्‍शो बाक्‍ब। मिनु आंइ दोस सरीङ सम्‍म जाक्‍दीशो बाक्‍ब। दानीएल ९:७-८
EZR 9:7 गो आंइ किकी पिपी रे मुलाक्‍त ङा नाक्‍त सम्‍म आंइ दोस थम ठेयब बाक्‍ब। आंइ काइ मरिम्‍शो पतीके आंइ पिप नु चढ़ेबपुकी अर्को रागी ङा पिप आन गुइमी साइक्‍चा, चोक्‍चा, मारेइ मारेइ रोइक्‍चा पुंइसीचा नु शुश मुने तोक्‍चा पुंइसाक्‍म। मिनु गोपुकी यो सिनाक्‍त मुलाक्‍त मोदेंशो दुम्‍शो बाक्‍नीकी।
EZR 9:8 तन्‍न मुल परमप्रभु यावे, आंइ परमप्रभुमी आंइ कली का निक्‍शी लीशो मुर गेतीनी। आंइ वाइल दुम्‍तीक रे इच्‍का नाक्‍त कली नाइक्‍चा गेतीके आंइ परमप्रभु आ बाक्‍तीकेमी बाक्‍चा ताइतक। याम का कली आंइ कली शिशी पा ग्‍येरपाइक्‍तीनी।
EZR 9:9 गो वाइलीम वाइल बाक्‍तक हना यो, आंइ परमप्रभुमी आंइ कली मप्रोंइशो बाक्‍ब। पारसी रागी ङा पिप आ ङोंइती इन गेना हना यो दाक्‍तीके कोंइशो बाक्‍तीनी। आंइ कली नक ब्रोंइचा गेशा, आंइ परमप्रभु आ खिं लेंशा सेल्‍चा कली नु ब्रेश्‍शो नेल्‍ल लेंशा सेल्‍चा कली नु यहूदा नु यरूसलेम एर ओंथ गारो प्रोव़चा गेतीनी।
EZR 9:10 मोदेंशो बाक्‍त हना यो, आंइ परमप्रभु, मुल गो मार देंने चाप्‍नीकी? गोपुकीमी इन शेंशो मटिथु, प्रोंइतक।
EZR 9:11 गे इन लोव़ पाइब रे मार लोव़ पपाइक्‍तीनी देंशा हना ‘इन के सेल्‍चा कली ओव़शो रागी ग्रांग्रा दि‍शो बाक्‍त। मारदे हना मेको रागी ङा मुर आन ग्रांग्रा दित्‍चा ङा गेयमी मेको रागी ङा कुना कुना नेल्‍ल ब्रीशो बाक्‍त। लेवी १८:२४-२५
EZR 9:12 मोपतीके गेपुकीमी इन तमी मेको आन तौ आन कली ग्‍युंबे पा मगेन। इन तौ आन कली मेको आन तमी नु ग्‍युं‍बे पा मचाक्‍कीन। मिनु गेपुकीमी मेको आन कली रिम्‍शो दुम्‍चा नु दारचा कली वारच मपने। मोपा गेपुकी शुश बोल्‍यो दुम्‍शा, मेको रागी ङा रिम्‍शो थोव़क जचा ताइ‍नीनी। मिनु गे मेको रागी इन चच युइ आन कली गेना हना यो आन के दुम्‍पाइश्‍शा वोइक्‍नीनी’ दे लोव़ पपाइक्‍तीनी।
EZR 9:13 गोपुकीमी आंइ मरिम्‍शो पतीके नु आंइ ठेयब दोस आ पर्बम श्‍येत जशो बाक्‍तक। मो हना यो आंइ परमप्रभुमी आंइ तचा माल्‍शो क्‍येङा इच्‍का ला सजाइ गेतीनी। मिनु आंइ कली ब्रोंइचा गेतीनी।
EZR 9:14 गो लेंशा इन शेंशो लोव़ मटिथु, मेको ग्रांग्रा दिशो गेय पाइब नु ग्‍युं‍बे पाइनीकी ङा? गे गोपुकी नु चुरशा, आंइ कली मसाइक्‍नीनी ङा? मिनु ब्रोंइशा बाक्‍ब सुइ मलीब।
EZR 9:15 परमप्रभु यावे, इस्राएली आन परमप्रभु गे ठीक पाइब बाक्‍नीनी। मुल गो इच्‍का खोइ लीशो बाक्‍नीक। गो आंइ मरिम्‍शो पतीकेमी इन ङोंइती बाक्‍नीकी। मो हना यो गो इन ङोंइती पिया पोक्‍ने मचाप्‍नीकी” देंती।
EZR 10:1 एज्रा परमप्रभु आ खिं आ ङोंइती गु बाप्‍शा, आन मरिम्‍शो पशो नेल्‍ल शोव़शा, ङाक्‍ना ङाक्‍न बाक्‍शो बाक्‍त। मिनु ठेयब हुल का इस्राएली वोंइश मुर, मीश मुर नु आलपुकी एज्रा आ एर ओंथ बुक्‍तेक्‍म। मिनु मेको यो शुश ङाक्‍तेक्‍म।
EZR 10:2 मिनु एलाम आ चच युइ ङा येहीएल आ तौ शेकन्‍याहमी एज्रा कली “गो आंइ परमप्रभु कली मटिथु, एको रागी ङा अर्को जात ङा मीश आल ग्‍युंबे पा चाक्‍तक। मोदेंशो पाइतक हना यो, इस्राएली आन कली आस पतीके बाक्‍ब।
EZR 10:3 मोपतीके मुल आंइ परमप्रभु नु कबल का पय। आ प्रभु नु परमप्रभु आ शेंतीक मान पा हिंशा टी‍ब आन देंशो खोदेंशो पा एको मीश मुर नु आन आल नेल्‍ल आन कली प्रोंइशा सोइक्‍चा कली लोव़ थोक्‍तय। मिनु परमप्रभु आ अरेशो लोव़म देंशो खोदेंशो पय।
EZR 10:4 मिनु मुल बोक्‍कीन। एको गेय नेल्‍ल इन के बाक्‍ब। गो इन कली वारच पाइनीकी। मोपतीके थुं बारपाइश्‍शा गेय पने” देंत।
EZR 10:5 मोपतीके एज्रा बोक्‍शा, ठेयब चढ़ेबपुकी, लेवीपुकी नु नेल्‍ल इस्राएली आन कली “ङोंइती देंशो लोव़ पाइनीक” दे कसम जपाइक्‍तीमी। मिनु मेकोपुकीमी कसम जाम्‍तेक्‍म।
EZR 10:6 मिनु नोले एज्रा परमप्रभु आ खिं आ ङोंइती रे बोक्‍शा, एल्‍याशीब आ तौ येहो-हानान आ कोठाम लत। मिनु मेकोमी शोब्‍ले मजव ब्‍वाक्‍कु यो मतूङ। मारदे हना ग्‍याइश्‍शा लाइक्‍चा पुंइसीब आन मटितीके आ पर्बम सुर्ता पना पन बाक्‍त।
EZR 10:7 मिनु यहूदा नु यरूसलेमम बाक्‍ब लेश्‍शा जाक्‍शो ग्‍याइश्‍शा लाइक्‍चा पुंइसीब नेल्‍ल यरूसलेमम बुक्‍मल, दे नेंपाइक्‍तेक्‍म।
EZR 10:8 मिनु हुकुम पाइब नु खाल्‍पापुकीमी “सुइ मुर नाक्‍त सां सम्‍ममी मजाक्‍त हना, मेको आ शोंप नेल्‍ल रोइक्‍चा पुंइसीब। मिनु लेश्‍शा जाक्‍शो ग्‍याइश्‍शा लाइक्‍चा पुंइसीब आन दाते रे तिल्‍चा पुंइसीब” दे यहूदा नु यरूसलेम ङा तेइ तेइ लोव़ सोइक्‍ताक्‍म।
EZR 10:9 मिनु यहूदा नु बेन्‍यामीन ङा मुर नेल्‍ल नाक्‍त सां यरूसलेममी बुक्‍तेक्‍म। मेको ९ महिना ङा २० नाक्‍तीम बाक्‍त। मुर नेल्‍ल परमप्रभु आ खिं ङा लाङगाम निस्‍साक्‍म। मेको नेल्‍ल लोव़ नु ठेयब ठेयब रेउ आ पर्बम ख्रिंख्रि पाम्‍तेक्‍म।
EZR 10:10 मिनु चढ़ेब एज्रा बोक्‍शा मेको आन कली “गेपुकीमी अर्को जात ङा मीश आल ग्‍युंबे पा चाक्‍तीनी। इस्राएली आन दोस तेम्‍ताक्‍नी।
EZR 10:11 मुल गे परमप्रभु यावे, इन किकी पिपी आन परमप्रभु आ ङोंइती इन मरिम्‍शो पशो शोव़ङीन। मिनु आ दाक्‍शो पने। गे मेको रागी ङा मुर नु अर्को जात ङा मीश रे ब्राङीन” दे मेको आन कली माइक्‍तीमी।
EZR 10:12 मिनु मेकेर बुक्‍शो मुर नेल्‍लेमी ठेयब सेंदामी “इन देंशो थमा बाक्‍ब। गोपुकीमी इन देंशो खोदेंशो पचा माल्‍नीकी।
EZR 10:13 तन्‍न गो एकेर शुश मुर बाक्‍नीकी। रेउ यिना यिन बाक्‍ब। मिनु गो हाक्‍सीतीकेमी राप्‍शा बाक्‍ने मचाप्‍नीकी। एको गेय काबु निक्‍बुम मथुम्‍सीब। मारदे हना आंइ दातेमी शुश मुरुम मोदेंशो मरिम्‍शो पाम्‍तेक्‍म।
EZR 10:14 गे आंइ ठेयब मुरपुकीमी यरूसलेमम मेको लोव़ नेंपतीन। मिनु सु सुमी आंइ सहरम अर्को जात ङा मीश चाक्‍गमे, मेको सहर ङा खाल्‍पा नु निसाफ पाइब आन ङोंइती देंशो ना जाक्‍चा माल्‍नीम। आंइ परमप्रभु आ थाम्‍पा गाइश्‍शो मनांइसे सम्‍म मोदेंशो पने” दे ठेयब सेंदामी लोव़ लेत्‍ताक्‍म।
EZR 10:15 मिनु आसाहेल आ तौ योनाथन नु तिकवाह आ तौ याहजैयाह मबि‍स्‍सस। मेशुल्‍लाम नु शब्‍बेथाइ लेवी निक्‍शीमी मेको आस कली वारच पाइक्‍ताक्‍स।
EZR 10:16 मिनु नोले लेश्‍शा जाक्‍शो ग्याइश्‍शा लाइक्‍चा पुंइसीबपुकीमी मार पाम्‍तेक्‍म देंशा हना, चढ़ेब एज्रा कली खिं खिं ङा ठेयब मुर आन कली मेको गेय पपाइक्‍चा कली नें ब्रेक्‍शा योव़पाइक्‍तेक्‍म। मिनु मेकोपुकीमी १० महिना ङा ङोंइती ङा नाक्‍त रे मेको गेय पचा गोम्‍तेक्‍म।
EZR 10:17 मिनु ङोंइती ङा महिना ङा ङोंइती ङा नाक्‍ती अर्को जात ङा मीश नु ग्‍युंबे पाइब नेल्‍ल सु सु बाक्‍मा तुइक्‍ने थुम्‍तेक्‍म।
EZR 10:18 मिनु अर्को जात ङा मीश ग्‍युंबे पाइबपुकीमी, चढ़ेबपुकीमी योसादाक आ तौ येशुआ आ चच युइ रे नु आ लोक्‍ब रे मासेयाह एलीएजर, यारीब नु गेदाल्‍याह बाक्‍तेक्‍म। एज्रा ३:२
EZR 10:19 मेकोपुकी आन मीश रे ब्रातेक्‍म। मिनु आन दोस क्‍याम्‍चा कली आन बगाल रे सांड का का चढ़ेचा कली चाक्‍तेक्‍म।
EZR 10:20 इम्‍मेर आ चच युइ रे हनानी नु जेबदीयाह,
EZR 10:21 हारीम आ चच युइ रे मासेयाह, एलीया, शेमायाह, येहीएल, नु उज्‍जीयाह बाक्‍तेक्‍म
EZR 10:22 पश्‍हुर आ चच युइ रे एली-ओ-एनाइ, मासेयाह, इश्‍माएल, नेथनेल, योजाबाद नु ए‍लासाह बाक्‍तेक्‍म।
EZR 10:23 लेवीपुकी रे योजाबाद, शिमेइ, केलीता माइश्‍शो केलायाह, पेथायाह, यहूदा नु एलीएजर बाक्‍तेक्‍म। नेहेम्‍याह ८:७; नेहेम्‍याह १०:११
EZR 10:24 कुम्‍सो पाइबपुकी रे एल्‍याशीब, लाप्‍चो खाल पाइबपुकीमी शाल्‍लुम, तेयलेम नु ऊरी बाक्‍तेक्‍म।
EZR 10:25 मिनु इस्राएल ङा पारोश आ चच युइ रे राम्‍याह, इज्‍जीयाह, माल्‍कीयाह मियामीन, एलाजर, हशाब्‍याह नु बेनायाह बाक्‍तेक्‍म।
EZR 10:26 एलाम आ चच युइ रे मत्तन्‍याह, जकरिया, येहीएल, अब्‍दी, येरेमोथ, नु एलीया बाक्‍तेक्‍म।
EZR 10:27 जत्‍तु आ चच युइ रे एली-ओ-एनाइ, एल्‍याशीब, मत्तन्‍याह, येरेमोथ, जाबाद नु अजीजा बाक्‍तेक्‍म।
EZR 10:28 बेबाइ आ चच युइ रे येहो-हानान, हनान्‍याह, जब्‍बै नु आथ्‍लै बाक्‍तेक्‍म।
EZR 10:29 बानी आ चच युइ रे मेशुल्‍लाम, माल्‍लुक, अदायाह, याशुब, शेआल नु येरेमोथ बाक्‍तेक्‍म।
EZR 10:30 पहाथ-मोआब आ चच युइ रे अदना, केलाल, बेनायाह, मासेयाह, मत्तन्‍याह, बेचालेल, बिन्‍नुइ नु मनस्‍से बाक्‍तेक्‍म।
EZR 10:31 हारीम आ चच युइ रे एलीएजर, इस्‍शीयाह, माल्‍कीयाह, शेमायाह, शिमेओन,
EZR 10:32 बेन्‍यामीन, माल्‍लुक नु शेमारयाह बाक्‍तेक्‍म।
EZR 10:33 हाशुम आ चच युइ रे मत्तत्ताह मतेनाइ, जाबाद, एली-फेलेत, येरेमाइ, मनस्‍से नु शिमेइ बाक्‍तेक्‍म।
EZR 10:34 बानी आ चच युइ रे मा-अदाइ, अम्राम नु ऊएल,
EZR 10:35 बेनायाह, बेदैयाह, केलुही,
EZR 10:36 वान्‍याह, मेरेमोथ, एल्‍याशीब,
EZR 10:37 मत्तन्‍याह, मतेनाइ नु यासु बाक्‍तेक्‍म।
EZR 10:38 बिन्‍नुइ आ चच युइ रे
EZR 10:39 शिमेइ, शेलेम्‍याह, नाथान नु अदायाह,
EZR 10:40 माक-नादेबाइ, शाशाइ, शाराइ,
EZR 10:41 अजारेल, शेलेम्‍याह, शेमारयाह,
EZR 10:42 शाल्‍लुम, अमारयाह नु योसेफ बाक्‍तेक्‍म।
EZR 10:43 नेबो आ चच युइ रे यिएल, मत्तीथ्‍याह, जाबाद, जेबीना, यददाइ, योएल नु बेनायाह बाक्‍तेक्‍म।
EZR 10:44 मेको नेल्‍लेमी अर्को जात ङा मीश ग्‍युंबे पशो बाक्‍तेक्‍म। मिनु मेकोपुकीमी आन मीश नु आन आल प्रोंइशा सोइक्‍ताक्‍म।
NEH 1:1 एको हाकाल्‍याह आ तौ नेहेम्‍याह आ लोव़ बाक्‍ब। २० बर्स ङा किस्‍लेव महिनामी गो सुसा ङा दरवारम बाक्‍ती।
NEH 1:2 मेना आं लोक्‍ब हानानी, का निक्‍शी मुर नु यहूदा रागी रे जाक्‍त। मिनु गो मेको आन कली “प्रोक्‍शा, गाक्‍शो नु ग्‍याइश्‍शा, लाइक्‍चा मपुंइसीशो रे लीशो यहूदीपुकी दोदेंशो बाक्‍नीमी? यरूसलेम दोदेंशो तांइसीबा?” दे हिल्‍लो पातामी।
NEH 1:3 मिनु मेकोपुकीमी आं कली “ग्‍याइक्‍चा मपुंइसीशो मेक उइ लीशोपुकीम शुश श्‍येत जशा, खेदा पचा पुंइसीना सीन बाक्‍नीम। यरूसलेम ङा गारो ब्रेश्‍शो बाक्‍ब। मेकेर ङा ठेयब लाप्‍चोपुकी मीम दुप्‍शो बाक्‍नीम” देंतेक्‍म। २इतिहास ३६:१९
NEH 1:4 मिनु गो मेको लोव़ नेंशा निश्‍शा, सुर्ता पा, शुश नाक्‍त सम्‍म ङाक्‍ना ङाक्‍न बाक्‍ती। मजथु स्‍वर्ग ङा परमप्रभु कली एज्रा ९:३
NEH 1:5 “परमप्रभु यावे, स्‍वर्गम बाक्‍ब परमप्रभु, गे नेल्‍ल क्‍येङा ठेयब नु मान पा हिंचा माल्‍शो परमप्रभु बाक्‍नीनी। इन कली दाक्‍शा, इन अरेशो लोव़ टीब आन कली शिशी पाइब नु कबल खाप्‍ब बाक्‍नीनी। दानीएल ९:४
NEH 1:6 गो, इन वाइल, इस्राएली आन पर्बम नाक्‍दो नाक्‍त पुंइनुङ। आं पुंइशो लोव़ नेंचा कली गे इन नोफा दाइक्‍तीन। मिनु आं गे कोव़ङीन। गो, इस्राएली नु आं आफ आ खिं ङा मुर नेल्‍लेमी इन ङोंइती मरिम्‍शो पाइतक। मिनु गो यो पाप पाता।
NEH 1:7 गे इन वाइल मोसा कली शेंतीक गेतीनी। गोपुकीमी चहिं मेको इन गेशो फुल्‍लुम मुशा ब्रेक्‍शो लोव़ नु इन ठीक पतीक लोव़ मटिथु, इन ङोंइती मरिम्‍शो पाइतक।
NEH 1:8 मिनु गे इन वाइल मोसा कली ‘गे आं देंशो मटीतीनी हना, गो इन कली रागी रागी ङा मुर आन दातेमी फ्राइनन्‍नी’ देंतीनी। ब्‍यवस्‍था ४:२७
NEH 1:9 तन्‍न ‘आं गे लेत्‍तीनी, आं शेंतीक लोव़ नेंशा टीतीनी हना, गो इन कली ङोन ङोन रागी मेर फ्राइतन्‍नी हना यो, खुप्‍नन्‍नी। इन कली खुप्‍शा, आं नें ठेयब सेल्‍चा कली आं योव़शो रागीमी चाक्‍नन्‍नी’ दे इन ङोंइती पशो लोव़ मिम्‍तीन। ब्‍यवस्‍था ३०:४-९
NEH 1:10 मिनु मेकोपुकी इन वाइली नु इन रागी ङा मुर बाक्‍नीमी। ङोंइती गे मेको आन कली इन ठेयब सक्ति नु इन बोल्‍यो गुइमी प्रोंइशो बाक्‍तीनी।
NEH 1:11 परमप्रभु, इन नोफा दाइक्‍तीन। मिनु इन नें कली मान पचा दाक्‍ब इन वाइल आन पुंइशो लोव़ यो नेनीन। मुलाक्‍ती आं पुंइशो खपीन। पिप आ ङोंइती गो शिशी तङल” दे पुंइता। मेना गो पिप कली तूचा गेब आन ठेयब मुर बाक्‍ती।
NEH 2:1 आरता-सास्‍त पिप दुम्‍शो २० बर्स जाक्‍दीश्‍शो बाक्‍त। मिनु काबु निसान महिनामी पिप आ अङगुर शांबु ठीक पा लाइश्‍शा, पिप कली ख्रेत्‍ताक्‍ङ। गो सुर्ता पशो नङ। पिपमी मेको क्‍येङा ङोंइती आं कली सुर्ता पशो गेनायो मतशो बाक्‍त।
NEH 2:2 मिनु पिपमी “मारदे इ कुल राव किक्‍पदी? गे रोइ पशो मबाक्‍नेवे, इ थुं दोक्‍शो तांइसीब” देंत। मो देंमेनु, गो शुश हिंती।
NEH 2:3 मिनु “हजुर, गेना हना यो ब्रोंइशा बाक्‍कीन। आं किकी पिपी आन कली थिम्‍शो सहर, खतम दुम्‍शो बाक्‍ब। मिनु गारो ङा ठेयब लाप्‍चो मीम दुप्‍शो बाक्‍नीम। मिनु गो दोपा सुर्ता मपाइनुङा ङा?” देंती।
NEH 2:4 मिनु पिपमी “गे मार माल्‍नेवे?” दे हिल्‍लो पती। मिनु गो आं थुंमी स्‍वर्गम बाक्‍ब परमप्रभु कली लोव़ पाता।
NEH 2:5 मिनु गो पिप कली “गे दाक्‍नीनी नु इन शिशी ताता हना, आं किकी पिपी थिम्‍शो, यहूदा रागी ङा सहर कली लेंशा सेल्‍थ सोइक्‍तीनी” देंती।
NEH 2:6 मेना पिपीम पिप नु निश्‍शो बाक्‍त। मिनु पिपमी “मो पचा कली गिश नाक्‍त माल्‍नेवे? मिनु गेना लेश्‍शा जाक्‍नेवे?” दे हिल्‍लो पती। मिनु गो आं माल्‍शो नाक्‍त देंती। मिनु पिपम आं देंशो बिश्‍शा लचा गेती।
NEH 2:7 मिनु गोमी पिप कली “गे रिम्‍शो लाक्‍नीनी हना, युफ्रेटीस ठेयब खोला आ आइक्‍ची हांबुमी सासन पाइब मुर आन कली, आं कली यहूदा रागी सम्‍म ग्रीशा लचा गेचा कली ब्रेक्‍स का ब्रेक्‍शा गेयीनी।
NEH 2:8 मिनु परमप्रभु यावे आ खिं आ नेक्‍था ङा बोल्‍यो खिं कली लाप्‍चो कली, सहर ङा गारो ङा ठेयब लाप्‍चो आन कली, नु आं बाक्‍तीक खिं कली शी माल्‍नुङ। इन ब्‍वाकी कोव़ब आसाफ कली आं माल्‍शो शी गेचा, दे यो ब्रेक्‍स का ब्रेक्‍शा गेयीनी” दे पुंइता। मिनु पिपमी आं पुंइशो नेल्‍ल गेती। मारदे हना आं परमप्रभु आ शिशी आं तारी बाक्‍त। एज्रा ७:६
NEH 2:9 पिपमी आं कली वारच पाइक्‍चा कली सिपाइ आन ठेयब मुरपुकी नु शारा ङोइक्‍बपुकी यो गो नु काथा सोइक्‍ताक्‍व। मिनु युफ्रेटीस, ठेयब खोला आ आइक्‍ची हांबु ङा ठेयब मुर आन बाक्‍तीक जाक्‍दीश्‍शा, पिप आ ब्रेक्‍सपुकी गेतामी।
NEH 2:10 मिनु होरोनी सान्‍बल्‍लत नु आ गेय पाइब अम्‍मोनी तोबीयाह, निम्‍फा “इस्राएली आन कली रिम्‍शो पाइब का जाक्‍शो बाक्‍ब” देंशो नेंशा, थाम्‍पा चुरताक्‍स।
NEH 2:11 मिनु गो यरूसलेम जाक्‍शा, नाक्‍त सां सम्‍म मेकेर बाक्‍ती।
NEH 2:12 मिनु नोले गो नाक्‍दो बोक्‍शा, का निक्‍शी मुर नु गारो कोव़थ लती। तन्‍न आं परमप्रभुमी आं थुंमी यरूसलेम आ पर्बम वोइश्‍शो लोव़ सुइ आन कली मशेंदुमी। मिनु गो आं ङोइश्‍शो शारा ङा लाक्‍शा, अरु शारा मलदु।
NEH 2:13 मेको नाक्‍दो गो बेंसी लाप्‍चो रे ठेयब बुस्‍स माइश्‍शो ब्‍वाक्‍कु बुक्‍तीके नु मोव़ल लाप्‍चो गे लती। मिनु यरूसलेम ङा ब्रेश्‍शो गारो नु मीम दुप्‍शो ठेयब लाप्‍चोपुकी कोव़तामी।
NEH 2:14 मेकेर रे पा ब्‍वाक्‍कु बुक्‍तीक लाप्‍चो नु पिप दोम्‍ली गे लती। तन्‍न आं शारा कली गाक्‍तीक लां मबा। नेहेम्‍याह ३:१५
NEH 2:15 मिनु गो मेको नाक्‍दो बेंसी रे ग्‍येत्‍थ ङोइश्‍शा, गारो कोव़तामी। मिनु लेश्‍शा, लेंशा बेंसी लाप्‍चो रे सहर जाक्‍ती।
NEH 2:16 मिनु सहर ङा ठेयब मुरपुकीम गो ते लङा नु मार पङा, मारेइ मतुइक्‍तेम। मारदे हना गो मेना सम्‍म यहूदी, चढ़ेब, मान ताइब, ठेयब मुर नु अरु आन कली मारेइ मशेंदुमी।
NEH 2:17 मिनु मेको नोले गो सहर ङा मुर नेल्‍ल आन कली “गे गो आंइ खतम दुम्‍‍शो नेल्‍ल तुइक्‍नीनी। यरूसलेम यो खतम दुम्‍शो बाक्‍ब। मिनु गारो ङा ठेयब लाप्‍चोपुकी मीम दुप्‍शो बाक्‍नीम। लो, गो नेल्‍ल गारशा, यरूसलेम ङा गारो सेल्‍शा, आंइ मुने साम्‍य” दे माइक्‍ता‍मी।
NEH 2:18 मिनु आं परमप्रभु आ शिशी आं तारी बाक्‍तीके नु पिपमी आं कली देंशो लोव़ यो मेको आन कली शेंताक्‍ङमी। मिनु मेकोपुकीमी “लो, गो एको गेय पय” दे ग्‍येरशा, आन थुं बारपाइक्‍‍तेक्‍म।
NEH 2:19 मिनु होरोनी सान्‍बल्‍लत, आ गेय पाइब अम्‍मोनी तोबीयाह नु अराबी गेशेममी चहिं एको लोव़ नेंशा, आंइ कली शुक्‍शी पा ठेयब लेश्‍शा “गे मार पाइनीनी, हां? पिप आ सासन प्रोंइचा माल्‍नी?” दे हुइक्‍ताक्‍की।
NEH 2:20 मिनु गो मेको आन कली “स्‍वर्गम बाक्‍ब परमप्रभुमी आंइ कली गारो सेल्‍चा गेब। मिनु गो परमप्रभु आ वाइलपुकीमी गारो प्रोव़नीकी। यरूसलेममी इन खिं मबाक्‍ब, एकेर मारेइ यो पशो मबाक्‍नीनी। मिनु इन कली ते खाइक्‍नी?” दे मेको आन कली माइक्‍ता‍मी।
NEH 3:1 नेल्‍ल क्‍येङा ठेयब चढ़ेब एल्‍याशीब नु चढ़ेबपुकीमी भेडा लाप्‍चो सेल्‍तेक्‍म। मिनु ठेयब लाप्‍चो सेल्‍ने थुम्‍शा “परमप्रभु के बाक्‍ब” दे थारतेक्‍म। मिनु मेकोपुकीमी मेआ माइश्‍शो लाइश्‍शो खिं नु हानानेल माइश्‍शो लाइश्‍शो खिं सम्‍म गारो प्रोव़ना प्रोव़न “परमप्रभु के बाक्‍ब” दे वोइक्‍तेक्‍म। नेहेम्‍याह १२:१; येरमीया ३१:३८
NEH 3:2 मिनु मेकेर रे बोइश्‍शा, यरीको ङा मुरपुकीमी प्रोव़तेक्‍म। मिनु मेकेर रे बोइश्‍शा, इम्री आ तौ जाक्‍कुरमी प्रोव़तु।
NEH 3:3 मिनु हास्‍सेनाह आ तौपुकीमी ङांइ लाप्‍चो सेल्‍तेक्‍म। मेकोपुकीमी ठेयब लाप्‍चो ङा शी वोइश्‍शा, ठेयब लाप्‍चो थारशा, लाप्‍चो नु चोक्‍तीके आग्‍लो वोइक्‍तेक्‍म।
NEH 3:4 मिनु मेकेर रे बोइश्‍शा, हककोस आ तौ उरीयाह आ तौ मेरेमोथमी गारो प्रोव़तु। मिनु मेकेर रे बोइश्‍शा, मेशेजाबेल आ तौ बेरेक्‍याह आ तौ मेशुल्‍लाममी सेल्‍तु। मेकेर रे बोइश्‍शा, बाना आ तौ सादोकमी प्रोव़तु।
NEH 3:5 मेकेर रे बोइश्‍शा, तेकोहा आ मुरपुकीमी प्रोव़तेक्‍म। मेको आन ठेयब मुरपुकीम चहिं “गो गारो प्रोव़तीक गेय पचा आंइ कली मशिरब” दे गारो मप्रोव़ङेम।
NEH 3:6 माइत गारो ङा ठेयब लाप्‍चो पासेआह आ तौ यो-यादा नु बेसोदैयाह आ तौ मेशुल्‍लाममी सेल्‍ताक्‍स। मेकोमी ठेयब लाप्‍चो ङा शी वोइश्‍शा, लाप्‍चो थारशा, पाइक्‍तीक नु चोक्‍तीके आग्‍लो वोइक्‍तेक्‍म।
NEH 3:7 मेकेर रे बोइश्‍शा, गिबोन ङा मेलत्‍याह नु मेरोनोथ ङा मुर यादोन, गिबोन नु मिस्‍पा ङा मुरपुकीमी प्रोव़तेक्‍म। मेकोपुकी युफ्रेटीस ओंथ हांबु ङा जिल्‍ला ङा सासन पाइब आ हुकुममी बाक्‍‍तेक्‍म।
NEH 3:8 मेकेर रे बोइश्‍शा, हारहायाह आ तौ सुन चेम्‍ब उज्‍जीएलमी प्रोव़तु। मेकेर रे बोइश्‍शा, ब्रोव़शो रिना पाइब ख्रेक्‍तीक सेल्‍ब हनान्‍याहमी गारो प्रोव़तु। मेकोपुकीमी ब्रेम्‍शो गारो सम्‍म गारो सेल्‍शा प्रोव़तेक्‍म।
NEH 3:9 मेकेर रे बोइश्‍शा, हुर आ तौ रेफायाहमी प्रोव़तु। मेको रेफायाह चहिं आधा यरूसलेम कली हुकुम पाइब बाक्‍त।
NEH 3:10 मेकेर रे बोइश्‍शा, हरुमाफ आ तौ येदायाहमी आ खिं आ ङोंइती ङा गारो प्रोव़तु। मिनु मेकेर रे बोइश्‍शा, हशाब्‍नैयाह आ तौ हत्‍तुशमी प्रोव़तु।
NEH 3:11 मेकेर रे बोइश्‍शा, हारीम आ तौ माल्‍कीयाह नु पहाथ-मोआब आ तौ हाश्‍शुबमी प्रोव़ताक्‍स। मेको निक्‍शीमी गारो नु मी मुइक्‍तीक लाइश्‍शो खिं यो सेल्‍ताक्‍स।
NEH 3:12 मेकेर रे बोइश्‍शा, हल्‍लोहेश आ तौ, यरूसलेम ङा अर्को आधा हुकुम पाइब शाल्‍लुम नु आ तमीपुकीमी प्रोव़तेक्‍म।
NEH 3:13 मिनु मेकेर रे बोइश्‍शा, हानुन नु जानोह ङा मुरपुकीमी बेंसी लाप्‍चो सेल्‍‍तेक्‍म। मेकोपुकीमी ठेयब लाप्‍चो सेल्‍शा, थारशा, लाप्‍चो चोक्‍तीक आग्‍लो वोइक्‍तेक्‍म। मिनु मेकोपुकीमी मोव़ल लाप्‍चो माइश्‍शो ठेयब लाप्‍चो सम्‍म, हजार का कुबीत गारो प्रोव़तेक्‍म। कुबीत का आधा मिटर खोदेंशो बाक्‍ब।
NEH 3:14 मिनु मेको मोव़ल लाप्‍चो रेकाब आ तौ माल्‍कीयाहमी सेल्‍‍तु। मेको बेथ-हक्‍केरेम जिल्‍ला ङा सासन पाइब बाक्‍त। मेकोमी ठेयब लाप्‍चो सेल्‍शा, थारशा, लाप्‍चो चोक्‍तीक आ‍ग्‍लो वोइक्‍तु।
NEH 3:15 मिनु कोल-होजे आ तौ, मिस्‍पा सहर ङा ठेयब हुकुम पाइब शाल्‍लुममी ब्‍वाक्‍कु बुक्‍तीक लाप्‍चो प्रोव़तु। मेकोमी साप्‍शा ठेयब लाप्‍चो सेल्‍शा, थारशा, लाप्‍चो पाइक्‍तीके नु चोक्‍तीके आग्‍लो वोइक्‍तु। मेकोमी पिप आ फल फुल रू आ नेक्‍था ङा शेलाह माइश्‍शो दोम्‍ली ङा गारो प्रोव़शा, दाऊद आ सहर रे ब्रुप्‍तीके सम्‍म ङा गारो प्रोव़तु। नेहेम्‍याह २:१४; २राजा २०:२०; यूहन्‍ना ९:७
NEH 3:16 मेकेर रे पा बोइश्‍शा, अच्‍बुक आ तौ, उइक्‍थ बेथ-सुर सहर ङा हुकुम पाइब, नेहेम्‍याहमी प्रोव़तु। मेकोमी दाऊद नु आ किकी पिपी आन कली थिम्‍तीके आ आइक्‍ची रे मुर आन सेल्‍शो दोम्‍ली नु सिपाइ आन खिं सम्‍म गारो प्रोव़तु।
NEH 3:17 मेकेर रे बोइश्‍शा, लेवीपुकीमी प्रोव़तेक्‍म। बानी आ तौ रेहुम मेको आन कली कोव़ब बाक्‍त। मिनु मेकेर रे बोइश्‍शा, कैलाह सहर ङा उइक्‍थ जिल्‍लामी हुकुम पाइब, हशाब्‍याहमी प्रोव़तु।
NEH 3:18 मेकेर रे बोइश्‍शा, आन लोक्‍बपुकीमी प्रोव़तेक्‍म। मेको कैलाह ङा लीशो भाग ङा हुकुम पाइब, हेनादाद आ तौ बिन्‍नुइ बाक्‍त।
NEH 3:19 मेकेर रे बोइश्‍शा, मेको येशुआ आ तौ, मिस्‍पा ङा हुकुम पाइब, एजेरमी प्रोव़तु। मिनु कुना ङा लडाइ पाइब आन या वोइक्‍तीक खिं रे ग्‍येत्‍थ लतीके आ ङोंइती सम्‍म यो प्रोव़तु।
NEH 3:20 मेकेर रे बोइश्‍शा, जब्‍बै आ तौ बारुकमी प्रोव़तु। मेकोमी कुना रे नेल्‍ल क्‍येङा ठेयब चढ़ेब एल्‍याशीब आ खिं ङा ओव़तीक सम्‍म प्रोव़तु। नेहेम्‍याह ३:१
NEH 3:21 मेकेर रे बोइश्‍शा, हककोस आ तौ उरीयाह, आ तौ मेरेमोथमी एल्‍याशीब आ खिं ङा ओव़तीक रे खिं ची सम्‍म प्रोव़तु। एज्रा ८:३३
NEH 3:22 मेकेर रे बोइश्‍शा, आ नेक्‍था बाक्‍शो चढ़ेबपुकीमी प्रोव़तेक्‍म।
NEH 3:23 मेकेर रे बोइश्‍शा, बेन्‍यामीन नु हाश्‍शुबमी आस खिं खिं आस ङोंइती ङा गारो प्रोव़ताक्‍स। मेकेर रे बोइश्‍शा, अनान्‍याह आ चच, मासेयाह आ तौ, अजारयाहमी आ खिं आ नेक्‍था ङा गारो प्रोव़तु।
NEH 3:24 मेकेर रे बोइश्‍शा, हेनादाद आ तौ बिन्‍नुइमी अजारयाह आ खिं रे कुना सम्‍म प्रोव़तु।
NEH 3:25 मेकेर रे बोइश्‍शा, उजाइ आ तौ पालालमी कुना नु पिप आ खिं आ नेक्‍था ङा लाइश्‍शो खिं आइक्‍ची एरे सम्‍म ङा गारो प्रोव़तु। येरमीया ३२:२
NEH 3:26 मेकेर रे बोइश्‍शा, पारोश आ तौ पेदायाह नु ओफेलम बाक्‍शो परमप्रभु यावे आ खिं ङा गेय पाइबपुकीमी नां दाप्‍तीक गे, ब्‍वाक्‍कु लाप्‍चो आइक्‍ची नु गारो ङा लाइश्‍शो खिं सम्‍म प्रोव़तेक्‍‍म।
NEH 3:27 मेकेर रे बोइश्‍शा, तेकोहा आ मुरपुकीमी ठेयब लाइश्‍शो खिं आ ङोंइती रे ओफेल ङा गारो सम्‍म प्रोव़तेक्‍म।
NEH 3:28 शारा लाप्‍चो आ ग्‍येत्‍थ गे चढ़ेबपुकीमी आन खिं ङोंइङोंइती ङा गारो प्रोव़तेक्‍म। २राजा ११:३६
NEH 3:29 मेकेर रे बोइश्‍शा, इम्‍मेर आ तौ सादोकमी आ खिं ङोंइती ङा गारो प्रोव़तु। मेकेर रे बोइश्‍शा, शेकन्‍याह आ तौ शेमायाहमी गारो प्रोव़तु। शेकन्‍याह चहिं नां दाप्‍तीक लाप्‍चो ङा खाल पाइब बाक्‍त।
NEH 3:30 मेकेर रे बोइश्‍शा, शेलेम्‍याह आ तौ हनान्‍याह नु सालाफ आ जन्‍तरे तौ हानुनमी गारो प्रोव़ताक्‍स। मेकेर रे बोइश्‍शा, बेरेक्‍याह आ तौ मेशुल्‍लाममी आ खिं आ ङोंइती ङा गारो प्रोव़तु।
NEH 3:31 मेकेर रे बोइश्‍शा, सुन चेम्‍ब माल्‍कीयाहमी कुना ङा खिं ङा इर ङा कोठा सम्‍म ग्‍याप्‍ब लेयब आन खिं रे गारो प्रोव़शा, खाल पाइब लाप्‍चो आ ङोंइती, कौसी पाइश्‍शो कुना ङा तला तारी ङा कोठा सम्‍म गारो प्रोव़तु।
NEH 3:32 मेको गारो आ कुनाम बाक्‍शो तला तारी ङा कोठा नु भेडा लाप्‍चो आ दातेमी सुन चेम्‍ब नु ग्‍याप्‍ब लेयबपुकीम गारो प्रोव़तेक्‍म।
NEH 4:1 “गो गारो प्रोव़ना प्रोव़‍न बाक्‍नीकी” देंशो लोव़ सान्‍बल्‍लतमी नेंशा, उरशा, शुश गाइश्‍शा, यहूदी आन पर्बम शुक्‍शी पाप्‍तु। नेहेम्‍याह २:१०,१९
NEH 4:2 मिनु मेकोमी यहूदी आन पर्बम शुक्‍शी पा, आ लोक्‍बपुकी नु सामरीया ङा लडाइ पाइब आन ङोंइती “एको मारेइ सोक्‍त मपाइश्‍शो यहूदीपुकीमी मार पना पन बाक्‍नीमी? मार, मेकोपुकीमी आन गारो लेंशा प्रोव़ने चाप्‍नीमी? मार, मेकोपुकीमी चढ़ेनीमी? मार, मेकोपुकीम काबुमी थुम्‍नीमी? मेको मीम दुप्‍शो फुल्‍लुम गारो प्रोव़ने चाप्‍नीमी ङा?” दे लोव़ पाप्‍तु।
NEH 4:3 मिनु अम्‍मोनी ङा तोबीयाह सान्‍बल्‍लत आ नेक्‍था बाक्‍शा “मेकोपुकीमी मेको प्रोव़तेक्‍म हना यो, सिवार का मेको तारी ङोंइसाक्‍व हना, नेल्‍ल ब्रेप्‍ब” देंत।
NEH 4:4 मिनु गो चहिं “आंइ परमप्रभु, इन नोफा दाइश्‍शा, नेनीन। गो शुश शुक्‍शी पाइक्‍चा पुंइसाक्‍क। मेको आन पशो शुक्‍शी लेश्‍शा, मेको आन तार कोप्‍तीन। मेको आन कली ग्‍याइश्‍शा, अरु आन रागी लाइक्‍पतीन।
NEH 4:5 मेको आन मरिम्‍शो पतीके नेल्‍ल क्‍याम्‍शा मगेने। मारदे हना मेकोपुकीमी गारो प्रोव़‍ब आन कली शुक्‍शी पा, आन थुं तोक्‍शा गेम्‍तेक्‍म” दे परमप्रभु कली पुंइता।
NEH 4:6 मिनु गोपुकीमी आधा लाइश्‍शो सम्‍म गारो प्रोव़शा, एर ओंथ नेल्‍ल हिरने थुम्‍शो। मारदे हना प्रोव़ब मुरपुकीमी आन थुं नुशा, ग्‍येरशा, गारो प्रोव़तेक्‍म।
NEH 4:7 मिनु सान्‍बल्‍लत, तोबीयाह, अराबीपुकी, अम्‍मोनीपुकी नु अश्‍दोदीपुकीमी “यरूसलेम ङा गारो रिम्‍शो पा सेल्‍ना सेल्‍न बाक्‍नीम। आ पोव़ला यो सु‍ना सु‍न बाक्‍नीम” दे तुइश्‍शा, शुश गाइक्‍ताक्‍म।
NEH 4:8 मिनु मेकोपुकी गारशा, यरूसलेम कली लडाइ पा, खतम सेल्‍चा, दे खुम्‍साक्‍म।
NEH 4:9 गोपुकी चहिं आंइ परमप्रभु कली पुंइना पुंइन बाक्‍तक। मिनु गोपुकीमी “मारेइ पाइनीमी, कों” दे मेको आन कली कोव़शा, नाक्‍दो नाक्‍त खाल पाइबपुकी वोइक्‍तक।
NEH 4:10 मिनु यहूदा ङा मुरपुकीमी “फुल्‍लु कुरब आन बोल जाम्‍ना जाम्‍न लत। मारदे हना शोर गाक्‍शो शी, फुल्‍लु नु खप शुश दुम्‍तीके, गोपुकी गारो प्रोव़ने मचाप्‍नीकी” दे गन गन पाम्‍तेक्‍म।
NEH 4:11 मिनु आंइ जोरी सत्रुपुकीमी “मेको आन मतुइक्‍थु, मतथु, मेको आन दातेमी जाक्‍दीश्‍शा, मेको आन कली साइश्‍शा, आन गेय थुम्‍पाइय्‍य” देंमुमा बाक्‍त।
NEH 4:12 तन्‍न मेको आन नेक्‍था बाक्‍ब गाउं गाउं ङा यहूदीपुकी आंइ बाक्‍तीक जाक्‍शा “आंइ जोरी सत्रु गोपुकी नु लडाइ पचा कली बुक्‍शा बाक्‍नीम” दे शुश खेयप देंतेक्‍म।
NEH 4:13 मोपतीके गो गारो आ नेल्‍ल क्‍येङा आइक्‍च दुम्‍तीके, आंइ जोरी सत्रु आन शुश श्‍येत मजथु, ओव़ने चाप्‍‍तीकेम, मुर आन कली खुप्‍ताक्‍ङमी। मेको आन कली तरवार, तूतीक नु लिब्रा कुरपाइश्‍शा मेकेर वोइक्‍ता‍मी।
NEH 4:14 मिनु गो मेको आन कली हिंशो तशा “महिनीन। नेल्‍ल क्‍येङा ठेयब नु मान पा हिंचा माल्‍शो परमप्रभु कली मिम्‍तीन। मिनु आंम लोक्‍ब, तमी तौ, मीश नु आंम खिं आ पर्बम लडाइ पने” दे ठेयब मुरपुकी, सासन पाइबपुकी नु मुर नेल्‍ल आन कली माइक्‍ता‍मी। नेहेम्‍याह १:५
NEH 4:15 आन मिम्‍शो गोपुकीमी तुइक्‍ताक्‍क नु परमप्रभुमी आन मिम्‍शो नेल्‍ल क्‍याम्‍शा गेवा बाक्‍त, दे आंइ जोरी सत्रुपुकीमी तुइक्‍तमे बाक्‍त। मोपतीके गो नेल्‍ल आंम आंम गेय पा गारो प्रोव़थ लेत्‍तक।
NEH 4:16 मेको नाक्‍त ङा मेरे गो आंइ उइक्‍थ मुरपुकीमी गारो प्रोव़शा बाक्‍शो। मिनु लीशो उइक्‍थ मुरपुकीमी तूतीक, तेक्‍तीक नु लिब्रा कुरशा, फलाम के फेक्‍तीक फेक्‍शा बाक्‍तेक्‍म। मिनु ठेयब मुरपुकीमी गारो प्रोव़‍ब यहूदा ङा मुर नु गारशा, आन थुं बारपाइक्‍तेक्‍म।
NEH 4:17 कुरब मुरपुकीमी आन गुइ कामी कुरतीक नु अर्को गुइमी या कुरतेक्‍म।
NEH 4:18 गारो प्रोव़ब मुरपुकीमी आन किप्‍शुरमी चुक्‍ब पिप्‍शा प्रोव़तेक्‍म। तुराही ताप्‍ब आं नेक्‍था बाक्‍शो बाक्‍त।
NEH 4:19 मिनु गोमी ठेयब मुर, हुकुम पाइब नु मुर नेल्‍ल आन कली “गेय थम ठेयब नु शुश ब्रशा बाक्‍शो बाक्‍ब। गोपुकी गारो आ नेक्‍था, तन्‍न ङोन ङोन बाक्‍नीकी।
NEH 4:20 तेकेर रे तुराही ग्री‍शो नेंनीनी, मेकेर रीब पा बुक्‍कीन। आंइ परमप्रभुमी आंइ पर्बम लडाइ पाइब” दे माइक्‍ता‍मी। प्रस्‍थान १४:१४
NEH 4:21 मोपा गो उइक्‍थ मुरपुकीमी गेय पस ङा पस बाक्‍तक। मिनु उइक्‍थ मुरपुकी सुनी रे नाक्‍दो सम्‍म या शेशा बाक्‍तेक्‍म।
NEH 4:22 मेना गो मुर आन कली “नाक्‍दो खाल पाइब, नाक्‍त गेय पाइब नु मेको आन कली वारच पाइब नेल्‍ल यरूसलेममीन नां सोंइचा माल्‍नीम” दे यो माइक्‍ता‍मी।
NEH 4:23 मोदेंशो पा गो, आं लोक्‍बपुकी, आं गेय पाइबपुकी नु आं नेक्‍था बाक्‍ब खाल पाइबपुकी वा मप्रुइक्‍थु, आंइ या शेशान इप्‍तक।
NEH 5:1 मिनु नोले मार दुम्‍त देंशा हना, मुरपुकी नु आन मीशपुकीमी आंम आन यहूदी लोक्‍ब आन पर्बम लोव़ का ब्रपाइक्‍तेक्‍म।
NEH 5:2 का निक्‍शीमी “गो, आंइ तमी तौ शुश बाक्‍नीमी। गो शुश बाक्‍तीके ब्रोंइचा कली अन्‍न माल्‍नीकी” देंतेक्‍म।
NEH 5:3 मिनु का निक्‍शीमी “अन्‍कालमी अन्‍न ग्‍याप्‍चा कली आंइ रूपुकी, आंइ अङगुर रूपुकी नु आंइ खिंपुकी जाकट वोइक्‍चा माल्‍ताक्‍क” देंतेक्‍म।
NEH 5:4 मिनु का निक्‍शीमी “पिप कली तिरो थाप्‍चा कली आंइ रू नु अङगुर रूपुकी गेशा, जेर ताक्‍तक।
NEH 5:5 गो यो आंइ लोक्‍ब खोदेंशो बाक्‍नीकी। आंइ तमी तौ मेको आन तमी तौ खोदेंशो बाक्‍नीम। मिनु गो आंइ तमी तौ आन कली वाइलीम वाइल दुम्‍चा कली लेयचा माल्‍नीकी। आंइ तमी का निक्‍शी ङोंइतीन लेयचा पुंइसाक्‍म। गोपुकीमी मेको आन कली प्रोंइने मचाप्‍नीकी। मारदे हना आंइ रू नु अङगुर रू नेल्‍ल मुर आन के दुम्‍ने थुम्‍तु” देंतेक्‍म। लेवी २५:३९; २राजा ४:१; यसैया ५०:१; मत्ती १८:२५
NEH 5:6 मोपा मेको आन लोव़ नेंशा, आन ङाक्‍शो तशा, शुश गाइक्‍ताक्‍यी।
NEH 5:7 तन्‍न गो आं थुंमी लोव़ पाता। मिनु गो मान ताइब नु ठेयब मुर आन कली हुइश्‍शा “क्‍येट आ चाइक्‍ब ताक्‍चा, दे आंम लोक्‍ब आन कली जेर गेनीनी” दे माइक्‍ताक्‍मी। मिनु मेको आन पर्बम मुर नेल्‍ल खुप्‍ताक्‍ङमी। प्रस्‍थान २२:२४
NEH 5:8 मिनु गो मेको आन कली “गोपुकीमी अर्को रागीम लेयशो वाइलीम वाइल दुम्‍शो आंइ लोक्‍ब यहूदी आन कली आंइ चाप्‍शो थाप्‍शा, मुर आन गुइ रे प्रोंइतक। गेपुकी चहिं आंम इन लोक्‍ब रागी रागी ङा मुर आन कली लेयनीनी? मिनु मेकोपुकीम गो आंमान लेंशा ग्‍याप्‍चा माल्‍नीकी?” दे शुश हुइक्‍ताक्‍ङ। मिनु मेकोपुकी सिक्‍सी पा मारेइ मदेंम। लेवी २५:४७-४९
NEH 5:9 मिनु लेंशा “इन पशो मरिम्‍शो बाक्‍ब। आंइ जोरी सत्रुपुकीमी आंइ कली शुक्‍शी मपपाइक्‍थु, आंइ परमप्रभु कली मान पा हिंशा, गेय पचा ममाल्‍नीनी ङा?
NEH 5:10 गो आंमान, आं लोक्‍बपुकी नु आं गेय पाइबपुकीमी यो मेको आन कली क्‍येट नु अन्‍न जेर गेतक। मुल गो चाइक्‍ब पुंइचा प्रोंइय। ब्‍यवस्‍था १५:१-११
NEH 5:11 गे मुलाक्‍तीन मेको आन रू, अङगुर रू, आन तेल रवा रू नु आन खिं लेश्‍शा गेने। मिनु क्‍येट, अन्‍न, नक अङगुर रस नु तेल, मार मार जेर पुन्‍मे, मेको नेल्‍ल मो गेने” दे माइक्‍तामी।
NEH 5:12 मिनु मेकोपुकीमी “गो नेल्‍ल लेश्‍शा गेनीकी। मेकोपुकी रे मारेइ मताक्‍नीकी। इन देंशो खोदेंशो पा नेल्‍ल पाइनीकी” देंतेक्‍म। मिनु गो चढ़ेब आन कली ब्रेश्‍शा “आंइ देंशो खोदेंशो पा पाइनीकी” दे कसम जपाइक्‍तामी।
NEH 5:13 मिनु नोले गो आं फेक्‍शो वा रे थुर थुर पा फुरक हेम्‍शा “आन देंशो मखाप्‍ब कली परमप्रभुमी आन खिं नु आन थेरशो रू रे ओं पान थुर थुर पा हेमल। मोपा थुर थुर पा श्‍येत्‍थ दुम्‍मल” देंती। मिनु मेकेर बुक्‍शा बाक्‍ब नेल्‍लेमी “आमेन” देंतेक्‍म। मिनु मेकोपुकीमी परमप्रभु यावे कली ठेयब सेल्‍शा, आन देंशो खोदेंशो पाम्‍तेक्‍म। आमेन देंबमी “गो यो मोदेंशो मिम्‍नुङ” देंब।
NEH 5:14 मिनु आरता-सास्‍त पिप दुम्‍शो २० बर्स दुम्‍मेनु, गो यहूदा रागीमी हुकुम पचा कली योव़चा पुंइसाक्‍यी। मेना रे मुल १२ बर्स दुम्‍त। मेको आरता-सास्‍त पिप दुम्‍शो ३२ बर्स दुम्‍त। मेको १२ बर्स सम्‍म गो नु आं लोक्‍बपुकीमी हुकुम पाइब आन ततीक जचा थोव़क मजक।
NEH 5:15 आं क्‍येङा ङोंइती ङा आं खोदेंशो पा हुकुम पाइबपुकीमी मुर आन कली ठेयब श्‍येत गेशो बाक्‍तेक्‍म। मेकोपुकीमी नाक्‍त किंत किंत ङा जचा थोव़क, शोब्‍ले, अङगुर शांबु नु ४० चांदी के शेकेल यो लाइश्‍शो बाक्‍तेक्‍म। मिनु मेको आन गेय पाइबपुकीमी यो मुर आन कली साप्‍पा दिप्‍शो बाक्‍तेक्‍म। तन्‍न गो परमप्रभु कली मान पा हिंशा मोदेंशो मपङ। चांदी के शेकेल का ११.५ ग्राम ङा क्‍येट बाक्‍ब।
NEH 5:16 मिनु गो आंमा गारो प्रोव़तीक गेय यो पाता। गोपुकीमी रू का यो मग्‍याप्‍क। आं गेय पाइब नेल्‍ल गारो प्रोव़थ जाक्‍तेक्‍म।
NEH 5:17 मिनु गो नु सहे का ५० जना यहूदी आन ठेयब मुरपुकी काथा बाक्‍शा जाम्‍तेक्‍म। मिनु एर ओंथ रागी रे आंइ कली ग्रुम्‍थ जाक्‍बपुकी यो गो नु बाक्‍शा जाम्‍तेक्‍म।
NEH 5:18 नाक्‍त का कली मार जचा थोव़क ठीक सेल्‍शो बाक्‍त, देंशा हना, ब्‍यफ का, ६ ओटा रिम्‍शो दोम्‍शो भेडा नु ब्‍वापुकी ठीक सेल्‍शो बाक्‍तेक्‍म। मिनु १०, १० नाक्‍त कली मारेइ मारेइ अङगुर शांबु यो चाक्‍शो बाक्‍त। मोदेंशो शुश माल्‍ती हना यो, गो गेनायो हुकुम पाइब आ तचा माल्‍शो जचा थोव़क ममलु। मारदे हना मुरपुकी शुश श्‍येत जशो बाक्‍तेक्‍म।
NEH 5:19 गो परमप्रभु यावे कली “आं परमप्रभु, गो एको मुर आन कली मार मार रिम्‍शो पङा, मेको मप्रेंदीन” देंती। नेहेम्‍याह १३:१४,२२,३१
NEH 6:1 मिनु नोले सान्‍बल्‍लत, तोबीयाह, अराबी गेशेम नु आंइ जोरी सत्रुपुकीमी “गोपुकीमी गारो प्रोव़शा, पोव़ला नेल्‍ल यो सुने थुम्‍तक” देंशो नेंतेक्‍म। गो ठेयब लाप्‍चो थारने मथुम्‍शो बाक्‍ती।
NEH 6:2 मेना सान्‍बल्‍लत नु गेशेममी आं कली “ओनो दिंम ङा गाउं काम ग्रुम्‍य” दे लोव़ सोइक्‍ताक्‍यीमी। तन्‍न मेकोपुकीमी आं कली मरिम्‍शो पचा माल्‍शो बाक्‍तेक्‍म।
NEH 6:3 मिनु गो मेको आन कली “मुल आं के ठेयब गेय का बाक्‍ब। मोपतीके यिने मचाप्‍नुङ। मेक यिशा, आं गेय क्‍योल्‍चा मदाक्‍नुङ” दे लोव़ सोइक्‍ताक्‍ङ।
NEH 6:4 मिनु मेकोपुकीमी आं कली ४ खेयप सम्‍म “यिने” दे लोव़ सोइक्‍ताक्‍यीमी। मिनु गो यो ङोंइती ङा खोदेंशो पा लोव़ लेश्‍शा सोइक्‍ताक्‍ङमी।
NEH 6:5 मिनु सान्‍बल्‍लतमी लेंशा, ५ खेयपमी आं गेय पाइब मुर, नेल्‍ल आन कली पढेचा ङा पा, ब्रेक्‍स का सोइक्‍ताक्‍व।
NEH 6:6 मिनु मेको ब्रेक्‍समी “अर्को जात ङा मुरपुकीमी ‘गे नु यहूदीपुकी गारशा सरकार कली तुल्‍चशो बाक्‍नीनी’ देंतेक्‍म। गेशेममी यो मोन देंत। मोपतीके गे गारो सेल्‍ना सेल्‍न बाक्‍नीनी। गे चहिं मेको आन पिप दुम्‍चा माल्‍शो बाक्‍नेवे, देंशो यो नेंसाक्‍व। नेहेम्‍याह २:१९; एज्रा ४:१२
NEH 6:7 मिनु ‘यहूदामी पिप का बाक्‍ब’ देंपाइक्‍चा कली परमप्रभु यावे आ लोव़ पाइब आन कली यो योव़शा, यरूसलेमम लोव़ पथ, वोइश्‍शो बाक्‍ते। मिनु पिपमी एको लोव़ थमा पा नेंब। मोपतीके एको आ पर्बम लोव़सी पचा कली रीब पा यिने” दे ब्रेक्‍शो बाक्‍त।
NEH 6:8 मिनु गो “इ देंशो लोव़ नेल्‍ल जोल बाक्‍ब। आंम इ मिम्‍शो बाक्‍ब” दे लोव़ लेश्‍शा, सोइक्‍ताक्‍ङ।
NEH 6:9 मिनु मेको नेल्‍लेमी आंइ कली हिंच कोंइचा माल्‍तेक्‍म। मेकोपुकीमी “एको गारो प्रोव़चा प्रोंइनीम। मथुम्‍नीम” दे मिम्‍त्‍मे बाक्‍त। मिनु गो “परमप्रभु, आं थुं बारपतीन” दे पुंइता।
NEH 6:10 मिनु काबु गो देलायाह आ तौ, मेहेताबेल आ चच शेमायाह आ खिंमी लती। मेको आ खिंमी चोक्‍सीशा बाक्‍शो बाक्‍त। मेकोमी आं कली “गो निक्‍शी परमप्रभु यावे आ खिं नेल्‍ल क्‍येङा आगा ओव़शा, लाप्‍चोपुकी चोक्‍शा, बाक्‍स। मारदे हना मेकोपुकी इन कली साइक्‍थ पिना पिन बाक्‍नीम। नाक्‍दो इन कली साइक्‍थ जाक्‍नीम” दे माइक्‍ती।
NEH 6:11 तन्‍न गो मेको कली “मार, आं खोदेंशो मुर प्रोक्‍बा ङा? गो परमप्रभु यावे आ खिंम ओव़शा, ब्रोंइनुङा ङा? गो मलाइनुङ” दे माइक्‍ता।
NEH 6:12 मिनु गो “परमप्रभु आ सोइश्‍शो ममाइ, आं कली मरिम्‍शो पचा, दे सान्‍बल्‍लत नु तोबीयाहमी मेको कली नोले दुम्‍ब लोव़ पपाइक्‍खु पशो बाक्‍ताक्‍स।
NEH 6:13 आं कली हिंच कोंइचा नु पाप पपाइक्‍चा माल्‍ताक्‍से। मोपा मेकोमी आं पर्बम मरिम्‍शो लोव़ ब्रपाइक्‍चा कली क्‍येट ताक्‍शो बाक्‍त” दे तुइक्‍ताक्‍ङ।
NEH 6:14 मिनु गो “आं परमप्रभु, तोबीयाह नु सान्‍बल्‍लत आस पशो मिम्‍तीन। आं कली हिंच कोंइचा दाक्‍ब नोले दुम्‍ब लोव़ पाइब नोआदीयाह माइश्‍शो मीश मुर नु अरु नोले दुम्‍ब लोव़ पाइब, नेल्‍ल आन पतीके यो मिम्‍तीन” दे परमप्रभु कली पुंइता। नेहेम्‍याह ३:३३-३७
NEH 6:15 एलुल महिना ङा २५ नाक्‍त गोपुकीमी गारो सेल्‍ने थुम्‍तक। सेल्‍ने थुम्‍चा कली ५२ नाक्‍त माल्‍ताक्‍क।
NEH 6:16 मिनु आंइ जोरी सत्रुपुकीमी एको लोव़ नेंतेक्‍म, देंशो नेंशा, आंइ एर ओंथ बाक्‍शो अर्को जात ङा मुर नेल्‍ल शुश हिंतेक्‍म। मिनु मेकोपुकीमी “इं परमप्रभुम पशो बाक्‍त” दे तुइक्‍ताक्‍म।
NEH 6:17 मेना यहूदा ङा ठेयब मुरपुकीमी तोबीयाह कली शुश ब्रेक्‍स ब्रेक्‍शा, सोइक्‍ना सोइक्‍न बाक्‍तेक्‍म। मिनु तोबीयाहमी यो मेको आन कली ब्रेक्‍स सोइक्‍ना सोइक्‍न बाक्‍त।
NEH 6:18 मिनु यहूदा ङा शुश मुरुमी तोबीयाह आ लोव़ बिश्‍शा “इन मुर दुम्‍नीकी” दे कसम जशो बाक्‍तेक्‍म। मारदे हना तोबीयाह आ चांइवा आराह आ तौ शेकन्‍याह बाक्‍त। मिनु आ तौ येहो-हानानमी बेरेक्‍याह आ तौ मेशुल्‍लाम आ तमी चाक्‍शो बाक्‍त।
NEH 6:19 मेको मुरपुकीमी आं ङोंइती तोबीयाहमी मार मार रिम्‍शो गेय पाप्‍तु, दे आं कली लोव़ पाम्‍तेक्‍म। मिनु आं देंशो लोव़ यो तोबीयाह कली शोव़तेक्‍म। मिनु तोबीयाहमी आं कली हिंच कोंइशा चिठीपुकी सोइक्‍ताक्‍यी।
NEH 7:1 मिनु गारो प्रोव़ने थुम्‍शा, लाप्‍चोपुकी थारशा गारपाइश्‍शा वोइक्‍ताक्‍मी। लाप्‍चो खाल पाइबपुकी, कुम्‍सो पाइबपुकी नु लेवी नेल्‍ल योव़शा वोइक्‍तामी।
NEH 7:2 मिनु गो आं लोक्‍ब हानानी नु लडाइ पाइब आन नेल्‍ल क्‍येङा ठेयब मुर हनान्‍याह आस कली यरूसलेममी हुकुम पाइब सेल्‍तासी। मारदे हना शुश मुर आन क्‍येङा हनान्‍याह दीगो नु रिम्‍शो पाइब परमप्रभु कली मान पा हिंब बाक्‍त।
NEH 7:3 मिनु गो मेको आस कली “यरूसलेम ङा ठेयब लाप्‍चोपुकी नां चोक्‍ता नोले ला रोक्‍पतीन। मिनु नोले खाल पाइबपुकी ठेयब लाप्‍चोम गेय पची ना लाप्‍चोपुकी चोक्‍शा, आग्‍लो शुइक्‍चा माल्‍नीम। यरूसलेम ङा मुरपुकी का का पा खाल पाइब सेल्‍चा माल्‍नीम। का निक्‍शी गारो कोव़ब सेल्‍चा, का निक्‍शी आंम आन खिं आ ङोंइती खाल पचा माल्‍नीम” दे माइक्‍तामी।
NEH 7:4 सहर ठेयब बाक्‍ब। मिनु मुर शुश मबाक्‍तीके, ब्रशा बाक्‍शो बाक्‍तेक्‍म। मिनु सुइमी आन खिं लेंशा सेल्‍शो मबाक्‍म।
NEH 7:5 मिनु आं परमप्रभुमी आं कली “ठेयब मुर, सरकार ङा अधिकार ताइब नु अरु मुर नेल्‍ल आन कली बुक्‍पाइश्‍शा, मेको नु आन खिं ङा मुर आन नें ब्रेक्‍चा माल्‍नुङ” दे मिम्‍पाइक्‍ती। मिनु गो ग्‍याइश्‍शा लाइक्‍चा पुंइसीशो रे, यरूसलेम लेश्‍शा जाक्‍ब आन नें ब्रेक्‍शो किताब थित्‍ता। मिनु मेको किताबम सु सु आन नें ब्रेक्‍शो बाक्‍तेक्‍म देंशा हना,
NEH 7:6 ङोंइती बेबीलोन ङा पिप नेबुकदनेसरमी यरूसलेम नु यहूदा ङा मुर आन कली ग्‍याइश्‍शा लाइश्‍शो बाक्‍त। मिनु सु सु नोले यरूसलेम नु यहूदा ङा आंम आन सहर लेत्‍चा तशो बाक्‍तेक्‍म देंशा हना,
NEH 7:7 जेरूब-बाबेल, येशुआ, नेहेम्‍याह, अजारयाह, राम्‍याह, नाहामानी, मोरदेकै, बिल्‍शान, मिस्‍पेरेथ बिग्‍वाइ, नेहुम नु बानाह लेत्‍चा तशो बाक्‍तेक्‍म।
NEH 7:8 लेत्‍चा ताइब इस्राएली सु सु बाक्‍तेक्‍म देंशा हना, पारोश नु आ खिं ङा मुर २,१७२
NEH 7:9 शेफत्‍याह नु आ खिं ङा मुर ३७२
NEH 7:10 आराह नु आ खिं ङा मुर ६५२
NEH 7:11 पहाथ-मोआब नु आ खिं ङा मुर नु येशुआ नु योआब आस खिं ङा मुर नेल्‍ल २,८१८
NEH 7:12 एलाम नु आ खिं ङा मुर १,२५४
NEH 7:13 जत्‍तु नु आ खिं ङा मुर ८४५
NEH 7:14 जक्‍काइ नु आ खिं ङा मुर ७६०
NEH 7:15 बिन्‍नुइ नु आ खिं ङा मुर ६४८
NEH 7:16 बेबाइ नु आ खिं ङा मुर ६२८
NEH 7:17 अज्‍गाद नु आ खिं ङा मुर २,३२२
NEH 7:18 अदोनीकाम नु आ खिं ङा मुर ६६७
NEH 7:19 बिग्‍वाइ नु आ खिं ङा मुर २,०६७
NEH 7:20 आदीन नु आ खिं ङा मुर ६५५
NEH 7:21 आतेर नु हिज्‍कीयाह नु आस खिं ङा मुर ९८
NEH 7:22 हाशुम नु आ खिं ङा मुर ३२८
NEH 7:23 बेजाइ नु आ खिं ङा मुर ३२४
NEH 7:24 हारीफ नु आ खिं ङा मुर ११२
NEH 7:25 गिबोन नु आ खिं ङा मुर ९५
NEH 7:26 बेथलेहेम नु नेतोफाह सहर ङा मुर १८८
NEH 7:27 अनाथोथ सहर ङा मुर १२८
NEH 7:28 बेथ-अज्‍मावेथ सहर ङा मुर ४२
NEH 7:29 किरयथ-यारीम, केफीरा नु बेयरोथ सहर ङा मुर ७४३
NEH 7:30 रामाह नु गेबा सहर ङा मुर ६२१
NEH 7:31 मिक‍मास सहर ङा मुर १२२
NEH 7:32 बेथेल नु ऐ सहर ङा मुर १२३
NEH 7:33 अर्को नेबो सहर ङा मुर ५२
NEH 7:34 अर्को एलाम आ तौ १,२५४
NEH 7:35 हारीम आ तौ ३२०
NEH 7:36 यरीको सहर ङा वोंइश मुर ३४५
NEH 7:37 लोद, हादीद नु ओनो सहर ङा वोंइश मुर ७२१
NEH 7:38 सेनाह सहर ङा वोंइश मुर ३,९३० जना लेत्‍चा ताइब बाक्‍तेक्‍म।
NEH 7:39 येशुआ आ खिं ङा येदायाह आ चच युइ ९७३
NEH 7:40 इम्‍मेर आ चच युइ १,०५२
NEH 7:41 पश्‍हुर आ चच युइ १,२४७
NEH 7:42 हारीम आ चच युइ १,०१७ जना बाक्‍तेक्‍म।
NEH 7:43 होदेवाह आ खिं ङा येशुआ नु कदमीएल आस चच युइ ७४ जना लेत्‍चा तशो बाक्‍तेक्‍म।
NEH 7:44 आसाफ आ चच युइ १४८ जना लेत्‍चा तशो बाक्‍तेक्‍म।
NEH 7:45 शाल्‍लुम, आतेर, ताल्‍मोन, अक्‍कुब, हतीता नु शोबाइ आन चच युइ १३८ जना लेत्‍चा तशो बाक्‍तेक्‍म।
NEH 7:46 सीहा आ तौपुकी, हासुफा आ तौपुकी, तब्‍बाओथ आ तौपुकी,
NEH 7:47 केरोस आ तौपुकी, सीआ आ तौपुकी, पादोन आ तौपुकी,
NEH 7:48 लेबाना आ तौपुकी, हगाबा आ तौपुकी, शाल्‍माइ आ तौपुकी
NEH 7:49 हानान आ तौपुकी, गिददेल आ तौपुकी, गहार आ तौपुकी,
NEH 7:50 रेआयाह आ तौपुकी, रेसीन आ तौपुकी, नेकोदा आ तौपुकी,
NEH 7:51 गज्‍जाम आ तौपुकी, उज्‍जा आ तौपुकी, पासेआह आ तौपुकी,
NEH 7:52 बेसाइ आ तौपुकी, मेउनीम आ तौपुकी, नेफुशेसीम आ तौपुकी,
NEH 7:53 बाकबुक आ तौपुकी, हकुफा आ तौपुकी, हारहुर आ तौपुकी,
NEH 7:54 बास्‍लुथ आ तौपुकी, मेहीदा आ तौपुकी, हारशा आ तौपुकी,
NEH 7:55 बारकोस आ तौपुकी, सीसेरा आ तौपुकी, तेमाह आ तौपुकी,
NEH 7:56 नु नेसीयाह नु हतीफा आस तौपुकी परमप्रभु यावे आ खिं ङा गेय पाइब लेत्‍चा तशो बाक्‍तेक्‍म।
NEH 7:57 सोताइ आ तौपुकी, सोफेरेथ आ तौपुकी, परीदा आ तौपुकी,
NEH 7:58 याला आ तौपुकी, दारकोन आ तौपुकी, गिददेल आ तौपुकी,
NEH 7:59 शेफत्‍याह आ तौपुकी, हत्‍तील आ तौपुकी, पोकेरेथ-हस्‍सेबाइम आ तौपुकी नु आमोन आ तौपुकी,
NEH 7:60 परमप्रभु यावे आ खिं ङा गेय पाइब नु सोलोमन आ खिं ङा गेय पाइब आन तौ नेल्‍ल पा ३९२ जना लेत्‍चा तशो बाक्‍तेक्‍म।
NEH 7:61 तेल-मेलाह, तेल-हारशा, करूब, अददोन नु इम्‍मेर सहर रे कुइ‍ब मुर आन किकी पिपी इस्राएली बाक्‍नीम, दे ब्रेक्‍तीकेमी कोंइने मचबेम।
NEH 7:62 देलायाह, तोबीयाह नु नेकोदा आन तौ नेल्‍ल पा ६४२ जना बाक्‍तेक्‍म।
NEH 7:63 चढ़ेब आन दाते रे होबायाह, हककोस आस चच युइ नु बारजील्‍लाइ बाक्‍नीम। बारजील्‍लाइमी चहिं गिलादी बारजील्‍लाइ आ तमी का ग्‍युंबे पा आ शिउ आ नें बारजील्‍लाइ माइक्‍चा पुंइसीशो बाक्‍त।
NEH 7:64 मेको आन नें ब्रेक्‍शो मथित्‍तीके, चढ़ेतीक गेय पचा मशिरनीम, दे तिल्‍चा पुंइसीशो बाक्‍तेक्‍म।
NEH 7:65 हुकुम पाइबमी ऊरीम नु थुम्‍मीम रे गेय पाइब चढ़ेब मग्रूम सम्‍म मेको आन कली चढ़ेशो थोव़की जचा मगेमे बाक्‍त। प्रस्‍थान २८:३०; गन्‍ती १८:९; १सामुएल १४:४१
NEH 7:66 यरूसलेम लेश्‍शा जाक्‍ब नेल्‍ल ४२,३६० जना बाक्‍तेक्‍म।
NEH 7:67 मेको आन वाइलीम वाइल ७,३३७ जना बाक्‍तेक्‍म। मिनु कुम्‍सो पाइबपुकी २४५ जना मुर बाक्‍तेक्‍म।
NEH 7:68 मिनु ७३६ ओटा शारा, २४५ ओटा खच्‍चर,
NEH 7:69 दलओंठ ४३५ नु ६,७२० ओटा गधा बाक्‍तेक्‍म।
NEH 7:70 मिनु का निक्‍शी खिं ङा ठेयब मुरपुकीमी गारो प्रोव़चा कली मार मार गेम्‍तेक्‍म। हुकुम पाइबमी सुन के आदारकोन माइश्‍शो क्‍येट हजार का टुक्रा, ५० ओटा बोस नु ५ सहे ३० ओटा चढ़ेब आन कली फेक्‍तीके वा गेप्‍तु। आदारकोन का ८.४ ग्राम सुन के क्‍येट बाक्‍ब।
NEH 7:71 मिनु का निक्‍शी खिं ङा ठेयब मुरपुकीमी गेय कली सुन के आदारकोन २० हजार टुक्रा नु चांदी के मीना माइश्‍शो क्‍येट हजार निक्‍शी सहे निक्‍शी टुक्रा गेम्‍तेक्‍म। मीना का ६०० ग्राम खोदेंशो बाक्‍ब।
NEH 7:72 लीशो मुरपुकीमी सुन के आदारकोन २० हजार टुक्रा नु चांदी के मीना हजार निक्‍शी टुक्रा नु ६७ ओटा चढ़ेब आन कली फेक्‍तीके वा गेम्‍तेक्‍म।
NEH 7:73 मिनु चढ़ेबपुकी, लेवीपुकी, लाप्‍चो खाल पाइबपुकी, कुम्‍सो पाइबपुकी, परमप्रभु यावे आ खिंमी गेय पाइबपुकी नु अरु नेल्‍ल इस्राएली आन आंम आंम सहरमी लशा बाक्‍शो बाक्‍तेक्‍म।
NEH 8:1 मिनु ७ महिना थेक्‍चावानु, इस्राएली आंम आन आन सहरमी बाक्‍मानु, मुर नेल्‍ल थुं का दुम्‍शा, ब्‍वाक्‍कु लाप्‍चो आ नेक्‍था ङा ठेयब बाक्‍तीकेम बुक्‍तेक्‍म। मिनु मेकोपुकीमी परमप्रभु यावे आ लोव़ जोक्‍ब तुइक्‍ब चढ़ेब एज्रा कली “परमप्रभु यावेमी मोसा कली गेशो इस्राएली आन कली अरेशो लोव़ ङा किताब चाक्‍को” देंतेक्‍म। एज्रा ७:६
NEH 8:2 मिनु ७ महिना ङा ङोंइती ङा नाक्‍तीमी चढ़ेब एज्रामी मेको किताब मुर आन ङोंइती चाक्‍तु। मेकेर वोंइश मुर, मीश मुरपुकी नु सु सु रुप्‍ने चाप्‍ब बाक्‍मा, मेको नेल्‍ल बुक्‍शो बाक्‍तेक्‍म। ब्‍यवस्‍था ३१:१०-१३
NEH 8:3 मोपा एज्रामी ब्‍वाक्‍कु लाप्‍चो आ नेक्‍था ङा बाक्‍तीकेमी सुनी रे नाक्‍त सम्‍म वोंइश मुर, मीश मुर नु लोव़ रुप्‍ने चाप्‍ब नेल्‍ल आन ङोंइती मेको किताब पढेप्‍तु। मिनु परमप्रभु यावे आ अरेशो लोव़ ङा किताब पढेवानु, नेल्‍लेमी नोफा दाइश्‍शा नेंतेक्‍म।
NEH 8:4 मिनु परमप्रभु यावे आ लोव़ जोक्‍ब तुइक्‍ब एज्रा मुर नेल्‍ल आन कली रिम्‍शो नेंपाइक्‍चा कली शी के सेल्‍शो लाइश्‍शो राप्‍तीकेमी राप्‍शो बाक्‍त। मेको आ ग्‍युरा गे मत्तीथ्‍‍याह, शेमा, आनायाह, उरीयाह, हिल्‍कीयाह नु मासेयाह राप्‍शो बाक्‍तेक्‍म। मिनु आ पेरा गे पेदायाह, मीशाएल, माल्‍कीयाह, हाशुम, हश्‍बादानाह, जकरिया नु मेशुल्‍लाम राप्‍शो बाक्‍तेक्‍म।
NEH 8:5 मिनु एज्रामी आ लाइश्‍शो बाक्‍तीकेमी राप्‍शा, नेल्‍लेम तचा ङा पा मुर आन ङोंइती मेको किताब प्राक्‍तु। मेको किताब प्राक्‍गानु, मुर नेल्‍ल बोक्‍तेक्‍म।
NEH 8:6 मिनु एज्रामी नेल्‍ल क्‍येङा ठेयब परमप्रभु यावे कली “गे ठेयब न‍नी” दे मान पवानु, मुर नेल्‍लेमी आन गुइ पोक्‍शा “आमेन, आमेन” देंतेक्‍म। मिनु नेल्‍लेमी आन पिया खुक्‍शा, परमप्रभु यावे आ ङोंइती खप सम्‍म बाप्‍शा ठेयब सेल्‍‍तेक्‍म।
NEH 8:7 मिनु येशुआ, बानी, शेरेब्‍याह, यामीन, अक्‍कुब, शब्‍बेथाइ, होदीयाह, मासेयाह, केलीता, अजारयाह, योजाबाद, हानान, पेलायाह नु लेवीपुकीमी मुर आन कली परमप्रभु आ अरेशो लोव़ रुप्‍पाइक्‍तेक्‍म। मिनु मुर आन बाक्‍तीकेम राप्‍शा बाक्‍तेक्‍म।
NEH 8:8 मेकोपुकीमी परमप्रभु आ अरेशो लोव़ रुप्‍चा ङा पा पढेम्‍तेक्‍म। आन पढेशो रुप्मेक्‍ल, दे मुर आन कली आ अर्थ यो शेंताक्‍म।
NEH 8:9 मिनु परमप्रभु यावे आ अरेशो लोव़ नेंशा, मुर नेल्‍ल शुश ङाक्‍तेक्‍म। मोपतीके पिप आ वोइश्‍शो हुकुम पाइब, नेहेम्‍याह, परमप्रभु यावे आ लोव़ जोक्‍ब तुइक्‍ब चढ़ेब एज्रा नु मुर आन कली शेंब लेवीपुकीमी “मुलाक्‍ती परमप्रभु यावे, इन परमप्रभु आ ठेयब नाक्‍त बाक्‍ब। हिशेक मपने। मङाक्‍कीन” दे मुर आन कली माइक्‍तेक्‍म।
NEH 8:10 मिनु मेकोपुकीमी मुर आन कली “मुल गे नेल्‍ल लने। ब्रोव़शो ब्रोव़शो जने ब्‍वने, तूङीन। मिनु मथीब आन कली यो मार मार सोइक्‍तीने। मारदे हना मुलाक्‍ती आंइ परमप्रभु आ ठेयब नाक्‍त बाक्‍ब। हिशेक मपने। मारदे हना परमप्रभु यावे आ गेशो ग्‍येरतीकेमी इन थुं बारपाइक्‍ब” देंतेक्‍म।
NEH 8:11 मिनु लेवीपुकीमी मुर नेल्‍ल आन कली “सिक्‍सी पा बाक्‍कीन। मुलाक्‍ती परमप्रभु आ ठेयब नाक्‍त बाक्‍ब। हिशेक मपने। मङाक्‍कीन” देंतेक्‍म। मारदे हना मुर नेल्‍ल परमप्रभु यावे आ लोव़ नेंशा ङाक्‍तेक्‍म। नेहेम्‍याह ५:१४
NEH 8:12 मिनु मुर नेल्‍लेमी आन देंशो लोव़ रुप्‍शा, ठेयब ग्‍येरतीक चाड मानेचा कली जचा ब्‍वचा तूचा नु मथीब आन कली मार मार सोइक्‍चा कली लाम्‍तेक्‍म।
NEH 8:13 मिनु आ दीसा खिं नेल्‍ल ङा ठेयब मुर, चढ़ेब नु लेवी नेल्‍ल परमप्रभु यावे लोव़ जोक्‍ब तुइक्‍ब एज्रा आ ङोंइती परमप्रभु यावे आ अरेशो लोव़ शेंसीचा कली बुक्‍तेक्‍म।
NEH 8:14 मिनु परमप्रभु यावेमी मोसा कली “इस्राएलीपुकीमी ७ महिना ङा ७ नाक्‍त कली गोठ सेल्‍शा बाक्‍तीक चाड मानेचा माल्‍नीम” दे शेंशा, परमप्रभु यावे आ अरेशो लोव़म ब्रेक्‍शो थित्‍तेक्‍म। लेवी २३:३४-३६; लेवी २३:४०
NEH 8:15 मिनु मेकोपुकीमी आंम बाक्‍तीक सहर नेल्‍लेमी नु यरूसलेम ङा मुर आन कली “गे इर ब्‍वाकी ग्‍येत्‍थ लशा, मार मार तेल रवा, मूरे रवा, खजूर रवा नु शुश सफा पाइश्‍शो रवा आन राशी गोठ सेल्‍चा कली चाक्‍कीन। मिनु दोदेंशो ब्रेक्‍शो बाक्‍मे, मोदेंशो पने” दे नेंप‍तीन देंतेक्‍म। लेवी २३:४०
NEH 8:16 मिनु मुरपुकी लशा, सेउला चाक्‍तेक्‍म। मिनु आन खिं तारी, आन लाङगामी, परमप्रभु आ खिं ङा लाङगामी, ब्‍वाक्‍कु लाप्‍चो आ नेक्‍थामी नु एफ्राइम लाप्‍चो आ नेक्‍थामी गोठ सेल्‍शा बाक्‍तेक्‍म। नेहेम्‍याह ८:१
NEH 8:17 मिनु मुर नेल्‍ल, सु सु ग्‍याइश्‍शा लेत्‍चा पुंइसीशो बाक्‍मा, मेको नेल्‍ल, गोठ सेल्‍शा, आगाम बाक्‍तेक्‍म। मिनु नून आ तौ यहोसु आ पाला रे मेको नाक्‍त सम्‍म इस्राएलीपुकीमी मोदेंशो मपशो बाक्‍तेक्‍म। मेको चाडमी मुर नेल्‍ल शुश ग्‍येरसाक्‍म।
NEH 8:18 मिनु ङोंइती ङा नाक्‍त रे नोले ङा नाक्‍त सम्‍म एज्रा मी नाक्‍त किंत किंत परमप्रभु आ अरेशो लोव़ ङा किताब पढेप्‍तु। मेकोपुकीमी मेको चाड ७ नाक्‍त सम्‍म मानेम्‍तेक्‍म। मिनु दोदेंशो पा ब्रेक्‍शो बाक्‍मे, मोदेंशो पा आ दीसा ८ नाक्‍तीमी चाड थुम्‍तीक नाक्‍त नेल्‍ल क्‍येङा ठेयब पा मानेम्‍तेक्‍म।
NEH 9:1 मिनु मेको महिना ङा २४ नाक्‍त नोले इस्राएलीपुकी माइजा बाक्‍शा, अरन्‍डी फेक्‍शा नु आन पियामी फुरक देप्‍शा खुम्‍साक्‍म।
NEH 9:2 इस्राएलीपुकीमी अर्को जात ङा मुरपुकी रे आंम कली तिल्‍साक्‍म। मिनु आन बाक्‍तीकेम राप्‍शा, आन मरिम्‍शो पशो नु आन किकी पिपी आन मरिम्‍शो पशो शोव़तेक्‍म।
NEH 9:3 मिनु नेल्‍ल आन बाक्‍तीकेमी राप्‍शा, घन्‍टा सां सम्‍म परमप्रभु यावे, आन परमप्रभु आ अरेशो लोव़ ङा किताब पढेशो नेंतेक्‍म। मिनु अर्को घन्‍टा सां सम्‍म चहिं आंम आंम आन मरिम्‍शो पशो शोव़ना शोव़न, परमप्रभु यावे आ ङोंइती बाप्‍शा, परमप्रभु यावे, आन परमप्रभु कली ठेयब सेल्‍ना सेल्‍न बाक्‍तेक्‍म।
NEH 9:4 येशुआ, बानी, कदमीएल, शेबान्‍याह, बुन्‍नी, शेरेब्‍याह, बानी नु केनानी लेवी आन शी के सेल्‍शो राप्‍तीके ङा क्रेसीमी बाक्‍‍शा, ठेयब सेंदामी परमप्रभु यावे, आन परमप्रभु कली लोव़ पाम्‍तेक्‍म।
NEH 9:5 मिनु लेवी येशुआ, कदमीएल, बानी, हशाब्‍नैयाह, शेरेब्‍याह, होदीयाह, शेबान्‍याह नु पेथायाहमी मुर आन कली “बोक्‍कीन, गेना हना यो बाक्‍ब परमप्रभु यावे, इन परमप्रभु कली ठेयब सेलीन। ‘इन नें ठेयब बाक्‍ब। नेल्‍ल आन ठेयब सेल्‍तीके आन क्‍येङा इन नें ठेयब सेल्‍चा पुंइसीशो बाक्‍ब’ देंचा माल्‍नीनी” देंतेक्‍म।
NEH 9:6 मिनु एज्रामी “गे का ला परमप्रभु यावे बाक्‍नीनी। गे सरीङ सेल्‍तीनी। स्‍वर्ग नु मेकेर बाक्‍ब नेल्‍ल सेल्‍तीनी। गे रागी नु मेकेर ङा मारेइ मारेइ, समुन्‍द्र नु मेकेर ङा मारेइ मारेइ आन कली सेल्‍तीनी। मिनु मेको नेल्‍ल कली ब्रोंइचा गेतीनी। मिनु स्‍वर्ग ङा गेय पाइबपुकीमी इन कली ठेयब सेल्‍नीम।
NEH 9:7 परमप्रभु यावे, गे परमप्रभुमी अब्राम कली योव़शा, कल्‍दी आन रागी ऊर सहर रे ग्रुंइशा, अब्राहाम नें वोइक्‍तीनी। उत्‍पत्ती ११:३१; उत्‍पत्ती १७:५
NEH 9:8 मिनु मेको आ थुं इन कली मप्रोंइब, ठीक पाइब बाक्‍ब, दे तुइश्‍शा, मेको नु कबल का पाइतीनी। मार कबल पाइतीनी देंशा हना, मेको कली कनानी, हित्ती, एमोरी, परिज्‍जी, यबुसी नु गिरगाशी आन रागी आ चच युइ आन कली गेनुङ, दे कबल पाइतीनी। मिनु गे इन कबल खाप्‍तीनी। मारदे हना गे ठीक पाइब बाक्‍नीनी। उत्‍पत्ती १५:१८-२१
NEH 9:9 मिनु आंइ किकी पिपी इजीप्‍त रागीम बाक्‍मानु, मेको आन श्‍येत जशो ताइतीनी। लल समुन्‍द्रम बाक्‍शा आन ङाक्‍शो नेंतीनी। प्रस्‍थान ३:७
NEH 9:10 मिनु गेमी पिप फाराओ आ गेय पाइब नु आ रागी ङा मुर नेल्‍ल आन ङोंइती चिन्‍ड नु छक लाक्‍चा ङा गेय पाइतीनी। मारदे हना मेकोपुकीमी आंइ किकी पिपी आन कली ठेयब लेश्‍शा, श्‍येत गेशो बाक्‍तेक्‍म, दे तुइक्‍ताक्‍नी। मोदेंशो पा इन नें ठेयब सेल्‍साक्‍नी। मुल सम्‍म मेको मोदेंशो बाक्‍ब। प्रस्‍थान १८:११
NEH 9:11 मेको आन ङोंइती समुन्‍द्र कली चेश्‍शा लां का सेल्‍तीनी। मेकोपुकी सोव़शो खपीम गाक्‍शा, समुन्‍द्र शोक्‍साक्‍म। मेको खेदा पाइब आन कली चहिं ब्‍वाक्‍कुम ख्रुम्‍तीनी। फुल्‍लु ब्‍वारशा, ब्‍वाक्‍कुम ताइश्‍शो खोदेंशो पा ख्रुम्‍तीनी। प्रस्‍थान १४:२१; प्रस्‍थान १५:५,१०
NEH 9:12 आंइ किकी पिपी आन कली नाक्‍त गोस्‍स के थामम लां कोंइताक्‍नी। मिनु नाक्‍दो आन लां तपाइक्‍चा कली मी के थाम दुम्‍शा लां कोंइताक्‍नी।
NEH 9:13 गे सीनै डांडामी यितीनी। मिनु स्‍वर्ग रे मेकोपुकी नु लोव़ पाइतीनी। गे मेको आन कली इन ठीक पतीक लोव़, थमा शेंतीके, इन रिम्‍शो फुल्‍लुम मुशा ब्रेक्‍शो लोव़ नु इन शेंतीके गेतीनी। प्रस्‍थान १९:१८; प्रस्‍थान २०:१-१७
NEH 9:14 इन नाइक्‍तीक नाक्‍त नाइक्‍चा, दे मेको आन कली तुइक्‍पाइक्‍तीनी। मेको आन कली मोसा रे पा इन शेंतीके, इन फुल्‍लुम मुशा ब्रेक्‍शो लोव़ नु इन अरेशो लोव़ गेतीनी।
NEH 9:15 मेको आन कली शोव़लु बेक्‍मानु, सरीङ रे शोब्‍ले गेतीनी। मेको आन कली तूतू मदाक्‍चा ङा पा, रूचा ङा पा सेरथे फुल्‍लु रे ब्‍वाक्‍कु ग्रुंइशा गेतीनी। मिनु मेको आन कली ‘गेपुकी मेको रागी ओव़शा, नेल्‍ल आंम के सेलीन’ दे माइक्‍तीनी। मिनु मेको आन कली ‘गो मेको नेल्‍ल गेनुङ’ दे कसम जाइतीनी। प्रस्‍थान १६:४,१४,१५; प्रस्‍थान १७:६
NEH 9:16 मिनु आंइ किकी पिपीमी ठेयब लेश्‍शा, आन मिम्‍शो ला पशा, इन शेंशो मटीब दुम्‍शो बाक्‍तेक्‍म। प्रस्‍थान ३२:१,९
NEH 9:17 इन कली टिने मबिस्‍सम। आन दातेमी पशो इन चिन्‍ड नु छक लाक्‍चा ङा गेय ममिम्‍शो बाक्‍तेक्‍म। मेकोपुकी इन देंशो मटीब दुम्‍शो बाक्‍तेक्‍म। मिनु आन काइ मटितीकेमी इजीप्‍त रागी लेश्‍शा लशा, लेंशा वाइलीम वाइल दुम्‍चा कली थुंम वोइश्‍शो बाक्‍तेक्‍म। गे चहिं आंइ मरिम्‍शो पशो क्‍याम्‍शा गेब परमप्रभु बाक्‍नीनी। शिशी पाइब नु गेना हना यो दाक्‍ब बाक्‍नीनी। गे ओंखां पा चुरब बाक्‍शा, गेना हना यो दाक्‍तीके पाइश्‍शो बाक्‍नीनी। मोपतीके गे इन मुर आन कली दाक्‍शा मप्रोंइ‍नी। प्रस्‍थान ३४:६
NEH 9:18 मेकोपुकीमी सुन के बाछा सेल्‍शा ‘इजीप्‍त रागी रे प्रोंइशा कुइब, आंइ परमप्रभु एकोन बाक्‍ब’ देंमानु यो, इन कली ठेयब शुक्‍शी लोव़ पशो बाक्‍तेक्‍म हना यो, प्रस्‍थान ३२:४
NEH 9:19 गे मेको आन कली शुश शिशी पशा, गोरशो रागीमी प्रोंइशा मसोइक्‍तीनी। आन लतीक लां तपाइक्‍चा कली नाक्‍त गोस्‍स के थाम नु नाक्‍दो मी के थाम दुम्‍‍शा गेनायो मप्रोंइनी।
NEH 9:20 मिनु मेको आन कली शेंचा, दे इन रिम्‍शो पाइब सोक्‍त गेतीनी। मेको आन कली मन्‍ना शोब्‍ले गेचा मप्रोंइनी। मिनु मेको आन कली रूथ्री पा ब्‍वाक्‍कु तूचा गेतीनी। प्रस्‍थान १६:३५; प्रस्‍थान १७:६; गन्‍ती ११:१७-२५; भजन संग्रह ७८:१५-१६; भजन संग्रह ७८:२३-२४
NEH 9:21 गे मेको आन कली ४० बर्स सम्‍म गोरशो रागीमी मारेइ ममाल्‍चा ङा पा थुल्‍तीनी। मेको आन वा मजेक्‍म, आन खोइल यो गेनायो महोम्‍म। ब्‍यवस्‍था ८:४
NEH 9:22 मेको आन कली राज्‍य नु जात जात ङा मुरपुकी नु ग्रापाइक्‍तीनी। मेको आन बाक्‍तीके का का पा योव़शा गेतीनी। मिनु सीहोन माइश्‍शो, हेश्‍बोन रागी ङा पिप नु ओग माइश्‍शो, बाशान रागी ङा पिप आस रागी यो मेको आन कली गेतीनी। गन्‍ती २१:२३-२४; गन्‍ती २१:३३,३५
NEH 9:23 गे मेको आन तौ सरीङ ङा सोरुल खोदेंशो पा हिक्‍ने मचाप्‍चा ङा पा शुश सेल्‍‍तीनी। मिनु आन किकी पिपी आन कली ‘गे मेको रागी आंम के सेलीन’ देंशो रागीमी चाक्‍दीत्‍तीनी।
NEH 9:24 मिनु मेको आन तौ चच युइमी मेको रागी ओव़शा, आंम के सेल्‍साक्‍म। मिनु गे मेको रागीम बाक्‍ब कनानी नु आन पिपपुकी यो मेको आन गुइम गेतीनी। यहोसु १२:-
NEH 9:25 मेकोपुकीमी एर ओंथ नेल्‍ल ठेयब गारो हिर‍शो सहरपुकी ग्राशो बाक्‍तेक्‍म। शुश ग्रेल्‍ब रू आंम के सेल्‍शो बाक्‍तेक्‍म। रिम्‍शो थोव़कीम ब्रीशो खिंपुकी आंम के सेल्‍शो बाक्‍तेक्‍म। फुल्‍लु मुशा सेल्‍शो इनार, अङगुर रू, तेल रवा रू नु मार मार फल फुल रू शुश तशो बाक्‍तेक्‍म। मिनु मेकोपुकीमी जशा ब्‍वशा, रूशा, दोम्‍शा इन ठेयब शिशी तशा, ग्‍येरसीशो बाक्‍तेक्‍म। ब्‍यवस्‍था ६:१०-११; ब्‍यवस्‍था ३२:१५
NEH 9:26 मेको नेल्‍ल तशा यो इन देंशो मटिथु, ठेयब लेश्‍शा, इन अरेशो लोव़ मटीमे बाक्‍त। इन लोव़ पाइबपुकीमी आन कली ‘गे मरिम्‍शो पाइब बाक्‍नीनी। आं गे लेतीन’ देंमानु, मेको आन कली सदमे बाक्‍त। मिनु मेकोपुकीमी शुश शुक्‍शी पामे बाक्‍त।
NEH 9:27 मोपतीके गे मेको आन कली आन जोरी सत्रु आन गुइमी गेनी बाक्‍त। मेकोपुकीमी मेको आन कली शुश श्‍येत गेमे बाक्‍त। मिनु श्‍येत जामेनु ‘वारच पाइक्‍की’ दे इन कली पुन्‍मेनु, गे स्‍वर्ग रे आन पुंइशो नेंनी बाक्‍त। गे इन ठेयब शिशीमी मेको आन कली आन जोरी सत्रु रे प्रोंइचा कली मुर सोइक्‍तीनी बाक्‍त। मिनु मेकोपुकीमी मेको आन कली प्रोन्‍मे बाक्‍त। न्‍यायाधीस ३:९,१५; न्‍यायाधीस २:१४-२२
NEH 9:28 एर ओंथ ङा आन जोरी सत्रु रे प्रोंइपांइसीशा, नाइश्‍शा बाक्‍मा नोले, लेंशा इन मदाक्‍शो पामे बाक्‍त। मिनु गे मेको आन कली आन जोरी सत्रु आन गुइमी गेनी बाक्‍त। आन जोरी सत्रुपुकीमी मेको आन कली हुकुम पामे बाक्‍त। मिनु लेंशा मेकोपुकीमी इन कली ‘वारच पाइक्‍की’ दे ग्रीमानु, गे स्‍वर्ग रे मेको आन पुंइशो नेंशा, मेको आन कली इन ठेयब शिशीमी शुश खेयप प्रोंइनी बाक्‍त।
NEH 9:29 मिनु मेको आन कली इन अरेशो लोव़ गे लेत्‍चा कली, मेको आन कली टिचा शेंदीनी बाक्‍त। तन्‍न मेकोपुकी ठेयब लेश्‍शा, इन शेंतीके काइ मटिथु, इन पतीक लोव़ मपामे बाक्‍त। मुरपुकीमी इन पतीक लोव़ पशो नम हना, ब्रोंइचा ताम वा। तन्‍न मेकोपुकीम इन लोव़ मनेंथु, मटिथु, इन गे आन ची हिरदमे बाक्‍त। लेवी १८:५
NEH 9:30 गे शुश बर्स सम्‍म मेको आन कली फाल्‍नी बाक्‍त। इन लोव़ पाइबपुकीमी मेको आन कली इन सोक्‍त रे पा शेंपाइक्‍नी बाक्‍त। तन्‍न मेकोपुकीमी नेंचा मबिस्‍समा बाक्‍त। मोपतीके गे मेको आन कली अर्को जात जात ङा मुर आन गुइमी गेनी बाक्‍त। येरमीया ७:२५-२६; येरमीया ४४:४-६
NEH 9:31 मो पाम्‍तेक्‍म हना यो, इन ठेयब शिशीमी मेको आन कली मसाइक्‍थु, आन श्‍येत रे प्रोंइनी बाक्‍त। मारदे हना गे शिशी पाइब नु शुश दाक्‍ब परमप्रभु बाक्‍नीनी।
NEH 9:32 मिनु आंइ परमप्रभु, गे नेल्‍ल क्‍येङा ठेयब सक्ति पाइश्‍शो नु मान पा हिंचा माल्‍शो परमप्रभु बाक्‍नीनी। इन पशो कबल इन गेना हना यो दाक्‍तीक खाप्‍ब बाक्‍नीनी। अस्‍सुर ङा पिप आन पाला रे मुलाक्‍त सम्‍म आंइ कली गेशो श्‍येत, आंइ पिप आन कली, आंइ ठेयब मुर आन कली, इन कली चढ़ेब आन कली, इन लोव़ पाइब आन कली, आंइ किकी पिपी आन कली नु इन मुर नेल्‍ल आन कली गेशो श्‍येत कली आइक्‍च ममिम्‍तीन। ब्‍यवस्‍था ७:९,१२; १राजा ८:२३; नेहेम्‍याह १:५
NEH 9:33 आंइ कली दुम्‍तीके, गे ठीक पशो बाक्‍नीनी। मारदे हना गे आंइ कली रिम्‍शो पाइतीनी। गोपुकीमी चहिं इन कली थम मरिम्‍शो पाइतक। दानीएल ९:५,७
NEH 9:34 आंइ पिप, आंइ ठेयब मुरपुकी, इन कली चढ़ेबपुकी नु आंइ किकी पिपीमी इन अरेशो लोव़ मपथु, इन शेंतीके नु इन गेशो होस पतीक लोव़ मनेंथु, हिक्‍सीन महिक्‍ग्‍मे बाक्‍त।
NEH 9:35 मिनु आन आंम राज्‍यमी, इन रिम्‍शो पतीकेमी नु आन बाली नाली शुश ग्रेल्‍ब ठेयब रागीमी इन कली मान मपामे बाक्‍त। आन काइ मरिम्‍शो गेय मप्रोन्‍मे बाक्‍त।
NEH 9:36 मुलाक्‍ती गो वाइलीम वाइल दुम्‍शो बाक्‍नीकी। आंइ किकी पिपी आन कली मेको रागी ङा फल फुल जचा नु मेकेर ङा रिम्‍शो रिम्‍शो थोव़क तचा कली गेशो बाक्‍तीनी। इन गेशो रागीमी गो वाइलीम वाइल दुम्‍शो बाक्‍नीकी।
NEH 9:37 मेको रागी ङा मारेइ मारेइ रिम्‍शो थोव़की गे आंइ कली हुकुम पपाइक्‍ब पिप आन कली ताइब सेल्‍तीनी। मेको आंइ मरिम्‍शो पतीके आ पर्बम बाक्‍ब। मेकोपुकीमी आंइ कली नु आंइ बी ब्‍यफ नु क्‍यारश भेडा आन कली आन दाक्‍स पा पाइनीमी। मोदेंशो पा गो शुश श्‍येत जशो बाक्‍नीकी” दे एज्रामी परमप्रभु कली लोव़ पाप्‍तु।
NEH 9:38 मिनु मेको आन पशो नेल्‍ल मिम्‍शा, गोपुकीमी परमप्रभु नु कबल का पाइतक। मिनु मेको कबल ङा लोव़ नेल्‍ल ब्रेक्‍ताक्‍क। मेको छाप थोक्‍शो ब्रेक्‍सम आंइ ठेयब मुरपुकी, लेवीपुकी नु चढ़ेब आन नें ब्रेक्‍शो बाक्‍तेक्‍म।
NEH 10:1 मेको छाप थोक्‍‍शो ब्रेक्‍स आगाम सु सु आन नें ब्रेक्‍शो बाक्‍त देंशा हना: हाकाल्‍याह आ तौ हुकुम पाइब नेहेम्‍याह नु सिदकीयाह आस नें ब्रेक्‍शो बाक्‍त।
NEH 10:2 मिनु चढ़ेबपुकी: सेरायाह, अजारयाह, येरमीया,
NEH 10:3 पश्‍हुर, अमारयाह, माल्‍कीयाह,
NEH 10:4 हत्‍तुश, शेबान्‍याह, माल्‍लुक
NEH 10:5 हारीम, मेरेमोथ, ओबदिया,
NEH 10:6 दानीएल, गिन्‍नेथोन, बारुक,
NEH 10:7 मेशुल्‍लाम, अबीयाह, मियामीन,
NEH 10:8 माजी‍याह, बिल्‍गाइ नु शेमायाह आन नें ब्रेक्शो बाक्‍त।
NEH 10:9 मिनु लेवीपुकी अजन्‍याह आ तौ येशुआ, हेनादाद आ खिं ङा बिन्‍नुइ, कदमीएल
NEH 10:10 नु मेको आन लोक्‍बपुकी शेबान्‍याह, होदीयाह, केलीता, पेलायाह, हानान,
NEH 10:11 मीका, रेहोब, हशाब्‍याह,
NEH 10:12 जाक्‍कुर, शेरेब्‍याह, शेबान्‍याह,
NEH 10:13 होदीयाह, बानी नु बेनीनु आन नें ब्रेक्शो बाक्‍त।
NEH 10:14 ठेयब मुरपुकी पारोश, पहाथ-मोआब, एलाम, जत्‍तु, बानी,
NEH 10:15 बुन्‍नी, अज्‍गाद, बेबाइ,
NEH 10:16 अदोनीयाह, बिग्‍वाइ, आदीन,
NEH 10:17 आतेर, हिज्‍कीयाह, अज्‍जुर,
NEH 10:18 होदीयाह, हाशुम, बेजाइ,
NEH 10:19 हारीफ, अनाथोथ, नेबाइ,
NEH 10:20 माग्‍पीअश, मेशुल्‍लाम, हेजीर
NEH 10:21 मेशेजाबेल, सादोक, यादुअ,
NEH 10:22 पेलात्‍याह, हानान, आनायाह,
NEH 10:23 होशेआ हनान्‍याह, हाश्‍शुब
NEH 10:24 हल्‍लोहेश, पिल्‍हा, शोबेक,
NEH 10:25 रेहुम, हशाब्‍नाह, मासेयाह,
NEH 10:26 अहीयाह, हानान, आनान,
NEH 10:27 माल्‍लुक, हारीम नु बानाह आन नें ब्रेक्शो बाक्‍त।
NEH 10:28 मिनु लीशो मुरपुकी: चढ़ेबपुकी, लेवीपुकी, लाप्‍चो खाल पाइबपुकी, कुम्‍सो पाइबपुकी, परमप्रभु यावे आ खिंमी गेय पाइबपुकी नु परमप्रभु आ अरेशो पचा कली अर्को रागी ङा मुरपुकी रे तिल्‍सीशो वोंइश मुर, मीश मुर, आन तमी तौपुकी सु सु रुप्‍ने चाप्‍ब बाक्‍मा, मेको नेल्‍ल बाक्‍तेक्‍म।
NEH 10:29 मेको आन लोक्‍ब नु आन ठेयब मुरपुकी नु गारशा, परमप्रभु यावे आ वाइल मोसामी गेशो परमप्रभु आ अरेशो लोव़ टिचा कली थुं का पाम्‍तेक्‍म। आंइ परमप्रभु यावे आ शेंशो, आ पतीक लोव़ नु आ फुल्‍लुम मुशा ब्रेक्‍शो लोव़ तुइश्‍शा पचा कली कसम जाम्‍तेक्‍म।
NEH 10:30 मिनु गोपुकीमी आंइ तमी आन कली मेको रागी ङा अर्को जात ङा मुर आन कली मगेनीक। आंइ तौ आन कली यो मेको आन तमीपुकी मचाक्‍नीकी। प्रस्‍थान ३४:१६; ब्‍‍यवस्‍था ७:३; एज्रा ९:२
NEH 10:31 मिनु मेको रागी ङा मुरपुकीमी नाइक्‍तीक नाक्‍त मार मार लेयतीक थोव़क नु अन्‍न लेयथ चाक्‍तेक्‍म हना, गोपुकीमी नाइक्‍तीक नाक्‍त नु परमप्रभु आ ठेयब नाक्‍तीम मेको आन के मारेइ मग्‍याप्‍नीकी। मिनु गोपुकी ६ बर्स आ नोले ङा बर्सम मारेइ मख्रुम्‍नीकी। जेर गेशो बाक्‍तक हना यो, मेको बर्समी जेर नु आ चाइक्‍ब काइ मपोक्‍थु, प्रोंइनीकी। ब्‍यवस्‍था १५:१-११; नेहेम्‍याह ५:१०; नेहेम्‍याह १३:१५-१८; येरमीया १७:२१-२७
NEH 10:32 मिनु गोपुकीमी बर्स बर्स कली शेकेल का के भाग सां ङा भाग का परमप्रभु यावे आ खिं ङा गेय कली गेनीकी, दे आंइ थुं फ्रेंताक्‍क। शेकेल का ११.५ ग्राम ङा क्‍येट बाक्‍ब।२इतिहास २४:६; मत्ती १७:२४
NEH 10:33 मार पचा कली गेनीकी देंशा हना, परमप्रभु आ ङोंइती वोइश्‍शो कोंइतीक शोब्‍ले कली अन्‍न चढ़ेतीक नु चोशा चढ़ेतीक कली, नाइक्‍तीक नाक्‍तीम चढ़ेतीक, औंसीम चढ़ेतीक, अरु चाड ङा चढ़ेतीक, नेल्‍ल इं परमप्रभु आ खिं कली माल्‍शो थोव़की, पाप क्‍याम्‍पाइक्‍चा कली चढ़ेतीक, मोदेंशो पा इस्राएली आन मरिम्‍शो पशो क्‍याम्‍चा कली नु इं परमप्रभु आ खिंमी पतीक गेय नेल्‍ल कली गेनीकी।
NEH 10:34 मिनु गो, चढ़ेबपुकी, लेवीपुकी नु मुर नेल्‍लेमी इं परमप्रभु आ खिं कली कचेत सु सुम क्‍याक्‍चा, दे फेन्‍टे आप्‍तक। खिं खिं ङा मुरपुकी बर्स बर्समी परमप्रभु यावे आ अरेशो लोव़म ब्रेक्‍शो खोदेंशो पा परमप्रभु यावे, इं परमप्रभु आ खिंम चढ़ेचा कली शी चाक्‍चा माल्‍नीम। प्रस्‍थान २५:३०
NEH 10:35 मिनु बर्स बर्सम नेल्‍ल क्‍येङा ङोंइती ङा आंइ रूम सिश्‍शो, मार मार रवा आन फल फुल परमप्रभु यावे आ खिंम चाक्‍नय। लेवी ६:५
NEH 10:36 आंइ नेल्‍ल क्‍येङा ङोंइती जरमेशो तौ नु बस्‍तु भाव आन ङोंइती जरमेशो परमप्रभु आ अरेशो खोदेंशो पा परमप्रभु आ खिंमी चाक्‍चा कली आंइ थुं फ्रेंताक्‍क। आंइ नेल्‍ल क्‍येङा ङोंइती जरमेशो बी ब्‍यफ, क्‍यारश, भेडा आंइ परमप्रभु आ खिंमी गेय पाइब चढ़ेब आन कली चाक्‍नीक, दे थुं फ्रेंताक्‍क। प्रस्‍थान १३:२
NEH 10:37 मिनु आंइ नि‍शो फस ङा नेल्‍ल क्‍येङा ङोंइती ङा भाग, अन्‍न चढ़ेतीके, मार मार रवा आन फल, अङगुर शांबु नु तेल चढ़ेब आन कली गेचा, दे परमप्रभु आ खिं ङा वोइक्‍तीक कोठाम चाक्‍नीकी। मोदेंशो पा लेवी नेल्‍लेम रागी ङा १० भाग ङा भाग का ताइनीम। मेको लेवीपुकीमी आंइ गेय पतीक सहर जाक्‍शा, १० भाग ङा भाग का पोक्‍चा माल्‍नीम। गन्‍ती १५:२०-२१; गन्‍ती १८:२१
NEH 10:38 मोदेंशो पा लेवीपुकी पोक्‍थ गाक्‍मानु, चढ़ेब हारून आ चच युइ यो लेवीपुकी नु गाक्‍चा माल्‍नीम। मिनु लेवीपुकी मेको आन पोक्‍शो रे पा १० भाग ङा भाग का परमप्रभु आ खिं ङा वोइक्‍तीक कोठामी वोइक्‍चा माल्‍नीम। गन्‍ती १८:२६,२८
NEH 10:39 मिनु इस्राएली नु लेवीपुकीमी मेको चाक्‍शो अन्‍न, अङगुर शांबु नु तेल मार मार वोइक्‍तीक कोठाम चाक्‍चा माल्‍नीम। मारदे हना मेको परमप्रभु आ खिं ङा बोसपुकी वोइक्‍तीके बाक्‍त। मिनु मेकेर गेय पाइब चढ़ेबपुकी, लाप्‍चोम खाल पाइबपुकी नु कुम्‍सो पाइबपुकी यो मेकेर बाक्‍नीम। मिनु गोपुकीम “परमप्रभु आ खिं श्‍येत्‍थ मवोइय्‍‍य” दे आंइ थुं फ्रेंताक्‍क।
NEH 11:1 मिनु इस्राएली आन ठेयब मुरपुकी यरूसलेममी बाक्‍शो बाक्‍तेक्‍म। लीशो मुर आन दाते रे सु परमप्रभु यावे आ सहर यरूसलेममी बाक्‍चा ताइबा, दे १० जना मुर आन दाते रे का योव़चा कली फेन्‍टे आप्‍तेक्‍म। अरु ९ जना मुर चहिं अरु बाक्‍तीकेमी बाक्‍तेक्‍म।
NEH 11:2 मुरपुकीमी यरूसलेममी ग्‍येरशा लाइब नेल्‍ल आन कली आसीक गेम्‍तेक्‍म।
NEH 11:3 गाउं गाउं ङा ठेयब मुर यरूसलेम सहरम बाक्‍शो बाक्‍तेक्‍म। अरु मुरपुकी, चढ़ेबपुकी, लेवीपुकी, परमप्रभु यावे आ खिंमी गेय पाइबपुकी नु सोलोमन आ खिं ङा गेय पाइब आन चच युइ नेल्‍ल यहूदा ङा सहर सहर, गाउं गाउंम आंम आंम बाक्‍तीक उइ बाक्‍चा माल्‍बाक्‍तेक्‍म।
NEH 11:4 यरूसलेममी यहूदा नु बेन्‍यामीन आस थर ङा मुर का निक्‍शी बाक्‍शो बाक्‍‍तेक्‍म। यहूदा आ थर ङा मुर सु सु बाक्‍तेक्‍म देंशा हना, उज्‍जीयाह आ तौ अथायाह, मेको उज्‍जीयाह आ आफ जकरिया बाक्‍त। जकरिया आ आफ अमारयाह बाक्‍त। अमारयाह आ आफ शेफत्‍याह बाक्‍त। मिनु शेफत्‍याह आ आफ मा-हालालेल बाक्‍त। मिनु मेको पेरेस आ चच युइ बाक्‍तेक्‍म।
NEH 11:5 मिनु बारुक आ तौ मासेयाह बाक्‍त। बारुक आ आफ कोल-होजे बाक्‍त। कोल-होजे आ आफ हाजायाह बाक्‍त। हाजायाह आ आफ अदायाह बाक्‍त। अदायाह आ आफ योयारीब बाक्‍त। योयारीब आ आफ जकरिया बाक्‍त। मेको शिलो ङा मुर आ खिं ङा मुर बाक्‍तेक्‍म।
NEH 11:6 यरूसलेमम बाक्‍ब पेरेस आ चच युइ नेल्‍ल पा ४ सहे ६८ जना बोल्‍यो नु महिंब वोंइश मुर बाक्‍तेक्‍म।
NEH 11:7 मिनु बेन्‍यामीन आ थर ङा मुर सु सु बाक्‍तेक्‍म देंशा हना, मेशुल्‍लाम आ तौ सल्‍लु बाक्‍त। मेशुल्‍लाम आ आफ योएद बाक्‍त। योएद आ आफ पेदायाह बाक्‍त। पेदायाह आ आफ कोलायाह बाक्‍त। कोलायाह आ आफ मासेयाह बाक्‍त। मासेयाह आ आफ इथीएल बाक्‍त। इथीएल आ आफ येशायाह बाक्‍त।
NEH 11:8 मिनु मेको सल्‍लु आ नोले गब्‍बाइ नु सल्‍लाइ बाक्‍ताक्‍से। मेको नेल्‍ल पा ९ सहे २८ जना बाक्‍तेक्‍म।
NEH 11:9 जिक्री आ तौ योएल मेको आन कली कोव़ब, ठेयब मुर बाक्‍त। हास्‍सेनुआ आ तौ यहूदा योएल नोले सहर ङा ठेयब मुर दुम्‍शो बाक्‍त।
NEH 11:10 मिनु चढ़ेब सु सु बाक्‍तेक्‍म देंशा हना, योयारीब आ तौ येदायाह, याकीन,
NEH 11:11 हिल्‍कीयाह आ तौ सेरायाह, हिल्‍कीयाह आ आफ मेशुल्‍लाम, मेशुल्‍लाम आ आफ सादोक, सादोक आ आफ मेरायोथ, मेरायोथ आ आफ अहीतुब चढ़ेब बाक्‍तेक्‍म। मिनु अहीतुब परमप्रभु आ खिं ङा ठेयब मुर बाक्‍त। २राजा २५:१८; एज्रा २:२
NEH 11:12 मिनु मेको नु परमप्रभु आ खिंम गेय पाइब लोक्‍बपुकी ८ सहे २२ जना बाक्‍तेक्‍म। मिनु येरोहाम आ तौ अदायाह, येरोहाम आ आफ पेलायाह, पेलायाह आ आफ अम्‍जी, अम्‍जी आ आफ जकरिया, जकरिया आ आफ पश्‍हुर, पश्‍हुर आ आफ माल्‍कीयाह बाक्‍त।
NEH 11:13 मिनु मेको आ लोक्‍ब आन खिं ङा ठेयब मुरपुकी बाक्‍तेक्‍म। मेको नेल्‍ल पा २४२ जना बाक्‍तेक्‍म। मिनु अजारेल आ तौ अमाशै बाक्‍त। मेको असारेल आ आफ अहजाइ, अहजाइ, आ आफ मेशील्‍लेमोथ, मेशील्‍लेमोथ, आ आफ इम्‍मेर बाक्‍त।
NEH 11:14 मिनु मेको आन लोक्‍बपुकी महिंब ठेयब थुं पाइश्‍शो लडाइ पाइब वोंइश मुर बाक्‍तेक्‍म। मेको नेल्‍ल पा १२८ जना बाक्‍तेक्‍म। मेको आन ठेयब मुर हग्‍गेदोलीम आ तौ जब्‍दीएल बाक्‍त।
NEH 11:15 लेवीपुकी सु सु बाक्‍तेक्‍म देंशा हना, हश्‍शुब आ तौ शेमायाह, हाश्‍शुब आ आफ अज्रीकाम, अज्रीकाम आ आफ हशाब्‍याह, हशाब्‍याह आ आफ बुन्‍नी बाक्‍त।
NEH 11:16 मिनु लेवी आन ठेयब मुरपुकी शब्‍बेथाइ नु योजाबाद बाक्‍ताक्‍स। मेको निक्‍शी परमप्रभु आ खिं ङा लाङगा माल्‍शो मारेइ मारेइ गेय पचा कली कोव़ब वोइश्‍शो बाक्‍ताक्‍स।
NEH 11:17 मिनु मीका आ तौ मत्तन्‍याह बाक्‍त। मीका आ आफ जब्‍दी बाक्‍त। जब्‍दी आ आफ आसाफ बाक्‍त। आसाफमी परमप्रभु कली पुंइची ना “गे रिम्‍शो पाइब ननी” दे ठेयब सेल्‍शा, कुम्‍सो पपाइक्‍ब बाक्‍त। मेको आसाफ आ नोले ङा शेंब आ लोक्‍ब बाकबुकीयाह बाक्‍त। मिनु शम्‍मुआ आ तौ अब्‍दा, शम्‍मुआ आ आफ गालाल, गालाल आ आफ येदुथून बाक्‍त।
NEH 11:18 मेको सहरम बाक्‍ब लेवी नेल्‍ल पा २८४ जना बाक्‍तेक्‍म।
NEH 11:19 लाप्‍चो खाल पाइब सु सु बाक्‍तेक्‍म देंशा हना, अक्‍कु‍ब ताल्‍मोन नु आन लोक्‍ब नेल्‍ल पा सहे का ७२ जना बाक्‍तेक्‍म।
NEH 11:20 मिनु लीशो इस्राएली, चढ़ेबपुकी नु लेवीपुकी यहूदा ङा सहरपुकीमी आंम आंम आन बाक्‍तीकेमी बाक्‍शो बाक्‍तेक्‍म।
NEH 11:21 मिनु परमप्रभु यावे आ खिं ङा गेय पाइबपुकी यरूसलेम सहर ओफेल माइक्‍तीकेमी बाक्‍शो बाक्‍तेक्‍म। सीहा नु गिश्‍पा परमप्रभु यावे आ खिं ङा गेय पाइब आन कली कोव़ब बाक्‍ताक्‍से।
NEH 11:22 यरूसलेममी बाक्‍ब लेवी आन कली कोव़ब सु सु बाक्‍तेक्‍म देंशा हना, बानी आ तौ उज्‍जी बाक्‍त। उज्‍जी आ आफ हशाब्‍याह बाक्‍त। हशाब्‍याह आ आफ मत्तन्‍याह बाक्‍त। मत्तन्‍याह आ आफ मीका बाक्‍त। मेको नेल्‍ले परमप्रभु आ खिंम कुम्‍सो पाइब शेंब आसाफ आ चच युइ बाक्‍तेक्‍म।
NEH 11:23 मिनु पिपमी मेको कुम्‍सो पाइब आन पर्बम आन नाक्‍त किंत किंत ङा पतीके आंमान ब्रेक्‍शा, अरेवा बाक्‍त। मेको आन कली मार मार गेचा, दे यो ब्रेक्‍शो बाक्‍त।
NEH 11:24 मिनु जेराह आ चच युइ रे मेशेजाबेल आ तौ पेथायाह बाक्‍त। मेको मशेजाबेल आ आफ बाक्‍त। मिनु जेराह आ आफ यहूदा बाक्‍त। मेको पेथायाह चहिं मुरपुकीम मार मार माल्‍नीमी, दे कोव़ब, पिप आ खिंम गेय पाइब बाक्‍त।
NEH 11:25 मिनु यहूदा आ थर ङा मुरपुकी का निक्‍शी आंम आंम आन खिंम नु रूम बाक्‍शो बाक्‍तेक्‍म। मेकोपुकी किरयथ-अरबा नु मेको मेर ङा गाउंपुकी, दीबोन नु मेको मेर ङा गाउंपुकीम, येकाब्‍सेल सहर नु मेको मेर ङा गाउंपुकीम, यहोसु २०:७
NEH 11:26 येशुआ, मोलादा नु बेथ-पेलेत सहरम,
NEH 11:27 हासार-शुआल, बेयर-शेबा सहर नु मेको मेर ङा गाउंपुकीम,
NEH 11:28 सिकलाग, मेकोनाह सहर नु मेको मेर ङा गाउंपुकीम, यहोसु १५:३१
NEH 11:29 एन-रिम्‍मोन, सोराह, यरमुथ,
NEH 11:30 जानोह, अदुल्‍लाम सहर नु मेको मेर ङा गाउंपुकीम, लाकीश नु मेको मेर ङा रूपुकीम नु आजेका नु मेको मेर ङा गाउंपुकीमी बाक्‍तेक्‍म। मोपा बेयर-शेबा रे हिन्‍नोम बेंसी सम्‍म बाक्‍शो बाक्‍तेक्‍म।
NEH 11:31 बेन्‍यामीन आ चच युइ गेबा सहर रे मिकमाश, अय्‍या, बेथेल नु मेको मेर ङा गाउंपुकीम, यहोसु १८:२२
NEH 11:32 अनाथोथ, नोब, अनान्‍याह,
NEH 11:33 हासोर, रामाह, गित्ताइम,
NEH 11:34 हादीद, सेबोयीम, नेबल्‍लात
NEH 11:35 लोद नु ओनो सहरमी गेय पाइब आन बाक्‍तीक सम्‍म बाक्‍तेक्‍म।
NEH 11:36 यहूदामी बाक्‍ब का निक्‍शी लेवीपुकी बेन्‍यामीन थर नु बाक्‍थ लशो बाक्‍तेक्‍म।
NEH 12:1 शाल्‍तीएल आ तौ जेरूब-बाबेल नु येशुआ नु काथा लेश्‍शा जाक्‍ब चढ़ेब नु लेवीपुकी सु सु बाक्‍तेक्‍म देंशा हना, सेरायाह, येरमीया, एज्रा एज्रा २:२
NEH 12:2 अमारयाह, माल्‍लुक, हत्‍तुश,
NEH 12:3 शेकन्‍याह, रेहुम, मेरेमोथ,
NEH 12:4 इददो, गिन्‍नेथोइ, अबीयाह, लूका १:५
NEH 12:5 मियामीन, मा-अदीयाह, बिल्‍गाह,
NEH 12:6 शेमायाह, योयारीब येदायाह,
NEH 12:7 सल्‍लु, अमोक, हिल्‍कीयाह नु येदायाह बाक्‍तेक्‍म। मेकोपुकी येशुआ आ पाला ङा चढ़ेब नु आन लोक्‍ब आन ठेयब मुर बाक्‍तेक्‍म।
NEH 12:8 मिनु लेवीपुकी सु सु बाक्‍तेक्‍म देंशा हना, येशुआ, बिन्‍नुइ, कदमीएल, शेरेब्‍याह, यहूदा नु मत्तन्‍याह बाक्‍तेक्‍म। मेको नु आन लोक्‍बपुकी परमप्रभु यावे कली ठेयब सेल्‍तीक कुम्‍सो पपाइक्‍ब बाक्‍तेक्‍म।
NEH 12:9 मेको आन लोक्‍ब बाकबुकीयाह नु उन्‍नो कुम्‍सो पची ना आन नेक्‍था बाक्‍बाक्‍ताक्‍स।
NEH 12:10 येशुआ योयाकीम आ आफ बाक्‍त। योयाकीम एल्‍याशीब आ आफ बाक्‍त। एल्‍याशीब यो-यादा आ आफ बाक्‍त। नेहेम्‍याह ३:१
NEH 12:11 यो-यादा योनाथन आ आफ बाक्‍त। मिनु योनाथन यादुअ आ आफ बाक्‍त।
NEH 12:12 योयाकीम आ पालामी चढ़ेब आन खिं खिं ङा ठेयब मुर सु सु बाक्‍तेक्‍म देंशा हना, सेरायाह आ खिं ङा ठेयब मुर मेरायाह, येरमीया आ खिं ङा ठेयब मुर हनान्‍याह,
NEH 12:13 एज्रा आ खिं ङा ठेयब मुर मेशुल्‍लाम, अमारयाह आ खिं ङा ठेयब मुर येहो-हानान,
NEH 12:14 माल्‍लुक आ खिं ङा ठेयब मुर योनाथन, शेबान्‍याह आ खिं ङा ठेयब मुर योसेफ,
NEH 12:15 हारीम आ खिं ङा ठेयब मुर अदना, मेरायोथ आ खिं ङा ठेयब मुर हेल्‍काइ,
NEH 12:16 इददो आ खिं ङा ठेयब मुर जकरिया, गिन्‍नेथोन आ खिं ङा ठेयब मुर मेशुल्‍लाम,
NEH 12:17 अबीयाह आ खिं ङा ठेयब मुर जिक्री, मीन्‍यामीन आ खिं ङा ठेयब मुर का, मोअदयाह आ खिं ङा ठेयब मुर पिल्‍ताइ,
NEH 12:18 बिल्‍गाह आ खिं ङा ठेयब मुर शम्‍मुआ, शेमायाह आ खिं ङा ठेयब मुर येहो-नाथान,
NEH 12:19 योयारीब आ खिं ङा ठेयब मुर मतेनाइ, येदायाह आ खिं ङा ठेयब मुर उज्‍जी,
NEH 12:20 सल्‍लाइ आ खिं ङा ठेयब मुर कल्‍लाइ, अमोक आ खिं ङा ठेयब मुर एबेर,
NEH 12:21 हिल्‍कीयाह आ खिं ङा ठेयब मुर हशाब्‍याह नु येदायाह आ खिं ङा ठेयब मुर नेथनेल बाक्‍तेक्‍म।
NEH 12:22 पारसी ङा पिप दारा आ पालामी चढ़ेब नु लेवी आन खिं ङा ठेयब मुर आन नें ब्रेक्‍शा वोइश्‍शो बाक्‍त। चढ़ेब आन नेल्‍ल क्‍येङा ठेयब चढ़ेब एल्‍याशीब, यो-यादा, योहानान नु यादुअ आन पाला सम्‍म आन खिं ङा ठेयब मुर आन नें ब्रेक्‍शो बाक्‍तेक्‍म।
NEH 12:23 मिनु लेवी आन खिं ङा ठेयब मुर आन नें एल्‍याशीब आ तौ योहानान आ पाला सम्‍म इतिहास ङा किताबमी ब्रेक्‍शो बाक्‍तेक्‍म।
NEH 12:24 मिनु लेवी आन ठेयब मुरपुकी हशाब्‍याह, शेरेब्‍याह नु कदमीएल आ तौ येशुआम परमप्रभु यावे कली ठेयब सेल्‍तेक्‍म। आन लोक्‍बपुकी परमप्रभु आ मुर दाऊदम देंशो खोदेंशो पा मेको आन आइक्‍ची गे राप्‍शा, पालो पा परमप्रभु यावे कली कुम्‍सो पा ठेयब सेल्‍तेक्‍म। मोपा कुम्‍सो पाइब आन हुल का एर गे नु हुल का ओंथ गे बाक्‍तेक्‍म। १इतिहास २५:-; २इतिहास २९:२५
NEH 12:25 मत्तन्‍याह, बाकबुकीयाह, ओबदिया, मेशुल्‍लाम, ताल्‍मोन नु अक्‍कुब चहिं ठेयब लाप्‍चो आ नेक्‍था ङा मार मार वोइक्‍तीक कोठा ङा लाप्‍चो खाल पाइब बाक्‍तेक्‍म। २इतिहास ८:१४
NEH 12:26 मेको नेल्‍लेमी योसादाक आ चच, येशुआ आ तौ योयाकीम नु हुकुम पाइब नेहेम्‍याह नु परमप्रभु यावे आ लोव़ जोक्‍ब तुइक्‍ब चढ़ेब एज्रा आ पालामी मोदेंशो गेय पाइब बाक्‍तेक्‍म। १इतिहास ५:४०-४१
NEH 12:27 मिनु यरूसलेम ङा गारो प्रोव़ने थुम्‍तीक चाड कली लेवी आन कली आन आन बाक्‍तीक तेइ तेइ रे माल्‍शा, यरूसलेममी चाक्‍तेक्‍म। मारदे चाक्‍तेक्‍म देंशा हना, गारो थुम्‍तीके परमप्रभु यावे आ ङोंइती ग्‍येरसीशा “गे रिम्‍शो पाइब ननी” दे ठेयब सेल्‍तीक कुम्‍सो पचा नु खैजडी, तार पाइश्‍शो ठेयब ताप्‍तीके नु बीना ताप्‍चा कली चाक्‍तेक्‍म।
NEH 12:28 मिनु कुम्‍सो पाइबपुकी यरूसलेम नु आ एर ओंथ नु नेतोफाह आ मुर आन बाक्‍तीक रे यरूसलेममी खुम्‍साक्‍म।
NEH 12:29 बेथ-गिल्‍गाल नु गेबा सहर नु अज्‍मावेथ रे यो जाक्‍तेक्‍म। मारदे हना कुम्‍सो पाइबपुकीमी यरूसलेम आ एर ओंथम आंम आंम कली बाक्‍तीके सेल्‍शा बाक्‍शो बाक्‍तेक्‍म।
NEH 12:30 चढ़ेब नु लेवीपुकीमी आंम आंम कली चोव़खो सेल्‍सीशा, नोले मुर आन कली नु ठेयब लाप्‍चोपुकी नु गारो आन कली चोव़खो सेल्‍तेक्‍म।
NEH 12:31 मिनु गो यहूदा रागी ङा ठेयब मुर आन कली गारो तार ङोइक्‍पाइक्‍तामी। परमप्रभु यावे कली ठेयब सेल्‍ब कुम्‍सो पाइब आन कली ठेयब हुल निक्‍शी पा वोइक्‍ता। हुल का गारो तारी ग्‍युरा गे पा, मोव़ल लाप्‍चो गे लाम्‍तेक्‍म।
NEH 12:32 मिनु मेको कुम्‍सो पाइब आन नोले होशायाह नु यहूदा ङा ठेयब मुर आन हुल का लाम्‍तेक्‍म।
NEH 12:33 मिनु मेको आन नोले अजारयाह, एज्रा, मेशुल्‍लाम,
NEH 12:34 यहूदा, बेन्‍यामीन, शेमायाह नु येरमीया लाम्‍तेक्‍म।
NEH 12:35 मिनु चढ़ेब आन तौ का निक्‍शी तुराही ताप्‍बपुकी यो मेको आन नोले खोइक्‍तेक्‍म। योनाथन आ तौ जकरिया, योनाथन आ आफ शेमायाह, शेमायाह आ आफ मत्तन्‍याह, मत्तन्‍याह आ आफ मीकाया नु जाक्‍कुर आ आफ आसाफ बाक्‍त।
NEH 12:36 मिनु मेको आ लोक्‍बपुकी शेमायाह, अजारेल, मिलालाइ, गिलालाइ, माइ, नेथनेल, यहूदा नु हानानी बाक्‍तेक्‍म। मेकोपुकीमी परमप्रभु आ मुर दाऊद आ ताप्‍तीकपुकी ताप्‍शा गाक्‍तेक्‍म। मिनु परमप्रभु यावे आ लोव़ जोक्‍ब तुइक्‍ब एज्रा मेको आन ङोंइती गाक्‍ब बाक्‍त।
NEH 12:37 मिनु मेकोपुकी ब्‍वाक्‍कु बुक्‍तीक लाप्‍चो गे लाम्‍तेक्‍म। मिनु क्रेसी ङोइश्‍शा, ग्‍येत्‍थ लशा, दाऊद आ सहर ङा गारो ङोइश्‍शा, दाऊद आ खिं लाक्‍शा, पूर्ब गे बाक्‍शो ब्‍वाक्‍कु लाप्‍चो गे लाम्‍तेक्‍म।
NEH 12:38 मिनु परमप्रभु यावे कली “गे रिम्‍शो पाइब बाक्‍नीनी” दे कुम्‍सो पाइब आन अर्को हुल चहिं गारो तारी पेरा गे लाम्‍तेक्‍म। मिनु गो नु ठेयब मुर आन अर्को हुल मेको आन नोले खोइश्‍शा, मी मुइक्‍तीक माइश्‍शो लाइश्‍शो खिं लाक्‍शा, ब्रेम्‍शो गारो गे लाइतक।
NEH 12:39 मिनु नोले एफ्राइम लाप्‍चो, माइत गारो ङा ठेयब लाप्‍चो, ङांइ लाप्‍चो, हानानेल माइश्‍शो लाइश्‍शो खिं, मेआ माइश्‍शो लाइश्‍शो खिं लाक्‍शा, भेडा लाप्‍चो गे लाइतक। मिनु मेकोपुकी जेल्‍खान लाप्‍चोम जाक्‍दीशा नांइसाक्‍म।
NEH 12:40 मेकेर जाक्‍शा, परमप्रभु कली “गे रिम्‍शो पाइब बाक्‍नीनी” दे कुम्‍सो पाइब आन हुल निक्‍शी परमप्रभु आ खिं आ ङोंइती राप्‍तेक्‍म। मिनु गो नु ठेयब मुर आन हुल का यो मेकेर बाक्‍तक।
NEH 12:41 मिनु चढ़ेब एल्‍याकीम, मासेयाह, मीन्‍यामीन, मीकाया, एली-ओ-एनाइ, जकरिया नु हनान्‍याहमी तुराही ताप्‍तेक्‍म।
NEH 12:42 मिनु मासेयाह, शेमायाह, एलाजर, उज्‍जी, येहो-हानान, माल्‍कीयाह, एलाम नु एजेर यो मेको नु बाक्‍तेक्‍म। मिनु कुम्‍सो पाइबपुकीमी येज्‍रायाह कुम्‍सो पाइब आन कली शेंब नु कुम्‍सो पाम्‍तेक्‍म।
NEH 12:43 मेको नाक्‍त ठेयब चढ़ेतीक चढ़ेशा, शुश ग्‍येरशो बाक्‍तेक्‍म। मारदे हना परमप्रभुमी मेको आन थुं थाम्‍पा ग्‍येरपाइक्‍तु। मीश मुरपुकी नु आलपुकी यो शुश ग्‍येरसाक्‍म। मिनु यरूसलेम ङा मुर आन ग्‍येरसीशो सेंदा ङोन ङोन सम्‍म नेंसाक्‍व।
NEH 12:44 मिनु मेको नाक्‍त मार मार वोइक्‍तीक कोठा खाल पाइब मुर आन कली वोइक्‍तेक्‍म। मेकोपुकी मुर आन गेशो चढ़ेशो, ङोंइती सिश्‍शो मार मार नु १० भाग ङा भाग का चाक्‍शो ताक्‍शा साम्‍चा कली वोइश्‍शो बाक्‍तेक्‍म। मेकोपुकीमी सहर मेर ङा रू रे चढ़ेब नु लेवी आन भाग खुप्‍शा वोइक्‍तेक्‍म। मारदे हना यहूदा ङा मुरपुकीम चढ़ेब नु लेवी आन पशो तशा, दाक्‍शा, नेल्‍ल शुश ग्‍येरसीशो बाक्‍तेक्‍म।
NEH 12:45 चढ़ेब नु लेवीपुकीमी परमप्रभु आ देंशो खोदेंशो पा चोव़खेतीक गेय पाम्‍‍तेक्‍म। मिनु कुम्‍सो पाइब नु लाप्‍चो खाल पाइबपुकी यो दाऊद नु आ तौ सोलोमनमी देंशो खोदेंशो पा चोव़खेतीके गेय पाइब बाक्‍तेक्‍म।
NEH 12:46 मारदे हना दाऊद नु आसाफ आस पालामी कुम्‍सो पाइब आन कली शेंब का बाक्‍शो बाक्‍त। मेना यो परमप्रभु कली ठेयब सेल्‍तीक नु “गे रिम्‍शो पाइब बाक्‍नीनी” दे कुम्‍सो पाइब बाक्‍शो बाक्‍तेक्‍म। १इतिहास २५:-
NEH 12:47 मिनु इस्राएल ङा मुर नेल्‍लेमी जेरूब-बाबेल नु नेहेम्‍याह आस पालामी कुम्‍सो पाइब नु लाप्‍चो खाल पाइब आन कली नाक्‍त किंत किंत ङा माल्‍शो गेम्‍तेक्‍म। लेवी आन भाग वोइक्‍‍तेक्‍म। मिनु लेवीपुकीमी आन ताक्‍शो रे हारून आ चच युइ आन भाग वोइक्‍तेक्‍म। गन्‍ती १८:२६; नेहेम्‍याह १०:३९
NEH 13:1 मेको नाक्‍ती मुर आन ङोंइती मोसा आ ब्रेक्‍शो किताब पढेशो बाक्‍त। मिनु मेकेर मार ब्रेक्‍शो बाक्‍त देंशा हना “अम्‍मोन नु मोआब ङा मुरपुकी रे सुइ परमप्रभु आ मुर आन ग्रुम्‍तीकेमी गेनायो जाक्‍चा मताइनीम। ब्‍यवस्‍था २३:४-६
NEH 13:2 मारदे हना मेकोपुकी इस्राएली आन कली शोब्‍ले नु ब्‍वाक्‍कु गेचा कली ग्रुम्‍थ मजाक्‍शो बाक्‍तेक्‍म। तन्‍न इस्राएली आन कली सराप पाइक्‍चा कली बालाम कली क्‍येट गेशा, ब्रेश्‍शो बाक्‍तेक्‍म। मो पाम्‍तेक्‍म हना यो, आंइ परमप्रभुमी मेको सराप रे आसीक सेल्‍शो बाक्‍त” दे ब्रेक्‍शो बाक्‍त। गन्‍ती २२:५-६
NEH 13:3 मिनु मेको अरेशो लोव़ पढेशो नेंशा, अर्को रागी ङा मुर नेल्‍ल आन कली तिल्‍तेक्‍म।
NEH 13:4 मिनु मेको क्‍येङा ङोंइती चढ़ेब एल्‍याशीब आंइ परमप्रभु आ खिं ङा ठेयब कोव़ब बाक्‍त। मेको तोबीयाह एल्‍याशीब आ नेक्‍था ङा मुर बाक्‍त। नेहेम्‍याह २:१९
NEH 13:5 मिनु चढ़ेब एल्‍याशीबमी आंम खिं ङा मुर, तोबीयाह कली परमप्रभु यावे आ खिं ङा वोइक्‍तीक ठेयब कोठा का गेशो बाक्‍त। ङोंइती मेको कोठामी मार मार शेंशो खोदेंशो पा चढ़ेशो १० भाग ङा अन्‍न, धूप, परमप्रभु यावे आ खिं ङा बोसपुकी, मुर आन गेशो १० भाग ङा भाग का अन्‍न, अङगुर शांबु नु तेल वोइश्‍शो बाक्‍त। मेको परमप्रभुमी शेंशो खोदेंशो पा लेवी, कुम्‍सो पाइब, लाप्‍चो खाल पाइ‍ब नु चढ़ेब आन तचा ङा भाग वोइश्‍शो बाक्‍त।
NEH 13:6 मेको नेल्‍ल दुम्‍ची ना गो यरूसलेममी मबाक्‍शो बाक्‍ती। मारदे हना गो बेबीलोन ङा पिप आरता-सास्‍त ३२ बर्स जाक्‍दीम्‍मेनु, पिप आ बाक्‍तीकेमी लेत्‍ती। मिनु इच्‍का नोले “यरूसलेम लेश्‍शा, लचा गेयीनी” दे पिप कली पुंइता।
NEH 13:7 मिनु गो यरूसलेम जाक्‍ङानु, एल्‍याशीबमी तोबीयाह कली परमप्रभु आ खिं ङा कोठा गेशा, मरिम्‍शो पशो तुइक्‍ताक्‍ङ।
NEH 13:8 मेको तुइश्‍शा, शुश गाइक्‍ताक्‍ङ। मिनु गो तोबीयाह आ मार मार नेल्‍ल मेको कोठा रे ग्रुंइशा ताइक्‍ताक्‍ङ।
NEH 13:9 मिनु “मेको कोठा नेल्‍ल कली रिम्‍शो सेल्‍चा माल्‍नीम” दे अरेता। मिनु गो परमप्रभु आ खिं ङा बोसपुकी, चढ़ेशो अन्‍न नु ब्रोव़शो रिना पाइब थोव़क लेंशा वोइक्‍तामी।
NEH 13:10 मिनु लेवीपुकीमी आन तचा माल्‍शो भाग मतशो बाक्‍तेक्‍म, दे आं कली तुइक्‍पाइक्‍तेक्‍म। मोपा मेको लेवीपुकी नु ठेयब सेल्‍तीक कुम्‍सो पाइब आन गेय प्रोंइशा, आंम आंम रूमी लशा, गेय पाइबाक्‍तेक्‍म। नेहेम्‍याह १२:४७
NEH 13:11 मोपतीके गो ठेयब मुर आन कली “परमप्रभु यावे आ खिं मारदे प्रोंइनी?” दे हुइक्‍ताक्‍ङमी। मिनु गो लेवी नु कुम्‍सो पाइब आन कली ब्रेश्‍शा, आन गेय पपाइक्‍तामी।
NEH 13:12 मिनु यहूदा रागीम बाक्‍ब नेल्‍लेमी १० भाग ङा भाग का अन्‍न, नक अङगुर शांबु नु तेल परमप्रभु यावे आ खिं ङा मार मार वोइक्‍तीक कोठामी चाक्‍तेक्‍म। गन्‍ती १८:२१
NEH 13:13 मिनु गो चढ़ेब शेलेम्‍याह, ब्रेक्‍ब सादोक नु लेवी आ थर ङा पेदायाह मेको सांफा कली मार मार वोइक्‍तीक कोठा कोव़ब मुर सेल्‍तामी। मिनु मत्तन्‍याह, आ चच नु जाक्‍कुर आ तौ हानान कली मेको आन कली वारच पाइब सेल्‍ता। मेकोपुकी थमा सुइक्‍चा पुंइसीशो मुर बाक्‍तेक्‍म। मिनु मेको आन लोक्‍ब आन तचा ङा थोव़क गेचा माल्‍तेक्‍म।
NEH 13:14 गो परमप्रभु यावे कली “आं परमप्रभु, इन खिं कोव़शा नु मेकेर ङा पशो रिम्‍शो पतीक मप्रें‍दीन। आं कली मिम्‍तीन” देंती। नेहेम्‍याह ५:१९
NEH 13:15 मेना गो का निक्‍शी यहूदाम बाक्‍बपुकीमी नाइक्‍तीक नाक्‍ती कोल ख्राक्‍शो, चेरब खुप्‍शो गधा आन कली मार मार कुरपा नाइक्‍तीक नाक्‍त यरूसलेममी चाक्‍शो तातामी। मेकोपुकीमी नाइक्‍तीक नाक्‍त अङगुर शांबु, अङगुर नु फोव़शी यो यरूसलेमम लेयचा कली चाक्‍तेक्‍म। मिनु गो मेको आन कली “गे नाइक्‍तीक नाक्‍ती मेको मलेयङीन” दे हुइक्‍ताक्‍ङमी। नेहेम्‍याह १०:३२
NEH 13:16 यरूसलेममी बाक्‍ब टायर ङा मुरपुकीमी यो ङांइ नु लेयतीक मार मार थोव़क नाइक्‍तीक नाक्‍त चाक्‍शा, यरूसलेममी बाक्‍ब यहूदी आन कली लेयतेक्‍म।
NEH 13:17 मिनु यहूदा ङा ठेयब मुर आन कली हुइश्‍शा “नाइक्‍तीक नाक्‍त गे मार मरिम्‍शो गेय पनी? गे नाइक्‍तीक नाक्‍त अरु नाक्‍त खोदेंशो सेल्‍तीनी। गे मतुइक्‍तीनी?
NEH 13:18 मार, इन किकी पिपीमी यो मोदेंशोन मपामे ङा? मो दुम्‍तीके, इं परमप्रभुमी एको सहर नु इं कली एको श्‍येत गेशो ममाइ ङा? मिनु मुल गे नाइक्‍तीक नाक्‍त, गेय पतीक नाक्‍त खोदेंशो सेल्‍शा, परमप्रभु आ गाइक्‍तीक तेम्‍नीनी?” दे हुइक्‍ताक्‍ङमी। इजीकीएल २०:१२-१३
NEH 13:19 मिनु “यरूसलेम ङा गारो ङा ठेयब लाप्‍चोपुकी नाइक्‍तीक नाक्‍त नां रिक्‍चा क्‍येङा ङोंइती चोक्‍चा माल्‍नीम। मिनु नाइक्‍तीक नाक्‍त मनुम्‍म सम्‍म रोक्‍चा मदुम्‍ब” दे माइक्‍तामी। मिनु नाइक्‍तीक नाक्‍ती मार मार थोव़क यरूसलेममी मचाक्‍ग‍मेक्‍ल, दे आंम आंम गेय पाइब का निक्‍शी आन कली लाप्‍चोपुकी खाल पचा कली वोइक्‍तामी।
NEH 13:20 मिनु नाक्‍दो मेको मार मार ग्‍याप्‍ब लेयबपुकीमी यरूसलेम मेर नां सोंइताक्‍म। का निक्‍शी खेयप मोदेंशो पाम्‍तेक्‍म।
NEH 13:21 मिनु गो मेको आन कली “मारदे नाइक्‍तीक नाक्‍त गारो आ ङोंइती उइ नां सोंइदीनी? गे लेंशा मो पाइतीनी हना, इन कली मो मप्रोंइनन्‍नी” दे हुइक्‍ताक्‍ङमी। मेको नोले सुइ मुर नाइक्‍तीक नाक्‍ती मेकेर मजाक्‍म।
NEH 13:22 मिनु गो लेवी आन कली ब्रेश्‍शा “आंम कली ठीक सेल्‍सीने। नाइक्‍तीक नाक्‍त परमप्रभु यावे के बाक्‍ब, दे मानेचा कली ठेयब लाप्‍चोपुकी खाल पथ बाक्‍कीन” दे माइक्‍तामी। मिनु गो “आं परमप्रभु, आं ओदेंशो पशो यो मिम्‍तीन। मिनु इन ठेयब नु गेना हना यो दाक्‍तीके कोंइ‍दीनी” देंती।
NEH 13:23 मिनु मेना यो गो अश्‍दोदी, अम्‍मोनी नु मोआबी मीश आन कली चाक्‍ब यहूदी आन कली ग्रुम्‍तामी।
NEH 13:24 मेको आन आलपुकीमी का निक्‍शी अश्‍दोदी लोव़ पाइबाक्‍तेक्‍म। यहूदी आन लोव़ मजोक्‍थु, अर्को रागी ङा मुर आन लोव़ पाइबाक्‍तेक्‍म।
NEH 13:25 मिनु गो मेकोपुकी नु जि‍शा, सराप पाइश्‍शा, का निक्‍शी आन कली तुप्‍शा, आन चां रोक्‍ताक्‍ङमी। मिनु मेको आन कली परमप्रभु आ नेंमी लोव़ पाइक्‍तामी। “गे इन तमीपुकी मेको आन तौ कली गेतीनी नु आन तमी इन तौ आन कली चाक्‍तीनी हना, आंइ कली खतम दुम्‍पाइक्‍नीनी” देंती। ब्‍‍यवस्‍था ७:३
NEH 13:26 मिनु “इस्राएल ङा पिप सोलोमनमी मोदेंशो मीश चाक्‍शा पाप पवा, ममाइ? शुश रागी आन दातेमी मेको खोदेंशो पिप सुइ मबाक्‍म। मिनु परमप्रभुमी मेको कली दाक्‍शा, इस्राएली नेल्‍ल आन पिप सेल्‍शो बाक्‍त। मोदेंशो बाक्‍त हना यो, अर्को रागी ङा मीश मुरपुकीमी मेको कली पाप पपाइश्‍शो बाक्‍तेक्‍म। १राजा ११:३-८
NEH 13:27 मिनु मार, गोपुकीमी इन लोव़ नेंशा, इन खोदेंशो पा इं परमप्रभु कली शुश मरिम्‍शो पा, अर्को रागी ङा मीश चाक्‍नीनी?” दे हुइक्‍ताक्‍ङमी।
NEH 13:28 मिनु नेल्‍ल क्‍येङा ठेयब चढ़ेब एल्‍याशीब आ चच, येहो-यादा आ तौमी होरोनी सान्‍बल्‍लत आ तमी का चाक्‍शो बाक्‍त। मोपतीके गो मेको कली आं ङोंइती रे ग्रुंइशा खेरता। नेहेम्‍याह २:१०,१९; नेहेम्‍याह १२:१०
NEH 13:29 “आं परमप्रभु, मेकोपुकीमी इन कली चढ़ेतीक गेय नेल्‍ल मरिम्‍शो सेल्‍तेक्‍म। मोदेंशो पा मेकोपुकीमी चढ़ेब नु लेवी आन पशो कबल प्रोंइतेक्‍म। मेको मिम्‍तीन” देंती।
NEH 13:30 मिनु गो मेको आन कली अर्को रागी ङा मारेइ मारेइ रे ठीक सेल्‍तामी। मिनु गो चढ़ेब नु लेवी आन पचा माल्‍शो गेय लेंशा पपाइक्‍तामी। गन्‍ती २५:१२-१३; मलाकी २:८
NEH 13:31 मिनु परमप्रभु आ खिं कली शी नु नेल्‍ल क्‍येङा ङोंइती सिश्‍शो फल चाक्‍चा आ पर्बम लोव़सी गारपाइक्‍ता। मिनु गो “आं परमप्रभु, आं पशो मिम्‍शा, आं कली रिम्‍शो पाइय्‍यीनी” देंती।
EST 1:1 एको लोव़ नेल्‍ल अहासूरस माइश्‍शो पिप आ पालाम दुम्‍शो लोव़ बाक्‍ब। अहासूरसमी भारत रे एथीयोपीया माइश्‍शो कूश रागी सम्‍म पा १२७ ओटा रागी आन कली सासन पाइब बाक्‍‍त।
EST 1:2 मेना मेको पिप अहासूरसमी आ राज्‍य ङा सुसा दरवारमी आ ठेयब नित्‍तीकेमी निश्‍शा सासन पाप्‍तु।
EST 1:3 मिनु मेको पिप दुम्‍शो ३ बर्स जाक्‍दीम्‍मेनु, आ हुकुम पाइब मुर नु सरकार ङा गेय पाइब नेल्‍ल आन कली भोज का गेप्‍तु। मेको भोजमी मादी नु पारसी आन ठेयब मुर नु मेको रागी ङा हुकुम पाइब नेल्‍ल जाक्‍शो बाक्‍तेक्‍म।
EST 1:4 मिनु मेको पिपमी १८० नाक्‍त सम्‍म आ राज्‍य ङा शुश शोंप, आ दारस नु आ ठेयब दुम्‍तीके मेको आन कली कोंइताक्‍मी।
EST 1:5 मेको कोंइतीक नाक्‍त नुम्‍मेनु, मेको पिपमी आ दरवार ङा ठेयब नु आइक्‍च मुर नेल्‍ल आन कली ठेयब भोज गेप्‍तु। मिनु मेको भोज सुसा दरवार ङा लाङगाम ७ नाक्‍त सम्‍म दुम्‍‍त।
EST 1:6 मिनु पिप आ दरवार नेल्‍ल दारपाइक्‍चा कली बुश नु नीलो वा क्‍याइश्‍शो बाक्‍तेक्‍म। मेको वापुकी नीलो झुम्‍का पाइश्‍शो दारशो मलमल के बाक्‍तेक्‍म। मिनु मेको वा आन कली बुश नु नीलो डोरी पाइश्‍शो, चांदी के ग्‍याइक्‍तीकेमी शुश क्‍येट लाइब बुश फुल्‍लु के थामम क्‍युक्‍शो बाक्‍तेक्‍म। मेकेर सुन नु चांदी के सेल्‍शो नित्‍तीके बाक्‍तेक्‍मे। मेको बुटा आप्‍शो शुश क्‍येट लाइब बुश, गिगी नु क्‍येर फुल्‍लुम साप्‍शो खप तारी वोइश्‍शो बाक्‍तेक्‍म।
EST 1:7 मिनु मेको मुर आन कली सुन के कचौरामी अङगुर शांबु तूचा गेशो बाक्‍तेक्‍म। मेको कचौरा का का पा अर्को अर्को खाल ङा बुटा आप्‍शो बाक्‍तेक्‍म। मिनु पिपमी मेको आन कली शुश अङगुर शांबु तूचा गेप्‍तु।
EST 1:8 मेको नेल्‍लेमी आंम आंम दाक्‍शो पा तूचा ताम्‍तेक्‍म। मारदे हना पिपम “नेल्‍ल आन कली आंम दाक्‍शो तूचा गेन” दे आ शांबु ख्रेप्‍ब आन कली माइश्‍शो बाक्‍‍त।
EST 1:9 मिनु वास्‍ती पिपीममी यो दरवार ङा मीश मुर आन कली पिप अहासूरस आ दरवारमीन ठेयब भोज का गेप्‍तु।
EST 1:10 मेको भोज दुम्‍शो ७ नाक्‍तीमी पिप अहासूरस अङगुर शांबुम रांइशा, पिपम आ दरवार ङा ७ जना शुश अधिकार पाइश्‍शो गेय पाइब मेहूमान, बिस्‍था, हारबोना, बिग्‍थान, आबाग्‍था, जेथार नु कारकस आन कली
EST 1:11 “पिपीम वास्‍ती कली आ सिरपेच गुम्‍सीशा, मुर नेल्‍ल नु हुकुम पाइब आन ङोंइती आ दारस कोंइचा कली चाक्‍कीन” दे अरेशा सोइक्‍ताक्‍व। मारदे हना मेको पिपीम शुश दारशो बाक्‍‍त।
EST 1:12 तन्‍न पिपीममी पिप आ सोइश्‍शो मुर आन देंशो मबिस्‍से। मोपा वास्‍तीम मबिश्‍शो तशा, मेको पिप हिंचा ङा पा गाइक्‍ताक्‍व।
EST 1:13 मिनु पिपमी “मुल मार पचा” दे जोक्‍ब तुइक्‍ब नु लोव़ पाप्‍तु। मेको जोक्‍ब तुइक्‍बमी ङोंइती रे पिप कली अर्ती गेबाक्‍मा बाक्‍त। मिनु ऐन कानुन जोक्‍ब तुइक्‍ब नेल्‍लेमी “मुल मार पचा” दे सल्‍ला पाम्‍तेक्‍म।
EST 1:14 मेको पिप कली सल्‍ला गेब सु बाक्‍मा बाक्‍त, देंशा हना, पारसी नु मादी ङा ७ जना हुकुम पाइब कारशेना, शेथार, अदमाथा, टारशीश, मेरेस, मारसेना नु मेमुकान बाक्‍मा बाक्‍त। मेकोपुकी पिप आ ङोंइती बाक्‍शा, नेल्‍ल क्‍येङा ठेयब अधिकार पा गेय पाइब बाक्‍तेक्‍म।
EST 1:15 मिनु पिप अहासूरसमी मेको आन कली “आं गेय पाइब रे पा आं सोइश्‍शो लोव़ पिपीम वास्‍तीमी मटीव। मोपतीके मेको कली ऐन कानुन कोव़शा मार पचा?” दे हिल्‍लो पाप्‍तु।
EST 1:16 मिनु मेमुकानमी पिप नु आ सरकार ङा हुकुम पाइब नेल्‍ल आन ङोंइती “पिपीम वास्‍तीमी पिप कली ला ममाइ, तन्‍न हुकुम पाइब नेल्‍ल आन कली नु पिप अहासूरस आ रागी ङा मुर नेल्‍ल आन कली मरिम्‍शो पाप्‍तु।
EST 1:17 मुल पिपीम आ मरिम्‍शो पशो मीश मुर नेल्‍लेमी तुइक्‍नीम। मोपतीके मेकोपुकीमी यो आन वोंइश कली आइक्‍च सेल्‍शा मटीनीम। मेकोपुकीमी ‘पिप अहासूरसमी पिपीम वास्‍ती कली आ बाक्‍तीकेमी ब्रेत्‍ताक्‍व, तन्‍न पिपीममी मटीव’ दे लोव़ पाइनीम।
EST 1:18 मिनु पिपीम आ पशो आ पर्बम नेंब मादी नु पारसी ङा सासन पाइब आन मीश मुरपुकीमी, पिप आ सासन पाइब नेल्‍ल आन कली मुलाक्‍त ङा लोव़ पाइनीम। मिनु मीश मुरुमी आन वोंइश आन कली मटिथु, शुश जिचा पोक्‍नीम।
EST 1:19 मोपतीके गे दाक्‍नीनी हना, पिपीम वास्‍ती गे इन ङोंइती गेनायो जाक्‍ने मचबल। मिनु आ पिपीम दुम्‍तीके क्‍याम्‍शा, अर्को मेको क्‍येङा दार‍शो मीश आल कली पिपीम सेलीन। मेको इन सेल्‍शो कानुन पारसी नु मादी आन कानुनमी यो गेनायो मक्‍याम्‍सीचा ङा पा ब्रेक्‍पतीन। दानीएल ६:९
EST 1:20 मिनु एको पिप आ ब्रेक्‍पाइश्‍शो लोव़ एको राज्‍य नेल्‍लेमी नेंतेक्‍म हना, ठेयब नु आइक्‍च मीश मुर नेल्‍लेमी आन वोंइश कली मान पाइनीम” देंत।
EST 1:21 मिनु मेमुकान आ लोव़ पिप नु सासन पाइबपुकीमी “रिम्‍शो बाक्‍ब” दे दाक्‍ताक्‍म। मिनु पिपमी मेमुकान आ देंशो खोदेंशो पाप्‍तु।
EST 1:22 मिनु मेकोमी आ रागी नेल्‍ले ङा मुर आन आंम आंम ब्रेक्‍स नु आंम आंम लोव़मी “खिं ङा ठेयब वोंइश मुरुमी आंम खिं ङा मुर आन कली अधिकार पचा माल्‍नीम” दे मुर नेल्‍ल आन जात जात ङा ब्रेक्‍स नु आंम आंम लोव़म ब्रेक्‍पाइश्‍शा सोइक्‍ताक्‍व। एस्‍तर ३:१२; एस्‍तर ८:९
EST 2:1 मिनु पिप अहासूरस आ गाइक्‍चा बेक्‍म नोले मेकोमी वास्‍ती आ पशो आ पर्बम नु मेको आ पर्बम ब्रेक्‍शो ब्रेक्‍स कली मिम्‍ताक्‍व।
EST 2:2 मिनु पिप आ गेय पाइबपुकीमी पिप कली “इन कली दारशो नु कन्‍ने मीश आल माल्‍पतीन।
EST 2:3 इन राज्‍य ङा, रागी नेल्‍ल ङा दारशो नु कन्‍ने मीश आल चाक्‍चा, दे मेकेर ङा ठेयब मुर आन कली लोव़ सोइक्‍तीन। मिनु मेको मीश आल आन कली सुसा दरवार ङा मीश मुर आन बाक्‍तीकेमी चाक्‍चा माल्‍नीम। मिनु मेको मीश मुर आन कली कोव़ब, इन गेय पाइब हेगे आ जिम्‍मामी वोइक्‍चा माल्‍नीम। मिनु मेको मीश आल आन कली ख्रेक्‍तीक नु ब्रोव़शो रिना पाइक्‍तीक मार मार यो गेचा माल्‍नीम।
EST 2:4 मिनु गे तेको मीश आल कली दाक्‍नीनी, मेको कली वास्‍ती आ पा ङा पिपीम सेलीन” देंतेक्‍म। मिनु पिपमी मेको लोव़ दाक्‍ताक्‍व। मिनु मोदेंशो पाप्‍तु।
EST 2:5 मिनु सुसा दरवारमी मोरदेकै माइश्‍शो यहूदी मुर का बाक्‍माक्‍त। मेको बेन्‍यामीन थर ङा याइर आ तौ, शिमेइ आ चच, कीश आ युइ बाक्‍माक्‍त। १सामुएल ९:१
EST 2:6 बेबीलोन ङा पिप नेबुकदनेसरमी यरूसलेम रे यहूदा रागी ङा पिप येकोन्‍याह नु ग्‍याइश्‍शा लाइक्‍चा पुंइसीशो आन दातेमी मोरदेकै आ किकी पिपी कीश यो बाक्‍माक्‍त। २राजा २४:१५
EST 2:7 मिनु मोरदेकैमी आ बकान्‍छा आ तमी हदस्‍सा कली आ तमी खोदेंशो सेल्‍शा, थुल्‍शा वोइश्‍शो बाक्‍माक्‍त। मेको के आ आम आफ निम्‍फा बेक्‍शो बाक्‍ताक्‍स। मेकोमी हदस्‍सा कली एस्‍तर नें यो वोइश्‍शो बाक्‍माक्‍त। एस्‍तर रिम्‍शो नु दारशो मीश आल बाक्‍माक्‍त। मेको आ आम आफ बेक्‍सा नोले मोरदेकैमी मेको कली आंम तमी खोदेंशो पा दाक्‍शा, थुल्‍शो बाक्‍माक्‍त। एस्‍तर ८:१
EST 2:8 मिनु पिप आ ग्रुंइशो ब्रेक्‍स नेंन्‍मे नोले, शुश मीश आल आन कली सुसा दरवारमी चाक्‍तेक्‍म। मिनु एस्‍तर कली यो अरु मीश आल नु काथा मीश मुर कोव़ब हेगे कली जिम्‍मा गेम्‍तेक्‍म।
EST 2:9 मिनु एस्‍तर कली तशा, मेको हेगे थाम्‍पान ग्येरसाक्‍व। मिनु मेकोमी एस्‍तर कली दारपाइक्‍चा कली ग्‍योम्‍तीक, किप्‍तीक, ख्रेक्‍तीक नु रिम्‍शो जचा थोव़क नेल्‍ल गेप्‍तु। मिनु पिप आ दरवार ङा ७ जना नेल्‍ल क्‍येङा रिम्‍शो गेय पाइब मीश आल यो एस्‍तर कली गेप्‍तु। मिनु मीश मुर आन कली वोइक्‍तीक खिंमी एस्‍तर नु आ कली वारच पाइब आन कली नेल्‍ल आन क्‍येङा रिम्‍शो नु गारशो बाक्‍तीक गेप्‍तु।
EST 2:10 मिनु ङोंइती मोरदेकैमी एस्‍तर कली “इ जात नु इ किकी पिपी सु बाक्‍नीमी, मेको मशोव़ङो” देंशो बाक्‍तीके, एस्‍तरमी सुइ आन कली मेको लोव़ मशोव़शो बाक्‍त।
EST 2:11 एस्‍तर कली दोदेंशो बाक्‍मे? मार पवा, दे तुइक्‍चा कली मोरदेकै नाक्‍त किंत किंत मेको मीश आल बाक्‍तीक खिं आ लाङगा रे एर ओंथ गाक्‍तीक पाइबाक्‍त।
EST 2:12 पिप अहासूरस आ बाक्‍तीकेम लचा क्‍येङा ङोंइती मीश आलपुकीमी ६ महिना सम्‍म मूरे तेल ख्रेक्‍सीशा, अर्को ६ महिना ब्रोव़शो रिना पाइश्‍शो तेल नु दारपाइक्‍तीक मार मार ख्रेक्‍सीशा, १२ महिना आंम कली दारपाइक्‍तीक गेय पचा माल्‍बाक्‍तेक्‍म। मोपा १२ महिना जाक्‍दीम नोले पिप अहासूरस आ बाक्‍तीकेमी मीश आल का का पा लचा माल्‍बाक्‍तेक्‍म।
EST 2:13 मिनु मीश आलपुकी पिप आ दरवारम लमानु, मेको आन बाक्‍तीके रे मार मार लाइक्‍चा दाक्‍त्‍मे मेको लाइक्‍चा ताइबाक्‍तेक्‍म।
EST 2:14 मोपा मेकोपुकी नाक्‍दो का का पा पिप आ बाक्‍तीकेम लशा, सुनी मेको अरु मीश आल बाक्‍तीक खिं ङा कोव़ब शा-आश्‍गज माइश्‍शो पिप आ गेय पाइब आ जिम्‍मामी बाक्‍चा कली लेत्‍चा माल्‍बाक्‍तेक्‍म। मिनु पिपमी मेको कली दाक्‍शा आ नें थिशा मब्रेत्‍ता सम्‍म लेंशा पिप आ बाक्‍तीकेम लचा मताइबाक्‍तेक्‍म।
EST 2:15 मिनु मोरदेकै आ बकान्‍छा अबीहेल आ तमी एस्‍तर पिप आ बाक्‍तीकेम लतीक पालो जाक्‍‍त। एस्‍तर पिप आ बाक्‍तीकेम लमेनु, मीश आल आन कली कोव़ब ठेयब मुर हेगेम मार मार गेवा, मेको ला लाइश्‍शा लमाक्‍त। अरु मारेइ मपुंइदा बाक्‍त। सु सुमी एस्‍तर कली तामे, मेको नेल्‍लेमी एस्‍तर कली दाक्‍त्‍मे बाक्‍त।
EST 2:16 मिनु एस्‍तर कली पिप अहासूरस आ बाक्‍तीकेम लदमेनु, अहासूरस पिप दुम्‍शो ७ बर्स १० महिना जाक्‍दीश्‍शो बाक्‍माक्‍त। मेको महिना कली तेबेथ महिना देंबाक्‍तेक्‍म।
EST 2:17 मिनु पिपमी मीश आल नेल्‍ल आन क्‍येङा एस्‍तर कली दाक्‍ताक्‍व। मिनु अरु आन क्‍येङा मेको कली योव़तु। मिनु एस्‍तर कली पिपीम आ सिरपेच गुप्‍शा, वास्‍ती आ पा ङा आ पिपीम सेल्‍तु।
EST 2:18 मिनु नोले पिपमी एस्‍तर कली मान पचा कली हुकुम पाइब नेल्‍ल नु गेय पाइब आन कली ठेयब भोज का गेप्‍तु। मिनु रागी नेल्‍ल ङा मुर आन कली गेय मपथु बाक्‍चा गेशा, पिपम गेचा माल्‍शो मुर आन कली शुश इनाम गेम्‍तीमी।
EST 2:19 मेको कन्‍ने मीश आल आन कली लेंशा पिप आ दरवारमी चाक्‍गमेनु, मोरदेकै यो दरवार ङा ठेयब लाप्‍चोम बाक्‍शो बाक्‍त।
EST 2:20 मोरदेकै आ देंशो खोदेंशो पा एस्‍तरमी आ किकी पिपी मार जात ङा बाक्‍मा, सु बाक्‍मा सुइ आन कली मशोव़शो बाक्‍त। मेकोमी आल बाक्‍म ना मोरदेकै कली टिशो खोदेंशो पा, ठेयब दुम्‍शा यो टिप्‍तु।
EST 2:21 मेना मोरदेकै पिप आ दरवार ङा ठेयब लाप्‍चोमी बाक्‍शो बाक्‍त। मिनु सु जाक्‍म, दे कोव़ब, पिप आ ठेयब गेय पाइब बिग्‍थान नु तेरेश माइश्‍शो मुर चुरशा गारशा, पिप अहासूरस कली साइक्‍चा लोव़ पाम्‍से बाक्‍त। एस्‍तर ६:१-२
EST 2:22 मिनु मेको आस लोव़ मोरदेकैमी नेंशा तुइश्‍शा, एस्‍तर कली शेंदा बाक्‍त। मिनु एस्‍तरमी मोरदेकै आ नेंमी पिप कली लोव़ नेल्‍ल शोव़तु।
EST 2:23 मिनु मेको लोव़ हिल्‍लो हिक्‍सी पामेनु, थमा बाक्‍त, दे पिपमी तुइक्‍ताक्‍व। मिनु मेको ठेयब गेय पाइब आस कली थामम क्‍युक्‍शा साइक्‍तेक्‍म। मिनु नोले पिप आ ङोंइती मेको लोव़ नेल्‍ल इतिहास ब्रेक्‍तीक किताबमी ब्रेक्‍ताक्‍म।
EST 3:1 मिनु नोले पिप अहासूरसमी अगाग आ मुर हम्‍मदाता आ तौ हामान कली आ मान बारपाइक्‍तु। मिनु मेको कली हुकुम पाइब नेल्‍ल आन क्‍येङा ठेयब सेल्‍शा, ठेयब मान गेशा वोइक्‍तु। १सामुएल १५:३२; प्रस्‍थान १७:१४-१६
EST 3:2 मिनु पिप आ लोव़ टिशा, दरवार ङा गेय पाइब नेल्‍लेमी दरवार ङा ठेयब लाप्‍चोमी हामान आ ङोंइती बाप्‍शा पोक्‍च थेक्‍शा, सेउ पाम्‍‍तेक्‍म। तन्‍न मोरदेकैमी मोदेंशो पा पोक्‍च थेक्‍शा, सेउ मपावो। मत्ती ४:९-१०
EST 3:3 मिनु पिप आ दरवार ङा ठेयब लाप्‍चोम गेय पाइबपुकीमी मोरदेकै कली “गे मारदे पिप आ देंशो मटीनीनी?” दे हिल्‍लो पाम्‍तेक्‍म।
EST 3:4 मिनु नाक्‍त किंत किंत मेकोपुकीमी मेको कली मो पा लोव़ पाम्‍तेक्‍म। तन्‍न मोरदेकैमी मेको आन लोव़ का यो मनेन। मोदेंशो पशो हामानम फाल्‍ने चाप्‍बाक्‍म कों मचाप्‍बाक्‍म, दे कोव़चा कली, मेकोपुकीमी मेको लोव़ हामान कली शोव़तेक्‍म। मारदे हना मोरदेकैमी मेको आन कली “गो यहूदी नङ” देंशो बाक्‍‍त।
EST 3:5 मिनु मोरदेकैमी आ ङोंइती बाप्‍शा, सेउ पा मान मपशो तशा, हामान साप्‍पा चुरमाक्‍त।
EST 3:6 मिनु हामानमी मोरदेकै आ जात, आ लोक्‍ब सु बाक्‍मा, दे तुइक्‍ता नोले, मेको कली ला ममाइ, तन्‍न पिप अहासूरस आ राज्‍य ङा यहूदी, मोरदेकै आ जात ङा मुर नेल्‍ल आन कली खतम सेल्‍तीक लां माल्‍तु।
EST 3:7 मिनु अहासूरस पिप दुम्‍शो १२ बर्स दुम्‍शा, आ ङोंइती ङा नि‍सान माइश्‍शो महिनामी हामान आ अर्ती गेब मेको नु गारशा, यहूदी आन कली गेना साइक्‍चा, दे हामान आ ङोंइती जोक्‍ब तुइक्‍ब आन कली साहीत कोव़पाइक्‍तु। मेको साहीत कोव़तीके कली पुर देंतेक्‍म। मिनु मेको साहीत १२ महिना नोले अदार महिनामी ग्रूत। प्रस्‍थान १३:४; प्रस्‍थान १२:२; एस्‍तर ९:२४
EST 3:8 मिनु हामानमी पिप अहासूरस कली “इन राज्‍य ङा रागी नेल्‍लेमी मुर आन दातेमी जात का ङा मुर ब्रशा बाक्‍शो बाक्‍नीम। मेकोपुकी अरु मुर रे ब्राशा बाक्‍नीम। मिनु मेको आन पतीके गो नु मगारचा ङा बाक्‍ब। मेकोपुकीमी इन ऐन कानुन मटीनीम। मिनु गेमी मेको आन कली मोदेंशो पचा गेचा मदुम्‍ब। ब्‍यवस्‍था ४:५-८
EST 3:9 मोपतीके गे दाक्‍नी‍नी हना, मेको आन कली खतम सेल्‍चा, दे ब्रेक्‍स का ब्रेक्‍पतीन। मिनु गो नोले मेको पिप आ क्‍येट वोइक्‍तीके ङा गेय पाइब आन कली १० हजार टलेन्ट चांदी पिप आ क्‍येट वोइक्‍तीकेमी वोइक्‍चा कली गेनुङ” देंत। टलेन्ट का चांदी ३४ किलो बाक्‍ब। एस्‍तर ४:७
EST 3:10 मिनु पिपमी आ छाप पाइश्‍शो औंठी प्रुइश्‍शा, यहूदी आन जोरी सत्रु अगाग आ मुर हम्‍मदाता आ तौ हामान कली गेप्‍तु।
EST 3:11 मिनु पिपमी हामान कली “मेको चांदी नु मेको मुरपुकी इन केन बाक्‍नीम। गे मार दाक्‍नीनी मेको पने चाप्‍नीनी” देंत।
EST 3:12 मिनु ङोंइती ङा महिना ङा १३ नाक्‍तीमी पिप आ ब्रेक्‍स पाइब आन कली ब्रेत्‍ताक्‍मी। मिनु हामानमी देंशो खोदेंशो पा रागी नेल्‍ल इन सरकार ङा गेय पाइब नु जात जात ङा मुर आन ठेयब मुर नु रागी रागी ङा हुकुम पाइब आन कली मेको मुर नेल्‍ल आन जात जात ङा ब्रेक्‍स नु आंम आंम लोव़म ब्रेक्‍पदा बाक्‍त। मेको ब्रेक्‍सम पिप अहासूरस आ छाप थोक्‍शा, मेको आ नेंमी ब्रेक्‍शो बाक्‍त।
EST 3:13 मिनु मेको सोइश्‍शो मुरपुकीमी मेको ब्रेक्‍स रीब रीब पा पिप आ रागी ङा मुर नेल्‍ल आन कली सोइक्‍तमे बाक्‍त। मेको ब्रेक्‍समी मार ब्रेक्‍शो बाक्‍त देंशा हना, अदार माइश्‍शो महिना ङा १३ नाक्‍त, काबुमीन यहूदी नेल्‍ल आन कली साइक्‍चा माल्‍नीम। वोंइश आल रे खाल्‍पा सम्‍म नु मीश मुर नु आल ब्रेप्‍च नेल्‍ल आन कली यो साइक्‍चा माल्‍नीम। मिनु यहूदी आन शोंप नेल्‍ल रोइक्‍चा माल्‍नीम, दे ब्रेक्‍शो बाक्‍त।
EST 3:14 मिनु मेको नाक्‍त कली सासीशा बाक्‍चा, दे जात नेल्‍ल ङा मुर आन कली तुइक्‍पाइक्‍चा, दे लेंशा ब्रेक्‍स का ब्रेक्‍शा, रागी ङा मुर नेल्‍ल आन कली का का पा गेशा, उरदी पचा कली सोइक्‍ताक्‍म।
EST 3:15 पिपम मेको लोव़ चोव़थ लाइक्‍ब आन कली रीब रीब पा सोइक्‍ताक्‍व। मिनु सुसा दरवारमी यो मेको लोव़ ब्रपाइक्‍तेक्‍म। मो पामे नोले पिप नु हामान तूचा कली निस्‍साक्‍स। तन्‍न सुसा सहरम चहिं खाल बाल बोक्‍त।
EST 4:1 मिनु मोरदेकैमी मेको लोव़ नेल्‍ल तुइश्‍शा, आ वा खाक्‍तु। मिनु अरन्‍डी फेक्‍शा, पुलु मोंइसीशा, ठेयब सेंदामी रोंका पना पन सहरम हिरसाक्‍व।
EST 4:2 मिनु मोपा दरवार ङा ठेयब लाप्‍चो आ ङोंइती जाक्‍त। तन्‍न अरन्‍डी फेक्‍शो सुइ मुर दरवार ङा ठेयब लाप्‍चो रे ओव़चा मताइबाक्‍तेक्‍म।
EST 4:3 पिप आ सोइश्‍शो मेको लोव़ नेंशा, रागी नेल्‍ल ङा यहूदी माइजा बाक्‍शा, ङाक्‍शा, रोंका पाम्‍तेक्‍म। मिनु मेको आन दाते ङा शुश मुर अरन्‍डी फेक्‍शा, पुलु तारी निस्‍साक्‍म।
EST 4:4 मिनु पिपीम एस्‍तर आ गेय पाइबपुकी जाक्‍शा, एस्‍तर कली मेको लोव़ शोव़तेक्‍म। पिपीममी मेको नेंशा, शुश सुर्ता पाप्‍तु। मिनु “अरन्‍डी प्रुइश्‍शा वा फेक्‍सीन” दे मोरदेकै कली वा सोइक्‍ताक्‍व। तन्‍न मोरदेकैमी मेको वा ताक्‍ने मबिस्‍से।
EST 4:5 मोपतीके एस्‍तरमी पिप आ वोइश्‍शो आ गेय पाइब हथाक कली ब्रेश्‍शा “मोरदेकै कली मार श्‍येत दुम्‍मे? मिनु मेको श्‍येत दोपा दुम्‍मे?” दे हिल्‍लो पथ सोइक्‍ताक्‍व।
EST 4:6 मिनु हथाक पिप आ दरवार ङा ठेयब लाप्‍चो आ ङोंइती ठेयब लाङगामी मोरदेकै कली ग्रुम्‍थ लत।
EST 4:7 मिनु मोरदेकैमी आंम कली मार दुम्‍मे, मेको नेल्‍ल हथाक कली देंत। मिनु हामानमी यहूदी नेल्‍ल आन कली साइक्‍चा, दे पिप आ क्‍येट वोइक्‍तीकेमी दोशो क्‍येट वोइक्‍चा, दे लोव़ पवा, मेको यो हथाक कली शेंताक्‍व। एस्‍तर ३:९
EST 4:8 मिनु मोरदेकैमी सुसामी यहूदी आन कली साइक्‍चा, दे पिप आ लोव़ ब्रेक्‍शो ब्रेक्‍स यो एस्‍तर कली कोंइशा, तुइक्‍पाइक्‍चा, दे हथाक कली गेप्‍तु। मिनु मेकोमी हथाक कली “आंम मुरुम शिशी तामेक्‍ल, दे पिप कली नमो सिमो पचा कली एस्‍तर पिप आ बाक्‍तीकेमी लचा माल्‍ब देनीन” देंत।
EST 4:9 मिनु हथाक एस्‍तर आ बाक्‍तीकेम लशा, मोरदेकै आ देंशो नेल्‍ल देंत।
EST 4:10 मिनु एस्‍तरमी हथाक कली मोरदेकै आ बाक्‍तीकेमी सोइश्‍शा,
EST 4:11 “पिप आ गेय पाइब नु रागी ङा मुर नेल्‍ल पिपमी मब्रेत्‍थु, वोंइश मुर नु मीश मुर सुइ पिप आ ङोंइती लाम्‍तेक्‍म हना, साइक्‍चा पुंइसीनीम। मेको ऐन कानुनम ब्रेक्‍शो बाक्‍ब। तन्‍न पिपमी आ राज दन्‍ड मेको मुर गे दिंशा कोंइताक्‍व हना ला, मेको मुर ब्रोंइचा ताइब। मिनु गो ३० नाक्‍त सम्‍म मब्रेस्‍सीशो बाक्‍नुङ” दे देंचा कली सोइक्‍ताक्‍व। एस्‍तर ५:२; एस्‍तर ८:४
EST 4:12 मिनु मोपा हथाकमी मोरदेकै कली एस्‍तर आ सोइश्‍शो लोव़ नेल्‍ल शोव़तु।
EST 4:13 मिनु मोरदेकैमी हथाक कली पिपीम कली “गे पिप आ दरवारम बाक्‍ते हना यो, यहूदी नेल्‍ल आन दातेमी गे ला ‘साइक्‍चा मपुंइसीनुङ’ दे ममिम्‍तो।
EST 4:14 मो देंशो दुम्‍मेनु, गे सिक्‍सी पा बाक्‍तीनी हना, यहूदी आन कली वारच पा प्रोंइचा कली अर्को मुर रे यो जाक्‍ब। तन्‍न गे नु इं आफ आ खिं ङा मुरपुकी चहिं खतम दुम्‍चा माल्‍नीम। गे यहूदी आन कली प्रोंइचा कली पिपीम दुम्‍शो बाक्‍नेवे, कों?” दे एस्‍तर कली माइक्‍चा, दे हथाक कली सोइक्‍ताक्‍व। उत्‍पत्ती ४५:७
EST 4:15 मिनु एस्‍तरमी मोरदेकै कली
EST 4:16 “सुसा सहरमी लशा, यहूदी नेल्‍ल आन कली आं पर्बम माइजा बाक्‍चा कली पुक्‍कीन। नाक्‍त सां नु नाक्‍दो सां सम्‍म मारेइ मजने, मारेइ मतूङीन। मिनु गो नु आं गेय पाइबपुकी यो गे खोदेंशो पा माइजा बाक्‍नीकी। मिनु में नोले ऐन कानुनमी मगेशो बाक्‍त हना यो, गो पिप आ बाक्‍तीकेम लाइनुङ। गो खतम दुम्‍ती हना, यो दुम्‍ङल” दे लोव़ सोइक्‍ताक्‍व।
EST 4:17 मिनु मोरदेकै लशा, एस्‍तर आ देंशो खोदेंशो पाप्‍तु।
EST 5:1 मिनु नाक्‍त सां नोले एस्‍तरमी पिपीम आ फेक्‍तीके फेक्‍साक्‍व। मोपा लशा, पिप आ दरवार आ लाङगाम बाक्‍शा, खिं गे कोव़शा, राप्‍त। मेना पिप आ खिंमी आ ठेयब नित्‍तीकेमी निश्‍शा, लाप्‍चो गे कोव़शा, बाक्‍शो बाक्‍त।
EST 5:2 मिनु पिपमी पिपीम एस्‍तर कली दरवार ङा लाङगामी राप्‍शा बाक्‍शो तशा, मेको कली शिशी पा, आ शेशा बाक्‍शो राज दन्‍ड एस्‍तर गे दिं‍ताक्‍व। मिनु एस्‍तर पिशा, मेको कोक्‍के आ ङर थिप्‍तु। एस्‍तर ४:११
EST 5:3 मिनु पिपमी मेको कली “पिपीम एस्‍तर, मारदे जाक्‍नी? गे मार माल्‍नीनी? आं रागी उइक्‍थ इन कली गेचा माल्‍ताक्‍यी हना यो, मेको इन कली गेनन्‍नी” देंत। मर्कूस ६:२३
EST 5:4 मिनु एस्‍तरमी “हजुर, गे दाक्‍‍नीनी हना, मुल नाक्‍दो गो इन कली सेल्‍शो भोजमी गे हामान नु काथा जाक्‍कीने” देंत।
EST 5:5 मिनु पिपमी एस्‍तर आ देंशो पचा कली हामान कली ब्रेत्‍चा कली मुर सोइक्‍ताक्‍व। मिनु पिप नु हामान एस्‍तरमी सेल्‍शो भोज जथ लाम्‍ताक्‍स।
EST 5:6 मिनु पिपमी अङगुर शांबु तूशा, एस्‍तर कली “गे मार दाक्‍नीनी? गो इन कली गेनन्‍नी। आं रागी उइक्‍थ पुंइतीनी हना यो, गो मेको इन कली गेनन्‍नी” देंत।
EST 5:7 मिनु एस्‍तरमी सेउ पा “गो लोव़ का पुंइचा दाक्‍नुङ।
EST 5:8 मिनु गो इन शिशी ताता हना, गे आं पुंइशो गेचा दाक्‍ताक्‍नी हना, हजुर, दीसा यो गे निक्‍शी मुलाक्‍त ङा खोदेंशो पा, आं सेल्‍शो भोजम जाक्‍कीन। मेना गो इन हिल्‍लो पशो लोव़ लेत्‍नुङ” देंत। एस्‍तर ६:१४
EST 5:9 मिनु मेको नाक्‍त हामान शुश ग्‍येरसीशा, आ थुं जाव बोरपा लत। तन्‍न हामानमी मोरदेकै कली दरवार ङा ठेयब लाप्‍चोमी बाक्‍शो नु आ ङोंइती बाप्‍शा मान मपशो तशा, चुरशा लां मताव।
EST 5:10 मो दुम्‍त हना यो, हामानमी आ चुरशो मकोंइथु, आ खिं लत। मिनु आ खिं जाक्‍दीश्‍शा, आ वारच आन कली नु आ मीश जेरेश कली ब्रेत्‍थ सोइक्‍ताक्‍व।
EST 5:11 मिनु मेको आन कली “आं शोंप, आं थेरशो रू नु शुश तौ बाक्‍नीम। मिनु पिपमी सासन पाइब नु गेय पाइब नेल्‍ल आन क्‍येङा आं कली शुश मान गेशो बाक्‍ब” दे आ नें बोरपाइश्‍शा लोव़ पाप्‍तु।
EST 5:12 मिनु हामानमी “मोशो ला ममाइ, पिपीम एस्‍तरमी सेल्‍शो भोजमी आं कली ला ब्रेत्‍ताक्‍यी। मिनु दीसा यो पिप नु लचा कली आं कली ब्रेश्‍शो बाक्‍ब।
EST 5:13 तन्‍न मेको यहूदी मोरदेकै कली दरवार ङा लाप्‍चोम बाक्‍शो तङानु, आंम कली मारेइ खोइ मलाक्‍ङ” देंत।
EST 5:14 मिनु आ मीश जेरेश नु आ वारच नेल्‍लेमी “५० कुबीत लाइश्‍शो थाम का ग्रुक्‍तीने। मिनु सुनी कना मोरदेकै कली मेकेर क्‍युक्‍शा साइक्‍चा कली पिप नु लोव़ पने। मिनु ग्‍येरशा, पिप नु भोज जथ लने” देंतेक्‍म। मिनु हामानमी मेको लोव़ दाक्‍ताक्‍व। मिनु मेकोमी मुर कली क्‍युक्‍शा साइक्‍तीक थाम का ग्रुक्‍पाइक्‍तु। कुबीत का आधा मिटर खोदेंशो बाक्‍ब।
EST 6:1 मिनु मेको नाक्‍दो पिप इप्‍ने मचब। मिनु पिपमी इतिहास ब्रेक्‍शो किताब चाक्‍पाइक्‍तु। मिनु मेको पढेपपाइश्‍शा नेंतु। एस्‍तर २:२१-२२
EST 6:2 मिनु मेको किताबमी पिप आ लाप्‍चोम बाक्‍ब बिग्‍थान नु तेरेश माइश्‍शो ठेयब लाप्‍चोम गेय पाइब निक्‍शीमी चुरशा पिप अहासूरस कली साइक्‍चा माल्‍शो लोव़ नु मोरदेकैमी पिप कली तुइक्‍पाइश्‍शो आ पर्बम ब्रेक्‍शो बाक्‍त।
EST 6:3 मिनु पिपमी “एको ओं पशो आ पर्बम मोरदेकै कली मारेइ मान नु दर्जा गेशो बाक्‍मे?” दे हिल्‍लो पाप्‍तु। मिनु मेकेर बाक्‍ब पिप आ गेय पाइबपुकीमी “मोरदेकै आ पर्बम मारेइ मपशो बाक्‍ब” देंतेक्‍म।
EST 6:4 मिनु पिपमी “लाङगाम सु बाक्‍मे?” दे हिल्‍लो पाप्‍तु। मेना हामानमी आ ग्रुक्‍शो, मुर कली क्‍युक्‍शा साइक्‍तीक थाममी “मोरदेकै कली साइक्‍चा गेयीनी” दे पिप कली पुंइथ लाङगामी नक जाक्‍शो बाक्‍त। एस्‍तर ५:१४
EST 6:5 मिनु पिप आ गेय पाइबपुकीमी “हामान लाङगामी राप्‍शा बाक्‍त” देंतेक्‍म। मिनु पिपमी “मेको कली खिं गा ब्रेत्‍तीन” देंत।
EST 6:6 मिनु हामान खिं गा ओव़मेनु, पिपमी मेको कली “पिप आंमान मान गेचा दाक्‍शो मुर कली मार पचा माल्‍बा?” दे हिल्‍लो पाप्‍तु। मिनु हामानमी आ थुं थुंमी “आं ङा लाक्‍शा, तेको मुर कली पिपमी मान गेचा दाक्‍बा ङा?” दे मिम्‍ताक्‍व।
EST 6:7 मिनु मेकोमी पिप कली “पिप सु कली मान गेचा दाक्‍नीनी,
EST 6:8 मेको कली पिप आ ङोंइती फेक्‍शो वा नु पिया ग्‍योम्‍सीशो पिप आ शारा चाक्‍पतीने। दानीएल ५:२९
EST 6:9 मिनु मेको पिप आ ङोंइती फेक्‍शो वा नु आ शारा नेल्‍ल आन क्‍येङा मान तशो मुर कली गेचा माल्‍ब। मिनु नेल्‍ल क्‍येङा अधिकार पाइश्‍शो मुरुमी पिपम मान गेचा दाक्‍शो मुर कली फेक्‍तल। मिनु मेको कली शारा ङोइक्‍पाइश्‍शा, सहर ङा लांमी गाक्‍पाइक्‍चा माल्‍ब। मिनु नेल्‍लेमी ‘पिपमी मान गेचा दाक्‍शो मुर कली मार पवा, मेको कोव़ङीन’ देंना देंन हिरदमेक्‍ल” देंत। उत्‍पत्ती ४१:४२-४३
EST 6:10 मिनु पिपमी हामान कली “गे इ देंशो खोदेंशो पा फेक्‍तीक नु शारा मुल कना चाक्‍शा, लाप्‍चोम बाक्‍ब यहूदी मोरदेकै कली मोदेंशो पावो। इ देंशो का यो मख्राइक्‍थु, पावो” दे माइक्‍तु।
EST 6:11 मिनु हामानमी फेक्‍तीक वा नु शारा चाक्‍शा, मोरदेकै कली मेको वा फेक्‍शा, शाराम ङोइक्‍पाइश्‍शा, सहर ङा लां मेर लाइश्‍शा, आ ङोंइती “पिपमी मान गेचा दाक्‍शो मुर कली मार पवा, मेको कोव़ङीन” देंना देंन मोरदेकै कली हिरताक्‍व।
EST 6:12 मिनु नोले मोरदेकै पिप आ दरवार ङा ठेयब लाप्‍चोम लेत्‍त। मिनु हामान चहिं मुने पा कुल सुम्‍शा दोरोर पा दोरशा, आ खिं लत।
EST 6:13 मिनु मेकोमी आ मीश जेरेश नु आ वारच नेल्‍ल आन कली मार दुम्‍मे, मेको नेल्‍ल का का पा शोव़तु। मिनु मेको आ वारचपुकी नु आ मीशेमी मेको कली “इन जोरी सत्रु मोरदेकै, यहूदी बाक्‍त हना, गे मेको कली मारेइ पने मचाप्‍नीनी। मुल गे मेको आ ङोंइती खतम दुम्‍नीनी” देंतेक्‍म।
EST 6:14 मोपा लोव़ पना पन बाक्‍मेनु, पिप आ गेय पाइबपुकी जाक्‍शा, हामान कली पिपीम एस्‍तरमी सेल्‍शो भोज जचा कली लाइक्‍तेक्‍म। एस्‍तर ५:८
EST 7:1 मिनु पिप नु हामान, निम्‍फा पिपीम एस्‍तरमी सेल्‍शो भोज जथ लाम्‍ताक्‍स।
EST 7:2 मिनु मेको नाक्‍त यो पिप अङगुर शांबु तूशा, एस्‍तर कली “गे मार दाक्‍नीनी? मेको इन कली गेनन्‍नी। आं रागी उइक्‍थ पा पुंइतीनी हना यो, गो मेको इन कली गेनन्‍नी” देंत।
EST 7:3 मिनु पिपीम एस्‍तरमी “गोमी इन शिशी तशो बाक्‍ती नु गे दाक्‍ताक्‍नी हना, गो नु आं जात ङा मुर आन कली साइक्‍चा रे प्रोनीन।
EST 7:4 मारदे हना गो नु आं जात ङा मुर नेल्‍ल क्‍याम्‍चा, साइक्‍चा नु खतम दुम्‍चा कली लेयसीशो बाक्‍नीकी। गो वाइलीम वाइल सेल्‍चा कली ला लेयसीशो बाक्‍तक हना, गो सिक्‍सी पा बाक्‍ङ वा। मारदे हना मेको आइक्‍च लोव़मी पिप कली मारेइ श्‍येत मदुम वा” देंत।
EST 7:5 मिनु पिप अहासूरसमी पिपीम एस्‍तर कली “मोदेंशो पचा माल्‍ब मुर सु बाक्‍बा? मिनु मेको मुर ते बाक्‍बा?” दे हिल्‍लो पाप्‍तु।
EST 7:6 मिनु एस्‍तरमी “मेको श्‍येत गेब, मरिम्‍शो मुर एको हामान बाक्‍ब” देंत। मिनु हामान पिप नु पिपीम आ ङोंइती हिंशा, सेंदा का यो ग्रुंइने मचब।
EST 7:7 मिनु पिप चुरशा, भोज रे छुल बोक्‍शा, दरवार ङा फू रूमी लत। हामानमी चहिं “पिपमी आ थुंमी आं कली खतम पचा मिम्‍ताक्‍व” दे तुइश्‍शा, पिपीम एस्‍तर नु माफ पुंइचा कली आ बाक्‍तीक उइ बाक्‍त।
EST 7:8 मिनु पिप फू रू रे लेश्‍शा, भोज जतीक कोठाम जाक्‍मेनु, हामान चहिं एस्‍तर आ इप्‍तीकेम बाप्‍शा, आ नेक्‍था गुर ब्‍वेशा बाक्‍शो ताप्‍तु। मिनु पिपमी ठेयब सेंदामी “मार, मेकोमी पिपीम कली आं ङोंइती थिचा मिम्‍बा?” देंत। मिनु पिपम मोदेंशो देंम नोले, पिप आ गेय पाइबपुकीमी हामान आ कुल सुम्‍तेक्‍म।
EST 7:9 मिनु पिप नु बाक्‍शा, गेय पाइब आन दाते ङा हारबोना माइश्‍शो कामी “हामान आ खिं आ नेक्‍था इन कली रिम्‍शो पाइब नु प्रोंइब मोरदेकै कली क्‍युक्‍शा साइक्‍चा कली ५० कुबीत लाइश्‍शो मुर साइक्‍तीक थाम ग्रुक्‍शा वोइश्‍शो बाक्‍ब” देंत। मिनु पिपमी “मुल हामान कली मेको थाममी क्‍युक्‍शा सतीन” देंत। कुबीत का आधा मिटर खोदेंशो बाक्‍ब।
EST 7:10 मिनु मेकोपुकीमी मोरदेकै कली साइक्‍चा, दे ग्रुक्‍शो थाममी, हामान कली लाइश्‍शा क्‍युक्‍तेक्‍म। मिनु पिप आ थुं नांइसाक्‍व।
EST 8:1 मिनु मेको नाक्‍त पिप अहासूरसमी यहूदी आन जोरी सत्रु हामान आ खिं पिपीम एस्‍तर कली गेप्‍तु। मारदे हना एस्‍तरमी पिप कली “गो मोरदेकै आ खिं ङा मुर का नङ” दे शेंतीके, मोरदेकै पिप आ बाक्‍तीकेम जाक्‍चा माल्‍ताक्‍व। एस्‍तर २:७
EST 8:2 मिनु पिपमी हामान रे रोइश्‍‍शो अधिकार ङा छाप थोक्‍तीक औंठी प्रुइश्‍शा, मोरदेकै कली गेप्‍तु। मिनु एस्‍तरमी मोरदेकै कली हामान आ खिं कली अधिकार पाइब सेल्‍तु। एस्‍तर ३:१०
EST 8:3 मिनु एस्‍तरमी लेंशा पिप आ खोइलीम बाप्‍शा, ङाक्‍शा नमो सिमो पा “अगाग आ मुर हामानमी यहूदी आन पर्बम ब्रेक्‍शो मरिम्‍शो ब्रेक्‍स क्‍याम्‍शा गेन” दे पुंइतु।
EST 8:4 मिनु पिपमी आ राज दन्‍ड एस्‍तर गे शुक्‍तु। मिनु एस्‍तर बोक्‍शा, पिप आ ङोंइती राप्‍त। एस्‍तर ४:११; एस्‍तर ५:२
EST 8:5 मिनु एस्‍तरमी “पिपम दाक्‍‍नीनी नु गो इन शिशी ताता नु आं देंशो लोव़ गे दाक्‍‍नीनी नु आं देंशो नेंनीनी हना, अगाग आ मुर हम्‍मदाता आ तौ हामानमी इन राज्‍य ङा हुकुम पाइब नेल्‍ल आन कली ‘यहूदी नेल्‍ल आन कली साइक्‍चा’ दे ब्रेक्‍शा सोइश्‍शो ब्रेक्‍स नेल्‍ल क्‍याम्‍चा, दे ब्रेक्‍स का ब्रेक्‍शा सोइक्‍तीन।
EST 8:6 मारदे हना आं जात नु आं खिं ङा मुरपुकी खतम दुम्‍शो गो दोपा फाल्‍ने चाप्‍नुङा ङा?” देंत।
EST 8:7 मिनु पिप अहासूरसमी पिपीम एस्‍तर नु यहूदी मोरदेकै कली “हामानमी यहूदी आन कली खतम सेल्‍चा माल्‍तीके, मेको आ खिं पिपीम एस्‍तर कली गेता। मारदे हना हामान क्‍युक्‍शा साइक्‍चा पुंइसाक्‍व।
EST 8:8 मुल आं नेंमी इन दाक्‍स पा यहूदी आन कली रिम्‍शो दुम्‍चा आ पर्बम नक ब्रेक्‍स का ब्रेक्‍तीन। मिनु मेकोमी आं छाप थोक्‍तीन। मारदे हना पिप आ नेंमी ब्रेक्‍शा, आं छाप थोक्‍शो हुकुम गेनायो क्‍याम्‍ने मचाम्‍सीब” देंत।
EST 8:9 मिनु सिवान माइश्‍शो ३ महिना ङा २३ नाक्‍तीम पिपम आ ब्रेक्‍स पाइब मुर आन कली ब्रेत्‍ताक्‍मी। मेकोपुकीमी मोरदेकै आ देंशो खोदेंशो पा यहूदी, सरकार ङा गेय पाइब, मान ताइब नु रागी रागी आन कली हुकुम पाइब भारत रे कूश माइश्‍शो एथीयोपीया सम्‍म ङा १२७ ओटा रागी नेल्‍लेमी मुर नेल्‍ल आन ब्रेक्‍स नु आंम आंम लोव़म नु यहूदी आन कली आंम आंम आन ब्रेक्‍स नु आंम आंम आन लोव़म पिप आ अरेशो लोव़ ब्रेक्‍ताक्‍म।
EST 8:10 मोपा मेको ब्रेक्‍स कली पिप अहासूरस आ नेंमी ब्रेक्‍शा, पिप आ छाप थोक्‍ताक्‍व। मिनु मेको ब्रेक्‍स कली शारा दोरपाइक्‍ब आन कली गेशा, थाम्‍पान दोरपा चोव़थ सोइक्‍ताक्‍म। मेको आन ङोइश्‍शो शारा पिप आ नेल्‍ल क्‍येङा रिम्‍शो शारा बाक्‍तेक्‍म।
EST 8:11 मेको ब्रेक्‍समी मार ब्रेक्‍शो बाक्‍त देंशा हना “सहर नेल्‍ल ङा यहूदी बुक्‍शा, आंम कली खतम पाइबपुकी रे प्रोंइसीमल। मिनु मेकोपुकीमी तेको तेको जात ङा नु तेको तेको रागी ङा बुक्‍शो मुर, सु सुम आन मीश नु आन आल आन कली श्‍येत गेमे, मेको आन कली काबुमीन क्‍याम्‍चा, साइक्‍चा नु खतम सेल्‍चा कली बुक्‍चा माल्‍नीम। मिनु मेकोपुकीमी श्‍येत गेब मुर आन मारेइ मारेइ रोइक्‍ने चाप्‍नीम। एस्‍तर ३:१३; एस्‍तर ९:७-१०,१५,१६
EST 8:12 पिप अहासूरसमी आ रागी नेल्‍लेमी मेको श्‍येत गेब आन कली अदार माइश्‍शो १२ महिना ङा १३ नाक्‍तीम खतम सेल्‍चा माल्‍ब” दे ब्रेक्‍शो बाक्‍त।
EST 8:13 मिनु मेको ब्रेक्‍स नेल्‍ल रागी ङा मुर आन कली तुइक्‍पाइक्‍चा कली लेंशा मोदेंशोन ब्रेक्‍स ब्रेक्‍शा, उरदी पपाइक्‍चा, दे लोव़ सोइक्‍ताक्‍म। मिनु यहूदी चहिं मेको नाक्‍त आन जोरी सत्रु आन कली क्‍येक्‍क लेत्‍चा कली सासीशा बाक्‍मल, दे यहूदी आन कली अरेशा ब्रेक्‍शा सोइक्‍ताक्‍म।
EST 8:14 मिनु पिपमी मेको शारा ङोइक्‍ब आन कली आ देंशो लोव़ चोव़थ शारा ङोइक्‍पा थाम्‍पान दोरपाइश्‍शा सोइक्‍ताक्‍व। मिनु मेको लोव़ सुसा दरवार रे योक्‍चा गोम्‍तेक्‍म।
EST 8:15 मिनु मोरदेकै पिप आ बाक्‍तीक रे दरवार ङा ठेयब नीलो नु बुश फेक्‍तीक वा फेक्‍शा, पियाजी रङ ङा बरखी रुक्‍शा, पियामी सुन के ठेयब सिरपेच गुप्‍शा, सहर लत। मिनु मोरदेकै कली तशा, सुसा सहर ङा मुरपुकी थाम्‍पान ग्‍येरसाक्‍म।
EST 8:16 मिनु यहूदी आन कली मेको नाक्‍त आन थुं बारपाइक्‍तीके, शुश ग्‍येरतीके नु मान ततीके नाक्‍त दुम्‍त।
EST 8:17 मिनु पिप आ ब्रेक्‍स नु आ हुकुम जाक्‍दीशो नेल्‍ल रागी नु सहर नेल्‍लेमी यहूदी साप्‍पा ग्‍येरसाक्‍म। मिनु मेको नाक्‍त चाड सेल्‍शा, भोज जाम्‍तेक्‍म। मिनु मेको रागी ङा शुश मुर यहूदी दुम्‍तेक्‍म। मारदे हना मुर नेल्‍ल यहूदी आन कली तशा हिंतेक्‍म।
EST 9:1 मिनु अदार माइश्‍शो १२ महिना ङा १३ नाक्‍त पिप आ ब्रेक्‍शो लोव़ खाप्‍तीक नाक्‍त जाक्‍त। मेको नाक्‍त यहूदी आन जोरी सत्रुमी यहूदी आन कली साइक्‍चा मिम्‍शो बाक्‍तेक्‍म। तन्‍न मुल यहूदीपुकीम कका आन जोरी सत्रु आन कली साइक्‍तीक नाक्‍त जाक्‍त।
EST 9:2 मेको नाक्‍त पिप अहासूरस आ रागी नु सहर ङा यहूदी नेल्‍ल आन जोरी सत्रु आन कली साइक्‍चा, दे बुक्‍तेक्‍म। मिनु मेको यहूदी आन कली सुइमी तेक्‍ने मचबेम। मारदे हना यहूदी आन कली तशा, मुर नेल्‍ल शुश हिंतेक्‍म।
EST 9:3 मिनु मोरदेकै कली तशा, हिंतीके रागी नेल्‍ल ङा हुकुम पाइबपुकी, सरकार ङा गेय पाइबपुकी नु ठेयब मुर नेल्‍लेमी यहूदी आन कली वारच पाम्‍तेक्‍म।
EST 9:4 मोरदेकै पिप आ दरवारमी ठेयब मुर दुम्‍त। मिनु रागी नेल्‍लेमी आ नें तुइक्‍ताक्‍म। मोपा मेको आ सक्ति बारना बारन लत।
EST 9:5 मिनु यहूदीपुकीम आन जोरी सत्रु आन कली तरवारम तूशा, क्‍योरशा साइश्‍शा थुम्‍तेक्‍म। यहूदीपुकीमी आन कली खेदा पाइब मुर आन कली मार पचा दाक्‍तमे, मेको पाम्‍तेक्‍म।
EST 9:6 यहूदीपुकीमी सुसा दरवारमी ५ सहे मुर आन कली साइक्‍तेक्‍म।
EST 9:7 मिनु मेको हम्‍मदाता आ तौ हामान आ १० जना तौ पारशान-दाता, दाल्‍फोन, अस्‍पाता,
EST 9:8 पोराता, अदाल्‍या, अरीदाता,
EST 9:9 पारमश्‍ता, अरीसाइ, अरीदाइ नु वाइजाता बाक्‍तेक्‍म। उत्‍पत्ती १४:२१-२४
EST 9:10 मिनु मेको यहूदी आन जोरी सत्रु हम्‍मदाता आ तौ हामान आ १० जना तौ कली यो साइक्‍तेक्‍म। मेको आन शोंप नु आन थेरशो रू चहिं मरोइक्‍तेम।
EST 9:11 मिनु मेको नाक्‍त सुसा दरवारमी गिश मुर आन कली सदमे, मेको पिप कली शोव़तेक्‍म।
EST 9:12 मिनु पिपमी पिपीम एस्‍तर कली “सुसा दरवारमी यहूदीपुकीमी ५ सहे मुर नु हामान आ १० जना तौ नेल्‍ल आन कली साइक्‍तेक्‍म। मिनु अरु आं रागीपुकीमी मार मार पामे माइ? गे मार पुंइतीनी हना यो, मेको गेनन्‍नी। चिनु मार पुंइनीनी? मेको दुम्‍ब” देंत।
EST 9:13 मिनु एस्‍तरमी “हजुर, गे दाक्‍‍नीनी हना, दीसा यो सुसा सहरमी यहूदीपुकीम मुलाक्‍त ङा खोदेंशो पचा तामेक्‍ल, दे हुकुम पने। मिनु हामान आ साइश्‍शो १० जना तौ आन कली क्‍युक्‍तीक थाममी क्‍युक्‍पतीन” देंत।
EST 9:14 मिनु पिपमी “मोदेंशोन पामेक्‍ल” दे हुकुम पाप्‍तु। मिनु सुसा सहरमी पिप आ हुकुम खोदेंशो पा, हामान आ साइश्‍शो तौ नेल्‍ल आन कली थामम क्‍युक्‍तेक्‍म।
EST 9:15 मिनु सुसा सहरम बाक्‍शो यहूदीपुकी अदार महिना ङा १४ नाक्‍तीमी लेंशा बुक्‍तेक्‍म। मिनु सुसा सहरमी ३ सहे मुर साइक्‍तेक्‍म। तन्‍न मेको आन शोंप नु आन थेरशो रू मारेइ मरोइक्‍तेम।
EST 9:16 मिनु पिप आ रागी ङा यहूदीपुकी आंम कली आन जोरी सत्रु रे प्रोंइचा कली बुक्‍तेक्‍म। मिनु मेकोपुकीमी आंम कली काइ मदाक्‍ब ७५ हजार जना मुर आन कली साइक्‍तेक्‍म। मोपा मेकोपुकीमी आन जोरी सत्रु रे थुं नाइक्‍चा ताम्‍तेक्‍म। तन्‍न मेको आन शोंप नु आन थेरशो रू चहिं मारेइ मरोइक्‍तेम।
EST 9:17 मिनु मेको नेल्‍ल अदार माइश्‍शो महिना ङा १३ नाक्‍तीम पाम्‍तेक्‍म। मिनु मेकोपुकी आ दीसा १४ नाक्‍तीम नांइसाक्‍म। मिनु मेको नाक्‍त चाड का सेल्‍शा, ग्‍येरतीक नाक्‍त सेल्‍तेक्‍म।
EST 9:18 सुसा सहरम बाक्‍ब यहूदीपुकी चहिं अदार महिना ङा १३ नु १४ नाक्‍त बुक्‍तेक्‍म। मिनु १५ नाक्‍त नांइसाक्‍म। मिनु मेको नाक्‍त चाड का सेल्‍शा, ग्‍येरतीक नाक्‍त सेल्‍तेक्‍म।
EST 9:19 मोपतीके ङोन ङोन गाउं ङा नु अर्को सहरम बाक्‍ब यहूदीपुकीमी अदार माइश्‍शो महिना ङा १४ नाक्‍त, नाइक्‍तीक नाक्‍त, चाड नु ग्‍येरतीक नाक्‍त सेल्‍नीम। मेको नाक्‍त मेकोपुकीमी कोसेली गेमुइनीम।
EST 9:20 मिनु मोरदेकैमी मार मार दुम्‍मे, मेको नेल्‍ल ब्रेक्‍ताक्‍व। मिनु पिप अहासूरस आ नेक्‍था नु ङोन ङा रागीम बाक्‍ब यहूदी नेल्‍ल आन कली सोइक्‍ताक्‍व।
EST 9:21 मिनु मेकोमी मार ब्रेक्‍ताक्‍व देंशा हना “अदार महिना ङा १४ नु १५ नाक्‍त यहूदी नेल्‍लेमी बर्स बर्समी चाड नु ग्‍येरतीक नाक्‍त सेल्‍चा माल्‍नीम।
EST 9:22 मारदे हना मेको नाक्‍त यहूदी आन जोरी सत्रु रे नाइक्‍चा ताम्‍तेक्‍म। मिनु मेको महिनामी आन थुं लुक्‍च ल‍तीक रे ग्‍येरशो थुं दुम्‍तेक्‍म। मिनु आन रोंका पतीके रे ठेयब ग्‍येरतीक नाक्‍त फांइसाक्‍व। मेकोपुकीमी मेको नाक्‍त चाड का सेल्‍शा, ग्‍येरतीक नाक्‍त सेल्‍चा माल्‍नीम। मिनु कोसेली सोइक्‍मुशा, प्रुङग आन कली मार मार गेचा माल्‍नीम” दे ब्रेक्‍शो बाक्‍त।
EST 9:23 मोपतीके यहूदीपुकीमी मोरदेकै आ ब्रेक्‍शो खोदेंशो पचा गोम्‍तेक्‍म। मिनु मेको मोदेंशो पा गेना हना यो पचा कली आन लोव़ थोक्‍ताक्‍म।
EST 9:24 ङोंइती यहूदी आन जोरी सत्रु अगाग आ मुर हम्‍मदाता आ तौ हामानमी यहूदी आन कली खतम सेल्‍चा नु साइक्‍चा कली मेको पुर माइश्‍शो साहीत कोव़पाइश्‍शो बाक्‍त। एस्‍तर ३:७
EST 9:25 मिनु मेको लोव़ पिप कली तुइक्‍पदमे नोले पिपमी, ब्रेक्‍स पा यहूदी आन कली मरिम्‍शो नु श्‍येत गेचा मिम्‍शो नेल्‍ल हामान आंम आ पियामी कोप्‍ताक्‍व। मिनु मेको नु आ तौ थामम क्‍युक्‍शा साइक्‍चा पुंइसाक्‍म, दे छाप आप्‍शो ब्रेक्‍तीक का ब्रेक्‍शा ग्रुंइ‍ताक्‍व। एस्‍तर ७:१०
EST 9:26 मेको पुर माइश्‍शो साहीत कोव़शा थोक्‍शो बाक्‍त। मिनु मेको नाक्‍त निक्‍शी कली पुरीम नें वोइक्‍तेक्‍म। मिनु मोरदेकै आ ब्रेक्‍शो, यहूदी आंमा आन तशो नु अरु आन देंशो लोव़ नेंशा,
EST 9:27 यहूदीपुकीमी आंम आन कली नु आन चच युइ आन कली नु सु सु यहूदी दुम्‍चा दाक्‍नीमी, मेको नेल्‍ल आन कली गेना हना यो बर्स बर्समी मेको नाक्‍त निक्‍शी “पुरीम माइश्‍शो चाड मानेचा माल्‍ब” दे रिती थिती वोइक्‍तेक्‍म। दोदेंशो ब्रेक्‍शो बाक्‍मे, मोदेंशो पचा माल्‍तेक्‍म।
EST 9:28 मिनु नेल्‍ल आन पालामी, नेल्‍ल आन खिं ङा मुरपुकीमी, रागी नेल्‍लेमी नु सहर नेल्‍लेमी मेको नाक्‍त निक्‍शी कली मिम्‍शा, चाड सेल्‍चा माल्‍नीम। मिनु यहूदी आन दातेमी मेको पुरीम चाड कली गेनायो मप्रेंदमेक्‍ल। गेना हना यो मिम्‍तमेक्‍ल।
EST 9:29 मिनु अबीहेल आ तमी एस्‍तर पिपीम नु मेको यहूदी मोरदेकैमी दोपा नु गेना मेको पुरीम माइश्‍शो चाड सेल्‍चा, मेको आ पर्बम शुश ब्रेक्‍ताक्‍स।
EST 9:30 मिनु मोरदेकैमी पिप अहासूरस आ राज्‍य ङा १२७ ओटा रागीम बाक्‍शो यहूदी आन कली चिठी ब्रेक्‍शा सोइक्‍ताक्‍व। मार ब्रेक्‍शो बाक्‍त देंशा हना “इन थुं नाइश्‍शा, आं ङोंइती ब्रेक्‍शो पुरीम चाड मानेचा मप्रोनीन” दे ब्रेक्‍शो बाक्‍त।
EST 9:31 मिनु मेको यहूदी मोरदेकै नु पिपीम एस्‍तरमी दोदेंशो देंसा, मोदेंशो पा पुरीम चाड ठीक नाक्‍तीमी पचा कली ब्रेक्‍शो बाक्‍त। मिनु यहूदीपुकीमी आंम कली नु आन चच युइ आन कली “मेको पुरीम चाड पचा माल्‍ब” दे आन थुंमी मिम्‍चा माल्‍नीम। मेको माइजा बाक्‍तीक नाक्‍त आन रोंका पशो नेल्‍ल मिम्‍चा माल्‍नीम।
EST 9:32 मिनु एस्‍तर आ हुकुममी मेको पुरीम ङा लोव़ नुप्‍त। मिनु मेको लोव़ किताबम ब्रेक्‍शा वोइक्‍तेक्‍म।
EST 10:1 मिनु पिप अहासूरसमी आ रागी ङा मुर आन कली नु समुन्‍द्र ङा टापुपुकीम बाक्‍ब मुर आन कली तिरो थाप्‍पाइक्‍तु।
EST 10:2 पिप अहासूरस आ अधिकार नु सक्ति आन पर्बम नु दोपा मेकोमी मोरदेकै कली ठेयब गेय पपदा, मेको आ पर्बम मादी नु पारसी पिप आन इतिहास ङा किताबमी ब्रेक्‍शो बाक्‍ब। एस्‍तर २:८,१५
EST 10:3 मेको यहूदी मोरदेकै पिप अहासूरस आ नोले, मेको आ रागी ङा नेल्‍ल क्‍येङा ठेयब मुर दुम्‍त। मेको यहूदी आन दातेमी यो नेल्‍ल क्‍येङा ठेयब मान तशो मुर बाक्‍त। मिनु आ लोक्‍बपुकीमी मेको कली शुश दाक्‍ताक्‍म। मारदे हना मेकोमी आ मुर आन कली रिम्‍शो नु आन थुं नुचा ङा गेय पाप्‍तु। मिनु मेकोमी नेल्‍ल रिम्‍शो दुम्‍ल, दे आ जात ङा मुर आन पर्बम पिप कली लोव़ पाप्‍तु।
JOB 1:1 साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११
JOB 1:2 मेको के ७ जना तौ नु तमी सां बाक्‍मा बाक्‍त।
JOB 1:3 मेको के ७ हजार भेडा, हजार सां दल‍ओंठ, ५ सहे हाल ब्‍यफ नु ५ सहे गधा बाक्‍मा बाक्‍त। मिनु शुश वाइलीम वाइल यो बाक्‍मा बाक्‍त। मोपा अय्‍युब पूर्ब ङा नेल्‍ल क्‍येङा शोंप पाइश्‍शो नु ठेयब मुर बाक्‍माक्‍त।
JOB 1:4 मेको आ तौपुकीम पाल्‍पालो पा आन आन खिंमी भोज पतीक पाइबाक्‍मा बाक्‍त। मिनु मेकोपुकीम जचा तूचा कली आन समी सांफा आन कली यो ब्रेप्‍‍बाक्‍मा बाक्‍त।
JOB 1:5 मिनु अय्‍युबम मेको आन भोज पतीक नाक्‍त नेल्‍ल नुम नोले, आ तमी तौ आन कली “परमप्रभु आ ङोंइती ठीक सेल्‍सीन” देंथ, मुर सोइक्‍बाक्‍माक्‍त। मिनु अय्‍युबमी सुनी कना बोक्‍शा, मेको आन पर्बम चोशा चढ़ेतीक का का चढ़ेशा, मेको आन पाप क्‍याम्‍तीक गेय पाइबाक्‍माक्‍त। मारदे हना मेकोमी “आं आलपुकीम मारेइ पा परमप्रभु आ पर्बम पाप पामे कों” दे मिम्‍शा, गेना हना यो मो पाइबाक्‍माक्‍त।
JOB 1:6 मिनु काबु स्‍वर्गम बाक्‍ब परमप्रभु आ मुरपुकी परमप्रभु यावे आ ङोंइती जाक्‍मानु, सैतान यो मेकोपुकी नु जाक्‍माक्‍त। अय्‍युब २:१; उत्‍पत्ती ६:२; १इतिहास २१:१
JOB 1:7 मिनु परमप्रभु यावेमी सैतान कली “गे ते रे जाक्‍ङे?” दे हिल्‍लो पवा बाक्‍त। मिनु सैतानमी परमप्रभु यावे कली “रागी ङा एर ओंथ नेल्‍ल हिरशा जाक्‍ती” देंमाक्‍त।
JOB 1:8 मिनु परमप्रभु यावेमी सैतान कली “गे आं गेय पाइब अय्‍युब कली तवी? परमप्रभु कली मान पा हिंब, मरिम्‍शो पतीक रे ङोन बाक्‍ब, रागीम मेको खोदेंशो पा पाप मपाइब नु ब्रेम्‍शो मुर अरु सुइ मबाक्‍नीम” दे मदा बाक्‍त।
JOB 1:9 मिनु सैतानमी परमप्रभु यावे कली “मार, अय्‍युब परमप्रभु कली मो मान पा हिंशो बाक्‍बा ङा? भजन संग्रह ७३:१३
JOB 1:10 गे मेको कली मेको आ खिं, आ शोंप नु आ मारेइ मारेइ नेल्‍ल एर ओंथ तेइ तेइ रे थरपु हिरशा, मवोइश्‍शो बाक्‍नीनी ङा? मेको आ गेय नेल्‍लेम गे आसीक गेशा वोइश्‍शो बाक्‍नीनी। मेको आ क्‍यारश भेडा नु बी ब्‍यफ शुश दुम्‍शो बाक्‍नीम।
JOB 1:11 तन्‍न गे इन गुइ दिंशा, मेको आ मारेइ मारेइ थि‍ने। मिनु मेकोमी इन कली इन ङोंइतीन सराप चीले पाइब” देंमाक्‍त।
JOB 1:12 मिनु परमप्रभु यावेम सैतान कली “दुम्‍ब मोदेंशोन दुम्‍ल। मेको के मार मार बाक्‍मे, मेको नेल्‍ल इ मिम्‍शो पावो। तन्‍न अय्‍युब कली चहिं मारेइ मपतो” दे मदा बाक्‍त। मिनु सैतान परमप्रभु यावे आ ङोंइती रे गाक्‍माक्‍त। ब्‍यवस्‍था ८:२
JOB 1:13 मिनु काबु अय्‍युब आ तमी तौ आन ठेयब लोक्‍ब आ खिंम, जन जन, तून तून बाक्‍मा बाक्‍‍त।
JOB 1:14 मेको नाक्‍ती लोव़ कुरब मुर का दोरशा जाक्‍शा अय्‍युब कली “ब्‍यफपुकी वाक्‍ना वाक्‍न बाक्‍मानु नु गधापुकी मेको आन नेक्‍था जोना जोन बाक्‍मानु,
JOB 1:15 साबा रागी ङा मुरपुकी जाक्‍शा, गोठला आन कली लडाइ तोशा साइक्‍तेक्‍म। मिनु मेको मारेइ मारेइ योल्‍ताक्‍म। इन कली एको लोव़ शोव़चा कली गो का ला ब्रोंइती” देंमाक्‍त।
JOB 1:16 मेकोमी मेको लोव़ पन पना अर्को लोव़ कुरब मुर का जाक्‍शा, मेकोमी “परमप्रभु आ मी सरीङ रे दोक्‍शा, भेडा नु गोठला नेल्‍ल आन कली नेक्‍तु। इन कली एको लोव़ शोव़चा कली गो का ला ब्रोंइती” देंमाक्‍त। भजन संग्रह ७८:४८
JOB 1:17 मिनु मेकोम लोव़ पन पना, अर्को लोव़ कुरब मुर का जाक्‍शा “हुल सां कल्‍दी रागी ङा मुर जाक्‍शा, गोठला आन कली तरवारम क्‍योरशा दल‍ओंठ नेल्‍ल योल्‍ताक्‍म। इन कली एको लोव़ शोव़चा कली गो का ला ब्रोंइती” देंमाक्‍त। येरमीया ५१:२४
JOB 1:18 मेकोम लोव़ पन पना अर्को यो दोरशा जाक्‍शा “इन तमी तौ आन ठेयब लोक्‍ब आ खिंम जना जन तूना तून बाक्‍तेक्‍म।
JOB 1:19 मेना गोरशो रागी रे फश गिवार जाक्‍शा, खिं आ एर ओंथ नेल्‍ल रे थोक्‍ताक्‍व। मिनु मेको खिं मेको आन तार ब्रेश्‍शा, मेको नेल्‍ल आन कली चिप्‍शा साइक्‍तु। इन कली एको लोव़ शोव़चा कली गो का ला ब्रोंइती” देंमाक्‍त।
JOB 1:20 मिनु अय्‍युब बोक्‍शा आ वा खाक्‍गा बाक्‍त। आ चां प्रेक्‍गा बाक्‍त। मिनु खुम्‍की पा बाप्‍शा,
JOB 1:21 “गो आं ममा आ कोव़ज रे शिश्रा यिती। शिश्रा लेश्‍शा लाइनुङ। गो ते रे श्‍येत्‍थी जाक्‍ङा, मेकेन श्‍येत्‍थी लेश्‍शा, लाइनुङ। मेको नेल्‍ल परमप्रभु यावेमी गेती। मिनु मेकोमी नेल्‍ल लेश्‍शा लाइक्‍तु। परमप्रभु यावे आ नें ठेयब बाक्‍ल” देंमाक्‍त। उपदेसक ५:१४; १तिमोथी ६:७; याकूब ५:११
JOB 1:22 मेको नेल्‍लेमी अय्‍युबमी पाप मपवा बाक्‍त। परमप्रभु कली दोस मगेवा बाक्‍त।
JOB 2:1 मिनु काबु स्‍वर्गम बाक्‍ब परमप्रभु आ मुरपुकी परमप्रभु यावे आ ङोंइती जाक्‍मानु, सैतान यो मेकोपुकी नु परमप्रभु यावे आ ङोंइती जाक्‍माक्‍त। अय्‍युब १:६
JOB 2:2 मिनु परमप्रभु यावेम सैतान कली “गे ते रे जाक्‍ङे?” दे हिल्‍लो पवा बाक्‍त। मिनु मेकोमी परमप्रभु यावे कली “रागी ङा एर ओंथ नेल्‍ल हिरशा जाक्‍ती” देंमाक्‍त।
JOB 2:3 मिनु परमप्रभु यावेम सैतान कली “गे आं गेय पाइब अय्‍युब कली तवी? रागीमी मेको खोदेंशो अरु सुइ मबाक्‍नीम। मेको दोस मताइब, गेना हना यो ठीक पाइब नु आं कली मान पा हिंब बाक्‍ब। मेकोम मरिम्‍शो मपाइब। गे मेको कली श्‍‍येत गेचा कली आं कली क्‍युक्‍ती, हना यो मुल सम्‍म मेको आ थमा सुइक्‍तीके ग्‍येत्‍थ लुक्‍च मदुम्‍शो बाक्‍ब” दे मदा बाक्‍त।
JOB 2:4 मिनु सैतानम परमप्रभु यावे कली “कुशुल आ पा ङा कुशुल। मुरुम ब्रोंइचा कली आ मारेइ मारेइ मगेबा ङा?
JOB 2:5 इन गुइ दिंशा, मेको आ रुश नु श्‍ये थि‍ने। मिनु मेकोम इन ङोंइतीन इन कली सराप चीले पाइब” दे लोव़ लेत्‍ता बाक्‍त।
JOB 2:6 मिनु परमप्रभु यावेम सैतान कली “लो मो हना, मेको कली इ मिम्‍शो पावो। तन्‍न मेको कली मसतो” देंमाक्‍त।
JOB 2:7 मिनु सैतान परमप्रभु यावे आ ङोंइती रे गाक्‍माक्‍त। मेकोमी अय्‍युब आ पिया रे खोइल सम्‍म गार मुपदा बाक्‍त। ब्‍यवस्‍था २८:२७
JOB 2:8 मिनु अय्‍युबम ब्‍वाम्‍सीचा कली गर आ गम्‍टे का शेशा पुलु तार निस्‍से बाक्‍त।
JOB 2:9 मिनु मेको आ मीशेमी मेको कली “मार, गे मुल सम्‍म थमा सुइक्‍चा मप्रोंइनीनी? परमप्रभु कली सराप चीले पा बेक्‍कीन” दे मदा बाक्‍त।
JOB 2:10 तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। अय्‍युब १:२२
JOB 2:11 मिनु अय्‍युब आ वारच सांम मेको कली मोदेंशो श्‍येत दुम्‍शो लोव़ नेन्‍मे बाक्‍त। मेको आन नें तेमान ङा एलीफाज, शुआह ङा बिल्‍दाद नु नामा ङा सोफार बाक्‍मा बाक्‍त। मिनु मेकोपुकीम मेको कली लेम्‍चा कली नु मेको आ थुं नाइक्‍पाइक्‍चा कली गारशा आन खिं प्रोंइशा अय्‍युब आ खिंम जाक्‍मा बाक्‍त। उत्‍पत्ती ३६:१५; येरमीया ४९:७; उत्‍पत्ती २५:२; यहोसु १५:४१
JOB 2:12 मिनु मेकोपुकीम अय्‍युब कली ङोन रे तशा, अय्‍युब कली मतुइक्‍तमे बाक्‍त। मिनु मेकोपुकीम अय्‍युब कली तुइक्‍तमे नोले वाइ ब्रेश्‍शा ङाक्‍शा, श्‍येत लाक्‍शा आन वा खाक्‍शा, आन पियाम फुरक फुंइस‍मा बाक्‍त।
JOB 2:13 मिनु मेकोपुकी ७ नाक्‍ती नु ७ नाक्‍दो मारेइ लोव़ मपथु, मेको आ नेक्‍था खपीम निस्‍समा बाक्‍त। मारदे हना मेकोपुकीम अय्‍युब कली शुश श्‍येत दुम्‍शो तामे बाक्‍त।
JOB 3:1 मिनु नोले अय्‍युबम आ जरमेशो नाक्‍ती कली सराप चीले पवा बाक्‍त। येरमीया २०:१४-१८
JOB 3:2 मिनु अय्‍युबम
JOB 3:3 “आं जरमेशो नाक्‍त खतम दुम्‍ल। ‘वोंइश आल का जोल्‍शो बाक्‍ब’ देंशो नाक्‍दो खतम दुम्‍ल।
JOB 3:4 मेको नाक्‍त छिङछिङ दुम्‍ल। परमप्रभुम मेको कली ममिम्‍तल। मेको नाक्‍ती हाम्‍सो मदुम्‍ल।
JOB 3:5 मेको नाक्‍ती कली क्‍येर छिङछिङम सुमल। मेको गोस्‍सुम सुम‍ल। मेको आ छिङछिङ हिंचा ङा दुम्‍ल।
JOB 3:6 मेको नाक्‍दो कली थम छिङछिङम सुमल। बर्स ङा नाक्‍त आन दातेम मेको ग्‍येरचा मतवल। महिना ङा हिक्‍तीकेम मेको नाक्‍ती हिक्‍चा मपुंइसेक्‍ल।
JOB 3:7 मेको नाक्‍दो आल मथीब दुम्‍‍ल। मेको नाक्‍दोमी ग्‍येरशो सेंदा मनेंसेक्‍ल।
JOB 3:8 नाक्‍त कली सराप चीले पाइ‍ब मुरुम, मेको नाक्‍ती कली सराप चीले पवल। मेकोम लेव्‍याथन कली पोक्‍चा कली ठीक दुम्‍शो बाक्‍ब।
JOB 3:9 मेको आ सुनी ङा सोरुल आ हाम्‍सो मतांइसेल। मेकोम नां सोव़चा कली रिम्‍शो मोशा दुम्‍ल। नां दाप्‍शो गेनायो तचा मतवल।
JOB 3:10 मारदे हना मेकोम आं कली जरमेब ममा कली मतेक्‍गा। मिनु आं कली श्‍येत मजचा ङा पा मख्रुइक्‍ती।
JOB 3:11 गो मारदे जरमेसी ङा चोटीन मबेक्‍ङा? गो मारदे कोव़ज रे ग्रूङानु मबेक्‍ङा?
JOB 3:12 मारदे आं कली वोइक्‍चा कली थुकु बाक्‍मे? मारदे आं कली तुंइचा कली दूध बाक्‍मे?
JOB 3:13 मो दुम्‍शो हना, गो सिक्‍सी पा गोल्‍शो बाक्‍ङ वा। गो इप्‍शा नाइश्‍शा बाक्‍ङ वा। २सामुएल १८:१८
JOB 3:14 गो रागी ङा पिपपुकी नु मेको आन कली अर्ती गेबपुकी नु बाक्‍ङ वा। मेकोपुकीम आंम आन कली ब्रेश्‍शो दरवारपुकी लेंशा सेल्‍नीम।
JOB 3:15 शुश सुन पाइश्‍शो तौ नु बाक्‍ङ वा। मेकोपुकीम आन खिं चांदीम प्रिंनीम।
JOB 3:16 मारदे गो शाम्‍शो आल खोदेंशो पा थिम्‍चा मपुंइसीङा? मो दुम्‍शो हना गो हाम्‍सो गेनायो मतशो आल खोदेंशो पा बाक्‍ङ वा।
JOB 3:17 मेकेर परमप्रभु यावे आ अरेशो मटीबपुकीम ग्रांग्‍ये माग्‍ये पने मचाप्‍नीम। मेकेर दशो मुरपुकी नाइक्‍चा ताइनीम।
JOB 3:18 मेकेर चोक्‍शा वोइश्‍शोपुकी नाइक्‍चा ताइनीम। गेय पपाइक्‍ब आ सेंदा मनेंसीब।
JOB 3:19 मेकेर ठेयब नु आइक्‍च नेल्‍ल बाक्‍नीम। वाइलीम वाइल यो आन होव़प रे ब्रोंइशो बाक्‍नीम।
JOB 3:20 श्‍येत जाइब कली मारदे हाम्‍सो तचा गेशो बाक्‍बा? आन थुं लुक्‍च लशो कली मारदे ब्रोंइचा गेशो बाक्‍बा?
JOB 3:21 मेकोमी बेक्चा कली रिम्‍शो बाक्‍ब। तन्‍न मेको मबेक्‍ब। मेकोमी थिम्‍शा वोइश्‍शो शोंप दोशा माल्‍शो क्‍येङा यो शुश माल्‍ब। प्रकाश ९:६
JOB 3:22 मेकोपुकी तुरसुम जाक्‍दीम्‍मानु आन थुं नाइश्‍शा, शुश ग्‍येरसीनीम।
JOB 3:23 परमप्रभुम लां मताइब आन कली मारदे हाम्‍सो गेशो बाक्‍बा? मेको आन एर ओंथ नेल्‍ल रे थरपु हिरशो बाक्‍ब। अय्‍युब १९:८
JOB 3:24 आं जचा थोव़क आ पा ङा हुकयी पतीके दुम्‍शो बाक्‍ब। आं हुक‍यी पशो ब्‍वाक्‍कु खोदेंशो पा यीब।
JOB 3:25 गो मार मिम्‍शा हिंङा, मेकोमीन थित्‍ती। गो मार तशा शुश हिंङा, मेको आं तार जाक्‍त।
JOB 3:26 आं थुं मनांइसीब। गो सिक्‍सी पा मबाक्‍नुङ। नाइक्‍चा मताइनुङ। श्‍येत ला जाक्‍ब” देंमाक्‍त।
JOB 4:1 मिनु तेमान ङा एलीफाजमी अय्‍युब कली
JOB 4:2 “मार, सुइमी गे नु लोव़ पचा माल्‍तु हना, इन थुं खाइक्‍पाइक्‍नीनी? तन्‍न सु मब्‍वाक्‍थु बाक्‍ने चाप्‍नीमी ङा?
JOB 4:3 गे शुश मुर आन कली शेंताक्‍नी। गे मचाप्‍ब मुर आन कली बोल्‍यो सेल्‍तीनी।
JOB 4:4 दाइल पा गोल्‍शो आन कली इन लोव़मी आन थुं बारपाइक्‍तीनी। मिनु गे खोइल मथेक्‍ब आन कली खोइल थेक्‍ब सेल्‍तीनी।
JOB 4:5 तन्‍न मुल इन तार मोदेंशो श्‍येत जाक्‍मेनु, गे फाल्‍ने मचाप्‍ब दुम्‍शो बाक्‍नीनी। मेको श्‍येतमी इन कली थिवानु, इन थुं लुक्‍च लशो बाक्‍ब।
JOB 4:6 मार इन परमप्रभु कली मान पा हिंतीकेम थमा मसुइक्‍नीनी? इन ठीक पतीकेमी आस मगेबा?
JOB 4:7 मारेइ दोस मताइब मुर खतम दुम्‍शो बाक्‍नीमी? मेको मिम्‍तीन। गेना हना यो रिम्‍शो पाइब मुर साइक्‍चा पुंइसीनीमी?
JOB 4:8 मरिम्‍शो पाइब नु ग्रांग्‍ये माग्‍ये पोक्‍ब आंम आन पशो ताइनीम। हितोपदेस २२:८
JOB 4:9 परमप्रभु आ मुइश्‍शोम मेकोपुकी खतम दुम्‍‍नीम। मिनु मेको आ गाइश्‍शो आ मीम नेक्‍चा पुंइसीनीम।
JOB 4:10 गुप्‍स ग्रीमल, बोल्‍यो गुप्‍स ङरर ङरर पामेक्‍ल। मो हना यो ठिटा गुप्‍स आन ख्रुइ जिक्‍चा पुंइसाक्‍म।
JOB 4:11 बोल्‍यो गुप्‍सपुकी सिखार ब्‍वचा मतथु नुप्‍नीम। मिनु छाउरी गुप्‍स आन चाइक्‍ब एर ओंथ ब्राइ‍नीम।
JOB 4:12 आइक्‍च लोव़ का आं नोफाम नेंता। मिनु गो शिप शिप पा लोव़ पशो नेंता।
JOB 4:13 नाक्‍दो ङोमु ततीके बाक्‍ब। मुर ठेयब निन्‍द्रा पशो बाक्‍नीम। अय्‍युब ३३:१५; उत्‍पत्ती १५:१२
JOB 4:14 मोदुम्‍तीके गो शुश हिंशा ख्रिंख्रि पाता। मिनु मेकोम आं पोक्‍च कली शुश ख्रिंख्रि पपाइक्‍तु।
JOB 4:15 फश का आं ङोंइती रे पा लत। मिनु आं रां ङा चां बोक्‍तेक्‍म।
JOB 4:16 मेको दिक्‍शा बाक्‍‍त। तन्‍न मेको मार बाक्‍मे, गो मारेइ मतुइक्‍तु। आं ङोंइती मार कका राप्‍त। नोले सिक्‍सी दुम्‍‍शा, सेंदा का ग्रूत।
JOB 4:17 मेको सेंदामी ‘मार बेक्‍शा लाइब मुर परमप्रभु आ ङोंइती नेल्‍लेम ठीक पाइब दुम्‍ने चाप्‍बा ङा? मुर आ कली सेल्‍ब क्‍येङा रिम्‍शो दुम्‍ने चाप्‍बा ङा?’ देंत। १राजा ८:४६; भजन संग्रह १४:३; हितोपदेस २०:९
JOB 4:18 परमप्रभुम आ गेय पाइब आन कली थमा मसुइक्‍ब। मिनु आ स्‍वर्ग ङा गेय पाइब आन कली दोस गेब। अय्‍युब १५:१५
JOB 4:19 मिनु खप के खिंम बाक्‍ब मुर मेको आन क्‍येङा शुश दोस मताइनीमी ङा? मुर आन जग फुरक बाक्‍ब। मेको तुम्‍ब खोदेंशो पा दिप्‍शा साइक्‍चा पुंइसीनीम।
JOB 4:20 मेकोपुकी नाक्‍त काम साइक्‍चा पुंइसीनीम। सुइम मतुइक्‍थु बेक्‍नीम।
JOB 4:21 मेको आन ताम्‍बु ङा डोरी ग्रुंइशो बाक्‍ब। मेकोपुकी जोक्‍ब तुइक्‍ब मदुम्‍‍थु बेक्‍नीमी” देंमाक्‍त।
JOB 5:1 मिनु एलीफाजमी “मुल ब्रेश्‍शा कोव़ङीन। इन कली सुम लोव़ लेप्‍बाक्‍मा? गे सु कली ‘वारच पाइय्‍यीनी’ दे ब्रेत्‍‍नीनी?
JOB 5:2 गाइक्‍तीकेम मूर्ख आन कली साइक्‍ब। मिनु गेहे पतीकेम मारेइ मजोक्‍ब आन कली साइक्‍ब।
JOB 5:3 गो मूर्ख आन शाक्‍श थोक्‍शो तशो बाक्‍नुङ। तन्‍न गो काले‍मीन मेको आन खिं कली सराप चीले पाइक्‍ता। भजन संग्रह ३७:३५-३६
JOB 5:4 मेको आन आल कोव़ब मुर मबाक्‍नीम। मेकोपुकी ठेयब लाप्‍चोम साइक्‍चा पुंइसीनीम। मेको आन कली प्रोंइब सुइ मबाक्‍ब।
JOB 5:5 शोव़लु बेक्‍शोपुकीम मेको आन खुप्‍शो मारेइ मारेइ नेक्‍नीम। आन जचा थोव़क चू आन दाते रे यो खुप्‍शा योल्‍नीम। तूतू दाक्‍शोपुकी मेको आन शोंप तशा वाल्‍नीम।
JOB 5:6 मारदे हना श्‍येत जतीके फुरक रे मजाक्‍ब। खप रे श्‍येत मग्रूब।
JOB 5:7 मुरपुकी श्‍येत जचा कली जरमेसीनीम। मेकोपुकी मी आ फिलीङगो खोदेंशो पा जाम्‍नीम।
JOB 5:8 गो मेको नङ हना, गो परमप्रभु कली मलु वा। आं पुंइशो लोव़ परमप्रभु कली देंङ वा।
JOB 5:9 मेकोमी ठेयब, रुप्‍ने मचाप्‍चा ङा नु छक लाक्‍चा ङा गेय हिक्‍ने मचाप्‍चा ङा पा पाइब। अय्‍युब ९:१०
JOB 5:10 मेकोम खप कली रेउ यिपाइक्‍ब। मिनु रू कली ब्‍वाक्‍कु सोइक्‍ब।
JOB 5:11 मेकोम महिक्‍सीशो मुर आन कली ठेयब सेल्‍ब। मिनु रोंका पाइब आन कली लेंशा ग्‍येरपाइक्‍‍ब। भजन संग्रह ७५:८; लूका १:५२
JOB 5:12 मेकोम मरिम्‍शो मिम्‍शा पाइब आन कली आन मिम्‍शो मदुम्‍पाइक्‍ब। मिनु मेकोपुकीम आन मिम्‍शो पने मचाप्‍नीम।
JOB 5:13 मेकोमी आंम कली जोक्‍ब तुइक्‍ब मिम्‍शा गेय पाइब कली आंम गेयमी मेको कली ग्‍याइक्‍पाइक्‍ब। मिनु आन मरिम्‍शो मिम्‍शो रीब पा खतम दुम्‍ब। १कोरिन्‍थी ३:१९
JOB 5:14 मेको आन कली नाक्‍तीन छिङछिङ दुम्‍ब। मिनु नाक्‍ती उइक्‍थ दुम्‍मेनु, मेकोपुकी नाक्‍दो खोदेंशो पा सुल्‍शा गाक्‍नीम। यसैया ५९:९-१०
JOB 5:15 तन्‍न मेकोम मारेइ मथीब आन कली आन मरिम्‍शो लोव़ रे प्रोंइब। मिनु सक्ति पाइश्‍शो आन गुइ रे प्रोंइब।
JOB 5:16 मोपतीके प्रुङग आन आस बाक्‍ब। मिनु ठीक मपाइबपुकीमी आन शोव़ ख्रेप्‍चा माल्‍नीम।
JOB 5:17 परमप्रभुमी ठीक सेल्‍चा पुंइसीशो मुर ग्‍येरसीशो बाक्‍नीम। मोपतीके नेल्‍ल क्‍येङा ठेयब सक्ति पाइश्‍शो आ शेंशो आइक्‍च ममिम्‍तीन। भजन संग्रह ९४:१२; हितोपदेस ३:११
JOB 5:18 मारदे हना मेकोमी गार सेल्‍ब। मिनु मेकोमीन फ्रेंब। मेकोमी तुप्‍ब। मिनु मेकोमीन सापाइक्‍ब। ब्‍यवस्‍था ३२:३९; होसे ६:१
JOB 5:19 मेकोमी इन कली ६ खेयप श्‍येत दुम्‍त हना यो, प्रोंइब। ७ खेयप ङा श्‍येतमी इन कली मथी‍ब। भजन संग्रह ३७:२४; हितोपदेस २४:१६
JOB 5:20 मेकोमी अन्‍काल दुम्‍मेनु, इन कली बेक्‍चा रे प्रोंइब। मिनु लडाइ दुम्‍मेनु, तरवार रे प्रोंइब।
JOB 5:21 मेकोम इन कली शुक्‍शी पाइब रे प्रोंइ‍ब। मिनु खतम दुम्‍तीक नाक्‍त जाक्‍मेनु गे हिंचा ममाल्‍नीनी।
JOB 5:22 खतम दुम्‍तीके नु अन्‍काल जाक्‍मेनु, गे रिश्‍शा बाक्‍नीनी। मिनु गे ब्‍वाकी ङा जन्‍तु आन क्‍येङा हिंचा ममाल्‍नीनी।
JOB 5:23 इन रूमी फुल्‍लु मबाक्‍नीम। मिनु ब्‍वाकी ङा जन्‍तुपुकीम इन कली श्‍येत मगेनीम। यसैया ११:६-९; होसे २:२०
JOB 5:24 गे इन ताम्‍बु मारेइ मदुम्‍शो बाक्‍ब दे तुइश्‍शो बाक्‍नीनी। मिनु गे इन क्‍यारश भेडा कली हिक्‍शा कोव़नीनु, का यो मजाम्‍शो बाक्‍नीम।
JOB 5:25 इन चच युइ शुश दुम्‍शो बाक्‍नीम। इन आल घांस खोदेंशो पा शुश दुम्‍शो बाक्‍नीम।
JOB 5:26 गे खूशो दुम्‍शा बेक्‍नीनी। बाली नाली ओंइची ना खोदेंशो पा, इन नाक्‍त जाक्‍ब।
JOB 5:27 गोपुकीम एको आन पर्बम हिल्‍लो हिक्‍सी पाइतक। मिनु नेल्‍ल थमा बाक्‍ब। मोपतीके एको नेनीन। मिनु तुइक्‍तीन” दे एलीफाजमी अय्‍युब कली मदा बाक्‍त।
JOB 6:1 मिनु अय्‍युबमी
JOB 6:2 “आं सुर्ता नाक्ने चाप्‍शो हना नु आ शुश हिंचा ङा श्‍येत नाक्‍शो हना,
JOB 6:3 मेको समुन्‍द्र ङा बाल्‍वा आन क्‍येङा यो शुश हेल्‍शो दुम वा। मोपतीके आं लोव़ रिम्‍शो मबा‍क्‍म कों।
JOB 6:4 नेल्‍ल क्‍येङा ठेयब सक्ति पाइश्‍शो आ ब्राम आं कली ग्रुक्‍शो बाक्‍नीम। आं सोक्‍तीम मेको आन बीख तूचा माल्‍ब। परमप्रभुमी आं कली हिंपाइश्‍शो बाक्‍ब। भजन संग्रह ३८:३
JOB 6:5 ब्‍वाकी ङा गधा घांस ब्‍ववानु, ग्रीबा ङा? ब्‍यफ आ खोले जवानु, ग्रीबा ङा?
JOB 6:6 मब्रोव़शो जचा थोव़क हिक्‍सी मसुप्‍थु जने चाम्‍सीबा? मार ब्‍वोफु आ बुश ब्रोव़शो बाक्‍बा ङा?
JOB 6:7 गो मेको जचा मदाक्‍नुङ। आं कली काइ मब्रोव़ब।
JOB 6:8 गो आं पुंइशो तङ हना, परमप्रभुम आं माल्‍शो गेशो हना,
JOB 6:9 आं कली खतम सेल वा। परमप्रभुमी आं कली साइय्‍यी वा।
JOB 6:10 मेको मोदेंशो दुम्‍शो हना, आं थुं नांइस वा। मिनु शुश खाइश्‍शा यो ग्‍येरसीङ वा। मारदे हना गो का ला परमप्रभु आ लोव़ मलाक्‍शो बाक्‍नुङ।
JOB 6:11 गो आं रिम्‍शा बाक्‍‍तीक सक्ति बाक्‍बा ङा? गो दोपा बेक्‍नुङा। गो रिम्‍शा बाक्‍ने चाप्‍नुङा ङा?
JOB 6:12 आं सक्ति फुल्‍लु खोदेंशो बाक्‍बा ङा? आं श्‍ये कांसा के बाक्‍बा ङा?
JOB 6:13 थमा पा, गो आंम कली तिक्‍शा वोइक्‍ने मचाप्‍नुङ। आं सक्ति नेल्‍ल लत।
JOB 6:14 सुमी आन वारच कली शिशी मपाइनीमी, मेकोम नेल्‍ल क्‍येङा सक्ति पाइश्‍शो कली मान पा हिंचा थुम्‍शो बाक्‍नीम।
JOB 6:15 आं लोक्‍बपुकी बारशा यीब खोला खोदेंशो बाक्‍नीम। सोव़शो खोला खोदेंशो बाक्‍नीम। भजन संग्रह ३८:१२
JOB 6:16 आन ब्‍वाक्‍कु मरिम्‍शो दुम्‍शा, फुं यशो खोदेंशो पा जाम्‍ब।
JOB 6:17 मिनु नाप्‍शोमी मेको आ शाइक्‍तीक रे जाम्‍ब।
JOB 6:18 मिनु लां गाक्‍ब आन लां रे हिरना हिरन गाक्‍नीम। मिनु मेकोपुकी मुर मबाक्‍तीकेम गाक्‍शा, बेक्‍नीम।
JOB 6:19 तेमा ङा लां गाक्‍बपुकीम तूचा कली मेको खोला ङा ब्‍वाक्‍कु माल्‍तेक्‍म। साबा ङा ग्‍याप्‍ब लेयबपुकीम मेको ब्‍वाक्‍कु तूचा कली आस पाम्‍तेक्‍म। अय्‍युब १:१५
JOB 6:20 मेको आन आस सोव़शो खोला तशा बेक्‍त। मेकेर जाक्‍दीश्‍शा आन थुं बेक्‍त।
JOB 6:21 मुल गे आं कली मोदेंशो दुम्‍तीनी। गे आं खतम दुम्‍तीके तशा हिनीनी।
JOB 6:22 गो इन कली ‘आं कली कोसेली चाक्‍कीन’ देंङा ङा? गो इन कली ‘इन शोंप गेयीनी’ देंङा ङा?
JOB 6:23 मिनु ‘आं कली आं जोरी सत्रु आन गुइ रे प्रोंइ‍‍यीनी’ देंङा ङा? ‘आं कली दिप्‍ब आन गुइ रे प्रोंइ‍यीनी’ दे गो इन कली गेनायो मदेंङ।
JOB 6:24 आं कली शेंदीनी। मिनु गो सिक्‍सी पा नेंनुङ। गो मार दूली पङा, आं कली रुप्‍पतीन।
JOB 6:25 थमा लोव़ बोल्‍यो बाक्‍नीमी। तन्‍न इन देंशो लोव़ मार रिम्‍शो बाक्‍बा ङा?
JOB 6:26 गे आं लोव़ रिम्‍शो सेल्चा माल्‍नीनी? गे थुं लुक्‍च लशो मुर आ लोव़ फश बाक्‍ब, दे मिम्‍नीनी?
JOB 6:27 गेपुकीमी रोम रोइक्‍च आन पर्बम फेन्‍टे आप्‍नीनी। मिनु इन वारच आन पर्बम मार मार फाइक्‍नीनी।
JOB 6:28 मुल आं कली कोव़ङीन। गो इन कली जोल मपाइनुङ।
JOB 6:29 गे खिं ले‍तीन। मिनु आं पर्बम अरु मरिम्‍शो मपने। लेतीन। मारदे हना गो ठीक पाइब बाक्‍नुङ।
JOB 6:30 मार, आं लोव़म मारेइ जोल बाक्‍बा? मार, आं लोव़म रिम्‍शो नु मरिम्‍शो तिल्‍ने मचाप्‍बा ङा?” दे अय्‍युबमी आ वारच कली लोव़ लेत्‍ता बाक्‍त।
JOB 7:1 मिनु अय्‍युबमी “मुर रागीम बाक्‍मानु, शुश गेय पचा माल्‍नीम। मेको आन नाक्‍ती गेय पाइब आन नाक्‍त खोदेंशो बाक्‍नीम। अय्‍युब १४:६
JOB 7:2 मेको नाक्‍दो ङा वांकु रिम्‍शो वाइलीम वाइल खोदेंशो पा बाक्‍नीम। आ गेय पशो ङा गाल्‍च ताक्‍चा कली रिम्‍शा बाक्‍शो खोदेंशो बाक्‍नीम।
JOB 7:3 गो महिना नेल्‍ल मोशीन सोइक्‍ताक्‍ङमी। नाक्‍दो कुस कुस श्‍येत जतीके आं भाग बाक्‍ब।
JOB 7:4 गो नाक्‍दो इप्‍चा कली गोल्‍ङानु, गेना नां सोव़बा, दे मिम्‍नुङ। तन्‍न नाक्‍दो शुश लाइश्‍शो दुम्‍ब। मिनु गो नां मसोव़म सम्‍म एर ओंथ लोक्‍सीशा बाक्‍नुङ।
JOB 7:5 आं रां लुस्पुम ब्रीशा, फुरक लुम्‍सीशो बाक्‍ब। मिनु आं कुशुल जेश्‍शा नेंने ग्रूशो बाक्‍ब।
JOB 7:6 आं नाक्‍त वा प्रोव़ब आन थूरी क्‍येङा यो रीब पा लाइ‍नीम। मेको नेल्‍ल आस मपाइश्‍शो दुम्‍‍नीम। यसैया ३८:१२
JOB 7:7 आं ब्रोंइतीक नाक्‍ती का ले कीशो सोक्‍त खोदेंशो बाक्‍नीम, दे मिम्‍तीन। गो लेंशा रिम्‍शो नाक्‍त तचा मताइनुङ।
JOB 7:8 आं कली ताइबमी लेंशा गेनायो मताइब। गे आं कली कोव़नीनु, गो लने थुम्‍शो बाक्‍नुङ।
JOB 7:9 गोस्‍स ब्रशा जाम्‍शो खोदेंशो पा बेक्‍शो मुर आन बाक्‍तीक उइ लाइबपुकी गेनायो लेश्‍शा मजाक्‍नीम।
JOB 7:10 मेको आन खिंम लेश्‍शा मजाक्‍नीम। मिनु मेको आन बाक्‍‍तीकेमी मेको आन कली मतुइक्‍नीम। अय्‍युब १०:२१; अय्‍युब १४:१२; भजन संग्रह १०३:१६
JOB 7:11 मोपतीके गो सिक्‍सी पा मबाक्‍नुङ। गो आं थुं ङा श्‍येतम लोव़ पाइ‍नुङ। गो आं लुक्‍च लशो थुंम लोव़ पाइनुङ।
JOB 7:12 मार, गो समुन्‍द्र नङा? गो समुन्‍द्र ङा ठेयब जन्‍तु नङा? गे मारदे आं कली खाल पाइब वोइक्‍नीनी?
JOB 7:13 गो आं ब्राख्‍येम गोल्‍शा, आं थुं नाइक्ब, दे मिम्‍नुङ। इप्ङानु आं श्‍येत प्रेंनुङ, दे मिम्‍नुङ।
JOB 7:14 तन्‍न मेना गे आं कली आं ङोमुम हिंपाइक्‍नीनी। मिनु कोंइतीक कोंइशा आं कली हिंच कोंइनीनी।
JOB 7:15 मोपतीके गो मेको रांम ब्रोंइचा क्‍येङा सोक्‍त मकीथु बेक्‍चा दाक्‍नुङ।
JOB 7:16 गो ब्रोंइशा बाक्‍चा मदाक्‍नुङ। गो गेना हना यो ब्रोंइशा बाक्‍चा मदाक्‍नुङ। गे आं कली प्रोंइ‍‍यीनी। मारदे हना आं ब्रोंइशो का ले कीशो सोक्‍त खोदेंशो बाक्‍ब। १राजा १९:४
JOB 7:17 मुर मार नमी ङा? गे मेको आन पर्बम शुश मिम्‍नीनी? मारदे गे मेको आन कली शुश दाक्‍नीनी। भजन संग्रह ८:४; भजन संग्रह १४४:३
JOB 7:18 गे मेको आन कली सुनी कुस कुस कोव़नीनी। गे मेको आन कली गेना हना यो नाक्‍शा कोव़नीनी
JOB 7:19 गिश सम्‍म आं रे इन मिक्‍च हिरनीनी? शेप्‍‍चुक मदाक्‍गु सम्‍म आं कली प्रोंइ‍‍यीनी।
JOB 7:20 गो पाप पाता हना यो, इन कली मार दुम्‍बा ङा, गे मुर आ थुं नाक्‍शा कोव़नीनी? गे मारदे आं कली खेदा पस ङा पस बाक्‍नीनी। गे मारदे आं कली तशा ब्रीनीनी?
JOB 7:21 गे मारदे आं हेंथे पशो माफ मगेयीनी? मारदे आं मरिम्‍शो पशो मक्‍याम्‍नीनी? मुल गो बेक्‍नुङ। मिनु गे आं कली माल्‍तीनी हना यो, मथित्‍नीनी” दे अय्‍युबमी परमप्रभु यावे कली देंमाक्‍त।
JOB 8:1 मिनु शुआह ङा बिल्‍दादमी लोव़ लेश्‍शा
JOB 8:2 “गे गेना सम्‍म ओदेंशो लोव़ पस ङा पस बाक्‍नीनी। इन लोव़ ठेयब फश ला बाक्‍नीम।
JOB 8:3 मार, परमप्रभुम दूली निसाफ पाइबा ङा? मार, नेल्‍ल क्‍येङा सक्ति पाइश्‍शो परमप्रभुम मार ठीक बाक्‍बा, मेको मतुइक्‍बा ङा? अय्‍युब ३४:१०
JOB 8:4 इन तमी तौपुकीम मेको आ पर्बम पाप पाम्‍तेक्‍म। मोपतीके मेकोम मेको आन कली आन हेंथे पशो मोइक्‍ताक्‍व। अय्‍युब १:४-५
JOB 8:5 गे नेल्‍ल क्‍येङा सक्ति पाइश्‍शो परमप्रभु कली माल्‍तीनी नु मेको कली पुंइतीनी हना,
JOB 8:6 गे ग्रांग्रा मदिचा ङा नु गेना हना यो रिम्‍शो पाइब बाक्‍तीनी हना, मेको थमा पा इन पोन बोक्‍ब। मिनु मेकोम इन खिं लेंशा, ङोंइती ङा खोदेंशो पा गेब। भजन संग्रह ३५:२३
JOB 8:7 मिनु इन ङोंइती ङा बाक्‍शो क्‍येङा, इन नोले ङा बाक्‍शो शोंप शुश दुम्‍ब। अय्‍युब ४२:१०
JOB 8:8 ङोंइती ङा पाला ङा मुर आन कली हिल्‍लो पने। मिनु मेको आन किकी पिपी आन मिम्‍शा पशो, मिम्‍तीन।
JOB 8:9 मारदे हना गोपुकी सिनाक्‍त ला जरमेशो बाक्‍नीकी। मिनु गो मारेइ मतुइक्‍ब बाक्‍नीकी। रागीम आंइ नाक्‍ती वांकु खोदेंशो ला बाक्‍ब।
JOB 8:10 मेको किकी पिपीम इन कली मशेंनीमी? इन कली लोव़ मपाइनीमी? इन कली आन रुप्‍शो लोव़ मशेंनीमी?
JOB 8:11 ब्‍वाक्‍कु मबाक्‍तीकेम कागज सेल्‍तीक बोट मवानीम। ब्‍वाक्‍कु मबाक्‍तीकेम बुदी मीलु लाइश्‍शो मदुम्‍नीम।
JOB 8:12 मेको कोल्‍ना कोल्‍न बाक्‍मानु, रिक्‍ची मजाक्‍थु, घांस क्‍येङा यो रीब पा सोल सुल बेक्‍नीमी।
JOB 8:13 परमप्रभु कली प्रेंबपुकी यो मोदेंशोन दुम्‍नीम। परमप्रभु कली मटीब मुर आन आस यो मोपा जाम्‍शा लाइब। अय्‍युब ११:२०; हितोपदेस १०:२८
JOB 8:14 मेको आन आंमा कली थमा सुइक्‍तीक थम आइक्‍च श्‍येले खोदेंशो बाक्‍ब। मेको आन आस माख्रा आ जाल खोदेंशो बाक्‍ब।
JOB 8:15 मेको आ जालम रक एश्‍शा बाक्‍त हना, मेको कली मतिक्‍ब। मेको कली ग्‍याइक्‍ताक्‍व हना यो, मेको ब्रेप्‍ब।
JOB 8:16 परमप्रभु यावे आ अरेशो मटीबपुकी नां तशो घांस सुवा खोदेंशो पा वानीम। मिनु मेको आन शाक्‍श तेइ तेइ ब्रशा लाइनीम।
JOB 8:17 मेको आन शाक्‍शम फुल्‍लु आन कली रुक्‍नीम। मिनु मेको फुल्‍लु आन दातेम बाक्‍नीम।
JOB 8:18 मेको आन बाक्‍तीक रे खतम दुम्‍मानु, आन बाक्‍तीकेम मेको आन कली ‘गो इन कली गेनायो मत‍शो नङ’ देंब।
JOB 8:19 मेको आन ग्‍येरशा ब्रोंइतीक नाक्‍ती मोदेंशो बाक्‍नीम। मिनु अर्को तेइ तेइ खप रे वाशा ग्रूनीम।
JOB 8:20 नेनीन, परमप्रभुमी दोस मताइब मुर कली मतिल्‍ब। मेकोम मरिम्‍शो गेय पाइब मुर आन कली वारच मपाइब।
JOB 8:21 मो हना यो, मेकोमी इन कली रिप्‍पाइक्‍ब। ग्‍येरशा ठेयब सेंदाम लोव़ पपाइक्‍ब।
JOB 8:22 मिनु परमप्रभुमी इन कली काइ मदाक्‍ब आन मुने दोक्‍पाइक्‍ब। मिनु परमप्रभु यावे आ अरेशो मटीब आन ताम्‍बु जाम्‍शा लाइनीम” दे बिल्‍दादमी अय्‍युब कली देंमाक्‍त।
JOB 9:1 मिनु अय्‍युबम लोव़ लेश्‍शा
JOB 9:2 “गो एको थमा बाक्‍ब, दे तुइक्‍नुङ। तन्‍न परमप्रभु आ ङोंइती बेक्‍शा लाइब मुर दोपा ठीक बाक्‍ने चाप्‍बा ङा? अय्‍युब ४०:३-५; भजन संग्रह १४३:२
JOB 9:3 सुइमी मेको नु लोव़ जिपाइक्‍चा मिम्‍ताक्‍व हना, मेकोम हजार का लोव़म लोव़ का यो लेन्‍ने मचाप्‍ब। भजन संग्रह १९:१३
JOB 9:4 मेको जोक्‍ब तुइक्‍ब नु सक्ति पाइश्‍शो बाक्‍ब। मेको कली मटिथु, सु ग्‍येत्‍थ लने चाप्‍बा ङा?
JOB 9:5 मेकोम डांडा आन कली आन मतुइक्‍थुन याक्‍ब। मिनु गाइश्‍शा, मेको आन कली लोक्‍ब।
JOB 9:6 मेकोम रागी कली आ बाक्‍‍तीक रे हिक्‍ब। मिनु मेको आ थाम नेल्‍ल ख्रिंख्रि पाइनीम।
JOB 9:7 मेकोम नां कली ‘मदपो’ दे अरेब। मिनु सोरुल आन छेङछेङ साम्‍ब।
JOB 9:8 मेको आ कामीन सरीङ प्राक्‍शो बाक्‍ब। मेको समुन्‍द्र आ छाल तार गाक्‍ब।
JOB 9:9 मेकोमी सप्‍तबर्सी, मिर्गसीरा नु किरकिटी सोरुल नु दक्‍खिन ङा सोरुल आन हुल सेल्‍तु। अय्‍युब ३८:३१; आमोस ५:८
JOB 9:10 मेकोम ठेयब नु मरुप्‍चा ङा गेय पाइब। मिनु हिक्‍ने मचाप्‍चा ङा छक लाक्‍चा ङा गेय पाइब। अय्‍युब ५:९
JOB 9:11 मेको आं बाक्‍‍तीक रे पा लाइब। गो मेको कली मताइनुङ। मेको आ लां खोइश्‍शा गाक्‍मेनु, गो मतुइक्‍नुङ।
JOB 9:12 मेकोम रोइक्‍ताक्‍व हना, मेको कली सुम तेक्‍ने चाप्‍बा ङा? सुमी मेको कली ‘गे मार पनी’ दे हिल्‍लो पने चाप्‍बा ङा?
JOB 9:13 परमप्रभुम आ गाइक्‍चा मलेप्‍ब। राहाब माइश्‍शो समुन्‍द्र ङा ठेयब जन्‍तु कली वारच पाइबपुकी मेको आ खोइलीम बाप्‍नीम। अय्‍युब २६:१२; भजन संग्रह ८९:११
JOB 9:14 मोदेंशो बाक्‍त हना, गो मेको कली दोपा लोव़ लेन्‍ने चाप्‍नुङा ङा? गो मार लोव़ देंनुङा ङा?
JOB 9:15 गो दोस मतशो बाक्‍‍ती हना यो, मेको कली लोव़ लेन्‍ने मचाप्‍नुङ। आं कली दोस गेब कली गो ‘शिशी पाइय्‍यीनी’ दे पुंइने ला चाप्‍नुङ।
JOB 9:16 गो मेको कली ब्रेत्‍तुनु, लोव़ लेत्‍ताक्‍यी हना यो, मेकोम आं लोव़ नेंतु, दे थमा मसुइक्‍नुङ।
JOB 9:17 मारदे हना मेकोमी आं कली फश गिवारम खतम सेल्‍ब। मोशान आं गार शुश सेल्‍ब।
JOB 9:18 मेकोम आं कली लेंशा सोक्‍त कीचा यो मगेब। श्‍येत जपाइश्‍शा आं थुं लुक्‍च लपाइक्‍ब।
JOB 9:19 एको सक्ति पाइश्‍शो लोव़ बाक्‍त हना, मेको आं क्‍येङा बोल्‍यो बाक्‍ब। एको ठीक पतीके लोव़ बाक्‍‍त हना, मेको कली सुम सेन्‍ने चाप्‍बा ङा? अय्‍युब ९:३३
JOB 9:20 गो दोस मताइब बाक्‍‍ती हना यो, आं लोव़मीन आं कली दोस ताइब सेल्‍ब। गो दोस मपाइश्‍शो बाक्‍‍ती हना यो, मेकोमी ‘गे दोस ताइब बाक्‍नेवे’ दे चिन्‍ड कोंइब।
JOB 9:21 गो दोस मताइब बाक्‍नुङ। मो हना यो गो आं पर्बम मारेइ मतुइक्‍नुङ। गो ब्रोंइचा मदाक्‍नुङ।
JOB 9:22 लोव़ नेल्‍ल कान बाक्‍ब। मोपतीके गो मेकोम दोस मताइब नु आ अरेशो मटीब निम्‍फा आस कली खतम सेल्‍ब, देंनुङ। अय्‍युब ८:२०; उपदेसक ९:२-३
JOB 9:23 हिंचा ङा श्‍येतमी कालेमीन मुर कली साइक्‍ब। मेकोम दोस मताइब आन हिंचा ङा श्‍येत जशो आ पर्बम शुक्‍शी पाइब।
JOB 9:24 रागी परमप्रभु यावे आ अरेशो मटीब आन गुइमी गेशो बाक्‍ब। मेकोम निसाफ पाइब आन मिक्‍च सिल्‍ब। मेकोम मो मपाप्‍तु हना, सुम पाइबा ङा?
JOB 9:25 आं ब्रोंइतीक नाक्‍त दोरब आन क्‍येङा यो शुश दोरशो बाक्‍ब। मारेइ ग्‍येरतीक मत‍थु, मेको नुम्‍ना नुम्‍न लाइनीम।
JOB 9:26 मेको बुदी मीलु के सेल्‍शो डोंगा खोदेंशो पा, रीब पा शाइश्‍शा लाइनीम। ब्‍वारदे आन सिखार तार जुक्‍शो खोदेंशो पा लाइनीम।
JOB 9:27 गो आं श्‍येत प्रेंनुङ। गो ग्‍येरशो कुल कोंइशा रित्‍नुङ, दें‍ती हना यो,
JOB 9:28 गो आं श्‍येत जचा माल्‍शो तशा हिंनुङ। मारदे हना गे आं कली दोस मताइब मदेंनीनी, दे तुइक्‍नुङ।
JOB 9:29 गो दोस ताइब दुम्‍ने थुम्‍शो बाक्‍‍ती हना, मोशान मारदे श्‍येत पाइनुङा?
JOB 9:30 गो साबुनम चिक्‍साक्‍यी हना यो, आं गुइ थम सफा पा चिक्‍साक्‍यी हना यो, येरमीया २:२२
JOB 9:31 गे आं कली हिलोमीन ब्‍वारनीनी। मिनु आं वाम यो आं कली ग्रांग्रा दिप्‍ब।
JOB 9:32 मेको आं खोदेंशो बेक्‍शा लाइब मुर ममाइ। मिनु गो मेको कली लोव़ लेन्‍ने मचाप्‍नुङ। मोदेंशो दुम हना, निसाफ पाइब आन ङोंइती लोव़ पने चबु वा। उपदेसक ६:१०
JOB 9:33 आंस दातेम गारपाइक्‍ब सुइ मबाक्‍म। आंस दातेम गुइ वोइक्‍ब सुइ मबाक्‍म।
JOB 9:34 परमप्रभुम आ कोक्‍के आं ची रे याक्‍त हना, आं कली महिंपद हना,
JOB 9:35 गो मेको नु महिंथु लोव़ पङ वा। तन्‍न आ मिम्‍शो दुम्‍मेनु, गो तुइक्‍‍नुङ” दे अय्‍युबमी शुआह ङा बिल्‍दाद कली देंमाक्‍त।
JOB 10:1 मिनु अय्‍युबम “गो ब्रोंइचा मदाक्‍नुङ। गो आं श्‍येत आ पर्बम लोव़ पस ङा पस बाक्‍नुङ। गो आं कशो थुंमी लोव़ पाइनुङ।
JOB 10:2 गो परमप्रभु कली ‘आं कली सजाइ मगे‍यीनी’ देंनुङ। आं कली मारदे निसाफ पाइनीनी, मेको शेंदीनी।
JOB 10:3 गे मुर आन कली दिप्‍शा, ग्‍येरनीनी? इन सेल्‍शो आन कली ममिम्‍चा रिम्‍शो लाक्‍नीनी? इन अरेशो लोव़ मटीबमी मरिम्‍शो पशो दाक्‍‍नीनी?
JOB 10:4 इन मिक्‍च मुर आन मिक्‍च खोदेंशो बाक्‍बा? गे मुर आन कोव़शो खोदेंशो पा कोव़नीनी? १सामुएल १६:७
JOB 10:5 इन नाक्‍ती बेक्‍शा लाइब मुर आन नाक्‍त खोदेंशो बाक्‍नीमी? इन ब्रोंइतीक बर्स मुर आन बर्स खोदेंशो बाक्‍नीमी?
JOB 10:6 गे आं मरिम्‍शो पशो माल्‍शा, आं पाप थिश्‍शा ग्रुंइनीनी?
JOB 10:7 गो दोस मताइब बाक्‍नुङ, दे गे तुइक्‍ताक्‍नी हना यो, इन गुइ रे आं कली सुइम प्रोंइने मचाप्‍ब, दे यो तुइक्‍नीनी।
JOB 10:8 ङोंइती गे आं कली सेल्‍तीनी। मुल आं कली खतम पोक्‍‍नीनी? भजन संग्रह १३९:१४
JOB 10:9 गे आं कली खप के सेल्‍तीनी। मेको मिम्‍तीन। मिनु मुल फुरक सेल्‍नीनी? अय्‍युब ३३:६; उत्‍पत्ती २:७; उत्‍पत्ती ३:१९
JOB 10:10 गे आं कली दूध मोइश्‍शो खोदेंशो पा आं ममा आ कोव़जीम वोइक्‍तीनी। मोदेंशो पा आं रां सेल्‍तीनी?
JOB 10:11 गे आं कली श्‍ये नु कुशुलम ग्‍योम्‍शा, रुश नु नाडीम बोइक्‍ताक्‍यीनी।
JOB 10:12 गे आं कली ब्रोंइतीक सोक्‍त गेतीनी। मिनु गेना हना यो दाक्‍ताक्‍नी। मिनु आं कली ब्रोंइचा गेचा कली कोव़शा वोइक्‍तीनी।
JOB 10:13 आं कली श्‍येत गेचा कली ङोंइती रे इन थुंम ख्रुइश्‍शा वोइक्‍तीनी। मेको इन थुंम बाक्‍त, दे तुइक्‍ताक्‍ङ।
JOB 10:14 गो पाप पाता हना, गे आं कली कोव़ना कोव़न बाक्‍नीनी। मिनु आं मरिम्‍शो पशो मक्‍याम्‍नीनी।
JOB 10:15 गो थमान इन अरेशो मटीब बाक्‍‍ती हना, आं कली हिंचा ङा दुम्‍ल। गो ठीक पाइब बाक्‍‍ती हना यो, आं पिया पोक्‍ने मचाप्‍नुङ। मारदे हना गो आं मुनेम ब्रीशा, आं श्‍येत तना तन बाक्‍नुङ।
JOB 10:16 गो ठेयब लेश्‍शो बाक्‍‍ती हना, गे गुप्‍स कली सिखार ग्‍यारशो खोदेंशो पा आं कली माल्‍यीनी वा। मिनु लेंशा इन ठेयब सक्तिम श्‍येत गेयीनी वा। यसैया ३८:१३
JOB 10:17 गे आं मरिम्‍शो पशो आ पर्बम नक सांकछी चाक्‍नीनी। मिनु आं पर्बम इन गाइक्‍तीक तेम्‍नीनी। आं पर्बम इन हुल हुल लडाइ पाइबपुकी चाक्‍नीनी।
JOB 10:18 गे मारदे आं कली जरमेपपाइक्‍नी? आं कली सुइम मतथु, बेक्‍शो नङ हना, रिम्‍शो दुम वा। अय्‍युब ३:११; येरमीया २०:१४
JOB 10:19 गो जरमेसीन मजरमेशो नङ हना, शाम्‍सीशा तुरसुम जाक्‍दीश्‍शो नङ हना, दुम वा।
JOB 10:20 आं ब्रोंइतीक नाक्‍ती शुश मबाक्‍नीम। आं कली आं कान प्रोंइ‍‍यीनी। मिनु आं थुं इच्‍का नांइ‍सीबा कों?
JOB 10:21 लेश्‍शा मजाक्‍तीक रागीम लचा क्‍येङा ङोंइती, थम छिङछिङ नु क्‍येर नाक्‍दो
JOB 10:22 नु ग्रांग्‍ये माग्‍ये दुम्‍तीकेम लचा क्‍येङा ङोंइती आं कली आं कान प्रोंइ‍‍यीनी। मेकेर ङा छेङछेङ यो छिङछिङ दुम्‍त” दे अय्‍युबम परमप्रभु कली देंमाक्‍त। अय्‍युब ७:१०
JOB 11:1 मिनु नामा ङा सोफारमी
JOB 11:2 “मार, गो एको इश्‍का लोव़ आ पर्बम लोव़ मलेत्‍नुङा? मार एको लोव़माते आ लोव़ नेल्‍ल ठीक बाक्‍बा ङा?
JOB 11:3 इन गेनायो मनुप्‍तीक लोव़म मुर आन कली सिक्‍सी पपाइक्‍बा? गे शुक्‍शी पनीनु, इन कली मुने मदुम्‍बा?
JOB 11:4 गे ‘आं शेंशो ठीक बाक्‍ब। परमप्रभु, आ ङोंइती गो ग्रांग्रा मदिशो बाक्‍ती’ देंनीनी। अय्‍युब ९:२१; अय्‍युब १०:७
JOB 11:5 परमप्रभु ब्‍वाक्‍ल। मिनु इन कली लोव़ पवल दे आस पाइनुङ।
JOB 11:6 मिनु मेकोमी ख्रुइश्‍शो तुइक्‍तीक इन कली शेंदल। मारदे हना तुइक्‍तीक शुश बाक्‍नीम। परमप्रभुम इन मरिम्‍शो पशो आ पा ङा तचा माल्‍शो सजाइ मगेव। इच्‍का ला गेप्‍तु।
JOB 11:7 मार, गे परमप्रभु आ ख्रुइश्‍शोम मिम्‍शो तुइक्‍ने चाप्‍नीनी? गे नेल्‍ल क्‍येङा ठेयब सक्ति पाइश्‍शोम मार पने चाप्‍बा, मेको तुइक्‍ने चाप्‍नीनी?
JOB 11:8 मेको सरीङ क्‍येङा यो इर बाक्‍ब। गे मार पने चाप्‍नीनी ङा? मेको बेक्‍शो मुर आन बाक्‍‍तीक क्‍येङा यो लुक्‍च लशो बाक्‍ब। गे मार तुइक्‍ने चाप्‍नीनी ङा?
JOB 11:9 मेको पुक्‍शोनु रागी क्‍येङा यो लाइश्‍शो बाक्‍ब। मिनु समुन्‍द्र क्‍येङा यो ब्रेम्‍शो बाक्‍ब।
JOB 11:10 मेको जाक्‍शा, मुर आन कली जेल्‍खानम चोक्‍शा, मुर आन कली निसाफ पचा कली खुप्‍ताक्‍व हना, सुम मेको कली तेक्‍ने चाप्‍बा ङा?
JOB 11:11 सु सु शोर गाक्‍शो मुर बाक्‍मा, मेको परमप्रभुमी तुइक्‍ब। मेकोमी मरिम्‍शो पाइब आन कली तुइक्‍ब।
JOB 11:12 मूर्ख मुर रुप्‍ब दुम्‍ने मचाप्‍ब। मेको मो दुम्‍त हना, ब्‍वाकी ङा गधा आ चाइक्‍ब मुर दुम्‍शा जरमेशो खोदेंशो दुम्‍ब।
JOB 11:13 मो हना यो गे इन थुं परमप्रभु गे हिरनीनी, गे इन गुइ पोक्‍शा, मेको कली पुंइनीनी।
JOB 11:14 मिनु गे मरिम्‍शो पाइन बाक्‍तीनी हना, मेको कली थु‍मीन। मिनु परमप्रभु यावे आ अरेशो मटितीक इन ताम्‍बुम बाक्‍चा मगेन।
JOB 11:15 नोले गे थमा पा मारेइ दोस मतथु इन पिया पोक्‍नीनी। रिम्‍शो पा महिंथु बाक्‍नीनी।
JOB 11:16 मिनु गे इन श्‍येत प्रेंनीनी। गे मेको कली शाइश्‍शा लशो ब्‍वाक्‍कु खोदेंशो मिम्‍नीनी।
JOB 11:17 इन ब्रोंइतीक नाक्‍त ङा छेङछेङ खोदेंशो दुम्‍ब। मिनु इन श्‍येत ङा छिङछिङ सुनी ङा छेङछेङ खोदेंशो दुम्‍ब।
JOB 11:18 गे थमा सुइक्‍नीनी। मारदे हना मेकेर आस बाक्‍ब। गे कोव़चा पुंइसीशा, महिंथु रिम्‍शो पा बाक्‍नीनी। भजन संग्रह ४:९
JOB 11:19 गे सुइ आन क्‍येङा महिंथु इप्‍‍नीनी। मिनु शुश मुरुम इन शिशी तचा कली आस पाइनीम।
JOB 11:20 तन्‍न परमप्रभु यावे आ अरेशो मटीब आन मिक्‍च मताइनीम। मेको आन प्रोक्‍तीक लां देक्‍‍ब। मिनु मेको आन आस बेक्‍चा बाक्‍ब” दे सोफारम अय्‍युब कली देंमाक्‍त। अय्‍युब ८:१४
JOB 12:1 मिनु अय्‍युबम लोव़ लेश्‍शा
JOB 12:2 “गेपुकी थमा पा हिक्‍सीशो मुर बाक्‍नीनी। मिनु तुइक्‍तीके गेपुकी नु बेक्‍शा लाइब। गो मेको तुइक्‍नुङ।
JOB 12:3 तन्‍न इन खोदेंशो रुप्‍तीक थुं आं के यो बाक्‍ब। गो यो इन खोदेंशो जोक्‍ब तुइक्‍ब नङ। मेको मुर नेल्‍लेम तुइक्‍नीम।
JOB 12:4 आं वारचपुकीमी आं पर्बम रित्‍नीम। गो परमप्रभु कली पुंइता। मिनु मेकोमी लोव़ लेत्‍ताक्‍यी। गो ठीक पाइब दोस मताइब मुर बाक्‍ती हना यो, आं पर्बम रित्‍नीम।
JOB 12:5 श्‍येत मजाइब, रिम्‍शो पा बाक्‍ब मुरपुकीम हिंचा ङा श्‍येत जाइब आन कली तशा ग्रांग्रा दीनीम। गे श्‍येत जशा ग्रेक्‍चा चिक्‍शो कली श्‍येत तेम्‍नीनी।
JOB 12:6 मिनु रोइक्‍ब आन ताम्‍बुम थुं नाइश्‍शा बाक्‍नीम। मिनु परमप्रभु कली गाइक्‍पाइक्‍बपुकी रिम्‍शो पा ब्रोंइशा बाक्‍नीम। मेकोपुकीम आंम सक्ति कली ठेयब सेल्‍नीम। हबकुक १:११
JOB 12:7 मुल ब्‍वाकी ङा जन्‍तु आन कली हिल्‍लो पने। मेकोपुकीम इन कली शेंनीम। सरीङम बेरब चिक्‍ब आन कली हिल्‍लो पने। मेकोपुकीम इन कली देंनीम।
JOB 12:8 गे खप कली हिल्‍लो पने। मेकोमी इन कली शेंब। समुन्‍द्र ङा ङांइपुकीम इन कली शेंनीम।
JOB 12:9 परमप्रभु यावेम मेको नेल्‍ल पशो बाक्‍ब, दे सुम मतुइक्‍नीमी ङा?
JOB 12:10 ब्रोंइशा बाक्‍ब नेल्‍ल आन ब्रोंइतीक नु मुर नेल्‍ल आन ब्रोंइतीक सोक्‍त मेको आ गुइमी बाक्‍ब। गन्‍ती १६:२२; प्रेरित १७:२८
JOB 12:11 जचा थोव़क ब्रोव़शो नु मब्रोव़शो लेंम तुइश्‍शो खोदेंशो पा, पशो लोव़ रिम्‍शो नु मरिम्‍शो नोफाम मनेंबा ङा?
JOB 12:12 खाल्‍पा आन दातेम तुइक्‍तीक बाक्‍ब। खूशो आन दातेमी रुप्‍तीक बाक्‍ब। अय्‍युब ८:८
JOB 12:13 मिनु परमप्रभु नु तुइक्‍तीक नु सक्ति बाक्‍शो बाक्‍ब। मेको नु अर्ती गेतीके नु रुप्‍तीक थुं बाक्‍शो बाक्‍ब।
JOB 12:14 मेकोमी प्रेत्‍तु हना, मेको लेंशा सेल्‍ने मचाप्‍नीम। मेकोमी मुर कली जेल्‍खानम चोक्‍तु हना, सुइमी मेको कली ग्रुंइने मचाप्‍नीम। प्रकाश ३:७
JOB 12:15 मेकोमी ब्‍वाक्‍कु तेक्‍तु हना, रू नेल्‍ल सोव़नीम। मेकोमी ब्‍वाक्‍कु प्रोंइतु हना, रागी खतम पोक्‍ब। १राजा १७:१,७; उत्‍पत्ती ७:१९-२३
JOB 12:16 सक्ति नु तुइक्‍तीक परमप्रभु नु बाक्‍ब। दूली पाइ‍ब नु दूली पपाइक्‍ब, निम्‍फा आ केन बाक्‍नीस। १राजा १२:२८-३०; २राजा १९:१०-३७
JOB 12:17 मेकोमी अर्ती गेब आन कली मुने दोक्‍पाइक्‍ब। मिनु निसाफ पाइब आन कली मूर्ख सेल्‍ब।
JOB 12:18 पिप आन फेक्‍शो वा प्रुइक्‍ब। मिनु मेको आन कली किप्‍शुर क्‍यिप्‍पाइक्‍ब।
JOB 12:19 चढ़ेब आन कली मुने दोक्‍पाइश्‍शा सोइक्‍ब। ङोंइती रे गेय पाइब आन कली ग्रुंइब। १सामुएल २:३०-३२; १सामुएल २२:१८-१९
JOB 12:20 थमा सुइक्‍चा पुंइसीशो शेंब आन कली सिक्‍सी पपाइक्‍ब। खाल्‍पा आन तुइक्‍तीक लोव़ शोर गाक्‍शो सेल्‍ब।
JOB 12:21 हुकुम पाइब आन कली शुक्‍शी पचा पुंइसीब सेल्‍‍ब। सक्ति पाइश्‍शो आन कली मचाप्‍ब सेल्‍ब। १सामुएल १७:५; १सामुएल ३१:९; २राजा १९:३७; दानीएल ४:२९,३०
JOB 12:22 मेकोम छिङछिङ आगाम बाक्‍शो ग्रुंइब। मिनु थम छिङछिङ कली छेङछेङ सेल्‍ब।
JOB 12:23 रागी रागी आन कली हिक्‍सीशो सेल्‍ब। नोले मेको आन कली खतम सेल्‍ब। रागी रागी आन कली ठेयब सेल्‍शा, मेकेर ङा मुर आन कली एर ओंथ ब्रपाइक्‍ब।
JOB 12:24 रागी ङा हुकुम पाइब आन कली मरुप्‍ब सेल्‍‍ब। मिनु नोले मेको आन कली लां मबाक्‍शो गोरशो रागीम एर ओंथ हिरपाइक्‍ब।
JOB 12:25 मिनु मेकोपुकी हाम्‍सो मबाक्‍‍तीके, छिङछिङम सुल्‍शा गाक्‍नीम। मेको आन कली दुक्‍शो मुर खोदेंशो पा गोल्‍चा चिक्‍शा गाक्‍पाइक्‍ब।
JOB 13:1 गो मेको नेल्‍ल ताता। गो मेको नेंशा रुप्‍ता।
JOB 13:2 इन तुइश्‍शो, गो यो तुइक्‍नुङ। गो इन क्‍येङा मतुइक्‍ब मनङ।
JOB 13:3 तन्‍न गो नेल्‍ल क्‍येङा ठेयब सक्ति पाइश्‍शो आ ङोंइती लोव़ पाइनुङ। मिनु गो परमप्रभु नु लोव़ पा, आं पर्बम हिल्‍लो पाइ‍नुङ।
JOB 13:4 गेपुकीम चहिं इन जोल लोव़ पा ठेयब सेल्‍सीनीनी। गे शोर गाक्‍शो लेम्‍ब बाक्‍नीनी।
JOB 13:5 गेपुकी सिक्‍सी पा बाक्‍शो ननी हना, तुइक्‍ब मुर बाक्‍नीनी, दे तुंइस वा। हितोपदेस १७:२८
JOB 13:6 मुल आं लोव़ नेनीन। पचा माल्‍शो लोव़ इन नोफा दाइश्‍शा नेनीन।
JOB 13:7 गेपुकी परमप्रभु आ लोव़ पखु पाइनीनी? मोदेंशो जोल लोव़ कली थमा बाक्‍ब, दे थमा सेल्‍नीनी?
JOB 13:8 मार गेपुकी परमप्रभु आ कुल कोव़शा, मेको आ पा ङा पचा माल्‍शो लोव़ देंनीनी?
JOB 13:9 परमप्रभुमी इन कली नाक्‍शा कोव़ङानु, गे नेल्‍ल ठीक बाक्‍नीनी? मार, मुर आन मिक्‍च सिल्‍शो खोदेंशो पा, मेको आ मिक्‍च यो सिल्‍ने चाप्‍नीनी?
JOB 13:10 गे ख्रुइश्‍शोमी कुल कोव़नीनी, परमप्रभुम इन कली थमा पा हुइक्‍ब।
JOB 13:11 परमप्रभु आ मान ततीकेम इन कली महिंपाइक्‍बा? मेको आ हिंच कोंइशोमी इन कली ग्‍येत्‍थ लुक्‍च मसेल्‍बा?
JOB 13:12 इन आं कली देंशो लोव़ पुलु ला बाक्‍नीम। इन बोल्‍यो अर्ती खप के बाक्‍‍नीम।
JOB 13:13 सिक्‍सी पा बाक्‍कीन। मिनु गो लोव़ पाइनुङ। मिनु आं पर्बम मार मार दुम्‍बा, दुम्‍ल।
JOB 13:14 गो ब्रोंइनुङा देय मब्रोंइनुङा। गो बेक्‍नुङा कों ब्रोंइनुङा।
JOB 13:15 मेकोम आं कली साइक्‍ब। गो आस मपाइनुङ। तन्‍न मुल गो आं लोव़ मेको आ ङोंइती वोइक्‍नुङ।
JOB 13:16 परमप्रभु कली मटीब मुर मेको आ ङोंइती जाक्‍ने मचाप्‍नीम। मेको आं कली प्रोंइतीक दुम्‍ब।
JOB 13:17 नोफा दाइश्‍शा, आं लोव़ नेनीन। मिनु आं शेंशो रिम्‍शो पा नेनीन।
JOB 13:18 गो आं देंचा माल्‍शो लोव़ ठीक पाता। मिनु नोले गो दोस मताइब बाक्‍नुङ, दे तुइक्‍नुङ।
JOB 13:19 सुमी आं कली कछडी बाक्‍शा, दोस गेने चाप्‍बा? मोदेंशो दुम्‍त हना, गो सिक्‍सी पा फाल्‍शा बाक्‍शा, बेक्‍नुङ।
JOB 13:20 परमप्रभु, गो इन कली थोव़क निक्‍शी पुंइनुङ। मिनु गो इन ङोंइती रे मख्रुइक्‍नुङ।
JOB 13:21 आं कली श्‍येत मगेयीनी। मिनु इन हिंपाइक्‍तीकेमी आं कली महिंप‍तीन। अय्‍युब ९:३४
JOB 13:22 गे आं कली ब्रेत्‍तीनी। मिनु गो लोव़ लेत्‍नुङ। ङोंइती गो ब्‍वाक्‍नुङ। मिनु गे आं कली लोव़ लेत्‍तीनी।
JOB 13:23 आं मरिम्‍शो पशो नु आ पाप गिश बाक्‍नीमी? आं हेंथे पशो नु आं पाप तुइक्‍पाइय्‍यीनी।
JOB 13:24 गे मारदे इन कुल ख्रुइक्‍नीनी? मिनु आं कली इन जोरी सत्रु खोदेंशो पाइनीनी। अय्‍युब १९:११
JOB 13:25 गे बेरशो सफा कली यो हिंच कोंइनीनी? गे सोव़शो भूस आ नोले खोइक्‍नीनी?
JOB 13:26 गे आं पर्बम कशो लोव़ ब्रेक्‍नीनी। मिनु आं ठिटा ना ङा मरिम्‍शो पशो आ पर्बम सजाइ गेतीनी। भजन संग्रह २५:७
JOB 13:27 आं खोइलीम ठेंङरो थोक्‍ताक्‍नी। आं लां नेल्‍ल कोव़शा, वोइक्‍नीनी। अय्‍युब ३३:११
JOB 13:28 मोपतीके मुर राक्‍शो थोव़क खोदेंशो पा जाम्‍नीमी। तुम्‍बुम ख्रोइश्‍शो वा खोदेंशो पा नुप्‍शो बाक्‍नीमी” दे अय्‍युबमी देंमाक्‍त।
JOB 14:1 मिनु लेंशा अय्‍युबमी “मीश मुर रे जरमेशो बेक्‍शा लाइब मुर इच्‍का नाक्‍त ब्रोंइशा, श्‍येत ला जाइब।
JOB 14:2 मेको फू खोदेंशो पा बोइश्‍शा, सोल सुल बेक्‍ब। वांकु जाम्‍शो खोदेंशो पा जाम्‍शा लाइब। भजन संग्रह ९०:५
JOB 14:3 गे मोदेंशो कोव़नीनी? मिनु गे आं कली निसाफ पाइनीनी?
JOB 14:4 सुमी ग्रांग्रा दिशो रे ग्रांग्रा मदिशो सेल्‍ने चाप्‍बा? सुइमी मचाप्‍ब।
JOB 14:5 मुर आ ब्रोंइतीक नाक्‍ती हिक्‍शा वोइश्‍शो बाक्‍नीम। मिनु मेको गिश महिना ब्रोंइ‍शो बाक्‍नीमी, मेको तुइक्‍नीनी। इन देंशो नाक्‍त लाक्‍ने मचाप्‍नीम। भजन संग्रह ३१:१६; भजन संग्रह ३९:५
JOB 14:6 गे मुर आन कली मकोव़ङीन। मिनु नाक्‍त किंत किंत गेय पाइब मुर खोदेंशो ग्‍येरशा बाक्‍चा गेन। अय्‍युब ७१-२
JOB 14:7 रवा कली आस बाक्‍ब। तिम्‍शो नोले यो कोच्‍वा दाप्‍ब। मिनु वाना वान बाक्‍नीम।
JOB 14:8 मेको आ शाक्‍श खप आगाम चोक्‍ताक्‍व हना यो, मेको आ ठुटा खप आगाम राक्‍त हना यो,
JOB 14:9 लेंशा इच्‍का ब्‍वाक्‍कु तवानु, वाब। मिनु ठेयब रवा खोदेंशो पा राशी दाप्‍ब।
JOB 14:10 तन्‍न बेक्‍शा लाइब मुर बेक्‍शा जाम्‍शा लाइनीम। मुर आ सोक्‍त लाइब। मिनु ते लाइ‍बा मतुंइसीब?
JOB 14:11 दोपा दोम्‍ली ङा ब्‍वाक्‍कु इच्‍का पा सोव़ना सोव़न लाइबा, दोपा खोला आइक्‍च दुम्‍ना दुम्‍न लशा सोव़बा,
JOB 14:12 मोपा बेक्‍शा लाइब मुर गोल्‍ब। मिनु मेको लेंशा गेनायो मबोक्‍ब। सरीङ मक्‍याम्‍से सम्‍म, बेक्‍शो मुर लेंशा मबोक्‍नीम। मेको आन निन्‍द्रा रे मसेंसीनीम। अय्‍युब ७:१०
JOB 14:13 गे आं कली बेक्‍शो मुर आन बाक्‍तीकेम ख्रुइक्‍तीन। इन गाइश्‍शो मनाइक्‍तीनी सम्‍म आं कली ख्रुइक्‍तीन। मिनु नोले आं कली फ्रुक्‍शा, गो नु ग्रुम्‍तीक नाक्‍त का वोतीन। यसैया २६:२०
JOB 14:14 मार, बेक्‍शो मुर लेंशा ब्रोंइनीमी ङा? गो रिम्‍शो नाक्‍त कली रिम्‍शा बाक्‍नुङ। आं श्‍येत मथु‍मु सम्‍म रिम्‍शा बाक्‍नुङ।
JOB 14:15 मिनु गे आं कली ब्रेन्‍नी नोले, गो इन कली लोव़ लेत्‍नुङ। मिनु गे इन आंम गुइम सेल्‍शो मुर, आं कली, शिशी पाइनीनी।
JOB 14:16 गे आं पशो नेल्‍ल मकोव़नीनी। गे आं पाप हिक्‍शा मवोइक्‍नीनी।
JOB 14:17 आं हेंथे पशो नेल्‍ल ब्रेक्‍शा, इन थैलोम वोइश्‍शो बाक्‍ब। गे आं मरिम्‍शो पशो नेल्‍ल सुम्‍शा वोइश्‍शो बाक्‍नीनी। होसे १३:१२
JOB 14:18 मिनु डांडा ब्रेश्‍शा, जाम्‍शा लाइब। सेरथे फुल्‍लु मेको आ बाक्‍‍तीक रे याक्‍सीशो बाक्‍नीम।
JOB 14:19 ब्‍वाक्‍कुम फुल्‍लु आन कली योल्‍ब। बारशो ब्‍वाक्‍कुम रागी ङा खप योल्‍ब। मोपा गे मुर आन आस थुम्‍पाइक्‍नीनी। रोमी ५:५
JOB 14:20 गे मेको आन कली गेना हना यो ग्रा‍नीनी। मिनु मुर बेक्‍नीम। गे मुर आन रां फाइश्‍शा ताइक्‍नीनी।
JOB 14:21 मेको आन आल ठेयब दुम्‍शा मान पाइक्‍चा पुंइसाक्‍म हना यो, मेकोपुकीम मतुइक्‍नीम। आइक्‍च सेल्‍चा पुंइसाक्‍म हना यो, मतुइक्‍नीम।
JOB 14:22 मेकोपुकीम आन रां ङा श्‍येत ला तुइक्‍नीम। मिनु आन पर्बम ला रोंका पाइनीम” दे अय्‍युबमी देंमाक्‍त।
JOB 15:1 मिनु तेमान ङा एलीफाजमी
JOB 15:2 “मार, जोक्‍ब तुइक्‍ब मुरुम ओदेंशो ङर ना पुं ङा लोव़ पा लोव़ लेत्‍चा दुम्‍बा? मेको आ कोव़जीम फश लोव़मी प्रिंचा दुम्‍बा?
JOB 15:3 जोक्‍ब तुइक्‍बमी इन कली शोर गाक्‍शो लोव़ लेत्‍चा दुम्‍बा? मारेइ रिम्‍शो मपाइब लोव़ लेत्‍चा दुम्‍बा?
JOB 15:4 गे परमप्रभु कली मान पा हिंतीके तेक्‍नीनी। मिनु परमप्रभु कली मिम्‍शा पुंइचा यो तेक्‍नीनी।
JOB 15:5 इन देंशो नेल्‍ल इन मरिम्‍शो पतीके रे पिशो बाक्‍ब। गे मिलो शिलो पशो दाक्‍नीनी।
JOB 15:6 इन आंम लोव़मी इन कली दोस ताइब सेल्‍ब। गो इन कली दोस मगेनुङ। इन लोव़ इन पर्बम सांकछी बाक्‍ब।
JOB 15:7 गे मुर आन दातेमी नेल्‍ल क्‍येङा ङोंइती जरमेशो ननी? मार गे डांडा आन क्‍येङा ङोंइती दुम्‍शो ननी?
JOB 15:8 गे परमप्रभु आ अर्ती गे‍तीकेमी बाक्‍शा नेंनी? तुइक्‍तीक इन के ला बाक्‍ब, दे मिम्‍नीनी? अय्‍युब ११:७; रोमी ११:३३
JOB 15:9 गो आंइ मतुइश्‍शो गे मार तुइक्‍नीनी ङा? गो आंइ मरुप्‍‍शो गे मार रुप्‍‍नीनी ङा? अय्‍युब १३:२
JOB 15:10 मिनु खाल्‍पा नु खूशोपुकी गो नु बाक्‍नीमी। इन आफ क्‍येङा यो खूशो मुर गोपुकी नु बाक्‍नीम।
JOB 15:11 परमप्रभुम इन कली लेम्‍शो आइक्‍च मिम्‍नीनी? इन कली आइक्‍च सेंदाम रिम्‍शो लोव़ पशोमी इन कली मगाम्‍मे?
JOB 15:12 मारदे इन थुंमी इन कली दूली सेल्‍बा? मिनु गे मारदे गाइश्‍शा, मिक्‍च केक्‍शा कोव़नी?
JOB 15:13 मारदे गे इन गाइक्‍तीक परमप्रभु कली कोंइनीनी? मिनु गे ओदेंशो लोव़ पाइनीनी?
JOB 15:14 बेक्‍शा लाइब मुर नेल्‍ल दोस ताइब दुम्‍नीम। मीश मुर रे जरमेशो सु ठीक पाइब बाक्‍ने चाप्‍बा ङा? अय्‍युब १४:४
JOB 15:15 परमप्रभुम आंम आ मुर आन कली थमा मसुइक्‍ब। मिनु स्‍वर्गम बाक्‍ब यो मेको आ ङोंइती दोस ताइब बाक्‍नीम। अय्‍युब ४:१८; अय्‍युब २५:५
JOB 15:16 मेको आन क्‍येङा ग्रांग्रा दिशो नु खराप दुम्‍शो कली दोपा थमा सुइक्‍बा ङा? मेकोमी मरिम्‍शो पतीक ब्‍वाक्‍कु तूशो खोदेंशो पा तूब कली दोपा थमा सुइक्‍बा ङा?
JOB 15:17 मिनु गो इन कली शेंनन्‍नी। आं लोव़ नेनीन। गो आं तशो इन कली शें‍नन्‍नी।
JOB 15:18 जोक्‍ब तुइक्‍बमी आन किकी पिपी रे आन तशो नेंशो लोव़ मख्रुइक्‍तमे बाक्‍त।
JOB 15:19 मेको आन कली रागी आंम के सेल्‍चा कली गेशो बाक्‍माक्‍त। मेको आन दातेम अर्को रागी ङा मुर सुइ मबाक्‍मा बाक्‍त।
JOB 15:20 परमप्रभु यावे आ अरेशो मटीब ब्रोंइमा सम्‍म श्‍येत जाइ‍नीम। मरिम्‍शो मुर आन ब्रोंइतीक बर्स नेल्‍ल मोदेंशो बाक्‍नीम। उत्‍पत्ती ४:१४
JOB 15:21 मेकोपुकीम हिंचा ङा रेयके नेंनीमी। मेको मारेइ मारेइ गाप्‍शा बाक्‍मानु, मेको आन कली खतम सेल्‍ब जाक्‍ब।
JOB 15:22 मेकोपुकीमी ‘छिङछिङ रे लेत्‍ने मचाप्‍नीक’ दे हिंनीम। मेकोपुकी तरवारम क्‍योरचा पुंइसीनीम।
JOB 15:23 मेकोपुकी जचा थोव़क माल्‍शा, हिरना हिरन बाक्‍नीमी। मिनु आन श्‍येत जतीक नाक्‍ती जाक्‍चा चिक्‍शो बाक्‍ब, दे तुइक्‍नीमी।
JOB 15:24 मेकोपुकी श्‍येत नु हिंतीके आ पर्बम ख्रिंख्रि पाइनीम। मेकोपुकीमी परमप्रभु कली लडाइ तोइनीम। लडाइ पचा चिक्‍शो पिप खोदेंशो पा सासीशो बाक्‍नीम।
JOB 15:25 मारदे हना मेकोपुकीम परमप्रभु आ पर्बम आन गुइ क्‍युक्‍शो बाक्‍नीम। मिनु नेल्‍ल क्‍येङा ठेयब सक्ति पाइश्‍शो कली ‘गो इन क्‍येङा ठेयब नकी’ दे मेको कली मटीनीम।
JOB 15:26 मिनु ठेयब नु बोल्‍यो तेक्‍तीक शेशा परमप्रभु कली लडाइ तोचा कली बारशो बाक्‍नीम।
JOB 15:27 मारदे हना मेकोपुकी शुश जशा, दोम्‍शो बाक्‍नीम।
JOB 15:28 मेकोपुकी ब्रेश्‍शो सहर नु मुर मबाक्‍चा ङा खिंम बाक्‍नीम। मेको खिं ब्रेश्‍शा फुल्‍लु देल्‍शो बाक्‍नीम।
JOB 15:29 मेकोपुकी शोंप पाइश्‍शो मदुम्‍नीम। मेको आन शोंप मलीब। मेको रागीम मलीनीम।
JOB 15:30 मेकोपुकी छिङछिङ रे ब्रोंइने मचाप्‍नीम। मीम मेको आन ठोसा सोव़पाइक्‍ब। मेको आन फु कली फशेम योल्‍ब।
JOB 15:31 मेकोपुकीम मबाक्‍शो लोव़ कली थमा मसुदमेक्‍ल। मोपा आंम आन कली मरिम्‍शो मसेल्‍मेक्‍ल। मारदे हना मेकोपुकीम मेको आ पा ङा मारेइ मताइनीम।
JOB 15:32 मेको आन नाक्‍त जाक्‍चा क्‍येङा ङोंइतीन मेको आन मारेइ मारेइ नुप्‍ब। मिनु मेको आन राशी गिगी मदुम्‍नीम।
JOB 15:33 मेकोपुकी क्‍येखीन हेम्‍शो अङगुर बोट खोदेंशो दुम्‍नीम। मेको फू हेम्‍शो तेल रवा खोदेंशो दुम्‍नीम।
JOB 15:34 मारदे हना परमप्रभु आ अरेशो मटीब नु गाक्‍ब शोर गाक्‍शो बाक्‍ब। घूस जाइब आन ताम्‍बुपुकी मीम नेक्‍ब।
JOB 15:35 मेकोपुकीम आल कुरशो खोदेंशो पा मरिम्‍शो मिम्‍तीके कुरनीम। मिनु मरिम्‍शो पतीके जरमेनीम। मेको आन थुंम मरिम्‍शो पचा कली ठीक दुम्‍नीम” दे एलीफाजम अय्‍युब कली देंमाक्‍त। यसैया ५९:४
JOB 16:1 मिनु अय्‍युबमी
JOB 16:2 “गो ओदेंशो लोव़ शुश नेंता। गे नेल्‍ल मोशा लेम्‍खु पाइब ला बाक्‍नीनी।
JOB 16:3 मार मेको फश लोव़ गेनायो मनुप्‍बा? मारम इन कली ओदेंशो लोव़ पपाइक्‍बा?
JOB 16:4 गे आं खोदेंशो बाक्‍नी हना, गो यो इन खोदेंशो पा लोव़ पने चबु वा। गो इन कली यो मोदेंशो लोव़ पङ वा। गो इन कली शुक्‍शी पा आं पिया हिक्‍शा कोंइदन्‍नी वा। भजन संग्रह २२:८
JOB 16:5 गो इन थुं बारपाइक्‍तीक लोव़ पङ वा। मिनु आं शिशी पाइक्‍तीकेमी इन कली लेम्‍द वा।
JOB 16:6 गो ब्‍वाक्‍ती हना यो, आं खाइश्‍शो मसाब। गो सिक्‍सी पा बाक्‍‍ती हना यो, श्‍येत जस ङा जस बाक्‍नुङ।
JOB 16:7 थमा पा, परमप्रभुम आं कली थाम्‍पा दपाइक्‍ती। आं एर ओंथ ङा नेल्‍ल आन कली खतम सेल्‍तु।
JOB 16:8 मेकोम आं कली रोम्‍पाइक्‍ती। मिनु एको आं पर्बम सांकछी दुम्‍शो बाक्‍ब। गो रुश नु कुशुल ला लीशो बाक्‍नुङ। एको यो आं पर्बम सांकछी दुम्‍शो बाक्‍ब।
JOB 16:9 परमप्रभुमी आ गाइश्‍शोमी आं कली एर ओंथ फ्रशो बाक्‍ब। मिनु आं कली काइ मदाक्‍ब। मेकोम आं पर्बम आ ख्रुइ शेप्‍शो बाक्‍ब। आं जोरी सत्रुमी आं कली सिम्‍ले पा कोव़शो बाक्‍नीम।
JOB 16:10 मुरपुकीम आं कली शुक्‍शी पशो बाक्‍तेक्‍म। मेकोपुकीम आं चोव़चो शुश राप्‍शो बाक्‍तेक्‍म। आं कली मरिम्‍शो पाइक्‍चा कली बुक्‍तेक्‍म।
JOB 16:11 परमप्रभुम आं कली थमा मसुइक्‍ब आन गुइमी गेशो बाक्‍ब। मिनु परमप्रभु यावेम आं कली आ अरेशो मटीब आन गुइम ब्‍वारशो बाक्‍ब।
JOB 16:12 गो रिम्‍शो पा बाक्‍शो नङ। तन्‍न मेकोमी आं कली ख्रोइक्‍तु। आं शुरम ग्‍याइश्‍शा चोकटा लाम्‍टा सेल्‍ती। मेकोम आं कली आ मिक्‍च आ क्रिक्‍बील सेल्‍ती। बिलाप ३:१२
JOB 16:13 आ लिब्रा आप्‍बपुकीम आं एर ओंथ नेल्‍ल हिरशो बाक्‍नीम। मेकोम आं कली शिशी मपथु, आं चिच ख्रित्‍ताक्‍यी। मेकोम आं खाइल पुक्‍शा खपीम तोक्‍तु।
JOB 16:14 मेकोम आं कली पाक्‍ना पाक्‍न, लडाइ पाइब खोदेंशो पा आं गे बारब।
JOB 16:15 गो आं रां सुम्‍चा कली भाङग्रा फेक्‍साक्‍यी। गो आं पिया फुरकुम पुम्‍ता। लेवी ३७:३४
JOB 16:16 ङाक्‍शा ङाक्‍शा आं कुल लल जिशो बाक्‍ब। आं मिक्‍च आ एर ओंथ नेल्‍ल क्‍येर दुम्‍शो बाक्‍ब।
JOB 16:17 मो हना यो आं गुइमी मरिम्‍शो मपशो बाक्‍ती। आं पुंइशो लोव़ रिम्‍शो बाक्‍ब।
JOB 16:18 ए खप, आं हुश मसुमो। आं पुंइशो लोव़ गेनायो मनांइसेक्‍ल। उत्‍पत्ती ४:१०; इजीकीएल २४:७-८
JOB 16:19 मो हना यो आं सांकछी स्‍वर्गम बाक्‍ब। आं पर्बम लोव़ पाइब इर बाक्‍शो बाक्‍ब। अय्‍युब १७:३
JOB 16:20 आं वारचम आं कली शुक्‍शी पाइनीम। गो ङाक्‍शा परमप्रभु गे कोव़नुङ। १सामुएल २:२५
JOB 16:21 मेकोमी परमप्रभु नु आंस दातेमी निसाफ पवल। मुर नु आ वारच आन दातेमी दोपा निसाफ पाइबा, मोपा पवल।
JOB 16:22 इच्‍का बर्स नोले गो गेनायो मलेत्‍चा ङा पा लाइनुङ” देंमाक्‍त। अय्‍युब १०:२१
JOB 17:1 मिनु अय्‍युबमी “आं थुं जिक्‍शो बाक्‍ब। आं नाक्‍त नुप्‍शा लशो बाक्‍नीम। आं कली तुरस ठीक दुम्‍शो बाक्‍ब।
JOB 17:2 थमा पा, आं एर ओंथ शुक्‍शी पाइब बाक्‍‍नीम। मेको आन शुक्‍शी पशो मारेइ ममिम्‍नुङ। अय्‍युब १६:१९
JOB 17:3 परमप्रभु, गे आंमा आं जाकटी दुमीन। अरु सु आं पर्बम जमानी बाक्‍ने चाप्‍बा ङा?
JOB 17:4 गे मेको आन थुं रे रुप्‍तीक ग्रुंइताक्‍नी। मोपतीके गे मेको आन कली ठेयब दुम्‍चा मगेनी।
JOB 17:5 सुमी आ शोंप वारच आन कली कोंइशा योक्‍चा कली ब्रेप्‍बा, मेको आ आल जचा मताइनीम।
JOB 17:6 मेकोमी आं कली मुर नेल्‍ल आन दातेम कथा पतीक का सेल्‍शो बाक्‍ब। मुरपुकीमी आं ङोंइती तोक्सी‍नीम। अय्‍युब ३०:९
JOB 17:7 आं मिक्‍च श्‍येत जतीके ब्रा ब्रा दुम्‍शो बाक्‍ब। आं गुइ खोइल सोव़शो बाक्‍नीम। गो वांकु खोदेंशो बाक्‍नुङ।
JOB 17:8 रिम्‍शो थुं पाइश्‍शो मुर मेको तशा, छक लाक्‍नीम। दोस मताइबपुकी परमप्रभु यावे आ अरेशो मटीब आन कली तशा गाइक्‍नीम।
JOB 17:9 मिनु ठीक पाइब मुर आंम लां रिम्‍शो पा गाक्‍नीम। मोदेंशो मुर बोल्‍यो क्‍येङा यो बोल्‍यो दुम्‍ना दुम्‍न लाइनीम।
JOB 17:10 मुल गे नेल्‍ल ले‍तीन। गो इन दातेमी निप्‍स पाइश्‍शो मुर का यो मतङमी।
JOB 17:11 आं नाक्‍त नुप्‍तेक्‍म। आं मिम्‍शो नेल्‍ल मोशा दुम्‍त। मिनु आं थुं ङा मिम्‍शो जाम्‍शा लत।
JOB 17:12 मेको मुरपुकीम नाक्‍दो कली नाक्‍त दें‍नीम। मिनु सुनी दुम्‍मेनु ‘नां रिक्‍त’ देंनीम।
JOB 17:13 गो आं आस पशो खिं बेक्‍शो मुर आन बाक्‍तीक बाक्‍त हना, आं ब्राख्‍ये छिङछिङम सेल्‍ता हना यो,
JOB 17:14 गो तुरस कली ‘गे आं आफ बाक्‍नीनी’ मिनु लुस्‍पु कली ‘आं ममा आं समी बाक्‍नीमी’ दें‍ती हना,
JOB 17:15 आं आस पशो ते लाक्‍गा? मिनु सुम आं पर्बम आस पाइबा?
JOB 17:16 मार एको बेक्‍शो मुर आन बाक्‍तीक आ नेक्‍था लाइबा? मार, गो नेल्‍ल उइ फुरकुम काथा लाइनया?” दे अय्‍युबम देंमाक्‍त।
JOB 18:1 मिनु शुआह ङा बिल्‍दादमी
JOB 18:2 “गे एको लोव़ गेना थुम्‍नीनी? ङोंइती मिम्‍तीन। मिनु गो लोव़ पने चाप्‍नय।
JOB 18:3 मारदे आंइ कली बी ब्‍यफ खोदेंशो मिम्‍ती‍नी? गे मारदे आंइ कली निप्‍स मपाइश्‍शो सुइक्‍नीनी?
JOB 18:4 गे इन गाइश्‍शोम आंम कली खतम सेल्‍सीनीनी। मार, इन पर्बम गो रागी प्रोंइनीकी? सेरथे फुल्‍लु आन बाक्‍‍तीक रे याक्‍चा?
JOB 18:5 थमा पा, परमप्रभु यावे आ अरेशो मटीब आन बत्ती काप्‍ब। मिनु मेको आन मी ङा राप रे हाम्‍सो मग्रूब। हितोपदेस १३:९
JOB 18:6 मेको आन ताम्‍बुम छेङछेङ, छिङछिङ दुम्‍ब। मिनु मेको आन बत्ती काप्‍शो बाक्‍ब। अय्‍युब २१:१७
JOB 18:7 मेको आन लांमी आन खोइली ग्‍येत्‍थ लुक्‍च पाइब। मिनु मेको आन थुंम मिम्‍शा पशोमी मेको आन कली खोल्‍ब।
JOB 18:8 आंम खोइलीम मेको आन कली ब्‍वारदम लपाइक्‍‍ब। मेको ब्‍वारदम गिल्‍सीशा बिक्‍तीकेमी दोक्‍नीम।
JOB 18:9 मेको आन खोइली ब्रिम्‍सोम रेत्‍चा पुंइसीनीम। क्‍येयलम रेत्‍चा पुंइसीनीम।
JOB 18:10 मेको आन पर्बम खपीम ब्‍वारद आ डोरी ख्रुइश्‍शो बाक्‍ब। मोपा आन लांमी ब्‍वारद दाइश्‍शो बाक्‍ब।
JOB 18:11 शुश हिंतीकेम मेको आन कली ख्रिंख्रि पपाइक्‍ब। ते बाक्‍तेक्‍म हना यो, मेकेर हिंतीके यो बाक्‍ब। लेवी २६:३६
JOB 18:12 मेकोपुकी शोव़लु बेक्‍तीके सक्ति मपाइश्‍शो बाक्‍नीम। मिनु श्‍येत दुम्‍शा गोल्‍नीम।
JOB 18:13 रोइ पतीकेमी मेको आन कुशुल नेल्‍ल नेक्‍शो बाक्‍ब। बेक्‍पाइक्‍ब रोइमी मेको आन गुइ खोइली मदुक्‍ब सेल्‍ब। गन्‍ती १२:१०-१२
JOB 18:14 मेको आन ब्रोंइशा बाक्‍‍तीक रां आन पर्बम ‘रिम्‍शो बाक्‍ब’ दे थमा सुइश्‍शा, मुल रां रे ग्रुंइचा पुंइसीनीम। मिनु हिंपाइक्‍ब पिप आ बाक्‍‍तीके लाइक्‍चा पुंइसीनीम।
JOB 18:15 मेको आन ताम्‍बुम मारेइ मलीब। मेको आन बाक्‍‍तीकेम गन्‍धक ब्रुइश्‍शो बाक्‍ब।
JOB 18:16 मेको आन शाक्‍श खप आगाम सोव़नीम। मिनु आन राशी सोल सुल बेक्‍नीम।
JOB 18:17 रागी ङा मुरुम मेको आन कली प्रेंनीम। मेको आन नें ममिम्‍नीम।
JOB 18:18 मेको छेङछेङ रे छिङछिङम खेरचा पुंइसीनीम। मिनु रागी रे ग्रुंइचा पुंइसीनीम।
JOB 18:19 मेको आन आल मबाक्‍नीम। आन चच युइ यो मबाक्‍नीम। मेको आन ङोंइती ङा बाक्‍तीकेमी सुइ ब्रोंइशा मबाक्‍नी‍म।
JOB 18:20 पच्‍छिम ङा मुरपुकी मेको आन श्‍येत जशो नेंशा हिंनीम। पूर्ब ङा मुरपुकी शुश हिंशा ख्रिंख्रि पाइनीम। भजन संग्रह ३७:१३
JOB 18:21 थमा पा, परमप्रभु आ अरेशो मटीब मुर आन बाक्‍तीके मोदेंशो दुम्‍ब। परमप्रभु कली मतुइक्‍ब मोदेंशोन दुम्‍नीम” दे बिल्‍दादम अय्‍युब कली लोव़ ले‍त्‍ता बाक्‍त।
JOB 19:1 मिनु अय्‍युबमी
JOB 19:2 “गे आं कली गेना सम्‍म श्‍येत गेनीनी? मिनु इन लोव़मी आं कली मरिम्‍शो सेल्‍नीनी?
JOB 19:3 आं कली १० खेयप सम्‍म दोस गेतीनी। आं कली काइ मरिम्‍शो लोव़ पचा मुने मपाइनीनी?
JOB 19:4 गो थमा पा मरिम्‍शो पशो बाक्‍‍ती हना यो, मेको मरिम्‍शो पशो आं के बाक्‍ब।
JOB 19:5 थमा पा, गे आं क्‍येङा ठेयब दुम्‍चा मिम्‍नीनी। मिनु आं श्‍येत तशा, आं कली मरिम्‍शो सुइक्‍नीनी।
JOB 19:6 परमप्रभुमी आं कली मोशा श्‍येत गेती। आं एर ओंथ नेल्‍ल ब्‍वारद दाइश्‍शो बाक्ब।
JOB 19:7 गो ‘हुश ख्राक्‍श पोक्‍तीमी’ दे ग्रीती हना यो, आं कली लोव़ मलेप्‍ब। ‘वारच पाइय्‍यीनी’ दे पुंइता हना यो, निसाफ मताइनुङ। येरमीया २०:८; हबकुक १:२; अय्‍युब ३०:२०
JOB 19:8 मेकोमी आं लां तेक्‍शो बाक्‍ब। मिनु ग्रूशा लने मचाप्‍नुङ। मिनु मेकोमी आं लां छिङछिङम सुम्‍तु। अय्‍युब ३:२३; बिलाप ३:७,९
JOB 19:9 मेकोमी आं मान ततीक रोइक्‍ताक्‍यी। आं पिया रे आं सिरपेच पुइक्‍तु।
JOB 19:10 मेकोम आं कली लुक्‍च लाइब सेल्‍ती। गो खतम दुम्‍ती। रवा तुल्‍शो खोदेंशो पा आं आस नेल्‍ल नुप्‍पाइक्‍तु।
JOB 19:11 मेको आं पर्बम गाइक्‍ता‍क्‍व। मिनु आं कली आ जोरी सत्रु खोदेंशो मिम्‍ताक्‍यी। अय्‍युब १३:२४; अय्‍युब ३३:१०
JOB 19:12 मेको आ लडाइ पाइबपुकी बुक्‍शा आं कली पुम्‍नीम। मेकोपुकीम आं ताम्‍बु आ एर ओंथ नेल्‍ल आन बाक्‍‍तीक सेल्‍नीम।
JOB 19:13 मेकोम आं खिं ङा मुर आन कली आं क्‍येङा ङोन वोइश्‍‍शो बाक्‍ब। आं वारच आं कली मतुइक्‍ब दुम्‍शो बाक्‍नीम। भजन संग्रह ३१:१२
JOB 19:14 आं नेक्‍था ङा मुर नु गो नु गारब वारच आं क्‍येङा ङोन दुम्‍तेक्‍म। भजन संग्रह ३८:१२
JOB 19:15 आं खिंम पौना दुम्‍शा बाक्‍बपुकीम प्रेंताक्‍यीमी। आं वाइलीमपुकीम आं कली अर्को रागी ङा मुर खोदेंशो पा मतुइश्‍शो खोदेंशो पाइनीम।
JOB 19:16 गो आं वाइल कली ब्रेत्‍नुङ। तन्‍न मेकोम लोव़ मलेप्‍ब। गो मेको कली शुश लेम्‍शा पुंइचा माल्‍नुङ।
JOB 19:17 आं सास आं मीश कली रिना नु ग्रांग्रा दिशो दुम्‍शो बाक्‍ब। गो आं खिं ङा मुर आन कली ग्रांग्रा दिशो दुम्‍शो बाक्‍ती।
JOB 19:18 आइक्‍च आलपुकीमी यो आं कली तशा ग्रांग्रा दित्‍नीम। मिनु आं कली तामेनु, मेकोपुकीम शुक्‍शी पाइनीम।
JOB 19:19 गो नु गारब वारच नेल्‍लेम आं कली ग्रांग्रा दित्‍नीम। आं दाक्‍शो मुरपुकी आं पर्बम दूली पा बोक्‍शो बाक्‍नीम।
JOB 19:20 आं के रुश नु कुशुल ला लीशो बाक्‍ब। गो बेक्‍चा चिक्‍शो बाक्‍ती।
JOB 19:21 आं वारचपुकी, आं कली शिशी पाइय्‍यीनी, शिशी पाइय्‍यीनी। मारदे हना परमप्रभुम आं कली दिप्‍शा, श्‍येत गेशो बाक्‍ब।
JOB 19:22 गेपुकीमी यो परमप्रभुमी आं कली खेदा पशो खोदेंशो पा मारदे खेदा पाइनीनी? मार, आं कली मिश ङा श्‍येत गेशा मरूनी?
JOB 19:23 आं पशो लोव़ ब्रेक्‍शो हना, मेको किताबम ब्रेक्‍शो हना, रिम्‍शो दुम वा।
JOB 19:24 मेको फलाम के याम मुशा नु सिसाम ब्रेक्‍शो हना, फुल्‍लुम गेना हना यो लीचा ङा पा मुशा ब्रेक्‍शो हना, रिम्‍शो दुम वा।
JOB 19:25 तन्‍न आं कली श्‍येत रे प्रोंइब का बाक्‍ब। मेको नोले ङा नाक्‍त रागीम जाक्‍शा आं सांकछी दुम्‍‍ब। मेको गो तुइक्‍नुङ। यसैया ४१:१४; होसे १३:१४; अय्‍युब २६:६
JOB 19:26 मिनु आं कुशुल राक्‍शा खतम दुम नोले, गो आं रांमी परमप्रभु कली ताइनुङ। भजन संग्रह १७:१५; भजन संग्रह ७३:२४
JOB 19:27 गो मेको कली आं मिक्‍चीमीन आं नेक्‍था ताइनुङ। गो मेको तचा कली शुश रिम्‍ना रिम्‍न बाक्‍नुङ।
JOB 19:28 गेपुकीम आं कली ‘एको कली दोपा खेदा पचा? मारदे हना श्‍येत आ शाक्‍श एको आ आगाम बाक्‍ब’ देंतीनी।
JOB 19:29 गेपुकी तरवार क्‍येङा हिनीन। मारदे हना गाइश्‍शो आ सजाइ तरवार रे पा जाक्‍ब। मिनु निसाफ का बाक्‍ब, दे तुइक्‍तीन” दे अय्‍युबम लोव़ लेत्‍ती‍मी बाक्‍त।
JOB 20:1 मिनु नामा ङा सोफारमी
JOB 20:2 “नोफा दाइक्‍तीन। आं मिम्‍शोम आं कली लोव़ लेप्‍पाइक्‍ब सेल्‍‍ती। मारदे हना गो आं थुं काइ मनुशो बाक्‍नुङ।
JOB 20:3 गो आं कली शुक्‍शी पशो लोव़ नेंशो बाक्‍नुङ। आं थुं ङा रुप्‍तीकेम आं कली लोव़ लेप्‍ब सेल्‍शो बाक्‍ब।
JOB 20:4 गे एको माइत लोव़ तुइक्‍नीनी? मुर रागीम बाक्‍मा रे एको लोव़ बाक्‍शो बाक्‍ब।
JOB 20:5 एको मार लोव़ बाक्‍ब देंशा हना, परमप्रभु यावे आ अरेशो मटीब आन ठेयब लेश्‍शो इच्‍का नाक्‍त ला लीब। मेको आन ग्‍येरसीशो याम का ला लीब।
JOB 20:6 मेको आन ठेयब लेत्‍तीक सरीङ खोइ लाइक्‍त हना यो नु मेको आन पियाम गोस्‍स कली थिप्‍तु हना यो, भजन संग्रह ३७:३५-३६
JOB 20:7 मेको ख्री खोदेंशो पा जाम्‍नीम। मिनु मेको आन कली ताइब नेल्‍लेम ‘मेको ते लाक्‍गमे, खोइ?’ देंनीम। मीका ७:१०
JOB 20:8 मेकोपुकी ङोमु पशो खोदेंशो पा जाम्‍शा लाइनीम। मेको आन कली मथिंसीब। मेकोपुकी नाक्‍दो तशो ततीक खोदेंशो पा जाम्‍शा लाइनीम।
JOB 20:9 मेको आन कली तुइक्‍बपुकीम लेंशा गेनायो मताइनीम। मिनु आन बाक्‍तीके रे यो जाम्‍शा लाइनीम। भजन संग्रह ३७:१०
JOB 20:10 मेको आन आलपुकीम प्रुङग आन शिशी माल्‍नीम। मिनु मेको आन तौपुकीमी प्रुङग आन शोंप लाइश्‍शा गेनीम।
JOB 20:11 मेकोपुकी ठिटा दुम्‍शा, सक्ति पाइश्‍शो बाक्‍तेक्‍म हना यो, बेक्‍शा, तुरस ङा फुरकुम वोइक्‍चा पुंइसीनीम।
JOB 20:12 परमप्रभु यावे आ अरेशो मटीब आन मरिम्‍शो पशो मेको आन कली ब्रोव़शो बाक्‍त हना, मेको आन लें आगाम ख्रुइश्‍शा वोइक्‍नीम।
JOB 20:13 मेको आंम कली वोइश्‍शा, मप्रोंइब। मेको आन शोव़म वोइक्‍तेक्‍म हना यो,
JOB 20:14 मेको आन जचा थोव़क आन कोव़जम फांइसीब। मिनु मेकेर बुस्‍स आन बीस दुम्‍ब।
JOB 20:15 मेकोपुकीम मेको आन नेक्‍शो शोंप लेंशा मेचा माल्‍नीम। परमप्रभुमी मेको आन कली मेपाइक्‍ब।
JOB 20:16 मेकोपुकीम बुस्‍स आ बीस युप्‍नीम। मिनु बीस पाइश्‍शो बुस्‍सुमी मेको आन कली कोक्‍शा साइक्‍ब।
JOB 20:17 मेको आन के तर नु खुदो शुश बाक्‍त हना यो, ग्‍येरशा जचा तूचा मताइनीम।
JOB 20:18 मेको आन श्‍येत पा चेम्‍शो मारेइ मारेइ मजथु लेश्‍शा गेचा माल्‍नीम। मिनु आन ग्‍याप्‍शा लेयशा चेम्‍शो क्‍येट ग्‍येरशा ज‍चा मताइनीम। ब्‍यवस्‍था २८:३०-३३
JOB 20:19 मारदे हना मेकोपुकीमी प्रुङग आन कली दिप्‍शा श्‍येत गेम्‍तेक्‍म। मेकोपुकीम आन मसेल्‍शो खिं आंम के सेल्‍शो बाक्‍नीम।
JOB 20:20 मेको आन शोव़लु गेनायो मउइक्‍ब। मिनु मेको आन शोंप मली‍ब।
JOB 20:21 मेकोपुकीम जामे नोले मारेइ महेक्‍ब। मोपा आन शोंप नेल्‍ल नुप्‍शा लाइब।
JOB 20:22 मेको आन मिम्‍शो नेल्‍ल गाप्‍त हना यो, मेकोपुकी श्‍येत जाइनीम। मारेइ मारेइ श्येत मेको आन तार कोम्‍सीब।
JOB 20:23 मेकोपुकी रूने थुम्‍मे नोले, परमप्रभुम आ गाइश्‍शो मेको आन तार मोइक्‍ब। दोशो जामे मोशो परमप्रभुम सजाइ गेचा पुंइसीनीम।
JOB 20:24 मेकोपुकी फलाम के या रे प्रोक्‍तेक्‍म हना यो, कांसा के ङर पाइश्‍शो ब्राम मेको आन कली ख्रिप्‍‍ब।
JOB 20:25 मेको ब्रा मेको आन कली ख्रिश्‍शा ग्रूनीम। मेको ब्रा आन टल्‍केशो ङरम मेको आन खाइल पुक्‍शा ग्रुंइब। मोपा मेको शुश हिंनीम। ब्‍यवस्‍था ३२:४१
JOB 20:26 मेको आन शोंप कली थम छिङछिङमी रिम्‍शा बाक्‍शो बाक्‍ब। थाम्‍पा ब्रशो मीम मेको आन कली दाक्‍ब। मिनु आन ताम्‍बुम लीशो मारेइ मारेइ नेक्‍ब। ब्‍यवस्‍था ३२:२२
JOB 20:27 स्‍वर्गम मेको आन मरिम्‍शो पशो नेल्‍ल कोंइब। रागी मेको आन कली दोस गेचा कली ठीक दुम्‍शो बाक्‍ब।
JOB 20:28 मेको आन खिं ङा शोंप नेल्‍ल योल्‍नीम। मेको गाइक्‍ता नाक्‍त मेको नेल्‍ल योल्‍नीम।
JOB 20:29 मेको परमप्रभु यावे आ अरेशो मटीब आन भाग बाक्‍ब। परमप्रभुमी गेशो इनाम मेकोन बाक्‍ब” दे लोव़ लेत्‍ता बाक्‍त।
JOB 21:1 मिनु अय्‍युबमी
JOB 21:2 “इन नोफा दाइश्‍शा, आं लोव़ नेनीन। मेको आं कली इन गेशो लेम्‍तीके बाक्‍ब।
JOB 21:3 गो लोव़ पङानु, आं कली फाल्‍शा नेनीन। गो लोव़ थुमु नोले आं कली शुक्‍शी पने चाप्‍नीनी।
JOB 21:4 मार, आं थुं मनुथु पशो लोव़ बेक्‍शा लाइब मुर आन कली ममाइ। मारदे गो फाल्‍शा बाक्‍चा माल्‍नुङा?
JOB 21:5 आं कली कोव़यीनी। मिनु सिक्‍सी पने। मारदे हना गो ग्रांग्रा दि‍चा ङा तांइसीनुङ। इन शोव़ सुम्‍सीन। अय्‍युब ४०:४
JOB 21:6 गो आं कली ‘मार दुम्‍बा’ दे मिम्‍नुङ। मिनु ग्रीचोक पा हिंनुङ। आं रां नेल्‍ल थुर थुर पा ख्रिंख्रि पाइब।
JOB 21:7 परमप्रभु यावे आ अरेशो मटीब मुर मारदे ब्रोंइना ब्रोंइन बाक्‍नीमी? मारदे मेकोपुकी खूशो दुम्‍मानु यो बोल्‍यो नु सक्ति पाइश्‍शो दुम्‍नीमी? येरमीया १२:१
JOB 21:8 मेको आन तमी तौ मेकोपुकी नु बाक्‍नीमी। मिनु मेकोपुकीम आन चच युइ नेल्‍ल ताइनीम।
JOB 21:9 मेको आन खिंम महिंथु बाक्‍नीम। परमप्रभुम मेको आन कली सजाइ मगेब।
JOB 21:10 मेको आन बी ब्‍यफ सोशा बोशा दुम्‍नीम। बी नेल्‍ल गिक्‍नीमी, गेनायो मशाम्‍नीम।
JOB 21:11 मेको आन आल आन कली क्‍यारश भेडा आन पाठा खोदेंशो पा ग्‍यारथ सोइक्‍‍नीम। मिनु मेको आन आइक्‍च आल सिल पना पन प्रेक्‍शो बाक्‍नीम।
JOB 21:12 मेकोपुकी खैजडी नु बीना ताप्‍शा कुम्‍सो पाइनीम। मिनु बांसुरी ताप्‍शा ग्‍येरसीनीम।
JOB 21:13 मेकोपुकीम आन नाक्‍त ग्‍येरशा सोइक्‍नीम। मिनु मेको आन थुं नाइश्‍शा बेक्‍शो मुर आन बाक्‍‍तीक लाइनीम।
JOB 21:14 मेकोपुकीम परमप्रभु कली आंइ रे पा ङोन लन। गो इन लांम गाक्चा मदाक्‍नीकी, देंनीम। अय्‍युब २२:१७
JOB 21:15 ‘नेल्‍ल क्‍येङा ठेयब सक्ति पाइश्‍शो सु बाक्‍म? गो मारदे मेको आ गेय पचा माल्‍नीकी? गो मेको कली पुंइशा मार ताइनीकी ङा?’ देंनीम। प्रस्‍थान ५:२; २ राजा १८:३५; भजन संग्रह १२:५; दानीएल ३:१५
JOB 21:16 परमप्रभु यावे आ अरेशो मटीब आन सोशा बोशा लशो, मेको आंम आन पतीके ममाइ। मिनु आन मिम्‍शो तुइश्‍शा, गो ग्रांग्रा दीनुङ। अय्‍युब २२:१८
JOB 21:17 परमप्रभु यावे आ अरेशो मटीब आन बत्ती गिश खेयप काम्‍सीबा? मेको आन पियाम गिश खेयप हिंचा ङा श्‍येत जुक्‍बा? शुश खेयप मजुक्‍‍ब। परमप्रभु आ गाइश्‍शोमी मेको आन कली गिश खेयप श्‍‍येत गेबा? शुश खेयप मगेब।
JOB 21:18 गिश खेयप फशेम बेरशो पराल खोदेंशो दुम्‍नीमी? मेकोपुकी गिश खेयप फश गिवारम बेरपाइश्‍शो भूस खोदेंशो दुम्‍नीमी? शुश खेयप मदुम्‍नीम। भजन संग्रह १:४
JOB 21:19 गेपुकीम ‘परमप्रभुमी मेको आन मरिम्‍शो पतीके आन तमी तौ आन कली खेक्‍शा वोइक्‍ब’ देंनीनी। मोदेंशो मदुम्‍ल। तन्‍न मेकोमी मेको नेल्‍ल आन कली सजाइ गेवल। मिनु मेकोपुकीम तुइक्‍तमेक्‍ल। अय्‍युब २०:१०; प्रस्‍थान २०:५
JOB 21:20 मेकोपुकीम आंमा आन कली खतम दुम्‍तीक तामेक्‍ल। मेकोपुकीम नेल्‍ल क्‍येङा ठेयब सक्ति पाइश्‍शो आ गाइश्‍शो तुइक्‍तमेक्‍ल।
JOB 21:21 मुर आन ब्रोंइतीक नुम नोले मेको आन खिं कोव़ने चाप्‍नीमी ङा? मेको आन ब्रोंइतीक नुप्‍ब।
JOB 21:22 मुरुम परमप्रभु कली जोक्‍तीक तुइक्‍तीक लोव़ शेंने चाप्‍नीमी ङा? मेकोमी इर बाक्‍ब आन कली यो निसाफ पाइब। उपदेसक ५:७
JOB 21:23 का निक्‍शी मुर आन माल्‍शो नेल्‍ल गाप्‍शा बेक्नीम। मेको काइ महिंथु रिम्‍शा बाक्‍नीम।
JOB 21:24 मेको आन रां दोम्‍शो बाक्‍नीमी। मेको आन रुशेम मासी बाक्‍ना बाक्‍न बेक्‍नीम।
JOB 21:25 का निक्‍शी चहिं श्‍येतम ब्रीशा, आन थुं कशो दुम्‍शा बेक्‍नीम। मेकोपुकीम गेनायो ग्‍येरचा मतामे।
JOB 21:26 मिनु मेको नेल्‍ल काथा थिम्‍चा पुंइसीनीम। मिनु लुस्‍पुमी मेको आन कली सुम्‍नीम। अय्‍युब ३:१८-१९
JOB 21:27 गेपुकी मार मिम्‍ना मिम्‍न बाक्‍नी, गो मेको रिम्‍शो पा तुइक्‍नुङ। मेको आं पर्बम दूली मिम्‍तीक लोव़ बाक्‍ब, दे गो तुइक्‍नुङ।
JOB 21:28 गेपुकीम ‘मेको सासन पाइब आ खिं ते बाक्‍म? मेको परमप्रभु यावे आ अरेशो मटीब मुर आन ताम्‍बु ते बाक्‍नीमी?’ दे हिल्‍लो पाइनीनी।
JOB 21:29 मार, गेपुकीम लां गाक्‍ब आन कली गेनायो हिल्‍लो मपनी? गे मेको आन देंशो मतुइक्‍नीनी?
JOB 21:30 शुश हिंचा ङा श्‍येत दुम्‍मेनु, परमप्रभु यावे आ अरेशो मटीबपुकी ब्रोंइचा ताइनीम। मिनु परमप्रभु आ गाइक्‍ची नाक्‍त मेकोपुकी प्रोंइचा पुंइसीनीम।
JOB 21:31 सुइम मेको आन कली दोस मगेनीम। सुइमी मेको आन मरिम्‍शो पशो आ पा ङा क्‍येक्‍क मलेत्‍नीम।
JOB 21:32 मिनु मेको बेक्‍शा, कुरशा तुरसुम लाइक्‍चा पुंइसीनीम। मिनु मेको आन तुरसुम खाल पाइब वोइक्‍नीम।
JOB 21:33 तुरस ङा खप यो मेको आन कली रिम्‍शो बाक्‍ब। मिनु शुश मुर मेको आन नोले खोइक्‍नीम। मिनु हिक्‍ने मचाप्‍चा ङा पा शुश मुर मेको आन क्‍येङा ङोंइती लाम्‍तेक्‍म।
JOB 21:34 गेपुकी इन देंशो फश लोव़म दोपा आं कली लेम्‍नीनी ङा?” दे अय्‍युबमी सोफार कली लोव़ लेत्‍ता बाक्‍त।
JOB 22:1 मिनु तेमान ङा एलीफाजमी
JOB 22:2 “बेक्‍शा लाइब मुरुम परमप्रभु कली मार पने चाप्‍बा ङा? शुश जोक्‍ब तुइक्‍ब मुरुम यो मेको कली मार गेय पने चाप्‍बा ङा?
JOB 22:3 गे ठीक पाइब बाक्‍‍तीनी हना, नेल्‍ल क्‍येङा ठेयब सक्ति पाइश्‍शो कली मार रिम्‍शो दुम्‍बा ङा? इन पशो नेल्‍ल दोस मततीक बाक्‍त हना, मेको कली मार रिम्‍शो दुम्‍बा ङा? अय्‍युब ३५:६-८
JOB 22:4 इन परमप्रभु कली मान पा हिं‍तीके आ पर्बम इन कली महुइक्‍ब। मेको आ पर्बम इन कली निसाफ मपाइब।
JOB 22:5 इन परमप्रभु यावे आ अरेशो मटितीके ठेयब बाक्‍ब। इन मरिम्‍शो पतीके गेनायो मनुप्‍ब।
JOB 22:6 गे मोशान इन लोक्‍ब आ वा जाकटी लाइक्‍तीनी। आन वा रोइश्‍शा शिश्रा सेल्‍‍तीनी। प्रस्‍थान २२:२५-२६; अय्‍युब २४:९-१०
JOB 22:7 गे तूतू दाक्‍शा, लकचा सोव़शो मुर आन कली ब्‍वाक्‍कु मगेनी। मिनु शोव़लु बेक्‍शो मुर आन कली जचा थोव़क मगेनी। अय्‍युब ३१:१७; मत्ती २५:४२-४३
JOB 22:8 सक्ति पाइश्‍शो मुर आन के शुश रू बाक्‍नीम। मेको आन दाक्‍शो मुर आन कली मेकेर बाक्चा गेनीम।
JOB 22:9 गे आन वोंइश बेक्‍शो मीश मुर आन कली श्‍येत्‍थ गुइ सोइक्‍ताक्‍नी। मिनु रोम रोइक्‍च आन तचा माल्‍शो मगेनी। अय्‍युब २९:१२-१३
JOB 22:10 मोपतीके इन गाक्‍तीक लां आ एर ओंथ नेल्‍ल ब्‍वारद दाइश्‍शो बाक्‍नीम। मिनु इन कली इन मतुइक्‍चा ङा पा शुश हिंतीके जाक्‍ब।
JOB 22:11 मिनु तने मचाप्‍चा ङा छिङछिङम इन कली सुम्‍ब। मिनु ब्‍वाक्‍कु बारशा यिशा इन कली सुम्‍ब।
JOB 22:12 परमप्रभु इर स्‍वर्गम बाक्‍‍ब। सोरुल आन कली कोव़ङीन। गिश इर बाक्‍नीमी।
JOB 22:13 मोपतीके गे ‘परमप्रभुमी मार तुइक्‍बा ङा? मेकोम गोस्‍स आ छिङछिङ रे दोपा निसाफ पाइबा ङा?
JOB 22:14 गोस्‍स आ छिङछिङ मेको कली सुम्‍तीके, मेकोम आंइ कली तने मचाप्‍ब। मिनु मेको सरीङम एर ओंथ गाक्‍शा बाक्‍‍ब’ देंतीनी।
JOB 22:15 गे परमप्रभु यावे आ अरेशो मटीब आन माइत लां मप्रोंइब बाक्‍नीनी?
JOB 22:16 मेको आन नाक्‍त मजाक्‍थु साइक्‍चा पुंइसाक्‍म। मेको आन जग ब्‍वाक्‍कुम योल्‍ताक्‍व। अय्‍युब १५:३२-३३; उत्‍पत्ती ७:२१
JOB 22:17 मेको मुरपुकीम परमप्रभु कली ‘आंइ रे पा ङोन लन। नेल्‍ल क्‍येङा सक्ति पाइश्‍शोमी आंइ कली मार पने चाप्‍बा ङा?’ देंतेक्‍म। अय्‍युब २१:१४
JOB 22:18 मो हना यो मेकोमी, मेको आन खिं रिम्‍शो थोव़कमी प्रिंताक्‍व। तन्‍न परमप्रभु यावे आ अरेशो मटीब आन मिम्‍शो काइ मदाक्‍नुङ।
JOB 22:19 ठीक पाइबपुकी मेको आन कली तशा ग्‍येरसीनीम। दोस मताइबपुकीम मेको आन कली शुक्‍शी पा रित्‍नीम। भजन संग्रह १०७:४२
JOB 22:20 मेकोपुकीमी ‘थमा पा, इं जोरी सत्रु साइक्‍चा पुंइसाक्‍म। मिनु मेको आन शोंप मीम नेक्‍तु’ देंनीम।
JOB 22:21 परमप्रभु नु गारीन। मिनु थुं नाइक्‍तीन। मो पाइतीनी हना इन रिम्‍शो दुम्‍तीके लेंशा ताइनीनी।
JOB 22:22 मेको आ शेंशो पने। मिनु इन थुंम वोतीन।
JOB 22:23 गे नेल्‍ल क्‍येङा ठेयब सक्ति पाइश्‍शो गे ले‍तीन। मिनु ङोंइती ङा खोदेंशो दुम्‍नीनी। गे इन ठीक मपतीके इन क्‍येङा ङोन वोतीन। अय्‍युब ८:५-७; अय्‍युब ११:१४-१५
JOB 22:24 गे सुन फुरक खोदेंशो मिम्‍ताक्‍नी हना, ओफीर ङा सुन कली खोला ङा फुल्‍लु खोदेंशो मिम्‍ताक्‍नी हना,
JOB 22:25 नेल्‍ल क्‍येङा ठेयब सक्ति पाइश्‍शो इन शोंप दुम्‍ब। मेको इन सुन चांदी दुम्‍त हना,
JOB 22:26 मेना नेल्‍ल क्‍येङा ठेयब सक्ति पाइश्‍शो कली मिम्‍शा, ग्‍येरशा बाक्‍नीनी। मिनु गे इन पिया पोक्‍शा परमप्रभु गे कोव़नीनी।
JOB 22:27 गे मेको कली पुंइनीनु, मेकोमी इन पुंइशो नेंब। मिनु गे इन जशो कसम खाप्‍नीनी। भजन संग्रह ५०:१४-१५
JOB 22:28 गे मार पाइनुङ, दे मिम्‍नीनी, मेको दुम्‍ब। मिनु इन लांम छेङछेङ दुम्‍ब।
JOB 22:29 मारदे हना मेकोमी ठेयब लेश्‍शो लोव़ पाइब आन कली आइक्‍च सेल्‍ब। ब्रेम्‍शो मुर आन कली चहिं प्रोंइब। १ पत्रुस ५:५
JOB 22:30 मेकोमी दोस ताइब आन कली यो प्रोंइब। गे दोस मताइब बाक्‍‍तीके मेको आन कली प्रोंइब” दे एलीफाजमी अय्‍युब कली लोव़ लेत्‍ता बाक्‍त। भजन संग्रह १८:२१,२५; २कोरिन्‍थी ५:२
JOB 23:1 मिनु अय्‍युबमी
JOB 23:2 “मुलाक्‍ती आं देंशो लोव़ थुं मनुचा ङा बाक्‍ब। गो हुकयी पना पन बाक्‍ती हना यो, परमप्रभुमी आं कली श्‍येत गेना गेन बाक्‍ब।
JOB 23:3 गो मेको कली ते बाक्‍बा, मेको तुइक्‍तु हना, गो मेको आ बाक्‍तीके लाङ वा।
JOB 23:4 गो आं श्‍येत मेको आ ङोंइती नेल्‍ल शोव़ङु वा। गो मेको कली आं देंचा माल्‍शो लोव़ नेल्‍ल देंङ वा।
JOB 23:5 मेकोमी आं कली मार लोव़ लेप्‍बाक्‍मे गो मेको तुइक्‍तु वा। मिनु गो मेकोम आं कली मार देंबाक्‍मे मेको रुबु वा।
JOB 23:6 मेको आ ठेयब सक्तिमी गो नु लोव़ पाइबा ङा? ममाइ, परमप्रभुमी आं कली गेनायो दोस मगेब।
JOB 23:7 रिम्‍शो थुं पाइश्‍शो मुरपुकीमी मेको नु लोव़ पने चाप्‍नीम। मिनु गो आं निसाफ पाइब रे गेना हना यो प्रोंइचा पुंइसीङ वा।
JOB 23:8 गो ङोंइती गे लती हना, मेको मेक मबाक्‍ब। गो नोले गे लेत्‍ती हना यो, मेको मेक मबाक्‍ब।
JOB 23:9 मेकोमी पेरा गे ख्रुइक्‍ताक्‍व हना, गो मेको कली मताइनुङ। गो ग्‍युरा गे हिरसीङानु यो मेको कली तने मचाप्‍नुङ। अय्‍युब ४२:५
JOB 23:10 तन्‍न मेकोमी आं गाक्‍शो लां तुइक्‍ब। मेकोमी आं कली नाक्‍शा कोव़यीनु, गो सुन खोदेंशो दुम्‍नुङ। भजन संग्रह १७:३; भजन संग्रह १३९:२३-२४
JOB 23:11 गो मेको आ नोले खोइश्‍शो बाक्‍नुङ। गो मेको आ लांम ला गाक्‍शो बाक्‍ती। गो ग्‍युरा पेरा मपङ।
JOB 23:12 गो मेको आ शेंशो पाता। मेको आ लोव़ नाक्‍त किंत किंत ङा आं जचा थोव़क क्‍येङा यो शुश मिम्‍ताक्‍ङ।
JOB 23:13 तन्‍न मेको आ कान बाक्‍ब। मिनु सुमी मेको कली तेक्‍ने चाप्‍बा ङा? मेकोमी आ मिम्‍शो खोदेंशो पाइब।
JOB 23:14 मेकोमी आं कली मार पचा मिम्‍बा, मेको नेल्‍ल पाइब। मिनु मोदेंशो शुश मिम्‍‍ब।
JOB 23:15 मोपतीके गो मेको नु ग्रुम्‍चा शुश हिंनुङ। गो मेको कली मिम्‍शा हिंशा ख्रिंख्रि पाइनुङ।
JOB 23:16 परमप्रभुम आं थुं थपाइश्‍शो बाक्‍ब। नेल्‍ल क्‍येङा ठेयब सक्ति पाइश्‍शोमी आं कली हिंपाइ‍क्‍ब।
JOB 23:17 छिङछिङमी आं कली सिक्‍सी पपाइक्‍ने मचाप्‍ब। मेको छिङछिङमी आं कली सुम्‍ने मचाप्‍ब” दे अय्‍युबमी देंमाक्‍त।
JOB 24:1 मिनु अय्‍युबमी “नेल्‍ल क्‍येङा ठेयब सक्ति पाइश्‍शोमी निसाफ पतीके नाक्‍त मतुइक्‍पदा? आ नेक्‍था बाक्‍बपुकीम यो मेको आन नाक्‍त मारदे मतुइक्‍नीमी? उपदेसक ३:११; उपदेसक ८:६
JOB 24:2 परमप्रभु यावे आ अरेशो मटीब मुरपुकीम सांद ङा फुल्‍लु याक्‍नीम। मेकोपुकीम क्‍यारश भेडा खुइ पशा योव़नीम। ब्‍यवस्‍था २७:१७
JOB 24:3 मेकोपुकीम रोम रोइक्‍च आन गधा खुल्‍शा लाइक्‍नीम। मिनु वोंइश बेक्‍शो मीश मुर आन ब्‍यफ जाकटी वोंइ‍सीनीम।
JOB 24:4 मेकोपुकीम प्रुङग आन कली लां मेर चुशा थोक्‍शा गाक्‍नीम। रागी ङा प्रुङग आन कली ख्रुइक्पाइक्‍नीम।
JOB 24:5 ब्‍वाकी ङा गधा गोरशो रागीम जचा थोव़क माल्‍शा गाक्‍शो खोदेंशो पा, प्रुङगपुकी जचा थोव़क माल्‍शा गाक्‍नीम। मिनु गोरशो रागीम मेको आन तमी तौ आन कली जचा थोव़क माल्‍‍नीम।
JOB 24:6 प्रुङगपुकीम मुर आन रूम सिला माल्‍नीम। परमप्रभु यावे आ अरेशो मटीब मुर आन अङगुर रूम सिला पाइनीम।
JOB 24:7 वा मबाक्‍‍तीके मेकोपुकी शिश्रा इप्‍नीम। मेको आन के ग्‍यूमी फेक्‍तीक मबाक्‍ब।
JOB 24:8 मेको पहाडम बाक्‍शा रेउम जित्‍नीम। फाम्‍सीतीके मबाक्‍‍तीके, फुल्‍लु आ नेक्‍था फाम्‍सीनीम।
JOB 24:9 परमप्रभु यावे आ अरेशो मटीबपुकीम रोम रोइक्‍च आन कली आन ममा आ थुकु रे रोइश्‍शा, लाइनीम। मिनु मारेइ मथीब मुर आन आल आन कली आन जेर आ पा ङा लाइ‍नीम।
JOB 24:10 मेकोपुकी वा मबाक्‍‍तीके शिश्रा गाक्‍नीम। शोव़लु बेक्‍शा यो, क्‍योव़ज चेरब आ मुठा कुरनीम। यसैया ५८:७
JOB 24:11 मेकोपुकीम गारो आन दातेमी तेल ख्राक्‍नीम। अङगुर ख्राक्‍तेक्‍म हना यो तूतू, दाक्‍शो बाक्‍नीम। याकूब ५:४
JOB 24:12 सहर रे बेक्‍चा चिक्‍शो मुर आन हुकयी पशो नेंसीब। मिनु गार दुम्‍शो मुरुम ‘वारच पाइय्‍यीनी’ दे वाइ ब्रेप्‍ब। मो हना यो परमप्रभुम मेको आन पुंइशो मनेंब।
JOB 24:13 का निक्‍शी मुर छेङछेङ आ पर्बम मरिम्‍शो लोव़ पाइनीम। मेकोपुकीम छेङछेङ ङा लां मतुइक्‍थु, मगाक्‍नीम।
JOB 24:14 मुर साइक्‍ब मुर नां रिक्‍म नोले बोक्‍शा प्रुङग नु मारेइ मथीब आन कली साइक्‍ब। मिनु नाक्‍दो मेको खुइ खोदेंशो दुम्‍ब।
JOB 24:15 मुर आन मीश नु मुर आन वोंइश नु इप्‍ब नां रिक्‍चा रिम्‍ब। मिनु मेकोमी ‘नाक्‍दो सुइम आं कली मतुइक्‍तमेक्‍ल’ दे आ कुल फाइक्‍ब। भजन संग्रह १०:११
JOB 24:16 खुइपुकी नाक्‍दो खिं प्रोल्‍शा ओव़नीम। मिनु नाक्‍त ख्रुंइसीनीम। मिनु मेकोपुकीम छेङछेङ मतुइक्‍नीम।
JOB 24:17 मारदे हना क्‍येर नाक्‍दो मेको आन कली सुनी बाक्‍ब। क्‍येर नाक्‍दो ङा शुश हिंतीके मेको आन वारच बाक्‍‍ब।
JOB 24:18 मेको मोदेंशो मुरपुकी ब्‍वाक्‍कु आ तार ङा बोग्‍यो खोदेंशो बाक्‍नीम। मेको आन थेरशो रू सराप चीले तशो बाक्‍नीम। सुइ मुर आन अङगुर रू गे मलाइनीम।
JOB 24:19 दोपा यशो फुं कली नां नु होशोम सोव़पाइक्‍बा, मोपा बेक्‍शो मुर आन बाक्‍तीकेमी पापी आन कली साम्‍पाइ‍क्‍ब।
JOB 24:20 मेको आन कली जरमेब कोव़जीम मेको आन कली प्रेंब। मिनु लुस्‍पु‍मी ‘मेको ब्रोव़शो बाक्‍नीम’ दे मिम्‍नीम। मुरुम मेको आन कली प्रें‍नीमी। मोपा परमप्रभु यावे आ अरेशो मटीबपुकी दिम्‍शो रवा खोदेंशो दुम्‍‍नीम।
JOB 24:21 मेकोपुकीमी आल मथीब मीश मुर आन कली श्‍येत गेनीम। मिनु आ वोंइश बेक्‍शो मीश मुर आन कली मारेइ रिम्‍शो मपाइ‍नीम।
JOB 24:22 मो हना यो परमप्रभु आ सक्तिमी मेको बोल्‍यो मुर आन कली ब्रोंइचा गेब। तन्‍न गेना बेक्‍नीमी मतुइक्‍नीम।
JOB 24:23 परमप्रभुम मेको आन कली प्रोंइतु हना यो, मेकोमी मेको आन कली गेना हना यो कोव़शो बाक्‍ब।
JOB 24:24 याम का कली मरिम्‍शो पाइबपुकी ग्‍येत्‍थ क्‍युक्‍चा पुंइसीनीम। मिनु नोले मेको जाम्‍नीम। अरु खोदेंशो पा मेकोपुकी यो बेक्‍शा लाइनीम। मिनु मेकोपुकी चेरब पेश्‍शो खोदेंशो पा पेत्‍सीनीम।
JOB 24:25 सुइमी आं कली ‘गे जोल पाइब नवे’ दे देंने मचाप्‍नीम। मिनु आं कली ‘फश लोव़ पाइब’ देंने मचाप्‍नीम” देंमाक्‍त।
JOB 25:1 मिनु शुआह ङा बिल्‍दादमी
JOB 25:2 “नेल्‍ल क्‍येङा ठेयब दुम्‍तीके नु मान पा हिं‍तीके परमप्रभु नु बाक्‍ब। मेकोमी इर स्‍वर्गम थुं नाइश्‍शा बाक्‍‍तीक सेल्‍ब।
JOB 25:3 मेको आ लडाइ पाइब हिक्‍ने मचाप्‍चा ङा बाक्‍नीम। मेको आ छेङछेङ नेल्‍ल आन बाक्‍तीके मजाक्‍बा ङा?
JOB 25:4 बेक्‍शा लाइब मुर दोपा परमप्रभु आ ङोंइती ठीक पाइब दुम्‍ने चाप्‍नीमी ङा? मीश मुर रे जरमेशो मुर दोपा ग्रांग्रा मदिचा ङा दुम्‍ने चाप्‍नीमी ङा? अय्‍युब ९:२; भजन संग्रह १४३:२
JOB 25:5 मेको आ ङोंइती तास्‍लाम ठीक पा छेङछेङ मगेब। सोरुल आन छेङछेङ मगारचा ङा बाक्‍नीम। अय्‍युब १५:१५
JOB 25:6 मिनु लुस्पु खोदेंशो मुर, दोपा परमप्रभु आ ङोंइती ठीक दुम्‍ने चाप्‍बा ङा?” दे बिल्‍दादम देंमाक्‍त। यसैया ४१:१४
JOB 26:1 मिनु अय्‍युबमी
JOB 26:2 “गे दोपा बोल मपाइश्‍शो मुर कली वारच पाइक्‍नी? यो‍क्‍शो गुइ कली गे दोपा नाइक्‍चा गेनी?
JOB 26:3 गे मतुइक्‍ब मुर कली, अर्ती गेतीनी। मिनु गे शुश रिम्‍शो लोव़ शेंताक्‍नी।
JOB 26:4 ओदेंशो लोव़ पचा कली गे ते शेंसीनी? मिनु तेको सोक्‍त रे पा ओदेंशो लोव़ पनी?” दे अय्‍युबमी देंमाक्‍त।
JOB 26:5 “उइ ङा मुर आन वांकु ख्रिंख्रि पाइनीम। ब्‍वाक्‍कु नु मेकेर बाक्‍बपुकी यो ख्रिंख्रि पाइनीम।
JOB 26:6 परमप्रभु आ ङोंइती बेक्‍शो मुर आन बाक्‍‍तीके मख्रुंइसीशो बाक्‍ब। मिनु जाम्‍शा लतीके मसुम्‍सीशो बाक्‍ब। भजन संग्रह १३९:८; हितोपदेस १५:११; आमोस ९:२; प्रकाश ९:१
JOB 26:7 मेकोम श्‍येत्‍थ बाक्‍तीकेमी उत्तर ङा सरीङ प्राक्‍ब। मिनु रागी कली मारेइ मबाक्‍तीकेम क्‍युक्‍ब।
JOB 26:8 मेकोमी ब्‍वाक्‍कु कली क्‍येर गोस्‍सुम तेक्‍शा वोइक्‍ब। मिनु मेको गोस्‍स मप्रोल्‍ब। ब्‍वाक्‍कु मग्रूब।
JOB 26:9 मेकोमी पूर्ने ङा तास्‍ला कली सुम्‍ब। मिनु आ गोस्‍सपुकी मेको आ तारी प्राक्‍ब।
JOB 26:10 मेकोमी ब्‍वाक्‍कु आ सुरम सांद वोइश्‍शो बाक्‍ब। छिङछिङ नु छेङछेङ फ्रा‍चा कली मो पशो बाक्‍ब।
JOB 26:11 मिनु सरीङ ङा थामपुकी हिम्‍‍सीनीम। परमप्रभु आ हुइश्‍शोमी हिंशा सिक्‍सी पाइनीम।
JOB 26:12 मेकोम आ सक्तिम समुन्‍द्र कली थेल्‍तु। मिनु आ रुप्‍तीकेम राहाब माइश्‍शो समुन्‍द्र ङा ठेयब जन्‍तु कली खतम सेल्‍तु। अय्‍युब ९:१३; भजन संग्रह ८९:११
JOB 26:13 मेको आ फश पतीकेमी सरीङ हाक्‍साक्‍व। मेकोम दोरशा प्रोक्‍ब ठेयब जन्‍तु कली साइक्‍तु। यसैया २७:१
JOB 26:14 मेको आ सक्ति ङा आइक्‍च गेय ला बाक्‍नीम। मेको रे गो आइक्‍च सेंदा ङा लोव़ ला नेंतक। मिनु मेको आ सक्तिम पशो बुंबु, सुम रुप्‍ने चाप्‍बा ङा?” देंमाक्‍त।
JOB 27:1 मिनु लेंशा अय्‍युबमी
JOB 27:2 “परमप्रभु यावे ब्रोंइशा बाक्‍शो खोदेंशो पा आं ठीक पशो आ पर्बम मारेइ मदे। नेल्‍ल क्‍येङा ठेयब सक्ति पाइश्‍शोम आं थुं खाइक्‍पाइश्‍शो बाक्‍ब।
JOB 27:3 गो आं रांम सोक्‍त बाक्‍म सम्‍म, परमप्रभु आ सोक्‍त आं नेंम बाक्‍म सम्‍म,
JOB 27:4 गो मारेइ जोल मपाइनुङ। मिनु मिलो शिलो मपाइनुङ। भजन संग्रह ३४:१४
JOB 27:5 गो गेपुकी ठीक बाक्‍‍नीनी, दे मदेंनुङ। गो मबेक्‍ङा सम्‍म आं रिम्‍शो पतीक मप्रोंइनुङ।
JOB 27:6 गो आं ठीक पतीके कली गेनायो मप्रोंइनुङ। गो मबेक्ङा सम्‍म दोस मताइब बाक्‍नुङ। प्रेरित २४:१६; १कोरिन्‍थी ४:४
JOB 27:7 आं जोरी सत्रु परमप्रभु यावे आ अरेशो मटीब खोदेंशो दुम्‍मल। आं कली मदाक्‍बपुकी ठीक मपाइब खोदेंशो दुम्‍मल।
JOB 27:8 परमप्रभु यावे आ अरेशो मटीब मुर बेक्‍चामेनु, परमप्रभुम मेको आन सोक्‍त लाइक्चावानु, मेको आन के मार आस बाक्‍बा ङा? लूका १२:२०
JOB 27:9 श्‍येत जचा चिक्‍तमेनु, आन ङाक्‍शो परमप्रभुमी नेंबा ङा?
JOB 27:10 मार, मेकोपुकीम नेल्‍ल क्‍येङा ठेयब सक्ति पाइश्‍शो कली मिम्‍शा ग्‍येरसीनीमी? मेकोपुकीम गेना हना यो मेको कली मिम्‍शा पुंइनीमी ङा?
JOB 27:11 गो इन कली परमप्रभु आ पशो आ पर्बम शेंनुङ। गो नेल्‍ल क्‍येङा ठेयब सक्ति पाइश्‍शो आ मिम्‍शो मख्रुइक्‍नुङ।
JOB 27:12 मेको गे नेल्‍लेम ताइतीनी। गेपुकी मारदे फश लोव़ पाइनीनी?
JOB 27:13 परमप्रभु यावे आ अरेशो मटीब आन कली गेशो भाग एकोन बाक्‍ब। नेल्‍ल क्‍येङा ठेयब सक्ति पाइश्‍शोम शिशी मपाइक्‍ब आन कली गेशो भाग एकोन बाक्‍ब। हितोपदेस १३:२२; उपदेसक २:२६
JOB 27:14 मेको आन तौ शुश बाक्‍तेक्‍म हना यो, मेकोपुकी तरवारम क्‍योरशा साइक्‍चा पुंइसीनीम। मिनु मेको आन चच युइ रूथ्री जचा मताइनीम। अय्‍युब २१:१९
JOB 27:15 मिनु लीशोपुकी बेक्‍तीक रोइ पा बेक्‍शा थिम्‍चा पुंइसीनीम। मिनु आन मीशपुकी रोंका मपाइनीम।
JOB 27:16 मेकोपुकीम फुरक खोदेंशो पा चांदी खुप्‍ताक्‍म हना यो, खप खोदेंशो पा शुश वासी तेल्‍तेक्‍म हना यो,
JOB 27:17 मेकोपुकीम तेल्‍नीमी, तन्‍न ठीक पाइबपुकीम फेक्‍नीम। मिनु मेको आन चांदी दोस मताइब आन कली योक्‍शा गेनीम।
JOB 27:18 मेको आन खिं ग्‍‍योव़ खोदेंशो पा सेल्‍शो बाक्‍ब। अङगुर रू खाल पाइब मुर आन बाक्‍‍तीके खोदेंशो दुम्‍ब।
JOB 27:19 मेको शोंप पाइश्‍शो दुम्‍शा इप्‍नीम। तन्‍न मुल रे मोदेंशो मदुम्‍नीम। मेको बोक्‍मानु, मेको नेल्‍ल लने थुम्‍शो बाक्‍ब।
JOB 27:20 शुश हिंतीकेम मेको आन कली बारशो ब्‍वाक्‍कुम खोदेंशो पा सुम्‍ब। मिनु नाक्‍दो फश गिवारमी मेको आन कली योल्‍ब।
JOB 27:21 पूर्ब ङा फशेमी मेको आन कली बेर पा योल्‍ब। मिनु मेको आन बाक्‍तीके योल्‍चा पुंइसीनीम।
JOB 27:22 फशेमी शिशी मपथु, मेको आन कली योल्‍ब। मिनु मेकोपुकी मेकेर रे प्रोक्‍चा माल्‍नीम।
JOB 27:23 मेको फशेमी मेको आन कली तशा, आन गुइ फ्रेक्‍नीम। मेको आन बाक्‍तीकेम मेको आन कली शुक्‍शी पाइब” देंमाक्‍त।
JOB 28:1 मिनु अय्‍युबमी “चांदी आन खानी बाक्‍नीम। सुन यपाइश्‍शा रिम्‍शो सेल्‍तीक बाक्‍नीम।
JOB 28:2 फलाम दोशा खप रे ग्रुंइनीम। फुल्‍लु रे तांबा यपाइश्‍शा ग्रुंइनीम।
JOB 28:3 मुरुम छिङछिङ कली थुम्‍पाइक्‍नीम। मेकोपुकी रागी आगा ङा छिङछिङम खानी माल्‍ना माल्‍न गाक्‍नीम।
JOB 28:4 मुर आन बाक्‍‍तीक रे शुश ङोन लाइनीम। मिनु मुरुम मथेक्‍तीक रागी लाइनीम। मेकोपुकीमी खानी आगा लतीक पोव़ला दोइनीम। मिनु मेकोपुकी सुइ मबाक्‍‍तीकेम डोरीम ग्‍युक्‍शा बिक्‍तीकेम गेय पाइनीम।
JOB 28:5 मिनु अन्‍न रू आन आगाम खानी दोना दोन बाक्‍नीम। मिनु नेल्‍ल खल्‍बल सेल्‍नीम। खप कली मी सेल्‍नीम।
JOB 28:6 मेको फुल्‍लु रे साफीर माइश्‍शो हीरा नु सुन के फुरक ग्रुंइनीम।
JOB 28:7 तेकोइ सिखार पाइब चिक्‍बीम मेकेर लतीक लां मतुइक्‍ब। मिनु ब्‍वारदे आ शुश ताइब मिक्‍चीमी यो मेको मतशो बाक्‍ब।
JOB 28:8 ठेयब लेश्‍शो जन्‍तु यो मेकेर मजाक्‍दीत्‍नीम। मिनु गुप्‍सपुकी मेको लां रे मलाइनीम।
JOB 28:9 मुरुम आन गुइमी सारो फुल्‍लु क्‍योरनीम। मिनु पहाड आन कली दिंम सेल्‍नीम।
JOB 28:10 मेकोपुकीम रोंगुम पोव़ला मुइनीम। मिनु शुश क्‍येट लाइब हीरापुकी ताइनीम।
JOB 28:11 मेकोपुकीम खोला आ बुक्‍तीक माल्‍नीम। मिनु रागीम थिम्‍शा वोइश्‍शो शोंप ग्रुंइनीम।
JOB 28:12 तन्‍न तुइक्‍‍तीक चहिं ते थिंसीबा? मिनु रुप्‍तीके ते बाक्‍बा?
JOB 28:13 बेक्‍शा लाइब मुरपुकीम मेको आ लां मतुइक्‍नीम। ब्रोंइशा बाक्‍ब मुर आन रागीम मेको मथिंसीब।
JOB 28:14 मिनु खप आ लुक्‍च लशोमी ‘मेको गो नु मबाक्‍ब’ देंब। मिनु समुन्‍द्रमी यो ‘मेको गो नु मबाक्‍ब’ देंब।
JOB 28:15 मुरुमी सुनमी रुप्‍तीके ग्‍याप्‍‍ने मचाप्‍नीम। चांदी नाक्‍शा यो मेको कली थाप्‍‍‍ने मचाप्‍नीम। हितोपदेस ३:१३-१५
JOB 28:16 रुप्‍तीके कली ओफीर ङा सुन, शुश क्येट लाइब ओनीक्‍स नु साफीर माइश्‍शो हीरामी यो ग्‍याप्‍ने मचाप्‍नीम।
JOB 28:17 सुन नु सिसा आस क्‍येङा तुइक्‍तीके नु रुप्‍तीके ठेयब बाक्‍ब। क्‍येख सुन के गहाना नु यो मेको फाइक्‍ने मचाम्‍सीब।
JOB 28:18 ल‍ल मूगा नु टल्‍केब फुल्‍लु आ पर्बम लोव़ पचा ममाल्‍ब। तुइक्‍‍तीक थुं मोती आन क्‍येङा यो शुश क्येट लाइब बाक्‍ब। भजन संग्रह १११:१०; हितोपदेस १:७, ९:१०
JOB 28:19 एथीयोपीया रागी ङा पुश्पराज माइश्‍शो हीरा मेको नु उइक्‍थ दुम्‍ने मचाप्‍ब। मेको क्‍येख सुनम ग्‍याप्‍‍‍‍ने मचाप्‍नीम।
JOB 28:20 मिनु तुइक्‍तीक थुं ते रे जाक्‍बा? मिनु रुप्‍‍तीके ते बाक्‍बा?
JOB 28:21 मेको ब्रोंइशा बाक्‍ब नेल्‍ल आन ङोंइती रे ख्रुइश्‍शो बाक्‍ब। मेको सरीङम बेरब चिक्‍ब आन क्‍येङा यो ख्रुइश्‍शो बाक्‍ब।
JOB 28:22 जाम्‍शा लतीके नु बेक्‍पाइक्‍बमी ‘गो मेको आ पर्बम नेंशो ला बाक्‍नस्‍कु’ देंनीस।
JOB 28:23 तन्‍न परमप्रभुमी मेको आ लां तुइक्‍ब। मेको ते रे जाक्‍बा मेको यो तुइक्‍ब। हितोपदेस ८:२२-३१
JOB 28:24 मारदे हना मेकोमी रागी आ एर ओंथ नेल्‍ल ताइब। मिनु सरीङ आगा ङा मारेइ मारेइ नेल्‍ल आन कली कोव़ब।
JOB 28:25 मेकोमी फश कली सक्ति गेप्‍तु। मिनु समुन्‍द्र आ सांद वोइक्‍तु।
JOB 28:26 मेकोम ‘दोशो रेउ यिचा माल्‍बा’ मेको अरेप्‍तु। मिनु बुंबु कली आ लां कोंइताक्‍व।
JOB 28:27 मेना मेकोम रुप्‍तीक नु तुइक्‍तीक कली तशा ‘एकेर बाक्‍ब। मोदेंशो दुम्‍चा माल्‍ब। मेको रिम्‍शो बाक्‍ब’ देंमाक्‍त।
JOB 28:28 मिनु मेकोमी मुर आन कली ‘परमप्रभु यावे कली मान पा हिंतीके तुइक्‍‍तीक बाक्‍ब। मरिम्‍शो पतीक रे ङोन बाक्‍चा रुप्‍तीके बाक्‍ब’ देंत” दे अय्‍युबमी देंमाक्‍त। भजन संग्रह १११:१०; हितोपदेस १:७
JOB 29:1 मिनु लेंशा अय्‍युबमी
JOB 29:2 “गो ङोंइती ङा खोदेंशो बाक्ङ हना! मेना परमप्रभुमी आं कली कोव़शो बाक्‍‍त।
JOB 29:3 मेना मेको आ छेङछेङ आं पिया तार बाक्‍त। मिनु गो छिङछिङम मेको आ हाम्‍सोम गाक्‍ती। भजन संग्रह १८:२९
JOB 29:4 गो आं थम रिम्‍शो नाक्‍तीम परमप्रभु आं वारच दुम्‍शा, आं नेक्‍था बाक्‍त। भजन संग्रह २५:१४
JOB 29:5 मेना मेको नेल्‍ल क्‍येङा ठेयब सक्ति पाइश्‍शो गो नु बाक्‍शो बाक्‍त। मिनु आं तौपुकी आं एर ओंथ बाक्‍‍तेक्‍म।
JOB 29:6 मेना आं लांम दूध शाइश्‍शो बाक्‍‍त। मिनु सेरथे फुल्‍लु रे तेल के खोला शाइश्‍शो बाक्‍‍त।
JOB 29:7 गो आं बाक्‍‍तीके रे सहर ङा ठेयब लाप्‍चो रे पा लाङगा आं नित्‍तीकेमी नित्‍थ लङानु,
JOB 29:8 ठिटापुकीम आं कली तशा, लां प्रोंइशा गेतीमी। मिनु खूशोपुकी आं कली तशा मान पा राप्‍तेक्‍म।
JOB 29:9 ठेयब मुरपुकी सिक्‍सी पा बाक्‍तेक्‍म। मिनु मेकोपुकीम आन गुइमी आन शोव़ सुम्‍तेक्‍म।
JOB 29:10 सासन पाइब आन ब्‍वाक्‍चा देक्‍शा, सिक्‍सी पा बाक्‍तेक्‍म।
JOB 29:11 आं ब्‍वाक्‍शो नेंबपुकीम आं कली ठेयब सेल्‍तीमी। मिनु आं कली तशा ‘रिम्‍शो बाक्‍ब’ देंतेक्‍म।
JOB 29:12 मारदे हना गो ‘वारच पाइक्‍की’ देंब प्रुङग आन कली वारच पा प्रोंइतामी। वारच पाइब मबाक्‍शो रोम रोइक्‍च आन कली वारच पाइक्‍तामी। अय्‍युब ३१:१६; प्रस्‍थान २२:२१-२२
JOB 29:13 मारेइ आस मबाक्‍शो मुरपुकीम आं कली आसीक गेतीमी। गो आन वोंइश बेक्‍शो मीश मुर आन थुं ग्‍येरपाइक्‍तामी।
JOB 29:14 गो ठीक पतीक कली वा फेक्‍सीशो खोदेंशो पा फेक्‍साक्‍यी। आं ठीक निसाफ पतीके आ वा नु आं फेटा खोदेंशो बाक्‍त।
JOB 29:15 गो मिक्‍च मताइब आन मिक्‍च दुम्‍ती। मिनु खोइल मदुक्‍ब आन खोइल दुम्‍ती।
JOB 29:16 मारेइ मथीब आन कली आन आफ खोदेंशो दुम्‍ती। गो अर्को रागी ङा मुर आन कली आन मुददा कोव़शा गेतामी। अय्‍युब ३१:१८
JOB 29:17 गो ठीक मपाइब आन सक्ति नेल्‍ल खतम पोक्‍तामी। मिनु मेको आन रोइश्‍शो लेप्‍पाइक्‍ता।
JOB 29:18 मेना गो आं खिंम श्‍येत मजथु बेक्‍नुङ, दे मिम्‍शो नङ। मिनु गो शुश बर्स ब्रोंइनुङ, दे मिम्‍शो नङ।
JOB 29:19 आं शाक्‍श बारशा ब्‍वाक्‍कु बाक्‍तीक गे लाम्‍तेक्‍म। मिनु आं राशीम सीत बाक्‍त।
JOB 29:20 आं सक्ति गेना हना यो बाक्‍त। मिनु आं गुइ ङा लिब्रा गेना हना आप्‍ने चाप्‍शो बाक्‍ती।
JOB 29:21 गो लोव़ पङानु, मुर नेल्‍लेमी सिक्‍सी पा नेंतेक्‍म। मिनु नोफा दाइश्‍शा आ अर्थ नेंतेक्‍म।
JOB 29:22 गो आं लोव़ थुमु नोले सुइमी अरु लोव़ तेम्‍चा ममाल्‍देम। आं लोव़ मेको आन थुंमी सीत खोदेंशो पा जिन्‍ना जिन्‍न लत।
JOB 29:23 मेकोपुकीम बर्खा ङा रेउ रिम्‍शो खोदेंशो पा आं कली रिम्‍ताक्‍यीमी। मिनु नोले ङा रेउ रिम्‍शो खोदेंशो आन शोव़ वोक पाक्‍शा आं लोव़ नेंतेक्‍म।
JOB 29:24 गो ज्‍याउ रिस्‍सीङानु, आन थुं बारत। आं ग्‍येरशो कुल तशा, मेको आन कली लेम्‍तीक दुम्‍त।
JOB 29:25 गो मेको आन गाक्‍चा माल्‍शो लां योव़शा गेतामी। मिनु गो ‘ओं पने’ दे अरेतामी। गो पिप आ लडाइ पाइब आन दातेम बाक्‍शो खोदेंशो बाक्‍ती। गो रोंका पाइब आन कली लेम्‍ब खोदेंशो दुम्‍ती” दे अय्‍युबमी देंमाक्‍त।
JOB 30:1 मिनु अय्‍युबमी “मुल ठिटापुकी आं कली तशा शुक्‍शी पा रिस्‍साक्‍म। मेको आं क्‍येङा ठिटा बाक्‍नीम। मेको आन आफ आन कली गो आं क्‍‍यारश भेडा खाल पाइब कुचुमपुकी नु काथा वोइक्‍चा यो मशिरशो मिम्‍शो नङ। अय्‍युब १९:१८
JOB 30:2 मेको आन गेय आं कली शोर गाक्‍शो बाक्‍त। मारदे हना मेको आन सक्ति ग्‍युम्‍ने थुम्‍शो बाक्‍‍त।
JOB 30:3 मेकोपुकी शुश प्रुङग नु शोव़लु बेक्‍शो बाक्‍‍तेक्‍म। मेकोपुकी गोरशो सोव़शो रागीम आन जचा थोव़क माल्‍तेक्‍म।
JOB 30:4 मेकोपुकीम हिक्‍सी ङाम्‍शो सुवा, बुटा आन स‍फा सेक्‍शा जाइनीम। मिनु मार मार आन शाक्‍श दोम्‍तेक्‍म।
JOB 30:5 मेकोपुकी मुर आन दाते रे तिल्‍चा पुंइसीशो बाक्‍तेक्‍म। मुरपुकीम मेको आन कली खेदा पशो खोदेंशो पा ग्रीतेक्‍म।
JOB 30:6 मेकोपुकी सोव़शो खोलामी, पुक्‍खी आगा नु ब्रोल्‍शो सेरथे फुल्‍लु मेर बाक्‍तेक्‍म।
JOB 30:7 मेकोपुकीमी बुटा आन आगामी ग्रीतेक्‍म। मिनु बुटा आगामी बुक्‍तेक्‍म।
JOB 30:8 मेको निप्‍स मपाइश्‍शो, महिक्‍सीशो मुर बाक्‍तेक्‍म। रागी रे तिल्‍शा खेरचा पुंइसीशो बाक्‍तेक्‍म।
JOB 30:9 मुल गो मेको आन शुक्‍शी पतीके कुम्‍सो दुम्‍ती। आं पर्बम शुक्‍शी लोव़ ला पाइनीम। भजन संग्रह ६९:१३; बिलाप ३:६३
JOB 30:10 मेकोपुकीम आं कली ग्रांग्रा दि‍शो मिम्‍‍नीम। आं क्‍येङा ङोन बाक्‍‍नीम। आं कुलुम तोक्‍चा मुने मपाइनीम। अय्‍युब १७:६; मत्ती २६:६७
JOB 30:11 मारदे हना परमप्रभुमी आं लिब्रा प्राक्‍शा, आं कली श्‍येत गेतीके, मेकोपुकीम आं ङोंइती ‘मारेइ मारेइ पने चाप्‍नीक’ दे मिम्‍नीम।
JOB 30:12 आं ग्‍युरा गे थम मरिम्‍शो मुर बोक्‍नीम। मिनु आं खोइली ग्रेक्‍पाइक्‍नीम। मिनु मेकोपुकीम आं गाक्‍तीक लां तेक्‍नीम।
JOB 30:13 मेकोपुकीम आं लां प्रेत्‍नीम। आं श्‍येत तेम्‍नीम। मिनु सुइमी मेको आन कली ‘मोदेंशो मपचा’ दे मतेक्‍नीम।
JOB 30:14 मेकोपुकी ठेयब पोव़लाम रिक्‍थ्री मरिक्‍थ्री पा ओव़नीम। मेकोपुकी ब्रेश्‍शो गारो रे नेम्‍मुशा जाक्‍नीम।
JOB 30:15 मिनु गो शुश हिंना हिंन बाक्‍नुङ। मेकोम आं मान ततीक फशेम खोदेंशो पा हुरुर पा योल्‍पाइक्‍तु। आं शोंप बाक्‍शा रिम्‍शो दुम्‍तीके गोस्‍स खोदेंशो पा जाम्‍शा लत।
JOB 30:16 मुल आं थुं बेक्‍ना बेक्‍न लशो बाक्‍ब। मिनु श्‍येत जतीक नाक्‍त ला लीशो बाक्‍नीम।
JOB 30:17 नाक्‍दो आं रुश शुश खाइक्नीम। मेको खाइक्‍तीके गेनायो मनाइक्‍ब।
JOB 30:18 परमप्रभुमी आ ठेयब सक्तिमी आं वा फ्रुप्‍ब। मिनु वाम शुरम खाइश्‍शो खोदेंशो पा खाइक्‍ब। अय्‍युब ७:५; अय्‍युब १६:८
JOB 30:19 मेकोमी आं कली हिलोम ब्‍वारशो बाक्‍ब। मिनु गो फुरक नु पुलु खोदेंशो दुम्‍शो बाक्‍नुङ।
JOB 30:20 गो इन कली ‘वारच पाइय्‍यीनी’ दे पुंइता। तन्‍न गे आं कली लोव़ मलेत्‍तीनी। गो इन कली राप्‍शा रिम्‍शा बाक्‍ती। तन्‍न गे आं कली मकोव़यीनी। अय्‍युब १९:७; भजन संग्रह २२:३
JOB 30:21 गे आं कली ठेयब श्‍येत गेब दुम्‍शो बाक्‍नीनी। इन ठेयब सक्तिमी आं कली खेदा पाइनीनी।
JOB 30:22 गे आं कली क्‍युक्‍शा फश गिवारम बेरपाइक्‍तीनी। मिनु आं थुं लुक्‍च लपाइक्‍तीनी।
JOB 30:23 गे आं कली साइक्‍नीनी, गो मेको तुइश्‍शो बाक्‍नुङ। ब्रोंइशो नेल्‍ल मेको लां लाइनीम।
JOB 30:24 थमा पा, मेकोमी प्रुङग आन कली श्‍येत मगेब। मुर श्‍येत जशा ‘वारच पाइय्‍यीनी’ दे ग्रीनीम।
JOB 30:25 मार, गो श्‍येत जशो मुर आन पर्बम मङाक्‍ङा ङा? मार, प्रुङग आन पर्बम आं थुं मखाइक्‍म ङा?
JOB 30:26 मो हना यो गो रिम्‍शो दुम्‍तीक आस पाता। तन्‍न मरिम्‍शो कका जाक्‍त। छेङछेङ रिम्‍शा बाक्‍ती। तन्‍न छिङछिङ कका जाक्‍त।
JOB 30:27 आं थुं गेना हना यो ग्‍येत्‍थ लुक्‍च दुम्‍ब। गो गेना हना यो श्‍येत जचा माल्‍नुङ।
JOB 30:28 गो क्‍येर नाक्‍दोम गाक्‍नुङ। गो ग्रुम्‍तीकेमी ‘वारच पाइय्‍यीनी’ दे पुंइनुङ।
JOB 30:29 गो सिवार आन लोक्‍ब दुम्‍शो बाक्‍नुङ। हुहुचील आन वारच दुम्‍शो बाक्‍नुङ।
JOB 30:30 आं कुशुल क्‍येर दुम्‍शा, आं रुश नेल्‍ल चोइनीम।
JOB 30:31 आं बीना रोंका पा ग्रीब। आं बांसुरी ङाक्‍शो मुर आन कली ताप्‍शो बाक्‍ब” देंमाक्‍त।
JOB 31:1 मिनु अय्‍युबमी “गो सुइ मीश आल आन कली मरिम्‍शो थुंम मकोव़चा कली, आं मिक्‍च नु कबल पाता। मत्ती ५:२८-२९
JOB 31:2 मिनु परमप्रभुमी इर रे आं कली गे‍बा? नेल्‍ल क्‍येङा ठेयब सक्ति पाइश्‍शोमी मार शोंप गेबा?
JOB 31:3 मार, ठीक मपाइब आन कली शुश हिंचा ङा श्‍‍येत मदुम्‍बा ङा? मरिम्‍शो पाइब आन कली खतम दुम्‍तीकेम मसुम्‍बा ङा?
JOB 31:4 परमप्रभुम आं पशो नेल्‍ल तुइक्‍ब। मिनु आं गाक्‍शो नेल्‍ल कोव़ब। अय्‍युब २३:१०
JOB 31:5 गो हेंथे गाक्‍शो बाक्‍‍ती हना, दूली लां गाक्‍शो बाक्‍ती हना,
JOB 31:6 परमप्रभुमी आं कली ठीक नाक्‍तीकेमी नाक्‍तील। मिनु मेकोमी आं गेना हना यो रिम्‍शो पशो तुइक्‍ब।
JOB 31:7 गो ठीक लां रे ग्‍येत्‍थ लुक्‍च लशो बाक्‍ती हना, आं थुंम आं मिक्‍चीम दाक्‍शो खोदेंशो पा पशो बाक्‍ती हना, आं गुइमी ग्रांग्रा दिशो गेय पशो बाक्‍ती हना,
JOB 31:8 आं ख्रुम्‍शो अन्‍न अरुम जामेक्‍ल। मिनु आं शोक्‍शो मारेइ मारेइ तुल्‍सीमल। उत्‍पत्ती २६:१६
JOB 31:9 आं कली मीश मुरुम हेंथे गाक्‍पाइक्‍ती हना, गो आं नेक्‍था ङा मुर आन लाप्‍चोमी बाप्‍शा बाक्‍शो बाक्‍‍ती हना,
JOB 31:10 आं मीश अरु मुर आन वाइलीम दुम्‍शा लल। मिनु अरु मुर मेको नु इम्‍मल। २सामुएल १२:३२
JOB 31:11 मारदे हना मेको थम मरिम्‍शो गेय बाक्‍ब। मेको निसाफ पचा कली मरिम्‍शो बाक्‍ब।
JOB 31:12 मेको जम्‍शा लतीकेम सोइक्‍ब मी खोदेंशो बाक्‍ब। मेकोमी आं बाक्‍शो मारेइ मारेइ खतम पोक्‍‍ब।
JOB 31:13 गो आं वाइलीम वाइल आन थुं मनुशो लोव़ पाता हना, सिक्‍सी पपाइक्‍तामी।
JOB 31:14 परमप्रभु आं पर्बम बोक्‍मेनु, गो मार पाइनुङा? मेकोमी आं कली लोव़ पथ ब्रेत्‍ताक्‍व हना, गो मार लोव़ लेत्नुङा?
JOB 31:15 आं ममा आ कोव़जम आं कली सेल्‍बम मेको आन कली यो मसेला ङा? मेकोमीन आंइ कली आंइ ममा आ कोव़जीम मसेला ङा? हितोपदेस १४:३१; मत्ती २५:४०
JOB 31:16 गो प्रुङग आन कली आन माल्‍शो थोव़क मगेशो बाक्‍‍ती हना, आन वोंइश बेक्‍शो मीश मुर आन कली ङाक्‍पाइश्‍शो बाक्‍‍ती हना, अय्‍युब २९:१२
JOB 31:17 गो आं जचा थोव़क आं कान जशो बाक्‍‍ती हना नु रोम रोइक्‍च आन कली योक्‍शा मगेशो बाक्‍‍ती हना, मोदेंशो दुम्‍ल।
JOB 31:18 गो रोम रोइक्‍च आन कली आन आफोमी खोदेंशो पा थुल्‍तामी। गो जरमेसीङ रेन आन वोंइश बेक्‍शो मीश मुर आन कली वारच पाइक्‍तामी। अय्‍युब २९:१६
JOB 31:19 गो प्रुङग आन कली वा मफेक्‍शो ताता हना, नाक्‍दो फेक्‍तीक मबाक्‍शो बाक्‍त हना,
JOB 31:20 मेको आन कली आं भेडा आन ऊन रे सेल्‍शो फेक्‍तीकेम महोपाइक्‍तीके मेकोपुकीम आं कली आसीक मगे‍शो बाक्‍‍तेक्‍म हना,
JOB 31:21 गो रोम रोइक्‍च आन कली मरिम्‍शो पशो बाक्‍ती हना, ठेयब लाप्‍चोम बाक्‍बपुकीमी ‘गे ठीक पाइब बाक्‍नीनी’ देंशो बाक्‍तेक्‍म हना, रूथ ४:१-१०
JOB 31:22 आं बला आं ची रे दोक्‍ल। आं गुइ जिक्‍‍शा दोक्‍ल।
JOB 31:23 तन्‍न गो परमप्रभु आ गेशो हिंचा ङा श्‍येत तशा हिंनुङ। मिनु गो मेको आ ठेयब मान ततीके फाल्‍ने मचबु।
JOB 31:24 गो सुन कली थमा सुइश्‍शो नङ हना, क्‍येख सुनमी आं कली रिम्‍शो ब्रोंइचा गेब, दे मिम्‍शो नङ हना, भजन संग्रह ५२:९
JOB 31:25 गो आं ठेयब शोंप तशा शुश ग्‍येरसीशो बाक्‍ती हना, आं शुश मारेइ मारेइ बाक्‍शो आ पर्बम आं कली रिम्‍शो बाक्‍चा गेब, दे मिम्‍शो नङ हना,
JOB 31:26 गो नां गे कोव़शा मेको कली ठेयब सेल्‍शो नङ हना, तास्‍ला आ दारस कली ठेयब सेल्‍शो नङ हना, ब्‍यवस्‍था ४:१९
JOB 31:27 मेकोम आं थुं कली ख्रुइश्‍शोमी हेंथे मिम्‍ब सेल्‍शो बाक्‍ती हना, मेको कली पुक्‍पु पाइक्‍चा कली आं गुइ क्‍युक्‍शो बाक्‍ती हना,
JOB 31:28 मेको नेल्‍ल सजाइ तचा ङा पाप दुम वा। मारदे हना गो स्‍वर्गम बाक्‍ब परमप्रभु आ पर्बम दूली लोव़ पाइब दुम्‍ङ वा।
JOB 31:29 गो आं कली काइ मदाक्‍बपुकीमी श्‍येत जशो तशा ग्‍येरशो बाक्‍ती हना, मेको आन कली मरिम्‍शो दुम्‍तीकेम सुमानु, ग्‍येरसीशो बाक्‍ती हना, हितोपदेस २४:१७; भजन संग्रह ५:५; भजन संग्रह ३५:१३-१४
JOB 31:30 गो ‘मेकोपुकी बेक्‍मल’ दे सराप चीले पा पाप मपङ। १ पत्रुस ३:९
JOB 31:31 आं गेय पाइब नेल्‍लेम गेनायो ‘अय्‍युब आ भोजम मुर मरूम’ मदेंम।
JOB 31:32 अर्को रागी ङा मुरपुकी गेनायो लांम इप्‍चा ममाल्‍म। लां गाक्‍ब आन कली गेना हना यो आं खिं ङा लाप्‍चो रोक्‍शो बाक्‍‍त। न्‍यायाधीस १९:२०-२१; १ पत्रुस ४:९; हिब्रू १३:२
JOB 31:33 अरु मुरपुकीम आन हेंथे पशो ख्रुइक्‍चा माल्‍शो खोदेंशो पा, गो आं थुंमी आं मरिम्‍शो पशो मख्रुइक्‍तु।
JOB 31:34 मारदे हना गो हुलपुकीम मार देंनीमी, दे हिंती। मिनु खिं खिं ङा आन शुक्‍शी पतीक रे शुश हिंती। मोपतीके गो सिक्‍सी पा बाक्‍‍ती। गो खिं रे मग्रूङ।
JOB 31:35 गो आं लोव़ नेंब का बाक्‍शो हना, नेल्‍ल क्‍येङा ठेयब सक्ति पाइश्‍शोमी आं लोव़ लेत्‍तल। आं कली दोस गेशा ब्रेक्‍शो ब्रेक्‍स ते बाक्‍बा? अय्‍युब २३:३-७
JOB 31:36 थमा पा, गो मेको आं बलाम लाम्‍सीङ वा। गो मेको सिरपेच खोदेंशो पा गुक्‍सीङ वा।
JOB 31:37 मिनु आं पशो गेय नेल्‍ल मेको कली शेंदु वा। गो मेको आ ङोंइती ठेयब मुर कली ग्रुम्‍थ लशो खोदेंशो पा लङ वा।
JOB 31:38 आं रू आं कली दोस गेशा ग्रीशो बाक्‍त हना, मेकेर ङा खप नेल्‍ल ङाक्‍शो नम हना,
JOB 31:39 मेकेर वाशो मार मार मथाप्‍थु, जशो बाक्‍‍ती हना, मेको रू आ होव़प कली श्‍येत गेशो बाक्‍‍ती हना,
JOB 31:40 चेरब आ पा ङा चोंक चू वामल। क्‍योव़ज आ पा ङा सुवा वामल” देंमाक्‍त। मोपा अय्‍युबमी आ लोव़ थुमा बाक्‍त।
JOB 32:1 मिनु मेको मुर सांमी अय्‍युब कली लोव़ पचा प्रोन्‍मे बाक्‍त। मारदे हना अय्‍युबम आंम कली “गो ठीक पाइब नङ” देंस ङा देंस पवा बाक्‍त।
JOB 32:2 मिनु राम आ खिं ङा बूज ङा बाराकेल आ तौ एलीहु गाइक्‍ता बाक्‍त। मारदे हना अय्‍युबमी आंम कली परमप्रभु आ ङोंइती शुश पाप मपाइब खोदेंशो सेल्‍से बाक्‍त। उत्‍पत्ती २२:२१; अय्‍युब १३:१८; अय्‍युब १९:६-७; अय्‍युब २५:५-६
JOB 32:3 अय्‍युब आ वारच सां आन कली तशा यो गाइक्‍ता बाक्‍ब। मारदे हना मेकोपुकीमी अय्‍युब कली लोव़ लेत्‍ने मचाप्‍मे बाक्‍त। मो हना यो मेकोपुकीम अय्‍युब कली दोस ताइब सेल्‍मे बाक्‍त। अय्‍युब १५:४; अय्‍युब १८:२१; अय्‍युब २०:२९; अय्‍युब २२:५
JOB 32:4 मेकोपुकी अय्‍युब नु लोव़ पामेनु एलीहु चहिं सिक्‍सी पा बाक्‍शो बाक्‍माक्‍त। मारदे हना, मेको आन क्‍येङा आल बाक्‍माक्‍त।
JOB 32:5 मिनु मेको सांमी अय्‍युब कली लोव़ लेन्‍ने मचाप्‍शो तशा, एलीहु गाइक्‍ता बाक्‍त।
JOB 32:6 मिनु बूज ङा बाराकेल आ तौ एलीहुम “गो आइक्‍चीन बाक्‍नुङ। गेपुकी खाल्‍पा बाक्‍नीनी। मोपतीके इन ङोंइती आं तुइश्‍शो मदेंङ, दे सिक्‍सी पा बाक्‍‍ती।
JOB 32:7 गो ‘खाल्‍पा मुर ब्‍वाक्‍चा माल्‍नीम। खूशोपुकीम आन तुइक्‍तीके शेंदमेक्‍ल’ देंती। अय्‍युब १२:१२
JOB 32:8 बेक्‍शा लाइब मुरपुकी नु नेल्‍ल क्‍येङा ठेयब सक्ति पाइश्‍शो आ सोक्‍त बाक्‍ब। मिनु मेकोमी मुर आन कली रुप्‍तीक थुं गेब।
JOB 32:9 खाल्‍पापुकी ला जोक्‍ब तुइक्‍ब मबाक्‍नीम। खूशोपुकी यो मार ठीक बाक्‍बा, मेको मरुप्‍‍नीम।
JOB 32:10 मोपतीके गो आं लोव़ नेनीन। गो आं मिम्‍शो देंचा गेयीनी।
JOB 32:11 नेनीन। गो इन लोव़ नेंस ङा नेंस बाक्‍‍ती। गो इन लोव़ रिम्‍ना रिम्‍न बाक्‍ती। इन मिम्‍शा पशो जोक्‍तीक तुइक्‍तीक लोव़ नोफा दाइश्‍शा नेंशा बाक्‍‍ती।
JOB 32:12 गो इन देंशो लोव़ नेंना नेंन बाक्‍ती। तन्‍न गेपुकीम अय्‍युब कली शेंने मचाप्‍नी। मेको आ लोव़ यो लेन्‍ने मचाप्‍नी।
JOB 32:13 ‘गोपुकीम तुइक्‍तीक थुं तशो बाक्‍नीकी’ मदेंनी। ‘मुरपुकीम ममाइ परमप्रभुमीन मेको कली सजाइ गेवल’ मदेंनी।
JOB 32:14 तन्‍न अय्‍युबम आं पर्बम मारेइ मदे। गो इन लोव़ खोदेंशो पा मेको कली लोव़ मलेत्‍तु।
JOB 32:15 एकोपुकी श्‍येत्‍थ दुम्‍शो बाक्‍नीमी। मिनु एकोपुकीमी मारेइ लोव़ लेन्‍ने मचाप्‍नीम।
JOB 32:16 एकोपुकी मब्‍वाक्‍तेक्‍म हना यो, गो रिम्‍शा बाक्‍नुङा ङा? मारदे हना एकोपुकी राप्‍शा बाक्‍नीम, लोव़ चहिं मलेत्‍नीम।
JOB 32:17 मुल गो लोव़ लेत्‍नुङ। आं मिम्‍शो लोव़ पाइनुङ।
JOB 32:18 मारदे हना गो शुश लोव़ पचा माल्‍शो बाक्‍नुङ। आं आगा ङा सोक्‍तीमी आं कली लोव़ पपाइक्‍ब।
JOB 32:19 गो लोव़ पचा मताता हना, नक शांबुम ब्रीशो कुशुल के थैलो खोदेंशो पा बुक्‍ने चाप्‍नुङ।
JOB 32:20 आं थुं नाइक्‍पाइक्‍चा कली गो ब्‍वाक्‍चान माल्‍नुङ। गो लोव़ लेत्‍चा माल्‍नुङ।
JOB 32:21 गो सुइ आन कुल कोव़शा लोव़ मपाइनुङ। गो सुइ नु मिलो शिलो मपाइनुङ।
JOB 32:22 मारदे हना गो मिलो शिलो पस मजोक्‍नुङ। मो पाता हना आं कली सेल्‍बम आं कली रीब पा खतम पोक्ब।
JOB 33:1 अय्‍युब, मुल आं लोव़ नेनीन। आं देंशो लोव़ नेल्‍ल नोफा दाइश्‍शा नेनीन।
JOB 33:2 कोव़ङीन, गो लोव़ लेत्‍चा कली ठीक दुम्‍शो बाक्‍नुङ। आं शोव़ लोव़म ब्रीशो बाक्‍ब।
JOB 33:3 गो आं लोव़मी ‘गो रिम्‍शो थुं पाइश्‍शो मुर नङ’ दे कोंइनुङ। गो मार लोव़ देंनुङा, मेको थमा बाक्‍ब।
JOB 33:4 परमप्रभु आ सोक्‍तीम आं कली सेल्‍ती। मिनु नेल्‍ल क्‍येङा ठेयब सक्ति पाइश्‍शोमी आ ब्रोंइतीक सोक्‍त गेती
JOB 33:5 गे चाप्‍नीनी हना, आं लोव़ लेत्‍तीनी। इन देंचा माल्‍शो लोव़ ङोंइतीन मिम्‍तीन। मिनु गो नु लोव़ पने।
JOB 33:6 परमप्रभु आ ङोंइती गो यो इन खोदेंशोन नङ। गो यो खप केन सेल्‍शो नङ। अय्‍युब १०:९
JOB 33:7 गे आं कली तशा महिनीन। गो इन कली श्‍येत मगेनुङ।
JOB 33:8 गो इन देंचा माल्‍शो लोव़ नेल्‍ल नेंता। मिनु इन ब्‍वाक्‍शो नेंता।
JOB 33:9 गे ‘गो दोस मताइब नु हेंथे मपाइब बाक्‍नुङ। गो मरिम्‍शो मपाइब, गेना हना यो रिम्‍शो पाइब बाक्‍नुङ’ अय्‍युब १६:१७; अय्‍युब २७:६; अय्‍युब ३१:१-४०
JOB 33:10 मो हना यो ‘परमप्रभुम आं दोस थिन्‍ना थिन्‍न बाक्‍ब। मेकोमी आं कली आ जोरी सत्रु मिम्‍शो बाक्‍ब। अय्‍युब १३:२६; अय्‍युब १९:११
JOB 33:11 आं खोइलीम ठेंङरो थोक्‍ताक्‍नी। आं लां नेल्‍ल कोव़शा, वोइक्‍नीनी’ दे लोव़ पाइतीनी। अय्‍युब १३:२७
JOB 33:12 तन्‍न गे दूली मिम्‍ब बाक्‍नीनी। गो इन कली लोव़ लेत्‍नन्‍नी। बेक्‍शा लाइब मुर आन क्‍येङा परमप्रभु ठेयब बाक्‍ब।
JOB 33:13 गे मारदे परमप्रभु नु इन थुं मनुशो लोव़ पाइनीनी। मिनु गे ‘मेकोम आं लोव़ काइ मलेप्‍ब’ देंनीनी?
JOB 33:14 परमप्रभुमी खेयप का निक्‍शी लोव़ पाइब। तन्‍न मुरपुकीम मेको मरुप्‍‍नीम।
JOB 33:15 ङोमुमी, नाक्‍दो ततीकेमी, निन्‍द्रा पशोनु, बेक्‍शा लाइब मुर ब्राख्‍येम गोल्‍शा इम्‍‍मानु, अय्‍युब ४:१२-१६
JOB 33:16 परमप्रभुम मेको आन नोफा नेंब सेल्‍ब। मिनु मेको आन कली शेंदानु, ‘परमप्रभु आ लोव़ बाक्‍माक्‍त’ दे तुइक्‍नीम। अय्‍युब ३६:१०
JOB 33:17 मेकोमी मुर आन कली आन मरिम्‍शो पशो रे रिम्‍शो सेल्‍चा कली नु मेको आन ठेयब लेत्‍तीक तेक्‍चा कली लोव़ पाइब।
JOB 33:18 परमप्रभुम मेको कली बेक्‍चा रे प्रोंइचा दाक्‍ब। मेको आन कली तरवार रे प्रोंइचा दाक्‍ब।
JOB 33:19 मिनु मुर खाइक्‍स ङा खाइक्‍स पा आन ब्राख्‍‍येम इप्‍शा, सजाइ ताइनीम। मिनु आन रुश गेना हना यो ख्रिंख्रि पाइनीम।
JOB 33:20 मोपा मेकोपुकीम आन जचा थोव़क ग्रांग्रा दीनीम। मिनु थम ब्रोव़शो जचा थोव़क यो मदाक्‍नीम।
JOB 33:21 मिनु मेको आन रां गेयशा सोव़नीम। मिनु मेको आन ख्रुइश्‍शो रुश तांइसीनीम।
JOB 33:22 मेको आन सोक्‍त लचा चिक्‍शो बाक्‍ब। मेको आन ब्रोंइतीक नाक्‍त नुप्‍चा चिक्‍शो बाक्‍ब।
JOB 33:23 मो हना यो मेको मुर आन दातेमी का कली परमप्रभु आ हजार हजार स्‍वर्ग ङा गेय पाइब कामी वारच पा, मेकोमी ‘मेको रिम्‍शो थुं पाइश्‍शो मुर बाक्‍ब’ देंत हना,
JOB 33:24 मिनु मेकोमी मुर कली शिशी पा ‘मेको मुर कली बेक्‍चा रे प्रोनीन। मेको कली प्रोंइतीक थोव़क गो नु बाक्‍ब’ देंत हना, भजन संग्रह ४९:८-११
JOB 33:25 मेको मुर आ श्‍ये ठिटा के खोदेंशो पा नक दुम्‍ब। मेको आ ठिटा ना ङा खोदेंशो दुम्‍‍ब। भजन संग्रह १०३:५
JOB 33:26 मिनु मेकोमी प्रार्थना पवानु, परमप्रभुमी नेंब। मेको परमप्रभु आ ङोंइती बाक्‍शा, ग्‍येरसीशा कुम्‍सो पाइब। परमप्रभुम मेको आ ठीक पतीक लेंशा ङोंइती ङा खोदेंशो सेल्‍ब।
JOB 33:27 मिनु मेको मुरुम मुर आन बाक्‍‍तीक जाक्‍शा, मेको आन कली ‘गो पाप पाता। गो ठीक पतीके कली दूली सेल्‍ता। गो आं तचा माल्‍शो सजाइ मतङ।
JOB 33:28 मेकोमी आं सोक्‍त कली बेक्‍तीक रे प्रोंइतु। मिनु गो छेङछेङ तचा कली ब्रोंइती’ देंब।
JOB 33:29 परमप्रभुमी एको नेल्‍ल बेक्‍शा लाइब मुर आन पर्बम पाइब। खेयप निक्‍शी, खेयप सां सम्‍म मो पाइब।
JOB 33:30 बेक्‍चा चिक्‍शो मुर आन कली तुरसुम लचा रे लेप्‍पाइक्‍ब। मोपा ब्रोंइ‍तीक छेङछेङ लें‍शा ताइनीम। भजन संग्रह ५६:१४; भजन संग्रह १०३:४; भजन संग्रह ११६:९
JOB 33:31 नेनीन अय्‍युब आं लोव़ नोफा दाइश्‍शा नेनीन। गे सिक्‍सी पा बाक्‍कीन। गो लोव़ पाइनुङ।
JOB 33:32 इन देंचा माल्‍शो मारेइ लोव़ बाक्‍त हना, आं कली देनीन। गे ब्‍वाक्‍कीन। मिनु गो इन पोन बोक्‍नुङ।
JOB 33:33 तन्‍न इन देंचा माल्‍शो लोव़ मबाक्‍‍त हना, सिक्‍सी पा आं लोव़ नेनीन। मिनु गो इन कली रुप्‍तीक लोव़ शेंनुङ” दे एलीहुम देंमाक्‍त।
JOB 34:1 मिनु एलीहुमी
JOB 34:2 “जोक्‍ब तुइक्‍ब मुरपुकी आं लोव़ नेनीन। शुश जोक्‍ब मुरपुकी आं लोव़ इन नोफा दाइश्‍शा नेनीन। अय्‍युब १२:११
JOB 34:3 मारदे हना दोपा नोफाम लोव़ नेंबा, मोपान लेंम जचा थोव़क थाम्‍ब।
JOB 34:4 मोपतीके मार ठीक बाक्‍बा, मेको गो आंमा योव़य। मिनु तेको लोव़ रिम्‍शो बाक्‍मे, मेको आंमा गारशा कोव़य।
JOB 34:5 मारदे हना अय्‍युबम ‘गो दोस मताइब मुर बाक्‍नुङ। तन्‍न परमप्रभुम आं कली ठीक निसाफ मगेयी। अय्‍युब ३३:९; अय्‍युब २७:२
JOB 34:6 गो ठीक पाइब बाक्‍ती हना यो, आं कली जोल पाइब सुइक्‍‍ती। गो हेंथे मपाता हना यो, आं गार मसा’ दें‍त। अय्‍युब ९:१५,२०; अय्‍युब ६:४
JOB 34:7 ब्‍वाक्‍कु तूशो खोदेंशो पा शुक्‍शी पाइब, अय्‍युब खोदेंशो अरु सुइ मबाक्‍नीम।
JOB 34:8 मेको मरिम्‍शो गेय पाइब नु बाक्‍‍ब। मिनु परमप्रभु यावे आ अरेशो मटीब नु गाक्‍ब। भजन संग्रह १:१
JOB 34:9 मारदे हना मेकोमी ‘परमप्रभु कली ग्‍येरशा टिचा, शोर गाक्‍शो बाक्‍ब’ देंब। अय्‍युब ९:२२
JOB 34:10 मोपतीके मारेइ मारेइ तुइक्‍ब मुरपुकी आं लोव़ नेनीन। परमप्रभुम गेनायो मरिम्‍शो मपाइब। नेल्‍ल क्‍येङा ठेयब सक्ति पाइश्‍शोमी गेनायो दूली मपाइब। अय्‍युब ८:३; ब्‍यवस्‍था ३२:४; २इतिहास १९:७
JOB 34:11 मेकोमी मुर आन कली मेको आन पशो खोदेंशो पा पाइब। मार पाइनीमी, मेकोन ताइनीमी।
JOB 34:12 एको थमा लोव़ बाक्‍ब। परमप्रभुम गेनायो मरिम्‍शो मपाइब। नेल्‍ल क्‍येङा ठेयब सक्ति पाइश्‍शोमी दूली निसाफ मपाइब। अय्‍युब १९:६
JOB 34:13 सुम रागी मेको आ जिम्‍माम गेवा? सुम मेको कली रागी नेल्‍ल ङा अधिकार गेवा?
JOB 34:14 मेकोमी ब्रोंइचा गेब सोक्‍त नु आ सास लेश्‍शा लाइक्‍चा मिम्‍ताक्‍व हना,
JOB 34:15 याम कामीन सोक्‍त पाइश्‍शो नेल्‍ल बेक्‍नीम। मिनु मुर लेंशा फुरकुम लेश्‍शा लाइनीम। भजन संग्रह १०४:२९
JOB 34:16 गे इन के रुप्‍तीक थुं बाक्‍त हना, आं देंशो नेनीन। गो मार देंङा, मेको नोफा दाइश्‍शा नेनीन।
JOB 34:17 ठीक निसाफ कली काइ मदाक्‍ब मुर सासन पने चाप्‍बा ङा? मार, गे ठीक पाइब नु सक्ति पाइश्‍शो कली दोस ताइब मिम्‍नीनी?
JOB 34:18 सुमी पिप कली ‘हिंचा ङा मरिम्‍शो पाइब बाक्‍नीनी’ देंबा? मिनु ठेयब मुर आन कली ‘परमप्रभु यावे आ अरेशो मटीब बाक्‍नीनी’ देंबा?
JOB 34:19 मेकोम पिप आ तौ आन कुल मकोव़ब। मेकोम शोंप पाइश्‍शो नु प्रुङग नेल्‍ल आन कली उइक्‍थ मिम्‍ब। मारदे हना मेको नेल्‍ल आ सेल्‍शो नम।
JOB 34:20 मेकोपुकी याम कामीन बेक्‍शा लाइनीम। नाक्‍दो उइक्‍थ दुम्‍मेनु, मेकोपुकी ख्रिंख्रि पा बेक्‍नीम। सक्ति पाइश्‍शो मुर यो सुइम मारेइ मपाइक्‍थु बेक्‍नीम।
JOB 34:21 मेकोमी मुर नेल्‍ल आन पतीके कोव़शो बाक्‍ब। मिनु मेको आन गाक्‍शो नेल्‍ल कोव़शो बाक्‍ब। अय्‍युब ३१:४; हितोपदेस ५:२१
JOB 34:22 मेकेर मरिम्‍शो पाइब आन ख्रुंइसी‍तीक छिङछिङ मबाक्‍ब। भजन संग्रह १३९:११-१२
JOB 34:23 परमप्रभुम आ ङोंइती निसाफ पुंइथ जाक्‍ब मुर आन कली ‘एको नाक्‍त जाक्‍कीन’ मदेंशो बाक्‍ब।
JOB 34:24 मेकोम खुदील निदील मपथुन सक्ति पाइश्‍शो आन कली तिल्‍ब। मिनु मेको आन पा ङा अरु आन कली वोइक्‍ब।
JOB 34:25 मारदे हना मेकोम मेको आन पशो गेय नेल्‍ल तुइक्‍ब। मिनु मेको आन कली काबु नाक्‍दोमीन तिल्‍‍ब। मिनु मेकोपुकी खतम दुम्‍नीम।
JOB 34:26 परमप्रभु यावे आ अरेशो मटिशो आ पर्बम मेको कली खतम पोक्‍ब। मिनु मेको मुर नेल्‍लेम ताइनीम।
JOB 34:27 मारदे हना मेकोपुकी मेको आ नोले खोइक्‍चा प्रोंइतेक्‍म। मिनु आ कोंइशो लां ममिम्‍तेम।
JOB 34:28 मेकोपुकीम प्रुङग आन ङाक्‍शो मेको आ ङोंइती जाक्‍दीपपाइक्‍तेक्‍म। मेकोम मारेइ मथीब आन पुंइशा ब्रेश्‍शो नेंतु। उत्‍पत्ती १६:११
JOB 34:29 तन्‍न मेको सिक्‍सी पा बाक्‍‍त हना, सुम मेको कली दोस गेने चाप्‍बा ङा? मेकोम आ कुल ख्रुइक्‍ताक्‍व हना, सुम मेको कली तने चाप्‍बा ङा? रागी ङा मुर नेल्‍ल कली नु मुर का कली मेको कान बाक्‍ब।
JOB 34:30 मिनु परमप्रभु कली मटीब मुरुम सासन मपवल। मिनु मुर आन कली श्‍‍येत गेब सासन पाइब मदुमल।
JOB 34:31 मिनु मेकोमी परमप्रभु कली ‘गो सजाइ फाल्‍ता। गो मुल रे मरिम्‍शो गेय मपाइक्‍नुङ।
JOB 34:32 आं मतुइश्‍शो आं कली शेंदीनी। गो मरिम्‍शो पाता हना यो, मुल रे मो मपाइनुङ’ देंब।
JOB 34:33 मार, मेकोम इन देंशो खोदेंशो पा इन कली पचा माल्‍बा ङा? मारदे हना गे आ देंशो मबित्‍नीनी। गे इन लां योव़चा माल्‍नीनी। गो मो मपाइनुङ। मोपतीके इन तुइश्‍शो आं कली शेंदीनी।
JOB 34:34 निप्‍स पाइश्‍शो मुर नेल्‍लेम नु जोक्‍ब तुइक्‍ब कामी आं लोव़ नेंशा
JOB 34:35 ‘अय्‍युब मजोक्‍थु, लोव़ पाइब बाक्‍ब। आ लोव़ मरुप्‍चा ङा बाक्‍ब’ देंनीम। अय्‍युब ३८:२
JOB 34:36 अय्‍युबम मेको क्‍येङा तेम्‍शा श्‍येत जवल। मारदे हना आ लोव़ परमप्रभु आ अरेशो मटीब आन लोव़ खोदेंशो बाक्‍ब।
JOB 34:37 मेकोमी आ पाप तेम्‍ब। आंइ दातेमी शु‍श हेंथे पना पन बाक्‍ब। मिनु मेकोमी परमप्रभु आ पर्बम मरिम्‍शो लोव़ शुश तेम्‍ब” दे एलीहुमी देंमाक्‍त।
JOB 35:1 मिनु एलीहुमी
JOB 35:2 अय्‍युब कली “परमप्रभु आ ङोंइती ‘गो ठीक बाक्‍नुङ’ देंचा रिम्‍शो बाक्‍बा? अय्‍युब ३२:२
JOB 35:3 गे मेको कली ‘गो पाप मपाता हना, मार दुम्‍बा ङा? मिनु पाप मपथु आं कली मार रिम्‍शो दुम्‍बा ङा?’ देंतीनी। अय्‍युब ३४:९
JOB 35:4 गे नु इन वारच सां इन कली गो लोव़ लेत्‍नुङ।
JOB 35:5 इर सरीङ गे कोव़ङीन। इन क्‍येङा इर बाक्‍शो गोस्‍स कली कोव़ङीन।
JOB 35:6 गे पाप पाइतीनी हना, मेको कली मार दुम्‍बा ङा? गे शुश हेंथे पाइतीनी हना यो, मेको कली मार दुम्‍बा ङा?
JOB 35:7 गे ठीक पाइब दुम्‍तीनी हना, मेको कली मार गेनीनी ङा? इन गुइ रे मेकोम मार ताइबा ङा? अय्‍युब २२:२-३; रोमी ११:३५
JOB 35:8 इन परमप्रभु यावे आ अरेशो मटितीके इन कली श्‍येत दुम्‍शो खोदेंशो पा अरु मुर आन कली यो श्‍येत दुम्‍ब। मिनु इन ठीक पतीके रिम्‍शो दुम्‍शो खोदेंशो पा अरु आन कली यो रिम्‍शो दुम्‍ब।
JOB 35:9 शुश दिप्‍चा पुंइसीतीके मुरपुकी वाइ ब्रेत्‍नीम। मिनु सक्ति पाइश्‍शो आन पर्बम पुंइशा ग्रीनीम।
JOB 35:10 तन्‍न सुइमी ‘आं कली सेल्‍ब परमप्रभु ते बाक्‍बा? नाक्‍दो आं कली ठेयब सेल्‍तीक कुम्‍सो गेब, परमप्रभु ते बाक्‍बा? प्रेरित १६:२५
JOB 35:11 मेकोमी आंइ कली रागी ङा जन्‍तु आन क्‍येङा शुश शेंताक्‍की। मिनु सरीङ ङा चिक्‍ब आन क्‍येङा आंइ कली जोक्‍ब तुइक्‍ब सेल्‍तु?’ मदेंनीम।
JOB 35:12 मिनु मुरपुकीम ङाक्‍शा पुन्‍मेनु, मेको आन लोव़ मनेंब। मारदे हना मेको मरिम्‍शो पाइबपुकी ठेयब लेश्‍शो बाक्‍नीम।
JOB 35:13 थमा पा परमप्रभुमी मेको आन हेंथे पुंइशो लोव़ मनेंब। नेल्‍ल क्‍येङा ठेयब सक्ति पाइश्‍शोमी मेको लोव़ नोफा मदाइक्‍ब। यूहन्‍ना ९:३१
JOB 35:14 मिनु गे ‘गो मेको कली मतङ’ देंनीनी। इन पशो नेल्‍ले मेको आ ङोंइती बाक्‍ब। मोपतीके रिम्‍दीन। अय्‍युब २३:८-९
JOB 35:15 परमप्रभु आ गाइश्‍शोम सजाइ मगेब। मिनु हेंथे गाक्‍शो मकोव़ब। उपदेसक ८:११
JOB 35:16 मोपतीके अय्‍युबम फश लोव़ ला पाप्‍तु। शुश फश लोव़ ला पाप्‍तु” देंमाक्‍त।
JOB 36:1 मिनु एलीहुमी लेंशा
JOB 36:2 “गो नु फाल्‍शा बाक्‍तीनी हना, इन कली मारेइ कोंइनुङ। गो मुल यो परमप्रभु आ पर्बम इन कली लोव़ पचा माल्‍नुङ।
JOB 36:3 आं जोक्‍शो थुं ङा लोव़ ङोन रे चाक्‍नुङ। आं कली सेल्‍ब ठीक पाइब बाक्‍ब।
JOB 36:4 थमा पा, आं लोव़ हेंथे मबाक्‍ब। आं लोव़ थम पा जोक्‍ब तुइक्‍ब मुर इन ङोंइती बाक्‍ब।
JOB 36:5 थमा पा परमप्रभु सक्ति पाइश्‍शो बाक्‍ब। मेकोम सुइ आन कली आइक्‍च मसेल्‍ब। मेको आ जोक्‍तीक तुइक्‍तीक ठेयब बाक्‍ब।
JOB 36:6 मेकोमी आ अरेशो मटीब आन कली ब्रोंइचा मगेब। आइक्‍च मुर आन कली ठीक निसाफ पाइब। भजन संग्रह ७२:४,१२; भजन संग्रह १४६:७-९
JOB 36:7 मेकोम ठीक पाइब आन कली कोव़ब। मिनु मेको आन कली गेना हना यो पिप नु वोइक्‍ब। मिनु मेकोपुकी ठेयब सेल्‍चा पुंइसीनीम। भजन संग्रह ११३:७-८
JOB 36:8 तन्‍न मेको आन कली साङलोम पाइक्‍ताक्‍म हना, श्‍येत जाम्‍तेक्‍म हना,
JOB 36:9 मेको आन शुश हेंथे पशो नु ठेयब लेश्‍शो आ पर्बम परमप्रभुमी सजाइ गेशो बाक्‍ब।
JOB 36:10 मेकोमी मेको आन कली श्‍येत गेशा रुप्‍ब मुर सेल्‍ब। मिनु मेको आन मरिम्‍शो पतीक रे लेप्‍पाइक्‍चा कली अरेब। अय्‍युब ३३:१६
JOB 36:11 मिनु मेकोपुकीम मेको आ लोव़ नेंतेक्‍म हना, मेको आ अरेशो टिशा आ गेय पाम्‍तेक्‍म हना, मेकोपुकीम आन लीशो नाक्‍ती रिम्‍शो पा बाक्‍चा ताइनीम। मिनु आन लीशो बर्स रिम्‍शो पा लाक्‍नीम।
JOB 36:12 तन्‍न मेकोपुकीम मेको आ लोव़ मनेंतेक्‍म हना, मारेइ मतुइक्‍थु, तरवारम साइक्‍चा पुंइसीनीम।
JOB 36:13 परमप्रभु कली मान मपाइब मुर गाइक्‍स ङा गाइक्‍स बाक्‍नीम। परमप्रभु रे पा सजाइ तामेनु, यो मेकोपुकीम ‘वारच पाइक्‍की’ दे मपुंइनीम।
JOB 36:14 मेकोपुकी ठिटा बाक्‍ची ना मुने दोक्‍शा बेक्‍नीम।
JOB 36:15 परमप्रभुमी श्‍येत जशो आन कली आन श्‍येत रे प्रोंइब। मोपा मेको आन श्‍येत तशा, रुप्‍ब दुम्‍नीम।
JOB 36:16 मोपा इन कली यो श्‍येत रे ग्रुंइब। इन कली रिम्‍शो बाक्‍तीकेमी वोइक्‍ब। गे लेंशा ब्रोव़शो जचा थोव़क जचा ताइनीनी।
JOB 36:17 गे मुल चहिं परमप्रभु यावे आ अरेशो मटीब आन ततीक सजाइ तन तन बाक्‍नीनी। मोपान मेको आन दोस नु सजाइम इन कली यो ग्‍याइक्‍ब।
JOB 36:18 होस पा बाक्‍कीन। इन गाइक्‍तीकेम इन कली शुक्‍शी मपपदल। मिनु शुश घूस जतीकेमी इन कली हेंथे पाइब मसेलल।
JOB 36:19 गे इन कली ‘वारच पाइय्‍यीनी’ दे ग्रीचा शोर गाक्‍शो बाक्‍ब। इन शुश शोंप नु इन सक्तिम इन कली श्‍येत रे प्रोंइने चाप्‍बा ङा?
JOB 36:20 गेना नां रिक्‍बा, मिनु इप्‍चा, दे ममिम्‍तीन। मारदे हना मुर आन इप्‍तीकेम साइक्‍चा पुंइसीनीम।
JOB 36:21 मरिम्‍शो पतीक गे मलन। होस पा बाक्‍कीन। मारदे हना गे मेको आ पर्बम श्‍येत जाइब दुम्‍तीनी।
JOB 36:22 परमप्रभु आ सक्तिम पतीके ठेयब सेल्‍चा पुंइसीब। मेको खोदेंशो शेंब अर्को सु बाक्‍बा ङा? भजन संग्रह २५:९
JOB 36:23 सुम मेको कली आ लां कोंइशो बाक्‍बा? मिनु मेको कली ‘गे दूली पाइ‍तीनी’ दे सुम देंने चाप्‍बा ङा?
JOB 36:24 गे मेको कली मेको आ गेय आ पर्बम ठेयब सेल्‍चा, मप्रेंदीन। मुरपुकीम मेको आ पर्बम कुम्‍सो पशो बाक्‍तेक्‍म।
JOB 36:25 मुर नेल्‍लेमी आ पशो तशा कोव़तेक्‍म। तन्‍न ङोन रे ला ताम्‍तेक्‍म।
JOB 36:26 परमप्रभु थमा पा ठेयब बाक्‍ब। मिनु गो मेको मतुइक्‍नीकी। मेको आ बर्स हिक्‍ने मचाम्‍सीब।
JOB 36:27 मेकोम ब्‍वाक्‍कु आ तेप्‍का गुप्‍ब। मिनु आ सेल्‍शो गोस्‍सुम वोइक्‍ब।
JOB 36:28 मिनु सरीङ रे रेउ यीब। मेकोमी मुर आन कली शुश जिप्‍पाइक्‍ब।
JOB 36:29 सुम गोस्‍स आ ब्रशो रुप्‍‍ने चाप्‍बा ङा? आ बाक्‍तीक रे बुंबु पशो सुम रुप्‍ने चाप्‍बा ङा?
JOB 36:30 मेकोमी सरीङ आ एर ओंथ आ चिला सोइक्‍ब। मिनु मेको समुन्‍द्र आगा सम्‍म लाइब।
JOB 36:31 मोपा मेकोम जात जात ङा मुर आन कली सासन पाइब। मिनु मेको आन कली शुश जचा थोव़क गेब।
JOB 36:32 मेको आ गुइम चिला बाक्‍ब। मिनु मेकोमी ख्रपाइक्‍चा कली आप्‍ब।
JOB 36:33 मेको चिला आ पपाइश्‍शो रेयकेम मेको आ सक्ति आ पर्बम लोव़ पाइब। मेको हेंथे गाक्‍ब आन पर्बम रुश पा शुश गाइक्‍ब।
JOB 37:1 मेको तुइश्‍शा आं लुङगीर थाम्‍पा प्रेक्‍ब। मेको आ बाक्‍‍तीक प्रोंइ‍शा प्रेक्‍ब।
JOB 37:2 नेनीन, आ सेंदाम बुंबु पशो नेनीन। मिनु मेको आ शोव़म ब्‍वाक्‍शो ठेयब सेंदा नेनीन।
JOB 37:3 मेकोम सरीङ आ एर ओंथ आ सेंदा नेंपाइक्‍ब। आ चिला रागी ङा सुर सम्‍म दाप्‍पाइक्‍ब।
JOB 37:4 मेको आ नोले मेको आ ठेयब सेंदा नेंसीब। मेको आ मान पाइक्‍चा पुंइसीब सेंदा नेंसीब। मिनु मेकोम आ सेंदा नेंपाइक्‍ब। आ चिला पतीके मतेक्‍ब।
JOB 37:5 परमप्रभु आ सेंदा बुंबु पशो खोदेंशो हिं‍चा ङा पा नेंसीब। मेकोमी गोपुकीम मरुप्‍चा ङा पा ठेयब गेय पाइब।
JOB 37:6 मेकोम फुं कली ‘रागीम दोक्‍को’ देंब। मिनु रेउ कली ‘धारा खोदेंशो पा यीवो’ देंब।
JOB 37:7 मेको मुर नेल्‍ल आन चिन्‍ड का बाक्‍ब। मिनु आ सेल्‍शो मुर नेल्‍लेम ‘मेको परमप्रभुम पाप्‍तु’ दे तुइक्‍नीम।
JOB 37:8 मेना ब्‍वाकी ङा जन्‍तु आन पुक्‍खी गे लाइनीम। मिनु मेकेर लशा बाक्‍नीम। भजन संग्रह १०४:२१-२२
JOB 37:9 फश गिवार आ बाक्‍‍तीक रे ग्रूब। मिनु फश रे पा ग्‍यू जाक्‍ब।
JOB 37:10 परमप्रभु आ सासमी फुं दुम्‍ब। मिनु ठेयब ब्‍वाक्‍कु नेल्‍ल रीब पा फुं दुम्‍नीम।
JOB 37:11 मेकोमी ठेयब गोस्‍स कली ब्‍वाक्‍कु कुरपाइक्‍ब। मिनु गोस्‍सपुकीमी आ चिला तेइ तेइ फ्राइनीम।
JOB 37:12 मेकोपुकी आ कोंइशो रागी आ एर ओंथ ङा लां नेल्‍ल गाक्‍नीम। मोपा मेकोपुकीमी परमप्रभु आ देंशो मुर बाक्‍शो रागी आ तार नेल्‍ल पाइनीम।
JOB 37:13 परमप्रभुम रागी जिप्‍पाइक्‍चा कली रेउ यिपाइक्‍ब। मेकोम मुर आन कली सजाइ गेचा कली नु आ रागी कली शिशी कोंइचा कली रेउ यिपाइक्‍ब।
JOB 37:14 अय्‍युब, गे एको लोव़ नेनीन। सिक्‍सी पा बाक्‍शा परमप्रभु आ छक लाक्‍चा ङा गेय मिम्‍तीन।
JOB 37:15 परमप्रभुम गोस्‍स आन गेय दोपा पपाइक्‍बा? मिनु आ गोस्‍स रे दोपा चिला दाप्‍पाइक्‍बा, मेको गे तुइक्‍नीनी ङा?
JOB 37:16 गोस्‍सपुकी दोपा सरीङम ग्‍युक्‍शा बाक्‍नीमी? मेको आ छक लाक्‍चा ङा गेय बाक्‍ब। मेको नेल्‍ल जोक्‍ब बाक्‍ब, दे गे मतुइक्‍नीनी?
JOB 37:17 दक्‍खिन ङा फशेम इन फेक्‍शो वा होश सेल्‍ब। रागी नेल्‍ल कली सिक्‍सी पपाइक्‍ब।
JOB 37:18 मार, गे परमप्रभु खोदेंशो पा कांसा के ऐना खोदेंशो सारो सरीङ कली प्राक्‍ने चाप्‍नीनी ङा?
JOB 37:19 मेको कली मार देंचा माल्‍बा, गे मेको आंइ कली शेंदीन। मारदे हना गो छिङछिङम पतीके मारेइ मिम्‍ने मचाप्‍नीकी।
JOB 37:20 गो मार देंनुङा, मेको कली हिल्‍लो पचा माल्‍नुङा ङा? सुइ मुरुम आंम कली दाक्‍चा पुंइसीचा मदाक्‍बा ङा?
JOB 37:21 हाम्‍सो बाक्‍त हना यो, गोस्‍सुम सुम्‍शो नां कली मुरुम तने मचाम्‍सीब। फशेमी गोस्‍स आन कली योल्‍दा नोले ला नां कली तने चाम्‍सीब।
JOB 37:22 मेको उत्तर रे हो हो पा दाप्‍शा ग्रूब। मेको परमप्रभु आ एर ओंथ छक लाक्‍चा ङा छेङछेङ बाक्‍ब।
JOB 37:23 तन्‍न गो नेल्‍ल क्‍येङा ठेयब सक्ति पाइश्‍शो कली थिन्‍ने मचाप्‍नीकी। मेको आ नेल्‍ल क्‍येङा सक्तिम गेय पाइब बाक्‍ब। मेकोमी निसाफ पशो नु ठीक पतीके गेनायो दूली मपाइब।
JOB 37:24 मोपतीके मुरपुकीम मेको कली तशा मान पा हिंनीम। मिनु आन थुंम ‘गो जोक्‍ब तुइक्‍ब नङ’ दे मिम्‍ब आन कली ठेयब ममिम्‍ब” दे एलीहुम देंमाक्‍त।
JOB 38:1 मिनु परमप्रभु यावेमी अय्‍युब कली फश गिवार रे पा लोव़ लेश्‍शा, अय्‍युब ३१:३५
JOB 38:2 “दूली लोव़ पा अर्ती गेब सु बाक्‍म? मारेइ मजोक्‍थु मार लोव़ पवा? अय्‍युब ३४:३५
JOB 38:3 गे बोल्‍यो मुर खोदेंशो दुम्‍शा रपो। मिनु गो इ कली लोव़ हिल्‍लो पाइनुङ। मिनु गे लोव़ लेत्‍ती।
JOB 38:4 गो रागी आ जग वोदुनु, गे ते बाक्‍ङे? गे रुप्‍‍नेवे हना आं कली देनो।
JOB 38:5 मेको कली दोमो सेल्‍चा, दे सुम देंमे? गे तुइक्‍नेवे? मेको पुक्‍चा कली सुम डोरी कीङा। मेको गे तुइक्‍नेवे? हितोपदेस ३०:४
JOB 38:6 मेको आ जग मार तार वोदा? मेको आ सुर ङा फुल्‍लु सुम वोदा?
JOB 38:7 मेना सुनी ङा सोरुलपुकीमी कालेम कुम्‍सो पाम्‍तेक्‍म। मिनु स्‍वर्गम बाक्‍ब नेल्‍ल ग्‍येरसीशा ग्रीतेक्‍म। भजन संग्रह १९:२; अय्‍युब १:६
JOB 38:8 समुन्‍द्र रागी आ कोव़ज रे बुक्‍शा ग्रूमानु, मेको ब्‍वाक्‍कु तेक्‍चा कली सुम लाप्‍चो चोक्‍गा? भजन संग्रह १०४:८-९; हितोपदेस ८:२९
JOB 38:9 गो मेको कली गोस्‍स के फेक्‍तीक सेल्‍शा, क्‍येर नाक्‍दोम मेको कली गिल्‍शा वोइक्‍ता।
JOB 38:10 मेको आ सांद वोइश्‍शा, थरपु हिरशा, लाप्‍चोपुकी वोइक्‍ता।
JOB 38:11 मिनु गो मेको कली ‘गे ओशो सम्‍म ला जाक्‍ने चाप्‍नेवे। एकेर सम्‍म ला जाक्‍नेवे। इन ठेयब छालपुकी मेक उइ देक्‍चा माल्‍नीम’ दे माइक्‍तामी।
JOB 38:12 गे मुल सम्‍म ‘सुनी दुमो’ दे अरेवी? सुनी कली मेको आ बाक्‍‍तीके तुइक्‍पदी?
JOB 38:13 मेकोमी रागी आ सुर सम्‍म हाम्‍सो सेल्‍ब। आं अरेशो मटीब आन कली खेरचा कली हिम्‍ब।
JOB 38:14 दोपा खप रे मार मार सेल्‍सीबा, मोपा रागी फांइसीब। मेको वा कली रङम नुप्‍शो खोदेंशो बाक्‍ब।
JOB 38:15 आं अरेशो मटीबपुकीम छेङछेङ मताइनीम। मिनु मेको आन पोक्‍शो गुइ जिक्‍चा पुंइसीनीम।
JOB 38:16 गे समुन्‍द्र आ बुक्‍तीक सम्‍म जाक्‍दीने? आ नेल्‍ल क्‍येङा लुक्‍च ङा बाक्‍तीकेम हिरशा गाक्‍ङे?
JOB 38:17 बेक्‍पाइक्‍ब आ ठेयब लाप्‍चो इ कली कोंइदमे? गे क्‍येर नाक्‍दो ङा लाप्‍चोपुकी तवी?
JOB 38:18 गे रागी गिश ठेयब बाक्‍बा, दे तुइक्‍‍नेवे? गे मेको नेल्‍ल तुइक्‍नेवे हना, आं कली देनो।
JOB 38:19 छेङछेङ आ लतीक लां ते बाक्‍बा? मिनु छिङछिङ आ बाक्‍‍तीक ते बाक्‍बा?
JOB 38:20 गे मेको नेल्‍ल आन बाक्‍तीकेम ल‍ने चाप्‍नेवे? मिनु गे मेको आन बाक्‍‍तीक लतीक लां तुइक्‍नेवे?
JOB 38:21 थमा पा, गे मेको नेल्‍ल तुइक्‍नेवे। मारदे हना मेना गे जरमेने थुम्‍शो बाक्‍‍ते। मिनु गे शुश बर्स ब्रोंइने थुम्‍तीवी।
JOB 38:22 गे शुश फुं बाक्‍तीकेम ओव़ङे? गे शुश मुप्‍स बाक्‍तीक तवी? यहोसु १०:११; यसैया ३०:३०
JOB 38:23 गो मेको श्‍येत ङा नाक्‍ती नु लडाइ ङा नाक्‍त कली खेक्‍शा वोइक्‍ता।
JOB 38:24 तेको लां रे छेङछेङ ब्राइबा? मिनु पूर्ब ङा फश ते रे ग्रूबा?
JOB 38:25 सुम ठेयब रेउ लतीक लां सेला? बुंबु पतीक आ लां सुम सेला? अय्‍युब २८:२६
JOB 38:26 मेको मुर मबाक्‍शो रागी नु गोरशो रागी जिप्‍पाइक्‍चा कली बाक्‍ब।
JOB 38:27 मुर मबाक्‍शो रागी नु सोव़शो रागी गिगी सेल्‍चा कली सुम लां सेला?
JOB 38:28 मार रेउ आ आफ बाक्‍बा? सीत कली जरमेब सु बाक्‍बा?
JOB 38:29 सुका आ कोव़ज रे फुं जरमेसे? सरीङ रे दोक्‍ब फुरश आ ममा सु बाक्‍बा?
JOB 38:30 ब्‍वाक्‍कु फुल्‍लु खोदेंशो सारो दुम्‍ब। फुरश समुन्‍द्र आ तार सारो दुम्‍ब।
JOB 38:31 गे किरकिटी सोरुल आन कली पाइक्‍ने चाप्‍नेवे? गे मिर्गसीरा सोरुल कली खिक्‍‍शो डोरी आ गाठो प्राक्‍ने चाप्‍नेवे? अय्‍युब ९:९
JOB 38:32 मार गे सोरुल आ हुल आन कली आन गाक्‍शो लां रे ग्रुंइने चाप्‍नेवे? सप्‍तबर्सी सोरुल आन हुल कली लां कोंइने चाप्‍नेवे?
JOB 38:33 मार गे स्‍वर्ग ङा फुल्‍लुम मुशा ब्रेक्‍शो तुइक्‍‍नेवे? गे रागीम मेको मोदेंशो सेल्‍ने चाप्‍नेवे? येरमीया ३३:२५
JOB 38:34 गे गोस्‍स कली ‘रेउ यीवो’ दे अरेने चाप्‍नेवे? मिनु मोपा आंम कली जिप्‍पाइक्‍ने चाप्‍नेवे?
JOB 38:35 मार गे चिला कली आ लांम सोइक्‍ने चाप्‍नेवे? मार मेकोपुकीम ‘गो एक बाक्‍‍तक’ दे इ कली देंनीमी।
JOB 38:36 सुम थुं कली तुइक्‍तीक गेवा? सुम थुं कली रुप्‍तीक गेवा?
JOB 38:37 सरीङ ङा मारेइ मारेइ हिक्‍ने चाप्‍तीक तुइक्‍तीक थुं पाइश्‍शो सु बाक्‍बा? मिनु सरीङ ङा ब्‍वाक्‍कु वोइक्‍तीके रे सुम ब्‍वाक्‍कु थोक्‍ने चाप्‍बा?
JOB 38:38 मोदेंशो दुम्‍त हना, फुरक हिलो दुम्‍शा, खप डल्‍ला दुम्‍शा ग्‍याइक्मुशा बाक्‍नीमी।
JOB 38:39 गे गुप्‍स कली आ सिखार माल्‍शा गेने चाप्‍नेवे? मेको आ शोव़लु बेक्‍शो रूपाइक्‍ने चाप्‍नेवे?
JOB 38:40 मेको आन पुक्‍खीम बाक्‍नीम। ख्रुइश्‍शा सिखार बाप्‍शो बाक्‍नीम। गे मेको कली रूपाइक्‍ने चाप्‍नेवे?
JOB 38:41 एर ओंथ हिरशो खद आन चाइक्‍बमी जचा मतथु परमप्रभु कली पुन्‍मे नोले सुम मेको आन कली थुल्‍बा?” दे परमप्रभुमी अय्‍युब कली देंमाक्‍त। भजन संग्रह १४७:९
JOB 39:1 परमप्रभुमी अय्‍युब कली “रोको‍श गेना गिक्‍बा, गे तुइक्‍नेवे? छाउरी किश्‍श गिक्‍मेनु मेको तशो बाक्‍नेवे?
JOB 39:2 मेकोपुकीम कोव़जम चाइक्‍ब कुरमेनु, गे मेको आन महिना हिक्‍ने चाप्‍नेवे? गे मेको आन गिक्‍ची ना तुइक्‍नेवे?
JOB 39:3 मेकोपुकी गिक्‍चा कली बाप्‍नीम। मिनु आन चाइक्‍ब जरमेनीम। मिनु आन चाइक्‍ब ब्रोंइ‍शा बाक्‍नीम।
JOB 39:4 मिनु मेको आन चाइक्‍ब बोल्‍यो दुम्‍नीम। ब्‍वाकीम कोल्‍नीम। काबु ब्‍वाकी मेर लशा, लेश्‍शा मजाक्‍नीम।
JOB 39:5 सुम ब्‍वाकी ङा गधा कली प्रोंना। सुम मेको आ डोरी प्रुदा।
JOB 39:6 गो मेको आन कली ‘बाक्‍कीन’ दे गोरशो रागी गेता। मिनु हिक्‍सी बाक्‍शो रागी मेको आन कली गेता।
JOB 39:7 मेको सहर ङा रेयके रे ङोन बाक्‍नीम। मिनु मेकोम शारा दोरपाइक्‍ब आन ग्रीशो मनेंनीम।
JOB 39:8 मेकोम डांडा मेर आन जोतीक सेल्‍नीम। मिनु गिगी घांस नेल्‍ल माल्‍शा नेक्‍नीम।
JOB 39:9 मार ब्‍वाकी ङा सांढे ब्‍यफोम इ गेय पने बिप्‍बा? मार मेको इ घांस लाप्‍तीकेम नां सोंइबा?
JOB 39:10 गे मेको कली वाक्‍ने चाप्‍नेवे? मार मेकोमी दांदे पा इ रू दिंम सेल्‍बा?
JOB 39:11 मार गे मेको आ बोल तशा इ गेय पपाइक्‍नेवे? इन गेय नेल्‍ल पचा गेनेवे?
JOB 39:12 मेको इ अन्‍न कुरशा चाक्‍चा कली लेश्‍शा जाक्‍ब, दे थमा सुइक्‍नेवे?
JOB 39:13 ठेयब चिक्‍बीम ग्‍येरशा आ फ्रां हाम्‍ब। तन्‍न मेको सारस खोदेंशो पा बेरने मचाप्‍ब।
JOB 39:14 मेकोम आ ब्‍वोफु होल दे खपीम वोइक्‍ब। मिनु मेक उइ प्रोंइब।
JOB 39:15 मिनु मेको कली खोइलीम दिम्‍नीम, दे प्रेंब। ब्‍वाकी ङा जन्‍तुपुकीम दिम्‍ने चाप्‍नीम, दे ममिम्ब।
JOB 39:16 मेकोम आंम चाइक्‍ब, आ के ममाइ खोदेंशो पा, आन कली शिशी मपाइब। मेको आ ब्‍वोफु पतीके मोशा लत हना यो, महिंब।
JOB 39:17 परमप्रभुमी मारदे हना मेको कली तुइक्‍‍तीक थुं मपाइश्‍शो सेल्‍शो बाक्‍ब। मिनु मेको कली मारेइ मरुप्‍ब सेल्‍शा प्रोंइशो बाक्‍ब।
JOB 39:18 मिनु मेको दोरशा आ फ्रां प्राक्‍ब। मिनु शारा नु शारा ङोइक्‍ब आन कली कोव़शा रिप्‍ब।
JOB 39:19 गे शारा कली मेको आ बोल गेनेवे? मेको आ शुर चांम ग्‍योम्‍नेवे?
JOB 39:20 गे मेको कली सल्‍हा खोदेंशो पा प्रेक्‍‍पाइक्‍नेवे? मेको आ ठेयब सेंदा पा ग्रीशोम नेल्‍ल आन कली हिंपाइक्‍ब।
JOB 39:21 मेकोम आ गेंचम प्रेक्‍ना प्रेक्‍न राप्‍ब। मेकोम आ बोल नेल्‍ल कोंइशा, लडाइ पतीकेम लाइब।
JOB 39:22 मेकोम हिंतीक आ पर्बम मारेइ ममिम्‍ब। मेको तरवार तशा मप्रोक्‍ब।
JOB 39:23 मेको आ ब्रा हुरुर पा ग्रीब। मिनु मेकेर तूतीक नु तरवार हिरनीम।
JOB 39:24 तन्‍न मेको थाम्‍पा आ जोंब बोक्‍शा, दोरशा लाइब। तुराही ताप्‍शो नेनानु, मेको सिक्‍सी पा बाक्‍ने मचाप्‍ब।
JOB 39:25 मेकोम तुराही ताप्‍शो नेंशा ‘आहा’ देंब। मिनु मेकोम ङोन रेन लडाइ पाइब आन हुल नु लडाइ ङा रिना नेंब।
JOB 39:26 ब्‍वारदे आ फ्रां हाम्‍शा दक्‍खिन गे बेरचा कली इ रुप्‍तीकेमी शेंदी?
JOB 39:27 मार ककाकुलीम आ ग्‍योव़ इर रोंगुम सेल्‍चा कली इ अरेशो बाक्‍बा?
JOB 39:28 मेको रोंगुम बास बाक्‍ब। मिनु आ ग्‍योव़ मेकेन सेल्‍ब।
JOB 39:29 मेकेर रे आ सिखार कोव़ना कोव़न बाक्‍ब। मेकोमी ङोन ङोन नेल्‍ल रिम्‍शो पा तने चाप्‍ब।
JOB 39:30 मेको आ चाइक्‍बपुकीम हुश तूनीम। मेको ते ते मार मार सिखार बाक्‍मा, मेको मेकेर बाक्‍नीम” दे परमप्रभुम अय्‍युब कली देंमाक्‍त। हबकुक १:८; मत्ती २४:२८
JOB 40:1 मिनु परमप्रभु यावेमी लेंशा अय्‍युब कली
JOB 40:2 “नेल्‍ल क्‍येङा सक्ति पाइश्‍शो, गो आं कली दोस गेबमी आं कली लोव़ लेत्‍चा माल्‍ब” देंमाक्‍त। यसैया ४५:९
JOB 40:3 मिनु नोले अय्‍युबमी परमप्रभु यावे कली लोव़ लेश्‍शा
JOB 40:4 “गो शोर गाक्‍शो मुरुम इन कली मार लोव़ लेन्‍ने चाप्‍नुङा ङा? गो आं गुइम आं शोव़ सुम्‍नुङ। उत्‍पत्ती ३२:९; यसैया ६:५; हितोपदेस ३०:३२
JOB 40:5 गो खेयप का लोव़ पने थुम्‍ता। मुल लेंशा लोव़ मपाइनुङ। गो खेयप निक्‍शी ब्‍वाक्‍ती, मुल ब्‍वाक्‍तीक लोव़ मबाक्‍ब” देंमाक्‍त।
JOB 40:6 मिनु परमप्रभु यावेम अय्‍युब कली फश गिवार रे पा लोव़ लेश्‍शा
JOB 40:7 “गे बोल्‍यो मुर खोदेंशो दुम्‍शा रपो। मिनु गो इ कली लोव़ हिल्‍लो पाइनुङ। मिनु गे लोव़ लेत्‍ती। अय्‍युब ३८:३
JOB 40:8 गो आं कली ‘दूली पाइब’ देंनेवे? मिनु गे आंमा ठीक पाइब बाक्‍नुङ देंचा कली आं कली दोस गेनेवे?
JOB 40:9 मार इ सक्ति परमप्रभु के खोदेंशो बाक्‍बा? गे बुंबु पशो सेंदा खोदेंशो पा ग्रीने चाप्‍नेवे?
JOB 40:10 चाप्‍नेवे हना, मान ततीकेम नु ठेयब दुम्‍तीकेम आंम कली ग्‍योम्‍सो। गे इ एर ओंथ दारस नु छेङछेङ वोंइसो।
JOB 40:11 इ गाइक्‍तीक कोंइदो। मिनु ठेयब लेश्‍शो मुर आन कली कोव़शा, मेको आन कली दिप्‍शा आइक्‍च सेलो।
JOB 40:12 ठेयब लेश्‍शो मुर नेल्‍ल आन कली कोव़ङो। मेको आन कली आइक्‍च सेलो। मिनु आं अरेशो लोव़ मटीब आन कली आन राप्‍तीकेमी दिम्‍दीमी।
JOB 40:13 मेको नेल्‍ल आन कली खपीम ख्रुइक्‍तीमी। मिनु रागी आगाम मेको आन कुल ख्रुइक्‍पाइक्‍मी।
JOB 40:14 मिनु गो ‘इ ग्‍युरा गुइमी ग्राने चाप्‍बाक्‍‍ते’ दे थमा सुइक्‍नुङ।
JOB 40:15 गो इ कली सेल्‍शो खोदेंशो पा बेहेमोथ माइश्‍शो ठेयब जन्‍तु कली सेल्‍ता। मेकोमी बी ब्‍यफ खोदेंशो पा घांस ब्‍वाइब। बेहेमोथ ब्‍वाक्‍कु ङा ठेयब जन्‍तु बाक्‍ब।
JOB 40:16 मेको आ सक्ति आ फिलाम बाक्‍ब। मिनु आ बोल आ कोव़जम बाक्‍ब।
JOB 40:17 मेको आ मीलु लेबानोन ङा लाइश्‍शो रवा खोदेंशो खकटा बाक्‍ब। मेको आ फिला ङा नाडी थम खांइसीशो बाक्‍नीम।
JOB 40:18 मेको आ रुश कांसा खोदेंशो बाक्‍नीम। मिनु मेको आ खोइली फलाम खोदेंशो बाक्‍नीम।
JOB 40:19 मेको परमप्रभु आ नेल्‍ल क्‍येङा ङोंइती ङा ठेयब गेय बाक्‍ब। मो हना यो मेको कली सेल्‍ब तरवार शेंशा ला मेको आ नेक्‍था लने चाप्‍ब।
JOB 40:20 डांडामी मेको आ जोतीक बाक्‍ब। ब्‍वाकी ङा जन्‍तु नेल्‍ल मेकेर ग्‍यारनीम।
JOB 40:21 मेको कमल फू आगाम इप्‍ब। मेको बुदी मीलु नु ब्‍वाक्‍कु बाक्‍‍तीक मेर ख्रुइश्‍शा बाक्‍ब।
JOB 40:22 कमल फूमी मेको कली आ वांकु गेब। मेको आ एर ओंथ ङा खोला मेर बुटा बाक्‍नीम।
JOB 40:23 मेको खोला बारशा कुत हना यो महिंब। बारशो खोला आ गे पित हना यो दिल थिश्‍शा इप्‍शा बाक्‍ब।
JOB 40:24 सुइ मुरुम मेको कली आ बोल्‍सीम रेत्‍ने मचाप्‍ब। सुम मेको आ मिक्‍च थि‍ने चाप्‍बा? सुम मेको कली ब्‍वारदम रेश्‍शा आ नें ख्रिन्‍ने चाप्‍बा ङा?” दे परमप्रभुमी अय्‍युब कली देंमाक्‍त।
JOB 41:1 परमप्रभुमी “गे लेव्‍‍याथन माइश्‍शो ठेयब जन्‍तु कली बोल्‍सीमी रेत्‍ने चाप्‍नेवे? मेको आ लें डोरीम नेप्‍‍ने चाप्‍नेवे? भजन संग्रह ७४:१४
JOB 41:2 गे मेको आ नें ख्रिश्‍शा डोरी लिक्‍ने चाप्‍नेवे? मेको आ शांपे बोल्‍सीम ब्‍वेक्‍ने चाप्‍नेवे।
JOB 41:3 मेकोमी ‘आं कली प्रोंइ‍यी, शिशी पाइय्‍यीनी’ दे पुंइबा? मेकोमी इ कली मिलो शिलो पाइबा ङा?
JOB 41:4 मेकोम गे नु कबल पाइबा? ‘गो गेना हना यो वाइल दुम्‍नुङ’ देंबा?
JOB 41:5 गे मेको नु चिक्‍ब खोदेंशो पा ग्‍यारने चाप्‍नेवे? मार, मेको कली इ मीश आल नु ग्‍यारचा कली पाइश्‍शा वोइक्‍चा दाक्‍नेवे?
JOB 41:6 मार, मेको आन पर्बम ग्‍याप्‍ब लेयबपुकीम ‘ओशो लाइब’ देंनीमी? ग्‍याप्‍ब लेयबमी आन दातेमी मेको कली भाग भाग सेल्‍नीमी?
JOB 41:7 मार, गे मेको आ कुशुल कली तूतीकेम तूने चाप्‍नेवे? मार, ङांइ साइक्‍तीक याम मेको आ पिया आप्‍ने चाप्‍नेवे?
JOB 41:8 गे ‘गो मेको नु लडाइ पाइनुङ’ दे मिम्‍ताक्‍वी हना, मिनु राम्‍शी पाप्‍तीवी हना, गे मोदेंशो लेंशा गेनायो मपाइक्‍नेवे।
JOB 41:9 सुम मेको कली ‘ग्‍याइक्‍नुङ’ दे मिम्‍बा, मेको मचाप्‍ब। सुम मेको कली ताइबा, मेको हिंशा गोल्‍ब।
JOB 41:10 मेको कली पोक्‍ने चाप्‍ब, सुइ मबाक्‍नीम। मोपा मेको आ ङोंइती सु राप्‍ने चाप्‍बा ङा?
JOB 41:11 गो आं कली लडाइ तोशा, सु ब्रोंइशा बाक्‍ने चाप्‍बा ङा? सरीङ आगा ङा मारेइ मारेइ आं केन नम।
JOB 41:12 गो मेको आ खोइली आ पर्बम लोव़ पाइनुङ। मेको आ सक्ति नु मेको आ दारस आ पर्बम इन कली लोव़ पाइनुङ।
JOB 41:13 मेको आ फेक्‍शो वा सुम प्रुइक्‍ने चाप्‍बा? मेको आ तेक्‍तीक कली सुम तूने चाप्‍बा?
JOB 41:14 सुम मेको आ शोव़ पाक्‍‍ने चाप्‍बा? मेको आ ख्रुइ हिंचा ङा बाक्‍नीम।
JOB 41:15 मेको आ ची तेक्‍तीकपुकीम सेल्‍सीशो बाक्‍ब। मेको थम नेक्‍था नेक्‍था पा गार पाइश्‍शा वोइश्‍शो खोदेंशो बाक्‍ब।
JOB 41:16 मेको का आ तार अर्को पा बाक्‍शो बाक्‍नीम। मोपतीके फश यो मेको आगा ओव़ने मचाप्‍ब।
JOB 41:17 मेकोपुकी का का पा अर्को नु ख्रोम्‍सीशा मब्राचा ङा पा बाक्‍शो बाक्‍नीम।
JOB 41:18 मेकोम हाक्‍च पवानु, मी ग्रूब। मिनु मेको आ मिक्‍च सुनी ङा नां खोदेंशो बाक्‍ब।
JOB 41:19 मेको आ शोव़ रे रांको नु मी आ फिलीङगो ग्रूनीम।
JOB 41:20 मेको आ नें रे कुन ग्रूब। मेको शुश ब्रुइश्‍शो रे ग्रूशो सोलोल खोदेंशो बाक्‍ब।
JOB 41:21 मेको आ सासमी कोइला ब्रपाइक्‍ब। मिनु मेको आ शोव़ रे हुरुर पा ब्रशो मी ग्रूब।
JOB 41:22 मेको आ शुर शुश बोल्‍यो बाक्‍ब। मेको आ एर ओंथ शुश हिंतीक बाक्‍ब।
JOB 41:23 मेको आ श्‍ये रोम्‍सीशो बाक्‍ब। मारेइम चिप्‍ताक्‍व हना यो, मेको कली मारेइ मदुम्‍ब।
JOB 41:24 मेको आ थुं फुल्‍लु खोदेंशो पा खकटा बाक्‍ब। मेको यात आ आगा ङा फुल्‍लु खोदेंशो पा खक‍टा बाक्‍ब।
JOB 41:25 मेको बोक्‍शा राम्‍मेनु, बोल्‍यो नेल्‍ल हिंनीम। मेकोम लडाइ तोवानु, मेको नेल्‍ल नोले शोंइसीनीम।
JOB 41:26 तेकोइ तरवारमी मेको कली साइक्‍ने मचाप्‍ब। तूतीक, ब्रा नु अरु आप्‍तीकेम मेको कली मारेइ मपाइब।
JOB 41:27 मेकोम फलाम कली पराल खोदेंशो मिम्‍ब। कांसा कली राक्‍शो शी खोदेंशो मिम्‍ब।
JOB 41:28 तेकोइ ब्राम मेको कली प्रोक्‍पाइक्‍ने मचाप्‍ब। हुरद ङा फुल्‍लु मेको कली भूस खोदेंशो बाक्‍‍ब।
JOB 41:29 थात्‍ला मेको कली भूस खोदेंशो बाक्‍‍ब। तूतीक शेशा बाक्‍शोनु, मेकोम रिश्‍शा कोव़ब।
JOB 41:30 मेको आ कोव़जीम हेश्‍शो गम्‍टे खोदेंशो बाक्‍ब। मेको गाक्‍मेनु दांदे पशो खोदेंशो पा गाक्‍ब।
JOB 41:31 मेकोम समुन्‍द्र ङा ब्‍वाक्‍कु कली ब्रुइश्‍शो खोदेंशो सेल्‍ब। मिनु समुन्‍द्र कली ग्‍योंबुम मलम खाल्‍शो खोदेंशो पा खाल्‍ब।
JOB 41:32 मेको गाक्‍मेनु आ नोले टल्‍केशो लां प्रोंइशा गाक्‍ब। मेको लां ठेयब समुन्‍द्र ङा बुश चां खोदेंशो तांइसीब।
JOB 41:33 रागीम मेको नु उइक्‍थ मारेइ मबाक्‍नीम। मेको हिंतीक मपाइश्‍शो बाक्‍ब।
JOB 41:34 मेकोमी ठेयब लेश्‍शो नेल्‍ल आन कली आइक्‍च मिम्‍ब। मेको ठेयब लेश्‍शो नेल्‍ल आन पिप बाक्‍ब” देंमाक्‍त।
JOB 42:1 मिनु अय्‍युबम परमप्रभु यावे कली
JOB 42:2 “गे मारेइ मारेइ पने चाप्‍नीनी, दे गो तुइक्‍नुङ। इन मिम्‍शो मारेइ मारेइ सुइम क्‍याम्‍ने मचाप्‍नीम।
JOB 42:3 ‘दूली लोव़ पा अर्ती गेब सु बाक्‍म? मारेइ मजोक्‍थु मार लोव़ पवा?’ देंतीनी गो थमा पा, आंमा मरुप्‍थु लोव़ पाता। मेको आं रुप्‍ने मचाप्‍शो थम छक लाक्‍चा ङा बाक्‍नीम। अय्‍युब ३८:२
JOB 42:4 मुल गो लोव़ पाइनुङ। नेनीन। गो इन कली लोव़ हिल्‍लो पाइनुङ। मिनु गे आं लोव़ लेत्‍तीनी। अय्‍युब ३८:४
JOB 42:5 इन पर्बम नेंशो ला बाक्‍ती। तन्‍न मुल गो इन कली ताता। अय्‍युब १९:२६-२७
JOB 42:6 मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त।
JOB 42:7 मिनु परमप्रभु यावेम अय्‍युब नु लोव़ पने थुम्‍शा, मेकोम तेमान ङा एलीफाज कली “गे नु इ वारच निक्‍शी इन कली तशा, गो गाइश्‍शो बाक्‍नुङ। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु।
JOB 42:8 मोपतीके गे ७ ओटा ब्‍यफ नु ७ ओटा सांड लाइश्‍शा आं गेय पाइब अय्‍युब आ बाक्‍‍तीके लने। मिनु गेपुकीम इन पर्बम चोशा चढ़ेतीक चढ़ेने। मिनु आं गेय पाइब अय्‍युबमी इन पर्बम आं कली माफ पुंइचा माल्‍ब। मिनु गो मेको आ पुंइशो लोव़ नेंनुङ। मिनु गे इन मूर्ख लोव़ पशो ङा सजाइ मगेनन्‍नी। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु” देंमाक्‍त। १इतिहास १५:२६; इजीकीएल १४:१४
JOB 42:9 मिनु तेमान ङा एलीफाज, शुआह ङा बिल्‍दाद नु नामा ङा सोफारमी परमप्रभु यावेम देंशो खोदेंशो पा‍मे बाक्‍त। मिनु परमप्रभु यावेमी अय्‍युब आ पुंइशो लोव़ नेना बाक्‍त।
JOB 42:10 मोपा अय्‍युबम आ वारच आन पर्बम पुना नोले, परमप्रभु यावेम अय्‍युब आ शोंप नेल्‍ल लेश्‍शा गेवा बाक्‍त। मिनु मेको आ शोंप नेल्‍ल, ङोंइती ङा क्‍येङा निक्‍शी खेयप शुश गेवा बाक्‍त। अय्‍युब १:२; अय्‍युब ८:७
JOB 42:11 मेको नोले अय्‍युब आ लोक्‍ब नेल्‍ले, आ समी नेल्‍ले नु मेको आ ङोंइती ङा तुइश्‍शो मुर नेल्‍ल जाक्‍शा, मेको आ खिंम भोज जामे बाक्‍त। मिनु मेकोपुकीमी अय्‍युब कली “गे परमप्रभु यावे आ गुइ रे शुश श्‍‍येत नु मरिम्‍शो दुम्‍तीके ताइतीनी” दे मेको कली थम रिम्‍शो लोव़ पामे बाक्‍त। मिनु नेल्‍लेम मेको कली सुन के क्‍येट नु सुन के औंठी गेमे बाक्‍त। अय्‍युब १९:१३-१४,१९
JOB 42:12 मिनु परमप्रभु यावेम अय्‍युब कली आ नोले ङा ब्रोंइशो नाक्‍ती कली आ ङोंइती ङा ब्रोंइशो नाक्‍ती क्‍येङा शुश आसीक गेवा बाक्‍त। मिनु मेको के १४ हजार भेडा, ६ हजार दल‍ओंठ, हजार का हाल ब्‍यफ नु हजार का गधा दुम्‍मा बाक्‍त।
JOB 42:13 मिनु मेको के ७ जना तौ नु तमी सां दुम्‍मा बाक्‍त। अय्‍युब १:२
JOB 42:14 मेकोमी आ ङोंइती जरमेशो तमी आ नें येमीमाह, माइली आ नें केसीया नु कान्‍छी आ नें केरेन-हाप्‍पुक वोइक्‍मी बाक्‍त।
JOB 42:15 मिनु रागी नेल्‍लेम अय्‍युब आ तमी खोदेंशो दारशो अरु सुइ मबाक्‍मा बाक्‍त। मिनु मेको आन आफोम मेको आन कली आन लोक्‍बपुकी नु उइक्‍थ उइक्‍थ पा शोंप योक्‍शो गेमी बाक्‍त। गन्‍ती २७:८-११
JOB 42:16 मेको नोले अय्‍युब सहे का ४० बर्स सम्‍म ब्रोंइमाक्‍त। मेकोम आ तौपुकी नु ४ पाला सम्‍म ङा चच युइ नेल्‍ल तवा बाक्‍त। भजन संग्रह ९०:१०
JOB 42:17 मिनु नोले अय्‍युब आ नाक्‍त नेल्‍ल नेक्‍शा, शुश ब्रोंइशा खूशो दुम्‍शा बेक्‍माक्‍त। उत्‍पत्ती २५:८; उत्‍पत्ती ३५:२९; १इतिहास २९:२८
PSA 1:1 सु परमप्रभु आ अरेशो लोव़ मटीब नु मगाक्‍बा, पापी आन लां मखोइक्‍बा नु परमप्रभु आ पर्बम शुक्‍शी पाइब नु मबाक्‍बा, मेको ग्‍येरसीशो मुर दुम्‍‍ब। भजन संग्रह २६:४; भजन संग्रह ११९:१; हितोपदेस ४:१४; येरमीया १५:१७
PSA 1:2 मेको मुरुमी परमप्रभु यावे आ अरेशो लोव़ दाक्‍शा, नाक्‍दो नाक्‍ती मेको कली मिम्‍ना मिम्‍न बाक्‍ब। भजन संग्रह ११९:१४८; यहोसु १:८
PSA 1:3 मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। भजन संग्रह ९२:१३-१५; येरमीया १७:८
PSA 1:4 परमप्रभु आ अरेशो मटीबपुकी चहिं मोदेंशो मबाक्‍नीम। मेकोपुकी फशेमी बेरपाइश्‍शो भूस खोदेंशो बाक्‍नीम।
PSA 1:5 मिनु मेको निसाफ दुम नाक्‍ती जाम्‍शा लाइनीम। पापीपुकी ठीक पाइबपुकी नु बाक्‍चा मताइनीम।
PSA 1:6 परमप्रभु यावेमी ठीक पाइब आन कली लां कोंइब। आ अरेशो मटीब आन लां चहिं जाम्‍शा लाइब।
PSA 2:1 मारदे रागी रागी ङा मुर नेल्‍ल गारशा, परमप्रभु यावे आ पर्बम गाइक्‍नीमी? मारदे जात जात ङा मुर जाम्‍शा लाइब मरिम्‍शो ला मिम्‍नीमी? प्रेरित ४:२५-२६; प्रकाश ११:१८
PSA 2:2 मारदे रागी ङा पिपपुकी ठेयब मुरपुकी नु गारशा, परमप्रभु यावे नु आ तेल लुक्‍शा सोइश्‍शो आस पर्बम
PSA 2:3 “मेको आस देंशो मपय, मेको आस कली मटिय” दे लोव़ पमुइनीमी? येरमीया ५:५
PSA 2:4 मिनु स्‍वर्गम बाक्‍ब परमप्रभु चहिं मेको मुर आन कली तशा, रिप्‍ब। मेको आन पशो तशा शुक्‍शी पाइब। भजन संग्रह ५९:९
PSA 2:5 मिनु नोले मेको गाइश्‍शा, लोव़ पाइब। मोपा चुरशा, मेको आन कली हिंच कोंइब। यसैया ३४:२; प्रकाश ६:१५-१७
PSA 2:6 मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। जकरिया ८:३
PSA 2:7 परमप्रभु यावेमी लोव़ पा आं कली “गे आं तौ नवे, मुलाक्‍ती गो इ कली सेल्‍ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५
PSA 2:8 मिनु लेंशा परमप्रभु यावेमी आं कली “गे आं कली पुंइतीवी हना, गो रागी रागी ङा मुर इ कली गेनुङ। रागी ङा सुर सम्‍म नेल्‍ल इ कली गेनुङ। दानीएल ७:१३-१४; हिब्रू १:२
PSA 2:9 गे मेको आन कली फलाम के कोक्‍केमी खप के सेल्‍शो ग्‍योंब प्रोल्‍शो खोदेंशो पा प्रोल्‍नेवे” दे लोव़ पाप्‍तु। प्रकाश २:२७; प्रकाश १२:५; प्रकाश १९:१५
PSA 2:10 मोपतीके गे पिपपुकी, जोक्‍ब तुइक्‍ब दुम्‍शा बाक्‍कीन। गे निसाफ पाइब हिंशा, होस पा रुप्‍ब दुमीन।
PSA 2:11 परमप्रभु यावे कली मान पा हिंशा, मेको आ देंशो गेय पने। हिंशा ख्रिंख्रि पा मेको आ ङोंइती ग्‍येरशा बाप्‍पीन। फिलिप्‍पी २:१२; हिब्रू १२:२८
PSA 2:12 मिनु आ तौ आ ङोंइती बाप्‍शा, आ खोइल पुक्‍पु पने। मेको गाइक्‍ताक्‍व हना, गेपुकी लांमीन जाम्‍शा लाइनीनी। मो मपाइतीनी हना, गाइक्‍चा चिक्‍शो बाक्‍ब। सु सु मेको कली थमा सुइश्‍शा, आ नेक्‍था लाइनीमी, मेको ग्‍येरसीशो मुर दुम्‍‍नीमी।
PSA 3:1 आ तौ अब्‍सालोम रे प्रोक्‍म ना ङा दाऊद आ कुम्‍सो। २सामुएल १५:- परमप्रभु यावे, आं कली श्‍येत गेब शुश बाक्‍नीमी। आं जोरी सत्रु शुश बाक्‍नीम।
PSA 3:2 मिनु मेकोपुकीमी आं पर्बम “परमप्रभुमी मेको कली श्‍येत रे मप्रोंइब” देंनीम। ठेयब सेंदा पा।
PSA 3:3 परमप्रभु यावे, गे आं एर ओंथ वोइश्‍शो तेक्‍तीके खोदेंशो बाक्‍नीनी। गे आं कली ठेयब सेल्‍पाइक्‍ब, आं थुं बारपाइक्‍ब नु आं पिया पोक्‍ब बाक्‍नीनी। उत्‍पत्ती १५:१
PSA 3:4 गो परमप्रभु यावे कली ब्रेत्‍नुङ। मिनु आं कली आ योव़शो डांडा रे लोव़ लेप्‍ब। ठेयब सेंदा पा।
PSA 3:5 गो इप्‍शा, निन्‍द्रा पा, सेंसाक्‍यी, मारदे हना परमप्रभु यावे आं कली कोव़ब बाक्‍ब। भजन संग्रह ४:९
PSA 3:6 गो आं कली हजार हजार मुरपुकीमी पुम्‍ताक्‍यीमी हना यो, महिंनुङ। भजन संग्रह २७:३
PSA 3:7 आं परमप्रभु यावे, बोक्‍कीन। आं परमप्रभु, आं जोरी सत्रु रे प्रोंइयीनी। मिनु गे मेको आन चोव़चो राप्‍तीने। इन अरेशो लोव़ मटीब आन ख्रुइ जिक्‍तीने। गन्‍ती १०:३५
PSA 3:8 परमप्रभु यावे, गे मुर आन कली प्रोंइब बाक्‍नीनी। इन आसीक इन मुर नु बाक्‍ब। ठेयब सेंदा पा।
PSA 4:1 कुम्‍सो पपाइक्‍ब कली तार पाइश्‍शो ताप्‍तीके ताप्‍शा पतीक दाऊद आ कुम्‍सो। गो इन कली लोव़ पङानु, आं कली लोव़ लेत्‍तीने। गे आं कली ठीक सेल्‍ब परमप्रभु बाक्‍नीनी। गो श्‍येत जङानु, आं कली बाक्‍तीक गेतीनी। गे आं कली शिशी पने। आं पुंइशो नेंशा गेयीनी।
PSA 4:2 गे मुरपुकी, गेना सम्‍म आं कली मान मपाइनीनी? गेना सम्‍म गेपुकी जाम्‍शा लाइब थोव़क दाक्‍नीनी नु जोल पाइनीनी? ठेयब सेंदा पा।
PSA 4:3 परमप्रभु यावेमी आ कली टीब आन कली आ नेक्‍था वोइक्‍चा कली योव़शो बाक्‍त, दे तुइक्‍तीन। मिनु परमप्रभु यावेमी आं पुंइशो लोव़ नेंब।
PSA 4:4 गेपुकी गाइश्‍शा, पाप मपने। इन ब्राख्‍येम इप्‍शा, इन थुं नु लोव़ पने। मिनु सिक्‍सी पा बाक्‍कीन। ठेयब सेंदा पा।एफिसी ४:२६
PSA 4:5 मिनु परमप्रभु यावे कली ठीक पतीक चढ़ेने। आ देंशो लोव़ थमा सुइश्‍शा पने। भजन संग्रह ५१:१९,२१; १पत्रुस २:५
PSA 4:6 शुश मुरुमी “सुमी आंइ कली रिम्‍शो बाक्‍चा गेबा” दे हिल्‍लो पाइनीम। परमप्रभु यावे, इन कुल ङा छेङछेङ आंइ तार ब्रपतीन। गन्‍ती ६:२५
PSA 4:7 मेकोपुकी नु अन्‍न नु अङगुर रस शुश बाक्‍त हना यो, गे आं कली मेको आन क्‍येङा ग्‍येरपाइक्‍तीनी।
PSA 4:8 गो हेम पा बाक्‍शा, इप्‍शा निन्‍द्रा पाइनुङ। मारदे हना परमप्रभु यावे, गे आं कली श्‍येत मजपाइक्‍थु, बाक्‍चा गेनीनी। भजन संग्रह ३:६
PSA 5:1 कुम्‍सो पपाइक्‍ब कली मुराली ताप्‍शा पतीके। दाऊद आ कुम्‍सो। परमप्रभु यावे, आं देंशो लोव़ नेनीने। आं हुकयी पशो नेनीन।
PSA 5:2 आं पिप, परमप्रभु, आं ठेयब सेंदा नेनीने। मारदे हना गो इन कली लोव़ पा पुंइनुङ।
PSA 5:3 परमप्रभु यावे, गे सुनी कना आं सेंदा नेंनीनी। गो मार माल्‍नुङा, मेको इन कली पुंइशा, रिम्‍शा बाक्‍नुङ।
PSA 5:4 मिनु गे मरिम्‍शो पाइब आन कली मदाक्‍ब परमप्रभु बाक्‍नीनी। इन अरेशो मटीब काइ यो गे नु बाक्‍ने मचाप्‍नीम।
PSA 5:5 ठेयब लेश्‍शो मुरपुकी इन ङोंइती राप्‍ने मचाप्‍नीम। गे मरिम्‍शो पाइब आन कली मदाक्‍नीनी।
PSA 5:6 गे जोल पाइब आन कली खतम पाइनीनी। मिनु हुश ख्राक्‍श पोक्‍ब नु थमा मसुइक्‍ब मुर आन कली ग्रांग्रा दित्‍नीनी।
PSA 5:7 गो चहिं इन गेना हना यो ठेयब दाक्‍तीकेमी इन खिं ओव़चा ताइनुङ। मिनु गो इन कली मान पा हिंशा, इन खिं गे कोव़शा, पोक्‍च थेक्‍शा ठेयब सेल्‍नुङ। भजन संग्रह २६:८
PSA 5:8 आं जोरी सत्रु शुश बाक्‍नीमी। मोपतीके आं कली इन ठीक पतीके लां कोंइदीने। आं ङोंइती इन लां ठीक सेलीन।
PSA 5:9 आं जोरी सत्रुमी जोल ला पाइनीम। आन थुंमी “दोपा खतम सेल्‍नुङा” दे ला मिम्‍नीम। आन लकचा मुर थिम्‍तीके खोदेंशो बाक्‍ब। मेकोपुकी मिलो शिलो पाइब बाक्‍नीम। रोमी ३:१३
PSA 5:10 परमप्रभु, मेको आन मरिम्‍शो पशो आंम आन कली दुम्‍ल। मेको आन शुश मरिम्‍शो पशो आ पर्बम मेको आन कली इन ङोंइती रे तिलीन। मारदे हना मेको इन कली मटीब बाक्‍तेक्‍म।
PSA 5:11 सुमी इन कली थमा सुइक्‍नीमी, मेको ग्‍येरसीनीम। मेकोपुकी गेना हना यो शुश ग्‍येरशा, इन खाल पतीकेमी ग्‍येरशा बाक्‍नीम। मिनु इन कली तुइश्‍शा, इन नें दाक्‍शा, ग्‍येरशा कुम्‍सो पाइनीम।
PSA 5:12 मिनु परमप्रभु यावे, गे मेको ठीक पाइब आन कली आसीक गेनीनी। इन दाक्‍तीके मेको आन कली एर ओंथ वोइश्‍शो तेक्‍तीक खोदेंशो बाक्‍ब।
PSA 6:1 कुम्‍सो पपाइक्‍ब कली ८ ओटा तार पाइश्‍शो ताप्‍तीके ताप्‍शा पतीके दाऊद आ कुम्‍सो। परमप्रभु यावे, गे आं कली तशा गाइक्‍ताक्‍नी हना यो, सजाइ मगेयीनी। गे गाइक्‍ताक्‍नी हना यो, आं कली श्‍येत मगेयीनी। येरमीया १०:२४
PSA 6:2 परमप्रभु यावे, गे आं कली शिशी पने। मारदे हना गो बेक्‍चा चिक्‍शो बाक्‍नुङ। गे आं कली सापाइय्‍यीनी। मारदे हना आं खोइली ख्रिंख्रि पाइब।
PSA 6:3 मिनु आं थुं यो हिंशो बाक्‍ब। परमप्रभु यावे, गे गेना सम्‍म आं कली मोदेंशो पा बाक्‍पाइक्‍नीनी?
PSA 6:4 परमप्रभु यावे, गे आं गे लेतीने। इन गेना हना यो दाक्‍तीकेमी आं थुं बेक्‍चा रे प्रोंइ‍यीनी।
PSA 6:5 मारदे हना बेक्‍शो नोले सुइ मुरुमी इन कली ममिम्‍नीम। मिनु बेक्‍शो मुर आन बाक्‍तीकेमी सुइमी इन कली ठेयब मसेल्‍नीमी। भजन संग्रह ३०:१०; भजन संग्रह ८८:११; भजन संग्रह ११५:१७-१८; यसैया ३८:१८
PSA 6:6 गो थुं खाइश्‍शा, ङाक्‍शा दती। गो नाक्‍दो आं खाट नेल्‍ल प्रेक्‍कुमी जिप्‍पाइक्‍नुङ। आं इप्‍तीकेमी ङाक्‍शा ला बाक्‍नुङ।
PSA 6:7 सुर्ता पतीके मिक्‍च मताइब खोदेंशो दुम्‍ती। मारदे हना आं जोरी सत्रु शुश बाक्‍नीम।
PSA 6:8 गे मरिम्‍शो पाइबपुकी, आं क्‍येङा ङोन लने। मारदे हना परमप्रभु यावेमी आं ङाक्‍शो नेंतु।
PSA 6:9 परमप्रभु यावेमी आं पुंइशो लोव़ नेंतु। मिनु परमप्रभु यावेमी आं पुंइशो गेब।
PSA 6:10 आं जोरी सत्रु नेल्‍ल मुने दोक्‍शा, शुश श्‍येत जाइब दुम्‍नीम। मिनु मुने दोक्‍शा, आन बाक्‍तीके लेत्‍नीम।
PSA 7:1 दाऊदमी बेन्‍यामीन थर ङा कूश माइश्‍शो मुर रे श्‍येत जशा, परमप्रभु यावे आ ङोंइती पशो कुम्‍सो। परमप्रभु यावे, आं परमप्रभु, गो इन कली जिम्‍मा गेंसीनुङ। मिनु खेदा पाइब नेल्‍ल आन गुइ रे आं कली प्रोंइ‍यीनी।
PSA 7:2 गे आं कली मप्रोंइतीनी हना, मेकोपुकीमी आं कली गुप्‍सम खोदेंशो पा दिप्‍शा ब्‍वाइनीम। मिनु सुइमी आं कली मेको आन गुइ रे प्रोंइने मचाप्‍नीम।
PSA 7:3 परमप्रभु यावे, आं परमप्रभु, मेको आन देंशो खोदेंशो पा, गो आं गुइमी मरिम्‍शो पाता हना, अय्‍युब ३१:७-३४
PSA 7:4 गो गे नु दुशा बाक्‍ब आन कली श्‍येत गेता हना, आं कली बित्‍चीम श्‍येत गेमेनु, गो क्‍येक्‍क लेत्‍ताक्‍ङमी हना,
PSA 7:5 आं जोरी सत्रुम आं कली खेदा पा ग्रामल। मिनु आं कली खपीम दिप्‍शा साइय्‍यीमील। मिनु आं नें जाम्‍शा लल। ठेयब सेंदा पा।
PSA 7:6 परमप्रभु यावे, गे गाइश्‍शा, बोक्‍कीन। आं जोरी सत्रु आन पशो तशा, आं कली वारच पथ बोक्‍कीन। गे “गो निसाफ पचा माल्‍नुङ” दे लोव़ पाइतीनी।
PSA 7:7 मिनु रागी रागी ङा मुरपुकी इन ङोंइती राप्‍नीम। मोपतीके इर ङा इन बाक्‍तीकेम मेको आन कली निसाफ पचा कली इन ठेयब नित्‍तीकेमी निस्‍सीन।
PSA 7:8 परमप्रभु यावे जात जात ङा मुर आन कली निसाफ पाइब बाक्‍ब। परमप्रभु यावे, आं ठीक पशो नु आं आगाम बाक्‍शो ठीक पाइब थुं तशा, आं कली निसाफ पने। भजन संग्रह १८:२१-२७
PSA 7:9 इन अरेशो मटीब आन मरिम्‍शो पतीके थुम्‍पतीन। मिनु नोले गे ठीक पाइब आन कली बोल्‍यो सेलीन। ठीक पाइब परमप्रभु, गे मुर आन थुं नु आन पतीके नाक्‍ब बाक्‍नीनी। भजन संग्रह १०४:३५; भजन संग्रह १३९:१; येरमीया ११:२०; प्रकाश २:२३
PSA 7:10 परमप्रभु आं तेक्‍तीके बाक्‍ब। मेकोमी रिम्‍शो थुं पाइश्‍शो आन कली श्‍येत रे प्रोंइब।
PSA 7:11 परमप्रभु ठीक निसाफ पाइब बाक्‍ब। नाक्‍त किंत किंत मेको पापी आन कली तशा गाइक्‍ब।
PSA 7:12 थमा पा आ जोरी सत्रुम आन तरवार शेप्‍नीम। आन लिब्रा कीशा आप्‍चा कली ठीक पाइनीम। ब्‍यवस्‍था ३२:४१
PSA 7:13 मिनु आन साइक्‍तीक या आंम कली ठीक पशो बाक्‍नीम। आन ब्राम मी ब्रपाइश्‍शो बाक्‍नीम।
PSA 7:14 नेनीन, मेकोमी मरिम्‍शो ला मिम्‍नीम। मिनु श्‍येतम ब्रीशा, जोल पना पन बाक्‍नीम।
PSA 7:15 मेकोपुकीमी बिक्‍तीक दोइनीम। मिनु नोले आंम आन दोशो बिक्‍तीकेमी आंमा बिक्‍नीम। हितोपदेस २६:२७
PSA 7:16 मुर आन कली गेचशो श्‍येत आंमान जाइनीम। मेको आन हुश ख्राक्‍श पोक्‍शो आंम आन पियामीन मोंइसीब।
PSA 7:17 गो परमप्रभु यावे आ ठीक पशो तशा, मेको कली “गे रिम्‍शो पाइब बाक्‍नीनी” दे कुम्‍सो पाइनुङ। गो परमप्रभु यावे, नेल्‍ल क्‍येङा ठेयब आ नें आ पर्बम कुम्‍सो पाइनुङ।
PSA 8:1 कुम्‍सो पपाइक्‍ब कली गित्‍तीथ कुम्‍सो आ लायो ङा दाऊद आ कुम्‍सो। परमप्रभु यावे, आंइ परमप्रभु, रागी नेल्‍लेमी इन नें ठेयब बाक्‍ब। गे इन छेङछेङ सरीङ क्‍येङा आइक्‍था वोइक्‍तीनी। प्रस्‍थान ३:१३-१५
PSA 8:2 आइक्‍च आल नु बुकलु आलपुकीमी इन कली ठेयब सेल्‍पांइसाक्‍नी। मोपा गे इन जोरी सत्रु नु क्‍येक्‍क लेप्‍ब आन कली ब्‍वालेइ पपाइक्‍तीनी। मत्ती २१:१६
PSA 8:3 गो सरीङ गे कोव़ङुनु, इन सेल्‍शो तास्‍ला नु सोरुल तातामी,
PSA 8:4 गे मोपा ठेयब थोव़क सेल्‍तीनी हना, मुर आन पर्बम दोपा मिम्‍ने चाप्‍नीनी? दोपा मेको आन कली कोव़नीनी। हिब्रू २:६-८
PSA 8:5 गे मुर आन कली इन स्‍वर्ग ङा गेय पाइब आन क्‍येङा इच्‍का ला आइक्‍च सेल्‍तीनी। मुर आन कली मान नु छेङछेङमी सिरपेच गुप्‍शो खोदेंशो पा ग्‍योम्‍ताक्‍नी। हिब्रू २:६-८
PSA 8:6 मिनु इन सेल्‍शो मारेइ मारेइ आन कली हुकुम पाइब सेल्‍तीनी। मोपा मुर इन सेल्‍शो आन दातेमी नेल्‍ल क्‍येङा ठेयब बाक्‍ब। उत्‍पत्ती १:२७
PSA 8:7 भेडा, बी ब्‍यफ, ब्‍वाकी ङा जन्‍तु,
PSA 8:8 चिक्‍ब, समुन्‍द्रमी बाक्‍ब ङांइ नु समुन्‍द्रमी मार मार बाक्‍मा, मेको नेल्‍ल आन कली हुकुम पाइब सेल्‍तीनी। १कोरिन्‍थी १५:२७
PSA 8:9 परमप्रभु यावे, आंइ परमप्रभु, रागी नेल्‍लेमी इन नें ठेयब बाक्‍ब।
PSA 9:1 कुम्‍सो पपाइक्‍ब कली मुथ-लाब्‍बेन कुम्‍सो आ लायो। दाऊद आ कुम्‍सो। परमप्रभु यावे, गो आं थुं नेल्‍लेमी इन कली “गे रिम्‍शो पाइतीनी” दे इन कली ठेयब सेल्‍नुङ। इन पशो छक लाक्‍चा ङा गेय नेल्‍ल आन कली नेंपाइक्‍नुङमी। भजन संग्रह ४४:२
PSA 9:2 इन कली तुइश्‍शा, ग्‍येरनुङ। शुश ग्‍येरशा, गो इन कली ठेयब सेल्‍तीक कुम्‍सो पाइनुङ। गे नेल्‍ल क्‍येङा ठेयब बाक्‍नीनी।
PSA 9:3 आं जोरी सत्रु इन कली तशा, आन जाक्‍शो लां रे लेश्‍शा प्रोक्‍शा लमानु, गुल गाल थिश्‍शा, साइक्‍चा पुंइसाक्‍म।
PSA 9:4 मारदे हना गे ठीक निसाफ पाइब बाक्‍शा, इन ठेयब नित्‍तीकेमी निश्‍शो बाक्‍तीनी। मिनु आं ठीक गेय पशो तुइश्‍शा, गे आं कली निसाफ पाइतीनी।
PSA 9:5 मिनु गे रागी रागी ङा मुर आन कली हुइक्‍ताक्‍नी। इन अरेशो मटीब आन कली साइक्‍तीनी। मेको आन नें लेंशा ममिम्‍चा ङा पा क्‍याम्‍ताक्‍नी।
PSA 9:6 परमप्रभु, आं जोरी सत्रु आन खिं गेनायो मसेल्‍चा ङा पा प्रेत्‍तीनी। गे मेको आन सहर हु हा प्रेत्‍तीनी। मिनु मेको आन नें यो काइ मलीथु, जाम्‍शा लत। भजन संग्रह ३४:१७
PSA 9:7 तन्‍न परमप्रभु यावे गेना हना यो बाक्‍ब। निसाफ पचा कली आ ठेयब नित्‍तीके ठीक पशो बाक्‍ब।
PSA 9:8 मिनु रागी रागी ङा मुर आन कली आ ठीक पतीकेमी निसाफ पाइब। जात जात ङा मुर आन कली आन कुल मकोव़थु, निसाफ पाइब।
PSA 9:9 परमप्रभु यावे दिप्‍चा पुंइसीशो मुर आन कली बोल्‍यो दरवार खोदेंशो बाक्‍ब। श्‍येत जशो आन कली बोल्‍यो ख्रुइश्‍शा बाक्‍तीक बाक्‍ब।
PSA 9:10 परमप्रभु यावे, इन नें तुइक्‍बपुकीमी इन कली थमा सुइक्‍नीम। मारदे हना गे इन कली माल्‍ब आन कली मप्रोंइनीनी।
PSA 9:11 सियोन डांडामी बाक्‍ब परमप्रभु यावे कली ठेयब सेल्‍तीक कुम्‍सो पने। जात जात ङा मुर आन कली आ पशो शेंदीने।
PSA 9:12 मिनु परमप्रभुमी मुर साइक्‍ब आन कली आन क्‍येक्‍क लेप्‍ब। मिनु श्‍येत जशो आन ङाक्‍शो मिम्‍ब। उत्‍पत्ती ४:१०; उत्‍पत्ती ९:५; भजन संग्रह ७२:४; उत्‍पत्ती १६:११
PSA 9:13 परमप्रभु यावे, आं कली शिशी पने, आं कली मदाक्‍बपुकीमी गेशो श्‍येत कोव़ङीन। गे आं कली बेक्‍चा चिक्‍शो रे प्रोंइतीनी।
PSA 9:14 मिनु ब्रोंइशा, गो परमप्रभु आ योव़शो सियोन ङा ठेयब लाप्‍चोम मुर आन कली “परमप्रभुमी आं कली श्‍येत रे प्रोंइती” दे इन कली ठेयब सेल्‍शा, ग्‍येरसीशा तुइक्‍पाइक्‍नुङमी। भजन संग्रह २२:२३; भजन संग्रह १३:६
PSA 9:15 रागी रागी ङा मुरपुकी आंमा दोशो ठेयब खाल्‍टाम बिक्‍शो बाक्‍नीम। मिनु आन दाइश्‍शो ग्‍याइलीमी आंमा रेश्‍शो बाक्‍नीम।
PSA 9:16 परमप्रभु यावेमी मेको ठीक निसाफ पाइब बाक्‍ब, दे मुर नेल्‍ल कली तुइक्‍पाइश्‍शो बाक्‍ब। आ अरेशो मटीब मुर आंम आन पशोमीन खतम दुम्‍नीम। ताप्‍तीकेमी ठेयब सेंदा पा।
PSA 9:17 परमप्रभु आ अरेशो मटीब रागी रागी ङा मुरपुकी नु मटीबपुकी बेक्‍शो मुर आन बाक्‍तीकेम लाइब बाक्‍नीम।
PSA 9:18 परमप्रभुमी श्‍येत जाइब आन कली मप्रेंब। मिनु प्रुङग आन आस पशो गेना हना यो मिम्‍ब। भजन संग्रह २२:२५; भजन संग्रह १०:१७
PSA 9:19 परमप्रभु यावे, बोक्‍कीन। मुरपुकी मग्रामल। रागी रागी ङा मुर इन ङोंइती जाक्‍शा, निसाफ पचा पुंइसमल। गन्‍ती १०:३५
PSA 9:20 परमप्रभु यावे, मेको आन कली हिंपतीन। रागी रागी ङा मुरपुकीमी “गो मुर ला बाक्‍नय” दे तुइक्‍तमेक्‍ल। ठेयब सेंदा पा।
PSA 10:1 परमप्रभु यावे, गो आंइ श्‍येत जची ना, मारदे ङोन बाक्‍शा, ख्रुइक्‍नीनी?
PSA 10:2 परमप्रभु आ अरेशो लोव़ मटीबपुकीमी ठेयब लेश्‍शो दुम्‍शा, प्रुङग आन कली खेदा पाइनीम। मेको आन मरिम्‍शो मिम्‍तीके नु आन पतीकेमी ग्‍याइक्‍चा पुंइसीनीम।
PSA 10:3 परमप्रभु आ अरेशो लोव़ मटीबपुकीमी “आं द‍ला दाक्‍स नेल्‍ल पने चाप्‍नुङ” दे ठेयब लेत्‍नीम। लोभी आन कली आसीक गेनीम। मिनु परमप्रभु यावे कली मान मपथु, महिंथु, मेको आ पर्बम शुक्‍शी लोव़ पाइनीम।
PSA 10:4 मिनु ठेयब लेश्‍शा, आन थुंमी “परमप्रभुमी आंइ कली मरिम्‍शो मसुइक्‍ब। मारदे हना मेको मबाक्‍ब” दे मिम्‍नीम।
PSA 10:5 मोपा यो मारेइ मारेइम गाप्‍शा श्‍येत मजाइनीम। मारदे मेकोपुकीमी इन निसाफ पशो मताइनीमी? मेकोपुकीमी आन जोरी सत्रु आन क्‍येङा महिंथु मेको आन कली ग्रानीम। आमोस ६:३
PSA 10:6 मिनु मेकोपुकीमी आन थुंमी “गो श्‍येत मजाइनुङ। आं चच युइ सम्‍म यो श्‍येत मजाइनीम” दे मिम्‍नीम। भजन संग्रह ७३:६-८
PSA 10:7 मेको मुरपुकीमी सराप नु जोल पना पन बाक्‍शा, अरु आन कली दिप्‍शो बाक्‍नीम। मेको आन लोव़मी श्‍येत नु मरिम्‍शो ला दुम्‍पाइक्‍नीम। रोमी ३:१४
PSA 10:8 मेकोपुकीमी गाउं मेर ख्रुइश्‍शा बाक्‍शा, दोस मताइब आन कली साइक्‍नीम। श्‍येत जाइब आन कली यो बाप्‍शा बाक्‍नीम।
PSA 10:9 गुप्‍स ब्‍वाकीम बाप्‍शो खोदेंशो पा ख्रुइश्‍शा, प्रुङग आन कली रिम्‍नीम। प्रुङग आन कली आन ब्‍वारदम रेश्‍शा ग्‍याइक्‍नीम।
PSA 10:10 मिनु मेको गु बाप्‍शा बाक्‍नीम। श्‍येत जाइबपुकी मेको आन सक्तिमी गोल्‍नीम।
PSA 10:11 मेको आन थुंमी “परमप्रभुमी आंइ पशो मताइब। आ कुल ख्रुइक्‍ताक्‍व, आंइ पशो प्रेंब” दे मिम्‍नीम। भजन संग्रह ७३:११; भजन संग्रह ९४:७; यसैया २९:१५
PSA 10:12 परमप्रभु यावे, परमप्रभु, बोक्‍कीन। परमप्रभु, इन गुइ क्‍युक्‍शा मरिम्‍शो पाइब आन कली सजाइ गेने। दिप्‍चा पुंइसीशो आन कली मिम्‍शा, वारच पने। गन्‍ती १०:३५
PSA 10:13 मारदे मेको इन अरेशो मटीब मुरपुकीमी परमप्रभु कली शुक्‍शी पाइनीमी? मारदे मेकोपुकीमी “आं कली दोसी मसुइक्‍ब” दे मिम्‍नीमी?
PSA 10:14 परमप्रभु, गे नेल्‍ल ताइतीनी। गे श्‍येत जाइब नु मरिम्‍शो पाइक्‍चा पुंइसीब आन कली वारच पाइश्‍शा, क्‍येक्‍क लेप्‍ब बाक्‍नीनी। मेको श्‍येत जाइबपुकी इन कली जिम्‍मा गेंसीशो बाक्‍नीम। गे रोम रोइक्‍च आन कली वारच पाइब बाक्‍नीनी। भजन संग्रह ६८:६; प्रस्‍थान २२:२२
PSA 10:15 गे इन अरेशो मटीब नु काइ मरिम्‍शो पाइब आन गुइ जिक्‍तीन। मेको आन ख्रुइश्‍शा मरिम्‍शो पशो कली निसाफ पने! मिनु मोदेंशो नोले मलीनीम। अय्‍युब ३८:१५
PSA 10:16 परमप्रभु यावे गेना हना यो पिप बाक्‍ब। रागी रागी ङा मुरपुकी आ राज्‍य रे दिल्‍शा, जाम्‍शा लाइनीम।
PSA 10:17 परमप्रभु यावे, गे ब्रेम्‍शो मुर आन पुंइशो लोव़ नेंतीनी। गे मेको आन थुं बारपाइश्‍शा, आन पुंइशो लोव़ नेंचा कली नोफा दाइश्‍शा बाक्‍तीनी।
PSA 10:18 गे रोम रोइक्‍च नु दिप्‍चा पुंइसीशो मुर आन पर्बम ठीक निसाफ पाइनीनी। मो दुम्‍मेनु, मुरपुकीमी अरु आन कली लेंशा श्‍येत मगेनीम।
PSA 11:1 कुम्‍सो पपाइक्‍ब कली दाऊद आ कुम्‍सो। गो परमप्रभु यावे कली जिम्‍मा गेसाक्‍यी। गेपुकीम आं कली “चिक्‍ब खोदेंशो पा पहाडम बेरो” दे दोपा देंने चाप्‍नीनी?
PSA 11:2 नेनीन, इन अरेशो मटीबपुकीमी आन लिब्रा कीशा, आन ब्रा डोरीम वोइश्‍शा, ठीक पाइब रिम्‍शो थुं पाइश्‍शो मुर आन कली ख्रुइश्‍शा आप्‍नीम।
PSA 11:3 जगन ब्रेत्‍त हना, ठीक पाइबम मार पने चाप्‍बा ङा?
PSA 11:4 परमप्रभु यावे आ खिंमी बाक्‍ब। आ ठेयब नित्‍तीके स्‍वर्गम बाक्‍ब। मिनु उइ कोव़ना कोव़न मुर आन कली नाक्‍ब। हाबाकुक २:२०; यसैया ६६:१; भजन संग्रह ३३:१३-१४
PSA 11:5 परमप्रभु यावेमी ठीक पाइब नु आ अरेशो मटीब आन कली नाक्‍ब। मिनु हुश ख्राक्‍श पोक्‍चा दाक्‍ब आन कली काइ मदाक्‍ब।
PSA 11:6 परमप्रभुमी आ अरेशो मटीब आन तारी मी नु गन्‍धक यिपाइक्‍ब। मिनु मेको आन तारी होश फश पपाइक्‍ब। मरिम्‍शो पाइब मोदेंशो पाइक्‍चा पुंइसीशो बाक्‍नीम।
PSA 11:7 परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। मत्ती ५:८
PSA 12:1 कुम्‍सो पपाइक्‍ब कली ८ ओटा तार पाइश्‍शो ताप्‍तीके ताप्‍शा पतीके दाऊद आ कुम्‍सो। परमप्रभु यावे, वारच पाइक्‍की। इन लां खोइक्‍ब जाम्‍शा लाम्‍तेक्‍म। मुर आन दातेमी इन कली थमा सुइक्‍बपुकी यो मबाक्‍नीम।
PSA 12:2 नेल्‍लेमी आन नेक्‍था ङा मुर नु जोल ला पमुइनीम। चिप्‍लो लोव़ पाइब थुं निक्‍शी पाइश्‍शो ला बाक्‍नीम।
PSA 12:3 परमप्रभु यावेमी, मिलो शिलो पाइब नु ठेयब लेश्‍शो लोव़ पाइब नेल्‍ल आन कली क्‍याम्‍दल।
PSA 12:4 मोदेंशो ठेयब लेश्‍शो लोव़ पाइबपुकीमी “आंइ लोव़मीन ग्रानीकी। गो जोक्‍ब तुइक्‍ब बाक्‍नीकी। आंइ प्रभु सु बाक्‍बा ङा?” देंनीम। भजन संग्रह ७३:८-९; अय्‍युब २१:१४-१५
PSA 12:5 परमप्रभु यावेमी “गो प्रुङग आन कली दिप्‍शो ताता। श्‍येत जाइब आन ङाक्‍शो नेंता। मोपतीके गो मुल बोक्‍नुङ, मेको आन कली श्‍येत मजतीकेम वोइक्‍नुङ” देंब।
PSA 12:6 परमप्रभु यावे आ लोव़ थमा बाक्‍ब। मेको ७ खेयप यपाइश्‍शो क्‍येख चांदी खोदेंशो बाक्‍ब।
PSA 12:7 परमप्रभु यावे, गे इन मुर आन कली कोव़शा, आंइ कली मरिम्‍शो पाला ङा मुर रे प्रोंइकी।
PSA 12:8 मारदे हना मुर आन दातेमी इन अरेशो मपाइब शुश दुम्‍शा, मरिम्‍शो पाइबपुकी तेइ तेइ ब्रशो बाक्‍नीम।
PSA 13:1 कुम्‍सो प‍पाइक्‍ब कली दाऊद आ कुम्‍सो। परमप्रभु यावे, आं कली गेना सम्‍म प्रेंनीनी? गेना सम्‍म इन कुल ख्रुइक्‍नीनी? भजन संग्रह ७७:८; हाबाकुक १:२
PSA 13:2 गो गेना सम्‍म सुर्ता पा, नाक्‍त किंत किंत आं थुं खाइश्‍शा बाक्‍चा माल्‍नुङा? आं जोरी सत्रु गेना सम्‍म आं क्‍येङा बोल्‍यो बाक्‍नीमी?
PSA 13:3 परमप्रभु यावे, आं परमप्रभु, आं कली मिम्‍शा, आं लोव़ लेत्‍तीनी। आ बोल लेंशा गेयीनी। मो मपाइतीनी हना, गो बेक्‍नुङ।
PSA 13:4 मोदेंशो दुम्‍मेनु, आं जोरी सत्रुम “गो मेको कली ग्रानीकी” दे आं कली हिम्‍सीशो तशा, ग्‍येरसीनीम।
PSA 13:5 तन्‍न गो “गे गेना हना यो दाक्‍ब बाक्‍नीनी” दे थमा सुइक्‍नुङ। इन वारच पा प्रोंइतीके तशा, आं थुं ग्‍येरना ग्‍येरन बाक्‍ब।
PSA 13:6 परमप्रभु यावेमी आं कली रिम्‍शो वारच पाइक्‍ती। गो मेको कली कुम्‍सो पाइनुङ।
PSA 14:1 कुम्‍सो पपाइक्‍ब कली दाऊद आ कुम्‍सो। भजन संग्रह ५३:- मूर्खपुकीमी “परमप्रभु मबाक्‍ब” दे मिम्‍नीम। मेकोपुकी ग्रांग्रा दिचा ङा दुम्‍शा, मरिम्‍शो गेय पाइनीम। मेको आन दातेमी रिम्‍शो पाइब सुइ मबाक्‍नीम।
PSA 14:2 परमप्रभु यावेमी स्‍वर्ग रे मुर आन कली कोव़ब। मारदे कोव़ब देंशा हना, मुर आन दातेमी जोक्‍ब तुइक्‍ब परमप्रभु कली माल्‍ब, सुइ बाक्‍मा कों, दे कोव़ब।
PSA 14:3 तन्‍न मुर नेल्‍ल परमप्रभु कली प्रोंइशा, दूली पाइब दुम्‍तेक्‍म। रिम्‍शो पाइब का यो मबाक्‍नीम। उत्‍पत्ती ६:१२; रोमी ३:१०-१२
PSA 14:4 मरिम्‍शो पाइबपुकीमी परमप्रभु यावे कली मतुइक्‍नीम। आ मुर आन कली शोब्‍ले जशो खोदेंशो पा नेक्‍नीम। मेकोपुकीमी परमप्रभु यावे कली यो मपुंइनीम। मीका ३:३
PSA 14:5 मिनु नोले मेकोपुकी शुश हिंशा, ख्रिंख्रि पाइनीम। मारदे हना परमप्रभु ठीक पाइब आन दातेमी बाक्‍ब।
PSA 14:6 मुरपुकीमी प्रुङग आन मिम्‍शो बिग्रेचा दाक्‍नीम। तन्‍न परमप्रभु यावे मेको आन ख्रुइक्‍तीके बाक्‍ब।
PSA 14:7 सियोन रे इस्राएली आन ब्रोंइतीके तामेक्‍ल। परमप्रभु यावेमी आ मुर आन कली प्रोनानु, याकूब आ चच युइ, इस्राएली नेल्‍ल ग्‍येरसीमल। भजन संग्रह १२६:१
PSA 15:1 दाऊद आ कुम्‍सो। भजन संग्रह २४:२-६; यसैया ३३:१४-१६ परमप्रभु यावे, इन बाक्‍तीकेमी सु बाक्‍ने चाप्‍बा ङा? इन डांडाम सु बाक्‍चा ताइबा ङा? उपदेसक ४:१७
PSA 15:2 सुमी रिम्‍शो पना पन बाक्‍शा, ठीक गेय ला पाइबा नु आ थुं नेल्‍लेमी थमा लोव़ ला पाइबा,
PSA 15:3 सुमी अरु आन लोव़ मपाइबा, आ नेक्‍था ङा मुर आन कली काइ मरिम्‍शो मपथु, शुक्‍शी मपाइबा,
PSA 15:4 सुमी परमप्रभु आ अरेशो मटीब आन कली महिक्‍थु, परमप्रभु यावे कली मान पा हिंब आन कली चहिं हिक्‍ना हिक्‍न बाक्‍बा, कसम जशा, श्‍येत दुम्‍मेनु यो, आ कसम जशो मप्रोंइथु बाक्‍बा,
PSA 15:5 सुमी क्‍येट जेर गेशा, चाइक्‍ब मताक्‍बा, सुमी दोस मताइब कली श्‍येत गेचा कली घूस मजाइबा, मोदेंशो मुर गेना हना यो महिम्‍सीथु, परमप्रभु यावे आ बाक्‍तीकेम बाक्‍चा ताइब। प्रस्‍थान २२:२४; ब्‍यवस्‍था २३:२०-२१
PSA 16:1 दाऊद आ कुम्‍सो। “परमप्रभु, आं कली कोव़यीनी। मारदे हना गो इन कली जिम्‍मा गेंसीशो बाक्‍नुङ।
PSA 16:2 गो परमप्रभु यावे कली ‘गे आं परमप्रभु बाक्‍नीनी। गो इन क्‍येङा अर्को मारेइ रिम्‍शो मतुइक्‍नुङ’ देंती। भजन संग्रह ७३:२५
PSA 16:3 रागीम बाक्‍ब इन योव़शो मुर, थमा पा ठेयब मुर बाक्‍नीम। गो मेको मुर आन कली तशा ग्‍येरसीनुङ।
PSA 16:4 मिनु देवी देवता आन नोले खोइक्‍ब आन श्‍येत बारना बारन लाइब। मेको आन तूतीक चढ़ेतीक ङा हुश गेनायो मचढ़ेनुङ। मेको आन नें यो मथीनुङ।
PSA 16:5 परमप्रभु यावे, गे आं भाग बाक्‍नीनी। मिनु आं कचौरा प्रिंनीनी। गे आं थेरशो रू कोव़ब बाक्‍नीनी। भजन संग्रह ७३:२६; गन्‍ती १८:२०; बिलाप ३:२४
PSA 16:6 इन गेशो रू रिम्‍शो बाक्‍ब। गो थम रिम्‍शो शोंप ताता।
PSA 16:7 आं कली अर्ती गेब, परमप्रभु यावे कली ठेयब सेल्‍नुङ। नाक्‍दो यो आं थुंमी आं कली मोदेंशो पचा शेंब।
PSA 16:8 गो परमप्रभु यावे कली गेना हना यो आं ङोंइती वोइक्‍ता। मोपा मेको आं ग्‍युरा गे बाक्‍मेनु, गो महिम्‍सीनुङ। प्रेरित २:२५-२८
PSA 16:9 मोपतीके आं थुं ग्‍येरसीब। गो आं थुंमी कुम्‍सो पाइनुङ। गो महिंथु बाक्‍ने चाप्‍नुङ।
PSA 16:10 मारदे हना गे आं कली बेक्‍चा मगेनीनी। इन योव़शो कली राक्‍चा मगेनीनी। प्रेरित १३:३५
PSA 16:11 गे आं कली ब्रोंइतीक लां कोंइनीनी। गो इन ङोंइती बाक्‍ङानु, आं थुं ग्‍येरतीकेम ब्रीब। इन ग्‍युरा गे बाक्‍ङानु, गेना हना यो थम रिम्‍शो दुम्‍नुङ” दे लोव़ पाता।
PSA 17:1 दाऊद आ पुंइशो लोव़। “परमप्रभु यावे, गे ठीक पशो आ पर्बम आं लोव़ नेनीन। आं ब्रेश्‍शो नेनीन। आं जोल मपथु पुंइशो लोव़ इन नोफा दाइश्‍शा नेनीन।
PSA 17:2 आं ठीक दुम्‍तीके इन लां रे जाक्‍मल। गे आं ठीक पतीके ताइनीनी। भजन संग्रह ४३:१
PSA 17:3 गे आं कली नाक्‍ताक्‍नी। नाक्‍दो यो आं कली नाक्‍शा, आं आगामी मारेइ मरिम्‍शो मथिन्‍नी। गो मरिम्‍शो लोव़ मपाइनुङ, दे आं थुं फ्रेंशा बाक्‍ती। भजन संग्रह १३९:१
PSA 17:4 मुर आन पतीके तशा, गो इन लोव़ मिम्‍शा, हुश ख्राक्‍श पोक्‍ब आन लां मखोइक्‍नुङ।
PSA 17:5 आं खोइली मग्रेक्‍चा ङा पा इन लांम थेक्‍शो बाक्‍ती।
PSA 17:6 गो इन कली लोव़ पाता, मारदे हना गे आं लोव़ नेंनीनी। परमप्रभु, इन नोफा आं गे दाइश्‍शा, आं लोव़ नेनीन।
PSA 17:7 आं कली इन गेना हना यो दाक्‍तीक इन ग्‍युरा गुइमी इन कली थमा सुइक्‍ब आन कली आन जोरी सत्रु रे प्रोंइनीनी।
PSA 17:8 मिक्‍च दोदेंशो रिम्‍शो पा वोइश्‍शो बाक्‍बा, मोदेंशो पा आं कली यो रिम्‍शो पा वोतीन। इन फ्रां आगाम पुप्‍तीनी। ब्‍यवस्‍था ३२:१०; भजन संग्रह ६१:५; भजन संग्रह ६३:८; प्रस्‍थान ३७:७-९
PSA 17:9 मोपा इन अरेशो मटीब, आं कली साइक्‍चा कली पुम्‍बपुकीमी आं कली मथित्‍नीम।
PSA 17:10 मेको आन थुं खकटा पा, ठेयब लेश्‍शो लोव़ ला पाइनीम।
PSA 17:11 गो ते लती हना यो, मेकोपुकीमी आं कली पुम्‍नीम। आं कली साइक्‍चा माल्‍नीम।
PSA 17:12 मेकोपुकी शोव़लु बेक्‍शो गुप्‍स खोदेंशो बाक्‍नीम। ठिटा गुप्‍सम बाप्‍शो खोदेंशो पा बाप्‍शो बाक्‍नीम।
PSA 17:13 परमप्रभु यावे, बोक्‍कीन। मेको आन कली दोक्‍पतीन। आं कली इन तरवारमी इन अरेशो मटीब मुर रे प्रोंइ‍यीनी। गन्‍ती १०:३५
PSA 17:14 परमप्रभु यावे, इन गुइमी रागी दाक्‍ब मुर आन गुइ रे प्रोंइ‍यीनी। मेकोपुकी मबेक्‍मा सम्‍म रिम्‍शो ला ताइनीम। गे मेको आन कोव़ज ब्रोव़शो थोव़कम प्रिंनीनी। मेको आन तौपुकी यो रूथ्री जाइनीमी। मिनु आन लीशो मारेइ मारेइ आन तौपुकीम ताइनीम।
PSA 17:15 गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।
PSA 18:1 कुम्‍सो पपाइक्‍ब कली परमप्रभु यावे आ गेय पाइब दाऊद आ कुम्‍सो। परमप्रभु यावेमी दाऊद कली आ जोरी सत्रु नु सावल आ गुइ रे प्रोना नोले दाऊद आ पशो कुम्‍सो। परमप्रभु यावे, गे आं सक्ति बाक्‍नीनी। गो इन कली दाक्‍नुङ।
PSA 18:2 परमप्रभु यावे आं सेरथे फुल्‍लु, आं बोल्‍यो दरवार नु आं जोरी सत्रु रे प्रोंइब बाक्‍ब। आं परमप्रभु, गे आं ख्रुइक्‍तीके सेरथे फुल्‍लु बाक्‍नीनी। परमप्रभु आं तेक्‍तीके नु आं कली ग्‍येरपाइक्‍ब, आं कली प्रोंइब नु आ बोल्‍यो दरवार बाक्‍ब। ब्‍यवस्‍था ३२:१८
PSA 18:3 गो परमप्रभु यावे नु लोव़ पाइनुङ। मेको ठेयब सेल्‍चा पुंइसीब बाक्‍ब। मेकोम आं कली आं जोरी सत्रु रे प्रोंइब।
PSA 18:4 गो साइक्‍चा पुंइसीचशो दुम्‍शा, हेरा बेक्‍ती। आं कली साइक्‍ब ब्‍वाक्‍कु आ छाल खोदेंशो पा जाक्‍शा, हिंपाइक्‍ती। भजन संग्रह ११६:३
PSA 18:5 थमा पा साइक्‍चा पुंइसीब दुम्‍ती। साइक्‍बमी आं कली ब्‍वारदम खोदेंशो पा रुक्‍ताक्‍यी।
PSA 18:6 गो श्‍येत जङानु, परमप्रभु यावे कली “वारच पने” दे आं परमप्रभु कली ठेयब सेंदा पा पुंइता। मिनु परमप्रभु आ बाक्‍तीकेम बाक्‍शा, आं सेंदा नेंतु। आं पुंइशो लोव़ रुप्‍तु।
PSA 18:7 रागी हिम्‍शा, ख्रिनु कुत। मिनु डांडा नेल्‍ल हिम्‍साक्‍म। मारदे हिम्‍साक्‍म देंशा हना, परमप्रभु आ गाइक्‍तीकेम हिम्‍साक्‍म।
PSA 18:8 आ नें रे कुन कुत। आ शोव़ रे ठेयब मी ग्रूशा, ब्रशो कोइला हुरुर पा बेरतेक्‍म। प्रस्‍थान १९:१८
PSA 18:9 मिनु परमप्रभु सरीङ रे यित। आ खोइल आगामी क्‍येर गोस्‍स के छिङछिङ बाक्‍त। भजन संग्रह १४४:५-७
PSA 18:10 मेको करूब का ङोइश्‍शा, फशेम बेरत। भजन संग्रह ९९:१
PSA 18:11 छिङछिङमी ख्रुइश्‍शा, आ एर ओंथ नेल्‍ल ब्‍वाक्‍कु कुरशो क्‍येर गोस्‍स बाक्‍तेक्‍म।
PSA 18:12 परमप्रभु आ छेङछेङ रे मुप्‍स, मी ब्रशो कोइला नु चिला खोदेंशो पा गोस्‍स ग्रूतेक्‍म।
PSA 18:13 परमप्रभु यावेमी सरीङ रे बुंबु पशो खोदेंशो पा आ सेंदा नेंपाइश्‍शो बाक्‍त।
PSA 18:14 मिनु मेकोमी आ ब्रा आबानु, आं जोरी सत्रु ब्रपाइक्‍तीमी। ठेयब चिला पपाइश्‍शा, प्रोक्‍पाइक्‍तीमी।
PSA 18:15 परमप्रभु यावे इन हुइक्‍तीकेमी नु इन नें रे ग्रूशो सोक्‍तमी समुन्‍द्र नु रागी आ जग ग्रूत।
PSA 18:16 परमप्रभुमी इर रे आं गुइ ग्‍याइश्‍शा, ठेयब ब्‍वाक्‍कु रे कीशा ग्रुंइताक्‍यी।
PSA 18:17 मिनु आं कली मदाक्‍बपुकी नु आं क्‍येङा बोल्‍यो जोरी सत्रु रे प्रोंइती।
PSA 18:18 श्‍येत जङा नाक्‍त आं जोरी सत्रुम पुम्‍ताक्‍यीमी, तन्‍न परमप्रभु यावेमी वारच पाइक्‍ती।
PSA 18:19 मिनु आं कली प्रोंइशा, रिम्‍शो ब्रोंइशा बाक्‍तीकेम चाक्‍ती। मारदे हना आं कली दाक्‍शो बाक्‍त।
PSA 18:20 गो दोदेंशो पा ठीक पङा, मोदेंशो पा परमप्रभु यावेमी आं कली पाप रे ङोन बाक्‍शो तशा, आं कली रिम्‍शो पाइक्‍ती।
PSA 18:21 मिनु गो परमप्रभु यावे आ लां गाक्‍शा, आ अरेशो टिशा, आं परमप्रभु रे नोले मशोंइसीङ।
PSA 18:22 आ पतीके लोव़ नेल्‍ल आं ङोंइती बाक्‍तेक्‍म। गो मेको आ फुल्‍लुम मुशा ब्रेक्‍शो लोव़ का यो मप्रोनु।
PSA 18:23 मिनु मेको आ ङोंइती गो दोस मताइब बाक्‍ती। मिनु गो ठीक मपतीके रे ङोन बाक्‍ती।
PSA 18:24 गो दोदेंशो पा ठीक पङा, मोदेंशो पा परमप्रभु यावेमी आं कली आ ङोंइती पाप रे ङोन बाक्‍शो तशा, रिम्‍शो पाइक्‍ती।
PSA 18:25 गे जमान खाप्‍ब आन कली जमान खाप्‍ब बाक्‍नीनी। गे ठीक पाइब आन कली इन ठीक पतीके कोंइनीनी।
PSA 18:26 गे पाप रे ङोन बाक्‍ब आन कली इन पाप रे ङोन बाक्‍तीके कोंइनीनी। तन्‍न गे दूली पाइबपुकी नु काइ मगारनीनी।
PSA 18:27 गे दिप्‍चा पुंइसीशो मुर आन कली श्‍येत रे प्रोंइनीनी। मिनु ठेयब लेश्‍शो मुर आन कली आइक्‍च सेल्‍नीनी। अय्‍युब २२:२९
PSA 18:28 गे आं बत्ती ब्रपाइक्‍नीनी। परमप्रभु यावे, आं परमप्रभु, गे आं छिङछिङ कली छेङछेङ सेल्‍नीनी।
PSA 18:29 इन वारच पाइक्‍तीके गो शुश जोरी सत्रु नु ग्रानुङ। इन वारच पाइक्‍तीके गो ठेयब गारो प्रेक्‍शा ख्राक्‍ने चाप्‍नुङ।
PSA 18:30 परमप्रभु आ लां ठीक बाक्‍ब। परमप्रभु यावे आ लोव़ क्‍येख सुन खोदेंशो बाक्‍ब। सु सु मेको कली जिम्‍मा गेंसीनीमी, मेको आन कली तेक्‍तीक बाक्‍ब।
PSA 18:31 परमप्रभु यावे क्‍येङा अर्को सु परमप्रभु बाक्‍बा ङा? आंइ परमप्रभु क्‍येङा अर्को तेको सेरथे फुल्‍लु बाक्‍बा ङा?
PSA 18:32 परमप्रभुमी आं कली शुश सक्ति पाइश्‍शो सेल्‍ती। मेकोमी आं लां ठीक सेल्‍ब।
PSA 18:33 मेकोमी आं खोइली किश्‍श आ खोइली खोदेंशो सेल्‍शा, लाइश्‍शो इर ङा बाक्‍तीकेमी राप्‍पाइक्‍ती।
PSA 18:34 मेकोमी आं कली लडाइ पचा नु आं गुइ कली कांसा के लिब्रा खुक्‍चा शेंब।
PSA 18:35 गे ब्रोंइतीके ङा इन तेक्‍तीक आं कली गेतीनी। इन ग्‍युरा गुइमी आं कली वारच पाइश्‍शा, ठेयब सेल्‍तीनी।
PSA 18:36 आं लां ठेयब सेल्‍तीनी। मोपतीके आं खोइली मग्रेक्‍थु, गाक्‍ने चाप्‍नुङ।
PSA 18:37 गो आं जोरी सत्रु आन कली खेदा पा थित्‍तामी। मेको आन कली साइक्‍ने मथुमु सम्‍म गो मलेङङ।
PSA 18:38 गो मेको आन कली बोक्‍ने मचाप्‍चा ङा पा तुप्‍तामी। मेकोपुकी आं खोइलीम गोल्‍तेक्‍म।
PSA 18:39 मारदे हना गे आं कली लडाइ पचा कली शुश सक्ति गेतीनी। आं जोरी सत्रु आन कली आं खोइलीम बाप्‍पाइक्‍तीनी।
PSA 18:40 गे आं जोरी सत्रु आन कली प्रोक्‍‍पाइक्‍तीनी। मिनु गो आं कली काइ मदाक्‍ब आन कली साइक्‍ता‍मी।
PSA 18:41 मेकोपुकीमी “वारच पाइक्‍की” दे ग्रीमानु, मेको आन कली प्रोंइब सुइ मबा। परमप्रभु यावे कली पुंइतेक्‍म हना यो, मेकोमी मेको आन कली लोव़ मलेत्‍त। हितोपदेस १:२८
PSA 18:42 मिनु गो मेको आन कली फशेम बेरपाइश्‍शो फुरक खोदेंशो पा फस सेल्‍तामी। गो मेको आन कली लां ङा ग्रांग्रा खोदेंशो पा ताइक्‍‍ताक्‍ङमी।
PSA 18:43 गे मुर आन साइक्‍तीक रे आं कली प्रोंइतीनी। रागी रागी कली सासन पाइब सेल्‍तीनी। आं मतुइश्‍शो जात ङा मुरपुकी आं गेय पाइब दुम्‍तेक्‍म।
PSA 18:44 आं अरेशो नेन्‍मेनु, मेकोपुकीम टिम्‍तेक्‍म। अर्को रागी ङा मुरपुकी आं ङोंइती बाप्‍तेक्‍म।
PSA 18:45 अर्को रागी ङा मुरपुकी ख्रिंख्रि पा हिंशा आन बोल्‍यो दरवार रे ग्रूतेक्‍म।
PSA 18:46 परमप्रभु यावे ब्रोंइशा बाक्‍ब आं सेरथे फुल्‍लु ठेयब दुम्‍ल। आं कली प्रोंइब परमप्रभु मान ताइब बाक्‍ल।
PSA 18:47 परमप्रभुमी आं कली क्‍येक्‍क लेत्‍तीक सक्ति गेशा, जात जात ङा मुर आन कली आं सासनम बाक्‍ब सेल्‍तु।
PSA 18:48 मेकोमी आं जोरी सत्रु रे प्रोंइती। मेको आन क्‍येङा आं कली ठेयब सेल्‍ती। मिनु आं कली दिप्‍शा हुश ख्राक्‍श पोक्‍ब आन क्‍येङा प्रोंइती।
PSA 18:49 मोपतीके परमप्रभु यावे, रागी रागी ङा मुर आन दातेमी गो इन नें ठेयब सेल्‍शा, इन कली कुम्‍सो पाइनुङ। रोमी १५:९
PSA 18:50 परमप्रभुमी आ पिप कली शुश ग्राब सेल्‍तु। आ तेल लुक्‍शो पिप दाऊद नु आ चच युइ आन कली गेना हना यो दाक्‍ब। २सामुएल ७:१२-१६
PSA 19:1 कुम्‍सो पपाइक्‍ब कली दाऊद आ कुम्‍सो। सरीङमी परमप्रभु आ छेङछेङ आ पर्बम लोव़ पाइब। सरीङ आ ठेयब दुम्‍तीकेमी परमप्रभु आ गेय आ पर्बम लोव़ पाइब। रोमी १:१९-२०
PSA 19:2 नाक्‍त कामी अर्को नाक्‍त कली शेंब। नाक्‍दो कामी अर्को नाक्‍दो कली देंब।
PSA 19:3 मारेइ लोव़ मबाक्‍ब। ब्‍वाक्‍शो यो मनेंसीब।
PSA 19:4 मो हना यो रागी नेल्‍लेम तुइक्‍नीम। मेकोमी सरीङम नां कली बाक्‍तीक सेल्‍तु। रोमी १०:१८
PSA 19:5 मेको नां ग्‍युंबे पचा चिक्‍शो ग्‍युम्‍ले खोदेंशो बाक्‍ब। मेको ग्‍येरसीशा आ लां गाक्‍ब।
PSA 19:6 मेको पूर्ब रे दाप्‍शा, तेइ तेइ हिरसीब। मेको आ नाप्‍शो रे मारेइ ख्रुइश्‍शा लीने मचाप्‍नीम।
PSA 19:7 परमप्रभु यावे आ अरेशो लोव़ नेल्‍ल आन कली गारब। मेकोमी लेंशा ब्रोंइपाइक्‍ब। परमप्रभु यावे आ देंतीके थमा लोव़ बाक्‍ब। मेकोमी मतुइक्‍ब आन कली तुइक्‍ब सेल्‍ब।
PSA 19:8 परमप्रभु यावे आ ब्रेक्‍शा अरेशो लोव़ ठीक बाक्‍शा, मुर आन थुं ग्‍येरपाइक्‍ब। परमप्रभु यावे आ शेंशोमी मुर मिक्‍च ताइब दुम्‍नीम।
PSA 19:9 परमप्रभु यावे कली मान पा हिंचा रिम्‍शो दुम्‍शा, गेना हना यो लीब। परमप्रभु यावे आ निसाफ पतीक लोव़ थमा नु गेना हना यो ठीक बाक्‍नीम।
PSA 19:10 मेको सुन क्‍येङा यो शुश माल्‍चा ङा, क्‍येख सुन क्‍येङा यो क्‍येट लाइब खोदेंशो बाक्‍ब। मेको चाका रे याप्‍शो खुदो क्‍येङा यो जिज बाक्‍ब।
PSA 19:11 मेकोमी इन गेय पाइब कली होस पा बाक्‍पाइक्‍ब। मेको लोव़ टीबपुकीम ठेयब इनाम ताइनीम।
PSA 19:12 आ मतुइक्‍थु दूली पशो, सुम तुइक्‍बा ङा? आं मतुइक्‍थु मरिम्‍शो पशो माफ गेयीनी। अय्‍युब ४२:३-६
PSA 19:13 इन गेय पाइब कली ठेयब लेश्‍शो दुम्‍तीक रे तेक्‍कीन। ठेयब लेश्‍शो दुम्‍तीकेमी आं कली हुकुम मपवल। मोपा गो दोस नु हेंथे पतीक रे ब्रोंइनुङ।
PSA 19:14 परमप्रभु यावे, आं सेरथे फुल्‍लु नु आं कली श्‍येत रे प्रोंइब, आं पशो लोव़ नु आं मिम्‍शो ब्रने।
PSA 20:1 कुम्‍सो पपाइक्‍ब कली दाऊद आ कुम्‍सो। गे श्‍येत जनीनु, परमप्रभु यावेमी इन लोव़ लेत्‍तल। याकूब आ परमप्रभु आ नें आ पर्बम इन जोरी सत्रुम थिन्‍ने मचाप्‍मेक्‍ल। हितोपदेस १८:१०
PSA 20:2 मेकोमी आ बाक्‍तीक रे इन कली वारच पाइब सोइक्‍तल। सियोन रे इन कली वारच पवल।
PSA 20:3 मेकोमी इन चढ़ेशो नु चोशा चढ़ेशो नेल्‍ल मिम्‍शा ब्रवल। ठेयब सेंदा पा।
PSA 20:4 मेकोमी इन दाक्‍शो नेल्‍ल गेवल। इन मिम्‍शो नेल्‍ल खबल। भजन संग्रह २१:३
PSA 20:5 गो इन ग्राशो तशा, ग्‍येरशा ग्रीशा आंइ परमप्रभु आ नेंमी छेदर पोक्‍नीकी। परमप्रभु यावेमी इन पुंइशो नेल्‍ल गेवल।
PSA 20:6 परमप्रभु यावेमी आ तेल लुक्‍शो पिप कली प्रोंइब, दे मुल तुइक्‍ताक्‍ङ। आ स्‍वर्ग ङा बाक्‍तीकेमी यो इन लोव़ नेंशा, आ सक्ति पाइश्‍शो ग्‍युरा गुइमी वारच पाइब। प्रस्‍थान १५:६
PSA 20:7 कोइ मुरपुकीमी शारा, बग्‍गी तशा, ग्रानीकी, दे मिम्‍नीम। तन्‍न गोपुकी परमप्रभु यावे, आंइ परमप्रभु आ नें मिम्‍शा, ग्रानीकी। भजन संग्रह ३३:१७; ब्‍यवस्‍था २०:१; यसैया ३१:१
PSA 20:8 मेकोपुकी गोल्‍नीम। तन्‍न गोपुकी राप्‍स ङा राप्‍स बाक्‍नीकी।
PSA 20:9 परमप्रभु यावे, आंइ पिप कली ग्रापतीन। गो पुंइकानु, आंइ लोव़ लेत्‍तीन।
PSA 21:1 कुम्‍सो पपाइक्‍ब कली दाऊद आ कुम्‍सो। परमप्रभु यावे, इन सक्ति तशा, पिप ग्‍येरसाक्‍व। इन प्रोंइतीकेमी मेको शुश ग्‍येरसाक्‍व।
PSA 21:2 गे आ थुं ङा दाक्‍शो गेतीनी। आ पुंइशो “मगेनुङ” मदेंनी। ठेयब सेंदा पा।भजन संग्रह २०:५; भजन संग्रह ३७:४
PSA 21:3 गे मेको कली आसीक गेशा, रिम्‍शो पाइक्‍तीनी। मिनु आ पियाम क्‍येख सुन के सिरपेच गुप्‍ताक्‍नी।
PSA 21:4 मेकोमी “ब्रोंइचा गेयी” दे इन कली पुंइतु। मिनु गे मेको कली गेना हना यो ब्रोंइशा, बाक्‍चा गेतीनी। भजन संग्रह ६१:७
PSA 21:5 इन प्रोंइतीकेमी आ दारस ठेयब दुम्‍त। शोंप नु मान ततीके मेको तारी वोइक्‍तीनी।
PSA 21:6 गे मेको कली गेना हना यो आसीक राइब सेल्‍शा, इन ङोंइती ग्‍येरपाइक्‍तीनी।
PSA 21:7 मारदे हना पिपमी परमप्रभु यावे कली थमा सुइश्‍शा, नेल्‍ल क्‍येङा ठेयब आ गेना हना यो दाक्‍तीकेमी पोक्‍च थेक्‍शा बाक्‍ब।
PSA 21:8 गे इन गुइमी इन जोरी सत्रु नेल्‍ल आन कली माल्‍शा ग्‍याइक्‍नीनी। इन कली काइ मदाक्‍ब आन कली इन ग्‍युरा गुइमी साइक्‍नीनी।
PSA 21:9 इन जाक्‍ची ना मेको आन कली ठेयब चुप्‍लुम हुम्‍शो खोदेंशो पा हुम्‍नीनी। परमप्रभु यावे, गे चुरशा, मेको आन कली दाक्‍शो खोदेंशो पा मीम दाक्‍पाइक्‍नीनी।
PSA 21:10 मेको आन चच युइ आन कली रागी रे क्‍याम्‍नीनी। आन आल आन कली मुर आन दाते रे क्‍याम्‍नीनी।
PSA 21:11 मेकोपुकीमी इन कली मरिम्‍शो पचा, दे मिम्‍शो बाक्‍तेक्‍म हना यो, आन मिम्‍शो पने मचाप्‍नीम। यसैया ८:१०
PSA 21:12 गे मेको आन कली प्रोक्‍पाइश्‍शा, आन कुलम ख्रपाइक्‍चा कली लिब्रा कीनीनी।
PSA 21:13 परमप्रभु यावे, इन सक्तिम बोक्‍नीनी। गोपुकीमी कुम्‍सो पशा, इन सक्ति ठेयब बाक्‍ब, दे इन कली ठेयब सेल्‍नीकी।
PSA 22:1 कुम्‍सो पपाइक्‍ब कली सुनी ङा किश्‍श आ लायो ङा दाऊद आ कुम्‍सो। यसैया ५३:-; मत्ती २७:३५-४६ आं परमप्रभु, आं परमप्रभु, गे मारदे आं कली प्रोंइयीनी? मारदे गे आं कली वारच मप‍थु, ङोन बाक्‍नीनी। मारदे आं थोशो मनेंनीनी। मत्ती २७:४६
PSA 22:2 आं परमप्रभु, गो इन कली नाक्‍त ब्रेङङानु, गे लोव़ मलेत्‍तीनी। गो नाक्‍दो ब्रेङङानु यो, आं थुं नाइक्‍चा मतङ।
PSA 22:3 मिनु इस्राएलीपुकीम इन कली ठेयब सेल्‍तीक कुम्‍सो पामेनु, गे का ला मेको आन तार बाक्‍नीनी।
PSA 22:4 आंइ किकी पिपीम इन कली थमा सुइक्‍ना सुइक्‍न बाक्‍शो बाक्‍मा बाक्‍त। गे मेको आन कली आन जोरी सत्रु रे प्रोंइशो बाक्‍तीनी।
PSA 22:5 इन कली पुंइशा ब्रेश्‍शा, ब्रोंइचा तशो बाक्‍तेक्‍म। इन कली जिम्‍मा गेंसीशा, थमा सुइश्‍शा, मुने मदोक्‍म। भजन संग्रह २५:२-३
PSA 22:6 गो चहिं मुर मदुम्‍‍थु, लुस्‍पु खोदेंशो दुम्‍ती। मुरपुकीम आं कली शुक्‍शी पा ग्रांग्रा दित्‍नीम। अय्‍युब २५:६; यसैया ४१:१४
PSA 22:7 आं कली ताइब नेल्‍लेमी आं पर्बम रिश्‍शा, ठेयब लेश्‍शो लोव़ पशा, आन पिया हिम्‍नीम। अय्‍युब १६:१०
PSA 22:8 मिनु मेकोपुकीमी “परमप्रभु यावे कली थमा सुइक्‍ब, परमप्रभु यावेमी इन कली श्‍येत रे प्रोनल। मारदे हना परमप्रभुमी इन कली दाक्‍ब” दे शुक्‍शी पाइनीम। मत्ती २७:४३
PSA 22:9 गो मोदेंब दुम्‍ती हना यो, गे आं कली जरमेपपाइक्‍तीनी। गो आं ममा आ दूध तूङु रे आं कली कोव़तीनी।
PSA 22:10 ङोंइती रे गो इन के दुम्‍ती। आं ममामी थियी रे गे आं परमप्रभु बाक्‍नीनी।
PSA 22:11 गे आं रे ङोन मबाक्‍कीन। मारदे हना गो श्‍येत जचा चिक्‍शो बाक्‍नुङ। वारच पाइब सुइ मबाक्‍नी‍म।
PSA 22:12 ठेयब सांढेपुकीमी पुम्‍ताक्‍यीमी। बाशान रागी ङा हिंचा ङा सांढेपुकीमी यो पुम्‍ताक्‍यीमी।
PSA 22:13 शोव़लु बेक्‍शा ग्रीशो गुप्‍स खोदेंशो पा आन शोव़ पाक्‍शा, ग्राम्‍चा चिक्‍ताक्‍यीमी।
PSA 22:14 गो लुक्‍शो ब्‍वाक्‍कु खोदेंशो दुम्‍ती। आं रुश नेल्‍ल गलाक गुलुक दुम्‍तेक्‍म। आं लुङगीर मयीन खोदेंशो दुम्‍शा, यशो बाक्‍ब।
PSA 22:15 आं सक्ति ग्‍युम्‍त। ब्रोल्‍शो खप के गर खोदेंशो दुम्‍त। आं शोव़ सोव़त। मिनु गे आं कली साइक्‍चा ठीक पाइतीनी। यूहन्‍ना १९:२८
PSA 22:16 कुचुमपुकीमी आं कली पुम्‍ताक्‍यीमी। काइ मरिम्‍शो पाइब आन हुल आं एर ओंथ बाक्‍नीम। आं गुइ खोइली ख्रित्‍ताक्‍यीमी। यूहन्‍ना २०:२५,२७
PSA 22:17 गो आं रुश का का पा हिक्‍ने चाप्‍नुङ। मेकोपुकीमी आं कली शुक्‍शी पा कोव़स ङा कोव़स बाक्‍नीम।
PSA 22:18 आं वासी योक्‍सीशा, आं फेक्‍शो वा आ पर्बम “सुम ताइबा” दे फेन्‍टे ग्‍यारनीम। यूहन्‍ना १९:२४
PSA 22:19 परमप्रभु यावे, गे आं क्‍येङा ङोन मबाक्‍कीन। गे आं कली सक्ति गेब बाक्‍नीनी। गे रीब पा आं कली वारच पाइय्‍यीनी।
PSA 22:20 आं कली तरवार नु कुचुम रे प्रोंइयीनी।
PSA 22:21 गुप्‍स आ शोव़ नु ब्‍वाकी ङा सांढे आन ग्रोव़ रे प्रोंइयीनी। दानीएल ६:२३
PSA 22:22 गो “इन नें ठेयब बाक्‍ब” दे आं लोक्‍ब आन कली शेंनुङमी। मिनु थमा सुइक्‍ब आन ग्रुम्‍तीकेमी इन नें ठेयब सेल्‍नुङ। भजन संग्रह २६:१२; हिब्रू २:१२
PSA 22:23 गे परमप्रभु यावे कली मान पा हिंबपुकीमी, मेको कली ठेयब सेलीन। याकूब आ चच युइ, मेको कली “गे नेल्‍ल क्‍येङा ठेयब बाक्‍नीनी” देनीन। इस्राएल आ चच युइ नेल्‍ल मेको कली मान पा हिनीन।
PSA 22:24 मारदे हना मेकोमी श्‍येत जाइब आन श्‍येत तशा, आ कुल मख्रुइक्‍थु, आं ब्रेश्‍शो नेंतु। हिब्रू १५:७
PSA 22:25 ठेयब ग्रुम्‍तीकेमी आं इन कली ठेयब सेल्‍तीक कुम्‍सो इन लां रे जाक्‍ब। आं कसम जशो इन कली मान पा हिंब आन ङोंइती खाप्‍नुङ।
PSA 22:26 प्रुङग मुरपुकी जशा रूनीम। मिनु परमप्रभु यावे कली माल्‍बपुकीमी “परमप्रभु यावे ठेयब बाक्‍ब” देंनीम। गेपुकी गेना हना यो ब्रोंइशा बाक्‍चा ताइनीनी। भजन संग्रह ६९:३३
PSA 22:27 रागी रागी ङा मुरपुकीमी आं कली मिम्‍शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्‍नीम।
PSA 22:28 मारदे हना मेको राज्‍य परमप्रभु यावे केन बाक्‍ब। मिनु मेकोमी रागी रागी ङा मुर आन कली सासन पाइब।
PSA 22:29 रागी रागी ङा जाइब तूब, शुश क्‍येट थीबपुकी परमप्रभु आ ङोंइती बाप्‍नीम। मिनु बेक्‍शा, फुरक दुम्‍ब नेल्‍ले मेको आ ङोंइती बाप्‍नीम।
PSA 22:30 मिनु मेको आन चच युइपुकीमी मेको कली सेवा पाइनीम। मिनु आन नोले ङा पाला ङा मुर परमप्रभु यावे आ पर्बम शेंचा पुंइसीनीम।
PSA 22:31 मेकोपुकीम नोले जरमेशो मुर आन कली परमप्रभु आ ठीक पतीके आ पर्बम शेंनीम। मेकोमी प्रोंइतु, दे नेल्‍ल आन कली तुइक्‍पाइक्‍नीम।
PSA 23:1 दाऊद आ कुम्‍सो। परमप्रभु यावे आं गोठला बाक्‍ब। आं माल्‍शो नेल्‍ल बाक्‍ब। उत्‍पत्ती ४८:१५; यसैया ४०:११; यूहन्‍ना १०:११-३०
PSA 23:2 आं कली रिम्‍शो घांस बाक्‍तीकेम इप्‍पाइक्‍ब। ब्रोव़शो ब्‍वाक्‍कु आ नेक्‍था चाक्‍दीप्‍ब। इजीकीएल ३४:१३-१४; प्रकाश ७:१७
PSA 23:3 मेकोमी आं थुं बारपाइक्‍ब। आं कली आंम आ नें आ पर्बम ठीक लां कोंइब।
PSA 23:4 मिनु गो बेक्‍चा ङा बेंसीम गाक्‍ती हना यो, महिंनुङ। मारदे हना गे गो नु बाक्‍नीनी। इन कोक्‍के तशा आं थुं नाइश्‍शा ग्‍येरनुङ। भजन संग्रह ४६:३
PSA 23:5 गे आं कली आं जोरी सत्रु आन ङोंइती थुल्‍नीनी। आं पिया तार तेल लुक्‍नीनी। आं कचौरा क्‍युप्‍चा ङा पा प्रिंताक्‍नी। भजन संग्रह ३६:९
PSA 23:6 थमा पा गो मबेक्‍ङा सम्‍म परमप्रभु आ रिम्‍शो पतीके नु आ दाक्‍तीके गो नु बाक्‍ब। मिनु गो गेना हना यो परमप्रभु यावे आ खिंम बाक्‍नुङ। भजन संग्रह ८४:५
PSA 24:1 दाऊद आ कुम्‍सो। रागी नेल्‍ल, मेकेर ङा मारेइ मारेइ नु मेकेर ङा ब्रोंइशा बाक्‍ब नेल्‍ल परमप्रभु यावे केन बाक्‍नीम। यूहन्‍ना १:११; १कोरिन्‍थी १०:२६
PSA 24:2 मारदे हना परमप्रभुमी मेको नेल्‍ल आन कली ब्‍वाक्‍कु तारी सेल्‍शा, शुश ब्‍वाक्‍कु तारी लीमल, दे सेल्‍शो बाक्‍त।
PSA 24:3 सु परमप्रभु यावे आ डांडा ङोइक्‍चा ताइबा ङा? सु आ योव़शो बाक्‍तीकेम बाक्‍ने चाप्‍बा ङा? भजन संग्रह १५:-
PSA 24:4 आन गुइमी काइ मरिम्‍शो मपाइबपुकी, रिम्‍शो थुं पाइश्‍शोपुकी, मूर्ति आन ङोंइती सेउ मपाइबपुकी नु जोल पा कसम मजाइबपुकी ला मेकेर ङोइक्‍ने चाप्‍नीम।
PSA 24:5 मेकोपुकीमी परमप्रभु यावे आ आसीक ताइनीम। मिनु पाप रे प्रोंइब परमप्रभुमी मेको आन कली आ ठीक पतीके गेब। यसैया ४८:१८
PSA 24:6 मोदेंशो मुरपुकी परमप्रभु कली माल्‍ब बाक्‍नीम। मिनु “याकूब आ परमप्रभु, इन कुल तचा दाक्‍‍नीक” देंनीम। ठेयब सेंदा पा।
PSA 24:7 मिनु “गे ठेयब लाप्‍चोपुकी इन पिया पोक्‍कीन। माइत लाप्‍चोपुकी रोक्‍सीन। मिनु मेकेर रे छेङछेङ ङा पिप ओव़ल। २सामुएल ६:१-१९; यसैया ४०:३-४
PSA 24:8 मेको छेङछेङ ङा पिप सु बाक्‍मे? मेको मारेइ मारेइ पने चाप्‍ब ठेयब सक्ति पाइश्‍शो परमप्रभु यावे बाक्‍ब। परमप्रभु यावे लडाइम ग्राब बाक्‍ब।
PSA 24:9 गे ठेयब लाप्‍चोपुकी इन पिया पोक्‍कीन। माइत लाप्‍चोपुकी रोक्‍सीन। मिनु मेकेर रे छेङछेङ ङा पिप ओव़ल।
PSA 24:10 मेको छेङछेङ ङा पिप सु बाक्‍मे? मेको मुर नेल्‍ल आन परमप्रभु यावे बाक्‍ब। मेको छेङछेङ ङा पिप बाक्‍ब”। ठेयब सेंदा पा।
PSA 25:1 दाऊद आ कुम्‍सो। परमप्रभु यावे, गो आं थुंमी इन नेक्‍था दुम्‍नुङ।
PSA 25:2 आं परमप्रभु, गो इन कली मिम्‍शा, महिंथु बाक्‍शो बाक्‍नुङ। गो मुने मदोक्‍ङल। आं जोरी सत्रु आं क्‍येङा मग्रामल।
PSA 25:3 इन लां कोव़ब नेल्‍ल मुने मदोक्‍मल। मोशान श्‍येत गेबपुकी चहिं मुने दोक्‍मल।
PSA 25:4 परमप्रभु यावे, आं कली इन लां कोंइदीनी। इन गाक्‍तीक लां शेंदीनी।
PSA 25:5 इन थमा पतीकेम आं कली गाक्‍चा, शेंदीनी। मारदे हना गे आं कली श्‍येत रे प्रोंइब परमप्रभु बाक्‍नीनी। गो नाक्‍त रे इन लां कोव़शा, बाक्‍नुङ।
PSA 25:6 परमप्रभु यावे, इन शिशी नु गेना हना यो दाक्‍तीके कली मिम्‍तीन। मारदे हना मेको साइ ङोंइती रेन बाक्‍त।
PSA 25:7 गो ठिटा बाक्‍ङा ना आं पशो पाप नु आं मरिम्‍शो पशो प्रेंदीन। परमप्रभु यावे, इन गेना हना यो दाक्‍तीके नु रिम्‍शो पतीकेम आं कली मिम्‍तीन।
PSA 25:8 परमप्रभु यावे रिम्‍शो नु रिम्‍शो थुं पाइश्‍शो बाक्‍ब। मोपतीके मेकोमी पाप पाइब आन कली आ लां आ पर्बम शेंब।
PSA 25:9 ब्रेम्‍शो आन कली ठीक लां कोंइशा, आ लां शेंब।
PSA 25:10 परमप्रभु यावे आ कबल नु आ देंशो टीब नेल्‍ल परमप्रभु आ गेना हना यो दाक्‍तीके नु आ दाक्‍शा मप्रोंइतीकेमी ब्रीशो बाक्‍नीम।
PSA 25:11 परमप्रभु यावे, आं पाप ठेयब बाक्‍त हना यो, इन नें आ पर्बम आं ठीक मपशो माफ गेयीनी। प्रस्‍थान ३४:६-७
PSA 25:12 सु सुमी परमप्रभु यावे कली मान पा हिंनीमी, मेको आन कली तेको लां लचा माल्‍नीमी, मेको शेंब।
PSA 25:13 मिनु मेको आन माल्‍शो नेल्‍ल तशा, आन थुं नाइक्‍नीम। मेको आन आलपुकीम मेको रागी ताइनीम। भजन संग्रह ३७:९
PSA 25:14 परमप्रभु यावे आ कली मान पा हिंब आन वारच बाक्‍ब। मिनु मेको आन कली आ कबल शेंब।
PSA 25:15 गो गेना हना यो परमप्रभु यावे गे ला कोव़नुङ। मारदे हना मेकोमी आं खोइली ब्‍वारद रे प्रोंइब।
PSA 25:16 गे आं गे हिरसीने। मिनु आं कली शिशी पाइय्‍यीनी। मारदे हना गो आं का दुम्‍शा, श्‍येत जशो बाक्‍नुङ।
PSA 25:17 आं थुं ङा श्‍येत बारशो बाक्‍नीम। मेको श्‍येत रे प्रोंइयीनी।
PSA 25:18 आं श्‍येत जशो नु आ थुं खाइश्‍शो कोव़ङीन। मिनु आं पशो पाप नेल्‍ल क्‍याम्‍दीने।
PSA 25:19 आं जोरी सत्रु आन कली कोव़ङीन, मारदे हना मेको शुश बाक्‍नीम। मिनु मेकोपुकीमी आं कली काइ मदाक्‍नीम। भजन संग्रह ३५:१९
PSA 25:20 आं कली खाल पा प्रोंइ‍यीनी। गो मुने मदोक्‍ङल। मारदे हना इन कली जिम्‍मा गेसाक्‍यी।
PSA 25:21 रिम्‍शो पतीके नु रिम्‍शो थुं बाक्‍‍तीकेमी आं कली खाल पयील। मारदे हना गो इन लां कोव़शो बाक्‍नुङ।
PSA 25:22 परमप्रभु, इस्राएल कली आ श्‍येत नेल्‍ल रे प्रोनीन। भजन संग्रह १३०:८
PSA 26:1 दाऊद आ कुम्‍सो। परमप्रभु यावे, आं कली निसाफ पने। गो मारेइ दोस तचा ङा गेय मपङ। परमप्रभु यावे, गो इन कली जिम्‍मा गेंसीशा, महिम्‍सीथु बाक्‍ती।
PSA 26:2 परमप्रभु यावे, गे आं कली नाक्‍तीन। आं थुं नु मिम्‍तीक नाक्‍शा कोव़ङीन।
PSA 26:3 इन गेना हना यो दाक्‍तीक आं ङोंइती बाक्‍ब। मिनु गो इन कली मप्रोंइथु, गाक्‍शो बाक्‍नुङ।
PSA 26:4 गो दूली पाइब मुरपुकी नु मबाक्‍ङ। मिनु जोल पाइबपुकी नु गारशा गेय मपङ। भजन संग्रह १:३
PSA 26:5 मरिम्‍शो पाइब आन देल्‍तीके ग्रांग्रा दीनुङ। मिनु इन अरेशो मटीब नु मबाक्‍नुङ।
PSA 26:6 आं गुइमी मारेइ मरिम्‍शो मपङ। परमप्रभु यावे, इन कली ठेयब सेल्‍शा, इन चढ़ेतीके आ एर ओंथ हिरशा बाक्‍नुङ। ब्‍यवस्‍था २१:६-७; मत्ती २७:२४
PSA 26:7 मेना इन नें ठेयब सेल्‍ना सेल्‍न कुम्‍सो पा, इन पशो छक लाक्‍चा ङा गेय नेल्‍ल ठेयब सेंदाम शेंनुङ।
PSA 26:8 परमप्रभु यावे, इन बाक्‍तीक खिं नु इन छेङछेङ दाक्‍नुङ। भजन संग्रह २२:४; भजन संग्रह १२२:१-२
PSA 26:9 आं कली मरिम्‍शो पाइब नु हुश ख्राक्‍श पोक्‍ब नु मसाइय्‍यीनी।
PSA 26:10 मेकोपुकीम मरिम्‍शो ला पशा, घूस जाइनीम।
PSA 26:11 गो चहिं, मारेइ दोस तचा ङा गेय मपथु, बाक्‍शो बाक्‍नुङ। आं कली शिशी पचा मप्रोंइयीनी।
PSA 26:12 परमप्रभु यावे, गो दिंममी राप्‍शा, शुश मुर आन ग्रुम्‍तीकेमी इन कली ठेयब सेल्‍नुङ। भजन संग्रह २२:२३
PSA 27:1 दाऊद आ कुम्‍सो। परमप्रभु यावे आं छेङछेङ नु आं कली श्‍येत रे प्रोंइब बाक्‍ब। गो सु नु हिंचा माल्‍नुङा ङा? परमप्रभु यावे आं ब्रोंइतीक सक्ति नु आं ख्रुइक्‍तीक बाक्‍ब। आं कली सुम हिंच कोंइने चाप्‍बा ङा? मीका ७:८; भजन संग्रह ५६:५
PSA 27:2 मरिम्‍शो मुरपुकी आं श्‍ये ब्‍वचा कली आं नेक्‍था जाक्‍मानु, आं कली खेदा पाइब नु आं जोरी सत्रु दाइल पपाइश्‍शा खोल्‍चा पुंइसाक्‍म।
PSA 27:3 मिनु ठेयब लडाइ पाइब हुलम पुम्‍ताक्‍यीमी हना यो, गो महिंनुङ। जिचा पोक्‍तेक्‍म हना यो “परमप्रभुमी आं कली प्रोंइब” दे थमा सुइश्‍शा बाक्‍नुङ। भजन संग्रह ३:७
PSA 27:4 गो परमप्रभु यावे नु लोव़ का पुंइनुङ। मिनु मेको माल्‍ना माल्‍न बाक्‍नुङ। मेको मार बाक्‍ब देंशा हना “गो मबेक्‍ङा सम्‍म परमप्रभु यावे आ बाक्‍तीकेमी बाक्‍शा, परमप्रभु यावे आ रिम्‍शो पतीके तचा नु आ खिंम मेको कली माल्‍शा तुइक्‍चा दाक्‍नुङ। भजन संग्रह २६:८; भजन संग्रह ४२:५; भजन संग्रह ६३:३; भजन संग्रह ८४:४,५,११
PSA 27:5 मारदे हना श्‍येत दुम नाक्‍ती, मेकोमी आं कली आ बाक्‍तीकेमी ख्रुइश्‍शा वोइक्‍ब। मिनु आं कली सेरथे फुल्‍लु तारी वोइक्‍ब। भजन संग्रह ३१:२१
PSA 27:6 मोपा आं एर ओंथ बाक्‍शो जोरी सत्रु आन ङोंइती आं पिया पोक्‍ब। मिनु गो ग्‍येरशा ठेयब सेंदामी परमप्रभु यावे कली चढ़ेशा, कुम्‍सो पाइनुङ।
PSA 27:7 परमप्रभु यावे, गो इन कली ब्रेङङानु, गे आं लोव़ नेंशा, शिशी पा आं पुंइशो गेयीनी।
PSA 27:8 परमप्रभु यावे, इन लोव़मी ‘आं कली मालीन’ दे ब्रेक्‍शो खोदेंशो पा, आं थुंमी इन कली माल्‍नुङ। ब्‍यवस्‍था ४:२९
PSA 27:9 इन कुल आं क्‍येङा मख्रुइक्‍तीन। इन गाइक्‍तीकेमी इन गेय पाइब, आं कली, मतिल्‍यीनी। गे आं कली वारच पाइब बाक्‍नीनी। गो नु बाक्‍शा, मप्रोंइयीनी। गे आं कली श्‍येत रे प्रोंइब बाक्‍नीनी।
PSA 27:10 आं आम आफोमी आं कली प्रोंइतीसी हना यो, परमप्रभु यावेमी आं कली कोव़ब।
PSA 27:11 परमप्रभु यावे, आं कली इन लां शेंदीनी। मिनु आं जोरी सत्रु आन पर्बमी आं कली ठीक लां कोंइदीनी। भजन संग्रह ८६:११; भजन संग्रह १३९:२४
PSA 27:12 आं कली खेदा पाइब आन गुइमी मगेयीनी। मारदे हना मेको जोल पा सांकछी बाक्‍शो बाक्‍नीम। मेकोपुकी हुश ख्राक्‍श पोक्‍ब बाक्‍नीम।
PSA 27:13 गो ब्रोंइशा बाक्‍ब आन बाक्‍तीकेमी, परमप्रभु यावे आ रिम्‍शो पतीके ताइनुङ, दे थमा सुइक्‍नुङ” दे लोव़ पाता। यसैया ३८:११
PSA 27:14 गो इ कली “परमप्रभु यावे आ वारच पतीके रिम्‍दो। बोल्‍यो दुमो। इ थुं बारपतो। मिनु परमप्रभु यावे आ वारच पतीके रिम्‍दो” दे कुम्‍सो पाता।
PSA 28:1 दाऊद आ कुम्‍सो। परमप्रभु यावे, गो इन कली लोव़ पाइनुङ। गे आं सेरथे फुल्‍लु बाक्‍नीनी। आं कली लोव़ मलेत्‍थु, आं क्‍येङा ङोन मलने। मो पाइतीनी हना, गो बेक्‍शो मुर खोदेंशो दुम्‍नुङ।
PSA 28:2 आं पुंइशो लोव़ नेनीन। गो इन योव़शो बाक्‍तीके रे आं गुइ पोक्‍शा “वारच पाइय्‍यीनी” दे आं ब्रेश्‍शो लोव़ नेनीन।
PSA 28:3 आं कली इन अरेशो मटीब नु मरिम्‍शो पाइब मुर नु मक्‍याम्‍दीन। मेको आन नेक्‍था ङा मुर नु गारशो लोव़ पाइनीम। तन्‍न आन थुं मरिम्‍शो पतीकेमी ब्रीशो बाक्‍नीम। २सामुएल २०:९-१०
PSA 28:4 मेको आन पशो नु थाम्‍पा मरिम्‍शो पशो आ पर्बम क्‍येक्‍क लेत्‍तीन। दोदेंशो पा पामे, मोदेंशो पा क्‍येक्‍क लेत्‍तीन।
PSA 28:5 मेकोपुकीमी परमप्रभु यावे आ पशो नु आ गुइमी सेल्‍शो मारेइ ममिम्‍नीम। परमप्रभुमी मेको आन कली गेनायो मबोक्‍चा ङा पा क्‍याम्‍शा, लेंशा मसेल्‍ब। यसैया ५:१२-१३
PSA 28:6 गो परमप्रभु यावे कली ठेयब सेल्‍नुङ। मारदे हना “आं कली वारच पाइय्‍यीनी” दे आं पुंइशो नेंतु।
PSA 28:7 परमप्रभु यावे आं सक्ति नु आं तेक्‍तीके बाक्‍ब। गो मेको कली थमा सुइक्‍ता। मोपा आं कली वारच पाइक्‍ती। मोपतीके गो थाम्‍पा ग्‍येरसीशो बाक्‍नुङ। गो आं कुम्‍सोमी मेको कली ठेयब सेल्‍नुङ।
PSA 28:8 परमप्रभु यावे आ मुर आन सक्ति बाक्‍ब। आ तेल लुक्‍शो पिप कली प्रोंइब बाक्‍ब।
PSA 28:9 इन मुर आन कली प्रोनीन। इन रागी कली आसीक गेने। मिनु मेको आन कली गेना हना यो गोठला खोदेंशो पा योव़शा, गुप्‍शा, कुरशा पने।
PSA 29:1 दाऊद आ कुम्‍सो। गे सक्ति पाइश्‍शो आन तौपुकी, परमप्रभु यावे कली “गे सक्ति नु छेङछेङ पाइश्‍शो बाक्‍नीनी” देनीन। भजन संग्रह १०३:२०-२१
PSA 29:2 गे परमप्रभु यावे कली “इन नें नेल्‍ल आन क्‍येङा ठेयब बाक्‍ब” देनीन। गे परमप्रभु यावे आ दाक्‍तीकेमी ग्‍योम्‍सीशा परमप्रभु यावे आ ङोंइती बाप्‍पीन।
PSA 29:3 परमप्रभु यावे आ सेंदा ब्‍वाक्‍कु तारी बाक्‍ब। छेङछेङ ङा परमप्रभुमी ठेयब ब्‍वाक्‍कु तारी बुंबु पपाइक्‍ब। परमप्रभु यावे ब्‍वाक्‍कु तारी बाक्‍ब।
PSA 29:4 परमप्रभु यावे आ सेंदा सक्ति पाइश्‍शो बाक्‍ब। परमप्रभु यावे आ सेंदा नेल्‍ल मान ततीक बाक्‍ब।
PSA 29:5 परमप्रभु यावे आ सेंदामी लेबानोन ङा लाइश्‍शो रवा आन कली जिक्‍ब। परमप्रभु यावे आ लोव़मी लेबानोन ङा लाइश्‍शो रवा आन कली जिक्‍ब।
PSA 29:6 मेकोमी लेबानोन डांडा कली बाछा नु हेरमोन डांडा कली ब्‍वाकी ङा ब्‍यफ खोदेंशो पा प्रेक्‍पाइक्‍ब। ब्‍यवस्‍था ३:८-९
PSA 29:7 परमप्रभु यावे आ सेंदा चिला खोदेंशो बाक्‍ब।
PSA 29:8 परमप्रभु यावे आ सेंदामी गोरशो रागी हिम्‍पाइक्‍ब। परमप्रभु यावेमी कादेश माइश्‍शो गोरशो रागी हिम्‍पाइक्‍ब।
PSA 29:9 परमप्रभु यावे आ सेंदामी ठेयब रवा कली जिक्‍पाइक्‍ब। ब्‍वाकी ङा रवा नेल्‍ल शोल्‍मो पा खोल्‍ब। मिनु नेल्‍लेमी “परमप्रभु ला ठेयब बाक्‍ब” दे आ बाक्‍तीकेमी लोव़ पाइनीम।
PSA 29:10 परमप्रभु यावे आ ठेयब नित्‍तीके ब्‍वाक्‍कु तारी बाक्‍ब। मेको आ ठेयब नित्‍तीकेम निश्‍शा, गेना हना यो सासन पाइब।
PSA 29:11 परमप्रभु यावेमी आ मुर आन कली सक्ति गेब। परमप्रभु यावेमी आ मुर आन कली आसीक गेशा, थुं नाइक्‍पाइक्‍ब।
PSA 30:1 परमप्रभु यावे आ खिं सेल्‍ने नुम्‍मेनु पतीक, दाऊद आ कुम्‍सो। परमप्रभु यावे, गो इन कली मान पाइनुङ। मारदे हना गे आं कली उइ रे ग्‍येत्‍थ पोक्‍तीनी। मिनु आं जोरी सत्रु आन कली आं पर्बम ग्‍येरचा मगेनी।
PSA 30:2 परमप्रभु यावे, आं परमप्रभु, इन कली “वारच पाइय्‍यीनी” दे ब्रेङङानु, गे आं कली सापाइक्‍तीनी।
PSA 30:3 परमप्रभु यावे, गे आं कली बेक्‍शो मुर आन बाक्‍तीक रे ग्रुंइताक्‍यीनी। बेक्‍शो मुर आन दातेमी आं कली ब्रोंइतीक सोक्‍त गेशा, प्रोंइतीनी। भजन संग्रह ११६:३,४, ७-९
PSA 30:4 परमप्रभु यावे कली टीबपुकी, मेको कली कुम्‍सो पने। मिनु आ नें ठेयब से‍लीन।
PSA 30:5 मारदे हना आ गाइक्‍तीक इच्‍का ला बाक्‍ब। तन्‍न आ शिशी पतीके ब्रोंइशो सम्‍म लीब। मुर नाक्‍दो रे ङाक्‍चा माल्‍ताक्‍व हना यो, सुनी ग्‍येरपाइक्‍चा पुंइसीब। यसैया ५४:७-८
PSA 30:6 गो थुं नाइश्‍शा बाक्‍ङानु “गो गेनायो महिम्‍सीनुङ” देंती।
PSA 30:7 परमप्रभु यावे गेमी शिशी पा आं डांडा बोल्‍यो सेल्‍तीनी। मिनु नोले इन कुल ख्रुइक्‍तीनीनु, गो हिंती।
PSA 30:8 परमप्रभु यावे, गो इन कली पुंइता। गो इन कली ब्रेत्‍ती।
PSA 30:9 गो बेक्‍ङानु, इन कली मार रिम्‍शो दुम्‍बा ङा? फुरकुमी इन कली ठेयब सेल्‍बा ङा? मार, इन दाक्‍शा गेनायो मप्रोंइतीक आ पर्बम शेंबा ङा? भजन संग्रह ६:६
PSA 30:10 परमप्रभु यावे, आं लोव़ नेनीन। आं कली शिशी पाइय्‍यीनी। आं कली वारच पाइब दुमीन।
PSA 30:11 गो रोंका पाइब मुर, सिल पाइब दुम्‍ती। आं रोंका पतीक अरन्‍डी प्रुइश्‍शा, ग्‍येरतीक किप्‍शुर खोदेंशो पा किप्‍ताक्‍यीनी।
PSA 30:12 गो सिक्‍सी पा मबाक्‍थु, इन पर्बम कुम्‍सो पाइनुङ। परमप्रभु यावे, गेना हना यो बाक्‍ब आं परमप्रभु, गो इन कली ठेयब सेल्‍नुङ।
PSA 31:1 कुम्‍सो पपाइक्‍ब कली दाऊद आ कुम्‍सो। परमप्रभु यावे गो इन कली जिम्‍मा गेसीनुङ। गो गेनायो मुने मदोक्‍ङल। इन ठीक पतीकेमी आं कली प्रोंइयीनी।
PSA 31:2 इन नोफा दाइक्‍तीने, आं कली रीब पा प्रोंइयीनी। गे आं ख्रुइक्‍तीक सेरथे फुल्‍लु नु आं कली प्रोंइब बोल्‍यो दरवार दुमीन। भजन संग्रह ७१:३
PSA 31:3 इन नें आ पर्बम आं कली शेंशा, लां कोंइदीनी। मारदे हना गे आं सेरथे फुल्‍लु नु आं बोल्‍यो दरवार बाक्‍नीनी।
PSA 31:4 मेकोपुकीमी आं कली मतचा ङा पा ब्‍वारद दाइक्‍ताक्‍म। आं कली प्रोंइयीनी। मारदे हना गे आं सक्ति बाक्‍नीनी।
PSA 31:5 आं सोक्‍त इन गुइमी जिम्‍मा गेनुङ। परमप्रभु यावे, गे आं कली श्‍येत रे प्रोंइतीनी। गे इन मुर आन कली दाक्‍शा मप्रोंइब परमप्रभु बाक्‍नीनी। लूका २३:४६
PSA 31:6 गो शोर गाक्‍शो मूर्ति आन कली सेउ पाइब आन कली ग्रांग्रा दित्‍नुङमी। गो परमप्रभु यावे इन कली जिम्‍मा गेसाक्‍यी।
PSA 31:7 इन गेना हना यो दाक्‍तीक तशा, ग्‍येरना ग्‍येरन बाक्‍ती। मारदे हना गे आं श्‍येत तशा, आं थुं लुक्‍च लशो तुइश्‍शो बाक्‍नीनी।
PSA 31:8 गे आं कली आं जोरी सत्रु आन गुइमी मगेनी। गे आं कली रिम्‍शो ठेयब बाक्‍तीकेमी बाक्‍पाइक्‍तीनी।
PSA 31:9 परमप्रभु यावे, आं कली शिशी पाइय्‍यीनी। मारदे हना गो श्‍येत जशो बाक्‍नुङ। आं थुं लुक्‍च दुम्‍तीके आं मिक्‍च ओव़शो नु आं रां सोव़शो बाक्‍ब।
PSA 31:10 आं थुं ग्‍येत्‍थ लुक्‍च लतीके, गो बेक्‍चा चिक्‍शो बाक्‍ती। हुक‍यी पतीकेमी आ ब्रोंइतीक नाक्‍ती योल्‍तेक्‍म। आं ठीक मपशोमी आं बोल नेल्‍ल ग्‍युम्‍शो बाक्‍ब। मिनु आं रुश नेल्‍ल मुक्‍शो बाक्‍नीम।
PSA 31:11 आं जोरी सत्रु आन क्‍येङा आं नेक्‍था ङा मुरपुकीमी शुश शुक्‍शी पाइक्‍चा पुंइसीब दुम्‍ती। आं तुइश्‍शो मुर आं कली तशा हिंनीम। आं कली लांम ग्रुम्‍ब मुरपुकी आं कली तशा हिंशा प्रोक्‍नीम।
PSA 31:12 बेक्‍शो मुर खोदेंशो पा सुइमी आं कली ममिम्‍नीम। गो ब्रोल्‍शो गर खोदेंशो दुम्‍ती।
PSA 31:13 गो ते लती हना यो हिंतीके ला बाक्‍ब। मारदे हना शुशेमी आं पर्बम जोल पा लोव़ पशो नेंता। मेकोपुकी बुक्‍शा, आं कली साइक्‍चा कली सल्‍ला पाम्‍तेक्‍म। येरमीया २०:३
PSA 31:14 तन्‍न परमप्रभु यावे, इन कली जिम्‍मा गेंसीशो बाक्‍नुङ। गो “गे आं परमप्रभु बाक्‍नीनी” देंती।
PSA 31:15 आं ब्रोंइतीक नाक्‍ती इन गुइमीन बाक्‍ब। आं जोरी सत्रु नु आं कली खेदा पाइबपुकी रे प्रोंइयीनी। भजन संग्रह १३९:१६; उपदेसक ३:१-८
PSA 31:16 इन छेङछेङ ङा कुल इन वाइल तारी वोतीन। इन शिशी पतीकेमी आं कली प्रोंइयीनी। भजन संग्रह ८०:४; गन्‍ती ६:२५
PSA 31:17 परमप्रभु यावे, गो मुने मदोक्‍ङल। मारदे हना गो इन कली “वारच पने” दे पुंइता। इन अरेशो मटीबपुकी मुने दोक्‍मल। मेकोपुकी बेक्‍शो मुर आन बाक्‍तीकेम सिक्‍सी पा बाक्‍मल।
PSA 31:18 ठेयब लेश्‍शो मुरपुकीम ठीक पाइब आन कली आइक्‍च सेल्‍शा, मरिम्‍शो पाइनीम। जोल पा लोव़ पाइनीम। मेको आन शोव़ ख्रेप्‍तीन।
PSA 31:19 गे इन कली मान पा हिंब आन कली गेना हना यो शुश दाक्‍नीनी। इन कली जिम्‍मा गेंसीब आन कली दाक्‍तीके मुर आन ङोंइती कोंइनीनी।
PSA 31:20 इन मुर आन कली मरिम्‍शो मुर आन क्‍येङा प्रोंइचा, दे इन बाक्‍तीकेमी ख्रुइक्‍नीनी। गे इन मुर आन कली मरिम्‍शो लोव़ पाइब आन क्‍येङा ख्रुइक्‍नीनी। भजन संग्रह २७:५
PSA 31:21 परमप्रभु यावे ठेयब बाक्‍ब। आं कली बोल्‍यो सहरम पुम्‍शो खोदेंशो पा आ छक लाक्‍चा ङा दाक्‍तीके कोंइताक्‍यी।
PSA 31:22 ङोंइती गो हिंशा “गे आं कली मताइनीनी” देंती हना यो “वारच पाइय्‍यीनी” दे आं पुंइशो लोव़ नेंतीनी।
PSA 31:23 परमप्रभु यावे आ मुर नेल्‍लेमी परमप्रभु कली दाक्‍तीन। परमप्रभु यावेमी आ कली थमा सुइक्‍ब आन कली कोव़ब। ठेयब लेश्‍शो आन कली आन क्‍येक्‍क लेप्‍ब।
PSA 31:24 परमप्रभु यावे आ लां कोव़शा रिम्‍बपुकी, सक्ति पाइश्‍शा, ठेयब थुं पाइश्‍शो दुमीन।
PSA 32:1 शेंतीक लोव़ ङा दाऊद आ कुम्‍सो। सु सु आन हेंथे पशो क्‍याम्‍चा पुंइसीशो बाक्‍मा, मेको ग्‍येरसीशो मुर बाक्‍नीम। मारदे हना आन पाप सुम्‍शो बाक्‍ब। रोमी ४:६-८
PSA 32:2 परमप्रभु यावेमी सु सु आन मरिम्‍शो पशो ममिम्‍बा, मेको ग्‍येरसीशो बाक्‍नीम। मेको आन थुंमी जोल पतीक काइ मबाक्‍ब।
PSA 32:3 गो आं मरिम्‍शो पशो आ पर्बम सिक्‍सी पा बाक्‍शा, नाक्‍त रे आं श्‍येत जशोमी हुक‍यी पाता। मिनु आं रुश नेल्‍ल मुक्‍ताक्‍मे।
PSA 32:4 मारदे हना नाक्‍दो नाक्‍ती इन गुइमी चिप्‍ताक्‍यीनी। गो नाप्‍शो नांम किक्‍शो खोदेंशो दुम्‍ती। ठेयब सेंदा पा।भजन संग्रह ३८:१९; हितोपदेस २८:१३; याकूब ५:१६; यसैया ३८:१७
PSA 32:5 मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। ठेयब सेंदा पा।
PSA 32:6 मोपतीके इन कली टीब मुर नेल्‍लेम श्‍येत जशा, इन कली लोव़ पाइनीम। मिनु ब्‍वाक्‍कु बारशा जाक्‍त हना यो, मेको आन बाक्‍तीके मजाक्‍दीप्‍ब।
PSA 32:7 गे आं ख्रुइश्‍शा बाक्‍तीके बाक्‍नीनी। गे आं कली श्‍येत रे प्रोंइनीनी। गे आं कली श्‍येत रे प्रोंइतीक कुम्‍सो पपाइक्‍नीनी। ठेयब सेंदा पा।
PSA 32:8 मिनु परमप्रभुमी “गे तेको लांम गाक्‍चा माल्‍नीनी, मेको इन कली शेंनन्‍नी। गो इन कली कोव़शा, लां कोंइनन्‍नी।
PSA 32:9 गे मिम्‍तीके मपाइश्‍शो शारा नु खच्‍चर खोदेंशो मदुमीन। मेको आन कली बिप्‍पाइक्‍चा कली लगम नु चलेतीके माल्‍ब। मो मदुम्‍त हना, मेकोपुकी इन नेक्‍था मजाक्‍नीम” देंत।
PSA 32:10 इन अरेशो मटीबपुकी शुश श्‍येत जाइनीम। तन्‍न परमप्रभु यावे कली थमा सुइक्‍बपुकी आ गेना हना यो दाक्‍तीक ताइनीम।
PSA 32:11 गे ठीक पाइबपुकी, परमप्रभु यावे कली मिम्‍शा ग्‍येरसीने। रिम्‍शो थुं पाइश्‍शोपुकी ग्‍येरशा, कुम्‍सो पने।
PSA 33:1 ठीक पाइबपुकी परमप्रभु यावे कली मिम्‍शा ग्‍येरसीने। रिम्‍शो थुं पाइश्‍शोपुकीमी परमप्रभु यावे कली ठेयब सेल्‍तीक कुम्‍सो पचा शिरनीम।
PSA 33:2 बीना ताप्‍शा, परमप्रभु यावे कली ठेयब सेलीन। १० ओटा तार पाइश्‍शो ठेयब ताप्‍तीक ताप्‍शा, मेको कली कुम्‍सो पने।
PSA 33:3 मेको कली नक कुम्‍सो का पने। रिम्‍शो पा ताप्‍शा, ग्‍येरसीने। भजन संग्रह ४०:४; भजन संग्रह ९६:१; भजन संग्रह ९८:३; भजन संग्रह १४४:९; भजन संग्रह १४९:१; यसैया ४२:१०; प्रकाश ५:९
PSA 33:4 मारदे हना परमप्रभु यावे आ लोव़ थमा बाक्‍ब। मिनु मेको आ गेय नेल्‍ल आ दाक्‍शा मप्रोंइतीकेमी पाइब।
PSA 33:5 मेकोमी ठीक पतीके नु ठीक निसाफ दाक्‍ब। रागी नेल्‍ल परमप्रभु यावे आ गेना हना यो दाक्‍तीकेमी ब्रीशो बाक्‍ब।
PSA 33:6 परमप्रभु यावेमी लोव़ पशा, सरीङ सेल्‍तु। आ मुइश्‍शोमी सोरुल नेल्‍ल दुम्‍तेक्‍म। उत्‍पत्ती १:६,१४
PSA 33:7 मेकोमी समुन्‍द्र ङा ब्‍वाक्‍कु कली गारो खोदेंशो पा राप्‍पाइश्‍शो बाक्‍त। मिनु मेको कली वोइक्‍तीकेमी वोइश्‍शो बाक्‍त। भजन संग्रह १०४:९
PSA 33:8 रागी नु मेकेर बाक्‍ब मुर नेल्‍ले परमप्रभु यावे कली मान पा हिंमल।
PSA 33:9 मारदे हना परमप्रभुमी लोव़ पा मारेइ मारेइ दुम्‍शो बाक्‍त। मेकोमी अरेवानु, दुम्‍शो बाक्‍तेक्‍म। भजन संग्रह १४८:५
PSA 33:10 परमप्रभु यावेमी रागी रागी ङा मुर आन मिम्‍शा पशो खतम सेल्‍ब। मेकोमी जात जात ङा मुर आन मिम्‍शो गेय शोर गाक्‍शो सेल्‍ब।
PSA 33:11 परमप्रभु यावे आ मिम्‍शो गेना हना यो लीब। आ थुंम मिम्‍शो नेल्‍ल पाला सम्‍म लीब।
PSA 33:12 तेको रागीम परमप्रभु, आं परमप्रभु यावे बाक्‍बा, मेको ग्‍येरसीशो रागी बाक्‍ब। मारदे हना मेको योव़सीशो रागी बाक्‍ब। ब्‍यवस्‍था ३३:२९
PSA 33:13 परमप्रभु यावेमी स्‍वर्ग रे कोव़शा, मुर नेल्‍ल आन कली ताइब।
PSA 33:14 मेकोमी आ बाक्‍तीक रे रागीम बाक्‍ब मुर नेल्‍ल आन कली कोव़ब।
PSA 33:15 मेकोमी मुर नेल्‍ल आन थुं ङा मिम्‍तीके सेल्‍ब। मुर नेल्‍ल आन पशो यो कोव़ब। हितोपदेस २१:१
PSA 33:16 मिनु सुइ पिप लडाइ पाइब आन पतीकेमी ब्रोंइने मचाप्‍नीम। लडाइ पाइब मुर आन ठेयब बोलम ब्रोंइने मचाप्‍नीम। १सामुएल १७:-
PSA 33:17 मिनु “लडाइम शुश शारा बाक्‍तीके ब्रोंइनीकी” देंचा जोल बाक्‍ब। मेको आन ठेयब सक्तिम यो प्रोंइने मचाप्‍ब। भजन संग्रह २०:८
PSA 33:18 परमप्रभु यावेमी आ कली मान पा हिंब नु आ गेना हना यो दाक्‍तीक कली रिम्‍ब आन कली कोव़ब।
PSA 33:19 मिनु मेको आन कली बेक्‍चा रे प्रोंइब। मिनु अन्‍काल दुम्‍मेनु, ब्रोंइपाइक्‍ब।
PSA 33:20 गोपुकी परमप्रभु यावे आ लां कोव़शो बाक्‍नीक। मेको आंइ कली वारच पाइब नु तेक्‍तीके बाक्‍ब।
PSA 33:21 मिनु परमप्रभु आ पर्बम आंइ थुं ग्‍येरब। मारदे हना गोपुकी मेको आ नेंमी जिम्‍मा गेसाक्‍क।
PSA 33:22 परमप्रभु यावे, गो दोपा इन लां कोव़का, मोपा इन गेना हना यो दाक्‍तीके गोपुकी नु बाक्‍ल।
PSA 34:1 दाऊद आ कुम्‍सो। दाऊदमी पिप अबीमेलेक क्‍येङा हिंशा, निप्‍स ग्‍यशो दुम्‍ची ना पशो कुम्‍सो। अबीमेलेकमी दाऊद कली खेरानु, दाऊद लशो। १सामुएल २१:१४-१६ गो परमप्रभु यावे कली गेना हना यो ठेयब सेल्‍नुङ। मेको कली ठेयब सेल्‍तीक लोव़ गेना हना यो आं शोव़म बाक्‍ब।
PSA 34:2 परमप्रभु यावे कली मिम्‍तीके आं थुं बारशा, ग्‍येरब। ब्रेम्‍शो थुं पाइश्‍शोपुकी यो एको नेंशा, ग्‍येरसीनीम।
PSA 34:3 गे गो नु परमप्रभु यावे कली ठेयब सेलीन। मिनु गो नेल्‍ल गारशा, आ नें ठेयब सेल्‍य।
PSA 34:4 मिनु गो परमप्रभु यावे कली माल्‍ता। मेकोमी आं लोव़ लेत्‍ताक्‍यी। मेकोमी आं कली हिंतीक नु श्‍येत रे प्रोंइती।
PSA 34:5 मेको आ लां कोव़बपुकी ग्‍येरशो दुम्‍नीम। मेकोपुकी मुने मदोक्‍मल।
PSA 34:6 एको श्‍येत जाइबम पुंइतु। मिनु परमप्रभु यावेमी आ लोव़ नेंशा, आ श्‍येत रे प्रोंइतु।
PSA 34:7 परमप्रभु यावे आ स्‍वर्ग ङा गेय पाइबम परमप्रभु कली मान पा हिंब नेल्‍ल आन एर ओंथ बाक्‍शा, खाल पाइब। मिनु मेको आन कली आन श्‍येत रे प्रोंइब। भजन संग्रह ९१:११; उत्‍पत्ती ३२:२-३; २राजा ६:१७
PSA 34:8 परमप्रभु यावे कली कोव़ङीन, मेको रिम्‍शो बाक्‍ब। मेको कली जिम्‍मा गेंसीबपुकी ग्‍येरसीशो बाक्‍नीम। १ पत्रुस २:३
PSA 34:9 परमप्रभु यावे आ मुरपुकी मेको कली मान पा हिनीन। मारदे हना मेको कली मान पा हिंबपुकी मारेइ मारेइम गाप्‍शो बाक्‍नीम।
PSA 34:10 शुश क्‍येट थीब आन तमी तौ जचा ब्‍वचा मतथु, शोव़लु बेक्‍नीम। तन्‍न परमप्रभु यावे कली माल्‍ब मारेइ मारेइम गाप्‍शो बाक्‍नीम। लूका १:५३
PSA 34:11 आलपुकी, एक जाक्‍कीन। मिनु आं लोव़ नेनीन। गो इन कली परमप्रभु यावे कली मान पा हिंतीके आ पर्बम शेंनन्‍नी।
PSA 34:12 सु सुमी शुश नाक्‍ती ब्रोंइचा नु रिम्‍शो तचा दाक्‍नीमी,
PSA 34:13 मेको मरिम्‍शो लोव़ नु जोल पतीके रे ङोन बाक्‍चा माल्‍नीम।
PSA 34:14 मरिम्‍शो पतीके रे लेश्‍शा, रिम्‍शो पने। थुं नाइश्‍शा बाक्‍तीके माल्‍शा बाक्‍कीन।
PSA 34:15 परमप्रभु यावेमी ठीक पाइब आन गे कोव़शा, मेको आन पुंइशो नेंब।
PSA 34:16 परमप्रभु यावेमी मरिम्‍शो पाइब आन कली कोव़ना कोव़न बाक्‍ब। मिनु मेको आन कली मिम्‍तीके का यो मवोइक्‍थु रागी रे क्‍याम्‍ब। हितोपदेस १०:७
PSA 34:17 ठीक पाइबपुकीमी पुंइनीम। मिनु परमप्रभु यावेमी मेको आन पुंइशो नेंशा, आन श्‍येत नेल्‍ल रे प्रोंइब।
PSA 34:18 परमप्रभु यावे थुं लुक्‍च लशो आन नेक्‍था बाक्‍ब। आन थुं बेक्‍शो आन कली प्रोंइब। भजन संग्रह ५१:१९
PSA 34:19 ठीक पाइबपुकी शुश श्‍येत जाइनीम। तन्‍न परमप्रभु यावेमी मेको आन कली श्‍येत नेल्‍ल रे प्रोंइब। २कोरिन्‍थी १:५
PSA 34:20 मिनु मेकोमी आन रुश नेल्‍ल कोव़ब। मुरुम का यो मजिक्‍नीम। यूहन्‍ना १९:३६; प्रस्‍थान १२:४६
PSA 34:21 मिनु परमप्रभु आ अरेशो मटीब आन मरिम्‍शो पतीकेमी साइक्‍चा पुंइसीनीम। ठीक पाइब आन कली मदाक्‍बपुकी दोस तशा सजाइ ताइनीम।
PSA 34:22 परमप्रभु यावेमी आ गेय पाइब आन कली श्‍येत रे प्रोंइब। मेको कली जिम्‍मा गेंसीबपुकी दोस मतथु, काइ सजाइ मताइनीम।
PSA 35:1 दाऊद आ कुम्‍सो। परमप्रभु यावे, आं कली जिचा तोइब आन कली जिचा तोने। आं कली लडाइ तोइब आन कली लडाइ तोने।
PSA 35:2 ठेयब तेक्‍तीक नु या शेशा, आं कली वारच पथ बोक्‍कीन।
PSA 35:3 इन तूतीक नु तरवार शेशा, आं कली खेदा पाइब आन लां तेक्‍कीन। मिनु आं थुं कली “गो इ कली प्रोंइब नङ” देनीन।
PSA 35:4 आं कली साइक्‍चा माल्‍बपुकी खतम दुम्‍शा, मुने दोक्‍मल। आं कली मरिम्‍शो पाइक्‍चा, दे मिम्‍बपुकी नोले लेश्‍शा, मुने दोक्‍मल।
PSA 35:5 मेकोपुकी फशेम योल्‍शो भूस खोदेंशो दुम्‍मल। मिनु परमप्रभु यावे आ स्‍वर्ग ङा गेय पाइबमी मेको आन कली खेदा पस ङा पस पवल।
PSA 35:6 मेको आन लां छिङछिङ नु ग्रेक्‍शा थित्‍तीके दुम्‍ल। मोपा यो परमप्रभु यावे आ स्‍वर्ग ङा गेय पाइबमी खेदा पवल।
PSA 35:7 मारदे हना मेकोपुकीमी मोशान आं कली ब्‍वारद दाइक्‍ताक्‍यीमी। मिनु मोशान आं कली साइक्‍चा कली बिक्‍तीक दोम्‍तेक्‍म।
PSA 35:8 मेको आन मतुइक्‍थु, हिंचा ङा ठेयब श्‍येत दुम्‍ल। मिनु मेको आन ख्रुइश्‍शा दाइश्‍शो ब्‍वारदम आंमान रेम्‍मल। मेको आन दोशो बिक्‍तीकेमी आंमान बिक्‍शा, बेक्‍मल।
PSA 35:9 गो चहिं परमप्रभु यावेमी आं कली प्रोंइशो तशा ग्‍येरसीनुङ।
PSA 35:10 मिनु गो आं रां नेल्‍लेमी “परमप्रभु यावे, इन खोदेंशो सु बाक्‍बा?” देंनुङ। गे मचाप्‍ब नु श्‍येत जाइब आन कली बोल्‍यो मुर आ गुइ रे प्रोंइनीनी।
PSA 35:11 जोल पाइब सांकछीपुकी ग्रूनीम। मिनु आं मतुइश्‍शो लोव़ हिल्‍लो पाइनीम।
PSA 35:12 गो मेको आन कली रिम्‍शो पाता। मेकोपुकीम चहिं मरिम्‍शो पाइक्‍तीमी। गो का ला दुम्‍ती, सुइम आं कली वारच मपाइय्‍यीमी।
PSA 35:13 मेकोपुकी रोइ पामेनु, गो अरन्‍डी फेक्‍शा, माइजा बाक्‍शा, सुर्ता पाता। गो बाप्‍शा मेको आन पर्बम परमप्रभु कली पुंइता। अय्‍युब ३१:२९
PSA 35:14 आं वारच नु आं लोक्‍ब आन पर्बम खोदेंशो पा, मेको आन पर्बम रोंका पाता। आं ममा आ पर्बम खोदेंशो पा आं पिया खुक्‍शा, रोंका पाता। रोमी १२:१५
PSA 35:15 तन्‍न गो दाइल पांइसीङानु, मेकोपुकी रिश्‍शा, आं पर्बम शुक्‍शी पचा कली बुक्‍तेक्‍म। आं मतुइश्‍शो शुक्‍शी पाइबपुकी आं कली मरिम्‍शो पचा कली बुक्‍तेक्‍म। मिनु मेकोपुकीम आं कली शुक्‍शी पस ङा पस पतीमी।
PSA 35:16 मेकोपुकी नेल्‍ल क्‍येङा मरिम्‍शो दुम्‍शा, शुक्‍शी पा, आन ख्रुइ शेप्‍नीम।
PSA 35:17 परमप्रभु, गे गेना सम्‍म मेको आन कली कोव़शा बाक्‍नीनी? परमप्रभु मरिम्‍शो पाइबपुकी रे आं कली प्रोंइयीनी। आं कली नेल्‍ल क्‍येङा बोल्‍यो मुर रे प्रोंइयीनी?
PSA 35:18 मिनु गो शुश मुर आन ङोंइती इन कली “गे ठेयब बाक्‍नीनी” देंनुङ। ठेयब हुल आन दातेमी इन कली कुम्‍सो पा ठेयब सेल्‍नुङ।
PSA 35:19 मेकोपुकी मोशान आं जोरी सत्रु दुम्‍शा, आं पर्बम ग्‍येरचा मतामेक्‍ल। मोशान खेदा पाइबपुकी आं पर्बम आन मिक्‍च रिक्‍चा मतामेक्‍ल। भजन संग्रह २५:१९; भजन संग्रह ६९:५
PSA 35:20 मारदे हना मेकोपुकी थुं नाइश्‍शा बाक्‍तीक आ पर्बम लोव़ मपाइनीम। रागीम थुं नाइश्‍शा बाक्‍ब आन कली जोल पा दोस गेचा कली मिम्‍नीम।
PSA 35:21 मेकोपुकीमी ठेयब शोव़ सेल्‍शा, आं पर्बम “आहा आहा, आंइ मिक्‍चीम तचा ताइतक” देंनीम।
PSA 35:22 परमप्रभु यावे, गे एको ताइतीनी। मिनु सिक्‍सी पा मबाक्‍कीन। परमप्रभु यावे आं क्‍येङा ङोन मदुमीन।
PSA 35:23 बोक्‍कीने। मिनु आं कली वारच पाइय्‍यीनी। परमप्रभु, आं परमप्रभु यावे, आं पोन बोक्‍कीन।
PSA 35:24 परमप्रभु यावे, आं परमप्रभु, इन ठीक पतीकेम आं कली निसाफ पने। आं पर्बम मेकोपुकी ग्‍येरचा मतामेक्‍ल।
PSA 35:25 मेकोपुकीमी आन थुंमी “आहा, आंइ मिम्‍शो दुम्‍त” देंचा मतामेक्‍ल। मेकोपुकीमी “गो मेको कली खतम पोक्‍तक” देंचा मतामेक्‍ल।
PSA 35:26 गो श्‍येत जङानु, आं पर्बम रिप्‍ब नेल्‍ले मुने दोक्‍मल। मिनु मेको “क्‍येङा ठेयब नकी” देंबपुकी मुने दोक्‍शा आइक्‍च सेल्‍चा पुंइसीमल।
PSA 35:27 आं कली दाक्‍बपुकी आं ठीक पशो तशा, ग्‍येरसीशा कुम्‍सो पामेक्‍ल। मिनु मेकोपुकीमी गेना हना यो “परमप्रभु यावे आ नें ठेयब बाक्‍ल। मेकोमी आ गेय पाइब कली रिम्‍शो दुम्‍शो तचा दाक्‍ब” देंमल।
PSA 35:28 मिनु गो नाक्‍त रे इन ठीक पतीके नु इन ठेयब दुम्‍तीके आ पर्बम लोव़ पाइनुङ।
PSA 36:1 कुम्‍सो पपाइक्‍ब कली परमप्रभु यावे आ गेय पाइब दाऊद आ कुम्‍सो। परमप्रभु आ अरेशो मटीब आन थुंमी हेंथे पतीक लोव़ बाक्‍ब। मार लोव़ बाक्‍ब देंशा हना “मेकोपुकीम परमप्रभु कली मान पा महिंनीम” देंशो लोव़ बाक्‍ब। रोमी ३:१८
PSA 36:2 मेकोपुकी ठेयब लेश्‍शा “आंइ मरिम्‍शो पशो गेनायो मतुंइसीब, गो दोस मताइनय” दे मिम्‍नीम। रोमी ३:१८
PSA 36:3 मेको आन लोव़ मरिम्‍शो नु जोल ला बाक्‍ब। मेकोपुकीमी रुप्‍ब थुंम मिम्‍शा, रिम्‍शो पचा प्रोंइने थुम्‍शो बाक्‍नीम।
PSA 36:4 मेको आन ब्राख्‍येम बाक्‍मानु, आन मरिम्‍शो पतीक ला मिम्‍ना मिम्‍न बाक्‍नीम। मेको मरिम्‍शो लां खोइक्‍नीम। मेकोमी आन थुंमी “मरिम्‍शो पशो ग्रांग्रा दिशा मपाइनीकी” दे मदेंनीम। मीका २:१
PSA 36:5 परमप्रभु यावे, इन गेना हना यो दाक्‍तीके सरीङ सम्‍म जाक्‍दीश्‍शो बाक्‍ब। इन दाक्‍शा मप्रोंइतीके गोस्‍स क्‍येङा इर बाक्‍ब।
PSA 36:6 इन ठीक पतीके ठेयब डांडापुकी खोदेंशो नु इन निसाफ पशो शुश लुक्‍च लशो समुन्‍द्र खोदेंशो बाक्‍ब। गे मुरपुकी, बी ब्‍यफ, क्‍यारश भेडा नु जन्‍तु आन कली कोव़शा, श्‍येत रे प्रोंइनीनी।
PSA 36:7 परमप्रभु, इन गेना हना यो दाक्‍तीक थम रिम्‍शो बाक्‍ब। मिनु मुरपुकी इन फ्रां आगाम फाम्‍सीनीम।
PSA 36:8 मेकोपुकी इन खिं ङा जचा तूचामी रूनीम। गे मेको आन कली इन ग्‍येरतीकेमी ग्‍येरपाइक्‍नीनी।
PSA 36:9 मारदे हना गे नु ब्रोंइतीके बाक्‍ब। मिनु गो इन छेङछेङमी हाम्‍सो ताइनीकी। येरमीया २:१३; यूहन्‍ना ४:१४
PSA 36:10 इन गेना हना यो दाक्‍तीके इन कली तुइक्‍ब आन तार मोतीन। इन ठीक पतीके रिम्‍शो थुं पाइश्‍शो आन तार मोतीन।
PSA 36:11 मिनु ठेयब लेश्‍शो मुर आन खोइलीम आं कली मदिम्‍दीमील। इन अरेशो मटीबपुकीमी आं कली मखेरयीमील।
PSA 36:12 मरिम्‍शो पाइबपुकी गोल्‍शा, खतम दुम्‍शो बाक्‍नीम। मेकोपुकी बोक्‍ने मचाप्‍चा ङा पा गोल्‍शो बाक्‍नीम।
PSA 37:1 दाऊद आ कुम्‍सो। परमप्रभु आ अरेशो मटीब आन कली तशा, गाइश्‍शा, चुरशा मपने। दूली पाइब आन कली तशा, गेहे मपने। हितोपदेस २४:१९
PSA 37:2 मारदे हना मेकोपुकी घांस खोदेंशो पा रीब पा सोव़नीम। गिग खाइ खोदेंशो पा सोल सुल बेक्‍नीम।
PSA 37:3 परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।
PSA 37:4 परमप्रभु यावे कली तुइश्‍शा, ग्‍येरसीने। मेकोमी इन थुंम पुंइशो गेब। भजन संग्रह २०:५
PSA 37:5 गे परमप्रभु यावे कली जिम्‍मा गेसीने। मिनु मेकोमी इन पर्बम गेय पाइब।
PSA 37:6 मेकोमी इन ठीक दुम्‍तीके छेङछेङ खोदेंशो पा ग्रूपाइक्‍ब। इन ठीक पतीके नाक्‍ती खोदेंशो दुम्‍पाइक्‍ब। मीका ७:९
PSA 37:7 परमप्रभु यावे आ ङोंइती सिक्‍सी पा बाक्‍शा, मेकोमी पाइब, दे रिम्‍दीन। आन द‍ला दाक्‍स पाइब नु मरिम्‍शो मिम्‍शा पाइब आन पर्बम मचुरीने।
PSA 37:8 गाइक्‍चा नु चुरचा प्रोनीन। मगाइक्‍तीन। मारदे हना मो पतीकेमी इन कली मरिम्‍शो पपाइक्‍ब।
PSA 37:9 परमप्रभु आ अरेशो मटीब क्‍याम्‍चा पुंइसीनीम। तन्‍न परमप्रभु यावे आ लां कोव़बपुकी रागीम बाक्‍चा ताइनीम।
PSA 37:10 इच्‍का नाक्‍त नोले परमप्रभु आ अरेशो मटीब मलीनीम। गेपुकीमी मेको आन कली माल्‍तीनी हना यो, मथित्‍नीनी। मेको आन बाक्‍तीके श्‍येत्‍थ बाक्‍ब।
PSA 37:11 ब्रेम्‍शोपुकी रागीम बाक्‍चा ताइनीम। मारेइ मारेइ तशा ग्‍येरशा, ठेयब थुं पा बाक्‍चा ताइनीम। मत्ती ५:५
PSA 37:12 मिनु परमप्रभु आ अरेशो मटीबपुकीमी ठीक पाइब मुर आन पर्बम “दोपा श्‍येत गेचा नमी” दे मिम्‍शा, आन ख्रुइ शेप्‍शो बाक्‍नीम।
PSA 37:13 तन्‍न परमप्रभु मेको आन कली तशा, रिप्‍ब। मारदे हना मेको आन नाक्‍त नुप्‍शो तुइश्‍शो बाक्‍ब। अय्‍युब १८:२०
PSA 37:14 परमप्रभु आ अरेशो मटीबपुकीमी प्रुङग नु श्‍येत जाइब आन कली साइक्‍चा कली तरवार शोइक्‍नीम। आन लिब्रा कीनीम। रिम्‍शो थुं पाइश्‍शो मुर आन कली साइक्‍चा माल्‍नीम।
PSA 37:15 तन्‍न मेको आन तरवारमी आंमा आन लुङगीर तूचा पुंइसीनीम। आन लिब्रा जिक्‍नीम।
PSA 37:16 परमप्रभु आ अरेशो मटीब आन शुश शोंप क्‍येङा ठीक पाइब आन इच्‍का खोइ शोंप रिम्‍शो बाक्‍ब। हितोपदेस १५:१६
PSA 37:17 मारदे हना परमप्रभु यावे आ अरेशो मटीब आन गुइ जिक्‍चा पुंइसीनीम। परमप्रभु यावेमी ठीक पाइब आन कली रिम्‍शो पा बाक्‍चा गेब।
PSA 37:18 परमप्रभु यावेमी दोस मताइब आन नाक्‍ती तुइक्‍ब। मिनु मेको आन शोंप गेना हना यो लीब। उपदेसक ८:१२
PSA 37:19 ठेयब श्‍येत दुम नाक्‍ती मेकोपुकी मुने मदोक्‍नीम। मिनु अन्‍काल दुम नाक्‍ती मेकोपुकी जशा रूचा ताइनीम। हितोपदेस १०:३
PSA 37:20 परमप्रभु आ अरेशो मटीबपुकी खतम दुम्‍नीम। मिनु परमप्रभु यावे आ जोरी सत्रु दिंम ङा रिम्‍शो घांस खोदेंशो बाक्‍नीम। मिनु मेकोपुकी सोल सुल बेक्‍शा, कुन खोदेंशो पा जाम्‍शा लाइनीम।
PSA 37:21 परमप्रभु आ अरेशो मटीबपुकीमी जेर जशा, मथाप्‍नीम। मिनु ठीक पाइबपुकीमी हाइश्‍शो दुम्‍शा गेनीम।
PSA 37:22 परमप्रभु रे आसीक ताइबपुकीमी रागी ताइनीम। परमप्रभु रे सराप ताइबपुकी जाम्‍शा लाइनीम।
PSA 37:23 परमप्रभु यावेमी आ मुर आन थेक्‍तीक बोल्‍यो सेल्‍ब। मेको आन कली तशा ग्‍येरब।
PSA 37:24 मेको दाइल पांइसाक्‍म हना यो, मगोल्‍नीम। मारदे हना परमप्रभु यावेमी मेको आन गुइ ग्‍याइश्‍शा, तिक्‍ब। हितोपदेस २४:१६
PSA 37:25 गो ठिटा बाक्‍ती, मुल खाल्‍पा दुम्‍ती। तन्‍न ठीक पाइबपुकी नु आन तमी तौ नु चच युइमी मुल सम्‍म पुंइशा जशो गेनायो मतङमी।
PSA 37:26 मिनु मेकोपुकीमी नेल्‍ल नाक्‍ती हाइश्‍शो दुम्‍‍शा, प्रुङग आन कली मार मार गेनीम। मिनु मेको आन आलपुकीमी आसीक ताइनीम।
PSA 37:27 मरिम्‍शो पतीके रे ङोन बाक्‍कीन। रिम्‍शो पने। मिनु गे गेना हना यो ब्रोंइचा ताइनीनी।
PSA 37:28 मारदे हना परमप्रभु यावेमी ठीक निसाफ दाक्‍ब। आ कली मप्रोंइब आन कली नेल्‍ल नाक्‍त गेना हना यो कोव़ब। ठीक पाइब गेना हना यो रिम्‍शो बाक्‍चा ताइनीम। तन्‍न आ अरेशो मटीब आन तमी तौ नु चच युइ तिल्‍चा पुंइसीनीम।
PSA 37:29 ठीक पाइबपुकीमी रागी ताइनीम। मिनु गेना हना यो मेकेर बाक्‍नीम। यसैया ६०:२१
PSA 37:30 ठीक पाइबपुकीमी जोक्‍तीक तुइक्‍तीक लोव़ पाइनीम। मिनु मेकोपुकीम ठीक पतीके शेंनीम।
PSA 37:31 आन परमप्रभु आ अरेशो लोव़ मेको आन थुंमी बाक्‍ब। मिनु हेंथे मपथु, परमप्रभु आ लांम गाक्‍नीम।
PSA 37:32 परमप्रभु आ अरेशो मटीबपुकीमी बाप्‍शा, ठीक पाइब आन कली साइक्‍चा माल्‍नीम।
PSA 37:33 तन्‍न परमप्रभु यावेमी ठीक पाइब आन कली मेको आन गुइम दुम्‍चा मगेब। ठीक पाइब आन निसाफ दुम्‍मेनु, दोस मताइब दुम्‍पाइक्‍ब।
PSA 37:34 परमप्रभु यावे कली रिम्‍दीन। मेको आ लांम गाक्‍कीन। मेकोमी इन कली ठेयब सेल्‍शा, रागी इन कली गेब। मिनु गे परमप्रभु आ अरेशो मटीब आन कली खतम सेल्‍चा ताइनीनी।
PSA 37:35 गो परमप्रभु आ अरेशो मटीब लेबानोन ङा ठेयब रवा खोदेंशो दुम्‍शो ताता। १सामुएल ३५:२-३८; इजीकीएल ३१:३-१४
PSA 37:36 मिनु गो आ बाक्‍तीक कोव़ता, मेको मुर मबा। गो मेको कली माल्‍ता, मथिदु।
PSA 37:37 दोस मताइब आन कली कोव़ङीन। रिम्‍शो थुं पाइश्‍शो मुर कली कोव़ङीन। मारदे हना मेकोपुकी थुं नाइश्‍शा बाक्‍शो बाक्‍नीम। उत्‍पत्ती ३९:७-९
PSA 37:38 तन्‍न हेंथे पाइब नेल्‍ल खतम दुम्‍नीम। परमप्रभु आ अरेशो लोव़ मटीब नेल्‍ल खतम दुम्‍नीम। आन तमी तौ चच युइ यो तिल्‍चा पुंइसीनीम।
PSA 37:39 परमप्रभु यावे ठीक पाइब आन कली वारच पाइब बाक्‍ब। मिनु मेको आन कली श्‍येत दुम्‍मेनु, मेको आन फाम्‍सीतीके दरवार बाक्‍ब।
PSA 37:40 परमप्रभु यावेमी मेको आन कली वारच पा प्रोंइब। मिनु आ अरेशो मटीब आन गुइ रे प्रोंइब। मारदे हना मेकोपुकी परमप्रभु कली जिम्‍मा गेंसीशो बाक्‍नीम। लूका १८:७-८
PSA 38:1 मप्रेंथु मिम्‍चा कली दाऊद आ कुम्‍सो। परमप्रभु यावे इन गाइक्‍तीकेमी आं कली महुइक्‍तीनी। इन चुरतीकेमी आं कली सजाइ मगेयीनी।
PSA 38:2 मारदे हना इन ब्राम आं कली देश्‍शो बाक्‍नीम। मिनु इन गुइमी आं कली चिप्‍शो बाक्‍ब। अय्‍युब ६:४
PSA 38:3 इन गाइक्‍तीकेमी आं रां नेल्‍ल खाइश्‍शो बाक्‍ब। आं मरिम्‍शो पतीकेम आं रुश नेल्‍ल मुक्‍शो खोदेंशो बाक्‍नीम।
PSA 38:4 आं मरिम्‍शो पशोमी आं पिया सम्‍म ग्रुम्‍शो बाक्‍ब। मेको आं कुरने मचाप्‍चा ङा पा हेल्‍शो बाक्‍नीम। बिलाप १:१४;
PSA 38:5 आं निप्‍स काप्‍शो आ पर्बम आं गार राक्‍शा, रिना पाइश्‍शो बाक्‍नीम।
PSA 38:6 गो नाक्‍त रे आं पिया खुक्‍शा, रोंका पा गुर ब्‍वेशा गाक्‍शो बाक्‍नुङ।
PSA 38:7 आं ची नेल्‍ल खाइश्‍शो बाक्‍ब। आं रां नेल्‍ल सेस मबाक्‍ब।
PSA 38:8 गो गलाक गुलुक दुम्‍शा, काइ सक्ति मपाइश्‍शो दुम्‍शो बाक्‍ती। आं थुं ङा श्‍येतम शुश हुक‍यी पाइनुङ।
PSA 38:9 आं परमप्रभु, गे आं दाक्‍शो नेल्‍ल तुइश्‍शो बाक्‍नीनी। आं हुक‍यी पतीके यो तुइश्‍शो बाक्‍नीनी।
PSA 38:10 आं लुङगीर प्रेक्‍शा, आं सक्ति जाम्‍त। आं मिक्‍च ब्रा ब्रा दुम्‍शो बाक्‍ब।
PSA 38:11 आं वारच नु आं खिं ङा मुर आं श्‍येत तशा, ङोन बाक्‍नीम। मिनु आं नेक्‍था ङा मुरपुकीमी ङोन रे कोव़नीम। भजन संग्रह ६९:९; भजन संग्रह ८९:९; अय्‍युब १९:१३-१९
PSA 38:12 आं कली साइक्‍चा माल्‍बपुकीमी ब्‍वारद दाइश्‍शा, वोइश्‍शो बाक्‍नीम। आं कली श्‍येत दुम्‍शो कोव़कोव़ दाक्‍बपुकीमी “मेको कली दोपा श्‍येत गेचा, दोपा मेको आ पर्बम जोल पचा” दे नाक्‍त रे लोव़ पाइनीम।
PSA 38:13 गो नोफा मनेंब मुर खोदेंशो दुम्‍ती, मनेंनुङ। ब्‍वाक्‍ने मचाप्‍ब मुर खोदेंशो दुम्‍ती, काइ लोव़ मपाइनुङ। भजन संग्रह ३९:९३
PSA 38:14 गो थमा पा नोफा मनेंब खोदेंशो दुम्‍शा, मारेइ लोव़ मलेत्‍नुङ।
PSA 38:15 परमप्रभु यावे, गो इन कली रिम्‍नुङ। गे आं लोव़ लेत्‍नीनी। गे परमप्रभु यावे, आं परमप्रभु बाक्‍नीनी।
PSA 38:16 मिनु गो “मेकोपुकीमी आं पर्बम शुक्‍शी पा ग्‍येरचा मतामेक्‍ल। आं कली ग्रेक्‍शो तशा, बोरचा मतामेक्‍ल” देंती।
PSA 38:17 मारदे हना गो दाइल पांइसीचा चिक्‍शो बाक्‍नुङ। गो श्‍येत जस ङा जस बाक्‍नुङ।
PSA 38:18 गो आं काइ मरिम्‍शो पशो शोव़नुङ। आं मरिम्‍शो पशो मिम्‍शा सुर्ता पाइनुङ। भजन संग्रह ३२:५;
PSA 38:19 आं जोरी सत्रु चहिं रिम्‍शो पा ब्रोंइशा, बोल्‍यो दुम्‍शो बाक्‍नीम। आं कली मोशान मदाक्‍ब शुश बाक्‍नीम।
PSA 38:20 मुरपुकीमी आं रिम्‍शो पशो आ पा ङा आं कली मरिम्‍शो पाइ‍नीम। मारदे हना गो रिम्‍शो पाइब बाक्‍ती हना यो, आं कली खेदा पाइनीम।
PSA 38:21 परमप्रभु यावे, आं परमप्रभु, आं कली मप्रोंइयीनी। आं क्‍येङा ङोन मदुमीन।
PSA 38:22 परमप्रभु, आं कली वारच पाइश्‍शा, श्‍येत रे प्रोंइचा कली रीब पा जाक्‍कीन।
PSA 39:1 कुम्‍सो पपाइक्‍ब येदुथून कली। दाऊद आ कुम्‍सो। मिनु गो “गो आं गेय नेल्‍ल होस पा पाइक्‍नुङ। गो लोव़ पचा यो होस पा पाइक्‍नुङ। मरिम्‍शो पाइबपुकी आं नेक्‍था बाक्‍तेक्‍म हना, गो सिक्‍सी पा बाक्‍नुङ” देंती।
PSA 39:2 गो मब्‍वाक्‍थु, सिक्‍सी पा बाक्‍ती। मिनु रिम्‍शो लोव़ यो मपथु, आं थुं ङा श्‍येत बारत। भजन संग्रह ३८:१४
PSA 39:3 आं थुं चोशो बाक्‍त। शुश मिम्‍शा, मी ब्रशो खोदेंशो दुम्‍ती।
PSA 39:4 “परमप्रभु यावे, आं बेक्‍तीक नाक्‍त कोंइदीनी। आं ब्रोंइचा गिश नाक्‍त लीमे तुइक्‍पाइय्‍यीनी। गो रीब पा जाम्‍शा लाइब मुर बाक्‍नुङ। भजन संग्रह ९०:१२; अय्‍युब १४:५
PSA 39:5 गे आं ब्रोंइतीक नाक्‍त बित्‍ता का निक्‍शी खोदेंशो सेल्‍तीनी। आं ब्रोंइतीक नाक्‍त इन ङोंइती मारेइ ममाइ। मुर नेल्‍ले आन ब्रोंइतीके जाम्‍शा लाइब फश खोदेंशो बाक्‍नीम” देंती। भजन संग्रह ९०:५-६ठेयब सेंदा पा।
PSA 39:6 मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१
PSA 39:7 “परमप्रभु, गो मार कली रिम्‍ना रिम्‍न बाक्‍नुङा? गो इन लां ला कोव़शा बाक्‍नुङ।
PSA 39:8 आं मरिम्‍शो पशो रे प्रोंइयीनी। मूर्खपुकीम आं कली शुक्‍शी मपामेक्‍ल।
PSA 39:9 गो सिक्‍सी पा बाक्‍शा मब्‍वाक्‍ङ। मारदे हना गे मो पपाइक्‍तीनी।
PSA 39:10 इन याम पाइश्‍शो लेत्‍तीन। गो इन तुप्‍शोमी जाम्‍शा लाइब दुम्‍ती।
PSA 39:11 गे मुर आन कली पाप पशो आ पर्बम तुप्‍तीनी। आ दाक्‍शो तुाम्‍बुम वा नेक्‍शो खोदेंशो पा जाम्‍शा लाइब। थमा पा मुर नेल्‍ले आन ब्रोंइतीक जाम्‍शा लाइब फश खोदेंशो बाक्‍नीम। ठेयब सेंदा पा।
PSA 39:12 परमप्रभु यावे, आं पुंइशो लोव़ नेनीन। आं वाइ ब्रेश्‍शो नेनीन। आं ङाक्‍शो तशा, वारच पाइय्‍यीनी। मारदे हना गो इन ङोंइती आं किकी पिप खोदेंशो पा, रागी ङा पौना खोदेंशो बाक्‍नुङ। भजन संग्रह ११९:१९; लेवी २५:२३; १ पत्रुस २:११; हिब्रू ११:१३
PSA 39:13 आं बेक्‍चा ङोंइती आं पर्बम गाइक्‍चा प्रोनीन। मिनु गो लेंशा ग्‍येरशा बाक्‍चा तङल” दे पुंइता।
PSA 40:1 कुम्‍सो पपाइक्‍ब कली दाऊद आ कुम्‍सो। गो परमप्रभु यावे कली रिम्‍स ङा रिम्‍स बाक्‍ती। मेकोमी आं गे कोव़शा, आं वाइ ब्रेश्‍शा, पुंइशो लोव़ नेंतु।
PSA 40:2 मेकोमी आं कली ग्रांग्रा दिचा ङा हिलोम बिक्‍शा बेक्‍तीक रे ग्रुंइताक्‍यी। मिनु आं कली सेरथे फुल्‍लु का तार राप्‍पाइक्‍ती। मिनु महिम्‍सीचा ङा पा नाइक्‍पाइक्‍ती।
PSA 40:3 मेकोमी आं कली नक कुम्‍सो का पपाइक्‍ती। आंइ परमप्रभु कली ठेयब सेल्‍तीक कुम्‍सो पपाइक्‍ती। मिनु शुश मुरुम एको तशा, नेंशा, परमप्रभु यावे कली मान पा हिंशा, मेको कली थमा सुइक्‍नीम। भजन संग्रह ३३:३
PSA 40:4 सु सुमी परमप्रभु यावे कली थमा सुइक्‍नीमी, मेको ग्‍येरसीशो मुर बाक्‍नीमी। मेकोपुकी ठेयब लेश्‍शो नु जोल ङा सक्ति पाइश्‍शो देवी देवता गे लाइब नु मबाक्‍नीम।
PSA 40:5 मिनु गो “परमप्रभु यावे, आं परमप्रभु, गे आंइ पर्बम पशो छक लाक्‍चा ङा गेय नु इन मिम्‍शो कोंइताक्‍की। मेको शुश बाक्‍नीम। इन खोदेंशो सुइ मबाक्‍नीम। गो मेको आन कली शेंशें दाक्‍ती, देंती हना यो, नेल्‍ल शेंने मचबु। मारदे हना मेको शुश बाक्‍नीम। भजन संग्रह १३९:१७-१८
PSA 40:6 गे मार मार क्‍योरशा चढ़ेशो नु जचा चढ़ेशो तशा मग्‍येरसीनी। तन्‍न इन अरेशो लोव़ नेंचा कली नोफा दाइक्‍ब सेल्‍तीनी, चोशा चढ़ेशो नु पाप आ पर्बम चढ़ेशो मपुंइनी। भजन संग्रह ५०:८-१३; भजन संग्रह ५१:१८; १सामुएल १५:२२; हिब्रू १०:५-१०
PSA 40:7 मिनु गो ‘गो एक बाक्‍ती, दे परमप्रभु यावे आ लोव़मी आं पर्बम ब्रेक्‍शो बाक्‍ब’ देंती।
PSA 40:8 परमप्रभु, गो इन दाक्‍शो पशोमी आं कली ग्‍येरपाइक्‍ब। इन अरेशो लोव़ आं थुंम बाक्‍ब।
PSA 40:9 गो ठेयब ग्रुम्‍तीकेमी इन रिम्‍शो ब्रोंइतीक लोव़ आ पर्बम लोव़ पाइनुङ। परमप्रभु यावे, गो सिक्‍सी पा मबाक्‍नुङ। मेको गे तुइक्‍नीनी।
PSA 40:10 गो इन मुर आन कली श्‍येत रे प्रोंइतीके आं थुंम ख्रुइश्‍शा मवोइक्‍थु, इन दाक्‍शा मप्रोंइतीके नु मुर आन कली श्‍येत रे प्रोंइतीके आ पर्बम लोव़ पाता। गो इन गेना हना यो दाक्‍तीके नु दाक्‍शा मप्रोंइतीके आ पर्बम मख्रुइक्‍थु, ठेयब ग्रुम्‍तीकेमी शेंताक्‍ङमी।
PSA 40:11 परमप्रभु यावे, गे इन शिशी पतीके मतेक्‍कीन। इन गेना हना यो दाक्‍तीक नु दाक्‍शा गेनायो मप्रोंइतीकेम आं कली गेना हना यो खाल पयीसील।
PSA 40:12 मारदे हना हिक्‍ने मचाप्‍चा ङा श्‍येतपुकीमी आं कली पुम्‍शो बाक्‍नीम। आं मरिम्‍शो पतीकेम आं पिया खुक्‍शो बाक्‍ती। मेकोपुकी आं पिया ङा चां क्‍येङा यो शुश बाक्‍नीम। मोपा आं थुं लुक्‍च लशो बाक्‍ब।
PSA 40:13 परमप्रभु यावे, श्‍येत रे प्रोंइयीनी। परमप्रभु यावे, आं कली वारच पाइक्‍चा कली रीब पा जाक्‍कीन। भजन संग्रह ७०:-
PSA 40:14 आं कली साइक्‍चा माल्‍ब नेल्‍ले मुने दोक्‍शा, ग्‍येत्‍थ लुक्‍च दुम्‍मल। आं कली श्‍येत जशो दाक्‍ब नेल्‍ल लेश्‍शा लशा, खतम दुम्‍मल।
PSA 40:15 आं कली शुक्‍शी पाइबपुकीमी ‘आहा, आहा’ देंशो, नेल्‍ल रे मुने दोक्‍मल।
PSA 40:16 तन्‍न सु सुमी इन कली माल्‍नीमी, मेको नेल्‍ले इन पर्बम शुश ग्‍येरसमल। आन श्‍येत रे प्रोंइचा पुंइसीब नेल्‍लेमी गेना हना यो ‘परमप्रभु यावे ठेयब बाक्‍ब’ देंमल।
PSA 40:17 गो प्रुङग नु श्‍येत जाइब बाक्‍ती हना यो, परमप्रभुम आं कली मिम्‍ब। गे आं कली वारच पाइब नु आं कली श्‍येत रे प्रोंइब बाक्‍नीनी। आं परमप्रभु देश मपने” दे लोव़ पाता।
PSA 41:1 कुम्‍सो पपाइक्‍ब कली दाऊद आ कुम्‍सो। सु सुमी प्रुङग मुर आन पर्बम सुर्ता पा, वारच पाइनीमी, मेको आन कली परमप्रभु यावेमी आन श्‍येत रे प्रोंइब। हितोपदेस १४:२१; मत्ती ५:७
PSA 41:2 परमप्रभु यावेमी मेको आन कली कोव़शा, खाल पा प्रोंइब। मेको रागीम बाक्‍मानु, ग्‍येरसमल। गे मेको आन कली आन जोरी सत्रु आन गुइम मगेनीनी।
PSA 41:3 मेकोपुकी रोइ पा गोल्‍शा बाक्‍मानु, परमप्रभु यावेमी मेको आन रोइ सापाइक्‍ब।
PSA 41:4 गो “परमप्रभु यावे आं कली शिशी पा सापाइय्‍यीनी। मारदे हना गो इन कली मरिम्‍शो पाता” देंती।
PSA 41:5 आं जोरी सत्रुमी “मेको गेना बेक्‍बा ङा, आ नें क्‍याम्‍सीबा?” देंनीम।
PSA 41:6 मिनु आं कली सु सुम कोव़थ जाक्‍नीमी, मेकोमी आं कली रिम्‍शो लोव़ पखु पाइनीम। मिनु नोले आं पर्बम “मार, मरिम्‍शो लोव़ पङ” दे मिम्‍शा, मरिम्‍शो लोव़ ब्रपाइक्‍नीम।
PSA 41:7 आं कली ग्रांग्रा दिप्‍ब नेल्‍ल ग्रुम्‍शा, आं पर्बम “मार मरिम्‍शो पाइक्‍चा” दे नोफा मुइक्‍मुइक्‍नीम।
PSA 41:8 मेकोपुकीमी “मेको कली बेक्‍तीक रोइमी ग्‍याइश्‍शो बाक्‍ब, आ गोल्‍तीक रे मबोक्‍ब” देंनीम।
PSA 41:9 गो आं नेक्‍था ङा वारच, आं शोब्‍ले जाइबमी यो, आं कली ताइक्‍चा कली आ खोइल क्‍युक्‍तु।
PSA 41:10 परमप्रभु यावे, गे आं कली शिशी पाइश्‍शा, पोक्‍यीनी। मिनु गो मेको आन कली क्‍येक्‍क लेन्‍ने चबुल। भजन संग्रह ५५:१३-१५; यूहन्‍ना १३:१८; प्रेरित १:१६
PSA 41:11 मोदेंशो पाइतीनी हना, गे आं कली दाक्‍नीनी, दे तुइक्‍नुङ। मारदे हना आं जोरी सत्रु आं पर्बम ग्‍येरचा मताइनीम।
PSA 41:12 आं रिम्‍शो थुं आ पर्बम गे आं कली ग्‍योम्‍ताक्‍यीनी। मिनु गे आं कली गेना हना यो इन ङोंइती राप्‍पाइक्‍तीनी।
PSA 41:13 परमप्रभु यावे, इस्राएली आन परमप्रभु कली “गे गेना हना यो ठेयब बाक्‍नीनी। मेको थमा बाक्‍ब” देंमल। आमेन आमेन। भजन संग्रह ७२:१८; भजन संग्रह ८९:५३; भजन संग्रह १०६:४८; भजन संग्रह १५०:६
PSA 42:1 कुम्‍सो पपाइक्‍ब कली शेंतीक कुम्‍सो। कोराह आ तौ आन कुम्‍सो। १इतिहास ६:१६,२२; २इतिहास २०:१९ दोपा रोकोशेमी खोला ङा ब्‍वाक्‍कु तूतू दाक्‍शा ब्‍वाक्‍कु मिम्‍बा, मोपा आं थुंमी यो परमप्रभु, इन कली मिम्‍ब।
PSA 42:2 मोपा आं थुं ब्रोंइशा बाक्‍ब परमप्रभु आ नेक्‍था बाक्‍चा दाक्‍ब। गो गेना परमप्रभु आ ङोंइती बाक्‍चा ताइनुङा? भजन संग्रह ६३:२; भजन संग्रह ८४:३; भजन संग्रह १४३:६
PSA 42:3 आं प्रेक्‍कु नाक्‍दो नाक्‍ती आं जचा थोव़क दुम्‍शो बाक्‍ब। मारदे हना मुरपुकीमी नाक्‍त किंत किंत “इ परमप्रभु ते बाक्‍मे?” दे शुक्‍शी पा हिल्‍लो पस ङा पस बाक्‍नीम। भजन संग्रह ७९:१०
PSA 42:4 मिनु गो मेको नेल्‍ल मिम्‍शा, परमप्रभु, इन खिं लाइब शुश मुर आन कली लां कोंइशा, मेकोपुकी नु लना लन बाक्‍ङानु, ग्‍‍येरसीशा “गे रिम्‍शो पाइब बाक्‍नीनी” दे गो नेल्‍लेमी कुम्‍सो पा चाड मानेतक। भजन संग्रह २७:४
PSA 42:5 आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले मेकोमी आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।
PSA 42:6 आं परमप्रभु, आं थुं, ग्‍येत्‍थ लुक्‍च दुम्‍त। गो यर्दन ङा दिंम नु हेरमोन ङा मिसार डांडा रे इन कली मिम्‍नुङ।
PSA 42:7 मिनु इन बारशो ब्‍वाक्‍कु आ ग्रीशोमी अर्को ब्‍वाक्‍कु कली ब्रेप्‍ब। मेको इन ब्‍वाक्‍कु आ छालमी आं कली सुम्‍शो बाक्‍ब।
PSA 42:8 मिनु गो नाक्‍ती परमप्रभु यावे आ गेना हना यो दाक्‍तीके तुइक्‍नुङ। मिनु नाक्‍दो आ कुम्‍सो आं थुंमी बाक्‍ब। मेको आं कली ब्रोंइचा गेब परमप्रभु नु लोव़ पतीके बाक्‍ब।
PSA 42:9 गो परमप्रभु, आं सेरथे फुल्‍लु कली “गे मारदे आं कली प्रेंदीनी? गो मारदे आं जोरी सत्रु रे पा खेदा पचा पुंइसीशा, थुं ग्‍येत्‍थ लुक्‍च दुम्‍शा, गाक्‍चा माल्‍ङा?” देंती। ब्‍यवस्‍था ३२:४
PSA 42:10 आं कली दिप्‍बपुकीमी आं रुश जिक्‍शो खोदेंशो पा शुक्‍शी पाइनीम। मिनु मेकोपुकीमी गेना हना यो “इ परमप्रभु ते बाक्‍मे” दे शुक्‍शी पा, हिल्‍लो पस ङा पस बाक्‍नीम।
PSA 42:11 आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।
PSA 43:1 परमप्रभु, आं कली वारच पाइय्‍यीनी। इन कली थमा मसुइक्‍ब मुर आन पर्बम आं पोन बोक्‍कीन। मिनु जोल पाइब नु मरिम्‍शो पाइब मुरपुकी रे आं कली प्रोंइयीनी।
PSA 43:2 परमप्रभु, गे आं कली प्रोंइब बोल्‍यो दरवार बाक्‍नीनी। गे आं कली मारदे प्रोंइयीनी? गो मारदे आं जोरी सत्रुम खेदा पचा पुंइसीशा, रोंका पचा माल्‍ङा?
PSA 43:3 इन छेङछेङ नु इन थमा पतीके सोइक्‍तीन। मिनु मेकोमी आं कली लां कोंइशा इन डांडा नु इन बाक्‍तीकेमी चाक्‍यील।
PSA 43:4 मेना गो परमप्रभु कली चढ़ेतीकेम जाक्‍नुङ। मिनु परमप्रभुमी आं कली शुश ग्‍येरपाइश्‍शा, आं थुं नाइक्‍पाइक्‍ब। परमप्रभु, आं परमप्रभु, गो ठेयब ताप्‍तीक ताप्‍शा, कुम्‍सो पा इन कली ठेयब सेल्‍नुङ।
PSA 43:5 आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुम मार पाइबा, मेको रिम्‍दो। मिनु नोले आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।
PSA 44:1 कुम्‍सो पपाइक्‍ब कली सेल्‍शो शेंतीक कुम्‍सो। कोराह आ तौ आन कुम्‍सो। परमप्रभु, साइ आंइ किकी पिपीमी आन पालामी पशो इन गेय नेल्‍ल आंइ कली शेंताक्‍म। मिनु गो मेको नेल्‍ल नेंतक। ब्‍यवस्‍था ६:२०-२५
PSA 44:2 गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।
PSA 44:3 मेको आन तरवारम मेको रागी मग्राशो बाक्‍तेक्‍म। आन सक्तिमी यो मग्राशो बाक्‍तेक्‍म। इन सक्ति नु इन कुल ङा छेङछेङमी ग्रातेक्‍म। मारदे हना गे मेको आन कली दाक्‍शो बाक्‍ती‍नी।
PSA 44:4 गे आं पिप नु आं परमप्रभु बाक्‍नीनी। याकूब कली ग्रापतीन।
PSA 44:5 इन पतीकेमी आंइ जोरी सत्रु आन कली ग्रानीकी। इन नेंमी आंइ जोरी सत्रु आन कली दिम्‍शा साइक्‍नीकी।
PSA 44:6 गो आं लिब्राम ग्राती, मदेंनुङ। मिनु आं तरवारम यो आं कली ग्रापाइक्‍ने मचाप्‍ब।
PSA 44:7 तन्‍न गे आंइ कली आंइ जोरी सत्रु आन क्‍येङा ग्रापाइक्‍तीनी। मिनु आंइ कली काइ मदाक्‍ब आन कली वाम ग्‍याम सेल्‍तीनी।
PSA 44:8 गोपुकीमी नाक्‍त किंत किंत परमप्रभु कली मिम्‍शा, आंइ नें बोरपाइक्‍नीकी। मिनु गोपुकीमी गेना हना यो “इन नें ठेयब बाक्‍ब” दे ठेयब सेल्‍नीकी। ठेयब सेंदा पा।येरमीया ८:२२-२३
PSA 44:9 तन्‍न गे आंइ कली प्रोंइशा, श्‍येत जपाइक्‍तीनी। मिनु गे आंइ लडाइ पाइब नु मलनी।
PSA 44:10 मिनु गे आंइ कली आंइ जोरी सत्रु आन क्‍येङा ब्रुपाइक्‍तीनी। मिनु आंइ कली मदाक्‍बपुकीमी आंइ मार मार रोइश्‍शा लाइक्‍तेक्‍म।
PSA 44:11 गे आंइ कली क्‍योरचा पुंइसीब भेडा खोदेंशो पा प्रोंइतीनी। मिनु आंइ कली रागी रागीम ब्रपाइक्‍तीनी।
PSA 44:12 गे इन मुर आन कली मोशा लेयतीनी। मिनु मेको आन कली लेयशा, मारेइ ताक्‍चा थुं मपनी।
PSA 44:13 आंइ नेक्‍था ङा मुर आन ङोंइती आंइ कली गाइश्‍शा, शुक्‍शी पाइक्‍चा पुंइसीब सेल्‍तीनी। गे मुर आन कली आंइ पर्बम तोक्‍शो नु मरिम्‍शो लोव़ पपाइक्‍तीनी। १कोरिन्‍थी १५:३१; रोमी ८:३६; भजन संग्रह ७९:४; १राजा ९:७
PSA 44:14 गे आंइ कली रागी रागी ङा मुर आन दातेम शुक्‍शी पाइक्‍चा पुंइसीब सेल्‍तीनी। मुरपुकीमी आंइ कली तशा, आन पिया हिम्‍नीम।
PSA 44:15 गो नाक्‍त किंत किंत मुने दोक्‍नुङ। आं मुनेमी आं कुल सुम्‍सीशो बाक्‍नुङ।
PSA 44:16 आं कली शुक्‍शी पाइब, मरिम्‍शो लोव़ पाइब, जोरी सत्रुमी पतीके नु क्‍येक्‍क लेप्‍ब आन पतीके मोदेंशो दुम्‍शो बाक्‍नुङ।
PSA 44:17 मोदेंशो दुम्‍त हना यो, गो इन कली मप्रेंदक। मिनु इन कबल यो मप्रोंइक।
PSA 44:18 गो नोले मशोंइसक। इन लां रे ग्‍येत्‍थ लुक्‍च मपक।
PSA 44:19 तन्‍न गे आंइ कली फस पोक्‍शा, सिवार आन बाक्‍तीक खोदेंशो पा छिङछिङमी सुम्‍तीनी।
PSA 44:20 गो आंइ परमप्रभु आ नें प्रेंशो नकी नु अरु देवी देवता आन कली पूजा पशो नकी हना,
PSA 44:21 मार, परमप्रभुमी मतुइक्‍बा ङा? मारदे हना परमप्रभुमी मुर आन थुं ङा ख्रुइश्‍शो नेल्‍ल तुइक्‍ब।
PSA 44:22 मो हना यो गो इन पर्बम नाक्‍त रे साइक्‍चा पुंइसीनीकी। मिनु क्‍योरचा चिक्‍शो भेडा खोदेंशो पा हिक्‍सीशो बाक्‍नीकी। १कोरिन्‍थी १५:३१; रोमी ८:३६
PSA 44:23 बोक्‍कीन, परमप्रभु, गे मारदे इप्‍नीनी? सेंसीने। आंइ कली मो पा मप्रोनीने।
PSA 44:24 गे मारदे इन कुल ख्रुइक्‍नीनी? मिनु आंइ श्‍येत नु आंइ कली दिप्‍शो प्रेंनीनी?
PSA 44:25 आंइ थुं लुक्‍च लशो बाक्‍ब। आंइ रां खपीम गोल्‍शो बाक्‍ब।
PSA 44:26 बोक्‍कीन। मिनु आंइ कली वारच पने। इन गेना हना यो दाक्‍तीकेमी आंइ कली एको श्‍येत रे प्रोंइकी।
PSA 45:1 कुम्‍सो पपाइक्‍ब कली लिली फू ङा कुम्‍सो आ लायो। शेंतीक कुम्‍सो। कोराह आ तौ आन कुम्‍सो। ग्‍युंबे ङा कुम्‍सो। आं थुं रिम्‍शो लोव़मी ब्रीतीके गो पिप कली कुम्‍सो पाइक्‍नुङ। आं लें थाम्‍पा ब्रेक्‍स जोक्‍ब मुर आन कलम खोदेंशो दुम्‍शो बाक्‍ब।
PSA 45:2 गे वोंइश मुर आन दातेमी नेल्‍ल क्‍येङा रिम्‍शो बाक्‍नीनी। इन लोव़ यो शुश रिम्‍शो बाक्‍ब। मारदे हना परमप्रभुमी इन कली गेना हना यो लीब आसीक गेशो बाक्‍ब।
PSA 45:3 गे बोल्‍यो मुर, इन किप्‍शुर किप्‍शा इन तरवार पिम्‍सीन। मिनु इन दारस नु इन मान ततीके कोंइदीन।
PSA 45:4 इन मान ततीकेमी, थमा पतीके, ब्रेम्‍शो थुं दुम्‍तीके नु इन ठीक पतीकेमी गाक्‍शा, इन सक्तिमी छक लाक्‍चा ङा गेय कोंइदीन।
PSA 45:5 गे इन हेश्‍शो ब्रामी इन जोरी सत्रु आन लुङगीरमी देत्‍नीम। जात जात ङा मुर इन ङोंइती साइक्‍चा पुंइसीनीम।
PSA 45:6 परमप्रभु, इन ठेयब नित्‍तीके गेना हना यो लीब। इन ठीक पतीके इन राज दन्‍ड खोदेंशो बाक्‍ब। हिब्रू १:८-९हिब्रू १:८,९
PSA 45:7 गे ठीक पतीके दाक्‍नीनी। इन अरेशो मटीब आन कली चहिं काइ मदाक्‍नीनी। मोपतीके परमप्रभु, इन परमप्रभुमी इन वारच नेल्‍ल आन क्‍येङा इन कली दाक्‍शा, इन कली तेल लुक्‍शो खोदेंशो पा ग्‍येरपाइक्‍तु।
PSA 45:8 इन वा नेल्‍ल एलोव़, मूरे नु ब्रोव़शो रिना पाइश्‍शो बाक्‍नीम। हात्ती आ दारामी दारपाइश्‍शो दरवारम बाक्‍शा, तार पाइश्‍शो ताप्‍तीके ताप्‍शा इन कली ग्‍येरपाइक्‍ब।
PSA 45:9 इन कली मान पाइब आन दातेमी पिप आन तमी यो बाक्‍नीम। इन ग्‍युरा गे ओफीर ङा सुनम ग्‍योम्‍सीशो पिपीम राप्‍ब।
PSA 45:10 आं तमी, नोफा दाइश्‍शा, नेनो। इ रागी नु इ खिं ङा मुर आन कली प्रेंदो।
PSA 45:11 पिपमी इ दारस तशा, इ कली दाक्‍शो बाक्‍ब। मेको कली जिम्‍मा गेंसीशा मान पावो। मारदे हना मेको इ प्रभु बाक्‍ब।
PSA 45:12 टायर सहर ङा मीश आलपुकी कोसेली चाक्‍शा, जाक्‍नीम। रागी रागी ङा शुश क्‍येट थीब मुरपुकीम इन शिशी माल्‍नीम।
PSA 45:13 पिप आ तमी थम दारशो नु सुन के श्‍येलेम प्रोव़शो वा फेक्‍शा, आ बाक्‍तीकेम बाक्‍ब।
PSA 45:14 मिनु बुटा आप्‍शो वा फेक्‍पाइश्‍शा, मेको कली पिप आ बाक्‍तीके चाक्‍नीम। मेको आ गेय पाइब मीश आल आ नोले खोइक्‍पाइश्‍शा, पिप आ बाक्‍तीकेमी जाक्‍नीम।
PSA 45:15 मिनु मुरपुकीमी मेको आन कली ग्‍येरशो कुम्‍सो पा लां कोंइनीम। मिनु पिप आ खिं ओंइनीम।
PSA 45:16 मिनु इन आफ आ पा ङा इन तौपुकी दुम्‍नीम। गे मेको आन कली रागी ङा सासन पाइब सेल्‍नीनी।
PSA 45:17 गो इन नें इन चच युइ आन पाला नेल्‍ल मिम्‍पाइक्‍नुङ। मोपतीके जात जात ङा मुरपुकीमी इन कली गेना हना यो ठेयब सेल्‍नीम।
PSA 46:1 कुम्‍सो पपाइक्‍ब कली अलामोथ कुम्‍सो आ लायो। कोराह आ तौ आन कुम्‍सो। परमप्रभु आंइ ख्रुइश्‍शा बाक्‍तीके नु आंइ सक्ति बाक्‍ब। गो श्‍येत जकानु, गेना हना यो आंइ नेक्‍था बाक्‍शा वारच पाइब बाक्‍ब।
PSA 46:2 मोपतीके गो महिंनीकी। रागी नु डांडापुकी हिम्‍सीशा समुन्‍द्रम ग्रुम्‍तेक्‍म हना यो गो महिंनीकी।
PSA 46:3 मिनु समुन्‍द्र ग्रीशा, बोग्‍यो पोक्‍तु हना यो नु ब्रुइश्‍शा कुशा, डांडापुकी हिम्‍ताक्‍व हना यो गो महिंनीकी। ठेयब सेंदा पा।
PSA 46:4 मिनु ठेयब खोला का बाक्‍ब। मेको रे पा ब्राशो आइक्‍च खोलापुकीमी परमप्रभु आ बाक्‍तीके सहर कली ग्‍येरपाइक्‍नीम। मेको नेल्‍ल क्‍येङा ठेयब आ बाक्‍तीके सहर बाक्‍त। यसैया १२:५
PSA 46:5 मिनु परमप्रभु मेको सहरम बाक्‍ब। मिनु मेको महिम्‍सीब। परमप्रभुमी मेको सहर कली नां सोव़म रेन वारच पाइब।
PSA 46:6 मिनु रागी रागी ङा मुरपुकी जिशा खेशा पाइनीम। राज्‍यपुकी क्‍याम्‍चा पुंइसीनीम। परमप्रभुमी आ सेंदा नेंपाइक्‍तु हना, रागी नेल्‍ल याइनीम।
PSA 46:7 मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।
PSA 46:8 परमप्रभु यावे आ ठेयब गेय कोव़थ जाक्‍कीन। मेकोमी रागी खतम पोक्‍शो कोव़ङीन। २राजा १९:३५
PSA 46:9 मेकोमी नेल्‍ल क्‍येङा ङोन रागी सम्‍म ङा लडाइ तेक्‍ब। मेकोमी लिब्रा जिक्‍शा नु तूतीक नेल्‍ल टुक्रा टुक्रा सेल्‍ब। तेक्‍तीके नेल्‍ल मीम हुम्‍ब। भजन संग्रह ७६:४
PSA 46:10 मेकोमी “सिक्‍सी पा बाक्‍कीन। गो परमप्रभु नङ, दे तुइक्‍तीन। गो रागी रागी ङा मुर आन दातेमी ठेयब दुम्‍नुङ। गो रागी नेल्‍लेमी नेल्‍ल क्‍येङा ठेयब दुम्‍नुङ” देंत।
PSA 46:11 मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।
PSA 47:1 कुम्‍सो पपाइक्‍ब कली कोराह आ तौ आन कुम्‍सो। जात जात ङा मुर नेल्‍लेमी इन गुइ फ्रोक्‍तीन। गे ग्‍येरशा, परमप्रभु कली कुम्‍सो पने।
PSA 47:2 मारदे हना परमप्रभु यावे, नेल्‍ल क्‍येङा ठेयब नु हिंचा ङा बाक्‍ब। मेको रागी नेल्‍ल ङा ठेयब पिप बाक्‍ब।
PSA 47:3 मेकोमी रागी आन कली आंइ के सेल्‍शा, शुश मुर आन कली आंइ कली हुकुम पचा गेप्‍तु।
PSA 47:4 मेकोमी आंइ कली शोंप योव़शा गेप्‍तु। मेको याकूब आ दाक्‍शो रागी बाक्‍त। मारदे हना परमप्रभुमी याकूब कली शुश दाक्‍ताक्‍व।ठेयब सेंदा पा।ब्‍यवस्‍था ३२:९
PSA 47:5 मुरपुकी शुश ग्‍येरसमानु, परमप्रभु आ नित्‍तीकेम लाइब। परमप्रभु यावे तुराही ताप्‍शो नेंशा लाइब।
PSA 47:6 परमप्रभु कली ठेयब सेल्‍तीक कुम्‍सो पने। लेंशा ठेयब सेल्‍तीक कुम्‍सो पने। आंइ पिप कली ठेयब सेल्‍तीक कुम्‍सो पने। लेंशा ठेयब सेल्‍तीक कुम्‍सो पने।
PSA 47:7 मारदे हना परमप्रभु रागी नेल्‍ल ङा पिप बाक्‍ब। मेको कली ठेयब सेल्‍तीक कुम्‍सो का पने। भजन संग्रह ९३:१
PSA 47:8 परमप्रभुमी रागी रागी नेल्‍ल आन कली सासन पाइब। मिनु परमप्रभु आंम आ ठेयब नित्‍तीकेमी निप्‍ब।
PSA 47:9 मिनु जात जात ङा सासन पाइबपुकी नु अब्राहाम आ परमप्रभु आ मुर नेल्‍ल मेकेर ग्रुम्‍शो बाक्‍नीम। मारदे हना रागी रागी ङा पिपपुकी परमप्रभु आ गुइमी बाक्‍नीम। मेको थम ठेयब बाक्‍ब।
PSA 48:1 कोराह आ तौ आन कुम्‍सो। परमप्रभु यावे ठेयब बाक्‍ब। परमप्रभु आ बाक्‍तीक सहरम बाक्‍शा, मान पाइक्‍चा पुंइसीब बाक्‍ब। भजन संग्रह ४६:५-६
PSA 48:2 आ डांडा दारशो नु लाइश्‍शो बाक्‍ब। मुर नेल्‍ले मेको तशा ग्‍येरसीनीम। सियोन डांडा उत्तर गे बाक्‍ब। मेको ठेयब पिप आ बाक्‍तीक सहर बाक्‍ब। बिलाप २:१५; मत्ती ५:३५
PSA 48:3 मिनु परमप्रभु मेको सहर ङा बोल्‍यो दरवारम बाक्‍ब। मेको ठेयब नु सक्ति पाइश्‍शो बाक्‍ब, दे नेल्‍लेम तुइक्‍नीम।
PSA 48:4 पिप नेल्‍ले ग्रुम्‍शा, हुल हुल पा लडाइ पचा कली आ ङोंइती बारतेक्‍म। २राजा १८:१७-१८; मलाकी १:११
PSA 48:5 मिनु मेकोपुकीमी मेको तशा, छक लाक्‍शा, हिंशा, प्रोक्‍तेक्‍मे।
PSA 48:6 मिनु मेक उइ गिक गिक पा ख्रिंख्रि पाम्‍तेक्‍म। आल थिची ना ङा रोइ पशो मीश मुर खोदेंशो दुम्‍तेक्‍म।
PSA 48:7 गे टारसीस ङा जहाज आन कली पूर्ब ङा फश पतीकेमी खतम सेल्‍तीनी।
PSA 48:8 आंइ ङोंइती नेंशो लोव़, मुर नेल्‍ल आन परमप्रभु यावे आ सहरम ताइतक। मार ताइतक देंशा हना, आंइ परमप्रभुमी आ सहर गेना हना यो लीपाइक्‍चा कली बोल्‍यो सेल्‍तु। ठेयब सेंदा पा।
PSA 48:9 परमप्रभु, गो इन खिंमी बाक्‍शा, इन गेना हना यो दाक्‍तीके मिम्‍शा, बाक्‍नीकी।
PSA 48:10 परमप्रभु इन नें नु इन कली ठेयब सेल्‍तीके रागी आ सुर सम्‍म बाक्‍ब। गे इन सक्तिमी ग्राना ग्रान बाक्‍नीनी।
PSA 48:11 सियोन डांडा ग्‍येरसेक्‍ल। यहूदा ङा सहर नेल्‍ले इन निसाफ पशोमी ग्‍येरसमल।
PSA 48:12 सियोन आ एर ओंथ हिरशा, मेकेर ङा लाइश्‍शो खिं हिक्‍कीन।
PSA 48:13 मेकेर ङा बोल्‍यो गारोपुकी रिम्‍शो पा कोव़ङीन। आ बोल्‍यो दरवार यो रिम्‍शो पा कोव़ङीन। मिनु नोले गे इन चच युइ आन कली मेको आन पर्बम शेंने चाप्‍नीनी।
PSA 48:14 मारदे हना मेको परमप्रभु, आंइ परमप्रभु बाक्‍ब। मेकोमी गेना हना यो आंइ कली लां कोंइब। यसैया २५:९
PSA 49:1 कुम्‍सो पपाइक्‍ब कली कोराह आ तौ आन कुम्‍सो। जात जात ङा मुर नेल्‍ले, नेनीन।
PSA 49:2 ठेयब नु आइक्‍च, क्‍येट थीब नु प्रुङग नेल्‍लेमी नोफा दाइश्‍शा, नेनीन।
PSA 49:3 मिनु गो जोक्‍शा तुइश्‍शा लोव़ पाइनुङ। आं थुंमी मिम्‍शा पशो लोव़मी मुर आन कली रुप्‍‍ब सेल्‍ब।
PSA 49:4 गो अर्ती ङा लोव़ का नेंता। गो ठेयब ताप्‍तीके ताप्‍शा, आं लोव़ रुप्‍पाइक्‍नुङ।
PSA 49:5 मिनु श्‍येत जतीक नाक्‍ती जाक्‍मेनु, श्‍येत गेबपुकीमी आन ठीक मपशोमी आं एर ओंथ रे पुम्‍दीमीनु, गो मारदे हिंनुङा ङा?
PSA 49:6 मेकोपुकीमी आन शुश क्‍येटीम थमा सुइक्‍नीमी। आन शुश क्‍येटीम ठेयब लेत्‍नीमी।
PSA 49:7 सुइमी आंम लोक्‍ब कली क्‍येट थाप्‍शा, बेक्‍चा रे प्रोंइने मचाप्‍ब। मोपा मेकोमी परमप्रभु कली शुश क्‍येट थाप्‍शा आ गिंम प्रोंइने मचाप्‍ब। मीका ६:६-८; मत्ती १६:२६
PSA 49:8 बेक्‍चा रे ब्रोंइतीक शुश ठेयब बाक्‍ब। मेको मुरुम गेनायो ग्‍याप्‍ने मचाप्‍नीम। मत्ती १६:२६
PSA 49:9 गेना हना यो ब्रोंइशा बाक्‍ब, सुइ मबाक्‍नीम। मुर नेल्‍ले थिम्‍चा पुंइसीनीम।
PSA 49:10 मिनु नेल्‍लेमी जोक्‍ब तुइक्‍ब मुर, मूर्ख नु मिम्‍तीक मपाइश्‍शो नेल्‍ल बेक्‍नीम, दे तुइश्‍शो बाक्‍नीम। मिनु आन शुश क्‍येट नेल्‍ल अरु आन कली प्रोंइशा लाइनीम। उपदेसक २:१६; उपदेसक ६:२
PSA 49:11 मिनु आन तुरस गेना हना यो मेको आन खिं दुम्‍ब। मोदेंशो पाला नेल्‍ल आन कली दुम्‍ब। मिनु मेकोपुकीमी आन नें आन रू कली वोइश्‍शो बाक्‍तेक्‍म हना यो, मोदेंशो दुम्‍नीम।
PSA 49:12 गिश क्‍येट थीब बाक्‍तेक्‍म हना यो, मुरपुकी मलीनीम। मेकोपुकी बेक्‍शा लाइब जन्‍तु खोदेंशो बाक्‍नीम। उपदेसक ३:१९
PSA 49:13 आंम आन मिम्‍शो थमा सुइक्‍ब नु मेको आन लोव़ नेंशा, ग्‍येरसीब मेको आन नोले ङा मुर यो मोदेंशो दुम्‍नीम। ठेयब सेंदा पा।
PSA 49:14 मेकोपुकी भेडा खोदेंशो पा बेक्‍चा कली बाक्‍नीम। बेक्‍पाइक्‍बमी मेको आन कली दाक्‍ब। सुनी कना रिम्‍शो थुं पाइश्‍शो मुरपुकीमी मेको आन कली हुकुम पाइनीम। मेको आन बाक्‍तीके रे ङोन दुम्‍शा, आन रां तुरसुम राक्‍शा लाइनीम।
PSA 49:15 तन्‍न परमप्रभुमी आं कली तुरस रे प्रोंइब। मेकोमी थमा पा आ बाक्‍तीकेम लाइक्‍ब। ठेयब सेंदा पा।होसे १३:१४; भजन संग्रह ७३:२४
PSA 49:16 मिनु गे शुश क्‍येट चेम्‍शा, आन खिं दारपाइक्‍ना पाइक्‍न बाक्‍ब मुर आन कली तशा, महिंनीन। अय्‍युब २१:७-१५
PSA 49:17 मारदे हना मेको बेक्‍मानु, मारेइ मलाइक्‍नीम। मेको आन मार मार आन नोले खोइश्‍शा, मलाइनीम। उपदेसक ५:१४; १तिमोथी ६:७
PSA 49:18 मिनु मेको ब्रोंइमा सम्‍म “गो आसीक ताइब नकी” देंनीम। मुरपुकीमी थीब मुर आन कली ठेयब सेल्‍नीम। १तिमोथी ६:७ लूका १२:१६-२१; लूका १६:१९-३१
PSA 49:19 मो हना यो मेको बेक्‍शा, आन किकी पिपी आन बाक्‍तीके लाइनीम। मेकोपुकीमी गेनायो हाम्‍सो मताइनीम।
PSA 49:20 मुर गिश क्‍येट थीब बाक्‍तेक्‍म हना यो, मेको बेक्‍शा लाइब बस्‍तु भाव खोदेंशो बाक्‍नीम।
PSA 50:1 आसाफ आ कुम्‍सो। ठेयब सक्ति पाइश्‍शो, परमप्रभु, परमप्रभु यावेमी लोव़ पाप्‍तु। नां दाप्‍तीक रे नां पेरतीक सम्‍म ङा रागी कली लोव़ पाप्‍तु। १इतिहास २५:१
PSA 50:2 परमप्रभु सियोन रे आ दारसम ग्‍योम्‍सीशा छेङछेङ दुम्‍शा, ग्रूशो बाक्‍ब। यसैया ६२:१
PSA 50:3 आंइ परमप्रभु जाक्‍शा, सिक्‍सी पा मबाक्‍ब। मेको आ ङोंइती ग्राव ग्रु दाक्‍ब मी ब्राइब। मिनु आ एर ओंथ नेल्‍ले कुमीर गिमीर पा फश गिवार पाइब।
PSA 50:4 मेकोमी आ मुर आन कली निसाफ पचा कली सरीङ नु रागी ङा नेल्‍ल आन कली ब्रेप्‍ब। ब्‍यवस्‍था ३२:१; यसैया १:२
PSA 50:5 परमप्रभुमी “आं कली थमा सुइक्‍ब आन कली खुप्‍तीन। मेकोपुकीमी मार मार क्‍योरशा चढ़ेशा, गो नु कबल पाम्‍तेक्‍म” देंब। प्रस्‍थान २४:४-११
PSA 50:6 मिनु स्‍वर्गम बाक्‍बपुकीमी “एको ठीक पाइब बाक्‍ब। मारदे हना परमप्रभुमी एको मुर आन कली निसाफ पाइब” देंनीम। ठेयब सेंदा पा।
PSA 50:7 मिनु परमप्रभुमी “आं मुरपुकी, नेनीन। गो इन कली लोव़ पाइनुङ। गो इस्राएली इन कली दोस गेशा, लोव़ पाइनुङ। गो परमप्रभु, इन परमप्रभु नङ। प्रस्‍थान २०:२
PSA 50:8 इन मार मार चढ़ेशो आ पर्बम गो इन कली दोस मगेनुङ। इन चोशा चढ़ेशो गेना हना यो आं ङोंइती बाक्‍नीम। भजन संग्रह ४०:७; १सामुएल १५:२२; यसैया १:११
PSA 50:9 गो इन खिं ङा ब्‍यफ नु इन गोठ ङा बोकापुकी ममाल्‍नुङ।
PSA 50:10 मारदे हना ब्‍वाकी ङा जन्‍तु नेल्‍ल नु हजार हजार डांडा ङा बी ब्‍यफ नेल्‍ल आं केन नम।
PSA 50:11 मिनु गो सरीङ ङा चिक्‍ब नेल्‍ल आन कली तुइक्‍नुङ। मिनु रागी ङा सोक्‍त पाइश्‍शो नेल्‍ल आं केन नम।
PSA 50:12 गो शोव़लु बाक्‍शो नङ हना यो, इन कली मदेंङ वा। मारदे हना रागी नु रागीम बाक्‍शो मारेइ मारेइ आं केन नम।
PSA 50:13 मार, गो ब्‍यफ आन श्‍ये ब्‍वाइनुङा ङा? बोका आन हुश तूनुङा ङा?
PSA 50:14 गे आं कली ‘गे रिम्‍शो पाइब बाक्‍नीनी’ देनीन। मिनु नेल्‍ल क्‍येङा ठेयब, आं कली इन कसम जशो खपीन। योना २:१०
PSA 50:15 मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५
PSA 50:16 तन्‍न परमप्रभुमी आ अरेशो मटीब आन कली “आं फुल्‍लुम मुशा ब्रेक्‍शो लोव़ मारदे पढेनी? आं कबल आ पर्बम मारदे लोव़ पनी? रोमी २:२१-२३
PSA 50:17 गे आं शेंशो लोव़ ग्रांग्रा दीतीनी। मिनु आं लोव़ प्रोंइतीनी।
PSA 50:18 गे खुइ आन कली ग्रुम्‍नीनु, खुइ आन वारच दुम्‍तीनी। मिनु गे खुइ नु हेंथे गाक्‍ब नु गारतीनी।
PSA 50:19 गे मरिम्‍शो लोव़ पाइब नु जोल पाइब बाक्‍नीनी।
PSA 50:20 मिनु गे इन लोक्‍ब आन कली दोस गेशा बाक्‍नीनी। मिनु क्‍यी का रे जरमेशो इन लोक्‍ब आन कली शुक्‍शी पाइनीनी। उत्‍पत्ती २:२१
PSA 50:21 गे मेको नेल्‍ल पाइतीनी हना यो, गो सिक्‍सी पा बाक्‍ती। गे आं खोदेंशो मिम्‍साक्‍नी। तन्‍न गो इन कली हुइश्‍‍शा, इन दोस कोंइनन्‍नी।
PSA 50:22 गे परमप्रभु कली प्रेंबपुकी तुइक्‍तीन। मो मपाइतीनी हना, गो इन कली साइक्‍नन्‍नी। मिनु इन कली सुइमी प्रोंइने मचाप्‍नीम।
PSA 50:23 सु सुमी ‘गे रिम्‍शो पाइब बाक्‍नीनी’ देंनीमी, मेकोपुकीमी आं कली ठेयब सेल्‍नीम। मिनु गो मेको आन कली लां सेल्‍नुङ। गो मेको आन कली आं पाप रे प्रोंइतीके कोंइनुङमी” दे परमप्रभुमी देंत।
PSA 51:1 कुम्‍सो पपाइक्‍ब कली दाऊदमी बाथ्‍शेबा नु हेंथे पवा नोले नाथान जाक्‍मेनु, पशो दाऊद आ कुम्‍सो। २सामुएल १२:१-१५ परमप्रभु इन गेना हना यो दाक्‍तीकेमी आं कली शिशी पने। इन शुश शिशीमी आं हेंथे पशो क्‍याम्‍दीन। लूका १८:१७
PSA 51:2 परमप्रभु, इन शिशी पतीकेमी आं मरिम्‍शो पशो नेल्‍ल मुरशा गेयीनी। मिनु आं कली पाप रे प्रोंइयीनी।
PSA 51:3 मारदे हना गो आं मरिम्‍शो पशो तुइक्‍नुङ। मिनु आं पाप गेना हना यो मिम्‍नुङ।
PSA 51:4 गो इन ङोंइती ला पाप पाता। इन ङोंइती इन मदाक्‍शो पाता। गे आं कली निसाफ पा, ठीक पाइब बाक्‍नीनी। आं कली निसाफ पा सजाइ गेतीनी, गे मेको आ पर्बम दोस मताइब बाक्‍नीनी।
PSA 51:5 थमा पा, गो जरमेसी ङा रेन मरिम्‍शो पाइब बाक्‍ती। आं ममा आ कोव़जम जोल्‍ङा रेन मरिम्‍शो पाइब बाक्‍ती। रोमी ३:४; यूहन्‍ना ३:६
PSA 51:6 गे आंम पर्बम आंम थुं ङा थमा मिम्‍तीकेम दाक्‍नीनी। मोपतीके गे आं थुं कली जोक्‍तीक तुइक्‍तीक शेंदीने।
PSA 51:7 गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। प्रस्थान १२:२२-२३; यसैया १:१८
PSA 51:8 आं कली ग्‍येरतीके नु थुं नाइक्‍तीके लोव़ नेंपाइय्‍यीनी। मिनु इन फस पोक्‍शो आं रुश लेंशा ग्‍येरसमल। भजन संग्रह ३२:३-४
PSA 51:9 इन कुल आं पाप रे ख्रुइक्‍तीन। मिनु आं मरिम्‍शो पशो नेल्‍ल क्‍याम्‍दीन।
PSA 51:10 परमप्रभु, आं थुं क्‍येख सुन खोदेंशो सेलीन। मिनु नक नु ठीक पाइब सोक्‍त गेयीनी। मत्ती ५:८; इजीकीएल ३६:२६-२७
PSA 51:11 आं कली इन ङोंइती रे मखेरयीनी। इन सोक्‍त आं रे मलतीन।
PSA 51:12 इन पाप रे प्रोंइतीके आ पर्बम ग्‍येरशो लेंशा गेयीनी। आं थुं इन देंशो खोदेंशो सेलीन।
PSA 51:13 मिनु गो मरिम्‍शो पाइब आन कली इन लां कोंइनुङमी। मिनु पाप पाइबपुकी इन गे लेत्‍नीम।
PSA 51:14 परमप्रभु, गे आं कली पाप रे प्रोंइब परमप्रभु बाक्‍नीनी। आं हुश ख्राक्‍श पोक्‍शो पाप रे प्रोंइयीनी। मिनु गो इन प्रोंइतीके आ पर्बम कुम्‍सो पाइनुङ।
PSA 51:15 परमप्रभु आं कली लोव़ पपाइय्‍यीनी। मिनु गो इन कली ठेयब सेल्‍नुङ।
PSA 51:16 गे मार मार क्‍योरशा, चढ़ेशोमी मग्‍येरनीनी। ग्‍येरसीनी हना, गो क्‍योरशा चढ़ेङ वा। गे चोशा चढ़ेशोम मग्‍येरसीनीनी। भजन संग्रह ४०:७
PSA 51:17 परमप्रभु, गे मरिम्‍शो पशो आ पर्बम जिक्‍शो थुं नु ब्रेम्‍शो मुर आन थुं दाक्‍नीनी। भजन संग्रह ३४:३९
PSA 51:18 इन दाक्‍शो खोदेंशो पा सियोन कली रिम्‍शो दुम्‍तीक गेने। यरूसलेम ङा गारो लेंशा सेलीने।
PSA 51:19 मिनु नोले मुरपुकीमी ठीक पा चढ़ेनीम। मुरपुकीमी इन कली ग्‍येरपाइक्‍चा कली चोशा चढ़ेतीक नेल्‍ल चढ़ेनीम। मिनु इन कली ब्‍यफ चढ़ेनीम।
PSA 52:1 कुम्‍सो पपाइक्‍ब कली। शेंतीक कुम्‍सो एदोमी दोएगमी सावल कली “दाऊद अहीमेलेक आ बाक्‍तीकेम ख्रुंइसाक्‍व” देंचा नोले ङा दाऊद आ कुम्‍सो। १सामुएल २२:९-१९ गे थम बोल्‍यो मुर, मारदे मरिम्‍शो पचा आ पर्बम बोरनीनी? परमप्रभु आ शिशी नाक्‍त रे लीब।
PSA 52:2 गे नाक्‍त रे खतम सेल्‍चा आ पर्बम मिम्‍नीनी? इन शोव़ शेप्‍शो करद खोदेंशो बाक्‍ब। गे जोल पाइब ला बाक्‍नीनी।
PSA 52:3 गे रिम्‍शो पचा क्‍येङा मरिम्‍शो पचा ला दाक्‍नीनी। थमा लोव़ पचा क्‍येङा जोल पचा ला दाक्‍नीनी। ठेयब सेंदा पा।
PSA 52:4 गे जोल पाइब मुर, मारेइ मारेइ खतम सेल्‍तीक लोव़ ला दाक्‍नीनी।
PSA 52:5 परमप्रभुमी थमा पा इन कली गेना हना यो कली खतम सेल्‍ब। मेकोमी इन कली इन बाक्‍तीके रे कीशा, ग्रुंइब। मिनु मेकोमी इन कली ब्रोंइशा बाक्‍तीक रागी रे इन शाक्‍श सुन्‍दा उइश्‍शा, ताइक्‍ब। ठेयब सेंदा पा।।
PSA 52:6 ठीक पाइबपुकी मेको आन कली तशा, हिंनीम। मिनु मेकोपुकीमी रिश्‍शा कोव़शा भजन संग्रह ९१:८
PSA 52:7 एको मुर कली कोव़ङीन। एकोमी परमप्रभु कली जिम्‍मा मगेंसे। आ शुश शोंपोम “गो मारेइ मारेइ पने चाप्‍नुङ देंशा, अरु आन कली खतम पोक्‍शा, बोल्‍यो दुम्‍त” दे रिश्‍शा, कोव़नीम।
PSA 52:8 तन्‍न गो परमप्रभु आ खिंमी गिग तेल रवा खोदेंशो बाक्‍नुङ। गो आं कली गेना हना यो दाक्‍ब परमप्रभु कली थमा सुइक्‍नुङ। भजन संग्रह ९२:१३-१६
PSA 52:9 गो “इन पशो आ पर्बम गेना हना यो इन कली ठेयब सेल्‍नुङ। गो इन नें ‘पाप रे प्रोंइब बाक्‍ब’ दे आस पाइनुङ। मारदे हना इन नें रिम्‍शो बाक्‍ब। गो इन कली थमा सुइक्‍ब आन दातेमी ठेयब सेल्‍नुङ” देंती।
PSA 53:1 कुम्‍सो पपाइक्‍ब कली महलाथ नें पाइश्‍शो कुम्‍सो आ लायो। दाऊद आ शेंतीक कुम्‍सो। भजन संग्रह १४:- मूर्खपुकीमी आन थुंमी “परमप्रभु मबाक्‍ब” देंनीम। मेकोपुकी काइ मरिम्‍शो दुम्‍शा ग्रांग्रा दिचा ङा गेय पाइनीम। रिम्‍शो पाइब का यो मबाक्‍नीम।
PSA 53:2 मिनु परमप्रभुमी स्‍वर्ग रे मुर आन कली कोव़ब। मारदे कोव़ब देंशा हना, आ कली माल्‍ब, रुप्‍ब मुर का बाक्‍म कों, दे कोव़ब।
PSA 53:3 मुर नेल्‍ले हेंथे लां खोइश्‍शो बाक्‍नीम। मेको नेल्‍ले दूली पाइब बाक्‍नीम। रिम्‍शो पाइब का यो मबाक्‍नीम।
PSA 53:4 मार, मरिम्‍शो पाइबपुकी मारेइ मशेंसीनीमी? मेकोपुकीमी शोब्‍ले जशो खोदेंशो पा आं मुर आन कली नेक्‍नीम। मेकोपुकीमी परमप्रभु कली काइ मपुंइनीम।
PSA 53:5 मिनु नोले मेकोपुकी थाम्‍पा हिंनीम। ङोंइती मोपा हिंतीके मबा। मारदे हना परमप्रभुमी थमा मसुइक्‍ब आन रुश फ्राइब। मिनु मेकोपुकी मुने दोक्‍नीम। मारदे हना परमप्रभुमी मेको आन कली तिल्‍शो बाक्‍ब।
PSA 53:6 इस्राएल कली श्‍येत रे प्रोंइब सियोन रे जाक्‍शो हना, गिश रिम्‍शो दुम वा। परमप्रभुमी आ मुर आन कली थुं नाइश्‍शा, रिम्‍शो पा बाक्‍तीक लेंशा गेप्‍तु हना, याकूब आ मुर कुम्‍सो पाइनीम। मिनु इस्राएल ङा मुर ग्‍येरसीनीम।
PSA 54:1 कुम्‍सो पपाइक्‍ब कली तार पाइश्‍शो ताप्‍तीके ताप्‍शा, शेंतीक कुम्‍सो। जीफ ङा मुरपुकीमी सावल कली “दाऊद आंइ दातेमी ख्रुंइसीब” देंशो ना ङा दाऊद आ कुम्‍सो। १सामुएल २३:१९; १सामुएल २६:१ परमप्रभु, इन नेंमी आं कली प्रोंइयीनी। इन ठेयब सक्तिमी आं कली दोस मताइब बाक्‍ब, दे कोंइदीन।
PSA 54:2 परमप्रभु, आं लोव़ नेनीन, आं पुंइशो लोव़ नेनीने।
PSA 54:3 मरिम्‍शो पाइबपुकी आं गे बारतेक्‍म। हुश ख्राक्‍श पोक्‍बपुकीमी साइक्‍चा माल्‍तीमी। मेकोपुकी परमप्रभु कली ममिम्‍थु, महिंनीम। ठेयब सेंदा पा।
PSA 54:4 परमप्रभु थमा पा आं कली वारच पाइब बाक्‍ब। मेको आं कली ब्रोंइचा गेब बाक्‍ब।
PSA 54:5 सु सुम आं कली मरिम्‍शो पाइ‍नीमी, मेको आन कली मरिम्‍शो दुम्‍ल। इन दाक्‍शा मप्रोंइतीकेमी मेको आन कली खतम पोक्‍कीन।
PSA 54:6 परमप्रभु, गो इन कली आं दाक्‍तीके चढ़ेनुङ। परमप्रभु यावे, गो इन कली “गे रिम्‍शो पाइब बाक्‍नीनी” दे इन नें ठेयब सेल्‍नुङ। मारदे हना परमप्रभु यावे रिम्‍शो पाइब बाक्‍ब।
PSA 54:7 गे आं श्‍येत नेल्‍ल रे प्रोंइतीनी। मिनु गो आं जोरी सत्रु आन कली ग्राती।
PSA 55:1 कुम्‍सो पपाइक्‍ब कली तार पाइश्‍शो ताप्‍तीके ताप्‍शा शेंतीक। दाऊद आ कुम्‍सो। परमप्रभु, आं लोव़ नेनीन। आं ङोंइती रे इन कुल मख्रुइक्‍तीन।
PSA 55:2 आं पुंइशो नेंशा, लोव़ लेत्‍तीनी। गो श्‍येत जशा, आं थुं ग्‍येत्‍थ लुक्‍च दुम्‍शा, मारदे रोंका पा गाक्‍ती देंशा हना,
PSA 55:3 गो आं जोरी सत्रु आन लोव़ नेंशा, इन अरेशो मटीबपुकीम श्‍येत गेतीके रोंका पा गाक्‍ती। मारदे हना मेकोपुकी गाइश्‍शा आं जोरी सत्रु दुम्‍शा, श्‍येत गेतीमी।
PSA 55:4 आं थुं ग्‍येत्‍थ लुक्‍च पशो बाक्‍ब। आं कली बेक्‍चा ङा हिंतीकेमी सुम्‍ती।
PSA 55:5 गो हिंशा ख्रिंख्रि पाता। गो साप्‍पा हिंनुङ।
PSA 55:6 गो आं के “ढुकुर खोदेंशो पा फ्रां बाक्‍शो हना, बेरशा लशा, नांइसीङ वा” देंती।
PSA 55:7 गो थमा पा बेरशा ङोन लशा, गोरशो रागीम बाक्‍ङ वा। ठेयब सेंदा पा।
PSA 55:8 गो फश गिवार रे प्रोक्‍शा, रीब पा फाम्‍सीङ वा।
PSA 55:9 परमप्रभु, मरिम्‍शो पाइब आन मिम्‍शो खतम पा गेने। मेको आन लोव़ खाल्‍शा गेने। मारदे हना गो सहरमी हुश ख्राक्‍श पोक्‍शो नु जिशो खेशो ला ताता।
PSA 55:10 मेकोपुकी नाक्‍दो नाक्‍ती सहर ङा गारो ङोइश्‍शा एर ओंथ हिरशो बाक्‍नीम। मेको सहरम मरिम्‍शो पतीके नु श्‍येत ला बाक्‍ब।
PSA 55:11 मेको सहरम मारेइ मारेइ खतम पोक्‍ब बाक्‍ब। मुर आन कली दिप्‍तीके नु जोल पतीके सहर प्रोंइशा मलाइनीम।
PSA 55:12 आं कली काइ मदाक्‍बमी शुक्‍शी पाइय्‍यी हना, गो फाल्‍ने चबु वा। जोरी सत्रुमी आं कली लडाइ तोशो नम हना, गो मेको आन क्‍येङा प्रोक्‍शा ख्रुंइसीङ वा। भजन संग्रह ४१:१०
PSA 55:13 तन्‍न गे आ खोदेंशो मुर बाक्‍ते। गो नु बाक्‍ब आं वारच बाक्‍नेवे।
PSA 55:14 ङोंइती गो गे नु ग्‍येरशा बाक्‍शो बाक्‍ती। गो मुरपुकी नु परमप्रभु आ खिंम काथा गाक्‍शो नय।
PSA 55:15 बेक्‍पाइक्‍बमी आं जोरी सत्रु आन कली आन मतुइक्‍चा ङा पा जाक्‍शा दाक्‍गल। मेकोपुकी सेलीन बेक्‍शो मुर आन बाक्‍तीके लमल। मारदे हना मेको आन दातेमी मरिम्‍शो पतीके बाक्‍ब। गन्‍ती १६:३१-३३
PSA 55:16 तन्‍न गो परमप्रभु कली पुंइनुङ। मिनु मेकोमी आं कली प्रोंइब।
PSA 55:17 गो सुनी, नाक्‍दो, नाक्‍ती श्‍येत जङानु, परमप्रभु कली आं श्‍येत आ पर्बम पुंइनुङ। मिनु मेकोमी आं लोव़ नेंब।
PSA 55:18 मेकोमी आं कली लडाइ रे मारेइ दुम्‍पाइक्‍थु, प्रोंइब। शुश मुरुमी आं कली मदाक्‍ताक्‍यीमी हना यो, प्रोंइब।
PSA 55:19 परमप्रभु गेना हना यो ठेयब नित्‍तीकेमी निश्‍शो बाक्‍ब। मेकोमी मेको आन लोव़ नेंशा, श्‍येत गेब। ठेयब सेंदा पा। मारदे हना मेकोपुकीमी आन लां गेनायो ठीक मसेल्‍नीम। परमप्रभु कली मान पा महिंनीम।
PSA 55:20 आं वारचमी आं कली जोल पा श्‍येत गेती। मेकोमी आ कबल प्रोंइतु।
PSA 55:21 मिनु मेकोमी मिलो शिलो लोव़ पाप्‍तु। तन्‍न मेको आ थुंमी जिचा खेचा ला बाक्‍ब। मेको आ लोव़ तेल ख्रेक्‍शो खोदेंशो बाक्‍ब। तन्‍न आ आगाम शोइश्‍शो तरवार बाक्‍ब। येरमीया ९:७
PSA 55:22 इन थुं ङा श्‍येत नु मार पचा दो पचा देंतीके परमप्रभु यावे आ ङोंइती वोतीन। मिनु मेकोमी इन कली कुक्‍ब। मेकोमी ठीक पाइब आन कली गेनायो हिम्‍सीचा मगेब। १पत्रुस ५:७
PSA 55:23 तन्‍न परमप्रभु, गे मरिम्‍शो पाइब आन कली खतम दुम्‍तीकेमी ताइक्‍नीनी। हुश ख्राक्‍श पोक्‍ब नु जोल पाइब आन ब्रोंइतीक नाक्‍त उइक्‍थ यो मब्रोंइनीम। तन्‍न गो इन कली थमा सुइश्‍शा बाक्‍नुङ। भजन संग्रह १०२:२५
PSA 56:1 कुम्‍सो पपाइक्‍ब कली ङोन ङा रवाम बाक्‍शो ढुकुर आ कुम्‍सो आ लायो। पलिस्‍तीपुकीमी गाथ सहरम दाऊद कली ग्‍याइक्‍ची ना ङा दाऊद आ कुम्‍सो। १सामुएल २१:१०-१५ परमप्रभु आं कली शिशी पाइय्‍यीनी। मारदे हना मुरपुकीमी आं कली शुश खेदा पाइनीमी। नाक्‍त रे आं कली दिप्‍शो बाक्‍नीम।
PSA 56:2 नेल्‍ल क्‍येङा ठेयब, नाक्‍त रे आं कली दिप्बपुकीमी आं कली श्‍येत गेनीमी। आं कली खेदा पाइब शुश बाक्‍नीम।
PSA 56:3 गो हिंङानु, इन कली थमा सुइक्‍नुङ।
PSA 56:4 मिनु गो परमप्रभु आ लोव़ ठेयब सेल्‍नुङ। मेकोमी प्रोंइब, दे थमा सुइश्‍शा, महिंथु बाक्‍नुङ। मुरपुकीमी आं कली मार पाइक्‍ने चाप्‍नीमी ङा? भजन संग्रह २७:१; भजन संग्रह ११८:६; यसैया १२:२; यसैया ५१:१२; मत्ती १०:२८
PSA 56:5 नाक्‍त रे मेकोपुकीमी आं लोव़ दूली सेल्‍शा लोव़ पाइनीम। मेको आन मिम्‍शो नेल्‍ले आं कली श्‍येत गेचा कली ला बाक्‍ब।
PSA 56:6 मिनु मेकोपुकीमी आं कली क्‍यारी पा बाप्‍शा साइक्‍चा माल्‍नीम।
PSA 56:7 परमप्रभु, मेको आन कली काइ प्रोक्‍चा मगेन। इन गाइक्‍चामी मेको मुर आन कली खतम पोक्‍कीन।
PSA 56:8 आं रोंका पशो मिम्‍तीन। आं प्रेक्‍कु इन ग्‍यों‍बुम कुर पा वोतीन। मार, मेको इन लोव़ ब्रेक्‍शो किताबम ब्रेक्‍शो मबाक्‍बा ङा?
PSA 56:9 मिनु गो इन कली “वारच पाइय्‍यीनी” दे पुनुनु, आं जोरी सत्रु लेश्‍शा प्रोक्‍नीम। मिनु परमप्रभुमी आं कली दाक्‍ब, दे तुइक्‍नुङ।
PSA 56:10 गो परमप्रभु आ लोव़ ठेयब सेल्‍नुङ। गो परमप्रभु यावे आ लोव़ आ पर्बम ग्‍येरशा लोव़ पाइनुङ।
PSA 56:11 गो “परमप्रभुमी श्‍येत रे प्रोंइब” दे थमा सुइश्‍शा, महिंथु बाक्‍नुङ। मुरपुकीमी आं कली मार पाइक्‍ने चाप्‍नीमी ङा?
PSA 56:12 परमप्रभु, गो गे नु कसम जशो, खाप्‍चा माल्‍नुङ। गो इन कली “गे रिम्‍शो पाइब बाक्‍नीनी” दे चढ़ेतीके चढ़ेनुङ।
PSA 56:13 मारदे हना गे आं कली बेक्‍चा रे प्रोंइतीनी। मिनु आं कली गोल्‍चा रे प्रोंइतीनी। परमप्रभु, गो ब्रोंइशो आन छेङछेङम गाक्‍चा तङल। अय्‍युब ३३:३०
PSA 57:1 कुम्‍सो पपाइक्‍ब कली खतम मसेलो देंशो कुम्‍सो आ लायो। दाऊद सावल रे प्रोक्‍मेनु, पुक्‍खीम बाक्‍शा, पशो कुम्‍सो। १सामुएल २२:१ परमप्रभु शिशी पने। आं कली शिशी पाइय्‍यीनी। मारदे हना आं थुं गे नु ख्रुंइसीब। एको खतम पोक्‍ब फश गिवार मनुम्‍‍म सम्‍म गो इन फ्रां आगामी ख्रुंइसीशा बाक्‍नुङ। भजन संग्रह १७:८; भजन संग्रह ९१:१-२
PSA 57:2 गो नेल्‍ल क्‍येङा ठेयब, परमप्रभु कली ब्रेत्‍नुङ। परमप्रभुमी आं पर्बम आ मिम्‍शो खाप्‍ब।
PSA 57:3 मेकोमी स्‍वर्ग रे वारच पाइब सोइश्‍शा, आं कली प्रोंइब। मिनु आं कली खेदा पाइब आन कली हुइक्‍ब। ठेयब सेंदा पा। परमप्रभुमी आं कली गेना हना यो दाक्‍ब। आ दाक्‍शा मप्रोंइतीकेमी आं कली कोव़ब।
PSA 57:4 गो गुप्‍स आन दातेमी बाक्‍शो बाक्‍नुङ। गो मुर ब्‍वाइब जन्‍तु आन दातेमी गोल्‍शो बाक्‍नुङ। मेको मुर आन ख्रुइ तूतीक नु ब्रा खोदेंशो बाक्‍नीम। मेको आन लें हेश्‍शो तरवार खोदेंशो बाक्‍ब।
PSA 57:5 परमप्रभु, गे सरीङ क्‍येङा ठेयब बाक्‍नीनी। मिनु रागी इन सक्तिम प्रिंदीन।
PSA 57:6 मेकोपुकीमी आं खोइली रेप्‍पाइक्‍चा कली ब्‍वारद दाइक्‍ताक्‍म। गो श्‍येत जशा गुर ब्‍वेशो बाक्‍नुङ। मेकोपुकीमी आं लांम खाल्‍टा दोम्‍तेक्‍म। तन्‍न मेकोपुकी मेकेर आंमा बिक्‍तेक्‍म। ठेयब सेंदा पा।
PSA 57:7 परमप्रभु, आं थुं ग्‍येत्‍थ लुक्‍च मपथु बाक्‍ब। गो ताप्‍तीक ताप्‍शा कुम्‍सो पाइनुङ। भजन संग्रह १०८:२-६
PSA 57:8 आं थुं सेंशा बोक्‍को। ताप्‍तीकपुकी ठीक पा बाक्‍कीन। मारदे हना गो नां सोव़चा क्‍येङा ङोंइती कुम्‍सो पाइनुङ।
PSA 57:9 परमप्रभु, गो जात जात ङा मुर आन दातेमी इन कली ठेयब सेल्‍नुङ। गो रागी रागी आन दातेमी इन पर्बम कुम्‍सो पाइनुङ।
PSA 57:10 मारदे हना इन गेना हना यो दाक्‍तीके सरीङ सम्‍म जाक्‍दीश्‍शो ठेयब बाक्‍ब। मिनु इन दाक्‍शा मप्रोंइतीके गोस्‍स सम्‍म जाक्‍दीश्‍शो ठेयब बाक्‍ब।
PSA 57:11 परमप्रभु, गे सरीङ क्‍येङा ठेयब बाक्‍नीनी। मिनु रागी इन सक्तिम प्रिंदीन।
PSA 58:1 कुम्‍सो पपाइक्‍ब कली कुम्‍सो आ लायो, खतम मसेलो देंशो दाऊद आ सेल्‍शो कुम्‍सो। भजन संग्रह ८२:२-४ गे निसाफ पाइबपुकी, ठीक लोव़ पाइनीनी? गे मुर आन कली ठीक निसाफ पाइब बाक्‍नीनी?
PSA 58:2 ममाइ, गे इन थुंमी ठीक ममिम्‍नीनी। मिनु गे रागीम हुश ख्राक्‍श पोक्‍नीनी।
PSA 58:3 परमप्रभु आ अरेशो मटीबपुकी जरमेसमा रेन मरिम्‍शो पाइनीम। कोव़ज रेन मरिम्‍शो पाइब दुम्‍शो बाक्‍नीम। मिनु जोल पाइनीम।
PSA 58:4 मेको आन बीस बुस्‍स आन बीस खोदेंशो बाक्‍ब। मेको थम ठेयब बुस्‍स आन नोफा सुशो खोदेंशो बाक्‍नीम।
PSA 58:5 मिनु मन्‍तर तन्‍तर पाइब नु नु टुना मुना पाइब आन लोव़ मनेंनीम।
PSA 58:6 परमप्रभु, मेको आन ख्रुइ जिक्‍तीन। परमप्रभु यावे, गुप्‍स आन ख्रुइ तुल्‍दीन।
PSA 58:7 मेकोपुकी शाइश्‍‍शो ब्‍वाक्‍कु खोदेंशो पा जाम्‍शा, लमल। मेकोपुकीमी लिब्राम ब्रा आप्‍मेनु, मेको आन ब्रा हेंथे लमल।
PSA 58:8 मेकोपुकी गाक्‍ना गाक्‍न यशा, दे खोदेंशो दुम्‍मल। मेकोपुकीमी शाम्‍शो आलपुकीम खोदेंशो पा नां मतामेक्‍ल।
PSA 58:9 इन ग्‍योंबपुकी सोव़शो चूमी ब्रशो मीम होचा क्‍येङा ङोंइती, मरिम्‍शो पाइबपुकी जाम्‍शा लाइनीम।
PSA 58:10 मिनु ठीक पाइबपुकी मरिम्‍शो पाइब आन कली क्‍येक्‍क लेश्‍शो तशा, ग्‍येरसीनीम। मिनु मेको आन हुशेम गाक्‍नीम।
PSA 58:11 मिनु मुरपुकीमी “ठीक पाइबपुकीमी थमा पा इनाम ताइनीम। थमा पा, परमप्रभु रागीम निसाफ पाइब बाक्‍ब” देंनीम।
PSA 59:1 कुम्‍सो पपाइक्‍ब कली खतम मसेलो देंशो कुम्‍सो आ लायो। दाऊद आ कुम्‍सो। सावलमी दाऊद आ खिंम बाक्‍म कों, मेको कली साइक्‍चा, दे क्‍यारी पथ सोइश्‍शो बाक्‍त। १सामुएल १९:११ आं परमप्रभु, आं जोरी सत्रु रे प्रोंइयीनी। आं कली मरिम्‍शो पाइब आन क्‍येङा प्रोंइयीनी।
PSA 59:2 आं कली मरिम्‍शो पाइब नु हुश ख्राक्‍श पोक्‍ब आन रे प्रोंइयीनी।
PSA 59:3 कोव़ङीन, मेकोपुकीमी आं कली साइक्‍चा कली बाप्‍शा बाक्‍शो बाक्‍नीम। परमप्रभु यावे, गो मारेइ मरिम्‍शो मपथु, मेको मुर साइक्‍बपुकीमी आं कली जिचा तोशो बाक्‍नीम।
PSA 59:4 गो मारेइ मरिम्‍शो मपथु, मेकोपुकीमी आं कली साइक्‍चा चिक्‍शो बाक्‍नीम। आं श्‍येत जशो कोव़ङीन। मिनु वारच पाइक्‍चा कली बोक्‍कीन।
PSA 59:5 परमप्रभु यावे, मुर नेल्‍ल आन परमप्रभु, इस्राएल आ परमप्रभु, रागी रागी आन कली सजाइ गेचा कली बोक्‍कीन। इन कली प्रोंइशा, मरिम्‍शो पाइब आन कली काइ शिशी मपने। ठेयब सेंदा पा।
PSA 59:6 नाक्‍दो कुस कुस मेकोपुकी सहर आ एर ओंथ कुचुम खोदेंशो पा ङरर ङरर पा हिरसीनीम।
PSA 59:7 मेकोपुकीमी आन शोव़ रे मार ग्रुंइबाक्‍मा? मेकोपुकीमी साइक्‍चा ङा लोव़ पाइनीम। मिनु मेकोपुकीमी “सुम नेंबा ङा” देंनीम।
PSA 59:8 तन्‍न परमप्रभु यावे, गे मेको आन पर्बम रित्‍नीनी। गे रागी रागी नेल्‍ल आन पर्बम रित्‍नीनी।
PSA 59:9 गे आं सक्ति बाक्‍नीनी। गो इन कली ठेयब सेल्‍शा कुम्‍सो पाइनुङ। परमप्रभु, गे आं बोल्‍यो दरवार बाक्‍नीनी। भजन संग्रह ९:१०-११
PSA 59:10 परमप्रभुम आं कली गेना हना यो दाक्‍तीकेम ग्रुम्‍ब। मिनु मेकोमी आं कली आं जोरी सत्रु आन कली ग्रापाइक्‍ब।
PSA 59:11 मेको आन कली मसतीन। मो पाइतीनी हना, आं मुरपुकीमी प्रेंनीमी। परमप्रभु, गे आंइ तेक्‍तीक बाक्‍नीनी। गे मेको आन कली इन सक्तिमी एर ओंथ ब्रपाइश्‍शा, आइक्‍च सेलीन।
PSA 59:12 मेको आन पशो लोव़मी, आन ठेयब लेश्‍शो कोंइनीमी। गे गाइश्‍शा मेको आन सराप पतीके नु जोल पतीके खतम पोक्‍कीन।
PSA 59:13 मेको आन कली इन गाइक्‍तीकेमी सतीन। गे मेको आन कली रागी रे क्‍याम्‍ताक्‍नी हना, मुर नेल्‍लेमी परमप्रभुमी याकूब कली सासन पाइब, दे तुइक्‍नीम। ठेयब सेंदा पा।
PSA 59:14 नाक्‍दो कुस कुस मेकोपुकी सहर आ एर ओंथ कुचुम खोदेंशो पा ङरर ङरर पा हिरसीनीम।
PSA 59:15 मेकोपुकी जचा थोव़क माल्‍थ गाक्‍नीम। मिनु मरूतेक्‍म हना, ग्रीनीम।
PSA 59:16 तन्‍न गो चहिं इन सक्ति आ पर्बम कुम्‍सो पाइनुङ। सुनी कना गो इन गेना हना यो दाक्‍शो आ पर्बम कुम्‍सो पाइनुङ। मारदे हना गे आं ब्रोंइशा बाक्‍तीक बोल्‍यो दरवार बाक्‍नीनी। मिनु श्‍येत जङानु, आं ख्रुइक्‍तीक बाक्‍नीनी।
PSA 59:17 गे, आं सक्ति बाक्‍नीनी, गो इन कली ठेयब सेल्‍तीक कुम्‍सो पाइनुङ। गे आं बोल्‍यो दरवार नु आं कली गेना हना यो दाक्‍ब परमप्रभु बाक्‍नीनी।
PSA 60:1 कुम्‍सो पपाइक्‍ब कली कबल ङा फू आ लायो। दाऊद आ सेल्‍शो शेंतीक कुम्‍सो। मेकोमी अराम-नहाराइन नु अराम-सोबाह नु लडाइ पवानु, योआब लेश्‍शा, १२ हजार एदोमी कली हिक्‍सी दिंमम साइक्‍तु। २सामुएल ८:३,१३; २सामुएल १०:१३,१८ परमप्रभु, गे आंइ कली वारच पाइक्‍चा प्रोंइशो बाक्‍तीनी। गे आंइ लडाइ पतीके कली प्रोंइशो बाक्‍तीनी। गे आंइ पर्बम थाम्‍पा गाइक्‍ताक्‍नी। मुल आंइ कली ङोंइती ङा खोदेंशो पा रिम्‍शो सेलीन।
PSA 60:2 गे ख्रिनु कुपाइक्‍तीनी। मिनु रागी कली चेत्‍तीनी। मेको जेश्‍शो लेंशा सेलीन। मारदे हना हिम्‍सीन सीन बाक्‍ब।
PSA 60:3 परमप्रभु, गे इन मुर आन कली ठेयब श्‍येत जपाइक्‍तीनी। गे आंइ कली दिङ दाङ गोल्‍ब तूचा थोव़क तूपाइक्‍तीनी। भजन संग्रह ७५:९
PSA 60:4 मिनु इन क्‍येङा मान पा हिंब आन कली प्रोक्‍तीक लां कोंइचा कली चिन्‍ड का वोइक्‍तीनी। मेकेर लमानु, ब्राम मख्राइ‍नीम। ठेयब सेंदा पा।प्रस्‍थान १७:१५
PSA 60:5 इन सक्तिमी आंइ कली प्रोनीन। मिनु इन दाक्‍शो मुरपुकी ब्रोंइचा तामेक्‍ल। भजन संग्रह १०८:७-१४
PSA 60:6 परमप्रभुमी आ बाक्‍तीक रे “ग्‍येरपाइक्‍तीकेमी, गो शेकेम कली योक्‍नुङ। सुक्‍कोथ ङा दिंम पुक्‍नुङ।
PSA 60:7 गिलाद नु मनस्‍से आं के बाक्‍नीस। एफ्राइम आं पियाम गुप्‍तीक बाक्‍ब। यहूदा आं राज दन्‍ड बाक्‍ब। उत्‍पत्ती ४९:१०
PSA 60:8 मोआब आं चिक्‍तीके बोस बाक्‍ब। गो एदोम तार आं जुत्ता ब्‍वारनुङ। गो पलिस्‍ती आन कली ग्रानुङ।
PSA 60:9 सुम आं कली गारो हिरशो सहर सम्‍म चाक्‍दीप्‍बा? सुम आं कली लां कोंइशा, एदोम सम्‍म चाक्‍दीप्‍बा?” देंत।
PSA 60:10 परमप्रभु, गे आंइ क्‍येङा ङोन मलनी? गे आंइ कली प्रोंइतीनी। गे आंइ लडाइ पाइबपुकी नु मलाइनीनी।
PSA 60:11 मिनु आंइ जोरी सत्रु क्‍येङा ग्रा‍चा कली आंइ कली वारच पने। मारदे हना मुर आन वारच पशो शोर गाक्‍शो बाक्‍ब।
PSA 60:12 गो परमप्रभु आ वारच पाइश्‍शोमी ग्रानीकी। मिनु मेकोमी आंइ जोरी सत्रु आन कली दिम्‍ब।
PSA 61:1 कुम्‍सो पपाइक्‍ब कली तार पाइश्‍शो ताप्‍तीके ताप्‍शा पतीक, दाऊद आ कुम्‍सो। परमप्रभु, आं ब्रेश्‍‍शो नेनीन। आं पुंइशो लोव़ नेनीन।
PSA 61:2 गो ङोन रागी रे इन कली ब्रेत्‍नुङ। आं थुं ग्‍येत्‍थ लुक्‍च दुम्‍मेनु, ब्रेत्‍नुङ। आं कली लाइश्‍शो सेरथे फुल्‍लु तार लाइय्‍यीनी।
PSA 61:3 मारदे हना गे आं ख्रुइक्‍तीके बाक्‍नीनी। गे ङोंइती रे आं जोरी सत्रुमी मथित्‍तीके बोल्‍यो लाइश्‍शो खिं बाक्‍नीनी। भजन संग्रह ७१:३; हितोपदेस १८:१०
PSA 61:4 गे आं कली इन ताम्‍बुमी गेना हना यो बाक्‍चा गेने। मिनु इन फ्रां आगाम ख्रुंइसीनुङ।ठेयब सेंदा पा।भजन संग्रह १७:८
PSA 61:5 परमप्रभु, गे आं कसम जशो नेंतीनी। गे इन नें कली मान पा हिंब आन कली गेशो खोदेंशो पा, आं कली यो गेतीनी।
PSA 61:6 पिप कली शुश ब्रोंइतीक नाक्‍त गेने। शुश पाला सम्‍म आ ब्रोंइतीक नाक्‍त बारपतीन। भजन संग्रह २१:५
PSA 61:7 मेको परमप्रभु आ ङोंइती गेना हना यो आ नित्‍तीकेम बाक्‍चा तवल। इन गेना हना यो दाक्‍तीके नु इन दाक्‍शा मप्रोंइतीकेमी मेको कली खाल पपतीन। २सामुएल ७:१६
PSA 61:8 मेना गो इन नें गेना हना यो ठेयब सेल्‍तीक कुम्‍सो पाइनुङ। मिनु नाक्‍त किंत किंत गो आं कसम जशो खाप्‍नुङ।
PSA 62:1 कुम्‍सो पपाइक्‍ब येदुथून कली दाऊद आ कुम्‍सो। आं थुंम सिक्‍सी पा परमप्रभु कली रिम्‍ब। मेकोमी आं कली प्रोंइब। यसैया ३०:१५
PSA 62:2 मेको ला आं सेरथे फुल्‍लु नु आं कली वारच पाइब बाक्‍ब। मेको आं बोल्‍यो दरवार बाक्‍ब। गो गेनायो महिम्‍‍सीनुङ। भजन संग्रह १८:३
PSA 62:3 गे नेल्‍लेमी मुर का कली गेना सम्‍म बाप्‍शा साइक्‍चा माल्‍नीनी? गे गोल्‍चा चिक्‍शो गारो नु ब्रेत्‍चा चिक्‍शो थरपु खोदेंशो मुर कली खोल्‍नीनी?
PSA 62:4 मेकोपुकीमी ठेयब मुर कली साइक्‍चा माल्‍शो बाक्‍नीम। मेकोपुकी जोल पतीकेमी ग्‍येरसीनीम। मिनु शोव़म आसीक गेखु पाइनीम। तन्‍न आन थुंमी चहिं सराप पाइनीम। ठेयब सेंदा पा।
PSA 62:5 आं थुंम सिक्‍सी पा परमप्रभु कली ला रिम्‍ब। मारदे हना गो मेको कली आस पाइनुङ।
PSA 62:6 मेको ला आं सेरथे फुल्‍लु नु आं कली वारच पाइब बाक्‍ब। मेको आं बोल्‍यो दरवार बाक्‍ब। गो महिम्‍‍सीनुङ।
PSA 62:7 आं कली श्‍येत रे प्रोंइतीके नु मान ततीके परमप्रभु रे जाक्‍ब। परमप्रभु आं ख्रुइक्‍तीक सेरथे फुल्‍लु नु आं बोल्‍यो दरवार बाक्‍ब।
PSA 62:8 मुर नेल्‍ले, गेना हना यो परमप्रभु कली थमा सुतीन। मेको आ ङोंइती इन थुं ङा लोव़ देंनीन। मारदे हना परमप्रभु इं ख्रुइक्‍तीके बाक्‍ब। ठेयब सेंदा पा।
PSA 62:9 महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।
PSA 62:10 मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७
PSA 62:11 परमप्रभुमी लोव़ पाप्‍तु। गो लोव़ निक्‍शी नेंता “परमप्रभु के सक्ति बाक्‍ब।
PSA 62:12 परमप्रभु यावे गेना हना यो दाक्‍ब बाक्‍ब” देंशो नेंता। गे थमा पा मुर नेल्‍ल आन कली आन पशो खोदेंशो पा गेनीनी। रोमी २:६-११
PSA 63:1 यहूदा आ गोरशो रागीम बाक्‍शो ना ङा दाऊद आ कुम्‍सो। १सामुएल २२:५ परमप्रभु, गे आं परमप्रभु बाक्‍नीनी। गो इन कली थमा पा माल्‍नुङ। गो ब्‍वाक्‍कु तूतू दाक्‍शो खोदेंशो पा आं थुंमी इन कली माल्‍नुङ। गो ब्‍वाक्‍कु मबाक्‍शो रागीम ब्‍वाक्‍कु माल्‍शो खोदेंशो पा इन कली माल्‍स ङा माल्‍स बाक्‍नुङ। भजन संग्रह ४२:३
PSA 63:2 गो इन कली इन बाक्‍तीकेमी ताता। मिनु इन सक्ति नु छेङछेङ ताता।
PSA 63:3 आं ब्रोंइतीके क्‍येङा इन गेना हना यो दाक्‍तीके ठेयब बाक्‍ब। मोपतीके गो इन कली ठेयब सेल्‍नुङ।
PSA 63:4 गो मबेक्‍ङा सम्‍म इन कली ठेयब सेल्‍नुङ। मिनु गो आं गुइ पोक्‍शा, इन कली प्रार्थना पाइनुङ।
PSA 63:5 ब्रोव़शो जशो खोदेंशो पा इन कली मिम्‍शा ग्‍येरनुङ। गो कुम्‍सो पा इन कली ठेयब सेल्‍नुङ।
PSA 63:6 गो आं ब्राख्‍येम बाक्‍ङानु, इन कली मिम्‍नुङ। मिनु नाक्‍दो यो इन कली मिम्‍शा बाक्‍नुङ। येरमीया २६:९
PSA 63:7 मारदे हना गे आं कली वारच पाइब बाक्‍नीनी। मोपतीके गो इन प्रोंइतीके तुइश्‍शा, कुम्‍सो पाइनुङ। भजन संग्रह १७:८
PSA 63:8 आं थुं गे नु बाक्‍ब। गे आं कली कोव़ब बाक्‍नीनी।
PSA 63:9 तन्‍न आं कली साइक्‍चा माल्‍बपुकी खतम दुम्‍शा, खप आगा ओव़नीम।
PSA 63:10 मेकोपुकी तरवारम साइक्‍चा पुंइसीनीम। मिनु सिवारम मेको आन कली ब्‍वाइनीम।
PSA 63:11 तन्‍न पिप चहिं परमप्रभु नु थुं नाइश्‍शा ग्‍येरशा बाक्‍ब। परमप्रभु आ नेंम कसम जाइबपुकीमी मेको कली ठेयब सेल्‍नीम। तन्‍न जोल पाइबपुकी ब्‍वाक्‍चा मताइनीम।
PSA 64:1 कुम्‍सो पपाइक्‍ब कली दाऊद आ कुम्‍सो। परमप्रभु, आं कली श्‍येत गेशो आ पर्बम इन कली शेंदुनु, आं लोव़ नेनीन। आं कली आं जोरी सत्रु आन क्‍येङा प्रोंइयीनी।
PSA 64:2 इन अरेशो मटीब आन क्‍येङा ख्रुइक्‍तीनी। मरिम्‍शो पाइब आन ख्रुइश्‍शा मिम्‍शो रे ख्रुइक्‍तीनी।
PSA 64:3 मेकोपुकीमी तरवार खोदेंशो पा आन लें हेप्‍पाइक्‍नीम। मेको आन लोव़मी साइक्‍ब ब्रा खोदेंशो पा आप्‍नीम।
PSA 64:4 मेकोपुकीमी बाप्‍शा, दोस मपाइश्‍शो मुर आन कली आप्‍नीम। मेकोपुकीमी मेको आन कली महिंथु ब्रा ब्रु आप्‍नीम।
PSA 64:5 मिनु मेकोपुकीमी आन मरिम्‍शो पशो आ पर्बम आंम आंमा ठीक पाइतीनी, देंमुइनीम। ख्रुइश्‍शा ब्‍वारद दाइक्‍तीक आ पर्बम लोव़ पाइनीम। मेकोपुकीमी “इं कली सुम ताइबा ङा” देंनीम। भजन संग्रह ९४:७
PSA 64:6 मेकोपुकीमी मरिम्‍शो पतीक आ पर्बम गारशा “गो शुश मिम्‍शा, गेय पाइतय” देंनीम। थमा पा मुर आन मिम्‍तीके नु थुं मरिम्‍शो बाक्‍ब।
PSA 64:7 तन्‍न परमप्रभुमी मेको आन कली ब्रा आप्‍ब। मिनु मेको आन मतुइक्‍थु गोल्‍नीम।
PSA 64:8 परमप्रभुमी मेको आन कली आन लोव़ आ पर्बम खतम सेल्‍ब। मेको आन कली साइक्‍ब। मिनु मेको आन कली ताइब नेल्‍लेमी हिंशा आन पिया हिक्‍नीम।
PSA 64:9 नोले मुर नेल्‍ल हिंनीम। मिनु परमप्रभु आ पशो आ पर्बम लोव़ पाइनीम। मिनु मेको आ पशो मिम्‍नीम। प्रस्‍थान ८:१५
PSA 64:10 ठीक पाइबपुकी परमप्रभु यावे आ पर्बम ग्‍येरसीने। मिनु मेको नु ख्रुंइसीन। रिम्‍शो थुं पाइश्‍शो मुर नेल्‍ले ग्‍येरसीन।
PSA 65:1 कुम्‍सो पपाइक्‍ब कली। दाऊद आ कुम्‍सो। परमप्रभु, सियोनमी इन कली ठेयब सेल्‍तीक कुम्‍सो पाइनीमी। मिनु आंइ कसम जशो नेल्‍ल इन ङोंइती खाप्‍नीकी।
PSA 65:2 गे प्रार्थना नेंब बाक्‍नीनी। मोपतीके मुर नेल्‍ल इन ङोंइती जाक्‍नीम।
PSA 65:3 गो आंइ पापमी ग्रुम्‍कानु, आंइ मरिम्‍शो पशो माफ गेतीनी।
PSA 65:4 सु सु इन योव़चा पुंइसीशो बाक्‍नीमी, मेकोपुकी ग्‍येरसीशो बाक्‍नीमी। मेको आन कली इन खिंम बाक्‍पाइक्‍चा कली चाक्‍नीनी। गो इन खिं, इन आंम बाक्‍तीके ङा ब्रोव़शो थोव़कमी रू‍नीकी। भजन संग्रह ६३:३-४; भजन संग्रह ८४:२-५; ब्‍यवस्‍था ४:७
PSA 65:5 आंइ पुंइशो लोव़ इन ठेयब गेयमी आंइ कली प्रोंइशा लोव़ लेत्‍नीनी। परमप्रभु, आंइ कली श्‍येत रे प्रोंइब बाक्‍नीनी। गे ङोन बाक्‍ब रागी नु नेल्‍ल क्‍येङा ङोन ङा समुन्‍द्र आ नेक्‍था बाक्‍ब आन आस बाक्‍नीनी।
PSA 65:6 गे इन सक्तिमी डांडा नेल्‍ल सेल्‍तीनी। गे ठेयब सक्ति पाइश्‍शो बाक्‍नीनी।
PSA 65:7 गे समुन्‍द्र आन ग्रीशो सिक्‍सी पपाइक्‍तीनी। गे समुन्‍द्र आन बोक्‍शो नाइक्‍पाइक्‍नीनी। मिनु जात जात ङा मुर आन जिचा खेचा साम्‍नीनी। भजन संग्रह ८९:१०
PSA 65:8 मिनु ङोन ङोन रागीम बाक्‍बपुकी इन छक लाक्‍चा ङा गेय तशा हिंनीम। परमप्रभु, गे नां दाप्‍तीके नु नां पेरतीकेम बाक्‍ब आन कली ग्‍येरसीशा कुम्‍सो पपाइक्‍नीनी।
PSA 65:9 गे रागी हिरशा, रेउ यिपाइक्‍‍नीनी। गे मेको कली शुश ग्रेल्‍पाइक्‍नीनी। परमप्रभु आ खोला ब्‍वाक्‍कुम ब्रीशो बाक्‍नीम। मोपा मुर आन कली शुश अन्‍न ख्रेल्‍नीनी। मारदे हना मेकोन इन मिम्‍शो बाक्‍ब। भजन संग्रह ६७:७
PSA 65:10 गे रू नेल्‍ल ब्‍वाक्‍कुम जिप्‍पाइक्‍नीनी। मेको कली थेल्‍नीनी। रेउ यिपाइश्‍शा, मेको कली मार मार वापाइक्‍ब सेल्‍नीनी। मिनु मेकेर सिश्‍शो अन्‍न कली आसीक गेनीनी। भजन संग्रह १०४:१३-१६
PSA 65:11 गे इन गेना हना यो दाक्‍तीकेमी शुश अन्‍न ग्रेल्‍ब सेल्‍नीनी। इन बग्‍गी मारेइ मारेइम ब्रीशो बाक्‍नीम।
PSA 65:12 गोरशो रागी ङा बी ब्‍यफ योव़तीके गिग दुम्‍नीम। पहाड थाम्‍पा ग्‍येरसीशो बाक्‍नीम।
PSA 65:13 योव़तीके नेल्‍ल क्‍यारश भेडापुकीमी ब्रीशो बाक्‍नीम। दिंमपुकी अन्‍नमी सुम्‍सीशो बाक्‍नीम। मेकोपुकी शुश ग्‍येरसीशा कुम्‍सो पाइनीम।
PSA 66:1 कुम्‍सो पपाइक्‍ब कली कुम्‍सो का। ए रागी ङा मुर नेल्‍ले, ग्‍येरशा परमप्रभु कली कुम्‍सो पने।
PSA 66:2 गे परमप्रभु कली “इन नें ठेयब बाक्‍ब” दे कुम्‍सो पने। मेको कली रिम्‍शो कुम्‍सो पने।
PSA 66:3 मिनु परमप्रभु कली “इन गेय ठेयब नु हिंचा ङा बाक्‍नीमी। इन जोरी सत्रु इन ङोंइती हिंशा, ख्रिंख्रि पा बाप्‍नीम। मारदे हना इन सक्ति थम ठेयब बाक्‍ब” देनीन।
PSA 66:4 रागी ङा मुर नेल्‍ल इन ङोंइती बाप्‍नीम। मेकोपुकीमी इन कली ठेयब सेल्‍शा, कुम्‍सो पाइनीम। मिनु इन नें कली ठेयब सेल्‍शा, कुम्‍सो पाइनीम। ठेयब सेंदा पा।
PSA 66:5 जाक्‍कीन, परमप्रभु आ गेय कोव़ङीन। मेकोमी मुर आन दातेमी ठेयब नु हिंचा ङा गेय पाप्‍तु।
PSA 66:6 मेकोमी समुन्‍द्रम सोव़शो लां सेल्‍तु। मुरपुकी सोव़शो लांम गाक्‍शा, खोला शोक्‍साक्‍म। मेकेर गो मेको आ पर्बम ग्‍येरसाक्‍क। प्रस्‍थान १४:२१-२२; यहोसु ३:१६-१७
PSA 66:7 मेकोमी आ सक्तिमी गेना हना यो सासन पाइब। मेकोमी रागी रागी आन कली कोव़ब। मेको कली मटीब ठेयब मलेम्‍मल। ठेयब सेंदा पा।
PSA 66:8 जात जात ङा मुरपुकी, आंइ परमप्रभु कली ठेयब सेलीन। मेको कली ठेयब सेल्‍शो लोव़ नेंसेक्‍ल।
PSA 66:9 मेकोमी आंइ कली बेक्‍चा रे प्रोंइतु। आंइ कली ग्रेक्‍चा मगेव।
PSA 66:10 मारदे हना परमप्रभु, गे आंइ कली नाक्‍ताक्‍नी। गे आंइ कली चांदी यपाइश्‍शो खोदेंशो पा यपाइक्‍तीनी। हितोपदेस १७:३
PSA 66:11 गे आंइ कली जेल्‍खानम चोक्‍पाइक्‍तीनी। मिनु हेल्‍शो भारी कुरपाइक्‍तीनी।
PSA 66:12 गे मुर आन कली आंइ पियाम थेक्‍पाइक्‍तीनी। गो मी नु ब्‍वाक्‍कुम गाक्‍तक। तन्‍न गे आंइ कली ठेयब रागीम चाक्‍तीनी। यसैया ४३:२
PSA 66:13 गो इन खिंमी चोशा चढ़ेचा कली जाक्‍नुङ। मिनु आं पशो कसम खाप्‍नुङ।
PSA 66:14 गो श्‍येत जङानु, कसम जाता। मिनु मुल खाप्‍नुङ।
PSA 66:15 गो इन कली दोम्‍शो बस्‍तु चढ़ेनुङ। गो बोका चढ़ेनुङ। गो ब्‍यफपुकी नु क्‍यारश चढ़ेनुङ। ठेयब सेंदा पा।
PSA 66:16 परमप्रभु कली मान पा हिंबपुकी, नेल्‍ल जाक्‍शा नेनीन। मेकोमी आं पर्बम मार पवा, मेको गो इन कली शेंनुङ।
PSA 66:17 गो मेको कली ठेयब सेंदा पा पुंइता। गो मेको कली ठेयब सेल्‍ता।
PSA 66:18 आं थुंमी पाप बाक्‍शो हना, परमप्रभुमी आं लोव़ मनेन वा। हितोपदेस २८:९
PSA 66:19 तन्‍न परमप्रभुमी आं लोव़ थमा पा नेंतु। मेकोमी आं पुंइशो लोव़ नेंतु।
PSA 66:20 परमप्रभु ठेयब बाक्‍ल। मारदे हना मेकोमी आं पुंइशो लोव़ गेती। मिनु आं कली गेना हना यो दाक्‍ब।
PSA 67:1 कुम्‍सो पपाइक्‍ब कली तार पाइश्‍शो ताप्‍तीके ताप्‍शा पतीक कुम्‍सो। परमप्रभुमी इं कली शिशी पा आसीक गेवल। मिनु इं कली आ शिशी कोंइदल। ठेयब सेंदा पा।गन्‍ती ६:२४-२५
PSA 67:2 रागी रागी ङा मुरपुकीमी इन लां नु इन प्रोंइतीक सक्ति तुइक्‍तमेक्‍ल।
PSA 67:3 परमप्रभु, जात जात ङा मुरपुकीमी इन कली ठेयब सेल्‍मेक्‍ल। मिनु मुर नेल्‍लेमी इन कली ठेयब सेल्‍मेक्‍ल।
PSA 67:4 रागी रागी ङा मुरपुकी ग्‍येरशा सोम्‍शा, कुम्‍सो पामेक्‍ल। मारदे हना गे जात जात ङा मुर आन कली कुल मकोव़थु निसाफ पाइनीनी। मिनु रागी रागी ङा मुर आन कली इन लां कोंइनीनी। ठेयब सेंदा पा।
PSA 67:5 परमप्रभु, जात जात ङा मुरपुकीमी इन कली ठेयब सेल्‍मेक्‍ल। मिनु जात जात ङा मुर नेल्‍लेमी इन कली ठेयब सेल्‍मेक्‍ल।
PSA 67:6 मिनु रूम अन्‍न ख्रेल्‍ब। इं परमप्रभुमी इं कली आसीक गेब। भजन संग्रह ६५:१०
PSA 67:7 परमप्रभुम, इं कली आसीक गेना गेन बाक्‍ब। मिनु रागी ङा मुर नेल्‍ले मेको कली मान पा हिंनीम।
PSA 68:1 कुम्‍सो पपाइक्‍ब कली दाऊद आ कुम्‍सो। परमप्रभु बोक्‍ब। मिनु आ जोरी सत्रु ब्रशा, आ ङोंइती रे प्रोक्‍नीम। गन्‍ती १०:३५
PSA 68:2 दोपा फशेमी कुन बेरपाइश्‍शा योल्‍बा, मोपा मेको आन कली बेरपाइश्‍शा योल्‍पतीन। मी आ नेक्‍था मयीन यशो खोदेंशो पा परमप्रभु आ अरेशो मटीबपुकी मेको आ ङोंइती जाम्‍शा लाइनीम।
PSA 68:3 तन्‍न ठीक पाइबपुकी परमप्रभु आ ङोंइती ग्‍येरसमल। मेकोपुकी ग्‍येरशा सोम्‍शा बाक्‍मल।
PSA 68:4 परमप्रभु कली कुम्‍सो पने। मेको आ नें आ पर्बम कुम्‍सो पने। गोस्‍स तार गाक्‍ब कली ठेयब सेल्‍तीक कुम्‍सो पने। मेको आ नें परम‍प्रभु यावे बाक्‍ब। गे मेको आ ङोंइती ग्‍येरशा सोम्‍शा बाक्‍कीन। यसैया ५७:१४
PSA 68:5 परमप्रभु आ बाक्‍तीकेमी बाक्‍शा, रोम रोइक्‍च आन आफ बाक्‍ब। वोंइश बेक्‍शो मीश मुर आन कली वारच पाइब यो बाक्‍ब। भजन संग्रह १०:१४
PSA 68:6 परमप्रभुमी आ का ला बाक्‍शो मुर कली बाक्‍तीक खिं गेब। मेकोमी चोक्‍सीशो आन कली प्रोंइशा रिम्‍शो सेल्‍ब। तन्‍न मटीबपुकी चहिं नांम दुप्‍शा सोव़शो रागीम बाक्‍चा माल्‍नीम।
PSA 68:7 परमप्रभु, गे इन मुर आन ङोंइङोंइती गाक्‍तीनी। गे मेको आन कली गोरशो रागीम खुल्‍नीनी। ठेयब सेंदा पा।प्रस्‍थान १३:२१
PSA 68:8 परमप्रभु सीनैम बाक्‍ब। इस्राएली आन परमप्रभु आ ङोंइती ख्रिनु कुत। मिनु शुश रेउ यित। प्रस्‍थान १९:१६-१८
PSA 68:9 परमप्रभु, गे ठेयब रेउ यिपाइक्‍तीनी। इन सोव़ने थुम्‍शो रागी जिप्‍पाइक्‍तीनी।
PSA 68:10 इन मुर आन कली मेको रागीम बाक्‍पाइक्‍तीनी। मिनु गे, परमप्रभु, इन दाक्‍तीकेमी श्‍येत जाइब आन कली थुल्‍तीनी।
PSA 68:11 परमप्रभुमी आ लोव़ नेंपाइक्‍तु। मिनु मेको लोव़ शेंब मीश मुर शुश दुम्‍तेक्‍म। यसैया ५२:७
PSA 68:12 लडाइ पाइब आन पिप हिंशा दाम दाम पा प्रोक्‍नीम। मिनु मीश मुरपुकीमी मेको प्रोक्‍ब आन प्रोंइशो मारेइ मारेइ योक्‍सीनीम।
PSA 68:13 गे चहिं भेडा आन दातेमी इप्‍चा दाक्‍नीनी? चांदीम गिल्‍शो फ्रां पाइश्‍शो ढुकुर बाक्‍ब। मिनु आ ओफ्‍लापुकी टल्‍केशो सुनमी गिल्‍शो बाक्‍नीम।
PSA 68:14 मिनु नेल्‍ल क्‍येङा सक्ति पाइश्‍शोमी पिप आन कली ब्रपाइक्‍ची ना सल्‍मोन डांडामी फुं यिपाइक्‍तु। न्‍यायाधीस ५:१६
PSA 68:15 बाशान ङा डांडा परमप्रभु आ डांडा बाक्‍ब। मेको थम ठेयब बाक्‍ब। मेकेर डांडा शुश बाक्‍नीम।
PSA 68:16 गे शुश डांडा पाइश्‍शो पहाड, मारदे गे परमप्रभु आ सासन पचा कली योव़शो डांडा गे कोव़शा, गेहे पाइनीनी? मेकेर परमप्रभु गेना हना यो बाक्‍ब। भजन संग्रह १३२:१३
PSA 68:17 परमप्रभु आ बग्‍गी हजार हजार क्‍येङा शुश बाक्‍नीम। मिनु परमप्रभु सीनै रे आ बाक्‍तीकेम जाक्‍शो बाक्‍ब।
PSA 68:18 गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०
PSA 68:19 परमप्रभु कली नाक्‍त किंत किंत ठेयब सेल्‍मेक्‍ल। मेको आंइ श्‍येत कुरशा, आंइ जोरी सत्रु रे प्रोंइब बाक्‍ब।ठेयब सेंदा पा।१कोरिन्‍थी १०:१३
PSA 68:20 आंइ परमप्रभु श्‍येत रे प्रोंइब बाक्‍ब। मिनु परमप्रभु यावेमी बेक्‍चा रे प्रोंइ‍ब।
PSA 68:21 परमप्रभुमी थमा पा आ जोरी सत्रु आन पिया प्रोल्‍ब। मेको मुर आन चां पाइश्‍शो पिया पापम ब्रीशो बाक्‍ब।
PSA 68:22 मिनु परमप्रभुमी “गो मेको आन कली बाशान रे चाक्‍नुङमी। मेको आन कली समुन्‍द्र आगा रे ग्रुंइनुङमी।
PSA 68:23 गेपुकीमी इन खोइली इन जोरी सत्रु आन हुशेम ख्रुम्‍नीनी। मिनु इन कुचुमपुकीमी यो आन भाग ताइनीम” देंत।
PSA 68:24 परमप्रभु, मुरपुकीमी इन कली ताइनीम। आं परमप्रभु, आं पिप कली आ बाक्‍तीकेम लशो ताइनीम। भजन संग्रह २४:७; २सामुएल ६:१३-१५
PSA 68:25 ङोंइङोंइती कुम्‍सो पाइबपुकी गाक्‍नीम। मेको आन नोले मार मार ताप्‍बपुकी गाक्‍नीम। मिनु मेको आन एर ओंथ खैजडी ताप्‍ब मीश आलपुकी गाक्‍नीम। प्रस्‍थान १५:२०
PSA 68:26 परमप्रभु कली ग्रुम्‍तीकेमी ठेयब सेलीन। परमप्रभु यावे कली इस्राएली आन ग्रुम्‍तीकेमी ठेयब सेलीन। यसैया ४८:१
PSA 68:27 नेल्‍ल क्‍येङा आइक्‍च थर बेन्‍यामीन आ खिं ङा मुरपुकीमी मेको आन कली लां कोंइनीम। यहूदा आ थर ङा ठेयब मुर, जबूलून आ थर नु नाप्‍ताली आ थर ङा ठेयब मुर मेको हुलम बाक्‍नीम।
PSA 68:28 परमप्रभु इन सक्ति कोंइदीन। ङोंइती पशो खोदेंशो पा परमप्रभु, इन सक्ति कोंइदीन।
PSA 68:29 मिनु पिपपुकीमी इन कली यरूसलेम ङा इन खिं आ पर्बम मार मार चाक्‍नीम। भजन संग्रह ७२:१०
PSA 68:30 बुदी मीलु आन दातेम बाक्‍ब जन्‍तु खोदेंशो मुर आन कली हुइक्‍तीन। जात जात ङा बाछा आन दातेम बाक्‍ब ब्‍यफ खोदेंशो मुर आन हुल कली खेरीन। मेकोपुकी ब्रुमा नोले चांदी चाक्‍चा माल्‍नीम। लडाइ पचा दाक्‍ब जात जात ङा मुर आन कली ब्रपतीन।
PSA 68:31 इजीप्‍त रे मुर जाक्‍नीम। एथीयोपीया ङा मुरपुकी परमप्रभु कली जिम्‍मा गेंसीनीम। यसैया १८:७; यसैया १९:२१; यसैया ४५:१४ प्रेरित ८:२७
PSA 68:32 ए रागी ङा राज्‍यपुकी, परमप्रभु कली कुम्‍सो पने। परमप्रभु यावे कली ठेयब सेल्‍तीक कुम्‍सो पने। ठेयब सेंदा पा।
PSA 68:33 परमप्रभु ङोंइती रे स्‍वर्गम बाक्‍ब। मेको आ सेंदा बुंबु पशो खोदेंशो सक्ति पाइश्‍शो बाक्‍ब।
PSA 68:34 परमप्रभु सक्ति पाइश्‍शो बाक्‍ब। मेको कली इस्राएलीम मान पाइनीम। मेको आ सक्ति सरीङम बाक्‍ब।
PSA 68:35 परमप्रभु, इन बाक्‍तीकेमी हिंचा ङा बाक्‍नीनी। इस्राएली आन परमप्रभुम आ मुर आन कली सक्ति नु बोल गेब। परमप्रभु ठेयब बाक्‍ब।
PSA 69:1 कुम्‍सो पपाइक्‍ब कली लिली फू आ लायो। दाऊद आ कुम्‍सो। “परमप्रभु, आं कली श्‍येत रे प्रोंइयीनी। मारदे हना ब्‍वाक्‍कु आं शुर सम्‍म जाक्‍शो बाक्‍ब।
PSA 69:2 गो थेक्‍‍तीक मबाक्‍शो हिलो आगाम ग्रुम्‍ना ग्रुम्‍न बाक्‍नुङ। शुश लुक्‍च लशो ब्‍वाक्‍कुमी ग्रुम्‍ना ग्रुम्‍न बाक्‍नुङ। आं एर ओंथ ब्‍वाक्‍कु ला बाक्‍ब।
PSA 69:3 गो ‘वारच पने’ दे प्रवा किवा पा दती। आं सेंदा सोव़ती। आं परमप्रभु कली माल्‍शा आं मिक्‍च ब्राब्रा दुम्‍ती।
PSA 69:4 आं कली मोशा काइ मदाक्‍बपुकी आं चां क्‍येङा यो शुश बाक्‍नीम। मिनु मेकोपुकी मोशा आं जोरी सत्रु दुम्‍शो बाक्‍नीम। मेकोपुकीमी आं कली साइक्‍चा माल्‍शो बाक्‍नीम। आं मरोइश्‍शो मार मार थोव़क, मेकोपुकीमी ‘लेत्‍तो’ देंनीम। यूहन्‍ना १५:२५
PSA 69:5 परमप्रभु, गे आं दूली पशो तुइश्‍शो बाक्‍नीनी। आं दोस इन ङोंइती मख्रुइश्‍शो बाक्‍ब।
PSA 69:6 इन कली आस पाइबपुकी आं पतीके मुने मदोक्‍मल। परमप्रभु, मुर नेल्‍ल आन परमप्रभु यावे, इन कली माल्‍बपुकी आं पतीके मुने मदोक्‍मल। गे इस्राएली आन परमप्रभु बाक्‍नीनी।
PSA 69:7 गो इन पर्बम शुक्‍शी पाइक्‍चा पुंइसीनुङ। मिनु मुनेमी आं कुल सुम्‍सीशो बाक्‍नुङ। भजन संग्रह ४४:२३
PSA 69:8 गो आं लोक्‍ब आन दातेमी मतुइश्‍शो मुर खोदेंशो दुम्‍शो बाक्‍नुङ। गो आं ममा आ तौ आंइ दातेमी अर्को रागी ङा मुर खोदेंशो दुम्‍ती। भजन संग्रह ३८:१२
PSA 69:9 मारदे हना इन खिं कली दाक्‍तीके नाक्‍त किंत किंत आं ङोंइती बाक्‍ब। इन कली पशो शुक्‍शी आं कली दुम्‍त। भजन संग्रह ११९:१३९; यूहन्‍ना २:१७; रोमी १५:३
PSA 69:10 गो ङाक्‍शा, माइजा बाक्‍ङानु, मुरपुकीमी रित्‍ताक्‍यीमी।
PSA 69:11 गो भाङग्रा फेक्‍सीङानु, मुरपुकीमी आं कली शुक्‍शी पाइक्‍तीमी।
PSA 69:12 ठेयब लाप्‍चोम बाक्‍बपुकीमी आं कली शुक्‍शी पाइनीम। दुक्‍शो मुरपुकीमी आं पर्बम कुम्‍सो पाइनीम। अय्‍युब ३०:९
PSA 69:13 तन्‍न परमप्रभु यावे, गो इन कली इन शिशी पाइक्‍ची ना लोव़ पाइनुङ। इन गेना हना यो दाक्‍तीकेमी आं पुंइशो श्‍येत रे प्रोंइतीके गेयीनी। परमप्रभु आं कली लोव़ लेत्‍तीनी। यसैया ४९:८
PSA 69:14 आं कली हिलोमी ग्रुम्‍तीक रे प्रोंइयीनी। आं कली ग्रुम्‍चा मगेयीनी। आं कली काइ मदाक्‍बपुकी रे प्रोंइयीनी। मेको बारशो ब्‍वाक्‍कु रे प्रोंइयीनी।
PSA 69:15 बारशो ब्‍वाक्‍कुम आं कली मसुम्‍यील। ब्‍वाक्‍कुम मयोल्‍दील। बेक्‍शो मुर आन बाक्‍तीकेमी आं कली मब्रेत्‍तील। उत्‍पत्ती २९:३
PSA 69:16 परमप्रभु यावे, इन गेना हना यो दाक्‍तीकेमी आं कली लोव़ लेत्‍तीनी। इन ठेयब शिशी आं गे लेत्‍तीन। गन्‍ती ६:२६
PSA 69:17 इन कुल इन गेय पाइब रे मख्रुइक्‍तीन। गो श्‍येत जशो बाक्‍नुङ। आं कली रीब पा लोव़ लेत्‍तीनी।
PSA 69:18 आं नेक्‍था जाक्‍कीन। मिनु आं कली प्रोंइयीनी। आं जोरी सत्रु रे आं कली प्रोंइयीनी।
PSA 69:19 मुरपुकीमी आं पर्बम दोपा रित्‍तीमी, मुने तोक्‍यीमी नु शुक्‍शी पाइय्‍यीमी, गे मेको नेल्‍ल तुइक्‍नीनी। आं जोरी सत्रु नेल्‍ल इन ङोंइती बाक्‍नीम।
PSA 69:20 आं कली रिश्‍शा कोव़शो आ पर्बम आं थुं जिक्‍शो बाक्‍ब। मिनु गो मारेइ पने मचाप्‍ब दुम्‍शो बाक्‍ती। आं कली शिशी पाइब ‘सुइ बाक्‍मा कों’ दे कोव़ता, तन्‍न सुइ मबाक्‍म। लेम्‍ब यो सुइ मबाक्‍म।
PSA 69:21 मेकोपुकीमी आं जचा थोव़कमी खाइल कुर पा गेतीमी। गो तूतू दाक्‍ङानु, ग्‍युरशो तूचा थोव़‍क गेतीमी। मत्ती २७:३४,४८
PSA 69:22 मेको आन जचा थोव़क आन ब्‍वारद दुम्‍ल। मेको आन कली वारच पाइब आन बेक्‍तीक दुम्‍ल। रोमी ११:९-१०
PSA 69:23 मेको आन मिक्‍ची ब्राब्रा दुम्‍शा, मताइब दुम्‍मल। मेको आन ची गेना हना यो गुर ब्‍वेशो दुम्‍ल।
PSA 69:24 गे इन गाइक्‍चा मेको आन कली मोइक्‍तीन। इन गाइश्‍शो मेको आन कली दुम्‍ल।
PSA 69:25 मेको आन बाक्‍तीके श्‍येत्‍थ दुम्‍ल। मेको आन ताम्‍बुम सुइ मलीमल। प्रेरित १:२०
PSA 69:26 मारदे हना इन तुप्‍शो मुर कली खेदा पाइनीम। मेकोपुकीमी इन खाइक्‍पाइश्‍शो मुर आन कली लडाइ तोइनीम।
PSA 69:27 मेको आन ठीक मपतीकेम ठीक मपतीक तेम्‍दीन। मेकोपुकीम इन पाप रे प्रोंइतीके मतामेक्‍ल।
PSA 69:28 ब्रोंइतीक किताब रे मेको आन नें क्‍याम्‍सेक्‍ल। ठीक पाइब आन नें ब्रेक्‍शो किताबमी मेको आन नें मबाक्‍ल। प्रस्‍थान ३२:३२-३३; दानीएल १२:१; लूका १०:२०; फिलिप्‍पी ४:३
PSA 69:29 परमप्रभु, गो श्‍येत जशा, रोइ पशो बाक्‍नुङ। इन प्रोंइतीकेमी आं कली खाल पयील” दे परमप्रभु कली लोव़ पाता।
PSA 69:30 गो कुम्‍सो पा, परमप्रभु आ नें ठेयब सेल्‍नुङ। “गे रिम्‍शो पाइब बाक्‍नीनी” दे मेको कली ठेयब सेल्‍नुङ।
PSA 69:31 मार मार क्‍योरशा, चढ़ेशो क्‍येङा एको कुम्‍सो नेंशा, परमप्रभु यावे ग्‍येरसीब। ग्रोव़ नु गेंच पाइश्‍शो ब्‍यफ चढ़ेशो क्‍येङा यो शुश ग्‍येरसीब। भजन संग्रह ५०:८-१३
PSA 69:32 दिप्‍चा पुंइसीशो मुरपुकी मेको तशा ग्‍येरसीनीम। परमप्रभु यावे कली माल्‍बपुकी, इन थुं ग्‍येत्‍थ लुक्‍च मदुम्‍ल।
PSA 69:33 परमप्रभु यावेमी प्रुङग आन पुंइशो नेंब। मिनु ग्‍याइक्‍चा पुंइसीशो आ मुर आन कली आइक्‍च ममिम्‍ब।
PSA 69:34 सरीङ नु रागीमी मेको कली ठेयब सेल्‍सेक्‍ल। समुन्‍द्र नु मेकेर बाक्‍शो नेल्‍लेमी मेको कली ठेयब सेल्‍मेक्‍ल।
PSA 69:35 मारदे हना परमप्रभुमी सियोन कली प्रोंइब। मिनु यहूदा ङा सहरपुकी लेंशा सेल्‍ब। मिनु मुरपुकी मेकेर बाक्‍शा, मेको आन के दुम्‍ब।
PSA 69:36 मिनु मेको आ गेय पाइब आन आल आन के यो दुम्‍ब। मेको आ नें दाक्‍बपुकी मेकेर बाक्‍नीम।
PSA 70:1 कुम्‍सो पपाइक्‍ब कली मिम्‍पाइक्‍चा कली दाऊद आ कुम्‍सो। भजन संग्रह ४०:१४-१८ “परमप्रभु, आं कली राइक्‍चा कली रीब पा जाक्‍कीन। परमप्रभु यावे आं कली वारच पचा कली रीब पा जाक्‍कीन।
PSA 70:2 आं कली साइक्‍चा माल्‍बपुकी मुने दोक्‍शा, वाम ग्‍याम दुम्‍मल। आं कली मरिम्‍शो दुम्‍शो दाक्‍बपुकी प्रोक्‍शा, ठेयब मुने दोक्‍मल।
PSA 70:3 मिनु सुमी आं पर्बम ‘ठीक दुम्‍त!’ देंमा, मेको मुने पा लल गोंगो जिमल।
PSA 70:4 तन्‍न सु सुमी इन कली माल्‍नीमी, मेकोपुकी इन पर्बम ग्‍येरशा सोम्‍शा बाक्‍मल। सु सुमी इन पाप रे प्रोंइतीक दाक्‍नीमी, मेकोपुकीमी गेना हना यो ‘परमप्रभु ठेयब बाक्‍ब’ देंमल।
PSA 70:5 गो प्रुङग नु श्‍येत जाइब बाक्‍ती हना यो, परमप्रभु रीब पा आं बाक्‍तीक जाक्‍कीन। गे आं कली वारच पाइब नु आं कली राइक्‍ब बाक्‍नीनी। परमप्रभु यावे, रीब पा जाक्‍कीन” दे पुंइता।
PSA 71:1 परमप्रभु यावे, गो इन कली जिम्‍मा गेंसीशो बाक्‍नुङ। गो गेनायो मुने मदोक्‍ङल।
PSA 71:2 इन ठीक पतीकेम आं कली राइश्‍शा प्रोंइयीनी। आं लोव़ नेंशा, आं कली प्रोंइयीनी।
PSA 71:3 आं प्रोक्‍शा लशा ख्रुइश्‍शा बाक्‍तीके सेरथे फुल्‍लु दुमीन। गे आं कली प्रोंइचा कली ब्रोंइशा बाक्‍तीक दरवार बाक्‍नीनी। मारदे हना गे आं सेरथे फुल्‍लु नु आं ब्रोंइशा बाक्‍तीक दरवार बाक्‍नीनी। भजन संग्रह ३१:३-४
PSA 71:4 आं परमप्रभु, गे आं कली इन अरेशो मटीब आन गुइ रे राइक्‍तीनी। ठीक मपाइब नु तुप्‍शा दिप्‍ब मुर आन गुइ रे राइक्‍तीनी।
PSA 71:5 मारदे हना परमप्रभु यावे, गे आं आस बाक्‍नीनी। गो आ ठिटा दुम्‍ङा रेन इन कली थमा सुइक्‍ता।
PSA 71:6 गो जरमेसीङा रेन इन कली थमा सुइक्‍ता। गे आं ममा आ कोव़ज रेन आं कली कोव़ब बाक्‍तीनी। गो इन कली गेना हना यो ठेयब सेल्‍नुङ।
PSA 71:7 शुश मुरपुकीमी आं कली तशा “परमप्रभुमी मेको कली ताइक्‍ताक्‍व” दे मिम्‍नीम। तन्‍न गे आं ख्रुइश्‍शा बाक्‍तीक बाक्‍नीनी।
PSA 71:8 गो इन कली गेना हना यो ठेयब सेल्‍नुङ। गो नाक्‍त रे इन नें ठेयब सेल्‍नुङ।
PSA 71:9 गो खूशो दुम्‍ङानु, आं कली मप्रोंइयीनी। आं सक्ति जाम्‍मेनु यो आं कली मप्रोंइयीनी।
PSA 71:10 मारदे हना आं जोरी सत्रुमी आं पर्बम मरिम्‍शो लोव़ पाइनीम। आं कली साइक्‍चा माल्‍बपुकीमी लोव़ गारपाइक्‍नीम।
PSA 71:11 मेकोपुकीमी “परमप्रभुमी मेको कली वारच पचा प्रोंइशो बाक्‍ब। मेको कली खेदा पा ग्‍याइक्‍तय। मारदे हना मेको कली राइक्‍ब सुइ मबाक्‍नीम” देंनीम।
PSA 71:12 परमप्रभु, आं क्‍येङा ङोन मबाक्‍कीन। आं परमप्रभु, आं कली राइक्‍चा कली रीब पा जाक्‍कीन।
PSA 71:13 आं कली दोस गेबपुकी मुने दोक्‍शा खतम दुम्‍मल। आं कली साइक्‍चा माल्‍बपुकी तोक्‍शा लोव़ पाइक्‍चा, शुक्‍शी पाइक्‍चा नु आइक्‍च सेल्‍चा पुंइसमल।
PSA 71:14 तन्‍न गो चहिं इन कली आस पस ङा पस बाक्‍नुङ। गो इन कली ङोंइती क्‍येङा ठेयब सेल्‍नुङ।
PSA 71:15 गो इन ठीक पतीके आ पर्बम लोव़ पाइनुङ। गे आं कली गिश खेयप प्रोंइ‍यीनी, मतुइक्‍ताक्‍ङ हना यो, गो इन श्‍येत रे प्रोंइतीके आ पर्बम नाक्‍त रे लोव़ पाइनुङ।
PSA 71:16 परमप्रभु, गो इन सक्ति पाइश्‍शो गेय आ पर्बम शेंना शेंन गाक्‍नुङ। मिनु इन ठीक पतीके आ पर्बम इन कली ठेयब सेल्‍नुङ।
PSA 71:17 परमप्रभु, गो ठिटा बाक्‍ङा रेन, गे आं कली शेंताक्‍यीनी। मिनु गो मुल सम्‍म इन छक लाक्‍चा ङा गेय आ पर्बम लोव़ पाइनुङ।
PSA 71:18 परमप्रभु, गो खूशो दुम्‍शा, आं चां बोइक्‍म सम्‍म यो, आं कली मप्रोंइयीनी। मिनु गो आं नोले ङा पाला ङा मुर आन कली इन सक्ति नु इन ठीक पतीके आ पर्बम शेंनुङ। यसैया ४६:४
PSA 71:19 मिनु इन ठीक पतीके ठेयब दुम्‍शा, इर सरीङ थीब। गे थम ठेयब गेय पाइतीनी। परमप्रभु, इन खोदेंशो अरु सु बाक्‍नीमी ङा?
PSA 71:20 गे आं कली शुश नु ठेयब श्‍येत जपाइक्‍तीनी हना यो, लेंशा ब्रोंइचा गेनीनी। गे आं कली लुक्‍च लतीक रे लेंशा ग्‍येत्‍थ लपाइक्‍नीनी। १सामुएल २:६
PSA 71:21 गे आं कली लेंशा मान ताइब सेल्‍शा लेम्‍नीनी।
PSA 71:22 आं परमप्रभु, गो इन दाक्‍शा गेनायो मप्रोंइतीके आ पर्बम ठेयब तार पाइश्‍शो ताप्‍तीके ताप्‍शा, ठेयब सेल्‍नुङ। गे इस्राएली आन का ला परमप्रभु बाक्‍नीनी। गो बीना ताप्‍शा इन कली कुम्‍सो पाइनुङ। गे इस्राएली आन का ला परमप्रभु बाक्‍नीनी। २राजा १९:२२; यसैया ४३:३
PSA 71:23 गे आं कली श्‍येत रे प्रोंइब बाक्‍तीनी। मोपतीके गो ग्‍येरशा सोम्‍शा इन कली कुम्‍सो पा ठेयब सेल्‍नुङ।
PSA 71:24 गो इन ठीक पतीके आ पर्बम नाक्‍त रे लोव़ पाइनुङ। मारदे हना आं कली खती पचा माल्‍बपुकी मुने दोक्‍शा, मार पचा ना मार पचा दुम्‍तेक्‍म।
PSA 72:1 सोलोमन आ कुम्‍सो। परमप्रभु, पिप कली इन निसाफ ङा लोव़ गेने। पिप आ तौ कली इन ठीक पतीके गेने।
PSA 72:2 मेकोमी इन मुर आन कली ठीक पतीकेमी निसाफ पवल। इन प्रुङग मुर आन कली ठीक पा निसाफ पवल।
PSA 72:3 मोदेंशो ठीक पतीके तशा, डांडा नु पहाड ङा रूपुकी अन्‍न ग्रेल्‍ब दुम्‍मल।
PSA 72:4 मेकोमी मुर आन दातेमी प्रुङग आन कली कोव़ङल। मिनु श्‍येत जाइब आन तमी तौ आन कली प्रोनल। मेकोमी दिप्‍ब आन कली खतम पोक्‍गल।
PSA 72:5 नां तास्‍ला बाक्‍सा सम्‍म नु मुर नेल्‍ल आन पाला सम्‍म मेको ब्रोंइशा बाक्‍ल।
PSA 72:6 मिनु मेको घांस रिक्‍शो दिंममी रेउ यिशो खोदेंशो दुम्‍ल। रेउमी रागी कली जिप्‍पाइश्‍शो खोदेंशो दुम्‍ल।
PSA 72:7 मेको आ पालामी मुर आन दातेमी ठीक पतीके ठेयब दुम्‍ल। मिनु तास्‍ला लीम सम्‍म मुर आन थुं नाइक्‍तीक दुम्‍ल।
PSA 72:8 मेकोमी समुन्‍द्र का रे अर्को समुन्‍द्र सम्‍म नु ठेयब खोला रे रागी आ सुर सम्‍म सासन पवल। जकरिया ९:१०
PSA 72:9 गोरशो रागी ङा मुरपुकी मेको आ ङोंइती बाम्‍मल। मिनु आ जोरी सत्रुमी फुरक तुक्‍गमेक्‍ल।
PSA 72:10 टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२
PSA 72:11 पिप नेल्‍ल मेको आ ङोंइती बाम्‍मल। मिनु रागी रागी ङा मुर नेल्‍लेमी मेको कली गेय पामेक्‍ल।
PSA 72:12 मारदे हना मेकोमी आ कली पुंइब श्‍येत जाइब आन कली प्रोंइब। वारच पाइब मबाक्‍शो प्रुङग आन कली वारच पाइब। अय्‍युब ३६:१५
PSA 72:13 मचाप्‍ब नु श्‍येत जाइब आन कली शिशी पाइब। मेकोमी प्रुङग आन कली साइक्‍तीक रे प्रोंइब।
PSA 72:14 मेको आन कली दिप्‍तीक नु हुश ख्राक्‍श पोक्‍तीक रे प्रोंइब। मारदे हना मेको आ ङोंइती हिक्‍सीशो बाक्‍नीम। भजन संग्रह ९:१३; भजन संग्रह ११६:१५
PSA 72:15 मेको शुश नाक्‍त ब्रोंइल। शेबा ङा सुन मेको कली चाक्‍गमेक्‍ल। मुरपुकीमी मेको आ पर्बम प्रार्थना पस ङा पस पामेक्‍ल। नाक्‍त रे मेको कली आसीक गेमेक्‍ल।
PSA 72:16 मिनु रागी शुश अन्‍नम ब्रील। डांडा तार यो अन्‍न ग्रेल्‍ल। मिनु फल फुल लेबानोन ङा खोदेंशो पा सिल्‍ल। सहरम बाक्‍ब मुर घांस खोदेंशो पा सोशा बोशा शुश दुम्‍मल।
PSA 72:17 मेको आ नें गेना हना यो लील। नां बाक्‍म सम्‍म आ नें ठेयब बाक्‍ल। रागी रागी ङा मुर नेल्‍लेम मेको रे पा आसीक तामेक्‍ल। मिनु मेकोपुकीमी मेको आ पर्बम “ग्‍येरसीशो मुर बाक्‍ब” देंमल। उत्‍पत्ती १२:३; उत्‍पत्ती २२:१८
PSA 72:18 परमप्रभु, परमप्रभु यावे, इस्राएली आन परमप्रभु ठेयब बाक्‍ब। मेकोमी ला छक लाक्‍चा ङा गेय पाइब। भजन संग्रह ४१:१४
PSA 72:19 मेको आ नें गेना हना यो ठेयब बाक्‍ब। रागी नेल्‍ल आ सक्तिमी ब्रील। आमेन, मेको थमा बाक्‍ब। यसैया ६:३
PSA 72:20 येस्‍से आ तौ दाऊद आ प्रार्थना एकोन बाक्‍नीम।
PSA 73:1 आसाफ आ कुम्‍सो। परमप्रभु इस्राएल ङा मुर आन कली थमा पा रिम्‍शो पाइब बाक्‍ब। आन पाप क्‍याम्‍चा पुंइसीशा, रिम्‍शो थुं पाइश्‍शो आन कली रिम्‍शो पाइब बाक्‍ब। अय्‍युब २१:७
PSA 73:2 तन्‍न गो ग्रेक्‍शा, आं थेक्‍तीक साम्‍चा चिक्‍शो बाक्‍ती।
PSA 73:3 मारदे हना गो परमप्रभु आ अरेशो मटीब आन रिम्‍शो दुम्‍शो तशा नु मेको आन ठेयब लेश्‍शो तशा, गेहे पाता।
PSA 73:4 मेको आन कली श्‍येत मबाक्‍ब। मेकोपुकी रोइ मपशो नु बोल्‍यो बाक्‍नीम।
PSA 73:5 मेकोपुकी अरुपुकीम खोदेंशो पा श्‍येत मजाइनीम। मेकोपुकी अरु खोदेंशो पा श्‍येत मदुम्‍नीम।
PSA 73:6 मोपतीके ठेयब लेत्‍तीके मेको आन माला खोदेंशो दुम्‍ब। आन दिप्‍शा हुश ख्राक्‍श पोक्‍तीके आन फेक्‍तीक वा खोदेंशो दुम्‍ब।
PSA 73:7 मेको आन खकटा थुंम मरिम्‍शो पतीके बाक्‍ब। मेको आन थुं ङा मरिम्‍शो पतीके मिम्‍शा, मिम्‍ने मजाप्‍शो बाक्‍ब।
PSA 73:8 मेकोपुकीमी शुक्‍शी पा मरिम्‍शो लोव़ पाइनीम। मिनु आन ठेयब लेत्‍तीकेमी मुर आन कली हिंच कोंइनीम।
PSA 73:9 मेकोपुकीमी “स्‍वर्ग नेल्‍ल आंइ के बाक्‍ब” देंनीम। मिनु रागी नेल्‍ल आंम के सेल्‍नीम।
PSA 73:10 मोपतीके मुरपुकी मेको आन गे लेत्‍नीम। मिनु आन लोव़ थमा सुइश्‍शा आन नोले खोइश्‍शा मेको आन कली ठेयब सेल्‍नीम।
PSA 73:11 मिनु मेकोपुकीमी “परमप्रभुमी दोपा तुइक्‍बा ङा? मार मेको नेल्‍ल क्‍येङा ठेयब तुइक्‍ब बाक्‍बा ङा?” देंनीम। भजन संग्रह १०:११
PSA 73:12 परमप्रभु आ अरेशो मटीबपुकी मोदेंशो बाक्‍नीम। मेकोपुकी महिंथु, क्‍येट चेम्‍ना चेम्‍न बाक्‍नीम।
PSA 73:13 गो आयेसो ला रिम्‍शो थुं पाइश्‍शो दुम्‍ङा बाक्‍त। मिनु मोशा दोस मताइब दुम्‍ङा बाक्‍त। मलाकी ३:१४
PSA 73:14 गो नाक्‍त रे हिंचा ङा श्‍येत जाता। मिनु सुनी कुस कुस सजाइ ताता।
PSA 73:15 गो मेको आन खोदेंशो पाता हना, गो इन मुर आन कली मरिम्‍शो पदुमी वा।
PSA 73:16 गो एको नेल्‍ल रुप्‍चा माल्‍ता, आं कली थम श्‍येत दुम्‍त।
PSA 73:17 मिनु गो परमप्रभु आ खिं ओव़ती। मेना गो मेको आन कली नोले मार दुम्‍बा, मेको नेल्‍ल तुइक्‍ताक्‍ङ।
PSA 73:18 गे मेको आन कली थमा पा ग्रेक्‍तीके लांम गाक्‍पाइक्‍नीनी। गे मेको आन कली खतम पोक्‍नीनी।
PSA 73:19 मेको मतुइक्‍थु रीब पा खतम दुम्‍नीम। मेकोपुकी हिंतीकेमी योल्‍चा पुंइसीशो बाक्‍नीम।
PSA 73:20 दोपा मुरपुकी सुनी सेंसीमानु, ङोमु पशा, थमा ममाइ, दे तुइक्‍नीमी, मोपा परमप्रभु, गे बोक्‍ची ना मेको आन कली क्‍याम्‍नीनी।
PSA 73:21 ङोंइती आ थुं लुक्‍च लशा, कशो दुम्‍शो बाक्‍त।
PSA 73:22 गो ममिम्‍ब नु मारेइ मतुइक्‍ब बाक्‍ती। इन ङोंइती जन्‍तु खोदेंशो बाक्‍ती।
PSA 73:23 मो हना यो गो गेना हना यो गे नु काथा बाक्‍नुङ। गे आं ग्‍युरा गुइ ग्‍याइश्‍शो बाक्‍नीनी। रोमी ८:३५-३९
PSA 73:24 गे आं कली इन लोव़मी लां कोंइनीनी। मिनु नोले गे आं कली छेङछेङम ताक्‍नीनी। भजन संग्रह ४९:१६
PSA 73:25 स्‍वर्गम इन ङा लाक्‍शा, अरु आं के सु बाक्‍नीमी ङा? रागीमी यो आं माल्‍शो इन ङा लाक्‍शा अरु सुइ मबाक्‍नीम।
PSA 73:26 आं रां नु आं थुं निम्‍फा ग्‍येत्‍थ लुक्‍च दुम्‍शो बाक्‍नीस। तन्‍न परमप्रभु गेना हना यो आं सक्ति नु आं भाग बाक्‍ब। भजन संग्रह १६:५
PSA 73:27 इन क्‍येङा ङोन बाक्‍बपुकी थमा पा जाम्‍शा लाइनीम। गे इन क्‍येङा नोले शोंइसीशो नेल्‍ल आन कली खतम पोक्‍नीनी।
PSA 73:28 तन्‍न गो चहिं परमप्रभु आ नेक्‍था बाक्‍चा दाक्‍नुङ। परमप्रभु यावे आं प्रोक्‍शा लशा बाक्‍तीक बाक्‍ब। गो इन पशो गेय नेल्‍ल आन पर्बम लोव़ पाइनुङ।
PSA 74:1 शेंतीक कुम्‍सो। आसाफ आ कुम्‍सो। परमप्रभु, गे मारदे आंइ कली मदाक्‍थु, गेना हना यो प्रोंइनीनी? इन भेडा आन कली तशा मारदे गाइक्‍नीनी?
PSA 74:2 साइ इन ग्‍याप्‍शो मुर आन कली मिम्‍तीन। इन के सेल्‍चा कली श्‍येत रे प्रोंइशो मुर आन कली मिम्‍तीन। गे इन बाक्‍तीक सियोन डांडा कली मिम्‍तीन। भजन संग्रह ७६:३
PSA 74:3 मिनु गे इन ब्रेश्‍शो खिं कली कोव़थ लने। इन जोरी सत्रुमी इन खिं मोदेंशो पा खतम पोक्‍तेक्‍म।
PSA 74:4 इन जोरी सत्रुमी इन बाक्‍तीक नेल्‍ल खतम पोक्‍तेक्‍म। मेकोपुकीमी मेकेर आन छेदर ग्रुक्‍ताक्‍मे।
PSA 74:5 मेकोपुकीमी रवा तिम्‍शा, नेल्‍ल श्‍येत्‍थ पोक्‍ब मुर खोदेंशो पा पाम्‍तेक्‍म।
PSA 74:6 मेकोपुकीमी ग्‍येत्‍थ ङा लाप्‍चो ङा बुटा आप्‍शो गारो ङा शी नेल्‍ल आन खा नु घनमी खतम पोक्‍तेक्‍म।
PSA 74:7 मेकोपुकीमी इन खिं कली मी सुइक्‍ताक्‍म। रागीमी इन ग्रुम्‍तीक खिं नेल्‍ल मी सुइश्‍शा खतम सेल्‍तेक्‍म। २राजा २५:९
PSA 74:8 मेकोपुकीमी आन थुंमी “गो एको आन कली नेल्‍ल खतम पोक्‍नीकी” देंतेक्‍म। मेकोपुकीमी रागीम बाक्‍शो इन नेंम बुक्‍तीके खिं नेल्‍ले मी सुइक्‍ताक्‍म।
PSA 74:9 गोपुकीमी मारेइ छक लाक्‍चा ङा गेय मतक। मुल परमप्रभु आ लोव़ पाइब सुइ मलीम। गेना सम्‍म एको ओदेंशो दुम्‍बा, गो सुइम मतुइक्‍नीकी।
PSA 74:10 परमप्रभु, इन जोरी सत्रुमी इन कली गेना सम्‍म शाक्‍नीमी? मार, जोरी सत्रुमी इन नें आ पर्बम गेना हना यो शुक्‍शी पस ङा पस बाक्‍नीमी?
PSA 74:11 गे मारदे इन सक्ति मकोंइनीनी? इन गुइ इन वा आगा रे ग्रुंइदीन। मिनु मेको आन कली खतम पोक्‍कीन।
PSA 74:12 परमप्रभु, गे साइ नेसी रे ङा आं पिप बाक्‍नीनी। गे रागी रागी आन कली प्रोंइनीनी।
PSA 74:13 गे इन सक्तिमी समुन्‍द्र कली फ्राताक्‍नी। गे समुन्‍द्रमी बाक्‍ब ठेयब जन्‍तु आन पिया प्रोल्‍तीनी। भजन संग्रह १०४:६-८; प्रस्‍थान १४:२१-२२; यसैया २७:१
PSA 74:14 गे लेव्‍याथन आ पियापुकी प्रोल्‍तीनी। मिनु मेको कली गोरशो रागी ङा जन्‍तु आन कली ब्‍वचा गेतीनी। अय्‍युब ४०:२५
PSA 74:15 ब्‍वाक्‍कु बुक्‍पाइक्‍ब नु खोल्‍सा सेल्‍ब गे बाक्‍नीनी। मिनु गे गेना हना यो यिस ङा यिस बाक्‍ब ठेयब खोला आन कली सोव़पाइक्‍तीनी।
PSA 74:16 नाक्‍दो इन के बाक्‍ब। मिनु नाक्‍ती यो इन के बाक्‍ब। गे नां नु तास्‍ला सेल्‍तीनी। भजन संग्रह १०४:१९
PSA 74:17 गे रागी रागी आन सांद वोइक्‍तीनी। गे हिंउद नु बर्खा सेल्‍तीनी।
PSA 74:18 परमप्रभु यावे इन जोरी सत्रुमी इन कली दोपा शाक्‍ग्‍मे। मिनु इन कली मटीबपुकीमी दोपा इन नें आ पर्बम शुक्‍‍शी पामे? मेको मिम्‍तीन।
PSA 74:19 गे इन ढुकुर ब्‍वाकी ङा जन्‍तु आन कली मगेने। गे इन श्‍येत जशो मुर आन कली गेना हना यो मिम्‍शा बाक्‍कीन।
PSA 74:20 गे इन कबल खपीन। मारदे हना रागी ङा ख्रुइक्‍तीके नेल्‍ले हिंतीके नु हुश ख्राक्‍श पतीकेमी ब्रीशो बाक्‍नीम।
PSA 74:21 दिप्‍चा पुंइसीब आन कली मुने दोक्‍चा मगेने। प्रुङग नु श्‍येत जाइबपुकीमी इन नें ठेयब सेल्‍मेक्‍ल।
PSA 74:22 परमप्रभु, बोक्‍कीन। मिनु इन पर्बम लडाइ पने। मटीबपुकीमी नाक्‍त रे इन कली शाक्‍शो, मिम्‍तीन। भजन संग्रह १४:१-३
PSA 74:23 इन पर्बम दूली लोव़ पाइब आन रेयके नु इन जोरी सत्रु आन लडाइ पस ङा पस पशो मप्रेंदीन।
PSA 75:1 कुम्‍सो पपाइक्‍ब कली खतम मसेलो देंशो कुम्‍सो आ लायो। आसाफ आ कुम्‍सो। परमप्रभु, गो इन कली “गे आंइ कली रिम्‍शो पाइतीनी” देंनीकी। मारदे हना इन नें आ पर्बम नेंशो बाक्‍नीकी। मुरपुकीमी इन छक लाक्‍चा ङा गेय आ पर्बम लोव़ पना पन बाक्‍नीम। यसैया ४६:१३
PSA 75:2 गे “गो आं देंशो नाक्‍ती गो ठीक निसाफ पाइब नङ।
PSA 75:3 रागी रागीम ख्रिनु कुमेनु, मुर नेल्‍ले ख्रिंख्रि पाइनीम। तन्‍न रागी ङा जग वोइक्‍ब गो नङ” देंतीनी। ठेयब सेंदा पा।
PSA 75:4 गे ठेयब लेश्‍शो आन कली “ठेयब लेश्‍शो मदुमीन” देंशा, इन अरेशो मटीब आन कली “मबोरीन” देंतीनी।
PSA 75:5 गे “स्‍वर्ग आ पर्बम ठेयब लोव़ मपने। मिनु इन शुर किरशा लोव़ मपने” देंतीनी।
PSA 75:6 पूर्ब, पच्‍छिम नु गोरशो रागी तेइ रे सुइमी मुर आन कली ठेयब सेल्‍ने मचाप्‍नीम।
PSA 75:7 तन्‍न परमप्रभुमी मुर आन कली निसाफ पाइब। मेकोमी का निक्‍शी आन कली दिप्‍ब, का निक्‍शी आन कली क्‍युक्‍ब। १सामुएल २:७
PSA 75:8 परमप्रभु यावे आ गुइमी बोटको का बाक्‍ब। मेकेर मार मार सुप्‍शो बोग्‍यो बोक्‍शो अङगुर शांबु बाक्‍ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्‍नीम। भजन संग्रह ६०:५; येरमीया २५:१५-१६
PSA 75:9 तन्‍न गो चहिं मुर आन दातेमी शुश ग्‍येरसीशो लोव़ पाइनुङ। गो याकूब आ परमप्रभु कली ठेयब सेल्‍शा, कुम्‍सो पाइनुङ।
PSA 75:10 गे इन अरेशो मटीब नेल्‍ल आन कली आइक्‍च सेल्‍नीनी। तन्‍न ठीक पाइबपुकी ठेयब सेल्‍चा पुंइसीनीम।
PSA 76:1 कुम्‍सो पपाइक्‍ब कली तार पाइश्‍शो ताप्‍तीके ताप्‍शा पतीके, आसाफ आ कुम्‍सो। यहूदा आ रागीमी परमप्रभु कली तुइक्‍नीम। मेको आ नें इस्राएल रागीमी ठेयब बाक्‍ब।
PSA 76:2 आ ताम्‍बु सालेम सहरमी बाक्‍ब। आ बाक्‍तीके सियोनमी बाक्‍ब। भजन संग्रह १३२:१३
PSA 76:3 मेकोमी मेकेर ब्रशो ब्रापुकी, तेक्‍तीकपुकी, तरवार नु लडाइ पतीक मारेइ मारेइ जिक्‍तीमी। ठेयब सेंदा पा।भजन संग्रह ४६:१०
PSA 76:4 गे छेङछेङमी नां खोदेंशो तांइसीनीनी। गे गेना हना यो लीब पहाड क्‍येङा यो ठेयब बाक्‍नीनी।
PSA 76:5 महिंब मुरपुकी रोइक्‍चा पुंइसाक्‍म। मेकोपुकी साइक्‍चा पुंइसाक्‍म। लडाइ पाइब आन दातेमी कामी यो आन गुइ क्‍युक्‍ने मचबेम।
PSA 76:6 याकूब आ परमप्रभु, इन हुइश्‍शोमी शारा नु शारा ङोइक्‍ब निम्‍फा बेक्‍ताक्‍स।
PSA 76:7 गे मान पा हिंचा माल्‍शो बाक्‍नीनी। गे गाइक्‍तीनीनु, इन ङोंइती सु राप्‍ने चाप्‍बा ङा?
PSA 76:8 गे स्‍वर्ग रे इन निसाफ नेंपाइक्‍तीनी। मिनु रागी हिंशा, सिक्‍सी पाप्‍तु। भजन संग्रह ४६:१; हबकुक २:२०
PSA 76:9 मेना परमप्रभु, गे रागीम दिप्‍चा पुंइसीशो नेल्‍ल आन कली प्रोंइचा कली निसाफ पथ बोक्‍तीनी। ठेयब सेंदा पा।
PSA 76:10 थमा पा, मुर आन गाइक्‍तीकेमी इन कली ठेयब सेल्‍ब। मिनु इच्‍का ली‍शो गाइक्‍तीकेमी इन कली ठेयब सेल्‍ब।
PSA 76:11 परमप्रभु यावे, इन परमप्रभु आ नें थिशा कसम जशो खपीन। मेको आ नेक्‍था बाक्‍ब नेल्‍लेमी मान पा हिंचा ङा परमप्रभु कली कोसेली चाक्‍ग्‍मेक्‍ल।
PSA 76:12 मेकोमी सासन पाइब आन ठेयब लेत्‍तीके फस पोक्‍ब। मेको रागी ङा पिप आन कली हिंपाइक्‍ब बाक्‍ब।
PSA 77:1 कुम्‍सो पपाइक्‍ब शें‍ब येदुथून कली आसाफ आ कुम्‍सो। गो परमप्रभु कली “वारच पाइय्‍यीनी। आं लोव़ नेनीन” दे ठेयब सेंदा पा ब्रेत्‍ती।
PSA 77:2 गो श्‍येत जङानु, परमप्रभु कली माल्‍ता। गो नाक्‍दो यो मदथु, परमप्रभु कली पुंइता। आं थुं खाइक्‍स ङा खाइक्‍स बाक्‍त।
PSA 77:3 गो परमप्रभु कली मिम्‍ताक्‍ङ, गो रोंका पाता। गो आं श्‍येत मिम्‍ना मिम्‍न बाक्‍ती। मिनु आं थुं लुक्‍च लत। ठेयब सेंदा पा।
PSA 77:4 “गे आं कली निन्‍द्रा पचा यो मगेनीनी। मिनु गो शुश श्‍येत जशा, ब्‍वाक्‍ने यो मचबु।
PSA 77:5 गो ङोंइती ङा नाक्‍त नु साइ ङा बर्सपुकी मिम्‍ताक्‍ङ। भजन संग्रह १४३:५
PSA 77:6 गो नाक्‍दो आं थुंमी रिम्‍शो बाक्‍बा देय मरिम्‍शो बाक्‍बा” दे मिम्‍स ङा मिम्‍स बाक्‍ती।
PSA 77:7 मार, परमप्रभुमी गेनायो आं कली मब्राइबा? मिनु मेकोमी गेनायो शिशी मपाइबा?
PSA 77:8 मेको आ गेना हना यो दाक्‍तीक जाम्‍शो बाक्‍बा? मेको आ थोक्‍शा पशो लोव़ शोर गाक्‍शो दुम्‍शो बाक्‍बा?
PSA 77:9 मार, परमप्रभुमी शिशी पचा प्रेंशो बाक्‍बा? मेको गाइश्‍शा, आ शिशी पतीके तेक्‍शो बाक्‍बा? ठेयब सेंदा पा।
PSA 77:10 मिनु गो “नेल्‍ल क्‍येङा ठेयबमी आ थुं फाइक्‍तीके आं कली श्‍येत दुम्‍त” दे मिम्‍ताक्‍ङ।
PSA 77:11 मिनु “परमप्रभु यावे, गो इन पशो मिम्‍नुङ। गो इन साइ ङोंइती ङा पशो छक लाक्‍चा ङा गेय मप्रेंनुङ।
PSA 77:12 गो इन पशो नेल्‍ल मिम्‍स ङा मिम्‍स बाक्‍नुङ। साइ ङोंइती ङा इन छक लाक्‍चा ङा गेय आ पर्बम मिम्‍नुङ।
PSA 77:13 परमप्रभु, इन लां ठीक बाक्‍ब। आंइ परमप्रभु खोदेंशो ठेयब अरु तेको देवता बाक्‍बा ङा? प्रस्‍थान १५:११
PSA 77:14 गे छक लाक्‍चा ङा गेय पाइब परमप्रभु बाक्‍नीनी। गे जात जात ङा मुर आन दातेमी इन सक्ति कोंइताक्‍नी।
PSA 77:15 गे इन सक्तिमी इन मुर आन कली प्रोंइतीनी। गे याकूब, योसेफ नु आ चच युइ आन कली प्रोंइतीनी। ठेयब सेंदा पा।
PSA 77:16 परमप्रभु, समुन्‍द्र ङा ब्‍वाक्‍कु इन कली तशा हिंतेक्‍म। शुश लुक्‍च लशो समुन्‍द्र ख्रिंख्रि पाप्‍तु।
PSA 77:17 मिनु गोस्‍सुमी रेउ यिपाइक्‍तेक्‍म। सरीङ रे ठेयब बुंबु पाप्‍तु। इन चिला तेइ तेइ ब्रत।
PSA 77:18 फश गिवारम इन बुंबु पशो नेंसाक्‍व। इन चिलामी रागी नेल्‍ल छेङछेङ दुम्‍त। रागी ख्रिंख्रि पा हिम्‍साक्‍व।
PSA 77:19 इन लां समुन्‍द्र रे पा लशो बाक्‍त। इन गाक्‍शो लां ठेयब समुन्‍द्र आ दातेमी बाक्‍त। मो हना यो इन खोइलीम दिम्‍शो मारेइ मतांइसे। प्रस्‍थान १४:२१-३१
PSA 77:20 मोसा नु हारून आस गुइ रे पा, गे इन मुर आन कली भेडा आन हुल खुल्‍शो खोदेंशो पा गाक्‍पाइक्‍तीनी” दे परमप्रभु कली लोव़ पता।
PSA 78:1 शेंतीक कुम्‍सो। आसाफ आ कुम्‍सो। आं मुरपुकी, आं शेंशो लोव़ नेनीन। इन नोफा दाइश्‍शा आं लोव़ नेनीन।
PSA 78:2 गो कथा पा लोव़ शेंनुङ। साइ ङोंइती ङा लोव़ पाइनुङ। मत्ती १३:३५
PSA 78:3 एको लोव़ आंइ किकी पिपीमी आंइ कली नेंपाइश्‍शो नु तुइक्‍पाइश्‍शो बाक्‍नीम। प्रस्‍थान १३:१४; ब्‍यवस्‍था ४:९-१०
PSA 78:4 गोपुकी एको लोव़ मेको आन तौ चच आन क्‍येङा मख्रुइक्‍नय। मिनु नोले दुम्‍ब पाला ङा मुर आन कली यो परमप्रभु यावे आ ठेयब नु सक्ति पाइश्‍शो छक लाक्‍चा ङा गेय आ पर्बम शेंनीकी।
PSA 78:5 मेकोमी याकूब आ मुर आन कली दोपा बाक्‍चा माल्‍बा, मेको देंत। मेकोमी इस्राएलमी मेको आ अरेशो लोव़ वोइक्‍तु। मिनु परमप्रभुमी आंइ किकी पिपी आन कली “इन आल आन कली शेंदीने” दे माइक्‍तीमी।
PSA 78:6 मेको आन नोले ङा पाला ङा मुरपुकीमी एको लोव़ नेल्‍ल तुइक्‍तमेक्‍ल। मिनु मेको आन क्‍येङा नोले जरमेशो आल कोल्‍शा तुइश्‍शा, मेकोपुकीमी आन आल आन कली शेंदमेक्‍ल।
PSA 78:7 मोपा मेकोपुकीमी परमप्रभु कली थमा सुदमेक्‍ल। मिनु आ पशो मप्रेंदमेक्‍ल। मिनु आ शेंशो टीमेक्‍ल।
PSA 78:8 मेको आन किकी पिपी खोदेंशो मदुम्‍मल। मेकोपुकी खकटा थुं पाइश्‍शो नु मटीब पाला ङा मुर बाक्‍तेक्‍म। मेकोपुकी नोले शोंइसीशा, परमप्रभु कली प्रोंइतेक्‍म। ब्‍यवस्‍था ३२:५-६
PSA 78:9 एफ्राइम ङा मुरपुकी लिब्रा शेशा, ठीक दुम्‍शा, लडाइ दुम्‍मेनु, प्रोक्‍तेक्‍म। न्‍यायाधीस २:११-१३
PSA 78:10 मेकोपुकीमी परमप्रभु आ कबल पशो मटीम। मिनु मेको आ अरेशो लोव़ मटीम।
PSA 78:11 मेकोपुकीमी परमप्रभु आ गेय नु आन ङोंइती पशो छक लाक्‍चा ङा गेय प्रेंताक्‍म।
PSA 78:12 मेकोमी मेको आन किकी पिपी आन ङोंइती इजीप्‍त नु सोआन रागीमी छक लाक्‍चा ङा गेय पशो बाक्‍त।
PSA 78:13 मेकोमी समुन्‍द्र कली फ्राशा, लां सेल्‍तु। मिनु मेको लां रे पा मेको आन कली आइक्‍ची हांबु शोक्‍ताक्‍मी। मेकोमी ब्‍वाक्‍कु कली गारो खोदेंशो पा एर ओंथ राप्‍पाइक्‍तु। प्रस्‍थान १४:२१-२२
PSA 78:14 मेकोमी मेको आन कली नाक्‍त गोस्‍सुम नु नाक्‍दो मी आ हाम्‍सोमी लां कोंइताक्‍व। प्रस्‍थान १३:२१
PSA 78:15 मेकोमी गोरशो रागीमी सेरथे फुल्‍लु कली प्रोल्‍शा ब्‍वाक्‍कु बुक्‍पाइक्‍तु। मिनु शुश ब्‍वाक्‍कु तूचा गेम्‍तीमी। प्रस्‍थान १७:६; गन्‍ती २०:७-११; ब्‍यवस्‍था ३२:१८
PSA 78:16 सेरथे फुल्‍लु रे पा ब्‍वाक्‍कु बुक्‍पाइक्‍तु। मिनु खोला खोदेंशो पा शाइक्‍पाइक्‍तु।
PSA 78:17 तन्‍न मेकोपुकीमी गोरशो रागीमी नेल्‍ल क्‍येङा ठेयब कली मटिथु, मरिम्‍शो पा ङोंइती क्‍येङा शुश पाप पाम्‍तेक्‍म।
PSA 78:18 मेकोपुकीमी आन दाक्‍शो पा जचा थोव़क पुंइशा, परमप्रभु आ थुं नाक्‍ताक्‍म। प्रस्‍थान १६:३; गन्‍ती ११:४
PSA 78:19 मेकोपुकीमी थमा मसुइक्‍थु “मार, परमप्रभुम गोरशो रागीम जचा थोव़क गेने चाप्‍बा ङा?
PSA 78:20 मेकोमी सेरथे फुल्‍लु तुप्‍शा प्रोल्‍शा ब्‍वाक्‍कु बुक्‍पाइश्‍शा, शुश खोला सेल्‍तु। मार, मेकोमी आ मुर आन कली शोब्‍ले नु श्‍ये यो गेने चाप्‍बा ङा?” देंतेक्‍म।
PSA 78:21 मिनु परमप्रभु यावे मेको आन लोव़ नेंशा, थाम्‍पा गाइक्‍ताक्‍व। मिनु परमप्रभुमी याकूब कली दाक्‍पाइक्‍चा कली मी सोइक्‍ताक्‍व। मिनु इस्राएली आन पर्बम शुश चुरत। गन्‍ती ११:१
PSA 78:22 मारदे हना मेकोपुकीमी परमप्रभु कली थमा मसुदेम। मिनु “परमप्रभुमी आंइ कली प्रोंइने मचाप्‍ब” देंतेक्‍म।
PSA 78:23 मो हना यो मेकोमी सरीङ कली अरेशा सरीङ ङा लाप्‍चो रोक्‍पाइश्‍शा गेप्‍तु।
PSA 78:24 मेकोमी मुर आन कली थुल्‍चा कली सरीङ रे मन्‍ना यिपाइक्‍तु। मेको आन कली स्‍वर्ग ङा अन्‍न गेप्‍तु। प्रस्‍थान १६:४,१४,१५
PSA 78:25 मुर नेल्‍लेमी परमप्रभु आ स्‍वर्ग ङा गेय पाइब आन शोब्‍ले जाम्‍तेक्‍म। परमप्रभुमी मेको आन कली शुश जचा गेप्‍तु।
PSA 78:26 मेकोमी सरीङमी पूर्ब ङा फश सोइक्‍ताक्‍व। मिनु मेको आ सक्तिमी दक्‍खिन रे फश पपाइक्‍तु। गन्‍ती ११:३१-३३
PSA 78:27 मेकोमी फुरक खोदेंशो पा श्‍ये यिपाइक्‍तु। समुन्‍द्र ङा बाल्‍वा खोदेंशो पा चिक्‍ब यिपाइक्‍तु।
PSA 78:28 मेको चिक्‍ब आन कली आन बाक्‍तीके एर ओंथ दोक्‍पाइक्‍तु।
PSA 78:29 मिनु मेकोपुकी मेको ब्‍वशा रूतेक्‍म। मारदे हना परमप्रभुमी मेको आन कली आन पुंइशो खोदेंशो पा गेप्‍तु।
PSA 78:30 तन्‍न मेकोपुकीमी ब्‍वना ब्‍वन, आन ब्‍वशो श्‍ये आन शोव़म बाक्‍ना बाक्‍न,
PSA 78:31 परमप्रभु शुश गाइक्‍ताक्‍व। मिनु मेको आन दातेम नेल्‍ल क्‍येङा बोल्‍यो मुर आन कली साइक्‍तीमी। इस्राएल ङा ठिटा नेल्‍ल आन कली साइक्‍तीमी।
PSA 78:32 मो पा यो मेकोपुकीम पाप पस ङा पस बाक्‍तेक्‍म। मेको आ छक लाक्‍चा ङा गेय तशा यो, मेकोपुकीमी थमा मसुदेम।
PSA 78:33 मोपतीके परमप्रभुमी मेको आन नाक्‍त मोशा नु मेको आन बर्सपुकी श्‍येत जपाइश्‍शा साम्‍तु। गन्‍ती १४:२२-२३; १कोरिन्‍थी १०:५
PSA 78:34 परमप्रभुमी मेको आन दातेमी का निक्‍शी सदानु, मेको लीशोपुकी मेको गे लेश्‍शा, मेको कली थाम्‍पा माल्‍तेक्‍म।
PSA 78:35 मिनु मेकोपुकीमी परमप्रभु आन सेरथे फुल्‍लु नु नेल्‍ल क्‍येङा ठेयब परमप्रभु मेको आन कली श्‍येत रे प्रोंइब बाक्‍माक्‍त, दे तुइक्‍ताक्‍म।
PSA 78:36 तन्‍न मेकोपुकीमी आन शोव़म ला लोव़ पाम्‍तेक्‍म। मेकोपुकीमी जोल ला पाम्‍तेक्‍म।
PSA 78:37 आन थुंमी थमा पा मेको आ नोले मखोदेम। आ पशो कबल मटीमे।
PSA 78:38 मो हना यो परमप्रभु शिशी पाइब बाक्‍तीके मेको आन ठीक मपशो माफ गेम्‍तीमी। मेको आन कली मसद। खेयप खेयप मेको आन पर्बम आ गाइश्‍शो तेक्‍तु। मेकोमी आ गाइश्‍शो नेल्‍ल मग्रुंइद।
PSA 78:39 परमप्रभुमी “मेको मुर ला बाक्‍नीम। फश खोदेंशो पा लाक्‍नीम। मिनु लेश्‍शा मजाक्‍नीम” दे मिम्‍ताक्‍व। भजन संग्रह १०३:१४-१६
PSA 78:40 मेकोपुकीमी गोरशो रागीम शुश खेयप परमप्रभु कली मटीमे। परमप्रभु कली मुर मबाक्‍तीकेमी श्‍येत गेम्‍तेक्‍म।
PSA 78:41 मेकोपुकीमी लेंना लेंन आ थुं नाक्‍ताक्‍म। मिनु इस्राएली आन का ला बाक्‍शो परमप्रभु कली गाइक्‍पाइक्‍तेक्‍म।
PSA 78:42 मेकोपुकीमी आ सक्ति ममिम्‍तेम। मेको आन कली आन जोरी सत्रु रे प्रोंइशो यो ममिम्‍तेम।
PSA 78:43 परमप्रभुमी इजीप्‍तमी आ चिन्‍ड कोंइशा, सोआन रागीमी छक लाक्‍चा ङा गेय पची ना
PSA 78:44 खोला ङा ब्‍वाक्‍कु हुश सेल्‍शो बाक्‍त। मिनु इजीप्‍तीपुकीमी मेको ब्‍वाक्‍कु तूने मचबेम। प्रस्‍थान ७:१९-२०
PSA 78:45 मेकोमी मेको आन बाक्‍तीकेमी चुरमु बोपाइश्‍शो बाक्‍त। मिनु मेकोपुकीमी मेको आन कली क्राइक्‍तेक्‍म। मिनु परमप्रभुमी क्रुक्‍क्रु ग्रूपाइक्‍तु। मेकोपुकीमी मेको आन कली खतम सेल्‍तेक्‍म। प्रस्‍थान ८:२०; प्रस्‍थान ८:२
PSA 78:46 परमप्रभुमी मेको आन बाली नाली माले आन कली गेम्‍तीमी। मेको आन शुश गेय पा वापाइश्‍शो बाली नाली सल्‍हापुकीम नेक्‍पाइक्‍तु। प्रस्‍थान १०:१३
PSA 78:47 मेकोमी मेको आन अङगुर बोट मुप्‍सीमी नु आन फोव़शी फुरशेम खतम पोक्‍पाइक्‍तु। प्रस्‍थान ९:२५
PSA 78:48 मेकोमी मेको आन बी ब्‍यफ मुप्‍सीम नु क्‍यारश भेडा आन कली चिलामी आप्‍तु।
PSA 78:49 मेको आन पर्बम गाइश्‍शा, चुरशा, श्‍येत गेपाइक्‍चा कली खतम सेल्‍ब स्‍वर्ग ङा गेय पाइब आन कली सोइक्‍ताक्‍व।
PSA 78:50 मेकोमी आ गाइक्‍तीक कली लां का सेल्‍तु। मिनु मेको आन कली बेक्‍चा रे मप्रोन। मेको आन कली मुर बेक्‍तीक रोइ पपाइक्‍तीमी। प्रस्‍थान ९:८-१२
PSA 78:51 मेकोमी इजीप्‍त ङा मुर, हाम आ चच युइ आन ङोंइती जरमेशो तौ नेल्‍ल साइक्‍तु। प्रस्‍थान १२:२९
PSA 78:52 मिनु नोले आ मुर आन कली भेडा खोदेंशो पा ग्रुंइताक्‍व। मिनु मेको आन कली भेडा आन हुल खोदेंशो पा गोरशो रागीमी लां कोंइशा गाक्‍पाइक्‍तीमी। भजन संग्रह ७७:२१
PSA 78:53 मेकोमी मेको आन कली मारेइ श्‍येत मदुम्‍पाइक्‍थु गाक्‍पाइक्‍तीमी। मोपतीके मेकोपुकी काइ महिंम। आन जोरी सत्रु समुन्‍द्रम ग्रुम्‍शा बेक्‍तेक्‍म। प्रस्‍थान १४:१९,२२,२७
PSA 78:54 मोपा परमप्रभुमी आ मुर आन कली आ रागीमी चाक्‍तु। आ सक्तिमी ग्राशो डांडाम चाक्‍तु। प्रस्‍थान १५:१७
PSA 78:55 रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी।
PSA 78:56 तन्‍न मेकोपुकीमी परमप्रभु आ थुं थाम्‍तेक्‍म। नेल्‍ल क्‍येङा ठेयब परमप्रभु कली मटीम। मिनु मेको आ अरेशो लोव़ मबिस्‍सम।
PSA 78:57 मेको आन किकी पिपी खोदेंशो पा नोले शोंइसाक्‍म। मिनु मेकोपुकी ब्रोइक्‍चशो लिब्रा खोदेंशो पा दूली पाइब दुम्‍तेक्‍म।
PSA 78:58 मेकोपुकीमी आन मूर्ति वोइश्‍शो डांडामी परमप्रभु कली गाइक्‍पाइक्‍तेक्‍म। मेको आन सेल्‍शो मूर्तिमी मेको कली गेहे पपाइक्‍तेक्‍म। ब्‍यवस्‍था ३२:२१
PSA 78:59 परमप्रभुमी मेको नेंशा, थाम्‍पा गाइक्‍ताक्‍व। मिनु इस्राएली आन कली थमा पा वारच मपाइक्‍थु प्रोंइतीमी।
PSA 78:60 मेकोमी शिलो ङा आ बाक्‍तीके प्रोंइतु। मेको ताम्‍बु मुर आन बाक्‍तीके आन दातेमी वोइश्‍शो बाक्‍त। १सामुएल १:३; १सामुएल ४:११; येरमीया ७:१२
PSA 78:61 मेकोमी आ कबल पशो सन्‍दोस आ जोरी सत्रु आन गुइमी गेप्‍तु। मोपा सक्ति पाइश्‍शो कली रोइक्‍पाइक्‍तु। भजन संग्रह १३२:८; १सामुएल ४:२१
PSA 78:62 मेकोमी आ मुर आन कली तरवारम साइक्‍पाइक्‍चा कली गेप्‍तु। मिनु आ योव़शो मुर आन कली तशा, थाम्‍पा गाइक्‍ताक्‍व।
PSA 78:63 मिनु मीम मेको आन ठिटा वोंइश मुर आन कली दाक्‍तीमी। मिनु आन तमी आन कली ग्‍युंबे पाइक्‍चा मतामे।
PSA 78:64 मेको आ चढ़ेबपुकी तरवारम क्‍योरचा पुंइसाक्‍म। मिनु मेको आन मीश रोंका पने मचबेम। १सामुएल ४:१७-२०
PSA 78:65 मिनु नोले परमप्रभु निन्‍द्रा रे सेंसीशो खोदेंशो पा सेंसाक्‍व। लडाइ पाइब मुर अङगुर शांबु तूशा नोले रिम्‍शो दुम्‍शो खोदेंशो पा, ठेयब सेंदाम ग्रीत।
PSA 78:66 मिनु मेकोमी आ जोरी सत्रु आन कली एर ओंथ ब्रपाइक्‍तु। मेकोमी मेको आन कली गेना हना यो मुने दोक्‍पाइक्‍तु। १सामुएल ५:६-१२
PSA 78:67 मेकोमी योसेफ आ थर ङा मुर आन कली प्रोंइतु। एफ्राइम आ खिं ङा मुर आन कली यो मयोव़ङ।
PSA 78:68 तन्‍न मेकोमी यहूदा आ खिं ङा मुर आन कली योव़तु। मेकोमी आ दाक्‍शो सियोन डांडा कली यो योव़तु। २इतिहास ६:६
PSA 78:69 मेकोमी आ बाक्‍तीके लाइक्‍पाइश्‍शा, इर स्‍वर्ग खोदेंशो सेल्‍तु। आ गेना हना यो कली सेल्‍शो रागी खोदेंशो पा सेल्‍तु।
PSA 78:70 मेकोमी आ गेय पाइब दाऊद कली भेडा गोठ रे योव़तु।
PSA 78:71 परमप्रभुमी दाऊद कली गिक्‍शो भेडा आन कली योव़तीक गेय रे ग्रुंइताक्‍व। मेकोमी दाऊद कली याकूब आ थर ङा, परमप्रभु आ मुर आन कली कोव़चा कली ग्रुंइताक्‍व। मेको इस्राएल ङा मुर परमप्रभु आ शोंप बाक्‍नीम। १सामुएल १६:११-१२; २सामुएल ७:८
PSA 78:72 दाऊदमी आ थुं ङा रिम्‍शो पतीकेमी मेको आन कली कोव़तीमी। मेकोमी जोक्‍ब तुइक्‍ब दुम्‍शा, मेको आन कली लां कोंइताक्‍मी।
PSA 79:1 आसाफ आ कुम्‍सो। परमप्रभु, रागी रागी ङा मुरपुकी इन योव़शो रागीम जाक्‍तेक्‍म। मेकोपुकीमी इन खिं कली ग्रांग्रा दिशो सेल्‍तेक्‍म। यरूसलेम कली प्रेश्‍शा, फुल्‍लु देल्‍शो खोदेंशो सेल्‍तेक्‍म।
PSA 79:2 मेकोपुकीमी इन गेय पाइब आन बेक्‍शो रां चिक्‍ब आन कली ब्‍वचा गेम्‍तेक्‍म। मिनु इन योव़शो मुर आन श्‍ये ब्‍वाकी ङा जन्‍तु आन कली ब्‍वचा गेम्‍तेक्‍म।
PSA 79:3 मेकोपुकीमी मेको आन हुश ब्‍वाक्‍कु खोदेंशो पा यरूसलेम आ एर ओंथ नेल्‍ल शाइक्‍पाइक्‍तेक्‍म। मिनु मेको आन कली थिम्‍ब सुइ मबाक्‍म।
PSA 79:4 आंइ नेक्‍था बाक्‍ब मुरपुकीमी आंइ कली शुक्‍शी पाइक्‍नीम। मिनु आंइ एर ओंथ ङा मुरपुकीमी आंइ कली रिश्‍शा तोक्‍शा लोव़ पाइनीम। भजन संग्रह ४४:१४
PSA 79:5 परमप्रभु यावे, गे गेना सम्‍म गाइक्‍स ङा गाइक्‍स बाक्‍नीनी? इन गेहे पतीके गेना सम्‍म मी खोदेंशो पा ब्रस ङा ब्रस बाक्‍बा?
PSA 79:6 इन कली मतुइक्‍ब रागी रागी ङा मुर नु इन नें मथीब राज्‍य आन तार इन गाइक्‍चा मोतीन। येरमीया १०:२५
PSA 79:7 मारदे हना मेकोपुकीमी याकूब आ थर ङा मुर आन कली खतम सेल्‍शो दाक्‍तेक्‍म। मिनु आन बाक्‍तीक खिं प्रेश्‍शा खतम सेल्‍तेक्‍म।
PSA 79:8 आंइ किकी पिपी आन पशो पाप आ क्‍येक्‍क आंइ कली मलेत्‍तीन। आंइ कली रीब पा इन शिशी गेकी। मारदे हना आंइ थुं लुक्‍च लशो बाक्‍ब।
PSA 79:9 आंइ कली श्‍येत रे प्रोंइब परमप्रभु, इन नें ङा सक्तिमी आंइ कली वारच पने। इन नें आ पर्बम आंइ कली प्रोनीन। मिनु आंइ पाप क्‍याम्‍दीने।
PSA 79:10 मारदे रागी रागी ङा मुरपुकीमी “मेको आन परमप्रभु ते बाक्‍म?” दे हिल्‍लो पाइनीमी। रागी रागी ङा मुरपुकीमी इन मुर आन कली आन ङोंइती साइश्‍शो आ क्‍येक्‍क लेप्‍ब, दे तुइक्‍तमेक्‍ल। भजन संग्रह ११५:२; योएल २:१७
PSA 79:11 चोक्‍चा पुंइसीशो आन हुकयी पशो इन ङोंइती जाक्‍ल। साइक्‍चा पुंइसीब दुम्‍शो आन कली इन सक्तिमी प्रोनीन।
PSA 79:12 परमप्रभु आ पर्बम शुक्‍शी पा मुरपुकीमी मुने तोक्‍चा माल्‍शो बाक्‍नीमी। मेको मो पशो ङा आंइ नेक्‍था ङा मुर आन कली ७ खेयप क्‍येक्‍क लेत्‍तीन। भजन संग्रह १३७:७-९
PSA 79:13 गो इन मुर, इन योव़शो भेडा खोदेंशो नकी। गो इन कली “गे रिम्‍शो पाइब बाक्‍नीनी” दे आंइ चच युइ आन पाला सम्‍म ठेयब सेल्‍नीकी। मिनु इन पर्बम लोव़ पाइनीकी।
PSA 80:1 कुम्‍सो पपाइक्‍ब कली लिली फू आ लायो ङा कबल पतीक, आसाफ आ कुम्‍सो। इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्‍तीनी। गे करूब आन तार ठेयब नित्‍तीकेमी नित्‍नीनी। भजन संग्रह १८:११; २सामुएल ६:२
PSA 80:2 एफ्राइम, बेन्‍यामीन नु मनस्‍से आन ङोंइती इन छेङछेङ कोंइदीन। मिनु इन सक्ति कोंइशा, आंइ कली प्रोंइथ जाक्‍कीन।
PSA 80:3 परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइने चाप्‍कल।
PSA 80:4 परमप्रभु यावे, मुर नेल्‍ल आन परमप्रभु, इन मुर आन पुंइशो आ पर्बम गेना सम्‍म गाइक्‍नीनी?
PSA 80:5 गे मेको आन कली श्‍येत ङा शोब्‍ले जपाइक्‍तीनी। मिनु आन प्रेक्‍कु तूचा ब्‍वाक्‍कु खोदेंशो पा शुश दुम्‍त।
PSA 80:6 गे आंइ कली आंइ नेक्‍था ङा मुर आन कली जीब सेल्‍शो बाक्‍तीनी। मिनु आंइ जोरी सत्रुमी आंइ कली शुक्‍शी पाइब सेल्‍तीनी।
PSA 80:7 मुर नेल्‍ल आन परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइने चाप्‍कल।
PSA 80:8 गे इजीप्‍त रे अङगुर बोट का चाक्‍तीनी। मिनु रागी रागी ङा मुर आन कली खेरशा, मेको ख्रुम्‍तीनी। यसैया ५:१-७; येरमीया २:२१
PSA 80:9 गे मेकेर मेको कली ख्रुम्‍तीक रू का सेल्‍तीनी। मिनु मेको शाक्‍श थोक्‍शा, रागी नेल्‍ल ब्रीत।
PSA 80:10 पहाड नेल्‍ल मेको आ वांकुम सुम्‍साक्‍म। मिनु मेको आ लाइश्‍शो परमप्रभु आ राशीम रवा नेल्‍ल सुम्‍साक्‍म।
PSA 80:11 मेको आ राशी समुन्‍द्र सम्‍म जाक्‍दीत्‍तेक्‍म। मिनु मेको आ कोच्‍वा चहिं ठेयब खोला सम्‍म जाक्‍दीत्‍तेक्‍म। होसे १०:१
PSA 80:12 मारदे गे मेको आन गारो प्रेन्‍नी? मेकेर गाक्‍ब नेल्‍लेमी मेको आ फल सेक्‍नीम।
PSA 80:13 ब्‍वाकी ङा पोव़पुकीमी मेको कली खतम पोक्‍नीम। मिनु ब्‍वाकी ङा जन्‍तुपुकी मेकेर जोइनीम।
PSA 80:14 मुर नेल्‍ल आन परमप्रभु, आंइ कली कोव़ङीन। सरीङ रे उइ कोव़ङीन। मेको अङगुर बोट कली कोव़ङीन। होसे ११:१
PSA 80:15 इन सक्तिमी ख्रुम्‍शो बोट कली कोव़ङीन। गे इन तौ इन कली कोल्‍पाइक्‍तीनी।
PSA 80:16 आंइ जोरी सत्रुमी मेको कली तुल्‍शा, मीम चोम्‍तेक्‍म। मेकोपुकी इन हुइश्‍शोमी खतम दुम्‍मल। इजीकीएल १५:२-४
PSA 80:17 इन ग्‍युरा गे बाक्‍ब मुर आ तारी इन गुइ लील। मेको कली थुल्‍शा कोल्‍पाइक्‍तीनी।
PSA 80:18 मिनु गो इन ङोंइती रे गेनायो नोले मशोंइसीनीकी। आंइ कली ब्रोंइचा गेकी। मिनु गो इन नें थिशा, प्रार्थना पाइनीकी।
PSA 80:19 परमप्रभु यावे, मुर नेल्‍ल आन परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइनीकी।
PSA 81:1 कुम्‍सो पपाइक्‍ब कली गित्‍तीथ ताप्‍शा पतीके, आसाफ आ कुम्‍सो। आंइ कली सक्ति गेब परमप्रभु कली कुम्‍सो पने। ग्‍येरशा सोम्‍शा ठेयब सेंदा पा याकूब आ परमप्रभु कली कुम्‍सो पने।
PSA 81:2 खैजडी ताप्‍शा, कुम्‍सो पने। रिम्‍शो बीना नु तार पाइश्‍शो ठेयब ताप्‍तीक ताप्‍शा कुम्‍सो का पने।
PSA 81:3 औंसी, पूर्ने नु इं ठेयब चाड नाक्‍त तुराही तापीन। लेवी २३:२४
PSA 81:4 मारदे हना मोदेंशो चाड मानेचा इस्राएल ङा गेना हना यो पतीके बाक्‍ब। मेको याकूब आ परमप्रभु आ अरेशो बाक्‍ब।
PSA 81:5 मेको लोव़ परमप्रभुमी इजीप्‍त रे ग्रुंइशो योसेफ आ मुर आन कली अरेशो लोव़ बाक्‍ब। गो मतुइश्‍शो सेंदा का नेंतक।
PSA 81:6 मेको सेंदामी “गो इन बला रे भारी शोल्‍ता। गे भारी कुरचा ममाल्‍नीनी। प्रस्‍थान ६:६; यसैया ९:३
PSA 81:7 गे श्‍येत जनीनु, आं कली ब्रेत्‍ताक्‍‍नी। मिनु गो इन कली प्रोंइतन्‍नी। गो इन कली बुंबु रे लोव़ लेत्‍ताक्‍न्‍नी। गो मेरीबा ङा ब्‍वाक्‍कुमी इन कली थुं थाम्‍शा कोव़तन्‍नी।ठेयब सेंदा पा।प्रस्‍थान १९:१६; प्रस्‍थान १७:२-७; गन्‍ती २०:१३
PSA 81:8 आं मुरपुकी, आं अरेशो नेनीन। इस्राएलीपुकी, गे आं लोव़ नेंशो ननी हना, रिम्‍शो दुम वा।
PSA 81:9 इन दातेमी देवी देवता आन कली बाक्‍चा मगेने। अर्को रागी ङा देवी देवता आन ङोंइती बाप्‍शा, सेउ मपने। प्रस्‍थान २०:२-३
PSA 81:10 गो परमप्रभु यावे, इन परमप्रभु नङ। गो इन कली इजीप्‍त रे ग्रुंइशा एक चाक्‍तन्‍नी। इन शोव़ पाक्‍कीन, मिनु गो प्रिंनन्‍नी।
PSA 81:11 तन्‍न आं मुरपुकीमी आं लोव़ मनेनेम। इस्राएल आ मुरपुकीम आं कली मदाक्‍थु, आं देंशो मबिस्‍सम।
PSA 81:12 मोपतीके गो ‘आन दाक्‍स पामेक्‍ल’ दे आन दला दाक्‍स पचा गेतामी।
PSA 81:13 आं मुरपुकीमी आं लोव़ नेंशो नम हना, इस्राएल ङा मुर आं लांम गाक्‍शो नम हना,
PSA 81:14 गो मेको आन कली रीब पा आन जोरी सत्रु रे प्रोनुमी वा। मेको आन जोरी सत्रु आन कली खतम पोक्‍गुमी वा।
PSA 81:15 परमप्रभु यावे कली काइ मदाक्‍बपुकी हिंशा आं ङोंइती बांबा पा गाक्‍म वा। मिनु मोदेंशो गेना हना यो दुम वा।
PSA 81:16 मिनु गो इस्राएल ङा मुर, इन कली नेल्‍ल क्‍येङा रिम्‍शो चेरब जचा गेन्‍नी वा। मिनु रोका खुदोमी रूपाइक्‍न्‍नी वा” दे परमप्रभुमी देंत। ब्‍यवस्‍था ३२:१३
PSA 82:1 आसाफ आ कुम्‍सो। परमप्रभु आ मुर आन ग्रुम्‍तीकेमी बाक्‍शो बाक्‍ब। मेकोमी आ मुर आन दातेमी निसाफ पाइब। १राजा २२:१९
PSA 82:2 मेकोमी “गे गेना सम्‍म ठीक निसाफ मपाइनीनी? गे गेना सम्‍म परमप्रभु यावे आ अरेशो मटीब आन कुल कोव़नीनी?ठेयब सेंदा पा।ब्‍यवस्‍था १:१७
PSA 82:3 गे मचाप्‍ब नु रोम रोइक्‍च आन कली ठीक पा निसाफ पने। प्रुङग नु दिप्‍चा पुंइसीशो आन कली ठीक निसाफ पने। यसैया १:१७
PSA 82:4 मचाप्‍ब नु श्‍येत जाइब आन कली, परमप्रभु यावे आ अरेशो मटीब आन गुइ रे प्रोनीन।
PSA 82:5 हुकुम पाइबपुकीमी मारेइ मजोक्‍नीम, मतुइक्‍नीम। मेकोपुकी छिङछिङम गाक्‍शो बाक्‍नीम। रागी आ जग नेल्‍ल हिम्‍सीशो बाक्‍नीम।
PSA 82:6 गो इन पर्बम ‘गे अधिकार पाइश्‍शो बाक्‍नीनी। गे नेल्‍ल क्‍येङा ठेयब आ तौ बाक्‍नीनी। यूहन्‍ना १०:३४
PSA 82:7 मो हना यो गे मुर खोदेंशो पा बेक्‍नीनी। अरु मरिम्‍शो पा हुकुम पाइब खोदेंशो पा खतम दुम्‍नीनी’ ” दे परमप्रभुम देंत। उत्‍पत्ती १८:२५
PSA 82:8 परमप्रभु बोक्‍कीन। मिनु रागी कली निसाफ पने। मारदे हना रागी नेल्‍ल इन के बाक्‍नीम।
PSA 83:1 आसाफ आ कुम्सो। “परमप्रभु, गे सिक्‍सी पा मबाक्‍कीन। मारेइ पने मचाप्‍ब खोदेंशो मदुमीन।
PSA 83:2 इन जोरी सत्रु शुश ग्‍याल्‍शो बाक्‍नीमी। कोव़ङीन, मेकोपुकी बारशा, ग्राचा चिक्‍शो बाक्‍नीम।
PSA 83:3 मेकोपुकीमी इन मुर आन कली दोपा साइक्‍चा, दे लोव़ गारपाइक्‍नीम। इन कोव़शो मुर आन कली मरिम्‍शो पचा कली ख्रुइश्‍शा लोव़ गारपाइक्‍नीम। भजन संग्रह ३५:२०
PSA 83:4 मेकोपुकीमी ‘जाक्‍कीन, गो मेको आन रागी मलीचा ङा पा क्‍याम्‍दय। मिनु इस्राएल आ नें मलील’ देंनीम।
PSA 83:5 मेकोपुकी थुं का दुम्‍शा, इन कली मरिम्‍शो पचा कली लोव़ गारपाइक्‍नीम।
PSA 83:6 मेको एदोम, इश्‍‍माएल, मोआब नु हाग्री आ मुरपुकी,
PSA 83:7 गेबाल, अम्‍मोन, अमालेक, पलिस्‍ती नु टायर ङा मुरपुकी बाक्‍नीम।
PSA 83:8 अस्‍सुर यो मेकोपुकी नु गारशो बाक्‍ब। मेको नेल्‍ल लोत आ खिं ङा सक्ति पाइश्‍शो मुर बाक्‍नीम। ठेयब सेंदा पा।
PSA 83:9 मिदयानी आन कली पाइश्‍शो खोदेंशो पा मेको आन कली पतीन। सीसेरा नु याबीन कली किशोन खोलाम पाइश्‍शो खोदेंशो पतीन। न्‍यायाधीस ७:१४; यसैया ९:३; न्‍यायाधीस ४:२
PSA 83:10 मेकोपुकी एन-डोर सहरम खतम दुम्‍शा, रू कली मोव़ल खोदेंशो दुम्‍तेक्‍म।
PSA 83:11 गे मेको आन कली नु मेको आन ठेयब मुर आन कली ओरेब नु जेयब आस कली खोदेंशो सेलीन। मेको आन सासन पाइब नेल्‍ल कली जेबाह नु साल्‍मुन्‍ना खोदेंशो सेलीन। न्‍यायाधीस ७:२५; न्‍यायाधीस ८:२१
PSA 83:12 मेकोपुकीमी ‘परमप्रभु आ रिम्‍शो रागी इं के सेल्‍य’ देंमुम्‍तेक्‍म।
PSA 83:13 आं परमप्रभु, मेको आन कली फशेम योल्‍शो फुरक नु फशेम बेरपाइश्‍शो भूस खोदेंशो सेलीन।
PSA 83:14 दोपा मीम ब्‍वाकी नेक्‍बा नु आ होशेमी पहाड जेप्‍बा,
PSA 83:15 मोपा इन फश गिवारम मेको आन कली खेदा पने। इन फश गिवारम मेको आन कली हिंच कोंइदीन।
PSA 83:16 मेको आन कली मुने तोक्‍कीन। मोपा मुरपुकीमी परमप्रभु यावे, इन कली माल्‍मेक्‍ल।
PSA 83:17 मेकोपुकी गेना हना यो मुने दोक्‍मल। आन थुं लुक्‍च लमल। मेकोपुकी मुने दोक्‍शा, खतम दुम्‍मल।
PSA 83:18 मेकोपुकीमी इन नें परमप्रभु यावे बाक्‍ब, दे तुइक्‍तमेक्‍ल। गे रागी ङा नेल्‍ल क्‍येङा ठेयब बाक्‍नीनी” दे परमप्रभु कली ठेयब सेल्ता। होसे १२:१६
PSA 84:1 कुम्‍सो पपाइक्‍ब कली गित्‍तीथ ताप्‍शा पतीके कोराह आ तौ आन कुम्‍सो। १इतिहास २६:१ “मुर नेल्‍ल आन परमप्रभु यावे, इन बाक्‍तीके गिश रिम्‍शो बाक्‍ब।
PSA 84:2 गो आं थुं नेल्‍लेमी परमप्रभु यावे आ खिं ङा लाङगा लचा दाक्‍नुङ। गो ग्‍येरशा सोम्‍शा ब्रोंइशा बाक्‍ब परमप्रभु कली कुम्‍सो पाइनुङ। भजन संग्रह ४२:३
PSA 84:3 मिनु चिक्‍बपुकीमी यो इन चढ़ेतीके आ नेक्‍थामी ग्‍योव़ सेल्‍शा, आन चाइक्‍ब पुक्‍नीम। गे, मुर नेल्‍ल आन परमप्रभु यावे, आं पिप नु आं परमप्रभु बाक्‍नीनी।
PSA 84:4 इन खिंम बाक्‍चा ताइब आसीक तशो बाक्‍नीम। मेकोपुकीमी गेना हना यो इन कली कुम्‍सो पा ठेयब सेल्‍नीम।ठेयब सेंदा पा।भजन संग्रह ६५:५
PSA 84:5 गे इन सक्ति ताइब नेल्‍ल ग्‍येरसीशो बाक्‍नीम। मेको आन थुंमी सियोन कली मिम्‍ना मिम्‍न बाक्‍नीम।
PSA 84:6 मेकोपुकी बाका माइश्‍शो गोरशो रागी ङा दिंम रे पा लमानु, मेकोपुकीमी मेकेर ब्‍वाक्‍कु बुक्‍शो रागी सेल्‍नीम। ङोंइती रेउ यिशा, ब्‍वाक्‍कु देम्‍ब।
PSA 84:7 मेकोपुकी शुश बोल्‍यो दुम्‍नीम। मेकोपुकी परमप्रभु आ ङोंइती सियोनम जाक्‍नीम।
PSA 84:8 परमप्रभु यावे, मुर नेल्‍ल आन परमप्रभु, आं पुंइशो लोव़ नेनीन। याकूब आ परमप्रभु आं लोव़ नेनीन! ठेयब सेंदा पा।
PSA 84:9 परमप्रभु, आंइ कली कोव़ब कली कोव़ङीन। इन आंइ कली गेशो पिप कली कोव़ङीन।
PSA 84:10 मिनु हजार का नाक्‍त ते ते बाक्‍चा क्‍येङा काबु नाक्‍त इन खिंम बाक्‍चा रिम्‍शो बाक्‍ब। इन अरेशो मटीब आन ताम्‍बुम बाक्‍चा क्‍येङा आं परमप्रभु आ खिं ङा लाप्‍चो खाल पाइब दुम्‍चा दाक्‍नुङ। भजन संग्रह २७:४
PSA 84:11 मारदे हना परमप्रभु, परमप्रभु यावे नां नु तेक्‍तीक बाक्‍ब। परमप्रभु यावेम ठेयब दुम्‍तीक नु मान गेब। मेकोमी ठीक लां खोइक्‍ब आन कली रिम्‍शो पाइब।
PSA 84:12 मुर नेल्‍ल आन परमप्रभु यावे, इन कली जिम्‍मा गेंसीशो थमा सुइक्‍बपुकी ग्‍येरसीशो बाक्‍नीम” देंती।
PSA 85:1 कुम्‍सो पपाइक्‍ब कली कोराह आ तौ आन कुम्‍सो। परमप्रभु यावे, गे इन रागी कली शिशी पाइतीनी। याकूब आ रिम्‍शो दुम्‍तीके लेंशा सेल्‍‍तीनी।
PSA 85:2 गे इन मुर आन ठीक मपशो माफ गेतीनी। मेको आन पाप नेल्‍ल सुम्‍तीनी। ठेयब सेंदा पा।
PSA 85:3 गे इन गाइक्‍चा नेल्‍ल साम्‍तीनी। मिनु चुरचा प्रोंइतीनी।
PSA 85:4 आंइ कली पाप रे प्रोंइब परमप्रभु, आंइ कली लेंशा ङोंइती ङा खोदेंशो सेल्‍की। मिनु इन आंइ कली मदाक्‍तीके समीन।
PSA 85:5 मार, गे गेना हना यो गोपुकी नु गाइक्‍स ङा गाइक्‍स बाक्‍नीनी? गे गोपुकी नु आंइ चच युइ आन पाला सम्‍म गाइक्‍स ङा गाइक्‍स बाक्‍नीनी?
PSA 85:6 मार, गे इन मुर आंइ कली गे नु ग्‍येरसीचा कली लेंशा, मबोक्‍पाइक्‍नीनी?
PSA 85:7 परमप्रभु यावे, गे इन गेनायो मनुप्‍ब दाक्‍तीके कोंइदीकी। मिनु आंइ कली श्‍येत रे प्रोंइकी।
PSA 85:8 परमप्रभु, परमप्रभु यावेमी मार देंबा, आं कली नेंपतीन। मेकोमी आ मुर, आ लोव़ टीब नु आंम कली जिम्‍मा गेंसीशो मुरपुकी नु थुं नाइक्‍तीक लोव़ पाइब। मेको आन कली लेंशा दूली गाक्‍चा मगेने। येरमीया २९:११; मीका ५:४
PSA 85:9 परमप्रभु कली मान पा हिंब मुर ब्रोंइचा ताइनीम। मेको आ छेङछेङ इं रागीम बाक्‍ल।
PSA 85:10 गेना हना यो दाक्‍तीक नु थमा पा दाक्‍शा मप्रोंइतीक गारनीस। ठीक पतीक नु थुं नाइक्‍तीक पुक्‍पु पमुइनीस।
PSA 85:11 थमा पा दाक्‍शा मप्रोंइतीके खप रे वाशो खोदेंशो पा ग्रूब। मिनु ठीक पतीकेमी सरीङ रे कोव़ब।
PSA 85:12 परमप्रभु यावेमी मार रिम्‍शो बाक्‍मे, मेको गेब। मिनु आंइ रागीम बाली नाली ग्रेल्‍पाइक्‍ब।
PSA 85:13 ठीक पतीकेमी मेको आ ङोंइती गाक्‍शा, आन लां सेल्‍ब।
PSA 86:1 दाऊदमी परमप्रभु कली पुंइशो लोव़। परमप्रभु यावे, आं पुंइशो लोव़ नेनीन। मिनु लोव़ लेत्‍तीनी। मारदे हना गो प्रुङग नु श्‍येत जशो बाक्‍नुङ।
PSA 86:2 आं कली खाल पा साइक्‍चा मगेयीनी। मारदे हना गो इन कली थमा सुइश्‍शा, इन गेय पाइब नङ। गे आं परमप्रभु बाक्‍नीनी।
PSA 86:3 परमप्रभु, आं कली शिशी पाइय्‍यीनी। मारदे हना गो नाक्‍त रे इन कली ब्रेश्‍शो बाक्‍नुङ।
PSA 86:4 इन गेय पाइब आ थुं ग्‍येरपतीन। मारदे हना गो आं थुं परमप्रभु, इन कली जिम्‍मा गेनुङ।
PSA 86:5 परमप्रभु, गे रिम्‍शो पाइब नु माफ गेब बाक्‍नीनी। इन कली पुंइब नेल्‍ल आन कली गेना हना यो दाक्‍नीनी।
PSA 86:6 परमप्रभु यावे आं पुंइशो लोव़ नेनीने। मिनु शिशी पाइक्‍चा कली आं पुंइशो नेनीन।
PSA 86:7 गो श्‍येत जङानु इन कली पुंइनुङ। मिनु गे आं लोव़ लेत्‍नीनी। भजन संग्रह ५०:१५
PSA 86:8 परमप्रभु, देवी देवता आन दातेमी इन खोदेंशो अरु तेकोइ मबाक्‍नीम। इन पशो गेय खोदेंशो पा अरु सुइम मपाइनीम। भजन संग्रह १३५:५; प्रस्‍थान १५:११
PSA 86:9 परमप्रभु, इन सेल्‍शो रागी रागी ङा मुर इन ङोंइती बाप्‍शा, इन नें थिशा, इन कली ठेयब सेल्‍चा माल्‍नीम।
PSA 86:10 मारदे हना गे ठेयब बाक्‍नीनी। मिनु छक लाक्‍चा ङा गेय पाइनीनी। गे ला परमप्रभु बाक्‍नीनी।
PSA 86:11 परमप्रभु यावे, आं कली इन लां खोइक्‍चा शेंदीनी। मिनु गो इन थमा पतीकेमी गाक्‍नुङ। आं कली थुं का पा इन कली मान पा हिंब सेल्‍यीनी। यूहन्‍ना १४:६
PSA 86:12 परमप्रभु यावे, आं परमप्रभु, गो आं थुं नेल्‍लेमी “गे रिम्‍शो पाइब बाक्‍नीनी” देंनुङ। मिनु गो गेना हना यो इन नें ठेयब सेल्‍नुङ।
PSA 86:13 मारदे हना इन गेना हना यो आं कली दाक्‍तीके ठेयब बाक्‍ब। गे आं कली बेक्‍शो मुर आन नेल्‍ल क्‍येङा आगा ङा बाक्‍तीके रे प्रोंइतीनी।
PSA 86:14 परमप्रभु, शिशी मपाइब मुरपुकीमी आं कली खेदा पतीमी। मरिम्‍शो पाइब आन हुलमी साइक्‍चा माल्‍तीमी। मेकोपुकीमी इन कली ममिम्‍नीम।
PSA 86:15 तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। भजन संग्रह १०३:८; प्रस्‍थान ३४:६
PSA 86:16 आं कली कोव़शा, शिशी पाइय्‍यीनी। इन गेय पाइब कली इन सक्ति गेने। इन वाइलीम आ तौ कली श्‍येत रे प्रोनीन।
PSA 86:17 गे इन दाक्‍तीके चिन्‍ड का गेयीनी। मिनु आं कली काइ मदाक्‍बपुकी मेको तशा, मुने दोक्‍मल। मारदे हना परमप्रभु यावे, गे आं कली वारच पाइतीनी। मिनु लेम्‍ताक्‍यीनी।
PSA 87:1 कोराह आ तौ आन कुम्‍सो। परमप्रभुम आ डांडामी आ सहर सेल्‍तु।
PSA 87:2 परमप्रभु यावेमी याकूब आ मुर आन बाक्‍तीके क्‍येङा सियोन सहर ङा गारो ङा लाप्‍चो दाक्‍ब।
PSA 87:3 परमप्रभुम आ सहर आ पर्बम रिम्‍शो लोव़ पशो बाक्‍ब। ठेयब सेंदा पा।
PSA 87:4 राहाब नु बेबीलोनम आं कली तुइक्‍नीस। पलिस्‍ती आन रागी, टायर नु एथीयोपीया यो मेको नु बाक्‍नीम। मिनु मेको आन पर्बम “एको नु मेको मेकेर जरमेशो नम” देंनीम। इजीप्‍त रागी कली राहाब यो देंनीम।भजन संग्रह ६७:४-५
PSA 87:5 सियोन आ पर्बम चहिं “मुर नेल्‍ल मेकेर रेन जरमेशो बाक्‍नीम। मारदे हना नेल्‍ल क्‍येङा ठेयबमी मेको कली रिम्‍शो सेल्‍शा कोव़ब” देंनीम।
PSA 87:6 परमप्रभु यावेमी जात जात ङा मुर आन नें का का पा आ किताबमी ब्रेक्‍ब। मिनु “एको नु मेको सियोनमी जरमेशो बाक्‍ब” दे ब्रेक्‍ब। ठेयब सेंदा पा।
PSA 87:7 कुम्‍सो पाइब नु सिल पाइबपुकीमी “आंइ आसीक नेल्‍ल सियोनम बाक्‍ब” दे कुम्‍सो पाइनीम। भजन संग्रह ३६:१०
PSA 88:1 कुम्‍सो पपाइक्‍ब कली महलेथ आ कुम्‍सो। कोराह आ तौ आन कुम्‍सो। एज्राह आ मुर हेमान आ सेल्‍शो शेंतीक कुम्‍सो। परमप्रभु यावे, आं परमप्रभु, गे आं कली श्‍येत रे प्रोंइब बाक्‍नीनी। नाक्‍दो नाक्‍त गो इन ङोंइती पुंइशो बाक्‍नुङ।
PSA 88:2 आं पुंइशो लोव़ इन ङोंइती जाक्‍ल। आं लोव़ नेनीन।
PSA 88:3 मारदे हना आं थुं श्‍येतम ब्रीशो बाक्‍ब। मिनु गो बेक्‍चा चिक्‍शो बाक्‍नुङ।
PSA 88:4 गो बेक्‍शा लाइब मुर नु हिक्‍सीशो दुम्‍ती। गो सक्ति मपाइश्‍शो मुर खोदेंशो दुम्‍ती।
PSA 88:5 गो बेक्‍शो मुरपुकी नु तिल्‍चा पुंइसीशो बाक्‍नुङ। तुरसुम बाक्‍शो साइक्‍चा पुंइसीशो मुर खोदेंशो दुम्‍ती। मोपा इन क्‍येङा ङोन बाक्‍शो इन मफ्रुक्‍शो मुर खोदेंशो दुम्‍ती।
PSA 88:6 गे आं कली बेक्‍शो मुर आन बाक्‍तीके छिङछिङ ङा नेल्‍ल क्‍येङा आगा ङा बाक्‍तीकेमी वोइक्‍तीनी।
PSA 88:7 इन गाइक्‍तीकेमी आं कली दिप्‍शो बाक्‍ब। मिनु इन छालम आं कली सुम्‍तीनी। ठेयब सेंदा पा।
PSA 88:8 गे आं वारच आन कली गो नु ग्रुम्‍चा हिंपाइक्‍तीनी। गो आं वारच आन कली हिंचा ङा दुम्‍ती। गो चोक्‍सीशो, श्‍येत रे ब्रोंइशा, प्रोक्‍ने मचाप्‍नुङ। भजन संग्रह ३८:१२
PSA 88:9 सुर्ता पतीके आं मिक्‍च ब्रा ब्रा दुम्‍ती। परमप्रभु यावे, गो नाक्‍त किंत किंत इन कली पुंइना पुंइन बाक्‍नुङ। मिनु इन नेंमी आं गुइ पोक्‍नुङ।
PSA 88:10 मार, गे बेक्‍शो मुर आन कली छक लाक्‍चा ङा गेय पाइनीनी? मार, मेको बेक्‍शो मुरपुकीम बोक्‍शा, इन कली ठेयब सेल्‍नीमी? ठेयब सेंदा पा।भजन संग्रह ६:६; यसैया ३८:१८
PSA 88:11 मार, गे इन गेना हना यो दाक्‍तीके आ पर्बम बेक्‍शो मुर आन बाक्‍तीकेमी लोव़ पाइनीमी? इन दाक्‍शा मप्रोंइतीके आ पर्बम तुरसुम शेंनीमी?
PSA 88:12 मार, इन छक लाक्‍चा ङा गेय छिङछिङमी तुइक्‍नीमी? इन श्‍येत रे प्रोंइतीके बेक्‍शो मुर आन दातेमी तुइक्‍नीमी ङा?
PSA 88:13 परमप्रभु यावे, गो चहिं सुनी कना इन कली लोव़ पाइनुङ।
PSA 88:14 परमप्रभु यावे, गे आं कली मारदे प्रोंइ‍यीनी? मारदे इन कुल ख्रुइक्‍तीनी?
PSA 88:15 गो ठिटा रेन श्‍येत जशा, बेक्‍चा चिक्‍शो बाक्‍नुङ। इन हिंच कोंइशोमी गो श्‍येत जशो बाक्‍नुङ। मिनु आं थुं लुक्‍च लशो बाक्‍ब।
PSA 88:16 गे आं पर्बम गाइक्‍ताक्‍नी। इन हिंच कोंइशोमी आं कली खतम पोक्‍शो बाक्‍ब।
PSA 88:17 मेकोपुकीम नाक्‍त रे ब्‍वाक्‍कु खोदेंशो पा आं एर ओंथ नेल्‍ल हिरशो बाक्‍नीम। मेकोपुकीम आं कली पुम्‍शा हिंच कोंइताक्‍यीमी।
PSA 88:18 गे आं कली दाक्‍ब नु आं वारच आन कली आं कली तशा हिंपाइक्‍तीनी। मिनु छिङछिङ आं नेक्‍था ङा वारच दुम्‍शो बाक्‍ब।
PSA 89:1 एज्राह आ मुर एथान आ कुम्‍सो। परमप्रभु यावे, गो इन गेना हना यो दाक्‍तीक आ पर्बम कुम्‍सो पाइनुङ। गो नेल्‍ल पाला ङा मुर आन कली इन दाक्‍तीकेम गेनायो मप्रोंइब बाक्‍नीनी, दे शेंनुङ।
PSA 89:2 गे इन दाक्‍तीक गेना हना यो लीपाइक्‍चा कली वोइक्‍तीनी। इन दाक्‍शा गेनायो मप्रोंइतीके सरीङ खोदेंशो ठेयब बाक्‍ब।
PSA 89:3 गे “गो आं योव़शो नु कबल पाता। आं गेय पाइब दाऊद नु कसम जाता। मार कसम जाता देंशा हना, यसैया ५५:३; भजन संग्रह १३२:११
PSA 89:4 गो गेना हना यो इ चच युइ रे पिप का सेल्‍नुङ। मिनु इ पिप दुम्‍तीके नेल्‍ल आन पाला सम्‍म लीपाइक्‍नुङ” देंतीनी। ठेयब सेंदा पा।२सामुएल ७:१६; प्रेरित २:३०
PSA 89:5 परमप्रभु यावे, स्‍वर्गम बाक्‍ब नेल्‍लेमी इन छक लाक्‍चा ङा गेय आ पर्बम इन कली ठेयब सेल्‍नीम। इन मुर आन ग्रुम्‍तीकेमी इन दाक्‍शा गेनायो मप्रोंइ‍तीके आ पर्बम इन कली ठेयब सेल्‍नीम।
PSA 89:6 सरीङमी परमप्रभु यावे कली सु नु थाप्‍ने चाम्‍सीबा ङा? मिनु स्‍वर्गम बाक्‍ब आन दातेमी सु परमप्रभु यावे खोदेंशो बाक्‍बा ङा? १राजा २२:१९
PSA 89:7 आंम मुर आन बुक्‍तीकेमी परमप्रभु कली मान पा हिंनीम। मेको आ एर ओंथ बाक्‍ब नेल्‍ल आन क्‍येङा मेको शुश ठेयब नु मान पा हिंचा माल्‍शो बाक्‍ब।
PSA 89:8 परमप्रभु यावे, मुर नेल्‍ल आन परमप्रभु, इन खोदेंशो ठेयब सक्ति पाइश्‍शो सु बाक्‍बा ङा? इन दाक्‍शा मप्रोंइतीके इन एर ओंथ बाक्‍ब।
PSA 89:9 गे बारशो समुन्‍द्र कली हुकुम पाइनीनी। मिनु मेको आन छाल बोक्‍मेनु गे नाइक्‍पाइक्‍नीनी। भजन संग्रह ६५:८; मत्ती ८:२६
PSA 89:10 गे राहाब कली बेक्‍शो जन्‍तु खोदेंशो पा साइक्‍तीनी। इन जोरी सत्रु आन कली इन सक्तिमी एर ओंथ ब्रपाइक्‍तीनी। इजीप्‍त रागी कली राहाब यो देंनीम। भजन संग्रह ८७:४अय्‍युब ९:१३; अय्‍युब २६:१२; यसैया ३०:७; यसैया ५१:९
PSA 89:11 सरीङ नु रागी निम्‍फा इन के बाक्‍नीस। रागी नु मेकेर बाक्‍शो नेल्‍ल इन सेल्‍शो बाक्‍नीम। भजन संग्रह २४:१
PSA 89:12 उ‍त्तर नु दक्‍खिन इन सेल्‍शो बाक्‍नीस। ताबोर नु हेरमोन इन नेंम ग्‍येरशा कुम्‍सो पाइनीस।
PSA 89:13 गे सक्ति पाइश्‍शो बाक्‍नीनी। गे बोल्‍यो नु ठेयब बाक्‍नीनी।
PSA 89:14 ठीक पतीक नु कुल मकोव़थु निसाफ पतीके इन राज्‍य ङा सक्ति बाक्‍ब। इन दाक्‍शा गेनायो मप्रोंइतीके इन ङोंइती बाक्‍ब।
PSA 89:15 इन कली ग्‍येरशा ठेयब सेल्‍बपुकी ग्‍येरसीशो मुर बाक्‍नीम। मारदे हना मेकोपुकी, परमप्रभु यावे, इन ङोंइती ङा छेङछेङमी गाक्‍नीम।
PSA 89:16 मेकोपुकी नाक्‍त रे इन नेंमी ग्‍येरसीनीम। मिनु इन ठीक पतीकेमी थुं नाइश्‍शा बाक्‍नीम।
PSA 89:17 मारदे हना गे मेको आन सक्ति गेब बाक्‍नीनी। मिनु गो इन शिशीमी आंइ पिया पोक्‍शो बाक्‍नीकी।
PSA 89:18 आंइ तेक्‍तीके, आंइ पिप इस्राएल ङा परमप्रभु यावे केन बाक्‍ब।
PSA 89:19 साइ ङोंइती गे इन कली मप्रोंइब मुर आन कली कोंइतीक कोंइशा, लोव़ पाइतीनी। मिनु गे “गो लडाइ पाइब का कली सक्ति गेता। गो मुर आन दाते रे का कली ठेयब सेल्‍ता। १सामुएल १३:१४; १सामुएल १६:१३
PSA 89:20 गो आं गेय पाइब, दाऊद कली थित्‍ता। गो मेको तारी तेल लुक्‍ताक्‍ङ।
PSA 89:21 मिनु गो मेको कली कोव़नुङ। मिनु सक्ति गेनुङ।
PSA 89:22 आ जोरी सत्रुमी मेको कली ग्राने मचाप्‍नीम। परमप्रभु आ अरेशो मटीबपुकीमी मेको कली दिप्‍ने मचाप्‍नीम।
PSA 89:23 मेको आ जोरी सत्रु आन कली मेको आ ङोंइती खतम पोक्‍नुङ। मिनु मेको कली काइ मदाक्‍ब आन कली साइक्‍नुङमी।
PSA 89:24 आं दाक्‍शा मप्रोंइतीके नु आं गेना हना यो दाक्‍तीके मेको नु बाक्‍ब। मिनु आं नेंमी मेकोमी आ पिया पोक्‍ने चाप्‍ब। आ सक्ति बारब।
PSA 89:25 गो मेको कली समुन्‍द्र नु ठेयब खोला नेल्‍ल कली हुकुम पाइब सेल्‍नुङ। भजन संग्रह ७२:८
PSA 89:26 मेकोमी आं कली ‘गे आं आफ बाक्‍नीनी। आं परमप्रभु, आं कली श्‍येत रे प्रोंइब सेरथे फुल्‍लु बाक्‍नीनी’ देंब। २सामुएल ७:१४
PSA 89:27 गो मेको कली आं ङोंइती जरमेशो तौ सेल्‍नुङ। रागी ङा पिप नेल्‍ल आन पिप सेल्‍नुङ।
PSA 89:28 गो मेको कली गेना हना यो दाक्‍नुङ। मिनु मेको नु पशो कबल खाप्‍नुङ।
PSA 89:29 गो मेको आ चच युइ आन कली गेनायो मग्‍याम्‍चा ङा पा वोइक्‍नुङ। मिनु मेको आ सासन पतीके सरीङ लीम सम्‍म बाक्‍ब।
PSA 89:30 तन्‍न मेको आ चच युइपुकीमी आं अरेशो लोव़ प्रोंइतेक्‍म हना, आं निसाफ पतीके लोव़ मटिम्‍तेक्‍म हना,
PSA 89:31 आं पचा देंशो, आं फुल्‍लुम मुशा ब्रेक्‍शो लोव़ मपाम्‍तेक्‍म हना, आं शेंशो मटिम्‍तेक्‍म हना,
PSA 89:32 गो मेको आन पाप आ पर्बम कोक्‍केमी सजाइ गेनुङमी। गो मेको आन ठीक मपशो आ पर्बम तुप्‍शा सजाइ गेनुङमी।
PSA 89:33 तन्‍न गो मेको आन कली आं गेना हना यो दाक्‍तीकेम मप्रोंइनुङ। आं दाक्‍शा मप्रोंइतीके मेको नु लीब।
PSA 89:34 गो आं कबल नेल्‍ल खाप्‍नुङ। आं ङोंइती देंशो लोव़ थमा पा पाइनुङ।
PSA 89:35 गो आं नेंमी काले कसम जाता, गो दाऊद कली जोल मपाइनुङ।
PSA 89:36 मेको आ चच युइ गेना हना यो लीनीम। मिनु मेको आ सासन पतीके आं ङोंइती नां बाक्‍म सम्‍म बाक्‍ब। भजन संग्रह ७२:१७
PSA 89:37 तास्‍ला खोदेंशो पा मेको आ सासन पतीके गेना हना यो बाक्‍ब। सरीङ बाक्‍शो खोदेंशो पा गेना हना यो बाक्‍ब” देंतीनी। ठेयब सेंदा पाउत्‍पत्ती ९:१३
PSA 89:38 तन्‍न गे इन तेल लुक्‍शो कली प्रोंइशो बाक्‍तीनी। गे इन तेल लुक्‍शो आ पर्बम शुश गाइक्‍ताक्‍नी।
PSA 89:39 गे इन गेय पाइब नु पशो कबल प्रोंइशो बाक्‍तीनी। गे मेको आ सिरपेच खपीम ताइश्‍शा, ग्रांग्रा दिशो सेल्‍तीनी।
PSA 89:40 आ गारो नेल्‍ल प्रेश्‍शा, आ दरवार नेल्‍ल खतम पोक्‍तीनी।
PSA 89:41 मेको लां रे पा लाइब नेल्‍लेमी मेको आ मार मार रोइश्‍शा लाइक्‍तेक्‍म। मेको आ नेक्‍था ङा मुरपुकीमी मेको कली शुक्‍शी पाइक्‍तेक्‍म।
PSA 89:42 गे मेको आ जोरी सत्रु आन कली बोल्‍यो सेल्‍तीनी। गे मेको आ जोरी सत्रु नेल्‍ल आन कली ग्‍येरपाइश्‍शो बाक्‍तीनी।
PSA 89:43 गे मेको कली ब्रुपाइक्‍तीनी। मिनु लडाइमी वारच मपाइक्‍नी।
PSA 89:44 गे मेको आ ठेयब दुम्‍तीके खतम पोक्‍तीनी। मिनु मेको आ सासन पतीके साम्‍शा गेतीनी।
PSA 89:45 मेको आ ब्रोंइतीके नाक्‍त इच्‍का ला सेल्‍तीनी। गे मेको कली मुनेम सुम्‍पाइक्‍तीनी। ठेयब सेंदा पा।
PSA 89:46 परमप्रभु यावे, गे गेना सम्‍म ख्रुइश्‍शा बाक्‍नीनी? इन गाइक्‍चा गेना सम्‍म मी खोदेंशो पा ब्राइबा?
PSA 89:47 परमप्रभु, आं ब्रोंइशा बाक्‍तीक नाक्‍त इच्‍का ला बाक्‍ब। गे मुर नेल्‍ल आन कली जाम्‍शा लाइब सेल्‍शो बाक्‍नीनी।
PSA 89:48 मार, मुर गेनायो मबेक्‍थु, ब्रोंइशा बाक्‍नीमी? सुम आंम कली बेक्‍तीक रे प्रोंइने चाप्‍बा ङा? ठेयब सेंदा पा।
PSA 89:49 परमप्रभु यावे, इन साइ ङा गेना हना यो दाक्‍तीके ते लाक्‍गा? गे दाऊद कली कसम जशा, इन दाक्‍शा मप्रोंइतीकेमी लोव़ पाइतीनी।
PSA 89:50 परमप्रभु यावे, दोपा इन गेय पाइब, गो शुक्‍शी पा रिश्‍शा कोव़चा पुंइसीङा, मेको मिम्‍तीन। गो मारदे जात जात ङा मुरपुकीमी शुक्‍शी पाइश्‍शो फाल्‍चा माल्‍ङा? मेको यो मिम्‍तीन। भजन संग्रह ४४:१-२५
PSA 89:51 परमप्रभु यावे, मारदे इन जोरी सत्रुमी आं कली शुक्‍शी पाइय्‍यीमी? मेकोपुकीमी मारदे इन तेल लुक्‍शो, आं कली ते ते थेक्‍तु, मेक मेक शुक्‍शी पाइय्‍यीमी?
PSA 89:52 परमप्रभु यावे गेना हना यो ठेयब बाक्‍ल। मेको थमा बाक्‍ब, आमेन। भजन संग्रह ४१:१४
PSA 90:1 परमप्रभु आ मुर मोसा आ पुंइशो लोव़। परमप्रभु गे नेल्‍ल पाला सम्‍म आंइ बाक्‍तीके दुम्‍शो बाक्‍नीनी।
PSA 90:2 मिनु पहाड दुम्‍चा क्‍येङा ङोंइती नु रागी सेल्‍चा क्‍येङा ङोंइती गे गेना हना यो बाक्‍ब परमप्रभु बाक्‍तीनी।
PSA 90:3 गे मुर आन कली लेंशा फुरक दुम्‍पाइक्‍नीनी। मिनु गे “मुरपुकी, आं गे ले‍तीन” देंनीनी। भजन संग्रह १४६:४; उपदेसक १:४
PSA 90:4 हजार का बर्स इन कली सिनाक्‍त खोदेंशो बाक्‍ब। नाक्‍दो का इन कली याम का खोदेंशो बाक्‍ब। २पत्रुस ३:८
PSA 90:5 गे मुर आन कली फिक्‍‍शा, लाइक्‍नीनी। मुर आन ब्रोंइतीक ङोमु तशो खोदेंशो बाक्‍ब। मेकोपुकी सुनी नक वाशो घांस खोदेंशो बाक्‍नीम। भजन संग्रह १०२:१२; भजन संग्रह १०३:१५; अय्‍युब १४:२; यसैया ४०:६; १पत्रुस १:२४-२५
PSA 90:6 मेको सुनी गिग दुम्‍नीम। मिनु नाक्‍दो सोल सुल बेक्‍नीम।
PSA 90:7 गो इन गाइश्‍शोमी खतम दुम्‍शो बाक्‍नीकी। मिनु इन चुरशो तशा हिंनीकी।
PSA 90:8 आंइ मरिम्‍शो पशो इन ङोंइती वोइश्‍शो बाक्‍तीनी। आंइ ख्रुइश्‍शा पशो इन कुल ङा छेङछेङ आ ङोंइती बाक्‍ब।
PSA 90:9 गो आंइ नाक्‍त नेल्‍ले इन गाइश्‍शोमी लाक्‍शो बाक्‍नीकी। आंइ नाक्‍त नेल्‍ल हुक‍यी पशो खोदेंशो पा लाक्‍नीम।
PSA 90:10 आंइ ब्रोंइतीके ७० बर्स ला बाक्‍ब। बोल पा ब्रोंइतक हना, ८० बर्स सम्‍म ब्रोंइनीकी। मो हना यो आंइ ब्रोंइतीक नाक्‍ती नेल्‍ल श्‍येत नु मरिम्‍शो दुम्‍तीके ला बाक्‍ब। ब्रोंइतीक नाक्‍ती रीब पा नुप्‍ब। मिनु गो बेक्‍शा लाइनीकी। उपदेसक १:३
PSA 90:11 इन गाइक्‍तीक सक्ति सुम तुइक्‍बा? गो इन गाइक्‍तीके आ पर्बम इन क्‍येङा हिंनीकी।
PSA 90:12 मोपतीके आंइ ब्रोंइतीक नाक्‍ती गिश बाक्‍नीमी मिम्‍शा, हिक्‍चा शेंदीकी। मिनु गो जोक्‍ब तुइक्‍ब थुं पाइश्‍शो दुम्‍कल। भजन संग्रह ३९:५-७
PSA 90:13 परमप्रभु यावे, गेना सम्‍म ङोन बाक्‍नीनी? आंइ गे लेतीन। इन गेय पाइब आंइ कली शिशी पने।
PSA 90:14 सुनी आंइ कली इन गेना हना यो दाक्‍तीकेमी ग्‍येरपाइक्‍की। मिनु गो ब्रोंइका सम्‍म ग्‍येरशा कुम्‍सो पा बाक्‍ने चाप्‍कल।
PSA 90:15 गे गिश नाक्‍त सम्‍म आंइ कली श्‍येत गेनी? मिश नाक्‍त सम्‍म आंइ कली ग्‍येरपाइक्‍की। गो शुश बर्स श्‍येत जाइतक।
PSA 90:16 इन गेय पाइबपुकीमी इन गेय तुइक्‍तमेक्‍ल। मिनु मेको आन आल आन कली इन छेङछेङ ङा सक्ति कोंइदीन। यसैया ५:१२
PSA 90:17 परमप्रभु यावे, आंइ परमप्रभु, इन शिशी आंइ तार बाक्‍‍ल। मिनु आंइ गुइ ङा गेय रिम्‍शो दुम्‍ल। थमा पा, आंइ पशो नेल्‍ल रिम्‍शो सेलीन।
PSA 91:1 सु नेल्‍ल क्‍येङा ठेयब आ फाप्‍तीकेम बाक्‍बा नु नेल्‍ल क्‍येङा सक्ति पाइश्‍शो आ नेक्‍था बाक्‍बा,
PSA 91:2 मेकोमी परमप्रभु यावे कली “गे आं ख्रुइक्‍तीक नु आं बोल्‍यो दरवार बाक्‍नीनी। गे आं परमप्रभु बाक्‍नीनी। गो इन कली थमा सुइक्‍नुङ” देंब।
PSA 91:3 मेकोमी इ कली चिक्‍ब ग्‍याइक्‍ब मुर आ ब्‍वारद नु मुर साइक्‍ब रोइ रे प्रोंइब।
PSA 91:4 मेकोमी इ कली आ फ्रांमी फाप्‍ब। मिनु गे मेको आ फ्रां आगामी ख्रुइश्‍शा बाक्‍नेवे। मेको आ दाक्‍शा गेनायो मप्रोंइतीके इ तेक्‍तीक नु गारो दुम्‍ब।
PSA 91:5 मिनु गे नाक्‍दो ङा हिंतीके नु नाक्‍ती बेरशा जाक्‍ब ब्रा तशा महिंनेवे।
PSA 91:6 छिङछिङम जाक्‍ब मुर साइक्‍ब रोइ नु नाक्‍ती याक्‍सीब रोइ तशा महिंनेवे।
PSA 91:7 मिनु हजार का जना मुर इ ङोंइती साइक्‍चा पुंइसीनीम। मिनु इ ग्‍युरा गे १० हजार मुर साइक्‍चा पुंइसाक्‍म हना यो, गे साइक्‍चा मपुंइसीनेवे।
PSA 91:8 परमप्रभु कली मटीबपुकी दोपा क्‍येक्‍क लेत्‍चा पुंइसीनीमी, गे मेको ताइनेवे।
PSA 91:9 मारदे हना गे “परमप्रभु यावे आं ख्रुइक्‍तीके बाक्‍ब” देंते। मिनु गे नेल्‍ल क्‍येङा ठेयब कली इ बाक्‍तीक सेल्‍तीवी।
PSA 91:10 इ कली मारेइ मरिम्‍शो मदुम्‍ब। इ बाक्‍तीक आ नेक्‍था मारेइ हिंचा ङा मदुम्‍ब।
PSA 91:11 मारदे हना मेकोमी आ स्‍वर्ग ङा गेय पाइब आन कली इ लां नेल्‍लेमी इ कली वारच पपाइक्‍ब। मत्ती ४:६
PSA 91:12 मेकोपुकीमी इ कली आन गुइ गुइम ताक्‍शा कुरनीम। इ खोइली फुल्‍लुम मथोक्‍पाइक्‍चा कली मोदेंशो पाइनीम।
PSA 91:13 गे गुप्‍स नु बीस पाइश्‍शो बुस्‍स दिम्‍नेवे। मेको बोल्‍यो बाक्‍तेक्‍म हना यो, मेको आन कली दिम्‍शा साइक्‍नेवे। लूका १०:१९
PSA 91:14 मिनु परमप्रभुमी “मेकोमी आं कली दाक्‍तीके, गो मेको कली श्‍येत रे प्रोंइनुङ। मेकोमी आं नें तुइक्‍तीके, गो मेको कली फाप्‍नुङ।
PSA 91:15 मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५
PSA 91:16 गो मेको कली शुश ब्रोंइचा गेशा, आं प्रोंइतीके तपाइक्‍नुङ” दे परमप्रभुमी देंत। यसैया ५२:१०
PSA 92:1 नाइक्‍तीक नाक्‍त पतीक कुम्‍सो। परमप्रभु यावे कली “गे रिम्‍शो पाइब बाक्‍नीनी” देंचा रिम्‍शो बाक्‍ब। मिनु “इन नें नेल्‍ल क्‍येङा ठेयब बाक्‍ब” दे कुम्‍सो पचा रिम्‍शो बाक्‍ब। भजन संग्रह १४७:१
PSA 92:2 सुनी इन गेना हना यो दाक्‍तीके नु नाक्‍दो इन दाक्‍शा मप्रोंइतीके आ पर्बम लोव़ पचा रिम्‍शो बाक्‍ब।
PSA 92:3 बेन्‍जो नु तार पाइश्‍शो ठेयब ताप्‍तीक ताप्‍शा, बीना आ लायोमी मोदेंशो कुम्‍सो पचा रिम्‍शो बाक्‍ब।
PSA 92:4 मिनु गो “परमप्रभु यावे, इन पशोमी आं कली ग्‍येरपाइक्‍तीनी” दे इन पशो तशा, ग्‍येरशा कुम्‍सो पाइनुङ।
PSA 92:5 परमप्रभु यावे, इन गेय थम ठेयब बाक्‍नीम। इन मिम्‍तीके यो थम ठेयब बाक्‍ब। भजन संग्रह १०४:२४; यसैया ५५:९
PSA 92:6 निप्‍स मपाइश्‍शो मुरपुकीमी मेको तुइक्‍ने मचाप्‍नीम। मूर्खपुकीमी मेको रुप्‍ने मचाप्‍नीम।
PSA 92:7 मिनु परमप्रभु आ अरेशो मटीबपुकी घांस खोदेंशो पा बारनीम। मरिम्‍शो पाइबपुकी फू खोदेंशो पा बोइक्‍नीम। नोले मेकोपुकी गेनायो मलीचा ङा पा क्‍याम्‍चा पुंइसीनीम।
PSA 92:8 तन्‍न परमप्रभु यावे, गे गेना हना यो ठेयब सेल्‍चा पुंइसीनीनी।
PSA 92:9 परमप्रभु यावे, इन जोरी सत्रु क्‍याम्‍चा पुंइसीनीम। मरिम्‍शो पाइब नेल्‍ल एर ओंथ ब्राइनीम।
PSA 92:10 गे आं कली ब्‍वाकी ङा ब्‍यफ खोदेंशो पा सक्ति गेतीनी। आं कली नेल्‍ल क्‍येङा रिम्‍शो तेल लुक्‍ताक्‍यीनी। भजन संग्रह २३:५
PSA 92:11 गो आं जोरी सत्रु ब्रुशो तशा ग्‍येरसीनुङ। आं कली मरिम्‍शो पाइबपुकी खतम दुम्‍शो लोव़ नेंशा, ग्‍येरसीनुङ।
PSA 92:12 ठीक पाइबपुकी चहिं खजूर रवा खोदेंशो पा बारनीम। मेकोपुकी लेबानोन ङा लाइश्‍शो रवा खोदेंशो पा लाइक्‍नीम। भजन संग्रह १:३; भजन संग्रह ५२:१०
PSA 92:13 मेकोपुकी आंइ परमप्रभु यावे आ खिंमी ख्रुम्‍शो दुम्‍शा, आंइ परमप्रभु आ लाङगाम बोइक्‍नीम।
PSA 92:14 मिनु मेकोपुकी शुश बर्स दुम्‍मानु यो, फल सित्‍नीम। मेकोपुकी गिग नु नक ङा नक लीनीम।
PSA 92:15 मिनु गो “परमप्रभु यावे गेना हना यो ठीक पाइब बाक्‍ब। मेको आं सेरथे फुल्‍लु बाक्‍ब। मेको नु मारेइ मरिम्‍शो मबाक्‍ब” देंनुङ। ब्‍यवस्‍था ४२:४
PSA 93:1 परमप्रभु यावेमी सासन पाइब। मेको पिप आ वाम ग्‍योम्‍सीशो बाक्‍ब। परमप्रभु यावेमी आ सक्ति किम्‍सीशो बाक्‍ब। रागी आ जग बोल्‍यो बाक्‍ब, मेको गेनायो महिम्‍सीब। भजन संग्रह ४७:८; भजन संग्रह ९६:१०; भजन संग्रह ९७:१; भजन संग्रह ९८:६; भजन संग्रह ९९:१; भजन संग्रह १४६:१०; प्रस्‍थान १५:१८
PSA 93:2 इन ठेयब नित्‍तीके साइ ङोंइती रे वोइश्‍शो बाक्‍त। गे साइ रेन बाक्‍शो बाक्‍तीनी।
PSA 93:3 परमप्रभु यावे, समुन्‍द्र बारशा कुशो बाक्‍ब। मेको आ छाल आ रेयके ठेयब दुम्‍शो बाक्‍ब।
PSA 93:4 ठेयब समुन्‍द्र आ रेयके नु समुन्‍द्र आ बोल्‍यो छाल क्‍येङा इरीम बाक्‍ब। परमप्रभु यावे नेल्‍ल क्‍येङा ठेयब सक्ति पाइश्‍शो बाक्‍ब।
PSA 93:5 इन देंशो लोव़ गेना हना यो बाक्‍नीम। परमप्रभु यावे, इन खिं गेना हना यो इन सक्तिमी ब्रीशो बाक्‍ब।
PSA 94:1 परमप्रभुमी क्‍येक्‍क लेप्‍ब। परमप्रभु यावे, परमप्रभु, इन छेङछेङ कोंइदीन। ब्‍यवस्‍था ३२:३५
PSA 94:2 रागी कली निसाफ पाइब, बोक्‍कीन। मिनु ठेयब लेश्‍शो आन कली आन पशो ङा क्‍येक्‍क लेत्‍तीन। उत्‍पत्ती १८:२५
PSA 94:3 परमप्रभु यावे, इन अरेशो मटीबपुकी गेना सम्‍म ठेयब लेत्‍नीमी?
PSA 94:4 मेकोपुकीम ठेयब लेश्‍शो लोव़ ला पाइनीम। मरिम्‍शो पाइब नेल्‍लेम आन नें बोरपाइक्‍नीम।
PSA 94:5 परमप्रभु यावे, मेकोपुकीमी इन मुर आन कली दिम्‍शा ताइश्‍शा पशो बाक्‍नीम। इन योव़शो रागी खतम पोक्‍शो बाक्‍नीम।
PSA 94:6 मेकोपुकीमी आन वोंइश बेक्‍शो मीश मुर नु अर्को रागी ङा मुर आन कली साइश्‍शो बाक्‍नीम। मिनु रोम रोइक्‍च आन कली यो साइश्‍शो बाक्‍नीम।
PSA 94:7 मिनु मेकोपुकीमी “परमप्रभु यावेमी मताइब। याकूब आ परमप्रभुमी मतुइक्‍ब” देंनीम। भजन संग्रह १०:११
PSA 94:8 गे, निप्‍स मपाइश्‍शो मुरपुकी रुपीन। गे, मूर्खपुकी गेना जोक्‍ब तुइक्‍ब दुम्‍नीनी?
PSA 94:9 इन नोफा सेल्‍बमी मनेंबा ङा? मिक्‍च सेल्‍बमी मताइबा ङा? प्रस्‍थान ४:११
PSA 94:10 रागी रागी ङा मुर आन कली सजाइ गेबमी इन कली सजाइ मगेबा ङा? मेकोमी मुर आन कली मारेइ मारेइ तुइक्‍पाइक्‍ब।
PSA 94:11 परमप्रभु यावेमी मुर आन मिम्‍शो तुइक्‍ब। मेकोमी इं मिम्‍शो नेल्‍ल जाम्‍शा लाइब, दे यो तुइक्‍ब। १कोरिन्‍थी १:२०
PSA 94:12 परमप्रभु यावे, गे सु सु कली सजाइ गेशा, शेंदीनी, मेको ग्‍येरसीशो मुर दुम्‍नीम। मारदे हना मेको आन कली इन अरेशो लोव़ शेंनीनी। अय्‍युब ५:१७
PSA 94:13 इन अरेशो मटीब मबेक्‍मा सम्‍म, गे मेको इन शेंशो आन कली श्‍येत रे नाइक्‍चा गेनीनी।
PSA 94:14 मारदे हना परमप्रभु यावेमी आ मुर आन कली मप्रोंइब। मिनु आ योव़शो रागी यो मप्रोंइब। यसैया ३७:३३-३५
PSA 94:15 ठीक मुर लेंशा ठीक पतीके ताइनीम। ब्रेम्‍शो थुं पाइश्‍शो मुर ठीक लां खोइक्‍नीम।
PSA 94:16 परमप्रभु आ अरेशो लोव़ मटीब आन पर्बम सु पोन बोक्‍बा? मरिम्‍शो पाइब आन पर्बम सु पोन बोक्‍बा? भजन संग्रह ११५:१७
PSA 94:17 परमप्रभु यावेम आं कली वारच मपाइश्‍शो हना, गो बेक्‍शो मुर आन बाक्‍तीके जाक्‍दीङ वा।
PSA 94:18 गो “आं खोइल ग्रेक्‍त” देंती। मिनु परमप्रभु यावे, इन गेना हना यो दाक्‍तीकेमी तिक्‍तीनी।
PSA 94:19 गो आं थुंमी थाम्‍पा सुर्ता पाता। इन लेम्‍शोमी आं थुं नांइसाक्‍व। २कोरिन्‍थी १:४-५
PSA 94:20 मार, इन अरेशो मटीब हुकुम पाइबपुकी गे नु गारनीमी ङा? मेकोपुकीमी इन फुल्‍लुम मुशा ब्रेक्‍शो लोव़ दूली सेल्‍शो बाक्‍नीमी।
PSA 94:21 मेकोपुकीमी ठीक पाइब आन पर्बम दोपा मरिम्‍शो पचा, दे लोव़ गारपाइक्‍नीम। मिनु दोस मताइब आन कली साइक्‍नीम।
PSA 94:22 तन्‍न परमप्रभु यावे आं बोल्‍यो दरवार नु आं ख्रुइक्‍तीक सेरथे फुल्‍लु बाक्‍ब।
PSA 94:23 मेकोमी मेको आन मरिम्‍शो पशो आन पिया तार मोइक्‍ब। मिनु मेको आन अरेशो मटितीके मेको आन कली साइक्‍ब। परमप्रभु यावे, आंइ परमप्रभुमी मेको आन कली खतम पोक्‍ब।
PSA 95:1 जाक्‍कीन, ग्‍येरसीशा परमप्रभु यावे कली कुम्‍सो पय। इं कली श्‍येत रे प्रोंइब सेरथे फुल्‍लु कली ठेयब सेंदा पा कुम्‍सो पय।
PSA 95:2 “गे रिम्‍शो पाइब बाक्‍नीनी” देंना देंन, मेको आ ङोंइती लय। कुम्‍सो पा मेको कली ठेयब सेल्‍य।
PSA 95:3 मारदे हना परमप्रभु यावे ठेयब परमप्रभु बाक्‍ब। देवी देवता नेल्‍ल आन ठेयब पिप बाक्‍ब। प्रस्‍थान १५:११
PSA 95:4 मिनु रागी ङा उइ रे डांडा ङा इर सम्‍म नेल्‍ल मेको आ गुइम बाक्‍ब।
PSA 95:5 समुन्‍द्र नु सोव़शो रागी नेल्‍ल मेको आ सेल्‍शो बाक्‍ब।
PSA 95:6 जाक्‍कीन, मेको कली बाप्‍शा ठेयब सेल्‍य। इं कली सेल्‍ब, परमप्रभु यावे आ ङोंइती पोक्‍च थेक्‍तय।
PSA 95:7 मारदे हना मेको इं परमप्रभु बाक्‍ब। गो मेको आ योव़शो भेडा नय। मिनु मुलाक्‍त मेको आ सेंदा नेनीन। भजन संग्रह १००:३; यूहन्‍ना १०:२७-२८
PSA 95:8 गेपुकी मेरीबाम पशो खोदेंशो पा इन थुं खकटा मसेलीन। गेपुकी गोरशो रागी मास्‍साह माइश्‍शोमी बाक्‍ची ना पशो खोदेंशो मपने। हिब्रू ३:७-८; हिब्रू ४:७
PSA 95:9 परमप्रभुमी “इन किकी पिपीमी आं पशो गेय नेल्‍ल ताम्‍तेक्‍म हना यो, मेकोपुकीमी आं कली नाक्‍शा कोव़तीमी। प्रस्‍थान १७:२,७
PSA 95:10 गो ४० बर्स सम्‍म मेकोपुकी नु गाइक्‍ताक्‍ङ। एको दूली पाइब मुर बाक्‍नीम। आं कली मटीब बाक्‍नीम।
PSA 95:11 मोपतीके गो आं गाइक्‍तीकेमी ‘एको आन कली आं थुं नाइक्‍पाइक्‍तीके मगेनुङ’ दे कसम जाता” दे परमप्रभुम देंत। गन्‍ती १४:२२-२३; हिब्रू ४:३
PSA 96:1 १इतिहास १६:२३-३३ परमप्रभु यावे कली नक कुम्‍सो का पय। रागी रागी ङा मुर नेल्‍लेमी परमप्रभु यावे कली कुम्‍सो पने।
PSA 96:2 परमप्रभु यावे कली कुम्‍सो पने। आ नें ठेयब सेलीन। गे नाक्‍त किंत किंत मेको मुर आन कली श्‍येत रे प्रोंइशो आ पर्बम रागी रागी ङा मुर आन कली शेंदीने।
PSA 96:3 रागी रागी ङा मुर आन दातेमी मेको आ सक्ति आ पर्बम लोव़ पने। जात जात ङा मुर आन दातेमी आ छक लाक्‍चा ङा गेय आ पर्बम लोव़ पने।
PSA 96:4 मारदे हना परमप्रभु यावे ठेयब बाक्‍ब। ठेयब सेल्‍शा मान पाइक्‍चा पुंइसीब बाक्‍ब। मेको देवी देवता नेल्‍ल आन क्‍येङा मान पा हिंचा माल्‍शो बाक्‍ब।
PSA 96:5 मारदे हना जात जात ङा मुर आन देवी देवता शोर गाक्‍शो मूर्ति ला बाक्‍नीम। तन्‍न परमप्रभु यावेमी सरीङ सेल्‍तु।
PSA 96:6 मान ततीके नु नेल्‍ल क्‍येङा ठेयब दुम्‍तीके मेको नु बाक्‍ब। मेको आ बाक्‍तीक सक्ति नु छेङछेङम ब्रीशो बाक्‍ब।
PSA 96:7 गे रागीम बाक्‍ब खिं खिं ङा मुरपुकीमी परमप्रभु यावे कली “गे सक्ति नु छेङछेङ पाइश्‍शो बाक्‍नीनी” दे ठेयब सेलीन।
PSA 96:8 गेपुकीमी परमप्रभु यावे आ नें थिशा, मेको कली “गे ठेयब बाक्‍नीनी” देनीन। चढ़ेतीक चाक्‍शा, मेको आ बाक्‍तीक ङा लाङगाम जाक्‍कीन।
PSA 96:9 रिम्‍शो पतीकेमी ग्‍योम्‍सीशा, परमप्रभु यावे कली “गे ठेयब बाक्‍नीनी” दे लोव़ पने। रागी ङा मुर नेल्‍ले मेको आ ङोंइती मेको कली मान पा ख्रिंख्रि पने।
PSA 96:10 गे रागी रागी ङा मुर आन दातेमी “परमप्रभु यावे पिप बाक्‍ब” दे शेंदीन। रागी महिम्‍सीचा ङा पा सेल्‍शो बाक्‍ब। मेको मयाक्‍‍सीब। मेकोमी जात जात ङा मुर आन कली कुल मकोव़थु निसाफ पाइब। भजन संग्रह ९३:१
PSA 96:11 सरीङ नु रागी ग्‍येरसीसल। समुन्‍द्र नु मेकेर बाक्‍ब नेल्‍ल रेयके पामेक्‍ल। भजन संग्रह ९८:७-९; यसैया ४९:१३
PSA 96:12 रू नु मेकेर वाशो नेल्‍ल ग्‍येरसीमल। मिनु ब्‍वाकीम बाक्‍शो रवा नेल्‍ल ग्‍येरशा,
PSA 96:13 परमप्रभु यावे आ ङोंइती कुम्‍सो पाइनीम। मारदे हना परमप्रभु यावे जाक्‍ब। मेको रागी कली निसाफ पथ जाक्‍ब। मेकोमी रागी नेल्‍ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। भजन संग्रह ८२:८; प्रेरित १७:३
PSA 97:1 परमप्रभु यावे पिप बाक्‍ब। रागी ग्‍येरसेक्‍ल। ङोन ङोन ङा रागी ङा मुरपुकी यो ग्‍येरसीमल। भजन संग्रह ९३:१
PSA 97:2 मेको आ एर ओंथ गोस्‍स नु ठेयब छिङछिङ बाक्‍ब। ठीक पतीके नु ठीक निसाफ मेको आ सासन पतीक जग बाक्‍ब।
PSA 97:3 मेको आ ङोंइङोंइती मी लशा, आ एर ओंथ ङा जोरी सत्रु नेल्‍ल आन कली दाक्‍ब। हबकुक ३:४
PSA 97:4 मेको आ चिलामी रागी नेल्‍ल हाम्‍सो दुम्‍ब। रागी रागी ङा मुर मेको तशा ख्रिंख्रि पाइनीम।
PSA 97:5 परमप्रभु यावे आ ङोंइती डांडा मयीन खोदेंशो पा याइनीम। रागी नेल्‍ल परमप्रभु यावे आ ङोंइती मोदेंशो दुम्‍ब। यहोसु ३:१३
PSA 97:6 मिनु स्‍वर्गम मेको आ ठीक पतीके नेल्‍ल कोंइब। जात जात ङा मुर नेल्‍लेमी मेको आ छेङछेङ ताइनीम। भजन संग्रह ६७:५-६; यसैया २४:२१-२२
PSA 97:7 मूर्ति पूजा पाइब नेल्‍ल मुने तोक्‍चा पुंइसीनीम। मूर्ति कली थमा सुइक्‍बपुकी मुने दोक्‍नीम। देवी देवता नेल्‍ल परमप्रभु आ ङोंइती बाप्‍पीन। येरमीया ४६:२५; हिब्रू १:६
PSA 97:8 परमप्रभु यावे आ निसाफ पशो नेंशा, सियोन नु यहूदा ङा सहर नेल्‍ल ग्‍येरसीनीम।
PSA 97:9 मारदे हना परमप्रभु यावे, गे रागी ङा नेल्‍ल क्‍येङा ठेयब बाक्‍नीनी। देवी देवता नेल्‍ल आन क्‍येङा गे शुश ठेयब बाक्‍नीनी। प्रस्‍थान १५:११
PSA 97:10 परमप्रभु यावेमी मरिम्‍शो पतीक कली काइ मदाक्‍ब मुर आन कली दाक्‍ब। आ कली थमा सुइक्‍ब आन कली कोव़ब। मेको आन कली आ अरेशो मटीब आन गुइ रे प्रोंइब।
PSA 97:11 ठीक पाइब आन कली छेङछेङ बाक्‍ब। मिनु ब्रेम्‍शो थुं पाइश्‍शो मुर आन कली ग्‍येरतीक बाक्‍ब।
PSA 97:12 ठीक पाइबपुकी परमप्रभु यावे नु ग्‍येरसीन। मेको कली “गे रिम्‍शो पाइब बाक्‍नीनी” देनीन।
PSA 98:1 कुम्‍सो का। परमप्रभु यावे कली नक कुम्‍सो का पय। मारदे हना मेकोमी छक लाक्‍चा ङा गेय पाप्‍तु। मेको आ ठेयब सक्तिमी ग्रात। भजन संग्रह ३३:३; यसैया ५९:१६; यसैया ६३:५
PSA 98:2 परमप्रभु यावेमी आ ग्रातीके कोंइशा, आ श्‍येत रे प्रोंइतीके रागी रागी आन ङोंइती कोंइताक्‍व।
PSA 98:3 मेकोमी इस्राएली आन कली आ गेना हना यो दाक्‍तीके नु आ दाक्‍शा मप्रोंइतीके कोंइताक्‍व। रागी नेल्‍ल ङा मुरपुकीमी आंइ परमप्रभुम मेको आन कली श्‍येत रे प्रोंइशो ताम्‍तेक्‍म। यसैया ५२:१०
PSA 98:4 रागी रागी ङा मुर नेल्‍ल परमप्रभु यावे कली ग्‍येरसीशा कुम्‍सो पने। साप्‍पा ग्‍येरसीशा मेको कली ठेयब सेलीन।
PSA 98:5 गे ठेयब नु आइक्‍च तार पाइश्‍शो ताप्‍तीक ताप्‍शा परमप्रभु यावे कली कुम्‍सो पा ठेयब सेलीन।
PSA 98:6 आंइ पिप, परमप्रभु यावे आ ङोंइती ग्‍येरसीशा तुराही नु ग्रोव़ ताप्‍पीन। भजन संग्रह ९३:१
PSA 98:7 समुन्‍द्र नु मेकेर बाक्‍ब नेल्‍लेमी परमप्रभु कली ठेयब सेलीन। रागी नु रागीम बाक्‍ब नेल्‍लेमी यो परमप्रभु कली ठेयब सेलीन। भजन संग्रह ९६:११-१३
PSA 98:8 समुन्‍द्र ङा छालपुकीमी आन गुइ फ्रोक्‍चा माल्‍नीम। डांडा नेल्‍ल ग्‍येरसीशा परमप्रभु यावे आ ङोंइती कालेम कुम्‍सो पने।
PSA 98:9 मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब।
PSA 99:1 परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। भजन संग्रह ९३:१; भजन संग्रह १८:११
PSA 99:2 परमप्रभु यावे सियोनम ठेयब बाक्‍ब। जात जात ङा मुर नेल्‍ल आन क्‍येङा ठेयब बाक्‍ब।
PSA 99:3 मेको नेल्‍लेमी इन ठेयब नु हिंचा ङा नें कली ठेयब सेल्‍मेक्‍ल। परमप्रभु यावे का ला बाक्‍ब।
PSA 99:4 सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। यसैया ९:६
PSA 99:5 परमप्रभु यावे, आंइ परमप्रभु कली ठेयब सेलीन। आ खोइल थेक्‍तीकेमी मान पने। मारदे हना मेको का ला परमप्रभु बाक्‍ब। भजन संग्रह १३२:७-८; १इतिहास २८:२; बिलाप २:१
PSA 99:6 मोसा नु हारून मेको कली चढ़ेब बाक्‍ताक्‍स। परमप्रभु यावे कली पुंइशा लोव़ पाइब आन दातेमी सामुएल का यो बाक्‍त। मेकोपुकीमी परमप्रभु यावे कली पुंइशा लोव़ पामेनु, मेकोमी मेको आन कली लोव़ लेश्‍शो बाक्‍त।
PSA 99:7 मेकोमी गोस्‍स के थाम रे पा मेकोपुकी नु लोव़ पशो बाक्‍त। मेकोपुकीमी मेको आ देंशो नु आ फुल्‍लुम मुशा ब्रेक्‍शो लोव़ टिशो बाक्‍‍तेक्‍म।
PSA 99:8 परमप्रभु यावे, आंइ परमप्रभु, गे मेको आन कली लोव़ लेश्‍शो बाक्‍तीनी। गे मेको आन कली माफ गेब परमप्रभु बाक्‍तीनी। गे मेको आन मरिम्‍शो पशो आ क्‍येक्‍क यो लेश्‍शो बाक्‍तीनी। प्रस्‍थान ३४:७
PSA 99:9 परमप्रभु यावे, आंइ परमप्रभु कली ठेयब सेलीन। मेको कली आ डांडाम मान पने। मारदे हना परमप्रभु यावे, आंइ परमप्रभु का ला बाक्‍ब।
PSA 100:1 परमप्रभु कली “गे रिम्‍शो पाइब बाक्‍नीनी” दे चढ़ेतीकेम पशो कुम्‍सो। रागी रागी ङा मुर नेल्‍ल परमप्रभु यावे कली ग्‍येरसीशा कुम्‍सो पने।
PSA 100:2 ग्‍येरसीशा परमप्रभु यावे कली ठेयब सेलीन। गे कुम्‍सो पना पन आ नेक्‍था लने।
PSA 100:3 परमप्रभु यावे का ला परमप्रभु बाक्‍ब, दे रुपीन। मेकोमी इं कली सेल्‍शो बाक्‍त, गो मेको आ मुर बाक्‍नय। गो मेको आ योव़तीक ङा भेडा बाक्‍नय। भजन संग्रह ९५:७
PSA 100:4 मिनु “गे रिम्‍शो पाइब बाक्‍नीनी” दे आ ठेयब लाप्‍चो रे ओव़ङीन। आ कली मान पा आ लाङगाम ठेयब सेल्‍तीक कुम्‍सो पने। मेको कली “गे रिम्‍शो पाइब बाक्‍नीनी” दे आ नें कली मान पा ठेयब सेलीने। भजन संग्रह १०६:१
PSA 100:5 मारदे हना परमप्रभु यावे रिम्‍शो पाइब बाक्‍ब। मिनु आ गेना हना यो दाक्‍तीके लीब। मिनु आ दाक्‍शा मप्रोंइतीके नेल्‍ल पाला सम्‍म बाक्‍ब।
PSA 101:1 दाऊद आ कुम्‍सो। परमप्रभु यावे, गो इन दाक्‍शा मप्रोंइतीक नु इन ठीक निसाफ पतीक आ पर्बम इन कली कुम्‍सो पाइनुङ।
PSA 101:2 गो दोस मततीक लां शेंसीचा दाक्‍नुङ। गो मेको गेना पने चाप्‍नुङा? गो आं खिंमी रिम्‍शो थुं पाइश्‍शो मुर दुम्‍शा बाक्‍चा दाक्‍नुङ।
PSA 101:3 गो मारेइ मरिम्‍शो मिम्‍शा कोव़चा मदाक्‍नुङ। नोले शोंइसीब आन पतीके काइ मदाक्‍नुङ। गो मोदेंशो मदुम्‍ङल। हितोपदेस २०:८,२८
PSA 101:4 दूली पतीक थुं आं क्‍येङा ङोन बाक्‍चा माल्‍ब। मिनु गो मरिम्‍शो पतीके यो तुइक्‍चा मदाक्‍नुङ।
PSA 101:5 सु आ नेक्‍था ङा मुर आन पर्बम मरिम्‍शो लोव़ पाइबा, गो मेको कली खतम सेल्‍नुङ। ठेयब लेश्‍शो नु बोरशो थुं पाइश्‍शो मुर आन कली आं नेक्‍था बाक्‍चा मगेनुङ।
PSA 101:6 गो रागी ङा थमा सुइक्‍चा पुंइसीब मुर आन कली दाक्‍शा कोव़नुङ। मिनु गो नु बाक्‍चा गेनुङमी। सु सु दोस मततीक लां गाक्‍नीमी, मेको आन कली आं गेय पाइ‍ब सेल्‍नुङमी। हितोपदेस २२:११
PSA 101:7 दूली पाइब आन कली आं खिंम बाक्‍चा मगेनुङमी। जोल पाइबपुकी आं ङोंइती बाक्‍चा मताइनीम।
PSA 101:8 गो सुनी कुस कुस रागीम बाक्‍ब परमप्रभु आ अरेशो लोव़ मटीब आन कली खतम सेल्‍नुङमी। मोपा परमप्रभु यावे आ सहरम बाक्‍ब मरिम्‍शो पाइब मलीनीम। हितोपदेस २०:२६
PSA 102:1 श्‍येत जाइबमी परमप्रभु यावे आ ङोंइती पुंइ‍शो। परमप्रभु यावे आं पुंइशो नेनीन। आं ङाक्‍शा पुंइशो इन बाक्‍तीकेम जाक्‍‍ल।
PSA 102:2 गो श्‍येत जङा नाक्‍ती इन कुल मख्रुइक्‍तीन। गो ब्रेङङा नाक्‍ती आं लोव़ फ्रा लेत्‍तीनी।
PSA 102:3 मारदे हना आं नाक्‍त कुन बुद पा जाम्‍नीम। मिनु आं रुश नेल्‍ल ठेयब मीम नाप्‍शो खोदेंशो पा चोशो बाक्‍नीम।
PSA 102:4 आं थुं घांस खोदेंशो पा बेक्‍ब। मोपतीके गो आं शोब्‍ले यो जने मचबु।
PSA 102:5 हुक‍यी पा आं कुशुल नेल्‍ल रुशेम क्‍येप्‍शो बाक्‍नीम।
PSA 102:6 गो गोरशो रागी ङा हुहुचील खोदेंशो दुम्‍शो बाक्‍नुङ। गो ब्रेश्‍शो खिं आन दातेम बाक्‍ब बुक्‍स खोदेंशो दुम्‍शो बाक्‍नुङ।
PSA 102:7 गो इप्‍‍ने मचाप्‍थु, खिं तार आ का ला बाक्‍शो चिक्‍ब खोदेंशो दुम्‍शो बाक्‍नुङ।
PSA 102:8 नेल्‍ल नाक्‍त आं जोरी सत्रुमी आं कली शुक्‍शी पा बाक्‍नीम। आं कली शुक्‍शी पाइबपुकीमी आं नें थिशा साराप पाइनीम।
PSA 102:9 मारदे हना गो शोब्‍ले खोदेंशो पा पुलु जाइनुङ। मिनु प्रेक्‍कु ब्‍वाइश्‍शो ब्‍वाक्‍कु तूनुङ।
PSA 102:10 एको नेल्‍ल इन गाइक्‍तीकेमी दुम्‍शो बाक्‍ब। मारदे हना गे आं कली क्‍युक्‍शा, ताइक्‍ताक्‍यीनी।
PSA 102:11 आं ब्रोंइतीक नाक्‍त पेरचा चिक्‍शो नां खोदेंशो बाक्‍ब। मिनु गो घांस खोदेंशो पा बेक्‍शो बाक्‍नुङ। भजन संग्रह ९०:५-६
PSA 102:12 परमप्रभु यावे, गे गेना हना यो पिप बाक्‍नीनी। मिनु गे नेल्‍ल पाला सम्‍म बाक्‍नीनी। भजन संग्रह १३५:१३
PSA 102:13 गे बोक्‍शा, सियोन कली थमा पा शिशी पाइनीनी। मेको कली शिशी पतीक नाक्‍त जाक्‍शो बाक्‍ब।
PSA 102:14 मारदे हना इन गेय पाइबपुकीमी मेकेर ङा फुल्‍लु यो दाक्‍नीम। मिनु मेकेर ङा फुरक कली यो शिशी पाइनीम।
PSA 102:15 रागी रागी ङा मुरपुकी परमप्रभु यावे आ नें नेंशा हिंनीम। रागी ङा पिप नेल्‍ले मेको आ सक्ति तशा हिंनीम।
PSA 102:16 मारदे हना परमप्रभु यावेमी सियोन कली लेंशा सेल्‍ब। मिनु आ छेङछेङमी ग्रूब।
PSA 102:17 मेकोमी श्‍येत जाइब आन पुंइशो नेंब। मिनु आन पुंइशो गेब।
PSA 102:18 एको लोव़ मुल जाक्‍ब पाला आन कली ब्रेक्‍चा माल्‍ब। मिनु नोले जरमेबपुकीमी परमप्रभु यावे कली ठेयब सेल्‍नीम।
PSA 102:19 मारदे हना परमप्रभु यावेमी इर आ बाक्‍तीक रे कोव़शो बाक्‍ब। परमप्रभु यावेमी स्‍वर्ग रे कोव़शो बाक्‍ब। भजन संग्रह १४:२
PSA 102:20 मेकोमी ग्‍याइश्‍शा चोक्‍चा पुंइसीशो आन हुक‍यी पशो नेंब। मिनु साइक्‍चा पुंइसीब आन कली प्रोंइब।
PSA 102:21 मोपा “परमप्रभु यावे ठेयब बाक्‍ब” दे सियोन ङा मुर आन कली शेंदमेक्‍ल। मिनु यरूसलेम ङा मुरपुकीम मेको कली ठेयब सेल्‍मेक्‍ल।
PSA 102:22 मिनु जात जात नु राज्‍य राज्‍य ङा मुर बुक्‍शा, परमप्रभु यावे कली ठेयब सेल्‍नीम। भजन संग्रह ८७:४; येरमीया ६०:३-१०; लूका १३:२९-३०
PSA 102:23 गो ठिटा बाक्‍ना बाक्‍न, परमप्रभुमी आं सक्ति क्‍‍युम्‍ताक्‍यी, आं ब्रोंइतीक नाक्‍त क्‍युम्‍ताक्‍यी।
PSA 102:24 मिनु गो “आं परमप्रभु, आं कली बेक्‍ची मजाक्‍थु, मलाइय्‍यीनी। इन नाक्‍त नेल्‍ल पाला सम्‍म लीनीम” देंती। भजन संग्रह ५५:२४
PSA 102:25 साइ ङोंइती गे रागी आ जग सेल्‍शो बाक्‍तीनी। मिनु सरीङ इन गुइ ङा गेय बाक्‍ब। हिब्रू १:१०-१२
PSA 102:26 मेको नेल्‍ल जाम्‍शा लाइनीम। तन्‍न गे गेना हना यो बाक्‍नीनी। मेको रागी नु सरीङ वा खोदेंशो पा माइत दुम्‍शा जेक्‍नीम। गे फेक्‍तीके वा फाइश्‍शो खोदेंशो पा, मेको आन कली फाइक्‍नीनी। मिनु मेकोपुकी जाम्‍शा लाइनीम। २पत्रुस ३:१०
PSA 102:27 तन्‍न गे गेना हना यो खाल का ङा बाक्‍नीनी। मिनु इन नाक्‍त गेनायो मनुप्‍नीम।
PSA 102:28 इन गेय पाइब आन चच युइ रिम्‍शो पा बाक्‍चा माल्‍‍नीम। मिनु आन चच युइ इन ङोंइती बोल्‍यो दुम्‍शा बाक्‍नीम।
PSA 103:1 दाऊद आ कुम्‍सो। आं थुं, परमप्रभु यावे कली ठेयब सेलो। मिनु गो आं थुं नेल्‍लेमी आ नें ठेयब सेल्‍नुङ।
PSA 103:2 आं थुं, परमप्रभु यावे कली ठेयब सेलो। मिनु इ कली रिम्‍शो पशो नेल्‍ल मप्रेंदो। ब्‍यवस्‍था ४:९
PSA 103:3 मेकोमी इ मरिम्‍शो पशो नेल्‍ल क्‍याम्‍शा गेशो बाक्‍ब। मिनु इ रोइ नेल्‍ल सापाइक्‍ब। भजन संग्रह ३२:१
PSA 103:4 मेकोमी इ कली खतम दुम्‍तीक रे प्रोंइब। इ कली आ गेना हना यो दाक्‍तीके नु शिशी पतीकेमी कोव़ब।
PSA 103:5 मेकोमी इ ब्रोंइतीक नाक्‍त नेल्‍ल इ माल्‍शो खाप्‍शा गेब। मिनु इ ब्रोंइतीके ककाकुली के खोदेंशो पा लेंशा ठिटा सेल्‍ब। यसैया ४०:३१
PSA 103:6 परमप्रभु यावेमी दिप्‍चा पुंइसीशो नेल्‍ल आन कली वारच पा ठीक निसाफ पाइब।
PSA 103:7 मेकोमी मोसा कली आ लां नु इस्राएल ङा मुर आन कली आ गेय कोंइताक्‍व। प्रस्‍थान ३३:१३
PSA 103:8 परमप्रभु यावे शिशी पाइब नु रिम्‍शो पाइब बाक्‍ब। मेको रीब पा मगाइक्‍थु, आ गेना हना यो दाक्‍तीके शुश कोंइब। भजन संग्रह ८६:१५
PSA 103:9 मेकोमी गेना हना यो “गे दूली पाइतीनी” मदेंब। मिनु गेना हना यो मगाइक्‍ब। यसैया ५७:१६
PSA 103:10 मेकोमी इं पशो पाप आ पर्बम सजाइ मगेब। मिनु इं मरिम्‍शो पशो ङा क्‍येक्‍क मलेप्‍ब।
PSA 103:11 रागी रे सरीङ दोशो इर बाक्‍बा, मोशोन आ गेना हना यो दाक्‍तीके आ कली मान पा हिंब आन कली पशो बाक्‍ब। भजन संग्रह ३६:६; यसैया ५५:८-९
PSA 103:12 नां दाप्‍तीक रे नां पेरतीक दोशो ङोन बाक्‍बा, मोशोन आंइ मरिम्‍शो पशो नेल्‍ल ङोन तिल्‍शो बाक्‍ब।
PSA 103:13 आफोमी आ तमी तौ आन कली दोदेंशो पा शिशी पाइबा, मोदेंशो पा परमप्रभु यावेमी आ कली मान पा हिंब आन कली शिशी पशो बाक्‍ब। लूका १५:११-२४
PSA 103:14 मारदे हना गो दोपा सेल्‍सीशो बाक्‍नीकी, मेकोमी तुइक्‍ब। मेकोमी गो फुरक ला बाक्‍नीक, दे यो तुइक्‍ब। उत्‍पत्ती २:७; उत्‍पत्ती ३:१९
PSA 103:15 मुर आन ब्रोंइतीके घांस खोदेंशो बाक्‍ब। रूमी बोइश्‍शो फू खोदेंशो पा बोइक्‍ब। भजन संग्रह ९०:५-६; अय्‍युब ७:१०
PSA 103:16 मिनु फश पवानु, मेको जाम्‍शा लाइब। मिनु आ बाक्‍तीक यो मतुइक्‍ब।
PSA 103:17 तन्‍न परमप्रभु यावे आ गेना हना यो दाक्‍तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्‍म लीब। लूका १:५०
PSA 103:18 सु सुमी कबल पा, आ शेंशो टीनीमी, मेकोपुकी नु आ गेना हना यो दाक्‍तीक लीब।
PSA 103:19 परमप्रभु यावेमी आ ठेयब नित्‍तीके स्‍वर्गम वोइश्‍शो बाक्‍ब। मिनु स्‍वर्ग नु रागीम बाक्‍शो नेल्‍ल कली सासन पाइब।
PSA 103:20 परमप्रभु यावे आ स्‍वर्ग ङा गेय पाइबपुकी, परमप्रभु यावे कली ठेयब सेलीन। गे सक्ति पाइश्‍शो, आ देंशो टीबपुकी मेको कली ठेयब सेलीन। यसैया ६:१-४; भजन संग्रह २९:१; भजन संग्रह १४८:-; दानीएल ७:१०
PSA 103:21 गे स्‍वर्ग ङा गेय पाइबपुकी परमप्रभु यावे कली ठेयब सेलीन। आ गेय पाइब नेल्‍ल परमप्रभु यावे आ दाक्‍शो पने।
PSA 103:22 परमप्रभु यावे आ सासन पतीकेमी बाक्‍शो, आ सेल्‍शो नेल्‍लेमी परमप्रभु यावे कली ठेयब सेलीन। आं थुं, परमप्रभु यावे कली ठेयब सेलो।
PSA 104:1 आं थुं, परमप्रभु यावे कली ठेयब सेलो। परमप्रभु यावे, आं परमप्रभु गे थम ठेयब बाक्‍नीनी। ठेयब दुम्‍तीके नु मान ततीके इन के बाक्‍ब।
PSA 104:2 गे छेङछेङ कली वा फेक्‍शो खोदेंशो पा फेक्‍शो बाक्‍नीनी। मिनु सरीङ कली ताम्‍बु खोदेंशो पा प्राक्‍शा कीशो बाक्‍नीनी।
PSA 104:3 गे इन बाक्‍तीक ङा थाम ब्‍वाक्‍कु तारी सेल्‍शो बाक्‍नीनी। गे गोस्‍स कली इन बग्‍गी सेल्‍शो बाक्‍नीनी। मिनु गे फश आ फ्रां तार ङोइश्‍शा गाक्‍ब बाक्‍नीनी। उत्‍पत्ती १:६-८; भजन संग्रह १८:१०-१२
PSA 104:4 मिनु गे फश कली इन लोव़ चोव़ब नु मी कली इन गेय पाइब सेल्‍शो बाक्‍नीनी। हिब्रू १:७
PSA 104:5 रागी गेना यो महिम्‍सेक्‍ल, दे आ जग वोइक्‍तीनी। मत्ती २४:३५; प्रकाश २१:१
PSA 104:6 गे मेको कली वा बुद पा ब्‍वाक्‍कुमी सुम्‍तीनी। मिनु ब्‍वाक्‍कु डांडा तार सम्‍म जाक्‍दीश्‍शो बाक्‍त।
PSA 104:7 गे हुइक्‍तीनीनु, मेको प्रोक्‍ब। इन बुंबु पशो सेंदामी मेको दोरोर पा लाइब।
PSA 104:8 मेको ब्‍वाक्‍कु डांडा ग्‍येत्‍थ बार‍शा, दिंम मेर शाइक्‍ब। मिनु इन देंशो बाक्‍तीके सम्‍म लाइनीम।
PSA 104:9 मेको लेंशा रागी कली सुम्‍थ मजाक्‍मल, दे गे सांद सेल्‍तीनी। अय्‍युब ३८:८-११; हितोपदेस ८:२९
PSA 104:10 गे दिंम मेर ब्‍वाक्‍कु बुक्‍तीक सेल्‍तीनी। मिनु मेको डांडा आन दाते रे शाइश्‍शा लाइनीम।
PSA 104:11 गे ब्‍वाकी ङा जन्‍तु नेल्‍ल आन कली तूचा गेनीनी। ब्‍वाकी ङा गधापुकीमी यो मेकेर ङा ब्‍वाक्‍कु तूशा, ब्रोंइनीम।
PSA 104:12 मेको खोला आन नेक्‍था चिक्‍बपुकीमी आन ग्‍योव़ सेल्‍नीम। मिनु राशीम बाक्‍शा कुम्‍सो पाइनीम।
PSA 104:13 इन इर ङा बाक्‍तीक रे रेउ यिपाइश्‍शा डांडा आन कली जिप्‍पाइक्‍नीनी। इन गेय पशोमी रागी नेल्‍ल ग्‍येरसीनीम।
PSA 104:14 गे बी ब्‍यफ आन कली घांस वापाइक्‍नीनी। मिनु खप रे मुर आन कली जचा थोव़क वापाइक्‍नीनी।
PSA 104:15 मिनु गे मुर आन थुं ग्‍येरपाइक्‍चा कली अङगुर सिप्‍पाइक्‍नीनी। मिनु आन कुल दारपाइक्‍चा कली तेल नु आन रां बोल्‍यो सेल्‍चा कली शोब्‍ले गेनीनी।
PSA 104:16 परमप्रभु यावे आ ख्रुम्‍शो लेबानोन ङा लाइश्‍शो रवा शुश ब्‍वाक्‍कु ताइब बाक्‍नीमी।
PSA 104:17 मेकेर चिक्‍बमी आन ग्‍योव़ सेल्‍नीम। मिनु ठेयब बुश चिक्‍बपुकीमी स‍ला रवाम आन ग्‍योव़ सेल्‍नीम।
PSA 104:18 लाइश्‍शो डांडापुकी ब्‍वाकी ङा क्‍यारश आन कली बाक्‍नीम। सेरथे फुल्‍लु आइक्‍च जन्‍तु आन ख्रुइक्‍तीके बाक्‍नीम।
PSA 104:19 मिनु गे बर्खा नु हिंउद कोंइचा कली तास्‍ला सेल्‍तीनी। नांमी आ दाप्‍तीक पेरतीक तुइक्‍ब। भजन संग्रह ७४:१६
PSA 104:20 गे छिङछिङ सेल्‍नीनी। मिनु नाक्‍दो दुम्‍ब। मेना ब्‍वाकी ङा जन्‍तु ग्रूनीम।
PSA 104:21 मिनु गुप्‍स आ चाइक्‍बपुकीमी सिखार माल्‍शा, ग्रीशा आन जचा थोव़क परमप्रभु आ गुइ रे पुंइनीम।
PSA 104:22 मिनु नां दाप्‍‍मेनु, मेको आन पुक्‍खीम लशा, ख्रुइश्‍शा गोल्‍नीम।
PSA 104:23 मुरपुकी चहिं आन गेय पथ लाइनीम। मिनु नाक्‍दो सम्‍म गेय पाइनीम।
PSA 104:24 परमप्रभु यावे, इन गेय ठेयब नु शुश बाक्‍नीम। गे जोक्‍ब तुइक्‍ब दुम्‍शा, नेल्‍ल सेल्‍तीनी। रागी नेल्‍ल इन सेल्‍शो मारेइ मारेइम ब्रीशो बाक्‍ब। उत्‍पत्ती १:३१
PSA 104:25 मेकेर ठेयब नु ब्रेम्‍शो समुन्‍द्र बाक्‍ब। मिनु मेकेर हिक्‍ने मचाप्‍चा ङा पा ठेयब नु आइक्‍च जन्‍तु रमल ग्‍यमल पा बाक्‍नीम।
PSA 104:26 मेकेर रे जहाजपुकी यो गाक्‍नीम। मिनु गे मेकेर ग्‍यारचा कली लेव्‍याथन यो सेल्‍तीनी।
PSA 104:27 मिनु मेको नेल्‍लेमी “जचा थोव़क गेकी” दे इन कली कोव़नीम। भजन संग्रह १४५:१५-१६
PSA 104:28 गे मेको आन कली गेनीनु, मेकोपुकीमी खुप्‍नीम। इन मुठी प्राक्‍नीनु, मेकोपुकी ब्रोव़शो नु रिम्‍शो थोव़कीमी रूनीम।
PSA 104:29 मिनु इन कुल ख्रुइक्‍तीनीनु, मेकोपुकी श्‍येत जाइनीम। मेको आन सोक्‍त लाइक्‍नीनु, मेकोपुकी बेक्‍नीम। मिनु लेंशा फुरक दुम्‍नीम। उत्‍पत्ती ३:१९
PSA 104:30 मिनु इन सोक्‍त सोइश्‍शा, मेको आन कली सेल्‍नीनी। मिनु गे रू आन कली लेंशा सेल्‍नीनी।
PSA 104:31 परमप्रभु यावे आ सक्ति गेना हना यो लीशा बाक्‍ल। परमप्रभु यावे आ गेय तशा, आंमा ग्‍येरसेक्‍ल।
PSA 104:32 गे रागी कली कोव़नीनु, मेको ख्रिंख्रि पाइब। गे डांडा कली थिनीनु, कुन ग्रूब।
PSA 104:33 गो ब्रोंइङा सम्‍म परमप्रभु यावे कली कुम्‍सो पना पन बाक्‍नुङ। गो मबेक्‍ङा सम्‍म आं परमप्रभु कली ठेयब सेल्‍शा, कुम्‍सो पना पन बाक्‍नुङ।
PSA 104:34 मेकोमी आं मिम्‍शो दाक्‍तल। मारदे हना गो परमप्रभु यावे कली मिम्‍शा ग्‍येरसीनुङ।
PSA 104:35 पाप पाइबपुकी रागी रे क्‍याम्‍चा पुंइसीमल। मिनु आ अरेशो मपाइबपुकी मलीमल। आं थुं परमप्रभु यावे कली ठेयब सेलो। परमप्रभु यावे कली ठेयब सेलो।
PSA 105:1 परमप्रभु यावे कली “गे रिम्‍शो पाइब बाक्‍नीनी” दे लोव़ पने। जात जात ङा मुर आन कली परमप्रभु आ पशो तुइक्‍पतीन। इतिहास १६:८-२२
PSA 105:2 मेको कली कुम्‍सो पने। मेको कली ठेयब सेल्‍तीक कुम्‍सो पने। मुर आन कली आ पशो छक लाक्‍चा ङा गेय शेंदीन।
PSA 105:3 गे परमप्रभु आ नें तुइक्‍तीके ग्‍येरसीन। परमप्रभु यावे कली माल्‍ब आन थुं ग्‍येरसीमल।
PSA 105:4 गे परमप्रभु यावे नु आ सक्ति मालीन। गे गेना हना यो मेको आ नेक्‍था बाक्‍चा मालीन।
PSA 105:5 गे मेको आ पशो रिम्‍शो गेय मिम्‍तीन। आ छक लाक्‍चा ङा गेय नु आ निसाफ पशो मिम्‍तीन।
PSA 105:6 मेको आ गेय पाइब अब्राहाम आ चच युइ नु याकूब आ तौपुकी, आ योव़शो नेल्‍ल मिम्‍तीन।
PSA 105:7 मेको परमप्रभु यावे, आंइ परमप्रभु बाक्‍ब। मेको आ निसाफ रागी नेल्‍ल कली बाक्‍ब।
PSA 105:8 मेकोमी आ पशो कबल गेना हना यो मिम्‍ब। आ देंशो लोव़ हजार हजार पाला सम्‍म मिम्‍ब। ब्‍यवस्‍था ७:९
PSA 105:9 मेकोमी अब्राहाम नु मेको कबल पशो बाक्‍त। मिनु इसहाक नु यो थोक्‍शा लोव़ पशो बाक्‍त।
PSA 105:10 मेकोमी आ फुल्‍लुम मुशा ब्रेक्‍शो लोव़ याकूब कली गे‍शो बाक्‍त। मिनु मेको इस्राएल कली गेना हना लीब कबल बाक्‍ब।
PSA 105:11 मेकोमी “गो इ कली कनान रागी गेनुङ। मेको इन के दुम्‍ब” देंशो बाक्‍त। उत्‍पत्ती १२:७
PSA 105:12 मेना मेको आन कली हिक्‍शोनु, इच्‍का खोइ ला बाक्‍मा बाक्‍त। मिनु मेकेर अर्को रागी ङा मुर यो बाक्‍मा बाक्‍त।
PSA 105:13 मेकोपुकी रागी का रे अर्को रागी नु राज्‍य का रे अर्को राज्‍य पा हिरना हिरन बाक्‍बाक्‍मा बाक्‍त।
PSA 105:14 परमप्रभुमी मेको आन कली सुइमी श्‍येत गेचा मगेमी बाक्‍त। मिनु मेको आन पर्बम पिप आन कली हुइक्‍तीमी बाक्‍त। गन्‍ती २३:७-१०
PSA 105:15 मेकोमी “आं तेल लुक्‍शो आन कली मथिने। आं लोव़ पाइब आन कली मारेइ मपतीन” दे हुइक्‍तीमी बाक्‍त।
PSA 105:16 मिनु परमप्रभुमी मेको रागीमी अन्‍काल सोइश्‍शा, अन्‍न नेल्‍ल खतम सेल्‍शा, उत्‍पत्ती ४१:५४
PSA 105:17 मुर का कली मेको आन ङोंइती सोइक्‍ता बाक्‍त। मेको योसेफ वाइल सेल्‍चा कली लेयचा पुंइसीशो बाक्‍त। उत्‍पत्ती ३७:२८
PSA 105:18 मिनु मेको कली आ खोइलीम साङलो पाइश्‍शा, आ शुरमी फलाम के साङलो पाइक्‍तमे बाक्‍त।
PSA 105:19 मिनु योसेफ आ लोव़ थमा मदुम सम्‍म, परमप्रभु यावेमी मेको कली वारच पवा बाक्‍त।
PSA 105:20 मिनु पिपमी मुर सोइश्‍शा, मेको कली प्रोना बाक्‍त। जात जात ङा मुर आन कली सासन पाइबमी मेको कली प्रोना बाक्‍त। उत्‍पत्ती ४१:१४
PSA 105:21 मिनु मेकोमी योसेफ कली आ दरवार ङा ठेयब मुर सेल्‍शा, आ शोंप नेल्‍ल आन होव़प सेला बाक्‍त।
PSA 105:22 मिनु आ आइक्‍च हुकुम पाइब आन कली शेंचा नु खाल्‍पा आन कली तुइक्‍ब सेल्‍चा कली योसेफ कली वोदा बाक्‍त।
PSA 105:23 मिनु इस्राएल ङा मुर इजीप्‍तमी ओव़मा बाक्‍त। मिनु याकूब हाम आ रागीमी बाक्‍ब दुम्‍माक्‍त। उत्‍पत्ती ४६:१,७
PSA 105:24 मिनु परमप्रभु यावेमी आ मुर आन कली शुश सोशा बोशा सेल्‍मी बाक्‍त। मिनु मेको आन कली आन जोरी सत्रु आन क्‍येङा बोल्‍यो सेल्‍मी बाक्‍त। प्रस्‍थान १:७,१२
PSA 105:25 परमप्रभुमी इजीप्‍ती आन थुं इस्राएली आन कली काइ मदाक्‍ब सेल्‍मी बाक्‍त। मिनु इस्राएली आन कली काइ मरिम्‍शो पाइब सेल्‍मी बाक्‍त।
PSA 105:26 मिनु परमप्रभुमी आ योव़शो गेय पाइब मोसा नु हारून आस कली मेकेर सोइक्‍ता बाक्‍त। प्रस्‍थान ३:१०; प्रस्‍थान ४:१४-१६
PSA 105:27 मेको निक्‍शीमी हाम आ रागी ङा मुर आन दातेमी परमप्रभु आ चिन्‍ड नु छक लाक्‍चा ङा गेय कोंइद‍से बाक्‍त। प्रस्‍थान ७:-१२:-
PSA 105:28 मेकोमी छिङछिङ सोइक्‍ता बाक्‍त। मिनु मेकेर छिङछिङ दुम्‍माक्‍‍त। तन्‍न मेकोपुकीमी मेको आ लोव़ मटीमे बाक्‍त।
PSA 105:29 मेकोमी मेको आन ब्‍वाक्‍कु हुश से‍लानु, मेकेर ङा ङांइ नेल्‍ल बेक्‍मा बाक्‍त।
PSA 105:30 आन रागीमी क्रुक्‍क्रुपुकी जाक्‍शा, आन पिप आन बाक्‍तीके सम्‍म जाक्‍दी‍म्‍मा बाक्‍त।
PSA 105:31 परमप्रभुमी लोव़ पवानु, आन रागी भुस्‍ना नु चुरमुमी ब्रीमा बाक्‍त।
PSA 105:32 मेकोमी रेउ आ पा ङा मुप्‍स यिपदा बाक्‍त। मिनु मेको रागी नेल्‍लेमी चिला दाप्‍पदा बाक्‍त।
PSA 105:33 मिनु मेकोमी आन अङगुर बोट नु फोव़शी रवा नेल्‍ल खतम सेल्‍शा, रागी नेल्‍ल ङा रवा फस पोक्‍गा बाक्‍त।
PSA 105:34 मेकोमी लोव़ पवानु, माले जाक्‍‍मा बाक्‍त। हिक्‍ने मचाप्‍चा ङा पा माले नु आन चाइक्‍ब शुश जाक्‍मा बाक्‍त।
PSA 105:35 मेकोपुकीमी मेको रागी ङा बाक्‍शो गिग नु फल फुल नेल्‍ल नेक्‍गमे बाक्‍त।
PSA 105:36 मिनु मेकोमी आन ङोंइती थिशो तौ सदा बाक्‍त। आन ङोंइती ङा बोल ङा आल खतम सेला बाक्‍त।
PSA 105:37 मिनु नोले परमप्रभुमी इस्राएली आन कली सुन चांदी कुरपाइश्‍शा मेक रे ग्रुंइदीमी बाक्‍त। मिनु मेको रे ग्रूब नेल्‍ल बोल्‍यो बाक्‍मा बाक्‍त। प्रस्‍थान १२:३५
PSA 105:38 मिनु इजीप्‍त रागी ङा मुरपुकी इस्राएलीपुकी ग्रूशा लमानु, शुश ग्‍येरसामा बाक्‍त। मारदे हना मेको आन कली तशा शुश हिंशो बाक्‍मा बाक्‍त।
PSA 105:39 मिनु परमप्रभुमी आ मुर आन कली सुम्‍चा कली गोस्‍स सोइक्‍ता बाक्‍त। मिनु नाक्‍दो गाक्‍चा कली मी के थाम गेमी बाक्‍त। प्रस्‍थान १४:२०
PSA 105:40 मेको आन पुंइतीके मेको आन कली चिक्‍ब गेमी बाक्‍त। मिनु सरीङ रे जचा थोव़क यिपदा बाक्‍त। प्रस्‍थान १६:१३-१५
PSA 105:41 मेकोमी सेरथे फुल्‍लु रे ब्‍वाक्‍क बुक्‍पदा बाक्‍त। मिनु मेको गोरशो रागीमी खोला खोदेंशो पा शांइसे बाक्‍त। प्रस्‍थान १७:६
PSA 105:42 मारदे हना परमप्रभुमी आ थोक्‍शा पशो लोव़ नु आ गेय पाइब, अब्राहाम कली मिम्‍ता बाक्‍त।
PSA 105:43 मोपा परमप्रभुमी आ योव़शो मुर आन कली ग्‍येरपाइश्‍शा ग्रुंइदीमी बाक्‍त। मिनु मेकोपुकी कुम्‍सो पा ग्रू‍मा बाक्‍त।
PSA 105:44 मिनु परमप्रभुमी रागी रागी ङा मुर आन रागी नु आन शोंप मेको आन कली गेमी बाक्‍त।
PSA 105:45 मेकोपुकीमी परमप्रभुमी फुल्‍लुम मुशा ब्रेक्‍शो लोव़, आ अरेशो लोव़ टीमेक्‍ल, दे मोदेंशो पवा बाक्‍त। परमप्रभु यावे कली ठेयब सेलीन।
PSA 106:1 परमप्रभु यावे कली ठेयब सेलीन। गेपुकीमी “गे रिम्‍शो पाइब बाक्‍नीनी” दे लोव़ पने। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। भजन संग्रह १००:४-५; प्रस्‍थान १०७:१; प्रस्‍थान ११८:१; १इतिहास १६:३४
PSA 106:2 सुमी परमप्रभु यावे आ सक्ति पाइश्‍शो गेय आ पर्बम देंने चाप्‍बा ङा? सुमी मेको कली ठेयब सेल्‍तीक नेल्‍ल देंने चाप्‍बा ङा? यूहन्‍ना २१:२५; हिब्रू ११:३२
PSA 106:3 सु सुमी ठीक पा निसाफ पाइनीमी नु गेना हना यो ठीक बाक्‍नीमी, मेको ग्‍येरसीशो मुर बाक्‍नीम।
PSA 106:4 परमप्रभु यावे, गे इन मुर आन कली शिशी पनी ना, आं कली यो मिम्‍तीन। मेको आन कली प्रोंइनीनु, आं कली यो वारच पन।
PSA 106:5 मिनु मोपा गो इन योव़शो मुर आन रिम्‍शो पा बाक्‍शो तने चाप्‍नुङ। मिनु इन मुर ग्‍येरसीशा बाक्‍शो तशा, ग्‍येरसीनुङ। गो इन योव़शो मुर दुम्‍शा ग्‍येरसीनुङ।
PSA 106:6 गोपुकी नु आंइ किकी पिपीम पाप पाइतक। गोपुकीमी मरिम्‍शो पा इन अरेशो लोव़ मटिक। दानीएल ९:५
PSA 106:7 इजीप्‍त रागीम बाक्‍शो आंइ किकी पिपीम इन छक लाक्‍चा ङा गेय ममिम्‍शो बाक्‍तेक्‍म। मिनु इन शुश गेना हना यो दाक्‍तीके प्रेंशो बाक्‍तेक्‍म। मिनु लल समुन्‍द्रमी नेल्‍ल क्‍येङा ठेयब कली गाइश्‍शा लोव़ पशो बाक्‍तेक्‍म। प्रस्‍थान १४:११-१२
PSA 106:8 मोदेंशो पाम्‍तेक्‍म हना यो, परमप्रभुमी आ नें आ पर्बम मेको आन कली श्‍येत रे प्रोंइशो बाक्‍त। मोदेंशो पा आ ठेयब सक्ति कोंइशो बाक्‍त।
PSA 106:9 मेकोमी लल समुन्‍द्र कली हुइक्‍तानु, सोव़शो बाक्‍त। मिनु मेको आन कली गोरशो रागी खोदेंशो पा, समुन्‍द्र ङा लां रे खुल्‍शो बाक्‍त।
PSA 106:10 मिनु मेको आन कली आन जोरी सत्रु आन गुइ रे प्रोंइशो बाक्‍त। मोपा आ प्रोंइशो मुर दुम्‍शो बाक्‍तेक्‍म।
PSA 106:11 मेको ब्‍वाक्‍कुमी आन जोरी सत्रु आन कली सुम्‍शा साइश्‍शा, का यो मलीशो बाक्‍तेक्‍म।
PSA 106:12 मिनु नोले आ देंशो थमा सुइश्‍शो बाक्‍तेक्‍म। मिनु परमप्रभु कली ठेयब सेल्‍तीक कुम्‍सो पशो बाक्‍तेक्‍म। प्रस्‍थान १५:२१
PSA 106:13 तन्‍न मेकोपुकीमी परमप्रभु आ पशो रीब पा प्रेंशो बाक्‍तेक्‍म। मेको आ अर्ती नेंचा मबिश्‍शो बाक्‍तेक्‍म।
PSA 106:14 मिनु मेकोपुकी गोरशो रागीम बाक्‍मानु, आन शोव़ रक सुइश्‍शो बाक्‍त। मिनु परमप्रभु कली गोरशो रागीम नाक्‍शा कोव़शो बाक्‍तेक्‍म। गन्‍ती ११:४-६
PSA 106:15 मिनु परमप्रभुमी मेको आन पुंइशो गेशो बाक्‍त। तन्‍न मेको आन दातेमी बेक्‍तीक रोइ सोइश्‍शो बाक्‍त।
PSA 106:16 मिनु मेकोपुकीमी परमप्रभु यावे रे पा योव़सीशो मोसा नु हारून आस कली गेहे पशो बाक्‍‍तेक्‍म। गन्‍ती १६:१-३
PSA 106:17 मिनु रागी जेश्‍शा, दाथान कली दाक्‍शो बाक्‍त। मिनु अबीराम आ हुल कली सुम्शो बाक्‍त। गन्‍ती १६:३१-३५
PSA 106:18 मिनु मेको आन दातेमी मी ग्रूशा, परमप्रभु आ अरेशो मपाइब आन कली ग्राव ग्रु दाक्‍शो बाक्‍त।
PSA 106:19 मेकोपुकीमी होरेब डांडाम बाछा का सेल्‍शा, मेको मूर्ति कली पूजा पशो बाक्‍‍तेक्‍म। प्रस्‍थान ३२:१-६
PSA 106:20 मेकोपुकीमी आन मान पशो परमप्रभु आ पा ङा घांस ब्‍वाइब ब्‍यफ आ मूर्ति कली ठेयब सेल्‍शो बाक्‍तेक्‍म। रोमी १:२३
PSA 106:21 मेकोपुकीमी आन कली श्‍येत रे प्रोंइब नु इजीप्‍तम ठेयब गेय पाइब आन परमप्रभु कली प्रेंशो बाक्‍तेक्‍म। ब्‍यवस्‍था ३२:१८
PSA 106:22 मेकोमी हाम आ रागीमी छक लाक्‍चा ङा गेय नु लल समुन्‍द्र आ नेक्‍था शुश हिंचा ङा गेय पशो बाक्‍त।
PSA 106:23 मोपतीके मेकोमी “मेको आन कली खतम सेल्‍नुङ” दे मिम्‍शो बाक्‍त। तन्‍न आ योव़शो मुर मोसामी “मेको आन कली मोदेंशो मपचा” दे पुंइशो बाक्‍त। मिनु आ गाइश्‍शो नाइश्‍शो बाक्‍त। प्रस्‍थान ३२:११,३२; ब्‍यवस्‍था ९:२५-२९; इजीकीएल १३:४-५
PSA 106:24 मिनु नोले मेकोपुकीमी परमप्रभु आ गेशो रागी मदाक्‍शो बाक्‍तेक्‍म। आ थोक्‍शा पशो लोव़ थमा मसुइश्‍शो बाक्‍तेक्‍म। गन्‍ती १४:२-४; ब्‍यवस्‍था ८:७-१०
PSA 106:25 मेकोपुकीमी आन ताम्‍बुम गन गन पशो बाक्‍तेक्‍म। मिनु परमप्रभु यावे आ देंशो मटिशो बाक्‍तेक्‍म।
PSA 106:26 मोपतीके मेको आन कली “गो इन कली गोरशो रागीम साइक्‍नुङ।
PSA 106:27 मिनु इन चच युइ आन कली रागी रागीम फ्राइनुङ” दे कसम जशो बाक्‍त।
PSA 106:28 मिनु मेकोपुकीमी पेओर ङा बाल कली पूजा पशो बाक्‍तेक्‍म। मिनु बेक्‍शो मुर आन कली चढ़ेशो ज‍शो बाक्‍तेक्‍म। गन्‍ती २५:३
PSA 106:29 मेकोपुकीमी आन पतीकेमी परमप्रभु कली गाइक्‍पाइश्‍शो बाक्‍तेक्‍म। मिनु मेको आन दातेम बेक्‍तीक रोइ ग्रूशो बाक्‍त।
PSA 106:30 मिनु फिनेहास बोक्‍शा परमप्रभु कली पुंइशो बाक्‍त। मिनु मेको मुर बेक्‍तीक रोइ नांइसीशो बाक्‍त। गन्‍ती २५:१२-१३
PSA 106:31 मेको आ पुंइतीके इस्राएलीपुकीमी “फिनेहास ठीक पाइब बाक्‍ब” दे शुश पाला सम्‍म मिम्‍शो बाक्‍तेक्‍म।
PSA 106:32 मेकोपुकीमी मेरीबा ङा ब्‍वाक्‍कु आ नेक्‍था परमप्रभु कली गाइक्‍पाइश्‍शो बाक्‍तेक्‍म। मोपतीके मेको आन पर्बम मोसा कली मरिम्‍शो दुम्‍शो बाक्‍त। गन्‍ती २०:२-१३
PSA 106:33 मेकोपुकीमी मोसा कली गाइक्‍पदमेनु, मोसाम मरिम्‍शो लोव़ पशो बाक्‍त।
PSA 106:34 मिनु मेकोपुकीमी परमप्रभु यावे आ देंशो खोदेंशो पा जात जात ङा मुर आन कली मसदमे बाक्‍त। ब्‍यवस्‍था ७:१२; ब्‍यवस्‍था १२:२-३; न्‍यायाधीस १:२८; न्‍यायाधीस २:२३-३:६
PSA 106:35 मेकोपुकीमी रागी रागी ङा मीश आल आन कली ग्‍युंबे पामे बाक्‍त। मिनु रागी रागी ङा मुर आन पशो यो पामे बाक्‍त।
PSA 106:36 मेकोपुकीमी मेको आन मूर्ति आन कली पूजा पामे बाक्‍त। मिनु मेको आन कली ग्‍याइल खोदेंशो दुम्‍माक्‍‍त।
PSA 106:37 मेकोपुकीमी आंम तमी तौ वोल आन कली चढ़ेमे बाक्‍त। २राजा २१:६,१६
PSA 106:38 मेकोपुकीमी आन पाप मपशो तमी तौ आन कली कनानी आन मूर्ति कली चढ़ेशा, आन हुश जारदमे बाक्‍त। मेको आन हुशेमी मेको रागी ग्रांग्रा दिशो दुम्‍माक्‍त।
PSA 106:39 मोपा मेको आन गेयम पतीके ग्रांग्रा दिशो दुम्‍शा, तेल्‍लेम खोदेंशो दुम्‍मा बाक्‍त।
PSA 106:40 मोपतीके परमप्रभु यावे आ मुर नु गाइक्‍ता बाक्‍त। आ योव़शो मुर आन कली तशा ग्रांग्रा दिमाक्‍त।
PSA 106:41 मिनु मेकोमी मेको आन कली रागी रागी ङा मुर आन गुइम गेमी बाक्‍त। मिनु मेको आन जोरी सत्रुम मेको आन कली सासन पामे बाक्‍त। न्‍यायाधीस २:१४
PSA 106:42 मिनु आन जोरी सत्रुमी मेको आन कली दिप्‍शा, आन सक्तिम हुकुम पामे बाक्‍त।
PSA 106:43 मिनु परमप्रभुमी मेको आन कली शुश खेयप प्रोंइमी बाक्‍त। तन्‍न मेकोपुकीमी गेनायो परमप्रभु कली मटीमे बाक्‍त। मेको आन मरिम्‍शो पतीकेमी खतम दुम्‍मा बाक्‍त।
PSA 106:44 तन्‍न परमप्रभुमी मेको आन ङाक्‍शो नेंशा, आन श्‍येत जशो रे प्रोंइमी बाक्‍त।
PSA 106:45 मिनु मेकोमी मेको आन कली पशो कबल मिम्‍ता बाक्‍त। मिनु मेको आ गेना हना यो शुश दाक्‍तीक ङा शिशी कोंइदीमी बाक्‍त।
PSA 106:46 मिनु परमप्रभुमी इस्राएली आन कली सासन पाइब आन थुंमी शिशी पतीक कुर पवा बाक्‍त।
PSA 106:47 मिनु गे “परमप्रभु यावे, आंइ परमप्रभु, आंइ कली प्रोनीन। मिनु इन कली ‘गे रिम्‍शो पाइब बाक्‍नीनी’ देंचा कली नु इन नें ठेयब सेल्‍शा ग्‍येरसीचा कली आंइ कली रागी रागी रे खुप्‍तीन। ब्‍यवस्‍था ३०:३; १इतिहास १६:३५
PSA 106:48 परमप्रभु यावे, इस्राएली आन परमप्रभु गेना हना यो ठेयब बाक्‍ल। मिनु मुरपुकीमी ‘मोदेंशो दुम्‍ल। आमेन’ देनीन” परमप्रभु यावे ठेयब बाक्‍ब। भजन संग्रह ४१:१४; १इतिहास १६:३६
PSA 107:1 गे परमप्रभु यावे कली “गे रिम्‍शो पाइब बाक्‍नीनी” दे कुम्‍सो पने। मारदे हना मेको आ दाक्‍तीके गेना हना यो लीब। भजन संग्रह १०६:१
PSA 107:2 परमप्रभु यावेमी श्‍येत रे प्रोंइचा पुंइसीशोपुकीमी मोपा कुम्‍सो पचा माल्‍नीम।
PSA 107:3 मेको आन कली रागी रागी रे खुप्‍ताक्‍मी। पूर्ब, पच्‍छिम, उत्तर, दक्‍खिन नु ब्‍वाक्‍कु बुक्‍तीके रे नु ब्‍वाक्‍कु शाइक्‍तीक रे खुप्‍ताक्‍मी।
PSA 107:4 का निक्‍शी गोरशो रागी मेर हिर‍शा, मुर बाक्‍तीक सहर मथिदेम।
PSA 107:5 मेकोपुकी जचा तूचा मतथु बेक्‍चा चिक्‍ताक्‍मे।
PSA 107:6 मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।
PSA 107:7 मेकोमी मेको आन कली पित्‍थ लांम खुल्‍तीमी। मिनु मुर बाक्‍तीक सहरम चाक्‍दीत्‍ती‍मी।
PSA 107:8 मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।
PSA 107:9 मेकोमी तूतू दाक्‍ब आन कली तूपाइक्‍ब। मिनु शोव़लु बेक्‍शो आन कली ब्रोव़शो जचा थोव़कमी रूपाइक्‍ब। लूका १:५३
PSA 107:10 का निक्‍शी श्‍येत जशा छिङछिङम बाक्‍तेक्‍म। चोक्‍चा पुंइसीशोपुकी साङलोम पाइक्‍चा पुंइसीशा, श्‍येत जशो बाक्‍तेक्‍म।
PSA 107:11 मारदे हना मेकोपुकीमी परमप्रभु आ लोव़ मटिशो बाक्‍तेक्‍म। नेल्‍ल क्‍येङा ठेयब आ अर्ती मनेनेम।
PSA 107:12 मोपतीके मेकोपुकीमी शुश गेय पचा माल्‍तेक्‍म। मेकोपुकी गोल्‍तेक्‍म। तन्‍न मेको आन कली वारच पाइब सुइ मबाक्‍म।
PSA 107:13 मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।
PSA 107:14 मेकोमी मेको आन कली आन श्‍येत नु छिङछिङ रे ग्रुंइताक्‍मी। मिनु मेको आन साङलो प्रोइक्‍तु।
PSA 107:15 मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।
PSA 107:16 मेकोमी कांसा के लाप्‍चोपुकी प्रोल्‍ब। मिनु फलाम के बार जिक्‍ब।
PSA 107:17 का निक्‍शी मूर्ख दुम्‍शा, आंम आन मरिम्‍शो पतीकेमी श्‍येत जाम्‍तेक्‍म।
PSA 107:18 मेकोपुकीमी जचा थोव़क ग्रांग्रा दिशा, मारेइ जत मदाक्‍म। मिनु बेक्‍चा चिक्‍ताक्‍म।
PSA 107:19 मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।
PSA 107:20 मेकोमी आ लोव़ सोइश्‍शा, मेको आन कली सापाइक्‍तु। मेको आन कली बेक्‍चा रे प्रोंइतु।
PSA 107:21 मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।
PSA 107:22 मेकोपुकीमी “गे रिम्‍शो पाइब बाक्‍नीनी” दे चढ़ेमेक्‍ल। मिनु परमप्रभु आ पशो नेल्‍ल ग्‍येरशा कुम्‍सो पा शेंदमेक्‍ल।
PSA 107:23 का निक्‍शी जहाज ङोइश्‍शा, समुन्‍द्रम लाम्‍तेक्‍म। मेकोपुकी ग्‍याप्‍ब लेयब दुम्‍शा, ठेयब समुन्‍द्रम गाक्‍तेक्‍म।
PSA 107:24 परमप्रभु यावेमी ठेयब समुन्‍द्रम मार मार छक लाक्‍चा ङा गेय पवा, मेको ताम्‍तेक्‍म।
PSA 107:25 मिनु मेकोमी अरेशा, ठेयब फश गिवार पपाइक्‍तु। मिनु ठेयब समुन्‍द्र आ छाल पोक्‍तु।
PSA 107:26 मेकोपुकी सरीङ सम्‍म जाक्‍दीत्‍तेक्‍म। मिनु लेंशा ठेयब समुन्‍द्रमी दोक्‍तेक्‍म। मिनु मेकोपुकी शुश हिंशा वाम ग्‍याम दुम्‍तेक्‍म।
PSA 107:27 मिनु मेकोपुकी दुक्‍शो मुर खोदेंशो पा गोल्‍चा चिक्‍शा गाक्‍तेक्‍म। मिनु मारेइ पने मचाप्‍ब दुम्‍तेक्‍म।
PSA 107:28 मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।
PSA 107:29 मेकोमी फश गिवार दिक्‍पाइक्‍तु। मिनु ठेयब समुन्‍द्र आ छाल दिक्‍तेक्‍म।
PSA 107:30 मिनु फश गिवार दिक्‍मेनु, मेकोपुकी ग्‍येरसाक्‍म। मिनु मेकोमी मेको आन कली आन जहाज नाइक्‍तीकेम चाक्‍दीत्‍तु।
PSA 107:31 मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।
PSA 107:32 मेकोपुकीमी मुर आन ग्रुम्‍तीकेमी परमप्रभु कली ठेयब सेल्‍मेक्‍ल। खाल्‍पा आन दातेमी “परमप्रभु ठेयब बाक्‍ब” देंमल।
PSA 107:33 मेकोमी खोला आन कली गोरशो रागी सेल्‍ब। ब्‍वाक्‍कु बुक्‍तीके आन कली सोव़शो रागी दुम्‍पाइक्‍ब।
PSA 107:34 मेकोमी ग्रेल्‍ब रू कली हिक्‍सी रू सेल्‍ब। मारदे हना मेकेर बाक्‍ब मुर आ अरेशो मटीब बाक्‍नीम। उत्‍पत्ती १९:२४-२५
PSA 107:35 मेकोमी गोरशो रागी कली दोम्‍ली बाक्‍शो रागी सेल्‍ब। मिनु थाम्‍पा सोव़शो रागीम शुश ब्‍वाक्‍कु बुक्‍पाइक्‍ब।
PSA 107:36 मेकेर शोव़लु बेक्‍शो मुर आन कली बाक्‍चा गेब। मिनु मेकोपुकीमी मेकेर बाक्‍तीक सहर सेल्‍नीम।
PSA 107:37 मेकोपुकीमी रूमी वांचेर शोक्‍नीम। अङगुर ख्रुम्‍नीम। मिनु मेको नेल्‍ल शुश ग्रेल्‍नीम।
PSA 107:38 मेकोपुकी परमप्रभु आ आसीक तशा, सोशा बोशा दुम्‍‍नीम। मिनु आन बी ब्‍यफ आन कली यो शुश दुम्‍पाइक्‍ब।
PSA 107:39 मिनु मेकोपुकी दिप्‍चा पुंइसीतीके नु श्‍येत जतीके शुश मलीशो बाक्‍तेक्‍म।
PSA 107:40 मिनु परमप्रभुमी मेकेर ङा हुकुम पाइब आन कली लां मबाक्‍शो गोरशो रागीम गाक्‍पाइक्‍तीमी। अय्‍युब १२:२१
PSA 107:41 तन्‍न मेकोमी श्‍येत जाइब आन कली श्‍येत रे प्रोंइब। मिनु मेको आन खिं ङा मुर आन कली भेडा आन हुल खोदेंशो पा शुश सेल्‍ब।
PSA 107:42 मिनु रिम्‍शो थुं पाइश्‍शो मुरपुकी मेको तशा, ग्‍येरसीनीम। मिनु परमप्रभु आ अरेशो मटीब कोव़स ङा कोव़स दुम्‍शा ब्‍वाक्‍ने मचाप्‍नीम। अय्‍युब २२:१९-२०
PSA 107:43 सु जोक्‍ब तुइक्‍ब बाक्‍मे, मेकोमी एको लोव़ रुबल। मिनु परमप्रभु यावे आ गेना हना यो दाक्‍तीके आ पर्बम मिम्‍तल।
PSA 108:1 दाऊद आ कुम्‍सो। परमप्रभु, गो थमा सुइक्‍ब दुम्‍ती। गो थमा पा इन नोले खोइक्‍ब दुम्‍ती। गो ताप्‍तीक ताप्‍शा कुम्‍सो पाइनुङ। आं थुं मुल सेंसो! भजन संग्रह ५७:८-१२
PSA 108:2 ठेयब तार पाइश्‍शो ताप्‍तीके नु बीना बोक्‍कीस। गो सुनी कली सेंपाइक्‍नुङ।
PSA 108:3 परमप्रभु यावे गो जात जात ङा मुर आन दातेमी इन कली “गे रिम्‍शो पाइब बाक्‍नीनी” देंनुङ। मिनु रागी रागी ङा मुर आन दातेमी इन कली ठेयब सेल्‍शा कुम्‍सो पाइनुङ।
PSA 108:4 मारदे हना इन गेना हना यो दाक्‍तीक सरीङ खोदेंशो ठेयब बाक्‍ब। मिनु इन दाक्‍शा मप्रोंइतीके गोस्‍स खोदेंशो पा इर ङोन लाइब। भजन संग्रह ३६:६; भजन संग्रह ५७:११
PSA 108:5 परमप्रभु, गे सरीङ क्‍येङा यो ठेयब बाक्‍नीनी। इन छेङछेङ रागी नेल्‍ल आन तार बाक्‍ल।
PSA 108:6 मिनु इन सक्तिमी आंइ कली वारच पने। मिनु आं लोव़ लेत्‍तीनी। इन दाक्‍शोपुकी ब्रोंइमल। भजन संग्रह ६:७-१४
PSA 108:7 परमप्रभुमी आ बाक्‍तीक रे “गो ग्‍येरसीशा शेकेम कली योक्‍नुङ। मिनु सुक्‍कोथ ङा दिंम पुक्‍शा, योक्‍नुङ।
PSA 108:8 गिलाद आं के बाक्‍ब। मिनु मनस्‍से यो आं केन बाक्‍ब। एफ्राइम आं फलाम के ताकी बाक्‍ब। यहूदा आं राज दन्‍ड बाक्‍ब।
PSA 108:9 मोआब आं ब्‍वाक्‍कु तेम्‍तीक बोस बाक्‍ब। गो एदोम तार आं जुत्ता ब्‍‍वारनुङ। गो पलिस्‍ती आन कली ग्राशा, ग्‍येरशा ग्रीनुङ” देंत।
PSA 108:10 सुम आं कली गारो हिरशो सहर सम्‍म चाक्‍दीप्‍बा? सुम आं कली लां कोंइशा एदोम सम्‍म चाक्‍दीप्‍बा?
PSA 108:11 परमप्रभु गे आंइ कली प्रोंइतीनी। मुल गे आंइ लडाइ पाइब नु मगाक्‍नीनी।
PSA 108:12 गे आंइ जोरी सत्रु आन कली फ्रुचा कली वारच पने। मारदे हना मुर आन वारच पशो शोर गाक्‍शो बाक्‍ब।
PSA 108:13 गो परमप्रभु आ वारच प‍शोम ला ग्रानीकी। मिनु मेकोमी आंइ जोरी सत्रु आन कली दिम्‍ब।
PSA 109:1 कुम्‍सो पपाइक्‍ब कली दाऊद आ कुम्‍सो। “परमप्रभु, गो इन कली ठेयब सेल्‍नुङ। गे सिक्‍सी पा मबाक्‍कीन।
PSA 109:2 मारदे हना इन अरेशो मटीब नु जोल पाइबपुकीमी आं पर्बम जोल पा लोव़ पाइनीम।
PSA 109:3 मेकोपुकीमी आं कली काइ मदाक्‍थु, लोव़ पा, आं कली जिचा तोशा मोशा ग्राम्‍नीम।
PSA 109:4 मेकोपुकीमी आं दाक्‍शो आ पा ङा, आं कली दोस गेनीम। मो हना यो गो मेको आन पर्बम पुंइनुङ।
PSA 109:5 मोपा मेकोपुकीमी आं रिम्‍शो पाइश्‍शो आ पा ङा मरिम्‍शो पाइनीम। आं दाक्‍शो आ पा ङा आं कली काइ मदाक्‍नीम।
PSA 109:6 मेकोपुकीमी मेको कली दोस गेचा कली परमप्रभु आ अरेशो मटीब का वोतीन। मेको कली दोस गेचा कली मेको आ ग्‍युरा गे राप्‍चा माल्‍ब। मत्ती ५:४३,४४; लूका २३:३४
PSA 109:7 मिनु मेको आ निसाफ दुम्‍मेनु, मेको दोस ताइब दुम्‍ल। मिनु मेको आ परमप्रभु कली पुंइतीक लोव़ पाप दुम्‍ल।
PSA 109:8 मेको आ ब्रोंइतीके नाक्‍त इच्‍का ला दुम्‍ल। मिनु मेको आ गेय अर्कोम पवल। प्रेरित १:२०
PSA 109:9 मेको आ तमी तौ रोम रोइक्‍च दुम्‍मल। मिनु मेको आ मीश वोंइश बेक्‍शो मीश दुम्‍ल।
PSA 109:10 मिनु आ तमी तौ हिरशा पुंइशा जाइब दुम्‍मल। मेको आन ब्रेश्‍शो खिं रे यो खेरचा पुंइसीमल।
PSA 109:11 मेको कली जेर गेबमी मेको आ मारेइ मारेइ नेक्‍गल। अरु मुरुमी मेको आ चेम्‍शो नेल्‍ल रोइक्‍तमेक्‍ल।
PSA 109:12 सुइमी मेको कली शिशी मकोंइदमेक्‍ल। आ तमी तौ आन कली यो शिशी मपामेक्‍ल।
PSA 109:13 मेको आ खिं ङा मुर नेल्‍ल क्‍याम्‍सीमल। मिनु आ तमी तौ आन पालाम मेको आन नें क्‍याम्‍सेक्‍ल। इजीकीएल १८:२०-२३
PSA 109:14 मिनु परमप्रभु यावेमी मेको आ किकी पिपी आन पशो पाप मिम्‍चा माल्‍ब। मेको आ ममा आ पशो पाप मक्‍याम्‍सेक्‍ल। प्रस्‍थान २०:५
PSA 109:15 मेको आन पाप गेना हना यो परमप्रभु यावे आ ङोंइती लील। मिनु सुइमी मेको आन कली रागीम ममिम्‍तमेक्‍ल।
PSA 109:16 मारदे हना मेकोमी काइ शिशी मपव। तन्‍न प्रुङग, श्‍येत जाइब नु थुं लुक्‍च लशो मुर आन कली साइक्‍चा कली खेदा पाप्‍तु।
PSA 109:17 मेकोमी सराप चीले पचा दाक्‍ताक्‍व। मिनु मेको सराप चीले रल। मेकोमी आसीक गेचा मदाक्‍त। मोपतीके आसीक मेको रे ङोन बाक्‍ल।
PSA 109:18 मेकोमी सराप चीले वा फेक्‍सीशो खोदेंशो पा फेक्‍साक्‍व। सराप आ रांम ब्‍वाक्‍कु खोदेंशो पा बाक्‍ल। तेल खोदेंशो पा मेको आ रुशेम ब्रील। गन्‍ती ५:२४
PSA 109:19 मेकोमी सराप चीले आ वा खोदेंशो पा फेक्‍सेक्‍ल। मिनु किप्‍शुर खोदेंशो पा नाक्‍त किंत किंत किम्‍सेक्‍ल।
PSA 109:20 परमप्रभु यावेमी आं कली दोस गेब नु आ पर्बम मरिम्‍शो लोव़ पाइब कली मोदेंशो सजाइ गेवल।
PSA 109:21 तन्‍न परमप्रभु यावे, परमप्रभु, गे इन नें आ पर्बम आं कली वारच पाइय्‍यीनी। मारदे हना इन गेना हना यो दाक्‍तीके ठेयब बाक्‍ब।
PSA 109:22 गो प्रुङग नु श्‍येत जाइब दुम्‍ती। मिनु आं थुं खाइश्‍शो बाक्‍ब।
PSA 109:23 गो नां लाक्‍शो ना ङा वांकु खोदेंशो पा जाम्‍शो बाक्‍नुङ। थुर थुर पाइश्‍शो सल्‍हा खोदेंशो बाक्‍नुङ।
PSA 109:24 गो माइजा बाक्‍ङानु, आं खोइली योक्‍शो बाक्‍ब। मिनु गेयशो बाक्‍नुङ।
PSA 109:25 आं कली दोस गेबपुकी आ कली तशा गाइक्‍नीम। मिनु आन पिया हिम्‍‍नीम।
PSA 109:26 परमप्रभु यावे, आं परमप्रभु, वारच पाइय्‍यीनी। इन गेना हना यो दाक्‍तीकेमी आं कली प्रोंइ‍यीनी।
PSA 109:27 मेकोपुकीमी ‘परमप्रभु यावेम आं कली वारच पाइब’ दे तुइक्‍तमेक्‍ल।
PSA 109:28 मेकोपुकीमी सराप चीले पामेक्‍ल। तन्‍न गे आसीक गेने। मेकोपुकी बोक्‍मानु, मुने दोक्‍मल। तन्‍न इन गेय पाइब ग्‍येरसीब। लूका ६:२७-२८
PSA 109:29 आं कली दोस गेब आन कुल मुनेम सुम्‍सीमल। मिनु आन मुने दोक्‍तीके फेक्‍तीके वा खोदेंशो पा फेक्‍सीमल।
PSA 109:30 गो परमप्रभु यावे कली ‘गे थम रिम्‍शो पाइब बाक्‍नीनी’ देंनुङ। शुश मुर आन दातेमी गो मेको कली ठेयब सेल्‍नुङ” देंती।
PSA 109:31 मारदे हना मेको श्‍येत जाइब आन कली साइक्‍ब आन गुइ रे प्रोंइशा वारच पाइब बाक्‍ब।
PSA 110:1 दाऊद आ कुम्‍सो। परमप्रभु यावेमी, आं परमप्रभु कली “गे आं ग्‍युरा गे निस्‍सो। मिनु गो इ जोरी सत्रु आन कली इ खोइल थेक्‍तीके सेल्‍नुङमी। मत्ती २२:४४; प्रेरित २:३४; हिब्रू १:१३; १कोरिन्‍थी १५:२५; फिलिप्‍पी २:८-११; हिब्रू १०:१२-१३
PSA 110:2 परमप्रभु यावेमी सियोन रे पा इन सक्ति ङा राज दन्‍ड दिंब। मिनु गे इन जोरी सत्रु आन कली सासन पने” देंत। भजन संग्रह २:६
PSA 110:3 गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।
PSA 110:4 मिनु परमप्रभु यावेमी “गे मेल्‍कीसेदेक खोदेंशो पा गेना हना यो चढ़ेब दुम्‍‍नेवे” दे कसम जाप्‍तु। मेकोमी आ थुं मफाइक्‍ब। उत्‍पत्ती १४:१८-२०; हिब्रू ५:६,१०; हिब्रू ६:२०; हिब्रू ७:१७,२१
PSA 110:5 परमप्रभु इन ग्‍युरा गे बाक्‍ब। मेको गाइक्‍ता नाक्‍ती पिप आन कली खतम पोक्‍ब। भजन संग्रह २:२,५,९
PSA 110:6 मेकोमी रागी रागी ङा मुर आन कली निसाफ पाइब। मिनु मेको आन रागी बेक्‍शो मुरुम प्रिंब। मिनु बेक्‍शो मुर आन पिया रागी मेर फ्राइब। दानीएल २:४४
PSA 110:7 मेकोमी लां आ नेक्‍था ङा खोला ङा ब्‍वाक्‍कु तूब। मोपतीके मेको सक्ति पाइश्‍शो दुम्‍शा ग्राब।
PSA 111:1 परमप्रभु यावे कली ठेयब सेलीन। गो रिम्‍शो थुं पाइश्‍शो मुर आन दातेमी आं थुं नेल्‍लेमी “परमप्रभु, गे रिम्‍शो पाइब बाक्‍नीनी” दे ग्रुम्‍तीकेम देंनुङ।
PSA 111:2 परमप्रभु यावे आ गेय थम ठेयब बाक्‍नीम। सु सुम मेको कली दाक्‍नीमी, मेकोपुकीमी मेको शेंसीनीम।
PSA 111:3 मेको आ गेय ठेयब नु मान पाइक्‍चा पुंइसीब बाक्‍नीम। मिनु परमप्रभु आ ठीक पतीके गेना हना यो लीब।
PSA 111:4 मेकोमी आ छक लाक्‍चा ङा गेय मिम्‍पाइश्‍शो बाक्‍ब। परमप्रभु यावे दाक्‍ब नु शिशी पाइब बाक्‍ब। प्रस्‍थान १२:१-२२
PSA 111:5 मेकोमी आ कली मान पा हिंब आन कली जचा गेब। मिनु आ पशो कबल गेना हना यो मिम्‍ब। भजन संग्रह १४५:१५
PSA 111:6 मेकोमी आ मुर आन कली रागी रागी ङा मुर आन शोंप गेशा, आ सक्ति कोंइशो बाक्‍ब।
PSA 111:7 मेको आ गेय नेल्‍ल आ देंशो खोदेंशो नु ठीक बाक्‍नीम। आ अरेशा ब्रेक्‍शो लोव़ नेल्‍ल थमा सुइक्‍चा माल्‍शो बाक्‍नीम।
PSA 111:8 मेको गेना हना यो लीब बाक्‍नीम। मुरपुकीमी मेको मप्रोंइथु, आन थुं नेल्‍लेमी टिचा माल्‍नीम।
PSA 111:9 मेकोमी आ मुर आन कली श्‍येत रे प्रोंइतु। मेकोमी आ पशो कबल गेनायो मक्‍याम्‍चा कली सेल्‍शो बाक्‍त। मेको आ नें का ला मान पा हिंचा ङा बाक्‍ब।
PSA 111:10 परमप्रभु यावे कली मान पा हिंचा तुइक्‍ब दुम्‍चा कली गोतीक बाक्‍ब। मिनु सु सुमी मेको पाइनीमी मेको शुश रुप्‍ब दुम्‍नीम। परमप्रभु कली ठेयब सेल्‍तीके गेना हना यो लीब। हितोपदेस १:७
PSA 112:1 परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। भजन संग्रह १:२; हितोपदेस २०:७
PSA 112:2 मेको आ चच युइ रागीम ठेयब मुर दुम्‍नीम। रिम्‍शो थुं पाइश्‍शो मुर आन पाला आसीक राइनीम।
PSA 112:3 मेको आन खिंमी शोंप बाक्‍ब। मेको आन ठीक पतीके गेना हना यो लीब।
PSA 112:4 रिम्‍शो थुं पाइश्‍शो मुर छिङछिङम बाक्‍तेक्‍म हना यो, छेङछेङ दुम्‍ब। मेको मुर आन कली दाक्‍ब, शिशी पाइब नु ठीक पाइब बाक्‍नीम।
PSA 112:5 हाइश्‍शो दुम्‍शा, गेब मुर आन कली रिम्‍शो दुम्‍ब। मेकोपुकीमी आन गेय ठीक पतीकेमी पाइनीम।
PSA 112:6 ठीक पाइबपुकी गेनायो मप्रेंसीनीम। मेको आन कली मिम्‍तीके गेना हना यो लीब।
PSA 112:7 मेको मरिम्‍शो लोव़ नेंशा, महिंनीम। मेको आन थुं नेल्‍लेमी परमप्रभु यावे सक्ति पाइश्‍शो बाक्‍ब, दे तुइक्‍नीम।
PSA 112:8 मेको आन थुं ग्‍येत्‍थ लुक्‍च मपथु, महिंनीम। मिनु नोले आन जोरी सत्रु आन कली ब्रुशो ताइनीम। भजन संग्रह ९१:८
PSA 112:9 मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। २कोरिन्‍थी ९:९
PSA 112:10 मिनु परमप्रभु आ अरेशो मटीबपुकीमी मेको नेल्‍ल तशा आन थुं खुरसीनीम। मेको आन ख्रुइ शेप्‍शा, थाम्‍पा गाइक्‍नीम। मेको आन मिम्‍शो गेनायो मजाक्‍दीप्‍ब।
PSA 113:1 परमप्रभु यावे कली ठेयब सेलीन। परमप्रभु यावे आ गेय पाइबपुकी परमप्रभु यावे आ नें ठेयब सेलीन। गे “परमप्रभु यावे आ नें ठेयब बाक्‍ब” देनीन।
PSA 113:2 परमप्रभु यावे आ नें मुल रे गेना हना यो ठेयब सेल्‍मेक्‍ल।
PSA 113:3 नां दाप्‍तीक रे नां पेरतीक सम्‍म परमप्रभु यावे आ नें ठेयब सेल्‍चा माल्‍नीम। भजन संग्रह ५०:१
PSA 113:4 परमप्रभु यावे रागी रागी ङा नेल्‍ल आन क्‍येङा ठेयब बाक्‍ब। मेको आ छेङछेङ स्‍वर्ग क्‍येङा यो इर बाक्‍ब।
PSA 113:5 परमप्रभु यावे, आंइ परमप्रभु खोदेंशो अर्को सु बाक्‍बा ङा? सु नेल्‍ल क्‍येङा इर निश्‍शो बाक्‍बा ङा? प्रस्‍थान १५:११; यसैया ५७:१५
PSA 113:6 मेकोमी सरीङ नु रागी कोव़‍ब।
PSA 113:7 मेकोमी प्रुङग आन कली फुरकुम निश्‍शो रे पोक्‍ब। मिनु श्‍येत जाइब आन कली ग्रांग्रा दितीक रे पोक्‍ब। १सामुएल २:८; लूका १:४८; उत्‍पत्ती ४१:४०-४१
PSA 113:8 मेको आन कली आ मुर आन ठेयब मुर नु निप्‍पाइक्‍चा कली पोक्‍ब।
PSA 113:9 मिनु मेकोम आल मथीब मीश मुर आन कली ग्‍येरसीशो ममा सेल्‍ब। परमप्रभु यावे कली ठेयब सेलीन। उत्‍पत्ती २१:२ १सामुएल १:२०; लूका १:५७-५८
PSA 114:1 इस्राएली इजीप्‍त रे ब्रोंइशा जाक्‍मानु, याकूब आ खिं ङा मुर अर्को जात ङा लोव़ ब्‍वाक्‍तीक रे ग्रूशा जाक्‍मानु, प्रस्‍थान १२:४१
PSA 114:2 यहूदा परमप्रभु आ बाक्‍तीक नु इस्राएल आ राज्‍य दुम्‍त।
PSA 114:3 मोदेंशो दुम्‍शो तशा समुन्‍द्र प्रोक्‍त। यर्दन खोला दूली पा शाइक्‍त। प्रस्‍थान १४:२१-२२; यहोसु ३:१३,१६
PSA 114:4 डांडा बोका खोदेंशो पा प्रेक्‍तेक्‍म। पहाड भेडा खोदेंशो पा प्रेक्‍तेक्‍म।
PSA 114:5 समुन्‍द्र, गे मारदे प्रोक्‍ङे? यर्दन खोला, मारदे दूली गे शांइसे? यहोसु ४:२३-२४
PSA 114:6 डांडा गे मारदे बोका खोदेंशो पा प्रेक्‍नी? पहाड गे मारदे भेडा खोदेंशो पा प्रेक्‍नी?
PSA 114:7 रागी, परमप्रभु आ ङोंइती ख्रिंख्रि पावो। याकूब आ परमप्रभु आ ङोंइती ख्रिंख्रि पावो। प्रस्‍थान १९:१८
PSA 114:8 मेकोमी सेरथे फुल्‍लु कली फाइश्‍शा, ब्‍वाक्‍कु देम्‍तीके सेल्‍तु। मिनु शेराल फुल्‍लु फाइश्‍शा, ब्‍वाक्‍कु बुक्‍तीके सेल्‍तु। प्रस्‍थान १७:६
PSA 115:1 भजन संग्रह १३५:१५-२० परमप्रभु यावे, आंइ कली ममाइ, इन नें ठेयब सेल्‍चा गेने। इन गेना हना यो दाक्‍तीके नु दाक्‍शा मप्रोंइतीके आ पर्बम इन नें ठेयब सेल्‍चा माल्‍शो बाक्‍ब।
PSA 115:2 रागी रागी ङा मुरपुकीमी “मेको आन परमप्रभु ते बाक्‍म?” दे मारदे हिल्‍लो पाइनीमी? भजन संग्रह ४२:४
PSA 115:3 आंइ परमप्रभु स्‍वर्गम बाक्‍ब। मेकोमी मार दाक्‍ता, मेको पाइब।
PSA 115:4 मेको आन मूर्तिपुकी मुर आन गुइम सेल्‍शो सुन नु चांदी के बाक्‍नीम। ब्‍यवस्‍था ४:२८; यसैया ४४:९-२०
PSA 115:5 मिनु मेको आन के शोव़ बाक्‍नीम, तन्‍न ब्‍वाक्‍ने मचाप्‍नीम। मिक्‍च बाक्‍नीम, तन्‍न तने मचाप्‍नीम।
PSA 115:6 मिनु मेको आन के नोफा बाक्‍नीम। तन्‍न नेंने मचाप्‍नीम। नें बाक्‍नीम, तन्‍न नाम्‍ने मचाप्‍नीम।
PSA 115:7 मेको आन के गुइ बाक्‍नीम, तन्‍न सुल्‍ने मचाप्‍नीम। खोइल बाक्‍नीम, तन्‍न गाक्‍ने मचाप्‍नीम। मेकोपुकीमी आन शोव़ रे मारेइ सेंदा ग्रुंइने मचाप्‍नीम।
PSA 115:8 मेको आन कली सेल्‍ब यो मोदेंशोन बाक्‍नीम। मिनु मेको आन कली थमा सुइक्‍ब यो मोदेंशोन दुम्‍नीम।
PSA 115:9 गे इस्राएलीपुकी, परमप्रभु यावे कली थमा सुतीन। मेको इन कली वारच पाइब नु तेक्‍तीक बाक्‍ब।
PSA 115:10 हारून आ खिं ङा मुरपुकी, परमप्रभु यावे कली थमा सुतीन। मेको इन कली वारच पाइब नु तेक्‍तीक बाक्‍ब।
PSA 115:11 सु सुम परमप्रभु यावे कली मान पा हिंशा, थमा सुइक्‍नीमी, मेको आन कली वारच पाइब नु तेक्‍तीक बाक्‍ब।
PSA 115:12 परमप्रभु यावेमी आंइ कली मिम्‍ब। मिनु आसीक गेब। मेकोमी इस्राएल ङा मुर आन कली आसीक गेब। मेकोमी हारून आ खिं ङा मुर आन कली आसीक गेब।
PSA 115:13 मेकोमी परमप्रभु यावे कली मान पा हिंब आइक्‍च ठेयब नेल्‍ल आन कली आसीक गेब।
PSA 115:14 परमप्रभु यावेमी इन कली नु इन आल आन कली सोशा बोशा दुम्‍पदल।
PSA 115:15 सरीङ नु रागी सेल्‍ब परमप्रभु यावेमी इन कली आसीक गेवल। भजन संग्रह १३४:३
PSA 115:16 स्‍वर्ग परमप्रभु यावे केन बाक्‍ब। तन्‍न रागी चहिं मुर आन कली गेशो बाक्‍ब।
PSA 115:17 बेक्‍शो मुर नु बेक्‍शो मुर आन बाक्‍तीकेम लाइबपुकीमी परमप्रभु यावे कली ठेयब मसेल्‍नीम। यसैया ३८:१८
PSA 115:18 तन्‍न गो दा मुल रे गेना हना यो परमप्रभु यावे कली ठेयब सेल्‍नीकी। परमप्रभु यावे कली ठेयब सेलीन।
PSA 116:1 गो परमप्रभु यावे कली दाक्‍नुङ। मारदे हना मेकोमी आं पुंइशो नु ब्रेश्‍शो नेंशो बाक्‍ब।
PSA 116:2 मेकोमी आं लोव़ नेंतु। मोपतीके गो ब्रोंइङा सम्‍म मेको कली पुंइशा लोव़ पाइनुङ।
PSA 116:3 गो बेक्‍चा चिक्‍शो बाक्‍ती। हेररा तुरसुम लाइक्‍चा पुंइसीशो बाक्‍ती। सुर्ता पतीके नु हिंतीके थुंम सुम्‍शो बाक्‍ती।
PSA 116:4 मेना गो परमप्रभु यावे आ नें थोशा “परमप्रभु यावे, आं कली ब्रोंइचा गेयीनी” दे पुंइता।
PSA 116:5 परमप्रभु यावे शिशी पाइब नु ठीक पाइब बाक्‍ब। आंइ परमप्रभु शुश दाक्‍ब बाक्‍ब।
PSA 116:6 परमप्रभु यावेम आइक्‍च थुं पाइश्‍शो आन कली कोव़ब। आं थुं लुक्‍च लमेनु, मेकोमी आं कली श्‍येत रे प्रोंइती।
PSA 116:7 आं थुं लेंशा नांइसो। मारदे हना परमप्रभु यावेमी इ कली रिम्‍शो पाइश्‍शो बाक्‍ब। भजन संग्रह ४२:६
PSA 116:8 गे आं सोक्‍त कली बेक्‍चा रे प्रोंइशो बाक्‍तीनी। आं कली ङाक्‍तीक नु दाइल पाइक्‍तीक रे प्रोंइतीनी।
PSA 116:9 गो ब्रोंइशो मुर आन बाक्‍तीक रागीमी परमप्रभु यावे आ ङोंइती गाक्‍नुङ। भजन संग्रह १४२:६
PSA 116:10 गो शुश श्‍येत जशा यो, आं थमा सुइक्‍तीक मप्रोनु।
PSA 116:11 गो सुर्ता पा श्‍येत जङानु “मुर नेल्‍ले जोल पाइब ला बाक्‍नीम” देंती। रोमी ३:४
PSA 116:12 परमप्रभु यावेमी आं कली गिश रिम्‍शो पाइय्‍यी, गो मेको आ पा ङा मेको कली मार गेनुङा?
PSA 116:13 गो “गे आं कली श्‍येत रे प्रोंइतीनी” देंशा, परमप्रभु यावे आ नें थिशा, मेको कली ठेयब सेल्‍नुङ।
PSA 116:14 गो परमप्रभु यावे आ ङोंइती मुर आन दातेमी आं जशो कसम खाप्‍नुङ।
PSA 116:15 परमप्रभु यावे आ मुर बेक्‍चा मेको कली थम ठेयब बाक्‍ब। भजन संग्रह ७२:१४
PSA 116:16 परमप्रभु यावे, गो इन गेय पाइब नङ। गो इन गेय पाइब मीश मुर आ तौ, इन वाइल नङ। गे आं कली बेक्‍तीक रे प्रोंइतीनी।
PSA 116:17 गो इन कली “गे रिम्‍शो पाइब बाक्‍नीनी” दे चढ़ेतीक चढ़ेनुङ। मिनु परमप्रभु यावे, इन नें थिशा, इन कली ठेयब सेल्‍नुङ। योना २:१०
PSA 116:18 गो परमप्रभु यावे आ मुर नेल्‍ल आन ङोंइती आं जशो कसम खाप्‍नुङ।
PSA 116:19 परमप्रभु यावे आ खिं ङा लाङगा नु यरूसलेमम बाक्‍बपुकी परमप्रभु यावे कली ठेयब सेलीन।
PSA 117:1 रागी रागी ङा मुर नेल्‍लेम परमप्रभु यावे कली ठेयब सेलीन। जात जात ङा मुर नेल्‍लेम मेको कली मान पने! रोमी १५:११
PSA 117:2 मारदे हना परमप्रभु यावे आ गेना हना यो दाक्‍तीके नु आ दाक्‍शा गेनायो मप्रोंइतीके ठेयब बाक्‍ब। मिनु आ दाक्‍शा गेनायो मप्रोंइतीके गेना हना यो लीब। मोपतीके परमप्रभु यावे कली ठेयब सेलीन। प्रस्‍थान ३४:६
PSA 118:1 परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। भजन संग्रह १०६:१
PSA 118:2 इस्राएलीपुकीमी “मेको आ दाक्‍तीके गेना हना यो लीब” देंमल।
PSA 118:3 हारून आ खिं ङा मुरपुकीमी “मेको आ दाक्‍तीके गेना हना यो लीब” देंमल।
PSA 118:4 परमप्रभु यावे कली मान पा हिंबपुकीमी “मेको आ दाक्‍तीके गेना हना यो लीब” देंमल।
PSA 118:5 गो श्‍येत जङानु, परमप्रभु यावे कली पुंइता। मिनु मेकोमी आं लोव़ लेत्‍ताक्‍यी। मिनु आं कली श्‍येत रे प्रोंइती।
PSA 118:6 परमप्रभु यावे गो नु बाक्‍तीके गो महिंनुङ। मुरपुकीमी आं कली मार पाइक्‍ने चाप्‍नीमी ङा? रोमी ८:३१; भजन संग्रह ५६:५; हिब्रू १३:६
PSA 118:7 परमप्रभु यावे गो नु बाक्‍शा, आं कली वारच पाइब बाक्‍ब। गो आं कली काइ मदाक्‍ब आन कली ग्राशा कोंइनुङमी।
PSA 118:8 मुर आन कली तशा “मेकोमी वारच पाइनीम” देंचा क्‍येङा परमप्रभु यावे नु फाम्‍सीचा रिम्‍शो बाक्‍ब। भजन संग्रह १४६:३
PSA 118:9 मिनु हुकुम पाइब मुर आन कली तशा “मेकोमी वारच पाइनीम” देंचा क्‍येङा परमप्रभु यावे नु फाम्‍सीचा रिम्‍शो बाक्‍ब।
PSA 118:10 रागी रागी ङा मुर नेल्‍लेमी आं कली पुम्‍ताक्‍यीमी। तन्‍न गो परमप्रभु यावे आ नेंमी नेल्‍ल आन कली खतम पोक्‍ताक्‍मी।
PSA 118:11 मेकोपुकीमी आं कली तेइ तेइ रे पुम्‍ताक्‍यीमी। तन्‍न गो परमप्रभु यावे आ नेंमी नेल्‍ल आन कली खतम पोक्‍ताक्‍मी।
PSA 118:12 मेकोपुकीमी आं कली सुरबुम खोदेंशो पा गिल्‍तीमी। मेकोपुकी चूम ब्रशो मी खोदेंशो पा ब्राम्‍तेक्‍म। तन्‍न गो परमप्रभु यावे आ नेंमी मेको आन कली खतम पोक्‍ताक्‍मी।
PSA 118:13 गो नेप्‍चा पुंइसीशा, गोल्‍चा चिक्‍शो नङ। तन्‍न परमप्रभु यावेमी वारच पाइक्‍ती।
PSA 118:14 परमप्रभु यावे आं बोल नु सक्ति बाक्‍ब। मिनु मेको आं कली श्‍येत रे प्रोंइब दुम्‍शो बाक्‍ब। प्रस्‍थान १५:२
PSA 118:15 ठीक पाइब आन ताम्‍बुमी ग्‍येरशो नु ग्राशा कुम्‍सो पशो नेंसीब। परमप्रभु यावेमी सक्ति पाइश्‍शो गेय पाइब।
PSA 118:16 परमप्रभु यावेमी “गो ग्राती” दे आ ग्‍युरा गुइ पोक्‍शो बाक्‍ब। परमप्रभु यावेमी सक्ति पाइश्‍शो गेय पाइब।
PSA 118:17 गो मबेक्‍नुङ, तन्‍न ब्रोंइशा बाक्‍शा, परमप्रभु यावे आ पशो नेल्‍ल शेंनुङमी।
PSA 118:18 परमप्रभु यावेमी आं कली शुश सजाइ गेती। तन्‍न बेक्‍चा मगेयी। २कोरिन्‍थी ६:९
PSA 118:19 आं कली परमप्रभु यावे आ खिं ङा लाप्‍चो रोक्‍कीन। मिनु गो ओव़शा, परमप्रभु यावे कली “गे रिम्‍शो पाइब बाक्‍नीनी” देंनुङ।
PSA 118:20 एको परमप्रभु यावे आ लाप्‍चो बाक्‍ब। ठीक पाइबपुकी एको लाप्‍चो रे ओव़नीम। यसैया २६:२
PSA 118:21 गे आं पुंइशो नेंशा, लोव़ लेत्‍ताक्‍यीनी। मोपतीके गो इन कली “गे रिम्‍शो पाइब बाक्‍नीनी” देंनुङ। गे आं कली श्‍येत रे प्रोंइब दुम्‍तीनी।
PSA 118:22 खिं सेल्‍बपुकीमी गारो प्रोव़ङमेनु “एको फुल्‍लु मगार” दे ताइक्‍तमे बाक्‍त। मिनु मेको मगारथु ताइश्‍शो फुल्‍लु चहिं जग ङा सुरे फुल्‍लु दुम्‍माक्‍त। यसैया २८:१६; मत्ती २१:४२
PSA 118:23 मेको परमप्रभु यावेमी पशो बाक्‍ब। गो मेको तशा, छक लाक्‍नीकी।
PSA 118:24 परमप्रभु यावेमी मुलाक्‍ती ङा नाक्‍ती सेल्‍शो बाक्‍ब। गोपुकी कुम्‍सो पा ग्‍येरसय।
PSA 118:25 परमप्रभु यावे आंइ कली श्‍येत रे प्रोंइकी। परमप्रभु यावे आंइ गेय रिम्‍शो दुम्‍ल।
PSA 118:26 परमप्रभु यावे आ नेंमी जाक्‍ब आसीक रशो बाक्‍ब। गो परमप्रभु यावे आ खिं रे पा इन कली आसीक गेनीकी। मत्ती २१:९; मत्ती २३:३९
PSA 118:27 परमप्रभु यावे ला परमप्रभु बाक्‍ब। मेकोमी आ छेङछेङ आंइ तार दाप्‍पाइश्‍शो बाक्‍ब। रवा आ राशी शेशा, ग्‍येरशा, चढ़ेतीक आ ग्रोव़ ग्‍योम्‍दीन। प्रस्‍थान २७:१-२
PSA 118:28 गे आं परमप्रभु बाक्‍नीनी। गो इन कली “गे रिम्‍शो पाइब बाक्‍नीनी” देंनुङ। गे आं परमप्रभु बाक्‍नीनी। मिनु गो इन कली मान पा ठेयब सेल्‍नुङ।
PSA 118:29 गे परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। भजन संग्रह १०६:१; भजन संग्रह १०७:१; भजन संग्रह ११८:१; भजन संग्रह १३६:१
PSA 119:1 एको भजन संग्रह कली सुन के हिब्रू आकछेर यो देंनीम। मारदे हना मेको आ टुक्रा टुक्रा हिब्रू लोव़ ङा आल्‍फाबेट रे पा गोइनीम। ङोंइती ङा टुक्रा आलेफ देंसीब, अध्‍याय नेल्‍ल आन ङोंइती ङा हिब्रू आक‍छेर लोव़मी आलेफ बाक्‍ब। सु सु रिम्‍शो पाइनीमी नु दोस मताइब बाक्‍नीमी, मेको ग्‍येरसीशो मुर बाक्‍नीम। मारदे हना मेकोपुकीमी परमप्रभु यावे आ अरेशो टिशो बाक्‍नीम। भजन संग्रह ११२:१-२
PSA 119:2 सु सुमी परमप्रभु आ देंशो मिम्‍शा पाइनीमी नु आन थुं नेल्‍लेमी मेको कली माल्‍नीमी, मेकोपुकी ग्‍येरसीशो मुर बाक्‍नीम।
PSA 119:3 मेको मुरपुकी काइ मरिम्‍शो मपथु, परमप्रभु आ लांम गाक्‍नीम।
PSA 119:4 गे इन ब्रेक्‍शा अरेशो आंइ कली होस पा पचा कली गेशो बाक्‍तीनी।
PSA 119:5 गो गेना हना यो इन फुल्‍लुम मुशा ब्रेक्‍शो लोव़ पशा गाक्‍ङल।
PSA 119:6 गो इन शेंतीके नेल्‍ले होस पा पशो नङ हना, मुने मदोक्‍ङ वा।
PSA 119:7 गो इन निसाफ पतीक लोव़ शेंसाक्‍यी हना, इन कली रिम्‍शो थुंमी ठेयब सेल्‍ने चाप्‍नुङ।
PSA 119:8 गो इन फुल्‍लुम मुशा ब्रेक्‍शो लोव़ टीनुङ। आं कली काइ मप्रोंइयीनी।
PSA 119:9 ठिटा वोंइश मुर दोपा हेंथे मपथु, आन लांम गाक्‍ने चाप्‍नीमी? मेको इन लोव़ टिशा ला मो पने चाप्‍नीम।
PSA 119:10 गो आं थुं नेल्‍लेमी इन कली माल्‍नुङ। आं कली इन शेंतीके रे ङोन लचा मगेयीनी।
PSA 119:11 गो मरिम्‍शो मपङल, दे इन लोव़ आं थुंम वोइश्‍शो बाक्‍नुङ।
PSA 119:12 परमप्रभु यावे, इन नें ठेयब बाक्‍ब। आं कली इन फुल्‍लुम मुशा ब्रेक्‍शो लोव़ शेंदीनी। भजन संग्रह ११९:२६,६४,६८
PSA 119:13 गो इन देंशो पतीक लोव़ नेल्‍ल शेंनुङमी।
PSA 119:14 गो शुश शोंप तशा ग्‍येरसीशो मुर खोदेंशो पा इन देंशो लां तशा ग्‍येरसाक्‍यी।
PSA 119:15 गो इन ब्रेक्‍शा अरेशो मिम्‍ना मिम्‍न, इन लां कोव़शा गाक्‍नुङ।
PSA 119:16 गो इन फुल्‍लुम मुशा ब्रेक्‍शो लोव़ तुइश्‍शा, ग्‍येरसाक्‍यी। इन लोव़ मप्रेंनुङ।
PSA 119:17 इन गेय पाइब कली रिम्‍शो पने। मिनु गो इन लोव़ टिशा ब्रोंइङल।
PSA 119:18 गे आं कली मिक्‍च ताइब सेल्‍यीनी। मोपा गो इन अरेशो लोव़ ङा छक लाक्‍चा ङा गेय तने चबुल।
PSA 119:19 गो रागीम पौना का बाक्‍नुङ। गे इन शेंतीके लोव़ आं मतुइक्‍चा ङा पा मख्रुइक्‍तीन। भजन संग्रह ३९:१३
PSA 119:20 आं थुं गेना हना यो इन पतीक लोव़ तुइक्‍चा कली माल्‍स ङा माल्‍स बाक्‍ब।
PSA 119:21 गे इन शेंशो प्रोंइब ठेयब लेश्‍शो नु सराप रशो मुर आन कली हुइक्‍नीनी। ब्‍यवस्‍था २७:२६; गलाती ३:१०
PSA 119:22 गे मेको आन शुक्‍शी पतीके नु दोस गेतीके आं क्‍येङा ङोन वोतीन। मारदे हना गो इन देंशो टीब मुर बाक्‍ती।
PSA 119:23 मिनु सासन पाइबपुकी बुक्‍शा, आं कली मरिम्‍शो पाइक्‍चा कली लोव़ गारपाइक्‍नीम। मो हना यो गो, इन गेय पाइबमी, इन फुल्‍लुम मुशा ब्रेक्‍शो लोव़ मिम्‍स ङा मिम्‍स बाक्‍नुङ।
PSA 119:24 इन देंशो लोव़ आं थुं ग्‍येरपाइक्‍ब नु आं कली अर्ती गेब बाक्‍नीम।
PSA 119:25 आं थुं लुक्‍च लशो बाक्‍ब। इन लोव़ पतीकेमी आं थुं बारपाइय्‍यीनी।
PSA 119:26 गो इन कली आं पशो तुइक्‍पाइक्‍तन्‍नी। मिनु गे आं लोव़ लेत्‍ताक्‍नी। इन फुल्‍लुम मुशा ब्रेक्‍शो लोव़ शेंदीनी।
PSA 119:27 गे इन ब्रेक्‍शा अरेशो लोव़ रुप्‍पाइय्‍यीनी। मिनु गो इन छक लाक्‍चा ङा गेय मिम्‍स ङा मिम्‍स बाक्‍नुङ।
PSA 119:28 आं थुं सुर्ता पा लुक्‍च लत। इन लोव़ पतीकेमी आं कली ब्रोंइचा गेयीनी।
PSA 119:29 दूली लां आं क्‍येङा ङोन वो‍तीन। मिनु गे शिशी पा इन अरेशो लोव़ शेंदीनी। भजन संग्रह ११९:१०४,१२८
PSA 119:30 गो इन कली मप्रोंइतीक लां योव़ता। गो इन पतीक लोव़ आं ङोंइती वोइक्‍ता।
PSA 119:31 परमप्रभु यावे, गो इन देंशो थमा पा पाइनुङ। आं कली मुने मदोक्‍पाइय्‍यीनी।
PSA 119:32 गो इन शेंशो पना पन बाक्‍ती। मिनु गे आं रुप्‍तीक थुं बारपाइक्‍नीनी।
PSA 119:33 परमप्रभु यावे, इन फुल्‍लुम मुशा ब्रेक्‍शो लोव़ शेंदीनी। मिनु गो मेको नोले सम्‍म मप्रोंइनुङ।
PSA 119:34 गे आं कली रुप्‍‍तीक थुं गेयीनी। मिनु गो इन अरेशो लोव़ आं थुं नेल्‍लेमी पाइनुङ।
PSA 119:35 इन शेंतीके लांम गाक्‍पाइय्‍यीनी। मारदे हना गो मेको कली दाक्‍नुङ।
PSA 119:36 आं थुं कली इन देंशो ला मिम्‍पतीन। शुश क्‍येट चेम्‍तीके ममिम्‍पतीन।
PSA 119:37 मरिम्‍शो थोव़क मकोव़पाइय्‍यीनी। इन दाक्‍चा ङा पा ब्रोंइचा गेयीनी।
PSA 119:38 गे इन गेय पाइब कली इन थोक्‍शा पशो लोव़ खाप्‍पीन। इन थोक्‍शा पशो लोव़ इन कली मान पा हिंब आन कली बाक्‍ब।
PSA 119:39 हिंचा ङा शुक्‍शी पाइक्‍चा पुंइसीतीक आं क्‍येङा ङोन वोतीन। मारदे हना इन पतीक लोव़ रिम्‍शो बाक्‍नीम।
PSA 119:40 इन ब्रेक्‍शा अरेशो लोव़ शुश दाक्‍नुङ। इन निसाफ पतीकेमी आं कली ब्रोंइचा गेयीनी।
PSA 119:41 परमप्रभु यावे, इन गेना हना यो दाक्‍तीक आं कली दुम्‍ल। इन थोक्‍शा पशो लोव़ खोदेंशो पा आं कली श्‍येत रे प्रोंइ‍यीनी।
PSA 119:42 मिनु गो आं कली शुक्‍शी पाइब आन कली लोव़ लेन्‍ने चाप्‍नुङ। मारदे हना गो इन लोव़ थमा सुइक्‍नुङ।
PSA 119:43 गे इन थमा लोव़ पचा कली मतेक्‍यीनी। मारदे हना गो इन पतीक लोव़ आस पा बाक्‍नुङ।
PSA 119:44 गो इन अरेशो लोव़ थमा पा गेना हना यो टीनुङ।
PSA 119:45 मिनु गो सुइ क्‍येङा महिंथु बाक्‍नुङ। मारदे हना इन ब्रेक्‍शा अरेशो लोव़ माल्‍ता।
PSA 119:46 गो पिप आन ङोंइती इन देंशो लोव़ आ पर्बम लोव़ पाइनुङ। मिनु मुने मदोक्‍नुङ। मत्ती १०:१८
PSA 119:47 गो इन शेंतीके तुइश्‍‍शा ग्‍येरसीनुङ। मारदे हना गो मेको कली दाक्‍नुङ।
PSA 119:48 गो इन शेंशो लोव़ ठेयब सेल्‍चा दाक्‍नुङ। मोपा इन फुल्‍लुम मुशा ब्रेक्‍शो लोव़ मिम्‍ना मिम्‍न बाक्‍नुङ।
PSA 119:49 इन गेय पाइब कली पशो लोव़ मिम्‍तीन। आं कली मेको आ लां कोव़पाइय्‍यीनी।
PSA 119:50 गो श्‍येत जङानु, इन थोक्‍शा पशो लोव़मी आं कली लेम्‍शा ब्रोंइचा गेब।
PSA 119:51 ठेयब लेश्‍शो मुरुमी आं कली शुश शुक्‍शी पाइनीम। तन्‍न गो इन अरेशो लोव़ मप्रोंइनुङ।
PSA 119:52 परमप्रभु यावे, गो इन साइ ङोंइती ङा पतीक लोव़ मिम्‍शा, आं थुं नाइक्‍नुङ।
PSA 119:53 इन अरेशो लोव़ प्रोंइब मुर आन पर्बम गो गाइश्‍शा चुरशा बाक्‍ती।
PSA 119:54 गो ते बाक्‍ती हना यो, इन फुल्‍लुम मुशा ब्रेक्‍शो लोव़ आं कुम्‍सो दुम्‍शो बाक्‍तेक्‍म।
PSA 119:55 परमप्रभु यावे, गो नाक्‍दो इन कली मिम्‍शा, इन अरेशो लोव़ पाइनुङ।
PSA 119:56 गो आसीक राइब दुम्‍ती। मारदे हना गो इन ब्रेक्‍शा अरेशो लोव़ टिशा बाक्‍‍ती।
PSA 119:57 परमप्रभु यावे, गे आं परमप्रभु बाक्‍नीनी। गो इन लोव़ टिना टिन बाक्‍नुङ।
PSA 119:58 गो आं थुं नेल्‍लेमी इन कली पुंइता। इन थोक्‍शा पशो लोव़ खोदेंशो पा, आं कली शिशी पाइय्‍यीनी।
PSA 119:59 गो इन पतीके मिम्‍शा, इन देंशो लोव़ ङा लांम गाक्‍नुङ।
PSA 119:60 गो इन शेंतीके रीब पा टीनुङ। गो देश मपाइनुङ।
PSA 119:61 इन अरेशो लोव़ मटीबपुकीमी आं कली फ्रेंताक्‍यीमी हना यो, गो इन अरेशो लोव़ मप्रेंनुङ।
PSA 119:62 गो नाक्‍दो बोक्‍शा, इन निसाफ पतीक लोव़ आ पर्बम इन कली ठेयब सेल्‍नुङ। भजन संग्रह ४२:९
PSA 119:63 गो इन कली मान पा हिंब नु इन ब्रेक्‍शा अरेशो लोव़ टीब आन वारच नङ।
PSA 119:64 परमप्रभु यावे, रागी इन गेना हना यो दाक्‍तीकेमी ब्रीशो बाक्‍ब। इन फुल्‍लुम मुशा, ब्रेक्‍शो लोव़ शेंदीनी।
PSA 119:65 परमप्रभु यावे, इन लोव़ खोदेंशो पा गे इन गेय पाइब कली रिम्‍शो पाइक्‍तीनी।
PSA 119:66 आं कली रुप्‍ब नु तुइक्‍ब सेलीन। मारदे हना गो इन शेंतीके थमा सुइक्‍नुङ।
PSA 119:67 गो श्‍येत जचा क्‍येङा ङोंइती हेंथे लां खोइश्‍शो नङ। तन्‍न मुल इन लोव़ टीनुङ।
PSA 119:68 गे रिम्‍शो पाइब नु दाक्‍ब बाक्‍नीनी। मोपतीके आं कली इन फुल्‍लुम मुशा, ब्रेक्‍शो लोव़ शेंदीनी।
PSA 119:69 ठेयब लेश्‍शो मुरपुकीमी आं पर्बमी जोल पाइनीम। गो चहिं आं थुं नेल्‍लेमी इन ब्रेक्‍शा अरेशो लोव़ पना पन बाक्‍नुङ।
PSA 119:70 मेको आन थुं थांइशो बाक्‍ब। तन्‍न गो इन अरेशो लोव़ तुइश्‍शा ग्‍येरसीशो बाक्‍नुङ।
PSA 119:71 गे आं कली श्‍येत जपाइक्‍तीनी, मेको रिम्‍शो बाक्‍त। मोपा इन फुल्‍लुम मुशा ब्रेक्‍शो लोव़ शेंसाक्‍यी।
PSA 119:72 मिनु हजार हजार टुक्रा सुन चांदी क्‍येङा इन अरेशो लोव़ आं कली रिम्‍शो बाक्‍ब।
PSA 119:73 गे आं कली सेल्‍तीनी। मिनु इन शेंशो लोव़ शेंसीचा कली रुप्‍तीक थुं गेयीनी।
PSA 119:74 इन कली मान पा हिंबपुकी आं कली तशा ग्‍येरसीनीम। मारदे हना गो इन लोव़ ङा लां कोव़ना कोव़न बाक्‍नुङ।
PSA 119:75 परमप्रभु यावे, इन निसाफ पतीके ठीक बाक्‍नीम। गो मेको तुइक्‍नुङ। गे आं कली इन दाक्‍शा मप्रोंइतीकेमी श्‍येत गेतीनी।
PSA 119:76 इन गेय पाइब, आं कली इन गेना हना यो दाक्‍तीकेमी इन थोक्‍शा पशो लोव़ खोदेंशो पा लेम्‍दीनी।
PSA 119:77 गे आं कली शिशी पाइतीनी हना, गो ब्रोंइनुङ। मारदे हना इन अरेशो लोव़ तुइश्‍शा, ग्‍येरसाक्‍यी।
PSA 119:78 ठेयब लेश्‍शो मुर मुने दोक्‍मल। मारदे हना मेकोपुकीमी आं कली मो दिम्‍ताक्‍यीमी। गो चहिं इन अरेशा ब्रेक्‍शो लोव़ मिम्‍ना मिम्‍न बाक्‍नुङ।
PSA 119:79 इन कली मान पा हिंब आं नेक्‍था जाक्‍मल। मोपा इन देंशो लोव़ रुप्‍मेक्‍ल।
PSA 119:80 गो इन फुल्‍लुम मुशा ब्रेक्‍शो लोव़ पशा दोस मतङल। मोपा मुने मदोक्‍ङ‍ल।
PSA 119:81 गो आं श्‍येतम इन प्रोंइतीक शुश माल्‍‍नुङ। मिनु गो इन लोव़ ङा लां कोव़ना कोव़न बाक्‍नुङ।
PSA 119:82 गो इन थोक्‍शा पशो लोव़ शुश रिम्‍ना रिम्‍न बाक्‍नुङ। मिनु “आं कली गेना लेम्‍नीनी?” दे हिल्‍लो पाइनुङ।
PSA 119:83 मारदे हना गो कुनम वोइश्‍शो कुशुल के थैलो खोदेंशो बाक्‍नुङ। मो हना यो गो इन फुल्‍लुम मुशा ब्रेक्‍शो लोव़ मप्रेंदु।
PSA 119:84 गो, इन गेय पाइब, दोशो सम्‍म फाल्‍चा माल्‍नुङा? गे आं कली खेदा पाइब आन कली गेना निसाफ पाइनीनी?
PSA 119:85 ठेयब लेश्‍शोपुकीमी आं कली खाल्‍टा दोम्‍तेक्‍म। मेकोपुकी इन अरेशो काइ मपाइब बाक्‍नीम।
PSA 119:86 इन शेंतीके नेल्‍ले गेना हना यो लीनीम। मिनु मेकोपुकीमी आं कली मोशा खेदा पाइनीम। आं कली वारच पाइय्‍यीनी।
PSA 119:87 मेकोपुकीमी आं कली रागी रे हेररा क्‍याम्‍ताक्‍यीमी। गो चहिं इन ब्रेक्‍शा अरेशो लोव़ मप्रोनु।
PSA 119:88 इन गेना हना यो दाक्‍तीकेमी ब्रोंइपाइय्‍यीनी। मोपा गो इन देंशो टिना टिन बाक्‍नुङ।
PSA 119:89 परमप्रभु यावे गेना हना यो बाक्‍ब। इन लोव़ स्‍वर्गम वोइश्‍शो बाक्‍ब। यसैया ४०:८
PSA 119:90 इन मुर आन कली दाक्‍शा मप्रोंइतीके पाला पाला सम्‍म लीब। गे रागी सेल्‍शा वोइक्‍तीनी। मिनु मेको महिम्‍सीब।
PSA 119:91 इन लोव़ पतीकेमी मेको महिम्‍सीब। मारदे हना नेल्‍लेमी इन लोव़ टीनीम।
PSA 119:92 इन अरेशो लोव़म आं कली मग्‍येरपाइश्‍शो हना, गो आं श्‍येतम बेक्‍ङ वा। येरमीया १५:१६
PSA 119:93 गो इन अरेशा ब्रेक्‍शो लोव़ गेनायो मप्रेंनुङ। मारदे हना गे मेको आ पतीकेमी आं कली ब्रोंइपाइक्‍तीनी।
PSA 119:94 गो इन मुर नङ। आं कली प्रोंइयीनी। मारदे हना गो इन ब्रेक्‍शा अरेशो लोव़ माल्‍ता।
PSA 119:95 इन अरेशो लोव़ मटीबपुकीमी आं कली साइक्‍चा कली बाप्‍शो बाक्‍नीमी। गो चहिं इन देंशो मिम्‍शा बाक्‍नुङ।
PSA 119:96 मुरुमी नेल्‍ल क्‍येङा रिम्‍शो मारेइ सेल्‍ने मचाप्‍नीम। गो मेको तुइक्‍नुङ। तन्‍न इन शेंशो लोव़ नेल्‍ल क्‍येङा रिम्‍शो बाक्‍ब।
PSA 119:97 गो इन अरेशो लोव़ शुश दाक्‍नुङ। गो नाक्‍त किंत किंत मेको आ पर्बम मिम्‍नुङ। भजन संग्रह १:२
PSA 119:98 गे इन शेंशो लोव़म आं जोरी सत्रु आन क्‍येङा आं कली तुइक्‍ब सेल्‍ब। मारदे हना मेको गेना हना यो गो नु बाक्‍ब।
PSA 119:99 मिनु आं कली शेंब आन क्‍येङा गो जोक्‍ब तुइक्‍ब दुम्‍ती। मारदे हना इन देंशो मिम्‍ना मिम्‍न बाक्‍ती।
PSA 119:100 गो खाल्‍पा आन क्‍येङा यो जोक्‍ब तुइक्‍ब दुम्‍‍ती। मारदे हना इन ब्रेक्‍शा अरेशो लोव़ टिना टिन बाक्‍नुङ।
PSA 119:101 गो इन लोव़ टिचा कली मरिम्‍शो लां मखोइक्‍थु बाक्‍नुङ।
PSA 119:102 गो इन देंशो पतीक लोव़ रे ङोन मलङ। मारदे हना गे आं कली शेंताक्‍यीनी।
PSA 119:103 इन देंशो लोव़ ब्रोव़शो बाक्‍ब। मेको खुदो क्‍येङा यो जिजी बाक्‍ब।
PSA 119:104 इन ब्रेक्‍शा अरेशो लोव़ रे रुप्‍ब दुम्‍ती। मोपतीके गो दूली पतीक नेल्‍ल काइ मदाक्‍नुङ। भजन संग्रह ११९:२९
PSA 119:105 इन लोव़ आं खोइली कली छेङछेङ बाक्‍ब, आं लां तचा कली रांको खोदेंशो बाक्‍ब। २पत्रुस १:१९
PSA 119:106 गो इन निसाफ पतीक लोव़ पाइनुङ, दे कसम जशा खाप्‍ता।
PSA 119:107 परमप्रभु यावे, गो शुश श्‍येत जाइनुङ, इन लोव़म देंशो खोदेंशो पा आं कली ब्रोंइचा गेयीनी।
PSA 119:108 परमप्रभु यावे, गो इन कली ठेयब सेल्‍शो, चढ़ेतीक खोदेंशो पा ब्रने। मिनु आं कली इन पतीक लोव़ शेंदीनी। भजन संग्रह १९:१५
PSA 119:109 गो गेना हना यो बेक्‍चा चिक्‍शा बाक्‍ती। मो हना यो गो इन अरेशो लोव़ मप्रेंनुङ।
PSA 119:110 इन अरेशो लोव़ मटीबपुकीमी आं कली ब्‍वारद दाइश्‍शो बाक्‍नीम। मो हना यो इन ब्रेक्‍शा अरेशो लोव़ मप्रोंइनुङ।
PSA 119:111 इन देंशो लोव़ गेना हना यो आं शोंप बाक्‍ब। मारदे हना मेकोमी आं थुं शुश ग्‍येरपाइक्‍ब।
PSA 119:112 गो इन फुल्‍लुम मुशा ब्रेक्‍शो लोव़ मबेक्ङा सम्‍म पाइनुङ, दे आं थुं फ्रेंशा बाक्‍ती।
PSA 119:113 गो थुं निक्‍शी पाइश्‍शो मुर आन कली काइ मदाक्‍नुङ। मिनु इन अरेशो लोव़ दाक्‍नुङ। भजन संग्रह ३१:७; १राजा १८:२१
PSA 119:114 गे आं ख्रुइक्‍तीक नु तेक्‍तीक बाक्‍नीनी। गो इन लोव़ ङा लां कोव़ना कोव़न बाक्‍नुङ।
PSA 119:115 गो आं परमप्रभु आ शेंतीके पने चबुल, गे मरिम्‍शो पाइबपुकी, आं क्‍येङा ङोन लने।।
PSA 119:116 इन थोक्‍शा पशो लोव़ खोदेंशो पा आं कली ब्रोंइचा गेयीनी। मिनु गो इन लां कोव़शा, मुने मदोक्‍ङल।
PSA 119:117 आं कली प्रोंइचा कली वारच पाइय्‍यीनी। गो गेना हना यो इन फुल्‍लुम मुशा ब्रेक्‍शो लोव़ दाक्‍नुङ।
PSA 119:118 इन फुल्‍लुम मुशा ब्रेक्‍शो लोव़ ङा लां रे हेंथे गाक्‍ब नेल्‍ल आन कली तिल्‍तीनी। मारदे हना मेको आन लां जोल बाक्‍त।
PSA 119:119 रागी ङा इन अरेशो मटीब नेल्‍ल आन कली पु‍लु खोदेंशो पा फिक्‍तीनी। मोपतीके गो इन देंशो लोव़ दाक्‍नुङ। यसैया १:२५
PSA 119:120 गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।
PSA 119:121 गो ठीक निसाफ पाता। आं कली दिप्‍ब आन कली जिम्‍मा मगेयीनी।
PSA 119:122 इन गेय पाइब कली वारच पा, रिम्‍शो पने। इन कली मटीबपुकीमी आं कली दिप्‍चा मगेने।
PSA 119:123 गो इन प्रोंइतीक नु इन ठीक निसाफ पा पशो लोव़ कली शुश कोव़शा रिम्‍नुङ।
PSA 119:124 इन गेय पाइब कली इन गेना हना यो दाक्‍तीकेमी वारच पने। मिनु आं कली इन फुल्‍लुम मुशा ब्रेक्‍शो लोव़ शेंदीनी।
PSA 119:125 गो इन गेय पाइब नङ। आं कली रुप्‍तीक थुं गेयीनी। मोपा गो इन देंशो रुप्‍ने चबुल।
PSA 119:126 परमप्रभु यावे, इन गेय पची ना दुम्‍शो बाक्‍ब। मारदे हना मुरपुकीम इन अरेशो लोव़ मटीम।
PSA 119:127 गो सुन नु क्‍येख सुन क्‍येङा इन शेंतीके दाक्‍नुङ।
PSA 119:128 मोपतीके गो आं लां नेल्‍लेमी इन ब्रेक्‍शा अरेशो लोव़ मिम्‍नुङ। मिनु दूली लां नेल्‍ल काइ मदाक्‍नुङ। भजन संग्रह ११९:२९
PSA 119:129 इन देंशो लोव़ शुश रिम्‍शो बाक्‍नीम। मोपतीके गो मेको टिना टिन बाक्‍नुङ।
PSA 119:130 इन लोव़ नेंशोनु, रुप्‍तीक थुं गेब। मतुइक्‍ब आन कली तुइक्‍ब सेल्‍ब।
PSA 119:131 गो ब्‍वाक्‍कु तूतू दाक्‍शो खोदेंशो पा इन शेंशो लोव़ माल्‍ना माल्‍न बाक्‍नुङ।
PSA 119:132 गे आं गे लेश्‍शा शिशी पने। इन नें दाक्‍ब आन कली शिशी पशो खोदेंशो पा आं कली यो शिशी पने।
PSA 119:133 आं कली इन थोक्‍शा पशो लोव़ ङा लां गाक्‍पाइय्‍यीनी। मरिम्‍शो पतीकेम आं कली हुकुम पचा मगेने।
PSA 119:134 आं कली मुर आन दिप्‍तीक रे प्रोंइयीनी। मिनु गो इन ब्रेक्‍शा अरेशो लोव़ पने चबुल।
PSA 119:135 इन कुल इन गेय पाइब तार नां खोदेंशो पा ब्रपतीन। मिनु इन फुल्‍लुम मुशा ब्रेक्‍शो लोव़ आं कली शेंदीनी।
PSA 119:136 गो ङाक्‍नुङ। मारदे हना मुरपुकीमी इन अरेशो लोव़ मटीम।
PSA 119:137 परमप्रभु यावे, गे रिम्‍शो पाइब बाक्‍नीनी। मिनु इन पशो निसाफ ठीक बाक्‍नीम।
PSA 119:138 गे इन देंशो लोव़ ठीक निसाफ पतीकेमी वोइक्‍तीनी। गो मेको कली थमा सुइक्‍नीकी।
PSA 119:139 गो चुरना चुरन बाक्‍नुङ। मारदे हना आं कली खेदा पाइबपुकीमी इन लोव़ प्रेंताक्‍म। भजन संग्रह ६९:१०
PSA 119:140 इन थोक्‍शा पशो लोव़ शुश रिम्‍शो बाक्‍ब। मिनु गो, इन गेय पाइबमी मेको दाक्‍नुङ।
PSA 119:141 गो आइक्‍च बाक्‍नुङ। आं कली सुइमी महिक्‍नीम। मो हना यो गो इन ब्रेक्‍शा अरेशो लोव़ मप्रेंनुङ।
PSA 119:142 इन निसाफ पतीके गेना हना यो ठीक बाक्‍ब। मिनु इन अरेशो लोव़ थमा लोव़ बाक्‍ब।
PSA 119:143 गो हिंती नु श्‍येत जाइब दुम्‍ती हना यो, इन शेंतीकेम आं कली ग्‍येरपाइक्‍ब।
PSA 119:144 इन देंशो गेना हना यो ठीक बाक्‍नीम। आं कली रुप्‍तीक थुं गेतीनी हना, गो ब्रोंइनुङ।
PSA 119:145 गो आं थुं नेल्‍लेमी इन कली पुंइनुङ। परमप्रभु यावे आं लोव़ लेत्‍तीनी। गो इन फुल्‍लुम मुशा ब्रेक्‍शो लोव़ टिना टिन बाक्‍नुङ।
PSA 119:146 गो इन कली “गे आं कली श्‍येत रे प्रोंइयीनी” दे पुंइनुङ। मिनु गो इन देंशो पाइनुङ।
PSA 119:147 गो नां मदाप्‍थु बोक्‍शा, इन कली “वारच पाइय्‍यीनी” दे पुंइनुङ। गो इन लोव़ ङा लां कोव़ना कोव़न बाक्‍नुङ।
PSA 119:148 गो इन थोक्‍शा पशो लोव़ मिम्‍चा कली नाक्‍दो सेंना सेंन बाक्‍ती।
PSA 119:149 इन गेना हना यो दाक्‍तीकेमी आं पुंइशो नेनीन। परमप्रभु यावे, इन निसाफ पतीकेमी आं कली ब्रोंइचा गेयीनी।
PSA 119:150 आं कली खेदा पाइबपुकी आं कली साइक्‍चा कली आं नेक्‍था जाक्‍नीम। मेकोपुकी इन अरेशो लोव़ रे ङोन बाक्‍नीम।
PSA 119:151 तन्‍न परमप्रभु यावे, गे आं नेक्‍था बाक्‍नीनी। इन शेंशो लोव़ नेल्‍ल थमा बाक्‍ब।
PSA 119:152 गो ङोंइती रे इन देंशो लोव़ पढेशा, मेको गेना हना यो कली सेल्‍शो बाक्‍ब, दे तुइक्‍ताक्‍ङ।
PSA 119:153 आं श्‍येत जशो कोव़ङीन, गो श्‍येत जाइनुङ। मिनु आं कली प्रोंइयीनी। मारदे हना गो इन अरेशो लोव़ मप्रेंदु।
PSA 119:154 गे आं निसाफ पाइब दुमीन। मिनु आं कली प्रोंइयीनी। इन थोक्‍शा पशो लोव़ खोदेंशो पा ब्रोंइचा गेयीनी।
PSA 119:155 इन अरेशो लोव़ मटीब आन कली गे श्‍येत रे मप्रोंइनीनी। मारदे हना मेकोपुकीमी इन फुल्‍लुम मुशा ब्रेक्‍शो लोव़ पचा ममलेम।
PSA 119:156 परमप्रभु यावे, इन शिशी ठेयब बाक्‍ब। इन निसाफ पतीक लोव़ खोदेंशो पा आं कली ब्रोंइचा गेयीनी।
PSA 119:157 आं कली खेदा पाइब नु आं जोरी सत्रु शुश बाक्‍नीम। मो हना यो गो इन देंशो लोव़ मप्रोनु।
PSA 119:158 मेको नोले शोंइसीशो आन कली तशा ग्रांग्रा दीती। मारदे हना मेकोपुकीमी इन शेंशो टिचा प्रोंइतेक्‍म।
PSA 119:159 गो इन ब्रेक्‍शा अरेशो लोव़ दाक्‍नुङ, दे मिम्‍तीन। परमप्रभु यावे, इन गेना हना यो दाक्‍तीकेमी आं कली ब्रोंइचा गेयीनी।
PSA 119:160 इन लोव़ नेल्‍ले थमा बाक्‍ब। मिनु इन निसाफ पतीक लोव़ गेना हना यो ठीक बाक्‍नीम। यूहन्‍ना १७:१७
PSA 119:161 ठेयब मुरपुकीमी आं कली बित्‍चीम खेदा पाइनीमी। तन्‍न आं थुं इन लोव़ क्‍येङा हिंब।
PSA 119:162 गो शुश शोंप तशा, ग्‍येरसीचा क्‍येङा इन लोव़ तशा ग्‍येरसाक्‍यी।
PSA 119:163 दूली पतीके नु जोल पतीक काइ मदाक्‍थु, ग्रांग्रा दीनुङ। तन्‍न इन अरेशो लोव़ दाक्‍नुङ।
PSA 119:164 गो इन निसाफ पतीक लोव़ आ पर्बम इन कली नाक्‍त किंत किंत ७ खेयप ठेयब सेल्‍नुङ।
PSA 119:165 इन अरेशो लोव़ दाक्‍बपुकी थुं नाइश्‍शा बाक्‍चा ताइनीम। मेको आन कली मारेइ श्‍येत मदुम्‍ब।
PSA 119:166 परमप्रभु यावे, गो इन श्‍येत रे प्रोंइतीक कली रिम्‍शा बाक्‍नुङ। मिनु इन शेंशो पाइनुङ।
PSA 119:167 गो इन देंशो लोव़ टिना टिन बाक्‍ती। मिनु गो मेको कली थाम्‍पा दाक्‍नुङ।
PSA 119:168 इन ब्रेक्‍शा अरेशो लोव़ नु इन देंशो लोव़ टिना टिन बाक्‍नुङ। मारदे हना आं पशो नेल्‍ल इन ङोंइती बाक्‍नीम।
PSA 119:169 परमप्रभु यावे, आं पुंइशो लोव़ नेनीन। इन लोव़म देंशो खोदेंशो पा आं कली रुप्‍ब थुं गेयीनी।
PSA 119:170 आं पुंइशो लोव़ नेनीन। इन थोक्‍शा पशो लोव़ खोदेंशो पा श्‍येत रे प्रोंइयीनी।
PSA 119:171 गे आं कली इन फुल्‍लुम मुशा, ब्रेक्‍शो लोव़ शेंताक्‍यीनी। मोपतीके गो इन कली ठेयब सेल्‍ना सेल्‍न बाक्‍नुङ।
PSA 119:172 गो इन थोक्‍शा पशो लोव़ आ पर्बम कुम्‍सो पाइ‍नुङ। मारदे हना इन शेंशो लोव़ नेल्‍ल ठीक बाक्ब।
PSA 119:173 गे आं कली वारच पाइय्‍यीनी। मारदे हना गो इन ब्रेक्‍शा अरेशो लोव़ योव़शा, आं के सेल्‍तामी।
PSA 119:174 परमप्रभु यावे, गो इन श्‍येत रे प्रोंइतीक कली रिम्‍नुङ। इन अरेशो लोव़ दाक्‍शा ग्‍येरसीनुङ।
PSA 119:175 गे आं कली ब्रोंइचा गेयीनी। मिनु गो इन कली ठेयब सेल्‍नुङ। मिनु इन पतीक लोव़मी आं कली वारच पवल।
PSA 119:176 गो जाम्‍शो भेडा खोदेंशो पा लां जाम्‍शो बाक्‍नुङ। इन गेय पाइब, आं कली माल्‍यीनी। मारदे हना गो इन शेंशो लोव़ मप्रेंनुङ। यसैया ५३:६
PSA 120:1 लां ङा कुम्‍सो। गो श्‍येत जङानु, परमप्रभु यावे कली पुंइनुङ। मिनु मेकोमी आं लोव़ लेप्‍ब।
PSA 120:2 परमप्रभु यावे, आं कली जोल पाइब नु लें निक्‍शी पाइश्‍शो मुर रे प्रोंइयीनी।
PSA 120:3 मिनु गे जोल पाइब, इ कली मार पचा? गे लें निक्‍शी पाइश्‍शो मुर इ कली अरु मार पाइक्‍चा माल्‍बा?
PSA 120:4 लडाइ पाइबमी आ हेश्‍शो ब्रा आप्‍ब। मिनु ब्रशो कोइला इ तार जुक्‍पाइक्‍नीम।
PSA 120:5 गो श्‍ये‍त जाइब दुम्‍ती। गो मेशेक रागीम बाक्‍चा माल्‍नुङ। केदार आ ताम्‍बु आन दातेम बाक्‍चा माल्‍नुङ।
PSA 120:6 गो थुं नाइश्‍शा बाक्‍चा काइ मदाक्‍ब आन दातेमी शुश बाक्‍ती।
PSA 120:7 गो थुं नाइश्‍शा बाक्‍चा दाक्‍ब मुर नङ। तन्‍न गो लोव़ पङानु, मेकोपुकी लडाइ पचा कली ठीक दुम्‍नीम। रोमी १२:१८
PSA 121:1 लां ङा कुम्‍सो। गो डांडा गे कोव़नुङ। आं कली वारच पाइब ते रे जाक्‍बाक्‍मे?
PSA 121:2 सरीङ नु रागी सेल्‍ब परमप्रभु यावेमी आं कली वारच पाइब।
PSA 121:3 मेकोमी इ खोइल ग्रेक्‍चा मगेब। इ कली कोव़ब गेनायो मइप्‍ब।
PSA 121:4 इस्राएली आन कली वारच पाइब थमा पा गेनायो मनांइसीब, गेनायो मइप्‍ब।
PSA 121:5 परमप्रभु यावे इ कली खाल पाइब बाक्‍ब। परमप्रभु यावे इ ग्‍युरा गे ङा फाम्‍सीतीके बाक्‍ब।
PSA 121:6 मिनु नाक्‍ती नांम इ कली मनाप्‍ब। नाक्‍दो तास्‍लाम इ कली मारेइ मरिम्‍शो पने मचाप्‍ब।
PSA 121:7 परमप्रभु यावेमी इ कली श्‍येत नेल्‍ल रे प्रोंइब। मेकोमी इ कली ब्रोंइचा गेब। गन्‍ती ६:२४-२६
PSA 121:8 परमप्रभु यावेमी गे लाङगा खिंङगा पवीनु यो इ कली खाल पाइब। मुल रे गेना हना यो मो पाइब। ब्‍यवस्‍था २८:६
PSA 122:1 लां ङा कुम्‍सो। दाऊद आ कुम्‍सो। मेकोपुकीमी आं कली “परमप्रभु यावे आ खिं लय” देंतेक्‍म। मिनु गो ग्‍येरसाक्‍यी। भजन संग्रह २६:८; इजीकीएल ४८:३५
PSA 122:2 गोपुकीमी “यरूसलेम, इ ठेयब लाप्‍चोपुकीमी राप्‍शो बाक्‍नीकी” देंतक।
PSA 122:3 यरूसलेम रिम्‍शो पा सेल्‍शो सहर बाक्‍ब। मेकेर खिं नेक्‍नेक्‍था बाक्‍नीम।
PSA 122:4 मिनु इस्राएल आ थर थर ङा मुरपुकी परमप्रभु यावे आ मुर दुम्‍तीके मेकेर लाइनीम। परमप्रभु यावेमी इस्राएली आन कली दोपा अरेवा, मोपा मेकोपुकीमी मेकेर लशा “गे रिम्‍शो पाइब बाक्‍नीनी” दे आ नें ठेयब सेल्‍नीम।
PSA 122:5 मेकेर निसाफ पाइब आन नित्‍तीक बाक्‍नीम। मेकेर दाऊद आ चच युइ आन नित्‍तीके बाक्‍नीम।
PSA 122:6 यरूसलेम कली “रिम्‍शो दुम्‍ल” दे आसीक गेने। मिनु “यरूसलेम, इ कली दाक्‍बपुकी रिम्‍शो दुम्‍मल। जकरिया ४:७
PSA 122:7 इ गारो आगामी थुं नाइश्‍शा बाक्‍तीक दुम्‍ल। इ गारो ङा लाइश्‍शो खिंमी मारेइ श्‍येत मदुम्‍ल” देनीन।
PSA 122:8 मिनु गो आं लोक्‍ब नु आं वारच आन पर्बम “इ आगामी थुं नाइश्‍शा बाक्‍तीक दुम्‍ल।
PSA 122:9 मिनु परमप्रभु यावे, आंइ परमप्रभु आ खिं आ पर्बम इन कली रिम्‍शो दुम्‍शो तचा दाक्‍नुङ” देंती।
PSA 123:1 लां ङा कुम्‍सो। इर स्‍वर्ग ङा नित्‍तीकेम बाक्‍ब, गो इन गे कोव़शा इन कली पुंइनुङ।
PSA 123:2 दोपा वाइलपुकीम आन होव़प आन गुइ गे कोव़नीमी नु वाइलीमपुकीमी आन होव़पोक्म आन गुइ गे कोव़नीम, मोपा गोपुकीमी परमप्रभु यावे गे कोव़नीकी। आंइ कली शिशी मपवा सम्‍म मोपा कोव़नीकी।
PSA 123:3 परमप्रभु यावे, आंइ कली शिशी पने। आंइ कली शिशी पने। मारदे हना गो शुश दिप्‍चा पुंइसीशो बाक्‍नीकी।
PSA 123:4 ठेयब लेश्‍शोपुकी नु मरिम्‍शो पाइबपुकीमी आंइ कली महिक्‍थु शुश श्‍येत गेतीके गो ब्रीताक्‍क।
PSA 124:1 लां ङा कुम्‍सो। दाऊद आ कुम्‍सो। परमप्रभु यावे गोपुकी नु मबाक्‍शो हना,
PSA 124:2 मुरपुकीमी आंइ कली लडाइ तोव़मेनु, परमप्रभु यावे गोपुकी नु मबाक्‍शो हना,
PSA 124:3 मेकोपुकीमी आंइ कली तशा गाइक्‍तमेनु, आंइ कली सेलीन दाक्‍गेम वा।
PSA 124:4 मिनु बारशा जाक्‍शो ब्‍वाक्‍कुम आंइ कली योल्‍द वा। मिनु मेको ब्‍वाक्‍कुम आंइ कली सुम वा। भजन संग्रह ६९:१६; भजन संग्रह ४२:८
PSA 124:5 मेको बारशो ब्‍वाक्‍कुम आंइ कली मोशा योल्‍शा लद वा।
PSA 124:6 परमप्रभु यावे ठेयब बाक्‍ब। मारदे हना मेकोमी आंइ कली क्रिम्‍चा मगेव।
PSA 124:7 मिनु गोपुकी सिखारी आन ब्‍वारद रे ब्रोंइशो चिक्‍ब खोदेंशो पा प्रोक्‍तक। मेको ब्‍वारद ब्रोइक्‍त। मिनु गोपुकी प्रोक्‍तक।
PSA 124:8 सरीङ नु रागी सेल्‍ब परमप्रभु यावेमी आंइ कली वारच पशो बाक्‍ब।
PSA 125:1 लां ङा कुम्‍सो। परमप्रभु यावे कली थमा सुइक्‍बपुकी सियोन डांडा खोदेंशो बाक्‍नीमी। मेको याक्‍ने मचाप्‍सीब। गेना हना यो बाक्‍ब।
PSA 125:2 यरूसलेम आ एर ओंथ नेल्‍ल पहाड बाक्‍नीम। मिनु मुल रे गेना हना यो परमप्रभु यावेमी मेको खोदेंशो पा आ मुर आन एर ओंथ बाक्‍ब।
PSA 125:3 परमप्रभु आ अरेशो मटीब आन हुकुम पतीके ठीक पाइब आन रागीम मदुम्‍ब। मिनु ला ठीक पाइबपुकीमी दूली मपाइनीम।
PSA 125:4 परमप्रभु यावे, रिम्‍शो पाइब नु रिम्‍शो थुं पाइश्‍शो मुर आन कली रिम्‍शो पने।
PSA 125:5 तन्‍न परमप्रभु यावेमी नोले शोंइसीशा मरिम्‍शो लां खोइक्‍ब आन कली मरिम्‍शो पाइश्‍शा खतम पोक्‍ब। इस्राएलमी थुं नाइश्‍शा बाक्‍तीक दुम्‍ल। भजन संग्रह १२८:६; गलाती ६:१६
PSA 126:1 लां ङा कुम्‍सो। परमप्रभु यावेमी ग्‍याइश्‍शा लाइक्‍चा पुंइसीशो आन कली सियोनम लेश्‍शा चाक्‍गानु, गोपुकी ङोमु तशो खोदेंशो दुम्‍तक। भजन संग्रह १४:७
PSA 126:2 मिनु गोपुकी शुश ग्‍येरसीशा रिस्‍साक्‍क। थाम्‍पा ग्‍येरशा ग्रीतक। मिनु रागी रागी ङा मुरपुकीमी “परमप्रभु यावेमी मेको आन कली वारच पा, ठेयब गेय पाप्‍तु” देंमुम्‍तेक्‍म।
PSA 126:3 परमप्रभु यावेमी आंइ कली थमा वारच पा ठेयब गेय पाप्‍तु। मिनु गो शुश ग्‍येरसाक्‍क।
PSA 126:4 परमप्रभु यावे, दोदेंशो पा नेगेब रागी ङा बारशो खोला शाइश्‍शा लाइनीमी, मोदेंशो पा आंइ रिम्‍शो दुम्‍तीके लेश्‍शा चाक्‍कीन।
PSA 126:5 मिनु ङाक्‍ना ङाक्‍न शोक्‍बपुकीमी ग्‍येरसीशा खुप्‍नीम। मत्ती ५:४
PSA 126:6 ङाक्‍ना ङाक्‍न शोक्‍थ लाइनीम। तन्‍न ग्रेल्‍शो क्‍योव़ज चेरब कुरशा, ग्‍येरसीशा कुम्‍सो पा खिं लेत्‍नीम। यसैया ३५:१०
PSA 127:1 लां ङा कुम्‍सो। सोलोमन आ कुम्‍सो। परमप्रभु यावेमी खिं मसेल्‍शो हना, खिं सेल्‍ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।
PSA 127:2 गे सुनी कना बोक्‍शा, नाक्‍दो सम्‍म शुश गेय पाइनीनी। मिनु इन शोब्‍ले सुर्ता पा जाइनीनी। मेको मोशा बाक्‍ब। मारदे हना परमप्रभुमी आ दाक्‍शो मुर आन कली इप्‍ची ना आन माल्‍शो गेब। हितोपदेस १०:२२
PSA 127:3 तमी तौ परमप्रभु यावे आ गेशो बाक्‍नीम। आलपुकी मेको आ गेशो इनाम बाक्‍नीम। भजन संग्रह १२८ ३-४; उत्‍पत्ती ३०:२; उत्‍पत्ती ३३:५
PSA 127:4 मिनु ठिटा ना थिशो तौपुकी लडाइ पाइब आन गुइम बाक्‍शो ब्रा खोदेंशो बाक्‍नीम।
PSA 127:5 सु सु आन ब्रा कुरतीके मेकोमी ब्रीशो बाक्‍नीमी, मेको मुर ग्‍येरसीशो बाक्‍नीम। मिनु मेकोपुकी ठेयब लाप्‍चोमी आन जोरी सत्रुमी लोव़ पा जिचा पोक्‍गमेनु, मुने मदोक्‍नीम।
PSA 128:1 लां ङा कुम्‍सो। परमप्रभु यावे कली मान पा हिंबपुकी आसीक तशो बाक्‍नीम। मेकोपुकी परमप्रभु यावे आ लांम गाक्‍शो बाक्‍नीम।
PSA 128:2 गे इ पशो गेय रे जाइनेवे। गे ग्‍येरसीशा मारेइ मारेइमी दारनेवे।
PSA 128:3 मिनु इ मीश इ खिंमी सिश्‍शो अङगुर बोट खोदेंशो बाक्‍ब। इ आल इ खिंम तेल रवा आ कोच्‍वा दाप्‍शो खोदेंशो बाक्‍‍नीम। भजन संग्रह १२७:३
PSA 128:4 मोपा परमप्रभु यावे कली मान पा हिंब मुर आसीक ताइब।
PSA 128:5 परमप्रभु यावेमी इ कली सियोन रे आसीक गेब। गे मबेक्‍थु नाक्‍त किंत किंत यरूसलेममी रिम्‍शो दुम्‍शो ताइनेवे।
PSA 128:6 मिनु गे इ चच युइ आन कली ताइनेवे। इस्राएली आन थुं नाइश्‍शा बाक्‍मल। उत्‍पत्ती ४८:११; भजन संग्रह १२५:५
PSA 129:1 लां ङा कुम्‍सो। इस्राएलमी “मेकोपुकीमी गो ठिटा बाक्‍ङा रेन आं कली थाम्‍पा श्‍येत गेतीमी” देंत।
PSA 129:2 मिनु लेंशा “मेकोपुकीमी गो ठिटा बाक्‍ङा रेन आं कली थाम्‍पा श्‍येत गेतीमी। मो हना यो आं क्‍येङा ग्राने मचबेम।
PSA 129:3 ब्‍यफ वाक्‍बपुकीमी आं चीमी वाक्‍ताक्‍म। मिनु आं ची नेल्‍ल चेत्‍तेक्‍म” देंत। यसैया ५१:२३
PSA 129:4 परमप्रभु यावे ठीक पाइब बाक्‍ब। मेकोमी आ अरेशो मटीब आन डोरी प्रोइश्‍शा गेप्‍तु।
PSA 129:5 सियोन कली काइ मदाक्‍बपुकी मुने दोक्‍शा, लेश्‍शा लमल।
PSA 129:6 मेकोपुकी खिं तार वाशो घांस खोदेंशो दुम्‍मल। मेको बारचा क्‍येङा ङोंइती सोव़नीम।
PSA 129:7 घांस रिक्‍बपुकीम मेको मुठी का यो रिक्‍ने मचाप्‍नीम। मुठा फ्रेंबपुकीम मेको अङला का यो प्रिंने मचाप्‍नीम।
PSA 129:8 मिनु मेको रे पा लाइबपुकीमी “गे परमप्रभु यावे आ आसीक रावो। परमप्रभु यावे आ नेंम इ कली आसीक गेनीकी” मदेंनीम। रूथ २:४
PSA 130:1 लां ङा कुम्‍सो। परमप्रभु यावे, गो हिंचा ङा श्‍येत जङानु, इन कली पुंइनुङ।
PSA 130:2 परमप्रभु यावे, आ लोव़ नेनीन। “शिशी पाइय्‍यीनी” दे आं पुंइशो लोव़ इन नोफा दाइक्‍तीन।
PSA 130:3 परमप्रभु यावे, गे आंइ मरिम्‍शो पशो मिम्‍ताक्‍नी हना, इन ङोंइती राप्‍ने चाप्‍नीमी ङा?
PSA 130:4 गे माफ गेनीनी। मोपतीके मुर इन कली मान पा हिंचा माल्‍नीम। यसैया ५५:७; रोमी ६:१-२
PSA 130:5 गो परमप्रभु यावे कली रिम्‍नुङ। आं थुं नेल्‍लेमी यो रिम्‍नुङ। मिनु गो इन लोव़ आस पाइनुङ। यसैया २१:११; लूका १२:३५-३६
PSA 130:6 नाक्‍दो खाल पाइबमी गेना नां सोव़बा, दे रिम्‍शो क्‍येङा यो, गो आं थुं नेल्‍लेमी परमप्रभु कली शुश रिम्‍नुङ।
PSA 130:7 इस्राएल, परमप्रभु यावे कली आस पा बाक्‍को। मारदे हना परमप्रभु यावेमी गेना हना यो दाक्‍ब। मेको नु मरिम्‍शो पशो रे प्रोंइतीक शुश बाक्‍ब।
PSA 130:8 मिनु मेकोमी इस्राएली आन कली आन मरिम्‍शो पशो नेल्‍ल रे प्रोंइब। मत्ती १:२१
PSA 131:1 लां ङा कुम्‍सो। दाऊद आ कुम्‍सो। परमप्रभु यावे, गो ठेयब मलेश्‍शो बाक्‍नुङ। गो मबोरशो बाक्‍नुङ। गो आं मचाप्‍चा ङा नु ठेयब गेयम मग्‍योल्‍नुङ।
PSA 131:2 मिनु आं थुं ग्‍येत्‍थ लुक्‍च मपथु, नाइश्‍शा बाक्‍‍ब। आं थुं आ ममा नु बाक्‍शो आइक्‍च आल खोदेंशो दुम्‍ब। आं थुं सिक्‍सी पा बाक्‍ब आल खोदेंशो बाक्‍ब। भजन संग्रह ६२:२
PSA 131:3 इस्राएल, गे मुल रे गेना हना यो परमप्रभु यावे कली आस पा बाक्‍को।
PSA 132:1 लां ङा कुम्‍सो। परमप्रभु यावे दाऊद कली फ्रुक्‍कीन। मेको आ श्‍येत फाल्‍शो नेल्‍ल मिम्‍तीन।
PSA 132:2 मेकोमी परमप्रभु यावे आ नेंम कसम जशो बाक्‍त। मिनु याकूब आ नेल्‍ल क्‍येङा सक्ति पाइश्‍शो आ नेंम कसम जाप्‍तु।
PSA 132:3 गो आं खिं मओव़नुङ। मिनु आं ब्राख्‍येम मइप्‍नुङ। २सामुएल ७:२; प्रेरित ७:४६
PSA 132:4 गो निन्‍द्रा मपाइनुङ। गो मइप्‍नुङ।
PSA 132:5 मारदे मोदेंशो पाइनुङ देंशा हना, गो याकूब आ नेल्‍ल क्‍येङा सक्ति पाइश्‍शो आ बाक्‍तीक मथिदु, सम्‍म मो पाइनुङ।
PSA 132:6 गोपुकीमी एफ्राथाहमी परमप्रभु यावे आ कबल पशो सन्‍दोस आ पर्बम नेंतय। मिनु गोपुकीमी मेको यार सहर ङा दिंमम थित्‍तय। १सामुएल ७:१; १इतिहास १३:५-६
PSA 132:7 गो मेको आ बाक्‍तीक लय। मिनु मेको आ खोइल थेक्‍तीक आ ङोंइती बाप्‍य।
PSA 132:8 परमप्रभु यावे बोक्‍कीन, इन नाइश्‍शा बाक्‍तीके नु इन सक्ति पाइश्‍शो कबल पशो सन्‍दोस बाक्‍तीकेम जाक्‍कीन। गन्‍ती १०:३५; २इतिहास ६:४१; भजन संग्रह ७८:६१
PSA 132:9 इन कली चढ़ेबपुकीमी ठीक पतीके वा फेक्‍शो खोदेंशो पा फेक्‍समल। मिनु इन मुरपुकी ठेयब सेंदा पा ग्‍येरसमल।
PSA 132:10 इन गेय पाइब दाऊद आ पर्बम इन तेल लुक्‍शो कली मप्रोनीन।
PSA 132:11 परमप्रभु यावेमी दाऊद नु लोव़ पा कसम जशो बाक्‍त। मेकोमी “गो इ सासन पतीकेमी इ तौ का वोइक्‍नुङ” दे लोव़ पशो बाक्‍त। परमप्रभु यावेमी आ पशो लोव़ खाप्‍ब। भजन संग्रह ८९:४-५; हिब्रू ६:१७
PSA 132:12 मेकोमी “इ तौपुकीमी आं कबल नु आं देंशो पाम्‍तेक्‍म हना, मेको आन तौपुकी यो इ सासन पतीकेम सासन पचा ताइनीम” देंशो बाक्‍त।
PSA 132:13 परमप्रभु यावेमी सियोन कली योव़शो बाक्‍ब। “आं बाक्‍तीके मेकेर बाक्‍ब” दे मिम्‍शो बाक्‍ब। भजन संग्रह ६८:१७; भजन संग्रह ७६:३
PSA 132:14 मिनु परमप्रभुमी “एकेर नाइक्‍नुङ। एकेर गेना हना यो बाक्‍नुङ, मारदे हना गो मेको दाक्‍नुङ।
PSA 132:15 मिनु गो मेकेर ङा मुर आन कली शुश जचा तूचा गेशा, आसीक गेनुङमी। प्रुङग आन कली रूथ्री जचा गेनुङमी।
PSA 132:16 गो मेकेर ङा चढ़ेब आन कली मरिम्‍शो पतीके रे ब्रोंइतीक दोदेंशो बाक्‍बा तुइक्‍पाइक्‍नुङमी। मेकेर ङा थमा सुइक्‍बपुकी कुम्‍सो पा ग्‍येरसीनीम।
PSA 132:17 गो मेकेर दाऊद आ खिं ङा मुर आन मान बारपाइक्‍नुङ। आं तेल लुक्‍शो मुर कली रिम्‍शो तौ का गेता। १सामुएल २:१०; १राजा ११:३६
PSA 132:18 गो मेको आ जोरी सत्रु आन कली मुने तोक्‍नुङमी। मिनु मेको रिम्‍शो पा सासन पाइब दुम्‍ब” दे परमप्रभुमी देंत।
PSA 133:1 लां ङा कुम्‍सो। दाऊद आ कुम्‍सो। लोक्‍बपुकी गारशा बाक्‍चा शुश रिम्‍शो बाक्‍ब। उत्‍पत्ती १३:८
PSA 133:2 मेको पियाम लुक्‍शो शुश क्‍येट थाप्‍शो तेल खोदेंशो बाक्‍ब। मेको हारून आ गल शोक्रे रे शाइश्‍शा, आ वा सम्‍म जाक्‍दीप्‍ब।
PSA 133:3 मेको हेरमोन डांडा ङा सीत सियोन डांडाम यिशो खोदेंशो बाक्‍ब। मेको गेना हना यो ब्रोंइतीक परमप्रभु यावे आ आसीक बाक्‍ब।
PSA 134:1 लां ङा कुम्सो। नाक्‍दो परमप्रभु यावे आ खिंम बाक्‍शा, परमप्रभु यावे आ गेय पाइब नेल्‍लेमी परमप्रभु यावे कली ठेयब सेलीन।
PSA 134:2 मिनु परमप्रभु यावे आ खिंमी इन गुइ पोक्‍शा, परमप्रभु यावे कली ठेयब सेलीन।
PSA 134:3 सरीङ नु रागी सेल्‍ब परमप्रभु यावेमी सियोन रे इन कली आसीक गेवल। भजन संग्रह ११५:१५
PSA 135:1 परमप्रभु यावे कली ठेयब सेलीन। परमप्रभु यावे आ नें ठेयब सेलीन। परमप्रभु यावे आ गेय पाइबपुकी, मेको कली ठेयब सेलीन।
PSA 135:2 गे परमप्रभु यावे आ खिंमी गेय पाइबपुकी नु आ खिं ङा लाङगाम बाक्‍बपुकी, आंइ परमप्रभु कली ठेयब सेलीन।
PSA 135:3 परमप्रभु यावे कली ठेयब सेलीन। मारदे हना परमप्रभु यावे रिम्‍शो पाइब बाक्‍ब। मेको कली कुम्‍सो पने। मारदे हना मेको रिम्‍शो बाक्‍ब।
PSA 135:4 परमप्रभु यावेमी याकूब कली आ मुर दुम्‍पाइक्‍चा कली नु इस्राएल कली आंम के सेल्‍चा कली योव़शो बाक्‍ब। प्रस्‍थान १९:५-६
PSA 135:5 परमप्रभु यावे थम ठेयब बाक्‍ब। मेको गो तुइक्‍नुङ। मिनु आंइ परमप्रभु देवी देवता नेल्‍ल आन क्‍येङा ठेयब बाक्‍ब। भजन संग्रह ८६:८
PSA 135:6 परमप्रभु यावेमी सरीङ, रागी, समुन्‍द्र नु समुन्‍द्र आ आगामी मार दाक्‍बा, मेको पाइब।
PSA 135:7 मेकोमी रागी आ सुर सुर रे गोस्‍स पोक्‍ब। मेकोमी चिला दाप्‍पाइश्‍शा, रेउ यिपाइक्‍ब। मिनु मेकोमी आ बाक्‍तीक रे फश पपाइक्‍ब। येरमीया १०:१३
PSA 135:8 मेकोमी इजीप्‍त रागीमी मुर नु बी ब्‍यफ, क्‍यारश भेडा मारेइ मारेइ आन ङोंइती जरमेशा नेल्‍ल आन कली साइक्‍तीमी। प्रस्‍थान १२:२९
PSA 135:9 मेकोमी इजीप्‍त रागीमी फाराओ नु आ गेय पाइब मुर नेल्‍ल आन ङोंइती चिन्‍ड नु छक लाक्‍चा ङा गेय कोंइताक्‍व। भजन संग्रह ७८:४२-५२
PSA 135:10 मेकोमी शुश रागी आन कली खतम पोक्‍तीमी। मिनु मेकोमी बोल्‍यो पिप आन कली साइक्‍तीमी। गन्‍ती २१:२१-३५
PSA 135:11 मेकोमी एमोरी आन पिप सीहोन, बाशान ङा पिप ओग नु कनान ङा पिप नेल्‍ल आन कली साइक्‍तीमी।
PSA 135:12 मिनु मेकोमी मेको आन रागी आ मुर, इस्राएली आन कली आन के सेल्‍चा कली गेम्‍तीमी। यहोसु १२:१-६
PSA 135:13 परमप्रभु यावे इन नें गेना हना यो बाक्‍ब। परमप्रभु यावे इन नें गेनायो मक्‍याम्‍सीब। भजन संग्रह १०२:१३
PSA 135:14 मारदे हना परमप्रभु यावेमी आ मुर आन कली निसाफ पतीकेमी वारच पाइब। मिनु आ गेय पाइब आन कली शिशी पाइब। ब्‍यवस्‍था ३२:३६
PSA 135:15 रागी रागी ङा मुर आन मूर्ति सुन नु चांदी के बाक्‍नीम। मेको नेल्‍ले मुर आन सेल्‍शो ला बाक्‍नीम। भजन संग्रह ११५:४-११
PSA 135:16 मेको आन के शोव़ बाक्‍ब, तन्‍न मब्‍वाक्‍नीम। मिक्‍च बाक्‍ब, तन्‍न मताइनीम।
PSA 135:17 नोफा बाक्‍ब, तन्‍न मनेंनीम। मेकोपुकीमी आन सोक्‍त कीने मचाप्‍नीम।
PSA 135:18 मेको आन कली सेल्‍बपुकी यो मोदेंशो दुम्‍मल। मिनु मेको आन कली थमा सुइक्‍बपुकी यो मोदेंशोन दुम्‍मल।
PSA 135:19 इस्राएल आ खिं ङा मुरपुकी, परमप्रभु यावे कली ठेयब सेलीन। हारून आ खिं ङा मुरपुकी परमप्रभु यावे कली ठेयब सेलीन।
PSA 135:20 लेवी आ मुरपुकी, परमप्रभु यावे कली ठेयब सेलीन। परमप्रभु यावे कली मान पा हिंबपुकी, परमप्रभु यावे कली ठेयब सेलीन।
PSA 135:21 सियोन रे परमप्रभु यावे कली ठेयब सेल्‍मेक्‍ल। यरूसलेमम बाक्‍बपुकीमी परमप्रभु यावे कली ठेयब सेल्‍मेक्‍ल। परमप्रभु यावे कली ठेयब सेलीन।
PSA 136:1 परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको रिम्‍शो पाइब बाक्‍ब। मेको आ दाक्‍तीके गेना हना यो लीब। भजन संग्रह १०१:६
PSA 136:2 मिनु देवी देवता आन परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब।
PSA 136:3 मिनु परमप्रभु, आन परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब।
PSA 136:4 मेकोमी ला ठेयब छक लाक्‍चा ङा गेय पाइब। मारदे हना मेको आ दाक्‍तीके गेना हना यो लीब।
PSA 136:5 मेकोमी जोक्‍ब तुइक्‍ब दुम्‍‍तीकेमी सरीङ सेल्‍तु। मारदे हना मेको आ दाक्‍तीके गेना हना यो लीब।
PSA 136:6 मेकोमी ब्‍वाक्‍कु तार रागी सेल्‍तु। मारदे हना मेको आ दाक्‍तीके गेना हना यो लीब।
PSA 136:7 मेकोमी नां तास्‍ला सेल्‍तु। मारदे हना मेको आ दाक्‍तीके गेना हना यो लीब। उत्‍पत्ती १:१४-१८
PSA 136:8 मेकोमी नाक्‍ती कली नां सेल्‍तु। मारदे हना मेको आ दाक्‍तीके गेना हना यो लीब।
PSA 136:9 मेकोमी नाक्‍दो कली तास्‍ला नु सोरुल सेल्‍तीमी। मारदे हना मेको आ दाक्‍तीके गेना हना यो लीब।
PSA 136:10 मेकोमी इजीप्‍त रागीमी ङोंइती जरमेशो नेल्‍ल आन कली साइक्‍तीमी। मारदे हना मेको आ दाक्‍तीके गेना हना यो लीब। भजन संग्रह १३५:८-१२
PSA 136:11 मेकोमी इस्राएली आन कली इजीप्‍ती आन दाते रे ग्रुंइशा चाक्‍तीमी। मारदे हना मेको आ दाक्‍तीके गेना हना यो लीब।
PSA 136:12 मेकोमी आ ठेयब सक्तिमी मेको आन कली ग्रुंइशा चाक्‍तीमी। मारदे हना मेको आ दाक्‍तीके गेना हना यो लीब।
PSA 136:13 मेकोमी लल समुन्‍द्रमी लां सेल्‍तु। मारदे हना मेको आ दाक्‍तीके गेना हना यो लीब।
PSA 136:14 मेकोमी इस्राएली आन कली मेको लां रे पा शोक्‍पाइक्‍तीमी। मारदे हना मेको आ दाक्‍तीके गेना हना यो लीब।
PSA 136:15 मेकोमी फाराओ नु आ लडाइ पाइब आन कली लल समुन्‍द्रमी योल्‍पाइक्‍तु। मारदे हना मेको आ दाक्‍तीके गेना हना यो लीब।
PSA 136:16 मेकोमी आ मुर आन कली गोरशो रागीम लां कोंइताक्‍मी। मारदे हना मेको आ दाक्‍तीके गेना हना यो लीब।
PSA 136:17 मेकोमी ठेयब पिप आन कली साइक्‍तीमी। मारदे हना मेको आ दाक्‍तीके गेना हना यो लीब। गन्‍ती २१:२३-३५
PSA 136:18 मेकोमी सक्ति पाइश्‍शो पिप आन कली साइक्‍तीमी। मारदे हना मेको आ दाक्‍तीके गेना हना यो लीब।
PSA 136:19 मेकोमी एमोरी आन पिप सीहोन कली साइक्‍तु। मारदे हना मेको आ दाक्‍तीके गेना हना यो लीब।
PSA 136:20 मेकोमी बाशान ङा पिप ओग कली साइक्‍तु। मारदे हना मेको आ दाक्‍तीके गेना हना यो लीब।
PSA 136:21 मेकोमी मेको आस रागी आ मुर आन कली योक्‍शा, गेम्‍तीमी। मारदे हना मेको आ दाक्‍तीके गेना हना यो लीब।
PSA 136:22 मेकोमी मेको रागी आ गेय पाइब इस्राएली आन कली गेम्‍तीमी। मारदे हना मेको आ दाक्‍तीके गेना हना यो लीब।
PSA 136:23 मेकोमी गो श्‍येत जकानु, आंइ कली मिम्‍ताक्‍व। मारदे हना मेको आ दाक्‍तीके गेना हना यो लीब।
PSA 136:24 मेकोमी आंइ कली आंइ जोरी सत्रु आन गुइ रे प्रोंइतु। मारदे हना मेको आ दाक्‍तीके गेना हना यो लीब।
PSA 136:25 मेकोमी ब्रोंइब नेल्‍ल आन कली जचा गेब। मारदे हना मेको आ दाक्‍तीके गेना हना यो लीब। भजन संग्रह १४५:१५
PSA 136:26 स्‍वर्ग ङा परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब।
PSA 137:1 गो बेबीलोन ङा खोला आ नेक्‍था बाक्‍शा, सियोन कली मिम्‍शा ङाक्‍तक।
PSA 137:2 गोपुकीमी आंइ तार पाइश्‍शो ताप्‍तीके मेकेर ङा रवामी क्‍युक्‍तक।
PSA 137:3 मारदे हना आंइ कली ग्‍याइश्‍शा लाइक्‍बपुकीमी मेकेर कुम्‍सो पपाइक्‍तेक्‍म। मिनु आंइ कली श्‍येत गेबपुकीमी ग्‍येरतीक कुम्‍सो पपाइक्‍तेक्‍म। मेकोपुकीमी आंइ कली “सियोन ङा कुम्‍सो का पने” देंतेक्‍म।
PSA 137:4 गो आंइ मतुइश्‍शो रागीमी परमप्रभु यावे आ कुम्‍सो दोपा पने चाप्‍नीकी?
PSA 137:5 गो यरूसलेम, इ कली प्रेंताक्‍ङ हना, आं ग्‍युरा गुइ मदुक्‍ब दुम्‍ल। येरमीया ५१:५०
PSA 137:6 गो इ कली ममिम्‍शो नङ हना, गो यरूसलेम कली आं नेल्‍ल क्‍येङा ठेयब ग्‍येर‍तीके बाक्‍ब, दे ममिम्‍शो नङ हना, आं लें आं कुंकुम क्‍येप्‍तल।
PSA 137:7 परमप्रभु यावे, यरूसलेम खतम दुम नाक्‍ती एदोम ङा मुर मार पामे, मेको मिम्‍तीन। मेकोपुकीमी “एको कली प्रेतीन। जग रेन खतम पोक्‍कीन” दे वाइ ब्रेत्‍तेक्‍म। भजन संग्रह ७९:१२; ओबदिया १०:१५
PSA 137:8 बेबीलोन सहर, गे मुल खतम पोक्‍चा पुंइसीनेवे। गे मार पवी मेको आ क्‍येक्‍क लेप्‍ब ग्‍येरसीशो मुर बाक्‍ब।
PSA 137:9 इन आल आन कली ग्‍याइश्‍शा, फुल्‍लु तार राप्‍शा साइक्‍ब, ग्‍येरसीशो बाक्‍नीम। यसैया १३:१६; रोमी १२:१९
PSA 138:1 दाऊद आ कुम्सो। परमप्रभु, गो आं थुं नेल्‍लेमी इन कली ठेयब सेल्‍नुङ। गो देवी देवता आन ङोंइती इन कली ला ठेयब सेल्‍तीक कुम्‍सो पाइनुङ।
PSA 138:2 गो इन खिं गे बाप्‍शा, इन कली “गे रिम्‍शो पाइब बाक्‍नीनी” देंनुङ। मारदे हना इन गेना हना यो दाक्‍तीकेमी दाक्‍शा मप्रोंइनीनी। मिनु इन नें नु इन लोव़ नेल्‍ल आन क्‍येङा ठेयब बाक्‍नीम।
PSA 138:3 गो इन कली ब्रेङङानु, आं लोव़ लेत्‍ताक्‍यीनी। गे आं कली महिंब थुं गेशा, बोल्‍यो सेल्‍तीनी।
PSA 138:4 परमप्रभु यावे, रागी ङा पिप नेल्‍लेमी इन लोव़ नेंतेक्‍म। मोपतीके मेकोपुकीमी इन कली ठेयब सेल्‍मेक्‍ल। यसैया २:३
PSA 138:5 मिनु मेकोपुकीमी परमप्रभु यावे आ लां आ पर्बम कुम्‍सो पामेक्‍ल। मारदे हना परमप्रभु यावे आ सक्ति थम ठेयब बाक्‍ब।
PSA 138:6 परमप्रभु यावे नेल्‍ल क्‍येङा ठेयब बाक्‍त हना यो, मेकोमी आइक्‍च मुर आन कली कोव़ब। तन्‍न ठेयब लेश्‍शो मुर आन क्‍येङा ङोन बाक्‍ब।
PSA 138:7 मिनु गो शुश श्‍येत जाता हना यो, गे आं कली प्रोंइनीनी। गे आं कली तशा आं जोरी सत्रु आन गाइश्‍शो रे प्रोंइ‍नीनी। गे इन सक्तिमी आं कली प्रोंइनीनी।
PSA 138:8 परमप्रभु यावेमी आं पर्बम आ पचा माल्‍शो नेल्‍ल पाइब। परमप्रभु यावे इन दाक्‍तीके गेना हना यो लीब। इन सेल्‍शो मुर, आं कली मप्रोनीन।
PSA 139:1 कुम्‍सो पपाइक्‍ब कली दाऊद आ कुम्‍सो। परमप्रभु यावे, गे आं कली नाक्‍शा तुइश्‍शो बाक्‍नीनी। भजन संग्रह ७:१०; येरमीया १७:१०
PSA 139:2 गे आं निश्‍शो बोक्‍शो तुइश्‍शो बाक्‍नीनी। आं मिम्‍शो नेल्‍ल तुइक्‍नीनी।
PSA 139:3 गे आं गाक्‍शो इप्‍शो थमा पा तुइक्‍नीनी। आं पशो नेल्‍ल गे तुइश्‍शो बाक्‍नीनी।
PSA 139:4 परमप्रभु यावे, गे आं ब्‍वाक्‍चा क्‍येङा ङोंइती आं लोव़ नेल्‍ल तुइक्‍नीनी।
PSA 139:5 गे आं एर ओंथ नेल्‍ल बाक्‍शा, इन गुइ आं तार वोइक्‍तीनी।
PSA 139:6 मेको तुइक्‍तीके आं कली थम ठेयब बाक्‍ब। मिनु गो मेको रुप्‍ने मचाप्‍नुङ।
PSA 139:7 मिनु गो इन सोक्‍त क्‍येङा ते लशा ख्रुइक्‍ने चाप्‍नुङा ङा? गो इन ङोंइती रे ते प्रोक्‍ने चाप्‍नुङा ङा?
PSA 139:8 गो सरीङ लती हना यो, गे मेके बाक्‍नीनी। गो बेक्‍शो मुर आन बाक्‍तीकेम आं बाक्‍तीक सेल्‍ता हना यो, गे मेके बाक्‍नीनी। आमोस ९:२
PSA 139:9 गो नां दाप्‍तीक सम्‍म बेरशा लती हना यो, शुश ङोन समुन्‍द्र तार लती हना यो, योना १:३
PSA 139:10 गे मेकेर यो आं कली लां कोंइनीनी। मिनु गे इन सक्तिमी आं कली वारच पाइनीनी।
PSA 139:11 मिनु गो “छिङछिङम आं कली सुम्‍शा, आ एर ओंथ ङा छेङछेङ नेल्‍ल नाक्‍दो खोदेंशो दुम्‍ल” देंती हना यो, अय्‍युब ३४:२२
PSA 139:12 छिङछिङ इन कली छिङछिङ मदुम्‍ब। नाक्‍दो नाक्‍त खोदेंशो पा छेङछेङ दुम्‍ब। मारदे हना छिङछिङ इन कली छेङछेङ खोदेंशो बाक्‍ब।
PSA 139:13 मिनु गे आं आगा ङा मारेइ मारेइ सेल्‍तीनी। गे आं कली आं ममा आ कोव़जम सेल्‍तीनी।
PSA 139:14 गो इन कली ठेयब सेल्‍नुङ। मारदे हना गे आं कली छक लाक्‍चा ङा नु रिम्‍शो पा सेल्‍तीनी। इन गेय नेल्‍ल छक लाक्‍चा ङा बाक्‍नीम। गे आं कली थमा पा तुइश्‍शो बाक्‍नीनी।
PSA 139:15 गो ख्रुइश्‍शा जोल्‍ना जोल्‍न बाक्‍ङानु, गे आं कली तशो बाक्‍तीनी। मेना गो रागी आगाम जोल्‍ना जोल्‍न बाक्‍शो नङ।
PSA 139:16 गे आं मजोल्‍शो रां तशो बाक्‍तीनी। मिनु आं कली गेशो ब्रोंइतीक नाक्‍ती नेल्‍ले इन किताबम ब्रेक्‍शो बाक्‍तेक्‍म। मेको दुम्‍चा क्‍येङा ङोंइतीन ब्रेक्‍शो बाक्‍त। भजन संग्रह ३१:१६
PSA 139:17 परमप्रभु, इन मिम्‍शो आं कली थम ठेयब बाक्‍ब। इन मिम्‍तीके शुश बाक्‍नीमी। भजन संग्रह ४०:६
PSA 139:18 गो मेको आन कली हिक्‍चा माल्‍शो नङ हना, मेको बाल्‍वा क्‍येङा यो शुश दुम वा। गो सेंसीङानु, गो गे नु बाक्‍शो बाक्‍नुङ। भजन संग्रह ६३:७
PSA 139:19 परमप्रभु, गे इन अरेशो मटीब आन कली साइक्‍नी हना, रिम्‍शो दुम वा। हुश ख्राक्‍श पोक्‍ब आं क्‍येङा ङोन लमल।
PSA 139:20 मेकोपुकीमी इन पर्बम मरिम्‍शो लोव़ पाइनीमी। मिनु ठेयब लेश्‍शा, शुश मरिम्‍शो पाइब बाक्‍नीमी।
PSA 139:21 परमप्रभु यावे, इन कली काइ मदाक्‍ब आन कली गो यो काइ मदाक्‍नुङमी। मिनु गो इन कली मरिम्‍शो पचा कली बोक्‍ब आन कली तशा ग्रांग्रा दित्‍नुङमी।
PSA 139:22 गो मेको आन कली थमा पा काइ मदाक्‍नुङमी। मिनु गो मेको आन कली आं जोरी सत्रु मिम्‍नुङमी।
PSA 139:23 परमप्रभु, गे आं कली नाक्‍शा, आं थुं कोव़यीनी। मिनु आं कली कोव़शा आं मिम्‍शो तुइक्‍तीन।
PSA 139:24 गो आं थुंम इन अरेशो मटितीके बाक्‍म कों? कोव़ङीन। मिनु गे आं कली गेना हना यो ब्रोंइशा बाक्‍तीक लांम खुल्‍यीनी।
PSA 140:1 कुम्‍सो पपाइक्‍ब कली दाऊद आ कुम्‍सो। परमप्रभु यावे, आं कली मरिम्‍शो पाइब आन गुइ रे प्रोंइयीनी। आं कली हुश ख्राक्‍श पोक्‍ब आन गुइ रे प्रोंइयीनी।
PSA 140:2 मेकोपुकीमी आन थुंमी मरिम्‍शो पतीक मिम्‍ना मिम्‍न बाक्‍नीम। मिनु जिचा पोक्‍नीम।
PSA 140:3 मेकोपुकी कोक्‍चा चिक्‍शो बुस्‍स खोदेंशो बाक्‍नीम। मेको आन लोव़ बुस्‍स आन बीस खोदेंशो बाक्‍ब। ठेयब सेंदा पा।रोमी ३:१३
PSA 140:4 परमप्रभु यावे, इन अरेशो मटीब नु हुश ख्राक्‍श पोक्‍ब मुर आं क्‍येङा ङोन वोतीन। मेकोपुकीमी आं कली दाइल पपाइक्‍चा माल्‍नीम।
PSA 140:5 ठेयब लेश्‍शो मुरपुकीमी ख्रुइश्‍शा आं कली ब्‍वारद दाइक्‍ताक्‍म। डोरी के ब्‍वारद दाइक्‍ताक्‍म। मेकोपुकीमी आं लांमी ब्‍वारद दाइक्‍ताक्‍म। ठेयब सेंदा पा
PSA 140:6 मिनु गो परमप्रभु यावे कली “गे आं परमप्रभु बाक्‍नीनी। परमप्रभु यावे, गे आं पुंइशो लोव़ नेनीन। भजन संग्रह २२:११
PSA 140:7 परमप्रभु यावे, आं परमप्रभु, गे इन सक्तिमी आं कली प्रोंइनीनी। लडाइ दुम्‍मेनु, गे आं कली प्रोंइनीनी।
PSA 140:8 परमप्रभु यावे, इन अरेशो मटीब आन मिम्‍शो दला दाक्‍स दुम्‍चा मगेने। मो दुम्‍त हना, मेकोपुकी ठेयब लेत्‍नीम। ठेयब सेंदा पा।
PSA 140:9 मेको ठेयब लेश्‍शोपुकी आं एर ओंथ बाक्‍शो बाक्‍नीम। मेको आन मरिम्‍शो पशो आंमा रमल। ठेयब सेंदा पा।
PSA 140:10 गे मेको आन तारी ब्रशो कोइला मोतीन। मेकोपुकी गेनायो ग्रूने मचाप्‍चा पा खाल्‍टाम बिक्‍मल।
PSA 140:11 मुर आन पर्बम जोल पाइब रागीम मदुम्‍मल। हुश ख्राक्‍श पोक्‍बपुकी रीब पा खतम दुम्‍मल।
PSA 140:12 परमप्रभु यावे, श्‍येत जशो आन कली वारच पाइब नु प्रुङग आन कली ठीक निसाफ पाइब बाक्‍नीनी, दे तुइक्‍नुङ।
PSA 140:13 ठीक पाइबपुकीमी, थमा पा इन नें ठेयब सेल्‍नीम। मिनु रिम्‍शो थुं पाइश्‍शो मुर इन ङोंइती बाक्‍नीम” देंती।
PSA 141:1 दाऊद आ कुम्‍सो। परमप्रभु यावे, गो इन कली पुंइनुङ। मिनु गे रीब पा जाक्‍कीन। गो इन कली पुंइशा ब्रेङङानु, आं ब्रेश्‍शो नेनीन।
PSA 141:2 आं पुंइशो लोव़ इन ङोंइती धूप खोदेंशो दुम्‍ल। मिनु आं गुइ क्‍युक्‍शो नाक्‍दो ङा चढ़ेशो खोदेंशो दुम्‍ल। प्रस्‍थान ३०:७; प्रस्‍थान २९:३९
PSA 141:3 परमप्रभु यावे, आं शोव़मी खाल पाइब का वोतीन। आं कली मरिम्‍शो लोव़ पचा मगेयीनी। भजन संग्रह ३९:२; याकूब ३:५-६
PSA 141:4 आं थुं कली मरिम्‍शो मिम्‍चा मगेने। मरिम्‍शो पाइब नु गारशा, इन मदाक्‍शो गेय पचा मगेने। मिनु गो मेको आन ब्रोव़शो जचा थोव़क जचा मदाक्‍नुङ।
PSA 141:5 ठीक पाइबमी आं कली तुप्‍‍यील। मेको आं शिशी बाक्‍ब। मेकोमी आं कली हुइक्‍तील। मेको आं पियाम लुक्‍शो तेल खोदेंशो दुम्‍ब। तन्‍न इन अरेशो मटीब आन तेल आं पियाम मलुम्‍सेक्‍ल। मो हना यो गो मेको आन मरिम्‍शो पशो आ पर्बम पुंइना पुंइन बाक्‍नुङ। लेवी १९:१७; हितोपदेस २७:५-६
PSA 141:6 मेको आन निसाफ पाइब रोंगु रे तोक्‍चा पुंइसामानु, मरिम्‍शो पाइबपुकीमी आं लोव़ “थमा बाक्‍त” दे रुप्‍नीम।
PSA 141:7 दोपा फुल्‍लु प्रोल्‍शा रू मेर फ्राइनीमी, मोपान मेको आन रुश बेक्‍शो मुर आन बाक्‍तीकेमी ब्रशो बाक्‍नीम।
PSA 141:8 तन्‍न परमप्रभु यावे, आं परमप्रभु, गो इन गे कोव़नुङ। गो गे नु फाम्‍सीनुङ। गे आं कली बेक्‍चा मगेयीनी।
PSA 141:9 गे आं कली मेको आन दाइश्‍शो ब्‍वारद रे प्रोंइयीनी। आं कली मरिम्‍शो पाइब आन दाइश्‍शो ब्‍वारद रे प्रोंइयीनी।
PSA 141:10 इन अरेशो मटीब नेल्‍ले आंम आन दाइश्‍शो ब्‍वारदम रेम्‍मल। गो चहिं मारेइ मदुम्‍थु लाक्‍नुङ।
PSA 142:1 शेंतीक कुम्‍सो। पुक्‍खीम बाक्‍शा, दाऊद आ सेल्‍शो कुम्‍सो। १सामुएल २४:४ गो परमप्रभु यावे कली वाइ ब्रेत्‍नुङ। गो परमप्रभु यावे कली पुंइनुङ।
PSA 142:2 आं लोव़ नेल्‍ल मेको आ ङोंइती वोइक्‍नुङ। गो मेको कली आं श्‍येत नेल्‍ल देंनुङ।
PSA 142:3 आं थुं लुक्‍च लत हना, गो मार पचा माल्‍नुङा, गे मेको तुइक्‍नीनी। मुरपुकीमी आं गाक्‍तीक लांमी ब्‍वारद दाइक्‍ताक्‍म।
PSA 142:4 गो आं ग्‍युरा गे कोव़ता, मिनु आं कली मिम्‍ब सुइ मबाक्‍म। आं कली ख्रुइक्‍तीके तेइ मबाक्‍ब। सुइमी आं कली वारच मपाइय्‍यीमी।
PSA 142:5 परमप्रभु यावे गो इन कली ब्रेत्‍ताक्‍ङ। गो “गे आं ख्रुइक्‍तीके बाक्‍नीनी। ब्रोंइशा बाक्‍ब आन रागीमी गे आं भाग बाक्‍नीनी” देंती। भजन संग्रह २७:१३
PSA 142:6 आं पुंइशो लोव़ नेनीन। मारदे हना आ थुं शुश लुक्‍च लत। आं कली खेदा पाइब रे प्रोंइयीनी। मारदे हना मेकोपुकी आं क्‍येङा बोल्‍यो बाक्‍नीम।
PSA 142:7 आं कली आं चोक्‍सीतीके रे प्रोंइयीनी। मिनु गो इन कली “गे रिम्‍शो पाइब बाक्‍नीनी” देंने चबुल। मिनु आं कली रिम्‍शो पशो तशा, ठीक पाइबपुकी आं एर ओंथ बाक्‍शा ग्‍येरसीनीम।
PSA 143:1 दाऊद आ कुम्‍सो। परमप्रभु यावे, आं पुंइशो लोव़ नेनीन। “गो शिशी तङल” दे इन दाक्‍शा मप्रोंइतीकेमी आं पुंइशो लोव़ नेनीन। मिनु इन ठीक पतीकेमी आं लोव़ लेत्‍तीनी।
PSA 143:2 मिनु इन गेय पाइब कली निसाफ पा दोस मगेने। मारदे हना ब्रोंइशोपुकी इन ङोंइती ठीक पाइब सुइ मबाक्‍नीम। भजन संग्रह १३०:३; अय्‍युब ९:२; रोमी ३:२०
PSA 143:3 आं जोरी सत्रुमी आं कली खेदा पतीमी। आं कली खपीम खोल्‍शा, साइक्‍चा चिक्‍ताक्‍यीमी। मेकोपुकीमी आं कली बेक्‍शो मुर आन बाक्‍तीकेम खोदेंशो पा छिङछिङम बाक्‍पाइक्‍तीमी।
PSA 143:4 मोपतीके आं थुं लुक्‍च लत। मिनु गो वाम ग्‍याम दुम्‍ती।
PSA 143:5 गो साइ ङोंइती ङा नाक्‍त मिम्‍नुङ। मिनु इन गेय नेल्‍ल मिम्‍ना मिम्‍न बाक्‍नुङ। इन गुइम पशो नेल्‍ल मिम्‍नुङ। भजन संग्रह ७७:६
PSA 143:6 गो आं गुइ इन गे दिंनुङ। मिनु कोक्‍त रूमी ब्‍वाक्‍कु माल्‍शो खोदेंशो पा, आं थुंमी इन कली माल्‍ब।ठेयब सेंदा पा।भजन संग्रह ४२:२-३
PSA 143:7 परमप्रभु यावे, गे आं कली रीब पा लोव़ लेत्‍तीनी। आं थुं लुक्‍च लशो बाक्‍ब। इन कुल आं क्‍येङा मख्रुइक्‍तीन। मो दुम्‍त हना, गो बेक्‍शो मुर आन बाक्‍तीक लाइब मुर खोदेंशो दुम्‍नुङ।
PSA 143:8 आं कली सुनी इन गेना हना यो दाक्‍तीके आ पर्बम नेंपाइय्‍यीनी। मारदे हना गो इन कली थमा सुइक्‍नुङ। गो तेको लां गाक्‍चा माल्‍नुङा, मेको आं कली शेंदीनी। गो इन लां कोव़शा बाक्‍नुङ।
PSA 143:9 परमप्रभु यावे, गे आं कली आं जोरी सत्रु रे प्रोंइयीनी। मारदे हना गो इन बाक्‍तीकेमी ख्रुइक्‍थ जाक्‍नुङ।
PSA 143:10 आं कली इन दाक्‍शो पचा कली शेंदीनी। मारदे हना गे आं परमप्रभु बाक्‍नीनी। इन रिम्‍शो सोक्‍तीम आं कली ठीक लांम गाक्‍‍पाइय्‍यीनी।
PSA 143:11 परमप्रभु यावे, इन नें आ पर्बम आं कली ब्रोंइचा गेयीनी। इन निसाफ पतीकेमी आं कली श्‍येत रे प्रोंइयीनी।
PSA 143:12 इन गेना हना यो दाक्‍तीकेमी आं जोरी सत्रु आन कली खतम पोक्‍कीन। मिनु आं जोरी सत्रु नेल्‍ल आन कली सतीन। मारदे हना गो इन गेय पाइब बाक्‍नुङ।
PSA 144:1 दाऊद आ कुम्‍सो। परमप्रभु यावे, आं सेरथे फुल्‍लु, ठेयब बाक्‍ब। मेकोमी आं कली लडाइ पचा शेंब।
PSA 144:2 गो आं कली दाक्‍ब, आं दरवार, आं ख्रुइश्‍शा ब्रोंइ‍शा बाक्‍तीके, आं कली श्‍येत रे प्रोंइब नु आं तेक्‍तीक बाक्‍नीनी। गो इन बाक्‍तीकेमी ख्रुइश्‍शा बाक्‍नुङ। गे आं कली मुर आन कली सासन पाइब सेल्‍नीनी। भजन संग्रह १८:३
PSA 144:3 परमप्रभु यावे, मुर आइक्‍च बाक्‍तेक्‍म हना यो, गे मेको आन कली कोव़नीनी। बेक्‍शा लाइब मुर मार नमी ङा? तन्‍न गे मेको आन कली मिम्‍नीनी।
PSA 144:4 मुर कीशो सोक्‍त खोदेंशो बाक्‍नीम। मेको आन ब्रोंइतीक नाक्‍ती जाम्‍शा लाइब वांकु खोदेंशो बाक्‍नीम। अय्‍युब १४:२
PSA 144:5 परमप्रभु यावे, इन सरीङ रे तोइश्‍शा यिने। डांडा आन कली थिशा, कुन ग्रूपतीन। भजन संग्रह १८:१०-१७
PSA 144:6 चिला दाप्‍पाइश्‍शा, मेको एर ओंथ ब्रपतीन। इन ब्रा आप्‍शा मेको आन कली खेदा पने।
PSA 144:7 इर रे इन गुइ दिंदीन। मिनु आं कली बारशो खोला नु अर्को रागी ङा मुर आन गुइ रे प्रोंइयीनी।
PSA 144:8 मेकोपुकीमी जोल नु मरिम्‍शो ला पाइनीम।
PSA 144:9 परमप्रभु, गो इन कली नक कुम्‍सो का पाइनुङ। १० ओटा तार पाइश्‍शो ताप्‍तीक ताप्‍शा, इन कली कुम्‍सो पाइनुङ। भजन संग्रह ३३:३
PSA 144:10 गे पिप आन कली ग्रापाइक्‍नीनी। गे इन गेय पाइब दाऊद कली बेक्‍चा रे प्रोंइतीनी।
PSA 144:11 आं कली मुर साइक्‍ब तरवार रे प्रोंइयीनी। अर्को रागी ङा मुर आन गुइ रे प्रोंइयीनी। मेकोपुकीमी जोल नु मरिम्‍शो ला पाइनीम।
PSA 144:12 मिनु आंइ तौपुकी कोल्‍मानु, रवा खोदेंशो दुम्‍मल। आंइ तमीपुकी दरवारम बाक्‍शो मुशो थाम खोदेंशो दुम्‍मल।
PSA 144:13 आंइ अन्‍न वोइक्‍तीके शुश खाल ङा अन्‍नमी ब्रीमल। आंइ भेडा हजार हजार दुम्‍मल। आंइ भेडा आंइ रूम लाख लाख दुम्‍मल।
PSA 144:14 आंइ बीपुकी गिक्‍ब दुम्‍मल। आंइ गारो मब्रेल्‍ल। आंइ कली सुइमी ग्‍याइश्‍शा मलदमेक्‍ल। मिनु आंइ लांमी सुइ ङाक्‍शो मनेंसीब।
PSA 144:15 मोदेंशो आसीक ताइब मुर ग्‍येरसीशो बाक्‍नीम। सु मुर आन परमप्रभु, परमप्रभु यावे बाक्‍बा, मेको ग्‍येरसीशो मुर बाक्‍नीम। ब्‍यवस्‍था ३३:२९
PSA 145:1 परमप्रभु कली “ठेयब बाक्‍नीनी” देंशो दाऊद आ कुम्‍सो। आं परमप्रभु, गे आं पिप बाक्‍नीनी। गो इन कली मान पाइनुङ। इन नें गेना हना यो ठेयब सेल्‍नुङ।
PSA 145:2 गो इन कली नाक्‍त किंत किंत ठेयब सेल्‍नुङ। गो इन नें गेना हना यो ठेयब सेल्‍नुङ।
PSA 145:3 परमप्रभु यावे ठेयब बाक्‍ब। मेको ठेयब सेल्‍चा शिरशो बाक्‍ब। मिनु मेको आ ठेयब दुम्‍तीके सुइमी रुप्‍ने मचाप्‍नीम।
PSA 145:4 पाला का ङा मुरुम आन नोले ङा पाला ङा मुर आन कली “इन गेय ठेयब बाक्‍नीम” दे शेंचा माल्‍नीम। मेकोपुकीमी इन सक्ति पाइश्‍शो गेय आ पर्बम लोव़ पचा माल्‍नीम।
PSA 145:5 आं पिप, गो इन शुश दारस ङा मान ततीके नु इन छक लाक्‍चा ङा गेय आ पर्बम मिम्‍ना मिम्‍न बाक्‍नुङ। भजन संग्रह १९:२-७
PSA 145:6 मुरपुकीमी इन ठेयब सक्ति आ पर्बम लोव़ पचा माल्‍नीम। मिनु गो इन ठेयब दुम्‍तीके आ पर्बम शेंनुङमी।
PSA 145:7 मेकोपुकीमी इन शुश रिम्‍शो पतीके आ पर्बम चाड मानेचा माल्‍नीम। मिनु इन ठीक पतीके आ पर्बम ठेयब सेंदा पा कुम्‍सो पचा माल्‍नीम।
PSA 145:8 परमप्रभु यावे दाक्‍ब नु शिशी पाइब बाक्‍ब। मेको रीब पा मगाइक्‍ब। मिनु मेको आ गेना हना यो दाक्‍तीके ठेयब बाक्‍ब। प्रस्‍थान ३४:६
PSA 145:9 परमप्रभु यावे नेल्‍ल आन कली रिम्‍शो पाइब बाक्‍ब। मिनु आ सेल्‍शो नेल्‍ल आन कली शिशी पाइब।
PSA 145:10 परमप्रभु यावे, इन सेल्‍शो मारेइ मारेइमी इन कली “गे रिम्‍शो पाइब बाक्‍नीनी” देंचा माल्‍नीम। मिनु इन कली थमा सुइक्‍बपुकीमी ठेयब सेल्‍चा माल्‍नीम।
PSA 145:11 मेकोपुकीमी इन राज्‍य ङा रिम्‍शो दुम्‍तीके आ पर्बम लोव़ पचा माल्‍नीम। इन सक्ति आ पर्बम लोव़ पचा माल्‍नीम।
PSA 145:12 मेकोपुकीमी इन ठेयब सक्ति पाइश्‍शो गेय नु इन राज्‍य ङा दारस आ पर्बम मुर आन कली तुइक्‍पाइक्‍चा माल्‍नीम।
PSA 145:13 इन राज्‍य गेना हना यो लीब राज्‍य बाक्‍ब। इन सासन पतीके पाला पाला सम्‍म बाक्‍ब। परमप्रभु यावेमी आ देंशो नेल्‍ल पाइब। मिनु आ पशो मारेइ मारेइ शिशीम पाइब।
PSA 145:14 मिनु परमप्रभु यावेमी गोल्‍शो नेल्‍ल आन कली पोक्‍ब। मेकोमी आन थुं लुक्‍च लशो आन कली आन थुं बारपाइक्‍ब। भजन संग्रह १४६:८
PSA 145:15 मारेइ मारेइमी इन गे कोव़नीम। मारदे हना गे मेको आन कली आन जची ना जचा थोव़क गेनीनी। भजन संग्रह १०४:२७-२८; भजन संग्रह १३६:२५
PSA 145:16 गे हाइश्‍शो दुम्‍शा, ब्रोंइब नेल्‍ल कली रूपाइक्‍नीनी।
PSA 145:17 परमप्रभु यावे नेल्‍ल ठीक पाइब बाक्‍ब। मिनु आ गेय नेल्‍ले शिशीम पाइब।
PSA 145:18 परमप्रभु यावे आ कली पुंइब नेल्‍ल आन नेक्‍था बाक्‍ब। सु सुमी मेको कली थमा पा पुंइनीमी, मेको आन नेक्‍था बाक्‍ब।
PSA 145:19 मेकोमी आ कली मान पा हिंब नेल्‍ल आन दाक्‍शो गेब। मेकोमी मेको आन पुंइशो नेंब। मिनु मेको आन कली श्‍येत रे प्रोंइब। हितोपदेस १०:२४
PSA 145:20 परमप्रभु यावेम आ कली दाक्‍ब नेल्‍ल आन कली कोव़ब। तन्‍न मेकोमी आ अरेशो मटीब नेल्‍ल आन कली खतम पोक्‍ब।
PSA 145:21 गो परमप्रभु यावे कली ठेयब सेल्‍शा, लोव़ पाइनुङ। सोक्‍त पाइश्‍शो नेल्‍लेमी मेको कली गेना हना यो ठेयब सेल्‍नीम।
PSA 146:1 परमप्रभु यावे कली ठेयब सेलो। आं थुं, परमप्रभु यावे कली ठेयब सेलो।
PSA 146:2 गो ब्रोंइङा सम्‍म परमप्रभु यावे कली ठेयब सेल्‍नुङ। गो मबेक्‍ङा सम्‍म आं परमप्रभु कली कुम्‍सो पा ठेयब सेल्‍नुङ।
PSA 146:3 गे रागी ङा सासन पाइब मुर आन कली थमा मसुतीन। मारदे हना मेकोपुकीमी अरु आन कली वारच पने मचाप्‍नीम। भजन संग्रह ११८:८-९; येरमीया १७:५
PSA 146:4 मेको आन सोक्‍त लाइब। मिनु मेकोपुकी खप दुम्‍नीम। मेना मेको आन मिम्‍शा पशो नेल्‍ल जाम्‍शा लाइब। उत्‍पत्ती ३:१९; उपदेसक ३:२०
PSA 146:5 याकूब आ परमप्रभुम वारच पाइक्‍चा पुंइसीब मुर, ग्‍येरसीशो बाक्‍नीम। मेकोपुकीमी परमप्रभु यावे, आन परमप्रभु आ लां कोव़शो बाक्‍नीम। येरमीया १७:७
PSA 146:6 मेको सरीङ नु रागी समुन्‍द्र नु मेकेर बाक्‍ब आन कली सेल्‍ब बाक्‍ब। मेकोमी आ देंशो गेना हना यो पाइब।
PSA 146:7 मेकोमी दिप्‍चा पुंइसीब आन कली ठीक निसाफ पाइब। शोव़लु बेक्‍शो आन कली जचा गेब। परमप्रभु यावेमी चोक्‍चा पुंइसीशो आन कली प्रोंइब।
PSA 146:8 परमप्रभु यावेमी मिक्‍च मताइब आन कली ताइब सेल्‍ब। मिनु आन थुं लुक्‍च लशो मुर आन कली आन थुं बारपाइक्‍ब। परमप्रभु यावेमी ठीक पाइब आन कली दाक्‍ब। भजन संग्रह १४५:१४
PSA 146:9 मिनु परमप्रभु यावेमी अर्को रागी ङा मुर आन कली कोव़ब। मेकोमी वोंइश बेक्‍शो मीश मुर नु रोम रोइक्‍च आन कली यो कोव़ब। तन्‍न आ अरेशो मटीब आन मिम्‍शो दुम्‍चा मगेब। प्रस्‍थान २२:२०-२१
PSA 146:10 परमप्रभु यावेमी गेना हना यो सासन पाइब। सियोन, इ परमप्रभुमी पाला पाला सम्‍म सासन पाइब। परमप्रभु यावे कली ठेयब सेलीन। भजन संग्रह ९३:१
PSA 147:1 परमप्रभु यावे कली ठेयब सेलीन। मारदे हना आंइ परमप्रभु कली ठेयब सेल्‍तीक कुम्‍सो पचा रिम्‍शो नु शिरशो बाक्‍ब। भजन संग्रह ९२:२
PSA 147:2 परमप्रभु यावेमी यरूसलेम कली सेल्‍ब। मेकोमी इस्राएल रे खेरशो ब्रशा बाक्‍शो मुर आन कली खुप्‍ब।
PSA 147:3 मेकोमी थुं जिक्‍शो आन कली सापाइक्‍ब। मिनु मेको आन कली वाम फ्रेंब। यसैया ६१:१
PSA 147:4 मेकोमी सोरुल आन कली हिक्‍शा, का का पा आन नें वोइक्‍ब। यसैया ४०:२६
PSA 147:5 आंइ परमप्रभु ठेयब बाक्‍ब। मेको आ सक्ति नेल्‍ल क्‍येङा ठेयब बाक्‍ब। आ रुप्‍तीक सक्ति सुइम तुइक्‍ने मचाप्‍नीम। लूका १:५२
PSA 147:6 परमप्रभु यावेम श्‍येत जाइब आन कली कोव़ब। तन्‍न आ अरेशो मटीब आन कली खपीम ताइक्‍ब।
PSA 147:7 गे परमप्रभु यावे कली ठेयब सेल्‍तीक कुम्‍सो पने। तार पाइश्‍शो ताप्‍तीके ताप्‍शा आंइ परमप्रभु कली कुम्‍सो पा ठेयब सेलीन।
PSA 147:8 मेकोमी सरीङ कली गोस्‍सुम सुम्‍पाइक्‍ब। रागी कली रेउ यिपाइक्‍ब। मिनु डांडाम घांस वापाइक्‍ब।
PSA 147:9 मेकोमी जन्‍तु नु बी ब्‍यफ आन कली थुल्‍ब। खद आन चाइक्‍ब आन कली यो जचा गेब। अय्‍युब ३८:४१
PSA 147:10 मेको शारा आन सक्ति तशा मग्‍येरसीब। मुर आन रीब पा दोरशो मारेइ ममिम्‍ब।
PSA 147:11 तन्‍न परमप्रभु यावेमी आ कली मान पा हिंब नु आ गेना हना यो दाक्‍तीके कली रिम्‍ब आन कली दाक्‍ब।
PSA 147:12 यरूसलेम, परमप्रभु यावे कली ठेयब सेलो। सियोन, इ परमप्रभु कली ठेयब सेलो।
PSA 147:13 मारदे हना मेकोमी इ सहर ङा लाप्‍चोपुकी बोल्‍यो सेल्‍शो बाक्‍ब। मिनु इ आगाम बाक्‍ब आल आन कली आसीक गेब।
PSA 147:14 मेकोमी इ सांदमी लडाइ मदुम्‍पाइक्‍ब। मेकोमी इ कली रिम्‍शो चेरबीम रूपाइक्‍ब।
PSA 147:15 मेकोमी आ शेंतीके रागीम सोइक्‍ब। मेको आ लोव़ रीब पा तेइ ते ब्राइब। अय्‍युब ३८:२२-३०
PSA 147:16 मेकोमी ऊन खोदेंशो पा फुं यिपाइक्‍ब। मिनु पुलु खोदेंशो पा फुरश यिपाइक्‍ब।
PSA 147:17 मेकोमी फुल्‍लु खोदेंशो पा मुप्‍स यिपाइक्‍ब। मेको आ काइश्‍शो फशेमी सु राप्‍ने चाप्‍बा ङा?
PSA 147:18 मेकोमी लोव़ पा फुरश यपाइक्‍ब। मेकोमी फश पपाइक्‍ब। मिनु ब्‍वाक्‍कु शाइक्‍पाइक्‍ब।
PSA 147:19 मेकोमी आ लोव़ याकूब कली शेंब। मिनु इस्राएल कली आ फुल्‍लुम मुशा ब्रेक्‍शो लोव़ नु आ पतीक लोव़ शेंब। ब्‍यवस्‍था ४:८; प्रेरित १४:१६; रोमी ३:२
PSA 147:20 मेकोमी अर्को रागी ङा सुइ मुर आन पर्बम मोदेंशो मपावो। मिनु मेकोपुकीमी आ पतीक लोव़ मतुइक्‍नीम। परमप्रभु यावे कली ठेयब सेलीन।
PSA 148:1 परमप्रभु यावे कली ठेयब सेलीन। परमप्रभु यावे कली सरीङ रे ठेयब सेलीन। इर रे मेको कली ठेयब सेलीन। भजन संग्रह १०३:२०-२२
PSA 148:2 आ स्‍वर्ग ङा गेय पाइबपुकी, मेको कली ठेयब सेलीन। आ स्‍वर्गम बाक्‍ब नेल्‍लेमी मेको कली ठेयब सेलीन।
PSA 148:3 नां नु तास्‍ला मेको कली ठेयब सेलीस। छेङछेङ पाइश्‍शो सोरुल नेल्‍लेमी मेको कली ठेयब सेलीन। उत्‍पत्ती १:१-२७
PSA 148:4 नेल्‍ल क्‍येङा इर सरीङ नु मेको आ तार बाक्‍ब ब्‍वाक्‍कु नेल्‍लेमी मेको कली ठेयब सेलीन।
PSA 148:5 मेकोपुकीमी परमप्रभु यावे कली ठेयब सेल्‍मेक्‍ल। मारदे हना मेकोमी लोव़ पवानु, मेको दुम्‍तेक्‍म। भजन संग्रह ३३:९
PSA 148:6 मेकोमी मेको आन कली गेना हना यो बाक्‍मल, दे वोइक्‍तु। मिनु मेकोमी मेको आन कली अरेवानु, आन बाक्‍तीकेम बाक्‍शा टिम्‍तेक्‍म।
PSA 148:7 रागी रे पा ब्‍वाक्‍कुम बाक्‍ब ठेयब जन्‍तु नु शुश लुक्‍च लशो ब्‍वाक्‍कु, परमप्रभु यावे कली ठेयब सेलीन।
PSA 148:8 मी नु मुप्‍स, फुं नु फुरश नु फश गिवारमी आ देंशो टीनीम।
PSA 148:9 पहाड नु डांडा, फल फुल सिप्‍ब रवा नु लाइश्‍शो रवा नेल्‍ले,
PSA 148:10 ब्‍वाकी ङा जन्‍तु नु बी ब्‍यफ नेल्‍ले, आइक्‍च खपीम ग्रे‍शा गाक्‍ब जन्‍तु नु बेरब चिक्‍ब नेल्‍ले
PSA 148:11 रागी ङा पिपपुकी नु जात जात ङा मुर नेल्‍ले, रागी ङा सासन नु हुकुम पाइब नेल्‍ले,
PSA 148:12 वोंइश आल नु मीश आल, खाल्‍पा खाल्‍पी नु आल नेल्‍लेमी परमप्रभु यावे कली ठेयब सेलीन।
PSA 148:13 मेको नेल्‍लेमी परमप्रभु यावे आ नें ठेयब सेल्‍मेक्‍ल। मारदे हना मेको आ नें ला ठेयब बाक्‍ब। मेको आ मान ततीक ङा छेङछेङ रागी नु सरीङ तार बाक्‍ब।
PSA 148:14 मेकोमी आ मुर आन कली सक्ति पाइश्‍शो नु ठेयब सेल्‍तु। आ कली थमा सुइक्‍ब नेल्‍ले नु आ नेक्‍था बाक्‍ब इस्राएलीपुकीमी परमप्रभु यावे कली ठेयब सेलीन। ब्‍यवस्‍था ४:७-८
PSA 149:1 परमप्रभु यावे कली ठेयब सेलीन। परमप्रभु यावे कली नक कुम्‍सो का पने। थमा सुइक्‍ब आन ग्रुम्‍तीकेमी मेको कली ठेयब सेलीन। भजन संग्रह ३३:३
PSA 149:2 इस्राएल आ कली सेल्‍ब आ पर्बम ग्‍येरसेक्‍ल। सियोन ङा मुर आन पिप आ पर्बम ग्‍येरसमल। भजन संग्रह १००:३; भजन संग्रह ९३:१
PSA 149:3 मेकोपुकीमी सिल पना पन मेको आ नें ठेयब सेल्‍मेक्‍ल। खैजडी नु बीना ताप्‍शा, मेको कली कुम्‍सो पामेक्‍ल।
PSA 149:4 मारदे हना परमप्रभु यावे आ मुर आन पर्बम ग्‍येरसीशो बाक्‍ब। आइक्‍च मुर आन कली ग्रातीकेमी ग्‍योम्‍ब।
PSA 149:5 थमा सुइक्‍बपुकी शुश ग्‍येरसमल। मिनु आन ब्राख्‍येमी यो ग्‍येरशा कुम्‍सो पामेक्‍ल।
PSA 149:6 मेकोपुकीमी परमप्रभु कली ठेयब सेल्‍तीक कुम्‍सो पामेक्‍ल। मेको आन गुइमी निम्‍फा गे क्‍योरतीक पाइश्‍शो तरवार बाक्‍ल।
PSA 149:7 मेकोपुकीमी रागी रागी ङा मुर आन कली सजाइ गेशा, क्‍येक्‍क लेत्‍नीम।
PSA 149:8 मिनु मेको आन पिप आन कली साङलो नु मेको आन ठेयब मुर आन कली फलाम के फ्रेंतीकेम फ्रेंने चाप्‍नीम।
PSA 149:9 मिनु मेकोपुकीमी ब्रेक्‍शा अरेशो कोव़शा, मेको आन कली निसाफ पाइनीम। मेको परमप्रभु आ मुर आन रिम्‍शो बाक्‍ब। परमप्रभु यावे कली ठेयब सेलीन। यसैया ३४:-; यसैया ६३:४-६; योएल ४:२-२४
PSA 150:1 परमप्रभु यावे कली ठेयब सेलीन। परमप्रभु कली आ बाक्‍तीकेमी ठेयब सेलीन। परमप्रभु यावे कली आ सरीङ ङा ठेयब बाक्‍तीकेमी ठेयब सेलीन।
PSA 150:2 मेको कली आ सक्ति पाइश्‍शो गेय आ पर्बम ठेयब सेलीन। मेको कली आ नेल्‍ल क्‍येङा ठेयब दुम्‍तीके आ पर्बम ठेयब सेलीन।
PSA 150:3 तुराही ताप्‍शा, मेको कली ठेयब सेलीन। तार पाइश्‍शो ताप्‍तीक नु ठेयब ताप्‍तीक ताप्‍शा, मेको कली ठेयब सेलीन।
PSA 150:4 खैजडी ताप्‍शा, सिल पा मेको कली ठेयब सेलीन। तार पाइश्‍शो ताप्‍तीक नु बांसुरी ताप्‍शा, मेको कली ठेयब सेलीन।
PSA 150:5 आइक्‍च बुप्‍केल ताप्‍शा, मेको कली ठेयब सेलीन। ठेयब सेंदा पा मुरब बुप्‍केल ताप्‍शा, मेको कली ठेयब सेलीन।
PSA 150:6 सोक्‍त पाइश्‍शो नेल्‍लेमी परमप्रभु यावे कली ठेयब सेलीन। परमप्रभु यावे कली ठेयब सेलीन। भजन संग्रह ४१:१४; प्रकाश ५:१३
PRO 1:1 एको दाऊद आ तौ इस्राएली आन पिप सोलोमन आ देंशो लोव़ बाक्‍ब। १राजा ५:९-१२
PRO 1:2 एको किताबम तुइक्‍तीके नु अर्ती टिचा आ पर्बम शेंसीतीके लोव़ बाक्‍ब। मेको शेंसाक्‍नी हना, गे रुप्‍ब नु जोक्‍ब तुइक्‍ब दुम्‍नीनी।
PRO 1:3 मिनु ब्रेक्‍ब मुर आ अर्ती सुमी टीबा, मेकोमी तुइश्‍शा गेय पने चाप्‍ब। ठीक पतीके, ठीक निसाफ पतीके नु कुल मकोव़थु रिम्‍शो पने चाप्‍ब।
PRO 1:4 मारेइ मजोक्‍ब आन कली निप्‍स खाप्‍शा गेय पचा शेंब। ठिटा आन कली जोक्‍ब नु होस पाइब सेल्‍ब।
PRO 1:5 जोक्‍ब तुइक्‍ब नेल्‍लेमी एको लोव़ रिम्‍शो पा नेंबमी तेम्‍शा शुश रुप्‍ब दुम्‍नीम। निप्‍स पाइश्‍शो मुर जोक्‍ब दुम्‍शा,
PRO 1:6 एको देंतीक लोव़, कथा, जोक्‍ब तुइक्‍ब आन लोव़ नु ख्रुइश्‍शो लोव़ रुप्‍नीम।
PRO 1:7 परमप्रभु यावे कली मान पा हिंचा तुइक्‍तीक दुम्‍चा कली गोतीक बाक्‍ब। मूर्खपुकीमी तुइक्‍‍तीके नु अर्ती मदाक्‍नीम। हितोपदेस ८:१३; हितोपदेस ९:१०; अय्‍युब २८:२८; भजन संग्रह १११:१०
PRO 1:8 आं तौ, इ आफ आ अर्ती नेनो। इम्‍मा आ शेंशो मप्रोनो। हितोपदेस ६:२०; ब्‍यवस्‍था २१:१८-२१
PRO 1:9 मारदे हना मेको इ पिया ङा ग्‍योम्‍तीके नु इ कली सुन के माला नस।
PRO 1:10 आं तौ, मरिम्‍शो पाइब मुरुम इ कली “हेंथे पय” दे लोव़ पाम्‍तेक्‍म हना, मेको आन लोव़ मबिस्‍सो। हितोपदेस १६:२९; ब्‍यवस्‍था १३:७-९
PRO 1:11 मेकोपुकीमी “पिवो, मुर साइक्‍चा कली बाप्‍शा बाक्‍य। रिम्‍शो पाइब कली बाप्‍शा,
PRO 1:12 मेको कली बेक्‍शो मुर आन बाक्‍तीकेम सोइक्‍तय। गो मेको कली सेसीन तुरसुम सोइक्‍तय।
PRO 1:13 मिनु गोपुकीम आ बाक्‍शो शोंप नेल्‍ल रोइक्‍नय। मेको रोइश्‍शोमी आंम आंम खिं प्रिंनय।
PRO 1:14 गे, गोपुकी नु लते हना, नेल्‍ल गारशा योक्‍सय” देंतेक्‍म हना यो,
PRO 1:15 आं तौ, गे मेकोपुकी नु मलावो। मेकोपुकी नु मगाक्‍को।
PRO 1:16 मारदे हना मेकोपुकी मरिम्‍शो गेय पचा कली रीब पा दोरनीम। हुश ख्राक्‍श पोक्‍चा कली चुइक्‍नीम।
PRO 1:17 चिक्‍बीमी तचा ङा पा ब्‍वारद दाइश्‍शो शोर गाक्‍शो गेय बाक्‍‍ब।
PRO 1:18 मेको मुरपुकी साइक्‍चा पुंइसीचा कली बाप्‍शो बाक्‍नीम। आंमान खतम दुम्‍चा कली बाप्‍शा बाक्‍नीम।
PRO 1:19 मुर आन मार मार रोइश्‍शा, तेल्‍सीबपुकी मोदेंशो पा साइक्‍चा पुंइसीनीम।
PRO 1:20 लां मेर तुइक्‍‍तीके लोव़ नेंसीब। सहर मेर आ सेंदा ग्रूब। हितोपदेस ८:१-३
PRO 1:21 मेको शुश मुर आन देल्‍‍तीके मेर ब्रेन्‍ना ब्रेन्‍न बाक्‍ब। सहर ओव़तीक ठेयब लाप्‍चोमी आ लोव़ पाइब।
PRO 1:22 मार लोव़ पाइब देंशा हना “गे मारेइ मजोक्‍बपुकी, गेना सम्‍म मारेइ मजोक्‍ब दुम्‍चा दाक्‍नीनी? गे शुक्‍शी पाइबपुकी, गेना सम्‍म शुक्‍शी पचा दाक्‍नीनी? गे मूर्खपुकी, गेना सम्‍म तुइक्‍तीके कली काइ मदाक्‍‍नीनी?
PRO 1:23 गे आं हुइश्‍शो लोव़ नेनीन। आं मिम्‍शो इन कली देंनुङ। आं लोव़ इन कली तुइक्‍पाइक्‍नुङ।
PRO 1:24 मिनु गो इन कली ब्रेत्‍तुनु, गेपुकीम मनेंनी। गो आं गुइ हामुनु, सुइ मपिनी। यसैया ६५:२,१२
PRO 1:25 आं अर्ती नेल्‍ल मटितीके, आं हुइश्‍शो नेंचा मदाक्‍तीके,
PRO 1:26 गो यो गे श्‍येत जनी ना, रिश्‍शा बाक्‍नुङ। मिनु गे शुश हिंनीना, गो शुक्‍शी पाइनुङ” दे लोव़ पाइब। ब्‍यवस्‍था २८:६३
PRO 1:27 शुश हिंतीके ठेयब फश खोदेंशो पा इन तारी जाक्‍त हना, श्‍येत फश गिवार खोदेंशो पा इन तार जाक्‍त हना, श्‍येत नु हिंतीकेम इन कली सुम्‍तु हना,
PRO 1:28 मेना आं कली थोनीनु, गो इन कली लोव़ मलेत्‍नुङ। गेपुकीमी आं कली शुश माल्‍तीनी हना यो, मथित्‍नीनी। यसैया ५९:२; मीका ३:४
PRO 1:29 मेकोपुकीम जोक्‍तीक कली काइ मदाक्‍तीके नु परमप्रभु यावे कली मान मपथु महिंतीके,
PRO 1:30 आं अर्ती मनें‍तीके, आं हुइश्‍शो नेंचा मदाक्‍तीके,
PRO 1:31 मेकोपुकीमी आन आन पशो मरिम्‍शो गेय आन इनाम तचा माल्‍नीम। मिनु आन आन मरिम्‍शो पतीकेमी ब्रीमल।
PRO 1:32 मारदे हना मारेइ मजोक्‍ब आन मटितीके साइक्‍चा पुंइसीनीम। मूर्ख आन मारेइ ममिम्‍तीके खतम दुम्‍नीम।
PRO 1:33 तन्‍न सु सुम आं लोव़ नेंनीमी, मेकोपुकी श्‍येत मजाइनीमी। महिंथु, रिम्‍शो दुम्‍शा बाक्‍नीमी।
PRO 2:1 आं तौ, गे आं लोव़ नेनो, आं शेंशो इ थुंम वोइक्‍तीवी हना,
PRO 2:2 गे इ नोफा दाइश्‍शा, तुइक्‍‍तीक लोव़ नेंतीवी नु रुप्‍तीके दाक्‍तीवी हना,
PRO 2:3 गे जोक्‍तीके तुइक्‍तीक माल्‍शा, रुप्‍तीके कली ठेयब सेंदा पा पुंइतीवी हना, याकूब १:५
PRO 2:4 गे मेको कली चांदी खोदेंशो पा माल्‍तीवी नु थिम्‍शा वोइश्‍शो शोंप माल्‍शो खोदेंशो पा दोप्‍तीवी हना,
PRO 2:5 गे परमप्रभु यावे कली दोपा मान पा हिंचा माल्‍बा, मेको तुइक्‍ने चाप्‍नेवे। मिनु गे परमप्रभु कली तुइश्‍‍शा शेंसीने चाप्‍नेवे।
PRO 2:6 मारदे हना परमप्रभु यावे तुइक्‍‍तीक थुं गेब बाक्‍ब। आ शोव़ रे जोक्‍तीक नु रुप्‍तीक लोव़ ग्रूब। दानीएल २:२०-२३
PRO 2:7 मेकोमी रिम्‍शो थुं पाइश्‍शो मुर आन कली तुइक्‍तीक थुं गे‍ब। मेको दोस मताइब आन कली तेक्‍तीके बाक्‍ब। भजन संग्रह ७:११
PRO 2:8 परमप्रभु यावेमी ठीक निसाफ बाक्‍बा देय मबाक्‍बा मेको कोव़ब। आ लां गाक्‍ब आ मुर आन कली कोव़ब।
PRO 2:9 मिनु गे ठीक पतीके नु ठीक निसाफ, कुल मकोव़थु रिम्‍शो पतीके नु रिम्‍शो लां मार बाक्‍मे रुप्‍‍नेवे।
PRO 2:10 मेना तुइक्‍तीके इ थुंमी ओव़ब नु इ जोक्‍तीकेमी इ थुं कली ग्‍येरपाइक्‍ब। १कोरिन्‍थी १:३०
PRO 2:11 मिनु होस पतीकेमी इ कली खाल पाइब। रुप्‍तीकेमी इ कली कोव़ब।
PRO 2:12 मेकोमी इ कली मरिम्‍शो लां नु दूली लोव़ पाइब मुर रे प्रोंइब।
PRO 2:13 मेकोपुकी रिम्‍शो थुं पाइश्‍शो मुर आन लांम गाक्‍चा प्रोंइ‍शा, छिङछिङ ङा लांम गाक्‍नीमी,
PRO 2:14 मेकोपुकी थम मरिम्‍शो पचा कली ग्‍येरसीनीम। शुश दूली नु मरिम्‍शो पतीकेमी ग्‍येरसीनीम।
PRO 2:15 मेको आन पतीक काइ मरिम्‍शो बाक्‍ब। हेंथे लां गाक्‍ब बाक्‍नीम।
PRO 2:16 होस पतीके नु रुप्‍तीकेमी इ कली हेंथे पाइब मीश मुर नु आ वाल्‍चा ङा लोव़ रे यो प्रोंइब।
PRO 2:17 मेकोमी आ ग्‍युंबे पशो वोंइश कली प्रोंइशा, परमप्रभु यावे आ ङोंइती पशो कबल प्रेंताक्‍व।
PRO 2:18 मेको आ खिं ओव़ब नेल्‍ल बेक्‍तीक लां लाइनीम। मेको आ खिं ङा लां बेक्‍शो मुर आन बाक्‍तीक लतीक लां बाक्‍ब।
PRO 2:19 मोदेंशो मीश मुर आ बाक्‍तीक लाइबपुकी गेनायो लेन्‍ने मचाप्‍नीम। मिनु ब्रोंइतीक लां यो मताइनीम।
PRO 2:20 मोपतीके रिम्‍शो मुर आन लां गाक्‍को। ठीक पाइब आन लां गाक्‍को।
PRO 2:21 मारदे हना रिम्‍शो थुं पाइश्‍शो मुर रागीम बाक्‍चा ताइनीम। दोस मताइबपुकी रागीम लीनीम। भजन संग्रह ३७:९; मत्ती ५:५
PRO 2:22 तन्‍न परमप्रभु यावे आ अरेशो मटीबपुकी आन शाक्‍श रेन रागी रे तुल्‍चा पुंइसीनीम। थमा मसुइक्‍बपुकी सुवा खोदेंशो पा ताइक्‍चा पुंइसीनीम। भजन संग्रह ३७:१०
PRO 3:1 आं तौ, आं अरेशो मप्रेंदो। मिनु आं शेंशो लोव़ इ थुंमी वोतो। लेवी १८:५
PRO 3:2 मारदे हना मेकोमी इ कली शुश बर्स ब्रोंइतीक नु थम रिम्‍शो बाक्‍चा गेनीस।
PRO 3:3 गेना हना यो दाक्‍शा गेनायो मप्रोंइथु, बाक्‍को। मेको निक्‍शी कली माला खोदेंशो पा रेल्‍शा, इ थुंम ब्रेक्‍शो खोदेंशो पा वोतो। ब्‍यवस्‍था ६:८; येरमीया ३१:३३
PRO 3:4 मो पाप्‍तीवी हना, गे परमप्रभु आ आसीक ताइनेवे। मुर नेल्‍लेमी इ कली रिम्‍शो देंनीम।
PRO 3:5 गे इ थुं नेल्‍लेमी परमप्रभु यावे आ देंशो मिम्‍शा, थमा सुतो। इ आंम जोक्‍शो तुइश्शो थमा मसुतो।
PRO 3:6 इ पतीक नेल्‍लेमी “परमप्रभु यावेमी मार दाक्‍बा” दे मिम्‍तो। मो पाप्‍तीवी हना, परमप्रभु यावेमी इ कली ठीक लां कोंइब।
PRO 3:7 गे “गो जोक्‍ब तुइक्‍ब मुर नङ” दे ममिम्‍तो। तन्‍न परमप्रभु यावे कली मान पा हिनो। मरिम्‍शो पतीके रे ङोन बाक्‍को। यसैया ५:२१
PRO 3:8 मो पाप्‍तीवी हना, मेको इ रां कली सापाइक्‍तीके बाक्‍ब। मिनु इ गुइ खोइल बोल्‍यो दुम्‍नीम।
PRO 3:9 इ शोंपोमी परमप्रभु यावे कली मान पावो। मिनु इ बाली नाली रे नेल्‍ल क्‍येङा ङोंइती सिश्‍शोमी आ नें ठेयब सेलो। प्रस्‍थान २३:१९
PRO 3:10 मो पाप्‍तीवी हना, इ कोठो भकारी अन्‍नमी शुश ब्रीशो बाक्‍नीम। इ अङगुर ख्राक्‍तीके अङगुर रसम ब्रीशो बाक्‍नीम।
PRO 3:11 आं तौ, परमप्रभु यावेमी इ कली देंशो रिम्‍शो पावो। आ हुइश्‍शो नेंशा, मरिम्‍शो मसुतो। हिब्रू १२:५-६; अय्‍युब ५:१७-१९
PRO 3:12 मारदे हना परमप्रभु यावेमी आ दाक्‍शो मुर आन कली ला हुइक्‍ब। मेकोमी रिम्‍शो आफोमी आ दाक्‍शो तौ कली खोदेंशो पा सजाइ गेब। १कोरिन्‍थी ११:३२; प्रकाश ३:१९
PRO 3:13 तुइक्‍तीके ताइब नु रुप्‍ब‍पुकी ग्‍येरसीशो मुर बाक्‍नीम।
PRO 3:14 मारदे हना तुइक्‍तीके चेम्‍शो चांदी क्‍येङा शुश रिम्‍शो बाक्‍ब। मिनु आ चेम्‍शो सुन क्‍येङा यो शुश क्‍येट लाइब बाक्‍ब। हितोपदेस ८:१०
PRO 3:15 तुइक्‍तीके हीरा क्‍येङा शुश क्येट लाइब बाक्‍ब। इ माल्‍शो मारेइ मारेइ नेल्‍ल मेको क्‍येङा आइक्‍च बाक्‍नीम।
PRO 3:16 मेको आ ग्‍युरा गुइमी शुश ब्रोंइतीक नाक्‍त बाक्‍नीम। आ पेरा गुइमी शोंप नु मान ततीके बाक्‍ब।
PRO 3:17 मेको आ लां रिम्‍शो नु थुं नाइक्‍तीके बाक्‍नीम।
PRO 3:18 मेको नु बाक्‍बपुकी शुश नाक्‍त ब्रोंइनीम। मेको कली मुप्‍शा बाक्‍ब आन पर्बम मुरपुकीमी “मेकोपुकी ग्‍येरसीशो मुर बाक्‍नीम” देंनीम। हितोपदेस ११:३०; हितोपदेस १३:१२; हितोपदेस १५:४
PRO 3:19 परमप्रभु यावेमी आ तुइक्‍तीकेमी रागी सेल्‍तु। आ रुप्‍‍तीकेमी सरीङ वोइक्‍तु। हितोपदेस ८:२२-३१
PRO 3:20 आ जोक्‍तीकेमी ब्‍वाक्‍कु बुक्‍पाइक्‍तु। मिनु गोस्‍स रे फुरश यिपाइक्‍तु।
PRO 3:21 आं तौ, आं देंशो गेय पचा क्‍येङा ङोंइती मिम्‍शा, गेनायो मप्रोनो। ठीक तुइक्‍तीके नु होस पतीके गे नु बाक्‍ल।
PRO 3:22 मारदे हना मेको इ ब्रोंइतीक नु इ दारस बाक्‍नीस।
PRO 3:23 मिनु गे इ लांम रिम्‍शो पा गाक्‍ङे नु इ खोइल दाइल मपाइब।
PRO 3:24 गे निस्‍सेनु, हिंचा ममाल्‍नेवे। इमेनु ब्रोव़शो निन्‍द्रा पाइनेवे। भजन संग्रह ३:६
PRO 3:25 शुश हिंचा ङा दुम्‍मेनु, महिनो। फश पवानु, परमप्रभु यावे आ अरेशो मटीबपुकी खतम दुम्‍मानु, गे महिनो।
PRO 3:26 मारदे हना परमप्रभु यावे गे नु बाक्‍ब, मेकोमी इ खोइल कली रेत्‍तीक रे प्रोंइब। हितोपदेस १०:२९
PRO 3:27 मिनु मुर आन कली गेचा ङा गेवो। इ गुइमी बाक्‍त हना, शिं‍म मदुमो।
PRO 3:28 गे नु बाक्‍त हना “दीसा जाक्‍को। मिनु गेनन” दे इ नेक्‍था ङा मुर आन कली मदेनो।
PRO 3:29 इ नेक्‍था बाक्‍ब कली मरिम्‍शो पचा ममिम्‍तो। मारदे हना इ कली थमा सुइश्‍शा, इ नेक्‍था बाक्‍ब।
PRO 3:30 इ कली मारेइ मरिम्‍शो मपथु जिचा मपोक्‍को।
PRO 3:31 रोइक्‍ब मुर आ मारेइ मारेइ तशा, मवलो। मेको आ लांम काइ मगाक्‍को।
PRO 3:32 मरिम्‍शो दूली पाइब तशा, परमप्रभु यावे ग्रांग्रा दी‍ब। रिम्‍शो थुं पाइश्‍शोपुकी चहिं मेको नु बाक्‍चा ताइनीम। भजन संग्रह २५:१४
PRO 3:33 परमप्रभु यावेमी आ अरेशो मटीब आन खिं ङा मुर आ सराप राइब। तन्‍न ठीक पाइब आन खिंम आसीक राइब।
PRO 3:34 मिनु परमप्रभु यावेमी ठेयब लेश्‍शो शुक्‍शी पाइब मुर आन कली शुक्‍शी पाइब। ब्रेम्‍शो थुं पाइश्‍शो आन कली चहिं शिशी पाइब। १ पत्रुस ५:५
PRO 3:35 तुइक्‍ब मुरपुकी मान पाइक्‍चा पुंइसीनीम। तन्‍न मटीब मूर्खपुकी मुने दोक्‍नीम।
PRO 4:1 आं तौपुकी, आं अर्ती नेनीन। गे जोक्‍ब तुइक्‍ब दुम्‍चा कली इन नोफा दाइश्‍शा नेनीन।
PRO 4:2 गो इन कली रिम्‍शो पा अरेनुङ। आं शेंशो लोव़ मप्रोनीन।
PRO 4:3 गो यो आं आफ नु बाक्‍शो बाक्‍ती। गो आं ममा आ दाक्‍शो तौ बाक्‍ती।
PRO 4:4 मिनु आं आफोमी आं कली “आं लोव़ इ थुंमी वोतो। मिनु आं शेंशो टिशा ब्रोनो। लेवी १८:५
PRO 4:5 तुइक्‍तीके मालो नु जोक्‍ब तुइक्‍ब दुमो। आं देंशो लोव़ मप्रोनो।
PRO 4:6 मेको कली मप्रोंइतीवी हना, इ कली कोव़ब। मेको कली दाक्‍ताक्‍वी हना, इ कली खाल पाइब।
PRO 4:7 तुइक्‍‍तीके आ गोतीक मार बाक्‍त देंशा हना, तुइक्‍तीके शुश माल्‍चा माल्‍नेवे। मार ताप्‍तीवी हना यो, नेल्‍ल क्‍येङा ठेयब जोक्‍ब तुइक्‍ब दुमो।
PRO 4:8 मेको कली ठेयब सेल्‍तीवी हना, इ कली ठेयब सेल्‍ब। गे मेको कली मुप्‍ती‍वी हना, इ कली मान ततीक गेब।
PRO 4:9 मेकोमी इ पिया दारशो पा ग्‍योम्‍पाइक्‍ब। इ पिया तारी रिम्‍शो सिरपेच गुक्‍ब” दे शेंताक्‍यी।
PRO 4:10 आं तौ, इ नोफा दाइश्‍शा, आं लोव़ नेंशा, ब्रावो। मो पाप्‍तीवी हना, गे शुश ब्रोंइ‍नेवे। हितोपदेस ३:२
PRO 4:11 गो इ कली तुइक्‍‍तीक लां शेंताक्‍न। गो इ कली रिम्‍शो थुं ङा मुर आन लांम गाक्‍पाइक्‍त‍न।
PRO 4:12 गे गाक्‍ङेनु, इ कली सुइम मतेक्‍नीम। मिनु दोरते हना, दाइल मपांइसीनेवे।
PRO 4:13 अर्ती कली मिम्‍शा, मेको कली मप्रेंदो। मेको कली टिवो। मारदे हना मेको इ ब्रोंइतीक बाक्‍ब।
PRO 4:14 परमप्रभु यावे आ अरेशो मटीब नु मगाक्‍को। मरिम्‍शो पाइब आन लां मगाक्‍को भजन संग्रह १:१
PRO 4:15 मेकोपुकी नु मगाक्‍को। आन लां मलावो। आन लां हेरशा लावो।
PRO 4:16 मारदे हना मेकोपुकी मरिम्‍शो मपामे सम्‍म इप्‍ने मचाप्‍नीम। मुर कली मथिपदमे सम्‍म निन्‍द्रा मपाइनीम। भजन संग्रह ३६:५; मीका २:१
PRO 4:17 परमप्रभु यावे आ अरेशो मटितीके मेको आन जचा थोव़क खोदेंशो बाक्‍ब। हुश ख्राक्‍श पोक्‍तीके आन तूचा थोव़क खोदेंशो बाक्‍ब।
PRO 4:18 तन्‍न ठीक पाइब आन लां सुनी ङा छेङछेङ खोदेंशो बाक्‍ब। मेको नाक्‍ती उइक्‍थ दुम सम्‍म बारना बारन शुश छेङछेङ दुम्‍ब। हितोपदेस २४:२०
PRO 4:19 परमप्रभु यावे आ अरेशो मटीब आन लां क्‍येर नाक्‍दो ङा छिङछिङ खोदेंशो बाक्‍ब। मेकोपुकीम मारेइमी दाइल पाइक्‍नीम, दे मतुइक्‍नीम।
PRO 4:20 आं तौ, आं लोव़ नेनो। इ नोफा दाइश्‍शा, आं देंशो नेनो।
PRO 4:21 आं लोव़ कली गेना हना यो मिम्‍तो। मिनु मेको कली इ थुंमी वोतो।
PRO 4:22 मारदे हना सु मेको ताइबा, मेको आ ब्रोंइतीक दुम्‍ब। मिनु मेको आ रां नेल्‍ल कली सापाइक्‍तीक बाक्‍ब। हितोपदेस ३:८
PRO 4:23 नेल्‍ल आन क्‍येङा इ थुं कली कोव़ङो। मारदे हना मेको रे इ ब्रोंइतीक जाक्‍ब।
PRO 4:24 इ शोव़ कली मरिम्‍शो लोव़ पचा मगेवो। हेंथे लोव़ इ क्‍येङा ङोन वोतो।
PRO 4:25 इ मिक्‍ची मरिक्‍थु ठीक पा ङोंइ‍ती कोव़ङो। सिका मपथु ङोंइती गे कोव़ङो। हितोपदेस १७:२४
PRO 4:26 ठीक लां ला गाक्‍को। मिनु इ पतीके नेल्‍ल रिम्‍शो दुम्‍नीम।
PRO 4:27 ग्‍युरा पेरा मलावो। मरिम्‍शो पतीक नेल्‍ल रे ङोन बाक्‍को। यहोसु १:७
PRO 5:1 आं तौ, आं तुइक्‍तीक नेंशा शुश मिम्‍तो। आं रुप्‍तीक तुइक्‍चा कली इ नोफा दाइक्‍तो।
PRO 5:2 मोपा गे होस पा बाक्‍शा, जोक्‍शा लोव़ पने चाप्‍नेवे।
PRO 5:3 हेंथे पाइब मीश मुर आ शोव़ रे खुदो याप्‍ब। मिनु मेको आ लोव़ तेल क्‍येङा ग्रेन्‍देल बाक्‍ब। हितोपदेस २:१६-१९
PRO 5:4 नोले मेको मीश मुर ककीर खोदेंशो कशो नु निम्‍फा गे हेश्‍शो धार पाइश्‍शो तरवार खोदेंशो दुम्‍‍‍ब।
PRO 5:5 मेको आ लां बेक्‍चा कली लुक्‍च लाइब। मेको बेक्‍शो मुर आन बाक्‍तीके लचा कली आंम कली तेक्‍ने मचाप्‍ब।
PRO 5:6 मिनु मेको ब्रोंइचा गेब लां रे ङोन लाइब। मेको आ लां हेंथे बाक्‍त हना यो, मेकोमी मारेइ मतुइक्‍ब।
PRO 5:7 मुल आं तौपुकी, आं लोव़ नेनीन। आं देंशो लोव़ मनेंशो खोदेंशो मपने।
PRO 5:8 मोदेंशो मीश मुर क्‍येङा ङोन बाक्‍कीन। मिनु आ खिं ङा लाप्‍चो आ नेक्‍था मलने।
PRO 5:9 लाइतीनी हना, गे इन मान अरु आन कली गेशा, साइक्‍ब आ गुइमी दुम्‍‍नीनी।
PRO 5:10 मिनु अरु मुरुमी इन शोंप नेल्‍ले जाइनीम। इन श्‍येत पा चेम्‍शो मारेइ मारेइ अरु आन खिं लाइब।
PRO 5:11 मिनु नोले गे श्‍येत जशा, बेक्‍चा चिक्‍शा हुकयी पा, रां नेल्‍ल सोव़शा गेयशो दुम्‍नीनी।
PRO 5:12 मिनु गे “गो मारदे परमप्रभु आ शेंशो मपङा, माइ? मारदे आ हुइश्‍शो मटिङा माइ?
PRO 5:13 गो आं कली शेंब आन लोव़ मनेंनु। आं कली अर्ती गेब आन लोव़ मटिङ।
PRO 5:14 मुल गो खतम दुम्‍ती। मुर नेल्‍ल आन तुइक्‍चा ङा पा खतम दुम्‍ती” देंनेवे। ब्‍यवस्‍था २२:२८-२९
PRO 5:15 मिनु गे आंम कुवा ङा ब्‍वाक्‍कु नु आंम बुक्‍तीके ङा ब्‍वाक्‍कु तूशो खोदेंशो पा गे इ मीश नु बाक्‍को।
PRO 5:16 इ बुक्‍शो ब्‍वाक्‍कु, लां मेर लचा गेनेवे? अरु मीश रे थिशो आल लांमी बाक्‍मानु, इ कली रिम्‍शो दुम्‍बा?
PRO 5:17 इ आल इ के ला दुम्‍ल। मेको अरु आन के मदुम्‍ल।
PRO 5:18 इ बुक्‍शो ब्‍वाक्‍कुम आसीक तवल। इ ठिटा बाक्‍ची ना ग्‍युंबे पशो मीश आल नु ग्‍येरसीशा बाक्‍को। उपदेसक ९:९
PRO 5:19 मेको दारशो किश्‍श नु रिम्‍शो रोकोश खोदेंशो बाक्‍ब। मेको आ दारस नु दाक्‍तीकेमी गे गेना हना यो ग्‍येरशा बाक्‍को।
PRO 5:20 आं तौ, गे मारदे मारेइ मतुइक्‍थु हेंथे मीश मुर नु गाक्‍नेवे? गे मारदे अरु मुर आ मीश कली मुप्‍नेवे?
PRO 5:21 मारदे हना परमप्रभु यावेमी मुर आ पशो नेल्‍ल ताइब। मेकोमी मुर आन लां नाक्‍ब।
PRO 5:22 परमप्रभु यावे आ अरेशो मटीब मुर आ मरिम्‍शो पशोमी ग्‍याइक्‍चा पुंइसीब। मेको आ पाप आ ग्‍याइलीमी रेत्‍चा पुंइसीब।
PRO 5:23 आंम कली चलेने मचाप्‍थु, हुइश्‍शो मटितीके मेको बेक्‍ब। आ मरिम्‍शो पतीकेम मेको जाम्‍शा लाइब।
PRO 6:1 आं तौ, इ नेक्‍था ङा मुर आ जमानी दुम्‍ते हना, सल्‍ला पने थुम्‍शो बाक्‍ते हना, हितोपदेस ११:१५; हितोपदेस २०:१६; हितोपदेस २२:२६
PRO 6:2 गे इ लोव़मी फ्रेंसीशो बाक्‍ते हना, गे ग्रुम्‍चशो बाक्‍नेवे।
PRO 6:3 मुल मार पचा माल्‍नेवे देंशा हना, गे आंम कली प्रोनो। मारदे हना गे इ नेक्‍था ङा मुर आ गुइमी बाक्‍नेवे। मेको कली नमो सिमो पा आ ङोंइती बाप्‍पो।
PRO 6:4 इप्‍शा मबाक्‍को। काइ निन्‍द्रा मपावो।
PRO 6:5 किश्‍श सिखारी आ गुइ रे ब्रोंइशो नु चिक्‍ब ग्‍याइक्‍ब आ गुइ रे बेरशो खोदेंशो पा, गे यो आंम कली प्रोनो।
PRO 6:6 गे अल्‍से, रकमिक्‍च आन कली कोव़ङो। आन पशो कोव़ङो। मिनु जोक्‍ब तुइक्‍ब दुमो। हितोपदेस १०:४; हितोपदेस २०:४
PRO 6:7 मेको आन कली अरेब, सासन पाइब नु हुकुम पाइब मबाक्‍तेक्‍म हना यो,
PRO 6:8 मेकोपुकीमी जचा थोव़क खेक्‍चा कली खुप्‍ची ना खुप्‍नीम।
PRO 6:9 गे अल्‍से, गेना सम्‍म इप्‍शा बाक्‍नेवे? गेना निन्‍द्रा रे सेंसीशा बोक्‍नेवे?
PRO 6:10 याम का ङा निन्‍द्रा पतीके, याम का ङा मुकु जिशा बाक्‍तीके नु याम का कुचुमी गुइ वोइश्‍शा, नाइश्‍शा बाक्‍तीकेमी, हितोपदेस २४:३३-३४
PRO 6:11 प्रुङग दुम्‍तीके खुइ खोदेंशो पा जाक्‍ब। इन मार मार माल्‍तीके या कुरशो लडाइ पाइब खोदेंशो पा जाक्‍ब।
PRO 6:12 हिंचा ङा मरिम्‍शो पाइब नु शोर गाक्‍शो मुर हेंथे लोव़ पा गाक्‍नीम। हितोपदेस १०:३१-३२
PRO 6:13 मिक्‍च रिक्‍शा, खोइलीमी चाल पा, ब्रेप्‍चोमी यो चाल पाइनीम। हितोपदेस १०:१०
PRO 6:14 मेको आन दूली थुंमी मरिम्‍शो मिम्‍नीम। मेकोपुकीमी गेना हना यो मुर आन कली जि‍पा‍इक्‍नीम।
PRO 6:15 मोपतीके मेको आन मतुइक्‍चा ङा पा मेको आन तार श्‍येत जाक्‍ब। मिनु मारेइ पचा मतथु, खतम दुम्‍नीम।
PRO 6:16 परमप्रभु यावेमी ६ ओटा थोव़क काइ मदाक्‍ब। ७ ओटा थोव़क पशो तशा ग्रांग्रा दी‍ब।
PRO 6:17 मेको मार बाक्‍नीम देंशा हना, ठेयब लेत्‍तीके, जोल पतीके, दोस मताइब मुर आन कली हुश ख्राक्‍श पोक्‍तीके,
PRO 6:18 मरिम्‍शो पचा कली मिम्‍ब थुं, मरिम्‍शो पचा चुइक्‍तीके,
PRO 6:19 जोल पाइब सांकछी बाक्‍तीके नु वोबु आन दातेम जिचा पोक्‍ब काइ मदाक्‍ब। मेको ७ ओटा थोव़क बाक्‍नीम।
PRO 6:20 आं तौ, इ आफ आ अरेशो टिवो, इम्‍मा आ शेंशो लोव़ मप्रोनो। हितोपदेस १:८
PRO 6:21 मेको गेना हना यो इ थुंम वोतो। मेको कली माला खोदेंशो पा रेल्‍सो।
PRO 6:22 मिनु गे ते लते हना यो, मेकोमी इ कली लां कोंइनीस। गे इप्‍ते हना, मेकोमी इ कली खाल पाइनीस। गे सेंसेनु, गे नु लोव़ पाइनीस। भजन संग्रह ११९:१७२
PRO 6:23 मारदे हना मेको अरेशो बत्ती नु शेंशो छेङछेङ बाक्‍नीस। ठीक पचा कली हुइक्‍तीके ब्रोंइचा गेब लां बाक्‍ब।
PRO 6:24 मेकोमी हेंथे गाक्‍ब मीश मुर रे ङोन बाक्‍पाइक्‍नीम। मिनु हेंथे गाक्‍ब ग्‍युंबे पशो मीश मुर आन ग्रेन्‍देल लोव़ रे ङोन बाक्‍पाइक्‍नीम। हितोपदेस २:१६
PRO 6:25 मेको आ दारशो कुल तशा इ थुंमी मवलो। मेको आ कोव़शोमी इ कली हेंथे मगाक्‍पदल।
PRO 6:26 तेल्‍लेम आ गाल्‍च शोब्‍ले का ङा ला बाक्‍ब। तन्‍न ग्‍युंबे पशो मीश मुर नु बाक्‍चा वोंइश मुर आ ब्रोंइतीक नेल्‍ल रोइक्‍ब।
PRO 6:27 मुरुमी आ कुचुमी मी वोइक्‍तु हना, आ वा मदुप्‍बा ङा?
PRO 6:28 मुर ब्रशो कोइला तार गाक्‍त हना, मेको आ खोइली मचोइबा ङा?
PRO 6:29 अरु मुर आ मीश नु इप्‍ब मुर मोदेंशो दुम्‍शा, सु मेको मीश मुर कली थीबा, मेको सजाइ मतथु, मब्रोंइब। हितोपदेस ५:८-१४
PRO 6:30 खुइमी शोव़लु बेक्‍शा, जचा थोव़क खुइ पाप्‍तु हना, मेको मुने मदोक्‍ब।
PRO 6:31 तन्‍न मेको ग्‍याइक्‍चा पुंइसाक्‍व हना, आ खुइ पशो ७ खेयप तेम्‍शा थाप्‍चा माल्‍ब। मेकोमी आ खिं आ शोंप नेल्‍ल थाप्‍चा माल्‍ब। प्रस्‍थान २१:३७
PRO 6:32 मोपा मुर आन मीश नु इप्‍ब, निप्‍स मपाइश्‍शो मूर्ख बाक्‍ब। मोदेंशो पाइबमी आंम कली खतम सेल्‍ब।
PRO 6:33 मेको तुप्‍चा नु मुने तोक्‍चा पुंइसी‍ब। मेको आ मुने गेनायो मक्‍याम्‍सीब।
PRO 6:34 मिनु मेको मीश मुर आ वोंइश शुश गाइक्‍ब। मिनु मेकोमी क्‍येक्‍क लेत्‍ची नाक्‍ती मेको कली मारेइ शिशी मपाइब।
PRO 6:35 मेको कली गिश क्‍येट गेप्‍तीवी हना यो, मेकोमी मताक्‍ब।
PRO 7:1 आं तौ, आं लोव़ टिवो। आं शेंशो लोव़ इ थुंम वोतो।
PRO 7:2 गे आं अरेशो मप्रेंताक्‍वी हना, गे ब्रोंइनेवे। आं शेंशो इ मिक्‍च खोदेंशो पा होस पा वोतो।
PRO 7:3 मेको कली इ ब्रेप्‍चोम फ्रेंदो। इ थुंमी ब्रेक्‍शा वोतो।
PRO 7:4 गे तुइक्‍‍तीक कली “आं समी ननी” देनो। मिनु जोक्‍तीक तुइक्‍तीके कली “आं नेल्‍ल क्‍येङा गारब वारच बाक्‍नीनी” दे लोव़ पावो।
PRO 7:5 मो पाप्‍तीवी हना, मेकोमी इ कली हेंथे पाइब ग्‍युंबे पशो मीश मुर आ ग्रेन्‍देल लोव़ रे प्रोंइब।
PRO 7:6 मिनु गोमी आं खिं ङा झेल रे कोंवता। गोमी लां गे कोंवता।
PRO 7:7 मिनु गो मार ताता देंशा हना, मारेइ मजोक्‍ब नु ठिटा आन दातेमी निप्‍स मपाइश्‍शो ठिटा का कली ताता।
PRO 7:8 मेको वोंइश आल लां मेर गाक्‍शो ताता। मेको हेंथे गाक्‍ब मीश मुर आ खिं गे लना लन पशो ताता।
PRO 7:9 गो मेको कली नां रिचावानु, छिङछिङ दुम्‍ची ना ताता।
PRO 7:10 मेको मीश मुर मेको कली ग्रुम्‍चा कली ग्रूत। तेल्‍लेम खोदेंशो पा फेक्‍शा “मेको कली हेंथे खोइक्‍‍पाइक्‍नुङ” दे मिम्‍शो बाक्‍त।
PRO 7:11 मेको मीश मुर मारेइ महिंब नु मुने मपाइब बाक्‍ब। मेको गेनायो आ खिंम बाक्‍चा मदाक्‍ब।
PRO 7:12 मिनु मेको लां एर ओंथ, शुश मुर बाक्‍तीके मेरे हिरशा, कुना मेर रिम्‍ना रिम्‍न बाक्‍ब।
PRO 7:13 मिनु मेको मीश मुरुमी मेको कली ग्‍याइश्‍शा, पुक्‍पु पा मुने मपथु
PRO 7:14 “गो मुलाक्‍ती दुशा बाक्‍चा आ पर्बम चढ़ेतीके चढ़ेचा माल्‍शो नङ। मेको आं कसम मुलाक्‍ती खाप्‍ता। लेवी ७:१५-१७
PRO 7:15 मोपतीके गो इ कली ग्रुम्‍थ जाक्‍ती। गो इ कली शुश माल्‍शा थित्‍ता।
PRO 7:16 गो आं ब्राख्‍येमी बरखी ब्राता। मेको इजीप्‍त रागी ङा श्‍येलेम प्रोव़शो बाक्‍ब।
PRO 7:17 गो आं ब्राख्‍येमी मूरे, एलोव़ नु सिन्‍कौलीमी ब्रोव़शो रिना पपाइक्‍ता।
PRO 7:18 पिवो। गो निक्‍शी इप्‍स। नेल्‍ल नाक्‍दो काथा ग्‍येरसीशा इप्‍स।
PRO 7:19 मारदे हना आं वोंइश खिंमी मबाक्‍ब। मेको ङोन लत।
PRO 7:20 मेको शुश क्‍येट कुरसीशा लत। मोपतीके पूर्ने सम्‍म मजाक्‍ब” देंत।
PRO 7:21 मोपा शुश लेम्‍शा, मेकोमी वोंइश आल कली लाइक्‍तु। आ मिलो शिलो लोव़मी मेको कली हेंथे खोइक्‍पाइक्‍तु।
PRO 7:22 मिनु मेको वोंइश आल मेको मीश मुर आ नोले रीब पा खोइक्‍तु। क्‍योरचा कली खुल्‍शो ब्‍यफ खोदेंशो पा गाक्‍त। ब्‍वारदमी रेत्‍चा कली प्रेक्‍शो किश्‍श खोदेंशो पा मेको आ नोले लत।
PRO 7:23 मिनु ब्राम ख्रशा, बेक्‍चा सम्‍म रिम्‍ब। चिक्‍ब ब्‍वारदम रेत्‍चा चिक्‍शो खोदेंशो पा “बेक्‍नुङ” दे मतुइक्‍ब।
PRO 7:24 मुल आं तौपुकी, आं लोव़ नेनीन। इन नोफा दाइश्‍शा, आं लोव़ नेनीन।
PRO 7:25 इन थुं मोदेंशो मीश मुर आ लांम लचा मगेने। मेको आ हेंथे लां मलने।
PRO 7:26 मेकोमी शुश मुर आन कली खतम सेल्‍तु। आ साइश्‍शो शुश बाक्‍नीम।
PRO 7:27 मेको आ खिं बेक्‍शो मुर आन बाक्‍तीक लतीक लां खोदेंशो बाक्‍ब। मेको लां बेक्‍तीक कोठा जाक्‍दीप्‍ब।
PRO 8:1 तुइक्‍‍तीकेमी लोव़ मपाइबा ङा? रुप्‍‍तीकेमी ठेयब सेंदा पा मब्रेप्‍बा ङा? हितोपदेस १:२०-२३
PRO 8:2 मेको लां आ नेक्‍था ङा डांडा तारी नु ब्रालाम दोक राप्‍ब।
PRO 8:3 ठेयब लाप्‍चो आ नेक्‍था सहर आ ङोंइती, मेको आ ओव़तीकेमी ठेयब सेंदामी ग्रीब।
PRO 8:4 मार देंशा ग्रीब देंशा हना, मुरपुकी, गो इन कली लोव़ पाइनुङ। मुर नेल्‍ल आन कली लोव़ पाइनुङ।
PRO 8:5 मारेइ मजोक्‍बपुकी होस पतीके शेंसीन। निप्‍स मपाइश्‍शो बाक्‍तीनी हना, निप्‍स पाइश्‍शो दुमीन।
PRO 8:6 नेनीन, गो रिम्‍शो लोव़ पाइनुङ। आं लोव़ ठीक बाक्‍ब।
PRO 8:7 गो थमा लोव़ ला पाइनुङ। परमप्रभु यावे आ अरेशो मटितीके तशा, गो ग्रांग्रा दी‍नुङ।
PRO 8:8 गो ठीक लोव़ ला पाइनुङ। दूली नु हेंथे लोव़ मपाइनुङ।
PRO 8:9 मिनु मेको आं लोव़ रुप्‍ब आन कली मख्रुइश्‍शो लोव़ बाक्‍ब। जोक्‍ब आन कली ठीक लोव़ बाक्‍ब।
PRO 8:10 चांदी आ पा ङा आं अर्ती खुप्‍तीन। क्‍येख सुन आ पा ङा जोक्‍ब थुं मालीन। हितोपदेस ३:१४
PRO 8:11 मारदे हना हीरा क्‍येङा तुइक्‍‍तीके रिम्‍शो बाक्‍ब। इ माल्‍शो मारेइ मारेइ नेल्‍ल मेको क्‍येङा आइक्‍च बाक्‍नीम।
PRO 8:12 गो तुइक्‍‍तीके नङ। गो होस पतीक नु बाक्‍नुङ। गो जोक्‍ब नु मिम्‍ब दुम्‍‍नुङ।
PRO 8:13 परमप्रभु यावे कली मान पा हिंचा, मरिम्‍शो पचा कली काइ मदाक्‍चा बाक्‍ब। फुरती कोंइचा, ठेयब लेश्‍शो दुम्‍चा, मरिम्‍शो थुं ङा गेय पचा नु दूली लोव़ पचा काइ मदाक्‍नुङ।
PRO 8:14 अर्ती नु ठीक पा तुइक्‍तीक गो नु बाक्‍नीस। गो नु जोक्‍तीक तुइक्‍तीक नु बोल यो बाक्‍नीम।
PRO 8:15 गो रे पा पिपपुकीमी सासन पाइनीम। हुकुम पाइबपुकीमी ठीक पा अरेतीक लोव़ पाइनीम। हितोपदेस १६:१२
PRO 8:16 आं पतीकेमी रागी रागी ङा हुकुम पाइबमी हुकुम पाइनीम।
PRO 8:17 सुमी आ कली दाक्‍नीमी, गो यो मेको आन कली दाक्‍नुङ। सुम आं कली शुश माल्‍नीमी, मेकोमी आं कली थित्‍नीम।
PRO 8:18 शोंप नु मान गो नु बाक्‍नीस। मिनु मनुप्‍ब शोंप नु सोशा बोशा ग्‍येत्‍थ लतीक गो नु बाक्‍नीस।
PRO 8:19 सुन नु क्‍येख सुन क्‍येङा आं गेशो फल रिम्‍शो बाक्‍ब। आं रे पा ग्रूशो मारेइ मारेइ चांदी क्‍येङा रिम्‍शो बाक्‍नीम।
PRO 8:20 गो ठीक पतीक लां गाक्‍नुङ। ठीक निसाफ पाइनुङ।
PRO 8:21 आं कली दाक्‍ब आन कली गो शुश शोंप गेनुङ। गो मेको आन मार मार वोइक्‍तीक नेल्‍ल प्रिंशा गे‍नुङ।
PRO 8:22 मिनु मेकोमी “परमप्रभु यावेमी नेल्‍ल सेल्‍चा क्‍येङा ङोंइती आं कली सेल्‍ती। अय्‍युब २८:२३-२८
PRO 8:23 नेल्‍ल क्‍येङा ङोंइती ङा गो नङ। रागी क्‍येङा ङोंइती यो गो नङ।
PRO 8:24 समुन्‍द्र दुम्‍‍चा क्‍येङा ङोंइती गो नङ। ब्‍वाक्‍कु बुक्‍चा क्‍येङा ङोंइती गो बाक्‍ती।
PRO 8:25 डांडापुकी दुम्‍चा क्‍येङा ङोंइती नु पहाड दुम्‍चा क्‍येङा ङोंइती गो नङ।
PRO 8:26 मेकोमी रू नु रागी सेल्‍चा क्‍येङा ङोंइती गो नङ। खप सेल्‍चा क्‍येङा ङोंइती गो नङ।
PRO 8:27 मेकोमी सरीङ प्राक्‍शा वोइक्‍ची ना गो नङ।
PRO 8:28 गोस्‍स कली सरीङमी वोइक्‍ची ना नु खप आगा ङा ब्‍वाक्‍कु बुक्‍तीके कली ठीक पा वोइक्‍चा ना,
PRO 8:29 ठेयब समुन्‍द्र आ शुंइच वोइक्‍ची ना नु रागी आ जग वोइक्‍ची ना गो नङ। भजन संग्रह १०४:९
PRO 8:30 मेना गो परमप्रभु यावे आ नेक्‍था जोक्‍ब तुइक्‍ब गेय पाइब खोदेंशो पा बाक्‍शो नङ। मेकोमी नाक्‍त किंत किंत आं कली तशा ग्‍येरसाक्‍व। गो यो मेको नु ग्‍येरसीशा बाक्‍ती।
PRO 8:31 मिनु आ मुरपुकीम ब्रीशो रागी तशा ग्‍येरसाक्‍यी। गो मुर आन कली तशा ग्‍येरसाक्‍यी।
PRO 8:32 आं तौपुकी, मुल आं लोव़ नेनीन। आं कोंइशो लां गाक्‍बपुकी ग्‍येरसीशो मुर दुम्‍नीम।
PRO 8:33 आं अर्ती नेंशा जोक्‍ब तुइक्‍ब मुर दुमीन। मेको कली मप्रोनीन।
PRO 8:34 सुम आं लोव़ नेंबा, मेको ग्‍येरसीशो मुर दुम्‍ब। मेको मुरुम नाक्‍त किंत किंत आं लाप्‍चो कोव़शा आं कली रिम्‍ब।
PRO 8:35 सुम आं कली थिप्‍बा, मेको ब्रोंइचा ताइब। मिनु परमप्रभु यावेमी मेको कली दाक्‍ब।
PRO 8:36 आं कली मथिप्‍बपुकी चहिं आंम कली खतम सेल्‍नीम। आं कली काइ मदाक्‍ब नेल्‍ले बेक्‍चा दाक्‍नीम” देंत।
PRO 9:1 तुइक्‍तीकेमी आंम खिं सेल्‍शा, ७ ओटा थाम ख्रुक्‍तु।
PRO 9:2 मेकोमी भोज सेल्‍तु अङगुर शांबु ब्रोव़पाइश्‍शा, राडी ब्रशा, जचा कली ठीक पशो बाक्‍त।
PRO 9:3 आ वाइलीम आन कली “सहर ङा डांडा रे मुर आन कली ब्रेत्‍तीन” दे सोइक्‍ताक्‍व।
PRO 9:4 “मारेइ मजोक्‍ब नेल्‍ल एक जाक्‍कीन” देंत। निप्‍स मपाइश्‍शो आन कली
PRO 9:5 “जाक्‍कीन, आं शोब्‍ले जने। आं ब्रोव़ पा सेल्‍शो शांबु यो तूङीन” देंत।
PRO 9:6 क्‍येख मुर आन लां गाक्‍चा प्रोनीन। मिनु जोक्‍ब तुइक्‍ब आन लां गाक्‍शा, ब्रोंइ‍शा बाक्‍कीन।
PRO 9:7 सुमी शुक्‍शी पाइब आन कली “रिम्‍शो दुमो” देंबा, मेको दिप्‍चा पुंइसीब। सुमी परमप्रभु यावे आ अरेशो मटीब आन कली हुइक्‍बा, मेको मरिम्‍शो पाइक्‍चा पुंइसीब।
PRO 9:8 सुमी शुक्‍शी पाइब आन कली हुइक्‍बा, मेको काइ मदाक्‍चा पुंइसीब। सुमी चहिं जोक्‍ब तुइक्‍ब आन कली हुइक्‍बा, मेको दाक्‍चा पुंइसीब।
PRO 9:9 जोक्‍ब तुइक्‍ब आन कली अर्ती गेशोनु, ङोंइती क्‍येङा जोक्‍ब तुइक्‍ब दुम्‍नीम। ठीक पाइब आन कली शेंशोनु, मेको क्‍येङा ठीक पचा शेंसीनीम।
PRO 9:10 परमप्रभु यावे कली मान पा हिंचा जोक्‍तीक तुइक्‍तीक गोतीक बाक्‍ब। मिनु सुमी मेको का ला परमप्रभु यावे कली तुइक्‍बा, मेको रुप्‍‍ब दुम्‍ब। हितोपदेस १:७
PRO 9:11 मारदे हना आं पतीकेमी गे शुश नाक्‍ती ब्रोंइनेवे। इ ब्रोंइतीक शुश बर्स तेम्‍चा पुंइसीनेवे।
PRO 9:12 गे जोक्‍ब तुइक्‍ब दुम्‍‍ते हना, मेको इ कलीन दुम्‍ब। गे शुक्‍शी पाइब दुम्‍ते हना, मेको रे पिशो दोस नेल्‍ल इ केन बाक्‍ब।
PRO 9:13 मूर्ख मीश मुर शुश रेयके पाइब। मेको मारेइ मजोक्‍ब नु मारेइ मतुइक्‍ब बाक्‍ब।
PRO 9:14 मेको आ खिं ङा लाप्‍चोमी निप्‍ब। सहर आ इर ङा नित्‍तीकेमी निप्‍ब।
PRO 9:15 सु सु आन गेय पा मेको लां गाक्‍नीमी, मेकोमी मेको आन कली ब्रेप्‍‍ब।
PRO 9:16 मिनु “सु सु मारेइ मजोक्‍ब बाक्‍नी, एक जाक्‍कीन” देंब। मिनु मेकोमी निप्‍स मपाइश्‍शो आन कली
PRO 9:17 “खुइ पशो ब्‍वाक्‍कु ब्रोव़शो बाक्‍ब। मिनु ख्रुइश्‍शा जशो जचा थोव़क यो थाम्‍पा ब्रोव़ब” देंब। हितोपदेस २०:१७
PRO 9:18 मिनु मेको लां गाक्‍ब मुरपुकीमी “मेको आ खिं बेक्‍शो मुर आन बाक्‍तीके बाक्‍ब” दे मतुइक्‍नीम। मिनु मेको आ पौनामी आन कली बेक्‍शो मुर आन बाक्‍तीकेमी ब्रेश्‍शो बाक्‍नीम, दे मतुइक्‍नीम।
PRO 10:1 जोक्‍ब तुइक्‍ब तौमी आ आफ कली ग्‍येरपाइक्‍ब। तन्‍न मूर्ख तौमी चहिं आ ममा कली सुर्ता पपाइक्‍ब।
PRO 10:2 परमप्रभु यावे कली मटिथु, चेम्‍शो शोंप शोर गाक्‍ब। सु ठीक पाइब बाक्‍मे मेको बेक्‍तीक रे ब्रोंइ‍ब।
PRO 10:3 परमप्रभु यावेमी ठीक पाइब मुर आन कली शोव़लु बेक्‍पाइश्‍शा मवोइक्‍ब। तन्‍न आ अरेशो मटीब आन कली आन जत दाक्‍शो मगेब। भजन संग्रह ३७:१९,२५
PRO 10:4 सु अल्‍से बाक्‍मे, मेको प्रुङग दुम्‍ब। शुश गेय पाइब मुर चहिं शोंप पाइश्‍शो दुम्‍ब। हितोपदेस ६:६
PRO 10:5 सु अन्‍न खुप्‍ची ना खुप्‍बा, मेको होस पाइब तौ का बाक्‍ब। अन्‍न रुप्‍ची ना इप्‍ब तौमी आ आफ कली मुने तोक्‍ब।
PRO 10:6 ठीक पाइब मुर आसीक राइनीम। तन्‍न परमप्रभु यावे आ अरेशो मटीब आन कली आन मरिम्‍शो पशोमी सुम्‍ब।
PRO 10:7 ठीक पाइब कली मिम्‍शा आसीक गेब। परमप्रभु यावे आ अरेशो मटीब आन नें चहिं जाम्‍शा लाइब। अय्‍युब १८:१७; भजन संग्रह ९:६
PRO 10:8 जोक्‍ब तुइक्‍ब थुं पाइश्‍शो मुरुमी शेंशो लोव़ टीब। तन्‍न हेंथे लोव़ पाइब मूर्ख खतम दुम्‍ब।
PRO 10:9 गेना हना यो रिम्‍शो पाइब मुर कली सुइमी मारेइ मपाइनीम। सु चहिं दूली लां गाक्‍बा, मेको आ पर्बम नेल्‍लेमी “मरिम्‍शो पाइब” दे तुइक्‍नीम।
PRO 10:10 मिक्‍च रिक्‍बपुकीमी मुर आन कली श्‍येत गेनीम। तन्‍न सुमी महिंथु हुइक्‍बा मेकोमी थुं नाइश्‍शा बाक्‍चा गेब। हितोपदेस ६:१२-१३
PRO 10:11 ठीक पाइब मुर आन लोव़ पतीकेमी ब्रोंइनीम। तन्‍न परमप्रभु यावे आ अरेशो मटीब आंम आन लोव़ पतीकेमी खतम दुम्‍नीम।
PRO 10:12 मुर आन कली काइ मदाक्‍शोनु, जिचा बोक्‍ब। मुर आन कली दाक्‍शोनु चहिं, आन मरिम्‍शो पशो नेल्‍ल सुम्‍सीब। १पत्रुस ४:८
PRO 10:13 मिम्‍ब मुर आन लोव़ रुप्‍चा ङा बाक्‍ब। तन्‍न ममिम्‍ब मुरपुकी तुप्‍चा पुंइसीनीम।
PRO 10:14 जोक्‍ब तुइक्‍ब मुर नु जोक्‍तीक बाक्‍ब। तन्‍न हेंथे लोव़ पाइब मूर्खमी खतम दुम्‍तीक चाक्‍ब।
PRO 10:15 शोंप पाइश्‍शो मुर आन शोंप मेको आन बोल्‍यो दरवार खोदेंशो बाक्‍ब। प्रुङग मुर आन श्‍येत दुम्‍तीकेम मेको आन कली खतम सेल्‍ब। हितोपदेस १८:११
PRO 10:16 ठीक पाइब मुर आन गेय पतीकेमी ब्रोंइनीम। परमप्रभु यावे आ अरेशो मटीब आन चेम्‍शो नेल्‍ल मरिम्‍शो गेय पा नुप्‍शा लाइब।
PRO 10:17 सु सुमी अर्ती टीनीमी, मेको ब्रोंइचा गेब लां गाक्‍नीम। हुइश्‍शो मनेंब चहिं हेंथे लां गाक्‍नीम।
PRO 10:18 सुमी मुर काइ मदाक्‍बा, तन्‍न “दाक्‍नुङ” देंबा, मेको मुर जोल्‍फे बाक्‍ब। सुम मुर आन पर्बम जोल फ्राइबा, मेको मूर्खे बाक्‍ब।
PRO 10:19 शुश लोव़ पाइब मुरपुकीमी शुश गल्‍ती पाइनीम। होस पाइब मुर शुश मब्‍वाक्‍नीम।
PRO 10:20 ठीक पाइब मुर आन लोव़ रिम्‍शो चांदी खोदेंशो बाक्‍ब। परमप्रभु यावे आ अरेशो मटीब आन थुं शोर गाक्‍शो बाक्‍ब।
PRO 10:21 ठीक पाइब मुर आन लोव़मी शुश मुर आन कली रिम्‍शो दुम्‍ब। तन्‍न मूर्ख आन निप्‍स मपाइक्‍तीके बेक्‍शा लाइनीम।
PRO 10:22 परमप्रभु यावे आ आसीकम मुर आन कली शोंप पाइश्‍शो सेल्‍ब। मेकोमी मारेइ श्‍येत मतेम्‍ब। भजन संग्रह १२७:२
PRO 10:23 मूर्ख मरिम्‍शो पचा कली ग्‍येरसीनीम। रुप्‍ब मुर जोक्‍ब तुइक्‍ब गेय तशा ग्‍येरसीनीम।
PRO 10:24 परमप्रभु यावे आ अरेशो मटीब मुर आन हिंशोम श्‍येत जाइनीम। तन्‍न ठीक पाइब मुर आन दाक्‍शो ताइनीम। हितोपदेस १:२७; भजन संग्रह ३७:४
PRO 10:25 श्‍येत फश गिवार खोदेंशो पा जाक्‍मेनु परमप्रभु यावे आ अरेशो मटीबपुकी जाम्‍शा लाइनीम। तन्‍न ठीक पाइब मुर गेना हना यो ब्रोंइशा बाक्‍नीम। हितोपदेस १२:७
PRO 10:26 दोपा ग्‍युरशोमी ख्रुइ ग्रिम्‍बा नु कुनमी मिक्‍च दुक्‍बा, मोपा अल्‍सी पाइब आन होव़प आन कली दुम्‍नीम।
PRO 10:27 परमप्रभु यावे कली मान पा हिंतीकेमी ब्रोंइतीक नाक्‍त तेम्‍सीब। तन्‍न परमप्रभु यावे आ अरेशो मटीब आन ब्रोंइतीक नाक्‍ती ख्रोंइसीब।
PRO 10:28 ठीक पाइब आन आस पतीके तशा ग्‍येरसीनीम। तन्‍न परमप्रभु यावे आ अरेशो मटीब आन आस पतीके जाम्‍शा लाइब। भजन संग्रह ९:१९; अय्‍युब ८:१३
PRO 10:29 परमप्रभु यावे आ लां रिम्‍शो थुं पाइश्‍शो मुर आन कली ख्रुइश्‍शा ब्रोंइशा बाक्‍तीक बाक्‍ब। तन्‍न मरिम्‍शो पाइब आन कली मेको लां खतम दुम्तीक बाक्‍ब।
PRO 10:30 ठीक पाइब मुर गेनायो ग्‍येत्‍थ लुक्‍च मदुम्‍नीम। परमप्रभु यावे आ अरेशो मटीबपुकी चहिं रागीमी मलीनीम। हितोपदेस २:२२
PRO 10:31 ठीक पाइब मुरुमी तुइक्‍तीक लोव़ पाइब। तन्‍न दूली लोव़ पाइब मुर आ लें फेत्‍चा पुंइसीब। भजन संग्रह ३७:३०
PRO 10:32 ठीक पाइब मुरुमी रिम्‍शो लोव़ पस जोक्‍ब। तन्‍न परमप्रभु यावे आ अरेशो मटीबपुकी दूली ला ब्‍वाक्‍स जोक्‍नीम।
PRO 11:1 परमप्रभु यावेमी जोल पा नाक्‍तीक तशा, ग्रांग्रा दीब। तन्‍न ठीक नाक्‍तीक तशा शुश ग्‍येरसीब। लेवी १९:३५-३६
PRO 11:2 ठेयब लेश्‍शो मुर मदाक्‍चा पुंइसीब। तन्‍न तुइक्‍‍तीक ब्रेम्‍शो मुर नु बाक्‍ब। हितोपदेस १६:१८
PRO 11:3 रिम्‍शो थुं पाइश्‍शो मुर आन कली गेना हना यो आन रिम्‍शो पतीकेमी लां कोंइब। तन्‍न थमा सुइक्‍चा मपुंइसीब मुर आन कली आन मरिम्‍शो पतीकेमी खतम सेल्‍ब।
PRO 11:4 गाइश्‍शो नाक्‍ती शुश शोंप शोर गाक्‍शो दुम्‍‍ब। तन्‍न ठीक प‍तीकेमी बेक्‍तीक रे प्रोंइब। लूका १२:२०; हितोपदेस १०:२
PRO 11:5 दोस मताइब आन ठीक पतीकेमी मेको आन लां थेल्‍ब। तन्‍न परमप्रभु यावे आ अरेशो मटीब आन मटितीकेमी खतम दुम्‍नीम।
PRO 11:6 रिम्‍शो थुं पाइश्‍शो मुर आन ठीक पतीकेम ब्रोंइचा ताइनीम। तन्‍न थमा सुइक्‍चा मपुंइसीब मुर आन मरिम्‍शो पतीकेमी ग्‍याइक्‍चा पुंइसीनीम।
PRO 11:7 परमप्रभु यावे आ अरेशो मटीब मुर बेक्‍मानु, आन आस यो जाम्‍शा लाइब। मेको आन मिम्‍शो नेल्‍ल मदुम्‍ब। हितोपदेस १०:२८
PRO 11:8 ठीक पाइब मुर हिंचा ङा श्‍येत रे प्रोंइचा पुंइसीनीम। तन्‍न परमप्रभु यावे आ अरेशो मटीबपुकी मेको श्‍येतमी हुम्‍सीनीम।
PRO 11:9 मरिम्‍शो मुर आन लोव़मी आन नेक्‍था ङा मुर आन कली खतम सेल्‍‍नीम। तन्‍न ठीक पाइब मुर मेको आन जोक्‍‍तीकेमी प्रोंइचा पुंइसीनीम।
PRO 11:10 ठीक पाइब मुर आन कली रिम्‍शो दुम्‍त हना, सहर ङा मुर नेल्‍ल ग्‍येरसीनीम। परमप्रभु यावे आ अरेशो मटीब खतम दुम्‍मानु, मुर नेल्‍ल थाम्‍पा ग्‍येरसीनीम।
PRO 11:11 रिम्‍शो थुं पाइश्‍शो मुर आसीक तामेनु, सहर कली रिम्‍शो दुम्‍ब। तन्‍न परमप्रभु यावे आ अरेशो मटीब आन लोव़मी सहर कली मरिम्‍शो दुम्‍ब। हितोपदेस २८:१२
PRO 11:12 सुमी अरु मुर आन कली आइक्‍‍च सेल्‍बा, मेको निप्‍स मपाइश्‍शो बाक्‍ब। तन्‍न निप्‍स पाइश्‍शो मुर सिक्‍सी पा बाक्‍ब। भजन संग्रह १५:३
PRO 11:13 लोव़ क्‍याल्‍बमी ख्रुइश्‍शो लोव़ यो फ्राइनीम। तन्‍न थमा सुइक्‍चा पुंइसीब मुरुमी मोदेंशो लोव़ ख्राप्‍शा वोइक्‍नीम।
PRO 11:14 लां कोंइब मबाक्‍त हना, रागी खतम दुम्‍ब। तन्‍न अर्ती गेब शुश बाक्‍तेक्‍म हना, मेको लीब।
PRO 11:15 अरु मुर आन जमानी बाक्‍शोनु, मरिम्‍शो दुम्‍ब। तन्‍न जमानी मबाक्‍शो रिम्‍शो दुम्‍ब। हितोपदेस ६:१-२
PRO 11:16 रिम्‍शो थुं पाइश्‍शो मीश मुर कली मान पाइनीम। तन्‍न मरिम्‍शो पाइब मीश मुनेमी सुम्‍सीशो बाक्‍ब। गेय मपाइब मुर प्रुङग दुम्‍ब। तन्‍न आंट पा गेय पाइबमी क्‍येट चेम्‍ब।
PRO 11:17 रिम्‍शो पाइब मुरपुकीमी आंम कली रिम्‍शो पाइनीम। तन्‍न मरिम्‍शो पाइबपुकी श्‍येत गेंसीनीम।
PRO 11:18 परमप्रभु यावे आ अरेशो मटीब मुरुमी क्‍येट चेम्‍ब, तन्‍न मलीब। तन्‍न ठीक पाइब मुरुमी इनाम ताइनीम।
PRO 11:19 सु गेना हना यो ठीक पाइब बाक्‍बा, मेको ब्रोंइब। तन्‍न सु मरिम्‍शो पचा कली चुइक्‍बा, मेको बेक्‍ब। हितोपदेस १९:२३
PRO 11:20 मरिम्‍शो थुं परमप्रभु यावे कली ग्रांग्रा बाक्‍ब। तन्‍न दोस मताइब रिम्‍शो थुं पाइश्‍शो मुर आन लां गाक्शो तशा ग्‍येरसीब।
PRO 11:21 मरिम्‍शो पाइब मुर सजाइ मतथु मब्रोंइनीम। मेको थमा बाक्‍ब। तन्‍न ठीक पाइब आन चच युइ ब्रोंइचा ताइनीम।
PRO 11:22 निप्‍स मपाइश्‍शो दारशो मीश मुर सुन के मुन्‍द्री पांइशो पोव़ खोदेंशो बाक्‍ब। हितोपदेस ३१:३०
PRO 11:23 ठीक पाइब मुर आन दाक्‍शो थमा पा ताइनीम। परमप्रभु यावे आ अरेशो मटीबम गाइक्‍पाइक्‍नीम।
PRO 11:24 का निक्‍शी मुरुम शुश गेनीम हना यो, आन शोंप मेको क्‍येङा बारब। का निक्‍शी चहिं आन गेचा माल्‍शो मगेथु, प्रुङग दुम्‍नीम। मत्ती २५:२९; २कोरिन्‍थी ९:६
PRO 11:25 हाइश्‍शो मुरुमी शुश ताइब। सुम अरु आन कली वारच पाइक्‍बा, मेकोमी आंमा यो वारच पाइक्‍चा पुंइसीब।
PRO 11:26 अरु आन कली अन्‍न मगेथु खेक्‍शा वोइक्‍ब मुर सराप पाइक्‍चा पुंइसीब। तन्‍न अन्‍न लेयब मुर आसीक ताइब।
PRO 11:27 सुम रिम्‍शो पतीके माल्‍शा पाइबा, मेकोमी शिशी माल्‍ब। सुम मरिम्‍शो पतीके माल्‍बा, मेको मरिम्‍शो पाइक्‍चा पुंइसीब।
PRO 11:28 सुमी आ शोंप कली थमा सुइक्‍बा, मेको रीब पा बेक्‍ब। ठीक मुर चहिं गिग घांस खोदेंशो पा बारशा लाइब। भजन संग्रह ५२:९-१०
PRO 11:29 आंम खिं ङा मुर आन कली श्‍येत चाक्‍बमी मारेइ मथेरब। मिनु मूर्खपुकी जोक्‍ब तुइक्‍ब आन वाइल दुम्‍नीम।
PRO 11:30 ठीक पाइब मुर आन पतीके ब्रोंइचा गेब रवा खोदेंशो बाक्‍ब। तन्‍न हुश ख्राक्‍श पोक्‍बमी मुर आन कली साइक्‍ब। हितोपदेस ३:१८
PRO 11:31 ठीक पाइब मुरपुकीम रागीम बाक्‍मानु, आन ठीक पशो ङा इनाम ताइनीम। परमप्रभु यावे आ अरेशो मटीब नु मरिम्‍शो पाइबपुकीमी यो आन मरिम्‍शो पशो ङा इनाम ताइनीम। १ पत्रुस ४:१७-१८
PRO 12:1 सु सुमी शेंसीतीके दाक्‍नीमी, मेकोमी जोक्‍‍तीक दाक्‍नीम। सुमी हुइक्‍तीक काइ मदाक्‍नीमी, मेको निप्‍स मपाइश्‍शो बाक्‍नीम। हितोपदेस १३:१; हितोपदेस १३:१८
PRO 12:2 परमप्रभु यावेमी रिम्‍शो पाइब मुर आन कली दाक्‍ब। दूली मिम्‍शा हेंथे पाइब आन कली चहिं दोस गेब।
PRO 12:3 परमप्रभु यावे आ अरेशो मटीब रिम्‍शो मबाक्‍नीम। तन्‍न ठीक पाइब बोल्‍यो शाक्‍श पाइश्‍शो रवा खोदेंशो बाक्‍‍नीम।
PRO 12:4 रिम्‍शो मीश आ वोंइश आ सिरपेच खोदेंशो बाक्‍ब। मुने तोक्‍ब मीश चहिं आ वोंइश कली राक्‍शो रुश खोदेंशो बाक्‍ब। हितोपदेस ३१:१०-३१
PRO 12:5 ठीक पाइब मुर आन मिम्‍शो ठीक बाक्‍ब। तन्‍न परमप्रभु यावे आ अरेशो मटीब आन अर्ती चहिं दूली बाक्‍ब।
PRO 12:6 परमप्रभु यावे आ अरेशो मटीब आन लोव़ मुर साइक्‍तीक बाक्‍ब। तन्‍न रिम्‍शो थुं पाइश्‍शो मुर आन लोव़मी मेको आन कली प्रोंइब।
PRO 12:7 परमप्रभु यावे आ अरेशो मटीबपुकी बेक्‍शा जाम्‍शा लाइनीम। ठीक पाइब नु मेको आन खिं ङा मुर नोले सम्‍म लीनीम। हितोपदेस १०:२५
PRO 12:8 निप्‍स पाइश्‍शो मुरपुकी मान ताइनीम। दूली थुं पाइश्‍शो मुर आन कली चहिं महिक्‍‍नीम।
PRO 12:9 “ठेयब मुर नङ” देंखु पा जचा मताइब मुर दुम्‍चा क्‍येङा महिक्‍सीशो दुम्‍शा, वाइल का बाक्‍‍‍शो रिम्‍शो बाक्‍ब।
PRO 12:10 ठीक पाइब मुरपुकीमी आंम बी ब्‍यफ, क्‍यारश भेडा आन कली रिम्‍शो कोव़नीम। तन्‍न परमप्रभु यावे आ अरेशो मटीबपुकीमी शिशी मपाइनीम। प्रस्‍थान २३:५
PRO 12:11 सु सुमी आंम रूम शोक्‍नीमी, मेकोमी जचा शुश ताइनीम। तन्‍न सु सुमी शोर गाक्‍‍शो लोव़ पा गाक्‍नीमी, मेको निप्‍स मपाइश्‍शो बाक्‍नीम। हितोपदेस २८:१९
PRO 12:12 परमप्रभु यावे आ अरेशो मटीबपुकी रोइश्‍शो थोव़कीम आस पाइनीम। तन्‍न ठीक पतीके आ शाक्‍शम फल सिप्‍पाइक्‍ब।
PRO 12:13 मरिम्‍शो पाइब मुर आंम मरिम्‍शो लोव़मी ग्‍याइक्‍चा पुंइसीनीम। तन्‍न ठीक पाइब मुर श्‍येत रे ब्रोंइचा ताइनीम।
PRO 12:14 मुरपुकी आंम लोव़म पतीके मान ताइनीम। मिनु गेय पाइब मुरपुकीमी आन गेय ङा इनाम ताइनीमी। हितोपदेस १८:२०
PRO 12:15 मूर्खपुकी आंम लां नेल्‍ले “ठीक बाक्‍ब” दे मिम्‍नीम। तन्‍न जोक्‍ब तुइक्‍बमी अर्ती नेंनीम।
PRO 12:16 मूर्खपुकीमी आन गाइक्‍चा रीब पा कोंइनीम। तन्‍न होस पाइश्‍शो मुर कली मरिम्‍शो लोव़ पाम्‍तेक्‍म हना यो, सिक्‍सी पा बाक्‍ब।
PRO 12:17 सुमी थमा लोव़ पाइबा, मेकोमी ठीक पतीके कोंइब। तन्‍न जोल पाइब सांकछीमी गेना हना यो दूली लोव़ पाइब।
PRO 12:18 मुर आन ममिम्‍थु पशो लोव़मी तरवार खोदेंशो पा थोक्‍ब। तन्‍न जोक्‍ब तुइक्‍ब मुर आन लोव़मी सापाइक्‍ब। हितोपदेस १३:३
PRO 12:19 थमा लोव़ पाइब मुर गेना हना यो लीनीम। तन्‍न जोल पाइब मुर याम का ला लीनीम।
PRO 12:20 मरिम्‍शो मिम्‍ब आन थुंमी जोल ला बाक्‍ब। तन्‍न थुं नाइक्‍तीक अर्ती गेब ग्‍येरशा बाक्‍नीम।
PRO 12:21 ठीक पाइब मुर आन कली श्‍येत मदुम्‍ब। तन्‍न परमप्रभु यावे आ अरेशो मटीब आन कली श्‍येतम गिल्‍शो बाक्‍नीम।
PRO 12:22 परमप्रभु यावेम जोल पाइब आन कली तशा ग्रांग्रा दी‍ब। जोल मपथु, आ अरेशो टीब आन कली तशा ग्‍येरसीब।
PRO 12:23 निप्‍स पाइश्‍शो मुरुमी आ तुइश्‍शो मकोंइब। तन्‍न मूर्खमी मूर्ख लोव़ पाइब।
PRO 12:24 शुश गेय पाइब मुर हुकुम पाइब दुम्‍नीम। तन्‍न अल्‍सी पाइब चहिं वाइल दुम्‍नीम।
PRO 12:25 सुर्ता पतीकेम मुर आन थुं लुक्‍च लपाइक्‍ब। तन्‍न रिम्‍शो लोव़मी मेको आन कली ग्‍येरपाइक्‍ब। हितोपदेस १६:२४
PRO 12:26 ठीक पाइबपुकीमी आन वारच आन कली रिम्‍शो अर्ती गेनीम। तन्‍न परमप्रभु यावे आ अरेशो मटीबपुकीमी दूली लां कोंइनीम।
PRO 12:27 अल्‍से सिखारीम सिखार मताइनीम। तन्‍न शुश गेय पतीकेमी मुर आन कली शोंप पाइश्‍शो सेल्‍ब।
PRO 12:28 ठीक पतीक लांमी ब्रोंइतीक बाक्‍ब। मेको लां गाक्‍बपुकी मबेक्‍नीम।
PRO 13:1 जोक्‍ब तुइक्‍ब तौमी आ आफ आ शेंशो दाक्‍ब। तन्‍न शुक्‍शी पाइबमी हुइश्‍शो मनेंब। हितोपदेस १:८; १२:३
PRO 13:2 आन लोव़म पतीके मुरपुकीम मारेइ मारेइ रिम्‍शो ताइनीम। तन्‍न थमा मसुइक्‍चा ङा मुरपुकी दूली पचा ला दाक्‍नीम।
PRO 13:3 मिम्‍शा लोव़ पाइब मुरुम आंम कली ब्रोंइपाइक्‍नीम। तन्‍न ममिम्‍थु ब्‍वाक्‍बपुकीमी आंम कली खतम सेल्‍नीम। हितोपदेस १२:१८; हितोपदेस २१:२३
PRO 13:4 अल्‍सेपुकी वाल्‍नीमी। मिनु मारेइ मताइनीम। तन्‍न शुश गेय पाइब मुरपुकीमी मारेइ मारेइ ताइनीम।
PRO 13:5 ठीक पाइब मुरुमी जोल मदाक्‍नीम। तन्‍न परमप्रभु यावे आ अरेशो मटीब मुरुमी मुने दोक्‍चा ङा नु दोस तचा ङा गेय ला पाइनीम।
PRO 13:6 ठीक पतीकेमी रिम्‍शो थुं पाइश्‍शो मुर आन कली कोव़ब। तन्‍न परमप्रभु यावे आ अरेशो मटीब आन पाप पतीकेमी मेको आन कली खतम सेल्‍ब।
PRO 13:7 का निक्‍शी मुर प्रुङग बाक्‍शा यो “क्‍येट थीब नङ” देंखु पाइनीम। का निक्‍शी मुर चहिं क्‍येट थीब बाक्‍शा यो “प्रुङग नङ” देंखु पाइनीम। प्रकाश २:९; प्रकाश ३:१७
PRO 13:8 शुश शोंप बाक्‍शो मुरुमी आंम कली प्रोंइने चाप्‍ब। तन्‍न प्रुङगपुकी हिंच कोंइचा मपुंइसीनीम।
PRO 13:9 ठीक पाइब मुर बत्ती खोदेंशो छेङछेङ पा ब्राइनीम। तन्‍न परमप्रभु यावे आ अरेशो मटीब आन बत्ती काप्‍शा लाइब। अय्‍युब १८:५-६
PRO 13:10 ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५
PRO 13:11 मरिम्‍शो पा चेम्‍शो शोंप नुप्‍शा लाइब। तन्‍न इच्‍का इच्‍का पा चेम्‍शो शोंप बारना बारन लाइब।
PRO 13:12 शुश आस पा यो मदुम्‍त हना, थुं लुक्‍च लाइब। तन्‍न आ मिम्‍शो गाप्‍त हना, ब्रोंइचा गेब रवा बाक्‍ब।
PRO 13:13 अर्ती ङा लोव़ मदाक्‍ब मुरुम आंम कली श्‍येत चाक्‍ब। तन्‍न अरेशो टीबपुकीमी इनाम ताइनीम।
PRO 13:14 जोक्‍ब तुइक्‍ब मुर आन शेंशो ब्रोंइचा गेब ब्‍वाक्‍कु बुक्‍तीके खोदेंशो बाक्‍ब। मेको रे पा मुर मबेक्‍नीम।
PRO 13:15 रिम्‍शो मिम्‍ब मुर कली नेल्‍लेमी दाक्‍नीम। तन्‍न खराप मुर आन लां हिंचा ङा बाक्‍ब।
PRO 13:16 जोक्‍ब तुइक्‍ब मुरुमी निप्‍स खाप्‍शा नेल्‍ल गेय पाइब। तन्‍न मूर्खमी आंम मूर्ख दुम्‍तीके कोंइब।
PRO 13:17 मरिम्‍शो लोव़ कुरबमी श्‍येत चाक्‍ब। तन्‍न थमा सुइक्‍चा ङा लोव़ कुरब मुरुम थुं नाइक्‍चा ङा लोव़ चाक्‍ब।
PRO 13:18 सुमी अर्ती मनेंबा, मेको प्रुङग नु सुइम मदाक्‍शो मुर दुम्‍ब। तन्‍न हुइश्‍शो नेंब मुरुम मान ताइब।
PRO 13:19 मुर आंम दाक्‍शो तामेनु, आन थुं कली रिम्‍शो दुम्‍ब। तन्‍न मूर्खमी आन मरिम्‍शो पतीके रे लेत्‍चा मदाक्‍नीम।
PRO 13:20 सु जोक्‍ब तुइक्‍ब नु गाक्‍बा, मेको जोक्‍ब तुइक्‍ब दुम्‍ब। तन्‍न मूर्ख नु गाक्‍ब श्‍येत जाइब।
PRO 13:21 मरिम्‍शो पाइब आन कली श्‍येतम खोइक्‍‍ब। तन्‍न ठीक पाइब आ माल्‍शो मारेइ मारेइ जाक्‍दीप्‍ब। हितोपदेस २८:८; अय्‍युब २७:१३-१७; उपदेसक २:२६
PRO 13:22 रिम्‍शो मुरुमी आ चच युइ आन कली शोंप हेंशा वोइक्‍ब। तन्‍न मरिम्‍शो पाइब आन शोंप ठीक पाइबपुकीम ताइनीम।
PRO 13:23 प्रुङग आन रूमी शुश अन्‍न ख्रेल्‍ब। तन्‍न ठीक मपाइबमी मेको रोइश्‍शा लाइक्‍ब। हितोपदेस २२:१५
PRO 13:24 सुमी आ तौ कली शेंशा मतुप्‍बा, मेकोमी आ तौ कली मदाक्‍ब। तन्‍न सुमी आ तौ कली दाक्‍बा, मेकोमी आ तौ कली शेंब।
PRO 13:25 ठीक पाइबमी रूत्री जचा ताइनीम। तन्‍न परमप्रभु यावे आ अरेशो मटीब शोव़लुन बाक्‍चा माल्‍नीम।
PRO 14:1 जोक्‍ब तुइक्‍ब मीश मुरुमी आंम खिं रिम्‍शो सेल्‍ब। तन्‍न मूर्ख मीश मुरुमी आ खिं कली आंम गुइमी प्रेप्‍ब।
PRO 14:2 सु रिम्‍शो थुं पाइश्‍शो मुर बाक्‍मे, मेकोमी परमप्रभु यावे कली मान पा हिंब। तन्‍न सु हेंथे गाक्‍बा, मेको मुरुमी परमप्रभु यावे कली मदाक्‍ब।
PRO 14:3 मूर्ख आन लोव़मी आंम आन कली तेप्‍ब। तन्‍न जोक्‍ब तुइक्‍ब मुर आन लोव़मी मेको आन कली कोव़ब।
PRO 14:4 ब्‍यफ मबाक्‍त हना, अन्‍न वोइक्‍तीके श्‍येत्‍थ बाक्‍ब। तन्‍न बोल्‍यो ब्‍यफ पाइश्‍शो मुर के शुश अन्‍न बाक्‍ब।
PRO 14:5 थमा लोव़ पाइब सांकछीमी जोल मपाइब। तन्‍न जोल पाइब सांकछीमी जोल पना पन बाक्‍ब। प्रस्‍थान २०:१६; प्रस्‍थान २३:१
PRO 14:6 शुक्‍शी पाइबमी तुइक्‍तीके माल्‍ना माल्‍न बाक्‍त हना यो, मथिप्‍ब। रुप्‍ब मुर मोशा जोक्‍ब दुम्‍नीम।
PRO 14:7 मूर्खपुकी नु मगाक्‍को। मारदे हना मेकोपुकी नु जोक्‍‍तीक लोव़ मबाक्‍ब।
PRO 14:8 निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।
PRO 14:9 मूर्खमी पाप आ पर्बम चढ़ेतीके कली शुक्‍शी पाइनीम। तन्‍न रिम्‍शो थुं पाइश्‍शो मुरुमी परमप्रभु आ दाक्‍शो तशा ग्‍येरब।
PRO 14:10 थुं ङा श्‍येत थुंम ला तुइक्‍ब। मिनु थुं आ ग्‍येरसीशो थुंमी ला तुइक्‍ब। रोमी १२:१५
PRO 14:11 परमप्रभु यावे आ अरेशो मटीब आ खिं प्रेत्‍चा पुंइसीब। तन्‍न रिम्‍शो थुं पाइश्‍शो मुर आन ताम्‍बु सोशो बोशो दुम्‍शा लाइब। हितोपदेस १२:७
PRO 14:12 मुर आन कली आंम पशो लां ठीक तांइसीब हना यो, नोले मेको बेक्‍पाइक्‍ब लां बाक्‍‍ब।
PRO 14:13 मुर आ कुल रिस्‍साक्‍व हना यो, आ थुं खाइश्‍शो बाक्‍ने चाप्‍ब। ग्‍येरसीशो थुं नोले सुर्ता पाइब बाक्‍ब।
PRO 14:14 दूली पाइब आन दूली पशो ङा ताइनीम। मिनु रिम्‍शो पाइबमी आन रिम्‍शो पशो ङा ताइनीम।
PRO 14:15 मारेइ मजोक्‍ब मुरुमी मारेइ मारेइ लोव़ थमा सुइक्‍ब। तन्‍न निप्‍स पाइश्‍शो मुरुमी आन पशो नेल्‍ल मिम्‍नीम।
PRO 14:16 जोक्‍बपुकी होस पा मरिम्‍शो पतीक रे ङोन लाइनीम। तन्‍न मूर्ख मारेइ ममिम्‍थु, होस मपाइब।
PRO 14:17 रीब पा गाइक्‍ब मुरुमी मूर्खे गेय पाइब। मिनु मुर आन कली दोपा श्‍येत गेङा, दे मिम्‍ब। मेको सुइम मदाक्‍चा पुंइसीब।
PRO 14:18 मारेइ मजोक्‍ब मूर्खे गेयम ग्‍योम्‍सीशो बाक्‍नीम। तन्‍न निप्‍स पाइश्‍शो मुर जोक्‍तीके सिरपेच गुप्‍शो खोदेंशो बाक्‍‍नीम।
PRO 14:19 मरिम्‍शो पाइब मुरपुकी रिम्‍शो मुर आन ङोंइती बाप्‍नीम। मिनु परमप्रभु यावे आ अरेशो मटीबपुकी ठीक पाइब आन लाप्‍चोमी बाप्‍नीम।
PRO 14:20 आंम नेक्‍था ङा मुरुमी प्रुङग कली मदाक्‍नीम। तन्‍न शोंप पाइश्‍शो मुर आन के वारच शुश बाक्‍नीम।
PRO 14:21 सुम आ नेक्‍था ङा मुर कली दिप्‍बा, मेकोमी पाप पाइब। तन्‍न सुमी प्रुङग आन कली वारच पाइबा, मेको ग्‍येरसीशो मुर बाक्‍ब। भजन संग्रह ४१:२
PRO 14:22 मार, मरिम्‍शो मिम्‍शा पाइब हेंथे लां मगाक्‍नीमी, ङा? रिम्‍शो पचा मिम्‍शा पाइबमी गेना हना यो दाक्‍शा मप्रोंइचा पुंइसीनीम।
PRO 14:23 गेय पतीक नेल्‍लेमी दारतीक बाक्‍ब। तन्‍न लोव़ पा ला बाक्‍ब मुर प्रुङग दुम्‍ब।
PRO 14:24 जोक्‍ब मुर आन तुइक्‍तीके आन सिरपेच खोदेंशो बाक्‍ब। तन्‍न मूर्ख आन पशो आन माला खोदेंशो बाक्‍ब।
PRO 14:25 थमा सांकछीमी मुर आन कली प्रोंइब। तन्‍न जोल पाइब सांकछीमी जोल ला पाइब।
PRO 14:26 परमप्रभु यावे कली मान पा हिंचा, मेको मुर आ ख्रुइश्‍शा ब्रोंइशा बाक्‍तीक बाक्‍ब। मेको आ आलपुकीमी यो मेको ताइनीम। हितोपदेस १८:१०
PRO 14:27 परमप्रभु यावे कली मान पा हिंचा ब्‍वाक्‍कु बुक्‍तीक खोदेंशो पा ब्रोंइतीक बाक्‍ब। मेको रे पा मुरपुकी बेक्‍पाइक्‍ब आ ब्‍वारद रे ब्रोंइनीम।
PRO 14:28 पिप आ दारस आ रागी ङा शुश मुर बाक्‍नीम। तन्‍न मुर नुप्‍तेक्‍म हना, हुकुम पाइब जाम्‍शा लाइब।
PRO 14:29 रीब पा मगाइक्‍ब शुश रुप्‍ब मुर बाक्‍ब। तन्‍न रीब पा गाइक्‍ब मुर मूर्ख दुम्‍शा लाइब। हितोपदेस १६:३२; हितोपदेस १९:११
PRO 14:30 नांइसीशो थुंमी मुर आन कली ब्रोंइचा गेब। तन्‍न गेहेमी मुर आन रुश मुपाइक्‍ब।
PRO 14:31 सुम प्रुङग आन कली दिप्‍बा, मेकोमी प्रुङग आन कली सेल्‍ब कली शुक्‍शी पाइब। तन्‍न सुमी प्रुङग आन कली शिशी पाइबा, मेकोमी परमप्रभु यावे कली मान पाइब। हितोपदेस १७:५; अय्‍युब ३१:१३-१५; मत्ती २५:४०
PRO 14:32 परमप्रभु यावे आ अरेशो मटीबपुकी मरिम्‍शो पतीकेमी जाम्‍शा लाइनीम। तन्‍न ठीक पाइब मुर आंम आन गेना हना यो रिम्‍शो पतीकेमी ब्रोंइशा बाक्‍चा ताइनीम।
PRO 14:33 रुप्‍ब मुर नु तुइक्‍तीक बाक्‍ब। तन्‍न मूर्ख आन थुंमी तुइक्‍तीक मथिंसीब।
PRO 14:34 रागीम ठीक पाइब शुश बाक्‍तेक्‍म हना, मेकोपुकीम मेको रागी ठेयब नु रिम्‍शो सेल्‍नीम। तन्‍न मरिम्‍शो पाइब शुश बाक्‍तेक्‍म हना, मेको रागी कली महिक्‍सीशो सेल्‍नीम।
PRO 14:35 पिपमी जोक्‍‍शा गेय पाइब कली दाक्‍ब। तन्‍न मुने पचा ङा गेय पाइबमी पिप आ गाइश्‍शो ङा सजाइ ताइब। उत्‍पत्ती ४१:३७-४०
PRO 15:1 ब्रोव़शो पा लोव़ लेश्‍शोनु, गाइक्‍तीके तेक्‍ब। तन्‍न हुइश्‍शा पशो लोव़मी मुर आन कली गाइक्‍पाइक्‍ब। हितोपदेस २५:१५; १राजा १२:१३-१६
PRO 15:2 जोक्‍ब तुइक्‍ब मुरपुकीमी लोव़ पाम्‍तेक्‍म हना, नेंबपुकी जोक्‍ब दुम्‍चा दाक्‍नीम। तन्‍न मूर्ख आन लोव़ शोर गाक्‍शो बाक्‍ब।
PRO 15:3 परमप्रभु यावेमी नेल्‍ल ताइब। मेकोमी रिम्‍शो पाइब नु मरिम्‍शो पाइब नेल्‍ल आन कली ताइब। २इतिहास १६:९
PRO 15:4 रिम्‍शो लोव़ मुर आन कली ब्रोंइचा गेब रवा खोदेंशो बाक्‍ब। तन्‍न दूली लोव़मी मुर आन थुं जिक्‍ब।
PRO 15:5 मूर्खमी आ आम आफ आस शेंशो लोव़ मपाइब। तन्‍न सुमी शेंशो नेंशा पाइबा, मेको होस पाइब बाक्‍ब।
PRO 15:6 ठीक पाइब मुर आन खिंमी शुश शोंप बाक्‍ब। तन्‍न परमप्रभु यावे आ अरेशो मटीबपुकी श्‍येत जाइनीम।
PRO 15:7 जोक्‍ब तुइक्‍ब मुर आन लोव़मी जोक्‍तीक फ्राइब। मूर्ख आन लोव़ मोदेंशो मबाक्‍ब।
PRO 15:8 परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४
PRO 15:9 परमप्रभु यावे आ अरेशो मटीब मुर आन लां परमप्रभु यावे कली ग्रांग्रा बाक्‍ब। तन्‍न सुमी ठीक पाइ‍बा, मेको कली दाक्‍ब।
PRO 15:10 नोले शोंइसीशो मुर हिंचा ङा सजाइ ताइनीम। तन्‍न हुइश्‍शो काइ मदाक्‍ब मुर बेक्‍चा माल्‍ब।
PRO 15:11 दोदेंशो पा परमप्रभु यावेमी बेक्‍शो मुर आन बाक्‍तीके नु जाम्‍शा लतीके तुइक्‍बा, मोदेंशो पा मुर आन थुं कली यो तुइक्‍ब। अय्‍युब २६:६; भजन संग्रह १३९:८; प्रकाश ९:१,११; येरमीया १७:१०
PRO 15:12 मुरुम शुक्‍शी पाइब आन कली “मोदेंशो मपावो” दे अरेशो काइ मदाक्‍नीम। मेकोपुकी जोक्‍ब तुइक्‍ब मुर आन नेक्‍था मलाइनीम।
PRO 15:13 ग्‍येरशो थुं पाइश्‍शो मुर आ कुल हाक्‍सीशो तांइसीब। तन्‍न सुर्ता पाइब आन थुं लुक्‍च लाइब।
PRO 15:14 रुप्‍ब थुं पाइश्‍शो मुरुमी जोक्‍तीके माल्‍ब। तन्‍न मूर्खमी मूर्खे पचा ला दाक्‍नीम।
PRO 15:15 श्‍येत जाइब आन नाक्‍ती मरिम्‍शो बाक्‍नीम। तन्‍न ग्‍येरसीशो थुं पाइश्‍शो मुर आन नाक्‍ती नेल्‍ल चाड खोदेंशो बाक्‍नीम। हितोपदेस १७:२२
PRO 15:16 शुश शोंप नु मेको आ पर्बम श्‍येत जचा क्‍येङा इच्‍का ला शोंप बाक्‍शा परमप्रभु यावे कली मान पा हिंचा रिम्‍शो बाक्‍ब।
PRO 15:17 काइ मदाक्‍शो मुर नु ब्रोव़शो श्‍ये खमे जचा क्‍येङा, दाक्‍मुशा चूले खमे जशो रिम्‍शो बाक्‍ब।
PRO 15:18 शुश गाइक्‍ब मुरुमी जिचा पोक्‍ब। तन्‍न रीब पा मगाइक्‍ब मुरुमी जितीके तेक्‍ब।
PRO 15:19 अल्‍सी आन लां चूम ब्रीशो बाक्‍ब। तन्‍न रिम्‍शो थुं पाइश्‍शो मुर आन लां थेल्‍शो बाक्‍ब।
PRO 15:20 जोक्‍ब तुइक्‍ब थुं पाइश्‍शो तौमी आ आफ कली ग्‍येरपाइक्‍ब। तन्‍न मूर्ख तौमी चहिं आ ममा कली महिक्‍ब। हितोपदेस १०:१
PRO 15:21 निप्‍स मपाइश्‍शो मुर मूर्खे गेय पचा ग्‍येरसीनीम। तन्‍न रुप्‍ब मुर गेना हना यो आंम लांम गाक्‍नीम।
PRO 15:22 अर्ती मनेंथु गेय पाइब आन गेय शोर गाक्‍शो बाक्‍ब। तन्‍न अर्ती गेब शुश बाक्‍तेक्‍म हना, मेको आन गेय रिम्‍शो दुम्‍ब। हितोपदेस ११:१४
PRO 15:23 मुरुम ठीक पा लोव़ लेन्‍ने चाप्‍तु हना, ग्‍येरपाइक्‍ब। माल्‍ची ना माल्‍शो लोव़ पचा, गिश रिम्‍शो बाक्‍ब।
PRO 15:24 जोक्‍ब तुइक्‍ब मुर ब्रोंइचा गेब ग्‍येत्‍थ लां लाइब बाक्‍नीम। मोपा बेक्‍शो मुर आन बाक्‍तीक लतीक लुक्‍च लां मलाइनीम।
PRO 15:25 परमप्रभु यावेमी ठेयब लेश्‍शो मुर आन खिं प्रेश्‍शा गेब। तन्‍न वोंइश बेक्‍शो मीश मुर आन के रू ङा सांद एर ओंथ दुम्‍चा मगेब।
PRO 15:26 परमप्रभु यावेमी मरिम्‍शो मुर आन मिम्‍शो लोव़ ग्रांग्रा दी‍ब। तन्‍न रिम्‍शो मुर आन लोव़ तशा ग्‍येरसीब।
PRO 15:27 शिंममी आंम खिं ङा मुर आन कली श्‍येत गेनीम। तन्‍न घूस मजाइबपुकी ब्रोंइनीम। भजन संग्रह १५:५
PRO 15:28 ठीक पाइब मुरपुकीमी लोव़ लेत्‍चा क्‍येङा ङोंइती मिम्‍नीम। तन्‍न परमप्रभु यावे आ अरेशो मटीबपुकीम हेंथे लोव़ पाइनीम।
PRO 15:29 परमप्रभु यावे आ अरेशो मटीब आन क्‍येङा ङोन बाक्‍ब। तन्‍न ठीक पाइब आन पुंइशो लोव़ नेंब। हितोपदेस १५:२९; यूहन्‍ना ९:३१
PRO 15:30 ब्रशो कुलमी थुं कली ग्‍येरपाइक्‍ब। रिम्‍शो लोव़मी रां कली बोल्‍यो सेल्‍ब।
PRO 15:31 सुमी रिम्‍शो अर्ती नेंशा पाइबा, मेको जोक्‍ब तुइक्‍ब मुर आन दातेम बाक्‍ब।
PRO 15:32 सुमी रिम्‍शो अर्ती नेंशा मपाइबा, मेकोमी आंम कली यो मदाक्‍ब। तन्‍न अर्ती नेंबमी आ रुप्‍‍तीके बारपाइक्‍ब।
PRO 15:33 परमप्रभु यावे कली मान पा हिंतीके तुइक्‍तीक कली शेंसीतीक बाक्‍ब। मिनु मान तचा क्‍येङा ङोंइती ब्रेम्‍शो थुं पाइश्‍शो दुम्‍चा माल्‍ब। हितोपदेस १८:१२; हितोपदेस २२:४
PRO 16:1 मुर आन थुंमी मिम्‍ना मिम्‍न बाक्‍नीम। तन्‍न लोव़ लेत्‍तीक परमप्रभु यावे रे जाक्‍ब।
PRO 16:2 आंमा पशो गेय आंमा कली ठीक मिम्‍सीब। तन्‍न परमप्रभु यावेमी मुर आन थुं नाक्‍ब।
PRO 16:3 इन पशो नेल्‍ल परमप्रभु यावे कली जिम्‍मा गेन। मिनु इन मिम्‍शो जाक्‍दीप्‍ब। भजन संग्रह ३७:३
PRO 16:4 परमप्रभु यावेमी मारेइ मारेइ नेल्‍ल गेय पचा कली सेल्‍तु। आ अरेशो मटीब कली यो नोले ङा श्‍येत नाक्‍त कली सेल्‍तु। रोमी ९:२२
PRO 16:5 परमप्रभु यावे ठेयब लेश्‍शो आन कली तशा ग्रांग्रा दी‍ब। मेकोपुकी सजाइ मतथु मब्रोंइनीम।
PRO 16:6 दाक्‍शा गेनायो मप्रोंइतीकेमी मरिम्‍शो पतीक क्‍याम्‍सीब। मिनु सु परमप्रभु यावे कली मान पा हिंबा, मेको मरिम्‍शो रे ङोन लाइब।
PRO 16:7 परमप्रभु यावेमी मुर आन पशो तशा ग्‍येरसाक्‍व हना, मेको कली आ जोरी सत्रु नु यो गारपाइश्‍शा वोइक्‍ब। उत्‍पत्ती ३१:२४; उत्‍पत्ती ३३:४
PRO 16:8 मरिम्‍शो पा चेम्‍शो शुश क्‍येट क्‍येङा रिम्‍शो पा चेम्‍शो इच्‍का खोइ क्‍येट ठीक बाक्‍ब। हितोपदेस १५:१६
PRO 16:9 मुरुमी आंम आ लां आंमान मिम्‍नीम। तन्‍न परमप्रभु यावेमी मेको आन गाक्‍तीक लां कोंइब। हितोपदेस १९:२१; येरमीया १०२३
PRO 16:10 परमप्रभु यावेमी पिप कली ब्‍वाक्‍पाइक्‍ब। मेकोमी निसाफ पशोनु, दूली निसाफ मपाइब।
PRO 16:11 ठीक पा नाक्‍तीक नु पुक्‍तीक परमप्रभु यावे केन बाक्‍ब। झोलाम बाक्‍शो नाक्‍तीक फुल्‍लु नेल्‍ल आ सेल्‍शो बाक्‍नीम। हितोपदेस ११:१
PRO 16:12 पिपमी मरिम्‍शो पाइब आन कली तशा ग्रांग्रा दी‍ब। मारदे हना ठीक पतीकेमी आ राज्‍य बोल्‍यो सेल्‍ब।
PRO 16:13 पिपमी ठीक लोव़ पाइब आन कली तशा ग्‍येरसीब। थमा लोव़ पाइब आन कली दाक्‍ब।
PRO 16:14 पिप गाइक्‍ताक्‍व हना, मुर साइक्‍ने चाप्‍ब। रुप्‍ब मुरुमी आ गाइक्‍चा नाइक्‍पाइक्‍ने चाप्‍‍ब। हितोपदेस १९:१२; हितोपदेस २०:२
PRO 16:15 पिप आ कुल हाक्‍शो बाक्‍त हना, ब्रोंइचा गेब। मेको आ दाक्‍शो सोव़शो रू कली रेउ खोदेंशो बाक्‍ब।
PRO 16:16 क्‍येख सुन तचा क्‍येङा तुइक्‍‍तीक तचा रिम्‍शो बाक्‍ब। चांदी तचा क्‍येङा रुप्‍‍तीक तचा रिम्‍शो बाक्‍ब।
PRO 16:17 रिम्‍शो थुं पाइश्‍शो मुर मरिम्‍शो लां रे ङोन बाक्‍ब। मिनु मरिम्‍शो मपथु, होस पा बाक्‍ब ब्रोंइचा ताइनीम।
PRO 16:18 मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२
PRO 16:19 ठेयब लेश्‍शो आन रोइश्‍शो थोव़क योक्‍सीचा क्‍येङा ब्रेम्‍शो दुम्‍शा, श्‍येत जशो आइक्‍च मुरपुकी नु बाक्‍चा रिम्‍शो बाक्‍ब।
PRO 16:20 सुम शेंशो लोव़ नोफा दाइश्‍शा नेंबा, मेको मुर सोशा बोशा ग्‍येत्‍थ लाइब। सु परमप्रभु यावे कली थमा सुइक्‍बा, मेको ग्‍येरसीशो बाक्‍ब।
PRO 16:21 जोक्‍ब तुइक्‍ब थुं पाइश्‍शो मुर कली रुप्‍ब मुर देंनीम। ब्रोव़शो लोव़म शेंतीक कली बारपाइक्‍ब।
PRO 16:22 सु नु तुइक्‍तीके बाक्‍बा, मेको ब्रोंइचा गेब ब्‍‍वाक्‍कु बुक्‍तीके खोदेंशो बाक्‍ब। तन्‍न मूर्ख आन मूर्ख पतीकेमी सजाइ ताइनीम।
PRO 16:23 जोक्‍ब तुइक्‍ब मुरुमी लोव़ पचा क्‍येङा ङोंइती मिम्‍नीम। मोपा आन जोक्‍तीक बारना बारन लाइब।
PRO 16:24 ब्रोव़शो लोव़ खुदो खोदेंशो बाक्‍ब। मेकोमी थुं कली ब्रोव़शो नु रां कली बोल्‍यो सेल्‍ब। हितोपदेस १२:२५
PRO 16:25 मुरुमी का निक्‍शी लां रिम्‍शो बाक्‍ब, दे मिम्‍‍नीम। तन्‍न नोले मेको लां बेक्‍‍तीक लां बाक्‍ब।
PRO 16:26 गेय पाइब आन कोव़जमी मेको कली गेय पपाइक्‍ब। मेको आ शोव़लुमी गेय पतीक थुं गेब।
PRO 16:27 हिंचा ङा पा मरिम्‍शो पाइब मुरुमी मरिम्‍शो ला मिम्‍ब। मेको आ लोव़ मी खोदेंशो पा ब्रशो बाक्‍ब।
PRO 16:28 दूली मुरुमी जिचा पोक्‍ब। मिनु नोफा मुइक्‍बमी गारशो वारच आन कली फ्राब।
PRO 16:29 हुश ख्राक्‍श पोक्‍ब मुरुमी आ नेक्‍था ङा मुर आन कली यो हेंथे पपाइक्‍ब। मिनु मेको आन कली मरिम्‍शो लां खोइक्‍पाइक्‍ब।
PRO 16:30 मिक्‍च रिक्‍‍बमी दूली गेय पचा मिम्‍शो बाक्‍नीम। मोदेंशो मिम्‍शा सिक्‍सी पा बाक्‍बमी मरिम्‍शो पचा चिक्‍शो बाक्‍ब।
PRO 16:31 बोइश्‍शो चां मान ततीक सिरपेच खोदेंशो बाक्‍ब। मेको ठीक पाइब मुर आन लांम ला थीसीब। हितोपदेस २०:२९
PRO 16:32 लडाइ पाइब बोल्‍यो मुर दुम्‍चा क्‍येङा फाल्‍ब मुर दुम्‍चा रिम्‍शो बाक्‍ब। मिनु सहर कली ग्राब क्‍येङा आंम गाइक्‍चा कली तेक्‍ब रिम्‍शो बाक्‍ब। हितोपदेस १४:२९
PRO 16:33 मुरुम फेन्‍टे आप्‍शा, परमप्रभु यावे कली हिल्‍लो पाइनीम। मिनु परमप्रभु यावेमी लोव़ लेप्‍ब।
PRO 17:1 जिना जिन ब्रोव़शो जचा क्‍येङा सिक्‍सी पा थुं नाइश्‍शा पोकतो खमे जचा रिम्‍शो बाक्‍ब। हितोपदेस १५:१७
PRO 17:2 जोक्‍ब तुइक्‍ब वाइलमी आ होव़प आ मरिम्‍शो पाइब तौ कली अरेब। मिनु मेको वाइलमी खिं ङा तौ खोदेंशो पा रू ताइब।
PRO 17:3 सुन चांदी यपाइश्‍शा नाक्‍चा कली ग्‍योंब नु मी माल्‍ब। तन्‍न परमप्रभु यावेमी मुर आन थुं नाक्‍ब भजन संग्रह ६६:१०
PRO 17:4 मरिम्‍शो पाइब मुरुमी परमप्रभु यावे आ अरेशो मटीब आ लोव़ नेंब। जोल पाइबमी खतम सेल्‍तीक लोव़ नेंचा कली नोफा दाइक्‍ब।
PRO 17:5 सुम प्रुङग आन कली शुक्‍शी पाइबा, मेकोमी आ कली सेल्‍ब, परमप्रभु यावे कली आइक्‍च सेल्‍ब। सु मुर आन कली श्‍येत जशो तशा ग्‍येरसीबा, मेको सजाइ मतथु मब्रोंइब। हितोपदेस १४:३१
PRO 17:6 खाल्‍पा खाल्‍पी आन सिरपेच आन चच युइ नमी। मिनु आल आन ग्‍योम्‍सीशो आन आम आफ बाक्‍नीम।
PRO 17:7 मूर्खपुकीमी रिम्‍शो लोव़ पचा मशिरनीम। मेको क्‍येङा ठेयब मुरपुकीमी जोल पचा मशिरब।
PRO 17:8 घूस गेबमी आ घूसमी मारेइ मारेइ पने चाप्‍ब, दे मिम्‍ब। मेको ते लत हना यो आ देंशो खाप्‍ब।
PRO 17:9 सुमी अरु आन मरिम्‍शो पशो सुम्‍‍बा, मेकोम वारच सेल्‍ब। तन्‍न मुर आन मरिम्‍शो पशो देंना देंन बाक्‍बमी वारच आन कली फ्राब।
PRO 17:10 मूर्ख मुर कली सहे खेयप तुप्‍चा क्‍येङा जोक्‍ब तुइक्‍ब मुर खेयप का देंशोनु रुप्‍ब।
PRO 17:11 मरिम्‍शो मुरपुकीमी गेना हना यो जिचा पोक्‍नीम। तन्‍न मेको कली सजाइ गेचा कली शिशी मपाइब मुर सोइश्‍शो बाक्‍ब।
PRO 17:12 मूर्ख मुरुमी मूर्ख पवा ना ग्रुम्‍चा क्‍येङा आ चाइक्‍ब रोंइसीशो वां कली ग्रुम्‍चा रिम्‍शो बाक्‍ब।
PRO 17:13 सुमी रिम्‍शो पाइब आन कली मरिम्‍शो पाइबा, मेको आ खिं रे मरिम्‍शो गेनायो मलाइब।
PRO 17:14 दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।
PRO 17:15 सुमी परमप्रभु यावे आ अरेशो मटीब आ पर्बम “ठीक पाइब बाक्‍ब” देंबा, मिनु ठीक पाइब आ पर्बम “ठीक पाइब मबाक्‍ब” देंबा, मेको निम्‍फा आस कली परमप्रभु यावेमी ग्रांग्रा दी‍ब। यसैया ५:२३
PRO 17:16 मूर्ख आ गुइमी तुइक्‍तीक थुं ग्‍याप्‍चा कली क्‍येट मारदे माल्‍बा ङा?। मेको के शेंसीतीक थुं मबाक्‍ब।
PRO 17:17 वारचमी गेना हना यो दाक्‍ब। लोक्‍बपुकी चहिं श्‍येत जशो ना वारच पचा कली जरमेशो बाक्‍नीम।
PRO 17:18 सु आ नेक्‍था ङा मुर आ पर्बम जमानी बाक्‍चा कली सल्‍ला पाइबा, मेको मरुप्‍ब मुर बाक्‍ब। हितोपदेस ६:१-५
PRO 17:19 जिचा दाक्‍बमी पाप कली यो दाक्‍ब। लाइश्‍शो लाप्‍चो सेल्‍बमी मुर आन रुश जिक्‍पाइक्‍ब।
PRO 17:20 मरिम्‍शो थुं पाइश्‍शो मुर आन कली मारेइम मगाप्‍‍ब। दूली पा जोल पाइब मुर हिंचा ङा श्‍येत जाइब।
PRO 17:21 मूर्ख तौमी आ आम आफ आस कली सुर्ता पपाइक्‍ब। मूर्ख आ आफ गेनायो ग्‍येरचा मताइब।
PRO 17:22 ग्‍येरसीशो थुंमी रां कली सापाइक्‍ब। तन्‍न लुक्‍च लशो थुंमी मुर कली सोव़पाइक्‍ब। हितोपदेस १५:१३-१५
PRO 17:23 परमप्रभु यावे आ अरेशो मटीब मुरुमी निसाफ दूली सेल्‍चा कली ख्रुइश्‍शा घूस जाइब। प्रस्‍थान २३:८
PRO 17:24 रुप्‍ब मुरुम आ तुइक्‍तीके माल्‍‍ब। तन्‍न मूर्खमी रागी आ सुर सम्‍म कोव़शो बाक्‍ब। हितोपदेस ४:२५
PRO 17:25 मूर्ख तौमी आ आफ कली सुर्ता पपाइक्‍ब। आ आ‍म कली गेना हना यो ङाक्‍पाइक्‍ब।
PRO 17:26 दोस मताइब मुर कली सजाइ गेचा क्‍येङा ठेयब मुर आन कली रिम्‍शो पचा कली तुप्‍चा मरिम्‍शो बाक्‍ब।
PRO 17:27 जोक्‍‍ब थुं पाइश्‍शो मुर शुश मब्‍वाक्‍नीम। रुप्‍‍ब मुर आन गेय पचा ङोंइती मिम्‍शा, बाक्‍नीम। हितोपदेस १०:१९; याकूब १:१९
PRO 17:28 मूर्ख ब्‍वालेइ पा बाक्‍त हना, मूर्ख मुर यो रुप्‍ब मुर खोदेंशो तांइसीब। लोव़ मपाम्‍तेक्‍म हना निप्‍स पाइश्‍शो खोदेंशो तांइसीनीम। अय्‍युब १३:५
PRO 18:1 सु मुर रे ब्राशा बाक्‍बा, मेकोमी आंम कली ला रिम्‍शो पचा दाक्‍ब। मेकोमी रुप्‍तीक थुं पाइश्‍शो मुर आन लोव़ काइ मनेंब।
PRO 18:2 मूर्खमी मारेइ लोव़ रुप्‍चा थुं मपाइब। तन्‍न “गो जोक्‍नुङ” दे आ मिम्‍शो लोव़ ला पाइब।
PRO 18:3 परमप्रभु यावे आ अरेशो मटितीक नु महिक्‍मुतीके यो जाक्‍ब। मिनु मुने दोक्‍तीक नु मान मततीके यो जाक्‍ब।
PRO 18:4 मुर आन लोव़ शुश लुक्‍च लशो ब्‍वाक्‍कु खोदेंशो बाक्‍ब। तुइक्‍तीके शुश ब्‍वाक्‍कु बुक्‍शा ग्रूशो खोदेंशो बाक्‍ब।
PRO 18:5 दोस ताइब आ कुल कोव़शा, दोस मताइब कली दूली सेल्‍चा, ठीक निसाफ ममाइ। ब्‍यवस्‍था १:१७
PRO 18:6 मूर्ख आ लोव़मी जिचा पोक्‍ब। मिनु मेको तुप्‍चा पुंइसीब।
PRO 18:7 मूर्ख आ लोव़ पतीकेमी आंमान खतम दुम्‍ब। आ लोव़मी मेको कली साइक्‍ब।
PRO 18:8 नोफा मुइक्‍ब आन लोव़ शुश ब्रोव़शो जचा थोव़क खोदेंशो बाक्‍ब। मेको मुर आन थुं सम्‍म जाक्‍दीप्‍ब। हितोपदेस २६:२२
PRO 18:9 अल्‍सी पाइब मुर हेंथे पाइब आ लोक्‍ब बाक्‍ब। हितोपदेस १०:४
PRO 18:10 परमप्रभु यावे आ नें बोल्‍यो लाइश्‍शो खिं खोदेंशो बाक्‍ब। ठीक पाइबपुकी मेकेर दोरशा लशा, ब्रोंइशा बाक्‍नीम। हितोपदेस १४:२६; भजन संग्रह ६१:४
PRO 18:11 थीब मुर आन शोंप मेको आन कली बोल्‍यो सहर खोदेंशो बाक्‍ब। मेकोपुकीमी आन शोंप कली ठेयब गारो खोदेंशो मिम्‍नीम। हितोपदेस १०:१५
PRO 18:12 खतम दुम्‍चा क्‍येङा ङोंइती मुर ठेयब लेत्‍नीम। मान तचा क्‍येङा ङोंइती मुर ब्रेम्‍शो दुम्‍‍नीम। हितोपदेस १६:१८
PRO 18:13 सुमी लोव़ नेंचा क्‍येङा ङोंइती लोव़ लेप्‍बा, मेको मूर्ख दुम्‍तीके मुने दोक्‍ब मुर बाक्‍ब।
PRO 18:14 मुर आ थुंमी रां ङा रोइ फाल्‍ने चाप्‍ब। तन्‍न आ थुं लुक्‍च लत हना, सुम फाल्‍ने चाप्‍‍बा ङा?
PRO 18:15 निप्‍स पाइश्‍शो मुर आ जोक्‍तीके बारना बारन लाइब। जोक्‍ब तुइक्‍ब मुरुमी मेको क्‍येङा जोक्‍चा कली नोफा दाइक्‍ब।
PRO 18:16 सुमी कोसेली गेबा, मेकोमी ठेयब मुर नु लोव़ पचा यो ताइब। उत्‍पत्ती ४३:११
PRO 18:17 सुमी जितीकेमी ङोंइती ब्‍वाक्‍बा, मेको कली नोले ङा मुर मब्‍वाक्‍म सम्‍म नेल्‍लेमी ठीक मिम्‍शा थमा सुइक्‍नीम।
PRO 18:18 फेन्‍टे आप्‍शोनु, जिचा खेचा देक्‍ब। मिनु ठेयब मुर आन जिचा नाइक्‍‍पाइक्‍ब।
PRO 18:19 थुं खाइक्‍पाइश्‍शो लोक्‍ब कली लेम्‍चा गारो हिरशो सहर ग्राचा क्‍येङा श्‍येत बाक्‍ब। मुर आन जितीक खेतीके बोल्‍यो खिं ङा आग्‍लो खोदेंशो बाक्‍ब।
PRO 18:20 मुर आन लोव़मी ब्रोंइनीम। मेको आन रिम्‍शो लोव़ पशोमी जचा ताइनीम। हितोपदेस १२:१४
PRO 18:21 मुर आन लोव़मी बेक्‍तीक नु ब्रोंइतीक बाक्‍ब। तेको कली दाक्‍नीनी, मेको आ ततीक ताइनीनी।
PRO 18:22 सुमी मीश ताइबा, मेको कली रिम्‍शो दुम्‍ब। मेको मुर परमप्रभु यावे आ दाक्‍शो मुर दुम्‍ब। हितोपदेस १९:१४; हितोपदेस ३१:१०
PRO 18:23 प्रुङग मुरुमी ब्रेम्‍शो लोव़ पा पुंइनीम। तन्‍न शुश शोंप पाइश्‍शो मुरुमी ठेयब लेश्‍शो लोव़ ले‍त्‍नीम।
PRO 18:24 का निक्‍शी मुरुमी “वारच नङ” देंखु पाइनीम। तन्‍न आंम लोक्‍ब क्‍येङा थमा पा दाक्‍ब वारच गेना हना यो आ वारच नु काथा बाक्‍ब। हितोपदेस १७:१७
PRO 19:1 दूली लोव़ पा गाक्‍ब मूर्ख दुम्‍चा क्‍येङा प्रुङग नु गेना हना यो रिम्‍शो पाइब मुर दुम्‍चा रिम्‍शो बाक्‍ब। हितोपदेस २८:६
PRO 19:2 गे मार मार माल्‍नीनी मेको आ पर्बम मतुइक्‍ताक्‍नी हना, मेको शोर गाक्‍शो बाक्‍ब। सु रीब पा गाक्‍बा, मेको आ लां जाम्‍ब।
PRO 19:3 मुर आन मूर्ख पतीकेमी खतम दुम्‍नीम। मो हना यो मेकोपुकीमी परमप्रभु यावे कली दोस गेनीम। बिलाप ३:३९
PRO 19:4 शुश क्‍येट बाक्‍ब मुर नु शुश वारच बाक्‍नीम। तन्‍न प्रुङग आन कली आन बाक्‍शो वारचमी यो प्रोंइनीम। हितोपदेस १४:२०
PRO 19:5 जोल पा सांकछी बाक्‍ब मुर सजाइ मतथु मब्रोंइब। मिनु जोल पाइब यु बुइश्‍शा प्रोक्‍ने मचाप्‍ब। हितोपदेस २१:२८; ब्‍यवस्‍था १९:१८-२१
PRO 19:6 शुश मुरुमी ठेयब मुर आन शिशी दाक्‍नीम। मिनु सुमी अरु कली गेबा, मेको आ वारच शुश बाक्‍नीम।
PRO 19:7 प्रुङग मुर कली आ लोक्‍बपुकीमी यो पोंइनीम। मेको आन क्‍येङा आ वारचपुकीमी प्रोंइनीम। मेकोमी मेको आन कली ब्रेप्‍ब, तन्‍न सुइम मनेंनीम।
PRO 19:8 सुम आंम कली दाक्‍बा मेकोमी तुइक्‍तीक माल्‍ब। रुप्‍ब मुर सोशा बोशा ग्‍येत्‍थ लाइब।
PRO 19:9 जोल पा सांकछी बाक्‍ब मुर सजाइ मतथु मब्रोंइब। मिनु जोल पाइब मुर खतम दुम्‍नीम
PRO 19:10 मूर्ख मुर क्‍येट थीब मुर खोदेंशो पा बाक्‍चा मशिरब। मिनु वाइलमी ठेयब मुर आन कली हुकुम पचा यो मशिरब।
PRO 19:11 निप्‍स पाइश्‍शो मुर ओंखां पा गाइक्‍नीम। मिनु अरुमी थुं खाइक्‍तीक लोव़ पाम्‍तेक्‍म हना यो, मेको सिक्‍सी पा बाक्‍चा आ मान बाक्‍ब। हितोपदेस १४:२९
PRO 19:12 पिप आ गाइश्‍शो गुप्‍स आ ग्रीशो खोदेंशो बाक्‍ब। आ दाक्‍तीक चहिं घांस तार दोक्‍शो सुनी ङा सीत खोदेंशो बाक्‍ब। हितोपदेस १६:१४-१५
PRO 19:13 निप्‍स मपाइश्‍शो तौ आ आफ कली श्‍येत बाक्‍ब। मिनु गेना हना यो जिचा पोक्‍ब मीश, तप तप पा याप्‍शो ब्‍वाक्‍कु खोदेंशो बाक्‍ब। हितोपदेस २७:१५-१६
PRO 19:14 खिं नु शोंप आम आफ रे तांइसीब। तन्‍न होस पाइब मीश चहिं परमप्रभु यावे रे तांइसीब। हितोपदेस १८:२२
PRO 19:15 अल्‍सी पतीकेमी निन्‍द्रा पपाइक्‍ब। अल्‍से शोव़लुन बाक्‍चा माल्‍नीम।
PRO 19:16 सुमी परमप्रभु यावे आ शेंशो टीनीमी, मेको ब्रोंइचा ताइनीम। सुमी मटीनीमी मेको बेक्‍चा माल्‍नीम। हितोपदेस १६:१७
PRO 19:17 सुमी प्रुङग कली शिशी पा गेबा, मेकोमी परमप्रभु यावे कली गेब। मिनु परमप्रभु यावेमी मेको कली नेल्‍ल लेप्‍ब। हितोपदेस १४:३१; भजन संग्रह ४१:२-४; दानीएल ४:२४; मत्ती ५:७; मत्ती २५:४०; २कोरिन्‍थी ९:६
PRO 19:18 आस बाक्‍म सम्‍म इ तौ कली शेंशा तुपो। तन्‍न मेको कली तुप्‍शा मसतो। ब्‍यवस्‍था २१:१८-२१
PRO 19:19 रीब पा शुश चुरब मुर सजाइ ताइब। गे मेको कली तेक्‍चा माल्‍तीवी हना, मेको क्‍येङा शुश गाइक्‍ब।
PRO 19:20 नोफा दाइश्‍शा अर्ती नेंशा, शेंतीक टिने। मो पाइतीनी हना, तुइक्‍तीक पाइश्‍शो मुर दुम्‍नीनी।
PRO 19:21 मुर आ थुंमी शुश मिम्‍तीक बाक्‍नीम। तन्‍न परमप्रभु यावे आ मिम्‍शो ला दुम्‍ब। हितोपदेस १६:९
PRO 19:22 शिशी पाइब मुर दुम्‍चा रिम्‍शो बाक्‍ब। जोल पाइब दुम्‍चा क्‍येङा प्रुङग दुम्‍चा रिम्‍शो बाक्‍ब।
PRO 19:23 परमप्रभु यावे कली मान पा हिंचा ब्रोंइतीक बाक्‍ब। मो दुम्‍त हना, गे महिंथु, श्‍येत मजथु बाक्‍नीनी।
PRO 19:24 अल्‍सेपुकीमी आन गुइ खमेम ख्रुम्‍नीम। तन्‍न आन गुइ शोव़ सम्‍म मचाक्‍नीम। हितोपदेस २६:१५
PRO 19:25 शुक्‍शी पाइब आन कली तुप्‍शोनु, मारेइ मजोक्‍बपुकी होस पा बाक्‍चा शेंसीनीम। निप्‍स पाइश्‍शो मुर कली हुइश्‍शोनु, मेको क्‍येङा जोक्‍‍ब दुम्‍ब। हितोपदेस २१:११
PRO 19:26 सुमी आ आफ कली श्‍येत गेबा नु आ आ‍म कली खेरबा, मेको ग्रांग्रा दिशो नु मुने तोक्‍ब तौ बाक्‍ब।
PRO 19:27 आं तौ, गे जोक्‍ब मुर आन लोव़ रे हेंथे लचा प्रोनो। मो पाप्‍तीवी हना गे शेंशो लोव़ नेंने चाप्‍नेवे। याकूब १:२२
PRO 19:28 शोर गाक्‍शो सांकछीमी निसाफ पतीक आ पर्बम शुक्‍शी पाइब। मेकोमी परमप्रभु यावे आ अरेशो मटीब। मरिम्‍शो पतीके जचा थोव़क खोदेंशो पा दाक्‍ब।
PRO 19:29 सजाइ शुक्‍शी पाइब आन कली बाक्‍ब। तुप्‍तीके मूर्ख आन ची कली माल्‍ब। हितोपदेस २६:३
PRO 20:1 अङगुर शांबुमी हेंथे ब्‍वाक्‍पाइक्‍ब। राकसीमी राम्‍शी पपाइक्‍ब। सु मेको तूशा दुक्‍नीमी, मेको जोक्‍ब तुइक्‍ब मदुम्‍नीम। हितोपदेस २३:२९-३५; हितोपदेस ३१:५; होसे ४:११
PRO 20:2 पिप आन शुश गाइश्‍शो गुप्‍स आन ग्रीशो खोदेंशो बाक्‍ब। सुम मेको कली गाइक्‍पाइक्‍बा, मेको साइक्‍चा पुंइसीब। हितोपदेस १६:१४
PRO 20:3 राम्‍शी पतीक रे ङोन बाक्‍ब मुरुमी मान ताइब। तन्‍न मूर्ख नेल्‍ल रीब पा राम्‍शी पाइब बाक्‍नीम।
PRO 20:4 ग्‍यू दुम्‍तीके अल्‍सेमी ब्‍यफ मवाक्‍ब। मिनु अन्‍न रिक्‍ची ना मारेइ यो मताइ‍ब। हितोपदेस ६:६-११;
PRO 20:5 मुर आन थुं ङा मिम्‍शो लुक्‍च लशो ब्‍वाक्‍कु खोदेंशो बाक्‍ब। तन्‍न निप्‍स पाइश्‍शो मुरुमी ला मेको कीशा ग्रुंइने चाप्‍ब।
PRO 20:6 शुश मुरुमी “गो रिम्‍शो मुर नङ” दे अरु आन कली तुइक्‍पाइक्‍नीम। तन्‍न थमा सुइक्‍चा ङा मुर सु थिन्‍ने चाम्‍सीबा ङा?
PRO 20:7 ठीक पाइब मुर गेना हना यो रिम्‍शो पाइब बाक्‍ब। मेको आ आलपुकी ग्‍येरसीशो बाक्‍नीम। भजन संग्रह ११२:१२
PRO 20:8 निसाफ पाइब नित्‍तीकेम निश्‍शो पिपमी कोव़शा, रिम्‍शो नु मरिम्‍शो नेल्‍ल तिल्‍ब। भजन संग्रह १०१:३
PRO 20:9 मिनु सुमी “गो आं थुं रिम्‍शो सेल्‍ता। आं पाप क्‍याम्‍ताक्‍ङ” देंने चाप्‍बा ङा? हितोपदेस ३०:१२; अय्‍युब ४:१७; अय्‍युब ९:२-३
PRO 20:10 जोल पा नाक्‍तीक नु मगारशो पुक्‍तीक निम्‍फा परमप्रभु यावे कली ग्रांग्रा बाक्‍ब।
PRO 20:11 मिनु आल यो आन पतीकेमी दोदेंशो दुम्‍‍नीमी मेको कोंइनीम। ठीक पाइब नु रिम्‍शो थुं पाइश्‍शो आल बाक्‍ब, दे तुंइसीब। हितोपदेस २२:६
PRO 20:12 नेंचा कली नोफा नु कोव़चा कली मिक्‍च मेको निम्‍फा परमप्रभु यावेमी सेल्‍तु।
PRO 20:13 शुश मइप्‍पो, मारदे हना गे प्रुङग दुम्‍नेवे। सेंसीशा बाक्‍को। मिनु शुश जचा ताइनेवे।
PRO 20:14 ग्‍याप्‍ब मुरुमी “एको मरिम्‍शो बाक्‍ब। मरिम्‍शो बाक्‍ब” दे इच्‍का आइक्‍ची लशा “गो सस्‍तो ग्‍याप्‍ता” दे आ नें बोरपाइक्‍ब।
PRO 20:15 शुश सुन नु शुश क्येट लाइब हीरा बाक्‍नीम। तन्‍न मेको आन क्‍येङा जोक्‍तीक लोव़ पाइब मुर रिम्‍शो बाक्‍ब।
PRO 20:16 अर्को रागी ङा मुर आ पर्बम जमानी दुम्‍शो मुर, आ वा रोइश्‍शा लतीन। मुर आ पर्बम जमानी बाक्‍शो आ मारेइ मारेइ नेल्‍ले लतीन। हितोपदेस ६:१-२; हितोपदेस २७:१३
PRO 20:17 खुइ पा जशो शोब्‍ले ङोंइती शुश ब्रोव़ब। नोले मेको फुल्‍लु नाक्‍शो खोदेंशो दुम्‍ब। हितोपदेस ९:१७
PRO 20:18 अर्ती नेंब मुर आ मिम्‍शो रिम्‍शो दुम्‍ब। जोक्‍ब तुइक्‍ब आन लोव़ नेंशा ला लडाइ पावो। हितोपदेस २४:६
PRO 20:19 लोव़ क्‍याल्‍ब मुरुमी ख्रुइश्‍शा पशो लोव़ यो फ्राइब। मोपतीके शुश लोव़ पाइब मुर नु वारच मदुमो।
PRO 20:20 सुम आ आम आफ आस कली सराप पाइबा, मेको आ बत्ती नेल्‍ल क्‍येङा छिङछिङमी काप्‍ब। हितोपदेस ३०:१७; प्रस्‍थान २१:१७
PRO 20:21 ङोंइती रीब पा थेरशो रू नोले आसीक मराइब।
PRO 20:22 गे मरिम्‍शो पाइब कली क्‍येक्‍क लेत्‍नुङ मदेनो। परमप्रभु यावेमी पाइब, दे रिम्‍दो। मिनु इ कली वारच पाइब। हितोपदेस २४:२९; रोमी १२:१७
PRO 20:23 जोल पा नाक्‍तीक तशा परमप्रभु यावे ग्रांग्रा दी‍ब। मिनु दूली नाक्‍तीक ठीक मबाक्‍नीम।
PRO 20:24 परमप्रभु यावेमी मुर आन कली लां कोंइब। सुमी आंम लां रुप्‍ने चाप्‍बा ङा?
PRO 20:25 मुरुमी ममिम्‍थु “परमप्रभु यावे केन बाक्‍ब” देंशा, कसम जचा, थम हिंचा ङा बाक्‍ब। मारदे हना नोले मिम्‍शा, मार दुम्‍बा ङा?
PRO 20:26 जोक्‍‍ब तुइक्‍ब पिपमी परमप्रभु यावे आ अरेशो मटीब आन कली तिल्‍ब। मिनु मेको आन कली साइक्‍ब।
PRO 20:27 मुर आन थुं परमप्रभु यावे आ बत्ती बाक्‍ब। मिनु मेकोमी रां नेल्‍ल कली कोव़ब। १कोरिन्‍थी २:११
PRO 20:28 गेना हना यो दाक्‍शा गेनायो मप्रोंइतीकेमी पिप कली खाल पाइब। आ ठीक पतीकेमी आ सासन पतीके मजाम्‍ब। हितोपदेस १६:१२
PRO 20:29 ठिटा आन दारस आन बोल्‍यो रां बाक्‍ब। मिनु खाल्‍पा आन दारस आन बोइश्‍शो चां बाक्‍ब।
PRO 20:30 तुप्‍शो गारमी लेंशा मरिम्‍शो मपपाइक्‍ब। मिनु तुप्‍शोमी यो मुर आन थुं कली रिम्‍शो पाइब सेल्‍ब।
PRO 21:1 पिप आ थुं परमप्रभु यावे आ गुइमी खोला ङा ब्‍वाक्‍कु खोदेंशो बाक्‍ब। दोथ गे लाइक्‍चा दाक्‍ता, मोथ गे लाइक्‍ब। भजन संग्रह ३३:१५
PRO 21:2 मुरुमी आंम कली गेना हना यो “ठीक पाता” दे मिम्‍नीम। तन्‍न परमप्रभु यावेमी मुर आन थुं नाक्‍ब।
PRO 21:3 परमप्रभु यावे आ ङोंइती मार मार चढ़ेचा क्‍येङा ठीक पतीके नु रिम्‍शो निसाफ पतीके आ दाक्‍शा ब्रतीक बाक्‍ब। १सामुएल १५:२२; होसे ६:६
PRO 21:4 ठेयब लेश्‍शो नु बोरशो मुर दुम्‍चा, परमप्रभु यावे आ अरेशो मटीब आन छेङछेङ बाक्‍ब। मेको पाप बाक्‍ब।
PRO 21:5 शुश गेय पाइब आन मिम्‍तीकेमी सोशा बोशा ग्‍येत्‍थ लां खोइक्‍पाइक्‍ब। तन्‍न रीब पा ममिम्‍थु गेय पाइब मुर प्रुङग दुम्‍ब।
PRO 21:6 जोल पा शुश शोंप चेम्‍‍तीके फशेमी योल्‍शा जाम्‍शो कुन खोदेंशो बाक्‍ब। मोदेंशो पाइबपुकी साइक्‍चा पुंइसीनीम।
PRO 21:7 परमप्रभु यावे आ अरेशो मटीब आन हुश ख्राक्‍श पोक्‍तीकेमी साइक्‍चा पुंइसीनीम। मारदे हना मेकोपुकीमी मार ठीक बाक्‍मे, मेको पचा मबित्‍नीम।
PRO 21:8 दोस ताइब मुर आन लां हिरशो बाक्‍ब। दोस मताइब मुर आन पतीक चहिं ठीक बाक्‍ब।
PRO 21:9 गेना हना यो जिचा पोक्‍ब मीश नु ठेयब खिंम बाक्‍चा क्‍येङा, तला ङा कुना कामी बाक्‍चा रिम्‍शो बाक्‍ब।
PRO 21:10 परमप्रभु यावे आ अरेशो मटीबपुकीमी मरिम्‍शो ला पचा दाक्‍नीम। मेकोपुकीमी आन नेक्‍था ङा मुर आन कली यो शिशी मपाइनीम।
PRO 21:11 शुक्‍शी पाइब कली सजाइ गेशोनु, मारेइ मजोक्‍ब मुर इच्‍का जोक्‍ब तुइक्‍ब दुम्‍नीम। मिनु जोक्‍ब तुइक्‍ब मुर आन कली शेंशोनु, आन जोक्‍तीके बारब। हितोपदेस १९:२५
PRO 21:12 ठीक पाइबमी परमप्रभु यावे आ अरेशो मटीब मुर आन खिं कोव़ना कोव़न बाक्‍ब। मिनु परमप्रभुमी आ अरेशो मटीब आन कली खतम पोक्‍ब।
PRO 21:13 सुमी प्रुङग आन पुंइशो मनेंबा, मेकोमी यो पुनानु, सुइमी यो मनेंनीम।
PRO 21:14 ख्रुइश्‍शोमी मार मार गेशोनु, चुरब मुर यो मचुरनीम। मिनु वा आगामी ख्रुइश्‍शा गेशोमी ठेयब गाइक्‍तीक तेक्‍ब। १सामुएल २५:१८-३५
PRO 21:15 निसाफ दुम्‍मेनु ठीक पाइब ग्‍येरसीनीम। तन्‍न मरिम्‍शो पाइबपुकी हिंनीम।
PRO 21:16 सुइ मुर रुप्‍तीक लां प्रोंइतु हना, मेको बेक्‍शो मुर आन बाक्‍तीक लशा नाइक्‍ब।
PRO 21:17 सुम आंम दाक्‍शो पना पन बाक्‍बा, मेको प्रुङग दुम्‍ब। सुमी अङगुर शांबु नु तेल दाक्‍बा, मेको मुर यो प्रुङग दुम्‍ब। हितोपदेस २३:२१
PRO 21:18 ठीक पाइब आन पा ङा परमप्रभु यावे आ अरेशो मटीबपुकीम सजाइ ताइनीम। मिनु गेना हना यो रिम्‍शो पाइब आन पा ङा थमा सुइक्‍चा मपुंइसीब मुर सजाइ ताइनीम।
PRO 21:19 शुश जिचा पोक्‍ब नु चुरब मीश नु बाक्‍चा क्‍येङा गोरशो रागीमी बाक्‍चा रिम्‍शो दुम्‍ब।
PRO 21:20 जोक्‍ब तुइक्‍ब मुर आन खिंम शुश क्‍येट लाइब शोंप नु तेल बाक्‍ब। तन्‍न मूर्खमी आ बाक्‍शो नेल्‍ल थुम्‍‍ब।
PRO 21:21 सु मुरुमी ठीक पतीके नु शिशी पतीके आ नोले खोइक्‍बा, मेको ब्रोंइशा, सोशा बोशा दुम्‍शा मान ताइब दुम्‍ब।
PRO 21:22 जोक्‍ब तुइक्‍ब मुर कामी बोल्‍यो लडाइ पाइब आन सहर कली लडाइ तोप्‍तु। मिनु मेकोमी आन बोल्‍यो, थमा सुइश्‍शो, ब्रोंइशा बाक्‍तीक सहर ग्रात।
PRO 21:23 सुमी मिम्‍शा ठीक लोव़ पाइबा, मेकोमी आंम कली श्‍येत रे प्रोंइब। हितोपदेस १३:३
PRO 21:24 ठेयब लेश्‍शो, बोरशो मुर आ नें शुक्‍शी पाइब बाक्‍ब। मेकोमी ठेयब लेश्‍शो नु बोरशो गेय ला पाइब।
PRO 21:25 अल्‍से गेय मपतीके बेक्‍नीम। मारदे हना अल्‍से आन गुइम गेय पने मबिप्‍ब। हितोपदेस १३:४
PRO 21:26 नाक्‍त रे अल्‍‍‍सेमी मारेइ मारेइ माल्‍ब। तन्‍न ठीक पाइबमी मखेक्‍थु, गेब।
PRO 21:27 परमप्रभु यावे आ अरेशो मटीब आन चढ़ेशो ग्रांग्रा दि‍शो बाक्‍ब। मेकोमी मरिम्‍शो मिम्‍शा चढ़ेशो शुश ग्रांग्रा बाक्‍ब। हितोपदेस १५:८
PRO 21:28 जोल पाइब सांकछी जाम्‍शा लाइनीम। तन्‍न रिम्‍शो पा नोफा दाइश्‍शा नेंब मुर थमा ङा सांकछी बाक्‍ब। हितोपदेस १९:५,९
PRO 21:29 परमप्रभु यावे आ अरेशो मटीब मुर बोल्‍यो मुर खोदेंशो पा गाक्‍नीम। तन्‍न गेना हना यो रिम्‍शो थुं पाइश्‍शो मुर मिम्‍ना मिम्‍न गाक्‍नीम।
PRO 21:30 मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११
PRO 21:31 लडाइ पची नाक्‍त कली शारा ठीक पशो बाक्‍त। तन्‍न ग्रातीक परमप्रभु यावे आ गुइमी बाक्‍ब। भजन संग्रह ३३:१७
PRO 22:1 शुश क्‍येट शोंप क्‍येङा मान पाइश्‍शो रिम्‍शो बाक्‍ब। सुन चांदी क्‍येङा दाक्‍चा पुंइसीचा रिम्‍शो बाक्‍ब। उपदेसक ७:१
PRO 22:2 क्‍येट थीब नु प्रुङग मुर के गारतीक का बाक्‍ब। मेको मार बाक्‍ब देंशा हना, परमप्रभु यावेमी मेको निम्‍फा आस कली सेल्‍तु। हितोपदेस २९:१३
PRO 22:3 निप्‍स पाइश्‍शो मुर श्‍येत जाक्‍चा चिक्‍शो तशा, ख्रुंइसी‍नीम। तन्‍न मारेइ मजोक्‍ब मुरुमी मारेइ मतुइक्‍थु श्‍येत जाइनीम। हितोपदेस २७:१२
PRO 22:4 ब्रेम्‍शो थुं पाइश्‍शो नु परमप्रभु यावे कली मान पा हिंब मुर आन इनाम शोंप, मान ततीक नु ब्रोंइतीक बाक्‍ब। हितोपदेस १५:३३
PRO 22:5 दूली पाइब आन लांम चू नु ग्‍याइल बाक्‍नीम। होस पाइबपुकी मेको आन क्‍येङा ङोन बाक्‍नीम।
PRO 22:6 इ तौ कली गारचा ङा पा रिम्‍शो शेंदो। मेकोमी खाल्‍पा दुम्‍चा सम्‍म मेको लां मप्रोंइब। हितोपदेस २०:११
PRO 22:7 क्‍येट थीबमी प्रुङग कली अधिकार पाइब। जेर ताक्‍ब मुर जेर गेब आ वाइल बाक्‍ब।
PRO 22:8 मुरुमी ठीक मपतीके शोक्‍तेक्‍म हना, ठेयब श्‍येत खुप्‍नीम। मिनु आ गाइक्‍तीके आ कोक्‍के जिक्‍ब। अय्‍युब ४:८
PRO 22:9 हाइश्‍शो मुरुमी आसीक ताइब। मारदे हना मेकोमी आ जचा थोव़क प्रुङग नु योक्‍ब। हितोपदेस १९:१७
PRO 22:10 शुक्‍शी पाइब कली खेरो। मिनु जिचा खेचा नुप्‍ब। जिचा नु तुम्‍मुचा तेक्‍सीब। हितोपदेस २६:२०
PRO 22:11 सु रिम्‍शो थुं नु ठीक लोव़ पचा दाक्‍नीमी, मेको पिप आ वारच दुम्‍नीम। कलस्‍सी ४:६; भजन संग्रह १०१:६
PRO 22:12 परमप्रभु यावेमी तुइक्‍‍ब मुर आन कली कोव़ब। तन्‍न हेंथे पाइब आन थमा सुइक्‍चा मपुंइसीब लोव़ थुम्‍पाइक्‍ब।
PRO 22:13 अल्‍सेमी “लाङगामी गुप्‍स का बाक्‍ब। गो लाङगा लती हना, आं कली साइक्‍ब” देंब। हितोपदेस २६:१३
PRO 22:14 हेंथे गाक्‍ब मीश मुर आ लोव़ ठेयब खाल्‍टा खोदेंशो बाक्‍ब। परमप्रभु यावे आ गाइश्‍शो ताइबपुकी मेको खाल्‍टाम बिक्‍‍नीम। हितोपदेस ५:३
PRO 22:15 वोंइश आल आन थुंमी मरिम्‍शो पतीक यो बाक्‍ब। तन्‍न शेंशा इच्‍का तुप्‍शोनु, आ मरिम्‍शो पतीके प्रोंइब। हितोपदेस १३:२४; हितोपदेस २३:१३-१४; हितोपदेस २९:१७
PRO 22:16 आंम कली शोंप पाइश्‍‍शो सेल्‍चा कली प्रुङग आ थोव़क लाइक्‍चा नु क्‍येट थीब कली कोसेली गेचा, मेको निम्‍फा प्रुङग दुम्‍तीक गेय बाक्‍ब।
PRO 22:17 इ नोफा दाइश्‍शा जोक्‍ब तुइक्‍ब दुम्‍शा, आं लोव़ नेनो। मिनु आं लोव़ इ थुंम वोतो! हितोपदेस २४:२३
PRO 22:18 मारदे हना मेको लोव़ इ थुंमी वोइक्‍तीवी हना, इ कली रिम्‍शो दुम्‍ब। मिनु गे मेको गेना हना यो शेंने चाप्‍नेवे।
PRO 22:19 गे परमप्रभु यावे कली थमा सुतो, दे मुलाक्‍ती गो इ कली एको लोव़ शेंताक्‍ङ।
PRO 22:20 गो इ कली ३० ओटा देंतीके, अर्ती नु जोक्‍‍तीक लोव़ मब्रेक्‍तु ङा?
PRO 22:21 मारदे ब्रेक्‍ताक्‍ङ देंशा हना, इ कली मार ठीक बाक्‍बा नु मार थमा बाक्‍बा, दे कोंइचा कली ब्रेक्‍ताक्‍ङ। मोपा गे इ कली सोइक्‍ब आन कली थमा लोव़ लेन्‍ने चाप्‍नेवे।
PRO 22:22 प्रुङग आन के मारेइ मबाक्‍ब, दे मेको आन के मारेइ मरोइक्‍तो। मिनु श्‍येत जाइब कली ठीक निसाफ पावो। प्रस्‍थान २३:६
PRO 22:23 मारदे हना परमप्रभु यावेमी मेको आन कली वारच पाइब। मेकोमी मेको रोइक्‍ब आन ब्रोंइतीक रोइक्‍ब।
PRO 22:24 गाइक्‍ब मुर नु वारच मदुमो। मिनु शुश चुरब नु मगाक्‍को। हितोपदेस १५:१८
PRO 22:25 मेको नु गाक्‍ते हना, मोदेंशोन दुम्‍शा, ग्‍याइक्‍चा पुंइसीनेवे।
PRO 22:26 मुर आन जेर आ पर्बम कसम जशा जमानी मबाक्‍को। हितोपदेस ६:१
PRO 22:27 मारदे हना गे थाप्‍ने मचाप्‍तीवी हना, इ ब्राख्‍ये यो रोइक्‍चा पुंइसीनेवे।
PRO 22:28 इ किकी पिपीमी वोइश्‍शो सांद ङा फुल्‍लु गेनायो मयाक्‍तो। हितोपदेस २३:१०; ब्‍यवस्‍था २७:१७
PRO 22:29 जोक्‍ब गेय पाइब आन कली तनी? मेकोपुकी पिप आन कली गेय पाइब दुम्‍नीम। मेकोपुकीमी आइक्‍च मुर आन कली गेय मपाइनीम।
PRO 23:1 सासन पाइब नु जथ बाक्‍ङेनु, इ ङोंइती मार बाक्‍मे, मेको रिम्‍शो पा कोव़ङो।
PRO 23:2 गे शुश जचा ब्‍वचा दाक्‍ताक्‍वी हना, इ लाकचामी छूरी वोतो।
PRO 23:3 मेको आ ब्रोव़शो जचा थोव़क तशा मवलो। मारदे हना मेकोम इ कली खल्‍बल सेल्‍‍ब।
PRO 23:4 क्‍येट थीब मुर खोदेंशो दुम्‍चा कली मिम्‍शा बोल मपावो। जोक्‍ब तुइक्‍ब दुम्‍शा मोदेंशो मिम्‍चा प्रोनो। हितोपदेस २८:२२
PRO 23:5 मेको याम का तशा नोले, चिक्‍ब खोदेंशो पा बेरशा लाइब। मेको ककाकुली खोदेंशो पा सरीङ गे बेरशा लाइब।
PRO 23:6 शिंम आ खिंमी भोज जथ मलावो। मेको आन ब्रोव़शो जचा थोव़क तशा मवलो।
PRO 23:7 मारदे हना मेकोम इ लाकचामी चांम खोदेंशो पा कार‍ब। मेकोमी इ कली जने तूङीने देंत हना यो, मेको आ थुं गे नु मबाक्‍ब।
PRO 23:8 इ इच्‍का जशो नेल्‍ल मेचा कुइ‍ब। मेको कली इ ठेयब सेल्‍शा देंशो लोव़ नेल्‍ल मोशीन लाइब।
PRO 23:9 मूर्ख आ ङोंइती लोव़ मपावो। मारदे हना इ जोक्‍ब तुइक्‍ब लोव़ नेंशा, शुक्‍शी ला पाइब।
PRO 23:10 गे साइ ङोंइती वोइश्‍शो सांद ङा फुल्‍लु मयाक्‍तो। मिनु रोम रोइक्‍च आन रू मचाइक्‍‍तो। हितोपदेस २२:२८
PRO 23:11 मारदे हना मेको आन कली श्‍येत रे प्रोंइब बोल्‍यो बाक्‍ब। मेकोमी मेको आन पर्बम इ कली श्‍येत गेब।
PRO 23:12 रिम्‍शो शेंतीक नेनो। जोक्‍‍तीक लोव़ नेंचा कली इ नोफा दाइक्‍तो।
PRO 23:13 इ आल आन कली रिम्‍शो पा शेंचा मप्रोनो। मेको आन कली सजाइ गेशा तुप्‍तीवी हना, मेको मबेक्‍नीम। हितोपदेस २२:१५
PRO 23:14 गे मेको कली इच्‍का तुप्‍तीवी हना, मेको आन कली बेक्‍शो मुर आन बा‍क्‍तीक लतीक लां रे प्रोंइनेवे।
PRO 23:15 आं तौ, गे जोक्‍ब तुइक्‍ब दुम्‍ते हना, आं थुं यो ग्‍येरसीब।
PRO 23:16 गे ठीक लोव़ पवीनु, गो आं थुं रेन साप्‍पा ग्‍येरसीनुङ।
PRO 23:17 पापी आन कली गेहे मपावो। तन्‍न नाक्‍त किंत किंत परमप्रभु यावे कली मान पा हिनो।
PRO 23:18 मो पाप्‍तीवी हना, इ ब्रोंइतीक नु इ मिम्‍शो नेल्‍ल जाक्‍दीप्‍ब।
PRO 23:19 आं तौ, आं लोव़ नेनो। जोक्‍ब तुइक्‍ब दुमो। मिनु इ थुं कली ठीक लांमी ग्‍येत्‍थ गाक्‍पतो।
PRO 23:20 शांबु तूब नु शुश श्‍ये ब्‍वाइबपुकी नु मबाक्‍को।
PRO 23:21 मारदे हना दुक्‍ब नु शुश जाइब ब्‍वाइब मुरपुकी प्रुङग दुम्‍नीम। शुश दुक्‍शा बाक्‍तीकेमी जेक्‍शो वा फेक्‍पाइक्‍ब। हितोपदेस २१:१७
PRO 23:22 इ आफ आ लोव़ नेनो। इ आ‍म खाल्‍पी दुम्‍मेनु, मेको कली आइक्‍च मसेलो। हितोपदेस १:८
PRO 23:23 थमा पतीक कली ग्यापो। मेको कली गेनायो मलेयङो। तुइक्‍तीक, शेंतीक नु रुप्‍तीक ग्यापो।
PRO 23:24 ठीक पाइब तौ तशा, आ आफ ग्‍येरसीब। जोक्‍ब तुइक्‍ब थुं पाइश्‍शो तौ तशा आ आफ शुश ग्‍येरसीब। हितोपदेस १०:१
PRO 23:25 इ आम आफ ग्‍येरसीसल। इ कली थीब गेना हना यो ग्‍येरशा बाक्‍ल।
PRO 23:26 आं तौ, इ थुं आं कली गेयी। आं पशो कोव़ङो।
PRO 23:27 तेल्‍लेम मीश मुर ठेयब खाल्‍टा खोदेंशो बाक्‍ब। ग्‍युंबे पा यो हेंथे पाइब मीश मुर लुक्‍च लशो इनार खोदेंशो बाक्‍ब। हितोपदेस २२:१४; हितोपदेस ७:१०-१४
PRO 23:28 मेको खुइ खोदेंशो पा लांमी बाप्‍शा बाक्‍ब। मिनु हेंथे गाक्‍ब वोंइश मुर शुश सेल्‍ब।
PRO 23:29 सु श्‍येत जाइबा? सु सुर्ता पाइबा? सुम राम्‍शी पोक्‍बा? सुम गाली पाइबा? सु बित्‍‍चीम गार दुम्‍बा? सु का आ मिक्‍च लल जिशो बाक्‍बा? हितोपदेस २०:१; यसैया ५६:१२
PRO 23:30 मेको नाक्‍दो सम्‍म शुश अङगुर शांबु तूब बाक्‍नीम। ब्‍वाइश्‍शो अङगुर शांबु तूब बाक्‍नीम।
PRO 23:31 गे लल अङगुर शांबु कोव़स ङा कोव़स मबाक्‍को। गिश दारशो बाक्‍मे, दे मकोव़ङो। मेको रिम्‍शो पा कोव़जम लाइब।
PRO 23:32 मिनु मेकोमी नोले बुस्‍सुमी खोदेंशो पा कोक्‍ब। मेको बीस पाइश्‍शो कोक्‍ब बुस्‍स खोदेंशो बाक्‍ब।
PRO 23:33 मिनु इ मिक्‍चीमी मार मार ताइनेवे। मिनु दूली लोव़ पाइनेवे।
PRO 23:34 मिनु गे समुन्‍द्र आ दातेमी इप्‍शो खोदेंशो दुम्‍नेवे। पला आ ङल तारी इप्‍शो खोदेंशो दुम्‍नेवे।
PRO 23:35 मिनु गे मार देंनेवे, देंशा हना “आं कली तुप्‍तीमी, तन्‍न मखाइक्‍ङ। तुप्‍तीमी तन्‍न मतुइक्‍तु। मुल गेना सेंसीशा, लेंशा तूनुङा?” देंनेवे।
PRO 24:1 मरिम्‍शो पाइब मुर आन मार मार तशा, गेहे मपने। मिनु मेको नु मबाक्‍कीन।
PRO 24:2 मारदे हना मेको आन थुंमी हुश ख्राक्‍श पोक्‍चा ला मिम्‍नीम। मिनु मेकोपुकीमी मरिम्‍शो आ पर्बम ला लोव़ पाइनीम।
PRO 24:3 तुइक्‍‍तीकेमी खिं सेल्‍सीब। रु‍प्‍ब मुरुमी आ खिं सेल्‍शा रिम्‍शो पा बाक्‍ब।
PRO 24:4 जोक्‍तीकेमी मेको खिं ङा कोठापुकी शुश क्‍येट लाइब नु रिम्‍शो थोव़कीमी प्रिंब। हितोपदेस ३१:१०-३१
PRO 24:5 बोल्‍यो लडाइ पाइब आन क्‍येङा जोक्‍ब तुइक्‍ब लडाइ पाइब रिम्‍शो बाक्‍नीम। मिनु बोल पाइश्‍शो मुर आन क्‍येङा जोक्‍ब तुइक्‍ब मुरुमी अधिकार ताइब।
PRO 24:6 मारदे हना रिम्‍शो लां कोंइब बाक्‍त हना, लडाइ पने चाप्‍नीनी। अर्ती गेब शुश बाक्‍तेक्‍म हना, लडाइ ग्रा‍नीनी। हितोपदेस २०:२८; हितोपदेस ११:१४
PRO 24:7 मूर्खपुकीमी तुइक्‍तीके रुप्‍ने मचाप्‍नीम। मेकोपुकीमी ठेयब लाप्‍चो ङा ग्रुम्‍तीकेमी लोव़ पने मचाप्‍नीम।
PRO 24:8 सुमी काइ मरिम्‍शो पचा मिम्‍बा, मेको कली मरिम्‍शो पाइब देंनीम।
PRO 24:9 मूर्खे गेय पाप बाक्‍ब। मिनु शुक्‍शी पाइब कली तशा मुर नेल्‍ल ग्रांग्रा दीनीम।
PRO 24:10 श्‍येत नाक्‍ती गोल्‍चा चिक्‍ताक्‍वी हना, इ बोल दोशो बाक्‍म ङा?
PRO 24:11 मुर कली साइक्‍चा, दे कीशा लाइश्‍शो ताप्‍तीवी हना, मेको आन कली प्रोंइथ लावो। मिनु साइक्‍चा पुंइसीचा चिक्‍शो कली वारच पावो। भजन संग्रह ८२:४
PRO 24:12 मिनु गे “गो मेको मतुइक्‍तु” देंते हना, थुं नाक्‍‍बम इ मरिम्‍शो पशो तुइक्‍ब। इ कली कोव़बमी नेल्‍ल तुइक्‍ब। मेकोमी मुर आ मरिम्‍शो पशो ङा क्‍येक्‍क लेप्‍ब।
PRO 24:13 आं तौ, खुदो जावो। मारदे हना मेको रिम्‍शो बाक्‍ब। चाका रे याप्‍शो खुदो जीजी पा ब्रोव़ब।
PRO 24:14 मार मिम्‍चा माल्‍नेवे देंशा हना, जोक्‍तीक तुइक्‍तीक इ थुं कली खुदो खोदेंशो जिज बाक्‍ब। मेको ताप्‍तीवी हना, इ कली नोले सम्‍म रिम्‍शो दुम्‍ब। इ मिम्‍शो जाक्‍दीप्‍ब।
PRO 24:15 गे परमप्रभु यावे आ अरेशो मटीब ठीक पाइब आन खिं खतम पोक्‍चा कली बाप्‍शा मबाक्‍को। मेको ठीक पाइब आ बाक्‍तीकेमी हुश ख्राक्‍श मपोक्‍को।
PRO 24:16 ठीक पाइब मुरपुकी ७ खेयप गोल्‍तेक्‍म हना यो, लेंशा बोक्‍नीम। तन्‍न परमप्रभु यावे आ अरेशो मटीबपुकी मबोक्‍चा ङा पा गोल्‍नीम। भजन संग्रह ३७:२४
PRO 24:17 इ जोरी सत्रु जाम्‍शा लाम्‍तेक्‍म हना, मग्‍येरसो। मेकोपुकी दाइल पा थिस्‍साक्‍म हना, मरिस्‍सो। अय्‍युब ३१:२९
PRO 24:18 गे मेको तशा ग्‍येरसाक्‍वे हना, परमप्रभु यावेमी इ पशो मदाक्‍ब। मिनु इ जोरी सत्रु आन पर्बम गाइश्‍शो नाइश्‍‍शा मेको आन कली वारच पाइब।
PRO 24:19 काइ मरिम्‍शो पाइब आन पर्बम मगाइक्‍तो। परमप्रभु यावे आ अरेशो मटीब आन पर्बम गेहे मपावो। भजन संग्रह ३७:१
PRO 24:20 मारदे हना काइ मरिम्‍शो पाइब शुश नाक्‍त मलीनीम। मिनु परमप्रभु यावे आ अरेशो मटीब आन बत्ती काप्‍शा लाइब। हितोपदेस १३:९
PRO 24:21 आं तौ, परमप्रभु यावे नु पिप कली मान पा हिनो। मेको आस कली मटीब नु मगाक्‍को। १ पत्रुस २:१७
PRO 24:22 मारदे हना मेको आस पतीके रे गे मतुइक्‍थु श्‍येत ज‍ने चाप्‍नेवे। मिनु मेको आस खतम पोक्‍तीक सुम तुइक्‍बा?
PRO 24:23 एको लोव़ जोक्‍ब तुइक्‍ब मुर आन देंशो बाक्‍ब। निसाफ पतीकेमी कुल कोव़मुचा मरिम्‍शो बाक्‍‍ब। लेवी १९:१५
PRO 24:24 सुमी पाप पाइब कली “गे ठीक पाइब बाक्‍नीनी” देंबा, जात जात ङा मुरपुकीमी मेको कली सराप पाइनीम। रागी रागी ङा मुरपुकी मेको आ पर्बम ग्रांग्रा दीनीम।
PRO 24:25 तन्‍न सुमी मरिम्‍शो पाइब कली अरे‍बा, मेको ग्‍येरसीनीम। मिनु मेको शुश आसीक ताइनीम।
PRO 24:26 थमा लोव़ लेत्‍चा, मुर कली पुक्‍पु पशो खोदेंशो बाक्‍ब। हितोपदेस १५:२३
PRO 24:27 ङोंइती इ लाङगा ङा गेय थुमो। इ रूमी मार मार शोक्‍को। मिनु नोले इ खिं सेलो।
PRO 24:28 गे इ नेक्‍था ङा मुरुम मारेइ मपथु, मेको आ पर्बम सांकछी मबाक्‍को। गे जोल मपावो। प्रस्‍थान २०:१६
PRO 24:29 गे “मेकोम आं कली मार पवा, मेको कली यो मोदेंशोन पाइनुङ। गो मेको कली क्‍येक्‍क लेत्‍नुङ” मदेनो। हितोपदेस २०:२२
PRO 24:30 गो अल्‍से मुर का आ रू रे पा लती। निप्‍स मपाइश्शो मुर आ अङगुर रू रे पा कोव़ना कोव़न लती।
PRO 24:31 मिनु गो मार ताता देंशा हना, मेको रू नेल्‍ल चूम सुम्‍शो बाक्‍त। खप नेल्‍ल चूले वाशो बाक्‍तेक्‍म। मिनु रू एर ओंथ ङा गारो यो ब्रेश्‍शो बाक्‍त।
PRO 24:32 मिनु गो नेल्‍ल कोव़शा, मिम्‍ताक्‍ङ। मिनु शेंतीक लोव़ का रुप्‍ता। मार रुप्‍ता देंशा हना,
PRO 24:33 याम का ङा इप्‍चा। याम का ङा निन्‍द्रा पचा। याम का गुइ फिम्‍ला पा बाक्‍चामी हितोपदेस ६:९-११
PRO 24:34 प्रुङग दुम्‍तीके नु श्‍येत जतीके या कुरब मुर खोदेंशो पा रीब पा मेको मुर तारी जाक्‍ब, दे रुप्‍ता।
PRO 25:1 एको सोलोमन आ अरु दें‍तीक लोव़ बाक्‍नीम। मिनु यहूदा ङा पिप हिज्‍कीयाह आ मुरपुकीमी मेको ब्रेक्‍शो बाक्‍तेक्‍म। हितोपदेस १:१; हितोपदेस १०:१
PRO 25:2 परमप्रभुमी का निक्‍शी लोव़ ख्रुइश्‍शा आ सक्ति कोंइब। तन्‍न पिपमी नेल्‍ल तुइक्‍पाइश्‍शा, आ सक्ति ठेयब सेल्‍ब।
PRO 25:3 सरीङ गिश ग्‍येत्‍थ बाक्‍बा, रागी गिश लुक्‍च लाइबा नु पिप आ थुंमी मार मिम्‍बा, मेको सुइमी यो तुइक्‍ने मचाप्‍नीम।
PRO 25:4 चांदी यपाइश्‍शा, आ कस ग्रुंइताक्‍म हना, चेम्‍बमी रिम्‍शो थोव़क चेम्‍ने चाप्‍ब।
PRO 25:5 मोपा पिप आ ङोंइती रे परमप्रभु यावे आ अरेशो मटीब आन कली तिलीन। मिनु पिप आ हुकुम पतीके बोल्‍यो दुम्‍ब। हितोपदेस १६:१२
PRO 25:6 पिप आ ङोंइती आंम कली ठेयब मसेलो। मिनु पिप आ ठेयब गेय पाइब आन बाक्‍तीक लचा ममालो।
PRO 25:7 मारदे हना ठेयब आन दातेमी इ कली “याक्‍सो”, माइक्‍चा पुंइसीचा क्‍येङा “एक कुने, नि‍स्‍सीन” दे ब्रेश्‍शो रिम्‍शो बाक्‍ब।
PRO 25:8 गे मार मरिम्‍शो ताप्‍तीवी हना यो, रीब पा निसाफ पतीकेमी मलावो। मारदे हना इ नेक्‍था ङा मुरुम इ कली मुने तोक्‍ते हना, मार पाइनेवे। लूका १४:७-११
PRO 25:9 गे इ नेक्‍था ङा मुर नु आंमा रीब पा लोव़ पावो। मेको मुर आ मरिम्‍शो पशो मफ्रावो। हितोपदेस २०:१९
PRO 25:10 मिनु इ फ्रशो लोव़ नेंबमी इ कली मुने तोक्‍ङे। मिनु इ नें गेना हना यो मरिम्‍शो लीब।
PRO 25:11 रिम्‍शो गारचा ङा लोव़ पशोनु, चांदी के थालम वोइश्‍शो सुन के स्‍याउ खोदेंशो बाक्‍ब। हितोपदेस १५:२३
PRO 25:12 जोक्‍ब तुइक्‍ब मुर आ हुइक्‍तीक लोव़ नेंब मुर कली सुन के औंठी नु गहना खोदेंशो बाक्‍ब।
PRO 25:13 थमा लोव़ क्‍याक्‍ब मुर, आ होव़प कली हुप्‍शो नाक्‍त अन्‍न रुप्‍ची ना ङा फुं खोदेंशो पा रिम्‍शो बाक्‍ब। मेको लोव़म आ होव़प आ थुं बारपाइक्‍ब।
PRO 25:14 सु मुरुमी मारेइ मगेथु, गेता, दे ठेयब लोव़ पाइबा, मेको मुर रेउ मयिपाइक्‍ब गोस्‍स नु फश खोदेंशो बाक्‍ब।
PRO 25:15 फाल्‍तीकेमी हुकुम कली बिप्‍पाइक्‍ने चाप्‍नीम। ब्रोव़शो लोव़मी रुश जिक्‍ने चाप्‍ब। हितोपदेस १५:१
PRO 25:16 खुदो थित्‍तीवी हना, शुश मजावो, इ कली गाप्‍चा ङा पा जावो। मारदे हना शुश जाप्‍तीवी हना, मेचा कुइक्‍ब।
PRO 25:17 इ नेक्‍था ङा मुर आ खिं शुश मलावो। मारदे हना मेकोमी इ कली शुश जाक्‍शो तशा ब्रीब।
PRO 25:18 आंम नेक्‍था ङा मुर कली जोल पा सांकछी गेब मुर कोक्‍के तरवार नु हेश्‍‍शो ब्रा खोदेंशो बाक्‍ब।
PRO 25:19 श्‍येत जशो ना थमा मसुइक्‍चा ङा मुर कली थमा सुइक्‍चा खाइश्‍शो ख्रुइ नु मदुक्‍ब खोइल खोदेंशो बाक्‍ब।
PRO 25:20 सुमी थुं खाइश्‍शो मुर आन ङोंइती कुम्‍सो पाइबा, मेको ग्‍यूमी वा रोइश्‍शो नु गारमी हिक्‍सी ख्रेक्‍शो खोदेंशो बाक्‍ब। मिनु वा ख्रोइक्‍ब तुम्‍बु नु शी ख्रोइक्‍ब बुस्‍स खोदेंशो मेको सुर्ता पाइब मुर आ थुं बाक्‍ब।
PRO 25:21 इ जोरी सत्रु शोव़लु बेक्‍तेक्‍म हना, मेको आन कली थुलो। तूतू दाक्‍तेक्‍म हना, मेको आन कली ब्‍वाक्‍कु तूचा गेवो। रोमी १२:२०
PRO 25:22 मो पाप्‍तीवी हना, मेको आन पिया तारी ब्रशो कोइला मोइश्‍शो खोदेंशो दुम्‍ब। मिनु परमप्रभु यावेमी इ कली इनाम गेब।
PRO 25:23 उत्तर रे पा फशेमी रेउ यिपाइश्‍शो खोदेंशो पा, ख्रुइश्‍शो लोव़ फ्राइबमी मुर आन कुल राव किक्‍पाइक्‍ब।
PRO 25:24 गेना हना यो जिचा पोक्‍ब मीश नु बाक्‍चा क्‍येङा खिं आ तला तारी कुना कामी लशा सिक्‍सी पा बाक्‍चा रिम्‍शो दुम्‍ब।
PRO 25:25 तूतू दाक्‍ब मुर कली ब्रोव़शो ब्‍वाक्‍कु खोदेंशो पा ङोन रागी रे जाक्‍शो रिम्‍शो लोव़ बाक्‍ब। हितोपदेस १५:२५
PRO 25:26 ठीक पाइब मुर परमप्रभु यावे आ अरेशो मटीब नु गारत हना, मेको हिलोम बुक्‍शो ब्‍वाक्‍कु नु शुश ग्रांग्रा बाक्‍शो कुवा खोदेंशो बाक्‍ब।
PRO 25:27 शुश खुदो जचा नु आंम कली ठेयब मिम्‍शा मान पाइक्‍चा पुंइसीचा, निम्‍फा मुर कली मरिम्‍शो बाक्‍‍ब।
PRO 25:28 सुमी आंम कली ठीक पा चलेने मचाप्‍‍बा, मेको गारो ब्रेश्‍शो सहर खोदेंशो बाक्‍ब। हितोपदेस २९:११
PRO 26:1 हुप्‍शो महिनाम फुं नु अन्‍न रुप्‍ची ना रेउ यिशो खोदेंशो पा मूर्ख आन कली मान पशो मगारचा ङा बाक्‍ब।
PRO 26:2 फुर फुर पा बेरब भङगेरा नु हुरुर पा बेरब बेल्‍लुम खोदेंशो पा मगारचा ङा सराप शोर गाक्‍शो बाक्‍ब।
PRO 26:3 शारा कली सिरकाना, गधा कली करेली नु मूर्ख आ ची कली कोक्‍के माल्‍ब। हितोपदेस १९:२९
PRO 26:4 मूर्ख कली मूर्ख खोदेंशो पा लोव़ मलेत्‍तो। मो पाप्‍तीवी हना, गे यो मूर्ख दुम्‍नेवे।
PRO 26:5 मूर्ख कली आ मूर्खे खोदेंशो पा लोव़ मपाप्‍तीवी हना, मेकोमी आंम कली निप्‍स पाइश्‍शो मिम्‍सीब।
PRO 26:6 सुम मूर्ख कली लोव़ चोव़थ सोइक्‍बा, मेकोमी आंम खोइली ख्रोइश्‍शो नु हुश ख्राक्‍श पोक्‍शा श्‍येत जशो खोदेंशो बाक्‍ब।
PRO 26:7 मूर्ख आन देंतीके लोव़ खोरन्‍डे मुर आ खोइल खोदेंशो पा शोर गाक्‍शो बाक्‍ब।
PRO 26:8 मूर्ख कली मान पचा, फुल्‍लु कली श्‍येलेमी फ्रेंशा आप्‍चा माल्‍शो खोदेंशो बाक्‍ब।
PRO 26:9 शांबु दुक्‍शो मुर आ गुइमी चू ओव़शो खोदेंशो पा मूर्ख कली देंतीक लोव़ बाक्‍ब।
PRO 26:10 मूर्ख मुर नु लां गाक्‍ब मुर आन कली गेय पपाइक्‍चा, हेंथे लिब्रा आप्‍शा गार सेल्‍ब मुर खोदेंशो बाक्‍ब।
PRO 26:11 कुचुममी मेशा लेंशा जशो खोदेंशो पा, मूर्ख मुरुमी मूर्खे गेय लेंशा पना पन बाक्‍ब। २ पत्रुस २:२२
PRO 26:12 आंम कली “जोक्‍ब तुइक्‍ब मुर नङ” दे मिम्‍ब मुर क्‍येङा मूर्खन रिम्‍शो बाक्‍ब। हितोपदेस ३:७
PRO 26:13 अल्‍से मुरुमी “लाङगामी गुप्‍स का बाक्‍ब। लां मेर गुप्‍स हिरशो बाक्‍ब” देंब। हितोपदेस २२:१३
PRO 26:14 लाप्‍चो रोक्‍शो चोक्‍शो खोदेंशो पा, अल्‍से मुर आ ब्राख्‍येमी एर ओंथ लोक्‍सीशा इप्‍ब। हितोपदेस ६:९-११
PRO 26:15 अल्‍से मुरुमी आ गुइ खमेम ख्रुम्‍ब। मिनु मेको गुइ आ शोव़ सम्‍म लाइक्‍चा यो अल्‍सी पाइब। हितोपदेस १९:२४
PRO 26:16 शुश रुप्‍शा लोव़ लेप्‍ब ७ जना मुर क्‍येङा मूर्खमी आंम कली “रुप्‍ब जोक्‍ब नङ” दे मिम्‍सीब।
PRO 26:17 सु मुर आन जितीक खेतीकेम ओव़बा, मेको लांम गाक्‍शो कुचुम आ नोफा ग्‍याइश्‍शा कीशो खोदेंशो बाक्‍ब।
PRO 26:18 दोपा निप्‍स ग्‍यशो मुरुमी ब्रशो लिब्रा हेंथे पा आप्‍बा,
PRO 26:19 मोपा आ नेक्‍था ङा मुर कली जोल पशा नोले “गो इ कली शाक्‍ता ला” देंब।
PRO 26:20 शी मबाक्‍त हना, मी काप्‍ब। मोदेंशो पा नोफा मुइक्‍ब मुर मबाक्‍त हना, जिचा खेचा मबोक्‍ब। हितोपदेस २२:१०
PRO 26:21 दोपा मी मुइक्‍चा कली कोइला नु ब्रचा कली शी माल्‍बा, मोपा रीब पा गाइक्‍ब मुर जिचा पोक्‍ब बाक्‍ब। हितोपदेस १५:१८
PRO 26:22 नोफा मुइक्‍ब आन लोव़ शुश ब्रोव़शो जचा थोव़क खोदेंशो बाक्‍ब। मेको मुर आन थुं सम्‍म जाक्‍दीप्‍ब। हितोपदेस १८:८
PRO 26:23 मरिम्‍शो थुं ङा ब्रोव़शो लोव़ खप के बोसुम चांदी ख्रेक्‍शो खोदेंशो बाक्‍ब।
PRO 26:24 जोरी सत्रुमी शोव़मी रिम्‍शो लोव़ पाइनीम। तन्‍न आन थुंमी मरिम्‍शो मिम्‍नीम। मत्ती १२:४५
PRO 26:25 इ जोरी सत्रुमी गे नु ब्रोव़शो लोव़ पाप्‍तु हना यो, मेको कली थमा मसुतो। मारदे हना मेको आ थुंमी ७ ओटा ग्रांग्रा दि‍चा ङा लोव़ ख्रुइश्‍शा बाक्‍नीम।
PRO 26:26 सुमी काइ मदाक्‍शो मुर कली “गो इ कली दाक्‍नुङ” देंखु पाइबा, मेको आ देंखु पतीके मुर आन ग्रुम्‍तीकेमी ग्रूब।
PRO 26:27 सुमी मुर पिक्‍चा, दे खाल्‍टा दोइबा, मेको आंमान बिक्‍ब। सुमी मुर कली चिप्‍पाइक्‍चा, दे फुल्‍लु लोक्‍बा, मेको आंमा लोक्‍सीशा थिश्‍शा लाइब। भजन संग्रह ६:१६; उपदेसक १०:८
PRO 26:28 जोल पाइबमी सु कली जोल पवा, मेको कली काइ मदाक्‍ब। मिलो शिलो लोव़ पाइब मुरुमी नेल्‍ल खतम सेल्‍ब।
PRO 27:1 “दीसा पाइनुङ” दे ठेयब लेश्‍शो लोव़ मपावो। मारदे हना मेको नाक्‍त मार दुम्‍बा गे मतुइक्‍नेवे। याकूब ४:१३,१४
PRO 27:2 अरु मुरुमी इ कली ठेयब सेल्‍मेक्‍ल। गे आंमा आंम कली ठेयब मसेलो। अरु आन शोव़ रे ठेयब देंमल, इ आंम शोव़मी “गो ठेयब नङ” मदेनो।
PRO 27:3 फुल्‍लु नु बाल्‍वा हेल्‍शो बाक्‍नीम। तन्‍न मूर्खमी गेशो श्‍येत मेको निम्‍फा आस क्‍येङा हेल्‍शो बाक्‍ब।
PRO 27:4 गाइक्‍चा मरिम्‍शो बाक्‍ब। चुरचा मेको क्‍येङा मरिम्‍शो बाक्‍ब। रुश पतीके कली सु फाल्‍ने चाप्‍बा ङा?
PRO 27:5 ख्रुइश्‍शा दाक्‍चा क्‍येङा नेल्‍लेमी तुइक्‍चा ङा पा हुइक्‍चा रिम्‍शो बाक्‍ब। लेवी १९:१७
PRO 27:6 वारचमी हुइश्‍शो रिम्‍शो पचा कली बाक्‍ब। तन्‍न मदाक्‍ब मुर आन पुक्‍पु पाइश्‍शो हिंचा ङा बाक्‍ब। भजन संग्रह १४१:५; मत्ती २६:४९
PRO 27:7 साप्‍पा रूशो कोव़जमी खुदो यो मदाक्‍ब। तन्‍न शोव़लु बेक्‍शो मुर कली मब्रोव़शो जचा थोव़क यो ब्रोव़ब।
PRO 27:8 खिं रे ङोन लशो मुर ग्‍योव़ रे ङोन बेरशो चिक्‍ब खोदेंशो बाक्‍ब।
PRO 27:9 ब्रोव़शो रिना पाइश्‍शो तेल नु धूपमी मुर आन थुं ग्‍येरशो सेल्‍ब। तन्‍न वारच आ अर्ती मेको क्‍येङा रिम्‍शो बाक्‍ब।
PRO 27:10 इ वारच कली नु इ आफ आ वारच कली मप्रोनो। श्‍येत जवी ना, इ लोक्‍ब आ खिं मलावो। मारदे हना ङोन बाक्‍शो लोक्‍ब क्‍येङा नेक्‍था बाक्‍ब मुर रिम्‍शो बाक्‍ब। हितोपदेस १८:२४
PRO 27:11 आं तौ, जोक्‍‍ब तुइक्‍ब दुमो। मिनु गो ग्‍येरनुङ। मोपा गो इ पर्बम लोव़ पा आं कली आइक्‍च सेल्‍ब आन कली लोव़ लेन्‍ने चाप्‍नुङ।
PRO 27:12 निप्‍स पाइश्‍शो मुर श्‍येत जाक्‍चा चिक्‍शो तशा, ख्रुंइसी‍नीम। तन्‍न मारेइ मजोक्‍ब मुरुमी मारेइ मतुइक्‍थु श्‍येत जाइनीम। हितोपदेस २२:३
PRO 27:13 अर्को रागी ङा मुर आन पर्बम जमानी दुम्‍शो मुर, आ वा रोइश्‍शा लतीन। मुर आ पर्बम जमानी बाक्‍शो आ मारेइ मारेइ नेल्‍ले लतीन। हितोपदेस २०:१६
PRO 27:14 सुमी सुनी कना बोक्‍शा, आ नेक्‍था ङा मुर कली ठेयब सेंदामी आसीक पाइबा। मेको आसीक ताइबमी “सराप पाइक्‍ती” देंब।
PRO 27:15 गेना हना यो जिचा पोक्‍ब मीश रेउ यिमेनु तप तप पा याप्‍ब ब्‍वाक्‍कु खोदेंशो बाक्‍ब। हितोपदेस १९:२३
PRO 27:16 मेको कली अरेचा फश गिवार कली नाइक्‍पाइक्‍चा खोदेंशो नु ग्‍युरा गुइमी तेल गुप्‍चा खोदेंशो बाक्‍ब।
PRO 27:17 फलाममी फलाम कली शेप्‍शो खोदेंशो पा, मुर कामी अर्को कली शेप्‍ब।
PRO 27:18 सुमी फोव़शी रवा खाल पाइबा, मेकोमी फल जचा ताइब। सुम आ होव़प कली रिम्‍शो पा कोव़बा, मेको मान पाइक्‍चा पुंइसीब।
PRO 27:19 दोपा ब्‍वाक्‍कुम कुल तांइसीबा, मोपा मुर आ थुं दोदेंशो बाक्‍बा, मेको अर्कोम तुइक्‍बा।
PRO 27:20 बेक्‍शो मुर आन बाक्‍तीके नु जाम्‍शा लतीके गेनायो मरूशो खोदेंशो पा, मुर आ मिक्‍च यो गेनायो मरूब। उपदेसक १:८
PRO 27:21 चांदी यपाइक्‍‍चा कली गारचा ङा ग्‍योंब नु सुन यपाइक्‍चा कली यो गारचा ङा ग्‍योंब माल्‍शो खोदेंशो पा, मुर आ पतीक अर्को मुर आन ठेयब सेल्‍तीक रे पा तुंइसीब।
PRO 27:22 मूर्ख कली अन्‍न नु चुम्‍लुम वोइश्‍शा तूलीमी चुशा हना यो, आ मूर्खे पचा गेनायो मग्रूब।
PRO 27:23 इ क्‍यारश भेडा दोदेंशो तांइसीनीमी रिम्‍शो पा कोव़ङो। इ बी ब्‍यफ आन कली होस पा कोव़ङो।
PRO 27:24 मारदे हना शोंप गेना हना यो मलीब। सिरपेच यो नेल्‍ल पाला कली मलीब।
PRO 27:25 घांस जाम्‍शा लाइब। मिनु नक कोच्‍वा दाप्‍ब। मिनु पहाड रे घांस खुप्‍नीमी,
PRO 27:26 पाठा आ ऊन इन कली वा फेक्‍चा दुम्‍ब। बोका लेयशा रू ग्‍याप्‍ने चाप्‍नीनी।
PRO 27:27 क्‍यारश आ दूध इ कली, इ खिं ङा मुर आन कली नु इ गेय पाइब आन कली तूचा गाप्‍ब।
PRO 28:1 परमप्रभु यावे आ अरेशो मटीब सुइम खेदा मपथु यो प्रोक्‍नीम। ठीक पाइबपुकी गुप्‍स खोदेंशो पा महिंथु बाक्‍नीम। यसैया ५७:२१
PRO 28:2 रागी ङा मुरपुकीमी मरिम्‍शो पाम्‍तेक्‍म हना, हुकुम पाइब शुश दुम्‍नीम। तन्‍न निप्‍स पाइश्‍शो हुकुम पाइब बाक्‍त हना, गेना हना यो रिम्‍शो बाक्‍ब।
PRO 28:3 हुकुम पाइब मुरुमी प्रुङग आन कली दिप्‍तु हना, मेको बाली नाली बिग्रेब ठेयब रेउ खोदेंशो बाक्‍ब।
PRO 28:4 परमप्रभु यावे आ अरेशो प्रोंइबपुकीमी अरु अरेशो मटीब आन कली ठेयब सेल्‍नीम। तन्‍न परमप्रभु यावे आ अरेशो टीब मुरपुकीमी मरिम्‍शो पाइब आन कली तशा, मेको आन पर्बम सुर्ता पाइनीम।
PRO 28:5 मरिम्‍शो मुरपुकीमी निसाफ प‍तीके मार बाक्‍बा, दे मरुप्‍‍नीम। तन्‍न परमप्रभु यावे आ देंशो पचा दाक्‍बपुकीमी नेल्‍ल रिम्‍शो पा रुप्‍‍नीम।
PRO 28:6 हेंथे गाक्‍ब, थुं निक्‍शी पाइश्‍शो नु शुश क्‍येट थीब मुर दुम्‍चा क्‍येङा रिम्‍शो थुं पाइश्‍शो ठीक लां गाक्‍ब प्रुङग मुर दुम्‍चा रिम्‍शो बाक्‍ब। हितोपदेस १९:१
PRO 28:7 सुमी परमप्रभु यावे आ अरेशो टीबा, मेको जोक्‍ब तुइक्‍ब तौ बाक्‍ब। सु चहिं शुश जाइब नु दुक्‍ब मुर आ वारच दुम्‍बा, मेकोमी आ आफ कली मुने तोक्‍ब।
PRO 28:8 सुम आ क्‍येट मुर कली शुश चाइक्‍ब ताक्‍चा कली गेबा, मेको आ क्‍येट प्रुङग आन कली शिशी पाइब मुर कली हेक्‍ब।
PRO 28:9 सुमी परमप्रभु यावे आ अरेशो लोव़ नेंशा मटीबा, मेको आ परमप्रभु कली पुंइतीक लोव़ यो ग्रांग्रा दिशो बाक्‍ब। हितोपदेस १५:८
PRO 28:10 सुमी रिम्‍शो थुं पाइश्‍शो मुर कली मरिम्‍शो लां हेंथे गाक्‍पाइक्‍बा, मेको आंमा दोशो खाल्‍टामी बिक्‍ब। तन्‍न दोस मताइबपुकीमी रिम्‍शो ताइनीम।
PRO 28:11 शोंप पाइश्‍शो मुरुमी आंम कली “गो जोक्‍ब तुइक्‍ब नङ” दे मिम्‍ब। तन्‍न निप्‍स पाइश्‍शो प्रुङग मुरुमी मेको कली दोदेंशो बाक्‍ब, दे रिम्‍शो पा तुइक्‍ब।
PRO 28:12 ठीक पाइबपुकी ग्रामानु, नेल्‍ल ग्‍येरसीनीम। तन्‍न परमप्रभु यावे आ अरेशो मटीबपुकी ठेयब दुम्‍तेक्‍म हना, मुरपुकी ख्रुंइसीनीम। हितोपदेस ११:११
PRO 28:13 सुमी आंम पशो मरिम्‍शो पतीके ख्रुइक्‍बा, मेको सोशो बोशो मदुम्‍ब। तन्‍न सुमी आंम पशो मरिम्‍शो शोव़बा नु प्रोंइबा, मेको शिशी ताइब। भजन संग्रह ३२:३-५; १यूहन्‍ना १:८-९
PRO 28:14 परमप्रभु यावे कली मान पा हिंब मुर गेना हना यो ग्‍येरशा बाक्‍चा ताइब। तन्‍न मरिम्‍शो थुं पाइश्‍शो मुर श्‍येत जाइनीम।
PRO 28:15 परमप्रभु यावे आ अरेशो मटीबमी प्रुङग आन कली सासन पाप्‍तु हना, मेको ग्रीब गुप्‍स नु प्रेक्‍शा ग्राम्‍ब वां खोदेंशो बाक्‍ब।
PRO 28:16 मरुप्‍ब हुकुम पाइब मरिम्‍शो दिप्‍ब मुर बाक्‍ब। तन्‍न जोल पा चेम्‍शो क्‍‍येट काइ मदाक्‍ब मुर शुश नाक्‍ती ब्रोंइब।
PRO 28:17 सुमी मुर साइक्‍बा, मेको मबेक्‍म सम्‍म प्रोक्‍शा गाक्‍चा माल्‍ब। सुइमी यो मेको कली वारच मपामेक्‍ल। उत्‍पत्ती ४:१४
PRO 28:18 सु गेना हना यो रिम्‍शो पाइब बाक्‍बा, मेको रिम्‍शो बाक्‍ब। तन्‍न सु लां निक्‍शी हेंथे पा गाक्‍बा, मेको कालेम जाम्‍शा लाइब।
PRO 28:19 सुमी आंम रूमी गेय पाइबा, मेको मुर आ खिंमी शुश अन्‍न बाक्‍ब। शुश लोव़ पा बाक्‍ब मुर चहिं प्रुङग दुम्‍शा लाइनीम।
PRO 28:20 थमा सुइक्‍ब मुर शुश आसीक ताइनीम। तन्‍न सुम रीब पा क्‍येट चेम्‍चा दाक्‍बा, मेको सजाइ मतथु, मब्रोंइब। हितोपदेस १३:११
PRO 28:21 कुल कोव़मुचा मरिम्‍शो बाक्‍ब। तन्‍न मुरुमी आइक्‍च शोब्‍ले तचा कली मरिम्‍शो पाइनीमी कों। हितोपदेस १८:५; ब्‍यवस्‍था १:१७
PRO 28:22 कुंइद मुर रीब पा क्‍येट थीब दुम्‍चा दाक्‍ब। मिनु “नोले थमा पा प्रुङग दुम्‍नुङ” दे मेकोमी ममिम्‍ब। हितोपदेस २३:४; १तिमोथी ६:९
PRO 28:23 मिलो शिलो पाइब मुर आन क्‍येङा मुर कली हुइक्‍ब नोले मान पाइक्‍चा पुंइसीब।
PRO 28:24 सुमी आ आम आफ आस मार मार रोइश्‍शा “आं शोंप बाक्‍ब” देंबा, मेको खतम पोक्‍ब आ वारच बाक्‍ब। मत्ती १५:५
PRO 28:25 शिंम मुरुमी जिचा पोक्‍ब। तन्‍न सुमी परमप्रभु यावे कली थमा सुइक्‍बा मेको आसीक ताइब।
PRO 28:26 सुमी आंम निप्‍स कली थमा सुइक्‍बा, मेको मूर्ख बाक्‍ब। तन्‍न सु तुइक्‍तीक थुं ङा लां गाक्‍बा, मेको ब्रोंइचा ताइब। हितोपदेस ३:५-६
PRO 28:27 सुमी प्रुङग कली गेबा, मेको आंमा यो श्‍येत मजाइब। तन्‍न सुमी प्रुङग आन पर्बम शिशी मपाइबा, मेको शुश सराप ताइब।
PRO 28:28 परमप्रभु यावे आ अरेशो मटीबपुकी ठेयब मुर दुम्‍तेक्‍म हना, मुरपुकी ख्रुंइसी‍नीम। मिनु मेको बेक्‍तेक्‍म हना, ठीक पाइब मुर सोशा बोशा शुश दुम्‍नीम।
PRO 29:1 शुश हुइक्‍चा पुंइसीशा यो, काइ मटीब दुम्‍तेक्‍म हना, मेको आन मतुइक्‍थु वारच पाइक्‍चा मपुंइसीथु, खतम दुम्‍नीम। हितोपदेस १५:१०
PRO 29:2 ठीक पाइबपुकी सासन पाइब दुम्‍तेक्‍म हना, मुर नेल्‍ल ग्‍येरसीनीम। तन्‍न परमप्रभु यावे आ अरेशो मटीब मुरुमी सासन पाप्‍तु हना, मुर श्‍येत जाइनीम। हितोपदेस ११:१०
PRO 29:3 सुमी तुइक्‍तीक थुं दाक्‍बा, मेकोमी आ आफ कली ग्‍येरपाइक्‍ब। तन्‍न तेल्‍लेम नु गाक्‍ब मुरुम आ शोंप नेल्‍ल खेरब। लूका १५:१३,३०
PRO 29:4 पिप आ ठीक पतीकेमी आ रागी लीब। तन्‍न मेकोमी शुश तिरो पोक्‍तु हना, आ रागी खतम सेल्‍ब।
PRO 29:5 सुमी आ नेक्‍था ङा मुर कली क्‍युक्‍शा लोव़ पाइबा, मेकोमी मेको कली ग्‍याइल दाइश्‍शो बाक्‍ब।
PRO 29:6 मरिम्‍शो पाइब मुर आ मरिम्‍शो पतीकेमी श्‍येत जाइब। ठीक पाइब मुर चहिं शुश ग्‍येरसीशा कुम्‍सो पाइनीम।
PRO 29:7 ठीक पाइब मुरुम प्रुङग आन कली दोपा ठीक पचा, दे तुइक्‍नीम। तन्‍न परमप्रभु यावे आ अरेशो मटीबपुकीमी मारेइ मरुप्‍‍नीम।
PRO 29:8 शुक्‍शी पाइब मुरपुकीमी सहर खल्बल सेल्‍नीम। तन्‍न जोक्‍ब तुइक्‍ब मुरपुकीमी जिचा खेचा तेक्‍नीम।
PRO 29:9 जोक्‍ब तुइक्‍ब मुर मूर्ख नु निसाफ पतीकेमी लत हना, मेको मूर्खमी जिचा पोक्‍शा, रिश्‍शा मगारब।
PRO 29:10 हुश ख्राक्‍श पोक्‍ब मुरुमी दोस मताइब मुर आन कली काइ मदाक्‍ब। मेकोमी रिम्‍शो थुं पाइश्‍शो मुर कली साइक्‍चा माल्‍ब।
PRO 29:11 मूर्ख मुरुमी आ गाइक्‍चा नेल्‍ल कोंइब। जोक्‍ब तुइक्‍ब मुरुम चहिं आ गाइश्‍शो तेक्‍शा, मकोंइब। हितोपदेस १२:२३; हितोपदेस २५:२८
PRO 29:12 सासन पाइबमी जोल लोव़ नेंतु हना, मेको आ गेय पाइब नेल्‍ल परमप्रभु यावे आ अरेशो मटीब दुम्‍‍नीम।
PRO 29:13 प्रुङग नु मेको आन कली दिप्‍ब आन के थोव़क का गारशो बाक्‍ब। मेको मार बाक्‍ब देंशा हना, परमप्रभु यावेमी मेको निम्‍फा आस कली मिक्‍च ताइब सेल्‍शो बाक्‍त। हितोपदेस २२:२; अय्‍युब ३३:३०; भजन संग्रह १३:४
PRO 29:14 प्रुङग आन कली ठीक पा निसाफ पाइब पिप आ सासन गेना हना यो लीब। हितोपदेस १६:१२
PRO 29:15 वोंइश आल आन कली तुप्‍शा, हुइश्‍शोनु, जोक्‍ब तुइक्‍ब दुम्‍नीम। मारेइ मशेंशो वोंइश आलम चहिं आ आम कली मुने तोक्‍ब। हितोपदेस २२:१५; १राजा १:६
PRO 29:16 परमप्रभु यावे आ अरेशो मटीब मुरपुकी शुश दुम्‍तेक्‍म हना, मरिम्‍शो पतीक बारशा लाइब। तन्‍न ठीक पाइबपुकीम मेको आन खतम दुम्‍शो ताइनीम। भजन संग्रह ३७:३५-३६
PRO 29:17 इ तौ कली रिम्‍शो पा शेंदो। मिनु मेकोमी इ थुं नाइक्‍पाइश्‍शा इ कली ग्‍येरपाइक्‍ब। हितोपदेस २३:१३
PRO 29:18 परमप्रभु यावे आ लोव़ पाइब मुर मबाक्‍तेक्‍म हना, मुर नेल्‍ल हेंथे पाइ‍ब दुम्‍नीम। तन्‍न मेकोपुकीम आन परमप्रभु यावे आ अरेशो टिम्‍तेक्‍म हना, ग्‍येरसीशो मुर दुम्‍नीम।
PRO 29:19 इ गेय पाइब कली लोव़म ला शेंने मचाप्‍नेवे। मारदे हना मेकोमी इ लोव़ रुप्‍तु हना यो मटीब।
PRO 29:20 ममिम्‍थु लोव़ पाइब क्‍येङा मूर्खन रिम्‍शो बाक्‍ब। उपदेसक १:२; याकूब १:१९
PRO 29:21 इ वाइल कली आल रे नम पाइश्‍शा थुल्‍तीवी हना, नोले मरिम्‍शो दुम्‍ब।
PRO 29:22 चुरब मुरुमी राम्‍शी पोक्‍ब। गाइश्‍शा बाक्‍ब मुरुमी शुश मरिम्‍शो पपाइक्‍ब। हितोपदेस १५:१८; हितोपदेस २२:२४
PRO 29:23 मुर आन ठेयब लेश्‍शोमी मेको कली आइक्‍च सेल्‍ब। ब्रेम्‍शो थुं पाइश्‍शो मुर चहिं मान ताइब।
PRO 29:24 खुइ नु वारच्‍बु दुम्‍ब मुरुमी आंम आ कली मदाक्‍ब। खुइ पचा पुंइसीब मुर आ सराप नेंबमी यो मारेइ मदेंब। लेवी ५:१
PRO 29:25 मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८
PRO 29:26 शुश मुरुमी सासन पाइब नु ग्रुम्‍चा दाक्‍नीम। तन्‍न परमप्रभु यावे रे मुरपुकीम ठीक निसाफ ताइनीम।
PRO 29:27 ठीक पाइबपुकीमी मरिम्‍शो पाइब तशा ग्रांग्रा दीनीम। तन्‍न परमप्रभु यावे आ अरेशो मटीबपुकीमी ठीक पाइब आन कली तशा ग्रांग्रा दीनीम।
PRO 30:1 एको मास्‍सा ङा याकेह आ तौ आगुर आ देंशो लोव़ बाक्‍ब। मेकोमी इथीएल नु उकल कली एको लोव़ पाप्‍तु। मेकोमी “गो परमप्रभु कली माल्‍ना माल्‍न बाक्‍ती, तन्‍न मथिदु। उत्‍पत्ती २५:१२-१४
PRO 30:2 थमा पा गो मुर आन दातेमी निप्‍स मपाइश्‍शो मुर दुम्‍ती। गो नु मुर आन के खोदेंशो रुप्‍तीक मबाक्‍ब।
PRO 30:3 गो जोक्‍ब तुइक्‍ब दुम्‍चा मशेंसीङ। मिनु का ला बाक्‍शो परमप्रभु यावे कली मतुइक्‍नुङ।
PRO 30:4 सु स्‍वर्ग लशा, लेश्‍शा यिशो बाक्‍बा ङा? सुम फश कली आ गुइमी ग्‍याइक्‍ने चाप्‍बा ङा? सुम समुन्‍द्र ङा ब्‍वाक्‍कु कुम्‍लो पने चाप्‍बा ङा? सुम रागी आ सुर सेला? मेको आ नें मार बाक्‍बा? मेको आ तौ आ नें मार बाक्‍बा? गे तुइक्‍नेवे हना” देनो। अय्‍युब ३८:२८-३४
PRO 30:5 परमप्रभु आ लोव़ नेल्‍ल थमा बाक्‍ब। सु मेकेर लशा ख्रुंइसीबा, मेको कली श्‍येत रे तेक्‍ब। भजन संग्रह १२:७
PRO 30:6 मेको आ लोव़मी मारेइ यो मतेम्‍दो। तेम्‍ताक्‍वी हना, इ कली हुइश्‍शा, गे जोल पाइब मुर देंचा पुंइसीनेवे। ब्‍यवस्‍था ४:२
PRO 30:7 मिनु “गो इन कली थोव़क निक्‍शी पुंइनुङ। आं बेक्‍चा क्‍येङा ङोंइती मेको आं कली गेयीनी।
PRO 30:8 हेंथे पतीके नु जोल पतीक आं क्‍येङा ङोन वोतीन। आं कली प्रुङग मसेल्‍यीनी नु शुश क्‍येट थीब यो मसेल्‍यीनी। आं कली माल्‍चा ङा जचा थोव़क गेयीनी। तिमोथी ६:६-८
PRO 30:9 मारदे हना गो नु मारेइ मारेइ बाक्‍त हना, गो इन कली प्रेंनुङ। मिनु ‘परमप्रभु यावे सु बाक्‍बा?’ देंनुङा कों? मिनु गो प्रुङग दुम्‍ती हना, खुइ पा आं परमप्रभु आ नें आइक्‍च सेल्‍शा मुने तोक्‍नुङा कों?” देंती। प्रस्‍थान ५:२
PRO 30:10 गेय पाइब आ पर्बम आ होव़प नु मरिम्‍शो लोव़ मपावो। मो पाप्‍तीवी हना, मेकोमी इ कली सराप पाइब। मिनु गे श्‍‍येत जाइनेवे।
PRO 30:11 का निक्‍शी मुरुमी आन आफ कली सराप पाइनीम। मिनु आन आम कली आसीक मगेनीम।
PRO 30:12 का निक्‍शी मुरुमी आंम कली “गो गेना हना यो रिम्‍शो पाइब मुर नङ” देंनीम। तन्‍न मेको आन मरिम्‍शो पशो मक्‍याम्‍सीशो बाक्‍ब। हितोपदेस २०:९
PRO 30:13 का निक्‍शी मुर ठेयब लेश्‍शो बाक्‍नीम। मेको शुश बोरशो बाक्‍नीम।
PRO 30:14 का निक्‍शी मुर आन ख्रुइ तरवार नु छूरी खोदेंशो बाक्‍ब। मेकोपुकीमी प्रुङग आन कली नाक्‍‍शा, श्‍येत जाइब आन कली ब्‍वाइनीम।
PRO 30:15 मिनु या‍फे आ तमी निक्‍शी बाक्‍नीस। मेको निक्‍शीमी “गेयी, गेयी” देंनीस। मिनु अरु थोव़क सां बाक्‍नीम। मेकोपुकी गेनायो मरूनीम। अर्को ४ ओटा थोव़क बाक्‍नीम। मेकोमी गेनायो “मोक्‍ल” मदेंनीम।
PRO 30:16 बेक्‍शो मुर आन बाक्‍तीके, आल मथीब कोव़ज, ब्‍वाक्‍कु मतशो सोव़शो रू नु मी, एको ४ ओटा थोव़कमी गेनायो “गाप्‍ती” मदेंनीम।
PRO 30:17 आफ कली शुक्‍शी पाइब नु आम कली मटीब मुर आन मिक्‍च खदीमी कोक्‍शा ग्रुंइनीम। मिनु गिदपुकीमी ब्‍वाइ‍नीम। हितोपदेस २०:२०
PRO 30:18 थोव़क सां बाक्‍नीम। मेको तशा गो छक लाक्‍ती। ४ ओटा थोव़क कली यो रुप्‍ने मचबु।
PRO 30:19 मेको मार बाक्‍तेक्‍म देंशा हना, ककाकुली आ सरीङम बेरतीके, रोंगु मेर बुस्‍स आन गाक्‍तीके, ठेयब समुन्‍द्रमी जहाज आन गाक्‍तीके नु वोंइश मुर नु मीश आल आस लां मेको रुप्‍ने मचबु।
PRO 30:20 हेंथे गाक्‍ब मीश मुरुमी जाइब। मिनु आ शोव़ शोप्‍शा “गो मारेइ मरिम्‍शो मपङ” देंब।
PRO 30:21 मिनु थोव़क सांमी रागी कली ख्रिंख्रि पपाइक्‍नीम। ४ ओटा थोव़क मेको फाल्‍ने मचाप्‍चा ङा बाक्‍नीम। उपदेसक १०:६-७
PRO 30:22 मेको ४ ओटा थोव़क मार बाक्‍तेक्‍म देंशा हना, वाइल पिप दुम्‍शो, मूर्ख जशा ब्‍वशा रूशो,
PRO 30:23 मरिम्‍शो मीश आल कली ग्‍युंबे पशो नु वाइलीम आ होव़पोक्म आ पा ङा मेको खिं ङा होव़पोक्‍म दुम्‍शो, एको ४ ओटा फाल्‍ने मचाप्‍चा ङा थोव़क बाक्‍नीम। ब्‍यवस्‍था २४:१-४
PRO 30:24 रागीम ४ ओटा आइक्‍च थोव़क बाक्‍नीम। तन्‍न मेकोपुकी थम जोक्‍ब तुइक्‍ब बाक्‍नीम।
PRO 30:25 रकमिक्‍च शुश बोल मपाइश्‍शो बाक्‍तेक्‍म हना यो, आन जचा थोव़क खुप्‍ची ना खुप्‍शा तेल्‍नीम। हितोपदेस ६:६-८
PRO 30:26 ब्‍वित्‍ती खोदेंशो जन्‍तु शुश बोल मपाइश्‍शो बाक्‍नीम। मो हना यो मेकोमी आन खिं रोंगुम सेल्‍नीम।
PRO 30:27 मिनु माले आन के पिप मबाक्‍ब। मोदेंशो बाक्‍तेक्‍म हना यो, मेकोपुकी लडाइ पाइब खोदेंशो पा तांती खिक्‍शा गाक्‍नीम।
PRO 30:28 खोते आन कली गुइम ग्‍याइक्‍ने चाम्‍सीब हना यो, मेकोपुकी पिप आ दरवारमी बाक्‍नीम।
PRO 30:29 मिनु थोव़क सां बाक्‍नीम। मेको ठेयब मुर खोदेंशो पा गाक्‍नीम। मिनु ४ ओटा थोव़क बाक्‍नीम। मेको ठेयब लेश्‍शा हिरनीम।
PRO 30:30 मेको मार बाक्‍नीम देंशा हना, गुप्‍स, जन्‍तु नेल्‍ल आन दातेमी नेल्‍ल क्‍येङा बोल्‍यो बाक्‍ब। मेको सुइ क्‍येङा महिंब।
PRO 30:31 ठेयब लेश्‍शा गाक्‍ब भाले, बोका नु आ सेना आन ङोंइती गाक्‍ब पिप बाक्‍नीम।
PRO 30:32 गे मूर्ख दुम्‍शा, आंम कली ठेयब सेल्‍तीवी हना, गे मरिम्‍शो पचा मिम्‍शो बाक्‍ते हना, इ कुल सुम्‍सो।
PRO 30:33 मिनु दूध ख्राक्‍शोनु नौनी घ्‍यू ग्रूब। नें तुप्‍शोनु, हुश यीब। मोपान गाइक्‍चा बोक्‍त हना, राम्‍शी बोक्‍ब।
PRO 31:1 पिप लेमुएल आ लोव़। मिनु पिप आ ममामी एको लोव़ पिप कली शेंशो बाक्‍त। हितोपदेस ३०:१
PRO 31:2 मेकोमी “आं तौ, गो इ कली मार देंनुङा ङा? गो इ पर्बम परमप्रभु यावे कली पुंइता।
PRO 31:3 इ बोल मीश मुर आन कली मगेवो। मेको हेंथे गाक्‍बपुकीमी पिप आन कली खतम सेल्‍नीम। ब्‍यवस्‍था १७:१७; १राजा ११:१,४
PRO 31:4 लेमुएल, पिप कली अङगुर शांबु तूचा मशिरब। मिनु सासन पाइबमी रकसी काइ तूचा मदुम्‍ब। हितोपदेस २०:१
PRO 31:5 ठेयब मुरपुकी तूशा दुक्‍तेक्‍म हना, अरेशो लोव़ प्रेंनीम। मिनु श्‍येत जाइब आन कली निसाफ पतीकेमी दूली पाइनीम। मेको काइ मदुम्‍ब।
PRO 31:6 खतम दुम्‍चा चिक्‍शो मुर आन कली रकसी तूचा गेवो। मिनु अङगुर शांबु थुं लुक्‍च लशो आन कली गेवो।
PRO 31:7 मोपा तूशा, मेकोपुकीमी आन प्रुङग दुम्‍तीके प्रेंनीम। मिनु आन श्‍येत ममिम्‍नीम।
PRO 31:8 ब्‍वाक्‍ने मचाप्‍ब नु मग्‍येरसीशो नेल्‍ल आन पर्बम ठीक निसाफ पावो। अय्‍युब २४:१२
PRO 31:9 श्‍येत जशो नु प्रुङग आन कली ठीक निसाफ पशा वारच पावो” देंमाक्‍त।
PRO 31:10 रिम्‍शो गेय पाइब मीश आल सुम थिन्‍ने चाप्‍बा ङा? मेको हीरा मोती क्‍येङा शुश क्येट लाइब बाक्‍ब। हितोपदेस १८:२२
PRO 31:11 मेको आ वोंइशेमी मेको कली रिम्‍शो पा थमा सुइक्‍ने चाप्‍ब। मिनु आस माल्‍शो मारेइ मारेइ गा‍प्‍ब।
PRO 31:12 मेको ब्रोंइम सम्‍म आ वोंइश कली रिम्‍शो पाइब। मरिम्‍शो गेनायो मपाइब।
PRO 31:13 मेकोमी ऊन नु रुवा खुप्‍शा, पांइशा शुश गेय पाइब।
PRO 31:14 शुश लेयतीक मारेइ मारेइमी ब्रीशो जहाज खोदेंशो पा मेकोमी खिंमी जचा थोव़क चाक्‍ब।
PRO 31:15 मेको सुनी कना बोक्‍शा मार मार जचा तूचा क्‍येपाइक्‍ब। आ वाइलीम आन कली मार गेय प‍चा माल्‍बा, नेल्‍ल अरेब।
PRO 31:16 शुश मिम्‍शा नोले मेकोमी रू का ग्‍याप्‍ब। मिनु मेकेर आंमा चेम्‍शो क्‍येटीमी अङगुर ख्रुम्‍ब।
PRO 31:17 मेको आ रिम्‍शो गेय पतीके आ गुइ बोल्‍यो बाक्‍नीम।
PRO 31:18 मेकोमी आ लेयतीक थोव़क रिम्‍शो पा लेयसीशो ताइब। नाक्‍दो आ बत्ती मकाप्‍ब।
PRO 31:19 मेकोमी प्‍यूरी लाइश्‍शा, पांइतो पांइब। आ वा आंमा प्रोव़ब।
PRO 31:20 मेकोमी प्रुङग आन कली वारच पाइब। मिनु श्‍येत जाइब आन कली आन माल्‍शो गेब।
PRO 31:21 मेको ग्‍यू पची ना महिंब। मारदे हना आ मुर नेल्‍लेमी होशो वा फेक्‍शो बाक्‍नीमी।
PRO 31:22 मेकोमी आ ब्रतीक रिम्‍शो पा सेल्‍ब। मेको आ फेक्‍तीक प्‍याजी रङ ङा रिम्‍शो पा किरशो सुती वा के बाक्‍नीम।
PRO 31:23 मेको आ वोंइश ठेयब मुर दुम्‍शा, सहर ङा ठेयब लाप्‍चोमी बाक्‍मेनु, रागी ङा खाल्‍पा आन दातेमी बाक्‍ब।
PRO 31:24 मेकोमी सुती के फेक्‍तीक वा सेल्‍शा लेयब। किप्‍शुर यो ग्‍याप्‍ब लेयब आन कली लेयब।
PRO 31:25 मेको नु सक्ति नु मान त‍तीके बाक्‍ब। मेकोमी दीसा मार दुम्‍बा, दे रिश्‍शा सुर्ता मपाइब।
PRO 31:26 मेकोमी लोव़ पवानु, जोक्‍ब तुइक्‍ब लोव़ ला पाइब। मिनु मुर आन कली शिशी पचा कली शेंब।
PRO 31:27 मेकोमी आ खिं ङा मुर आन कली रिम्‍शो पा कोव़ब। गेय मपथु, हेंथे पा मजाइब।
PRO 31:28 मेको आ आलपुकीमी “आंइ आम ग्‍येरसीशो बाक्‍ब” देंनीम। आ वोंइशेमी यो मेको कली मान पाइब।
PRO 31:29 मेकोमी “शुश मीश मुरपुकीमी रिम्‍शो पाइनीम। मेको आन क्‍येङा गे रिम्‍शो पाइब बाक्‍नेवे” देंब।
PRO 31:30 मुर आन दारस जोल बाक्‍ब। मेको दारस जाम्‍शा लाइब। तन्‍न परमप्रभु यावे कली मान पा हिंब मीश मुर मान पाइक्‍चा पुंइसीब। हितोपदेस ११:२२
PRO 31:31 मेको मीश मुर कली आ गेय पा चेम्‍शो गेवो। सहर ङा ठेयब लाप्‍चोमी मुर नेल्‍लेमी मेको कली मान पामेक्‍ल।
ECC 1:1 एको दाऊद आ तौ, यरूसलेम ङा पिप आ शेंशो लोव़ बाक्‍ब।
ECC 1:2 मेको शेंबमी “जाम्‍शा लाइनीम, मारेइ मारेइ जाम्‍शा लाइब बाक्‍नीम। जाम्‍शा लाइनीम, नेल्‍ल जाम्‍शा लाइब बाक्‍नीम।
ECC 1:3 मुरुम रागीम श्‍येत पा गेय पा, मार ताइनीमी ङा? नांम दुप्‍शा श्‍येत पा गेय पा, मार दुम्‍बा ङा? उपदेसक २:२३
ECC 1:4 पाला का लाइब। मिनु अर्को पाला जाक्‍ब। तन्‍न रागी गेना हना यो लीब। भजन संग्रह ९०:३
ECC 1:5 नां दाप्‍ब। मिनु नां पेरब। मेको लेंशा आ दाप्‍तीकेम रीब पा जाक्‍ब।
ECC 1:6 फश दक्‍खिन गे पाइब। मिनु उत्तर गे लाइब। मेको गेना हना यो आ हिरतीकेम हिरशा लेप्‍ब।
ECC 1:7 खोला नेल्‍ल शाइश्‍शा समुन्‍द्रम लाइनीम। तन्‍न समुन्‍द्र गेनायो मब्रीब। खोला ते गे शाइक्‍नीमी, मेक गेन शांइ‍स ङा शांइ‍स बाक्‍नीम।
ECC 1:8 तेकोइ आइदी रे आइक्‍था सम्‍म रिम्‍शो मबाक्‍नीम। सुइमी देंशा देंने मचाप्‍नीम। कोव़शा मिक्‍च गेनायो मरूब। नेंशा नोफा गेनायो मदाइ‍ब। भजन संग्रह ९०:१०; हितोपदेस २७:२०
ECC 1:9 मार मार दुम्‍शो बाक्‍मे, मेको लेंशा दुम्‍ब। मार पशो बाक्‍मे, मेको लेंशा पांइसीब। रागीम मारेइ नक मबाक्‍नीम” देंत।
ECC 1:10 मारेइ आ पर्बम सुइमी “कोव़ङीन, एको नक बाक्‍ब” देंने चाप्‍नीमी? मेको दा ङोंइती रेन मेकेर बाक्‍त। मेको साइ ङोंइती रेन बाक्‍त।
ECC 1:11 साइ ङोंइती ङा मुर आन कली सुइम ममिम्‍नीम। मिनु मुल जाक्‍ब मुर कली नोले ङा मुरुम यो ममिम्‍नीम।
ECC 1:12 गो, एको लोव़ शेंबमी यरूसलेममी इस्राएल ङा पिप दुम्‍शा सासन पाता।
ECC 1:13 गो आं जोक्‍तीक तुइक्‍तीकेम रागीमी मार मार पांइसीबा, मेको नेल्‍ल तुइक्‍चा दाक्‍ताक्‍ङ। परमप्रभुमी मुर आन कली मोदेंशो तुइक्‍चा माल्‍तीक थुं गेशा, श्‍येत गेप्‍तु।
ECC 1:14 गो रागीमी पशो गेय नेल्‍ल ताता। मेको नेल्‍ल जाम्‍शा लाइब बाक्‍नीम। मेको फश कली खेदा पशो खोदेंशो बाक्‍ब।
ECC 1:15 मार रोम्‍सीशो बाक्‍बा, मेको कली दिंपाइक्‍ने मचाम्‍सीब। मबाक्‍शो थोव़क हिक्‍ने मचाम्‍सीब। उपदेसक ७:१३
ECC 1:16 गो आं थुंमी “कोव़ङीन, गो आं क्‍येङा ङोंइती यरूसलेममी सासन पाइब नेल्‍ल आन क्‍येङा शुश जोक्‍ब तुइक्‍ब थुं पाइश्‍शो मुर दुम्‍ती। गो मारेइ मारेइ तशा तुइक्‍ताक्‍ङ।
ECC 1:17 गो जोक्‍तीक तुइक्‍तीक रुप्‍चा, बौला दुम्‍तीक नु मूर्ख दुम्‍तीक तुइक्‍चा थुं पाता। तन्‍न मेको दा फश कली खेदा पशो खोदेंशो ला बाक्‍त, दे तुइक्‍ताक्‍ङ। उपदेसक २:१२; उपदेसक ७:२५
ECC 1:18 मारदे हना शुश जोक्‍तीक तुइक्‍तीकेम शुश श्‍येत जपाइक्‍‍ब। गे दोशो जोक्‍ब तुइक्‍ब दुम्‍नीनी, मोशो श्‍येत जाइनीनी” दे तुइक्‍ताक्‍ङ।
ECC 2:1 मिनु गो आंम कली “मुल गो ग्‍येरसीनुङ। मिनु ग्‍येरसीशो थुं कली कोव़शा दाक्‍नुङ। तन्‍न मेको यो जाम्‍शा लाइब ला बाक्‍त, दे तुइक्‍ताक्‍ङ।
ECC 2:2 रिस्‍सीचा यो मूर्खे गेय बाक्‍ब। मिनु ग्‍येरसीशा बाक्‍शोनु, मार रिम्‍शो दुम्‍बा ङा?
ECC 2:3 गो आंम कली ग्‍येरपाइक्‍चा कली इच्‍का अङगुर शांबु तूता। मो पङानु आं थुंम बाक्‍शो जोक्‍तीक तुइक्‍तीक मला। मूर्ख आ गेय रुप्‍चा कली मोदेंशो पाता। मिनु गो मुर आन कली इच्‍का नाक्‍त रागीम ब्रोंइचा कली रिम्‍शो गेय मार बाक्‍बा, दे रुप्‍चा माल्‍ता। हितोपदेस ३१:४
ECC 2:4 गो ठेयब गेय पाता। गो आंम कली खिंपुकी सेल्‍शा, अङगुर रू यो सेल्‍तामी।
ECC 2:5 गो फल फुल रूपुकी नु बाक्‍तीकपुकी यो सेल्‍शा मेकेर नेल्‍ल खाल ङा फल फुल रवापुकी ख्रुम्‍तामी।
ECC 2:6 रिम्‍शो पा बारना बारन ल‍शो रवा आन कली ब्‍वाक्‍कु लुक्‍चा कली ठेयब दोम्‍ली सेल्‍तामी।
ECC 2:7 गो वाइलीम वाइलपुकी ग्‍याप्‍तामी। आं खिंमी जरमेशो वाइलीम वाइल यो बाक्‍तेक्‍म। गो शुश बी ब्‍यफ नु क्‍यारश भेडा थुल्‍तामी। गो आं क्‍येङा ङोंइती यरूसलेमम बाक्‍ब सुइ आन के आं के खोइ बी ब्‍यफ नु क्‍यारश भेडा मबाक्‍म।
ECC 2:8 गो आं कली सुन चांदी नु रागी रागी ङा पिप रे शुश शोंप तेल्‍तामी। गो कुम्‍सो पाइब मीश मुर नु वोंइश मुर वोइक्‍ताक्‍मी। आंम कली ग्‍येरपाइक्‍चा कली शुश मीश चाक्‍तामी।
ECC 2:9 यरूसलेममी आं क्‍येङा ङोंइती ङा मुर नेल्‍ल आन क्‍येङा गो ठेयब दुम्‍ती। आं जोक्‍तीक तुइक्‍तीके गो नुन लीत। १राजा १०:२३
ECC 2:10 गो मार कोव़चा दाक्‍ङा, मेकोन कोव़ता। आं दाक्‍शो नेल्‍ल पाता। मोपा आं पशो गेय नेल्‍लेमी आं थुं कली ग्‍येरपाइक्‍तु। मेको आ श्‍येत पा पशो गेय रे ताता।
ECC 2:11 मो हना यो मेको आं पशो गेय नेल्‍ले नु आं मार मार तचा कली श्‍येत पा पशो गेय नेल्‍ल कोव़ङुनु, मेको नेल्‍ल जाम्‍शा लाइब बाक्‍तेक्‍म। मेको नेल्‍ल फश कली खेदा पशो खोदेंशो शोर गाक्‍शो गेय ला बाक्‍तेक्‍म।
ECC 2:12 मिनु गो जोक्‍तीक तुइक्‍तीक, निप्‍स ग्‍यशो दुम्‍तीक नु मूर्ख दुम्‍तीके रुप्‍चा थुं पाता। पिपम ङोंइती थुम्‍शो गेय आ क्‍येङा नोले जाक्‍बम मार पने चाप्‍बा ङा? ङोंइती नेल्‍ल पशो बाक्‍त।
ECC 2:13 मिनु गो मार ताता देंशा हना, दोपा छिङछिङ क्‍येङा छेङछेङ रिम्‍शो बाक्‍बा, मोपान मूर्ख दुम्‍चा क्‍येङा जोक्‍तीक तुइक्‍तीक रिम्‍शो बाक्‍ब।
ECC 2:14 रुप्‍ब मुर मारेइ मारेइ ताइनीम। तन्‍न मूर्ख चहिं छिङछिङमी गाक्‍नीम। तन्‍न नोले मेको नेल्‍ल खाल का पा लाइनीम।
ECC 2:15 मिनु मूर्ख कली दुम्‍तीक आं कली यो दुम्‍ब। गो मारदे जोक्‍ब तुइक्‍ब दुम्‍ङा? मिनु गो आंमा कली ‘मेको यो जाम्‍शा लाइब बाक्‍ब’ ” देंती।
ECC 2:16 मारदे हना जोक्‍ब तुइक्‍ब नु मूर्ख निम्‍फा आस कली नोले सुइम ममिम्‍नीम। मेको निम्‍फा आस कली प्रेंसीब। जोक्‍ब तुइक्‍ब दोदेंशो पा बेक्‍बा, मूर्ख यो मोदेंशो पा बेक्‍‍ब। भजन संग्रह ४९:११
ECC 2:17 मोपतीके गो ब्रोंइचा मदाक्‍तु। मारदे हना रागीमी पशो गेय नेल्‍ल श्‍येत ला बाक्‍त। मेको नेल्‍ल जाम्‍शा लाइब बाक्‍तेक्‍म। मेको फश कली खेदा पशो खोदेंशो ला बाक्‍त।
ECC 2:18 रागीमी आं श्‍येत पशो गेय नेल्‍ल आन कली गो काइ मदाक्‍तु। मारदे हना मेको गो आं नोले जाक्‍ब आन कली प्रोंइचा माल्‍नुङ। उपदेसक २:२१; भजन संग्रह ३९:७
ECC 2:19 मिनु मेको आ नोले जाक्‍ब जोक्‍ब तुइक्‍ब बाक्‍म कों मूर्ख बाक्‍म, दोपा तुइक्‍बा? मो हना यो आ श्‍येत पा पशो गेय नेल्‍ले मेको केन दुम्‍ब। मेको यो जाम्‍शा लाइब बाक्‍त।
ECC 2:20 मिनु आं श्‍येत पा मिम्‍शा पशो गेय नेल्‍लेम आं थुं लुक्‍च लत।
ECC 2:21 मारदे हना सुइमी जोक्‍ब तुइक्‍ब दुम्‍शा शुश गेय पाप्‍तु हना यो, मेको आ पशो नेल्‍ल अरु मुर आन कली प्रोंइशा वोइक्‍चा माल्‍ब। मेको ताइब मुरुमी मेको आ पर्बम मारेइ श्‍येत मपशो बाक्‍ब। एको यो जाम्‍शा लाइब नु थम मरिम्‍शो बाक्‍ब।
ECC 2:22 मुरुमी रागीम बाक्‍शा शुश श्‍येत गेय पा, मार ताइनीमी ङा?
ECC 2:23 मेको नाक्‍त किंत किंत श्‍येत जाइनीम। मिनु नाक्‍दो यो आन थुं नाइक्‍चा मताइनीम। मेको यो जाम्‍शा लाइब बाक्‍ब।
ECC 2:24 मुरुमी जचा, तूचा नु आंम गेयमी ग्‍येरशा बाक्‍चा क्‍येङा लाक्‍शा अरु मारेइ रिम्‍शो मबाक्‍ब। मेको यो परमप्रभु रे जाक्‍शो तशो बाक्‍नुङ। उपदेसक ३:१२,२२; उपदेसक ५:१७; उपदेसक ८:१५; उपदेसक ९:७
ECC 2:25 मारदे हना परमप्रभु रे मजाक्‍त हना, सुम जचा नु रिम्‍शो पा बाक्‍चा ताइ‍बा ङा?
ECC 2:26 परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८
ECC 3:1 मारेइ मारेइ के पतीक ना बाक्‍ब। रागीमी मारेइ मारेइ आन के पतीक ना बाक्‍ब। उपदेसक ८:६; भजन संग्रह ३१:१६
ECC 3:2 जरमेतीक ना बाक्‍ब। मिनु बेक्‍तीक ना बाक्‍ब। ख्रुम्‍तीक ना बाक्‍ब। मिनु तुल्‍तीक ना बाक्‍ब।
ECC 3:3 साइक्‍तीक ना बाक्‍ब। मिनु सापाइक्‍तीक ना बाक्‍ब। प्रेत्‍तीक ना बाक्‍ब। मिनु सेल्‍तीक ना बाक्‍ब।
ECC 3:4 ङाक्‍तीक ना बाक्‍ब। मिनु रित्‍तीक ना बाक्‍ब। रोंका पतीक ना बाक्‍ब। मिनु सिल पतीक ना बाक्‍ब।
ECC 3:5 फुल्‍लु फ्रतीक ना बाक्‍ब। मिनु मेको खुप्‍तीक ना बाक्‍ब। मुप्‍तीक ना बाक्‍ब। मिनु ममुप्‍तीक ना बाक्‍ब।
ECC 3:6 माल्‍तीक ना बाक्‍ब। मिनु साम्‍तीक ना बाक्‍ब। वोइक्‍तीक ना बाक्‍ब। मिनु ताइक्‍तीक ना बाक्‍ब।
ECC 3:7 खाक्‍तीक ना बाक्‍ब। मिनु फेरतीक ना बाक्‍ब। सिक्‍सी पा बाक्‍तीक ना बाक्‍ब। मिनु लोव़ पतीक ना बाक्‍ब।
ECC 3:8 दाक्‍तीक ना बाक्‍ब। मिनु मदाक्‍तीक ना बाक्‍ब। लडाइ पतीक ना बाक्‍ब। मिनु दुशा बाक्‍तीक ना बाक्‍ब।
ECC 3:9 गेय पाइबमी आन श्‍येत पा गेय पशो रे मार ताइनीमी ङा?
ECC 3:10 परमप्रभुमी मुर नेल्‍ल आन कली श्‍येत ङा गेय गेप्‍तु। गो मुर मेको गेय पस ङा पस तातामी।
ECC 3:11 मेकोमी मारेइ मारेइ आन कली गारपाइश्‍शा सेल्‍तु। मेकोमी गेना हना यो ब्रोंइशा बाक्‍तीके मुर आन थुंम वोइक्‍तु। मो हना यो मेकोपुकीमी परमप्रभुमी ङोंइती रे नोले सम्‍म मार पवा, मेको रुप्‍ने मचाप्‍नीम। उपदेसक ८:१७
ECC 3:12 मुर ब्रोंइमा सम्‍म ग्‍येरशा नु रिम्‍शो पा बाक्‍चा माल्‍नीम। मेको क्‍येङा रिम्‍शो अरु मारेइ यो मबाक्‍ब, दे तुइक्‍नुङ। उपदेसक २:२४
ECC 3:13 परमप्रभु आ दाक्‍शो मार बाक्‍ब देंशा हना, मुर नेल्‍लेमी जशा, तूशा आन गेयम ग्‍येरशा बाक्‍मल, देंशो बाक्‍ब।
ECC 3:14 परमप्रभुमी मार पाइबा, मेको गेना हना यो लीब, दे गो तुइश्‍शो बाक्‍नुङ। मेकेर मारेइ तेम्‍ने नु ग्रुंइने मचाम्‍सीब। मुर नेल्‍लेमी परमप्रभु कली हिंशा मान पामेक्‍ल, दे मोदेंशो पाप्‍तु।
ECC 3:15 मार बाक्‍मे, मेको ङोंइती रेन बाक्‍त। मेको मुल दुम्‍ब ङोंइती रेन बाक्‍त। मिनु परमप्रभुमी ङोंइती दुम्‍शो लेंशा दुम्‍पाइक्‍ब।
ECC 3:16 मिनु गो रागीम अर्को का यो ताता। मार ताता देंशा हना, ठीक निसाफ पतीक आ पा ङा काइ मरिम्‍शो पतीक बाक्‍बाक्‍त। ठीक पतीक आ पा ङा जोल पतीक बाक्‍बाक्‍त।
ECC 3:17 गो आं थुंमी “परमप्रभुमी ठीक पाइब नु आ अरेशो लोव़ मटीब निम्‍फा आस कली निसाफ पाइब। मारदे हना मेकोमी मारेइ मारेइ नेल्‍ल कली नु गेय नेल्‍ल कली आ पतीक ना सेल्‍तु। उपदेसक १२:१४
ECC 3:18 गो आं थुंमी मुरपुकी बस्‍तु भाव खोदेंशो नकी, दे तुइक्‍तमेक्‍ल, दे परमप्रभुमी मेको आन कली नाक्‍शा कोव़ब” दे यो मिम्‍ताक्‍ङ।
ECC 3:19 मुर नु बस्‍तु भाव आन लां खाल का ङा बाक्‍ब। मेको खाल का ङा पा बेक्‍नीम। का दोपा बेक्‍बा, अर्को यो मोपान बेक्‍ब। मेको नेल्‍ल खाल का ङा पा सोक्‍त कीनीम। मुर आन ततीके बस्‍तु भाव आन क्‍येङा रिम्‍शो मबाक्‍ब। मारदे हना नेल्‍ल जाम्‍शा लाइब बाक्‍नीम। भजन संग्रह ४९:१३,२१
ECC 3:20 मेको नेल्‍ल बेक्‍‍नीम। मारदे हना मेको नेल्‍ल खप रे दुम्‍शो नम। मोपतीके मेको नेल्‍ल लेंशा खप दुम्‍नीम।
ECC 3:21 मिनु मुर आन सोक्‍त चहिं ग्‍येत्‍थ नु बस्‍तु भाव आन सोक्‍त चहिं खप लुक्‍च लाइब, दे सुम तुइश्‍शो बाक्‍बा ङा?
ECC 3:22 मोपतीके मुर नेल्‍ले आंम गेयमी ग्‍येरसीशा बाक्‍कीन। मेको नेल्‍ल क्‍‍येङा रिम्‍शो बाक्‍ब। मारदे हना मुरुमी आ नोले मार दुम्‍बा, दोपा तुइक्‍ने चाप्‍बा ङा?
ECC 4:1 मिनु गो रागीम कोव़ङुनु, मेकेर थम मरिम्‍शो पशो ताता। गो दिप्‍चा पुंइसीशो आन ङाक्‍शो ताता। मेको आन कली लेम्‍ब सुइ मबाक्‍म। मेको मरिम्‍शो पाइब सक्ति पाइश्‍शो बाक्‍तेक्‍म। दिप्‍चा पुंइसीब आन कली चहिं लेम्‍ब सुइ मबाक्‍म।
ECC 4:2 बेक्‍शो मुर, ब्रोंइशो आन क्‍येङा ग्‍येरसीशो बाक्‍नीम, दे तुइक्‍ताक्‍ङ।
ECC 4:3 तन्‍न मेको निम्‍फा आस क्‍येङा मुल मजरमेशो मुर ग्‍येरसीशो बाक्‍ब। मारदे हना मेकोमी रागीम मरिम्‍शो दुम्‍शो मतशो बाक्‍ब। उपदेसक ६:३
ECC 4:4 मिनु गो मार ताता देंशा हना, मुरपुकी श्‍येत पा अरु आन कली गेहे पतीके रे जोक्‍ब दुम्‍नीम। मेको यो जाम्‍शा लाइब नु फश कली खेदा पशो खोदेंशो ला बाक्‍ब।
ECC 4:5 मूर्ख मुर फिम्‍ला पा बाक्‍ब। मिनु आ खतम दुम्‍तीक आंमान चाक्‍ब।
ECC 4:6 फश कली खेदा पशो खोदेंशो पा, शुश श्‍येत पा शुश चेम्‍चा क्‍येङा, थुं नाइश्‍शा इच्‍का खोइ चेम्‍चा रिम्‍शो बाक्‍ब। हितोपदेस १५:१६
ECC 4:7 मिनु गो लेंशा रागीम अरु जाम्‍शा लाइब थोव़क तातामी।
ECC 4:8 मेको मार ताता देंशा हना तमी तौ नु सुइ लोक्‍ब मपाइश्‍शो मुर का बाक्‍त। तन्‍न मेकोमी शुश श्‍येत पा गेय पाइबाक्‍त। आ गेय गेनायो मथुम्‍थु, आ शोंपोम थुं मनुइबाक्‍त। मिनु काबु मेकोमी आंम कली “गो मारदे मोदेंशो श्‍येत ङा गेय पना पन बाक्‍नुङ? गो मारदे आंम कली मारेइ रिम्‍शो मपाइनुङा?” देंत। मेको यो जाम्‍शा लाइब नु श्‍येत जतीक ला बाक्‍ब।
ECC 4:9 मिनु का क्‍येङा निक्‍शी दुम्‍शो रिम्‍शो बाक्‍ब। मारदे हना मेकोपुकीमी आंम श्‍येत पा पशो गेय रे पा रिम्‍शो ततीक ताइनीम। उत्‍पत्ती २:१८
ECC 4:10 दोकका पा का थिस्‍साक्‍व हना, मेको आ वारचमी मेको कली पोक्‍ब। तन्‍न आबी, का ला दुम्‍शा थिश्‍शोनु, पोक्‍शा वारच पाइब मबाक्‍त हना, मरिम्‍शो दुम्‍ब।
ECC 4:11 मोदेंशो पा मुर निक्‍शी काथा इप्‍ताक्‍स हना, मेको निक्‍शी जे‍नीस। तन्‍न का ला इप्‍शोनु, दोपा जे‍चा ङा?
ECC 4:12 का कली अरुमी फ्रुइ‍नीम। तन्‍न निक्‍शी दुम्‍ताक्‍स हना, आंम कली प्रोंइने चाप्‍नीस। थमा पा पोया सांमी किरशो डोरी रीब पा मब्रोइक्‍‍ब।
ECC 4:13 अर्ती मनेंब खूशो मूर्ख पिप क्‍येङा जोक्‍ब तुइक्‍ब प्रुङग ठिटा का दुम्‍चा रिम्‍शो बाक्‍ब।
ECC 4:14 मेको जेल्‍खान रे ग्रूशा पिप दुम्‍शो बाक्‍म कों? मेको प्रुङग बाक्‍त हना यो पिप दुम्‍ने चाप्‍ब।
ECC 4:15 गो रागी ङा मुर नेल्‍ल मेको पिप आ गेय पाइब ठिटा आ नोले खोइश्‍शो तातामी।
ECC 4:16 मेकोमी शुश मुर आन कली वारच पाप्‍तु। तन्‍न मेको क्‍येङा नोले जाक्‍बपुकी मेको तशा मग्‍येरसम। मेको थमा पा जाम्‍शा लाइब नु फश कली खेदा पशो खोदेंशो बाक्‍ब।
ECC 5:1 परमप्रभु आ खिं लनीनु, मूर्ख आन क्‍योरशा चढ़ेशो चढे़चा क्‍येङा परमप्रभु आ लोव़ होस पा नेंचा रिम्‍शो बाक्‍ब। मारदे हना मूर्खमी मरिम्‍शो पचा प्रोंइस मजोक्‍नीम। भजन संग्रह १५:१; यसैया ३३:१४-१६; मत्ती ५:२३-२४; १सामुएल १५:२२
ECC 5:2 ब्‍वाक्‍चा कली मचुइक्‍‍तीन। परमप्रभु आ ङोंइती रीब पा लोव़ मपन। परमप्रभु स्‍वर्गमी बाक्‍ब। गे चहिं रागीम बाक्‍नीनी। मोपतीके शुश मब्‍वाक्‍कीन।
ECC 5:3 दोपा शुश सुर्ता पतीकेम ङोमु ताइ‍नीमी, मोपा मूर्खमी शुश लोव़ पाइब। याकूब १:१९; मत्ती ६:७
ECC 5:4 गे परमप्रभु आ ङोंइती कसम जनीनु, मेको खाप्‍चा कली देश मपने। परमप्रभु मूर्ख आन कली तशा मग्‍येरब। गे इन कसम जशो खाप्‍पीन। ब्‍यवस्‍था २३:२२; १सामुएल १:११,२८; भजन संग्रह ५०:१४
ECC 5:5 कसम जशा मखाप्‍चा क्‍येङा, कसम मजशो रिम्‍शो दुम्‍ब।
ECC 5:6 इ लोव़मी इ कली पाप मपपदल। मिनु परमप्रभु आ खिं ङा लोव़ कुरब कली “आं कबल पशो प्रेंदु बाक्‍त” मदेंनीन। इ लोव़मी पतीके परमप्रभु गाइश्‍शा इ गेय नेल्‍ल खतम पोक्‍ब।
ECC 5:7 शुश लोव़ नु शुश ङोमुमी जाम्‍शा लाइब सेल्‍ब। मोपतीके परमप्रभु कली मान पा हिनीन। येरमीया २३:२७-२८
ECC 5:8 राज्‍य कामी प्रुङग आन कली दिप्‍शो नु मेको आन कली ठीक निसाफ मपशो ताइ‍तीनी हना, छक मलाक्‍कीन। मारदे हना मेको आन क्‍येङा अधिकार पाइश्‍शो का बाक्‍ब। मिनु मेको नेल्‍ल आन क्‍येङा ठेयब अर्को का बाक्‍ब। प्रस्‍थान २३:६
ECC 5:9 पिपमी रू ङा गेय पाइब आन कली अरेशा रिम्‍शो कोव़तु हना, मेको रागी रिम्‍शो दुम्‍ब।
ECC 5:10 सुमी क्‍येट दाक्‍बा, मेको कली क्‍येटीमी गेनायो मजाक्‍दीप्‍ब। सुम शोंप दाक्‍बा, मेको मुर आ चेम्‍शोमी गेनायो मरूब। मेको यो जाम्‍शा लाइब बाक्‍ब। हितोपदेस २८:२२; लूका १२:१५
ECC 5:11 शोंप शुश बारमेनु, मेको जाइबपुकी यो बारनीम। मिनु मेको होव़प कली कोव़चा ङा लाक्‍शा, अरु मार रिम्‍शो दुम्‍बा ङा?
ECC 5:12 शुश गेय पाइब मुर दोशो जाप्‍तु हना यो, निन्‍द्रा पचा दाक्‍ब। तन्‍न शोंप पाइश्‍शो मुर आ शुश शोंपोम पतीके मेको कली निन्‍द्रा मजाक्‍ब।
ECC 5:13 गो रागीमी थम श्‍येत लाक्‍चा ङा मरिम्‍शो पशो का तशो बाक्‍नुङ। मेको मार बाक्‍ब देंशा हना मुरुमी आंमा खतम दुम्‍चा कली शोंप तेल्‍शो बाक्‍ब। मत्ती १९:२२
ECC 5:14 मेकोमी दोकका पा आ शोंप थुमा नोले, मेको के आल दुम्‍ब। मेना मेको आ गुइमी मारेइ मबाक्‍ब।
ECC 5:15 मुर ममा आ कोव़ज रे पा शिश्रा जाक्‍ब। मिनु मेको दोपा जाक्‍मे, मोपान लेश्‍शा लाइ‍ब। मेकोमी आ श्‍येत पा चेम्‍शो मारेइ लाइक्‍चा मताइब। अय्‍युब १:२१; भजन संग्रह ४९:१८; १तिमोथी ६:७
ECC 5:16 एको यो श्‍येत लाक्‍चा ङा मरिम्‍शो का बाक्‍ब। मुर दोपा जाक्‍बा, मोपान लेश्‍शा लाइ‍ब। मिनु मेको कली मार रिम्‍शो दुम्‍बा ङा? मारदे हना मेको आ पशो श्‍येत नेल्‍ल फश खोदेंशो दुम्‍ब।
ECC 5:17 मुरुमी आन ब्रोंइतीक नाक्‍त सम्‍म श्‍येत पा जशा तूशा, हिंशा, रोइ पा, सुर्ता पाइनीम।
ECC 5:18 मिनु गो मार ताता देंशा हना, परमप्रभुमी गेशो एको इच्‍का नाक्‍ती ब्रोंइतीकेमी रागीम जचा, तूचा नु आंम श्‍येत पा पशो गेयमी ग्‍येरसीचा मुर कली रिम्‍शो बाक्‍त। मारदे हना मेकोन, मेको आ भाग बाक्‍ब।
ECC 5:19 मेको क्‍येङा लाक्‍शा परमप्रभुमी मुर आन कली शुश शोंप नु रूपुकी गेब। मिनु मेको कली मेको नेल्‍ल ताक्‍चा नु आंम गेयमी ग्‍येरशा बाक्‍चा गेब। मेको परमप्रभु आ गेतीक बाक्‍ब।
ECC 5:20 मेकोमी आ ब्रोंइतीक नाक्‍त शुश ममिम्‍ब। मारदे हना परमप्रभुमी मेको कली आ थुंमी ग्‍येरपाइश्‍शा वोइक्‍ब। भजन संग्रह ७३:२६
ECC 6:1 गो रागीमी अर्को मरिम्‍शो का यो तशो बाक्‍नुङ। मेकोमी मुर आन कली थाम्‍पा दिप्‍शो बाक्‍ब।
ECC 6:2 परमप्रभुमी मुर आन कली शोंप, रू नु मान ततीक गेब। मोपा मेको कली आ दाक्‍शो प‍चा कली मारेइ श्‍येत मदुम्‍ब। तन्‍न परमप्रभुम मेको कली मेको ग्‍येरशा जचा मगेथु, अर्को मुर कली ग्‍येरशा जचा गेब। मेको यो जाम्‍शा लाइब बाक्‍ब।
ECC 6:3 सुइ मुर का के सहे का जना आल बाक्‍शा, मेको शुश बर्स ब्रोंइशा यो आ चेम्‍शो जशा मग्‍येरसीब, रिम्‍शो पा थिम्‍चा यो मपुंइसीब। मेको क्‍येङा शाम्‍शा लशो आल कली रिम्‍शो बाक्‍ब। उपदेसक ४:३
ECC 6:4 शाम्‍शा लशो आल जाम्‍शा लचा कली जर‍मेसीशो बाक्‍ब। मिनु मेको छिङछिङमी जाम्‍शा लाइब। मिनु छिङछिङमीन मेको आ नें सुम्‍ब।
ECC 6:5 मेकोम गेनायो नां मतशो बाक्‍ब। मेकोम मारेइ मजोक्‍शो यो बाक्‍ब। मो हना यो मेको मुर क्‍येङा मेको आल आ नाइश्‍शो रिम्‍शो बाक्‍ब।
ECC 6:6 मेको मुर हजार का बर्स ब्रोंइ‍शा यो आ दाक्‍शो पने मचाप्‍तु हना, मेको मार नाइक्‍चा ताइबा ङा? मेको नेल्‍ल मबेक्‍नीमी ङा?
ECC 6:7 मुर आ श्‍येत पशो नेल्‍ल आ कोव़ज प्रिंचा कली ला बाक्‍ब। मो हना यो मेको आ शोव़लु बेक्‍तीक गेनायो मनुप्‍ब। उपदेसक १:८
ECC 6:8 मूर्ख मुर क्‍येङा जोक्‍ब तुइक्‍ब मारम रिम्‍शो बाक्‍नीमी? प्रुङग मुर अर्को आन ङोंइती रिम्‍शो पस जोक्‍शा, मार ताइबा ङा?
ECC 6:9 मार मार माल्‍नुङ, दे शुश मिम्‍चा क्‍येङा आ तशोम ग्‍येरसीशा बाक्‍चा रिम्‍शो बाक्‍ब। मेको यो जाम्‍शा लाइब नु फश कली खेदा पशो खोदेंशो बाक्‍ब।
ECC 6:10 मार बाक्‍बा, मेको नेल्‍ल आन नें वोइक्‍ने थुम्‍शो बाक्‍ब। मिनु मुर आ थुंम मार बाक्‍बा, मेको तुंइसीब। आंम क्‍येङा बोल्‍यो मुर कली सुइमी मारेइ देंने मचाप्‍ब। अय्‍युब ९:२-४,३२
ECC 6:11 मेको शुश लोव़ पाप्‍तु हना यो, मेको क्‍येङा शोर गाक्‍शो बाक्‍ब। मिनु तेको रिम्‍शो बाक्‍बा?
ECC 6:12 मुर इच्‍का नाक्‍त ब्रोंइब बाक्‍ब, मार रिम्‍शो बाक्‍मे, मेको सुम तुइक्‍बा ङा? मुर आ नाक्‍त वांकु खोदेंशो पा लाक्‍ब। मेको बेक्‍शा लम नोले मार दुम्‍बा, दे सुम देंने चाप्‍बा ङा? १इतिहास २९:१५; भजन संग्रह १४४:४
ECC 7:1 शुश क्‍येट लाइब ख्रेक्‍तीक क्‍येङा रिम्‍शो नें ठेयब बाक्‍ब। मिनु जरमेशो नाक्‍त क्‍येङा बेक्‍तीक नाक्‍त रिम्‍शो बाक्‍ब। हितोपदेस २२:१
ECC 7:2 भोज जतीक खिंम लचा क्‍येङा रोंका प‍शो खिंम ल‍चा रिम्‍शो बाक्‍ब। मारदे हना मुर नेल्‍ल मोदेंशो पा लाइनीम। मिनु मुल सम्‍म ब्रोंइशो मुरपुकीमी मेको आ पर्बम मिम्‍नीम।
ECC 7:3 रित्‍चा क्‍येङा सुर्ता पचा रिम्‍शो बाक्‍ब। मारदे हना सुर्ता पतीकेम थुं कली रिम्‍शो सेल्‍ब।।
ECC 7:4 जोक्‍ब तुइक्‍ब मुर आ थुं रोंका पतीक खिंम बाक्‍ब। तन्‍न मूर्ख आ थुं आंम दला दाक्‍स पतीक खिंम बाक्‍ब।
ECC 7:5 मूर्ख आ कुम्‍सो नेंचा क्‍येङा, जोक्‍ब तुइक्‍ब आ हुइश्‍शो नें‍चा रिम्‍शो बाक्‍ब।
ECC 7:6 मूर्ख आ रिश्‍शो, चू चोशानु बुक्‍शो मी खोदेंशो बाक्‍ब। मेको यो जाम्‍शा लाइब बाक्‍ब।
ECC 7:7 थमा पा दिप्‍बपुकीम जोक्‍ब तुइक्‍ब मुर आन कली मूर्ख सेल्‍नी‍म। घूसमी मुर आन थुं मरिम्‍शो सेल्‍ब।
ECC 7:8 गेय पचा गोशो क्‍येङा थुम्‍शो रिम्‍शो दुम्‍ब। ठेयब लेश्‍शो थुं पाइश्‍शो दुम्‍चा क्‍येङा फाल्‍तीक थुं पाइश्‍शो दुम्‍चा रिम्‍शो बाक्‍‍ब।
ECC 7:9 रीब पा मगाइक्‍तो। मारदे हना गाइक्‍‍तीक मूर्ख आन थुंम बाक्‍ब। याकूब १:१९
ECC 7:10 गेपुकीम “ङोंइती ङा नाक्‍त, मुल ङा नाक्‍त क्‍येङा मारदे रिम्‍शो बाक्‍मा?” दे मदेनीन। मारदे हना जोक्‍ब तुइक्‍बपुकीम मोदेंशो लोव़ हिल्‍लो मपाइनीम।
ECC 7:11 जोक्‍तीक तुइक्‍तीके किकी पिपी आन गेशो शोंप खोदेंशो पा रिम्‍शो बाक्‍ब। मिनु मेकोमी ब्रोंइब आन कली रिम्‍शो पाइब।
ECC 7:12 दोपा क्‍येटीम मुर आन कली वारच पाइबा, मोपा जोक्‍तीक तुइक्‍तीकेम यो मुर आन कली वारच पाइब। मिनु जोक्‍तीक तुइक्‍तीकेमी मुर आन कली ब्रोंइचा गेब। हितोपदेस ३:१-२
ECC 7:13 परमप्रभु आ गेय मिम्‍तीन। मेको आ रोप्‍शो थोव़क कली सुमी दिंपाइक्‍ने चाप्‍बा ङा? उपदेसक १:१५
ECC 7:14 नाक्‍त रिम्‍शो दुम्‍मेनु ग्‍येरसीन। तन्‍न नाक्‍त मरिम्‍शो दुम्‍मेनु मिम्‍तीन। मेको निम्‍फा परमप्रभुमी सेल्‍शो बाक्‍ब। मोपा मुरुमी नोले आंम कली मार दुम्‍बा, दे मतुइक्‍नीम।
ECC 7:15 गो आं इच्‍का नाक्‍त ब्रोंइतीकेमी ठीक पाइब मुर आ ठीक पशोमी खतम दुम्‍शो नु मरिम्‍शो मुर आ मरिम्‍शो पशोमी शुश बर्स ब्रोंइशो ताता। उपदेसक ८:१४; भजन संग्रह ७३:१२-१४
ECC 7:16 शुश ठीक पाइब मदुमो। मिनु शुश जोक्‍ब तुइक्‍ब यो मदुमो। गे मारदे आंमा खतम सेल्‍सीनेवे? लूका १८:११-१२
ECC 7:17 गे परमप्रभु आ अरेशो मटीब नु शुश मूर्ख यो मदुमो। गे मारदे बेक्‍ची मजाक्‍थु बेक्‍चा दाक्‍नेवे?
ECC 7:18 का कली वोतीन नु अर्को कली यो मप्रोनीन। मारदे हना परमप्रभु कली मान पा हिं‍ब, मेको नेल्‍ल रे ङोन बाक्‍नीम।
ECC 7:19 जोक्‍तीक तुइक्‍तीकेमी जोक्‍ब तुइक्‍ब मुर कली सहर ङा १० जना हुकुम पाइब आन क्‍येङा यो सक्ति पाइश्‍शो सेल्‍ब।
ECC 7:20 थमा पा रागीमी मारेइ मारेइ ठीक पाइब नु गेनायो पाप मपाइब सुइ मबाक्‍नीम। भजन संग्रह १४:३
ECC 7:21 मुरपुकीमी देंशो लोव़ नेल्‍ल मनेनो। मो पाप्‍तीवी हना इ वाइलीमी इ कली सराप प‍शो नें‍नेवे।
ECC 7:22 मारदे हना गे गिश खेयप अरु आन कली सराप पवी, मेको इ थुंम बाक्‍ब।
ECC 7:23 गो मारेइ मारेइ जोक्‍तीक तुइक्‍तीकेम नाक्‍शा कोव़ता। मिनु गो “थमा पा जोक्‍ब तुइक्‍ब दुम्‍नुङ” देंती। तन्‍न रुप्‍ने मचबु।
ECC 7:24 शुश ङोन बाक्‍ब नु शुश लुक्‍च लशो थोव़क सुम तुइक्‍ने चाप्‍बा ङा?
ECC 7:25 मोपतीके गो जोक्‍तीक तुइक्‍तीक नु नेल्‍ल तुइक्‍चा थुं पाता। मिनु परमप्रभु आ अरेशो मटिचा मूर्ख गेय बाक्‍ब। मिनु मूर्ख गेयमी निप्‍स ग्‍यशो दुम्‍शो बाक्‍ब। भजन संग्रह १४:१
ECC 7:26 मेको बेक्‍तीक क्‍‍येङा मरिम्‍शो ब्‍वारद दाइश्‍शो खोदेंशो मीश मुर बाक्‍त। मेको आ थुं थेम्‍लु नु मेको आ गुइ चहिं पाइक्‍‍तीक साङलो बाक्‍त। सुम परमप्रभु कली ग्‍येरपाइक्‍बा, मेको रे ब्रोंइब। तन्‍न मेकोमी पाप पाइब कली चहिं आ ग्‍याइलीम रेप्‍ब। हितोपदेस २:१६-२२
ECC 7:27 शेंबमी “गो मार तुइक्‍तु, मेको नेनीन। गो नेल्‍ल रिम्‍शो पा तुइक्‍चा कली नाक्‍ताक्‍ङ।
ECC 7:28 गो रिम्‍शो मुर माल्‍ना माल्‍न बाक्‍ङानु हजार का वोंइश मुर आन दातेमी मुर का ला रिम्‍शो पाइब थित्‍ता। तन्‍न मीश मुर आन दातेमी का यो मथिदु।
ECC 7:29 परमप्रभुमी मुर आन कली ठीक पाइब सेल्‍तु। तन्‍न मुरपुकीम आन दाक्‍शो पाइनीम” देंत। उत्‍पत्ती १:२७
ECC 8:1 जोक्‍ब तुइक्‍ब मुर खोदेंशो सु बाक्‍बा? एको लोव़ आ अर्थ सुम तुइ‍क्‍बा ङा? जोक्‍तीक तुइक्‍तीकेमी मुर आन कुल हाक्‍शो सेल्‍ब। मिनु मेको आ किक्‍शो कुल फाइश्‍शा रिम्‍शो सेल्‍ब।
ECC 8:2 पिप आ देंशो टिवो। मारदे हना गे परमप्रभु आ ङोंइती कसम जाप्‍तीवी।
ECC 8:3 पिप आ बाक्‍तीक रे गाक्‍चा कली मचुइक्‍तो। गे मरिम्‍शो मपावो। मारदे हना पिपमी मार पचा दाक्‍बा, मेको पाइब।
ECC 8:4 पिप आ लोव़मी सक्ति बाक्‍ब। सुम मेको कली “हजुर, गे मार पनी” देंने चाप्‍बा?
ECC 8:5 सुम परमप्रभु आ शेंशो टीबा, मेको कली मारेइ मरिम्‍शो मदुम्‍ब। मिनु जोक्‍ब तुइक्‍ब मुरुमी ठीक गेय पची ना गेय पस जोक्‍ब।
ECC 8:6 मुरुमी मार मार पाइनीमी, मेको पतीके ना नु निसाफ पची ना बाक्‍ब। मुर आन मरिम्‍शो पतीकेम मुर आन कली दिप्‍ब। उपदेसक ३:१
ECC 8:7 नोले ङा लोव़ सुइमी मतुइक्‍नी‍म। मोपतीके सुइम मुर आन कली नोले मार दुम्‍बा, मेको देंने मचाप्‍नीम। उपदेसक १०:१४
ECC 8:8 फश कली तेक्‍शा वोइक्‍तीक सक्ति सुइ के मबाक्‍ब। मोपान आंम बेक्‍तीक नाक्‍त कली सुइमी तेक्‍ने मचाक्‍ब। दोपा लडाइ पची ना सुइ खिं लचा मताइनीमी, मोपान मरिम्‍शो पतीकेमी मरिम्‍शो पाइब कली गेनायो मप्रोंइब।
ECC 8:9 गो रागीम पशो नेल्‍ल कोव़ङुनु, नेल्‍ल ताता। सक्ति पाइश्‍शो मुरुमी अरु आन कली दिप्‍शा वोइक्‍नीम।
ECC 8:10 मिनु गो परमप्रभु आ अरेशो मटीब मुर थिम्‍चा पुंइसीशो ताता। ठीक पाइब चहिं परमप्रभु आ सहर रे ग्रुंइचा पुंइसीशो बाक्‍तेक्‍म। मिनु सहरमी सुइमी मेको आन कली ममिम्‍बाक्‍तेक्‍म। मेको यो जाम्‍शा लाइब बाक्‍ब।
ECC 8:11 मुरुमी मरिम्‍शो पाप्‍तु हना, रीब पा सजाइ मताप्‍तु हना, मेकोमी मरिम्‍शो पना पन बाक्‍ब। अय्‍युब ३५:१५-१६; मलाकी ३:१४-१५
ECC 8:12 मरिम्‍शो पाइब मुर सहे का खेयप मरिम्‍शो पशा यो शुश नाक्‍त सम्‍म ब्रोंइशा बाक्‍नीम। मो हना यो परमप्रभु कली मान पा हिंब नु आ ङोंइती बाक्‍ब आन कली रिम्‍शो दुम्‍ब, दे गो तुइक्‍नुङ। भजन संग्रह ३७:१८; भजन संग्रह ७३:१७-२६
ECC 8:13 तन्‍न परमप्रभु यावे आ अरेशो मटीब आन कली गेनायो रिम्‍शो मदुम्‍ब। मिनु शुश ब्रोंइचा यो मताइनीम। मारदे हना मेकोपुकीमी परमप्रभु कली मान पा महिंनीम।
ECC 8:14 रागीम अर्को जाम्‍शा लाइब गेय का यो दुम्‍ना दुम्‍न बाक्‍ब। ठीक पाइब बाक्‍नीम। मेकोम परमप्रभु आ अरेशो मटीब खोदेंशो पा ताइनीम। मिनु परमप्रभु आ अरेशो मटीब बाक्‍नीम। मेको ठीक पाइब खोदेंशो पा बाक्‍चा ताइनीम। एको यो जाम्‍शा लाइब बाक्‍ब। उपदेसक ७:१५
ECC 8:15 मोपतीके गे ग्‍येरसीशा बाक्‍कीन। मारदे हना रागीमी मुर आन कली जचा तूचा नु ग्‍येरशा बाक्‍चा ङा लाक्‍शा, अरु मारेइ रिम्‍शो मबाक्‍ब। परमप्रभुमी गेशो ब्रोंइतीकेमी गिश श्‍येत बाक्‍त हना यो, मेको पने चाप्‍नीम। उपदेसक २:२४
ECC 8:16 मिनु गो रागीमी मुरपुकीमी मइप्‍थु नाक्‍दो नाक्‍ती गेय पशो कोव़चा कली नु जोक्‍तीक तुइक्‍तीक मार बाक्‍मे, मेको तुइक्‍चा कली आं थुं हिरताक्‍ङ।
ECC 8:17 मिनु परमप्रभुमी पशो गेय नेल्‍ल ताता। रागीम मार दुम्‍बा, मेको सुइमी तुइक्‍ने मचाप्‍‍नी‍म। मुरपुकीमी मेको तुइक्‍चा कली शुश श्‍येत पाम्‍तेक्‍म हना यो, मेको नेल्‍ल रुप्‍ने मचाप्‍नीम। तेकोइ जोक्‍ब तुइक्‍ब मुरुमी “गो मेको तुइक्‍नुङ” देंत हना यो, मेकोम थमा पा मतुइ‍श्‍शो बाक्‍ब। उपदेसक ३:११; यसैया ५५:८-९
ECC 9:1 एको लोव़ नेल्‍ल रे पा गो मार मिम्‍ताक्‍ङ देंशा हना, ठीक पाइब नु जोक्‍ब तुइक्‍ब आन पतीक मारेइ मारेइ परमप्रभु आ गुइमी बाक्‍बाक्‍त। तन्‍न मुरुमी आंम कली दाक्‍तीक नु काइ मदाक्‍तीक ताइनीम। तन्‍न मेको मतुइक्‍बाक्‍तेक्‍म।
ECC 9:2 मारदे हना जाम्‍शा लतीक नु मरिम्‍शो दुम्‍तीके मुर नेल्‍ल आन कली दुम्‍ब। ठीक पाइब नु परमप्रभु आ अरेशो मटीब, रिम्‍शो पाइब नु मरिम्‍शो पाइब, ग्रांग्रा मदिशो नु ग्रांग्रा दिशो, चढ़ेतीक चढ़ेब नु मचढ़ेब, पाप पाइब नु मपाइब नु कसम जाइब नु मजाइब, नेल्‍ल नोले खाल का ङा पा जाम्‍शा लाइनीम। उपदेसक २:१४; अय्‍युब ९:२२
ECC 9:3 रागीम दुम्‍तीक गेय नेल्‍लेमी मरिम्‍शो पतीक बाक्‍ब। मेको नेल्‍ल बेक्‍शा लाइनीम। मुर नेल्‍ल आन थुं मरिम्‍शो पतीकेमी ब्रीशो बाक्‍ब। मिनु मेकोपुकी ब्रोंइमा सम्‍म आन थुं हेंथे पतीकेम ब्रीशो बाक्‍ब। मिनु मेको नोले मेको बेक्‍शोपुकी नु बाक्‍थ लाइ‍नी‍म। उपदेसक ८:११
ECC 9:4 तन्‍न ब्रोंइशा बाक्‍बपुकी नु बाक्‍ब आन के आस बाक्‍ब। बेक्‍शो गुप्‍स क्‍येङा ब्रोंइशा बाक्‍शो कुचुम रिम्‍शो बाक्‍ब।
ECC 9:5 ब्रोंइशा बाक्‍शोपुकीम “गो बेक्‍नीकी” दे तुइश्‍शो बाक्‍नीम। तन्‍न बेक्‍शोपुकीम मारेइ मतुइक्‍नी‍म। मेको आन कली मारेइ इनाम मबाक्‍ब। मेको आन कली मिम्‍तीक यो जाम्‍शा लाइब।
ECC 9:6 मेको आन दाक्‍तीके, काइ मदाक्‍तीक नु गेहे पतीक नेल्‍ल जाम्‍शा लत। मेकोपुकीम रागीम मार दुम्‍शो बाक्‍मे, मेको मारेइ ममिम्‍नीम।
ECC 9:7 आंम इ लां गाक्‍को, इ जतीक थोव़क ग्‍येरशा जावो। ग्‍येरशा इ अङगुर शांबु तूङो। मारदे हना परमप्रभुमी इ पशो गेय दाक्‍ब। उपदेसक २:२४
ECC 9:8 गेना हना यो रिम्‍शो वा फेक्‍शा इ ब्रोव़शो तेल ख्रेक्‍सो।
ECC 9:9 परमप्रभुमी गेशो इच्‍का नाक्‍त ब्रोंइशा बाक्‍तीकेमी आंम दाक्‍शो मीश नु ग्‍येरशा बाक्‍को। मारदे हना रागीमी इ श्‍येत पा पशो गेय ङा भाग मेको बाक्‍ब। हितोपदेस ५:१८-१९
ECC 9:10 इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।
ECC 9:11 गो रागीमी अर्को थोव़क का यो त‍शो बाक्‍नुङ। रीब पा दोरब मग्रा‍ब। सक्ति पाइश्‍शो लडाइ पाइबमी लडाइ मग्रा‍ब। जोक्‍ब तुइक्‍बमी जचा मताइब। शुश निप्‍स पाइश्‍शो मुरुमी क्‍येट मचेम्‍ब। जोक्‍ब मुरुमी मान मताइब। तन्‍न नेल्‍लेमी आन गेय पतीक ना नु रागी दोपा बाक्‍बा, मुर आन गेय दुम्‍बा देय मदुम्‍बा मेको ताइ‍नीम। हितोपदेस १६:९
ECC 9:12 मिनु हिंचा ङा श्‍येत गेना जाक्‍बा, सुइम मतुइक्‍नीम। शिशी मपाइब आन ग्‍याइलीम ङांइ रेश्‍शो नु ब्‍वारदम चिक्‍ब रेश्‍शो खोदेंशो पा मुरपुकी यो ममिम्‍थु हिंचा ङा श्‍येत जशा बेक्‍नीम।
ECC 9:13 गो रागीमी जोक्‍तीक तुइक्‍तीक का यो ताता। मेको थम ठेयब बाक्‍त।
ECC 9:14 साइ ङोंइती शुश मुर मबाक्‍शो आइक्‍च सहर का बाक्‍त। मिनु मेको कली शुश सक्ति पाइश्‍शो पिपमी लडाइ तोवा बाक्‍त। मेको सहर कली पुम्‍शा, गारो ङोइक्‍तीक यो सेला बाक्‍त।
ECC 9:15 मेको सहरमी जोक्‍ब तुइक्‍ब प्रुङग मुर का बाक्‍माक्‍‍त। मिनु मेकोमी आ जोक्‍तीक तुइक्‍तीकेमी मेको सहर कली प्रोना बाक्‍त। तन्‍न मेको प्रुङग मुर कली सुइमी ममिम्‍‍तमे बाक्‍त।
ECC 9:16 मिनु गो “सक्ति क्‍येङा जोक्‍तीक तुइक्‍तीक ठेयब बाक्‍ब” देंती। तन्‍न मेको प्रुङग मुर आ जोक्‍तीक तुइक्‍तीक कली आइक्‍च मिम्‍ताक्‍म। मेको आ लोव़ कली सुइमी यो ममिम्‍तेम।
ECC 9:17 ठेयब सेंदा पा मूर्ख सासन पाइब आ लोव़ क्‍येङा, जोक्‍ब तुइक्‍ब आ ओंखां पा देंशो लोव़ टीनीम।
ECC 9:18 लडाइ पतीक या क्‍येङा जोक्‍तीक तुइक्‍तीक रिम्‍शो बाक्‍ब। तन्‍न पाप पाइब कामी शुश रिम्‍शो गेय आन कली खतम सेल्‍ब।
ECC 10:1 मिनु दोपा बेक्‍शो चुरमुमी ब्रोव़शो रिना पाइश्‍शो ख्रेक्‍तीक कली राक्‍पाइक्‍बा, मोपा इच्‍का खोइ मूर्ख दुम्‍तीकेमी जोक्‍तीक तुइक्‍तीक नु मान ततीक नेल्‍ल खतम पोक्‍ब।
ECC 10:2 जोक्‍ब तुइक्‍ब मुर ठीक लांमी गाक्‍शो बाक्‍ब। तन्‍न मूर्ख मुर दूली लांम गाक्‍शो बाक्‍ब।
ECC 10:3 मूर्ख मुर लांम गाक्‍मेनु, मारेइ ममिम्‍ब। मिनु नेल्‍ल आन कली आ मूर्ख दुम्‍तीके कोंइब।
ECC 10:4 इ ठेयब मुर इ तशा गाइक्‍ताक्‍व हना यो, इ गेय प‍चा मप्रोनो। सिक्‍सी पा बाक्‍शोनु, ठेयब मरिम्‍शो प‍शो यो जाम्‍शा लाइब।
ECC 10:5 गो रागीमी मरिम्‍शो का तशो बाक्‍नुङ। मेको ठेयब दूली गेय सासन पाइबम ला पने चाप्‍ब।
ECC 10:6 मूर्ख आन कली ठेयब मुर सेल्‍नीम। तन्‍न शोंप पाइश्‍शोपुकी आइक्‍च दुम्‍शा बाक्‍नी‍म।
ECC 10:7 गो वाइलपुकी चहिं शारा ङोइश्‍शा नु सासन पाइब आ तौ चहिं वाइल खोदेंशो पा खोइलीम गाक्‍शो त‍शो बाक्‍नुङ।
ECC 10:8 बिक्‍तीक दोइब मुर मेको आंमान बिक्‍ने चाप्‍ब। मिनु गारो प्रेप्‍ब कली बुस्‍सुमी कोक्‍ने चाप्‍ब। हितोपदेस २६:२७
ECC 10:9 फुल्‍लु ख्रोइक्‍‍ब मुर गार दुम्‍ने चाक्‍ब। मिनु शी ख्रोइक्‍ब मुर आ गेय रे श्‍येत जने चाप्‍‍ब।
ECC 10:10 खा महेश्‍शो बाक्‍त हना, मेको कली शुश बोल माल्‍ब। तन्‍न जोक्‍तीक तुइक्‍तीकेम मेको कली रिम्‍शो सेल्‍ब।
ECC 10:11 बुस्‍स कली लाटा सेल्‍चा क्‍येङा ङोंइती कोक्‍तु हना, बुस्‍स चलेब कली मारेइ रिम्‍शो मदुम्‍ब। बजन संग्रह ५८:५-६
ECC 10:12 जोक्‍ब तुइक्‍ब मुर ब्‍वाक्‍मेनु, मान ताइब। तन्‍न मूर्ख चहिं आ लोव़मीन खतम दुम्‍ब।
ECC 10:13 मेकोमी ङोंइती मूर्ख लोव़ पाइब। मिनु नोले बौला नु निप्‍स ग्‍यशो लोव़ पाइब।
ECC 10:14 मूर्ख मुर ब्‍वाक्‍स ङा ब्‍वाक्‍स पाइब। मार दुम्‍बा, सुइम मतुइक्‍नीम। मेको आ नोले मार दुम्‍बा, मेको सुम देंने चाप्‍बा ङा? उपदेसक ५:२; उपदेसक ८:७
ECC 10:15 मूर्ख आ श्‍येत पा पशो गेयमी दाइब। मेकोमी सहर लतीक लां यो मतुइक्‍ब।
ECC 10:16 आबी, तेको रागी ङा पिप आल का बाक्‍‍बा, तेको रागी ङा सासन पाइबपुकीमी सुनी कना भोज जा‍इनीमी, मेको रागी खतम दुम्‍शा लाइ‍ब। यसैया ३:४; यसैया ५:११
ECC 10:17 तेको रागीमी रिम्‍शो खिं ङा मुर पिप दुम्‍‍बा, मेको रागी ग्‍येरसीशो बाक्‍ब। मेको रागी ङा सासन पाइब भोज जची ना जाइनीम। मेकोपुकी दुक्‍चा कली ममाइ बोल तचा कली जाइ‍नी‍म।
ECC 10:18 सुइ मुर अल्‍से बाक्‍त हना मेको आ खिं ब्रेप्‍ब। मेको फिम्‍ला पा बाक्‍त हना, मेको आ खिं याप्‍ब।
ECC 10:19 ग्‍येरसीचा कली भोज सेल्‍नीम। मिनु अङगुर शांबुमी मुर कली ग्‍येरपाइक्‍ब। तन्‍न मेको नेल्‍ल पचा कली क्‍येट माल्‍ब। बजन संग्रह १०४:१५
ECC 10:20 इ मिम्‍तीकेमी यो पिप कली सराप मपावो। शोंप पाइश्‍शो मुर कली इ कोठाम सराप मपावो। मारदे हना सरीङ ङा चिक्‍बीम इ लोव़ लद। मिनु बेरशो चिक्‍बीम इ लोव़ शेंद।
ECC 11:1 इ क्‍येट ङोन सोइक्‍तो। मिनु शुश नाक्‍त नोले मेको लेंशा ताइनेवे।
ECC 11:2 गे इं के बाक्‍शो क्‍येट ७, ८ जना आन कली वोइक्‍चा गे‍मी। मारदे हना रागीम दोदेंशो ठेयब श्‍येत जाक्‍बा, मेको गे मतुइक्‍नेवे।
ECC 11:3 गोस्‍सुम ब्‍वाक्‍‍कु ब्रीत हना, मेकोमी रागीम रेउ यिपाइक्‍ब। रवा दक्‍खिन गे गोल्‍त हना यो, उत्तर गे गोल्‍त हना यो, मेको ते गे गोल्‍मे, मेकेरन ली‍ब।
ECC 11:4 फश कली मिम्‍बमी गेनायो मशोक्‍ब। मिनु गोस्‍स कोव़बमी गेनायो मखुप्‍ब।
ECC 11:5 गे फश ते रे जाक्‍‍‍बा नु ममा आ कोव़जमी आल दोपा ब्रोंइतीक सोक्‍त ताइबा, मेको मतुइक्‍नेवे। मोपा मारेइ मारेइ सेल्‍ब परमप्रभु आ गेय रुप्‍ने मचाप्‍नेवे। यूहन्‍ना ३:८; भजन संग्रह १३९:१३; उपदेसक ८:१७
ECC 11:6 गे सुनी इ वांचेर शोक्‍को। मिनु नाक्‍दो यो गेय प‍चा मप्रोनो। मारदे हना मुल शोक्‍शो नु आपो शोक्‍शो तेको ग्रेल्‍बा, मतुइक्‍नेवे। निम्‍फा ग्रेल्‍नीसी कों? मतुइक्‍नेवे।
ECC 11:7 हाम्‍सो रिम्‍शो बाक्‍ब। मुरुमी नां कली तचा दाक्‍ब।
ECC 11:8 मुर शुश बर्स ब्रोंइत हना यो, मेको आ ब्रोंइतीकेमी ग्‍येरसेक्‍ल। तन्‍न मेकोमी छिङछिङ ङा नाक्‍त कली यो मिम्‍तल। मारदे हना मेको शुश बाक्‍नीम। मुल दुम्‍ब मारेइ मारेइ जाम्‍शा लाइब बाक्‍नीम।
ECC 11:9 ए ठिटा मुर, गे ठिटा बाक्‍ङेनु ग्‍येरसो। इ थुंमी गे ठिटा बाक्‍ङेनु ग्‍येरपदल। इ त‍शो नु इ थुंमी मिम्‍शो आस नोले खोतो। तन्‍न परमप्रभुमी मेको नेल्‍ल तुइश्‍शा निसाफ पाइब, दे मिम्‍तो। उपदेसक २:२४
ECC 11:10 मोपतीके सुर्ता पतीक कली इ थुं रे पा ङोन वोतो। मिनु मरिम्‍शो नेल्‍ल इ रां रे ङोन वोतो। मारदे हना ठिटा दुम्‍तीके नु बोल यो जाम्‍शा लाइब बाक्‍ब।
ECC 12:1 इ ठिटा बाक्‍ना बाक्‍न इ कली सेल्‍ब कली मिम्‍तो। श्‍येत जतीक नाक्‍ती नु इ खूशो दुम्‍तीक बर्स जाक्‍मेनु “गो मेको नाक्‍त मदाक्‍नुङ” देंचा क्‍येङा ङोंइती मिम्‍तो।
ECC 12:2 नां नु नाक्‍त ङा छेङछेङ कली छिङछिङमी सुम्‍चा क्‍येङा ङोंइती, तास्‍ला नु सोरुल ब्राब्रा दुम्‍चा क्‍येङा ङोंइती नु गोस्‍सुम रेउ यिपाइश्‍शा लेत्‍चा क्‍येङा ङोंइती
ECC 12:3 खिं खाल पाइबपुकी ख्रिंख्रि पाइनीम। बोल्‍यो मुरपुकी खूशो दुम्‍नीम। यात हिल्‍ब मीश मुर शुश मबाक्‍तीके, आन गेय नाइक्‍नीम। मिनु झेल रे कोव़ब आन मिक्‍च ब्राब्रा दुम्‍ब।
ECC 12:4 मेना लां ङा लाप्‍चो चोक्‍सीब। यात हिल्‍शो सेंदा आइक्‍च दुम्‍ना दुम्‍न लाइब। मुरपुकी चिक्‍ब आन ग्रीशो नेंशा बोक्‍नी‍म। मीश आल आन कुम्‍सो नेल्‍ल आइक्‍च सेंदा पा नेंसीब।
ECC 12:5 मुरपुकी लाइश्‍शो खिं ङोइक्‍चा नु लांम श्‍येत दुम्‍बा कों, दे हिंनीमी। बदाम बोइश्‍शा सिप्‍ब। घांस ब्‍वाइब माले आ कोव़जमी ग्रे‍शा गाक्‍ब। मारेइ ममाल्‍ब दुम्‍चा क्‍येङा ङोंइती इ कली सेल्‍ब परमप्रभु कली मिम्‍तो। मारदे हना मुर नेल्‍ल बेक्‍नीम। मिनु रोंका पाइब लांम गाक्‍नीम।
ECC 12:6 चांदी के तार ब्रोइक्‍चा क्‍येङा ङोंइती नु सुन के कचौरा ब्रोल्‍चा क्‍येङा ङोंइती, खप के गर ब्‍वाक्‍कु बुक्‍तीकेम प्रोल्‍चा क्‍येङा ङोंइती नु इनार ङा गुगील जिक्‍चा क्‍येङा ङोंइती
ECC 12:7 खप रे बोक्‍शो फुरक खपीमीन लेत्‍चा क्‍येङा ङोंइती नु सोक्‍त गेब परमप्रभु आ बाक्‍तीकेम सोक्‍त लेत्‍चा क्‍येङा ङोंइती परमप्रभु कली मिम्‍तो। उपदेसक ३:२०; उत्‍पत्ती ३:१९
ECC 12:8 शेंबमी “जाम्‍शा लाइब! जाम्‍शा लाइब! नेल्‍ल जाम्‍शा लाइब बाक्‍नीम” देंब।
ECC 12:9 मेको शेंब जोक्‍ब तुइक्‍ब मुर ला ममाइ, मेकोमी मुर आन कली जोक्‍ब तुइक्‍ब सेल्‍तु। मेकोमी कोव़शा नाक्‍शा, दोदेंशो लोव़ बाक्‍बा, दोपा शुश देंतीक ब्रेक्‍चा माल्‍बा, मेको शेंताक्‍व।
ECC 12:10 मिनु शेंबमी ठीक लोव़ माल्‍शा ग्रुंइताक्‍व। मिनु मेकोम मार ब्रेक्‍ता, मेको ठीक नु थमा बाक्‍नीम।
ECC 12:11 जोक्‍ब तुइक्‍ब आन लोव़ गोठला आन कोक्‍के खोदेंशो बाक्‍ब। मिनु मेको आन खुप्‍शो लोव़पुकी बोल्‍यो पा थोक्‍शो कांटी खोदेंशो बाक्‍ब। मेको नेल्‍ल गोठला का रे पान दुम्‍शो बाक्‍ब। यसैया २२:२३
ECC 12:12 ए आं तौ, मेकेर तेम्‍शो लोव़ रे होस पा बाक्‍को। शुश किताब ब्रेक्‍तीक गेय गेनायो मनुप्‍ब। मिनु शुश पढेशोनु रां कली दपाइक्‍ब।
ECC 12:13 नेनो, नेल्‍ल क्‍येङा नोले ङा लोव़ मार बाक्‍ब देंशा हना, परमप्रभु कली मान पा हिनो। मिनु मेको आ शेंशो टिवो। मारदे हना मुर नेल्‍ल आन पचा माल्‍शो एकोन बाक्‍ब। ब्‍यवस्‍था ६:२
ECC 12:14 मारदे हना परमप्रभुमी इं पशो रिम्‍शो नु मरिम्‍शो गेय नेल्‍ल नु ख्रुइश्‍शा पशो नेल्‍ल निसाफ पाइब। रोमी २:१६; २कोरिन्‍थी ५:१०
SOL 1:1 सोलोमन आ नेल्‍ल क्‍येङा ठेयब कुम्‍सो।
SOL 1:2 मेकोमी आं कली पुक्‍पु पवल। मारदे हना इन दाक्‍तीके अङगुर शांबु क्‍येङा यो रिम्‍शो बाक्‍ब।
SOL 1:3 इन ख्रेक्‍तीक तेल ब्रोव़शो रिना पाइश्‍शो बाक्‍ब। इन नें ब्रोव़शो रिना पाइश्‍शो तेल मोइश्‍शो खोदेंशो बाक्‍ब। मोपतीके मीश आलपुकीमी इन कली दाक्‍नीमी।
SOL 1:4 गे आं कली लाइय्‍यीनी। गो रीब पा लय। पिपमी आं कली आ बाक्‍तीकेम लाइक्‍ती। गो इन कली तशा ग्‍येरसीनीकी। गोपुकी अङगुर शांबु क्‍येङा यो, इन दाक्‍तीक कली ठेयब सेल्‍नीकी। मेकोपुकीम गे दारशो दुम्‍तीके इन कली दाक्‍नीमी।
SOL 1:5 गो क्‍येर बाक्‍ती हना यो, दारशो बाक्‍नुङ। ए यरूसलेम ङा तमीपुकी, गो केदार आ ताम्‍बु नु सोलोमन आ फारतीक वा खोदेंशो क्‍येर बाक्‍नुङ। आं कली आइक्‍च ममिम्‍तीन।
SOL 1:6 आं कली क्‍येर तशा, मकोव़यीनी। मारदे हना चोक्‍शो नांमी आं कली क्‍येर सेल्‍ती। आं ममा आ तौपुकी गो नु गाइक्‍तीके आं कली अङगुर रू कोव़ब सेल्‍तीमी। तन्‍न गो आंम अङगुर रू कली चहिं मकोव़ङु।
SOL 1:7 ए आं दाक्‍शो मुर, इन क्‍यारश भेडा आन कली ते योव़नीनी? मिनु नाक्‍त मेको ते नाइक्‍नीमी? गो मारदे हेंथे गाक्‍ब मीश मुर खोदेंशो पा इन वारच आन बगाल आ नेक्‍था लचा माल्‍नुङा?
SOL 1:8 मीश आल आन दाते ङा नेल्‍ल क्‍येङा दारशो मीश आल, गे क्‍यारश भेडा आन गाक्‍तीक लां खोइश्‍शा, गोठला आन गोठ आ नेक्‍था इ पाठा आन कली योव़ङो।
SOL 1:9 आं दाक्‍शो मीश आल, गो इ कली फाराओ आ बग्‍गी ङा नेल्‍ल क्‍येङा दारशो छाउरी शारा नु थाप्‍शो बाक्‍नुङ।
SOL 1:10 गहना पांइसीशो इ चोव़चो गिश दारशो बाक्‍ब। सिक्री पांइसीशो इ शुर थम दारशो बाक्‍ब।
SOL 1:11 गो इ कली सुन नु चांदी ख्राक्‍शा सिक्री सेल्‍नीकी।
SOL 1:12 पिप आ इप्‍तीकेमी बाक्‍मेनु, आं तेल थम ब्रोव़शो रिना पाइक्‍तु।
SOL 1:13 आं दाक्‍शो मुर आं कुचु आ दातेम ब्रोव़शो रिना पाइब मूरेम ब्रीशो थैली खोदेंशो बाक्‍ब।
SOL 1:14 आं दाक्‍शो मुर एन-गेदी ङा अङगुर रूमी वाशो हेन्‍ना फू खोदेंशो बाक्‍ब।
SOL 1:15 ए, आं दाक्‍शो मीश आल गे दारशो बाक्‍नेवे? शुश दारशो बाक्‍नेवे। इ मिक्‍च ढुकुर के खोदेंशो बाक्‍ब।
SOL 1:16 ए आं दाक्‍शो मुर, गे यो दारशो बाक्‍नेवे। थमा पा दारशो बाक्‍नेवे। इस ब्राख्‍ये गिग बाक्‍ब।
SOL 1:17 इस खिं ङा पैद्रा लेबानोन ङा लाइश्‍शो रवा के बाक्‍नीम। स‍ला के फलेकम साप्‍शो बाक्‍ब।
SOL 2:1 गो शारोन ङा गुलाफ नु बेंसी ङा लिली फू नङ।
SOL 2:2 चू आन दातेमी लिली फू बोइश्‍शो खोदेंशो पा आं मीश आल, अरु मीश आल आन दातेम बाक्‍ब।
SOL 2:3 आं वोंइश मुर अरु ठिटा आन दातेमी ब्‍वाकीम बाक्‍शो रवा आन दाते ङा स्‍याउ रवा खोदेंशो बाक्‍ब। गो मेको आ वांकुम थुं नाइश्‍शा बाक्‍नुङ। मेको आ फल ब्रोव़शो बाक्‍नीम।
SOL 2:4 मेकोमी आं कली भोज जतीक खिंम लाइक्‍ती। मेको आ दाक्‍तीके छेदर खोदेंशो पा कोंइताक्‍यी।
SOL 2:5 आं कली ठीक सेल्‍चा कली सोव़पाइश्‍शो अङगुर नु स्‍याउ गेयीनी। मारदे हना गो दाक्‍तीकेम थशो बाक्‍नुङ। ठेयब कुम्‍सो ५:८
SOL 2:6 मेको आ पेरा गुइ आं पिया आगाम बाक्ब। मिनु मेको आ ग्‍युरा गुइमी आं कली मुप्‍शो बाक्‍ब।
SOL 2:7 मेकोमी “ए, यरूसलेम ङा तमीपुकी, गो इन कली, किश्‍श नु रोको‍श आन नेंमी अरेनुङ। आंम दाक्‍चा क्‍येङा ङोंइती दाक्‍तीक कली मपोक्‍कीन” देंत। ठेयब कुम्‍सो ८:३-४
SOL 2:8 लो आं दाक्‍शो मुर, आ सेंदा नेनीन। कोव़ङीन, मेको पहाड मेर प्रेक्‍ना प्रेक्‍न, डांडा मेर दोरना दोरन जाक्‍शो बाक्‍ब।
SOL 2:9 आं दाक्‍शो मुर किश्‍श नु ठिटा रोकोश खोदेंशो बाक्‍ब। कोव़ङीन, मेको आंइ गारो आ नोले राप्‍शा बाक्‍शो बाक्‍ब। मेकोमी झेल रे आगा कोव़ना कोव़न बाक्‍ब। मेकोमी झेल आगा रे कोव़ना कोव़न बाक्‍ब।
SOL 2:10 आं दाक्‍शो मुरुमी आं कली “आं नेल्‍ल क्‍येङा दाक्‍शो नु आं दार‍शो मीश आल बोक्‍को। मिनु गो नु गाक्‍को” देंत। ठेयब कुम्‍सो २:१३
SOL 2:11 मारदे हना मुल हिंउद लाक्‍तु। मिनु बर्खा यो लाक्‍ने थुम्‍तु।
SOL 2:12 रागीम फू बोइक्‍चा गोम्‍तेक्‍म।
SOL 2:13 फोव़शी रवाम फोव़शी सिन्‍ना सिन्‍न बाक्‍नीम। अङगुर फू बोइक्‍नीम। मेको ब्रोव़शो रिना पाइब। मेकोमी “आं नेल्‍ल क्‍येङा दाक्‍शो नु आं दार‍शो मीश आल बोक्‍को। मिनु गो नु गाक्‍को” देंत। ठेयब कुम्‍सो २:१०
SOL 2:14 पहाड मेर ङा पोव़ला मेर, सेरथे फुल्‍लु मेर बाक्‍ब आं दाक्‍शो ढुकुर, इ कुल कोंइदी। इ सेंदा नेंचा तङल। मारदे हना इ सेंदा रिम्‍शो बाक्‍ब। मिनु इ कुल दारशो बाक्‍ब।
SOL 2:15 आंइ कली फ्‍यउरे ग्‍याइश्‍शा गेकी। मेको आइक्‍च फ्‍यउरेपुकीम अङगुर रू बिग्रेनीम। मारदे हना मुल अङगुर बोइक्‍नीम।
SOL 2:16 आं दाक्‍शो वोंइश आल आं केन बाक्‍ब। मिनु गो मेको के बाक्‍नुङ। मेकोमी आ क्‍यारश भेडा लिली फू आन दातेम योव़‍ब। ठेयब कुम्‍सो २:१६
SOL 2:17 ग्‍यू दुम्‍चा नु वांकु जाम्‍शा लचा क्‍येङा ङोंइती लेश्‍शा जाक्‍कीन। आं दाक्‍शो वोंइश मुर रोंगु मेर बाक्‍ब किश्‍श नु ठिटा रोको‍श खोदेंशो दुमीन। ठेयब कुम्‍सो ४:६
SOL 3:1 गो नाक्‍दो रे आं ब्राख्‍येम आं दाक्‍शो वोंइश मुर कली माल्‍ता। गो मेको कली ब्रेत्‍ताक्‍ङ। तन्‍न मेकोम लोव़ मलेत्‍ती। ठेयब कुम्‍सो ५:६
SOL 3:2 गो बोक्‍शा, सहर गे लती। मिनु गो आं दाक्‍शो वोंइश मुर कली सहर नु लां मेर माल्‍ता। मोपा माल्‍ना माल्‍न बाक्‍ती, तन्‍न मथिदु।
SOL 3:3 सहर ङा खाल पाइबपुकीम थित्‍तीमी। मिनु गो “मार, गेपुकीमी आं दाक्‍शो वोंइश मुर कली थिन्‍नी?” दे हिल्‍लो पाता।
SOL 3:4 मिनु गो मेको आन कली प्रोंइ‍शा इच्‍का आइक्‍ची ला जाक्‍दीश्‍शो नङ। गो आं दाक्‍शो वोंइश मुर कली थित्‍ता। मिनु गो मेको कली आं ममा आ खिं, आं जरमेसीशो कोठा मचाक्‍गु सम्‍म मेको कली ग्‍याइश्‍शा मप्रोनु। ठेयब कुम्‍सो ८:२
SOL 3:5 ए यरूसलेम ङा तमीपुकी, गो इन कली, किश्‍श नु रोको‍श आन नेंमी अरेनुङ आंम दाक्‍चा क्‍येङा ङोंइती दाक्‍तीक कली मपोक्‍कीन।
SOL 3:6 गोरशो रागी रे मार जाक्‍बा? कुन के थाम खोदेंशो तांइसीब। मिनु मेको मूरे नु धूप खोदेंशो ब्रोव़शो रिना पाइब। मेको ग्‍याप्‍ब लेयब आन मस्‍ला खोदेंशो पा रिना पाइक्‍तु।
SOL 3:7 कोव़ङीन, एको सोलोमन कली कुरतीक बाक्‍ब। मेको आ एर ओंथ ६० जना इस्राएल ङा बोल्‍यो लडाइ पाइबम मेको कली खाल पशो बाक्‍तेक्‍म।
SOL 3:8 मेको नेल्‍लेमी या कुरशो बाक्‍तेक्‍म। मेको लडाइ पस जोक्‍ब बाक्‍तेक्‍म। नाक्‍दो लडाइ दुम्‍मेनु, आन तरवार पिम्‍सीशो बाक्‍तेक्‍म।
SOL 3:9 पिप सोलोमनम आंम कली कुरतीक का सेल्‍तु। मेको लेबानोन ङा लाइश्‍शो रवा आ शी के सेल्‍शो बाक्‍त।
SOL 3:10 मेकोमी मेको आ गुइ वोइक्‍तीक चांदी के नु आ नोले सुन के सेल्‍तु। आ नित्‍तीके प्‍याजी रङ के बाक्‍त। यरूसलेम ङा तमीपुकीमी, मेको आ आगा शुश क्‍येट लाइब शीम साप्‍शो बाक्‍तेक्‍म।
SOL 3:11 ए सियोन ङा तमीपुकी, लाङगा ग्रूशा पिने। मिनु पिप सोलोमनम सिरपेच गुक्‍शो कोव़ङीन। मेको सिरपेच मेको आ ममामी ग्‍येरसीशा मेको आं ग्‍युं‍बे नाक्‍ती गेशो बाक्‍त।
SOL 4:1 आं दाक्‍शो मीश आल, गे दारशो बाक्‍नेवे। गे थाम्‍पा दारशो बाक्‍नेवे। इ मिक्‍च इ सुम्‍तीके आगाम ख्रुइश्‍शो ढुकुर आ मिक्‍च खोदेंशो बाक्‍ब। इ चां गिलाद डांडा रे पा ब्रुप्‍शो क्‍यारश आन हुल खोदेंशो बाक्‍ब।
SOL 4:2 इ ख्रुइ चां प्रेक्‍शा चिक्‍शो भेडा आन हुल खोदेंशो बाक्‍ब। मेको नेल्‍ल आन के जौंले पाठा बाक्‍ब। नेल्‍ल मोदेंशो बाक्‍नीम। ठेयब कुम्‍सो ६:५-६
SOL 4:3 इ शुंइच लल डोरी खोदेंशो बाक्‍ब। इ शोव़ थम दारशो बाक्‍ब। इ सुम्‍तीके आगाम इ चोव़चो चेश्‍शो दारीम खोदेंशो बाक्‍नीस। ठेयब कुम्‍सो ६:७
SOL 4:4 इ शुर दाऊद आ लाइश्‍शो खिं खोदेंशो बाक्‍ब। मेकेर हजार का तेक्‍तीक क्‍युक्‍शो बाक्‍नीम। मेको नेल्‍ल लडाइ पाइब आन तेक्‍तीक बाक्‍नीम।
SOL 4:5 इ दूध निक्‍शी क्‍यारश पाठा खोदेंशो बाक्‍नीस। मेको लिली फू आन दातेमी जोइ‍ब किश्‍श आ जौंले पाठा खोदेंशो बाक्‍नीस। ठेयब कुम्‍सो ७:३
SOL 4:6 ग्‍यू दुम्‍चा नु वांकु जाम्‍शा लचा क्‍येङा ङोंइती, गो ब्रोव़शो रिना पाइब डांडा नु धूप बाक्‍शो डांडा लाइ‍नुङ। ठेयब कुम्‍सो २:१७
SOL 4:7 आं दाक्‍शो मीश आल गे नेल्‍लेम दारशो बाक्‍नेवे। इ के मारेइ मरिम्‍शो मबाक्‍ब।
SOL 4:8 आं ग्‍युम्‍ली, लेबानोन रे पा गो नु गाक्‍को। लेबानोन रे पा गाक्‍को। आमाना डांडा रे पा यीवो। सेनीर आ ङर नु हेरमोन डांडा रे पा गाक्‍को। गुप्‍स आन पुक्‍खी नु जोइ आन बाक्‍तीक डांडा रे पा गाक्‍को।
SOL 4:9 ए आं समी, आं ग्‍युम्‍ली, गे आं कली कोव़शा, आं थुं खुइ पाप्‍तीवी। इ माला के गेडा कामीन आं थुं खुइ पाप्‍तीवी।
SOL 4:10 ए, आं समी, आं ग्‍युम्‍ली इ दाक्‍तीक थम रिम्‍शो बाक्‍ब। तेकोइ अङगुर शांबु क्‍येङा यो, इ दाक्‍तीक रिम्‍शो बाक्‍ब। मस्‍ला नेल्‍ल आन क्‍येङा इ ख्रेक्‍तीक ब्रोव़शो रिना पाइश्‍शो बाक्‍ब।
SOL 4:11 इ शोव़ रे फू आ रस खोदेंशो याप्‍ब। ए आं ग्‍युम्‍ली, इ लें आगाम दूध नु खुदो बाक्‍ब। इ वा ङा ब्रोव़शो रिना लेबानोन ङा रिना खोदेंशो बाक्‍ब।
SOL 4:12 ए आं समी, आं ग्‍युम्‍ली, गे चोक्‍शा वोइश्‍शो रू नु सुशा वोइश्‍शो ब्‍वाक्‍कु बुक्‍तीक खोदेंशो बाक्‍नेवे।
SOL 4:13 इ रू दारीम रू खोदेंशो बाक्‍ब। मेकेर नेल्‍ल क्‍येङा रिम्‍शो फल फुल बाक्‍नीम। हेन्‍ना बुटा नु ब्रोव़शो रिना पाइब तेल बाक्‍नीम।
SOL 4:14 ब्रोव़शो रिना पाइब तेल, हाव सुप्‍तीके, सुप्‍तीक बोट, सिन्‍कौली, शुश खाल ङा ब्रोव़शो रिना पाइश्‍शो धूप रवा, मूरे, ब्रोव़शो रिना पाइश्‍शो शी के रवा नु नेल्‍ल खाल ङा ब्रोव़शो रिना पाइश्‍शो मस्‍ला बाक्‍नीम।
SOL 4:15 मेको रू ङा ब्‍वाक्‍कु बुक्‍तीक ब्रोव़शो ब्‍वाक्‍कु बुक्‍तीक बाक्‍ब। मिनु लेबानोन रे पा शाइश्‍शो खोला बाक्‍नीम।
SOL 4:16 उत्तर ङा फश, बोक्‍को। ए दक्‍खिन ङा फश, कुवो। आं रूमी फश पावो। मेको आ ब्रोव़शो रिना ङोन सम्‍म जाक्‍दील्‍ल। आं दाक्‍शो वोंइश मुर आ रूमी जाक्‍ल। मिनु मेकेर ङा नेल्‍ल क्‍येङा ब्रोव़शो फल जवल।
SOL 5:1 ए आं समी, आं ग्‍युम्‍ली, गो आं फल फुल रूमी जाक्‍ती। गो आं ब्रोव़शो रिना पाइश्‍शो मूरे नु मस्‍ला खुप्‍ताक्‍ङमी। गो आं सुरबु चाका नु आं खुदो जाइनुङ। गो आं अङगुर शांबु नु आं दूध तूनुङ। ए वारचपुकी, जने तूङीन। वारचपुकी दाक्‍तीकेम दुक्‍शो खोदेंशो दुमीन।
SOL 5:2 गो गोल्‍‍ती, तन्‍न मइम्‍ङ। नेनीन, आं दाक्‍शो मुरुमी लाप्‍चो ख्रोकोल पाप्‍तु। “आं समी, आं दाक्‍शो मीश आल, आ ढुकुर, मारेइ मारेइम रिम्‍शो बाक्‍‍शो मीश आल लाप्‍चो रोक्‍को। आं पिया सीतम जिश्‍शो बाक्‍ब। आं चां नाक्‍दो ङा सीतम जिश्‍शो बाक्‍ब” देंत।
SOL 5:3 गो आं वा प्रुइक्‍ने थुम्‍ता। मिनु मार मेको लेंशा फेक्‍नुङा? गो आं खोइल चिक्‍ने थुम्‍ता। मिनु मार मुल लेंशा खप दिम्‍नुङा? ठेयब कुम्‍सो ३:१
SOL 5:4 आं दाक्‍शो वोंइश मुरुमी लाप्‍चो रोक्‍चा कली गुइ पिदानु, मेको तशा आं लुङगीर प्रेक्‍त।
SOL 5:5 मिनु गो आं दाक्‍शो वोंइश मुर कली लाप्‍चो रोक्‍चा कली बोक्‍ती। आं गुइ रे ब्रोव़शो रिना पाइश्‍शो मूरे याप्‍त। मिनु आं ब्रेप्‍चो रे ब्रोव़शो रिना पाइश्‍शो मूरे याप्‍शा आग्‍लोम लुम्‍साक्‍व।
SOL 5:6 मिनु गो आं दाक्‍शो मुर कली लाप्‍चो रोक्‍ता, तन्‍न मेको गाक्‍ने थुमा बाक्‍त। मेको मेकेर मबा। मेको गाक्‍तीके गो सुर्ता पाता। गो मेको कली माल्‍ता। तन्‍न मथिदु। गो मेको कली ब्रेत्‍ताक्‍ङ। तन्‍न मेकोम लोव़ मलेत्‍ती।
SOL 5:7 सहरम हिरशा खाल पाइबपुकीम आं कली थित्‍‍तीमी। मिनु मेकोपुकीम आं कली तुप्‍शा गारै गार सेल्‍तीमी। गारोम बाक्‍शा खाल पाइबपुकीमी आं फेक्‍शो वा यो रोइश्‍शा लाइक्‍तेक्‍म।
SOL 5:8 ए यरूसलेम ङा तमी “गो इन कली ‘गेपुकीम आं दाक्‍शो मुर कली ग्रुम्‍तीनी हना, मेको कली इन कली दाक्‍ब मुर दाक्‍तीकेम थशो बाक्‍ब’ देनीन” देंत। ठेयब कुम्‍सो २:५
SOL 5:9 मिनु मेकोपुकीमी “गे नेल्‍ल क्‍येङा दारशो मीश आल, इ दाक्‍शो वोंइश मुर दोपा अरु आन क्‍येङा दाक्‍शो दुम्‍मे? मारदे मेको इ दाक्‍शो वोंइश मुर ठेयब दुम्‍मे? मारदे आंइ कली मोदेंशो पा अरेनेवे?” देंतेक्‍म।
SOL 5:10 मिनु १० हजार आन दातेम यो आं दाक्‍शो मुर नेल्‍ल क्‍येङा दारशो नु आ कुल हाक्‍सीशो बाक्‍ब।
SOL 5:11 मेको आ पिया क्‍येख सुन के खोदेंशो बाक्‍ब। मेको आ चां हिरशो नु खद खोदेंशो क्‍येर बाक्‍ब।
SOL 5:12 मेको आ मिक्‍च खोला आ नेक्‍था बाक्‍ब ढुकुर आ मिक्‍च खोदेंशो बाक्‍ब। मेको दूधमी मुरशा केप्‍शो हीरा खोदेंशो बाक्‍ब।
SOL 5:13 मेको आ चोव़चो ब्रोव़शो रिना पाइब मस्‍ला खोदेंशो बाक्‍ब। मेको आ शुंइच ब्रोव़शो रिना पाइश्‍शो मूरे याप्‍ब लिली फू खोदेंशो बाक्‍ब।
SOL 5:14 मेको आ गुइ हीरा केप्‍शो सुन के खोदेंशो बाक्‍ब। मेको आ रां हात्ती आ दाराम नीलो हीरा क्‍येप्‍शो खोदेंशो बाक्‍ब।
SOL 5:15 मेको आ खोइल क्‍येख सुन के नित्‍तीक पाइश्‍शो बुश थाम खोदेंशो बाक्‍ब। मेको कोव़शोनु, लेबानोन ङा लाइश्‍शो रवा खोदेंशो पा दारशो बाक्‍ब।
SOL 5:16 ए यरूसलेम ङा मीश आलपुकी, मेको आ शोव़ ब्रोव़शो लोव़मी ब्रीशो बाक्‍ब। मेको थम दारशो बाक्‍ब। मेकोन आं दाक्‍शो वोंइश मुर नु आं वारच बाक्‍ब।
SOL 6:1 ए नेल्‍ल क्‍येङा दारशो मीश आल, इ दाक्‍शो वोंइश मुर ते लमे? गो गारशा मेको कली माल्‍थ लय?
SOL 6:2 आं दाक्‍शो वोंइश मुर आंम फल फुल रू लत। मेको आ ब्रोव़शो रिना पाइश्‍शो मस्‍ला रू मेर लत। मेको क्‍यारश भेडा योव़चा कली नु लिली फू खुप्‍चा कली लत।
SOL 6:3 आं दाक्‍शो वोंइश मुर आं केन बाक्‍ब। मिनु गो मेको के बाक्‍नुङ। मेकोमी आ क्‍यारश भेडा लिली फू आन दातेम योव़‍ब। ठेयब कुम्‍सो २:१६
SOL 6:4 आं दाक्‍शो मीश आल, गे तिरचा सहर खोदेंशो बाक्‍नेवे। यरूसलेम सहर खोदेंशो रिम्‍शो तांइसीनेवे। गे छेदर क्‍युक्‍शो लडाइ पाइब खोदेंशो सक्ति पाइश्‍शो बाक्‍नेवे।
SOL 6:5 इ मिक्‍चीम आं कली मकोव़यी। मारदे हना इ मिक्‍चीम आं कली मार पचा ना मार पचा सेल्‍ब। इ चां गिलाद डांडा रे पा ब्रुप्‍शो क्‍यारश आन हुल खोदेंशो बाक्‍ब।
SOL 6:6 इ ख्रुइ ऊन प्रेक्‍शा चिक्‍शो भेडा आन हुल खोदेंशो बाक्‍नीम। मेको नेल्‍ल आन के जौंले पाठा बाक्‍ब। नेल्‍ल मोदेंशो बाक्‍नीम। ठेयब कुम्‍सो ४:१-२
SOL 6:7 इ सुम्‍तीके आगाम इ चोव़चो चेश्‍शो दारीम खोदेंशो बाक्‍नीस। ठेयब कुम्‍सो ४:३
SOL 6:8 मिनु ६० जना पिपीम बाक्‍तेक्‍म हना यो, ८० जना नोले चाक्‍शो मीश बाक्‍तेक्‍म हना यो, नु शुश मीश आल बाक्‍तेक्‍म हना यो,
SOL 6:9 आं मीश आल, आं ढुकुर, आं नेल्‍ल क्‍येङा दारशो मीश आल, आ ममामी दाक्‍शो तमी बाक्‍ब। आ ममामी “थम दारशो मीश आल बाक्‍ब” देंब। मिनु मीश आलपुकीम मेको कली तशा “ग्‍येरसीशो मीश आल बाक्‍ब” देंतेक्‍म। पिपीम नु नोले चाक्‍शो मीशपुकीम मेको कली ठेयब सेल्‍तेक्‍म।
SOL 6:10 सुनी खोदेंशो पा दारशो, तास्‍ला खोदेंशो पा दाप्‍शो, नां खोदेंशो पा छेङछेङ देंशो, हिंचा ङा लडाइ पाइब खोदेंशो सु बाक्‍बा?
SOL 6:11 गो फोरो रवा ङा रू मेर दोशो कोच्‍वा दम्‍मा, दे कोव़थ लती। अङगुर बोटमी कोच्‍वा दम्‍मा कों, दारीम फू बोइश्‍शो बाक्‍मा कों मबाक्‍मा, दे कोव़थ लती।
SOL 6:12 मिनु गो आं तुइक्‍चा क्‍येङा ङोंइती आं मिम्‍‍शोमी आं कली आं दाक्‍शो मुर आ नेक्‍था बग्‍गीम लाइक्‍ती।
SOL 6:13 शुलामीथ लेश्‍शा पिवो! लेश्‍शा पिवो! लेश्‍शा पिवो। मिनु गो इ कली कोव़ने चाप्‍कल। गे मारदे शुला‍मीथ कली लडाइ पाइब आन ङोंइती सिल पपाइश्‍शो खोदेंशो पा कोव़स ङा कोव़स बाक्‍चा दाक्‍नीनी?
SOL 7:1 पिप आ तमी, जुत्ता लिक्‍शो इ खोइल गिश दारशो बाक्‍ब। इ क्रातो थाम्‍पा मार मार सेल्‍स जोक्‍बमी सेल्‍शो खोदेंशो बाक्‍ब। मेको हीरा खोदेंशो बाक्‍ब।
SOL 7:2 इ सपु कुल कुल देंशो बोस खोदेंशो बाक्‍ब। मेकेर ब्‍वाइश्‍शो अङगुर शांबुम ब्रीशो बाक्‍ब। इ कोव़ज लिली फूपुकीमी हिरशो पुक्‍शो चेरब खोदेंशो बाक्‍ब।
SOL 7:3 इ दूध किश्‍श आ जौंले पाठा खोदेंशो बाक्‍नीस। ठेयब कुम्‍सो ४:३
SOL 7:4 इ शुर हात्ती आ ख्रुइ के सेल्‍शो लाइश्‍शो खिं खोदेंशो बाक्‍ब। इ मिक्‍च बाथ-राब्‍बीम ङा लाप्‍चो आ नेक्‍था बाक्‍शो हेश्‍बोन ङा दोम्‍ली खोदेंशो बाक्‍नीस। इ नें दमस्‍कस सहर गे कोव़शो लेबानोन ङा लाइश्‍शो खिं खोदेंशो बाक्‍ब।
SOL 7:5 इ पिया कारमेल डांडा खोदेंशो बाक्‍ब। इ चां पिप आ रङ खोदेंशो बाक्‍ब। मोपतीके पिपम इ कली दाक्‍शो बाक्‍ब।
SOL 7:6 आं दाक्‍शो मीश आल, गिश दारशो बाक्‍नेवे। गे नेल्‍ल क्‍येङा दारशो बाक्‍नेवे।
SOL 7:7 इ रां खजूर रवा खोदेंशो बाक्‍ब। इ दूध अङगुर सिश्‍शो खोदेंशो बाक्‍ब।
SOL 7:8 मिनु गो “गो खजूर रवा ङोइक्‍नुङ। मिनु मेको आ राशी ग्‍याइक्‍नुङ” देंती। इ दूध अङगुर सिश्‍शो खोदेंशो नु इ सास स्‍याउ आ रिना खोदेंशो बाक्‍ब।
SOL 7:9 इ पुक्‍पु पाइश्‍शो ब्रोव़शो अङगुर शांबु खोदेंशो बाक्‍ब। अङगुर शांबु शोव़ नु ख्रुइ रे ओंखां पा शाइश्‍शो खोदेंशो बाक्‍ब।
SOL 7:10 गो आं दाक्‍शो मीश आल के नङ। मेकोमी आं कलीन मिम्‍शा बाक्‍ब।
SOL 7:11 आं दाक्‍शो मुर जाक्‍कीन। मिनु रू मेर हिरथ लस। मिनु नाक्‍दो गाउं मेर बास बाक्‍स।
SOL 7:12 गो सुनी कना अङगुर रू लस। अङगुर कोच्‍वा दाप्‍शा फू बोइश्‍शो बाक्‍म कों? मिनु दारीम फू बोइश्‍शो बाक्‍म कों। गो मेकेर इ कली आं दाक्‍तीक गेनन्‍नी।
SOL 7:13 आल थिपाइक्‍ब फलम ब्रोव़शो रिना फ्रशो बाक्‍नीम। नेल्‍ल खाल ङा रिम्‍शो फल आंइ लाप्‍चो आ तार बाक्नीम। आं दाक्‍शो मुर, नक नु सोव़शो फल इ कली खेक्‍शा वोइश्‍शो बाक्‍नुङ।
SOL 8:1 आं ममामी इ कली दूध तुंइ‍शो आं लोक्‍ब न‍‍वे हना, इ कली लाङगाम ग्रुमुनु, पुक्‍पु पङ वा। मिनु सुइमी आं कली मरिम्‍शो मदेंम वा।
SOL 8:2 मिनु गो इ कली आं ममा आ खिं, आं जरमेसीशो कोठाम चाक्‍गु वा। मेकेर लाइश्‍शा ब्रोव़शो मार मार सुप्‍शो दारीम शांबु तूचा गेङ वा। मेको आं दारीम रे सेल्‍शो बाक्‍ब। ठेयब कुम्‍सो ३:४
SOL 8:3 मेको आ पेरा गुइ आं पिया आगाम बाक्ब। मिनु मेको आ ग्‍युरा गुइमी आं कली मुप्‍शो बाक्‍ब।
SOL 8:4 ए यरूसलेम ङा तमीपुकी, गो इन कली, अरेनुङ। आंम दाक्‍चा क्‍येङा ङोंइती दाक्‍तीक कली मपोक्‍कीन। ठेयब कुम्‍सो २:६-७
SOL 8:5 आंम दाक्‍शो मुर नु क्‍येम्‍सीशा, गोरशो रागी रे जाक्‍ब सु बाक्‍बा? गो स्‍याउ रवा आ पुंमी इन कली सेंताक्‍ङ। मेकेर इन ममामी इन कली कुरतु। मेकेर इन कली थिचा कली आल थितीक रोइ पाप्‍तु।
SOL 8:6 आं कली इन थुंमी छाप थोक्‍शो खोदेंशो पा वोतीन। इन गुइमी यो छाप थोक्‍शो खोदेंशो पा वोतीन। मारदे हना दाक्‍तीके, बेक्‍पाइक्‍ब खोदेंशो पा सक्ति पाइश्‍शो बाक्‍ब। मेको आ दाक्‍शो तुरस खोदेंशो मटीब नु शुश ब्रशो मी क्‍येङा यो शुश ब्राइब बाक्‍ब। मत्ती २२:३०; रोमी ७:२; उत्‍पत्ती २:२४; मत्ती १९:५-६; एफिसी ५:२८-३३
SOL 8:7 शुश ब्‍वाक्‍कुमी दाक्‍तीक कली क्‍याम्‍ने मचाप्‍ब। बारशो खोलामी यो मेको कली योल्‍ने मचाप्‍ब। सुइ मुरुमी आंम दाक्‍तीक आ पा ङा खिं नु आ शोंप नेल्‍ल गेप्‍तु हना, मुरुमी मेको कली शुक्‍शी पाइनीम।
SOL 8:8 इं के आइक्‍च समी का बाक्‍ब। मेको आ दूध मुल सम्‍म मबाक्‍ब। मेको कली ग्‍युंबे पचा कली पुंइथ जाक्‍तेक्‍म हना, गो मार पय?
SOL 8:9 मेको गारो खोदेंशो बाक्‍त हना, मेको तारी चांदी के दरवार सेल्‍य वा। मेको लाप्‍चो खोदेंशो बाक्‍शो हना, मेको कली लेबानोन ङा लाइश्‍शो रवा आ फलेकमी सु‍शा वोइ वा।
SOL 8:10 गो गारो खोदेंशो नङ। मिनु आ दूध लाइश्‍शो खिं खोदेंशो बाक्‍ब। मोपतीके गो मेको कली आ थुं नाइक्‍पाइक्‍ब दुम्‍शो बाक्‍नुङ।
SOL 8:11 सोलोमन के बाल-हामोनमी अङगुर रू का बाक्‍त। मिनु मेकोम आ रू खाल पाइ‍ब मुर आन कली गेवा बाक्‍त। मिनु मेको बुम्‍था पाइब नेल्‍लेमी फल फुल आ पा ङा हजार का चांदी के शेकेल थाप्‍चा माल्‍बाक्‍मा बाक्‍त। शेकेल का ११.५ ग्राम चांदी के क्‍येट बाक्ब।
SOL 8:12 तन्‍न आं के यो अङगुर रू का बाक्‍ब। ए सोलोमन, मेको हजार का चांदी के शेकेल इन केन बाक्‍ल। मिनु सहे निक्‍शी शेकेल चहिं मेको फल फुल खाल पाइ‍ब आन के बाक्‍ल।
SOL 8:13 अङगुर रूमी बाक्‍ब आं वारचपुकीम इ सेंदा नेंचा दाक्‍नीम। इ सेंदा आं कली नेंपाइय्‍यी।
SOL 8:14 आं दाक्‍शो मुर गे रीब पा मस्‍ला बाक्‍शो डांडा ङा किश्‍श खोदेंशो नु ठिटा रोकोश खोदेंशो दुमो।
ISA 1:1 परमप्रभुमी आमोज आ तौ यसैया कली कोंइशो लोव़ एको बाक्‍ब। मार लोव़ कोंइशो बाक्‍त देंशा हना, यहूदा नु यरूसलेम आस पर्बम तशो कोंइताक्‍व। मेना पिप उज्‍जीयाह, योथाम, आहाज नु हिज्‍कीयाहमी सासन पशो बाक्‍तेक्‍म। २इतिहास २६:२२
ISA 1:2 सरीङ नु रागीम बाक्‍बपुकी नोफा दाइश्‍शा नेनीन। मारदे हना परमप्रभु यावेमी “गो आं आल आन कली थुल्‍शा, कोल्‍पाइक्‍तामी। मेकोपुकीम चहिं आं कली मटीयीमी। ब्‍यवस्‍था ३२:१; ब्‍यवस्‍था ३२:५-६
ISA 1:3 ब्‍यफोमी आ होव़प कली तुइक्‍ब। गधामी आ होव़प आ शुंगु तुइक्‍ब। तन्‍न इस्राएल ङा मुर मतुइक्‍ब बाक्‍नीम। आं मुर मरुप्‍ब बाक्‍नीम।
ISA 1:4 आबी, पापम ब्रीशो रागी, मुरपुकी मरिम्‍शो पतीकेम ब्रीशो बाक्‍नीम। मेको आन आल काइ मरिम्‍शो पाइब दुम्‍तेक्‍म। मेकोपुकी शोर गाक्‍शो बाक्‍नीम। परमप्रभु यावे कली प्रोंइशो बाक्‍नीम। इस्राएली आन का ला बाक्‍शो परमप्रभु आ पर्बम ‘ममाल्‍नीकी’ देंशो बाक्‍नीम। मेकोपुकी नोले शोंइसीशो बाक्‍नीम।
ISA 1:5 मारदे गो इन कली लेंशा, तुप्‍चा माल्‍ङा? मारदे गे ङोंइती क्‍येङा मटीब दुम्‍नी। इन पिया नेल्‍ल रोइ पशो खोदेंशो बाक्‍ब। गे थशो खोदेंशो बाक्‍नीनी। येरमीया २:३०
ISA 1:6 पिया रे खोइल सम्‍म तेइ सेस मबाक्‍ब। राक्‍शो गार नु तुप्‍शा हुश यिशो गार ला बाक्‍नीम। मेको नेंने मपुक्‍शो, मफ्रेंशो नु तेल मख्रेक्‍शो बाक्‍नीम। ब्‍यवस्‍था २८:३५
ISA 1:7 इन रागी गोरशो रागी दुम्‍ब। इन ङोंइती इन सहर मीम क्रोइक्‍तेक्‍म। इन ङोंइती इन रू ङा मारेइ मारेइ अर्को रागी ङा मुरपुकीम नेक्‍तेक्‍म। मिनु मेकोपुकीम इन रागी लडाइम खोदेंशो पा ग्रांग्‍ये माग्‍ये सेल्‍तेक्‍म।
ISA 1:8 सियोन आ तमी, यरूसलेम, चहिं अङगुर रू खाल पतीक खिं, वोबीस रू खाल पतीक गोठ नु एर ओंथ रे जोरी सत्रुम पुम्‍चा पुंइसीशो सहर खोदेंशो बाक्‍ब” दे लोव़ पाप्‍तु।
ISA 1:9 मुर नेल्‍ल आन परमप्रभु यावेमी “का निक्‍शी मुर महें‍शो हना, गेपुकी सोदोम नु गोमोररा खोदेंशो दुम्‍नी वा” देंत। उत्‍पत्ती १९:२४-२५; रोमी ९:२९
ISA 1:10 सोदोम ङा सासन पाइबपुकी, परमप्रभु यावे आ लोव़ नेनीन। गोमोररा ङा मुरपुकी आंइ परमप्रभु आ शेंशो लोव़ नेनीन।
ISA 1:11 परमप्रभु यावेमी “इन शुश चढ़ेशो आं कली शोर गाक्‍शो बाक्‍ब। गो चोशा चढ़ेशो सांड नु थुल्‍शो बस्‍तु भाव आन बोंसोमी रूती। गो ब्‍यफ, पाठा नु क्‍यारश आन हुश मदाक्‍नुङ। भजन संग्रह ४०:७-९; हितोपदेस १५:८; येरमीया ६:२०; आमोस ५:२२
ISA 1:12 गे आं ङोंइती जाक्‍शा, मोदेंशो चढ़ेचा, दे सुम देंम? आं लाङगा मथेक्‍तीन।
ISA 1:13 इन चढ़ेतीके मचाक्‍कीन। इन धूप चढ़ेशो तशा, गो ग्रांग्रा दीती। औंसी नु नाइक्‍तीक नाक्‍ती ङा ग्रुम्‍तीके ङा मरिम्‍शो पाइब आन हुल तचा मदाक्‍नुङ। गन्‍ती १०:१०
ISA 1:14 इन औंसी नु अरु चाडपुकी काइ मदाक्‍नुङ। मेको आं थुंम ग्रांग्रा दिप्‍ब। मेको आं कली श्‍येत बाक्‍नीम। गो फाल्‍ने मचाप्‍नुङ।
ISA 1:15 इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१
ISA 1:16 गेपुकी चिक्‍सीन। ग्रांग्रा मदिशो दुमीन। मिनु आं ङोंइती इन नाक्‍ती किंत किंत ङा मरिम्‍शो पतीके प्रोनीन।
ISA 1:17 रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६
ISA 1:18 मिनु परमप्रभु यावेमी “जाक्‍कीन, गोपुकी बुक्‍शा, लोव़सी पय। इन पाप हुश खोदेंशो लल बाक्‍त हना यो, फुं खोदेंशो बुश दुम्‍ब। शुश लल बाक्‍त हना यो, मेको ऊन खोदेंशो बुश दुम्‍ब। यसैया ४४:२२; भजन संग्रह ५१:९
ISA 1:19 आं लोव़ नेंशा टीतीनी हना, एको रागी ङा ब्रोव़ब्रोव़शो थोव़क जचा ताइनीनी। लेवी २५:१८-१९
ISA 1:20 तन्‍न आं लोव़ मनेंतीनी नु मटीतीनी हना, तरवारम क्‍योरचा पुंइसीनीनी” दे परमप्रभु यावेमी देंत। लेवी २६:२५
ISA 1:21 परमप्रभु यावेमी “आं थमा सुइश्‍शो सहर दोपा तेल्‍लेम दु‍म्‍मे? ठीक निसाफ नु ठीक पतीके मेको नु बाक्‍त। मुल मेको मुर साइक्‍ब मुरुम ब्रीतेक्‍म।
ISA 1:22 इ चांदी पुलु खोदेंशो दुम्‍त। इ ब्रोव़शो अङगुर शांबुम ब्‍वाक्‍कु ब्‍वाइक्‍ताक्‍म। इजीकीएल २२:१८-२२
ISA 1:23 इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।
ISA 1:24 मोपतीके परमप्रभु, मुर नेल्‍ल आन परमप्रभु यावे, इस्राएली आन सक्ति पाइश्‍शो परमप्रभु यावेमी “गो आं जोरी सत्रु आन तारी आं गाइश्‍शो मोइश्‍शा, क्‍येक्‍क लेत्‍नुङमी।
ISA 1:25 गो इन पर्बम आं गुइ क्‍युक्‍नुङ। गो इन मरिम्‍शो पतीके पुलु खोदेंशो पा फिक्‍शा, इन ग्रांग्रा दिशो नेल्‍ले ग्रुंइनुङ। भजन संग्रह ११९:१९
ISA 1:26 मिनु गो इ निसाफ पाइब, सासन पाइब नु अर्ती गेब आन कली ङोंइती ङा खोदेंशो सेल्‍नुङ। नोले इ कली ‘ठीक पाइब नु परमप्रभु कली मप्रोंइब सहर’ दे नें वोइक्‍नीम। जकरिया ८:३
ISA 1:27 मिनु सियोन ठीक निसाफ पतीकेमी पाप रे प्रोंइचा पुंइसीब। सहरम बाक्‍ब ठीक पतीकेमी पाप रे प्रोंइचा पुंइसीनीम। यसैया ४६:३३
ISA 1:28 तन्‍न परमप्रभु यावे आ देंशो लोव़ मटीब, मेको कली प्रोंइबपुकी कालेमीन खतम दुम्‍नीम। परमप्रभु यावे कली प्रोंइबपुकी क्‍याम्‍चा पुंइसीनीम।
ISA 1:29 गे रवा आगाम पूजा पशो आ पर्बम मुने दोक्‍नीनी। इन दाक्‍शा योव़शो रवा रू आ पर्बम शुश मुने दोक्‍नीनी। यसैया ५७:५; यसैया ६५:३
ISA 1:30 गे सोव़शो रवा ङा सफा पाइश्‍शो नु ब्‍वाक्‍कु मतशो रू खोदेंशो दुम्‍नीनी।
ISA 1:31 बोल्‍यो मुर झुलो खोदेंशो दुम्‍ब। मेको आ गेय मी आ झिल्‍का खोदेंशो दुम्‍ब। मेको निम्‍फा कालेमीन ब्रसानु, सुइम मकाप्‍नीम” देंत।
ISA 2:1 आमोज आ तौ यसैयामी यहूदा नेल्‍ल नु यरूसलेम आ पर्बम कोंइशो नु तशो लोव़ एको बाक्‍ब।
ISA 2:2 नोले ङा नाक्‍ती परमप्रभु यावे आ खिं सेल्‍शो डांडा, डांडा नेल्‍ल आन क्‍येङा लाइश्‍शो दुम्‍ब। पहाड नेल्‍ल आन क्‍येङा यो लाइश्‍शो दुम्‍ब। मिनु रागी रागी ङा मुर नेल्‍ले मेको डांडाम जाक्‍नीम। मीका ४:१-३; यसैया १९:२३; येरमीया ३:१७
ISA 2:3 रागी रागी ङा शुश मुर जाक्‍शा “जाक्‍कीन, गोपुकी परमप्रभु यावे आ डांडा ङोइश्‍शा, याकूब आ परमप्रभु आ खिं लय। मेकोमी इं कली आ लां शेंब। मिनु गोपुकी मेको आ लांम गाक्‍नय। मारदे हना परमप्रभु यावे आ शेंशो सियोन डांडा रे नु आ लोव़ यरूसलेम रे नेंसीब” देंनीम। ब्‍यवस्‍था ४:६; यूहन्‍ना ४:२२
ISA 2:4 मिनु मेकोमी रागी रागी ङा नु जात जात ङा मुर आन कली निसाफ पाइब। मिनु मेकेर ङा मुर आन कली अरेब। मेकोपुकीमी आन तरवार चेम्‍शा, फाली सेल्‍नीम। आन तूतीक चहिं गुये सेल्‍नीम। रागी का ङा मुर अर्को रागी ङा मुर नु लडाइ मपाइनीम। लडाइ पचा मशेंसीनीम। यसैया ९:४
ISA 2:5 याकूब आ खिं ङा मुर जाक्‍कीन। गोपुकी परमप्रभु यावे आ छेङछेङम गाक्‍य।
ISA 2:6 याकूब आ खिं ङा मुर, गे इन ङोंइती ङा लां प्रोंइतीनी। गे इन थुं पूर्ब ङा मुर आन पतीक गेयम ब्रीशो बाक्‍ब। गे पलिस्‍ती खोदेंशो पा लिंक्‍यु कोव़ब दुम्‍तीनी। अर्को जात ङा मुर नु खाल्‍साक्‍नी।
ISA 2:7 मेको आन रागी सुन चांदीम ब्रीशो बाक्‍ब। मेको आन शोंप हिक्‍ने मचाप्‍चा ङा बाक्‍ब। मेको आन रागीमी शुश शारा बाक्‍नीम। मेको आन बग्‍गीपुकी हिक्‍ने मचाप्‍चा ङा बाक्‍नीम। मीका ५:९
ISA 2:8 मेको आन रागी मूर्तिम ब्रीशो बाक्‍ब। मेकोपुकी आंमा सेल्‍शो मूर्ति आ ङोंइती बाप्‍नीम। आंमा गुइमी सेल्‍शो मूर्ति आ ङोंइती पोक्‍च थेक्‍नीम।
ISA 2:9 मोपतीके मुरपुकी ब्रेम्‍शो सेल्‍चा पुंइसीनीम। मुर नेल्‍ल आइक्‍च दुम्‍नीम। गे मेको आन कली माफ मगेन।
ISA 2:10 परमप्रभु यावे आ हिंच कोंइतीक नु आ छेङछेङ रे पुक्‍खी आगाम ख्रुंइसीन। फुरक आगाम ख्रुंइ‍सीन।
ISA 2:11 मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:११
ISA 2:12 मिनु मुर नेल्‍ल आन परमप्रभु यावेमी काबु नाक्‍ती ठेयब लेश्‍‍शो, बोरशो मुर नु “गो ठेयब नङ” देंब आन कली आइक्‍च सेल्‍ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्‍याह १:१४
ISA 2:13 लेबानोन ङा लाइश्‍शो रवापुकी, बाशान ङा बोल्‍यो रवापुकी,
ISA 2:14 लाइश्‍शो डांडा नेल्‍ल नु ठेयब पहाड,
ISA 2:15 लाइश्‍शो खिं नु बोल्‍यो गारो,
ISA 2:16 टारसीस ङा जहाज नेल्‍ल, रिम्‍शो नु शुश क्‍येट लाइब सेल्‍शो थोव़कपुकी
ISA 2:17 नु मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:१
ISA 2:18 मेना मूर्ति नेल्‍ल जाम्‍नीम।
ISA 2:19 परमप्रभु यावेमी शुश रागी ङा मुर आन कली हिंच कोंइब नु आ छेङछेङ ङा ठेयब सक्ति जाक्‍मेनु, गे पुक्‍खीम नु खपी आगा ङा ढोडोङगाम ओव़शा ख्रुंइसीन।
ISA 2:20 मेको नाक्‍ती मुरपुकीम आन पूजा पचा कली सुन चांदी के सेल्‍शो मूर्ति थाक्‍यु नु पकातिक्‍ती आन ङोंइती ताइक्‍नीम। यसैया ३१:७
ISA 2:21 परमप्रभु यावे रागी ङा मुर आन कली हिंच कोंइचा कली जाक्‍मेनु, मुरपुकी आ हिंच कोंइतीक छेङछेङ ङा ठेयब सक्तिम मतचा ङा पा पुक्‍खी नु सेरथे फुल्‍लु ङा कापम ख्रुंइसीनीम। २थिस्‍सलोनिकी १:९-१०
ISA 2:22 मोपतीके नेंम सास मुइक्‍चा पुंइसीशो बेक्‍शा लाइब मुर रे ङोन लने। मेको मारेइ मनम।
ISA 3:1 मुल परमप्रभु, मुर नेल्‍ल आन परमप्रभु यावेमी यहूदा नेल्‍ल नु यरूसलेम रे मारेइ मारेइ लाइक्‍ब। मारेइ मारेइ जचा थोव़क नु ब्‍वाक्‍कु नेल्‍ल यो लाइ‍क्‍ब। लेवी २६:२६; इजीकीएल ४:१६
ISA 3:2 मिनु बोल्‍यो मुर, लडाइ पाइब मुर, निसाफ पाइब, परमप्रभु यावे आ लोव़ पाइब, लिंक्‍यु कोव़ब, खाल्‍पापुकी,
ISA 3:3 मिनु ५० जना आन कप्‍तान, मान पाइक्‍चा पुंइसीब, सल्‍ला गेब, जोक्‍ब तुइक्‍ब, मन्‍तर तन्‍तर पाइब नु नेल्‍ल क्‍येङा जोक्‍ब नेल्‍ल सहर रे योल्‍ब।
ISA 3:4 मिनु गो वोंइश आल आन कली मेको आन ठेयब मुर सेल्‍नुङ। मिनु आइक्‍च आलमी मेको आन कली हुकुम पाइनीम। उपदेसक १०:६
ISA 3:5 मिनु मुरपुकी दिप्‍चा पुंइसीनीम। दिम्‍मुइनीम। आन नेक्‍था ङा मुर आन कली दिप्‍नीम। आलपुकीमी खाल्‍पी खाल्‍पा आन कली मान मपाइनीम। महिक्‍सीशो मुरपुकीमी ठेयब मुर आन कली मान मपाइनीम।
ISA 3:6 मिनु मुर कामी आ खिं ङा मुर का कली ग्‍याइश्‍शा “इ के फेक्‍तीक वा बाक्‍ब। मोपतीके आंइ हुकुम पाइब दुमो। मिनु मेको ब्रेश्‍शो खिं नेल्‍ल इ अधिकारम बाक्‍नीम” देंब।
ISA 3:7 तन्‍न मेको मुरुमी “गो वारच पाइब मनङ। आं खिंमी जचा फेक्‍चा थोव़क मबाक्‍ब। गे आं कली मुर आन कली हुकुम पाइब मसेल्‍यीनी” देंब।
ISA 3:8 मिनु यरूसलेम दाइल पांइसीशा गोल्‍त। यहूदा खतम दुम्त। मारदे हना मेकेर ङा मुर आन लोव़ नु आन पतीके परमप्रभु यावे कली काइ मगारचा ङा बाक्‍त। परमप्रभु आंमा मेको आन दातेमी बाक्‍शा यो, मेकोपुकीम महिंथु मरिम्‍शो पना पन बाक्‍नीम।
ISA 3:9 मेको आन कुलमी आन मरिम्‍शो पशो तुइक्‍पाइक्‍ब। सोदोम ङा मुर खोदेंशो पा मेकोपुकीम आन पाप मख्रुइक्‍थु शोव़नीम। आबी, मेकोपुकीमी आंम कली ग्‍याइश्‍शा लाइक्‍चा पुंइसीब सेल्‍सीनीम। उत्‍पत्ती १९:५-९
ISA 3:10 दोस मताइब मुर आन कली रिम्‍शो दुम्‍ब। मारदे हना मेकोमी आ गेय पशो रे जाइब।
ISA 3:11 आबी, दोस ताइब कली हिंचा ङा दुम्‍ब। मारदे हना दोपा मरिम्‍शो पवा, मोपा आ मरिम्‍शो पशो ताइब।
ISA 3:12 मिनु वोंइश आलपुकीमी आं मुर आन कली दिप्‍नीम। मीश मुरपुकीम मेको आन कली हुकुम पाइनीम। आं मुरपुकी, इन ठेयब मुरपुकीम इन कली दूली लां खोइक्‍पाइश्‍शा, हेंथे गाक्‍पाइक्‍नीम।
ISA 3:13 परमप्रभु यावेमी निसाफ पचा चिक्‍शो बाक्‍ब। मेकोमी मुर आन कली निसाफ पाइब।
ISA 3:14 मिनु परमप्रभु यावेमी आ मुर आन दाते ङा खाल्‍पापुकी नु हुकुम पाइब आन कली निसाफ पाइब। मेकोमी “गे अङगुर रू नेल्‍ल आंम के सेल्‍तीनी। प्रुङग आन के रोइश्‍शो मार मार इन खिंम बाक्‍नीम। यसैया ५:७
ISA 3:15 दोपा गेपुकीमी आं मुर आन कली मो पने चाप्‍‍नी? प्रुङग आन कली चिनु प्रुङग सेल्‍तीनी” दे परमप्रभु, मुर नेल्‍ल आन परमप्रभु यावेमी देंत।
ISA 3:16 मिनु परमप्रभु यावेमी “मारदे हना सियोन ङा तमीपुकी ठेयब लेश्‍शो बाक्‍नीम। मेको आन पिया पोक्‍शा, आन मिक्‍च हिरशा, कल्‍ली लिक्‍शा, ग्रीपाइश्‍शा गाक्‍नीम। १तिमोथी २:९
ISA 3:17 मोपतीके गो सियोन ङा तमी आन पिया श्‍येत्‍थ सेल्‍शा, आन ख्रुइश्‍शो कोंइशा मुने तोक्‍नुङमी” दे परमप्रभुम देंत।
ISA 3:18 मेना गो मेको आन खोइली ङा पांइतीके, मेको आन सुन फू, सुन के गहना,
ISA 3:19 आन नोफा सुन, चुरा, कुल सुम्‍तीके,
ISA 3:20 कुप्‍नी, खोइलीम पांइतीके, काम्‍बरी, ब्रोव़शो रिना पाइश्‍शो ख्रेक्‍तीके नु आन जन्‍तर,
ISA 3:21 छाप थोक्‍तीक औंठी नु मुन्‍द्री,
ISA 3:22 आन शुश क्‍येट लाइब वा, आ तार फेक्‍तीक वा, सुम्‍तीक वा, थैली,
ISA 3:23 पात्‍लो वा, रिम्‍शो सुती वा, आन पियाम गुप्‍तीक वा नु आन सुम्‍सीतीक वा नेल्‍ल लाइक्‍नुङ।
ISA 3:24 मिनु “नोले ब्रोव़शो रिना पाइश्‍शो, ग्रांग्रा दिशो रिना पाइश्‍शो दुम्‍ब। काम्‍बरी किप्‍तीकेमी, डोरी किप्‍चा माल्‍नीम। मेको आन रिम्‍शो सेल्‍शो चां, श्‍येत्‍थ पिया दुम्‍नीम। आन दारशो शुश क्‍येट लाइब फेक्‍तीकेमी, रां सुम्‍चा कली अरन्‍डी फेक्‍चा माल्‍नीम। मेको आन दारस नेल्‍ले लशा, मीम ग्रोइश्‍शो खोदेंशो दुम्‍शा मुने दोक्‍नीम।
ISA 3:25 इन वोंइश तरवारम साइक्‍चा पुंइसीनीम। इन लडाइ पाइबपुकी लडाइम बेक्‍नीम।
ISA 3:26 सहर ङा लाप्‍चो सुर्ता पा रोंका पाइ‍नीम। सहर श्‍येत्‍थ दुम्‍शा, खपीम निश्‍शो मीश मुर खोदेंशो दुम्‍ब” दे परमप्रभु यावेमी देंत।
ISA 4:1 मेना ७ जना मीश मुरपुकीमी वोंइश मुर का कली ग्‍याइश्‍शा “गो आंइ जचा थोव़क जाइनीकी। आंइ वा फेक्‍नीकी। आंइ कली इन नें गेशा, आंइ मुने साम्‍शा, आल थिपाइक्‍की” देंनीम।
ISA 4:2 मेको नाक्‍ती परमप्रभु यावे आ राशी दारशो नु थम रिम्‍शो बाक्‍ब। मिनु रागी आ दारसम ब्रोंइशा लीशो इस्राएली आन कली आन थुं बारपाइश्‍शा, ग्‍येरपाइक्‍ब दुम्‍ब। येरमीया ३३:१५
ISA 4:3 मिनु सु सु सियोन नु यरूसलेमम लीशो बाक्‍मा, मेकोपुकी “परमप्रभु के बाक्‍नीम” दे माइक्‍नीम। मेको आन नें यरूसलेमम ब्रोंइचा कली ब्रेक्‍सीशो बाक्‍नीम। यसैया ६:१३; प्रस्‍थान ३२:३२; भजन संग्रह ६९:२९; मलाकी ३:१६
ISA 4:4 परमप्रभु यावेमी सियोन ङा तमी नु यरूसलेम ङा मुर आन पाप निसाफ पतीक नु क्‍याम्‍तीकेमी क्‍याम्‍ताक्‍व हना,
ISA 4:5 मेना परमप्रभु यावेमी सियोन डांडाम आ बाक्‍तीके खिं नु आ मुर ग्रुम्‍तीक सेल्‍ब। मेकेर नाक्‍ती गोस्‍स नु कुन वोइश्‍शा, नाक्‍दो मी ब्रशो छेङछेङ वोइक्‍ब। मिनु मेको छेङछेङम रागी नेल्‍ल कली सुम्‍ब। प्रस्‍थान १३:२१
ISA 4:6 मेको सुम्‍तीकेम नाक्‍ती नांम मनाप्‍पाइक्‍तीके, फश गिवार पवानु नु रेउ यिमेनु, फाम्‍सीतीके दुम्‍ब।
ISA 5:1 गो आं दाक्‍शो कली कुम्‍सो का पाइनुङ। आ अङगुर रू आ पर्बम कुम्‍सो का पाइनुङ। आ दाक्‍शो के अङगुर रू का बाक्‍ब। आ अङगुर रू शुश ग्रेल्‍ब डांडाम बाक्‍ब। यसैया ३:१४; येरमीया २:२१; मर्कूस १२:१-९
ISA 5:2 मिनु मेकोमी रू दोशा, फुल्‍लु गुप्‍शा ताइक्‍ताक्‍व। मिनु नेल्‍ल क्‍येङा रिम्‍शो अङगुर बोट ख्रुम्‍तु। मेकोमी रू आ दातेमी खाल पतीक खिं का सेल्‍तु। मिनु मेकेर कोल का यो सेल्‍तु। मिनु अङगुर सिप्‍ब दे आस पाप्‍तु। तन्‍न ब्‍वाकी ङा अङगुर कका सित्‍तेक्‍म।
ISA 5:3 यरूसलेमम बाक्‍ब नु यहूदा ङा मुरपुकी, गो नु आं अङगुर रू आंस दातेमी निसाफ पने।
ISA 5:4 आं अङगुर रू कली गो नेल्‍ल पाता। गो मार मपङा ङा? गो अङगुर सिप्‍ब, दे आस पा बाक्‍ती। तन्‍न मारदे ब्‍वाकी ङा अङगुर कका सिम्‍मे?
ISA 5:5 मिनु मुल गो आं अङगुर रू कली मार पाइनुङा, इन कली देंनुङ। आ थरपु नेल्‍ल ग्रुंइनुङ। मिनु मार मार ओव़नीम। आ गारो नेल्‍ल प्रेश्‍शा ताइक्‍नुङ। मिनु दिम्‍शा ताइश्‍शा पाइनीम।
ISA 5:6 गो मेको कली खतम सेल्‍नुङ। मेको कली ममुंइ‍नुङ, मरोक्‍‍नुङ। मिनु चू नु चोंक वाशा, सुम्‍नीम। गो गोस्‍स कली “रेउ मयिपतो” दे माइक्‍नुङ।
ISA 5:7 मारदे हना मुर नेल्‍ल आन परमप्रभु यावे आ दाक्‍शो अङगुर रू इस्राएल आ खिं ङा मुर नु यहूदा ङा मुरपुकी बाक्‍नीम। मिनु मेकोम ठीक निसाफ पतीके रिम्‍ताक्‍व। तन्‍न दूली निसाफ पाम्‍तेक्‍म। ठीक पतीके रिम्‍ताक्‍व, तन्‍न मरिम्‍शो पतीके ला दुम्‍त।
ISA 5:8 आबी, गे शुश खिं नु रू ग्‍याप्‍ब। नोले सुइ मुर इ नेक्‍था मबाक्‍नीम। मारदे हना रू नु खिं नेल्‍ल इ के बाक्‍नीम। ब्‍यवस्‍था ५:२१
ISA 5:9 मुर नेल्‍ल आन परमप्रभु यावेमी “थमा पा इन खिं नेल्‍ल ब्रेत्‍नीम। मेको ब्रेश्‍शो खिं दारशो नु ठेयब बाक्‍तेक्‍म हना यो, मुर मबाक्‍नीम।
ISA 5:10 मिनु ५ बिगा अङगुर रूमी बाथ का अङगुर रस ग्रूब। मिनु होमेर का वांचेरम एफाह का अन्‍न ग्रूब” देंत। बाथ का २२ लिटर बाक्‍ब। होमेर का २२० लिटर बाक्‍ब। एफाह का २२ लिटर पुक्‍तीक का बाक्‍ब।
ISA 5:11 आबी, गे राक‍सी तूचा कली सुनी कना बोक्‍बपुकी, नाक्‍दो सम्‍म शांबु तूना तून दुक्‍शा बाक्‍नीनी।
ISA 5:12 बीना, तार पाइश्‍शो ठेयब ताप्‍तीके, खैजडी नु बांसुरी नेंशा, शांबु दुक्‍नीनी। तन्‍न परमप्रभु यावे आ पशो प्रेंशा ममिम्‍नीनी। आ गुइ ङा गेय मताइनीनी। आमोस ६:५-६; भजन संग्रह ४४:२
ISA 5:13 मोपतीके आं मुर मारेइ मतुइक्‍थु आन रागी रे ग्‍याइश्‍शा लाइक्‍चा पुंइसीनीम। मेको आन ठेयब मुरपुकी शोव़लुम बेक्‍नीम। आन हुल शुश ब्‍वाक्‍कु तूतू दाक्‍नीम।
ISA 5:14 बेक्‍शो मुर आन बाक्‍तीकेम मेको आन कली दाक्‍चा कली आ शोव़ पाक्‍शो बाक्‍ब। मिनु यरूसलेम ङा ठेयब मुर नेल्‍ल नु मेकेर रेयके पा बाक्‍ब नेल्‍ल नरक आ शोव़म ओव़नीम।
ISA 5:15 मुरपुकी बाप्‍शा, ब्रेम्‍शो दुम्‍नीम। ठेयब लेश्‍शो मुर आइक्‍च सेल्‍चा पुंइसीनीम।
ISA 5:16 तन्‍न मुर नेल्‍ल आन परमप्रभु यावे ठीक निसाफ पतीकेम ठेयब बाक्‍ब। मिनु आ का ला बाक्‍शो परमप्रभुम आ ठीक पतीके कोंइब। यसैया २:११,१७
ISA 5:17 मिनु पाठापुकी आंम रागीम खोदेंशो पा जोइनीम। अर्को रागी ङा मुरपुकीमी शोंप नु लीशो मारेइ मारेइ जाइनीम।
ISA 5:18 आबी, गे मरिम्‍शो पतीके कली जोल के डोरीम नु पाप कली ठेयब डोरीम पाइश्‍शा, इन नोले कीनीनी।
ISA 5:19 गेपुकीमी “मेकोम आ गेय रीब पा पवल। मिनु गो ताइनय। आंइ तचा ङा पा इस्राएली आन का ला बाक्‍शो परमप्रभु आ पचशो दुम्‍ल” देंनीनी। येरमीया १७:१५; २पत्रुस ३:४
ISA 5:20 आबी, मरिम्‍शो कली रिम्‍शो नु रिम्‍शो कली मरिम्‍शो देंबपुकी, छिङछिङ कली छेङछेङ नु छेङछेङ कली छिङछिङ देंबपुकी नु कशो कली जिज नु जिज कली कशो देंबपुकी श्‍येत जाइब बाक्‍नीनी।
ISA 5:21 आबी “गो जोक्‍ब तुइक्‍ब नु निप्‍स पाइश्‍शो नङ” देंबपुकी श्‍येत जाइनीनी। हितोपदेस ३:७ रोमी १२:१६
ISA 5:22 गेपुकी शांबु तूचा कली बोल्‍यो दुम्‍खु पाइनीनी। राकसी ब्वाइक्‍स जोक्‍ब बाक्‍नीनी।
ISA 5:23 गेपुकीम घूस जशा, ठीक मपाइब कली “ठीक पाइब बाक्‍ब” नु ठीक पाइब कली “ठीक मपाइब बाक्‍ब” देंनीनी। प्रस्‍थान २३:८
ISA 5:24 मोपतीके दोपा मीम ठुटा नु सोव़शो घांस नेक्‍बा, मोपा मेको आन शाक्‍श राक्‍ब। मिनु आन फू फुरक खोदेंशो पा बेरशा लाइब। मारदे हना मेकोपुकीमी मुर नेल्‍ल आन परमप्रभु यावे आ लोव़ मटीम। मिनु इस्राएली आन का ला बाक्‍शो परमप्रभु आ लोव़ आ पर्बम शुक्‍शी पाम्‍तेक्‍म।
ISA 5:25 मोपतीके परमप्रभु यावे आ मुर आन पर्बम गाइक्‍ताक्‍व। मिनु आ गुइ क्‍युक्‍शा, मेको आन कली तुप्‍तु। मिनु डांडापुकी ख्रिनु कुशा हिम्‍साक्‍म। शुश मुर आन बेक्‍शो रां लांमी ताइश्‍शो खोदेंशो दुम्‍तेक्‍म। मोपा आ गाइक्‍चा मबेक्‍थु, मुल सम्‍म आ गुइ क्‍युक्‍स ङा क्‍युक्‍स बाक्‍ब। यसैया ९:१; यसैया १६:२०; यसैया १०:४
ISA 5:26 मेकोमी छेदर क्‍युक्‍शा ङोन रागी ङा मुर आन कली ब्रेप्‍ब। मिनु रागी आ सुर ङा मुर आन कली लाप पा ब्रेप्‍ब। मिनु मेकोपुकी रीब पा जाक्‍नीम।
ISA 5:27 मिनु मेको आन दातेमी सुइ मदाइनीम। दाइल मपांइसीनीम। मगोल्‍नीम। मिनु मइप्‍नीम। मेको आन किप्‍शुर मब्रुइक्‍ब, आन जुत्ता ङा डोरी यो मब्रोइक्‍नीम।
ISA 5:28 मेको आन ब्रा हेश्‍शो बाक्‍नीम। आन लिब्रा आप्‍चा कली खुक्‍शो बाक्‍नीम। आन शारा मी आ झिल्‍का खोदेंशो बाक्‍नीम। आन बग्‍गी आन गुगील फश गिवार खोदेंशो बाक्‍नीम।
ISA 5:29 मेको आन रेयके गुप्‍स आन ग्रीशो खोदेंशो बाक्‍ब। मेको गुप्‍स आ चाइक्‍ब खोदेंशो पा ङरर ङरर पाइनीम। मेको आन सिखार कली सुइम प्रोंइने मचाप्‍नीम।
ISA 5:30 मेको नाक्‍ती समुन्‍द्र ङा ब्‍वाक्‍कु ग्रीशो खोदेंशो पा, इस्राएल ङा मुर आन तारी रेयके पाइनीम। सुइम मेकेर कोव़तेक्‍म हना, छिङछिङ नु श्‍येत ला ताइनीम। गोस्‍सुमी छेङछेङ कली सुम्‍ब।
ISA 6:1 मिनु पिप उज्‍जीयाह बेक्‍शो बर्सम, गो परमप्रभु यावे कली इर ङा ठेयब नित्‍तीकेमी निश्‍शो ताता। आ वा आ सुरमी आ खिं नेल्‍ल ब्रीशो बाक्‍त। २इतिहास २६:२२
ISA 6:2 मेको आ इर गे स्‍वर्ग ङा गेय पाइब सेराफ बाक्‍शो बाक्‍तेक्‍म। मेको आन के ६, ६ ओटा फ्रां बाक्‍तेक्‍म। मिनु फ्रां निक्‍शीमी आन कुल सुम्‍शो बाक्‍तेक्‍म। फ्रां निक्‍शीम आन खोइली सुम्‍शो बाक्‍तेक्‍म, फ्रां निक्‍शीमी बेरबाक्‍तेक्‍म। १राजा २२:१९
ISA 6:3 मिनु सेराफ कामी अर्को सेराफ कली “मुर नेल्‍ल आन परमप्रभु यावे का ला ठेयब सक्ति पाइश्‍शो बाक्‍ब। रागी नेल्‍ले आ छेङछेङम ब्रीशो बाक्‍ब” देंत। प्रकाश ४:८
ISA 6:4 मेको आन ब्‍वाक्‍शो रेयकेमी परमप्रभु यावे आ खिं ङा जग हिम्‍सीशा, कुनम ब्रीत।
ISA 6:5 मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०
ISA 6:6 मिनु सेराफ का थनारोम चढ़ेतीक ङा मी गुप्‍शा, आं नेक्‍था जाक्‍त।
ISA 6:7 मिनु मेकोमी आं शोव़ मीम थिपाइश्‍शा “मुल एको मीम इ शोव़ थिप्‍तु, इ दोस ततीक लोव़ नु इ पाप क्‍याम्‍साक्‍व” देंत।
ISA 6:8 मिनु परमप्रभु यावेमी “गो सु कली सोइक्‍नुङा? आंइ पर्बम सु लाइबा?” दे लोव़ पशो नेंता। मिनु “गो बाक्‍ती। आं कली सोइक्‍तीनी” देंती।
ISA 6:9 मिनु आं कली “लावो। मेको मुर आन कली ‘नोफा दाइश्‍शा नेंशा यो, मरुप्‍ब दु‍मीन। कोव़शा यो, मतुइक्‍ब दुमीन’ देनो। मत्ती १३:१०-१५; यूहन्‍ना १२:४०; प्रेरित २८:२६-२७
ISA 6:10 मेको आन थुं खकटा सेलो। आन नोफा मनेंब नु आन मिक्‍च मताइब सेलो। मोदेंशो दुम्‍शा, मेको आन मिक्‍च मताइब नु नोफा मनेंब दुम्‍नीम। मोदेंशो मदुम्‍त हना, मेको आं गे लेत्‍नीम। मिनु गो मेको आन कली सापाइक्‍चा माल्‍नुङ” देंत। ब्‍यवस्‍था २९:३; रोमी ११:८
ISA 6:11 मिनु गो “परमप्रभु, गेना सम्‍म मो पचा माल्‍नुङा?” देंती। मिनु मेकोमी “सहर ब्रेश्‍शा मुर मबाक्‍तीके मदुम सम्‍म, खिं नेल्‍ल श्‍येत्‍थ नु रागी नेल्‍ल मुर मबाक्‍शो मदुम सम्‍म मोदेंशो पावो।
ISA 6:12 गो मुर आन कली ङोन मखेरुमी सम्‍म नु सहर शुश प्रोंइशो मदुम सम्‍म मो पचा माल्‍नुङ।
ISA 6:13 मिनु १० भागम भाग का मुर लीतेक्‍म हना, मेकोपुकी यो चोचा पुंइसीनीम। ठेयब नु बोल्‍यो रवा तिम्‍शा हना यो, आन ठुटा लीब। मेको लीशो ठुटा आं मुर, इस्राएल आ वांचेर बाक्‍नीम” देंत। आमोस ५:३; यसैया ७:३; यसैया १०:२०-२१
ISA 7:1 आहाज यहूदा ङा पिप बाक्‍त। मेको योथाम आ तौ नु उज्‍जीयाह आ चच बाक्‍त। आहाज आ सासन पची ना अराम ङा पिप रेसीन नु इस्राएल ङा पिप रेमाल्‍याह आ तौ पेकाह लडाइ पथ यरूसलेम जाक्‍ताक्‍स। तन्‍न ग्राने मचाप्‍बेम। २राजा १६:५
ISA 7:2 मिनु मुरपुकीम दाऊद आ खिं ङा मुर आहाज कली “अराम ङा लडाइ पाइबपुकी एफ्राइम नु गारशा जाक्‍तेक्‍म” दे शेंताक्‍म। मेको नेंशा आहाज नु आ मुर, फशेम रवा हिम्‍शो खोदेंशो पा आन थुं हिम्‍सीमा बाक्‍त।
ISA 7:3 मिनु परमप्रभु यावेमी यसैया कली “गे नु इ तौ शेआर-याशुब आहाज कली ग्रुम्‍थ लसे। गे मेको कली आइक्‍था दोम्‍ली रे ब्‍वाक्‍कु यितीके, वा मुरब आन गेय पतीके ङा ठेयब लांम थित्‍नीसी।
ISA 7:4 मिनु गे मेको कली ‘होस पा, सिक्‍सी पा बाक्‍कीन। महिनीन। इन थुं ग्‍येत्‍थ लुक्‍च मपपतीन। मेको कुन पाइब बुल्‍सी रेसीन, अराम नु रेमाल्‍याह आ तौ पेकाह, आन गाइश्‍शो तशा, महिनीन। इन थुं ग्‍येत्‍थ लुक्‍च मपपतीन। यसैया ३०:१५;
ISA 7:5 मारदे हना अराम, एफ्राइम आ मुर नु रेमाल्‍याह आ तौ पेकाह नु गारशा, इ कली मरिम्‍शो पचा कली मिम्‍शो बाक्‍‍नीम।
ISA 7:6 मेकोपुकीमी गोपुकी यहूदा लशा, यरूसलेम कली पुम्‍शा, ग्राशा ताबेल आ तौ कली मेकेर ङा पिप सेल्‍य’ देंतेक्‍म।
ISA 7:7 मोपतीके परमप्रभु, परमप्रभु यावेमी मार देंब देंशा हना ‘मेको आन मिम्‍शो मदुम्‍ब। मो पचा मताइनीम।
ISA 7:8 मारदे हना अराम आ पिया दमस्‍कस बाक्‍ब। मिनु दमस्‍कस आ पिया रेसीन बाक्‍ब। मिनु ६५ बर्स नोले एफ्राइम खतम दुम्‍शा, मलीब।
ISA 7:9 एफ्राइम आ पिया सामरीया बाक्‍ब। सामरीया आ पिया रेमाल्‍याह आ तौ बाक्‍ब’ गे थमा मसुइक्‍तीनी हना, थमा पा मलीनीनी” दे परमप्रभु यावेमी देंत। २इतिहास २०:२०
ISA 7:10 मिनु परमप्रभु यावेमी लेंशा आहाज कली
ISA 7:11 “इन परमप्रभु यावे, इन परमप्रभु कली चिन्‍ड का पुंइदीन। उइ बेक्‍शो मुर आन बाक्‍तीक रे हना यो, इर सरीङ रे हना यो चिन्‍ड का पुनीन” दें‍त।
ISA 7:12 तन्‍न आहाजमी “गो मपुंइनुङ। परमप्रभु यावे आ थुं मथाम्‍नुङ” दें‍त।
ISA 7:13 मिनु यसैयामी “दाऊद आ खिं ङा मुर नेनीन। मुर आन कली दपाइश्‍शो खोदेंशो पा, आं परमप्रभु कली यो दपाइक्‍नीनी?
ISA 7:14 मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३
ISA 7:15 मेको दहि नु खुदो जची ना रेन रिम्‍शो पचा नु मरिम्‍शो मपचा तुइक्‍ब दुम्‍ब।
ISA 7:16 मिनु मेको वोंइश आलम मरिम्‍शो मपचा, रिम्‍शो पचा तुइक्‍चा क्‍येङा ङोंइती, इन कली हिंपाइक्‍ब पिप आस रागी श्‍येत्‍थ दुम्‍ब।
ISA 7:17 परमप्रभु यावेमी अस्‍सुर ङा पिप आ गुइ रे इन कली, इन मुर आन कली नु इन खिं ङा मुर आन कली हिंचा ङा श्‍येत गेपाइक्‍ब। मोदेंशो श्‍येत एफ्राइम यहूदा रे ब्राम रे गेनायो मदुम्‍शो बाक्‍ब” देंत।
ISA 7:18 मेको नाक्‍ती परमप्रभु यावेमी इजीप्‍त ङा नील खोला ङा चुरमु नु अस्‍सुर रागी ङा सुरब आन कली लाप पा ब्रेप्‍ब।
ISA 7:19 मेकोपुकी जाक्‍शा, बेंसीम, रोंगु आ कापम, चू बुटा तारी नु बस्‍तु भाव योव़तीक नेल्‍लेम बाक्‍नीम।
ISA 7:20 मेको नाक्‍त परमप्रभुमी युफ्रेटीस खोला आइक्‍ची हांबु रे क्‍येट थाप्‍शा चाक्‍शो छूराम, अस्‍सुर ङा पिपमी पिया ङा चां नु गिरशी प्रेक्‍पाइक्‍ब। मेको छूरामी गाल शोक्रे यो प्रेक्‍पाइक्‍ब। २राजा १५:२९
ISA 7:21 मेना मुर कामी बी का नु भेडा निक्‍शी थुल्‍ब।
ISA 7:22 मिनु शुश दूध चिम्‍शा दहि जाइब। मारदे हना मेको रागीम लीशो मुर नेल्‍लेमी दहि नु खुदो जाइनीम।
ISA 7:23 मेना हजार का शेकेल चांदी लाइब हजार का अङगुर बोट ख्रुम्‍शो रूम चू नु चोंक वानीम। शेकेल का ११.५ ग्राम ङा चांदी के क्‍येट बाक्‍ब।
ISA 7:24 मोपा चू नु चोंक बाक्‍तीके, मुरपुकी लिब्रा कुरशा मेकेर लाइनीम।
ISA 7:25 ङोंइती डांडा ङा दोशा ख्रुम्‍शो रूपुकी मेना चू चोंकम सुम्‍तीके मुरपुकी हिंशा, मेकेर मलाइनीम। बी ब्‍यफ नु क्‍यारश भेडा आन कली दिम्‍पाइक्‍चा कली सोइक्‍नीम।
ISA 8:1 मिनु परमप्रभु यावेमी आं कली “गे ठेयब कागज का चाक्‍को। मिनु रिम्‍शो पा रुप्‍चा ङा पा ‘माहेर-शालाल-हाश-बाज’ ब्रेक्‍तो” देंत। माहेर-शालाल-हाश-बाज आ अर्थ गा पा शुश रोइक्‍चा बाक्‍ब।
ISA 8:2 मिनु गो जोल मपाइब सांकछी निक्‍शी चढ़ेब उरीयाह नु येबेरेकीयाह आ तौ जकरिया आस कली वोइक्‍तासी।
ISA 8:3 मिनु गो आं मीश नु बाक्‍ती। मिनु मेकोमी कोव़ज कुरशा तौ का थिप्‍तु। मिनु परमप्रभु यावेमी आं कली “मेको आ नें माहेर-शालाल-हाश-बाज वोतो।
ISA 8:4 मारदे हना मेको आलम आम आफ देंस जोक्‍चा क्‍येङा ङोंइती दमस्‍कस ङा शोंप नु सामरीया ङा रोइश्‍शो नेल्‍ले अस्‍सुर ङा पिपम लाइक्‍ब” देंत। यसैया ७:१८; २राजा १६:९
ISA 8:5 मिनु परमप्रभु यावेमी आं कली लेंशा
ISA 8:6 “मेको मुरपुकीम शीलोआ ङा रिम्‍शो ब्‍वाक्‍कु प्रोंइनीम। रेसीन नु रेमाल्‍याह आ तौ आस क्‍येङा हिंशा, मेको आस नोले खोइक्‍तेक्‍म।
ISA 8:7 मोपतीके गो यहूदा ङा मुर आन कली श्‍येत गेपाइक्‍चा कली युफ्रेटीस खोला ङा ब्‍वाक्‍कु खोदेंशो पा अस्‍सुर ङा पिप नु आ लडाइ पाइब शुश आन कली चाक्‍नुङमी। मिनु मेको खोला बारशो खोदेंशो पा आ एर ओंथ नेल्‍ल सुम्‍नीम।
ISA 8:8 मिनु मेको बारशा, यहूदा आ शुर सम्‍म जाक्‍दीत्‍नीम। आ लडाइ पाइबपुकीमी हाम्‍शो फ्रांम खोदेंशो पा इन रागी नेल्‍ल सुम्‍नीम। तन्‍न इम्‍मानुएल, परमप्रभु यावे गे नु बाक्‍ब” देंत।इम्‍मानुएल आ अर्थ “परमप्रभु यावे गे नु बाक्‍ब” देंशो बाक्‍ब।यसैया ७:१४
ISA 8:9 गे रागी रागी ङा मुर गारशा सुर्ता पने। गे खतम दुम्‍पाइक्‍चा पुंइसीनीनी। गे ङोन रागी ङा मुर नोफा दाइश्‍शा नेनीने। लडाइ पचा कली किप्‍शुर किम्‍सीन। मिनु हिनीन। लडाइ पचा कली ठीक दुमीन। मिनु सुर्ता पने।
ISA 8:10 गे सल्‍ला पा लोव़सी गारपाइक्‍नीनी, तन्‍न मेको शोर गाक्‍शो दुम्‍ब। लोव़ पने, तन्‍न इन लोव़ मगाप्‍ब। मारदे हना परमप्रभु गो नु बाक्‍ब।
ISA 8:11 मिनु परमप्रभु यावेमी आं गुइ ग्‍याइश्‍शा आं कली लोव़ पा “गे मेको मुर आन खोदेंशो मपावो। मेको आन लांम मगाक्‍को।
ISA 8:12 मुरपुकीम अरु आन पर्बम ख्रुइश्‍शा मरिम्‍शो गेय पाइनीम। गे मोदेंशो मपने। मेको मार तशा हिंनीमी, गे मेको तशा महिनीन। इन थुं ग्‍येत्‍थ लुक्‍च मपपतीन।
ISA 8:13 मुर नेल्‍ल आन परमप्रभु यावे ला मिम्‍शा, मेको क्‍येङा हिनीन। मेको कली मान पा हिनीन। मत्ती १०:२८
ISA 8:14 परमप्रभु इन कली नेल्‍ल क्‍येङा ङोंइती ङा मिम्‍तीके दुम्‍ल। तन्‍न इस्राएल आ खिं निक्‍शी ङा मुर आन कली दाइल पाइक्‍तीके नु लां तेक्‍तीके फुल्‍लु दुम्‍ब। मेको यरूसलेम ङा मुर आन कली रेप्‍पाइक्‍ब ब्‍वारद दुम्‍ब। रोमी ९:३३
ISA 8:15 मिनु मुर शुश दाइल पाइश्‍शा गोल्‍शा, ब्‍वारदम रेश्‍शा, ग्‍याइक्‍चा पुंइसीनीम।
ISA 8:16 आं देंशो लोव़ आं शेंसीब आन कली ला नेंपाइक्‍चा कली छाप थोक्‍शा, वोतो” दे माइक्‍ती। दानीएल १२:४
ISA 8:17 मिनु गो याकूब आ खिं ङा मुर आन क्‍येङा आ कुल ख्रुइक्‍ब परमप्रभु यावे आ लां कोव़शा, रिम्‍शा बाक्‍नुङ।
ISA 8:18 मुर नेल्‍ल आन परमप्रभु यावे सियोन डांडाम बाक्‍ब। परमप्रभु यावेमी आं कली नु आं कली गेशो आलपुकी इस्राएली आन दातेमी चिन्‍ड नु कोंइतीक सेल्‍तीकी। यसैया ८:३; यसैया ७:३; हिब्रू २:१३
ISA 8:19 मिनु मुरपुकीमी इ कली “बेक्‍शो मुर आन कली हिल्‍लो पावो। लिंक्‍यु कोव़ब चाक्‍को। वोल आन कली लोव़ पपतो” दे लोव़ पाइनीम। मेको वोल आन रेयके नेंसीब। मिनु मार, सेस मुर आन पर्बम बेक्‍शो मुर आन कली हिल्‍लो पचा? मुरपुकीमी आन परमप्रभु कली हिल्‍लो पचा ममाल्‍नीमी ङा? २राजा १:३
ISA 8:20 गे शेंतीक नु अरेशो लोव़ आ पर्बम परमप्रभु कली हिल्‍लो पचा माल्‍नीनी। अरु लोव़ पाइब मुर काइ मरुप्‍ब बाक्‍नीम।
ISA 8:21 मेकोपुकी एको रागीम श्‍येत जशा, शोव़लु बेक्‍शा हिरनीम। मिनु शोव़लुमी गाइश्‍शा, ग्‍येत्‍थ गे कोव़शा, आन पिप नु परमप्रभु कली सराप पाइनीम।
ISA 8:22 मेकोपुकीमी खप गे कोव़शा, आन पिया खुक्‍नीम। मिनु मेकेर श्‍येत नु छिङछिङ ताइनीम। हिंचा ङा श्‍येत थम क्‍येर नाक्‍दो ला ताइनीम। मेको आन दातेम छेङछेङ मबाक्‍ब। मिनु आन थुं लुक्‍च लाइब।
ISA 9:1 शुश हिंबपुकी नोले छिङछिङम मगाक्‍नीम। ङोंइती परमप्रभु यावेमी जबूलून नु नाप्‍ताली आस रागी महिक्‍‍सी‍शो सेल्‍तु। तन्‍न नोले मेकोमी यर्दन आ आइक्‍ची हांबु, समुन्‍द्र आ नेक्‍था ङा नु रागी रागी ङा मुर आन गालील रागी रिम्‍शो सेल्‍ब। भजन संग्रह १०७:१०-१४; २राजा १५:२९; मत्ती ४:१२-१६
ISA 9:2 छिङछिङम गाक्‍बपुकीम ठेयब छेङछेङ ताइनीम। थम छिङछिङ ङा रागीम बाक्‍ब आन तार थम छेङछेङ दुम्‍ब।
ISA 9:3 परमप्रभु, गे रागी रागी ङा मुर आन कली सोशा बोशा दुम्‍पाइक्‍तीनी। मेको आन कली थाम्‍पान ग्‍येरपाइक्‍तीनी। मेको आन कली इन ङोंइती बाली नाली ओंइची ना खोदेंशो पा ग्‍येरपाइक्‍तीनी। लडाइ ग्राशा, आन रोइश्‍शो मार मार योक्‍सीची ना खोदेंशो पा ग्‍येरपाइक्‍तीनी।
ISA 9:4 मेको आन हेल्‍शो जुवा, मेको आन बला ङा भार नु मेको आन कली दिप्‍ब मुर आन कोक्‍के जिक्‍ताक्‍नी। गे मिदयान रागी ङा लडाइम खोदेंशो पा मेको आन कली युक्‍ब आन युक्‍तीके जिक्‍तीनी। भजन संग्रह ८१:७; न्‍यायाधीस ७:१४; न्‍यायाधीस १५:२२
ISA 9:5 मारदे हना लडाइ पाइब आन जुत्ता नु आन फेक्‍तीक वा नेल्‍ल हुश लुम्‍सीशो बाक्‍नीम। मेको मीम चोतीक दुम्‍नीम।
ISA 9:6 मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३
ISA 9:7 मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४
ISA 9:8 परमप्रभुमी याकूब कली लोव़ का सोइश्‍शो बाक्‍त। मेको इस्राएल रागी कली दुम्‍त।
ISA 9:9 मिनु मेको एफ्राइम नु सामरीयाम बाक्‍ब नेल्‍लेम तुइक्‍ताक्‍म।
ISA 9:10 मेकोपुकीमी ठेयब लेश्‍शा “इंटाम सेल्‍शो खिं नेल्‍ल ब्रेत्‍तेक्‍म। तन्‍न गोपुकीम चेम्‍शो फुल्‍लुम लेंशा सेल्‍नीकी। आइक्‍च रवा नेल्‍ल तिम्‍तेक्‍म। तन्‍न मेकेर ठेयब दुम्‍ब रवा ख्रुम्‍नीकी” देंनीम।
ISA 9:11 मोपतीके परमप्रभु यावेमी मेको आन कली श्‍येत गेब पोक्‍ब। मिनु मेको आन जोरी सत्रु आन कली “गो लडाइ ग्रानीकी” दे मिम्‍पाइक्‍ब।
ISA 9:12 मिनु अराम ङा मुर नु रेसीन पूर्ब रे नु पलिस्‍ती ङा मुर पच्‍छिम रे जाक्‍शा, मेकोपुकीमी शुश पाक्‍शो शोव़मी खोदेंशो पा इस्राएली आन कली दाक्‍नीम। मोपा यो परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।
ISA 9:13 मो हना यो मुर आन कली तुप्‍ब गे मलेम्‍म। मिनु मेकोपुकीमी मुर नेल्‍ल आन परमप्रभु यावे कली ममाल्‍नीम। यसैया १०:३३
ISA 9:14 मोपतीके परमप्रभु यावेमी इस्राएल रे पिया नु मीलु क्‍योरतु। खजूर रवा आ राशी नु बुदी मीलु घांस काबुमीन क्‍योरतु।
ISA 9:15 खाल्‍पा नु हुकुम पाइबपुकी पिया नम। जोल पा परमप्रभु यावे आ लोव़ पाइबपुकी चहिं मीलु नम।
ISA 9:16 मारदे हना इस्राएल ङा मुर आन कली शेंबपुकीमी हेंथे लां गाक्‍पाइक्‍तेक्‍म। मिनु आन शेंशो नेंबपुकी लां मतुइक्‍ब दुम्‍तेक्‍म।
ISA 9:17 मोपतीके परमप्रभु यावेम मेको आन वोंइश आल आन कली तशा, शिशी मपावो। मेको आन रोम रोइक्‍च नु वोंइश बेक्‍शो मीश मुर आन कली तशा यो शिशी मपावो। मारदे हना मेको नेल्‍ल परमप्रभु आ अरेशो मटीब दुम्‍‍शा, काइ मरिम्‍शो पाइब ला बाक्‍तेक्‍म। मिनु नेल्‍लेमी मरिम्‍शो लोव़ पाम्‍तेक्‍म। मोपा यो परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।
ISA 9:18 परमप्रभु यावे आ अरेशो लोव़ मटीब मी खोदेंशो पा ब्राइब। मिनु मेकोमी चू नु चोंक नेल्‍ल नेक्‍ब। मिनु मेको ब्‍वाकीमी कोक्‍त बुद पा ब्राइब। आ कुन गोस्‍स खोदेंशो पा रोम्‍सीशा सरीङ गे लाइब।
ISA 9:19 मुर नेल्‍ल आन परमप्रभु यावे आ गाइश्‍शोमी रागी नेल्‍ल ग्रोइश्‍शो बाक्‍ब। मिनु मुरपुकी चोतीक शी खोदेंशो दुम्‍तेक्‍म। सुइम सुइ आन कली वारच मपामे।
ISA 9:20 मेकोपुकीमी ग्‍युरा गे ङा रोइक्‍ताक्‍म। तन्‍न शोव़लु बेक्‍तेक्‍म। आन पेरा गे ङा ब्‍वाम्‍तेक्‍म। तन्‍न मरूम। मिनु आंम आन खिं ङा मुर आन श्‍ये ब्‍वाम्‍तेक्‍म।
ISA 9:21 मनस्‍सेमी एफ्राइम कली ब्‍वाप्‍तु। मिनु एफ्राइममी मनस्‍से कली ब्‍वाप्‍तु। मिनु मेको निक्‍शी यहूदा नु लडाइ पाम्‍ताक्‍स। मोपा यो परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।
ISA 10:1 आबी, सु सुमी ठीक मदुम्‍शो ऐन कानुन सेल्‍नीमी, मुर आन कली दिप्‍चा ङा अरेशो लोव़ ब्रेक्‍नीमी, यसैया ५:८-२३
ISA 10:2 क्‍येट मथीब आन कली ठीक निसाफ मपाइ‍नीमी, आन मुर आन दाते ङा प्रुङग आन कली ठीक मपाइनीमी, मेकोपुकीम वोंइश बेक्‍शो मीश मुर आन मार मार योल्‍नीमी, रोम रोइक्‍च आन बाक्‍शो नेल्‍ल रोइक्‍नीम।
ISA 10:3 मिनु सजाइ गेतीक नाक्‍तीमी मार पाइनीनी? ङोन रे जाक्‍शो हिंचा ङा श्‍येतमी मार पाइनीनी? “वारच पाइय्‍यीनी” दे सु आ बाक्‍तीके प्रोक्‍नीनी? इन शोंप ते वोइक्‍नीनी?
ISA 10:4 मेको नाक्‍ती पाइश्‍शो मुर आन दातेमी मबाक्‍‍चा नु साइक्‍चा मपुंइसीचा कली ते प्रोक्‍नीनी? परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।
ISA 10:5 आबी, अस्‍सुर रागी, गे आं गाइक्‍तीक ङा कोर्रा, आं गाइक्‍तीके कोक्‍के कुरब दुम्‍ते। यसैया १०:१५
ISA 10:6 गो अस्‍सुर कली आं कली मटीब रागी कली लडाइ पथ सोइक्‍नुङ। अस्‍सुर कली आं कली गाइक्‍पाइक्‍ब मुर नु सोइक्‍नुङ। मारेइ मारेइ रोइक्‍पाइक्‍चा कली सोइक्‍नुङ। मिनु मेको आन कली लांम दिम्‍पाइक्‍चा कली सोइक्‍नुङ।
ISA 10:7 तन्‍न अस्‍सुरम मेको आ थुंम मवोइक्‍थु, मोदेंशो ममिम्‍त। आ थुंमी खतम पोक्‍चा नु रागी रागी क्‍याम्‍चा ला बाक्‍त।
ISA 10:8 मिनु अस्‍सुरमी “आं कप्‍तान नेल्‍ल पिप मनमी ङा?
ISA 10:9 मार, काल्‍नो सहर कारकेमीश खोदेंशो ममाइ? हमाथ, अरपाद खोदेंशो ममाइ? मिनु सामरीया दमस्‍कस खोदेंशो ममाइ ङा?
ISA 10:10 मिनु गो दोपा मूर्तिम ब्रीशो रागी ग्राङा, मोपा गो मेको आन क्‍येङा आइक्‍च मूर्ति बाक्‍शो रागी यरूसलेम नु सामरीया कली ग्रानुङ। २राजा १८:३२-३५
ISA 10:11 मिनु गो सामरीया नु आ मूर्ति आन कली दोदेंशो पङा, मोदेंशो यरूसलेम नु आ मूर्ति आन कली मपाइनुङा ङा?” देंत।
ISA 10:12 मिनु परमप्रभुमी सियोन डांडा नु यरूसलेमम पशो गेय थुमा नोले मेकोमी अस्‍सुर ङा ठेयब लेश्‍शो नु बोरशो पिप कली सजाइ गेब। यसैया ३७:३६
ISA 10:13 मारदे हना मेकोमी “गो आं सक्तिमी पाता। गो आं तुइक्‍तीके नु रुप्‍तीक थुंमी मोदेंशो पाता। गो रागी रागी ङा सांद याक्‍ताक्‍ङ। मेकेर ङा मुर आन शोंप नु मारेइ मारेइ रोइक्‍ताक्‍ङ। गो आं ठेयब सक्तिमी मेको आन पिप आन कली लुक्‍च सोइक्‍ताक्‍ङमी।
ISA 10:14 मिनु गो प्रोंइशो चिक्‍ब आन ग्‍योव़ खोदेंशो पा बाक्‍तीक नु मुर आन शोंप थित्‍ता। गो चिक्‍बीम प्रोंइशो ब्‍वोफु खुप्‍शो खोदेंशो पा, रागी रागी कली खुप्‍ताक्‍ङ। मिनु फ्रां हिक्‍शा, तेक्‍ब सुइ मबाक्‍म। मिनु सुइम मारेइ मदेंम” देंत।
ISA 10:15 खा क्‍येङा खा चलेब ठेयब बाक्‍बा ङा?। आरा क्‍येङा आरा कीब ठेयब बाक्‍बा ङा?। मोदेंशो मदुम्‍त हना कोक्‍केमी कोक्‍के गुप्‍ब कली याम्‍पाइक्‍बा ङा?। मिनु शीमी शी कली गुप्‍ने चाप्‍बा ङा?। यसैया १०:५
ISA 10:16 मोपतीके परमप्रभु, मुर नेल्‍ल आन परमप्रभु यावेमी अस्‍सुर ङा दोम्‍शो लडाइ पाइब मुर आन कली बेक्‍तीक रोइ सोइक्‍नुङ। मिनु मेको आन रां चोशो खोदेंशो पा जेश्‍शा नुप्‍ब।
ISA 10:17 मिनु इस्राएली आन छेङछेङ मी दुम्‍ब। मिनु आन का ला बाक्‍शो परमप्रभु नाप्‍पाइक्‍ब दुम्‍ब। मिनु मेकोमी आन चू नु चोंक काबुमी नेक्‍पाइक्‍ब। ब्‍यवस्‍था ४:२४
ISA 10:18 मिनु ब्‍वाकी ङा दारस नु फल फुल नेल्‍ले मुर खोदेंशो पा सोव़ना सोव़न लाइनीम। मेको आन रां नु थुं निम्‍फा खतम दुम्‍नीम। रोइ पाइब मुर ओंखां पा बेक्‍शा लशो खोदेंशो पा बेक्‍शा लाइनीम।
ISA 10:19 मिनु मेको आ ब्‍वा‍की ङा लीशो रवा शुश मबाक्‍नीम। मेको आल कामी यो हिक्‍शा ब्रेक्‍ने चाप्‍ब।
ISA 10:20 मिनु मेको नाक्‍ती इस्राएल ङा लीशो मुरपुकी नु याकूब आ खिं ङा प्रोक्‍शा ब्रोंइशो मुरपुकी लेंशा, आंम कली तुप्‍ब गे मलाइनीम। तन्‍न मेकोपुकी थमा पा परमप्रभु यावे, इस्राएली आन का ला बाक्‍शो परमप्रभु आ नोले खोइक्‍नीम। यसैया ६:१३; यसैया ७:३
ISA 10:21 मिनु का निक्‍शी याकूब आ मुरपुकी सक्ति पाइश्‍शो परमप्रभु गे लेत्‍नीम।
ISA 10:22 इन इस्राएल ङा मुर समुन्‍द्र ङा बाल्‍वा खोदेंशो पा शुश बाक्‍तेक्‍म हना यो, का निक्‍शी ला लेत्‍नीम। अरु चहिं नेल्‍ल साइक्‍चा पुंइसीनीम। मिनु ठीक प‍तीक ठेयब दुम्‍ब। रोमी ९:२७
ISA 10:23 मारदे हना परमप्रभु, मुर नेल्‍ल आन परमप्रभु यावेमी ङोंइती आ देंशो खोदेंशो पा रागी नेल्‍ल खतम सेल्‍ब। यसैया २८:२७
ISA 10:24 मोपतीके परमप्रभु, मुर नेल्‍ल आन परमप्रभु यावेमी “सियोनम बाक्‍ब, आं मुरपुकी अस्‍सुर ङा मुर क्‍येङा महिनीन। इन कली इजीप्‍तम खोदेंशो पा कोक्‍केम तुप्‍तेक्‍म हना यो, महिनीन।
ISA 10:25 मारदे हना इच्‍का नोले इन पर्बम आं गाइश्‍शो नुप्‍ब। मिनु अस्‍सुर ङा मुर आन कली गाइश्‍शा साइक्‍नुङमी” देंत।
ISA 10:26 मुर नेल्‍ल आन परमप्रभु यावेमी मेको आन कली कोर्राम युक्‍ब। मेको ओरेब ङा सेरथे फुल्‍लु आ नेक्‍था ङा लडाइम मिदयान कली फ्रुशो खोदेंशो दुम्‍ब। मेकोम इजीप्‍तम खोदेंशो पा आ कोक्‍के समुन्‍द्र तार दिंब। न्‍यायाधीस ७:२५; भजन संग्रह ८३:१०; प्रस्‍थान १४:२६-२७
ISA 10:27 मेना इन कली गेशो श्‍येत नुप्‍ब। मिनु इन शुर ङा जुवा दोक्‍शा जिक्‍ब।
ISA 10:28 इन जोरी सत्रु रिम्‍मोन रे जाक्‍शो आइयाथम जाक्‍दीत्‍तेक्‍म। मिग्रोन लशा, मिकमाश सहरम आन मार मार वोइक्‍नीम।
ISA 10:29 मिनु डांडा रे पा लशा, गिबाम बास बाक्‍नीम। रामाह हिंशा ख्रिंख्रि पाइब। सावल आ सहर गेबा ङा मुर प्रोक्‍नीम।
ISA 10:30 गाल्‍लीम ङा तमीपुकी ठेयब सेंदा पा ग्रीङीन। गे लाइशाह ङा मुर नेनीन। अनाथोथ ङा मुर मेको आन कली लोव़ लेत्‍तीन। १सामुएल २५:४४
ISA 10:31 मादमेनाह नु गेबीम ङा मुर ब्रोंइचा कली प्रोक्‍‍नीम।
ISA 10:32 मेकोपुकी मुलाक्‍ती नोबम बाक्‍नीम। मिनु मेकोपुकीमी सियोन डांडा ङा तमी नु यरूसलेम आ डांडा गे आन गुइ क्‍युक्‍शा, हिंच कोंइनीम। १सामुएल २१:२
ISA 10:33 मिनु परमप्रभु, मुर नेल्‍ल आन परमप्रभु यावेमी मेको आ राशी हिंचा ङा सक्तिम ख्रोइक्‍ब। नेल्‍ल क्‍येङा लाइश्‍शो रवा तिम्‍ब। ठेयब लेश्‍शो आन कली आइक्‍च सेल्‍ब।
ISA 10:34 मेकोमी ब्‍वाकी ङा रवा आन कली खाम तिम्‍ब। लेबानोन ङा ठेयब लाइश्‍शो रवा नेल्‍ल दिम्‍नीम।
ISA 11:1 येस्‍से आ ठुटा रे ठोसा का दाप्‍ब। मेको आ शाक्‍श रे वाशो राशीम फल फुल सिप्‍ब।
ISA 11:2 मिनु परमप्रभु यावे आ सोक्‍त मेको तारी नाइश्‍शा बाक्‍ब। मेको जोक्‍ब तुइक्‍ब नु रुप्‍तीक सोक्‍त बाक्‍ब। अर्ती गेब नु सक्ति गेब सोक्‍त बाक्‍ब। मेको जोक्‍तीक तुइक्‍तीक थुं गेब नु परमप्रभु यावे कली मान पा हिंब सोक्‍त बाक्‍ब।
ISA 11:3 मेको आ दाक्‍शो परमप्रभु यावे कली मान पा हिंचा बाक्‍ब। मेकोमी मुर आन थुं कोव़शा निसाफ पाइब। सुइ आन लोव़ मनेंथु निसाफ पाइब।
ISA 11:4 ठीक पतीकेमी प्रुङग आन कली निसाफ पाइब। रागी ङा आइक्‍च नु ठेयब मुर नेल्‍ल आन कली उइक्‍थ पा निसाफ पाइब। मिनु रागी ङा मुर आन कली आ लोव़मी तुप्‍ब। परमप्रभु यावे आ अरेशो लोव़ मटीब आन कली मुइश्‍शा साइक्‍ब। २थिस्‍सलोनिकी २:८
ISA 11:5 मेको आ ठीक पतीके आ किप्‍शुर किप्‍शो खोदेंशो बाक्‍ब। मेको थमा पा थमा सुइक्‍तीक आ किप्‍तीक बाक्‍ब।
ISA 11:6 मेना फर नु पाठा काथा बाक्‍नीम। जोइ क्‍यारश आ पाठा नु इप्‍ब। बाछा नु गुप्‍स आ चाइक्‍ब काथा जोइनीम। आइक्‍च आलमी मेको आन कली योव़ब। यसैया ६५:२५
ISA 11:7 बी नु वां काथा जोइनीम। मेको आन चाइक्‍बपुकी काथा बाक्‍नीम। गुप्‍समी ब्‍यफ खोदेंशो पा नल ब्‍वाइब।
ISA 11:8 मिनु दूध तूब आल बुस्‍स आन पोव़लाम ग्‍यारनीम। दूध प्रोंइशो आलमी बीस पाइश्‍शो बुस्‍स आन बाक्‍तीकेम गुइ शुइक्‍नीम।
ISA 11:9 आं डांडामी मारेइ श्‍येत नु खतम दुम्‍तीके मबाक्‍ब। मारदे हना दोदेंशो पा ब्‍वाक्‍कुम समुन्‍द्र ब्रीबा, मोदेंशो पा परमप्रभु यावे कली तुइक्‍तीकेम रागी नेल्‍ल ब्रीब।
ISA 11:10 मिनु मेको नाक्‍ती येस्‍से आ शाक्‍श जात जात ङा मुर आन कली चिन्‍ड दुम्‍ब। मिनु रागी रागी ङा मुर नेल्‍लेमी मेको कली हिल्‍लो पाइ‍नीम। मेको आ बाक्‍तीके छेङछेङम बाक्‍ब। रोमी १५:१२
ISA 11:11 मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२
ISA 11:12 मेकोमी रागी रागी ङा मुर आन कली चिन्‍ड का वोइक्‍ब। मिनु इस्राएल ङा प्रोक्‍शो मुर आन कली खुप्‍ब। यहूदा ङा ब्रशो मुर आन कली यो तेइ तेइ रे खुप्‍ब।
ISA 11:13 एफ्राइम आ गेहे पतीके जाम्‍शा लाइब। यहूदा कली श्‍येत गेब साइक्‍चा पुंइसीनीम। मेना एफ्राइममी यहूदा कली गेहे मपाइब। मिनु यहूदामी यो एफ्राइम कली श्‍येत मगेब।
ISA 11:14 मिनु मेको निक्‍शी पलिस्‍ती नु लडाइ पचा कली पच्‍छिम गे बारनीस। मेकोपुकी गारशा, पूर्ब ङा मुर आन मारेइ मारेइ रोइक्‍नीम। एदोमी नु मोआबी आन कली लडाइ तोइनीम। अम्‍मोनीपुकीमी मेको आन देंशो टीनीम।
ISA 11:15 मिनु परमप्रभु यावेमी इजीप्‍त ङा समुन्‍द्र ङा ब्‍वाक्‍कु नेल्‍ल सोव़पाइक्‍ब। मेकोमी युफ्रेटीस तारी यो आ गुइ क्‍युक्‍शा, मेको रे ७ ओटा खोला सेल्‍ब। मिनु मुरपुकी गाक्‍शा शोक्‍शा लाइनीम।
ISA 11:16 अस्‍सुर ङा लीशो आ मुर इस्राएली आन कली जाक्‍चा कली ठेयब लां का दुम्‍ब। मेको लां इस्राएली इजीप्‍त रे ग्रूशा गाक्‍शो लां खोदेंशो दुम्‍ब। प्रस्‍थान १४:२९
ISA 12:1 मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।
ISA 12:2 थमा पा, परमप्रभु आं कली पाप रे प्रोंइब बाक्‍ब। गो मेको कली थमा सुइश्‍शा महिंनुङ। मारदे हना परमप्रभु यावे आं कली सक्ति नु बोल गेब बाक्‍ब। मेको आं कली श्‍येत रे प्रोंइब बाक्‍ब” दे कुम्‍सो पाइनीनी। प्रस्‍थान १५:२
ISA 12:3 मेको नाक्‍ती गेपुकी ग्‍येरशा, पाप रे ब्रोंइतीके इनार रे ब्‍वाक्‍कु कीशा प्रिंनीनी। यसैया ५५:१; जकरिया १३:१
ISA 12:4 मेको नाक्‍ती गेपुकीमी “परमप्रभु यावेमी रिम्‍शो पाप्‍तु” दे मुर आन कली देनीन। मेकोपुकी नु लोव़ पने। मेको आ गेय रागी रागी ङा मुर आन कली तुइक्‍पतीन। आ नें नेल्‍ल क्‍येङा ठेयब बाक्‍ब, दे शेंदीने। १इतिहास १६:८; भजन संग्रह १०५:१
ISA 12:5 परमप्रभु यावे कली ठेयब सेल्‍तीक कुम्‍सो पने। मारदे हना मेकोमी थम सक्ति पाइश्‍शो गेय पशो बाक्‍ब। एको लोव़ रागी नेल्‍लेमी ब्रपतीन।
ISA 12:6 सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।
ISA 13:1 आमोज आ तौ यसैयामी बेबीलोन आ पर्बम तशो नु तुइश्‍शो लोव़ एको बाक्‍ब। येरमीया २३:३३
ISA 13:2 रवा मबाक्‍शो डांडामी छेदर का ख्रुक्‍कीन। मिनु ठेयब सेंदा पा गुइ हिक्‍शा, मेको आन कली ठेयब मुर आन लाप्‍चो रे ओव़पतीन।
ISA 13:3 परमप्रभुमी “गो आं मुर आन कली पोक्‍शा, आं ग्‍येरसीशो, बोल्‍यो लडाइ पाइब मुर आन कली आं गाइश्‍शो कोंइचा कली ब्रेत्‍ताक्‍ङमी” देंत।
ISA 13:4 नेनीन, शुश रागी ङा मुरपुकी डांडामी रेयके पाइनीम। मेको रेयके शुश राज्‍य ङा खुम्‍सीशो मुर आन रेयके बाक्‍ब। मुर नेल्‍ल आन परमप्रभु यावेमी ठेयब हुल लडाइ पाइब पोक्‍ब।
ISA 13:5 मेकोपुकी ङोन रागी रे जाक्‍नीम। रागी ङा सुर रे पा जाक्‍नीम। मिनु परमप्रभु यावेमी गाइश्‍शा, या शेशा रागी नेल्‍ल खतम सेल्‍पाइक्‍ब। योएल १:१५
ISA 13:6 ठेयब सेंदा पा ङाक्‍कीन। मारदे हना परमप्रभु यावे आ नाक्‍त जाक्‍चशो बाक्‍ब। नेल्‍ल क्‍येङा ठेयब सक्ति पाइश्‍शो परमप्रभु मेको नाक्‍ती खतम पोक्‍थ जाक्‍ब।
ISA 13:7 मोपतीके मुर नेल्‍ल आन थुं लुक्‍च लशा, मारेइ पने मचाप्‍नीम।
ISA 13:8 मिनु मुरपुकी शुश हिंशा, आन थुं लुक्‍च लशा, शुश सुर्ता पाइनीम। फाल्‍ने मचाप्‍चा ङा पा खाइश्‍शा, आल थिचशो मीश मुर खोदेंशो पा नकचुर पाइनीम। हिंशा आन कुल कोव़मुमानु, ब्रशो मी खोदेंशो तमुइनीम।
ISA 13:9 नेनीन, परमप्रभु यावे आ नाक्‍ती हिंचा ङा श्‍येतम जाक्‍ब। आ गाइश्‍शो चुरशोमी रागी नेल्‍ल मुर मबाक्‍तीके सेल्‍ब। मिनु पाप पाइब आन कली क्‍याम्‍ब।
ISA 13:10 सरीङ ङा सोरुलपुकीम आन छेङछेङ साम्‍नीम। नां दाप्‍ना दाप्‍न छिङछिङ दुम्‍ब। तास्‍लाम छेङछेङ मगेब।
ISA 13:11 परमप्रभुमी “गो रागी कली आ मरिम्‍शो पशो आ पर्बम सजाइ गेनुङ। आं अरेशो लोव़ मटिथु, मरिम्‍शो पाइब आन कली सजाइ गेनुङमी। मिनु ठेयब लेश्‍शो आन ठेयब लेत्‍तीके साम्‍पाइक्‍नुङमी। ठेयब श्‍येत गेशा हुकुम पाइब आन कली ब्रेम्‍पाइक्‍नुङमी।
ISA 13:12 गो मुर आन कली क्‍येख सुन क्‍येङा यो रिम्‍शो सेल्‍नुङमी। मेको आन कली ओफीर ङा सुन क्‍येङा रिम्‍शो सेल्‍नुङमी।
ISA 13:13 मिनु आं गाइक्‍तीक नाक्‍ती गो सरीङ कली हिम्‍पाइक्‍नुङ। रागी यो आं गाइश्‍शोमी आ बाक्‍तीक रे प्रेक्‍शा ग्रूब” दे मुर नेल्‍ल आन परमप्रभु यावेमी देंत।
ISA 13:14 मुरपुकी खेदा पचा पुंइसीशो किश्‍श नु गोठला मबाक्‍शो भेडा खोदेंशो दुम्‍नीम। मेकोपुकी आंम आंम मुर बाक्‍तीके लाइनीम। आंम आंम रागी मेर प्रोक्‍नीम।
ISA 13:15 खेदा पा थित्‍चा पुंइसीशोपुकी तूशा साइक्‍चा पुंइसीनीम। मिनु ग्‍याइक्‍चा पुंइसीशोपुकी तरवारम क्‍योरचा पुंइसीनीम।
ISA 13:16 आन आल आन कली आन ङोंइती खपीम राप्‍शा साइश्‍शो ताइनीम। मेको आन खिं ङा मारेइ मारेइ योल्‍नीम। मेको आन मीश बिथोलो पाइनीम। भजन संग्रह १३७:८-९
ISA 13:17 मिनु परमप्रभुमी “नेनीन, गो मादी आन कली गेपुकी नु लडाइ पपाइक्‍चा कली पोक्‍नुङमी। मेकोपुकीमी सुन चांदी ठेयब ममिम्‍नीम।
ISA 13:18 वोंइश आल आन कली लिब्राम साइक्‍नीम। आइक्‍च आल नु ठेयब आल नेल्‍ल आन कली शिशी मपथु साइक्‍नीम।
ISA 13:19 ठेयब लेश्‍शो कल्‍दी आन दाक्‍शो नु राज्‍य राज्‍य ङा नेल्‍ल क्‍येङा दारशो बेबीलोन कली सोदोम नु गोमोररा खोदेंशो सेल्‍नुङ। उत्‍पत्ती १९:२४-२५
ISA 13:20 मिनु मेको सहरम गेनायो लेंशा मुर मबाक्‍नीम। पाला पाला सम्‍म मुर मबाक्‍नीम। मेकेर अराबीपुकीम आन ताम्‍बु मकीनीम। गोठलापुकीमी आन बस्‍तु भाव मनाइक्‍पाइक्‍नीम।
ISA 13:21 तन्‍न मेको ब्‍वाकी ङा जन्‍तु आन बाक्‍तीक दुम्‍ब। मेको आन खिंम बुक्‍स ब्रीशो बाक्‍नीम। मेकेर ब्‍वा‍की ङा ग्रीब जन्‍तु, ठेयब चिक्‍ब बाक्‍नीम। मिनु ब्‍वाकी ङा क्‍यारश सिल पाइनीम। यसैया २३:१३
ISA 13:22 मेको आन श्‍येत्‍थ खिंम फर ग्रीनीम। आन दारशो दरवारमी सिवार ग्रीनीम। मोदेंशो दुम्‍तीक नाक्‍ती जाक्‍चशो बाक्‍ब। मुल रीब पा जाक्‍ब” देंत।
ISA 14:1 मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७
ISA 14:2 मेना रागी रागी ङा मुरपुकीमी इस्राएली आन कली आन रागी चोव़दीनीम। इस्राएलीपुकीमी मेको रागी ङा मुर आन कली परमप्रभु यावे आ रागीमी बाक्‍शा, आन वाइलीम वाइल सेल्‍नीम। ङोंइती आन कली ग्‍याइश्‍शा चोक्‍ब आन कली ग्‍याइश्‍शा चोक्‍नीम। मिनु आन कली दिप्‍ब आन कली हुकुम पाइनीम। यसैया ४९:२२; लेवी २५:२३
ISA 14:3 मिनु परमप्रभु यावेमी इन कली श्‍येत जतीके, खेदा पचा पुंइसीतीके नु शुश गेय पतीक रे नाइक्‍चा गेप्‍तु हना,
ISA 14:4 गेपुकीमी बेबीलोन ङा पिप आ पर्बम “मुर आन कली दिप्‍ब, दोपा थुम्‍‍से? आ श्‍येत गेशा हुकुम पतीके, दोपा बेक्‍‍मे?” दे शुक्‍शी लोव़ पाइनीनी।
ISA 14:5 परमप्रभु यावेमी आ अरेशो लोव़ मटीब आन कोक्‍के जिक्‍तु। मिनु श्‍येत गेब पिप आ सासन पतीक कोक्‍के रोइक्‍ताक्‍व।
ISA 14:6 ङोंइती मेकोमी गाइश्‍शा, मुर आन कली तुप्‍ना तुप्‍न बाक्‍त। मेको पिपपुकीमी रागी रागी कली आन गाइक्‍तीकेमी मनाइक्‍थु खेदा पा श्‍येत गेम्‍तेक्‍म।
ISA 14:7 मुल रागी ङा मुर नेल्‍ल सिक्‍सी पा नाइश्‍शा बाक्‍चा ताइनीम। मिनु ग्‍येरशा कुम्‍सो पाइनीम।
ISA 14:8 तोव़शी रवापुकी नु लेबानोन ङा लाइश्‍शो रवापुकीमी यो ग्‍येरशा “गे खतम दुमे रे आंइ कली क्‍योरब सुइ मजाक्‍म” देंनीम।
ISA 14:9 मिनु बेक्‍शो मुर आन बाक्‍तीकेमी इ जाक्‍दीश्‍शो आ पर्बम ग्रांग्‍‍‍ये माग्‍ये दुम्‍नीम। रागी ङा मुरपुकीमी “इन कली ताक्‍चा कली बोक्‍नीम। रागी रागी नु जात जात ङा पिप आन कली आन नित्‍तीक रे पोक्‍शा राप्‍पाइक्‍नीम।
ISA 14:10 मेको नेल्‍लेमी इ कली ‘गे यो आंइ खोदेंशो पा सक्ति मपाइश्‍शो दुमे बाक्‍त। गे यो आंइ खोदेंशो दुम्‍ते।
ISA 14:11 इ दारस नु इ ठेयब ताप्‍तीके नेल्‍ले यो बेक्‍शो मुर आन बाक्‍तीके जाक्‍तेक्‍म। लुस्‍पु इ ब्राख्‍ये दुम्‍नीम। बुस्‍स इ फेक्‍तीक दुम्‍ब’। इजीकीएल ३२:१८-१९
ISA 14:12 गे सुनी आ तौ, सुकुर सोरुल, दोपा सरीङ रे दोक्‍ङे? रागी रागी ङा मुर आन कली ग्राब, दोपा क्‍योरचा पुंइसीशा दोक्‍ङे?” देंनीम।
ISA 14:13 गे इ थुंमी “गो स्‍वर्ग ङोइश्‍शा लाइनुङ। परमप्रभु आ सोरुल आन क्‍येङा आइक्‍था आं नित्‍तीके वोइक्‍नुङ। मिनु गो उत्तर ङा देवी देवता ग्रुम्‍तीक डांडाम नित्‍नुङ। भजन संग्रह ४८:३; इजीकीएल २८:१४
ISA 14:14 गो गोस्‍स क्‍येङा ग्‍येत्‍थ ङोइश्‍शा लाइनुङ। मोपा गो नेल्‍ल क्‍येङा ठेयब नु उइक्‍थ दुम्‍नुङ” देंते।
ISA 14:15 तन्‍न गे बेक्‍शो मुर आन बाक्‍तीकेम तोक्‍चा पुंइसाक्‍वे। तुरस क्‍येङा यो उइ तोक्‍चा पुंइसाक्‍वे।
ISA 14:16 इ कली ताइबपुकीमी “मार, मेरे मुरुम रागी हिम्‍पाइश्‍शा, राज्‍यपुकी ख्रिंख्रि पपदा?
ISA 14:17 मेरेम रागी नेल्‍ल गोरशो रागी सेल्‍शा, सहर नेल्‍ल खतम पोक्‍गा? चोक्‍सीशो मुर आन कली आन खिं लेत्‍चा मगेब मुर मेरेन बाक्‍बा?” देंनीम।
ISA 14:18 मिनु रागी नेल्‍ल ङा बेक्‍शो पिपपुकी बेक्‍शो पिप आन कली वोइक्‍तीकेम वोइश्‍शो बाक्‍नीम।
ISA 14:19 तन्‍न गे सोव़शो राशी खोदेंशो पा इ तुरस रे ङोन ताइक्‍चा पुंइसाक्‍वे। तरवारम तूशा साइश्‍शो मुर बाक्‍तीके लशो मुरपुकी इ सुम्‍तीके दुम्‍तेक्‍म। गे बेक्‍शा दिम्‍शो खोदेंशो दुम्‍ते। यसैया ३४:३
ISA 14:20 गे अरु पिप खोदेंशो पा थिम्‍चा मपुंइसे। मारदे हना गे इ रागी खतम सेल्‍शा इ मुर आन कली साइक्‍तीवी। मोपतीके मरिम्‍शो पाइब आन चच युइ आन नें गेनायो ममिम्‍सीब।
ISA 14:21 आन आफ आन मरिम्‍शो पशो आ पर्बम आन तौ आन कली क्‍योरचा कली ठीक दुमीन। मुर आन रागी कली आंम के सेल्‍ब नु रागी कली सहरम प्रिंब कली बोक्‍चा मगेन। प्रस्‍थान २०:५
ISA 14:22 मुर नेल्‍ल आन परमप्रभु यावेमी “गो बेबीलोन ङा मुर आन नें, लीशो नु आन आल नु खिं ङा मुर नेल्‍ल क्‍याम्‍नुङ।
ISA 14:23 गो मेको आन सहर काश्‍श आन बाक्‍तीके नु ब्‍वाक्‍कु देम्‍तीके सेल्‍नुङ। गो मेको आन कली खतम सेल्‍ब ब्राक्‍सुम फिक्‍नुङ” दे मुर नेल्‍ल आन परमप्रभु यावेम देंत।
ISA 14:24 मिनु मुर नेल्‍ल आन परमप्रभु यावेमी कसम जशा “थमा पा, आं ङोंइती मिम्‍शो खोदेंशो पा दुम्‍पाइक्‍नुङ। गो आं देंशो पाइनुङ।
ISA 14:25 गो अस्‍सुर ङा मुर आन कली आं रागीम साइश्‍शा, आं डांडा दिम्‍पाइक्‍नुङमी। मोपा आं जुवा ग्रुंइनुङ। मिनु आन श्‍येत आन बला रे फेत्‍नुङ।
ISA 14:26 एको रागी नेल्‍ल कली देंशो लोव़ बाक्‍ब। एको रागी रागी नेल्‍ल तार दिंशो गुइ बाक्‍ब।
ISA 14:27 मारदे हना मुर नेल्‍ल आन परमप्रभु यावेमी मोदेंशो पचा कली मिम्‍शो बाक्‍ब। सुम मेको कली तेक्‍ने चाप्‍बा ङा? आ दिंशो गुइ सुम लेप्‍पाइक्‍ने चाप्‍बा ङा? सुइम मचाप्‍नीम” देंत।
ISA 14:28 मिनु पिप आहाज बेक्‍शो बर्सम परमप्रभु यावेमी लोव़ पाप्‍तु। मार लोव़ पाप्‍तु देंशा हना, २राजा १६:२०
ISA 14:29 “ए पलिस्‍तीपुकी, इन कली तुप्‍ब कोक्‍के जिक्‍त, दे मग्‍येरसीन। मारदे हना बुस्‍स आ चच युइ रे बीस पाइश्‍शो बुस्‍स का ग्रूब। मेको रे बीस पाइश्‍शो बेरब बुस्‍स का ग्रूब।
ISA 14:30 नेल्‍ल क्‍येङा ङोंइती जरमेशो, प्रुङग आन दाते ङा मुरुम जचा ताइनीम। मारेइ मथीब मुरपुकी यो महिंथु बाक्‍ने चाप्‍नीम। तन्‍न इन खिं ङा मुर आन कली अन्‍कालम बेक्‍पाइक्‍‍नुङ। मिनु इन लीशो मुर आन कली साइक्नुङ।
ISA 14:31 सहर ङा ठेयब लाप्‍चोपुकी, ङाक्‍कीन। सहर नु पलिस्‍ती नेल्‍ल हिंशा ख्रिंख्रि पने। मारदे हना उत्तर रे कुन कु‍शा, ठेयब हुल, नेल्‍ल काथा जाक्‍नीम।
ISA 14:32 मिनु रागी रागी ङा लोव़ कुरब आन कली मार देंनीनी? परमप्रभु यावेमी सियोन सेल्‍तु। मिनु आ मुर आन दाते ङा क्‍येट मथीब मेकेर रिम्‍शो पा बाक्‍नीम” देंत।
ISA 15:1 मिनु परमप्रभु यावेम मोआब आ पर्बम यसैया कली “मारदे हना काबु नाक्‍दोमी आर-मोआब सहर खतम दुम्‍त। मिनु मोआब ग्रांग्‍ये माग्‍ये दुम्‍त। काबु नाक्‍दोमी कीर-मोआब सहर खतम दुम्‍त। मिनु मोआब ग्रांग्‍ये माग्‍ये दुम्‍त।
ISA 15:2 दीबोन ङा मुर देवी देवता आन थान लाम्‍तेक्‍म। डांडा ङा थानमी ङाक्‍थ लाम्‍तेक्‍म। मोआबीपुकीमी नेबो नु मेदेबा सहर आस पर्बम रोंका पाइनीम। मेको नेल्‍लेम आन चां नु आन गाल शोक्रे प्रेक्‍शो बाक्‍नीम।
ISA 15:3 मेकोपुकी सहर ङा लांमी अरन्‍डी फेक्‍शा, खिं तारी नु बजारम ग्रुम्‍शा रोंका पा ङाक्‍ना ङाक्‍न बाक्‍नीम।
ISA 15:4 हेश्‍बोन नु एलेआले सहर ङा मुर वाइ ब्रेश्‍शा ङाक्‍नीम। मेको आन ङाक्‍शो याहास सम्‍म नेंसीब। मोपतीके मोआब ङा लडाइ पाइबपुकी ख्रिंख्रि पा आन थुं लुक्‍च लाइब। यसैया १६:९-११
ISA 15:5 आं थुं मोआब आ पर्बम वाइ ब्रेश्‍शा ङाक्‍ब। मेकेर ङा मुरपुकी सोआर नु एग्‍लाथ-शेलीशीया प्रोक्‍‍नीम। मेकोपुकी ङाक्‍ना ङाक्‍न लुहीथ ङा डांडा ङोइक्‍नीम। मेकोपुकीमी होरोनाइम ङा लांमी खतम दुम्‍चा आ पर्बम रोंका पाइनीम।
ISA 15:6 निम्रीम ङा ब्‍वाक्‍कु सोव़नीम। घांस नेल्‍ल सोव़नीम, नक ख्रुम्‍शो मवानीम। गिगी नेल्‍ल सोव़नीम।
ISA 15:7 मोपतीके मेकोपुकीमी आन लीशो मारेइ मारेइ लाइश्‍शा रवा पाइश्‍शो खो‍ल्‍सा आइक्‍ची हांबु लाइक्‍नीम।
ISA 15:8 मारदे हना मोआब रागी नेल्‍लेमी मेको आन ङाक्‍शो नेंसीब। मेको आन रोंका पशो एग्‍लाइम नु बेयर-एलीम सम्‍म जाक्‍दीश्‍शो बाक्‍ब।
ISA 15:9 मारदे हना दीबोन खोला ङा ब्‍वाक्‍कु हुशेम ब्रीशो बाक्‍त। मोपा यो मेको आन कली चिनु श्‍येत गेनुङ। मोआब रे प्रोक्‍शा ब्रोंइशो नु लीशो मुर आन नोले गुप्‍स का सोइक्‍नुङ” देंत।
ISA 16:1 गेपुकीम सेला सहर रे पा सियोन ङा तमी आ डांडा ङा पिप कली पाठा सोइक्‍तीन।
ISA 16:2 आन ग्‍योव़ रे खेरशो एर ओंथ ब्रशा बेरशो चिक्‍ब खोदेंशो पा मोआब ङा तमीपुकी अरनोन खोला आ नेक्‍था बाक्‍नीम।
ISA 16:3 गे अर्ती गेशा, ठीक निसाफ पने। नाक्‍त बाक्‍त हना यो, इन वांकु नाक्‍दो ङा खोदेंशो सेलीने। ग्रुंइशो मुर आन कली ख्रुइक्‍तीन। प्रोक्‍ब आन पर्बम मशेंदीन।
ISA 16:4 मोआब रे प्रोक्‍शो मुर आन कली गेपुकी नु बाक्‍चा गेने। मेको आन कली साइक्‍ब रे प्रोंइशा, वारच पने। मुर आन कली दिप्‍बपुकी मबाक्‍तेक्‍म हना, खतम दुम्‍तीके नुप्‍त हना, श्‍येत गेबपुकी रागी रे फिक्‍चा पुंइसाक्‍म हना,
ISA 16:5 गेना हना यो दाक्‍ब आ नित्‍तीक वोंइसीब। मेको दाऊद आ ताम्‍बुम बाक्‍ब। मिनु मेको नित्‍तीकेमी थमा सुइक्‍चा पुंइसीब ठीक निसाफ पा हुकुम पाइब का निस्‍सीब। मेकोमी रीब पा कुल मकोव़थु, निसाफ पाइब।
ISA 16:6 गो मोआब आ ठेयब लेश्‍शा पशो लोव़ नेंतय। मेको थम ठेयब लेश्‍शो बाक्‍ब। मेको आ ठेयब लेत्‍तीके नु बोरशा लोव़ पतीके फश खोदेंशो बाक्‍ब।
ISA 16:7 मोपतीके मोआबी रोंका पामेक्‍ल। मोआब आ पर्बम रोंका पामेक्‍ल। थाम्‍पा रोंका पने। किर-हारेसेथ ङा अङगुर शोब्‍ले आ पर्बम रोंका पने।
ISA 16:8 हेश्‍‍बोन ङा रू खतम दुम्‍तेक्‍म। सिब्‍मा ङा अङगुर बोट मलीनीम। मेको आ अङगुर शांबुमी रागी रागी ङा हुकुम पाइब आन कली दुक्‍पाइक्‍तु। मेको आ अङगुर बोट याजेर सम्‍म लशा, गोरशो रागी सम्‍म जाक्‍दीत्‍त। मेको आन शाक्‍श ब्रशा, समुन्‍द्र आ आइक्‍ची हांबु सम्‍म जाक्‍दीत्‍तेक्‍म।
ISA 16:9 मोपतीके गो सिब्‍मा ङा अङगुर बोट आ पर्बम याजेर खोदेंब पा ङाक्‍नुङ। गो इस कली आं प्रेक्‍कुम जिप्‍पाइक्‍नुङ। मारदे हना हेश्‍‍बोन नु एलेआले, इस अङगुर नु अन्‍न ओंइची नाक्‍त मजाक्‍ब। यसैया १५:४-९
ISA 16:10 मिनु ग्रेल्‍शो रू रे ग्‍येरशो सेंदा मनेंसीब। इस अङगुर रूमी ग्‍येरशा कुम्‍सो मपाइनीम। सुइमी अङगुर मख्राक्‍नीम। आन ग्‍येरशा कुम्‍सो पतीके जाम्‍त। येरमीया ४८:३३
ISA 16:11 मोपतीके मोआब आ पर्बम आं थुं ङाक्‍ब। मिनु कीर-हेरेस आ पर्बम आ थुं खाइक्‍ब।
ISA 16:12 मिनु मोआबी आन देवी देवता बाक्‍शो डांडा ङोइश्‍शा, शुश प्रार्थना पाम्‍तेक्‍म हना यो, मेको शोर गाक्‍शो दुम्‍ब।
ISA 16:13 एको परमप्रभु यावेमी मोआब आ पर्बम ङोंइती देंशो लोव़ बाक्‍ब।
ISA 16:14 मुल चहिं परमप्रभु यावेमी “गाल्‍च ताइबम आ बर्स हिक्‍शो खोदेंशो पा बर्स सांमी मोआब आ दारस जाम्‍शा लाइब। मिनु आ ठेयब हुल शुश मलीनीम। मेको आ लीशो मुर शुश मदुम्‍थु, सक्ति मपाइश्‍शो दुम्‍नीम” देंत। यसैया २१:१६
ISA 17:1 मिनु परमप्रभु यावेम दमस्‍कस आ पर्बम यसैया कली “दमस्‍कस सहर खतम दुम्‍शा मलीब। मेकेर ब्रेश्‍शो खिं ला बाक्‍नीम।
ISA 17:2 आरोएर ङा सहरपुकी प्रोंइसीशो दुम्‍शा, क्‍यारश भेडा योव़तीके दुम्‍ब। मेको काइ महिक्सीशो नाइक्‍तीक दुम्‍ब।
ISA 17:3 एफ्राइम ङा बोल्‍यो दरवार नुप्‍नीम। दमस्‍कस ङा राज्‍य मलीब। अराम ङा लीशो मुरपुकी इस्राएली आन जाम्‍शो छेङछेङ खोदेंशो दुम्‍नीम” दे मुर नेल्‍ल आन परमप्रभु यावेम देंत। २राजा १६:९
ISA 17:4 मिनु परमप्रभु यावेमी “मेको नाक्‍ती याकूब आ मुर आन रिम्‍स नेल्‍ल लाइब। मेको नेल्‍ल गेयनीम।
ISA 17:5 मिनु दोदेंशो पा चेरब रिक्‍ब मुरुमी गुइ कामी चेरब ग्‍याइश्‍शा, अर्को गुइमी रिक्‍बा, मोदेंशो पा रेफाइम ङा बेंसीम सिला गुप्‍तीक बाक्‍ब।
ISA 17:6 तेल रवा हिक्‍शा गेडा नेल्‍ल तोक्‍शा यो का निक्‍शी लीशो खोदेंशो पा, मेको आ ङल नु राशीमी का निक्‍शी ला लीनीम” दे परमप्रभु यावे, इस्राएली आन परमप्रभुमी देंत।
ISA 17:7 मेको नाक्‍ती मुरपुकीमी आंम कली सेल्‍ब कली मिम्‍नीम। मिनु इस्राएली आन का ला बाक्‍शो परमप्रभु यावे गे कोव़नीम।
ISA 17:8 मेकोपुकीम आंम आन गुइमी सेल्‍शो देवी देवता आन कली चढ़ेचा ममिम्‍नीम। आंमा आन सेल्‍शो मूर्ति पाइश्‍शो थाम नु धूप चोतीके कली मकोव़नीम।
ISA 17:9 मेको नाक्‍ती आन बोल्‍यो सहरपुकी हिव्‍वी नु एमोरी आन प्रोंइ‍शो सहर खोदेंशो दुम्‍नीम। मेको आन सहर इस्राएली आन पर्बम प्रोंइशो बाक्‍तेक्‍म। मेकेर ङा मारेइ मारेइ नेल्‍ल खतम दुम्‍शो बाक्‍तेक्‍म।
ISA 17:10 मारदे हना गे इन कली पाप रे प्रोंइब परमप्रभु कली प्रेंताक्‍नी। मिनु इन ख्रुइक्‍तीक सेरथे फुल्‍लु कली मफ्रुक्‍नी। गे अर्को रागी ङा रिम्‍शो अङगुर ख्रुम्‍तीनी। यसैया ६:२-३; ब्‍यवस्‍था ३२:१५
ISA 17:11 गे दारशो बोट ख्रुम्‍तीनी हना यो, मिनु आ दीसा सुनी बोइक्‍पाइक्‍तीनी हना यो, मेकेर खुप्‍चा कली मारेइ मलीब। श्‍येत जतीके नु खाइश्‍शो मसातीके नाक्‍त मोदेंशो दुम्‍ब।
ISA 17:12 आबी, शुश रागी ङा मुर आन रेयके, समुन्‍द्र ङा ब्‍वाक्‍कु खोदेंशो पा नेंसीब। आबी, रागी रागी ङा मुर आन ग्रीशो बारशो खोला आ रेयके खोदेंशो बाक्‍ब।
ISA 17:13 रागी रागी ङा मुरपुकी ठेयब ब्‍वाक्‍कु ग्रीशो खोदेंशो पा ग्रीनीम। तन्‍न परमप्रभुमी मेको आन कली हुइक्‍ब। मिनु मेकोपुकी ङोन प्रोक्‍नीम। मेको डांडा ङा फश गिवारम बेरपाइश्‍शो भूस फुरक खोदेंशो दुम्‍नीम।
ISA 17:14 नाक्‍दो हिंचा ङा श्‍येत जाइनीम। नां सोव़चा क्‍येङा ङोंइती मेको नेल्‍ल बेक्‍नीम। आंइ मार मार रोइक्‍ब नु खुइ पाइबपुकी मोदेंशो दुम्‍नीम। यसैया ३७:३६
ISA 18:1 आबी, शुश बेरशो रेयके नेंसीशो एथीयोपीया खोला आ आइक्‍ची हांबुम बाक्‍शो रागी। सेफन्‍याह ३:१०
ISA 18:2 गे लोव़ कुरब मुर आन कली रीब पा डोंगाम समुन्‍द्रम सोइक्‍ताक्‍वी। गे लोव़ कुरबपुकी, लाइश्‍शो मुर नु रीब पा गेय पाइब मुर आन रागी लन। ङोन नु नेक्‍था ङा मुर नेल्‍ल मेको आन कली तशा हिंनीम। मेको सक्ति पाइश्‍शो नु ग्राब रागी ङा मुर बाक्‍नीम। आन रागी शुश खोलाम चेश्‍शो बाक्‍ब।
ISA 18:3 गे रागी रागीम बाक्‍ब मुरपुकी, रागी नेल्‍लेम ब्रोंइबपुकी डांडाम छेदर ख्रुक्‍शो ताइतीनी हना, कोव़ङीन। तुराही ताप्‍शो बाक्‍त हना, नेनीन।
ISA 18:4 मारदे हना परमप्रभु यावेमी आं कली “गो आं बाक्‍तीके रे पा सिक्‍सी पा कोव़नुङ। नाप्‍शो नां ङा नाक्‍त खोदेंशो नु बाली नाली रिक्‍ची ना हुप्‍शो नांमी गोस्‍स का ग्रूशो खोदेंशो पा सिक्‍सी पा कोव़शा बाक्‍नुङ।
ISA 18:5 अङगुर मीचा क्‍येङा ङोंइती फू बोइश्‍शा, गेडा सिप्‍ब, मिनु मीब। मेना मेकोमी अङगुर कली गुयेम मुंइ‍शा, आ बरशो राशी ख्रोइश्‍शा ताइक्‍ब।
ISA 18:6 मिनु डांडा ङा ठेयब चिक्‍ब नु रागी ङा जन्‍तु आन कली ब्‍वचा गे‍ब। होश दुम्‍तीके ठेयब चिक्‍ब मेको तारी नित्‍नीम। मिनु हिंउदम ब्‍वाकी ङा जन्‍तुपुकीम मेको ब्‍वशा, मेको आ तारी इप्‍नीम” देंत।
ISA 18:7 मेना लाइश्‍शो नु दारशो मुरपुकीमी मुर नेल्‍ल आन परमप्रभु यावे कली मार मार चाक्‍नीम। मिनु मेको आन कली तशा ङोन नु नेक्‍था ङा मुरपुकी हिंनीम। मेकोपुकी सक्ति पाइश्‍शो नु ग्राब रागी ङा मुर बाक्‍नीम। मेको आन रागी खोलाम चेश्‍शो बाक्‍ब। मेको आन मार मार मुर नेल्‍ल आन परमप्रभु यावे आ बाक्‍तीके सियोन डांडाम चाक्‍नीम। भजन संग्रह ६८:३०-३२; प्रेरित ८:२७
ISA 19:1 मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।
ISA 19:2 गो इजीप्‍त ङा मुर आन कली आंम आंमा लडाइ पपाइक्‍नुङमी। मोपा मेको आन लोक्‍ब नु लडाइ पाइनीम। आन नेक्‍था ङा मुर लडाइ पमुइनीम। सहर सहर लडाइ तोमुइनीम। राज्‍य राज्‍य लडाइ तोमुइनीम।
ISA 19:3 मिनु इजीप्‍त ङा मुर आन थुं लुक्‍च लाइब। गो मेको आन मिम्‍शो खतम सेल्‍नुङ। मिनु मेकोपुकीमी आन मूर्ति नु बेक्‍शो मुर आन सल्‍ला नेंचा माल्‍नीम।
ISA 19:4 गो इजीप्‍त ङा मुर आन कली शिशी मपथु, सासन पाइब आ गुइमी जिम्‍मा गेनुङमी। मिनु हिंचा ङा पिपमी मेको आन कली सासन पाइब” दे परमप्रभु, मुर नेल्‍ल आन परमप्रभु यावेमी देंत।
ISA 19:5 मिनु नील खोला ङा ब्‍वाक्‍कु सोव़ना सोव़न लशा, ब्‍वाक्‍कु मबाक्‍शो दुम्‍ब।
ISA 19:6 मेकेर ङा ब्‍वाक्‍कु रिना पाइब। मिनु इजीप्‍त ङा नील खोला ङा आइक्‍च खोलापुकी सोव़शा शुश मली‍नीम।
ISA 19:7 नील खोला आ नेक्‍था दिंम दुम्‍शा, मुरपुकीम रू सेल्‍नीम। तन्‍न आन शोक्‍शो मारेइ मारेइ सोव़शा, फशेम योल्‍ब।
ISA 19:8 मिनु ङांइ साइक्‍ब मुर नेल्‍ल रोंका पाइनीम। बोल्‍सी ग्‍यारबपुकी नु ग्‍याइल आप्‍बपुकी “मार पचा, दो पचा” देंनीम।
ISA 19:9 श्‍येले सेल्‍ब नु वा प्रोव़बपुकीम सुर्ता पाइनीम। वा प्रोव़ब हिंनीम।
ISA 19:10 प्रोव़ना प्रोव़न बाक्‍बपुकी राव किक्‍नीम। मिनु गाल्‍च ताक्‍शा गेय पाइबपुकी रोंका पाइनीम।
ISA 19:11 सोआन ङा ठेयब मुरपुकी मूर्ख बाक्‍नीम। फाराओ कली अर्ती गेबपुकीम दूली अर्ती गेनीम। गे दोपा फाराओ कली “गो जोक्‍ब तुइक्‍ब नङ। गो साइ ङोंइती ङा पिप आ खिं रे पिशो बाक्‍नुङ” देंने चाप्‍नीनी?
ISA 19:12 गे, निप्‍स पाइश्‍शो मुरपुकी ते बाक्‍नी? गेपुकीम मुर नेल्‍ल आन परमप्रभु यावेमी इजीप्‍त कली मार पचशो बाक्‍मे, मेको लोव़ पा मुर आन कली तुइक्‍पतीन।
ISA 19:13 सोआन ङा ठेयब मुरपुकी मूर्ख दुम्‍तेक्‍म। मेम्‍फीस ङा ठेयब मुरपुकीम जोल लोव़ कली थमा सुइक्‍नीम। मिनु मेको आन नेल्‍ल क्‍येङा ठेयब मुरपुकीमी इजीप्‍त ङा मुर आन कली हेंथे लां खोइक्‍पाइक्‍नीम।
ISA 19:14 परमप्रभु यावेमी मेको आन कली ग्रांग्‍ये माग्‍ये पोक्‍तीक सोक्‍तीम प्रिंताक्‍मी। मेकोपुकीम इजीप्‍त रागी कली दुक्‍शो मुर आन मेशो तार गाक्‍शो खोदेंशो सेल्‍तेक्‍म।
ISA 19:15 इजीप्‍त रागी कली सुइमी वारच पने मचाप्‍नीम।
ISA 19:16 मेको नाक्‍ती इजीप्‍त ङा मुर आन थुं मीश मुर आन थुं खोदेंशो दुम्‍ब। मेकोपुकी मुर नेल्‍ल आन परमप्रभु यावेमी आ गुइ क्‍युक्‍शो तशा ख्रिंख्रि पा हिंनीम।
ISA 19:17 इजीप्‍त रागी ङा मुरपुकी यहूदा ङा मुर आन क्‍येङा हिंनीम। मुर नेल्‍ल आन परमप्रभु यावेमी इजीप्‍त रागी कली मार पचशो बाक्‍बा, मेको लोव़ नेंब नेल्‍ल हिंनीम।
ISA 19:18 मिनु मेको नाक्‍त इजीप्‍त रागी ङा ५ ओटा सहरमी कनानी आन लोव़ ब्‍वाक्‍नीम। मिनु सहर ङा मुरपुकीमी, मुर नेल्‍ल आन परमप्रभु यावे आ नेंमी कसम जाइनीम। मेको सहर का आ नें इर-हेरेस बाक्‍ब। इर-हेरेस आ अर्थ नां आ सहर देंसीब।यसैया ६५:१६; येरमीया १२:१६
ISA 19:19 मेको नाक्‍ती इजीप्‍त रागी आ दातेमी परमप्रभु यावे कली चढ़ेतीके का सेल्‍नीम। मिनु मेको आ सांदमी परमप्रभु यावे कली थाम का सेल्‍‍नीम। लेवी २६:१
ISA 19:20 मेको थाम इजीप्‍त रागीमी मुर नेल्‍ल आन परमप्रभु यावे कली मिम्‍तीक चिन्‍ड का दुम्‍ब। मारदे हना मेकोपुकीमी श्‍येत गेचा पुंइसीतीके परमप्रभु यावे कली “वारच पाइक्‍की” दे लोव़ पाइनीम। मिनु परमप्रभु यावेमी मेको आन कली आन श्‍येत रे प्रोंइब का सोइक्‍ब। मेकोमी लडाइ पा मेको आन कली श्‍येत रे प्रोंइब।
ISA 19:21 मिनु परमप्रभु यावेमी आंम कली इजीप्‍त ङा मुर आन ङोंइती तुइक्‍पांइसीब। मिनु मेको नाक्‍त इजीप्‍त ङा मुरपुकीमी परमप्रभु यावे कली थमा सुइक्‍नीम। मिनु मार मार चोशा चढ़ेतीक चढ़ेशा, कबल पा, आन पशो कबल खाप्‍नीम। यसैया ६६:१९
ISA 19:22 परमप्रभु यावेमी इजीप्‍त ङा मुर आन कली तुप्‍ब। मिनु सापाइक्‍ब। मिनु मेकोपुकी परमप्रभु यावे आ नोले खोइक्‍नीम। मिनु मेको आन पुंइशो लोव़ नेंशा। मेको आन कली सापाइक्‍ब।
ISA 19:23 मिनु मेको नाक्‍ती इजीप्‍त रे अस्‍सुर सम्‍म ठेयब लां का दुम्‍ब। मिनु अस्‍सुर रागी ङा मुरपुकी इजीप्‍त जाक्‍नीम। इजीप्‍त ङा मुरपुकी अस्‍सुर लाइ‍नीम। मिनु इजीप्‍त नु अस्‍सुर ङा मुर गारशा परमप्रभु यावे कली ठेयब सेल्‍नीम।
ISA 19:24 मिनु मेको नाक्‍ती इजीप्‍त, अस्‍सुर नु इस्राएल नेल्‍ल क्‍येङा नोले ङा इस्राएल रागी दुम्‍ब। मेको रागी रागी आन दातेमी मेको सांफा आसीक ताइब दुम्‍नीम। ब्‍यवस्‍था ४:२०; रोमी १५:१०
ISA 19:25 मिनु मुर नेल्‍ल आन परमप्रभु यावेमी आसीक गेशा मेको आन कली “आं इजीप्‍त ङा मुर, आं सेल्‍शो अस्‍सुर रागी नु आं योव़शो इस्राएल ङा मुरपुकी आसीक रमल” देंब।
ISA 20:1 मिनु अस्‍सुर ङा पिप सारगोन आ सासनमी आ कप्‍तान लडाइ पथ लशा, अश्‍दोद सहर ग्रा‍त। २राजा १८:१७
ISA 20:2 मेना परमप्रभु यावेमी आमोज आ तौ यसैया कली “इ फेक्‍शो अरन्‍डी नु जुत्ता प्रुतो” देंत। मिनु मोपा यसैया जुत्ता मलिक्‍थु, वा मफेक्‍थु, शिश्रा गाक्‍चा गोप्‍तु।
ISA 20:3 मिनु परमप्रभु यावेमी “आं गेय पाइब यसैया दोपा शिश्रा नु जुत्ता मलिक्‍थु बर्स सां सम्‍म इजीप्‍त नु एथीयोपीयाम चिन्‍ड कोंइचा कली गाक्‍मे,
ISA 20:4 मोपा अस्‍सुर ङा पिपमी इजीप्‍त रागी नु एथीयोपीया ङा मुर आन कली ग्‍याइश्‍शा लाइक्‍ब। ठिटा नु खूशो नेल्‍ल आन कली शिश्रा, जुत्ता मलिक्‍पाइक्‍‍थु नु देल्‍लो तपाइश्‍शा लाइश्‍शा, इजीप्‍त कली मुने तोक्‍ब।
ISA 20:5 मिनु सु सुमी ‘एथीयोपीया ङा मुरुम आंइ कली वारच पाइनीम। इजीप्‍त बोल्‍यो बाक्‍ब’ देंनीमी, मेको नेल्‍ल मुने दोक्‍नीम।
ISA 20:6 मिनु मेको नाक्‍ती समुन्‍द्र आ नेक्‍था बाक्‍ब मुरपुकीमी ‘कोव़ङीन, ङोंइती वारच पा अस्‍सुर नु लडाइ पन, दे ब्रेश्‍शो रागी आस कली अस्‍सुर ङा पिपम ग्‍याइश्‍शा लाइक्‍तु। गो मुल दोपा ब्रोंइचा’ देंनीम” देंत।
ISA 21:1 मिनु परमप्रभु यावेम समुन्‍द्र आ नेक्‍था ङा गोरशो रागी आ पर्बम यसैया कली “नेगेब रे फश पिना पिन बाक्‍ब। मेको गोरशो रागी रे पीब। मेको हिंचा ङा रागी बाक्‍ब।
ISA 21:2 गो हिंचा ङा लोव़ का नेंता। श्‍येत गेबपुकीम श्‍येत ला गेनीम। खतम पोक्‍‍बपुकीमी खतम ला पोक्‍नीमी। एलाम, गे कुवो। गे लशा, मादी रागी ङा मुर पुम्‍दीने। गो मेको आन हुक‍यी पचा तेक्‍नुङ” देंत।
ISA 21:3 मोपतीके आं पोक्‍च ख्रिंख्रि पाइनीम। गो सुत्‍केरी रोइ पशो आल थिचशो मीश मुर खोदेंशो दुम्‍ती। गो राप्‍ने मचाप्‍थु, नेंने नु तने मचाप्‍चा ङा श्‍येत जशो बाक्‍नुङ।
ISA 21:4 गो ग्रांग्‍ये माग्‍ये दुम्‍शो बाक्‍नुङ। आं दाक्‍शो हाम्‍सोमी नाइक्‍चा मलुनु, आं कली ख्रिंख्रि पपाइक्‍ती।
ISA 21:5 मेकोपुकीमी जचा कली ठीक सेल्‍नीम। वा ब्राइनीम। जाइनीम, तूनीम। ए, कप्‍तानपुकी, बोक्‍कीन इन तेक्‍तीक तेल ख्रेक्‍तीन।
ISA 21:6 मारदे हना परमप्रभुमी आं कली “कोव़ब मुर का वोतो। मेकोम मार ताइबा, शोव़ङल।
ISA 21:7 मेकोमी शारा ङोइक्‍ब आन कली जोड जोड पा जाक्‍ना जाक्‍न ताइब, गधा ङोइक्‍ब नु दलओंठ ङोइक्‍ब ताप्‍तु हना, शुश कोव़शा, नोफा दाइश्‍शा नेनल” देंत।
ISA 21:8 मिनु कोव़ब मुरुमी गुप्‍स खोदेंशो पा, ठेयब सेंदा पा “परमप्रभु, गो नाक्‍दो नाक्‍ती खाल पतीकेमी खाल पा राप्‍शा बाक्‍शो बाक्‍नुङ।
ISA 21:9 कोव़ङीन, शारा ङोइक्‍ब जोर जोर पा जाक्‍ना जाक्‍न बाक्‍नीम” देंत। मिनु मेकोमी “बेबीलोन ब्रुत। मेको आन देवी देवता आन मूर्ति नेल्‍ले खपीम ताइक्‍चा पुंइसाक्‍म” देंत। प्रकाश १८:२
ISA 21:10 गे आं तुप्‍शो नु क्राप्‍शो रागी ङा मुरपुकी, मुर नेल्‍ल आन परमप्रभु यावे, इस्राएली आन परमप्रभु रे नेंशो लोव़ गो इन कली देंती।
ISA 21:11 मिनु परमप्रभु यावेमी दुमा आ पर्बम यसैया कली ब्‍यवस्‍था २:५
ISA 21:12 गो सेइर रे सेंदा का नेंता। मेको सेंदामी “ए, खाल पाइब मुर, नाक्‍दो दोशो दुम्‍मे? दोशो लीमे? ए, खाल पाइब नाक्‍दो दोशो दुम्‍मे? दोशो लीमे?” देंत। मिनु खाल पाइबमी “नां सोव़ब, मिनु नां रिक्‍ब। मारेइ हिल्‍लो पचा बाक्‍त हना, आं बाक्‍तीक जाक्‍कीन। मिनु हिल्‍लो पयीनी” देंत।
ISA 21:13 मिनु परमप्रभु यावेमी गोरशो रागी आ यसैया कली “ए, अराब रागी ङा मुरपुकी गे अराब ङा मुर मबाक्‍तीकेमी बाक्‍स बाक्‍चा माल्‍नीनी। गे दलओंठ ङोइश्‍शा देदान आ थर ङा ग्‍याप्‍ब लेयब पिने।
ISA 21:14 तेमा रागी ङा मुरपुकी, ब्‍वाक्‍कु तूतू दाक्‍ब आन कली ब्‍वाक्‍कु चाक्‍कीन। प्रोक्‍शा जाक्‍ब आन कली शोब्‍ले कुर‍शा, ग्रुम्‍थ लने।
ISA 21:15 मारदे हना मेकोपुकी शोइश्‍शो तरवार, खुक्‍शो लिब्रा नु ठेयब लडाइ रे ब्रोंइशा जाक्‍शो बाक्‍नीम” देंत।
ISA 21:16 मिनु परमप्रभुमी आं कली “गाल्‍च ताइबम आ बर्स हिक्‍शो खोदेंशो पा बर्स का नोले केदार आ दारस नेल्‍ल जाम्‍ब। यसैया १६:१४
ISA 21:17 मिनु केदार ङा लडाइ पाइब लिब्रा आप्‍ब मुर का निक्‍शी ला लीनीम। मारदे हना एको परमप्रभु यावे, इस्राएली आन परमप्रभु आ देंशो लोव़ बाक्‍ब” देंत।
ISA 22:1 मिनु परमप्रभु यावेमी कोंइतीक बेंसी आ पर्बम यसैया कली “गे नेल्‍ल मार दुम्‍नी ङा मीन, नेल्‍ल इन खिं तार ङोंइसीनी?
ISA 22:2 गे, ग्रांग्‍ये माग्‍ये नु रेयकेम ब्रीशो सहर, इ बेक्‍शो मुरपुकी तरवारम क्‍योरशा साइश्‍शो मनम। लडाइम साइश्‍शो यो मनम।
ISA 22:3 इ सासन पाइब कालेम प्रोक्‍तेक्‍म। लिब्रा मआप्‍थु ग्‍याइक्‍चा पुंइसाक्‍म। ङोंइती सु सु ङोन प्रोक्‍तेक्‍म हना यो, मेको कालेम ग्‍याइक्‍चा पुंइसाक्‍म।
ISA 22:4 मोपतीके गो आं कली मकोव़यीनी। गो हुइ हुइ पा ङाक्‍नुङ। आं कली लेम्‍चा थुं मपने। मारदे हना आं दाक्‍शो मुर खतम दुम्‍तेक्‍म” देंत। येरमीया ८:२३
ISA 22:5 मिनु नाक्‍त काम परमप्रभु, मुर नेल्‍ल आन परमप्रभु यावेमी कोंइतीक बेंसीम दिम्‍शा ताइश्‍शा नु ग्रांग्‍ये माग्‍ये पपाइक्‍ब। गारो प्रेश्‍शो डांडा सम्‍म “वारच पने” दे वाइ ब्रेश्‍शो सेंदा नेंसीब।
ISA 22:6 एलाममी ब्रा कुरतीके कुरतु। मुरपुकी बग्‍गी ङोइश्‍शा गाक्‍चा गोम्‍तेक्‍म। कीर सहर ङा मुरपुकीमी तेक्‍तीके शोल्‍तेक्‍म।
ISA 22:7 इ रिम्‍शो बेंसी बग्‍गीम ब्रीशो बाक्‍नीम। शारा ङोइक्‍ब सहर ङा ठेयब लाप्‍चो आ ङोंइती ठीक दुम्‍शो बाक्‍नीम।
ISA 22:8 परमप्रभुमी यहूदा आ सुम्‍तीके हुक्‍तु। मेको नाक्‍ती गेपुकी पिप आ या वोइक्‍तीके, ब्‍वाकी ङा खिं मिम्‍ताक्‍नी।
ISA 22:9 मिनु गेपुकीमी दाऊद आ सहर ङा खिं शुश रेक्‍शो ताइतीनी। मिनु आइदी दोम्‍ली ङा ब्‍वाक्‍कु ताप्‍तीनी। यसैया ७:३
ISA 22:10 मिनु गे यरूसलेम ङा खिं हिक्‍शा, प्रेश्‍शा, सहर ङा गारो बोल्‍यो सेल्‍तीनी। येरमीया ३३:४
ISA 22:11 मिनु गे सहर ङा गारो निक्‍शी आस दातेमी माइत दोम्‍ली ङा ब्‍वाक्‍कु तेम्‍तीनी। तन्‍न इन कली मोदेंशो पपाइक्‍ब कली ममिम्‍तीनी। ङोंइती रे नेल्‍ल सेल्‍ब कली चहिं मान मपनी।
ISA 22:12 मेको नाक्‍ती परमप्रभु, मुर नेल्‍ल आन परमप्रभु यावेमी ङाक्‍चा, रोंका पचा, चां ख्रोइक्‍चा नु अरन्‍डी फेक्‍पाइक्‍चा कली इन कली ब्रेत्‍ताक्‍व। आमोस ८:१०
ISA 22:13 तन्‍न गेपुकीमी ग्‍येरशा, ब्‍यफ नु भेडा क्‍योरशा, ब्‍वशा, अङगुर शांबु तूशा “लो, जय ब्‍वय, तूय, मारदे हना दीसा बेक्‍नय” देंतीनी। १कोरिन्‍थी १५:३२
ISA 22:14 मुर नेल्‍ल आन परमप्रभु यावेमी आं कली “मेको इन मरिम्‍शो पशो मबेक्‍नी सम्‍म लीब” दे परमप्रभु, मुर नेल्‍ल आन परमप्रभु यावेमी देंत।
ISA 22:15 मिनु परमप्रभु, मुर नेल्‍ल आन परमप्रभु यावेमी “गे खिं नेल्‍ल कली कोव़ब शेब्‍ना आ बाक्‍तीकेम लावो। यसैया ३६:३
ISA 22:16 मिनु मेको कली ‘गे मार पना पन बाक्‍नीनी? गे इ के एकेर मार बाक्‍बा ङा। एकेर इ मुर सु बाक्‍नीमी। मारदे डांडामी तुरस मुपदी? मारदे सेरथे फुल्‍लु आगाम मुर बाक्‍तीके सेल्‍नी?’ देंत
ISA 22:17 परमप्रभु यावेमी इन कली एक रे मरिम्‍शो पा ङोन ताइक्‍ब। इन कली बोल्‍यो पा ग्‍याइक्‍ब।
ISA 22:18 इ कली हिरशा हुरद आप्‍शो खोदेंशो पा ठेयब रागीमी ताइक्‍ब। मिनु गे मेक उइ बेक्‍नेवे। इ दारशो बग्‍गी यो मेक उइ लीनीम। गे इ होव़प आ खिं कली मुने तोक्‍ब बाक्‍नेवे
ISA 22:19 गो इ कली इ गेय रे ग्रुंइशा, आइक्‍च सेल्‍नन।
ISA 22:20 मेको नाक्‍ती गो हिल्‍कीयाह आ तौ आं गेय पाइब एल्‍याकीम कली ब्रेत्‍नुङ।
ISA 22:21 मिनु गो मेको कली इ वा फेक्‍पाइक्‍नुङ। इ किप्‍शुर किप्‍पाइक्‍नुङ। मिनु इ अधिकार मेको कली गेनुङ। मिनु मेको यरूसलेम नु यहूदा ङा मुर आन आफ दुम्‍ब। उत्‍पत्ती ४५:८
ISA 22:22 गो दाऊद आ खिं ङा सांचो मेको कली गेनुङ। मेकोमी रोक्‍ब, सुइम मचोक्‍नीम। मेकोमी चोक्‍ब सुइम मरोक्‍नीम। प्रकाश ३:७
ISA 22:23 मिनु गो मेको कली किला खोदेंशो पा सारो खपीम ग्रुक्‍नुङ। मेको आ किकी पिपी आन खिं ङा मान पाइक्‍चा पुंइसीब दुम्‍ब।
ISA 22:24 मिनु आ आफ आ खिं ङा ठेयब मुर नु आल चच युइ नेल्‍ले मेको आ अधिकारम बाक्‍नीम। खिं ङा बोस नेल्‍ल मेको आ अधिकारम बाक्‍नीम” देंत।
ISA 22:25 मेको नाक्‍ती मुर नेल्‍ल आन परमप्रभु यावेमी “मेको सारो खपीम ग्रुक्‍शो किला हिम्‍पाइक्‍ब। मेको कली क्‍योरशा ताइक्‍नीम। मिनु आ पतीक अधिकार नेल्‍ल जाम्‍ब” दे परमप्रभु यावेमी देंत।
ISA 23:1 मिनु परमप्रभु यावेमी टायर आ पर्बम यसैया कली “गे, टारसीस ङा जहाजपुकी रोंका पने। मारदे हना टायर खतम दुम्‍शो बाक्‍ब। मेकेर खिं नु जहाज नाइक्‍तीके मलीब। साइप्रस टापु रे जाक्‍ब आन कली नेंपाइश्‍शो बाक्‍तेक्‍म। इजीकीएल २७:१२
ISA 23:2 समुन्‍द्र आ नेक्‍था बाक्‍बपुकी रोंका पने। गे सीदोन ङा ग्‍याप्‍ब लेयबपुकी इन मुर समुन्‍द्र शोक्‍साक्‍म।
ISA 23:3 इन मुर ठेयब ब्‍वाक्‍कु शोक्‍शा, लशो बाक्‍तेक्‍म। शीहोरम शोक्‍शो अन्‍न नु नील खोला आ एर ओंथ खुप्‍शो इन ग्‍याप्‍तीक लेयतीक बाक्‍त। मिनु गे रागी रागी ङा मुर आन ग्‍याप्‍ब लेयब बाक्‍तीनी।
ISA 23:4 सीदोन, गे मुने पावो। मारदे हना समुन्‍द्र ङा बोल्‍यो टायर सहरमी ‘गो सुत्‍केरी रोइ मपङ। गो आल मथिङ। गो वोंइश आल नु मीश आल आन कली मथुलु’ देंतीनी।
ISA 23:5 इजीप्‍त रागीम टायर आ पर्बम लोव़ जाक्‍दीम्‍मेनु, मेकेर ङा मुर हिंनीम।
ISA 23:6 गेपुकी टारशीश शोक्‍शा, लने। समुन्‍द्र आ नेक्‍था बाक्‍ब मुरपुकी रोंका पने।
ISA 23:7 मार, मेको इन ठेयब सहर बाक्‍बा ङा? मेको साइ ङोंइती रेन बाक्‍शो सहर बाक्‍त। मेकेर ङा ग्‍याप्‍ब लेयब मुरपुकी ङोन ङोन सम्‍म लाम्‍तेक्‍म।
ISA 23:8 सुमी टायर कली मोदेंशो पचा मिम्‍ता? ङोंइती टायर सिरपेच योक्‍ब बाक्‍त। आ ग्‍याप्‍ब लेयब मुर पिप आ तौ खोदेंशो बाक्‍तेक्‍म। आ ग्‍याप्‍ब लेयबपुकी रागीम मान पाइक्‍चा पुंइसीब बाक्‍तेक्‍म।
ISA 23:9 मिनु मुर नेल्‍ल आन परमप्रभु यावेमी मेको मिम्‍ताक्‍व। आ शुश दारस आ पर्बम ठेयब लेत्‍तीके खतम सेल्‍चा नु आ मान पाइक्‍चा पुंइसीब आन कली मुने तोक्‍चा कली मिम्‍ताक्‍व।
ISA 23:10 टारशीश ङा जहाजपुकी इन रागी लने। मुल रे मेकेर जहाज नाइक्‍तीके मबाक्‍ब। इजीकीएल २७:१२
ISA 23:11 परमप्रभु आ गुइ समुन्‍द्र तार दिंशो बाक्‍ब। मिनु राज्‍य राज्‍य आन कली हिम्‍पाइश्‍शो बाक्‍ब। परमप्रभु यावेमी कनान रागी ङा बोल्‍यो दरवार आन कली खतम सेल्‍चा” दे अरेशो बाक्‍ब।
ISA 23:12 मिनु मेकोमी “गे दिप्चा पुंइसी‍शो कन्‍ने तमी सीदोन, मुल रे ठेयब लेश्‍शो मबाक्‍नेवे। बोक्‍को, साइप्रस टापु गे लावो। गे मेकेर यो इ थुं नाइश्‍शा बाक्‍चा मताइनेवे” देंत।
ISA 23:13 कल्‍दी ङा मुर आन रागी कोव़ङीन। अस्‍सुरम ममाइ, कल्‍दीपुकीम सहर नेल्‍ल मुर मबाक्‍तीके सेल्‍तेक्‍म। मेको टायर सहर ब्‍वाकी ङा जन्‍तु आन बाक्‍तीक सेल्‍तेक्‍म। मेको सहर पुम्‍चा कली लाइश्‍शो खिं सेल्‍तेक्‍म। सहर ङा दरवार प्रेत्‍तेक्‍म। सहर नेल्‍ल खतम सेल्‍‍तेक्‍म।
ISA 23:14 टारशीश ङा जहाजपुकी रोंका पने। मारदे हना इन बोल्‍यो दुम्‍तीके प्रेत्‍‍तेक्‍म।
ISA 23:15 मिनु नोले टायर ७० बर्स, पिप का आ ब्रोंइतीके बर्स खोदेंशो, मदुम्‍म सम्‍म प्रेंचा पुंइसीब। मिनु मेको ७० बर्स नोले टायर सहर तेल्‍लेम आ कुम्‍सो देंशो खोदेंशो दुम्‍ब।
ISA 23:16 गे प्रेंसीशो तेल्‍लेम, इ बीना रिम्‍शो पा ताप्‍शा, सहरम हिरसो। शुश कुम्‍सो पावो। मिनु इ कली फ्रुक्‍नीमी कों?
ISA 23:17 मिनु ७० बर्स नोले परमप्रभु यावेमी टायर सहर कली मिम्‍ब। मिनु मेकोम लेंशा आ तेल्‍लेम पशो ङा क्‍येट ताइब। मिनु मेकोमी तेको तेको रागी ङा राज्‍य ङा पिपपुकी नु तेल्‍लेम पाइब।
ISA 23:18 मिनु आ तेल्‍लेम पा चेम्‍शो क्‍येट परमप्रभु यावे के दुम्‍ब। मेको क्‍येट महेंनीम। आ चेम्‍शो क्‍येट परमप्रभु यावे आ ङोंइती बाक्‍ब। मेको क्‍येट मुर आन कली जचा फेक्‍चा कली गेनीम।
ISA 24:1 परमप्रभु यावेमी रागी नेल्‍ल मुर मबाक्‍तीक सेल्‍ब। नेल्‍ल श्‍येत्‍थ सेल्‍ब। रागी कली ग्‍येत्‍थ लुक्‍च पा मेकेर ङा मुर नेल्‍ल आन कली ब्रपाइक्‍ब।
ISA 24:2 मुर आन कली दोदेंशो दुम्‍बा, चढ़ेब आन कली यो मोदेंशो दुम्‍ब। वाइल आन कली दोदेंशो दुम्‍बा, आन होव़प आन कली यो मोदेंशो दुम्‍ब। वाइलीम आन कली दोदेंशो दुम्‍बा, आन होव़पोक्‍म आन कली यो मोदेंशो दुम्‍ब। ग्‍याप्‍ब आन कली दोदेंशो दुम्‍बा, लेयब आन कली यो मोदेंशो दुम्‍ब। जेर थुइक्‍ब आन कली दोदेंशो दुम्‍बा, जेर गेब आन कली यो मोदेंशो दुम्‍ब।
ISA 24:3 रागी थमा पा श्‍येत्‍थ नु मुर मबाक्‍तीके दुम्‍ब। मारदे हना मेको परमप्रभु यावे आ देंशो लोव़ बाक्‍ब।
ISA 24:4 रागी फू खोदेंशो पा सोल सुल बेक्‍ब। रागी नेल्‍ले मोदेंशो दुम्‍नीम। रागी ङा मान पाइक्‍चा पुंइसीब नेल्‍ल बेक्‍नीम।
ISA 24:5 रागीम बाक्‍ब मुरपुकीमी रागी कली खतम सेल्‍नीम। मारदे हना मेकोपुकीमी परमप्रभु यावे आ अरेशो मटीम। परमप्रभु आ फुल्‍लुम मुशा ब्रेक्‍शो लोव़ कली ममिम्‍तेम। आ गेना हना यो लीब कबल पशो मखबेम।
ISA 24:6 मोपतीके सरापमी रागी कली खतम सेल्‍शो बाक्‍ब। मिनु मेकेर बाक्‍ब आन पापम पतीके श्‍येत जाइ‍नीम। का निक्‍शी ला लीनीम।
ISA 24:7 अङगुर शांबु ग्‍युरब। अङगुर बोट सोव़नीम। ङोंइती ग्‍येरसीशा बाक्‍ब मुर नेल्‍ल हुकयी पाइनीम।
ISA 24:8 बाजा ताप्‍ब आन ग्‍येरशो रेयके मनेंसीब। ग्‍येरशो मुर आन सेंदा मलीब। बीना ताप्ब आन रेयके जाम्‍ब।
ISA 24:9 मुल रे अङगुर शांबु तूङमेनु, कुम्‍सो मपाइनीम। राकसी तूब आन कली राकसी काइब।
ISA 24:10 मेको ग्रांग्‍ये माग्‍ये सहर खतम दुम्‍ब। मेको खिं ङा लाप्‍चो नेल्‍ल चोक्‍सीशा, सुइ ओव़ने मचाप्‍नीम।
ISA 24:11 लां गाक्‍ब मुरपुकी अङगुर शांबु मबाक्‍तीके सुर्ता पाइनीम। ग्‍येरसीतीके नेल्‍ल नुप्‍ब। रागी ङा ग्‍येरसीतीके जाम्‍त।
ISA 24:12 सहर मुर मबाक्‍तीक दुम्‍शा, आ गारो ङा ठेयब लाप्‍चो ब्रेत्‍तेक्‍म।
ISA 24:13 मोदेंशो रागी नु रागी रागी ङा मुर आन कली दुम्‍चा माल्‍ब। तेल रवा आन फल थेप्‍शा नु अङगुर सेक्‍शा यो सीला लीशो खोदेंशो पा रागी नेल्‍ल मोदेंशो दुम्‍चा माल्‍ब।
ISA 24:14 मिनु मेको लीशो मुरपुकी ग्‍येरशा ठेयब सेंदा पा “परमप्रभु यावे ठेयब बाक्‍ब” दे पच्‍छिम रे कुम्‍सो पाइनीम।
ISA 24:15 मोपतीके पूर्ब ङा मुर “परमप्रभु यावे ठेयब बाक्‍ब” दे मेको कली ठेयब सेलीन। समुन्‍द्र आ नेक्‍था बाक्‍ब आन कली “परमप्रभु यावे, इस्राएली आन परमप्रभु आ नें कली मान पने” देंमानु, मेको कली मान पाइनीम।
ISA 24:16 गो रागी आ सुर रे परमप्रभु कली ठेयब सेल्‍तीक कुम्‍सो पशो नेंतय। ठीक पाइब, परमप्रभु कली ठेयब सेल्‍तीक कुम्‍सो बाक्‍नीम। तन्‍न गो शुश श्‍येत जाइब दुम्‍ती। आबी, गो श्‍येत जाइब दुम्‍ती। मारदे हना दूली पाइबम, मुल सम्‍म दूली पाइनीम। मिनु मेको क्‍येङा यो दूली पाइनीम।
ISA 24:17 गे रागी ङा मुरपुकी, इन ङोंइती शुश हिंचा ङा बाक्‍ब। इन ङोंइती बिक्‍तीके नु ब्‍वारद बाक्‍नीम।
ISA 24:18 मिनु सु सु शुश हिंचा ङा रेयके नेंशा प्रोक्‍नीमी, मेको बिक्‍तीकेम बिक्‍नीम। सु सु बिक्‍तीके रे ग्रूनीमी, मेको ब्‍वारदम रेत्‍नीम। मारदे हना सरीङ ङा झेल रोक्‍सीशो बाक्‍नीम। मिनु रागी आ जग हिम्‍सीशो बाक्‍ब। येरमीया ४८:४३-४४; आमोस ५:१९; उत्‍पत्ती ७:११
ISA 24:19 मिनु रागी एश्‍शा, ब्रोल्‍ब। ख्रिनुम हिम्‍सीब। २पत्रुस ३:१०
ISA 24:20 रागी अङगुर शांबुम दुक्‍शो मुर खोदेंशो पा एर ओंथ हिम्‍सीब। ख्रिनुम हिम्‍शो कटेरा खोदेंशो पा हिम्‍सीब। मुर आन हेंथे पतीकेमी मेको मोदेंशो सेल्‍तु। मिनु रागी गेनायो मबोक्‍चा ङा पा गोल्‍ब।
ISA 24:21 मेको नाक्‍ती परमप्रभु यावेमी स्‍वर्गम बाक्‍ब सक्ति पाइश्‍शो आन कली सजाइ गेब। मिनु रागी कली सासन पाइब पिप आन कली सजाइ गेब। दानीएल १०:१३; येरमीया ४६:२५
ISA 24:22 जेल्‍खानम खुम्‍सीशो मुर खोदेंशो पा बिक्‍तीकेमी खुम्‍सीचा पुंइसीनीम। मेको जेल्खानम चोक्‍चा पुंइसीशा, शुश नाक्‍त नोले सजाइ ताइनीम।
ISA 24:23 मेना तास्‍ला लल जीब, नां आ छेङछेङ जाम्‍ब। मारदे हना मुर नेल्‍ल आन परमप्रभु यावेमी सियोन डांडा नु यरूसलेमम सासन पाइब। खाल्‍पा आन ङोंइती आ छेङछेङ कोंइब।
ISA 25:1 परमप्रभु यावे, आं परमप्रभु बाक्‍नीनी। गो इन कली मान पशा, इन नें ठेयब बाक्‍ब, दे कुम्‍सो पाइनुङ। मारदे हना गे छक लाक्‍चा ङा गेय पाइतीनी। इन ङोंइती मिम्‍शो मप्रोंइथु, थमा पा थुम्‍तीनी।
ISA 25:2 मारदे हना गे सहर कली फुल्‍लु तेल्‍तीके खोदेंशो सेल्‍तीनी। गारो हिरशो सहर कली प्रेत्‍तीनी। अर्को रागी ङा मुर आन दरवार मुल मली। मिनु मेको गेनायो मसेल्‍नीम।
ISA 25:3 मोपतीके बोल्‍यो मुरपुकीम इन कली मान पाइनीम। बोल्‍यो राज्‍यपुकी इन क्‍येङा हिंनीम।
ISA 25:4 मारदे हना गे प्रुङग नु मारेइ मथीब आन कली वारच पाइब बाक्‍तीनी। फश गिवार पवानु, फाम्‍सीतीके नु नां पवानु, सितल थेरतीके बाक्‍तीनी। मारदे हना मेको शिशी मपाइक्‍ब आन गाइक्‍चा, फश गिवार गारोम थोक्‍सीशो खोदेंशो बाक्‍ब। यसैया ४:६
ISA 25:5 सोव़शो रागीमी नांम नाप्‍पाइश्‍शो खोदेंशो पा, अर्को रागी ङा मुर आन रेयके पतीक साम्‍तीनी। नां कली गोस्‍सुम सुम्‍शो खोदेंशो पा, शिशी मपाइब आन ग्राशा ग्‍येरशा पतीके कुम्‍सो तेक्‍तीनी।
ISA 25:6 मिनु मुर नेल्‍ल आन परमप्रभु यावेमी सियोन डांडामी रागी नेल्‍ल ङा मुर आन कली थम ठेयब भोज का सेल्‍ब। ब्रोव़शो नु चोक्‍शो अङगुर शांबु नु ब्रोव़शो जचा थोव़क के भोज गेब। मत्ती २२:२-४
ISA 25:7 मिनु मेकोमी मेको डांडामी जात जात ङा मुर आन थुं ङा सुम्‍तीके हुक्‍ब। रागी रागी ङा मुर आन सुम्‍तीके हुक्‍ब। मेना मेकोमी मुर आन कली मबेक्‍पाइक्‍ब।
ISA 25:8 मेना परमप्रभु, परमप्रभु यावेमी मुर नेल्‍ल आन प्रेक्‍कु फिक्‍ब। आ मुर आन कली मदाक्‍तीके रागी नेल्‍ल रे ग्रुंइब। मारदे हना परमप्रभु यावेमी मेको लोव़ पाप्‍तु। १कोरिन्‍थी १५:५५; प्रकाश ७:१७
ISA 25:9 मिनु मेको नाक्‍ती मुरपुकीमी “कोव़ङीन, मेको आंइ परमप्रभु बाक्‍ब। गो मेको आ लां कोव़तक। मिनु मेकोम आंइ कली श्‍येत रे प्रोंइतु। मेको आंइ रिम्‍शा बाक्‍शो परमप्रभु यावे बाक्‍ब। गोपुकी आ प्रोंइशो तशा ग्‍येरसाक्‍क। भजन संग्रह ४८:१५
ISA 25:10 मारदे हना परमप्रभु यावे आ गुइ मेको डांडा तार बाक्‍ब। मिनु मोआब रागी ङा मुर आन बाक्‍तीके दिम्‍चा पुंइसीनीम। मेको नेल्‍ल मोव़ल वोइक्‍तीके खोदेंशो पा दिम्‍चा पुंइसीनीम।
ISA 25:11 मिनु दोपा दोम्‍ली ग्‍यारब मुरपुकीमी आन गुइ दिंनीमी, मोपा मेकोपुकीमी आन गुइ दिंनीम। मिनु परमप्रभुमी मेको आन ठेयब लेश्‍शो नु आन सक्ति आइक्‍च सेल्‍ब।
ISA 25:12 मिनु आ बोल्‍यो नु लाइश्‍शो गारो प्रेश्‍शा, आइक्‍च सेल्‍शा, खप नु उइक्‍थ सेल्‍ब। मिनु फुरक दुम्‍पाइक्‍ब” देंनीम।
ISA 26:1 मेको नाक्‍ती यहूदा रागी ङा मुरपुकीम मार कुम्‍सो पाइनीम देंशा हना “आंइ सहर बोल्‍यो बाक्‍ब। परमप्रभुमी आंइ कली ग्राचा गेब। लडाइ पाइब आन कली ओव़ने मचाप्‍तीके गारो हिरब।
ISA 26:2 मेको सहर ङा गारो ङा लाप्‍चो रोक्‍कीन। ठीक पाइब नु परमप्रभु यावे कली थमा सुइक्‍चा मप्रोंइब ओव़ने चाप्‍मेक्‍ल। भजन संग्रह ११८:२०
ISA 26:3 गे ग्‍येत्‍थ लुक्‍च मदुम्‍ब थुं पाइश्‍शो मुर आन कली थुं नाइक्‍चा गेनीनी। मारदे हना मेकोपुकी इन कली थमा सुइक्‍ब बाक्‍नीम।
ISA 26:4 गे परमप्रभु यावे कली गेना हना यो थमा सुतीन। मारदे हना परमप्रभु यावे गेना हना यो बाक्‍ब, सेरथे फुल्‍लु का बाक्‍ब। ब्‍यवस्‍था ३२:४
ISA 26:5 मारदे हना मेकोमी ठेयब लेश्‍शो मुर ब्रेम्‍पाइक्‍तु। आन सहर कली आइक्‍च सेल्‍शा, खपीम वोइश्‍शा, फुरक नु उइक्‍थ सेल्‍तु।
ISA 26:6 मुरपुकीम मेको कली दिम्‍नीम। प्रुङग मुरपुकीमी मेको कली दिम्‍नीम। क्‍येट मथीबम यो मेको कली दिम्‍नीम।
ISA 26:7 ठीक निसाफ पाइब आ लां ग्‍येत्‍थ बाक्‍ब। गे ठीक पाइब आ लां थेल्‍तीनी।
ISA 26:8 परमप्रभु यावे, गो इन निसाफ पतीके कली रिम्‍नीकी। आंइ थुं नेल्‍लेमी इन नें नु इन कली मिम्‍शा बाक्‍नीकी।
ISA 26:9 गो नाक्‍दो इन कली शुश मिम्‍नुङ। गो आं थुंमी इन कली माल्‍ना माल्‍न बाक्‍नुङ। मारदे हना गे रागी ङा मुर आन कली निसाफ पाइतीनी हना, रागीम बाक्‍बपुकीमी ठीक पतीके शेंसीनीम। भजन संग्रह ६३:७
ISA 26:10 परमप्रभु यावे आ अरेशो लोव़ मटीब मुरपुकीमी शिशी ताम्‍तेक्‍म हना यो, ठीक पतीके मशेंसीनीम। मेकोपुकीम ठीक पाइब आन रागीमी दूली पाइनीम। मिनु परमप्रभु यावे कली मान मपाइनीम।
ISA 26:11 परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२
ISA 26:12 परमप्रभु यावे, गे आंइ कली थुं नाइक्‍चा गेनीनी। मारदे हना मार रिम्‍शो पका, मेको नेल्‍ल इन रे पा पिशो बाक्‍ब। यसैया ९:६
ISA 26:13 आंइ परमप्रभु यावे अरु ठेयब मुरुम आंइ कली हुकुम पाम्‍तेक्‍म। तन्‍न गे का ला आंइ कली अरेब बाक्‍नीनी।
ISA 26:14 बेक्‍शो मुर मब्रोंइनीम। वांकु मबोक्‍नीम। मारदे हना गे मेको आन कली साइश्‍शा, मेको आन कली मिम्‍तीक यो क्‍याम्‍ताक्‍नी।
ISA 26:15 तन्‍न गे रागी ङा मुर आन कली सोपाइश्‍शा बोपाइश्‍शा शुश सेल्‍तीनी। गे मान ताइब बाक्‍नीनी। गे मेको रागी कली ठेयब सेल्‍तीनी।
ISA 26:16 परमप्रभु यावे, मेको मुरपुकीमी श्‍येत जशा, इन कली माल्‍तेक्‍म। इन गेशो सजाइ तशा, आइक्‍च सेंदाम इन कली पुंइतेक्‍म। होसे ५:१५
ISA 26:17 दोपा आल थिचा चिक्‍शो मीश मुरुम आ आल थिची ना वाइ ब्रेश्‍शा, रोम्‍सीबा, मोपा परमप्रभु यावे, गो इन ङोंइती बाक्‍तक। यूहन्‍ना १७:२१; प्रकाश १२:२
ISA 26:18 मिनु गोपुकी यो कोव़ज कुरशा रोम्‍साक्‍क। तन्‍न फश ला थीतक। गोपुकी आंइ रागी कली प्रोंइने मचाप्‍क। मिनु आल थिशा यो शुश दुम्‍ने मचाप्‍क।
ISA 26:19 इन बेक्‍शो मुरपुकी लेंशा ब्रोंइनीम। आन बेक्‍शो रां सेंसीनीम। गे फुरकुम बाक्‍बपुकी, बोक्‍कीन। ग्‍येरसीशा कुम्‍सो पने। मारदे हना इन सुनी ङा सीत छेङछेङम ब्रशो बाक्‍ब। मिनु रागीमी शुश ङोंइती बेक्‍शो मुर आन कली ग्रुंइब। इजीकीएल ३७:१-१४; मत्ती २७:५२-५३
ISA 26:20 आं मुरपुकी जाक्‍शा, इन खिं ओव़ङीन। मिनु इन नोले लाप्‍चो चोक्‍कीन। गाइक्‍चा मनुम्म सम्‍म इच्‍का नाक्‍ती ख्रुंइ‍सीन। मत्ती ६:६
ISA 26:21 मारदे हना परमप्रभु यावे आ बाक्‍तीके रे जाक्‍ब। मिनु रागीम बाक्‍ब मरिम्‍शो पाइब आन कली सजाइ गेब। मिनु रागी तार देम्‍शो हुश नु साइश्‍शो मुर नेल्‍ल मख्रुइक्‍थु कोंइब” दे कुम्‍सो पाइनीम। उत्‍पत्ती ४:१०-११; प्रकाश १८:२४
ISA 27:1 मेको नाक्‍ती परमप्रभु यावेमी आ हिंचा ङा, ठेयब नु सक्ति पाइश्‍शो तरवारमी खेदा पना पन लेव्‍याथन माइश्‍शो बुस्‍स कली सजाइ गेब। ग्रेशा गाक्‍ब बुस्‍स लेव्‍याथन नु समुन्‍द्रम बाक्‍ब ठेयब जन्‍तु कली साइक्‍ब। भजन संग्रह ७४:१४
ISA 27:2 मिनु मेको नाक्‍ती “नेल्‍ल क्‍येङा रिम्‍शो अङगुर रू का बाक्‍ब” दे कुम्‍सो पने। यसैया ५:१-७
ISA 27:3 गो, परमप्रभु यावेमी मेको कली गेना हना यो कोव़शा, ब्‍वाक्‍कु लुक्‍नुङ। मरिम्‍शो मदुम्‍ल, दे गो मेको कली नाक्‍दो नाक्‍ती कोव़नुङ।
ISA 27:4 गो मगाइक्‍नुङ। चू चोंक वाम हना, गो मेको आन कली लडाइ तोशो खोदेंशो पा, तुल्‍शा चोङमी वा।
ISA 27:5 मोदेंशो मदुम्‍त हना, मेको गो नु गारशा, आं कली वारच सेल्‍ब। आं कली वारच सेल्‍ब।
ISA 27:6 मिनु नोले ङा नाक्‍तीमी याकूबम आ शाक्‍श थोक्‍ब। इस्राएल फू बोइश्‍शा, नक राशी दाप्‍ब। मिनु रागी नेल्‍ल मेको आन फल फुलमी ब्रीब।
ISA 27:7 मार, परमप्रभुमी आ कली तुप्‍ब आन कली तुप्‍शो खोदेंशो पा मेको आन कली यो तुप्‍बा? परमप्रभुम आ कली साइक्‍ब आन कली साइश्‍शो खोदेंशो पा मेको यो साइक्‍चा पुंइसमा? येरमीया ३०:११
ISA 27:8 ग्‍याइश्‍शा लाइक्‍चा पुंइसीशो रागी रे ग्रुंइशो मुर नु लडाइ पाइतीनी। परमप्रभुमी मेको आन कली मुइश्‍शा, पूर्ब ङा फश पवानु, ठेयब फश गिवारमी योल्‍पाइक्‍ब।
ISA 27:9 मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०
ISA 27:10 मारदे हना गारो हिरशो सहर मुर मबाक्‍तीके दुम्‍त। मेकेर गोरशो रागी खोदेंशो पा मुर मबाक्‍नीम। मेकेर बाछा जोशा नांइ‍सीनीम। मिनु आ राशी ब्‍वाइनीम।
ISA 27:11 मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८
ISA 27:12 मिनु मेको नाक्‍ती परमप्रभु यावेमी युफ्रेटीस खोला रे इजीप्‍त ङा ब्‍वाक्‍कु मबाक्‍शो खोला सम्‍म अन्‍न तुप्‍ब। गे इस्राएल ङा मुरपुकी का का पा खुप्‍चा पुंइसीनीनी।
ISA 27:13 मेको नाक्‍ती ठेयब तुराही का ग्रीब। मिनु अस्‍सुर रागीम जाम्‍शो नु इजीप्‍त रागीम खेदा पचा पुंइसीशो मुरपुकी जाक्‍नीम। मिनु यरूसलेम ङा परमप्रभु यावे आ डांडामी आ कली ठेयब सेल्‍नीम। यसैया ११:११-१२; योएल ३:५
ISA 28:1 आबी, गे एफ्राइम ङा दुक्‍शो ठेयब लेश्‍शो मुरपुकी, इन दारस फू खोदेंशो पा बेक्‍ब। मेकेर ब्रोव़शो जाइब नु दुक्‍शो मुर ला बाक्‍नीम। अङगुर शांबुम मेको आन कली नेक्‍शो बाक्‍ब।
ISA 28:2 कोव़ङीन, परमप्रभु नु बोल्‍यो नु सक्ति पाइश्‍शो का बाक्‍ब। मेको मुप्‍स ब्‍वांइसीशो फश गिवार खोदेंशो बाक्‍ब। शुश रेउ ब्‍वांइसीशो फश गिवार खोदेंशो बाक्‍ब। परमप्रभुमी मेको कली रागी तार तोक्‍ब। २राजा १७:५-६
ISA 28:3 एफ्राइम ङा दुक्‍शो मुर आन दारशो माला कली दिम्‍शा ताइश्‍शा पाइ‍नीम।
ISA 28:4 मिनु मेको आ पिया ङा दारस, फू खोदेंशो पा बेक्‍ब। मेकेर ब्रोव़शो जाइब ला बाक्‍नीम। मेको नेल्‍ल क्‍येङा ङोंइती मीशो फोव़शी खोदेंशो बाक्‍नीम। सुम मेको ताइबा, मेकोम सेक्‍शा ब्‍वाइब।
ISA 28:5 मेको नाक्‍ती मुर नेल्‍ल आन परमप्रभु यावे आ लीशो मुर आन कली छेङछेङ पा ब्रशो सिरपेच नु पियाम चुइक्‍तीके दुम्‍ब।
ISA 28:6 निसाफ पाइब कली ठीक पतीक सोक्‍त दुम्‍ब। मिनु लडाइ पाइब आन कली सहर ङा लाप्‍चो रे खेरतीक सक्ति गेब दुम्‍ब।
ISA 28:7 चढ़ेब नु परमप्रभु यावे आ लोव़ पाइबपुकी यो अङगुर शांबुम दुक्‍नीम। राकसीम दुक्‍शा, दिङ दाङ गोल्‍चा चिक्‍शा गाक्‍शो बाक्‍नीम। चढ़ेब नु परमप्रभु यावे आ लोव़ पाइबपुकी राक‍सीम दुक्‍शा गाक्‍नीम। अङगुर शांबुम दुक्‍तीके आन मिम्‍तीके ग्रांग्‍ये माग्‍ये दुम्‍त। मेकोपुकी राकसीम दुक्‍शा, दिङ दाङ गोल्‍चा चिक्‍शा गाक्‍शो बाक्‍नीम। मेकोपुकीम फश लोव़ ला पाइनीम। मतुइक्‍थु दूली निसाफ पाइनीम।
ISA 28:8 मेको आन जतीक मेर नेल्‍ले आन मेशोम ब्रीशो बाक्‍नीम। नेल्‍ल ग्रांग्रा दिशो बाक्‍ब।
ISA 28:9 मेकोपुकीमी सु आन कली जोक्‍तीक तुइक्‍तीक लोव़ रुप्‍पाइक्‍नीमी? सु कली आन देंशो लोव़ शेंनीमी ङा? मेकोपुकीमी नक दूध प्रोंइशो आल आन कली शेंचा चिक्‍त्‍मे?
ISA 28:10 मेकोपुकीम “परमप्रभु आ ब्रेक्‍शा अरेशो पावो कि पावो, पावो कि पावो, पावो कि पावो। इच्‍का एकेर इच्‍का मेकेर” देंनीमी।
ISA 28:11 थमा पा, मेकोमी अर्को रागी ङा मरुप्‍चा ङा लोव़ पा, आ मुर आन कली शेंब। ब्‍यवस्‍था २८:४९; येरमीया ५:१५; १कोरिन्‍थी १४:२१
ISA 28:12 मिनु परमप्रभुमी मेको आन कली “मेको थुं नाइक्‍तीक बाक्‍ब। गे दशो मुर आन कली नाइक्‍चा गेने। थुं बारपाइक्‍तीक एकोन बाक्‍ब” देंत। मो हना यो मेकोपुकीमी मनेंथु मटीमे। यसैया ३०:१५; मत्ती ११:२८-२९
ISA 28:13 मोपतीके परमप्रभु यावे आ लोव़ मेको आन कली यो आन खोदेंशो पा मरुप्‍चा ङा लोव़ दुम्‍ब। मिनु “ब्रेक्शो, अरेशो पावो कि पावो, पावो कि पावो, पावो कि पावो। इच्‍का एकेर, इच्‍का मेकेर” देंशो बाक्‍ब। मिनु मेकोपुकी लशा, नोले गे गोल्‍शा आन गुइ खोइली जिक्‍नीम। मिनु ब्‍वारदम रेश्‍शा, ग्‍याइक्‍चा पुंइसीनीम।
ISA 28:14 मोपतीके गे शुक्‍शी पाइबपुकी, परमप्रभु यावे आ लोव़ नेनीन। गे यरूसलेम ङा मुर आन कली हुकुम पाइनीनी।
ISA 28:15 मिनु गेपुकीमी “गोपुकीमी बेक्‍पाइक्‍ब नु कबल पमुशो बाक्‍नीकी। बेक्‍शो मुर आन बाक्‍तीके नु सल्‍ला पाइतक। ठेयब श्‍येत जाक्‍त हना यो, आंइ कली मारेइ मदुम्‍ब। मारदे हना जोल पतीके नु गारशा ख्रुइश्‍शो बाक्‍नीकी। दूली पतीकेमी फाम्‍सीशो बाक्‍नीकी” देंतीनी।
ISA 28:16 मोपतीके परमप्रभु, परमप्रभु यावेमी “कोव़ङीन गो सियोन डांडाम जग फुल्‍लु का वोइक्‍नुङ। मेको रिम्‍शो नु बोल्‍यो सुर ङा फुल्‍लु बाक्‍ब। मेको शुश क्‍येट लाइब थम बोल्‍यो जग ङा फुल्‍लु बाक्‍ब। सु सु मेको कली थमा सुइक्‍नीमी, मेको आन थुं लुक्‍च मलाइब। भजन संग्रह ११८:२२; एफिसी २:२०; यसैया ७:९
ISA 28:17 गो ठीक निसाफ कली गारो प्रोव़ची ना क्‍युक्‍तीक डोरी खोदेंशो सेल्‍नुङ। मिनु ठीक पतीके कली घन्‍टी खोदेंशो सेल्‍नुङ। मिनु मुप्‍सीम मेको जोल पा ख्रुइक्‍तीके खतम सेल्‍ब। ब्‍वाक्‍कुमी फाम्‍सीतीके योल्‍ब।
ISA 28:18 मेना इन बेक्‍पाइक्‍ब नु पशो कबल नुप्‍ब। इन बेक्‍शो मुर आन बाक्‍तीक नु पशो सल्‍ला जाम्‍ब। मिनु मेको हिंचा ङा श्‍येत जतीक जाक्‍शा, इन कली सुम्‍ब।
ISA 28:19 मेको गिश खेयप जाक्‍त हना यो, इन कली सुम्‍ब। मारदे हना मेको सुनी कुस कुस जाक्‍ब। नाक्‍दो नाक्‍ती यो जाक्‍ब। मेको लोव़ रुप्‍चा चहिं शुश हिंचा ङा बाक्‍ब।
ISA 28:20 मुर दिंसामानु ‘इप्‍तीके आइक्‍च दुम्‍ब। फेक्‍तीक वामी सुम्‍समानु’ आन रां मसुम्‍ब” देंत।
ISA 28:21 मारदे हना परमप्रभु यावे पेराजीम डांडाम बोक्‍शो खोदेंशो पा बोक्‍ब। मेको गिबोन ङा बेंसीम गाइश्‍शो खोदेंशो पा गाइक्‍ब। मोपा मेकोम आ गेय पाइब। मेको आ गेय छक लाक्‍चा ङा बाक्‍ब। मिनु मरुप्‍चा ङा बाक्‍ब। २सामुएल ५:२०; १इतिहास १४:११; १इतिहास १४:१६
ISA 28:22 शुक्‍शी लोव़ मपने। मो पाइतीनी हना इन कली फ्रेंशो डोरी खांइसीब। मारदे हना परमप्रभु, मुर नेल्‍ल आन परमप्रभु यावेमी “रागी नेल्‍ल खतम सेल्‍नुङ” देंशो नेंता। यसैया १०:२२-२३
ISA 28:23 नेनीन, आं लोव़ नेनीन। नोफा दाइश्‍शा, होस पा बाक्‍शा आं लोव़ नेनीन।
ISA 28:24 मार, शोक्‍चा कली ब्‍यफ वाक्‍ब मुरुमी गेना हना यो ब्‍यफ वाक्‍बा? मार, गेना हना यो कुटीम दोशा, रू थेल्‍नीनी?
ISA 28:25 डल्‍ला प्रोल्‍चा कली लेडको पशा, सोंप नु मस्‍ला मशोक्‍नीमी? चेरब मशोक्‍नीमी? क्‍योव़ज रूम क्‍योव़ज शोक्‍नीम। मिनु मोव़ल कली भूस फ्राइनीम।
ISA 28:26 मारदे हना आन परमप्रभुमी मेको आन कली रिम्‍शो पा शेंताक्‍व।
ISA 28:27 सोंप कली दांइ मपाइनीम। मस्‍ला कली तूलीमी मतुप्‍नीम। सोंप कली आइक्‍च कोक्‍के नु मस्‍ला कली सिरकनामी तुप्‍नीम।
ISA 28:28 शोब्‍ले चोचा कली चेरब हिल्‍नीम। तन्‍न मतुप्‍नीम। फस सेल्‍चा कली दांइ मपाइनीम।
ISA 28:29 मेको मोदेंशो नेल्‍ल मुर नेल्‍ल आन परमप्रभु यावेमी शेंशो बाक्‍ब। मेको अर्ती गेतीकेम छक लाक्‍चा ङा नु तुइक्‍तीकेम नेल्‍ल क्‍येङा ठेयब बाक्‍ब।
ISA 29:1 आबी, अरीएल, अरीएल सहर। दाऊद मेकेर बाक्‍शो बाक्‍त। गे मेकेर बर्स बर्स बाक्‍शा, चाड मानेन मानेन बाक्‍तीनी। अरीएल चढ़ेतीक बाक्‍तीके यरूसलेम आ याइनी नें बाक्‍ब।
ISA 29:2 मो हना यो, गो मेको कली श्‍येत गेनुङ। मेकेर ङाक्‍शा, रोंका पाइनीम। यरूसलेम आं कली अरीएल का बाक्‍ब।
ISA 29:3 गो दाऊदम खोदेंशो पा इ कली पुम्‍पाइक्‍नुङ। गारो ङोइक्‍चा कली लाइश्‍शो खिं सेल्‍पाइक्‍नुङ। गो मोदेंशो गेय शुश पपाइक्‍नुङ। लूका १९:४३
ISA 29:4 गे उइ खप रे लोव़ पाइक्‍नेवे। मिनु फुरक रे पा ब्‍वाक्‍नेवे। इ लोव़ फुरक रे नेंसीब। इ सेंदा वोल आन सेंदा खोदेंशो पा खप आगा रे ग्रूब। इ लोव़ फुरक आगा रे पा आइक्‍च सेंदा पा नेंसीब।
ISA 29:5 तन्‍न इ जोरी सत्रु आन हुल फुरक खोदेंशो पा शुश दुम्‍नीम। सक्ति पाइश्‍शोपुकी बेरशो भूस खोदेंशो दुम्‍नीम। मेको नेल्‍ल याम कामी दुम्‍ब।
ISA 29:6 मिनु मुर नेल्‍ल आन परमप्रभु यावे इ कली ग्रुम्‍थ जाक्‍ब। मेको बुंबु, ख्रिनु ठेयब रेयके नु जाक्‍ब। मेको हिरशो फश गिवार नु ठेयब मी नु जाक्‍ब।
ISA 29:7 रागी रागी ङा शुश मुरुमी अरीएल नु लडाइ पाइ‍नीम। लडाइ पाइब नेल्‍लेमी मेको आन बोल्‍यो दरवार प्रेश्‍शा, श्‍येत गेनीम। मेको ङोमु तशो नु नाक्‍दो कोंइतीक तशो खोदेंशो पा दुम्‍ब।
ISA 29:8 दोदेंशो पा शोव़लु बेक्‍शो मुर आन ङोमुम जशो ताइनीमी, मिनु सेंसीमानु शोव़लुम बाक्‍नीमी। दोदेंशो पा तूतू दाक्‍ब मुरुमी ङोमुम तूशो ताइनीमी, मिनु सेंसीमानु आन लाक्‍चा सोव़शो बाक्‍बा, मोदेंशो पा सियोन डांडा नु लडाइ पाइब रागी रागी ङा मुरपुकी दुम्‍नीम।
ISA 29:9 छक लाक्‍शा कोव़ङीन। मिक्‍च क्रिप्‍शा, मिक्‍च मताइब दुमीन। दुक्‍शो दुमीन। तन्‍न अङगुर शांबुम ममाइ। गोल्‍चा चिक्‍शा गाक्‍कीन, तन्‍न राकसीम ममाइ।
ISA 29:10 मारदे हना परमप्रभु यावेमी इन तार शुश निन्‍द्रा पपाइक्‍ब सोक्‍ती मोइश्‍शो बाक्‍ब। मेकोमी गे परमप्रभु यावे आ लोव़ पाइब इन कली मिक्‍च मताइब सेल्‍तु। मिनु इन पिया सुम्‍तु।
ISA 29:11 मेको इन कली कोंइशो लोव़ नेल्‍ले, इन कली छाप थोक्‍शो किताब खोदेंशो दुम्‍त। मेको पढेस जोक्‍ब कली “पढेवो” दे गेतीनी हना, मेकोमी “गो पढेने मचाप्‍नुङ, मारदे हना एको छाप थोक्‍शो किताब बाक्‍ब” देंब।
ISA 29:12 मेको पढेस मजोक्‍ब कली गेशा “एको पढेवो” देंतीनी हना, मेकोमी “गो पढेस मजोक्‍नुङ” देंब।
ISA 29:13 परमप्रभु यावेमी “एको मुरपुकी लोव़ पशा आं नेक्‍था जाक्‍नीम। मिनु आन शोव़मी आं कली ठेयब सेल्‍नीम। तन्‍न आन थुंम चहिं आं क्‍येङा ङोन बाक्‍नीम। मेको आन आं कली मान पतीके मुर आन शेंशो ला बाक्‍ब। यसैया १:१५; यसैया ५८:२-३; मत्ती १५:८-९
ISA 29:14 मोपतीके गो एको मुर आन दातेमी छक लाक्‍चा ङा, हिंचा ङा नु मरुप्‍चा ङा गेय पाइनुङ। मेको आन जोक्‍ब तुइक्‍ब मुर आन तुइक्‍तीके जाम्‍शा लाइब। निप्‍स खाप्‍शो गेय पाइब आन निप्‍स खाप्‍तीके ख्रुइक्‍चा पुंइसीनीम। १कोरिन्‍थी १:१९; मत्ती ११:२५
ISA 29:15 गे सु सुमी आंमा मिम्‍शा पशो गेय परमप्रभु यावे आ ङोंइती ख्रुइक्‍नीनी नु छिङछिङम गेय पशा, इं कली सुम ताइबा ङा? इं कली सुम तुइक्‍बा ङा?” देंनीनी। भजन संग्रह १०:११
ISA 29:16 गे दूली पाइबपुकी, खप के ग्‍योंब सेल्‍ब मुर खप खोदेंशो मिम्‍सीबा? मिनु सेल्‍शो थोव़कमी आ कली सेल्‍ब कली “मेकोम आं कली मसेल्‍यी” देंबा ङा? सेल्‍सीशोमी सेल्‍ब कली “मेको मारेइ मरुप्‍‍ब बाक्‍ब” देंने चाप्‍बा? यसैया ४५:९
ISA 29:17 मिनु इच्‍का नोले लेबानोन फल फुल रू दुम्‍ब। फल फुल रू चहिं ब्‍वाकी खोदेंशो दुम्‍ब।
ISA 29:18 मेको नाक्‍ती नोफा मनेंबपुकी किताब ङा लोव़ नेंनीम। गेना हना यो छिङछिङम बाक्‍ब, मिक्‍च मताइबपुकी मिक्‍च ताइब दुम्‍नीम। यसैया ३५:५; मत्ती ११:५
ISA 29:19 मिनु ब्रेम्‍शो मुर परमप्रभु यावे कली मिम्‍शा ग्‍येरसीनीम। मिनु क्‍येट मथीबपुकी इस्राएली आन परमप्रभु यावे कली मिम्‍शा थाम्‍पा ग्‍येरसीनीम।
ISA 29:20 मारदे हना हिंचा ङा मरिम्‍शो पाइब मलीनीम। शुक्‍शी पाइबपुकी जाम्‍शा लाइनीम। मरिम्‍शो पचा माल्‍बपुकी साइक्‍चा पुंइसीनीम।
ISA 29:21 मेकोपुकीमी मुर आन कली निसाफ पतीकेमी ब्रुपाइक्‍नीम। मिनु ठीक पाइब नु निसाफ पाइब कली ब्‍वारदम रेप्‍पाइक्‍नीम। मारेइ मरिम्‍शो मपाइब कली मोशा दोस गेपाइक्‍नीम। आमोस ५:१०
ISA 29:22 मोपतीके अब्राहाम कली प्रोंइब परमप्रभु यावेमी याकूब आ खिं ङा मुर आन कली “मुल रे याकूब आ खिं ङा मुर मुने मदोक्‍नीम। आन कुल ग्‍येरसीशो तांइसीनीम।
ISA 29:23 मिनु मेकोमी आन आल आन दातेम, आं पशो गेय, ताइनीम। मिनु आं नें ठेयब सेल्‍नीम। याकूब आ का ला बाक्‍शो परमप्रभु यावे कली तशा मान पा हिंनीम। इस्राएली आन परमप्रभु कली तशा मान पा हिंनीम।
ISA 29:24 मिनु काइ मरुप्‍ब मुरपुकी रुप्‍ब दुम्‍नीम। मिनु गन गन पाइबपुकी परमप्रभु आ शेंतीके लोव़ नेंनीम” देंत।
ISA 30:1 मिनु परमप्रभु यावेमी “आबी, गे काइ मटीब आलपुकी, गे आंम इन मिम्‍शो पाइनीनी। तन्‍न आं देंशो मटीनीनी। गे कबल का पाइनीनी। तन्‍न आं दाक्‍शो मिम्‍शो कबल ममाइ। पाप तारी पाप तेम्‍नीनी। यसैया १:२
ISA 30:2 मेकोपुकीमी आं अर्ती आ पर्बम हिल्‍लो मपथु, इजीप्‍त रागी लाइनीम। मिनु मेकेर ङा पिप फाराओम वारच पपांइसीनीम। मेकोपुकीमी इजीप्‍त रागीम फाम्‍सीचा माल्‍नीम। २राजा १८:२१
ISA 30:3 मिनु फाराओ आ वारच पतीकेम इन कली मुने तोक्‍‍ब। मिनु इजीप्‍त रागीम फाम्‍सीचा माल्‍तीके इन कली थम आइक्‍च सेल्‍ब।
ISA 30:4 मिनु इजीप्‍त ङा ठेयब मुरपुकी सोआन नु मेको आन सोइश्‍शोपुकी हानेस जाक्‍दीश्‍शो बाक्‍नीम।
ISA 30:5 मेको नेल्‍ल मुने दोक्‍नीम। मारदे हना इन कली वारच पने मचाप्‍थु, शोर गाक्‍शो दुम्‍‍नीम। तन्‍न इन कली मुने दोक्‍ब नु शिशी मताइब सेल्‍‍नीम।
ISA 30:6 मिनु परमप्रभु यावेमी दक्‍खिन ङा नेगेब ङा जन्‍तु आन पर्बम यसैया कली मेको रागी हिंचा ङा नु श्‍येत ङा रागी बाक्‍ब। मेकेर गुप्‍सनी नु ग्रीब गुप्‍स, बुस्‍स नु बीस पाइश्‍शो बेरब बुस्‍स बाक्‍नीम। मिनु मुरपुकीमी आन शोंप गधा आन तारी नु शुश क्‍येट लाइब थोव़क दलओंठ आन तारी कुरपाइश्‍शा गाक्‍नीम। मेको शोर गाक्‍शो नु वारच मपाइब आन कली गेचा कली कुरपाइक्‍नीम। ब्‍यवस्‍था ८:१५
ISA 30:7 मारदे हना इजीप्‍त ङा मुर आन वारच पतीके शोर गाक्‍शो नु थमा पा वारच मपतीके बाक्‍ब। मोपतीके गो मेको कली लोव़ मपाइब, राहाब, दे नें वोइक्‍ता” देंत। भजन संग्रह ८९:११
ISA 30:8 मिनु परमप्रभु यावेमी यसैया कली “मुल गे लावो, मेको मुर आन ङोंइती आं लोव़ फुल्‍लु तार ब्रेक्‍तो। मिनु किताबम ब्रेक्‍तो। नोले सम्‍म लील, दे नु गेना हना यो सांकछी दुम्‍पाइक्‍चा कली ब्रेक्‍तो।
ISA 30:9 मारदे हना एको मुर काइ मटीब बाक्‍नीम। थमा मसुइक्‍ब आल बाक्‍नीम। मेको आलपुकीमी परमप्रभु यावे आ शेंतीक लोव़ नेंचा मदाक्‍नीम।
ISA 30:10 मेकोपुकीमी नोले दुम्‍ब लोव़ ताइब आन कली ‘मतने। मकोव़ङीन’ देंनीम। मिनु परमप्रभु यावे आ लोव़ पाइब आन कली ‘ठीक पचा आ पर्बम आंइ कली लोव़ मपने। जोल पा हना यो, आंइ दाक्‍शो लोव़ ला पने। आमोस २:१२
ISA 30:11 परमप्रभु यावे आ लां प्रोनीन। एर ओंथ लने। इस्राएली आन का ला बाक्‍शो परमप्रभु आ पर्बम मशेंदीन’ देंनीम” देंत।
ISA 30:12 मोपतीके इस्राएली आन का ला बाक्‍शो परमप्रभुम “मारदे हना गेपुकीमी आं देंशो नेंचा मदाक्‍नीनी, मुर आन कली दिप्‍तीके नु दूली पतीके कली ला थमा सुइक्‍नीनी। मिनु मेको पाइनीनी।
ISA 30:13 मोपा इन मरिम्‍शो पशो ब्रेत्‍चा चिक्‍शो लाइश्‍शो गारो खोदेंशो दुम्‍शो बाक्‍ब। मेको इन मतुइक्‍थु याम काम ब्रेप्‍ब।
ISA 30:14 दोदेंशो पा मुरुमी खप के ग्‍योंब बोल्‍यो पा प्रोल्‍नीमी, मेको के चुप्‍लु रे मी कोइला गुप्‍चा नु कुवा रे ब्‍वाक्‍कु ताप्‍चा ङा टुक्रा का यो मलीबा, मोदेंशो पा प्रोल्‍चा पुंइसीनीनी” देंत।
ISA 30:15 मिनु परमप्रभु, इस्राएली आन का ला बाक्‍शो परमप्रभु यावेमी “आं गे लेश्‍शा, सिक्‍सी पा बाक्‍नी हना, ब्रोंइनी वा। सिक्‍सी पा बाक्‍तीनी नु थमा सुइक्‍तीनी हना, गे बोल्‍यो दुम्‍नी वा। तन्‍न गे मटिनी। यसैया ७:४; प्रस्‍थान १४:१४
ISA 30:16 गेपुकीमी ‘ममाइ, गो शारा ङोइश्‍शा प्रोक्‍नीकी’ देंनीनी ‘मोपतीके गे प्रोक्‍चा माल्‍नीनी’ देंत। मिनु गेपुकीमी ‘रीब पा दोरब शारा ङोइक्‍नीकी’ देंनीनी। मोपतीके इन कली खेदा पाइबपुकी यो दोरनीम।
ISA 30:17 मिनु मुर कामी हिंच कोंइशोमी, हजार का मुर प्रोक्‍नीम। ५ जना मुरुम हिंच कोंइशोमी नेल्‍ल प्रोक्‍शा, डांडा तारी कोक्‍के का ख्रुक्‍शो खोदेंशो पा लीनीनी। डांडा तार ङा छे‍दर का खोदेंशो पा लीनीनी” देंत। ब्‍यवस्‍था ३२:३०
ISA 30:18 मुल सम्‍म परमप्रभु यावेमी इन कली शिशी पचा कली रिम्‍ब। इन कली आ दाक्‍तीके कोंइचा कली बोक्‍ब। मारदे हना परमप्रभु यावे ठीक निसाफ पाइब परमप्रभु बाक्‍ब। सु सुम मेको कली रिम्‍नीमी, मेको ग्‍येरसीशो बाक्‍नीम।
ISA 30:19 यरूसलेमम बाक्‍ब सियोन ङा मुरपुकी, गे लेंशा मङाक्‍नीनी। मेकोमी इन ब्रेश्‍शो नेंशा, इन कली थमा पा शिशी पाइब। इन लोव़ नेंशा, लोव़ लेप्‍ब। यसैया ६५:२४
ISA 30:20 परमप्रभुमी इन कली श्‍येत ङा शोब्‍ले नु श्‍येत ङा ब्‍वाक्‍कु गेप्‍तु हना यो, मुल रे इन कली शेंब मख्रुंइ‍सीब। गेपुकीमी इन कली शेंब कली ताइनीनी।
ISA 30:21 मिनु गेपुकीमी “ग्‍युरा लां लङ कों, पेरा लां लङ” देंनीनु, इन नोले लोव़ कामी “लां मेकोन बाक्‍ब, मेको लां गाक्‍कीन” देंशो नेंनीनी। ब्‍यवस्‍था ५:३२
ISA 30:22 मेना इन मुशा सेल्‍शो चांदी नु सुनम गिल्‍शो मूर्तिपुकी ग्रांग्रा दीनीनी। गे मेको आन कली ग्रांग्रा दिचा ङा वा खोदेंशो पा ताइक्‍नीनी। मिनु मेको आन कली “ङोन लने” दे ताइक्‍नीनी। यसैया २७:९
ISA 30:23 मिनु परमप्रभुमी इन शोक्‍शो रू कली रेउ यिपाइश्‍शा, अन्‍न सिप्‍पाइक्‍ब। मिनु अन्‍न ग्रेल्‍शा, शुश जचा ताइनीनी। मेना इन बी ब्‍यफ ठेयब दिंममी जोइनीम।
ISA 30:24 इन गेय पपाइश्‍शो ब्‍यफ नु गधापुकीमी ग्‍योलोम क्राप्‍शा, हिक्‍सी सुप्‍शो जचा थोव़क जाइनीम।
ISA 30:25 आइक्‍च नु ठेयब डांडा नेल्‍ल रे ब्‍वाक्‍कु बुक्‍शा, खोल्‍सा नु खोला यिशा, ठेयब लडाइ दुम नाक्‍ती गारो ङा लाइश्‍शो खिं यो ब्रेत्‍नीम।
ISA 30:26 मिनु तास्‍ला आ छेङछेङ नां आ छेङछेङ खोदेंशो दुम्‍ब। नां आ छेङछेङ चहिं ७ ओटा नां आ छेङछेङ खोदेंशो दुम्‍ब। मेको ७ नाक्‍त ङा छेङछेङ दुम्‍ब। मेना परमप्रभु यावेमी आ मुर आन गार फ्रेंब। तुप्‍शो गार सापाइक्‍ब।
ISA 30:27 कोव़ङीन, परमप्रभु यावे ङोन रे जाक्‍ना जाक्‍न बाक्‍ब। आ गाइश्‍शो मी खोदेंशो पा ब्रशा, शुश कुन ग्रूब। आ शोव़ चुरचामी ब्रीशो नु आ लें ग्राव ग्रु दाक्‍ब मी खोदेंशो बाक्‍ब।
ISA 30:28 आ सास शुर सम्‍म ख्रुम्‍ब बारशो खोला खोदेंशो बाक्‍ब। मिनु मेकोमी रागी रागी ङा मुर आन कली खतम सेल्‍तीक ग्‍योलोम क्राप्‍शा, आन शोव़मी हेंथे लां कोंइब लगम पाइक्‍ब।
ISA 30:29 गेपुकी चाड मानेतीक नाक्‍दोम कुम्‍सो पशो खोदेंशो पा ग्‍येरसीनीनी। गेपुकी बांसुरी ताप्‍बपुकी नु परमप्रभु यावे, इस्राएली आन सेरथे फुल्‍लु आ डांडा लाइब खोदेंशो पा ग्‍येरसीशो मुर बाक्‍नीनी। ब्‍यवस्‍था १६:१४
ISA 30:30 मिनु परमप्रभु यावेमी आ ठेयब सेंदामी लोव़ पशा नेंपाइक्‍ब। मेकोमी गाइश्‍शा चुरशा, आ गुइ याम पाइश्‍शा, मारेइ मारेइ नेक्‍ब मी ब्रपाइश्‍शा, बुंबु पपाइश्‍शा, रेउ नु मुप्‍स यिपाइश्‍शा कोंइब।
ISA 30:31 मिनु परमप्रभु यावेमी अस्‍सुर ङा मुर आन कली कोक्‍केम तेप्‍ब। मेको आ सेंदा नेंशा, अस्‍सुर ङा मुर साप्‍पान हिंनीम। २राजा १९:३५-३७
ISA 30:32 मिनु परमप्रभु यावेमी गिश खेयप तुप्‍बा, मीश खेयप खैजडी नु बीना ताप्‍शो नेंसीब। परमप्रभु आंमा अस्‍सुर ङा मुरपुकी नु लडाइ पाइब।
ISA 30:33 मारदे हना ङोंइती रे ठेयब चोतीके का सेल्‍शो बाक्‍त। मेको थमा पा पिप कली सेल्‍शो बाक्‍त। मेको शुश लुक्‍च लशो नु ब्रेम्‍शो बाक्‍त। मेकेर मी नु शुश शी बाक्‍त। परमप्रभु यावे आ मुइश्‍शो गन्‍धक खोदेंशो पा मेको मी ब्राइ‍ब।
ISA 31:1 आबी, इजीप्‍त रागी कली “वारच पाइक्‍की” दे लाइबपुकी, मेकोपुकी शारा कली थमा सुइक्‍ब बाक्‍नीम। बग्‍गी कली थमा सुइक्‍नीम। मारदे हना मेकेर शुश बाक्‍नीम। शारा ङोइक्‍ब आन कली थमा सुइक्‍नीम। मारदे हना मेको शुश बोल्‍यो बाक्‍नीम। तन्‍न मेकोपुकीम इस्राएली आन का ला बाक्‍शो परमप्रभु यावे कली ममिम्‍थु, हिल्‍लो मपाइनीम। यसैया ३०:१-२; भजन संग्रह २०:८
ISA 31:2 मो हना यो परमप्रभु तुइक्‍ब बाक्‍ब। मिनु श्‍येत दुम्‍पाइक्‍ब। आ मिम्‍शो पशा, मरिम्‍शो पाइब आन खिं नु मेको आन कली वारच पाइब नु लडाइ पाइब। आमोस ३:६; गन्‍ती २३:१९
ISA 31:3 इजीप्‍त ङा मुर, मुर ला बाक्‍नीम। मेको परमप्रभु मनम। आन शारा बेक्‍ब बाक्‍नीम। सोक्‍त मनम। परमप्रभु यावेमी आ गुइ दिंदानु, वारच पाइब दाइल पांइसीनीम। मिनु वारच पपांइसीब नेल्‍ले कालेमी बेक्‍नीम।
ISA 31:4 मिनु परमप्रभु यावेमी आं कली “गुप्‍स कि गुप्‍स आ चाइक्‍ब आन सिखार तारी ङरर ङरर पाइनीमी। गोठलापुकीमी मेको आन सिखार रोइक्‍चा, दे जाक्‍तेक्‍म हना, गुप्‍स मेको आन ग्रीशो नेंशा महिंनीम। मेको आन पशो रेयकेमी गुप्‍स आन कली मप्रोक्‍पाइक्‍ब। मोपा मुर नेल्‍ल आन परमप्रभु यावे सियोन डांडा नु आ आइक्‍च डांडामी लडाइ पथ यीब।
ISA 31:5 दोपा चिक्‍बपुकीमी आन चाइक्‍ब आन तार फिल फिल पा कोव़थ बेरनीमी, मोपा मुर नेल्‍ल आन परमप्रभु यावेमी यरूसलेम कली कोव़ब। मेको कली कोव़शा, प्रोंइशा, आ नेक्‍था बाक्‍शा खाल पाइ‍ब। मत्ती २३:३७
ISA 31:6 ए इस्राएली, गे हेंथे पा शुश ङोन लाइबपुकी, परमप्रभु गे ले‍तीन। येरमीया ७:३-५
ISA 31:7 मारदे हना मेको नाक्‍ती गे नेल्‍लेमी इन सुन नु चांदी के मूर्ति नेल्‍ल बेरपाइक्‍‍नीनी। गे मेको पाप पा इन आंम गुइमी सेल्‍तीनी। यसैया २:२०
ISA 31:8 मेना अस्‍सुर तरवारम साइक्‍चा पुंइसीब। तन्‍न मेको तरवार बेक्‍शा लाइब मुर के ममाइ। मेकोमी नेल्‍ल आन कली खतम सेल्‍ब। मेको तरवार तशा मुर नेल्‍ल प्रोक्‍नीम। मिनु आन ठिटापुकी वाइल दुम्‍नीम। यसैया ३७:३६
ISA 31:9 अस्‍सुर ङा पिप, सेरथे फुल्‍लु खोदेंशो बोल्‍यो बाक्‍त हना यो, हिंशा प्रोक्‍ब। आ कप्‍तान आन छेदर प्रोंइशा प्रोक्‍नीम। परमप्रभु यावेमी आं चुप्‍लु सियोनम नु आं मी यरूसलेमम बाक्‍ब” देंत। ब्‍यवस्‍था ३२:३१
ISA 32:1 कोव़ङीन, नोले ठीक पाइब पिप काम सासन पाइब। ठेयब मुर नेल्‍लेमी ठीक निसाफ पाइनीम। यसैया ३३:१७; येरमीया २३:५
ISA 32:2 मिनु मेको मुर नेल्‍ल फश रे ख्रुंइसीतीके, रेउ यिमेनु फाम्‍सीतीके, सोव़शो रागीमी ब्‍वाक्‍कु यितीके नु थम होश रागीमी ठेयब सेरथे फुल्‍लु आ वांकु खोदेंशो बाक्‍नीम।
ISA 32:3 कोव़ब मुर आन मिक्‍च ब्राब्रा मदुम्‍नीम। नेंबपुकीमी नोफा दाइश्‍शा नेंनीम।
ISA 32:4 रिम्‍शो पा रुप्‍ने मचाप्‍बपुकीमी तुइक्‍तीक शेंनीम। लेम्‍से पाइबपुकी रिम्‍शो पा ब्‍वाक्‍ने चाप्‍नीम। यसैया ३५:६
ISA 32:5 मेना मुरुमी मूर्ख आन कली रिम्‍शो थुं पाइश्‍शो मुर मदेंनीम। खुइ नु जोल पाइब आन कली हाइश्‍शो मुर मदेंनीम। हितोपदेस २८:१६
ISA 32:6 मारदे हना मूर्ख मुर मूर्ख लोव़ ला पाइनीम। मेको आन थुंमी मरिम्‍शो पचा ला मिम्‍शा बाक्‍नीम। परमप्रभु यावे कली मटीनीम। मेको आ पर्बम दूली शेंनीम। शोव़लु बेक्‍ब आन थुं श्‍येत्‍थ लीपाइक्‍नीम। मिनु तूतू दाक्‍ब आन कली तूचा मगेनीम।
ISA 32:7 मोदेंशो मरिम्‍शो पाइब आन गेय मरिम्‍शो बाक्‍ब। परमप्रभु यावे आ अरेशो मटीबम “दोपा आं दाक्‍शो पने चाप्‍नुङा?” दे प्रुङग आन कली जोल पा नु मारेइ मथीबम ठीक लोव़ पाम्‍तेक्‍म हना यो, मेको आन कली खतम सेल्‍नीम।
ISA 32:8 तन्‍न रिम्‍शो थुं पाइश्‍शो मुरपुकीमी रिम्‍शो गेय ला मिम्‍नीम। मिनु गेना हना यो रिम्‍शो गेय पा बाक्‍नीम।
ISA 32:9 गे ठेयब लेश्‍शो मीश मुरपुकी बोक्‍कीन। मिनु आं लोव़ नेनीन। गे काइ महिंथु बाक्‍ब तमीपुकी इन नोफा दाइश्‍शा, आं लोव़ नेनीन। यसैया ३:१६-४:१
ISA 32:10 गे काइ महिंबपुकी बर्स का नोले श्‍येत जशा ख्रिंख्रि पाइनीनी। मारदे हना अङगुर सेक्‍चा मताइनीनी। फल फुल मसित्‍नीम।
ISA 32:11 गे ठेयब लेश्‍शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्‍शा अरन्‍डी फेक्‍सीन।
ISA 32:12 इन रिम्‍शो रू नु अङगुर बोट आन पर्बम इन कुचु तुप्‍शा ङाक्‍कीन।
ISA 32:13 आं मुर आन रूम चू नु चोंक वानीम। ग्‍येरसीशो मुर आन खिं नु सहर नेल्‍ल मोदेंशो दुम्‍ब।
ISA 32:14 मारदे हना दरवार ङा मुर नेल्‍ल प्रोक्‍नीम। शुश मुर बाक्‍शो सहर श्‍येत्‍थ दुम्‍ब। ओफेल माइश्‍शो ग्‍येत्‍थ लुक्‍च गाक्‍तीक लां नु मेकेर खाल पाइब मुर आन बाक्‍तीक गेना हना यो पुक्‍खी दुम्‍नीम। मेकेर ब्‍वाकी ङा गधा ग्‍येरसीशा बाक्‍नीम। मिनु क्‍यारश भेडा आन जोतीक दुम्‍ब।
ISA 32:15 मिनु नोले परमप्रभु यावेमी आ सोक्‍ती इं तार मोइक्‍ब। मेना मुर मबाक्‍तीके गोरशो रागी ग्रेल्‍शो रू दुम्‍ब। मिनु मेको ग्रेल्‍शो रू ब्‍वाकी खोदेंशो दुम्‍ब। यसैया ४४:३; यसैया २९:१७
ISA 32:16 मेना मुर मबाक्‍तीके रागीमी ठीक निसाफ पाइनीम। ठीक पाइबपुकी ग्रेल्‍शो रूमी बाक्‍नीम।
ISA 32:17 ठीक पतीकेम थुं नाइक्‍चा गे‍ब। ठीक पतीके आ सित्‍तीके सिक्‍सी पा बाक्‍चा नु गेना हना यो थमा सुइक्‍चा बाक्‍ब।
ISA 32:18 आं मुरपुकी थुं नाइश्‍शा, महिंथु बाक्‍तीकेम बाक्‍नीम। लडाइ मदुम्‍थु, रिम्‍शो बाक्‍तीकेमी सिक्‍सी पा बाक्‍नीम। येरमीया ३३:१६
ISA 32:19 तन्‍न ब्‍वाकी नेल्‍ल जाम्‍शा लाइब। सहर श्‍येत्‍थ दुम्‍ब।
ISA 32:20 ब्‍वाक्‍कु आ नेक्‍था वांचेर शोक्‍बपुकी गे ग्‍येरसीशो मुर बाक्‍नीनी। गे गधा नु बी ब्‍यफ आन कली जोथ मो सोइक्‍ने चाप्‍नीनी।
ISA 33:1 आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२
ISA 33:2 परमप्रभु यावे, आंइ कली शिशी पाइक्‍की। गो इन कली रिम्‍ना रिम्‍न बाक्‍नीकी। गे सुनी कुस कुस आंइ सक्ति दुमीन। श्‍येत जची ना आंइ कली प्रोंइब दुमीन।
ISA 33:3 शुश रेयके नेंशा, जात जात ङा मुर प्रोक्‍नीम। इन सक्ति तशा, रागी रागी ङा मुर एर ओंथ ब्राइनीम।
ISA 33:4 मेकोपुकीमी सल्‍हा खोदेंशो पा शुश मारेइ मारेइ रोइक्‍नीम। दोपा सल्‍हा प्रेक्‍शा दोरनीमी, मोपा मुरपुकी प्रेक्‍शा रोइक्‍चा कली दोरनीम।
ISA 33:5 परमप्रभु यावे मान ताइब बाक्‍ब। मेको इर, आ बाक्‍तीकेमी बाक्‍ब। मेकोमी सियोन ङा मुर आन कली ठीक निसाफ नु ठीक पतीके पपाइक्‍ब।
ISA 33:6 मिनु सियोन इ नाक्‍ती नेल्‍ल रिम्‍शो दुम्‍ब। मेना शुश पाप रे प्रोंइतीके, तुइक्‍तीके नु जोक्‍तीक गे नु बाक्‍‍ब। सियोन ङा मुर आन शोंप परमप्रभु यावे कली मान पा हिंचा बाक्‍ब।
ISA 33:7 नेनीन, मेको आन बोल्‍यो मुरपुकी लांम ग्रीनीमी। गारपइक्‍तीक लोव़ चाक्‍ब मुर हुइ हुइ पा ङाक्‍‍नीम। यसैया २९:१
ISA 33:8 ठेयब लां श्‍येत्‍थ दुम्‍शो बाक्‍नीम। मुर मेको लांम मगाक्‍नीम। गारपाइक्‍तीक लोव़ क्‍याम्‍सीशो बाक्‍ब। सांकछीपुकी महिक्‍सीब दुम्‍शो बाक्‍नीम। आन कसम जशो जाम्‍त। आन पचा माल्‍शो गेय मपाइनीम।
ISA 33:9 रागी रोंका पशा, गोरशो दुम्‍शो बाक्‍ब। लेबानोन मुने दोक्‍शा, बेक्‍त। शारोन गोरशो रागी खोदेंशो दुम्‍त। बाशान नु कारमेलम आस सफा तोक्‍नीस।
ISA 33:10 परमप्रभु यावेमी “मुल गो बोक्‍नुङ। गो गेय पचा गोइनुङ। गो मान पाइक्‍चा पुंइसीनुङ।
ISA 33:11 गेपुकीम भूस के कोव़ज कुरशा, पराल थीनीनी। इन सास मी बाक्‍ब। मेकोमी इन कली दाक्‍ब।
ISA 33:12 मिनु जात जात ङा मुर बुलु खोदेंशो पा ब्राइ‍नीम। मेकोपुकी क्‍योरशो चू मीम जेश्‍शो खोदेंशो पा जेत्‍चा पुंइसीनीम।
ISA 33:13 गे ङोन रागी ङा मुरपुकी, गो मार पशो बाक्‍नुङा, मेको नेनीन। गे आं नेक्‍था बाक्‍बपुकी आं सक्ति तुइक्‍तीन।
ISA 33:14 सियोनम बाक्‍ब पाप पाइबपुकी हिं‍नीम। परमप्रभु यावे आ अरेशो मटीब ख्रिंख्रि पाइनीम। सु खतम पोक्‍ब मी नु ब्रोंइशा बाक्‍ने चाप्‍बा? आंइ दातेमी सु गेना हना यो ब्रशो मी नु ब्रोंइशा बाक्‍ने चाप्‍बा?” देंत। यसैया १०:१७; येरमीया २३:२९
ISA 33:15 सु ठीक पाइबा, रिम्‍शो थुं ङा लोव़ पाइबा, गेयी कि गेयी, दे क्‍येट मताक्‍बा, सुम घूस मजाइ‍बा नु “हुश ख्राक्‍श पोक्‍य” देंमानु, मेको आन लोव़ मटीबा नु मरिम्‍शो पाइब आन पशो काइ तचा मदाक्‍बा। भजन संग्रह १५:-; भजन संग्रह २४:३-४
ISA 33:16 मेको इर ङा मुर बाक्‍नीम। मेको आन ख्रुंइसीतीके सेरथे फुल्‍लु के सेल्‍शो दरवार बाक्‍ब। मेकोमी आन जचा थोव़क ताइनीम। मेको आन ब्‍वाक्‍कु बुक्‍तीके शुश दुम्‍ब।
ISA 33:17 गेपुकीमी पिप कली आ दारसम ग्‍योम्‍सीशा ताइनीनी। मिनु मेकोपुकीमी ठेयब रागी कली ताइनीम।
ISA 33:18 मिनु गेपुकी इन ङोंइती ङा हिंतीके मिम्‍नीनी। हिक्‍ब मुर ते लमा? क्‍येट पोक्‍ब मुर ते लाक्‍ग‍मे? मिनु मेको लाइश्‍शो खिं हिक्‍ब ते बाक्‍मा?
ISA 33:19 गेपुकीम मेको मटीब मुर आन कली मुल रे मताइनीनी। मरुप्‍चा ङा लोव़ पाइब मुर आन कली लेंशा मताइनीनी। यसैया २८:११; ब्‍यवस्‍था २८:४९-५०
ISA 33:20 गो आंइ देंशो ना ङा चाड मानेतीक सहर सियोन कली कोव़ङीन। गे सिक्‍सी पा बाक्‍ब मुर आन सहर यरूसलेम कली ताइनीनी। यरूसलेम गेनायो मयाक्‍सीब ताम्‍बु खोदेंशो बाक्‍ब। मेको आ किला गेनायो मतुल्‍सीब। आ डोरी गेनायो मप्रोंइसीब।
ISA 33:21 मेकेर आंइ मान तशो, परमप्रभु यावे गो नु बाक्‍ब। मेकेर ठेयब खोला नु नादी बाक्‍नीम। मेकेर दाप्‍लोम शाक्‍तीक डोंगा मगाक्‍नीम। मेकेर ठेयब जहाजपुकी यो लने मचाप्‍नीम।
ISA 33:22 मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।
ISA 33:23 गे इन जहाज ङा डोरी शुंइसीशो बाक्‍नीम। मुरपुकीम मेको डोंगा आ दातेम बाक्‍शो थाम बोल्‍यो पा राप्‍पाइश्‍शा सेल्‍ने मचबेम। मेकोपुकीम मेको आ वा क्‍युक्‍ने मचबेम। मेना रोइश्‍शो मार मार शुश योक्‍सीनीम। खोइल मदुक्‍बपुकीम यो रोइश्‍शो मार मार रे आन भाग ताक्‍नीम।
ISA 33:24 सियोनम बाक्‍ब सुइमी “गो रोइ पशो बाक्‍नुङ” मदेंनीम। मेकेर बाक्‍ब मुर आन मरिम्‍शो पशो क्‍याम्‍चा पुंइसीशो बाक्नीम। जकरिया १२:८
ISA 34:1 गे रागी रागी ङा मुर, आं नेक्‍था जाक्‍कीने। जात जात ङा मुर नोफा दाइश्‍शा नेनीन। रागी नु रागीम बाक्‍शो मारेइ मारेइम नेन्‍मेक्‍ल।
ISA 34:2 मारदे हना परमप्रभु यावे रागी रागी नेल्‍ल आन पर्बम गाइक्‍ब। मेको आन लडाइ पाइब आन पर्बम चुरब। मेको आन कली क्‍याम्‍चा कली साइक्‍ब कली गेशो बाक्‍ब।
ISA 34:3 मेको साइश्‍शो मुर आन कली ताइक्‍नीम। मेको आन रिना कुइ‍ब। डांडापुकी मेको आन हुशेम जित्‍नीम।
ISA 34:4 सरीङ ङा मारेइ मारेइ जाम्‍नीम। सरीङ कागज खोदेंशो पा ओल्‍सीब। सोरुल अङगुर बोट आ सोव़शो सफा नु फोव़शी रवा आ सोव़शो गेडा खोदेंशो दुम्‍नीम। प्रकाश ६:१३-१४
ISA 34:5 परमप्रभुमी “आं तरवारम सरीङमी गेय थुम्‍शा नोले, गो एदोम तारी लाइनुङ। गो मेकेर ङा मुर आन कली निसाफ पाइनुङ” देंत। ब्‍यवस्‍था ३२:४१-४२; येरमीया ४९:७-२२
ISA 34:6 परमप्रभु यावे आ तरवार हुशेम ग्रुम्‍शो बाक्‍ब। बोंसो लुम्‍सीशो बाक्‍ब। मेको क्‍यारश भेडा आन हुश नु बोका आन चिच ङा बोंसो लुम्‍सीशो बाक्‍ब। मारदे हना बोज्रामी परमप्रभु यावेमी ठेयब चढ़ेतीक गेय पाइब। एदोम रागीमी शुश मुर आन कली साइक्‍ब। यसैया ६३:१
ISA 34:7 ब्‍वाकी ङा ब्‍यफ मुरपुक नु गोल्‍नीम। बाछापुकी बोल्‍यो सांढे ब्‍यफपुक नु गोल्‍नीम। मेको आन रागी हुशेम जारशो बाक्‍ब। मेकेर ङा खप बोंसोम ब्रीशो बाक्‍ब।
ISA 34:8 काबु परमप्रभु यावे आ क्‍येक्‍क लेत्‍तीक नाक्‍त बाक्‍ब। सियोन आ पर्बम ठीक सेल्‍चा कली क्‍येक्‍क लेत्‍तीक बर्स का बाक्‍ब। यसैया ६३:४
ISA 34:9 मेना एदोम ङा खोलापुकी अलकत्रा दुम्‍नीम। मिनु आ खप चहिं गन्‍धक दुम्‍ब। एदोम रागी ब्रशो अलकत्रा दुम्‍ब। उत्‍पत्ती १९:२४
ISA 34:10 मेको नाक्‍दो नाक्‍त गेनायो मकाप्‍ब। आ कुन गेना हना यो कुस ङा कुस बाक्‍ब। मेको पाला पाला सम्‍म गोरशो रागी दुम्‍शा बाक्‍ब। मेकेर रे सुइ मगाक्‍नीम। मलाकी १:४
ISA 34:11 तन्‍न मेकेर ठेयब चिक्‍ब नु काइश्‍श आन बाक्‍तीके दुम्‍ब। मेकेर हुहुचील नु खदपुकी बाक्‍नीम। परमप्रभुमी मेको रागी कली ग्रांग्‍ये माग्‍ये सेल्‍ब। आ ठेयब मुर मार पचा दो पचा दुम्‍नीम।
ISA 34:12 मेको रागी कली राज्‍य मदेंनीम। मेकेर हुकुम पाइब सुइ मलीम।
ISA 34:13 मेको आन दरवारम चू वानीम। मेको आन बोल्‍यो दरवारम चूले नु चोंक वानीम। मेकेर सिवार नु ठेयब चिक्‍ब आन बाक्‍तीके दुम्‍ब। यसैया १३:२१-२२
ISA 34:14 मेकेर वां नु फर ग्रुम्‍नीम। वोल ब्रेम्‍मुइनीम। ब्‍वाकी ङा वोलम आ वारच कली ब्रेप्‍ब। नाक्‍दो ङा वोल मेकेर बास बाक्‍नीम।
ISA 34:15 मेकेर बुक्‍‍सुम ग्‍योव़ सेल्‍शा, ब्‍वोफु पा पुक्‍शा, चाइक्‍ब ग्रुंइब। मेकेर ब्‍वारदे ग्रुम्‍शा, निक्‍शी निक्‍शी पा बाक्‍नीम।
ISA 34:16 परमप्रभु यावे आ किताबम माल्‍शा पढेने। मेकेर नेल्‍ल ब्रेक्‍शो बाक्‍ब। मेको नेल्‍ल निक्‍शी निक्‍शी बाक्‍नीमी। मारदे हना परमप्रभु यावेमी लोव़ पा मेको आन कली अरेप्‍तु। आ सोक्‍तीमी मोदेंशो दुम्‍पाइश्‍शो बाक्‍ब। प्रस्‍थान ३२:३२
ISA 34:17 परमप्रभुमी मेको आन कली मेको रागी पुक्‍शा योक्‍शा, गेशो बाक्‍ब। मेको रागी गेना हना यो मेको आन के दुम्‍शा, पाला पाला सम्‍म मेकेर बाक्‍नीम।
ISA 35:1 मुर मबाक्‍शो नु ब्‍वाक्‍कु मबाक्‍शो रागी ग्‍येरसीनीम। गोरशो रागी ग्‍येरसीशा शुश फू बोइक्‍पाइक्‍ब। यसैया ३२:१५
ISA 35:2 मिनु मेको थाम्‍पा बोइश्‍शा, ग्‍येरसीशा कुम्‍सो पना पन बाक्नीम। लेबानोन, आ दारस मेकोम ताइब। कारमेल नु शारोन आन मान ततीक मेको कली गेशो बाक्‍ब। मेकोपुकीमी परमप्रभु यावे आ मान ततीके नु आंइ परमप्रभु आ छेङछेङ ताइनीम।
ISA 35:3 इन मारेइ पने मचाप्‍ब गुइ बोल्‍यो सेलीन। इन ख्रिंख्रि पाइब पोक्‍च बोल्‍यो सेलीन। हिब्रू १२:१२
ISA 35:4 हिंब थुं पाइश्‍शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्‍ब। मेको क्‍येक्‍क लेत्‍चा कली जाक्‍ब। परमप्रभुमी हिंचा ङा सजाइ गेब। मेको जाक्‍शा इन कली प्रोंइब।
ISA 35:5 मेना मिक्‍च मताइबपुकीमी ताइनीम। नोफा मनेंबपुकीमी नेंनीम। यसैया २९:१८
ISA 35:6 खोइल मदुक्‍ब मुर किश्‍श खोदेंशो पा प्रेक्‍नीम। मब्‍वाक्‍बपुकीम ग्‍येरसीशा कुम्‍सो पाइनीम। मारदे हना मुर मबाक्‍तीकेम ब्‍वाक्‍कु बुक्‍नीम। गोरशो रागीमी खोला यीनीम।
ISA 35:7 मिनु थम होश बाल्‍वा दोम्‍ली दुम्‍ब। सोव़शो खप रे ब्‍वाक्‍कु बुक्‍ब। मिनु सिवार आन बाक्‍तीकेमी घांस नु बुदी मीलु वानीम। यसैया ४१:१८
ISA 35:8 मेकेर ठेयब लां का दुम्‍ब। मेको लां कली “परमप्रभु यावे आ लां बाक्‍ब” दे नें वोइक्‍नीम। ग्रांग्रा दिशो मुर मेको लां लचा मताइनीम। परमप्रभु आ मुर ला मेको लां लचा ताइनीम। सु सु मेको लां लाइनीमी, मेकोपुकी मूर्ख बाक्‍तेक्‍म हना यो, मजाम्‍नीम। यसैया ५६:३-८; येरमीया ३१:८
ISA 35:9 मेकेर गुप्‍स मबाक्‍नीमी। मुर ब्‍वाइब जन्‍तु यो मलाइनीम, मबाक्‍नीम। तन्‍न पाप रे प्रोंइशो मुर ला मेको लां गाक्‍नीम।
ISA 35:10 परमप्रभु यावेमी श्‍येत रे प्रोंइशो मुर ला लेश्‍शा जाक्‍नीम। मिनु सियोनमी कुम्‍सो पना पन ओव़नीम। मेकोपुकी गेना हना यो ग्‍येरसीशा बाक्‍नीम। ग्‍येरसीना सीन बाक्‍नीम। आन श्‍येत जशा, हुक‍यी पतीके लेश्‍शा मजाक्‍ब। यसैया ५१:११; प्रकाश २१:४
ISA 36:1 पिप हिज्‍कीयाहम सासनम पवा आ १४ बर्सम, अस्‍सुर ङा पिप सन्‍हेरीबम यहूदा ङा गारो हिरशो सहर आन कली लडाइ पा ग्रा‍त।
ISA 36:2 मिनु अस्‍सुर ङा पिपम लाकीश ङा राब्‍शाके माइश्‍शो, आ कप्‍तान नु लडाइ पाइब शुश पिप हिज्‍कीयाह आ बाक्‍तीके यरूसलेममी सोइक्‍ताक्‍व। मिनु मेको आइक्‍था दोम्‍ली ङा ब्‍वाक्‍कु यितीके वा मुरब आन रू ङा लांमी राप्‍तेक्‍म। यसैया ७:३
ISA 36:3 मिनु दरवार कोव़ब, हिल्‍कीयाह आ तौ एल्‍याकीम, पिप आ ब्रेक्‍ब शेब्‍ना नु आसाफ आ तौ योआह लाङगा ग्रूशा मेको आन बाक्‍तीक लाम्‍तेक्‍म। यसैया २२:२०
ISA 36:4 मिनु राब्‍शाकेमी मेको आन कली “गे हिज्‍कीयाह कली अस्‍सुर ङा ठेयब पिपमी इन कली मार देंत देंशा हना, ‘गे मार कली आस पा थमा सुइक्‍नीनी?
ISA 36:5 गे इन फश लोव़म लडाइ दोपा पचा तुइक्‍तीक नु लडाइ पतीक सक्ति बाक्‍बा? गे आं कली मटिथु, सु कली आस पा थमा सुइक्‍नेवे?
ISA 36:6 गे जिक्‍शो कोक्‍के खोदेंशो इजीप्‍त कली थमा सुइक्‍नेवे? सु सु मेको कोक्‍के तिक्‍शा गाक्‍नीमी, मेको आन गुइ थोक्‍ब। सु सुमी इजीप्‍त ङा पिप फाराओ कली थमा सुइक्‍नीमी, मेको कोक्‍केम थोक्‍शो खोदेंशो दुम्‍नीम। इजीप्‍त ङा फाराओ मोदेंशो बाक्‍ब’ दे मतीन। इजीकीएल २९:६-७
ISA 36:7 तन्‍न गे, आं कली ‘गोपुकी परमप्रभु यावे, आंइ परमप्रभु कली थमा सुइक्‍नीकी’ देंतीनी हना, हिज्‍कीयाहमी मेको आ थान नु आ चढ़ेतीकेपुकी मप्रेंदा ङा? मिनु यहूदा नु यरूसलेमम बाक्‍ब आन कली ‘गे एको चढ़ेतीके आ ङोंइती चढ़ेचा माल्‍नीनी’ मदेंमे? २राजा १८:४
ISA 36:8 गे आं होव़प, अस्‍सुर ङा पिप नु बाजी पावो। मिनु इ के शारा ङोइक्‍ब मुर बाक्‍तेक्‍म हना, गो इ कली हजार निक्‍शी शारा गेनन।
ISA 36:9 गे बग्‍गी नु शारा ङोइक्‍ब आन पर्बम इजीप्‍त कली थमा सुइक्‍नेवे। गे आं होव़प आ नेल्‍ल क्‍येङा आइक्‍च कप्‍तान का कली यो खेरने मचाप्‍नेवे।
ISA 36:10 मार, गो एको रागी खतम सेल्‍चा कली परमप्रभु यावे कली हिल्‍लो मपथु, जाक्‍ङा ङा? परमप्रभु यावेम आं कली ‘लावो, मेको रागी कली खतम सेलो’ दे माइक्‍ती” देंत।
ISA 36:11 मिनु एल्‍याकीम, शेब्‍ना नु योआहमी मेको राब्‍शाके कली “इन गेय पाइबपुकी नु अरामी लोव़ ब्‍वाक्‍कीन। गो मेको लोव़ रुप्‍नीकी। गारोम बाक्‍ब मुर नेल्‍ल आन नेंचा ङा पा यहूदी लोव़ पा मब्‍वाक्‍कीन” देंतेक्‍म।
ISA 36:12 तन्‍न राब्‍शाकेमी “मार, आं होव़पमी इन होव़प नु इन कली ला लोव़ पथ सोइक्‍ती ङा? गारोम बाक्‍ब मुरपुकीम यो रुप्‍चा माल्‍नीमी। मारदे हना मेकोपुकीम यो इन खोदेंशो पा आन ख्री जचा नु आन चारना‍क तूचा माल्‍नीम” देंत।
ISA 36:13 नोले मेको राब्‍शाकेमी मुर आन नेक्‍था राप्‍शा यहूदी आन लोव़मी ठेयब सेंदा पा “अस्‍सुर ङा ठेयब पिप आ लोव़ नेनीन।
ISA 36:14 मेकोमी मार देंत हना ‘हिज्‍कीयाह आ जोल लोव़ थमा मसुतीन। मेकोम इन कली प्रोंइने मचाप्‍ब।
ISA 36:15 हिज्‍कीयाहमी इन कली “परमप्रभु यावेम इन कली रिम्‍शो पाइब। परमप्रभु यावेमी इन कली थमा पा श्‍येत रे प्रोंइब। एको सहर अस्‍सुर ङा पिप आ गुइमी मदुम्‍ब” देंशो लोव़ थमा मसुतीन।
ISA 36:16 हिज्‍कीयाह आ लोव़ मनेनीन, मारदे हना अस्‍सुर ङा पिपमी इन कली “गो नु गारीन। मेकेर रे ग्रूशा आं बाक्‍तीके जाक्‍कीन। मो पाइतीनी हना, गे नेल्‍ल इन रू ङा अङगुर बोट नु इन फोव़शी रवा ताइनीनी। मिनु इन आंम कुवा ङा ब्‍वाक्‍कु तूचा ताइनीनी। १राजा ५:५; मीका ४:४
ISA 36:17 मिनु नोले गो इन कली आंम रागी खोदेंशो अर्को रागी काम लाइक्‍नन्‍नी। मेको रागीम शुश अन्‍न नु अङगुर शांबु बाक्‍ब। मेको शोब्‍ले नु अङगुर रूम ब्रीशो रागी बाक्‍ब” देंत।
ISA 36:18 हिज्‍कीयाहमी इन कली “परमप्रभु यावेमी इं कली श्‍येत रे प्रोंइब” देंशा, हेंथे लां कोंइ‍चा मगेने। मार, रागी रागी ङा देवी देवता काम यो आन रागी अस्‍सुर ङा पिप आ गुइ प्रोंइने चाप्‍मे ङा? यसैया ३७:१२
ISA 36:19 हमाथ नु अरपाद ङा देवी देवता ते लाक्‍गमे? सेफारवाइम ङा देवी देवता ते लाक्‍गमे? मेकोपुकीमी सामरीया कली अस्‍सुर आ पिप गुइ रे प्रोंइने चाप्‍मे ङा?
ISA 36:20 एको रागी नेल्‍ले ङा तेको देवी देवताम आ रागी आं गुइ रे प्रोंइने चाप्‍बा ङा? मार, परमप्रभु यावेमी यरूसलेम कली आं गुइ रे प्रोंइने चाप्‍बा ङा?’ ” देंत।
ISA 36:21 तन्‍न मेकोपुकी सिक्‍सी पा बाक्‍शा, राब्‍शाके कली काइ लोव़ मलेत्‍तेम। मारदे हना पिपमी मेको आन कली “लोव़ मलेत्‍तीन” दे माइश्‍शो बाक्‍‍त।
ISA 36:22 मिनु दरवार कोव़ब, हिल्‍कीयाह आ तौ, एल्‍याकीम, ब्रेक्‍ब शेब्‍ना नु इतिहास ब्रेक्‍ब आसाफ आ तौ, योआहम आन वा खाक्‍शा हिज्‍कीयाह आ ङोंइती जाक्‍शा, मेको राब्‍शाके आ लोव़ नेल्‍ल शोव़तेक्‍म।
ISA 37:1 मिनु पिप हिज्‍कीयाहमी मेको लोव़ नेंशा, आ वा खाक्‍शा, अरन्‍डी फेक्‍शा परमप्रभु यावे आ खिं लत।
ISA 37:2 मिनु मेकोमी आ दरवार कोव़ब एल्‍याकीम, ब्रेक्‍ब शेब्‍ना नु चढ़ेब आन दाते ङा खूशो आन कली अरन्‍डी फेक्‍पाइश्‍शा, आमोज आ तौ यसैया आ बाक्‍तीक सोइक्‍ताक्‍व।
ISA 37:3 मिनु मेकोपुकीमी यसैया कली “हिज्‍कीयाहमी ‘मुलाक्‍ती श्‍येत जतीके, तुप्‍पांइसीतीके नु शुक्‍शी पाइक्‍चा पुंइसीतीके नाक्‍त बाक्‍ब। आल थिचशो मीश मुरुमी आल थिचावानु, थिचा कली बोल मबाक्‍शो खोदेंशो दुम्‍त।
ISA 37:4 इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।
ISA 37:5 मोपा हिज्‍कीयाह आ मुरपुकी यसैया आ बाक्‍तीक जाक्‍मानु,
ISA 37:6 यसैयामी मेको आन कली “गेपुकीमी पिप कली ‘परमप्रभु यावेम इन कली मार देंशो बाक्‍ब देंशा हना, इन नेंशो अस्‍सुर ङा पिप आ मुरुमी आं कली शुक्‍शी पशो लोव़ आ पर्बम महिनीन।
ISA 37:7 गो मेको कली हिंब थुं का गेनुङ। मिनु हिंचा ङा लोव़ नेंशा, मेको आ रागी लेश्‍शा लाइब। मिनु गो मेको कली आ रागीम क्‍योरशा साइक्‍पाइक्‍नुङ देंत’ दे मतीन” दे माइक्‍तीमी।
ISA 37:8 मिनु राब्‍शाके आ पिप बाक्‍तीके लेम्‍मेनु “पिपम लाकीश प्रोंइतु” देंशो लोव़ नेना बाक्‍त। मिनु लमेनु, अस्‍सुर ङा पिप लिब्‍ना ङा मुर नु लडाइ पना पन बाक्‍शो थिदा बाक्‍त।
ISA 37:9 अस्‍सुर ङा पिपमी एथीयोपीया ङा पिप तिरहाकाह “गे नु लडाइ पथ जाक्‍ना जाक्‍न बाक्‍ब” देंशो लोव़ नेना बाक्‍त। मिनु मेको लोव़ नेंशा, हिज्‍कीयाह आ बाक्‍तीकेमी आ मुर आन कली लोव़ कुरब पा सोइक्‍ताक्‍व।
ISA 37:10 मार लोव़ सोइक्‍ताक्‍व देंशा हना, यहूदा ङा पिप हिज्‍कीयाह कली “इन थमा सुइश्‍शो परमप्रभुमी इन कली दूली लां मखोइक्‍पांइसीन। ‘यरूसलेम अस्‍सुर ङा पिप आ गुइमी मदुम्‍ब’ देंनीनी।
ISA 37:11 गे अस्‍सुर ङा पिपपुकीमी रागी नेल्‍ल आन कली क्‍याम्‍शो, लोव़ नेंशो बाक्‍नीनी। मार गे चहिं ब्रोंइनीनी ङा?
ISA 37:12 आं किकी पिपीम क्‍याम्‍शो रागी रागी गोजान, हारान, रेचेफ नु तेलास्‍सारम बाक्‍शो एदेन ङा मुर आन देवी देवतामी मेको रागी प्रोंइने चाप्‍मे ङा? यसैया ३६:१८
ISA 37:13 हमाथ, अरपाद, सेफारवाइम, हेना नु इव्‍वाह ङा पिपपुकी ते लाक्‍ग‍मे? दे मतीन” देंत।
ISA 37:14 मिनु हिज्‍कीयाहमी मेको लोव़ कुरब मुर आन गुइ रे मेको चिठी ताक्‍शा, पढेप्‍तु। मिनु मेको चिठी परमप्रभु यावे आ खिं लाइश्‍शा, परमप्रभु यावे आ ङोंइती प्राक्‍शा वोइक्‍तु।
ISA 37:15 मिनु हिज्‍कीयाहमी परमप्रभु यावे कली
ISA 37:16 “मुर नेल्‍ल आन परमप्रभु यावे, इस्राएली आन परमप्रभु, गे करूब आस तार बाक्‍ब बाक्‍नीनी। गे ला रागी नेल्‍ल ङा राज्‍य ङा परमप्रभु बाक्‍नीनी। सरीङ नु रागी इन सेल्‍शो बाक्‍नीस।
ISA 37:17 परमप्रभु यावे, आं लोव़ नेनीन। परमप्रभु यावे, कोव़ङीन। सन्‍हेरीबमी गेना हना यो ब्रोंइशा बाक्‍ब परमप्रभु, इन कली शुक्‍शी पथ सोइश्‍शो लोव़ नेनीन।
ISA 37:18 परमप्रभु यावे, थमा पा अस्‍सुर ङा पिपपुकीमी रागी रागी नेल्‍ल क्‍याम्‍ताक्‍म।
ISA 37:19 मेको आन देवी देवता मीम हुम्‍ताक्‍म। मारदे हना मेकोपुकी मुर आन गुइमी सेल्‍शो, शी नु फुल्‍लु के बाक्‍नीम। मेकोपुकी इन खोदेंशो मनम। मोपतीके खतम सेल्‍चा पुंइसाक्‍म।
ISA 37:20 परमप्रभु यावे, आंइ परमप्रभु, मुल आंइ कली सन्‍हेरीब आ गुइ रे प्रोनीन। रागी नेल्‍ल ङा मुरपुकीम गे ला परमप्रभु यावे बाक्‍नीनी, दे तुइक्‍तमेक्‍ल” दे पुंइशा, लोव़ पाप्‍‍तु। यसैया ४०:५; दानीएल ६:२७
ISA 37:21 नोले आमोज आ तौ यसैयामी हिज्‍कीयाह कली “परमप्रभु यावे, इस्राएली आन परमप्रभुमी ‘अस्‍सुर ङा पिप सन्‍हेरीब आ पर्बम इ पशो लोव़ गो नेंता’ देंत।
ISA 37:22 परमप्रभु यावेमी सन्‍हेरीब आ पर्बम मार देंत देंशा हना ‘सियोन ङा कन्‍ने तमी इ पर्बम शुक्‍शी पा रिश्‍शो बाक्‍ब। यरूसलेम ङा तमीमी इ नोले कोव़शा, आ पिया हिक्‍शो बाक्‍ब।
ISA 37:23 गे सु कली शुक्‍शी पवी? सु आ पर्बम गे ठेयब लेश्‍शो लोव़ पवी? गे इस्राएली आन का ला बाक्‍शो परमप्रभु आ ङोंइती ठेयब लेश्‍शो दुमे?
ISA 37:24 मिनु इ सोइश्‍शो गेय पाइब मुर रे पा परमप्रभु कली शुक्‍शी लोव़ पपाइक्‍‍तीवी’ देंत। मिनु गे ‘आं शुश बग्‍गीमी डांडा ङोंइसाक्‍यी। लेबानोन नेल्‍ल ङोंइसाक्‍यी। गो मेकेर ङा लाइश्‍शो रवा नु रिम्‍शो रवा नेल्‍ले आन कली तिम्‍तामी। गो नेल्‍ल क्‍येङा इर नु ङोन नु ठेयब ब्‍वाकी सम्‍म जाक्‍दीत्‍ती। यसैया १४:८
ISA 37:25 गो इनार दोशा ब्‍वाक्‍कु तूता। आ खोइलीमी इजीप्‍त ङा ठेयब खोला नेल्‍ल सोव़पाइक्‍ता, दे शुक्‍शी पपाइक्‍तीवी।
ISA 37:26 गो आं ङोंइती मिम्‍शो, गे मतुइक्‍ती? आं ङोंइती मिम्‍शो गो मुल पाइनुङ। गे गारो हिरशो सहर आन कली फुल्‍लु तेल्‍तीक सेल्‍चा माल्‍नेवे।
ISA 37:27 मेकेर ङा मुर आन सक्ति जाम्‍शा, हिंब दुम्‍शा, मुने पा, मारेइ पने मचबेम। मेकोपुकी रू ङा घांस नु खिं तार वाशो घांस खोदेंशो दुम्‍तेक्‍म। मेको वाचा क्‍येङा ङोंइती सोव़ब।
ISA 37:28 गो इ बोक्‍शो, इ निश्‍शो नेल्‍ल तुइक्‍नुङ। इ लशो, पिशो तुइक्‍नुङ। मिनु गे आं पर्बम गाइक्‍ताक्‍वी।
ISA 37:29 मारदे हना गे आं पर्बम गाइक्‍तीनु, इ ठेयब लेश्‍शो नेंता। मोपतीके गो इ नेंम बोल्‍सी का ब्‍वेक्‍नुङ। मिनु इ शोव़मी लगम पाइश्‍शा इ जाक्‍शो लां लेप्‍पाइश्‍शा सोइक्‍नन’ देंत, दे मतीन” दे मुर सोइताक्‍मी।
ISA 37:30 मिनु परमप्रभु यावेमी हिज्‍कीयाह कली “इ कली एको चिन्‍ड दुम्‍ब। मुलाक्‍त थोचे आंमा वा‍शो बाली नाली जाइनीनी। माइक्‍थी आंमा दोक्‍शा वाशो बाली नाली जाइनीनी। तन्‍न न्‍युं चहिं आंमा शोक्‍शा खुप्‍तीन। अङगुर ख्रुम्‍शा जने।
ISA 37:31 यहूदा आ खिं ङा लीशोपुकी लेंशा, सोशा बोशा, शाक्‍श थोक्‍शा, फल सित्‍नीम। शुश दुम्‍नीम।
ISA 37:32 मारदे हना यरूसलेम रे लीशोपुकी लाइनीमी। सियोन डांडा रे हुल का ब्रोंइशोपुकी ग्रूनीम। मुर नेल्‍ल आन परमप्रभु यावेमी, गो मेको पाइनुङ” देंत। यसैया ९:६
ISA 37:33 मोपतीके परमप्रभु यावेमी अस्‍सुर ङा पिप आ पर्बम “मेको सहरम मजाक्‍ब। ब्रा का यो मआप्‍ब। सहर आ ङोंइती ब्रा तेक्‍तीके मकुरनीम। सहर ओव़चा कली गारो ङोइक्‍तीक मसेल्‍नीम।
ISA 37:34 मेको तेको लां जाक्‍मे, मेको लां लेप्‍ब। सहर मओव़ब।
ISA 37:35 गो मेको सहर कली आं पर्बम नु आं गेय पाइब दाऊद आ पर्बम आन गुइ रे प्रोंइशा, वोइक्‍नुङ” देंत।
ISA 37:36 मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८
ISA 37:37 मो दुम्‍मेनु अस्‍सुर ङा पिप सन्‍हेरीब लेश्‍शा लशा निनवे सहरम बाक्‍त।
ISA 37:38 मिनु आ देवता निस्रोक आ खिंमी बाप्‍शा पूजा पना पन बाक्‍मेनु, आ तौ अद्राम्‍मेलेक नु शरेसेरमी मेको कली तरवारमी क्‍योरशा साइक्‍ताक्‍स। मिनु मेको निक्‍शी प्रोक्‍शा, आरारात रागी लाम्‍ताक्‍स। मिनु मेको आ पा ङा आ तौ एसर-हददोन पिप दुम्‍‍‍त।
ISA 38:1 मेना हिज्‍कीयाह रोइ पा बेक्‍चा चिक्‍ता बाक्‍त। मिनु परमप्रभु यावे आ लोव़ पाइब आमोज आ तौ, यसैया जाक्‍शा, पिप कली “परमप्रभु यावेमी इन कली ‘गे बेक्‍नेवे, मब्रोंइनेवे। इ खिं नेल्‍ल ठीक सेलो’ देंत” दे माइक्‍तु।
ISA 38:2 मिनु हिज्‍कीयाहमी, आ कुल गारो गे हिरशा, परमप्रभु यावे कली
ISA 38:3 “परमप्रभु यावे, गो इन ङोंइती थमा पा थुं निक्‍शी मपथु, बाक्‍ती। मेको मिम्‍तीने। गो इन ङोंइती नेल्‍ल रिम्‍शो पाता” देंत। मिनु हिज्‍कीयाह शुश ङाक्‍त। २राजा १८:२-६
ISA 38:4 मिनु परमप्रभु यावेमी यसैया कली
ISA 38:5 “हिज्‍कीयाह आ बाक्‍तीक लावो। मेको कली परमप्रभु यावे, इ किकी दाऊद आ परमप्रभुमी इ कली ‘गो इ पुंइशो लोव़ नेंता। इ प्रेक्‍कु ताता। नेनो, गो इ ब्रोंइतीक नाक्‍ती १५ बर्स तेम्‍नुङ।
ISA 38:6 मिनु गो इ कली नु एको सहर कली अस्‍सुर ङा पिप आ गुइ रे प्रोंइनुङ। एको सहर कली वारच पाइनुङ।
ISA 38:7 परमप्रभु यावेमी आ देंशो पाइब दे इ कली आ गेशो चिन्‍ड मार बाक्‍ब देंशा हना,
ISA 38:8 आहाज आ घरी आ वांकु उइ लने थुम्‍शो बाक्‍ब। मेको कली परमप्रभु यावेमी १० खेयप नोले लेप्‍पाइक्‍ब’ दे मतो” देंत। मिनु नां आ वांकु लाक्‍ने थुम्‍शा यो, १० खेयप नोले लेत्‍त।
ISA 38:9 यहूदा ङा पिप हिज्‍कीयाह रोइ पा साम नोले आ ब्रेक्‍शो लोव़ मार बाक्‍त देंशा हना,
ISA 38:10 गो थम रिम्‍शो पा बाक्‍ना बाक्‍न, बेक्‍शो मुर आन बाक्‍तीके लचा माल्‍नुङ।
ISA 38:11 मिनु गो परमप्रभु यावे कली “गो परमप्रभु यावे, इन कली ब्रोंइशो मुर आन रागी मताइनुङ। गो मुल मुर आन कली मताइनुङ। रागीम बाक्‍ब आन कली मताइनुङमी। भजन संग्रह २७:१३
ISA 38:12 आं बाक्‍तीक खिं, गोठ खोदेंशो पा, प्रेश्‍शा आं रे ङोन याक्‍ताक्‍म। तोव़ प्रोव़बमी वा तोल्‍शो खोदेंशो पा, गो आं ब्रोंइतीक नाक्‍त तोल्‍शो बाक्‍नुङ। गो तोव़ रे ख्रोइक्‍चा पुंइसाक्‍ङ। नाक्‍दो नाक्‍ती आं कली बेक्‍पाइक्‍नीनी” दे परमप्रभु कली लोव़ पाता।
ISA 38:13 सुनी सम्‍म आं थुं कली रिम्‍पाइक्‍ना पाइक्‍न बाक्‍ती। गुप्‍सम खोदेंशो पा आं खोइल जिक्‍ताक्‍यीनी। काबु नाक्‍दो नाक्‍तीमी गे आं कली खतम पोक्‍तीनी।
ISA 38:14 गो बेल्‍लुम नु बोकुला खोदेंशो पा ग्रीती। ढुकुर खोदेंशो पा रोंका पाता। गो शुश ग्‍येत्‍थ कोव़तीके आ मिक्‍च पारताक्‍यी। आं थुं लुक्‍च लत। गो “परमप्रभु, गो श्‍येत जाइनुङ। आं कली वारच पाइय्‍यीनी।
ISA 38:15 तन्‍न गो मार देंनुङा ङा? मारदे हना गे आं कली लोव़ पाइतीनी। मोदेंशो आंमा पाइतीनी। आं निन्‍द्रा नेल्‍ल प्रोक्‍त। आं थुं लुक्‍च लत हना यो गो इन कली ठेयब सेल्‍नुङ।
ISA 38:16 परमप्रभु, मोदेंशो श्‍येत रे मुर ब्रोंइनीम। आं थुं यो मेको रे ब्रोंइब। गे आं कली सापाइश्‍शा, ब्रोंइचा गेतीनी।
ISA 38:17 एको श्‍येत थमा पा आं कली ब्रोंइचा कली बाक्‍त। गे आं कली दाक्‍शा, श्‍येत रे ग्रुंइताक्‍यीनी। मारदे हना गे आं पाप नेल्‍ल क्‍याम्‍ताक्‍नी। भजन संग्रह ३२:५; मीका ७:१८-१९
ISA 38:18 बेक्‍शो मुर आन बाक्‍तीकेमी इन कली ठेयब मसेल्‍ब। बेक्‍पाइक्‍बम इन कली ठेयब सेल्‍ने मचाप्‍ब। बेक्‍शो मुरुम इन वारच पाइक्‍तीक आस मपाइनीम। भजन संग्रह ६:६; भजन संग्रह ११५:१७
ISA 38:19 ब्रोंइशोपुकीम ला इन कली ‘गे रिम्‍शो पाइब बाक्‍नीनी’ देंनीमी। मिनु गो मुलाक्‍ती मोदेंशो पाइनुङ। आफपुकीमी गे थमा सुइक्‍चा माल्‍शो बाक्‍नीनी, दे आन आल आन कली शेंनीम” दे हिज्‍कीयाहमी देंत।
ISA 38:20 परमप्रभु यावेमी आं कली श्‍येत रे प्रोंइब। मोपतीके गोपुकीमी तार पाइश्‍शो ताप्‍तीके ताप्‍शा कुम्‍सो पाइनीकी। गो ब्रोंइका सम्‍म मोदेंशो पाइनीकी। परमप्रभु यावे आ खिंमी कुम्‍सो पा ताप्‍शा बाक्‍नीकी, दे हिज्‍कीयाहमी ब्रेक्‍शो बाक्‍त।
ISA 38:21 मिनु यसैयामी “सापाइक्‍चा कली फोव़शी रवा आ फल रे सेल्‍शो ओख्‍ती चाक्‍शा, एको गार तार ख्रेक्‍चा माल्‍नीनी” देंत। यसैया ३८:२१-२२, यसैया ३८:६ नु ७ आन दातेमी वोइक्‍चा माल्‍ब। २राजा २०:७-८ मोदेंशो बाक्‍ब।
ISA 38:22 ङोंइती हिज्‍कीयाहमी “गो परमप्रभु यावे आ खिं लचा ताइनुङ, देंशो चिन्‍ड, मार दुम्‍बा ङा?” दे हिल्‍लो पशो बाक्‍‍त।
ISA 39:1 मेना बेबीलोन ङा पिप बालादन आ तौ मेरोदाक-बालादानमी हिज्‍कीयाह कली चिठी नु कोसेली कुर पाइश्‍शा, मुर आन कली सोइक्‍ता बाक्‍त। मारदे हना मेकोमी “हिज्‍कीयाह रोइ पशा, छक लाक्‍चा ङा पा सात” देंशो लोव़ नेना बाक्‍त।
ISA 39:2 मिनु हिज्‍कीयाहमी मेको आन कली तशा, ग्‍येरशा आ शोंप वोइक्‍तीके खिं नेल्‍ल कोंइदा बाक्‍त। मार कोंइदा बाक्‍त देंशा हना, सुन चांदी, मस्‍लापुकी, रिम्‍शो शुश क्‍येट लाइब थोव़क, तेल, आ या वोइक्‍तीके नेल्‍ल नु आ शोंप नेल्‍ले कोंइदा बाक्‍त। आ खिं नु आ रागीमी मेको आन कली मकोंइशो मारेइ मलीमाक्‍त।
ISA 39:3 मिनु परमप्रभु यावे आ लोव़ पाइब यसैया, पिप हिज्‍कीयाह आ बाक्‍तीके जाक्‍शा “मेको मुरपुकीम मार देंमा, ते रे जाक्‍मा?” देंत। मिनु हिज्‍कीयाहमी “एकोपुकी ङोन रागी बेबीलोन रे जाक्‍शो नम” देंत।
ISA 39:4 मिनु “मेकोपुकीम इन खिंमी मार मार तामे?” दे हिल्‍लो पाप्‍तु। मिनु हिज्‍कीयाहमी “आं खिंमी बाक्‍शो मारेइ मारेइ ताम्‍तेक्‍म। मेको आन कली मारेइ मारेइ कोंइताक्‍ङ” देंत।
ISA 39:5 मिनु यसैयामी हिज्‍कीयाह कली “मुर नेल्‍ल आन परमप्रभु यावे आ लोव़ नेनीन
ISA 39:6 ‘इ खिंम बाक्‍शो, इ किकी पिपीमी तेल्‍शा वोइश्‍शो मुल सम्‍म बाक्‍शो मारेइ मारेइ काबु बेबीलोन चाक्‍दीत्‍नीम। मारेइ मलीनीम’ दे परमप्रभु यावेमी देंत। २राजा २४:१३
ISA 39:7 मिनु इ तौ कोइ कोइ आन कली लाइश्‍शा, बेबीलोन ङा पिप आ दरवारमी गेय पाइब सेल्‍नीम” दें‍त।
ISA 39:8 मिनु हिज्‍कीयाहमी यसैया कली “इ देंशो परमप्रभु यावे आ लोव़ रिम्‍शो बाक्‍ब” देंत। मारदे हना मेकोम “गो ब्रोंइङा सम्‍म लडाइ मदुम्‍ब रिम्‍शो दुम्‍ब” दे मिम्‍शो बाक्‍माक्‍त।
ISA 40:1 इन परमप्रभुमी “आं मुर आन कली लेम्‍दीन, लेम्‍दीन।
ISA 40:2 यरूसलेम कली आ थुं बारपाइक्‍तीके लोव़ पने। आ श्‍येत नुप्‍त। आ मरिम्‍शो पशो क्‍याम्‍शो बाक्‍ब। मारदे हना परमप्रभु यावे रे पा आ मरिम्‍शो पशो आ पर्बम निक्‍शी खेयप सजाइ ताप्‍तु” देंत। होसे २:१६; येरमीया १६:१८
ISA 40:3 मिनु ब्रेप्‍ब मुर आ सेंदा कामी “मुर मबाक्‍तीकेमी परमप्रभु यावे आ लां सेलीन। गोरशो रागीमी इं परमप्रभु कली लां रिम्‍शो पा फुल्‍लु ग्रोक्‍शा थेलीने। लूका ३:४-६; यूहन्‍ना १:२३
ISA 40:4 बेंसी नेल्‍ले ग्‍येत्‍थ पोक्‍चा पुंइसीनीम। डांडा नु पहाड फ्रेम्‍चा पुंइसीनीम। दिंम मदुम्‍शो बाक्‍तीके दिंम दुम्‍चा माल्‍ब। फुल्‍लु बाक्‍तीके रिम्‍शो दुम्‍चा माल्‍नीम। यसैया ४९:११
ISA 40:5 मेना परमप्रभु यावे आ छेङछेङ ग्रूब। मेको मुर नेल्‍लेम ताइनीम। मारदे हना परमप्रभु यावेमी एको लोव़ देंशो बाक्‍ब” दे लोव़ पाप्‍तु।
ISA 40:6 मिनु लोव़ पाइब कामी आं कली “शेंदो” देंत। मिनु गो “मार शेंनुङा?” दे हिल्‍लो पाता। मिनु मेकोमी “मुर नेल्‍ले घांस खोदेंशो बाक्‍नीम। मेको आन दारस नेल्‍ल रू ङा फू खोदेंशो बाक्‍ब। भजन संग्रह ९०:५-६; याकूब १:१०-११
ISA 40:7 घांस सोव़ब, मिनु आ फू हेम्‍ब। मारदे हना परमप्रभु यावेमी मेको आन कली मुइक्‍ब। मुर थमा पा घांस खोदेंशो बाक्‍नीम।
ISA 40:8 घांस सोव़ब, आ फू हेम्‍ब। तन्‍न आंइ परमप्रभु आ लोव़ गेना हना यो लीब” देंत। भजन संग्रह ११९:८५; लूका २१:३३
ISA 40:9 “गे ठेयब डांडा ङोंइसीन। सियोन रिम्‍शो लोव़ कुरब बाक्‍ब। ठेयब सेंदा पा शेंदो। यरूसलेम रिम्‍शो लोव़ कुरब बाक्‍ब। महिंथु, ठेयब सेंदा पा शेंदो। यहूदा सहर ङा मुर आन कली ‘इन परमप्रभु एकेर बाक्‍ब’ देनो।
ISA 40:10 कोव़ङीन, परमप्रभु, परमप्रभु यावे सक्ति पाइश्‍शो दुम्‍शा जाक्‍ब। मिनु हुकुम पाइब। आ इनाम आ नु बाक्‍ब। आ गेतीके आ ङोंइती बाक्‍ब। यसैया ६२:११
ISA 40:11 आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११
ISA 40:12 सुमी ब्‍वाक्‍कु नेल्‍ल आ योलम पुक्‍गा? सुमी सरीङ बित्‍ताम थाप्‍ता? सुमी रागी ङा फुरक पुक्‍तीकेम पुक्‍गा? सुमी डांडा आन कली नाक्‍शा, पहाड आन कली नाक्‍तीक तारी वोदा?
ISA 40:13 परमप्रभु यावे आ सोक्‍त कली सुम शेंदा? आ कली अर्ती गेब सु बाक्‍बा? रोमी ११:३४; १कोरिन्‍थी २:१६
ISA 40:14 सुम मेको कली मेको नेल्‍ल रुप्‍चा कली अर्ती गेवा? सुम मेको कली ठीक निसाफ पचा कली शेंदा?
ISA 40:15 रागी रागी ङा मुर नेल्‍ले चिरशो गर ङा लीशो ब्‍वाक्‍कु खोदेंशो नु नाक्‍तीकेम लीशो फुरक खोदेंशो बाक्‍नीम। टापु आन कली फुरक खोदेंशो पा बेरपाइक्‍ब।
ISA 40:16 लेबानोन ङा ब्‍वाकी ङा शी मी मुइक्‍चा कली मगार‍ब। मेकेर ङा जन्‍तुपुकी चोशा चढ़ेचा कली मजाक्‍दीत्‍नीम।
ISA 40:17 रागी रागी ङा मुरपुकी मेको आ ङोंइती मारेइ मनम। मेको श्‍येत्‍थ नु मारेइ मबाक्‍शो बाक्‍नीम, दे मिम्‍ब।
ISA 40:18 मिनु गे परमप्रभु कली सु नु थाप्‍नीनी? मिनु सु आं नेक्‍था वोइक्‍ने चाप्‍नीनी। यसैया ४६:५; प्रस्‍थान २०:४; प्रेरित १७:२९
ISA 40:19 मूर्ति का? मूर्ति चेम्‍बमी मूर्ति कली यपाइक्‍ब। सुन चेम्‍बमी मेको सुनम ख्रुम्‍ब। मेको कली चांदी के साङली सेल्‍‍ब।
ISA 40:20 का निक्‍शीमी कोसेली गेचा कली बोल्‍यो, मराक्‍चा ङा शी योव़नीम। शी के गेय पाइब जोक्‍ब मुर का माल्‍ब। मिनु मेकोमी महिक्‍सीचा ङा पा मूर्ति सेल्‍पाइक्‍ब।
ISA 40:21 गेपुकी मतुइक्‍तीनी, मनेंनी? ङोंइती रे इन कली मशेंदमे? रागी सेल्‍चा रे गे मरुप्‍नी?
ISA 40:22 एको रागी नेल्‍ल आन तार बाक्‍ब, मेकोन बाक्‍ब। रागीम बाक्‍बपुकी माले खोदेंशो बाक्‍नीम। मेकोमी सरीङ कली वा खोदेंशो पा प्राक्‍ब। मिनु मेको मुर आन कली ताम्‍बु खोदेंशो दुम्‍ब।
ISA 40:23 मेकोमी सासन पाइब आन कली शोर गाक्‍शो सेल्‍ब। हुकुम पाइब जाम्‍शा लाइनीम।
ISA 40:24 मेकोपुकी का निक्‍शी ला शोक्‍सीशो बाक्‍नीम। का निक्‍शी ला ख्रुम्‍सीशो बाक्‍नीम। शाक्‍श थोक्‍ची ना दुम्‍मेनु, मेको आन तार मुइक्‍ब। मिनु मेको बेक्‍नीमी। मिनु फश गिवारमी पराल खोदेंशो पा योल्‍ब।
ISA 40:25 आं कली सु नु थाप्‍नीनी। मिनु गो नु उइक्‍थ सु बाक्‍बा?” दे का ला बाक्‍शो परमप्रभुम देंत।
ISA 40:26 गेपुकी ग्‍येत्‍थ कोव़ङीन। मेको आन कली सुम सेला? मेकोमी शुश राप्‍पाइश्‍शा, मेको आन कली हिक्‍ब। मेको आन नें थिशा, ब्रेप्‍ब। मारदे हना मेको आ ठेयब सक्तिम पतीके का यो मजाम्‍नीम। भजन संग्रह १४७:४; उत्‍पत्ती १:१४-१८
ISA 40:27 गे मारदे ए याकूब, देंनीनी? इस्राएलीपुकी “मारदे आं लां परमप्रभु यावे, आं परमप्रभु आ ङोंइती ख्रुइश्‍शो बाक्‍ब देंनीनी?। मारदे आं कली पशो दूली निसाफ मतुइक्‍ब” देंनीनी?
ISA 40:28 मिनु “मार, गे मतुइक्‍तीनी, मनेंनी? परमप्रभु यावे गेना हना यो बाक्‍ब परमप्रभु बाक्‍ब। मेको रागी रागी कली सेल्‍ब बाक्‍ब। मेको मथाइब नु मदाइब। आ तुइक्‍तीके नेल्‍ल क्‍येङा ठेयब बाक्‍ब।
ISA 40:29 मेकोमी दाइब आन कली बोल गेब। मचाप्‍ब आन कली सक्ति गेब।
ISA 40:30 ठिटापुकी यो दशा थाइनीम। मिनु मचाप्‍थु गोल्‍नीम।
ISA 40:31 तन्‍न परमप्रभु यावे आ लां कोव़बपुकी नक सक्ति ताइनीम। ककाकुली खोदेंशो पा आन फ्रां प्राक्‍शा बेरशा ग्‍येत्‍थ लाइनीम। मेकोपुकी दोरशा, मदाइनीम। गाक्‍शा यो मथाइनीम” देंत। भजन संग्रह १०३:५
ISA 41:1 परमप्रभु यावेमी “समुन्‍द्र आ नेक्‍था बाक्‍ब मुरपुकी सिक्‍सी पा आं लोव़ नेनीन। जात जात ङा मुरपुकीम आन सक्ति लेंशा तामेक्‍ल। मिनु मेकोपुकी आं नेक्‍था जाक्‍शा, लोव़ पामेक्‍ल। गो काथा निसाफ पतीकेम बुक्‍य।
ISA 41:2 सुमी पूर्ब रे आ गेय पचा कली ग्राब का कली पोक्‍गा? मेकोमी रागी रागी ङा मुर आन कली आ गुइम गेब। मेकोमी पिप आन कली दिम्‍शा, आ तरवारम मेको आन कली फुरक खोदेंशो सेल्‍ब। आ लिब्रामी फशेम बेरशो भूस खोदेंशो सेल्‍ब। यसैया ४४:२८; यसैया ४५:१,१३; यसैया ४८:१४-१५
ISA 41:3 मेकोमी मेको आन कली खेदा पवानु, मारेइ मदुम्‍थु आ खोइलीम लां कली हेरा मथीनीम।
ISA 41:4 मेको सुमी पपाइश्‍शा पवा? सुम साइ ङोंइती रे पाला पाला ङा मुर आन कली ब्रेत्‍‍ता? गो परमप्रभु यावे, नेल्‍ल क्‍येङा ङोंइती ङा नु नेल्‍ल क्‍येङा नोले ङा नङ। यसैया ४४:६; यसैया ४८:१२; प्रकाश १८:१७
ISA 41:5 समुन्‍द्र आ नेक्‍था बाक्‍ब मुरपुकी मेको तशा, हिंनीम। रागी आ सुर सम्‍म हिम्‍सीब। मिनु मेकोपुकी जाक्‍शा, आं नेक्‍था पिम्‍तेक्‍म।
ISA 41:6 वारच पमुशा, आन थुं बारपाइक्‍मु‍शा ‘ठेयब थुं पावो’ देंमुइनीम।
ISA 41:7 मिनु दारशो थोव़क सेल्‍स जोक्‍बमी चेम्‍ब आ थुं बारपाइक्‍ब। घन तुप्‍बमी चेम्‍ब आ थुं बारपाइश्‍शा ‘एको रिम्‍शो दुम्‍त’ देंशा, महिम्‍सेक्‍ल, दे कांटी थोक्‍ब” देंत।
ISA 41:8 मिनु परमप्रभु यावेमी “आं गेय पाइब इस्राएल, आं योव़शो याकूब, आं वारच अब्राहाम आ चच युइ बाक्‍ब। यसैया ४२:१९; यसैया ४३:१०; यसैया ४४:१,२१; यसैया ४५:४; भजन संग्रह १३५:४; याकूब २:२३
ISA 41:9 इ कली रागी आ सुर रे ब्रेत्‍ताक्‍न। नेल्‍ल क्‍येङा ङोन रे चाक्‍शा, गो इ कली ‘गे आं गेय पाइब बाक्‍नेवे’ देंती। गो इ कली योव़ता। मिनु गो गे नु बाक्‍नुङ।
ISA 41:10 महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१
ISA 41:11 गे नु गाइक्‍ब नेल्‍ल मुने दोक्‍शा, शिशी मताइ‍नीम। इ जोरी सत्रु नेल्‍ल फश खोदेंशो दुम्‍शा, जाम्‍शा लाइनीम।
ISA 41:12 गे मेको आन कली माल्तीवी हना यो, मथित्‍नेवे। इ कली लडाइ तोइबपुकी फश खोदेंशो दुम्‍शा, जाम्‍शा लाइनीम।
ISA 41:13 मिनु गो परमप्रभु यावे, इ परमप्रभुमी इ ग्‍युरा गुइ ग्‍याइक्‍नुङ। मिनु गो इ कली ‘महिनो’ देंशा, वारच पाइनुङ।
ISA 41:14 गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३
ISA 41:15 मुल गो इ कली हेल्‍शो अन्‍न तुप्‍तीके सेल्‍नुङ। मेको हेश्‍शो, नक नु ख्रुइ पाइश्‍शो बाक्‍ब। गे डांडा आन कली तुप्‍शा, फस सेल्‍नेवे। पहाड आन कली भूस खोदेंशो सेल्‍नेवे।
ISA 41:16 गे मेको आन कली हारशा, फशेम योल्‍पाइक्‍नेवे। मिनु फश गिवारम मेको आन कली एर ओंथ फ्रशा योल्‍ब। मेना गे परमप्रभु यावे कली तुइश्‍शा, ग्‍येरनेवे। इस्राएली आन का ला बाक्‍शो परमप्रभु आ मुर दुम्‍‍शा, ग्‍येरसीनेवे” देंत।
ISA 41:17 मेकोमी लेंशा “प्रुङग नु क्‍येट मथीबम ब्‍वाक्‍कु माल्‍नीम। तन्‍न मथित्‍नीम। मेकोपुकी तूतू दाक्‍शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्‍नुङ।
ISA 41:18 गो गोरशो डांडामी ब्‍वाक्‍कु ग्रू‍पाइक्‍नुङ। बेंसीमी ब्‍वाक्‍कु बुक्‍पाइक्‍नुङ। गो मुर मबाक्‍तीकेम ब्‍वाक्‍कु देम्‍शो नु सोव़शो रागीम ब्‍वाक्‍कु बुक्‍पा ग्रूपाइक्‍नुङ। यसैया ३५:१,७; यसैया ४३:१९; प्रस्‍थान १७:६; भजन संग्रह १०७:३५
ISA 41:19 मुर मबाक्‍तीकेमी लेबानोन ङा लाइश्‍शो रवा वापाइक्‍नुङ। बोल्‍यो रवा, तेल रवा नु शुश अरु रवा ख्रुम्‍नुङ। गोरशो रागीमी तोव़शी नु अरु रवा यो ख्रुम्‍नुङ।
ISA 41:20 मुर नेल्‍लेमी परमप्रभु यावे आ पशो बाक्‍ब, दे तशा, तुइश्‍‍शा, मिम्‍शा रुप्‍चा माल्‍नीम। इस्राएली आन का ला बाक्‍शो परमप्रभुमी मोदेंशो सेल्‍तु” देंत।
ISA 41:21 परमप्रभु यावेमी “इन लोव़ मार बाक्‍बा, देनीन। थमा बाक्‍ब, दे कोंइदीन, दे गो, याकूब आ पिपमी देंनुङ।
ISA 41:22 मेको आन कली चाक्ग‍मेक्‍ल। मिनु मार मार दुम्‍मे, मेको देनीन। ङोंइती मार दुम्‍मे, मेको लोव़ पने। गे मेको आन कली मिम्‍शा, नोले मार दुम्‍बा, तुइक्‍चा कली शेंदीन। यसैया ४३:८,९; यसैया ४४:७
ISA 41:23 नोले मार दुम्‍बा आंइ कली तुइक्‍पतीन। मोपा ला गे गेय पने चाप्‍ब बाक्‍नीनी, दे तुइक्‍नीकी। गे रिम्‍शो पने कि मरिम्‍शो पने। मोपा गो इन कली तशा तुइश्‍शा शुश हिं‍नीकी।
ISA 41:24 गे मारेइ मननी। इन पशो नेल्‍ल फश बाक्‍ब। सु सुमी इन कली योव़नीमी मेकोपुकी ग्रांग्रा दिशो बाक्‍नीम।
ISA 41:25 गो उत्तर रे का कली ब्रेत्‍ताक्‍ङ। मिनु मेको जाक्‍त। नां दाप्‍तीके रे आं नेंमी लोव़ पाइब ब्रेत्‍ताक्‍ङ। मेकोम ठेयब मुर आन तारी खप दिम्‍शो खोदेंशो पा दिम्‍ब। खप के ग्‍योंब सेल्‍बम दोदेंशो पा खप नीबा, मोदेंशो पा मेको आन कली नीब।
ISA 41:26 सुमी ङोंइती रे आंइ कली तुइक्‍पदा? मेको गो तुइक्‍चा माल्‍नीकी। मिनु सुमी ङोंइती शेंदा? ‘मेको ठीक बाक्‍ब’ देंने चाप्‍नीकी। सुइमी मशेंदेम, सुइमी लोव़ मपामे। मिनु सुइमी इन पशो लोव़ मनेनेम।
ISA 41:27 मिनु गो ङोंइती सियोन कली शेंताक्‍ङ। गो यरूसलेम कली ग्‍येरपाइक्‍ब लोव़ पाइब का सोइक्‍ताक्‍ङ। यसैया ५२:७
ISA 41:28 तन्‍न गो कोव़ङुनु, सुइ मथिदु। अर्ती गेब सुइ मबाक्‍म। गो हिल्‍लो पाता, सुइम लोव़ मलेत्‍तीनी।
ISA 41:29 मेको नेल्‍ल फश बाक्‍नीम। आन गेय नेल्‍ल फश बाक्‍ब। मिनु देवी देवता आन मूर्ति फश बाक्‍नीम” देंत।
ISA 42:1 परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७
ISA 42:2 मेकोमी जिचा मपोक्‍ब। शुश रेयके मपाइब। लां पित्‍थ आ सेंदा मनेंसीब।
ISA 42:3 मेकोमी जिक्‍चशो किन्‍दा मजिक्‍ब, काप्‍चशो मी यो मकाप्‍ब। मेकोमी थमा पा ठीक निसाफ पाइब। भजन संग्रह ३४:१९
ISA 42:4 मेकोम रागी नेल्‍लेम मुर आन कली ठीक निसाफ पतीक लां मकोंइदा सम्‍म ग्‍युम्‍शा मगोल्‍ब। समुन्‍द्र आ नेक्‍थाम बाक्‍ब मुरपुकी आ शेंशो नेंचा दाक्‍शा, मेको कली रिम्‍नीम” देंत।
ISA 42:5 मेको परमप्रभु, परमप्रभु यावे आ लोव़ बाक्‍ब। मेकोमी सरीङ कली सेल्‍शा प्राक्‍तु। मिनु रागी खप फ्राशा, मेकेर मार मार वापाइक्‍तु। मेकोमी मेकेर बाक्‍शो मुर आन कली आ ब्रोंइतीक गेब। मेकेर बाक्‍ब आन कली यो आ सोक्‍त गेब। उत्‍पत्ती १:-
ISA 42:6 मेकोमी “गो, परमप्रभु यावे नङ। गो इ कली आं ठीक पतीकेमी ब्रेत्‍ताक्‍न। गो इ गुइ ग्‍याइश्‍शा, इ कली कोव़शा बाक्‍नुङ। गो मुर आन पा ङा इ कली आं कबल खाप्‍ब सेल्‍तन। रागी रागी ङा मुर आन कली छेङछेङ दुम्‍पाइक्‍चा कली सोइक्‍ताक्‍न। यसैया ४९:६,८
ISA 42:7 मारदे सोइक्‍ताक्‍न देंशा हना, मिक्‍च मताइब आन कली तपाइक्‍चा, जेल्‍खानम बाक्‍ब आन कली प्रोंइचा नु छिङछिङ रे ग्रुंइचा कली सोइक्‍ताक्‍न। यसैया ३५:५; यसैया ४५:१९; भजन संग्रह १२६:१-४
ISA 42:8 गो, परमप्रभु यावे नङ। आं नें मेकोन बाक्‍ब। आं मान ततीक अरु आन कली मगेनुङमी। आं ठेयब दुम्‍तीके मूर्ति आन कली मगेनुङमी। प्रस्‍थान ३:१५; यसैया ४८:११
ISA 42:9 कोव़ङीन, ङोंइती ङा देंशो लोव़ दुम्‍ने थुम्‍तु। गो दुम्‍चा क्‍येङा ङोंइती नक लोव़ शेंनुङ। मेको दुम्‍चा क्‍येङा ङोंइती इन कली तुइक्‍पाइक्‍नुङ” देंत। यसैया ४८:६
ISA 42:10 परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३
ISA 42:11 गोरशो रागी नु मेकेर ङा सहर कुम्‍सो पने। केदार आ बाक्‍तीक ङा मुर नेल्‍ले कुम्‍सो पने। सेला ङा मुरपुकी ग्‍येरशा कुम्‍सो पने। डांडा तार रे ठेयब सेंदा पा ग्रीङीन।
ISA 42:12 मेकोपुकीमी परमप्रभु यावे कली मान पा‍मेक्‍ल। मिनु “परमप्रभु यावे गिश ठेयब बाक्‍बा” दे समुन्‍द्र आ नेक्‍था बाक्‍ब मुर आन कली शेंदमेक्‍ल।
ISA 42:13 परमप्रभु यावे बोल्‍यो लडाइ पाइब खोदेंशो पा ग्रूब। लडाइ पाइब खोदेंशो पा आ जोंब बोक्‍पाइक्‍ब। मेको ठेयब रेयके पा ग्रीब। मिनु आ जोरी सत्रु आन कली आ ठेयब सक्ति कोंइब।
ISA 42:14 मिनु “गो शुश सिक्‍सी पा बाक्‍ती, ब्‍वालेइ पा आंम कली तेक्‍शा बाक्‍ती। मुल आल थिचशो मीश मुर बुदी, वाइ ब्रेत्‍नुङ। आं सोक्‍त कीनुङ।
ISA 42:15 गो डांडा नु पहाड आन कली गोरशो सेल्‍नुङ। गिगी मारेइ मारेइ सोव़पाइक्‍नुङ। गो ब्‍वाक्‍कु बाक्‍तीक कली सोव़शो रागी सेल्‍नुङ। दोम्‍ली सोव़पाइक्‍नुङ।
ISA 42:16 मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४
ISA 42:17 मुशा सेल्‍शो मूर्ति नु चेम्‍शा सेल्‍शो मूर्ति आन कली थमा सुइश्‍शा ‘गे आं देवी देवता बाक्‍नीनी’ देंबपुकी गिम्‍सीशा, मुने दोक्‍नीम” देंत।
ISA 42:18 परमप्रभु यावेम “गे नोफा मनेंबपुकी नेनीन। गे मिक्‍च मताइबपुकी एक कोव़ङीन। यसैया ४३:८
ISA 42:19 आं गेय पाइब खोदेंशो पा मिक्‍च मताइब सु बाक्‍नीमी? आं सोइश्‍शो लोव़ कुरब खोदेंशो नोफा मनेंब सु बाक्‍नीमी? सु आं कली जिम्‍मा गेंसीशो खोदेंशो मिक्‍च मताइब बाक्‍नीमी? सु परमप्रभु यावे आ गेय पाइब खोदेंशो मिक्‍च मताइब बाक्‍नीमी ङा? यसैया ४१:८
ISA 42:20 मेकोमी शुश मार मार ताइब। तन्‍न मकोव़ब। मेको नोफा नेंब बाक्‍ब, तन्‍न मनेंब” देंत। यसैया ५३:१
ISA 42:21 परमप्रभु यावेमी आ ठीक पतीके तशा, ग्‍येरसीशो बाक्‍त। मेकोमी आ शेंतीके ठेयब सेल्‍शा नु थम रिम्‍शो दुम्‍पाइक्‍‍ब।
ISA 42:22 तन्‍न मेको मुरपुकी रोइश्‍शो नु खुइ पचा पुंइसीशो बाक्‍नीम। मेको नेल्‍ल बिक्‍तीकेमी बिक्‍शो नु जेल्‍खानमी ख्रुइश्‍शो बाक्‍नीम। मेको सिखार खोदेंशो दुम्‍शो बाक्‍नीम। मेको आन कली प्रोंइब सुइ मबाक्‍ब। मेको रोइक्‍चा पुंइसीब दुम्‍शो बाक्‍नीम। मिनु “मेको आन कली लेंशा गेने” देंब सुइ मबाक्‍ब।
ISA 42:23 इन दातेमी मेको नेंशा वारच पाइब, सु बाक्‍बा? मुल रे नोफा दाइश्‍शा, होस पा बाक्‍ब, सु बाक्‍बा?
ISA 42:24 सुमी याकूब आ मुर आन कली रोइक्‍ब आन गुइमी गेवा? सुमी इस्राएली आन कली खुइ आन गुइमी गेवा? मेको पपाइक्‍ब परमप्रभु यावे ममाइ? मेकोपुकीम मेको कली पाप पाम्‍तेक्‍म। मेकोपुकी मेको आ लांम गाक्‍ने मबिस्‍सम नु आ अरेशो मटीम।
ISA 42:25 मोपतीके परमप्रभु यावे मेको आन पर्बम शुश गाइक्‍ताक्‍व। मेको आन कली लडाइ ङा श्‍येत दुम्‍पाइक्‍तु। मेको आन एर ओंथ नेल्‍ल मी जेत्‍ताक्‍व। मो हना यो मेकोपुकीमी काइ मरुबेम। मी जेश्‍‍शा यो आन थुं परमप्रभु यावे गे मलेत्‍तेम।
ISA 43:1 याकूब, इ कली नु इस्राएल कली सेल्‍ब परमप्रभु यावेमी “महिनीन। इन कली पाप रे प्रोंइता। गो इन नें थिशा ब्रेत्‍ती। गे आं मुर बाक्‍नीनी।
ISA 43:2 गे ब्‍वाक्‍कु शोक्‍शा, गाक्‍चा माल्‍ते हना यो, गो गे नु बाक्‍नुङ। खोला शोक्‍साक्‍वे हना यो, मेकोम इ कली मयोल्‍ब। मीम गाक्‍शा लवेनु, मेकोम इ कली मजेप्‍ब। मेको मीम इ कली मदाक्‍ब। प्रस्‍थान १४:२१; भजन संग्रह ६६:१२; दानीएल ३:२५-२७
ISA 43:3 मारदे हना गो परमप्रभु यावे, इ परमप्रभु नङ। गो इस्राएली आन का ला बाक्‍शो परमप्रभु नङ। गो इ कली पाप रे प्रोंइब नङ। गो इजीप्‍त रागी इ पा ङा गेता। मिनु एथीयोपीया नु सेबा रागी इ कली प्रोंइचा कली गेता। यसैया ४१:१४
ISA 43:4 मारदे हना गे आं योव़शो मुर बाक्‍नीनी। गे मान ताइब दुम्‍नीनी। गो इन कली दाक्‍नुङ। मोपतीके गो इन पा ङा अरु मुर आन कली गेनुङ। इन बेक्‍चा आ पा ङा रागी रागी ङा मुर आन कली गेतामी।
ISA 43:5 महिनीन, गो गेपुकी नु बाक्‍नुङ। गो इन आल आन कली नां दाप्‍तीक पूर्ब रे चाक्‍नुङ। मिनु नां पेरतीके पच्‍छिम रे खुप्‍शा तेल्‍नुङ। यसैया ११:११-१६; येरमीया ३०:१०
ISA 43:6 गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।
ISA 43:7 आं नेंम ब्रेत्‍चा पुंइसीशो मुर नेल्‍ल चाक्‍कीन। गो मेको आन कली आं कली ठेयब सेल्‍चा कली वोइक्‍तामी। मेको आन कली सेल्‍ब गो नङ। येरमीया १४:९
ISA 43:8 मेको मिक्‍च बाक्‍शा यो मताइब, नोफा बाक्‍शा यो मनेंब आन कली ग्रुंइदीन।
ISA 43:9 रागी रागी ङा मुर नेल्‍ल खुम्‍समल। जात जात ङा मुर नेल्‍ल बुक्‍‍मल। मेको आन दातेमी सुमी एको लोव़ पवा? मुल मार दुम्‍मे? सुम ङोंइती मेको नोले दुम्‍ब लोव़ पवा? आ सांकछी ब्रेश्‍शा, चाक्गल। मिनु मुरुमी मेको नेंशा ‘थमा बाक्‍ब’ देंमल” देंत। यसैया ४१:२२,२६
ISA 43:10 परमप्रभु यावेमी “गेपुकी आं सांकछी बाक्‍नीनी। मिनु गे आं योव़शो गेय पाइब बाक्‍नीनी। गे आं कली तुइश्‍शा थमा सुइक्‍ब दुम्‍शो बाक्‍नीनी। मिनु गो परमप्रभु नङ, दे रुप्‍नीनी। आं ङोंइती सुइ परमप्रभु मबा, आं नोले यो सुइ परमप्रभु मदुम्‍नीम। यसैया ४४:३
ISA 43:11 गो परमप्रभु यावे नङ। आं क्‍येङा लाक्‍शा पाप रे प्रोंइब मबाक्‍ब। यसैया ४५:२१; ब्‍यवस्‍था ३२:३९
ISA 43:12 इन दातेमी देवी देवता मबाक्‍थु, गो इन कली शेंशा, पाप रे प्रोंइशा, लोव़ नेंपाइक्‍ता। गे आं सांकछी बाक्‍नीनी।
ISA 43:13 गो परमप्रभु नङ। नोले सम्‍म गो मेको नङ। सुइमी आं गुइ रे प्रोंइने मचाप्‍‍ब। गो गेय पङानु, सुइमी आं कली तेक्‍ने मचाप्‍ब” देंत।
ISA 43:14 मिनु परमप्रभु यावे, इन कली पाप रे प्रोंइब, इस्राएली आन का ला बाक्‍शो परमप्रभुमी “इन पा ङा गो बेबीलोन सहर कली लडाइ पाइब सोइक्नुङ। मेको आन ठेयब लाप्‍चो ङा आग्‍लो जिक्‍नुङ। गो कल्‍दी आन ग्रीतीक कली रोंका पपाइक्‍नुङ।
ISA 43:15 गो, इन परमप्रभु यावे, इन का ला बाक्‍शो परमप्रभु नङ। गो इस्राएल कली सेल्‍ब, इन पिप नङ” देंत।
ISA 43:16 मिनु परमप्रभु यावेमी “सुमी समुन्‍द्रमी लां का सेल्‍बा? सुमी ठेयब ब्‍वाक्‍कुमी गाक्‍तीक लां सेल्‍बा ङा? प्रस्‍थान १४:२२; यहोसु ३:१६
ISA 43:17 सुमी बग्‍गी नु शारा, लडाइ पाइब नु बोल्‍यो मुर आन कली मेको लांम सोइक्‍ता? मेकोपुकी गोल्‍शा, बोक्‍ने मचाप्‍नीम। मेकोपुकी सल्‍दो खोदेंशो पा ग्‍याइश्‍शा काप्‍चा पुंइसीनीम। प्रस्‍थान १४:२३-२८
ISA 43:18 ङोंइती ङा दुम्‍शो ममिम्‍तीन। साइ ङोंइती मार दुम्‍मे, मेको ममिम्‍तीन।
ISA 43:19 गो नक गेय का पचा चिक्‍शो बाक्‍नुङ। मुल मेको दुम्‍चशो बाक्‍ब। गे मेको मतुइक्‍नीनी? गो मुर मबाक्‍तीकेम लां का सेल्‍‍नुङ। यसैया ४१:१८
ISA 43:20 मिनु ब्‍वाकी ङा जन्‍तु, सिवार नु ठेयब चिक्‍बपुकीमी आं कली मान पाइ‍नीम। मारदे हना गो मुर मबाक्‍तीकेमी रेउ यिपाइक्नुङ। गोरशो रागीमी खोला शाइक्‍पाइक्‍नुङ। आं योव़शो मुर आन कली तूचा गेचा, दे गो गोरशो रागीमी खोला शाइक्‍पाइक्‍नुङ।
ISA 43:21 आं कली ठेयब सेल्‍चा कली मेको मुर आन कली सेल्‍तामी। १पत्रुस २:९
ISA 43:22 तन्‍न याकूब, गे आं कली ठेयब मसेली। इस्राएल, गे आं नोले खोइक्‍चा आ पर्बम मारेइ ममिम्‍ती।
ISA 43:23 गे इ भेडा आं कली चोशा मचढ़ेयी। इ चढ़ेशोमी आं कली मान मपवी। गो इ कली जचा थोव़क चढ़ेचा माल्‍नेवे, दे श्‍येत मगेङ। धूप चोचा माल्‍नेवे, दे मदेंङ। यसैया १:११-१५
ISA 43:24 गे आं कली ब्रोव़शो रिना पाइब थोव़क ग्‍याप्‍शा मचाक्‍गी। इ चढ़ेशो आन बोंसो मगेयी। तन्‍न इ पाप पतीकेमी गे आं कली श्‍येत गेप्‍तीवी। इ मरिम्‍शो पतीकेमी आं कली श्‍येत जपाइक्‍ती। २कोरिन्‍थी ५:२१
ISA 43:25 गो नङ, इ हेंथे पशो क्‍याम्‍नुङ। गो मेको आं पर्बम पाइनुङ। गो इ पाप लेंशा ममिम्‍नुङ। यसैया ४४:२२; येरमीया ३१:३४
ISA 43:26 आं कली दोस गेयी। निसाफ पथ लय। दोपा गे आं ङोंइती ठीक बाक्‍नेवे, मेको लोव़ पावो।
ISA 43:27 इ ङोंइती ङा किकीम पाप पाप्‍‍तु। गे नु गारशा लोव़ पाइबम आं कली मरिम्‍शो पाम्‍तेक्‍म। यसैया ४१:८; उत्‍पत्ती ३५:११-१२
ISA 43:28 मोपतीके गो आं खिंम चढ़ेब आन कली ‘गेय पचा मदुम्‍ब’ सेल्‍तामी। गो याकूब कली खतम सेल्‍ता। मिनु इस्राएल शुक्‍शी पाइक्‍चा पुंइसीब सेल्‍ता” दे परमप्रभुमी देंत।
ISA 44:1 मिनु “याकूब, आं गेय पाइब, मुल नेनो। आं योव़शो इस्राएल, नेनो।
ISA 44:2 इ कली कोव़जीम सेल्‍शा, वारच पाइब परमप्रभु यावेमी ‘आं गेय पाइब याकूब महिनो। येशुरुन गो इ कली योव़ता। यशुरुन इस्राएल आ नें का बाक्‍ब।ब्‍यवस्‍था ३२:१५
ISA 44:3 मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१
ISA 44:4 मेकोपुकी घांस खोदेंशो पा शुश बारनीम। ब्‍वाक्‍कु आ नेक्‍था वाशो रवा खोदेंशो दुम्‍नीम।
ISA 44:5 मिनु कामी ‘गो परमप्रभु यावे आ मुर नङ’ देंब। अर्कोमी ‘आ नें याकूब बाक्‍ब’ देंब। मिनु अर्कोमी ‘गो परमप्रभु यावे आ मुर नङ’ दे आ गुइम ब्रेक्‍शा ‘आं नें इस्राएल बाक्‍ब’ देंब” देंत।
ISA 44:6 मिनु परमप्रभु यावे, इस्राएली आन पिप नु मेको आन कली पाप रे प्रोंइब, मुर नेल्‍ल आन परमप्रभु यावेमी “गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। गो आं ङा लाक्‍शा, अरु परमप्रभु मबाक्‍नीम। यसैया ४१:४; यसैया ४३:११; प्रकाश १:१७
ISA 44:7 सु आं खोदेंशो बाक्‍बा? मेकोमी ‘गो परमप्रभु खोदेंशो नङ’ दे उरदी पवल। मेकोमी आं ङोंइती देंल। सुम साइ ङोंइती नोले दुम्‍तीक लोव़ पवा? मुल मार दुम्‍बा? मेकोमी देंल। यसैया ४१:२२; ब्‍यवस्‍था १८:२२
ISA 44:8 गे ख्रिंख्रि पा महिनीन। गो साइ रे इन कली मदेंङा ङा? गेपुकी आं सांकछी बाक्‍नीनी। गो आं ङा लाक्‍शा अरु परमप्रभु बाक्‍नीमी? आं क्‍येङा लाक्‍शा अरु सेरथे फुल्‍लु मबाक्‍ब। गो मेको मतुइक्‍नुङ” देंत। १सामुएल २:२
ISA 44:9 मिनु “मूर्ति सेल्‍ब नेल्‍ल फश खोदेंशो बाक्‍नीम। मेको आन सेल्‍चा दाक्‍शो मूर्ति शोर गाक्‍शो बाक्‍नीम। मेको आन पर्बम शेंबपुकी मिक्‍च मताइब खोदेंशो दुम्‍शा, मारेइ मतुइक्‍नीम। मोपतीके मेको मुने दोक्‍नीम। यसैया ४५:१६; भजन संग्रह ११५:४-८; येरमीया १०:३-१६
ISA 44:10 सुम यपाइश्‍शा मुशा रिम्‍शो गेय पने मचाप्‍ब देवता आ मूर्ति सेल्‍बा?
ISA 44:11 मेको आ नोले खोइक्‍ब नेल्‍ल मुने दोक्‍नीम। मेको मूर्ति सेल्‍चा जोक्‍ब मुर ला बाक्‍नीम। मेकोपुकी बुक्‍‍शा, राम्‍मल। ग्रीचोक पा हिंमल। मिनु गेना हना यो मुने दोक्‍मल। यसैया ४२:१७
ISA 44:12 तुप्‍तीलमी मूर्ति चेम्‍ब। मेकोमी मीम गेय पाइब। बोल्‍यो गुइमी घनमी तुप्‍शा सेल्‍ब। मेको शोव़लु बेक्‍शा, आ बोल साम्‍ब। ब्‍वाक्‍कु मतूथु, गेय पने मचाप्‍ब। यसैया ४०:१८-२०
ISA 44:13 शी मुइबमी शी कली श्‍येलेम थाप्‍शा, ब्रेक्‍स पा बस्‍लाम क्‍योक्‍शा, लेंशा थाप्‍शा, कोव़शा ब्रेक्‍स पाइब। मिनु मुर खोदेंशो पा सेल्‍ब। दारशो मुर खोदेंशो पा सेल्‍ब। मिनु नोले मन्‍दीरम निप्‍पाइक्‍‍ब।
ISA 44:14 मेकोमी लेबानोन ङा लाइश्‍शो रवा तिम्‍ब। ब्‍वाकी ङा बोल्‍यो शी के रवा का योव़शा ब्‍वाकी ङा अरु रवा नु कोल्‍पाइक्‍ब। लेबानोन ङा लाइश्‍शो रवा का ख्रुम्‍ब। मेको तारी रेउ यिशा, मेको ठेयब दुम्‍ब। मिनु मेकोमी सला रवा का ख्रुम्‍ब। रेउम मेको कली कोल्‍पाइक्‍ब।
ISA 44:15 मेको रवा आ शी चोचा कली दुम्‍ब। मेको शी रे मी मुइश्‍शा थेरब। मेको शी चोशा, शोब्‍ले चोइब। मेको शी रेन मूर्ति यो सेल्‍शा, आ ङोंइती सेउ पा बाप्‍ब।
ISA 44:16 मेकोमी आधा शी चोशा, मेको तार श्‍ये चोइब। मेको ब्‍वशा रूशा, मी थेरब। मिनु मेकोमी ‘गो होती, मी थेरचा ताता’ देंत।
ISA 44:17 मिनु आ लीशो शी रे मूर्ति का सेल्‍ब। मिनु मेको आ ङोंइती बाप्शा पूजा पाइब। मिनु मेको कली ‘आं कली श्‍येत रे प्रोंइ‍यीनी। मारदे हना गे आं परमप्रभु बाक्‍नीनी’ दे पुंइब” देंत।
ISA 44:18 मेको मुरपुकीमी मारेइ मतुइक्‍थु, मरुप्‍नीम। मारदे हना मेको मिक्‍च मताइनीमी। आन थुं मरोक्‍सीशो बाक्‍ब। मेकोपुकी मारेइ मरुप्‍ब बाक्‍नीम।
ISA 44:19 सुइमी मारेइ ममिम्‍ब कामी “गो मेको शी आधा मीम चोता। मेको मी तारी शोब्‍ले चोशा, श्‍ये वाल्‍शा ब्‍वाता। मुल गो मेको आ लीशो ठुटा रे ग्रांग्रा दिशो मूर्ति सेल्चा दुम्‍बा ङा? गो मेको आ ङोंइती बाप्चा दुम्‍बा ङा?” देंब सुइ मबाक्‍ब।
ISA 44:20 सु सुमी पुलु कली सेउ पाइनीमी, मेको आन दूली थुंमी दूली मिम्‍पाइश्‍शो बाक्‍नीम। मेकोमी आंम कली प्रोंइने मचाप्‍ब। मिनु “आंइ सेल्‍शो मूर्ति जोल बाक्‍ब” मदेंनीम।
ISA 44:21 याकूब गे एको लोव़ मिम्‍तो। इस्राएल मिम्‍तो। मारदे हना गे आं गेय पाइब बाक्‍नेवे। गो इ कली सेल्‍तन, गे आं गेय पाइब बाक्‍नेवे। इस्राएल इ कली मप्रेंनन। यसैया ४१:८
ISA 44:22 गो इ पाप गोस्‍स खोदेंशो पा जाम्‍पाइक्‍ता। इ हेंथे पशो यो क्‍याम्‍ताक्‍ङ। गे आं गे लेतो। मारदे हना गो इ कली पाप रे प्रोंइतन। यसैया ४३:२५
ISA 44:23 गे सरीङ कुम्‍सो पावो। रागी नेल्‍ल रेयके पा, शुश कुम्‍सो पने। गे डांडा, ब्‍वाकी नु रवा नेल्‍लेमी कुम्‍सो पने। मारदे हना परमप्रभु यावेमी याकूब कली श्‍येत रे प्रोंइतु। इस्राएल रागीमी आं नें ठेयब सेल्‍शो बाक्‍ब। यसैया ४९:१३; यसैया ५५:१२; भजन संग्रह ९६:११-१३
ISA 44:24 मिनु परमप्रभु यावे, इ कली श्‍येत रे प्रोंइब, इ कली कोव़जीम सेल्‍बमी “गो मारेइ मारेइ सेल्‍ब परमप्रभु यावे नङ। गो आं कामी सरीङ प्राक्‍ता। रागी वोइक्‍ता। यसैया ४५:१२
ISA 44:25 गो जोल पाइब आन नोले दुम्‍ब लोव़ शोर गाक्‍शो सेल्‍नुङ। लिंक्‍यु कोव़ब आन निप्‍स क्‍यातामी। जोक्‍ब तुइक्‍ब आन कली दिप्‍शा, मेको आन जोक्‍तीके तुइक्‍तीके नेल्‍ल मूर्ख सेल्‍ता। यसैया २९:१४
ISA 44:26 गो आं गेय पाइब आ लोव़ थमा बाक्‍ब। मिनु आं सोइश्‍शो लोव़ कुरबम आं देंशो पाइब। गो यरूसलेम आ पर्बम ‘मेकेर शुश मुर दुम्‍नीम’ देंनुङ। मिनु यहूदा ङा सहर लेंशा सेल्‍चा पुंइसीनीम। मेको आन प्रेश्‍शो खिं नक सेल्‍नुङ।
ISA 44:27 गो शुश लुक्‍च लशो ब्‍वाक्‍कु सोव़पाइक्‍नुङ। गो इ खोला आन कली सोव़पाइक्‍नुङ। यहोसु ४:२३
ISA 44:28 कोरेस आं गोठला बाक्‍ब। मेकोमी आं मिम्‍शो गेय पाइब। मेकोमी ‘यरूसलेम लेंशा सेल्‍चा माल्‍ब’ देंब। आं खिं आ पर्बम ‘नक जग सेल्‍नुङ’ ” देंत। २इतिहास ३६:२३; एज्रा १:१-४
ISA 45:1 मिनु परमप्रभु यावेमी कोरेस कली तेल लुक्‍शा, आ ग्‍युरा गुइ ग्‍याइक्‍ता बाक्‍त। मारदे मो पवा बाक्‍त देंशा हना, रागी रागी ङा मुर आन कली फ्रुपाइक्‍चा, रागी रागी ङा पिप आन कली मुने तोक्‍चा नु आ ङोंइती लाप्‍चो रोक्‍शा, मचोक्‍चा कली बाक्‍त। यसैया ४१:२
ISA 45:2 परमप्रभु यावेमी मेको कली “गो इ ङोंइङोंइती गाक्‍नुङ। डांडा आन कली दिंम सेल्‍नुङ। कांसा के लाप्‍चो जिक्‍नुङ। फलाम के आ‍ग्‍लो जिक्‍नुङ।
ISA 45:3 गो इ कली हिंचा ङा छिङछिङम वोइश्‍शो शोंप गेनुङ। इ कली ख्रुइश्‍शा वोइश्‍शो सुन चांदी गेनुङ। मिनु गे, परमप्रभु यावेमी इ कली नें थिशा ब्रेप्‍ब, इस्राएली आन परमप्रभु, गो नङ, दे तुइक्‍नेवे।
ISA 45:4 आं गेय पाइब, याकूब, आ योव़शो इस्राएल कली गो इ नें थिशा, ब्रेत्‍नुङ। गो इ कली ठेयब नें गेशा ब्रेत्‍ताक्‍ङ हना यो, गे आं कली मतुइक्‍ती।
ISA 45:5 गो परमप्रभु यावे नङ। गो आं ङा लाक्‍शा सुइ परमप्रभु मबाक्‍ब। गे आं कली मतुइक्‍ताक्‍यी हना यो, गो इ कली ठीक सेल्‍तन। प्रस्‍थान २०:३
ISA 45:6 इ कली मार पचा कली ठीक सेल्‍तन देंशा हना, नां दाप्‍तीक रे नां पेरतीक सम्‍म गो आं ङा लाक्‍शा अरु सुइ परमप्रभु मबाक्‍ब, दे मुर नेल्‍ल आन कली तुइक्‍पाइक्‍चा कली ठीक सेल्‍तन। गो परमप्रभु यावे नङ, गो आं ङा लाक्‍शा अरु सुइ परमप्रभु मबाक्‍ब।
ISA 45:7 गो छेङछेङ नु छिङछिङ सेल्‍ब नङ। गो थुं नाइक्‍पाइक्‍ब नु श्‍येत जपाइक्‍ब सेल्‍ब नङ। गो, परमप्रभु यावेमी, मेको नेल्‍ल पाइनुङ। आमोस ३:६
ISA 45:8 सरीङ, रेउ यिपतो। ठीक पतीके रेउ खोदेंशो पा यिल। रागी रोक्‍सेक्‍ल, पाप रे प्रोंइतीके ठोसा खोदेंशो पा ग्रूब। मेको ठीक पतीके नु कालेमीन कोल्‍सल। मेको नेल्‍ल सेल्‍ब, गो, परमप्रभु यावे नङ।
ISA 45:9 आबी, सुमी आ कली सेल्‍ब कली दोस गेबा, मेको गर आ गम्‍टे का खोदेंशो बाक्‍ब। मार, खपीमी खप के ग्‍योंब सेल्‍ब कली ‘मार पवी?’ देंबा ङा? गेयमी गेय पाइब कली ‘मजोक्‍ब बाक्‍ते’ देंबा ङा? अय्‍युब ४०:२; यसैया २९:१६; येरमीया १८:६; रोमी ९:२०
ISA 45:10 आबी, सुमी आ आफ कली ‘मारदे आं कली सेल्‍यी?’ मिनु मीश मुर कली ‘गे मारदे आल थितीक रोइ पाइनेवे?’ ” देंब।
ISA 45:11 मिनु परमप्रभु यावे, इस्राएली आन का ला बाक्‍शो परमप्रभु यावे नु इस्राएल कली सेल्‍बमी, मार देंब देंशा हना “गे आं कली ‘आं आल ते लाइनीनी’ दे हिल्‍लो पाइनेवे? आं गेय आ पर्बम आं कली अरेचा माल्‍नेवे?
ISA 45:12 गो रागी नु रागीम बाक्‍ब मुर आन कली सेल्‍ता। गो आं गुइमी सरीङ प्राक्‍ता। मिनु मेकेर मार मार बाक्‍मा, मेको नेल्‍ल सेल्‍तामी। यसैया ४४:२४
ISA 45:13 गो कोरेस कली ठीक पचा कली पोक्‍ता। गो मेको आ लां नेल्‍ल दिंम सेल्‍नुङ। मेकोमी आं सहर सेल्‍चा माल्‍ब। मिनु मेकोमी ग्‍याइश्‍शा लाइश्‍शो मुर आन कली प्रोंइब। मेकोम क्‍येट नु मारेइ कोसेली मताक्‍ब” दे मुर नेल्‍ल आन परमप्रभु यावेमी देंत। यसैया ४१:२
ISA 45:14 मिनु परमप्रभु यावेमी “इजीप्‍त ङा शोंप, एथीयोपीया ङा मारेइ मारेइ नु साबा रागी ङा लाइश्‍शो मुरपुकी इ के दुम्‍नीम। मेको इ नोले खोइक्‍नीम। मेकोपुकी फ्रेंशो दुम्‍शा, इ गे जाक्‍शा, इ ङोंइती बाप्‍शा ‘थमा पा परमप्रभु गे नु बाक्‍ब। मेको ङा लाक्‍शा अरु सुइ परमप्रभु मबाक्‍ब’ दे पुंइनीम” देंत।
ISA 45:15 थमा पा, गे परमप्रभु बाक्‍नीनी। गे ख्रुंइसीशो बाक्‍नीनी। गे इस्राएली आन परमप्रभु, श्‍येत रे प्रोंइब बाक्‍नीनी। रोमी ११:३३; यसैया ४३:११
ISA 45:16 मूर्ति सेल्‍ब नेल्‍ल मुने दोक्‍शा, कालेम आन कुल राव किक्‍शा लाइनीम। यसैया ४४:९-११
ISA 45:17 तन्‍न परमप्रभु यावेमी इस्राएल कली श्‍येत रे प्रोंइब। मेको गेना हना यो लीब श्‍येत रे प्रोंइतीकेमी बाक्‍ब। गे गेना हना यो मुने मदोक्‍थु, इन कुल मकिक्‍पाइक्‍नीनी।
ISA 45:18 मिनु परमप्रभु यावे सरीङ नु रागी सेल्‍ब बाक्‍ब। मुर मबाक्‍तीके मसेल्‍थु, मुर आन कली बाक्‍तीक सेल्‍तु। मेकोमी “गो परमप्रभु यावे नङ। आं ङा लाक्‍शा अरु सुइ परमप्रभु मबाक्‍ब।
ISA 45:19 गो छिङछिङ ङा रागीमी ख्रुइश्‍शो लोव़ मपङ। गो याकूब आ आल आन कली ‘गे आं कली खल्बलम मालीने’ मदेंङ। गो, परमप्रभु यावेमी थमा नु ठीक लोव़ ला पाइनुङ” देंत। यसैया ४८:१६
ISA 45:20 मिनु परमप्रभु यावेमी “गे नेल्‍ल खुम्‍सीशा बुक्‍कीन। गे रागी रागी ङा लीशो मुर आं नेक्‍था जाक्‍कीन। शी के मूर्ति कुरबपुकी मारेइ मतुइक्‍ब बाक्‍नीमी। मेकोपुकीमी आन मूर्ति कली पुंइना पुंइन बाक्‍नीमी। तन्‍न मेकोपुकीमी श्येत रे प्रोंइने मचाप्‍नीम।
ISA 45:21 इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।
ISA 45:22 आं गे ले‍तीन। मिनु पाप रे प्रोंइचा पुंइसीन। रागी ङा सुर सम्‍म मो पने। मारदे हना गो परमप्रभु नङ। आं ङा लाक्‍शा अरु सुइ परमप्रभु मबाक्‍ब।
ISA 45:23 गो आं नेंमी कसम जाता। गो ठीक लोव़ पाता। एको लोव़ मक्‍याम्‍सीब। मुर नेल्‍ले आं ङोंइती पोक्‍च थेक्‍चा माल्‍नीम। आं नेंमी कसम जचा माल्‍नीम। रोमी १४:११; फिलिप्‍पी २:१०-११
ISA 45:24 ‘परमप्रभु यावे ला ठीक पतीके नु सक्ति गेब बाक्‍ब’ दे कसम जाइनीम। परमप्रभु यावे कली मटीब नेल्‍ल आं बाक्‍तीकेम जाक्‍शा मुने दोक्‍चा माल्‍नीम। येरमीया २३:६
ISA 45:25 इस्राएल आ चच युइ नेल्‍लेम ‘परमप्रभु यावेमी इं कली ठीक सेल्‍ब। गोपुकी आ मुर दुम्‍तय’ दे ग्‍येरसीनीम” देंत। येरमीया ९:२२-२३
ISA 46:1 बेल गुर ब्‍वेत। नेबो दिङ गोल्‍त। मेको आन मूर्तिपुकी बी ब्‍यफ आन कली कुरपाइक्‍नीम। इन कुरशो थोव़क गे दशो बी ब्‍यफ आन कली कुरपाइक्‍नीनी। येरमीया ५०:२
ISA 46:2 मिनु मेकोपुकी कालेम दिङ गोल्‍शा, गुर ब्‍वेनीम। आन भारी प्रोंइने मचाप्‍‍नीम। मिनु आंमा ग्‍याइश्‍शा लाइक्‍चा पुंइसीनीम।
ISA 46:3 “याकूब आ खिं ङा मुर, आं लोव़ नेनीन। इस्राएल आ खिं ङा लीशो मुरपुकी आं लोव़ नेनीन। गे जरमेसीनी रे इन कली कुरता। गे कोव़जीम बाक्‍नी रेन इन कली कुरता।
ISA 46:4 गेपुकी खूशो दुम्‍नी सम्‍म गो खाल का ङा बाक्‍नुङ। इन चां बोइक्‍म सम्‍म यो इन कली कुरनन्‍नी। गो इन कली सेल्‍शा, कुरनुङ। इन कली कुरशा, पाप रे प्रोंइनन्‍नी। भजन संग्रह ७१:१८
ISA 46:5 गेपुकी आं कली सु नु थाप्‍नीनी, सु नु उइक्‍थ बाक्‍त देंनीनी। आं कली सु खोदेंशो बाक्‍त देंनीनी? यसैया ४४:९-२०
ISA 46:6 मिनु शुश सुन थीब नु चांदी नाक्‍बपुकीमी चेम्‍ब कली ब्रेत्‍नीम। मिनु मेको रे मूर्ति सेल्‍पाइक्‍नीम। मेको आ ङोंइती बाप्‍शा पूजा पाइनीम।
ISA 46:7 मिनु मेको कली गुप्‍शा, बलाम कुरशा, लाइश्‍शा, आ बाक्‍तीकेम वोदमेनु, मेकेर मदुक्‍थु, मगाक्‍थु बाक्‍ब। सुइमी मेको आ ङोंइती जाक्‍शा ‘प्रोंइ‍यीनी’ देंत हना, मेकोमी लोव़ मलेप्‍ब। सुइ आन कली श्‍येत रे प्रोंइने मचाप्‍ब” देंत। १राजा १८:२६
ISA 46:8 मिनु “गे हेंथे गाक्‍बपुकी, आं देंशो मिम्‍तीन। साइ ङा लोव़ इन थुंम वोतीन।
ISA 46:9 साइ ङोंइती ङा माइत लोव़ मिम्‍तीन। मारदे हना गो परमप्रभु नङ, आं ङा लाक्‍शा, अरु सुइ परमप्रभु मबाक्‍नीम। गो परमप्रभु नङ, आं खोदेंशो सुइ मबाक्‍नीम। यसैया ४४:६
ISA 46:10 गो साइ ङोंइती रे नोले सम्‍म मार दुम्‍मे, नेल्‍ल शेंनुङ। ङोंइती रे मुल सम्‍म मदुम्‍शो यो देंनुङ। मिनु गो आं मिम्‍शो मफाइक्‍थु, नेल्‍ल पाइनुङ। आ मिम्‍शो नेल्‍ल खाप्‍नुङ।
ISA 46:11 गो पूर्ब रे सिखार ग्‍यारब चिक्‍ब का ब्रेत्‍नुङ। मिनु ङोन रागी रे आं मिम्‍शो नेल्‍ल पाइब मुर का कली ब्रेत्‍नुङ। गो आं देंशो लोव़ खाप्‍नुङ। आं मिम्‍शो पाइनुङ। यसैया ४१:२
ISA 46:12 गे खकटा थुं पाइश्‍शोपुकी नेनीन। गे पाप रे प्रोंइतीके रे शुश ङोन बाक्‍नीनी।
ISA 46:13 आं पाप रे प्रोंइतीक चाक्‍नुङ, मेको ङोन मबाक्‍ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्‍नुङ। इस्राएल कली आं छेङछेङ गेनुङ” देंत।
ISA 47:1 मिनु “गे कन्‍ने तमी बेबीलोन तोइश्‍शा फुरकुम निस्‍सो। बेबीलोन ङा कल्‍दी आ तमी, ठेयब नित्‍तीक मबाक्‍थु, खपीम निस्‍सो। मारदे हना मुल रे इन कली ‘दारशो नु अरु आन क्‍येङा शुश दाक्‍शो तमी’ मदेंनीम।
ISA 47:2 फस हिल्‍दो। इ कुल सुम्‍सीशो वा हाक्‍सो। इ गुने ग्‍येत्‍थ क्‍युक्‍सो फिला कोंइशा खोला शोक्‍सो।
ISA 47:3 इ वा हुक्‍शा, इ शिश्रा रां कोंइचा माल्‍नेवे। इ मुने दोक्‍तीके तांइसीब। गो इ कली क्‍येक्‍क लेत्‍नुङ। गो सुइ कली मप्रोंइनुङमी। नहुम ३:५
ISA 47:4 आंइ कली श्‍येत रे प्रोंइब, मुर नेल्‍ल आन परमप्रभु यावे, इस्राएली आन का ला बाक्‍शो परमप्रभु बाक्‍ब।
ISA 47:5 कल्‍दी आ तमी ब्‍वालेइ पा छिङछिङम लशा निस्‍सो। मारदे हना गे मुल रे राज्‍यपुकी ङा पिपीम माइक्‍चा मपुंइसीनेवे।
ISA 47:6 गो आं मुर आन कली तशा गाइश्‍शा, मेको आन कली ‘आं मुर मनम’ खोदेंशो सेल्‍ता‍मी। मेना इ गुइमी गेता‍मी। मिनु गे मेको आन कली काइ शिशी मपदी। खूशो आन कली यो श्‍येत गेशा, हेल्‍शो जवा लाप्‍ताक्‍वी। जकरिया १:१५
ISA 47:7 मिनु गे ‘गो गेना हना यो पिपीम बाक्‍नुङ’ देंते। गे आं मुर आन कली मरिम्‍शो पाप्‍तीवी। नोले मार दुम्‍बा, मेको ममिम्‍ती।
ISA 47:8 मोपतीके गे दला दाक्‍स पाइब, नेनो। गे रिम्‍शो पा महिंथु बाक्‍ते। इ थुंमी ‘गो ठेयब नङ, आं क्‍येङा लाक्‍शो अरु सुइ मबाक्‍ब। गो वोंइश बेक्‍शो मीश मुर मदुम्‍नुङ। आं आल बेक्‍शो मताइनुङ’ देंते। सेफन्‍याह २:१५; प्रकाश १८:७
ISA 47:9 वोंइश बेक्‍शो मीश मुर दुम्‍तीके श्‍‍येत नेल्‍ल ताइनेवे। इ आल बेक्‍शो ताइनेवे। नाक्‍ती का, याम कामीन एको श्‍येत निक्‍शी इ कली दुम्‍नीस। शुश मन्‍तर तन्‍तर, ठेयब सक्ति पाइश्‍शो टुना मुना पाप्‍तीवी हना यो, मो दुम्‍शो ताइनेवे।
ISA 47:10 गे, परमप्रभु यावे आ अरेशो मटिथु ‘आं कली सुइम मताइब’ दे हेम्‍मा पा बाक्‍शा, मिम्‍ताक्‍वी। मिनु इ शुश तुइक्‍तीके नु जोक्‍तीकेम इ कली दूली लां खोइक्‍पाइक्‍तु। इ थुंमी ‘गो नङ। आं क्‍येङा लाक्‍शो अरु सुइ मबाक्‍नीम’ देंते। भजन संग्रह १०:११
ISA 47:11 तन्‍न मुल गे शुश श्‍येत जाइनेवे। इ मन्‍तर तन्‍तरमी तिक्‍ने मचाप्‍नेवे। गे शुश हिंचा ङा श्‍येत जाइनेवे। गे मेको तेक्‍ने मचाप्‍नेवे। मुल सम्‍म मतुइश्‍शो जाम्‍तीक नु नुप्‍तीक इ तारी जाक्‍ब।
ISA 47:12 गे इ टुना मुना नु मन्‍तर तन्‍तर शुश पावो। गे आल रेन मोदेंशो पाप्‍तीवी। मेको पवीनु, ठीक दुम्‍बा कों? मेको श्‍येत मजाक्‍बा कों? दानीएल २:२
ISA 47:13 गे शुश अर्ती नेंशा दशो बाक्‍नेवे। मिनु कल्‍दीपुकीमी सरीङ कोव़शा, इ कली पाप रे प्रोन्‍मेक्‍ल। मिनु सोरुल कोव़बमी औंसीमी इ कली मार दुम्‍बा, मेको देंमल।
ISA 47:14 मेकोपुकी ठुटा दुम्‍नीम। मिनु मीम मेको आन कली नेक्‍ब। आंमा मेको मी रे प्रोंइसीने मचाप्‍‍नीम। मेको मी थेरचा ङा मदुम्‍थु, आ ङोंइती बाक्‍ने मचाप्‍नीम।
ISA 47:15 गे नु गेय पाइब मुरपुकी मोदेंशो मुर बाक्‍नीमी। गे आल रेन मेकोपुकी नु ग्‍याप्‍तीक लेयती गेय पाप्‍तीवी। मेको का का पा आन आंम लां खोइक्‍नीम। मिनु इ कली प्रोंइब सुइ मबाक्‍नीम” देंत।
ISA 48:1 मिनु परमप्रभु यावेमी “याकूब आ खिं ङा मुर, नेनीन। इन कली इस्राएल नें वोइश्‍शो बाक्‍ब। गे यहूदा आ चच युइ बाक्‍नीनी। गे परमप्रभु यावे आ नें थिशा, कसम जाइनीनी। गे इस्राएली आन परमप्रभु कली ठेयब सेल्‍खु पाइनीनी। यसैया ५१:१
ISA 48:2 मेकोपुकी आंम आंमा ‘गोपुकी परमप्रभु आ योव़शो सहर ङा नकी’ देंनीम। इस्राएली आन परमप्रभु आ पर्बम मेकोम आंइ कली कोव़ब” दे मिम्‍नीनी। मेको आ नें मुर नेल्‍ल आन परमप्रभु यावे बाक्‍ब।
ISA 48:3 गो इन कली साइ ङोंइती ङा लोव़ ङोंइती रेन शेंताक्‍‍न्‍नी। गो लोव़ पा नेंपाइक्‍तन्‍नी। नोले गो मेको याम काम पाता। मिनु दुम्‍तेक्‍म।
ISA 48:4 गे मटीब बाक्‍नीनी। इन शुर फलाम खोदेंशो बाक्‍ब। इन कुप्‍फी कांसा खोदेंशो बाक्‍ब। गो मेको तुइश्‍शो बाक्‍नुङ।
ISA 48:5 मोपतीके गो इन कली मेको दुम्‍चा क्‍येङा ङोंइती शेंताक्‍न्‍नी। मिनु गे “मेको आं मूर्तिम पाप्‍तु। आं मुशा सेल्‍शो मूर्तिम नु आं चेम्‍शा सेल्‍शो मूर्तिमी मेको पाप्‍तु” देंने मचाप्‍नी।
ISA 48:6 गे मेको नेल्‍ल नेंशो बाक्‍नीनी। मुल गे नेल्‍ल कोव़ङीन। मिनु मेको आ पर्बम लोव़ मपाइनीनी? मुल रे गो इन कली नक लोव़ नेंपाइक्‍नन्‍नी। इन मतुइश्‍शो ख्रुइश्‍शो लोव़ शेंनन्‍नी।
ISA 48:7 मेको ङोंइती ङा ममाइ, गो मेको मुल पाता। ङोंइती मनेंशो ननी। मिनु गेपुकीमी “गो ङोंइती रे तुइश्‍शो नकी” देंने मचाप्‍नीनी।
ISA 48:8 गे मेको मनेंशो मतुइश्‍शो बाक्‍नीनी। साइ ङोंइती रे नोफा मनेंब बाक्‍तीनी। गे जोल पा गेय पाइब बाक्‍नीनी। मेको गो तुइक्‍ताक्‍ङ। आल रेन गे काइ मटीब बाक्‍तीनी, दे तुइक्‍ताक्‍ङ।
ISA 48:9 आं नें आ पर्बम आं गाइक्‍तीके तेक्‍नुङ। आं कली ठेयब सेल्‍तीके, गो इन पर्बम आं गाइक्‍तीके तेक्‍नुङ। इन कली मसाइक्‍चा कली मो पाइनुङ।
ISA 48:10 कोव़ङीन, गो इन कली यपाइक्‍ता, तन्‍न चांदी खोदेंशो पा ममाइ। शुश श्‍येत जपाइश्‍शा, नाक्‍ताक्‍न्‍नी। ब्‍यवस्‍था ४:२०
ISA 48:11 गो आं पर्बम पाइनुङ। मारदे आं नें ग्रांग्रा दिशो सेल्‍चा गेनुङा? आं छेङछेङ नु सक्ति अरु आन कली मगेनुङमी। यसैया ४२:८
ISA 48:12 याकूब आं लोव़ नेनो। आं ब्रेश्‍शो इस्राएल नेनो। “गो, गो नङ। गो नेल्‍ल क्‍येङा ङोंइती नु नेल्‍ल क्‍येङा नोले ङा नङ।
ISA 48:13 गो रागी आ जग वोइक्‍ता। आं ग्‍युरा गुइमी सरीङ प्राक्‍ता। मेको आन कली ब्रेत्‍तुनु नेल्‍ल ग्रूशा राप्‍नीम।
ISA 48:14 गे नेल्‍ले खुम्‍सीशा, आं लोव़ नेनीन। मेको आन दातेमी सुम मोदेंशो शेंदा? परमप्रभु यावेम मेको आन कली दाक्‍ब। मिनु मेको बेबीलोन आ पर्बम बोक्‍ब। कल्‍दी ङा मुर आन कली लडाइ तोइ‍ब। यसैया ४१:२
ISA 48:15 गो एको लोव़ पाता। गो मेको कली ब्रेश्‍शा, चाक्‍ता। मिनु मेकोमी आं मिम्‍शो गेय रिम्‍शो पा पाइब।
ISA 48:16 आं नेक्‍था जाक्‍शा, एको लोव़ नेनीन। गो ङोंइती रे ख्रुइश्‍शो लोव़ काइ मपङ। एको गोशो रे गो बाक्‍शो नङ। मुल परमप्रभु, परमप्रभु यावेमी आ सोक्‍त गेशा, आं कली सोइक्‍ताक्‍यी” देंत। यसैया ४५:१९
ISA 48:17 इन कली श्‍येत रे प्रोंइब इस्राएली आन का ला बाक्‍शो परमप्रभुमी “गो परमप्रभु यावे, इन परमप्रभु नङ। गो इन कली रिम्‍शो दुम्‍चा कली शेंनुङ। मिनु तेको लां लचा माल्‍नीनी, मेको कोंइनुङ।
ISA 48:18 गेपुकी आं शेंशो टिशो ननी हना, इन सोशा बोशा लतीके ठेयब खोला खोदेंशो दुम वा। इन रिम्‍शो दुम्‍तीके समुन्‍द्र खोदेंशो दुम वा। ब्‍यवस्‍था ५:२९
ISA 48:19 मिनु इन आल समुन्‍द्र ङा बाल्‍वा खोदेंशो पा शुश दुम वा। मिनु इन चच युइ अन्‍न खोदेंशो पा शुश दुम वा। आन नें गेनायो मक्‍याम्‍स वा। मिनु आं ङोंइती रे खतम मदुम वा। उत्‍पत्ती २२:१७
ISA 48:20 ‘बेबीलोन रे ग्रूङीन। कल्‍दी आन रागी रे प्रोक्‍कीन’ दे ठेयब सेंदा पा नेल्‍ल आन कली नेंपतीन। रागी ङा सुर सम्‍म नेंपतीन। गेपुकीमी ‘परमप्रभु यावेमी आ गेय पाइब याकूब कली पाप रे प्रोंइतु’ दे नेंपतीन” देंत। येरमीया ५१:६; प्रकाश १८:४
ISA 48:21 मेकोमी मेको आन कली गोरशो रागीम लदानु, मेकोपुकी ब्‍वाक्‍कु तूतू मदाक्‍म। मारदे हना मेकोमी सेरथे फुल्‍लु रे ब्‍वाक्‍कु बुक्‍पाइक्‍तु। सेरथे फुल्‍लु प्रोलानु, शुश ब्‍वाक्‍कु ग्रूत।
ISA 48:22 परमप्रभु यावेमी “आं अरेशो लोव़ मटीब आन थुं नाइक्‍चा मताइनीम” देंत। यसैया ५७:२१
ISA 49:1 गे समुन्‍द्र आ नेक्‍था बाक्‍बपुकी, होस पने। गे ङोन रागी ङा मुरपुकी, होस पने। परमप्रभु यावेमी आं कली आ जरमेचा क्‍येङा ङोंइती रेन ब्रेश्‍शो बाक्‍त। गो आं ममा आ कोव़जीम बाक्‍ङानु, मेकोमी आं कली नें गेती।
ISA 49:2 मेकोमी आं शोव़ हेश्‍शो तरवार खोदेंशो सेल्‍तु। आं कली आ गुइमी सुम्‍शा, ख्रुइक्‍ताक्‍यी। मेकोमी आं कली हेश्‍शो ब्रा खोदेंशो सेल्‍शा, आ ब्रा कुरतीकेम कुर पा ख्रुइश्‍शा वोइक्‍ती। हिब्रू ४:१२; प्रकाश १:१६; यसैया ५१:१६
ISA 49:3 मिनु आं कली “गे आं गेय पाइब बाक्‍नेवे। गे इस्राएल नवे। इ पतीकेमी आं सक्ति कोंइ‍नुङ” देंत।
ISA 49:4 मिनु गो “गो मो गेय पाता। आं बोल मो खेरता। गो मार पचा माल्‍नुङा। मेको परमप्रभु यावे नु बाक्‍ब। आं परमप्रभुमी आं तचा माल्‍शो गेब” देंती। १कोरिन्‍थी १५:५८
ISA 49:5 मुल परमप्रभु यावेम आ गेय पाइब सेल्‍ती। मिनु गो याकूब कली आ गे लेप्‍पाइक्‍चा कली नु इस्राएल मेको आ नेक्‍था खुप्‍शा वोइक्‍चा कली मेकोमी आं कली आं ममा आ कोव़जीम सेल्‍ती। मारदे हना गो परमप्रभु यावे आ ङोंइती मान ताइब दुम्‍ती। आं परमप्रभु आं सक्ति दुम्‍त।
ISA 49:6 मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७
ISA 49:7 परमप्रभु यावेम, इस्राएली आन श्‍येत रे प्रोंइब, इस्राएली आन का ला बाक्‍शो परमप्रभु यावेमी काइ मदाक्‍शो नु रागी ङा मुरुम खेदा पचा पुंइसीशो नु हुकुम पाइब आन वाइल आन कली “पिपपुकी मेको कली तशा, राप्‍नीम। हुकुम पाइबम आ देंशो पाइब परमप्रभु यावे आ ङोंइती बाप्‍नीम। इ कली योव़ब इस्राएली आन का ला बाक्‍शो परमप्रभु आ ङोंइती बाप्‍नीम” देंत।
ISA 49:8 मिनु परमप्रभु यावेमी “शिशी पतीक नाक्‍त गो इ लोव़ नेंशा, लोव़ लेत्‍ताक्‍न। प्रोंइतीके नाक्‍त गो इ कली वारच पाता। गो इ कली कोव़शा, आं कबल ङा मुर सेल्‍ता। गो रागी लेंशा सेल्‍चा कली मोदेंशो पाता। इन थेरशो रू लेंशा इन कली गेचा कली मो पाता। भजन संग्रह ६९:१४; २कोरिन्‍थी ६:२; यसैया ४२:६
ISA 49:9 गो जेल्‍खानम बाक्‍ब आन कली ‘ग्रूङीन’, छिङछिङम बाक्‍ब आन कली ‘छेङछेङम ग्रूङीन’ देंचा कली ब्रेत्‍ताक्‍न। मेकोपुकी आं भेडा बाक्‍नीम। लांमी जोचा ताइनीम। गोरशो डांडा मेको आन रिम्‍शो पा जोतीके बाक्‍तीके दुम्‍ब।
ISA 49:10 शोव़लु मबेक्‍नीम, तूतू मदाक्‍नीम। नां नु होश फश नु नांमी मेको आन कली मनाप्‍ब। मारदे हना मेको आन कली शिशी पाइबमी मेको आन कली खुल्‍ब। प्रकाश ७:१६
ISA 49:11 मिनु गो आं डांडा नेल्‍ले लां सेल्‍नुङ। आं ठेयब लां रिम्‍शो पा सेल्‍पाइक्‍नुङ। यसैया ४०:४
ISA 49:12 नेनीन, मेकोपुकी ङोन रे जाक्‍नीम। मेकोपुकी उत्तर रे पच्‍छिम रे नु स्‍येने रागी रे जाक्‍नीम” देंत। स्‍येने रागी इजीप्‍त आ दक्‍खिनम यहूदी आन बाक्‍तीके का बाक्‍ब। मेको कली आस्‍वान यो देंनीम।लूका १३:२९
ISA 49:13 सरीङ, ग्‍येरसीशा कुम्‍सो पावो। रागी, ग्‍येरसो। डांडापुकी ग्‍येरशा, कुम्‍सो पने। मारदे हना परमप्रभु यावेमी आ मुर आन कली लेम्‍‍ताक्‍व। मेकोमी श्‍येत जाइब आन कली शिशी पाइब। यसैया ४४:२३
ISA 49:14 तन्‍न सियोनमी “आं परमप्रभु यावे, परमप्रभुम आं कली प्रोंइशा प्रेंताक्‍यी” देंत।
ISA 49:15 मिनु परमप्रभुम “सुइ मीश मुरुम आ दूध तूब आल कली प्रेंबा ङा? आंम आ आल कली शिशी मपाइबा ङा? मेकोम आ आल कली प्रेंने चाप्‍तु हना यो, गो इ कली मप्रेंनुङ। उत्‍पत्ती २१:१६; १राजा ३:२६; येरमीया ३१:२०
ISA 49:16 कोव़ङो, गो इ कली आं गुइमी ब्रेक्‍ताक्‍न। इ गारोपुकी गेना हना यो आं ङोंइती बाक्‍नीम।
ISA 49:17 इ तमी तौ रीब पा जाक्‍नीम। इ कली खतम पोक्‍ब ग्रूशा लाइनीम” देंत।
ISA 49:18 कोव़ङो, मिक्‍च हिरशा कोव़ङो। मेको नेल्‍ल ग्रुम्‍शा, इ बाक्‍तीक जाक्‍नीम। परमप्रभु यावेमी “गो ब्रोंइशा बाक्‍शो खोदेंशो पा, गे मेको लेश्‍शा जाक्‍ब आन कली माला खोदेंशो पा रेल्‍सीचा माल्‍नेवे। ग्‍युम्‍ली खोदेंशो पा मेकोपुकीमी ग्‍योम्‍सीचा माल्‍नेवे। यसैया ६०:४
ISA 49:19 थमा पा इ प्रेश्‍शो खिं, मुर मबाक्‍शो रागी नु इ खतम दुम्‍शो रागीम मुर मरिक्‍थ्री दुम्‍नीम। इ जोरी सत्रु ङोन लाइनीम।
ISA 49:20 इन ब्राची ना ङा जरमेशो आलपुकीमी इ कली ‘एको रागीम आंइ कली मरिक्‍त, अर्को बाक्‍तीक रू गेकी’ देंनीम। यसैया ५४:१
ISA 49:21 मिनु गे इ थुंमी ‘एको आलपुकी आं कली सुम थिशा गेयी? गो आल मथीब दुम्‍शो बाक्‍ती। आं रागी रे ग्‍याइश्‍शा लाइक्‍चा पुंइसाक्‍यी। सुम मेको आन कली थुल्‍शा कोल्‍पदा? गो दा आं का ला लीशो बाक्‍ती। एको ते रे जाक्‍मा?’ दे मिम्‍नेवे” देंत।
ISA 49:22 मिनु परमप्रभु, परमप्रभु यावेमी “गो आं गुइ रागी रागी गे दिं‍नुङ। गो जात जात ङा मुर आन ङोंइती आं छेदर ख्रुक्‍शा कोंइनुङ। मिनु मेकोपुकीमी इ तौ आन कली कुचुम मुप्‍शा नु इ तमी आन कली चीम कुरशा चाक्‍नीम। यसैया ६०:४
ISA 49:23 मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६
ISA 49:24 बोल्‍यो मुर आन रोइश्‍शो सिखार सुम रोइक्‍ने चाप्‍नीमी ङा? हिंचा ङा पिपम चोक्‍शो मुर आन कली सुम प्रोंइने चाप्‍नीमी ङा?
ISA 49:25 तन्‍न परमप्रभु यावेमी “बोल्‍यो मुर आन ग्‍याइश्‍शो मुरपुकी यो लाइक्‍‍चा पुंइसीनीम। हिंचा ङा पिपम चोक्‍शोपुकी प्रोंइचा पुंइसीनी। गे नु लडाइ पाइबपुकी नु गो लडाइ पाइनुङ। इ आल आन कली गो कोव़शा प्रोंइनुङ। मत्ती १२:२९
ISA 49:26 इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।
ISA 50:1 मिनु परमप्रभु यावेमी “गोम इन ममा कली प्रोंइशा गेशो छोड पत्र ते बाक्‍म? गो तेको आं कली जेर गेब कली इन कली ले‍यन्‍नी? ममाइ, गे इन पापम पतीके लेयसीशो ननी। इन हेंथे पतीकेमी इन ममा प्रोंइचा पुंइसीशो बाक्‍ब। यसैया ५४:६; ब्‍यवस्‍था २४:१; यसैया ५२:३
ISA 50:2 गो जाक्‍ङानु, मारदे सुइ मबाक्‍मा? गो ब्रेङङानु, मारदे सुइमी लोव़ मलेत्‍ता? आं गुइ इन कली पाप रे प्रोंइने मचाप्‍चा ङा दुम्‍शो बाक्‍मे? इन कली प्रोंइने चाप्‍तीक सक्ति गो नु मबाक्‍बा? गो हुइक्‍तुनु, समुन्‍द्र सोव़ब। खोलापुकी ब्‍वाक्‍कु मबाक्‍शो गोरशो रागी सेल्‍नुङ। ब्‍वाक्‍कु मबाक्‍तीके ङांइपुकी बेक्‍शा, राक्‍शा, रिना पाइनीम। यसैया ५९:१; गन्‍ती ११:२३; प्रस्‍थान १४:२१
ISA 50:3 गो सरीङ कली छिङछिङम गिल्‍शा, अरन्‍डी फेक्‍पाइक्‍नुङ” देंत।
ISA 50:4 परमप्रभु, परमप्रभु यावेमी आं कली शेंब सेल्‍ती। गो मचाप्‍शो मुर आन कली लोव़ पा आन थुं बारपाइक्‍ब दुम्‍ती। मेकोम आं कली सुनी कुस कुस पोक्‍ब। आं कली शेंसीब खोदेंशो पा नोफा दाइश्‍शा नेंब सेल्‍ब।
ISA 50:5 परमप्रभु, परमप्रभु यावेमी आं कली आ लोव़ नेंपाइक्‍ती। मिनु गो आ लोव़ टिशा, नोले मशोंइसीङ। भजन संग्रह ४०:७
ISA 50:6 गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८
ISA 50:7 तन्‍न परमप्रभु, परमप्रभु यावेमी आं कली वारच पाइक्‍ती। मोपतीके गो शिशी मताइब मदुम्‍ङ। आं कुल शेरा‍ल फुल्‍लु खोदेंशो सेल्‍ता। गो मुने मदोक्‍नुङ, दे तुइश्‍शो नङ। इजीकीएल ३:८-९
ISA 50:8 “गे रिम्‍शो पाइब बाक्‍नेवे” देंब आं नेक्‍था बाक्‍ब। गो नु सु लडाइ पाइबा? कालेमी बोक्‍शा राप्‍य। दोस गेब, सु बाक्‍मा? मेको आं ङोंइती जाक्‍मल। रोमी ८:३३
ISA 50:9 परमप्रभु, परमप्रभु यावेमी आं कली वारच पाइब। आं कली दोस गेब, सु बाक्‍नीमी? मेको नेल्‍ले फेक्‍शो वा खोदेंशो पा माइत दुम्‍नीम। मिनु तुम्‍बुम मेको कली नेक्‍‍नीम।
ISA 50:10 इन दातेमी परमप्रभु यावे कली मान पा हिंब सु बाक्‍नी? मिनु आं गेय पाइब आं देंशो टीब सु बाक्‍नी? मेको छिङछिङम गाक्‍शा, छेङछेङ काइ मताइब बाक्‍त हना यो, परमप्रभु यावेम “आं कली श्‍येत रे प्रोंइब” दे थमा सुइश्‍शा, आ परमप्रभु कली जिम्‍मा गेंसीशो बाक्‍ब।
ISA 50:11 गे नेल्‍ल खिं सुइक्‍ब बाक्‍नीनी। कोक्‍त सुइक्‍ब बाक्‍नीनी। इन सुइश्‍शो मीम गाक्‍कीन। गे आं गुइ रे मार ताइनीनी? गे गोल्‍शा शुश श्‍येत जाइनीनी।
ISA 51:1 परमप्रभु यावे कली माल्‍ब नु ठीक पचा दाक्‍ब आन कली “आं लोव़ नेनीन। तेको सेरथे फुल्‍लु रे मुचा पुंइसीशो बाक्‍नी नु तेको खप रे दो‍शा ग्रुंइचा पुंइसीनी, मेको कली कोव़ङीन। यसैया ४८:१; ब्‍यवस्‍था ३३:२८
ISA 51:2 इन किकी पिपी अब्राहाम नु इन कली थीब सारा आस कली कोव़ङीन। मारदे हना गो मेको कली आ का बाक्‍मेनु, ब्रेत्‍ताक्‍ङ। मिनु मेको कली आसीक गेशा, आ चच युइ आन कली सोपाइश्‍शा बोपाइश्‍शा शुश सेल्‍ताक्‍मी” देंत। यसैया ४१:८; उत्‍पत्ती १२:१-२
ISA 51:3 परमप्रभु यावेमी सियोन आ थुं बारपाइक्‍ब। आ खतम सेल्‍शो बाक्‍तीके नेल्‍ल नक सेल्‍ब। आ मुर मबाक्‍तीके कली एदेन खोदेंशो सेल्‍ब। आ गोरशो रागी कली परमप्रभु यावे आ रू खोदेंशो सेल्‍ब। मेकेर शुश ग्‍येरनीम। “गे रिम्‍शो पाइब बाक्‍नीनी” दे कुम्‍सो पशो नेंसीब। उत्‍पत्ती २:८
ISA 51:4 मिनु परमप्रभुमी “आं मुरपुकी, आं लोव़ नेनीन। आं रागी ङा मुरपुकी इन नोफा दाइक्‍तीन। मारदे हना गो आं लोव़ शेंनुङ। आं ठीक निसाफ जात जात ङा मुर आन कली तुइक्‍पाइक्‍नुङ। मेको आन कली छेङछेङ दुम्‍ब।
ISA 51:5 गो आं ठीक पतीके रीब पा चाक्‍नुङ। गो ग्राचा चिक्‍शो बाक्‍नुङ। मिनु गो जात जात ङा मुर आन कली निसाफ पाइनुङ। समुन्‍द्र आ नेक्‍था बाक्‍ब मुरपुकीम आं लां कोव़नीम। आं वारच पतीके रिम्‍नीम। यसैया ४२:४
ISA 51:6 मिनु सरीङ गे कोव़ङीन। खप गे कोव़ङीन। मारदे हना सरीङ कुन खोदेंशो पा जाम्‍ब। रागी वा खोदेंशो पा जेक्‍ब। रागीम बाक्‍ब मुर नेल्‍ल भुस्‍ना खोदेंशो पा बेक्‍नीम। आं पाप रे प्रोंइतीके चहिं गेना हना यो लीशा बाक्‍ब। आं ग्रातीके गेनायो मनुप्‍‍ब। भजन संग्रह १०२:२६-२७; मत्ती २४:३५
ISA 51:7 गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११
ISA 51:8 मारदे हना तुम्‍बुम वा नेक्‍शो खोदेंशो पा, मेको आन कली नेक्‍नीम। बुस्‍सुम ऊन ख्रोइश्‍शो खोदेंशो पा ख्रोइक्‍नीम। आं ग्राचा चहिं गेना हना यो लीशा बाक्‍ब। आं पाप रे प्रोंइतीके पाला पाला नेल्‍ल आन कली लीब” देंत।
ISA 51:9 परमप्रभु यावे सेंसीन, सेंसीन। सक्ति पाइश्‍शो दुमीन। साइ ङोंइती आंइ किकी पिपी आन कली पशो खोदेंशो पा, पने। साइ गे राहाब माइश्‍शो समुन्‍द्र ङा जन्‍तु कली मसाइक्‍नी ङा? ठेयब बुस्‍स कली मतूदीनी ङा? भजन संग्रह ८९:११
ISA 51:10 समुन्‍द्र सोव़पाइक्‍ब, गे मननी ङा? गे समुन्‍द्र कली चेश्‍शा आ पुंम लां मसेल्‍नी ङा? इन पाप रे प्रोंइशो, इन मुर आन कली शोक्‍पाइक्‍चा कली मोदेंशो पाइतीनी। प्रस्‍थान १४:२१-२२
ISA 51:11 परमप्रभु यावे आ प्रोंइशोपुकी लेत्‍नीम। मेकोपुकी कुम्‍सो पना पन सियोनम जाक्‍नीम। मिनु गेना हना यो ग्‍येरशा बाक्‍नीम। शुश ग्‍येरतीके, मेको आन श्‍येत नु हुक‍यी पतीके जाम्‍शा लाइ‍ब। यसैया ३५:१०
ISA 51:12 परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६
ISA 51:13 गे इन कली सेल्‍ब परमप्रभु यावे कली प्रेंताक्‍नी। मेकोमी सरीङ प्राक्‍तु। रागी आ जग वोइक्‍तु। इन कली श्‍येत गेब मुर गाइक्‍तमेनु, गे नाक्‍त किंत किंत हिंनीनी। मेकोमी इन कली खतम सेल्‍चा चिक्‍शो बाक्‍त। तन्‍न मुल आ गाइश्‍शो ते लाक्‍गा? यसैया ४४:२४
ISA 51:14 मिनु चोक्‍सीशा गु बाप्‍शो मुर कली रीब पा प्रोंइनीम। मेकोपुकी मबेक्‍नीम। गेना हना यो जचा ताइनीम।
ISA 51:15 मारदे हना गो परमप्रभु यावे, इन परमप्रभु नङ। गो समुन्‍द्र ङा छाल पोक्‍नुङ। आं नें मुर नेल्‍ल आन परमप्रभु यावे बाक्‍ब। येरमीया ३१:३५
ISA 51:16 गो इ कली आं लोव़ पपाइक्‍ता। गो इ कली आं गुइ ङा वांकुमी सुम्‍शा वोइक्‍तन। सरीङ प्राक्‍ब नु रागी आ जग वोइक्‍ब गो नङ। मिनु सियोन कली ‘गे आं मुर बाक्‍नीनी’ देंशो बाक्‍नुङ” देंत।
ISA 51:17 यरूसलेम बोक्‍को। परमप्रभु यावे इ पर्बम गाइश्‍शा, श्‍येत तूचा गेप्‍तु। गे दिङ दाङ गोल्‍पाइक्‍ब कचौरा तूशा श्‍येत्‍थ सेल्‍तीवी। भजन संग्रह ६०:५; भजन संग्रह ७५:९; येरमीया १३:१२-१३; प्रकाश १६:१९
ISA 51:18 मेको आ थिशो आल आन दातेमी, मुर आन कली शेंब सुइ मबाक्‍म। आ कोल्‍शो आल आन दातेमी मेको आन कली लां कोंइब सुइ मबाक्‍म।
ISA 51:19 इ कली श्‍येत निक्‍शी जाक्‍‍ताक्‍स। मेको लां नेल्‍लेम गोल्‍शो बाक्‍नीम। ङोंइती ङा श्‍येत इन सहर प्रेश्‍शा, खतम दुम्‍तीके नु नोले ङा श्‍येत अन्‍काल नु लडाइम, बेक्‍तीके बाक्‍त। सुम इ थुं बारपाइक्‍बा?
ISA 51:20 इ आलपुकी थाम्‍तेक्‍म। मेको लांम गोल्‍शो बाक्‍नीम। मेको ब्‍वारदम रेश्‍शो रोकोश खोदेंशो दुम्‍शो बाक्‍नीम। परमप्रभु यावे आ गाइक्‍तीके नु हुइक्‍तीके मोदेंशो दुम्‍शो बाक्‍नीम। बिलाप २:११,१९
ISA 51:21 मोपतीके गे गार पाइश्‍शो मुर नेनीन। गे दुक्‍शो बाक्‍नीनी, तन्‍न अङगुर शांबुम ममाइ।
ISA 51:22 परमप्रभु यावे, इ होव़प दुम्‍शा परमप्रभुमी “गो आं मुर आन कली वारच पाइब बाक्‍नुङ। गो इ दिङ दाङ गोल्‍पाइक्‍ब कचौरा इ गुइ रे लाइक्‍ता। मुल रे गे आं गाइक्‍तीक कचौरा लेंशा तूचा ममाल्‍नेवे।
ISA 51:23 मिनु इ कली श्‍येत गेब आ गुइमी मेको कचौरा गेनुङ। ङोंइती मेकोपुकीमी इ कली लांम बाप्पो। ‘इ तारी गाक्नीक’ देंतेक्‍म। मिनु गे इ ची गाक्‍तीक लां खोदेंशो सेल्‍तीवी” देंत। भजन संग्रह १२९:३
ISA 52:1 मिनु परमप्रभुमी “बोक्‍को। सियोन बोक्‍को। सक्ति पाइश्‍शो दुमो। इ दारशो वा फेक्‍सो। यरूसलेम, गे परमप्रभु यावे आ सहर बाक्‍नेवे। मुल रे ख्रोइक्‍तीक चिनु मख्रोइश्‍शो नु ग्रांग्रा दिचा ङा मुर मेकेर ओव़ने मचाप्‍नीम।
ISA 52:2 यरूसलेम, इ फुरक थुर थुर पांइसो। बोक्‍को। गे ग्‍याइश्‍शा चोक्‍चा पुंइसीशो सियोन आ तमी, इ शुर ङा साङलो प्रुतो” देंत।
ISA 52:3 परमप्रभु यावेमी “गे मोशान लेयसाक्‍नी। मिनु मोशान प्रोंइचा पुंइसीनीनी। यसैया ५०:१
ISA 52:4 साइ ङोंइती आं मुर उइ इजीप्‍त रागीम अर्को रागी ङा मुर दुम्‍थ लाम्‍तेक्‍म। मिनु अस्‍सुर ङा मुरपुकीमी यो मेको आन कली मोशान श्‍येत गेम्‍तेक्‍म” दे परमप्रभु, परमप्रभु यावेमी देंत। उत्‍पत्ती ४६:५-६; २राजा १७:६
ISA 52:5 मिनु परमप्रभु यावेमी “गो मार पाइनुङा ङा? आं मुर आन कली मोशान लाइक्‍तेक्‍म। मेको आन कली हुकुम पाइबपुकीमी ठेयब लेश्‍शो लोव़ पा नाक्‍त रे आं नें आ पर्बम शुक्‍शी पाइनीम। इजीकीएल ३६:२०
ISA 52:6 मोपतीके आं मुर आन कली आं नें तुइक्‍पाइक्‍नुङमी। काबु नाक्‍ती मेकोपुकीमी ‘गो मेको लोव़ पाइब बाक्‍नुङ’ दे तुइक्‍चा माल्‍नीम” देंत।
ISA 52:7 डांडा मेरे ग्‍येरपाइक्‍ब लोव़ शेंशा गाक्‍ब आन खोइली शुश रिम्‍शो बाक्‍नीम। मेकोपुकीमी थुं नाइक्‍चा आ पर्बम लोव़ शेंनीम। मेकोपुकी रिम्‍शो लोव़ पाइब बाक्‍नीम। पाप रे प्रोंइतीक शेंनीम। सियोन कली “इ परमप्रभुम सासन पाइब” देंनीम। यसैया ४१:२७; नहुम २:१; रोमी १०:१५
ISA 52:8 नेनीन, इ कली कोव़ब नेल्‍लेमी ठेयब सेंदा पा ग्‍येरशा कुम्‍सो पाइनीम। मारदे हना मेकोमी परमप्रभु यावे सियोन गे लशा लेश्‍शा पिशो ताइनीम। यसैया ६२:६; इजीकीएल ३:१७
ISA 52:9 यरूसलेम ङा ब्रेश्‍शो खिं ग्‍येरशा कुम्‍सो पने। मारदे हना परमप्रभु यावेमी आ मुर आन थुं बारपाइक्‍तु। मिनु मेकोमी यरूसलेम कली श्‍येत रे प्रोंइतु।
ISA 52:10 परमप्रभु यावेमी रागी रागी ङा मुर आन ङोंइती आ सक्ति कोंइताक्‍व। मिनु रागी आ सुर सम्‍म ङा मुर नेल्‍लेमी आंइ परमप्रभुमी दोपा पाप रे प्रोंइबा, मेको ताइनीम।
ISA 52:11 ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्‍शा, इन कली ठीक सेलीन।
ISA 52:12 मारदे हना गे रीब पा लचा ममाल्‍नीनी। प्रोक्‍शा लचा यो ममाल्‍नीनी। मारदे हना परमप्रभु यावे इन ङोंइती गाक्‍ब। मिनु मेको इस्राएली आन परमप्रभुमी इन कली लां कोंइशा खुल्‍ब। प्रस्‍थान १२:११; ब्‍यवस्‍था १६:३; प्रस्‍थान १३:२१
ISA 52:13 कोव़ङीन, आं गेय पाइबम ग्राना ग्रान गाक्‍ब। मेको मान पा ठेयब सेल्‍चा पुंइसीशा, थम ठेयब दुम्‍ब।
ISA 52:14 मिनु शुश मुर मेको कली तशा हिंतेक्‍म। मारदे हना मेको काइ मरिम्‍शो तांइसीशो बाक्‍त। मुर मोदेंशो मरिम्‍शो मतांइसीनीम। आ रां यो मुर आन रां क्‍येङा मरिम्‍शो बाक्‍त। मिनु मेको कली तशा, मुरपुकी हिंतेक्‍म।
ISA 52:15 मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१
ISA 53:1 आंइ नेंशो लोव़ सुम थमा सुदमे ङा? मिनु परमप्रभु यावे आ सक्ति सुम तामे ङा? यूहन्‍ना १२:३८; रोमी १०:१६; यसैया ५२:१०
ISA 53:2 मेको आ ङोंइती बिरवा खोदेंशो पा कोल्‍त। सोव़शो खपीम शाक्‍श खोदेंशो पा कोल्‍‍त। मिनु मुरुम मेको कली कोव़चा थुं मपाम। मेको दारशो नु मान ताइब खोदेंशो काइ मतांइसीशो बाक्‍त। मेको मदारशो ममाल्‍चा ङा मुर खोदेंशो बाक्‍त। यसैया ११:१
ISA 53:3 मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२
ISA 53:4 थमा पा मेकोमी आंइ श्‍येत कुरतु, आंइ रोइ पतीक नेल्‍ल लाइक्‍तु। मो हना यो गोपुकीमी मेको कली परमप्रभुमी सजाइ गेशा, तुप्‍शा, दिप्‍शो खोदेंशो लाक्‍तक। मत्ती ८:१७
ISA 53:5 तन्‍न मेको आंइ हेंथे पतीके आ पर्बम तुप्‍शा गार सेल्‍चा पुंइसाक्‍व। आंइ मरिम्‍शो पशो आ पर्बम साइक्‍चा पुंइसाक्‍व। आंइ कली पाप रे प्रोंइ‍चा कली सजाइ ताप्‍तु। मेको कली तुप्‍शो गारमी गोपुकी सातक। रोमी ४:२५; १पत्रुस २:२४
ISA 53:6 गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५
ISA 53:7 मिनु मुरपुकीमी मेको कली दिप्‍शा श्‍येत गेम्‍तेक्‍म। मिनु श्‍येत जशा यो सिक्‍सी पा मारेइ मदें। साइक्‍चा चिक्‍शो पाठा खोदेंशो पा सिक्‍सी पा बाक्‍त। मिनु ऊन ख्रोइक्‍ब आन ङोंइती बाक्‍शो भेडा खोदेंशो पा सिक्‍सी पाप्‍तु। मेको आन कली लोव़ का यो मपव। मर्कूस १४:६५; यूहन्‍ना १:२९; प्रेरित ८:३२
ISA 53:8 मिनु मेको कली दूली निसाफ पा साइक्‍तेक्‍म। नोले मेको कली मार दुम्‍बा, सुम मेको मिम्‍ने चाप्‍बा ङा? मेको ब्रोंइशो मुर आन बाक्‍तीक रे साइक्‍चा पुंइसाक्‍व। मुर आन हेंथे पतीके मेको सजाइ तशा साइक्‍चा पुंइसाक्‍व।
ISA 53:9 मुरपुकीमी मेको कली परमप्रभु यावे आ अरेशो मटीब आन कली थिम्‍तीकेमी थिम्‍तेक्‍म। आ तुरस क्‍येट थीब नु बाक्‍त। मेकोमी गेना हना यो ठीक ला पाप्‍तु। मिनु जोल मपव हना यो मेको कली मो पाम्‍तेक्‍म। १पत्रुस २:२२; १यूहन्‍ना ३:५
ISA 53:10 परमप्रभु यावेमी मेको कली मोदेंशो पा तुप्‍शा, श्‍येत गेचा दाक्‍ताक्‍व। मेकोमी आ रां पाप क्‍याम्‍चा कली चढ़ेप्‍तु। मो हना यो मेको कली आ आल खोदेंशो शुश थमा सुइक्‍ब आन कली ताइब। मिनु शुश नाक्‍त सम्‍म ब्रोंइब। मेको आ पतीके नेल्‍ल परमप्रभु यावे आ दाक्‍शो गेय दुम्‍ब। लेवी ५:१५; मत्ती २०:२८; भजन संग्रह २०:३१
ISA 53:11 मेको आ श्‍येत जशो रे मेकोमी छेङछेङ ताइब। मेको आ तुइक्‍तीकेमी शुश मुर आन कली ठीक पतीके तुइक्पाइक्‍ब। मेकोमी आन मरिम्‍शो पशो कुरब। १कोरिन्‍थी १:३०; यूहन्‍ना १:२९
ISA 53:12 मोपतीके गो मेको कली ठेयब नु सक्ति पाइश्‍शो नु वोइक्‍नुङ। मेकोमी बोल्‍यो मुर नु मार मार योक्‍सीब। मारदे हना मेको साइक्‍ब नु मरिम्‍शो मुरपुकी नु हिक्‍सीचा पुंइसाक्‍व। शुश पापी आन पाप कुरतु। मिनु हेंथे गाक्‍ब मुर आन पर्बम परमप्रभु यावे कली पुंइतु। मर्कूस १५:२८; लूका २२:३७; लूका २३:३३-३४
ISA 54:1 मिनु परमप्रभु यावेमी “गे आल मथीब मीश मुर, कुम्‍सो पावो। आल थितीक रोइ गेनायो मपशो मीश मुर, कुम्‍सो पा ग्‍येरसो। मारदे हना ग्‍युंबे पशो मीश मुर आ आल क्‍येङा, आ का ला बाक्‍ब मीश मुर आ आल शुश दुम्‍नीम। यसैया ४९:२०; गलाती ४:२७
ISA 54:2 इ ताम्‍बु ठेयब सेलो। इ बाक्‍तीक ङा ब्रतीक ब्रावो। शिंम मदुमो। इ ताम्‍बु ङा डोरी लाइश्‍शो सेलो। आ किलापुकी रिम्‍शो पा ख्रुक्‍को।
ISA 54:3 मारदे हना गे शुश दुम्‍शा, ग्‍युरा पेरा गे ब्राइनीनी। मिनु इ चच युइमी रागी रागी ङा मुर आन कली हुकुम पाइनीम। मिनु मुर मबाक्‍तीके मुर शुश दुम्‍शा ब्रीनीम।
ISA 54:4 गे महिनो। मारदे हना गे मुने मदोक्‍नेवे। इ थुं लुक्‍च लचा मगेवो। गे शिशी ताइनेवे। गे इ ठिटी बाक्‍ङे ना ङा मुने प्रेंनेवे। इ वोंइश बेक्‍शो ना ङा श्‍येत लेंशा ममिम्‍नेवे। भजन संग्रह २५:७; येरमीया ५१:५
ISA 54:5 मारदे हना इ कली सेल्‍ब इ वोंइश बाक्‍‍ब। मेको आ नें मुर नेल्‍ल आन परमप्रभु यावे बाक्‍ब। इ कली श्‍येत रे प्रोंइब इस्राएली आन का ला बाक्‍शो परमप्रभु बाक्‍ब। मेको आ नें रागी नेल्‍ल ङा परमप्रभु बाक्‍ब।
ISA 54:6 मारदे हना परमप्रभु यावेमी इ कली प्रोंइसीशो नु थुं लुक्‍च लशो मीश मुर कली खोदेंशो पा ब्रेत्‍ताक्‍व। मुल गे ठिटी ना चाक्‍शा नोले प्रोंइ‍शो मीश आल खोदेंशो बाक्‍नेवे। यसैया ५०:१
ISA 54:7 गो इ कली याम का प्रोंइतन। तन्‍न गो इ कली शुश शिशी पा लेंशा खुप्‍ताक्‍न। भजन संग्रह ३०:६
ISA 54:8 गो शुश गाइश्‍शा, याम का आं कुल इ ङोंइती रे ख्रुइक्‍ताक्‍ङ। तन्‍न आं गेना हना यो दाक्‍तीकेमी इ कली शिशी पाइनन” दे इ कली पाप रे प्रोंइब परमप्रभु यावेमी देंत। यसैया ६०:१०; बिलाप ३:३१-३२
ISA 54:9 मिनु लेंशा “मेको आं कली नोआह आ नाक्‍ती खोदेंशो बाक्‍ब। दोपा गो नोआह आ पाला ङा ब्‍वाक्‍कुम लेंशा रागी कली मसुम्‍ब, दे कसम जङा, मोपा गे नु मगाइक्‍नुङ, दे कसम जाता। मिनु गो इ कली महुइक्‍नुङ। उत्‍पत्ती ९:११-१७
ISA 54:10 डांडापुकी याक्‍सीनीम, पहाडपुकी हिम्‍सीनीम। तन्‍न आं गेना हना यो दाक्‍तीक इ क्‍येङा ङोन मलाइब। इ थुं नाइक्‍चा गेब कबल मक्‍याम्‍सीब” दे इ कली शिशी पाइब परमप्रभु यावेमी देंत। इजीकीएल ३७:२६
ISA 54:11 मिनु लेंशा “गे श्‍येत जाइब, फश गिवारम राप्‍चा पुंइसीशा, थुं बारपाइक्‍चा मपुंइसीशो, गो इ गारो बोल्‍यो सेल्‍नुङ। मिनु इ जग साफीर माइश्‍शो नीलो हीरा के सेल्‍नुङ। प्रकाश २१:१८-२१
ISA 54:12 इ खिं रूबीन माइश्‍शो लल हीराम साप्‍नुङ। इ सहर ङा ठेयब लाप्‍चो सिसा खोदेंशो हीराम सेल्‍नुङ। इ कली हिरशो गारो नेल्‍ले हीरा के सेल्‍नुङ” देंत।
ISA 54:13 मिनु परमप्रभु यावेमी इ तमी तौ नेल्‍ल आन कली शेंब। मेको आन थुं नाइश्‍शा हेम्‍मा पा बाक्‍चा ताइनीम। यूहन्‍ना ६:४५
ISA 54:14 मिनु ठीक पतीकेमी इ कली बोल्‍यो सेल्‍ब। गे श्‍येत गेब आन क्‍येङा ङोन बाक्‍नेवे। मिनु गे काइ महिंनेवे। मारदे हना हिंचा ङा श्‍येत इ नेक्‍था मजाक्‍ब।
ISA 54:15 मिनु “सुइ इ कली श्‍येत गेचा कली खुम्‍साक्‍म हना, आं पशो ममाइ। सुमी इ कली लडाइ तोइबा, मेको इ पर्बम साइक्‍चा पुंइसीनीम।
ISA 54:16 कोव़ङीन, गो तुप्‍तीलपुकी सेल्‍तामी। मेकोपुकीमी मी मुइश्‍शा, लडाइ पचा कली या सेल्‍नीम। गो खतम सेल्‍चा कली खतम सेल्‍ब कली यो सेल्‍ता। गो मारेइ मारेइ खतम सेल्‍ब आन कली यो सेल्‍तामी। २सामुएल २४:१६
ISA 54:17 गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।
ISA 55:1 मिनु परमप्रभु यावेमी “तूतू दाक्‍बपुकी ब्‍वाक्‍कु बाक्‍तीकेम जाक्‍कीन। क्‍येट मथीबपुकी यो जाक्‍कीन। मिनु ग्‍याप्‍शा जने। क्‍येट मथाप्‍थु, मोशा अङगुर शांबु नु दूध ग्‍यापीन। यूहन्‍ना ७:३७; प्रकाश २२:१७
ISA 55:2 मारदे जचा मदुम्‍शो थोव़क कली क्‍येट थाप्‍नीनी? मारदे मरूपाइक्‍ब थोव़क कली इन चेम्‍शो क्‍येट थाप्‍नीनी? आं लोव़ नोफा दाइश्‍शा नेनीन। रिम्‍शो थोव़क जने। मिनु ब्रोव़शो जशा, ग्‍येरसीने।
ISA 55:3 इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४
ISA 55:4 नेनीन, गो मेको कली जात जात ङा मुर आन कली सांकछी सेल्‍ता। जात जात ङा मुर आन कली ठेयब मुर नु हुकुम पाइब सेल्‍ता।
ISA 55:5 नेनीन, गे इन मतुइश्‍शो रागी रागी ङा मुर आन कली ब्रेत्‍नीनी। मिनु इन कली मतुइश्‍शो रागी रागी ङा मुरपुकी इन गे जाक्‍नीम। परमप्रभु यावे, इन परमप्रभु, इस्राएली आन का ला बाक्‍शो परमप्रभु आ पर्बम मेकोपुकी जाक्‍नीम। मारदे हना मेकोमी इन कली आ खोदेंशो रिम्‍शो पा सेल्‍शो बाक्‍त” देंत।
ISA 55:6 परमप्रभु यावे कली मथिन्‍नी सम्‍म मालीने। मेको आ नेक्‍था बाक्‍मेनु, मेको कली पुनीन। येरमीया २९:१३-१४; आमोस ५:४
ISA 55:7 परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४
ISA 55:8 परमप्रभु यावेमी “आं मिम्‍शो इन मिम्‍शो खोदेंशो ममाइ, इन लां आं लां खोदेंशो ममाइ। रोमी ११:३३
ISA 55:9 सरीङ, रागी क्‍येङा इर बाक्‍शो खोदेंशो पा आं लां, इन लां क्‍येङा इर बाक्‍ब। मिनु आं मिम्‍शो इन मिम्‍शो, क्‍येङा इर बाक्‍ब।
ISA 55:10 सरीङ रे रेउ नु फुं यिशा, मोशीन मलेप्‍ब। मेकोमी खप जिप्‍पाइश्‍शा बाली नाली ग्रेल्‍पाइक्‍ब। शोक्‍ब कली वांचेर गेशा, मुर आन कली जचा गेब।
ISA 55:11 आ लोव़ यो मोदेंशो बाक्‍ब। मेको श्‍येत्‍थ मलेप्‍ब। गो मेको कली मार पथ सोइक्‍तु, मेको पाइब। आं दाक्‍शो थमा पा पाइब। आं मिम्‍शो पाइब। मत्ती १३:८
ISA 55:12 मिनु गेपुकी ग्‍येरसीशा लाइनीनी। रिम्‍शो पा लेत्‍नीनी। इन ङोंइती डांडा नु पहाड कुम्‍सो पाइनीम। मिनु ब्‍वाकी ङा रवा नेल्‍लेमी गुइ फ्रोक्‍नीम। यसैया ४४:२३
ISA 55:13 मिनु चू आन पा ङा सला रवा नु चूले आन पा ङा दारशो आइक्‍च फू रवा वानीम” देंत। मेको परमप्रभु यावे कली मिम्‍तीके नु गेना हना यो मजाम्‍थु, चिन्‍ड का दुम्‍शा बाक्‍ब। यसैया ४१:१९-२०
ISA 56:1 मिनु परमप्रभु यावेमी “ठीक निसाफ पने। मार ठीक बाक्‍मे मेको पने। मारदे हना आं पाप रे प्रोंइतीक रीब पा जाक्‍ब। मेना गो ग्राब बाक्‍नुङ, दे नेल्‍लेम तुइक्‍नीम।
ISA 56:2 सु मेको पाइबा, मेको ग्‍येरसीशो मुर दुम्‍‍ब। आं नाइक्‍तीक नाक्‍ती नाइक्‍ब नु अरु नाक्‍ती खोदेंशो पा गेय मपाइब नु मरिम्‍शो मपाइब, ग्‍येरसीशो मुर बाक्‍ब” देंत। यसैया ५८:१३; उत्‍पत्ती २:२-३; प्रस्‍थान १६:२३; प्रस्‍थान २०:८; येरमीया १७:२१-२२
ISA 56:3 परमप्रभु यावे आ लोव़ टीब अर्को रागी ङा मुरुम “परमप्रभु यावेमी आं कली आ मुर रे तिल्‍ब” देंचा मगेने। मिनु आल मथीबपुकीमी “गो सोव़शो रवा खोदेंशो नकी” देंचा मगेने। यसैया १४:१; ब्‍यवस्‍था २३:२
ISA 56:4 मारदे हना परमप्रभु यावेमी “आल मथीब मुरुमी आं नाइक्‍तीक नाक्‍ती नाइश्‍शा, आं दाक्शो पाम्‍तेक्‍म नु आं कबल मप्रोंइथु बाक्‍तेक्‍म हना,
ISA 56:5 गो मेको आन कली आं खिंमी नु आ गारोमी मिम्‍तीके नु ठेयब नें गेनुङमी। आं तमी तौ आन क्‍येङा मेको आन कली रिम्‍शो नें गेनुङमी। मेको आन कली गेना हना यो लीब नें गेनुङमी। मेको आन नें मख्रोंइसीब दुम्‍ब।
ISA 56:6 मिनु परमप्रभु यावे आ नोले खोइक्‍ब, अर्को रागी ङा मुरपुकी, सु सुमी आं कली ठेयब सेल्‍नीमी, आं कली दाक्नीमी, आं गेय पाइब दुम्‍नीमी, नाइक्‍तीक नाक्‍ती नाइश्‍शा, अरु नाक्‍त खोदेंशो गेय मपाइनीमी नु आं कबल पना पन बाक्‍नीमी।
ISA 56:7 मेको नेल्‍ल आन कली आं योव़शो डांडाम चाक्नुङमी। आं प्रार्थना पतीक खिं ओंइशा, ग्‍येरपाइक्‍नुङमी। मेको आन चोशा चढ़ेशो नु अरु चढ़ेशो आं कली चढ़ेतीकेम ब्राइनुङ। मारदे हना आं खिं रागी ङा मुर नेल्‍ल आन कली प्रार्थना पतीक खिं देंनीम” देंत। मर्कूस ११:१७
ISA 56:8 मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।
ISA 56:9 परमप्रभु यावेमी “गे जन्‍तु नेल्‍ल नु ब्‍वाकीम बाक्‍ब जन्‍तु नेल्‍लेम, जाक्‍शा ब्‍वने। येरमीया १२:९
ISA 56:10 इस्राएली आन कली कोव़ब मुर मिक्‍च मताइब खोदेंशो बाक्‍नीम। मेको मारेइ मजोक्‍ब मतुइक्‍ब बाक्‍नीम। मेकोपुकी सिक्‍सी पा बाक्‍शा, होक्‍ने मचाप्‍ब कुचुम खोदेंशो बाक्‍नीम। मेको ङोमु तचा, इप्‍चा नु निन्‍द्रा पचा ला दाक्‍नीम। इजीकीएल ३:१७; इजीकीएल ३३:६-९
ISA 56:11 कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३
ISA 56:12 मेकोपुकीमी ‘जाक्‍कीन, अङगुर शांबु ग्‍याप्‍य। राकसी तूशा, दुक्‍य। दीसा यो मुलाक्‍त ङा खोदेंशो दुम्‍ब। मेको क्‍येङा यो रिम्‍शो दुम्‍ब’ देंनीम” देंत।
ISA 57:1 ठीक पाइब बेक्‍नीम। सुइमी मेको आन पर्बम सुर्ता मपाइनीम। परमप्रभु यावे कली मप्रोंइथु, दाक्‍बपुकी लाइक्‍चा पुंइसीनीम। मारदे मो पाइनीमी, मेको सुइमी मरुप्‍नीम। ठीक पाइब हिंचा ङा श्‍येत दुम्‍चा क्‍येङा ङोंइती लाइक्‍चा पुंइसीनीम। मीका ७:२
ISA 57:2 मेकोपुकी थुं नाइश्‍शा बाक्‍तीकेम लाइनीम। रिम्‍शो थुं पाइश्‍शो मुर आंम आन बाक्‍तीकेम नाइश्‍शा बाक्‍नीम। २राजा २२:२०; दानीएल १२:१३
ISA 57:3 “तन्‍न गेपुकी एक जाक्‍कीन। गे मन्‍तर तन्‍तर पाइब आ तमी तौ नु हेंथे गाक्‍ब वोंइश मुर नु तेल्‍लेम आ आलपुकी एक जाक्‍कीन। होसे २:४
ISA 57:4 गे सुका आ पर्बम शुक्‍शी लोव़ पनी। सुका आ पर्बम इन शोव़ रोक्‍नी? मारदे इन लें ग्रुंइनीनी? मार, गे हेंथे पाइब आन तमी तौ मननी ङा? गे जोल पा थिशो आल बाक्‍नीनी। २राजा १६:२-४; येरमीया २:२०,२३,२४
ISA 57:5 गे ठेयब रवा आन पुंमी तेल्‍लेम खोदेंशो पा, मूर्ति पूजा पाइनीनी। गे गिगी रवा नेल्‍ल आन पुंमी मोदेंशो पाइनीनी। गे इन आल आन कली खोल्‍सा नु सेरथे फुल्‍लुमी चढ़ेनीनी।
ISA 57:6 बेंसी ङा खोला ङा रिम्‍शो फुल्‍लु इन कली वारच पाइब बाक्‍नीम। मेको आन कली तूचा थोव़क चढ़ेतीनी। मिनु अन्‍न यो चढ़ेतीनी। मार, गो मेको कोव़शा इन पर्बम सिक्‍सी पा बाक्‍नुङा ङा?
ISA 57:7 गे लाइश्‍शो नु ठेयब डांडामी इन ब्राख्‍ये सेल्‍तीनी। गे मेकेर चढ़ेथ लाइतीनी।
ISA 57:8 मिनु इन लाप्‍चो ङा शीम नु लाप्‍चो आ नोलेमी इन देवी देवता आन चिन्‍ड वोइक्‍तीनी। गे आं कली प्रोंइशा, इन ब्राख्‍ये हुक्‍तीनी। गे मोदेंशो पशा, इन ब्राख्‍‍ये ठेयब सेल्‍तीनी। गे इन पर्बम मेको नु कबल पाइतीनी। गे मेकोपुकी नु बाक्‍चा दाक्‍ताक्‍नी। मिनु मेको आन शिश्रा रां कोव़तीनी।
ISA 57:9 गेपुकी तेल कुरशा मोलेक आ बाक्‍तीक लाइतीनी। ब्रोव़शो रिना पाइब तेल शुश सेल्‍तीनी। गेपुकीमी इन लोव़ कुरब आन कली ङोन सम्‍म सोइक्‍ताक्‍नी। बेक्‍शो मुर आन बाक्‍तीके सम्‍म सोइक्‍ताक्‍नी।
ISA 57:10 गेपुकी इन लाइश्‍शो लां गाक्‍तीके दाइतीनी। मो हना यो मेको शोर गाक्‍शो दुम्‍त मदेंनी। गेपुकी नक सक्ति ताइतीनी। मोपतीके मेको आन नोले खोइक्‍चा मप्रोंइनी। येरमीया २:२५
ISA 57:11 गे सु क्‍येङा शुश हिंशा, जोल पनी? मिनु आं कली मफ्रुक्‍थु ममिम्‍तीनी। गो सिक्‍सी पा बाक्‍शा, आं मिक्‍च क्रिप्‍ताक्‍ङ। मिनु गे आं कली तशा महिंनी? भजन संग्रह ५०:२१
ISA 57:12 गो इन ठीक पशो नु इन गेय तुइक्‍पाइक्‍नन्‍नी। तन्‍न मेको इन कली मारेइ रिम्‍शो मदुम्‍ब।
ISA 57:13 गेपुकी श्‍येत जशा, थोनीनु, इन खुप्‍शो मूर्तिपुकीम इन कली प्रोन्‍मेक्‍ल। तन्‍न फशेमी मेको आन कली बेरपाइश्‍शा योल्‍ब। मुइश्‍शोमी मेको जाम्‍शा लाइनीम। तन्‍न सु सु आं गे जाक्‍शा पुंइसीनीमी, रागी मेको आन के दुम्‍ब। मिनु आं डांडा मेको आन के दुम्‍ब” देंत। भजन संग्रह ३७:९-११
ISA 57:14 मिनु परमप्रभुमी “सेलीन, सेलीन। रिम्‍शो लां सेलीने। आं मुर आन गाक्‍तीक लां ङा दाइल पाइब फुल्‍लु याक्‍तीन” देंत। यसैया ४०:३; यसैया ६२:१०
ISA 57:15 मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९
ISA 57:16 मिनु गो गेना हना यो दोस मगेनुङ। गाइक्‍स ङा गाइक्‍स मबाक्‍नुङ। मोपा बाक्‍ती हना, आंम आं सेल्‍शो मुर आन थुं थाइब। भजन संग्रह १०३:९
ISA 57:17 मेको आन परमप्रभु यावे आ अरेशो मटि‍थु, शिं‍म दुम्‍तीके गाइक्‍ताक्‍ङ। गो मेको आन कली तुप्‍शा थाइश्‍शा गाइक्‍ताक्‍ङ। तन्‍न मेकोपुकी नोले शोंइसीशा आंम आन लां लाम्‍तेक्‍म।
ISA 57:18 गो मेको आन पशो ताता। तन्‍न गो मेको आन कली सापाइक्‍नुङमी। मेको आन कली कुक्‍शा, आन थुं बारपाङक्‍नुङमी। मेको आन दाते ङा रोंका पाइब आन कली थुं बारपाइक्‍तीक लोव़ पाइनुङ” देंत। प्रस्‍थान १५:२६
ISA 57:19 मिनु परमप्रभु यावेमी “ङोन नु नेक्‍था बाक्‍ब नेल्‍ल आन थुं नाइश्‍शा बाक्‍मल। मिनु गो मेको आन कली सापाइक्‍नुङमी। गन्‍ती ६:२६; लूका २:१४; एफिसी २:१७; प्रस्‍थान १५:२६-; येरमीया १७:१४; यहूदा १:१३; यसैया ४८:२२; हितोपदेस २८:१
ISA 57:20 तन्‍न आं अरेशो लोव़ मटीबपुकी समुन्‍द्र ङा फशेम क्‍युक्‍शो समुन्‍द्र ङा ब्‍वाक्‍कु खोदेंशो बाक्‍नीम। गेना हना यो रेयके पाइब ब्‍वाक्‍कु खोदेंशो बाक्‍नीम। मेको ब्‍वाक्‍कुमी ग्रांग्रा दिचा ङा थोव़क नु हिलो ग्रुंइब” देंत।
ISA 57:21 आं परमप्रभुमी “आं अरेशो मटीब आन थुं नाइश्‍शा बाक्‍चा मताइनीम” देंत।
ISA 58:1 मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्‍पाइक्‍मी। मीका ३:८
ISA 58:2 मेकोपुकी मटीब बाक्‍तेक्‍म हना यो, आं कली नाक्‍त किंत किंत माल्‍नीम। आं लां तुइक्‍चा दाक्‍नीम। मेकोपुकी ठीक पाइब रागी ङा मुर खोदेंशो दुम्‍शा, आन परमप्रभु, आं ठीक पतीक लोव़ मप्रोंइशो खोदेंशो बाक्‍नीम। मिनु आं कली ठीक निसाफ पुंइनीम। परमप्रभु आ नेक्‍था जाक्‍चा दाक्‍नीम। यसैया २९:१३-१४
ISA 58:3 मेकोपुकीमी ‘गो मारदे माइजा बाक्‍का? गे मताइनीनी। गो मारदे आंम कली ब्रेम्‍शो सेल्‍का? गे मतुइक्‍तीनी’ देंतेक्‍म। गे इन माइजा बाक्‍ची ना इन आंम मिम्‍शो पाइनीनी। मिनु इन गेय पाइब नेल्‍ल आन कली दिप्‍नीनी। येरमीया १४:१२
ISA 58:4 गेपुकी जिशा खेशा तुम्‍मुचा कली ला माइजा बाक्‍नीनी। इन मुडकीमी तुप्‍चा कली ला माइजा बाक्‍नीनी। मोदेंशो माइजा बाक्‍शा, इन सेंदा इर सम्‍म मजाक्‍दीप्‍ब।
ISA 58:5 आं योव़शो माइजा बाक्‍तीक मोदेंशो बाक्‍बा ङा? मार, आंम कली काबु ला ब्रेम्‍शो सेल्‍चा? बुदी मीलु घांस गुक्‍शो खोदेंशो पा इन पिया खुक्‍शा, अरन्‍डी फेक्‍शो नु पुलु तार निश्‍शो कली माइजा बाक्‍शो देंनीनी? मेको परमप्रभु यावे आ दाक्शो बाक्‍ब, देंनीनी? जकरिया ७:५-६; मत्ती ६:१६-१८
ISA 58:6 आं दाक्‍शो माइजा बाक्‍तीके मार बाक्‍ब, देंशा हना, ठीक निसाफ मतशो आन कली प्रोंइचा नु दिप्‍शा श्‍येत गेचा पुंइसीशो आन जुवा प्रुइक्‍चा बाक्‍ब।
ISA 58:7 आंम जचा थोव़क शोव़लु बेक्‍ब नु योक्‍चा, खिं मबाक्शो नु प्रुङग आन कली इन खिंम बाक्‍चा गेचा, शिश्रा बाक्‍ब आन कली वा फेक्‍चा गेचा नु इन लोक्‍ब आन कली वारच पचा, आं दाक्‍शो माइजा बाक्‍तीक बाक्‍ब। ब्‍यवस्‍था १५:११; इजीकीएल १८:७; मत्ती २५:३५-३६
ISA 58:8 मो पाइतीनी हना, गे सुनी ङा नां दाप्‍शो खोदेंशो दुम्‍नीनी। मिनु गे रीब पा सानीनी। इन कली वारच पाइब इन ङोंइती गाक्‍ब। परमप्रभु यावे आ छेङछेङमी इन नोले खोइक्‍ब। भजन संग्रह ३७:६; यसैया ५२:१२
ISA 58:9 मेना गे पुंइनीनी। मिनु परमप्रभु यावेमी लोव़ लेप्‍ब। मिनु गे ‘वारच पने’ दे थोइनीनी। मिनु मेकोमी ‘गो एके बाक्‍ती’ देंब। गे इन दाते रे मरिम्‍शो पतीक जुवा ताइक्‍ताक्‍नी हना, ब्रेप्‍चो पोक्‍शा, मरिम्‍शो लोव़ पचा प्रोंइतीनी हना, रिम्‍शो दुम्‍ब। यसैया ३०:१९
ISA 58:10 गे शोव़लु बेक्‍ब आन कली इन जचा थोव़क गेतीनी हना, श्‍येत जाइब आन माल्‍शो गेतीनी हना, इन छेङछेङ छिङछिङम ब्राइब। इन नाक्‍दो ङा छिङछिङ नाक्‍ती ङा छेङछेङ खोदेंशो दुम्‍ब।
ISA 58:11 मिनु परमप्रभु यावेमी इन कली गेना हना यो लां कोंइब। गे श्‍येत जनी ना इन माल्‍शो नेल्‍ल गेब। मिनु इन रुश बोल्‍यो सेल्‍ब। गे ब्‍वाक्‍कु लाब्‍वेशो फल फुल रू खोदेंशो बाक्‍नीनी। गे गेनायो मसोव़ब ब्‍वाक्‍कु बुक्‍तीके खोदेंशो दुम्‍नीनी। येरमीया ३१:१२
ISA 58:12 मिनु गे इन साइ ङा ब्रेश्‍शो खिंपुकी लेंशा सेल्‍नीनी। साइ ङोंइती ङा सेल्‍शो जग लेंशा वोइक्‍नीनी। मिनु इन कली गारो सेल्‍ब, खिं सेल्‍ब नु लां लेंशा सेल्‍ब, दे नें वोइक्‍नीम। यसैया ६१:४
ISA 58:13 गे नाइक्‍तीक नाक्‍ती अर्को नाक्‍त खोदेंशो मसेल्‍तीनी हना, मेको आं नाक्‍तीमी इन गेय मपाइतीनी हना नु आं योव़शो नाक्‍त कली रिम्‍शो नाक्‍त बाक्‍ब देंतीनी हना, परमप्रभु यावे आ नाक्‍त ठेयब बाक्‍ब देंतीनी हना, गे मेको नाक्‍ती कली ठेयब सेल्‍शा, इन गेय मपाइतीनी हना, इन दला दाक्‍स मपाइतीनी हना, यसैया ५६:२-४
ISA 58:14 गेपुकी परमप्रभु यावे कली मिम्‍शा ग्‍येरसीनी वा। मिनु गो इन माल्‍शो नेल्‍ल गेन्‍नी वा। मिनु गो इन किकी याकूब आ शोंप जचा गेनन्‍नी वा” दे परमप्रभु यावे आ देंशो बाक्‍ब।
ISA 59:1 कोव़ङीन, परमप्रभु यावे आ मुर आन कली पाप रे प्रोंइतीक सक्ति मपाइश्‍शो मदुम्‍शो बाक्‍ब। आ नोफा मथांइशो बाक्‍ब। यसैया ५०:२
ISA 59:2 इन मरिम्‍शो पतीकेमी इन कली इन परमप्रभु रे फ्राशो बाक्‍ब। इन पाप आ पर्बम इन ङोंइती रे आ कुल ख्रुइश्‍शो बाक्‍ब। मोपतीके इन लोव़ मनेंब।
ISA 59:3 इन गुइ हुश लुम्‍सीशो बाक्‍नीम। गे नेल्‍ल मरिम्‍शो पाइब बाक्‍नीनी। गे जोल पना पन बाक्‍तीनी। गे ओल ओल लोव़ पाइनीनी। यसैया १:१५
ISA 59:4 सुइमी ठीक निसाफ मपाइनीम। सुइमी ठीक निसाफ पाइक्‍चा मपुंइसीनी। गे जाम्‍शा लाइब कली थमा सुइश्‍शा, जोल पाइनीनी। मेकोपुकीम हेंथे पतीकेम ब्रीशा, मरिम्‍शो पतीके ला थीनीम। भजन संग्रह ७:१५
ISA 59:5 बीस पाइश्‍शो बुस्‍स आ ब्‍वोफु रे चाइक्‍ब पुक्‍नीम। माख्रा आ जाल प्रोव़नीम। मेको ब्‍वोफु जाइब बेक्‍नीम। ब्‍वोफु दिम्‍शा पुक्‍तेक्‍म हना, बुस्‍स ग्रूब।
ISA 59:6 मेको जाल फेक्‍सीचा नु सुम्‍सीचा मदुम्‍ब। मेको आन सेल्‍शो थोव़कमी आन रां सुम्‍ने मचाप्‍नीम। मेको आन गेय मरिम्‍शो पतीक गेय बाक्‍ब। मेको हुश ख्राक्‍श पोक्‍ब बाक्‍नीम।
ISA 59:7 मेकोपुकी मरिम्‍शो पचा कली ला दोरनीम। दोस मताइब आन कली साइक्‍चा कली चुइक्‍नीम। मेको आन मिम्‍शो मरिम्‍शो बाक्‍ब। आन लांमी बिग्रेतीक नु खतम पोक्‍तीक बाक्‍ब। रोमी ३:१५-१७; हितोपदेस १:१६; येरमीया २:३४
ISA 59:8 मेकोपुकीम थुं नाइक्‍पाइक्‍तीक आ पर्बम मारेइ मतुइक्‍नीम। मेको आन लांम ठीक निसाफ मबाक्‍ब। मेकोपुकी हेंथे लां खोइक्‍नीम। सु सु मेको हेंथे लां गाक्‍नीमी, मेको यो थुं नाइश्‍शा बाक्‍चा मताइनीम।
ISA 59:9 मोपतीके ठीक निसाफ पतीके आंइ क्‍येङा ङोन बाक्‍ब। गो ठीक पतीके मताइनीकी। गोपुकी छेङछेङ ङा लां कली कोव़नीकी, तन्‍न छिङछिङ ला बाक्‍ब। गो नाक्‍त ङा हाम्‍सो माल्‍नीकी, तन्‍न छिङछिङ ला बाक्‍ब।
ISA 59:10 मिक्‍च मताइब खोदेंशो पा गारो सुल्‍शा गाक्‍नीकी। मिक्‍च मपाइश्‍शो मुर खोदेंशो पा सुल्‍‍नीकी। नाक्‍दो खोदेंशो पा नाक्‍ती यो दाइल पांइ‍सीनीकी। गो बोल्‍यो मुर आन दातेम बेक्‍शो मुर खोदेंशो दुम्‍तक। ब्‍यवस्‍था २८:२९
ISA 59:11 गो नेल्‍ल वां खोदेंशो पा ग्रीनीकी। ढुकुर खोदेंशो पा रोंका पाइनीकी। गो ठीक निसाफ माल्‍ना माल्‍न बाक्‍नीकी, तन्‍न मथित्‍नीकी। पाप रे ब्रोंइतीक माल्‍नीकी, तन्‍न मेको आंइ क्‍येङा ङोन बाक्‍ब।
ISA 59:12 इन ङोंइती आंइ हेंथे पशो शुश बाक्‍ब। आंइ पशो पापमी इन कली तुइक्‍पाइक्‍ब। गो मरिम्‍शो पाइब बाक्‍नीकी, दे तुइक्‍नीकी। आंइ हेंथे पशो थमा पा गोपुकी नु बाक्‍ब। गोपुकी आंइ मरिम्‍शो पशो तुइक्‍नीकी। येरमीया १४:७
ISA 59:13 गोपुकी हेंथे गाक्‍शा, परमप्रभु यावे रे नोले शोंइसाक्‍क। आंइ परमप्रभु आ नोले खोइक्‍चा प्रोंइतक। आंइ लोव़ मुर आन कली दिप्‍चा नु परमप्रभु यावे कली मटिचा ङा बाक्‍ब। गोपुकी जोल कली थमा सुइश्‍शा, ब्रपाइश्‍शो बाक्‍तक।
ISA 59:14 मिनु ठीक निसाफ मबाक्‍ब। ठीक पतीके ङोन बाक्‍ब। सुइ सुइमी जोल पाइनीम। मिनु रिम्‍शो थुं पाइश्‍शो मुर बाक्‍ने मचाप्‍नीम।
ISA 59:15 थमा पतीक तेइ मथिंसीब। रिम्‍शो पाइब आन मारेइ मारेइ रोइक्‍चा पुंइसीनीम। मिनु परमप्रभु यावेमी मेको ताप्‍तु। मिनु ठीक निसाफ मबा, दे थम गाइश्‍शो बाक्‍त।
ISA 59:16 मिनु वारच पाइब सुइ मबाक्‍शो तशा, छक लाक्‍त। मोपतीके मेकोमी आंम आ सक्तिम ग्रात। आ ठीक पतीकेम आ कली वारच पाइक्‍तु। इजीकीएल १३:४-५
ISA 59:17 मेकोमी ठीक पतीके कांसा के फेक्‍तीके खोदेंशो पा फेक्‍शा, पाप रे प्रोंइतीक ताकी खोदेंशो पा गुक्‍साक्‍व। क्‍येक्‍क लेत्‍तीक वा खोदेंशो पा फेक्‍साक्‍व। आ थुंमी थमा पा पाइनुङ, दे वा खोदेंशो पा रुक्‍साक्‍व।
ISA 59:18 परमप्रभुमी मेको आन पशो खोदेंशो पा मेको आन कली क्‍येक्‍क लेप्‍ब। आ जोरी आन कली आ गाइश्‍शो कोंइब। आ सत्रु आन कली क्‍येक्‍क लेप्‍ब। समुन्‍द्र आ नेक्‍था बाक्‍ब आन कली क्‍येक्‍क लेप्‍ब।
ISA 59:19 मिनु नां पेरतीकेमी बाक्‍ब मुरपुकीमी परमप्रभु यावे कली मान पा हिंनीम। नां दाप्‍तीक ङा मुरपुकी परमप्रभु यावे आ छेङछेङ तशा, मान पा हिंनीम। मारदे हना मेको परमप्रभु यावे बारशो खोला खोदेंशो पा जाक्‍ब। मिनु आ फशेमी मेको आन कली मुइश्‍शा खेरब।
ISA 59:20 मिनु सियोनम का जाक्‍ब। मिनु मेकेर ङा मुर आन कली पाप रे प्रोंइब। मेकोमी हेंथे पतीके रे लेप्‍ब याकूब आ खिं ङा मुर आन कली रोमी ११:२६
ISA 59:21 “गो नु पशो कबल मार बाक्‍त देंशा हना, आं सोक्‍त इन तार बाक्‍ब। गो आं लोव़ इन शोव़म कुर पाता। मेकेर गेना हना यो बाक्‍शा इन आलपुकीम मेको लोव़ पना पन बाक्‍नीमी। मेको लोव़ गेना हना यो इन चच युइम यो पना पन बाक्‍नीम” दे परमप्रभु यावेमी देंत। येरमीया १:९
ISA 60:1 परमप्रभुम “बोक्‍को। मिनु ग्‍येरसो। मारदे हना इ छेङछेङ जाक्‍शो बाक्‍ब। परमप्रभु यावे आ छेङछेङ इ तार जाक्‍शो बाक्‍ब।
ISA 60:2 छिङछिङम रागी कली सुम्‍तु। क्‍येर नाक्‍दोमी जात जात ङा मुर आन कली सुम्‍तु। तन्‍न परमप्रभु यावे इ तारी ग्रूब। आ छेङछेङ इ तारी तांइसीब।
ISA 60:3 रागी रागी ङा मुरपुकी इ छेङछेङम जाक्‍नीम। पिपपुकी इ सुनी ङा छेङछेङम जाक्‍नीम। यसैया २:२-३; प्रकाश २१:२४
ISA 60:4 इ मिक्‍च हिरशा, कोव़ङो। इ मुर नेल्‍ल ग्रुम्‍शा, इ बाक्‍तीके जाक्‍नीम। इ तौपुकी ङोन रागी रे जाक्‍नीम। इ तमी आन कली मुप्‍शा कुरशा चाक्‍नीम। यसैया ४९:१८; यसैया ४९:२२; यसैया ६६:१२
ISA 60:5 गे मेको तशा थाम्‍पा ग्‍येरनेवे। इ थुं ग्‍येरसीशा प्रेक्‍ब। मारदे हना समुन्‍द्रम चाक्‍शो मारेइ मारेइ इ के दुम्‍ब। रागी रागी ङा शोंप नेल्‍ल इ के दुम्‍नीम।
ISA 60:6 गे शुश दलओंठ ताइनेवे। मिदयान नु एफाह ङा दलओंठ आन चाइक्‍बपुकीमी इ रागी ब्रीनीम। मिनु शेबा रे यो चाक्‍नीम। मेकोपुकीमी सुन नु धूप चाक्‍शा ‘परमप्रभु यावे ठेयब बाक्‍ब’ दे ग्‍येरशा आं पर्बम शेंनीम। भजन संग्रह ७२:१०; मत्ती २:१-११
ISA 60:7 केदार ङा क्‍यारश भेडा नेल्‍ल इ बाक्‍तीकेमी देल्‍नीम। नेबायोथ ङा सांडपुकीमी इ गेय पाइनीम। मेकोपुकी आं कली चढ़ेतीकेम गारचा ङा बाक्‍नीम। मिनु गो आं दारशो खिं ग्‍योम्‍नुङ।
ISA 60:8 गोस्‍स खोदेंशो पा बेरब नु ढुकुर आ बाक्‍तीकेम बेरशा लशो खोदेंशो पा बेरबपुकी सु बाक्‍मा?
ISA 60:9 समुन्‍द्र आ नेक्‍था ङा मुरपुकीम आं लां कोव़नीम। ङोंइती टारसीस ङा जहाजम इ आल आन कली ङोन रागी रे चाक्‍नीम। मेको आन सुन चांदी यो मेकोपुकी नु बाक्‍ब। मेको परमप्रभु यावे, इ परमप्रभु आ नेंमी जाक्‍नीम। इस्राएली आन का ला बाक्‍शो परमप्रभु आ पर्बम चाक्‍ब। मारदे हना मेकोमी इन कली दारशो सेल्‍शो बाक्‍ब। यसैया ४२:४; यसैया ५५:५
ISA 60:10 मिनु अर्को रागी ङा मुरपुकीम इ गारो प्रोव़शा हिरनीम। मेको आन पिपपुकीमी इ गेय पाइनीम। ङोंइती गाइश्‍शा, इ कली तुप्‍तन। तन्‍न मुल आं दाक्‍तीकेमी शिशी पाइक्‍तन। यसैया ५४:८
ISA 60:11 इ सहर ङा गारो ङा लाप्‍चो रोक्‍स ङा रोक्‍स बाक्‍नीम। नाक्‍दो नाक्‍ती इ लाप्‍चो मचोक्‍शो बाक्‍नीम। मोपा रागी रागी ङा मुरपुकीमी आन शोंप चाक्‍नीम। मेको आन पिप आन ङोंइती गाक्‍नीम। प्रकाश २:२५-२६
ISA 60:12 मिनु तेक तेको रागी नु तेक तेको राज्‍य ङा मुरपुकीमी इ गेय मपाइनीमी, मेकोपुकी खतम दुम्‍नीम। थमा पा क्‍याम्‍चा पुंइसीनीम।
ISA 60:13 लेबानोन ङा दारस इ बाक्‍तीके चाक्‍नीम। मेकेर ङा लाइश्‍शो रवा आन शी आं बाक्‍तीके दारपाइक्‍चा कली चाक्‍नीम। मोपा गो आं बाक्‍तीके दारपाइक्‍नुङ।
ISA 60:14 इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२
ISA 60:15 ङोंइती गे प्रोंइचा पुंइसीशो नु काइ मदाक्‍चा पुंइसीशो बाक्‍ते। इ रागी रे पा सुइ मगाक्‍बाक्‍तेक्‍म। मुल गो इ कली गेना हना यो मान तपाइश्‍शा, पाला पाला सम्‍म ग्‍येरसीतीके सेल्‍नन। यसैया ४९:१४
ISA 60:16 गे रागी रागी ङा दूध तूनेवे। मिनु गे पिप आन दूध तूनेवे। मिनु गो इ कली श्‍येत रे प्रोंइब बाक्‍नुङ। याकूब आ सक्ति पाइश्‍शो परमप्रभु इ कली पाप रे प्रोंइब बाक्‍नुङ, दे तुइक्‍नेवे। यसैया ४९:२०
ISA 60:17 मिनु गो कांसा आ पा ङा सुन चाक्‍नुङ। फलाम आ पा ङा चांदी चाक्‍नुङ। शी आ पा ङा कांसा नु फुल्‍लु आ पा ङा फलाम चाक्‍नुङ। मिनु गो थुं नाइक्‍तीके इ कली कोव़ब सेल्‍नुङ। ठीक पतीके इ ठेयब मुर सेल्‍नुङ।
ISA 60:18 मो दुम नोले इ रागीमी हुश ख्राक्‍श पोक्‍शो आ पर्बम मनेंसीब। इ सांदम खतम दुम्‍शो लोव़ मनेंसीब। तन्‍न गे इ गारो कली पाप रे प्रोंइतीके नें वोइक्‍नेवे। गारो ङा ठेयब लाप्‍चो आन कली ठेयब सेल्‍तीक नें वोइक्‍नेवे।
ISA 60:19 मेना इ कली नाक्‍त ङा नां छेङछेङ मदुम्‍ब। नाक्‍दो तास्‍ला हाम्‍सो मदुम्‍ब। मारदे हना इ परमप्रभु इ कली गेना हना यो छेङछेङ बाक्‍ब। मिनु इ परमप्रभु इ दारस बाक्‍ब। यसैया २४:२३; प्रकाश २१:२३; प्रकाश २२:५
ISA 60:20 मिनु मेना रे इ नां गेनायो मलाक्‍ब। मिनु इ तास्‍ला यो मलाक्‍ब। मारदे हना परमप्रभु यावे गेना हना यो इ छेङछेङ बाक्‍ब। इ रोंका पतीक नाक्‍ती नुप्‍त। यूहन्‍ना ८:१२; याकूब १:१७
ISA 60:21 इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।
ISA 60:22 मेको नेल्‍ल क्‍येङा महिक्‍सीशो थर का दुम्‍नीम। मिनु नेल्‍ल क्‍येङा आइक्‍च मुरपुकी ठेयब रागी ब्रीशा, सक्ति पाइश्‍शो दुम्‍नीम। मेना गो, परमप्रभु यावेमी मेको रीब पा पाइनुङ” देंत।
ISA 61:1 “परमप्रभु, परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, थुं जिक्‍शो आन कली आन थुं बारपाइक्‍चा कली, चोक्‍चा पुंइसीशो मुर आन कली प्रोंइ‍चा कली नु जेल्‍खान बाक्‍ब आन कली ग्रुंइचा कली सोइक्‍ताक्‍यी। यसैया १:२; मत्ती ११:५; लूका ४:१८-१९
ISA 61:2 मिनु आं कली परमप्रभु यावे आ शिशी पाइब बर्स नु आंइ परमप्रभु आ क्‍येक्‍क लेत्‍तीक नाक्‍त नु रोंका पाइब आन थुं बारपाइक्‍तीक नाक्‍त बाक्‍ब, दे तुइक्‍पाइक्‍चा कली यो सोइक्‍ताक्‍यी। लेवी २५:१०,१३; यसैया ६३:४
ISA 61:3 मेकोमी आं कली सियोनम रोंका पाइब आन कली पुलु आ पा ङा दारशो पियाम ग्‍योम्‍तीके ग्‍योम्‍पाइक्‍चा कली, हिशेक आ पा ङा ब्रोव़शो रिना पाइब तेल ख्रेक्‍चा कली नु आइक्‍च थुं दुम्‍तीके आ पा ङा ठेयब सेल्‍तीक थुं फेक्‍तीक खोदेंशो पा फेक्‍पाइक्‍चा कली सोइक्‍ताक्‍यी। मेको मुर आन कली ‘ठीक पतीके रवा’ दे नें वोइक्‍तेक्‍म। मेको परमप्रभु यावे आ ख्रुम्‍शो आ दारस कोंइतीके बाक्‍नीम।
ISA 61:4 मिनु मेकोपुकीमी साइ ङोंइती खतम दुम्‍शो ब्रेश्‍शो माइत खिंपुकी लेंशा सेल्‍नीम। मेकोमी ब्रेश्‍शो सहर लेंशा सेल्‍नीम। मिनु शुश पाला रे मुर मबाक्‍थु, श्‍‍येत्‍थ दुम्‍शो सहर लेंशा सेल्‍नीम। यसैया ५८:१२
ISA 61:5 मिनु अर्को रागी ङा मुर जाक्‍शा, इन क्‍यारश भेडा योव़नीम। मेकोपुकीमी इन रू दोइनीम। इन अङगुर बोट मुंइ‍नीम। यसैया ६०:१०
ISA 61:6 तन्‍न इन कली ‘परमप्रभु यावे कली चढ़ेब नम’ देंनीम। मिनु ‘आंइ परमप्रभु आ गेय पाइब नम’ दे यो देंनीम। गेपुकीमी रागी रागी ङा मुर आन शोंप ताइनीनी। मिनु मेको आन शोंपोम ग्‍येरनीनी। प्रस्‍थान १९:६; १पत्रुस २:५,९
ISA 61:7 मारदे हना गे अरु क्‍येङा निक्‍शी खेयप मुने दोक्‍तीनी। मिनु इन कली ग्रांग्रा दित्‍ताक्‍म। मोपतीके गे इन रागीमी निक्‍शी खेयप रू ताइनीनी। मिनु गेना हना यो ग्‍येरसीतीके गे नु बाक्‍ब।
ISA 61:8 गो, परमप्रभु यावेमी, ठीक पतीके दाक्‍नुङ। रोइक्‍तीक नु हेंथे पतीक गेय काइ मदाक्‍नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३
ISA 61:9 मिनु रागी रागी ङा मुरुम मेको आन चच युइ आन कली तुइक्‍नीम। मिनु जात जात ङा मुरुम मेको आन आल आन कली तुइक्‍नीम। मेको आन कली ताइब नेल्‍लेमी ‘मेरे परमप्रभु यावे रे पा आसीक तशो मुर बाक्‍नीम’ देंनीम।
ISA 61:10 गो परमप्रभु यावे कली मिम्‍शा, ग्‍येरसीनुङ। आं थुं नेल्‍लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्‍पाइश्‍शा, ठीक पतीकेमी सुम्‍ती। दोदेंशो पा ग्‍युम्‍लेम माहुर चुइक्‍सीबा नु ग्‍युम्‍लीम ग्‍योम्‍सीबा, मोदेंशो पा परमप्रभु यावेमी आं कली ग्‍योम्‍ताक्‍यी। मत्ती २२:११-१२
ISA 61:11 दोपा रूमी बाली नाली वापाइक्‍बा नु मेकेर वांचेर वापाइक्‍बा, मोपा परमप्रभु, परमप्रभु यावेमी ठीक पतीके नु ठेयब सेल्‍तीके रागी रागी ङा मुर आन ङोंइती दुम्‍पाइक्‍ब” देंत।
ISA 62:1 परमप्रभु यावेमी “गो सियोन आ पर्बम सिक्‍सी पा मबाक्‍नुङ। यरूसलेम आ पर्बम गो मनांइसीनुङ। मेको आ ठीक पतीके सुनी ङा छेङछेङ खोदेंशो पा मग्रूम सम्‍म नु आ पाप रे प्रोंइचा पुंइसीतीके ब्रशो तोव़शी खोदेंशो मदुम सम्‍म मनांइसीनुङ।
ISA 62:2 मिनु रागी रागी ङा मुरुमी इ ठीक पशो ताइनीम। मिनु पिप नेल्‍लेमी इ छेङछेङ ताइनीमी। मिनु इ कली नक नें थिशा ब्रेत्‍नीमी। मेको नें परमप्रभु यावेमी वोइश्‍शो बाक्‍ब। यसैया ६५:१५; प्रकाश २:१७
ISA 62:3 गे परमप्रभु यावे आ गुइमी दारशो सिरपेच का दुम्‍नेवे। मिनु इ परमप्रभु आ गुइमी गे पिपीम आन सुन फू खोदेंशो दुम्‍नेवे। २तिमोथी ४:८
ISA 62:4 मिनु गे मेना रे ‘ताइक्‍चा पुंइसीशो’ माइक्‍चा मपुंइसीनेवे। इ रागी मुर मबाक्‍तीके रागी माइक्‍चा मपुंइसीब। ‘गो इ कली तशा ग्‍येरसाक्‍यी’ दे नें वोइक्‍चा पुंइसीनेवे। इ रागी ग्‍युंबे पशो खोदेंशो दुम्‍ब। मारदे हना परमप्रभु यावे इ कली तशा ग्‍येरसीब। इ रागी ग्‍युंबे पशो खोदेंशो दुम्‍ब। यसैया ५४:६; यसैया ६०:१५; होसे २:२१
ISA 62:5 दोपा ठिटा वोंइश मुरुम मीश आल कली ग्‍युंबे पाइबा, मोपा इ कली सेल्‍बमी इ कली ग्‍युं‍बे पाइब। मिनु दोपा ग्‍युम्‍ले आ ग्‍युम्‍ली कली तशा ग्‍येरसीबा, मोपा परमप्रभु इ कली तशा ग्‍येरसीब।
ISA 62:6 यरूसलेम, गो इ गारो तार खाल पाइब मुर वोइक्‍ता। मेकोपुकी नाक्‍दो नाक्‍ती सिक्‍सी पा मबाक्‍नीम। परमप्रभु यावे कली मिम्‍पाइक्‍बपुकी, मनांइसीन” देंत। यसैया ५२:८
ISA 62:7 परमप्रभु यावेम यरूसलेम कली बोल्‍यो नु ठेयब मसेला सम्‍म मेको कली यो नाइक्‍चा मगेन। मिनु रागी नेल्‍ल ङा मुर आन ङोंइती तुइक्‍पाइक्‍चा कली मेको पने।
ISA 62:8 परमप्रभु यावेमी आ ग्‍युरा गुइ क्‍युक्‍शा, कसम जाप्‍तु। मार कसम जाप्‍तु देंशा हना “मुल रे गो इ अन्‍न इ जोरी सत्रु आन कली जचा मगेनुङ। मिनु अर्को रागी ङा मुर आन कली इ अङगुर शांबु तूचा मगेनुङ। मारदे हना गे मेको आ पर्बम शुश श्‍येत पाप्‍तीवी। यसैया ६५:२१-२२
ISA 62:9 सु सुमी अन्‍न ओंइनीमी, मेकोपुकीमी जचा ताइनीम। मिनु आं कली ठेयब सेल्‍नीम। मिनु सु सुमी खुप्‍नीमी, मेकोपुकीमी आं खिं ङा लाङगाम तूनीम” दे कसम जाप्‍तु।
ISA 62:10 ओव़ङीन, ठेयब लाप्‍चो रे ओव़ङीन। मिनु मुर आन गाक्‍तीके लां थेल्‍शा, सेलीन। ठेयब लां रे फुल्‍लु याक्‍तीन। जात जात ङा मुर आन कली चिन्‍ड वोतीन। यसैया ५७:१४
ISA 62:11 परमप्रभु यावेमी रागी आ सुर सम्‍म ङा मुर नेल्‍ल आन कली “सियोन आ तमी कली ‘इ कली पाप रे प्रोंइब जाक्‍ना जाक्‍न बाक्‍ब। इ कली गेतीक इनाम मेको नु बाक्‍ब। मेको इ ततीक इनाम आ ङोंइती गाक्‍ब’ देंशो बाक्‍ब। जकरिया ९:९; यसैया ४०:९-१०
ISA 62:12 मिनु मेको आन कली ‘परमप्रभु यावे आ मुर नम। परमप्रभु यावे आ पाप रे प्रोंइशो मुर नम’ दे ब्रेत्‍नीम। मिनु इ कली ‘माल्‍शा, थिश्‍शो नु गेनायो मप्रोंइसीब सहर’ माइक्‍चा पुंइसीनेवे” दे कसम जशा, लोव़ पशो बाक्‍ब। यसैया ३५:१०
ISA 63:1 एदोम रे सु जाक्‍ना जाक्‍न बाक्‍बा? लल जिशो वा फेक्‍शा, बोज्रा रे जाक्‍ब सु बाक्‍मे? मेको दारशो वा फेक्‍‍शा, ठेयब सक्तिमी गाक्‍ब सु बाक्‍म। “गो ठीक पतीके लोव़ पाइनुङ। गो पाप रे प्रोंइतीक सक्ति पाइश्‍शो नङ” देंत। यसैया ३४:६
ISA 63:2 मिनु गो “इन फेक्‍शो वा मारदे लल जिशो बाक्‍मे? मारदे इन वा अङगुर ख्राक्‍ब आन के खोदेंशो दुम्‍मे?” देंती। प्रकाश १९:१३
ISA 63:3 मिनु मेकोमी “गो आं कान अङगुर ख्राक्‍ता। गो नु जात जात ङा मुर सुइ मबाक्‍म। मिनु गो गाइश्‍शा, मेको आन कली ख्राक्‍ता। चुरशा मेको आन कली दिम्‍ताक्‍ङमी। मेको आन रस आं वाम ब्रुंइसाक्‍व। मिनु आं वा नेल्‍ल लल दुम्‍त। योएल ४:१३; प्रकाश १४:२०
ISA 63:4 मारदे हना आं थुंम क्‍येक्‍क लेत्‍तीक नाक्‍त बाक्‍त। मिनु आं मुर आन कली प्रोंइतीके बर्स जाक्‍शो बाक्‍ब। यसैया १३:९; यसैया ३४:८; यसैया ६१:२
ISA 63:5 मिनु एर ओंथ कोव़ङुनु, वारच पाइब सुइ मबाक्‍म। मिनु गो नु गेय पाइब सुइ मबाक्‍म। मोपतीके गो आं सक्तिमी ग्राती। आं गाइक्‍तीकेमी आं कली वारच पाइक्‍ती।
ISA 63:6 मिनु गो गाइश्‍शा जात जात ङा मुर आन कली दिम्‍ताक्‍ङमी। गो चुरशा मेको आन कली खतम सेल्‍तामी। गो मेको आन हुश खपीम जारताक्‍ङ” देंत। यसैया ५१:१७
ISA 63:7 गो परमप्रभु यावे आ मुर आन कली शिशी पतीक गेय मिम्‍नुङ। मारदे हना मेको आ पर्बम परमप्रभु यावे कली ठेयब सेल्‍चा माल्‍नीकी। मिनु आंइ कली मार मार पशो आ पर्बम, इस्राएल आ खिं ङा मुर आन कली शुश दाक्‍ताक्‍व। मिनु मेको आन कली शिशी कोंइशा, गेना हना यो दाक्‍शो बाक्‍त। मोपतीके मेको कली ठेयब सेल्‍चा माल्‍नीकी।
ISA 63:8 मेकोमी “मेकोपुकी थमा पा आं मुर बाक्‍नीम जोल मपाइब आल बाक्‍नीम” देंत। मोपतीके परमप्रभु यावे मेको आन कली श्‍येत रे प्रोंइब दुम्‍त। ब्‍यवस्‍था ३२:५,२०
ISA 63:9 मेको आन श्‍येत तशा, आं सोइश्‍शो मुर ममाइ, परमप्रभु यावे आ स्‍वर्ग ङा गेय पाइब यो ममाइ, परमप्रभुमी मेको आन कली प्रोंइतु। आ दाक्‍तीके नु शिशी पतीकेमी मेको आन कली साइ ङोंइती रे पाप रे प्रोंइशा, मेको आन कली मुप्‍‍शा, कुरशो बाक्‍त। प्रस्‍थान ३३:१४-१५
ISA 63:10 तन्‍न मेकोपुकीमी काइ मटिथु, आ सोक्‍त कली थुं खाइक्‍पाइक्‍तेक्‍म। मोपतीके परमप्रभु यावे मेको आन जोरी सत्रु दुम्‍शा, आंमा मेकोपुकी नु लडाइ पाप्‍तु।
ISA 63:11 मिनु नोले मेकोपुकीमी साइ ङोंइती ङा नाक्‍ती मिम्‍ताक्‍म। मेको आ गेय पाइब मोसा आ पाला ना ङा नाक्‍ती मिम्‍ताक्‍म। मिनु मेकोपुकीमी “समुन्‍द्र रे पा गोठला नु आ बगाल ग्रुंइब ते बाक्‍म? मेको आन कली परमप्रभु यावे आ सोक्‍त वोइक्‍ब, ते बाक्‍मे? प्रस्‍थान २:५; गन्‍ती ११:१७
ISA 63:12 सुमी आ सक्ति पाइश्‍शो गुइ मोसा आ ग्‍युरा गे गाक्‍चा कली वोदा? सुमी आंम कली गेना हना यो आ नें लीपाइक्‍चा कली समुन्‍द्रम लां सेला? प्रस्‍थान १४:२९
ISA 63:13 सुम मेको आन कली समुन्‍द्र आगा ङा लां रे पा खुला? मेकोमी गोरशो रागीम शारा आन कली गाक्‍पाइश्‍शो खोदेंशो पा दाइल मपपाइक्‍थु, गाक्‍पाइक्‍तु।
ISA 63:14 बी ब्‍यफ बेंसी ब्रुप्‍शो खोदेंशो पा परमप्रभु यावे आ सोक्‍तीम मेको आन कली नाइक्‍पाइक्‍तु। इन नें ठेयब सेल्‍चा कली इन मुर आन कली मोदेंशो पा खुल्‍तीनी।
ISA 63:15 सरीङ ङा इन छेङछेङ ङा बाक्‍तीके रे उइ कोव़ङीन। इन वारच पचा दाक्‍तीके नु इन सक्ति ते बाक्‍मे? इन थुं ङा आंइ कली दाक्‍तीके नु इन शिशी पतीके ते बाक्‍म? गो मेको मतक। ब्‍यवस्‍था २६:१५
ISA 63:16 गे आंइ आफ बाक्‍नीनी। मिनु अब्राहाममी आंइ कली मतुइश्‍‍शो बाक्‍त। इस्राएलम आंइ कली मतव। गे, परमप्रभु यावे, आंइ आफ, आंइ श्‍येत रे प्रोंइब बाक्‍नीनी। मेको साइ रे इन नें बाक्‍ब। ब्‍यवस्‍था ३२:६
ISA 63:17 परमप्रभु यावे, गे मारदे आंइ कली इन लां रे हेंथे गाक्‍चा गेकी। गे मारदे आंइ कली इन कली मान पा महिंब दुम्‍चा कली आंइ थुं खकटा सेल्‍नी? गे इन गेय पाइब आन पर्बम नु इन जात ङा मुर आन पर्बम लेतीन। यसैया ५७:१७
ISA 63:18 इन योव़शो मुरपुकी इच्‍का नाक्‍त सम्‍म ला एको रागीम बाक्‍चा ताम्‍तेक्‍म। तन्‍न मुल आंइ जोरी सत्रुमी इन योव़शो बाक्‍तीके खतम सेल्‍तेक्‍म। बजन संग्रह ७९:१
ISA 63:19 गोपुकी ङोंइती रे इन सासन पशो मुर खोदेंशो मदुम्‍क। इन नेंमी ब्रेत्‍चा पुंइसीशो मुर खोदेंशो मदुम्‍क” देंतेक्‍म।
ISA 64:1 परमप्रभु यावे, गे सरीङ रोक्‍शा, यिनी हना, रिम्‍शो दुम वा। इन ङोंइती डांडा हिम्‍सीम वा।
ISA 64:2 मिनु दोपा मीम सोव़शो राशी जेप्‍बा, मिनु ब्‍वाक्‍कु ब्रुइक्‍पाइक्‍बा, मोपा इन जोरी सत्रु आन कली इन नें तुइक्‍पतीन। मिनु रागी रागी ङा मुर इन ङोंइती हिंशा ख्रिंख्रि पाइनीम।
ISA 64:3 मिनु गे आंइ ममिम्‍शो हिंचा ङा ठेयब गेय पाइनीनी। गे यिनीनु, इन ङोंइती डांडा ख्रिंख्रि पाइनीम। १कोरिन्‍थी २:९
ISA 64:4 सु सुमी मेको कली रिम्‍नीमी, मेकोमी, मेको आन पर्बम गेय पाइब। मारदे हना साइ ङोंइती रे गे ङा लाक्‍शा अरु परमप्रभु बाक्‍ब, दे सुइम मनेंशो नु मतशो बाक्‍तेक्‍म। प्रस्‍थान ३२:५-१०
ISA 64:5 गे ग्‍येरशा ठीक पतीके मिम्‍शा पाइब आन कली वारच पाइब बाक्‍नीनी। मेको मुरपुकी इन लांम गाक्‍शा, इन कली मिम्‍ब बाक्‍नीम। गे आंइ पाप पशो आ पर्बम गाइक्‍ताक्‍नी। मारदे हना गे ख्रुंइसाक्‍नी। मिनु गो हेंथे गाक्‍तक।
ISA 64:6 गो नेल्‍ल ग्रांग्रा दिशो मुर खोदेंशो दुम्‍तक। आंइ ठीक पतीके नेल्‍ल ग्रांग्रा दिशो लुम्‍सीशो वा खोदेंशो दुम्‍त। गो सफा खोदेंशो पा सोल सुल बेक्‍नीकी। आंइ मरिम्‍शो पशो फश खोदेंशो दुम्‍शा, आंइ कली बेरपाइक्‍ब।
ISA 64:7 मिनु इन नें थीब सुइ मबाक्‍नीमी। इन कली थिचा माल्‍ब सुइ मबाक्‍नीम। मारदे हना गे आंइ ङोंइती रे इन कुल ख्रुइक्‍ताक्‍नी। आंइ मरिम्‍शो पतीके मतेक्‍नी। यसैया ६३:१६; यसैया ४५:९; बिलाप ४:२; रोमी ९:२१
ISA 64:8 मो हना यो परमप्रभु यावे, गे आंइ आफ बाक्‍नीनी। गो खप नकी, गे खप के ग्‍योंब सेल्‍ब बाक्‍नीनी। गो नेल्‍ले इन सेल्‍शो नकी।
ISA 64:9 परमप्रभु यावे, शुश मगाइक्‍तीने। आंइ मरिम्‍शो पशो गेना हना यो ममिम्‍तीन। आंइ कली कोव़ङीन, गो नेल्‍ल इन मुर बाक्‍नीकी।
ISA 64:10 इन योव़शो सहरपुकी गोरशो रागी दुम्‍शो बाक्‍ब। सियोन यो गोरशो रागी दुम्‍शो बाक्‍ब। यरूसलेम मुर मबाक्‍तीके दुम्‍शो बाक्‍ब। भजन संग्रह २४:७
ISA 64:11 आंइ योव़शो नु दारशो, आंइ किकी पिपपुकीमी इन कली ठेयब सेल्‍शो खिं मीम ग्रोइक्‍त। आंइ दाक्‍शो खिं नेल्‍ले ब्रेन्‍ने थुम्‍तेक्‍म।
ISA 64:12 परमप्रभु यावे, गे मेको तशा यो, सिक्‍सी पा बाक्‍नीनी? ब्‍वालेइ पा बाक्‍शा, आंइ कली सजाइ जपाइक्‍नीनी?
ISA 65:1 परमप्रभु यावेमी “गो आं कली मतुइक्‍ब आन कली माल्‍ब सेल्‍तामी। आं कली ममाल्‍बमी आं कली थित्‍तीमी। आं नें मथीब रागी ङा मुर आन कली गो ‘गो एके बाक्‍ती। गो एके बाक्‍ती’ दे माइक्‍तामी। रोमी १०:२०
ISA 65:2 गो काइ मटीब मुर आन कली नाक्‍त रे आं गुइ हाम्‍शा वारच पाइक्‍चा माल्‍ता। मेकोपुकी आंम आन दला दाक्‍स पा मरिम्‍शो लां ला खोइक्‍तेक्‍म। रोमी १०:२१
ISA 65:3 मेको मुरपुकीमी आं कली गेना हना यो गाइक्‍पाइक्‍स ङा गाइक्‍पाइक्‍स पा फू बारीम चढ़ेनीम। इंटा तारी धूप चोइनीम।
ISA 65:4 मेकोपुकी तुरस आगाम बाक्‍शा, ख्रुंइसीशा नां सोंइताम। मेकोपुकीमी पोव़ श्‍ये ब्‍वाइनीम। आन ग्‍योंबुम ग्रांग्रा दिशो श्‍ये क्‍येनीम। यसैया ६६:१७; लेवी १:७
ISA 65:5 मेकोपुकीमी ‘गे मेके उइ बाक्‍कीन। आंइ नेक्‍था मपिने। मारदे हना इन थिशो मजाइनुङ’ देंनीम। मेकोपुकी आं कली मरिम्‍शो रिना पाइश्‍शो कुन खोदेंशो दुम्‍शा, गेना हना यो ब्रशो मी बाक्‍नीमी।
ISA 65:6 कोव़ङीन, आं ङोंइती मार ब्रेक्‍शो बाक्‍त देंशा हना ‘गो सिक्‍सी पा मबाक्‍नुङ। तन्‍न गो क्‍येक्‍क लेत्‍नुङ। गो थमा पा क्‍येक्‍क लेत्‍नुङ’।
ISA 65:7 गो इन मरिम्‍शो पशो नु इन किकी पिपी आन मरिम्‍शो पशो कालेमी क्‍येक्‍क लेत्‍नुङ। मेकोपुकीमी डांडा तार धूप चोशा, आं कली शुक्‍शी पाइक्‍तीमी। मिनु गो इन पशो आ क्‍येक्‍क लेत्‍नन्‍नी” दे परमप्रभु यावेमी देंत। मारदे हना मेकोपुकीमी डांडाम धूप चोशा, पहाड मेर आं पर्बम शुक्‍शी लोव़ पाम्‍तेक्‍म। मेको आन पशो पाप आन थुकुम प्रिंशा क्‍येक्‍क लेत्‍नुङमी।
ISA 65:8 मिनु परमप्रभु यावेमी “दोपा अङगुर आगाम रस बाक्‍बा, मिनु ‘मेको कली मताइक्‍चा, रस बाक्‍ब’ देंनीमी, मोपा मबिग्रेचा कली आ आगाम आसीक बाक्‍ब। गो मेको आं गेय पाइब आन पर्बम मोदेंशो पाइनुङ। यसैया ६:१३; उत्‍पत्ती १८:२६-३२
ISA 65:9 मिनु गो याकूब आ चच युइ रे जाक्‍पाइक्‍नुङ। मिनु यहूदा आ थर ङा आं डांडा ताइब मुर ग्रुंइनुङ। मेको आं योव़शो मुर आन के दुम्‍शा, आं गेय पाइब आन बाक्‍तीके दुम्‍ब।
ISA 65:10 मिनु शारोन आं मुर आन क्‍यारश भेडा योव़तीके नु आकोर माइश्‍शो दिंमम बी ब्‍यफ जोपाइक्‍तीके दुम्‍ब। मेको आं कली माल्‍ब आन कली दुम्‍ब। यसैया ३३:९; यहोसु ७:२६
ISA 65:11 तन्‍न गे परमप्रभु यावे कली प्रोंइबपुकी, आं योव़शो डांडा प्रेंबपुकी गाद देवता कली चढ़ेतीके सेल्‍नीनी। मिनु गे मेनी देवी कली ब्‍वाइश्‍शो तूतीके चढ़ेनीनी।
ISA 65:12 गो इन कली तरवारम साइक्‍पाइक्‍चा कली जिम्‍मा गेनन्‍नी। गे क्‍योरपांइसीचा कली गुर ब्‍वेनीनी। मारदे हना गो इन कली ब्रेत्‍तुनु, गे आं लोव़ मलेत्‍तीनी। गो लोव़ पङानु, गे मनेंनी। गो आं ङोंइती मरिम्‍शो नु आं मदाक्‍शो गेय ला योव़शा, पाइतीनी” देंत। यसैया ६६:४; येरमीया ७:१३
ISA 65:13 मोपतीके परमप्रभु यावेमी “आं गेय पाइबपुकी जचा ताइनीम। गे चहिं शोव़लु बेक्‍नीनी। आं गेय पाइब तूचा ताइनीम। गे चहिं तूतू दाक्‍शा बाक्‍नीनी। आं गेय पाइबपुकी ग्‍येरनीमी, गे चहिं मुने दोक्‍नीनी। यसैया ५५:१
ISA 65:14 आं गेय पाइबपुकी थुंम ग्‍येरसीशा, कुम्‍सो पाइनीमी। गेपुकी चहिं श्‍येत जशा, इन थुं लुक्‍च लशा खाइश्‍शा, वाइ ब्रेश्‍शा ङाक्‍नीनी।
ISA 65:15 आं योव़शोपुकीमी सराप पची ना इन नें थीनीम। मिनु नोले गो परमप्रभु, परमप्रभु यावेमी इन कली साइक्‍नन्‍नी। तन्‍न आं गेय पाइब आन कली नक नें वोइक्‍नुङमी। यसैया ६२:२
ISA 65:16 मिनु सु सुम रागीमी आसीक पुंइनीमी, मेकोपुकी थमा सुइक्‍चा पुंइसीब परमप्रभु आ नेंमी आसीक ताइनीम। मिनु रागीमी सु सुमी कसम जाइनीमी, मेकोपुकीमी थमा सुइक्‍चा पुंइसीब परमप्रभु आ नेंमी कसम जाइनीमी। मारदे हना ङोंइती ङा श्‍येत नुप्‍शा, प्रेंने थुम्‍शो बाक्‍नीम। मिनु आं ङोंइती रे ख्रुंइसीशो बाक्‍नीम। यसैया १९:१८; येरमीया ४:२
ISA 65:17 मिनु गो नक सरीङ नु नक रागी सेल्‍नुङ। ङोंइती ङा नेल्‍ल प्रेंशा, लेंशा मारेइ ममिम्‍सीब। यसैया ६६:२२; २पत्रुस ३:१३; प्रकाश २१:१
ISA 65:18 गेपुकी आं सेल्‍शोमी शुश ग्‍येरसीने। मारदे हना गो यरूसलेम कली कुम्‍सो पपाइश्‍शा, आ मुर नेल्‍ल आन कली ग्‍येरपाइक्‍नुङमी। यसैया ६६:२२; यसैया ३५:१०; यसैया २५:८; प्रकाश २१:४
ISA 65:19 गो यरूसलेम तशा ग्‍येरसीनुङ, आं मुर आन कली तशा, आं थुं ग्‍येरशा प्रेक्‍ब। मेना मेकेर ङाक्‍शो नु श्‍येत जशा ङाक्‍शो मनेंसीब।
ISA 65:20 का निक्‍शी नाक्‍त ला ब्रोंइब आल मेकेर मबाक्‍नीम। मिनु मेकेर सुइ यो खूशो दुम्‍चा क्‍येङा ङोंइती मबेक्‍नीम। सहे का बर्स ब्रोंइशा बेक्‍ब कली ठिटा देंनीम। मिनु सहे का बर्स मगाप्‍थु, बेक्‍ब मुर कली ‘सराप रशो मुर का बाक्‍त’ देंनीम। जकरिया ८:४
ISA 65:21 मेकोपुकी खिं सेल्‍शा, बाक्‍नीम। मिनु मेकेर अङगुर ख्रुम्‍शा, ग्‍येरशा ब्‍वाइनीम। यसैया ६२:८
ISA 65:22 आंम आन सेल्‍शो खिंमी अरु मबाक्‍नीम। आन ख्रुम्‍शो अङगुर अरुम मब्‍वाइनीम। आं मुरपुकी रवा खोदेंशो पा शुश बर्स ब्रोंइनीम। आं योव़शो मुरपुकीम आंम आन गुइ ङा गेय ग्‍येरशा जाइनीम। ब्‍यवस्‍था २८:३०; अय्‍युब १४:७
ISA 65:23 मेकोपुकीमी मोशा गेय मपाइनीम। श्‍येत जपाइक्‍चा कली आल मथीनीम। मारदे हना मेकोपुकी परमप्रभु यावे आ आसीक ताइब आन आल बाक्‍नीम। मिनु आन आल मेको नु बाक्‍नीम।
ISA 65:24 मिनु गो मेको आन पुंइचा क्‍येङा ङोंइती, लोव़ लेत्‍नुङमी। आन लोव़ पन पना नेंनुङ। यसैया ३०:१९; यसैया ५८:९
ISA 65:25 मेना फर नु पाठा काथ काथा जोइनीसी। गुप्‍सम चहिं ब्‍यफोम खोदेंशो पा पराल ब्‍वाइब। बुस्‍सुम खप जाइब। आं योव़शो डांडामी मारेइमी मरिम्‍शो मपाइनीम” दे परमप्रभु यावेमी देंत। यसैया ११:६-९; उत्‍पत्ती ३:१४
ISA 66:1 मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४
ISA 66:2 मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।
ISA 66:3 मिनु सुमी ब्‍यफ साइक्‍बा, मेको मुर साइक्‍ब खोदेंशो बाक्‍ब। सुमी पाठा का चढ़ेबा, मेको कुचुम आ शुर जिक्‍ब खोदेंशो बाक्‍ब। सुमी अन्‍न चढ़ेबा, मेको पोव़ आ हुश चढ़ेब खोदेंशो बाक्‍ब। सुमी मिम्‍शा चढ़ेतीके धूप चोइबा, मेको मूर्ति पूजा पाइब खोदेंशो बाक्‍ब। मेको आन दला दाक्‍स पाइनीमी। आन ग्रांग्रा दिशो गेयमी ग्‍येरसीनीमी। १सामुएल १५:२२-२३
ISA 66:4 गो मेको आन कली शुक्‍शी पाइनुङ। मिनु आन हिंशो श्‍येत आन तार मोइक्‍नुङ। मारदे हना गो मेको आन कली ब्रेङङानु, लोव़ मलेत्‍तेम। गो लोव़ पाता। तन्‍न मेकोपुकीम आं लोव़ मनेनेम। आं ङोंइती मरिम्‍शो पाम्‍तेक्‍म। आं मदाक्‍शो ला पाम्‍तेक्‍म” देंत। यसैया ६५:१२
ISA 66:5 परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२
ISA 66:6 नेनीने, सहर रे ठेयब रेयके नेंसीब। परमप्रभु यावे आ खिं रे सेंदा का नेंसीब। मेको परमप्रभु यावे आ सेंदा बाक्‍ब। आ जोरी सत्रु आन कली क्‍येक्‍क लेत्‍चा कली ठेयब सेंदा पा लोव़ पाइब” देंतेक्‍म।
ISA 66:7 मिनु परमप्रभु यावेमी “सियोनमी सुत्‍केरी रोइ पचा क्‍येङा ङोंइती आल थिप्‍तु। सुत्‍केरी रोइ पचा क्‍येङा ङोंइती तौ का थिप्‍तु।
ISA 66:8 मोदेंशो लोव़ सुम नेन्‍मे, सुम तामे? मार, नाक्‍त कामी रागी का दुम्‍बा ङा? याम कामी रागी का जरमेसीबा ङा? सियोनमी सुत्‍केरी रोइ पचा चिक्‍तानु, आलपुकी थिप्‍तु।
ISA 66:9 गो आल थिचा चिक्‍पाइश्‍शा ङा मीन, थिचा मगेनुङा ङा? गो आल थिचा गेबमी, तेक्‍नुङा ङा?” दे इन परमप्रभुमी देंत। यसैया ३७:३
ISA 66:10 मिनु गे यरूसलेम कली दाक्‍ब नेल्‍लेमी मेको नु ग्‍येरसीन। गे मेको आ पर्बम रोंका पाइब नेल्‍ल ग्‍येरसीन।
ISA 66:11 गेपुकी मेको आ दूध युप्‍शा, रूशा, इन थुं बारपतीन। मेको आ रिम्‍स तशा ग्‍येरसीने। यसैया ६०:१६
ISA 66:12 मारदे हना परमप्रभु यावेमी “गो ठेयब खोला खोदेंशो पा मार मार गेनुङ। मिनु बारशो खोला खोदेंशो पा रागी रागी ङा मुर आन शोंप गेनुङ। मिनु गे जाइनीनी। गेपुकी मुप्‍शा, कुरचा पुंइसीनीनी। थुकुम ग्‍यारपाइक्‍चा पुंइसीनीनी। यसैया ६०:४
ISA 66:13 दोपा आल आ ममामी आल आ थुं बारपाइक्‍बा, मोपा गो इन कली इन थुं बारपाइक्‍नन्‍नी। गे यरूसलेम सहरमी इन थुं बारपाइक्‍चा पुंइसीनीनी। बजन संग्रह १३१:२
ISA 66:14 गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।
ISA 66:15 परमप्रभु यावे मी नु जाक्‍ब। आ बग्‍गीपुकी फश गिवार खोदेंशो पा गाक्‍नीम। आ गाइश्‍शो चुरशोमी क्‍येक्‍क लेप्‍ब। आ हुइक्‍तीके हुरुर पा ब्रशो मी खोदेंशो बाक्‍ब। बजन संग्रह ५०:३; प्रकाश १९:११-१५
ISA 66:16 मारदे हना परमप्रभु यावेमी मीमी निसाफ पाइब। मुर नेल्‍ल आन कली आ तरवारम निसाफ पाइब। मिनु परमप्रभु यावेमी मोपा साइश्‍शो शुश दुम्‍‍नीम।
ISA 66:17 मिनु “सु सु देवी देवता आन ङोंइती जाक्‍चा कली चोव़खेसीशा, आंम कली ठीक सेल्‍नीमी, फू रू लशा, मेको रू आ दातेमी बाक्‍ब पोव़ श्‍ये ब्‍वाइब आ नोले खोइश्‍शा, मेको यो पोव़ श्‍ये ब्‍वशा, ग्रांग्रा दिचा ङा थोव़कपुकी नु यिच ब्‍वाइनीमी, मेकोपुकी कालेमी साइक्‍चा पुंइसीनीम” देंत। यसैया ६५:३-५; इजीकीएल ८:११
ISA 66:18 परमप्रभु यावेमी “गो मेको आन पतीके नु आन मिम्‍तीके तुइक्‍नुङ। मिनु रागी रागी ङा मुर नेल्‍ल नु नेल्‍ल खाल ङा लोव़ पाइब मुर आन कली खुप्‍नुङ। मिनु मेको मुर जाक्‍शा, आं छेङछेङ ताइनीम।
ISA 66:19 मिनु गो मेको आन दातेमी चिन्‍ड का वोइक्‍नुङ। मिनु मेको आन दाते ङा प्रोंइशो आन कली रागी रागीम सोइक्‍नुङमी। गो मेको आन कली टारशीश, पूत नु लूद सोइक्‍नुङमी। लूद ङा मुर चहिं लिब्रा आप्‍ब बाक्‍‍नीम। गो तूबल, यावान नु समुन्‍द्र आ नेक्‍था ङा रागी मेर सोइक्‍नुङमी। मेकोपुकीमी आं नें मतुइक्‍ब आं छेङछेङ मताइब रागी रागी ङा मुर आन कली आं पर्बम शेंनीम। मत्ती १८:१९तूबल नु यवान ग्रीस रागी बाक्‍ब।
ISA 66:20 मिनु इन लोक्‍ब नेल्‍ल आन कली रागी रागी रे परमप्रभु यावे आ ङोंइती चढ़ेशो खोदेंशो पा यरूसलेमम चाक्‍नीम। मेकोपुकी शारा, बग्‍गी, कुरतीके, गधा नु दलओंठम ङोइक्‍पाइश्‍शा, आं योव़शो डांडाम चाक्‍चा पुंइसीनीम। दोपा इस्राएलीपुकीमी आन अन्‍न चढ़ेतीके सफा ग्‍योंबुम परमप्रभु यावे आ खिं चाक्‍नीमी, मोपा मेकोपुकीमी पाइनीम। यसैया ६०:३-७
ISA 66:21 गो मेको आन दाते रे चढ़ेब नु लेवी योव़नुङमी” दे परमप्रभु यावेमी देंत।
ISA 66:22 मिनु “दोपा आं सेल्‍शो नक सरीङ नु नक रागी आं ङोंइती गेना हना यो बाक्‍बा, मोपा इन नें नु इन चच युइ आन नें गेना हना यो लीनीम। यसैया ६५:१७
ISA 66:23 मिनु नोले औंसी रे औंसी सम्‍म नु नाइक्‍तीक नाक्‍ती रे नाइक्‍तीक नाक्‍ती सम्‍म मुर नेल्‍ले आं कली ठेयब सेल्‍चा कली आं ङोंइती जाक्‍नीम। गन्‍ती १०:१०
ISA 66:24 मिनु मेकोपुकी ग्रूशा आं कली काइ मटीब आन बेक्‍शो रां कोव़थ लाइनीम। मेको आन लुस्‍पु मबेक्‍नीम, आन मी यो मकाप्‍ब। मेको मुर नेल्‍ल आन कली ग्रांग्रा दितीके दुम्‍नीम” दे परमप्रभु यावेमी देंत। मर्कूस ९:४८
JER 1:1 एको चढ़ेब हिल्‍कीयाह आ तौ येरमीया आ लोव़ बाक्‍‍ब। मेको बेन्‍यामीन आ रागी अनाथोथ सहरम बाक्‍शो बाक्‍त। येरमीया ११:२१; यहोसु २१:१८; ब्‍यवस्‍था ३३:३२
JER 1:2 यहूदा ङा आमोन आ तौ पिप योसीयाहम सासन पवा आ १३ बर्समी परमप्रभु यावेमी येरमीया कली लोव़ पाप्‍तु। २राजा २१:२४; २राजा २२:१
JER 1:3 मिनु यहूदा ङा योसीयाह आ तौ येहो-याकीम आ पाला नेल्‍ले नु यहूदा ङा योसीयाह आ तौ सिदकीयाहम सासन पवा आ ११ बर्स ङा ५ महिनाम परमप्रभु यावेम येरमीया कली लोव़ पना पन बाक्‍त। मेना यरूसलेम ङा मुर ग्‍याइश्‍शा लाइक्‍चा पुंइसीशो बाक्‍तेक्‍म। २राजा २३:३४; २राजा २४:१७; २राजा २५:२-२१; येरमीया ३९:९
JER 1:4 मिनु परमप्रभु यावेमी आं कली मार लोव़ पाप्‍तु देंशा हना,
JER 1:5 “गो इ कली कोव़जीम जोल्‍चा क्‍येङा ङोंइती तुइक्‍ताक्‍ङ। गो इ कली जरमेचा क्‍येङा ङोंइती योव़शा तिल्‍तन। मिनु इ कली रागी रागी ङा मुर आन कली आं लोव़ पाइब सेल्‍तन” देंत। यसैया ४९:१; गलाती १:१५
JER 1:6 मिनु गो “परमप्रभु, परमप्रभु यावे, गो दोपा ब्‍वाक्‍चा माल्‍नुङा, मजोक्‍नुङ। गो आलन बाक्‍नुङ” देंती। प्रस्‍थान ४:१०; यसैया ६:५-७
JER 1:7 तन्‍न परमप्रभु यावेमी आं कली “गो आल बाक्‍नुङ मदेनो। गो इ कली सु सु आन बाक्‍तीक सोइक्‍नना, मेकेर लचान माल्‍नेवे। मिनु गो इ कली मार अरेङा, मेको देंचा माल्‍नेवे।
JER 1:8 गे मेको आन क्‍येङा महिनो। मारदे हना गो इ कली प्रोंइचा कली गे नु बाक्‍नुङ” दे परमप्रभु यावेमी देंत। प्रस्‍थान ३:१२
JER 1:9 मिनु नोले परमप्रभु यावेम आ गुइ दिंशा, आं शोव़ थिप्‍तु। मिनु आं कली “मुल आं लोव़ इ शोव़म कुर पाता। प्रस्‍थान ४:१२
JER 1:10 नेनो, मुलाक्‍ती गो इ कली रागी रागी नु राज्‍य आन पर्बम लोव़ पाइब सेल्‍तन। तुल्‍चा नु प्रेत्‍चा कली, खतम पोक्‍चा, ग्रांग्‍ये माग्‍ये पपाइक्‍चा नु सेल्‍चा नु ख्रुम्‍चा कली वोइक्‍तन” देंत। येरमीया १८:७-१०
JER 1:11 मिनु परमप्रभु यावेमी आं कली “येरमीया, गे मार, तवी?” देंत। मिनु गो “देसी बदाम रवा आ राशी का ताता” देंती।
JER 1:12 मिनु परमप्रभु यावेमी “गे ठीक ताप्‍तीवी। मारदे हना गो आं लोव़ नेल्‍ल दुम्‍ल, दे योव़की पा बाक्‍ती” देंत। येरमीया ३१:२८
JER 1:13 मिनु परमप्रभु यावेमी लेंशा आं कली “गे मार, तवी?” दे हिल्‍लो पाप्‍तु। मिनु गो “ब्रुइश्‍शो मार, मार बाक्‍शो ग्‍योंब का उत्तर रे याक्‍सीशा यिशो ताता” देंती।
JER 1:14 मिनु परमप्रभु यावेमी आं कली “उत्तर रे एको रागीम बाक्‍ब मुर नेल्‍ल आन कली श्‍येत जाक्‍ब। येरमीया ४:६; येरमीया ६:१,२२; येरमीया १०:२२; येरमीया २५:९; येरमीया ५०:४१
JER 1:15 गो उत्तर ङा राज्‍य ङा जात जात ङा मुर आन कली ब्रेत्‍‍नुङ। मिनु मेको नेल्‍ल जाक्‍शा, यरूसलेम ङा ठेयब लाप्‍चो ओव़तीक लांमी, एर ओंथ ङा गारो नेल्‍ल नु यहूदा ङा सहर आ ङोंइती आन पिप आन नित्‍तीक वोइक्‍‍नीम। मेकोपुकी मेको आन पर्बम लडाइ पचा कली जाक्‍नीम।
JER 1:16 मेकोपुकीमी आं कली प्रोंइशा, आं अरेशो मटितीके, गो मेको आन पर्बम आं निसाफ नेंपाइक्‍नुङमी। मेकोपुकीमी अरु देवी देवता आन कली धूप चोम्‍तेक्‍म। मिनु आन गुइमी सेल्‍शो देवी देवता आन कली पूजा पाम्‍तेक्‍म।
JER 1:17 गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।
JER 1:18 मुलाक्‍ती गो इ कली गारो हिरशो बोल्‍यो सहर, फलाम के थाम नु कांसा के थरपु खोदेंशो सेल्‍तन। मोपा गे यहूदा ङा पिपी, हुकुम पाइबपुकी, चढ़ेबपुकी नु रागी ङा मुर नेल्‍ले आन मरिम्‍शो पशो आ पर्बम लोव़ पने चाप्‍नेवे। येरमीया १५:२०; इजीकीएल ३:८-९
JER 1:19 मेकोपुकीमी इ कली लडाइ तोइनीम। तन्‍न इ क्‍येङा ग्राने मचाप्‍नीम। मारदे हना इ कली प्रोंइचा कली गो गे नु बाक्‍नुङ” दे परमप्रभु यावेमी देंत।
JER 2:1 मिनु परमप्रभु यावेमी आं कली
JER 2:2 “लावो, परमप्रभु यावेमी यरूसलेम कली मार देंत देंशा हना ‘गे इ ठिटी बाक्‍ची ना आं कली ग्‍युम्‍लीम खोदेंशो पा दाक्‍ताक्‍यी। गे आं कली मारेइ मशोक्‍शो गोरशो रागीमी आं नोले खोइक्‍ती। गो मेको मिम्‍नुङ। होसे २:१६; होसे १३:५
JER 2:3 इस्राएल आंम परमप्रभु यावे कली आ का ला बाक्‍शो ग्‍युम्‍ली खोदेंशो बाक्‍त। मेको, आ गेय ङा ङोंइती ङा फल खोदेंशो बाक्‍त। मेको कली नेक्‍‍ब नेल्‍ल दोस ताइब दुम्‍तेक्‍म। मेको श्‍येत जाम्‍तेक्‍म’ देनो” दे माइक्‍ती। प्रस्‍थान २८:३६; आमोस ६:१; याकूब १:१८
JER 2:4 गे याकूब आ खिं ङा मुर नु इस्राएल आ खिं ङा मुर नेल्‍ले, परमप्रभु यावे आ लोव़ नेनीन।
JER 2:5 परमप्रभु यावेमी मार देंत देंशा हना “इन किकी पिपीम आं कली मार, दोस गेयीमी? मारदे आं कली प्रोंइशा, ङोन लमा? मेकोपुकी शोर गाक्‍शो मूर्ति आन नोले खोइक्‍तेक्‍म। मिनु मेको यो शोर गाक्‍शो दुम्‍तेक्‍म। मीका ६:३
JER 2:6 मेकोपुकीमी ‘आंइ कली इजीप्‍त रागी रे ग्रुंइब परमप्रभु यावे ते बाक्‍बा? मेकोमी आंइ कली गोरशो रागीम लां कोंइशा गाक्‍पाइक्‍तु। मेको मुर मबाक्‍तीक गोरशो रागी नु शुश खाल्‍टा बाक्‍शो रागी बाक्‍त। ब्‍वाक्‍कु मबाक्‍शो नु छिङछिङ ङा रागी बाक्‍त। मेको सुइ मगाक्‍तीक नु सुइ मुर मबाक्‍तीक रागी बाक्‍त’ देंतेक्‍म। ब्‍यवस्‍था ८:१५
JER 2:7 गो इन कली रिम्‍शो रागीम चाक्‍तन्‍नी। मेकेर ङा फल नु रिम्‍शो थोव़क जपाइक्‍चा कली चाक्‍तन्‍नी। तन्‍न गेपुकी जाक्‍शा, आं रागी मरिम्‍शो सेल्‍तीनी। आं रागी कली ग्रांग्रा दिशो सेल्‍तीनी। ब्‍यवस्‍था १:२५; न्‍यायाधीस २:१-२
JER 2:8 चढ़ेबपुकीम ‘परमप्रभु यावे ते बाक्‍बा?’ मदेंम। आं अरेशो लोव़ शेंबपुकीम आं कली मतुइक्‍तीमी। सासन पाइबपुकी आं कली ममिम्‍थु, हेंथे गाक्‍तेक्‍म। आं लोव़ पाइबपुकीम बाल देवता आ नेंम नोले दुम्‍ब लोव़ पाम्‍तेक्‍म। मिनु शोर गाक्‍शो मूर्ति आन नोले खोइक्‍तेक्‍म” देंत।
JER 2:9 मोपतीके परमप्रभु यावेमी “गो इन कली लेंशा दोस गेचा माल्‍नुङ। गो इन चच युइ आन कली दोस गेनुङ।
JER 2:10 कित्तीम माइश्‍शो साइप्रस ङा समुन्‍द्र आ नेक्‍था बाक्‍ब आन कली कोव़ङीन। केदारमी क्‍यारी पाइब मुर सोइश्‍शा कोव़ङीन। मार, मेकेर मोदेंशो गेय दुम्‍शो बाक्‍बा?
JER 2:11 मार, तेकोइ रागी ङा मुरुम आन देवी देवता फाइश्‍शो बाक्‍नीमी ङा? मेको परमप्रभु मनम हना यो, मफाइक्‍नीम। तन्‍न आं मुरपुकीम आन ठेयब सक्ति पाइश्‍शो कली शोर गाक्‍शो मूर्तिपुकी नु फाइक्‍तेक्‍म। रोमी १:२३
JER 2:12 गे सरीङम बाक्‍बपुकी एको लोव़ नेंशा हिंशा, छक लाक्‍कीन। मिनु थाम्‍पा हिंशा थिर थिर पा ख्रिंख्रि पने।
JER 2:13 मारदे हना आं मुरपुकीम निक्‍शी खेयप मरिम्‍शो पाम्‍तेक्‍म। मेकोपुकीमी, ब्रोंइतीक ब्‍वाक्‍कु बुक्‍तीके, आं कली प्रोंइतेक्‍म। मिनु आंम कली सोव़शो रागीमी ब्‍वाक्‍कु मदेम्‍तीक इनार दोम्‍तेक्‍म। येरमीया १७:१३; भजन संग्रह ३६:१०; यूहन्‍ना ७:३८
JER 2:14 मार, इस्राएल वाइल का बाक्‍बा? आ होव़प आ खिंम जरमेशो वाइल का बाक्‍बा ङा? मेको मारदे रोइक्‍चा पुंइसे?
JER 2:15 गुप्‍सपुकी मेको कली तशा ग्रीनीम। ठेयब सेंदा पा ग्रीनीम। मेकोपुकीमी आ रागी कली मुर मबाक्‍तीके सेल्‍तेक्‍म। मेको आ सहर नेल्‍ल ब्रेत्‍तेक्‍म। मिनु मेकेर मुर मबाक्‍नीम। येरमीया ४:७
JER 2:16 मेम्‍फीस नु ताहपनेस ङा मुरपुकीम इन पिया ङा सिरपेच पुइक्‍तेक्‍म। येरमीया ४४:१
JER 2:17 इन कली लां कोंइब, इन परमप्रभु यावे कली प्रोंइशा, गे मोदेंशो श्‍येत आंमा इन कली मचाक्‍नी ङा?
JER 2:18 गे मारदे इजीप्‍त रागी लाइनीनी? नील खोला ङा ब्‍वाक्‍कु तूथ लाइनीनी? गे अस्‍सुर रागी लनीनु, मार रिम्‍शो दुम्‍बा ङा? गे युफ्रेटीस खोला ङा ब्‍वाक्‍कु तूथ लाइनीनी?
JER 2:19 इन परमप्रभु यावे आ अरेशो लोव़ मटि‍तीकेमी इन कली सजाइ गेब। इन प्रोंइशोमी इन कली हुइक्‍ब। गेपुकीम इन परमप्रभु यावे कली प्रोंइशो थम मरिम्‍शो नु इन थुं कशो दुम्‍शो बाक्‍ब, दे तुइक्‍तीन। मिनु आं कली मान पा हिंतीके गे नु मबाक्‍ब” दे परमप्रभु, मुर नेल्‍ल आन परमप्रभु यावेमी देंत।
JER 2:20 परमप्रभु यावेमी “साइ ङोंइती रे गे इ जुवा जिक्‍तीवी। मिनु इ डोरी प्रोइक्‍तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्‍ल आन पुंम तेल्‍लेम पाप्‍तीवी। यसैया ५७:५५; इजीकीएल ६:१३
JER 2:21 गो इ कली नेल्‍ल क्‍येङा रिम्‍शो अङगुर बोट ख्रुम्‍ता। गे दोपा मरिम्‍शो दुम्‍शा ब्‍वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४
JER 2:22 गे इ कली मार, मार, हिक्‍सी नु शुश साबुनम चिक्‍‍साक्‍वे हना यो, इ दोस ततीके लुम्‍सीशो आं ङोंइती बाक्‍ब” दे परमप्रभु, परमप्रभु यावेमी देंत।
JER 2:23 मिनु “गे ‘गो ग्रांग्रा मदिशो नङ’ दे दोपा देंने चाप्‍नेवे? ‘गो बाल देवता आ नोले मखोइश्‍शो बाक्‍नुङ’ दे गे दोपा देंने चाप्‍नेवे? गे बेंसीम मार, पवी? मेको मिम्‍तो। गे थाम्‍पा एर ओंथ दोरशा गाक्‍ब दल‍ओंठ बाक्‍नेवे।
JER 2:24 गे गोरशो रागीम बाक्‍चा दाक्‍ब, फश नाम्‍शा गाक्‍ब ब्‍वाकी ङा गधैनी बाक्‍नेवे। मेको आ डागो माल्‍तीके सुम तेक्‍ने चाप्‍बा ङा? सु सुमी मेको कली माल्‍नीमी, मेको मदाइनीम। मारदे हना ब्‍वांइसीतीक महिनाम मेको कली थित्‍नीम।
JER 2:25 इ खोइल शिश्रा मगाक्‍को। गे तूतू दाक्‍शा खिं रे मलावो। तन्‍न गे ‘एको मोशा बाक्‍ब। मारदे हना गो अर्को रागी ङा देवता आन कली दाक्‍ताक्‍ङ। मिनु मेको आन नोले खोइक्‍नुङ’ देंते।
JER 2:26 दोपा खुइ ग्‍याइक्‍चा पुंइसेनु, मुने दोक्‍बा, मोपा इस्राएल आ खिं ङा मुरपुकी मुने दोक्‍नीम। मेकोपुकी, आन पिपी, आन ठेयब मुरपुकी, आन चढ़ेबपुकी नु मेको आन जोल पा परमप्रभु यावे आ लोव़ पाइबपुकी मुने दोक्‍नीम।
JER 2:27 मेकोपुकीमी रवा कली ‘गे आं आफ नवे’ मिनु फुल्‍लु कली ‘गे आं कली जरमेब नवे’ देंनीम। मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। मो हना यो मेको श्‍येत जामे नाक्‍ती जाक्‍शा ‘आंइ कली प्रोंइकी’ देंनीम। येरमीया ७:२४; येरमीया १८:१७; येरमीया ३२:३३
JER 2:28 तन्‍न आंम इन सेल्‍शो देवी देवता ते लाक्‍गमे? मेकोपुकीमी इन कली प्रोंइने चाप्‍तेक्‍म हना, इन श्‍येत जची ना मेको आन कली जाक्‍प‍तीन। मारदे हना यहूदा, गे इ के गिश सहर बाक्‍मा, मिश देवी देवता बाक्‍नीम। ब्‍यवस्‍था ३२:३७-३८; न्‍यायाधीस १०:१४; येरमीया ११:१३
JER 2:29 गेपुकीम मारदे आं कली गन गन पाइनीनी? गे नेल्‍ल आं कली काइ मटीब दुम्‍शो बाक्‍नीनी।
JER 2:30 गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५
JER 2:31 मिनु गे, मुल ङा पाला ङा मुरपुकी, परमप्रभु यावे आ लोव़ मिम्‍तीन। मार, गो इस्राएली आन कली मुर मबाक्‍शो रागी नु थम छिङछिङ ङा रागी दुम्‍ङा ङा? मारदे आं मुरपुकीम ‘गो आंइ कली हिरचा कली सुइम तेक्‍ने मचाप्‍ब। गो इन ङोंइती गेनायो लेंशा मजाक्‍नीकी’ देंमा?
JER 2:32 मार, मीश आलम आ सुन चांदी नु ग्‍युम्‍लीम आ ग्‍युंबे पशो दारशो वा प्रेंने चाप्‍नीमी ङा? तन्‍न आं मुरपुकीम दा आं कली शुश नाक्‍ती रे प्रेंताक्‍यीमी।
JER 2:33 गे दाक्‍मुतीक माल्‍शा गाक्‍चा कली शुश जोक्‍ब बाक्‍नेवे? मिनु गे परमप्रभु यावे आ अरेशो लोव़ मटीब मीश मुर अरु लां शेंशा गाक्‍पाइक्‍तीवी।
JER 2:34 इ फेक्‍शो वाम दोस मताइब नु प्रुङग आन हुश लुम्‍सीशो बाक्‍ब। मिनु गेमी मेको आन कली खिं प्रोल्‍शा खिं ओव़शो मथिदी। मेको मोदेंशो नेल्‍ल दुम्‍ना दुम्‍न यो, येरमीया २६:२०-२३; प्रस्‍थान २३:७
JER 2:35 गे ‘गो दोस मताइब बाक्‍नुङ। मेको थमा पा गो नु मगाइक्‍ब’ देंनेवे। मारदे हना गेमी ‘गो पाप मपङ’ देंतीके गो इ कली निसाफ पाइनुङ। यसैया ४३:२५-२६
JER 2:36 गे इ गाक्‍तीक लां फाइक्‍ना फाइक्‍न एर ओंथ पाइक्‍नेवे? दोपा अस्‍सुरम इ कली मुने दोक्‍पदा। मोपान इजीप्‍तमी यो इ मुने तोक्‍ब। २राजा २२:३३-३५; यसैया ३०:३
JER 2:37 गे मेकेर रे यो हिंचा ङा पा प्रोक्‍चा माल्‍नेवे। मारदे हना परमप्रभु यावेमी थमा सुइक्‍चा कली योव़शो आन कली आ नेक्‍था मजाक्‍चा ङा पा तिल्‍तु। मेको आन वारच पतीके इ कली शोर गाक्‍शो बाक्‍ब” दे परमप्रभुम देंत।
JER 3:1 मिनु परमप्रभु यावेमी “वोंइश मुरुमी आ मीश कली प्रोंइ‍शा, छोड पत्र गेप्‍तु हना, मेको मीश मुर अर्को वोंइश मुर आ मीश दुम्‍त हना, मेको वोंइश मुरुम लेंशा आ मीश कली चाक्‍बा कों? मो दुम्‍त हना मेको रागी ग्रांग्रा दिशो मदुम्‍बा ङा? गे चहिं तेल्‍ले‍म का खोदेंशो पा शुश आन बाक्‍तीके जाक्‍दीश्‍शो बाक्‍ते। मिनु मार, गे आं गे लेश्‍शा जाक्‍नेवे?” दे परमप्रभु यावेमी देंत। ब्‍यवस्‍था २४:१-४
JER 3:2 परमप्रभु यावेम “इर कोव़ङो। गोरशो डांडा मेर कोव़ङो। गे सु नु मइ‍मे? गे मुर मबाक्‍तीके अराब खोदेंशो पा लांमी बाक्‍शा, गे नु इप्‍ब मुर आन कली रिम्‍ना रिम्‍न बाक्‍ते। गे इ तेल्‍लेम पतीके नु आं अरेशो मटितीकेम मेको रागी ग्रांग्रा दिशो सेल्‍तीवी। होसे ४:१३
JER 3:3 मोपतीके रेउ मयिशो बाक्‍त। मिनु बर्खा ङा रेउ मयी। मो हना यो गे मुने मपाइश्‍शो बाक्‍नेवे। गे इ मुनेम लल मजिनेवे। येरमीया ३:१९; येरमीया ३१:९; यसैया ६३:१६
JER 3:4 मार, गे मुल नक आं कली ‘आं आफ, आं ठिटी रे ङा वारच, देंते।
JER 3:5 मार, मेको गेना हना यो गाइक्‍स ङा गाइक्‍स बाक्‍बा ङा? मार, इन गाइक्‍चा गेना हना यो बाक्‍बा ङा?’ दे आं कली ब्रेत्‍ते। मिनु गे ओदेंशो लोव़ पाइनेवे। तन्‍न मार मरिम्‍शो बाक्‍मे, मेको नेल्‍ल पाप्‍तीवी” दे परमप्रभु यावेमी देंत।
JER 3:6 योसीयाहम सासन पची ना परमप्रभु यावेमी आं कली “थमा सुइक्‍ने मचाप्‍ब इस्राएलम मार, पवा, मतवी? मेकोमी डांडा नेल्‍ल ङोइश्‍शा, गिगी रवा नेल्‍ल आन पुंम तेल्‍लेम पाप्‍तु। येरमीया २:२०
JER 3:7 मेकोमी मोदेंशो नेल्‍ल पा आं गे लेप्‍ब, दे मिम्‍ताक्‍ङ। तन्‍न मेको मले। मिनु मेको नेल्‍ले जोल पाइब आ लोक्‍ब यहूदाम ताप्‍तु। २कोरिन्‍थी ७:८-९; इजीकीएल २३:२,४१
JER 3:8 मेको थमा सुइक्‍ने मचाप्‍ब इस्राएल कली आ शुश तेल्‍लेम पतीके, गो छोड पत्र गेशा, सोइक्‍ताक्‍ङ, दे तुइश्‍शो बाक्‍त। मो हना यो आ लोक्‍ब देंखु पशो यहूदामी मेको तशा महिंथु। मेकोमी यो तेल्‍लेम पाप्‍तु।
JER 3:9 इस्राएलमी आ तेल्‍लेम पतीके थम आइक्‍च मिम्‍ताक्‍व। मेकोमी फुल्‍लु नु रवापुकी नु यो लशा तेल्‍ले‍म पा रागी ग्रांग्रा दिशो सेल्‍तु।
JER 3:10 मेको नेल्‍ल दुम्‍त हना यो, मेको आ लोक्‍ब देंखु पशो यहूदा आ थुं नेल्‍लेमी आं गे मले। आं गे लेश्‍शो खोदेंशो ला पखु पाप्‍तु” दे परमप्रभु यावेम देंत।
JER 3:11 मिनु नोले परमप्रभु यावेमी आं कली “थमा सुइक्‍ने मचाप्‍ब इस्राएल, जोल पा मरिम्‍शो पाइब यहूदा क्‍येङा ठीक पाइब दुम्‍त।
JER 3:12 ‘गे लावो। मिनु एको लोव़ उत्तर गे शेंदीमी। थमा सुइक्‍ने मचाप्‍ब इस्राएल, परमप्रभु यावेम लेतो। गो इ कली तशा मगाइक्‍नुङ। मारदे हना गो शिशी पाइब नङ। गो गेना हना यो मगाइक्‍नुङ’। प्रस्‍थान ३४:६;
JER 3:13 गे ‘गो पापी नङ। गो आं परमप्रभु यावे कली काइ मटीब दुम्‍ती। मिनु गिगी रवा नेल्‍ल आन पुंमी अरु देवी देवता आन कली दाक्‍ताक्‍ङ’ देंते। मिनु आं देंशो मटिवी। इ पाप शोव़ङो, दे मतो” देंत।
JER 3:14 मिनु परमप्रभु यावेम मेको आन कली “लेतीन। थमा सुइक्‍ने मचाप्‍ब आलपुकी लेतीन। मारदे हना गो इन होव़प नङ। गो सहर रे मुर का कली नु खिं रे मुर निक्‍शी आस कली योव़नुङमी। मिनु इन कली सियोनम चाक्‍नन्‍नी। यसैया ६:१३
JER 3:15 मिनु गो इन कली आं थुं नु गारब गोठलापुकी गेनुङ। मिनु मेको जोक्‍ब नु रुप्‍ब दुम्‍शा, इन कली थुल्‍नीम। येरमीया २३:३-४; यसैया ४४:२८; इजीकीएल ३४:२३
JER 3:16 गे रागीम सोशा बोशा शुश दुम्‍तीनी हना, मुरपुकीम गेनायो ‘परमप्रभु यावे आ कबल पशो सन्‍दोस’ मदेंनीम” देंत। मिनु परमप्रभु यावेम “मेकोपुकीमी मेको कली ममिम्‍नीम। मेको कली सुइमी ममाल्‍‍नीम। मेको खोदेंशो लेंशा अर्को यो मसेल्‍नीम। गन्‍ती १०:३३-३६; २राजा २५:८-९; हिब्रू ४:१४-१६
JER 3:17 मेना यरूसलेम कली ‘परमप्रभु यावे आ ठेयब नित्‍तीके’ देंनीम। मिनु रागी रागी ङा मुर नेल्‍ल मेकेर देल्‍नीम। मुर नेल्‍ल परमप्रभु यावे आ नेक्‍था यरूसलेमम देल्‍नीम। मेना रे आन थुं ङा मरिम्‍शो लोव़ मपाइ‍नीम। प्रस्‍थान १७:१६; यसैया २:२-४; मत्ती ४:२
JER 3:18 मेको नाक्‍ती यहूदा आ खिं ङा मुर, इस्राएल आ खिं ङा मुरपुकी नु गारनीम। मिनु मेकोपुकी कालेम उत्तर रे पा इन किकी पिपी आन कली गेशो रागीम जाक्‍नीम। यसैया १:१-१३
JER 3:19 मिनु गो इन कली आंम आल आन दातेमी बाक्‍चा गेनुङ। गो इन कली रिम्‍शो रागी का गेनुङ। मेको रागी नेल्‍ल आन दाते ङा नेल्‍ल क्‍येङा दारशो रिम्‍शो रागी बाक्‍ब। मिनु गे आं कली ‘आं आफ’ देंनीनी। गे नोले मशोइक्‍ब दुम्‍नीनी, दे मिम्‍ताक्‍ङ। ब्‍यवस्‍था ७:६; ब्‍यवस्‍था ३२:६; ब्‍यवस्‍था ८:७; येरमीया ३:४
JER 3:20 तन्‍न दोपा थमा सुइक्‍ने मचाप्‍ब मीश मुरुम आ वोंइश कली प्रोंइबा, मोपा गे थमा सुइक्‍ने मचाप्‍ब, इस्राएल, गे आं कली प्रोंइती” दे परमप्रभु यावेम देंत।
JER 3:21 गोरशो डांडाम वाइ ब्रेश्‍शो सेंदा का नेंसीब। मेको इस्राएल आ आल आन शुश ङाक्‍शो सेंदा बाक्‍ब। मारदे हना मेकोपुकी दूली लांम गाक्‍शो बाक्‍तेक्‍म। मेकोपुकीमी परमप्रभु यावे, आन परमप्रभु कली प्रेंशो बाक्‍तेक्‍म। येरमीया ३:२
JER 3:22 मिनु मेकोमी “थमा सुइक्‍ने मचाप्‍ब आलपुकी लेतीन। इन थमा सुइक्‍ने मचाप्‍तीके सापाइक्‍नन्‍नी” देंत। मिनु मेकोपुकीमी “दुम्‍ब, गो इन गे लेश्‍शा, जाक्‍नीकी। मारदे हना गे परमप्रभु यावे, आंइ परमप्रभु बाक्‍नीनी।
JER 3:23 थमा पा, पहाड ङा देवी देवता आन थान जोल बाक्‍नीम। डांडा मेर ठेयब चाड सेल्‍तीके नेल्‍ल जोल बाक्‍नीम। थमा पा परमप्रभु यावे, आंइ परमप्रभु इस्राएल कली पाप रे प्रोंइब बाक्‍ब।
JER 3:24 गोपुकी आंइ ठिटा ठिटी रेन मेको मुने तोक्‍ब गेयमी आंइ किकी पिपी रे श्‍येत पा गेय पशो नेल्‍ल नेक्‍‍तु। मेको आन क्‍यारश भेडा, आन बी ब्‍यफ नु आन तमी तौ आन कली नेक्‍‍तु।
JER 3:25 मुल गो इं मुनेम ग्रुम्‍य। मिनु इं दोस त‍तीकेमी इं कली सुमल। मारदे हना गो परमप्रभु यावे, इं परमप्रभु कली पाप पाइतय। इं किकी पिपी नु गो इं ठिटा ठिटी रेन मुल सम्‍म परमप्रभु यावे, इं परमप्रभु आ देंशो मटिशो बाक्‍तय” देंतेक्‍म। येरमीया १४:७,२०
JER 4:1 परमप्रभु यावेम “गे इस्राएलीपुकी, आं गे लेश्‍शा जाक्‍तीनी हना, गेपुकीम इन ग्रांग्रा दिशो थोव़क आं ङोंइती रे ताइक्‍ताक्‍नी हना, गेपुकी हेंथे मगाक्‍ब दुम्‍नीनी।
JER 4:2 कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६
JER 4:3 मिनु परमप्रभु यावेमी यहूदा ङा मुर नु यरूसलेमम बाक्‍ब आन कली “इन कोक्‍त रूमी डल्‍ला थोक्‍तीन। चू आन दातेमी मशोक्‍कीन। इजीकीएल १०:१२
JER 4:4 परमप्रभु यावे आ पर्बम ख्रोइक्‍तीक चिनु ख्रोंइसीन। तन्‍न इन थुंम ख्रोइक्‍तीक चिनु ख्रोंइसीन। गे यहूदा ङा मुरपुकी नु यरूसलेममी बाक्‍ब वोंइशमुरपुकी, मो मपाइतीनी हना, इन मरिम्‍शो पतीके आं गाइक्‍चा मी खोदेंशो पा ब्रशा ग्रूब। मिनु सुइम काप्‍ने मचाप्‍चा ङा पा मेकोमी जेप्‍ब” देंत। येरमीया ९:२५; ब्‍यवस्‍था १०:१६; रोमी २:२९; कलस्‍सी २:११; येरमीया ६:७,१०
JER 4:5 परमप्रभु यावेमी “यहूदामी शेंदीन। मिनु यरूसलेमम उरदी पने। गे रागी नेल्‍लेमी तुराही तपीन। ठेयब सेंदा पा ‘नेल्‍ल ग्रुम्‍य। मिनु गो ठेयब गारो हिरशो सहरमी प्रोक्‍य’
JER 4:6 सियोन गे लचा कली छेदर क्‍युक्‍कीन। ब्रोंइचा आ पर्बम देश मपथु रीब पा प्रोक्‍शा लने। मारदे हना गो उत्तर रे ठेयब श्‍येत नु खतम दुम्‍तीके चाक्‍नुङ। येरमीया १:१४
JER 4:7 गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४
JER 4:8 मोपतीके अरन्‍डी फेक्‍शा रोंका पने। मिनु ङाक्‍कीन” देंत। मारदे हना परमप्रभु यावे आ हिंचा ङा पा गाइश्‍शो इं रे मयाक्‍सीशो बाक्‍ब। येरमीया ६:२६
JER 4:9 मिनु परमप्रभु यावेम “मेको नाक्‍ती पिप नु हुकुम पाइब नेल्‍ल आन थुं लुक्‍च लाइब। चढ़ेबपुकी हिंशा ग्‍येत्‍थ लुक्‍च दुम्‍नीम। मिनु परमप्रभु यावे आ लोव़ पाइबपुकी ग्रीचोक पा हिंनीम” देंत।
JER 4:10 मिनु गो “परमप्रभु, ए परमप्रभु यावे, गो आंइ शुरमी तरवार जाक्‍मेनु यो, गे ‘इन थुं नाइश्‍शा बाक्‍कीन’ दे गे एको मुर नु यरूसलेम कली मरिम्‍शो पा जोल पाइश्‍शो बाक्‍तीनी” देंती। येरमीया ६:१४
JER 4:11 परमप्रभुमी “मेना मार लोव़ पाइनीम देंशा हना ‘एको मुर नु यरूसलेम कली गोरशो रागी ङा डांडा रे होश फश आं प्रुङग मुर आन बाक्‍तीक जाक्‍ब। तन्‍न मेको फशेम क्राप्‍चा यो मदुम्‍ब, हारचा यो मदुम्‍ब।
JER 4:12 मेको फशेम मेको पने मचाप्‍ब। मारदे हना मेको शुश बोल्‍यो फश गिवार बाक्‍ब। मिनु गो मेको आन कली निसाफ पतीक लोव़ पाइनुङमी।
JER 4:13 कोव़ङीन, मेको गोस्‍स खोदेंशो पा गाक्‍शो बाक्‍ब। मेको आ बग्‍गी फश गिवार खोदेंशो पा जाक्‍नीम। मेको आ शारा ककाकुली आन क्‍येङा रीब पा दोरनीम। आबी, गो खतम दुम्‍तय’ दे लोव़ पाइनीमी” देंत।
JER 4:14 मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४
JER 4:15 दान रे सेंदा कामी ‘एफ्राइम डांडा रे खतम दुम्‍तीके जाक्‍ब’।
JER 4:16 रागी रागी ङा मुर आन कली एको लोव़ पावो। एक जाक्‍तेक्‍म। यरूसलेम कली ङोन रागी रे सहर पुम्‍चा कली लडाइ पाइब जाक्‍शो बाक्‍नीम। मिनु यहूदा ङा सहर आन पर्बम लडाइ पा ग्रीनीमी।
JER 4:17 मेकोपुकी रू खाल पाइक्‍बपुकी खोदेंशो पा, एर ओंथ नेल्‍ल हिरशा बाक्‍शो बाक्‍नीम। मारदे हना मेकेर ङा मुरपुकी आं कली काइ मटीब बाक्‍नीम” दे परमप्रभु यावेमी देंत। येरमीया १:१५; येरमीया ६:३
JER 4:18 मिनु परमप्रभु यावेमी “इ दूली लां गाक्‍तीके नु इ पतीके इ कली मोदेंशो दुम्‍शो बाक्‍त। इ सजाइ मेकोन बाक्‍ब। मेको शुश कशो बाक्‍ब। मिनु मेकोमी इ थुं खाइक्‍पाइक्‍तु” देंत।
JER 4:19 मिनु गो हिंती, हिंती। गो श्‍येत जशा हुकयी पाइनुङ। आं लुङगीर खाइश्‍शा, तुक तुक पाप्‍तु। गो सिक्‍सी पा बाक्‍ने मचाप्‍नुङ। मारदे हना गो तुराही ताप्‍शो नें‍ता। मेको लडाइ ङा रेयके बाक्‍ब।
JER 4:20 खतम दुम्‍तीक तार खतम दुम्‍तीक जाक्‍ब। रागी नेल्‍ल मुर मबाक्‍तीक दुम्‍त। आं ताम्‍बु नु फारतीक वा नेल्‍ल याम काम खतम दुम्‍तेक्‍म।
JER 4:21 गो गेना सम्‍म लडाइ ङा छेदर तचा माल्‍नुङा? मिनु गेना सम्‍म तुराही ताप्‍शो नेंचा माल्‍नुङा?
JER 4:22 आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११
JER 4:23 मिनु “गो रागी कली कोव़ता। मेको मारेइ मबा। मिनु मेकेर नेल्‍ल श्‍येत्‍थ बाक्‍त। मिनु सरीङ गे कोव़ङुनु, मेकेर मारेइ छेङछेङ मबाक्‍म। उत्‍पत्ती १:२
JER 4:24 मिनु गो डांडा आन कली कोव़ङुनु, मेकोपुकी ख्रिंख्रि पशो बाक्‍तेक्‍म। पहाड नेल्‍ल एर ओंथ हिम्‍‍सीशो बाक्‍तेक्‍म।
JER 4:25 मिनु गो कोव़ङुनु, सुइ मबाक्‍शो बाक्‍त। सरीङ ङा चिक्‍ब नेल्‍ल बेरशा प्रोक्‍ने थुम्‍शो बाक्‍तेक्‍म।
JER 4:26 मिनु कोव़ङुनु, रिम्‍शो खप बाक्‍शो रू नेल्‍ल गोरशो रागी दुम्‍तेक्‍म। मिनु मेकेर ङा सहर नेल्‍ल ब्रेश्‍शो बाक्‍तेक्‍म। मोदेंशो पा परमप्रभु यावेमी आ शुश गाइक्‍तीकेमी पाप्‍तु” देंती।
JER 4:27 मिनु परमप्रभु यावेम मार, देंत देंशा हना “रागी नेल्‍ल मुर मबाक्‍तीके दुम्‍त हना यो, गो मेको नेल्‍ल मक्‍याम्‍नुङमी। येरमीया ५:१८; येरमीया १०:२४; येरमीया १८:३-८; आमोस ९:८
JER 4:28 मोपतीके रागीम रोंका पचा माल्‍ब। मिनु सरीङ छिङछिङ दुम्‍चा माल्‍ब। मारदे हना गो लोव़ पाता। गो ङोंइती मिम्‍ताक्‍ङ। आं थुं मलेप्‍ब। आं थुं महिरब।
JER 4:29 शारा ङोइक्‍बपुकी नु लिब्रा आप्‍ब आन सेंदा नेंशा, सहर नेल्‍ल ङा मुरपुकी प्रोक्‍शो बाक्‍नीम। मिनु मेको ब्‍वाकीम प्रोक्‍शा ख्रुइक्‍नीम। का निक्‍शी फुल्‍लु तार ङोइश्‍शा लाइनीम। सहर नेल्‍ल प्रोंइशो बाक्‍नीम। मेकेर सुइ मबाक्‍नीम।
JER 4:30 गे गोरशो सेल्‍चा पुंइसीशो रागी मार, पना पन बाक्‍ङे? गे लल वाम ग्‍योम्‍सीशा, सुन के गहना पांइसीशा, आंम कली ग्‍योम्‍सीशो आ अर्थ मार, बाक्‍बा? गे मारदे गाजल ख्रेक्‍सीशा इ मिक्‍च ठेयब सेल्‍नेवे? आंम कली दारशो सेल्‍चा मोशान बाक्‍ब। इ कली दाक्‍ब मुरपुकीम इ कली ग्रांग्रा दिश्‍शो बाक्‍नीम। इ कली साइक्‍चा माल्‍शो बाक्‍नीम।
JER 4:31 गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।
JER 5:1 परमप्रभुमी “यरूसलेम ङा लां आ एर ओंथ कोव़शा गाक्‍को। नेल्‍ल कोव़शा इ तशो नेल्‍ल ब्रेक्‍तो। आ लाङगा मेर माल्‍शा कोव़ङो। मिनु मेकेर ठीक गेय पाइब नु थमा लोव़ माल्‍ब मुर का यो थित्‍तीवी हना, गो यरूसलेम कली माफ गेनुङ। उत्‍पत्ती १८:२२-३२
JER 5:2 मेकोपुकीमी ‘परमप्रभु यावे ब्रोंइशा बाक्‍शो खोदेंशो पा’ दे कसम जाइनीम। मो हना यो मेकोपुकीमी जोल लोव़ पाइनीम” देंत। येरमीया ४:२
JER 5:3 मिनु “परमप्रभु यावे, गे थमा लोव़ तचा ममाल्‍नीनी ङा? गे मेको आन कली तुप्‍तीनी। तन्‍न मेकोपुकी मखा‍इक्‍म। गे मेको आन कली खतम सेल्‍‍तीनी। तन्‍न मेकोपुकीमी इन देंशो पचा मबित्‍‍नीम। मेकोपुकीम आन कुल फुल्‍लु क्‍येङा यो खकटा सेल्‍तेक्‍म। मेकोपुकी लेश्‍शा जाक्‍ने मबिस्‍सम। येरमीया २:३०; येरमीया७:२८; येरमीया ९:२; यसैया ४८:४
JER 5:4 मेकोपुकी दा प्रुङग ला बाक्नी‍म। मेकोपुकी मूर्ख बाक्‍नीम। मारदे हना मेकोपुकीम परमप्रभु यावे आ लां मतुइक्‍नीम। आन परमप्रभु आ अरेशो मतुइक्‍नीम।
JER 5:5 गो शुश क्‍येट थीब मुर आन बाक्‍तीके लशा, मेको आन कली लोव़ पाइनुङ। मेकोपुकीम थमा पा परमप्रभु यावे आ लां, आन परमप्रभु आ अरेशो यो तुइक्‍नीम” देंती। तन्‍न मेकोपुकी खाल का ङा दुम्‍शा, जुवा जिक्‍शो बाक्‍तेक्‍म। मिनु डोरी यो प्रोइश्‍शो बाक्‍तेक्‍म। येरमीया २:२०
JER 5:6 मोपतीके परमप्रभुमी “ब्‍वाकी ङा गुप्‍स कामी मेको आन कली ग्राम्‍शा साइक्‍ब। गोरशो रागी ङा फर कामी मेको आन कली खतम सेल्‍ब। जोइ का मेको आन सहर कोव़ना कोव़न बाक्‍शो बाक्‍ब। सु मेकेर रे ग्रूबा, मेकोमी मेको कली क्राइश्‍शा चोकटा लाम्‍टा सेल्‍ब। मारदे हना मेकोपुकी शुश हेंथे गाक्‍ब बाक्‍नीम। मेको आन मटितीके ठेयब बाक्‍ब” देंत। येरमीया ४:७
JER 5:7 मिनु परमप्रभु यावेम “गो इन कली दोपा माफ गेने चाप्‍नुङा ङा? इन आलपुकीम आं कली प्रोंइतेक्‍म। मिनु परमप्रभु आ नेंम ममाइ, अर्को देवी देवता आन नेंमी कसम जाम्‍तेक्‍म। गो मेको आन माल्‍शो नेल्‍ल खाप्‍ता हना यो, मेकोपुकीम तेल्‍लेम पाम्‍तेक्‍म। मिनु तेल्‍ले‍म आन खिंम क्राक्‍थ्री चोक्‍थ्री दुम्‍तेक्‍म।
JER 5:8 मेकोपुकी थाम्‍पा दोम्‍शो, गेय मपाइब शारा खोदेंशो बाक्‍नीम। मेको आंम नेक्‍था ङा मुर आन मीश आन पर्बम ग्रीनीम। इजीकीएल २२:११
JER 5:9 मार, गो एको आ पर्बम मेको आन कली सजाइ मगेनुङमी ङा? मार, गो ओदेंशो रागी ङा मुर आन कली क्‍येक्‍क मलेत्‍नुङमी?” दे परमप्रभु यावेम देंत। येरमीया ५:२९; येरमीया ९:८
JER 5:10 परमप्रभु यावेम आं कली “गे मेको आन अङगुर बोट दिम्‍शा ताइश्‍शा पावो। तन्‍न नेल्‍ल श्‍येत्‍थ मपोक्‍को। मेको आ राशी इत्‍तो। मारदे हना मेको परमप्रभु यावे आ मुर मनम।
JER 5:11 मारदे हना इस्राएल नु यहूदा ङा मुरपुकीम थमा पा प्रोंइतीमी” देंत।
JER 5:12 मेकोपुकीमी परमप्रभु यावे आ पर्बम “मेको मतुइक्‍नीकी। मेकोमी मारेइ मपाइ‍ब। गो मारेइ मरिम्‍शो मताइनीक। गो लडाइ नु अन्‍काल मताइ‍नीक।
JER 5:13 परमप्रभु यावे आ लोव़ पाइबपुकी फश बाक्‍नीम। मारदे हना परमप्रभु यावे आ लोव़ मेकोपुकी नु मबा। तन्‍न मेको लोव़ मेको मो देंब आन कली दुम्‍ब” देंतेक्‍म।
JER 5:14 मोपतीके परमप्रभु यावे, मुर नेल्‍ल आन परमप्रभुमी मार देंत देंशा हना “मेकोपुकीमी मोदेंशो लोव़ पतीके, गो आं लोव़ इ शोव़म मी खोदेंशो सेल्‍नुङ। मेको मुर आन कली शी सेल्‍नुङ। मिनु मेको मीम नेल्‍ल आन कली दाक्‍ब सेल्‍नुङमी।
JER 5:15 ए इस्राएल, इन कली खतम सेल्‍चा कली ङोन रागी ङा मुर चाक्‍नुङ। मेको रागी ङा मुरपुकी शुश बोल पाइश्‍शो बाक्‍नीम। आन रागी साइ ङोंइती ङा बाक्‍ब। गे मेको मुर आन लोव़ मतुइक्‍नीनी। आन ब्‍वाक्‍शो मरुप्‍नीनी। येरमीया ६:२२; यसैया २८:१
JER 5:16 मेको आन ब्रा कुरतीके रोक्‍शो तुरस खोदेंशो बाक्‍नीम। मेको मुर नेल्‍ल थम सक्ति पाइश्‍शो लडाइ पाइब बाक्‍नीम।
JER 5:17 मेकोपुकीमी इन खुप्‍शो अन्‍न नु जचा थोव़क नेल्‍ल नेक्‍नीम। मिनु इन तमी तौ नेल्‍ल आन कली यो लाइक्‍नीम। मेकोपुकीमी इन क्‍यारश भेडा नु बी ब्‍यफ नेल्‍ल नेक्‍नीम। मेकोपुकीमी इन अङगुर नु फोव़शी नेल्‍ल नेक्‍नीम। मिनु इन थमा सुइश्‍शो बोल्‍यो गारो हिरशो सहर नेल्‍ल तरवारम क्‍याम्‍नीम।
JER 5:18 मो हना यो, गो मेको नाक्‍ती इन कली नेल्‍ल मसाइक्‍पाइक्‍नुङ। येरमीया ४:२७
JER 5:19 मिनु इन मुरपुकीम ‘मारदे इं परमप्रभु यावे, इं परमप्रभुमी इं कली ओदेंशो पवा?’ दे हिलो पाम्‍तेक्‍म हना, गे मेको आन कली ‘गेपुकीम दोपा आं कली प्रोंइशा, आंम रागीम अरु देवी देवता आन कली पूजा पनी, मोपा मुल गेपुकीम इन मतुइश्‍शो रागीम अर्को रागी ङा मुर आन गेय पाइनीनी’ देंशो बाक्‍ब माइक्‍मी। येरमीया १६:१०-१४
JER 5:20 याकूब आ मुर आन कली एको लोव़ माइक्‍मी। यहूदामी एको लोव़ ठेयब सेंदा पा नेल्‍ल आन कली नेंपाइक्‍मी। यसैया ६:९-१०; मत्ती ८:१८
JER 5:21 गे मूर्ख नु मिम्‍तीक मपाइश्‍शो मुरपुकी, एको लोव़ नेनीन। इन मिक्‍ची बाक्‍ब, तन्‍न मताइनीनी। इन नोफा बाक्‍ब, तन्‍न मनेंनीनी।
JER 5:22 मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९
JER 5:23 तन्‍न मेको मुर आन थुं खकटा नु काइ मटीब बाक्‍ब। मेकोपुकी हिरशा लाम्‍तेक्‍म।
JER 5:24 मेकोपुकीमी ‘गोपुकी परमप्रभु यावे, इं परमप्रभु कली मान पा हिंय। मेकोमी माल्‍ची ना रेउ गेब। मेकोम बर्खा नु हिंउद ङा रेउ गेब। मिनु अन्‍न रिक्‍शा खुप्‍ची ना ङा नाक्‍ती गेब’ मदेंम” देंत। ब्‍यवस्‍था ११:१४
JER 5:25 परमप्रभु यावेमी “इन मरिम्‍शो पशोम एको नेल्‍ल मरिम्‍शो दुम्‍त। इन पाप आ पर्बम गे मेको रिम्‍शो मताइनीनी। यसैया ५९:२
JER 5:26 आं मुर आन दातेमी मरिम्‍शो पाइब मुर बाक्‍नीम। मेकोपुकी चिक्‍ब साइक्‍ब मुर खोदेंशो पा, बाप्‍शा बाक्‍शो बाक्‍नीम। मेकोपुकीम मुर आन कली ग्‍याइक्‍चा कली ब्‍वारद दाइक्‍नीम।
JER 5:27 चिक्‍बीम ब्रीशो ओगील खोदेंशो पा, मेको आन खिं खुइ पशो थोव़कम ब्रीशो बाक्‍ब। मोपतीके मेको ठेयब मुर नु शुश क्‍येट थीब दुम्‍तेक्‍म।
JER 5:28 मेकोपुकी दोम्‍शा लल जिशो नु शोंप पाइश्‍शो दुम्‍शो बाक्‍नीम। मेको आन परमप्रभु यावे आ अरेशो मटितीके कली तेक्‍तीक मारेइ मबाक्‍ब। मेकोपुकीम रोम रोइक्‍च आन कली रिम्‍शो दुम्‍ल, दे मेको आन कली ठीक निसाफ मगेनीम। मेकोपुकीमी क्‍येट मथीब आन कली वारच पा ठीक निसाफ मपाइनीम। प्रस्‍थान २२:२१; यसैया १:१७
JER 5:29 मार, एको आ पर्बम, गो मेको आन कली सजाइ मगेनुङमी? मिनु गो एको रागी ङा मुर आन कली क्‍येक्‍क मलेत्‍नुङमी?” दे परमप्रभु यावेमी देंत। येरमीया ५:९
JER 5:30 मिनु परमप्रभु यावेम “एको रागीम ग्रांग्रा दिचा ङा नु शुश हिंचा ङा श्‍येत दुम्‍त।
JER 5:31 परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६
JER 6:1 परमप्रभु यावेमी “बेन्‍यामीन आ आलपुकी ब्रोंइशा बाक्‍चा कली यरूसलेम रे प्रोक्‍कीन। तेकोहा सहरमी तुराही ताप्‍पीन। बेथ-हक्‍केरेम तार चिन्‍ड कोंइशा वोतीन। मारदे हना उत्तर रे मरिम्‍शो पतीक नु खतम दुम्‍तीके यिशो बाक्‍ब। आमोस १:१; येरमीया १:१४
JER 6:2 सियोन सहर दारशो योव़तीके खोदेंशो बाक्‍ब। तन्‍न सियोन आ तमी क्‍याम्‍चा पुंइसीब।
JER 6:3 गोठला आन हुल सुन्‍दा मेको नु लडाइ पचा कली जाक्‍‍नीम। मेकोपुकीमी आन ताम्‍बु आ एर ओंथ कीनीम। मिनु नेल्‍लेम मेको आन हुल योव़शा खतम सेल्‍नीम” देंशो बाक्‍ब। येरमीया ४:१७
JER 6:4 मिनु मेकोपुकीम “मेको नु लडाइ पचा कली ठीक दुमीन। बोक्‍कीन। गोपुकीम नाक्‍त उइक्‍थ दुम्‍मेनु, मेको कली लडाइ तोय। नाक्‍ती लाक्‍ना लाक्‍न बाक्‍ब। नाक्‍दो ङा वांकु लाइश्‍शो दुम्‍ना दुम्‍न बाक्‍ब।
JER 6:5 बोक्‍कीन। गो नाक्‍दो मेको कली लडाइ तोय। मिनु मेको आ दरवार प्रेय्‍य” देंनीम।
JER 6:6 मुर नेल्‍ल आन परमप्रभु यावेम “मेको आ रवापुकी क्‍योरशा तिमीन। मिनु यरूसलेम ङा गारो ङोइक्‍तीक सेलीन। मेको सहर कली सजाइ गेचा माल्‍ब। मेको सहर मरिम्‍शो पतीकेम ब्रीशो बाक्‍ब।
JER 6:7 इनारम दोपा आ ब्‍वाक्‍कु बारपाइक्‍बा, मोपा मेकोमी आ परमप्रभु यावे आ अरेशो मटितीके बारपाइक्‍ब। मेको आ आगाम काइ मरिम्‍शो पतीक नु मारेइ मारेइ खतम पोक्‍तीक आ पर्बम लोव़ नेंसीब। मेको आ रोइ नु आ सेल्‍शो गार गेना हना यो आं ङोंइती बाक्‍नीम।
JER 6:8 गे यरूसलेम, एको इ कली अरेशो मपाप्‍तीवी हना, गो इ कली तशा ग्रांग्रा दिशा प्रोंइ‍नुङ। गो इ कली गोरशो नु मुर मबाक्‍शो सेल्‍नुङ” देंत।
JER 6:9 मुर नेल्‍ल आन परमप्रभु यावेमी मार देंत, देंशा हना “गे अङगुर रिम्‍शो पा सिला पशो खोदेंशो पा इस्राएल ङा लीशो मुर आन कली सिला पने। अङगुर सेक्‍ब मुर खोदेंशो पा राशी ग्‍याइश्‍शा, फल सिला पने।
JER 6:10 गो सु कली लोव़ पा हिंच कोंइदु? आं लोव़ सुम नेंबा? मेकोपुकीम नेंने मचाप्‍नीम। मेको आन नोफा सुशो बाक्‍नीम। परमप्रभु यावे आ लोव़ आ पर्बम गाइक्‍नीम। मेको नेंचा मदाक्‍नीम” देंत। येरमीया ४:४; प्रेरित ७:५१
JER 6:11 तन्‍न गो परमप्रभु यावे आ गाइक्‍तीकेम ब्रीशो बाक्‍नुङ। गो मेको हेरा तेक्‍‍ने मचाप्‍नुङ। मिनु मेकोमी “मेको लां मेर गाक्‍ब आल आन तार मोतो। बुक्‍शा बाक्‍शो ठिटा आन तार मोतो। मीश वोंइश निम्‍फा लाइक्‍चा पुंइसीनीस। खाल्‍पा नु खूशो लाइक्‍चा पुंइसीनीम।
JER 6:12 मारदे हना गो आं गुइ मेको रागीम बाक्‍ब आन तार दिंनुङ, मेको आन खिं अर्को आन के दुम्‍नीम। आन रू नु आन मीश यो अरु आन के दुम्‍नीम” दे परमप्रभु यावेम देंत।
JER 6:13 परमप्रभु यावेमी “नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम दुम्‍शो बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ८:१०-१२; इजीकीएल १३:१०-१६; १थिस्‍सलोनिकी ५:३
JER 6:14 मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।
JER 6:15 मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेङानु, मेको खतम दुम्‍नीम” दे परमप्रभु यावेमी देंत।
JER 6:16 मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९
JER 6:17 गो इन कली खाल पाइबपुकी योव़तामी। मिनु गो इन कली ‘तुराही ताप्‍शो नोफा दाइश्‍शा नेनीन’ देंती। तन्‍न मेकोपुकीम ‘गो मनेंनीकी’ देंतेक्‍म।
JER 6:18 मोपतीके गे रागी रागी ङा मुर नेनीन। बुक्‍तीक ङा मुर नेल्‍लेमी मेको आन कली मार, दुम्‍बा, दे तुइक्‍तीन।
JER 6:19 रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२
JER 6:20 गो शेबा रे चाक्‍शो धूप ममाल्‍नुङ। ङोन रागी रे चाक्‍शो बिक्‍च यो ममाल्‍नुङ। गो इन चोशा चढ़ेशो मब्राइ‍नुङ। गो इन क्‍योरशा चढ़ेशोम मग्‍येरनुङ” देंत। भजन संग्रह ४०:७; यसैया १:११-१५
JER 6:21 मोपतीके परमप्रभु यावेम मार, देंत देंशा हना “कोव़ङीन, गो एको मुर आन ङोंइती दाइल पाइक्‍तीके थोव़क वोइक्‍नुङ। मिनु आम आफ, आलपुकी कालेम नु आन नेक्‍था ङा मुर नु आन वारच काले‍म खतम दुम्‍नीम” देंत।
JER 6:22 परमप्रभु यावेमी “कोव़ङीन, उत्तर ङा रागी रे हुल का मुर जाक्‍नीम। रागी आ सुर रे ठेयब रागी ङा मुर बारशा जाक्‍नीम। येरमीया ५:१५; ब्‍यवस्‍था २८:४९
JER 6:23 मेकोपुकी लिब्रा नु तरवार शेशा ठीक दुम्‍शो बाक्‍नीम। मेकोपुकी मरिम्‍शो पाइब नु काइ शिशी मपाइ‍ब बाक्‍नीम। आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा सियोन आ तमी, इ कली लडाइ तोचा कली ठीक दुम्‍शो बाक्‍नीम” देंत। येरमीया ५०:४२
JER 6:24 गोपुकीम मेको आन पर्बम मारेइ मारेइ लोव़ नेंतक। मिनु आंइ गुइ खोइली योक्‍त। गो शुश हिंतक। गो सुत्‍केरी रोइ पशो मीश मुर खोदेंशो दुम्‍तक।
JER 6:25 “रू मेर मलने। लां मेर मगाक्‍कीन। मारदे हना इन जोरी सत्रु आन गुइमी तरवार बाक्‍ब। मिनु एर ओंथ नेल्‍ल शुश हिंतीक बाक्‍ब” देंशो नेंतक। येरमीया २०:३
JER 6:26 मिनु “आं श्‍येत जाइब मुरपुकी अरन्‍डी फेक्‍सीन। मिनु इन पिया तारी पुलु फुंइसीन। का ला बाक्‍शो आल बेक्‍शो आ पर्बम खोदेंशो पा रोंका पने। मारदे हना आंइ कली साइक्‍ब याम काम जाक्‍ब” देंत। येरमीया ४:८; आमोस ८:१०
JER 6:27 परमप्रभु यावेमी “गो इ कली आं मुर आन पशो नाक्‍ब नु रिम्‍शो सेल्‍ब सेल्‍तन। मोपा गे मेको आन पशो तुइश्‍शा, मार, पाइनीमी, दे नाक्‍ने चाप्‍नेवे।
JER 6:28 मेको नेल्‍ल आन थुं खकटा बाक्‍शा, काइ मटीब बाक्‍नीम। मेकोपुकी जोल पा सांकछी बाक्‍ब नु गाक्‍नीमी। मेकोपुकी कांसा नु फलाम खोदेंशो खकटा बाक्‍नीम। मेको नेल्‍ल मरिम्‍शो बाक्‍नीम। इजीकीएल २२:१८
JER 6:29 मुरुमी यपाइक्‍चा कली भाटी कीना कीन मी ठेयब सेल्‍नीम। तन्‍न यपाइक्‍तीक गेय मोशा दुम्‍त। मारदे हना परमप्रभु यावे आ अरेशो मटीब आन कली तिल्‍शो बाक्‍नीम।
JER 6:30 तन्‍न मेको आन कली मरिम्‍शो तिल्‍शो चांदी, दे नें वोइक्‍नीम। मारदे हना परमप्रभु यावेम मेको आन कली तिल्शो बाक्‍त” देंत। १राजा ९:७
JER 7:1 परमप्रभु यावेम येरमीया कली,
JER 7:2 “गे आं खिं ङा लाप्‍चोम राप्‍शा ‘गे यहूदा ङा मुर नेल्‍ल परमप्रभु यावे आ लोव़ नेनीन। गे परमप्रभु यावे कली ठेयब सेल्‍चा कली एक जाक्‍ब यहूदा ङा मुर परमप्रभु यावे आ लोव़ नेनीन’ देनो” देंत।
JER 7:3 मुर नेल्‍ल परमप्रभु यावे, इस्राएली आन परमप्रभुमी मार, देंत देंशा हना “इन गाक्‍तीक लां नु इन पशो नेल्‍ल रिम्‍शो सेलीन। मो पाइतीनी हना, गो गेपुकी नु एकेर बाक्‍नुङ। येरमीया १८:११; येरमीया २५:५; येरमीया २६:१३; यसैया १:१६
JER 7:4 मिनु ‘एको परमप्रभु यावे आ खिं बाक्‍ब। एको परमप्रभु यावे आ खिं बाक्‍ब। एको परमप्रभु यावे आ खिं बाक्‍ब’ देंशो जोल लोव़ थमा मसुतीन।
JER 7:5 गेपुकीम थमा पा इन गाक्‍तीक लां नु इन पशो रिम्‍शो सेल्‍तीनी हना, गे थमा पा अरु मुर आन कली ठीक नु रिम्‍शो पाइतीनी हना,
JER 7:6 गेपुकीमी अर्को रागी ङा मुर आन कली, रोम रोइक्‍च नु आन वोंइश बेक्‍शो मीश मुर आन कली मदिप्‍तीनी हना, दोस मताइब मुर आन कली मसाइक्‍तीनी हना नु आंम इन कली श्‍येत सेल्‍चा, दे देवी देवता आन नोले मखोइक्‍तीनी हना, येरमीया ५:२८
JER 7:7 गो गेपुकी नु एक बाक्‍नुङ। साइ ङोंइती इन किकी पिपी आन कली गेशो रागीम गेना हना यो गेपुकी नु बाक्‍नुङ।
JER 7:8 तन्‍न गेपुकी दा जोल लोव़ कली थमा सुइक्‍‍नीनी। मेको नेल्‍ल मोशा बाक्‍नीम।
JER 7:9 गेपुकीम खुइ पाइनीनी, मुर साइक्‍नीनी, मुर आन मीश नु इप्‍नीनी, जोल पा कसम जाइनीनी, बाल देवता कली पूजा पाइनीनी नु इन मतुइश्‍शो देवी देवता आन नोले खोइक्‍नीनी। होसे ४:२
JER 7:10 मो हना यो आं ङोंइती आं नें बाक्‍शो खिंम राप्‍शा बाक्‍नीनी। आं ङोंइती राप्‍शा ‘गो रिम्‍शो बाक्‍नीकी’ देंनीनी। मेकेर रे लेश्‍शा इन ग्रांग्रा दिचा ङा गेय लेंशा पाइनीनी।
JER 7:11 मार, आं नेंमी बाक्‍शो आं खिं इन ङोंइती रोइक्‍ब आन बाक्‍तीक खिं दुम्‍मे? गो यो इन कली कोव़ना कोव़न बाक्‍नुङ। मत्ती २१:१३
JER 7:12 मुल आं बाक्‍तीक शिलो लने। गो मेकेर ङोंइती आं नेंमी बाक्‍तीक सेल्‍शो नङ। मिनु गो इस्राएल ङा मुर आन कली आं अरेशो मटितीके मार पदु? मेकेर लशा कोव़ङीन। यहोसु १८:१; १सामुएल ४:४,१२; भजन संग्रह ७८:६०
JER 7:13 मिनु गेपुकीम एको नेल्‍ल पना पन बाक्‍नीनु, गो इन कली गेना हना यो लोव़ पाता। तन्‍न गेपुकीम मनेंनी। गो इन कली ब्रेत्‍ताक्‍न्‍नी, तन्‍न गेपुकीम लोव़ मलेत्‍तीनी। येरमीया २५:३; यसैया ६५:१२
JER 7:14 मोपतीके गो मेको आं नेंम सेल्‍शो खिं कली नु इन किकी पिपी नु इन कली गेशो रागी कली शिलो खोदेंशो सेल्‍नुङ। गे मेको खिं कली थमा सुइक्‍तीनी।
JER 7:15 मिनु गो इन कली आं ङोंइती रे ग्रुंइनन्‍नी। गो इन कली, इन लोक्‍ब एफ्राइम आ आल नेल्‍ल आन कली खोदेंशो पा खेरनन्‍नी” दे परमप्रभु यावेमी देंत। २राजा १७:१८,२०,२३
JER 7:16 परमप्रभु यावेम आं कली “गे मेको मुर आन पर्बम मपुनो। मेको मुर आन पर्बम मारेइ मपुनो। मेको आन पर्बम आं कली लोव़ मपावो। मारदे हना गो इ पुंइशो मनेंनुङ। येरमीया ११:१४; येरमीया १४:११; येरमीया ३७:३; येरमीया ४२:२; प्रस्‍थान ३२:१-११; १सामुएल १२:२३
JER 7:17 गे मेको यहूदा ङा सहर नु यरूसलेम ङा लां मेर पशो मतवी? येरमीया १९:१३; येरमीया ४४:१७-१९; यसैया ६:५,११
JER 7:18 मेको आन आलपुकीम शी खुप्‍नीम। आन आफपुकीम मी मुइक्‍नीम। मिनु मीश मुरपुकीम सरीङ ङा पिपीम कली बटुक चोचा कली फस नीनीम। अरु देवी देवता आन कली तूचा थोव़क चढ़ेनीम। आं कली गाइक्‍पाइक्‍चा कली मो पाइनीम।
JER 7:19 मिनु मार, मेकोपुकीमी आं कली गाइक्‍पाइक्‍चा कली मो पशो मनमी ङा? मिनु मार, मेकोपुकीमी श्‍येत जचा कली मो पशो मन‍मी ङा?” देंत
JER 7:20 मोपतीके परमप्रभु, परमप्रभु यावेम “आं गाइश्‍शो नु आं चुरशो मेकेर मोइक्‍चा माल्‍ब। मुर, बी ब्‍यफ, क्‍यारश भेडा, रू ङा रवा नु रागी ङा मारेइ मारेइ आन तारी मोइक्‍चा माल्‍ब। मेको मकाप्‍ब मीम नेल्‍ल दाक्‍ब” दे परमप्रभु यावेमी देंत।
JER 7:21 मिनु मुर नेल्‍ल आन परमप्रभु यावे, इस्राएली आन परमप्रभुमी मार देंत देंशा हना “इन चोशा चढ़ेतीकेम क्‍योरशा चढ़ेतीके तेम्‍दीन। मिनु मेको श्‍ये ब्‍वने। १सामुएल १५:२२; भजन संग्रह ५०:७-१५; होसे ८:१३; मीका ६:६-८
JER 7:22 मारदे हना इन किकी पिपी आन कली इजीप्‍त रे ग्रुंइशा चाक्‍शो नाक्‍ती, गो मेको आन कली चोशा चढ़ेतीक नु क्‍योरशा चढ़ेतीक आ पर्बम लोव़ मपङ। मिनु मेको आन कली मअरेङमी।
JER 7:23 तन्‍न गो मेको आन कली मार अरेतीक का गेतामी देंशा हना ‘आं देंशो टिने। मिनु गो इन परमप्रभु नङ। मिनु गे आं मुर दुम्‍नीनी। गो इन कली तेको लां लचा, दे अरेनुङा, मेको लां गाक्‍कीन। मो पाइतीनी हना, इन कली रिम्‍शो दुम्‍ब’ देंती। येरमीया ११:४; येरमीया २४:७; येरमीया ३०:२२; येरमीया ३१:१,३३; येरमीया ३२:३८; लेवी २६:१२; इजीकीएल ११:२०; इजीकीएल १४:११; इजीकीएल ३४:३०; इजीकीएल ३७:२७
JER 7:24 तन्‍न मेकोपुकीमी आं अरेशो मटीम। आं लोव़ मनेनेम। मेको आन खकटा थुं ङा मरिम्‍शो पतीकेमी आंम दला दाक्‍स पाम्‍तेक्‍म। आन ची हिरताक्‍म, आं कुल गे मकोव़यीमी। येरमीया ११:८; यसैया ६५:२
JER 7:25 इन किकी पिपी इजीप्‍त रे ग्रूशा जाक्‍मा रे मुल सम्‍म नाक्‍त किंत किंत आं गेय पाइब, आं लोव़ पाइब नेल्‍ल आन कली मेको आन बाक्‍तीके सोइक्‍ताक्‍ङमी। येरमीया २५:४
JER 7:26 तन्‍न मेकोपुकीमी आं लोव़ मनेनेम। आं लोव़मी आन नोफा मदाइक्‍तेम। मटीब ला दुम्‍तेक्‍म। मिनु मेकोपुकीमी आन किकी पिपी आन क्‍येङा यो शुश मरिम्‍शो पाम्‍‍तेक्‍म। येरमीया १६:१२
JER 7:27 मिनु गे मेको आन कली एको लोव़ नेल्‍ल देंचा माल्‍नेवे। तन्‍न मेकोपुकीमी इ लोव़ मनेंनीम। गे मेको आन कली ब्रेत्‍तीनु, यो मेकोपुकीमी इ लोव़ मलेत्‍नीम।
JER 7:28 गे मेको आन कली ‘एको परमप्रभु यावे, आन परमप्रभु आ लोव़ मटीब रागी ङा मुर बाक्‍नीम। सजाइ ताम्‍तेक्‍म हना यो, मरुबेम। मिनु मेको आ पचा माल्‍ब देंशो मपामे। थमा लोव़ जाम्‍त। मेकोपुकीम जोल ला पाइनीम। येरमीया ५:१
JER 7:29 गे इ चां प्रेक्‍शा ताइक्‍तो। मिनु गोरशो डांडा मेर रोंका पा गाक्‍को। मारदे हना परमप्रभु यावेमी आ कली गाइक्‍पाइक्‍ब आन पाला ङा मुर आन कली प्रोंइशा तिल्‍तु’ दे‍नो” देंत। मीका १:३६
JER 7:30 परमप्रभु यावेम “यहूदा ङा मुरपुकीम आं ङोंइती मरिम्‍शो पशो बाक्‍नीम। मेकोपुकीमी आं नेंम सेल्‍शो खिंम आन ग्रांग्रा दिशो थोव़क वोइक्‍तेक्‍म। मोपा आं खिं ग्रांग्रा दिशो दुम्‍त। येरमीया ३४:३२; २राजा २१:४-५
JER 7:31 मिनु मेकोपुकीमी तोफेथम आन थान सेल्‍तेक्‍म। मेको हिन्‍नोम आ तौ आ बेंसी बाक्‍ब। मेकेर आंम तमी तौ आन कली मीम चोशा चढ़ेम्‍तेक्‍म। गो मोदेंशो गेनायो ममिम्‍तु, मेको आन कली यो मअरेङमी। येरमीया १९:५-७; येरमीया ३२:३६; लेवी १८:२१
JER 7:32 मोपतीके होस पा बाक्‍कीन। मेको बेंसी कली तोफेथ नु हिन्‍नोम आ तौ आ बेंसी देंचा प्रोंइनीम। शुश नाक्‍त रिम्‍चा ममाल्‍नीनी। तन्‍न मुर साइक्‍तीक बेंसी, दे नें वोइक्‍नीम। मारदे हना तोफेथमी आन बेक्‍शो मुर मरिक्‍थ्री थिम्‍नीम। येरमीया १९:६
JER 7:33 मिनु मेको मुर आन बेक्‍शो रां सरीङ ङा चिक्‍बपुकी नु रागी ङा जन्‍तु आन कली ब्‍वतीक दुम्‍ब। मेको आन कली हिंच कोंइशा, प्रोक्‍पाइक्‍ब सुइ मबाक्‍नीम। येरमीया ९:२१
JER 7:34 मिनु गो यहूदा ङा सहर नु यरूसलेम ङा लां रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। मारदे हना रागी मुर मबाक्‍तीके दुम्‍ब” दे परमप्रभु यावेमी देंत। येरमीया १६:९; येरमीया २५:१०; येरमीया ३३:११
JER 8:1 परमप्रभु यावेम “मेना यहूदा ङा पिप आन रुश, सरकार आ गेय पाइब आन रुश, चढ़ेब आन रुश, परमप्रभु यावे आ लोव़ पाइब आन रुश नु यरूसलेममी बाक्‍ब मुर आन रुश मेको आन तुरस रे याक्‍नीम।
JER 8:2 मिनु मेको रुश नेल्‍ल, नां, तास्‍ला नु सोरुल आन ङोंइती फ्रचा माल्‍नीम। मारदे हना मेको मुरपुकीमी मेको आन कली गेय पा शुश दाक्‍ताक्‍म। मेको आन नोले खोइक्‍ब दुम्‍‍तेक्‍म। मेको आन कली लां कोंइब सेल्‍शा पूजा पाम्‍तेक्‍म। मेको रुश आन कली खुप्‍शा थिम्‍चा मदुम्‍ब। मेको खप कली मोव़ल दुम्‍चा माल्‍नीम। ब्‍यवस्‍था ४:१९
JER 8:3 एको मरिम्‍शो खिं ङा लीशो मुर नेल्‍लेमी, ते प्रोक्‍पाइक्‍तामी हना यो, मार देंनीम देंशा हना ‘गो ब्रोंइचा क्‍येङा यो बेक्‍चा दाक्‍नीकी’ देंनीम” दे मुर नेल्‍ल आन परमप्रभु यावेमी देंत।
JER 8:4 गे मेको आन कली परमप्रभु यावेमी मार देंत, देंशा हना “मुरपुकी गोल्‍नीमी। मिनु मार, मेको लेंशा मबोक्‍नीमी ङा? मिनु सुइ लां जाम्‍शा ग्‍युरा पेरा गे लमानु, मेकोपुकी लेश्‍शा मजाक्‍नीमी ङा?
JER 8:5 मो हना यो एको मुरपुकी मारदे ची हिरशा गाक्‍मा? मारदे मेको नोले शोंइसीना सीन बाक्‍नीमी? आन मरिम्‍शो पतीके मप्रोंइथु, लेश्‍शा जाक्‍ने मबित्‍नीम।
JER 8:6 गो, आं नोफा दाइश्‍शा नेंनुनु, मेकोपुकीम आं कली ठीक लोव़ मपाइनीम। आन मटिशो आ पर्बम माफ मपुंइनीम। मेकोपुकीमी ‘गो मरिम्‍शो पाता’ मदेंनीम। नेल्‍ल आन दला दाक्‍स पाइनीम। मेकोपुकी शारा खोदेंशो पा लडाइम दोरनीम।
JER 8:7 सरीङम बेरब सारसम आ लची ना नु लेत्‍ची ना तुइक्‍ब। मिनु ढुकुर, बेल्‍लुम नु बोकुला आन लची ना नु लेत्‍ची ना तुइक्‍नीम। तन्‍न आं मुरपुकीमी आंम परमप्रभु यावे आ देंशो पतीक लोव़ मतुइक्‍नीम। यसैया १:३
JER 8:8 मिनु गेपुकीम दोपा ‘गो जोक्‍ब तुइक्‍ब बाक्‍नीकी। मिनु परमप्रभु यावे आ अरेशो लोव़ गो नु बाक्‍ब’ देंने चाप्‍नीनी? थमा पा देंशा हना, सास्‍त्री आन जोल पा ब्रेक्‍शोम मेको आन कली जोल सेल्‍शो बाक्‍ब। सास्‍त्री ब्रेक्‍चा जोक्‍ब मुर बाक्‍नीम
JER 8:9 जोक्‍ब तुइक्‍ब मुरपुकी मुने तोक्‍चा पुंइसीनीम। मेकोपुकी हिंनीम। मेकोपुकी लाइक्‍चा पुंइसीनीम। मारदे हना मेकोपुकी परमप्रभु यावे आ लोव़ मटीनीम। मेको आन जोक्‍तीक तुइक्‍तीक मार बाक्‍म माइ?
JER 8:10 मोपतीके गो मेको आन मीश अरु आन कली नु मेको आन रू लडाइ ग्राब आन कली गेनुङमी। नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ६:१३-१५; यसैया ५६:११
JER 8:11 मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।
JER 8:12 मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेनुङ। मिनु मेको खतम दुम्‍नीम” दे परमप्रभु यावेमी देंत।
JER 8:13 परमप्रभु यावेम “गो, अङगुर सेक्‍‍नुङ देंङानु बोटम अङगुर मबाक्‍म। फोव़शी रवाम फोव़शी मबाक्‍म। मेको आन सफा यो सोव़तेक्‍‍म। मेकोपुकी आं गेशो यो रोइक्‍चा पुंइसीनीम” दे परमप्रभु यावेमी देंत।
JER 8:14 मुरुमी “गो मारदे एकेर निश्‍शा बाक्‍या। मुर आन कली पुक्‍शा, गो गारो हिरशो सहर आ आगा मेर प्रोक्‍य। मिनु मेकेरेन बेक्‍य। मारदे हना परमप्रभु इं परमप्रभु यावेम इं कली बेक्‍पाइक्‍चा कली सोइश्‍शो बाक्‍ब। मिनु इं कली बीस ब्‍वाइश्‍शो ब्‍वाक्‍कु तूचा गेप्‍तु। मारदे हना गो परमप्रभु यावे कली पाप पाइतय। येरमीया ९:१४
JER 8:15 गोपुकीम थुं नाइश्‍शा बाक्‍तीक आस पाइतय। तन्‍न मारेइ रिम्‍शो मदुम। साचा आ पर्बम रिम्‍ताक्‍य। तन्‍न शुश हिंतीक ला दुम्‍त” देंतेक्‍म। येरमीया १४:१९
JER 8:16 मिनु “दान रे जोरी सत्रु आन शारा आन सोंव सोंव पशो नेंसाक्‍व। मेको आन शारा आन ग्रीशो आ पर्बम रागी नेल्‍ल ख्रिंख्रि पाइब। मेकोपुकी रागी नु मेकेर बाक्‍शो मारेइ मारेइ, सहर नु मेकेर बाक्‍ब नेल्‍ल आन कली दाक्‍चा कली जाक्‍शो बाक्‍नीम। येरमीया ४:१५
JER 8:17 कोव़ङीन, गो इन दातेम बीस पाइश्‍शो बुस्‍सपुकी सोइक्‍नुङमी। मेको बुस्‍स आन कली मारेइ मन्‍तर तन्‍तर मराइब। मिनु मेकोपुकीमी इन कली कोक्‍नीम” दे परमप्रभु यावेम देंत।
JER 8:18 मिनु “गो आं ग्‍येरसीतीक नेल्‍ल जाम्‍त। गो आं थुं खाइक्‍ती। येरमीया ४:१९
JER 8:19 श्‍येत जशो आं मुर आन ङाक्‍शो नेनीन। ङोन रागी रे नेनीन। मार, परमप्रभु यावे सियोनम मबाक्‍शो बाक्‍बा ङा? मेको आ पिप मेकेर मबाक्‍शो बाक्‍बा? मारदे मेकोपुकीमी आं कली आन मूर्ति नु आन शोर गाक्‍शो अर्को रागी ङा देवी देवता आन पर्बम गाइक्‍पाइय्‍यीमी?
JER 8:20 बाली नाली रिक्‍ची ना लाक्‍तु। बर्खा नुप्‍त। मो हना यो इं श्‍येत रे ब्रोंइची ना मजा।
JER 8:21 आं श्‍येत जशो मुर आ पर्बम गो रोंका पा थुं खाइक्‍ती।
JER 8:22 मिनु गिलादमी मारेइ ख्रेक्‍तीक मबाक्‍बा? मार, मेकेर इ कली ओख्‍ती पाइब मबाक्‍बा? मारदे आं श्‍येत जशो मुर मसामा?” देंत। येरमीया ४६:११
JER 9:1 परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१
JER 9:2 गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।
JER 9:3 मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१
JER 9:4 आंम नेक्‍था ङा मुरपुकी रे होस पा बाक्‍कीन। आंम लोक्‍ब आन कली यो थमा मसुतीन। मारदे हना इन लोक्‍ब नेल्‍ल मिक्‍च सिल्‍ब बाक्‍नीम। मिनु इन नेक्‍था ङा मुरपुकी हिरशा, इन पर्बम जोल पा दोस गेना गेन बाक्‍नीम। येरमीया १२:६; भजन संग्रह ४१:१०; मीका ७:५-६
JER 9:5 मेको नेल्‍लेम आन नेक्‍था ङा मुर आन कली जोल पाइनीम। सुइमी थमा लोव़ मपाइनीम। मेकोपुकीम जोल पचा शेंसीशो बाक्‍नीम। मेकोपुकीम मरिम्‍शो ला पाइनीम।
JER 9:6 मेकेर दिम्‍मुतीके नु जोल पमुतीके ला बाक्‍ब। मेकोपुकीमी आं कली तुइक्चा मदाक्‍नीम” दे परमप्रभुमी यावे, मुर नेल्‍ल आन परमप्रभुमी देंत।
JER 9:7 मोपतीके मुर नेल्‍ल आन परमप्रभु यावेम “गो मेको आन कली यपाइश्‍शा नाक्‍नुङमी। पाप पाइब आं मुर आन कली गो अरु मार पने चाप्‍नुङा ङा?
JER 9:8 मेको आन लें बीस पाइश्‍शो ब्रा खोदेंशो बाक्‍ब। मेकोपुकीम जोल लोव़ ला पाइनीम। मुर नेल्‍लेम आन नेक्‍था ङा मुर नु रिम्‍शो लोव़ पखु पाइनीम। तन्‍न आन थुंमी दोपा मेको कली ब्‍वारद दाइक्‍चा, दे मिम्‍नीम। बजन संग्रह १२:३
JER 9:9 मार, मोदेंशो पशो आ पर्बम गो मेको आन कली सजाइ मगेनुङमी? ओदेंशो रागी ङा मुर आन कली गो सजाइ गेचा माल्‍नुङ” दे परमप्रभु यावेम देंत। येरमीया ५:९,२९
JER 9:10 गे डांडा आन पर्बम ङाक्‍शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्‍शो बाक्‍नीम। मेकेर सुइ मगाक्‍नीम। मिनु मेकेर बी ब्‍यफ क्‍‍यारश भेडा आन ग्रीशो मनेंसीब। सरीङ ङा चिक्‍ब नु जन्‍तु नेल्‍ल प्रोक्‍शा लाम्‍तेक्‍म। येरमीया ४:२५; येरमीया १२:४
JER 9:11 गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८
JER 9:12 मेको लोव़ रुप्‍चा कली जोक्‍ब तुइक्‍ब सु बाक्‍बा ङा? परमप्रभु यावेम सु कली लोव़ पवा, मेकोमी एको शेंने चाप्‍ब। मारदे मेको रागीम ब्रेश्‍शो खिं ला बाक्‍नीमी? मारदे मेको मुर मबाक्‍तीके खोदेंशो दुम्‍शा, सुइ लने मचाप्‍चा ङा पा, श्‍येत्‍थ दुम्‍शो बाक्‍बा? लूका १९:४२
JER 9:13 मारदे हना मेकोपुकीमी आन ङोंइती वोइश्‍शो आं अरेशो लोव़ प्रोंइतेक्‍म। आं देंशो मटिथु आन दला दाक्‍स पाम्‍तेक्‍म।
JER 9:14 मेको आन खकटा थुंमी आन दला दाक्‍स पा बाल देवता आ नोले खोइक्‍तेक्‍म। मेको आन किकी पिपी शेंशो लांम गाक्‍तेक्‍म। येरमीया ७:२४
JER 9:15 मोपतीके परमप्रभु यावे, मुर नेल्‍ल आन परमप्रभु, इस्राएली आन परमप्रभुमी “गो एको मुर आन कली कशो थोव़क उम्‍नुङमी। मिनु तूचा कली बीस ब्‍वाइश्‍शो ब्‍वाक्‍कु तूपाइक्‍नुङमी। येरमीया २३:१५; येरमीया ८:१४
JER 9:16 गो मेको आन कली रागी रागी ङा मुर आन दातेमी फ्राइनुङमी। मेकेर आन मतुइश्‍शो नु आन किकी पिपी आन मतुइश्‍शो मुर बाक्‍नीम। मिनु गो मेको आन कली मसदुमी सम्‍म मेको आन नो‍नोले तरवार सोइक्‍नुङ” देंत। लेवी २६:३३
JER 9:17 मिनु मुर नेल्‍ल आन परमप्रभु यावेमी “मुल मिम्‍तीन। रोंका पाइब मीश मुर आन कली ब्रेत्‍तीन। मेको आन दाते ङा नेल्‍ल क्‍येङा रोंका पस जोक्‍ब कली ब्रेत्‍थ सोइक्‍तीन” देंत
JER 9:18 मेकोपुकीमी “रीब पा जाक्‍मल। मिनु आंइ पर्बम रोंका पामेक्‍ल। इं मिक्‍च नेल्‍ल प्रेक्‍कु मदुम सम्‍म नु इं मिक्‍च आ पारला रे ब्‍वाक्‍कु खोदेंशो पा प्रेक्‍कु मदोक्‍म सम्‍म, मेकोपुकीमी रोंका पामेक्‍ल।
JER 9:19 सियोन रे रोंका पशो नेंसाक्‍व। गोपुकी खतम दुम्‍तय। गोपुकी मुनेम सुम्‍सीशो बाक्‍नय। गोपुकीम आंइ रागी प्रोंइचा माल्‍नीकी। मारदे हना मेकोपुकीम आंइ खिं प्रेत्‍तेक्‍म” देंतेक्‍म।
JER 9:20 मिनु गे मीश मुरपुकी परमप्रभु यावे आ लोव़ नेनीन। मेको आ लोव़ नेंचा कली इन नोफा दाइक्‍तीन। इन तमी आन कली रोंका पचा शेंदीन। आंम नेक्‍था ङा मुर नु रोंका पतीक शेंमुने।
JER 9:21 बेक्‍पाइक्‍ब झेल रे ङोइश्‍शा आंइ बाक्‍तीकेम ओव़त। मेको आंइ आल आन कली लां रे नु आंइ ठिटा आन कली बुक्‍शा बाक्‍तीक रे साइक्‍चा कली जाक्‍त।
JER 9:22 परमप्रभु यावेमी “गे मुर आन कली मोदेंशो लोव़ पावो ‘मुर आन बेक्‍शो रां रूम मोव़ल खोदेंशो पा दोक्‍नीम। अन्‍न खुप्‍ब मुर आन नोले प्रोंइशो अन्‍न खोदेंशो पा, गोल्‍शा लीशो बाक्‍नीम। मिनु मेको आन कली सुइम सिला मपाइनीम’ देनो” देंत। येरमीया ७:३३; येरमीया १४:१६; येरमीया १६:४; येरमीया २५:३३; भजन संग्रह ७९:२
JER 9:23 परमप्रभु यावेम “जोक्‍ब तुइक्‍ब मुरपुकी आन जोक्‍तीक तुइक्‍तीक आ पर्बम ठेयब मलेम्‍मल। सक्ति पाइश्‍शो मुरपुकी आन सक्ति आ पर्बम ठेयब मलेम्‍मल। शुश शोंप पाइश्‍शो मुरपुकी आन शुश शोंपोम ठेयब मलेम्‍मल।
JER 9:24 तन्‍न सु ठेयब लेत्‍नीमी, मेकोपुकीम ‘गो परमप्रभु यावे कली तुइक्‍नुङ’ देंमल ‘मेको थमा पा परमप्रभु यावे बाक्‍ब, दे तुइक्‍नुङ, दे नें बोरपाइक्‍ने चाप्‍नीम। परमप्रभु यावेमी रागी कली शिशी पाइब, ठीक निसाफ नु ठीक पाइब बाक्‍ब’ देंमल। मारदे हना मेको आं दाक्‍शो बाक्‍ब, दे ग्‍येरसीनुङ” दे परमप्रभु यावेम देंत। १कोरिन्‍थी १:३१; २कोरिन्‍थी १०:१७
JER 9:25 परमप्रभु यावेम “रांम ला ख्रोइक्‍तीक चिनु ख्रोइश्‍शो मुर आन ग्रुम्‍तीक नाक्‍ती थमा पा जाक्‍ब।
JER 9:26 गो इजीप्‍त, यहूदा, एदोम, अम्‍मोन, मोआब नु गोरशो रागीम बाक्‍ब, आन चां एर ओंथ ख्रोइक्‍ब मुर नेल्‍ल आन कली ग्रुम्‍नुङ। मारदे हना मेको नेल्‍ल ख्रोइक्‍तीक चि‍नु मख्रोइश्‍शो बाक्‍नीम। मिनु इस्राएल आ खिं ङा मुर नेल्‍ल यो आन थुंम ख्रोइक्‍तीक चिनु मख्रोइश्‍शो बाक्‍नीम” देंत। लेवी १९:२७; येरमीया ४:४; लेवी २६:४१; ब्‍यवस्‍था ३०:६
JER 10:1 गे इस्राएल आ खिं ङा मुरपुकी, परमप्रभु यावेम इन कली मार, देंमे, मेको नेनीन।
JER 10:2 परमप्रभु यावेम “रागी रागी ङा मुर आन पतीक मशेंसीने। सरीङ ङा चिन्‍ड तशा, महिनीन। रागी रागी ङा मुरपुकी मेको तशा हिंनीम। प्रस्थान २३:२४; २राजा २१:६
JER 10:3 मारदे हना जात जात ङा मुर आन पतीक जोल बाक्‍ब। मेकोपुकीमी ब्‍वाकी ङा रवा का तिम्‍नीम। मिनु शी के मार, मार, सेल्‍ब जोक्‍बमी मुशा मूर्ति सेल्‍नीम। यसैया ४४:१३-१७
JER 10:4 मिनु मुरपुकीमी, मेको कली सुन नु चांदीम गिल्‍‍नीम। मिनु मेको महिम्‍‍सेक्‍ल दे घनमी कांटी थोक्‍नीम। मिनु मेको महिम्‍सीब।
JER 10:5 मेको आन मूर्ति वोबी‍स रूम वोइश्‍शो खेरच खोदेंशो बाक्‍नीम। मेको ब्‍वाक्‍ने मचाप्‍नीम। मेको आन कली कुरचा माल्‍नीम। मारदे हना मेकोपुकी गाक्‍ने मचाप्‍नीम। मेको तशा महिनीन। मारदे हना मेकोपुकीमी मारेइ मरिम्‍शो पने मचाप्‍नीम। मारेइ रिम्‍शो यो पने मचाप्‍नीम” देंत। भजन संग्रह ११५:७; यसैया ४६:७
JER 10:6 परमप्रभु यावे, इन खोदेंशो सुइ मबाक्‍नीम। गे ठेयब बाक्‍नीनी। मिनु इन सक्तिमी इन नें ठेयब सेल्‍तीनी। भजन संग्रह ८६:८
JER 10:7 गे रागी रागी ङा पिप, इन कली सुम मान पा महिंनीमी ङा? गे मान पाइक्‍चा शिरशो बाक्‍नीनी। रागी रागी ङा मुर आन जोक्‍ब तुइक्‍ब नु मेको आन राज्‍य नेल्‍लेमी इन खोदेंशो सुइ मबाक्‍नीम।
JER 10:8 मूर्ति आन शेंतीक निप्‍स मपाइश्‍शो नु मूर्ख लोव़ बाक्‍ब। मेको शी क्‍येङा रिम्‍शो मबाक्‍ब।
JER 10:9 टारशीश रे तुप्‍शो चांदी चाक्‍नीम। मिनु उफाज रागी रे सुन चाक्‍नीम। मेको मार मार सेल्‍स जोक्‍ब नु सुन चेम्‍बपुकी आन गेय बाक्‍ब। मिनु मेको आन कली नीलो नु प्‍याजी रङ ङा वा फेक्‍पाइक्‍नीम। मेको नेल्‍ल मार मार सेल्‍स जोक्‍ब मुर आन गेय बाक्‍नीम।
JER 10:10 तन्‍न परमप्रभु यावे थमा ङा परमप्रभु बाक्‍ब। मेको ब्रोंइशा बाक्‍ब परमप्रभु नु गेना हना यो लीब पिप बाक्‍ब। मेको गाइक्‍तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्‍शो फाल्‍ने मचाप्‍नीम। येरमीया ५:२
JER 10:11 गे मेको आन कली “मेको सरीङ नु रागी मसेल्‍ब देवी देवता रागी नु सरीङ आगा रे क्‍याम्‍चा पुंइसीनीम।
JER 10:12 तन्‍न मेकोमी आ सक्तिमी रागी सेल्‍तु। मेकोमी आ जोक्‍तीक तुइक्‍तीकेमी रागी रागी कली वोइक्‍तु। मिनु मेकोमी आ रुप्‍तीकेम सरीङ प्राक्‍तु। येरमीया ५१:१५-१९
JER 10:13 मेकोमी लोव़ पवानु, सरीङ रे रेउ यीब। मेकोमी रागी आ सुर रे गोस्‍स आन कली पोक्‍ब। मेकोमी रेउ नु चिला पपाइक्‍ब। मिनु फश आ बाक्‍तीक रे फश पपाइक्‍ब। भजन संग्रह १३५:७
JER 10:14 मुर नेल्‍ल निप्‍स मपाइश्‍शो नु मारेइ मतुइक्‍ब बाक्‍नीम। सुन चेम्‍ब नेल्‍ल आन मूर्तिम पतीके मुने दोक्‍नीम। मेको आन मूर्तिपुकी जोल बाक्‍नीम। मेको आन के सोक्‍त मबाक्‍ब। यसैया ४५:१६
JER 10:15 मेको शोर गाक्‍शो ला बाक्‍नीम। मुर आन मिम्‍शो ला बाक्‍नीम। मेको आन कली सजाइ गेशोनु, जाम्‍नीम।
JER 10:16 परमप्रभु यावे, याकूब आ भाग बाक्‍ब। मेको मारेइ मारेइ सेल्‍ब बाक्‍ब। मिनु इस्राएल मेको आ शोंप बाक्‍ब। मेको आ नें मुर नेल्‍ल आन परमप्रभु यावे बाक्‍ब” देनो। ब्‍यवस्‍था ३२:९
JER 10:17 गे पुम्‍चा पुंइसीशो सहर इ कुम्‍लो खप रे गुपो।
JER 10:18 मारदे हना परमप्रभु यावेम “गो मेको रागी ङा मुर आन कली ताइक्‍नुङमी। मेको आन कली शुश श्‍येत गेनुङमी। मिनु मेकोपुकीम तुइक्‍नीम” देंत।
JER 10:19 आबी, तन्‍न आं गार आ पर्बम हिंती। आं गार मसाब। तन्‍न गो आंम कली “थमा पा, एको आं सजाइ बाक्‍ब। गो एको फाल्‍चा माल्‍नुङ” देंती।
JER 10:20 आं ताम्‍बु ब्रेत्‍त। मेको आ डोरी नेल्‍ल ब्रोइक्‍तेक्‍म। आं आलपुकी गाक्‍तेक्‍म। मुल मेकोपुकी मबाक्‍नीम। मुल आं ताम्‍बु कीशा गेब नु आं बाक्‍तीकेम फारतीक वा वोइश्‍शा गेब सुइ मबाक्‍नीम।
JER 10:21 गोठलापुकी निप्‍स मपाइश्‍शो बाक्‍नीम। मेकोपुकीमी परमप्रभु यावे कली हिल्‍लो मपाइनीम। मोपतीके मेकोपुकी रिम्‍शो मदुम्‍नीम। मेको आन क्‍यारश भेडा नेल्‍ल ब्राम्‍तेक्‍म। येरमीया २३:१
JER 10:22 रेयके का जाक्‍शो बाक्‍ब। मेको नेनीन। उत्तर रागी रे ठेयब ग्रांग्‍ये माग्‍ये दुम्‍शो बाक्‍ब। मेकोमी यहूदा इन सहरपुकी मुर मबाक्‍तीके सेल्‍ब। मेको सिवार आन बाक्‍तीक दुम्‍नीम। येरमीया १:१४
JER 10:23 परमप्रभु यावे, मुर आन ब्रोंइतीक आंम आन गुइम मबाक्‍ब, गो मेको तुइक्‍नुङ। बेक्‍शा लाइब मुरपुकीम आंम लां आंमा सेल्‍ने मचाप्‍नीम। हितोपदेस १६:९
JER 10:24 परमप्रभु यावे, आं कली रिम्‍शो सेल्‍यीनी। तन्‍न ठीक निसाफ पतीकेम ला रिम्‍शो सेल्‍यीनी। इन गाइक्‍तीकेम ममाइ। मो दुम्‍त हना, गे आं कली साइक्‍नीनी। येरमीया ३०:११; येरमीया ४६:२८; भजन संग्रह ६:२; हबकुक १:१२
JER 10:25 इन कली मतुइक्‍ब रागी रागी ङा मुर नु इन नें थिचा मदाक्‍ब जात जात ङा मुर आन तार इन गाइक्‍तीक मोतीन। मारदे हना मेकोपुकीमी याकूब कली नेक्‍शा दाक्‍शा पशो बाक्‍नीम। मेकोपुकीमी मेको कली थमा पा दाक्‍शो बाक्‍नीम। मिनु मेको आ बाक्‍तीक मुर मबाक्‍तीके सेल्‍शो बाक्‍नीम।
JER 11:1 परमप्रभु यावेम येरमीया कली,
JER 11:2 “गे एको कबल ङा लोव़ नेनो। मिनु यहूदा ङा मुरपुकी नु यरूसलेममी बाक्‍ब आन कली लोव़ पावो।
JER 11:3 गे मेको आन कली ‘इस्राएली आन परमप्रभु यावेम मार देंत देंशा हना, सु सुमी एको कबल मखाप्‍नीमी, मेको सराप राइनीम। ब्‍यवस्‍था २७:२६;
JER 11:4 गो मेको कबल ङा पचा माल्‍शो गेय इन किकी पिपी आन कली श्‍येत जतीक इजीप्‍त रागी रे ग्रुंइची ना अरेशो नङमी। गो मेको आन कली आं अरेशो यो टिने। इन कली अरेशो लोव़ नेल्‍ल पा आं मुर दुम्‍नीनी। मिनु गो इन परमप्रभु दुम्‍नुङ। येरमीया ७:२३
JER 11:5 गो इन किकी पिपी आन कली दूध नु खुदो शुश बाक्‍शो रागी का गेनन्‍नी, दे कसम जशो खाप्‍नुङ। मिनु मेको रागी मुल इन अधिकारम बाक्‍ब’ देनो” देंत। मिनु गो “परमप्रभु यावे, मोदेंशो दुम्‍ल” दे लोव़ लेत्‍ताक्‍ङ। प्रस्‍थान ३:८
JER 11:6 मिनु परमप्रभु यावेम आं कली “यहूदा ङा सहर नेल्‍लेम नु यरूसलेम ङा लां मेर एको कबल ङा लोव़ उरदी पा, मेको कबल ङा लोव़ नेंशा पने।
JER 11:7 गो इन किकी पिपी आन कली इजीप्‍त रे प्रोंइशा चाक्‍गुमी रे मुल सम्‍म ‘आं लोव़ टिने’ दे अरेना अरेन बाक्‍ती। येरमीया २५:४
JER 11:8 तन्‍न मेकोपुकीमी आन नोफा मदाइक्‍तेम। आं देंशो लोव़ मटीमे। मेको आ पा ङा मेकोपुकीमी आन खकटा थुंमी मरिम्‍शो पा काइ मटीमे। गो मेको आन कली आं कबल ङा लोव़ नेल्‍ल पने, दे अरेता। तन्‍न मेको पने मबिस्‍सम” देंत। येरमीया ३:१७; येरमीया ७:२६; येरमीया १३:१०; येरमीया १८:१२; ब्‍यवस्‍था २८:१५-६८
JER 11:9 मिनु परमप्रभु यावेम आं कली “यहूदा ङा मुरपुकी नु यरूसलेममी बाक्‍बपुकीम मरिम्‍शो पचा मिम्‍नीम।
JER 11:10 मेको आन किकी पिपी आन मरिम्‍शो पतीक गे लेश्‍शा लाम्‍तेक्‍म। आं अरेशो मटीम। पाप गे लेश्‍शा लाम्‍तेक्‍म। अरु देवी देवता आन कली पूजा पा, मेको आन नोले खोइक्‍तेक्‍म। गो मेको आन किकी पिपी नु पशो कबल इस्राएल आ खिं ङा मुर नु यहूदा आ खिं ङा मुर नेल्‍लेमी क्‍याम्‍ताक्‍म” देंत।
JER 11:11 मोपतीके परमप्रभु यावेमी “गो थमा पा, मेको आन कली ठेयब श्‍येत गेनुङमी। मिनु मेको रे प्रोक्‍ने मचाप्‍नीम। आं कली पुंइतेक्‍म हना यो, गो मेको आन लोव़ मनेंनुङ। भजन संग्रह १८:४२; यसैया १:१५; इजीकीएल ८:१८
JER 11:12 मिनु नोले यहूदा सहर ङा मुरपुकी नु यरूसलेमम बाक्‍ब मुरपुकीमी लशा, मेको आन पूजा पशो देवी देवता आन कली पुंइनीम। तन्‍न मेकोपुकीमी मेको आन कली आन श्‍येत रे गेनायो मप्रोंइनीम। येरमीया २:२८; ब्‍यवस्‍था ३२:३७-३८
JER 11:13 यहूदा, इ के दोशो सहर बाक्‍मा, मोशो इ देवी देवता दुम्‍तेक्‍म। यरूसलेममी गिश लां बाक्‍मा, मीश मुने दोक्‍तीक बाल देवता कली चढ़ेतीक सेल्‍तेक्‍म।
JER 11:14 येरमीया, गे मेको जात ङा मुर आन पर्बम मपुनो। मेको आन पर्बम ङाक्‍शा प्रार्थना पा मपुनो। मारदे हना मेकोपुकी श्‍येत जामे ना मेको आन पुंइशो मनेंनुङ। येरमीया ७:१६
JER 11:15 आं दाक्‍शो मुरपुकी आं खिं ओव़चा मार अधिकार बाक्‍बा? मेको नेल्‍ल मरिम्‍शो पाइब बाक्‍नीम। आं कली चढ़ेशो श्‍येम इन कली सजाइ गेतीक रे तेक्‍ने चाप्‍बा ङा? मिनु गे ग्‍येरने चाप्‍नीनी” दे परमप्रभु यावेमी देंत। रोमी ११:२८; होसे ८:१३
JER 11:16 परमप्रभु यावेम इन कली रिम्‍शो फल सिप्‍ब दारशो गिगी तेल रवा, दे नें वोइक्‍तु। तन्‍न मेकोम ठेयब फश गिवार पपाइश्‍शा, मेको कली मी सुइक्‍ब। मिनु मेकोम आ राशी आन कली दाक्‍ब।
JER 11:17 मुर नेल्‍ल आन परमप्रभु यावेम इन कली ख्रुम्‍तु। मिनु मेकोमी इन कली मरिम्‍शो पचशो बाक्‍ब। मारदे हना इस्राएल आ खिं ङा मुर नु यहूदा आ खिं ङा मुरुम मरिम्‍शो पाम्‍तेक्‍म। परमप्रभुमी “मेकोपुकीमी बाल देवता कली मार मार चढ़ेशा आं कली गाइक्‍पाइक्‍तीमी” देंत।
JER 11:18 परमप्रभु यावेम आं कली मेको मुरपुकीम मार पचा माल्‍शो बाक्‍मा, मेको कोंइशा तुइक्‍पाइक्‍ती। गे आं कली, आन मरिम्‍शो पचशो कोंइताक्‍यीनी।
JER 11:19 गो साइक्‍चा कली लाइश्‍शो मारेइ पने मचाप्‍ब पाठा का खोदेंशो बाक्‍ती। मेकोपुकीमी आं पर्बम “एको रवा कली आ फल सुन्‍दा तिम्‍य। एको कली ब्रोंइशा बाक्‍ब आन रागी रे क्‍योरशा ताइक्‍तय। मिनु एको आ नें गेनायो ममिम्‍सेक्‍ल” देंशा मरिम्‍शो पशो गो मतुइक्‍तु। यसैया ५३:७
JER 11:20 तन्‍न गे, मुर नेल्‍ल आन परमप्रभु यावे, ठीक पा निसाफ पाइनीनी। मिनु थुं नु सोक्‍त नाक्‍शा कोव़नीनी। गेमी मेको आन कली क्‍येक्‍क लेश्‍शो गो कोव़चा तङल। मारदे हना गो इन कली आं निसाफ पतीक जिम्‍मा गेशो बाक्‍नुङ। भजन संग्रह ७:१०; येरमीया १७:१०; येरमीया २०:१२
JER 11:21 मोपतीके आं कली साइक्‍चा माल्‍ब अनाथोथ ङा मुर आन पर्बम परमप्रभु यावेम “मेको मुरपुकीम इ कली ‘परमप्रभु यावे आ नेंमी लोव़ मपावो। लोव़ पाप्‍तीवी हना, गे आंइ गुइ रे बेक्‍नेवे’ देंनीम। येरमीया १:१
JER 11:22 मोपतीके मुर नेल्‍ल आन परमप्रभु यावेम ‘गो मेको आन कली सजाइ गेनुङमी। मेको आन ठिटा मुरपुकी तरवारम क्‍योरशा साइक्‍चा पुंइसीनीम। मिनु मेको आन तमी तौ चहिं अन्‍कालम बेक्‍नीम।
JER 11:23 मेकोपुकी सुइ मब्रोंइनीम। मारदे हना मेको आन कली सजाइ गेतीक बर्सम गो अनाथोथ ङा मुर आन तार ठेयब श्‍येत चाक्‍नुङ’ ” देंशो बाक्‍ब।
JER 12:1 परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३
JER 12:2 गे मेको आन कली ख्रुम्तीनी। मिनु मेकोपुकीमी शाक्‍श थोक्‍शा, बारशा, फल गेनीम। मेको आन लोव़म ला इन नेक्‍था बाक्‍नीम। तन्‍न मेको आन थुंमी इन क्‍येङा ङोन बाक्‍नीम।
JER 12:3 मो हना यो परमप्रभु यावे, गे आं कली तुइक्‍नीनी। गे आं कली कोव़शा, नाक्‍नीनी। आं थुं गे नु बाक्‍ब। मेको आन कली साइक्‍चा कली लाइश्‍शो भेडा खोदेंशो पा, कीशा लतीन। मिनु साइक्‍तीक नाक्‍त कली तिल्‍शा वोतीन। भजन संग्रह १३९:१
JER 12:4 रागीम गेना सम्‍म रोंका पाइबा? मिनु रू ङा घांस गेना सम्‍म सोल सुल बेक्‍नीमी? मेकेर बाक्‍बपुकीम परमप्रभु यावे आ अरेशो लोव़ मटितीके, मेकेर ङा जन्‍तु नु चिक्‍ब नेल्‍ल बेक्‍तेक्‍म। मोपा मेकोपुकीमी “आंइ कली मार, दुम्‍शो बाक्‍बा, मेकोमी मारेइ मतुइक्‍ब” दें‍नीम। येरमीया ९:९
JER 12:5 परमप्रभु यावेम “गे दोरब मुरपुकी नु दोरते हना, मेकोपुकीमी इ कली दपाइक्‍तेक्‍मी हना, गे शारा नु दोपा दोरने चाप्‍नेवे? गे मारेइ मदुम्‍तीकेमी गोल्‍ते हना, यर्दन खोला ङा ब्‍वाकीम मार पाइनेवे?
JER 12:6 इ लोक्‍बपुकी नु इ खिं ङा मुरपुकीमी इ कली मरिम्‍शो पाम्‍तेक्‍म हना, मेकोपुकी इ पर्बम ठेयब सेंदा पा रेयके पा जाक्‍नीम। मेकोपुकीमी गे नु रिम्‍शो लोव़ पाम्‍तेक्‍म हना यो, मेको आन कली थमा मसुइक्‍मी।
JER 12:7 गो आं खिं प्रोंइता। आं थेरशो रू प्रोंइता। मिनु आं दाक्‍शो कली आ जोरी सत्रु आन गुइमी गेता।
JER 12:8 आ थेरशो रू ब्‍वाकी ङा गुप्‍स खोदेंशो दुम्‍त। मेको आं कली कोव़शा ग्रीब। मोपतीके गो मेको कली काइ मदाक्‍नुङ।
JER 12:9 मार, मेको सिवार आं थेरशो रू तशा गेहे पाइबा ङा? आं ङोंइती छिर छिर पाइश्‍शो सिखारी चिक्‍ब खोदेंशो मदुम ङा? मेको कली अर्को सिखारी चिक्‍बपुकीम पुम्‍शा राम्‍शी तोव़मेक्‍ल। लावो, लशा ब्‍वाकी ङा जन्‍तु नेल्‍ल आन कली पुक्‍मी। मिनु मेको कली ब्‍वपाइक्‍चा कली चाक्‍मी। यसैया ५६:९
JER 12:10 शुश गोठलापुकीम आं अङगुर रू खतम सेल्‍तेक्‍म। मेकोपुकीमी आं भाग दिम्‍शा ताइश्‍शा पाम्‍तेक्‍म। मेकोपुकीमी आं दारशो भाग कली गोरशो रागी खोदेंशो पा मुर मबाक्‍तीक सेल्‍तेक्‍म। येरमीया ६:३
JER 12:11 मेकोपुकीम रागी गोरशो सेल्‍तेक्‍म। मेको रागी कली आं ङोंइती सोव़शो नु सुइ मबाक्‍तीक सेल्‍तेक्‍म। रागी नेल्‍ल गोरशो सेल्‍तेक्‍म। मिनु सुइ आन थुं मखाइ” देंत।
JER 12:12 गोरशो रागी ङा डांडा मेर नेल्‍ल श्‍येत्‍थ पोक्‍बपुकी क्राक्‍थ्री चोक्‍थ्री पा जाक्‍शो बाक्‍नीम। मारदे हना परमप्रभु यावे आ तरवारम रागी आ सुर का रे अर्को सुर सम्‍म क्‍योरब। मिनु सुइ मब्रोंइनीम।
JER 12:13 मेकोपुकीमी चेरब शोक्‍नीम। मिनु चू सिप्‍पाइक्‍नीम। मेकोपुकीमी श्‍येत पा गेय पाइनीम, तन्‍न नेल्‍ल शोर गाक्‍ब। मोपतीके मेको आन ख्रुम्‍शा मुने दोक्‍शो आंमा फाल्‍मेक्‍ल। मारदे हना परमप्रभु यावे आ ठेयब पा गाइश्‍शो इन तार जुक्‍शो बाक्‍ब। होसे ८:७
JER 12:14 परमप्रभु यावेमी आं कली मरिम्‍शो पाइब आं नेक्‍था ङा मुर आन पर्बम “गो आं मुर इस्राएली आन कली गेशो, मेको आन किकी पिपी आन शोंप रोइश्‍शो बाक्‍नीम। मोपतीके गो मेको आन कली आन रागी रे तुल्‍शा ताइक्‍नुङमी। मिनु गो यहूदा आ खिं ङा आ मुर आन कली मेको आन दाते रे तिल्‍नुङमी।
JER 12:15 तन्‍न गो मेको आन कली तुलुमी नोले लेंशा शिशी पाइक्‍नुङमी। मिनु मेको नेल्‍ल आन कली आन आन किकी पिपी आन शोंप गेशा, आन रागीम लेंशा चाक्‍नुङमी।
JER 12:16 मिनु मेकोपुकीमी मोपा बाल आ नेंम कसम जाम्‍तेक्‍म, मोपा आं मुर आन लां थमा पा शेंताक्‍म हना, मेकोपुकीम परमप्रभु यावे ब्रोंइशा बाक्‍शो खोदेंशो पा, आं नेंम कसम जाइनीम। आं मुर आन पतीके रिम्‍शो पा शेंसाक्‍म हना, मेकोपुकी आं मुर आन दातेमी बाक्‍चा ताइनीम। ब्‍यवस्‍था ६:१८; येरमीया ४:२
JER 12:17 तन्‍न तेकोइ जात ङा मुरुम मेको लोव़ मनेंतेक्‍म हना, गो मेको आन कली तुल्‍शा ताइक्‍नुङमी” दे परमप्रभु यावेम देंशो बाक्‍ब।
JER 13:1 परमप्रभु यावेम आं कली “लशा सुती के धोती का ग्यापो। मिनु मेको पांइसो। तन्‍न मेको कली ब्‍वाक्‍कुम जित्‍चा मगेवो” दे माइक्‍ती।
JER 13:2 मोपतीके गो परमप्रभु यावेम देंशो खोदेंशो पा, सुती के धोती का ग्‍याप्‍शा पांइसाक्‍यी।
JER 13:3 मिनु लेंशा परमप्रभु यावेम आं कली
JER 13:4 “बोक्‍को, इ ग्‍याप्‍शा पांइसीशो धोती कुरशा मुल युफ्रेटीस लावो। मिनु सेरथे फुल्‍लु आ आगाम बाक्‍शो जेश्‍शो फुल्‍लुम मेको ख्रुइश्‍शा वोतो” दे माइक्‍ती।
JER 13:5 मोपतीके गो परमप्रभु यावेम देंशो खोदेंशो पा, मेको युफ्रेटीसम ख्रुइश्‍शा वोइक्‍ता।
JER 13:6 मिनु शुश नाक्‍त नोले परमप्रभु यावेम आं कली “बोक्‍को, युफ्रेटीस लावो। मिनु मेकेर गो ङोंइती इ कली ख्रुइश्‍शा वोतो देंशो धोती चाक्‍को” दे माइक्‍ती।
JER 13:7 मिनु गो युफ्रेटीसम लती। मिनु आं ख्रुइश्‍शा वोइक्‍तीक रे मेको धोती दोशा ग्रुंइताक्‍ङ। तन्‍न मेको धोती नेल्‍ल मुक्‍ने थुमा बाक्‍त। मेको थमा पा, शोर गाक्‍शो दुम्‍माक्‍त।
JER 13:8 मिनु परमप्रभु यावेम आं कली मार देंत देंशा हना,
JER 13:9 “ओदेंशो पा गो यहूदा आ ठेयब लेत्‍तीक नु यरूसलेम आ थाम्‍पा ठेयब लेत्‍तीक खतम पोक्‍नुङ।
JER 13:10 मेको मरिम्‍शो पाइब मुरपुकीम आं लोव़ नेंने मबिस्‍सम। मेकोपुकीमी आन खकटा थुंमी आन दला दाक्‍स पतीकेमी अरु देवी देवता आन कली पूजा पचा कली नु मेको आन गेय पचा कली लाम्‍तेक्‍म। मिनु मेकोपुकी एको धोती खोदेंशो दुम्‍नीम। मेको थमा पा शोर गाक्‍शो बाक्‍ब। येरमीया ११:८
JER 13:11 मारदे हना दोपा मुरुम आ धोती रांम पांइसीशो बाक्‍बा, मोपा गो इस्राएल आ खिं ङा मुर नेल्‍ल नु यहूदा आ खिं ङा मुर नेल्‍ल आन कली आं मुर दुम्‍मल, दे आं नेक्‍था वोइक्‍तामी। आं कली मान पामेक्‍ल, आं कली ठेयब सेल्‍मेक्‍ल, आं दारसम ग्‍योम्‍सीमल, दे पांइसाक्‍यी। तन्‍न मेकोपुकीमी आं देंशो लोव़ आन नोफा मदाइक्‍तेम” दे परमप्रभु यावेम देंत।
JER 13:12 परमप्रभु यावे, इस्राएली आन परमप्रभुमी “गर नेल्‍ल अङगुर शांबुम ब्रीचा माल्‍नीम देंशो बाक्‍ब” दे माइक्‍मी। मिनु मेकोपुकीम “गर नेल्‍ल अङगुर शांबुम ब्रीचा माल्‍ब, दे गो मतुइक्‍नीकी ङा?” देंतेक्‍म हना,
JER 13:13 गे मेको आन कली परमप्रभु यावेम इन कली मार देंत देंशा हना “गो एको रागी नेल्‍ल ङा मुर आन कली, दाऊद पिप आ बाक्‍तीकेम बाक्‍ब पिप आन कली, चढ़ेबपुकी, परमप्रभु यावे आ लोव़ पाइबपुकी नु यरूसलेममी बाक्‍ब नेल्‍ल आन कली दुक्‍पाइक्‍नुङमी। येरमीया २५:१५-२८; यसैया ५१:१७
JER 13:14 गो मुर आन कली जिपाइक्‍नुङमी। गो आम आफ नु आन तमी तौ आन दातेमी जिपाइक्‍नुङमी। गो मेको आन कली दाक्‍शा, शिशी पा साइक्‍तीक रे आं थुं मलेत्‍नुङ, दे परमप्रभु यावेम” देंत।
JER 13:15 नोफा दाइश्‍शा नेनीन। ठेयब लेश्‍शो मदुमीन। मारदे हना परमप्रभु यावेम लोव़ पाप्‍तु।
JER 13:16 मिनु “गे परमप्रभु यावे, इन परमप्रभुम छिङछिङ चाक्‍चा क्‍येङा ङोंइती मेको कली ‘ठेयब सेलीन’। नां रिक्‍चा क्‍‍येङा ङोंइती डांडा मेर इन खोइल दाइल पाइक्‍चा क्‍येङा ङोंइती मेको कली ‘परमप्रभु यावे ठेयब बाक्‍ब’ देनीन। गे हाम्‍सो आस पाइनीनी, तन्‍न मेकोमी छिङछिङ सेल्‍शा थम क्‍येर सेल्‍ब।
JER 13:17 तन्‍न गेपुकीम मेको मनेंतीनी हना, गो इन ठेयब लेश्‍शो आ पतीके, गो आं थुंम सुइ आन मतुइक्‍चा ङा पा ङाक्‍नुङ। परमप्रभु यावे आ हुल ग्‍याइश्‍शा लाइक्‍चा पुंइसीतीके गो हुइ हुइ पा ङाक्‍नुङ। मिनु आं मिक्‍च रे प्रेक्‍कु दोक्‍ब। येरमीया ८:२३; येरमीया १४:१७; लूका १९:४१
JER 13:18 पिप नु पिप आ ममा आस कली ‘इन नित्‍तीक रे उइ तोंइ‍सीन। मारदे हना इन पिया रे इन ठेयब दुम्‍तीक सिरपेच दोक्‍ब’ माइक्‍सी” देंत। २राजा २४:१-१६; यसैया ६२:३; बिलाप ५:१६
JER 13:19 नेगेब रागी ङा सहर आन लाप्‍चो चोक्‍सीनीम। मिनु मेको आन कली रोक्‍ब सुइ मबाक्‍नीम। यहूदा ङा मुर नेल्‍ल ग्‍याइश्‍शा लाइक्‍चा पुंइसीशो बाक्‍नीम। मेको आन कली थमा पा ग्‍याइश्‍शा लाइक्‍तेक्‍म।
JER 13:20 ए यरूसलेम, उत्तर रे जाक्‍ब जोरी सत्रु आन कली कोव़ङो। इ कली गेशो बगाल, इ दारशो भेडा ते बाक्‍नीमी?
JER 13:21 गेमी आंम मुर सेल्‍चा कली इ लेम्‍शो मुर आन कली परमप्रभु यावेम इ कली हुकुम पाइब सेल्‍ब। मिनु गे मार, देंनेवे? मार, सुत्‍केरी दुम्‍चशो मीश मुर खोदेंशो पा, इ कली श्‍येत मदुम्‍बा ङा?
JER 13:22 “मिनु गे इ थुंम ‘आं कली मारदे ओदेंशो श्‍येत दुम्‍मे’ देंनेवे। गेमी शुश मरिम्‍शो पतीके इ गुने क्‍युक्‍साक्‍वे। मिनु इ रांमी मरिम्‍शो पाइक्‍चा पुंइसाक्‍वे। यसैया ४७:२-३; इजीकीएल १६:३७
JER 13:23 मार, एथीयोपीयामी आ कुशुल ङा रङ फाइक्‍ने चाप्‍बा ङा? मार, जोइमी आ चां ङा थोप्‍ला फाइक्‍ने चाप्‍बा ङा? गे मरिम्‍शो पचा बानी दुम्‍तीके रिम्‍शो पने मचाप्‍नेवे।
JER 13:24 गो इ कली गोरशो रागी रे जाक्‍शो फशेम योल्‍शो भूस खोदेंशो पा फ्राइ‍नन।
JER 13:25 इ कली वोइश्‍शो आं गेशो भाग मेकोन बाक्‍ब” देंशो बाक्‍ब। परमप्रभु यावेम “गेमी आं कली प्रेंशो बाक्‍नेवे। मिनु जोल आन कली थमा सुइश्‍शो बाक्‍नेवे।
JER 13:26 गो आंमा इ गुने इ शोव़ सम्‍मन क्‍युक्‍नुङ। मिनु मोपा इ मुने नेल्‍ल तांइसीब।
JER 13:27 गो पहाडीम नु रू मेर इ पशो ग्रांग्रा दिशो गेय ताता। इ मुरपुकी नु इप्‍शो, इ रेयके पशो नु इ मुने मपथु, तेल्‍लेम दुम्‍शो तशो बाक्‍नुङ। आबी आबी, यरूसलेम गे ग्रांग्रा दिशो दुम्‍नेवे। गेना सम्‍म मोदेंशो बाक्‍नेवे?” देंत।
JER 14:1 परमप्रभु यावेमी रेउ मयिचा आ पर्बम येरमीया कली मार, लोव़ पाप्‍तु देंशा हना,
JER 14:2 “यहूदा रोंका पाइब। मेको आ सहर ङा ठेयब लाप्‍चोपुकी सक्ति मपाइश्‍शो दुम्‍शो बाक्‍नीम। मेकोपुकी रू आ पर्बम सुर्ता पाइनीम। मिनु यरूसलेम आ वाइ ब्रेश्‍शो सरीङ सम्‍म जाक्‍दीश्‍शो बाक्‍ब।
JER 14:3 मेकेर ङा ठेयब मुरपुकीम आन वाइल आन कली ब्‍वाक्‍कु ब्रथ सोइक्‍नीम। मिनु मेकोपुकी कुवाम लमानु ब्‍वाक्‍कु मथित्‍नीम। मिनु मेकोपुकी श्‍येत्‍थ ग्‍योंब कुरशा लेश्‍शा जाक्‍नीम। मिनु मेकोपुकी मुने दोक्‍शा मारेइ पने मचाप्‍ब दुम्‍शा, आमाइ, दे हिंशा आन पिया सुम्‍सीनीम।
JER 14:4 रागीम रेउ मयितीके रागी नेल्‍ल सोव़शा जेश्‍शो बाक्‍ब। रू ङा गेय पाइबपुकी मारेइ पने मचाप्‍ब दुम्‍शा, आमाइ, दे आन कुल सुम्‍सीनीम। योएल १:११
JER 14:5 घांस मबाक्‍तीके ब्‍वाकी ङा किश्‍शेमी यो आ नक जरमेशो पाठा प्रोंइशा गाक्‍ब।
JER 14:6 ब्‍वाकी ङा गधापुकी गोरशो डांडाम राप्‍शा सिवार खोदेंशो पा ग्रीनीम। गिगी जोतीक ठाउं मबाक्‍तीके मेको आन मिक्‍ची ब्रा ब्रा दुम्‍नीम।
JER 14:7 मिनु आंइ मरिम्‍शो पशोम आंइ पर्बम सांकछी गेम्‍तेक्‍म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्‍शो दुम्‍तक। गोपुकीम इन पर्बम पाप पशो बाक्‍त‍क। दानीएल ९:४-९
JER 14:8 ए इस्राएल आ आस पतीके, श्‍येत जवानु मेको कली प्रोंइब, गे एको रागीम मारदे अर्को रागी ङा मुर खोदेंशो दुम्‍नीनी? गे मारदे नाक्‍दो का ला बाक्‍ब, लां गाक्‍ब मुर खोदेंशो दुम्‍नीनी?
JER 14:9 गे मारदे इन थुं ग्‍येत्‍थ लुक्‍च दुम्‍शा बाक्‍शो मुर खोदेंशो दुम्‍नीनी? मारदे प्रोंइने मचाप्‍ब सक्ति मबाक्‍शो लडाइ पाइब खोदेंशो दुम्‍नीनी? परमप्रभु यावे, गे आंइ दातेम बाक्‍शो बाक्‍नीनी। गो इन नेंमी ब्रेत्‍‍चा पुंइसीशो बाक्‍नीकी। आंइ कली मप्रोनीन” देंनीम। येरमीया १५:१६; यसैया ४३:७
JER 14:10 परमप्रभु यावेमी मेको मुर आन पर्बम “मेकोपुकी थमा पा हिरना हिरन बाक्‍नीम। हेंथे गाक्‍चा दाक्‍नीमी। थमा पा ठीक लां मगाक्‍‍नीम। मोपतीके परमप्रभु यावेम मेको आन कली मब्राइब। मुल मेकोमी आन मरिम्‍शो पशो आ पर्बम मिम्‍ब। मिनु मेको आन कली आन पाप आ पर्बम सजाइ गेब” देंत।
JER 14:11 मिनु परमप्रभु यावेम आं कली “एको जात ङा मुर आन कली रिम्‍शो दुम्‍पाइक्‍चा कली मपुनो। येरमीया ११:१४; येरमीया ७:१६
JER 14:12 मेकोपुकी माइजा बाक्‍तेक्‍म हना यो, गो मेको आन पुंइशो मनेंनुङ। मेकोपुकीमी चोशा चढ़ेतीके, अन्‍न चढ़ेतीके चढ़ेम्‍तेक्‍म हना यो, गो मेको आन कली मब्राइ‍नुङमी। मेको आ पा ङा गो मेको आन कली, तरवार, अन्‍काल नु बेक्‍तीक रोइम साइक्‍नुङमी” दे माइक्‍ती। यसैया ५८:३; येरमीया ६:२०
JER 14:13 मिनु गो “परमप्रभु यावे, कोव़ङीन। इन लोव़ पाइबपुकीम दा मेको आन कली ‘गे तरवारम साइक्‍चा मपुंइसीनीनी। अन्‍काल मपाइनीनी। मिनु शुश नाक्‍ती सम्‍म एको रागीम थुं नाइश्‍शा बाक्‍चा ताइनीनी’ देंशो बाक्‍नीम” देंती।
JER 14:14 मिनु परमप्रभु यावेम आं कली “आं लोव़ पाइबपुकीम दा आं नेंम जोल पा लोव़ पशो बाक्‍नीम। गो मेको आन कली मसोइक्‍तुमी। गो मेको आन कली लोव़ मपङ। मेकोपुकीमी इन कली जोल पा, लिंक्‍यु कोव़शा, फश लोव़ पाइनीम। आन थुं ङा जोल लोव़ पाइनीम। येरमीया २३:२१-२२; येरमीया २७:९,१४,१५; येरमीया २९:८-९; इजीकीएल १३:६
JER 14:15 मोपतीके परमप्रभु यावेम मेको आ लोव़ पाइब आन पर्बम, सुम आ नेंम लोव़ पाइनीमी, मेको आन कली सोइश्‍शो मनङ। मो हना यो मेकोपुकीम ‘तरवार नु अन्‍कालम एको रागी कली मताइब’ देंशो बाक्‍नीम। मुल तरवार नु अन्‍कालमीन जोल पा आं लोव़ पाइबपुकी साइक्‍चा पुंइसीनीम। ब्‍यवस्‍था १८:२०
JER 14:16 मिनु जोल पा आं लोव़ नेंपाइक्‍चा पुंइसीबपुकी चहिं तरवार नु अन्‍कालम पतीके यरूसलेम ङा लां मेर ताइक्‍चा पुंइसीनीम। मेको, मेको आन मीश नु मेको आन तमी तौ आन कली थिम्‍ब सुइ मबाक्‍नीम। मारदे हना गो मेको आन तचा ङा श्‍येत मेको आन तारी मोइक्‍नुङ” दे माइक्‍ती। येरमीया ९:२१
JER 14:17 गे मेको आन कली “आं मिक्‍च रे नाक्‍दो नाक्‍ती प्रेक्‍कु यिशा बाक्‍ल। मारदे हना आं मुर, ग्‍युं‍बे मपशो तमी थाम्‍पा श्‍येत जशो बाक्‍ब। ठेयब गार दुम्‍चा ङा पा मेको तुप्‍चा पुंइसीशो बाक्‍ब। येरमीया१३:१७
JER 14:18 गो मेको रागी लती हना, तरवारम साइक्‍चा पुंइसीशोपुकी ताइक्‍नुङमी। गो मेकेर ङा सहरम ओव़ती हना, मेकेर अन्‍काल पशो मुरपुकी ताइनुङमी। परमप्रभु यावे आ लोव़ पाइबपुकी नु चढ़ेब नेल्‍ल मारेइ मतुइक्‍थु, आन गेय पना पन बाक्‍नीम” दे माइक्‍ती।
JER 14:19 मिनु गो “मार, गे यहूदा कली थमा पा प्रोंइने थुम्‍शो बाक्‍नीनी? मार, गे सियोन कली ग्रांग्रा दिश्‍शो बाक्‍नीनी? गे आंइ कली मारदे मसापाइक्‍चा ङा पा तुप्‍नी? गोपुकी थुं नाइश्‍शा बाक्‍तीक आस पाइतक, तन्‍न मारेइ रिम्‍शो मदुम। सानीकी कों दे आंस पाइतक, तन्‍न हिंतीक कका जाक्‍त। येरमीया ८:१५
JER 14:20 परमप्रभु यावे, गोपुकीम इन अरेशो लोव़ मटिशो नु आंइ किकी पिपी आन मरिम्‍शो पशो शोव़नीकी। गोपुकीम थमा पा इन ङोंइती पाप पशो बाक्‍नीकी। येरमीया ३:२५; भजन संग्रह ५१:५-७; भजन संग्रह १०६:६
JER 14:21 इन नें आ पर्बम आंइ कली शोर गाक्‍शो ममिम्‍तीन। गो इन सक्ति पाइश्‍शो नित्‍तीक कली आइक्‍च मसेल्‍पाइक्‍नीकी। इन पशो कबल मिम्‍तीन। गे मेको मक्‍याम्‍दीन।
JER 14:22 रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।
JER 15:1 मिनु परमप्रभु यावेमी आं कली “मोसा नु सामुएलमी आं ङोंइती जाक्‍शा पुंइ‍ताक्‍स हना यो, आं थुं एको जात ङा मुर आन गे मलेप्‍ब। मेको आन कली आं ङोंइती रे ग्रुंइदीमी। मेको आन कली लचा गेमी। प्रस्‍थान ३२:११; १सामुएल ७:९; इजीकीएल १४:१४
JER 15:2 मिनु मेकोपुकीमी ‘गो ते लाइ‍नीकी?’ दे इ कली हिल्‍लो पाम्‍तेक्‍म हना, गे मेको आन कली परमप्रभु यावेमी ‘बेक्‍तीक रोइ पा बेक्‍चा ब्रेक्‍सीशो बाक्‍तीनी हना, बेक्‍तीक गेन लने। तरवारम साइक्‍चा पुंइसीचा ब्रेक्‍सीशो बाक्‍तीनी हना, तरवार गेन लने। शोव़लुम बेक्‍चा ब्रेक्‍सीशो बाक्‍तीनी हना, शोव़लुमीन बेक्‍कीन। ग्‍याइश्‍शा लाइक्‍चा पुंइसीचा ब्रेक्‍सीशो बाक्‍तीनी हना, ग्‍याइश्‍शा लाइक्‍चा पुंइसीन’ देनो। येरमीया ४३:११; जकरिया ११:९
JER 15:3 गो मेको आन कली ४ ओटा साइक्‍तीक श्‍येत सोइक्‍नुङमी। गो साइक्‍चा कली तरवार, कीशा लाइक्‍चा कली कुचुम, दाक्‍पाइक्‍चा कली नु खतम सेल्‍चा कली सरीङ ङा चिक्‍ब नु रागी ङा जन्‍तु सोइक्‍नुङमी। इजीकीएल १४:२१; येरमीया ७:३३
JER 15:4 यहूदा ङा पिप हिज्‍कीयाह आ तौ मनस्‍सेम यरूसलेममी मार पशो बाक्‍मे, मेको आ पर्बम गो मेको कली खतम पोक्‍नुङ। मिनु मेको तशा रागी ङा राज्‍य नेल्‍लेम ‘आबी, आबी’ दे हिंनीम। २राजा २१:११-१६; २राजा २३:२६
JER 15:5 गे यरूसलेम, सुमी इ कली शिशी पाइबा? इ पर्बम सुम रोंका पाइबा? गे दोदेंशो बाक्‍नी? दे हिल्‍लो पचा कली सु दिक्‍बा?
JER 15:6 गे आं कली प्रोंइशो बाक्‍नेवे। गे नोले शोंइसीन सीन बाक्‍नेवे। मोपतीके गो आं गुइ क्‍युक्‍शा इ कली साइक्‍नुङ। मुल गो आं गाइश्‍शो मतेक्‍नुङ।
JER 15:7 गो मेको आन कली राज्‍य ङा सहर ङा ठेयब लाप्‍चोमी ग्‍योलोम हारशो खोदेंशो हारताक्‍ङ। गो आं मुर आन कली शुश श्‍येत गेशा खतम सेल्‍ता। मारदे हना मेको आन मरिम्‍शो पतीक रे मलेम्‍म। मत्ती ३:१२
JER 15:8 मेको आन वोंइश बेक्‍शो मीश मुरपुकी समुन्‍द्र ङा बाल्‍वा क्‍येङा शुश दुम्‍तेक्‍म। नाक्‍ती उइक्‍थ दुम्‍मेनु, तौ नु आन ममा आन पर्बम साइक्‍ब का चाक्‍नुङ। गो कालेम मेको आन तार सुर्ता पतीक नु ग्रीचोक पा हिंतीके चाक्‍नुङ।
JER 15:9 मिनु ७ जना बेक्‍शो तौ आन ममा थत। नाक्‍ती बाक्‍ना बाक्‍न मेको आ नां लाक्‍तु। मिनु मेको मुने दोक्‍शा शुक्‍शी पाइक्‍चा पुंइसाक्‍व। मेको क्‍येङा यो ब्रोंइशो आन कली आन जोरी सत्रुम तरवारम क्‍योरपाइश्‍शा, साइक्‍पाइक्‍नुङमी” दे परमप्रभु यावेम देंत। आमोस ८:९
JER 15:10 आं ममा, मारदे आं कली जरमेनी। गो आं कली रागी नेल्‍लेम सुइ सुइम जिचा पोक्‍शा, गो नु सुइ मदुइनीम। गो मेको आन कली ना जेर गेशो बाक्‍नुङा, ना मेको आन रे जेर ज‍शो बाक्‍नुङा। मो हना यो मुर नेल्‍लेम आं कली सराप पाइनीम। येरमीया २०:१४
JER 15:11 परमप्रभु यावेम आं कली “थमा पा, गो इ कली रिम्‍शो पा, प्रोंइनन। गो थमा पा श्‍येत नु मरिम्‍शो दुम्‍मेनु इ जोरी सत्रु आन कली, इ गेय पपाइक्‍नुङमी।
JER 15:12 मार, मुरुमी उत्तर ङा फलाम नु कांसा जिक्‍ने चाप्‍बा ङा?
JER 15:13 इन पापम पतीके इन रागी नेल्‍लेम इन शोंप नु इन मारेइ मारेइ गो मोशान रोइश्‍शो मार मार खोदेंशो पा योक्‍शा गेनुङमी। येरमीया १७:३
JER 15:14 गो इन कली आंम इन मतुइश्‍शो रागीम इन जोरी सत्रु आन वाइल सेल्‍नुङ। मारदे हना आं गाइश्‍शोम मी का जेप्‍ब। मेको गेना हना यो ब्रशा बाक्‍ब” दे परमप्रभु यावेमी देंत।
JER 15:15 मिनु गो “परमप्रभु यावे, गे नेल्‍ल तुइश्‍शो बाक्‍नीनी। आं कली मिम्‍तीन। मिनु आं कली कोव़ङीन। आं कली श्‍येत गेब आन कली क्‍येक्‍क लेत्‍तीन। गे मेको आन पर्बम शुश फाल्‍शा बाक्‍नीनी। आं कली मसाइय्‍‍यीनी। गो इन पर्बम शुक्‍शी पाइक्‍चा पुंइसाक्‍यी, गे मेको तुइक्‍नीनी।
JER 15:16 इन लोव़ बाक्‍त हना, गो नोफा दाइश्‍शा नेंता। मेको आं कली ग्‍येरतीक नु आं थुं कली नाइक्‍पाइक्‍ब दुम्‍त। मारदे हना परमप्रभु यावे, मुर नेल्‍ल आन परमप्रभु, गो इन के नङ। ब्‍यवस्‍था ८:३; ब्‍यवस्‍था ३२:४६-४७; इजीकीएल ३:१-३; प्रकाश १०:८-९
JER 15:17 गो दला दाक्‍स पा बाक्‍ब आन हुलम गेनायो मल‍ङ। गो मेकोपुकी नु मग्‍येरसीङ। गो आं कान बाक्‍ती। मारदे हना इन गुइ आं तार बाक्‍त। मिनु गे आं कली गाइक्‍तीकेम प्रिंशो बाक्‍तीनी।
JER 15:18 आं श्‍येत जतीक मारदे मनुम्‍मे? मिनु आं गार मारदे मसाब दुम्‍मे? गे आं कली मरिम्‍शो नु ब्‍वाक्‍कु मबाक्‍शो खोला खोदेंशो दुम्‍तीनी” देंती।
JER 15:19 मोपतीके परमप्रभु यावेम “गे थमा पा लेत्‍ते हना, गो इ कली लेंशा ब्राइनुङ। गे आं ङोंइती रपो। रिम्‍शो लोव़ ला पाप्‍तीवी हना नु फश लोव़ मपाप्‍तीवी हना, गे आं लोव़ पाइब दुम्‍नेवे। मिनु एको मुरपुकी इ गे लेत्‍नीम। तन्‍न गे मेको आन गे मलेतो।
JER 15:20 गो इ कली, एको मुर आन ङोंइती कांसा के बोल्‍यो गारो सेल्‍नन। मेकोपुकीमी इ कली लडाइ तोइनीम। तन्‍न इ क्‍येङा मग्रानीम। मारदे हना गो इ कली प्रोंइचा कली नु वारच पाइक्‍चा कली गे नु बाक्‍नुङ। येरमीया १:१८-१९
JER 15:21 गो इ कली आं अरेशो मटीब आन गुइ रे प्रोंइनन। मिनु शिशी मपाइक्‍ब आन गुइ रे यो प्रोंइनन” दे परमप्रभु यावेमी देंत।
JER 16:1 मिनु परमप्रभु यावेमी आं कली मार देंत देंशा हना
JER 16:2 “गेमी एको रागीम ग्‍युंबे पचा नु तमी तौ थिचा मदुम्‍नेवे” देंत।
JER 16:3 मारदे हना एको रागीम जरमेशो तमी तौपुकी नु आन आंम आफ आन पर्बम परमप्रभु यावेम
JER 16:4 “मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१
JER 16:5 मारदे हना परमप्रभु यावेम “गे मुर बेक्‍शो खिंमी रोंका पथ नु रोंका पाइब आन कली लेम्‍थ मलावो। मारदे हना गो मेको जात ङा मुर रे थुं नाइक्‍तीक, गेना हना यो दाक्‍तीके नु शिशी पतीके लाइक्‍ने थुम्‍ता।
JER 16:6 एको रागीम आइक्‍च नु ठेयब नेल्‍ल बेक्‍नीम। मेको आन कली सुइम मथिम्‍नीम। मेको आन पर्बम सुइम रोंका मपाइनीम। आंम रां रिक्‍सीब नु चां प्रेक्‍ब सुइ मबाक्‍नीम। येरमीया ४१:५; येरमीया ४७:५; येरमीया ४८:३७८; लेवी १९:२७-२८; ब्‍यवस्‍था १४:१
JER 16:7 मिनु बेक्‍ब आन पर्बम रोंका पाइब नु आम आफ आस कली लेम्‍चा कली सुइम तूचा थोव़क मगेनीम।
JER 16:8 गे भोज पशो खिंम मओव़ङो। मिनु मेकोपुकी नु जचा तूचा कली मनिस्‍सो।
JER 16:9 मारदे हना मुर नेल्‍ल आन परमप्रभु यावे, इस्राएली आन परमप्रभुमी ‘गो एको रागी रे इन पालाम, इन ङोंइती रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आस सेंदा क्‍याम्‍नुङ’। येरमीया ७:३४
JER 16:10 मिनु गे एको मुर आन कली एको लोव़ नेल्‍ल देंनेनु, मेकोपुकीमी इ कली ‘मारदे परमप्रभु यावेम आंइ कली ओदेंशो ठेयब मरिम्‍शो दुम्‍तीक देंमे? आंइ मरिम्‍शो पशो मार बाक्‍बा? गो परमप्रभु यावे, आंइ परमप्रभु कली मार पाप पका ङा?’ देंनीम। येरमीया ५:१९
JER 16:11 मिनु गे मेको आन कली ‘इन किकी पिपीमी आं कली प्रोंइशा, देवी देवता आन नोले खोइश्‍शा, मेको आन कली पूजा पा ठेयब सेल्‍तेक्‍म। मोपा आं कली प्रोंइशा आं अरेशो मपामे।
JER 16:12 गेपुकीमी इन किकी पिपी आन क्‍येङा शुश मरिम्‍शो पाइतीनी। नेनीन, गे एकेर बाक्‍ब नेल्‍लेमी इन खकटा थुंमी इन दला दाक्‍स पाइनीनी। मिनु गे आं लोव़ नेंचा मदाक्‍नीनी। येरमीया ७:२६
JER 16:13 मोपतीके गो इन कली इन मतुइश्‍शो रागी नु इन किकी पिपी आन मतुइश्‍शो रागीम ताइक्‍नन्‍नी। मिनु गेपुकीम मेकेर नाक्‍दो नाक्‍ती देवी देवता आन कली पूजा पाइनीनी। मारदे हना गो इन कली शिशी मपाइ‍नुङ’ देनो” दे परमप्रभुमी आं कली देंत। ब्‍यवस्‍था २८:६४
JER 16:14 मिनु परमप्रभु यावेमी “परमप्रभु यावे ब्रोंइशा बाक्‍शो नु मुर आन कली इजीप्‍त रागी रे ग्रुंइशा एक चाक्‍शो खोदेंशो पा मदेंतीक नाक्‍ती थमा पा जाक्‍नीम।
JER 16:15 तन्‍न मार देंनीम देंशा हना, मेकोपुकीमी ‘परमप्रभु यावे ब्रोंइशा बाक्‍शो नु इस्राएली आन कली उत्तर ङा रागी नु तेको तेको रागी रे चाक्‍शो खोदेंशो पा’ देंनीम। मारदे हना गो मेको आन कली आन किकी पिपी आन कली गेशो रागीम चाक्‍नुङमी। येरमीया २३:७-८
JER 16:16 मुल गो शुश ग्‍याइल आप्‍ब आन कली ब्रेश्‍शा सोइक्‍नुङमी। मिनु मेकोपुकीमी मेको आन कली ग्‍याइक्‍नीम। नोले गो लेंशा शुश सिखारी आन कली ब्रेश्‍शा सोइक्‍नुङमी। मिनु मेकोपुकीमी, मेको आन कली तेकोइ डांडा नु तेकोइ पहाड नु सेरथे फुल्‍लु ङा का‍क्‍पे रे माल्‍शा ग्रुंइनीम।
JER 16:17 मारदे हना गो मेको आन लां नेल्‍ल तुइक्‍नुङ। मेको आं ङोंइती मख्रुइश्‍शो बाक्‍नीम। मेको आन मरिम्‍शो पशो यो आं ङोंइती मख्रुइश्‍शो बाक्‍ब। अय्‍युब ३४:२१
JER 16:18 गो मेको आन मरिम्‍शो पशो नु आन पाप आ पर्बम मेको आन कली निक्‍शी खेयप सजाइ गेनुङमी। मारदे हना मेकोपुकीमी सोक्‍ती मपाइश्‍शो मूर्तिपुकीम आं रागी ग्रांग्रा दिशो सेल्‍तेक्‍म। मिनु आं थेरशो रू आन ग्रांग्रा दिशो देवी देवताम प्रिंताक्‍म” देंत। यसैया ४०:२
JER 16:19 मिनु मेकोपुकीमी “परमप्रभु यावे, गे आं सक्ति नु आं ख्रुइश्‍शा, ब्रोंइशा बाक्‍तीक बाक्‍नीनी। गे श्‍येत जची ना आं ख्रुइक्‍तीके बाक्‍नीनी। रागी रागी ङा मुर रागी ङा सुर रे इन ङोंइती जाक्‍नीम। मिनु मेकोपुकीमी ‘आंइ किकी पिपी आन देवी देवता जोल ला बाक्‍तेक्‍म। मेको शोर गाक्‍शो बाक्‍तेक्‍म। भजन संग्रह ३६:७
JER 16:20 मार, बेक्‍शा लाइब मुरपुकीम आंम देवी देवता सेल्‍ने चाप्‍नीमी ङा? तन्‍न मेकोपुकी देवी देवता मनम’ देंनीम।
JER 16:21 मोपतीके गो मेको आन कली थमा पा रुप्‍पाइक्‍नुङमी। गो मेको आन कली आं सक्ति नु आं ठेयब दुम्‍तीके आ पर्बम शेंनुङमी। मिनु मेकोपुकीमी आं नें यावे बाक्‍ब, दे तुइक्‍नीम” दे परमप्रभु यावेमी देंत। प्रस्‍थान ३:१२
JER 17:1 परमप्रभु यावेमी “यहूदा आ पाप फलाम के मुतीकेम मुशा ब्रेक्‍शो बाक्‍ब। मेको हीरा पाइश्‍शो मुतीकेमी आन थुं नु आन चढ़ेतीक ङा ग्रोव़पुकीम मुशा ब्रेक्‍शो बाक्‍ब। २राजा २३:४-१८
JER 17:2 मेको आन आलपुकीमी यो आन चढ़ेतीक नु आन मूर्ति पाइश्‍शो थाम आन कली मिम्‍नीम। मेको नेल्‍ल गिगी रवा आन पुंम नु लाइश्‍शो पहाड तार बाक्‍तेक्‍म।
JER 17:3 मेको डांडा तार नु रूम बाक्‍तेक्‍म। मिनु इन रागी ङा शोंप नु इन रिम्‍शो मारेइ मारेइ थोव़क नेल्‍ल इन पाप पतीकेम रोइक्‍पाइक्‍नुङ। येरमीया १५:१३
JER 17:4 इन पाप पतीकेम गो इन कली गेशो, इन थेरशो रू साम्‍नीनी। मिनु गो इन कली इन मतुइश्‍शो रागीम इन जोरी सत्रु आन वाइल दुम्‍पाइक्‍नन्‍नी। मारदे हना आं गाइक्‍तीके मी ब्रशो खोदेंशो बाक्‍ब। मिनु मेको गेना हना यो ब्रस ङा ब्रस बाक्‍ब” देंत।
JER 17:5 परमप्रभु यावेम मार देंत देंशा हना “सु सुमी मुर आन कली थमा सुइक्‍नीमी, मेको सराप राइनीम। आन रां ङा सक्तिम थमा सुइक्‍ब यो सराप राइनीम। मारदे हना मेको आन थुं परमप्रभु यावे रे ङोन लशो बाक्‍ब। भजन संग्रह ११८:८; भजन संग्रह १४६:३; २इतिहास ३२:८
JER 17:6 मेको गोरशो रागी ङा पोथ्रा रवा खोदेंशो बाक्‍‍नीम। मेकोमी रिम्‍शो दुम्‍मेनु यो, मारेइ मताइनीम। मेको मुर मबाक्‍तीक रागी ङा नेल्‍ल क्‍येङा सोव़शो खपीम नु हिक्‍सी बाक्‍शो रागीम बाक्नीम। येरमीया ४८:६
JER 17:7 परमप्रभु यावे कली थमा सुइक्‍ब मुर आसीक रशो बाक्‍नीम। मेकोपुकीम परमप्रभु यावे कली आस पशो बाक्‍नीम। बजन संग्रह १४६:५
JER 17:8 मेको ब्‍वाक्‍कु आ नेक्‍था ख्रुम्‍शो रवा खोदेंशो बाक्‍‍नीम। मेकोमी आन शाक्‍श खोला आ सुर सम्‍म चाक्‍दीत्‍नीम। मेको हुप्‍तानु, महिंनीम। मेको आन सफापुकी गेना हना यो गिगी बाक्‍नीम। नां पवानु मेको मारेइ सुर्ता मपाइनीम। मेको गेना हना यो फल सिप्‍ब बाक्‍नीम” देंत। भजन संग्रह १:३
JER 17:9 मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६
JER 17:10 गो, परमप्रभु यावेमी मुर आन कली नाक्‍नुङ। आन थुंम मार बाक्‍मे, मेको कोव़नुङ। आन गाक्‍शो लां नु आन पशो कोव़शा, इनाम गेनुङमी।
JER 17:11 मुर, आंम आ मपशो ब्‍वोफु पुप्‍ब क्‍येन्‍रे खोदेंशो बाक्‍ब। मेकोमी हेंथे पा शोंप चेम्‍ब। मेको आ ब्रोंइतीक नाक्‍ती उइक्‍थ दुम्‍मेनु, मेको आ शोंपोम मेको मुर कली प्रोंइब। मिनु आ बेक्‍ची ना मेको कली मूर्ख मिम्‍सीब। लूका १२:२०
JER 17:12 ङोंइती रे मान तशा बाक्‍शो इन सक्ति पाइश्‍शो नित्‍तीके आंइ ब्रोंइशा बाक्‍तीक बाक्‍ब। येरमीया ३:१७
JER 17:13 गे इस्राएली आन आस पशो परमप्रभु यावे, इन कली प्रोंइब नेल्‍ल मुने दोक्‍नीम। इन कली प्रोंइशा गाक्‍ब मुर नेल्‍ल फुरकुम नें ब्रेक्‍शो खोदेंशो ला बाक्‍नीम। मारदे हना मेकोपुकीमी गेना हना यो ब्रोंइचा गेब ब्‍वाक्‍कु, परमप्रभु यावे कली प्रोंइशो बाक्‍नीम। येरमीया २:१३
JER 17:14 मिनु गो “परमप्रभु यावे आं कली सापाइय्‍यीनी। मिनु गो सानुङ। आं कली प्रोंइयीनी। मिनु गो ब्रोंइनुङ। मारदे हना गे आं सक्ति बाक्‍नीनी। प्रस्‍थान १५:२६; बजन संग्रह ६:३
JER 17:15 मेकोपुकीमी आं कली ‘परमप्रभु यावे आ लोव़ ते बाक्‍म? मुल मेको नेल्‍ल गाप्‍ल’ देंतेक्‍म। बजन संग्रह ५:१९
JER 17:16 तन्‍न गो इन गोठला दुम्‍तीक रे मप्रोक्‍ङ। गे तुइक्‍नीनी। गो नोले ङा नाक्‍ती सुर्ता पचा ममाल्‍नुङ, दे मिम्‍शो बाक्‍नुङ। गो मार देंङा, मेको इन ङोंइती बाक्‍ब।
JER 17:17 गे आं कली हिंपाइक्‍ब मदुमीन। गो खतम दुम्‍‍चा ङा नाक्‍ती गेन आं ख्रुंइसीतीके बाक्‍‍नीनी।
JER 17:18 आं कली खेदा पाइब आन कली मुने तोक्‍कीन। तन्‍न आं कली चहिं मुने मतोक्‍यीनी। मेकोपुकी हिंमल। तन्‍न आं कली चहिं हिंतीक रे प्रोंइ‍यीनी। मेको आन ठेयब श्‍येत ङा नाक्‍त चाक्‍कीन। मेको आन कली निक्‍शी खेयप ङा श्‍येतम सतीन” देंती। बजन संग्रह ३५:४
JER 17:19 परमप्रभु यावेम आं कली “गे मुर आन ओव़तीक ठेयब लाप्‍चो आ नेक्‍था रपो। मेको लाप्‍चो रे यहूदा ङा पिप लाङगा खिंङगा पाइब। यरूसलेम ङा गारो ङा लाप्‍चो नेल्‍ल आन ङोंइती लशा रपो। नेहेम्‍याह १३:१५-२२
JER 17:20 मिनु मेको आन कली ‘एको ठेयब लाप्‍चो रे पा आगा ओव़ब यहूदा ङा पिप, मेकेर ङा मुर नेल्‍ल नु यरूसलेममी बाक्‍ब मुर नेल्‍ल परमप्रभु यावे आ लोव़ नेनीन’ देनो” देंत।
JER 17:21 परमप्रभु यावेमी “गेपुकी होस पा बाक्‍कीन। मिनु गे नाइक्‍तीक नाक्‍त ठेयब लाप्‍चो आगाम मारेइ भारी मकुरीन। यरूसलेम ङा गारो ङा ठेयब लाप्‍चो रे पा आगा मारेइ मओंइदीन। प्रस्‍थान २०:८-१०
JER 17:22 ‘गेपुकी नाइक्‍तीक नाक्‍ती इन खिं रे भारी मकुरीन। मेको नाक्‍ती मारेइ गेय मपने। गो इन किकी पिपी आन कली शेंशो खोदेंशो पा नाइक्‍तीक नाक्‍त कली अरु नाक्‍ती खोदेंशो मपने। मारदे हना मेको आं नाक्‍त बाक्‍ब’ देंती। यसैया ५६:२
JER 17:23 तन्‍न मेकोपुकीमी मनेनेम। आन नोफा मदाइक्‍तेम। मिनु मेको आन थुं खकटा दुम्‍तीके मटीमे नु शेंशो नेंने मबिस्‍सम। येरमीया ११:८
JER 17:24 तन्‍न गेपुकीम आं लोव़ नेंतीनी हना, नाइक्‍तीक नाक्‍ती सहर नु ठेयब लाप्‍चो रे मारेइ भारी आगा मओंइताक्‍नी हना नु नाइक्‍तीक नाक्‍त आं नाक्‍त मिम्‍शा, मारेइ गेय मपाइतीनी हना,
JER 17:25 दाऊद आ नित्‍तीकेम निप्‍ब पिप, आन गेय पाइब मुरपुकी एको सहर ङा ठेयब लाप्‍चो रे शाराम कीशो बग्‍गीम ङोइश्‍शा ओव़नीम। यहूदा ङा मुर नु यरूसलेममी बाक्‍ब जाक्‍नीम। मिनु एको सहरमी गेना हना यो मुर शुश बाक्‍नीम। येरमीया २२:४
JER 17:26 मिनु यहूदा ङा सहर रे नु यरूसलेम आ एर ओंथ ङा गाउं रे, बेन्‍यामीन आ रागी रे, शेफेलाह ङा दिंम रे, पहाड रे नु नेगेब रे चोशा चढ़ेतीके, क्‍योरशा चढ़ेतीके, अन्‍न चढ़ेतीके, धूप चढ़ेतीक नु ‘गे रिम्‍शो पाइब बाक्‍नीनी’ दे चढ़ेतीके चाक्‍शा, परमप्रभु यावे आ खिंम जाक्‍नीम।
JER 17:27 तन्‍न गेपुकीम आं लोव़ मनेंतीनी हना, नाइक्‍तीक नाक्‍ती आं नाक्‍त बाक्‍ब, दे ममिम्‍ताक्‍नी हना नु नाइक्‍तीक नाक्‍त भारी कुरशा यरूसलेम ङा ठेयब लाप्‍चो आगा ओव़तीनी हना, आं देंशो मबिस्‍साक्‍नी हना, गो यरूसलेम ङा ठेयब लाप्‍चोमी गेनायो मकाप्‍ब मी जेत्‍नुङ। मिनु मेकोमी यरूसलेम ङा दरवार दाक्‍ब” दे परमप्रभु यावेमी देंत। इजीकीएल २०:१२-१३
JER 18:1 परमप्रभु यावेमी आं कली मार लोव़ पाप्‍तु देंशा हना
JER 18:2 मेकोमी “उइ खप के ग्‍योंब सेल्‍ब आ खिं लावो। मिनु गो इ कली आं लोव़ नेंपाइक्‍नुङ” देंत।
JER 18:3 मोपतीके गो उइ खप के ग्‍योंब सेल्‍ब आ खिं लती। मिनु मेकेर मेकोमी आ गुगील हिरशा गेय पाप्‍तु।
JER 18:4 मिनु मेको आ सेल्‍शो खप के ग्‍योंब आ गुइम वारसाक्‍व। मिनु मेकोमी मेको खप के आ दाक्‍शो अर्को ग्‍योंब का सेल्‍तु।
JER 18:5 मिनु परमप्रभु यावेमी आं कली
JER 18:6 “इस्राएल आ खिं ङा मुर, एको खप के ग्‍योंब सेल्‍बमी खोदेंशो पा गो इन कली पाइक्‍ने मचाप्‍नुङा ङा? इस्राएल आ खिं ङा मुर, मेको खप के ग्‍योंब सेल्‍ब आ गुइम खप बाक्‍शो खोदेंशो पा, गे यो आं गुइम खप खोदेंशो बाक्‍नीनी। यसैया ४५:९; रोमी ९:२१
JER 18:7 गो याम कामीन तेकोइ रागी, तेकोइ राज्‍य आन कली तुल्‍शा ताइश्‍शा, जिक्‍शा खतम सेल्‍नुङ। गो मेको पने चाप्‍नुङ। येरमीया १:१०
JER 18:8 तन्‍न मेको आ देंशो रागी ङा मुर आन मरिम्‍शो पतीक रे आं गे लेत्‍तेक्‍म हना, गो आं मिम्‍शो मेको आन कली ठेयब श्‍येत गेतीक रे फाइक्‍नुङ। श्‍येत मगेनुङमी। येरमीया २६:३; इजीकीएल ३३:११; जोना ३:१०
JER 18:9 मिनु अर्को याम काम गो तेकोइ रागी, तेकोइ राज्‍य आन कली सेल्‍शा वोइक्‍ने चाप्‍नुङ।
JER 18:10 तन्‍न मेकोपुकीम आं लोव़ मनेंथु, आं ङोंइती मरिम्‍शो पाम्‍तेक्‍म हना, गो मेको आन कली रिम्‍शो मसेल्‍नुङमी।
JER 18:11 मोपतीके गे यहूदा ङा मुर आन कली नु यरूसलेममी बाक्‍ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्‍शो पाइ‍नुङ। गो इन कली श्‍येत गे‍नुङ। मोपतीके गे इन मरिम्‍शो लां रे लेतीन। मिनु इन लां नु इन पतीके रिम्‍शो सेलीन’ देंनो। येरमीया ७:३
JER 18:12 तन्‍न मेकोपुकीमी ‘मो पचा मोशा बाक्‍ब। गो आंइ मिम्‍शो पाइनीकी। गो आंइ थुं खकटा सेल्‍नीकी, दे लोव़ लेत्‍ताक्‍म’ देंनीम” देंत। येरमीया ६:६; येरमीया ११:८
JER 18:13 मोपतीके परमप्रभु यावेम “रागी रागी ङा मुर आन दातेम लशा हिल्‍लो पावो। ओदेंशो लोव़ सुम नेंशो बाक्‍नीमी? ग्‍युंबे मपशो मीश आल इस्राएलम थम ग्रांग्रा दिशो गेय पशो बाक्‍ब।
JER 18:14 मार, लेबानोन ङा फुं सिरीयोन रोंगु आ काक्‍पे रे जाम्‍बा?। मार, आ बुक्‍तीके पहाड रे ग्रूशा यिशो खोला ङा शाइश्‍शो ब्‍वाक्‍कु सोव़बा ङा?।
JER 18:15 तन्‍न आं मुरपुकीम आं कली प्रेंताक्‍म। मेकोपुकीमी शोर गाक्‍शो मूर्ति आन कली चोशा चढ़ेम्‍तेक्‍म। मेको माइत लांम दाइल पपांइसाक्‍म। मिनु मेकोपुकी मेको माइत ठेयब लां प्रोंइ‍शा, आइक्‍च लां मेर गाक्‍तेक्‍म।
JER 18:16 मेकोपुकीम आन रागी हिंचा ङा सेल्‍तेक्‍म। मिनु मेको रागी गेना हना यो शुक्‍शी पतीक दुम्‍त। मेकेर रे सु सु गाक्‍मा मेको ग्रीचोक पा हिंनीम। मिनु ‘आबी, आबी’ देंनीम। येरमीया १९:८
JER 18:17 गो मेको आन कली पूर्ब ङा फशेम खोदेंशो पा आन जोरी सत्रु आन ङोंइती एर ओंथ ब्रपाइक्‍नुङमी। मेको आन हिंचा ङा नाक्‍ती गो मेको आन कली आं ची कोंइनुङमी। आं कुल मकोंइनुङमी” देंत। येरमीया २:२७
JER 18:18 मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।
JER 18:19 मिनु येरमीयामी “परमप्रभु यावे आं लोव़ नेनीन। आं कली दोस गेबपुकीम मार देंनीमी, मेको नेनीन।
JER 18:20 मार, रिम्‍शो आ पा ङा मरिम्‍शो पांइसीबा ङा? मो हना यो आं कली खाल्‍टा दोशो बाक्‍तेक्‍म। गो मेको आन पर्बम पुंइना पुंइन बाक्‍ती, मेको मिम्‍तीन। मेको आन कली वारच पचा कली नु इन गाइश्‍शो तेक्‍चा कली पुंइता।
JER 18:21 मोपतीके मेको आन आल आन कली अन्‍काल पपतीन। मेको आन कली तरवारम साइक्‍पतीन। मेको आन मीश आल मबाक्‍शो नु आन वोंइश बेक्‍शो मीश मुर दुम्‍मल। मेको आन वोंइश मुर बेक्‍तीक रोइम बेक्‍मल। मेको आन ठिटा वोंइश मुरपुकी लडाइम तरवारम साइक्‍चा पुंइसमल।
JER 18:22 गेमी मेको आन कली आन मतुइक्‍थु साइक्‍ब चाक्‍नीनु, मेको आन खिं रे ङाक्‍शो ब्रेश्‍शो नेंसेक्‍ल। मारदे हना मेकोपुकीमी आं कली ग्‍याइक्‍चा कली खाल्‍टा दोशो बाक्‍तेक्‍म। मिनु आं खोइल फ्रिम्‍चा कली ख्रुइश्‍शा ब्‍वारद दाइश्‍शो बाक्‍तेक्‍म।
JER 18:23 मिनु परमप्रभु यावे, आं कली साइक्‍चा माल्‍शो नु मरिम्‍शो पाइब नेल्‍ल आन कली तुइक्‍ताक्‍नी। मेको आन मरिम्‍शो पशो माफ मगेने। इन ङोंइती रे मेको आन पाप मतिलीन। मेको इन ङोंइती दाइल पांइसीमल। गे गाइक्‍तीनीनु, मेको आन कली मार पचा माल्‍बा, मेको पने” देंत। मत्ती ६:१५
JER 19:1 परमप्रभु यावेमी “लशा खप के ग्‍योंब सेल्‍ब रे ब्‍वाक्‍कु कुर पतीक ग्‍योंब का ग्यापो। मिनु का निक्‍शी मुर आन दाते ङा खाल्‍पा नु का निक्‍शी चढ़ेब आन कली लाइक्‍मी।
JER 19:2 मिनु गे हिन्‍नोम आ तौ आ बेंसीम बाक्‍शो गम्‍टे लाप्‍चोम लावो। गो इ कली मार शेंदु, मेको लोव़ मेकेर ठेयब सेंदा पा नेंपाइक्‍मी। येरमीया ७:३१
JER 19:3 यहूदा ङा पिप नु यरूसलेमम बाक्‍ब मुरपुकी परमप्रभु यावे आ लोव़ नेनीन। मुर नेल्‍ल आन परमप्रभु यावे, इस्राएली आन परमप्रभुमी ‘आं लोव़ नेनीन। गो एको रागीम थम मरिम्‍शो दुम्‍पाइक्‍नुङ’ मेको आ पर्बम लोव़ नेंब नेल्‍ल आन नोफा दाइक्‍नीम। २राजा २१:१२
JER 19:4 मेको मुरपुकीमी आं कली प्रोंइतीमी। मिनु एकेर अर्को रागी ङा देवी देवता आन कली चढ़ेशा, एको रागी ग्रांग्रा दिशो सेल्‍तेक्‍म। मेको देवी देवता आन किकी पिपी नु यहूदा ङा पिपम यो मतुइश्‍शो बाक्‍तेक्‍म। मिनु मेकोपुकीम रागी कली दोस मताइब आन हुशेम प्रिंताक्‍म।
JER 19:5 मेकोपुकीमी आंम आल आन कली बाल देवता कली मीम चोशा चढ़ेचा कली डांडाम थान सेल्‍ना सेल्‍न बाक्‍तेक्‍म। मेको मो पन, दे गो मअरेङमी। गो मेको मशेंदुमी। मोदेंशो गेनायो ममिम्‍तु। येरमीया ७:३१-३३; लेवी १८:२१
JER 19:6 मोपतीके होस पा बाक्‍कीन। मेको बेंसी कली तोफेथ नु हिन्‍नोम आ तौ आ बेंसी, दे वोइश्‍शो नें प्रोंइनीम। मेको शुश नाक्‍त रिम्‍चा ममाल्‍नीनी। तन्‍न मेको कली मुर साइक्‍तीक बेंसी, दे नें वोइक्‍नीम। येरमीया ७:३२
JER 19:7 गो एको रागीमी यहूदा नु यरूसलेम आस मिम्‍शो मदुम्‍पाइक्‍नुङ। गो मेको आन कली आन जोरी सत्रु आन ङोंइती तरवारम साइक्‍पाइक्‍नुङमी। सु सुम मेको आन कली साइक्‍चा दाक्‍नीमी, मेको आन गुइम गेनुङमी। आन बेक्‍शो रां चहिं सरीङ ङा चिक्‍ब नु रागीम बाक्‍ब ब्‍वाकी ङा जन्‍तु आन कली ब्‍वचा गेनुङमी।
JER 19:8 मिनु गो मेको सहर कली हिंचा ङा सेल्‍नुङ। मिनु मेको सहर गेना हना यो शुक्‍शी पतीक दुम्‍ब। मेकेर रे सु सु गाक्‍मा, मेको ग्रीचोक पा हिंनीम। मिनु आ खतम दुम्‍तीके आ पर्बम आबी, आबी देंनीम। येरमीया १८:१६
JER 19:9 मेको आन कली आन तमी तौ आन श्‍ये ब्‍वपाइक्‍नुङमी। सहर पुम्‍तीके मुर नेल्‍ल आन नेक्‍था ङा मुर आन श्‍ये ब्‍‍वाइनीम। आन जोरी सत्रु नु मेको आन कली साइक्‍चा माल्‍ब आन गेशो श्‍येतम मोदेंशो पाइनीम। लेवी २६:२९; ब्‍यवस्‍था २८:५३
JER 19:10 मिनु नोले गे मेको ब्‍वाक्‍कु कुर पतीक खप के ग्‍योंब, गे नु लाइब आन ङोंइती प्रोलो।
JER 19:11 मिनु गे मेको आन कली मुर नेल्‍ल आन परमप्रभु यावेमी ‘दोपा खप के ग्‍योंब सेल्‍ब आ ग्‍योंब गेनायो मबोंइसीचा ङा पा ब्रोल्‍मे, मोपा गो मेको मुर आन कली नु एको सहर आन कली प्रोल्‍नुङ। तोफेथमी मुर थिम्‍तीक मनुम्‍म सम्‍म बेक्‍शो मुर थिम्‍नीम। यसैया ३०:१२-१४; येरमीया ७:३२
JER 19:12 गो एको सहर नु एकेर बाक्‍ब मुर आन कली मो पाइक्‍नुङमी। गो एको सहर कली तोफेथ खोदेंशो सेल्‍नुङ।
JER 19:13 यरूसलेम ङा खिंपुकी नु यहूदा ङा पिप आन खिंपुकी तोफेथ खोदेंशो पा ग्रांग्रा दिचा ङा दुम्‍नीम। तेको तेको खिं तारी सरीङ ङा नां, तास्‍ला नु सोरुल आन कली चढ़ेशा, अरु देवी देवता आन कली तूचा थोव़क चढ़ेमे, मेको खिं नेल्‍ल ग्रांग्रा दिचा ङा दुम्‍नीम’ देनो” दे परमप्रभु यावेमी देंत। येरमीया ३२:२९; २राजा २३:१२; सेफन्‍याह १:३
JER 19:14 मिनु परमप्रभु यावेमी येरमीया कली लोव़ पथ, तोफेथ सोइक्‍ताक्‍व। मिनु येरमीया मेकेर रे जाक्‍शा, परमप्रभु यावे आ खिं ङा लाङगाम बाक्‍शा, मुर नेल्‍ल आन कली
JER 19:15 मुर नेल्‍ल आन परमप्रभु यावे, इस्राएली आन परमप्रभुमी मार देंत देंशा हना “गो एको सहर नु आ नेक्‍था ङा सहर ङा मुर नेल्‍ल आन कली आं ङोंइती देंशो ठेयब श्‍येत जपाइक्‍नुङमी। मारदे हना मेको आन थुं खकटा बाक्‍ब। मिनु आं लोव़ नेंचा मदाक्‍नीम” दे माइक्‍तीमी।
JER 20:1 मिनु इम्‍मेर आ तौ चढ़ेब पश्‍हुर परमप्रभु यावे आ खिंम गेय पाइब आन ठेयब मुर बाक्‍त। मेकोमी येरमीया आ लोव़ पशो नेंतु।
JER 20:2 मिनु पश्‍हुरमी परमप्रभु यावे आ लोव़ पाइब येरमीया कली तुप्‍‍तु। मिनु परमप्रभु यावे आ खिंम बाक्‍शो बेन्‍यामीन आ इर तला ङा लाप्‍चोम बाक्‍शो ठेंङरो थोक्‍ताक्‍व। प्रेरित १६:२४
JER 20:3 मिनु आ दीसा पश्‍हुरमी येरमीया कली ठेंङरो रे ग्रुंइदानु, येरमीयामी मेको कली “परमप्रभु यावेम इ नें पश्‍हुर मवोइक्थु ‘एर ओंथ नेल्‍ल रे हिंतीक’ दे इ नें वोइक्‍तु। येरमीया २०:१०; येरमीया ६:२५; येरमीया ४६:५; येरमीया ४९:२९; बजन संग्रह ३१:१४
JER 20:4 मारदे हना परमप्रभु यावेमी गो इ कली नु इ वारच नेल्‍ल आन कली शुश हिंचा ङा सेल्‍नुङ। मेकोपुकी इ ङोंइती आन जोरी सत्रु आन तरवारम साइक्‍चा पुंइसीनीम। गो यहूदा नु मेको आ मुर नेल्‍ल आन कली बेबीलोन ङा पिप आ गुइम गेनुङमी। मेकोमी मेको आन कली ग्‍याइश्‍शा बेबीलोन लाइक्‍ब। मिनु तरवारम साइक्‍ब।
JER 20:5 गो एको सहर ङा शोंप नेल्‍ल, आ चेम्‍शो क्‍येट नेल्‍ल, आ शुश क्‍येट लाइब थोव़क नेल्‍ल नु यहूदा ङा पिप आन शोंप नेल्‍ल आन जोरी सत्रु आन कली गेनुङमी। मेकोपुकीमी आन मारेइ मारेइ रोइश्‍शा, मेको आन कली ग्‍याइश्‍शा बेबीलोन लाइक्‍नीम। यहोसु ३९:६
JER 20:6 पश्‍हुर, गे नु इ खिंम बाक्‍ब नेल्‍ल ग्‍याइक्‍चा पुंइसीशा बेबीलोनम लाइ‍नीनी। गे बेबीलोन लशा, मेकेर बेक्‍नीनी। इन कली मेकेर थिम्‍नीम। गे परमप्रभु आ लोव़ दूली सेल्‍शा, शेंताक्वी। इ लोव़ नेंब इ वारच नेल्‍ल इ खोदेंशो पा थिम्‍चा पुंइसीनीम” देंत।
JER 20:7 मिनु येरमीयाम “परमप्रभु यावे, गे आं कली लेम्‍शा, इन लोव़ पाइब सेल्‍तीनी। मिनु गो इन लेम्‍शो लोव़ नेंशा बिस्‍साक्‍यी। इन सक्तिमी आं कली ग्रातीनी। मुल नाक्‍त रेन मुरुम आं कली शुक्‍शी पाइ‍नीम। मुर नेल्‍लेमी आं कली शुक्‍शी पाइनीमी। येरमीया १:५-७
JER 20:8 गो लोव़ पची ना ठेयब सेंदा पा लोव़ पचा माल्‍नुङ। गो हुश ख्राक्‍श बोक्‍चा नु खतम दुम्‍चा आ पर्बम ला ग्रीनुङ। परमप्रभु यावे आ लोव़ नाक्‍त रेन आं कली शुक्‍शी पाइक्‍तीक नु मरिम्‍शो पाइक्‍तीके दुम्‍त।
JER 20:9 गो मेको आ पर्बम लोव़ मपाइनुङ। आ नें थिशा लेंशा लोव़ मपाइनुङ देंती हना यो, आ थुंमी ब्रशो मी खोदेंशो दुम्‍त। आं रुशपुकीम तेक्‍शा वोदुनु, मी खोदेंशो दुम्‍त। गो मेको कली तेक्‍शा दती। गो थमा पा, मेको कली तेक्‍ने मचाप्‍नुङ। १कोरिन्‍थी ९:१६
JER 20:10 गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८
JER 20:11 तन्‍न परमप्रभु यावे बोल्‍यो लडाइ पाइब का खोदेंशो पा गो नु बाक्‍ब। मोपतीके आं कली खेदा पाइबपुकी दाइल पांइसीशा, गोल्‍नीम। मिनु मेकोपुकीम आं कली मग्रानीम। मेको थाम्‍पा मुने दोक्‍नीम। मारदे हना मेको आन मरिम्‍शो पशो गेनायो मप्रेंसीब। येरमीया १:८,१९
JER 20:12 मुर नेल्‍ल आन परमप्रभु यावे, गे ठीक पाइब आन कली नाक्‍शा कोव़नीनी। गे मुर आन थुं नु आन मिम्‍तीके कोव़नीनी। आं कली मेको आन कली क्‍येक्‍क लेश्‍शो तचा गेयीनी। मारदे हना गो आं निसाफ पतीके इन कली जिम्‍मा गेता। येरमीया ११:२०
JER 20:13 मिनु “परमप्रभु यावे कली कुम्‍सो पने। परमप्रभु यावे ठेयब बाक्‍ब” दे कुम्‍सो पने। मेकोमी क्‍येट मथीब आन कली मरिम्‍शो पाइब आन गुइ रे प्रोंइतु।
JER 20:14 गो आं जरमेशो नाक्‍त सराप रल। आं ममाम आं कली जरमेशो नाक्‍त आसीक मतवल। येरमीया १५:१०; अय्‍युब ३:३-११; अय्‍युब १०:१८
JER 20:15 आं आफ कली “इ के आल का जरमेसाक्‍व। तौ का जरमेसाक्‍व” दे लोव़ शेंब सराप रल। मेकोमी आं आफ कली ग्‍येरपाइक्‍तु।
JER 20:16 परमप्रभु यावेमी मेको मुर कली शिशी मपथु, मेको मुर खतम पोक्‍शो सहर खोदेंशो दुम्‍ल। मेकोमी सुनी ङाक्‍शो ब्रेश्‍शो नु नाक्‍ती लडाइ ङा तुराही ताप्‍शो नेनल। उत्‍पत्ती १९:२४-२८
JER 20:17 मारदे हना मेकोमी आं कली आं ममा आ कोव़ज उइ मसाइय्‍यी। मो दुम्‍शो हना, आं ममा, आं तुरस दुम वा। मिनु आ कोव़ज गेना हना यो ठेयब दुम वा।
JER 20:18 गो मारदे कोव़ज रे ग्रूङा? गो शुश गेय नु सुर्ता पचा कली जरमेसाक्‍यी। मिनु नाक्‍त किंत किंत मुने दोक्‍चा कली जरमेसाक्‍यी।
JER 21:1 मिनु पिप सिदकीयाहम माल्‍कीयाह आ तौ पश्‍हुर नु मासेयाह आ तौ चढ़ेब सेफन्‍याह आस कली लोव़ कुर पा येरमीया आ बाक्‍तीकेम सोइक्‍ताक्‍सी। मेना परमप्रभु यावेमी येरमीया कली लोव़ पाप्‍तु। येरमीया ३९:१-१०; येरमीया २९:२५-२६; येरमीया ३७:३; येरमीया ५२:२४
JER 21:2 मेको निक्‍शीमी “हजुर, परमप्रभु यावे कली आंइ पर्बम हिल्‍लो पने। मारदे हना बेबीलोन ङा पिप नेबुकदरेसरमी आंइ कली लडाइ तोन तोन बाक्‍ब। साइ ङोंइती शुश खेयप पशो खोदेंशो पा परमप्रभु यावेमी आंइ पर्बम छक लाक्‍चा ङा गेय पाइबा कों? मिनु मोपा मेकोपुकी आंइ रे पा लेश्‍शा लाइनीमी कों?” देंताक्‍से।
JER 21:3 मिनु येरमीयामी मेको आस कली
JER 21:4 “परमप्रभु यावे, इस्राएली आन परमप्रभुमी मार लोव़ पाप्‍तु देंशा हना, गे सिदकीयाह कली ‘गारो आ लाङगाम बाक्‍शो इन कली पुम्‍ब बेबीलोन ङा पिप नु कल्‍दी नु लडाइ पशो इन गुइ ङा यापुकी इन गे लेप्‍पाइक्‍नुङ। मिनु गो मेको आन कली खुप्‍शा, एको सहर आगाम ओंइनुङमी।
JER 21:5 गो आं दिंशो गुइ, सक्ति नु आं थाम्‍पा गाइश्‍शा, चुरशा नु ग्‍युश्रा बोक्‍शा, गे नु लडाइ पाइनुङ।
JER 21:6 गो एको सहरम बाक्‍ब मुर नु बस्‍तु भाव नेल्‍ल आन कली साइक्‍नुङमी। मिनु मेकोपुकी ठेयब बेक्‍तीक रोइम बेक्‍नीम’ देंत, दे मतीस।
JER 21:7 मिनु नोले परमप्रभु यावेमी ‘गो यहूदा ङा पिप सिदकीयाह, मेको आ गेय पाइबपुकी नु मेको सहर ङा बेक्‍तीक रोइ, तरवार नु अन्‍काल रे ब्रोंइशो मुर आन कली बेबीलोन ङा पिप नेबुकदरेसर आ गुइम गेनुङमी। गो मेको आन कली साइक्‍चा माल्‍ब आन जोरी सत्रु आन गुइम जिम्‍मा गेनुङमी। मिनु मेकोमी मेको आन कली तरवारम साइक्‍पाइक्‍ब। मेकोमी मेको आन कली शिशी मपथु, मप्रोंइब नु दाक्‍तीके मकोंइथु, साइक्‍पाइक्‍ब’ मतीस” दे माइक्‍तीम्‍सी।
JER 21:8 मेकोमी “गेमी मेको मुर आन कली ‘परमप्रभु यावेमी “गो इन ङोंइती ब्रोंइशा बाक्‍तीक नु बेक्‍तीक लां वोइक्‍ता। ब्‍यवस्‍था ३०:१५
JER 21:9 मेको सहरम बाक्‍ब मुर तरवार, अन्‍काल नु मुर बेक्‍तीक रोइम बेक्‍चा माल्‍नीम। तन्‍न सु लाङगा ग्रूशा, इन कली पुम्‍ब कल्‍दी आन कली जिम्‍मा गेंसीबा, मेको ब्रोंइब। मेकोम आ सोक्‍त ला प्रोंइब। येरमीया ३८:२
JER 21:10 गो एको सहर कली थमा पा क्‍याम्‍नुङ। रिम्‍शो पचा कली ममिम्‍नुङ। एको सहर बेबीलोन ङा पिप आ गुइम गेनुङ। मेकोमी एको सहर कली मीम क्रोइक्‍ब” देंत’ देनो” देंत। येरमीया ३४:२
JER 21:11 परमप्रभु यावेम “यहूदा ङा पिप आ खिं ङा मुर आन कली ‘परमप्रभु यावे आ लोव़ नेनीन।
JER 21:12 गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०
JER 21:13 एको दिंमम बाक्‍बपुकी रोंगु तार सेल्‍शो सहर गो इन कली लडाइ तोइनुङ। गे आंइ कली जाक्‍शा, सुम लडाइ तोइबा ङा? “आंइ ख्रुइक्‍तीके सु ओव़ने चाप्‍बा ङा? आंइ बाक्‍तीकेम सु ओव़ने चाप्‍बा ङा?” देंनीनी।
JER 21:14 गो इन कली इन पशो खोदेंशो पा कोव़शा, सजाइ गे‍नन्‍नी। गो इन ब्‍वाकीम मी सुइक्‍नुङ। मिनु मेकोमी इन एर ओंथ बाक्‍शो मारेइ मारेइ नेक्‍ब, दे परमप्रभु यावेमी देंत’ देनो” देंत। गलाती ६:७; इजीकीएल २१:३
JER 22:1 परमप्रभु यावेम “उइ यहूदा ङा पिप आ दरवारम लशा, मेकेर मार लोव़ पचा माल्‍नेवे देंशा हना,
JER 22:2 ‘दाऊद आ नित्‍तीकेम निप्‍ब, यहूदा ङा पिप, इन गेय पाइबपुकी नु मेको ठेयब लाप्‍चो रे ओव़बपुकी परमप्रभु यावे आ लोव़ नेनीन।
JER 22:3 परमप्रभु यावेमी मार देंत देंशा हना “गे ठीक निसाफ पने। ठीक गेय पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। अर्को रागी ङा मुर, रोम रोइक्‍च नु आन वोंइश बेक्‍शो मीश मुर आन कली मरिम्‍शो मपने। मिनु एको रागीम मारेइ दोस मताइब आन हुश मशाइक्‍पतीन। येरमीया २१:१२
JER 22:4 मारदे हना गेपुकीम थमा पा एको आं लोव़ पाइतीनी हना, एको दरवार ङा ठेयब लाप्‍चो रे पा ओव़शा, दाऊद आ नित्‍तीकेम निप्‍ब पिप गेना हना यो बाक्‍ब। मेको बग्‍गी नु शाराम जाक्‍शा, मेको आ गेय पाइब मुरपुकी नु अरु मुरपुकी नु ओव़ब”। येरमीया १७:२३
JER 22:5 तन्‍न गेपुकीम एको आं लोव़ मपाइतीनी हना, परमप्रभु यावेम “गो आं नेंमी कसम जशा, एको दरवार क्‍याम्‍नुङ” दे मतो’ ” देंत। १राजा ९:८
JER 22:6 मारदे हना यहूदा ङा पिप आ दरवार आ पर्बम परमप्रभु यावेमी “गे आं कली गिलाद नु लेबानोन ङा डांडा खोदेंशो बाक्‍नेवे। गो इ कली गोरशो रागी नु मुर मबाक्‍शो सहर खोदेंशो सेल्‍नुङ, दे कसम जाता।
JER 22:7 गो इ कली या कुरशा, खतम सेल्‍ब आन कली ठीक पाइनुङ। मेकोपुकीम इ नेल्‍ल क्‍येङा रिम्‍शो लाइश्‍शो लेबानोन ङा रवा तिम्‍नीम। मिनु मीम हुम्‍नीम।
JER 22:8 मिनु शुश रागी रागी ङा मुरपुकी एको सहर रे पा लाइनीम। मिनु मेको नेल्‍लेमी ‘परमप्रभु यावेम, मारदे एको ठेयब सहर कली ओदेंशो पवा?’ देंमुइनीम।
JER 22:9 मिनु मेको आन कली ‘मारदे हना मेकोपुकीमी परमप्रभु यावे, आन परमप्रभु आ कबल पशो प्रोंइशा, देवी देवता आन कली पूजा पा, मेको आन कली गेय पाम्‍तेक्‍म’ देंशा लोव़ लेत्‍चा पुंइसीनी” देंनीम।
JER 22:10 बेक्‍शा लशो आन पर्बम मङाक्‍कीन। मेको आन पर्बम रोंका मपने। मेको क्‍येङा यो ग्‍याइश्‍शा लाइश्‍शो मुर आन पर्बम ङाक्‍कीन। मारदे हना मेको गेनायो मलेप्‍ब। मेकोमी आ रागी गेनायो मताइब। २राजा २३:२९-३४
JER 22:11 परमप्रभु यावेम यहूदा ङा पिप योसीयाह आ तौ शाल्‍लुम आ पर्बम लोव़ पाइब। मेको आ आफ आ पा ङा यहूदा ङा पिप दुम्‍त। मिनु मुल मेको एक रे लत। मेको एक लेश्‍शा मजाक्‍ब।शाल्‍लुम कली योआहास यो देंनीम। १इतिहास ३:१५; २इतिहास ३६:१-४
JER 22:12 मेको कली तेको रागीम ग्‍याइश्‍शा लद‍मे। मेको मेक उइ बेक्‍ब। मेकोमी एको रागी लेंशा गेनायो मताइब।
JER 22:13 “आबी, आबी, सुमी पाप पतीकेमी आ खिं सेल्‍बा, सुम आ खिं ङा आइक्‍था ङा कोठा ठीक मपतीकेमी सेल्‍बा, मेकोमी आ नेक्‍था ङा मुर आन कली मोशा गेय पपाइक्‍ब। मिनु मेको आन कली आन गेय पशो ङा गाल्‍च मगेब। २राजा २४:१४; मीका ३:१०; लेवी १९:१३; याकूब ५:४
JER 22:14 मेकोमी ‘गो आं कली तला तार शुश ठेयब कोठा पाइश्‍शो खिं का सेल्‍नुङ’ देंब। मेकोमी झेलपुकी सेल्‍ब। मेको कली लेबानोन ङा लाइश्‍शो रवा आ शीम क्‍येप्‍शा, मेको कली लल रङ ख्रेक्‍ब।
JER 22:15 मार, गे पिप नवे? मारदे हना गे गारो नेल्‍ल बोल्‍यो शीम क्‍येप्‍नेवे? इ आफ नु जचा तूचा थोव़क बाक्‍त। मेकोमी ठीक निसाफ नु ठीक गेय पाप्‍तु। मिनु मेको कली रिम्‍शोन दुम्‍त।
JER 22:16 मेकोमी प्रुङग नु मारेइ मथीब आन कली ठीक निसाफ पाप्‍तु। मिनु मेको कली रिम्‍शोन दुम्‍त। मेको आं कली तुइक्‍ब मुरुम पाइनीम” दे परमप्रभु यावेम देंत।
JER 22:17 तन्‍न इ मिक्‍च नु इ थुंम ठीक पा मचेम्‍शो क्‍येट ला बाक्‍ब। गे दोस मताइब आन हुश शाइक्‍पाइक्‍नेवे। गे मुर आन कली दिप्‍शा हुश ख्राक्‍श पोक्‍नेवे। मरिम्‍शो पचा नु रोइक्‍चा ला दाक्‍नेवे।
JER 22:18 मोपतीके परमप्रभु यावेम “यहूदा ङा पिप योसीयाह आ तौ येहो-याकीम आ पर्बम ‘आबी, मुरपुकीमी मेको आ पर्बम रोंका पची ना आं लोक्‍ब, आबी, आ समी मदेंनीम’ मेको आ पर्बम मङाक्‍नीम। मिनु ‘आबी, आं प्रभु, आबी, मान ताइब पिप’ दे मेको आ पर्बम मङाक्‍नीमी। २राजा २३:३४
JER 22:19 मेको कली गधा का थिम्‍शो खोदेंशो पा, कीशा लाइश्‍शा यरूसलेम ङा ठेयब लाप्‍चो आ ङोंइती ग्रुंइशा ताइक्‍नीम” देंत। येरमीया ३६:३०
JER 22:20 लेबानोनम लशा ठेयब सेंदा पा ग्रीङो। इ सेंदा बाशानम नेंपाइक्‍मी। अबारीम पहाड रे ठेयब सेंदा पा ग्रीङो। मारदे हना इ दाक्‍शो मुर नेल्‍ल बेक्‍तेक्‍म।
JER 22:21 गे रिम्‍शो पा बाक्‍ङेनु, गो इ कली लोव़ पाता। तन्‍न गे “गो मेको मनेंनुङ” देंते। गे ठिटा बाक्‍ङे ना रेन मोदेंशो बाक्‍ते। गे आं देंशो मटिवी।
JER 22:22 इ गोठला नेल्‍ल आन कली फशेम बेर पाइश्‍शा योल्‍ब। मिनु इ वारच नेल्‍ल ग्‍याइश्‍शा लाइक्‍चा पुंइसीनीम। मेना गे इ मरिम्‍शो गेयम पतीके मुने दोक्‍शा, आमाइ, मेको श्‍येत नेल्‍ल परमप्रभु यावे आ अरेशो मटितीके दुम्‍शो बाक्‍ब।
JER 22:23 लेबानोनम बाक्‍ब मुर, लेबानोन ङा लाइश्‍शो रवा आन दातेमी खिं सेल्‍ब मुरपुकी, श्‍येत नु सुत्‍केरी रोइ पशो खोदेंशो दुम्‍तीनी हना, दोपा हुकयी पाइनीनी।
JER 22:24 परमप्रभु यावेम “गो दोपा ब्रोंइशा बाक्‍ङा, मोपा यहूदा ङा पिप येहो-याकीम आ तौ कोन्‍याह माइश्‍शो येहो-याकीम कली ‘गे आं ग्‍युरा गुइ ङा छाप थोक्‍तीक औंठी नवे हना, गो इ कली ग्रुंइशा ताइक्‍तन वा।कोन्‍याह कली योयाकीम यो देंनीम।२राजा २४:८-१६; येरमीया २४:१
JER 22:25 गो इ कली साइक्‍चा माल्‍ब मुर आन गुइम गेनन। गे मेको आन कली तशा हिंनेवे। गो इ कली मेको बेबीलोन ङा पिप नेबुकदरेसर नु कल्‍दी आन गुइम गेनन।
JER 22:26 गो गे नु इ कली जरमेब इ ममा इस कली अर्को रागीम ताइक्‍नन्‍सी। मिनु गे निम्‍फा मेकेर बेक्‍नीसी।
JER 22:27 तन्‍न मेको आस लेत्‍चा माल्‍शो रागीम, लेत्‍चा मताइनीस।
JER 22:28 मार, एको कोन्‍याह माइश्‍शो मुर सुइम मदाक्‍शो ब्रोल्‍शो ग्‍योंब खोदेंशो बाक्‍बा ङा? मेको मोदेंशो ग्‍योंब कली सुइम ममाल्‍नीम। मोपतीके मेको नु मेको आ आल आन मतुइश्‍शो रागीम ताइक्‍चा पुंइसीनीमी?’ ” देंत। कोन्‍याह माइश्‍शो येहो-याकीम आ तौ कली येकोन्‍याह यो देंनीम। येरमीया २४:१
JER 22:29 ए रागी, रागी ङा मुर नेल्‍ल, परमप्रभु यावे आ लोव़ नेनीन।
JER 22:30 परमप्रभु यावेमी “मेको मुर आ नें क्‍याम्‍सीब, दे ब्रेक्‍शा वोतो। मेको मुर बाक्‍म सम्‍म मारेइ पने मचाप्‍ब। मेको आल मपाइश्‍शो मुर दुम्‍ब। मारदे हना मेको के तेकोइ मुर रिम्‍शो मदुम्‍नीम। मेको आ चच युइ दाऊद आ नित्‍तीकेम नित्‍चा मताइनीम। मेकोपुकीमी यहूदा आ नित्‍तीकेम निश्‍शा हुकुम पचा मताइनीम” देंत। १इतिहास ३:१७-२४
JER 23:1 परमप्रभु यावेमी “आबी, गे आं भेडा आन कली एर ओंथ ब्रपाइक्‍ब गोठला” देंत। इजीकीएल १४:-; येरमीया १०:२१; जकरिया ११:५
JER 23:2 मोपतीके परमप्रभु यावे, इस्राएली आन परमप्रभुमी आ मुर आन कली योव़ब गोठला आन पर्बम “गेपुकीम आं बगाल आन कली फ्राइतीनी। मिनु मेको आन कली खेरतीनी। मेको आन कली मकोव़नी। मोपतीके गो इन मरिम्‍शो पशो आ पर्बम कोव़नुङ। इन कली सजाइ गेनुङ” दे परमप्रभु यावेमी देंत।
JER 23:3 परमप्रभु यावेमी “गो आं लीशो बगाल नेल्‍ल आन कली इन खेरशो रागी रे खुप्‍शा लेश्‍शा, आन बगालम चाक्‍नुङमी। मिनु मेकोपुकी मेकेर सोशा बोशा शुश दुम्‍नीम।
JER 23:4 गो मेको आन कली योव़ब गोठलापुकी वोइक्‍नुङमी। मिनु मेको आन कली योव़नीम। मेना भेडा महिंनीम। सुर्ता मपाइनीम। मेको आन दाते ङा का यो मजाम्‍नीम” दे परमप्रभु यावेमी देंत। येरमीया ३:१५
JER 23:5 परमप्रभु यावेम “गो दाऊद आ मुर रे ठीक पाइब राशी का वा‍पाइक्‍नुङ। मेको नाक्‍त थमा पा जाक्‍ना जाक्‍न बाक्‍ब। पिप कामी आ जोक्‍तीक तुइक्‍तीकेम सासन पाइब। मिनु मेकोमी आ रागीमी ठीक निसाफ नु ठीक गेय पाइब। जकरिया ३:८; यसैया ३२:१
JER 23:6 मेकोम सासन पवा ना यहूदा श्‍येत रे प्रोंइचा पुंइसीब। मिनु इस्राएल मारेइ मदुम्‍थु बाक्‍ब। मेको आ नेंम मेकोपुकी तुइक्‍चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्‍ब’ देंनीम” देंत। ब्‍यवस्‍था ३३:२८; येरमीया ३३:१६; यसैया ४५:२४
JER 23:7 मिनु परमप्रभु यावेमी “परमप्रभु यावे ब्रोंइशा बाक्‍शो खोदेंशो नु मुर आन कली इजीप्‍त रागी रे ग्रुंइशा एक चाक्‍शो मदेंतीक नाक्‍ती थमा पा जाक्‍नीम।
JER 23:8 तन्‍न मार देंनीम देंशा हना, मेकोपुकीमी ‘परमप्रभु यावे ब्रोंइशा बाक्‍शो खोदेंशो नु इस्राएली आन चच युइ आन कली उत्तर ङा रागी नु तेको तेको रागी रे चाक्‍शो’ देंनीम। मारदे हना मेको आन रागीम बाक्‍चा ताइनीम” देंत। येरमीया १६:१४-१५
JER 23:9 परमप्रभु यावेम आ लोव़ पाइब आन पर्बम लोव़ पशो बाक्‍ब। मेको नेंशा आं थुं जिक्‍त। आं रुश नेल्‍ल ख्रिंख्रि पाइनीम। गो दुक्‍शो मुर खोदेंशो दुम्‍ती। गो अङगुर शांबु शुश तूशा दुक्‍शो खोदेंशो दुम्‍ती। गो परमप्रभु यावे आ पर्बम नु आ लोव़ आ पर्बम मोदेंशो दुम्‍ती।
JER 23:10 मारदे हना एको रागी तेल्‍लेम पतीकेम ब्रीशो बाक्‍ब। सराप रतीके, रागीम रोंका पाइब। मुर मबाक्‍तीके बस्‍तु योव़तीके सोव़तेक्‍म। परमप्रभु यावे आ लोव़ पाइब आन पतीके काइ मरिम्‍शो बाक्‍ब। आन सक्ति दूली पा चलेनीम। येरमीया १२:४
JER 23:11 परमप्रभु यावेमी “आं लोव़ पाइब नु चढ़ेब नेल्‍ल आं कली ममानेब दुम्‍तेक्‍म। मेकोपुकीमी आं खिंमी यो आं अरेशो लोव़ मटीनीम। येरमीया ५:३१
JER 23:12 मोपतीके मेको आन लां छिङछिङ दुम्‍शा ग्रेक्‍ब दुम्‍ब। मिनु मेकोपुकी मेकेर गाक्‍मानु, ग्रेक्‍शा गोल्‍नीम। मारदे हना गो मेको आन कली सजाइ ततीक बर्सम ठेयब श्‍‍येत गेनुङ। येरमीया १३:१६; बजन संग्रह ३५:६
JER 23:13 गो सामरीया ङा आं लोव़ पाइब आन दातेमी ग्रांग्रा दिशो गेय ताता। मेकोपुकीमी बाल देवता आ नेंम नोले दुम्‍ब लोव़ पाम्‍तेक्‍म। मिनु आं मुर इस्राएली आन कली हेंथे लां खोइक्‍पाइक्‍तेक्‍म। ब्‍यवस्‍था १८:२०-२२; यसैया १:१०; इजीकीएल १३:२३
JER 23:14 तन्‍न यरूसलेम ङा आं लोव़ पाइब आन दातेम सामरीया क्‍येङा यो ग्रांग्रा दिचा ङा गेय ताता। मेकोपुकीम तेल्‍लेम पशा जोल ला पाइनीम। मरिम्‍शो पाइब आन कली बोल्‍यो सेल्‍नी‍म। मोपतीके सुइ मुर परमप्रभु यावे आ अरेशो मटितीक रे मलेत्‍नीम। मेको नेल्‍ल आं कली सोदोम खोदेंशो नु यरूसलेम ङा मुरपुकी चहिं गोमोररा खोदेंशो दुम्‍तेक्‍म” दे परमप्रभु यावेमी देंत।
JER 23:15 मोपतीके मुर नेल्‍ल आन परमप्रभु यावेम आ लोव़ पाइब आन पर्बम “गो मेको आन कली कशो थोव़क उम्‍नुङमी। मिनु तूचा कली बीस ब्‍वाइश्‍‍शो ब्‍वाक्‍कु तूचा गेनुङमी। मारदे हना यरूसलेम ङा परमप्रभु यावे आ लोव़ पाइब रेन रागी नेल्‍लेम परमप्रभु यावे कली थमा मसुइश्‍शो बाक्‍नीम” देंत। येरमीया ९:१५
JER 23:16 मुर नेल्‍ल आन परमप्रभु यावेम “गेपुकी आं लोव़ पाइब आन लोव़ मनेनीन। मेकोपुकीमी जोल लोव़ पा इन कली हेंथे गाक्‍पाइक्‍नीम। परमप्रभु यावे आ लोव़ ममाइ, तन्‍न आन थुंम मिम्‍शो लोव़ नु आन ङोमु तशो ना ङा लोव़ शेंनीम। आन खकटा थुं कली खोइश्‍शा गाक्‍ब आन कली ‘गे ठेयब श्‍येत मताइनीनी’ देंनीम। येरमीया ६:१३-१४; येरमीया १४:१४
JER 23:17 मेकोपुकीम आं लोव़ मदाक्‍ब आन कली गेना हना यो ‘परमप्रभु यावे इन कली थुं नाइश्‍शा बाक्‍तीक दुम्‍ब’ देंनीम। मिनु मेकोपुकीम मटिथु आन थुं ङा मिम्‍शोम गाक्‍ब आन कली ‘इन कली मारेइ हिंचा ङा श्‍येत मदुम्‍ब’ देंनीम।
JER 23:18 तन्‍न सु परमप्रभु यावे आ लोव़ नेंचा नु रुप्‍चा कली मेको आ अर्ती गेतीकेम बाक्‍म ङा? सुम मेको आ लोव़ शेंचा कली नोफा दाइश्‍शा नेंशो बाक्‍म ङा?
JER 23:19 कोव़ङीन परमप्रभु यावे आ गाइश्‍शो फश गिवार खोदेंशो पा बोक्‍ब। परमप्रभु यावे आ अरेशो लोव़ मटीब आन पियामी फश गिवार जुक्‍ब।
JER 23:20 परमप्रभु यावे आ गाइश्‍शो मलेप्‍ब। आ मिम्‍शो नेल्‍ल पने थुमा नोले ला लेप्‍ब। नोले ङा नाक्‍ती एको लोव़ रिम्‍शो पा रुप्‍नीनी।
JER 23:21 मेको आं लोव़ पाइब आन कली गो मसोइक्‍तुमी। मो हना यो मेकोपुकी आन लोव़ कुरशा दोरशा लाम्‍तेक्‍म। गो मेकोपुकी नु लोव़ मपङ। मो हना यो मेकोपुकीमी लोव़ पाम्‍तेक्‍म। येरमीया १४:१४
JER 23:22 मेकोपुकी आं अर्ती गेतीकेमी बाक्‍शो हना, मेकोपुकीमी आं मुर आन कली आं लोव़ नेंचा ङा पा देंम वा। मिनु मेको आन कली आन मरिम्‍शो लां नु आन मरिम्‍शो गेय रे लेत्‍तेक्‍म वा” देंत।
JER 23:23 परमप्रभु यावेम “मार, गो नेक्‍था ङा ला परमप्रभु यावे नङा ङा? ङोन ङा चहिं परमप्रभु मनङा ङा?
JER 23:24 मिनु मुर आं ङोंइती रे ख्रुइश्‍शा बाक्‍ने चाप्‍नीमी ङा? मिनु गो मेको आन कली तने मचाप्‍नुङमी ङा? मार, सरीङ नु रागी निम्‍फा कली गो प्रिंने मचाप्‍नुङा ङा?” दे परमप्रभु यावेमी देंत। बजन संग्रह १३९:७-१६
JER 23:25 मिनु मेकोमी “गो आं नेंमी जोल पाइब आन लोव़ नेंता। गो ङोमु ताता। गो ङोमु ताता।
JER 23:26 गेना सम्‍म मोदेंशो दुम्‍बा? मेको आं लोव़ पाइब आन थुं गेना आं गे लेप्‍बा? मेको जोल पाइब आंम थुं ङा दूली लोव़ पाइबपुकी गेना आं गे लेत्‍नीमी।
JER 23:27 मेकोपुकीमी आन ङोमु आन पर्बम लोव़ पा आं नें प्रेंपाइक्‍चा माल्‍नीम। आन किकी पिपी खोदेंशो पा आं नें आ पा ङा बाल आ नें ठेयब सेल्‍शा, आन ङोमु ङा लोव़ शेंमुम्‍तेक्‍म। न्‍यायाधीस ३:७
JER 23:28 सुइ आं लोव़ पाइबम ङोमु ताप्‍तु हना, आ ङोमु शोव़ङल। तन्‍न सुइ नु आं लोव़ बाक्‍त हना, मेकोमी थमा पा आं लोव़ शेंदल। पराल नु चेरब मगारनीस” देंत।
JER 23:29 परमप्रभु यावेमी “मार, आं लोव़ मी खोदेंशो मबाक्‍बा ङा? मेको सेरथे फुल्‍लु कली प्रोल्‍ब घन खोदेंशो मबाक्‍बा ङा?” दे परमप्रभु यावेमी देंत। हिब्रू ४:१२
JER 23:30 मिनु परमप्रभु यावेमी “कोव़ङीन, गो मेको आन कली देंशो लोव़ खोदेंशो पा, मेकोपुकीमी अरु आन कली देंशो आं लोव़ आंम के सेल्‍शा, खुइ पा शेंनीम। मोदेंशो पा आं लोव़ पाइब आन कली काइ मदाक्‍नुङ।
JER 23:31 कोव़ङीन, मेकोपुकीमी आंम थुं ङा लोव़ पशा ‘परमप्रभु यावे आ लोव़ बाक्‍ब’ देंनीम। गो मोदेंशो लोव़ पाइब आन कली काइ मदाक्‍नुङ।
JER 23:32 कोव़ङीन, मेकोपुकी जोल पा ङोमु ङा लोव़ पाइब बाक्‍नीम। गो मोदेंशो पा आं लोव़ पाइब आन कली काइ मदाक्‍नुङ। मेको आन जोल शेंतीकेमी आं मुर आन कली हेंथे लां खोइक्‍पाइक्‍नीम। मेकोपुकी काइ महिंब बाक्‍नीम। गो मेको आन कली मसोइक्‍तुमी। गो मेको आन कली मयोव़ङुमी। मोपतीके मेको आन लोव़ मुर आन कली शोर गाक्‍शो बाक्‍ब” दे परमप्रभु यावेमी देंत। येरमीया १४:१४
JER 23:33 मिनु मुर का, आं लोव़ पाइब का कि चढ़ेब काम इ कली “परमप्रभु यावे आ देंशो श्‍येत लोव़ मार बाक्‍बा?” दे इ कली हिल्‍लो पाप्‍तु हना, गे मेको कली “मेको श्‍येत गे बाक्‍नीनी” देनो। मिनु परमप्रभु यावेमी “गो इन कली ताइक्‍नन्‍नी, देंत, माइक्‍मी” देंत। २राजा ९:५५; यसैया १३:१
JER 23:34 परमप्रभु यावेम “तेकोइ आं लोव़ पाइब, तेकोइ चढ़ेब नु अरु सुइमी ‘एको परमप्रभु यावे आ देंशो श्‍येत बाक्‍ब’ देंतेक्‍म हना, गो मेको आन कली नु मेको आन खिं ङा मुर आन कली सजाइ गेनुङमी” देंत, दे माइक्‍मी।
JER 23:35 मिनु इन दातेम अर्को कली “परमप्रभु यावेम मार लोव़ पवा? दे हिल्‍लो पचा माल्‍नीनी।
JER 23:36 तन्‍न गे लेंशा ‘परमप्रभु यावे आ देंशो श्‍येत लोव़ बाक्‍ब’ मदेनीन। मारदे हना मुर नेल्‍ल आन पशो लोव़ श्‍येत दुम्‍ब। मोपा गेपुकीम ब्रोंइ‍शा बाक्‍ब परमप्रभु, मुर नेल्‍ल आन परमप्रभु यावे, इं परमप्रभु आ लोव़ दूली सेल्‍नीनी।
JER 23:37 मिनु गे आं लोव़ पाइब नेल्‍ल आन कली ‘परमप्रभु यावेम इन कली मार, लोव़ लेत्‍ता? परमप्रभु यावेम मार लोव़ पवा?’ दे हिल्‍लो पचा माल्‍नेवे।
JER 23:38 तन्‍न गेपुकीमी ‘एको परमप्रभु यावे आ देंशो श्‍येत ङा लोव़ बाक्‍ब’ देंनीनी। मोपतीके परमप्रभु यावेमी ‘मारदे हना गे परमप्रभु यावे आ देंशो श्‍येत ङा लोव़ बाक्‍ब’ देंतीनी। तन्‍न गो इन कली ‘एको परमप्रभु यावे आ देंशो श्‍येत बाक्‍ब, मदेनीन’ देंती।
JER 23:39 मोपतीके गो थमा पा इन कली क्‍युक्‍शा, आं ङोंइती रे ताइक्‍नुङ। इन कली नु इन किकी पिपी आन कली गेशो सहर पोक्‍शा ताइक्‍नुङ।
JER 23:40 मिनु गो इन कली गेना हना यो शिशी मपथु, गेना हना यो मुने दोक्‍पाइक्‍नन्‍नी। मेको गेना यो मप्रेंसीब” दे परमप्रभु यावेमी देंत। येरमीया २०:११
JER 24:1 बेबीलोन ङा पिप नेबुकदरेसरमी यहूदा ङा पिप येहो-याकीम आ तौ येकोन्‍याह, यहूदा ङा पिप आ गेय पाइब, मार मार सेल्‍स जोक्‍ब नु तुप्‍तील आन कली यरूसलेमम ग्‍याइश्‍शा बेबीलोन लदा बाक्‍त। मेको नोले परमप्रभु यावेमी आं कली आ खिं आ ङोंइती डालो निक्‍शी फोव़शी गेडा कोंइताक्‍यी।येहो-याकीम आ नें २राजा २४:६ योयाकीन बाक्‍ब। तन्‍न येरमीया किताबम २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम।२राजा २४:१४-१६
JER 24:2 मिनु डालो कामी ङोंइती ङा थम रिम्‍शो मीशो फोव़शी गेडा बाक्‍तेक्‍म। तन्‍न अर्को डालोम काइ मरिम्‍शो फोव़शी गेडा बाक्‍तेक्‍म। मेको जचा यो मदुम्‍चा ङा थम मरिम्‍शो बाक्‍तेक्‍म।
JER 24:3 मिनु परमप्रभु यावेम आं कली “येरमीया गे मार, तवी” दे माइक्‍ती। मिनु गो “फोव़शी गेडा तातामी। थम रिम्‍शो फोव़शी गेडा नु थम मरिम्‍शो फोव़शी गेडा बाक्‍तेक्‍म। मेको मरिम्‍शो फोव़शी गेडा जचा यो मदुम्‍चा ङा बाक्‍नीम” देंती।
JER 24:4 मिनु परमप्रभु यावेमी आं कली इजीकीएल ११:१४-२१
JER 24:5 परमप्रभु यावे, इस्राएली आन परमप्रभुमी “मेको रिम्‍शो फोव़शी गेडा खोदेंशो पा, गो यहूदा रे बेबीलोन रागीम ग्‍याइश्‍शा लाइक्‍चा पुंइसीशो आन कली मिम्‍नुङ। गो मेको आन कली एकेर रे कल्‍दी आन रागीम सोइक्‍ताक्‍ङ।
JER 24:6 गो मेको आन कली रिम्‍शो दुम्‍पाइक्‍चा कली कोव़नुङ। मिनु गो मेको आन कली एको रागीम लेश्‍शा चाक्‍नुङमी। गो मेको आन थुं बारपाइक्‍नुङमी। आन थुं लुक्‍च मलपाइक्‍नुङमी। गो मेको आन कली ख्रुम्‍नुङमी। मतुल्‍नुङमी। येरमीया १:१०; येरमीया ३१:२८
JER 24:7 मिनु गो मेको आन कली ‘गो परमप्रभु यावे नङ’ दे आं कली तुइक्‍तीक थुं गेनुङमी। मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। मारदे हना मेको आन थुं नेल्‍लेमी आं गे लेत्‍नीम। येरमीया ३१:३३-३४; येरमीया ७:२३
JER 24:8 तन्‍न गो मेको जचान मदुम्‍चा ङा काइ मदारशो फोव़शी गेडा खोदेंशो पा यहूदा ङा पिप सिदकीयाह, मेको आ सरकार ङा गेय पाइब, यरूसलेम ङा लीशो मुरपुकी नु इजीप्‍त रागीमी बाक्‍ब आन कली मरिम्‍शो पाइनुङ। २राजा २४:१७-२०; ब्‍यवस्‍था २:३१; येरमीया २९:१६-१९
JER 24:9 गो मेको आन कली रागी ङा राज्‍य नेल्‍लेमी शुश हिंचा ङा नु काइ मरिम्‍शो सेल्‍नुङ। मेको आन कली शिशी मताइब, शुक्‍शी लोव़ नु सराप पाइक्‍चा पुंइसीब सेल्‍नुङमी। मेको आन कली खेरशो रागी नेल्‍लेम मोदेंशो पाइनुङमी। १राजा ९:७
JER 24:10 गो मेको आन कली तरवार, अन्‍काल नु मुर बेक्‍तीक रोइ सोइक्‍नुङ। मेको आन कली नु आन किकी पिपी आन कली गेशो रागी रे मेको नेल्‍ल मबेक्‍मा सम्‍म मो पाइनुङ” दे परमप्रभु यावेमी देंत।
JER 25:1 मिनु परमप्रभु यावेमी येरमीया कली यहूदा ङा मुर आन पर्बम लोव़ पाप्‍तु। मेना यहूदा ङा पिप योसीयाह आ तौ येहो-याकीमपिप दुम्‍शो ४ बर्स दुम्‍मेनु, बेबीलोन ङा पिप नेबुकदरेसर पिप दुम्‍शो बर्स का दुम्‍शो बाक्‍त। येरमीया ३६:१
JER 25:2 मिनु परमप्रभु यावे आ लोव़ पाइब येरमीयामी यहूदा ङा मुर नेल्‍ल नु यरूसलेममी बाक्‍ब मुर नेल्‍ल आन कली मेको लोव़ पाप्‍तु।
JER 25:3 यहूदा ङा पिप आमोन आ तौ योसीयाह पिप दुम्‍शो १३ बर्स रे मुल २३ बर्स सम्‍म परमप्रभु यावेमी आं कली लोव़ पना पन बाक्‍त। मिनु गो मेको लोव़ इन कली शेंस ङा शेंस बाक्‍शो बाक्‍ती। तन्‍न गेपुकीम इन नोफा मदाइक्‍तीनी। येरमीया १:२; येरमीया ३६:२
JER 25:4 मिनु परमप्रभु यावेम आ लोव़ पाइब आन कली मोदें लोव़ पथ सोइक्‍स ङा सोइक्‍स पाप्‍तु हना यो, गेपुकीम मेको आन लोव़ मनेंनी। इन नोफा मदाइक्‍तीनी। येरमीया ७:२५-२६; येरमीया ११:७; येरमीया २६:५; येरमीया २८:८; येरमीया २९:१९; येरमीया ४४:४; २इतिहास ३६:१५-१६
JER 25:5 मेकोमी “गे नेल्‍ल इन मरिम्‍शो पशो नु परमप्रभु यावे आ अरेशो मटितीके रे लेतीन। मिनु परमप्रभु यावेम इन कली नु इन किकी पिपी आन कली गेना हना यो कली गेशो रागीम बाक्‍चा ताइनीनी। येरमीया ७:३
JER 25:6 अर्को रागी ङा देवी देवता आन कली पूजा पशा, ठेयब सेल्‍चा कली मेको आन नोले मखोतीन। इन गुइम सेल्‍शोमी आं कली मगाइक्‍पाइय्‍यीनी। मिनु गो इन कली मारेइ श्‍येत मगेनुङ” देंशो बाक्‍त।
JER 25:7 परमप्रभु यावेमी “तन्‍न गेपुकीम आं लोव़मी नोफा मदाइक्‍तीनी। इन गुइम सेल्‍शोमी आं कली गाइक्‍पाइक्‍तीनी। मिनु गेपुकी आंमान सजाइ ताइब सेल्‍सीशो बाक्‍नीनी” देंत।
JER 25:8 मोपतीके मुर नेल्‍ल आन परमप्रभु यावेमी “मारदे हना गेपुकीम आं लोव़ मटिनी।
JER 25:9 गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३
JER 25:10 मिनु गो मेको आन रे थुं नाइश्‍शा बाक्‍तीके, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। यात ग्री‍शो नु बत्ती आ हाम्‍सो नेल्‍ल योल्‍नुङ। येरमीया ७:३४
JER 25:11 एको रागी ङा खिं नेल्‍ल ब्रेश्‍शो नु मुर मबाक्‍शो दुम्‍नीम। मिनु एको जात ङा मुरपुकी ७० बर्स सम्‍म बेबीलोन ङा पिप आ वाइल दुम्‍नीम। २इतिहास ३६:२१; येरमीया २९:१०; एज्रा १:१-२
JER 25:12 तन्‍न ७० बर्स गाम नोले, गो बेबीलोन ङा पिप नु कल्‍दी आन रागी कली मेको आन मरिम्‍शो पशो ङा सजाइ गेनुङ। मेको आन रागी गेना हना यो मुर मबाक्‍तीके सेल्‍नुङमी” दे परमप्रभु यावेमी देंत।
JER 25:13 परमप्रभु यावेमी “मेको रागी कली आं देंशो लोव़ नेल्‍ल, एको किताबम ब्रेक्‍शो लोव़ नु आं लोव़ पाइब येरमीयामी रागी रागी नेल्‍ल ङा मुर आन कली पशो नोले दुम्‍ब लोव़ नेल्‍ल मेको रागीम मोइक्‍नुङ।
JER 25:14 मिनु रागी रागी ङा मुर नु ठेयब पिपमी यहूदा ङा मुर आन कली वाइल सेल्‍नीम। गो मेको आन पशो नु आन गुइमी सेल्‍शो कोव़शा, मेको आन कली क्‍येक्‍क लेत्‍नुङमी” देंत। येरमीया २७:७
JER 25:15 मिनु परमप्रभु यावे, इस्राएली आन परमप्रभुमी आं कली “आं गुइ रे आं गाइश्‍शोमी ब्रीशो अङगुर शांबु बाक्‍शो कचौरा ताक्‍को। मिनु इ कली सोइश्‍शो रागी रागी ङा मुर नेल्‍ल आन कली तूपाइक्‍मी। येरमीया ५१:७; यसैया ५१:१७; प्रकाश १४:१०
JER 25:16 मेकोपुकीमी मेको तूशा, दिङ दाङ गोल्‍शा, मारेइ मिम्‍ने मचाप्‍नीम। मारदे हना गो मेको आन दातेमी तरवार सोइक्‍नुङ” देंत।
JER 25:17 मोपतीके गो मेको कचौरा परमप्रभु यावे आ गुइ रे ताक्‍ता। मिनु गो परमप्रभु यावेमी सोइश्‍शो रागी नेल्‍ल नु मुर नेल्‍ल आन कली तूपाइक्‍तामी।
JER 25:18 मिनु मुलाक्‍ती तशो खोदेंशो पा यरूसलेम नु यहूदा ङा सहर नेल्‍ल आन कली श्‍येत्‍थ नु मुर मबाक्‍तीके सेलो। मेकेर ङा पिप नु आन सरकार आ गेय पाइब मुर खतम दुम्‍नीम। मेको सहर शुक्‍शी पाइक्‍चा नु सराप पाइक्‍चा पुंइसीब दुम्‍त।
JER 25:19 मेको प्रोंइशा यो इजीप्‍त ङा पिप फाराओ, मेको आ गेय पाइब मुर नेल्‍ले, मेको आ सरकार ङा मुरपुकी नु मेको आ मुर नेल्‍ल आन कली,
JER 25:20 मेकेर बाक्‍ब अर्को रागी ङा मुर नेल्‍ले, ऊज रागी ङा पिप नेल्‍ले, पलिस्‍ती आन पिप नेल्‍ले, अश्‍कलोन, गाजा, एक्रोन नु अश्‍दोद सहरम लीशा बाक्‍शो मुर नेल्‍ल आन कली,
JER 25:21 एदोम, मोआब नु अम्‍मोन ङा मुर नेल्‍ल आन कली,
JER 25:22 टायर नु सीदोन ङा पिप नेल्‍ले, समुन्‍द्र आइक्‍ची हांबु ङा पिप नेल्‍ल आन कली,
JER 25:23 देदान, तेमा, बूज नु आन चां एर ओंथ ख्रोइक्‍ब नेल्‍ल आन कली, येरमीया ९:२५
JER 25:24 अराब रागी ङा पिप नेल्‍ल, गोरशो रागीम बाक्‍ब अर्को रागी ङा मुर आन पिप नेल्‍ल आन कली,
JER 25:25 जिम्री ङा पिप, एलाम ङा पिप नु मादी ङा पिप नेल्‍ल आन कली,
JER 25:26 मिनु उत्तर गे आ नेक्‍था नु ङोन बाक्‍ब पिप नेल्‍ल आन कली का का पा तूपाइक्‍तामी। मिनु नोले अर्को रागीम बाक्‍शो राज्‍य नेल्‍ल ङा मुर आन कली तूपाइक्‍तामी। मिनु मेको नेल्‍ल आन नोले शेशाक ङा पिपमी यो मेको तूचा माल्‍ब। शेशाक बेबीलोन आ अर्को नें बाक्‍ब। येरमीया ५१:४१
JER 25:27 मिनु नोले गे मेको आन कली “मुर नेल्‍ल आन परमप्रभु यावे, इस्राएली आन परमप्रभुमी मार देंत देंशा हना ‘गे मेको तूशा दुक्‍शा मेने। मिनु गेना यो मबोक्‍चा ङा पा गोलीन। गो इन दातेम सोइश्‍शो तरवार आ पर्बम मो दुम्‍ब’ दे माइक्‍मी।
JER 25:28 तन्‍न मेकोपुकीमी इ गुइ रे मेको कचौरा तूने मबिस्‍साक्‍म हना, गे मेको आन कली मुर नेल्‍ल आन परमप्रभु यावेमी ‘गेपुकीम मेको तूचान माल्‍नीनी’ देंशो बाक्‍ब” दे माइक्‍मी।
JER 25:29 मेकोमी “कोव़ङीन, मुल गो आं नेंम वोइश्‍शो सहर कली श्‍येत गेचा चिक्‍शो बाक्‍नुङ। मिनु मार, गेपुकी चहिं सजाइ मतथु ब्रोंइनीनी ङा? इन कली सजाइ मगे‍थु मप्रोंइसीब। मारदे हना गो रागीम बाक्‍ब मुर नेल्‍ल आन पर्बम तरवार का ठीक पशो बाक्‍ती, दे मुर नेल्‍ल आन परमप्रभु यावेमी देंत” दे माइक्‍मी। इजीकीएल ९:६; १पत्रुस ४:१७; येरमीया ४९:१२
JER 25:30 परमप्रभु यावेमी “मुल गे मेको नेल्‍ल आन पर्बम एको आं लोव़ पावो। मेको आन कली ‘परमप्रभु यावे इर आ बाक्‍तीक रे ब्‍वाक्‍ब। आ बाक्‍तीक रे आ सेंदा ग्रुंइब। मिनु आंम रागी आ पर्बम मेको ठेयब सेंदा पा ब्‍वाक्‍ब। रागीम बाक्‍ब नेल्‍ल आन पर्बम अङगुर ख्राक्‍‍ब खोदेंशो पा ग्रीब। होसे ११:१०; योएल ४:१६; आमोस १:२
JER 25:31 मेको रेयके पा, थोप्‍ला दाइश्‍शो, रागी ङा सुर सम्‍म नेंसीब। मारदे हना परमप्रभु यावेम रागी रागी आन कली दोस गेब। मिनु मेकोमी मुर नेल्‍ल आन कली निसाफ पाइब। मिनु दोस ताइब तरवारम क्‍योरचा पुंइसीनीम’ दे माइक्‍मी” देंत।
JER 25:32 मुर नेल्‍ल आन परमप्रभु यावेमी “कोव़ङीन शुश श्‍येत दुम्‍तीक रागी का रे अर्को रागी सम्‍म ब्रना ब्रन लाइब। रागी आ सुर रे हिंचा ङा फश गिवार जाक्‍ना जाक्‍न बाक्‍ब” देंत।
JER 25:33 मेको नाक्‍ती परमप्रभु यावे आ साइश्‍शोपुकी रागी आ सुर का रे अर्को सुर सम्‍म बाक्‍नीम। मेको आन पर्बम सुइ रोंका मपाइनीम। मेको बेक्‍शो मुर आन कली सुइमी खुप्‍शा मथिम्‍नीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो दुम्‍नीम। येरमीया ९:२१
JER 25:34 गे गोठलापुकी रोंका पने। मिनु वाइ ब्रेश्‍शा ङाक्‍कीन। गे मेको बगाल ङा लां कोंइबपुकी पुलुम दिङ दाङ गोलीन। मारदे हना इन कली क्‍योरशा साइक्‍तीक नाक्‍त जाक्‍शो बाक्‍ब। गेपुकी गोल्‍नीनी। मिनु शुश क्‍येट लाइब ग्‍योंब खोदेंशो पा प्रोल्‍चा पुंइसीनीनी। येरमीया २३:१
JER 25:35 गोठला आन कली प्रोक्‍तीक तेइ मबाक्‍ब। बगाल ङा लां कोंइब आन ब्रोंइतीक लां तेइ मबाक्‍ब।
JER 25:36 गोठला आन ङाक्‍शो नेनीन। बगाल आन कली लां कोंइब आन हिंमा क्‍येम्‍स पशो नेनीन। मारदे हना परमप्रभु यावेम मेको आन बस्‍तु योव़तीके क्‍याम्‍चा चिक्‍शो बाक्‍ब।
JER 25:37 परमप्रभु यावे आ ठेयब पा गाइश्‍शोम मेको रिम्‍शो बस्‍तु योव़तीके खतम दुम्‍नीम।
JER 25:38 गुप्‍सम खोदेंशो पा मेकोमी आ बाक्‍तीके प्रोंइतु। मारदे हना मेको आन रागी साइक्‍ब तरवार नु परमप्रभु आ गाइक्‍तीक आ पर्बम मुर मबाक्‍‍तीके दुम्‍त। येरमीया ४:७
JER 26:1 यहूदा ङा पिप योसीयाह आ तौ येहो-याकीममी सासन पवा आ ङोंइती ङा बर्सम परमप्रभु यावेमी आं कली लोव़ पाप्‍तु। २राजा २३:३४-३७
JER 26:2 परमप्रभु यावेमी मार देंत, देंशा हना “आं खिं ङा लाङगाम रपो। मिनु आं कली ठेयब सेल्‍चा कली जाक्‍ब यहूदा सहर ङा मुर नेल्‍ल आन कली गो इ कली देंशो लोव़ नेल्‍ल मेको आन कली देनो। लोव़ का यो मफेवो।
JER 26:3 मिनु मेको नेंशा, मेको नेल्‍ल आन मरिम्‍शो लां रे लेत्‍नीमी, कों? मिनु मेको आन मरिम्‍शो पशो आ पर्बम मेको आन कली ठेयब श्‍येत चाक्‍तीक रे आं थुं फाइक्‍नुङा, कों? गो मेको आन तार चाक्‍चशो खतम दुम्‍तीक मचाक्‍नुङा, कों? येरमीया १८:८; येरमीया ३६:३
JER 26:4 गेमी मेको आन कली ‘परमप्रभु यावेम आं लोव़ मार बाक्‍ब देंशा हना, गे आं लोव़ पशो नोफा दाइश्‍शा मनेंतीनी हना, गो इन ङोंइती वोइश्‍शो आं अरेशो मपाइतीनी हना,
JER 26:5 गो गेना हना यो इन बाक्‍तीकेम सोइश्‍शो आं गेय पाइब, आं लोव़ पाइब आन लोव़ नोफा दाइश्‍शा मनेंतीनी हना, गेपुकीम मेको रिम्‍शो पा मनेंशो बाक्‍तीनी हना, येरमीया २५:४
JER 26:6 गो मेको खिं कली शिलो खोदेंशो सेल्‍नुङ। मिनु मेको सहर कली रागी नेल्‍ल ङा मुर नेल्‍ल आन दातेमी सराप राइब सेल्‍नुङ’ देनो” देंत। २राजा २५:९; येरमीया ७:१२
JER 26:7 मिनु चढ़ेबपुकी, परमप्रभु यावे आ लोव़ पाइबपुकी नु मुर नेल्‍लेमी परमप्रभु यावे आ खिंम येरमीयामी देंशो लोव़ नेंतेक्‍म।
JER 26:8 मिनु परमप्रभु यावे आ अरेशो लोव़ नेल्‍ल, येरमीयाम मुर नेल्‍ल आन कली नेंपाइक्‍ने थुमा चोटी चढ़ेबपुकी, परमप्रभु यावे आ लोव़ पाइबपुकी नु मुर नेल्‍लेम मेको कली ग्‍याइश्‍शा “गे साइक्‍चान पुंइसीनेवे।
JER 26:9 गे मारदे परमप्रभु यावे आ नेंम लोव़ पा ‘एको खिं शिलो खोदेंशो दुम्‍ब। मिनु एको सहर चहिं श्‍येत्‍थ नु मुर मबाक्‍तीके दुम्‍ब’ देने” देंशा, परमप्रभु यावे आ खिंम येरमीया आ एर ओंथ मरिक्‍थ्री पा मुर देल्‍तेक्‍म।
JER 26:10 मिनु यहूदा ङा सरकार आ गेय पाइब मुरपुकीम मेको लोव़ नेंशा, मेकोपुकी पिप आ खिं रे परमप्रभु यावे आ खिंम जाक्‍तेक्‍म। मिनु परमप्रभु यावे आ खिं ङा नक लाप्‍चो आ ङोंइती बाक्‍तेक्‍म।
JER 26:11 मिनु चढ़ेबपुकी नु परमप्रभु यावे आ लोव़ पाइबपुकीम, सरकार आ गेय पाइब मुरपुकी नु मुर नेल्‍ल आन कली “एको मुर कली साइक्‍चान माल्‍ब। मारदे हना एकोमी एको सहर आ पर्बम मरिम्‍शो पा परमप्रभु यावे आ लोव़ पाप्‍तु। मेको गेपुकीम आंमा यो नेंतीनी” देंतेक्‍म। प्रेरित ६:१३
JER 26:12 मिनु येरमीयामी सरकार आ गेय पाइब नु अरु मुर नेल्‍ल आन कली “परमप्रभु यावेम आं कली एको खिं नु एको सहर आ पर्बम इन नेंशो लोव़ पचा कली सोइश्‍शो बाक्‍ब।
JER 26:13 मुल गेपुकीम इन पतीक नु इन गेय रिम्‍शो सेलीन। मिनु आंम परमप्रभु यावे, इन परमप्रभु आ अरेशो टिने। मिनु परमप्रभु यावेम इन कली खतम पोक्‍तीक रे आ थुं लेप्‍ब। येरमीया ७:३
JER 26:14 गो इन गुइम बाक्‍शो बाक्‍नुङ। इन कली मार रिम्‍शो नु ठीक दुम्‍बा, मेको पाइय्‍यीनी।
JER 26:15 तन्‍न गे एको तुइक्‍तीन। गेपुकीम आं कली साइक्‍तीनी हना, आंम इन तारी, एको सहर तारी नु एकेर बाक्‍ब आन तारी दोस मताइब मुर का आ हुश शाइक्‍पाइश्‍शो दोस चाक्‍नीनी। मारदे हना परमप्रभु यावेम इन कली एको लोव़ नेल्‍ल नेंपाइक्‍चा कली आं कली सोइश्‍शो बाक्‍त” देंत। प्रस्‍थान २३:७; मत्ती २७:४,२५
JER 26:16 मिनु सरकार आ गेय पाइब मुर नु अरु मुर नेल्‍लेम, चढ़ेबपुकी नु परमप्रभु यावे आ लोव़ पाइब आन कली “एको मुर साइक्‍चा पुंइसीचा ङा मुर ममाइ। एको मुरुम इं कली परमप्रभु यावे, इं परमप्रभु आ नेंम एको लोव़ नेंपाइक्‍तु” देंतेक्‍म।
JER 26:17 मिनु मेको रागी ङा शेंब खाल्‍पा का निक्‍शी बोक्‍शा, मेको देल्‍शा बाक्‍शो मुर आन कली
JER 26:18 “यहूदा ङा पिप हिज्‍कीयाह आ पालाम मोरेशेथ ङा मीकाहम परमप्रभु यावे आ लोव़ पशो बाक्‍त। मेकोमी यहूदा ङा मुर नेल्‍ल आन कली ‘मुर नेल्‍ल आन परमप्रभु यावेम सियोन कली रू खोदेंशो पा वाक्‍सीब। यरूसलेम चहिं फुल्‍लु तेल्‍शो खोदेंशो दुम्‍ब। परमप्रभु यावे आ खिं चहिं रवापुकी वाशा सुम्‍शो डांडा खोदेंशो दुम्‍ब’ देंशो बाक्‍त” देंतेक्‍म। मीका १:१; मीका ३:१२; येरमीया ९:१०
JER 26:19 मिनु मेकोपुकीमी “मार, यहूदा ङा पिप हिज्‍कीयाह नु यहूदा ङा अरु सुइ मुरुम मेको कली सदमे ङा? मिनु मार, परमप्रभु यावे क्‍येङा हिंशा हिज्‍कीयाहम मेको आ शिशी ममला ङा? मिनु परमप्रभु यावेम मेको आन तार चाक्‍चशो खतम पोक्‍तीक रे आ थुं मलेत्‍ता ङा? तन्‍न गोपुकीम आंम इं तार ठेयब खतम दुम्‍तीक चाक्‍चा चिक्‍शो बाक्‍तय” देंतेक्‍म। येरमीया १८:८
JER 26:20 मेकोपुकी नु अर्को मुर का यो बाक्‍त। मेकोमी परमप्रभु यावे आ नेंमी लोव़ पाप्‍तु। मेको किरयथ-यारीमम बाक्‍ब शेमायाह आ तौ उरीयाह बाक्‍त। मेकोमी यो मेको रागी नु मेको सहर आस पर्बम येरमीयामी खोदेंशो पा परमप्रभु यावेम मरिम्‍शो पचशो आ पर्बम लोव़ पाप्‍तु। यहोसु १:५९
JER 26:21 मिनु पिप येहो-याकीम नु मेको आ ठेयब मुरपुकी, आ कप्‍तान नेल्‍लेम उरीयाह आ पशो लोव़ नेंतेक्‍म। मिनु पिपम मेको कली साइक्‍चा माल्‍तु। तन्‍न मेको लोव़ नेंशा उरीयाह हिंत। मिनु प्रोक्‍शा इजीप्‍त रागी लत।
JER 26:22 मो हना यो येहो-याकीममी आकबोर आ तौ एल्‍नाथान नु मेको नु अर्को मुरपुकी इजीप्‍त रागीम सोइक्‍ताक्‍व।
JER 26:23 मिनु मेकोपुकीमी उरीयाह कली इजीप्‍त रे चाक्‍तेक्‍म। मिनु पिप येहो-याकीम आ ङोंइती राप्‍पाइक्‍तेक्‍म। मिनु पिपम मेको कली साइक्‍चा कली तरवार आप्‍पाइक्‍तु। मिनु मेको आ बेक्‍शो रां आइक्‍च आइक्‍च मुर आन कली ताइक्‍तीकेम ताइक्‍पाइक्‍तु।
JER 26:24 तन्‍न शाफान आ तौ अहीकामम मुल यो येरमीया आ पोन बोक्‍शा लोव़ पाप्‍तु। मोपतीके येरमीया साइक्‍पांइ‍सीचा कली मुर आन गुइम जिम्‍मा गेचा मपुंइसे। २राजा २२:१२
JER 27:1 यहूदा ङा पिप योसीयाह आ तौ सिदकीयाहम सासन पवा आ ङोंइती ङा बर्सम परमप्रभु यावेम आं कली लोव़ पाप्‍तु। २राजा २४:१७-१८
JER 27:2 परमप्रभु यावेमी मार लोव़ पाप्‍तु देंशा हना “कुशुल के डोरी नु थरपु ङा शी के जुवा का सेलो। मिनु मेको इ शुरम लाम्‍सो। येरमीया २८:१०
JER 27:3 मिनु यहूदा ङा पिप सिदकीयाह आ बाक्‍तीके यरूसलेममी जाक्‍ब लोव़ कुरब आन कली एदोम, मोआब, अम्‍मोन, टायर नु सीदोन ङा पिप आन बाक्‍तीकेम मेको लोव़ सोइक्‍तीमी। येरमीया २५:२१-२२
JER 27:4 मेको आन होव़प आन कली एको लोव़ पा ‘मुर नेल्‍ल आन परमप्रभु यावे इस्राएली आन परमप्रभुम गेपुकीम इन होव़प आन कली
JER 27:5 एको रागी, एको रागीम बाक्‍ब मुरपुकी, बस्‍तु भाव नु जन्‍तु नेल्‍ल आन कली आं ठेयब सक्ति नु आं बोलम सेल्‍शो नङ। मिनु गो सु कली गेचा दाक्‍नुङ, मेको कली गेनुङ। येरमीया १२:१७
JER 27:6 मुल गेपुकी नु इन रागी नेल्‍ल आं गेय पाइब बेबीलोन ङा पिप नेबुकदनेसर आ गुइम गेता। ब्‍वाकी ङा जन्‍तु आन कली यो सासन पाइब सेल्‍ता। येरमीया २५:९; यसैया ४५:१,८; इजीकीएल २६:७; दानीएल २:३८
JER 27:7 मेको आंम इन रागी आ रिम्‍शो दुम्‍ची मजाक्‍म सम्‍म रागी रागी नेल्‍ल ङा मुरपुकीम मेको आ तौ नु मेको आ चच आन गेय पचा माल्‍नीम। मेको नोले शुश रागी नु ठेयब पिपपुकीमी मेको कली आन वाइल सेल्‍नीम।
JER 27:8 तन्‍न तेकोइ रागी तेकोइ राज्‍य नु पिपम बेबीलोन ङा पिप नेबुकदनेसर आ वाइल दुम्‍चा नु मेको आ जुवा आन शुरम वोइक्‍ने मबिस्‍साक्‍म हना, गो मेको रागी ङा मुर आन कली तरवार, अन्‍काल नु मुर बेक्‍तीक रोइम सजाइ गेनुङमी। गो मेको आन कली मसाइक्‍पदुमी सम्‍म मो पाइनुङ’ दे परमप्रभु यावेम देंत।
JER 27:9 मोपतीके गेपुकी ‘बेबीलोन ङा पिप आ वाइल दुम्‍चा माल्‍नीनी’ देंब, इन नोले दुम्‍ब लोव़ पाइबपुकी, लिंक्‍यु कोव़बपुकी, ङोमु ङा लोव़ शेंबपुकी, टुना मुना नु मन्‍तर तन्‍तर पाइक्‍ब आन लोव़ मनेनीन। येरमीया १४:१३-१४
JER 27:10 मारदे हना मेकोपुकीमी इन कली देंशो नोले दुम्‍ब लोव़ जोल बाक्‍ब। मेको लोव़ पतीके इन रागी रे ङोन खेरचा पुंइसीनीनी। गो इन कली खेरनुङ। मिनु गेपुकी बेक्‍नीनी।
JER 27:11 तन्‍न तेको रागी आ शुर बेबीलोन ङा पिप आ जुवा आगाम वोइक्‍बा, मेको आ वाइल दुम्‍बा, मेको रागी ङा मुर आन कली गो आन रागीमीन दोचा कोक्‍‍चा नु बाक्‍चा गेनुङमी” दे परमप्रभु यावेम देंत।
JER 27:12 मिनु गो मेको लोव़ यहूदा ङा पिप सिदकीयाह कली देंती। मेको कली “बेबीलोन ङा पिप आ जुवा इन शुरम वोतीन। मिनु मेको नु मेको आ मुर आन वाइल दुमीन। मिनु गे ब्रोंइनीनी।
JER 27:13 परमप्रभु यावेम बेबीलोन ङा पिप आ वाइल मदुम्‍ब, रागी ङा मुर आन कली गे तरवार, अन्‍काल नु मुर बेक्‍तीक रोइम बेक्‍चा माल्‍नीनी। मारदे गे नु इन मुर बेक्‍चा दाक्‍नीनी?
JER 27:14 गेपुकीम ‘बेबीलोन ङा पिप आ वाइल दुम्‍चा ममाल्‍नीनी देंब जोल पा परमप्रभु यावे आ लोव़ पाइब आन लोव़ मनेनीन। मारदे हना मेकोपुकीमी इन कली जोल पना पन बाक्‍नीम’ देंनीनी। येरमीया १४:१४
JER 27:15 परमप्रभु यावेम ‘गो मेको आन कली मसोइक्‍तुमी। तन्‍न मेकोपुकीम आं नेंम जोल पा लोव़ पाइनीम। मेको आन लोव़ नेंतीनी हना, गो इन कली एको रागी रे खेरनन्‍नी। मिनु गे बेक्‍नीनी। गेपुकी नु इन कली जोल पा लोव़ पाइब मो दुम्‍नीनी’ देंती” देंत।
JER 27:16 मिनु गो चढ़ेब नु मेको मुर नेल्‍ल आन कली “परमप्रभु यावेमी ‘गेपुकी इन कली जोल पा आं लोव़ पाइब आन लोव़ मनेनीन। मेकोपुकीमी परमप्रभु यावे आ खिं ङा ग्‍योंब नु बो‍सपुकी रीब पा बेबीलोन रे चाक्‍सीब’ देंनीम। मेकोपुकीमी इन कली जोल पा नोले दुम्‍ब लोव़ पाइनीम। येरमीया २८:३; २इतिहास ३६:१०
JER 27:17 मेको आन लोव़ मनेनीन। बेबीलोन ङा पिप आ वाइल दु‍मीने। मिनु गेपुकी ब्रोंइनीनी। मारदे गेपुकीम एको सहर कली मुर मबाक्‍तीके दुम्‍पाइक्‍नीनी?
JER 27:18 मेकोपुकी थमा पा परमप्रभु यावे आ लोव़ पाइब बाक्‍तेक्‍म हना नु मेकोपुकी नु परमप्रभु यावे आ लोव़ बाक्‍त हना, परमप्रभु यावे आ खिंम बाक्‍शो, यहूदा ङा पिप आ खिंम बाक्‍शो नु यरूसलेममी बाक्‍शो मार मार बेबीलोन मलदमेक्‍ल, दे मुर नेल्‍ल आन परमप्रभु यावे कली पुन्‍मेक्‍ल।
JER 27:19 मारदे हना मुर नेल्‍ल आन परमप्रभु यावेमी थाम, कांसा के ठेयब चिक्‍तीके बोस, मेको आ कांसा के नित्‍तीके नु सहरम लीशो बोस आन पर्बम लोव़ पाप्‍तु। १राजा ७:१५-३९; २राजा २५:१३-१७
JER 27:20 मेको बेबीलोन ङा पिप नेबुकदनेसरमी यहूदा ङा पिप येहो-याकीम आ तौ येकोन्‍याह माइश्‍शो येकोन्‍याह नु यहूदा नु यरूसलेम ङा ठेयब मुर नेल्‍ल आन कली यरूसलेम रे ग्‍याइश्‍शा लदमेनु, मेको बोस मलद। येहो-याकीम आ नें २राजा २४:६ योयाकीन बाक्‍ब। तन्‍न येरमीया किताबम २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम।
JER 27:21 मिनु मुर नेल्‍ल आन परमप्रभु यावे, इस्राएली आन परमप्रभुमी ‘आं खिंमी लीशो बोसपुकी, यहूदा ङा पिप आ दरवारमी वोइश्‍शो बोसपुकी नु यरूसलेममी प्रोंइशो ग्‍योंबपुकी बाक्‍नीम।
JER 27:22 मेको नेल्‍ल आन कली बेबीलोनम चाक्‍दीत्‍नीम। मिनु गो मेको आन पर्बम मकोव़ङु सम्‍म मेको मेकेर बाक्‍चा माल्‍‍नीम’ देंशो बाक्‍ब। मिनु ‘गो मेको आन कली लेंशा लेश्‍शा चाक्‍नुङमी। मिनु लेंशा आन बाक्‍तीकेमी वोइक्‍नुङमी’ दे परमप्रभु यावेमी देंत” दे माइक्‍ती। एज्रा १:१,११
JER 28:1 मेको बर्समीन यहूदा ङा पिप सिदकीयाहम सासन पशो ४ बर्स ५ महिनाम गिबोनम बाक्‍ब अज्‍जुर आ तौ परमप्रभु यावे आ लोव़ पाइब हनान्‍याहम परमप्रभु यावे आ खिंम चढ़ेब नु मुर नेल्‍ल आन ङोंइती लोव़ पा, आं कली २इतिहास १:३,१३
JER 28:2 “मुर नेल्‍ल आन परमप्रभु यावे, इस्राएली आन परमप्रभुमी ‘गो बेबीलोन ङा पिप आ जुवा जिक्‍ता।
JER 28:3 बेबीलोन ङा पिप नेबुकदनेसरमी आं खिं ङा मार मार नु ग्‍योंब एकेर रे बेबीलोनम लाइश्‍शो बाक्‍मे, मेको नेल्‍ल बर्स निक्‍शी क्‍येङा ङोंइती गो लेश्‍शा एक चाक्‍नुङमी। येरमीया २७:१६
JER 28:4 मिनु गो यहूदा ङा पिप येहो-याकीम आ तौ येकोन्‍याह नु यहूदा रे ग्‍याइश्‍शा लाइक्‍चा पुंइसीशो नेल्‍ल आन कली बेबीलोन रे चाक्‍नुङमी। मारदे हना गो बेबीलोन ङा पिप आ जुवा जिक्‍शा गेनुङ’ ” दे परमप्रभु यावेमी देंत। येरमीया २७:२०
JER 28:5 मिनु नोले परमप्रभु यावे आ लोव़ पाइब येरमीयाम परमप्रभु यावे आ खिंम राप्‍शा बाक्‍शो चढ़ेब नु मुर नेल्‍ल आन ङोंइती मेको परमप्रभु यावे आ लोव़ पाइब हनान्‍याह कली
JER 28:6 “आमेन, परमप्रभु यावेम मो पवल। परमप्रभु यावेमी इ पशो लोव़ खबल। परमप्रभु यावे आ खिं ङा मार मार ग्‍योंबपुकी नु ग्‍याइश्‍शा लाइक्‍चा पुंइसीशो नेल्‍ल आन कली बेबीलोन रे लेश्‍शा चाक्‍गल।
JER 28:7 तन्‍न इ ङोंइती नु मुर नेल्‍ल आन ङोंइती नेंचा ङा पा आं देंशो लोव़ नेनो।
JER 28:8 गे नु गो इस ङोंइती जाक्‍ब साइ ङा परमप्रभु यावे आ लोव़ पाइबपुकीमी शुश रागी नु ठेयब राज्‍य आन पर्बम लडाइ, अन्‍काल नु मुर बेक्‍तीक रोइ आन पर्बम लोव़ पामे बाक्‍त।
JER 28:9 तेको परमप्रभु यावे आ लोव़ पाइबम थुं नाइश्‍शा बाक्‍तीक आ पर्बम लोव़ पवा, मेको आ लोव़ गाप्‍त हना ला, मेको थमा पा परमप्रभु यावेम सोइश्‍शो आ लोव़ पाइब बाक्‍ब, दे तुंइसीब” दे माइक्‍तु। ब्‍यवस्‍था १८:२१-२२
JER 28:10 मिनु नोले परमप्रभु यावे आ लोव़ पाइब हनान्‍याहम परमप्रभु यावे आ लोव़ पाइब येरमीया आ शुर रे मेको जुवा शोल्‍शा जिक्‍तु।
JER 28:11 मिनु हनान्‍याहम मुर नेल्‍ल आन ङोंइती “परमप्रभु यावेमी मार देंत देंशा हना ‘गो मोपा बर्स निक्‍शी क्‍येङा ङोंइती रागी रागी ङा मुर नेल्‍ल आन शुर रे बेबीलोन ङा पिप नेबुकदनेसर आ जुवा जिक्‍शा गेनुङ’ ” देंत। मेना परमप्रभु यावे आ लोव़ पाइब येरमीया आ लां खोइक्‍तु। येरमीया २९:१०
JER 28:12 मिनु परमप्रभु यावे आ लोव़ पाइब हनान्‍याहम, परमप्रभु यावे आ लोव़ पाइब येरमीया आ शुर ङा जुवा जिक्‍शा गेवा आ इच्‍का नोले परमप्रभु यावेम येरमीया कली लोव़ पाप्‍तु।
JER 28:13 मार लोव़ पाप्‍तु देंशा हना “लशा, हनान्‍याह कली परमप्रभु यावेमी इ कली मार देंत देंशा हना ‘गे शी के जुवा जिक्‍तीवी। तन्‍न गो मेको आ पा ङा फलाम के जुवा चाक्‍नुङ’ देंशो बाक्‍ब मतो” देंत।
JER 28:14 मिनु मुर नेल्‍ल आन परमप्रभु यावे, इस्राएली आन परमप्रभुमी “बेबीलोन ङा पिप नेबुकदनेसर आ वाइलीम वाइल दुम्‍पाइक्‍चा कली गो रागी नेल्‍ल ङा मुर नेल्‍ल आन शुरम फलाम के जुवा लाप्‍नुङमी। थमा पा, मेको आ वाइलीम वाइल दुम्‍नीम। गो ब्‍वाकी ङा जन्‍तु आन कली यो आ सासनमी गेतामी, देंशो बाक्‍ब, देनो” देंत। ब्‍यवस्‍था २८:४८; येरमीया २७:६
JER 28:15 मिनु परमप्रभु यावे आ लोव़ पाइब येरमीयाम, परमप्रभु यावे आ लोव़ पाइब हनान्‍याह कली “ए हनान्‍याह, नेनो। परमप्रभु यावेमी इ कली मसोइक्‍त। मिनु गे एको मुर आन कली जोल लोव़ पा थमा सुइक्‍पाइश्‍शो बाक्‍नेवे।
JER 28:16 मोपतीके परमप्रभु यावेम ‘गो इ कली एको रागी रे तिल्‍चा चिक्‍शो बाक्‍नुङ। गे एको बर्सम बेक्‍नेवे। मारदे हना गे परमप्रभु यावे कली काइ मटिथु जोल लोव़ पाप्‍तीवी’ देंत” देंत।
JER 28:17 मिनु मेको बर्स ङा ७ महिनाम जोल पा परमप्रभु यावे आ लोव़ पाइब हनान्‍याह बेक्‍त।
JER 29:1 परमप्रभु यावे आ लोव़ पाइब येरमीयामी, यरूसलेम ङा ग्‍याइश्‍शा लाइक्‍चा पुंइसीशो आन दाते ङा ब्रोंइशा लीशो खाल्‍पा आन कली एको चिठी ब्रेक्‍शा सोइक्‍ताक्‍व। बेबीलोन ङा पिप नेबुकदनेसरम यरूसलेम रे चढ़ेब, परमप्रभु यावे आ लोव़ पाइब नु मुर नेल्‍ल आन कली ग्‍याइश्‍शा बेबीलोन लाइश्‍शो बाक्‍त।
JER 29:2 पिप येकोन्‍याह आ ममा, दरवार ङा ठेयब मुरपुकी, यहूदा नु यरूसलेम ङा सरकार आ गेय पाइब, रिम्‍शो पा मारेइ मारेइ सेल्‍स जोल्‍ब मुर नु तुप्‍तीलपुकी यरूसलेम रे ग्‍याइश्‍शा लाइक्‍चा पुंइसीमा नोले मेको चिठी ब्रेक्‍शो बाक्‍ब। येहो-याकीम आ नें २राजा २४:६ योयाकीन बाक्‍ब। तन्‍न येरमीया २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम।२राजा २४:१४-१५
JER 29:3 मेकोमी मेको चिठी शाफान आ तौ एलासाह नु हिल्‍कीयाह आ तौ गेमारयाह आस गुइम सोइक्‍ताक्‍व। मेको यहूदा ङा पिप सिदकीयाहम पिप नेबुकदनेसर कली गेन, दे बेबीलोनम सोइश्‍शो बाक्‍त। मेको चिठीम मार ब्रेक्‍शो बाक्‍त देंशा हना,
JER 29:4 मुर नेल्‍ल आन परमप्रभु यावे, इस्राएली आन परमप्रभुमी मार ब्रेक्‍पाइश्‍शो बाक्‍त, देंशा हना “यरूसलेम रे बेबीलोनम ग्‍याइश्‍शा लाइक्‍चा पुंइसीशो नेल्‍ल आन कली
JER 29:5 गेपुकी मेकेर खिं सेल्‍शा बाक्‍कीन। रूम मार मार शोक्‍शा जने।
JER 29:6 ग्‍युंबे पा, तमी तौ थिने। इन तौ आन कली चाइमी चाक्‍कीन। इन तमी आन कली ग्‍युंबे पा गेने। मिनु मेकोपुकीमी तमी तौ थीमेक्‍ल। मेकेर गेपुकी सोशा बोशा शुश दुमीन। जाम्‍शा मलने।
JER 29:7 गो इन कली ग्‍याइश्‍शा लाइक्‍पाइश्‍शो सहर कली रिम्‍शो मिम्‍तीन। मिनु मेको आ पर्बम परमप्रभु यावे कली पुनीन। मारदे हना मेको कली रिम्‍शो दुम्‍चा इन कली यो रिम्‍शो दुम्‍चा बाक्‍ब” देंशो बाक्‍त।
JER 29:8 मुर नेल्‍ल आन परमप्रभु यावे, इस्राएली आन परमप्रभुमी “इन दातेम बाक्‍ब परमप्रभु यावे आ लोव़ पाइबपुकी नु लिंक्‍यु कोव़बपुकीम इन कली जोल पा थमा मसुइक्‍पदमेक्‍ल। आन ङोमु ङा लोव़ मनेनीन। येरमीया १४:१४
JER 29:9 मेकोपुकीमी जोल पा आं नेंमी नोले दुम्‍ब लोव़ पाइनीम। मेको आन कली गो मसोइक्‍तुमी” दे परमप्रभु यावेम देंशो बाक्‍ब।
JER 29:10 परमप्रभु यावेमी “बेबीलोनम मो पशो ७० बर्स गाम नोले गो इन बाक्‍तीक जाक्‍नुङ। मिनु इन कली एको रागीम लेश्‍शा चाक्‍नुङ, दे आं शिशी पा देंशो लोव़ खाप्‍नुङ। येरमीया २५:११-१३
JER 29:11 मारदे हना गो इन पर्बम शुश मिम्‍शो बाक्‍नुङ। गो मेको मिम्‍शो तुइक्‍नुङ। आं मिम्‍शो इन कली रिम्‍शो दुम्‍चा कली बाक्‍ब। मरिम्‍शो दुम्‍पाइक्‍चा कली ममाइ।
JER 29:12 गेपुकीम आं नेक्‍था जाक्‍शा पुंइनीनु, गो इन पुंइशो नेंनुङ।
JER 29:13 गेपुकीम इन थुं नेल्‍लेमी आं कली माल्‍तीनी हना, थित्‍नीनी। येरमीया ३०:३; ब्‍यवस्‍था ४:२९; यसैया ५५:६
JER 29:14 मिनु गो इन कली थिप्‍पांइसीनुङ। इन जाम्‍शो शोंप इन कली गेनुङ। गो इन कली ग्‍याइश्‍शा लाइक्‍पाइश्‍शो रागी नेल्‍ल रे खुप्‍नुङ। तेको रागी रे इन कली ग्‍याइक्‍पदु, मेको रागीमी लेश्‍‍शा चाक्‍नन्‍नी” देंत। येरमीया ३०:३; येरमीया ३३:२६
JER 29:15 गेपुकीम “परमप्रभु यावेम आंइ पर्बम बेबीलोनमी आ लोव़ पाइबपुकी योव़तु” देंतीनी।
JER 29:16 परमप्रभु यावेमी दाऊद आ नित्‍तीकेम निप्‍ब पिप नु एको सहरम बाक्‍ब मुर नेल्‍ल, इन नेक्‍था ङा मुरपुकी नु ग्‍याइश्‍शा लाइक्चा मपुंइसीशो आन पर्बम मार देंत देंशा हना,
JER 29:17 मुर नेल्‍ल आन परमप्रभु यावेमी “गो मेको आन पर्बम तरवार, अन्‍काल नु मुर बेक्‍तीक रोइ सोइक्‍नुङ। मिनु गो मेको आन कली राक्‍शो फोव़शी गेडा खोदेंशो सेल्‍नुङमी। मिनु मेको थाम्‍पा राक्‍शा ब्‍वचा मदुम्‍चा ङा बाक्‍नीम। येरमीया २४:८-१०
JER 29:18 गो मेको आन कली तरवार, अन्‍काल नु बेक्‍चा ङा रोइमी खेदा पाइनुङमी। मिनु गो मेको आन कली राज्‍य नेल्‍लेमी शुश हिंचा ङा सेल्‍नुङमी। मेकोपुकी आं खेरशो रागी नेल्‍ल आन दातेमी, सराप पाइक्‍तीके, शुश हिंतीके, शुक्‍शी पाइक्‍तीके नु मुने तोक्‍तीके सेल्‍नुङमी। ब्‍यवस्‍था २८:३७
JER 29:19 मारदे हना मेकोपुकीमी आं लोव़ मनेनेम। गो आं गेय नु आं लोव़ पाइब आन कली सोइक्‍ना सोइक्‍न बाक्‍ती हना यो मेको आन लोव़ मनेनेम” दे परमप्रभु यावेमी देंत। येरमीया २५:४
JER 29:20 मोपतीके गे यरूसलेम रे बेबीलोनम सोइश्‍शो ग्‍याइश्‍शा लाइक्‍चा पुंइसीशो मुल परमप्रभु यावे आ लोव़ नेनीन।
JER 29:21 मुर नेल्‍ल आन परमप्रभु यावे, इस्राएली आन परमप्रभुमी “कोलायाह आ तौ आहाब नु मासेयाह आ तौ सिदकीयाहम आं नेंमी जोल पाम्‍ताक्‍स। ‘गो मेको आस कली बेबीलोन ङा पिप नेबुकदरेसर आ गुइमी गेनुङसी। मिनु मेकोमी इन ङोंइती मेको आस कली साइक्‍ब।
JER 29:22 मेको आस पतीकेन यहूदा रे बेबीलोनम ग्‍याइश्‍शा लाइक्‍चा पुंइसीशो आन दातेमी सराप पाइनीम। परमप्रभु यावेम इ कली सिदकीयाह नु आहाब आस कली खोदेंशो सेलल। बेबीलोन ङा पिप नेबुकदनेसरमी मेको आस कली मीम हुम्‍शो बाक्‍त’ देंनीम।
JER 29:23 मारदे हना मेको निक्‍शीमी इस्राएलम थम ग्रांग्रा दिशो गेय पशो बाक्‍ताक्‍स। मेको निक्‍शी आस नेक्‍था ङा मुर आन मीश नु इप्‍शो बाक्‍ताक्‍स। मिनु मेकोम आं मअरेशो लोव़ पाम्‍ताक्‍स। गो मेको नेल्‍ल तुइक्‍नुङ। मिनु गो मेको आ सांकछी बाक्‍नुङ” दे परमप्रभु यावेम देंत।
JER 29:24 मिनु गे नेहेलाम ङा शे‍मायाह कली
JER 29:25 “मुर नेल्‍ल आन परमप्रभु यावे, इस्राएली आन परमप्रभुमी ‘गे इ नेंमी यरूसलेम ङा मुर नेल्‍ल आन कली, मासेयाह, चढ़ेब आ तौ सेफन्‍याह नु अरु चढ़ेब नेल्‍ल आन कली चिठी ब्रेक्‍ताक्‍वी। गे सेफन्‍याह कली येरमीया २१:१
JER 29:26 परमप्रभु यावेम इ कली चढ़ेब येहो-यादा आ पा ङा चढ़ेब सेल्‍तु’ मोपतीके गे परमप्रभु यावे आ खिं ङा ठेयब मुर दुम्‍शा, मेको जिम्‍मा ताक्‍नेवे। गे मेकेर आन निप्‍स ग्राइश्‍शो नु जोल पा परमप्रभु यावे आ लोव़ पखु पाइब आन कली ठेंङरो थोक्‍शा, आन शुरम फलाम क्‍युक्‍शा वोतो। येहो-यादा कली यो-यादा यो ब्रेक्‍शो बाक्‍ब।इजीकीएल ९:७; येरमीया २०:२
JER 29:27 मिनु गे ‘इन दाते ङा परमप्रभु यावे आ लोव़ पखु पाइब अनाथोथ ङा येरमीया कली मारदे महुइक्‍तीनी?’
JER 29:28 मेकोमी बेबीलोनम आंइ कली ओदेंशो लोव़ सोइक्‍ताक्‍व। गे शुश बर्स मेकेर बाक्‍चा माल्‍नीनी। मोपतीके खिं सेल्‍शा बाक्‍कीन। मिनु रूम मार मार शोक्‍शा जने” दे ब्रेक्‍शो बाक्‍त।
JER 29:29 मिनु चढ़ेब सेफन्‍याहम मेको चिठी पढेशा परमप्रभु यावे आ लोव़ पाइब येरमीया कली नेंपाइक्‍तु।
JER 29:30 मिनु मेना परमप्रभु यावेम येरमीया कली लोव़ पाप्‍तु।
JER 29:31 नेहेलाम ङा शेमायाह आ पर्बम मार लोव़ पाप्‍तु देंशा हना “ग्‍याइश्‍शा लाइक्‍चा पुंइसीशो नेल्‍ल आन कली एको लोव़ सोइक्‍तो। शेमायाहम इन कली नोले दुम्‍ब लोव़ पाप्‍तु। तन्‍न गो मेको कली मसोइक्‍तु। मेकोमी आं लोव़ पा, इन कली जोल लोव़मी थमा सुइक्‍पाइक्‍तु।
JER 29:32 मोपतीके गो नेहेलाम ङा शेमायाह नु मेको आ चच युइ आन कली सजाइ गेनुङमी। मेको आ मुर सुइमी आं मुर रिम्‍शो दुम्‍शो तचा मताइनीम। मारदे हना मेकोमी आं कली मटिथु आं पर्बम दूली लोव़ पाप्‍तु” दे परमप्रभु यावेमी येरमीया कली देंत।
JER 30:1 मिनु परमप्रभु यावेम येरमीया कली लोव़ पाप्‍तु।
JER 30:2 परमप्रभु यावे, इस्राएली आन परमप्रभुमी येरमीया कली मार लोव़ पाप्‍तु देंशा हना “गो इ कली देंशो लोव़ नेल्‍ल किताबमी ब्रेक्‍तो।
JER 30:3 आं मुर इस्राएली नु यहूदा ङा मुर आन थुं लेश्‍शा नाइक्‍चा गेतीक नाक्‍त थमा पा जाक्‍ब। मिनु गो मेको आन किकी पिपी आन कली गेशो रागीम लेंशा लाइक्‍नुङमी। मिनु मेकोपुकीमी मेको रागी आंम के सेल्‍नीम” देंत। येरमीया २९:१४
JER 30:4 इस्राएल नु यहूदा आस पर्बम परमप्रभु यावे आ लोव़ मार बाक्‍त देंशा हना
JER 30:5 “शुश हिंब नु ग्रीब आन सेंदा नेंसीब। थुं नाइश्‍शा बाक्‍तीक जाम्‍त।
JER 30:6 मार, वोंइश मुरुम आल थिने चाप्‍नीमी ङा? दे हिल्‍लो पने। मारदे वोंइश मुर नेल्‍ल सुत्‍केरी रोइ पशो खोदेंशो पा आन गुइम आन क्रातो दिप्‍शो ताइ‍नुङमी? मारदे मुर नेल्‍ल आन कुल बुश दुम्‍शो बाक्‍नीमी?
JER 30:7 आबी, मेको नाक्‍त दोदेंशो हिंचा ङा नाक्‍त दुम्‍बा। मेको नाक्‍ती खोदेंशो अर्को तेकोइ नाक्‍ती मदुम्‍नीम। मेको नाक्‍ती याकूब कली शुश हिंचा ङा श्‍येत जतीक नाक्‍ती दुम्‍ब। तन्‍न मेको श्‍येत रे प्रोंइचा पुंइसीब” देंत। योएल २:११; सेफन्‍याह १:१४-१५
JER 30:8 मुर नेल्‍ल आन परमप्रभु यावेमी “गो मेको नाक्‍ती मेको आन बला रे जुवा जिक्‍नुङ। मिनु गो मेको आन कली फ्रेंशो रे प्रोंइनुङमी। मिनु अर्को रागी ङा मुरपुकीम मेको आन कली गेनायो वाइल मसेल्‍नीम। येरमीया २३:५; येरमीया २७:१२; इजीकीएल ३४:२३; होसे ३:५
JER 30:9 तन्‍न मेकोपुकीम परमप्रभु यावे, आन परमप्रभु, आं कली नु आं सेल्‍शो पिप दाऊद आ गेय पाइनीम।
JER 30:10 गे आं गेय पाइब याकूब महिनो। गे इस्राएल सुर्ता मपावो। गो इ कली ङोन रागी रे चाक्‍नुङ। इ आल आन कली ग्‍याइश्‍शा लाइश्‍शो रागी रे प्रोंइशा चाक्‍नुङ। याकूब कली लेंशा थुं नाइश्‍शा, हेम्‍मा पा बाक्‍तीक दुम्‍ब। मेको कली सुइम हिंच कोंइने मचाप्‍नीम। येरमीया ४६:२७; यसैया ४३:५-६
JER 30:11 मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५
JER 30:12 मिनु परमप्रभु यावेम “इ गार मसाब। मेको मरिम्‍शो बाक्‍ब। येरमीया १५:१८
JER 30:13 सुइ इ पोन मबोक्‍ब। इ गार सापाइक्‍तीक ओख्‍ती मबाक्‍ब। इ कली सापाइक्‍तीक मारेइ मबाक्‍ब।
JER 30:14 इ वारच नेल्‍लेम इ कली प्रेंने थुम्‍तेक्‍म। मेकोपुकीमी इ कली गेनायो ममिम्‍नीम। गो इ ठेयब दोस तशो नु इ शुश पाप आ पर्बम पतीके जोरी सत्रुम खोदेंशो पा तुप्‍तन। मिनु शिशी मपाइक्‍बम खोदेंशो पा गो इ कली सजाइ गेतन।
JER 30:15 मारदे गे इ मसाब गार आ पर्बम वाइ ब्रेश्‍शा ङाक्‍नेवे? इ खाइश्‍शो मसाब। मारदे हना इ दोस तशो नु इ शुश पाप पशो आ पर्बम गो इ कली मो पाइश्‍शो बाक्‍नुङ।
JER 30:16 मोपतीके गे इ कली दाक्‍ब नेल्‍ल दाक्‍चा पुंइसीनीम। इ जोरी सत्रु नेल्‍ल ग्‍याइश्‍शा लाइक्‍चा पुंइसीनीम। इ कली रोइक्‍बपुकी रोइक्‍चा पुंइसीनीम। इ कली खतम पोक्‍ब आन कली गो खतम पोक्‍नुङमी। यसैया ३३:१; इजीकीएल ३९:१०
JER 30:17 गो इ कली लेंशा ङोंइती ङा खोदेंशो मारेइ मदुम्‍शो सेल्‍नुङ। मिनु इ गारपुकी सापाइक्‍नुङमी। मारदे हना इ कली ‘प्रोंइचा पुंइसीशो नु सुइम मिम्‍चा मपुंइसीशो सियोन’ देंनीम” दे परमप्रभु यावेमी देंत। येरमीया ३३:६; यसैया ५७:१८-१९
JER 30:18 परमप्रभु यावेमी “गो याकूब आ ताम्‍बु ङा शोंप लेंशा गेनुङ। मिनु मेको आ बाक्‍तीक रागी कली शिशी पाइनुङ। मेको सहर ङा ब्रेश्‍शो नेल्‍ल आ डांडामी लेंशा सेल्‍सीब। मिनु आ दरवार लेंशा ङोंइती ङा आ बाक्‍तीकेमी सेल्‍सीब।
JER 30:19 मेकेर ‘गे रिम्‍शो पाइब बाक्‍नीनी’ दे कुम्‍सो पशो नु थुं नाइश्‍शा बाक्‍शो ग्‍येरशो सेंदा नेंसीब। गो मेको आन कली शुश सेल्‍नुङमी। मिनु मेकोपुकी इच्‍का का ला मदुम्‍नीम। गो मेको आन कली मान ताइब सेल्‍नुङमी। मिनु मेको आन कली सुइम शुक्‍शी मपाइनीम।
JER 30:20 मेको आन आलपुकी ङोंइती ङा खोदेंशोन दुम्‍नीम। मिनु मेको आन ग्रुम्‍तीके आं ङोंइती बाक्‍ब। मेको आन कली दिप्‍ब नेल्‍ल आन कली गो सजाइ गेनुङमी।
JER 30:21 मेको आन कली हुकुम पाइब मेको आन दाते ङा का दुम्‍ब। मेको आन कली सासन पाइब आंम आन मुर बाक्‍ब। गो मेको कली आं नेक्‍था चाक्‍नुङ। मिनु मेको आं नेक्‍था जाक्‍ब। मारदे हना आं नेक्‍था आंमा सु जाक्‍बा ङा?” दे परमप्रभु यावेमी देंत। येरमीया ३०:९
JER 30:22 परमप्रभु यावेम “गे आं मुर दुम्‍नीनी। मिनु गो इन परमप्रभु दुम्‍नुङ” देंत। येरमीया ७:२३
JER 30:23 नेनीन, परमप्रभु यावे आ गाइश्‍शोम फश गिवार बोक्‍ब। मेको आ अरेशो मटीब आन पियाम जुक्‍ब। येरमीया २३:१९-२०
JER 30:24 परमप्रभु यावे आ थुंम मिम्‍शो मगाम्‍म सम्‍म मेको आ चुरशो मनांइसीब। गेपुकीमी नोले ङा नाक्‍ती मेको रुप्‍‍नीनी।
JER 31:1 परमप्रभु यावेमी “गो इस्राएली आन खिं नेल्‍ल ङा मुर आन परमप्रभु दुम्‍नुङ। मिनु मेकोपुकी आं मुर दुम्‍नीम” देंशो बाक्‍ब। येरमीया ७:२३
JER 31:2 परमप्रभु यावेमी “तरवार रे ब्रोंइशो मुरपुकीम गोरशो रागीम शिशी ताम्‍तेक्‍म। इस्राएल कली नाइक्‍पाइक्‍चा दाक्‍ताक्‍व हना,
JER 31:3 परमप्रभु यावे ङोन आ बाक्‍तीके रे जाक्‍ब। मिनु मेकोमी ‘गो इ कली गेना हना यो लीब दाक्‍तीकेम दाक्‍ताक्‍‍न। मोपतीके गो इ कली दाक्‍चा मप्रोंइनु‍ङ।
JER 31:4 गो इ कली लेंशा सेल्‍नुङ। गे लें‍शा सेल्‍चा पुंइसीनेवे। मिनु गे कन्‍ने मीश आल, इस्राएल, गे लेंशा इ खैजडी शेशा, ग्‍येरसीशोपुकी नु सिल पथ लाइनेवे।
JER 31:5 गे सामरीया ङा डांडा मेर लेंशा अङगुर ख्रुम्‍नेवे। मेको रू ङा गेय पाइबपुकीम ख्रुम्‍नीम। मिनु मेको आ फल जशा ग्‍येरसीनीम।
JER 31:6 मेना एफ्राइम पहाड ङा खाल पाइबपुकीम जाक्‍कीन, गोपुकी सियोनम बाक्‍ब परमप्रभु यावे, इं परमप्रभु आ बाक्‍तीक लय’ दे ब्रेत्‍तीक नाक्‍त जाक्‍ब” देंत।
JER 31:7 परमप्रभु यावेमी “याकूब आ पर्बम ग्‍येरशा ठेयब सेंदा पा कुम्‍सो पने। मिनु रागी रागी ङा नेल्‍ल क्‍येङा ठेयब रागी आ पर्बम ठेयब सेंदा पा ग्रीङीन। मिनु परमप्रभु यावेम आ मुर आन कली श्‍येत रे प्रोंइतु। इस्राएल ङा लीशो आन कली प्रोंइतु।
JER 31:8 नेनीन, गो मेको आन कली उत्तर ङा रागी रे चाक्‍नुङमी। मिनु गो मेको आन कली रागी ङा सुर रे खुप्‍नुङमी। मेकोपुकी आन दातेमी मिक्‍च मताइब, गुइ खोइल मदुक्‍ब, कोव़ज कुरशो मीश मुर नु सुत्‍केरी रोइ पशो मीश मुर यो बाक्‍नीम। मेको आन ठेयब हुल लेश्‍शा एकेर जाक्‍चा माल्‍नीम। यसैया ३५:८-१०; इजीकीएल ३४:१६
JER 31:9 मेकोपुकी ङाक्‍ना ङाक्‍न जाक्‍नीम। गो मेको आन कली शिशी पा लेश्‍शा चाक्‍नुङमी। गो मेको आन कली खोला आ नेक्‍था गाक्‍पाइक्‍नुङमी। दाइल मपांइसीचा ङा पित्‍थ लांम खुल्‍नुङमी। मारदे हना गो इस्राएल आ आफ दुम्‍शो बाक्‍नुङ। मिनु एफ्राइम आं ङोंइती जरमेशो तौ बाक्‍ब।
JER 31:10 गे रागी रागी ङा मुरपुकी, परमप्रभु यावे आ लोव़ नेनीन। ङोन ङा समुन्‍द्र आ नेक्‍था ङा रागी नेल्‍ल आन कली नेंपतीन। मेको आन कली ‘इस्राएल कली ब्रपाइक्‍बम मेको आन कली ग्रुम्‍पाइक्‍ब। मिनु गोठलाम आन बगाल आन कली खाल पशो खोदेंशो पा, मेकोमी इस्राएली आन कली कोव़ब’ देंत।
JER 31:11 मारदे हना परमप्रभु यावेम याकूब आ मुर आन कली प्रोंइतु। मिनु मेकोम आन कली आन क्‍येङा बोल्‍यो मुर आन गुइ रे प्रोंइतु।
JER 31:12 मेकोपुकी जाक्‍शा इर सियोनम ठेयब सेंदा पा कुम्‍सो पाइनीम। मेकोपुकीम परमप्रभु यावे आ रिम्‍शो पशो आ पर्बम ग्‍येरनीम। अन्‍न, अङगुर शांबु नु तेल तशा, क्‍यारश भेडा आन पाठा नु बी ब्‍यफ आन कली तशा ग्‍येरनीम। मेको ब्‍वाक्‍कुम जिश्‍शो फल फुल रू खोदेंशो दुम्‍नीम। मेकोपुकी लेंशा गेनायो सुर्ता मपाइनीम। येरमीया ५८:१
JER 31:13 मेना ठिटी मीश मुर ग्‍येरशा सिल पाइनीम। ठिटा नु खाल्‍पा ग्‍येरनीम। गो मेको आन रोंका पतीके ग्‍येरतीकेम फाइक्‍नुङ। गो मेको आन थुं बार पाइश्‍शा, सुर्ता पतीक आ पा ङा ग्‍येरतीक थुं गेनुङमी।
JER 31:14 गो चढ़ेब आन कली शुश गेशा रूपाइक्‍नुङमी। मिनु आं मुरपुकी आं शुश गेशोम रूशा ग्‍येरनीम” दे परमप्रभु यावेम देंत।
JER 31:15 परमप्रभु यावेम “रामाम सेंदा का नेंसाक्‍व। मेको रोंका पशो नु हिशेक पा ङाक्‍शो बाक्‍ब। राहेल आ आल आन पर्बम ङाक्‍ब। मेको लेम्‍शोनु, मबिस्‍से। मारदे हना मेको आ आल बेक्‍तेक्‍म” देंत। उत्‍पत्ती ३५:१६-२०; १सामुएल १०:२; मत्ती २:१८
JER 31:16 परमप्रभु यावेमी “ङाक्‍चा नाइक्‍तीन। इन मिक्‍च रे प्रेक्‍कु मतोक्‍कीन। मारदे हना इन गेय ङा इनाम ताइनीनी। मेको आन जोरी सत्रु आन रागी रे लेश्‍शा जाक्‍नीम।
JER 31:17 नोले इन रिम्‍शो दुम्‍तीक लां कोव़नीनी। इन तमी तौ आंम आन रागीम लेश्‍शा जाक्‍नीम” देंत।
JER 31:18 परमप्रभु यावेम “गो एफ्राइम आ ङाक्‍शा पुंइशो नेंता” देंत। मिनु एफ्राइममी “गे आं कली शेंताक्‍यीनी। गो इन शेंशो रुप्‍ता। गो मटीब बोहोर खोदेंशो बाक्‍ती। आं कली लेत्‍चा गेयीनी। गो लेत्‍चा ताइनुङ। मारदे हना गे परमप्रभु यावे, गे आं परमप्रभु बाक्‍नीनी।
JER 31:19 गो नोले शोंइसीशा, इन गे लेत्‍ती। आं हेंथे पशो तुइक्‍तु नोले आं कुचु तुप्‍ता। गो मुने दोक्‍ती। मारदे हना गो आं ठिटा ना ङा पाप कुरशो बाक्‍ती” दे ङाक्‍शा देंत।
JER 31:20 मिनु “मार, एफ्राइम आं दाक्‍शो तौ ममाइ ङा? मेको आ पर्बम गो मग्‍येरनुङा? गो मेको कली हुइक्‍ताक्‍ङ हना यो, मेको कली मिम्‍ना मिम्न बाक्‍ती। मोपतीके गो मेको कली मुल सम्‍म दाक्‍नुङ। गो मेको कली थमा पा शिशी पाइक्‍नुङ” दे परमप्रभु यावेम देंत। यसैया ४९:१५; होसे ११:८
JER 31:21 लां तुइक्‍तीक चिन्‍ड वोतो। लां कोंइतीक थाम ख्रुक्‍को। गे तेको ठेयब लां रे लाइनेवे, मेको लां रिम्‍शो पा मिम्‍तो। गे कन्‍ने मीश आल इस्राएल, लेतो। इ सहरम ले‍तो।
JER 31:22 गे काइ मटीब तमी, गे गेना सम्‍म रिम्‍नेवे? मारदे हना परमप्रभु यावेम मेको रागी ङा मुर आन पशो नक सेल्‍तु। मेको मीश मुरुम वोंइश मुर कली दाक्‍ब।
JER 31:23 मुर नेल्‍ल आन परमप्रभु यावे, इस्राएली आन परमप्रभुमी “गो मेको आन शोंप लेश्‍शा गेता हना, मेकोपुकीमी लेंशा यहूदा रागी नु मेको आ सहरपुकीम ‘गे ठीक पाइब नु परमप्रभु यावे आ डांडा, परमप्रभु यावेमी इ कली आसीक गेवल’ देंनीम। जकरिया ८:३
JER 31:24 यहूदा नु मेको आ सहर नेल्‍ले काथा बाक्‍नीम। रू ङा गेय पाइब नु आन बगाल नु हिरब गोठला नेल्‍ल काथा बाक्‍नीम।
JER 31:25 गो दशो आन कली लेंशा बोल्‍यो सेल्‍नुङमी। मिनु थशो आन कली लेंशा बोल गे‍नुङमी” देंत।
JER 31:26 गो ओशोमीन सेंसाक्‍यी। मिनु एर ओंथ कोव़शा, गो रिम्‍शो पा इप्‍ती, दे तुइक्‍ताक्‍ङ।
JER 31:27 मिनु परमप्रभु यावेमी “गो इस्राएल आ खिं ङा मुर, यहूदा आ खिं ङा मुर नु क्‍यारश भेडा, बी ब्‍यफ आन कली सोशा बोशा दुम्‍पाइक्‍‍तीक नाक्‍त थमा पा चाक्‍नुङ।
JER 31:28 गो दोपा मेको आन कली तुल्‍चा, प्रेत्‍चा, ताइक्‍चा नु खतम पोक्‍चा कली मरिम्‍शो पङा, मोपा गो मेको आन कली सेल्‍चा नु ख्रुम्‍चा कली कोव़नुङ। येरमीया १:१०
JER 31:29 मेको नाक्‍ती मुरपुकीम लेंशा ‘आम आफोम ग्‍युरशो अङगुर ब्‍वाम्‍तेक्‍म। मिनु आन आल आन ख्रुइ ग्रिम्‍तेक्‍म’ मदेंनीम। इजीकीएल १८:२; प्रस्‍थान २०:५; बिलाना ५:७
JER 31:30 तन्‍न मुर नेल्‍ल आन पाप आ पर्बम बेक्‍नीम। सुम ग्‍युरशो अङगुर ब्‍वाइबा, मेको आ ख्रुइ ग्रिम्‍ब” देंत।
JER 31:31 परमप्रभु यावेमी “गो इस्राएल आ खिं ङा मुर नु यहूदा आ खिं ङा मुर नु नक कबल का पाइनुङ। मेको नाक्‍ती थमा पा जाक्‍ना जाक्‍न बाक्‍नीम। हिब्रू ८:८-१२
JER 31:32 मेको कबल मेको आन किकी पिपी आन कली इजीप्‍त रे ग्रुंइची ना पशो कबल खोदेंशो ममाइ। गो मेको आन वोंइश खोदेंशो बाक्‍ती हना यो, मेकोपुकीमी मेको कबल मखबेम।
JER 31:33 तन्‍न इस्राएल आ खिं ङा मुर नोले ङा नाक्‍ती ङा कबल मार बाक्‍त देंशा हना, गो आं अरेशो मेको आन थुंम वोइक्‍नुङ। मिनु आन थुंम मेको ब्रेक्‍शा गेनुङमी। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:१९; हिब्रू १०:१६-१७; येरमीया ७:२३
JER 31:34 मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७
JER 31:35 मेको परमप्रभु यावेम नाक्‍ती हाम्‍सो सेल्‍चा कली नां वोइक्‍तु। मिनु तास्‍ला आ लां कोंइताक्‍व। नाक्‍दो हाम्‍सो सेल्‍चा कली सोरुल वोइक्‍तु। मेकोमी समुन्‍द्र आ छाल पोक्‍चा कली शाक्‍तु। मेको आ नें मुर नेल्‍ल आन परमप्रभु यावे बाक्‍ब।
JER 31:36 मिनु परमप्रभु यावेमी “आं ङोंइती नां, तास्‍ला नु सोरुल जाम्‍तेक्‍म हना ला, इस्राएली यो आं ङोंइती रागी का मदुम्‍नीम” देंत। येरमीया ३३:२५; रोमी ११:१
JER 31:37 परमप्रभु यावेमी “सरीङ कली पुक्‍ने जाप्‍त हना, रागी आ जग माल्‍शा ग्रुंइने चाम्‍साक्‍व हना, ला गो इस्राएल आ आल आन कली तिल्‍नुङमी” देंत।
JER 31:38 परमप्रभु यावेम “हानानेल आ लाइश्‍शो खिं रे सुर ङा ठेयब लाप्‍चो सम्‍म आं नेंम लेंशा सहर सेल्‍तीक नाक्‍ती थमा पा जाक्‍ना जाक्‍न बाक्‍नीम।
JER 31:39 पुक्‍तीक डोरी मेको रे पा गारेब ङा डांडा सम्‍म जाक्‍दीप्‍ब। मिनु मेको रे हिरशा गोआह सम्‍म जाक्‍दीप्‍ब।
JER 31:40 बेक्‍शो मुर आन बेंसी नेल्‍ल पुलु ताइक्‍तीक दिंम नु किद्रोन कोल्‍सा सम्‍म ङा रू नेल्‍ल नु शारा लाप्‍चो ङा कुना सम्‍म परमप्रभु यावे के दुम्‍ब। मिनु मेको गेनायो तुल्‍शा खतम मपोक्‍सीब” देंत।
JER 32:1 परमप्रभु यावेम येरमीया कली लोव़ पाप्‍तु। मेना यहूदा ङा पिप सिदकीयाहम सासन पशो १० बर्स दुम्‍मेनु, नेबुकदरेसर आ सासन पशो १८ बर्स दुम्‍शो बाक्‍त।
JER 32:2 मेना बेबीलोन ङा पिप आ लडाइ पाइबपुकीम यरूसलेम पुम्‍ताक्‍म। परमप्रभु यावे आ लोव़ पाइब येरमीया चहिं यहूदा ङा पिप आ दरवार खाल पाइब मुर आ जेल्‍खानम बाक्‍त। मेको यहूदा ङा पिप आ लाङगाम बाक्‍त। २राजा २५:१-२
JER 32:3 यहूदा ङा पिप सिदकीयाहम मेको कली मेकेर चोक्‍शो बाक्‍त। मिनु मेकोमी “गे मारदे मोदेंशो पा परमप्रभु यावे आ लोव़ पाइनेवे? परमप्रभु यावेमी ‘गो एको सहर बेबीलोन ङा पिप आ गुइम गेचशो बाक्‍नुङ। मिनु मेकोमी एको आंम के सेल्‍ब। येरमीया २१:७; येरमीया ३४:२
JER 32:4 यहूदा ङा पिप सिदकीयाह कल्‍दी आन गुइ रे मब्रोंइब। मेको थमा पा बेबीलोन ङा पिप आ गुइम गेचा पुंइसीब। मिनु मेको नु कोव़मुशा, लोव़ पाइब।
JER 32:5 मेकोमी सिदकीयाह कली बेबीलोन लाइक्‍ब। मिनु गो मेको कली मकोव़ङु सम्‍म मेकेर बाक्‍ब। गे कल्‍दी नु लडाइ पाप्‍तीवी हना मग्रा‍नेवे’ दे परमप्रभु यावे आ लोव़ पवी” देंशा चोक्‍शो बाक्‍त। येरमीया ५२:११
JER 32:6 मिनु येरमीयामी परमप्रभु यावेम आं कली लोव़ पाप्‍तु। मार लोव़ पाप्‍तु देंशा हना,
JER 32:7 “इ बकान्‍छा शाल्‍लुम आ तौ हनामेल इ बाक्‍तीक जाक्‍शा, इ कली ‘अनाथोथम बाक्‍शो आं रू ग्‍यापीन। मारदे हना ग्‍याप्‍‍चा अधिकार इन के बाक्‍ब’ देंब” देंत। लेवी २५:२५; रूथ ४:३-४
JER 32:8 मिनु नोले परमप्रभु यावेम देंशो खोदेंशो पा आं बकान्‍छा आ तौ हनामेल पिप आ खिं खाल पाइब आन लाङगा जाक्‍शा, मेकोमी “बेन्‍यामीन आ रागी अनाथोथम बाक्‍शो आं रू ग्यापीन। मेको ग्‍याप्‍चा अधिकार इन केन बाक्‍ब। मोपतीके गे मेको ग्‍याम्‍सीन” देंत। मिनु गो एको परमप्रभु यावे आ लोव़ बाक्‍माक्‍त, दे तुइक्‍ताक्‍ङ।
JER 32:9 मोपतीके गो आं बकान्‍छा आ तौ हनामेल आ अनाथोथम बाक्‍शो रू ग्‍याप्‍ता। मिनु गो मेको कली चांदी के १७ शेकेल नाक्‍शा गेता। शेकेल का ११.५ ग्राम ङा चांदी के क्येट बाक्‍ब।
JER 32:10 मिनु गो कागज ब्रेक्‍शा, छाप थोक्‍शा सांकछीपुकी वोइश्‍शा चांदी के शेकेल नाक्‍शा गेता।
JER 32:11 मिनु गो आं रू ग्‍याप्‍शो ब्रेक्‍शो छाप थोक्‍शो कागज ताक्‍ता। छाप थोक्‍शो नु छाप मथोक्‍शो कागज यो ताक्‍ता।
JER 32:12 मिनु गो मेको रू ग्‍याप्‍शो ब्रेक्‍शो कागज आं बकान्‍छा आ तौ हनामेलम आ ङोंइती, सांकछी नु पिप कली खाल पाइब आ लाङगाम बाक्‍शो यहूदी आन ङोंइती माहसेयाह आ चच, नेरीयाह आ तौ बारुक कली गेता। मेको सांकछी नेल्‍ल आन नें यो कागजम ब्रेक्‍शो बाक्‍तेक्‍म।
JER 32:13 गो मेको नेल्‍ल आन ङोंइती बारुक कली
JER 32:14 “मुर नेल्‍ल आन परमप्रभु यावे, इस्राएली आन परमप्रभुमी मार देंत देंशा हना, मेको शुश नाक्‍त सम्‍म लील, दे मेको रू ग्‍याप्‍शो कागज, छाप थोक्‍शो नु मथोक्‍शो, निम्‍फा खप के ग्‍योंब कामी कुर पावो” देंत।
JER 32:15 मारदे हना मुर नेल्‍ल आन परमप्रभु यावे, इस्राएली आन परमप्रभुमी “मेको रागीमी खिं, रू नु अङगुर रू ग्‍याप्‍नीम” देंत। येरमीया ३२:१५
JER 32:16 मिनु गो नेरीयाह आ तौ बारुक कली मेको रू ग्‍याप्‍शो कागज गेङा नोले, गो परमप्रभु यावे कली एको लोव़ पा
JER 32:17 “परमप्रभु, परमप्रभु यावे, इन ठेयब सक्ति नु दिंशो गुइम गे सरीङ नु रागी सेल्‍तीनी। इन कली मारेइ गेय मचाप्‍चा ङा मबाक्‍ब। येरमीया २७:५; उत्‍पत्ती १८:१४; लूका १:३७
JER 32:18 हजार हजार पाला सम्‍म इन गेना हना यो दाक्‍तीक कोंइनीनी। तन्‍न आम आफ आन हेंथे पशो आन नोले जाक्‍ब आन आल आन कली रपाइक्‍नीनी। गे ठेयब नु सक्ति पाइश्‍शो परमप्रभु बाक्‍नीनी। इन नें मुर नेल्‍ल आन परमप्रभु यावे बाक्‍ब। प्रस्‍थान २०:५-६
JER 32:19 इन अर्ती ठेयब नु इन गेय नेल्‍ल क्‍येङा सक्ति पाइश्‍शो बाक्‍नीम। मुर आन पशो मारेइ मारेइ इन ङोंइती तचा ङा पा बाक्‍नीम। गे मुर नेल्‍ल आन कली कोव़नीनी। गे नेल्‍ल आन लां नु आन पशो तशा इनाम गेनीनी। रोमी २:६
JER 32:20 गे इजीप्‍त रागीमी चिन्‍ड नु छक लाक्‍चा ङा गेय कोंइताक्‍नी। मिनु मुल सम्‍म इस्राएल नु मुर नेल्‍ल आन दातेमी इन नें ठेयब सेल्‍तीनी।
JER 32:21 गे इन मुर इस्राएली आन कली इजीप्‍त रे चिन्‍ड नु छक लाक्‍चा ङा गेय इन सक्ति नु बोल नु शुश हिंचा ङा श्‍येत कोंइशा ग्रुंइताक्‍नी।
JER 32:22 मिनु गे मेको आन किकी पिपी आन कली कसम जशो, मेको दूध नु खुदो शुश बाक्‍शो रागी गेतीनी।
JER 32:23 मिनु मेकोपुकी ओव़शा, मेको रागी आन के सेल्‍‍तेक्‍म। तन्‍न मेकोपुकीमी इन देंशो, इन अरेशो नु मार पचा माल्‍बा शेंशो मबिस्‍सम। गे मेको आन कली पन देंशा शेंशो लोव़ मेकोपुकीमी मटीमे। मोपतीके गे एको ठेयब श्‍‍येत नेल्‍ल मेको आन तार चाक्‍तीनी।
JER 32:24 कोव़ङीन, एको सहर आन के सेल्‍चा कली नु गारो ङोइक्‍चा कली लां सेल्‍चा कली मार मार तेल्‍तेक्‍म। मेको सहर कली तरवार, अन्‍काल नु मुर बेक्‍तीक रोइम पतीके, मेको लडाइ तोइब कल्‍दी आन गुइम दुम्‍त। गे मार देंनी, मेको दुम्‍त। गे आंमा ताइनीनी।
JER 32:25 मो हना यो परमप्रभु, परमप्रभु यावे, गे आं कली ‘एको सहर कल्‍दी आन गुइम दुम्‍त हना यो, क्‍येट गेशा, सांकछी आन कली ब्रेश्‍शा, रू ग्‍यापो’ देंतीनी” दे येरमीया देंत।
JER 32:26 मिनु परमप्रभु यावेम येरमीया कली लोव़ पाप्‍तु।
JER 32:27 मार, लोव़ पाप्‍तु देंशा हना “गो परमप्रभु यावे, ब्रोंइशो नेल्‍ल आन परमप्रभु नङ। मार, तेकोइ गेय आं पने मचाप्‍चा ङा बाक्‍बा ङा?” देंत। गन्‍ती १६:२२; येरमीया ३२:१७
JER 32:28 मोपतीके परमप्रभु यावेमी “गो एको सहर कल्‍दी आन गुइ नु बेबीलोन ङा पिप नेबुकदरेसर आ गुइम गेचा चिक्‍ताक्‍ङ। मिनु मेकोमी एको सहर ग्राब।
JER 32:29 एको सहर कली लडाइ तोइब कल्‍दी जाक्‍शा मी सुइक्‍नीम। तेको खिं तारी आं कली गाइक्‍पाइक्‍चा कली बाल देवता कली चढ़ेमे नु देवी देवता आन कली तूचा थोव़क चढ़ेशा लुक्‍‍तमे, मेको नेल्‍ल क्रोइक्‍नीम। येरमीया १७:१३
JER 32:30 मारदे हना इस्राएल ङा मुर नु यहूदा ङा मुरुम आन ठिटा रेन आं ङोंइती मरिम्‍शो गेय ङा लाक्‍शा अरु मारेइ मपामे। थमा पा इस्राएल ङा मुरपुकीम आन गुइ ङा गेयम आं कली गाइक्‍पाइक्‍चा ङा लाक्‍शा, अरु मारेइ मपामे।
JER 32:31 एको सहर सेल्‍मे नाक्‍त रे मुल सम्‍म आं कली गाइक्‍पाइश्‍शा, चुरपाइश्‍शा पतीमी। मोपा गो एको कली आं ङोंइती रे तिल्‍नुङ।
JER 32:32 मेको इस्राएल नु यहूदा ङा मुरपुकीमी आं कली गाइक्‍पाइक्‍चा कली आन मरिम्‍शो पशो आन पर्बम पाइनुङ। मेको आन पिप, आन सरकार ङा गेय पाइब, आन चढ़ेब, आं लोव़ पाइबपुकी, यहूदा ङा मुरपुकी नु यरूसलेममी बाक्‍बपुकी नेल्‍लेम मोदेंशो पाम्‍तेक्‍म।
JER 32:33 मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। गो मेको आन कली शेंना शेंन बाक्‍ती हना यो, मनेनेम रिम्‍शो पचा कली ममिम्‍तेम। येरमीया २:२७
JER 32:34 मेकोपुकीमी आं नें वोइश्‍शो खिंम आन ग्रांग्रा दिशो देवी देवता वोइक्‍तेक्‍म। मिनु आं खिं कली ग्रांग्रा दिशो सेल्‍तेक्‍म।
JER 32:35 मेकोपुकीम हिन्‍नोम आ तौ आ बेंसीम बाल देवता आन थान सेल्‍तेक्‍म। मिनु मेकोपुकीमी मेकेर आन तमी तौ आन कली मोलेक कली चोशा चढ़ेम्‍तेक्‍म। गो मेको आन कली मेको मअरेङमी। गो मेको गेनायो ममिम्‍तु। मोदेंशो ग्रांग्रा दिशो गेय पशा, यहूदा ङा मुर आन कली पाप पपाइक्‍तेक्‍म” देंत। येरमीया ७:३१; येरमीया १९:५; इजीकीएल २०:२५-२६
JER 32:36 मोपतीके परमप्रभु यावे, इस्राएली आन परमप्रभुमी “गेपुकीमी एको सहर आ पर्बम ‘तरवार, अन्‍काल नु मुर बेक्‍तीक रोइम बेबीलोन ङा पिप आ गुइम गेशो बाक्‍ब’ देंनीनी।
JER 32:37 कोव़ङीन, गो मेको आन कली आं गाइश्‍शो, चुरशो नु ठेयब ग्‍युश्रा बोक्‍तीकेमी तेको रागीम खेरुमी, मेको रागी नेल्‍ल रे ग्रुम्‍पाइक्‍नुङमी। गो मेको आन कली लेंशा एको रागीम लेश्‍शा चाक्‍नुङमी। मिनु मेको आन कली रिम्‍शो पा मारेइ मदुम्‍थु बाक्‍पाइक्‍नुङमी। ब्‍यवस्‍था ३०:३
JER 32:38 मिनु मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। येरमीया ७:२३
JER 32:39 गो मेको आन कली थुं का दुम्‍तीक नु गाक्‍तीक लां का गेनुङमी। मेकोपुकी गेना हना यो आं कली मान पा हिंनीम। मेको आंम आन कली नु आन आल आन कली रिम्‍शो दुम्‍ब। इजीकीएल ३६:२७
JER 32:40 गो मेकोपुकी नु गेना हना यो लीब कबल का पाइनुङ। गो मेको आन कली रिम्‍शो पचा कली गेनायो मप्रोंइनुङ। मिनु गो मेको आन थुंमी आं कली मान पा हिंतीके वोइक्‍नुङ। मोपा मेकोपुकीम आं कली मप्रोंइनीम। येरमीया ३१:३१-३४
JER 32:41 गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५
JER 32:42 परमप्रभु यावेमी “दोपा गो एको मुर आन कली ओं पा शुश श्‍येत गेङा, मोपा गो मुल आं देंशो रिम्‍शो पतीक नेल्‍लेम, मेको आन कली रिम्‍शो पाइक्‍नुङमी।
JER 32:43 एको रागीम रू ग्‍याप्‍नीम। मेको आ पर्बम गेपुकीम ‘एको मुर नु बस्‍तु भाव मारेइ मबाक्‍शो रागी बाक्‍ब। मारदे हना एको कल्‍दी आन गुइम गेशो बाक्‍ब’ देंनीनी।
JER 32:44 मेकोपुकीम क्‍येटीम रू ग्‍याप्‍नीम। मेको आन नें ब्रेक्‍शो ग्‍याप्‍शो कागज, सांकछी वोइश्‍शा, छाप थोक्‍नीम। मोदेंशो बेन्‍यामीन आ रागी, यरूसलेम आ एर ओंथ, यहूदा ङा सहरम, पहाडीम, शेफेलाहम नु नेगेबम मोदेंशो पाइनीम। मारदे हना गो मेको आन शोंप लेश्‍शा गे‍नुङ” दे परमप्रभु यावेम देंत। येरमीया ३२:१५; येरमीया २९:१४,३०
JER 33:1 परमप्रभु यावेमी येरमीया कली पिप आ दरवार खाल पाइब मुर आ जेल्‍खानम बाक्‍मेनु निक्‍शी खेयप लोव़ पाप्‍तु। येरमीया ३२:२
JER 33:2 मिनु रागी सेल्‍ब परमप्रभु यावेमी लोव़ पाप्‍तु। मेको रागी बोल्‍यो सेल्‍ब आं नें यावे बाक्‍ब।
JER 33:3 मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।
JER 33:4 इस्राएली आन परमप्रभु यावेमी “एको सहर ङा खिं नु यहूदा ङा पिप आन खिं प्रेश्‍शा, कल्‍दी नु लडाइ पचा कली सहर आगा रे यो गारो ङोइक्‍तीक लां सेल्‍नीम। यसैया २२:१०
JER 33:5 कल्‍दी सहर ओव़शा लडाइ पाइनीम। मेकोपुकीमी मेको खिं कली बेक्‍शो मुर आन रांमी प्रिंनीम। गो आं गाइश्‍शो नु चुरशोम साइश्‍शो मुर आन बेक्‍शो रांम प्रिंनीम। मारदे हना आं अरेशो लोव़ मटीब आन पतीके एको सहर रे आं कुल ख्रुइक्‍ताक्‍ङ।
JER 33:6 गो आं मुर आन कली सापाइक्‍नुङमी। मिनु गो मेको आन कली सापाइश्‍शा, आन माल्‍शो गेशा मारेइ मदुम्‍थु रिम्‍शो पा बाक्‍चा गेनुङमी। येरमीया ३०:१७
JER 33:7 गो यहूदा नु इस्राएल ङा मुर आन शोंप लेश्‍शा गे‍नुङमी। मिनु मेको आन कली ङोंइती ङा खोदेंशो सेल्‍नुङमी। येरमीया २९:१४; येरमीया २४:६
JER 33:8 गो आं पर्बम पशो आन हेंथे पतीके नु पाप नेल्‍ल रे मेको आन कली ठीक सेल्‍नुङमी। मिनु गो मेको आन हेंथे पशो नु पाप पशो माफ गेनुङमी। येरमीया ३१:३४; येरमीया ५०:२०
JER 33:9 मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।
JER 33:10 परमप्रभु यावेमी “मेको सहर आ पर्बम गेपुकीम ‘एको मुर नु बस्‍तु भाव मारेइ मबाक्‍शो रागी बाक्‍ब। यहूदा ङा सहर नु यरूसलेम ङा लां गाक्‍ब मुर नु बस्‍तु भाव, जन्‍तु मबाक्‍थु, श्‍‍येत्‍थ दुम्‍शो बाक्‍ब। मेको मारेइ मबाक्‍शो सहरम लेंशा, येरमीया ३२:४३
JER 33:11 थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१
JER 33:12 मुर नेल्‍ल आन परमप्रभु यावेमी “मुर नु क्‍यारश भेडा, बी ब्‍यफ मबाक्‍शो रागीम लेंशा सहर नेल्‍लेमी गोठला आन क्‍यारश भेडा नाइक्‍तीक नु योव़तीक दुम्‍ब।
JER 33:13 मिनु पहाड ङा सहर, शेफेलाह, नेगेब बेन्‍यामीन आ रागी यरूसलेम आ एर ओंथ नु यहूदा ङा सहरम गोठलापुकीमी क्‍यारश भेडा लेंशा हिक्‍शा ओंइनीम” दे परमप्रभु यावेम देंत। येरमीया ३२:४४
JER 33:14 परमप्रभु यावेम “इस्राएल आ खिं ङा मुर नु यहूदा आ खिं ङा मुर आन कली आं थोक्‍शा पशो लोव़ खाप्‍तीक नाक्‍त थमा पा जाक्‍ना जाक्‍न बाक्‍नीम। येरमीया २३:५-६; जकरिया ३:८
JER 33:15 मेको नाक्‍ती, मेना गो दाऊद आ खिं रे ठीक पाइब राशी का दाप्‍पाइक्‍नुङ। मिनु मेकोमी रागीम ठीक निसाफ नु ठीक गेय पाइब।
JER 33:16 मेको नाक्‍ती यहूदा श्‍येत रे प्रोंइचा पुंइसीब। मिनु यरूसलेम मारेइ मदुम्‍थु बाक्‍ब। मिनु मेको आ नें आंइ कली ठीक सेल्‍ब परमप्रभु यावे” देंनीम। ब्‍यवस्‍था ३३:२८
JER 33:17 मारदे हना परमप्रभु यावेम “गेना हना यो दाऊद आ खिं ङा मुर का इस्राएलमी पिप दुम्‍ब। २सामुएल ७:१२-१३; १राजा ९:५; भजन संग्रह ८९:३०
JER 33:18 गेना हना यो लेवी आ थर ङा चढ़ेब का आं ङोंइती चोशा चढ़ेचा कली, अन्‍न चढ़ेचा कली नु क्‍योरशा चढ़ेचा कली बाक्‍ब” देंत। गन्‍ती २५:१२-१३; नेहेम्‍याह १३:२९
JER 33:19 परमप्रभु यावेम येरमीया कली लोव़ पाप्‍तु।
JER 33:20 मार, लोव़ पाप्‍तु देंशा हना “गेपुकीमी गो नु नाक्‍दो पशो कबल नु नाक्‍त पशो कबल क्‍याम्‍ने चाप्‍तीनी हना, नाक्‍दो नु नाक्‍ती आं देंशो ना मदुम्‍तेक्‍म हना, येरमीया ३१:३५-३६; उत्‍पत्ती ८:२२
JER 33:21 ला आं गेय पाइब दाऊद नु आ तौ का पिप दुम्‍ब, देंशो कबल क्‍याम्‍ने चाप्‍नीनी। मिनु गो आं लेवी थर ङा मुर चढ़ेब नु पशो कबल यो क्‍याम्‍ने चाप्‍नीनी। गन्‍ती २५:१२-१३; हिब्रू ९:११-१४
JER 33:22 दोपा सरीङ ङा सोरुल हिक्ने मचाप्‍चा ङा बाक्‍नीमी नु समुन्‍द्र ङा बाल्‍वा पुक्‍ने मचाप्‍चा ङा बाक्‍बा, मोपा गो आं गेय पाइब दाऊद आ चच युइ नु आं कली गेय पाइब लेवी आ थर ङा मुर आन कली सोपाइश्‍शा बोपाइश्‍शा शुश सेल्‍नुङमी” देंत। उत्‍पत्ती १५:५
JER 33:23 परमप्रभु यावेम येरमीया कली लोव़ पाप्‍तु।
JER 33:24 मार लोव़ पाप्‍तु देंशा हना “मेको मुरपुकी मार, देंना देंन बाक्‍मा, मार, गे मनेंनी? मेकोपुकीमी ‘परमप्रभु यावे आ योव़शो खिं निक्‍शी ङा मुर आन कली प्रोंइशा तिल्‍शो बाक्‍ब’ देंतेक्‍म। मो देंतीके मेको मुरपुकीमी आं मुर आन कली आइक्‍च सेल्‍शा, मुल रे रागी का यो मनम, दे मिम्‍नीम” देंत।
JER 33:25 परमप्रभु यावेमी “गो नाक्‍दो नु नाक्‍त नु आं कबल मपाता हना, सरीङ, रागीम आं देंशो मपाम्‍तेक्‍म हना,
JER 33:26 गो याकूब आ आल नु आं गेय पाइब दाऊद आ चच युइ आन कली तिल्‍नुङमी। मोपा मेको अब्राहाम, इसहाक नु याकूब आन मुर आन कली पिप दुम्‍चा कली मयोव़नुङमी। तन्‍न गो मेको ङोंइती खोदेंशो पा, मेको आन थुं नाइक्‍चा गेनुङमी। मिनु मेको आन कली शिशी पाइनुङमी” देंत।
JER 34:1 परमप्रभु यावेम येरमीया कली बेबीलोन ङा पिप नेबुकदरेसर, मेको आ लडाइ पाइब नेल्‍ल, रागी ङा राज्‍य नेल्‍ल नु मेको आ सासन पशो रागी ङा मुर नेल्‍लेम यरूसलेम नु आ एर ओंथ ङा सहर नेल्‍ल आन कली लडाइ तोम्‍तेक्‍म। मेना इस्राएली आन परमप्रभु यावेमी येरमीया आं कली लोव़ पाप्‍तु। येरमीया ५२:४; २राजा २५:१-२
JER 34:2 मिनु परमप्रभु यावे, इस्राएली आन परमप्रभुमी आं कली “यहूदा ङा पिप सिदकीयाह आ बाक्‍तीक लावो। मिनु मेको कली परमप्रभु यावेमी ‘गो एको सहर बेबीलोन ङा पिप आ गुइम गेनुङ। मिनु मेकोमी एको सहर कली मीम क्रोइक्‍ब। येरमीया २१:१०
JER 34:3 गे मेको आ गुइ रे ब्रोंइचा मताइ‍नेवे। गे थमा पा ग्‍याइक्‍चा पुंइसीशा मेको आ गुइम दुम्‍नेवे। गे बेबीलोन ङा पिप कली तशा, मेको नु कोव़मुशा लोव़ पाइनेवे’ दे बेबीलोन लचा माल्‍नेवे” देंत। येरमीया ३२:४
JER 34:4 मो हना यो ए यहूदा ङा पिप सिदकीयाह, परमप्रभु यावे आ लोव़ नेनीन “गे तरवारम साइक्‍चा मपुंइसीनीनी। येरमीया ५२:११
JER 34:5 गे इन थुं नाइश्‍शा बेक्‍नीनी। मिनु दोपा इन किकी पिपी इन ङोंइती ङा पिप आन कली मुरपुकीमी ब्रोव़शो रिना पाइब थोव़क चोशा थिम्‍मे, मोपा मेकोपुकीमी इन कली यो थिम्‍नीम। इन पर्बम ‘आंइ प्रभु’ दे रोंका पाइनीम। गो मेको लोव़ पाता, दे नेल्‍लेम नेंचा ङा पा देनो” दे परमप्रभु यावेमी देंत। २इतिहास १६:१४; येरमीया २२:१८
JER 34:6 मिनु येरमीयामी मेको लोव़ नेल्‍ल यरूसलेममी यहूदा ङा पिप सिदकीयाह कली देंत।
JER 34:7 बेबीलोन ङा पिप आ लडाइ पाइब मुरपुकी यरूसलेम नु यहूदा ङा अरु सहर नु लडाइ पना पन बाक्‍शो बाक्‍तेक्‍म। लाकीश नु आजेका नु यो मेकोपुकीमी लडाइ पचा मप्रोंइशो बाक्‍तेक्‍म। मेको यहूदा ङा गारो हिरशो सहर निक्‍शी ला लीशो बाक्‍ताक्‍स।
JER 34:8 मेना परमप्रभु यावेम येरमीया कली लोव़ पाप्‍तु। मेना यहूदा ङा पिप सिदकीयाहम यरूसलेम ङा मुर नेल्‍ल नु वाइलीम वाइल नेल्‍ल आन कली प्रोंइचा माल्‍नीम, दे कबल पशो बाक्‍त। येरमीया ३४:१४
JER 34:9 मेना मुर नेल्‍लेम आंम हिब्रू वाइलीम वाइल आन कली प्रोंइचा माल्‍तेक्‍म। सुइम यो आंम हिब्रू लोक्‍ब आन कली वाइलीम वाइल सेल्‍चा मदुम।
JER 34:10 मिनु मेको लोव़ टीब ठेयब मुर नु कबल टीब मुर नेल्‍लेमी आंम आन वाइलीम वाइल आन कली प्रोंइचा नु लेंशा अर्को वाइलीम वाइल मवोइक्‍चा नम, देंशो बिस्‍साक्‍म। मिनु मेकोपुकी गारशा, मेको आन कली प्रोंइतेक्‍म।
JER 34:11 मिनु नोले लेंशा मेकोपुकीमी आन थुं लेश्‍शा आन प्रोंइशो वाइलीम वाइल आन कली लेंशा चाक्‍शा वाइलीम वाइल सेल्‍तेक्‍म।
JER 34:12 मिनु परमप्रभु यावेम येरमीया कली लोव़ पाप्‍तु।
JER 34:13 मार, लोव़ पाप्‍तु देंशा हना “परमप्रभु यावे, इस्राएली आन परमप्रभुमी ‘गो मेको आन किकी पिपी आन कली इजीप्‍त रागी ङा वाइलीम वाइल दुम्‍तीक खिं रे प्रोंइशा चाक्‍तामी। मिनु गो मेकोपुकी नु कबल पाता।
JER 34:14 तेकोइ ७ बर्सम इन कली लेयसीशो मुर इन हिब्रू लोक्‍बम इन कली ६ बर्स गेय पवा नोले, ७ बर्सम मेको कली प्रोंइचा माल्‍ब’ देंती। तन्‍न इन किकी पिपीम आं लोव़ मटीम। आन नोफान मदाइक्‍तेम। प्रस्‍थान २१:२; लेवी २५:३९-४१; ब्‍यवस्‍था १५:१२
JER 34:15 गेपुकीम चहिं नक माफ पुंइशा आं ङोंइती नेल्‍ल आन कली प्रोंइचा नम, देंशो लोव़ ठीक पाइतीनी। मिनु गेपुकीमी आं नें बाक्‍तीक खिंम आं ङोंइती कबल का पाइतीनी। लेवी २५:१०
JER 34:16 तन्‍न नोले इन थुं फाइश्‍शा आं नें ग्रांग्रा दिशो सेल्‍तीनी। गे नेल्‍लेम इन ङोंइती प्रोंइशो वाइलीम वाइल आन कली लेश्‍शा चाक्‍‍तीनी, देंशो बाक्‍ब” देंत।
JER 34:17 मोपतीके परमप्रभु यावेमी “गेपुकीम आं देंशो मटिनी। मिनु आंम रागी ङा आंम नेक्‍था ङा मुर नु आंम वारच आन कली वाइलीम वाइल दुम्‍तीक रे मप्रोंइनी। मोपतीके गो मुल इन कली प्रोंइनन्‍नी। गो इन कली तरवार, मुर बेक्‍तीक रोइ नु अन्‍कालम साइक्‍पाइक्‍चा कली प्रोंइनन्‍नी। गो इन कली राज्‍य नेल्‍लेम शुश हिंचा ङा सेल्‍नन्‍नी।
JER 34:18 आं कबल क्‍याम्‍ब नु आं ङोंइती पशो कबल ङा पतीके मपाइब मुर आन कली बाछा खोदेंशो सेल्‍नुङमी। मेको कली फेके निक्‍शी सेल्‍तेक्‍म। मिनु मेको आ दाते रे गाक्‍तेक्‍म।
JER 34:19 मिनु मेको बाछा आ फेके निक्‍शी आस दाते रे गाक्‍ब यहूदा नु यरूसलेम ङा सरकार आ गेय पाइब, दरवार ङा ठेयब मुरपुकी, चढ़ेबपुकी नु रागी ङा मुर नेल्‍ल
JER 34:20 आन जोरी सत्रु आन गुइम नु आन कली साइक्‍चा माल्‍ब आन गुइम गेचा पुंइसीनीम। मेको आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक दुम्‍ब। येरमीया ७:३३
JER 34:21 यहूदा ङा पिप सिदकीयाह नु मेको आ सरकार ङा गेय पाइब आन कली साइक्‍चा माल्‍ब, आन जोरी सत्रु आन गुइम नु बेबीलोन ङा पिप आ लडाइ पाइब आन गुइम गेनुङमी। मेको लडाइ पाइबपुकी इन रे लेश्‍शा लशो बाक्‍तेक्‍म” देंत। येरमीया ३७:५
JER 34:22 परमप्रभु यावेमी “गो मेको आन कली अरेनुङमी। मिनु गो मेको आन कली एको सहरमी लेश्‍शा चाक्‍नुङमी। मेकोपुकीमी एको सहर नु लडाइ पा ग्रानीम। मिनु एको कली क्रोइक्‍नीम। मिनु गो यहूदा ङा सहर कली मुर मबाक्‍शो सेल्‍नुङ” देंत। येरमीया ३७:८
JER 35:1 यहूदा ङा पिप योसीयाह आ तौ येहो-याकीमम सासन पवा ना परमप्रभु यावेम येरमीया कली लोव़ पाप्‍तु। २राजा २३:३४
JER 35:2 मार, लोव़ पाप्‍तु देंशा हना “गे रेकाबी आन खिं लशा, मेकोपुकी नु लोव़ पावो। मेको आन कली परमप्रभु यावे आ खिं ङा कोठा कामी ओंइदीमी। मिनु मेको आन कली अङगुर शांबु ख्रेत्‍तीमी” देंत। १इतिहास २:५५
JER 35:3 मोपतीके गो हाबासीन्‍याह आ तौ येरमीया, आ तौ याजन्‍याह नु मेको आ लोक्‍बपुकी, मेको आ तौ नेल्‍ल नु रेकाबी आन खिं ङा मुर नेल्‍ल आन कली लाइक्‍तामी।
JER 35:4 मिनु गो मेको आन कली परमप्रभु यावे आ खिंम परमप्रभु आ मुर हानान आ तौ आन कोठाम चाक्‍तामी। हानान परमप्रभु आ मुर यिग्‍दाल्‍याह आ तौ बाक्‍त। मेको कोठा चहिं ठेयब मुर आन कोठा आ नेक्‍था बाक्‍त। मेको शाल्‍लुम आ तौ लाप्‍चो खाल पाइब, मासेयाह आ कोठा आ तार बाक्‍त।
JER 35:5 मेको नोले गो अङगुर शांबु आ गर नु बोटकोपुकी रेकाबी आन ङोंइती वोइक्‍ता। मिनु मेको आन कली “अङगुर शांबु तूङीन” दे माइक्‍तामी।
JER 35:6 तन्‍न मेकोपुकीमी “गो अङगुर शांबु मतूनीकी। मारदे हना रेकाब आ तौ आंइ किकी योनादाबम आंइ कली ‘गेपुकी नु इन आलपुकीम गेनायो अङगुर शांबु मतूङीन। २राजा १०:१५
JER 35:7 मेको प्रोंइशा यो गेपुकीम गेनायो खिं मसेलीन। वांचेर मशोक्‍कीन। अङगुर मख्रुमीन। गेपुकीम मोदेंशो गेय गेनायो मपने। तन्‍न इन बाक्‍शो रागीम शुश सम्‍म ब्रोंइमल, दे गेना हना यो ताम्‍बुपुकीम बाक्‍शा हिरशा गाक्‍कीन’ दे शेंशो बाक्‍त।
JER 35:8 मिनु गो आंइ किकी रेकाब आ तौ योनादाब आ शेंशो नेल्‍ल पाइतक। गोपुकी आंमा नु आंइ मीशपुकी नु आंइ तमी तौ नेल्‍लेम गेनायो अङगुर शांबु मतूक।
JER 35:9 गो बाक्‍चा कली खिं यो मसेल्‍नीकी। अङगुर रू, अरु रू नु वांचेर गोपुकी नु मबाक्‍ब।
JER 35:10 गो ताम्‍बुम बाक्‍शा, आंइ किकी योनादाबम शेंशो नेल्‍ल पाइतक।
JER 35:11 तन्‍न बेबीलोन ङा पिप नेबुकदरेसरमी एको रागी कली लडाइ तोप्‍तु। मिनु गोपुकीम ‘कल्‍दी नु अरामी आन लडाइ पाइबपुकी रे प्रोक्‍चा कली यरूसलेम लय’ देंतक। मोपतीके गो यरूसलेममी बाक्‍शो बाक्‍नीकी” देंतेक्‍म।
JER 35:12 मिनु नोले परमप्रभु यावेम येरमीया कली लोव़ पाप्‍तु।
JER 35:13 मुर नेल्‍ल आन परमप्रभु यावे, इस्राएली आन परमप्रभुमी मार लोव़ पाप्‍तु देंशा हना “गे यहूदा ङा मुर नु यरूसलेममी बाक्‍ब आन कली लशा ‘मार, गे आं देंशो मपाइनीनी? मिनु आं लोव़ मटी‍नीनी?’ देंत” दे माइक्‍मी।
JER 35:14 परमप्रभु यावेमी “मार, रेकाब आ तौ योनादाबम आ चच युइ आन कली ‘गेपुकीम अङगुर शांबु मतूङीन’ दे शेंशो लोव़ मेकोपुकी टीनीमी। मोपतीके मेकोपुकीमी मुल सम्‍म अङगुर शांबु मतूनीम। मारदे हना मेकोपुकीमी आन किकी पिपीम शेंशो टिशो बाक्‍नीम। तन्‍न गो इन कली लोव़ पना पन बाक्‍ती। मो हना यो गेपुकीम आं लोव़ मटिनी। येरमीया २५:४
JER 35:15 गो इन कली आं गेय नु आं लोव़ पाइब आन कली सोइक्‍ना सोइक्‍न बाक्‍ती। मेकोपुकीमी इन कली ‘गे नेल्‍ल इन मरिम्‍शो लां रे लेतीन। मिनु इन मरिम्‍शो गेय रिम्‍शो सेलीन। मिनु देवी देवता आन कली पूजा पचा नु आन नोले खोइक्‍चा प्रोनीन। मिनु गे इन किकी पिपी आन कली गेशो रागीम बाक्‍चा ताइनीनी’ देंती। तन्‍न गेपुकीम आं देंशो लोव़ मनेंनी नु मटिनी। मत्ती २३:३७
JER 35:16 रेकाब आ तौ योनादाब आ चच युइमी आन किकी पिपीमी अरेशो टीनीम। तन्‍न एको मुरपुकीम आं देंशो मटिशो बाक्‍नीम” देंत।
JER 35:17 मोपतीके मुर नेल्‍ल आन परमप्रभु यावे, इस्राएली आन परमप्रभुमी “नेनीन, गो यहूदा नु यरूसलेमम बाक्‍ब मुर आन कली आं देंशो ठेयब श्‍येत नेल्‍ल चाक्‍‍नुङ। मारदे हना गो मेको आन कली लोव़ पाता, तन्‍न मेकोपुकीमी मनेनेम। गो मेको आन कली ब्रेत्‍ताक्‍ङमी, तन्‍न मेकोपुकीमी लोव़ मलेत्‍तीमी” देंत। येरमीया ७:१३-१५
JER 35:18 मिनु येरमीयामी रेकाबी आन चच युइ आन कली “मुर नेल्‍ल आन परमप्रभु यावे, इस्राएली आन परमप्रभुमी गेपुकीम इन किकी योनादाब आ देंशो टिना टिन नु मेको आ शेंशो नेल्‍ल नु इन कली अरेशो नेल्‍ल पाइतीनी।
JER 35:19 मोपतीके रेकाब आ तौ योनादाब आ चच युइ का गेना हना यो आं ङोंइती बाक्‍चा ताइब” दे मुर नेल्‍ल आन परमप्रभु यावे, इस्राएली आन परमप्रभुम देंत।
JER 36:1 यहूदा ङा पिप योसीयाह आ तौ येहो-याकीममी सासन पवा आ ४ बर्सम परमप्रभु यावेम येरमीया कली लोव़ पाप्‍तु। येरमीया २५:१
JER 36:2 मार लोव़ पाप्‍तु देंशा हना “गो योसीयाहम सासन पवा रे मुल सम्‍म इ कली इस्राएल, यहूदा नु रागी नेल्‍ल ङा मुर आन पर्बम देंशो लोव़ नेल्‍ल कागजम ब्रेक्‍तो। येरमीया २५:३
JER 36:3 मो दुम्‍मेनु, गो मेको आन कली गे‍चशो ठेयब श्‍येत दुम्‍तीके आ पर्बम यहूदा ङा मुरपुकीम तुइश्‍शा, आन मरिम्‍शो पतीके रे लेत्‍नीमी कों? मिनु गो मेको आन मरिम्‍शो पशो नु आन पाप पशो क्‍याम्‍शा गेनुङमी” देंत। येरमीया २६:३
JER 36:4 मिनु येरमीयामी नेरीयाह आ तौ बारुक कली ब्रेप्‍पाइक्‍तु। मिनु बारुकम येरमीयामी ब्रेक्‍पाइश्‍शो परमप्रभु यावेम देंशो लोव़ नेल्‍ल कागजम ब्रेक्‍ताक्‍व। येरमीया ३२:१२; येरमीया ४५:१
JER 36:5 मिनु येरमीयामी बारुक कली “गो परमप्रभु यावे आ खिं लने मचाप्‍नुङ।
JER 36:6 मोपतीके गे तेकोइ माइजा बाक्‍तीक नाक्‍त परमप्रभु यावे आ खिं लशा, आं इ कली ब्रेक्‍पाइश्‍शो कागजम बाक्‍शो लोव़ मुरपुकीम नेंचा ङा पा पढेशा नेंपाइक्‍मी। यहूदा ङा सहर रे जाक्‍शो मुर नेल्‍लेम नेंचा ङा पा पढेशा नेंपाइक्‍मी।
JER 36:7 मो दुम्‍मेनु मेकोपुकीमी आन पुंइशो लोव़ परमप्रभु यावे आ नेक्‍था चाक्‍नीमी, कों? मिनु मेको नेल्‍लेम आन मरिम्‍शो लां प्रोंइनीमी, कों? मारदे हना परमप्रभु यावेम आ मुर आन पर्बम गाइश्‍शा चुरशा देंशो लोव़ ठेयब बाक्‍ब” देंत।
JER 36:8 मिनु नेरीयाह आ तौ बारुकम परमप्रभु यावे आ लोव़ पाइब येरमीया आ देंशो नेल्‍ल पाप्‍तु। मेकोमी मेको परमप्रभु यावे आ लोव़ ब्रेक्‍शो कागज परमप्रभु यावे आ खिंम पढेशा नेंपाइक्‍तीमी।
JER 36:9 यहूदा ङा पिप योसीयाह आ तौ येहो-याकीम आ सासन पशो ५ बर्स ९ महिनाम यरूसलेममी बाक्‍शो मुर नेल्‍ल नु यहूदा ङा सहर रे जाक्‍शो मुर आन कली यरूसलेमम परमप्रभु यावे आ ङोंइती नेल्‍ल आन कली नेंपाइश्‍शा माइजा बाक्‍तीक लोव़ पाम्‍तेक्‍म।
JER 36:10 मिनु बारुकमी येरमीया आ ब्रेक्‍पाइश्‍शो लोव़ परमप्रभु यावे आ खिंम मुर नेल्‍लेमी नेंचा ङा पा पढेप्‍तु। मेकोमी मेको लोव़ ब्रेक्‍ब शाफान आ तौ गेमारयाह आ बाक्‍तीके परमप्रभु यावे आ खिं ङा नक लाप्‍चो आ नेक्‍था ङा कोठाम बाक्‍शा, पढेप्‍तु। २राजा २२:३
JER 36:11 मिनु गेमारयाह आ तौ शाफान आ चच मीकायामी मेको कागजम ब्रेक्‍शो परमप्रभु यावे आ लोव़ नेल्‍ल नेंतु।
JER 36:12 मिनु मेको तोइश्‍शा, पिप आ खिंम ब्रेक्‍ब आ बाक्‍तीके ओव़दीत्‍त। मेकेर ठेयब मुर नेल्‍ल बाक्‍तेक्‍म। मेकेर सु सु बाक्‍तेक्‍म देंशा हना, ब्रेक्‍ब एली-शामा, शेमायाह आ तौ देलायाह, आकबोर आ तौ एल्‍नाथान, शाफान आ तौ गेमारयाह नु हनान्‍याह आ तौ सिदकीयाह बाक्‍तेक्‍म। येरमीया २६:२२
JER 36:13 मिनु मीकायामी बारुकम मुर नेल्‍लेम नेंचा ङा पा पढेशो लोव़ नेल्‍ल नेंतु। मिनु मेको लोव़ नेल्‍ल मेको आन कली शेंताक्‍मी।
JER 36:14 मिनु ठेयब मुर नेल्‍ल गारशा, नेथन्‍याह आ तौ शेलेम्‍याह आ चच कूशी आ युइ येहूदी कली “लशा, नेरीयाह आ तौ बारुक कली मुर आन कली पढेशा नेंपाइश्‍शो कागज कुरशा एक जाक्‍को मतो” दे सोइक्‍ताक्‍मे। मोपतीके गेदाल्‍याह आ तौ बारुक मेको कुरशा, आन बाक्‍तीके जाक्‍त। २राजा २२:११
JER 36:15 मिनु मेकोपुकीमी मेको कली “निश्‍शा, मेको आंइ कली पढेशा नेंपाइक्‍की” देंतेक्‍म। मोपतीके बारुकम मेको आन कली, मेको पढेशा नेंपाइक्‍तीमी।
JER 36:16 मिनु मेकोपुकीमी मेको पढेशो नेल्‍ल नेंशा हिंशा आन कुल कोव़मुम्‍तेक्‍म। मिनु मेकोपुकीमी बारुक कली “गोपुकीम एको लोव़ नेल्‍ल पिप कली नेंपाइक्‍चा माल्‍नीकी” देंतेक्‍म।
JER 36:17 मिनु मेकोपुकीमी बारुक कली “गे एको लोव़ नेल्‍ल दोपा ब्रेक्‍ती? आंइ कली शेंदीकी। येरमीयामी इ कली ब्रेक्‍पदा?” दे हिल्‍लो पाम्‍तेक्‍म।
JER 36:18 मिनु बारुकम “मेकोमी आं कली एको लोव़ नेल्‍ल ब्रेक्‍पाइक्‍ती। मिनु गो एको कागज मसीम ब्रेक्‍ताक्‍ङ” दे माइक्‍तीमी।
JER 36:19 मिनु मेको ठेयब मुरपुकीम बारुक कली “गे नु येरमीया निम्‍फा लशा, ख्रुंइसीस। गे निक्‍शी ते बाक्‍सी, दे सुइम मतुइक्‍तमेक्‍ल” दे माइक्‍तेक्‍म। येरमीया २५:८-११; येरमीया ७:२०; येरमीया ९:९-१०
JER 36:20 मिनु मेकोपुकीमी मेको कागज ब्रेक्‍ब एली-शामा आ कोठाम वोइश्‍शा, पिप आ बाक्‍तीक लशा, पिप कली मेको लोव़ नेल्‍ल शेंताक्‍मे।
JER 36:21 मिनु पिपमी मेको कली “कागज चाक्‍को” दे येहूदी कली सोइक्‍ताक्‍व। मिनु मेकोमी ब्रेक्‍ब एली-शामा आ कोठा रे ग्रुंइशा चाक्‍तु। मिनु येहूदीम पिप नु पिप आ नेक्‍था बाक्‍ब ठेयब मुर आन कली मेको पढेशा नेंपाइक्‍तु।
JER 36:22 मेना मेको बर्स ङा ९ महिना बाक्‍तीके, पिप हिंउदम बाक्‍तीके, खिंम बाक्‍शो बाक्‍त। मेको आ ङोंइती मी ब्रशो बाक्‍त।
JER 36:23 मिनु येहूदीम सां नु ४ हरप पढेने थुमानु, पिपम कागज ख्रोइक्‍तीकेम ख्रोइश्‍शा, मीम हुम्‍ताक्‍व। मेको तोल्‍शो कागज नेल्‍ल मनुम्‍म सम्‍म पिपम मो पना पन बाक्‍त।
JER 36:24 पिप नु मेको आ गेय पाइबपुकी मेको लोव़ नेंशा महिंम। मेकोपुकीमी आन वा यो मखाक्‍गेम।
JER 36:25 एल्‍नाथान, देलायाह नु गेमारयाहम पिप कली “मेको कागज मचोने” दे पुन्‍मेनु यो, पिपमी मेको आन लोव़ मनेन।
JER 36:26 मेको आ पा ङा पिपमी आ तौ येराहमेल, अज्रीएल आ तौ सेरायाह नु अब्‍देल आ तौ शेलेम्‍याह आन कली मेको ब्रेक्‍ब बारुक नु परमप्रभु यावे आ लोव़ पाइब येरमीया कली फ्रेंशा चाक्‍चा नस, दे हुकुम गेम्‍तीमी। तन्‍न परमप्रभु यावेम मेको आस कली ख्रुइक्‍ने थुम्‍शो बाक्‍त।
JER 36:27 मिनु येरमीयामी ब्रेक्‍पाइश्‍शो बारुकम ब्रेक्‍शो मेको तोल्‍शो कागज पिपम चोने थुमा नोले, परमप्रभु यावेमी येरमीया कली
JER 36:28 “अर्को कागज काम यहूदा ङा पिप येहो-याकीममी चोशो ङोंइती ङा कागजम बाक्‍शो लोव़ नेल्‍ल लेंशा ब्रेक्‍तो” देंत।
JER 36:29 मिनु गे यहूदा ङा पिप येहो-याकीम आ पर्बम परमप्रभु यावेम “गे मेको तोल्‍शो कागज चोप्‍तीवी। मिनु गे बारुक कली गे मारदे बेबीलोन ङा पिप थमा पा जाक्‍शा, एको रागी श्‍येत्‍थ पोक्‍ब। मिनु मेकोमी मुर नु बस्‍तु भाव नेल्‍ल आन कली साइक्‍ब, दे कागजम ब्रेक्‍ती?” देंते।
JER 36:30 मोपतीके परमप्रभु यावेमी यहूदा ङा पिप येहो-याकीम आ पर्बम “मुल रे दाऊद आ नित्‍तीकेम मेको आ चच युइ तेकोइ मनित्‍नीम। मेको पिप आ बेक्‍शो रां नाक्‍त नांम नु नाक्‍दो फुरशेम जिप्‍पाइक्‍चा ङा पा तांइसीब। येरमीया २२:३०; येरमीया २२:१९
JER 36:31 गो मेको कली, मेको आ आल आन कली नु आ गेय पाइब आन कली आन मरिम्‍शो पशो आ पर्बम सजाइ गेनुङमी। गो मेको आन कली, यरूसलेममी बाक्‍ब आन कली नु यहूदामी बाक्‍ब नेल्‍ल आन कली आं देंशो ठेयब श्‍येत नेल्‍ल गेनुङ। मारदे हना मेकोपुकीमी आं देंशो लोव़ मनेनेम” देंत।
JER 36:32 मिनु येरमीयामी अर्को कागज का चाक्‍शा नेरीयाह आ तौ ब्रेक्‍ब बारुक कली गेप्‍तु। मिनु मेकोमी येरमीयाम देंशो खोदेंशो पा यहूदा ङा पिप येहो-याकीममी मीम चोशो कागज ङा लोव़ नेल्‍ल मेको कागजम ब्रेक्‍ताक्‍व। मिनु येरमीयामी अरु शुश लोव़ यो मेकेर तेम्‍ताक्‍व।
JER 37:1 बेबीलोन ङा पिप नेबुकदरेसरमी योसीयाह आ तौ सिदकीयाह कली यहूदा ङा पिप सेल्‍शो बाक्‍त। मिनु येहो-याकीम आ तौ कोन्‍याह आ पा ङा मेकोमी सासन पचा गोप्‍तु। येहो-याकीम आ अर्को नें कोन्‍याह बाक्‍ब।२राजा २४:१७
JER 37:2 मिनु मेको, मेको आ गेय पाइबपुकी नु मेको रागी ङा मुर नेल्‍लेम परमप्रभु यावे आ लोव़ पाइब येरमीया आ देंशो परमप्रभु यावे आ लोव़ मनेंनेम।
JER 37:3 मो हना यो पिप सिदकीयाहम शेलेम्‍याह आ तौ येहुकल नु मासेयाह आ तौ चढ़ेब सेफन्‍याह आस कली परमप्रभु यावे आ लोव़ पाइब येरमीया आ बाक्‍तीकेम “आंइ पर्बम इं परमप्रभु यावे नु पुंइशा गेने” देंथ, मुर सोइक्‍ताक्‍व। येरमीया ७:१६; येरमीया ४२:२
JER 37:4 मेना सम्‍म येरमीया मुर आन दातेमी एर ओंथ गाक्‍ना गाक्‍न बाक्‍त। मारदे हना मेना सम्‍म मचोक्‍सीशो बाक्‍त।
JER 37:5 मेना फाराओ आ लडाइ पाइबपुकी इजीप्‍त रे जाक्‍शो बाक्‍तेक्‍म। मिनु कल्‍दी ङा मुरपुकीमी यरूसलेम कली एर ओंथ नेल्‍ल रे पुम्‍शो लोव़ नेंतेक्‍म। मिनु मेकोपुकी यरूसलेम रे नोले शोंइसाक्‍म।
JER 37:6 मिनु परमप्रभु यावेम येरमीया कली लोव़ पाप्‍तु।
JER 37:7 मार लोव़ पाप्‍तु देंशा हना “परमप्रभु यावे, इस्राएली आन परमप्रभुमी ‘यहूदा ङा पिपम आं कली हिल्‍लो पथ इ बाक्‍तीक सोइक्‍ताक्‍व। मेको कली इ कली वारच पाइक्‍थ जाक्‍ब फाराओ आ लडाइ पाइब आन रागी इजीप्‍त लेश्‍शा लाइनीम, दे मतो।
JER 37:8 मिनु कल्‍दी लेश्‍शा जाक्‍नीम। मिनु एको सहर कली लडाइ तोइनीम। मिनु मेकोपुकीमी एको सहर ग्राशा, मीम क्रोइक्‍नीम’ देंशो बाक्‍ब, देंत, मतो” देंत। येरमीया ३४:२२
JER 37:9 परमप्रभु यावेमी “गेपुकीमी कल्‍दीम थमा पा आंइ कली लडाइ तोइनीम, दे मिम्‍तीन। मारदे हना मो पाइनीम।
JER 37:10 गेपुकी नु लडाइ पाइब कल्‍दी नेल्‍ल आन कली गे ग्रातीनी हना, मेको आन गार दुम्‍शोपुकी ला आन ताम्‍बुम लीतेक्‍म हना यो, मेकोपुकी जाक्‍शा एको सहर कली मी सुइक्‍नीम” देंत।
JER 37:11 फाराओ आ लडाइ पाइबपुकीम पतीके कल्‍दी यरूसलेम रे नोले शोंइसीची ना
JER 37:12 येरमीया आं रू ङा भाग ताक्‍चा कली यरूसलेम रे ग्रूशा बेन्‍यामीन आ रागी गे लचा गोप्‍तु। येरमीया ३२:८-९
JER 37:13 मिनु मेको बेन्‍यामीन लाप्‍चोमी जाक्‍दीम्‍मेनु, हनान्‍याह आ चच शेलेम्‍याह आ तौ खाल पाइब आन ठेयब मुर इरीयाहम येरमीया कली ग्‍याइश्‍शा “गे प्रोक्‍शा कल्‍दी आन बाक्‍तीकेम लशो बाक्‍नेवे” देंत।
JER 37:14 मिनु येरमीयामी “एको लोव़ थमा ममाइ। गो कल्‍दी आन बाक्‍तीके प्रोक्‍शा लशो मनङ” देंत। तन्‍न इरीयाहम मेको आ लोव़ मनेन। मिनु मेकोमी येरमीया कली ग्‍याइश्‍शा ठेयब मुर आन बाक्‍तीके चाक्‍तु।
JER 37:15 मिनु मेकोपुकी येरमीया तशा गाइक्‍ताक्‍म। मिनु मेको कली तुप्‍शा, ब्रेक्‍ब योनाथन आ खिंम चोक्‍शा वोइक्‍तेक्‍म। मारदे हना मेको खिं जेल्‍खान सेल्‍शो बाक्‍तेक्‍म। येरमीया २०:२
JER 37:16 मेकोपुकीमी येरमीया कली जेल्‍खानम चोक्‍तेक्‍म। मिनु येरमीया थम छिङछिङम शुश नाक्‍त सम्‍म बाक्‍त।
JER 37:17 मिनु पिप सिदकीयाहम मेको कली ग्रुंइथ सोइक्‍ताक्‍व। मिनु मेको कली दरवारम चाक्‍शा सुइम मतुइक्‍चा ङा पा “मार, परमप्रभु यावे रे पा मारेइ लोव़ बाक्‍मे?” दे हिल्‍लो पाप्‍तु। मिनु येरमीयामी “ओं, बाक्‍ब। गे बेबीलोन ङा पिप आ गुइम गेचा पुंइसीनीनी, देंशो बाक्‍ब” देंत।
JER 37:18 मिनु येरमीयामी पिप सिदकीयाह कली “गो इन कली, इन गेय पाइब ठेयब मुर आन कली नु एको मुर आन कली मार पङा ङा? गे मारदे आं कली जेल्खानम चोक्‍यीनी?
JER 37:19 इन कली नु एको रागी कली लडाइ तोचा कली बेबीलोन ङा पिप मजाक्‍ब, दे इन कली देंब, परमप्रभु यावे आ लोव़ पाइबपुकी ते बाक्‍मा?
JER 37:20 तन्‍न मुल आं प्रभु, पिप गो इन कली पुंइनुङ। आं पुंइशो लोव़ नेनीन। आं देंचा माल्‍शो लोव़ इन ङोंइती देंचा तङल। गो आं कली ब्रेक्‍ब योनाथन आ खिंम मसोइक्‍तीनी। मो दुम्‍त हना, गो मेकेर बेक्‍नुङ” देंत।
JER 37:21 मिनु पिप सिदकीयाह आ हुकुममी येरमीया पिप आ दरवार खाल पाइब मुर आ जेल्‍खानम वोइक्‍चा पुंइसाक्‍व। मिनु सहर ङा शोब्‍ले चोतीक रे मनुम्म सम्‍म, नाक्‍त किंत किंत मेको कली शोब्‍ले चाक्‍शा गेम्‍तेक्‍म। मोपा येरमीया पिप आ दरवार खाल पाइब आ जेल्‍खान ङा लाङगाम बाक्‍त। येरमीया ३२:२
JER 38:1 मिनु मत्तान आ तौ शेफत्‍याह, पश्‍हुर आ तौ गेदाल्‍याह, शेलेम्‍याह आ तौ युकल नु माल्‍कीयाह आ तौ पश्‍हुरमी येरमीयामी मुर नेल्‍ल आन कली देंशो लोव़ नेंतेक्‍म। मेको आ लोव़ मार बाक्‍त देंशा हना, येरमीया २१:१
JER 38:2 परमप्रभु यावेम “सु सु एको सहरमी बाक्‍नीमी, मेकोपुकी तरवार, अन्‍काल नु मुर बेक्‍तीक रोइम बेक्‍नीम। तन्‍न सु सु गुइ पोक्‍शा, कल्‍दी आन बाक्‍तीके जाक्‍दीत्‍नीमी, मेकोपुकी चहिं ब्रोंइनीम। मेको आन गिंम प्रोंइशा लडाइ रे ब्रोंइनीम” देंशो बाक्‍त। येरमीया २१:९
JER 38:3 मिनु परमप्रभु यावेमी “एको सहर थमा पा बेबीलोन ङा पिप आ लडाइ पाइब आन गुइम दुम्‍ब। मिनु मेकोपुकीमी एको सहर आन के सेल्‍नीम” देंत, दे येरमीयाम देंशो बाक्‍त।
JER 38:4 मिनु ठेयब मुरपुकीम पिप कली “एको मुर कली साइक्‍चा माल्‍ब। मारदे हना एकोमी ओदेंशो लोव़ पा, एको सहरमी लीशो लडाइ पाइब नु मुर नेल्‍ल आन थुं लुक्‍च लपाइश्‍शो बाक्‍ब। एको मुरुम मुर आन कली रिम्‍शो ममाइ मरिम्‍शो प‍चा दाक्‍ब” देंतेक्‍म।
JER 38:5 मिनु पिप सिदकीयाहम “मेको इन गुइमीन बाक्‍ब। गो इन कली मारेइ पने मचाप्‍नुङ” दे माइक्‍तीमी।
JER 38:6 मोपतीके मेकोपुकीमी येरमीया कली लाइश्‍शा, पिप आ तौ माल्‍कीयाह आ इनारम तोक्‍तेक्‍म। मेको इनार पिप आ दरवार खाल पाइब आ लाङगाम बाक्‍त। मिनु मेकेर डोरीम फ्रेंशा इनारम तोक्‍तेक्‍म। मेको इनारमी ब्‍वाक्‍कु मबाक्‍माक्‍त। हिलो ला बाक्‍माक्‍त। मिनु येरमीया मेको हिलोम ग्रुम्‍‍त।
JER 38:7 मेकेर पिप आ खिंम गेय पाइब एबेद-मेलेक नें पाइश्‍शो मुर का बाक्‍त। मेको एथीयोपीया ङा बाक्‍त। मेकोमी येरमीया कली इनारम तोक्‍शो नेंतु। मेना पिप बेन्‍यामीन लाप्‍चोमी बाक्‍शो बाक्‍त। येरमीया ३९:१५-१८
JER 38:8 मिनु एबेद-मेलेक पिप आ खिं रे लशा पिप कली
JER 38:9 “आं प्रभु, आं पिप, एको मुरपुकीम परमप्रभु यावे आ लोव़ पाइब येरमीया कली इनारम तोक्‍शा मरिम्‍शो पाम्‍तेक्‍म। सहरम शोब्‍ले नुम नोले मेको मेकेर शोव़लुम बेक्‍ब” देंत।
JER 38:10 मिनु पिपम कूशी, एथीयोपीया ङा एबेद-मेलेक कली “एक रे मुर सां आन कली लाइश्‍शा, मेको परमप्रभु यावे आ लोव़ पाइब येरमीया कली बेक्‍चा क्‍येङा ङोंइती इनार रे ग्रुंइदीन” दे अरेप्‍तु। का निक्‍शी मुरुमी ३० जना मुर ब्रेश्‍शो बाक्‍ब।
JER 38:11 मोपतीके एबेद-मेलेकम मेको मुर आन कली लाइक्‍तु। मिनु पिप आ खिं ङा मार मार वोइक्‍तीक आगा ङा कोठाम लत। मिनु मेकेर रे माइत जेक्‍शो वासी ग्रुंइताक्‍व। मिनु मेकोमी येरमीया कली मेको वासी डोरीम फ्रेंशा तोक्‍तु।
JER 38:12 मिनु एथीयोपीया ङा एबेद-मेलेकमी येरमीया कली “इ बला आगा नु डोरी आन दातेमी एको माइत जेक्‍शो वासी वोतो” देंत। मिनु येरमीयामी मो पाप्‍तु।
JER 38:13 मिनु मेकोपुकीमी डोरीम येरमीया कली इनार रे ग्रुंइताक्‍मे। मेको नोले येरमीया पिप आ दरवार खाल पाइब मुर आ जेल्‍खान ङा लाङगाम बाक्‍त।
JER 38:14 मिनु पिप सिदकीयाहम परमप्रभु यावे आ लोव़ पाइब येरमीया कली ब्रेत्‍थ सोइक्‍ताक्‍व। मिनु परमप्रभु यावे आ खिं ङा निक्‍शी लाप्‍चो नोले ङा ठेयब लाप्‍चो आ ङोंइती चाक्‍पाइक्‍तीमी। मिनु पिपम येरमीया कली “गो इ कली लोव़ का निक्‍शी हिल्‍लो पाइनुङ। आं ङोंइती गे मारेइ लोव़ मख्रुइक्‍तो” दे माइक्‍तु।
JER 38:15 मिनु येरमीयामी सिदकीयाह कली “गो इन कली लोव़ पाता हना, गे आं कली साइक्‍नीनी। गो इन कली अर्ती गेतन्‍नी हना, गे मेको मनेंनीनी” देंत।
JER 38:16 मिनु पिप सिदकीयाहम सुइ आन मतुइक्‍चा ङा पा, येरमीया नु कसम जशा “परमप्रभु यावे ब्रोंइशा बाक्‍शो खोदेंशो पा, गो इं कली सोक्‍त गेप्‍तु। गो मेको आ नेंमी कसम जशा देंनुङ। गो इ कली मसाइक्‍नुङ। गो इ कली साइक्‍चा माल्‍ब मुर आन गुइम मगेनन” देंत। येरमीया ३८:४-५
JER 38:17 मिनु येरमीयामी सिदकीयाह कली “मुर नेल्‍ल आन परमप्रभु यावे, इस्राएली आन परमप्रभुमी ‘गे बेबीलोन ङा पिप आ ठेयब मुर आन कली आंमान जिम्‍मा गेसाक्‍नी हना, इन सोक्‍त ब्रोंइब। मिनु एको सहर क्रोइक्‍चा मपुंइसीब। मिनु इन खिं ङा मुरपुकी यो ब्रोंइनीमी।
JER 38:18 तन्‍न गे आंमान बेबीलोन ङा पिप आ ठेयब मुर आन गुइम जिम्‍मा मगेसाक्‍नी हना, एको सहर कल्‍दी आन गुइम गेंसीब। मिनु मेकोपुकीमी एको कली क्रोइक्‍नीम। मिनु गे मेको आन गुइ रे मब्रोंइनीनी’ देंशो बाक्‍ब” देंत।
JER 38:19 मिनु पिप सिदकीयाहम येरमीया कली “कल्‍दी आन बाक्‍तीकेम प्रोक्‍शा लशो यहूदीपुकी तशा, गो हिंशो बाक्‍नुङ। मारदे हना कल्‍दीपुकीम आं कली मेको आन गुइम जिम्‍मा गेतीमी हना, मेकोपुकीमी आं कली मरिम्‍शो पाइक्‍नीम” देंत।
JER 38:20 मिनु येरमीयामी “मेकोपुकीमी इन कली मेको आन गुइम जिम्‍मा मगेनीम। गो इन कली देंशो परमप्रभु यावे आ लोव़ टिने। मिनु इन कली रिम्‍शो दुम्‍ब। इन सोक्‍ती यो ब्रोंइब।
JER 38:21 तन्‍न गे मेको आन गुइम जिम्‍मा गेंसीने मबिस्‍साक्‍नी हना, परमप्रभु यावेम आं कली कोंइशो एकोन बाक्‍ब।
JER 38:22 यहूदा ङा पिप आ दरवारम प्रोंइसीशो मीश मुर नेल्‍ल बेबीलोन ङा पिप आ ठेयब मुर आन बाक्‍तीके लाइक्‍नीम। मिनु मेको मीश मुरपुकीम इन कली ‘इन थमा सुइश्‍शो इन वारचपुकीम इन कली जोल पाम्‍तेक्‍म। मुल इन खोइली हिलोम ग्रुम्‍शो बाक्‍ब। इन वारचपुकीम इन कली प्रोंइशो बाक्‍नीम’ देंनीम।
JER 38:23 इन मीशपुकी नु इन आल नेल्‍ल कल्‍दी आन बाक्‍तीके चाक्‍दीत्‍नीम। गे आंमा यो कल्‍दी आन गुइ रे ब्रोंइचा मताइनीनी। बेबीलोन ङा पिपम इन कली ग्‍याइक्‍ब। मिनु एको सहर चहिं क्रोइक्‍नीम, देंशो बाक्‍ब” देंत। येरमीया ३२:४; येरमीया ३४:३
JER 38:24 मिनु सिदकीयाहम येरमीया कली “एको लोव़सी पशो सुइम मतुइक्‍तमेक्‍ल। मो मदुम्‍त हना, गे साइक्‍चा पुंइसीनेवे।
JER 38:25 गो गे नु लोव़ पशो ठेयब मुरपुकीम तुइक्‍ताक्‍म हना, मिनु इ बाक्‍तीक जाक्‍शा ‘पिप कली मार, देंनी? मिनु पिपम मार, देंमे? आंइ रे मारेइ लोव़ मख्रुइक्‍तीन। मो पाइतीनी हना गो इन कली साइक्‍नीकी, दे इ कली हिल्‍लो पाम्‍तेक्‍म हना,
JER 38:26 गेमी मेको आन कली “गो आं कली साइक्‍चा कली योनाथन आ खिंम मसोइक्‍तीनी” दे गो पिप नु लोव़ का ला पाता’ देनो” दे माइक्‍तु।
JER 38:27 मिनु ठेयब मुर नेल्‍ल येरमीया आ बाक्‍तीक जाक्‍शा, हिल्‍लो पाम्‍तेक्‍म। मिनु मेकोमी पिपम देंशो खोदेंशो पा, मेको आन कली माइक्‍तीमी। मोपतीके मेकोपुकीमी मेको कली अरु मारेइ हिल्‍लो मपामे। मारदे हना पिप नु येरमीया आस दातेम पशो लोव़ सुइम मतुइ‍क्‍तेम।
JER 38:28 मिनु यरूसलेम ग्रातीक नाक्‍त सम्‍म येरमीया पिप आ दरवार खाल पाइब मुर आ लाङगा ङा जेल्‍खानम बाक्‍शो बाक्‍त। येरमीया ३७:२१
JER 39:1 यहूदा ङा पिप सिदकीयाहम सासन पवा आ ९ बर्स १० महिनाम बेबीलोन ङा पिप नेबुकदरेसर नु मेको आ लडाइ पाइब नेल्‍ल जाक्‍शा, यरूसलेम कली लडाइ तोशा एर ओंथ नेल्‍ल रे पुम्‍ताक्‍म। येरमीया ५२:४-१६; २राजा २५:१-१२
JER 39:2 मिनु सिदकीयाहम सासन पशो ११ बर्स ४ महिना ९ नाक्‍ती मेको सहर ङा गारो प्रेश्‍शा ओव़तेक्‍म।
JER 39:3 मिनु यरूसलेम ग्राशा, बेबीलोन ङा पिप आ ठेयब मुर नेल्‍ल जाक्‍शा दाते ङा लाप्‍चोमी बाक्‍तेक्‍म। नेरगल-शरेसेर, साम्‍गार-नेबो, सारसेकीम नेल्‍ल क्‍येङा ठेयब निसाफ पाइब नेरगल-शरेसेर नु बेबीलोन ङा पिप आ ठेयब गेय पाइब मुर नेल्‍ल जाक्‍शा बाक्‍तेक्‍म।
JER 39:4 मिनु यहूदा ङा पिप सिदकीयाह नु आ लडाइ पाइब नेल्‍लेम मेको आन कली ताम्‍तेक्‍म। मिनु मेकोपुकी गारो निक्‍शी आस दातेम बाक्‍शो लाप्‍चो, पिप आ फल फुल रू रे पा नाक्‍दोन सहर रे प्रोक्‍शा, अराबाह गे लाम्‍तेक्‍म।
JER 39:5 तन्‍न कल्‍दी आन लडाइ पाइबपुकीम मेको आन कली खेदा पाम्‍तेक्‍म। मिनु सिदकीयाह कली यरीको ङा दिंमम थित्‍तेक्‍म। मिनु मेकोपुकीमी मेको कली ग्‍याइश्‍शा, हमाथ रागी ङा रिब्‍ला देंशो सहरमी बेबीलोन ङा पिप नेबुकदरेसर आ बाक्‍तीके चाक्‍दीत्‍तेक्‍म। मिनु मेकोमी सिदकीयाह कली सजाइ गेतीक देंत।
JER 39:6 मेको रिब्‍लामी बेबीलोन ङा पिपम सिदकीयाह आ तौ आन कली आ ङोंइतीन साइक्‍तीमी। मिनु यहूदा ङा ठेयब मुर आन कली यो साइक्‍तीमी।
JER 39:7 मेकोमी सिदकीयाह आ मिक्‍ची फेत्‍ताक्‍व। मिनु बेबीलोन लाइक्‍चा कली साङलोमी फ्रेंपाइक्‍तु।
JER 39:8 कल्‍दीपुकीम पिप आ दरवार नु मुर आन खिंम मी सुइक्‍ताक्‍मे। मिनु यरूसलेम ङा गारो प्रेत्‍तेक्‍म।
JER 39:9 मिनु पिप कली कोव़ब आन कप्‍तानम नेबुजरादानमी सहरमी प्रोंइचा पुंइसीशो लीशो मुरपुकी, मेको आन बाक्‍तीक प्रोक्‍शा जाक्‍ब नु अरु लीशो मुर आन कली फ्रेंशा बेबीलोन लाइक्‍तीमी।
JER 39:10 तन्‍न पिप कली कोव़ब आन कप्‍तान नेबुजरादानमी मारेइ मपाइश्‍शो प्रुङग आन कली यहूदा रागीमी प्रोंइशा वोइक्‍तीमी। मिनु मेको आन कली मेकोमी अङगुर रू नु अरु रूपुकी गेम्‍तीमी।
JER 39:11 मिनु बेबीलोन ङा पिप नेबुकदरेसरमी आ कली कोव़ब आन कप्‍तान नेबुजरादान कली येरमीया आ पर्बम
JER 39:12 “मेको कली लाइश्‍शा, रिम्‍शो पा कोव़शा वोतीन। मेको कली मारेइ मरिम्‍शो मपावो। मेकोमी इ कली देंशो खोदेंशो पा, गे मेको कली पावो” दे माइक्‍तु। येरमीया ४०:४
JER 39:13 मोपतीके पिप कली कोव़ब आन कप्‍तान नेबुजरादान, नेल्‍ल क्‍येङा ठेयब मुर नेबुशाज्‍बान, निसाफ पाइब ठेयब मुर नेरगल-शरेसेर नु बेबीलोन ङा पिप आ अरु ठेयब मुरपुकीम
JER 39:14 मुर सोइश्‍शा, येरमीया कली जेल्‍खान ङा लाङगा रे चाक्‍पाइक्‍तेक्‍म। मेको कली आ खिंम लाइक्‍तीक जिम्‍मा शाफान आ चच अहीकाम आ तौ गेदाल्‍याह कली गेम्‍तेक्‍म। मोपा येरमीया आ मुरपुकी नु बाक्‍त। येरमीया ३८:२८; येरमीया ४०:५-६,१४-१६
JER 39:15 मिनु येरमीया जेल्‍खान ङा लाङगाम बाक्‍मेनु, परमप्रभु यावेम येरमीया ३८:७
JER 39:16 मार, लोव़ पशो बाक्‍त देंशा हना “लशा, कूशी एथीयोपीया ङा मुर एबेद-मेलेक कली ‘मुर नेल्‍ल आन परमप्रभु यावे, इस्राएली आन परमप्रभुमी रिम्‍शो पा ममाइ, तन्‍न श्‍येत गेशा, एको सहर आ पर्बम गो मार पाइनुङ देंशो बाक्‍ङा, मेको खाप्‍चा चिक्‍शो बाक्‍नुङ। मेको इ ङोंइतीन मेको नाक्‍ती दुम्‍ब।
JER 39:17 तन्‍न गो इ कली मेको नाक्‍ती प्रोंइनन। मिनु गे तेको मुर आन क्‍येङा हिंनेवे मेको आन गुइम मदुम्‍नेवे’ देंत मतो।
JER 39:18 परमप्रभु यावेमी ‘गो इ कली थमा पा प्रोंइनन। गे तरवारम साइक्‍चा मपुंइसीनेवे। गे लडाइ रे इ गिंम प्रोंइशा प्रोक्‍नेवे। मारदे हना गे आं कली थमा सुइश्‍शो बाक्‍नेवे देंशो बाक्‍ब’ दे मतो” दे परमप्रभु यावेमी देंत।
JER 40:1 मिनु पिप कली कोव़ब आन कप्‍तान नेबुजरादानमी, येरमीया कली साङलोमी फ्रेंशा यरूसलेम नु यहूदा ङा फ्रेंशो मुरपुकी नु बेबीलोन लाइक्‍चा चिक्‍शो थिदा बाक्‍त। मिनु येरमीयामी रामाह प्रोना नोले परमप्रभु यावेमी मेको कली लोव़ पाप्‍तु। येरमीया ३९:११-१४
JER 40:2 मिनु पिप कली कोव़ब आन कप्‍तानमी येरमीया कली थिश्‍शा, मेको कली “परमप्रभु यावे, इ परमप्रभुम एको रागीम ठेयब श्‍येत गे‍तीक आ पर्बम लोव़ पशो बाक्‍त।
JER 40:3 मुल परमप्रभु यावेम एको रागी क्‍याम्‍ताक्‍व। मिनु मेकोमी आ देंशो खोदेंशो पाप्‍तु। मारदे हना गेपुकीम परमप्रभु यावे कली पाप पाइतीनी। मिनु मेको आ देंशो मटिनी। मोपतीके इन कली ओदेंशो दुम्‍त।
JER 40:4 तन्‍न मुलाक्‍ती गो इ गुइ ङा साङलो प्रुइक्‍ताक्‍‍न। गे गो नु बेबीलोन लचा दाक्‍नेवे हना, गाक्‍को। गो इ कली रिम्‍शो पा कोव़नुङ। तन्‍न गे गो नु बेबीलोन लल मदाक्‍ते हना, बाक्‍को। कोव़ङो, एको रागी नेल्‍ल इ ङोंइती बाक्‍ब। गे ते लल दाक्‍नेवे, मेक लने चाप्‍नेवे” दे माइक्‍तु। येरमीया ३९:१२
JER 40:5 मो हना यो येरमीया लचा चिक्‍तानु नेबुजरादानमी लेश्‍शा कोव़शा “शाफान आ तौ अहीकाम आ चच गेदाल्‍याह आ बाक्‍तीक लावो। मेको कली बेबीलोन ङा पिपम यहूदा राज्‍य ङा हुकुम पाइब सेल्‍शो बाक्‍ब। मेकेर मेको नु अरु मुरपुकी नु बाक्‍को। गे ते लत दाक्‍ङे, मेक लावो” माइक्‍तु। मिनु मेको पिप कली कोव़ब कप्‍तानमी मेको कली जचा थोव़क नु अरु कोसेलीपुकी गेप्‍तु। मिनु मेको कली प्रोंइतु। येरमीया ३९:१४
JER 40:6 मोपतीके येरमीया अहीकाम आ तौ गेदाल्‍याह आ बाक्‍तीके मिस्‍पा सहर लत। मिनु मेको नु रागीम प्रोंइशा वोइश्‍शो मुरपुकी नु बाक्‍त।
JER 40:7 मिनु लडाइ पाइब आन ठेयब मुर नेल्‍ल नु आन मुरपुकीमी “बेबीलोन ङा पिपमी अहीकाम आ तौ गेदाल्‍याह कली मेको रागी ङा हुकुम पाइब सेल्‍तु। मिनु मेको रागी ङा नेल्‍ल आन क्‍येङा प्रुङग मीश मुर, आल नु प्रुङग मुर आन कली फ्रेंशा बेबीलोन मलाइश्‍शो मेको गेदाल्‍याह नु बाक्‍नीम” देंशो नेंतेक्‍म। २राजा २५:२२-२४
JER 40:8 मिनु मेको नेल्‍ल मिस्‍पा सहरम गेदाल्‍याह आ बाक्‍तीकेम लाम्‍‍तेक्‍म। नेथन्‍याह आ तौ इश्‍माएल, कारेआह आ तौ योहानान नु योनाथन, तन्‍हुमेथ आ तौ सेरायाह, नेतोफाह आ मुर एफाइ आ तौपुकी, माकाथी आ तौ येजन्‍याह नु मेको आन मुर नेल्‍ल लाम्‍‍तेक्‍म। येरमीया ४१:१,११
JER 40:9 मिनु शाफान आ चच अहीकाम आ तौ गेदाल्‍याहम मेकोपुकी नु मेको आन मुर नु कसम जशा “कल्‍दी आन गेय पचा कली महिनीन। रागीम बाक्‍शा बेबीलोन ङा पिप आ गेय पने। मिनु इन कली रिम्‍शो दुम्‍ब।
JER 40:10 गो इं बाक्‍तीक जाक्‍ब कल्‍दी आन ङोंइती इन ठेयब मुर दुम्‍शा लोव़ पचा कली मिस्पा सहरमी बाक्‍नुङ। गेपुकीम चहिं अङगुर, बर्खाम सिप्‍ब फल फुल नु तेल इन ग्‍योंबुम वोतीन। मिनु इन योव़शो सहरमी बाक्‍कीन” दे माइक्‍तीमी।
JER 40:11 मिनु मोआब, अम्‍मोन, एदोम नु अर्को रागीपुकीम बाक्‍ब यहूदी नेल्‍लेम मेको लोव़ नेंतेक्‍म। बेबीलोन ङा पिपम का निक्‍शी मुर आन कली यहूदामी प्रोंइशा वोइश्‍शो बाक्‍ब, दे नेंतेक्‍म। मिनु शाफान आ चच अहीकाम आ तौ गेदाल्‍याह कली मेकेर ङा हुकुम पाइब सेल्‍शा वोइश्‍शो बाक्‍ब, दे यो नेंतेक्‍म।
JER 40:12 मिनु नोले यहूदी नेल्‍ल ते ते ब्रशो बाक्‍मा, मेक मेक रे लेश्‍शा, यहूदा रागी मिस्‍पाम गेदाल्‍याह आ बाक्‍तीकेम जाक्‍तेक्‍म। मिनु मेकोपुकीम शुश फल फुल नु अङगुर नु पोव़शी खुप्‍ताक्‍मे।
JER 40:13 मिनु कारेआह आ तौ योहानान नु गाउं गाउंम बाक्‍शो लडाइ पाइब मुर आन ठेयब मुर गेदाल्‍याह आ बाक्‍तीके मिस्‍पाम जाक्‍तेक्‍म।
JER 40:14 मिनु मेको कली “अम्‍मोनी आन पिप बालीसमी नेथन्‍याह आ तौ इश्‍माएल कली इन कली साइक्‍चा कली सोइश्‍शो बाक्‍ब, दे तुइक्‍नीनी?” देंतेक्‍म। तन्‍न अहीकाम आ तौ गेदाल्‍याहम मेको आन लोव़ थमा मसुद।
JER 40:15 मिनु कारेआह आ तौ योहानानम मिस्पाम गेदाल्‍याह कली “सुइम मतुइक्‍चा ङा पा नेथन्‍याह आ तौ इश्‍माएल कली साइक्‍चा कली आं कली हुकुम गेयीनी। एको लोव़ सुइम मतुइक्‍नीम। इन एर ओंथ नेल्‍ल देल्‍शो यहूदी आन कली ब्रपाइक्‍चा कली नु यहूदामी लीशो आन कली साइक्‍चा कली मेकोमी मारदे इन कली साइक्‍चा मला?” देंत।
JER 40:16 तन्‍न अहीकाम आ तौ गेदाल्‍याहम कारेआह आ तौ योहानान कली “गे मोदेंशो गेय मपावो। मारदे हना इश्‍माएल आ पर्बम इ पशो लोव़ थमा ममाइ” दे माइक्‍तु।
JER 41:1 मिनु मेको ७ महिनाम पिप आ खिं ङा मुर एली-शामा आ चच नेथन्‍याह आ तौ इश्‍माएल नु पिप आ नेल्‍ल क्‍येङा ठेयब गेय पाइब अरु १० जना मुर मिस्‍पा सहरम अहीकाम आ तौ गेदाल्‍याह आ बाक्‍तीके जाक्‍तेक्‍म। मेको नेल्‍ल मेकेर काथा शोब्‍ले जन जन बाक्‍तेक्‍म। येरमीया ४०:८
JER 41:2 मेना नेथन्‍याह आ तौ इश्‍माएल नु मेको १० जना मुर बोक्‍शा, बेबीलोन ङा पिपम हुकुम पाइब सेल्‍शा वोइश्‍शो शाफान आ चच अहीकाम आ तौ गेदाल्‍याह कली तरवारम क्‍योरशा साइक्‍तेक्‍म। येरमीया ४०:५
JER 41:3 मिनु इश्‍माएलमी मिस्‍पाम गेदाल्‍याह नु बाक्‍शो यहूदी नेल्‍ल नु मेकेर बाक्‍शो लडाइ पाइब कल्‍दी आन कली यो साइक्‍तीमी।
JER 41:4 मिनु मुरपुकीमी गेदाल्‍याह साइश्‍शो लोव़ तुइक्‍चा क्‍येङा ङोंइती आ दीसा सुनी,
JER 41:5 शेकेम, शिलो नु सामरीया रे आन गाल शोक्रे प्रेक्‍‍शो, आन वा खाक्‍शो नु आन रां चेश्‍शो ८० जना मुरपुकी परमप्रभु यावे आ खिंम अन्‍न चढ़ेचा कली नु धूप चोचा कली जाक्‍तेक्‍म। येरमीया १६:६
JER 41:6 नेथन्‍याह आ तौ इश्‍माएल मिस्‍पा रे ङाक्‍ना ङाक्‍न, मेको आन कली ग्रुम्‍थ जाक्‍त। मिनु मेको आन कली ग्रुम्‍शा मेकोमी “अहीकाम आ तौ गेदाल्‍याह आ बाक्‍तीक जाक्‍कीन” देंत।
JER 41:7 मिनु मेकोपुकी सहर आ आगा ओव़तेक्‍म। मिनु नेथन्‍याह आ तौ इश्‍माएल नु मेको आ मुरपुकीम मेको आन कली साइक्‍तेक्‍म। मिनु मेको आन बेक्‍शो रां इनार काम ताइक्‍ताक्‍म।
JER 41:8 तन्‍न मेको आन दाते ङा १० जना मुरपुकीम इश्‍माएल कली “आंइ कली मसाइक्‍की। गोपुकी नु रू कामी ख्रुइश्‍शा, वोइश्‍शो चेरब क्‍योव़जी तेल नु खुदो बाक्‍नीम” देंतेक्‍म। मोपतीके मेकोमी मेको आन कली प्रोंइतीमी। मेको आन कली अरु नु मसद।
JER 41:9 मेको इनारम इश्‍माएलमी मुर आन कली साइश्‍शा ताइश्‍शो बाक्‍त। मेको इनार पिप आसाम इस्राएल ङा पिप बाशा क्‍येङा हिंशा ब्रोंइचा कली दोशो बाक्‍त। नेथन्‍याह आ तौ इश्‍माएलमी मेको इनार आ साइश्‍शो मुरपुकीम प्रिंताक्‍व। १राजा १५:१६-२४
JER 41:10 मेको नोले इश्‍माएलमी, मिस्‍पाम बाक्‍शो लीशो मुर नेल्‍ल, पिप आ तमीपुकी नु अरु मुर नेल्‍ल आन कली ग्‍याइक्‍ताक्‍मी। मेको आन कली पिप कली कोव़ब आन कप्‍तान नेबुजरादानमी अहीकाम आ तौ गेदाल्‍याह आ गुइम गेशो बाक्‍त। मिनु नेथन्‍याह आ तौ इश्‍माएलम मेको नेल्‍ल आन कली ग्‍याइश्‍शा खोला आइक्‍ची हांबु अम्‍मोनी आन रागीम लाइक्‍चा कली गाक्‍त।
JER 41:11 मिनु कारेआह आ तौ योहानान नु मेको नु बाक्‍शो लडाइ पाइब आन ठेयब मुर नेल्‍लेम नेथन्‍याह आ तौ इश्‍माएलमी मरिम्‍शो पशो नेल्‍ल नेंतेक्‍म। येरमीया ४०:८,१३-१६
JER 41:12 मिनु मेको नेल्‍लेम आन मुर नेल्‍ल आन कली लाइश्‍शा नेथन्‍याह आ तौ इश्‍माएल नु लडाइ पथ गाक्‍तेक्‍म। मिनु मेकोपुकीमी मेको कली गिबोन ङा ठेयब दोम्‍ली आ नेक्‍था थित्‍तेक्‍म। २सामुएल २:१३
JER 41:13 मिनु इश्‍माएलम ग्‍याइश्‍शा लाइश्‍‍शो मेको नु बाक्‍शो मुरपुकीम, कारेआह आ तौ योहानान नु मेको नु बाक्‍शो लडाइ पाइब आन ठेयब मुर नेल्‍ल आन कली तशा, ग्‍येरसाक्‍म।
JER 41:14 मिनु इश्‍माएलमी मिस्‍पा रे ग्‍याइश्‍शा लाइश्‍शो मुर नेल्‍ल कारेआह आ तौ योहानान आ बाक्‍तीके लेश्‍शा जाक्‍तेक्‍म।
JER 41:15 तन्‍न नेथन्‍याह आ तौ इश्‍माएल नु ८ जना अरु मुर योहानान रे प्रोक्‍शा अम्‍मोनी आन रागी लाम्‍तेक्‍म।
JER 41:16 मिनु अहीकाम आ तौ गेदाल्‍याह कली सदमे नोले, नेथन्‍याह आ तौ इश्‍माएलमी गिबोन रे चाक्‍शो ब्रोंइशो आन कली लडाइ पाइबपुकी, मीश मुरपुकी, आलपुकी नु दरवारम गेय पाइब मुर आन कली, कारेआह आ तौ योहानान नु मेको नु बाक्‍शो लडाइ पाइब आन ठेयब मुरपुकीम गिबोन रे लेत्‍‍‍ताक्‍म।
JER 41:17 मिनु मेकोपुकी इजीप्‍त लचा कली मिम्‍शा बेथलेहेम ङा गेरुथ-किम्‍हामम बास बाक्‍तेक्‍म। २सामुएल १९:३८; येरमीया ४३:७
JER 41:18 मेकोपुकी कल्‍दी आन क्‍येङा हिंशो बाक्‍तेक्‍म। मारदे हना बेबीलोन ङा पिपमी मेको रागी कली योव़शा वोइश्‍शो हुकुम पाइब अहीकाम आ तौ गेदाल्‍याह कली नेथन्‍याह आ तौ इश्‍माएलमी साइश्‍शो बाक्‍त।
JER 42:1 मिनु लडाइ पाइब आन ठेयब मुर नेल्‍ले, कारेआह आ तौ योहानान, होशायाह आ तौ येजन्‍याह नु आइक्‍च ठेयब मुर नेल्‍ले येजन्‍याह कली अजारयाह यो ब्रेक्‍नीम।
JER 42:2 परमप्रभु यावे आ लोव़ पाइब येरमीया आ बाक्‍तीके जाक्‍तेक्‍म। मिनु मेको कली “गो आंइ पुंइशो नेनीन। मिनु परमप्रभु यावे, इन परमप्रभु कली आंइ पर्बम नु लीशो मुर नेल्‍ल आन पर्बम पुनीन। मारदे हना शुश मुर रे का निक्‍शी ला लीतक। मेको गे आंमा ताइतीनी। येरमीया ३७:३
JER 42:3 मिनु परमप्रभु यावे, इन परमप्रभुम गो ते लचा माल्‍नीकी, मार पचा माल्‍नीकी, मेको कोंइदल, दे पुनीन” देंतेक्‍म।
JER 42:4 मिनु परमप्रभु यावे आ लोव़ पाइब येरमीयामी मेको आन कली “दुम्‍ब। गो इन पर्बम इन देंशो खोदेंशो पा परमप्रभु यावे इन परमप्रभु कली पुंइनुङ। मिनु परमप्रभु यावेम मार देंमे, मेको नेल्‍ल इन कली शेंनुङ। गो इन ङोंइती मारेइ लोव़ मख्रुइक्‍नुङ” देंत।
JER 42:5 मिनु मेकोपुकीमी येरमीया कली “परमप्रभु यावे, इन परमप्रभुमी कोंइशो नु आंइ कली देंशो लोव़ गोपुकीम मपाइतक हना, परमप्रभु यावे आंइ पर्बम थमा नु ठीक लोव़ पाइब सांकछी दुम्‍ल।
JER 42:6 मेको रिम्‍शो दुम्‍ल कि मरिम्‍शो दुम्‍ल। गो परमप्रभु यावे, इं परमप्रभु आ बाक्‍तीक इन कली सोइक्‍ताक्‍क। गोपुकीम मेको आ अरेशो टीनीकी। मिनु परमप्रभु यावे, इं परमप्रभु आ लोव़ टितीके, गो आंइ कली रिम्‍शो दुम्‍ल” देंतेक्‍म।
JER 42:7 मिनु १० नाक्‍त नोले परमप्रभु यावेम येरमीया कली लोव़ पाप्‍तु।
JER 42:8 मिनु येरमीयामी कारेआह आ तौ योहानान नु मेको नु बाक्‍शो लडाइ पाइब आन ठेयब मुर नेल्‍ल, आइक्‍ची नु ठेयब मुर नेल्‍ल आन कली ब्रेत्‍ताक्‍मी।
JER 42:9 मिनु येरमीयामी मेको आन कली “गे आं कली परमप्रभु यावे, इस्राएली आन परमप्रभु आ ङोंइती पुंइथ सोइक्‍ताक्‍यीनी।
JER 42:10 मिनु परमप्रभु यावेमी इन कली ‘एको रागीमीन बाक्‍तीनी हना, गो इन कली रिम्‍शो सेल्‍नन्‍नी, मप्रेत्नन्‍नी। गो इन कली ख्रुम्‍नन्‍नी, मतुल्‍नन्‍नी। मारदे हना गो इन कली खतम पोक्‍शो आ पर्बम आं थुं खाइश्‍शो बाक्‍नुङ। येरमीया १:१०
JER 42:11 मुल गे बेबीलोन ङा पिप क्‍येङा महिनीन। मारदे हना गो इन कली मेको आ गुइ रे प्रोंइचा नु श्‍येत मगेपाइक्‍चा कली गेपुकी नु बाक्‍शो बाक्‍नुङ।
JER 42:12 गो इन कली शिशी पाइक्‍नन्‍नी। मिनु मेकोमी इन कली शिशी पा इन बाक्‍शो रागीमीन वोइक्‍ब’ देंशो बाक्‍ब।
JER 42:13 तन्‍न गेपुकीम परमप्रभु यावे, इन परमप्रभु आ लोव़ मटीतीनी हना ‘गोपुकी एको रागीम मबाक्‍नीकी’ देंतीनी हना, येरमीया २९:१७-१८
JER 42:14 गोपुकी इजीप्‍त लशा बाक्‍नीकी। मारदे हना मेकेर लडाइ मतांइसीब, तुराही ताप्‍शो सेंदा मनेंसीब, शोब्‍ले जचा मतथु शोव़लुम मबेक्‍सीब। गो मेकेन बाक्‍नीकी देंतीनी हना,
JER 42:15 यहूदा ङा लीशोपुकी, परमप्रभु यावे आ लोव़ नेनीन। मुर नेल्‍ल आन परमप्रभु यावे, इस्राएली आन परमप्रभुम ‘गेपुकी इजीप्‍त लशा मेकेर बाक्‍चा कली थमा पा मिम्‍शो बाक्‍तीनी हना,
JER 42:16 तेको तरवार रे पा गे हिंशा प्रोक्‍शो बाक्‍नी, मेको तरवारमी इन कली इजीप्‍तमी साइक्‍ब। मिनु तेको अन्‍काल रे पा, गे हिंशो बाक्‍नी, मेको इजीप्‍तमी इन नोनोले जाक्‍ब। मिनु गे मेकेर बेक्‍नीनी।
JER 42:17 सु सु इजीप्‍त लशा बाक्‍नीमी, मेको नेल्‍ल तरवार, अन्‍काल नु मुर बेक्‍ती रोइम बेक्‍नीम। गो इन कली खतम पोक्‍तीक रे का यो मब्रोंइनीनी’ देंशो बाक्‍ब” देंत।
JER 42:18 मुर नेल्‍ल आन परमप्रभु यावे, इस्राएली आन परमप्रभुम “दोपा आं गाइश्‍शो नु चुरशो यरूसलेमम बाक्‍ब मुर आन तार मोंइसे, मोपान गेपुकी इजीप्‍त लाइतीनी हना, आं चुरतीके इन तार मोंइसीब। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। गेपुकीम लेंशा एको रागी गेनायो कोव़चा मताइनीनी” देंशो बाक्‍ब। येरमीया २५:९; येरमीया ४४:१२
JER 42:19 ए यहूदा ङा लीशोपुकी, परमप्रभु यावेमी इन कली “गेपुकी इजीप्‍त मलने, देंशो लोव़ तुइश्‍शा वोतीन। मुलाक्‍ती गो इन कली हिंच कोंइशा लोव़ पाता।
JER 42:20 गेपुकीम ठेयब मरिम्‍शो का पाइतीनी। गेपुकीम आं कली परमप्रभु यावे, इन परमप्रभु आ ङोंइती परमप्रभु यावेम, आंइ परमप्रभु मार देंबा, मेको नेल्‍ल आंइ कली शेंदीकी। मिनु गो मेको नेल्‍ल पाइनीकी देंतीनी।
JER 42:21 मुलाक्‍ती गो मेको नेल्‍ल इन कली शेंताक्‍न्‍नी। परमप्रभु यावे, इन परमप्रभुम मार देंचा, दे सोइक्‍ती, मेको लोव़ इन कली देंती, तन्‍न मुल सम्‍म मटिशो बाक्‍नीनी।
JER 42:22 मोपतीके मुल एको लोव़ थमा पा तुइश्‍शा वोतीन। इन बाक्‍चा कली लचा दाक्‍शो रागीमीन गेपुकी तरवार, अन्‍काल नु मुर बेक्‍तीक रोइम बेक्‍नीनी देंशो बाक्‍ब” देंत।
JER 43:1 मिनु येरमीयामी परमप्रभु यावे, आन परमप्रभु आ पशो लोव़ नेल्‍ल मेको आन कली देंने थुम्‍तु। परमप्रभु यावे, आन परमप्रभुमी येरमीया कली मेको आन कली मेको लोव़ पथ सोइश्‍शो बाक्‍त।
JER 43:2 मिनु होशायाह आ तौ अजारयाह कारेआह आ तौ योहानान नु मटीब मुर नेल्‍लेम येरमीया कली “गे जोल पाइतीनी। गेपुकी इजीप्‍तम बाक्‍थ लचा मदुम्‍नीनी देंचा कली परमप्रभु यावे, आंइ परमप्रभुमी इन कली सोइश्‍शो ममाइ। येरमीया ४२:१९
JER 43:3 तन्‍न कल्‍दीपुकीम आंइ कली सदमेक्‍ल कि ग्‍याइश्‍शा बेबीलोनमी लदमेक्‍ल, दे मिम्‍शा, नेरीयाह आ तौ बारुकमी इन कली आंइ पर्बम मरिम्‍शो पचा कली क्‍युक्‍शो बाक्‍ब” देंतेक्‍म। येरमीया ३६:३२
JER 43:4 मोपतीके कारेआह आ तौ योहानान, लडाइ पाइब आन ठेयब मुर नेल्‍ले नु अरु मुर नेल्‍लेम यहूदामी बाक्‍चा माल्‍ब, देंशो परमप्रभु यावे आ लोव़ मटीम।
JER 43:5 मेको आ पा ङा कारेआह आ तौ योहानान नु लडाइ पाइब आन ठेयब मुर नेल्‍लेम यहूदामी बाक्‍शो मुर नेल्‍ल आन कली, जात जात ङा मुर आन दातेम ब्रशा लेंशा यहूदामी बाक्‍थ जाक्‍शो मुर नेल्‍ल आन कली खुप्‍शा लाइक्‍तेक्‍म।
JER 43:6 मेकोपुकीम पिप कली कोव़ब आन कप्‍तान नेबुजरादानमी शाफान आ चच अहीकाम आ तौ गेदाल्‍याह आ गुइम गेशो, मीश मुरपुकी, वोंइश मुरपुकी, आल ब्रेप्‍चपुकी, पिप आ तमीपुकी, येरमीया नु नेरीयाह आ तौ बारुक कली यो लाइक्‍तेक्‍म।
JER 43:7 मोपा परमप्रभु यावे आ अरेशो मटिथु, मेकोपुकी इजीप्‍त लाम्‍तेक्‍म। मिनु ताहपनेसम जाक्‍दीत्‍तेक्‍म। येरमीया ४२:१४-१७; २राजा २५:२६
JER 43:8 मिनु परमप्रभु यावेम ताहपनेसम येरमीया कली लोव़ पाप्‍तु।
JER 43:9 मार लोव़ पाप्‍तु देंशा हना “इ गुइमी ठेयब ठेयब फुल्‍लु क्‍युक्‍को। मिनु यहूदीपुकीम कोव़ना कोव़न बाक्‍मानु, ताहपनेसम बाक्‍शो फाराओ, आ दरवार ङा आगा ओव़तीक लांमी ख्रुइश्‍शा थिम्‍शा वोतो।
JER 43:10 मिनु मेको आन कली मुर नेल्‍ल आन परमप्रभु यावे, इस्राएली आन परमप्रभुमी ‘गो आं गेय पाइब बेबीलोन ङा पिप नेबुकदरेसर कली ब्रेत्‍नुङ। मिनु आं ख्रुइश्‍शा वोइश्‍शो एको फुल्‍लु तार गो मेको आ नित्‍तीके सेल्‍नुङ। मेकोमी मेको तार आ बाक्‍तीक ताम्‍बु कीब। येरमीया २५:९
JER 43:11 मेको जाक्‍शा इजीप्‍त कली लडाइ तोइब। मिनु बेक्‍तीक रोइम बेक्‍चा ब्रेक्‍शो, बेक्‍तीक रोइ पा बेक्‍नीम। ग्‍याइश्‍शा लाइक्‍चा पुंइसीचा ब्रेक्‍शो, ग्‍याइश्‍शा लाइक्‍चा पुंइसीनीम। मिनु तरवारम साइक्‍चा पुंइसीचा ब्रेक्‍शो, तरवार साइक्‍चा पुंइसीनीम। येरमीया १५:२
JER 43:12 मेकोमी इजीप्‍त ङा मूर्ति आन खिंम मी सुइक्‍ब। मेकोमी मेको आन खिं आन कली क्रोइक्‍ब। मिनु मेको देवी देवता आन कली लाइक्‍ब। मिनु गोठलापुकीम दोपा आन वा रे नेक्‍स गुप्‍नीमी, मोपा मेकोमी इजीप्‍त रागी ङा मूर्ति आन कली गुप्‍शा ताइब। मिनु मारेइ मदुम्‍थु आ रागी लेप्‍ब। येरमीया ४६:२५
JER 43:13 मेकोमी इजीप्‍त ङा हेल्‍योपोलीस सहरम बाक्‍शो नां आ मूर्ति बाक्‍शो थामपुकी प्रेप्‍ब। मिनु इजीप्‍त ङा देवी देवता आन खिंम मी सुइक्‍ब’ देंशो बाक्‍ब” देंत।
JER 44:1 परमप्रभु यावेमी येरमीया कली इजीप्‍त मिग्‍दोल, ताहपनेस, मेम्‍फीस नु पथ्रोस रागीम बाक्‍ब यहूदी नेल्‍ल आन पर्बम लोव़ पाप्‍तु। येरमीया ४३:७
JER 44:2 मुर नेल्‍ल आन परमप्रभु यावे, इस्राएली आन परमप्रभुमी मार लोव़ पाप्‍तु देंशा हना “गो यरूसलेम नु यहूदा ङा सहर नेल्‍ल आन कली शुश श्‍येत गेता। गेपुकीमी मेको आंमा ताइतीनी। मेको सहर कोव़ङीन। मुर मबाक्‍तीके श्येत्‍थ दुम्‍शो बाक्‍नीम।
JER 44:3 मारदे मोदेंशो दुम्‍त देंशा हना, मेकेर ङा मुरुमी आं अरेशो मटिथु, गाइक्‍पाइक्‍‍तीमी। मेकोपुकीमी देवी देवता आन कली चढ़ेशा मेको आन नोले खोइक्‍तेक्‍म। ङोंइती मेकोपुकी, गेपुकी नु इन किकी पिपीमी यो मेको आन कली मतुइश्‍‍शो बाक्‍तेक्‍म।
JER 44:4 मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४
JER 44:5 तन्‍न मेकोपुकीमी मनेनेम। आन नोफान मदाइक्‍तेम। मेको आं अरेशो मटितीक रे मलेम्‍म। मेकोपुकीमी देवी देवता आन कली चढ़ेचा मप्रोनेम।
JER 44:6 मोपतीके गो यहूदा ङा सहर नु यरूसलेम ङा लांम आं शुश गाइश्‍शो नु चुरशो मोइक्‍ता। मिनु मेको सहर ब्रेश्‍शो नु मुर मबाक्‍तीके दुम्‍तेक्‍म। मुलाक्‍ती मोदेंशो बाक्‍ब” देंत।
JER 44:7 मिनु मुल मुर नेल्‍ल आन परमप्रभु यावे, इस्राएली आन परमप्रभुमी “मारदे गेपुकीम आंम इन कली मोदेंशो श्‍येत गेनीनी? यहूदा आ दाते रे मीश मुर, वोंइश मुर, आल नु दूध तूब आल नेल्‍ल आन कली तिल्‍पाइश्‍शा, सुइ इन कली मलीपाइक्‍नी। येरमीया ४२:२२
JER 44:8 मारदे गेपुकीमी इन गेयमी आं कली गाइक्‍पाइक्‍नीनी? मारदे गे इजीप्‍तमी बाक्‍शा, देवी देवता आन कली चढ़ेशा आं कली गाइक्‍पाइक्‍नीनी? गेपुकी क्‍याम्चा पुंइसीशा, रागी ङा मुर नेल्‍ल आन दातेमी सराप चीले राइब नु शुक्‍शी पाइक्‍चा पुंइसीब दुम्‍नीनी।
JER 44:9 गे इन किकी पिपी आन मरिम्‍शो पशो प्रेंदीनी? यहूदा ङा पिप नु आन पिपीम आन मरिम्‍शो पशो, इन आंम मरिम्‍शो पशो, इन मीशेमी यहूदा रागीम नु यरूसलेम ङा लांमी मरिम्‍शो पशो प्रेंदीनी? येरमीया ७:१७-१८
JER 44:10 मुल सम्‍म मेकोपुकीमी आंम कली ब्रेम्‍शो मसेल्‍सम। आं कली मान पा महिंम। गो आं अरेशो नु आं फुल्‍लुम मुशा ब्रेक्‍शो लोव़ इन ङोंइती नु इन किकी पिपी आन ङोंइती वोइक्‍ता। मिनु मेको, गेपुकी नु इन किकी पिपीमी मटिनी” देंत।
JER 44:11 मोपतीके मुर नेल्‍ल आन परमप्रभु यावे, इस्राएली आन परमप्रभुमी “गो इन कली ठेयब श्‍येत गेशा, यहूदा ङा मुर नेल्‍ल आन कली क्‍याम्‍नुङ। आमोस ९:४
JER 44:12 इजीप्‍त लशा बाक्‍चा कली मिम्‍ब यहूदा ङा लीशो मुर नेल्‍ल थमा पा जाम्‍शा लाइनीम। मेको नेल्‍ल इजीप्‍तमी साइक्‍चा पुंइसीनीमी। तरवार नु अन्‍कालमी बेक्‍नीम। ठेयब नु आइक्‍च नेल्‍ल तरवार नु अन्‍कालमी बेक्‍नीम। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। येरमीया ४२:१४-१७
JER 44:13 गो दोपा यरूसलेम कली तरवार, अन्‍काल नु मुर बेक्‍तीक रोइम सजाइ गेङा, मोपा इजीप्‍तम बाक्‍ब आन कली यो सजाइ गेनुङमी।
JER 44:14 मोपा इजीप्‍तम बाक्‍शो यहूदा ङा लीशो मुर सुइ प्रोक्‍चा मताइनीम। सुइ मब्रोंइनीम। मिनु सुइ यहूदा रागी लेत्‍चा मताइनीम। मो हना यो मेकेर बाक्‍चा कली लचा दाक्‍नीम। ङोंइती प्रोक्‍शा लशो का निक्‍शी ला लेत्‍चा ताइनीमी” देंत।
JER 44:15 मिनु आन मीशेम देवी देवता आन कली चढ़ेशो तुइक्‍ब वोंइश मुर नेल्‍ल, ठेयब हुल मीश मुर नु इजीप्‍त रागी ङा पथ्रोस रागीमी बाक्‍ब नेल्‍लेमी येरमीया कली यसैया ११:१
JER 44:16 “गे परमप्रभु यावे आ नेंमी आंइ कली पशो लोव़ गो मनेंनीकी।
JER 44:17 मेको आ पा ङा आंइ कसम जशो खाप्‍नीकी। गोपुकी सरीङ ङा पिपीम कली चढ़ेशा, मेको कली तूचा थोव़क लुक्‍नीकी। गोपुकी, आंइ किकी पिपी, आंइ पिपीपुकी नु आंइ ठेयब मुरपुकीम यहूदा ङा सहर नु यरूसलेम ङा लांम मोदेंशो पाम्‍तेक्‍म। मेना गोपुकी शुश जचा ताइतक। मिनु आंइ माल्‍शो क्‍येङा शुश तशा, श्‍येत मजक। येरमीया ७:१७-१८; होसे २:७
JER 44:18 तन्‍न गोपुकीम सरीङ ङा पिपीम कली चढ़ेचा प्रोंइशो रे नु तूचा थोव़क लुक्‍चा प्रोंइशो रे मारेइ मतक। तरवार नु अन्‍कालम जाम्‍ना जाम्‍न लाइतक” देंतेक्‍म।
JER 44:19 मिनु मीश मुरपुकीम “गो थमा पा सरीङ ङा पिपीम कली चढ़ेना ढ़ेन बाक्‍नीकी। मिनु मेको कली तूचा थोव़क लुक्‍नीकी। आंइ वोंइशेम वारच मप‍थु, मेको कली बटुक चोका नु तूचा थोव़क लुक्‍तका ङा?” दे लोव़ पाम्‍तेक्‍म। गन्‍ती ११-१३
JER 44:20 मिनु येरमीयामी आ कली लोव़ लेप्‍ब वोंइश मुर नु मीश मुर नेल्‍ल आन कली
JER 44:21 “गेपुकी, इन किकी पिपी, इन पिप, इन ठेयब मुर नु एको रागी ङा मुरपुकीम यहूदा ङा सहर नु यरूसलेम ङा लांम चढ़ेशो परमप्रभु यावेम मतुइक्‍बा ङा? मार, मेकोमी ममिम्‍ता ङा?
JER 44:22 परमप्रभु यावेम इन मरिम्‍शो पशो नु इन पशो ग्रांग्रा दिशो गेय तशा फाल्‍ने मचब। मोपतीके इन रागी श्‍येत्‍थ नु मुर मबाक्‍तीके दुम्‍त। सराप चीले रशा, मुर मबाक्‍शो रागी दुम्‍त। मेको मुल सम्‍म मोदेंशोन बाक्‍ब।
JER 44:23 इन चोशा चढ़ेतीके, इन परमप्रभु यावे कली पाप पशो, आ देंशो मटिशो नु आ अरेशो, आ फुल्‍लुम मुशा ब्रेक्‍शो लोव़ नु आ शेंशो मटितीके इन कली ठेयब श्‍येत दुम्‍त। मेको आ पर्बम श्‍येत जाइ‍‍नीनी” दे माइक्‍तीमी।
JER 44:24 मिनु येरमीयामी मेको मुर नेल्‍ल नु मीश मुर नेल्‍ल आन कली “गे इजीप्‍तम बाक्‍ब यहूदा ङा मुर नेल्‍ल परमप्रभु यावे आ लोव़ नेनीन।
JER 44:25 मुर नेल्‍ल आन परमप्रभु यावे, इस्राएली आन परमप्रभुमी ‘गे नु इन मीश, इन देंशो, गोपुकीमी आंइ कसम जशो खाप्‍नीकी। गो सरीङ ङा पिपीम कली धूप चढ़ेशा, मेको कली तूचा थोव़क लुक्‍नीकी’ दे इन कसम जशो थमा पा खपीन।
JER 44:26 मोपतीके गे इजीप्‍तम बाक्‍ब यहूदी नेल्‍ल परमप्रभु यावे आ लोव़ नेनीन। परमप्रभु यावेमी गो आं ठेयब नेंमी कसम जाइनुङ। मुल मेको इजीप्‍त रागीम बाक्‍ब यहूदा ङा मुर आन शोव़ रे ‘परमप्रभु, परमप्रभु यावे ब्रोंइशा बाक्‍शो खोदेंशो पा’ दे देंतीकेमी आं नें गेनायो मदेंनीम।
JER 44:27 मारदे हना गो मेको आन कली रिम्‍शो पचा कली ममाइ, मरिम्‍शो पचा कली कोव़ना कोव़न बाक्‍नुङ। इजीप्‍तम बाक्‍ब यहूदी नेल्‍ल मनुम्‍मा सम्‍म तरवार नु अन्‍कालम बेक्‍नीम। आमोस ९:४
JER 44:28 तरवार रे ब्रोंइशोपुकी इजीप्‍त रे यहूदा रागीमी का निक्‍शी ला लेत्‍चा ताइनीम। मिनु इजीप्‍तम बाक्‍ब यहूदा ङा मुर नेल्‍लेमी ‘आं देंशो थमा बाक्‍म देय मेको आन लोव़ थमा बाक्‍ब’ दे नोले तुइक्‍नीम” देंत।
JER 44:29 मिनु परमप्रभु यावेम “आं देंशो थमा पा पाइनुङ। मेको आ चिन्‍ड मार बाक्‍ब देंशा हना, गो इन कली मेको रागीमी सजाइ गेनुङ। मेको नोले गो आ देंशो पाइनुङ, दे इन कली तुइक्‍तीके बाक्‍ब” देंत।
JER 44:30 परमप्रभु यावेम “गो इजीप्‍त ङा पिप फाराओ होफ्रा कली आ जोरी सत्रु नु मेको कली साइक्‍चा माल्‍ब आन गुइमी गेनुङ। दोपा गो यहूदा ङा पिप सिदकीयाह कली आ जोरी सत्रु बेबीलोन ङा पिप नेबुकदरेसर आ गुइमी गेङा, मोपा इजीप्‍त ङा पिप कली साइक्‍ब आन गुइमी गेनुङ” दे परमप्रभु यावेमी देंत। इजीकीएल २९:१९
JER 45:1 यहूदा ङा पिप योसीयाह आ तौ येहो-याकीममी सासन पवा आ ४ बर्सम नेरीयाह आ तौ बारुकमी परमप्रभु यावे आ लोव़ पाइब येरमीया आ ब्रेक्‍पाइश्‍शो लोव़ कागजम ब्रेक्‍ना ब्रेक्‍न बाक्‍मेनु, येरमीयामी बारुक कली येरमीया ३६:४
JER 45:2 परमप्रभु यावे, इस्राएली आन परमप्रभुमी इ कली मार देंब देंशा हना,
JER 45:3 गे “आबी, आबी, आं कली मार दुम्‍बा। परमप्रभु यावेमी आं श्‍येतम सुर्ता पतीक तेम्‍ताक्‍व। गो हुकयी पना पन दती। गो तेइ नाइक्‍चा मतङ” देंते।
JER 45:4 गे मेको कली “परमप्रभु यावेमी ‘आं ङोंइती सेल्‍शो मुल प्रेत्‍नुङ। गो मार ख्रुमु मेको नेल्‍ल तुल्‍शा ताइक्‍नुङ। मेको रागी नेल्‍ल कली दुम्‍ब।
JER 45:5 मिनु गे आंम इ कली मारेइ मारेइ ठेयब थोव़क माल्‍नेवे? गे मेको ममालो। मारदे हना गो मुर नेल्‍ल आन कली ठेयब श्‍येत जपाइक्‍नुङमी। तन्‍न गे ते लाइनेवे, मेके गो इ कली लडाइ रे ब्रोंइचा गेनुङ’ ” दे परमप्रभु यावेमी बारुक आ पर्बम देंत। येरमीया ३९:१८; येरमीया ४३:४-६
JER 46:1 परमप्रभु यावेम रागी रागी आन पर्बम आ लोव़ पाइब येरमीया कली लोव़ पाप्‍तु।
JER 46:2 मार लोव़ पाप्‍तु देंशा हना “इजीप्‍त रागी आ पर्बम, इजीप्‍त ङा पिप फाराओ नेको आ लडाइ पाइबपुकी युफ्रेटीस खोला आ नेक्‍था कारकेमीश सहरमी बाक्‍शो बाक्‍तेक्‍म। यहूदा ङा पिप योसीयाह आ तौ येहो-याकीममी सासन पवा आ ४ बर्सम बेबीलोन ङा पिप नेबुकदनेसरमी लडाइ तोशा ग्रा‍त। २राजा २३:२९
JER 46:3 आइक्‍च नु ठेयब तेक्‍तीक ठीक पने। लडाइ पचा कली ङोंइती बारीन।
JER 46:4 शाराम लगम पाइक्‍तीन। शारा ङोंइसीन। कांसा के ताकी गुक्‍शा इन तूतीक शेप्‍पीन। इन कांसा के फेक्‍तीक फेक्‍सीन।
JER 46:5 गो मारदे मेको आन कली हिंशो तङमी? मेकोपुकी नोले शोंइसीशो बाक्‍नीम। मेको आन लडाइ पाइबपुकी आन थुं लुक्‍च लत। मेकोपुकी रीब पा प्रोक्‍तेक्‍म। मेकोपुकीमी नोले लेश्‍शा मकोव़नीम। तेइ तेइ हिंतीकेइ हिंतीके बाक्‍ब” दे परमप्रभु यावेम देंत। येरमीया २०:३
JER 46:6 परमप्रभु यावेमी “रीब पा प्रोक्‍ब यो प्रोक्‍ने मचाप्‍नीम। लडाइ पाइबपुकी यो ब्रोंइचा मताइनीम। मेकोपुकी उत्तर गे ङा युफ्रेटीस खोलाम दाइल पांइसीशा गोल्‍नीम।
JER 46:7 एको नील खोला खोदेंशो पा बारशा जाक्‍ब, अरु ठेयब खोला बोक्‍शा कुशो खोदेंशो पा जाक्‍ब, सु बाक्‍मे?
JER 46:8 इजीप्‍त रागी नील खोला खोदेंशो पा बारशा जाक्‍ब। ठेयब खोला बोक्‍शा कुशो खोदेंशो पा जाक्‍ब। मेकोमी ‘आं कली बारशा रागी कली सुम्‍चा गेने। सहर नु मेकेर ङा मुर आन कली साइक्‍चा गेयीनी।
JER 46:9 शारापुकी दोरशा ङोंइती लने। बग्‍गी खुल्‍बपुकी थाम्‍पा दोरपतीन। लडाइ पाइबपुकी बारीने। कूश एथीयोपीया नु पूत ङा मुरपुकीमी तेक्‍तीक कुरनीम। लूद ङा मुरपुकीमी लिब्रा आप्‍नीम।
JER 46:10 मेको नाक्‍ती परमप्रभु, मुर नेल्‍ल आन परमप्रभु यावे आ नाक्‍त बाक्‍ब। मेको क्‍येक्‍क लेत्‍तीक नाक्‍ती बाक्‍ब। आंम जोरी सत्रु आन कली क्‍येक्‍क लेत्‍तीक नाक्‍ती बाक्‍ब। मुरुम तरवारम साइक्‍नीम। तरवार हुश तूशा, आ तूतू दाक्‍शो रू‍ब। मारदे हना मुर नेल्‍ल आन परमप्रभु यावेमी उत्तर गे ङा रागीमी, युफ्रेटीस खोला आ नेक्‍था क्‍योरशा चढ़ेब। यसैया २:१२; ब्‍यवस्‍था ३२:४१-४२
JER 46:11 गे कन्‍ने मीश आल इजीप्‍त, इर गिलादम लशा ख्रेक्‍तीके चाक्‍को। गे शोर गाक्‍शो शुश खाल ङा ओख्‍ती ख्रेक्‍साक्‍वे। तन्‍न गे मसानेवे। येरमीया ८:२२
JER 46:12 रागी रागी ङा मुरपुकीम इ मुने दोक्‍शो लोव़ नेंतेक्‍म। इ वाइ ब्रेश्‍शोम रागी नेल्‍ल ब्रीब। मारदे हना लडाइ पाइब, लडाइ पाइब नु थोक्‍मुइनीम। मिनु मेको नेल्‍ल काले‍मी गोल्‍नीम’ ” दे परमप्रभु यावेमी देंत।
JER 46:13 परमप्रभु यावेम बेबीलोन ङा पिप नेबुकदरेसरम इजीप्‍त कली लडाइ तोथ जाक्‍‍चा आ पर्बम येरमीया कली लोव़ पाप्‍तु।
JER 46:14 मार लोव़ पाप्‍तु देंशा हना “इजीप्‍तमी एको लोव़ नेंपतो। मिग्‍दोलमी एको लोव़ नेंपतो। मेम्‍फीस नु ताहपनेसमी यो एको लोव़ नेंपतो। गे नेल्‍ल ठीक दुम्‍शा आंम आंम राप्‍तीकेम र‍पीन। मारदे हना तरवारम इन एर ओंथ नेल्‍ल साइक्‍तु।
JER 46:15 मारदे इ बोल्‍यो लडाइ पाइब प्रोक्‍नीमी। मारदे बोक्‍शा मराप्‍नीमी? मारदे हना परमप्रभु यावेम मेको आन कली साइक्‍तु।
JER 46:16 इ लडाइ पाइबपुकी थोक्‍मुशा गोल्‍नीम। मिनु मेकोपुकीमी ‘लो, इं मुर आन बाक्‍तीक लय। इं जरमेशो रागी लेश्‍शा लय’ दे साइक्‍ब तरवार आ पर्बम मो देंमुइनीम।
JER 46:17 इजीप्‍त ङा पिप फाराओ कली फश लोव़ पाइब, दे नें वोतीन। मेकोम आ गेय पतीक नाक्‍ती साम्‍तु” देंत।
JER 46:18 परमप्रभु, पिपमी “आं ब्रोंइशा बाक्‍शो खोदेंशो पा” देंत। मेको पिप आ नें मुर नेल्‍ल आन परमप्रभु यावे बाक्‍ब। पहाड आन दाते ङा ताबोर पहाड खोदेंशो पा का जाक्‍ब। मेको समुन्‍द्र आ नेक्‍था ङा कारमेल खोदेंशो पा जाक्‍ब।
JER 46:19 गे इजीप्‍त ङा दारशो तमी ग्‍याइश्‍शा लाइक्‍चा पुंइसीचा कली इ मार मार कुम्‍लो पावो। मारदे हना मेम्‍फीस श्‍येत्‍थ दुम्‍ब। मेको खिं नेल्‍ल ब्रेश्‍शा, मुर मबाक्‍तीके दुम्‍ब।
JER 46:20 इजीप्‍त रागी दारशो मगिक्‍शो बी का खोदेंशो बाक्‍ब। तन्‍न उत्तर रे डांस का जाक्‍ब।
JER 46:21 मेको आ गाल्‍च ताक्‍शा लडाइ पाइबपुकी यो दोम्‍शो बाछा खोदेंशो बाक्‍नीम। मेको यो नेल्‍ल हिरशा लशा काथा प्रोक्‍तेक्‍म। मेको राप्‍शा मदिक्‍नीम। मारदे हना मेको आन हिंचा ङा श्‍येत जतीक नाक्‍ती जाक्‍शो बाक्‍ब। मेको आन सजाइ तची ना जाक्‍त।
JER 46:22 मेकोमी ग्रेशा गाक्‍शा, प्रोक्‍शो बुस्‍सुम खोदेंशो पा रेयके पाइब। मारदे हना आ जोरी सत्रु ङोंइती बारशा, खा कुरशा रवा तिम्‍ब मुर खोदेंशो पा जाक्‍नीम।
JER 46:23 परमप्रभु यावेमी “मेकोपुकीमी आ ब्‍वाकी नेल्‍ल तिम्‍चा माल्‍नीम। मारदे हना हिक्‍ने मचाप्‍चा ङा बाक्‍नीम। मेकोपुकी सल्‍हा क्‍येङा शुश बाक्‍नीम” देंत।
JER 46:24 मिनु इजीप्‍त आ तमी मुने तोक्‍चा पुंइसीब। मेको उत्तर रे जाक्‍ब मुर आन गुइम जिम्‍मा गेचा पुंइसीब।
JER 46:25 मुर नेल्‍ल आन परमप्रभु यावे, इस्राएली आन परमप्रभुम “गो थेबेस सहर ङा आमोन फाराओ, इजीप्‍त रागी नु आ देवी देवता नु आ पिप आन कली सजाइ गेनुङ। गो फाराओ नु मेको आ सक्ति कली थमा सुइक्‍ब नेल्‍ल आन कली सजाइ गेनुङ। येरमीया ४३:१२-१३; यसैया २४:२१
JER 46:26 गो मेको आन कली साइक्‍चा माल्‍ब बेबीलोन ङा पिप नेबुकदरेसर नु आ लडाइ पाइब आन ठेयब मुर आन गुइमी गेनुङमी। मेको नोले इजीप्‍त रागी ङोंइती ङा खोदेंशो पा मुर बाक्‍तीक रागी दुम्‍ब” दे परमप्रभु यावेम देंत। इजीकीएल २९:१४
JER 46:27 मेकोमी “आं गेय पाइब याकूब, गे महिनो। इस्राएल गे सुर्ता मपावो। गो इ कली ङोन रागी रे प्रोंइनुङ। इ चच युइ आन कली ग्‍याइश्‍शा लाइश्‍शा, वोइश्‍शो रागी रे प्रोंइशा चाक्‍नुङमी। याकूब लेंशा श्‍येत मजथु, थुं नाइश्‍शा बाक्‍ब। मिनु मेको कली सुइम हिंच मकोंइनीम। येरमीया ३०:१०
JER 46:28 आं गेय पाइब याकूब गे महिनो। मारदे हना गो गे नु बाक्‍शो बाक्‍नुङ। गो इ कली तेको रागी ङा मुर आन दातेमी ब्रपदु, मेको रागी ङा मुर नेल्‍ल आन कली क्‍याम्‍‍नुङमी। तन्‍न गो इ कली मक्‍याम्‍‍नुङ। गो इ कली ठीक सजाइ गे‍नुङ। गो इ कली सजाइ मगेथु मप्रोंइनुङ” देंत। येरमीया १०:२४; येरमीया ३०:११
JER 47:1 फाराओमी गाजा कली लडाइ तोचा क्‍येङा ङोंइती, पलिस्‍ती आन पर्बम परमप्रभु यावेम आ लोव़ पाइब येरमीया कली लोव़ पाप्‍तु।
JER 47:2 परमप्रभु यावेमी मार लोव़ पाप्‍तु देंशा हना “कोव़ङीन उत्तर रे ब्‍वाक्‍कु बारशा यिशो बाक्‍ब। मेकोमी रागी नु मेकेर बाक्‍शो मारेइ मारेइ आन कली सुम्‍ब। सहरपुकी नु मेकेर बाक्‍शो नेल्‍ल आन कली ख्रुम्‍ब। मिनु मुर नेल्‍ल वाइ ब्रेत्‍नीम। मेको रागीम बाक्‍ब मुर नेल्‍ल ङाक्‍नीम।
JER 47:3 प्रेक्‍शा दोरशा गाक्‍ब शारा आन खोइली आ रेयके नु जोरी सत्रु आन बग्‍गी आन रेयकेमी आफपुकीम आन आल आन कली वारच पाइक्‍चा कली मलेत्‍नीम। मेको आन गुइ तिक्‍ने मचाप्‍ब दुम्‍शा ग्‍युक्‍शो बाक्‍नीम।
JER 47:4 मारदे हना पलिस्‍ती नेल्‍ल आन कली खतम पोक्‍शा साइक्‍तीक नाक्‍ती जाक्‍शो बाक्‍ब। टायर नु सीदोन आस कली वारच पाइक्‍ने चाप्‍ब नेल्‍ल बेक्‍नीम। मारदे हना परमप्रभु यावेम पलिस्‍ती आन कली साइक्‍चा चिक्‍शो बाक्‍ब। काफ्‍‍तोर ङा टापु आ शुंइचीम रे जाक्‍शो लीशो नेल्‍ल आन कली साइक्‍चा चिक्‍शो बाक्‍ब। आमोस १:६-७; सेफन्‍याह २:४; जकरिया ९:५; यूहन्‍ना १:२२; येरमीया १६:६; येरमीया ४८:३७;आमोस ९:७
JER 47:5 गाजाम रोंका पचा कली आ चां प्रेक्‍शो बाक्‍ब। अश्‍कलोन खतम दुम्‍शा, सिक्‍सी पाइब। गे लीशो अनाकीमपुकी गेना सम्‍म इन रां चेंइसीनीनी?” देंशो बाक्‍ब।
JER 47:6 “परमप्रभु यावे आ तरवार, गे ग्रीचा गेना नाइक्‍नेवे? इन तरवार खोतम पिप्‍तीन। गे नाइश्‍शा सिक्‍सी पा बाक्‍कीन।
JER 47:7 गे दोपा सिक्‍सी पा बाक्‍ने चाप्‍नीनी? मारदे हना परमप्रभु यावेमी मेको कली अरेशो बाक्‍ब। मेकोमी मेको कली अश्‍कलोन नु समुन्‍द्र आ शुंइच ङा रागी आन कली गेय पचा कली अरेशो बाक्‍ब?” देंत।
JER 48:1 मुर नेल्‍ल आन परमप्रभु यावे, इस्राएली आन परमप्रभुमी मोआब आ पर्बम मार लोव़ पाप्‍तु देंशा हना “नेबो सहर मुर मबाक्‍तीके दुम्‍ब। किरयथ-थाइम मुने दोक्‍ब। मेको ब्रुत। मेको आ बोल्‍यो दरवार नेल्‍ल मुने तोक्‍शा प्रेश्‍शा ताइक्‍चा पुंइसाक्‍म।
JER 48:2 मुल रे मोआब कली ठेयब मसेल्‍नीम। मुरपुकीम हेश्‍बोनम लोव़ गारपाइक्‍तेक्‍म। मेकोपुकीमी ‘जाक्‍कीन, गो मेको कली रागी का मदुम्‍चा ङा सेल्‍य। ए मादमेन सहर, इ कली यो सिक्‍सी पपाइक्‍नीम। इ कली तरवार शेशा खेदा पाइनीम’ देंतेक्‍म।
JER 48:3 नेनीन, होरोनाइम रे वाइ ब्रेश्‍शो नेंसीब। खतम दुम्‍तीके नु क्‍याम्‍तीके आ पर्बम ङाक्‍शो नेंसीब।
JER 48:4 मोआब आ आलपुकीमी ‘मोआब खतम पोक्‍चा पुंइसाक्‍व’ दे वाइ ब्रेश्‍शा ङाक्‍नीम।
JER 48:5 मेकोपुकी लुहीथ ङा ग्‍येत्‍थ लांमी हिशेक पा ङाक्‍ना ङाक्‍न ङोइक्‍नीम। मारदे हना होरोनाइम ङा लुक्‍च लतीक लांमी श्‍येत जशा ङाक्‍शो नेंसीब।
JER 48:6 प्रोक्‍कीन, आंम कली प्रोंइचा कली दोरीन। गोरशो रागी ङा गधा खोदेंशो दुमीन। येरमीया १७:६
JER 48:7 गेपुकीम इन गेय नु इन शोंपोम थमा सुइक्‍तीनी। गेपुकी यो ग्‍याइश्‍शा लाइक्‍चा पुंइसीनीनी। केमोश देवता आ चढ़ेब नु आ नोले खोइक्‍ब मुरपुकी नु ग्‍याइश्‍शा लाइक्‍चा पुंइसीब। गन्‍ती २१:२९; न्‍यायाधीस ११:२४; १राजा ११:७
JER 48:8 खतम पोक्‍ब सहर नेल्‍लेम जाक्‍ब। मिनु सहर का यो मप्रोंइसीब। बेंसी क्‍याम्‍‍सीब। मिनु दिंम खतम दुम्‍ब। परमप्रभु यावे आ देंशो मोदेंशो बाक्‍त।
JER 48:9 मोआब कली फ्रां गेन। मारदे हना मेको थमा पा ब्रुइब। मेको आ सहर श्‍येत्‍थ दुम्‍शा, मुर मबाक्‍तीके दुम्‍नीम” देंत।
JER 48:10 सु सुमी परमप्रभु यावे आ गेय देश पा पाइनीमी, मेको सराप राइनीम। आंम तरवार कली हुश ख्राक्‍श पोक्‍तीके रे तेक्‍ब सराप राइ‍नीमी।
JER 48:11 मोआब आ ठिटा रेन नांइ‍सीशा बाक्‍शो बाक्‍ब। मेको गरमी कुर पा वोइश्‍शो अङगुर शांबु खोदेंशो बाक्‍ब। मेको ग्‍योंब का रे अर्को ग्‍योंबुम मले‍शो बाक्‍ब। मेको ग्‍याइश्‍शा लाइक्‍चा मपुंइसीशो बाक्‍ब। मोपतीके मेको ङोंइती ङा खोदेंशोन बाक्‍ब। मेको आ ब्रोव़शो रिना मजाम्‍शो बाक्‍ब। सेफन्‍याह १:१२
JER 48:12 मोपतीके परमप्रभु यावेमी “गो गर रे मोइक्‍ब आन कली मेको आ बाक्‍तीके सोइक्‍नुङमी। मिनु मेकोपुकीमी मेको मोइश्‍शा, गर श्‍येत्‍थ सेल्‍शा प्रोल्‍नीम। मेको नाक्‍त थमा पा जाक्‍ना जाक्‍न बाक्‍ब।
JER 48:13 दोपा इस्राएल आ मुर आंम थमा सुइश्‍शो बेथेल रे पा मुने तोक्‍चा पुंइसमा, मोपा मोआब यो केमोश रे पा मुने तोक्‍चा पुंइसीब।
JER 48:14 गेपुकीम ‘गोपुकी बोल्‍यो नु सक्ति पाइश्‍शो लडाइ पाइब बाक्‍नीकी’ दे दोपा देंने चाप्‍नीनी?
JER 48:15 मोआब नु आ सहर आन कली खतम पोक्‍ब जाक्‍त। मेको आ नेल्‍ल क्‍येङा रिम्‍शो ठिटा मुर नेल्‍ल साइक्‍चा पुंइसीचा कली लाम्‍तेक्‍‍म” दे पिपम देंत। मेको आ नें मुर नेल्‍ल आन परमप्रभु यावे बाक्‍ब।
JER 48:16 मेकोमी “हिंचा ङा श्‍येत जतीक नाक्‍ती मोआब आ नेक्‍था जाक्‍शो बाक्‍ब। मेको आ श्‍येत जतीके रीब पा जाक्‍ब।
JER 48:17 मेको आ एर ओंथ बाक्‍ब नेल्‍ल नु मेको आ पशो तुइक्‍ब नेल्‍ल मेको आ पर्बम रोंका पने। मिनु ‘दोपा सक्ति पाइश्‍शो राज्‍य क्‍याम्‍चा पुंइसे। पिप आ कोक्‍के दोपा जिक्‍मे’ देनीन।
JER 48:18 ए दीबोन ङा तमी, गे ठेयब नित्‍तीके रे तोइश्‍शा, सोव़शो रागीम निस्‍सो। मारदे हना मोआब कली खतम पोक्‍ब इ कली लडाइ तोचा कली जाक्‍त। मेकोमी इ गारो हिरशो सहर नेल्‍ल खतम पोक्‍तु।
JER 48:19 आरोएर सहरम बाक्‍बपुकी लांमी राप्‍शा कोव़ङीन। प्रोक्‍शो वोंइश मुर नु मीश मुर आन कली ‘मार, दुम्‍मे’ दे हिल्‍लो पने।
JER 48:20 मोआब ब्रुत। मेको मुने दोक्‍त। रोंका पा ङाक्‍कीन। ‘मोआब मुर मबाक्‍तीक दुम्‍त’ दे अरनोन खोला आ शुंइचीम लशा देनीन।
JER 48:21 डांडा तार ङा दिंमम निसाफ पतीके नाक्‍ती जाक्‍शो बाक्‍ब। होलोन, याहसाह नु मेफा-आथ,
JER 48:22 दीबोन, नेबो नु बेथ-दिब्‍लाथाइम आन तारी,
JER 48:23 किरयथ-थाइम बेथ-गामुल नु बेथ-मेओन,
JER 48:24 केरयोथ, बोज्रा नु मोआब आ नेक्‍था नु ङोन ङा सहर नेल्‍ल आन तारी निसाफ पतीके जाक्‍शो बाक्‍ब।
JER 48:25 मोआब आ ग्रोव़ ख्रोइक्‍साक्‍व। मिनु मेको आ गुइ जिक्‍त” दे परमप्रभु यावेमी देंत।
JER 48:26 मिनु लेंशा “मेको कली दुक्‍पतीन। मारदे हना मेको ठेयब लेश्‍शो बाक्‍ब। मोआब आ मेशोमी दिङ दाङ गोल्‍ल। मिनु मेको शुक्‍शी पाइक्‍चा पुंइसीब दुम्‍ल। येरमीया २५:१५
JER 48:27 मार, गे इस्राएल कली शुक्‍शी पशो मनवे? मेको खुइ आन दातेमी ग्‍याइक्‍चा पुंइसे ङा, मेको आ पर्बम लोव़ पामेनु, इ पिया हिक्‍शा शुक्‍शी पवी?
JER 48:28 मोआबम बाक्‍बपुकी, इन सहर प्रोंइशा, फुल्‍लु मेर लशा बाक्‍कीन। रोंगु ङा ढोडोङगा आ शोव़म ग्‍योव़ सेल्‍ब ढुकुर खोदेंशो दुमीन।
JER 48:29 गो मोआब आ ठेयब लेश्‍शो आ पर्बम लोव़ नेंतक। मेको आ ठेयब दुम्‍तीके, बोरतीके, ठेयब लेत्‍तीके नु थुं ङा ठेयब दुम्‍तीके आ पर्बम नेंतक।
JER 48:30 गो मेको आ ठेयब लेश्‍शो तुइक्‍‍नुङ। तन्‍न मेको आ ठेयब लेश्‍शो मारेइ मबाक्‍ब। मिनु मेको आ गेय जाम्‍शा लाइब बाक्‍ब।
JER 48:31 मोपतीके गो मोआब आ पर्बम रोंका पाइनुङ। गो मोआब नेल्‍ल आन पर्बम ङाक्‍नुङ। गो कीर-हेरेस ङा मुर आन पर्बम हिशेक पाइनुङ।
JER 48:32 गो याजेर ङाक्‍शो क्‍येङा इ पर्बम शुश ङाक्‍नुङ। ए सिब्‍मा ङा अङगुर बोटपुकी, इन राशी समुन्‍द्र आ आइक्‍ची हांबु जाक्‍दीत्‍तेक्‍म। मेकोपुकी याजेर ङा समुन्‍द्र सम्‍म जाक्‍दीत्‍तेक्‍म। इ मीशो फल फुल नु इ अङगुर खतम पोक्‍ब जाक्‍तेक्‍म।
JER 48:33 मोआब ङा फल फुल रू रे ग्‍येरतीक नु थुं नाइ‍श्‍शा बाक्‍तीके जाम्‍ने थुम्‍तु। गो अङगुर ख्राक्‍तीक तेक्‍ता। सुइमी ग्‍येरशा ग्रीशा, मख्राक्‍‍नीम। मेको आन वाइ ब्रेश्‍शो ग्‍येरशा वाइ ब्रेश्‍शो ममाइ।
JER 48:34 हेश्‍बोन नु एलेआले वाइ ब्रेत्‍नीस। मेको याहास सम्‍म नेंसीब। सोआर रे होरोनाइम, एग्‍लाथ-शेलीशीया सम्‍म वाइ ब्रेश्‍शो नेंसीब। मारदे हना निम्रीम ङा ब्‍वाक्‍कु यो सोव़ने थुम्‍शो बाक्‍ब।
JER 48:35 गो मोआब कली खतम सेल्‍नुङ। डांडा ङा थानम चढ़ेब नु देवी देवता आन कली धूप चोइब आन कली खतम सेल्‍नुङमी” दे परमप्रभु यावेमी देंत।
JER 48:36 मिनु परमप्रभु यावेमी “मोपतीके आं थुं बांसुरीम खोदेंशो पा मोआब आ पर्बम रोंका पाइब। आं थुं कीर-हेरेस ङा मुर आन पर्बम बांसुरीम खोदेंशो पा रोंका पाइब। मेको आन चेम्‍शो शोंप नेल्‍ल जाम्‍त। यसैया १५:७
JER 48:37 मेको नेल्‍लेम आन चां प्रेक्‍शो बाक्‍नीम। मिनु आन गल शोक्रे यो ख्रोइश्‍शो बाक्‍नीम। मेको नेल्‍ल आन गुइ चेश्‍शो बाक्‍नीम। मिनु आन क्रातो भाङग्रामी गिल्‍सीशो बाक्‍नीम। येरमीया १६:६
JER 48:38 मोआबी आन खिं तारी नु लां मेर रोंका पशो ङा लाक्‍शा अर्को मारेइ मनेंसीब। मारदे हना गो मोआब कली सुइम ममाल्‍चा ङा ग्‍योंब खोदेंशो पा प्रोल्‍ता” दे परमप्रभु यावेमी देंत।
JER 48:39 मेको दोपा ब्रोल्‍मे, मोपा रोंका पाइनीम। मोआब दोपा मुने दोक्‍शा आ कुल ख्रुइक्‍ता, मोपा मोआब आ एर ओंथ बाक्‍ब नेल्‍लेम मेको आन पर्बम शुक्‍शी पा हिं‍शा कोव़चा ङा दुम्‍शो बाक्‍ब।
JER 48:40 मिनु परमप्रभु यावेमी “कोव़ङीन, मेको ककाकुली खोदेंशो पा जुक्‍ब। मेको आ फ्रां हाम्‍शा, मोआब तारी जुक्‍ब। येरमीया ४९:२२
JER 48:41 केरयोथ नु अरु सहर ब्रुइनीम। आन जोरी सत्रुमी मेको आन हिरशो सहर आन के सेल्‍नीम। मेको नाक्‍ती मोआब ङा लडाइ पाइब आन थुं सुत्‍केरी रोइ प‍शो मीश मुर आन थुं खोदेंशो दुम्‍नीम।
JER 48:42 मोआब रागी का दुम्‍शा मलीचा ङा पा खतम दुम्‍त। मारदे हना मेको परमप्रभु यावे आ ङोंइती ठेयब लेश्‍शो बाक्‍त।
JER 48:43 मोआबम बाक्‍बपुकी इन ङोंइती हिंचा ङा बिक्‍तीके नु ब्‍वारद बाक्‍नीम। यसैया २४:१७-१८
JER 48:44 हिंचा ङा श्‍येत रे प्रोक्‍ब बिक्‍तीकेम बिक्‍नीम। मिनु बिक्‍तीके रे ङोइश्‍शा ग्रूब ब्‍वारदम रेत्‍चा पुंइसीनीम। मारदे हना गो मोआब कली आ सजाइ गेतीक बर्सम मोदेंशो पाइनुङ” दे परमप्रभु यावेमी देंत।
JER 48:45 परमप्रभु यावेमी “प्रोक्‍बपुकी हेश्‍बोन आ वांकुमी दिक्‍नीम। मारदे हना हेश्‍बोन रे मी का ग्रूत। सीहोन आ खिं रे मी ग्रूत। मेकोमी मोआब आ कुप्‍फ नु जीब नु मरिम्‍शो पाइब आन पिया जेप्‍ब। गन्‍ती २१:२८-२९
JER 48:46 आबी, आबी, मोआब, केमोश देवता आ मुर बेक्‍तेक्‍म। इ तौपुकी ग्‍याइश्‍शा लाइक्‍चा पुंइसाक्‍म। इ तमी ग्‍याइश्‍शा लाइक्‍चा पुंइसाक्‍म।
JER 48:47 मो हना यो गो नोले ङा नाक्‍ती मोआब आ शोंप लेश्‍शा गेनुङ। मोपा मोआब आ निसाफ नुप्‍त” दे परमप्रभु यावेमी देंत।
JER 49:1 अम्‍मोनी आन पर्बम परमप्रभु यावेमी “मार, इस्राएल आ तौपुकी मबाक्‍नीमी? मार, मेको आ हक ताइब सुइ मबाक्‍नीमी? मारदे मिल्‍कोम देवता आ मुरपुकीमी गाद आ बाक्‍तीके आन के सेल्‍मे? मिनु मारदे मिल्‍कोम आ मुर सहरम बाक्‍थ लमा?” देंत। मिल्‍कोम देवता मोलेक यो देंनीम।१राजा ११:५
JER 49:2 मोपतीके परमप्रभु यावेमी “गो अम्‍मोनी आन रब्‍बाह कली लडाइ ङा तुराही ताप्‍शो नेंपाइक्‍नुङ। मेको श्‍येत्‍थ डांडा खोदेंशो दुम्‍ब। मिनु मेको आ एर ओंथ ङा गाउं मीम क्रोइक्‍चा पुंइसीनीम। मेना इस्राएलमी आ कली रोइक्‍ब आन कली रोइक्‍ब” दे परमप्रभु यावेमी देंत।
JER 49:3 परमप्रभु यावेमी “हेश्‍बोन रोंका पावो। मारदे हना ऐ सहर खतम पोक्‍शो बाक्‍ब। गे रब्‍बाह ङा तमी, वाइ ब्रेश्‍शा ङाक्‍कीन। भाङग्रा फेंसी‍शा रोंका पने। वाम ग्‍याम दुम्‍शा एर ओंथ दोरीन। मारदे हना मिल्‍कोम, आ चढ़ेबपुकी नु आ नोले खोइक्‍ब ग्‍याइश्‍शा लाइक्‍चा पुंइसाक्‍म।
JER 49:4 गे मारदे इ सक्तिम ठेयब लेश्‍शा बाक्‍नेवे? इ सक्ति ग्‍युम्‍ब। गे हेंथे गाक्‍ब तमी, गे इ शोंप कली थमा सुइश्‍शा ‘सुमी आं कली लडाइ तोइबा ङा’ देंनेवे।
JER 49:5 गो परमप्रभु, मुर नेल्‍ल आन परमप्रभु यावे नङ। गो इ नेक्‍था बाक्‍ब मुर रे हिंतीक श्‍येत गेपाइक्‍नुङ। गे नेल्‍ल एर ओंथ फ्रचा पुंइसीनीनी। मिनु प्रोक्‍शो आन कली खुप्‍ब सुइ मबाक्‍नीम।
JER 49:6 मो हना यो गो नोले अम्‍मोनी आन शोंप लेश्‍शा गे‍नुङ” दे परमप्रभु यावेमी देंत। येरमीया ४८:४७
JER 49:7 मुर नेल्‍ल आन परमप्रभु यावेमी एदोम आ पर्बम “मुल तेमान सहरम तुइक्‍तीक मबाक्‍बा ङा? मार, रुप्‍ब मुर आन अर्ती जाम्‍शा लमे? मार, मेको आन रुप्‍तीक योल्‍मे?
JER 49:8 ए देदानम बाक्‍बपुकी, लेश्‍शा प्रोक्‍कीन। लुक्‍च लने। मारदे हना गो एसाव कली सजाइ गेची ना मेको कली हिंचा ङा श्‍येत गे‍नुङ।
JER 49:9 अङगुर सेक्‍बपुकी इ बाक्‍तीके जाक्‍तेक्‍म हना, मार, मेकोपुकीम अरु सीला गुप्‍तीके मप्रोंइनीमी ङा? मार, नाक्‍दो खुइ जाक्‍शो नम हना, मेकोपुकीमी आन कली माल्‍शो थोव़क ला मलाइक्‍नीमी ङा?
JER 49:10 तन्‍न गो एसाव कली शिश्रा सेल्‍ता। गो मेको आ ख्रुइक्‍तीक नेल्‍ल तांइसीतीके सेल्‍ता। मिनु मेको ख्रुइक्‍चा मताइब। मेको आ आल, आ खिं ङा मुर, आ नेक्‍था बाक्‍ब नु आंमा यो मली।
JER 49:11 इ रोम रोइक्‍च आन कली प्रोंइशा वोतो। गो मेको आन कली कोव़नुङमी। मिनु वोंइश बेक्‍शो मीश मुरपुकीमी यो आं कली थमा सुइक्‍चा तामेक्‍ल” देंत।
JER 49:12 परमप्रभु यावेमी “श्येत ङा कचौरा तूचा ममाल्‍शोमी यो मेको तूचा माल्‍ताक्‍व हना, मार, गे सजाइ मतथु ब्रोंइचा ताइनेवे? गे सजाइ तचा माल्‍नेवे। गे मेको तूचा माल्‍नेवे। येरमीया २५:१५,२८,२९; भजन संग्रह १३७:७
JER 49:13 मारदे हना बोज्रा ब्रेश्‍शा हिंचा ङा, शुक्‍शी पाइक्‍चा पुंइसीब, श्‍येत्‍थ नु सराप पाइक्‍तीके दुम्‍ब, दे आं नेंम कसम जाता। मिनु आ सहर नेल्‍ले गेना हना यो कली ब्रेश्‍शा लीनीम” देंत।
JER 49:14 गो परमप्रभु यावे आ लोव़ कुरब रे पा लोव़ का नेंता। लोव़ कुरब का रागी रागी ङा मुर आन पर्बम सोइश्‍शो बाक्‍ब। मेकोमी “लडाइ तोचा कली बुक्‍कीन। लडाइ पचा कली सासीन” देंत।
JER 49:15 परमप्रभु यावेम “मुल गो इ कली रागी रागी आन दाते ङा नेल्‍ल क्‍येङा आइक्‍च सेल्‍नन। मुरपुकीमी इ कली महिक्‍नीम।
JER 49:16 गे सेरथे फुल्‍लु आ पुक्‍खीम बाक्‍नेवे। इ हिंच कोंइतीके नु इ थुं ङा ठेयब लेत्‍तीकेमी इ कली जोल पाम्‍‍ताक्‍स। गे डांडा ङा बाक्‍तीक आंम के सेल्‍तीवी। गेमी इ बाक्‍तीक ककाकुली आ ग्‍योव़ खोदेंशो पा इर सेल्‍तीवी हना यो, गो इ कली मेकेर रे उइ तोक्‍नन” दे परमप्रभु यावेम देंशो बाक्‍ब।
JER 49:17 परमप्रभु यावेम “एदोम थम हिंचा ङा दुम्‍ब। सु सु मेकेर लाइनीमी, मेको एदोम आ शुश श्‍येत तशा हिंनीमी। मिनु शुक्‍शी पाइनीम।
JER 49:18 दोपा सोदोम, गोमोररा नु मेको आस एर ओंथ ङा सहर नेल्‍ल श्‍येत्‍थ दुम्‍मा, मोपा मेकेर सुइ मलीनीम। सुइ मबाक्‍नीम। येरमीया ५०:४०; यसैया १:९
JER 49:19 यर्दन आ नेक्‍था ङा ठेयब ब्‍वाकी रे बस्‍तु भाव योव़तीकेम गुप्‍स जाक्‍शो खोदेंशो पा गो एदोम कली याम कामी मेको आ रागी रे ग्रुंइनुङ। गो सु कली सासन पचा कली योव़ङु, मेको कली गेनुङ। आं खोदेंशो सु बाक्‍बा? आं कली सुम अरेने चाप्‍बा ङा? तेको गोठला आं ङोंइती राप्‍ने चाप्‍बा ङा?” दे परमप्रभु यावेमी देंत येरमीया ५०:४४-४६
JER 49:20 मोपतीके परमप्रभु यावेम एदोम आ पर्बम पचा चिक्‍शो गेय नु तेमान सहरम बाक्‍ब आन पर्बम मेको आ मिम्‍शो दोदेंशो बाक्‍बा, मेको नेनीन। थमा पा बगाल ङा आइक्‍च कीशा लाइक्‍चा पुंइसीनीम। मेको आन पतीके आन योव़तीक खतम दुम्‍ब।
JER 49:21 मेको आन गोल्शो रेयकेमी रागी ख्रिंख्रि पाइब। मेको आन वाइ ब्रेश्‍शो लल समुन्‍द्र सम्‍म नेंसीब।
JER 49:22 कोव़ङीन, मेको ककाकुली खोदेंशो पा बेरशा जाक्‍ब। मिनु मेको जुक्‍शा बोज्रा तार मेको आ फ्रां हाम्‍ब। मेको नाक्‍ती एदोम ङा लडाइ पाइब आन थुं सुत्‍केरी रोइ प‍शो मीश मुर आन थुं खोदेंशो दुम्‍ब। येरमीया ४८:४०
JER 49:23 परमप्रभु यावेमी दमस्‍कस आ पर्बम “हमाथ नु अरपाद वाम ग्‍याम दुम्‍शो बाक्‍नीस। मारदे हना मेको निक्‍शीमी मरिम्‍शो लोव़ नेंताक्‍स। मेको हिंशा आस थुं ग्‍येत्‍थ लुक्‍च दुम्‍शो बाक्‍नीस। मिनु समुन्‍द्र खोदेंशो पा सिक्‍सी पा बाक्‍ने मचाप्‍नीस।
JER 49:24 दमस्‍कस मचाप्‍ब दुम्‍शो बाक्‍ब। मेको प्रोक्‍त। मेको शुश हिंब। मेको सुत्‍केरी रोइ पशो मीश मुर खोदेंशो पा सुर्ता पा हिंब।
JER 49:25 दोपा मेको नें चलेशो सहर प्रोंइचा पुंइसे? मेको सहर ङा मुर शुश ग्‍येरसाक्‍म।
JER 49:26 मुल मेको आ ठिटा मुरपुकी लां मेर गोल्‍नीम। मिनु मेको नाक्‍ती मेको आ लडाइ पाइब नेल्‍ल खतम दुम्‍नीम।
JER 49:27 गो दमस्‍कस ङा गारोपुकीम मी सुइक्‍नुङमी। मेकोमी बेन-हादाद आ गारो हिरशो सहर खतम सेल्‍ब” दे मुर नेल्‍ल आन परमप्रभु यावेम देंत।
JER 49:28 बेबीलोन ङा पिप नेबुकदरेसरम केदार नु हासोर आस कली ग्रात। एको केदार नु हासोर आस पर्बम पशो लोव़ बाक्‍ब। मिनु परमप्रभु यावेमी “बोक्‍कीन। केदार मेर लने। पूर्ब ङा मुर आन कली खतम पोक्‍कीन। यसैया २१:१६-१७; यहोसु ११:१०
JER 49:29 मेको आन ताम्‍बु, मेको आन क्‍यारश भेडा, मेको आन वासी नु आन मारेइ मारेइ लतीन। आन दल‍ओंठ रोइश्‍शा आंम के सेल्‍सीन। मिनु मुरपुकीम ‘एर ओंथ नेल्‍ल हिंचा ङा श्‍येत बाक्‍ब’ दे ग्रीचा माल्‍नीम। येरमीया २०:३
JER 49:30 ए, हासोरम बाक्‍बपुकी, रीब पा प्रोक्‍कीन। लुक्‍च लशा ख्रुइश्‍शा बाक्‍कीन। बेबीलोन ङा पिप नेबुकदरेसरमी इन कली मरिम्‍शो पचा मिम्‍शो बाक्‍ब। मेकोम इन कली मरिम्‍शो पचा कली गेय का पशो बाक्‍ब” दे परमप्रभु यावेमी देंत।
JER 49:31 मिनु “बेबीलोन ङा पिप नेबुकदनेसरमी इन कली श्‍येत गेचा मिम्‍ब। इन कली मरिम्‍शो पचा मिम्‍ताक्‍व। बोक्‍कीन, थुं नाइश्‍शा रिम्‍‍शो पा बाक्‍ब मुर गे बारीन। मेको रागी ङा मुर आन के ठेयब लाप्‍चो नु चोक्‍तीके मबाक्‍नीम। मेको रागी ङा मुर अरु क्‍येङा ङोन बाक्‍नीम।
JER 49:32 मेको आन दलओंठ रोइक्‍चा पुंइसीनीम। आन बी ब्‍यफ यो रोइक्‍चा पुंइसीनीम। मेको चां प्रेक्‍शो मुर आन कली तेइ तेइ ब्रपाइक्‍नुङमी। मिनु मेको आन कली हिंचा ङा श्‍येत गे‍नुङ। येरमीया २५:२३
JER 49:33 हासोर सिवार आन बाक्‍तीके दुम्‍ब। मेको गेना हना यो कली मुर मबाक्‍तीक रागी दुम्‍ब। मेकेर सुइ मबाक्‍नीम, मेकेर सुइ मुर बाक्‍थ मलाइनीम” दे परमप्रभु यावेम देंत। येरमीया ४९:१३
JER 49:34 यहूदा ङा पिप सिदकीयाहम सासन पचा गोवा ना परमप्रभु यावेम आ लोव़ पाइब येरमीया कली एलाम आ पर्बम लोव़ पाप्‍तु। येरमीया २५:२५
JER 49:35 मुर नेल्‍ल आन परमप्रभु यावेम मार लोव़ पाप्‍तु देंशा हना “गो एलाम आ लिब्रा जिक्‍नुङ। मेको आन लिब्रा आन ठेयब सक्ति बाक्‍ब। यसैया २२:६
JER 49:36 गो एलाम ङा मुर आन कली सरीङ आ एर ओंथ नेल्‍ल रे फश गिवार पपाइश्‍शा एर ओंथ ब्रपाइक्‍नुङमी। एलाम ङा ग्‍याइश्‍शा लाइक्‍चा पुंइसीशो नेल्‍ल रागी रागीम ब्राइनीम।
JER 49:37 मेको एलाम ङा मुर आन कली, आन जोरी सत्रु नु मेको आन कली साइक्‍चा माल्‍ब आन ङोंइती शुश हिंब सेल्‍नुङमी। गो मेको आन कली ठेयब श्‍येत गेनुङ। गो मेको आन कली साइक्‍ने मथुमु सम्‍म मेको आन नोले तरवार सोइक्‍नुङ। इजीकीएल ३२:२४
JER 49:38 गो आं नित्‍तीके एलामम सेल्‍नुङ। मिनु मेकेर ङा पिपी नु मेको आन ठेयब मुर आन कली साइक्‍नुङमी” दे परमप्रभु यावेमी देंत।
JER 49:39 परमप्रभु यावेमी “मो हना यो गो मुल नोले ङा नाक्‍ती एलाम ङा मुर आन शोंप लेश्‍शा गे‍नुङमी” दे परमप्रभु यावेमी देंत।
JER 50:1 परमप्रभु यावेम बेबीलोन नु कल्‍दी आन रागी आ पर्बम येरमीया कली लोव़ पाप्‍तु। यसैया ४६:१
JER 50:2 मार लोव़ पाप्‍तु देंशा हना “रागी रागी ङा मुर आन दातेमी एको लोव़ नेंपतो। छेदर पोक्‍शा नेल्‍ल आन कली नेंपाइश्‍शा ठेयब सेंदा पा देनो। लोव़ का यो मख्रुइक्‍तो। बेबीलोन ब्रुत। बेल देवता मुने दोक्‍त। मेरोदक देवता सुर्ता पाइब। मेको आन मूर्ति मुने दोक्‍नीम। मेको सुर्ता पाइनीम। बेल बेबीलोन सहर ङा देवता बाक्‍ब।
JER 50:3 उत्तर रे रागी का ङा मुरपुकीम मेको कली लडाइ तोइनीम। मिनु मेको आ रागी श्‍येत्‍थ सेल्‍नीम। मेकेर सुइ मबाक्‍नीम। मुर नु जन्‍तु नेल्‍ल प्रोक्‍नीम।
JER 50:4 मेको नाक्‍ती इस्राएल ङा मुरपुकी नु यहूदा ङा मुरपुकी काथा ङाक्‍ना ङाक्‍न परमप्रभु यावे, आन परमप्रभु कली माल्‍थ गाक्‍नीम। येरमीया ३१:९
JER 50:5 मेकोपुकीमी ‘सियोन गे लतीक लां ते बाक्‍बा?’ दे हिल्‍लो पाइनीम। मिनु ‘इन गाक्‍शो लांन बाक्‍ब’ देंनीम। मेकोपुकीमी गेना हना यो लीब मप्रेंतीके कबल पा परमप्रभु यावे कली जिम्‍मा गेंसीनीम। येरमीया ३२:४०
JER 50:6 आं मुरपुकी जाम्‍शो भेडा खोदेंशो बाक्‍तेक्‍म। मेको आन गोठलापुकीम मेको आन कली हेंथे गाक्‍पाइश्‍शो बाक्‍तेक्‍म। मिनु मेको आन कली डांडा मेर हिरपाइश्‍शो बाक्‍तेक्‍म। मेकोपुकी डांडा पहाड सम्‍म हिरसाक्‍म। मिनु आन गोठ प्रेंताक्‍मे। येरमीया २३:१
JER 50:7 मेको आन कली थिप्‍बपुकीम मेको आन कली नेक्‍तेक्‍म। मिनु मेको आन जोरी सत्रुमी ‘गो दोसी मनकी। मारदे हना मेकोपुकीमी परमप्रभु यावे कली पाप पाम्‍तेक्‍म। मेको आन ठीक पा जोतीके नु आन किकी पिपी आन आस पशो, परमप्रभु यावे बाक्‍त’ देंतेक्‍म।
JER 50:8 बेबीलोन रे प्रोक्‍कीन। कल्‍दी आन रागी प्रोनीन। मिनु क्‍यारश भेडा आन कली लां कोंइब बोका खोदेंशो दुमीन। येरमीया ५१:६; यसैया ४८:२०
JER 50:9 मारदे हना गो उत्तर रे ठेयब रागी रागी ङा लडाइ पाइब आन कली बेबीलोन आ पर्बम क्‍युक्‍शो बाक्‍नुङ। मेकोपुकी लडाइ पचा कली सासीनीम। मिनु मेको कली लडाइ तोइनीम। मेको आन ब्रा थाम्‍पा लडाइ पस जोक्‍ब मुर खोदेंशो बाक्‍नीम। मेकोपुकी मोशा मलेत्‍नीम।
JER 50:10 मोपा कल्‍दी रागी रोइक्‍चा पुंइसीब। मिनु मेको कली रोइक्‍ब नेल्‍ल रू‍नीम” दे परमप्रभु यावेम देंत।
JER 50:11 परमप्रभु यावेम “गे ग्‍येरसीनीनी। शुश ग्‍येरसीने। गे आं शोंप रोइक्‍ब बाक्‍नीनी। दांइ पाइब मगिक्‍शो बी खोदेंशो पा प्रेनीनी। गे शारा खोदेंशो पा ग्रीनीनी।
JER 50:12 इन ममा थाम्‍पा मुने दोक्‍ब। इन कली जरमे‍ब शिशी मताइब। मेको इन रागी रागी आन दातेमी नेल्‍ल क्‍येङा आइक्‍च दुम्‍ब। मेको मुर मबाक्‍तीके सोव़शो रागी नु गोरशो रागी दुम्‍ब।
JER 50:13 परमप्रभु यावे आ चुर‍तीकेमी मेकेर सुइ मबाक्‍नीम। मेको थम श्‍येत्‍थ रागी दुम्‍ब। बेबीलोन रे पा गाक्‍ब मेको तशा हिंनीम। मिनु मेको आ श्‍येत तशा शुक्‍शी पाइनीम। येरमीया ५१:३७
JER 50:14 गे लिब्रा आप्‍बपुकी, बेबीलोन आ एर ओंथ इन बाक्‍तीकेम राप्‍शा बाक्‍कीन। ब्रा कली का यो महेक्‍थु आप्‍पीन। मारदे हना मेकोमी परमप्रभु यावे कली पाप पाप्‍तु।
JER 50:15 मेको आ एर ओंथ नेल्‍ल बाक्‍शा, ठेयब सेंदा पा ग्रीङीन। मेको इन कली जिम्‍मा गेंसीब। मेको आ बोल्‍यो दरवार एत्‍तेक्‍म। मेको आ गारो प्रेत्‍चा पुंइसीशा दोक्‍तेक्‍म। मारदे हना मेको परमप्रभु यावे आ क्‍येक्‍क लेश्‍शो बाक्‍ब। मेको कली क्‍येक्‍क लेत्‍तीन। मेकोमी अरु आन कली पाइश्‍शो खोदेंशो पा मेको कली यो पतीन। प्रकाश १८:६
JER 50:16 गे बेबीलोनम वांचेर शोक्‍ब आन कली खेरीन। मीशो अन्‍न रिक्‍ब आन कली खेरीन। खतम पोक्‍ब तरवारम पतीके नेल्‍ल आन कली आन आन खिं ङा मुर आन बाक्‍तीके लेश्‍शा लचा गेने। मेको नेल्‍ल आन आन रागी प्रोक्‍चा माल्‍नीम।
JER 50:17 इस्राएल गुप्‍सपुकीम खेदा पा एर ओंथ ब्रपाइश्‍शो भेडा खोदेंशो दुम्‍शो बाक्‍ब। मेको कली ङोंइती अस्‍सुर ङा पिपम दाक्‍तु। मिनु नेल्‍ल क्‍येङा नोले बेबीलोन ङा पिप नेबुकदरेसरमी मेको आ रुश नेल्‍ल नेक्‍तु” देंत।
JER 50:18 मोपतीके मुर नेल्‍ल आन परमप्रभु यावे, इस्राएली आन परमप्रभुमी “गो बेबीलोन ङा पिप नु मेको आ रागी कली अस्‍सुर ङा पिप कली सजाइ गेशो खोदेंशो पा, सजाइ गेनुङ। २राजा १९:३५
JER 50:19 गो इस्राएल कली आं कली योव़तीकेम लेश्‍शा चाक्‍नुङ। मिनु मेको कारमेल नु बाशान मेर जोइ‍ब। एफ्राइम नु गिलाद ङा पहाड मेर मेको आ शोव़लु बेक्‍शो रूब।
JER 50:20 मेको नाक्‍ती इस्राएल आ मरिम्‍शो पशो माल्‍शा कोव़शा हना यो, मथिंसीब। यहूदा आ पाप माल्‍शा हना यो, मथिंसीब। मारदे हना गो आं प्रोंइशा वोइश्‍शो लीशो आन कली आन पाप माफ गेतामी। येरमीया ३३:७-८
JER 50:21 मेराथाइम रागी कली लडाइ तोने। पेकोद आ मुर आन कली लडाइ तोने। मिनु नेल्‍ल खतम पोक्‍कीन। गो इन कली अरेशो खोदेंशो पा, नेल्‍ल पने” दे परमप्रभु यावेमी देंत।
JER 50:22 लडाइ ङा रेयके नु ठेयब खतम दुम्‍तीके आन नेक्‍था बाक्‍ब।
JER 50:23 दोपा रागी नेल्‍ल ङा घन जिक्‍शा फस दुम्‍मे, मोपा बेबीलोन रागी रागी आन दातेमी शुश हिंचा ङा दुम्‍ब। येरमीया ५१:२०
JER 50:24 बेबीलोन, गो इ कली ब्‍वारद का दाइक्‍ताक्‍ङ। गे मतुइक्‍थु ग्‍याइक्‍चा पुंइसीनेवे। मिनु इ कली थिश्‍शा, ग्‍याइक्‍चा ताइतक। मारदे हना गे परमप्रभु यावे कली मरिम्‍शो पशो बाक्‍ते।
JER 50:25 परमप्रभु यावेम आ या वोइक्‍तीक खिं रोक्‍तु। मिनु आ चुर‍शो ङा या ग्रुंइताक्‍व। मारदे हना मुर नेल्‍ल आन परमप्रभु यावेमी कल्‍दी आन रागीम गेय का पचा माल्‍ब।
JER 50:26 मेको आ एर ओंथ नेल्‍ल रे लडाइ पथ जाक्‍कीन। मेको आ अन्‍न वोइक्‍तीक खिं रोक्‍कीन। मेको कली अन्‍न खोदेंशो पा तेलीन। मेको कली मारेइ मली‍शो खतम सेलीन। मेको के मारेइ मलील।
JER 50:27 मेको आ सांढे ब्‍यफ नेल्‍ल सतीन। मेको आन कली क्‍योरचा कली लतीन। आबी, आबी, मेको आन नाक्‍ती जाक्‍त। मेको आन कली सजाइ गेतीक नाक्‍ती जाक्‍त।
JER 50:28 मिनु परमप्रभुमी “नेनीन, बेबीलोन रे प्रोक्‍ब मुर नु मेकेर बाक्‍ब अर्को रागी रे प्रोक्‍शो मुरुम सियोनम ‘परमप्रभु यावे, आंइ परमप्रभुमी क्‍येक्‍क लेप्‍ब। आ खिं आ पर्बम क्‍येक्‍क लेप्‍ब’ दे नेल्‍लेम नेंचा ङा पा शेंनीम।
JER 50:29 बेबीलोनी आन कली लिब्रा आप्‍बपुकी ब्रेत्‍तीन। लिब्रा आप्‍ब नेल्‍ल आन कली ब्रेत्‍तीन। मेको आ एर ओंथ नेल्‍ल ताम्‍बु कीशा मुर आन कली तेक्‍कीन। मेकेर रे सुइ ब्रोंइचा मतामेक्‍ल। मेको आ पशो खोदेंशो पा मेको कली क्‍येक्‍क लेत्‍तीन। मेकोमी पशो खोदेंशो पा, मेको कली यो पतीन। मारदे हना मेकोमी इस्राएली आन का ला बाक्‍शो परमप्रभु यावे कली शुक्‍शी पाप्‍तु। येरमीया ५०:१५
JER 50:30 मोपतीके मेको आ ठिटा मुरपुकी लां मेर गोल्‍नीम। मिनु मेको आ लडाइ पाइब नेल्‍ल खतम दुम्‍नीम” दे परमप्रभु यावेम देंत।
JER 50:31 परमप्रभु, मुर नेल्‍ल आन परमप्रभु यावेमी “गो इ कली ठेयब लेश्‍शो दुम्‍तीके काइ मदाक्‍नुङ। इ नाक्‍ती जाक्‍त। इ कली सजाइ गेतीक नाक्‍ती जाक्‍त।
JER 50:32 ठेयब लेश्‍शो मुर दाइल पा गोल्‍ब। मेको कली पोक्‍ब सुइ मबाक्‍नीम। मिनु गो मेको आ सहरम मी सुइक्‍नुङ। मेको मीम मेको आ एर ओंथ बाक्‍ब नेल्‍ल आन कली दाक्‍ब” देंत।
JER 50:33 मुर नेल्‍ल आन परमप्रभु यावेमी “इस्राएल ङा मुर नु यहूदा ङा मुर श्‍येत गेचा नु दिप्‍चा पुंइसीनीम। मेको आन कली ग्‍याइश्‍शा लाइक्‍बपुकीम मेको आन कली लचा मगेनीम।
JER 50:34 मो हना यो मेको आन कली श्‍येत रे प्रोंइब सक्ति पाइश्‍शो बाक्‍ब। मेको आ नें मुर नेल्‍ल आन परमप्रभु यावे बाक्‍ब। मेकोमी मेको आन कली आ सक्तिमी थमा पा वारच पाइब। मिनु रागी कली रिम्‍शो दुम्‍पाइक्‍ने चाप्‍ब। तन्‍न बेबीलोनम बाक्‍ब आन कली चहिं थुं नाइक्‍चा मगेब” दे परमप्रभु यावेमी देंत।
JER 50:35 मिनु परमप्रभु यावेमी “कल्‍दी आन कली तरवार का जाक्‍त। बेबीलोनम बाक्‍ब नेल्‍ल आन कली, आन ठेयब मुर आन कली नु आन जोक्‍ब तुइक्‍ब मुर आन कली यो तरवार जाक्‍त।
JER 50:36 मेको आ जादू कली यो तरवार का जाक्‍त। मोपतीके मेकोपुकी मूर्ख दुम्‍नीम। मेको आ लडाइ पाइब आन कली यो तरवार का जाक्‍त। मिनु मेको खतम दुम्‍नीम।
JER 50:37 मेको आ शारा, आ बग्‍गी नु मेको आन दातेम बाक्‍ब अर्को रागी ङा लडाइ पाइब आन कली साइक्‍चा कली तरवार जाक्‍त। मोपतीके मेकोपुकी मीश मुर खोदेंशो दुम्‍नीम। मेको आ शोंप नेल्‍ल आन कली तरवार जाक्‍त। मेको नेल्‍ल रोइक्‍तीक दुम्‍ब। येरमीया ५१:३०
JER 50:38 मेको आ ब्‍वाक्‍कु सोव़चा कली काइ रेउ मयी। मारदे हना मेको शुश मूर्ति आन रागी बाक्‍ब। मिनु मेको आ देवी देवता आन पर्बम निप्‍स ग्राइश्‍शो खोदेंशो दुम्‍‍ब।
JER 50:39 मोपतीके बेबीलोन सहरम ब्‍वाकी ङा जन्‍तु नु फरपुकी बाक्‍नीम। मिनु मेकेर ठेयब चिक्‍ब बास बाक्‍नीम। मेकेर मुल लेंशा नेल्‍ल पाला सम्‍म मुर मबाक्‍नीम।
JER 50:40 मिनु सोदोम, गोमोररा नु मेको आस एर ओंथ ङा गाउं आन कली लोक्‍शो खोदेंशो पा बेबीलोन सहरमी सुइ मबाक्‍नीम। मेकेर मुर मबाक्‍तीके दुम्‍ब” दे परमप्रभु यावेमी देंत। येरमीया ४९:१८; उत्‍पत्ती १९:२४-२५
JER 50:41 कोव़ङीन, मुरपुकी उत्तर रे जाक्‍ना जाक्‍न बाक्‍नीम। शुश जात ङा नु शुश पिप आन जोंब बोक्‍शा ङोन रागी रे जाक्‍‍नीम। येरमीया १:१४
JER 50:42 मेकोपुकी लिब्रा नु तूतीक कुरशो, थम मरिम्‍शो पाइब नु शिशी मपाइक्‍ब बाक्‍नीम। मेको आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा जाक्‍नीम। मेको लडाइ तोचा कली आन बाक्‍तीकेम राप्‍नीम। बेबीलोन आ तमी, इ कली लडाइ तोचा कली जाक्‍नीम। येरमीया ६:२३
JER 50:43 मिनु बेबीलोन ङा पिपम मेको आन पर्बम लोव़ नेंतु। मिनु आ थुं लुक्‍च लत। मेको सुत्‍केरी रोइ पशो मीश मुर खोदेंशो पा सुर्ता पा हिंत।
JER 50:44 यर्दन आ नेक्‍था ङा ठेयब ब्‍वाकी रे बस्‍तु योव़तीकेम गुप्‍स जाक्‍शो खोदेंशो पा गो मेको कली याम कामी मेको आ रागी रे ग्रुंइनुङ। गो सु कली सासन पचा कली योव़ङु, मेको कली गेनुङ। आं खोदेंशो सु बाक्‍बा? आं कली सुम अरेने चाप्‍बा ङा? तेको गोठला आं ङोंइती राप्‍ने चाप्‍बा ङा? येरमीया ४९:१९
JER 50:45 मोपतीके परमप्रभु यावेम बेबीलोन आ पर्बम पचा चिक्‍शो गेय नु कल्‍दी रागी ङा मुर आन पर्बम मिम्‍शो दोदेंशो बाक्‍बा, मेको नेनीन। थमा पा लाइक्‍चा पुंइसीनीम। बेबीलोन ङा प्रुङग मुर आन कली यो कीशा लाइक्‍चा पुंइसीनीम। मेको आन बाक्‍तीक मेको तशा हिंब।
JER 50:46 बेबीलोन कली ग्रामानु, मेको आन रेयकेम रागी ख्रिंख्रि पाइब। मेको आन वाइ ब्रेश्‍शो रागी रागी ङा मुर आन दातेमी नेंसीब।
JER 51:1 मिनु परमप्रभु यावेमी “गो बेबीलोन नु लेब-कमाइ ङा मुर आन पर्बम खतम सेल्‍ब फश गिवार कली सोइक्‍नुङ। खतम सेल्‍ब फश गिवार कली यो खतम सेल्‍ब सोक्‍त देंसीब।
JER 51:2 गो बेबीलोन कली क्राप्‍ब मुर सोइक्‍नुङमी। मेकोपुकीम बेबीलोन आ श्‍येत जतीक नाक्‍ती आ एर ओंथ नेल्‍ल रे जाक्‍शा, मेको आ रागी श्‍येत्‍थ सेल्‍नीम। येरमीया १५:७
JER 51:3 लिब्रा आप्‍बम आ लिब्रामी ब्रा मचुइक्‍तल। मिनु लडाइ पाइबमी आ लडाइ ङा वा मफेक्‍सेक्‍ल। मेको आ ठिटा मुर आन कली मप्रोनीन। मेको आ लडाइ पाइब नेल्‍ल आन कली सतीन।
JER 51:4 मेकोपुकी कल्‍दी आन रागीम साइक्‍चा पुंइसीनीम। मेकोपुकी आ लां मेर गार दुम्‍शा गोल्‍नीम।
JER 51:5 मिनु इस्राएल नु यहूदा परमप्रभु, मुर नेल्‍ल आन परमप्रभु यावे रे मप्रोंइसीशो बाक्‍ब। मेको आन रागी इस्राएली आन का ला बाक्‍शो परमप्रभु यावे कली पापम ब्रीशो बाक्‍ब। यसैया ५४:४; येरमीया ५०:२९
JER 51:6 बेबीलोन आ दाते रे प्रोक्‍कीन। मुर नेल्‍ल आंम आंम गिंम प्रोंइचा कली प्रोक्‍कीन। मेको आ दोसम पतीकेम गे मबेक्‍कीन। मारदे हना मेको परमप्रभु यावे आ क्‍येक्‍क लेत्‍तीक नाक्‍ती बाक्‍ब। मेकोमी मेको कली आ तचा माल्‍शो सजाइ गेब। येरमीया ५०:८; प्रकाश १८:४
JER 51:7 बेबीलोन परमप्रभु यावे आ गुइम सुन के कचौरा का बाक्‍त। मेकोमी रागी नेल्‍ल ङा मुर आन कली दुक्‍पाइक्‍तु। रागी रागी ङा मुरपुकीम मेको आ अङगुर शांबु तूतेक्‍म। मोपतीके मेको रागी ङा मुर निप्‍स ग्‍यशो दुम्‍तेक्‍म। प्रकाश १७:४; येरमीया २५:१५; प्रकाश १८:३
JER 51:8 बेबीलोन याम कामी गोल्‍त। मिनु टुक्रा टुक्रा सेल्‍चा पुंइसाक्‍व। मेको आ पर्बम रोंका पने। मेको आ गारम ख्रेक्‍चा कली ख्रेक्‍तीक चाक्‍कीन। मो पशोनु, मेको साबा कों। यसैया २१:९
JER 51:9 गोपुकीम बेबीलोन कली सापाइय्य वा। तन्‍न मेको मसाब। गो मेको कली प्रोंइतक। मिनु आंम आंम रागी लेत्‍तक। मारदे हना मेको आ निसाफ पशो सजाइ स्‍वर्ग सम्‍म जाक्‍दीश्‍शो बाक्‍ब। मेको सरीङ सम्‍म बोक्‍शो बाक्‍ब।
JER 51:10 परमप्रभु यावेमी आंइ ठीक पतीके कोंइताक्‍व। जाक्‍कीन, मिनु इं परमप्रभु यावेमी मार पवा, मेको सियोनमी नेंपाइश्‍शा देंय।
JER 51:11 इन ब्रा शेप्‍पीन। मिनु ब्रा कुरतीक प्रिंदीन। परमप्रभु यावेम मादी आन पिप कली लडाइ पपाइक्‍तु। मारदे हना मेकोमी बेबीलोन कली खतम सेल्‍चा कली मिम्‍ताक्‍व। मेको आ खिं आ पर्बम क्‍येक्‍क लेत्‍तीके बाक्‍ब। यसैया १३:१७; येरमीया ५०:२८
JER 51:12 बेबीलोन ङा गारो आ ङोंइती छेदर ख्रुक्‍‍कीन। शुश कोव़ब वोतीन। खाल पाइब वोतीन। बाप्‍ब आन कली ठीक पा वोतीन। परमप्रभु यावेमी बेबीलोन ङा मुर आन पर्बम आ मिम्‍शो पाप्‍तु।
JER 51:13 गे शुश ब्‍वाक्‍कु आ नेक्‍था बाक्‍नेवे। इ शोंप शुश बाक्‍नीम। मुल इ नाक्‍ती जाक्‍त। इ ब्रोंइतीक नाक्‍त नुप्‍त। प्रकाश १७:१
JER 51:14 मुर नेल्‍ल आन परमप्रभु यावेम आ नेंम कसम जाप्‍तु। गो थमा पा सल्‍हा खोदेंशो पा लडाइ पाइब मुर जाक्‍पाइश्‍शा, इ रागी प्रिंनुङमी। मिनु मेकोपुकीमी इ क्‍येङा ग्राशो आ पर्बम ठेयब सेंदा पा रेयके पाइनीम।
JER 51:15 मेकोमी रागी कली आ सक्तिम सेल्‍तु। मेकोमी आ तुइक्‍तीकेम रागी कली वोइक्‍तु। मेकोमी आ रुप्‍तीकेम सरीङ प्राक्‍तु। येरमीया १०:१२-१६
JER 51:16 मेकोमी लोव़ पवानु, सरीङमी रेउ यिशा, गरङ गुरुङ पाइब। मेकोमी रागी आ सुर रे गोस्‍स पोक्‍ब। रेउ नु काथ काथा चिला दाप्‍पाइक्‍ब। मिनु फश आ बाक्‍तीक रे ग्रुंइशा, फश पपाइक्‍ब। बजन संग्रह १३५:७
JER 51:17 मुर नेल्‍ल मूर्ख नु मजोक्‍ब मतुइक्‍ब बाक्‍नीम। सुन चेम्‍ब नेल्‍ल आन मूर्तिम पतीके मुने दोक्‍नीम। मारदे हना मेको आन सेल्‍शो मूर्ति सोक्‍त मपाइश्‍शो जोल बाक्‍नीम।
JER 51:18 मेको शोर गाक्‍शो बाक्‍नीम। मेको मुर आन मिम्‍शो ला बाक्‍नीम। मेको आन कली सजाइ गेशोनु, मेकोपुकी खतम दुम्‍नीम।
JER 51:19 परमप्रभु यावे मेको खोदेंशो ममाइ। परमप्रभु यावे याकूब आ भाग बाक्‍ब। मेको आन खोदेंशो ममाइ। मारदे हना परमप्रभु यावे मारेइ मारेइ सेल्‍ब बाक्‍ब। मिनु इस्राएली मेको आ मुर बाक्‍नीम। मेको आ नें मुर नेल्‍ल आन यावे बाक्‍ब।
JER 51:20 बेबीलोन, गे लडाइ पचा कली आं तुप्‍‍तीके नु लडाइ पतीक या बाक्‍नेवे। गो इ रे पा रागी रागी ङा मुर आन कली तुप्‍ता‍मी। गो इ रे पा राज्‍य आन कली खतम पोक्‍‍तामी। येरमीया ५०:२३
JER 51:21 गो इ रे पा शारा नु शारा ङोइक्‍ब आन कली तुप्‍तामी। गो इ रे पा बग्‍गी नु बग्‍गी चलेब आन कली तुप्‍ता‍मी।
JER 51:22 गो इ रे पा वोंइश मुर नु मीश मुर आन कली तुप्‍ता‍मी। गो इ रे पा खूशो नु ठिटा आन कली तुप्‍ता‍मी। गो इ रे पा ठिटी नु ठिटा आन कली तुप्‍ता‍मी।
JER 51:23 गो इ रे पा गोठला नु मेको आ बगाल कली तुप्‍तामी। गो इ रे पा रू दोइब नु आन ब्‍यफ आन कली तुप्‍ता‍मी। गो इ रे पा सरकार आ गेय पाइब नु हुकुम पाइब आन कली तुप्‍ता‍मी।
JER 51:24 गो इ ङोंइती बेबीलोन नु कल्‍दी रागीम बाक्‍ब मुर नेल्‍लेम सियोनम मरिम्‍शो पशो आ पर्बम क्‍येक्‍क लेत्‍नुङ” दे परमप्रभु यावेम देंत। येरमीया ५०:२९; अय्‍युब १:१७
JER 51:25 परमप्रभु यावेमी “गे मारेइ मारेइ आन कली साइक्‍ब डांडा, गो इ कली काइ मदाक्‍नुङ। गे रागी नेल्‍ल खतम सेल्‍नेवे। गो आं गुइ दिशा, इ कली रोंगु रे उइ तोक्‍नन। मिनु कोक्‍त जेश्‍शो डांडा सेल्‍नन।
JER 51:26 खिं ङा सुर वोइक्‍चा कली इ रे पा फुल्‍लु का यो मलाइक्‍नीम। जग वोइक्‍चा कली यो इ फुल्‍लु मलाइक्‍नीम। तन्‍न गे गेना हना यो कली श्‍येत्थ रागी दुम्‍चा माल्‍नेवे” दे परमप्रभु यावेम देंत।
JER 51:27 मिनु परमप्रभु यावेमी “गे रागीम छेदर का ख्रुक्‍कीन। रागी रागी आन दातेमी तुराही तपीन। मेको नु लडाइ पचा कली रागी रागी ङा मुर आन कली ठीक सेलीन। राज्‍य आन कली बेबीलोन नु लडाइ पचा कली पोक्‍कीन। आरारात, मिन्‍नी नु अश्‍केनजमी बेबीलोन नु लडाइ पाइब आन ठेयब मुर का योव़ङीन। सल्‍हा आन हुल खोदेंशो पा शुश शारा चाक्‍कीन। यसैया १३:३ उत्‍पत्ती १०:३
JER 51:28 मेको नु लडाइ पचा कली रागी रागी ङा मुर आन कली पोक्‍कीन। मादी आन पिप, मेको आन हुकुम पाइब, मेको आन ठेयब मुर नु मेको आन हुकुम पशो रागी नेल्‍ल ङा मुर आन कली पोक्‍कीन” देंत।
JER 51:29 ख्रिनु कुशा रागी ख्रिंख्रि पाइब। मारदे हना परमप्रभु यावेम बेबीलोन कली श्‍येत्‍थ नु मुर मबाक्‍तीके सेल्‍नुङ देंशो लोव़ गाप्‍ब।
JER 51:30 बेबीलोन ङा लडाइ पाइबपुकीम लडाइ पचा प्रोंइतेक्‍म। मेको आन बोल्‍यो दरवारम बाक्‍नीम। मेको आन सक्ति जाम्‍त। मेकोपुकी मीश मुर खोदेंशो दुम्‍तेक्‍म। मेको आन खिंम मी सुइक्‍ने थुम्‍तेक्‍म। मेको आन लाप्‍चो ङा आग्‍लो जिक्‍शो बाक्‍नीम। येरमीया ५०:३७
JER 51:31 लोव़ कुरबम अर्को लोव़ कुरब आन कली लांम ग्रुम्‍नीम। मेकोपुकीमी बेबीलोन ङा पिप कली “मेको सहर नेल्‍ल ग्रातेक्‍म।
JER 51:32 मिनु खोला शोक्‍तीके ग्रातेक्‍म। जोरी सत्रु आन कली ओव़चा मगेचा कली सेल्‍शो तेक्‍तीक नेल्‍ल मी सुइक्‍ताक्‍मे। मिनु लडाइ पाइबपुकी शुश हिंशा वाम ग्‍याम दुम्‍तेक्‍म” देंशा पिप कली लोव़ नेंपाइक्‍नीम।
JER 51:33 मिनु मुर नेल्‍ल आन परमप्रभु यावे, इस्राएली आन परमप्रभुमी “बेबीलोन आ तमी दांइ पतीक खला का खोदेंशो दुम्‍ब। मेको दिप्‍चा पुंइसीब। इच्‍का नोले रिक्‍ची नाक्‍ती रीब पा जाक्‍ब” देंत।
JER 51:34 सियोनमी “बेबीलोन ङा पिप नेबुकदरेसरमी आं कली दाक्‍ती। आं कली खतम सेल्‍ती। आं कली श्‍येत्‍थ गर खोदेंशो सेल्‍ती। आं कली अजीङगरम खोदेंशो पा दाक्‍ती। मिनु ब्रोव़शो जचा थोव़कम खोदेंशो पा आ कोव़ज प्रिंताक्‍व। मिनु नोले आं कली ताइक्‍ताक्‍यी।
JER 51:35 आं मुर आन कली साइश्‍शो आ पर्बम बेबीलोन क्‍येक्‍क लेत्‍चा पुंइसीब” देंत। सियोन ङा यरूसलेममी “कल्‍दी रागीम बाक्‍ब मुरपुकीम ‘आं हुश आ क्‍येक्‍क लेत्‍चा पुंइसीनीम’ देंचा माल्‍नीम” देंत।
JER 51:36 मोपतीके परमप्रभु यावेमी “गो इ पोन बोक्‍नुङ। गो इ कली गेशो श्‍येत आ क्‍येक्‍क लेत्‍‍नुङ। गो मेको आ समुन्‍द्र सोव़पाइक्‍नुङ। आ ब्‍वाक्‍कु बुक्‍तीके यो सोव़पाइक्‍नुङ।
JER 51:37 मिनु बेबीलोन खिं ब्रेश्‍शा देल्‍शो, सिवार आन बाक्‍तीके, हिंचा ङा नु शुक्‍शी पाइक्‍चा पुंइसीतीके नु मुर मबाक्‍तीक दुम्‍ब। येरमीया ५०:१३
JER 51:38 मेकेर ङा मुर नेल्‍ल गुप्‍स खोदेंशो पा ग्रीनीम। मेकोपुकी गुप्‍स आन चाइक्‍ब खोदेंशो पा ङरर ङरर पाइनीम।
JER 51:39 नोले मेकोपुकी बोक्‍शा, मार मार माल्‍मेनु, गो मेको आन कली तूतीक ख्रेत्‍नुङ। मिनु गो मेको आन कली रिश्‍शा ग्‍यारशा मपामे सम्‍म दुक्‍पाइक्‍नुङमी। मिनु गेना हना यो कली इप्‍नीम। मिनु गेनायो मसेंसीनीम” दे परमप्रभु यावेमी देंत।
JER 51:40 मिनु परमप्रभु यावेमी “गो मेको आन कली क्‍योरचा कली कीशा लाइश्‍शो पाठा, सांड नु क्‍यारश खोदेंशो पा चाक्‍नुङमी।
JER 51:41 शेशाक सहर कली दोपा ग्राने चाप्‍मे? रागी नेल्‍ल ङा ठेयब नु दारशो सहर ब्रुत। बेबीलोन दोपा रागी रागी आन दातेमी शुश हिंचा ङा दुम्‍मे? शेशाक बेबीलोन कली अरु नें का बाक्‍ब।येरमीया २५:२६
JER 51:42 समुन्‍द्र ङोइश्‍शा बेबीलोन कली सुम्‍तु। समुन्‍द्र आ ग्रीशो छालम मेको कली सुम्‍तु।
JER 51:43 मेको आ सहरपुकी हिंचा ङा दुम्‍‍तेक्‍म। सोव़शो, गोरशो नु मुर मबाक्‍तीके दुम्तेक्‍म। मेको रे पा सुइ मगाक्‍नीम।
JER 51:44 गो बेबीलोन ङा बेल देवता कली सजाइ गेनुङ। मिनु आ दाक्‍शो थोव़क मेपाइक्‍नुङ। मुल रागी रागी ङा मुर मेकेर चोक्‍थ्री क्राक्‍थ्री पा मलाइक्‍नीम। बेबीलोन आ गारो ब्रेत्‍त। येरमीया ५०:२; यसैया ४६:१
JER 51:45 आं मुरपुकी मेकेर रे ग्रूशा पिने। गे नेल्‍ल ब्रोंइचा कली प्रोक्‍कीन। परमप्रभु यावे आ ठेयब पा गाइश्‍शो रे प्रोक्‍कीन।
JER 51:46 रागीम मारेइ रेयके नेंनीनु, इन थुं ग्‍येत्‍थ लुक्‍च मदुमीन। महिनीन। एको बर्सम खाल का ङा रेयके नु अर्को बर्सम अर्को खाल ङा रेयके नेंसीब। मेको रागीम हुश ख्राक्‍श पोक्‍शोनु, सासन पाइब कामी अर्को सासन पाइब कली जिचा तोशो रेयके बाक्‍ब।
JER 51:47 गो बेबीलोन ङा मूर्ति आन कली सजाइ गेनुङमी। मेको आ रागी नेल्‍ल मुने दोक्‍नीम। मिनु मेको आ मुर नेल्‍ल मेको आ दातेमी साइक्‍चा पुंइसीनीम। मोदेंशो नाक्‍ती थमा पा जाक्‍ब।
JER 51:48 मिनु नोले सरीङ, रागी नु मेकेर बाक्‍ब नेल्‍लेमी बेबीलोन ब्रुशो आ पर्बम ग्‍येरशा वाइ ब्रेत्‍नीम। मारदे हना मेको आन कली क्‍येक्‍क लेप्‍ब उत्तर रे जाक्‍नीम” दे परमप्रभु यावेम देंत। प्रकाश १८:२०
JER 51:49 परमप्रभु यावेमी “इस्राएली आन कली साइक्‍तीके बेबीलोन ब्रुचा माल्‍ब। बेबीलोनम रागी ङा मुर आन कली साइक्‍तीके बेबीलोन यो साइक्‍चा पुंइसीब।
JER 51:50 गे तरवार रे ब्रोंइशा प्रोक्‍कीन। देश मपने। ङोन रागीम बाक्‍शा, परमप्रभु यावे कली मिम्‍तीन। यरूसलेम इन थुंम वोतीन” देंत। भजन संग्रह १३७:५
JER 51:51 मेकोपुकीमी “आंइ कली शुक्‍शी पाइश्‍शो नेंशा, गो मुने दोक्‍तक। गो आंइ कुल सुम्‍तक। मारदे हना परमप्रभु यावे आ खिंम अर्को रागी ङा मुर जाक्‍शा ओव़तेक्‍म” देंतेक्‍म।
JER 51:52 परमप्रभु यावेमी “गो मेको आ रागी नेल्‍लेमी आन मूर्ति आन कली सजाइ गेनुङमी। मिनु मेकेर गार दुम्‍शो मुर हुकयी पाइनीम। मेको नाक्‍ती थमा पा जाक्‍ब।
JER 51:53 बेबीलोन इर सरीङ सम्‍म बोक्‍त हना यो, आ इर ङा सहर बोल्‍यो सेल्‍तु हना यो, गो मेको कली खतम सेल्‍बपुकी सोइक्‍नुङमी” दे परमप्रभु यावेमी देंत। उत्‍पत्ती ११:४; यसैया १४:१३
JER 51:54 परमप्रभु यावेम “बेबीलोन रे वाइ ब्रेश्‍शो सेंदा नेंसीब। कल्‍दी ङा मुर आन रागी रे मारेइ मारेइ प्रेश्‍शो रेयके नेंसीब।
JER 51:55 परमप्रभु यावेम बेबीलोन कली श्‍येत्‍थ सेल्‍ब। मिनु मेको आ ठेयब सेंदा सिक्‍सी पपाइक्‍ब। मेको आ छाल समुन्‍द्र खोदेंशो पा रेयके पाइब।
JER 51:56 बेबीलोन कली खतम पोक्‍ब जाक्‍ब। बेबीलोन ङा लडाइ पाइबपुकी ग्‍याइक्‍चा पुंइसीनीम। मेको आन लिब्रा जिक्‍नीम। मारदे हना परमप्रभु यावे क्‍येक्‍क लेप्‍ब बाक्‍ब। मेकोमी आ पशो आ पा ङा नेल्‍ल गेब। ब्‍यवस्‍था ३२:३९-४१
JER 51:57 गो मेको आ सरकार ङा गेय पाइब, जोक्‍ब तुइक्‍ब, मेको आ हुकुम पाइब, नु आ लडाइ पाइब नेल्‍ल आन कली दुक्‍पाइक्‍नुङमी। मिनु मेकोपुकी गेना हना यो कली इप्‍नीम। लेंशा मबोक्‍नीम” दे पिपम देंत। मेको पिप आ नें मुर नेल्‍ल आन परमप्रभु यावे बाक्‍ब।
JER 51:58 मुर नेल्‍ल आन परमप्रभु यावेम “बेबीलोन ङा ब्रेम्‍शो गारो दिंम दुम्‍ब। मिनु मेको आ लाइश्‍शो ठेयब लाप्‍चोपुकी मीम नेक्‍ब। मुरपुकी मोशा गेय पाइनीम। रागी रागी ङा मुर आन श्‍येत पा पशो गेय नेल्‍ल मी कली ला दुम्‍ब” दे परमप्रभु यावेमी देंत। हबकुक २:१३
JER 51:59 परमप्रभु यावे आ लोव़ पाइब येरमीयामी माहसेयाह आ चच नेरीयाह आ तौ सेरायाह पिप आ गेय पाइब कली अरेप्‍तु। मिनु मेको यहूदा ङा पिप सिदकीयाहम सासन पवा आ ४ बर्सम पिप नु बेबीलोन लशो बाक्‍त। येरमीया ३६:४
JER 51:60 येरमीयामी बेबीलोनम जाक्‍चा चिक्‍शो श्‍येत आ पर्बम ङा लोव़ कागज काम ब्रेक्‍ताक्‍व। बेबीलोन आ पर्बम नेल्‍ल ब्रेक्‍ताक्‍व। येरमीया ५०:१-५०,५८
JER 51:61 मिनु येरमीयाम सेरायाह कली “गे बेबीलोनम जाक्‍दीनेनु, एको लोव़ नेल्‍ल पढेवो।
JER 51:62 ‘परमप्रभु यावे, गे एको रागी कली खतम पोक्‍नुङ’ देंतीनी। ‘एकेर मुर नु बी ब्‍यफ, क्‍यारश भेडा, मारेइ बास मबाक्‍चा ङा पा श्‍येत्‍थ रागी सेल्‍नुङ। एको गेना हना यो मुर मबाक्‍तीके दुम्‍ब’ देंतीनी” देनो।
JER 51:63 मोपा एको कागज पढेने थुम्‍शा, फुल्‍लु काम फ्रेंशा युफ्रेटीस खोलाम ताइक्‍तो। प्रकाश १८:२१
JER 51:64 मिनु “कागज ब्‍वाक्‍कुम ग्रुम्‍शो खोदेंशो पा बेबीलोन आं चाक्‍शो श्‍येत आ पर्बम ग्रुम्‍ब। मेको गेनायो ग्रूने मचाप्‍ब, देंचा माल्‍नेवे” देंत। मोपा येरमीया आ लोव़ नुप्‍त।
JER 52:1 सिदकीयाह पिप दुम्‍मेनु, २१ बर्स दुम्‍शो बाक्‍त। मिनु मेकोम यरूसलेममी ११ बर्स सासन पाप्‍तु। मेको आ ममा आ नें हामुतल बाक्‍त। मेको लिब्‍ना ङा येरमीया आ तमी बाक्‍त।
JER 52:2 मिनु मेकोम येहो-याकीममी खोदेंशो पा परमप्रभु यावे आ ङोंइती मार मरिम्‍शो बाक्‍मे, मेको पाप्‍तु।
JER 52:3 मिनु यरूसलेम नु यहूदा ङा मुरपुकीमी परमप्रभु यावे कली शुश गाइक्‍पाइक्‍तेक्‍म। मोपतीके मेकोमी मेको आन कली आ ङोंइती रे तिल्‍तु। मिनु बेबीलोन ङा पिप सिदकीयाहम कली मटीव।
JER 52:4 सिदकीयाहम सासन पवा आ ९ बर्स, १० महिना, १० नाक्‍त बेबीलोन ङा पिप नेबुकदरेसरमी आ लडाइ पाइब नेल्‍ल कुरशा, यरूसलेम नु लडाइ पथ जाक्‍त। मिनु मेकोपुकीमी सहर आ लाङगा रे पुम्‍ताक्‍म। सहर ङा गारो ङोइक्‍चा कली एर ओंथ ङोइक्‍तीक सेल्‍तेक्‍म।
JER 52:5 मोपा पिप सिदकीयाहम सासन पवा आ ११ बर्सम सहर आ एर ओंथ नेल्‍ल रे पुम्‍ताक्‍म।
JER 52:6 मिनु ४ महिना ङा ९ नाक्‍ती सहरम थम ठेयब अन्‍काल दुम्‍त। मिनु मेको सहर आ आगामी जचा कली मारेइ मबा।
JER 52:7 मिनु सहर ङा गारो प्रेत्‍तेक्‍म। मिनु लडाइ पाइब नेल्‍ल प्रोक्‍तेक्‍म। कल्‍दी ङा मुरपुकी सहर आ एर ओंथ बाक्‍तेक्‍म। मो हना यो मेकोपुकी पिप आ फल फुल रू ङा गारो निक्‍शी आस दाते ङा लाप्‍चो रे पा ग्रूशा प्रोक्‍तेक्‍म। मिनु मेकोपुकी अराबाह रागी गे लाम्‍तेक्‍म।
JER 52:8 तन्‍न कल्‍दी ङा लडाइ पाइबपुकीम पिप सिदकीयाह कली खेदा पाम्‍तेक्‍म। मिनु मेको कली यरीको ङा दिंमम थित्‍तेक्‍म। मेको आ लडाइ पाइब नेल्‍ल ब्रशा एर ओंथ दुम्‍तेक्‍म।
JER 52:9 मिनु मेको ग्‍याइक्‍चा पुंइसाक्‍व। मिनु मेकोपुकीमी पिप कली हमाथ रागी ङा रिब्‍लामी बेबीलोन ङा पिप आ ङोंइती चाक्‍तेक्‍म। मिनु मेकेर बेबीलोन ङा पिपमी मेको कली आ सजाइ नेंपाइक्‍तु।
JER 52:10 मेको रिब्‍लामी बेबीलोन ङा पिपमी सिदकीयाह आ तौ आन कली मेको आ ङोंइतीन साइक्‍तीमी। मिनु यहूदा ङा ठेयब मुर नेल्‍ल आन कली यो रिब्‍लाम साइक्‍तीमी।
JER 52:11 मिनु मेकोमी पिप सिदकीयाह आ मिक्‍च फेत्‍ताक्‍व। मिनु मेको कली कांसा के साङलोमी पाइक्‍ताक्‍म। मिनु मेको कली बेबीलोनमी लाइश्‍शा मबेक्‍म सम्‍म चोक्‍शा वोइक्‍तु। येरमीया ३२:५
JER 52:12 बेबीलोन ङा पिप नेबुकदरेसरमी सासन पवा आ १९ बर्स ५ महिना १० नाक्‍ती पिप कली खाल पाइब आन कप्‍तान नेबुजरादान यरूसलेममी जाक्‍त।
JER 52:13 मिनु मेकोमी परमप्रभु यावे आ खिं, पिप आ दरवार नु यरूसलेम ङा खिं नेल्‍लेम मी सुइक्‍ताक्‍व। मेकोमी ठेयब खिं नेल्‍लेम मी सुइक्‍ताक्‍व।
JER 52:14 मिनु पिप कली खाल पाइब आन कप्‍तान नु बाक्‍शो कल्‍दी ङा लडाइ पाइब नेल्‍लेम यरूसलेम आ एर ओंथ बाक्‍शो गारो नेल्‍ल प्रेत्‍तेक्‍म।
JER 52:15 मिनु पिप कली खाल पाइब आन कप्‍तान नेबुजरादानमी नेल्‍ल आन क्‍येङा प्रुङग, सहरम प्रोंइशा वोइश्‍शो मुरपुकी बेबीलोन ङा पिप आ बाक्‍तीके प्रोक्‍शा जाक्‍दीश्‍शो मुरपुकी नु लीशो मार, मार, सेल्‍स जोक्‍ब मुर आन कली ग्‍याइश्‍शा लाइक्‍तीमी।
JER 52:16 तन्‍न पिप कली खाल पाइब आन कप्‍तान नेबुजरादानमी रागी ङा अङगुर रू नु अरु रूम गेय पचा कली, थम प्रुङग आन कली ला प्रोंइशा वोइक्‍तीमी।
JER 52:17 कल्‍दीपुकीम परमप्रभु यावे आ खिंम बाक्‍शो कांसा के थामपुकी, कांसा के ठेयब चिक्‍तीके बोस, मेको आ कांसा के नित्‍तीके लाइक्‍तेक्‍म। कल्‍दीपुकीमी मेको नेल्‍ल प्रोल्‍शा, बेबीलोन लाइक्‍तेक्‍म। येरमीया २७:१९-२२; १राजा ७:१५-३९; २राजा २५:१३-१७
JER 52:18 मेकोपुकीमी बोसपुकी, बेल्‍चापुकी, सल्‍दो ख्रोइक्‍तीक कांइची, अरु बोसपुकी, डाडु नु कांसा के बोस नेल्‍ल नु चढ़ेचा कली माल्‍शो मारेइ मारेइ लाइक्‍तेक्‍म।
JER 52:19 पिप कली खाल पाइब आन कप्‍तानम सुन नु चांदीम सेल्‍शो आइक्‍च लोटापुकी, कोइला कुर पतीक, बोसपुकी, बत्ती दा‍तीकपुकी, डाडु, तूचा थोव़क चढ़ेशोनु माल्‍तीक बोसपुकी नेल्‍ल लाइक्‍तु। १राजा ७:१५-३७
JER 52:20 पिप सोलोमनम परमप्रभु यावे आ खिं कली सेल्‍पाइश्‍शो ठेयब थाम निक्‍शी, कांसा के ठेयब चिक्‍तीके बोस मेको आगाम बाक्‍शो १२ ओटा कांसा के ब्‍यफ नु मेको आगाम बाक्‍शो नित्‍तीके बाक्‍तेक्‍म। मेको आन कांसा नाक्‍ने मचाप्‍चा ङा शुश बाक्‍त।
JER 52:21 मेको थाम निम्‍फा १८, १८ कुबीत लाइश्‍शो, १२, १२ कुबीत ब्रेम्‍शो नु आस थांइशो ४, ४ अङगुल बाक्‍ताक्‍स। मिनु आस आगा चहिं श्‍येत्‍थ बाक्‍ताक्‍स। कुबीत का ०.५ मिटर खोदेंशो बाक्‍ब।
JER 52:22 मेको आ तार कांसा के पिया पाइश्‍शो बाक्‍त। मेको आ पिया ५ कुबीत लाइश्‍शो बाक्‍त। मेको आ पिया कांसा के जाली नु दारीम आ बुटामी एर ओंथ नेल्‍ल हिरशो बाक्‍त। मिनु अर्को थाम यो ङोंइती ङा खोदेंशो पा सेल्‍शो बाक्‍त।
JER 52:23 मेको आस एर ओंथ नेल्‍ल ९६ ओटा दारीम बाक्‍तेक्‍म। मेको आस एर ओंथ नेल्‍ल ङा जाली कली हिरशो दारीम सहे का बाक्‍तेक्‍म।
JER 52:24 मिनु पिप कली खाल पाइब आन कप्‍तानमी ठेयब चढ़ेब सेरायाह, मेको आ नोले ङा चढ़ेब सेफन्‍याह नु लाप्‍चो खाल पाइब सां आन कली ग्‍याइश्‍शा लाइक्‍तीमी।
JER 52:25 मिनु मेकोमी सहरम मेना सम्‍म लीशो लडाइ पाइब आन कली कोव़ब कप्‍तान का नु पिप कली अर्ती गेब ७ जना मुर आन कली ग्‍याइश्‍शा लाइक्‍तीमी। मेको रागीम लडाइ पाइब आन कली पुक्‍ब आन कप्‍तान आ ब्रेक्‍ब मुर नु सहरमी थिश्‍शो अरु ६० जना वोंइश मुर आन कली यो ग्‍याइश्‍शा लाइक्‍तीमी।
JER 52:26 मिनु मेको पिप कली खाल पाइब कप्‍तान नेबुजरादानमी मेको आन कली लाइश्‍शा रिब्‍लामी बेबीलोन ङा पिप आ बाक्‍तीकेम चाक्‍तीमी।
JER 52:27 मिनु बेबीलोन ङा पिपम मेको आन कली हमाथ रागी रिब्‍ला सहरम साइक्‍तु। मोपा मेकोपुकी यहूदा आ रागी रे ग्‍याइश्‍शा लाइक्‍चा पुंइसाक्‍म।
JER 52:28 मिनु नेबुकदरेसरमी सासन पवा आ ७ बर्सम ग्‍याइश्‍शा लाइश्‍शो मुरपुकी हिक्‍शोनु, हजार सां २३ जना यहूदी बाक्‍तेक्‍म।
JER 52:29 मेकोमी सासन पवा आ १८ बर्सम यरूसलेम रे ८ सहे ३२ जना आन कली ग्‍याइश्‍शा लाइक्‍तु।
JER 52:30 मेकोम सासन पशो २३ बर्स दुम्‍मेनु, पिप कली खाल पाइब आन कप्‍तान नेबुजरादानमी ७ सहे ४५ जना यहूदी आन कली ग्‍याइश्‍शा लाइक्‍तीमी। मिनु मेको मुर नेल्‍ल पा ४ हजार ६ सहे जना बाक्‍तेक्‍म।
JER 52:31 यहूदा ङा पिप येहो-याकीन कली ग्‍याइश्‍शा लाइश्‍शो ३७ बर्समी एवील-मेरोदक बेबीलोन ङा पिप दुम्‍त। मेको आ सासन पशो १२ महिना २५ नाक्‍ती दुम्‍मेनु, मेकोमी यहूदा ङा पिप येहो-याकीन कली चोक्‍तीक रे प्रोंइपाइक्‍तु।
JER 52:32 मेकोमी मेको नु रिम्‍शो पा लोव़ पा बेबीलोनम आं नु बाक्‍शो पिप नेल्‍ल आन क्‍येङा ठेयब सेल्‍शा, मेको कली मान गेशा वोइक्‍तु।
JER 52:33 मोपा येहो-याकीनमी आ जेल्‍खानम फेक्‍तीक वा प्रुइश्‍शा, आ लीशो नाक्‍ती नेल्‍ल पिप नु जशा बाक्‍शा पाप्‍‍तु।
JER 52:34 बेबीलोन ङा पिपमी येहो-याकीन कली नाक्‍त किंत किंत मेको मबेक्‍म सम्‍म आ माल्‍शो मारेइ मारेइ गेप्‍तु।
LAM 1:1 मेको सहरम गिश श्‍येत्‍थ दुम्‍मे। ङोंइती मेकेर शुश मुर बाक्‍तेक्‍म। मेको आ वोंइश बेक्‍शो मीश मुर खोदेंशो दुम्‍त। मेको ङोंइती रागी रागी आन दातेमी ठेयब बाक्‍त। मेको रागी पिप आ तमी खोदेंशो बाक्‍त। मुल मेको सहर वाइल खोदेंशो दुम्‍त। येरमीया ५१:५
LAM 1:2 मेको नाक्‍दो हिशेक पा ङाक्‍ब। आ प्रेक्‍क यिना यिन बाक्‍नीम। मेको आ दाक्‍शो मुर आन दाते ङा सुइम मेको कली आ थुं बारपाइक्‍चा ङा लोव़ मपाइनीम। आ वारच नेल्‍लेम मेको कली प्रोंइतेक्‍म। मुल मेको आ जोरी सत्रु दुम्‍तेक्‍म। भजन संग्रह ६९:२१
LAM 1:3 यहूदा श्‍येत जशा, ग्‍याइश्‍शा लाइक्‍चा पुंइसाक्‍व। मुल श्‍येत पा गेय पाइब दुम्‍त। मुल मेको रागी रागी ङा मुर आन दातेमी बाक्‍ब। नाइक्‍चा कली बाक्‍तीक मबा। आ कली खेदा पाइबपुकीमी मेको कली श्‍येतमी ग्‍याइश्‍शा लाइक्‍तेक्‍म।
LAM 1:4 सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।
LAM 1:5 मेको आ जोरी सत्रु आ होव़प दुम्‍तेक्‍म। मेको आन माल्‍शो शुश ताइनीम। मारदे हना परमप्रभु यावेमी मेको आ शुश हेंथे पशो तशा, यरूसलेम कली श्‍येत गेप्‍तु। मेको आ आल ग्‍याइश्‍शा लाइक्‍चा पुंइसीशा, आन जोरी सत्रु आन ङोंइती लाम्‍तेक्‍म।
LAM 1:6 सियोन आ तमी रे पा आ मान पचा पुंइसीतीके नेल्‍ल लने थुम्‍तु। आ पिप आ तौपुकी जोतीकेम थिश्‍‍शो रोको‍श खोदेंशो दुम्‍तेक्‍म। मेको बोल मपाइश्‍शो दुम्‍शा, आन कली खेदा पाइब आन ङोंइती प्रोक्‍ना प्रोक्‍न बाक्‍नीम।
LAM 1:7 यरूसलेममी ठेयब श्‍येत जतीक नु सुर्ता पतीक नाक्‍ती जाक्‍चा क्‍येङा ङोंइती आंम के बाक्‍शो शोंप नेल्‍ल मिम्‍ब। मेको आ मुर आन जोरी सत्रु आन गुइमी गेचा पुंइसीची ना सुइमी मेको कली वारच मपाम। आ जोरी सत्रुम मेको आ श्‍येत तशा शुक्‍शी पाम्‍तेक्‍म।
LAM 1:8 यरूसलेममी ठेयब पाप पाप्‍तु। मोपतीके मेको शुक्‍शी पाइक्‍चा पुंइसाक्‍व। ङोंइती मेको कली मान पाइब नेल्‍ले मुल महिक्‍नीम। मारदे हना मेकोपुकीमी मेको कली शिश्रा ताम्‍तेक्‍म। मेको आंमान हुकयी पा आ कुल ख्रुइक्‍ब।
LAM 1:9 मेको आ ग्रांग्रा दितीके आ गुनेमी केम्‍साक्‍व। मेकोमी नोले ङा नाक्‍त ममिम्‍त। मेको आ तशो श्‍येत हिंचा ङा बाक्‍त। आ थुं बारपाइक्‍ब सुइ मबाक्‍म। मेकोमी “परमप्रभु यावे, आं श्‍येत कोव़ङीन। आं जोरी सत्रुमी आं कली ग्रातेक्म।
LAM 1:10 आ जोरी सत्रुमी आ शोंप नेल्‍ल रोइक्‍ताक्‍यीमी। गे मेको आन कली इन बाक्‍‍तीके खिंम ओव़चा मगेतीनी हना यो, यरूसलेममी रागी रागी ङा मुर इन खिं ओव़चा ताम्‍तेक्‍म। येरमीया ५२:१७-१९; ब्‍यवस्‍था २३:४
LAM 1:11 मेको आ मुर नेल्‍ल हुकयी पा, अन्‍न माल्‍ना माल्‍न गाक्‍नीम। लेंशा बोल्‍यो दुम्‍चा कली आन शोंप लेयनीम। परमप्रभु यावे, मुल आं कली कोव़ङीन। गो महिक्‍सीशो दुम्‍ती” देंती।
LAM 1:12 गे एको लां रे पा लाइब तशा, आन पर्बम मारेइ ममिम्‍नीनी? एर ओंथ नेल्‍ल कोव़ङीन। आं श्‍येत क्‍येङा यो अरु हिंचा ङा श्‍येत बाक्‍बा? परमप्रभु यावेमी आ शुश गाइक्‍तीकेमी आं कली मेको श्‍येत गेती।
LAM 1:13 मेकोमी इर रे मी सोइक्‍ताक्‍व। मिनु आं रुश आगा ओव़पाइक्‍ती। आं खोइल कली ग्‍याइल दाइश्‍शा रेप्‍पाइक्‍ती। आं कली आ ङोंइती रे तिल्‍ती। मेकोमी नेल्‍ल नाक्‍त आं कली मुर मबाक्‍तीके नु बोल मपाइश्‍शो सेल्‍ती।
LAM 1:14 मेकोमी आं हेंथे पतीके जुवा खोदेंशो सेल्‍तु। मिनु मेको आ गुइमी फ्रेंसाक्‍व। मेको आं बला तारी शुश हेल्‍शो बाक्‍ब। मोपा आं बोल ग्‍युम्‍त। मिनु परमप्रभुमी आं कली आं ग्राने मचाप्‍चा ङा मुर आन गुइमी गेती।
LAM 1:15 परमप्रभुमी आं दाते ङा लडाइ पाइब नेल्‍ल आन कली प्रोंइतु। मुल मेकोमी आं कली वारच मपथु, आ ठिटा वोंइश मुर नेल्‍ल आन कली साइक्‍तु। परमप्रभुम अङगुर ख्राक्‍शो खोदेंशो पा यहूदा ङा कन्‍ने मीश आल, यरूसलेम कली ख्राक्‍शो बाक्‍ब। यसैया ६३:३
LAM 1:16 गो मार कली ङाक्‍नुङा, मार कली आं प्रेक्‍क यीनीम देंशा हना, आं कली लेम्‍ब नु आं थुं बारपाइक्‍ब आ क्‍येङा ङोन बाक्‍नीम। आं आल लने थुम्‍तेक्‍म। मारदे हना आं जोरी सत्रु आं क्‍येङा बोल्‍यो बाक्‍तेक्‍म।
LAM 1:17 सियोनमी पुंइचा कली आ गुइ दिंताक्‍व। तन्‍न आ थुं बारपाइक्‍ब सुइ मबाक्‍म। परमप्रभु यावेमी “याकूब आ नेक्‍था ङा मुर आ जोरी सत्रु दुम्‍चा माल्‍नीम” दे अरेप्‍तु। मिनु मेको आन दातेम यरूसलेम ग्रांग्रा दि‍चा ङा दुम्‍त। येरमीया १:८
LAM 1:18 परमप्रभु यावे ठीक पाइब बाक्‍ब। मारदे हना गो आ लोव़ काइ मटीब दुम्‍ती। तन्‍न गे जात जात ङा मुर नेल्‍ल नेनीन। आं श्‍येत कोव़ङीन। आं मीश आल नु ठिटा वोंइश आल नेल्‍ल ग्‍याइश्‍शा लाइक्‍चा पुंइसाक्‍म। येरमीया ३:४२; येरमीया ५:१६
LAM 1:19 गो आं दाक्‍शो मुर आन कली ब्रेत्‍ताक्‍ङ। तन्‍न मेकोपुकीमी आं कली प्रोंइतीमी। आं चढ़ेब नु खाल्‍पा आन बोल लेप्‍पाइक्‍चा कली जचा थोव़क माल्‍न माल्‍ना सहरम बेक्‍तेक्‍म।
LAM 1:20 “परमप्रभु यावे कोव़ङीन, गो शुश श्‍येत जाता। गो इन देंशो मटीब दुम्‍‍तीके आं थुं चोती। आं थुं साप्‍पा सेक्‍बेर पाइब। लाङगाम तरवारमी साइक्‍ब। मिनु खिं आगाम बेक्‍तीक बाक्‍ब।
LAM 1:21 मुरपुकीमी आं हुकयी पशो नेंतेक्‍म। आं कली थुं बारपाइक्‍ब सुइ मबाक्‍नीम। आं जोरी सत्रु नेल्‍लेमी आं श्‍येत जशो आ पर्बम नेंतेक्‍म। आं कली मोदेंशो दुम्‍शो तशा ग्‍येरसाक्‍म। गे इन देंशो नाक्‍त जाक्‍ल। मेकोपुकी यो आं खोदेंशो पा श्‍येत जामेक्‍ल। येरमीया ४:२१
LAM 1:22 मेको आन मरिम्‍शो पशो नेल्‍ल इन ङोंइती बाक्‍ल। मिनु गे आं हेंथे पशो आ पर्बम आं कली पशो खोदेंशो पा मेको आन कली यो पतीन। गो शुश हुकयी पाइक्‍नुङ। आं थुं लुक्‍च लत” देंत।
LAM 2:1 परमप्रभु गाइश्‍शा, सियोन आ तमी कली मुने तोक्‍तु। इस्राएल आ दारस कली सरीङ रे पा रागीमी तोक्‍तु। आ गाइश्‍शो नाक्‍ती आंम खोइल वोइक्‍तीक सियोन कली यो प्रेंताक्‍व। भजन संग्रह १३२:७-८
LAM 2:2 परमप्रभुमी शिशी मपथु याकूब आ बाक्‍तीक नेल्‍ल खतम सेल्‍तु। मोपा चुरशा यहूदा आ तमी आ गारो हिरशो सहर नेल्‍ल खतम सेल्‍तु। मेकोमी मेको राज्‍य नु आ सासन पाइब आन कली मान मताइब, आइक्‍च सेल्‍तु।
LAM 2:3 मेकोमी शुश चुर‍शा, इस्राएल ङा सक्ति नेल्‍ल खतम सेल्‍तु। मेकोमी आ जोरी सत्रु आन ङोंइती सियोन कली वारच पचा प्रोंइतु। मेको याकूब आ बाक्‍तीके आ एर ओंथ नेल्‍ल ग्राव ग्रु दाक्‍ब मी खोदेंशो दुम्‍त।
LAM 2:4 परमप्रभुमी सियोन आ जोरी सत्रु खोदेंशो दुम्‍शा, आ लिब्रा की‍तु। आ जोरी सत्रु खोदेंशो दुम्‍त। आंइ दाक्‍शो नेल्‍ल आन कली साइक्‍तु। परमप्रभुमी आ चुरशो मी खोदेंशो पा सियोन आ तमी आ ताम्‍बु तारी मोइक्‍तु।
LAM 2:5 मुल परमप्रभु सियोन आ जोरी सत्रु खोदेंशो दुम्‍त। मेकोमी इस्राएल कली खतम सेल्‍तु। आ दरवार नेल्‍ल आन कली खतम पोक्‍तु। आ गारो ङा लाइश्‍शो खिं नेल्‍ल प्रेत्‍तु। मिनु यहूदा आ तमी कली शुश रोंका नु हिशेक पपाइक्‍तु।
LAM 2:6 मेकोमी आंम ताम्‍बु कली रू ङा कटेरा खोदेंशो पा प्रेत्‍तु। मेकोमी आ बाक्‍तीके खतम सेल्‍तु। परमप्रभु यावेमी सियोनम चाड नु नाइक्‍तीक नाक्‍ती मानेतीक प्रोंइतु। आ शुश गाइश्‍शोम पिप नु चढ़ेब नेल्‍ल आन कली मुने तोक्‍तु। अय्‍युब २:१३; येरमीया ५:१२
LAM 2:7 परमप्रभुम आंम कली चढ़ेतीक नु आ बाक्‍तीके निम्‍फा प्रोंइतु। मेको आन दरवार ङा गारो जोरी सत्रु आन गुइमी गेप्‍तु। मोपा मेकोपुकीमी परमप्रभु यावे आ खिंमी चाड ङा नाक्‍त खोदेंशो पा रेयके पाम्‍तेक्‍म।
LAM 2:8 परमप्रभु यावेमी सियोन आ तमी आ गारो प्रेत्‍चा कली मिम्‍ताक्‍व। मेको आ तारी पुक्‍तीके कीतु। मेकोमी खतम सेल्‍चा कली आ गुइ मतेक्‍ग। मेकोमी गारो नु आ बोल्‍यो सेल्‍तीके निक्‍शी कली रोंका पपाइक्‍तु। मिनु मेको कालेक्‍म ब्रेत्‍ताक्‍स। २राजा २१:१३
LAM 2:9 मेको आ ठेयब लाप्‍चो खपीम दोक्‍तेक्‍म। मेकोमी आ आग्‍लो जिक्‍शा खतम पोक्‍तु। मेकेर ङा पिप नु आन तौ नेल्‍ल रागी रागी ङा मुर आन दातेमी बाक्‍नीम। मेकेर लां कोंइब परमप्रभु यावे आ अरेशो मबाक्‍ब। मिनु परमप्रभु यावे आ लोव़ पाइबपुकीमी परमप्रभु यावे रे पा मारेइ लोव़ मताइ‍नीम।
LAM 2:10 सियोन ङा खाल्‍पा खपीम निश्‍शा, सिक्‍सी पा बाक्‍नीम। मेकोपुकीमी आन पियामी फुरक फुंइसीनीम। मिनु भाङग्रा फेक्‍शा बाक्‍नीम। यरूसलेम ङा मीश आलपुकीमी आन पिया खप सम्‍म बाप्‍पाइश्‍शो बाक्‍नीम।
LAM 2:11 गो ङाक्‍ना ङाक्‍न बाक्‍नुङ। आं थुं चोइब। आं थुं खाइक्‍ब। मारदे हना आं मुर खतम दुम्‍तेक्‍म। आल नु दूध तूब आलपुकी सहर ङा लांम शोव़लु बेक्‍नीम।
LAM 2:12 मेकोपुकीमी आन ममा आन कली “जचा तूचा थोव़क ते बाक्‍म” दे हिल्‍लो पाइनीम। मेकोपुकी सहर ङा लांम गार दुम्‍‍शो लडाइ पाइब खोदेंशो पा थाइनीम। मिनु आन ममा आन थुकुम बेक्‍नीम।
LAM 2:13 ए यरूसलेम आ तमी, गो इ पर्बम मार देंङा? गो इ कली मार नु थाप्‍तु? ए सियोन आ कन्‍ने तमी इ थुं बार‍पाइक्‍चा कली इ कली मार नु थाप्‍तु? इ श्‍येत समुन्‍द्र खोदेंशो पा ठेयब बाक्‍ब। सुइम इ कली सापाइक्‍ने मच‍ब।
LAM 2:14 इ परमप्रभु यावे आ लोव़ पाइब आन लोव़ नेल्‍ल जोल नु शोर गाक्‍शो बाक्‍तेक्‍म। मेकोपुकीमी इ कली रिम्‍शो दुम्‍ल, दे इ मरिम्‍शो पशो आ पर्बम लोव़ मपाम। तन्‍न मेकोपुकीमी इ पर्बम पशो लोव़ नेल्‍ल जोल नु दूली लां कोंइब बाक्‍त। येरमीया १४:१४-१६; येरमीया २३:१६-२२
LAM 2:15 इ नेक्‍था रे पा लाइब नेल्‍लेमी इ कली तशा शुक्‍शी पाइनीम। यरूसलेम आ तमी तशा शुक्‍शी पा आन पिया हिम्‍नीम। मेकोपुकीमी “एको सहर कली नेल्‍ल क्‍येङा दारशो नु रागी ङा नेल्‍ल क्‍येङा दाक्‍शो सहर देंनीमी, ममाइ ङा?” देंनीम। भजन संग्रह ४८:३; इजीकीएल १६:१४
LAM 2:16 इ जोरी सत्रु नेल्‍लेमी इ पर्बम मरिम्‍शो लोव़ पा शुक्‍शी पाइनीम। मेकोपुकीमी आन गाइक्‍तीकेमी “गो मेको कली खतम सेल्‍तक। एको नाक्‍ती कोव़चा कली रिम्‍ताक्‍क। मुल गो ताइतक” देंनीम।
LAM 2:17 परमप्रभु यावेमी मार मिम्‍ता नु ङोंइती मार पाइनुङ देंमे, मेको पाप्‍तु। साइ ङोंइती हिंच कोंइशा देंशो लोव़ मुल पाप्‍तु। मेकोमी शिशी मपथु, नेल्‍ल खतम सेल्‍तु। मिनु इ जोरी सत्रु आन कली इ पर्बम ग्‍येरपाइक्‍तु। इ जोरी सत्रु आन सक्ति ठेयब सेल्‍तु।
LAM 2:18 गे सियोन आ तमी, आ गारो परमप्रभु कली ठेयब सेंदा पा पुनो। इ प्रेक्‍क खोला खोदेंशो पा नाक्‍दो नाक्‍त यिपतो। याम का यो मनांइ‍सो। शुश ङाक्‍को।
LAM 2:19 बोक्‍को। नाक्‍दो ङाक्‍शा पुनो। खाल पाइब आन गेय पची ना यो मो पावो। इ थुं ङा श्‍येत परमप्रभु आ ङोंइती ब्‍वाक्‍कु खोदेंशो पा लुक्‍तो। लांमी बाक्‍ब इ शोव़लु बेक्‍शो आल आन पर्बम इ गुइ परमप्रभु गे पोक्‍शा पुनो।
LAM 2:20 “परमप्रभु यावे कोव़ङीन। गे सु कली ओदेंशो पा श्‍येत गेनी। मार मीश मुरपुकीमी आंम आल आन कली ब्‍वचा माल्‍नीमी? मार इन कली चढ़ेब नु इन लोव़ पाइबपुकी इन बाक्‍तीकेमी साइक्‍चा पुंइसीचा माल्‍नीनी? ब्‍यवस्‍था २८:५३-५७; येरमीया १९:९
LAM 2:21 ठिटा नु खाल्‍पापुकी लांम गोल्‍शो बाक्‍नीम। आ ठिटी मीश मुर नु ठिटा वोंइश मुर तरवारमी साइक्‍चा पुंइसाक्‍म। गे इन गाइश्‍शो नाक्‍ती मेको आन कली शिशी मपाइक्‍थु साइक्‍तीनी।
LAM 2:22 गे एर ओंथ ङा आं जोरी सत्रु आन कली चाड मानेचा कली खोदेंशो पा ब्रेत्‍ताक्‍नी। परमप्रभु यावे आ गाइश्‍शो नाक्‍तीमी सुइ मुर प्रोक्‍शा ब्रोंइचा मताइनीम। गो आं थिशो नु कोल्‍पाइश्‍शो आल आन कली आं जोरी सत्रुमी साइक्‍तेक्‍म” देंती।
LAM 3:1 परमप्रभु आ चुरशोमी आं कली कोक्‍केम तुप्‍ती।
LAM 3:2 मेकोमी आं कली खेदा पा छेङछेङ रे छिङछिङमी गाक्‍पाइक्‍ती।
LAM 3:3 मेकोमी नाक्‍त किंत किंत आं कली श्‍येत गेना गेन बाक्‍ब।
LAM 3:4 आं रां नु कुशुल नेल्‍ल सोव़पाइक्‍ती। मिनु आं रुश जिक्‍तु।
LAM 3:5 मेकोमी आं कली सुर्ता पतीक नु श्‍येत जतीकेम पुम्‍शा गिल्‍पाइक्‍ती।
LAM 3:6 मेकोमी साइ नेसी ङा बेक्‍शो मुर आन कली खोदेंशो पा आं कली छिङछिङमी बाक्‍‍पाइक्‍ती।
LAM 3:7 मेकोमी आं कली प्रोक्‍ने मचबल, दे चोक्‍ती। आं कली हेल्‍शो साङलोमी पाइक्‍ताक्‍यी।
LAM 3:8 गो “वारच पाइय्‍यीनी” दे शुश ब्रेत्‍ती। तन्‍न आं ब्रेश्‍शो नेंशा यो सिक्‍सी पा बाक्‍त। भजन संग्रह २२:३; भजन संग्रह ६९:४
LAM 3:9 मेकोमी आं लां ठेयब फुल्‍लुमी तेक्‍तु। मिनु आं लां हिरशो सेल्‍तु।
LAM 3:10 मेको ग्राम्‍चा कली बाप्‍शा बाक्‍शो वां खोदेंशो बाक्‍ब। मिनु ख्रुइश्‍शा बाप्‍शा बाक्‍शो गुप्‍स खोदेंशो बाक्‍ब।
LAM 3:11 मेकोमी आं कली आं लां रे पा लाइश्‍शा, बेदर किदर पोक्‍ती। मेकोमी आं कली सुइ मपाइश्‍शो सेल्‍ती।
LAM 3:12 मेकोमी आ लिब्रा कीशा, आं कली आप्‍ती।
LAM 3:13 मेको आ ब्रामी आं लुङगीर ख्रित्‍ताक्‍यी।
LAM 3:14 आं मुर नेल्‍ले आं पर्बम रित्‍नीम। मेकोपुकी नाक्‍त किंत किंत आं पर्बम शुक्‍शी पा कुम्‍सो पाइ‍नीम। अय्‍युब ३०:९
LAM 3:15 मेकोमी आं थुं खाइक्‍पाइश्‍शा, आं कली कशो तूचा थोव़क तूपाइक्‍ती।
LAM 3:16 मेकोमी आं कली फुल्‍लु जपाइश्‍शा, पुलुमी निप्‍पाइक्‍ती।
LAM 3:17 गो थुं नाइश्‍शा बाक्‍चा मताइक्‍नुङ। ग्‍येरशा बाक्‍चा मार बाक्‍मे, मेको प्रेंताक्‍ङ।
LAM 3:18 मोपतीके गो “आं दारस नेल्‍ल जाम्‍शा लत। गो परमप्रभु यावे रे ताइनुङ, दे आस पशो यो नेल्‍ल जाम्‍शा लत” देंती।
LAM 3:19 आं श्‍‍येत आ पर्बम मिम्‍तीके नु आं खिं मबाक्‍तीके खाइल खोदेंशो पा कशो दुम्‍ती।
LAM 3:20 गो मेको गेना हना यो मिम्‍नुङ। मोपतीके आं थुं लुक्‍च लत।
LAM 3:21 तन्‍न गो परमप्रभु आ लोव़ फ्रुक्‍शा, आ लां कोव़नुङ।
LAM 3:22 परमप्रभु यावे आ गेना हना यो दाक्‍तीक गेनायो मनुप्‍ब। आ शिशी गेनायो मनुप्‍ब। नेहेम्‍याह ९:३१
LAM 3:23 मेको सुनी कुस कुस नक दुम्‍शो बाक्‍ब। इन देंशो गेना हना यो थमा बाक्‍ब।
LAM 3:24 आं थुंमी “परमप्रभु यावे आं भाग बाक्‍ब। मोपतीके गो मेको कली आस पाइनुङ” देंती। भजन संग्रह १६:५; भजन संग्रह ३:२६
LAM 3:25 परमप्रभु यावेमी आ कली रिम्‍ब आन कली रिम्‍शो पाइब। सुमी मेको कली माल्‍नीमी, मेको आन कली रिम्‍शो पाइब।
LAM 3:26 सिक्‍सी पा परमप्रभु यावे आ श्‍येत रे प्रोंइतीके रिम्‍चा रिम्‍शो दुम्‍ब। रोमी ८:२५
LAM 3:27 ठिटा बाक्‍शो ना आंम जुवा कुरचा रिम्‍शो दुम्‍ब।
LAM 3:28 परमप्रभुमी मुर कली आ का ला सिक्‍सी पा बाक्‍चा गेप्‍तु हना, मेको कली रिम्‍शो दुम्‍ब।
LAM 3:29 मुरुमी आ शोव़ खपीम वोदल। मोपा मेको के आस बाक्‍बा कों?
LAM 3:30 मेको आ चोव़चो राप्‍चा गेशा, शुश शुक्‍शी पाइक्‍चा पुंइसीब दुम्‍ब। मत्ती ५:३९
LAM 3:31 परमप्रभुमी मुर आन कली आ ङोंइती रे गेना हना यो मतिल्‍ब। यसैया ५४:८
LAM 3:32 मेकोमी श्‍येत गेप्‍तु हना यो, लेंशा शिशी पाइब। मेको आ गेना हना यो दाक्‍तीक थम ठेयब बाक्‍ब।
LAM 3:33 मारदे हना मेकोमी सुइ मुर आन कली श्‍येत गेचा मदाक्‍ब।
LAM 3:34 रागी ङा जेल्‍खानम चोक्‍चा पुंइसीशो नेल्‍ल आन कली खोइलीमी दिम्‍नीम।
LAM 3:35 नेल्‍ल क्‍येङा ठेयब आ ङोंइती मुर आन कली ठीक निसाफ मगेथु, दूली पाइनीम।
LAM 3:36 मुर आन कली दूली निसाफ पाइनीम। परमप्रभुमी मेको नेल्‍ल मताइबा ङा?
LAM 3:37 परमप्रभुम मअरेशो गेय सुमी अरेने नु पपाइक्‍ने चाप्‍बा ङा? यसैया ४५:७; आमोस ३:६
LAM 3:38 मार नेल्‍ल क्‍येङा ठेयब आ शोव़ रे रिम्‍शो नु मरिम्‍शो लोव़ मग्रू‍बा ङा?
LAM 3:39 मारदे मुरुमी आंम पाप आन पर्बम सजाइ तामेनु, गन गन पाइनीमी?
LAM 3:40 गो आंम कली नाक्‍शा कोव़शा, परमप्रभु यावे गे लेत्‍नय।
LAM 3:41 गो आंइ थुं नु गुइ स्‍वर्ग ङा परमप्रभु गे पोक्‍य।
LAM 3:42 गोपुकीमी हेंथे गाक्‍शा, इन देंशो काइ मटिक। मिनु गे आंइ कली माफ मगेनी। भजन संग्रह १०६:६
LAM 3:43 गे चुर‍शा आंइ कली खेदा पाइतीनी। काइ शिशी मपथु साइक्‍तीनी।
LAM 3:44 आंइ पुंइशो इन बाक्‍तीक मजाक्‍चा ङा पा, गे गोस्‍सुमी गिल्‍‍साक्‍नी।
LAM 3:45 गे आंइ कली शुश जात ङा मुर आन दातेमी ग्रांग्रा दि‍शो सेल्‍तीनी।
LAM 3:46 आंइ जोरी सत्रु नेल्‍लेम आन शोव़ रोक्‍शा शुक्‍शी पाम्‍तेक्‍म।
LAM 3:47 शुश हिंचा ङा मरिम्‍शो दुम्‍तीक आंइ तार जाक्‍त।
LAM 3:48 आं मुर नेल्‍ल खतम दुम्‍शो तशा, गो शुश ङाक्‍ती।
LAM 3:49 गो ङाक्‍स ङा ङाक्‍स बाक्‍नुङ। नाइक्‍चा मताइनुङ।
LAM 3:50 परमप्रभु यावेमी स्‍वर्ग रे पा उइ मकोव़ङा सम्‍म मो पाइनुङ। भजन संग्रह १०२:२०-२१
LAM 3:51 आं सहर ङा मीश आल आन कली मरिम्‍शो दुम्‍शो तशा आं थुं खाइक्‍ती।
LAM 3:52 आं जोरी सत्रुमी आं कली मोशीन चिक्‍ब कली खोदेंशो पा सिखार ग्‍यारतेक्‍म।
LAM 3:53 मेकोपुकीमी आं कली सेसीन खाल्‍टामी ताइक्‍ताक्‍यीमी। आं कली फुल्‍लुमी यो आप्‍तीमी।
LAM 3:54 ब्‍वाक्‍कुम आं पिया सम्‍म सुम्‍ती। मिनु गो “मुल आं ब्रोंइस ओशोन बाक्‍माक्‍त।
LAM 3:55 परमप्रभु यावे, शुश लुक्‍च लशो खाल्‍टा रे पा गो इन नें थोव़ता।
LAM 3:56 गे आं थोशो लोव़ नेंतीनी। आं कली प्रोंइचा कली आ थोशो लोव़ नेनीन। इन नोफा मसुने। तन्‍न आं कली श्‍येत रे प्रोनीन।
LAM 3:57 गो इन कली थोङानु, गे आं नेक्‍था जाक्‍तीनी। मिनु आं कली ‘महिनो’ देंतीनी।
LAM 3:58 परमप्रभु गे आं कली वारच पाइक्‍तीनी। मिनु बेक्‍चा रे प्रोंइतीनी।
LAM 3:59 परमप्रभु यावे, गे आं कली पशो मरिम्‍शो नेल्‍ल ताइतीनी। आं कली निसाफ गेयीनी।
LAM 3:60 मेकोपुकीमी आं कली मरिम्‍शो पचा कली सल्‍ला पशो नेल्‍ल ताइ‍नीनी।
LAM 3:61 परमप्रभु यावे, गे मेको आन आं कली हिंच कोंइशा पशो लोव़ नेल्‍ल नेंतीनी।
LAM 3:62 मेकोपुकी नेल्‍ल नाक्‍त आं पर्बम ख्रुइश्‍शो लोव़ पा, नोफा मुइक्‍मुम्‍तेक्‍मे।
LAM 3:63 मेकोपुकी निस्‍सामानु, बोक्‍मानु, आं पर्बम शुक्‍शी पा कुम्‍सो पाइ‍नीम। येरमीया ३:१४
LAM 3:64 परमप्रभु यावे, मेको आन पशो कोव़शा, मेको आन कली क्‍येक्‍क लेत्‍तीन। येरमीया १:२१; भजन संग्रह १३७:८; १पत्रुस २:२३; १पत्रुस ३:९
LAM 3:65 मेको आन थुं सुम्‍शा गेन। इन सराप मेको आन कली रल।
LAM 3:66 मेको आन कली गाइश्‍शा खेदा पन। परमप्रभु यावे, सरीङ आगा रे मेको आन कली खतम पोक्‍कीन” देंती।
LAM 4:1 सुनमी आं दारस नेल्‍ल साम्‍तु। क्‍येख सुन मदारशो दुम्‍त। शुश क्‍येट लाइब हीरा नेल्‍ल लां मेर फ्राइसीशो बाक्‍नीम।
LAM 4:2 सियोन आ दाक्‍शो आलपुकी, ङोंइती सुन खोदेंशो मिम्‍शो बाक्‍तेक्‍म। मुल खप के ग्‍योंब खोदेंशो दुम्‍तेक्‍म।
LAM 4:3 सिवारेम आन चाइक्‍ब आन कली दूध तुंइनीम। तन्‍न आं मुरपुकी काइ मरिम्‍शो दुम्‍तेक्‍म। मेकोपुकी गोरशो रागीम बाक्‍ब ठेयब चिक्‍ब खोदेंशो दुम्‍तेक्‍म। अय्‍युब ३०:१४-१६
LAM 4:4 दूध तूब आल आन लें शुश तूतू दाक्‍शा, आन कुंकुमी खोक्‍ताक्‍व। आलपुकीमी जचा थोव़क पुंइनीम। तन्‍न सुइमी मेको आन कली मारेइ मगेनीम।
LAM 4:5 ब्रोव़शो ब्रोव़शो जाइबपुकी मुल लां मेर बेक्‍नीम। दारशो वासी फेक्‍शा कोल्‍शो मुल पुलु ताइक्‍तीकेम बाक्‍नीम।
LAM 4:6 मारदे हना आं मुर आन कली गेशो सजाइ सोदोम कली गेशो सजाइ क्‍येङा ठेयब बाक्‍त। मेको कली याम कामीन लोक्‍चा पुंइसाक्‍व। उत्‍पत्ती १८:२०; उत्‍पत्ती १९:२४-२५
LAM 4:7 मेकेर पिप आ तौपुकी फुं नु दूध क्‍येङा बुश बाक्‍तेक्‍म। मेको आन रां मानीक हीरा क्‍येङा लल बाक्‍तेक्‍म। मेको आन चां नीर हीरा खोदेंशो बाक्‍तेक्‍म।
LAM 4:8 मुल मेको आन रां कुंकी क्‍येङा क्‍येर दुम्‍तेक्‍म। मेको आन कली लां मेर यो सुइमी मतुइक्‍नीम। मेको आन कुशुल रुशेम केप्‍शो बाक्‍ब। मेकोपुकी शी खोदेंशो पा सोव़शो बाक्‍नीम।
LAM 4:9 जचा मतथु शोव़लु पा बेक्‍बपुकी क्‍येङा तरवारमी क्‍योरशा साइक्‍चा पुंइसीबपुकी ग्‍येरसीशो बाक्‍नीम। रू ङा फल मथित्‍थु, मेकोपुकी सोव़शा लाइ‍नीम।
LAM 4:10 ब्रेम्‍शो थुं पाइश्‍शो मीश मुरपुकीमी आंम आन आल क्‍येम्‍तेक्‍म। मेको आन जचा थोव़क दुम्‍त। गो आ मुर आन कली खतम सेल्‍तीके मोदेंशो दुम्‍त। येरमीया २:२०
LAM 4:11 परमप्रभु यावेमी आ चुरशो नेल्‍ल कोंइताक्‍व। मेकोमी आ हिंचा ङा पा गाइश्‍शो नेल्‍ल कोंइताक्‍व। मोपा सियोनम मी सुइक्‍ताक्‍व। मिनु मेकेर ङा जग नेल्‍ल दाक्‍तु।
LAM 4:12 आ जोरी सत्रु यरूसलेम ङा ठेयब लाप्‍चो रे पा ओव़नीम, देंशो रागी नेल्‍ल ङा पिप नु मेकेर बाक्‍ब मुर सुइमी यो थमा सुइक्‍ने मचबेम।
LAM 4:13 परमप्रभु यावे आ लोव़ पाइब आन पाप नु चढ़ेब आन मरिम्‍शो पशो आन पर्बम मो दुम्‍शो बाक्‍त। मेकोपुकीमी सहर आ दातेम ठीक पाइब मुर आन कली हुश ख्राक्‍श पोक्‍‍तेक्‍म।
LAM 4:14 मेकोपुकी मिक्‍च मताइब खोदेंशो पा लां मेर हिरसाक्‍म। मेकोपुकी हुश लुम्‍सीशो बाक्‍तेक्‍म। मेको आन वा सुइम मथिचा ङा बाक्‍त।
LAM 4:15 मुरपुकीमी मेको आन कली “लने, ए ग्रांग्रा दिशो मुर आंइ कली मथिने” दे ग्रीनीम। मोपतीके मेकोपुकी प्रोक्‍ब नु हिरब मुर दुम्‍तेक्‍म। रागी रागी ङा मुरपुकीमी “मुल मेको गोपुकी नु बाक्‍चा मताइ‍नीम” देंतेक्‍म। लेवी १३:४५
LAM 4:16 परमप्रभु यावेमी मेको आन कली मोपा ब्रपाइक्‍तीमी। मुल लेंशा मेको आन कली शिशी मपाइक्‍ब। सुइमी चढ़ेब आन कली मान मपामे। खाल्‍पा आन कली यो महिक्‍गेम। येरमीया २:६; येरमीया ५:१२; लेवी १९:३२
LAM 4:17 वारच पाइब जाक्‍बा, कों देंशा लां कोव़शा मिक्‍च चोप्‍तु। रागी कामी आंइ कली वारच पाइबा कों, दे कोव़शा बाक्‍तक। तन्‍न मेकोमी आंइ कली प्रोंइने मचब।
LAM 4:18 मुरपुकीम आंइ नोले खोइक्‍तेक्‍म। मोपतीके गो आंइ लांमी गाक्‍ने मचाप्‍क। आंइ बेक्‍‍तीक नाक्‍ती जाक्‍त। आंइ नाक्‍त नुप्‍शो बाक्‍तेक्‍म। गो बेक्‍चा चिक्‍तक।
LAM 4:19 आंइ कली खेदा पाइबपुकी सरीङम बेरब ककाकुली क्‍येङा यो रीब पा जाक्‍तेक्‍म। मेकोपुकीमी आंइ कली पहाडम खेदा पाम्‍तेक्‍म। गोरशो रागीमी बाप्‍शा बाक्‍तेक्‍म।
LAM 4:20 मेकोपुकीमी परमप्रभु यावे आ तेल लुक्‍शो, आंइ कली ब्रोंइचा गेब कली ग्‍याइक्‍ताक्‍म। मेको आ पर्बम गोपुकीमी “मेको आ वांकुम रागी रागी ङा मुर आन दातेम बाक्‍नीकी” दे मिम्‍शो नकी।
LAM 4:21 एदोम आ तमी ग्‍येरसो। गे ऊज रागीम बाक्‍नेवे। तन्‍न गे यो मेको श्‍येत ङा कचौरा तूचा माल्‍नेवे। गे दुक्‍नेवे। मिनु शिश्रा सेल्‍सीनेवे। येरमीया ३:६४; भजन संग्रह १३७:७; येरमीया २५:१५,२१
LAM 4:22 सियोन आ तमी इ हेंथे गाक्‍शो ङा सजाइ नुप्‍त। मेकोमी इ कली ग्‍याइश्‍शा लाइश्‍शो रागी रे ग्रुंइब। तन्‍न एदोम आ तमी, इ हेंथे गाक्‍शो ङा सजाइ ताइनेवे। मेकोमी इ पाप कोंइब। यसैया ४०:२; यसैया ३४:८-१०; इजीकीएल ३५:१४-१५
LAM 5:1 मिनु “परमप्रभु यावे, गो आंइ कली मार दुम्‍शो बाक्‍बा, मेको मिम्‍तीन। आंइ कली मरिम्‍शो पशो कोव़ङीन।
LAM 5:2 आंइ थेरशो रू अर्को रागी ङा मुर आन के दुम्‍त। आंइ खिं यो अर्को रागी ङा मुर आन के दुम्‍तेक्‍म।
LAM 5:3 गोपुकी रोम रोइक्‍च दुम्‍तक। आंइ ममा वोंइश बेक्‍शो मीश मुर खोदेंशो दुम्‍तेक्‍म।
LAM 5:4 गोपुकीमी तूचा ब्‍वाक्‍कु यो ग्‍याप्‍चा माल्‍नीकी। शी यो ग्‍याप्‍चा माल्‍नीकी।
LAM 5:5 गोपुकी जुवा लाप्‍शो खोदेंशो पा आंइ कली खेदा पाइनीम। गोपुकी दशो बाक्‍नीकी। तन्‍न नाइक्‍चा मताइ‍नीकी। प्रस्‍थान २०:५; येरमीया ३१:२९
LAM 5:6 गो इजीप्‍त नु अस्‍सुर रागी नु जचा थोव़क तचा कली सल्‍ला पाइतक।
LAM 5:7 आंइ किकी पिपीमी पाप पाम्‍तेक्‍म। मिनु बेक्‍तेक्‍म। गोपुकी मेको आन हेंथे पशो राइतक।
LAM 5:8 वाइलपुकीमी आंइ कली हुकुम पाइनीम। आंइ कली मेको आन गुइ रे पा प्रोंइब सुइ मबाक्‍नीम।
LAM 5:9 गोपुकीमी आंइ जचा थोव़क बेक्‍चा ङा गोरशो रागीम लशा, चाक्‍चा माल्‍नीकी।
LAM 5:10 गो शोव़लु बेक्‍‍तीके आंइ कुशुल चुप्‍लु खोदेंशो पा होश दुम्‍त।
LAM 5:11 सियोनम मीश मुर आन कली बिथोलो पाइनीम। यहूदा सहरम कन्‍ने मीश आल आन कली बिथोलो पाइनीम।
LAM 5:12 मेकोपुकीमी सासन पाइब आन कली क्‍युक्‍शा साइक्‍तेक्‍म। खाल्‍पा आन कली मान मपामे। २राजा २५:१९-२१
LAM 5:13 ठिटापुकीमी श्‍येत पा यात हिल्‍चा माल्‍नीम। वोंइश आलपुकीमी शी कुरशा गोल्‍चा चिक्‍शा गाक्‍नीम।
LAM 5:14 खाल्‍पापुकी सहर ङा ठेयब लाप्‍चोमी ग्रुम्‍शा बाक्‍चा प्रोंइतेक्‍म। मिनु ठिटापुकीमी बाजा ताप्‍चा प्रोंइतेक्‍म।
LAM 5:15 आंइ थुं रे पा ग्‍येरशा बाक्‍तीक जाम्‍त। गो आंइ सिल पतीक नेल्‍ल रोंका पतीके दुम्‍त।
LAM 5:16 सिरपेच आंइ पिया रे दोक्‍त। आबी, गो पाप पाइतक। येरमीया १३:१८
LAM 5:17 मोपतीके आंइ थुं खाइक्‍त। मिनु आंइ मिक्‍च ब्रा ब्रा दुम्‍त।
LAM 5:18 सियोन डांडाम श्‍येत दुम्‍त। मेको सिवार आन बाक्‍तीके दुम्‍त।
LAM 5:19 तन्‍न गे, परमप्रभु यावे गेना हना यो सासन पाइनीनी। इन सासन पतीके नेल्‍ल पाला सम्‍म लीब।
LAM 5:20 गे मारदे आंइ कली प्रेंदी‍नी? गे मारदे आंइ कली इश ङा नाक्‍त सम्‍म प्रोंइनी?
LAM 5:21 परमप्रभु यावे, आंइ कली इन गे लेप्‍पाइक्‍की। मिनु गो थमा पा इन गे लेत्‍नीकी। आंइ नाक्‍त ङोंइती ङा खोदेंशो सेलीन। भजन संग्रह १२६:
LAM 5:22 गे आंइ कली थमा पा मप्रोंइशो बाक्‍तीनी हना नु आंइ तशा शुश मगाइश्‍शो बाक्‍तीनी हना, मोदेंशो दुम्‍ल” दे पुंइतक।
EZE 1:1 मिनु ३० बर्स ङा ४ महिना ङा ५ नाक्‍ती ग्‍याइश्‍शा लाइक्‍चा पुंइसीशोपुकी नु गो केबार खोला आ नेक्‍था बाक्‍शो नङ। मिनु मेना सरीङ रोक्‍साक्‍व। मिनु गो परमप्रभु आ कोंइशो तातामी। इजीकीएल १:३; इजीकीएल ३:२३; इजीकीएल १०:१५,२०,२२; इजीकीएल ४३:३
EZE 1:2 मेको महिना ङा ५ नाक्‍ती पिप येहो-याकीन ग्‍याइश्‍शा लाइक्‍चा पुंइसीशो ५ बर्स दुम्‍शो बाक्‍त। २राजा २४:१५
EZE 1:3 मिनु परमप्रभु यावेमी बूजी आ तौ चढ़ेब इजीकीएल, आं कली लोव़ पाप्‍तु। मेना गो कल्‍दी आन रागी, केबार खोला आ नेक्‍थाम बाक्‍ती। मेना परमप्रभु यावेमी आं कली थिती। इजीकीएल ३:२२-२३; इजीकीएल ८:१; इजीकीएल ३३:२२; इजीकीएल ३७:१; इजीकीएल ४०:१
EZE 1:4 मिनु गो कोव़ङुनु, उत्तर रे फश गिवार यिशो ताता। ठेयब छेङछेङ पाइश्‍शो गोस्‍स ताता। मेको आ दाते रे चिला दाप्‍शो खोदेंशो पा आ एर ओंथ नेल्‍ल छेङछेङ दुम्‍शो बाक्‍त। मिनु चिला खोदेंशो पा एर ओंथ दोरत। मिनु मेको मी आगा रे कांसा खोदेंशो जिल जिल पा ब्रशो तांइसाक्‍व। प्रकाश ४:-
EZE 1:5 मिनु मेको आ दातेमी ४ ओटा सोक्‍त पाइश्‍शोपुकी तांइसाक्‍म। मेको मार खोदेंशो तांइसाक्‍म देंशा हना,
EZE 1:6 मेको आन के ४, ४ ओटा कुल नु ४, ४ ओटा फ्रां बाक्‍तेक्‍म।
EZE 1:7 मेको आन खोइल दिंसीशो बाक्‍तेक्‍म। बाछा आन गेंच खोदेंशो बाक्‍तेक्‍म। मेको आन खोइल खुइश्‍शो कांसा खोदेंशो पा टल्‍केशो बाक्‍तेक्‍म।
EZE 1:8 मेको आन फ्रां आगा एर ओंथ नेल्‍ल मुर आन गुइ खोदेंशो बाक्‍तेक्‍म। मेको ४ ओटा सोक्‍त पाइश्‍शो आन कुल नु आन फ्रां दोदेंशो बाक्‍तेक्‍म देंशा हना,
EZE 1:9 मेको आन फ्रां थिमुशो बाक्‍तेक्‍म। मेकोपुकी तेइ लमानु ङोंइती गे पा गाक्‍बाक्‍तेक्‍म। आन कुल एर ओंथ महिरथु ग्‍येत्‍थ गाक्‍बाक्‍तेक्‍म।
EZE 1:10 मेको आन कुल दोदेंशो बाक्‍तेक्‍म देंशा हना, मेको नेल्‍ल का का पा ४ ओटा कुल बाक्‍तेक्‍म। ङोंइती ङा कुल मुर आ कुल खोदेंशो बाक्‍त। आ ग्‍युरा गे ङा कुल गुप्‍स आ कुल खोदेंशो बाक्‍त। पेरा गे ङा कुल ब्‍यफ के खोदेंशो बाक्‍त। मिनु आन नोले गे ङा कुल ककाकुली के खोदेंशो बाक्‍त।
EZE 1:11 मेको आन कुल मोदेंशो बाक्‍तेक्‍म। मेको आन फ्रां इर गे प्राक्‍शो बाक्‍तेक्‍म। मेको आन फ्रां निक्‍शीमी अर्को आन फ्रांम थिमुशो बाक्‍तेक्‍म। मिनु फ्रां निक्‍शीमी आन आन रां सुम्‍सीशो बाक्‍तेक्‍म।
EZE 1:12 मेको नेल्‍ल ग्‍येत्‍थ ङोंइती गे गाक्‍बाक्‍तेक्‍म। सोक्‍त ते ते लमे, मेक मेक लाइबाक्‍तेक्‍म। मेको आन कुल महिरथु गाक्‍बाक्‍तेक्‍म।
EZE 1:13 मेको सोक्‍त पाइश्‍शो आन दातेमी ब्रशो कोइला खोदेंशो बाक्‍त। मेको एर ओंथ गाक्‍शो तोव़शी खोदेंशो तांइसीबाक्‍त। मेको मी थम छेङछेङ पा ब्रशो बाक्‍त। मिनु मेको रे चिला दाप्‍बाक्‍त।
EZE 1:14 मेको सोक्‍त पाइश्‍शोपुकी चिला आप्‍शो खोदेंशो पा एर ओंथ बेरबाक्‍तेक्‍म।
EZE 1:15 मिनु गो मेको सोक्‍त पाइश्‍शोपुकी कोव़ङुनु, मेको ४ ओटा सोक्‍त पाइश्‍शो आन नेक्‍था खपीम गुगील तातामी। मेको नेल्‍ल आन गुगील का का बाक्‍त।
EZE 1:16 मेको गुगील दोदेंशो बाक्‍तेक्‍म देंशा हना, मेको जिल जिल पाइब पीत मनी माइश्‍शो हीरा खोदेंशो बाक्‍तेक्‍म। मेको गुगील आगाम अर्को गुगील बाक्‍तेक्‍म।
EZE 1:17 मेकोपुकी गाक्‍मानु, तेइ महिरथु गाक्‍बाक्‍तेक्‍म। मेको सोक्‍त ते ते गाक्‍मे, मेको गुगील मेक मेक गाक्‍बाक्‍तेक्‍म।
EZE 1:18 मेको गुगील लाइश्‍शो नु हिंचा ङा बाक्‍तेक्‍म। मिनु मेको कली कोव़ङुनु, नेल्‍ल मिक्‍ची मिक्‍च पाइश्‍शो बाक्‍तेक्‍म।
EZE 1:19 मिनु मेको सोक्‍त पाइश्‍शोपुकी गाक्‍मानु, मेको ग्‍येत्‍थ क्‍युक्‍सीमानु, मेको गुगील यो ग्‍येत्‍थ क्‍युक्‍सीबाक्‍तेक्‍म।
EZE 1:20 मिनु सोक्‍त ते ते गाक्‍मे, मेको सोक्‍त पाइश्‍शोपुकी यो मेक मेक गाक्‍बाक्‍तेक्‍म। मिनु मेको गुगील मेकोपुकी नु बोक्‍बाक्‍तेक्‍म। मारदे हना मेको सोक्‍त पाइश्‍शो आन सोक्‍त मेको गुगीलम बाक्‍त।
EZE 1:21 मेको सोक्‍त पाइश्‍शोपुकी गाक्‍मानु, मेकोपुकी यो गाक्‍बाक्‍तेक्‍म। मेको दिक्‍मानु, मेकोपुकी यो दिक्‍‍बाक्‍तेक्‍म। मेको रागी रे क्‍युक्‍स‍मानु, मेको गुगील क्‍युक्‍सी‍बाक्‍तेक्‍म। मारदे हना मेको सोक्‍त पाइश्‍शो आन सोक्‍त मेको गुगीलम बाक्‍त।
EZE 1:22 मेको सोक्‍त पाइश्‍शो आन पिया इर गे जिल जिल सिसा खोदेंशो बाक्‍तीक बाक्‍त।
EZE 1:23 मेको बाक्‍तीके आ दी गे आन फ्रां हाम्‍शो बाक्‍तेक्‍म। मेकोपुकी थिमुशो बाक्‍तेक्‍म। मेको सोक्‍त पाइश्‍शो आन फ्रां निक्‍शीम आन रां सुम्‍शो बाक्‍तेक्‍म।
EZE 1:24 मेको गाक्‍मानु, गो मेको आन फ्रां आन रेयके, ठेयब समुन्‍द्र आ रेयके खोदेंशो नेंता। मेको रेयके नेल्‍ल क्‍येङा सक्ति पाइश्‍शो बुंबु पाइब नु लडाइ पाइब आन ग्रांग्‍ये माग्‍ये पोक्‍शो रेयके खोदेंशो नेंता। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म।
EZE 1:25 मेको आन फ्रां लुक्‍च तोक्‍शा दिक्‍मानु, मेको आन पिया इर गे बाक्‍तीके रे सेंदा का ग्रूत। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म।
EZE 1:26 मेको आन पिया इर गे बाक्‍तीकेमी ठेयब नित्‍तीक का खोदेंशो बाक्‍त। मेको कोव़ङुनु नीर हीरा खोदेंशो तांइसाक्‍व। मिनु मेको ठेयब नित्‍तीकेम निप्‍ब आ रां मुर आ खोदेंशो बाक्‍त। प्रस्‍थान २४:१०; प्रकाश ४:२-३; यसैया ६:१
EZE 1:27 मिनु मेको आ क्रातो ङा ग्‍येत्‍थ ब्रशो जिलजिल पाइश्‍शो कांसा चुप्‍लुम ब्रशो मी खोदेंशो ताता। आ क्रातो ङा लुक्‍चु मी खोदेंशो पा ब्रशा शुश छेङछेङ बाक्‍त।
EZE 1:28 रेउ यिमेनु, गोस्‍सुम वाक्‍श दाप्‍शो खोदेंशो पा, मेको आ एर ओंथ नेल्‍ल छेङछेङ बाक्‍त। मेको परमप्रभु यावे आ छेङछेङ बाक्‍त। मिनु गो मेको तशा, खुम्‍की पा बाप्‍ती। मिनु मुर ब्‍वाक्‍शो खोदेंशो सेंदा नेंता। इजीकीएल ३:२३; इजीकीएल ८:४; इजीकीएल ९:३; इजीकीएल १०:४,१८; इजीकीएल ११:२३; इजीकीएल ४३:४; इजीकीएल ४४:४
EZE 2:1 मिनु मेकोमी आं कली “ए मुर, बोक्‍शा रपो। मिनु गो गे नु लोव़ पाइनुङ” देंत।
EZE 2:2 मिनु आं कली लोव़ पवानु, परमप्रभु यावे आ सोक्‍त आं आगाम ओव़शा, आं कली राप्‍पाइक्‍ती। मिनु आं कली लोव़ पशो नेंता।
EZE 2:3 मिनु मेकोमी आं कली “ए मुर, गो इ कली इस्राएल जात ङा मुर आन बाक्‍तीक सोइक्‍नन। मटीब रागी ङा मुर आन बाक्‍तीक सोइक्‍नन। मेकोपुकीम आं कली मटिशो बाक्‍नीम। मेको आन किकी पिपी नु मेकोपुकीम मुल सम्‍म हेंथे पा आं कली मटिशो बाक्‍नीम।
EZE 2:4 मेको आन चच युइ आं कली मटीब नु खकटा थुं पाइश्‍शो बाक्‍नीम। गो इ कली मेको आन बाक्‍तीक सोइक्‍नन। मिनु गे मेको आन कली ‘परमप्रभु, परमप्रभु यावेमी इन कली लोव़ पाइब’ देंत।
EZE 2:5 मेकोपुकीम नेन्‍मेक्‍ल कि मनेन्‍मेक्‍ल, मेकोपुकी नु लोव़ पावो। मारदे हना मेको मटीब आन खिं ङा मुर बाक्‍नीम। मिनु मेको आन दातेम परमप्रभु यावे आ लोव़ पाइब मुर का बाक्‍माक्‍त, दे तुइक्‍नीम। इजीकीएल २:७; इजीकीएल ५:११,२७
EZE 2:6 मिनु गे मेकोपुकी नु मेको आन लोव़ नेंशा महिनो। गे इ एर ओंथ चू नु चोंक बाक्‍तेक्‍म नु गे बिच्छी आन दातेम बाक्‍ते हना यो, महिनो। मेकोपुकीम मार देंतेक्‍म हना यो, मेको आन लोव़ क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम। येरमीया १:८
EZE 2:7 गे मेको आन कली आं लोव़ पचा माल्‍नेवे। मेकोपुकीम नेन्‍मेक्‍ल कि मनेन्‍मेक्‍ल। मारदे हना मेकोपुकी मटीब आन खिं ङा मुर बाक्‍नीम।
EZE 2:8 तन्‍न गे आं लोव़ नेनो। गे मेको मटीब आन खिं ङा मुर खोदेंशो मदुमो। इ शोव़ पाक्‍को। मिनु गो मार गेना, मेको जावो” देंत।
EZE 2:9 मिनु गो कोव़ङुनु, गुइ का आं गे दिंशो ताता। मेकेर ब्रेक्‍शा ओल्‍शो कागज का बाक्‍त। प्रकाश १०:८
EZE 2:10 मिनु मेकोम, मेको आं ङोंइती प्राक्‍शा कोंइताक्‍यी। मेको आ ङोंइती नु नोले, निम्‍फा पटटी ब्रेक्‍शो बाक्‍त। मेकेर हिशेक पतीके, रोंका पतीके नु आबी आबी, दे हिंतीके लोव़ ब्रेक्‍शो बाक्‍त।
EZE 3:1 मिनु मेकोमी आं कली “ए मुर, मेको इ ङोंइती बाक्‍शो ओल्‍शो कागज जावो। मिनु लशा इस्राएल आ खिं ङा मुर आन कली लोव़ पावो” देंत। येरमीया १५:१६; येरमीया १:९; प्रकाश १०:९-११
EZE 3:2 मोपतीके गो आं शोव़ पाक्‍ता। मिनु मेकोमी मेको ओल्‍शो कागज आं कली जचा गेती।
EZE 3:3 मिनु मेकोमी आं कली “ए मुर, आं गेशो ओल्‍शो कागज जावो। मिनु इ कोव़ज प्रिंदो” देंत। मोपतीके गो मेको जाता। मिनु मेको आं शोव़म खुदो खोदेंशो पा जिज दुम्‍त। भजन संग्रह ११९:१०३
EZE 3:4 मिनु मेकोमी आं कली “ए मुर, इस्राएली आन खिं लावो। मिनु मेको आन कली आं देंशो लोव़ नेल्‍ल नेंपाइक्‍मी।
EZE 3:5 मारदे हना गो इ कली मतुइक्‍चा ङा नु मरुप्‍चा ङा लोव़ ब्‍वाक्‍ब मुर आन बाक्‍तीक मसोइक्‍तन। तन्‍न इस्राएली आन खिं ङा मुर आन बाक्‍तीक सोइक्‍ताक्‍न।
EZE 3:6 गो इ कली मतुइक्‍चा ङा नु मरुप्‍चा ङा लोव़ ब्‍वाक्‍ब मुर आन दातेमी, मरुप्‍ब लोव़ पाइब मुर आन बाक्‍तीक मसोइक्‍तन। गो इ कली मोदेंशो मुर आन बाक्‍तीके सोइश्‍शो नङ हना, मेकोपुकीम इ लोव़ नेनेम वा।
EZE 3:7 तन्‍न इस्राएली आन खिं ङा मुरुम इ लोव़ मनें‍नीम। मारदे हना मेकोपुकीम आं लोव़ नेंचा मदाक्‍नीम। इस्राएली आन खिं ङा मुर नेल्‍ले काइ मटीब नु खकटा थुं पाइश्‍शो बाक्‍नीम।
EZE 3:8 गो इ कुल मेको आन कुल क्‍येङा बोल्‍यो सेल्‍ता। इ थुं मेको आन थुं क्‍येङा बोल्‍यो सेल्‍ता। यसैया ५०:७; येरमीया १:१८
EZE 3:9 गो इ थुं बोल्‍यो फुल्‍लु क्‍येङा बोल्‍यो चकमक खोदेंशो सेल्‍ता। गे मेको आन क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम” देंत।
EZE 3:10 मिनु मेकोम आं कली “ए मुर, गो इ कली देंशो लोव़ नेल्‍ल इ थुंम वोतो। मिनु नेनो।
EZE 3:11 मिनु मेको ग्‍याइश्‍शा लाइक्‍चा पुंइसीशो इ मुर आन बाक्‍तीक लावो। मिनु मेको आन कली लोव़ पावो। ‘परमप्रभु यावेमी इन कली लोव़ पाप्‍तु’ देनो। मेकोपुकीम नेन्‍मेक्‍ल कि मनेन्‍मेक्‍ल” देंत। इजीकीएल २:५,७
EZE 3:12 मिनु परमप्रभु यावे आ सोक्‍तीम आं कली इर क्‍युक्‍ती। मिनु गो “परमप्रभु यावे आ छेङछेङ ठेयब बाक्‍ब” देंशो नेंता। मिनु गो आं नोले गे ठेयब रेयके पशो नेंता। इजीकीएल १:२८
EZE 3:13 मेको रेयके सोक्‍त पाइश्‍शो आन फ्रां थिमुशो रेयके मेको आन नेक्‍था ङा गुगील रे ग्रूशो रेयके नु ख्रिनु कुशो रेयके बाक्‍त।
EZE 3:14 मिनु सोक्‍तीम आं कली क्‍युक्‍शा लाइक्‍ती। मिनु गो कशो थुं दुम्‍शा, गाइश्‍शा लती। मेना परमप्रभु यावे आ बोल्‍यो गुइम आं कली दिप्‍ती।
EZE 3:15 मिनु गो मेको केबार खोला आ नेक्‍था बाक्‍‍ब रागी रे ग्‍याइश्‍शा लाइक्‍चा पुंइसीशो आन बाक्‍तीक तेल-अबीब सहरम जाक्‍ती। मिनु गो ७ नाक्‍ती सम्‍म मेको आन दातेम ब्रिथ्री बाक्‍ती।
EZE 3:16 मिनु ७ नाक्‍त नोले परमप्रभु यावेमी आं कली लोव़ पाप्‍तु।
EZE 3:17 मार लोव़ पाप्‍तु देंशा हना “ए मुर, गो इ कली इस्राएली आन खिं ङा मुर आन कली खाल पाइब सेल्‍तन। गे आं देंशो लोव़ नेंतीवी हना, मेको आन कली आं लोव़ रे पा हिंच कोंइदीमी। इजीकीएल ३३:७; यसैया ५२:८; हिब्रू १३:१७
EZE 3:18 मिनु गो आं अरेशो लोव़ मटीब मुर का कली ‘गे थमा पा इ मटितीके आ पर्बम बेक्‍नेवे’ दे माइक्‍नुङ। मिनु गे मेको कली ब्रोंइचा कली हिंच मकोंइताक्‍वी हना, मेको आं अरेशो मटीब आ मरिम्‍शो पशो आ पर्बम बेक्‍ब। मेको मुर आ हुश आ क्‍येक्‍क इ रे पा ताक्‍नुङ। इजीकीएल १४:१०
EZE 3:19 तन्‍न गे मेको आं अरेशो लोव़ मटीब मुर कली हिंच कोंइताक्‍वी हना, नु मेको मुर आं अरेशो लोव़ मपतीक रे मलेत्‍त हना, मेको आं अरेशो मटिशो नु आ मरिम्‍शो पशो आ पर्बम बेक्‍ब। तन्‍न गे ब्रोंइनेवे।
EZE 3:20 मिनु ठीक पाइब मुर काम आ ठीक पतीक रे लेश्‍शा मरिम्‍शो पाप्‍तु हना, गो मेको आ ङोंइती दाइल पाइक्‍तीक फुल्‍लु वोइक्‍ता हना, मेको बेक्‍ब। गे मेको कली हिंच मकोंइतीके, मेको आ पापम पतीके बेक्‍ब। मेको आ ङोंइती ठीक पशो मारेइ ममिम्‍सीब। मिनु गो मेको आ हुश आ क्‍येक्‍क इ रे पा ताक्‍नुङ। इजीकीएल १८:२४
EZE 3:21 तन्‍न गे मेको ठीक पाइब मुर कली ‘पाप मपावो’ दे हिंच कोंइताक्‍वी हना नु मेकोमी पाप मपाप्‍तु हना, मेको थमा पा ब्रोंइब। मारदे हना मेकोम हिंच कोंइशो टिशो बाक्‍ब। मिनु गे ब्रोंइ‍नेवे” देंत।
EZE 3:22 मेना परमप्रभु यावे आ गुइम आं कली थिती। मेकोमी आं कली “बोक्‍को, बेंसीम लावो। मिनु गो मेकेर गे नु लोव़ पाइनुङ” देंत। इजीकीएल १:३
EZE 3:23 मोपतीके गो बोक्‍शा बेंसीम लती। मिनु गो केबार खोला आ नेक्‍थाम तशो परमप्रभु यावे आ छेङछेङ मेकेर यो बाक्‍त। मिनु गो खुम्‍की पा बाप्‍ती। इजीकीएल १:२८
EZE 3:24 मिनु सोक्‍त आं थुंम ओव़त। मिनु मेकोम आं कली राप्‍पाइक्‍ती। मिनु आं कली लोव़ पा “लावो, इ खिं लशा, लाप्‍चो चोक्‍शा बाक्‍को। इजीकीएल २:२
EZE 3:25 ए मुर, मेकोपुकीम इ कली डोरीम फ्रेंनीम। मिनु गे फ्रेंचा पुंइसीशा, मुर आन दातेम लचा मताइ‍नेवे।
EZE 3:26 मिनु गो इ लें इ कुंकुम खोक्‍पाइक्‍नुङ। मिनु गे मब्‍वाक्‍ब दुम्‍शा, मेको आन कली हुइक्‍ने मचाप्‍नेवे। मारदे हना मेकोपुकी मटीब आन खिं ङा मुर बाक्‍नीम।
EZE 3:27 तन्‍न गो, गे नु लोव़ पङानु, इ कली ब्‍वाक्‍ने चाप्‍ब सेल्‍नन। मिनु गे मेको आन कली ‘परमप्रभु, परमप्रभु यावेमी इन कली लोव़ पाइब। नेंने दाक्‍बम नेन्‍‍मेक्‍ल। नेंने मदाक्‍बमी मनेन्‍मेक्‍ल’ देनो। मारदे हना मेकोपुकी मटीब मुर आन खिं ङा मुर बाक्‍नीम” देंत।
EZE 4:1 मिनु परमप्रभु यावेमी “ए मुर, गे इंटा का चाक्‍शा इ ङोंइती वोतो। मिनु मेको तारी यरूसलेम सहर आ नकसा सेलो।
EZE 4:2 मिनु मेको कली पुम्‍शो कोंइदो। मेको आ एर ओंथ लडाइ पचा कली लाइश्‍शो खिं सेलो। मिनु मेको आ गारो ङोइक्‍चा कली खप तेलो। एर ओंथ लडाइ पाइब आन बाक्‍तीक सेलो। मिनु आ एर ओंथ मेको गारो प्रेत्‍चा कली मुडा ठीक सेलो।
EZE 4:3 मिनु नोले फलाम के ग्‍योंब का चाक्‍शा, सहर नु इ दातेम फलाम के गारो खोदेंशो पा वोतो। मिनु गे सहर गे कोव़ङो। मिनु मेको सहर कली पुम्‍शो सेल्‍शा कोंइदो। शुश पुम्‍शो कोंइदो। मेको इस्राएली आन खिं ङा मुर आन कली चिन्‍ड का दुम्‍ब।
EZE 4:4 मिनु नोले गे पेरा गे हिरशा इपो। मिनु इस्राएली आन खिं ङा मुर आन सजाइ ततीक इ तार वोतो। गे गिश नाक्‍ती सम्‍म मेक गे हिरशा बाक्‍नेवे, मिश नाक्‍ती सम्‍म मेको आन सजाइ ततीक कुरचा माल्‍नेवे।
EZE 4:5 मारदे हना गो इ कली गिश नाक्‍त मोपा बाक्‍चा माल्‍नेवे, मेको देंनुङ। मेको सहे सां ९० नाक्‍त दुम्‍चा माल्‍ब। नाक्‍त का के बर्स का बाक्‍ब। मोपा गे इस्राएली आन खिं ङा मुर आन सजाइ कुरचा माल्‍नेवे।
EZE 4:6 मिनु मेको नाक्‍त नेल्‍ल नुम नोले, लेंशा ग्‍युरा गे हिरशा इपो। मिनु मेना यहूदा आ खिं ङा मुर आन सजाइ कुरचा माल्‍नेवे। मिनु मेको आ पर्बम गो इ कली ४० नाक्‍त बाक्‍पाइक्‍नुङ। नाक्‍त का के बर्स का बाक्‍ब।
EZE 4:7 मिनु गे पुम्‍शो यरूसलेम गे कोव़शा, इ गुइ ङा वा तिल्‍शा, मेको सहर आ पर्बम नोले दुम्‍तीक लोव़ पावो।
EZE 4:8 कोव़ङो, गो इ कली डोरीम फ्रेंशा वोइक्‍नन। मोपा गे एको पुम्‍तीक नाक्‍ती नुप्‍चा क्‍येङा ङोंइती एर ओंथ लोक्‍सीने मचाप्‍नेवे।
EZE 4:9 मिनु मेको चेरब, क्‍योव़ज, सिबी, दाल, चिरस नु उवा चाक्‍शा ग्‍योंब काम कुर पा इ कली शोब्‍ले चोंइसो। गे मेको सहे सां ९० नाक्‍त सम्‍म मलोक्‍सीथु बाक्‍ङेनु, मेको जचा माल्‍नेवे।
EZE 4:10 इ नाक्‍ती ङा जचा थोव़क नाक्‍शा २० शेकेल ङा दुम्‍चा माल्‍ब। गे गेना हना यो गो देंङा ना जचा माल्‍नेवे। शेकेल का ११.५ ग्राम चांदी के क्‍येट बाक्‍ब।
EZE 4:11 गे तूचा कली ब्‍वाक्‍कु यो पुक्‍चा माल्‍नेवे। हिन का ६ भाग ङा भाग का तूचा माल्‍नेवे। मेको गेना तूचा माल्‍नेवे, इ कली देंनुङ। हिन का ४ लिटर खोदेंशो बाक्‍ब।
EZE 4:12 गे क्‍योव़ज के बटुक खोदेंशो सेल्‍शा जावो। गे मुर आन ङोंइती मुर आन ख्री चोशा, मेको चोचा माल्‍नेवे” देंत।
EZE 4:13 मिनु परमप्रभु यावेमी “मोपा इस्राएल ङा मुर आन शोब्‍ले जचा माल्‍नीम। गो मेको आन कली रागी रागी ङा मुर आन बाक्‍तीक खेरनुङमी। मेको आन दातेम मोदेंशो ग्रांग्रा दिशो शोब्‍ले जचा माल्‍नीम” देंत। होसे ९:३
EZE 4:14 मिनु गो “परमप्रभु, परमप्रभु यावे, गो आल रेन मोदेंशो ग्रांग्रा दिशो मदुम्‍शो नङ। गो गेनायो आंमा बेक्‍शो नु ब्‍वाकी ङा जन्‍तुम साइश्‍शो श्‍ये मब्‍वङ। ग्रांग्रा दिशो गेनायो मजङ” देंती। प्रस्‍थान २२:३०; प्रेरित १०:१४
EZE 4:15 मिनु मेकोम आं कली “दुम्‍ब, गो इ कली मुर आन ख्री आ पा ङा, इ शोब्‍ले चोचा कली गोबर गे‍नुङ” देंत।
EZE 4:16 मिनु मेकोमी आं कली “ए मुर, गो यरूसलेम रे अन्‍न तेक्‍नुङ। मेकोपुकीम हिंशा शोब्‍ले नाक्‍ना नाक्‍न जाइनीम। मिनु पुक्‍ना पुक्‍न सुर्ता पन पन ब्‍वाक्‍कु तूनीम। इजीकीएल ५:१६; लेवी २६:२६
EZE 4:17 मेकोपुकीम शोब्‍ले नु ब्‍वाक्‍कु मताइनीम। मुर काम अर्को कली तवानु ग्रीचोक पा हिंनीम। मिनु मेकोपुकी सजाइ ततीके सोव़ना सोव़न लाइनीम” देंत।
EZE 5:1 मिनु मेकोमी “ए मुर, हेश्‍शो तरवार का शेवो। मिनु मेकोम चां प्रेक्‍ब आन छूरा खोदेंशो पा इ चां नु इ गल शोक्रे प्रेक्‍को। मिनु मेको नाक्‍चा कली नाक्‍तीक चाक्‍को। मिनु मेको चां आन कली भाग सां पा योक्‍को।
EZE 5:2 मिनु मेको चां के भाग का सहर पुम्‍चा नुप्‍ची ना सहरम चोवो। मिनु अर्को भाग तरवारम सहर आ एर ओंथ फ्रावो। मिनु नोले ङा भाग फशेम बेरपतो। मारदे हना गो मेको आन कली तरवारम खेदा पाइनुङमी। इजीकीएल ५:२
EZE 5:3 तन्‍न गे मेको चां इच्‍का इ वाम तोल्‍शा वोइक्‍मी।
EZE 5:4 मिनु मेको रे यो इच्‍का ग्रुंइशा मीम चोवो। मेको रे पा इस्राएल ङा खिं नेल्‍लेम मी का ब्रशा ग्रूब” देंत।
EZE 5:5 मिनु परमप्रभु यावेमी “यरूसलेम एको बाक्‍ब। गो मेको कली रागी रागी आन दातेम वोइक्‍ता। मेको आ एर ओंथ नेल्‍ल रागी बाक्‍नीम।
EZE 5:6 तन्‍न मेकोम आं निसाफ पतीक लोव़ नु आं फुल्‍लुम मुशा ब्रेक्‍शो लोव़ मटीव। आ एर ओंथ बाक्‍शो रागी रागी नु जात जात ङा मुर आन क्‍येङा यो आं निसाफ पतीक लोव़ नु आं फुल्‍लुम मुशा ब्रेक्‍शो लोव़ मटीब बाक्‍ब” देंत।
EZE 5:7 मोपतीके परमप्रभु यावेमी “गे इ एर ओंथ रागी रागी ङा मुर आन क्‍येङा मरिम्‍शो पाइब बाक्‍नेवे। गे आं फुल्‍लुम मुशा ब्रेक्‍शो लोव़ नु आं निसाफ पतीके लोव़ मेको आन क्‍येङा मटीब बाक्‍नेवे। तन्‍न इ एर ओंथ ङा मुर आ निसाफ पतीक लोव़ पाइनेवे।
EZE 5:8 गो इ कली आंमा सजाइ गेनुङ। गो रागी रागी ङा मुर आन ङोंइती इ कली निसाफ पाइनुङ।
EZE 5:9 गो इ ग्रांग्रा दिशो मूर्ति आन कली पूजा पतीके गो इ कली ङोंइती गेनायो मगेशो सजाइ गेनन। मिनु नोले मोदेंशो सजाइ मगेनन।
EZE 5:10 थमा पा, इ दातेमी आम आफोम आन आल आन कली ब्‍वाइनीम। मिनु आलम यो आन आंम आफ आन कली ब्‍वाइनीम। गो इ कली सजाइ गेनन। मिनु इ लीशो मुर आन कली फशेम एर ओंथ बेरपाइक्‍नुङमी। ब्‍यवस्‍था २८:५३-५५
EZE 5:11 मोपतीके परमप्रभु, परमप्रभु यावेमी ‘गो ब्रोंइशा बाक्‍शो खोदेंशो पा, मो पाइनुङ। मारदे हना इ मूर्ति नु इ ग्रांग्रा दिशो गेयम आं बाक्‍तीक ग्रांग्रा दिशो सेल्‍तीके, गो इ कली खतम सेल्‍नुङ। गो इ कली शिशी मपथु सुइ आन कली ब्रोंइचा मगेनुङ। इजीकीएल ७:४; इजीकीएल ८:७-१८
EZE 5:12 इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२
EZE 5:13 मिनु गो गाइक्‍ना गाइक्‍न, मेको आन कली आं चुरशो कोंइशा, आं थुं नाइक्‍पाइक्‍नुङ। मिनु गो, परमप्रभु यावेमी आं रुश पतीकेमी मेको आन कली लोव़ पाता, दे तुइक्‍नीम। इजीकीएल १६:४२
EZE 5:14 गो इ कली श्‍येत्‍थ सेल्‍नुङ। गे रागी रागी ङा मुर आन दातेम नु इ नेक्‍था रे पा लाइब नेल्‍ल आन ङोंइती इ कली शुक्‍शी पाइक्‍चा पुंइसीब सेल्‍नन। ब्‍यवस्‍था २८:३७; येरमीया २४:९
EZE 5:15 गो आं गाइक्‍तीक नु चुरतीकेम इ कली निसाफ पाइनुङ। मिनु गे शुक्‍शी पाइक्चा पुंइसीतीके, मुने दोक्‍तीके नु हिंच कोंइतीके नु शुश हिंचा ङा दुम्‍नेवे। गो परमप्रभु यावेमी, एको लोव़ देंती।
EZE 5:16 मिनु गो इ कली साइक्‍ब अन्‍काल नु खतम दुम्‍तीके ब्रा खोदेंशो पा सोइक्‍नुङ, साइक्‍ब नु खतम दुम्‍तीक चाक्‍नुङ। मिनु मेको क्‍येङा अन्‍काल दुम्‍पाइक्‍नुङ। गो इ अन्‍न नेल्‍ल तेक्‍शा, ब्‍यवस्‍था ३२:२३-२४; इजीकीएल ४:१६
EZE 5:17 गो इ दातेमी अन्‍काल नु ब्‍वाकी ङा जन्‍तुपुकी सोइक्‍ताक्‍ङ हना, मेकोपुकीम इ आल रोइक्‍नीम। इ दातेम मुर बेक्‍तीक रोइ नु हुश ख्राक्‍श पोक्‍तीक दुम्‍शा बाक्‍ब। मिनु गो इ कली तरवारम साइक्‍नुङ’ गो परमप्रभु यावेमी, एको देंती” देंत।
EZE 6:1 मिनु परमप्रभु यावेमी आं कली लोव़ पाप्‍तु।
EZE 6:2 मार लोव़ पाप्‍तु देंशा हना “ए मुर, गे इस्राएल ङा पहाड गे कोव़शा, मेको आन पर्बम नोले दुम्‍ब लोव़ पावो। इजीकीएल ३६:१; मीका ६:१
EZE 6:3 गे ‘ए इस्राएल ङा पहाड परमप्रभु, परमप्रभु यावे आ लोव़ नेनीन। पहाड नु डांडा खोल्‍सा नु बेंसी आन कली परमप्रभु यावेमी, गो इन तार तरवार का चाक्‍नुङ। मिनु गो इन डांडा ङा थान आन कली खतम पोक्‍‍नुङमी।
EZE 6:4 इन थान श्‍येत्‍थ दुम्‍नीम। मिनु इन धूप चोतीक ब्रोल्‍नीम। मिनु गो इन साइश्‍शो मुर आन कली आन मूर्ति आन ङोंइती ताइक्‍नुङमी। लेवी २६:३०
EZE 6:5 गो इस्राएल ङा मुर आन बेक्‍शो रां मेको आन मूर्ति आन ङोंइती वोइक्‍नुङ। मिनु इन रुश इन चढ़ेतीक आन ङोंइती एर ओंथ फ्राइ‍नुङमी। २राजा २३:२४
EZE 6:6 गेपुकी ते बाक्‍तीनी हना यो, इन सहर श्‍येत्‍थ दुम्‍नीम। इन डांडा ङा थान नेल्‍ल खतम दुम्‍नीम। मोपा इन चढ़ेतीक श्‍येत्‍थ दुम्‍शा नु इन मूर्ति ब्रोल्‍शा खतम दुम्‍नीम। इन धूप चोतीक जिक्‍नीम नु इन गेय जाम्‍शा लाइब।
EZE 6:7 इन दातेमी मुर साइक्‍चा पुंइसीशा गोल्‍नीम। मिनु गेपुकीमी गो परमप्रभु यावे नङ, दे तुइक्‍नीनी।
EZE 6:8 तन्‍न गो गे इन दाते ङा का निक्‍शी आन कली ब्रोंइचा गेनुङमी। रागी रागी आन दाते ङा का निक्‍शी साइक्‍चा मपुंइसीनीम। मेकोपुकी रागी रागीम ब्रशा लाइनीम। यसैया ६:१३
EZE 6:9 मिनु मोदेंशो रागी रागीम ब्रोंइशा लीशोपुकी ग्‍याइश्‍शा लाइक्‍चा पुंइसीशो रागीम आं कली मिम्‍नीम। मिनु मेकोपुकीम आन दला दाक्‍स पशा, आं रे दिल्‍शा लशा, आन मूर्ति आन नोले खोइक्‍नी‍म। मेको आन पशो मरिम्‍शो नु ग्रांग्रा दिशो गेयम आंमा मुने दोक्‍नीम।
EZE 6:10 मिनु मेकोपुकीम गो परमप्रभु यावे नङ, दे तुइक्‍नीम’ देंचा माल्‍नेवे। गो मेको आन कली मोदेंशो श्‍येत मोशा मगेङमी” देंत।
EZE 6:11 मिनु परमप्रभु, परमप्रभु यावेमी “इन गुइ पोक्‍कीन। मिनु इन खोइल थाइक्‍तीन। इस्राएल आ खिं ङा मुर आन ग्रांग्रा दिशो गेय आ पर्बम ‘आबी आबी’ देनीन। मारदे हना मेकोपुकी तरवार, अन्‍काल नु मुर बेक्‍तीक रोइम बेक्‍नीम।
EZE 6:12 मेको ङोन बाक्‍बपुकी मुर बेक्‍तीक रोइम बेक्‍नीम। मिनु मेको आन नेक्‍था बाक्‍बपुकी तरवारम साइक्‍चा पुंइसीनीम। मिनु लीशो प्रोंइचा पुंइसीशोपुकी अन्‍कालम बेक्‍नीम। मोपा गो आं गाइश्‍शो मेको आन तार मोइक्‍नुङ।
EZE 6:13 मेको आन साइश्‍शो मुर आन मूर्ति आन दाते आन चढ़ेतीक आन एर ओंथ बाक्‍नीम। नेल्‍ल डांडा ङा थानम, नेल्‍ले पहाडम, नेल्‍ल रवा आन पुंम, शुश गिग रवा आन पुंम, नु मूर्ति आन कली धूप चोतीके नेल्‍लेम मोदेंशो बाक्‍ब। १राजा १४:२३
EZE 6:14 गो आं गुइ मेको आन पर्बम क्‍युक्‍नुङ। मिनु आन रागी रे श्‍येत्‍थ नु मुर मबाक्‍तीक सेल्‍नुङ। मेको गोरशो रागी रे रिब्‍ला सम्‍म मोदेंशो पाइनुङ। मेना मेकोपुकीमी गो परमप्रभु यावे नङ, दे तुइक्‍नीम” देंत। २राजा २५:२१
EZE 7:1 मिनु परमप्रभु यावेमी आं कली लोव़ पाप्‍तु।
EZE 7:2 मार लोव़ पाप्‍तु देंशा हना “ए मुर, परमप्रभु यावेमी इस्राएल रागी कली मार देंब देंशा हना ‘रागी नुप्‍तीके, एर ओंथ ङा सुर नेल्‍लेम जाक्‍ब।
EZE 7:3 मुल गे नुप्‍नेवे। गो इ कली तशा गाइक्‍ताक्‍ङ। गो इ पशो खोदेंशो पा इ कली निसाफ पाइक्‍नुङ। गो इ कली इ मूर्ति पूजा पशो आन पर्बम सजाइ गेनुङ।
EZE 7:4 गो इ कली शिशी मपथु, सुइ आन कली ब्रोंइचा मगेनुङ। गो इ कली इ गेय आ पर्बम नु इ मूर्ति पूजा आ पर्बम सजाइ गेनुङ। मिनु गे, गो परमप्रभु यावे नङ, दे तुइक्‍नेवे’ ” देंत। इजीकीएल ५:११; इजीकीएल ८:१८; इजीकीएल ९:१०
EZE 7:5 परमप्रभु, परमप्रभु यावेमी “हिंचा ङा श्‍येत, आ तार हिंचा ङा श्‍येत दुम्‍ब। कोव़ङो, मेको जाक्‍ब।
EZE 7:6 नुप्‍तीक नाक्‍ती जाक्‍ब। मेको इन पर्बम बोक्‍शा जाक्‍‍ब।
EZE 7:7 गे रागीम बाक्‍ब इन खतम दुम्‍तीके जाक्‍ब। नुप्‍तीक नाक्‍ती जाक्‍शा, इन नेक्‍था बाक्‍ब। डांडापुकीम कुम्‍सो पतीके ममाइ, ग्रांग्‍ये माग्‍ये दुम्‍शो बाक्‍ब।
EZE 7:8 मुल गो रीब पा गाइक्‍नुङ। मिनु आं चुरशो इ तार मोइक्‍नुङ। गो इ पशो खोदेंशो पा इ कली निसाफ पाइनुङ। मिनु इ मूर्ति पूजा पशो नेल्‍ल आन पर्बम सजाइ गेनन।
EZE 7:9 गो इ कली शिशी मपथु, सुइ आन कली ब्रोंइचा मगेनुङ। गो इ कली इ पशो खोदेंशो पा सजाइ गेनुङ। इ मूर्ति पूजा पशो इ दातेम बाक्‍ब। मिनु गो इ कली तुप्‍ब, परमप्रभु यावे नङ, दे तुइक्‍नेवे।
EZE 7:10 मेको नाक्‍ती मुल बाक्‍ब। इ खतम दुम्‍तीके जाक्‍ना जाक्‍न बाक्‍ब। कोक्‍के आ कोच्‍वा दाप्‍त। ठेयब लेत्‍तीक फू खोदेंशो पा बोइक्‍त। यसैया २:१२
EZE 7:11 हुश ख्राक्‍श पोक्‍तीके परमप्रभु यावे आ अरेशो मटीब आन कोक्‍के दुम्‍त। मेको आन दाते ङा मारेइ मलीब। मेको आन बाक्‍शो मारेइ मारेइ, आन शोंप नु आन ठेयब दुम्‍तीके मारेइ मलीब।
EZE 7:12 मेको खतम दुम्‍तीके जाक्‍चा चिक्‍शो बाक्‍ब। ग्‍याप्‍बपुकी मग्‍येरसमल। लेयबपुकी रोंका मपामेक्‍ल। मारदे हना मेको नेल्‍लेम परमप्रभु आ गाइश्‍शो ताइनीम।
EZE 7:13 मारदे हना मेको ब्रोंइम सम्‍म लेयचा मताइब। मारदे हना मेको तशो नेल्‍ल आन कली दुम्‍‍ब। मिनु आन मरिम्‍शो पतीके नेल्‍ल बेक्‍नीम।
EZE 7:14 मेकोपुकीम ग्रोव़ ताप्‍शा, मारेइ मारेइ ठीक पाम्‍तेक्‍म हना यो, का यो लडाइ पथ मलाइनीम। मारदे हना आं गाइश्‍शो मेको नेल्‍ल आन तार जुक्‍शो बाक्‍ब।
EZE 7:15 लाङगाम तरवारम साइक्‍ब। आगाम मुर बेक्‍तीक रोइ नु अन्‍कालम बेक्‍नीम। मिनु रूम बाक्‍ब आन कली तरवारम साइक्‍ब। सहरम बाक्‍ब अन्‍काल नु मुर बेक्‍तीक रोइम साइक्‍चा पुंइसीनीम।
EZE 7:16 मिनु ब्रोंइशा प्रोक्‍शो नेल्‍ल बेंसी ङा ढुकुर खोदेंशो पा पहाडम बाक्‍नीम। मेको आन मरिम्‍शो पशो आ पर्बम रोंका पा बाक्‍नीम।
EZE 7:17 मुर आन गुइ नेल्‍ल सक्ति मपाइश्‍शो दुम्‍नीम। आन पोक्‍च बोल मपाइश्‍शो दुम्‍नीम। यसैया १३:७
EZE 7:18 मेकोपुकीम अरन्‍डी फेक्‍चा माल्‍नीम। शुश हिंतीकेमी मेको आन कली सुम्‍ब। मेको नेल्‍ल आन कुल मुनेम सुम्‍सीचा माल्‍नीम। मेको नेल्‍ल आन पिया प्रेक्‍सीचा माल्‍नीम। येरमीया ४८:३७
EZE 7:19 मेकोपुकीम आन चांदी लांम ताइक्‍चा माल्‍नीम। मिनु आन सुन ग्रांग्रा दिशो थोव़क खोदेंशो दुम्‍चा माल्‍ब। मेको आन सुन चांदीम परमप्रभु यावे आ गाइश्‍शो नाक्‍ती मेको आन कली प्रोंइने मचाप्‍ब। मेको आन सुन चांदीम आन शोव़लु साइक्‍ने मचाप्‍ब। मेकोमी आन कोव़ज प्रिंने मचाप्‍नीम। मारदे हना मेको आन कली मरिम्‍शो पपाइक्‍ब मेकोन बाक्‍त। हितोपदेस ११:४; सेफन्‍याह १:१८
EZE 7:20 मारदे हना आन दारशो गहनामी ठेयब लेश्‍शा, आन ग्रांग्रा दिशो मूर्ति सेल्‍तेक्‍म। मोपतीके गो मेको आन सुन चांदी मेको आन कली ग्रांग्रा दिशो सेल्‍नुङ।
EZE 7:21 गो मेको नेल्‍ल अर्को रागी ङा मुर आन कली रोइक्‍पाइक्‍नुङमी। गो रागीम बाक्‍ब परमप्रभु यावे आ अरेशो मटीब आन कली रोइक्‍पाइक्‍नुङ। मिनु मेकोपुकीम मेको ग्रांग्रा दिशो सेल्‍नीम।
EZE 7:22 गो आं कुल मेको आन रे ख्रुइक्‍‍नुङ। मिनु मेकोपुकीम आं दाक्‍शो बाक्‍तीके ग्रांग्रा दिशो सेल्‍नीम। हुश ख्राक्‍श पोक्‍बपुकी मेकेर ओव़शा, ग्रांग्रा दिशो सेल्‍नीम।
EZE 7:23 साङलो का सेलीन। मारदे हना रागी हुश ख्राक्‍शेम ब्रीशो बाक्‍ब। मिनु सहर हुश ख्राक्‍श पोक्‍बपुकीम ब्रीशो बाक्‍ब।
EZE 7:24 गो रागी रागी ङा नेल्‍ल आन क्‍येङा मरिम्‍शो पाइब मुर आन कली मेको आन खिं रोइक्‍पाइक्‍नुङ। गो बोल्‍यो मुर आन ठेयब लेत्‍तीक नुप्‍पाइक्‍नुङ। मिनु मेको आन चोव़खो बाक्‍तीके ग्रांग्रा दिशो दुम्‍नीम।
EZE 7:25 शुश श्‍येत जाक्‍मेनु, मेकोपुकीम थुं नाइश्‍शा बाक्‍चा माल्‍नीम। तन्‍न मथित्‍नीम।
EZE 7:26 हिंचा ङा श्‍येत क्‍येङा हिंचा ङा श्‍येत जाक्‍ब। हिंचा ङा लोव़ क्‍येङा हिंचा ङा लोव़ नेंसीब। मेकोपुकीम परमप्रभु यावे आ लोव़ पाइबपुकी रे ‘मुल मार दुम्‍बा’ दे तुइक्‍चा माल्‍नीम। चढ़ेबपुकीमी मुर आन कली मशेंनीम। खाल्‍पा आन अर्ती गेतीक जाम्‍शा लने थुम्‍शो बाक्‍ब।
EZE 7:27 पिपम रोंका पाइब। पिप आ तौ आन थुं लुक्‍च लाइब। रागी ङा मुर आन गुइ ख्रिंख्रि पाइनीम। मेको आन पशो खोदेंशो पन, गो मेकोपुकी नु पाइनुङ। गो मेको आन पशो कोव़शा, मेको आन कली निसाफ पाइनुङ। गो मेको आन आंम कानुन आ पर्बम निसाफ पाइनुङ। मिनु मेकोपुकीमी गो परमप्रभु यावे नङ, दे तुइक्‍नीम” देंत।
EZE 8:1 मिनु ग्‍याइश्‍शा लाइक्‍चा पुंइसीशो ६ बर्स ङा ६ महिना ङा ५ नाक्‍त गो आं खिंम बाक्‍शो नङ। मेना यहूदा ङा खाल्‍पापुकी आं ङोंइती बाक्‍शो बाक्‍तेक्‍म। मिनु मेकेर बाक्‍शोनु, परमप्रभु, परमप्रभु यावेमी आं कली थिती। इजीकीएल १४:१
EZE 8:2 मिनु गो कोव़ङुनु, मुर खोदेंशो का ताता। मिनु मेको आ क्रातो ङा लुक्‍चु ब्रशो मी खोदेंशो नु आ क्रातो ङा ग्‍येत्‍थ जिलजिल पा टल्‍केशो कांसा खोदेंशो बाक्‍त। इजीकीएल १:२७; इजीकीएल १:४
EZE 8:3 मेकोम आ गुइ दिंशा आं चांम ग्‍याइश्‍शा छुल पोक्‍ती। मिनु सोक्‍तीम आं कली सरीङ नु रागी आस दातेम लाइक्‍ती। मिनु परमप्रभु यावे आ सोक्‍तीम आं कली यरूसलेमम लाइक्‍ती। मेकोमी आं कली परमप्रभु यावे आ खिं ङा उत्तर गे ङा आगा ङा लाङगा आ ओव़तीकेम चाक्‍ती। मेकेर रुश पपाइक्‍ब मूर्ति आन बाक्‍तीके बाक्‍त। मेकोमी रुश पपाइक्‍बाक्‍त। इजीकीएल ३:१२
EZE 8:4 मिनु इस्राएली आन परमप्रभु यावे आ छेङछेङ मेकेर बाक्‍त। गो मेको मोदेंशो छेङछेङ ङोंइती बेंसीम कोंइतीकेम ताता।
EZE 8:5 मिनु परमप्रभु यावेमी आं कली “ए मुर, मुल गे उत्तर गे कोव़ङो” देंत। मिनु गो उत्तर गे कोव़ङुनु, चढ़ेतीक आ उत्तर गे ङा लाप्‍चोम मेको रुश पपाइक्‍ब आ मूर्ति ताता।
EZE 8:6 मिनु मेकोमी आं कली “ए मुर, मेको आन पशो तवी? मार पन पन बाक्‍मा, गे मेको तवी? इस्राएली आन खिं ङा मुरपुकीम आं कली आं बाक्‍तीक रे खेरचा कली मेको ग्रांग्रा दिशो गेय पना पन बाक्‍नीम। तन्‍न गे मेको क्‍येङा यो शुश ग्रांग्रा दिशो गेय ताइनेवे” देंत।
EZE 8:7 मिनु मेकोम आं कली लाङगा ङा ओव़तीकेम चाक्‍दीत्‍ती। मिनु गो मेकेर ङा गारोम पोव़ला का ता‍ता।
EZE 8:8 मिनु मेकोम आं कली “ए मुर, मेको गारो ङा पोव़ला प्रेतो” दे माइक्‍ती। मिनु गो मेको गारो ङा पोव़ला प्रेत्‍ता। मिनु मेकेर ओव़तीक का बाक्‍त।
EZE 8:9 मिनु मेकोम आं कली “आगा ओव़शा, मेकोपुकीम पशो थम मरिम्‍शो नु ग्रांग्रा दिशो गेय कोव़ङो” देंत।
EZE 8:10 मोपतीके गो आगा ओव़शा कोव़ता। मिनु एर ओंथ नेल्‍ल गारोमी नेल्‍ल खाल ङा ग्रेशा गाक्‍ब जन्‍तु, ग्रांग्रा दिशो जन्‍तु, इस्राएली आन खिं ङा मूर्ति नेल्‍ल मेकेर ब्रेक्‍स पा सेल्‍शो ताता। रोमी १:२३
EZE 8:11 मिनु मेको आन ङोंइती इस्राएल ङा ७० जना खाल्‍पा राप्‍शो बाक्‍तेक्‍म। मिनु शाफान आ तौ याजन्‍याह मेको आन दातेम राप्‍शो बाक्‍त। मेको नेल्‍ल आन गुइम आन आन थनौरो बाक्‍तेक्‍म। मिनु धूप चोशो आ ब्रोव़शो रिना इर गे बोक्‍शो बाक्‍त। प्रस्‍थान २४:१; गन्‍ती ११:१६; लूका १०:१७; यसैया ६६:१७
EZE 8:12 नोले मेकोमी आं कली “ए मुर, इस्राएल आ खिं ङा खाल्‍पा छिङछिङम मार पाइनीमी, मेको आन आन मूर्ति कोठाम मार पना पन बाक्‍मा, तवी? मेकोपुकीम ‘परमप्रभु यावेमी आंइ कली मताइब। परमप्रभु यावेमी एको रागी प्रोंइने थुम्‍शो बाक्‍ब’ देंशो बाक्‍नीम” देंत। इजीकीएल ९:९
EZE 8:13 मिनु लेंशा मेकोम आं कली “गे मेको क्‍येङा यो शुश ग्रांग्रा दिशो गेय पना पन बाक्‍शो ताइनेवे” देंत।
EZE 8:14 नोले मेकोमी आं कली परमप्रभु यावे आ खिं ङा उत्तर गे ङा ओव़तीकेम चाक्‍दीत्‍ती। मिनु गो मेकेर तम्‍मुज देवता आ पर्बम ङाक्‍शो मीश मुरपुकी तातामी।
EZE 8:15 मिनु परमप्रभुमी आं कली “ए मुर, गे मेको तवी? गे मेको क्‍येङा यो शुश ग्रांग्रा दिशो गेय ताइनेवे” देंत।
EZE 8:16 मिनु मेकोम आं कली परमप्रभु यावे आ खिं ङा आगा ङा लाङगा चाक्‍दीत्‍‍ती। मिनु मेकेर परमप्रभु यावे आ खिं नु चढ़ेतीक आस दातेम २५ जना खोइ वोंइश मुर बाक्‍तेक्‍म। मेकोपुकीम आन ची परमप्रभु यावे आ खिं गे हिरशो बाक्‍तेक्‍म। आन कुल चहिं पूर्ब गे कोव़शा नां आ ङोंइती बाप्‍शो बाक्‍तेक्‍म। ब्‍यवस्‍था ४:१९; ब्‍यवस्‍था १७:३; २राजा २३:५,११; येरमीया ८:२
EZE 8:17 मिनु मेकोम आं कली “ए मुर, गे मेको तवी? मार, यहूदा आ खिं ङा मुर आन ग्रांग्रा दिशो गेय एकेर पचा माल्‍नीमी? मार, मेकोपुकीम रागी कली हुश ख्राक्‍श पोक्‍तीकेम प्रिंशा, आं कली मेको क्‍येङा गाइक्‍पाइक्‍चा माल्‍नीमी? कोव़ङो, मेको आन नेंम राशी वोइक्‍नीम। आन नेंम राशी वोइक्‍तीके थम मरिम्‍शो पतीके बाक्‍ब।
EZE 8:18 मोपतीके गो मेको आन कली आं गाइक्‍तीकेम गेय पाइ‍नुङ। गो मेको आन कली शिशी मपथु, सुइ आन कली ब्रोंइचा मगेनुङ। मेकोपुकीम ठेयब सेंदा पा पुंइशा ग्रीतेक्‍म हना यो, मेको आन लोव़ मनेंनुङ” देंत। इजीकीएल ७:४; यसैया १:१५
EZE 9:1 मिनु परमप्रभुमी ठेयब सेंदा पा “सहर ङा सजाइ गेब मुर आन नेक्‍था जाक्‍कीन। इन साइक्‍तीक या कुरशा जाक्‍कीन” दे ग्रीत।
EZE 9:2 मिनु गो ६ जना वोंइश मुर आइक्‍था ङा उत्तर गे ङा लाप्‍चो रे जाक्‍शो ताता। मेको नेल्‍लेमी साइक्‍चा कली या कुरशो बाक्‍तेक्‍म। मेको आन दातेमी बुश सुती वा फेक्‍शो ब्रेक्‍तीक कुरशो मुर का बाक्‍त। मेकोपुकी आगा ओव़शा कांसा के चढ़ेतीक आ नेक्‍था राप्‍तेक्‍म। इजीकीएल १०:२; दानीएल १०:५
EZE 9:3 मेना इस्राएली आन परमप्रभु आ छेङछेङ करूब आन दाते रे इर गे याक्‍सीशा परमप्रभु यावे आ खिं आ लाप्‍चोम जाक्‍दीन्‍ने थुम्‍शो बाक्‍त। मिनु मेकोमी मेको सुती के वा फेक्‍शो ब्रेक्‍तीक कुरशो मुर कली
EZE 9:4 “यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३
EZE 9:5 मिनु मेकोमी आं नेंचा ङा पा अरु आन कली “गेपुकी मेको आ नोले लशा, सहर एर ओंथ गाक्‍शा मुर आन कली सतीन। मेको आन कली शिशी मपथु, सुइ आन कली ब्रोंइचा मगेने।
EZE 9:6 खूशो, ठिटा ठिटी, मीश मुर नु आल ब्रेप्‍च नेल्‍ल आन कली सतीन। तन्‍न आन कुप्‍फीम मेको चिन्‍ड पाइश्‍शो आन कली मथिने। आं बाक्‍तीक रे मेको मो पचा गोने” दे माइक्‍तीमी। मिनु मेकोपुकीम मेको परमप्रभु यावे आ खिं आ ङोंइती बाक्‍शो खाल्‍पा आन रेन मो पचा गोम्‍तेक्‍म। येरमीया २५:२९
EZE 9:7 मिनु मेकोमी मेको आन कली “आं खिं ग्रांग्रा दिशो सेलीन। साइश्‍‍शो मुर आन कली लाङगाम प्रिंदीने, लने” दे माइक्‍तीमी। मोपतीके मेकोपुकी सहरम लशा, मुर आन कली साइक्‍तेक्‍म।
EZE 9:8 मेकोपुकीम साइक्‍ना साइक्‍न लाम्‍तेक्‍म। गो चहिं आं का ला बाक्‍ती। मिनु गो खुम्‍की पा बाप्‍शा ठेयब सेंदा पा “परमप्रभु, परमप्रभु यावे, इन गाइश्‍शो यरूसलेम कली मोइक्‍नीनु, इस्राएल ङा लीशो नेल्‍ल आन कली यो साइक्‍नीनी?” देंती। इजीकीएल ११:१३
EZE 9:9 मिनु मेकोमी आं कली “इस्राएल नु यहूदा ङा मुर आन खिं ङा मुर आन दोस थम ठेयब बाक्‍ब। रागी नेल्‍ल हुश ख्राक्‍शेम ब्रीशो बाक्‍ब। मिनु सहर दूली पतीकेम ब्रीशो बाक्‍ब। मारदे हना मेकोपुकीम ‘परमप्रभु यावेमी एको रागी प्रोंइशो बाक्‍ब। मिनु परमप्रभु यावेमी मारेइ मताइब’ देंनीम। इजीकीएल ८:१२
EZE 9:10 मोपतीके गो मेको आन कली शिशी मपथु सुइ आन कली ब्रोंइचा मगेनुङ। मेको आन पशो खोदेंशो पा सजाइ गेनुङमी” देंत। इजीकीएल ७:४
EZE 9:11 मिनु मेको सुती वा फेक्‍शो ब्रेक्‍तीक कुरशो मुरुम “गो इन अरेशो खोदेंशो पाता” देंत।
EZE 10:1 मिनु कोव़ङुनु, मेको करूब आन पिया आन तारी ङा बाक्‍तीके आ इर नीर माइश्‍शो हीरा खोदेंशो बाक्‍त। मेको ठेयब नित्‍तीक का खोदेंशो बाक्‍त।
EZE 10:2 मिनु परमप्रभु यावेमी मेको सुती के वा फेक्‍शो मुर कली “करूब आन दी गे बाक्‍शो गुगील आन दातेम लावो। मिनु मेको करूब आन दातेम बाक्‍शो मी आ कोइला हुइश्‍शा, सहर आन तार फ्रावो” दे माइक्‍तु। मिनु आं कोव़ना कोव़न, मेको आगा ओव़त। इजीकीएल ९:२; प्रकाश ८:५
EZE 10:3 मिनु मेको मुर आगा ओव़मेनु, करूब परमप्रभु यावे आ खिं आ दक्‍खिन गे बाक्‍तेक्‍म। मिनु गोस्‍स काम परमप्रभु यावे आ खिं ङा आगा ङा लाङगा ब्रीत।
EZE 10:4 मिनु परमप्रभु यावे आ छेङछेङ करूब आन रे परमप्रभु यावे आ खिं आ लाप्‍चो गे लत। मिनु गोस्‍सुम खिं ब्रीत। मिनु आ लाङगा परमप्रभु यावे आ छेङछेङ ङा हाम्‍सोम ब्रीत। इजीकीएल १:२८; प्रस्‍थान ४०:३४; यसैया ६:४
EZE 10:5 मेको करूब आन फ्रां आन रेयके लाङगा सम्‍म नेंसी बाक्‍त। मेको परमप्रभु यावे ब्‍वाक्‍शो खोदेंशो पा नेंसी बाक्‍त।
EZE 10:6 मिनु परमप्रभु यावेमी मेको सुती के वा फेक्‍शो मुर कली “मेको गुगील आन दातेम लशा करूब आन दाते ङा मी पितो” दे अरेवानु, मेको गुगील आ नेक्‍था राप्‍त।
EZE 10:7 मिनु करूब काम आ गुइ करूब आन बाक्‍तीक ङा मी गे दिंताक्‍व। मिनु मेकोमी मी आ कोइला हुइश्‍‍शा, मेको सुती के वा फेक्‍सीशो मुर आ गुइम कुर पाप्‍तु। मिनु मेको मी कुरशा लाङगा ग्रूत।
EZE 10:8 मेको करूब आन फ्रां आगाम मुर आन गुइ खोदेंशो तांइसाक्‍व।
EZE 10:9 मिनु कोव़ङुनु, मेकेर ४ ओटा गुगील करूब आन नेक्‍था बाक्‍तेक्‍म। करूब का आ नेक्‍था गुगील का बाक्‍त। मेको गुगीलपुकी टल्‍केशो पित मनी माइश्‍शो हीरा खोदेंशो बाक्‍तेक्‍म।
EZE 10:10 मिनु मेको गुगील नेल्‍ल खाल का ङा बाक्‍तेक्‍म। गुगील का आगाम अर्को गुगील बाक्‍शो खोदेंशो तांइसाक्‍म।
EZE 10:11 मेकोपुकी गाक्‍मानु, तेइ महिरथु ग्‍येत्‍थ गे उत्तर, दक्‍खिन, पूर्ब नु पच्‍छिम गे गाक्‍बाक्‍तेक्‍म। मेको ङोंइती ङा गुगील ते ते लमे, अर्को यो मेक मेक गे लाइबाक्‍तेक्‍म।
EZE 10:12 मेको आन रां नेल्‍ल, मेको आन ची, मेको आन गुइ, फ्रां नु मेको ४ ओटा करूब आन गुगील नेल्‍ल मिक्‍ची मिक्‍च पाइश्‍शो बाक्‍तेक्‍म।
EZE 10:13 गो मेको आन कली “गेय पाइब गुगील” देंशो नेंता।
EZE 10:14 मेको करूब नेल्‍ल आन के ४ ओटा कुल बाक्‍तेक्‍म। ङोंइती ङा कुल करूब के, मेको आ नोले ङा कुल मुर के, मेको आ नोले ङा कुल गुप्‍स के नु नेल्‍ल क्‍येङा नोले ङा कुल ककाकुली के खोदेंशो बाक्‍तेक्‍म। इजीकीएल १:१०
EZE 10:15 मिनु मेको करूबपुकी इर गे लाम्‍तेक्‍म। मेको ङोंइती ङा सोक्‍त पाइश्‍शोपुकी बाक्‍तेक्‍म। ङोंइती गो मेको आन कली केबार खोला आ नेक्‍था तशो नङमी। इजीकीएल १:१
EZE 10:16 मिनु मेको करूब गाक्‍मानु, मेको गुगील आन नेक्‍था गाक्‍बाक्‍तेक्‍म। करूब इर लचा कली आन फ्रां ग्‍येत्‍थ क्‍युक्‍गमेनु, मेको आन नेक्‍था बाक्‍शो गुगील महिरथु, गाक्‍बाक्‍तेक्‍म। इजीकीएल १:१९
EZE 10:17 मिनु मेको करूब दिक्‍‍मानु, मेको गुगील यो दिक्‍‍बाक्‍तेक्‍म। मेको करूब इर गे बोक्‍मानु मेको गुगील यो मेको नु बोक्‍बाक्‍तेक्‍म। मारदे हना मेको सोक्‍त पाइश्‍शो आन सोक्‍त मेको गुगीलमीन बाक्‍त।
EZE 10:18 मिनु परमप्रभु यावे आ छेङछेङ आ खिं ङा लाप्‍चो रे ग्रूशा, करूब आन तार गे दिक्‍त। इजीकीएल १:२८
EZE 10:19 मिनु मेको करूबम आन आन फ्रां क्‍युक्‍‍तेक्‍म। मिनु आं ङोंइती खप रे इर गे लाम्‍तेक्‍म। मिनु मेको लमानु, मेको गुगील यो मेको नु इर गे लाम्‍तेक्‍म। मिनु मेकोपुकी परमप्रभु यावे आ खिं आ पूर्ब गे ङा लाप्‍चो आ नेक्‍था दिक्‍तेक्‍म। मिनु इस्राएल ङा परमप्रभु आ छेङछेङ मेको आन तार गे बाक्‍त।
EZE 10:20 मेको केबार खोला आ नेक्‍था इस्राएली आन परमप्रभु आ आगाम बाक्‍शो आं तशो सोक्‍त पाइश्‍शो बाक्‍तेक्‍म। मिनु गो मेको करूब बाक्‍मा बाक्‍त, दे तुइक्‍ताक्‍ङ।
EZE 10:21 मेको नेल्‍ल आन के ४ ओटा कुल नु ४ ओटा फ्रां बाक्‍तेक्‍म। मिनु मेको आन फ्रां आगाम मुर आन गुइ खोदेंशो बाक्‍तेक्‍म।
EZE 10:22 मेको आन कुल केबार खोला आ नेक्‍था आं तशो सोक्‍त पाइश्‍शो आन कुल खोदेंशो बाक्‍तेक्‍म। मेकोपुकी तेइ लमानु, ङोंइती गे पा गाक्‍बाक्‍तेक्‍म।
EZE 11:1 मिनु सोक्‍तीम आं कली क्‍युक्‍‍शा, परमप्रभु यावे आ खिं ङा पूर्ब गे ङा लाप्‍चोम चाक्‍ती। मेको पूर्ब गे कोव़शो बाक्‍त। मिनु मेको आगा ओव़तीके‍मी २५ जना मुर बाक्‍तेक्‍म। गो मेको आन दातेम इस्राएल ङा ठेयब मुर अज्‍जुर आ तौ याजन्‍याह नु बेनायाह आ तौ पेलात्‍याह आस कली यो तातासी। इजीकीएल ३:१२
EZE 11:2 मिनु परमप्रभु यावेमी आं कली “ए मुर, मेकोपुकीम एको सहरम मरिम्‍शो पचा कली नु परमप्रभु यावे आ अरेशो लोव़ मटिचा कली अर्ती गेशा शेंशो बाक्‍तेक्‍म।
EZE 11:3 मेकोपुकीम ‘खिं सेल्‍तीक नाक्‍ती रीब पा मजाक्‍बा कों? एको सहर कराइ खोदेंशो बाक्‍ब। मिनु गो चहिं श्‍ये बाक्‍नय’ देंनीम। इजीकीएल २४:३-१४
EZE 11:4 मोपतीके ए मुर, मेको आन पर्बम नोले दुम्‍ब लोव़ पावो। आं देंशो लोव़ पावो” देंत।
EZE 11:5 मिनु परमप्रभु यावे आ सोक्‍त आं तार जाक्‍त। मिनु मेकोम आं कली “परमप्रभु यावेमी ‘ए इस्राएल आ खिं ङा मुर, गे मार मिम्‍शो बाक्‍नीनी, गो मेको नेल्‍ल तुइक्‍नुङ।
EZE 11:6 गेपुकीम एको सहरम शुश मुर आन कली साइश्‍शा, आ लां नेल्‍ल बेक्‍शो मुरुम प्रिंपाइक्‍तीनी’ देंत।
EZE 11:7 मोपतीके परमप्रभु, परमप्रभु यावेमी ‘गे सहरम साइश्‍शा इन ताइश्‍शो मुर श्‍ये बाक्‍नीम। मिनु एको सहर कराइ बाक्‍ब। तन्‍न गो इन कली सहर रे ग्रुंइनुङ।
EZE 11:8 गेपुकी तरवार तशा हिंतीनी। तन्‍न गो इन पर्बम तरवार चाक्‍शा साइक्‍पाइक्‍नन्‍नी।
EZE 11:9 गो इन कली सहर रे ग्रुंइनन्‍नी। मिनु अर्को रागी ङा मुर आन गुइम गेनन्‍नी। मिनु इन कली निसाफ पाइक्‍नुङ।
EZE 11:10 गेपुकी तरवारम साइक्‍चा पुंइसीशा गोल्‍नीनी। गो इन कली इस्राएल आ सांदम निसाफ पाइनुङ। मिनु गेपुकीम गोन परमप्रभु यावे नङ, दे तुइक्‍नीनी। २राजा २५:२०-२१
EZE 11:11 एको सहर इन कली कराइ मदुम्‍ब। मिनु गे मेको कराइ ङा श्‍ये मदुम्‍नीनी। गो इन कली इस्राएल आ सांदम निसाफ पाइनुङ।
EZE 11:12 मेना गेपुकीम गो परमप्रभु यावे नङ, दे तुइक्‍नीनी। गेपुकीम आं फुल्‍लु मुशा ब्रेक्‍शो लोव़ मटिनी। आं निसाफ पतीक लोव़ यो मटिनी। तन्‍न गे इन एर ओंथ बाक्‍ब रागी रागी ङा मुर आन पतीक लोव़ पाइ‍तीनी’ ” दे परमप्रभु यावेमी देंत।
EZE 11:13 गो परमप्रभु यावे आ लोव़ पना पन बाक्‍ङानु, बेनायाह आ तौ पेलात्‍याह बेक्‍त। मिनु गो खुम्‍की पा बाप्‍शा ठेयब सेंदा पा “परमप्रभु, परमप्रभु यावे, मार, गे इस्राएल ङा लीशो नेल्‍ल आन कली साइक्‍नीनी?” देंती। इजीकीएल ९:८
EZE 11:14 मिनु परमप्रभु यावेमी आं कली लोव़ पाप्‍‍तु।
EZE 11:15 मार लोव़ पाप्‍तु देंशा हना “ए मुर, इ लोक्‍बपुकी, इ खिं ङा मुर, ग्‍याइश्‍शा लाइक्‍चा पुंइसीशो इ लोक्‍बपुकी, इस्राएल आ खिं ङा मुर नेल्‍ल आन पर्बम यरूसलेमम बाक्‍ब मुरपुकीमी ‘मेकोपुकी परमप्रभु यावे रे ङोन लाम्‍तेक्‍म। मोपा एको रागी इं कली अधिकार पचा कली गेशो बाक्‍त’ देंशो बाक्‍तेक्‍म” देंत।
EZE 11:16 मोपतीके परमप्रभु, परमप्रभु यावेमी “गो मेको आन कली ङोन रागी रागी ङा मुर आन दातेम सोइक्‍ताक्‍ङमी। गो मेको आन कली राज्‍य राज्‍य आन दातेमी फ्रात हना यो, इच्‍का नाक्‍ती सम्‍म मेको आन परमप्रभु दुम्‍ती। इजीकीएल ६:८-१०
EZE 11:17 मोपतीके गे मेको आन कली ‘गो इन कली जात जात ङा मुर आन दाते रे खुप्‍नन्‍नी। मिनु ब्रशा लशो रागी नेल्‍ले रे पा खुप्‍नन्‍नी। मिनु गो इन कली इस्राएल रागी गेनन्‍नी। येरमीया २४:५-६; येरमीया २९:२४
EZE 11:18 मिनु मेकोपुकी लेश्‍शा जाक्‍शा, मेकेर ङा ग्रांग्रा दिशो थोव़क नु मूर्ति नेल्‍ल ग्रुंइशा ताइक्‍नीम।
EZE 11:19 मिनु गो मेको आन कली थुं का ङा दुम्‍पाइक्‍नुङमी। मिनु मेको आन आगामी नक सोक्‍त का कुरपाइ‍नुङ। मिनु गो मेको आन फुल्‍लु खोदेंशो थुं ग्रुंइशा, श्‍ये के थुं कुरपाइ‍नुङमी। इजीकीएल ३६:२६; येरमीया २४:७
EZE 11:20 मिनु मेकोपुकीमी आं फुल्‍लुम मुशा ब्रेक्‍शो लोव़ पशा, आं निसाफ पतीक लोव़ टीनीम। मिनु मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। इजीकीएल १४:११; येरमीया ७:२३
EZE 11:21 तन्‍न मेको आन ग्रांग्रा दिशो मारेइ मारेइ मूर्ति आन नोले खोइक्‍ब आन कली आन पशो नेल्‍ल आन पियामीन मोइक्‍नुङमी, दे परमप्रभु, परमप्रभु यावेमी देंत’ दे मतो” देंत।
EZE 11:22 मिनु नोले आ नेक्‍था गुगील बाक्‍शो करूबमी आन फ्रां प्राक्‍तेक्‍म। मेना इस्राएली आन परमप्रभु आ छेङछेङ मेको आन तार बाक्‍त। इजीकीएल १:२८
EZE 11:23 मिनु परमप्रभु यावे आ छेङछेङ सहर आ दाते रे क्‍युक्‍सीशा इर गे लत। मिनु सहर ङा पूर्ब गे बाक्‍शो पहाड तार दिक्‍त।
EZE 11:24 मिनु परमप्रभु यावे आ सोक्‍तीम आं कली इर क्‍युक्‍ती। मिनु कोंइतीके कोंइशोमी आं कली कल्‍दी रागीम ग्‍याइश्‍शा लाइक्‍चा पुंइसीशो आन बाक्‍तीकेम चाक्‍दीत्‍ती। मिनु नोले मेको कोंइतीके आं रे इर गे लाक्‍तु। इजीकीएल ३:१२
EZE 11:25 मिनु गो ग्‍याइश्‍शा लाइक्‍चा पुंइसीशो आन कली परमप्रभु यावे आ लोव़ नेल्‍ल शेंताक्‍ङमी।
EZE 12:1 परमप्रभु यावेमी आं कली लोव़ पाप्‍तु।
EZE 12:2 मार लोव़ पाप्‍तु देंशा हना “ए मुर, गे काइ मटीब खिं ङा मुर आन दातेम बाक्‍शो बाक्‍नेवे। मेको आन के मिक्‍च बाक्‍त हना यो, मताइनीम। मेको आन के नोफा बाक्‍त हना यो, मनेंनीम। येरमीया ५:२१
EZE 12:3 मारदे हना मेकोपुकी मटीब मुर आन खिं ङा बाक्‍नीम। मोपतीके गे रागी रे ग्‍याइश्‍शा लाइक्‍चा पुंइसीशो मुर खोदेंशो पा इ कुम्‍लो खिक्‍सो। मिनु नाक्‍तीन मेको आन ङोंइती इ बाक्‍तीक रे ग्‍याइश्‍शा लाइक्‍चा पुंइसीशो खोदेंशो पा अर्को ठाउं लावो। मेकोपुकी मटीब खिं ङा मुर बाक्‍तेक्‍म हना यो, रुप्‍नीमी कों?
EZE 12:4 गे ग्‍याइश्‍शा लाइक्‍चा पुंइसीशो दुम्‍चा कली, मेको आन ङोंइती नाक्‍तीन इ मार मार फ्रेंदो। मिनु मेको आन ङोंइती रे ग्‍याइश्‍शा लाइक्‍चा पुंइसीशो मुर खोदेंशो पा नाक्‍दो लावो।
EZE 12:5 मेकोपुकीम तचा ङा पा गारोम पोव़ला ख्रितो। मिनु इ कुम्‍लो मेकेर रे पा ख्रीङो।
EZE 12:6 मेकोपुकीम कोव़न कोव़ना गे इ कुम्‍लो इ बलाम कुरो। मिनु नां रिक्‍मेनु कुरशा गाक्‍को। रागी मतचा ङा पा इ कुल सुम्‍सो। मारदे हना गो इ कली इस्राएल आ खिं ङा मुर आन पर्बम चिन्‍ड का सेल्‍शो बाक्‍नुङ” देंत। इजीकीएल २४:२४,२७
EZE 12:7 गो मेको आ अरेशो खोदेंशो पाता। मिनु ग्‍याइश्‍शा लाइक्‍चा पुंइसीशो दुम्‍चा कली नाक्‍तीन आं कुम्‍लो फ्रेंशा ग्रुंइताक्‍ङ। मिनु नाक्‍दो गारोम पोव़ला ख्रित्‍ता। मिनु मेको आन तन तना आं कुम्‍लो बलाम कुरशा नाक्‍दो गाक्‍ती।
EZE 12:8 मिनु आ सुनी परमप्रभु यावेमी आं कली लोव़ पाप्‍तु।
EZE 12:9 मार लोव़ पाप्‍तु देंशा हना “ए मुर, मार, मेको इस्राएल ङा मटीब खिं ङा मुरपुकीम ‘गे मार पवी’ दे इ कली हिल्‍लो मपामे?” देंत।
EZE 12:10 मेको आन कली “परमप्रभु, परमप्रभु यावेमी मार देंत देंशा हना ‘एको लोव़ यरूसलेम ङा सासन पाइब नु इस्राएल ङा मुर नेल्‍ल आन पर्बम बाक्‍ब’ दे माइक्‍मी।
EZE 12:11 मेको आन कली ‘गो गे इन कली चिन्‍ड का दुम्‍ती। गो मार पङा, मेको आन कली पाइ‍नीमी। मेकोपुकी रागी रे ग्‍याइश्‍शा लाइक्‍चा पुंइसीनीम’ देंत।
EZE 12:12 मेको आन दातेम बाक्‍शो सासन पाइबमी नाक्‍दो आ बलाम मार मार कुरशा गाक्‍ब। मिनु लाङगा ग्रूचा कली गारोम पोव़ला ख्रिप्‍ब। मिनु मेकोम आ रागी मकोव़चा कली आ कुल सुम्‍ब। २राजा २५:४
EZE 12:13 गो मेको आ तार आं ग्‍याइल आप्‍नुङ। मिनु मेको आं ग्‍याइलीम बिक्‍ब। मिनु गो मेको कली कल्‍दी आन रागी बेबीलोनम चाक्‍नुङ। तन्‍न मेकोम, मेको रागी मताइब। मिनु मेकेरन बेक्‍ब। इजीकीएल १७:२०; येरमीया ३९:७
EZE 12:14 मेको आ एर ओंथ बाक्‍ब आ गेय पाइबपुकी नु आ लडाइ पाइब नेल्‍ल आन कली फशेम एर ओंथ ब्रपाइक्‍नुङमी। मिनु तरवार शोइश्‍शा खेदा पाइनुङमी।
EZE 12:15 मिनु गो मेको आन कली रागी रागी ङा मुर आन दातेम फ्राइ‍‍नुङमी। राज्‍य राज्‍यम एर ओंथ ब्रपाइक्‍नुङमी। मिनु मेकोपुकीम गोन परमप्रभु यावे नङ, दे तुइक्‍नीम।
EZE 12:16 तन्‍न गो मेको आन दाते ङा का निक्‍शी आन कली तरवार, अन्‍काल नु मुर बेक्‍तीक रोइ रे प्रोंइनुङमी। मिनु मेकोपुकी ते ते बाक्‍नीमी, मेक मेक ङा रागी रागी ङा मुर आन दातेम आन ग्रांग्रा दिशो गेय पशो आ पर्बम बित्‍‍चीम ला मो पका बाक्‍त देंमल। मिनु मेकोपुकीम गोन परमप्रभु यावे नङ, दे तुइक्‍नीम” दे परमप्रभुम देंत। इजीकीएल ६:८
EZE 12:17 मिनु लेंशा परमप्रभु यावेम आं कली लोव़ पाप्‍तु।
EZE 12:18 मार लोव़ पाप्‍तु देंशा हना “ए मुर, गे इ जचा थोव़क जवीनु ख्रिंख्रि पा जावो। मिनु ब्‍वाक्‍कु तूङीनु, हिंशा गिक गिक पा ख्रिंख्रि पा तूङो।
EZE 12:19 मिनु रागी ङा मुर नु यरूसलेम नु इस्राएल रागीम बाक्‍ब मुर आन कली परमप्रभु, परमप्रभु यावेमी ‘मेको आन जचा थोव़क हिंशा जाइनीम। मिनु सुर्ता पा ब्‍वाक्‍कु तूनीम। मारदे हना मेकेर बाक्‍ब आन मरिम्‍शो पतीके, मेको रागी नु मेकेर बाक्‍शो मारेइ मारेइ गोरशो सेल्‍नुङ।
EZE 12:20 मुर बाक्‍शो सहर नेल्‍ल श्‍येत्‍थ दुम्‍नीम। मिनु रागी नुप्‍ब। मिनु गेपुकीम गो परमप्रभु यावे नङ, दे तुइक्‍नीनी’ देंशो बाक्‍ब” देंत।
EZE 12:21 मिनु लेंशा परमप्रभु यावेमी आं कली लोव़ पाप्‍तु।
EZE 12:22 “ए मुर, इस्राएल रागी आ पर्बम मार लोव़ बाक्‍बा? नाक्‍ती लाक्‍ना लाक्‍न बाक्‍नीम। मिनु परमप्रभु यावे आ कोंइतीके मखाप्‍‍नीम। २पत्रुस ३:४
EZE 12:23 मोपतीके मेको आन कली ‘परमप्रभु, परमप्रभु यावेमी, गो मेको मो देंतीक लोव़ आ अर्थ साम्‍नुङ। मिनु मेकोपुकीम इस्राएलम मेको देंतीक लोव़ गेनायो मदेंनीम’ दे माइक्‍मी। मेको आन कली ‘नाक्‍त नेक्‍थान जाक्‍शो बाक्‍नीम। कोंइतीक नेल्‍ल गाप्‍ब। हबकुक २:३
EZE 12:24 मारदे हना मुल लेंशा गेनायो इस्राएली आन दातेम जोल पा कोंइतीके नु लेम्‍शा लिंक्‍यु कोव़ब मदुम्‍नीम।
EZE 12:25 मारदे हना गो, परमप्रभु यावे आं देंशो लोव़ पशा, खाप्‍नुङ। मेको देश मपाइब रीब पा दुम्‍ब। ए मटीब खिं ङा मुर, इन पालामीन गो आं देंशो लोव़ खाप्‍नुङ’ दे परमप्रभु, परमप्रभु यावेमी देंशो बाक्‍ब” देंत।
EZE 12:26 मिनु लेंशा परमप्रभु यावेमी आं कली लोव़ पाप्‍तु।
EZE 12:27 मेकोमी “ए मुर, इस्राएल आ खिं ङा मुरपुकी, मेको आ कोंइतीकेमी कोंइशो लोव़ शुश बर्स नोले ला दुम्‍ब। मेको नोले दुम्‍ब लोव़ बाक्‍ब।
EZE 12:28 मोपतीके मेको आन कली ‘परमप्रभु, परमप्रभु यावेमी आ देंशो लोव़ खाप्‍ब। लोव़ का यो मजाम्‍ब। मार देंबा, मेको पाइब’ दे माइक्‍मी, दे परमप्रभु, परमप्रभु यावेमी” देंत।
EZE 13:1 परमप्रभु यावेमी आं कली लोव़ पाप्‍तु।
EZE 13:2 मार, लोव़ पाप्‍तु देंशा हना “ए मुर, इस्राएल ङा आं लोव़ पाइब आन कली नु आंम आन मिम्‍शो लोव़ पाइब आन कली ‘परमप्रभु यावे आ लोव़ नेनीन’ देनो।
EZE 13:3 मेको निप्‍स मपाइश्‍शो आं लोव़ पाइब आन कली ‘आबी, मेको आंमा आन थुं ङा लोव़, आं कोंइतीके मतथु, लोव़ पाइ‍नीम। येरमीया १४:१४
EZE 13:4 ए इस्राएल, जोल पा आं लोव़ पाइब ब्रेश्‍शो खिंम बाक्‍ब सिवार खोदेंशो बाक्‍नीम।
EZE 13:5 गे ब्रेश्‍शो गारो लेंशा मसेली। गे इस्राएल कली वारच मपनी। मोपतीके परमप्रभु यावे, आं नाक्‍त मेको ब्रुइनीम’ देंत। यसैया २:१२
EZE 13:6 मेको आन तशो लोव़ जोल बाक्‍शा, आन लिंक्‍यु कोव़तीक जोल बाक्‍ब। मेकोपुकीम ‘परमप्रभु यावेमी देंशो बाक्‍ब’ देंनीम। तन्‍न मेको परमप्रभु यावेमी सोइश्‍शो मनम। मो हना यो मेकोम आन लोव़ गाप्‍ल, दे आस पाइनीम। इजीकीएल २२:२८; येरमीया ५:३१
EZE 13:7 गेपुकीम जोल पा कोंइतीके तशा, लिंक्‍यु कोव़शा, जोल लोव़ ला पाइब दुम्‍तीनी। तन्‍न गो इन कली काइ लोव़ मपथु, गेपुकीमी ‘परमप्रभु यावे आ लोव़ बाक्‍ब देंतीनी’ दे माइक्‍मी” देंत।
EZE 13:8 मोपतीके परमप्रभु, परमप्रभु यावेमी “गेपुकीम फश लोव़ पा, जोल पा कोंइतीक आ पर्बम लोव़ पतीके, गो इन कली मरिम्‍शो पाइनुङ।
EZE 13:9 ‘मेको दूली पा कोंइतीक लोव़ पाइब आन पर्बम नु जोल पा लिंक्‍‍यु कोव़ब आन पर्बम, गो आं गुइ इन गे क्‍युक्‍नुङ। मेकोपुकी आं मुर आन दातेमी बाक्‍चा मताइनीम। मेको आन नें इस्राएली आन खिं ङा मुर आन नें ब्रेक्‍तीकेम ब्रेक्‍चा मताइनीम। मेकोपुकी इस्राएल रागीम ओव़चा मताइनीम। मिनु गेपुकीम गोन परमप्रभु यावे नङ, दे तुइक्‍नीनी, देंशो बाक्‍ब’ दे माइक्‍मी” देंत। इजीकीएल १४:९
EZE 13:10 थमा पा, मेकोपुकीम आं मुर आन कली दूली लां खोइक्‍पाइश्‍शा, थुं नाइक्‍तीके मबाक्‍थु, यो “थुं नाइश्‍शा बाक्‍कीन” देंनीम। मिनु मुरपुकीम ब्रेत्‍चा चिक्‍शो गारो प्रोव़नीमी, मेको जोल पा लोव़ पाइबम बुलु ब्रुइश्‍शा सुम्‍नीम। येरमीया ६:१४
EZE 13:11 गे मेको बुलु ब्रुइ‍क्‍ब आन कली “थाम्‍पा ठेयब रेउ यीब। मिनु ठेयब मुप्‍स यीनीम। मिनु फश गिवार जाक्‍ब।
EZE 13:12 मिनु मेको गारो ब्रेप्‍ब। मार, मुरपुकीम इन कली ‘गे इन ब्रुइश्‍‍शो बुलु ते लाक्‍गा, दे हिल्‍लो मपाइनीमी? देंशो बाक्‍ब’ दे माइक्‍मी” देंत।
EZE 13:13 मोपतीके परमप्रभु, परमप्रभु यावेमी “गो आं गाइश्‍शोम थम हिंचा ङा फश गिवार पपाइक्‍नुङ। मिनु आं चुरशोम खतम पोक्‍चा कली रेउ नु मुप्‍स जाक्‍ब।
EZE 13:14 मिनु मेकोमी इन बुलु ब्रुइश्‍शो गारो नेल्‍ल ब्रेप्‍पाइक्‍ब। आ जग यो तांइसीब। मेको प्रेदुनु, गे गारो आगाम बेक्‍नी‍नी। मिनु गेपुकीम ‘गोन परमप्रभु यावे नङ’ दे तुइक्‍नीनी।
EZE 13:15 मोपा गो आं गाइश्‍शो मेको गारो नु मेको बुलु ब्रुइक्‍ब आन तारी मोइक्‍नुङ। मिनु गो इन कली ‘मुल मेको गारो मबा, मेको आन कली बुलु ब्रुइक्‍ब यो मबाक्‍म’ देंनुङ।
EZE 13:16 इस्राएल ङा मेको जोल पा परमप्रभु यावे आ लोव़ पाइबपुकीम यरूसलेम आ पर्बम लोव़ पाम्‍तेक्‍म। मिनु मेकेर थुं नाइश्‍शा बाक्‍तीक मदुम्‍थु यो ‘थुं नाइश्‍शा बाक्‍तीक ताइतक’ देंतेक्‍म।
EZE 13:17 मेकोमी ‘मुल ए मुर, इ मुर आन तमी आन कली हुइक्‍तो। मेकोपुकीम आन थुंम मिम्‍शा लोव़ पाइनीम। गे परमप्रभु यावे आ लोव़ मेको आन कली पावो’ देंत।
EZE 13:18 ‘आबी आबी, गुइ कली फ्रेंतीक सेल्‍ब मीश मुर आन कली श्‍येत बाक्‍ब। मुर आन कली साइक्‍चा कली लाइश्‍शो कोव़शा, कुल सुम्‍तीक वा सेल्‍ब मीश मुर आन पर्बम आबी आबी। मार, गेपुकीम आं मुर आन कली साइक्‍नीनी? मिनु गे ब्रोंइचा ताइ‍नीनी ङा? मताइनीनी।
EZE 13:19 मुठी का निक्‍शी क्‍योव़ज, नु टुक्रा का निक्‍शी शोब्‍ले आ पर्बम साइक्‍चा ममाल्‍शो मुर आन कली साइक्‍तीनी। मिनु ब्रोंइचा मगेचा माल्‍शो मुर आन कली ब्रोंइचा गेतीनी। मिनु आं मुर आन कली जोल पा मोदेंशो पाइ‍तीनी’ दे परमप्रभु, परमप्रभु यावेमी मेको आन कली माइक्‍मी” देंत।
EZE 13:20 मोपतीके परमप्रभु, परमप्रभु यावेमी “गो इन फ्रेंतीक आ पर्बम इन कली मरिम्‍शो पाइनुङ। गो इन गुइ रे चिक्‍ब खोदेंशो पा साइक्‍चा चिक्‍शो मुर आन कली इन गुइ रे प्रोंइनुङ।
EZE 13:21 गो मेको आन कुल सुम्‍तीक वा शोल्‍शा, आं मुर आन कली प्रोंइनुङमी। मेकोपुकी मुल रे इन गुइ ङा सिखार मदुम्‍नीम। मिनु गेपुकीम गोन परमप्रभु यावे नङ, दे तुइक्‍‍नीनी।
EZE 13:22 मारदे हना गे जोल पा दोस गेशा ठीक पाइब मुर आन कली आन थुं लुक्‍च लपाइक्‍तीनी। गो मोदेंशो मपङ। मिनु आं अरेशो लोव़ मटीब आन कली टीब मदुमीन, देंशा ब्रोंइचा मगेनी। येरमीया २३:१४
EZE 13:23 मोपतीके गेपुकीम मुल रे जोल पा कोंइतीक मताइ‍नीनी। गे लिंक्‍यु मकोव़नीनी। गो आं मुर आन कली इन गुइ रे प्रोंइनुङमी। मिनु गेपुकीम गोन परमप्रभु यावे नङ, दे तुइक्‍नीनी” दे परमप्रभुम देंत।
EZE 14:1 इस्राएल ङा खाल्‍पा का निक्‍शी जाक्‍शा, आं ङोंइती निस्‍साक्‍म। इजीकीएल २०:१
EZE 14:2 मिनु मेना परमप्रभु यावेमी आं कली लोव़ पाप्‍तु।
EZE 14:3 मार लोव़ पाप्‍तु देंशा हना “ए मुर, एको खाल्‍पापुकीम आन मूर्ति आन आन थुंम वोइश्‍शो बाक्‍तेक्‍म। मिनु मरिम्‍शो पा दाइल पांइसीतीक फुल्‍लु यो आन ङोंइती वोइश्‍शो बाक्‍नीम। मार, आन हिल्‍लो पशो लोव़ गो लेत्‍चा माल्‍नुङा, ङा?
EZE 14:4 मोपतीके गे मेको आन कली ‘परमप्रभु, परमप्रभु यावेमी इस्राएल आ खिं ङा मुर सुइमी मूर्ति आन थुंम वोइश्‍शा, आन मरिम्‍शो पा दाइल पांइसीतीक फुल्‍लु, आन ङोंइती वोइश्‍शा, आं लोव़ पाइब आन बाक्‍तीक जाक्‍तेक्‍म हना, गो, परमप्रभु यावेमी, मेको आन थुंम मूर्ति वोइश्‍शा जाक्‍शो मुर आन कली लोव़ लेत्‍नुङमी।
EZE 14:5 मिनु मेको मूर्तिम पतीके इस्राएल आ खिं ङा मुरपुकीम आं कली प्रोंइतेक्‍म। मो हना यो आन थुं फाइश्‍शा, आं गे लेत्‍ने चाप्‍नुङा, कों?’
EZE 14:6 मोपतीके इस्राएल आ खिं ङा मुर आन कली ‘परमप्रभु, परमप्रभु यावेमी इन ग्रांग्रा दिशो गेय नेल्‍ल प्रोंइशा, इन मूर्ति रे पा लेश्‍शा आं गे जाक्‍कीन’ देंशो बाक्‍ब, दे माइक्‍मी।
EZE 14:7 इस्राएल आ खिं ङा मुर सुइ नु मेकेर बाक्‍ब अर्को रागी ङा मुर सुइमी आं कली प्रोंइशा, मूर्ति आन थुंम वोइश्‍शा, आन मरिम्‍शो पा दाइल पांइसीतीक फुल्‍लु आन ङोंइती वोइश्‍शा, आं लोव़ पाइब आन बाक्‍तीक जाक्‍तेक्‍म हना, गो, परमप्रभु यावेमी, मेको आन थुंम मूर्ति वोइश्‍शा जाक्‍शो मुर आन कली लोव़ लेत्‍नुङमी।
EZE 14:8 गो मेको आन कली सजाइ गे‍नुङमी। मिनु गो मेको मुर कली कोंइतीक नु शुक्‍शी पाइक्‍तीक सेल्‍नुङ। गो मेको कली आं मुर आन दाते रे तिल्‍नुङ। मिनु गोन परमप्रभु यावे नङ, दे तुइक्‍चा माल्‍नीनी।
EZE 14:9 मिनु सुइ परमप्रभु यावे आ लोव़ पाइबम आ लोव़ मार बाक्‍बा, दे हिल्‍लो पाइब आन कली आंमा थुंम मिम्‍शा लोव़ पाप्‍तु हना, गो मेको कली मोदेंशो पपाइक्‍ता। मिनु गो मेको कली आं गुइ दिंशा, सजाइ गेशा आं मुर इस्राएली आन दाते रे क्‍याम्‍नुङ। १राजा २२:२०-२३
EZE 14:10 मेको निम्‍फाम आस मरिम्‍शो पशो आ पर्बम सजाइ ताइनीस। आं लोव़ पाइब नु आं लोव़ हिल्‍लो पाइब, निम्‍फा आस सजाइ उइक्‍थ उइक्‍थ दुम्‍ब। इजीकीएल ३:१७-२०
EZE 14:11 मिनु इस्राएल आ खिं ङा मुर गेनायो आं रे पा बरलेशा मलाइनीम। मिनु मेकोपुकीम गेनायो हेंथे पा आंम कली ग्रांग्रा दिशो मसेल्‍सीनीम। मिनु मेकोपुकी आं मुर दुम्‍नीम। गो मेको आन परमप्रभु दुम्‍नुङ, दे परमप्रभु, परमप्रभु यावेमी देंशो बाक्‍ब” देंत। इजीकीएल ११:२०
EZE 14:12 मिनु परमप्रभु यावेमी आं कली लोव़ पाप्‍तु।
EZE 14:13 मार लोव़ पाप्‍तु देंशा हना “ए मुर, तेकोइ रागी ङा मुर आन थुं फाइश्‍शा आं कली प्रोंइशा अर्को आ नोले खोइक्‍तेक्‍म हना, गो मेको आन पर्बम आं गुइ दिंशा आन जचा थोव़क खतम पोक्‍नुङ। अन्‍काल चाक्‍शा, मेकेर ङा मुर नु बी ब्‍यफ, क्‍यारश भेडा नेल्‍ल आन कली साइक्‍नुङमी। इजीकीएल ४:१६
EZE 14:14 मेकेर नोआह, दानीएल नु अय्‍युब सांफा बाक्‍तेक्‍म हना यो, मेकोम आन ठीक पतीकेम आंमा ला ब्रोंइचा ताम वा, दे परमप्रभु, परमप्रभु यावेमी देंशो बाक्‍ब” देंत। येरमीया १५:१
EZE 14:15 गो मोदेंशो रागी कली खतम सेल्‍चा कली ब्‍वाकी ङा जन्‍तु सोइक्‍ताक्‍ङमी हना, जन्‍तुपुकीम पतीके मेको रागी रे सुइ एर ओंथ पने मचाप्‍तेक्‍म हना,
EZE 14:16 मिनु मेको मुर सां मेकेर बाक्‍तेक्‍म हना, गो आं ब्रोंइशा बाक्‍शो खोदेंशो पा, मेकोम आन तमी तौ आन कली प्रोंइने मचबेम वा। मेकोपुकी आंमा ला ब्रोंइम वा। मिनु मेको रागी गोरशो रागी दुम वा।
EZE 14:17 मिनु परमप्रभु, परमप्रभु यावेमी “गो रागी आ पर्बम तरवार सोइश्‍‍शा, मेको तरवार कली ‘मुर नु बी ब्‍यफ, क्‍यारश भेडा नेल्‍ल साइक्‍मी’ देंती हना,
EZE 14:18 मिनु मेको मुर सां मेकेर बाक्‍तेक्‍म हना यो, गो आं ब्रोंइशा बाक्‍शो खोदेंशो पा मेकोम आन तमी तौ आन कली प्रोंइने मचबेम वा। मेकोपुकी आंमा ला ब्रोंइम वा।
EZE 14:19 मिनु गो मेको रागीम मुर बेक्‍तीक रोइ सोइश्‍शा, हुश ख्राक्‍श पोक्‍शा, मेकेर ङा मुर नु बी ब्‍यफ, क्‍यारश भेडा साइश्‍शा आं गाइश्‍शो मोइक्‍ता हना,
EZE 14:20 मिनु मेकेर नोआह, दानीएल नु अय्‍युब बाक्‍तेक्‍म हना यो, गो आं ब्रोंइशा बाक्‍शो खोदेंशो पा मेकोम आन तमी तौ आन कली प्रोंइने मचबेम वा। मेको आन ठीक पतीकेम आंमा ला ब्रोंइम वा” देंत।
EZE 14:21 परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८
EZE 14:22 मो हना यो मुर आन दाते ङा का निक्‍शी ब्रोंइशा बाक्‍नीम। मेको आं तमी तौ ग्रूशा इ बाक्‍तीक जाक्‍नीम। मिनु गे मेको आन मिम्‍शो नु आन पशो ताइनेवे। मिनु गो यरूसलेम कली श्‍येत गेशो नु क्‍याम्‍शो आ पर्बम इ थुं नाइक्‍नेवे।
EZE 14:23 मेको आन मिम्‍शो नु आन पशो तशा, मेकोपुकीम इ थुं नाइक्‍पाइक्‍नीम। मिनु गो मेकेर मार मार पङा, मेको नेल्‍ल मोशीन मपङ, दे तुइक्‍नेवे” दे परमप्रभु, परमप्रभु यावेमी देंत।
EZE 15:1 मिनु परमप्रभु यावेमी आं कली लोव़ पाप्‍तु।
EZE 15:2 मार लोव़ पाप्‍तु देंशा हना “ए मुर, मार, ब्‍वाकीम बाक्‍ब अङगुर बोट आ शी ब्‍वाकी ङा अरु तेकोइ रवा आन शी क्‍येङा रिम्‍शो बाक्‍बा ङा? येरमीया २:२१
EZE 15:3 मेको रे मारेइ थोव़क सेल्‍चा दुम्‍बा ङा? मुरपुकीम मार मार क्‍युक्‍चा कली मेको के कोङग सेल्‍नीमी ङा?
EZE 15:4 मेको मीम चोइनीम। मेको मीम आ सुर निक्‍शी नेक्‍शा, आ दाते ङा कोइला दुम्‍शा लीमेनु, मार दुम्‍बा ङा? यूहन्‍ना १५:६
EZE 15:5 मेको सेसीन बाक्‍मेनु ला यो मारेइ मदुम्‍‍त हना, मीम नेक्‍शा क्‍येर दुम्‍मेनु, मारेइ दुम्‍बा, ङा?” देंशो बाक्‍ब।
EZE 15:6 मोपतीके परमप्रभु, परमप्रभु यावेमी “दोपा ब्‍वाकी ङा रवा आन दाते ङा अङगुर बोट कली मीम चोचा कली गेङा, मोपा गो यरूसलेम ङा मुर आन कली यो पाइक्‍नुङमी।
EZE 15:7 गो मेको आन कली सजाइ गेनुङ। मेकोपुकी मी रे ब्रोंइतेक्‍म हना यो, मीम मेको आन कली दाक्‍ब। गो मेको आन कली सजाइ गेङानु, गोन परमप्रभु यावे नङ, दे तुइक्‍चा माल्‍नीनी।
EZE 15:8 मिनु आन थुं फाइश्‍शो अरु आन नोले खोइक्‍तीके मेको आन रागी मुर मबाक्‍तीके सेल्‍नुङ” दे परमप्रभु, परमप्रभु यावेमी देंत।
EZE 16:1 परमप्रभु यावेमी आं कली लोव़ पाप्‍तु।
EZE 16:2 मार लोव़ पाप्‍तु देंशा हना “ए मुर, यरूसलेम कली मूर्ति पूजा पचा मदुम्‍ब, दे तुइक्‍पतो।
EZE 16:3 मिनु मेको कली परमप्रभु, परमप्रभु यावेमी यरूसलेम कली ‘इ गोतीके नु इ जरमेतीक रागी कनानी आन रागी बाक्‍ब। इ आफ एमोरी का बाक्‍त। इ ममा हित्ती बाक्‍त।
EZE 16:4 गे जरमेसेनु सुइम इ सपु मख्रोदेम। इ कली ब्‍वाक्‍कुम मचिक्‍तेम। सुइम इ रांम हिक्‍सी मख्रेक्‍तेम। इ कली सुइम वाम मगिलेम।
EZE 16:5 सुइम मेको नेल्‍ल पचा कली इ कली शिशी मकोंइदेम। तन्‍न गे जरमेसेनु, इ कली रूम ताइक्‍ताक्‍म। मारदे हना इ कली ग्रांग्रा दित्‍ताक्‍म।
EZE 16:6 मिनु गो इ नेक्‍था रे पा लङानु, इ कली हुश लुम्‍‍सीशा बाक्‍शो ताइतन। मिनु गे मोपा लुम्‍सीशा बाक्‍ङेनु, गो इ कली रू ङा बोट खोदेंशो पा कोल्‍शा, ब्रोंइशा, बाक्‍को’ देंती।
EZE 16:7 मिनु गे कोल्‍शा ठेयब दुम्‍ते। मिनु इ कुचु कोल्‍शा इ चां लाइश्‍शो दुम्‍त। तन्‍न गे वा मफेक्‍शो शिश्रा बाक्‍ते।
EZE 16:8 गो लेंशा इ नेक्‍था रे पा लङानु, गे ग्‍युंबे पची ना दुम्‍शो बाक्‍ते। मिनु गो आं वा आ सुरमी इ शिश्रा रां सुम्‍ता। गो गे नु कबल का पाता। मिनु गे आं के दुम्‍ते। रूथ ३:९; प्रस्‍थान १९:५
EZE 16:9 नोले गो इ कली ब्‍वाक्‍कुम चिक्‍शा इ हुश नेल्‍ले चिक्‍ताक्‍न। मिनु इ कली तेल ख्रेक्‍ताक्‍न।
EZE 16:10 नोले गो इ कली बुटा आप्‍शो वाम ग्‍योम्‍ताक्‍न। मिनु इ खोइलीम रिम्‍शो कुशुल के जुत्ता लिक्‍ताक्‍न। गो इ कली रिम्‍शो पा किरशो सुती श्‍येले के वा फेक्‍ताक्‍न। मिनु शुश क्‍येट लाइब वाम इ कली ग्‍योम्‍ताक्‍न।
EZE 16:11 गो इ कली गहना पांइताक्‍न। इ गुइम चुरा लिक्‍ताक्‍न। इ शुरम सुन के माला रेल्‍ताक्‍न।
EZE 16:12 गो इ नेंम मुन्‍द्री लिक्‍ताक्‍न। मिनु इ नोफाम माडवडी क्‍युक्‍ताक्‍न। इ पियाम दारशो सुन फू चुइक्‍ताक्‍न।
EZE 16:13 मोपा गे सुन चांदीम ग्‍योम्‍साक्‍वे। इ वा रिम्‍शो पा किरशो सुती श्‍येले के वा, शुश क्‍येट लाइब वा नु बुटा आप्‍शो दारशो वा दुम्‍तेक्‍म। इ जचा थोव़क रिम्‍शो फस, खुदो नु रिम्‍शो तेल बाक्‍तेक्‍म। गे थम दारशो दुम्‍शा कोल्‍ते। मिनु गे पिपीम दुम्‍चा शिर‍ते।
EZE 16:14 गे दारशो दुम्‍तीके इ नें रागी रागी ङा मुर आन दातेम ब्रत। मारदे हना इ दारस मारेइ मदुम्‍शो रिम्‍शो बाक्‍त। मेको नेल्‍ल आं इ कली गेशो ग्‍योम्‍तीके रे मोदेंशो दुम्‍त, दे परमप्रभु, परमप्रभु यावेमी देंशो बाक्‍ब” देंत।
EZE 16:15 मिनु परमप्रभुमी “तन्‍न गे इ दारसम थमा सुइक्‍तीवी। मिनु गे इ नें चेम्‍शा तेल्‍लेम का दुम्‍ते। इ नेक्‍था रे पा लाइब सु बाक्‍तेक्‍म हना यो, गे मेको नु तेल्‍लेम पाप्‍तीवी। येरमीया २:२०
EZE 16:16 गे इ वा रे लाइश्‍शा, इ कली दारशो थान सेल्‍तीवी। मिनु मेकेर गे तेल्‍लेम पाप्‍तीवी। मेको मोदेंशो ङोंइती गेनायो मदुम्‍शो बाक्‍त। मिनु नोले यो गेनायो मदुम्‍ब।
EZE 16:17 गो इ कली गेशो दारशो गहना लाइश्‍शा, मेको आं सुन चांदी के बाक्‍तेक्‍म। मिनु मेको रे वोंइश मुर मूर्ति सेल्‍साक्‍वे। मिनु मेको नु तेल्‍लेम पाप्‍तीवी। होसे ८:४
EZE 16:18 गे इ बुटा आप्‍शो वा लाइश्‍शा, मेको आन कली सुम्‍तीवी। मिनु गे आं तेल नु धूप मेको आन ङोंइती चढ़ेप्‍तीवी।
EZE 16:19 गो इ कली जचा थोव़क यो गेतन। गो इ कली रिम्‍शो फस, खुदो नु रिम्‍शो तेल जचा गेतन। तन्‍न गे मेको जचा थोव़क मेको आन ङोंइती ब्रोव़शो रिना पपाइक्‍चा कली चढ़ेप्‍तीवी। मोदेंशो दुम्‍त।
EZE 16:20 मिनु गे आं कली थिशो तमी तौ आन कली लाइश्‍शा, मूर्ति आन कली जचा थोव़क सेल्‍शा क्‍योरशा चढ़ेप्‍तीवी। मार इ तेल्‍लेम पशोमीन मगाम ङा? इजीकीएल २०:२६; इजीकीएल २३:३७; ब्‍यवस्‍था १२:३१; २राजा १६:३; येरमीया ७:३१
EZE 16:21 गे आं आल आन कली क्‍योरशा, मूर्ति आन कली चढ़ेप्‍तीवी।
EZE 16:22 मिनु इ मूर्ति पूजा नु इ तेल्‍लेम पशो नेल्‍लेम ठिटी दुम्‍शो ङा नाक्‍त ममिम्‍ती। मेना गे वा मफेक्‍सीशो शिश्रा नु हुश लुम्‍सीशो बाक्‍ते।
EZE 16:23 इ आं अरेशो मटिशो आ पर्बम परमप्रभु, परमप्रभु यावेमी इ पर्बम ‘आबी आबी’ देंत। येरमीया ११:१३
EZE 16:24 गे इ कली चोक चोकम मूर्ति पूजा पतीके सेल्‍साक्‍वे।
EZE 16:25 मिनु गे लां ग्रुम्‍तीक नेल्‍लेम इ कली लाइश्‍शो बाक्‍तीके सेल्‍शा, इ दारसम तेल्‍लेम पाप्‍तीवी। मिनु मेको रे पा लाइब नेल्‍ल आन कली गे इ रां गेशा इ तेल्‍लेम पतीक बारपाइक्‍तीवी।
EZE 16:26 गे इ माल्‍शो, इ नेक्‍था बाक्‍ब इजीप्‍त ङा मुर नु तेल्‍लेम पाप्‍तीवी। मोपा इ तेल्‍लेम पतीक बारपाइश्‍शा, आं कली थाम्‍पा गाइक्‍पाइक्‍ती।
EZE 16:27 मोपतीके गो इ कली सजाइ गेतन। गो इ कली शुश जचा थोव़क मगेथु, इ जोरी सत्रु आन गुइम गेतन। गो इ कली पलिस्‍ती आन दाक्‍शो सिखार दुम्‍पाइक्‍चा कली गेतामी। पलिस्‍ती आन तमीपुकी इ मरिम्‍शो पशो तशा मुने पाम्‍तेक्‍म।
EZE 16:28 गे अस्‍सुर ङा मुर नु यो तेल्‍लेम पाप्‍तीवी। मारदे हना गे मोपा मरूशो बाक्‍ते। तेल्‍लेम पशा नोले यो मरूङे। इजीकीएल २३:१२
EZE 16:29 गे मार मार ग्‍याप्‍ब लेयब रागी कल्‍दी नु यो इ तेल्‍लेम पतीक बारपाइक्‍तीवी। मेको मो पशा यो मरूङे” देंत।
EZE 16:30 मिनु परमप्रभु, परमप्रभु यावेमी “गे मोदेंशो पचा कली इ थुंम दोदेंशो पा रोइ पचा माल्‍दा? गे एको गेय नेल्‍ल मुने मपाइश्‍शो तेल्‍लेममी खोदेंशो पा पाप्‍तीवी।
EZE 16:31 गे ग्रुम्‍तीक लां नेल्‍ल नु इ चोक चोकम इ लाइश्‍शो बाक्‍तीके सेल्‍तीवी। तन्‍न गे तेल्‍लेम खोदेंशो मदुमे। मारदे हना गे इ गाल्‍च मताक्‍गी।
EZE 16:32 गे हेंथे पाइब मीश, इ वोंइश आ पा ङा अर्को नु बाक्‍नेवे।
EZE 16:33 मुरपुकीम तेल्‍लेम नेल्‍ल आन कली गाल्‍च गेनीम। तन्‍न गे चहिं दूली पा इ कली दाक्‍ब आन कली कका गाल्‍च गेप्‍तीवी। गे मेको आन कली एर ओंथ नेल्‍ल रे चाक्‍शा, गे नु इप्‍पाइक्‍चा कली घूस गेप्‍तीवी।
EZE 16:34 मोपा गे इ तेल्‍लेम पतीकेम अरु मीश मुर खोदेंशो मदुमे। इ कली सुइम मयोव़ङेम। मोपतीके गे गाल्‍च गेप्‍तीवी। गे इ गाल्‍च मतगी। मोपा गे अरु तेल्‍लेम खोदेंशो मदुमे” देंत।
EZE 16:35 मोपतीके ए तेल्‍लेम, परमप्रभु यावे आ लोव़ नेनो।
EZE 16:36 परमप्रभु, परमप्रभु यावेमी “मारदे हना माल्‍तीके थम ठेयब बाक्‍त, इ तेल्‍लेम पचा कली इ कली माल्‍शो मुर आन कली इ शिश्रा रां कोंइताक्‍वी। मेको नेल्‍ल इ ग्रांग्रा दिशो मूर्ति नु इ आल आन हुश जारशो आ पर्बम बाक्‍ब।
EZE 16:37 मोपतीके गो इ तेल्‍लेम पशो नु ग्‍येरसीशा बाक्‍शो इ दाक्‍शो मुर नेल्‍ल आन कली इ एर ओंथ रे खुप्‍नुङमी। इ कली दाक्‍ब नु मदाक्‍ब नेल्‍ल आन कली खुप्‍नुङमी। गो मेको नेल्‍ल एर ओं रे खुप्‍नुङमी। मिनु गो मेको आन ङोंइती इ कली शिश्रा सेल्‍नन। येरमीया १३:२२
EZE 16:38 गो इ कली हेंथे गाक्‍ब हुश ख्राक्‍श पोक्‍ब मीश मुर खोदेंशो पा आं निसाफ पतीक लोव़ कोव़शा निसाफ पाइनुङ। गो आं गाइश्‍शो नु रुश पशोमी सजाइ गेनुङ। लेवी २:१०
EZE 16:39 मिनु गो इ कली इ मदाक्‍शो मुर आन गुइम जिम्‍मा गेनुङ। मिनु मेकोपुकीम इ लाइश्‍शो बाक्‍तीके नु लां ङा बाक्‍तीके प्रेत्‍नीम। मेकोपुकीमी इ वा प्रुइश्‍शा इ दारशो थोव़क रोइश्‍शा, इ कली शिश्रा सेल्‍शा प्रोंइनीम।
EZE 16:40 मेकोपुकीम इ कली ग्रांग्‍ये माग्‍ये पोक्‍ब मुरपुकी चाक्‍नीम। मिनु फुल्‍लु आप्‍नीम। मिनु इ कली आन तरवारम चेक्‍‍शा चोकटा लाम्‍टा सेल्‍नीम। ब्‍यवस्‍था २२:२३-२४
EZE 16:41 मेकोपुकीम इ खिंम मी सुइक्‍नीम। मिनु शुश मीश मुर आन ङोंइती इ कली सजाइ गेनीम। गो इ तेल्‍लेम पतीक तेक्‍नुङ। मिनु इ मुर आन कली गाल्‍च गेतीक तेक्‍नुङ। २राजा २५:९
EZE 16:42 मिनु आं गाइश्‍शो नु आं रुश पशो, इ रे ङोन नाइक्‍पाइक्‍नुङ। मिनु गो सिक्‍सी पा बाक्‍शा मगाइक्‍नुङ।
EZE 16:43 मारदे हना गे इ ठिटी बाक्‍ङे ना ङा नाक्‍त ममिम्‍ती। तन्‍न एको गेय नेल्‍लेमी आं कली गाइक्‍पाइक्‍ती। मोपतीके गो इ पशो इ पियामीन मोइक्‍ता। गे इ अरु ग्रांग्रा दिशो गेय नेल्‍ल प्रोंइशा यो इ पतीक नेल्‍ल मरिम्‍शो सेल्‍शा, इ गेय मतेम्‍दी ङा? गे मूर्ति पूजा पाइब क्‍येङा मरिम्‍शो पाइब मनवे ङा?” देंत।
EZE 16:44 मेकोम “कथा पाइब नेल्‍लेम इ पर्बम कथा पा ‘दोदेंशो ममा मोदेंशो तमी’ देंनीम।
EZE 16:45 गे इ ममा आ तमी बाक्‍नेवे। मेकोम आ वोंइश नु आ आल आन कली प्रोंइतु। मिनु गे इ दिदी आ लोक्‍ब यो बाक्‍नेवे। मेकोम आ वोंइश नु आ आल आन कली प्रोंइतु। इ ममा हित्ती का बाक्‍ब। इ आफ एमोरी का बाक्‍ब। इजीकीएल १६:३
EZE 16:46 मिनु इ दिदी सामरीया बाक्‍ब। मेको इ उत्तर गे आ तमीपुकी नु बाक्‍शो बाक्‍त। इ लोक्‍ब नु आ तमी चहिं दक्‍खिन गे सोदोम सहरम बाक्‍नीम। मेको आ तमीपुकी नु बाक्‍शो बाक्‍ब।
EZE 16:47 गे मेको आन गाक्‍शो लांम ला मगाक्‍ङे। मिनु मेको आन मूर्ति पूजा पशो आ नोले यो खोइक्‍तीवी। मिनु इच्‍का नाक्‍तीमीन इ पतीक नेल्‍लेम मेको आन क्‍येङा यो शुश मरिम्‍शो पाप्‍तीवी” देंत।
EZE 16:48 परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, इ लोक्‍ब सोदोम नु मेको आ तमीपुकीम इ मरिम्‍शो पशो खोदेंशो गेनायो मपाम। मत्ती १०:१५
EZE 16:49 इ लोक्‍ब सोदोम आ दोस मार बाक्‍त देंशा हना, मेको नु आ तमीपुकी ठेयब लेश्‍शा, शुश जशा ब्‍वशा, शोंप पाइश्‍शो दुम्‍शा बाक्‍तेक्‍म। मेकोपुकीम प्रुङग नु मारेइ मथीब आन कली वारच मपदेम।
EZE 16:50 मेकोपुकी ठेयब लेश्‍शा, आं ङोंइती ग्रांग्रा दिशो गेय पाम्‍तेक्‍म। मोपतीके गो मोदेंशो तशा मेको आन कली तिल्‍‍तामी। उत्‍पत्ती १९:२४
EZE 16:51 सामरीयामी इ पशो पाप क्‍येङा उइक्‍थ यो मपावो। गे मेको आन क्‍येङा शुश मूर्ति पूजा पाप्‍तीवी। मिनु गे इ पशो गेय नेल्‍ल रे पा, इ लोक्‍ब आस कली ठीक पाइब तांइसीब खोदेंशो सेल्‍शो बाक्‍नेवे। येरमीया ३:११
EZE 16:52 गे इ मरिम्‍शो पशो रावो। मारदे हना गे इ लोक्‍ब आस कली इ क्‍येङा आइक्‍च सजाइ ताइब सेल्‍तीवी। मारदे हना गे मेको आस पाप पशो क्‍येङा इ पशो मूर्ति पूजा शुश बाक्‍त। गे इ क्‍येङा मेको आस कली ठीक पाइब खोदेंशो सेल्‍तीवी। मोपतीके मुने पावो, इ मरिम्‍शो पशो राव। मारदे हना गे इ लोक्‍ब आस कली ठीक पाइब खोदेंशो सेल्‍शो बाक्‍ते।
EZE 16:53 मिनु गो सोदोम नु आ तमी आन कली रिम्‍शो दुम्‍तीक नाक्‍ती लेश्‍शा गेनुङमी। मिनु सामरीया नु आ तमी आन कली यो मोदेंशो पाइनुङ। मिनु इ रिम्‍शो दुम्‍तीके नाक्‍ती यो लेश्‍शा गेनन। ब्‍यवस्‍था ३०:३
EZE 16:54 मोपा गे इ मरिम्‍शो पशो राइनेवे। मिनु इ पशो नेल्‍ल आन पर्बम गे मुने दोक्‍चा माल्‍नेवे। मिनु मेको आस कली थुं नाइक्‍तीके दुम्‍नेवे।
EZE 16:55 इ लोक्‍ब सोदोम नु आ तमीपुकी ङोंइती ङा खोदेंशो पा रिम्‍शो दुम्‍नीम। मिनु सामरीया नु आ तमीपुकी यो ङोंइती ङा खोदेंशो पा रिम्‍शो दुम्‍नीम। मिनु गे नु इ तमीपुकी यो ङोंइती ङा खोदेंशो पा रिम्‍शो दुम्‍नीनी।
EZE 16:56 ङोंइती इ ठेयब लेत्‍तीक नाक्‍ती गे इ लोक्‍ब सोदोम आ पर्बम शुक्‍शी मपवी ङा?
EZE 16:57 मेना मेकोपुकीम इ परमप्रभु यावे आ अरेशो मटिशो मतुइश्‍शो बाक्‍तेक्‍म। मुल अराम ङा तमीपुकीमी इ कली शुक्‍शी पाइनीम। मेको आ नेक्‍था ङा मुर, पलिस्‍ती आ तमीपुकीमी नु एर ओंथ ङा मुर नेल्‍लेमी शुक्‍शी पा आइक्‍च मिम्‍नीम। अराम आ तमी एदोम यो बाक्‍ब।
EZE 16:58 गे इ मुने दोक्‍चा ङा गेय नु इ मूर्ति पूजा पशो ङा सजाइ तचा माल्‍नेवे” दे परमप्रभु यावेमी देंत।
EZE 16:59 परमप्रभु, परमप्रभु यावेमी “गे इ पशो खोदेंशो पा गो इ कली पाइनुङ। गे आं कसम जशो ममिम्‍ती। इस पशो कबल यो क्‍याम्‍ताक्‍वी।
EZE 16:60 मो हना यो गो इ ठिटी बाक्‍ङे नाक्‍त ङा गे नु पशो कबल मिम्‍नुङ। गो गे नु गेना हना यो लीब कबल पाइनुङ। लेवी २६:४५; होसे २:१७; इजीकीएल ३७:२६; येरमीया ३१:३१-३४
EZE 16:61 मेना गे इ पशो नेल्‍ल मिम्‍शा, मुने दोक्‍शा, इ लोक्‍ब आस कली ब्राइ‍नेवे। गो मेको आस कली इ तमी खोदेंशो पा गेनन। तन्‍न मेको गे नु पशो कबलम पतीके पशो ममाइ। इजीकीएल २०:४३
EZE 16:62 मिनु गो गे नु ग्‍येत्‍थ लुक्‍च मपाइब कबल पाइनुङ। मिनु गे गोन परमप्रभु यावे नङ, दे तुइक्‍‍‍नेवे।
EZE 16:63 मिनु गे इ ङोंइती पशो मिम्‍शा मुने दोक्‍नेवे। गो इ पशो गेय नेल्‍ल आन पर्बम माफ गेनन। मिनु गे इ मुने आ पर्बम गे ठेयब लेश्‍शो लोव़ पने मचाप्‍नेवे” दे परमप्रभु, परमप्रभु यावेमी देंत। इजीकीएल ३६:३१-३२
EZE 17:1 मिनु परमप्रभु यावेमी आं कली लोव़ पाप्‍तु।
EZE 17:2 मार लोव़ पाप्‍तु हना “ए मुर, कथा का देनो। गे इस्राएल आ खिं ङा मुर आन कली लोव़ पावो।
EZE 17:3 मिनु परमप्रभु यावेमी मेको आन कली ‘लाइश्‍शो, ठेयब फ्रां पाइश्‍शो ठेयब ककाकुली का बाक्‍त। मेको आ शुश ओफ्‍ला शुश रङ ङा बाक्‍तेक्‍म। मेको लेबानोनम जाक्‍शा, लाइश्‍शो रवा आ ङर प्रोइक्‍तु।
EZE 17:4 मेकोमी मेको रवा आ ङर लाइश्‍शा, ग्‍याप्‍तीक लेयतीक रागीम चाक्‍दीत्‍तु। मिनु मेको ग्‍याप्‍ब लेयब आन सहर काम ख्रुम्‍तु। इजीकीएल १६:२९
EZE 17:5 मिनु नोले मेकोमी रागी ङा वांचेर लाइश्‍शा, रिम्‍शो खपीम ख्रुम्‍तु। मेकोम मेको वांचेर शुश ब्‍वाक्‍कु बाक्‍तीकेम ख्रुम्‍तु।
EZE 17:6 मिनु मेको वाशा एर ओंथ नेल्‍ल गे ब्राइब लहारा का दुम्‍त। मिनु मेको आ राशी मेको ककाकुली गे लेत्‍तेक्‍म। तन्‍न मेको आ शाक्‍श चहिं आगामीन लीतेक्‍म। मोपा मेको लहारा का दुम्‍त। मिनु मेको आ राशी दाप्‍तेक्‍म। मिनु मेकेर रे शुश सफा ग्रूतेक्‍म। इजीकीएल १९:१०
EZE 17:7 मिनु मेकेर अर्को ठेयब फ्रां पाइश्‍शो नु शुश ओफ्‍ला पाइश्‍शो ठेयब ककाकुली का बाक्‍त। मिनु मेको लहाराम आ शाक्‍श मेको गे ब्रपाइक्‍तु। ब्‍वाक्‍कु तचा कली मेको आ राशी यो मेको ककाकुली गे ब्रपाइक्‍तु। मेको ङोंइती ङा ख्रुम्‍तीके रे याक्‍शो बाक्‍त।
EZE 17:8 मेको के राशी दाम्‍मल। फल सिम्‍मल। मिनु मेको रिम्‍शो लहारा का दुम्‍ल, दे शुश ब्‍वाक्‍कु बाक्‍शो नु रिम्‍शो खपीम ख्रुम्‍शो बाक्‍त’ देंशो बाक्‍ब।
EZE 17:9 मिनु परमप्रभु, परमप्रभु यावेमी ‘मार, मेको ग्रेल्‍बा ङा? मार, मेको आ शाक्‍श तुल्‍चा मपुंइसीबा ङा? मिनु मेको आ फल मसोव़नीमी ङा? मिनु मेको मबेक्‍बा ङा? मेको आ नक वाशो कोच्‍वा नेल्‍ल बेक्‍नीम। मेको आ शाक्‍श तुल्‍चा कली शुश बोल्‍यो गुइ नु शुश मुर ममाल्‍नीम।
EZE 17:10 मेको कली याक्‍शा ला हना यो मेको ग्रेल्‍बा ङा? पूर्ब ङा फशेम आबानु मेको नेल्‍ल मसोव़बा ङा? रिम्‍शो खपीम ख्रुम्‍शो बाक्‍त हना यो, फशेम आबानु मेको मसोव़बा?’ दे मेको आन कली देंचा माल्‍नेवे” देंत।
EZE 17:11 मिनु परमप्रभु यावेमी आं कली लोव़ पाप्‍तु।
EZE 17:12 मार लोव़ पाप्‍तु देंशा हना “एको मटीब खिं ङा मुर आन कली ‘एको लोव़ आ अर्थ मार बाक्‍बा, मेको मतुइक्‍नीनी?’ दे हिल्‍लो पामी। मेको आन कली ‘बेबीलोन ङा पिप यरूसलेमम जाक्‍त। मिनु मेकोमी यरूसलेम ङा पिप नु आ ठेयब गेय पाइब आन कली बेबीलोनम लाइक्‍तीमी। २राजा २४:१०,१५,१६
EZE 17:13 मिनु मेकोम पिप आ खिं ङा मुर का कली लाइश्‍शा, कसम जपाइश्‍शा, मेको नु कबल का पाप्‍तु। मिनु मेकोमी मेको रागी ङा ठेयब मुर आन कली लाइक्‍तु। २राजा २४:१७; २इतिहास ३६:१३
EZE 17:14 मेको रागी बोल्‍यो मदुम्‍ल। लेंशा बोक्‍ने मचबल नु मेकोम आ पशो कबल ला खाप्‍ने चाप्‍शा बाक्‍ल, दे मोदेंशो पाप्‍तु’ देंत।
EZE 17:15 तन्‍न यरूसलेम ङा पिपमी मेको बेबीलोन ङा पिप कली मटिथु, इजीप्‍त रागीम शारा नु ठेयब हुल का लडाइ पाइब गेयीनी, दे मुर सोइक्‍ताक्‍व। मार, मेको कली रिम्‍शो दुम्‍बा ङा? मार मोदेंशो गेय पाइब मुर ब्रोंइने चाप्‍बा ङा? कबल पशो प्रोंइशा यो, मेको ब्रोंइने चाप्‍बा ङा?” देंत।
EZE 17:16 परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, मेकोमी मेको कली पिप सेल्‍ब पिप नु जशो कसम प्रेंशा, आ पशो कबल प्रोंइशा, बेबीलोन ङा पिप आ बाक्‍तीक सहरम बेक्‍ब।
EZE 17:17 फाराओ आ सक्ति पाइश्‍शो लडाइ पाइब नु मेको आ मार मारमी मेको कली वारच पने मचाप्‍नीम। यरूसलेम कली पुम्‍ची ना नु गारो ङोइक्‍तीक सेल्‍शा शुश मुर साइक्‍ची ना वारच मपाइब।
EZE 17:18 मारदे हना मेकोम आ जशो कसम ममिम्‍थु, आ पशो कबल प्रोंइशा, सल्‍ला पा यो, मोदेंशो मरिम्‍शो पतीके मेको ब्रोंइने मचाप्‍ब” देंशो बाक्‍ब।
EZE 17:19 मोपतीके परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, मेकोम आ कसम जशो प्रेंशा, आं कबल प्रोंइशो नेल्‍ल मेको आ पियामीन मोइक्‍नुङ।
EZE 17:20 गो आं ग्‍याइल मेको तार ब्‍वारनुङ। मिनु मेको आं ग्‍याइलीम रेप्‍ब। मिनु गो मेको कली बेबीलोनम चाक्‍नुङ। मिनु मेकोम आं थुं फाइक्‍तीके गो मेको कली निसाफ पाइनुङ। इजीकीएल १२:१३
EZE 17:21 मेको आ प्रोक्‍शा लशो लडाइ पाइब नेल्‍ल तरवारम साइक्‍चा पुंइसीनीम। मिनु ब्रोंइशो नेल्‍ल एर ओंथ ब्राइ‍नीम। मिनु गो परमप्रभु यावेमीन एको लोव़ पशो नङ, दे तुइक्‍नीनी” देंशो बाक्‍ब।
EZE 17:22 परमप्रभु, परमप्रभु यावेमी “गो लेबानोन ङा लाइश्‍‍शो रवा आ ङर ङा आइक्‍च राशी का प्रोइश्‍शा लाइक्‍नुङ। मिनु गो मेको कली नेल्‍ल क्‍येङा लाइश्‍शो डांडाम ख्रुम्‍‍नुङ। यसैया ११:१
EZE 17:23 गो मेको इस्राएल ङा लाइश्‍शो पहाड मेर ख्रुम्‍नुङ। मिनु मेकोम शुश राशी दाप्‍पाइश्‍शा फल सिप्‍पाइश्‍शा, थम दारशो लेबानोन ङा लाइश्‍शो रवा का दुम्‍ब। मिनु नेल्‍ल खाल ङा चिक्‍ब आ राशीम बाक्‍नीम। मिनु मेकेर ठेयब चिक्‍बपुकीम ग्‍योव़ सेल्‍शा, मेको आ वांकुम बाक्‍नीम। इजीकीएल २०:४०; १सामुएल २:७०८
EZE 17:24 मिनु रू ङा रवा नेल्‍लेम गो, परमप्रभु यावे नङ, दे तुइक्‍चा माल्‍नीम। गो लाइश्‍शो रवा आन कली आइक्‍च सेल्‍नुङ। आइक्‍च रवा आन कली लाइश्‍शो सेल्‍नुङ। गो गिगी रवा आन कली सोव़पाइक्‍नुङ। मिनु सोव़शो रवा आन कली गिगी दुम्‍पाइक्नुङ। गो, परमप्रभु यावेमी एको लोव़ पाता। मिनु गो एको थमा पा पाइनुङ” देंत।
EZE 18:1 परमप्रभु यावेमी आं कली लोव़ पाप्‍तु।
EZE 18:2 मार लोव़ पाप्‍तु देंशा हना “इस्राएल रागी आ पर्बम लेंशा पशो कथा आ अर्थ मार बाक्‍बा, दे मिम्‍नीनी? ‘आम आफोम ग्‍युरशो अङगुर ब्‍वाम्‍तेक्‍म हना, आन आल आन ख्रुइ ग्रिम्‍बा ङा?’ ” दे हिल्‍लो पाप्‍तु। येरमीया ३१:२९
EZE 18:3 लेंशा परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, मुल रे गेपुकीम एको कथा इस्राएलम लेंशा काइ मदेनीन।
EZE 18:4 मारदे हना ब्रोंइशा बाक्‍ब नेल्‍ल आं केन नम, दे तुइक्‍चा माल्‍नीनी। आम आफ नु आल नेल्‍ल आं केन नम। सुम पाप पाइबा, मेको ला बेक्‍ब।
EZE 18:5 ठीक पाइब मुर का बाक्‍त हना, आं अरेशो टीब नु रिम्‍शो पाइब।
EZE 18:6 मेको डांडा मेर मजाइब नु इस्राएल आ खिं ङा मुर आन मूर्ति आन कली पूजा मपाइब, मेको आ नेक्‍था ङा मुर आन मीश नु मइप्‍ब, रां ब्रोल्‍शो मीश मुर नु मइप्‍ब। लेवी १८:१९; लेवी १८:२०
EZE 18:7 मेकोम सुइ आन कली मदिप्‍ब, जाकटी वोइश्‍शो मार मार लेश्‍शा गेब, मेकोम खुइ मपाइब, शोव़लु बेक्‍शो आन कली आ जचा थोव़क गेब। मिनु शिश्रा बाक्शो आन कली वा फेक्‍पाइक्‍ब। ब्‍यवस्‍था २४:१०-१३; यसैया ५८:७
EZE 18:8 मेकोम जेर गेशा चाइक्‍ब मताक्‍ब, मेको मरिम्‍शो पतीक रे ङोन बाक्‍ब नु मुर आन दातेम कुल मकोव़थु ठीक निसाफ पाइब। प्रस्‍थान २२:२४; भजन संग्रह १५:५
EZE 18:9 मेकोम आं फुल्‍लुम मुशा ब्रेक्‍शो लोव़ नु आं निसाफ पतीके लोव़ थुं मफाइक्‍थु पाइब। मोदेंशो मुर ठीक पाइब मुर बाक्‍ब। मिनु मेको थमा पा ब्रोंइचा माल्‍ब” दे परमप्रभु, परमप्रभु यावेमी देंशो बाक्‍ब।
EZE 18:10 मिनु “मेको मुर के तौ का बाक्‍ब। मेकोम हुश ख्राक्‍श पोक्‍ब नु मुर आन कली साइक्‍ब,
EZE 18:11 मेको आ आफोम मपशो गेय नेल्‍ले मेकोम पाइब, मेकोमी डांडा मेर जाइब, मेको आ नेक्‍था ङा मुर आन मीश नु इप्‍ब।
EZE 18:12 प्रुङग नु मारेइ मथीब आन कली दिप्‍ब, मुर आन मार मार रोइक्‍ब। जाकटी वोइश्‍शो थोव़क मलेप्‍ब, मूर्ति आन कली पूजा पाइब नु ग्रांग्रा दिशो गेय पाइब।
EZE 18:13 मेकोम आ चाइक्‍ब ताक्‍शा ला जेर गेब, मार मोदेंशो मुर ब्रोंइचा ताइ‍बा ङा? मेको ब्रोंइचा मताइब। मोदेंशो ग्रांग्रा दिशो गेय नेल्‍ल पतीके, मेको थमा पा बेक्‍चान माल्‍ब। मेको आ हुश आ दोस मेको आंमा राइब।
EZE 18:14 तन्‍न मेको मुर आ तौमी आ आफोम पशो पाप नेल्‍ल ताइब। मेको नेल्‍ल तशा, मोदेंशो गेय मपाइब। ब्‍यवस्‍था २४:१६
EZE 18:15 मेकोम डांडा मेर मजाइब। इस्राएल आ खिं ङा मुर आन मूर्ति आन कली पूजा मपाइब, मेको आ नेक्‍था ङा मुर आन मीश नु मइप्‍ब।
EZE 18:16 मेकोम सुइ आन कली मरिम्‍शो मपाइब, मेकोमी जाकटी मताक्‍ब। मेकोम सुइ के मारेइ मरोइक्‍ब। तन्‍न शोव़लु बेक्‍शो आन कली आ जचा थोव़क गेब। शिश्रा बाक्‍शो आन कली वा फेक्‍पाइक्‍ब।
EZE 18:17 मेको मरिम्‍शो पतीक रे ङोन बाक्‍ब, जेर गेशा आ चाइक्‍ब मताक्‍ब। मेकोम आं निसाफ पतीक लोव़ नेल्‍ल पाइब। मिनु आं फुल्‍लुम मुशा ब्रेक्‍शो लोव़ नेल्‍ल खाप्‍ब। मेको मुर आ आफ आ मरिम्‍शो पशो आ पर्बम बेक्‍चा ममाल्‍ब। मेको थमा पा ब्रोंइब।
EZE 18:18 तन्‍न मेको आ आफोम चहिं आ दला दाक्‍स पशा, आ लोक्‍ब आन कली रोइक्‍ताक्‍व। आ मुर आन दातेम मरिम्‍शो पाप्‍तु। मेको आ मरिम्‍शो पशो आ पर्बम बेक्‍ब।
EZE 18:19 मो हना यो गेपुकीम मारदे आ आफ आ मरिम्‍शो पशो आ तौम कुरचा ममाल्‍दा? देंनीनी। आ तौम आं अरेशो टिशा, ठीक गेय पशो बाक्‍ब, मेकोम आं फुल्‍लुम मुशा ब्रेक्‍शो लोव़ होस पा टिशो बाक्‍ब। मोपतीके मेको थमा पा ब्रोंइब। प्रस्‍थान २०:५
EZE 18:20 सुम पाप पाइबा, मेको ला बेक्‍ब। आलमी आ आम आफ आस मरिम्‍शो पशो आ पर्बम श्‍येत जचा ममाल्‍ब। आ आम आफोम यो आस आल आन मरिम्‍शो पशो आ पर्बम श्‍येत जचा ममाल्‍नीस। ठीक पाइब आ ठीक पशो आ कली दुम्‍ब। मिनु परमप्रभु यावे आ अरेशो मटीबमी आ मटिशो आ कलीन दुम्‍ब। २राजा १४:६
EZE 18:21 तन्‍न परमप्रभु यावे आ अरेशो लोव़ मटीब मुर कामी आ पशो पाप नेल्‍ल प्रोंइशा, आं फुल्‍लुम मुशा ब्रेक्‍शो लोव़ नेल्‍ल पाप्‍तु हना, आं अरेशो नु ठीक गेय पाप्‍तु हना, मेको थमा पा ब्रोंइब। मेको मबेक्‍ब। इजीकीएल ३३:१०-२०
EZE 18:22 मेको आ हेंथे पशो आ पर्बम लेंशा ममिम्‍सीब। मेको आ ठीक पतीकेम ब्रोंइब। यसैया ४३:२५
EZE 18:23 मार, गो आं अरेशो लोव़ मटीब मुर बेक्‍मेनु ग्‍येरनुङा ङा? मेको क्‍येङा यो गो मेको आन मरिम्‍शो पशो प्रोंइशा ब्रोंइशा बाक्‍शो तचा मदाक्‍नुङा ङा? १तिमोथी २:४
EZE 18:24 तन्‍न ठीक पाइब मुरुम आ ठीक पतीक प्रोंइशा, मरिम्‍शो पाप्‍तु हना, आं अरेशो लोव़ मटीबपुकीम खोदेंशो पा ग्रांग्रा दिशो गेय पाप्‍तु हना, मार मेको ब्रोंइबा ङा? मेको आ ङोंइती पशो ठीक गेय मारेइ ममिम्‍सीब। मेको आ मरिम्‍शो पशो नु आ पाप आ पर्बम बेक्‍चा माल्‍ब। इजीकीएल ३:२०
EZE 18:25 मो हना यो गेपुकीम ‘परमप्रभु आ पशो ठीक मबाक्‍ब’ देंनीनी। इस्राएल आ खिं ङा मुर नेनीन, मार, आं पशो ठीक मबाक्‍बा ङा? मार, इन पशो कका ठीक बाक्‍बा ङा?
EZE 18:26 ठीक पाइब मुरुम आ ठीक पतीक प्रोंइशा मरिम्‍शो पाप्‍तु हना, मेको आ ठीक मपतीकेम बेक्‍ब। मेको आ मरिम्‍शो पशो आ पर्बम बेक्‍चा माल्‍ब।
EZE 18:27 तन्‍न परमप्रभु यावे आ अरेशो मटीब मुरुम आ मटितीके प्रोंइशा, आं अरेशो ठीक गेय पाप्‍तु हना, मेको ब्रोंइब।
EZE 18:28 मारदे हना मेकोम मिम्‍शा, आ पशो मरिम्‍शो नेल्‍ल रे लेत्‍त हना, मेको थमा पा ब्रोंइब। मेको बेक्‍चा ममाल्‍ब।
EZE 18:29 मो हना यो इस्राएल आ खिं ङा मुरपुकीमी ‘परमप्रभु यावे आ पशो ठीक मबाक्‍ब’ देंनीम। ए इस्राएल आ खिं ङा मुर, मार, आं पशो ठीक मबाक्‍बा ङा? मार, इन पशो कका ठीक बाक्‍बा ङा?
EZE 18:30 मोपतीके ए इस्राएल आ खिं ङा मुर, गो नेल्‍ल इन कली इन पशो कोव़शा निसाफ पाइनुङ। मिनु इन हेंथे पशो नेल्‍ल रे लेतीन। मो मपाइतीनी हना, इन मरिम्‍शो पशोम इन कली साइक्‍ब।
EZE 18:31 गे इन आं कली हेंथे पशो नेल्‍ल प्रोंइशा, गे नक थुं नु नक सोक्‍ती ताक्‍कीन। ए इस्राएल आ खिं ङा मुर, गे मारदे बेक्‍चा दाक्‍नीनी? इजीकीएल ११:१९
EZE 18:32 मारदे हना गो सुइ मुर बेक्‍शोम मग्‍येरसीनुङ। मरिम्‍शो पतीक रे लेश्‍शा, ब्रोंइशा बाक्‍कीन” दे परमप्रभु, परमप्रभु यावेमी देंत।
EZE 19:1 गे इस्राएल ङा पिप आ खिं ङा मुर आन पर्बम रोंका पने।
EZE 19:2 इ ममा गुप्‍स आन दातेम ठेयब छाउरी गुप्‍स दुम्‍शा बाक्‍त। मेको आ चाइक्‍ब आन कली कोल्‍पाइक्‍ना पाइक्‍न ठिटा गुप्‍स आन दातेम गोल्‍शा बाक्‍बाक्‍त। उत्‍पत्ती ४९:९
EZE 19:3 मिनु मेकोम आ चाइक्‍ब आन दाते ङा का कली कोल्‍पाइश्‍शा, ठेयब सेल्‍तु। मिनु मेको ठेयब बोल्‍यो ठिटा गुप्‍स का दुम्‍त। मेकोम सिखार पचा शेंसाक्‍व। मिनु मुर आन कली ब्‍वाप्‍तु।
EZE 19:4 मिनु रागी रागी ङा मुरपुकीम मेको आ पर्बम लोव़ नेंतेक्‍म। मिनु मेकोपुकीम मेको कली बिक्‍तीकेम पिक्‍शा ग्‍याइक्‍ताक्‍म। मिनु मुरपुकीम मेको कली कोंङगुम कीशा, इजीप्‍त रागी लाइक्‍तेक्‍म। २राजा २३:३१-३३; येरमीया २२:११-१२
EZE 19:5 मिनु मेको छाउरी गुप्‍सम आ देंशो मदुम्‍शो नु आ मिम्‍शो मगाप्‍शो तशा, आ चाइक्‍ब आन दाते ङा का कली योव़तु। मिनु मेको कली बोल्‍यो ठिटा गुप्‍स का सेल्‍तु। २राजा २४:६,८,९
EZE 19:6 मिनु मेको गुप्‍स आन दातेम एर ओंथ पचा गोप्‍तु। मारदे हना मेको ठेयब नु बोल्‍यो ठिटा गुप्‍स दुम्‍शो बाक्‍त। मिनु मेकोम सिखार पचा शेंसाक्‍व। मिनु मुर आन कली ब्‍वाप्‍तु।
EZE 19:7 मेकोम मुर आन बोल्‍यो दरवार प्रेत्‍तु। मिनु मेको आन सहर खतम सेल्‍तु। मेको आ ङोरशो नेंशा, रागी नु मेकेर बाक्‍ब नेल्‍ल हिंतेक्‍म।
EZE 19:8 मिनु आ एर ओंथ ङा रागी रागी रे मुरपुकी जाक्‍तेक्‍म। मिनु मेको कली ब्‍वारद दाइक्‍ताक्‍म। मेको कली बिक्‍तीकेम पिक्‍शा ग्‍याइक्‍ताक्‍म।
EZE 19:9 मिनु मेकोपुकीम मेको कली कोंङगुम कीशा ग्‍याइश्‍शा खोरम चोक्‍तेक्‍म। मिनु बेबीलोन ङा पिप आ बाक्‍तीकेम लाइक्‍‍तेक्‍म। मेकोपुकीम इस्राएल ङा डांडा मेर आ सेंदा गेनायो मनेंसेक्‍ल, दे मेको कली चोक्‍शा वोइक्‍तेक्‍म। २राजा २४:१५
EZE 19:10 इ ममा ब्‍वाक्‍कु आ नेक्‍था ख्रुम्‍शो अङगुर बोट खोदेंशो बाक्‍त। शुश ब्‍वाक्‍कु बाक्‍तीके, मेको शुश राशी पाइश्‍शा शुश गेडा सिश्‍शो बाक्‍त। इजीकीएल १७:६
EZE 19:11 मेको आ बोल्‍यो राशी का पिप आन हुकुम पतीक कोक्‍के दुम्‍चा ङा बाक्‍त। मेको शुश राशी आन दातेमी लाइश्‍शो नु कोल्‍शो दुम्‍शा, शुश राशी दाप्‍पाइश्‍शा लत।
EZE 19:12 तन्‍न मेको गाइश्‍शा चुरशा तुल्‍चा पुंइसाक्‍व। मिनु खपीम ताइक्‍चा पुंइसाक्‍व। मिनु पूर्ब ङा फशेम मेको कली सोव़पाइक्‍तु। मिनु मेको आ गेडा नेल्‍ल हेम्‍तेक्‍म। आ बोल्‍यो राशी सोव़शा, मेको कली मीम नेक्‍तु।
EZE 19:13 मिनु मुल मेको सोव़शो ब्‍वाक्‍कु मबाक्‍शो गोरशो रागीम ख्रुम्‍चा पुंइसाक्‍व।
EZE 19:14 मिनु मेको आ ठेयब राशी रे मी ग्रूत। मिनु मेको आ फल नु आ आइक्‍च राशी नेल्‍ल नेक्‍तु। मोपा मेकेर हुकुम पतीक कोक्‍के दुम्‍चा ङा बोल्‍यो राशी का यो मली। मिनु एको रोंका पतीक कुम्‍सो नेल्‍लेम तुइश्‍शा, पना पन बाक्‍तेक्‍म।
EZE 20:1 मिनु ७ बर्स ङा ५ महिना ङा १० नाक्‍ती इस्राएल ङा खाल्‍पापुकी परमप्रभु यावे कली हिल्‍लो पचा कली जाक्‍शा आं ङोंइती बाक्‍तेक्‍म। इजीकीएल १४:१
EZE 20:2 मेना परमप्रभु यावेमी आं कली लोव़ पाप्‍तु।
EZE 20:3 मेकोमी “ए मुर, इस्राएल ङा खाल्‍पा आन कली लोव़ पावो। गो, परमप्रभु, परमप्रभु यावेमी, मारदे गेपुकी आं कली हिल्‍लो पथ जाक्‍नी? गो आं ब्रोंइशा बाक्‍शो खोदेंशो पा, इन कली लोव़ मलेत्‍नुङ। इजीकीएल १४:३
EZE 20:4 ए मुर, गे मेको आन कली निसाफ पाइनेवे? गे मेको आन कली निसाफ पाइनेवे? मो हना मेको आन किकी पिपी आन ग्रांग्रा दिशो गेय आन पर्बम मेको आन कली तुइक्‍पतो। इजीकीएल २२:२; इजीकीएल २३:३६
EZE 20:5 गो इस्राएल कली योव़ङु नाक्‍ती याकूब आ खिं ङा आ चच युइ नु कसम जाता। इजीप्‍त रागीमी गो मेको आन दातेम तुइक्‍पांइसाक्‍यी। मेको आन कली गो परमप्रभु यावे, इन परमप्रभु नङ, दे कसम जाता। प्रस्‍थान ६:७-८
EZE 20:6 गो मेको नाक्‍ती मेको आन कली इजीप्‍त रे ग्रुंइशा, आन माल्‍शो रागीम चाक्‍नुङमी। मेको रागीम दूध नु खुदो शाइश्‍शो बाक्‍ब। मिनु मेको रागी, रागी नेल्‍ल आन क्‍येङा रिम्‍शो बाक्‍ब, दे कसम जशा देंशो नङ। प्रस्‍थान ३:८
EZE 20:7 मिनु गो मेको आन कली इन कोव़त दाक्‍शो ग्रांग्रा दित्‍चा ङा थोव़क ताइक्‍तीन। गे आंम कली इजीप्‍त ङा मूर्तिपुकीम ग्रांग्रा दिशो मसेल्‍सीन। गो परमप्रभु यावे, इन परमप्रभु नङ। यहोसु २४:१४,२३
EZE 20:8 तन्‍न मेकोपुकीमी आं कली मटिथु, आं लोव़ मनेनेम। सुइम आन कोव़त दाक्‍शो ग्रांग्रा दित्‍चा ङा थोव़क मताइक्‍तेक्‍म। सुइमी इजीप्‍त ङा मूर्तिपुकी यो मप्रोनेम। मिनु गे इजीप्‍त रागीम बाक्‍नीनु, आं गाइश्‍शो नेल्‍ले इन तारी मोइक्‍नुङ, दे मिम्‍ताक्‍ङ।
EZE 20:9 तन्‍न गो आं नें रागी रागी ङा मुर आन ङोंइती मरिम्‍शो मदुम्‍ल, दे गो इन कली इजीप्‍त रागी रे ग्रुंइताक्‍ङ। इन बाक्‍शो रागी ङा मुर आन कली यो आं नें तुइक्‍पाइक्‍ताक्‍मी। इजीकीएल २०:१४; इजीकीएल ३६:२१-२२; प्रस्‍थान ३२:१२
EZE 20:10 मोपतीके गो मेको आन कली इजीप्‍त रागी रे ग्रुंइशा गोरशो रागीम चाक्‍तामी।
EZE 20:11 गो मेको आन कली आं फुल्‍लुम मुशा ब्रेक्‍शो लोव़ तुइक्‍पाइक्‍तामी। मिनु आं निसाफ पतीक लोव़ कोंइताक्‍ङमी। सुम मेको टिशा पाइबा, मेको ब्रोंइब। लेवी १८:५; लूका १०:२८
EZE 20:12 मेको प्रोंइशा मेको आन कली नाइक्‍तीक नाक्‍त गेतामी। मेको गो नु मेको आन दातेमी चिन्‍ड का बाक्‍ब। मिनु गो, परमप्रभु यावेमी मेको आन कली आं मुर सेल्‍ताक्‍मी, दे तुइक्‍तमेक्‍ल। प्रस्‍थान ३१:१३-१७
EZE 20:13 तन्‍न इस्राएल आ खिं ङा मुरपुकीमी गोरशो रागीम आं कली मटीयीमी। मेकोपुकीम आं फुल्‍लुम मुशा ब्रेक्‍शो लोव़ नु आं निसाफ पतीक लोव़ मपामे। मेको टिशा पाइब मुर मेको रे ब्रोंइनीम। मेकोपुकीमी आं नाइक्‍तीक नाक्‍त ग्रांग्रा दिशो सेल्‍तेक्‍म। मिनु गो एको गोरशो रागीमीन आं चुरशो मोइश्‍शा मेको आन कली साइक्‍नुङमी, दे मिम्‍ताक्‍ङ। प्रस्‍थान ३२:१०-१२
EZE 20:14 मिनु गो रागी ङा मुर आन ङोंइती मेको आन कली इजीप्‍त रागी रे ग्रुंइताक्‍ङ। गो आं नें मेको रागी रागी ङा मुर आन ङोंइती मरिम्‍शो मदुम्‍ल, दे मोदेंशो पाता।
EZE 20:15 मिनु गो मेको आन कली गोरशो रागीमी गो इन कली गेशो, दूध नु खुदो शुश बाक्‍शो नेल्‍ल क्‍येङा दारशो रागीमी मलाइक्‍नुङ, दे कसम जाता। गन्‍ती १४:३०
EZE 20:16 मारदे हना मेकोपुकीम आं निसाफ पतीक लोव़ होस पा मपाम। मिनु फुल्‍लुम मुशा ब्रेक्‍शो लोव़ मटीम। मिनु आं नाइक्‍तीक नाक्‍ती ग्रांग्रा दिशो सेल्‍तेक्‍म। मारदे हना मेको आन थुं आन मूर्ति गे हिरशो बाक्‍तेक्‍म।
EZE 20:17 मो हना यो गो मेको आन कली शिशी पा, गोरशो रागीम मसदुमी। मेको आन कली मक्‍याम्‍दुमी।
EZE 20:18 गो गोरशो रागीम मेको आन आल आन कली ‘गे इन आम आफ आन शेंशो फुल्‍लुम मुशा ब्रेक्‍शो लोव़ मटिने। मेको आन निसाफ पतीक मपने। मेको आन मूर्तिम आंम इन कली ग्रांग्रा दिशो मसेल्‍सीन।
EZE 20:19 गो परमप्रभु यावे, इन परमप्रभु नङ। गेपुकीम आं फुल्‍लुम मुशा ब्रेक्‍शो लोव़ टिशा, आं निसाफ पतीक लोव़ होस पा पने।
EZE 20:20 आं नाइक्‍तीक नाक्‍ती गेय मपने। मिनु मेको गे नु गो इं दातेम चिन्‍ड दुम्‍ल। मिनु गेपुकीम गो परमप्रभु यावे, इन परमप्रभु नङ, दे तुइक्‍नीनी’ देंती।
EZE 20:21 तन्‍न मेको आलपुकी आं कली मटीब दुम्‍तेक्‍म। मेकोपुकीम आं फुल्‍लुम मुशा ब्रेक्‍शो लोव़म मटीम। मिनु आं निसाफ पतीक लोव़ होस पा मपाम। मेको टिशा पाइब मुर मेको रे ब्रोंइनीम। मेकोपुकीम आं नाइक्‍तीक नाक्‍ती ग्रांग्रा दिशो सेल्‍तेक्‍म। मिनु एको गोरशो रागीमीन आं चुरशो आन तारी मोइश्‍शा, मेको आं गाइश्‍शा पशो गेय कोंइनुङ।
EZE 20:22 तन्‍न गो आं गुइ तेक्‍ता। मिनु गो रागी ङा मुर आन ङोंइती मेको आन कली इजीप्‍त रागी रे ग्रुंइताक्‍ङ। गो आं नें मेको रागी रागी ङा मुर आन ङोंइती मरिम्‍शो मदुम्‍ल, दे मोदेंशो पाता।
EZE 20:23 मेको प्रोंइशा यो, गो गोरशो रागीम मेको आन कली गो इन कली रागी रागी ङा मुर आन दातेम एर ओंथ ब्रपाइक्‍नुङमी। मिनु राज्‍य राज्‍यम एर ओंथ ब्रपाइक्‍नुङमी, दे कसम जाता। लेवी २६:३३
EZE 20:24 मारदे हना मेकोपुकीम आं निसाफ पतीक लोव़ मपामे। मिनु आं फुल्‍लुम मुशा ब्रेक्‍शो लोव़ मटीम। आं नाइक्‍तीक नाक्‍त ग्रांग्रा दिशो सेल्‍तेक्‍म। मिनु मेकोम आन किकी पिप आन मूर्ति पूजा पाम्‍तेक्‍म।
EZE 20:25 गो मेको आन कली फुल्‍लुम मुशा ब्रेक्‍शो मरिम्‍शो लोव़ यो गेतामी। मिनु आं निसाफ पतीक लोव़म यो मेकोपुकी ब्रोंइने मचाप्‍बाक्‍तेक्‍म।
EZE 20:26 गो मेको आन कली आन चढ़ेशो रे पा ग्रांग्रा दिशो दुम्‍चा गेतामी। आन ङोंइती जरमेशो मारेइ मारेइ आन रे आं कली चढ़ेचा आ पर्बम मेको आन कली ग्रांग्रा दिशो दुम्‍पाइक्‍तामी। मेकोपुकी हिंशा ग्‍येत्‍थ लुक्‍च दुम्‍मल, दे मो पाता। मिनु मेकोपुकीम गो परमप्रभु यावे नङ, दे तुइक्‍तमेक्‍ल, दे मो पाता” देंत। इजीकीएल १६:२०; प्रस्‍थान १३:२,१३; प्रस्‍थान २२:२८
EZE 20:27 मोपतीके ए मुर, इस्राएल आ खिं ङा मुरपुकी नु लोव़ पावो। मिनु मेको आन कली “परमप्रभु, परमप्रभु यावेमी इन कली मार देंत देंशा हना, इन किकी पिपीम आं कली जोल पा शुक्‍शी पाइक्‍तीमी।
EZE 20:28 गो कसम जशा मेको आन कली गेनुङ देंशो रागीम चाक्‍तामी। मेकोपुकीम मेकेर लाइश्‍शो डांडा नु शुश सफा पाइश्‍शो रवा ताम्‍तेक्‍म। मेकेर आन मार मार चढ़ेम्‍तेक्‍म। आं कली गाइक्‍पाइक्‍चा कली आन पोक्‍शो मार मार चढ़ेम्‍तेक्‍म। मेकेर आन ब्रोव़शो रिना पाइश्‍शो धूप चोशा, आन तूचा थोव़क चढ़ेतीक चढ़ेम्‍तेक्‍म।
EZE 20:29 मिनु गो मेको आन कली गे इन लशो लाइश्‍शो डांडा मार बाक्‍बा? दे हिल्‍लो पातामी। मुल सम्‍म यो मेको ठाउं आ नें बामाह देंसीब” दे परमप्रभु यावेमी देंत। बामाह देंशो लाइश्‍शो डांडा ङा थान रुम्‍सीब।
EZE 20:30 मोपतीके परमप्रभु, परमप्रभु यावेमी इस्राएल आ खिं ङा मुर आन कली “गे यो इन किकी पिपी आन खोदेंशो पा इन कली ग्रांग्रा दिशो सेल्‍सीनीनी? मिनु मेको आन ग्रांग्रा दिशो मूर्ति आन नोले खोइक्‍नीनी?
EZE 20:31 गेपुकीम मेको आन कली चढ़ेनीनी। गे इन आल आन कली चोशा चढ़ेनीनी। मिनु मुलाक्‍ती सम्‍म यो गे इन मूर्ति पूजा पतीकेम आंम इन कली ग्रांग्रा दिशो सेल्‍सीशो बाक्‍नीनी। ए इस्राएल आ खिं ङा मुरपुकी, गो ब्रोंइशा बाक्‍शो खोदेंशो पा, गे आं कली हिल्‍लो पचा मताइनीनी” दे परमप्रभु, परमप्रभु यावेमी देंत।
EZE 20:32 मिनु परमप्रभुमी “इन थुंम ‘गोपुकी अर्को रागी ङा मुर नु अर्को जात ङा मुर खोदेंशो दुम्‍चा दाक्‍नीक’ देंतीनी। गेपुकीमी ‘रागी ङा जात जात ङा मुर खोदेंशो पा शी नु फुल्‍लु आन कली पूजा पाइब बाक्‍नीकी’ देंतीनी। तन्‍न इन मिम्‍शो गेनायो मजाक्‍दीप्‍ब” देंत। प्रस्‍थान २३:२४
EZE 20:33 परमप्रभु, परमप्रभु यावेमी “गो ब्रोंइशा बाक्‍शो खोदेंशो पा, सक्ति पाइश्‍शो गुइ दिंशा चुरशा गो इन कली सासन पाइनुङ।
EZE 20:34 गो इन कली सक्ति पाइश्‍शो गुइ दिंशा चुरशा इन ब्रशा बाक्‍शो रागी रागी ङा मुर आन दाते रे ग्रुंइशा चाक्‍नन्‍नी। मिनु गे इन ब्रशो रागी रे इन कली ग्रुम्‍पाइक्‍नन्‍नी।
EZE 20:35 गो इन कली रागी रागी ङा मुर आन गोरशो रागीम चाक्‍नन्‍नी। मिनु मेकेर इन कली निसाफ पाइनुङ। होसे २:१६
EZE 20:36 ङोंइती गो दोपा इजीप्‍त ङा गोरशो रागीम इन किकी पिपी आन कली निसाफ पङा, मोपा इन कली यो निसाफ पाइनुङ। गन्‍ती १४:२२-२३
EZE 20:37 गो इन कली हिक्‍शा आं कबल पपाइक्‍नन्‍नी। लेवी २७:३२; येरमीया ३३:१३
EZE 20:38 इन दाते ङा आं कली मटीब नु मरिम्‍शो पाइब आन कली तिल्‍नुङमी। गो मेको आन कली अर्को रागी ङा मुर दुम्‍शा बाक्‍शो रागी रे ग्रुंइनुङमी। तन्‍न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्‍नीनी।
EZE 20:39 ए इस्राएल आ खिं ङा मुरपुकी, परमप्रभु यावेमी इन कली ‘लन। गे आं देंशो टिचा मदाक्‍नीनी हना, मुल रे गे नेल्‍लेम इन इन मूर्ति आन कली पूजा पने। तन्‍न इन मूर्ति पूजा पतीकेमी आं नें कली गेनायो ग्रांग्रा दिशो मसेलीन।
EZE 20:40 मारदे हना आं डांडा, इस्राएल ङा डांडामी इस्राएल आ खिं ङा मुर नेल्‍लेम आं कली ठेयब सेल्‍नीम। मिनु गो मेकेर मेको आन कली ब्राइ‍नुङमी। गो मेकेर इन गेशो, इन गेशो नेल्‍ल क्‍येङा रिम्‍शो थोव़क नु इन चढ़ेशो नेल्‍ल ताक्‍नुङ। इजीकीएल १७:२३
EZE 20:41 गो इन कली रागी रागी ङा मुर आन दाते रे ग्रुंइशा नु इन कली इन ब्रशो रागी रे खुप्‍शा, ब्रोव़शो रिना पाइश्‍शो धूप खोदेंशो पा ब्राइ‍नन्‍नी। मिनु रागी रागी ङा मुर आन ङोंइती आं कली तुइक्‍पांइसीनुङ।
EZE 20:42 मिनु गो इन किकी पिपी आन कली गेनुङ देंशो इस्राएल रागीम इन कली चाक्‍नन्‍नी। मेना गेपुकीम गो परमप्रभु यावे नङ, दे तुइक्‍नीनी।
EZE 20:43 मेकेर गे इन कली ग्रांग्रा दिशो सेल्ब थोव़क नु मरिम्‍शो गेय नेल्‍ल मिम्‍नीनी। मिनु इन पशो मरिम्‍शो गेय नेल्‍ल आन पर्बम मिम्‍शा आंम इन कली ग्रांग्रा दीनीनी। इजीकीएल ३६:३१-३२
EZE 20:44 ए इस्राएल आ खिं ङा मुरपुकी, गे इन मरिम्‍शो पतीक नु इन हेंथे पशोम ममाइ, तन्‍न आं नें आ पर्बम गो इन कली रिम्‍शो पाइनुङ। मिनु गेपुकीम गोन परमप्रभु यावे नङ, दे तुइक्‍नीनी’ देनो” दे परमप्रभु, परमप्रभु यावेमी देंत।
EZE 20:45 परमप्रभु यावेमी आं कली लोव़ पाप्‍तु।
EZE 20:46 मार लोव़ पाप्‍तु देंशा हना “ए मुर, दक्‍खिन गे कोव़शा दक्‍खिन आ पर्बम आं लोव़ पावो। मेको दक्‍खिन नेगेब ङा ब्‍वाकी आ पर्बम आं लोव़ पावो।
EZE 20:47 नेगेब ङा ब्‍वाकी कली ‘परमप्रभु यावे आ लोव़ नेनो। परमप्रभु, परमप्रभु यावेमी गो इ कली मी सुइक्‍चा चिक्‍शो बाक्‍नुङ। मिनु इ गिगी रवा नु सोव़शो रवा आन कली मेकोम नेक्‍ब। मेको आ ब्रशो मकाप्‍ब। मिनु मेकोम पतीके दक्‍खिन रे उत्तर सम्‍म ङा नेल्‍ल आन कुल किक्‍ब।
EZE 20:48 मिनु मुर नेल्‍लेमी गो, परमप्रभु यावेमी मेको जेत्‍ताक्‍ङ, दे तुइक्‍नीम। मेको काप्‍चा मदुम्‍ब’ देनो” देंत।
EZE 20:49 मिनु गो “परमप्रभु, परमप्रभु यावे, मेकोपुकीम आं पर्बम ‘मेकोमी कथा ला देंशो बाक्‍ब, ममाइ ङा?’ देंनीम” देंती।
EZE 21:1 परमप्रभु यावेमी आं कली लोव़ पाप्‍तु।
EZE 21:2 मार लोव़ पाप्‍तु देंशा हना “ए मुर, यरूसलेम गे कोव़शा, आं बाक्‍तीक आ पर्बम आं लोव़ पावो। इस्राएल रागी आ पर्बम आं लोव़ पावो।
EZE 21:3 मिनु इस्राएल ङा खाल्‍पा आन कली परमप्रभु यावेमी मार लोव़ पाप्‍तु देंशा हना ‘गो बारशा, आं तरवार खोत रे शोइश्‍शा, इन दाते ङा ठीक पाइब नु आं अरेशो लोव़ मटीब नेल्‍ल आन कली साइक्‍नुङमी।
EZE 21:4 मिनु गो इन दाते ङा ठीक पाइब नु आं अरेशो लोव़ मटीब नेल्‍ल आन कली साइक्‍नुङमी। मोपतीके दक्‍खिन रे उत्तर सम्‍म ङा मुर नेल्‍ल आन पर्बम आं तरवार खोत रे ग्रूशो बाक्‍ब।
EZE 21:5 मिनु मुर नेल्‍लेम गो, परमप्रभु यावेमीन आं तरवार शोइश्‍शो बाक्‍नुङ’ दे तुइक्‍नीम। मेको लेंशा मपिम्‍सीब।
EZE 21:6 मोपतीके ए मुर, हुकयी पावो। जिक्‍शो थुंम थम श्‍येत जशा, मेको आन ङोंइती हुकयी पावो।
EZE 21:7 मिनु मेकोपुकीम इ कली ‘गे मारदे हुकयी पवी’ देंतेक्‍म हना, मेको आन कली ‘लोव़ नेंतीके हुकयी पाता। मुर नेल्‍ल आन थुं बेक्‍शा लाइब। आन गुइ योक्‍ब। आन थुं ग्‍येत्‍थ लुक्‍च दुम्‍ब। मिनु मुर नेल्‍ल आन पोक्‍च बोल मपाइश्‍शो दुम्‍ब। मेको नाक्‍ती जाक्‍ना जाक्‍न बाक्‍ब। मेको थमा पा दुम्‍ब, दे परमप्रभु यावेमी देंशो बाक्‍ब’ दे माइक्‍मी” दे परमप्रभु यावेमी देंत। इजीकीएल ७:१७
EZE 21:8 परमप्रभु यावेमी आं कली लोव़ पाप्‍तु।
EZE 21:9 मार लोव़ पाप्‍तु देंशा हना “ए मुर, परमप्रभु यावे आ लोव़ पा, परमप्रभु यावेमी ‘तरवार का, तरवार का शेप्‍शा, हेश्‍शो सेल्‍शो बाक्‍ब। मेको टल्‍केशो बाक्‍ब।
EZE 21:10 मेको मुर साइक्‍चा कली शेप्‍शो बाक्‍ब। चिला दाप्‍शो खोदेंशो पा टल्‍केपपाइक्‍चा कली शेप्‍शो बाक्‍ब। दोपा ग्‍येरसीने चाप्‍नीनी? आं मुरपुकीम आं सजाइ गेतीके ममिम्‍तेक्‍म।
EZE 21:11 तरवार टल्‍केपपाइक्‍चा कली गे‍शो बाक्‍ब। मिनु गुइम शे‍शा, मेको शेप्‍शा टल्‍केपपाइश्‍शो बाक्‍ब। मेको साइक्‍ब कली गे‍शो बाक्‍ब।
EZE 21:12 ए मुर, ङाक्‍शा रोंका पावो। मारदे हना मेकोम आं मुर आन कली साइक्‍ब। मेकोम इस्राएल ङा पिप आ खिं ङा मुर नेल्‍ल आन कली साइक्‍ब। मेको नु आं मुरपुकी यो तरवारम साइक्‍चा पुंइसीनीम। मोपतीके गे इ कुचु तुपो।
EZE 21:13 गे आं गेशो सजाइ ममिम्‍थु, मेको श्‍येत मजाक्‍ब, दे मिम्‍नीनी’ देनो” दे परमप्रभु यावेमी देंत। यसैया १:५
EZE 21:14 मिनु परमप्रभुमी “ए मुर, आं लोव़ पावो। तरवारम खेयप निक्‍शी खेयप सां सम्‍म क्‍योरब। मेको तरवार मारेइ मारेइ आन कली साइक्‍चा कली बाक्‍ब। मेको बोल्‍यो पा क्‍योरचा कली बाक्‍ब। मेकोम एर ओंथ नेल्‍ल रे क्‍योरब।
EZE 21:15 मोपतीके थुं लुक्‍च लाइनीम। मिनु शुश गोल्‍नीम। मेको आन ठेयब लाप्‍चो नेल्‍लेमी हुश ख्राक्‍श पोक्‍चा कली तरवार वोइश्‍शो बाक्‍ती। मेको चिला दाप्‍शो खोदेंशो पा साइक्‍चा कली शेप्‍शो बाक्‍ब।
EZE 21:16 तरवार, पेरा गे क्‍योरो। ग्‍युरा गे क्‍योरो। तेइ तेइ लावो।
EZE 21:17 मिनु गो यो साइक्‍ना साइक्‍न लाइनुङ। मिनु आं चुरशो नाइक्‍नुङ। गो, परमप्रभु यावेमीन लोव़ पाता” देंत।
EZE 21:18 परमप्रभु यावेमी आं कली लोव़ पाप्‍तु।
EZE 21:19 मार लोव़ पाप्‍तु देंशा हना “ए मुर, बेबीलोन ङा पिप आ तरवार चाक्‍‍चा कली लां निक्‍शी योव़ङो। मेको लां निक्‍शी रागी का रे जाक्‍चा माल्‍नीस। सहर गे लतीक लां आस ङोंइती लां कोंइतीक का वोतो।
EZE 21:20 मेको तरवार जाक्‍चा कली अम्‍मोनी आन रब्‍बाह सहर, यहूदा नु गारो हिरशो यरूसलेम कली लां सेलीन।
EZE 21:21 मारदे हना बेबीलोन ङा पिप मेको लां निक्‍शी ग्रुम्‍तीकेम राप्‍ब। तेको लां लचा, दे मेकोमी लिंक्‍यु कोव़ब, ब्रा कली हिम्‍पाइक्‍ब। आ खिं ङा मूर्ति आन कली हिल्‍लो पा आ आइदी कोव़ब।
EZE 21:22 मेको आ ग्‍युरा गुइम यरूसलेम कली बाजी दुम्‍‍त। मेकेर गारो ङोइक्‍चा कली शी फुल्‍लु तेल्‍शा, लडाइ पचा कली, ग्रीचा कली ठेयब लाप्‍चो गे शी फुल्‍लु तेल्‍शा सहर पुम्‍चा कली, लाइश्‍शो खिं सेल्‍चा माल्‍नीम। इजीकीएल ४:२
EZE 21:23 तन्‍न यरूसलेम ङा मुर आन कली मेको लिंक्‍यु कोव़तीक दूली बाक्‍त, दे मिम्‍नीम। मारदे हना मोदेंशो मदुम्‍ब, दे कसम जशो लोव़ नेंशो बाक्‍तेक्‍म। तन्‍न परमप्रभुम मेको आन मरिम्‍शो पशो मिम्‍पाइक्‍ब। मिनु मेको आन कली ग्‍याइक्‍पाइक्‍ब।
EZE 21:24 मोपतीके परमप्रभु, परमप्रभु यावेमी मारदे हना इन मरिम्‍शो पशो मिम्‍पाइक्‍तीनी। इन हेंथे पशो नेल्‍ल तुइक्‍नीम। इन पशो पाप नेल्‍ल तांइसीब। गे ग्‍याइश्‍शा लाइक्‍चा पुंइसीनीनी।
EZE 21:25 गे काइ मरिम्‍शो नु आं अरेशो लोव़ मटीब इस्राएल ङा सासन पाइब इ नाक्‍त जाक्‍त। इ नोले ङा सजाइ ततीक नाक्‍त जाक्‍त।
EZE 21:26 मेको आ पिया रे गुप्‍तीक पुतीन। मेको आ सिरपेच पुतीन। मुल दुम्‍शो खोदेंशो पा, लेंशा मदुम्‍ब। आइक्‍च आन कली ठेयब सेलीन। मिनु ठेयब आन कली आइक्‍च सेलीन। प्रस्‍थान २८:४; लूका १८:१४
EZE 21:27 मारेइ मारेइ ब्रेश्‍शो बाक्‍ब। मेको गो पाता। मेको मोदेंशो गेनायो मदुम्‍शो बाक्‍त। मेको सासन पचा कली शिरशो दुम्‍शा जाक्‍त हना, मेको कली गेनुङ” देंत। उत्‍पत्ती ४९:१०
EZE 21:28 ए मुर, गे चहिं आं लोव़ पावो। गो, परमप्रभु, परमप्रभु यावेमी अम्‍मोनी नु मेको आन शुक्‍शी पशो आ पर्बम मार देंनुङ देंशा हना “साइक्‍चा कली तरवार शोइश्‍शो बाक्‍ब। साइक्‍चा कली शेप्‍शा टल्‍केशो बाक्‍ब। मेको चिला खोदेंशो पा दाप्‍ब बाक्‍ब। इजीकीएल २५:२-७
EZE 21:29 इन पर्बम जोल पा कोंइतीके ताम्‍तेक्‍म। इन पर्बम दूली पा लिंक्‍यु कोव़तेक्‍म। मेको मरिम्‍शो पाइब नु परमप्रभु यावे आ अरेशो लोव़ मटीब नु साइक्‍चा पुंइसीनीम। मेको आन नाक्‍त जाक्‍शो मुर आन कली मोदेंशो पशो बाक्‍ब। मेको आन नोले ङा सजाइ ततीक नाक्‍त जाक्‍शो बाक्‍ब।
EZE 21:30 मेको तरवार आ खोतम पिप्‍तीन। गो इन कली इन जरमेशो रागीम निसाफ पाइनुङ।
EZE 21:31 गो आं गाइश्‍शो इन तार मोइक्‍नुङ। आं चुर‍शो मी मुइश्‍शो खोदेंशो पा गो इन तारी मोइक्‍नुङ। गो इन कली साइक्‍चा कली हुश ख्राक्‍श पोक्‍ब नु सांइ‍स जोक्‍ब आन गुइम जिम्‍मा गेनन्‍नी।
EZE 21:32 गे मी कली शी दुम्‍नीनी। इन हुश खपीम शाइक्‍ब। इन कली लेंशा गेनायो ममिम्‍नीम। मारदे हना गो, परमप्रभु यावेमी एको लोव़ पाता” देंत।
EZE 22:1 परमप्रभु यावेमी आं कली लोव़ पाप्‍तु।
EZE 22:2 मार लोव़ पाप्‍तु देंशा हना “ए मुर, मार गे मेको निसाफ पाइनेवे? गे मेको हुश ख्राक्‍श पोक्‍ब सहर कली निसाफ पाइनेवे? मो हना मेको आ ग्रांग्रा दिशो गेय नेल्‍ल आन पर्बम मेको कली शेंदो। इजीकीएल २४:६; इजीकीएल २०:४
EZE 22:3 गे मेको कली ‘परमप्रभु, परमप्रभु यावेमी इ पर्बम मार देंत देंशा हना “ए सहर, गे इ दातेमी हुश ख्राक्‍श पोक्‍तीवी। इ खतम दुम्‍तीक नाक्‍त जाक्‍त। गे मूर्ति सेल्‍सी‍शा, ग्रांग्रा दिशो दुम्‍ते।
EZE 22:4 गे हुश शाइक्‍पाइश्‍शा, दोस तशो बाक्‍नेवे। गे इ सेल्‍शो देवी देवता रे पा ग्रांग्रा दिशो दुम्‍‍नेवे। इ निसाफ नाक्‍त जाक्‍त। मिनु इ बर्स नुप्‍शो बाक्‍नीम। मोपतीके गो इ कली रागी रागी ङा मुर आन दातेम शिशी मताइब नु शुक्‍शी पाइक्‍तीक मुर सेल्‍त‍न। २राजा २१:१६; इजीकीएल ५:१५
EZE 22:5 ए, हिक्‍चा मपुंइसीशो नु ग्रांग्‍ये माग्‍येम ब्रीशो सहर, इ नेक्‍था नु ङोन बाक्‍ब मुरपुकीम इ कली शुक्‍शी पाइ‍नीम।
EZE 22:6 मेकेर बाक्‍शो इस्राएल ङा पिप आ तौ नेल्‍लेम आन सक्तिम हुश ख्राक्‍श पोक्‍शो बाक्‍तेक्‍म।
EZE 22:7 मिनु मेकेरन आल आन आम आफ तशा महिक्‍नीम। मेकेरन अर्को रागी ङा मुर आन कली दिप्‍‍नीम। मिनु रोम रोइक्‍च नु आन वोंइश बेक्‍शो मीश मुर आन कली मरिम्‍शो पाइनीम। प्रस्‍थान २२:२०-२१
EZE 22:8 गे आं थोव़क आन कली आइक्‍च मिम्‍शा, आं नाइक्‍तीक नाक्‍त कली ग्रांग्रा दिशो सेल्‍तीवी।
EZE 22:9 मेकेर मुर आन पर्बम जोल लोव़ पा साइक्‍पाइक्‍ब मुर बाक्‍नीम। मिनु डांडा ङा थानम चढ़ेशो मार मार जाइब मुर यो बाक्‍नीम। मेकोपुकीम थम मरिम्‍शो गेय पाइनीम।
EZE 22:10 मेकेर मुरपुकी आन आफ आन मीश नु इप्‍नीम। मेकेर मुरपुकी रां ब्रोल्‍शो मीश मुर नु इप्‍नीम। लेवी १८:७-८; लेवी १८:१९
EZE 22:11 मेकेर मुरुम आन नेक्‍था ङा मुर आन मीश नु इप्‍शा ग्रांग्रा दिशो गेय पाइनीम। मिनु का निक्‍शीमी आन चाइमी कली बिथोलो पाइनीम। का निक्‍शीमी आंम आफ आ तमी कली बिथोलो पाइनीम। लेवी १८:२०; लेवी १८:१५; लेवी १८:९
EZE 22:12 मेकेर मुरपुकीम मुर साइक्‍चा कली घूस ताक्‍नीम। गे मुर आन कली जेर गेशा आ चाइक्‍ब के यो चाइक्‍ब ताक्‍नेवे। आंम नेक्‍था ङा मुर आन कली दिप्‍शा आंम कली रिम्‍शो दुम्‍तीक गेय पाइनेवे। गे आं कली प्रेंताक्‍यी” ’ दे परमप्रभु, परमप्रभु यावेमी” देंत। प्रस्‍थान २२:२४
EZE 22:13 मिनु मेकोमी “गे जोल पा मरिम्‍शो पा क्‍येट चेम्‍शो तशा नु इ दातेम मुर साइश्‍शा हुश ख्राक्‍श पोक्‍शो आ पर्बम गो छक लाक्‍शा थाम्‍पा ग्रांग्रा दीती।
EZE 22:14 गो तेको नाक्‍ती इ कली निसाफ पाइनुङा, मेको नाक्‍ती गे इ सक्ति महिक्‍सीथु बाक्‍बा ङा? मार इ गुइ बोल्‍यो लीनीमी ङा? गो, परमप्रभु यावेमी मेको लोव़ पाता। गो मेको पाइनुङ।
EZE 22:15 गो इ कली रागी रागी ङा मुर आन दातेम एर ओंथ फ्राइ‍नन। मिनु राज्‍य राज्‍यम ब्रपाइक्‍नन। मिनु गो इ आगाम दुम्‍शो ग्रांग्रा दिशो गेय नेल्‍ल क्‍याम्‍नुङ।
EZE 22:16 मिनु गे रागी रागी ङा मुर आन ङोंइती महिक्‍सीशो दुम्‍नेवे। मिनु गोन परमप्रभु यावे नङ, दे तुइक्‍नेवे” दे परमप्रभु यावेमी देंत।
EZE 22:17 परमप्रभु यावेमी आं कली लोव़ पाप्‍तु।
EZE 22:18 मार लोव़ पाप्‍तु देंशा हना “ए मुर, इस्राएल आ खिं ङा मुरपुकी आं पर्बम कस खोदेंशो दुम्‍शो बाक्‍नीम। मेको नेल्‍ल मार मार यपाइक्‍तीकेम बाक्‍शो तांबा, टिन, फलाम नु सिसा रे ग्रूशो कस खोदेंशो दुम्‍शो बाक्‍नीम। मेकोपुकी कस खोदेंशो ला बाक्‍नीम। यसैया १:२२-२५; येरमीया ६:२८
EZE 22:19 मोपतीके परमप्रभु, परमप्रभु यावेमी ‘गे नेल्‍ल कस खोदेंशो दुम्‍तीके गो इन कली यरूसलेममी पुक्‍नन्‍नी।
EZE 22:20 मिनु मुरपुकीम मी फ्रशा यपाइक्‍चा कली दोपा चांदी, तांबा, फलाम सिसा नु टिन यपाइक्‍तीकेम कुर पाइनीमी, मोपा गो यो आं गाइश्‍शो नु चुरशोम इन कली पुक्‍नन्‍नी। मिनु कुर पा यपाइक्‍नन्‍नी।
EZE 22:21 गो इन कली पुक्‍शा, आं चुरशो मी खोदेंशो पा इन तार मोइक्‍नुङ। मिनु गे मेकेर याइनीनी।
EZE 22:22 दोपा चांदी यपाइक्‍तीकेम यपाइक्‍नीमी, मोपा गो इन कली यपाइक्‍नुङ। मिनु गेपुकीम गो परमप्रभु यावेमीन आं चुर‍शो इन तार मोइक्‍ता, दे तुइक्‍नीनी’ दे‍नो” देंत।
EZE 22:23 मिनु परमप्रभु यावेमी आं कली लोव़ पाप्‍तु।
EZE 22:24 मार लोव़ पाप्‍तु देंशा हना “ए मुर, एको रागी कली गे आं गाइक्‍तीक नाक्‍त रेउम मशेक्‍शो, ग्रांग्रा दिशो रागी बाक्‍नेवे।
EZE 22:25 मेकेर बाक्‍ब पिप आ तौ आन सिखार ग्‍याइश्‍शो ङरर ङरर पाइब गुप्‍स खोदेंशो बाक्‍नीम। मेकोपुकीम मुर आन कली नेक्‍तेक्‍म। शोंप नु शुश क्‍येट लाइब, मार मार रोइक्‍ताक्‍म। मिनु मेको आन दाते ङा शुश मीश मुर आन कली वोंइश बेक्‍शो मीश मुर सेल्‍तेक्‍म। इजीकीएल ३४:३,८; सेफन्‍याह ३:३; भजन संग्रह १४:४
EZE 22:26 मेको आ चढ़ेबपुकीम आं शेंशो लोव़ प्रोंइतेक्‍म। आं थोव़कपुकी ग्रांग्रा दिशो सेल्‍तेक्‍म। मेकोपुकीम आं मार मार मुर आन थोव़क खोदेंशो सेल्‍तेक्‍म। मेकोपुकीमी मार ग्रांग्रा दिशो नु मार ग्रांग्रा मदिशो बाक्‍नीमी, मेको मशेंदेम। मेकोपुकीम आं नाइक्‍तीक नाक्‍त प्रेंताक्‍म। मोपा गो मेको आन दातेम महिक्‍सीशो दुम्‍शो बाक्‍नुङ। सेफन्‍याह ३:४; इजीकीएल ४४:२३; मत्ती २३:२५; लेवी १०:१०
EZE 22:27 मेकेर बाक्‍ब आन ठेयब मुर नेल्‍ल फर खोदेंशो बाक्‍नीम। मेकोपुकीम सिखार ग्‍यारनीम। मुर आन कली साइक्‍नीम नु क्‍येट तचा कली मुर आन कली खतम सेल्‍नीम।
EZE 22:28 मेको आं लोव़ पाइबपुकीम ‘गो कोंइतीक ताता’ देंखु पा, जोल पा शेंनीम। मेको आन पशो मरिम्‍शो नेल्‍ल बुलु ब्रुइश्‍शो खोदेंशो पा सुम्‍नीम। मेकोपुकीम गो मारेइ मदेंथु ‘परमप्रभु, परमप्रभु यावेमी ओं देंत’ दे फश लोव़ पाइनीम।
EZE 22:29 मिनु मेको रागी ङा मुरपुकीम गेन कि गेन, दे क्‍येट लाइक्‍नीम। मेकोपुकीमी मार मार रोइक्‍नीम। मेकोपुकीम प्रुङग नु मारेइ मथीब आन कली दिप्‍नीम। मिनु अर्को रागी ङा मुर आन कली दला दाक्‍स पाइनीम।
EZE 22:30 मिनु गो मेको आन दातेम गारो प्रोव़शा गेब नु रागी मक्‍याम्‍दुल, दे रागी आ पर्बम आं ङोंइती राप्‍ब मुर का माल्‍ता, तन्‍न मथिदु। इजीकीएल १३:५
EZE 22:31 मोपतीके गो आ गाइश्‍शो मेको आन तार मोइक्‍नुङ। आं चुरशो मीमी मेको आन कली खतम सेल्‍‍नुङमी” दे परमप्रभु, परमप्रभु यावेमी देंत। इजीकीएल २१:३६
EZE 23:1 परमप्रभु यावेमी आं कली लोव़ पाप्‍तु।
EZE 23:2 मार लोव़ पाप्‍तु देंशा हना “ए मुर, रागी काम मीश मुर निक्‍शी बाक्‍ताक्‍स। मेको ममा का आ तमी बाक्‍ताक्‍स।
EZE 23:3 मेको निक्‍शी इजीप्‍त रागीम तेल्‍लेम दुम्‍ताक्‍स। मेको निक्‍शी ठिटी दुम्‍सानु, तेल्‍लेम पचा गोम्‍ताक्‍स। मेको रागीम मेको आस कुचु थिम्‍तेक्‍म। मिनु मेको निक्‍शी कन्‍ने बाक्‍सानु, आस दूध थि‍चा पुंइसाक्‍स।
EZE 23:4 मिनु दिदी आ नें ओहोला नु आ लोक्‍ब आ नें ओहोलीबा बाक्‍त। मेको निक्‍शी आं के दुम्‍शो बाक्‍ताक्‍स। मिनु मेको निक्‍शीमी तमी तौ थिम्‍ताक्‍स। मेको आस नें आ अर्थ मार बाक्‍त देंशा हना, ओहोला सामरीया नु ओहोलीबा यरूसलेम बाक्‍त।
EZE 23:5 मिनु ओहोला आं के दुम्‍शा, यो तेल्‍लेम पाप्‍तु। मेकोमी अस्‍सुर ङा लडाइ पाइब आन कली खोइक्‍तु।
EZE 23:6 मेको नीलो वा फेक्‍शो लडाइ पाइबपुकी, हुकुम पाइबपुकी, लडाइ पाइब आन कप्‍तानपुकी, मेको नेल्‍ल दारशो ठिटा शारा ङोइश्‍शा गाक्‍बपुकी बाक्‍तेक्‍म।
EZE 23:7 मेकोमी मेको आन कली दाक्‍शा, मेकोपुकी नु तेल्‍लेम पाप्‍तु। मेको अस्‍सुर ङा योव़शो नु दारशो मुर बाक्‍तेक्‍म। मिनु मेकोपुकी नु इप्‍शा, मेको आ माल्‍शो वोंइश मुर आन मूर्ति नेल्‍लेम आंम कली ग्रांग्रा दिशो सेल्‍साक्‍व।
EZE 23:8 मेकोम इजीप्‍त रागीम पशो तेल्‍लेम गेय मप्रोन। मारदे हना मेको ठिटी बाक्‍मेनु, मुरपुकी मेको नु इप्‍तेक्‍म। मिनु मेकोपुकीमी आ कुचु थिम्‍तेक्‍म। मिनु आन दाक्‍शो मेको नु पाम्‍तेक्‍म। २राजा १७:४
EZE 23:9 मोपतीके गो मेको कली आ दाक्‍शो अस्‍सुर ङा मुर आन गुइम गेता। मेको, मेकोपुकी नु दाक्‍मुशो बाक्‍त।
EZE 23:10 मिनु मेकोपुकीमी मेको कली शिश्रा सेल्‍तेक्‍म। मिनु मेको आ तमी तौ आन कली ग्‍याइक्‍ताक्‍म। मिनु मेको कली तरवारम साइक्‍तेक्‍म। मेकोम सजाइ ताप्‍तु। मेको मीश मुर आन दातेम शुक्‍शी पाइक्‍चा पुंइसीब दुम्‍त।
EZE 23:11 मिनु मेको आ लोक्‍ब ओहोलीबामी मेको ताप्‍तु। तन्‍न मेकोम आ तेल्‍लेम पतीक नु खोइक्‍तीकेम आ दिदी क्‍येङा यो लाक्‍तु।
EZE 23:12 मेको यो अस्‍सुर ङा मुर आन कली हुकुम पाइब, कप्‍तान, या कुरशा लडाइ पाइब नु शारा ङोइक्‍ब बाक्‍तेक्‍म। मेको दारशो ठिटा आन नोले खोइक्‍तु।
EZE 23:13 मिनु गो मेको यो ग्रांग्रा दिशो दुम्‍शो ताता। मेको निम्‍फा लां कामीन गाक्‍ताक्‍स।
EZE 23:14 तन्‍न मेकोम आ तेल्‍लेम पतीक ङोंइती क्‍येङा शुश बारपाइक्‍‍तु। मेकोम गारोम मुशा सेल्‍शो वोंइश मुर आन नक‍सा ताप्‍तु। मेको लल रङम सेल्‍शो कल्‍दी आन नक‍सा बाक्‍तेक्म।
EZE 23:15 आन क्रातोम किप्‍शुर क्‍यिप्‍शो नु आन पियाम रोम्‍सीशो फेटा रुक्‍शो, नेल्‍ल ठेयब मुर खोदेंशो तांइसीशो बाक्‍तेक्‍म। मेको बेबीलोनम बाक्‍शो कल्‍दी ङा मुर बाक्‍तेक्‍म।
EZE 23:16 मिनु मेकोम मेको आन कली तशा, मेको आन कली दाक्‍शा कल्‍दी रागीम लोव़ कुरब मुर सोइक्‍ताक्‍व।
EZE 23:17 मिनु बेबीलोन ङा मुरपुकी मेको आ बाक्‍तीकेम मेको नु इप्‍थ जाक्‍तेक्‍म। मिनु आन दाक्‍तीकेम मेको कली ग्रांग्रा दिशो सेल्‍तेक्‍म। मिनु मेकोपुकी रे ग्रांग्रा दिशो दुम नोले, मेको आन क्‍येङा रूशा, आ थुं लेत्‍ताक्‍व।
EZE 23:18 मोपा मेकोम नेल्‍लेम तचा ङा पा तेल्‍लेम पा, आ शिश्रा रां नेल्‍ल आन कली कोंइताक्‍व। मिनु गो मेको आ दिदी कली खोदेंशो पा, मेको कली यो ग्रांग्रा दिशा प्रोंइता।
EZE 23:19 मो हना यो मेकोम इजीप्‍त रागीम ठिटी बाक्‍म ना ङा तेल्‍लेम पशो मिम्‍शा आ तेल्‍लेम पतीके शुश बारपाइक्‍तु।
EZE 23:20 मेको मेकेर ङा आ माल्‍शो मुर आन कली दाक्‍ताक्‍मी। मेको आन माल्‍शो मुरपुकी गधा नु शारा खोदेंशो बाक्‍तेक्‍म।
EZE 23:21 मो हना यो गे इजीप्‍त रागीम इ कुचु थिशो इ ठिटी ना ङा मरिम्‍शो पशो नाक्‍ती मिम्‍ताक्‍वी” देंत।
EZE 23:22 मोपतीके ए ओहोलीबा, परमप्रभु, परमप्रभु यावेमी “ङोंइती गो इ कली सजाइ गेनुङ। मिनु इ कली दाक्‍शा, ब्रीशो मुर आन कली सजाइ गेनुङ। मिनु मेको मुर आन कली इ पर्बम एर ओंथ रे पोक्‍नुङ।
EZE 23:23 मेको बेबीलोन ङा मुर नु कल्‍दी ङा मुर नेल्‍ले, पेकोद, शोआ नु कोआ ङा मुर, अस्‍सुर ङा मुर नेल्‍ल, मेको नु बाक्‍शो दारशो ठिटा, हुकुम पाइब, कप्‍तान नु लडाइ पाइब, मेको नेल्‍ल नु शारा ङोइक्‍ब नेल्‍ल आन कली इ पर्बम पोक्‍नुङमी।
EZE 23:24 मेकोपुकी गे नु लडाइ पचा कली उत्तर रे पा बग्‍गी नु शुश लडाइ पाइब नु जाक्‍नीम। मेकोपुकीमी ठेयब नु आइक्‍च तेक्‍तीक कुरशा, फलाम के गुक्‍तीक गुक्‍शा, इ कली पुम्‍नीम। मिनु गो इ कली सजाइ गेपाइक्‍चा कली मेको आन गुइम गेनन। मिनु मेकोम आन कानुन कोव़शा इ कली सजाइ गेनीम।
EZE 23:25 गो आं गाइश्‍शोमी इ कली सजाइ गेपाइक्‍नुङ। मिनु मेकोपुकी गे नु गाइश्‍शा चुरशा इ कली खतम पोक्‍नीम। मिनु मेकोपुकीम इ नें नु इ नोफा ख्रोइक्‍नीम। मिनु इ लीशो मुर तरवारम साइक्‍चा पुंइसीनीम। मेकोपुकीम इ तमी तौ आन कली ग्‍याइश्‍शा लाइक्‍नीम। इ लीशो मुर मीम दुप्‍शा बेक्‍नीम।
EZE 23:26 मेकोपुकीम इ वा प्रुइश्‍शा शिश्रा सेल्‍नीम। मिनु इ दारशो गहनापुकी रोइश्‍शा लाइक्‍नीम।
EZE 23:27 मोपा गो इ इजीप्‍त रागीम गोशो तेल्‍लेम पतीक थुम्‍‍पाइक्‍नुङ। गे मेको आन कली ममाल्‍थु, इजीप्‍त रागी कली ममिम्‍‍नेवे” दे परमप्रभु यावेमी देंत।
EZE 23:28 मिनु परमप्रभु, परमप्रभु यावेमी “गो इ कली इ काइ मदाक्‍शो मुर आन गुइमी गेनुङ। गे ङोंइती मेको आन क्‍येङा रूशा, इ थुं लेश्‍शो बाक्‍ते।
EZE 23:29 मिनु मेकोपुकीमी इ काइ मदाक्‍शो गेय पाइनीम। इ गेय पा तशो मारेइ मारेइ योल्‍शा, इ कली शिश्रा सेल्‍शा प्रोंइनीम। मिनु शिश्रा दुम्‍तीके इ तेल्‍लेम पशो नेल्‍ल तुंइसीब। इ ग्रांग्रा दिशो पशा, तेल्‍लेम प‍तीके गे मोदेंशो दुम्‍नेवे।
EZE 23:30 मारदे हना गे रागी रागी नु तेल्‍लेम पा, गे मेको आन मूर्ति रे पा ग्रांग्रा दिशो सेल्‍साक्‍वे।
EZE 23:31 गे इ लोक्‍ब खोदेंशो पाप्‍तीवी। मोपतीके गो मेको कली गेशो श्‍येत इ कली गेनन” दे परमप्रभु यावेमी देंत
EZE 23:32 परमप्रभु, परमप्रभु यावेमी “गे इ लोक्‍ब आ कचौरा तूचा माल्‍नेवे। मेको ठेयब श्‍येत जतीक बाक्‍ब। गे फाल्‍ने मचाप्‍चा ङा शुक्‍शी पाइक्‍चा पुंइसीब दुम्‍नेवे। मारदे हना इ श्‍येत ठेयब दुम्‍‍ब।
EZE 23:33 गे दुक्‍शो दुम्‍शा सुर्ता पतीकेमी ब्रीनेवे। मेको इ लोक्‍ब सामरीया आ कचौरा शुश हिंतीक नु मुर मबाक्‍तीक बाक्‍ब। यसैया ५१:१७
EZE 23:34 मिनु इ लोक्‍ब खोदेंशो दुम्‍नेवे, गे मेको श्‍येत्‍थ मदुम सम्‍म तूनेवे। मिनु मेको कचौरा आ टुक्रा नाक्‍नेवे। मिनु गे इ दूध रेत्‍नेवे। मारदे हना गो एको लोव़ पाता” दे परमप्रभु, परमप्रभु यावेम देंत।
EZE 23:35 मोपतीके परमप्रभु, परमप्रभु यावेमी “गे आं कली प्रेंताक्‍वी। मिनु आं कली प्रोंइती। मोपतीके गे इ ग्रांग्रा दिशो गेय नु तेल्‍लेम पशो आ पर्बम सजाइ ताइक्‍नेवे” देंत। येरमीया २:३२
EZE 23:36 मिनु परमप्रभु यावेमी आं कली “ए मुर, गे ओहोला नु ओहोलीबा आस कली निसाफ पाइनेवे? मो हना मेको निक्‍शी आस पशो ग्रांग्रा दिशो गेय आन पर्बम मेको आस कली तुइक्‍पतो। इजीकीएल २०:४इजीकीएल २०:४
EZE 23:37 मारदे हना मेको निक्‍शीम हेंथे पाम्‍ताक्‍स। मिनु मेको आस गुइम हुश ख्राक्‍श पोक्‍ताक्‍स। मेकोमी आस मूर्ति नु हेंथे पाम्‍ताक्‍स। मेको निक्‍शीम आं कली जरमेशो आस तमी तौ आन कली, मूर्ति आन कली ब्‍वचा गेचा कली क्‍योरशा चढ़ेम्‍ताक्‍स। इजीकीएल १६:२०
EZE 23:38 मेको निक्‍शीम आं कली मार पाम्‍ताक्‍स देंशा हना, आं बाक्‍तीक ग्रांग्रा दिशो सेल्‍ताक्‍स। मिनु आं नाइक्‍तीक नाक्‍त कली अर्को नाक्‍त खोदेंशो पा सेल्‍ताक्‍स। इजीकीएल ८:५-१८
EZE 23:39 तेको नाक्‍ती मेको आस आल आन कली मूर्ति आन कली क्‍योरशा चढ़ेम्‍से, मेको नाक्‍तीन आं बाक्‍तीकेम ओव़ताक्‍स। मिनु ग्रांग्रा दिशो सेल्‍ताक्‍स। मेको निक्‍शीम आं खिंम मोदेंशो गेय पाम्‍ताक्‍स।
EZE 23:40 मेको निक्‍शीम ङोन ङा मुर आन कली लोव़ कुरब मुर सोइश्‍शा, ब्रेत्‍ताक्‍से। मिनु मेकोपुकी जाक्‍तेक्‍म। मिनु गे मेको आन पर्बम चिक्‍शा शोप्‍शा इ मिक्‍चीम गाजल ख्रेक्‍साक्‍वे। मिनु गहना पांइशा आंम कली ग्‍योम्‍साक्‍वे।
EZE 23:41 गे आंम दारशो खाटम बाक्‍ते। मिनु मेको आ ङोंइती आं धूप नु तेल वोइक्‍तीवी।
EZE 23:42 मिनु सहरम ठेयब ग्‍येरसीशो रेयके दुम्‍त। मिनु गोरशो रागी रे चाक्‍शो दुक्‍शो मुरपुकीमी मेकेर ङा मीश मुर आन कली चुरा लिक्‍ताक्‍म। मिनु आन पियाम दारशो सुन फू चुइक्‍‍ताक्‍म।
EZE 23:43 मिनु गोरशो रागी रे जाक्‍शो मुरपुकी मेको तेल्‍लेम पचा रूशो मीश मुर नु इप्‍तेक्‍म।
EZE 23:44 मारदे हना मेकोपुकी तेल्‍लेम का नु इप्‍शो खोदेंशो पा इप्‍‍तेक्‍म। ओहोला नु ओहोलीबा नु इप्‍शो मुर खोदेंशो पा जाक्‍तेक्‍म।
EZE 23:45 तन्‍न ठीक निसाफ पाइबम मेको आस कली ‘नाता ख्रोइक्‍ब, हुश ख्राक्‍श पोक्‍शो आ पर्बम दोस ताइनीस’ मारदे हना मेकोम हेंथे पा आस गुइम मुर साइश्‍शो हुश बाक्‍ब” देंत। इजीकीएल १६:३८,४०
EZE 23:46 मिनु परमप्रभु, परमप्रभु यावेमी “मेको आस पर्बम ग्रांग्‍ये माग्‍ये पोक्‍ब हुल का पोक्‍कीन। मिनु मेको आस कली शुश हिंपाइश्‍शा मारेइ मारेइ रोइश्‍शा लतीन।
EZE 23:47 मिनु मेको ग्रांग्‍ये माग्‍ये पोक्‍ब हुलपुकीम मेको आस कली फुल्‍लु आप्‍नीम। मिनु तरवारम क्‍योरशा साइक्‍नीम। मिनु मेकोपुकीम मेको आस तमी तौ आन कली साइक्‍नीम। मिनु मेको आन खिंम मी सुइक्‍नीम।
EZE 23:48 मोपा गो रागीम मेको ग्रांग्रा दिशो गेय थुम्‍पाइक्‍नुङ। एको इ खोदेंशो मपामेक्‍ल। मीश मुर नेल्‍ल आन कली हिंच कोंइतीक दुम्‍ब।
EZE 23:49 गे इ ग्रांग्रा दिशो गेय आ पर्बम सजाइ ताइनेवे। मिनु इ मूर्ति पूजा पशो पाप राइनेवे। मिनु गोन परमप्रभु यावे नङ, दे तुइक्‍नेवे” देंत।
EZE 24:1 मिनु ग्‍याइश्‍शा लाइक्‍चा पुंइसीशो आ ९ बर्स ङा १० महिना ङा १० नाक्‍ती परमप्रभु यावेमी आं कली लोव़ पाप्‍तु। २राजा २५:१
EZE 24:2 मार लोव़ पाप्‍तु देंशा हना “ए मुर, मुलाक्‍ती तेको बर्स नु तेको नाक्‍ती बाक्‍बा, मेको ब्रेक्‍शा वोतो। मारदे हना मुलाक्‍ती बेबीलोन ङा पिपम यरूसलेम कली पुम्‍शो बाक्‍ब।
EZE 24:3 एको मटीब खिं ङा मुर आन कली, एको कथा नेंपाइक्‍मी। परमप्रभु, परमप्रभु यावेमी मार देंब देंशा हना ‘मी तार ग्‍योंब कादीन। मिनु मेकेर ब्‍वाक्‍कु लुक्‍तीन। इजीकीएल ११:३
EZE 24:4 मिनु मेकेर श्‍ये कुर पने। रिम्‍शो रिम्‍शो श्‍ये, आ फिला ङा नु कुथ्रु ङा श्‍ये कुर पने। रिम्‍शो रुशेम प्रिंदीने।
EZE 24:5 बगाल ङा नेल्‍ल क्‍येङा रिम्‍शो क्‍यारश भेडा योव़शा चाक्‍कीन। मेको आ आगाम शी प्रोव़ङीन। मिनु मेकेर ब्रुइक्‍पाइश्‍शा रुश क्‍येने’ देंत।
EZE 24:6 मोपतीके ‘आबी आबी, एको हुश ख्राक्‍श पोक्‍ब सहर, मेको आ खिया ग्‍योंब आगाम बाक्‍ब। मेको आ खिया मेकेर रे मलशो बाक्‍ब। मेको कली फेन्‍टे मआप्‍थु, श्‍येत्‍थ पोक्‍कीन। इजीकीएल २२:२; नहुम ३:१
EZE 24:7 मारदे हना मेको आ हुश शाइक्‍पाइश्‍शो मेको आ दातेमीन बाक्‍ब। मेकोम मेको हुश श्‍येत्‍थ फुल्‍लु तार शाइक्‍पाइश्‍शो बाक्‍त। मिनु खपीम मसुम्‍शो बाक्‍त।
EZE 24:8 गो चुरशा क्‍येक्‍क लेत्‍चा कली, मेको आ शाइक्‍पाइश्‍शो हुश मसुमल, दे श्‍येत्‍थ फुल्‍लु तार शाइक्‍पाइक्‍ता’ दे परमप्रभु, परमप्रभु यावेमी देंत।
EZE 24:9 मिनु ‘आबी आबी, मेको हुश ख्राक्‍श पोक्‍ब सहर, गो यो शी शुश तेल्‍नुङ।
EZE 24:10 मोपतीके शी तेल्‍शा मी सुइक्‍तीन। मस्‍ला सुप्‍शा रिम्‍शो पा ब्रुइक्‍पाइश्‍शा श्‍ये क्‍येने। मिनु रुश नेल्‍ल किक्‍‍म‍ल।
EZE 24:11 मेको नोले मेको ग्‍योंब श्‍येत्‍थ सेल्‍शा मी तार कादीन। मिनु मेको होल। मिनु मेको आ तांबा लल दुम्‍ल। मेको आ आगा ङा ग्रांग्रा दिशो नु खिया यशा लल। मिनु मीम नेक्‍गल।
EZE 24:12 आं सुर्ता पशो नेल्‍ल मोशीन दुम्‍त। मेको आ थांइशो खिया मीम यो मला।
EZE 24:13 मिनु गो इ कली इ ग्रांग्रा दिशो गेय रे ग्रुंइशा ग्रांग्रा मदिशो सेल्‍चा माल्‍ता। तन्‍न गे ग्रांग्रा मदिशो मदुमे। मोपतीके गो गेना सम्‍म आं गाइश्‍शो नेल्‍ल इ तार मोइश्‍शा, आं थुं मनाइक्‍पाइक्‍नुङा, मेना सम्‍म गे ग्रांग्रा मदिशो सेल्‍चा मपुंइसीनेवे। इजीकीएल ५:१३
EZE 24:14 गो, परमप्रभु यावेमी एको लोव़ पाता। गो आं गेय पतीक नाक्‍ती जाक्‍शो बाक्‍ब। गो नोले मशोंइसीनुङ। गो इ कली सुर्ता मपथु, शिशी मपाइक्‍नुङ। इ पशो खोदेंशो पा इ कली निसाफ पाइनुङ’ ” दे परमप्रभु, परमप्रभु यावेमी देंत। येरमीया १३:१४
EZE 24:15 परमप्रभु यावेमी आं कली लोव़ पाप्‍तु।
EZE 24:16 मार लोव़ पाप्‍तु देंशा हना “ए मुर, गो याम काम इ नेल्‍ल क्‍येङा दाक्‍शो मुर लाइक्‍चा चिक्‍शो बाक्‍नुङ। मो हना यो गे रोंका मपावो। मङाक्‍को। मिनु इ मिक्‍च रे प्रेक्‍कु यो मतोक्‍को।
EZE 24:17 सिक्‍सी पा बाक्‍शा हुकयी पावो। बेक्‍शो मुर आ पर्बम रोंका मपावो। इ पियाम फेटा रुक्‍सो। खोइलीम जुत्ता लिक्‍सो। इ कुल मसुम्‍सो। मलामी आन जचा थोव़क मजावो” देंत। मीका ३:७; होसे ९:४
EZE 24:18 मोपतीके गो मेको लोव़ सुनी कना मुर आन कली माइक्‍तामी। मिनु मेको नाक्‍दो आं मीश बेक्‍त। मिनु आ दीसा सुनी गो मार माइक्‍चा पुंइसीशो बाक्‍ङा, मेकोन पाता।
EZE 24:19 मिनु मुरपुकीम आं कली “एको आ अर्थ मार बाक्‍बा? मार गे आंइ कली मशेंनीनी?” देंतेक्‍म।
EZE 24:20 मिनु गो मेको आन कली “परमप्रभु यावेमी आं कली लोव़ पाप्‍तु।
EZE 24:21 मार लोव़ पाप्‍तु देंशा हना ‘इस्राएल आ खिं ङा मुर आन नेल्‍ल क्‍येङा दाक्‍शो, इन सक्ति, इन कोव़त दाक्‍शो नु थुंम दाक्‍शो आं बाक्‍तीक गो ग्रांग्रा दिशो सेल्‍नुङ। मिनु इन प्रोंइशा वोइश्‍शो इन तमी तौ तरवारम साइक्‍चा पुंइसीनीम
EZE 24:22 मिनु आं पशो खोदेंशो पा गेपुकीम यो पचा माल्‍नीनी। गे इन कुल मसुमीन। मिनु मलामी आन जचा थोव़क मजने।
EZE 24:23 गे इन फेटा रुक्‍चा माल्‍नीनी। मिनु इन जुत्ता लिक्‍चा माल्‍नीनी। गेपुकीम रोंका मपने। मङाक्‍कीने, तन्‍न इन मरिम्‍शो पतीकेम इन रां सोव़शा लाइनीम। मिनु इन दातेम हुकयी पचा माल्‍नीनी। ब्‍यवस्‍था २६:३९-४०
EZE 24:24 मोपा इजीकीएल गे इन कली चिन्‍ड का दुम्‍ब। मेकोम पशो खोदेंशो पा गे यो पचा माल्‍नीनी। मिनु एको लोव़ गाम्‍मेनु, गोन परमप्रभु, परमप्रभु यावे नङ, दे तुइक्‍नीनी’ देंशो बाक्‍ब” देंत। इजीकीएल १२:६,११
EZE 24:25 मिनु “ए मुर, मेको नाक्‍ती गो मेको आन ख्रुइश्‍शा बाक्‍तीक, आन नेल्‍ल क्‍येङा दाक्‍शो, आन सक्ति, आन कोव़त दाक्‍शो नु आन थुंम दाक्‍शो नु आन तमी तौ नेल्‍ल आन कली लाइनुङमी।
EZE 24:26 मेको नाक्‍ती प्रोक्‍शो मुर का इ बाक्‍तीक जाक्‍शा इ कली एको लोव़ नेल्‍ल नेंपाइक्‍ब। इजीकीएल ३३:२१
EZE 24:27 मेना गे ब्‍वाक्‍ने चाप्‍नेवे। मिनु गे मेको नु लोव़ पाइनेवे। मिनु गे सिक्‍सी पा मबाक्‍नेवे। मोपा गे मेको आन कली चिन्‍ड का दुम्‍नेवे। मिनु मेकोपुकीम गोन परमप्रभु यावे नङ, दे तुइक्‍नीम” देंत।
EZE 25:1 परमप्रभु यावेमी आं कली लोव़ पाप्‍तु।
EZE 25:2 मार लोव़ पाप्‍तु देंशा हना “ए मुर, अम्‍मोनी गे कोव़शा, मेको आन पर्बम आं लोव़ पावो।
EZE 25:3 अम्‍मोनी आन कली ‘परमप्रभु यावे आ लोव़ नेनीन। परमप्रभु, परमप्रभु यावेमी इन कली मार देंब देंशा हना, आं बाक्‍तीक ग्रांग्रा दिशो सेल्‍मेनु, इस्राएल रागी मुर मबाक्‍तीके सेल्‍मेनु नु यहूदा आ खिं ङा मुर ग्‍याइश्‍शा लाइक्‍चा पुंइसमानु, गेपुकी ग्‍येरसाक्‍नी। इजीकीएल ३६:२; बिलाप २:१६
EZE 25:4 मोपतीके गो इन कली पूर्ब ङा मुर आन कली गेनन्‍नी। मिनु मेकोपुकीम इन दातेम आन लडाइ पाइब आन बाक्‍तीक सेल्‍नीम। मिनु इन दातेमीन आन ताम्‍बु कीनीम। मेकोपुकीम इन फल फुल जाइनीम। मिनु इन दूध तूनीम।
EZE 25:5 गो रब्‍बाह सहर कली दल‍ओंठ जोतीक नु अम्‍मोन कली क्‍यारश भेडा आन गोठ सेल्‍नुङ। मेना गेपुकीम गोन परमप्रभु यावे नङ, दे तुइक्‍नीनी’ ” देंत।
EZE 25:6 मारदे हना परमप्रभु यावेमी “गेपुकी इस्राएल रागी आ पर्बम इन गुइ फ्रोक्‍शा, खोइल थाइश्‍शो बाक्‍तीनी। मिनु इन थुंम ईख कुरशो नेल्‍ल ग्रुंइशा ग्‍येरसाक्‍नी।
EZE 25:7 मोपतीके गो आं गुइ गे इन पर्बम क्‍युक्‍नुङ। मिनु गो इन कली रागी रागी ङा मुर आन गुइम गेनुङ। मिनु गो जात जात ङा मुर आन दाते रे इन नें क्‍याम्‍नुङ। मिनु गो इन कली रागी नेल्‍ल रे क्‍‍याम्‍नुङ। गो इन कली खतम पोक्‍नन्‍नी। मेना गेपुकीम गोन परमप्रभु यावे नङ, दे तुइक्‍नीनी” देंत।
EZE 25:8 मिनु परमप्रभु, परमप्रभु यावेमी “मारदे हना मोआब रागीम ‘यहूदा आ खिं दा अर्को जात ङा मुर आन खिं खोदेंशो दुम्‍शो बाक्‍ब। यसैया १५:-; १६:-; येरमीया ४८:-
EZE 25:9 मोपतीके गो मोआब रागी ङा सांद ङा सहर रे गोशा बेथ-येशीमोथ, बाल-मेओन नु किरयथ-थाइम रागी रोक्‍सीशो सेल्‍नुङ।
EZE 25:10 गो मोआबी, अम्‍मोनी नु पूर्ब ङा मुर आन गुइम गेनुङमी। मिनु रागी रागी ङा मुर आन दातेम अम्‍मोन कली सुइम ममिम्‍नीम।
EZE 25:11 मिनु गो मोआब कली निसाफ पा सजाइ गेनुङ। मेना मेकोपुकीम गोन परमप्रभु यावे नङ, दे तुइक्‍नीम’ देंशो बाक्‍ब” देंत।
EZE 25:12 परमप्रभु, परमप्रभु यावेमी “एदोम रागीम यहूदा आ खिं ङा मुर आन कली क्‍येक्‍क लेत्‍ताक्‍व। मोपतीके मेको थाम्‍पा दोस ताइब दुम्‍त। इजीकीएल ३५:-; येरमीया ४९:७-२२; आमोस १:११-१२; ओबदिया १:-; भजन संग्रह १३७:७
EZE 25:13 गो आं गुइ एदोम आ पर्बम क्‍युक्‍नुङ। मिनु मेकेर ङा मुर नु बी ब्‍यफ, क्‍यारश भेडा नेल्‍ल आन कली साइक्‍नुङमी। मिनु गो मेको कली मुर मबाक्‍तीके सेल्‍नुङ। मिनु तेमान रे देदान सम्‍म ङा मुर नेल्‍ल तरवारम साइक्‍चा पुंइसीनीम।
EZE 25:14 गो आं मुर इस्राएल रे पा एदोम कली क्‍येक्‍क लेत्‍नुङ। मिनु मेकोपुकीम आं गाइश्‍शो नु आं चुरशो खोदेंशो पा एदोम कली पाइक्‍नीम। मिनु मेकोपुकीम आं गाइश्‍शो नु चुरशो खोदेंशो पा क्‍येक्‍क लेत्‍नीम। मिनु मेकोपुकीमी परमप्रभु, परमप्रभु यावेमी क्येक्‍क लेश्‍शो बाक्‍ब, दे तुइक्‍नीम” देंत।
EZE 25:15 परमप्रभु, परमप्रभु, यावेमी “मारदे हना पलिस्‍तीपुकीम गेना हना यो जोरी सत्रु दुम्‍शा, क्‍येक्‍क लेत्‍ताक्‍म। आन थुंम ईख कुरशा, क्‍येक्‍क लेश्‍शा खतम सेल्‍‍तेक्‍म। यसैया १४:२९-३२; येरमीया ४७:-; आमोस १:६-८; सेफन्‍याह २:४-५
EZE 25:16 मोपतीके गो पलिस्‍ती आन पर्बम आं गुइ क्‍युक्‍नुङ। मिनु गो केरेथी आन कली साइक्‍नुङमी। मिनु समुन्‍द्र आ नेक्‍था ङा बाक्‍तीक नेल्‍ल खतम सेल्‍नुङ।
EZE 25:17 गो मेको आन कली आं चुर‍शोम ठेयब सजाइ गेशा थाम्‍पा क्‍येक्‍क लेत्‍नुङमी। मिनु गो मेको आन कली क्‍येक्‍क लेत्‍तुनु, मेकोपुकीम गोन परमप्रभु यावे नङ, दे तुइक्‍नीम, देंशो बाक्‍ब” देंत।
EZE 26:1 मिनु ग्‍याइश्‍शा लाइक्‍चा पुंइसीशो ११ बर्स ङा महिना ङा ङोंइती ङा नाक्‍ती परमप्रभु यावेमी आं कली लोव़ पाप्‍तु।
EZE 26:2 मार लोव़ पाप्‍तु देंशा हना “ए मुर, यरूसलेम श्‍येत जशो तशा, टायर सहर ग्‍येरसीशो बाक्‍त। मेकोमी ‘आं ङोंइती ठेयब लाप्‍चो ब्रेश्‍शो बाक्‍ब। मेको लाप्‍चो आं कली रोक्‍सीशो बाक्ब। मुल मेको जाम्‍शा लत। मुल आं कली रिम्‍शो दुम्‍ब’ ” देंत। इजीकीएल २५:३
EZE 26:3 मोपतीके परमप्रभु, परमप्रभु यावेमी “कोव़ङो, ए टायर सहर गो इ कली सजाइ गेनुङ। इ कली समुन्‍द्रम आ छाल पोक्‍शो खोदेंशो पा गो शुश रागी ङा मुर इ पर्बम पोक्‍‍नुङमी।
EZE 26:4 मेकोपुकीम टायर ङा गारो प्रेत्‍नीम। मिनु मेको आ लाइश्‍शो खिं खोल्‍नीम। गो मेको आ खप खोरशा श्‍येत्‍थ फुल्‍लु खोदेंशो सेल्‍नुङ।
EZE 26:5 टायर सहर समुन्‍द्र आ दातेम ग्‍याइल आप्‍तीक दुम्‍चा माल्‍ब, दे गो, परमप्रभु, परमप्रभु यावेमी एको लोव़ पाता। मेको सहर रागी रागी ङा मुर आन रोइक्‍तीक दुम्‍ब।
EZE 26:6 मिनु मेको आ एर ओंथ ङा सहर ङा मुर तरवारम साइक्‍चा पुंइसीनीम। मेना मेकोपुकीम गोन परमप्रभु यावे नङ, दे तुइक्‍नीम” देंत।
EZE 26:7 मिनु परमप्रभु, परमप्रभु यावेमी “गो उत्तर रे बेबीलोन ङा पिप नेबुकदरेसर कली शारा, बग्‍गी, शारा ङोइक्‍ब लडाइ पाइब नु ठेयब हुल बोल्‍यो लडाइ पाइब, टायर नु लडाइ पपाइक्‍थ चाक्‍नुङ। येरमीया २७:६; दानीएल २:३७
EZE 26:8 मिनु एर ओंथ ङा सहर ङा मुर नेल्‍ल तरवारम साइक्‍चा पुंइसीनीम। मेको बेबीलोन ङा लडाइ पाइबपुकीमी सहर कली पुम्‍नीम। गारो ङोइक्‍तीक सेल्‍नीम। मिनु तेक्‍तीक कुरशो शुश लडाइ पाइब इ गे बारनीम।
EZE 26:9 मिनु पिप नेबुकदनेसरमी मुडाम गारो ब्रेप्‍ब आन कली अरेब। मिनु इ लाइश्‍शो खिं आ खापुकीम प्रेत्‍नीम।
EZE 26:10 मेको आन शुश शाराम पोक्‍शो फुरकुम इ कली सुम्‍ब। शारा ङोइक्‍ब नु बग्‍गी आन गुगील आन रेयकेम इ गारो हिम्‍‍पाइक्‍ब। नेबुकदनेसर इ लाप्‍चो रे ओव़मेनु, प्रेश्‍शो गारोम हिरशो सहर खोदेंशो पा ओव़ब।
EZE 26:11 मेको आ शारा आन गेंचम इ सहर ङा लां नेल्‍ल दिम्‍शा ताइश्‍शा पाइनीम। मिनु मेकोमी इ मुर आन कली तरवारम साइक्‍ब। मिनु इ बोल्‍यो थाम खपीम गोल्‍नीम।
EZE 26:12 मेकोपुकीम इ शोंप रोइश्‍शा योल्‍नीम। इ लेयचा कली वोइश्‍शो थोव़क रोइश्‍शा लाइक्‍‍नीम। मेकोपुकीम इ गारो नु इ दारदारशो खिं प्रेश्‍शा खतम पोक्‍नीम। मिनु इ फुल्‍लु, खिं सेल्‍तीक शी नु खप समुन्‍द्रम ताइक्‍नीम।
EZE 26:13 गो इ कुम्‍सो थुम्‍पाइक्‍‍नुङ। इ बीना ताप्‍शो लेंशा मनेंसीब। आमोस ५:२३
EZE 26:14 गो इ कली श्‍येत्‍थ फुल्‍लु सेल्‍नुङ। गे ग्‍याइल आप्‍तीक दुम्‍नेवे। इ कली लेंशा गेनायो मसेल्‍नीम। मारदे हना गो, परमप्रभु यावेमी एको लोव़ पाता” दे परमप्रभु, परमप्रभु यावेमी देंत।
EZE 26:15 परमप्रभु, परमप्रभु यावेमी टायर सहर कली “लडाइ पा, गार दुम्‍‍शो आन हुकयी पशो इ गोल्‍शो रेयकेम समुन्‍द्र आ नेक्‍था ङा सहर आन कली हिम्‍‍पाइक्‍ब।
EZE 26:16 मेना समुन्‍द्र आ नेक्‍था ङा सहर आन कली सासन पाइब आन ठेयब नित्‍तीक रे बोक्‍शा तोइश्‍शा, बुटा आप्‍शो वा प्रुइक्‍नीम। मेकोपुकी हिंशा ख्रिंख्रि पशा, खपीम निश्‍शा, हिम्‍‍सी‍नीम। मिनु इ कली तशा हिंनीम।
EZE 26:17 मिनु मेकोपुकीम सहर आ पर्बम रोंका पाइनीम। मिनु सहर कली ‘गे समुन्‍द्र रे क्‍याम्‍चा पुंइसाक्‍वे। ए दारशो सहर, गे नु इ मुरपुकी समुन्‍द्र ङा सक्ति पाइश्‍शो बाक्‍तीनी। मेकेर बाक्‍ब नेल्‍ल आन कली गे हिंपाइश्‍शा थिर थिर पपाइश्‍शो बाक्‍ते।
EZE 26:18 मुल गे जाम्‍शा लवे नाक्‍ती समुन्‍द्र आ नेक्‍था ङा रागी ङा मुरपुकी ख्रिंख्रि पाइनीम। इ गोल्‍शा लशो खतम दुम्‍शो तशा समुन्‍द्र आ नेक्‍था ङा रागी हिं‍नीम’ ” देंत।
EZE 26:19 मिनु परमप्रभु, परमप्रभु यावेमी “गो इ कली श्‍येत्‍थ सहर का सेल्‍नुङ। गो इ कली मुर मबाक्‍शो सहर खोदेंशो दुम्‍पाइक्‍नुङ। मिनु गो इ कली समुन्‍द्र ङा ब्‍वाक्‍कुम सुम्‍पाइक्‍नुङ।
EZE 26:20 गे इ कली बेक्‍शा लशो मुर नु साइ ङोंइती बेक्‍शो मुर आन बाक्‍तीके उइ तोक्‍नन। गो इ कली उइ ङा रागीम साइ ने‍सी ब्रेश्‍शो खिं आन दातेमी बाक्‍पाइक्‍नुङ। गे नरक लाइब नु बाक्‍नेवे। मिनु गे ब्रोंइशा बाक्‍ब आन बाक्‍तीकेम बाक्‍चा मताइनेवे। यसैया १४:११,१५; एफिसी ४:९; १पत्रुस ३:१९
EZE 26:21 गो इ जाम्‍तीक हिंचा ङा सेल्‍नुङ। मिनु गे जाम्‍शा लाइनेवे। इ कली माल्‍नीम, तन्‍न सुइम मथित्‍नीम” दे परमप्रभु यावेमी देंत।
EZE 27:1 परमप्रभु यावेमी आं कली लोव़ पाप्‍तु।
EZE 27:2 मार लोव़ पाप्‍तु देंशा हना “ए मुर, टायर सहर आ पर्बम रोंका पावो।
EZE 27:3 मेको समुन्‍द्र आ ओव़तीक बाक्‍ब। मेको टायर सहर शुश मुर आन ग्‍याप्‍तीक लेयतीक बाक्‍ब। मिनु परमप्रभु, परमप्रभु यावेमी ए टायर, गे ‘गो नेल्‍ल क्‍येङा दारशो बाक्‍नुङ’ देंते। होसे ९:१३
EZE 27:4 इ सांद समुन्‍द्र आ आगाम बाक्‍त। इ कली सेल्‍बपुकीमी नेल्‍ल आन क्‍येङा दारशो पा सेल्‍तेमी।
EZE 27:5 मेकोपुकीम इ डोंगा नेल्‍ल सेनीर ङा शी के सेल्‍तेक्‍म। आ दाते ङा थाम लेबानोन ङा लाइश्‍शो रवा आ शी के सेल्‍तेक्‍म। ब्‍यवस्‍था ३:८-९
EZE 27:6 मेकोपुकीम इ ब्‍वाक्‍क शाक्‍तीके बाशान ङा बोल्‍यो शी के सेल्‍तेक्‍म। इ थेक्‍शा गाक्‍तीक साइप्रस ङा समुन्‍द्र आ शुंइच रे चाक्‍शो तोव़शी रवा आ शी के सेल्‍शा हात्ती आ दारा के बुटा आप्‍शा सेल्‍तेक्‍म।
EZE 27:7 इ जहाज ङा वापुकी इजीप्‍त रागी ङा दारशो बुटा आप्‍शा सेल्‍शो रिम्‍शो किरशो सुती वा के बाक्‍तेक्‍म। मेको इ छेदर दुम्‍शो बाक्‍तेक्‍म। मेको एलीशाह रागी ङा समुन्‍द्र आ शुंइच ङा नीलो नु प्‍याजी रङ ङा चाक्‍शो बाक्‍त। उत्‍पत्ती १०:४
EZE 27:8 सीदोन नु अरवाद ङा मुरपुकी इ जहाजम गेय पाइ‍ब बाक्‍तेक्‍म। टायर, इन जोक्‍ब तुइक्‍ब मेकेर बाक्‍तेक्‍म। सेमेर सहर ङा मुर इ जहाज चलेब बाक्‍तेक्‍म।
EZE 27:9 गेबाल ङा खाल्‍पा नु दारशो थोव़क सेल्‍स जोक्‍ब तुइक्‍ब इ आगाम बाक्‍तेक्‍म। मेकोपुकी जहाज ङा बिग्रेशो मार मार सेल्‍ब बाक्‍तेक्‍म। जहाज नु आ गेय पाइब नेल्‍ल इ आगाम बाक्‍तेक्‍म। मेकोपुकीमी लेयतीक नु ग्‍याप्‍तीक गेय यो पाम्‍तेक्‍म। यहोसु १३:५; १राजा ५:३२
EZE 27:10 पारसी, लूद नु पूत रागी ङा मुरपुकी इ लडाइ पाइब बाक्‍तेक्‍म। मेकोपुकी बोल्‍यो लडाइ पाइब बाक्‍तेक्‍म। मेको आन तेक्‍तीक नु ताकी इ आगामीन क्‍युक्‍शा इ दारस बारपाइक्‍तेक्‍म।
EZE 27:11 अरवाद नु हेलेक ङा मुरपुकी इ गारो आ एर ओंथ खाल पाइब बाक्‍तेक्‍म। गमाद ङा मुरपुकी इ लाइश्‍शो खिं खाल पाइब बाक्‍तेक्‍म। मेकोपुकीम आन तेक्‍तीक नु ब्रा कुरतीक इ एर ओंथ ङा गारोम क्‍युक्‍बाक्‍तेक्‍म। मिनु मोपा इ दारस बारपाइक्‍तेक्‍म।
EZE 27:12 गे नु शुश शोंप नु शुश मार मार बाक्‍तीके टारशीश ङा मुरपुकीम गे नु ग्‍याप्‍तीक लेयतीक गेय पा चांदी, फलाम, टिन नु सिसा चाक्‍शा फाइक्‍तेक्‍म।
EZE 27:13 यावान तूबल नु मेशेक ङा मुरपुकीम गे नु ग्‍याप्‍तीक लेयतीक गेय पाम्‍तेक्‍म। मेकोपुकीम वाइलीम वाइल नु कांसा के ग्‍योंब चाक्‍शा इ मार मार नु फाइक्‍तेक्‍म। इजीकीएल ३८:२
EZE 27:14 मिनु बेथ-तोगारमाह ङा मुरपुकीम शारा, लडाइ पाइब शारा नु खच्‍चर चाक्‍शा इ मार मार नु फाइक्‍तेक्‍म।
EZE 27:15 रोडोस ङा मुरपुकीम गे नु ग्‍याप्‍तीक लेयतीक गेय पाम्‍तेक्‍म। मिनु समुन्‍द्र आ नेक्‍था ङा शुश रागी इ मार मार ग्‍याप्‍ब लेयब दुम्‍तेक्‍म। मेकोपुकीम इ कली हात्ती आ दारा नु शुश क्‍येट लाइब क्‍येर शी चाक्‍शा इ मार मार नु फाइक्‍तेक्‍म।
EZE 27:16 इ शुश मार मार बाक्‍तीके एदोम ङा मुरपुकीमी गे नु ग्‍याप्‍तीक लेयतीक गेय पाम्‍तेक्‍म। मेकोपुकीम फिरोजा माइश्‍शो हीरा, प्‍याजी रङ नुप्‍शा प्रोव़शो वा, बुटा आप्‍शो वा, रिम्‍शो किरशो सुती वा, लल मूगा नु हीरा चाक्‍शा इ मार मार नु फाइक्‍तेक्‍म।
EZE 27:17 यहूदा नु इस्राएल ङा मुरपुकीम गे नु ग्‍याप्‍तीक लेयतीक गेय पाम्‍तेक्‍म। मेकोपुकीम मिन्‍नीथ ङा चेरब, फोव़शी रवा आन फल, खुदो, तेल नु ख्रेक्‍तीक चाक्‍शा इ मार मार नु फाइक्‍तेक्‍म।
EZE 27:18 मिनु इ शुश मार मार बाक्‍तीके नु इ शुश शोंप बाक्‍तीके दमस्‍कस ङा मुरपुकीम गे नु मार मार ग्‍याप्‍तीक लेयतीक गेय पाम्‍तेक्‍म। मेकोपुकीम हेल्‍बोन ङा अङगुर शांबु नु बुश ऊन चाक्‍शा इ मार मार नु फाइक्‍तेक्‍म।
EZE 27:19 उजाल ङा वेदान नु यावान ङा मुरपुकीम गे नु ग्‍याप्‍तीक लेयतीक गेय पाम्‍तेक्‍म। मेकोपुकीम चेम्‍शो फलाम, सिन्‍कौली नु बच चाक्‍शा इ मार मार नु फाइक्‍तेक्‍म।
EZE 27:20 देदान ङा मुरपुकीम शारा आ लगम कली जीन वा चाक्‍शा इ मार मार नु फाइक्‍तेक्‍म।
EZE 27:21 अराब रागी नु केदार ङा पिप आन तौ नेल्‍ल इ मार मार ग्‍याप्‍ब मुर बाक्‍तेक्‍म। मेकोपुकीम भेडा पाठा, सांड, क्‍यारश चाक्‍शा इ मार मार नु फाइक्‍तेक्‍म।
EZE 27:22 शेबा नु रामाह ङा ग्‍याप्‍ब लेयब मुरपुकीम गे नु ग्‍याप्‍तीक लेयतीक गेय पाम्‍तेक्‍म। मेकोपुकीम सुप्‍तीक, नेल्‍ल खाल ङा हीरा नु सुन चाक्‍शा इ मार मार नु फाइक्‍तेक्‍म। उत्‍पत्ती १०:७
EZE 27:23 हारान, कन्‍नेह, एदेन, शेबा, अश्‍शुर नु किल्‍मद ङा ग्‍याप्‍ब लेयबपुकीम गे नु ग्‍याप्‍तीक लेयतीक गेय पाम्‍तेक्‍म।
EZE 27:24 मेकोपुकीमी दारशो वा, नीलो श्‍येलेम प्रोव़शो वा, बुटा आप्‍शो वा, शुश रङ पाइश्‍शो गलैचा चाक्‍शा, इ मार मार नु फाइक्‍तेक्‍म।
EZE 27:25 टारसीस ङा जहाजपुकीम इ ग्‍याप्‍तीक लेयतीक गेय पाम्‍‍तेक्‍म। गे हेल्‍शो ग्‍याप्‍तीक लेयतीक मार मारमी ब्रीशो समुन्‍द्रम बाक्‍ते।
EZE 27:26 मिनु इ कली शाक्‍बपुकीमी इ कली समुन्‍द्र आ दातेम लाइक्‍तेक्‍म। तन्‍न पूर्ब ङा फशेम इ कली समुन्‍द्र आ दातेमीन खतम पोक्‍तु।
EZE 27:27 मिनु इ खतम दुम्‍तीक नाक्‍ती इ शोंप, इ ग्‍याप्‍तीक लेयतीक मार मार, इ गेय पाइब, इ कली चलेब, इ जहाज कली सेल्‍ब, इ ग्‍याप्‍ब लेयब, इ लडाइ पाइब नु गे नु बाक्‍ब मुर नेल्‍ले समुन्‍द्र आ दातेमी ग्रुम्‍शा खतम दुम्‍नीम।
EZE 27:28 मेको इ जहाज चलेब आन वाइ ब्रेश्‍शोम रागी ख्रिंख्रि पाइब।
EZE 27:29 मिनु ब्‍वाक्‍कु शाक्‍ब नेल्‍ले आन जहाज प्रोंइशा प्रोक्‍नीम। मिनु जहाजम गेय पाइब नु चलेबपुकी समुन्‍द्र आ नेक्‍थाम राप्‍नीम।
EZE 27:30 मिनु मेकोपुकी इ पर्बम ठेयब सेंदा पा रोंका पा ङाक्‍नीम। आन पियाम फुरक फुंइसीनीम। मिनु पुलुम लोक्‍सीनीम।
EZE 27:31 गे इ पतीके मेकोपुकीम आन पिया ङा चां प्रेक्‍नीम। मिनु अरन्‍डी फेक्‍सीनीम। मिनु इ पर्बम आन थुं कशो दुम्‍शा ङाक्‍‍नीम। शुश रोंका पाइनीम।
EZE 27:32 मेकोपुकीम इ पर्बम रोंका पा बिलाना पतीक कुम्‍सो पाइनीम ‘समुन्‍द्र आ दातेमी टायर खोदेंशो पा अर्को तेको सहर खतम दुम्‍‍शो बाक्‍मे’ दे रोंका पाइनीम।
EZE 27:33 समुन्‍द्रम इ ग्‍याप्‍तीक लेयतीक मार मार चाक्‍गमेनु, गे शुश मुर आन कली आन थुं ग्‍येरपाइक्‍तीवी। गे इ शुश शोंप नु इ ग्‍याप्‍तीक लेयतीक मार मारम रागी ङा पिप आन कली शोंप पाइश्‍शो सेल्‍तीवी।
EZE 27:34 मुल समुन्‍द्रम ख्रुम्‍चा पुंइसाक्‍वे। इ ग्‍याप्‍तीक लेयतीक मार मार नु इ मुर नेल्‍ल गे नु ग्रुम्‍तेक्‍म।
EZE 27:35 मिनु समुन्‍द्र आ नेक्‍थाम बाक्‍ब नेल्‍ल इ कली तशा हिंशो बाक्‍नीम। मेको आन पिप थाम्‍पा हिंशा ख्रिंख्रि पाइनीम। मेको आन कुल हिंशा किक्‍पाइश्‍शो बाक्‍नीम।
EZE 27:36 मिनु रागी रागी ङा ग्‍याप्‍तीक लेयतीक गेय पाइबपुकीम इ कली शुक्‍शी पाइनीम। इ हिंचा ङा नुप्‍तीक नाक्‍त जाक्‍शो बाक्‍त” देंत। इजीकीएल २८:१९
EZE 28:1 परमप्रभु यावेमी आं कली लोव़ पाप्‍तु।
EZE 28:2 मार लोव़ पाप्‍तु देंशा हना “ए मुर, टायर ङा पिप आ तौ कली परमप्रभु, परमप्रभु यावेमी ‘गे इ थुं ङा ठेयब लेत्‍तीकेम, गो परमप्रभु नङ। गो समुन्‍द्र आ दातेम देवी देवता आन बाक्‍‍तीकेम बाक्‍नुङ’ देंते। तन्‍न गे मुर ला बाक्‍नेवे। परमप्रभु मनवे। गे ठेयब लेश्‍शा, इ थुंम ‘परमप्रभु खोदेंशो जोक्‍ब तुइक्‍ब बाक्‍नुङ’ दे मिम्‍साक्‍वे। यसैया ३१:३; दानीएल ५:२०; प्रेरित १२:२३
EZE 28:3 गे दानीएल क्‍येङा यो जोक्‍ब तुइक्‍ब बाक्‍नेवे। मारेइ ख्रुइक्‍तीक लोव़ इ रे मख्रुंइसी‍शो बाक्‍ब। इजीकीएल १४:१४; दानीएल १:१७
EZE 28:4 गे इ रुप्‍तीक थुं नु मिम्‍तीकेम शुश शोंप चेम्‍शो बाक्‍नेवे। मिनु गे इ मार मार वोइक्‍तीकेम सुन नु चांदी तेल्‍शो बाक्‍नेवे।
EZE 28:5 गे इ रुप्‍तीक थुंम ग्‍याप्‍तीक लेयतीक गेय पा इ शोंप बारपाइश्‍शो बाक्‍नेवे। मिनु इ शोंपोम पतीके गे बोरशा ठेयब लेश्‍शो बाक्‍नेवे, देंशो बाक्‍ब” देंत।
EZE 28:6 मोपतीके परमप्रभु, परमप्रभु यावेमी “गे आंम इ कली परमप्रभु खोदेंशो सुंइ‍सीनेवे।
EZE 28:7 मोपतीके गो रागी रागी ङा नेल्‍ल क्‍येङा मरिम्‍शो पाइब मुर आन कली चाक्‍नुङ। मिनु मेकोमी आन तरवार इ दारस नु इ जोक्‍ब तुइक्‍ब थुं आ पर्बम शोइक्‍नीम। मिनु इ दारस ग्रांग्रा दिशो सेल्‍नीम।
EZE 28:8 मेकोपुकीम इ कली तुरसुम चाक्‍दीत्‍नीम। मिनु गे समुन्‍द्र आ दातेम हिंचा ङा दुम्‍शा बेक्‍नेवे। इजीकीएल २६:२०
EZE 28:9 मिनु मार, इ कली साइक्‍ब आन ङोंइती गे मुर दुम्‍शा यो ‘गो देवता का नङ’ देंनेवे ङा? ‘इ कली साइक्‍ब आन गुइमी बाक्‍शा यो मोदेंशो लोव़ पाइनेवे?
EZE 28:10 गे अर्को रागी ङा मुर आन गुइम ख्रोइक्‍तीक चिनु मख्रोइश्‍शो मुर खोदेंशो पा बेक्‍चा माल्‍नेवे’ दे गो, परमप्रभु, परमप्रभु यावेमी लोव़ पाता” देंत।
EZE 28:11 परमप्रभु यावेमी लेंशा आं कली लोव़ पाप्‍तु।
EZE 28:12 मार लोव़ पाप्‍तु देंशा हना “ए मुर, टायर ङा पिप आ पर्बम रोंका पावो। मिनु मेको कली परमप्रभु, परमप्रभु यावेमी इ कली ‘गे रिम्‍शो पा थोक्‍शो छाप खोदेंशो बाक्‍ते। मिनु रुप्‍तीक थुंम ब्रीशो नु थम दारशो बाक्‍ते। इजीकीएल २७:२
EZE 28:13 गे परमप्रभु आ रू एदेनम खोदेंशो बाक्‍ते। गे हीराम ग्‍योम्‍सीशो बाक्‍ते। लल मानीक, हाव पुश्‍‍पराज, बुश नु नीलो पन्‍ना, पीतमनी, लल रङ ङा ओनीक्‍स, नीलो बि‍लौरा, बुश नीर, लल फिरोजा नु गिगी बेरूज माइश्‍शो हीराम ग्‍योम्‍सीशो बाक्‍ते। मिनु मेको हीरा ग्‍याइक्‍तीके नु आप्‍तीके सुन के बाक्‍तेक्‍म। गे दुमे नाक्‍तीन मेको नेल्‍ल ठीक पशो बाक्‍तेक्‍म। प्रस्‍थान २८:१७-२०; इजीकीएल ३१:८-९; उत्‍पत्ती २:८
EZE 28:14 गो तेल लुक्‍शो करूब इ कली खाल पाइब सेल्‍ता। गे आं डांडाम बाक्‍शो नवे। गे मी ब्रशो फुल्‍लु आन दातेम गाक्‍बाक्‍ते।
EZE 28:15 गे सेल्‍चा पुंइसे नाक्‍त रे दोस मताइब बाक्‍ते। तन्‍न नोले मरिम्‍शो पाइब दुम्‍शो, बाक्‍ते।
EZE 28:16 मिनु इ एर ओंथ नेल्‍ल ङा ग्‍याप्‍तीक लेयतीक आ पर्बम हुश ख्राक्‍श पोक्‍शा, पाप पाप्‍तीवी। मोपतीके गो इ कली ताइक्‍तीक थोव़क खोदेंशो पा आं डांडा रे ताइक्‍ताक्‍ङ। मिनु इ कली खाल पाइब करूबम इ कली मी ब्रशो फुल्‍लु आन दाते रे खेरते।
EZE 28:17 गे इ दारसम प‍तीके इ थुं ठेयब लेश्‍शा बोरत। इ शुश शोंप दुम्‍तीके इ जोक्‍ब तुइक्‍ब थुं मरिम्‍शो सेल्‍तीवी। मोपतीके गो इ कली खपीम ताइक्‍ताक्‍न। मिनु इ कली पिप आन ङोंइती शुक्‍शी पतीक सेल्‍तन।
EZE 28:18 गे इ शुश मरिम्‍शो पशो नु इ जोल पा ग्‍याप्‍‍तीक लेयतीकेम इ आं कली ठेयब सेल्‍तीके ग्रांग्रा दिशो सेल्‍तीवी। मोपतीके गो इ आगा रे मी का ग्रुंइताक्‍ङ। मिनु मेकोमी इ कली नेक्‍तु। मिनु गो इ कली मुर आन ङोंइती पुलु सेल्‍तन।
EZE 28:19 मिनु इ कली तुइक्‍ब मुर नेल्‍ल इ कली तशा हिंतेक्‍म। गे हिंचा ङा दुम्‍शा बेक्‍ते। मिनु गे गेना हना यो बेक्‍शा लाइनेवे’ देनो” देंत। इजीकीएल २७:३६
EZE 28:20 परमप्रभु यावेमी आं कली लोव़ पाप्‍तु।
EZE 28:21 मार लोव़ पाप्‍तु देंशा हना “ए मुर, सीदोन गे कोव़ङो। मिनु मेको आ पर्बम आं लोव़ पावो। यसैया २३:२-४
EZE 28:22 परमप्रभु, परमप्रभु यावेमी ‘ए सीदोन, गो इ कली सजाइ गेनुङ। गो इ दातेमी आं सक्ति कोंइनुङ। गो इ दातेमी आं सक्ति कोंइशा, निसाफ पाता हना, मेकोपुकीमी गोन परमप्रभु यावे नङ’ दे तुइक्‍नीम
EZE 28:23 गो मेको आ आगाम मुर बेक्‍तीक रोइ का सोइक्‍नुङ। मिनु मेको आ लां मेर हुश शाइक्‍पाइक्‍नुङ। मेको आन दाते ङा मुर तेइ तेइ तरवारम साइक्‍चा पुंइसीनीम। मिनु मेकोपुकीम ‘गोन परमप्रभु यावे नङ’ दे तुइक्‍नीम।
EZE 28:24 इस्राएल आ खिं ङा मुर नु मेको आन नेक्‍था ङा मुर आन दातेमी मुल श्‍येत गेब मुर मुल मबाक्‍नीम। मेकोपुकीम ‘गोन परमप्रभु, परमप्रभु यावे नङ’ दे तुइक्‍नीम” देंशो बाक्‍ब।
EZE 28:25 परमप्रभु, परमप्रभु यावेमी “गो इस्राएल आ खिं ङा मुर आन कली मेको आन ब्रशा बाक्‍शो रागी रागी ङा मुर आन दाते रे ग्रुम्‍पाइक्‍नुङमी। मिनु गो परमप्रभु यावे नङ, दे रागी रागी ङा मुर आन ङोंइती तुइक्‍पांइसीनुङ। मेना मेकोपुकी आं गेय पाइब याकूब कली गेशो रागीम बाक्‍चा ताइनीम।
EZE 28:26 मेकोपुकी मेकेर मारेइ मदुम्‍थु बाक्‍नीम। मेकोपुकीम खिं सेल्‍नीम। मिनु अङगुर ख्रुम्‍नीम। मिनु गो मेको आन कली तशा, ग्रांग्रा दीब नेल्‍ल आन कली सजाइ गेनुङमी। गो मेको आन नेक्‍था बाक्‍ब मेको आन कली मदाक्‍ब आन कली निसाफ पङानु, मेकोपुकी रिम्‍शो पा बाक्‍नीम। मिनु मेकोपुकीम ‘गोन परमप्रभु यावे, आन परमप्रभु नङ’ दे तुइक्‍नीम” देंत।
EZE 29:1 मिनु ग्‍याइश्‍शा लाइक्‍चा पुंइसीशो १० बर्स ङा १० महिना ङा १२ नाक्‍त परमप्रभु यावेमी आं कली लोव़ पाप्‍तु।
EZE 29:2 मार लोव़ पाप्‍तु देंशा हना “ए मुर, गे इजीप्‍त ङा पिप फाराओ गे कोव़ङो। मेको आ पर्बम नु इजीप्‍त रागी नेल्‍ल आन पर्बम आं लोव़ पावो।
EZE 29:3 मिनु परमप्रभु, परमप्रभु यावेमी मेको कली ‘ए इजीप्‍त ङा पिप फाराओ, गो इ कली सजाइ गे‍नुङ। गे खोला आन दातेम बाक्‍ब समुन्‍द्र ङा ठेयब जन्‍तु खोदेंशो बाक्‍नेवे। मिनु नील खोला आं केन बाक्‍ब। मेको आं सेल्‍शो बाक्‍ब’ देंते। इजीकीएल ३२:२
EZE 29:4 गो इ शांपेम बोल्‍सी ब्‍वेक्‍नुङ। मिनु गो इ खोला ङा ङांइ इ कत्‍लापुकीमीन क्‍येप्‍पाइक्‍नुङमी। गो खोला ङा ङांइ इ कत्‍लाम क्‍येप्‍पाइश्‍शा, इ कली खोला रे कीशा ग्रुंइनन।
EZE 29:5 मिनु गो इ कली नु इ खोला ङा ङांइ नेल्‍ल आन कली गोरशो रागीम ताइक्‍नन्‍नी। मिनु गे दिंमम गोल्‍नेवे। इन कली सुइम खुप्‍शा मथिम्‍नीम। गो इ कली रागी ङा जन्‍तु नु सरीङ ङा चिक्‍ब आन कली ब्‍वचा कली गेनुङ।
EZE 29:6 मेना इजीप्‍त रागीम बाक्‍ब नेल्‍लेम गोन परमप्रभु यावे नङ, दे तुइक्‍नीम। गे इस्राएल आ खिं ङा मुर आन कली बुदी मीलु के कोक्‍के खोदेंशो दुम्‍शो बाक्‍नेवे। २राजा १८:२१
EZE 29:7 मिनु मेकोपुकीम इ कली गुइम ग्‍याइक्‍तमेनु, गे जिक्‍बाक्‍ते। मिनु मेकोपुकीमी इ कली तिक्‍सीमानु, गे जिक्‍शा, मेको आन खोइल रोप्‍पाइक्‍बाक्‍ते” देंत।
EZE 29:8 मोपतीके परमप्रभु, परमप्रभु यावेमी “गो इ पर्बम तरवार सोइक्‍नुङ। गो इ मुर नु इ बी ब्‍यफ, क्‍यारश भेडा नेल्‍ल आन कली साइक्‍नुङमी।
EZE 29:9 मिनु इजीप्‍त रागी मुर मबाक्‍तीके नु गोरशो रागी दुम्‍ब। मेना मेकोपुकीम गोन परमप्रभु यावे नङ, दे तुइक्‍नीम। गे ‘नील खोला आं केन बाक्‍ब। गो मेको सेल्‍ता’ देंते।
EZE 29:10 मोपतीके गो इ पर्बम नु इ खोला आन पर्बम बोक्‍नुङ। मिनु गो मिग्‍दोल रे स्‍येने सम्‍म नु एथीयोपीया रागी आ सांद सम्‍म इजीप्‍त रागी कली गोरशो नु मुर मबाक्‍तीके सेल्‍नुङ। इजीकीएल ३०:६
EZE 29:11 मेकेर सुइ मुर नु जन्‍तु मगाक्‍नीम। मेकेर ४० बर्स सम्‍म सुइ मबाक्‍नीम। गन्‍ती १४:३३-३४
EZE 29:12 गो इजीप्‍त रागी कली मुर मबाक्‍शो रागी आन दातेमी मेको क्‍येङा मुर मबाक्‍शो रागी सेल्‍नुङ। मिनु मेको आ सहरपुकीम ४० बर्स सम्‍म मुर मबाक्‍नीम। मिनु गो इजीप्‍त रागी ङा मुर आन कली रागी रागी नु राज्‍य राज्‍य ङा मुर आन दातेम ब्रपाइक्‍नुङमी” देंत।
EZE 29:13 मो हना यो परमप्रभु, परमप्रभु यावेमी “मेको ४० बर्स नोले गो इजीप्‍त ङा मुर आन कली मेको आन ब्रशा बाक्‍तीक रागी रागी ङा मुर आन दाते रे खुप्‍नुङमी।
EZE 29:14 गो मेको आन कली लेंशा रिम्‍शो पाइनुङ। मिनु मेको आन कली आन किकी पिपी आन रागी पथ्रोसम चाक्‍नुङमी। मिनु मेको मेकेर महिक्‍सीशो आइक्‍च राज्‍य का दुम्‍शा बाक्ब। पथ्रोस रागी इजीप्‍त ङा दक्‍खिन बाक्‍त।
EZE 29:15 मेको राज्‍य नेल्‍ल आन दातेमी नेल्‍ल क्‍येङा आइक्‍च राज्‍य दुम्‍ब। मेको अर्को रागी आन क्‍येङा गेनायो ठेयब मदुम्‍ब। गो मेको कली थम आइक्‍च सेल्‍नुङ। मिनु मेकोम गेनायो अर्को रागी रागी आन कली सासन मपाइब।
EZE 29:16 मिनु इस्राएल आ खिं ङा मुरपुकीमी इजीप्‍त रागी कली लेंशा गेनायो थमा मसुइक्‍नीम। तन्‍न इस्राएलम इजीप्‍त कली ‘वारच पाइक्‍की’ दे पुंइथ लशा आन पाप मिम्‍पाइक्‍नीम। मेना मेकोपुकीम गोन परमप्रभु, परमप्रभु यावे नङ, दे तुइक्‍नीम” देंशो बाक्‍ब।
EZE 29:17 मिनु ग्‍याइश्‍शा लाइक्‍चा पुंइसीशो २७ बर्स ङा ङोंइती ङा महिना ङा ङोंइती ङा नाक्‍ती परमप्रभु यावेमी आं कली लोव़ पाप्‍तु।
EZE 29:18 मार लोव़ पाप्‍तु देंशा हना “ए मुर, बेबीलोन ङा पिप नेबुकदरेसरम टायर कली लडाइ पाइब आन कली शुश श्‍येत पपाइक्‍तु। मिनु मुर नेल्‍ल आन पिया ङा चां दुल्‍त। आन बला खोरसीशा, गार दुम्‍त। मो हना यो टायर आ पर्बम पशो गेय आ पर्बम मेको नु मेको आ लडाइ पाइबम मारेइ मतामे।
EZE 29:19 मोपतीके परमप्रभु, परमप्रभु यावेमी ‘गो इजीप्‍त रागी कली बेबीलोन ङा पिप नेबुकदरेसर आ गुइम गेनुङ’ देंत। मिनु मेकोम मेको आ शोंप नेल्‍ल लाइक्‍ब। मेकोम मारेइ मारेइ रोइश्‍शा, मेको रागी कली श्‍येत्‍थ पोक्‍ब। मिनु मेको आ रोइश्‍शो शोंप मेको आ लडाइ पाइब आन गाल्‍च दुम्‍ब।
EZE 29:20 गो मेको आ पशो गेय आ पर्बम इजीप्‍त रागी कली मेको आ गाल्‍च सेल्‍शा गेता। मारदे हना मेकोपुकीम आं पर्बम शुश गेय पाम्‍तेक्‍म। इजीकीएल ३०:२४
EZE 29:21 मेको नाक्‍ती गो इस्राएल आ खिं ङा मुर रे ग्रोव़ का वापाइक्‍नुङ। मिनु गो इ कली मेको आन दातेमी ब्‍वाक्‍पाइक्नन। मेना मेकोपुकीम गोन परमप्रभु यावे नङ, दे तुइक्‍नीम” देंत।
EZE 30:1 परमप्रभु यावेमी आं कली लोव़ पाप्‍तु।
EZE 30:2 परमप्रभु, परमप्रभु यावेमी मार लोव़ पाप्‍तु देंशा हना “ए मुर, आं लोव़ पावो। मेको नाक्‍त आ पर्बम रोंका पावो।
EZE 30:3 मारदे हना मेको नाक्‍त नेक्‍थान जाक्‍ना जाक्‍न बाक्‍‍ब। परमप्रभु यावे आ नाक्‍त नेक्‍थान जाक्‍शो बाक्‍ब। मेको गोस्‍सुम सुम्‍शो नाक्‍त बाक्‍ब। मेको रागी रागी ङा मुर आन कली हिंचा ङा नाक्‍त दुम्‍ब। योएल १:१५; सेफन्‍याह १:१४
EZE 30:4 इजीप्‍त रागी तार तरवार का जाक्‍ब। मिनु एथीयोपीया रागीम यो श्‍येत दुम्‍ब। इजीप्‍त रागीम साइक्‍चा पुंइसीशो मुरपुकी खपीम गोल्‍नीम। मिनु मेको रागी ङा शोंप लाइक्‍नीम। मिनु मेको आ जग प्रेत्‍नीम।
EZE 30:5 एथीयोपीया, पूत, लूद नु अराब रागी नेल्‍ल नु लिबीया नु अर्को आ नेक्‍था ङा रागी ङा मुर तरवारम साइक्‍चा पुंइसीनीम” देंत। येरमीया ४६:९
EZE 30:6 मिनु परमप्रभु यावेमी “मेको इजीप्‍त रागी कली वारच पतीके क्‍याम्‍चा पुंइ‍सीनीम। मेको आ ठेयब लेश्‍शो जाम्‍ब। मिग्‍दोल रे स्‍येने सम्‍म बाक्‍ब मुर नेल्‍ल तरवारम साइक्‍चा पुंइसीनीम। इजीकीएल २९:१०
EZE 30:7 मेकोपुकी मुर मबाक्‍शो रागी आन दातेम मुर मबाक्‍तीके दुम्‍नीम। मिनु मेको आन सहर ब्रेश्‍शा, मुर मबाक्‍तीक सहर आन दा‍तेम ब्रेश्‍शो सहर दुम्‍नीम।
EZE 30:8 गो इजीप्‍त रागीम मी सुइश्‍शा, मेको आ वारच नेल्‍ल फस सेल्‍नुङ। मेना मेकोपुकीम गोन परमप्रभु यावे नङ, दे तुइक्‍नीम।
EZE 30:9 मेको नाक्‍ती लोव़ कुरब मुर जहाजम ङोइक्‍पा सोइक्‍नुङ। मेको आन थुं नाइश्‍शा बाक्‍शो एथीयोपीया ङा मुर आन कली हिंच कोंइचा कली लोव़ सोइक्‍नुङ। इजीप्‍त रागी आ नुप्‍ची नाक्‍ती मेकोपुकी शुश हिंनीम। मेको नाक्‍त थमा पा जाक्‍ब” देंत। यसैया २०:३-४
EZE 30:10 परमप्रभु, परमप्रभु यावेमी “गो बेबीलोन ङा पिप नेबुकदरेसर आ गुइ रे पा इजीप्‍त रागी ङा लडाइ पाइब आन कली साइक्‍नुङमी।
EZE 30:11 नेबुकदनेसर नु आ लडाइ पाइब रागी ङा नेल्‍ल क्‍येङा मरिम्‍शो पाइब बाक्‍नीम। मेको आन कली खतम सेल्‍चा कली चाक्‍नुङमी। मेकोम आन तरवार इजीप्‍त रागी आ पर्बम शोइक्‍नीम। मिनु साइश्‍शो मुरपुकीम रागी ब्रीनीम। इजीकीएल २८:७
EZE 30:12 गो नील खोला ङा ब्राशो ब्‍वाक्‍कु सोव़पाइक्‍नुङ। मेको रागी कली मरिम्‍शो पाइब आन गुइम लेयनुङ। गो मेको रागी नु मेकेर बाक्‍शो मारेइ मारेइ आन कली अर्को रागी ङा मुर आन गुइ रे खतम पोक्‍नुङ। गो, परमप्रभु यावेमी एको लोव़ पाता” देंत। यसैया १९:५
EZE 30:13 मिनु परमप्रभु, परमप्रभु यावेमी “गो देवी देवता आन कली खतम पोक्‍नुङमी। मिनु मेम्‍फीसम बाक्‍शो देवी देवता आन कली खतम पोक्‍नुङमी। इजीप्‍त रागीम गेनायो सासन पाइब मदुम्‍नीम। मोपा गो इजीप्‍त रागी ङा मुर आन कली हिंतीक थुं गेनुङमी। मेम्‍फीस सहर कली नोफ यो देंनीम
EZE 30:14 गो पथ्रोस कली मुर मबाक्‍तीके सेल्‍नुङ। सोआन सहरम मी सुइक्‍नुङ। गो थेबेस सहर कली निसाफ पा सजाइ गेनुङ। नहुम ३:८-९
EZE 30:15 गो इजीप्‍त रागी ङा बोल्‍यो दरवार पेलुसीयम तार आं गाइश्‍शो मोइक्‍नुङ। मिनु थेबेस सहर ङा शोंप नेल्‍ल खतम पोक्‍नुङ।
EZE 30:16 गो इजीप्‍त रागी कली मी सुइक्‍नुङ। मिनु पेलुसीयम श्‍येत जशा ग्‍येत्‍थ लुक्‍च दुम्‍ब। थेबेस सहर ङा गारो ब्रेत्‍नीम। मेम्‍फीस सहरम चहिं नाक्‍ती लडाइ दुम्‍‍ब।
EZE 30:17 ओन नु पी-बेसेथ ङा ठिटापुकी तरवारम साइक्‍चा पुंइसीनीम। मिनु मेको सहर ङा मुर ग्‍याइश्‍शा लाइक्‍चा पुंइसीनीम।
EZE 30:18 मेको नाक्‍त तेहाफ-नेहेस सहर छिङछिङ दुम्‍ब। गो मेकेर इजीप्‍त रागी आ जुवा जिक्‍नुङ। मिनु मेको आ ठेयब लेश्‍शो क्‍याम्‍नुङ। गोस्‍सुमी मेको सहर कली सुम्‍ब। मिनु मेको आ एर ओंथ ङा सहर ङा मुर ग्‍याइश्‍शा लाइक्‍चा पुंइसीनीम। येरमीया ४३:९
EZE 30:19 मोपा गो इजीप्‍त रागी कली निसाफ पा सजाइ गेनुङ। मिनु मेकोपुकीम गोन परमप्रभु यावे नङ, दे तुइक्‍नीम” देंत।
EZE 30:20 मिनु ग्‍याइश्‍शा लाइक्‍चा पुंइसीशो ११ बर्स ङा ङोंइती ङा महिना ङा ७ नाक्‍ती परमप्रभु यावेमी आं कली लोव़ पाप्‍तु।
EZE 30:21 मार लोव़ पाप्‍तु देंशा हना “ए मुर, गो इजीप्‍त रागी ङा पिप फाराओ आ गुइ जिक्‍शा गेता। मेको साचा कली मारेइ मफ्रेंसीशो बाक्‍ब। मोपा बोल्‍यो मदुम्‍ब। तरवार चलेने मचाप्‍ब।
EZE 30:22 मोपतीके परमप्रभु, परमप्रभु यावेमी गो इजीप्‍त रागी ङा पिप फाराओ कली लोव़ का पाइनुङ। गो मेको आ गुइ निम्‍फा जिक्‍नुङ। आ बोल्‍यो गुइ नु आ ङोंइती जिक्‍शो गुइ जिक्‍नुङ। आ गुइ रे तरवार तोक्‍नुङ।
EZE 30:23 गो इजीप्‍त ङा मुर आन कली रागी रागी ङा मुर आन दातेम फ्राइ‍नुङमी। मिनु मेको आन कली रागी रागीम ब्रपाइक्‍नुङमी।
EZE 30:24 गो बेबीलोन ङा पिप आ गुइ सक्ति पाइश्‍शो सेल्‍नुङ। मिनु आं तरवार मेको कली गेनुङ। तन्‍न गो फाराओ आ गुइ जिक्‍नुङ। मिनु मेको, मेको आ ङोंइती बेक्‍चा ङा पा गार दुम्‍शो मुर खोदेंशो पा, नक्‍सुर पाइब। इजीकीएल २९:२०
EZE 30:25 गो बेबीलोन ङा पिप आ गुइ सक्ति पाइश्‍शो सेल्‍नुङ। तन्‍न फाराओ आ गुइ सक्ति मपाइश्‍शो दुम्‍ब। गो बेबीलोन ङा पिप कली आं तरवार गेनुङ। मिनु मेकोमी इजीप्‍त रागी आ पर्बम हिरब। मेना मेकोपुकीम गोन परमप्रभु यावे नङ, दे तुइक्‍नीम।
EZE 30:26 गो इजीप्‍ती आन कली रागी रागी ङा मुर आन दातेम फ्राइ‍नुङमी। मिनु मेको आन कली रागी रागीम ब्रपाइक्‍नुङमी। मेना मेकोपुकीम गोन परमप्रभु यावे नङ, दे तुइक्‍नीम” देंत।
EZE 31:1 मिनु ग्‍याइश्‍शा लाइक्‍चा पुंइसीशो ११ बर्स ङा महिना सां ङा ङोंइती ङा नाक्‍ती, परमप्रभु यावेमी आं कली लोव़ पाप्‍तु।
EZE 31:2 मार लोव़ पाप्‍तु देंशा हना “ए मुर, इजीप्‍त ङा पिप फाराओ नु मेको आ लडाइ पाइब आन कली ‘इन ठेयब दुम्‍तीक सु नु थाप्‍ने चाम्‍सीबा?
EZE 31:3 अस्‍सुर रागी कली मिम्‍तीन। मेको लेबानोन ङा लाइश्‍शो रवा खोदेंशो बाक्‍त। मेको आ दारशो राशीम ब्‍वाकी आन कली सुम्‍शो बाक्‍त। मेको आ ङर लाइश्‍शो दुम्‍शा गोस्‍स सम्‍म जाक्‍दीश्‍शो बाक्‍त।
EZE 31:4 मिनु मेको कली ब्‍वाक्‍कुम जिश्‍शा कोल्‍पाइक्‍तु। ब्‍वाक्‍कुम मेको कली लाइश्‍शो सेल्‍तु। मेको आ एर ओंथ ङा खोलापुकीम मेको कली जिप्‍पाइक्‍तेक्‍म। मिनु मेको खोलाम दिंम ङा रवा नेल्‍ल आन कली जिप्‍पाइक्‍तु।
EZE 31:5 मोपा मेको दिंम ङा रवा नेल्‍ल आन क्‍येङा लाइश्‍शो दुम्‍त। शुश ब्‍वाक्‍कु बाक्‍तीके मेको आ राशी शुश दुम्‍तेक्‍म। मिनु शुश ब्‍वाक्‍कु रे मेको कोल्‍त।
EZE 31:6 सरीङ ङा चिक्‍बपुकीम मेको आ राशीम आन ग्‍योव़ सेल्‍तेक्‍म। मेको आ राशी आगाम ब्‍वाकी ङा जन्‍तु नेल्‍लेम आन चाइक्‍ब जरमेम्‍तेक्‍म। मिनु मेको आ वांकु आगाम रागी रागी ङा मुर जाक्‍शा बाक्‍तेक्‍म।
EZE 31:7 मेको एर ओंथ ब्रशा लाइश्‍शो राशी पाइश्‍शो दारशो रवा का दुम्‍त। मारदे हना मेको आ शाक्‍श शुश ब्‍वाक्‍कु बाक्‍तीकेम बाक्‍तेक्‍म।
EZE 31:8 परमप्रभु आ रू ङा लाइश्‍शो रवापुकीम यो मेको कली ग्राने मचबेम। तेकोइ तोव़शी रवापुकीम यो मेको आन राशी कली ग्राने मचबेम। परमप्रभु आ रू ङा तेकोइ रवा मेको खोइ दारशो मबाक्‍म।
EZE 31:9 गो मेको कली एर ओंथ लशो राशीपुकीम ग्‍योम्‍शा, दारशो सेल्‍ता। मिनु परमप्रभु आ रू एदेन ङा रवा नेल्‍लेम मेको कली गेहे पाम्‍तेक्‍म’ देनो” देंत।
EZE 31:10 मोपतीके परमप्रभु, परमप्रभु यावेमी “मेको मिश लाइश्‍शो दुम्‍तीके नु मेको आ ङरम आ राशी आन कली गोस्‍स आन दाते रे ख्रिश्‍शा लपाइक्‍तीके आ लाइश्‍शोम मेको ठेयब लेत्‍त।
EZE 31:11 मोपतीके गो मेको कली रागी रागी ङा सासन पाइब आ गुइम गेता। मिनु मेको लाइश्‍शो रवाम दोपा आं अरेशो मटिवा, मोपा सजाइ ताप्‍तु। गो मेको कली तिल्‍ता।
EZE 31:12 मिनु अर्को रागी ङा थम मरिम्‍शो मुरपुकीम मेको कली तिम्‍शा प्रोंइतेक्‍म। मेको आ राशीपुकी बेंसी नेल्‍ल नु पहाड मेर गोल्‍शा बाक्‍तेक्‍म। मिनु मेको आ ठेयब राशी रागी ङा खोला नेल्‍लेम जिक्‍शा लीतेक्‍म। मिनु रागी ङा मुर नेल्‍ले मेको आ वांकु रे ग्रूशा मेको कली प्रोंइतेक्‍म।
EZE 31:13 मिनु मेको दिम्‍शो रवाम सरीङ ङा चिक्‍ब नेल्‍ल बाक्‍तेक्‍म। मिनु मेको आ राशी आगाम ब्‍वाकी ङा जन्‍तु नेल्‍ल जाक्‍शा बाक्‍तेक्‍म।
EZE 31:14 मोदेंशो दुम्‍तीके ब्‍वाक्‍कु आ नेक्‍था वाशो रवा मेको मिश लाइश्‍शो पा मकोल्‍नीम। मिनु आन ङर गोस्‍स सम्‍म मजाक्‍दीत्‍नीम। मारदे हना मेको नेल्‍ल बेक्‍चा माल्‍नीम। नेल्‍ल मुर खोदेंशो पा बेक्‍चा माल्‍नीम। बेक्‍शो मुर आन बाक्‍तीके तुरसुम लाइनीम” देंत।
EZE 31:15 परमप्रभु, परमप्रभु यावेमी “गो मेको लेबानोन ङा ठेयब रवा कली बेक्‍शो मुर आन बाक्‍तीकेम तोक्‍नुङ। मेको नाक्‍ती समुन्‍द्र रोंका पा खोला मशाइक्‍नीम। ब्‍वाक्‍कु बुक्‍तीके सोव़नीम। मिनु गो लेबानोन ङा रवा आन कली रोंका पपाइक्‍नुङ। मिनु ब्‍वाकी ङा रवा नेल्‍ल ख्रिंख्रि पा हिम्‍पाइक्‍नुङमी।
EZE 31:16 गो मेको कली तुरस नु बेक्‍शो मुर आ बाक्‍तीके सोइश्‍शा, रागी रागी आन कली आ गोल्‍शो रेयकेमी हिम्‍पाइक्‍नुङ। मिनु एदेन ङा रवा नेल्‍ले, लेबानोन ङा नेल्‍ल क्‍येङा दार‍शो रवा नु शुश ब्‍वाक्‍कु तशो रवा नेल्‍लेमी रागी आगाम आन थुं नाइक्‍ताक्‍म। इजीकीएल २८:८
EZE 31:17 मेको तरवारम साइक्‍चा पुंइसीशो नु मेको रागी कली वारच पा अर्को रागी ङा मुर आ वांकुम बाक्‍ब नेल्‍ल बेक्‍शो मुर आन बाक्‍तीक लाम्‍तेक्‍म।
EZE 31:18 एदेन ङा रवा आन दाते ङा तेको रवा इ खोदेंशो पा सक्ति पाइश्‍शो नु ठेयब बाक्‍बा ङा? मो हना यो गे यो एदेन ङा रवापुकी नुन रागी आगा तोक्‍चा पुंइसीनेवे। गे ख्रोइक्‍तीक चिनु मख्रोइश्‍शो तरवारम साइक्‍चा पुंइसीशो आन दातेमी बाक्‍नेवे। मेकोपुकी फाराओ नु मेको आ लडाइ पाइब बाक्‍नीम, देनो” दे परमप्रभु, परमप्रभु यावेमी देंत।
EZE 32:1 मिनु ग्‍याइश्‍शा लाइक्‍चा पुंइसीशो १२ बर्स ङा १२ महिना ङा ङोंइती ङा नाक्‍त परमप्रभु यावेमी आं कली लोव़ पाप्‍तु।
EZE 32:2 मार लोव़ पाप्‍तु देंशा हना “ए मुर, इजीप्‍त ङा पिप फाराओ आ पर्बम रोंका पावो। मिनु मेको कली ‘गे रागी रागी ङा मुर आन दातेम गुप्‍स का खोदेंशो मिम्‍साक्‍वे। गे समुन्‍द्र ङा ठेयब जन्‍तु का खोदेंशो बाक्‍ते। गे खोला ङा ब्‍वाक्‍कुम एर ओंथ पवीनु ब्‍वाक्‍कु कली पोक्‍ना पोक्‍न नु खोइलीम ब्‍वाक्‍कु कली ख्राक्‍ना ख्राक्‍न गाक्‍बाक्‍ते। मिनु खोला कली ग्रांग्रा दिशो सेल्‍बाक्‍ते’ देनो” देंत। इजीकीएल २९:३
EZE 32:3 मिनु परमप्रभु यावेमी “गो मुर आन ठेयब हुल चाक्‍नुङ। मिनु आं ग्‍याइल इ तार ब्‍वारनुङ। मेकोपुकीम आं ग्‍याइलीम इ कली कीशा रागीम ग्रुंइनीम। इजीकीएल १२:१३
EZE 32:4 मिनु गो इ कली खपीम ताइक्‍नन। गो इ कली रागीम नेप्‍शा सोइक्‍नन। गो सरीङ ङा चिक्‍ब नेल्‍ल आन कली इ तार जुक्‍पाइक्‍नुङमी। मिनु गो रागी ङा जन्‍तु नेल्‍ल आन कली इ श्‍ये प्रोइक्‍पाइक्‍नुङमी। इजीकीएल २९:५
EZE 32:5 गो इ श्‍ये डांडा मेर फ्राइ‍नुङ। मिनु इ बेक्‍शो रांम बेंसी नेल्‍ल प्रिंनुङ।
EZE 32:6 मिनु गो इ हुशेम रागी जिप्‍पाइक्‍नुङ। डांडा सम्‍म जिप्‍पाइक्‍नुङ। मिनु खोल्‍सा नेल्‍ल इ श्‍येम प्रिंनुङ।
EZE 32:7 गो इ कली क्‍याम्‍दुनु, सरीङ नेल्‍ल सुम्‍नुङ। मिनु सोरुल आन कली छिङछिङ सेल्‍नुङमी। गो नां कली गोस्‍सुम सुम्‍नुङ। मिनु तास्‍लाम हाम्‍सो मगेब। यसैया १३:१०
EZE 32:8 गो सरीङ ङा छेङछेङ नेल्‍ल आन कली इ तार छिङछिङ सेल्‍नुङमी। मिनु गो इ रागी छिङछिङ सेल्‍नुङ” दे परमप्रभु यावेमी देंत।
EZE 32:9 मिनु “गो इ कली रागी रागी ङा मुर आन दाते, इ मतुइश्‍शो रागीम ग्‍याइश्‍शा लाइक्‍पाइक्‍नन। गो शुश मुर आन थुं ग्‍येत्‍थ लुक्‍च पपाइक्‍नुङ।
EZE 32:10 गो शुश मुर आन कली इ कली तशा हिंब सेल्‍नुङमी। मेको आन पिप इ कली तशा शुश हिंनीम। गो आं तरवार मेको आन ङोंइती हिरदुनु, मेको पिपपुकी बेक्‍चा कली हिंशा ख्रिंख्रि पस ङा पस बाक्‍नीम। इ बेक्‍तीक नाक्‍ती मेको नेल्‍ल बेक्‍चा कली ख्रिंख्रि पना पन बाक्‍नीम” देंत।
EZE 32:11 मारदे हना परमप्रभु, परमप्रभु यावेमी “बेबीलोन ङा पिप आ तरवारम इ तार जाक्‍ब।
EZE 32:12 गो थम सक्ति पाइश्‍शो मुर आन तरवार रे इ लडाइ पाइब आन कली साइक्‍पाइक्‍नुङमी। मेको सक्ति पाइश्‍शो मुर रागी नेल्‍ल ङा मुर आन क्‍येङा मरिम्‍शो पाइब बाक्‍नीम। मेकोपुकीम इजीप्‍त रागी आ ठेयब लेश्‍शो खतम पोक्‍नीम। मिनु मेको आ लडाइ पाइब नेल्‍ल आन कली साइक्‍नीम।
EZE 32:13 गो मेको आ शुश ब्‍वाक्‍कु बाक्‍तीक आ नेक्‍था योव़शो बी ब्‍यफ, क्‍यारश भेडा नेल्‍ल आन कली साइक्‍नुङमी। मिनु मुर नु बी ब्‍यफोम, मेको ब्‍वाक्‍कु मदिम्‍नीम।
EZE 32:14 मिनु नोले गो मेको ब्‍वाक्‍कु रिम्‍शो सेल्‍‍नुङ। मिनु मेको आ खोलापुकी तेल खोदेंशो पा शाइक्‍पाइक्‍नुङमी” दे परमप्रभु, परमप्रभु यावेमी देंत।
EZE 32:15 मेकोम “गो इजीप्‍त रागी कली मुर मबाक्‍शो रागी सेलुनु, मेको रागी श्‍येत्‍थ दुम्‍मेनु, मेकेर बाक्‍ब नेल्‍ल आन कली सदुमीनु, मेकोपुकीम गोन परमप्रभु यावे नङ, दे तुइक्‍नीम।
EZE 32:16 मेको रोंका पतीक कुम्‍सो का बाक्‍ब। मेकोन पचा माल्‍नीम। रागी रागी ङा मीश मुरपुकीम एको कुम्‍सो पचा माल्‍नीम। मेकोपुकीम इजीप्‍त रागी नु मेको आ लडाइ पाइब नेल्‍ल आन पर्बम एको कुम्‍सो पचा माल्‍नीम” दे परमप्रभु, परमप्रभु यावेमी देंत।
EZE 32:17 मिनु ग्‍याइश्‍शा लाइक्‍चा पुंइसीशो १२ बर्स ङा ङोंइती ङा महिना ङा १५ नाक्‍त परमप्रभु यावेमी आं कली लोव़ पाप्‍तु।
EZE 32:18 मार लोव़ पाप्‍तु देंशा हना “ए मुर, इजीप्‍त रागी ङा लडाइ पाइब आन पर्बम रोंका पावो। मिनु मेको आन कली तुरसुम सोइक्‍तो। मिनु इजीप्‍त नु सक्ति पाइश्‍शो रागी रागी ङा मुर आन तमी आन कली बेक्‍शो मुर आन बाक्‍तीक सोइक्‍तो। तुरसुम लाइबपुकी नु सोइक्‍तो। इजीकीएल ३१:१६
EZE 32:19 मार, गे अर्को जात आन क्‍येङा शुश शिशी ताइब बाक्‍नेवे ङा? उइ लावो। मिनु ख्रोइक्‍तीक चि‍नु मख्रोइश्‍शोपुकी नु गोल्‍शा बाक्‍को। यसैया १४:११,१५
EZE 32:20 मेकोपुकी तरवारम साइश्‍शो आन दातेम गोल्‍नीम। इजीप्‍त तरवारम साइक्‍चा पुंइसीचा कली गेशो बाक्‍ब। आ लडाइ पाइब नु आ शोंप निम्‍फा लतीन।
EZE 32:21 मिनु ठेयब सक्ति पाइश्‍शोपुकी नु आन वारच पाइबपुकीमी बेक्‍शो मुर आन बाक्‍तीकेम ‘मेकोपुकी उइ यिशो बाक्‍नीम। मेको गोल्‍शो बाक्‍नीम। ख्रोइक्‍तीक चि‍नु मख्रोइश्‍शोपुकी तरवारम साइक्‍चा पुंइसीशो बाक्‍नीम’ देंनीम।
EZE 32:22 अस्‍सुर नु आ मुर नेल्‍ल मेकेर बाक्‍नीम। आ लडाइ पाइब नेल्‍ल आ तुरस आ एर ओंथ बाक्‍नीम। मेको नेल्‍ल तरवारम साइक्‍चा पुंइसीशो बाक्‍नीम।
EZE 32:23 मेको आन तुरस बेक्‍शो मुर आन बाक्‍तीके क्‍येङा दी गे वोइश्‍शो बाक्‍ब। मेको आ लडाइ पाइबपुकी मेको आ तुरस आ एर ओंथ बाक्‍नीम। मेको नेल्‍ल तरवारम साइक्‍चा पुंइसीशो बाक्‍नीम। मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म।
EZE 32:24 एलाम मेकेर बाक्‍ब। आ लडाइ पाइब नेल्‍ल आ तुरस आ एर ओंथ बाक्‍नीम। मेको नेल्‍ल तरवारम क्‍योरशा साइक्‍चा पुंइसीशो बाक्‍नीम। मेकोपुकी ख्रोइक्‍तीक चिनु मख्रोइक्‍थु, उइ बेक्‍शो मुर आन बाक्‍तीक लाम्‍तेक्‍म। मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म। मेकोपुकी बेक्‍शो मुर आन बाक्‍तीकेम लशो खोदेंशो पा मुने दोक्‍नीम। येरमीया ४९:३७
EZE 32:25 मेकोपुकीमी एलाम कली आ साइश्‍शो लडाइ पाइब आन दातेमी तुरस सेल्‍शो बाक्‍नीम। आ लडाइ पाइब आन तुरस मेको आ एर ओंथ बाक्‍नीम। मेको नेल्‍ल ख्रोइक्‍तीक चिनु मख्रोइक्‍थु तरवारम साइक्‍चा पुंइसीशो बाक्‍नीम। मारदे हना मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म। मेकोपुकी बेक्‍शो मुर आन बाक्‍तीके लाइब खोदेंशो पा मुने दोक्‍नीम। मेको साइक्‍चा पुंइसीशो मुर आन दातेमी बाक्‍नीम।
EZE 32:26 मेशेक, तूबल नु आस शुश मुर मेकेर बाक्‍नीम। आस मुर आस तुरस आस एर ओंथ बाक्‍नीम। मेको नेल्‍ल ख्रोइक्‍तीक चिनु मख्रोइक्‍थु तरवारम साइक्‍चा पुंइसीशो बाक्‍नीम। मारदे हना मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म। इजीकीएल २७:१३; इजीकीएल ३८:२
EZE 32:27 मेकोपुकी साइ ङोंइती साइश्‍शो अरु लडाइ पाइब नु मबाक्‍नीम। मिनु मेको आन या सुन्‍दा बेक्‍शो मुर आन बाक्‍तीकेम लशो बाक्‍नीम। मेको आन तरवार आन पिया आगाम वोइश्‍शो बाक्‍ब। मिनु आन तेक्‍तीके आन रुश तार वोइश्‍शो बाक्‍नीम। मारदे हना मेको लडाइ पाइबम ब्रोंइशा बाक्‍ब आन रागी ङा मुर आन कली शुश हिंपाइक्‍तेक्‍म।
EZE 32:28 इजीप्‍त गे यो खतम दुम्‍शा ख्रोइक्‍तीक चि‍नु मख्रोइक्‍थु तरवारम साइक्‍चा पुंइसीशा गोल्‍चा माल्‍नेवे।
EZE 32:29 एदोम मेकेर बाक्‍ब। मेको आ पिप नु आ तौ नेल्‍ल मेकेर बाक्‍शो बाक्‍नीम। मेको आन के सक्ति बाक्‍त हना यो, मेको तरवारम साइक्‍चा पुंइसीशा गोल्‍शा बाक्‍शो बाक्‍नीम। मेकोपुकी ख्रोइक्‍तीक चि‍नु मख्रोइश्‍शो नु तुरसुम गोल्‍शा बाक्‍नीम। इजीकीएल २५:१२-१४
EZE 32:30 उत्तर रागी ङा सासन पाइब नु सीदोन ङा मुर नेल्‍ल मेकेर बाक्‍नीम। मेको आन सक्तिम मुर नेल्‍ल आन कली शुश हिंपाइक्‍तेक्‍म। मोपतीके मेकोपुकी तरवारम साइक्‍चा पुंइसीशो मुरपुकी नु मुने दोक्‍शा उइ लाम्‍तेक्‍म। मेकोपुकी ख्रोइक्‍तीक चि‍नु मख्रोइक्‍थु तरवारम साइक्‍चा पुंइसीशो नु मुने दोक्‍शा तुरसुम बाक्‍शो बाक्‍नीम। इजीकीएल २८:२१-२३
EZE 32:31 फाराओमी मेको कली तशा, आ लडाइ पाइब नेल्‍ल तरवारम साइक्‍चा पुंइसीशो तुइश्‍शा, आ थुं नाइक्ब।
EZE 32:32 मारदे हना मेकोमी ब्रोंइशा बाक्‍ब आन रागी ङा मुर आन कली शुश हिंपाइक्‍तु। मोपतीके फाराओ ख्रोइक्‍तीक चिनु मख्रोइक्‍थु तरवारम साइश्‍शो मुर आन दातेमी बाक्‍ब” दे परमप्रभु, परमप्रभु यावेमी देंत।
EZE 33:1 परमप्रभु यावेमी आं कली लोव़ पाप्‍तु।
EZE 33:2 मार लोव़ पाप्‍तु देंशा हना “ए मुर, इ मुर आन कली ‘गो रागी का कली तरवार चाक्‍ता हना, मेको रागी ङा मुरपुकीम आन रागी ङा मुर का कली आन कली खाल पाइब का योव़शा वोइक्‍नीम,
EZE 33:3 मिनु मेकोम आ रागीम तरवार कुरशा आ जोरी सत्रु जाक्‍शो तशा, आ मुर आन कली तुइक्‍पाइक्‍चा कली तुराही ताप्‍ब।
EZE 33:4 मिनु सुम मेको तुराही ताप्‍शो नेंशा मटीबा, मेको तरवारम साइक्‍चा पुंइसाक्‍व हना, मेको आ हुश आ दोस आंमा राइब।
EZE 33:5 मेकोम तुराही ताप्‍शो नेंशा यो, मटितीके, मेको आ हुश आ दोस आंमा राइब। तन्‍न मेकोम टिशो हना, ब्रोंइ वा।
EZE 33:6 तन्‍न मेको खाल पाइबम तरवार कुरशा लडाइ पाइब जाक्‍शो तशा यो, मुर आन कली नेंपाइक्‍चा कली तुराही मताप्‍तु नु तरवार जाक्‍शा सुइ मुर का कली साइक्‍तु हना, मेको मुर आ मरिम्‍शो पशो आ पर्बम बेक्‍ब। तन्‍न गो मेको खाल पाइब कली मेको आ हुश आ क्‍येक्‍क ताक्‍नुङ।
EZE 33:7 ए मुर, गो इ कली इस्राएल आ खिं ङा मुर आन कली खाल पाइब सेल्‍तान। मोपतीके गेना इ कली लोव़ पङा, मेना गे मेको आन कली मेको आं लोव़ नेंशा, होस पा बाक्‍कीन’ देंचा माल्‍नेवे। हिब्रू १३:१७
EZE 33:8 मिनु गो आं अरेशो मटीब मुर आन कली ‘ए आं अरेशो मटीब मुरपुकी गे थमा पा बेक्‍नीनी’ देंनुङ, मिनु गे मेको आं अरेशो लोव़ मटीब मुर आन कली ‘इन मरिम्‍शो पशो प्रोनीन’ दे महिंपाइक्‍तीवी हना, मेको मरिम्‍शो पाइब मुर आन मरिम्‍शो पशो आ पर्बम बेक्‍नीम। तन्‍न गो मेको आन हुश आ क्‍येक्‍क इ रे पा ताक्‍नुङ।
EZE 33:9 तन्‍न गे मेको परमप्रभु यावे आं अरेशो लोव़ मटीब आन कली इन मटितीके प्रोनीन, दे हिंच कोंइताक्‍वी हना, मिनु मेकोपुकीम आं अरेशो लोव़ मटिम्‍तेक्‍म हना, मेको आन मटिशो आ पर्बम बेक्‍नीम। मिनु गे आंम कली प्रोंइ‍नेवे” देंत।
EZE 33:10 मेकोम “ए मुर, गे इस्राएल आ खिं ङा मुर आन कली ‘गेपुकीम आंइ हेंथे पशो नु पाप पशोम दिप्‍चा पुंइसीशो बाक्‍नीकी। मिनु मेको आ पर्बम आंइ बोल नुम्‍ना नुम्‍न लशो बाक्‍ब। गो दोपा ब्रोंइनीकी?’ देंनीनी” देनो।
EZE 33:11 मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्‍शो खोदेंशो पा आं अरेशो लोव़ मटीब मुर बेक्‍मानु मग्‍येरसीनुङ। तन्‍न मेकोपुकीम आं अरेशो लोव़ टिशा ब्रोंइमल। गे इन मरिम्‍शो लां रे लेतीन। ए इस्राएल आ खिं ङा मुरपुकी, गे मारदे बेक्‍चा दाक्‍नीनी? ब्‍यवस्‍था ३२:४०; यसैया ५५:७; योएल २:१२-१३
EZE 33:12 मिनु ए मुर, गे इ मुर आन कली ठीक पाइब मुर हेंथे गाक्‍त हना, आ ङोंइती ठीक पशोमी मेको कली प्रोंइने मचाप्‍ब। ङोंइती आं अरेशो मटीब मुर, ठीक पाइब दुम्‍त हना, आं ङोंइती मटिशो आ पर्बम मबेक्‍ब। मिनु ठीक पाइब मुरुम पाप पाप्‍तु हना, मेको आ ङोंइती ठीक पशो आ पर्बम ब्रोंइचा मताइब। इजीकीएल ३:२०
EZE 33:13 गो मेको ठीक पाइब मुर कली ‘गे थमा पा ब्रोंइनेवे’ देंङानु, मेकोम आ ठीक पतीकेम थमा सुइश्‍शा, मरिम्‍शो पाप्‍तु हना, मेको आ ङोंइती ठीक पशो मारेइ ममिम्‍सीब। मेको आ मरिम्‍शो पशो आ पर्बम बेक्‍ब।
EZE 33:14 तन्‍न गो मेको आं अरेशो लोव़ मटीब मुर कली ‘गे थमा पा बेक्‍नेवे’ देंती हना, मेकोम आ पाप पतीक प्रोंइशा आं अरेशो नु ठीक पाप्‍तु हना,
EZE 33:15 मिनु मेकोम आ जाकटी वोइश्‍शो थोव़क लेत्‍ताक्‍‍व हना, आ रोइश्‍शो थोव़क लेश्‍शा गेप्‍तु हना, ब्रोंइचा कली आं फुल्‍लुम मुशा ब्रेक्‍शो लोव़ पशा, मरिम्‍शो मपाप्‍तु हना, मेको थमा पा ब्रोंइब। मेको मबेक्‍ब। ब्‍यवस्‍था २४:१०-१३; इजीकीएल १८:७; लूका १९:८
EZE 33:16 मेको आ पशो तेकोइ पाप ममिम्‍सीब। मेकोमी आं अरेशो लोव़ नु ठीक गेय पाप्‍तु। मेको थमा पा ब्रोंइब।
EZE 33:17 मो हना यो इ मुरपुकीम ‘परमप्रभु आ पशो ठीक मबाक्‍ब’ देंनीम। तन्‍न थमा पा, मेको आन पशो कका ठीक मबाक्‍ब।
EZE 33:18 सुइ ठीक पाइब मुरुम मेको आ ठीक पतीके प्रोंइशा, मरिम्‍शो पाप्‍तु हना, मेको आ मरिम्‍शो पशो आ पर्बम बेक्‍ब।
EZE 33:19 मिनु सुइ आं अरेशो लोव़ मटीब मुरुम आं अरेशो लोव़ मटितीक प्रोंइशा, आं अरेशो नु ठीक पाप्‍तु हना, मेको मो पशो आ पर्बम ब्रोंइब।
EZE 33:20 मो हना यो गे ‘परमप्रभु आ पशो ठीक मबाक्‍ब’ देंनीनी। ए इस्राएल आ खिं ङा मुर, गो इन कली इन पशो खोदेंशो पा निसाफ पाइनुङ” देंत।
EZE 33:21 गो आंइ ग्‍याइश्‍शा लाइक्‍चा पुंइसीशो १२ बर्स ङा १० महिना ५ नाक्‍त दुम्‍मेनु, यरूसलेम रे प्रोक्‍शा जाक्‍शो मुर का आं बाक्‍तीकेम जाक्‍शा “आंइ सहर ब्रुत” देंत। इजीकीएल १:२; इजीकीएल २४:२६; २राजा २५:२-४
EZE 33:22 मेको मुर जाक्‍चा क्‍येङा ङोंइती नाक्‍दो परमप्रभु यावे आ गुइम आं कली थिशो बाक्‍त। मिनु सुनी मेको मुर जाक्‍चा क्‍येङा ङोंइती आं कली ब्‍वाक्‍ब सेल्‍ने थुम्‍शो बाक्‍त। मोपा गो ब्‍वाक्‍ब दुम्‍ती।
EZE 33:23 मिनु परमप्रभु यावेमी आं कली लोव़ पाप्‍तु।
EZE 33:24 मार लोव़ पाप्‍तु देंशा हना “ए मुर, इस्राएल रागीम बाक्‍शो मेको ब्रेश्‍शो खिंम बाक्‍ब मुरपुकीम ‘अब्राहाम दा मुर का ला बाक्‍त। मो हना यो मेको रागी मेको के दुम्‍त। तन्‍न गो शुश बाक्‍नय। मेको रागी थमा पा इं कली गेशो बाक्‍ब’ देंनीम। यसैया ५१:२
EZE 33:25 मोपतीके गे मेको आन कली ‘परमप्रभु, परमप्रभु यावेमी इन कली गेपुकी हुश सुन्‍दा श्‍ये ब्‍वाइनीनी। गे इन मूर्ति पूजा पाइनीनी। गेपुकीम हुश ख्राक्‍श पोक्‍‍नीनी। मिनु मार, एको रागी इन के दुम्‍बा ङा? १सामुएल १४:३२-३४
EZE 33:26 गे इन तरवार कली थमा सुइक्‍नीनी। गेपुकीम मूर्ति पूजा पाइनीनी। गे नेल्‍लेम इन नेक्‍था ङा मुर आन मीश कली ग्रांग्रा दिशो सेल्‍नीनी। मिनु मार, एको रागी इन के दुम्‍बा ङा?’ देनो” देंत। इजीकीएल ११:१४-२१
EZE 33:27 मिनु गे मेको आन कली “परमप्रभु, परमप्रभु यावेमी ‘गो आं ब्रोंइशा बाक्‍शो खोदेंशो पा ब्रेश्‍शो खिंम बाक्‍बपुकी तरवारम साइक्‍चा पुंइसीनीम। मिनु गो दिंमम बाक्‍ब आन कली ब्‍वाकी ङा जन्‍तु आन कली ब्‍वचा गेनुङमी। बोल्‍यो दरवार नु पुक्‍खीम बाक्‍बपुकी मुर बेक्‍तीक रोइम बेक्‍नीम।
EZE 33:28 गो मेको रागी कली मुर मबाक्‍शो नु श्‍येत्‍थ सेल्‍नुङ। मिनु मेको आ ठेयब लेत्‍तीक जाम्‍ब। मिनु इस्राएल ङा डांडाम सुइ एर ओंथ पने मचाप्‍चा ङा पा मुर मबाक्‍तीके दुम्‍ब।
EZE 33:29 गो मेको आन मूर्ति पूजा पशो आन पर्बम मेको रागी कली मुर मबाक्‍शो नु श्‍येत्‍थ सेल्‍नुङ। मेना मेकोपुकीम गोन परमप्रभु यावे नङ, दे तुइक्‍नीम’ देंशो बाक्‍ब” देंत।
EZE 33:30 मेकोम “ए मुर, इ पर्बम बुक्‍शो मुरपुकी काथा बुक्‍शा, गारो नु खिं ङा लाप्‍चोम राप्‍शा ‘जाक्‍कीन परमप्रभु यावे आ लोव़ मार बाक्‍मे नेंय’ देंमुइनीम।
EZE 33:31 मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१
EZE 33:32 मेकोपुकीम इ कली तशा रिम्‍शो ताप्‍तीक ताप्‍शा, रिम्‍शो सेंदामी रिम्‍शो कुम्‍सो पाइब मुर का बाक्‍ब, दे मिम्‍नीम। इ देंशो नेंनीम, तन्‍न मपाइनीम।
EZE 33:33 मेको नेल्‍ल थमा दुम्‍ब। मेको थमा पा थमा दुम्‍ब। मेना मेकोपुकीम आन दातेम परमप्रभु यावे आ लोव़ पाइब का जाक्‍शो बाक्‍माक्‍त, दे तुइक्‍नीम” देंत। इजीकीएल २:५
EZE 34:1 परमप्रभु यावेमी आं कली लोव़ पाप्‍तु।
EZE 34:2 मार लोव़ पाप्‍तु देंशा हना “ए मुर, इस्राएल ङा गोठला आन कली आं लोव़ पावो। परमप्रभु, परमप्रभु यावेमी इन कली मार देंब देंशा हना ‘इस्राएल ङा गोठलापुकी गे आंमा जशा ब्‍वशा बाक्‍तीनी। मार, गोठलापुकीम भेडा आन कली रिम्‍शो पा कोव़चा ममाल्‍नीमी ङा? येरमीया २३:१-४
EZE 34:3 गे दोम्‍शो बोंसो ब्‍वाइनीनी। मिनु ऊन के वा फेक्‍नीनी। मिनु दोम्‍शो भेडा आन कली क्‍योरनीनी। तन्‍न गे भेडा आन कली रिम्‍शो पा मकोव़नीनी।
EZE 34:4 गेपुकीम मचाप्‍शो आन कली बोल्‍यो मसेल्‍नी। रोइ पशो आन कली मसापाइक्‍नी। गार दुम्‍शो आन कली आन गारमी ओख्‍ती मख्रेक्‍तीनी। गेपुकीम लां जाम्‍शो आन कली माल्‍थ लशा मलेत्‍तीनी। गे जाम्‍शो आन कली ममाल्‍थु, मरिम्‍शो पा सासन पशो बाक्‍तीनी। जकरिया ११:१५-१६; यूहन्‍ना १०:११
EZE 34:5 मोपतीके मेकोपुकी ब्राम्‍तेक्‍म। मारदे हना मेको आन के गोठला मबाक्‍म। मेको मोपा ब्रशा ब्‍वाकी ङा जन्‍तु आन जचा थोव़क दुम्‍तेक्‍म’ दे
EZE 34:6 आं भेडा लां प्रेंशा, पहाड मेर नु लाइश्‍शो डांडा मेर हिरसाक्‍म। आं भेडा रागी नेल्‍लेम ब्राम्‍तेक्‍म। मिनु सुइम मेको आन कली ममलेम। मेको आन पर्बम हिल्‍लो यो मपाम” देंशो बाक्‍ब। मत्ती ९:३६
EZE 34:7 मोपतीके ए गोठलापुकी परमप्रभु यावे आ लोव़ नेनीन।
EZE 34:8 परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, आं भेडा सिखार दुम्‍तेक्‍म। गोठला मबाक्‍तीके ब्‍वाकी ङा जन्‍तु आन जचा थोव़क दुम्‍तेक्‍म। मिनु आं गोठलापुकीम आं भेडा आन कली ममलेम। तन्‍न आंम कली ला कोव़साक्‍म। आं भेडा आन कली चहिं मकोव़ङेम।
EZE 34:9 मोपतीके गे गोठलापुकी परमप्रभु यावे आ लोव़ नेनीन।
EZE 34:10 परमप्रभु, परमप्रभु यावेमी इन कली ‘गो गोठला आन पर्बम लोव़ का पाइनुङ। गो आं भेडा मेको आन गुइ रे ग्रुंइनुङ। मेको आन कली आं भेडा योव़तीक रे ग्रुंइ‍नुङ। मिनु मेकोपुकीम जशा ब्‍वशा दोम्‍चा मताइ‍नीम। गो आं भेडा मेको गोठला आन शोव़ रे प्रोंइनुङमी। मोपा आं भेडापुकी मेको आन ब्‍वचा थोव़क मदुम्‍नीम’ ” देंत। येरमीया २३:२
EZE 34:11 मिनु परमप्रभु, परमप्रभु यावेमी “मुल गो आंमान आं भेडा आन कली माल्‍थ लाइनुङ। गो मेको आन कली कोव़नुङ। येरमीया २३:२
EZE 34:12 दोपा गोठलापुकीमी एर ओंथ ब्रशो क्‍यारश भेडा आन दातेमी आंम क्‍यारश भेडा माल्‍दीनीमी, मोपान गो आं भेडा आन कली माल्‍थ लाइनुङ। क्‍येर गोस्‍सुम सुम्‍शो नाक्‍त ते ते ब्रशो आं भेडा आन कली श्‍येत रे प्रोंइनुङमी। लूका १५:४
EZE 34:13 गो मेको आन कली रागी रागी ङा मुर आन दाते रे ग्रुंइशा, आंम आन रागीम चाक्‍नुङमी। गो मेको आन कली इस्राएल ङा पहाड मेर, मेको आ खोला आ नेक्‍था नु मुर बाक्‍शो रागी मेर योव़नुङमी।
EZE 34:14 गो मेको आन कली रिम्‍शो पा योव़नुङमी। मिनु इस्राएल ङा पहाड मेको आन योव़तीके दुम्‍ब। मेकोपुकी रिम्‍शो घांस बाक्‍तीकेम गोल्‍शा बाक्‍नीम। मिनु इस्राएल ङा पहाड मेको आन रिम्‍शो पा जोतीक दुम्‍ब। भजन संग्रह २३:२
EZE 34:15 गो आंमान आं भेडा आन कली कोव़नुङ। मिनु मेको आन कली नाइक्‍चा गे‍नुङमी।
EZE 34:16 गो जाम्‍शो आन कली माल्‍नुङमी। हेंथे गाक्‍शो आन कली माल्‍शा थिश्‍शा चाक्‍नुङमी। गो गार दुम्‍शो आन कली ओख्‍ती ख्रेक्‍नुङमी। मचाप्‍शो आन कली बोल्‍यो सेल्‍नुङमी। तन्‍न गो दोम्‍शो नु सक्ति पाइश्‍शो आन कली साइक्‍नुङमी। गो मेको आन कली ठीक पा योव़नुङमी” देंत।
EZE 34:17 मिनु परमप्रभु, परमप्रभु यावेमी “ए गे आं क्‍यारश भेडा, गो भेडा नु भेडा आन दातेमी निसाफ पाइनुङ। गो सांड नु क्‍यारश आन दातेम निसाफ पाइनुङ। मत्ती २५:३२
EZE 34:18 मार, रिम्‍शो जोतीकेम जोशा यो, गे इन कली मगाम्‍मे? गे मारदे लीशो जोतीक कली इन खोइलीम दिम्‍नीनी? मार, रिम्‍शो सिक्‍स ब्‍वाक्‍कु तूशा यो, लीशो कली इन खोइलीम हिलो सेल्‍चा माल्‍‍नीनी?
EZE 34:19 मार, आं भेडा, इन दिम्‍शो जोतीकेम जोचा माल्‍नीमी? इन खोइलीम हिलो सेल्‍शो ब्‍वाक्‍कु तूचा माल्‍नीमी?” देंत।
EZE 34:20 मोपतीके परमप्रभु, परमप्रभु यावेमी मेको आन कली “गो आंमान दोम्‍शो नु ग्‍येंशो भेडा आन दातेम निसाफ पाइनुङ।
EZE 34:21 मारदे हना गेपुकीम दा ग्‍येंशो आन कली इन फिलाम नु ब‍लाम नेम्‍ना नेम्‍न नु मचाप्‍शो आन कली ख्रुना ख्रुन एर ओंथ ब्रपाइक्‍‍नीनी।
EZE 34:22 गो आं क्‍यारश भेडा नेल्‍ल आन कली प्रोंइनुङमी। मिनु मेको मुल रे रोइक्‍चा मपुंइसीनीम। मिनु गो भेडा आन दातेम निसाफ पाइनुङ।
EZE 34:23 गो मेको आन कली गोठला का वोइक्‍नुङ। आं गेय पाइब दाऊद कली वोइक्‍नुङ। मिनु मेकोम मेको आन कली कोव़ब। मेको आन कली योव़शा मेको आन गोठला दुम्‍ब। इजीकीएल ३७:२४; येरमीया ३०:९; होसे ३:५; यूहन्‍ना १०:१४-१६
EZE 34:24 मिनु गो, परमप्रभु यावे मेको आन परमप्रभु दुम्‍नुङ। मिनु आं गेय पाइब दाऊद चहिं मेको आन दातेम सासन पाइब दुम्‍ब। गो, परमप्रभु यावेमी एको लोव़ पाता” देंत।
EZE 34:25 मेकोमी “गो मेकोपुकी नु थुं नाइश्‍शा बाक्‍तीक कबल का पाइनुङ। मिनु गो रागी कली ब्‍वाकी ङा जन्‍तु रे प्रोंइनुङ। मिनु मेकोपुकी महिंथु थुं नाइश्‍शा गोरशो रागी नु ब्‍वाकीम इप्‍चा ताइनीम। इजीकीएल ३७:२६; लेवी २६:६; होसे २:२०
EZE 34:26 गो मेको आन कली नु आं डांडा आ एर ओंथ नेल्‍ल ङा रागी कली अरु आन कली आसीक गेब सेल्‍नुङमी। गो रेउ यिची ना मेको आन कली रेउ यिपाइक्‍नुङ। मेको रेउ आसीक खोदेंशो पा यीब। लेवी २६:४
EZE 34:27 मिनु रूम बाक्‍शो रवाम फल सित्‍नीम। खपीम मारेइ मारेइ ग्रेल्‍नीम। मिनु मुरपुकी आंम रूमी रिम्‍शो बाक्‍ने चाप्‍नीम। गो मेको आन जुवा जिक्‍शा, मेको आन कली वाइल सेल्‍ब आन गुइ रे प्रोंइ‍नुङमी। मेना गोन परमप्रभु यावे नङ, दे तुइक्‍नीम।
EZE 34:28 मिनु रागी रागी ङा मुरपुकीमी मेको आन कली रोइक्‍ने मचाप्‍‍नीम। ब्‍वाकी ङा जन्‍तुपुकीम यो मेको आन कली मब्‍वाइनीम। मेकोपुकी रिम्‍शो बाक्‍नीमी। मिनु सुइम मेको आन कली महिंपाइक्‍नीम। येरमीया ३०:१०
EZE 34:29 गो मेको आन कली शुश अन्‍न ग्रेल्‍तीक रू गेनुङमी। मोपा मेकोपुकी रागीम लेंशा गेनायो शोव़लु मबेक्‍नीम। मिनु रागी रागी ङा मुर आन शुक्‍शी पाइश्‍शो फाल्‍चा ममाल्‍नीम। इजीकीएल ३६:३०
EZE 34:30 मिनु मुरपुकीमी गो, परमप्रभु यावे मेको आन परमप्रभु नङ, दे तुइक्‍नीम। गो मेकोपुकी नु बाक्‍नुङ, दे तुइक्‍नीम। मिनु मेकोपुकीम इस्राएल आ खिं ङा मुर आं मुर नम, दे तुइक्‍नीम। इजीकीएल ११:२०
EZE 34:31 गे आं भेडा खोदेंशो ननी। आं योव़तीके ङा भेडा बाक्‍नीनी। मिनु गो इन परमप्रभु नङ” दे परमप्रभु, परमप्रभु यावेमी देंत। भजन संग्रह १००:३
EZE 35:1 मिनु परमप्रभु यावेमी आं कली लोव़ पाप्‍तु।
EZE 35:2 मार लोव़ पाप्‍तु देंशा हना “ए मुर, गे सेइर पहाड गे कोव़ङो। मिनु मेको कली आं लोव़ पावो। इजीकीएल २५:१२-१४
EZE 35:3 परमप्रभु, परमप्रभु यावेमी ‘ए सेइर पहाड, गो इ कली लोव़ का पचा माल्‍‍‍नुङ। आं गुइ इ गे क्‍युक्‍नुङ। मिनु इ कली मुर मबाक्‍तीके नु श्‍‍येत्‍थ सेल्‍नन।
EZE 35:4 गो इ सहर प्रेत्‍‍नुङ। मिनु गे मुर मबाक्‍तीक दुम्‍नेवे। मिनु गोन परमप्रभु यावे नङ, दे तुइक्‍नेवे।
EZE 35:5 गे साइ इस्राएल कली ईख कुरतीवी। मिनु इस्राएली आन श्‍येत जची ना नु आन नोले ङा सजाइ तची ना तरवारम क्‍योरचा कली जिम्‍मा गेप्‍तीवी। भजन संग्रह १३७:७
EZE 35:6 मोपतीके परमप्रभु, परमप्रभु यावेमी, गो आं ब्रोंइशा बाक्‍शो खोदेंशो पा, गो इ कली हुश ख्राक्‍श पोक्‍ब आन गुइमी जिम्‍मा गेनन। मारदे हना गे हुश ख्राक्‍श पोक्‍चा दाक्‍तावी। हुश ख्राक्‍श पोक्‍तीकेम इ कली खेदा पाइब।
EZE 35:7 गो सेइर पहाड कली श्‍येत्‍थ नु मुर मबाक्‍शो पहाड सेल्‍नुङ। मेको रे पा एर ओंथ पाइब नेल्‍ल आन कली खतम सेल्‍नुङमी।
EZE 35:8 गो इ पहाड नेल्‍ल साइश्‍शो मुरपुकीम प्रिंनुङ। तरवारम साइश्‍शोपुकी इ डांडा मेर, इ बेंसी मेर नु इ खोल्‍सा मेर गोल्‍‍नीम।
EZE 35:9 गो इ कली गेना हना यो कली श्‍येत्‍थ सेल्‍नन। इ सहर मुर मबाक्‍तीक दुम्‍नीम। मिनु गोन परमप्रभु यावे नङ, दे तुइक्‍नेवे’।
EZE 35:10 गो परमप्रभु यावे मेक बाक्‍ती हना यो, गे ‘मेको रागी निक्‍शी नु राज्‍य निक्‍शी आं के दुम्‍ब। मिनु गो मेको आन कली हुकुम पाइनुङ’ देंते।
EZE 35:11 मोपतीके परमप्रभु, परमप्रभु यावेमी गो आं ब्रोंइशा बाक्‍शो खोदेंशो पा गे इ गाइश्‍शो नु गेहे पतीक कोंइताक्‍यी। मारदे हना गे इस्राएल कली काइ मदाक्‍ती। गो इ कली मोदेंशोन पाइनुङ। गो इ कली निसाफ पङानु, इन दातेमी आं कली तुइक्पाइक्‍नुङ।
EZE 35:12 मिनु गे गो परमप्रभु यावे नङ, दे तुइक्‍नेवे। मिनु गो इस्राएल ङा पहाड आन पर्बम इ शुक्‍शी पा पशो लोव़ नेल्‍ल नेंता। गे मार देंते देंशा हना ‘इस्राएल ङा पहाड नेल्‍ल मुर मबाक्‍तीके दुम्‍शो बाक्‍नीम। मिनु मेको आं कली गेशो बाक्‍ब’ देंते।
EZE 35:13 गे आं कली ठेयब लेश्‍शा कोंइताक्‍यी। मिनु गे आं पर्बम शुश मरिम्‍शो लोव़ पाप्‍तीवी। गो मेको नेल्‍ल नेंता।
EZE 35:14 रागी नेल्‍ल ग्‍येरसीशा बाक्‍मानु, गो इ कली चहिं मुर मबाक्‍तीक रागी सेल्‍नुङ।
EZE 35:15 मारदे हना गे इस्राएल मुर मबाक्‍तीके दुम्‍मेनु, आं के दुम्‍त, दे ग्‍येरसीशो बाक्‍ते। मोपतीके, गो यो इ कली मोदेंशोन पाइनुङ। गे सेइर पहाड नु एदोम नेल्‍ल मुर मबाक्‍तीके दुम्‍नीनी। मिनु गोन परमप्रभु यावे नङ, दे तुइक्‍नीनी” देंत।
EZE 36:1 परमप्रभु यावेमी “ए मुर, इस्राएल ङा पहाड आन कली आं लोव़ पावो। मेको आन कली ए इस्राएल ङा पहाड, परमप्रभु यावे आ लोव़ नेनीन। इजीकीएल ६:२
EZE 36:2 मिनु परमप्रभु, परमप्रभु यावेमी इन जोरी सत्रुपुकीमी ‘मुल मेको माइत पहाड नेल्‍ल इं के दुम्‍तेक्‍म’ देंतेक्‍म। इजीकीएल २५:३
EZE 36:3 मोपतीके आं लोव़ पावो, परमप्रभु, परमप्रभु यावेमी ‘मारदे हना मेकोपुकीम इन कली नेल्‍ल मुर मबाक्‍तीके सेल्‍शा, एर ओंथ रे श्‍येत गेम्‍तेक्‍म। मिनु गे रागी रागी ङा लीशो मुर आन रागी दुम्‍तीनी। मिनु गे मुर आन दातेम शुक्‍शी पाइक्‍तीक दुम्‍शो बाक्‍तीनी।
EZE 36:4 मोपतीके गे इस्राएल ङा पहाडपुकी, परमप्रभु, परमप्रभु यावे आ लोव़ नेनीन। परमप्रभु यावेमी डांडा, पहाड, खोल्‍सा, बेंसी, ब्रेश्‍शो सहर नु मुर मबाक्‍शो सहर गे इन कली इन एर ओंथ बाक्‍शो मुरपुकीमी रोइक्‍ताक्‍म। मिनु रिश्‍शा इन कली आइक्‍च सेल्‍तेक्‍म।
EZE 36:5 मोपतीके परमप्रभु, परमप्रभु यावे आं लोव़ नेनीन। गो थाम्‍पा रुश पा, अर्को रागी नु एदोम रागी नेल्‍ल आन कली लोव़ पाइनुङ। मारदे हना मेकोपुकीम आन थुं नेल्‍लेम ग्‍येरसीशा आं रागी आन के सेल्‍तेक्‍म। मारदे हना रिम्‍शो योव़तीक जोतीक बाक्‍शा, मेको आंम कली रोंइसाक्‍म’ देंत। इजीकीएल ३५:१५
EZE 36:6 मोपतीके इस्राएल रागी आ पर्बम आं लोव़ पावो। मिनु डांडा, पहाड, खोल्‍सा नु बेंसी आन कली परमप्रभु, परमप्रभु यावेमी ‘गो रुश पा शुश चुरशा लोव़ पाइनुङ। गेपुकीम रागी रागी ङा मुर आन शुक्‍शी पशो फाल्‍चा माल्‍तीनी’ देंत।
EZE 36:7 मोपतीके परमप्रभु, परमप्रभु यावेमी ‘गो गे इन एर ओंथ बाक्‍ब रागी रागी ङा मुरपुकीम यो शुक्‍शी पाइक्‍चा पुंइसीनीम’ दे कसम जाइनुङ।
EZE 36:8 तन्‍न गे इस्राएल ङा डांडापुकी, गेपुकीम चहिं इन राशी ङोन सम्‍म हाम्‍शा, आं मुर इस्राएली आन कली फल सिप्‍पाइक्‍नीनी। मारदे हना मेकोपुकी रीब पा आन खिं लेत्‍नीम।
EZE 36:9 कोव़ङीन मुल गो इन कली कोव़नुङ। गो इन गे लेश्‍शा, इन कली दोपाइश्‍शा, वांचेर शोक्‍पाइक्‍नुङ।
EZE 36:10 गो इ मुर आन कली सोपाइश्‍शा बोपाइश्‍शा शुश सेल्‍नुङ। इस्राएल आ खिं ङा मुर नेल्‍ल आन कली मोदेंशो पाइनुङ। मिनु सहरम लेंशा मुर बाक्‍नीम। मिनु ब्रेश्‍शो खिं नेल्‍ल लेंशा सेल्‍सीब।
EZE 36:11 गो इन मुर नु इन बी ब्‍यफ, क्‍यारश भेडा शुश सेल्‍नुङमी। मिनु मेको शुश दुम्‍शा, शुश गिक्‍नीम। गो ङोंइती ङा खोदेंशो पा इन बाक्‍तीकेम मुर बाक्‍पाइक्‍नुङमी। मिनु गो इन कली ङोंइती ङा क्‍येङा रिम्‍शो पाइनुङ। मिनु गोन परमप्रभु यावे नङ, दे तुइक्‍नीनी। लेवी २६:९
EZE 36:12 गो आं मुर इस्राएली आन कली इ तार गाक्‍पाइक्‍नुङ। गे मेको आन के दुम्‍नीनी। मिनु गे मेको आन शोंप दुम्‍नीनी। गेपुकीम गेनायो मेको आन तमी तौ रोइश्‍शा मलाइक्‍नीनी” देंत।
EZE 36:13 मिनु परमप्रभु, परमप्रभु यावेमी “मुरपुकीम इन पर्बम ‘गे मुर ब्‍वाइनीनी। मिनु आंम इन रागी ङा आल आन कली साइक्‍नीनी’ देंशो बाक्‍नीम” देंत।
EZE 36:14 मोपतीके परमप्रभु, परमप्रभु यावेमी “गेपुकीम मुल रे लेंशा गेनायो मुर मब्‍वाइनीनी। मिनु आंम रागी ङा तमी तौ मसाइक्‍नीनी।
EZE 36:15 गो रागी रागी ङा मुरपुकीम इन कली शुक्‍शी पचा मगेनन्‍नी। मिनु मुरपुकीम इन कली दिप्‍शो फाल्‍चा ममाल्‍नीनी। मिनु इन रागी ङा मुर आन कली दाइल मपपाइक्‍नीनी” दे परमप्रभु, परमप्रभु यावेमी देंत।
EZE 36:16 मिनु लेंशा परमप्रभु यावेमी आं कली लोव़ पाप्‍तु।
EZE 36:17 मार लोव़ पाप्‍तु देंशा हना “ए मुर, इस्राएली आंम आन रागीमी बाक्‍शो बाक्‍मानु, मेकोपुकीम मेको रागी कली आन पतीक नु आन गेयम ग्रांग्रा दिशो सेल्‍तेक्‍म। मेको आन मरिम्‍शो पशो मीश मुर आ रां ब्रोल्‍शो ग्रांग्रा खोदेंशो बाक्‍त। मेकोपुकीम रागीम हुश शाइक्‍पाइक्‍तीके नु आन मूर्तिम मेको रागी ग्रांग्रा दिशो सेल्‍तेक्‍म। मेको आन पतीके आं ङोंइती रां ब्रोल्‍शो मीश मुर खोदेंशो ग्रांग्रा बाक्‍त। लेवी १८:२४-२५
EZE 36:18 मारदे हना मेकोपुकी हुश ख्राक्‍श पोक्‍तीके नु मूर्ति रे पा मेको रागी ग्रांग्रा दिशो सेल्‍तीके गो आं चुरशो मेको आन तारी मोइक्‍ता।
EZE 36:19 गो मेको आन कली रागी रागी ङा मुर आन दातेम ब्रपाइक्‍तामी। मिनु मेकोपुकी राज्‍य राज्‍यम एर ओंथ दुम्‍शा ब्राम्‍तेक्‍म। गो मेको आन पतीक नु मेको आन गेय खोदेंशो पा निसाफ पाता।
EZE 36:20 मिनु मेकोपुकी रागी रागी ङा मुर आन दातेम जाक्‍शा, आं नें मरिम्‍शो सेल्‍तेक्‍म। मारदे हना मेको आन पर्बम ‘एकोपुकी दा परमप्रभु यावे आ मुर नम। मो हना यो आन रागी प्रोंइचा माल्‍तेक्‍म’ देंतेक्‍म। यसैया ५२:५
EZE 36:21 तन्‍न गो आं का ला बाक्‍शो नें आ पर्बम मिम्‍ताक्‍ङ। मेको आं नें रागी रागी ङा मुर आन दातेम मरिम्‍शो सेल्‍शो बाक्‍तेक्‍म” देंत। इजीकीएल २०:९
EZE 36:22 परमप्रभु, परमप्रभु यावेमी “मोपतीके इस्राएल आ खिं ङा मुर आन कली ‘ए इस्राएल आ खिं ङा मुर, गो इन पर्बम एको गेय मपाइनुङ। तन्‍न गो आं नें आ पर्बम गेय पाइनुङ। गे इन लतीक रागी रागी ङा मुर आन दातेम आं नें मरिम्‍शो सेल्‍तीनी। यसैया ४८:११; येरमीया १४:७
EZE 36:23 गो आं ठेयब नें लेंशा रिम्‍शो सेल्‍नुङ। मेको रागी ङा मुर आन दातेम मरिम्‍शो सेल्‍शो बाक्‍त। मिनु रागी रागी ङा मुरपुकीम गोन परमप्रभु, परमप्रभु यावे नङ, दे तुइक्‍नीम। मत्ती ६:९; इजीकीएल ३७:२८
EZE 36:24 गो इन कली रागी रागी ङा मुर आन दाते रे ग्रुंइनुङ। मिनु राज्‍य नेल्‍ल रे इन कली खुप्‍शा, इन आंम रागीम चाक्‍नुङ।
EZE 36:25 गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२
EZE 36:26 गो इन कली नक थुं का गेनुङ। मिनु गो इन थुंम नक सोक्‍त का कुर पाइनुङ। गो इन आगा रे फुल्‍लु के थुं ग्रुंइशा, मेको आ पा ङा श्‍ये के थुं कुर पाइनुङ। इजीकीएल ११:१९-२०; येरमीया ३१:३३
EZE 36:27 गो आं सोक्‍ती इन आगाम वोइक्‍नुङ। मिनु आं फुल्‍लुम मुशा ब्रेक्‍शो लोव़ नु आं निसाफ पतीक लोव़ होस पा पाइब सेल्‍नुङ। इजीकीएल ३९:२९; यसैया ४४:३; इजीकीएल ३७:२४
EZE 36:28 मेना गेपुकी गो इन किकी पिपी आन कली गेशो रागीम बाक्‍नीनी। मिनु गे आं मुर दुम्‍नीनी। मिनु गो इन परमप्रभु दुम्‍नुङ। इजीकीएल ११:२०
EZE 36:29 गो गे इन कली ग्रांग्रा दितीक रे प्रोंइनन्‍नी। गो शुश अन्‍न ग्रेल्‍पाइक्‍नुङ। मिनु गो गे इन कली अन्‍काल मपपाइक्‍नुङ।
EZE 36:30 गो रवा आन फल नु रू ङा मारेइ मारेइ आन कली शुश सेल्‍नुङ। मोपा गेपुकी गेनायो रागी रागी ङा मुर आन दातेम अन्‍काल पा मुने मदोक्‍नीनी। इजीकीएल ३४:२९; योएल २:१९
EZE 36:31 मेना गे इन मरिम्‍शो पशो गेय नु मरिम्‍शो पशो आ पर्बम मिम्‍नीनी। मिनु गे इन मरिम्‍शो पशो नु मूर्ति पूजा पतीके आन आन पर्बम आंमान ग्रांग्रा दीसीनीनी। इजीकीएल २०:४३
EZE 36:32 गो इन पर्बम एको गेय पशो मनङ। मेको तुइक्‍चा माल्‍नीनी। ए इस्राएल आ खिं ङा मुर इन पशो गेयम पतीके मुने दोक्‍शा सुर्ता पन’ ” देंत।
EZE 36:33 परमप्रभु, परमप्रभु यावेमी “मेको नाक्‍ती गो इन कली इन मरिम्‍शो पशो नेल्‍ल रे लेंशा रिम्‍शो सेल्‍नुङ। गो इन सहर आन कली लेंशा मुर बाक्‍तीक सेल्‍नुङ। मिनु ब्रेश्‍शो नेल्‍ल लेंशा सेल्‍पाइक्‍नुङ।
EZE 36:34 लां गाक्‍ब मुरपुकीमी इन मशोक्‍शो रू तचा क्‍येङा ङोंइती मेकेर मार मार शोक्‍चा कली लेंशा दोइनीम।
EZE 36:35 मिनु मेकोपुकीम ‘एको श्‍येत्‍थ रू एदेन आ फल फुल रू खोदेंशो दुम्‍शो बाक्‍ब। एको श्‍येत्‍थ दुम्‍शो मुर मबाक्‍शो नु ब्रेश्‍शो सहर मुल मुरपुकीम ब्रीशा गारो हिरशो बाक्‍नीम’ देंनीम।
EZE 36:36 मेना इन एर ओंथ लीशो रागी ङा मुरपुकीम परमप्रभु यावेमी मेको ब्रेश्‍शो सहर कली लेंशा सेल्‍तु। मिनु श्‍येत्‍थ दुम्‍शो रागीम लेंशा मार मार वापाइक्‍तु, दे तुइक्‍नीम। गो परमप्रभु यावेमी मेको पाता। गो मेको यो पाइनुङ” देंत। इजीकीएल १७:२४; येरमीया १:१०; येरमीया १८:७-८
EZE 36:37 मिनु परमप्रभु, परमप्रभु यावेमी “गो इस्राएल आ खिं ङा मुर आन पुंइशो नेंशा, मेको आन मुर आन कली क्‍यारश भेडा खोदेंशो पा शुश सेल्‍नुङमी। मीका २:१२
EZE 36:38 गो मेको आन कली यरूसलेम ङा चाडम चढ़ेतीक भेडा खोदेंशो पा शुश सेल्‍नुङमी। मोपा सहर लेंशा शुश मुरपुकीम ब्रीनीम। मिनु मेकोपुकीम गोन परमप्रभु यावे नङ, दे तुइक्‍नीम” देंत।
EZE 37:1 परमप्रभु यावेमी आं कली थिती। मिनु परमप्रभु यावे आ सोक्‍तीम आं कली बेंसी आ दातेमी चाक्‍‍ती। मेको बेंसी रुशेइ रुशेम ब्रीशो बाक्‍त। इजीकीएल १:३
EZE 37:2 मेकोम आं कली मेको रुश बाक्‍तीकेम एर ओंथ पपाइक्‍ती। मेको बेंसीम शुश रुश बाक्‍तेक्‍म। मेको थाम्‍पा सोव़शो बाक्‍तेक्‍म।
EZE 37:3 मिनु मेकोम आं कली “ए मुर, मार, एको रुश लेंशा ब्रोंइने चाप्‍नीमी ङा?” देंत। मिनु गो “परमप्रभु, परमप्रभु यावे, गे ला मेको तुइक्‍नीनी” देंती।
EZE 37:4 मिनु मेकोम आं कली “एको रुश आन कली आं लोव़ पा ‘ए सोव़शो रुश परमप्रभु यावे आ लोव़ नेनीन’ देनो” देंत।
EZE 37:5 मिनु परमप्रभु, परमप्रभु यावेमी “मेको रुश आन कली ‘गो इन आगाम सोक्‍त ओव़पाइक्‍नुङ। मिनु गे ब्रोंइनीनी। भजन संग्रह १०४:३०
EZE 37:6 गो इन कली नारीम बोइक्‍नन्‍नी। इन श्‍ये वापाइक्‍नुङ, कुशुलम गिल्‍नन्‍नी। मिनु गो इन आगाम सोक्‍त कुर पाइक्‍नुङ। मिनु गे ब्रोंइनीनी। मिनु गेपुकीम गोन परमप्रभु यावे नङ, दे तुइक्‍नीनी’ ” देंत। यसैया २६:१९
EZE 37:7 मोपतीके गो मेकोमी देंशो खोदेंशो पा परमप्रभु यावे आ लोव़ पाता। मिनु गो मेको परमप्रभु यावे आ लोव़ पन पन बाक्‍ङानु, मेकेर करक कुरूक पशो नेंता। मिनु मेको रुशपुकी का नु अर्को बोंइसीचा गोम्‍तेक्‍म।
EZE 37:8 मिनु गो आं कोव़न कोव़ना मेको आन नारी बोंइसी‍शा, श्‍ये ग्रूत। मिनु मेको कुशुलम गिल्‍साक्‍म। तन्‍न मेकोपुकी नु सोक्‍त मबा।
EZE 37:9 मिनु मेकोमी आं कली “ए मुर, सोक्‍त कली आं लोव़ पावो। गे मुर, आं लोव़ पावो। मेको आन कली परमप्रभु, परमप्रभु यावेमी ‘ए सोक्‍त, पूर्ब, पच्‍छिम, उत्तर दक्‍खिन रे जाक्‍कीन। मिनु एको बेक्‍शो आन कली मुइक्‍तीन। मिनु ब्रोंइम‍ल’ देनो” देंत।
EZE 37:10 मिनु गो परमप्रभु यावे आ अरेशो पाता। मिनु मेको ब्रोंइतीक सोक्‍त मेको आन आगाम ओव़त। मिनु मेकोपुकी ब्रोंइशा राप्‍तेक्‍म। मिनु थम ठेयब हुल का दुम्‍‍त।
EZE 37:11 मिनु मेकोम आं कली “ए मुर, एको रुश नेल्‍ल इस्राएल आ खिं ङा मुर बाक्‍नीम। मेकोपुकीम ‘आंइ रुश नेल्‍ल सोव़ने थुम्‍तेक्‍म। मिनु आंइ आस नेल्‍ल जाम्‍त। गो थमा पा ताइक्‍चा पुंइसाक्‍क’ देंतेक्‍म। इजीकीएल ३७:१
EZE 37:12 मोपतीके मेको नेल्‍ल आन कली आं लोव़ पा ‘गो, परमप्रभु, परमप्रभु यावेमी तुरस रोक्‍शा, इन कली ग्रुंइनुङ। आं मुरपुकी, गो इन कली लेंशा इस्राएल रागीम चाक्‍नन्‍नी।
EZE 37:13 ए आं मुरपुकी, गो इन तुरस रोक्‍शा ग्रुंइदुनु, गेपुकीम गोन परमप्रभु यावे नङ, दे तुइक्‍नीनी।
EZE 37:14 गो आं सोक्‍त इन कली कुर पाइक्‍नन्‍नी। मिनु गे ब्रोंइनीनी। मिनु गो इन कली आंम इन रूम बाक्‍पाइक्‍नुङ। मिनु गेपुकीम गो परमप्रभु यावेमीन एको लोव़ पाता। मिनु मेको पाइनुङ, दे तुइक्‍नीनी’ देनो” दे परमप्रभु, यावेमी देंत।
EZE 37:15 परमप्रभु यावेमी आं कली लोव़ पाप्‍तु।
EZE 37:16 मार लोव़ पाप्‍तु देंशा हना “ए मुर, कोक्‍के का चाक्‍शा ‘यहूदा नु इस्राएल ङा मुर’ दे ब्रेक्‍तो। मिनु नोले अर्को कोक्‍के का चाक्‍शा ‘योसेफ, एफ्राइम नु मेको नु बाक्‍ब इस्राएल आ खिं नेल्‍ल’ दे ब्रेक्‍तो।
EZE 37:17 मिनु मेको निम्‍फा फ्रिप्‍शा कान सेल्‍सी। मोपा मेको इ गुइम कोक्‍के कान दुम्‍ब।
EZE 37:18 मिनु इ मुरपुकीम इ कली ‘मेको आ अर्थ मार बाक्‍बा गे आंइ कली मशेंनीनी?’ दे हिल्‍लो पाइनीम।
EZE 37:19 गे मेको आन कली परमप्रभु, परमप्रभु यावेमी गो एफ्राइम आ गुइम बाक्‍शो योसेफ आ कोक्‍के, इस्राएली आन थर ङा यहूदा आ कोक्‍के नु फ्रिप्‍नुङ। मोपा गो मेको आस कली कोक्‍के कान सेल्‍नुङ। मिनु मेको आं गुइम कान दुम्‍नीस।
EZE 37:20 मिनु मेको इन ब्रेक्‍शो कोक्‍के इन ङोंइती इन गुइम ग्‍याइश्‍शा बाक्‍नीस” देंत।
EZE 37:21 मेना परमप्रभु, परमप्रभु यावेमी मेको आन कली “इस्राएल ङा मुर तेको तेको रागीम लमा, गो मेको आन कली रागी नेल्‍ल रे खुप्‍नुङमी। मिनु मेको आन कली आंम आन रागीम चाक्‍नुङमी। यसैया ११:१२-१३
EZE 37:22 गो मेको आन कली इस्राएल रागी ङा पहाडम रागी कान सेल्‍नुङमी। मिनु मेको नेल्‍ल आन के पिप कान दुम्‍ब। मिनु गेनायो रागी निक्‍शी मदुम्‍नीस। मिनु राज्‍य निक्‍शी मदुम्‍नीस। इजीकीएल ३४:२३; येरमीया ३:१८; होसे २:२
EZE 37:23 मिनु मेकोपुकीम लेंशा गेनायो आन मूर्ति नु अरु ग्रांग्रा दिशो थोव़क नु हेंथे मपाइनीम। मारदे हना गो मेको आन कली नेल्‍ल आन हेंथे पतीक रे प्रोंइ‍नुङमी। मिनु मेको आन कली आं मुर सेल्‍नुङमी। मिनु मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। इजीकीएल ११:२०
EZE 37:24 आं गेय पाइब दाऊद मेको आन पिप दुम्‍ब। मिनु मेको आन गोठला कान दुम्‍ब। मिनु मेकोपुकीम आं निसाफ पतीक लोव़ टीनीम। मिनु मेकोपुकीम आं फुल्‍लुम मुशा ब्रेक्‍शो लोव़ होस पा पाइनीम। इजीकीएल ३४:२३; इजीकीएल ३६:२७
EZE 37:25 मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३
EZE 37:26 गो मेकोपुकी नु थुं नाइश्‍शा बाक्‍तीक कबल का पाइनुङ। मेको गेना हना यो लीब कबल बाक्‍ब। गो मेको आन कली आसीक गेशा शुश दुम्‍पाइक्‍नुङमी। मिनु गो मेको आन दातेम गेना हना यो कली आं बाक्‍तीक सेल्‍नुङ। प्रस्‍थान २५:८; इजीकीएल ३४:२५; यसैया ५४:३०
EZE 37:27 आं बाक्‍तीक मेकोपुकी नुन दुम्‍ब। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:२०
EZE 37:28 मेना रागी रागी ङा मुरपुकीम गो, परमप्रभु यावेमीन इस्राएली आन कली आं मुर सेल्‍ता। मिनु आं बाक्‍तीके मेको आन दातेम गेना हना यो बाक्‍ब, दे यो तुइक्‍नीम” दे परमप्रभु यावेमी देंत। इजीकीएल ३६:२३
EZE 38:1 परमप्रभु यावेमी आं कली लोव़ पाप्‍तु।
EZE 38:2 मार लोव़ पाप्‍तु देंशा हना “ए मुर, मागोग रागी ङा ठेयब मुर, गोग आ बाक्‍तीक लावो। मेशेक नु तूबल ङा सासन पाइब कली आं लोव़ पावो। इजीकीएल ३९:६; इजीकीएल २७:१३; इजीकीएल ३२:२६; उत्‍पत्ती १०:२
EZE 38:3 मिनु परमप्रभु, परमप्रभु यावेमी मेको कली ‘ए मेशेक नु तूबल ङा सासन पाइब गोग, गो इ कली लोव़ का पाइनुङ।
EZE 38:4 गो इ कली हिरनुङ। गो इ शांपेम बोल्‍सी ब्‍वेक्‍नुङ। गो इ कली, इ लडाइ पाइब नेल्‍ल, इ शारा नु इ शारा ङोइक्‍ब, या कुरब नेल्‍ल आन ग्रुंइनुङ। ठेयब नु आइक्‍च तेक्‍तीक कुरब, आन तरवार शेशा बाक्‍नीम।
EZE 38:5 पारसी, एथीयोपीया नु पूत ङा मुरपुकी, मेकोपुकी नु बाक्‍नीम। मिनु मेको नेल्‍लेम आन तेक्‍तीक शेश्‍‍शा, लडाइ ङा ताकी गुक्‍शो बाक्‍नीम।
EZE 38:6 गोमेर नु आ लडाइ पाइब नेल्‍ल, उत्तर ङा बेथ-तोगारमाह नु आ लडाइ पाइब नेल्‍ले शुश मुरपुकी गे नु बाक्‍शो बाक्‍नीम। इजीकीएल २७:१४
EZE 38:7 गे सासीशा बाक्‍को। मिनु गे नु गारशा लडाइ पचा कली जाक्‍शो लडाइ पाइब नेल्‍ल आन कली सासीशा बाक्‍पतो। मिनु गे मेको नेल्‍ल आन ठेयब मुर दुम्‍शा, सासीशा बाक्‍को।
EZE 38:8 शुश नाक्‍त नोले लडाइ पचा कली इन कली ब्रेत्‍नीम। गेपुकीम लडाइम श्‍येत्‍थ दुम्‍शा लेंशा सेल्‍शो रागी कली लडाइ तोइनीनी। मेको मुर शुश रागी रे खुप्‍शा, इस्राएल ङा पहाडम चाक्‍शो बाक्‍नीम। मेकेर शुश बर्स रे मुर मबाक्‍म। मेकोपुकी रागी रागी रे चाक्‍शो बाक्‍तेक्‍म। मिनु मुल मेको नेल्‍ल मारेइ मदुम्‍थु रिम्‍शो पा बाक्‍शो बाक्‍नीम।
EZE 38:9 गे फश गिवार खोदेंशो पा बारचा माल्‍नेवे। गे गोस्‍स खोदेंशो पा मेको रागी कली सुम्‍चा माल्‍नेवे। गे नु इ लडाइ पाइब नेल्‍ल नु गे नु बाक्‍ब नेल्‍लेम मोदेंशो पचा माल्‍नीनी’ देनो” देंत।
EZE 38:10 परमप्रभु, परमप्रभु यावेमी “मेको नाक्‍ती इ थुंम मार मार मिम्‍नेवे। मिनु गे थम मरिम्‍शो पचा मिम्‍नेवे।
EZE 38:11 मिनु गेम ‘गो गारो महिरशो सहर कली लडाइ तोइ‍नुङ। गो सिक्‍सी पा रिम्‍शो पा गारो महिरशो, ठेयब लाप्‍चो मपाइश्‍शो नु आग्‍लो मपाइश्‍शो सहरम बाक्‍ब मुर आन रागी कली लडाइ तोइनुङ।
EZE 38:12 मुल गो मेको रागी ङा मार मार रोइश्‍शा लाइक्‍चा कली लडाइ पाइ‍नुङ। मेकोपुकी श्‍येत्‍थ दुम्‍शो रागीम लेंशा खुम्‍सीशा बाक्‍शो बाक्‍तेक्‍म। मेकोपुकीम शुश बी ब्‍यफ, क्‍यारश भेडा थुल्‍शा शोंप चेम्‍शा रागी आ दातेम बाक्‍शो बाक्‍नीम’ देंते। न्‍यायाधीस ९:३७
EZE 38:13 शेबा नु देदान, टारशीश ङा ग्‍याप्‍ब लेयबपुकी नु मेको आन ठिटा लडाइ पाइब नेल्‍लेम इ कली ‘मार, गे रोइक्‍थ जाक्‍शो नवे? मार गे रोइश्‍शो मार मार तचा कली, सुन चांदी लाइक्‍चा कली, बी ब्‍यफ, क्‍यारश भेडा नु शुश मार मार रोइक्‍चा कली, जाक्‍नी?’ ” देंशो बाक्‍नीम।
EZE 38:14 मोपतीके “ए मुर, गोग कली आं लोव़ पावो। मेको कली ‘परमप्रभु, परमप्रभु यावेमी इ कली आं मुर इस्राएली मारेइ मदुम्‍थु रिम्‍शो पा बाक्‍मानु, गे मेक मलाइनेवे?
EZE 38:15 ङोन इ बाक्‍तीक उत्तर रागी रे ठेयब हुल, सक्ति पाइश्‍शो लडाइ पाइब नु शुश जात ङा मुर शारा ङोइश्‍शा, गो नु जाक्‍नीम।
EZE 38:16 गे आं मुर इस्राएली नु लडाइ पचा कली रागी कली सुम्‍ब गोस्‍स खोदेंशो पा जाक्‍नेवे। ए गोग, नोले ङा नाक्‍ती गो इ कली आं रागी नु लडाइ पपाइक्‍नुङ। रागी रागी ङा मुरुम आं कली तुइक्‍तमेक्‍ल, दे मोदेंशो पाइनुङ। मेको रागी रागी ङा मुर आन ङोंइती गो का ला परमप्रभु यावे नङ’ दे कोंइनुङ” देंत।
EZE 38:17 मिनु परमप्रभु, परमप्रभु यावेमी “साइ आं गेय पाइब, इस्राएल ङा आं लोव़ पाइबम इ पर्बम लोव़ मपामे ङा? मेना मेकोपुकीम शुश बर्स सम्‍म ‘गो इ कली इस्राएली नु लडाइ पथ सोइक्‍नुङ’ दे आं लोव़ पाम्‍तेक्‍म” देंत। सेफन्‍याह ३:८
EZE 38:18 परमप्रभु यावेमी “मेको नाक्‍त मार दुम्‍ब देंशा हना, गोगम इस्राएल कली लडाइ तोइब। मिनु गो थाम्‍पा चुरनुङ।
EZE 38:19 मेको नाक्‍ती गो आं जोंब बोक्‍शा, गाइश्‍शो चुरशोम इस्राएल रागीम ठेयब ख्रिनु कुइब।
EZE 38:20 मेको नाक्‍ती समुन्‍द्र ङा ङांइ, सरीङ ङा चिक्‍ब, रागी ङा जन्‍तु, खपीम ग्रेशा गाक्‍ब जन्‍तु नेल्‍ल नु रागी ङा मुर नेल्‍ल आं ङोंइती ख्रिंख्रि पाइनीम। पहाड नेल्‍ल ब्रेत्‍नीम, रोंगु नेल्‍ल दोक्‍नीम। मिनु गारो नेल्‍ल गोल्‍नीम।
EZE 38:21 गो आं पहाड नेल्‍लेम गोग आ पर्बम तरवार का क्‍युक्‍नुङ। मिनु मेको आ मुर नेल्‍लेम आन तरवार आन लोक्‍ब आन पर्बम शोइक्‍नीम। प्रकाश २०:८-९
EZE 38:22 गो मुर बेक्‍तीक रोइम नु हुश ख्राक्‍श पोक्‍तीकेम मेको कली निसाफ पाइनुङ। गो मेको आ लडाइ पाइब आन तार, मेको नु बाक्‍शो जात जात ङा मुर आन हुल तार थम हिंचा ङा रेउ, मुप्‍स, मी नु गन्‍धक यिपाइक्‍नुङ।
EZE 38:23 मोपा गो आं ठेयब दुम्‍तीक नु गो आं बाक्‍शो परमप्रभु बाक्‍नुङ, दे कोंइनुङमी। मिनु शुश रागी ङा मुर आन ङोंइती आं कली तुइक्‍पांइसीनुङ। मेना मेकोपुकीम गोन परमप्रभु यावे नङ, दे तुइक्‍नीम” देंत।
EZE 39:1 मिनु परमप्रभु यावेमी आं कली “ए मुर, गोग आ मुर आन कली आं लोव़ पावो। मिनु परमप्रभु, परमप्रभु यावेमी इ कली ‘गो इ कली लोव़ का पचा माल्‍नुङ। गे मेशेक नु तूबल ङा सासन पाइब बाक्‍नेवे। इजीकीएल ३८:२
EZE 39:2 गो इ कली हिरशा, ग्‍येत्‍थ गे सोइक्‍नन। गो इ कली ङोन उत्तर रे इस्राएल ङा पहाड गे सोइक्‍नन।
EZE 39:3 गो इ पेरा गुइम बाक्‍शो लिब्रा तुप्‍शा तोक्‍नुङ। मिनु इ ग्‍युरा गुइम बाक्‍शो ब्रा तोक्‍‍नुङ।
EZE 39:4 गे इस्राएल ङा पहाडमीन साइक्‍चा पुंइसीनेवे। इ लडाइ पाइब नेल्‍ल नु गे नु बाक्‍शो मुर नेल्‍ल मेकेर साइक्‍चा पुंइसीनीम। गो इ कली चिक्‍ब नु ब्‍वाकी ङा जन्‍तु आन ब्‍वतीक सेल्‍नुङ।
EZE 39:5 गे दिंमम गोल्‍नेवे। मारदे हना गो एको लोव़ पाता’ देंत।
EZE 39:6 गो मागोग ङा मुर नु समुन्‍द्र आ नेक्‍था रिम्‍शो पा बाक्‍शो आन तार मी सोइक्‍नुङ। मिनु मेकोपुकीम गोन परमप्रभु यावे नङ, दे तुइक्‍नीम।
EZE 39:7 गो आं नें आं मुर इस्राएली आन दातेम तुइक्‍पाइक्‍नुङमी। मिनु आं नें कली मरिम्‍शो सेल्‍चा मगेनुङ। मिनु रागी रागी ङा मुरपुकीम गोन परमप्रभु यावे, इस्राएली आन बाक्‍शो परमप्रभु नङ, दे तुइक्‍नीम।
EZE 39:8 मेको थमा पा दुम्‍ब। मेको थमा पा जाक्‍ब। आं देंशो नाक्‍ती मेकोन बाक्‍ब” दे परमप्रभु, परमप्रभु यावेमी देंत।
EZE 39:9 मिनु परमप्रभु यावेमी “ले इस्राएल ङा सहरम बाक्‍ब मुरपुकीमी या, आइक्‍च नु ठेयब तेक्‍तीके, लिब्रा नु ब्रा, कोक्‍के नु तूतीके नेल्‍ल खुप्‍शा चोइनीम। मेकोपुकीमी मेको ७ बर्स सम्‍म चोइनीम। यसैया ९:४
EZE 39:10 मेकोपुकीम रू रे शी खुप्‍चा ममाल्‍नीम। ब्‍वाकी ङा रवा तिम्‍चा ममाल्‍नीम। मारदे हना मेकोपुकीम मेको यामीन आन मी मुइक्‍नीम। मेकोपुकीम आन मार मार ग्रुंइशा लाइक्‍ब आन के मार मार ग्रुंइशा चाक्‍नीम। आन कली रोइक्‍ब आन कली रोइक्‍नीम” दे परमप्रभु, परमप्रभु यावेमी देंत। येरमीया ३०:१६
EZE 39:11 मिनु परमप्रभु यावेमी “मेको नाक्‍ती गो गोग आ मुर आन कली इस्राएल रागीम तुरस का गेनुङ। मेको इस्राएल ङा समुन्‍द्र आ पूर्ब गे मुर आन लतीक बेंसी ङा लांम बाक्‍ब। मेकेर गोग आ लडाइ पाइब नु मेको आन कली वारच पाइब हुल नेल्‍ल थिम्‍चा पुंइसीनीम। मोपतीके मेको बाक्‍तीक कली हामोन-गोग आ बेंसी देंनीम।
EZE 39:12 इस्राएल आ खिं ङा मुरपुकीम मेको आन कली ७ महिना सम्‍मन थिम्‍ना थिम्‍न बाक्‍नीम। मिनु मोपा रागी कली ग्रांग्रा मदिशो सेल्‍नीम।
EZE 39:13 मिनु रागी ङा मुर नेल्‍लेमी मेको आन कली थिम्‍नीम। गो आं सक्ति कोंइदु नाक्‍ती मेको आन कली ठेयब मिम्‍तीक का दुम्‍ब।
EZE 39:14 मेको रागी ग्रांग्रा मदिशो सेल्‍चा कली मुर वोइक्‍नीम। मेकोपुकीम नाक्‍त किंत किंत कोव़शा माल्‍शा, थिश्‍शा थिम्‍नीम। मिनु आन माल्‍तीक गेय ७ महिना सम्‍म पचा माल्‍नी‍म।
EZE 39:15 मेकोपुकी रागी आ एर ओंथ नेल्‍ल लमानु, सुइमी मुर आन रुश का थित्‍तेक्‍म हना, मेकेर चिन्‍ड वोइक्‍चा माल्‍बाक्‍तेक्‍म। मिनु तुरस दोइबपुकीम मेको कली हामोन-गोग ङा बेंसीम लाइश्‍शा, थिम्‍बाक्‍तेक्‍म।
EZE 39:16 मेकेर हामोनाह देंशो सहर का यो बाक्‍ब। मोपा मेकोपुकीम रागी कली ग्रांग्रा मदिशो सेल्‍नीम” दे परमप्रभु यावेम देंत। हामोनाह आ अर्थ “ठेयब हुल” देंशो बाक्‍ब।
EZE 39:17 मिनु परमप्रभु, परमप्रभु यावेमी “ए मुर, नेल्‍ल खाल ङा चिक्‍ब नु ब्‍वाकी ङा जन्‍तु नेल्‍ल आन कली ‘एर ओंथ नेल्‍ल रे जाक्‍कीन। गो इस्राएल ङा पहाडम इन कली ठेयब चढ़ेतीक भोज का सेल्‍नुङ। गेपुकीम मेकेर श्‍ये ब्‍वाइनीनी। मिनु हुश तूनीनी। प्रकाश १९:१७-१८
EZE 39:18 गेपुकीम शुश सक्ति पाइश्‍शो मुर आन श्‍ये ब्‍वाइनीनी। मिनु रागी ङा पिप आन सासन पाइब, बाशान ङा सांड, पाठा, बोका नु ब्‍यफ आन हुश तूनीनी।
EZE 39:19 गो इन कली चढ़ेतीक भोज का गेङानु, गे रूथ्री बोंसो ब्‍वने चाप्‍नीनी। गे मदुक्‍नी सम्‍म हुश तूने चाप्‍नीनी।
EZE 39:20 गेपुकी आं भोजम शारा, बग्‍गी ङोइक्‍ब, सक्ति पाइश्‍शो मुर नु नेल्‍ल खाल ङा लडाइ पाइब ब्‍वशा रूनीनी’ ” दे परमप्रभु, परमप्रभु यावेमी देंत।
EZE 39:21 मिनु परमप्रभु, परमप्रभु यावेमी “गो रागी रागी ङा मुर आन ङोंइती आं सक्ति कोंइनुङ। मिनु रागी रागी नेल्‍लेम आं निसाफ पशो ताइनीम। आं सजाइ गेशो ताइनीम।
EZE 39:22 मिनु मेको नाक्‍त रे इस्राएल आ खिं ङा मुरपुकीम गोन परमप्रभु यावे, मेको आन परमप्रभु नङ, दे तुइक्‍नीम।
EZE 39:23 मिनु रागी रागी ङा मुरपुकीम इस्राएल आ खिं ङा मुर आन मरिम्‍शो पतीके ग्‍याइश्‍शा लाइक्‍चा पुंइसीशो बाक्‍तेक्‍म, दे तुइक्‍नीम। मारदे हना मेकोपुकीम आं कली मरिम्‍शो पाम्‍‍तेक्‍म। मोपतीके गो आं कुल मेको आन रे ख्रुइक्‍ताक्‍ङ। मिनु मेको आन कली आन जोरी सत्रु आन गुइम गेतामी। मिनु मेको नेल्‍ल तरवारम साइक्‍चा पुंइसाक्‍म। यसैया ५४:८
EZE 39:24 मेको आन ग्रांग्रा दिशो नु आन हेंथे पशो आ पर्बम गो मेको आन कली सजाइ गेतामी। मिनु गो आं कुल मेको आन रे ख्रुइक्‍ताक्‍ङ” देंत।
EZE 39:25 मोपतीके परमप्रभु, परमप्रभु यावेमी “गो याकूब आ खिं ङा मुर आन कली ङोंइती ङा खोदेंशो पा रिम्‍शो सेल्‍नुङ। मिनु इस्राएल आ खिं ङा मुर नेल्‍ल आन कली शिशी पाइक्‍नुङमी। गो आं का ला बाक्‍शो नें आ पर्बम रुश पाइ‍नुङ।
EZE 39:26 मेकोपुकी रिम्‍शो पा महिंथु आन रागीम बाक्‍ची ना, आन मुने नु आं कली मरिम्‍शो पशो नेल्‍ल प्रेंनी‍म।
EZE 39:27 मिनु गो मेको आन कली रागी रागी ङा मुर आन दाते रे चाक्‍नुङमी। मिनु मेको आन कली आन जोरी सत्रु आन रागी रे खुप्‍नुङमी। मिनु गो शुश रागी ङा मुर आन ङोंइती मेको आन रे पा गो का ला परमप्रभु नङ, दे कोंइनुङमी।
EZE 39:28 मेना मेकोपुकीम गोन परमप्रभु यावे, आन परमप्रभु नङ, दे तुइक्‍नीम। मारदे हना गो मेको आन कली रागी रागी ङा मुर आन दातेम ग्‍याइश्‍शा लाइक्‍पाइक्‍तामी। मिनु का यो मजाम्‍चा ङा पा खुप्‍शा आन रागीम चाक्‍नुङमी।
EZE 39:29 मुल रे गो आं कुल मेको आन ङोंइती रे गेनायो मख्रुइक्‍नुङ। मारदे हना गो आं सोक्‍त इस्राएल आ खिं ङा मुर आन तार मोइक्‍नुङ” दे परमप्रभु, परमप्रभु यावेमी देंत। इजीकीएल ३६:२६-२७; योएल ३:१
EZE 40:1 गोपुकी ग्‍याइश्‍शा लाइक्‍चा पुंइसीशो २५ बर्स दुम्‍मेनु, ङोंइती ङा महिना ङा १० नाक्‍त बाक्‍त। मेना यरूसलेम सहर फ्रुचा पुंइसीशो १४ बर्स दुम्‍शो बाक्‍त। मेको नाक्‍तीन परमप्रभु यावेमी आं कली थिती। मिनु मेकोम आं कली मेकेर लाइक्‍ती। इजीकीएल १:३
EZE 40:2 परमप्रभुमी आ कोंइतीकेम आं कली इस्राएल रागी लाइक्‍ती। मिनु आं कली थम ठेयब लाइश्‍शो डांडा काम वोइक्‍ती। मेको आ दक्‍खिन गे सहर का खोदेंशो तांइसीशो बाक्‍त। जकरिया १४:१०
EZE 40:3 मिनु मेकोम आं कली मेकेर लदानु, गो मेकेर मुर का ताता। मेकेर कांसा खोदेंशो टल्‍केशो मुर का बाक्‍त। मेको आ गुइम सुती के डोरी नु पुक्‍तीक कोक्‍के का बाक्‍त। मेको ठेयब लाप्‍चो आ नेक्‍था राप्‍शो बाक्‍त। इजीकीएल ४७:३; जकरिया २:५ प्रकाश २१:१५
EZE 40:4 मिनु मेकोम आं कली “ए मुर, कोव़ङो। मिनु नोफा दाइश्‍शा नेनो। गो इ कली मार मार कोंइक्‍नुङा, मेको रिम्‍शो पा कोव़शा, इ थुंम वोतो। मारदे हना गे मो पचा कली एक चाक्‍शो बाक्‍ते। मिनु गे मार ताइक्‍नेवे, मेको नेल्‍ल इस्राएल आ खिं ङा मुर आन कली शेंदीमी” देंत।
EZE 40:5 मिनु गो मेकेर परमप्रभु यावे आ खिं आ एर ओंथ नेल्‍ल हिरशो गारो का ताता। मिनु मेको मुर आ गुइम बाक्‍शो पुक्‍तीक कोक्‍के ६ ठेयब कुबीत लाइश्‍शो बाक्‍त। मिनु मेकोम गारो पुक्‍गानु, ३ कुबीत ग्‍येत्‍थ नु ६ कुबीत थांइशो बाक्‍त। ठेयब कुबीत ०.५ मिटर बाक्‍ब।१राजा ६:-
EZE 40:6 मिनु मेको नोले लेंशा पूर्ब गे ङा ठेयब लाप्‍चोम लत। मिनु मेको आ थेंका रे पा ङोइश्‍शा लाप्‍चो ओव़तीक पिंडी पुक्‍तु। मिनु मेको पुक्‍तीक कोक्‍के का लाइश्‍शो बाक्‍त। पुक्‍तीक कोक्‍के ३.२५ मिटर लाइश्‍शो बाक्‍ब।
EZE 40:7 मेकेर बाक्‍तीके कोठा बाक्‍तेक्‍म। मेको नेल्‍ल पुक्‍तीक कोक्‍के का ब्रेम्‍शो नु पुक्‍तीक कोक्‍के का लाइश्‍शो बाक्‍तेक्‍म। मेको कोठा आन दातेम गेय पतीक कोठा बाक्‍तेक्‍म। मिनु आन दाते ङा बाक्‍तीके ५ कुबीत ब्रेम्‍शो बाक्‍त। मिनु परमप्रभु यावे आ खिं ङा पिंडी ङा लाप्‍चो लतीक लां पुक्‍तीक कोक्‍के का ब्रेम्‍शो बाक्‍त। कुबीत का आधा मिटर बाक्‍ब।
EZE 40:8 मिनु मेकोमी ठेयब लाप्‍चो आ आगा ङा पिंडी पुक्‍गानु, मेको पुक्‍तीक कोक्‍के का लाइश्‍शो बाक्‍त।
EZE 40:9 मिनु मेको लतीक लां ङा पिंडी पुक्‍गानु, ८ कुबीत लाइश्‍शो बाक्‍त। मेको आ थाम कुबीत निक्‍शी थांइशो बाक्‍तेक्‍म। मेको लाप्‍चो आ पिंडी चहिं परमप्रभु यावे आ खिं गे बाक्‍त।
EZE 40:10 मिनु पूर्ब ङा लाप्‍‍चो आ एर गे नु ओंथ गे सां सां गेय पतीक कोठा बाक्‍तेक्‍म। मेको सांफान उइक्‍थ उइक्‍थ बाक्‍तेक्‍म। मेको एर नु ओंथ बाक्‍शो थाम उइक्‍थ उइक्‍थ बाक्‍तेक्‍म।
EZE 40:11 मिनु नोले मेकोमी लाप्‍चो ओव़तीक आ ब्रेम्‍शो पुक्‍तु। मेको १० कुबीत ब्रेम्‍शो बाक्‍त। मेको लाप्‍चो नेल्‍ल १३ कुबीत लाइश्‍शो बाक्‍त।
EZE 40:12 गेय पतीक कोठा आन ङोंइती आ दी गे कुबीत का ङा आइक्‍च गारो बाक्‍तेक्‍म। कोठा नेल्‍ल ६ कुबीत लाइश्‍शो नु ६ कुबीत ब्रेम्‍शो बाक्‍तेक्‍म।
EZE 40:13 मिनु नोले मेकोमी गेय पतीक कोठा का ङा लाप्‍चो रे अर्को गेय पतीक कोठा सम्‍म पुक्‍गानु, गारो का रे अर्को गारो सम्‍म २५ कुबीत बाक्‍त।
EZE 40:14 मिनु साप्‍शो लतीक लां २० कुबीत ब्रेम्‍शो बाक्‍त। थाम आ नेक्‍था रे लाङगा लतीक लां यो बाक्‍त।
EZE 40:15 मिनु ओव़तीक लाप्‍चो ङा खिं नेल्‍ल लाप्‍चो रे लाङगा लतीक लां ङा पिंडी सम्‍म ५० कुबीत लाइश्‍शो बाक्‍त।
EZE 40:16 गेय पतीक कोठा थाम आ नेक्‍था ङा झेल ङा गारो आ आइक्‍थ मेरे थरपु हिर‍शो बाक्‍तेक्‍म। एर ओंथ हिरशो साप्‍शो लतीक लां नेल्‍ल झेल बाक्‍तेक्‍म। मिनु पिंडीम यो मोदेंशो झेल बाक्‍तेक्‍म। मेको थामपुकीम खजूर रवा आ बुटा आप्‍शो बाक्‍तेक्‍म।
EZE 40:17 मिनु मेकोमी आं कली परमप्रभु यावे आ खिं ङा लाङगा गे ङा अर्को लाङगाम चाक्‍ती। मेकेर कोठा बाक्‍तेक्‍म। लाङगा आ एर ओंथ फुल्‍लु ब्रशो बाक्‍तेक्‍म। मिनु मेको फुल्‍लु ब्रशो खपीम ३० ओटा कोठा बाक्‍तेक्‍म।
EZE 40:18 मेको फुल्‍लु ब्रशो लां ओव़तीक लाप्‍चो आ नेक्‍था बाक्‍त। मिनु मेको लाप्‍चो सम्‍म बाक्‍त। मेको उइ ङा फुल्‍लु ब्रशो लां बाक्‍त।
EZE 40:19 मिनु मेकोम आइदी ङा लाप्‍चो आ आगा गे लाङगा ङा ब्रेम्‍शो पुक्‍गानु, मेको सहे का कुबीत बाक्‍त।
EZE 40:20 मिनु मेकोम उत्तर गे ङा परमप्रभु यावे आ खिं ङा लाङगा गे ङा लाङगा आ लाइश्‍शो नु आ ब्रेम्‍शो पुक्‍तु।
EZE 40:21 मिनु मेकेर अर्को ठेयब लाप्‍चो खोदेंशो एर ओंथ कोठा सां सां बाक्‍तेक्‍म। मेको आ थाम नु आ पिंडी ङोंइती ङा लाप्‍चो खोदेंशो बाक्‍तेक्‍म। मेको आ लाइश्‍शो ५० कुबीत नु आ ब्रेम्‍शो २५ कुबीत बाक्‍त। कुबीत का ०.५ मिटर बाक्‍ब।
EZE 40:22 मेको आ झेल, आ पिंडी नु मेको खजूर रवा आ बुटा आप्‍शो थाम नु पूर्ब गे कोव़शो लाप्‍चो नेल्‍ल अर्को खोदेंशो बाक्‍तेक्‍म। मेकेर लचा कली ७ ओटा थेंका बाक्‍तेक्‍म। मिनु मेको पिंडी आगाम बाक्‍त।
EZE 40:23 पूर्ब ङा ठेयब लाप्‍चो आ ङोंइती गे परमप्रभु यावे आ खिं ङा लाङगाम लाप्‍चो का बाक्‍त। उत्तर ङा ठेयब लाप्‍चो आ ङोंइती गे यो परमप्रभु यावे आ खिं ङा लाङगाम लाप्‍चो का बाक्‍त। मेको लाप्‍चो रे अर्को लाप्‍चो सम्‍म पुक्‍गानु, सहे का कुबीत लाइश्‍शो बाक्‍त। कुबीत का ०.५ मिटर बाक्‍ब।
EZE 40:24 मिनु मेकोम आं कली दक्‍खिन गे लाइक्‍ती। मिनु मेकेर ठेयब लाप्‍चो का बाक्‍त। मिनु मेकोम आ थामपुकी नु आ पिंडी पुक्‍तु। मिनु मेकोपुकी यो अर्को ठेयब लाप्‍चो खोदेंशो पा उइक्‍थ उइक्‍थ बाक्‍तेक्‍म।
EZE 40:25 मिनु मेकेर एर ओंथ नेल्‍ल नु पिंडीम झेल बाक्‍तेक्‍म। मेको अर्को ठेयब लाप्‍चो खोदेंशो बाक्‍तेक्‍म। मेकोपुकी ५० कुबीत लाइश्‍शो नु २५ कुबीत ब्रेम्‍शो बाक्‍तेक्‍म।
EZE 40:26 मेकेर लतीक ७ ओटा थेंका बाक्‍तेक्‍म। मेको आ पिंडी आगा गे बाक्‍त। निम्‍फा पटटी थाम बाक्‍तेक्‍म। मिनु थाम खजूर रवा आ बुटा आप्‍शो बाक्‍तेक्‍म।
EZE 40:27 मेको आ आगा ङा लाङगाम यो दक्‍खिन गे लाप्‍चो का बाक्‍त। मेकोम मेको लाप्‍चो रे ठेयब लाप्‍चो सम्‍म पुक्‍गानु, मेको सहे का कुबीत बाक्‍त।
EZE 40:28 मिनु मेकोम आं कली दक्‍खिन गे ङा ठेयब लाप्‍चो रे पा आगा ङा लाङगाम चाक्‍ती। मिनु मेकोम दक्‍खिन ङा लाप्‍चो पुक्‍तु। मिनु मेको ठेयब लाप्‍चो यो अर्को ठेयब लाप्‍चो खोदेंशोन बाक्‍त।
EZE 40:29 मेको आ कोठा, आ थाम नु आ पिंडी अर्को खोदेंशो बाक्‍तेक्‍म। मेको आ पिंडी आ एर ओंथ नेल्‍ल झेल बाक्‍तेक्‍म। मेको ५० कुबीत लाइश्‍शो नु २५ कुबीत ब्रेम्‍शो बाक्‍त।
EZE 40:30 मेकेर एर ओंथ नेल्‍ल पिंडी बाक्‍तेक्‍म। मेको २५ कुबीत लाइश्‍शो नु २५ कुबीत ब्रेम्‍शो बाक्‍तेक्‍म। कुबीत का ०.५ मिटर बाक्‍ब।
EZE 40:31 मेको आ पिंडी लाङगा गे कोव़शो बाक्‍त। मिनु मेको आ थामपुकीम खजूर रवा आ बुटा आप्‍शो बाक्‍तेक्‍म। मिनु मेकेर लचा कली ८ ओटा थेंका बाक्‍तेक्‍म।
EZE 40:32 मिनु मेकोम आं कली पूर्ब गे ङा आगा ङा लाङगाम चाक्‍ती। मिनु मेको आ ओव़तीक लाप्‍चो पुक्‍तु। मिनु मेको अर्को ठेयब लाप्‍चो खोदेंशो बाक्‍त।
EZE 40:33 मेको आ कोठा, आ थाम नु आ पिंडी अर्को खोदेंशो बाक्‍तेक्‍म। मेको आ पिंडी आ एर ओंथ नेल्‍ल झेल बाक्‍तेक्‍म। मेको ५० कुबीत लाइश्‍शो नु २५ कुबीत ब्रेम्‍शो बाक्‍त।
EZE 40:34 मेको आ पिंडी लाङगा गे कोव़शो बाक्‍त। मिनु मेको आ थामपुकीम खजूर रवा आ बुटा आप्‍शो बाक्‍तेक्‍म। मिनु मेकेर लचा कली ८ ओटा थेंका बाक्‍तेक्‍म।
EZE 40:35 मिनु मेकोम आं कली उत्तर गे ङा ठेयब लाप्‍चो रे पा आगा ङा लाङगाम चाक्‍ती। मिनु मेको ठेयब लाप्‍चो यो अर्को ठेयब लाप्‍चो खोदेंशोन बाक्‍त।
EZE 40:36 मेको आ कोठा, आ थाम नु आ पिंडी अरु खोदेंशो बाक्‍तेक्‍म। मेको आ पिंडी आ एर ओंथ नेल्‍ल झेल बाक्‍तेक्‍म। मेको ५० कुबीत लाइश्‍शो नु २५ कुबीत ब्रेम्‍शो बाक्‍त।
EZE 40:37 मेको आ पिंडी लाङगा गे कोव़शो बाक्‍त। मिनु मेको आ थामपुकीम खजूर रवा आ बुटा आप्‍शो बाक्‍तेक्‍म। मिनु मेकेर लचा कली ८ ओटा थेंका बाक्‍तेक्‍म।
EZE 40:38 पिंडी आ नेक्‍था लाप्‍चो पाइश्‍शो कोठा का बाक्‍त। मेकेर चोशा चढ़ेतीक ब्‍वाक्‍कुम मुरबाक्‍तेक्‍म।
EZE 40:39 आगा ओव़तीक लाप्‍चो आ पिंडीम का पटटी गे टेबल निक्‍शी बाक्‍ताक्‍स। अर्को पटटी गे यो टेबल निक्‍शी बाक्‍ताक्‍स। मेकेर चोशा चढ़ेतीके, पाप आ पर्बम चढ़ेतीके नु दोस आ पर्बम चढ़ेतीके क्‍योर‍चा माल्‍‍बाक्‍तेक्‍म।
EZE 40:40 पूर्ब ङा ओव़तीक लां ङा पिंडी आ ङोंइती टेबल निक्‍शी बाक्‍ताक्‍स। मिनु अर्को पटटी ङा पिंडी आ ङोंइती यो टेबल निक्‍शी बाक्‍ताक्‍स।
EZE 40:41 मोपा आगा ओव़तीक का पटटी ४ ओटा टेबल नु अर्को पटटी ४ ओटा टेबल बाक्‍तेक्‍म। मिनु नेल्‍ल पा ८ ओटा टेबल बाक्‍तेक्‍म। मेको टेबल तार चढ़ेतीक क्‍योरचा माल्‍तेक्‍म।
EZE 40:42 मेकेर यो चोशा चढ़ेतीक कली चेश्‍शो फुल्‍लु के ४ ओटा टेबल बाक्‍तेक्‍म। मेको कुबीत का नु आधा लाइश्‍शो नु कुबीत का नु आधा ब्रेम्‍शो बाक्‍तेक्‍म। मेको कुबीत का ग्‍येत्‍थ लाइश्‍शो बाक्‍तेक्‍म। मेको आन तारी चोशा चढ़ेतीक नु अरु चढ़ेतीक क्‍योरचा कली मार मार माल्‍मा, मेको नेल्‍ल बाक्‍त। कुबीत का आधा मिटर खोदेंशो बाक्‍ब।
EZE 40:43 मिनु श्‍ये क्‍युक्‍तीक अङगुल का ब्रेम्‍शो ओव़तीक आ एर ओंथ क्‍युक्‍शो बाक्‍तेक्‍म। मेकेर चढ़ेतीक श्‍ये वोइक्‍चा कली टेबल बाक्‍तेक्‍म।
EZE 40:44 मिनु आगा ङा ठेयब लाप्‍चो आ लाङगा गे कोठा निक्‍शी बाक्‍ताक्‍स। कोठा का उत्तर गे ङा ठेयब लाप्‍चो आ लाङगाम बाक्‍त। मेको दक्‍खिन गे कोव़शो बाक्‍त। अर्को कोठा दक्‍खिन ङा ठेयब लाप्‍चो आ लाङगा गे बाक्‍त। मेको उत्तर गे कोव़शो बाक्‍त।
EZE 40:45 मिनु मेकोम आं कली “एको दक्‍खिन गे कोव़शो कोठा चढ़ेब आन कली बाक्‍ब। मेको परमप्रभु यावे आ खिंम गेय पाइब आन के बाक्‍ब।
EZE 40:46 मिनु मेको उत्तर गे कोव़शो कोठा चहिं मेको चढ़ेतीकेम गेय पाइब आन कली बाक्‍ब। मेकेर सादोक आ चच युइ बाक्‍नीम। मेको लेवी आन दाते ङा मेकोपुकी ला परमप्रभु यावे आ ङोंइती जाक्‍ने चाप्‍नीम” देंत। इजीकीएल ४३:१९; इजीकीएल ४४:१५; इजीकीएल ४८:११; १राजा १:८,३९; १इतिहास ५:३४-४१
EZE 40:47 मिनु मेकोम मेको लाङगा पुक्‍तु। मेको सहे का कुबीत लाइश्‍शो नु सहे का कुबीत ब्रेम्‍शो बाक्‍त। मेको ४ पाटे बाक्‍त। मिनु मेको चढ़ेतीक परमप्रभु यावे आ खिं आ ङोंइती बाक्‍त। इजीकीएल ४३:१३
EZE 40:48 मिनु मेकोम आं कली परमप्रभु यावे आ खिं ङा पिंडीम चाक्‍ती। मिनु मेकोम पिंडी ङा थामपुकी पुक्‍तु। मेको निम्‍फा गे ५ कुबीत ब्रेम्‍शो बाक्‍तेक्‍म। आगा ओव़तीक ठेयब लाप्‍चो ३ कुबीत ब्रेम्‍शो बाक्‍त। मिनु मेको आ आगा ङा गारो ३ कुबीत ब्रेम्‍शो बाक्‍ताक्‍स।
EZE 40:49 मेको पिंडी २० कुबीत लाइश्‍शो नु १२ कुबीत ब्रेम्‍शो बाक्‍त। मेकेर लचा कली १० ओटा थेंका बाक्‍तेक्‍म। मिनु निम्‍फा गे थाम का का बाक्‍त। १राजा ७:२१
EZE 41:1 मिनु नोले मेकोम आं कली परमप्रभु यावे आ खिं आ नेक्‍था चाक्‍ती। मिनु मेको आ लाप्‍चो निक्‍शी पटटी ङा थाम पुक्‍तु। मेको ६ कुबीत ब्रेम्‍शो बाक्‍तेक्‍म। कुबीत का ०.५ मिटर बाक्‍ब।
EZE 41:2 आगा ओव़तीक १० कुबीत ब्रेम्‍शो बाक्‍त। मिनु मेको आ एर ओंथ गे ङा गारो निक्‍शी ५ कुबीत ब्रेम्‍शो बाक्‍ताक्‍से। मिनु मेकोम परमप्रभु यावे आ खिं पुक्‍गानु, मेको ४० कुबीत लाइश्‍शो नु २० कुबीत ब्रेम्‍शो बाक्‍त।
EZE 41:3 मिनु मेको आगा ङा कोठा ओव़त। मिनु मेको आ आगा ओव़तीक लाप्‍चो ङा थाम पुक्‍गानु, मेको कुबीत निक्‍शी ब्रेम्‍शो बाक्‍ताक्‍स। मेको आगा ओव़तीक ६ कुबीत ब्रेम्‍शो बाक्‍त। मेको आगा ओव़तीक आ एर ओंथ ङा गारो निम्‍फा ७ कुबीत ब्रेम्‍शो बाक्‍ताक्‍स।
EZE 41:4 मिनु मेकोम आगा ङा कोठा पुक्‍गानु, आ लाइश्‍शो २० कुबीत नु आ ब्रेम्‍शो २० कुबीत बाक्‍त। मिनु मेकोमी आं कली “एको चहिं नेल्‍ल क्‍येङा चोव़खो बाक्‍तीके बाक्‍ब” देंत।
EZE 41:5 मिनु नोले मेकोम परमप्रभु यावे आ खिं ङा गारो पुक्‍तु। मेको ६ कुबीत थांइशो बाक्‍त। मिनु मेको खिं आ लाङगा ङा कोठा ४ कुबीत ब्रेम्‍शो बाक्‍तेक्‍म। मेको खिं आ एर ओंथ नेल्‍ल मोदेंशो पा सेल्‍शो बाक्‍तेक्‍म।
EZE 41:6 मेको लाङगा ङा कोठा तला सां पा सेल्‍शो बाक्‍तेक्‍म। का आ तारी अर्को पा सेल्‍शो बाक्‍त। मिनु मेको तला नेल्‍लेमी ३०, ३० कोठा बाक्‍तेक्‍म। मिनु मेको परमप्रभु यावे आ खिं आ एर ओंथ नेल्‍ल ङा गारोम कोठा तिक्‍चा कली तिक्‍तीक सेल्‍शो बाक्‍तेक्‍म। मेको तिक्‍शोपुकी परमप्रभु यावे आ खिं आ आगा मओव़चा ङा पा सेल्‍शो बाक्‍तेक्‍म।
EZE 41:7 मिनु परमप्रभु यावे आ खिं आ एर ओंथ ङा कोठा ओव़तीक लां आगा ङा तला क्‍येङा आ तार ङा तला ठेयब बाक्‍त। मुरपुकी उइ रे इर सम्‍म लचा कली दाते ङा लतीक रे लचा माल्‍बाक्‍तेक्‍म। मेकेर एर ओंथ क्रेसी सेल्‍शो बाक्‍तेक्‍म।
EZE 41:8 मेको नोले गो परमप्रभु यावे आ खिं आ एर ओंथ नेल्‍ल रे पा पेटी सेल्‍शो बाक्‍त। मेको लाङगा ङा कोठा आन जग ६ कुबीत ग्‍येत्‍थ लाइश्‍शो बाक्‍तेक्‍म।
EZE 41:9 मेको कोठा आन लाङगा गे ङा गारो ५ कुबीत ब्रेम्‍शो बाक्‍त। मेको परमप्रभु यावे आ खिं ङा कोठा इजीकीएल ४२:१-३
EZE 41:10 नु गारो ङा कोठा आन दातेमी २० कुबीत ब्रेम्‍शो लां बाक्‍त। मेको खिं नेल्‍ल एर ओंथ मोदेंशो बाक्‍त।
EZE 41:11 मेको कोठा आन ओव़तीक ब्रेम्‍शो लां आगाम लाम्‍तेक्‍म। लाप्‍चो का उत्तर गे बाक्‍त, अर्को दक्‍खिन गे बाक्‍त। मेको आन दाते ङा श्‍येत्‍थ लां ५ कुबीत ब्रेम्‍शो बाक्‍त। जग आ एर ओंथ नेल्‍ल ५ कुबीत ब्रेम्‍शो बाक्‍तेक्‍म।
EZE 41:12 मेको परमप्रभु यावे आ खिं आ लाङगा गे हिरशो पच्‍छिम गे ङा खिं ७० कुबीत ब्रेम्‍शो बाक्‍त। मेको खिं आ एर ओंथ ङा गारो ५ कुबीत थांइशो बाक्‍त। मिनु मेको आ लाइश्‍शो ९० कुबीत बाक्‍त। कुबीत का ०.५ मिटर बाक्‍ब।
EZE 41:13 मिनु परमप्रभु यावे आ खिं पुक्‍गानु, मेको सहे का कुबीत लाइश्‍शो नु सहे का कुबीत ब्रेम्‍शो बाक्‍त। आ आगा ङा लाङगा नु खिं आ गारो नु मेको आ गारो सहे का कुबीत ब्रेम्‍शो बाक्‍त।
EZE 41:14 परमप्रभु यावे आ खिं आ पूर्ब गे ङा लाङगा यो सहे का कुबीत बाक्‍त।
EZE 41:15 मिनु नोले मेकोमी परमप्रभु यावे आ खिं ङा लाङगा पच्‍छिम गे पुक्‍गानु, निम्‍फा पटटी ङा लतीक लां सहे का कुबीत बाक्‍त। मिनु परमप्रभु यावे आ खिं, आ चोव़खो बाक्‍तीके नु आ ङोंइती ङा पिंडी ङा गारो नेल्‍ल शीम क्‍येप्‍शो बाक्‍तेक्‍म।
EZE 41:16 मिनु मेको सांफा आन एर ओंथ नेल्‍ल गे झेल बाक्‍तेक्‍म। लाप्‍चो गे कोव़चा कली नेल्‍ल शीम क्‍येप्‍शो बाक्‍त। उइ खप रे झेल सम्‍म शीम क्‍येप्‍‍शो बाक्‍तेक्‍म।
EZE 41:17 लाप्‍चो आ इर गे, चोव़खो बाक्‍तीके नु परमप्रभु यावे आ बाक्‍तीके आगाम लतीक लाप्‍चोम फारतीक वा बाक्‍तेक्‍म। मिनु खिं आ एर ओंथ ङा गारो, चोव़खो बाक्‍तीके नु खिं ङा ठेयब कोठा नेल्‍ल बुटा आप्‍शो बाक्‍तेक्‍म।
EZE 41:18 मेकेर करूब नु खजूर रवा आन बुटा आप्‍शो बाक्‍तेक्‍म। मेको करूब का खजूर रवा का नु करूब का पा आप्‍शो बाक्‍त। मेको करूब नेल्‍ल आन के कुल निक्‍शी बाक्‍तेक्‍म।
EZE 41:19 मेको करूब आ मुर आ कुल खजूर रवा का गे कोव़शो, नु अर्को ठिटा गुप्‍स आ कुल खोदेंशो अर्को खजूर रवा गे कोव़शो बाक्‍त। मेको परमप्रभु यावे आ खिं ङा गारो नेल्‍लेम मुशा बुटा आप्‍शो बाक्‍तेक्‍म।
EZE 41:20 उइ खप रे लाप्‍चो इर सम्‍म करूब नु खजूर रवा आन बुटा मु‍शा आप्‍शो बाक्‍तेक्‍म।
EZE 41:21 परमप्रभु यावे आ खिं ङा ओव़तीक ङा लाप्‍चो ङा शी दारपाइक्‍चा कली ४ ओटा ख्रोप्‍शो बाक्‍त। मिनु चोव़खो बाक्‍तीके आ ङोंइती यो मेको खोदेंशो पा बाक्‍त। मिनु लाङगा ङा चोव़खो बाक्‍तीक ओव़तीक लाप्‍चो ङा शी नेल्‍ल उइक्‍थ उइक्‍थ पा ४ पाटे बाक्‍तेक्‍म। मिनु थम चोव़खो बाक्‍तीक आ ङोंइती गे ङा लाप्‍चो ङा शी यो मोदेंशोन बाक्‍तेक्‍म। प्रस्‍थान २५:२३-३०; प्रस्‍थान ४०:२२-२३
EZE 41:22 मेकेर शी के चढ़ेतीक का बाक्‍त। मेको कुबीत सां ग्‍येत्‍थ लाइश्‍शो, कुबीत निक्‍शी पित्‍थ लाइश्‍शो नु कुबीत निक्‍शी ब्रेम्‍शो बाक्‍त। मेको आ सुर, मेको आ तार नु आ एर ओंथ नेल्‍ल शी के बाक्‍त। मिनु मेकोमी आं कली “एको टेबल परमप्रभु यावे आ ङोंइती बाक्‍ब” देंत।
EZE 41:23 परमप्रभु यावे आ खिं नु आ चोव़खो बाक्‍तीक निक्‍शी के लाप्‍चो निक्‍शी बाक्‍तेक्‍म।
EZE 41:24 मेको लाप्‍चो आन के चोक्‍तीक निक्‍शी पाइश्‍शो बाक्‍तेक्‍म।
EZE 41:25 मिनु परमप्रभु यावे आ खिं ङा लाप्‍चोम गारो ङा खोदेंशो पा करूब नु खजूर रवा आन बुटा मुशो बाक्‍तेक्‍म। पिंडी आ ङोंइतीम शी के खाट बाक्‍शो बाक्‍त।
EZE 41:26 पिंडी ङा गारो आ निम्‍फा पटटी खजूर रवा आ बुटा मुशा आप्‍शो बाक्‍तेक्‍म।
EZE 42:1 मिनु मेकोमी आं कली लाङगा गे ङा लाङगा उत्तर गे चाक्‍ती। मिनु मेकोमी आं कली परमप्रभु यावे आ खिं नु उत्तर गे ङा खिं आ आइक्‍ची ङा कोठा गे लाइक्‍ती। इजीकीएल ४०:१७; इजीकीएल ४१:९,१०,१३
EZE 42:2 मेको खिं उत्तर गे सहे का कुबीत लाइश्‍शो नु ५० कुबीत ब्रेम्‍शो बाक्‍त। कुबीत का ०.५ मिटर बाक्‍ब।
EZE 42:3 आगा ङा लाङगा २० कुबीत बाक्‍त। लाङगा गे ङा लाङगा ङा फुल्‍लु ब्रशो लां गे कोव़शो कोठा तारी अर्को तला सां बाक्‍तेक्‍म।
EZE 42:4 कोठा आन ङोंइती आन आगा गे १० कुबीत ब्रेम्‍शो नु सहे का कुबीत लाइश्‍शो लां का बाक्‍त। मेको आन लाप्‍चो उत्तर गे कोव़शो बाक्‍तेक्‍म। कुबीत का ०.५ मिटर बाक्‍ब।
EZE 42:5 आ तार ङा कोठा ठेयब लां बाक्‍तीके आगा नु दाते ङा कोठा आन क्‍येङा आइक्‍च बाक्‍तेक्‍म।
EZE 42:6 मारदे हना मेको तला सां बाक्‍तेक्‍म। मेको आन के लाङगा ङा थाम खोदेंशो पा थाम मबाक्‍म। मोपतीके आइदी ङा नु दाते ङा कोठा आन क्‍येङा, मेको आ तार ङा कोठा आइक्‍च बाक्‍तेक्‍म।
EZE 42:7 मेकेर कोठा आन ङोंइती गारो का बाक्‍त। मेको गारो ५० कुबीत लाइश्‍शो बाक्‍त।
EZE 42:8 लाङगा गे ङा लाङगा ङा कोठा आन लहर ५० कुबीत लाइश्‍शो बाक्‍त। तन्‍न परमप्रभु यावे आ खिं आ आइक्‍था ङा सहे का कुबीत लाइश्‍शो बाक्‍त।
EZE 42:9 पूर्ब रे आगा ङा कोठापुकी ओव़चा कली लां का बाक्‍त। मोपा लाङगा गे ङा लाङगा ओव़ने चाप्‍शो बाक्‍तेक्‍म।
EZE 42:10 मेको लां आ ब्रेम्‍शो गारो सम्‍म थिशो बाक्‍त। परमप्रभु यावे आ खिं आ आइक्‍ची दक्‍खिन गे यो कोठा बाक्‍तेक्‍म।
EZE 42:11 मेको आन ङोंइती गाक्‍तीक लां का बाक्‍त। मेको कोठा उत्तर ङा खोदेंशो बाक्‍तेक्‍म। मेको आन खोदेंशो लाइश्‍शो नु ब्रेम्‍शो बाक्‍तेक्‍म। लाङगा लतीके लाप्‍चो नु मेको आ एर ओंथ नेल्‍ल खाल का ङा बाक्‍तेक्‍म।
EZE 42:12 दक्‍खिन ङा कोठा ओव़तीक लां आ ङोंइती अर्को लां ब्राशो बाक्‍त। मेको लां पूर्ब गे लत।
EZE 42:13 मिनु मेकोमी आं कली “परमप्रभु यावे आ खिं ङा श्‍येत्‍थ बाक्‍तीके आइक्‍ची उत्तर गे नु दक्‍खिन गे ङा कोठापुकी चढ़ेब आन कोठा बाक्‍नीम। मेकेर परमप्रभु यावे आ ङोंइती बाक्‍शो चढ़ेबपुकीमी नेल्‍ल क्‍येङा चोव़खो चढ़ेशो ब्‍वाइनीम। मेकेर नेल्‍ल क्‍येङा चोव़खो चढे़शो, अन्‍न चढ़ेशो, पाप आ पर्बम चढ़ेशो नु दोस आ पर्बम चढ़ेशो वोइक्‍नीम। मारदे हना मेको चोव़खो बाक्‍तीके बाक्‍ब।
EZE 42:14 मिनु चढ़ेबपुकी चोव़खो बाक्‍तीकेम ओव़मानु, आन फेक्‍शो गेय पतीक वा मप्रुइक्‍थु, लाङगा ग्रूचा मदुम्‍नीम। मारदे हना मेको चोव़खो वा बाक्‍नीम। मेकोपुकी मुर आन दातेम लचा क्‍येङा ङोंइती अर्को वा फेक्‍चा माल्‍नीम” देंत। इजीकीएल ४४:१९
EZE 42:15 मिनु मेकोम परमप्रभु यावे आ खिं आगा पुक्‍ने थुम्‍तु। मिनु आं कली पूर्ब ङा लाप्‍चो रे पा लाङगा ग्रुंइताक्‍यी। मिनु परमप्रभु यावे आ खिं आ एर ओंथ लाङगा गे ङा लाङगा नेल्‍ल पुक्‍तु।
EZE 42:16 मेकोमी आ पुक्‍तीकेम पूर्ब गे पुक्‍तु। मेको ५ सहे कुबीत बाक्‍त।
EZE 42:17 मिनु मेकोम आ पुक्‍तीकेमी उत्तर गे पुक्‍तु। मेको यो ५ सहे कुबीत बाक्‍त।
EZE 42:18 मिनु मेकोम आ पुक्‍तीकेमी दक्‍खिन गे पुक्‍तु। मेको यो ५ सहे कुबीत बाक्‍त।
EZE 42:19 मिनु मेकोम आ पुक्‍तीकेमी पच्‍छिम गे पुक्‍तु। मेको यो ५ सहे कुबीत बाक्‍त।
EZE 42:20 मोपा मेकोमी पूर्ब, उत्तर, दक्‍खिन नु पच्‍छिम नेल्‍ल पुक्‍तु। मेको आ एर ओंथ गारो का बाक्‍त। मेको ५ सहे कुबीत लाइश्‍शो नु ५ सहे कुबीत ब्रेम्‍शो बाक्‍त। परमप्रभु यावे आ बाक्‍तीके नु मुर आन बाक्‍तीके तिल्‍चा कली मोदेंशो पशो बाक्‍त।
EZE 43:1 मिनु मेकोमी आं कली पूर्ब ङा लाप्‍चो आ नेक्‍था चाक्‍ती।
EZE 43:2 मिनु इस्राएली आन परमप्रभु आ छेङछेङ पूर्ब रे जाक्‍त। मेको आ रेयके ठेयब समुन्‍द्र आ रेयके खोदेंशो नेंसाक्‍व। मिनु रागी नेल्‍ल मेको आ छेङछेङम हाम्‍सो दुम्‍त। इजीकीएल १:२८
EZE 43:3 मेको आं ङोंइती तशो परमप्रभु यावेमी सहर कली खतम सेल्‍ची ना जाक्‍मेनु, कोंइतीक खोदेंशो बाक्‍त। मेको केबार खोला आ नेक्‍थाम तशो कोंइतीके खोदेंशो बाक्‍त। मिनु गो खुम्‍की पा बाप्‍ती। इजीकीएल ८:-११:-; इजीकीएल १:-
EZE 43:4 मिनु परमप्रभु यावे आ छेङछेङ मेको पूर्ब ङा लाप्‍चो रे पा आ खिं ओव़त। इजीकीएल १०:१९
EZE 43:5 मिनु सोक्‍तीम आं कली क्‍युक्‍शा, आगा ङा लाङगाम ओंइताक्‍यी। मिनु परमप्रभु यावे आ खिं छेङछेङम ब्रीत। इजीकीएल १:२८; प्रस्‍थान ४०:३४; १राजा ८:१०-११
EZE 43:6 मिनु मेको मुर आं नेक्‍था राप्‍शा बाक्‍मेनु, गो परमप्रभु यावे आ खिं रे आं कली लोव़ पशो नेंता।
EZE 43:7 मार लोव़ पाप्‍तु देंशा हना “ए मुर, एको दा आं ठेयब नित्‍तीक बाक्‍ब। मिनु एको आं खोइल नाइक्‍तीक यो बाक्‍ब। गो इस्राएल ङा मुर आन दातेम गेना हना यो बाक्‍नुङ। मुल रे इस्राएल आ खिं ङा मुरुम आं नें कली मरिम्‍शो मसेल्‍नीम। मेको नु आन पिपम आन मूर्ति पूजा नु आन बेक्‍शो पिप आन पर्बम पतीके आं नें मरिम्‍शो मसेल्‍नीम। भजन संग्रह १३२:७-८
EZE 43:8 मेकोपुकीम आं खिं आ नेक्‍था आन खिं सेल्‍तेक्‍म। आं लाप्‍चो आ ङोंइती आन लाप्‍चो सेल्‍तेक्‍म। मिनु गो नु मेको आन दातेमी गारो का ला लीत। मिनु मेको आन ग्रांग्रा दिशो गेयम, आं नें ग्रांग्रा दिशो सेल्‍तेक्‍म। मोपतीके गो गाइश्‍शा मेको आन कली साइक्‍तामी। इजीकीएल ८:७-१८
EZE 43:9 मुल मेकोपुकीम आन मूर्ति पूजा पतीक प्रोन्‍मेक्‍ल। मेको आन बेक्‍शो पिप आन पर्बम पतीके प्रोन्‍मेक्‍ल। मिनु गो मेको आन दातेमी गेना हना यो बाक्‍नुङ।
EZE 43:10 ए मुर, इस्राएल आ खिं ङा मुर आन कली आं खिं आ पर्बम शेंदीमी। मिनु मेको दोपा सेल्‍सीशो बाक्‍मे, मेको पुक्‍पतो। मिनु मेको आन मरिम्‍शो पशो आ पर्बम मुने दोक्‍मल। इजीकीएल ३६:३२
EZE 43:11 मिनु मेकोपुकीम आन पशो आ पर्बम मुने पाम्‍तेक्‍म हना, मेको आन कली आं खिं दोपा सेल्‍सीशो बाक्‍मे, मेको तुइक्‍पतो। मेको आ लाङगा लतीके, खिंङगा ओव़तीके, मेको दोदेंशो तांइसीबा, आं देंशो पतीक लोव़, आं अरेशो लोव़ नु शेंतीक नेल्‍ले मेको आन ङोंइती ब्रेक्‍तो। मोपा मेको नेल्‍ले अरेशो होस पा टीब दुम्‍मल।
EZE 43:12 परमप्रभु यावे आ खिं आ पर्बम आ अरेशो लोव़ मार बाक्‍त देंशा हना, मेको डांडा आ एर ओंथ नेल्‍ल आं के बाक्‍तीक बाक्‍ब। मेको परमप्रभु यावे आ खिं आ पर्बम आ अरेशो लोव़ बाक्‍ब” देंत।
EZE 43:13 चढ़ेतीके गिश ठेयब बाक्‍त देंशा हना, मेको नेल्‍ल पा कुबीतम पुक्‍शोनु, कुबीत का नु गुइ का ब्रेम्‍शो बाक्‍त। मेको आ एर ओंथ दोशो जग कुबीत का लुक्‍च नु कुबीत का ब्रेम्‍शो बाक्‍त। मिनु आ एर ओंथ नेल्‍ल ङा सुर बित्‍ता का ब्रेम्‍शो बाक्‍त। मिनु मेको चढ़ेतीक आ राप्‍तीके दोदेंशो बाक्‍त देंशा हना, कुबीत का ०.५ मिटर बाक्‍ब। इजीकीएल ४०:४७; प्रस्‍थान ४७:१-८
EZE 43:14 मेको चढ़ेतीक खपीम बाक्‍शो जग रे आइदी ङा सुर सम्‍म कुबीत निक्‍शी लाइश्‍शो नु कुबीत का ब्रेम्‍शो बाक्‍त। मेको आ आइक्‍च सुर रे ठेयब सुर सम्‍म ४ कुबीत लाइश्‍शो नु कुबीत का ब्रेम्‍शो बाक्‍त।
EZE 43:15 मिनु मेको चढ़ेशो चोतीक ४ कुबीत ग्‍येत्‍थ लाइश्‍शो बाक्‍त। मेकेर रे मेको आ ४ सुर रे ४ ओटा ग्रोव़ सेल्‍शो बाक्‍तेक्‍म।
EZE 43:16 मेको चढ़ेशो थोव़क चोतीक १२ कुबीत लाइश्‍शो नु १२ कुबीत ब्रेम्‍शो, ४ पाटे बाक्‍त।
EZE 43:17 मेको चढ़ेतीक आ ठेयब सुर १४ कुबीत लाइश्‍शो नु १४ कुबीत ब्रेम्‍शो बाक्‍त। मेको ४ पाटे बाक्‍त। मेको आ सुर एर ओंथ आधा कुबीत बाक्‍त। मिनु आ एर ओंथ दोशो जग कुबीत का ब्रेम्‍शो बाक्‍त। मेको चढ़ेतीक आ क्रेसी पूर्ब गे कोव़शो बाक्‍त।
EZE 43:18 मिनु मेकोम आं कली “ए मुर, परमप्रभु, परमप्रभु यावेमी ‘मेको चढ़ेतीके सेल्‍ने थुम्‍शो नाक्‍ती चोशा चढ़ेतीके चढ़ेचा नु हुश ब्रुइक्‍चा कली मेको चढ़ेतीके आ पर्बम पचा माल्‍शो गेय मार बाक्‍त देंशा हना,
EZE 43:19 गेपुकीम आं कली चढ़ेब सादोक आ खिं ङा लेवी आन कली पाप आ पर्बम चढ़ेचा कली बोहोर का गेचा माल्‍नीनी। मेकोपुकी आं गेय पचा कली आं नेक्‍था जाक्‍नीम’ दे परमप्रभु, परमप्रभु यावेमी देंशो बाक्‍ब। इजीकीएल ४०:४६; लेवी ४:१-१२
EZE 43:20 मेकोपुकीमी मेको आ हुश इच्‍का चाक्‍शा चढ़ेतीक आ ४ ओटा ग्रोव़ नु आइक्‍था ङा सुर आन ४ कुना नेल्‍लेम ख्रेक्‍तमेक्‍ल। मोपा गे चढ़ेतीक ग्रांग्रा मदिशो सेल्‍शा पाप क्‍याम्‍तीक गेय पचा माल्‍नीनी।
EZE 43:21 मिनु नोले गेपुकीम मेको पाप आ पर्बम चढ़ेशो बोहोर चाक्‍शा, परमप्रभु यावे आ खिं ङा देंशो बाक्‍तीकेम चोने।
EZE 43:22 मिनु गेपुकीम आ दीसा नाक्‍ती मारेइ मदुम्‍शो बोका का पाप आ पर्बम चढ़ेने। गेपुकीम बोहोर चढ़ेशोम चढ़ेतीक ग्रांग्रा मदिशो सेल्‍शो खोदेंशो पा मेकोम यो चढ़ेतीक कली ग्रांग्रा मदिशो सेलल।
EZE 43:23 मिनु गेपुकीम चढ़ेतीक नेल्‍ल ग्रांग्रा मदिशो सेल्‍ने थुम्‍तीनी हना, मारेइ मदुम्‍शो बोहोर का नु बगाल रे मारेइ मदुम्‍शो सांड का चढ़ेने।
EZE 43:24 गेपुकीम मेको आस कली परमप्रभु यावे आ ङोंइती वोइक्‍चा माल्‍नीनी। मिनु चढ़ेबपुकीम मेको तारी हिक्‍सी वोइश्‍शा, परमप्रभु यावे आ ङोंइती चोशा चढ़ेतीक सेल्‍शा चढ़ेचा माल्‍नीम।
EZE 43:25 गेपुकीम पाप आ पर्बम चढ़ेचा कली ७ नाक्‍त सम्‍म नाक्‍त किंत किंत क्‍यारश का, बोहोर का नु बगाल रे मारेइ मदुम्‍शो सांड का चाक्‍चा माल्‍नीनी।
EZE 43:26 मिनु मेकोपुकी ७ नाक्‍त सम्‍म चढ़ेतीक कली पाप क्‍याम्‍तीक गेय पचा नु ग्रांग्रा मदिशो सेल्‍चा माल्‍नीम। मो पशा मेको चढ़ेतीके चढ़ेचा कली जिम्‍मा गेचा माल्‍नीम।
EZE 43:27 मिनु मेको नाक्‍त नुम्‍मेनु, ८ नाक्‍त रे चढ़ेबपुकीम इन चोशा चढ़ेतीक नु दुशा बाक्‍चा आ पर्बम चढ़ेतीक चढ़ेचा माल्‍नीम। मिनु गो इन कली ब्राइनुङ” दे परमप्रभु, परमप्रभु यावेमी देंत।
EZE 44:1 मिनु नोले मेकोमी आं कली परमप्रभु यावे आ खिं ङा पूर्ब गे कोव़शो लाङगा गे ङा लाप्‍चोम चाक्‍ती। मिनु मेको चोक्‍शो बाक्‍त। इजीकीएल ४३:४
EZE 44:2 मिनु परमप्रभु यावेमी आं कली “एको लाप्‍चो चोक्‍स ङा चोक्‍स बाक्‍चा माल्‍ब। एको रोक्‍चा मदुम्‍ब। मेकेर रे सुइ ओव़चा मताइनीम। मारदे हना परमप्रभु यावे, इस्राएली आन परमप्रभु एकेर रे ओव़शो बाक्‍ब। मोपतीके एको चोक्‍स ङा चोक्‍स बाक्‍चा माल्‍ब। इजीकीएल ४६:२
EZE 44:3 सासन पाइब ला एको लाप्‍चो आगा ङा बाक्‍तीक परमप्रभु यावे आ ङोंइती जचा कली ल‍ने चाप्‍ब। मेको एको लाप्‍चो आ पिंडी रे ओव़चा माल्‍ब। मिनु मेको खाल का ङा लां रे लेत्‍चा माल्‍ब” देंत।
EZE 44:4 मिनु नोले मेकोमी आं कली उत्तर गे ङा ठेयब लाप्‍चो रे पा परमप्रभु यावे आ खिं आ ङोंइती चाक्‍ती। मिनु मेको कोव़ङुनु, परमप्रभु यावे आ छेङछेङम मेको आ खिं ब्रीशो बाक्‍त। मिनु गो खुम्‍की पा बाप्‍ती।
EZE 44:5 मिनु परमप्रभु यावेम आं कली “ए मुर, आं नेक्‍था जाक्‍शा, कोव़ङो। आं खिं आ पर्बम पचा माल्‍शो गेय नु मेको आ पर्बम अरेशो लोव़ नेल्‍ल इ नोफा दाइश्‍शा रिम्‍शो पा नेनो। सु सु आं खिं ओव़चा ताइनीमी नु सु सु मताइनीम, दे रिम्‍शो पा कोव़शा अरेवो।
EZE 44:6 मेको मटीब मुर, इस्राएल आ खिं ङा मुर आन कली परमप्रभु, परमप्रभु यावेमी इन कली ‘ए इस्राएल आ खिं ङा मुरपुकी, गे इन ग्रांग्रा दिशो गेय नेल्‍ल प्रोनीन।
EZE 44:7 गेपुकी आं कली आं जचा थोव़क बोंसो नु हुश चढ़ेची ना आन थुं नु रांम ख्रोइक्‍तीक चिनु मख्रोइश्‍शो अर्को रागी ङा मुर आन कली आं बाक्‍तीकेम ओव़चा गेतीनी। मोपा गे आं खिं, मुर आ खिं खोदेंशो सेल्‍तीनी। मिनु इन ग्रांग्रा दिशो गेयम आं कबल प्रोंइतीनी। यसैया ५२:१; येरमीया ९:२५
EZE 44:8 गेपुकीम आं कली चढ़ेशो आ पर्बम होस मपनी। आं बाक्‍तीकेम इन गेय पचा कली गे अर्को रागी ङा मुर आन कली वोइश्‍शा आं खिं कोव़ब सेल्‍तीनी’ ” देंत।
EZE 44:9 मिनु परमप्रभु, परमप्रभु यावेमी “इस्राएली आन दातेम बाक्‍शो अर्को रागी ङा आन थुं नु रांम ख्रोइक्‍तीक चिनु मख्रोइश्‍शो मुर आं बाक्‍तीकेम ओव़चा मताइनीम।
EZE 44:10 तन्‍न इस्राएली हेंथे गाक्‍मानु, लेवीपुकी हेंथे गाक्‍शा, आं कली प्रोंइशा, आन मूर्ति कली पूजा पशो बाक्‍तेक्‍म। मेकोपुकीम आन पाप आ सजाइ तचा माल्‍नीम।
EZE 44:11 मिनु मेको लेवीपुकी आं बाक्‍तीकेम गेय पचा माल्‍‍नीम। मिनु आं खिं ङा लाप्‍चो खाल पाइब दुम्‍चा माल्‍नीम। मिनु आं खिंम गेय पचा माल्‍नीम। मेकोपुकीम मुर आन पर्बम चोशा चढ़ेतीक क्‍योरचा माल्‍‍नीम। मेकोपुकीम मुर आन कली वारच पा गेय पचा माल्‍नीम।
EZE 44:12 तन्‍न लेवीपुकीम मुर आन कली आन मूर्ति पूजा पतीकेम वारच पाम्‍तेक्‍म। मोपा मेकोपुकी इस्राएल आ खिं ङा मुर आन कली मरिम्‍शो पपाइक्‍तेक्‍म। मोपतीके मेकोपुकी सजाइ तचा माल्‍नीम, दे कसम जाता।
EZE 44:13 मेकोपुकी चढ़ेब आ गेय पचा कली आं नेक्‍था जाक्‍चा मताइनीम। मेकोपुकी तेकोइ आं कली चढ़ेशो आ नेक्‍था जाक्‍चा मताइनीम। मारदे हना मेको चढ़ेशो नेल्‍ल क्‍येङा चोव़खो बाक्‍ब। तन्‍न मेको मुने दोक्‍चा माल्‍नीम। मिनु मेकोपुकीम आन मूर्ति पूजा पशो ङा सजाइ तचा माल्‍नीम।
EZE 44:14 मो हना यो गो मेको आन कली आं खिं कली कोव़शा नु मार मार पचा माल्‍शो गेय पपाइक्‍नुङ।
EZE 44:15 तन्‍न चढ़ेब लेवी आ थर ङा सादोक आ चच युइ, इस्राएली आं रे हेंथे गाक्‍तेक्‍म हना यो, मेकोपुकीम आं खिं ङा पचा माल्‍शो गेय रिम्‍शो पा कोव़तेक्‍म। मेकोपुकी आं गेय पचा कली आं नेक्‍था जाक्‍चा ताइनीम। मेकोपुकी आं ङोंइती बोंसो नु हुश चढ़ेथ जाक्‍चा ताइनीम। इजीकीएल ४०:४६
EZE 44:16 मेकोपुकी ला आं बाक्‍तीकेम ओव़ने चाप्‍नीम। मिनु आं टेबल आ नेक्‍था जाक्‍शा, आं गेय पचा ताइनीम।
EZE 44:17 मेकोपुकी आगा ङा लाङगा ङा लाप्‍चो रे ओव़मानु, सुती के वा फेक्‍शो बाक्‍चा माल्‍नीम। मेकोपुकीम आगा ङा लाङगा ङा लाप्‍चो नु आं खिं आगाम गेय पामेनु, ऊन के मारेइ वा फेक्‍चा मदुम्‍नीम। लेवी १६:४
EZE 44:18 मेकोपुकीम पियाम सुती के गुप्‍तीक गुप्‍चा माल्‍नीम। मिनु सुती के आगाम फेक्‍तीक वा फेक्‍चा माल्‍नीम। मेकोपुकीम गल शाइक्‍ब तेकोइ वा फेक्‍चा मदुम्‍नीम।
EZE 44:19 मेकोपुकी लाङगा गे ङा लाङगा, मुर आन बाक्‍तीक लमानु, आगाम गेय पामेनु, फेक्‍शो वा प्रुइक्‍चा माल्‍नीम। मिनु मेको चोव़खो कोठाम वोइश्‍शा, अर्को वा फेक्‍चा माल्‍नीम। मोपा परमप्रभु आ थोव़क नु मुर आ थोव़क मखाल्‍दमेक्‍ल। इजीकीएल ४२:१४
EZE 44:20 मेकोपुकीम आन चां प्रेक्‍‍चा मदुम्‍नीम। मेको शुश लाइश्‍शो दुम्‍चा गेचा यो मदुम्‍ब। मेकोपुकीम आन चां ख्रोइक्‍चा ला दुम्‍नीम। लेवी १९:२७
EZE 44:21 चढ़ेबपुकीम आगा ङा लाङगा लमानु, अङगुर शांबु तूचा मदुम्‍नीम। लेवी १०:९
EZE 44:22 मेको चढ़ेबपुकीमी आन वोंइश बेक्‍शो नु प्रोंइचा पुंइसीशो मीश मुर ग्‍युंबे पचा मदुम्‍नीम। मेकोपुकीम इस्राएल आ खिं मुर रे जरमेशो कन्‍ने मीश आल नु आन वोंइश बेक्‍शो चढ़ेब आन मीश कली ला ग्‍युंबे पने चाप्‍नीम।
EZE 44:23 मेकोपुकीम आं मुर आन कली आं मार मार नु मुर आन मार मार खाल का ङा मबाक्‍नीम, दे शेंचा माल्‍नीम। मिनु मेको आन कली ग्रांग्रा दिशो नु मदिशो थोव़क खाल का ङा मबाक्‍नीम, दे कोंइचा माल्‍नीम। इजीकीएल २२:२६; लेवी १०:१०
EZE 44:24 मारेइ जितीक खेतीक दुम्‍मेनु, चढ़ेबपुकीमीन निसाफ पाइब आन गेय पचा माल्‍नीम। मिनु आं निसाफ पतीक लोव़ खोदेंशो पा मेकोपुकीम निसाफ पचा माल्‍नीम। मेकोपुकीम चाड मानेचा आ पर्बम आं अरेशो नु आं फुल्‍लुम मुशा ब्रेक्‍शो लोव़ खोदेंशो पा पचा माल्‍नीम। मेकोपुकीम आं नाइक्‍तीक नाक्‍ती मानेचा माल्‍नीम। ब्‍यवस्‍था १७:८-९
EZE 44:25 मेकोपुकीम बेक्‍शो मुर आ नेक्‍था लशा, आंम कली ग्रांग्रा दिशो सेल्‍सीचा मदुम्‍नीम। मो हना यो आन आम आफ, तमी तौ, आन लोक्‍ब नु ग्‍युं‍बे मपशो आंम समी आन बेक्‍शो रां आ नेक्‍था लशा ग्रांग्रा दिशो दुम्‍ने चाप्‍नीम। गन्‍ती १९:११; लेवी २१:१-४
EZE 44:26 मिनु मेको ग्रांग्रा मदिशो दुम्‍मा नोले, ७ नाक्‍त सम्‍म रिम्‍चा माल्‍नीम।
EZE 44:27 मेकोपुकी आं खिं ङा आगा ङा लाङगाम गेय पचा कली ओव़तीक नाक्‍त मेकोपुकीमी पाप आ पर्बम चढ़ेचा माल्‍नीम” दे परमप्रभु, परमप्रभु यावेमी देंत।
EZE 44:28 मिनु परमप्रभुमी “चढ़ेब आन शोंप गो नङ। मेको आन कली इस्राएलम रू गेचा मदुम्‍ब। गो मेको आन शोंप नङ। गन्‍ती १८:२०
EZE 44:29 मेकोपुकीम अन्‍न चढ़ेशो, पाप आ पर्बम चढ़ेशो नु दोस आ पर्बम चढ़ेशो जचा माल्‍नीम। इस्राएलम परमप्रभु यावे कली गेचा माल्‍शो थोव़क नेल्‍ल मेको आन के दुम्‍ब। गन्‍ती १८:१४
EZE 44:30 ङोंइती मीशो फल आन नेल्‍ल क्‍येङा रिम्‍शो फल नु इन चढ़ेशो मारेइ मारेइ नेल्‍ल चढ़ेब आन केन दुम्‍ब। गे इन खिंम आसीक तचा कली इन नि‍शो फस नेल्‍ल क्‍येङा ङोंइती ङा डल्‍ला यो चढ़ेब आन कली गेचा माल्‍नीनी। प्रस्‍थान २५:२; गन्‍ती १५:२०; नेहेम्‍याह १०:३८
EZE 44:31 चढ़ेबपुकीम आंमा बेक्‍शो चिक्‍ब नु बी ब्‍यफ, क्‍यारश भेडा कि जन्‍तुपुकीम साइश्‍शो, मारेइ ब्‍वचा मदुम्‍नीम” दे परमप्रभु यावेमी देंत। लेवी २२:८
EZE 45:1 मिनु गेपुकीम आंम इन शोंप सेल्‍चा कली रागी योक्‍शा गेनीनु, मेको रे परमप्रभु यावे कली १५ हजार कुबीत लाइश्‍शो नु २० हजार कुबीत ब्रेम्‍शो रू का तिल्‍चा माल्‍नीनी। मिनु मेको रू नेल्‍ल परमप्रभु यावे केन दुम्‍ब। कुबीत का ०.५ मिटर बाक्‍ब।
EZE 45:2 मेको रे पा ५ हजार कुबीत लाइश्‍शो नु ५ हजार कुबीत ब्रेम्‍शो रू का परमप्रभु यावे आ बाक्‍तीके दुम्‍ब। मेको आ एर ओंथ नेल्‍ल ५० कुबीत ब्रेम्‍शो श्‍येत्‍थ लां बाक्‍चा माल्‍ब।
EZE 45:3 मिनु मेको परमप्रभु यावे आ बाक्‍तीकेम २५ हजार कुबीत लाइश्‍शो नु १० हजार कुबीत ब्रेम्‍शो पुक्‍चा माल्‍नीनी। मेकेर परमप्रभु यावे आ खिं ङा नेल्‍ल क्‍येङा चोव़खो बाक्‍तीक दुम्‍चा माल्‍ब।
EZE 45:4 मेको बाक्‍तीक चहिं परमप्रभु यावे के बाक्‍ब। मेको परमप्रभु यावे आ खिंम गेय पाइब नु परमप्रभु आ नेक्‍था जाक्‍ब आन खिं कली नु परमप्रभु यावे आ खिं कली दुम्‍ब।
EZE 45:5 मेको अर्को २५ हजार कुबीत लाइश्‍शो नु १० हजार कुबीत ब्रेम्‍शो रू का परमप्रभु यावे आ खिंम गेय पाइब लेवी आन के दुम्‍ब। मेको आन बाक्‍तीक सहर कली दुम्‍ब।
EZE 45:6 गेपुकीम परमप्रभु आ रू प्रोंइशा अर्को ५ हजार कुबीत ब्रेम्‍शो नु २५ हजार कुबीत लाइश्‍शो रू का सहर कली वोइक्‍चा माल्‍नीनी। मेको इस्राएल ङा मुर नेल्‍ल आन कली दुम्‍ब। इजीकीएल ४८:१५-२०
EZE 45:7 मेको परमप्रभु यावे आ रू आ निम्‍फा पटटी सासन पाइब आन के दुम्‍ब। मेको आ नेक्‍था ङा सहर ङा रू आन पूर्ब गे नु पच्‍छिम गे सासन पाइब आन के दुम्‍ब। मेको थर का ङा रू खोदेंशो पा लाइश्‍शो दुम्‍ब। मेको पच्‍छिम ङा सांद रे पूर्ब ङा सांद सम्‍म दुम्‍ब। इजीकीएल ४८:२१-२२
EZE 45:8 मेको रू चहिं इस्राएलम सासन पाइब आन रू दुम्‍ब। मिनु मुल रे आं सासन पाइबपुकीम आं मुर आन कली दिप्‍चा मदुम्‍नीम। तन्‍न मेकोपुकीम इस्राएल आ खिं ङा मुर आन कली, मेको आन थर थर खोदेंशो पा आन रू आन के दुम्‍ब, दे रोइक्‍चा मताइनीम। इजीकीएल ४६:१८
EZE 45:9 मिनु परमप्रभु, परमप्रभु यावेमी “ए इस्राएल ङा सासन पाइबपुकी। गेपुकीम हुश ख्राक्‍श पोक्‍तीनी। दिप्‍चा प्रोनीन। गेपुकीम थम रिम्‍शो नु ठीक गेय पने। आं मुर आन कली आन खिं रू रे मखेरीन। १राजा १२:४,११; १राजा २१; येरमीया २१:११-१२; मीका ३:१-३
EZE 45:10 गेपुकीम ठीक नाक्‍तीक नु पुक्‍तीकपुकी चलेचा माल्‍नीनी। लेवी १९:३६; ब्‍यवस्‍था २५:१५
EZE 45:11 एफाह नु बाथ माइश्‍शो पुक्‍तीक खाल का ङा दुम्‍चा माल्‍नीम। होमेर का १० बाथ दुम्‍चा माल्‍ब। मिनु १० एफाह यो होमेर का बाक्‍ब। होमेर चहिं थाप्‍तीक दुम्चा माल्‍ब। एफाह का २२ लिटर रिक्‍ब ठेयब अन्‍न पुक्‍तीक बोस बाक्‍ब। बाथ का २२ लिटर रिक्‍ब बोस बाक्‍ब। होमेर का २२० लिटर रिक्‍ब बोस ताप्‍तीक बाक्‍ब।
EZE 45:12 शेकेल का २० गेराह दुम्‍चा माल्‍ब। २० शेकेल, २५ शेकेल नु १५ शेकेल नेल्‍ल पा मीना का दुम्‍चा माल्‍ब” देंत। शेकेल का ११.५ ग्राम बाक्‍ब। गेराह का ०.६ ग्राम बाक्‍ब। मीना का ६०० ग्राम खोदेंशो बाक्‍ब।
EZE 45:13 मिनु परमप्रभु यावेमी “गेपुकीम चढ़ेचा माल्‍शो अन्‍न गिश बाक्‍ब देंशा हना, होमेर का का चेरब रे एफाह ङा भाग ङा भाग का चढ़ेचा माल्‍नीनी। होमेर का का क्‍योव़ज रे एफाह ङा ६ भाग ङा भाग का चढ़ेचा माल्‍नीनी।
EZE 45:14 गेपुकीम चढ़ेचा माल्‍शो तेल कोर का बाथ ङा १० भाग ङा भाग का बाक्‍ब। मेको ४ माना खोदेंशो बाक्‍ब। कोर नु होमेर उइक्‍थ उइक्‍थ बाक्‍नीम। मिनु होमेर का के १० बाथ बाक्‍नीम। कोर नु होमेर खाल का ङा २२० लिटर बाक्‍ब। बाथ का एफाह का खोदेंशो बाक्‍ब, मेको २२ लिटर बाक्‍ब।
EZE 45:15 गेपुकीम सहे निक्‍शी भेडा रे का चढ़ेचा माल्‍नीनी। मेको इस्राएली आन योव़तीके रे चाक्‍चा माल्‍नीनी। मेको अन्‍न चढ़ेशो, चोशा चढ़ेशो नु दुशा बाक्‍चा आ पर्बम चढ़ेशो बाक्‍ब। मेको पाप क्‍याम्‍चा कली बाक्‍ब” दे परमप्रभु यावेमी देंत।
EZE 45:16 मिनु मेकोमी लेंशा “इस्राएल ङा मुर नेल्‍लेमी मेको सासन पाइब कली मोदेंशो गेचा माल्‍नीम।
EZE 45:17 तन्‍न सासन पाइबमी मेको चोशा चढ़ेतीक, अन्‍न चढ़ेतीक नु तूचा थोव़क चढ़ेतीक आं देंशो चाडम चढ़ेचा माल्‍ब। मेकोमी औंसी, नाइक्‍तीक नाक्‍ती नु इस्राएल आ खिं ङा मुर आन चाड नेल्‍लेमी चढ़ेचा माल्‍ब। मेकोमी पाप आ पर्बम चढ़ेतीक, अन्‍न चढ़ेतीक, चोशा चढ़ेतीक नु दुशा बाक्‍चा आ पर्बम चढ़ेतीक इस्राएली आन पाप क्‍याम्‍चा कली चाक्‍चा माल्‍ब” दे परमप्रभु यावेमी देंत। २सामुएल ६:१७-१८
EZE 45:18 मिनु परमप्रभु, परमप्रभु यावेमी “ङोंइती ङा महिना नु ङोंइती ङा नाक्‍त, गेपुकीम मारेइ मदुम्‍शो बोहोर का चाक्‍शा, परमप्रभु यावे आ बाक्‍तीक ग्रांग्रा मदिशो सेल्‍चा माल्‍नीनी।
EZE 45:19 मिनु चढ़ेबमी पाप आ पर्बम चढ़ेशो आ हुश इच्‍का लाइश्‍शा, परमप्रभु यावे आ खिं ङा लाप्‍चो ङा शीमी, चढ़ेतीक आ ४ कुना नु आ सुर नेल्‍लेम नु आगा लाङगा ङा लाप्‍चो ङा शीमी ब्रुइक्‍चा माल्‍ब।
EZE 45:20 मिनु सुइम ममिम्‍थु मतुइक्‍थु पाप पशो बाक्‍त हना, महिना ङा ७ नाक्‍त गेपुकीम मो पचा माल्‍नीनी। मोपा गे परमप्रभु यावे आ खिं कली यो पाप क्‍याम्‍तीक गेय पचा माल्‍नीनी। लेवी ४:२२; लेवी ५:१७-१८
EZE 45:21 मिनु ङोंइती ङा महिना ङा १४ नाक्‍ती गेपुकीम पास्‍सा चाड मानेचा माल्‍नीनी। मेना गे ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी।
EZE 45:22 मेको नाक्‍त सासन पाइबमी आंम कली नु रागी ङा मुर नेल्‍ल आन कली पाप आ पर्बम बोहोर का चढ़ेचा माल्‍ब।
EZE 45:23 मिनु मेकोमी मेको चाड ङा ७ नाक्‍त नेल्‍लेम मारेइ मदुम्‍शो ७ ओटा बोहोर नु ७ ओटा सांड नाक्‍त किंत किंत चोशा चढ़ेचा माल्‍ब। मिनु चाड ङा नाक्‍त किंत किंत पाप आ पर्बम बोका का का यो चढ़ेचा माल्‍ब। गन्‍ती २८:१७-२५
EZE 45:24 मेको बोहोर का नु एफाह का अन्‍न चढ़ेचा माल्‍ब। सांड का नु एफाह का अन्‍न चढ़ेचा माल्‍ब। मिनु मेको का का पा, एफाह का कली हिन का तेल चढ़ेचा माल्‍ब। एफाह का २२ लिटर पुक्‍तीके बाक्‍ब। हिन का ४ लिटर बाक्‍ब।इजीकीएल ४६:५; गन्‍ती १५:४-१२
EZE 45:25 मेकोम ७ महिना ङा १५ नाक्‍त रे मेको ७ नाक्‍त ङा चाड सम्‍म मेको मोदेंशो चढ़ेचा माल्‍ब। मेको पाप आ पर्बम चढ़ेतीके, चोशा चढ़ेतीके नु अन्‍न चढ़ेतीक बाक्‍ब। मेको नु तेल यो चढ़ेचा माल्‍ब” देंत। लेवी २३:३४
EZE 46:1 मिनु परमप्रभु, परमप्रभु यावेमी “मेको आगा लाङगा ङा पूर्ब गे कोव़शो ठेयब लाप्‍चो मेको गेय पतीक ६ नाक्‍त चोक्‍शा वोइक्‍चा माल्‍नीम। तन्‍न नाइक्‍तीक नाक्‍त नु औंसी नाक्‍त रोक्‍चा माल्‍नीम।
EZE 46:2 सासन पाइब मेको पिंडी रे लाङगा ङा लाप्‍चो रे पा ओव़चा माल्‍ब। मिनु लाप्‍चो आ नेक्‍था राप्‍शा बाक्‍चा माल्‍ब। मिनु चढ़ेबपुकीम सासन पाइब आ चोशा चढ़ेतीक नु दुशा बाक्‍तीक आ पर्बम चढ़ेतीक चढ़ेचा माल्‍नीम। मिनु सासन पाइबमी लाप्‍चो आ नेक्‍था राप्‍‍शा, खुम्‍की पा परमप्रभु यावे कली ठेयब सेल्‍चा माल्‍ब। मिनु नोले मेको लाङगा रे ग्रूचा माल्‍ब। तन्‍न मेको लाप्‍चो नां मरिक्‍म सम्‍म रोक्‍स ङा रोक्‍स बाक्‍चा माल्‍ब। इजीकीएल ४४:३
EZE 46:3 मिनु रागी ङा मुरपुकीम मेको ठेयब लाप्‍चो आ नेक्‍था नाइक्‍तीक नाक्‍ती नु औंसी नाक्‍ती खुम्‍की पा बाप्‍चा माल्‍नीम।
EZE 46:4 मेको सासन पाइबमी परमप्रभु यावे कली नाइक्‍तीक नाक्‍ती मार चढ़ेचा माल्‍ब देंशा हना, चोशा चढ़ेचा कली मारेइ मदुम्‍शो ६ ओटा पाठा नु सांड का चढ़ेचा माल्‍ब। गन्‍ती २८:९-१०
EZE 46:5 मेको जचा थोव़क चढ़ेचा कली सांड नु एफाह का अन्‍न चढ़ेचा माल्‍ब। मिनु पाठा नु अन्‍न गिश चढ़ेचा दाक्‍बा, मिश चढ़ेने चाप्‍‍ब। मिनु एफाह का का अन्‍न कली तेल चढ़ेचा माल्‍ब। एफाह का २२ लिटर पुक्‍तीक बाक्‍ब। हिन का ४ लिटर खोदेंशो बाक्‍ब।इजीकीएल ४५:२४
EZE 46:6 मिनु मेकोम औंसी नाक्‍त कली मार चढ़ेचा माल्‍ब देंशा हना, मारेइ मदुम्‍शो बोहोर का ६ ओटा पाठा नु सांड का चढ़ेचा माल्‍ब।
EZE 46:7 मिनु जचा थोव़क चढ़ेचा कली बोहोर नु एफाह का अन्‍न नु सांड नु एफाह का अन्‍न चढ़ेचा माल्‍ब। मिनु पाठा नु अन्‍न गिश चढ़ेचा दाक्‍बा, मिश चढ़ेने चाप्‍ब। मिनु एफाह का का अन्‍न कली हिन का का तेल चढ़ेचा माल्‍ब।
EZE 46:8 मिनु सासन पाइब ओव़मेनु, मेको ठेयब लाप्‍चो ङा पिंडी रे पा ओव़चा माल्‍ब। नोले मेको आ ओव़शो लां रेन लाङगा ग्रूचा माल्‍ब।
EZE 46:9 मिनु रागी ङा मुरपुकी देंशो नाक्‍त ङा चाडम परमप्रभु यावे कली ठेयब सेल्‍चा कली आ ङोंइती जाक्‍तेक्‍म हना, मेको उत्तर ङा ठेयब लाप्‍चो रे ओव़चा माल्‍नीम। नोले दक्‍खिन ङा ठेयब लाप्‍चो रे पा ग्रूचा माल्‍नीम। सु चहिं दक्‍खिन ङा ठेयब लाप्‍चो रे ओव़नीमी, मेकोपुकी उत्तर ङा ठेयब लाप्‍चो रे ग्रूचा माल्‍नीम। मेकोपुकी आगा ओव़शो ठेयब लाप्‍चो रे लाङगा ग्रूचा मदुम्‍नीम। आन ओव़शो लाप्‍चो रे ग्रूचा मदुम्‍नीम। ग्‍येत्‍थ पा अर्को ठेयब लाप्‍चो रे पा ग्रूचा माल्‍नीम।
EZE 46:10 मेकोपुकी ओव़मानु, सासन पाइब मेको नु ओव़चा माल्‍ब। मिनु मेकोपुकी लाङगा ग्रूमानु, मेको यो ग्रूचा माल्‍ब।
EZE 46:11 मिनु चाडपुकी नु देंशो नाक्‍त कली जचा थोव़क चढ़ेचा कली बोहोर नु एफाह का अन्‍न नु सांड नु एफाह का अन्‍न चढ़ेचा माल्‍ब। मिनु पाठा नु अन्‍न गिश चढ़ेचा दाक्‍बा, मिश चढ़ेने चाप्‍ब। मिनु एफाह का का अन्‍न कली हिन का का तेल चढ़ेचा माल्‍ब। एफाह का २२ लिटर पुक्‍तीक बाक्‍ब। मेको ५ पाथी आधा खोदेंशो बाक्‍ब।
EZE 46:12 मिनु सासन पाइबमी परमप्रभु यावे कली आ थुंम ग्‍येरशा चढ़ेतीक चढ़ेचा दाक्‍ताक्‍व हना, चोशा चढ़ेतीक कि दुशा बाक्‍तीक आ पर्बम चढ़ेतीक चढ़ेचा दाक्‍ताक्‍व हना, मेको ओव़चा कली पूर्ब ङा ठेयब लाप्‍चो रोक्‍शा गेचा माल्‍नीम। मिनु मेकोमी आ चोशा चढ़ेतीक नु दुशा बाक्‍चा आ पर्बम चढ़ेतीक, नाइक्‍तीक नाक्‍ती चढ़ेशो खोदेंशो पा चढ़ेचा माल्‍ब। मिनु नोले मेको लाङगा लचा माल्‍ब। मिनु लम नोले मेको ठेयब लाप्‍चो चोक्‍चा माल्‍नीम।
EZE 46:13 मेकोमी परमप्रभु यावे कली नाक्‍त किंत किंत मारेइ मदुम्‍शो बर्स का गाप्‍शो पाठा का का सुनी कुस कुस चोशा चढ़ेचा कली गेचा माल्‍ब। प्रस्‍थान २८:३८-४२; गन्‍ती २८:३
EZE 46:14 मेको नु सुनी कुस कुस चढ़ेतीक नु एफाह ङा ६ भाग ङा भाग का अन्‍न, हिन का ङा ३ भाग ङा भाग का तेल रिम्‍शो फस ब्‍वाइक्‍चा कली चढ़ेचा माल्‍ब। एको परमप्रभु यावे कली अन्‍न चढ़ेतीक बाक्‍ब। मिनु मेको गेना हना यो परमप्रभु यावे कली अन्‍न चढ़ेतीक बाक्‍ब। एफाह का २२ लिटर पुक्‍तीक बाक्‍ब। हिन का ४ लिटर खोदेंशो बाक्‍ब।
EZE 46:15 मिनु मेको पाठा, अन्‍न चढ़ेतीक नु तेल सुनी कुस कुस चाक्‍शा, चोशा चढ़ेचा माल्‍ब” देंशो बाक्‍ब।
EZE 46:16 मिनु परमप्रभु, परमप्रभु यावेमी “सासन पाइबमी आ तौ का कली आ शोंप रे रू गेप्‍तु हना, मेको आ तौ चच युइ आन के दुम्‍ल।
EZE 46:17 तन्‍न मेकोम आ थेरशो रू रे आ गेय पाइब कली गेप्‍तु हना, मेको प्रोंइतीक बर्स सम्‍म ला मेको गेय पाइब आ शोंप दुम्‍ब। नोले मेको लेंशा सासन पाइब केन दुम्‍ब। आ तौ कली गेशो रू चहिं मेको केन दुम्‍शा लीब। लेवी २५:१०; येरमीया ३४:८
EZE 46:18 सासन पाइबमी मुर आन थेरशो रू रे ग्रुंइशा आ शोंप सेल्‍‍ने मचाप्‍ब। मेकोम आ तौ आन कली रू गेचा दाक्‍ब हना, आ शोंप रे गेचा माल्‍ब। मोपा सुइ आं मुर रू रोइक्‍चा मपुंइसीनीम” देंत। इजीकीएल ४५:८-९
EZE 46:19 मिनु नोले मेकोमी आं कली उत्तर गे ङा ठेयब लाप्‍चो ङा ओव़तीक आ नेक्‍था रे पा, चढ़ेब आन कली तिल्‍शा वोइश्‍शो कोठाम लाइक्‍ती। मिनु मेकेर बाक्‍तीक आ पच्‍छिम गे बाक्‍तीक का ताता।
EZE 46:20 मिनु मेकोम आं कली “एकेर चढ़ेबपुकीम दोस आ पर्बम चढ़ेतीक नु पाप आ पर्बम चढ़ेतीक आन श्‍ये लोप्‍नीम। मिनु चढ़ेशो अन्‍न के मार मार चोइनीम। मोपा मेकोपुकीम चढ़ेशो थोव़क लाङगा गे ङा लाङगाम मग्रुंइनीम। मारदे हना मुर आन कली मरिम्‍शो मदुम्‍ल” देंत।
EZE 46:21 मिनु नोले मेकोमी आं कली लाङगा गे ङा लाङगा ङा ४ सुर कोंइताक्‍यी।
EZE 46:22 मेको लाङगा गे ङा लाङगा ङा ४ सुरम ४ ओटा आइक्‍च लाङगा बाक्‍तेक्‍म। मेको नेल्‍ल खाल का ङा ४० कुबीत लाइश्‍शो नु ३० कुबीत ब्रेम्‍शो बाक्‍तेक्‍म।
EZE 46:23 मेको नेल्‍ल आन एर ओंथ गारो हिरशो बाक्‍तेक्‍म। मेको ४ ओटा लाङगामी आन सुर सुरम लहर पा चुप्‍लु बाक्‍तेक्‍म।
EZE 46:24 मिनु मेकोमी आं कली “एको क्‍येतीक बाक्‍नीम। एकेर परमप्रभु यावे आ खिंम गेय पाइबपुकीमी मुर आन चढ़ेशो मार मार लोप्‍नीम” देंत।
EZE 47:1 मिनु नोले मेकोमी आं कली परमप्रभु यावे आ खिं आ ओव़तीक लाप्‍चोम लेश्‍शा चाक्‍ती। मिनु गो मेको लाप्‍चो आ थेंका रे ब्‍वाक्‍कु यिशा, पूर्ब गे शाइश्‍शो ताता। मारदे हना मेको परमप्रभु यावे आ खिं पूर्ब गे कोव़शो बाक्‍त। मिनु मेको ब्‍वाक्‍कु परमप्रभु यावे आ खिं आ दक्‍खिन चढ़ेतीक आ दक्‍खिन रे शाइश्‍शो बाक्‍त। उत्‍पत्ती २:१०-१४; योएल ४:१८; प्रकाश २२:१
EZE 47:2 नोले मेकोमी आं कली उत्तर गे ङा ठेयब लाप्‍चो रे पा लाङगा ग्रुंइताक्‍यी। मिनु पूर्ब गे लेश्‍शो लाङगा ङा लाप्‍चो रे पा हिरशा चाक्‍ती। मेको ब्‍वाक्‍कु दक्‍खिन गे शाइश्‍शो बाक्‍त।
EZE 47:3 मिनु मेको पुक्‍तीक डोरी का शेशा पूर्ब गे लत। मिनु मेकोम हजार का कुबीत पुक्‍तु। मिनु नोले मेकोमी आं कली ब्‍वाक्‍कु शोक्‍‍पाइक्‍ती। मेको ब्‍वाक्‍कु दिम्‍ला सम्‍म जाक्‍शो बाक्‍त। कुबीत का ०.५ मिटर बाक्‍ब। इजीकीएल ४०:३
EZE 47:4 मिनु लेंशा अर्को हजार का कुबीत पुक्‍तु। मिनु मेको ब्‍वाक्‍कुम शोक्‍‍पाइक्‍ती। मेको ब्‍वाक्‍कु पोक्‍च सम्‍म जाक्‍शो बाक्‍त। मिनु मेकोम लेंशा अर्को हजार का कुबीत पुक्‍तु। मिनु मेकोमी आं कली मेको ब्‍वाक्‍कुम शोक्‍‍पाइक्‍ती। मेको ब्‍वाक्‍कु क्रातो सम्‍म जाक्‍शो बाक्‍त।
EZE 47:5 मिनु मेकोम लेंशा अर्को हजार का कुबीत पुक्‍तु। मिनु गो मेको खोला शोक्‍ने मचबु। मारदे हना ब्‍वाक्‍कु बारशो बाक्‍त। मेको दोम्‍ली ग्‍यारचा ङा दुम्‍शो बाक्‍त हना यो, शोक्‍ने मचाप्‍चा ङा बाक्‍त।
EZE 47:6 मिनु मेकोम आं कली “ए मुर, गे एको तवी” देंत। मिनु लेंशा खोला आ नेक्‍था लेप्‍पाइक्‍ती।
EZE 47:7 मिनु गो मेकेर जाक्‍ङानु, मेको समुन्‍द्र आ ओंथ हांबु नु आइक्‍ची हांबु नेल्‍ल शुश रवा तातामी।
EZE 47:8 मिनु मेकोम आं कली “एको ब्‍वाक्‍कु पूर्ब रागी गे लशा, उइ अराबाह गे लशो बाक्‍ब। मिनु मेको हिक्‍सी समुन्‍द्रम ब्‍वांइसीब। मिनु मेकेर ङा ब्‍वाक्‍कु रिम्‍शो दुम्‍ब।
EZE 47:9 मेको ब्‍वाक्‍कु शाइक्‍तीकेमी शुश खाल ङा जन्‍तु बाक्‍नीम। मेकेर हिक्‍ने मचाप्‍चा ङा पा, ङांइ बाक्‍नीम। मारदे हना मेको ब्‍वाक्‍कु मेकेर जाक्‍दीश्‍शो बाक्‍ब। मेको ब्‍वाक्‍कु रिम्‍शो दुम्‍तीके मेकेर मारेइ मारेइ ब्रोंइनीम। प्रस्‍थान १५:२३
EZE 47:10 मेको आ एर ओंथ नेल्‍लेम ग्‍याइल आप्‍बपुकी राप्‍नीम। एन-गेदी रे एन-एग्‍लै सम्‍म ग्‍याइल आप्‍तीक दुम्‍नीम। मेकेर ठेयब समुन्‍द्र खोदेंशो पा शुश खाल ङा ङांइ बाक्‍नीम।
EZE 47:11 तन्‍न मेको समुन्‍द्र आ सिम नु हिलो बाक्‍तीके ङा ब्‍वाक्‍कु रिम्‍शो मदुम्‍ब। मेको हिक्‍सी ग्रुंइचा कली बाक्‍नीम।
EZE 47:12 मेको समुन्‍द्र आ एर ओंथ नेल्‍ल शुश खाल ङा फल फुल रवा वानीम। मेको आन सफा मसोव़नीम। मेको आन फल गेनायो मनुप्‍नीम। मेको महिना महिनाम सित्‍नीम। मारदे हना मेको आन कली माल्‍शो ब्‍वाक्‍कु परमप्रभु यावे आ बाक्‍तीक रे लशो बाक्‍ब। मेको आन फल रूचा कली नु मेको आन सफा सापाइक्‍चा कली दुम्‍नीम” देंत। यसैया ३२:१५; प्रकाश २२:२
EZE 47:13 मिनु परमप्रभु, परमप्रभु यावेमी “इस्राएल ङा सांद आगा ङा १२ थर आन थेरशो रू दोपा योक्‍चा माल्‍नीनी देंशा हना, योसेफ कली भाग निक्‍शी गेचा माल्‍नीनी। उत्‍पत्ती ४८:५; यहोसु १७:१७
EZE 47:14 मेको लीशो रागी इन दातेम उइक्‍थ उइक्‍थ पा योक्‍चा माल्‍नीनी। मिनु गो इन किकी पिपी आन कली गेनुङ, दे कसम जतीके मेको रागी इन शोंप दुम्‍ब। उत्‍पत्ती १२:७
EZE 47:15 मेको रागी आ सांद ते बाक्‍चा माल्‍नीम देंशा हना, उत्तर गे ङा सांद ठेयब समुन्‍द्र रे हेथ्‍लोन ङा लां, लेबो-हमाथ रे सेदाद सम्‍म दुम्‍चा माल्‍‍ब। गन्‍ती ३४:२-१२
EZE 47:16 मेको सांद बेरोथाह नु सिब्रैम सम्‍म दुम्‍चा माल्‍‍ब। मेको दमस्‍कस नु हमाथ आस दातेम बाक्‍शो बाक्‍नीस। मेको सांद हासेर-हात्‍तीकोन सम्‍म जाक्‍दीप्‍ब। मेको हौरान ङा सांद आ नेक्‍था बाक्‍ब।
EZE 47:17 मिनु ठेयब समुन्‍द्र रे हासर-एनोन सम्‍म बाक्‍ब। मेको दमस्‍कस आ उत्तर गे बाक्‍ब। मेको आ उत्तर गे हमाथ आ सांद बाक्‍ब। मेको उत्तर ङा सांद बाक्‍ब।
EZE 47:18 पूर्ब गे ङा सांद हौरान नु दमस्‍कस आस दातेम, यर्दन खोला आ नेक्‍था गिलाद नु इस्राएल रागी आस दातेमी बाक्‍ब। मेको पूर्ब ङा समुन्‍द्र नु तामार सम्‍म बाक्‍ब। मेको पूर्ब ङा सांद बाक्‍ब।
EZE 47:19 दक्‍खिन गे ङा सांद तामार रे मेरीबाथ-कादेश ङा ब्‍वाक्‍कु बाक्‍तीके सम्‍म दुम्‍चा माल्‍‍ब। मिनु मेकेर रे इजीप्‍त ङा खोल्‍सा रे ठेयब समुन्‍द्र सम्‍म जाक्‍दीप्‍ब। मेको दक्‍खिन ङा सांद बाक्‍ब। गन्‍ती २०:१३; गन्‍ती ३४:५
EZE 47:20 पच्‍छिम गे ङा सांद ठेयब समुन्‍द्र लेबो-हमाथ आ ङोंइती सम्‍म दुम्‍चा माल्‍ब। मेको पच्‍छिम ङा सांद बाक्‍ब।
EZE 47:21 गे मेको रागी इन दातेम इस्राएल आ थर ङा मुर आन कली योक्‍शा गेचा माल्‍नीनी।
EZE 47:22 गेपुकीम आंम इन थेरशो रू वोइक्‍चा माल्‍नीनी। इन दातेमी बाक्‍ब तमी तौ थिशो अर्को रागी ङा मुर आन कली यो आन भाग योक्‍शा, गेचा माल्‍नीनी। गेपुकीम मेको आन कली इस्राएल रागीम जरमेशो आंम रागी ङा मुर खोदेंशो मिम्‍चा माल्‍नीनी। मिनु गेपुकी नु इस्राएल आ थर आन दातेम मेकोपुकीम आन थेरशो रू तचा माल्‍नीम। लेवी १९:३३-३४
EZE 47:23 मेको अर्को रागी ङा मुरपुकी तेको थर ङा बाक्‍तीकेम बाक्‍नीमी, मेकेर मेको आन कली आन थेरशो रू गेचा माल्‍नीनी” दे परमप्रभु, परमप्रभु यावेम देंत।
EZE 48:1 मिनु “मेको आन थर आन नें मार बाक्‍नीम देंशा हना, उत्तर गे ङा सांद हेथ्‍लोन ङा लां रे पा लेबो-हमाथ रे हासर-एनोन सम्‍म बाक्‍ब। हासर-एनान दमस्‍कस आ सांदम बाक्‍ब। मिनु हमाथ मेको आ उत्तर गे बाक्‍ब। मिनु मेको पूर्ब रे पच्‍छिम सम्‍म बाक्‍ब। मेको दान आ थेरशो रू दुम्‍ब। इजीकीएल ४७:१५-१७
EZE 48:2 मिनु पूर्ब रे पच्‍छिम दान आ सांद थिशो रू आशेर आ थेरशो रू दुम्‍ब।
EZE 48:3 मिनु पूर्ब रे पच्‍छिम आशेर आ सांद थिशो रू नाप्‍ताली आ थेरशो रू दुम्‍ब।
EZE 48:4 मिनु पूर्ब रे पच्‍छिम नाप्‍ताली आ सांद थिशो रू मनस्‍से आ थेरशो रू दुम्‍ब।
EZE 48:5 मिनु पूर्ब रे पच्‍छिम मनस्‍से आ सांद थिशो रू एफ्राइम आ थेरशो रू दुम्‍ब।
EZE 48:6 मिनु पूर्ब रे पच्‍छिम एफ्राइम आ सांद थिशो रू रूबेन आ थेरशो रू दुम्‍ब।
EZE 48:7 मिनु पूर्ब रे पच्‍छिम रूबेन आ सांद थिशो रू यहूदा आ थेरशो रू दुम्‍ब।
EZE 48:8 मिनु पूर्ब रे पच्‍छिम गे यहूदा आ सांद सम्‍म थिशो भाग का तिल्‍चा माल्‍नीनी। मेको २५ हजार कुबीत ब्रेम्‍शो नु आ लाइश्‍शो पूर्ब रे पच्‍छिम सम्‍म थर थर आन कली गेशो थेरशो रू खोदेंशो लाइश्‍शो दुम्‍चा माल्‍ब। मिनु परमप्रभु यावे आ बाक्‍तीक मेको आ दातेम दुम्‍चा माल्‍ब। कुबीत का ०.५ मिटर बाक्‍ब। इजीकीएल ४५:१-८
EZE 48:9 परमप्रभु यावे कली गेशो तिल्‍शो भाग चहिं २५ हजार कुबीत लाइश्‍शो नु २० हजार कुबीत ब्रेम्‍शो दुम्‍चा माल्‍ब।
EZE 48:10 मिनु मेको परमप्रभु यावे कली गेशो तिल्‍शो भाग चढ़ेब आन कली दुम्‍ब। मेको भाग उत्तर गे २५ हजार कुबीत लाइश्‍शो, पच्‍छिम गे १० हजार कुबीत ब्रेम्‍शो, पूर्ब गे १० हजार कुबीत ब्रेम्‍शो नु दक्‍खिन गे २५ हजार कुबीत लाइश्‍शो दुम्‍चा माल्‍ब। मिनु परमप्रभु यावे आ बाक्‍तीक मेको आ दातेम दुम्‍चा माल्‍ब।
EZE 48:11 मिनु मेको परमप्रभु यावे कली चढ़ेब आन भाग दुम्‍चा माल्‍ब। आं गेय पाइब सादोक आ चच युइ आन के दुम्‍ब। मेकोपुकी इस्राएली नु लेवीपुकी हेंथे गाक्‍तेक्‍म हना यो, मेकोपुकी हेंथे मगाक्‍थु, आं गेय पाम्‍तेक्‍म। इजीकीएल ४०:४६
EZE 48:12 मिनु मेको आन कली परमप्रभु यावे कली तिल्‍शो रागी रे आन भाग दुम्‍‍ब। मेको आन नेल्‍ल क्‍येङा चोव़खो बाक्‍तीक भाग, लेवी आन थेरशो रू थिशो बाक्‍‍ब।
EZE 48:13 चढ़ेब आन थेरशो रू आ नेक्‍था लेवी आन थेरशो रू दुम्‍चा माल्‍ब। मेको २५ हजार कुबीत लाइश्‍शो नु २० हजार कुबीत ब्रेम्‍शो दुम्‍चा माल्‍ब। मेको आ लाइश्‍शो नेल्‍ल २५ हजार कुबीत नु आ ब्रेम्‍शो नेल्‍ल १० हजार कुबीत दुम्‍चा माल्‍ब।
EZE 48:14 मिनु मेकोपुकीमी मेको थेरशो रू लेयचा नु फाइक्‍चा मदुम्‍नीम। मेको रू नेल्‍ल क्‍येङा रिम्‍शो बाक्‍ब। मिनु मेको सुइ आन कली गेने मचाप्‍नीम। मारदे हना मेको परमप्रभु यावे आ रू बाक्‍ब।
EZE 48:15 मिनु मेको लीशो ५ हजार कुबीत ब्रेम्‍शो नु २५ हजार कुबीत लाइश्‍शो रू सहर कली बाक्‍ब। मेको मुर बाक्‍तीके नु सहर आ दाते ङा रू दुम्‍चा माल्‍ब।
EZE 48:16 मेको लीशो रू उत्तर गे ४ हजार ५ सहे कुबीत, दक्‍खिन गे ४ हजार ५ सहे कुबीत, पूर्ब गे ४ हजार ५ सहे कुबीत नु पच्‍छिम गे ४ हजार ५ सहे कुबीत दुम्‍चा माल्‍ब। प्रकाश २१:१६
EZE 48:17 मिनु मेको सहर ङा रू दुम्‍चा माल्‍ब। मिनु मेको लीशो सहर ङा रू उत्तर गे सहे निक्‍शी ५० कुबीत, दक्‍खिन गे सहे निक्‍शी ५० कुबीत, पूर्ब गे सहे निक्‍शी ५० कुबीत नु पच्‍छिम गे सहे निक्‍शी ५० कुबीत दुम्‍चा माल्‍ब।
EZE 48:18 मेको परमप्रभु यावे आ बाक्‍तीक आ सांद थिशा लीशो रू पूर्ब गे १० हजार कुबीत नु पच्‍छिम गे १० हजार कुबीत दुम्‍चा माल्‍ब। मेको परमप्रभु यावे आ खिं आ का पटटी गे बाक्‍चा माल्‍ब। मेकेर सहरम गेय पाइब आन कली जचा थोव़क लेयतीक दुम्‍चा माल्‍ब।
EZE 48:19 सहरम गेय पाइब इस्राएल आ थर ङा मुर नेल्‍लेमी मेकेर बाक्‍शा, गेय पाइनीम।
EZE 48:20 गेपुकीमी तिल्‍शो बाक्‍तीक रू नेल्‍ल २५ हजार कुबीत ब्रेम्‍शो नु २५ हजार कुबीत लाइश्‍शो दुम्‍चा माल्‍ब। मेको ४ पाटे दुम्‍ब। मेको परमप्रभु आ भाग नु सहर ङा बाक्‍तीके बाक्‍ब।
EZE 48:21 मेको परमप्रभु यावे आ भाग नु सहर ङा का पटटी गे लीत हना, सासन पाइब के दुम्‍चा माल्‍ब। मेको पूर्ब गे परमप्रभु यावे कली तिल्‍शो २५ हजार कुबीत पूर्ब ङा सांद गे नु पच्‍छिम गे बाक्‍शो २५ हजार कुबीत पच्‍छिम ङा सांद गे बाक्‍ब। मेको आ लाइश्‍शो थर थर आन रू रू गे लाइब। मेको सासन पाइब के दुम्‍ब। मिनु परमप्रभु यावे आ खिं मेको आ दातेम बाक्‍ब। इजीकीएल ४५:७
EZE 48:22 मिनु लेवी आन रू नु सहर ङा रू आन दातेमी मेको सासन पाइब आन रू बाक्‍ब। यहूदा नु बेन्‍यामीन आस दातेमी बाक्‍शो रू यो सासन पाइब आन के बाक्‍ब।
EZE 48:23 मिनु लीशो थर आन कली पूर्ब रे पच्‍छिम सम्‍म बेन्‍यामीन आ थेरशो रू,
EZE 48:24 पूर्ब रे पच्‍छिम सम्‍म बेन्‍यामीन आ सांद थिशो सिमियोन आ थेरशो रू,
EZE 48:25 पूर्ब रे पच्‍छिम सम्‍म सिमियोन आ सांद थिशो इस्‍साकार आ थेरशो रू,
EZE 48:26 पूर्ब रे पच्‍छिम सम्‍म इस्‍साकार आ सांद थिशो जबूलून आ थेरशो रू,
EZE 48:27 पूर्ब रे पच्‍छिम सम्‍म जबूलून आ सांद थिशो गाद आ थेरशो रू,
EZE 48:28 मिनु दक्‍खिन गे गाद आ थेरशो रू ङा सांद तामार रे मेरीबाथ-कादेश ङा ब्‍वाक्‍कु बाक्‍तीक सम्‍म नु इजीप्‍त ङा खोल्‍सा आ नेक्‍था रे पा ठेयब समुन्‍द्र सम्‍म दुम्‍चा माल्‍ब। इजीकीएल ४७:१९
EZE 48:29 गेपुकीम मेको रागी ङा रू इस्राएल आ थर ङा मुर आन कली आन थेरशो रू दुम्‍पाइश्‍शा योक्‍शा गेचा माल्‍नीनी। मिनु मेकोन मेको आन भाग दुम्‍ब” दे परमप्रभु, परमप्रभु यावेमी देंत।
EZE 48:30 परमप्रभु यावेमी “सहर ङा गारो रे लाङगा ग्रूतीक ते दुम्‍चा माल्‍नीम देंशा हना, उत्तर गे ङा गारो पुक्‍शा ४ हजार ५ सहे कुबीत लाइश्‍शो दुम्‍चा माल्‍ब। कुबीत का ०.५ मिटर बाक्‍ब।
EZE 48:31 ठेयब लाप्‍चो आन नें इस्राएल आ थर आन नें खोदेंशो दुम्‍चा माल्‍‍नीम। उत्तर गे ङा गारो ङा ठेयब लाप्‍चो सां, रूबेन आ लाप्‍चो, यहूदा आ लाप्‍चो नु लेवी आ लाप्‍चो दुम्‍नीम।
EZE 48:32 मिनु पूर्ब गे ङा गारो ४ हजार ५ सहे कुबीत लाइश्‍शो दुम्‍चा माल्‍ब। पूर्ब गे ङा गारो ङा ठेयब लाप्‍चो सां, योसेफ आ लाप्‍चो, बेन्‍यामीन आ लाप्‍चो नु दान आ लाप्‍चो दुम्‍नीम।
EZE 48:33 मेको दक्‍खिन गे ङा गारो ४ हजार ५ सहे कुबीत लाइश्‍शो दुम्‍चा माल्‍ब। दक्‍खिन गे ङा गारो ङा ठेयब लाप्‍चो सां, सिमियोन आ लाप्‍चो, इस्‍साकार आ लाप्‍चो नु जबूलून आ लाप्‍चो दुम्‍नीम।
EZE 48:34 मेको पच्‍छिम गे ङा गारो ४ हजार ५ सहे कुबीत लाइश्‍शो दुम्‍चा माल्‍ब। पच्‍छिम गे ङा गारो ङा ठेयब लाप्‍चो सां, गाद आ लाप्‍चो, आशेर आ लाप्‍चो नु नाप्‍ताली आ लाप्‍चो दुम्‍नीम।
EZE 48:35 मिनु सहर आ एर ओंथ हिरशो गारो १८ हजार कुबीत दुम्‍ब। मेना रे मेको सहर आ नें ‘परमप्रभु यावे मेकेर बाक्‍ब’ देंशो नें वोइक्‍चा माल्‍ब” दे परमप्रभु यावेमी देंत। इजीकीएल ४३:७; यसैया ६०:१४; प्रकाश २१:३
DAN 1:1 यहूदा रागीमी येहो-याकीम पिप दुम्‍शो बर्स सां दुम्‍शो बाक्‍माक्‍त। मेना बेबीलोन ङा पिप नेबुकदनेसर जाक्‍शा, यरूसलेम सहर कली पुम्‍ताक्‍मे। २राजा २४:१-२
DAN 1:2 मिनु परमप्रभुमी यहूदा ङा पिप येहो-याकीम कली ब्रुपाइक्‍तु। मिनु परमप्रभुमी आ खिं ङा बोस का निक्‍शी यो मेको कली गेप्‍तु। मिनु नेबुकदनेसरमी मेको बोसपुकी शिनार रागीमी लाइश्‍शा, आ देवता आ खिं ङा मार मार शोंप वोइक्‍तीके कोठाम वोइक्‍तु। शिनार रागी बेबीलोन रागी बाक्‍ब। उत्‍पत्ती ११:२
DAN 1:3 मिनु पिपमी आ दरवार ङा ठेयब गेय पाइब अश्‍पेनास कली “ग्‍याइश्‍शा लाइक्‍चा पुंइसीशो इस्राएली, पिप आ खिं ङा नु ठेयब मुर आन खिं ङा मुर आन कली योव़शा एक चाक्‍को। २राजा २०:१८
DAN 1:4 गे ठिटा वोंइश मुर, मारेइ मदुम्‍शो रिम्‍शो रां पाइश्‍शो, दारशो, शुश निप्‍स पाइश्‍शो, जोक्‍ब तुइक्‍ब, रुप्‍तीके थुं पाइश्‍शो नु पिप आ दरवारमी गेय पने चाप्‍ब आन कली योव़ङो” दे अरेवा बाक्‍त। मिनु मेको आन कली कल्‍दी आन ब्रेक्‍स नु लोव़ शेंचा माल्‍बाक्‍माक्‍त।
DAN 1:5 मिनु पिपमी “मेको आन कली पिप आ खिं ङा जचा थोव़क नु अङगुर शांबु गेचा माल्‍ब” दे अरेशो बाक्‍माक्‍त। मिनु मेको आन कली बर्स सां सम्‍म शेंशा, पिप आ खिंम गेय पपाइक्‍चा कली चाक्‍चा माल्‍बाक्‍माक्‍त।
DAN 1:6 मिनु मेको योव़चा पुंइसीशो आन दातेमी यहूदा आ थर ङा दानीएल, हनान्‍याह, मीशाएल नु अजारयाह बाक्‍तेक्‍म।
DAN 1:7 मिनु दरवार ङा ठेयब गेय पाइबमी मेको आन नें फाइश्‍शा, दानीएल कली बेल्‍त-शजर, हनान्‍याह कली शद्रक, मीशाएल कली मेशक नु अजारयाह कली अबेद-नेगो वोदा बाक्‍त।
DAN 1:8 मिनु दानीएलमी पिप आ गेशो जचा नु तूचा थोव़क जशा तूशा आंम कली ग्रांग्रा दिशो मसेल्‍सीनुङ, दे मिम्‍ता बाक्‍त। मोपतीके दानीएलमी पिप आ ठेयब गेय पाइब कली “आं कली मोदेंशो जचा तूचा गेशा, ग्रांग्रा दिशो दुम्‍चा मगेयीनी” दे पुंइतु। लेवी ११:-
DAN 1:9 मिनु परमप्रभुमी पिप आ ठेयब गेय पाइब आ थुंमी दानीएल कली शिशी पा दाक्‍तीकेमी प्रिंदा बाक्‍त। उत्‍पत्ती ३९:२१
DAN 1:10 मिनु पिप आ ठेयब गेय पाइबमी दानीएल कली “गो आं प्रभु, आं पिप नु शुश हिंनुङ। मेकोमी इन कली मार मार जचा तूचा थोव़क गेचा, दे अरेशो बाक्‍त। मेकोमी इन वारच क्‍येङा इन कली गेयशो ताप्‍तु हना, आं कली साइक्‍ब” दें‍त।
DAN 1:11 मिनु नोले दानीएलमी पिपमी आ दरवार ङा ठेयब गेय पाइब आन कली कोव़ब मुर कली, आंम आ पर्बम नु हनान्‍याह, मीशाएल नु अजारयाह आन पर्बम लोव़ पाप्‍तु।
DAN 1:12 मिनु दानीएलमी “गे इन गेय पाइब आंइ कली १० नाक्‍त सम्‍म कोव़ङीन। जचा कली गिग खाइ नु तूचा कली ब्‍वाक्‍कु ला गेकी।
DAN 1:13 मिनु नोले गो आंइ कली पिप आ गेशो, आ खिं ङा जचा थोव़क जाइब तूबपुकी नु थाप्‍शा कोव़की। मिनु दोदेंशो ताइनीनी मोदेंशो पाइक्‍की” दे माइक्‍तु।
DAN 1:14 मिनु कोव़बमी मेको लोव़ बिश्‍शा, १० नाक्‍त सम्‍म आन देंशो खोदेंशो पाप्‍तु।
DAN 1:15 मिनु १० नाक्‍त जाक्‍दीम्‍मेनु, पिप आ गेशो जचा थोव़क जाइब ठिटा नेल्‍ल आन क्‍येङा दानीएल नु आ वारच रिम्‍शो नु दोम्‍शो तांइसाक्‍म।
DAN 1:16 मोपतीके मेको कोव़बमी मेको आन कली गेचा देंशो पिप आ जचा तूचा थोव़क प्रोंइशा, गिग खाइ ला गेम्‍तीमी।
DAN 1:17 मिनु परमप्रभुमी मेको ४ जना आन कली नेल्‍ल ब्रेक्‍तीकेमी नु तुइक्‍तीकेमी जोक्‍ब तुइक्‍ब सेला बाक्‍त। मिनु दानीएल कली मार पचा, दे ततीके नु ङोमु रुप्‍तीक थुं यो गेप्‍तु। इजीकीएल २८:३
DAN 1:18 मिनु पिप आ देंशो नाक्‍ती आ दरवार ङा ठेयब गेय पाइबमी मेको ठिटा नेल्‍ल आन कली पिप नेबुकदनेसर आ ङोंइती राप्‍पाइक्‍तीमी।
DAN 1:19 मिनु पिपमी मेकोपुकी नु लोव़ पाप्‍तु। मिनु दानीएल, हनान्‍याह, मीशाएल नु अजारयाह खोदेंशो जोक्‍ब तुइक्‍ब आ रागीमी अरु सुइ मथिद। मोपतीके मेको ४ जना पिप आ दरवारम गेय पचा कली योव़चा पुंइसाक्‍म।
DAN 1:20 मिनु पिपमी आ माल्‍शो रुप्‍तीके नु तुइक्‍तीके आ पर्बम हिल्‍लो पवानु, आ रागी ङा जादू नु मन्‍तर तन्‍तर पाइब नेल्‍ल आन क्‍येङा मेको ४ जना आन कली १० खेयप शुश जोक्‍ब तुइक्‍ब ताप्‍तु।
DAN 1:21 मिनु दानीएलमी पिप कोरेस आ सासन पशो आ ङोंइती ङा बर्स सम्‍म मेकेर गेय पाप्‍तु। एज्रा १:१
DAN 2:1 मिनु पिप नेबुकदनेसर आ सासन पशो बर्स निक्‍शी जाक्‍दीम्‍मेनु, मेको पिपमी ङोमु का तवा बाक्‍त। मिनु ङोमु तशा नोले मेको मार पङ, दो पङ दुम्‍शा, आं थुं ग्‍येत्‍थ लुक्‍च दुम्‍शा, लेंशा इप्‍ने मचबा बाक्‍त।
DAN 2:2 मिनु मेको पिपमी आ ङोमु मार बाक्‍मे, दे तुइक्‍चा कली “जादू, मन्‍तर तन्‍तर पाइब, टुना मुना पाइब नु सोरुल कोव़ब कल्‍दी आन कली चाक्‍चा माल्‍नीनी” दे हुकुम पाप्‍तु। मिनु मेकोपुकी पिप आ ङोंइती जाक्‍शा राप्‍तेक्‍म। यसैया ४७:१२-१३
DAN 2:3 मिनु पिपमी मेको आन कली “गो ङोमु का ताता। मेको तशा, आं थुं ग्‍येत्‍थ लुक्‍च दुम्‍त” देंत।
DAN 2:4 मिनु सोरुल कोव़ब कल्‍दीपुकीमी आरामेइक लोव़ पा पिप कली “पिप, शुश ब्रोंइशा बाक्‍कीन। इन वाइल आन कली इन तशो ङोमु शोव़ङीन। मिनु गो, इन वाइलपुकीमी, मेको रे मार रुम्‍सीबा मेको शेंनीकी” देंतेक्‍म।
DAN 2:5 मिनु पिपमी सोरुल कोव़ब कल्‍दी आन कली “गो मेको आ पर्बम हुकुम पाता। गेपुकीमी आं ङोमु नु मेको रे मार रुम्‍सीबा, मेको शोव़ने मचाप्‍तीनी हना, इन गुइ खोइल ख्रोइश्‍शा, साइक्‍नन्‍नी। मिनु इन खिं प्रेश्‍शा गेनन्‍नी।
DAN 2:6 तन्‍न आं तशो ङोमु नु मेको रे मार रुम्‍सीबा, मेको शोव़तीनी हना, गो इन कली मार मार रिम्‍शो थोव़क, इनाम नु ठेयब मान गेनुङ। मोपतीके आं तशो ङोमु शोव़शा, मेको रे मार रुम्‍सीबा, शेंदीनी” दे माइक्‍तीमी।
DAN 2:7 मिनु मेकोपुकीमी लेंशा पिप कली “पिपमी इन वाइल, आंइ कली ङोंइती इन तशो ङोमु शोव़ङीने। मिनु नोले गोपुकीमी मेको रे मार रुम्‍सीबा इन कली शेंनीकी” देंतेक्‍म।
DAN 2:8 मिनु पिपमी “गो थमा पा तुइक्‍नुङ, गेपुकीमी आं कली क्‍योल्‍नीनी। मारदे हना इन कली साइक्‍तीक हुकुम थमा बाक्‍ब।
DAN 2:9 गेपुकीमी आं कली आं तशो ङोमु शोव़ने मचाप्‍तीनी हना, गे साइक्‍चा पुंइसीनीनी। गे आं कली जोल पा, शेंखु पतीक आ पर्बम गारशो बाक्‍नीनी। मोपतीके आं कली आं तशो ङोमु मशोव़तीनी हना, आ अर्थ मार बाक्‍बा, दे शेंने मचाप्‍नीनी, दे तुइक्‍नुङ” दे माइक्‍तीमी।
DAN 2:10 मिनु सोरुल कोव़ब कल्‍दीपुकीमी पिप कली “एको रागी नेल्‍लेमी पिप आ हिल्‍लो पशो लोव़ शोव़ने चाप्‍ब सुइ मबाक्‍नीम। ठेयब नु सक्ति पाइश्‍शो पिपमी जादू, मन्‍तर तन्‍तर पाइब नु सोरुल कोव़ब कल्‍दी आन कली सुइम मोदेंशो लोव़ गेनायो हिल्‍लो मपाम।
DAN 2:11 पिपमी हिल्‍लो पशो लोव़ सुइमी शोव़ने मचाप्‍चा ङा बाक्‍ब। देवी देवतामी ला तुइक्‍पाइक्‍ने चाप्‍नीम। तन्‍न मेको देवी देवता मुर आन दातेमी मबाक्‍नीम” देंतेक्‍म।
DAN 2:12 मिनु मेको लोव़ नेंशा, पिप शुश गाइश्‍शा, बेबीलोन रागीम बाक्‍ब जोक्‍ब तुइक्‍ब नेल्‍ल आन कली साइक्‍चा नम, दे हुकुम पाप्‍तु।
DAN 2:13 मिनु पिपमी जोक्‍ब तुइक्‍ब मुर नेल्‍ल आन कली साइक्‍चा माल्‍ब देंशो लोव़ ब्रेक्‍शा ग्रुंइताक्‍व। मिनु मेको देंशो खोदेंशो पा दानीएल नु आ वारच आन कली यो साइक्‍चा कली माल्‍तेक्‍म।
DAN 2:14 मिनु दानीएलमी मेको नेंशा, शुश मिम्‍शा, पिप आ साइक्‍तीक गेय पाइब अरयोक नु लोव़ पाप्‍तु। मेको बेबीलोन ङा जोक्‍ब तुइक्‍ब मुर आन कली साइक्‍चा कली लशो बाक्‍त। दानीएल १:२०
DAN 2:15 मिनु दानीएलमी मेको पिप आ गेय पाइब कली “मारदे पिप आ हुकुम मोदेंशो रीब पा पचा माल्‍नीमी? दे हिल्‍लो पाप्‍तु। मिनु अरयोकमी दानीएल कली नेल्‍ल शेंताक्‍व।
DAN 2:16 मिनु मेको तुइक्‍ता नोले दानीएल पिप आ बाक्‍तीकेम लशा ‘इच्‍का नाक्‍त रिम्‍दीन। मिनु गो मेको ङोमु नु मेको आ अर्थ इन कली शोव़नन्‍नी’ ” दे पुंइतु।
DAN 2:17 मिनु नोले दानीएल आ खिं लशा, आ वारच हनान्‍याह, मीशाएल नु अजारयाह आन कली मेको लोव़ नेंपाइक्‍तु।
DAN 2:18 दानीएलमी मेको आन कली “गोपुकी नु बेबीलोन ङा जोक्‍ब तुइक्‍ब नेल्‍ल साइक्‍चा मपुंइसीचा कली स्‍वर्ग ङा परमप्रभु कली मेको ख्रुइश्‍शो ङोमु तुइक्‍पांइसीचा कली आ शिशी पुंइय” देंत।
DAN 2:19 मिनु मेको नाक्‍दो परमप्रभुमी दानीएल कली कोंइतीकेमी मेको ख्रुइश्‍शो ङोमु नु आ अर्थ कोंइताक्‍व। मिनु दानीएलमी स्‍वर्ग ङा परमप्रभु कली
DAN 2:20 “परमप्रभु, इन नें गेना हना यो ठेयब बाक्‍ब। मारदे हना सक्ति नु जोक्‍ब तुइक्‍ब थुं इन केन बाक्‍ब।
DAN 2:21 गे हिउंद नु बर्खा फाइक्‍ब, पिप आन कली वोइक्‍ब नु तिल्‍ब बाक्‍नीनी। गे जोक्‍ब तुइक्‍ब आन कली तुइक्‍तीक थुं गेनीनी। मिनु रुप्‍ब थुं पाइश्‍शो मुर आन कली जोक्‍तीक थुं गेनीनी। दानीएल ४:१४,२२,२९
DAN 2:22 गे ठेयब नु ख्रुइश्‍शो लोव़ तुइक्‍पाइक्‍नीनी। छिङछिङम बाक्‍शो मारेइ मारेइ नेल्‍ल तुइक्‍नीनी। मारदे हना गे छेङछेङम बाक्‍नीनी।
DAN 2:23 आं किकी पिपी आन परमप्रभु, गो इन कली ‘गे रिम्‍शो पाइब बाक्‍नीनी। गे नेल्‍ल क्‍येङा ठेयब बाक्‍नीनी। मारदे हना गे आं कली तुइक्‍तीक थुं नु सक्ति गेतीनी। मिनु आंइ पुंइशो नेल्‍ल गेतीनी। पिप आ तुइक्‍चा माल्‍शो नेल्‍ल आंइ कली तुइक्‍पाइक्‍तीनी’ ” दे परमप्रभु कली ठेयब सेल्‍शा, देंत।
DAN 2:24 मिनु दानीएल बेबीलोन रागी ङा जोक्‍ब तुइक्‍ब मुर नेल्‍ल आन कली साइक्‍चा, दे योव़चा पुंइसीशो मुर अरयोक आ बाक्‍तीकेमी लशा, मेको कली “बेबीलोन रागी ङा जोक्‍ब तुइक्‍ब मुर आन कली मसतीन। आं कली पिप आ ङोंइती चाक्‍दीय्‍यीनी। मिनु गो पिप कली आ ङोमु शोव़नुङ। मिनु मेको रे मार रुम्‍सीबा नेल्‍ल शेंनुङ” देंत।
DAN 2:25 मिनु अरयोकमी दानीएल कली दोरोर पा पिप आ ङोंइती चाक्‍दीश्‍शा, पिप कली “गो यहूदा रागी रे ग्‍याइश्‍शा चाक्‍चा पुंइसीशो मुर आन दातेमी इन ङोमु आ अर्थ शोव़ने चाप्‍ब मुर का थित्‍ता” देंत।
DAN 2:26 मिनु पिपमी बेल्‍त-शजर नें वोइश्‍शो दानीएल कली “गे आं तशो ङोमु शोव़शा, मेको आ अर्थ मार बाक्‍बा मेको शेंने चाप्‍नेवे?” दे हिल्‍लो पाप्‍तु।
DAN 2:27 मिनु दानीएलमी पिप कली “पिप, इन हिल्‍लो पशो ख्रुइश्‍शो लोव़ जोक्‍ब तुइक्‍ब, मन्‍तर तन्‍तर पाइब जादू नु चिन्‍ड आ अर्थ तुइक्‍ब सुइमी यो देंने मचाप्‍नीम।
DAN 2:28 तन्‍न स्‍वर्गमी परमप्रभु का बाक्‍ब। मेकोमी ख्रुइश्‍शो लोव़ कोंइब। मिनु मेकोमी पिप नेबुकदनेसर, इन कली रागी नुप्‍ची ना मार दुम्‍बा, दे कोंइशो बाक्‍ब। मिनु इन इप्‍ची ना तशो ङोमु मार बाक्‍त देंशा हना, उत्‍पत्ती ४१:१६
DAN 2:29 गे इन इप्‍ची ना नोले ‘मार दुम्‍बा?’ दे मिम्‍ताक्‍नी। मिनु नोले मार दुम्‍बा, दे कोंइबमी मेको इन कली तुइक्‍पाइक्‍तु।
DAN 2:30 गो मुर नेल्‍ल आन क्‍येङा शुश रुप्‍ने मचाप्‍नुङ। तन्‍न इन ङोमु आ अर्थ तुइक्‍पाइक्‍चा नु इन थुं ङा लोव़ रुप्‍पाइक्‍चा कली परमप्रभुमी मेको आं कली तुइक्‍पाइश्‍शो बाक्‍त। उत्‍पत्ती ४१:३९
DAN 2:31 हजुर, गे कोव़शा बाक्‍नीनु, इन ङोंइती ठेयब मूर्ति का राप्‍शो ताइतीनी। मेको मूर्ति थम ठेयब नु थाम्‍पान टल्‍केशो बाक्‍त। मिनु इन ङोंइती शुश हिंचा ङा मूर्ति का राप्‍शो ताइतीनी।
DAN 2:32 मेको आ पिया क्‍येख सुन के बाक्‍त। आ कुचु नु गुइ चांदी के नु आ कोव़ज नु फिला कांसा के बाक्‍तेक्‍म।
DAN 2:33 मेको आ पोक्‍च फलाम के बाक्‍‍त। मिनु आ खोइली फलाम नु खप ब्‍वांइसीशो बाक्‍‍त।
DAN 2:34 गे मेको कली कोव़शा बाक्‍नीनु, फुल्‍लु का यित। तन्‍न मेको फुल्‍लु मुर आन गुइम मख्रोइश्‍शो बाक्‍त। मेकोमी मूर्ति आ फलाम नु खप ब्‍वांइसीशो खोइलीमी ख्राप्‍तु। मिनु मेको मूर्ति कली प्रोल्‍शा, रोब चिब सेल्‍तु
DAN 2:35 मिनु मेको फलाम, खप, कांसा, चांदी नु सुन नेल्‍ल ब्रोल चिल दुम्‍तेक्‍म। मिनु फशेमी खला ङा भूस हुरशा लाइश्‍शो खोदेंशो पा मारेइ मवोइक्‍थु, ग्‍यौ फिक्‍शा योल्‍ताक्‍व। मिनु मेको मूर्ति कली ख्रशो फुल्‍लु बारना बारन लशा, ठेयब डांडा दुम्‍शा, रागी नेल्‍ल ब्रीत।
DAN 2:36 इन तशो ङोमु एकोन बाक्‍त। मुल पिप इन कली मेको ङोमु आ अर्थ शेंनुङ।
DAN 2:37 हजुर, गे पिप आन पिप बाक्‍नीनी। स्‍वर्ग ङा परमप्रभुमी इन कली राज्‍य, सक्ति, अधिकार नु शुश मान गेशो बाक्‍ब। इजीकीएल २६:७
DAN 2:38 मिनु मेकोमी तेइ तेइ बाक्‍ब मुर, ब्‍वाकी ङा जन्‍तु नु सरीङम बेरब चिक्‍ब नेल्‍ल आन कली इन कली गेशो बाक्‍ब। मिनु गे मेको नेल्‍ल आन कली सासन पाइनीनी। गे मेको मूर्ति आ सुन के पिया बाक्‍नीनी। येरमीया २७:६; येरमीया २८:१४
DAN 2:39 मिनु इन नोले इन क्‍येङा ग्‍युम्‍शो राज्‍य का जाक्‍ब। मिनु मेको आ नोले ङा अरु कांसा के खोदेंशो राज्‍य का जाक्‍ब। मिनु मेकोमी रागी नेल्‍ल आन कली अधिकार पाइब।
DAN 2:40 मिनु मेको आ नोले फलाम खोदेंशो बोल्‍यो अर्को राज्‍य का जाक्‍ब। दोपा फलाममी मारेइ मारेइ रोबल चिबल सेल्‍बा, मोपान मेको राज्‍यमी अर्को राज्‍य नेल्‍ल आन कली ब्रोले चीले पा तेइ तेइ फ्राइब।
DAN 2:41 मिनु इन तशो फलाम नु खप ब्‍वांइसीशो खोइली नु ब्रेप्‍चोपुकी खोदेंशो पा ब्राशो राज्‍य का यो जाक्‍ब। तन्‍न मेको राज्‍य फलाम खोदेंशो इच्‍का बोल्‍यो बाक्‍ब। मेको फलाम खप ब्‍वांइसीशो बाक्‍त हना यो, मेको फलाम खोदेंशो पा इच्‍का बोल्‍यो बाक्‍ब।
DAN 2:42 मिनु खोइली ङा ब्रेप्‍चोपुकी फलाम नु खप ब्‍वांइसीशो बुद पा मेको राज्‍य सक्ति पाइश्‍शो बोल्‍यो नु सक्ति मपाइश्‍शो बाक्‍ब।
DAN 2:43 इन तशो फलाम नु खप ब्‍वांइसीशो खोदेंशो पा मेको राज्‍य ङा मुरपुकी ग्‍युंबे पा ब्‍वांइसीनीम। मिनु फलाम नु खप मगारशो बुद पा मेको राज्‍य यो का दुम्‍शा, लीने मचाप्‍ब।
DAN 2:44 मेको पिप आन पालामी स्‍वर्ग ङा परमप्रभुमी अर्को राज्‍य का सेल्‍ब। मेको राज्‍य गेनायो ब्रोल चिल मदुम्‍ब। मेको राज्‍य ङा मुर खाल का ङा बाक्‍नीम। मेकोमी अरु राज्‍य नेल्‍ल आन कली रोब चिब पा थुम्‍पाइक्‍ब। तन्‍न मेको आ राज्‍य गेना हना यो लीब। दानीएल १४:२७; यसैया ९:६; १कोरिन्‍थी १५:२४; प्रकाश ११:१५
DAN 2:45 मिनु गे दोदेंशो पा मुरुमी मख्रोइक्‍थु डांडा रे फुल्‍लु का यिशो ताइतीनी। मिनु मेकोम फलाम, कांसा, खप चांदी नु सुन नेल्‍ल कली रोबल चिबल पोक्‍गा, मोदेंशो पा ठेयब परमप्रभुमी ‘नोले मार दुम्‍बा’ दे पिप, इन कली कोंइशो बाक्‍ब। एको ङोमु नु आ अर्थ यो थमा बाक्‍ब” देंत।
DAN 2:46 मिनु पिप नेबुकदनेसरमी खुम्‍की पा दानीएल आ ङोंइती बाप्‍शा, मेको कली ठेयब सेल्‍तु। मिनु “दानीएल कली अन्‍न नु धूप चढ़ेचा” दे हुकुम पाप्‍तु।
DAN 2:47 मिनु पिपमी दानीएल कली “थमान, इन परमप्रभु देवी देवता आन परमप्रभु नु पिप आन परमप्रभु बाक्‍ब। मिनु ख्रुइश्‍शो लोव़ तुइक्‍पाइक्‍ब बाक्‍ब। मोपतीके गे एको ख्रुइश्‍शो लोव़ रुप्‍पाइक्‍ने चाप्‍तीनी” देंत। दानीएल ३:२९; यहोसु २:११; भजन संग्रह ८६:८; यसैया ४२:८
DAN 2:48 मिनु पिपमी दानीएल आ मान बारपाइक्‍तु। मिनु शुश शोंप गेप्‍तु। मिनु बेबीलोन रागी नेल्‍ल कली हुकुम पाइब नु जोक्‍ब तुइक्‍ब मुर नेल्‍ल आन ठेयब मुर सेल्‍तु।
DAN 2:49 मिनु दानीएलमी “शद्रक, मेशक नु अबेद-नेगो आन कली बेबीलोन रागी ङा सासन पतीक गेय गेचा” दे पिप नु लोव़ पा पुंइतु। दानीएल चहिं पिप आ दरवारमीन बाक्‍त। दानीएल ३:१२
DAN 3:1 मिनु पिप नेबुकदनेसरमी सुन के मूर्ति का सेल्‍तु। मेको मूर्ति ६० कुबीत ग्‍येत्‍थ लाइश्‍शो नु ६ कुबीत पित्‍थ ब्रेम्‍शो बाक्‍त। मिनु मेको कली बेबीलोन ङा दुरा माइश्‍शो दिंममी राप्‍पाइश्‍शा वोइक्‍तु। कुबीत का आधा मिटर खोदेंशो बाक्‍ब।
DAN 3:2 मिनु पिप नेबुकदनेसरमी मेको मूर्ति सेल्‍ने थुम्‍शा, पूजा गोतीके नाक्‍त मानेचा कली पारसी रागी ङा हुकुम पाइब नेल्‍ल, अर्ती गेब, क्‍येट कोव़शा हिक्‍ब, निसाफ पाइब, लल पिया आन ठेयब मुर नु सरकार ङा अधिकार ताइब नेल्‍ल आन कली ब्रेत्‍ताक्‍व।
DAN 3:3 मिनु मेको पारसी रागी ङा हुकुम पाइब नेल्‍ल, अर्ती गेब, क्‍येट कोव़शा हिक्‍ब, निसाफ पाइब, लल पिया आन ठेयब मुर नु सरकार ङा अधिकार ताइब नेल्‍ल पिप नेबुकदनेसर आ राप्‍पाइश्‍शो मूर्ति कली पूजा गोतीक नाक्‍ती बुक्‍तेक्‍म। मिनु मेकोपुकी मेको मूर्ति आ ङोंइती राप्‍शा बाक्‍मानु,
DAN 3:4 लोव़ पाइब मुर कामी ठेयब सेंदा पा “नेनीन, जात जात ङा, रागी रागी ङा नु आंम आंम लोव़ पाइब मुर नेल्‍ल, इन कली अरेतीके लोव़ का बाक्‍ब।
DAN 3:5 गे ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, पिप नेबुकदनेसरमी राप्‍पाइश्‍शो सुन के मूर्ति आ ङोंइती खुम्‍की पा बाप्‍शा, सेउ पचा माल्‍नीनी।
DAN 3:6 मिनु सु सुमी मोदेंशो मपाइनीमी, मेको ठेयब मी ब्रतीकेमी हुम्‍चा पुंइसीनीम” दे ठेयब सेंदामी तुइक्‍पाइश्‍शा देंत।
DAN 3:7 मोपतीके मुर नेल्‍लेमी ग्रोव़, मुराली, तार पाइश्‍शो ठेयब, आइक्‍च नु मार मार ताप्‍तीके ताप्‍शो नेन्‍मे चोटीन नेबुकदनेसर आ राप्‍पाइश्‍शो सुन के मूर्ति आ ङोंइती जात जात ङा, रागी रागी ङा नु आंम आंम लोव़ पाइब मुर नेल्‍लेमी खुम्‍की पा बाप्‍शा सेउ पाम्‍तेक्‍म।
DAN 3:8 मिनु मेना कल्‍दी का निक्‍शी पिप आ बाक्‍तीकेमी जाक्‍शा, यहूदी आन पर्बम लोव़ पा मेको आन कली दोस गेम्‍तेक्‍म।
DAN 3:9 मिनु मेकोपुकीमी पिप नेबुकदनेसर कली “पिप, गे गेना हना यो ब्रोंइशा बाक्‍कीन।
DAN 3:10 हजुर, गे ङोंइती ‘सुइ सुइमी ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, सुन के मूर्ति आ ङोंइती खुम्‍की पा बाप्‍शा, सेउ पचा माल्‍नीम। दानीएल ६:१३
DAN 3:11 मिनु सु सुमी खुम्‍की पा सेउ मपाइनीमी, मेको ठेयब मी ब्रतीकेमी हुम्‍चा पुंइसीनीम’ दे हुकुम पाइतीनी।
DAN 3:12 मिनु इन वोइश्‍शो बेबीलोन रागी कली सासन पाइब का निक्‍शी यहूदी बाक्‍नीमी। मेको आन नें शद्रक, मेशक नु अबेद-नेगो बाक्‍ब। मेकोपुकी इन कली काइ मटीब बाक्‍नीम। मिनु इन देवी देवता आन कली पूजा मपाइनीम। मिनु इन राप्‍पाइश्‍शो सुन के मूर्ति आ ङोंइती यो खुम्‍की पा बाप्‍शा सेउ मपामे” देंतेक्‍म।
DAN 3:13 मिनु मेको नेंशा, पिप नेबुकदनेसर शुश गाइश्‍शा, चुरशा “शद्रक, मेशक नु अबेद-नेगो आन कली आं ङोंइती चाक्‍कीन” दे हुकुम पाप्‍तु। मिनु मेको आन कली चाक्‍शा, पिप आ ङोंइती राप्‍पाइक्‍तेक्‍म।
DAN 3:14 मिनु नेबुकदनेसरमी मेको आन कली “शद्रक, मेशक, नु अबेद-नेगो, गेपुकीमी आं देवी देवता आन कली सेउ मपाइनीनी? मिनु आं सेल्‍शो सुन के मूर्ति कली यो सेउ मपनी देंशो लोव़ थमा बाक्‍बा?
DAN 3:15 गेपुकीमी मुल ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, आं सेल्‍शो मूर्ति आ ङोंइती खुम्‍की पा बाप्‍शा, सेउ पाइतीनी हना, मेको इन कली रिम्‍शो दुम्‍ब। तन्‍न खुम्‍की पा बाप्‍शा, सेउ मपाइतीनी हना, इन कली ठेयब मी ब्रतीकेमी बो हुम्‍चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्‍म?” दे माइक्‍तीमी। प्रस्‍थान ५:२; २राजा १८:३५
DAN 3:16 मिनु शद्रक, मेशक नु अबेद-नेगोमी पिप कली “हजुर, पिप नेबुकदनेसर, गो मेको आ पर्बम इन कली मारेइ लोव़ पचा ममाल्‍नीकी।
DAN 3:17 गो आंइ परमप्रभु कली ठेयब सेल्‍नीकी। मेकोमी आंइ कली मेको ठेयब मी ब्रतीके रे प्रोंइने चाप्‍बा कों, मचाप्‍बा। तन्‍न इन गुइ रे प्रोनल। ब्‍यवस्‍था ४:२०; भजन संग्रह ६६:१२
DAN 3:18 तन्‍न आंइ कली मप्रोंइतु हना यो, हजुर, इन कली एको लोव़ तुइक्‍पाइक्‍चा दाक्‍नीकी ‘गोपुकी इन देवी देवता आन कली सेउ मपाइनीकी। मिनु इन राप्‍पाइश्‍शो सुन के मूर्ति आ ङोंइती खुम्‍की पा मबाप्‍नीकी’ देंतेक्‍म” दे पिप कली माइक्‍तेक्‍म। प्रस्‍थान २०:३-५
DAN 3:19 मिनु मेको नेंशा नेबुकदनेसर शद्रक, मेशक नु अबेद-नेगो आन कली तशा, थाम्‍पान गाइश्‍शा, आ कुल राव किक्‍पाइक्‍तु। मिनु मेकोमी “ब्रशो मी कली ङोंइती क्‍येङा ७ खेयप नाप्‍शो सेल्‍चा माल्‍ब” दे हुकुम पाप्‍तु।
DAN 3:20 मिनु मेकोमी आ लडाइ पाइब आन नेल्‍ल क्‍येङा बोल्‍यो मुर आन कली “शद्रक, मेशक नु अबेद-नेगो आन कली फ्रेंशा, मेको ठेयब मी ब्रतीकेमी हुम्‍चा” दे हुकुम पाप्‍तु।
DAN 3:21 मिनु मेकोपुकीमी मेको आन कली आन फेक्‍शो वा नु ताकी सुन्‍दा फ्रेंशा, ठेयब मी ब्रतीकेमी हुम्‍ताक्‍म।
DAN 3:22 मारदे हना पिपमी “रीब पा पने” दे हुकुम पाप्‍तु। मिनु मेको मीम शद्रक, मेशक नु अबेद-नेगो आन कली हुम्‍थ लाइक्‍ब आन कली ग्रु दाक्‍तु।
DAN 3:23 मिनु मेको शद्रक, मेशक नु अबेद-नेगो सांफा फ्रेंसीशा, ठेयब मी ब्रतीकेमी दोक्‍तेक्‍म।
DAN 3:24 मिनु पिप नेबुकदनेसर थाम्‍पान छक लाक्‍शा, छुल बोक्‍शा, आ अर्ती गेब आन कली “गोपुकीमी मुर सां आन कली फ्रेंशा, मीम हुम्‍शो मनकी ङा?” दे हिल्‍लो पाप्‍तु। मिनु मेकोपुकीमी “हुम्‍ताक्‍क, हजुर” देंशा, लोव़ लेत्‍त‍ाक्‍म।
DAN 3:25 मिनु पिपमी मेको आन कली “तन्‍न कोव़ङीन, मफ्रेंसीशो ४ जना मुर मी ब्रतीकेमी एर ओंथ हिरना हिरन बाक्‍नीम। मीम मेको आन कली मदुप्‍शो तांइसीनीम। मिनु का आ कुल देवी देवता आस तौ आ कुल खोदेंशो तांइसाक्‍व” देंत। यसैया ४३:२
DAN 3:26 मिनु पिप नेबुकदनेसर मेको ठेयब मी ब्रतीके आ लाप्‍चो आ नेक्‍था लशा, मेकोमी “शद्रक, मेशक नु अबेद-नेगो नेल्‍ल क्‍येङा ठेयब परमप्रभु आ मुर ग्रूशा, एक पिन” दे ब्रेत्‍ताक्‍मी। मिनु शद्रक, मेशक नु अबेद-नेगो मेको मी रे ग्रूतेक्‍म।
DAN 3:27 मिनु मेको पारसी रागी ङा हुकुम पाइब नेल्‍ल नु पिप कली अर्ती गेब नेल्‍ल बुक्‍शा “मीम एको सां आन कली मारेइ मपव। आन चां यो मग्रोंइश्‍शो बाक्‍त। मिनु आन वा यो मग्रोइक्‍थु, मी आ रिना यो मबाक्‍शो बाक्‍त” देंतेक्‍म। हिब्रू ११:३३-३४
DAN 3:28 मिनु नेबुकदनेसरमी “शद्रक, मेशक नु अबेद-नेगो आन परमप्रभु नेल्‍ल क्‍येङा ठेयब बाक्‍ब। मेकोमी आ स्‍वर्ग ङा गेय पाइब सोइश्‍शा, आ कली थमा सुइक्‍ब आन कली प्रोंइतु। मारदे हना मेकोपुकीमी पिप, आं देंशो मबित्‍थु, साइक्‍चा पुंइसीब दुम्‍शा यो, आंम परमप्रभु कली ङा लाक्‍शा, अर्को तेकोइ देवी देवता आन ङोंइती बाप्‍शा सेउ मपामे। दानीएल ६:२३
DAN 3:29 मोपतीके गो ‘जात जात ङा, रागी रागी ङा नु आंम आंम लोव़ पाइब मुर नेल्‍ल, सु सुमी शद्रक, मेशक नु अबेद-नेगो आन परमप्रभु आ पर्बम मरिम्‍शो लोव़ पा शुक्‍शी पाइनीमी, मेको आन गुइ खोइल ख्रोइश्‍शा साइक्‍चा पुंइसीनीम। मिनु मेको आन खिं यो प्रेश्‍शा गेचा पुंइसीनीम’ दे हुकुम पाइनुङ। मारदे हना मेको आन परमप्रभु का ला बाक्‍ब। देवी देवताम मोदेंशो पा प्रोंइने मचाप्‍नीम” देंत। दानीएल २:४७
DAN 3:30 मिनु पिपमी शद्रक, मेशक नु अबेद-नेगो आन कली बेबीलोन रागी ङा ङोंइती क्‍येङा ठेयब मुर सेल्‍तु।
DAN 4:1 मिनु पिप नेबुकदनेसरमी जात जात नु रागी रागी ङा आंम आंम लोव़ पाइब नेल्‍ल आन कली “गे थुं नाइश्‍शा बाक्‍कीन। दानीएल ६:२५
DAN 4:2 नेल्‍ल क्‍येङा ठेयब परमप्रभुमी आं कली चिन्‍ड नु छक लाक्‍चा ङा गेय कोंइताक्‍यी। मिनु मेको लोव़ इन कली शेंचा रिम्‍शो लाक्‍ती।
DAN 4:3 मेको आ कोंइशो चिन्‍ड गिश ठेयब बाक्‍नीमी। मिनु आ छक लाक्‍चा ङा गेय गिश सक्ति पाइश्‍शो बाक्‍नीमी। आ राज्‍य गेना हना यो ली‍ब। मिनु आ अधिकार यो गेना हना यो लीब। दानीएल २:४४; दानीएल ४:३१; दानीएल ६:२७; दानीएल ७:१४,२७; भजन संग्रह १४५:१३
DAN 4:4 गो, नेबुकदनेसर, आं खिंमी मारेइ मारेइमी गाप्‍शा, आं दरवारमी थुं नाइश्‍शा बाक्‍शो नङ।
DAN 4:5 मिनु गो आं दरवारम बाक्‍ङानु, ङोमु का ताता। मेको तशा, थाम्‍पा हिंती। आं थुंमी मार मार मिम्‍शा, मेको कोंइतीके तशा, ख्रिंख्रि पाता।
DAN 4:6 मिनु गो बेबीलोन रागी ङा जोक्‍ब तुइक्‍ब मुर नेल्‍ल आन कली ‘आं ङोमु रे मार रुम्‍सीबा’? मेको तुइक्‍पांइसीचा कली आं बाक्‍तीकेमी ब्रेत्‍ताक्‍ङमी।
DAN 4:7 मिनु जादू, मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ तुइक्‍ब जाक्‍तेक्‍म। मिनु गो मेको आन कली ‘गो ङोमु का ताता’ दे शोव़ता। तन्‍न मेकोपुकीमी आं कली आं ङोमु रे मार रुम्‍सीबा, मेको शेंने मचबेम।
DAN 4:8 मिनु नेल्‍ल क्‍येङा नोले दानीएल आं ङोंइती जाक्‍त। मेको आ नें आं देवता आ नें खोदेंशो पा बेल्‍त-शजर बाक्‍त। मिनु मेको आ आगाम नेल्‍ल क्‍येङा ठेयब देवता आ सोक्‍त बाक्‍त। मिनु मेको कली गो ङोमु का ताता” दे शोव़ता। दानीएल ५:११,१४
DAN 4:9 मिनु गो मेको कली “बेल्‍त-शजर, जादू पाइब आन ठेयब मुर, इ आगाम नेल्‍ल क्‍येङा ठेयब देवी देवता आन सोक्‍त बाक्‍त। मिनु ख्रुइश्‍शो लोव़ मारेइ मारेइ शेंने चाप्‍ब बाक्‍नेवे। मोपतीके आं तशो ङोमु आ कोंइतीक देनो। मिनु मेको रे मार रुम्‍सीबा शेंदी” दे माइक्‍ता।
DAN 4:10 गो इप्‍शा बाक्‍ङानु, ङोमु का ताता। मेको दोदेंशो बाक्‍त देंशा हना, रागी आ दातेमी सरीङ थिचशो थम लाइश्‍शो रवा का बाक्‍त।
DAN 4:11 मिनु मेको रवा थम लाइश्‍शो बाक्‍त। मेको रवा ठेयब नु बोल्‍यो दुम्‍त। आ ङरीमी सरीङ थिप्‍तु। मिनु मेको रवा रागी रागी रे तांइसीबाक्‍त।
DAN 4:12 मेको आ सफा थम दारशो बाक्‍तेक्‍म। मिनु मेको रवाम शुश फल सिश्‍शो बाक्‍त। मिनु मेको रे नेल्‍लेमी जाइबाक्‍तेक्‍म। मिनु जन्‍तु मेको रवा आ पुंमी बाक्‍बाक्‍तेक्‍म। मिनु चिक्‍ब आ राशीम ग्‍योव़ सेल्‍‍बाक्‍तेक्‍म। मिनु ब्रोंइ‍शा बाक्‍ब नेल्‍लेमी मेकेर रे जचा ताइबाक्‍तेक्‍म।
DAN 4:13 मिनु कोंइतीके कोव़ना कोव़न बाक्‍ङानु, स्‍वर्ग ङा कोव़ब इर रे यिशो ताता।
DAN 4:14 मेकोमी ठेयब शेंदा पा “एको रवा कली तिमीन। आ राशी नेल्‍ल क्‍योरीन, आ सफा हेमीन। मिनु आ फल फ्रशा गेने। मिनु जन्‍तु आन कली आ पुं रे प्रोक्‍पतीन। मिनु चिक्‍ब आन कली मेको आ राशी रे खेरीन।
DAN 4:15 तन्‍न मेको आ ठुटा नु शाक्‍श खपीम लीचा माल्‍नीम। मेको फलाम नु कांसा के पातामी फ्रेंशा, खपीमी लीचा माल्‍नीम। मिनु नाक्‍दो यिशो सीतमी जिश्‍शा बाक्‍ल। मिनु मेको जन्‍तुपुकी नु बाक्‍ल। जन्‍तु खोदेंशो पा घांसम बाक्‍चा माल्‍दल।
DAN 4:16 मेको ७ बर्स मोदेंशो दुम्‍चा माल्‍ब। मिनु मेको मुर आ थुं फांइसीशा, जन्‍तु आन थुं खोदेंशो दुम्‍ब।
DAN 4:17 स्‍वर्ग ङा कोव़बपुकीमी ‘नेल्‍ल क्‍येङा ठेयब परमप्रभुमी राज्‍य नेल्‍ल कली सासन पाइब। मेकोमी आ दाक्‍शो मुर कली सासन पतीक गेय गेब। मेको नेल्‍ल क्‍येङा ब्रेम्‍शो मुर आ गुइमी गेब। मेको मुर नेल्‍लेमी तुइक्‍चा माल्‍नीम’ दे लोव़ पाम्‍तेक्‍म। दानीएल २:२१
DAN 4:18 मोपा गो पिप, नेबुकदनेसरमी ङोमु का ताता। मुल बेल्‍त-शजर, गे एको ङोमु रे मार रुम्‍सीबा, मेको शेंदी। आं राज्‍यम बाक्‍ब जोक्‍ब तुइक्‍ब नेल्‍लेमी मेको शेंने मचबेम। गे चहिं मेको शेंने चाप्‍नेवे। मारदे हना इ आगाम ठेयब देवता आ सोक्‍त बाक्‍ब” दे माइक्‍ता।
DAN 4:19 मिनु मेको नेंशा, बेल्‍त-शजर माइश्‍शो दानीएल आ थुं लुक्‍च लत। आ मिम्‍तीकेमी मेको कली शुश हिंपाइक्‍तु। मिनु गो, पिपमी मेको कली “बेल्‍त-शजर, आं ङोमु नु मेको आ रुप्‍तीकेमी इ कली हिंपाइक्‍चा मगेवो” देंती। मिनु दानीएलमी “हजुर, आं पिप, एको ङोमु इन जोरी सत्रु आन कली दुम्‍ल। मिनु मेको आ रुप्‍तीक लोव़ इन जोरी सत्रुम रा‍म हना, दुम वा।
DAN 4:20 इन ङोमुम तशो रवा ठेयब नु बोल्‍यो दुम्‍शा, आ ङरीमी सरीङ थिप्‍तु। मिनु मेको रवा कली रागी रागी रे तांइसीबाक्‍त। इजीकीएल ३१:३-१४
DAN 4:21 मेको आ सफा थम दारशो बाक्‍तेक्‍म। मेको रवाम शुश फल सिश्‍शो बाक्‍त। मिनु मेको रे नेल्‍लेमी जाइबाक्‍तेक्‍म। मिनु जन्‍तुपुकी मेको रवा आ पुंमी बाक्‍बाक्‍तेक्‍म। मिनु चिक्‍ब आ राशीम बास बाक्‍बाक्‍तेक्‍म।
DAN 4:22 हजुर, पिप, गे मेको रवा बाक्‍नीनी। गे ठेयब नु सक्ति पाइश्‍शो दुम्‍तीनी। इन सक्ति बारशा, सरीङ सम्‍म जाक्‍दीश्‍शो बाक्‍त। मिनु इन अधिकार बारशा, रागी नेल्‍ल आन कली हुकुम पाइतीनी।
DAN 4:23 हजुर, पिप, गे स्‍वर्ग ङा कोव़ब यिशो ताइतीनी। मिनु मेकोमी ‘एको रवा कली तिमीन। खतम पोक्‍कीन। तन्‍न मेको आ ठुटा नु शाक्‍श खपीम लीचा माल्‍नीम। मेको फलाम नु कांसा के पातामी फ्रेंशा, खपीमी लीचा माल्‍नीनी। मिनु नाक्‍दो यिशो सीतमी जिश्‍शा बाक्‍ल। मिनु मेको जन्‍तुपुकी नु बाक्‍ल। ७ बर्स मलाक्‍गा सम्‍म मोदेंशो दुम्‍चा माल्‍ब’ देंत।
DAN 4:24 मिनु हजुर, पिप, मेको ङोमु ङा रुप्‍तीक नु इन पर्बम नेल्‍ल क्‍येङा ठेयब परमप्रभु आ हुकुम मार बाक्‍त देंशा हना,
DAN 4:25 गे मुर आन बाक्‍तीके रे खेरचा पुंइसीनीनी। मिनु गे जन्‍तुपुकी नु बाक्‍नीनी। बी ब्‍यफोमी खोदेंशो पा घांस ब्‍वाइनीनी। मिनु नाक्‍दो ङा सीतम जित्‍नीनी। मिनु ७ बर्स सम्‍म मोदेंशो दुम्‍नीनी। नेल्‍ल क्‍येङा ठेयब परमप्रभुमी मुर आन राज्‍यम सासन पाइब। मिनु परमप्रभुमी मेको राज्‍य आ दाक्‍शो मुर आ गुइमी गेब, दे इन कली तुइक्‍पाइक्‍चा कली मोदेंशो पाप्‍तु।
DAN 4:26 मिनु रवा आ ठुटा नु शाक्‍श खप उइ प्रोंइचा देंशो हुकुम दुम्‍त। मिनु मेको रे मार रुम्‍सीब देंशा हना, स्‍वर्ग ङा परमप्रभु नेल्‍ल आन कली सासन पाइब बाक्‍ब, दे रुम्‍नी नोले इन राज्‍य लेंशा ताइनीनी।
DAN 4:27 हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७
DAN 4:28 मिनु पिप नेबुकदनेसरमी दोदेंशो ङोमु तवा, मोदेंशोन दुम्‍त।
DAN 4:29 मिनु १२ महिना नोले मेको पिप बेबीलोन आ दरवार आ कौसीमी हिरना हिरन बाक्‍शा,
DAN 4:30 मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८
DAN 4:31 मिनु पिपमी मेको लोव़ देंमेनु, स्‍वर्ग रे सेंदा कामी “पिप नेबुकदनेसर इ कली मार लोव़ देंशो बाक्‍त देंशा हना, एको राज्‍य इ गुइ रे रोइक्‍ने थुम्‍शो बाक्‍ब।
DAN 4:32 गे मुर आन बाक्‍तीके रे खेरचा पुंइसीनेवे। मिनु गे जन्‍तुपुकी नु बाक्‍नेवे। बी ब्‍यफोमी खोदेंशो पा घांस ब्‍वाइनेवे। मिनु नाक्‍दो ङा सीतम जित्‍नेवे। मिनु ७ बर्स सम्‍म मोदेंशो दुम्‍नेवे। नेल्‍ल क्‍येङा ठेयब परमप्रभुमी मुर आन राज्‍य कली सासन पाइब। मिनु परमप्रभुमी मेको राज्‍य आ दाक्‍शो मुर आ गुइमी गेब, दे इन कली तुइक्‍पाइक्‍चा कली मोदेंशो पाइब” देंत। दानीएल ५:२१
DAN 4:33 मिनु मेको लोव़ पशो नेना चोटीन नेबुकदनेसर थमा पा मोदेंशो दुम्‍त। मेको मुर आन दाते रे खेरचा पुंइसाक्‍व। मिनु बी ब्‍यफोम खोदेंशो पा घांस ब्‍वचा गोप्‍तु। मिनु मेको आ रां नाक्‍दो ङा सीतमी जित्‍त। मिनु मेको आ चां ककाकुली आ ओफ्‍ला खोदेंशो पा लाइश्‍शो नु आ गेय चिक्‍ब आ नङग्रा खोदेंशो दुम्‍त।
DAN 4:34 मिनु पिपमी “मेको देंशो नेल्‍ल जाक्‍दीम नोले, गो आं पिया पोक्‍शा सरीङ गे कोव़ता। मिनु आं निप्‍स लेंशा रिम्‍शो दुम्‍त। मिनु गो नेल्‍ल क्‍येङा ठेयब नु गेना हना यो ब्रोंइशा बाक्‍ब परमप्रभु कली ठेयब सेल्‍शा, मान पाता। मेको आ सासन पतीके गेना हना यो लीब। मेको आ राज्‍य पाला पाला सम्‍म लीब। दानीएल ३:३३
DAN 4:35 रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२
DAN 4:36 मेना आं निप्‍स लेंशा रिम्‍शो दुम्‍त। मिनु आं राज्‍य ङा छेङछेङ आं कली लेत्‍ताक्‍यी। आं कली अर्ती गेब नु आं ठेयब गेय पाइबपुकी आं कली ग्रुम्‍थ जाक्‍तेक्‍म। मिनु गो लेंशा पिप दुम्‍ती। मिनु गो ङोंइती क्‍येङा शुश सक्ति नु मान ताता।
DAN 4:37 मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४
DAN 5:1 मिनु पिप बेल-शजरमी आ राज्‍य ङा ठेयब अधिकार ताइब हजार का मुर आन कली भोज का सेल्‍तु। मिनु मेकोमी मेको आन ङोंइती अङगुर शांबु तूतु।
DAN 5:2 मिनु मेको पिप शांबुमी दुक्‍शा “आं आफ नेबुकदनेसरमी यरू‍सलेम सहर ङा परमप्रभु आ खिं रे चाक्‍शो सुन नु चांदी के बोसपुकी एक चाक्‍कीन। गो, आं राज्‍य ङा ठेयब अधिकार ताइबपुकी, आं ग्‍युंबे पशो मीशपुकी नु आं अरु चाक्‍शो मीशपुकी गारशा, मेको बोसम तूनीकी” देंत। दानीएल १:२; २इतिहास ३६:१०; एज्रा १:७-११
DAN 5:3 मिनु परमप्रभु आ खिं यरूसलेम रे चाक्‍शो सुन नु चांदी के बोसपुकी मेकेर चाक्‍तेक्‍म। मिनु पिप, आ राज्‍य ङा ठेयब अधिकार ताइबपुकी, आ ग्‍युंबे पशो मीशपुकी नु आं अरु चाक्‍शो मीशपुकी गारशा, मेको बोसम तूतेक्‍म।
DAN 5:4 मिनु मेकोपुकीमी अङगुर शांबु तूशा, सुन, चांदी, कांसा, फलाम, शी नु फुल्‍लु के सेल्‍शो देवी देवता आन कली सेउ पाम्‍‍तेक्‍म।
DAN 5:5 मिनु मेना मुर आ गुइ का फो ग्रूशा, बत्ती आ नेक्‍था दरवार ङा सिल्‍‍शो गारोमी ब्रेक्‍ताक्‍व। मिनु पिपमी मेको गुइमी ब्रेक्‍ना ब्रेक्‍न पशो ताप्‍तु।
DAN 5:6 मिनु मेको तशा, पिप आ कुल लल गिग दुम्‍शा, शुश हिंत। आ खोइल ख्रिंख्रि पा आ पोक्‍च थोक्‍सीशा, खोइल ललाक लुलुक दुम्‍त।
DAN 5:7 मिनु पिपमी “बेबीलोन रागी ङा मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ जोक्‍ब चाक्‍कीन” दे हुकुम पाप्‍तु। मिनु पिपम मेको बेबीलोन रागी ङा जोक्‍ब तुइक्‍ब आन कली “सुमी एको ब्रेक्‍शो पढेशा, आं अर्थ आं कली शेंने चाप्‍बा, मेको प्‍याजी रङ ङा वा फेक्‍पाइ‍श्‍शा, सुन के माला रेल्‍चा पुंइसीब। मिनु गो नु आं राज्‍य ङा ठेयब गेय पाइब आ नोले ङा हुकुम पाइब सेल्‍नुङ” देंत।
DAN 5:8 मिनु पिप आ जोक्‍ब तुइक्‍ब मुर नेल्‍ल दरवारम जाक्‍तेक्‍म। तन्‍न मेकोपुकीमी मेको ब्रेक्‍स पढेने मचबेम। मिनु मार रुम्‍सीबा, मेको यो देंने मचबेम।
DAN 5:9 मिनु पिप बेल-शजर शुश हिंशा, आ कुल लल गिगी जीत। मिनु आ राज्‍य ङा ठेयब अधिकार ताइबपुकी मार पचा ना, मार पचा दुम्‍तेक्‍म।
DAN 5:10 मिनु पिपीममी पिप नु आ राज्‍य ङा ठेयब अधिकार ताइबपुकी लोव़ पशो नेंशा, भोज जतीक कोठामी ओव़त। मिनु मेकोमी “पिप, गे गेना हना यो ब्रोंइशा बाक्‍कीन। गे हिंशा इन थुं ग्‍येत्‍थ लुक्‍च मपने। इन कुल लल गिगी मदुम्‍पतीन।
DAN 5:11 इन राज्‍यमी ठेयब देवता आन सोक्‍त पाइश्‍शो मुर का बाक्‍ब। इन आफ आ पालामी मेको नु देवी देवता के खोदेंशो पा सोक्‍त आ मिम्‍शो रुप्‍तीके तुइक्‍तीके नु जोक्‍ब तुइक्‍ब थुं बाक्‍त। मोपतीके इन आफ पिप नेबुकदनेसर मी मेको कली जादू, मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ जोक्‍ब आन ठेयब मुर सेल्‍शो बाक्‍त। दानीएल ४:५; दानीएल २:४८
DAN 5:12 मिनु पिपमी मेको कली बेल्‍त-शजर, दे नें वोइश्‍शो बाक्‍त। मारदे हना मेको बेल्‍त-शजर माइश्‍शो दानीएल तुइक्‍तीक नु ङोमु आ अर्थ शेंतीक, ख्रुइश्‍शो लोव़ तुइक्‍ब नु मारेइ मारेइ ठेयब श्‍येत रे ग्रुंइने चाप्‍ब बाक्‍ब। मिनु मुल मेको दानीएल कली ब्रथ सोइक्‍तीन। मिनु मेकोमी मेको ब्रेक्‍स पढेशा, रुप्‍पाइक्‍ने चाप्‍ब” देंत। दानीएल १:१७
DAN 5:13 मिनु नोले दानीएल कली पिप आ ङोंइती चाक्‍तेक्‍म। मिनु पिपमी दानीएल कली “गे दानीएल नवे? आं आफोमी इ कली चाक्‍ङे? गे यहूदा रागी रे ग्‍याइश्‍शा चाक्‍चा पुंइसीशो नवे?
DAN 5:14 गो इ आगाम ठेयब देवता आन मिम्‍शो तुइक्‍तीक, रुप्‍तीक नु शुश जोक्‍ब तुइक्‍ब थुं बाक्‍ब, देंशो लोव़ नेंता।
DAN 5:15 गो एको ब्रेक्‍स पढेशा मार रुम्‍सीबा, आं कली देंमल, दे शुश जोक्‍ब तुइक्‍ब नु मन्‍तर तन्‍तर पाइब आन कली एक चाक्‍पाइक्‍ता, तन्‍न मेकोपुकीमी एको ब्रेक्‍स आ अर्थ शेंने मचबेम।
DAN 5:16 मिनु गे एको चिन्‍ड आ अर्थ मार रुम्‍सीबा, दे शेंने चाप्‍ब नु मारेइ मारेइ श्‍येत रे ग्रुंइने चाप्‍ब बाक्‍नेवे, देंशो लोव़ नेंता। मिनु मुल एको ब्रेक्‍स पढेशा, मार रुम्‍सीबा मेको आं कली शेंने चाप्‍तीवी हना, गे प्‍याजी रङ ङा वा फेक्‍पाइ‍श्‍शा, सुन के माला रेल्‍चा पुंइसीनेवे। मिनु गे आं राज्‍य ङा आं क्‍येङा नु आं ठेयब गेय पाइब आ नोले ङा ठेयब हुकुम पाइब दुम्‍नेवे” देंत।
DAN 5:17 मिनु दानीएलमी पिप कली “इन कोसेली आंमान वोंइसीन। मिनु अरु सुइ आन कली गेने। तन्‍न गो एको ब्रेक्‍स पढेशा, मार रुम्‍सीबा इन कली शेंनन्‍नी।
DAN 5:18 हजुर, नेल्‍ल क्‍येङा ठेयब परमप्रभुमी इन आफ पिप नेबुकदनेसर कली राज्‍य, ठेयब दुम्‍तीके, मान ततीके नु शुश शोंप गेशो बाक्‍त। दानीएल २:३७
DAN 5:19 मोपा परमप्रभुमी मेको कली ठेयब दुम्‍तीके गेतीके जात जात नु रागी रागी ङा आंम आंम लोव़ पाइब मुर नेल्‍ल मेको क्‍येङा हिंशा, ख्रिंख्रि पाम्‍तेक्‍म। मिनु मेकोमी सु कली साइक्‍चा दाक्‍ता, मेको कली साइक्‍तु। सु कली ब्रोंइचा गेचा दाक्‍ता, मेको कली ब्रोंइचा गेप्‍तु। मिनु मान बारपाइक्‍चा दाक्‍शो कली मान बारपाइक्‍तु। सु कली दिप्‍चा दाक्‍ता, मेको कली दिप्‍तु।
DAN 5:20 तन्‍न मेको ठेयब लेत्‍तीके नु आ थुं खकटा दुम्‍पाइक्‍तीके पिप आ नित्‍तीक रे खेरचा नु आ छेङछेङ रोइक्‍चा पुंइसाक्‍व।
DAN 5:21 मिनु मुर आन बाक्‍तीके रे खेरचा पुंइसीशा, आ थुं जन्‍तु आन थुं खोदेंशो दुम्‍त। मेको ब्‍वाकी ङा गधा नु बाक्‍शा, ब्‍यफोम खोदेंशो पा घांस ब्‍वशो बाक्‍त। मिनु मेको नाक्‍दो ङा सीतमी जित्‍त। नेल्‍ल क्‍येङा ठेयब परमप्रभु मुर आन राज्‍य कली सासन पाइब बाक्‍ब नु मेको राज्‍य आ दाक्‍शो मुर आन गुइमी गेब, दे तुइक्‍पाइक्‍चा कली मोदेंशो दुम्‍शो बाक्‍त। दानीएल ४:२९
DAN 5:22 मिनु गे, मेको आ तौ, बेल-शजरमी, मेको लोव़ नेल्‍ल तुइश्‍शा यो, इन थुं मब्रेम्‍पाइक्‍नी।
DAN 5:23 ‘गो स्‍वर्ग ङा परमप्रभु क्‍येङा ठेयब नङ’ दे आंम कली ठेयब सेल्‍तीनी। मिनु गे परमप्रभु आ खिं ङा बोसपुकी चाक्‍पाइश्‍शा, गे नु इन राज्‍यम अधिकार ताइब, इन ग्‍युंबे पशो मीशपुकी नु इन अरु चाक्‍शो मीशपुकीमी मेको बोसम अङगुर शांबु तूतीनी। मिनु सुन, चांदी, कांसा, फलाम, शी नु फुल्‍लु के सेल्‍शो मिक्‍च मताइब, मनेंब, मरुप्‍ब देवी देवता आन कली सेउ पाइतीनी। तन्‍न इन कली ब्रोंइतीक सोक्‍त गेब नु इन लां कोंइब परमप्रभु कली मान मपनी।
DAN 5:24 मोपतीके मेकोमी मेको गुइ सोइश्‍शा, मेको ब्रेक्‍स ब्रेक्‍पाइक्‍तु।
DAN 5:25 मिनु मेको ब्रेक्‍शो मार बाक्‍ब देंशा हना ‘मेने मेने टेकेल पेरेस’ दे ब्रेक्‍शो बाक्‍ब। यसैया ४७:११
DAN 5:26 मेको आ अर्थ मार बाक्‍ब देंशा हना, मेने आ अर्थ ‘परमप्रभुमी इन सासन पतीक नाक्‍त हिक्‍शा, थुम्‍तु’ देंशो बाक्‍ब।
DAN 5:27 टेकेल आ अर्थ ‘गे नाक्‍तीकेम नाक्‍चा पुंइसीशा, सोपी दुम्‍तीनी’ देंशो बाक्‍ब।
DAN 5:28 पेरेस आ अर्थ, इन राज्‍य निक्‍शी दुम्‍शा, मादी नु पारसी आन कली गेशो बाक्‍ब, देंशो रुम्‍सीब। मेको आ अर्थ एको बाक्‍ब” दे दानीएलमी देंत।
DAN 5:29 मिनु पिप बेल-शजरमी “दानीएल कली प्‍याजी वा फेक्‍तीन। सुन के माला रेल्‍दीन। मिनु मुर नेल्‍ल आन कली ‘मेको राज्‍य ङा पिप, आं क्‍येङा नु आं ठेयब गेय पाइब क्‍येङा नोले ङा हुकुम पाइब बाक्‍ब’ दे मुर नेल्‍ल आन कली शेंदीन” देंत। दानीएल २:२८; उत्‍पत्ती ४१:४२-४३
DAN 5:30 मिनु मेको नाक्‍दोन कल्‍दी आन पिप बेल-शजर साइक्‍चा पुंइसाक्‍व।
DAN 5:31 मिनु मादी रागी ङा पिप दारामी राज्‍य ताप्‍तु। मेना पिप दारा ६२ बर्स दुम्‍शो बाक्‍माक्‍त। दानीएल ९:१; यसैया १३:१७
DAN 6:1 पिप दारामी आ राज्‍य कली सहे का २० जना हुकुम पाइब मुर वोइश्‍शो बाक्‍त। मेको पारसी रागीमी ब्राशा बाक्‍शो बाक्‍तेक्‍म। दानीएल ५:१२
DAN 6:2 मिनु पिप दाराम मारेइ मजाम्‍ल, दे मेको नेल्‍ल आन कली ठेयब कोव़ब मुर सां वोइश्‍शो बाक्‍‍त। मिनु मेको सां आन दातेमी का दानीएल बाक्‍त। मेको हुकुम पाइबपुकीमी ठेयब कोव़ब मुर सां आन कली रागीम मार दुम्‍मे, मेको शोव़चा माल्‍शो बाक्‍‍तेक्‍म।
DAN 6:3 मिनु दानीएल अरु ठेयब कोव़ब मुर नु पारसी रागी ङा सहे का २० जना हुकुम पाइब नेल्‍ल आन दातेमी नेल्‍ल आन क्‍येङा निप्‍स पाइश्‍शो नु रिम्‍शो थुं पाइश्‍शो बाक्‍‍त। मोपतीके पिपमी “गो मेको कली रागी नेल्‍ल कली हुकुम पाइब सेल्‍नुङ” दे मिम्‍ता बाक्‍त।
DAN 6:4 मिनु मेको ठेयब कोव़ब मुर नु सहे का २० जना पारसी रागी कली हुकुम पाइबपुकीमी गेहे पा दानीएल कली दोस गेचा, दे क्‍यारी पचा गोव़मे बाक्‍त। तन्‍न मरिम्‍शो नु दोस गेतीक मारेइ मथिदमे बाक्‍त। मारदे हना दानीएल रिम्‍शो, मारेइ दोस मपाइश्‍शो गेय पाइब मुर बाक्‍‍त।
DAN 6:5 मिनु मेकोपुकीमी “दानीएल कली आ परमप्रभु आ अरेशो लोव़ थमा सुइक्‍तीक क्‍येङा लाक्‍शा, अरु मारेइमी यो दोस गेने मचाप्नय‍” देंमुमा बाक्‍त।
DAN 6:6 मिनु मेको ठेयब कोव़ब निक्‍शी नु पारसी रागी कली हुकुम पाइब नेल्‍ल लोव़सी पा गारशा, पिप आ दरवारमी जाक्‍शा पिप कली “हजुर, पिप दारा, गे गेना हना यो ब्रोंइशा बाक्‍कीन।
DAN 6:7 गो इन राज्‍य ङा ठेयब कोव़ब, आइक्‍च नु ठेयब हुकुम पाइब, अर्ती गेब नु इन रागी ङा ठेयब मुर नेल्‍ल नु गारशा, गे पिपमी, कानुन का सेल्‍चा माल्‍नीनी। मार कानुन सेल्‍चा माल्‍नीनी देंशा हना, मुल ३० नाक्‍त सम्‍म इन क्‍येङा लाक्‍शा, सुइ मुरपुकीम आंम देवी देवता नु मुर आन कली मारेइ पुंइने मचाप्‍नीम। इन क्‍येङा लाक्‍शा अरु सुइ कली पुंइतेक्‍म हना, मेको मुर गुप्‍स वोइक्‍तीकेमी ताइक्‍चा पुंइसीब, दे ब्रेक्‍शा छाप थोक्‍शा वोतीन।
DAN 6:8 हजुर पिप, मोपा कानुन का सेलीन। मिनु छाप थोक्‍तीन। मादी नु पारसी आन कानुन मफांइसीब” देंमा बाक्‍त। एस्‍तर १:१९; एस्‍तर ८:८
DAN 6:9 मिनु पिप दारामी मेको कानुन ब्रेक्‍पा छाप थोक्‍शा ग्रुंइ‍ताक्‍व।
DAN 6:10 मिनु दानीएलमी पिप दारामी मोपा ब्रेक्‍शा छाप थोक्‍शा ग्रुंइशो तुइश्‍शा, यरूसलेम गे कोव़शा सेल्‍शो खिं आ तला तारी लशा, पोक्‍च थेक्‍शा आ परमप्रभु कली प्रार्थना पाप्‍तु। मोपा नाक्‍त किंत किंत सां खेयप पार्थना पाप्‍तु। मिनु ङोंइती खोदेंशो पा परमप्रभु कली ठेयब सेल्‍‍तु। १रजा ८:४८
DAN 6:11 मिनु दानीएल कली गेहे पाइबपुकी मेकेर जाक्‍शा, दानीएलमी प्रार्थना पा आ परमप्रभु कली ठेयब सेल्‍शा पुंइशो थित्‍तेक्‍म।
DAN 6:12 मिनु नोले मेकोपुकी पिप आ दरवार लशा, मेको ब्रेक्‍शो कानुन आ पर्बम “हजुर पिप, गे ३० नाक्‍त सम्‍म सुइमी इन क्‍येङा लाक्‍शा, अरु देवी देवता नु मुर आन कली मारेइ यो मपुंइचा, मो पाम्‍तेक्‍म हना, मेको आन कली गुप्‍स वोइक्‍तीकेमी पिक्‍चा, दे कानुन सेल्‍नी ममाइ?” देंतेक्‍म। मिनु पिपमी “एको लोव़ थमा बाक्‍ब। मादी नु पारसी आन कानुन गेनायो मफांइसीब” दे लोव़ पाप्‍तु। दानीएल ३:१०
DAN 6:13 मिनु मेकोपुकीमी पिप कली “आ रागी रे ग्‍याइश्‍शा चाक्‍चा पुंइसीशो यहूदी दानीएलमी इन लोव़ लाक्‍शा, इन ग्रुंइशो कानुन मटीव। मेकोमी नाक्‍त किंत किंत खेयप सां प्रार्थना पा पुंइब” देंतेक्‍म।
DAN 6:14 मिनु पिपमी मेको लोव़ नेंशा, आ थुं शुश लुक्‍च लत। मिनु दानीएल कली “दोपा प्रोंइनुङा?” दे नां मलाक्‍गा सम्‍म शुश मिम्‍शा बाक्‍माक्‍त।
DAN 6:15 मेको दानीएल कली गेहे पाइबपुकी पिप आ ङोंइती जाक्‍शा “हजुर पिप, मादी नु पारसी आन पिपमी हुकुम पशो नु छाप थोक्‍शो कानुन मफांइसीब, दे एको लोव़ तुइक्‍नीनी” देंतेक्‍म।
DAN 6:16 मिनु नोले पिपमी “दानीएल कली चाक्‍कीन। मिनु गुप्‍स आन कली वोइक्‍तीकेमी तोक्‍कीन” दे हुकुम पाप्‍तु। मिनु मेकोपुकीम दानीएल कली गुप्‍स आन बाक्‍तीकेम तोक्‍तेक्‍म। मिनु पिपमी दानीएल कली “इ मप्रोंइथु, ठेयब सेल्‍शो परमप्रभुमी इ कली प्रोनल” देंत। दानीएल ३:१५
DAN 6:17 मिनु नोले गेय पाइबपुकीमी फुल्‍लु का चाक्‍शा, मेको गुप्‍स बाक्‍तीक आ ओव़तीक चोक्‍तेक्‍म। सुइमी दानीएल कली मारेइ पने मचाप्‍मेक्‍ल, दे पिपमी आ छाप पाइश्‍शो औंठीम थोक्‍शा, आ राज्‍य ङा ठेयब अधिकार ताइब आन छाप यो थोक्‍पाइक्‍तु।
DAN 6:18 मिनु पिप आ दरवारम लेश्‍शा लशा, मेको नाक्‍दो माइजा बाक्‍शा, मारेइ जचा थोव़क आ बाक्‍तीकेम मचाक्‍पद। मिनु मइप्‍थु, नां सोंइताक्‍व।
DAN 6:19 मिनु पिप नां मसोथु, सुनी कना बोक्‍शा, मेको गुप्‍स आन कली वोइक्‍तीकेम दोरशा लत।
DAN 6:20 मिनु गुप्‍स आन बाक्‍तीके आ नेक्‍था जाक्‍दीश्‍शा, शुश हिंशा दानीएल कली “दानीएल, ब्रोंइशा बाक्‍ब परमप्रभु आ गेय पाइब, इ गेना हना यो ठेयब सेल्‍ना सेल्‍न बाक्‍शो परमप्रभुमी इ कली गुप्‍स रे प्रोना?” दे हिल्‍लो पा ब्रेत्‍ताक्‍व। दानीएल ३:१७
DAN 6:21 मिनु दानीएलमी पिप कली “हजुर पिप, गे गेना हना यो ब्रोंइ‍शा बाक्‍कीन।
DAN 6:22 आं परमप्रभुमी आ स्‍वर्ग ङा गेय पाइब सोइश्‍शा, आं कली मारेइ मपाइक्‍पाइक्‍चा कली गुप्‍स आन शोव़ चोक्‍पाइक्‍तु। मारदे हना आं दोस मबा। हजुर पिप, इन ङोंइती यो मारेइ मरिम्‍शो मपङ” देंत। दानीएल ३:२८; भजन संग्रह २२:२२; हिब्रू ११:३३
DAN 6:23 मिनु पिप थाम्‍पा ग्‍येरसीशा “दानीएल कली गुप्‍स वोइक्‍तीके रे ग्रुंइदीन” दे हुकुम पाप्‍तु। मिनु दानीएल कली कीशा ग्रुंइताक्‍म। मिनु मेको मारेइ मदुम्‍शो बाक्‍त। मारदे हना मेकोमी आ परमप्रभु कली थमा सुइश्‍शो बाक्‍त।
DAN 6:24 मिनु पिपमी “दानीएल कली दोस गेब, आन मीश नु आन तमी तौ नेल्‍ल आन कली गुप्‍स वोइक्‍तीकेमी तोक्‍कीन” दे हुकुम पाप्‍तु। मिनु मेको आन कली मेकेर तोक्‍तेक्‍म। मिनु मेकोपुकी गुप्‍स आन बाक्‍तीके मजाक्‍दीत्‍थु, गुप्‍सपुकी प्रेक्‍शा ग्राम्‍शा मेको आन रुश का यो मवोइक्‍थु नेक्‍तेक्‍म।
DAN 6:25 मिनु नोले पिप दारामी जात जात नु रागी रागी ङा आंम आंम लोव़ पाइब नेल्‍ल आन कली “गे थुं नाइश्‍शा बाक्‍कीन। दानीएल ४:१
DAN 6:26 आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।
DAN 6:27 मेकोमी आ मुर आन कली प्रोंइशा, श्‍येत रे ग्रुंइने चाप्‍ब। मेको सरीङ नु रागीमी चिन्‍ड नु छक लाक्‍चा ङा गेय पाइब बाक्‍ब। मेकोमी दानीएल कली गुप्‍स आन सक्ति रे प्रोंइतु” दे हुकुम पा ब्रेक्‍ताक्‍व।
DAN 6:28 मिनु दानीएल पिप दारा नु पारसी आन पिप कोरेस आस पालामी शुश मान तशा, सक्ति पाइश्‍शो दुम्‍‍त।
DAN 7:1 मिनु बेबीलोन ङा बेल-शजर पिप दुम्‍शो ङोंइती ङा बर्समी दानीएल इम्‍मेनु, ङोमु पा, कोंइतीके का ताप्‍तु। मिनु मेकोमी आ तशो ङोमु ब्रेक्‍ताक्‍व। दानीएल ५:१
DAN 7:2 मिनु दानीएलमी गो, दानीएल, इप्‍शा ङोमु पा, कोंइतीक का ताता, सरीङ पूर्ब, पच्‍छिम, उत्तर, दक्‍खिन रे फश पा ठेयब समुन्‍द्र कली छाल पोक्‍पाइश्‍शो ताता।
DAN 7:3 मिनु समुन्‍द्र रे ४ ओटा ठेयब जन्‍तु ग्रूतेक्‍म। मेको दोदेंशो तांइसाक्‍म देंशा हना, प्रकाश १३:१-२
DAN 7:4 मेको ङोंइती ङा जन्‍तु गुप्‍स खोदेंशो बाक्‍शा, ककाकुली आ फ्रां खोदेंशो फ्रां पाइश्‍शो बाक्‍त। मिनु गो कोव़शा बाक्‍ङानु, मेको आ फ्रां तुल्‍चा पुंइसाक्‍व। मिनु मेको खप रे बोक्‍पाइश्‍शा, मुर खोदेंशो पा आ खोइल निक्‍शीमी राप्‍पाइक्‍चा पुंइसाक्‍व। मिनु मेकोमी मुर आ थुं ताप्‍तु।
DAN 7:5 मिनु मेको आ नोले अर्को जन्‍तु का ग्रूत। मेको वां खोदेंशो बाक्‍त। मेकोमी का पटटी रे बोक्‍शा, जेरी सां आ शोव़म काम्‍शो बाक्‍त। मिनु मेको कली “बोक्‍को, श्‍ये शुश ब्‍वावो” देंशो नेंता।
DAN 7:6 मिनु गो कोव़शा बाक्‍ङानु, नोले अर्को जन्‍तु का ग्रूत। मेको जोइ खोदेंशो बाक्‍त। मेको आ चीमी ४ ओटा चिक्‍ब आ फ्रां खोदेंशो फ्रां बाक्‍तेक्‍म। मिनु मेको के ४ ओटा पिया बाक्‍तेक्‍म। मिनु मेकोमी सासन पतीक अधिकार ताप्‍तु।
DAN 7:7 मिनु नोले गो नाक्‍दो ङा कोंइतीकेमी नेल्‍ल क्‍येङा नोले ङा जन्‍तु ग्रूशो ताता। मेको शुश हिंचा ङा, अर्को आन क्‍येङा बोल्‍यो बाक्‍त। मेको के फलाम के ठेयब ख्रुइ बाक्‍तेक्‍म। मिनु श्‍ये ब्‍वना ब्‍वन बाक्‍शा, लीशो श्‍ये आ खोइलीमी दिम्‍ताक्‍व। मेको ङोंइती ङा जन्‍तु आन खोदेंशो मबा। मारदे हना मेको के १० ओटा ग्रोव़ बाक्‍तेक्‍म।
DAN 7:8 मिनु गो मेको ग्रोव़ आन कली रिम्‍शो पा कोव़ङुनु, मेको आन दातेमी अर्को आइक्‍च ग्रोव़ का ग्रूशो ताता। मेको आइक्‍च ग्रोव़ कली बाक्‍तीक गेचा कली ङोंइती ङा ग्रोव़ सां आन शाक्‍श सुन्‍दा एत्‍‍‍तेक्‍म। मेको नक ग्रूशो ग्रोव़मी मिक्‍च बाक्‍तेक्‍म। मेको मुर आ मिक्‍च खोदेंशो बाक्‍तेक्‍म। मिनु मेको के ठेयब लेश्‍शा लोव़ पाइब शोव़ का बाक्‍त। दानीएल ११:३६
DAN 7:9 मिनु गो कोव़ना कोव़न बाक्‍ङानु, पिप आन शुश नित्‍तीक वोइश्‍शो ताता। मिनु मेको शुश बर्स दुम्‍शो का ठेयब नित्‍तीकेमी निस्‍साक्‍व। मेको आ वा फुं खोदेंशो बुश बाक्‍त। मिनु आ पिया ङा चां रिम्‍शो ऊन खोदेंशो पा बुश बाक्‍त। मिनु मेको आ ठेयब नित्‍तीके ठेयब ब्रशो मी खोदेंशो बाक्‍त। मेको ठेयब नित्‍तीक आ गुगीलपुकी बाक्‍तेक्‍म। मेको के यो थम ठेयब मी खोदेंशो बाक्‍तेक्‍म। इजीकीएल १:२६; प्रकाश ४:२; भजन संग्रह ९०:२
DAN 7:10 मिनु मेको शुश बर्स दुम्‍शो का आ ङोंइती रे मी के खोला खोदेंशो पा ग्रूत। मिनु हजार हजार आ स्‍वर्ग ङा गेय पाइबमी मेको कली गेय पाम्‍तेक्‍म। मिनु १०, १० हजार मेको आ ङोंइती बाक्‍तेक्‍म। मिनु मेको निसाफ पचा कली निस्‍साक्‍म। मिनु किताबपुकी प्राक्‍शा वोइक्‍तेक्‍म। प्रकाश ५:११; भजन संग्रह ६९:२९; प्रकाश २०:१२
DAN 7:11 मिनु गो मेको ठेयब लेश्‍शो लोव़ पाइब ग्रोव़ कली कोव़ना कोव़न बाक्‍ती। मिनु गो कोव़ना कोव़न बाक्‍ङानु, मेको जन्‍तु कली साइक्‍तेक्‍म। मिनु मेको आ रां खतम सेल्‍शा, ठेयब मीमी हुम्‍ताक्‍म। प्रकाश १९:२०
DAN 7:12 मिनु लीशो जन्‍तु आन सासन पतीक अधिकार रोइक्‍चा पुंइसाक्‍म। तन्‍न मेको आन कली इच्‍का नोले सम्‍म ब्रोंइचा गेम्‍तेक्‍म। दानीएल २:२१
DAN 7:13 मिनु नोले गो नाक्‍दो ङा कोंइतीकेमी मुर खोदेंशो का ताता। मेको गोस्‍सुम गिल्‍सी‍शा पिना पिन पशो ताता। मिनु मेको कली शुश बर्स दुम्‍शो का आ ङोंइती राप्‍पाइश्‍शो ताता। लूका २१:२७; प्रकाश १:१३; प्रकाश १४:१४
DAN 7:14 मिनु मेको कली सासन पतीक अधिकार, मान ततीक नु पिप सेल्‍‍शा राज्‍य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्‍लेमी मेको कली गेय पशो ताता। आ सासन पतीके अधिकार गेना हना यो लीबाक्‍त। आ पिप दुम्‍शो राज्‍य गेनायो खतम मदुम्‍बाक्‍त।
DAN 7:15 मिनु गो, दानीएल, मेको कोंइतीके तशा, आं थुं लुक्‍च लत। मिनु गो हिंती।
DAN 7:16 मिनु गो मेकेर राप्‍शा बाक्‍ब का कली “एको लोव़ रे मार रुम्‍सीबा?” दे हिल्‍लो पाता। मिनु मेकोमी “गो इ कली नेल्‍ल रुप्‍पाइक्‍नुङ।
DAN 7:17 मेको ४ ओटा ठेयब जन्‍तु रागी ङा ४ जना पिप बाक्‍‍नीम।
DAN 7:18 तन्‍न मेको नेल्‍ल क्‍येङा ठेयब आ मुरपुकीम मेको राज्‍य ताक्‍शा, गेनायो मनुप्‍चा ङा पा, गेना हना यो सासन पाइनीम” देंत।
DAN 7:19 मिनु गो मेको नेल्‍ल आन क्‍येङा नोले ङा जन्‍तु रे मार रुम्‍सीबा, दे रुप्‍चा थुं पाता। मेको अरु जन्‍तु खोदेंशो मबा। मेको थम हिंचा ङा बाक्‍त। मेको आ ख्रुइ फलाम के नु नङग्रा कांसा के बाक्‍तेक्‍म। मेकोमी मारेइ मारेइ ब्‍वशा नाक्‍शा, लीशो श्‍ये चहिं आ खोइलीम दिम्‍ताक्‍व। दानीएल ७:७
DAN 7:20 मिनु मेको आ पियामी बाक्‍शो १० ओटा ग्रोव़ नु अर्को ग्रोव़ का आ पर्बम रुप्‍चा थुं पाता। मेको ग्रोव़ का ग्रूमेनु, ङोंइती ङा ग्रोव़ सां एत्‍तेक्‍म। मेको ग्रूशो ग्रोव़ के मिक्‍च नु ठेयब लेश्‍शो लोव़ पतीक शोव़ बाक्‍त। मिनु मेको अरु ग्रोव़ आन क्‍येङा ठेयब बाक्‍त। मेको आ पर्बम यो रुप्‍चा थुं पाता।
DAN 7:21 मिनु गो कोव़ना कोव़न बाक्‍ङानु, मेको ग्रोव़मी नेल्‍ल क्‍येङा ठेयब आ मुर नु लडाइ पा ग्रात। प्रकाश १३:७
DAN 7:22 मिनु मेको शुश बर्स दुम्‍शो का मजाक्‍म सम्‍म लडाइ ग्राना ग्रान बाक्‍त। मिनु नेल्‍ल क्‍येङा ठेयबमी आ मुर आन कली निसाफ पतीक अधिकार गेप्‍‍तु। मेना नेल्‍ल क्‍येङा ठेयब आ मुरुम मेको राज्‍य आंम के सेल्‍तेक्‍म।
DAN 7:23 मिनु आं कली रुप्‍पाइक्‍बमी नेल्‍ल आन क्‍येङा नोले ङा जन्‍तु “रागीमी मेको नेल्‍ल आन क्‍येङा नोले ङा जन्‍तु राज्‍य का बाक्‍ब। मेको अरु राज्‍य खोदेंशो मबाक्‍ब। मिनु मेकोमी रागी नेल्‍ल आन कली ग्रु दाक्‍ब। आ खोइलीमी दिम्‍शा नेल्‍ल आन कली रोबल चिबल पोक्‍ब।
DAN 7:24 मिनु मेको १० ओटा ग्रोव़ आ अर्थ मार बाक्‍ब देंशा हना, मेको राज्‍य रे १० जना पिप ग्रूनीम। मिनु मेको आन नोले अर्को पिप का ग्रूब। मेको ङोंइती ङा पिप खोदेंशो मदुम्‍ब। मिनु मेकोमी पिप सां आन कली फ्रुइक्‍ब। प्रकाश १७:१२
DAN 7:25 मिनु मेकोमी नेल्‍ल क्‍येङा ठेयब आ पर्बम मरिम्‍शो लोव़ पा, नेल्‍ल क्‍येङा ठेयब आ मुर आन कली यो खतम सेल्‍ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्‍चा दाक्‍ब। मिनु परमप्रभु आ मुर आन पाला का, पाला निक्‍शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७
DAN 7:26 मिनु नोले निसाफ पची ना जाक्‍ब। मेको आ सासन पतीक अधिकार लेंशा गेनायो मत‍चा ङा पा आ गुइ रे रोइक्‍नीम। मिनु मेको कली साइश्‍शा खतम पोक्‍नीम।
DAN 7:27 मिनु राज्‍य, सासन पतीक अधिकार नु राज्‍य नेल्‍ल आन ठेयब दुम्‍तीके नेल्‍ल क्‍येङा ठेयब आ मुर आन कली गेचा पुंइसीनीम। मेको आन राज्‍य गेना हना यो लीब राज्‍य दुम्‍ब। मिनु सक्ति पाइश्‍शो नेल्‍लेमी मेको आ गेय पा, मेको कली टीनीम” देंत।
DAN 7:28 मेको आं ङोमु तशो आ लोव़ बाक्‍ब। गो दानीएल, एको मिम्‍शा थाम्‍पा हिंती। मिनु आं कुल क्‍येर दुम्‍त। मिनु गो एको लोव़ नेल्‍ल आं थुंम वोइक्‍ता। दानीएल ८:१८; दानीएल १०:८,१६-१८
DAN 8:1 मिनु बेल-शजर पिप दुम्‍शो बर्स सां जाक्‍दीमेनु, गो, दानीएलमी लेंशा कोंइतीके ताता। दानीएल ७:१
DAN 8:2 मिनु मेको कोंइतीकेमी गो एलाम रागी ङा सुसा माइश्‍शो ठेयब सहर ङा उलाइ खोला आ नेक्‍था बाक्‍शो बाक्‍ती।
DAN 8:3 मिनु गो कोव़शा बाक्‍ङानु, ग्रोव़ निक्‍शी पाइश्‍शो सांड का ताता। मेको आ ग्रोव़ निम्‍फा दुइश्‍शो बाक्‍ताक्‍स। का चहिं अर्को क्‍येङा दुइश्‍शो बाक्‍त। मेको दुइश्‍शो ग्रोव़ नोले ग्रूशो बाक्‍त।
DAN 8:4 मिनु गो मेको सांडम पच्‍छिम, उत्तर नु दक्‍खिन गे ख्रुना ख्रुन पशो ताता। अरु जन्‍तु नेल्‍ल मेको आ ङोंइती राप्‍ने मचाप्‍बाक्‍तेक्‍म। मिनु सुइमी मेको आ सक्ति रे प्रोंइने मचाप्‍बाक्‍तेक्‍म। मेकोमी आ दाक्‍शो पशा, आ सक्ति बारत। दानीएल ८:४
DAN 8:5 मिनु गो मेको कोव़शा बाक्‍ङानु, पच्‍छिम रे बोका का फो ग्रूत। मेकोमी आ खोइल खप मथिथु, रागी नेल्‍ल लाक्‍तु। मिनु मेको बोका आ मिक्‍च आस दातेमी ग्रोव़ का बाक्‍त। दानीएल ८:२१
DAN 8:6 मिनु मेको बोका मेको खोला आ नेक्‍था बाक्‍शो ग्रोव़ निक्‍शी पाइश्‍शो सांड आ बाक्‍तीक जाक्‍त। मिनु मेको सांड कली ख्रुचा, दे शुश बोल पा दोरत।
DAN 8:7 मिनु गो मेको सांड गे दोरशो ताता। मेको थाम्‍पा गाइश्‍शा, मेको सांड कली ख्रुशा, आ ग्रोव़ निम्‍फा जिक्‍ताक्‍व। मेको सांड बोल मपाइश्‍शो दुम्‍शा, मेको बोका कली मारेइ पने मचब। मेको बोकामी मेको सांड कली खपीम तोक्‍शा, आ खोइलीमी दिम्‍ताक्‍व। मिनु सुइमी मेको सांड कली बोका आ सक्ति रे प्रोंइने मचबेम।
DAN 8:8 मिनु नोले मेको बोकामी ठेयब सक्ति ताप्‍तु। मिनु मेको नेल्‍ल क्‍येङा सक्ति पाइश्‍शो दुम्‍तीके मेको आ दुइश्‍शो ग्रोव़ जिक्‍त। मिनु मेको जिक्‍शो ग्रोव़ आ पा ङा अर्को ४ ओटा ग्रोव़ रागी आ पूर्ब, पच्‍छिम, उत्तर, दक्‍खिन गे हिरशा ग्रूतेक्‍म। दानीएल ११:४
DAN 8:9 मिनु मेको ४ ओटा ग्रोव़ आन दाते ङा का रे अर्को इम्‍चीली ग्रोव़ का ग्रूत। मिनु मेको नक ग्रूशो ग्रोव़ दक्‍खिन, पूर्ब गे नु दारशो रागी गे कोव़शा थाम्‍पा ठेयब दुम्‍शा कोल्‍त। दानीएल ७:८
DAN 8:10 मिनु मेको कोल्‍शा, स्‍वर्ग ङा लडाइ पाइब आन हुल बाक्‍तीक सम्‍म जाक्‍दीश्‍शा, लडाइ पाइब का निक्‍शी नु सोरुल का निक्‍शी आन कली तोक्‍शा खोइलीमी दिम्‍ताक्‍व।
DAN 8:11 मेकोमी लडाइ पाइब आन नेल्‍ल क्‍येङा ठेयब कली यो ठेयब लेश्‍शो लोव़ पा, नाक्‍त किंत किंत ङा चोशा चढ़ेतीक रोइश्‍शा, परमप्रभु यावे आ बाक्‍तीके खिं प्रेश्‍शा गेप्‍तु। दानीएल ९:२७
DAN 8:12 मिनु आ परमप्रभु कली काइ मटितीकेमी नाक्‍त किंत किंत ङा चढे़तीक मचढ़ेचा ङा पा गेय पाइब वोइक्‍तु। मिनु मेकोमी थमा पा शेंतीक कली खतम पोक्‍शा, आ मरिम्‍शो पतीक चहिं बारना बारन लपाइक्‍तु।
DAN 8:13 मिनु नोले गो स्‍वर्गम बाक्‍ब कामी लोव़ पशो नेंता। मिनु अरु स्‍वर्गम बाक्‍बमी मेको कली “नाक्‍त किंत किंत ङा चोशा चढ़ेतीक रोइक्‍तीके, आ मरिम्‍शो पतीकेमी परमप्रभु आ खिं श्‍येत्‍थ नु खतम सेल्‍तीक नु परमप्रभु आ लडाइ पाइब आन कली खोइलीमी दिप्‍शा, कोंइतीके गेना नुप्‍‍बा?” दे हिल्‍लो पशो नेंता।
DAN 8:14 मिनु अर्कोमी आं कली “हजार निक्‍शी सहे सां नाक्‍दो नाक्‍त सम्‍म मोदेंशो दुम्‍‍ब। मिनु नोले परमप्रभु आ खिं लेंशा सेल्‍नीम” देंत।
DAN 8:15 गो, दानीएलमी, एको कोंइतीके रे मार रुम्‍सीबा, दे तुइक्‍चा माल्‍ता। मिनु वोंइश मुर खोदेंशो का आं ङोंइती ग्रूशा, दोक राप्‍शो ताता।
DAN 8:16 मिनु गो उलाइ खोला रे “गाब्रीएल, एको मुर कली एको कोंइतीके रे मार रुम्‍सीबा, मेको शेंदो” देंशो मुर आ सेंदा का नेंता। दानीएल ८:२; दानीएल ९:२१; लूका १:१९,२६
DAN 8:17 मिनु मेको परमप्रभु यावे आ स्‍वर्ग ङा गेय पाइब आं राप्‍शा बाक्‍तीके आं नेक्‍था जाक्‍त। मिनु गो थाम्‍पा हिंशा खुम्‍की पा बाप्‍ती। मिनु मेकोमी आं कली “ए मुर, एको कोंइतीके नेल्‍ल क्‍येङा नोले ङा नाक्‍त आ पर्बम बाक्‍ब, दे रुपो” देंत। प्रकाश १०:६
DAN 8:18 मिनु मेकोमी आं कली लोव़ पवानु, गो खपीमी दिङ गोल्‍शा बाप्‍शा, थशो खोदेंशो दुम्‍ती। मिनु मेकोमी आं कली थिशा, पोक्‍शा राप्‍पाइक्‍ती।
DAN 8:19 मिनु मेकोमी “गो इ कली नोले ङा गाइक्‍तीक नाक्‍ती मार दुम्‍बा, तुइक्‍पाइक्‍नन। मारदे हना एको कोंइतीके नेल्‍ल क्‍येङा नोले ङा नाक्‍त कली बाक्‍ब।
DAN 8:20 इ तशो ग्रोव़ निक्‍शी पाइश्‍शो सांड मादी नु पारसी रागी ङा पिप बाक्‍नीस।
DAN 8:21 मिनु मेको बोका चहिं ग्रीस रागी ङा पिप बाक्‍ब। मेको आ मिक्‍च आन दाते ङा ठेयब ग्रोव़, मेकेर ङा नेल्‍ल क्‍येङा ङोंइती ङा पिप बाक्‍ब। दानीएल ११:३
DAN 8:22 मिनु गे मेको ग्रोव़ जिक्‍शा मेको आ पा ङा ४ ओटा ग्रोव़ ग्रूशो ताप्‍तीवी। मेको आ रागी ४ ओटा राज्‍य दुम्‍नीम। तन्‍न मेकोपुकी ङोंइती ङा राज्‍य खोदेंशो सक्ति पाइश्‍शो मदुम्‍नीम।
DAN 8:23 मिनु मेको आन सासन पतीक अधिकार नुप्‍ची ना मेको आन मरिम्‍शो पतीकेम ब्रीतीके खकटा थुं पाइश्‍शो, शुश मरिम्‍शो पाइब पिप का जाक्‍ब। दानीएल ११:२१
DAN 8:24 मेको शुश बोल्‍यो दुम्‍ब। मिनु मेकोमी मारेइ मारेइ खतम पोक्‍ब। आ पतीक मारेइ मारेइमी ग्राब। मिनु मेकोमी सक्ति पाइश्‍शो मुर नु थमा सुइक्‍ब आन कली खतम पोक्‍ब।
DAN 8:25 मेको आ निप्‍समी मुरुम मतुइक्‍चा ङा पा जोल पतीकेमी ग्राब। मिनु आंम थुंमी ‘गो नेल्‍ल क्‍येङा ठेयब नङ’ दे मिम्‍शा, शुश मुर आन कली साइक्‍ब। मिनु मेकोमी पिप आन पिप कली यो मरिम्‍शो पा बोक्‍ब। मिनु मेको खतम सेल्‍‍चा पुंइसीब। तन्‍न मुर आन गुइ रे ममाइ।
DAN 8:26 मिनु मेको इ कली कोंइशो नाक्‍दो नाक्‍त आ पर्बम कोंइतीके कोंइशो थमा बाक्‍ब। तन्‍न गे एको कोंइतीके कली इ थुंमी ख्रुइश्‍शा वोइक्‍चा माल्‍नेवे। मारदे हना एको शुश नोले दुम्‍ब लोव़ बाक्‍ब” दे माइक्‍ती। दानीएल ८:१४; दानीएल १२:४
DAN 8:27 मिनु नोले गो, दानीएल, काइ सोक्‍त मपाइश्‍शो खोदेंशो दुम्‍ती। मिनु का निक्‍शी नाक्‍त रोइ पा बाक्‍ती। मिनु नोले बोक्‍शा, पिप आ गेय पथ लती। मिनु मेको आं तशो कोंइतीके आ पर्बम हिंती। मारदे हना मेको कोंइतीके रुप्‍ब सुइ मबाक्‍ब।
DAN 9:1 मिनु पिप अहासूरस आ तौ दारा ङोंइती ङा बर्समी कल्‍दी रागी ङा पिप दुम्‍त। पिप दारा मादी जात ङा बाक्‍माक्‍त। दानीएल ६:१
DAN 9:2 मिनु पिप दारा आ सासन पशो ङोंइती ङा बर्समी गो, दानीएलमी परमप्रभु यावेमी आ लोव़ पाइब येरमीया कली ब्रेक्‍पाइश्‍शो लोव़ ङा किताब पढेशा, यरूसलेम खतम दुम्‍चा कली ७० बर्स ली‍नीम, दे रुप्‍ता। येरमीया २५:११-१२; येरमीया २९:१०
DAN 9:3 मिनु गो माइजा बाक्‍शा, अरन्‍डी फेक्‍शा नु पुलु मोंइसीशा परमप्रभु, आं होव़प कली लोव़ पा पुंइशा, मार लोव़ लेप्‍बा, दे रिम्‍शा बाक्‍ती।
DAN 9:4 मिनु गो परमप्रभु यावे, आं परमप्रभु कली लोव़ पा, गो मार मार मरिम्‍शो पङा, मेको नेल्‍ल शोव़शा “परमप्रभु, गे ठेयब नु हिंचा ङा परमप्रभु बाक्‍नीनी। गे इन कली दाक्‍ब नु इन शेंशो लोव़ टीब आन कली गेना हना यो दाक्‍नीनी। मिनु इन कबल मप्रोंइनीनी। येरमीया १४:७; ब्‍यवस्‍था ७:९; नेहेम्‍याह १:५
DAN 9:5 गोपुकीमी पाप पशा, मरिम्‍शो पाइतक। मिनु इन अरेशो मटिथु नु इन कली गन गन पा, इन शेंशो नु निसाफ पतीके लोव़ प्रोंइतक।
DAN 9:6 गोपुकीमी इन गेय पाइब, इन लोव़ पाइब आन लोव़ मनेंक। मेकोपुकीमी इन नेंमी आंइ पिप, आंइ ठेयब मुर, आंइ किकी पिपी नु आंइ रागी ङा मुर नेल्‍ल आन कली लोव़ पाम्‍तेक्‍म।
DAN 9:7 परमप्रभु, गे ठीक पाइब बाक्‍नीनी। गो चहिं मुने दोक्‍शो बाक्‍नीकी। मुलाक्‍ती यहूदा ङा मुर, यरूसलेममी बाक्‍ब, इस्राएली नेल्‍ल आन नेक्‍था नु ङोन रागीम खेरचा पुंइसीशो मुर नेल्‍ल इन कली प्रोंइशो आ पर्बम दोस ताइब दुम्‍तेक्‍म।
DAN 9:8 परमप्रभु यावे, आंइ पिपपुकी, आंइ ठेयब मुरपुकी, आंइ किकी पिपी नु गो नेल्‍लेमी इन ङोंइती पाप पाइ‍तक। एज्रा ९:७; यसैया ४३:२७
DAN 9:9 गोपुकी इन देंशो गन गन पा मटीतक हना यो, परमप्रभु, आंइ होव़प, गे शिशी पाइब नु पाप क्‍याम्‍ब बाक्‍नीनी। भजन संग्रह १३०:४
DAN 9:10 गोपुकीमी परमप्रभु यावे, आंइ परमप्रभु कली मटीब बाक्‍तक। इन लोव़ पाइबपुकीमी इन अरेशो लोव़ आंइ कली नेंपाइश्‍शो बाक्‍तेक्‍म। तन्‍न गो मपक।
DAN 9:11 इस्राएली नेल्‍लेमी इन क्‍येङा ङोन लशा, इन अरेशो मटिथु, इन देंशो मपामे। मोपतीके गो इन गेय पाइब मोसामी ब्रेक्‍शो इन अरेशो लोव़मी सराप नु कसम आंइ तारी मोइक्‍चा पुंइसीशो बाक्‍नीक। मारदे हना गोपुकीमी इन कली पाप पाइतक। लेवी २६:१४-३९; ब्‍यवस्‍था २८:१५-६८
DAN 9:12 मिनु गे आंइ पर्बम नु आंइ निसाफ पाइब आन पर्बम इन देंशो लोव़ खाप्‍तीनी। यरूसलेम कली गेशो खोदेंशो श्‍येत रागी नेल्‍ल आन कली गेनायो मदुम्‍शो बाक्‍त।
DAN 9:13 मोसामी इन अरेशो लोव़म ‘मेको कली मटीब श्‍येत जाइनीम’ दे ब्रेक्‍शो खोदेंशो पा, मेको श्‍येत नेल्‍ल आंइ कली दुम्‍त। मिनु गोपुकीमी परमप्रभु यावे, आंइ परमप्रभु कली ‘इन थमा लोव़ कली रुप्‍तीक थुं गेकी’ दे मपुंइक। मिनु आंइ मरिम्‍शो पशो मप्रोंइक। इन कली दाक्‍शा मप्रोंइतीके ममिम्‍तक।
DAN 9:14 मोपतीके परमप्रभु यावेमी आंइ कली गेतीक, मेको ठेयब श्‍येत तेक्‍तु। थमा पा परमप्रभु यावे, आंइ परमप्रभु आ पशो नेल्‍ल ठीक बाक्‍ब। मारदे हना गोपुकीमी आ देंशो मपक।
DAN 9:15 मिनु परमप्रभु यावे, आंइ परमप्रभु गे इन मुर आन कली इजीप्‍त रागी रे ग्रुंइशा चाक्‍तीनी। मेको इन सक्ति नु इन ठेयब नें आ पर्बम मोदेंशो पाइ‍तीनी। गोपुकी पाप पा, इन अरेशो लोव़ मटीब दुम्‍तक।
DAN 9:16 परमप्रभु, इन ठीक पतीकेमी इन सहर यरूसलेम नु इन योव़शो डांडा आ पर्बम मगाइक्‍तीन, मचुरीन। आंइ पशो पाप नु आंइ किकी पिप आन मरिम्‍शो पशो आ पर्बम यरूसलेम नु इन योव़शो मुर आन नेक्‍था बाक्‍ब मुर रे पा शुक्‍शी पाइक्‍चा पुंइसीब दुम्‍तेक्‍म।
DAN 9:17 मोपतीके आंइ परमप्रभु, इन गेय पाइब, आं देंशो नु पुंइशो लोव़ नेनीने। मिनु इन नें आ पर्बम इन ब्रेश्‍शो बाक्‍तीके कली लेंशा शिशी पा कोव़ङीन।
DAN 9:18 आं परमप्रभु इन नोफा दाइश्‍शा नेनीन। मिनु आंइ कली दुम्‍शो श्‍येत नु इन नेंम सेल्‍शो सहर यरूसलेम कली कोव़ङीन। आंइ ठीक पतीके आ पर्बम ममाइ, तन्‍न इन शुश शिशी पतीके आ पर्बम पुंइनीकी।
DAN 9:19 आं परमप्रभु, नेनीन। परमप्रभु, आंइ पाप क्‍याम्‍दीन। परमप्रभु, नेनीन। मिनु इन नें आ पर्बम मरिम्‍थु गेय पने। मारदे हना इन सहर नु इन मुर इन नें रे ब्रेत्‍चा पुंइसीशो बाक्‍नीम” दे गो दानीएलमी परमप्रभु कली देंती। येरमीया १४:९
DAN 9:20 मिनु गो मो देंशा परमप्रभु यावे, आं परमप्रभु आ ङोंइती लोव़ पना पन, प्रार्थना पा, आं पाप नु आं मुर इस्राएली आन पशो पाप नेल्‍ल शोव़शा, आं परमप्रभु आ डांडा, आ मुर आन पर्बम पुंइना पुंइन, बाक्‍ङानु,
DAN 9:21 प्रार्थना पना पन, गो आं ङोंइती आं कोंइतीकेमी तशो मुर गाब्रीएल बेरशा आं नेक्‍था जाक्‍त। मेना नाक्‍दो ङा चढ़ेची ना जाक्‍शो बाक्‍त। दानीएल ८:१६
DAN 9:22 मिनु मेकोमी आं कली “दानीएल, मुल गो इ कली जोक्‍तीक तुइक्‍तीक नु रुप्‍तीक थुं गेथ जाक्‍ती।
DAN 9:23 मिनु गे गेना पुंइचा गोवी, मेना गो लोव़ का नेंता। मिनु गो इ कली मेको लोव़ शेंथ जाक्‍ती। मारदे हना गे शुश दाक्‍चा पुंइसीशो मुर बाक्‍नेवे। मेको लोव़ मिम्‍शा, मेको कोंइतीक रुपो।
DAN 9:24 इ मुर नु परमप्रभु आ सहर ७० हप्‍ता सम्‍म श्‍येत जचा माल्‍नीम। मिनु मे नोले मरिम्‍शो नु पाप पतीके नुप्‍ब। मेना अरेशो मटितीके क्‍याम्‍तीके गेय पशो बाक्‍ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्‍शा नोले परमप्रभु आ बाक्‍तीक लेंशा सेल्‍शा तेल ख्रेक्‍नीम।
DAN 9:25 मोपतीके यरूसलेम लेंशा सेल्‍तीक लोव़ तेल लुक्‍शो पिप मजाक्‍म सम्‍म ७ हप्‍ता बाक्‍नीम। मिनु ६२ हप्‍ता लां नु खिं आ एर ओंथ लेंशा सेल्‍चा कली माल्‍ब, दे रुप्‍शा तुइक्‍तो। मेना श्‍येत जतीक ना बाक्‍ब।
DAN 9:26 मिनु ६२ हप्‍ता नोले मेको तेल लुक्‍शो का मारेइ मदुम्‍थु यो तिल्‍चा पुंइसीब। मिनु मेको जाक्‍चा चिक्‍शो पिप आ लडाइ पाइब नु जाक्‍शा, मेको सहर नु परमप्रभु यावे आ बाक्‍तीक खतम पोक्‍ब। मिनु मेको आ नुप्‍ची ना ठेयब भोल यिशा, नोले सम्‍म लडाइ दुम्‍ब। ङोंइती मोदेंशो खतम दुम्‍तीक श्‍येत आ पर्बम देंशो बाक्‍ब। यसैया २८:२२; लूका २१:२३-२४
DAN 9:27 मेकोमी हप्‍ता का सम्‍म शुश मुर नु कबल पाइब। मिनु आधा हप्‍तामी चढ़ेतीक नेल्‍ल तेक्‍ब। मिनु मेकोमी चढ़ेतीक आ पा ङा शुश ग्रांग्रा दिचा ङा गेय पाइब। मेको कली खतम सेल्‍तीक लोव़ मग्रूम सम्‍म मोदेंशो पाइ‍ब” देंत। दानीएल ८:११; दानीएल ११:३१; दानीएल १२:११; मत्ती २४:१५; यसैया १०:२२-२३
DAN 10:1 मिनु पारसी रागी ङा कोरेस पिप दुम्‍शो बर्स सां दुम्‍‍मेनु, परमप्रभुमी बेल्‍त-शजर माइश्‍शो दानीएल कली लोव़ का तुइक्‍पाइक्‍तु। मेको लोव़ थमा बाक्‍त। ठेयब श्‍येत आ पर्बम बाक्‍त। मेको दानीएलमी मेको कोंइतीक तशा, रुप्‍तीक थुं यो ताप्‍तु। दानीएल १:२१; दानीएल १:७
DAN 10:2 मेना गो, दानीएल, हप्‍ता सां सम्‍म रोंका पाता।
DAN 10:3 मेको हप्‍ता सां सम्‍म गो ब्रोव़शो मारेइ जचा थोव़क मजङ। श्‍ये मब्‍वङ। अङगुर शांबु यो मतूङु। मिनु तेल यो मख्रेक्‍सीङ।
DAN 10:4 मिनु ङोंइती ङा महिना ङा २४ नाक्‍त टाइग्रीस माइश्‍शो ठेयब खोला आ नेक्‍था राप्‍शो बाक्‍ती।
DAN 10:5 मिनु गो इर गे कोव़ङुनु, सुती वा फेक्‍शो मुर का ताता। मेकोमी थम रिम्‍शो ओफीर ङा सुन के किप्‍शुर किप्‍शो बाक्‍त। दानीएल ८:१५; दानीएल १२:६; इजीकीएल ९:२; प्रकाश १:१३-१५
DAN 10:6 मिनु मेको आ रां बेरील माइश्‍शो हीरा खोदेंशो बाक्‍त। आ कुल चिला खोदेंशो बाक्‍त। आ मिक्‍च ब्रशो तोव़शी खोदेंशो बाक्‍त। मेको आ गुइ खोइली थाम्‍पा खुइश्‍शो कांसा खोदेंशो पा टल्‍केशो बाक्‍तेक्‍म। मेको आ सेंदा शुश मुर आन लोव़ पशो खोदेंशो नेंसाक्‍ब। इजीकीएल १:२७-२८
DAN 10:7 गो, दानीएलमी मेको कोंइतीक ताता। गो नु बाक्‍ब मुर सुइमी मतामे। तन्‍न मेकोपुकी हिंशा ख्रिंख्रि पा प्रोक्‍शा ख्रुंइसाक्‍म।
DAN 10:8 मिनु मेको ठेयब कोंइतीक तचा कली गो का ला बाक्‍ती। मिनु मारेइ पने मचाप्‍ब दुम्‍ती। मिनु आं कुल बेक्‍चा चिक्‍शो मुर के खोदेंशो दुम्‍शा, मारेइ बोल मपाइश्‍शो दुम्‍ती।
DAN 10:9 मिनु नोले मेकोमी लोव़ पशो नेंता। मिनु मेको लोव़ नेंनु चोटीन, गो खपीमी दिङ गोल्‍शा, थती।
DAN 10:10 मिनु गुइ काम आं कली थिती। मिनु गो गुइ नु पोक्‍च थेक्‍शा, बोक्‍ती।
DAN 10:11 मिनु मेकोमी आं कली “दानीएल, गे शुश दाक्‍चा पुंइसीशो मुर बाक्‍नेवे। आं देंशो लोव़ नोफा दाइश्‍शा नेनो। बोक्‍शा बाक्‍को। मारदे हना गो इ बाक्‍तीकेमी सोइक्‍चा पुंइसीशो बाक्‍नुङ” दे माइक्‍ती। मिनु मेकोमी लोव़ पवानु, गो आ ङोंइती ख्रिंख्रि पा राप्‍ती।
DAN 10:12 मिनु मेकोमी आं कली “दानीएल, महिंनो, गे रुप्‍चा माल्‍शा ङोंइती ङा नाक्‍ती रे इ परमप्रभु आ ङोंइती आंम कली ब्रेम्‍शो सेल्‍साक्‍वे, इ पुंइशो नेंतीके गो एक जाक्‍ती।
DAN 10:13 तन्‍न पारसी राज्‍य कली कोव़ब सैतान आ गेय पाइबमी गो नु २१ नाक्‍त सम्‍म लडाइ पा तेक्‍ती। मिनु परमप्रभु यावे आ स्‍वर्ग ङा ठेयब गेय पाइब मिकाएल जाक्‍शा, आं कली वारच पाइक्‍ती। मिनु गो जाक्‍चा ताता। यसैया २४:२१
DAN 10:14 नोले ङा नाक्‍त इ मुर आन कली मार दुम्‍बा, दे गो इ कली रुप्‍पाइक्‍थ जाक्‍ती। मारदे हना इ तशो कोंइतीक क्‍येङा नोले ङा नाक्‍त कली अर्को कोंइतीक का यो बाक्‍ब” दे माइक्‍ती।
DAN 10:15 मिनु मेकोमी आं कली लोव़ पवानु, गो आं पिया खुक्‍शा मारेइ लोव़ पने मचाप्‍ब दुम्‍शा बाक्‍ती।
DAN 10:16 मो दुम्‍मेनु, मुर खोदेंशो काम आं शोव़ थिप्‍तु। मिनु गो लोव़ पने चाप्‍ता। मिनु गो आं ङोंइती राप्‍शा बाक्‍ब कली “आं प्रभु, एको कोंइतीके आ पर्बम खाइक्‍ती। मिनु आं के मारेइ बोल मली। यसैया ६:७; येरमीया १:९
DAN 10:17 गो, इन वाइलम, गे नु दोपा लोव़ पने चाप्‍नुङा? मारदे हना गो ख्रिंख्रि पा, आं बोल नेल्‍ल लशा, आ सोक्‍त हेररा मली” देंती।
DAN 10:18 मिनु मेको मुर खोदेंशोमी आं कली लेंशा थिशा, बोल्‍यो सेल्‍ती। दानीएल ८:१८
DAN 10:19 मिनु मेकोमी आं कली “नेल्‍ल क्‍येङा दाक्‍चा पुंइसीशो, महिनो। इ कली मारेइ मदुम्‍ब। बोल्‍यो नु महिंब दुमो” दे माइक्‍ती। मेकोमी गो नु लोव़ पवा नोले, गो बोल्‍यो दुम्‍ती। मिनु गो “आं प्रभु, लोव़ पने। मारदे हना गे आं कली बोल्‍यो सेल्‍तीनी” देंती। प्रकाश १:१७
DAN 10:20 मिनु मेकोमी “गो इ बाक्‍तीकेम मारदे जाक्‍ङा, तुइक्‍नेवे? गो पारसी राज्‍य कली कोव़ब सैतान आ गेय पाइब नु लडाइ पचा कली लेत्‍चा माल्‍नुङ। गो ग्राङा नोले ग्रीस रागी ङा सैतान आ गेय पाइब जाक्‍ब।
DAN 10:21 मिनु गो थमा लोव़ ङा किताबमी मार ब्रेक्‍शो बाक्‍मे, मेको इ कली शोव़थ जाक्‍ती। मेकेर मिकाएल क्‍येङा लाक्‍शा, अरु वारच पाइब सैतान आ गेय पाइब नु लडाइ पचा कली सुइ मबाक्‍नीम। परमप्रभु यावे आ स्‍वर्ग ङा गेय पाइब, मिकाएल चहिं इस्राएली इन कली कोव़ब बाक्‍ब।
DAN 11:1 गो दारा मादी ङा पिप दुम्‍शो ङोंइती ङा बर्समी मिकाएल कली वारच पाइक्‍चा नु अरु रे पा प्रोंइचा कली बाक्‍ती” देंत।
DAN 11:2 मेकोमी लेंशा परमप्रभु यावे आ स्‍वर्ग ङा गेय पाइबमी “मुल गो इ कली मेको थमा लोव़ पाइनुङ। पिप दारा आ नोले पारसी रागीमी पिप सां दुम्‍‍नीम। मिनु मेको सांमी नोले जाक्‍ब पिप मेको ङोंइती ङा सां आन क्‍येङा शुश शोंप पाइश्‍शो दुम्‍ब। मिनु मेको पिपमी आ शोंपोमी आ सक्ति बारपाइक्‍ना पाइक्‍न लशा, रागी नेल्‍ल आन कली ग्रीस राज्‍य नु लडाइ पचा कली पोक्‍ब। दानीएल १०:२१
DAN 11:3 मिनु नोले शुश लडाइ पाइब पिप का जाक्‍ब। मेकोमी शुश रागी कली सासन पाइब। मिनु मेकोमी मार दाक्‍बा, मेको पाइब। दानीएल ८:२१
DAN 11:4 मिनु आ सक्ति बारना बारन लमेनु, आ राज्‍य पूर्ब पच्‍छिम, उत्तर दक्‍खिन गे योक्‍सीब। मोपा योक्‍सीशा, आ तौ चचपुकीम मारेइ मताइनीम। मिनु मेको खोदेंशो पा सुइमी लेंशा सासन मपाइनीम। मारदे हना मेको आ राज्‍य नेल्‍ल खतम दुम्‍मेनु, अरु आन कली दुम्‍ब। दानीएल ८:८,२२
DAN 11:5 मिनु नोले दक्‍खिन ङा पिप शुश सक्ति पाइश्‍शो दुम्‍ब। तन्‍न आ कप्‍तान आन दाते ङा का मेको पिप क्‍येङा बोल्‍यो दुम्‍ब। मिनु मेकोमी पिप आ शुश रागी रोइश्‍शा, हुकुम पाइब।
DAN 11:6 मिनु बर्स का निक्‍शी नोले मेको निक्‍शी गारशा, दक्‍खिन ङा पिपम आ तमी मेको उत्तर ङा पिप कली ग्‍युंबे पा गेब। तन्‍न मेको आ सक्ति मलीब। मिनु मेको आ तौ चच यो मलीनीम। मेको पिप आ तमी, आ गेय पाइब, आ आल नु मेको कली दाक्‍ब नेल्‍ल खतम पोक्‍‍चा पुंइसीनीम।
DAN 11:7 मिनु नोले मेको पिप आ तमी आ खिं ङा मुर का ग्रूब। मेकोमी उत्तर ङा पिप नु मेको आ मुर नु लडाइ पा, आ गारो हिरशो सहर नु दरवार ओव़नीम। मिनु मेकेर लडाइ पा ग्रानीम।
DAN 11:8 मेकोमी मेको आन देवी देवता आन मूर्तिपुकी नु सुन चांदी के बोसपुकी रोइश्‍शा, इजीप्‍त रागीमी लाइक्‍ब। मिनु मे नोले उत्तर ङा पिप नु बर्स का निक्‍शी सम्‍म लडाइ मपाइब।
DAN 11:9 मिनु नोले उत्तर ङा पिपमी दक्‍खिन ङा पिप कली लडाइ तोइब। तन्‍न मेको आंम आ रागीमी लेश्‍शा लाइब।
DAN 11:10 मिनु मेको उत्तर ङा पिप आ तौपुकीमी शुश लडाइ पाइब मुर खुप्‍नीम। मिनु मेको तेक्‍ने मचाप्‍चा ङा भोल बुद पा ग्राना ग्रान लाइनीम। मेको लेंशा गारो हिरशो सहर ङा दरवार सम्‍म लाइनीम।
DAN 11:11 मिनु दक्‍खिन ङा पिप गाइश्‍शा, उत्तर ङा पिप नु लडाइ पचा कली बोक्‍ब। उत्तर ङा पिपमी चहिं लडाइ पचा कली शुश लडाइ पाइब आन कली खुप्‍ब। तन्‍न मेको आन जोरी सत्रु रे पा ब्रुइनीम।
DAN 11:12 मिनु उत्तर ङा लडाइ पाइब ग्‍याइक्‍चा पुंइसीमानु, दक्‍खिन ङा पिप ठेयब लेश्‍शा हजार हजार मुर आन कली साइक्‍ब। तन्‍न मोदेंशो पशा यो, ब्रुना ब्रुन लाइब।
DAN 11:13 मिनु उत्तर ङा पिपमी ङोंइती क्‍येङा शुश लडाइ पाइब खुप्‍ब। मिनु बर्स का निक्‍शी नोले लडाइ पचा कली शुश या कुरशा शुश लडाइ पाइब नु बारब।
DAN 11:14 मेना शुश रागी ङा मुरपुकी यो दक्‍खिन ङा पिप नु लडाइ पचा कली बोक्‍नीम। मिनु आ मुर आन दाते ङा रोइक्‍ब नु साइक्‍ब यो बोक्‍नीम, दे कोंइतीके कोंइशो गाप्‍चा कली बाक्‍ब। तन्‍न मेकोपुकी मग्रानीम।
DAN 11:15 मिनु नोले उत्तर ङा पिप जाक्‍शा, दक्‍खिन ङा राज्‍य इन गारो हिरशो सहर पुम्‍शा, आंम के सेल्‍ब। दक्‍खिन ङा लडाइ पाइब ब्रुइनीम। मिनु मेको आन नेल्‍ल क्‍येङा बोल्‍यो लडाइ पाइब आन सक्ति यो जाम्‍शा लाइब।
DAN 11:16 मिनु उत्तर ङा पिपम मार पचा दाक्‍बा, मेको पाइब। मिनु सुइमी मेको कली तेक्‍ने मचाप्‍नीम। मिनु मेकोम नेल्‍ल क्‍येङा दारशो रागी आंम के सेल्‍शा, मारेइ मारेइ खतम सेल्‍ब। दानीएल ८:९
DAN 11:17 मेकोमी कबल पा ‘गो दक्‍खिन ङा पिप आ राज्‍य नेल्‍ल आंम के सेल्‍नुङमी’ दे मिम्‍ब। मिनु मेको कली खतम सेल्‍चा कली गारचा देखु पा, आ तमी कली ग्‍युंबे पा गेब। तन्‍न मेको आ मिम्‍शो खोदेंशो मदुम्‍ब।
DAN 11:18 मिनु नोले मेकोमी समुन्‍द्र आ नेक्‍था बाक्‍शो रागी नु लडाइ पा, शुश रागी आंम के सेल्‍ब। तन्‍न आ लडाइ पाइब आन ठेयब मुर कामी मेको आ ठेयब लेश्‍शो थुं थमा पा खतम पोक्‍‍शा गेब।
DAN 11:19 मिनु नोले मेको पिप आ रागी ङा दरवारम लेत्‍चा थुं पाइब, तन्‍न साइक्‍चा पुंइसीब।
DAN 11:20 मिनु मेको आ नोले अर्को मुर का पिप दुम्‍ब। मेकोमी आ राज्‍य कली शोंप तेल्‍‍चा कली ठेयब मुर का कली तिरो पोक्‍थ सोइक्‍ब। तन्‍न इच्‍का नाक्‍त नोले मेको पिप यो गाइक्‍चा मपुंइसीथु, लडाइ मपथु, बेक्‍ब।
DAN 11:21 मिनु मेको पिप आ नोले मारेइ मान मपाइश्‍शो मुर का जाक्‍शा, सुइमी मतुइक्‍चा ङा पा, रिम्‍शो लोव़ पखु पा मेको राज्‍य आंम के सेल्‍ब। दानीएल ८:२३-२४
DAN 11:22 मिनु मेको आ सक्ति बारना बारन लशा, नेल्‍ल आन कली ग्राब। मेकोमी परमप्रभु यावे आ कबल प‍शो का कली यो खतम पोक्‍ब।
DAN 11:23 मिनु मेकोमी लोव़ गारपाइश्‍शा दुशा बाक्‍शो देखु पा, जोल पाइब। मिनु आ मुर का निक्‍शी ला बाक्‍तेक्‍म हना यो, मेको सक्ति पाइश्‍शो दुम्‍ब।
DAN 11:24 मिनु सुइमी मारेइ मतुइक्‍थु, मेको नेल्‍ल क्‍येङा शोंप पाइश्‍शो रागी लशा, लडाइ तोइब। मेकोम आ किकी पिपीपुकीम गेनायो मपशो गेय पाइब। आ नोले खोइक्‍ब आन कली आ रोइश्‍शो शोंप नु रू योव़शा गेब। मेकोमी अरु गारो हिरशो सहर आन कली दोपा ग्राचा, दे मिम्‍शा बाक्‍ब। तन्‍न मोदेंशो मिम्‍शो नाक्‍त का निक्‍शी कली ला दुम्‍ब।
DAN 11:25 मिनु उत्तर ङा पिपमी आ बोल्‍यो लडाइ पाइब आन कली लाइश्‍शा, आ सक्ति नेल्‍लेमी दक्‍खिन ङा पिप नु लडाइ पाइब। मिनु दक्‍खिन ङा पिपमी यो ठेयब हिक्‍ने मचाप्‍चा ङा लडाइ पाइब लाइश्‍शा, मेको नु लडाइ पाइब। तन्‍न मेको पिप ब्रुइब। मारदे हना आ मुरुमी मेको कली जोल पा मग्रापाइक्‍नीम।
DAN 11:26 मोदेंशो पाइब आ नु जाइब बाक्‍‍नीम। मिनु मेको आ लडाइ पाइब ब्राशा, शुश साइक्‍चा पुंइसीनीम।
DAN 11:27 मेको पिप निक्‍शी मरिम्‍शो थुं पाइश्‍शो बाक्‍नीस। काथा जाम्‍ताक्‍स हना यो, जोल पमुइनीस। तन्‍न मेको रे मारेइ रिम्‍शो मदुम्‍ब। मारदे हना नोले ङा नाक्‍त मजाक्‍शो बाक्‍ब।
DAN 11:28 मिनु उत्तर ङा पिप शुश शोंप लाइश्‍शा, आ रागी लेश्‍शा लाइब। तन्‍न मेकोमी परमप्रभु यावे आ कबल पशो आ पर्बम शुश गाइश्‍शो बाक्‍ब। मिनु मेको पिपमी मार दाक्‍ता, मेको पाइब। मिनु आ रागीम लेश्‍शा लाइब।
DAN 11:29 मिनु ङोंइती देंशो नाक्‍त गाम्‍मेनु, मेको उत्तर ङा पिप लेंशा दक्‍खिन ङा पिप नु लडाइ पथ लाइब। तन्‍न ङोंइती ङा खोदेंशो पा ग्राने मचाप्‍ब।
DAN 11:30 कित्तीम रे पा मेको नु लडाइ पचा कली जहाजपुकी जाक्‍नीम। मिनु मेको पिप आ थुं लुक्‍च लशा, आ रागी लेप्‍ब। मेकोमी परमप्रभु यावे आ कबल पशो आ पर्बम गाइश्‍शा, थमा सुइक्‍ब आन कली खेदा पाइब। मिनु परमप्रभु यावे आ कबल प्रोंइशो मुर नु गारब।
DAN 11:31 मिनु मेको पिप आ सोइश्‍शो लडाइ पाइबपुकीमी परमप्रभु यावे आ खिं नु दरवार कली ग्रांग्रा दिशो सेल्‍नीम। मिनु मेकोपुकीमी नाक्‍त किंत किंत चोशा चढ़ेतीक गेय तेक्‍नीम। मिनु मेकेर ग्रांग्रा दिचा ङा मार मार थोव़क वोइक्‍नीम। दानीएल ९:२७
DAN 11:32 मिनु मेको पिपमी परमप्रभु यावे आ कबल पशो मटीब मुर आन कली जोल पा आ नोले खोइक्‍ब सेल्‍ब। तन्‍न आन परमप्रभु कली तुइक्‍ब मुरपुकी बोल्‍यो दुम्‍शा, मेको कबल काइ मप्रोंइनीम।
DAN 11:33 मिनु मेको आन दाते ङा जोक्‍ब तुइक्‍बपुकीमी शुश मुर आन कली रुप्‍ब सेल्‍नीम। मोपतीके नाक्‍त का निक्‍शी सम्‍म मेको तरवारम क्‍योरचा, मीम हुम्‍चा, ग्‍याइश्‍शा चोक्‍चा नु आन मार मार रोइक्‍चा पुंइसीनीम।
DAN 11:34 मिनु मोदेंशो दुम्‍मेनु, इच्‍का वारच पाइक्‍चा पुंइसीनीम। मिनु शुश मुर मेको आन नोले खोइक्‍नीम। तन्‍न थुं पाइश्‍शो मुर ला मेको आन नोले खोइक्‍‍नीम।
DAN 11:35 मिनु मुरुम जोक्‍ब तुइक्‍ब आन कली मोदेंशो खेदा पतीके रागीम नोले ङा नाक्‍ती सम्‍म मेको आन कली सुन खोदेंशो पा यपाइक्‍चा, नाक्‍चा नु रिम्‍शो दुम्‍पाइक्‍चा कली बाक्‍ब। मेको मुल सम्‍म मजाक्‍शो बाक्‍ब।
DAN 11:36 पिपमी मार दाक्‍बा, मेको पाइब। मिनु मेकोमी ‘देवी देवता नेल्‍ल आन क्‍येङा ठेयब नङ’ देंब। मिनु परमप्रभु नेल्‍ल आन क्‍येङा ठेयब परमप्रभु आ पर्बम गेनायो मनेंसीशो मरिम्‍शो लोव़ पाइब। मेको आ नोले ङा नाक्‍त मजाक्‍म सम्‍म आ माल्‍शो ताइब। परमप्रभुमी मेको कली सजाइ मगेवा सम्‍म मोदेंशो दुम्‍‍ब। मारदे हना परमप्रभुमी मार पचा मिम्‍बा, मेको पाइब। २थिस्‍सलोनिकी २:४; दानीएल ७:८,२५; प्रकाश १३:५-६
DAN 11:37 मिनु मेको पिपमी आ किकी पिपी आन देवी देवता आन कली सेउ मपाइब। मिनु मीश मुर आन दाक्‍शो देवी देवता आन कली यो सेउ मपाइब। मारदे हना ‘गो देवी देवता नेल्‍ल आन क्‍येङा ठेयब नङ’ दे मिम्‍सीब। इजीकीएल ८:१४
DAN 11:38 तन्‍न बोल्‍यो दरवार ङा देवता कली सेउ पाइब। आ किकी पिपीमी मेको कली मतुइश्‍शो बाक्‍तेक्‍म। मेको आन कली सुन, चांदी, हीरा नु शुश क्‍येट लाइब थोव़क गेशा ठेयब सेल्‍ब।
DAN 11:39 मेकोमी अर्को रागी ङा देवी देवता आन कली सेउ पशा, नेल्‍ल क्‍येङा बोल्‍यो दरवार कली ग्राब। सुमी मेको कली मान पाइबा, मेको शुश शोंप पाइश्‍शो दुम्‍ब। मिनु मेको आन कली रू शुश गेशा, शुश मुर आन कली हुकुम पाइब सेल्‍ब।
DAN 11:40 मिनु नोले ङा नाक्‍ती दक्‍खिन ङा पिपमी मेको कली लडाइ तोइब। मिनु उत्तर ङा पिपमी फश गिवार खोदेंशो पा मेको नु लडाइ पाइब। मेकोमी बग्‍गी, शारा ङोइक्‍ब नु लडाइ पाइब जहाज शुश चाक्‍शा लडाइ पाइब।
DAN 11:41 मिनु मेको रागी रागी नु लडाइ पा, ठेयब खोला खोदेंशो पा बारब। मिनु मेको दारशो रागी ओव़शा, हजार हजार मुर आन कली साइक्‍ब। तन्‍न एदोम, मोआब रागी नु अम्‍मोनी आन रागी ङा नेल्‍ल क्‍येङा ठेयब बाक्‍तीके मेको आ गुइमी मदुम्‍‍नीम। दानीएल ११:१६
DAN 11:42 मेकोमी रागी रागी आन कली ग्राना ग्रान लाइब। मिनु इजीप्‍त रागी कली यो ग्राब।
DAN 11:43 मिनु मेकोमी इजीप्‍त ङा सुन चांदी नु शोंप नेल्‍ल आंम के सेल्‍ब। लिबीया नु एथीयोपीया ङा मुर आ गेय पाइब दुम्‍नीम।
DAN 11:44 मिनु मेकोमी पूर्ब नु उत्तर रे जाक्‍शो लडाइ पतीक लोव़ नेंशा, मेको शुश गाइश्‍शा, मुर आन कली शुश साइश्‍शा, रागी नेल्‍ल रोबल चिबल पोक्‍ब।
DAN 11:45 मिनु मेकोमी ठेयब समुन्‍द्र नु नेल्‍ल क्‍येङा दारशो परमप्रभु आ सहर ङा डांडा आस दातेमी आ बाक्‍तीक ताम्‍बु की‍ब। मो पाप्‍तु हना यो, मेको बेक्‍ब। सुइमी मेको कली वारच मपाइनीम” दे स्‍वर्ग ङा गेय पाइबम देंत।
DAN 12:1 मिनु परमप्रभु यावे आ स्‍वर्ग ङा गेय पाइबमी “मेना नेल्‍ल क्‍येङा ठेयब स्‍वर्ग ङा गेय पाइब मिकाएल जाक्‍ब। मिनु मेकोमी इ रागी ङा मुर आन कली कोव़ब। मेना रागी दुम नोले गेनायो मदुम्‍शो श्‍येत जाक्‍ब। तन्‍न इ मुर श्‍येत रे प्रोंइचा पुंइसीनीम। सु सु आन नें किताबम ब्रेक्‍शो बाक्‍मे, मेको ब्रोंइचा ताइनीम। दानीएल १०:१३; प्रकाश १२:७; मत्ती २४:२१; दानीएल ७:१०
DAN 12:2 मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९
DAN 12:3 मिनु जोक्‍ब तुइक्‍बपुकी सरीङ ङा छेङछेङ खोदेंशो दुम्‍नीम। मिनु सु सुमी मुर आन कली ठीक लांमी गाक्‍पदमे, मेकोपुकी गेना हना यो सोरुल आ छेङछेङ खोदेंशो दुम्‍नीम। दानीएल ११:३३; हितोपदेस ४:१८; मत्ती १३:४३
DAN 12:4 तन्‍न गे दानीएलमी, एको लोव़ सुइ आन कली मदेनो। एको नोले ङा नाक्‍त कली ब्रेक्‍शो किताब मप्रा‍क्‍थु, छाप थोक्‍शा वोतो। नोले ङा नाक्‍तीम शुश मुर आन थुं मनाइक्‍थु, थमा लोव़ माल्‍शा शुश तुइक्‍ब दुम्‍नीम” देंत। प्रकाश १०:४
DAN 12:5 मिनु गो, दानीएलमी, अर्को मुर निक्‍शी तातासी। का खोला आ ओंथ हांबु नु अर्को खोला आ आइक्‍ची हांबुम बाक्‍ताक्‍स।
DAN 12:6 मिनु कामी सुती वा फेक्‍शा आइक्‍ची हांबुम बाक्‍ब कली “एको लोव़ गाप्‍चा कली गिश नाक्‍त बाक्‍नीमी?” दे हिल्‍लो पाप्‍तु।
DAN 12:7 मिनु मेको आइक्‍ची हांबु बाक्‍ब बुश सुती वा फेक्‍शोमी आ गुइ निम्‍फा सरीङ गे पोक्‍तु। मिनु गेना हना यो ब्रोंइशा बाक्‍ब आ नें थिशा कसम जशो नेंता। मिनु मेकोमी “एको पाला का बाक्‍शो ना, पाला निक्‍शी बाक्‍शो ना नु आधा पाला बाक्‍शो ना कली दुम्‍ब। मिनु परमप्रभु यावे आ मुर आन कली श्‍येत जची ना नु्म्‍मेनु, मेको देंशो लोव़ नेल्‍ल गा‍प्‍ब” दे गेना हना यो ब्रोंइशा बाक्‍ब आ नेंमी कसम जाप्‍तु। दानीएल ७:२५; प्रकाश १०:५-६
DAN 12:8 गो मेको लोव़ नेंता, तन्‍न मरुबु। मोपतीके गो “आं प्रभु, एको नेल्‍ल रे मार दुम्‍बा?” दे हिल्‍लो पाता।
DAN 12:9 मिनु मेकोमी “दानीएल, गे इ लां खोतो। मारदे हना एको लोव़ नोले ङा नाक्‍त सम्‍म ख्रुइश्‍शा छाप थोक्‍शा वोइक्‍‍चा माल्‍ब।
DAN 12:10 मिनु शुश मुर नाक्‍चा, रिम्‍शो सेल्‍चा नु सुन यपाइश्‍शो खोदेंशो पा रिम्‍शो सेल्‍‍चा पुंइसीनीम। तन्‍न परमप्रभु कली मटीब, मटिना टिन बाक्‍शा, मारेइ मरुप्‍नीम। तन्‍न जोक्‍ब तुइक्‍बपुकीमी एको लोव़ रुप्‍नीम।
DAN 12:11 मिनु नाक्‍त किंत किंत ङा चोशा चढ़ेतीक चढ़ेचा नाइक्‍तमे नोले नु ग्रांग्रा दि‍शो थोव़क चढ़ेमे सम्‍म हजार का, सहे निक्‍शी ९० नाक्‍त दुम्‍नीम। दानीएल ९:२७
DAN 12:12 सु सु हजार का सहे सां ३५ नाक्‍त सम्‍म फाल्‍शा बाक्‍नीमी, मेको ग्‍येरसीशो मुर बाक्‍‍नीम।
DAN 12:13 तन्‍न गे, दानीएल, इ लां लशा, थुं नांइसो। मिनु नोले ङा नाक्‍ती इ इनाम तचा कली बेक्‍चा रे सेंचा पुंइसीनेवे” देंत।
HOS 1:1 परमप्रभु यावेमी बेयरी आ तौ होसे नु लोव़ पाप्‍तु। मेना यहूदा ङा पिप उज्‍जीयाह, योथाम, आहाज नु हिज्‍कीयाह बाक्‍तेक्‍म। मिनु इस्राएल ङा पिप योआश आ तौ येरोबाम बाक्‍त। यसैया १:१; २राजा १४:२३; आमोस १:१
HOS 1:2 मिनु परमप्रभु यावेमी होसे नु लोव़ पचा गोप्‍तु। मेकोमी होसे कली “लावो, मिनु तेल्‍लेम मीश मुर कली ग्‍युंबे पावो। मिनु मेको नु आल थिवो। मारदे हना एको रागी परमप्रभु यावे कली प्रोंइ‍शा, तेल्‍लेम खोदेंशो दुम्‍शो बाक्‍ब” देंत। होसे ३:१; ब्‍यवस्‍था २३:१८
HOS 1:3 मिनु होसे लशा दिब्‍लैम आ तमी गोमेर कली ग्‍युंबे पाप्‍तु। मिनु मेको मीशेमी आल कुरशा, तौ का थिप्‍तु।
HOS 1:4 मिनु परमप्रभु यावेमी होसे कली “मेको तौ आ नें येज्रेल वोतो। मारदे हना गो रीब पा येहू आ खिं कली येज्रेलमी पशो हुश ख्राक्‍श आ पर्बम क्‍येक्‍क लेत्‍नुङ। मिनु इस्राएल राज्‍य खतम पोक्‍नुङ। २राजा १०:१-१४
HOS 1:5 गो मेको नाक्‍ती इस्राएल कली येज्रेल ङा दिंममी खतम सेल्‍नुङ” देंत।
HOS 1:6 मिनु गोमेरमी लेंशा आल कुरशा, तमी का थिप्‍तु। मिनु परमप्रभुमी होसे कली “मेको आ नें लो-रूहामा वोतो। मारदे हना गो इस्राएल कली लेंशा शिशी मपाइनुङ। मिनु मेको आन पाप मक्‍याम्‍नुङ। होसे २:३,२५
HOS 1:7 मिनु गो यहूदा आ खिं कली शिशी कोंइनुङ। मिनु मेको आन कली जोरी सत्रु आन गुइ रे पा प्रोंइनुङ। लिब्रा, तरवार नु लडाइ पाइब शारा नु शारा ङोइक्‍बपुकी रे ममाइ, तन्‍न गो मेको आन कली आंमान प्रोंइनुङमी” दे परमप्रभु यावे, आन परमप्रभुमी देंत। लो-रूहामा आ अर्थ “मदाक्‍नुङ” देंशो बाक्‍ब।
HOS 1:8 मिनु गोमेरमी लो-रूहामा कली दूध तुंइचा प्रोना नोले, आल कुरशा, अर्को तौ का थिप्‍तु।
HOS 1:9 मिनु परमप्रभुमी होसे कली “मेको आ नें लो-अम्‍मी वोतो। मारदे हना गेपुकी आं मुर मननी। गो इन परमप्रभु मनङ। लो-अम्‍मी आ अर्थ ‘गे आं मुर मनवे नु गो इ परमप्रभु मनङ’ देंशो बाक्‍ब।
HOS 1:10 इस्राएलीपुकी समुन्‍द्र ङा बाल्‍वा खोदेंशो पा शुश दुम्‍नीम। मिनु सुइमी मेको आन कली पुक्‍ने नु हिक्‍ने मचाप्‍नीम। ते मेको आन कली ‘गेपुकी आं मुर मननी’ देंशो बाक्‍मे मेकेर मेको आन कली ‘गेना हना यो ब्रोंइशा बाक्‍ब परमप्रभु आ मुर’ देंनीम। उत्‍पत्ती २२:१७; रोमी ९:२६
HOS 1:11 मिनु यहूदा आ मुर नु इस्राएल आ मुर लेंशा गारशा का दुम्‍नीम। मिनु मेकोपुकीमी मुर का कली सासन पाइब सेल्‍नीम। मिनु मेको रागी रे ग्रूनीम। मारदे हना येज्रेल आ नाक्‍त ठेयब दुम्‍ब” देंत। यसैया ११:११-१३; येरमीया ३:१८; इजीकीएल ३७:२२
HOS 2:1 मिनु परमप्रभुमी “गेपुकी आंम लोक्‍ब आन कली ‘गे आं मुर बाक्‍नीनी’ देनीन। मिनु इन समी आन कली ‘आं दाक्‍शो समी’ देनीन। होसे १:१९; होसे १:६
HOS 2:2 इन ममा कली हुइक्‍तीन। मेको कली शुश हुइक्‍तीन। मारदे हना मेको आं मीश मबाक्‍ब। मिनु गो मेको आ वोंइश मनङ। मेकोमी आ मिक्‍च वोंइश मुर गे हिरचा प्रोनल। मिनु आ दूध आस दाते ङा नाता ख्रोइश्‍शा, ग्रांग्रा दिशो गेय प्रोनल। इजीकीएल १६:२३;
HOS 2:3 मो मपाप्‍तु हना, गो मेको आ वा प्रुइश्‍शा, मेको जरमेशो नाक्‍ती खोदेंशो पा शिश्रा पोक्‍नुङ। गो मेको कली गोरशो रागी खोदेंशो सेल्‍नुङ। सोव़शो रागी खोदेंशो पा ब्‍वाक्‍कु मबाक्‍शो सेल्‍नुङ।
HOS 2:4 गो मेको आ तमी तौ आन कली आं दाक्‍स मकोंइक्‍नुङ। मारदे हना मेकोपुकी तेल्‍लेम पा थिशो आल बाक्‍नीम।
HOS 2:5 मेको आन ममा जोल पा अर्को मुर नु गाक्‍त। मेको आन कली मुने पा थिशो बाक्‍त। मेकोमी ‘गो आं कली दाक्‍ब वोंइश खोइक्‍नुङ। मिनु मेकोमी आं कली जचा तूचा, ऊन नु सुती वा, तेल नु अङगुर शांबु गेब’ देंत। येरमीया ४४:१७
HOS 2:6 मोपतीके गो मेको आ लां चूमी तेक्‍नुङ। मेको आ लांम गारो सेल्‍शा, आ लां तेक्‍शा वोइक्‍नुङ। मिनु मेकोमी तेइ लां मताइब।
HOS 2:7 मेकोमी आ दाक्‍शो मुर आन कली माल्‍थ लाइब। तन्‍न मेको आन कली ग्‍याइक्‍ने मचाप्‍ब। मेकोमी आ दाक्‍शो मुर आन कली कोव़ब। तन्‍न मथिप्‍ब। मिनु मेकोमी ‘मुल गो ङोंइती ङा खोदेंशो पा आं वोंइश आ बाक्‍तीक लाइनुङ। मारदे हना गो मुल क्‍येङा मेना ठीक बाक्‍ती’ देंब।
HOS 2:8 गो मेको कली अन्‍न, नक अङगुर शांबु नु तेल गेता हना यो मेकोमी मतुइक्‍त। गोम मेको कली सुन चांदीम ग्‍योम्‍ताक्‍ङ। तन्‍न मेकोमी आं गेशो नेल्‍ल बाल देवता कली गेप्‍तु। ब्‍यवस्‍था ७:१२-१३
HOS 2:9 मोपतीके बाली मीमेनु नु नक अङगुर शांबु बोक्‍मेनु, मेको गो लांइसीनुङ। मिनु मेकोमी फेक्‍शो आं ऊन नु सुती वा यो लांइसीनुङ।
HOS 2:10 गो मेको आ दाक्‍शो मुर आन ङोंइती मेको कली शिश्रा पा आ मुने कोंइक्‍नुङ। मिनु सुइमी यो मेको कली आं गुइ रे मलाइक्‍नीम। येरमीया १३:२२
HOS 2:11 गो मेको आ चाड नेल्‍ले मानेचा मगेनुङ। मेको आ बर्स बर्स ङा चाडपुकी नु औंसी ङा चाड, मेको आ नाइक्‍तीक नाक्‍तपुकी नु मेको आ अरु चाड नेल्‍ल मानेचा मगे‍नुङ।
HOS 2:12 गो मेको आ अङगुर बोटपुकी नु फोव़शी रवापुकी खतम सेल्‍नुङ। मेको आ पर्बम मेकोमी ‘एको आं तेल्‍लेम पशो ङा गाल्‍च नमी’ देंशो बाक्‍त। गो मेको रवा रे ठेयब ब्‍वाकी सेल्‍नुङ। मिनु ब्‍वाकी ङा जन्‍तुपुकीमी मेको ब्‍वाइनीम।
HOS 2:13 गो मेको कली बाल देवता कली धूप चोशो नाक्‍ती सजाइ गेनुङ। मेको नाक्‍त मेको ग्‍योम्‍सीशा वोंइश खोइक्‍तु। आं कली चहिं प्रेंताक्‍यी।
HOS 2:14 मोपतीके मुल गो मेको कली लेम्‍शा, गोरशो रागीमी लाइक्‍नुङ। मिनु मेको नु आ दाक्‍शो लोव़ पाइनुङ। यसैया ४०:२
HOS 2:15 मेकेर गो मेको कली आ अङगुर रू लेश्‍शा गेनुङ। गो आकोर माइश्‍शो दिंम कली चहिं आस पतीक रागी सेल्‍नुङ। मेकेर मेकोमी आ ठिटी बाक्‍ची ना ङा खोदेंशो नु इजीप्‍त रागी रे जाक्‍शो खोदेंशो पा कुम्‍सो पाइब” देंत। यहोसु ७:२४-२६
HOS 2:16 मिनु परमप्रभु यावेमी “मेको नाक्‍त गे आं कली ‘आं वोंइश’ देंनेवे। मिनु ‘आं बाल देवता’ मदेंनेवे। यसैया ५४:५
HOS 2:17 गो बाल देवता आन नें यो मेको आ शोव़ रे ग्रुंइ‍नुङ। मिनु लेंशा मेकोमी मेको आन नें गेनायो मथोइब।
HOS 2:18 गो मेको नाक्‍त मेकोपुकी, ब्‍वाकी ङा जन्‍तुपुकी, सरीङ ङा चिक्‍बपुकी नु खपीम ग्रे‍शा गाक्‍ब जन्‍तुपुकी नु कबल का पाइनुङ। मिनु मेको रागी ङा मुरपुकीमी मेना रे लिब्रा, तरवार नु लडाइ मताइनीम। मिनु मुर नेल्‍ल हेम्‍म पा बाक्‍चा ताइनीम। उत्‍पत्ती ९:९-१०; इजीकीएल ३४:२५
HOS 2:19 गो इ कली गेना हना यो आं मीश सेल्‍नन। गो इ कली थमा पा दाक्‍शा शिशी पा नु ठीक पा आं मीश सेल्‍नन। प्रकाश १९:७
HOS 2:20 गो इ कली मप्रोंइथु आं मीश सेल्‍नन। मिनु परमप्रभु यावे कली रिम्‍शो पा तुइक्‍ने‍वे” दे परमप्रभु यावेमी देंत। येरमीया ३१:३४
HOS 2:21 परमप्रभु यावेमी “मेको नाक्‍त गो सरीङ कली लोव़ लेत्‍नुङ। सरीङमी रागी कली लोव़ लेप्‍ब।
HOS 2:22 मिनु रागीमी अन्‍न, नक अङगुर शांबु नु तेलमी येज्रेल कली लोव़ लेत्‍नीम।
HOS 2:23 गो मेको कली आं पर्बम आं रागीमी बाक्‍पाइक्‍नुङ। गो मेको कली ‘मदाक्‍नुङ’ देंशो कली आं शिशी कोंइनुङ। मिनु गो ‘गेपुकी आं मुर मननी’ देंशो नङ। मुल गो ‘आं मुर ननी’ देंनुङ। मिनु मेकोपुकीमी आं कली ‘गे आंइ परमप्रभु बाक्‍नीनी’ देंनीम” दे परमप्रभुमी देंत। होसे १:६; होसे १:९; रोमी ९:२५; १पत्रुस २:१०
HOS 3:1 मिनु परमप्रभु यावेमी आं कली “इ मीशेमी अर्को वोंइश खोइश्‍शा, इ कली प्रोंइतु हना यो, मुल लशा, इ मीश कली लेंशा इ दाक्‍तीक कोंइदो। इस्राएलीपुकीमी अर्को देवी देवता आन कली दाक्‍शा आन चढ़ेशो थोव़क जचा दाक्‍ताक्‍म हना यो, परमप्रभु यावेमी इस्राएली आन कली दाक्‍ब” देंत। होसे १:२
HOS 3:2 मोपतीके गो मेको मुर कली १५ शेकेल चांदी, होमेर का नु लेतेक का क्‍योव़ज गेशा आं मीश लेंशा ग्‍याप्‍ता। शेकेल का ११.५ ग्राम चांदी के क्‍येट बाक्‍ब। होमेर का २२० लिटर बाक्‍ब। लेतेक का ११० लिटर बाक्‍ब।
HOS 3:3 मिनु गोमी आं मीश कली “गे मुल शुश नाक्‍त सम्‍म गो नु बाक्‍चा माल्‍नेवे। गे मुल तेल्‍लेम मपावो। अरु वोंइश मखोतो। गो गे नु बाक्‍नुङ” देंती।
HOS 3:4 मारदे हना इस्राएलीपुकी शुश नाक्‍त सम्‍म पिप नु सासन पाइब मबाक्‍थु, बाक्‍चा माल्‍नीम। मेकोपुकीमी चढ़ेचा कली मिम्‍तीक फुल्‍लु, एफोद माइश्‍शो चढ़ेब आ पांइतीक वा नु आन खिं ङा मूर्ति यो मताइनीम। २इतिहास १५:३
HOS 3:5 मिनु नोले ङा नाक्‍तीमी इस्राएलीपुकी लेश्‍शा, परमप्रभु यावे, आन परमप्रभु कली नु आन पिप दाऊद कली माल्‍नीम। मेकोपुकी ख्रिंख्रि पा आन परमप्रभु यावे गे लेश्‍शा, आसीक ताइनीम। येरमीया ३०:९; इजीकीएल ३४:२३-२४
HOS 4:1 गे इस्राएली, परमप्रभु यावे आ लोव़ नेनीन। मारदे हना परमप्रभु यावेमी रागीम बाक्‍ब इन कली दोस गेब। मार दोस गेब देंशा हना “एको रागी ङा मुरुमी आं कली प्रोंइतीमी, आं कली मदाक्‍थु, आं कली मटीनीम।
HOS 4:2 एकेर कसम जचा, जोल पचा, मुर साइक्‍चा, खुइ पचा नु तेल्‍लेम पचा ङा लाक्‍शा, अर्को मारेइ मबाक्‍ब। नेल्‍लेमी मरिम्‍शो ला पाइनीम। मेकोपुकीम मुर साइश्‍शा, हुश ख्राक्‍श पोक्‍नीम।
HOS 4:3 मोपतीके एको रागीमी रोंका पाइब। एकेर बाक्‍ब नेल्‍ले ओंखां पा जाम्‍शा लाइनीम। बस्‍तु भाव, चिक्‍ब नु समुन्‍द्र ङा ङांइ बेक्‍शा, जाम्‍शा लाइनीम।
HOS 4:4 तन्‍न सुइमी सुइ कली दोस मगेमेक्‍ल। मुरुमी मुर आन कली ‘मरिम्‍शो पाइतीनी’ मदेंमल। मारदे हना गो गे चढ़ेबपुकी नु लोव़ का पचा माल्‍नुङ।
HOS 4:5 गेपुकी काबु नाक्‍ती खतम दुम्‍नीनी। मिनु आं लोव़ पाइबपुकी यो गेपुकी नु काथा खतम दुम्‍नीम। मोपतीके गो इन खिं ङा मुर नेल्‍ल गे नु खतम सेल्‍नुङमी।
HOS 4:6 आं मुर मारेइ मतुइक्‍तीके खतम दुम्‍नीम। मारदे हना गेपुकीमी तुइक्‍तीक कली ताइक्‍ताक्‍नी। मोपतीके गो यो इन कली आं कली चढ़ेब दुम्‍तीक रे ताइक्‍नन्‍नी। मारदे हना गेपुकीमी इन परमप्रभु, आं अरेशो लोव़ कली क्‍यारी मपनी। मोपतीके गो यो इन आल आन कली क्‍यारी मपाइनुङ।
HOS 4:7 चढ़ेबपुकी दोशो बारमा, मोशोन आं कली मरिम्‍शो पाम्‍तेक्‍म। मेको आन ठेयब दुम्‍तीके ताइश्‍शा, मुने दोक्‍तीक गेय पाम्‍तेक्‍म।
HOS 4:8 मेकोपुकी आं मुर आन पाप आ पर्बम चढ़ेशो ब्‍वशा दोम्‍नीम। मिनु मुरपुकीम पाप पशो दाक्‍नीम। लेवी ४:१३-२१, २७-३५; लेवी ६:१९
HOS 4:9 मिनु मुरपुकी दोदेंशो बाक्‍मा, मोदेंशो चढ़ेबपुकी बाक्‍नीम। गो मुरपुकी नु चढ़ेब नेल्‍ल आन कली सजाइ गेनुङ। मेकोपुकीमी दोदेंशो पामे, मोदेंशोन सजाइ गेनुङ।
HOS 4:10 मेकोपुकीमी जाइनीम ब्‍वाइनीम, तन्‍न मरूनीम। मेकोपुकीमी तेल्‍लेम पशा, सोशा बोशा मलाइनीम। मारदे हना मेकोपुकीमी तेल्‍लेम पचा कली परमप्रभु यावे कली प्रोंइतेक्‍म।
HOS 4:11 माइत अङगुर शांबु नु नक अङगुर शांबुम मुर आन रुप्‍तीके कली साम्‍ब।
HOS 4:12 आं मुरपुकीमी शी के मूर्ति कली हिल्‍लो पाइनीम। मिनु मेकोपुकीमी कोक्‍केमी साहीत कोव़नीम। मारदे हना तेल्‍लेम पतीक थुंमी मेको आन कली हेंथे गाक्‍पाइश्‍शो बाक्‍ब। मेकोपुकीमी तेल्‍लेम पचा कली परमप्रभु कली प्रोंइतेक्‍म। येरमीया २:२७; होसे ५:४
HOS 4:13 मेकोपुकीमी डांडामी चढ़ेनीम। मिनु पहाडमी तुल्‍च, पिपल नु सेक्‍ल रवा आन वांकुम धूप चोइनीम। मोपतीके इन तमी तेल्‍लेम दुम्‍नीम। मिनु इन चाइमीपुकी अरु आन वोंइश नु बाक्‍नीम। इजीकीएल ६:१३
HOS 4:14 गो इन तमी आन तेल्‍लेम पशो नु इन चाइमी अरु आन वोंइश नु बाक्‍शो आ पर्बम सजाइ मगेनुङ। मारदे हना मेको वोंइश मुर यो सुइ मबाक्‍तीकेमी तेल्‍लेम नु लशा देवी देवता आन कली चढ़ेनीम। मोदेंशो मरुप्‍ब मुरपुकी जाम्‍शा लाइनीम। होसे १:२
HOS 4:15 गे इस्राएलीपुकी, तेल्‍लेम पाइतीनी हना यो, यहूदा ङा मुर आन कली हेंथे मगाक्‍पतीन। गेपुकी गिल्‍गालमी नु बेथ-आवेनमी मलन। मिनु ‘परमप्रभु यावे ब्रोंइशा बाक्‍शो खोदेंशो पा’ दे कसम मजने” दे परमप्रभुमी देंत। आमोस ५:५; होसे १०:५; आमोस ८:१४
HOS 4:16 इस्राएलीपुकी मटीब बी खोदेंशो बाक्‍नीम। दोपा परमप्रभु यावेमी भेडा कली योव़शो खोदेंशो पा योव़ने चाक्‍बा?
HOS 4:17 एफ्राइम मूर्ति आन वारच दुम्‍शो बाक्‍ब। मोपतीके मेको कली प्रोनीन।
HOS 4:18 मेकोपुकीमी शांबु थुम्‍शा यो तेल्‍लेम पना पन बाक्‍नीम। मेको आन सासन पाइब यो मुने दोक्‍‍नीम।
HOS 4:19 ठेयब फश गिवार पशा, मेको आन कली योल्‍ब। मिनु मेको आन चढ़ेशो आ पर्बम मुने दोक्‍नीम।
HOS 5:1 मिनु परमप्रभुमी “चढ़ेबपुकी, एको लोव़ नेनीन। इस्राएलीपुकी इन नोफा दाइश्‍शा नेनीन। पिप आ खिं ङा मुरपुकी, नेनीन। एको निसाफ इन मरिम्‍शो पशो आ पर्बम बाक्‍ब। गेपुकी मिस्‍पा सहरमी दाइश्‍शो ब्‍वारद नु ताबोर सहरमी ब्रशो ग्‍याइल खोदेंशो दुम्‍शो बाक्‍नीनी।
HOS 5:2 मेकोपुकीमी शित्तीममी मुर बिक्‍शा बेक्‍तीक सेल्‍तेक्‍म। गो मेको नेल्‍ल आन कली सजाइ गेनुङ।
HOS 5:3 गो एफ्राइम आ पर्बम नेल्‍ल तुइक्‍नुङ। मिनु इस्राएल यो गो नु ख्रुइक्‍ने मचाप्‍ब। एफ्राइम, गे तेल्‍लेम पतीकेमी ग्रुम्‍शो बाक्‍नेवे। इस्राएल ग्रांग्रा दिचा ङा दुम्‍शो बाक्‍ब। होसे १:२; होसे ६:१०
HOS 5:4 मेको आन गेय आ पर्बम आन परमप्रभु गे लेत्‍ने मचाप्‍नीम। तेल्‍लेम पचा मेको आन थुंमी बाक्‍ब। मिनु मेकोपुकीमी परमप्रभु यावे कली मतुइक्‍नीम। होसे ४:१२
HOS 5:5 इस्राएली आन ठेयब लेत्‍तीकेमी मरिम्‍शो पाइब बाक्‍नीम, दे आन सांकछी बाक्‍ब। एफ्राइम ङा मुरपुकी आंम पाप पतीकेमी खतम दुम्‍नीम। यहूदा ङा मुरपुकी यो मेकोपुकी नु खतम दुम्‍नीम।
HOS 5:6 मिनु मेको आन क्‍यारश भेडा नु बी ब्‍यफ लाइश्‍शा, परमप्रभु यावे कली माल्‍थ लाइनीमी। तन्‍न मेकोपुकीमी मेको कली मथित्‍नीम। मारदे हना मेको आन क्‍येङा ङोन लत। यसैया १:११-१५
HOS 5:7 मेकोपुकी परमप्रभु यावे रे नोले शोंइसीशो बाक्‍नीम। मेकोपुकीमी हेंथे पा आल थिशो बाक्‍नीम। मेको आन औंसी ङा चाडमी आन बाली नाली नु मेको आन कली खतम सेल्‍ब। होसे २:१३
HOS 5:8 गिबामी तुराही नु रामाह सहरमी ग्रोव़ ताप्‍पीन। बेथ-आवेनमी लडाइ ङा तुराही ताप्‍पीन। बेन्‍यामीन ङा मुरपुकी ङोंइती बारीन। २राजा १५:३७; यसैया ७:१-९; होसे ४:१५
HOS 5:9 सजाइ ङा नाक्‍ती एफ्राइम गोरशो रागी खोदेंशो दुम्‍ब। मुल मार मार दुम्‍बा, मेको इस्राएली आन कली देंने थुम्‍ता।
HOS 5:10 यहूदा थर ङा ठेयब मुरपुकी सांद ङा फुल्‍लु याक्‍ब खोदेंशो दुम्‍तेक्‍म। गो आं गाइक्‍तीक मेको आन तारी ब्‍वाक्‍कु खोदेंशो पा मोइक्‍नुङमी। ब्‍यवस्‍था १९:१४
HOS 5:11 एफ्राइम ङा मुरपुकी सजाइ तशा, आन थुं लुक्‍च लत। मारदे हना मेकोपुकी जाम्‍शा लाइब मूर्ति आन नोले खोइक्‍तेक्‍म।
HOS 5:12 मिनु गो एफ्राइम ङा मुर आन कली तुम्‍ब नु यहूदा ङा मुर आन कली राक्‍शो खोदेंशो दुम्‍शो बाक्‍नुङ।
HOS 5:13 एफ्राइम नु यहूदामी आस श्‍येत तुइक्‍तसे नोले, एफ्राइममी अस्‍सुर ङा ठेयब पिप कली ‘वारच पने’ दे पुंइथ मुर सोइक्‍ताक्‍व। तन्‍न मेकोमी इ कली वारच पने मचाप्‍ब। होसे ७:११; होसे १०:६; होसे १२:२
HOS 5:14 मारदे हना गो एफ्राइम कली गुप्‍स खोदेंशो नु यहूदा कली ठिटा गुप्‍स खोदेंशो दुम्‍शो बाक्‍नुङ। गो मेको आन कली खतम सेल्‍शा, आं लां खोइक्‍नुङ। गो मेको आन कली कुरशा लाइक्‍नुङ। मिनु मेको आन कली आं रे रोइक्‍ने मचाप्‍नीम। होसे १३:७; होसे ६:१
HOS 5:15 मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६
HOS 6:1 मिनु मार लोव़ पाइनीम देंशा हना “पिन, गोपुकी परमप्रभु यावे गे लेय्‍य। मेकोमी आंइ कली टुक्रा टुक्रा पशो बाक्‍त। मिनु आंइ कली सापाइक्‍ब। मेकोमी आंइ कली तुप्‍तु। मिनु मेकोमी आंइ कली ओख्‍ती पाइक्‍ब। होसे ५:१४
HOS 6:2 नाक्‍त निक्‍शी नोले परमप्रभुमी आंइ कली लेंशा ब्रोंइचा गेब। मिनु नाक्‍त सां नोले आंइ कली आ ङोंइती राप्‍पाइक्‍ब। मिनु मोपा गोपुकी मेको आ ङोंइती ब्रोंइ‍नीकी। ब्‍यवस्‍था ३२:३९
HOS 6:3 गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।
HOS 6:4 मिनु परमप्रभुमी “एफ्राइम, गो इ कली मार पङ? यहूदा इ कली मार पङ? इस दाक्‍चा सुनी ङा गोस्‍स खोदेंशो नु रीब पा जाम्‍शा लाइब सीत खोदेंशो बाक्‍ब। होसे ७:१६
HOS 6:5 मोपतीके गो इस कली आं लोव़ पाइब रे पा टुक्रा टुक्रा पाता। आं लोव़मी इस कली साइक्‍ता। आं निसाफ इस तारी चिला आप्‍शो खोदेंशो बाक्‍ब। येरमीया २३:२९
HOS 6:6 मारदे हना गो क्‍योरशा चढ़ेशो क्‍येङा दाक्‍मुतीक दाक्‍नुङ। मिनु चोशा चढ़ेशो क्‍येङा आं कली तुइश्‍शा ठेयब सेल्‍शो दाक्‍नुङ। १सामुएल १५:२२; हितोपदेस २१:३; मत्ती ९:१३; १२:७
HOS 6:7 मेकोपुकीमी आदम सहर ङा मुर खोदेंशो पा गो नु पशो कबल प्रोंइतेक्‍म। मेकोपुकीमी आं कली थमा मसुइक्‍थु प्रोंइतेक्‍म। यहोसु ३:१६
HOS 6:8 गिलाद मरिम्‍शो मुर आन सहर बाक्‍ब। मेको सहर ङा लां हुशेम ख्रुम्‍शो खोइल आ छापम ब्रीशो बाक्‍त।
HOS 6:9 दोपा रोइक्‍बपुकी बाप्‍शा बाक्‍नीमी, मोपा चढ़ेबपुकी यो बुक्‍शा बाक्‍शो बाक्‍नीम। मेकोपुकीमी शेकेम लतीक लांमी मुर साइक्‍नीम। मेकोपुकीमी ठेयब मुने ङा गेय पाइनीम।
HOS 6:10 गो इस्राएली आन खिंमी हिंचा ङा गेय का ताता। एफ्राइममी तेल्‍लेम पना पन नु इस्राएल ग्रांग्रा दित्‍चा ङा दुम्‍शो बाक्‍त। होसे ५:३
HOS 6:11 यहूदा, इ कली यो सजाइ गेतीक नाक्‍त जाक्‍ब” दे परमप्रभुमी देंत।
HOS 7:1 “गो इस्राएल ङा मुर आन कली सापाइक्‍चा मिम्‍ताक्‍ङ हना, एफ्राइम आ मरिम्‍शो पशो नु सामरीया आ पाप तांइसीब। मेकोपुकी जोल पना पन बाक्‍नीम। खुइपुकी खिं ओव़शा खुइ पाइनीम। रोइक्‍बपुकीम लांमी मुर आन कली रोइक्‍नीम। योएल ४:१
HOS 7:2 गो मेको आन मरिम्‍शो पशो नेल्‍ल तुइश्‍शा मिम्‍नुङ। मेकोपुकीम मतुइक्‍नीम। मेकोपुकीमी मरिम्‍शो ला पाइनीम। मिनु मेको आन पाप गेना हना यो आं ङोंइती बाक्‍नीम” देंत।
HOS 7:3 परमप्रभुमी “मेको आन मरिम्‍शो पशोमी पिप कली ग्‍येरपाइक्‍नीम। मिनु आन जोल पतीकेमी सासन पाइब आन कली ग्‍येरपाइक्‍नीम।
HOS 7:4 मेको नेल्‍ल तेल्‍लेम बाक्‍नीम। मेकोपुकी शोब्‍ले चोचा कली होइश्‍शो चुप्‍लु खोदेंशो बाक्‍नीम। मेको शोब्‍ले चोइबमी फस निवा रे मबोरम सम्‍म मी थुक्‍चा ममाल्‍ब।
HOS 7:5 आंइ पिप आ भोजम आ सासन पाइब अङगुर शांबु तूशा दुक्‍नीम। मिनु पिपमी शुक्‍शी पाइबपुकी नु गुइ गारपाइक्‍ब।
HOS 7:6 मेको शुक्‍शी पाइब आन थुं मी खोदेंशो पा ब्रशो बाक्‍ब। मेकोपुकी नमो सिमो पा पिप आ नेक्‍था जाक्‍नीम। मेको आन थुंम बाक्‍शो पतीक नेल्‍ल नाक्‍दो मी पुम्‍शो खोदेंशो पा बाक्‍ब। मिनु मेको सुनी ठेयब मी खोदेंशो पा ब्राइब।
HOS 7:7 मेको नेल्‍ले मी खोदेंशो पा ब्रशो बाक्‍नीम। मिनु आन सासन पाइब आन कली साइक्‍नीम। मेको आन पिप नेल्‍ल आन कली साइक्‍तेक्‍म। मिनु मेकेर ङा सुइमी यो आं कली मथोइनीम” देंत।
HOS 7:8 “एफ्राइम थर ङा मुरपुकी रागी ङा मुर नु ब्‍वांइ‍सीनीम। एफ्राइम मलोक्‍शो शोब्‍ले खोदेंशो बाक्‍ब।
HOS 7:9 अर्को रागी ङा मुरपुकीमी मेको आ बोल नुप्‍पाइक्‍नीम। तन्‍न मेकोमी मतुइक्‍ब। मेको आ चां का निक्‍शी बोइश्‍शो बाक्‍ब। तन्‍न मेकोमी मतुइक्‍ब।
HOS 7:10 इस्राएल आ ठेयब लेत्‍तीकेमी ‘मरिम्‍शो पाइब बाक्‍ब’ दे आन सांकछी बाक्‍ब। तन्‍न मेकोपुकी परमप्रभु यावे, आन परमप्रभु गे मलेत्‍नीम। मिनु मेको कली ममाल्‍नीम” देंत।
HOS 7:11 “एफ्राइम निप्‍स मपाइश्‍शो ढुकुर खोदेंशो बाक्‍ब। मेको कली निप्‍स मपाइश्‍शो आन कली खोदेंशो पा जोल पने चाम्‍सीब। मुल मेकोपुकीमी इजीप्‍त रागी कली ‘वारच पने’ दे ब्रेत्‍नीम। इच्‍का नोले मेकोपुकीमी अस्‍सुर रागी कली ब्रेत्‍नीम। होसे ५:१३
HOS 7:12 मिनु मेकोपुकी लची ना, गो मेको आन तारी आं ग्‍याइल ब्‍वार‍नुङ। गो मेको आन कली सरीङ ङा चिक्‍ब आन कली खोदेंशो पा उइ तोक्‍नुङमी। गो मेको आन मरिम्‍शो पतीके कली सजाइ गेनुङ।
HOS 7:13 आबी आबी, मेकोपुकी गो रे पा ङोन लाम्‍तेक्‍म। मेकोपुकी खतम दुम्‍मल। मारदे हना मेकोपुकी आं कली मटीब दुम्‍शो बाक्‍नीम। गो मेको आन कली श्‍येत रे प्रोंइ‍चा दाक्‍नुङ। तन्‍न मेकोपुकीमी आं पर्बम जोल पाइनीम। भजन संग्रह ८१:१४-१५
HOS 7:14 मेकोपुकीमी आन थुं नेल्‍लेमी आं कली मब्रेत्‍नीम। तन्‍न आन ब्राख्‍येमी रोंका पाइनीम। अन्‍न नु नक अङगुर शांबु आ पर्बम बुक्‍नीम। तन्‍न आं रे पा आन कुल हिरनीम।
HOS 7:15 गो मेको आन कली शेंशा, बोल्‍यो सेल्‍ता। तन्‍न मेकोपुकीमी आं कली मरिम्‍शो पचा मिम्‍नीम।
HOS 7:16 मेको नेल्‍ल क्‍येङा ठेयब गे मलेत्‍नीम। मेकोपुकी जिक्‍शो लिब्रा खोदेंशो बाक्‍नीम। मेको आन ठेयब मुर आन मरिम्‍शो पशो लोव़ आ पर्बम तरवारमी साइक्‍चा पुंइसीनीम। इजीप्‍त रागीमी मेको आन पर्बम शुक्‍शी पाइनीम” देंत। भजन संग्रह ७८:५७
HOS 8:1 मिनु “तुराही ता‍पो। ककाकुली का परमप्रभु यावे आ खिं तारी बेरना बेरन बाक्‍ब। मारदे हना मुरपुकीमी आं पशो कबल प्रोंइतेक्‍म। आं अरेशो लोव़ मटीम। यसैया ५८:१; ब्‍यवस्‍था २८:४९; होसे ६:७
HOS 8:2 मिनु इस्राएलमी आं कली ‘आंइ परमप्रभु, गो इन कली तुइक्‍‍नीकी’ दे देंनीम।
HOS 8:3 तन्‍न इस्राएलीपुकीमी रिम्‍शो पचा प्रोंइतेक्‍म। मिनु जोरी सत्रु काम मेको कली खेदा पाइब।
HOS 8:4 मेकोपुकीमी आं कली हिल्‍लो मपथु पिप योव़नीम। मेकोपुकीमी गो आं मदेंथु सासन पाइबपुकी योव़नीम। मेकोपुकीमी खतम दुम्‍चा कली आन सुन चांदी रे पा आंम कली मूर्ति सेल्‍नीम। २राजा १५:१०,१४,२५,३०
HOS 8:5 सामरीया ङा मुरपुकी, इन बाछा आ मूर्ति ताइक्‍तीन। गो मेकोपुकी नु गाइश्‍शो बाक्‍नुङ। गेना सम्‍म मेकोपुकी आं मुर दुम्‍चा मदाक्‍नीमी? प्रस्‍थान ३२:२०; १राजा १२:२८
HOS 8:6 मेको बाछा इस्राएल रागी रे चाक्‍शो बाक्‍त। मूर्ति सेल्‍बम मेको कली सेल्‍तु। मेको परमप्रभु मबाक्‍ब। काबु नाक्‍ती मेको सामरीया ङा बाछा टुक्रा टुक्रा दुम्‍ब।
HOS 8:7 मेकोपुकीमी फश शोक्‍नीम। मिनु ठेयब फश गिवार खुप्‍नीम। मेको आन चेरब बोटमी बाला मबाक्‍नीम। मिनु मेकोपुकीमी फस सेल्‍ने मचाप्‍नीम। आन बाला बाक्‍तेक्‍म हना यो, रागी रागी ङा मुरपुकीमी मेको खुप्‍शा जाइनीम। येरमीया १२:१३
HOS 8:8 इस्राएल खतम पोक्‍चा पुंइसाक्‍व। मुल मेकोपुकी रागी रागी ङा मुर आन दातेमी शोर गाक्‍‍शो मुर खोदेंशो दुम्‍शो बाक्‍नीम। येरमीया २२:२८
HOS 8:9 ब्‍वाकी ङा गधा हेंथे गाक्‍शो खोदेंशो पा मेकोपुकी अस्‍सुरमी लाम्‍तेक्‍म। एफ्राइम ङा मुरपुकी आंम कली दाक्‍बपुकी कली लेयसीशो बाक्‍नीम। होसे ५:१३
HOS 8:10 मेकोपुकी आंम कली लेयसाक्‍म हना यो, मुल गो मेको आन कली खुप्‍नुङमी। मिनु मेकोपुकी सक्ति पाइश्‍शो पिप आ गुइ रे क्‍याम्‍चा पुंइसीनीम।
HOS 8:11 एफ्राइममी आ पाप पतीके चढ़ेतीक शुश सेल्‍तु। मेको चढ़ेतीके शुश सेल्‍तीके मेको कली पाप दुम्‍शो बाक्‍ब।
HOS 8:12 मिनु गो मेको आन कली आ अरेशो शुश ब्रेक्‍ताक्‍ङ। तन्‍न मेकोपुकीमी आं लोव़ थमा मसुदेम।
HOS 8:13 मेकोपुकीमी आं कली चढ़ेनीम। मिनु श्‍ये ब्‍वाइनीम। तन्‍न परमप्रभु यावे मेकोपुकी नु मग्‍येरसीशो बाक्‍ब। मुल परमप्रभु यावेमी मेको आन मरिम्‍शो पशो मिम्‍शा, मेको आन कली सजाइ गेब। मिनु मेकोपुकी इजीप्‍त रागीमी लेश्‍शा लाइनीम।
HOS 8:14 इस्राएलीपुकीमी आंम कली सेल्‍ब कली प्रेंशा, ठेयब दरवार सेल्‍शो बाक्‍नीम। यहूदा ङा मुरपुकीमी शुश सहर एर ओंथ गारो सेल्‍शो बाक्‍नीम। तन्‍न गो मेको आन सहरमी मी सुइश्‍शा दरवार नेल्‍ल क्रोइक्‍नुङ” दे परमप्रभुम देंत। येरमीया १७:२७; आमोस २:५
HOS 9:1 इस्राएली, मग्‍येरसीन। अर्को रागी रागी ङा मुर खोदेंशो पा, सोम्‍शा मग्‍येरसीन। मारदे हना गे इन परमप्रभु क्‍येङा नोले शोंइसाक्‍नी। गे अन्‍न ओंइतीक चाडमी तेल्‍लेम पशो आ पर्बम क्‍येट ताक्‍चा दाक्‍नीनी। होसे १:२
HOS 9:2 मुल अन्‍न आ खला ङा अन्‍नम नु अङगुर कोल ङा अङगुर शांबुम मुर आन कली मरूपाइक्‍ब। नक अङगुर शांबु मेको आन कली मजाक्‍दीप्‍ब।
HOS 9:3 मेकोपुकी परमप्रभु यावे आ रागीमी बाक्‍चा मताइनीम। एफ्राइम इजीप्‍त रागीमी लेश्‍शा लाइब। मिनु मेकोपुकीमी अस्‍सुरमी ग्रांग्रा दिचा ङा थोव़की जाइनीम। होसे ८:१३
HOS 9:4 मेकोपुकीमी परमप्रभु यावे कली अङगुर शांबु चढ़ेनीम। क्‍योरशा चढ़ेतीक मचढ़ेनीम। आन जचा थोव़क मोन खमे खोदेंशो पा जाइनीम। मेको जाइब नेल्‍ल ग्रांग्रा दिशो दुम्‍नीम। मेको आन जचा थोव़कीम मेको आन शोव़लु साइक्‍चा ला दुम्‍ब। परमप्रभु यावे आ खिंमी चाक्‍ने मचाप्‍नीम।
HOS 9:5 गेपुकी इन ठेयब चाड नु परमप्रभु आ चाडमी मार पाइनीनी?
HOS 9:6 मेकोपुकी खतम दुम्‍चा कली प्रोक्‍तेक्‍म हना यो, इजीप्‍त रागीमी मेको आन कली खुप्‍ब। मिनु मेम्‍फीस ङा मुरपुकीमी मेको आन कली थिम्‍नीम। मेको आन चांदी के सेल्‍शो थोव़कपुकी चू नु चोंकम सुम्‍ब। मिनु आन ताम्‍बुमी चू वानीम। होसे १०:८
HOS 9:7 मिनु सजाइ गेतीक नाक्‍त जाक्‍शो बाक्‍ब। क्‍येक्‍क लेत्‍तीक नाक्‍त यो जाक्‍शो बाक्‍ब। इस्राएल ङा मुरपुकीमी मेको तुइक्‍‍नीम। परमप्रभु यावे आ लोव़ पाइब गुक्‍शो खोदेंशो पा बाक्‍नीम। मेकोपुकी गशो दुम्‍तेक्‍म। मारदे हना इन मरिम्‍शो पचा नु मदाक्‍चा आ पर्बम मोदेंशो दुम्‍त।
HOS 9:8 परमप्रभु यावेमी आ लोव़ पाइब कली एफ्राइम कली कोव़ब सेल्‍तु। मेको आ लां नेल्‍लेमी चिक्‍ब रेत्‍तीक ब्‍वारद खोदेंशो बाक्‍नीम। आ परमप्रभु आ खिंमी यो मेको कली काइ मदाक्‍नीम।
HOS 9:9 गिबा ङा नाक्‍त खोदेंशो पा मेकोपुकी काइ मरिम्‍शो गेय पाम्‍तेक्‍‍म। परमप्रभु यावेमी मेको आन मरिम्‍शो पशो मिम्‍शा सजाइ गेब। होसे १०:९; न्‍यायाधीस १९:२२-३०; न्‍यायाधीस २०:१३
HOS 9:10 दोदेंशो पा गोरशो रागीमी अङगुर थित्‍नीमी, मोदेंशो पा गो इस्राएल कली थित्‍ता। फोव़शी रवामी नेल्‍ल क्‍येङा ङोंइती ङा फोव़शी फल सिश्‍शो खोदेंशो पा गो इन किकी पिपी आन कली थित्‍तामी। तन्‍न मेकोपुकी बाल-पेओर गे लाम्‍तेक्‍म। मिनु मेकोपुकी आंम कली बाल कली जिम्‍मा गेसाक्‍म। मिनु मेको आन दाक्‍शो मूर्ति खोदेंशो पा ग्रांग्रा दित्‍चा ङा दुम्‍तेक्‍म। ब्‍यवस्‍था ३२:१०; गन्‍ती २५:३
HOS 9:11 एफ्राइम आ सक्ति चिक्‍ब खोदेंशो पा बेरशा लाइब। मेको आन दातेमी सुइ यो आल थीब मदुम्‍नीम।
HOS 9:12 मेकोपुकीमी आल थिशा कोल्‍पाइक्‍तेक्‍म हना यो, गो का सम्‍म यो मप्रोंइथु लाइक्‍नुङ। मिनु गो मेको आन कली प्रोंइशा ङोन लाइक्‍नुङ। मिनु मेको आन कली ठेयब श्‍येत दुम्‍ब।
HOS 9:13 एफ्राइम आ तौपुकी साइक्‍चा पुंइसीनीम। एफ्राइममी आ तौ आन कली क्‍योरचा कली लाइक्‍चा माल्‍ब। इजीकीएल २७:३
HOS 9:14 परमप्रभु यावे, गे मेको आन कली मार गेनीनी? मेको आन आल शाम्‍सेक्‍ल। मिनु मेको आन दूध सोव़ल।
HOS 9:15 मेको आन मरिम्‍शो पतीके नेल्‍ल गिल्‍गालम पाम्‍तेक्‍म। मेक रे गो मेको आन कली तशा ग्रांग्रा दि‍चा गोव़ता। मेको आन काइ मरिम्‍शो पतीके, गो आं खिं रे खेरनुङमी। मेको आन ठेयब मुर नेल्‍ल मटीब बाक्‍नीम।
HOS 9:16 एफ्राइम आप्‍चा पुंइसीशो बाक्‍ब। मेको आन शाक्‍श सोव़शो बाक्‍ब। मेकोपुकी मसित्‍नीम। मेकोपुकीमी आल थिम्‍तेक्‍म हना यो, गो मेको आन दाक्‍शो आल आन कली साइक्‍नुङ।
HOS 9:17 आं परमप्रभुमी मेको आन कली प्रोंइब। मारदे हना मेकोपुकीमी आ देंशो मटीम। मोपतीके मेकोपुकी रागी रागी ङा मुर आन दातेमी हिरशा गाक्‍ब दुम्‍नीम।
HOS 10:1 ङोंइती इस्राएल ब्राक्‍शो नु शुश फल सिप्‍ब अङगुर बोट का बाक्‍‍त। मिनु इस्राएल ङा मुरपुकी शुश क्‍येट थीब दुम्‍तेक्‍म। मिनु मोपा मेकोपुकीमी फुल्‍लु के चढ़ेतीक यो शुश सेल्‍तेक्‍म। मिनु मेको रागीमी दोशो क्‍येट चेम्‍मे, मोशोन मे कोपुकीमी आन थाम ङा मूर्ति दारपाइक्‍तेक्‍म। येरमीया २:२१; लेवी २६:१
HOS 10:2 मेको आन थुं दूली बाक्‍ब। मुल मेकोपुकीमी आन मरिम्‍शो पशो आ सजाइ तचा माल्‍नीम। परमप्रभुमी मेको आन चढ़ेतीक नु आन ख्रुक्‍शो फुल्‍लु प्रेप्‍ब। मेको आन थाम ङा मूर्ति यो खतम सेल्‍ब।
HOS 10:3 मिनु मुल मेकोपुकीमी “गो परमप्रभु यावे कली मान पा महिंतीके गो आंइ के पिप मबाक्‍ब। मिनु पिप बाक्‍त हना यो मेकोमी आंइ कली मार पने चाप्‍बा ङा?” देंनीम।
HOS 10:4 मेकोपुकीमी शुश फश लोव़ पाइनीम। मार फश लोव़ पाइनीम देंशा हना, जोल पा कसम जशा कबल पाइनीम। मोपतीके वाक्‍शो रूमी ओशेर पाइश्‍शो सुवा वाशो खोदेंशो पा मुददा बारनीम।
HOS 10:5 सामरीयामी बाक्‍ब मुरपुकी बेथ-आवेन ङा बाछा आ मूर्ति आ पर्बम हिंनीम। ङोंइती मेको मूर्ति आ दारस तशा, ग्‍येरसीशो मुरपुकी मेको आ पर्बम रोंका पाइनीम। चढ़ेबपुकी यो मेको आ पर्बम रोंका पाइनीम। मारदे हना मेको मूर्ति ङोन लाइक्‍सीशो बाक्‍ब। होसे ४:१५
HOS 10:6 मेको मूर्ति कली अस्‍सुर लाइक्‍नीम। मिनु ठेयब पिप कली सोइक्‍नीम। एफ्राइम मुने दोक्‍ब, इस्राएल चहिं आ मिम्‍शो आ पर्बम मुने दोक्‍ब। होसे ५:१३
HOS 10:7 सामरीया ङा पिप ब्‍वाक्‍कुम बाक्‍शो जिक्‍शो राशी खोदेंशो पा योल्‍सीब।
HOS 10:8 मिनु आन मरिम्‍शो पतीक मूर्ति बाक्‍शो आवेन डांडा खतम पोक्‍नीम। मेको इस्राएल ङा मुर आन पाप पशो बाक्‍ब। मेको आन फुल्‍लु के चढ़ेतीकेमी चुं नु चोंक वाशा सुम्‍नीम। मिनु मेकोपुकीमी पहाड कली “आंइ कली सुम्‍की” दे डांडा कली “आंइ तारी दोक्‍कीन” देंनीम। होसे ९:६; लूका २३:३०; प्रकाश ६:१६
HOS 10:9 गे इस्राएलीपुकीमी गिबा आ नाक्‍त रे पाप पाइतीनी। मिनु मुल सम्‍म पाप पना पन बाक्‍नीनी। गिबा ङा मरिम्‍शो पाइब मुर आन कली मार, लडाइमी मसदमे ङा? होसे ९:९
HOS 10:10 गो गेना दाक्‍नुङा, मेना मेको आन कली सजाइ गेनुङ। मेको आन साप्‍पा मरिम्‍शो पशो आ पर्बम रागी रागी ङा मुर आन हुलमी मेको आन कली फ्रेंशा लाइक्‍नीम।
HOS 10:11 मिनु एफ्राइम मगिक्‍शो बी का खोदेंशो बाक्‍ब। मिनु दांइ पशोनु, मेको ग्‍येरसीब। मोपतीके मेको आ दारशो बलामी गो जुवा लाप्‍नुङ। गो एफ्राइम कली दोरपाइक्‍नुङ। यहूदामी ब्‍यफ वाक्‍चा माल्‍ब। मिनु याकूबमी डल्‍ला प्रोल्‍चा माल्‍ब।
HOS 10:12 ठीक पतीक शोक्‍कीन। मिनु मप्रोंइचा ङा दाक्‍तीक अन्‍न खोदेंशो पा खुप्‍तीन। गे इन मवाक्‍शो रू वाक्‍तीन। मारदे हना इन परमप्रभु यावे कली माल्‍ची नाक्‍त जाक्‍त। मिनु मेको जाक्‍शा, गे इन कली पाप रे प्रोंइब। येरमीया ४:३; यसैया ५५:६
HOS 10:13 तन्‍न गेपुकी परमप्रभु यावेमी अरेशो मटितीकेम ग्रुम्‍शा बाक्‍तीनी। मिनु ठीक मदुम्‍तीके खुप्‍शा बाक्‍तीनी। गेपुकी जोल आ फल जाइब बाक्‍तीनी। मारदे हना गे आंम बोल नु इन लडाइ पाइब आन कली थमा सुइक्‍तीनी। अय्‍युब ४:८
HOS 10:14 मोपतीके इन मुर आन कली लडाइ तोइनीम। मिनु शाल्‍मनमी बेथ-आरबेल कली खतम पोक्‍शो खोदेंशो पा इन दरवार नेल्‍ल खतम पोक्‍शा गेनीम। मेना आल नु आ ममा कली यो साइक्‍नीम।
HOS 10:15 मारदे हना इन मरिम्‍शो पतीके मोदेंशो ठेयब बाक्‍ब। मोपतीके मोदेंशो दुम्‍ब। मेको नाक्‍त सुनी नां दाम चोटीन इस्राएल ङा पिप आन कली खतम पोक्‍नीम।
HOS 11:1 मिनु परमप्रभुमी “इस्राएल आल बाक्‍मेनु, गो मेको कली दाक्‍ताक्‍ङ। मिनु गो आं तौ कली इजीप्‍त रागी रे ब्रेत्‍ताक्‍ङ। ब्‍यवस्‍था ७:८; प्रस्‍थान ४:२२-२३; मत्ती २:१५
HOS 11:2 मिनु गो दोशो इस्राएली आन कली ब्रेत्‍तु, मोशोन आं क्‍येङा ङोन लाम्‍तेक्‍म। मेकोपुकीमी बाल देवता कली चढ़ेम्‍तेक्‍म। मिनु मूर्ति आन कली धूप चोम्‍तेक्‍म।
HOS 11:3 एफ्राइम कली गुइ ग्‍याइश्‍शा गाक्‍चा शेंब गो नङ। गो मेको आन कली आल आन कली खोदेंशो पा कुरता। तन्‍न गो मेको आन कली सापाइक्‍ता हना यो, मेकोपुकीमी मतुइक्‍तेम।
HOS 11:4 गोमी मेको आन कली मुर आन शिशी पशो खोदेंशो पा खुल्‍ताक्‍मी। गो मेको आन कली शुश दाक्‍ताक्‍ङ। गो मेको आन बलामी लाम्‍सीशो जुवा ग्रुंइशा गेतामी। गो मेको आन ङोंइती बाप्‍शा, मेको आन कली थुल्‍तामी।
HOS 11:5 मार, मेकोपुकी इजीप्‍त रागी लेत्‍चा माल्‍नीमी? मिनु अस्‍सुर मेको आन पिप दुम्‍चा माल्‍ब। मारदे हना मेकोपुकी आं गे लेत्‍चा मबिस्‍सम।
HOS 11:6 मेको आन सहरपुकीमी लडाइ दुम्‍नीम। मिनु मेको आन लाप्‍चो ङा थाम मीम दुप्‍नीम। मेको आन मिम्‍शो नेल्‍ल खतम दुम्‍नीम।
HOS 11:7 आं मुरपुकी गेना हना यो, आं क्‍येङा ङोन लाइनीम। मोपतीके मेकोपुकीमी जुवा कुरशो खोदेंशो पा श्‍येत जचा माल्‍नीम। मिनु सुइमी मेको आन कली आन श्‍येत रे मप्रोंइब।
HOS 11:8 एफ्राइम, गो इ कली दोपा प्रोंइने चाप्‍नुङा? इस्राएल, गो इ कली दोपा इ जोरी सत्रु आन गुइमी गेने चाप्‍नुङा ङा? गो इ कली दोपा अदमाह कली पाइश्‍शो खोदेंशो पाइनुङा ङा? गो इ कली दोपा सेबोयीम खोदेंशो सेल्‍नुङा ङा? मुल आं थुं फांइसाक्‍व। गो गाइक्‍चा रे लेश्‍शा, शिशी पाइब दुम्‍ती। ब्‍यवस्‍था २९:२२; येरमीया ३१:२०
HOS 11:9 गो आं ग्‍याइश्‍शो कुरशा मगाक्‍नुङ। गो एफ्राइम कली लेंशा खतम मपाइ‍नुङ। मारदे हना गो परमप्रभु नङ। गो मुर मनङ। गो इन दातेमी नेल्‍ल क्‍येङा सक्ति पाइश्‍शो दुम्‍शा, गाइश्‍शा मजाक्‍नुङ।
HOS 11:10 मेकोपुकी परमप्रभु यावे आ नोले खोइक्‍नीम। मेको चहिं गुप्‍स खोदेंशो पा ग्रीब। मिनु मोपा ग्रीमेनु, आ आलपुकी पच्‍छिम रे पा ख्रिंख्रि पना पन जाक्‍नीम। येरमीया २५:३०; होसे २:१
HOS 11:11 मेकोपुकी इजीप्‍त रागी रे चिक्‍ब खोदेंशो पा बेरशा जाक्‍नीम। अस्‍सुर रे पा ढुकुर खोदेंशो पा ख्रिंख्रि पना पन जाक्‍नीम। गो मेको आन कली आन खिंमी बाक्‍चा गेनुङ” दे परमप्रभु यावेमी देंत।
HOS 11:12 एफ्राइममी आं कली जोल पना पन बाक्‍ब। मिनु इस्राएलीमी यो खाल का ङा पा आं कली जोल पाइनीम। मिनु यहूदा आ का ला परमप्रभु आ नोले खोइक्‍चा कली थुं निक्‍शी प‍शो बाक्‍ब। तन्‍न मेकोमी मेको आन कली दाक्‍शा मप्रोंइब।
HOS 12:1 एफ्राइममी आं कली लोव़ पाइब। मेकोमी नेल्‍ल नाक्‍त पूर्ब ङा फश कली खेदा पाइब। मेकोमी जोल नु हुश ख्राक्‍श पोक्‍चा बारपाइक्‍ब। मेको अस्‍सुर नु गारब। मिनु इजीप्‍त रागी कली तेल सोइक्‍ब। होसे ५:१३
HOS 12:2 परमप्रभु यावेमी यहूदा आ मरिम्‍शो पशो ङा सजाइ गेप्‍तु। मेकोमी याकूब आ मरिम्‍शो पशो आ पर्बम सजाइ गेब। मेकोपुकीमी दोदेंशो पामे, मोदेंशो पा सजाइ गेब।
HOS 12:3 मेकोमी आ ममा आ कोंवजीम आ लोक्‍ब आ गेंग्रे ग्‍याइक्‍ताक्‍व। मिनु ठेयब दुम्‍शा, परमप्रभु यावे नु राम्‍शी पाप्‍तु। उत्‍पत्ती २५:२२,२६; उत्‍पत्ती ३२:२५-२९
HOS 12:4 मेको परमप्रभु आ स्‍वर्ग ङा गेय पाइब नु राम्‍शी पा ग्रात। मेकोमी ङाक्‍शा “शिशी पाइय्‍यी” दे पुंइतु। मेकोमी परमप्रभु कली बेथेल सहरमी ग्रुमानु, परमप्रभुमी मेको नु लोव़ पाप्‍तु। उत्‍पत्ती ३५:१५
HOS 12:5 मिनु परमप्रभु यावे, मुर नेल्‍ल आन परमप्रभु आ नें यावे बाक्‍ब। भजन संग्रह ८३:१९
HOS 12:6 मिनु मेकोमी “गे परमप्रभु गे लेत्‍चा माल्‍नेवे। गे दाक्‍चा नु ठीक पचा मप्रोनीन। परमप्रभु यावे कली रिम्‍शा बाक्‍कीन” देंत।
HOS 12:7 मिनु जोल पा नाक्‍तीक चलेब ग्‍याप्‍ब लेयब मुरुमी जोल पचा दाक्‍नीम।
HOS 12:8 एफ्राइममी “गो शुश क्‍येट थीब दुम्‍ती। गो शोंप पाइश्‍शो बाक्‍नुङ। आं शुश क्‍येट चेम्‍तीके ‘गे पाप पाप्‍तीवी’ दे दोस गेने मचाप्‍नीम” देंत। प्रकाश ३:१७
HOS 12:9 मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे चाक्‍शो नङ। गो ङोंइती ङा चाड नाक्‍ती खोदेंशो पा इन कली लेंशा इन ताम्‍बुमी बाक्‍चा गेनुङ” देंत। होसे १३:४
HOS 12:10 मिनु मेकोमी “गो नोले दुम्‍ब लोव़ पाइबपुकी नु लोव़ पाता। गो मेको आन कली कोंइतीके कोंइताक्‍ङ। गो मेको आन कली कथा शेंपाइक्‍ता।
HOS 12:11 गिलाद मरिम्‍शो पाइब बाक्‍ब। मेको आ मुरपुकी शोर गाक्‍शो बाक्‍नीम। मेकोपुकीमी गिल्‍गालमी ब्‍यफ चढ़ेम्‍तेक्‍म हना, आन फुल्‍लु के चढ़ेतीक ब्रेश्‍शा, फुल्‍लु देल्‍शो खोदेंशो दुम्‍ब। होसे ६:८; होसे ९:१५
HOS 12:12 मिनु याकूब प्रोक्‍शा, अराम रागीमी लत। मेकेर इस्राएलमी मीश चाक्‍चा आ पर्बम गेय पाप्‍तु। मेकोम मेकेर भेडा योव़तु। उत्‍पत्ती २७:४३; उत्‍पत्ती २८:५; उत्‍पत्ती २९:२०
HOS 12:13 मिनु परमप्रभु यावेमी आ लोव़ पाइब आ पतीके इस्राएली आन कली इजीप्‍त रागी रे ग्रुंइताक्‍व। मिनु आ लोव़ पाइब रे पा मेको आन कली कोव़तु। प्रस्‍थान ३:१०
HOS 12:14 तन्‍न एफ्राइममी परमप्रभु कली चुरपाइश्‍शो बाक्‍ब। मोपतीके परमप्रभुमी आ पशो हुश ख्राक्‍श पोक्‍तीके आ पर्बम सजाइ गेब। मेकोमी दोदेंशो पवा, मोदेंशो पा क्‍येक्‍क लेत्‍चा पुंइसीब” दे परमप्रभुम देंत।
HOS 13:1 मिनु परमप्रभुमी “एफ्राइममी लोव़ पवानु, मुरपुकी ख्रिंख्रि पाम्‍तेक्‍म। इस्राएलमी मेको कली मान पाम्‍तेक्‍म। तन्‍न मेको बाल देवता कली पूजा पतीके बेक्‍त।
HOS 13:2 मिनु मुल मेको क्‍येङा शुश पाप पाइनीम। मेकोपुकीमी आंम कली चांदी के मूर्ति सेल्‍नीम। मेको मूर्ति नेल्‍ल मुरुमी सेल्‍शो बाक्‍नीम। मिनु मुरुमी ‘मेको आन कली चढ़ेन। बाछा कली पुक्‍पु पने’ देंनीम। यसैया ४४:१०
HOS 13:3 मोपतीके मेकोपुकी सुनी ङा गोस्‍स, सुनी ङा जाम्‍शा लाइब सीत, फशेमी योल्‍ब खला ङा भूस नु झेल रे पा ग्रूब कुन खोदेंशो दुम्‍नीम” देंत। होसे ६:४; भजन संग्रह १:४
HOS 13:4 मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे ग्रुंइताक्‍ङ। गे गो आं ङा लाक्‍शा अरु परमप्रभु मतुइक्‍नीनी। मिनु गो आं ङा लाक्‍शा अरुमी पाप रे प्रोंइने मचाप्‍नीम।
HOS 13:5 मिनु गो गोरशो रागी नु शुश सोव़शो रागीमी इन कली कोव़ता। होसे ९:१०
HOS 13:6 गो मेको आन कली रूपाइक्‍ता। मिनु मेकोपुकी ठेयब लेश्‍शा, आं कली प्रेंताक्‍म। ब्‍यवस्‍था ३२:१५
HOS 13:7 मोपतीके गो मेको आन कली गुप्‍स खोदेंशो पा नु जोइ खोदेंशो पा आन लांम बाप्‍शा बाक्‍नुङ। होसे ५:१४
HOS 13:8 चाइक्‍ब रोंइसीशो वां खोदेंशो पा मेको आन कली ग्‍याइश्‍शा आन रां चेत्‍नुङ। मिनु गुप्‍सुमी खोदेंशो पा मेको आन कली ब्‍वाइनुङ। मिनु ब्‍वाकी ङा जन्‍तुमी साइश्‍शो खोदेंशो पा साइक्‍नुङ।
HOS 13:9 इस्राएलीपुकी, गो इन कली खतम सेल्‍नुङ। इन कली सुम वारच पाइबा? येरमीया २:१७
HOS 13:10 इन कली प्रोंइने चाप्‍ब ते बाक्‍मा? इन कली वारच पाइब सासन पाइब, ते लाक्‍गमे? मेको आ पर्बम गेपुकीमी ‘गो आंइ कली पिप नु सासन पाइब गेकी’ देंतीनी। १सामुएल ८:५-९
HOS 13:11 मोपतीके गो गाइश्‍शा इन कली पिप का गेता। मिनु गो चुरशा मेको कली पोक्‍शा लाइक्‍ता।
HOS 13:12 एफ्राइम आ पाप ख्रुइश्‍शा वोइश्‍शो बाक्‍ब। मेको आ पापपुकी ब्रेक्‍शा वोइश्‍शो बाक्‍नीम।
HOS 13:13 मीश मुर आल थितीक रोइ पशो खोदेंशो पा मेको कली श्‍येत दुम्‍ब। तन्‍न मेको मारेइ यो मतुइक्‍ब आल खोदेंशो बाक्‍ब। मेको दूली पा जरमेशो बाक्‍ब।
HOS 13:14 गो मेको आन कली तुरस रे प्रोंइनुङा ङा? गो मेको आन कली बेक्‍चा रे पा प्रोंइनुङा ङा? साइक्‍ब, इ साइक्‍तीक ते बाक्‍बा? तुरस, इ खतम सेल्‍तीक ते बाक्‍बा? गो शिशी मपाइनुङ। २तिमोथी १:१०; प्रकाश २०:१४; १कोरिन्‍थी १५:५४-५५
HOS 13:15 मेको आ लोक्‍ब आन दातेमी रिम्‍शो दुम्‍शा सोशा बोशा लत हना यो, गो मेको कली शिशी मपाइनुङ। परमप्रभु यावे रे पा पूर्ब ङा फश गोरशो रागी रे पा जाक्‍ब। मिनु आ ब्‍वाक्‍कु बुक्‍तीक सोव़ब। मेको आ इनार यो सोव़नीम। मोपा मेको आ शुश क्‍येट लाइब मारेइ मारेइ नेल्‍ल नुप्‍नीम।
HOS 13:16 सामरीया ङा मुरपुकीमी आन पाप पशो ङा श्‍येत जचा माल्‍नीम। मारदे हना मेकोपुकीम आंम परमप्रभु कली मटीम। मेकोपुकी तरवारमी साइक्‍चा पुंइसीनीम। मेको आन आलपुकी खपीमी ताइश्‍शा साइक्‍चा पुंइसीनीम। मेको आन कोव़ज कुरशो मीश मुर आन कोव़ज चेत्‍चा पुंइसीनीम” देंत। २राजा १५:१६
HOS 14:1 गे इस्राएली, परमप्रभु यावे, इन परमप्रभु गे लेश्‍शा जाक्‍कीन। मारदे हना गे इन मरिम्‍शो पतीके रे खतम दुम्‍तीनी।
HOS 14:2 परमप्रभु आ लोव़ मेको कली देंशा, परमप्रभु यावे गे लेतीन। मिनु गेपुकीमी मेको कली “आंइ पाप नेल्‍ल क्‍याम्‍दीने! आंइ कली शिशी पा ब्रने। गो इन नें ठेयब सेल्‍नीकी। हिब्रू १३:१५
HOS 14:3 अस्‍सुर ङा मुरपुकीमी आंइ कली प्रोंइने मचाप्‍नीम। गोपुकी लडाइ पथ शारा ङोइश्‍शा मगाक्‍नीकी। मिनु गो आंम सेल्‍शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्‍चपुकीमी इन शिशी ताइनीम” दे परमप्रभु कली देंनीन।
HOS 14:4 मिनु परमप्रभुमी “गो इन नोले शोंइसीशो माफ गेनुङ। गो इन कली शुश शिशी पा दाक्‍नुङ। मारदे हना मुल इन कली तशा मगाइक्‍नुङ।
HOS 14:5 गो इस्राएल कली सीत खोदेंशो दुम्‍नुङ। मेको लिली फू खोदेंशो पा बोइक्‍ब। लेबानोन ङा लाइश्‍शो रवा खोदेंशो पा मेकोमी शाक्‍श थोक्‍ब।
HOS 14:6 मेको आ राशी लाइश्‍शो दुम्‍नीम। मेको आ दारस तेल रवा खोदेंशो दुम्‍ब। मेको आ ब्रोव़शो रिना लेबानोन ङा लाइश्‍शो रवा खोदेंशो दुम्‍ब।
HOS 14:7 मुरपुकी लेंशा मेको आं वांकुमी बाक्‍नीम। मेकोपुकीमी लेंशा अन्‍न ख्रुम्‍नीम। मिनु अङगुर खोदेंशो पा बोइक्‍नीम। मिनु मेको आन नें लेबानोन ङा अङगुर शांबु खोदेंशो पा ठेयब दुम्‍ब।
HOS 14:8 एफ्राइम ङा मुरपुकी, मूर्तिपुकी नु गो आं के मार गेय बाक्‍बा ङा? गो इन कली लोव़ लेत्‍नुङ। मिनु इन कली कोव़नुङ। गो तोव़शी रवा खोदेंशो पा गिग बाक्‍नुङ। इ फल फुल सित्‍चा आं सक्ति रे जाक्‍ब।
HOS 14:9 सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।
JOE 1:1 परमप्रभु यावेमी पेथुएल आ तौ योएल कली देंशो लोव़ एको बाक्‍ब।
JOE 1:2 मिनु मेको लोव़ मार बाक्‍त देंशा हना “गे खाल्‍पापुकी, एको लोव़ नेनीन। रागीम बाक्‍ब मुर नेल्‍ल इन नोफा दाइश्‍शा नेनीन। मार, इन ब्रोंइतीक नाक्‍ती नु इन किकी पिपी आन ब्रोंइतीक नाक्‍तीम ओदेंशो दुम्‍शो बाक्‍मे?
JOE 1:3 गे एको लोव़ इन तमी तौ आन कली देनीन। मिनु इन तमी तौपुकीमी आन तमी तौ आन कली देंपतीन। मिनु मेकोपुकीमी आन चच युइ आन कली देंमल।
JOE 1:4 घांस ख्रोइश्‍शा ब्‍वाइब मालेपुकीमी मार मार प्रोन्‍मे, मेको लेस्‍वा मालेपुकीमी नेक्‍तेक्‍म। मिनु लेस्‍वा मालेपुकीमी मार मार प्रोन्‍मे, मेको तोङ‍ले मालेपुकीमी नेक्‍तेक्‍म। मिनु तोङले मालेपुकीमी मार मार प्रोन्‍मे, मेको सल्‍हा मालेपुकीमी नेक्‍तेक्‍म। योएल २:२५
JOE 1:5 मिनु गे दुक्‍शा बाक्‍बपुकी सेंसीशा, ङाक्‍कीन। मिनु अङगुर शांबु तूशा दुक्‍ब नेल्‍ल नक अङगुर शांबु आ पर्बम रोंका पने। मारदे हना मेको इन शोव़ रे रोंइ‍सीशो बाक्‍ब।
JOE 1:6 ठेयब रागी ङा मुरपुकी आं रागीम ओव़तेक्‍म। मेको सक्ति पाइश्‍शो नु हिक्‍ने मचाप्‍चा ङा पा शुश बाक्‍नीम। मेको आ ख्रुइ गुप्‍स आन ख्रुइ खोदेंशो बाक्‍नीम। मिनु मेको आन लाइश्‍शो ख्रुइ, छाउरी गुप्‍स आ ख्रुइ खोदेंशो बाक्‍नीम। योएल २:२
JOE 1:7 मेकोपुकीमी आं अङगुर रू खतम पोक्‍शा, आं फोव़शी रवा नेल्‍ल तिम्‍शा चेत्‍तेक्‍म। मेकोपुकीमी मेको आन कोक्‍ते नेल्‍ल थुरशा, ताइक्‍ताक्‍म। मेको आन राशी नेल्‍ल बुश दुम्‍‍तेक्‍म।
JOE 1:8 मिनु कन्‍ने मीश आलमी अरन्‍डी फेक्‍शा, आ ग्‍युंबे पचशो वोंइश आल आ पर्बम दोपा रोंका पाइबा, मोपा रोंका पने।
JOE 1:9 अन्‍न चढ़ेतीके नु तूचा थोव़क चढ़ेतीके परमप्रभु यावे आ खिंमी चढ़ेचा देक्‍शो बाक्‍ब। परमप्रभु यावे आ ङोंइती गेय पाइब चढ़ेबपुकी रोंका पाइनीम। योएल २:१४
JOE 1:10 मिनु रू नेल्‍ल श्‍येत्‍थ दुम्‍शो बाक्‍नीम। खप रोंका पाइब। मारदे हना अन्‍न नेल्‍ल खतम दुम्‍शो बाक्‍ब। अङगुर आ रस सोव़त। तेल रवा आन फल सोव़तेक्‍म।
JOE 1:11 गे रूम गेय पाइबपुकी सुर्ता पने। अङगुर ख्रुम्‍बपुकी रोंका पने। क्‍योव़ज चेरब आ पर्बम यो रोंका पने। मारदे हना बाली नाली खतम दुम्‍शो बाक्‍नीम।
JOE 1:12 अङगुर बोट सोल सुल बेक्‍तेक्‍म। फोव़शी रवा यो सोव़तेक्‍म। अनार, खजूर, स्‍याउ रवा नु रू ङा रवा नेल्‍ल सोव़तेक्‍म। थमा पा, मुर आन दातेमी मुर आन ग्‍येरतीक थुं यो मेको खोदेंशो पा नुप्‍शो बाक्‍ब।
JOE 1:13 चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब।
JOE 1:14 मिनु माइजा बाक्‍चा कली मुर आन कली खुप्‍तीन। परमप्रभु यावे आ खिंम रागीम बाक्‍ब मुर नेल्‍ल बुक्‍शा, खाल्‍पा आन कली ब्रेत्‍तीन। गे खाल्‍पा नु मुर आन कली परमप्रभु यावे, इन परमप्रभु आ खिंम पुक्‍कीन। मिनु परमप्रभु यावे कली ठेयब सेंदा पा ‘वारच पाइक्‍की’ दे पुनीन” देंत। भजन संग्रह १०४:१०,११; योएल २:१५
JOE 1:15 मिनु योएलमी “परमप्रभु यावे आ जाक्‍चा चिक्‍शो नाक्‍त आ पर्बम आबी आबी, मारदे हना मुल मेको नाक्‍त जाक्‍ब। नेल्‍ल क्‍येङा सक्ति पाइश्‍शो खतम पोक्‍‍तीके जाक्‍ब। योएल २:१; यसैया १३:६
JOE 1:16 मार, इं जचा थोव़क इं ङोंइती रे मरोइक्‍से ङा? मार, ग्‍येरशा सोम्‍शा बाक्‍तीके आंइ परमप्रभु आ खिं रे मयोल्‍म ङा? ब्‍यवस्‍था १६:३१
JOE 1:17 वांचेर नेल्‍ल खप आगाम सोव़शा रोम्‍शा लीतेक्‍म। अन्‍न वोइक्‍तीक खिं ब्रेश्‍शो बाक्‍नीम। अन्‍न वोइक्‍तीक श्‍येत्‍थ दुम्‍तेक्‍म। मारदे हना अन्‍न मदुम।
JOE 1:18 मिनु बस्‍तु भाव रोंका पाइनीमी। बी ब्‍यफ जोतीक मबाक्‍तीके हिरना हिरन बाक्‍नीम। क्‍यारश भेडा आन हुल यो श्‍येत जशो बाक्‍नीम।
JOE 1:19 परमप्रभु यावे, गो इन कली वाइ ब्रेश्‍शा थोइनुङ। मारदे हना बी ब्‍यफ नु क्‍यारश भेडा आन जोतीके मीम नेक्‍शो बाक्‍ब। मिनु मीम रू ङा रवा नेल्‍ल नेक्‍शो बाक्‍ब। योएल २:३
JOE 1:20 मिनु ब्‍वाकी ङा जन्‍तुपुकीमी यो इन कली थोशो बाक्‍नीम। मारदे हना खोला सोव़शो बाक्‍नीम। मिनु मीम गोरशो रागी ङा बस्‍तु भाव योव़तीक ङा घांस नेल्‍ल नेक्‍शो बाक्‍ब” देंत। भजन संग्रह १०४:१०-११
JOE 2:1 सियोनमी तुराही ताप्‍पीन। आं डांडामी शुश ग्रीब ताप्‍तीक ग्रोव़ ताप्‍पीन। रागीम बाक्‍ब मुर नेल्‍ल गिक गिक पा ख्रिंख्रि पामेक्‍ल। मारदे हना परमप्रभु यावे आ जाक्‍‍शो नाक्‍त नेक्‍था जाक्‍शो बाक्‍ब। मेको जाक्‍चा चिक्‍शो बाक्‍ब। योएल १:१५
JOE 2:2 मेको नाक्‍ती छिङछिङ नु हिंचा ङा बाक्‍ब। मेको थम ठेयब गोस्‍स नु छिङछिङमी सुम्‍शो बाक्‍ब। मिनु ठेयब सक्ति पाइश्‍शो लडाइ पाइब आन हुलमी डांडा आन कली क्‍येर गोस्‍सुम सुम्‍शो खोदेंशो पा सुम्‍शो बाक्‍नीम। मेको मोदेंशो ङोंइती गेनायो मदुम्‍शो बाक्‍त। मिनु नोले ङा मुर आन पालाम यो मोदेंशो गेनायो मदुम्‍ब। योएल १:६; प्रस्‍थान १०:१३-१५
JOE 2:3 मेको आन ङोंइङोंइती मीम मारेइ मारेइ नेक्‍ब। मिनु मेको आन नोनोले मी ब्राइब। मेको आन ङोंइती रूपुकी एदेन ङा फल फुल रू खोदेंशो बाक्‍नीम। मेको आन नोले गोरशो रागी खोदेंशो दुम्‍नीम। मेकोपुकी रे मारेइ मब्रोंइनीम। योएल १:१९
JOE 2:4 मेको आन कुल शारा आन कुल खोदेंशो बाक्‍नीम। लडाइ पाइब शारा ङोइक्‍ब खोदेंशो पा बारनीम।
JOE 2:5 मेकोपुकी बग्‍गी दोरशो रेयके खोदेंशो पा पहाड तार दोरनीम। मीम आइक्‍च शी दाक्‍शो खोदेंशो पा रेयके पाइनीम। मेकोपुकी सक्ति पाइश्‍शो लडाइ पाइब आन हुलमी लडाइ पचा चिक्‍शो खोदेंशो बाक्‍नीम।
JOE 2:6 मिनु जात जात ङा मुर मेको आन कली तशा हिंशा, आन कुल राव किक्‍पाइक्‍नीम।
JOE 2:7 मेकोपुकी लडाइ पाइबपुकी खोदेंशो पा बारशा, गारो ङोंइसीनीम। मेको का का पा आन गाक्‍शो लां मप्रोंइथु, आन लांम गाक्‍नीम।
JOE 2:8 मेकोपुकी मचुमुथु गाक्‍शा, लां का खोइक्‍नीम। मिनु या कुरशो आन जोरी सत्रु आन हुलम ओव़नीम। मिनु सुइमी मेको आन कली तेक्‍ने मचाप्‍नीम।
JOE 2:9 मेकोपुकी सहर कली लडाइ तोचा कली गारो तार दोरनीम। मेकोपुकी खिं ङा झेल रे खुइ खोदेंशो पा ओव़नीम।
JOE 2:10 मिनु मेको आन ङोंइती रागीम ख्रिनु कुइब। सरीङ हिम्‍सीब। नां नु तास्‍ला छिङछिङ दुम्‍नीस। मिनु सोरुलमी आन हाम्‍सो मकोंइनीम। योएल ३:४; यसैया १३:१०
JOE 2:11 मिनु परमप्रभु यावे आ लडाइ पाइब आन ङोंइती ठेयब सेंदा पा लोव़ पाइब। मेको आ लडाइ पाइब सक्ति पाइश्‍शो नु शुश बाक्‍नीम। मिनु मेको आ देंशो टीब हिक्‍ने मचाप्‍चा ङा बाक्‍नीम। परमप्रभु यावे आ निसाफ पतीक नाक्‍ती ठेयब नु थम हिंचा ङा बाक्‍ब। मेको सुम फाल्‍ने चाप्‍नीमी ङा?
JOE 2:12 परमप्रभु यावेमी “इन थुं नेल्‍लेमी आं गे ले‍तीन। गे माइजा बाक्‍शा, ङाक्‍शा नु रोंका पा आं गे ले‍तीन। इजीकीएल ३३:११
JOE 2:13 गे रोंका पा इन वा मखाक्‍कीन। इन थुं खाक्‍कीन। गेपुकी परमप्रभु यावे, इन परमप्रभु गे ले‍तीन। मारदे हना मेकोमी शिशी पा दाक्‍ब। मेको रीब पा मगाइक्‍ब। गेना हना यो दाक्‍ब नु रीब पा सजाइ मगेब बाक्‍ब। प्रस्‍थान ३४:६
JOE 2:14 मिनु परमप्रभु यावेमी आ थुं लेश्‍शा, सजाइ मगेथु, आसीक गेबा कों? मेको सुम तुइक्‍बा ङा? मिनु गेपुकीम परमप्रभु यावे, इन परमप्रभु कली अन्‍न चढ़ेतीक नु तूचा थोव़क चढ़ेतीके चढ़ेने। योना ३:९
JOE 2:15 सियोनमी तुराही ताप्‍‍पीन। माइजा बाक्‍चा कली मुर आन कली खुप्‍तीन। मिनु चाड मानेचा कली मुर आन कली ब्रेत्‍तीन। योएल १:१४
JOE 2:16 मुर नेल्‍ल आन कली खुप्‍तीन। बुक्‍शो मुर नेल्‍ल आन कली परमप्रभु यावे आ ङोंइती ठीक सेलीन। खाल्‍पा आन कली खुप्‍तीन। आल आन कली खुप्‍तीन। दूध तूब आल आन कली यो खुप्‍तीन। ग्‍युम्‍ले आ कोठा रे ग्रूल। मिनु ग्‍युम्‍ली आ बाक्‍तीक रे जाक्‍ल।
JOE 2:17 परमप्रभु यावे आ ङोंइती गेय पाइब चढ़ेबपुकी परमप्रभु यावे आ खिं ङा पिंडी नु चढ़ेतीक आ दातेम ङाक्‍म‍ल” देंत। मेकोपुकीमी “परमप्रभु यावे इन मुर आन कली सजाइ मगेने। रागी रागी ङा मुर आन ङोंइती इन मुर आन कली शुक्‍शी नु तोक्‍शा लोव़ पाइक्‍तीक दुम्‍चा मगेने। मिनु जात जात ङा मुरपुकीमी ‘मार, मेको आन परमप्रभु ते बाक्‍म?’ देंचा मतामेक्‍ल” देंतेक्‍म। भजन संग्रह ७९:१०
JOE 2:18 मिनु परमप्रभु यावेमी आ रागी आ पर्बम रुश पा, आ मुर आन कली शिशी पाप्‍तु।
JOE 2:19 मिनु परमप्रभु यावेमी आ मुर आन कली मिम्‍शा “गो इन कली अन्‍न, अङगुर शांबु नु तेल सोइक्‍नन्‍नी। मिनु गे रूनीनी। मिनु गो इन कली रागी रागी ङा मुर आन दातेमी गेनायो शुक्‍शी पाइक्‍तीक दुम्‍चा मगेनन्‍नी। योएल २६:२७
JOE 2:20 गो उत्तर रे जाक्‍शो लडाइ पाइब आन कली इन क्‍येङा ङोन खेरनुङमी। गो मेको आन कली कोक्‍त। मुल गोरशो रागीमी खेरनुङमी। मेको आन ङोंइती ङा हुल आन कली पूर्ब ङा समुन्‍द्र गे नु मेको आन नोले ङा हुल आन कली पच्‍छिम ङा समुन्‍द्र गे खेरनुङमी। मिनु मेको आन राक्‍शो रिना इर गे लाइब” दे परमप्रभुमी देंत। मेकोमी थमा पा ठेयब गेय पशो बाक्‍ब।
JOE 2:21 रागी ङा मुर महिनीन। गे ग्‍येरशा सोम्‍सीशा बाक्‍कीन। परमप्रभु यावेमी ठेयब गेय पशो बाक्‍ब।
JOE 2:22 गे ब्‍वाकी ङा जन्‍तु महिनीन। मारदे हना गोरशो रागी ङा योव़तीक गिगी दुम्‍शो बाक्‍ब। रवाम फल सित्‍नीम। फोव़शी रवा नु अङगुर आ बोटमी शुश फल सित्‍नीम।
JOE 2:23 गे सियोन ङा मुरपुकी ग्‍येरसीन। गेपुकी परमप्रभु यावे, इन परमप्रभु आ पर्बम शुश ग्‍येरसीन। मारदे हना मेकोमी आ ठीक पतीकेम इन कली ङोंइती ङा रेउ गेशो बाक्‍त। मेकोमी इन कली शुश रेउ गेशो बाक्‍त। ङोंइती नु नोले ङा रेउ ङोंइती खोदेंशो पा गेशो बाक्‍त। येरमीया ५:२४
JOE 2:24 मिनु खलापुकी अन्‍नमी ब्रीनीम। गरपुकी नक अङगुर शांबु नु तेलम ब्रीशा क्‍युप्‍नीम।
JOE 2:25 परमप्रभु यावेमी “गो इन कली लेस्‍वा माले, तोङले माले, सल्‍हा माले नु घांस ख्रोइश्‍शा ब्‍वाइब माले आन नेक्‍शो नेल्‍ल लेश्‍शा गेनन्‍नी। मेको आं सोइश्‍शो लडाइ पाइबपुकी बाक्‍तेक्‍म। गो मेको आन कली इन दातेमी सोइक्‍ताक्‍ङमी। योएल १:४
JOE 2:26 मिनु गे शुश जचा तशा रूनीनी। मिनु इन पर्बम छक लाक्‍चा ङा गेय पाइब परमप्रभु यावे, इन परमप्रभु आ नें ठेयब सेल्‍चा माल्‍नीनी। मिनु आं मुरपुकी लेंशा गेनायो मुने मदोक्‍नीम। ब्‍यवस्‍था ८:१०
JOE 2:27 गो इस्राएली आन दातेमी बाक्‍शो बाक्‍नुङ। गो परमप्रभु यावे, इन परमप्रभु नङ। आं क्‍येङा लाक्‍शा, अर्को परमप्रभु मबाक्‍ब, दे गे तुइक्चा माल्‍‍नीनी। मिनु आं मुरपुकी लेंशा गेनायो मुने मदोक्‍नीम।
JOE 2:28 मिनु नोले गो आं सोक्‍त मुर नेल्‍ल आन तार मोइक्‍नुङ। मिनु इन तमी तौपुकीमी आं लोव़ पाइनीम। इन खाल्‍पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्‍ती ११:२९; यसैया ४४:३; इजीकीएल ३९:२९; तीतस ३:५-६
JOE 2:29 मेको नाक्‍ती गो वाइलीम वाइल आन तारी यो आं सोक्‍त मोइक्‍नुङ।
JOE 2:30 गो सरीङ नु रागीम चिन्‍ड कोंइनुङमी। हुश, मी नु कुन के थाम कोंइनुङमी। होसे ७:१
JOE 2:31 परमप्रभु यावे आ ठेयब हिंचा ङा नाक्‍त जाक्‍चा क्‍येङा ङोंइती नां छिङछिङ दुम्‍ब। मिनु तास्‍ला हुश दुम्‍ब” देंशो बाक्‍ब। योएल २:२,१०,११; मत्ती २४:२९; प्रकाश ६:१२
JOE 2:32 मेना परमप्रभु यावे आ नें थोइब नेल्‍ल ब्रोंइचा ताइनीम। मारदे हना परमप्रभु यावेमी देंशो खोदेंशो पा सियोन डांडा नु यरूसलेममी परमप्रभु यावेमी ब्रेश्‍शोपुकी ब्रोंइचा ताइनीम। मिनु मेको प्रोंइशो आन दातेमी परमप्रभु यावे आ योव़शो मुर बाक्‍नीम। रोमी १०:१३; ओबदिया १७
JOE 3:1 परमप्रभु यावेमी “मेको नाक्‍ती गो यहूदा नु यरूसलेम आस रिम्‍शो दुम्‍तीक नाक्‍ती लेश्‍शा चाक्‍नुङ। होसे ७:१
JOE 3:2 मिनु गो रागी रागी ङा मुर नेल्‍ल आन कली खुप्‍शा, येहो-शाफात आ दिंममी चाक्‍नुङमी। मिनु मेकेर मेको आन कली निसाफ पाइनुङ। मारदे हना मेकोपुकीमी आं मुर आन कली रागी रागी ङा मुर आन दातेमी ब्रपाइक्‍तेक्‍म। मिनु आं रागी भाग भाग सेल्‍तेक्‍म।
JOE 3:3 मेकोपुकीमी आं मुर आन पर्बम फेन्‍टे ग्‍यारतेक्‍म। मिनु वोंइश आल लेयशा, ते‍ल्‍लेम नु लाम्‍तेक्‍म। मीश आल आन कली लेयशा, अङगुर शांबु तूतेक्‍म।
JOE 3:4 टायर, सीदोन नु पलिस्‍ती आन रागी ङा मुरपुकी आं कली मार पाइ‍नीनी ङा? मार, आं पशो आ पर्बम आं कली क्‍येक्‍क लेत्‍नीनी? गेपुकीमी आं कली क्‍येक्‍क लेत्‍ताक्‍नी हना, गो मेको रीब पा इन पिया तार मोइक्‍नुङ।
JOE 3:5 मारदे हना गे आं सुन, चांदी नु थम रिम्‍शो थोव़क नेल्‍ल इन दरवारम लाइक्‍तीनी।
JOE 3:6 मिनु गे यहूदा नु यरूसलेम ङा मुर आन कली मेको आन रागी रे लाइश्‍शा, ग्रीस ङा मुर आन कली लेयतीनी।
JOE 3:7 मुल गो मेको आन कली लेयशो रागी रे ग्रुंइशा, चाक्‍नुङमी। मिनु गो इन श्‍येत गेशो लेंशा इन पिया तार मोइक्‍नुङ।
JOE 3:8 मुल गो इन तमी तौ आन कली यहूदा ङा मुर आन कली लेयनुङमी। मिनु मेकोपुकीमी मेको आन कली ङोन साबा रागी ङा मुर आन कली लेयनीम” दे परमप्रभु यावेमी देंशो बाक्‍ब।
JOE 3:9 मिनु परमप्रभुमी “एको लोव़ रागी रागी ङा मुर आन दातेम नेंपतीन। लडाइ पचा कली ठीक दुमीन। लडाइ पाइब आन कली ब्रेत्‍तीन। बुक्‍तीक आ नेक्‍था जाक्‍चा माल्‍नीम।
JOE 3:10 गे इन फाली शोल्‍शा, तुप्‍शा तरवार सेलीन। मिनु इन गुये तुप्‍शा, तूतीक भाला सेलीन। मिनु गे हिंब मुरपुकीमी ‘गो बोल्‍यो लडाइ पाइब नकी’ देनीन। यसैया २:४
JOE 3:11 एर ओंथ बाक्‍शो रागी रागी ङा मुर नेल्‍ल रीब पा जाक्‍कीन। गे नेल्‍ल मेकेर खुम्‍सीन। परमप्रभु यावे, इन बोल्‍यो लडाइ पाइब आन कली उइ यितीन।
JOE 3:12 मिनु रागी रागी ङा मुर नेल्‍ल जोंब बोक्‍शा, खुम्‍सीशा येहो-शाफात आ दिंममी लमल। मारदे हना गो एर ओंथ ङा रागी ङा मुर नेल्‍ल आन कली निसाफ पाइनुङ।
JOE 3:13 मिनु इन गुयेमी रिक्‍चा ठीक दुमीन। मारदे हना बाली नाली खुप्‍ची जाक्‍शो बाक्‍ब। मिनु ओव़शा अङगुर ख्राक्‍कीन। मारदे हना कोल ब्रीशो बाक्‍त। गर ब्रीशा क्‍युप्‍शो बाक्‍नीम। मेको खोदेंशो पा आन मरिम्‍शो पशो शुश दुम्‍त। प्रकाश १४:१५; यसैया ६३:३,६; प्रकाश १४:१८
JOE 3:14 मिनु निसाफ पतीक दिंममी शुश मुर जाक्‍स ङा जाक्‍स बाक्‍नीम। मारदे हना मेको दिंममी परमप्रभु यावे आ निसाफ पतीक नाक्‍ती जाक्‍चा चिक्‍शो बाक्‍ब।
JOE 3:15 नां नु तास्‍ला छिङछिङ दुम्‍नीस। मिनु सोरुलपुकीमी आन छेङछेङ मकोंइनीम” देंत। योएल २:१०; योएल ३:४
JOE 3:16 परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। आमोस १:२
JOE 3:17 “गो, परमप्रभु यावे, इन परमप्रभु आं डांडा सियोनम बाक्‍नुङ, दे गे तुइक्‍नीनी। मिनु यरूसलेम आं के दुम्‍ब। मिनु रागी रागी ङा मुर मेको सहर ङा लां रे पा मलाक्‍नीम। इजीकीएल ३४:३०
JOE 3:18 मेको नाक्‍ती डांडाम शुश अङगुर सित्‍नीम। मिनु पहाडम दूध शुश बाक्‍ब। यहूदा ङा खोला नेल्‍लेमी ब्‍वाक्‍कु शाइक्‍नीम। मिनु परमप्रभु यावे आ खिं रे पा ब्‍वाक्‍कु बुक्‍तीके शित्तीम ङा दिंम जिप्‍पाइक्‍ब। आमोस ९:१३; इजीकीएल ४७:१
JOE 3:19 मिनु यहूदा ङा दोस मताइब मुर आन कली मरिम्‍शो पतीके नु हुश ख्राक्‍श पोक्‍तीके इजीप्‍त रागी मुर मबाक्‍तीके दुम्‍ब। मिनु एदोम चहिं कोक्‍त रागी दुम्‍ब।
JOE 3:20 तन्‍न यहूदा रागीम गेना हना यो मुर बाक्‍नीम। मिनु यरूसलेम नेल्‍ल पाला ङा मुर आन कली दुम्‍‍ब। ओबदिया १०:-
JOE 3:21 गो मेको आन हुश ख्राक्‍श पोक्‍शो क्‍येक्‍क लेत्‍नुङमी। मिनु आन पाप मक्‍याम्‍नुङ” दे परमप्रभुमी देंत। परमप्रभु यावे सियोनम बाक्‍ब। ब्‍यवस्‍था ३२:४३; इजीकीएल ४८:३५
AMO 1:1 एको आमोस आ लोव़ बाक्‍ब। आमोस तेकोहा सहरमी बाक्‍ब गोठला आन दाते ङा का बाक्‍त। परमप्रभु यावेमी मेको कली इस्राएल आ पर्बम लोव़ कोंइताक्‍व। मेना यहूदा ङा पिप उज्‍जीयाह नु इस्राएल ङा पिप योआश आ तौ येरोबाम बाक्‍ताक्‍स। एको ख्रिनु कुचा क्‍येङा बर्स निक्‍शी ङोंइती ङा लोव़ बाक्‍ब। आमोस ७:१४; २राजा १५:१; जकरिया १४:५; २राजा १४:२३
AMO 1:2 मिनु मेकोमी “परमप्रभु यावे सियोन रे ठेयब सेंदा पा ग्री‍ब। मेकोम यरूसलेम रे पा ठेयब सेंदाम लोव़ पाइब। गोठला आन बी ब्‍यफ आन जोतीक रू नेल्‍ल सोव़ब। मिनु कारमेल डांडा आ ङर यो सोव़ब” देंत। येरमीया २५:३०; योएल ४:१६
AMO 1:3 मिनु परमप्रभु यावेमी मार देंत देंशा हना “गो दमस्‍कस आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी गिलाद ङा मुर आन कली फलाम के ख्रुइ पाइश्‍शो दांदेमी दांइ पाम्‍तेक्‍म। यसैया १७:१-३
AMO 1:4 मोपतीके गो हजाएल आ खिंमी मी सुइक्‍नुङ। मेकोमी बेन-हादाद आ बोल्‍यो दरवार नेल्‍ल खतम पोक्‍ब।
AMO 1:5 गो दमस्‍कस ङा ठेयब लाप्‍चो ङा आग्‍लो जिक्‍नुङ। मिनु आवेन माइश्‍शो दिंमम बाक्‍ब मुर नेल्‍ल आन कली नु बेथ-एदेन ङा पिप कली क्‍याम्‍‍नुङमी। अराम ङा मुर आन कली ग्‍याइक्‍पाइश्‍शा कीर सहरमी लाइक्‍पाइक्‍नुङमी” दे परमप्रभु यावेमी देंत। २राजा १६:९
AMO 1:6 मिनु परमप्रभु यावेमी “गो गाजा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली ग्‍याइश्‍शा लाइश्‍शा एदोम आ गुइमी लेयतु। २इतिहास २१:१६-१७; २इतिहास २८:१८; येरमीया ४७:१
AMO 1:7 मोपतीके गो गाजा ङा गारोम मी सुइक्‍नुङ। मेकोमी मेको आ बोल्‍यो दरवार खतम पोक्‍ब।
AMO 1:8 गो अश्‍दोद सहरम बाक्‍ब मुर आन कली नु अश्‍कलोन ङा पिप कली क्‍याम्‍‍नुङमी। गो एक्रोन कली युक्‍नुङ। मिनु लीशो पलिस्‍ती नेल्‍ल जाम्‍शा लाइनीम” दे परमप्रभु यावेमी देंत।
AMO 1:9 मिनु परमप्रभु यावेमी “गो टायर आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली एदोम आ गुइमी गेप्‍तु। मिनु आंम लोक्‍ब आन दातेम पशो कबल प्रेंताक्‍व। यसैया २३:-; योएल ४:४; १राजा ५:२६
AMO 1:10 मोपतीके गो टायर ङा गारोम मी सुइक्‍नुङ। मिनु मेकोमी मेको आ बोल्‍यो दरवार खतम पोक्‍ब” दे परमप्रभु यावेमी देंत।
AMO 1:11 मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७
AMO 1:12 मोपतीके गो तेमानम मी सुइक्‍नुङ। मेकोमी बोज्रा ङा बोल्‍यो दरवार खतम पोक्‍ब” दे परमप्रभु यावेमी देंत।
AMO 1:13 मिनु परमप्रभु यावेमी “गो अम्‍मोन आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीम गिलाद ङा आल कुरशो मीश मुर आन कोव़ज तरवारम चेत्‍तेक्‍म। मेको आन रागी ठेयब सेल्‍चा कली मो पाम्‍तेक्‍म। येरमीया ४९:१-६
AMO 1:14 मोपतीके गो रब्‍बाह ङा गारोम मी सुइक्‍नुङ। मेकोम आन बोल्‍यो दरवार खतम पोक्‍ब। मिनु लडाइ पाइबपुकी शुश रेयके पा, फश गिवार खोदेंशो पा जाक्‍शा, मेको आन कली खतम पोक्‍नीम।
AMO 1:15 मेकेर ङा पिप नु मेको आ ठेयब गेय पाइब मुर नेल्‍ल ग्‍याइश्‍शा लाइक्‍चा पुंइसीनीम” दे परमप्रभु यावेमी देंत।
AMO 2:1 परमप्रभु यावेमी “गो मोआब आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी एदोम ङा पिप आन रुश चोप्‍तु। यसैया १५:-; येरमीया ४८:-
AMO 2:2 मोपतीके गो मोआब रागीम मी सुइक्‍नुङ। मेकोमी गारो हिरशो केरयोथ ङा बोल्‍यो दरवार खतम पोक्‍ब। मिनु मोआब ङा मुर लडाइ, शुश रेयके नु तुराही ग्री‍शोम बेक्‍नीम।
AMO 2:3 गो मेको आ सासन पाइब नु मेको आ ठेयब गेय पाइब नेल्‍ल आन कली मेको नु काथा साइक्‍नुङमी” दे परमप्रभु यावेमी देंत। गन्‍ती २४:१७
AMO 2:4 मिनु परमप्रभु यावेमी “गो यहूदा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी परमप्रभु यावे आ अरेशो लोव़ मटीम। आ फुल्‍लुम मुशा ब्रेक्‍शो लोव़ मपाम। मेकोपुकीम आन किकी पिपीम खोदेंशो पा जोल लोव़ थमा सुइश्‍शा हें‍थे गाक्‍तेक्‍म।
AMO 2:5 मोपतीके गो यहूदा रागीम मी सुइक्‍नुङ। मेकोमी यरूसलेम ङा बोल्‍यो दरवार खतम पोक्‍ब” दे परमप्रभु यावेमी देंत। होसे ८:१४
AMO 2:6 मिनु परमप्रभु यावेमी “गो इस्राएल आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी ठीक पाइब आन कली चांदी के क्‍येटीम नु मारेइ मथीब आन कली जोर का चेपल ताक्‍शा लेयतेक्‍म। आमोस ८:६
AMO 2:7 मिनु प्रुङग आन पिया फुरकुम खोल्‍शा दिम्‍नीम। श्‍येत जाइब आन कली नेप्‍शा ग्रुंइनीम। पोबु निम्‍फा मीश आल का नु बाक्‍शा, आं नें ग्रांग्रा दिशो सेल्‍नीम। आमोस ८:४
AMO 2:8 मेको आन देवता थानम जाकटी वोइश्‍शो वा तार बाक्‍शा, सजाइ आ पा ङा थाप्‍शो क्‍येटीम, अङगुर शांबु ग्‍याप्‍शा तूनीम। प्रस्‍थान २२:२५
AMO 2:9 गो मेको आन ङोंइती रे एमोरी आन कली साइक्‍ता‍मी। मेकोपुकी लेबानोन ङा लाइश्‍शो रवा खोदेंशो लाइश्‍शो नु बोल्‍यो बाक्‍तेक्‍म। गो मेको आन इर ङा फल नु उइ आगा ङा शाक्‍श नेल्‍ल खतम सेल्‍ता। गन्‍ती २१:२१-२८
AMO 2:10 मिनु गो इन कली एमोरी आन रागी गेचा कली इजीप्‍त रागी रे ग्रुंइशा ४० बर्स सम्‍म गोरशो रागीमी लां कोंइशा गाक्‍पाइक्‍तन्‍नी।
AMO 2:11 गो इन वोंइश आल आन दाते ङा का निक्‍शी आन कली आं लोव़ पाइब सेल्‍‍चा कली कोल्‍पाइक्‍तामी। इन तौ आन दाते ङा का निक्‍शी आन कली नाजिरी दुम्‍पाइक्‍चा कली कोल्‍पाइक्‍तामी। ए इस्राएल ङा मुरपुकी, मार एको लोव़ थमा ममाइ ङा?” दे परमप्रभु यावेमी देंत। गन्‍ती ६:२-१३
AMO 2:12 मिनु परमप्रभु यावेमी “तन्‍न गे मेको नाजिरी दुम्‍शो मुर आन कली अङगुर शांबु तूपाइक्‍तीनी। आं लोव़ पाइब आन कली ‘परमप्रभु यावे आ लोव़ मपने’ दे माइक्‍तीनी। आमोस ७:१३,१६; येरमीया ११:२१
AMO 2:13 मोपतीके गे इन बाक्‍तीकेमी बाक्‍शा, इन कली बाला सुन्‍दा नलम ब्रीशो बग्‍गी दोपा हिम्‍बा, मोपा हिम्‍‍पाइक्‍नन्‍नी।
AMO 2:14 थाम्‍पा दोरबपुकी प्रोक्‍‍चा मताइनीम। मिनु बोल्‍यो मुर आन बोल जाम्‍शा लाइब। सक्ति पाइश्‍शोपुकीम यो आंम कली प्रोंइने मचाप्‍नीम।
AMO 2:15 लिब्रा आप्‍बपुकी राप्‍ने मचाप्‍नीम। फेरेर पा दोरबपुकीमी यो आंम कली प्रोंइने मचाप्‍नीम। मिनु शारा ङोइक्‍बपुकीम यो आंम कली प्रोंइने मचाप्‍नीम।
AMO 2:16 मेको नाक्‍त नेल्‍ल क्‍येङा सक्ति पाइश्‍शो आन दाते ङा ठेयब थुं पाइश्‍शोपुकी शिश्रा प्रोक्‍नीम” दे परमप्रभु यावेमी देंत।
AMO 3:1 इस्राएल ङा मुरपुकी, परमप्रभु यावेमी इन पर्बम लोव़ का पाप्‍तु। मेको लोव़ नेनीन। मेकोमी “एको लोव़ इजीप्‍त रागी रे आं चाक्‍शो खिं ङा मुर नेल्‍ल आन पर्बम बाक्‍ब।
AMO 3:2 रागी ङा खिं खिं ङा मुर नेल्‍ल रे गो इन कली ला योव़तन्‍नी। मोपतीके गो इन मरिम्‍शो पशो आ पर्बम सजाइ गेनुङ। ब्‍यवस्‍था ४:३४
AMO 3:3 मार, मुर निक्‍शी मगारसा सम्‍म काथ काथा गाक्‍नीसी ङा?
AMO 3:4 मार, सिखार मथित्‍तु हना, ब्‍वाकीम गुप्‍स ग्रीबा ङा? मार, गुप्‍स आ चाइक्‍बम मारेइ मथित्‍थु मेको आ पुक्‍खीमी ङरर ङरर पाइबा ङा?
AMO 3:5 मार, खपीम ब्‍वारद मदाइक्‍थु, चिक्‍ब रेप्‍बा ङा? मार, ग्‍याइक्‍चा कली मारेइ मबाक्‍थु, थेम्‍लु खप रे ग्‍येत्‍थ बोक्‍नीमी ङा?
AMO 3:6 मार, तेकोइ सहरमी तुराही ताप्‍शोनु, मुर महिंनीमी ङा? मार, सहरम श्‍येत दुम्‍मेनु, मेको परमप्रभु यावे आ सोइश्‍शो ममाइ ङा? यसैया ४५:७; बिलाप ३:३७
AMO 3:7 थमा पा, परमप्रभु यावेमी आ लोव़ पाइब आन कली मदेंथु, मारेइ मपाइब। उत्‍पत्ती १८:१७
AMO 3:8 गुप्‍स ग्रीशो नेंशा, सु महिंबा? परमप्रभु यावे ब्‍वाक्‍मेनु, सुम आ लोव़ मपाइबा ङा?
AMO 3:9 ‘अ‍श्‍दोद ङा बोल्‍यो दरवार नु इजीप्‍त रागी ङा बोल्‍यो दरवार ङा मुर आन कली गेपुकी सामरीया ङा पहाडमी बुक्‍कीन। मिनु मेको सहरम दुम्‍शो ठेयब रेयके नु मुर आन कली श्‍येत गेशा, दिप्‍शो कोव़ङीन’ दे मुर आन कली देनीन।
AMO 3:10 मेकोपुकी ठीक गेय पस मजोक्‍नीम। हुश ख्राक्‍श पोक्‍शा नु मार मार रोइश्‍शा खुइ पशो आन बोल्‍यो दरवारम खेक्‍शा वोइक्‍नीम” दे परमप्रभु यावेमी देंत।
AMO 3:11 मोपतीके परमप्रभु यावेमी “इ जोरी सत्रुमी इ रागी पुम्‍नीम। मेकोपुकीमी लडाइ तोव़मेनु, गे ब्रुइनीनी। मेकोमी इ बोल्‍यो दरवार नेल्‍ल रोइक्‍नीम” दे परमप्रभु यावेमी देंत।
AMO 3:12 मिनु परमप्रभु यावेमी “दोपा गोठलामी गुप्‍स आ शोव़ रे भेडा आ खोइल निक्‍शी कि नोफा आ टुक्रा का ला हना यो रोइक्‍बा, मोपा सामरीयाम नित्‍तीक आ कुना नु खाटम बाक्‍शा यो इस्राएल ङा मुर प्रोंइचा पुंइसीनीम” देंत।
AMO 3:13 मुर नेल्‍ल आन परमप्रभु यावेमी “नेनीन, याकूब आ खिं ङा मुर आन पर्बम सांकछी गेन।
AMO 3:14 गो तेको नाक्‍त इस्राएल कली आ मरिम्‍शो पशो आ पर्बम सजाइ गेनुङा, मेको नाक्‍त गो बेथेल ङा चढ़ेतीक कली यो सजाइ गेनुङ। मिनु चढ़ेतीक ङा ग्रोव़पुकी बेल्‍शा खपीम दोक्‍नीम।
AMO 3:15 गो हिंउदमी बाक्‍तीक खिं नु हुप्‍शोमी बाक्‍तीक खिं निम्‍फा प्रेत्‍नुङ। मिनु हात्ती आ दाराम दारशो सेल्‍शो खिं ब्रेत्‍नीम। मिनु ठेयब खिंपुकी यो खतम सेल्‍नुङ” दे परमप्रभु यावेमी देंत। १राजा २२:३९; भजन संग्रह ४५:९
AMO 4:1 सामरीया ङा डांडाम बाक्‍ब, बाशान ङा बी खोदेंशो दोम्‍शो मीश मुर, गे प्रुङग आन कली दिप्‍नीनी। मारेइ मथीब आन कली फस पोक्‍नीनी। मिनु इन वोंइश आन कली “आंइ कली तूचा कली मार मार चाक्‍कीन” देंनीनी।
AMO 4:2 परमप्रभु यावेमी आ नेंम कसम जशो बाक्‍ब। मेकोमी “नेनीन, इन कली कोंङगुम कीशा लाइक्‍नीम। इन लीशो आन कली बोल्‍सीमी ब्‍वेक्‍शा लाइक्‍तीक नाक्‍त जाक्‍ब।
AMO 4:3 गे नेल्‍ल का का पा एर ओंथ मकोव़थु, गारो आ पोव़ला रे पा लाइनीनी। मिनु गे हारमोन मेर ताइक्‍चा पुंइसीनीनी” दे परमप्रभु यावेमी देंत। हारमोन हिब्रू लोव़ मार बाक्‍ब, दे मतुइक्‍नीम।
AMO 4:4 मिनु परमप्रभु यावेमी “बेथेल सहरम ल‍शा, मरिम्‍शो पने। गिल्‍गालमी लशा, मेको क्‍येङा यो शुश मरिम्‍शो पने। सुनी कुस कुस इन चढ़ेतीक चाक्‍कीन। नाक्‍त सां सांमी इन १० भाग ङा भाग का चाक्‍कीन। होसे १२:१२; ब्‍यवस्‍था १४:२८
AMO 4:5 आं कली ‘गे इस्राएल ङा मुर, रिम्‍शो पाइब बाक्‍नीनी’ दे बोरब ओख्‍ती सुप्‍शो शोब्‍ले चढ़ेपने। मिनु थुंम ग्‍येरशा चढ़ेतीक आ पर्बम ठेयब लोव़ पना पन गाक्‍कीन। मारदे हना गे मोदेंशो पचा दाक्‍नीनी” दे परमप्रभु यावेमी देंत। लेवी २:११
AMO 4:6 मिनु परमप्रभु यावेमी “इन कली, सहर नेल्‍लेमी श्‍येत्‍थ कोव़ज नु शोब्‍ले जचा मतशो सेल्‍तन्‍नी। मो हना यो गेपुकी आं गे मलेन्‍नी” दे परमप्रभु यावेमी देंत।
AMO 4:7 मिनु “गो इन अन्‍न खुप्‍चा क्‍येङा महिना सां ङोंइती रेउ मयिपदु। गो सहर का कली रेउ यिपाइक्‍ता, अर्को सहर कली मयिपदु। मिनु रू कामी रेउ यिपाइक्‍ता, अर्को रूम मयिपदु। मिनु मेको सोव़त। १राजा १७:१
AMO 4:8 मोपतीके मुरपुकी सहर सहर रे ब्‍वाक्‍कु तूचा कली सहर काम जाक्‍तेक्‍म। तन्‍न रूथ्री तूचा मताम। मो हना यो गेपुकी आं गे मलेन्‍नी” दे परमप्रभु यावेमी देंत।
AMO 4:9 मिनु परमप्रभु यावेमी “गो इन फल फुल रू नु अङगुर रूम सोव़तीक नु बुक्‍खी ङाइक्‍तीक रोइ सोइक्‍ताक्‍ङ। सल्‍हा मालेमी इन फोव़शी रवा नु तेल रवा आन कली नेक्‍पाइक्‍तामी। मो हना यो गेपुकी आं गे मलेन्‍नी। हाग्‍गै १:११; योएल १:४
AMO 4:10 गो इन दातेम इजीप्‍त रागी कली खोदेंशो पा बेक्‍चा ङा रोइ सोइक्‍ताक्‍ङ। गो इन ठिटा आन कली तरवारमी क्‍योरशा साइक्‍पाइक्‍तामी। इन शारा रोइक्‍पाइक्‍तामी। इन बाक्‍तीक ङा मरिम्‍शो रिना इन नें आगाम प्रिंताक्‍ङ। मो हना यो गेपुकी आं गे मलेन्‍नी” दे परमप्रभु यावेमी देंत। प्रस्‍थान ९:३
AMO 4:11 मिनु परमप्रभु यावेमी “गो इन दाते ङा का निक्‍शी आन कली सोदोम नु गोमोररा कली खोदेंशो पा खतम सेल्‍ता। गे ब्रशो मी रे पा ग्रुंइशो बुल्‍सी खोदेंशो बाक्‍तीनी। मो हना यो गेपुकी आं गे मलेन्‍नी” दे परमप्रभु यावेमी देंत। उत्‍पत्ती १९:२४-२५; जकरिया ३:२
AMO 4:12 मोपतीके परमप्रभु यावेमी “ए इस्राएल ङा मुरपुकी, गो इन कली मार पाइ‍नुङ देंशा हना, गे इन परमप्रभु, आं कली ग्रुम्‍चा माल्‍नीनी।
AMO 4:13 सुमी डांडा आन कली सेला, मेकोमी फश यो सेल्‍शो बाक्‍ब। मेकोमी मुर आन कली आ मिम्‍शो तुइक्‍पाइक्‍ब। मेकोमी सुनी कली छिङछिङ सेल्‍ब। मिनु रागी ङा लाइश्‍शो डांडा मेर गाक्‍ब। मेको आ नें मुर नेल्‍ल आन परमप्रभु यावे बाक्‍ब” देंत। मीका १:३
AMO 5:1 मिनु आमोसमी “ए इस्राएल आ खिं ङा मुरपुकी, इन पर्बम आं रोंका पशो नेनीन।
AMO 5:2 आं मीश आल इस्राएल लेंशा गेनायो मबोक्‍चा ङा पा गोल्‍त। मेको आ रागीमीन प्रोंइचा पुंइसीशो बाक्‍ब। मेको कली पोक्‍ब सुइ मबाक्‍नीम” देंत।
AMO 5:3 मिनु परमप्रभु यावेमी “तेकोइ सहर रे इस्राएल आ पर्बम हजार का जना मुर ग्रूतेक्‍म हना, सहे का जना ला लीनीम। सहे का जना ग्रूतेक्‍म हना, १० जना मुर ला लीनीम” देंत।
AMO 5:4 मिनु परमप्रभु यावेमी इस्राएल आ खिं ङा मुर आन कली “आं कली मालीन। मिनु ब्रोनीन।
AMO 5:5 बेथेल कली ममालीन। मिनु गिल्‍गाल मलने। बेयर-शेबामी मगाक्‍कीन। मारदे हना गिल्‍गाल ङा मुर थमा पा ग्‍याइश्‍शा लाइक्‍चा पुंइसीनीम। मिनु बेथेल खतम दुम्‍ब। आमोस ४:४; होसे ४:१५
AMO 5:6 परमप्रभु यावे कली मालीने। मिनु ब्रोंइचा ताइनीनी। मो मपाइतीनी हना, मेको मी खोदेंशो पा गाइश्‍शा योसेफ आ खिंम मी सुइक्‍ब। बेथेल कली खतम पोक्‍ब। मेको मी कली काप्‍ब सुइ मबाक्‍नीम। आमोस ६:१२; यसैया ५:२०
AMO 5:7 गेपुकी ठीक निसाफ कली दूली सेल्‍नीनी। ठीक पतीक कली खतम सेल्‍नीनी।
AMO 5:8 सोरुल आन कली सेल्‍ब, हिंचा ङा छिङछिङ रे सुनी ङा हाम्‍सो सेल्‍ब, नाक्‍ती कली छिङछिङ सेल्‍ब नु समुन्‍द्र ङा ब्‍वाक्‍कु कली ब्रेश्‍शा रागीमी मोइक्‍ब। आं नें परमप्रभु यावे बाक्‍ब। अय्‍युब ३८:३१; आमोस ९:६
AMO 5:9 मेकोमी बोल्‍यो आन कली रीब पा खतम सेल्‍ब। मिनु आन बोल्‍यो दरवार खतम दुम्‍नीम।
AMO 5:10 मेकोपुकीम निसाफ पतीके लाप्‍चोम निश्‍शा अरेब कली काइ मदाक्‍नीम। मिनु थमा लोव़ पाइब आन कली ग्रांग्रा दित्‍नीम। यसैया २९:२१
AMO 5:11 मारदे हना गे प्रुङग आन कली दिम्‍‍नीनी। मेको आन कली गेन कि गेन, दे शुश अन्‍न थाप्‍पाइक्‍नीनी। गे ख्रोइश्‍शो फुल्‍लु के खिं सेल्‍तीनी। तन्‍न मेकेर बाक्‍चा मताइनीनी। रिम्‍शो अङगुर रू सेल्‍तीनी। तन्‍न अङगुर शांबु तूचा मताइनीनी। सेफन्‍याह १:१३
AMO 5:12 मारदे हना गो इन शुश मरिम्‍शो पशो तुइक्‍नुङ। गो इन पाप गिश ठेयब बाक्‍बा, मेको तुइक्‍नुङ। गे ठीक पाइब आन कली श्‍येत गेनीनी। घूस ताक्‍नीनी। निसाफ पतीकेमी मारेइ मथीब आन कली नेप्‍शा ग्रुंइनीनी।
AMO 5:13 मोपतीके निप्‍स पाइश्‍शो मुर सिक्‍सी पा बाक्‍नीम। मारदे हना इस्राएलम काइ मरिम्‍शो दुम्‍शो बाक्‍ब।
AMO 5:14 गे ब्रोंइशा बाक्‍चा कली रिम्‍शो पचा मालीन। मरिम्‍शो पचा ममालीन। मिनु मुर नेल्‍ल आन परमप्रभु यावे गे नु बाक्‍ब।
AMO 5:15 मरिम्‍शो पतीक कली काइ मदाक्‍तीन। रिम्‍शो पतीक कली दाक्‍तीन। ठेयब लाप्‍चोमी ठीक निसाफ पने। मिनु मुर नेल्‍ल आन परमप्रभु यावेमी योसेफ आ लीशो मुर आन कली शिशी पाइ‍बा कों?” दे परमप्रभु यावेमी देंत। भजन संग्रह ३४:१५; रोमी १२:९
AMO 5:16 मोपतीके मुर नेल्‍ल आन परमप्रभु यावेमी “लां ङा मुर नेल्‍ल ङाक्‍शा, रोंका पचा माल्‍नीम। आबी आबी, देंचा माल्‍नीम। रूम गेय पाइब आन कली रोंका पचा कली ब्रेत्‍तीन। रोंका पस जोक्‍ब आन कली यो ब्रेत्‍तीन।
AMO 5:17 अङगुर रू नेल्‍लेमी रोंका पचा माल्‍नीम। मारदे हना गो इन दाते रे पा गाक्‍शा लाइनुङ” दे परमप्रभु यावेमी देंत।
AMO 5:18 मिनु परमप्रभु यावेमी “मारदे गे परमप्रभु यावे आ नाक्‍त जाक्‍शो दाक्‍नीनी? मारदे परमप्रभु यावे आ निसाफ पतीक नाक्‍त माल्‍नीनी? मेको नाक्‍त छिङछिङ दुम्‍ब, छेङछेङ मदुम्‍ब। योएल २:११
AMO 5:19 मेको नाक्‍ती मुर का गुप्‍स रे प्रोक्‍शा, वां कली ग्रुम्‍शो खोदेंशो बाक्‍ब। खिं लशा बाक्‍चा कली आ गुइ गारोम वोदानु, बुस्‍सुम कोक्‍शो खोदेंशो दुम्‍‍ब।
AMO 5:20 परमप्रभु यावे आ नाक्‍त छिङछिङ दुम्‍ब। छेङछेङ मदुम्‍ब। मेको छिङछिङमी छेङछेङ काइ मबाक्‍ब।
AMO 5:21 गो इन चाड नु इन ग्रुम्‍तीक आन कली काइ मदाक्‍नुङ। यसैया १:११-१५
AMO 5:22 गे आं कली चोशा चढ़ेतीक नु अन्‍न चढ़ेतीक चढ़ेतीनी हना यो, गो मेको मब्राइनुङ। मिनु इन नेल्‍ल क्‍येङा दोम्‍शो बस्‍तु दुशा बाक्‍चा आ पर्बम चढ़ेशो यो मकोव़नुङ। मीका ६:६-७
AMO 5:23 इन कुम्‍सो आन रेयके आं क्‍येङा ङोन वोतीन। इन तार पाइश्‍शो ठेयब ताप्‍तीके ताप्‍शो नेंचा मदाक्‍नुङ।
AMO 5:24 तन्‍न ठीक निसाफ पतीक ब्‍वाक्‍क खोदेंशो पा शाइक्‍पतीन। ठीक पतीक गेनायो मसोव़ब खोला खोदेंशो पा शाइक्‍पतीन।
AMO 5:25 गे इस्राएल आ खिं ङा मुरपुकी गोरशो रागीम ४० बर्स गाक्‍नीनु, आं कली चढ़ेनी ङा? येरमीया ७:२२-२४; प्रेरित ७:४२-४३
AMO 5:26 गेपुकीमी इन पिप देवता साकुथ नु इन सोरुल देवता काइवान आस कली कुरशा लतीन। मेको आंमा इन कली सेल्‍शो मूर्ति बाक्‍नीसी।
AMO 5:27 मोपतीके गो इन कली ग्‍याइश्‍शा, दमस्‍कस क्‍येङा ङोन लाइक्पाइक्‍नन्‍नी” दे परमप्रभु यावेम देंत। मेको आ नें मुर नेल्‍ल आन परमप्रभु यावे बाक्‍ब।
AMO 6:1 मिनु “आबी, सियोन ङा ठेयब मुर, मेकोपुकीमी सामरीया ङा डांडामी ‘गो रिम्‍शो बाक्‍नीकी’ दे मिम्‍नीम। इस्राएल ङा मुरपुकीमी मेको आन कली थमा सुइश्‍शा, जाक्‍नीम।
AMO 6:2 गे आइक्‍ची हांबु काल्‍नेह सहर लशा, कोव़ङीन। मिनु मेकेर रे ठेयब हमाथ रागी लन। मेको नोले पलिस्‍ती आन गाथ सहरमी लने। इन राज्‍य मेको आन राज्‍य क्‍येङा रिम्‍शो बाक्‍बा ङा? मार, मेको इन रागी मेको आन रागी क्‍येङा ठेयब बाक्‍बा ङा? उत्‍पत्ती १०:१०
AMO 6:3 गे ‘श्‍येत जतीक नाक्‍त मजाक्‍ब’ दे मिम्‍नीनी। मिनु गे हुश ख्राक्‍श पोक्‍ब सासन पाइब चाक्‍नीनी। भजन संग्रह १०:५
AMO 6:4 आबी, मेको हात्ती आ दारा के सेल्‍शो खाटमी इप्‍नीमी। आन इप्‍‍तीकेमी गोल्‍शा बाक्‍नीमी। मेकोपुकीम क्‍यारश भेडा आन पाठा नु गोठ ङा बाछा ब्‍वाइनीमी।
AMO 6:5 मेकोपुकीम हें‍थे कुम्‍सो पा तार पाइश्‍शो ठेयब ताप्‍तीक ताप्‍नीमी। मिनु ‘गो दाऊद खोदेंशो पा ताप्‍तीक सेल्‍नुङ’ दे मिम्‍नीम। यसैया ५:१२
AMO 6:6 मेकोपुकीम डाप्‍काम अङगुर शांबु तूनीमी। नेल्‍ल क्‍येङा रिम्‍शो तेल ख्रेक्‍सीनीमी। तन्‍न योसेफ आ खिं ङा मुरुम श्‍येत जामेनु, सुर्ता मपाइनीम।
AMO 6:7 मोपतीके मेको नेल्‍ल क्‍येङा ङोंइती ग्‍याइश्‍शा लाइक्‍चा पुंइसीनीम। मोपा मेको आन चाड पतीके, ग्‍येरशा बाक्‍तीक नाक्‍त नुप्‍ब” देंत।
AMO 6:8 परमप्रभु यावेमी आ नेंमी कसम जशो बाक्‍ब। मिनु मुर नेल्‍ल आन परमप्रभु यावेमी “गो याकूब आ ठेयब लेश्‍शो तशा ग्रांग्रा दीनुङ। मेको आ बोल्‍यो दरवार आन कली काइ मदाक्‍नुङ। गो एको सहर नु आ मार मार नेल्‍ल आन जोरी सत्रु आन गुइमी गेनुङमी” देंशो बाक्‍ब।
AMO 6:9 खिं काम १० जना मुर लीतेक्‍म हना यो, मेको नेल्‍ल बेक्‍नीम।
AMO 6:10 मिनु खिं ङा मुर कामी मेको आन बेक्‍शो रां चोइब, खिं आगा रे बेक्‍शो मुर ग्रुंइचा कली जाक्‍शा, मेकेर ख्रुइक्‍ब का कली “गेपुकी नु अरु सुइ बाक्‍नीमी?” दे हिल्‍लो पाइब। मिनु मेकोमी “मबाक्‍ब” देंब। मिनु खिं ङा मुरुमी “सिक्‍सी पावो। गोपुकीमी परमप्रभु यावे आ नें थिचा मदुम्‍ब” देंब। आमोस ८:३
AMO 6:11 मारदे हना परमप्रभु यावेमी हुकुम पाइब। मिनु ठेयब खिं कली प्रेप्‍ब। मिनु आइक्‍च खिं यो प्रेप्‍ब।
AMO 6:12 मेकोमी “मार, शारा रोंगुम दोरनीमी ङा? मार, मेकेर ब्‍यफ वाक्‍नीमी ङा? तन्‍न गेपुकीम ठीक निसाफ कली दूली सेल्‍तीनी। ठीक पतीक कली कशो सेल्‍तीनी। आमोस ५:७
AMO 6:13 गेपुकी लो-देबार सहर आ पर्बम ग्‍येरसाक्‍नी। मिनु ‘मार, गोपुकीमी इं सक्तिम कारनाइम सहर मग्रासे ङा?’ देंनीनी।
AMO 6:14 ए इस्राएल आ खिं ङा मुरपुकी, गो इन पर्बम रागी का ङा मुर आन कली पोक्‍नुङमी। मिनु मेकोपुकीमी इन कली लेबो-हेमाथ रे अराबाह ङा खोला सम्‍म श्‍येत गेशा खेदा पाइनीम” दे मुर नेल्‍ल आन परमप्रभु यावेमी देंत।
AMO 7:1 परमप्रभु यावेमी आं कली मार कोंइताक्‍यी देंशा हना, पिप आ बाली नाली खुप्‍ने थुम्‍शा, अर्को बाली वामानु, मेकोम मारेइ मारेइ नेक्‍ब सल्‍हा माले आन कली ठीक पशो ताता।
AMO 7:2 मिनु मेकोपुकीमी रू ङा घांस नेल्‍ल नेक्‍गमे नोले गो “परमप्रभु यावे माफ गेयीनी। याकूब आ रागी दोपा ब्रोंइने चाप्‍बा ङा? मारदे हना मेको थम आइक्‍च बाक्‍ब” देंती।
AMO 7:3 मिनु परमप्रभु यावेमी “मेको मोदेंशो मदुम्‍ब” देंत।
AMO 7:4 मिनु परमप्रभु यावेमी आं कली मार कोंइताक्‍यी देंशा हना परमप्रभु यावेमी आं कली ब्रशो मी का कोंइताक्‍यी। मिनु मेको मीम ठेयब समुन्‍द्र कली सोव़पाइक्‍तु। मिनु रागी कली यो नेक्‍तु। उत्‍पत्ती ७:११
AMO 7:5 मिनु गो “परमप्रभु यावे नाइक्‍तीन, दे गो इन कली पुंइनुङ। याकूब आ रागी दोपा ब्रोंइने चाप्‍बा ङा? मारदे हना मेको थम आइक्‍च बाक्‍ब” देंती।
AMO 7:6 मिनु परमप्रभु यावेमी “मोदेंशो यो मदुम्‍ब” देंत।
AMO 7:7 मिनु परमप्रभु यावेमी आं कली मार कोंइताक्‍यी देंशा हना, परमप्रभु यावे गारो काम गारो प्रोव़तीक घन्‍टी शेशा, राप्‍शो बाक्‍त।
AMO 7:8 मिनु परमप्रभु यावेमी आं कली “आमोस गे मार तवी?” दे हिल्‍लो पाप्‍तु। मिनु गो “गारो प्रोव़तीक घन्‍टी का ताता” देंती। मिनु परमप्रभुमी “कोव़ङो, गो आं मुर इस्राएली आन दातेमी गारो प्रोव़तीक घन्‍टी का क्‍युक्‍नुङ। मिनु मुल गो मेको आन नेक्‍था बाक्‍शा, मार पाइक्‍बाक्‍मा, कोव़नुङमी। यसैया ३४:११; आमोस ८:२
AMO 7:9 इसहाक आ डांडा ङा थान खतम दुम्‍नीम। मिनु इस्राएल ङा थान नेल्‍ल ब्रेश्‍शा जाम्‍शा लाइनीम। मिनु गो तरवार शेशा येरोबाम आ खिं ङा मुर साइक्‍चा कली बोक्‍शा लाइनुङ” देंत।
AMO 7:10 मिनु बेथेल ङा चढ़ेब अमस्‍याहमी इस्राएल ङा पिप येरोबाम कली “इस्राएल आ खिं ङा मुर आन दातेमी इस्राएलम बाक्‍ब आमोसमी इन पर्बम मरिम्‍शो पाइब। एको रागीमी मेको आ लोव़ फाल्‍ने मचाप्‍ब।
AMO 7:11 आमोसमी ‘येरोबाम तरवारम साइक्‍चा पुंइसीब। मिनु इस्राएल ङा मुर आन रागी रे ग्‍याइश्‍शा लाइक्‍चा पुंइसीनीम’ देंशो बाक्‍ब” दे आमोसमी देंत।
AMO 7:12 मिनु अमस्‍याहमी आमोस कली “ए, परमप्रभु यावे आ लोव़ पाइब, गे एक रे प्रोक्‍शा यहूदा रागी लावो। मिनु मेकेर क्‍येट चेम्‍शा शोब्‍ले ग्‍याप्‍शा जशा, परमप्रभु यावे आ लोव़ पावो। १सामुएल ९:९
AMO 7:13 बेथेलमी लेंशा गेनायो परमप्रभु यावे आ लोव़ मपावो। मारदे हना मेको पिप आ देवी देवता थान नु राज्‍य ङा पूजा पतीके बाक्‍ब” देंत। १राजा १२:२८-२९
AMO 7:14 मिनु आमोसमी अमस्‍याह कली “गो परमप्रभु यावे आ लोव़ पाइब मनङ। मिनु परमप्रभु यावे आ लोव़ पाइब आ तौ यो मनङ। गो दा गोठला का नु फोव़शी रवा कोव़ब मुर नङ।
AMO 7:15 मिनु परमप्रभु यावेमी आं कली क्‍यारश भेडा योव़तीक रे ब्रेत्‍ताक्‍यी। मिनु मेकोमी आं कली ‘लावो। आं मुर इस्राएली आन कली आं लोव़ शेंदीमी’ दे माइक्‍ती।
AMO 7:16 मोपतीके मुल परमप्रभु यावे आ लोव़ नेनीन। गे आं कली ‘इस्राएल आ पर्बम परमप्रभु यावे आ लोव़ मपावो। मिनु इसहाक आ खिं ङा मुर आन पर्बम लोव़ मपावो’ देंतीनी। आमोस २:१२
AMO 7:17 मोपतीके परमप्रभु यावेमी इ कली ‘इ मीश सहरम तेल्‍लेम का दुम्‍ब। इ तमी तौ नेल्‍ल तरवारमी क्‍योरचा पुंइसीनीम। मिनु इ रागी पुक्‍शा योक्‍सीनीम। गे चहिं ग्रांग्रा दिशो रागी काम बेक्‍नेवे। मिनु इस्राएल थमा पा आ रागी रे ग्‍याइश्‍शा लाइक्‍चा पुंइसीब’ ” दे आमोसमी अमस्‍याह कली देंत।
AMO 8:1 मिनु परमप्रभु यावेमी आं कली मीशो फोव़शीम ब्रीशो डालो का कोंइताक्‍यी।
AMO 8:2 मिनु मेकोमी आं कली “आमोस, गे मार तवी?” दे हिल्‍लो पती। मिनु गो “मीशो फोव़शीम ब्रीशो डालो का ताता” देंती। मिनु परमप्रभु यावेमी आं कली “आं मुर, इस्राएली आन नाक्‍त गाप्‍त। मुल गो मेको आन नेक्‍था बाक्‍शा, मार मार पाइनीमी, मेको कोव़नुङमी। आमोस ७:८
AMO 8:3 मेको नाक्‍ती दरवारम कुम्‍सो पाइब आन कुम्‍सो रोंका पतीके दुम्‍नीम” दे परमप्रभु यावेमी देंत। मिनु मेकोमी “बेक्‍शो मुर शुश बाक्‍नीम। लाङगाम ग्रुंइशा ताइक्‍नीम। गे सिक्‍सी पावो” देंत। आमोस ६:१०
AMO 8:4 मिनु परमप्रभु यावेमी “गे मारेइ मथीब आन कली दिम्‍बपुकी नु रागी ङा प्रुङग आन कली खतम सेल्‍बपुकी, नेनीन। आमोस २:७
AMO 8:5 गेपुकीमी ‘औंसी गेना लाक्‍बा ङा? गो अन्‍न लेयचा ताइनीकी। नाइक्‍तीक नाक्‍त गेना लाक्‍बा ङा? गो चेरब लेयचा ताइनीकी। गो एफाह आइक्‍च सेल्‍शा, शेकेल कली हेल्‍शो सेल्‍शा नु दूली पा नाक्‍शा, शुश क्‍येट चेम्‍नीकी’ देंनीनी। एफाह का २२ लिटर लाइब पुक्‍तीक बाक्‍ब। शेकेल का ११.५ ग्राम ङा क्‍येट बाक्‍ब।नेहेम्‍याह १३:१५
AMO 8:6 गेपुकीम ‘प्रुङग आन कली चांदीम ग्‍याप्‍नीकी। मारेइ मथीब आन कली जोर का चेपलमी ग्‍याप्‍नीकी। मिनु मक्राप्‍शो चेरब लेयनीकी’ देंनीनी” देंत। आमोस २:६
AMO 8:7 परमप्रभु यावेमी याकूब आ सोशो बोशो मिम्‍शा, कसम जाप्‍तु। मार कसम जाप्‍तु देंशा हना “गो मेको आन पशो गेनायो मप्रेंनुङ।
AMO 8:8 मार, मेको आ पतीके रागी ख्रिंख्रि मपाइबा ङा? मेकेर बाक्‍ब नेल्‍लेमी रोंका मपाइनीमी ङा? रागी नेल्‍ल नील खोला खोदेंशो पा बारनीम। इजीप्‍त रागी ङा नील खोला बारशा ग्‍युम्‍शो खोदेंशो पा नुप्‍शा लाइनीम। आमोस ९:५
AMO 8:9 गो मेको नाक्‍ती नां कली नाक्‍ती उइक्‍थ दुम्‍मेनु, लाक्‍पाइक्‍नुङ। मिनु नाक्‍त बाक्‍ना बाक्‍न नां रिक्‍पाइक्‍नुङ। येरमीया १५:९
AMO 8:10 गो इन चाड कली रोंका पतीक सेल्‍नुङ। इन कुम्‍सो नेल्‍ल आन कली ङाक्‍तीक सेल्‍नुङ। गो नेल्‍ल इन कली अरन्‍डी फेक्‍पाइश्‍शा चां प्रेक्‍पाइक्‍नुङ। गो आंम का ला बाक्‍शो तौ आ पर्बम रोंका पशो खोदेंशो दुम्‍पाइक्‍नुङ। मेको चाड नुप्‍पतीक नाक्‍त कशो नाक्‍त दुम्‍ब” देंशो बाक्‍ब। येरमीया ६:२६
AMO 8:11 मिनु परमप्रभु यावेमी “गोम अन्‍काल सोइक्‍ची ना, थमा पा श्‍येत जतीक नाक्‍त जाक्‍ब। मेको अन्‍काल जचा नु तूचा के अन्‍काल ममाइ, तन्‍न परमप्रभु यावे आ लोव़ नेंतीक अन्‍काल बाक्‍ब। १सामुएल ३:१
AMO 8:12 मुरपुकी परमप्रभु यावे आ लोव़ माल्‍शा, समुन्‍द्र का रे अर्को समुन्‍द्र सम्‍म लाइनीम। उत्तर रे पूर्ब सम्‍म लाइनीम। मेकोपुकी एर ओंथ गाक्‍शा, परमप्रभु यावे आ लोव़ माल्‍नीमी। तन्‍न मथित्‍नीम।
AMO 8:13 मेको नाक्‍ती दारशो मीश आल नु बोल्‍यो वोंइश आल ब्‍वाक्‍कु तूचा मतथु, थाइनीम।
AMO 8:14 सु सु सामरीया ङा देवता अशीमाह आ नेंमी कसम जशा ‘ए दान, इ देवता ब्रोंइशा बाक्‍शो खोदेंशो पा’ नु ‘बेयर-शेबा ङा देवता ब्रोंइशा बाक्‍शो खोदेंशो पा’ देंशा कसम जाइब नेल्‍ल गेनायो मबोक्‍चा ङा पा गोल्‍नीम” दे परमप्रभु यावेमी देंत। न्‍यायाधीस १८:३०
AMO 9:1 गो परमप्रभु कली चढ़ेतीक आ नेक्‍था राप्‍शो ताता। मिनु मेकोमी आं कली “लाप्‍चो ङा शी शुश हिम्‍पाइक्‍चा कली थाम आन ङर तुपो। मिनु ब्रेश्‍शा मुर नेल्‍ल आन पिया तार दोक्‍नीम। मिनु ब्रोंइशा लीशो आन कली तरवारमी क्‍योरनुङमी। मेको आन दाते ङा का यो प्रोक्‍चा मताइनीम। का यो ब्रोंइचा मताइनीम।
AMO 9:2 मेकोपुकी बेक्‍शो मुर आन बाक्‍तीक लाम्‍तेक्‍म हना यो, मेकेर रे कीशा ग्रुंइनुङ। मिनु मेकोपुकी इर सरीङ गे ङोइश्‍शा लाम्‍तेक्‍म हना यो, गो मेको आन कली ग्‍याइश्‍शा लुक्‍च फ्रुप्‍नुङमी। अय्‍युब २६:६; भजन संग्रह १३९:८
AMO 9:3 मेकोपुकी कारमेल डांडामी ख्रुंइसाक्‍म हना यो, गो मेको आन कली माल्‍शा, ग्‍याइश्‍शा चाक्‍नुङमी। मेकोपुकी आं क्‍येङा ख्रुइश्‍शा समुन्‍द्र आगाम लाम्‍तेक्‍म हना यो, समुन्‍द्रम बाक्‍ब बुस्‍स कली ‘मेको आन कली कोक्‍मी’ दे अरेनुङ। मिनु मेकोमी मेको आन कली कोक्‍ब।
AMO 9:4 मेको आन जोरी सत्रु आन ङोंइती ग्‍याइश्‍शा लाइक्‍चा पुंइसाक्‍म हना यो, गो मेको आन कली क्‍योरशा साइक्‍चा कली तरवार कली अरेनुङ। मिनु मेकोमी साइक्‍ब। गो मेको आन कली रिम्‍शो पचा कली ममाइ, तन्‍न मरिम्‍शो पचा कली कोव़नुङमी” देंत।
AMO 9:5 मिनु मुर नेल्‍ल आन परमप्रभु यावेमी रागी कली थिप्‍तु हना, रागी याइब। मिनु मेकेर बाक्‍ब नेल्‍ल रोंका पाइनीम। मिनु रागी नेल्‍ल नील खोला खोदेंशो पा बारब। मिनु इजीप्‍त ङा नील खोला खोदेंशो पा सोव़ब। आमोस ८:८
AMO 9:6 मेकोमी स्‍वर्गम आ बाक्‍तीक सेल्‍ब। मिनु रागीमी मेको आ जग वोइक्‍ब। समुन्‍द्र ङा ब्‍वाक्‍कु कली ब्रेश्‍शा, रागीम मोइक्‍ब। मेको आ नें परमप्रभु यावे बाक्‍ब। भजन संग्रह १०४:३; आमोस ५:८
AMO 9:7 मिनु परमप्रभु यावेमी इस्राएल ङा मुर आन कली “गे आं कली एथीयोपीया ङा मुर खोदेंशो बाक्‍नीनी। गो इस्राएली आन कली इजीप्‍त रागी रे, पलिस्‍ती आन कली काफ्‍तोर रागी रे नु अरामी आन कली कीर रागी रे ग्रुंइशा चाक्‍शो मनङमी ङा?” देंशो बाक्‍ब। ब्‍यवस्‍था ७:७; येरमीया ४७:४
AMO 9:8 परमप्रभु यावेमी शुश पाप पाइब राज्‍य कली कोव़ना कोव़न बाक्‍ब। मेकोमी “गो मेको आन कली रागी रे क्‍याम्‍नुङ। मो हना यो गो याकूब आ खिं कली चहिं नेल्‍ल मक्‍याम्‍नुङ” दे परमप्रभु यावेमी देंत।
AMO 9:9 परमप्रभु यावेमी “गो मार हुकुम पाइनुङमी देंशा हना, इस्राएल आ खिं ङा मुर आन कली जात नेल्‍ल ङा मुर आन दातेमी ग्‍योलोमी मार मार क्राप्‍शो खोदेंशो पा, क्राप्‍नुङमी। मिनु इम्‍चीली फुल्‍लु का यो खपीम मदोक्‍ब।
AMO 9:10 मेकोपुकीम ‘हिंचा ङा श्‍येत आंइ तारी मजाक्‍ब। इं कली मेकोम मथिप्‍ब’ दे पाप पाइब, आं मुर नेल्‍ल तरवारमी साइक्‍चा पुंइसीनीम” देंत। आमोस ६:३
AMO 9:11 परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७
AMO 9:12 मिनु मेकोपुकीम एदोम ङा लीशो नु आं नें पाइश्‍शो जात जात ङा मुर नेल्‍ल आन के दुम्‍नीम” दे मोदेंशो पाइब परमप्रभु यावेमी देंत।
AMO 9:13 मिनु परमप्रभु यावेमी “मेको नाक्‍त थमा पा जाक्‍ब। बाली नाली खुप्‍बमी ब्‍यफ वाक्‍ब कली ग्रुम्‍ब। मिनु वांचेर ब्‍वारबमी अङगुर ख्रुम्‍ब कली ग्रुम्‍ब। डांडा रे पा नक अङगुर रस याप्‍ब। मिनु डांडा नेल्‍ल अन्‍न बाला सित्‍‍नीम। लेवी २६:५; योएल ४:१८
AMO 9:14 गो आं मुर इस्राएली आन कली आन मार मार लेश्‍शा गे‍नुङमी। मिनु मेको आन ब्रेश्‍शो सहर कली लेंशा सेल्‍शा, मेकेर बाक्‍नीम। मेकोपुकीम अङगुर ख्रुम्‍शा, अङगुर शांबु तूनीम। मेकोपुकीम फल फुल ख्रुम्‍‍शा, मेको आन फल जाइनीम। ब्‍यवस्‍था ३०:३; यसैया ६५:२१
AMO 9:15 गो मेको आन कली गेनायो मखेरपांइसीचा ङा पा आन रागीमी वोइक्‍नुङ। आं गेशो रागी रे मेको आन कली सुइमी ग्रुंइने मचाप्‍नीम, दे इन परमप्रभु यावेमी देंशो बाक्‍ब” देंत।
OBA 1:1 परमप्रभु यावेमी ओबदिया कली कोंइशो लोव़ मार बाक्‍त देंशा हना, परमप्रभु, परमप्रभु यावेमी एदोम आ पर्बम लोव़ पाप्‍तु। गोपुकीमी परमप्रभु यावे रे लोव़ का नेंतक। मेकोम रागी रागीम लोव़ कुरब मुर का सोइक्‍ताक्‍व। मेकोमी “बोक्‍कीन। गो मेको नु लडाइ पथ लय।
OBA 1:2 गो इ कली रागी रागी ङा मुर आन दातेम नेल्‍ल क्‍येङा आइक्‍च सेल्‍नुङ। मिनु गे महिक्‍सीशो दुम्‍नेवे।
OBA 1:3 इ थुं ङा ठेयब लेत्‍तीकेमी इ कली जोल पाइश्‍शो बाक्‍ब। इ सहर ठेयब फुल्‍लु तार सेल्‍शो बाक्‍ब। गे डांडा तार बाक्‍नेवे। गे इ थुंमी ‘आं कली सुम उइ तोक्‍ने चाप्‍बा ङा?’ दे मिम्‍नेवे। गन्‍ती २४:२१
OBA 1:4 तन्‍न गे ककाकुली खोदेंशो पा इर सरीङ मेर बेरते हना यो, सोरुल आन दातेम इ ग्‍योव़ सेल्‍तीवी हना यो, गो इ कली मेक रे तोक्‍नन” दे परमप्रभु यावेम देंत।
OBA 1:5 मिनु खुइपुकी इ बाक्‍तीक जाक्‍तेक्‍म हना, नाक्‍दो रोइक्‍बपुकी इ बाक्‍तीक जाक्‍‍तेक्‍म हना, गे दोदेंशो पा खतम दुम्‍नेवे? मेकोपुकीम आन कली माल्‍शो खोइ ला रोइश्‍शा मलाइक्‍नीमी ङा? अङगुर सेक्‍बपुकी इ बाक्‍तीक जाक्‍शा सेक्‍तेक्‍म हना, मेकोपुकीमी इच्‍कका अङगुर मप्रोंइनीमी ङा?
OBA 1:6 तन्‍न एसाव आ शोंप दोपा रोंइ‍सीबा? मेको आ ख्रुइश्‍शा वोइश्‍शो शोंप दोपा माल्‍शा ग्रुंइ‍नीमी?
OBA 1:7 इ नेक्‍था ङा रागी ङा मुरपुकीमी इ कली जोल पाम्‍तेक्‍म। मेकोपुकीम इ कली खेदा पा खेरशा इ सांद सम्‍म चाक्‍तेक्‍म। इ वारचपुकीमी इ कली दिप्‍शा श्‍येत गेनीम। इ थुल्‍शो मुरपुकीमी इ कली ब्‍वारद दाइक्‍नीम। तन्‍न गे मारेइ मतुइक्‍नेवे।
OBA 1:8 परमप्रभु यावेमी “गो मेको नाक्‍त एदोम ङा जोक्‍ब तुइक्‍ब मुर आन कली खतम सेल्‍नुङ। एसाव आ डांडाम बाक्‍ब रुप्‍ब मुर आन कली साइक्‍नुङमी।
OBA 1:9 गे तेमान, इ लडाइ पाइबपुकी फ्राचा पुंइसीनीम। एसाव आ डांडाम बाक्‍ब मुर नेल्‍ल क्‍योरशा साइक्‍चा पुंइसी‍नीम। आमोस १:१२
OBA 1:10 गे इ लोक्‍ब याकूब कली हुश ख्राक्‍श पोक्‍शो आ पर्बम इ कली मुनेम सुम्‍ब। मिनु गे गेना हना यो कली जाम्‍शा लाइनेवे। योएल ४:१९
OBA 1:11 मेको नाक्‍त गे ङोन राप्‍शा बाक्‍ते। मेको नाक्‍त अर्को रागी ङा मुरपुकीमी मेको आ शोंप नेल्‍ल रोइश्‍शा लाइक्‍तेक्‍म। अर्को रागी ङा मुर मेको आ लाप्‍चो रे ओव़तेक्‍म। मिनु यरूसलेम आ पर्बम फेन्‍टे आप्‍तेक्‍म। गे यो मेकोपुकी खोदेंशो का बाक्‍ते। भजन संग्रह १३७:७
OBA 1:12 तन्‍न गे इ लोक्‍ब श्‍येत जवानु, मेको कली मदिप्‍चा माल्‍शो नवे। यहूदा ङा मुर खतम दुम्‍मा नाक्‍त गे मग्‍येरसीचा माल्‍शो नवे। मेकोपुकी श्‍येत जामे नाक्‍ती गे ठेयब लेश्‍शो लोव़ मपचा माल्‍शो नवे।
OBA 1:13 आं मुर हिंचा ङा श्‍येत जामे नाक्‍त, गे मेको आन लाप्‍चो रे मओव़चा माल्‍शो नवे। यहूदा ङा मुर खतम दुम्‍मा नाक्‍ती, गे मेको मरिम्‍शो पाइबपुकी नु मगारचा माल्‍शो नवे। मेको हिंचा ङा श्‍येत जामे नाक्‍ती गे मेको आन शोंप रोइश्‍शा मलाइक्‍चा माल्‍शो नवे।
OBA 1:14 मेको आ प्रोक्‍शा लशो मुर आन कली साइक्‍चा कली लां ग्रुम्‍तीकेमी बाप्‍शा बाक्‍चा मदुम्‍शो नवे। मेको ब्रोंइशा प्रोक्‍शो आन कली मग्‍याइक्‍चा माल्‍शो नवे।
OBA 1:15 परमप्रभु यावे आ निसाफ पतीक नाक्‍त रागी रागी ङा मुर नेल्‍ल आन नेक्‍था जाक्‍शो बाक्‍ब। गे दोदेंशो पशो नवे, इ कली मोदेंशोन पांइसीब। इ पशो गेय नेल्‍ल इ पियामीन मोंइसीब। योएल १:१५; येरमीया ५०:१५,२९
OBA 1:16 गे दोपा आं डांडाम तूङी, मोपा इ एर ओंथ बाक्‍ब रागी रागी ङा मुरुम गेना हना यो तूनीम। मिनु गेनायो मबाक्‍‍शो खोदेंशो दुम्‍नीम। येरमीया २५:१५
OBA 1:17 तन्‍न सियोन डांडाम चहिं प्रोक्‍शो मुरपुकी जाक्‍नीम। मेको परमप्रभु यावे आ डांडा बाक्‍ब। मिनु याकूब आ खिंमी ङोंइती आंम कली अधिकार पाइब आन कली अधिकार पाइनीम। योएल ३:५; योएल ४:१७
OBA 1:18 याकूब आ खिं मी दुम्‍ब। योसेफ आ खिं ब्रशो मी दुम्‍ब। एसाव आ खिं चहिं नल खोदेंशो दुम्‍ब। मेकोपुकीमी मेको कली मीम हुम्‍शा, खतम पोक्‍नीम। मिनु एसाव आ खिं ङा मुर सुइ मब्रोंइनीम” दे परमप्रभु यावेमी देंत। जकरिया १२:६
OBA 1:19 नेगेब ङा मुरपुकीमी एसाव आ डांडा आन के सेल्‍नीम। शेफेलाह ङा मुरपुकीम पलिस्‍ती आन रागी आन के सेल्‍नीम। मेकोपुकीमी एफ्राइम नु सामरीया ङा रू आन के सेल्‍नीम। मिनु बेन्‍यामीनम चहिं गिलाद आंम के सेल्‍ब। १राजा १६:२४
OBA 1:20 मिनु ग्‍याइश्‍शा लाइक्‍चा पुंइसीशो हालाहम बाक्‍शो इस्राएलीपुकीमी फोनीचीआ रे चारेफाथ सम्‍म ङा रागी आन के सेल्‍नीम। मिनु यरूसलेम रे ग्‍याइश्‍शा लाइक्‍चा पुंइसीशो सेफाराद सहरम बाक्‍शो मुरपुकीम नेगेब ङा सहर आन के सेल्‍नीम।
OBA 1:21 ब्रोंइशोपुकी सियोन डांडा ङोइश्‍शा कुइ‍नीम। मिनु एसाव आ डांडा कली सासन पाइनीम। मिनु मेको राज्‍य परमप्रभु यावे के दुम्‍ब।
JON 1:1 परमप्रभु यावेमी अमीत्‍तै आ तौ योना कली मार लोव़ पवा बाक्‍त देंशा हना, २राजा १४:२५
JON 1:2 “गे छुल बोक्‍शा, निनवे माइश्‍शो ठेयब सहरम लावो। मिनु मेकेर ङा मुर आन मरिम्‍शो पशो आ पर्बम शेंदीमी। मारदे हना गो मेको आन मरिम्‍शो पशो नेल्‍ल ताता” दे मदा बाक्‍त।
JON 1:3 तन्‍न योना परमप्रभु यावे आ ङोंइती रे लशा, निनवे मलथु, टारशीश गे प्रोक्‍चा गोवा बाक्‍त। मिनु योप्‍पा सहरम यिशा, टारशीश लाइब डोंगा का थिश्‍शा, क्‍येट थाप्‍शा, परमप्रभु यावे आ ङोंइती रे प्रोक्‍शा, डोंगाम ङोंइसे बाक्‍त। भजन संग्रह १३९:७,९,१०
JON 1:4 मिनु परमप्रभु यावेमी समुन्‍द्रमी ठेयब फश पपदा बाक्‍त। मोपा ठेयब फश गिवारम पतीके मेको डोंगा जिक्‍‍चा चिक्‍ता बाक्‍त।
JON 1:5 मिनु डोंगाम गेय पाइबपुकी हिंशा, आन देवी देवता आन नें थि‍शा, ब्रेम्‍मा बाक्‍त। मिनु डोंगा सोपी पचा कली मेको आन बाक्‍शो मारेइ मारेइ समुन्‍द्रमी ताइक्‍तमे बाक्‍त। योना चहिं डोंगा आ आइदी तला लशा, इप्‍शो बाक्‍माक्‍त।
JON 1:6 मिनु डोंगा चलेबमी योना आ इप्‍तीकेम लशा “गिश ङा इमे। बोक्‍को, इ परमप्रभु कली थोवो। मेको परमप्रभु इं कली खतम दुम्‍चा रे प्रोंइबा, कों” देंमाक्‍त।
JON 1:7 मिनु डोंगाम गेय पाइबपुकीमी “सुम पतीके ओदेंब श्‍येत दुम्‍माइ, तुइक्‍चा कली चिङगा कोव़चा” देंमुशा, चिङगा कोव़ङमे बाक्‍त। चिङगा कोव़ङमेनु, योना आ नेंम ग्रूमाक्‍त। हितोपदेस १६:३३
JON 1:8 मिनु डोंगाम गेय पाइबपुकीमी योना कली “गो मारदे ओदेंब श्‍येत ज‍या? इ गेय मार में? गे ते रे पिवे? तेको रागी ङा नवे? मार थर ङा मुर नवे?” दे हिल्‍लो पामे बाक्‍त।
JON 1:9 मिनु योनामी “गो हिब्रू नङ। रागी नु समुन्‍द्र सेल्‍ब, सरीङ ङा परमप्रभु यावे कली थमा सुइक्‍ब नङ” देंमाक्‍त। उत्‍पत्ती १:९-१०
JON 1:10 मिनु मेको मुरपुकी ङोंइती क्‍येङा हिंशा योना कली “गे मारदे ओपा प्रोक्‍ङे?” दे हिल्‍लो पामे बाक्‍त। मारदे हना योनामी मेको आन कली “गो परमप्रभु यावे आ ङोंइती रे प्रोक्‍ती” देंशो बाक्‍माक्‍त।
JON 1:11 मिनु मेकोपुकीमी योना कली “फश गिवार नाइक्‍पाइक्‍चा कली मार पचा माल्‍नीकी?” दे हिल्‍लो पामे बाक्‍त। मारदे हना फश गिवार पतीके ब्‍वाक्‍कु बारना बारन लमाक्‍त।
JON 1:12 मिनु योनामी “आं कली समुन्‍द्रमी ताइक्‍ताक्‍यीनी हना, फश गिवार नाइक्‍ब। एको फश गिवार आं पतीके पशो बाक्‍ब, दे गो तुइक्‍नुङ” देंमाक्‍त।
JON 1:13 मिनु मेको मुरपुकीमी लेंशा डोंगा रागीम चाक्‍चा कली शुश खीयेमे बाक्‍त। तन्‍न मचाप्‍मे बाक्‍त। मारदे हना फश गिवार शुश बारशो बाक्‍माक्‍त।
JON 1:14 मिनु मेकोपुकीमी परमप्रभु यावे कली “परमप्रभु यावे, एको मुर आ पर्बम गोपुकी बेक्‍चा ममाल्‍कल। एको मुर आ दोस मतकल। मारदे हना परमप्रभु यावे, इन दाक्‍शो यो मोदेंशोन बाक्‍त” देंमा बाक्‍त।
JON 1:15 मिनु योना कली समुन्‍द्रमी ताइक्‍तमे बाक्‍त। मिनु फश गिवार नु ब्‍वाक्‍कु ख्रा दिम्‍शा, नांइसे बाक्‍त।
JON 1:16 मिनु मेको मुरपुकी परमप्रभु यावे कली मान पा हिंशा, मेको कली चढ़ेशा “आ देंशो नेल्‍ल टीनीकी” दे परमप्रभु यावे कली कसम जामे बाक्‍त।
JON 1:17 मिनु परमप्रभु यावेमी योना कली दाक्‍पाइक्‍चा कली ठेयब ङांइ का सोइक्‍ता बाक्‍त। मेको ङांइमी योना कली ग्रु दाक्‍गानु, योना सां नाक्‍दो नाक्‍ती आ कोव़जीम बाक्‍माक्‍त। मत्ती १२:४०; मत्ती १६:४
JON 2:1 मिनु योनामी ङांइ आ कोव़ज रे पा परमप्रभु यावे कली लोव़ पवा बाक्‍त।
JON 2:2 मिनु मेकोमी परमप्रभु यावे, आ परमप्रभु कली “गो आं श्‍येत जतीके रे लोव़ पाता। मिनु आं कली लोव़ लेत्‍ताक्‍यीनी। गो बेक्‍शो मुर आन बाक्‍तीके रे ब्रेत्‍ती। मिनु गे आं सेंदा नेंतीनी। भजन संग्रह १२०:१
JON 2:3 गे आं कली समुन्‍द्र आगाम ताइक्‍ताक्‍यीनी। आं एर ओंथ ब्‍वाक्‍कु ला बाक्‍शो बाक्‍त। ब्‍वाक्‍कुमी आं कली गिल्‍शा, आ छाल आं तारी रे लाम्‍तेक्‍म। भजन संग्रह ४२:८
JON 2:4 गोमी ‘इन क्‍येङा ङोन दुम्‍शा, इन योव़शो खिं मुल गेनायो मताइनुङ’ दे मिम्‍ताक्‍ङ। भजन संग्रह ३१:२२
JON 2:5 आं एर ओंथ ब्‍वाक्‍कु बाक्‍तीके, हेरा बेक्‍ती। गो ब्‍वाक्‍कु आगाम बाक्‍ङानु, आं पिया लेउम सुम्‍शो बाक्‍त। भजन संग्रह १८:५; भजन संग्रह ६९:२
JON 2:6 मिनु गो समुन्‍द्र आगा क्‍येङा यो लुक्‍च ग्रुम्‍ती। गो गेनायो मग्रूचा ङा पा ग्रुम्‍ती। तन्‍न परमप्रभु यावे, आं परमप्रभु गे आं कली बेक्‍चा रे प्रोंइतीनी। भजन संग्रह १०३:४
JON 2:7 आं थुं लुक्‍च लशा, गो परमप्रभु यावे, इन कली मिम्‍शा, इन कली लोव़ पाता। मिनु इन बाक्‍तीके रे आं लोव़ नेंतीनी। भजन संग्रह १४२:२-४
JON 2:8 जाम्‍शा लाइब मूर्ति कली थमा सुइक्‍बपुकीमी इन शिशी मताइनीम। भजन संग्रह ३१:७
JON 2:9 गो चहिं ‘गे रिम्‍शो पाइब बाक्‍नीनी’ देंशा, इन कली ठेयब सेल्‍नुङ। गो इन कली देंशो लोव़ खाप्‍नुङ। परमप्रभु यावे, गे मुर आन कली श्‍येत रे प्रोंइब बाक्‍नीनी” दे लोव़ पवा बाक्‍त। भजन संग्रह ५०:१४; भजन संग्रह ११६:१७-१८
JON 2:10 मिनु परमप्रभु यावेमी ङांइ कली “योना कली ब्‍वाक्‍कु रे ग्रुंइशा रागीम तेवो” दे अरेवा बाक्‍त। मिनु ङांइमी मेको कली ब्‍वाक्‍कु रे ग्रुंइशा, रागीमी तेवा बाक्‍त।
JON 3:1 मिनु परमप्रभु यावेमी लेंशा योना कली लोव़ पवा बाक्‍त। योना १:२
JON 3:2 मिनु मेकोमी “गे बोक्‍को, निनवे माइश्‍शो ठेयब सहर लावो। गो इ कली मार शेंनुङा, मेको मेकेर ङा मुर आन कली शेंदीमी” दे मदा बाक्‍त।
JON 3:3 मिनु परमप्रभु यावे आ लोव़ टिशा, योना निनवे गे लचा गोवा बाक्‍त। निनवे थम ठेयब सहर बाक्‍माक्‍त। मेको निनवे सहर सुर का रे अर्को सुर जाक्‍दीत्‍चा कली नाक्‍त सां माल्‍बाक्‍माक्‍त। योना ४:११
JON 3:4 मिनु योनामी निनवे सहर ओव़शा, नाक्‍त का गाक्‍शा, मुर आन कली “४० नाक्‍त नोले एको सहर खतम दुम्‍ब” दे ठेयब सेंदामी शेंदा बाक्‍त।
JON 3:5 मिनु मेको नेंशा निनवे ङा मुरपुकीमी परमप्रभु आ लोव़ थमा बाक्‍ब, दे थमा सुदमे बाक्‍त। मेकोपुकीमी “निनवे सहर ङा आइक्‍च नु ठेयब मुर आन मरिम्‍शो पतीके रे लेत्‍तेक्‍म, दे कोंइचा कली नेल्‍ल माइजा बाक्‍शा, अरन्‍डी फेक्‍सीन” दे नेल्‍ल आन कली नेंपदमे बाक्‍त। मत्ती १२:४१; योएल १:१४
JON 3:6 मिनु निनवे ङा पिपमी यो मेको लोव़ नेना बाक्‍त। मेको आ ठेयब नित्‍तीके रे बोक्‍शा, पिप आ फेक्‍तीके वा प्रुइश्‍शा, अरन्‍डी फेक्‍शा, पुलु तारी निस्‍से बाक्‍त।
JON 3:7 मिनु पिप नु आ मुरपुकीमी निनवे ङा मुर आन कली “मुरपुकी नु बस्‍तु भावमी मारेइ मजामेक्‍ल, मतूङमेक्‍ल। बी ब्‍यफ, क्‍यारश भेडा आन कली यो मयोव़ङमेक्‍ल, ब्‍वाक्‍कु मतुंइदमेक्‍ल।
JON 3:8 मुरपुकीम अरन्‍डी सुम्‍सीशा, बी ब्‍यफ, क्‍यारश भेडा यो सुम्‍चा माल्‍नीम। मिनु मेकोपुकीमी परमप्रभु कली ठेयब सेंदाम पुंइचा माल्‍नीम। मिनु नेल्‍ल आन मरिम्‍शो लां नु आन मरिम्‍शो पशो रे लेत्‍चा माल्‍नीम।
JON 3:9 परमप्रभु आ शुश गाइक्‍तीक रे लेप्‍बा, कों? मेकोमी आंइ कली मसाइक्‍बा, कों? सुम तुइक्‍बा, ङा?” देंमा बाक्‍त। योएल २:१४
JON 3:10 मिनु परमप्रभुमी मेको मुर आन पशो नु आन मरिम्‍शो लां रे लेश्‍शो तशा “आं ङोंइती पाइनुङ देंशो, मुल मपाइनुङ” दे मिम्‍ता बाक्‍त। मिनु परमप्रभुमी आ ङोंइती मिम्‍शो मपवा बाक्‍त। येरमीया १८:७-८
JON 4:1 मिनु परमप्रभुमी मुर आन कली खतम मपशो तशा, योना चुरशा, शुश गाइक्‍ता बाक्‍त। मिनु परमप्रभु यावे कली
JON 4:2 “परमप्रभु यावे, आं रागीम बाक्‍ङानु, गो एको तुइश्‍शो नङ। मोपतीके गो टारशीश गे प्रोक्‍शो नङ। गे नेल्‍ल कली शिशी पाइब नु दाक्‍ब परमप्रभु ननी। इन गाइक्‍चा रीब पा मबोक्‍ब। इन शिशी ठेयब बाक्‍ब। इन थुं श्‍येत गेचा बाक्‍त हना यो, इन थुं लेश्‍शा, मेको आन कली मारेइ मपाइनीनी, दे गो तुइश्‍शो नङ। प्रस्‍थान ३४:६
JON 4:3 मुल परमप्रभु यावे, आं कली साइय्‍यीनी। मारदे हना गो ब्रोंइचा क्‍येङा बेक्‍चा दाक्‍नुङ” दे परमप्रभु यावे नु लोव़ पवा बाक्‍त। १राजा १९:४
JON 4:4 मिनु परमप्रभु यावेमी “इ गाइश्‍शो ठीक ममाइ” दे मदा बाक्‍त।
JON 4:5 मिनु योना सहर रे लशा, पूर्ब गे ङा डांडामी निस्‍से बाक्‍त। मेकेर गोठ का सेल्‍शा बाक्‍शो बाक्‍माक्‍त। मेकेर फाम्‍सीशा निश्‍शा “मेको सहरमी मार दुम्‍बा” दे कोव़शा, रिम्‍दा बाक्‍त।
JON 4:6 मिनु परमप्रभु, परमप्रभु यावेमी योना कली नां फाम्‍सीशा बाक्‍ल, श्‍येत मजवल, दे छक लाक्‍चा ङा पा आइक्‍च रवा का आ बाक्‍तीकेमी वा‍पदा बाक्‍त। मिनु योना मेको रवा तशा, शुश ग्‍येरसे बाक्‍त।
JON 4:7 तन्‍न आ दीसा सुनी कना परमप्रभुमी खोंकला का सोइक्‍ता बाक्‍त। मेकोमी मेको आइक्‍च रवा आ शाक्‍श ख्रोदा बाक्‍त। मिनु रवा सोल बेक्‍माक्‍त।
JON 4:8 मिनु नां दाम्‍मेनु, परमप्रभुमी योना आ बाक्‍तीकेम पूर्ब रे होश फश सोइक्‍ता बाक्‍त। मिनु नांमी योना आ पिया नाप्‍शा, योना ओले पेते दुम्‍शा, गोल्‍माक्‍त। मिनु योनामी “ब्रोंइचा क्‍येङा बेक्‍चा दाक्‍नुङ” देंमाक्‍त।
JON 4:9 मिनु परमप्रभुमी योना कली “गे मेको रवा आ पर्बम गाइक्‍चा, ठीक दुम्‍बा ङा?” दे लोव़ पवानु, मेकोमी “गो मबेक्‍ङा सम्‍म गाइक्‍नुङ” दे लोव़ लेत्‍ता बाक्‍त।
JON 4:10 मिनु परमप्रभु यावेमी “गे इ मख्रुम्‍शो, मकोल्‍पाइश्‍शो, नाक्‍दो कामी वाशा, आ दीसा नाक्‍दो सोल बेक्‍शो रवा कली शिशी पाइनेवे।
JON 4:11 मिनु गो मेको ठेयब सहर निनवे आ पर्बम शिशी मपाइनुङा ङा? मेकेर आन ग्‍युरा पेरा गुइ मतुइक्‍ब लाख का २० हजार क्‍येङा शुश मुर नु बी ब्‍यफ, क्‍यारश भेडा यो बाक्‍नीमी। गो मेको आन कली शिशी पाइनुङ” देंमाक्‍त।
MIC 1:1 परमप्रभु यावेमी मोरेशेथ ङा मीकाह कली लोव़ पाप्‍तु। मेना यहूदा रागीमी योथाम पिप बाक्‍त। मेको आ नोले आहाज नु मेको आ नोले हिज्‍कीयाह पिप दुम्‍ताक्‍स। मिनु मेको परमप्रभु यावे आ लोव़ नु आ कोंइतीके सामरीया नु यरूसलेम आस पर्बम बाक्‍त। येरमीया २६:१८; यसैया १:१
MIC 1:2 मिनु परमप्रभु यावेमी मार कोंइशो नु देंशो बाक्‍त देंशा हना “जात जात ङा मुर, गे नेल्‍लेमी नोफा दाइक्‍तीन। रागी नु मेकेर बाक्‍ब नेल्‍लेमी नेनीन। परमप्रभु, परमप्रभु यावे आ बाक्‍तीके रे पा इन मरिम्‍शो पशो आ पर्बम सांकछी दुम्‍ब।
MIC 1:3 लो कोव़ङीन, परमप्रभु यावे आ बाक्‍तीक रे जाक्‍ना जाक्‍न बाक्‍ब। मेको यीब नु रागी ङा लाइश्‍शो डांडाम गाक्‍ब। आमोस ४:१३
MIC 1:4 मी आ नेक्‍था मयीन यशो खोदेंशो पा, लुक्‍च लतीकेमी ब्‍वाक्‍कु शाइश्‍शो खोदेंशो पा, मेको आ थेक्‍शो डांडापुकी याइनीम। मिनु दिंमपुकी ब्रोल्‍नीम।
MIC 1:5 मेको नेल्‍ल याकूब आ मरिम्‍शो पशो नु इस्राएल ङा मुर आन पाप आ पर्बम दुम्‍शो बाक्‍ब। याकूब आ मरिम्‍शो पशो मार बाक्‍बा? मेको सामरीया ममाइ ङा? यहूदा ङा लाइश्‍शो डांडा मार बाक्‍बा? मार, मेको यरूसलेम ममाइ ङा? येरमीया २३:१३-१४
MIC 1:6 मोपतीके गो सामरीया कली फुल्‍लु तेल्‍तीक सेल्‍नुङ। मेको अङगुर ख्रुम्‍तीक रू दुम्‍ने चाप्‍ब। गो मेकेर ङा फुल्‍लु दिंमम ताइक्‍नुङ। मिनु मेको आ खिं प्रेश्‍शा, आ जग ग्रुंइनुङ। १राजा १६:२४; होसे १४:१
MIC 1:7 मिनु मेको आ मूर्ति नेल्‍ल प्रोल्‍चा पुंइसीनीम। मेको आ गेय पा चेम्‍शो क्‍येट नेल्‍ल मीम हुम्‍‍चा पुंइसीब। गो मेको आ मूर्ति नेल्‍ल खतम पोक्‍नुङ। मारदे हना मेको नेल्‍ल तेल्‍लेम पा चेम्‍शो क्‍येट खोदेंशो पा खुप्‍शो बाक्‍नीम। मोपतीके मेको तेल्‍लेम पा चेम्‍शो क्‍येट खोदेंशो पा जाम्‍शा लाइनीम” देंत। होसे २:७,१४
MIC 1:8 मिनु गो मेको आ पर्बम रोंका पा ङाक्‍ना ङाक्‍न बाक्‍नुङ। श्‍येत्‍थ खोइल नु भेत्रे गाक्‍नुङ। गो सिवार खोदेंशो पा ग्रीनुङ। मिनु बुक्‍स खोदेंशो पा ग्रीनुङ।
MIC 1:9 मारदे हना मेको आ गार मसाब। मेको यहूदा सम्‍म जाक्‍शो बाक्‍ब। मेको आं मुर आन बाक्‍तीक यरूसलेम सहर ङा ठेयब लाप्‍चो सम्‍म जाक्‍दीश्‍शो बाक्‍ब।
MIC 1:10 एको लोव़ गाथ सहरम मनेंपतीन। मिनु ङाक्‍सीन मङाक्‍कीन। बेथ-लेआफ्रामी इन पियाम फुरक फुंइसीन। २सामुएल १:२०
MIC 1:11 शाफीर सहर ङा मुरपुकी, भेत्रे दुम्‍शा, मुने दोक्‍शा इन लां लने। सानान सहर ङा मुरपुकी लाङगा मग्रूनीम। बेथ-एचेलम ङा मुर रोंका पाइनीम। मुल रे इ कली वारच पाइब मबाक्‍नीम।
MIC 1:12 मिनु मारोथ सहर ङा मुरपुकीम हिंना हिंन रिम्‍शो दुम्‍तीके रिम्‍ना रिम्‍न बाक्‍नीम। परमप्रभु यावे रे हिंचा ङा श्‍येत यित। मिनु मेको यरूसलेम ङा ठेयब लाप्‍चो सम्‍म जाक्‍शो बाक्‍त।
MIC 1:13 लाकीश सहर ङा मुरपुकी, शारा आन कली बग्‍गीम फ्रेंशा लने। गे सियोन सहर ङा मुर आन कली पाप पपाइक्‍तीनी। मिनु मेको कली पाप पपाइक्‍ब, गे बाक्‍नीनी। इस्राएल आ मरिम्‍शो पतीके इन दातेम थीसीब।
MIC 1:14 मोपतीके गे मोरेशेथ-गाथ सहर कली आ गाक्‍ची ना ङा कोसेली गेचा माल्‍नीनी। अकजीब सहर ङा मुर इस्राएली आन पिप आन कली ब्‍वाक्‍कु मबाक्‍तीकेम ब्‍वाक्‍कु बुक्‍शो खोदेंशो बाक्‍नीम।
MIC 1:15 मिनु मारेशा सहर ङा मुरपुकी, गो इन कली ग्रापाइक्‍चा कली मुर का चाक्‍नुङ। मेको इस्राएल ङा मान ततीके अदुल्‍लाम सम्‍म जाक्‍ब।
MIC 1:16 मिनु इन दाक्‍शो आल आन पर्बम इन चां प्रेक्‍कीन। चां नेल्‍ल प्रेक्‍शा, गिदद खोदेंशो दुमीन। मारदे हना इन आल नेल्‍ल ग्‍याइश्‍शा, मुर आन रागीम लाइक्‍चा पुंइसाक्‍म।
MIC 2:1 आबी आबी, सु सुम आन ब्राख्‍येम गोल्‍शा पाप नु मरिम्‍शो पचा ला मिम्‍नीमी। मिनु नां सोव़म चोटीन मेको आन मिम्‍शो पाइनीम। मारदे हना मेको पने चाप्‍ब बाक्‍नीम।
MIC 2:2 मेकोपुकीम रिम्‍शो रू तशा वाल्‍शा, रोइक्‍नीम। रिम्‍शो खिं रोइक्‍नीम। मोपा मेकोपुकीमी मुर आन खिं नु आन थेरशो रू आंम के सेल्‍नीम। ब्‍यवस्‍था ५:२१; हितोपदेस २४:१५; यसैया ५:८
MIC 2:3 मोपतीके परमप्रभु यावेमी मार देंत देंशा हना “गो मेको आन खिं ङा मुर आन कली श्‍येत गेनुङ। मेको रे आंम कली प्रोंइने मचाप्‍नीम। ठेयब लेश्‍शा गाक्‍ने मचाप्‍नीम। मारदे हना मेको थम श्‍येत जतीक नाक्‍त बाक्‍ब। आमोस ५:१३
MIC 2:4 मेको नाक्‍ती मुरपुकीमी इन पर्बम शुक्‍शी पा कुम्‍सो पाइनीम। मिनु इन पर्बम रोंका पा ङाक्‍नीम। मिनु मुरपुकीमी ‘गोपुकी थमा पा खतम दुम्‍तक। आंइ मुर आन थेरशो रू अर्को मुरुम लाइक्‍नीम। आंइ रू आंइ जोरी सत्रु आन दातेमी योक्‍सीनीम’ देंनीम” देंत।
MIC 2:5 मोपतीके गेपुकी परमप्रभु यावे आ मुर आन योक्‍शो रू रोइक्‍चा मताइनीनी।
MIC 2:6 मेकोपुकीम “परमप्रभु यावे आ लोव़ मपने” देंनीम। तन्‍न लोव़ पाइनीम। मिनु मेकोपुकीमी “मोदेंशो श्‍‍येत आंइ कली मदुम्‍ब” देंनीम। आमोस ७:१६
MIC 2:7 याकूब आ खिं ङा मुरपुकी, मोदेंशो देंचा दुम्‍बा? मार, परमप्रभु यावे आ फाल्‍तीक सक्ति नुम्‍मे ङा? मेकोमी मोदेंशो पाइबा ङा? परमप्रभु यावेमी रिम्‍शो पाइब आन कली रिम्‍शो लोव़ मपाइबा ङा? आमोस ६:३
MIC 2:8 तन्‍न गे आं मुर आन ङोंइती जोरी सत्रु खोदेंशो दुम्‍शा बाक्‍नीनी। रिम्‍शो पाइब मुर आन फेक्‍तीक रोइश्‍शा लाइक्‍नीनी। लडाइ मदुम्‍शो बाक्‍ब, दे इन कली थमा सुइश्‍शा गाक्‍ब आन कली मोदेंशो पाइनीनी।
MIC 2:9 गेपुकीम आं मुर आन मीश आन कली आन दारशो खिं रे ग्रुंइनीनी। मेको आन आलपुकी रे आं गेशो आसीक गेना हना यो कली रोइश्‍शा लाइक्‍नीनी।
MIC 2:10 बोक्‍शा लने। मारदे हना एकेर इन नाइक्‍तीक ममाइ। मारदे हना एको ग्रांग्रा दितीकेमी मुर आन कली मरिम्‍शो सेल्‍ब। मेको मारेइ पने मचाप्‍चा ङा पा खतम सेल्‍शो बाक्‍ब।
MIC 2:11 तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्‍ब।
MIC 2:12 परमप्रभुमी “याकूब गो थमा पा नेल्‍ल इन कली खुप्‍शा पुक्‍नन्‍नी। गो इस्राएलम लीशो आन कली थमा पा खुप्‍नुङमी। गो मेको आन कली भेडा बगालम वोइश्‍शो खोदेंशो पा नु योव़तीकेम योव़शो खोदेंशो पा वोइक्‍नुङ। मिनु मेकेर शुश मुर दुम्‍नीम। येरमीया ३१:१०; इजीकीएल ३६:३७; यसैया ५२:१२
MIC 2:13 लां कोंइब मेको आन ङोंइती गाक्‍ब। मेकोपुकी लाप्‍चो रे पा ग्रूशा गाक्‍नीम। मेको आन पिप मेको आन ङोंइती गाक्‍ब। परमप्रभु यावे मेको आन ङोंइङोंइती बाक्‍ब” देंत।
MIC 3:1 मिनु गो “गे, याकूब आ ठेयब मुरपुकी नु इस्राएली आन खिं ङा हुकुम पाइबपुकी, इन नोफा दाइश्‍शा नेनीन। गे ठीक निसाफ तुइक्‍चा ममाल्‍नीनी ङा? येरमीया ५:५
MIC 3:2 गेपुकी रिम्‍शो पचा काइ मदाक्‍नीनी। मिनु मरिम्‍शो पतीक दाक्‍नीनी। गेपुकीमी आं मुर आन कुशुल उक्‍नीनी। मिनु मेको आन रुश रे आन श्‍ये रिक्‍‍नीनी।
MIC 3:3 गेपुकीमी आं मुर आन श्‍ये ब्‍वाइतीनी। मेको आन कुशुल उक्‍तीनी। मिनु रुश टुक्रा टुक्रा पा जिक्‍तीनी। मिनु बोसुम क्‍येतीक श्‍ये खोदेंशो पा मेको आन कली टुक्रा टुक्रा पा चेक्‍‍तीनी” देंती। भजन संग्रह १४:४
MIC 3:4 मिनु मेकोपुकीमी परमप्रभु यावे कली पुंइनीम। तन्‍न मेकोमी मेको आन पुंइशो लोव़ मलेप्‍ब। आ अरेशो मटितीके मेकोमी मेको आन क्‍येङा आ कुल ख्रुइक्‍ब। हितोपदेस १:२८; इजीकीएल ८:१८
MIC 3:5 मिनु परमप्रभु यावेमी आ लोव़ पाइब आन पर्बम मार देंत देंशा हना “सुम आं मुर आन कली दूली लांम गाक्‍पाइक्‍बा? आं लोव़ पाइबपुकीमी, सुमी मेको आन कली जचा गेमेनु ‘रिम्‍शो दुम्‍ब’ देंनीम। तन्‍न मेको आन कली जचा मगेमेनु, मेको आन कली लडाइ तोचा कली ठीक दुम्‍नीम।
MIC 3:6 मोपतीके इन कली मारेइ मततीक नाक्‍दो दुम्‍ब। परमप्रभु रे मारेइ मतुइक्‍चा ङा पा छिङछिङ दुम्‍नीनी। आं लोव़ पाइब आन कली नां रिक्‍ब। मिनु नाक्‍त मेको आन कली छिङछिङ दुम्‍ब।
MIC 3:7 कोंइतीक ताइबपुकी शिशी मताइनीम। टुना मुना पाइबपुकी मुने दोक्‍नीम। मेको आन शोव़ सुम्‍सीचा माल्‍नीम। मारदे हना परमप्रभुमी मेको आन कली लोव़ मलेप्‍ब। आमोस ८:१२
MIC 3:8 तन्‍न गो सक्ति पाइश्‍शो बाक्‍नुङ। गो परमप्रभु यावे आ सोक्‍ती, ठीक निसाफ पतीके नु आ सक्तिम ब्रीशो बाक्‍नुङ। गो याकूब आ हेंथे पशो नु इस्राएल ङा मुर आन पाप शेंचा कली मोदेंशो दुम्‍शो बाक्‍नुङ। यसैया ५८:१
MIC 3:9 याकूब आ खिं ङा ठेयब मुरपुकी नु इस्राएल ङा खिं खिं ङा हुकुम पाइबपुकी एको लोव़ नेनीन। गेपुकीमी ठीक निसाफ पतीक कली ग्रांग्रा दीनीनी। मिनु ठीक लोव़ नेल्‍ल दूली सेल्‍‍नीनी।
MIC 3:10 गेपुकीमी हुश शाइक्‍पाइश्‍शा सियोन कली सेल्‍नीनी। मिनु यरूसलेम कली मरिम्‍शो पतीकेम सेल्‍नीनी। हबकुक २:१२
MIC 3:11 मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४
MIC 3:12 मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८
MIC 4:1 मिनु नोले डांडा नेल्‍ल आन क्‍येङा परमप्रभु यावे आ खिं बाक्‍शो डांडा लाइश्‍शो दुम्‍ब। मिनु मेको नेल्‍ल आन क्‍येङा ग्‍येत्‍थ लाइब बाक्‍ब। मिनु शुश मुर मेकेर लाइ‍नीम। यसैया २:२-४
MIC 4:2 मिनु रागी रागी ङा मुरपुकी मेकेर जाक्‍शा, मेकोपुकीमी “जाक्‍कीन। गोपुकी परमप्रभु यावे आ डांडा लय। याकूब आ परमप्रभु आ खिं लय। मेकोम इं कली आ लां कोंइब। मिनु गोपुकी मेको आ लांम गाक्‍ने चाप्‍यल। मारदे हना शेंतीके सियोन रे नु परमप्रभु यावे आ लोव़ यरूसलेम रे ग्रूब” देंत। लूका २४:४७
MIC 4:3 मेकोमी शुश जात ङा मुर आन दा‍तेमी निसाफ पाइब। मिनु ङोन बाक्‍शो बोल्‍यो रागी रागी ङा मुर आन कली निसाफ पाइब। मिनु मेकोपुकीमी आन तरवार चेम्‍शा, फाली सेल्‍नीम। आन तूतीक भाला चेम्‍शा गुये सेल्‍नीम। मिनु रागी रागी ङा मुर आन दातेमी लडाइ मपाइ‍नीम। मेकोपुकीमी गेनायो लडाइ मशेंसीनीम।
MIC 4:4 तन्‍न मुर नेल्‍ल आन अङगुर नु फोव़शी रवा आन पुंम नित्‍‍नीम। मिनु मेको आन कली सुइमी हिंच मकोंइनीम। मारदे हना मुर नेल्‍ल आन परमप्रभु यावेमी लोव़ प‍शो बाक्‍ब। १राजा ५:५; जकरिया ३:३०
MIC 4:5 मिनु “जात जात ङा मुर नेल्‍ल आन देवी देवता आन नेंम गाक्‍नीम। तन्‍न गोपुकी चहिं गेना हना यो परमप्रभु यावे, इं परमप्रभु आ नेंम गाक्‍नय” देंतेक्‍म।
MIC 4:6 परमप्रभु यावेमी मार देंत देंशा हना “मेको नाक्‍ती गो खोइल मदुक्‍ब आन कली खुप्‍नुङमी। मिनु गो खेरशो नु श्‍येत जशो आन कली खुप्‍नुङमी। येरमीया ३१:८; ब्‍यवस्‍था ३०:४
MIC 4:7 मिनु खोइल मदुक्‍ब आन कली लीशो मुर आन दातेम वोइक्‍नुङ। खेरचा पुंइसीशो आन कली बोल्‍यो रागी ङा मुर सेल्‍नुङमी। मिनु परमप्रभु यावेमी मेको आन कली सियोन डांडा रे गेना हना यो कली सासन पाइब।
MIC 4:8 आं बगाल बाक्‍तीक डांडा, सियोन आ तमी इ सांद मिग्‍दाल-एदेर सहर सम्‍म जाक्‍दीप्‍ब। गे ङोंइती ङा राज्‍य लेंशा ताइनेवे। यरूसलेम ङा तमीम आ राज्‍य लेंशा ताइ‍ब।
MIC 4:9 मुल गे मारदे वाइ ब्रेश्‍शा ग्री‍नेवे? मार इ पिप मबाक्‍बा ङा? इ अर्ती गेब जाम्‍शा लमा? मिनु मारदे आल थितीक रोइ पशो मीश मुर खोदेंशो पा वाइ ब्रेत्‍नेवे? येरमीया ८:१९
MIC 4:10 सियोन आ तमी, आल थितीक रोइ पशो मीश मुर खोदेंशो पा वाइ ब्रेश्‍शा ग्रीङो। मारदे हना मुल गे एको सहर प्रोंइचा माल्‍नेवे। मिनु खिं मबाक्‍तीकेमी बाक्‍तीक सेल्‍चा माल्‍नेवे। गे बेबीलोनम लचा माल्‍नेवे। मिनु मेकेर रे प्रोंइचा पुंइसीनेवे। मेकेर परमप्रभु यावेमी इ कली इ जोरी सत्रु आन गुइ रे प्रोंइब।
MIC 4:11 मुल शुश रागी रागी ङा मुर इ पर्बम दूली पा बोक्‍शा ‘सियोन ग्रांग्रा दिशो दुम्‍‍ल। गो मेको कली कोव़ना कोव़न बाक्‍चा तांइसेक्‍ल’ देंनीम” देंत।
MIC 4:12 तन्‍न मेकोपुकीमी परमप्रभु यावे आ मिम्‍शो मतुइक्‍नीम। मेकोपुकीमी आ पचा चिक्‍शो मतुइक्‍नीम। परमप्रभुमी मेको आन कली खला ङा अन्‍न खुप्‍शो खोदेंशो पा खुप्‍ताक्‍व।
MIC 4:13 सियोन आ तमी बोक्‍शा, अन्‍न तुपो। मारदे हना गो इ ग्रोव़ फलाम के सेल्‍नुङ। गो इ गेंग्रे कांसा के सेल्‍‍नुङ। मिनु गे शुश जात जात ङा मुर आन कली फस पोक्‍नेवे। मेको आन रोइश्‍शो परमप्रभु यावे कली गेनेवे। मिनु मेको आन शोंप रागी नेल्‍ल ङा परमप्रभु यावे कली चढ़ेनेवे।
MIC 5:1 गे गारो हिरशो सहर बाक्‍नेवे। लडाइ पाइबपुकीमी इ कली पुम्‍नीम। मिनु इस्राएल कली सासन पाइब कली कोक्‍केम चोव़चोम तुप्‍नीम। उत्‍पत्ती ३५:१९; मत्ती २:५-६; यूहन्‍ना १:१-२
MIC 5:2 तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२
MIC 5:3 मिनु परमप्रभु यावेमी इस्राएली आन कली काइ मकोव़ब। मिनु मीश मुरुमी आल थिवा नोले ला कोव़ब। मेना लीशो मुरपुकी इस्राएल ङा मुर नु गारशा, लेत्‍चा पुंइसीनीम। इजीकीएल ३४:२३
MIC 5:4 मिनु मेकोमी परमप्रभु यावे आ सक्तिमी आ बगाल आन कली योव़ब। मिनु मेकोमी आ परमप्रभु यावे आ ठेयब नेंमी आ गेय पाइब। मिनु मेकोपुकी रिम्‍शो पा बाक्‍नीम। मारदे हना मेको रागी ङा सुर सम्‍म नेल्‍ल क्‍येङा ठेयब दुम्‍ब। यसैया ९:५; एफिसी २:१४
MIC 5:5 मिनु मेकोमी थुं नाइक्‍चा गेब। मिनु अस्‍सुर ङा मुर इं रागी ओव़शा लडाइ पचा गोम्‍तेक्‍म हना, गोपुकीमी ७ जना गोठला नु ८ जना हुकुम पाइब वोइक्‍नीकी।
MIC 5:6 मेकोपुकीमी अस्‍सुर रागी कली तरवारम हुकुम पाइनीम। निम्रोद रागी कली शोइश्‍शो तरवारमी हुकुम पाइनीम। मिनु मेकोपुकीमी इं कली “अस्‍सुरी इं रागी ओव़तेक्‍म हना यो, इं कली प्रोंइनीम। इ रागी ङा सांदम जाक्‍तेक्‍म हना यो, इं कली प्रोंइनीम” देंनीम। भजन संग्रह ११०:३
MIC 5:7 याकूब आ लीशो मुर शुश आन दातेम परमप्रभु यावे रे जाक्‍शो सीत नु घांस तार जुक्‍शो रेउ खोदेंशो दुम्‍नीम। मेकोमी “सुइ मुरुम वारच पाइनीमी कों” दे मकोव़नीम। मिनु मुर आन आस मपाइनीम।
MIC 5:8 याकूब आ लीशो मुर शुश आन दातेमी ब्‍वाकी ङा गुप्‍स खोदेंशो दुम्‍नीम। मेकोपुकी भेडा गोठम बाक्‍शो गुप्‍स आ चाइक्‍ब खोदेंशो दुम्‍नीम। गुप्‍स मेकेर लाम्‍तेक्‍म हना, साइश्‍शा ब्‍वाइनीम। मिनु सुइमी मेको आन कली प्रोंइने मचाप्‍नीम।
MIC 5:9 मिनु परमप्रभु यावेमी “गे इन गुइ इन जोरी सत्रु क्‍येङा बोल्‍यो दुम्‍‍शा ग्रानीनी। मिनु इन जोरी सत्रु नेल्‍ल खतम दुम्‍नीम। जकरिया ९:१०
MIC 5:10 मेको नाक्‍ती गो इन शारा इन दाते रे खतम पोक्‍नुङ। इन बग्‍गी प्रेश्‍शा गेनुङ।
MIC 5:11 गो इन रागी ङा सहर नेल्‍ल खतम पोक्‍नुङ। गो इन बोल्‍यो दरवार नेल्‍ल प्रेत्‍नुङ।
MIC 5:12 गो इन टुना मुना पशो आ पर्बम इन कली खतम पोक्‍नुङ। मिनु इन दातेमी साहीत कोव़ब आन कली बाक्‍चा मगेनुङ। जकरिया १३:२
MIC 5:13 गो इन दा‍ते ङा मूर्ति नेल्‍ल खतम पोक्‍नुङ। इन पूजा पचा कली ख्रुक्‍‍शो फुल्‍लु खतम पोक्‍नुङ। मिनु इन गुइमी सेल्‍शो थोव़क आन ङोंइती मबाप्‍नीनी।
MIC 5:14 गो इन दा‍ते ङा मूर्ति पाइश्‍शो थाम तुल्‍शा बेरपाइक्‍नुङ। मिनु इन सहर आन कली प्रेत्‍नुङ।
MIC 5:15 गो गाइश्‍शा चुरशा रागी रागी ङा मटीब मुर आन कली क्‍येक्‍क लेत्‍नुङमी” देंत।
MIC 6:1 परमप्रभु यावेमी मार देंबा, इन नोफा दाइश्‍शा नेनीन “बोक्‍कीन। मिनु पहाड आन ङोंइती इन देंचा माल्‍शो लोव़ शोव़ङीन। मिनु डांडापुकीमी इन लोव़ नेन्‍मेक्‍ल। इजीकीएल ६:२
MIC 6:2 गे डांडापुकी नु गेना हना यो लीब रागी ङा जग, परमप्रभु यावेमी दोपा निसाफ पाइबा, मेको नेनीन। मारदे हना मेकोमी आ मुर आन कली निसाफ पचा चिक्‍शो बाक्‍ब। आ दोस गे‍शो नोफा दाइश्‍शा नेनीन। मारदे हना आ मुर आन कली मेको के लोव़ बाक्‍ब। मेकोम इस्राएल कली निसाफ पाइब।
MIC 6:3 आं मुरपुकी गो इन कली मार पङा? गो इन कली मार श्‍येत गेङा? आं कली देनीन। येरमीया २:५
MIC 6:4 गो इन कली इजीप्‍त रे एक चाक्‍तन्‍नी। मिनु इन वाइलीम वाइल दुम्‍शो रागी रे प्रोंइतन्‍नी। इन कली लां कोंइचा कली मोसा, हारून नु मिरयाम आन कली सोइक्‍ताक्‍ङमी। प्रस्‍थान १५:२०
MIC 6:5 आं मुरपुकी, मोआब ङा पिप बालाकम मार सल्‍ला पशो बाक्‍मे, मेको मिम्‍तीन। बेओर आ तौ बालाममी मेको कली मार लोव़ लेत्‍ता, मेको मिम्‍तीन। शित्तीम रे गिल्‍गाल सम्‍म ङा लांमी गाक्‍शोनु, मार मार दुम्‍मे, मेको मिम्‍तीन। मिनु परमप्रभु यावेमी इन कली दोपा प्रोंइशो बाक्‍मे, मेको तुइक्‍नीनी” देंत। गन्‍ती २२:-२४:-; यहोसु २:१; यहोसु ४:१९
MIC 6:6 गो मार कुरशा परमप्रभु यावे आ ङोंइती जाक्‍ङा? मार चाक्‍शा, इर ङा परमप्रभु आ ङोंइती बाम्‍‍ङा? मार चोशा चढ़ेतीक चाक्‍शा, आ ङोंइती जाक्‍ङा? मेको आ ङोंइती बर्स का दुम्‍शो ब्‍यफ चाक्‍शा, जाक्‍ङा? भजन संग्रह ५०:८-१३; आमोस ५:२२
MIC 6:7 परमप्रभु यावे हजार हजार सांड तशा ग्‍येरबा? मार १० हजार तेल के खोला तशा ग्‍येरबा ङा? गो आं पाप आ पर्बम आं ङोंइती जरमेशो तौ गेचा माल्‍नुङा? मिनु आं थुं ङा पाप आ पर्बम आं आल गेचा माल्‍नुङा?
MIC 6:8 परमप्रभु यावेमी इन कली, गे बेक्‍शा लाइब मुर, इन कली मार रिम्‍शो बाक्‍मे नु मार पचा माल्‍नीनी, मेको देंशो बाक्‍ब। मार देंशो बाक्‍ब देंशा हना, गे ठीक निसाफ पने, शिशी प‍तीक कली दाक्‍तीन। मिनु इन परमप्रभु आ ङोंइती ब्रेम्‍शो दुम्‍शा गाक्‍कीन। ब्‍यवस्‍था १०:१२; १सामुएल १५:२२
MIC 6:9 परमप्रभु यावेमी सहर कली “आं कली मान पा हिंचा इन कली श्‍येत रे प्रोंइतीक दुम्‍ब। गे थर ङा मुर नु सहर ङा ग्रुम्‍तीक ङा मुर आन लोव़ नेनीन।
MIC 6:10 गो मेको आ अरेशो मटीब आ खिं ङा मरिम्‍शो पा चेम्‍शो शोंप प्रेंदु? इन आइक्‍च सेल्‍शो सराप रशो पुक्‍तीक प्रेंदु? लेवी १९:३५
MIC 6:11 मार गो इन मरिम्‍शो नाक्‍तीक नु जोल पा नाक्‍तीक ढक के थैलो वोइक्‍ब कली दोस मताइब सेलु? हितोपदेस २०:१०
MIC 6:12 मेको आ शोंप पाइश्‍शो मुरपुकी हुश ख्राक्‍श पोक्‍तीकेम ब्रीशो बाक्‍नीम। मेको सहर ङा मुरपुकी जोल पाइनीम। मेको आन शोव़ जोल पतीकेमी ब्रीशो बाक्‍ब।
MIC 6:13 मोपतीके गो इ कली खतम पोक्‍चा गोशो बाक्‍नुङ। गो इ कली इ पाप आ पर्बम श्‍येत्‍थ पोक्‍नुङ।
MIC 6:14 गे जचा थोव़क जाइ‍नेवे, तन्‍न मरूनेवे। मिनु इ कोव़ज शोव़लु बेक्‍शोन बाक्‍ब। गे खेक्‍चा दा खेक्‍नेवे, तन्‍न उप्‍शा वोइक्‍ने मचाप्‍नेवे। गे मार खेक्‍नेवे, मेको नेल्‍ल लडाइम खतम दुम्‍ब।
MIC 6:15 गे मार मार शोक्‍चा दा शोक्‍‍नेवे। तन्‍न खुप्‍‍चा मताइनेवे। तेल रवा आ फल ख्राक्‍चा दा ख्राक्‍नेवे, तन्‍न इ रांम तेल ख्रेक्‍चा मताइनेवे। गे अङगुर ख्राक्‍चा दा ख्राक्‍नेवे, तन्‍न अङगुर शांबु तूचा मताइनेवे। ब्‍यवस्‍था २८:३८-४०; आमोस ५:११
MIC 6:16 गे ओम्री आ अरेशो लोव़ पाप्‍तीवी। मिनु आहाब आ खिं ङा मुर आन पशो नेल्‍ल पाप्‍तीवी। मिनु मेको आन गेशो अर्ती टिप्‍तीवी। मोपतीके गो इ कली खतम पोक्‍नुङ। मिनु इ मुर आन कली शुक्‍शी पतीक सेल्‍नुङ। गे आं मुर आन गाइश्‍शो ताइनेवे” दे ब्रेन्‍न ब्रेन्‍न बाक्‍ब। १राजा १६:२९-३३
MIC 7:1 गो दोदेंशो पा श्‍येत ज‍शो बाक्‍नुङा? गो फल सिश्‍शा नोले, अङगुर रू ङा सिला माल्‍ची नोले मारेइ जचा मताइनुङ। आं माल्‍शो ङोंइती मीशो फोव़शी यो मबाक्‍ब। भजन संग्रह १२:२; यसैया ५७:१
MIC 7:2 थमा सुइक्‍चा पुंइसीब मुर रागी रे जाम्‍शा लाम्‍तेक्‍म। मिनु गेना हना यो रिम्‍शो पाइब मुर मलीशो बाक्‍नीम। मुर नेल्‍ल मुर साइक्‍चा कली बाप्‍शा बाक्‍शो बाक्‍नीम। मुर नेल्‍लेमी ब्‍वारद दाइश्‍शा आंम लोक्‍ब कली साइक्‍चा माल्‍‍शो बाक्‍नीम।
MIC 7:3 मेकोपुकी मरिम्‍शो पचा कली जोक्‍ब बाक्‍नीम। आन ठेयब मुर नु निसाफ पाइबपुकीमी घूस जाइ‍नीम। सक्ति पाइश्‍शोपुकीमी मार मिम्‍तमे मेकोन पाइनीम। मोपा ठीक पतीके कली दूली सेल्‍नीम।
MIC 7:4 मेको आन दा‍ते ङा नेल्‍ल क्‍येङा रिम्‍शो मुर चू रवा खोदेंशो बाक्‍ब। मेको आन दाते ङा गेना हना यो रिम्‍शो पाइब थरपु हिरशो चू खोदेंशो बाक्‍ब। इन खाल पाइब आन नाक्‍त जाक्‍शो बाक्‍ब। मेको नाक्‍ती इन कली कोव़बमी इन कली ग्रुम्‍थ जाक्‍ब। मुल मेको आन कली खतम सेल्‍तीक नाक्‍त जाक्‍ब।
MIC 7:5 इन वारच कली थमा मसुतीन। इन दाक्‍शो मुर कली थमा मसुतीन। गे नु काथा इप्‍शो मीश नु यो होस पा लोव़ पने। येरमीया ९:३-४
MIC 7:6 मारदे हना तौमी आ आफ कली मरिम्‍शो पाइब। तमी आ ममा आ पर्बम दूली पाइब दुम्‍ब। चाइमीम आ शिमी आ पर्बम मरिम्‍शो पाइब। आंम खिं ङा मुर इन जोरी सत्रु दुम्‍नीम। मत्ती १०:३५-३६
MIC 7:7 तन्‍न गो परमप्रभु यावे गे कोव़नुङ। गो आं कली श्‍येत रे प्रोंइब परमप्रभु कली रिम्‍नुङ। आं परमप्रभुमी आं पुंइशो नेंब।
MIC 7:8 मिनु “आं जोरी सत्रु आं कली शुक्‍शी पा मग्‍येरसीन। गो गोल्‍ती हना यो, बोक्‍नुङ। गो छिङछिङम बाक्‍ती हना यो, परमप्रभु यावे आं छेङछेङ बाक्‍ब। ओबदिया १:१२; भजन संग्रह २७:१
MIC 7:9 आं कली निसाफ पा वारच मपवा सम्‍म गो परमप्रभु यावे आ गाइश्‍शो फाल्‍चा माल्‍नुङ। मारदे हना गो मेको कली पाप पाता। मेकोमी आं कली आ शिशी तपाइक्‍चा कली छेङछेङम ग्रुंइब। येरमीया १४:७
MIC 7:10 मेना आं जोरी सत्रुम मेको ताइनीम। मिनु मुने दोक्‍नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्‍‍म?’ देंशो बाक्‍तेक्‍म। गो मेको आन खतम दुम्‍शो ताइनुङ। मुल यो मेकोपुकी लां ङा हिलो खोदेंशो पा दिम्‍चा पुंइसीशो बाक्‍नीम। भजन संग्रह ७९:१०
MIC 7:11 गे इन गारो लेंशा सेल्‍तीक नाक्‍त नु इन सांदपुकी ङोन ङोन सम्‍म चाक्‍दीत्‍तीक नाक्‍त जाक्‍शो बाक्‍ब।
MIC 7:12 मेको नाक्‍त अस्‍सुर नु इजीप्‍त रे शुश मुर जाक्‍नीम। इजीप्‍त रे युफ्रेटीस सम्‍म, समुन्‍द्र रे समुन्‍द्र सम्‍म नु पहाड रे पहाड सम्‍म ङा शुश मुर इन बाक्‍तीक जाक्‍नीम।
MIC 7:13 तन्‍न रागी रागी नेल्‍ल श्‍येत्‍थ दुम्‍नीम। मुर आन मरिम्‍शो पशो आ पर्बम मोदेंशो दुम्‍ब” देंत।
MIC 7:14 गे इन मुर आन कली कोक्‍केम योव़ङीन। मेको ब्‍वाकीम बाक्‍शो बगाल इन के बाक्‍ब। मेको रिम्‍शो बाक्‍तीकेम बाक्‍नीम। मेको आन कली ङोंइती ङा खोदेंशो पा बाशान नु गिलादमी जोचा गेन। मीका ५:३; येरमीया ५०:१९
MIC 7:15 गेपुकी इजीप्‍त रे ग्रूशो नाक्‍त खोदेंशो पा गो इन कली छक लाक्‍चा ङा गेय कोंइनुङ।
MIC 7:16 मेको रागी रागी ङा मुरपुकी शुश सक्ति पाइश्‍शो बाक्‍तेक्‍म हना यो, मेको तशा, मुने दोक्‍नीम। मेकोपुकीम आन गुइम आन कुल सुम्‍सीनीम। मिनु मेको आन नोफा लाटा दुम्‍ब।
MIC 7:17 मेकोपुकीम बुस्‍स खोदेंशो नु खपीम ग्रे‍शा गाक्‍ब जन्‍तु खोदेंशो पा, खप तुक्‍नीम। मेको आन बोल्‍यो दरवार रे हिंशा ख्रिंख्रि पा ग्रूनीम। मेकोपुकी हिंशा परमप्रभु यावे, आंइ परमप्रभु गे लेत्‍नीम। मिनु मेकोपुकीमी इन कली मान पा हिंनीम। भजन संग्रह ७२:९
MIC 7:18 इन खोदेंशो परमप्रभु अर्को सु बाक्‍बा ङा? गे ठीक मपशो क्‍याम्‍ब बाक्‍नीनी। इन लीशो मुर आन मरिम्‍शो पतीके माफ गेनीनी। गे गेना हना यो गाइक्‍स ङा गाइक्‍स मबाक्‍नीनी। तन्‍न शिशी पचा कली ग्‍येरशा बाक्‍नीनी। भजन संग्रह १०३:३,८-१३
MIC 7:19 मेकोमी आंइ कली लेंशा शिशी पाइ‍ब। मेकोमी आंइ पाप कली दिम्‍ब। गे आंइ पाप शुश लुक्‍च लशो समुन्‍द्रमी ताइक्‍नीनी।
MIC 7:20 गे याकूब कली इन थमा सुइक्‍तीके कोंइ‍नीनी। मिनु अब्राहाम कली दाक्‍शा मप्रोंइतीके कोंइताक्‍नी। गे साइ ङोंइती आंइ किकी पिप आन कली कसम जशा लोव़ गेशो बाक्‍तीनी। उत्‍पत्ती २८:१३-१५; उत्‍पत्ती २२:१६-१८; लूका १:७३
NAH 1:1 एको निनवे सहर आ पर्बम परमप्रभु यावे आ पशो लोव़ बाक्‍ब। एको एल्‍कोश ङा नहुममी तशा ब्रेक्‍शो लोव़ बाक्‍ब। मेकोमी मार ब्रेक्‍शो बाक्‍ब देंशा हना,
NAH 1:2 परमप्रभु यावे रुश पाइब नु क्‍येक्‍क लेप्‍ब परमप्रभु बाक्‍ब। परमप्रभु यावेमी आ जोरी सत्रु आन कली क्‍येक्‍क लेप्‍ब। मेको आन कली तशा गाइक्‍ब। परमप्रभु यावेमी आ जोरी सत्रु आन कली क्‍येक्‍क लेश्‍शा, मेको आन कली तशा शुश चुरब। प्रस्‍थान २०:५; ब्‍यवस्‍था ४:२४
NAH 1:3 परमप्रभु यावे ओंखां ओंखां पा गाइक्‍ब। तन्‍न मेको ठेयब सक्ति पाइश्‍शो बाक्‍ब। मिनु परमप्रभु यावेमी दोस ताइब आन कली सजाइ मगेथु मप्रोंइब। मेको आ लां फश गिवारम बाक्‍ब। मिनु गोस्‍स मेको आ खोइल ङा फुरक बाक्‍नीम। प्रस्‍थान ३४:६-७
NAH 1:4 मेकोमी ठेयब समुन्‍द्र कली हुइक्‍तानु, सोव़ब। मेकोमी खोला नेल्‍ल आन कली सोव़पाइक्‍ब। बाशान ङा बी ब्‍यफ योव़तीके नु कारमेल पहाड ङा मारेइ मारेइ सोल सुल बेक्‍नीम। लेबानोन ङा फू यो सोल सुल बेक्‍नीम।
NAH 1:5 मेको आ ङोंइती डांडा नेल्‍ल ख्रिंख्रि पाइनीम। मिनु पहाड दिंम दुम्‍नीम। रागी नु रागीम बाक्‍ब नेल्‍ल हिम्‍सीनीम। भजन संग्रह ९७:५
NAH 1:6 परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।
NAH 1:7 परमप्रभु यावे रिम्‍शो पाइब बाक्‍ब। मेको श्‍येत जशो नाक्‍ती ख्रुइश्‍शा ब्रोंइशा बाक्‍तीक बाक्‍ब। सु मेकेर प्रोक्‍शा लाइबा, मेको ख्रुइश्‍शा बाक्‍चा ताइब। ब्‍यवस्‍था ४:३१; भजन संग्रह १:६
NAH 1:8 मेकोमी बारशो ब्‍वाक्‍कुमी निनवे कली खतम सेल्‍‍ब। मेकोमी आ जोरी सत्रु आन कली खेरशा छिङछिङमी सोइक्‍ब।
NAH 1:9 गे मारदे परमप्रभु यावे कली मरिम्‍शो पचा कली लोव़ गारपाइक्‍नीनी? मेकोमी इन कली खतम पोक्‍ब। गे मेको आ पर्बम मरिम्‍शो पचा कली निक्‍शी खेयप बोक्‍ने मचाप्‍नीनी।
NAH 1:10 आ जोरी सत्रु चूम रेश्‍शो खोदेंशो पा रेश्‍शो बाक्‍नीम। मिनु दुक्‍शो मुर खोदेंशो पा दुक्‍नीम। मिनु सोव़शो नल खोदेंशो पा मीम नेक्‍चा पुंइसीनीम।
NAH 1:11 निनवे, परमप्रभु यावे कली मरिम्‍शो पचा कली लोव़ गारपाइक्‍ब नु काइ मरिम्‍शो सल्‍ला पाइब इ दाते रे ग्रूशो बाक्‍नीम।
NAH 1:12 परमप्रभु यावे आ लोव़ मार बाक्‍ब देंशा हना “मेको थम सक्ति पाइश्‍शो नु शुश मुर बाक्‍तेक्‍म हना यो, साइश्‍शा क्‍याम्‍चा पुंइसीनीम। यहूदा, गो इ कली श्‍येत गेतन हना यो, मुल इ कली श्‍येत मगेनन।
NAH 1:13 मिनु मुल गो इ कली श्‍येत गेबपुकी रे प्रोंइनुङ। मिनु इ कली फ्रेंशो डोरी प्रोइक्‍नुङ” दे परमप्रभु यावेमी देंशो बाक्‍ब।
NAH 1:14 निनवे, परमप्रभु यावेमी इ पर्बम लोव़ का अरेशो बाक्‍ब। मेकोमी मार अरेशो बाक्‍ब देंशा हना “मुल रे इ नें वोइक्‍ब मुर सुइ मलीनीम। गो इ परमप्रभु आ खिं रे इ मुशा सेल्‍शो मूर्ति नु चेम्‍शा सेल्‍शो मूर्ति ग्रुंइनुङ। गो इ कली तुरस ठीक सेल्‍नुङ। मारदे हना गे काइ मरिम्‍शो पाइब बाक्‍नेवे” दे अरेशो बाक्‍ब।
NAH 1:15 कोव़ङीन, रिम्‍शो लोव़ पाइब का पहाडम गाक्‍ब। मेकोम थुं नाइक्‍तीक लोव़ शेंब। यहूदा ङा मुरपुकी, इन चाड मानेन। इन कसम जशो खपीन। मारदे हना काइ मरिम्‍शो पाइब इन बाक्‍तीकेमी लेंशा मजाक्‍नीम। मेको नेल्‍ल क्‍याम्‍चा पुंइसाक्‍म।
NAH 2:1 निनवे, इ कली खतम सेल्‍ब जाक्‍शो बाक्‍ब। इ बोल्‍यो दरवार खाल पावो। इ लां रिम्‍शो पा कोव़ङो। इ किप्‍शुर किम्‍सो। इ बोल नेल्‍ल ग्रुंइदो। यसैया ५२:७; नहुम १:११
NAH 2:2 मारदे हना परमप्रभु यावेमी याकूब आ मान ततीके लेश्‍शा गेब। मिनु इस्राएल आ मान ततीके यो लेश्‍शा गेब। मरिम्‍शो पाइबपुकी इ रागी लें‍शा मओव़नीम। मेकोपुकी खतम सेल्‍चा पुंइसीशो बाक्‍नीम।
NAH 2:3 मेको आ लडाइ पाइब आन तेक्‍तीक लल बाक्‍नीम। मिनु मेकोपुकीम लल वा फेक्‍शो बाक्‍नीम। मेको लडाइ पथ लची नाक्‍ती, आन बग्‍गी ङा फलाम टल्‍केसीब। मेको आन तूतीके शेशा हिरनीम।
NAH 2:4 मेको आन बग्‍गीपुकी शुश दोर‍नीम। मेको सहर आ एर ओंथ शुश हिरशा गाक्‍नीम। मेको तोव़शी खोदेंशो तांइसीनीम। चिला दाप्‍शो खोदेंशो पा ग्रूनीम।
NAH 2:5 मेकोमी आ लडाइ पाइब आन कप्‍तान आन कली ब्रेप्‍ब। मेकोपुकी दाइल पा आ ङोंइती जाक्‍नीम। मिनु रीब पा सहर ङा गारो गे दोरनीम। मेकेर आन फाम्‍सीतीके सेल्‍शो बाक्‍ब।
NAH 2:6 ब्‍वाक्‍कु बारशा यीब। मिनु दरवार ख्रिंख्रि पाइब।
NAH 2:7 मेको सहर ङा पिपीम कली ग्‍याइश्‍शा, आ वा प्रुइश्‍शा लाइक्‍नीम। मेको आ वाइलीम नेल्‍ल ग्‍याइश्‍शा ङोन लाइक्‍चा पुंइसीनीम। मिनु मेकोपुकी कुचु तुप्‍शा ढुकुर खोदेंशो पा रोंका पा ङाक्‍नीम।
NAH 2:8 निनवे ब्‍वाक्‍कु शाइक्‍ना शाइक्‍न लाइब दोम्‍ली खोदेंशो बाक्‍ब। मिनु “रिम्‍दो रिम्‍दो” दे ब्रेश्‍शोनु यो, सुइमी लेश्‍शा मकोव़नीम।
NAH 2:9 मेको आ सुन नु चांदी रोइक्‍तीन। आ शोंप हिक्‍ने मचाप्‍चा ङा पा शुश बाक्‍नीम। शुश क्‍येट लाइब मारेइ मारेइ बाक्‍ब।
NAH 2:10 मेको सहर मारेइ मारेइ रोइश्‍शा श्‍येत्‍थ नु खतम पोक्‍चा पुंइसीशो बाक्‍ब। मिनु मुर आन थुं लुक्‍च लाइब, आन पोक्‍च ख्रिंख्रि पाइनीम। मिनु आन ची यो ख्रिंख्रि पशो बाक्‍नीम। मेको आन कुल बेक्‍शो मुर आन कुल खोदेंशो दुम्‍नीम।
NAH 2:11 निनवे सहर ङा गुप्‍स खोदेंशो ठेयब मुर आ दरवार मार दुम्मे? मेको आ गाक्‍तीक नु आ तमी तौ आन बाक्‍तीके मार दुम्‍मे? आ आल मेकेर बाक्‍शो बाक्‍तेक्‍म। मिनु सुइमी मेको आन कली श्‍येत मगेम। यसैया १३:७-८
NAH 2:12 गुप्‍स खोदेंशो ठेयब मुरुमी आ तमी तौ आन कली शुश मार मार खुप्‍शो बाक्‍त। आ मीश कली मारेइ मारेइ चाक्‍शो बाक्‍त। आ दरवार शोंपोम प्रिंशो बाक्‍त। आ पुक्‍खी मार मार साइश्‍शा चाक्‍शा प्रिंशो बाक्‍ब।
NAH 2:13 मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ बग्‍गी चोशा गेनन। मिनु गुप्‍स आ चाइक्‍ब खोदेंशो इ तमी तौ तरवारमी साइक्‍चा पुंइसीनीम। इ रोइश्‍शो, इ साइश्‍शो रागी रे ग्रुंइनुङ। मिनु इ लोव़ कुरब मुर आन सेंदा मनेंसीब” देंशो बाक्‍ब।
NAH 3:1 मिनु निनवे, गे हुश ख्राक्‍श पोक्‍ब सहर बाक्‍नेवे। इ दातेम शुश जोल पतीके बाक्‍ब। गे रोइश्‍शो थोव़कीम ब्रीशो बाक्‍नेवे। इ दातेमी रोइक्‍तीक गेनायो मनुप्‍ब। इजीकीएल ६:२,९
NAH 3:2 मेकेर युक्‍शो रेयके, गुगील आन रेयके, शारा आन प्रेक्‍शो रेय‍के नु बग्‍गी आन दोरशो रेय‍के नेंसीशो बाक्‍ब।
NAH 3:3 शारा ङोइक्‍ब दोरोर पा गाक्‍नीम। आन टल्‍केशो तरवार शेशा, आन तूतीक झिल्‍झील पा कोंइनीम। बेक्‍शो मुर शुश बाक्‍नीम। हिक्‍ने मचाप्‍चा ङा पा साइश्‍शो मुर बाक्‍नीम। मुर शोल्‍मो पा साइश्‍शो बाक्‍नीम। मुरपुकी बेक्‍शो मुर तार दाइल पांइ‍सीन सीन गाक्‍नीम।
NAH 3:4 मेको तेल्‍लेम खोदेंशो सहरम हिक्‍ने मचाप्‍चा ङा पा मरिम्‍शो पतीकेमी रागी रागी ङा मुर आन कली आ खोदेंशो पपाइक्‍तीमी। रिम्‍शो मीश मुर नङ, देंखु पा, आ टुना मुना पतीकेमी जात जात ङा मुर आन कली दूली लां खोइक्‍पाइक्‍तीमी।
NAH 3:5 मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ गुने इ कुल सम्‍म क्‍युक्‍नुङ। मिनु रागी रागी ङा मुर आन कली इ भेत्रे रां कोंइनुङमी। राज्‍य राज्‍य ङा मुर आन कली इ मुने दोक्‍तीक कोंइनुङमी। यसैया ४७:३
NAH 3:6 गो ग्रांग्रा दिशो थोव़क इ तारी ताइश्‍शा, इ कली थम मरिम्‍शो पाइनुङ। मिनु इ कली तशा मुर हिंतीक सेल्‍नुङ।
NAH 3:7 मिनु इ कली ताइब नेल्‍ल इ क्‍येङा हिंशा, नोले शोंइसीनीम। मिनु मेकोपुकीम ‘निनवे खतम दुम्‍त। मेको आ पर्बम सु रोंका पाइबा ङा? गो इ कली लेम्‍ब मुर ते थिन्‍ने चाप्‍नया ङा?’ देंनीम।
NAH 3:8 मार, गे थेबेस सहर क्‍येङा यो रिम्‍शो बाक्‍नेवे? मेको सहर नील खोला आ नेक्‍था बाक्‍शो बाक्‍ब। आ एर ओंथ नेल्‍ल ब्‍वाक्‍कु बाक्‍ब। मिनु मेको ब्‍वाक्‍कुमी मेको कली खाल पशो बाक्‍ब। मेको ब्‍वाक्‍कु गारो खोदेंशो बाक्‍ब। येरमीया ४६:२५
NAH 3:9 एथीयोपीया रागी मेको आ सक्ति बाक्‍त। इजीप्‍त गेना हना यो आ सक्ति बाक्‍त। पूत नु लिबीया ङा मुर मेको कली वारच पाइब बाक्‍तेक्‍म।
NAH 3:10 मो हना यो मेको ग्‍याइश्‍शा ग्रुंइचा पुंइसाक्‍व। मेको आ आलपुकी लांम ताइश्‍‍शा साइक्‍चा पुंइसाक्‍म। आ ठेयब मुर आन कली बाजी आप्‍शा लाइक्‍तेक्‍म। मिनु मेको आन नेल्‍ल क्‍येङा ठेयब मुर नेल्‍ल साङलोमी फ्रेंचा पुंइसाक्‍म। योएल ४:३
NAH 3:11 गे यो दुक्‍शो दुम्‍नेवे। मिनु ख्रुइक्‍थ लाइनेवे। मिनु इ जोरी सत्रु रे पा ब्रोंइचा कली ख्रुंइसीतीक माल्‍नेवे। येरमीया २५:१५
NAH 3:12 इ बोल्‍यो दरवार नेल्‍ल फोव़शी रवा आ ङोंइती मीशो गेडा खोदेंशो बाक्‍नीम। मेको रवा हिम्‍शोनु, मेको ब्‍वाइब आन शोव़मी दोक्‍नीम।
NAH 3:13 इ लडाइ पाइब आन कली कोव़ङो। मेको मीश मुर खोदेंशो बाक्‍नीम। इ रागी ङा ठेयब लाप्‍चो इ जोरी सत्रु आन कली रोक्‍सीशो बाक्‍नीम। लाप्‍चो आन आग्‍लो नेल्‍ल मीम नेक्‍शो बाक्‍नीम।
NAH 3:14 गे पुम्‍चा पुंइसीनेवे। मेको नाक्‍ती कली ब्‍वाक्‍कु प्रिंशा वोतो। इ गारो बोल्‍यो सेलो। हिलो निशा, इंटा सेलो।
NAH 3:15 मेकेर इ कली मीम दाक्‍ब। तरवारमी इ कली साइक्‍ब। मिनु मालेपुकीम मार मार नेक्‍शो खोदेंशो पा इ कली नेक्‍ब। गे माले खोदेंशो पा सोशो बोशो दुमीन। मिनु घांस ब्‍वाइब माले खोदेंशो पा सोशा बोशा शुश दुमीन। योएल १:४
NAH 3:16 गे सरीङ ङा सोरुल क्‍येङा इ ग्‍याप्‍ब लेयब मुर शुश सेल्‍तीवी। मेको माले खोदेंशो पा आन कुशुल ताइश्‍शा बेरनीम।
NAH 3:17 इ कली खाल पाइब घांस ब्‍वाइब माले खोदेंशो बाक्‍नीम। मिनु इ सरकार ङा ठेयब मुर माले आन हुल खोदेंशो बाक्‍नीम। मेको ग्‍यू दुम्‍मेनु, गारो तार बाक्‍नीम। मिनु नां पवानु, मेको नेल्‍ल बेरशा लाइनीम। मेको ते लाइनीमी, सुइमी मतुइक्‍नीम।
NAH 3:18 अस्‍सुर ङा पिप, इ गोठलापुकी इप्‍शो बाक्‍नीम। इ ठेयब मुरपुकी नाइश्‍शा गोल्‍शा बाक्‍शो बाक्‍नीम। इ मुर नेल्‍ल डांडाम ब्रशो बाक्‍नीम। मिनु मेको आन कली खुप्‍ब सुइ मबाक्‍नीम।
NAH 3:19 इ गार कली मारेइम यो सापाइक्‍ने मजाप्‍ब। इ गार बेक्‍चा ङा बाक्‍ब। मिनु इ पर्बम लोव़ नेंब मुर नेल्‍ल शुश हिंनीमी। मारदे हना इ गेनायो मनुप्‍ब मरिम्‍शो पतीकेमी सुइ ब्रोंइने मचाप्‍शो बाक्‍तेक्‍म” देंत।
HAB 1:1 एको परमप्रभु यावे आ लोव़ पाइब हबकुकमी परमप्रभु यावे रे पा नोले दुम्‍ब ततीक तशो बाक्‍ब।
HAB 1:2 मिनु हबकुकमी “परमप्रभु यावे, गो गेना सम्‍म इन कली ‘वारच पन’ दे पुंइनुङा? गे काइ मनेंनीनी? ‘हुश ख्राक्‍श पोक्‍नीम’ दे थोइनुङ। तन्‍न गे काइ मप्रोंइनीनी।
HAB 1:3 गे मारदे आं कली मरिम्‍शो पशो तपाइक्‍नीनी? गे मारदे आं कली श्‍येत जशो तपाइक्‍नीनी? खतम सेल्‍तीके नु जिचा पोक्‍तीक आं ङोंइती बाक्‍नीस। तेइ तेइ राम्‍शी पचा नु जिचा ला पोक्‍नीम।
HAB 1:4 मिनु इन अरेशो मपाइनीम। ठीक पाइबपुकीमी ग्राने मचाप्‍नीम। इन अरेशो मटीबपुकीमी ठीक पाइब आन कली पुम्‍नीम। मिनु निसाफ पतीके दूली दुम्‍ब” देंती।
HAB 1:5 मिनु परमप्रभुमी आं कली “रागी रागी ङा मुर आन कली कोव़ङो। मेको आन कली कोव़शा, गे छक लाक्‍नेवे। मारदे हना इन ब्रोंइतीक नाक्‍तीमी गेय का पशो बाक्‍ब। मेको इ कली देंतेक्‍म हना यो, गे मेको थमा मसुइक्‍नेवे। प्रेरित १३:४१
HAB 1:6 गो कल्‍दी ङा मुर आन कली पोक्‍‍नुङमी। मेको हिंचा ङा नु शिशी मपाइक्ब बाक्‍नीम। मेकोपुकीमी रागी नेल्‍ल कली ग्राशा, मुर आन खिं नु बाक्‍तीके रोइक्‍नीम।
HAB 1:7 मेकोपुकी श्‍येत गेब नु शुश हिंचा ङा बाक्‍नीम। मिनु ‘मार ठीक निसाफ पतीके बाक्‍बा? सु मान ताइब बाक्‍बा’ दे आंमान दें‍नीम।
HAB 1:8 मेको आन शारा जोइ आन क्‍येङा रीब पा दोरब बाक्‍नीम। मिनु नाक्‍दो ग्रूब फर खोदेंशो पा साइक्‍ब बाक्‍नीम। मेको आन शारा बारनीम। मेको आन शारा ङोइक्‍ब ङोन रागी रे जाक्‍नीम। ककाकुली खोदेंशो पा बेरशा, रीब पा सिखार ग्‍याइक्‍नीम। सेफन्‍याह ३:३
HAB 1:9 मेकोपुकी ङोंइती बारशा, हुश ख्राक्‍श पोक्‍‍चा कली जाक्‍नीम। मिनु मुर आन कली बाल्‍वा खोदेंशो हिक्‍ने मचाप्‍चा ङा पा शुश ग्‍याइश्‍शा, खुप्‍नीम।
HAB 1:10 मिनु पिप आन पर्बम शुक्‍शी पाइनीम। हुकुम पाइब आन पर्बम तोक्‍शो लोव़ पा रित्‍नीम। मेकोपुकीमी बोल्‍यो दरवार आन पर्बम ‘गो ग्रानय’ दे खप तेल्‍शा ङोइश्‍शा लशा, आंम के सेल्‍नीम।
HAB 1:11 मेको फश खोदेंशो पा गाक्‍नीम। मिनु पाप पा दोस ताइब दुम्‍‍नीम। मेकोपुकीमी आंम सक्ति कली ला थमा सुइक्‍नीम” देंत।
HAB 1:12 मिनु हबकुकमी “परमप्रभु यावे, आं परमप्रभु, गे का ला आं परमप्रभु बाक्‍नीनी। गो मबेक्‍नीकी। परमप्रभु यावे, गे मेको आन कली निसाफ पचा कली योव़तीनी। गे, आं सेरथे फुल्‍लु, गे मेको आन कली सजाइ गेचा कली वोइक्‍तीनी। येरमीया १०:२४
HAB 1:13 गे मरिम्‍शो पशो काइ तने मचाप्‍नीनी। मरिम्‍शो पशो फाल्‍ने मचाप्‍नीनी। मोदेंशो बाक्‍त हना यो, थम मरिम्‍शो पाइब आन कली तशा, मारदे मारेइ मदेंनीनी? इन अरेशो मटीबपुकीमी आंम क्‍येङा ठीक पाइब मुर आन कली सद‍मेनु, गे मारदे सिक्‍सी पा बाक्‍नीनी?
HAB 1:14 गे मुर आन कली समुन्‍द्र ङा ङांइ खोदेंशो सेल्‍तीनी। सासन पाइब मबाक्‍शो ग्रेशा गाक्‍ब आइक्‍च जन्‍तु खोदेंशो सेल्‍तीनी।
HAB 1:15 मिनु आन जोरी सत्रुमी नेल्‍ल आन कली बोल्‍सीमी खोदेंशो पा रेत्‍नीम। मेको आन कली ग्‍याइलीम पिक्‍शा, ग्रुंइनीम। आन ग्‍याइक्‍तीकेमी खुप्‍नीम। मिनु ङांइ रेश्‍शो खोदेंशो पा ग्‍येरशो बाक्‍नीम।
HAB 1:16 मोपतीके मेकोपुकीमी आन ग्‍याइल कली क्‍योरशा चढ़ेनीम। आन ग्‍याइक्‍तीके कली चोशा चढ़ेनीम। मारदे हना मेको ग्‍याइल नु ग्‍याइक्‍तीके रे पा शुश तशा, ब्रोव़शो जाइनीम।
HAB 1:17 मार, मेकोपुकीमी आन ग्‍याइलीम रेन्‍ना रेन्‍न, रागी रागी ङा मुर आन कली शिशी मपथु, खतम सेल्‍ना सेल्‍न बाक्‍चा गेनीनी?” दे हबकुकमी परमप्रभु कली देंत।
HAB 2:1 गो नेल्‍ल तचा ङा पा राप्‍शा बाक्‍नुङ। गो गारो ङोइश्‍शा कोव़नुङ। मिनु परमप्रभु यावेमी आं कली मार देंबा, मेको नेल्‍ल तशा नेंशा बाक्‍नुङ। आं कली मारेइ लोव़ लेप्‍बा कों, दे रिम्‍नुङ। यसैया २१:८
HAB 2:2 मिनु नोले परमप्रभु यावेमी आं कली “गे इ तशो नेंशो ब्रेक्‍तो। रिम्‍शो पा रुप्‍चा ङा पा फुल्‍लु तार ब्रेक्‍तो। मिनु सु मेकेर लाइबा, मेकोम रीब पा पढेने चाप्‍ब। यसैया ३०:८; प्रकाश १:११,१९
HAB 2:3 मारदे हना इ त‍शो आं देंशो नाक्‍ती जाक्‍ब। मेको दीसा नित्‍थी मदुम्‍त हना यो, मेको कली रिम्‍शा बाक्‍को। मेको थमा पा दुम्‍ब। देश मपाइब। इजीकीएल १२:२३; २ पत्रुस ३:९
HAB 2:4 गे ठेयब लेश्‍शो कली कोव़ङो। मेको आ थुं मरिम्‍शो बाक्‍ब। तन्‍न ठीक पाइब आं कली थमा सुइश्‍शा ब्रोंइब।
HAB 2:5 मिनु शुश शोंप कली थमा सुइक्‍चा दूली बाक्‍ब। ठेयब लेश्‍शो मुर मलीब। मेको आ शोव़ तुरस खोदेंशो पा पाक्‍शा बाक्‍ब। बेक्‍पाइक्‍ब खोदेंशो पा गेनायो मरूब। रागी रागी ङा मुर नेल्‍ल आन कली खुप्‍शा आंम के सेल्‍ब” देंत।
HAB 2:6 मिनु “मुर नेल्‍लेमी मोदेंशो मुर आ पर्बम मुने तोक्‍चा ङा लोव़ पाइनीम। मेको आ पर्बम शुक्‍शी लोव़ पा, आबी आबी, गे अरु मुर आन शोंप आंम कली तेल्‍तीवी। गे गेना सम्‍म अरु मुरुमी इ कली गेशो क्‍येट आंम कली वोइक्‍नेवे?
HAB 2:7 मार, इ कली जेर गेबपुकी कालेमीन मबोक्‍नीमी ङा? मेकोपुकी सेंसीशा इ कली महिंपाइक्‍नीमी ङा? मेना गे श्‍येत जाइब दुम्‍नेवे।
HAB 2:8 मारदे हना गे रागी रागी ङा शुश मुर आन शोंप रोइक्‍ताक्‍नी। मुल चहिं इ साइक्‍तीक रे ब्रोंइशोपुकीमी इ के बाक्‍शो नेल्‍ल रोइक्‍नीम। गे मुर आन कली हुश ख्राक्‍श पोक्‍तीवी। गे रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत। हबकुक २:१७
HAB 2:9 “आबी आबी, गे मरिम्‍शो पा क्‍येट चेम्‍नेवे। मोपा इ खिं ङा मुर आन कली खतम सेल्‍नेवे। तन्‍न गे ‘श्‍येत मजाइनुङ’ दे इ खिं इर सेल्‍तीवी।
HAB 2:10 गेम शुश जात जात ङा मुर साइक्‍तीके, इ खिं ङा मुर आन कली मुने तोक्‍शा, साइक्‍चा पुंइसीनेवे।
HAB 2:11 गारो ङा फु‍ल्‍लुमी इ पर्बम ‘वारच पने’ दे ग्रीनीम। मिनु थाम आ तार ङा शीमी मेको कली लोव़ लेप्‍ब” देंत। लूका १९:४०
HAB 2:12 “आबी आबी, गे हुश ख्राक्‍श पोक्‍तीकेमी, सहर का सेल्‍तीवी। गे ठीक मपतीकेमी सहर आ जग वोइक्‍ब बाक्‍नेवे। येरमीया २२:१३; मीका ३:१०
HAB 2:13 जात जात ङा मुर आन गेय नेल्‍ल मी कली ला दुम्‍ब। रागी रागी ङा मुरपुकी मली‍चा ङा गेय पचा कली सोम्‍सीनीमी, दे मुर नेल्‍ल आन परमप्रभु यावे आ देंशो मबाक्‍बा ङा? येरमीया ५१:५८
HAB 2:14 तन्‍न रागी नेल्‍ल परमप्रभु यावे आ सक्ति ङा तुइक्‍तीकेम ब्रीशो बाक्‍ब। ब्‍वाक्‍कुमी समुन्‍द्र ब्रीशो खोदेंशो पा ब्रीशो बाक्‍ब” देंत। यसैया ११:९
HAB 2:15 “आबी आबी, गे इ नेक्‍था बाक्‍ब मुर आन कली मुने तोक्‍चा कली इ दुक्‍तीक थोव़क तुंइशा दुक्‍पाइक्‍नेवे।
HAB 2:16 गे ठेयब दुम्‍चा क्‍येङा शुश मुने दोक्‍नेवे। मुल इ पालो जाक्‍त। गे यो तूशा, दुक्‍शा दाइल पांइसो। परमप्रभु यावेमी आ ग्‍युरा गुइ ङा कचौरा इ कली गे‍ब। मिनु इ ठेयब दुम्‍तीके मुने दोक्‍ब। येरमीया २५:१५,२६
HAB 2:17 गे लेबानोन ङा ठेयब रवा नेल्‍ल तिम्‍तीवी। मेकेर ङा ब्‍वाकी ङा जन्‍तु नेल्‍ल आन कली मरिम्‍शो पाप्‍तीवी। मेको इ मरिम्‍शो पतीके क्‍येक्‍क लेत्‍चा पुंइसीब दुम्‍नेवे। मारदे हना गे मुर आन कली हुश ख्राक्‍श पोक्‍तीवी। मिनु रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत।
HAB 2:18 मिनु “मूर्तिम मार गेय पने चाप्‍बा ङा? मुर आ चेम्‍शो मूर्ति जोल ला बाक्‍ब। मारदे हना मेको चेम्‍बमी आंम चेम्‍शो मूर्ति कली थमा सुइक्‍ब। तन्‍न मेको मूर्ति ब्‍वाक्‍ने मचाप्‍ब। यसैया ४४:१०-२०
HAB 2:19 आबी आबी, गे शी कली ‘सेंसो’ दे ब्‍वाक्‍ने मचाप्‍ब फुल्‍लु कली ‘बोक्‍को’ देंनेवे। मार, मेकोमी मुर कली शेंने चाप्‍बा? मेको सुन चांदीमी गिल्‍शो बाक्‍त। तन्‍न मेको नु काइ ब्रोंइतीक सोक्‍त मबाक्‍ब। भजन संग्रह ११५:४-८
HAB 2:20 मिनु परमप्रभु यावे आंम आ बाक्‍तीकेमी बाक्‍ब। रागी नेल्‍ल मेको आ ङोंइती मान पा सिक्‍सी पवल” देंत। भजन संग्रह ११:११; भजन संग्रह ७६:९; जकरिया २:१७; प्रेरित ८:३
HAB 3:1 परमप्रभु यावे आ लोव़ पाइब हबकुकमी परमप्रभु यावे कली लोव़ पा कुम्‍सो पा ठेयब सेल्‍तु।
HAB 3:2 “परमप्रभु यावे, गो इन पशो नेल्‍ल नेंता। परमप्रभु यावे, गो इन पशो तशा, इन कली ठेयब सेल्‍नुङ। आंइ ब्रोंइतीक नाक्‍तीमी मेको लेंशा कोंइदीन। मेको तुइक्‍पतीन। गे गाइक्‍ताक्‍नी हना, यो इन शिशी मिम्‍तीन।
HAB 3:3 परमप्रभु तेमान रे पा जाक्‍त। मेको का ला परमप्रभु पारान डांडा रे जाक्‍त। ठेयब सेंदा पा आ ठेयब दुम्‍तीकेमी सरीङ सुम्‍शो बाक्‍त। आ मान ततीकेम रागी नेल्‍ल ब्रीशो बाक्‍त। ब्‍यवस्‍था ३३:२
HAB 3:4 मेको आ छेङछेङ नां दाप्‍शो खोदेंशो बाक्‍त। आ गुइ रे पा चेयरे ग्रूशो बाक्‍त। मेकेर आ सक्ति ख्रुइश्‍शो बाक्‍ब।
HAB 3:5 आ ङोंइती मुर आन कली साइक्‍तीक रोइ लत। आ नोले मुर बेक्‍तीक रोइम खोइक्‍तु।
HAB 3:6 मेको गाक्‍‍शा नाइश्‍शा, रागी हिम्‍पाइक्‍तु। मेकोमी कोव़ङानु, रागी रागी ङा मुर आन कली ख्रिंख्रि पपाइक्‍तु। गेना हना यो बाक्‍ब डांडा ब्रेत्‍नीम। मेको गेना हना यो लीब पहाड नेल्‍ल यशो खोदेंशो पा दिंम दुम्‍तेक्‍म। मेकोमी साइ ङोंइती रे मोदेंशो पशो बाक्‍त। भजन संग्रह १०४:३२
HAB 3:7 गो कुशन रागी ङा ताम्‍बुमी बाक्‍ब आन कली श्‍येत जशो ताता। मिदयान ङा ताम्‍बु आन सुम्‍तीके हिम्‍साक्‍म।
HAB 3:8 परमप्रभु यावे, गे खोलापुकी नु गाइक्‍तीनी? गे ठेयब समुन्‍द्र आ पर्बम चुरनी? इन शारा नु बग्‍गी आन कली लां कोंइशा ग्रातीनी।
HAB 3:9 गे इन लिब्रा ग्रुंइताक्‍नी। गे इन ब्रा ते देंनी मेक लत। गे खोला शाइक्‍‍तीकेमी रागी कली चेत्‍तीनी।
HAB 3:10 मिनु डांडापुकी इन कली तशा रोम्‍सीनीम। ठेयब रेउ यित। ठेयब समुन्‍द्र आ रेयके नेंसाक्‍व। भजन संग्रह ७७:१७
HAB 3:11 इन आप्‍शो ब्रा जिल पा ब्रशा बेरमेनु, इन तूतीक जिल्‍मील पवानु, नां मसोव़। मिनु तास्‍ला सरीङम नांइसाक्‍व। यहोसु १०:१३
HAB 3:12 गे गाइश्‍शा रागी तार गाक्‍तीनी। चुरशा रागी रागी ङा मुर आन कली दिप्‍शा साइक्‍तीनी।
HAB 3:13 गे इन आंम योव़शो मुर आन कली प्रोंइचा, दे जाक्‍तीनी। इन तेल लुक्‍शो मुर कली प्रोंइथ जाक्‍तीनी। तन्‍न गे इन अरेशो मटीब रागी ङा ठेयब मुर आ खिं तला तारी रे जग सम्‍म प्रेत्‍तीनी। भजन संग्रह १८:८,१६
HAB 3:14 मिनु गे मेको आ लडाइ पाइब आन ब्राम आन पिया ख्रित्‍तीनी। मेकोपुकी ख्रुइश्‍शा बाक्‍ब प्रुङग मुर आन कली साइक्‍चा थुं पा फश गिवार खोदेंशो पा जाक्‍शो बाक्‍‍तेक्‍म।
HAB 3:15 गे ठेयब समुन्‍द्रमी आन शारा ओव़पाइश्‍शा, ठेयब ब्‍वाक्‍कु नेल्‍ल शाक्‍पाइक्‍तीनी। प्रस्‍थान १४:२६-२९
HAB 3:16 गो इन सेंदा नेंनुनु, ख्रिंख्रि पाता। आं शोव़ यो ख्रिंख्रि पाप्‍तु। आं रुश आगा नेल्‍ल मुक्‍ताक्‍मे। खोइल ख्रिंख्रि पाप्‍तु। मो हना यो आंइ कली मरिम्‍शो पाइब मुर आन कली श्‍येत दुम नाक्‍ती कली रिम्‍शा बाक्‍ती।
HAB 3:17 फोव़शी रवा मबोइक्‍ब। अङगुर बोट मसिप्‍ब। तेल रवाम फल काइ मसिप्‍ब। रूमी अन्‍न मसिप्‍ब। गोठीम बी ब्‍यफ नु क्‍यारश भेडा मबाक्‍त हना यो,
HAB 3:18 गो परमप्रभु यावे कली तुइश्‍शा ग्‍येरसी‍नुङ। मिनु आं कली श्‍येत रे प्रोंइब परमप्रभु कली ठेयब सेल्‍शा ग्‍येरसीनुङ। यसैया ६१:१०
HAB 3:19 परमप्रभु यावे, आं परमप्रभु आं सक्ति बाक्‍ब। मेकोमी आं खोइल किश्‍श आ खोइल खोदेंशो सेल्‍ब। मेकोमी आं कली ठेयब लाइश्‍शो डांडामी लतीक सक्ति गेब” दे कुम्‍सो पाप्‍तु। मेको कुम्‍सो शेंब कली तार पाइश्‍शो ताप्‍तीके ताप्‍शा, मेको कुम्‍सो पपाइक्‍चा माल्‍ब। भजन संग्रह १८:३४
ZEP 1:1 यहूदा ङा पिप आमोन आ तौ योसीयाहमी सासन पवा ना परमप्रभु यावेमी सेफन्‍याह कली लोव़ पाप्‍तु। सेफन्‍याह आ आफ कूशी बाक्‍माक्‍त। कूशी आ आफ गेदाल्‍याह बाक्‍माक्‍‍त। गेदाल्‍याह आ आफ अमारयाह बाक्‍माक्‍‍त। मिनु अमारयाह आ आफ हिज्‍कीयाह बाक्‍माक्‍त। येरमीया १:२
ZEP 1:2 परमप्रभु यावेमी मार लोव़ पाप्‍तु देंशा हना “गो रागी नेल्‍ल ङा मारेइ मारेइ खतम सेल्‍नुङ।
ZEP 1:3 मुर नु बी ब्‍यफ, क्‍यारश भेडा, जन्‍तु नेल्‍ल आन कली खतम सेल्‍नुङ। सरीङ ङा चिक्‍ब, समुन्‍द्र ङा ङांइ नेल्‍ल आन कली साइक्‍नुङमी। रागी ङा मुर नेल्‍ल आन कली खतम सेल्‍नुङ। परमप्रभु यावे आ अरेशो मटीब आन कली दाइल पपाइक्‍नुङ। गो मुर नेल्‍ल आन कली रागी नेल्‍ल रे क्‍याम्‍नुङ। मत्ती १३:४१
ZEP 1:4 गो यहूदा रागी नु यरूसलेममी बाक्‍ब मुर नेल्‍ल आन पर्बम आं गुइ क्‍युक्‍नुङ। मिनु मेकेर बाल देवता कली पूजा पतीके नु मेको कली चढ़ेब आन नें मलीचा ङा पा क्‍याम्‍नुङ। २राजा २३:५; होसे १०:५
ZEP 1:5 खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१
ZEP 1:6 गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी।
ZEP 1:7 परमप्रभु, परमप्रभु यावे आ ङोंइती सिक्‍सी पने। मारदे हना परमप्रभु यावे आ नाक्‍त जाक्‍चा चिक्‍शो बाक्‍ब। परमप्रभु यावेमी चढ़ेतीक चाड का ठीक पाप्‍तु। परमप्रभु यावेमीआ ब्रेश्‍शो मुर आन कली ठीक सेल्तीमी। हबकुक २:२०
ZEP 1:8 परमप्रभु यावे आ चढ़ेतीक नाक्‍त गो सरकार आ ठेयब मुर, पिप आ तौपुकी नु अर्को रागी ङा मुर आन वा फेक्‍ब नेल्‍ल आन कली सजाइ गेनुङमी। हबकुक २:२०
ZEP 1:9 मेको नाक्‍त सु सु लाप्‍चो रे ओव़नीमी, मेको आन कली सजाइ गेनुङ। मारदे हना मेकोपुकीमी आन होव़प आ खिं तुम्‍‍मुचा, जिचा खेचा नु जोल पतीकेमी प्रिंनीम” देंत।
ZEP 1:10 मिनु परमप्रभु यावेमी “मेको नाक्‍त ङांइ लाप्‍चो रे ठेयब सेंदा पा ङाक्‍शो, नक सहर रे रोंका पशो नु डांडा रे पा ठेयब रेयके पशो नेंसीब।
ZEP 1:11 गे माकतेशम बाक्‍बपुकी रोंका पने। मारदे हना ग्‍याप्‍ब लेयब नेल्‍ल खतम दुम्‍तेक्‍म। चांदी नाक्‍ब नेल्‍ल क्‍याम्‍चा पुंइसाक्‍म। माकतेश यरूसलेम सहर ङा बजार का बाक्‍त।
ZEP 1:12 मेना गो यरूसलेममी बत्ती दाशा मुर आन कली माल्‍शा, सजाइ गेनुङ। मारदे हना मेकोपुकीमी अल्‍सी पा आन थुंमी ‘परमप्रभु यावेमी रिम्‍शो नु मरिम्‍शो मारेइ यो मपाइब’ दे मिम्‍नीम।
ZEP 1:13 मेको आन शोंप नेल्‍ल रोइक्‍चा पुंइसीनीम। मेको आन खिं ब्रेत्‍नीम। मेकोपुकीमी खिं सेल्‍तेक्‍म हना यो, मेकेर बाक्‍चा मताइनीम। मेकोपुकीम अङगुर ख्रुम्‍तेक्‍म हना यो, अङगुर शांबु तूचा मताइनीम। ब्‍यवस्‍था २८:३०,३९; आमोस ५:११
ZEP 1:14 परमप्रभु यावे आ ठेयब नाक्‍त जाक्‍चा चिक्‍शो बाक्‍ब। मेको रीब पा जाक्‍ब। नोफा दाइश्‍शा नेनीन। परमप्रभु यावे आ ठेयब नाक्‍त, श्‍येत ङा नाक्‍त बाक्‍ब। लडाइ पाइबपुकी थम ठेयब सेंदा पा ग्रीनीम। योएल १:१५
ZEP 1:15 मेको नाक्‍त गाइक्‍चा ङा नाक्‍त दुम्‍ब। श्‍येत नु हिंचा ङा नाक्‍त दुम्‍ब। नेल्‍ल ब्रेत्‍तीक नु खतम दुम्‍तीक नाक्‍त दुम्‍ब। मेको नाक्‍त छिङछिङ नु हिंचा ङा दुम्‍ब। गोस्‍सुम गिल्‍शो नु शुश छिङछिङ ङा नाक्‍त दुम्‍ब।
ZEP 1:16 गारोम हिरशो सहरपुकी नु गारो ङा कुनाम बाक्‍शो लाइश्‍शो खिं आन कली लडाइ तोचा कली तुराही ताप्‍शो नु लडाइ ङा रेयके पशो नेंसीब। येरमीया ३०:७
ZEP 1:17 गो मुर आन कली शुश श्‍येत गे‍नुङ। मिनु मेको मिक्‍च मताइब खोदेंशो पा गाक्‍नीम। मारदे हना मेकोपुकीम परमप्रभु यावे आ ङोंइती पाप पाम्‍तेक्‍म। मेको आन हुश फुरक खोदेंशो नु श्‍ये ख्री खोदेंशो पा ताइक्‍नीम।
ZEP 1:18 परमप्रभु यावे गाइक्‍ची नाक्‍ती मेको आन चांदीमी मप्रोंइब। मेको आन सुनमी यो मेको आन कली प्रोंइने मचाप्‍ब। मेको आ मी खोदेंशो पा गाइक्‍तीकेमी रागी नेल्‍ल क्रोइक्‍ब। मेकोमी रागीम बाक्‍ब नेल्‍ल आन कली थम मरिम्‍शो पा साइश्‍शा क्‍याम्‍ब” दे परमप्रभु यावेमी देंत। इजीकीएल ७:१९
ZEP 2:1 मिनु मेकोमी “गे मुने मपाइश्‍शो रागी ङा मुर, गे नेल्‍ल काथा बुक्‍कीन।
ZEP 2:2 इन नाक्‍त फशेम बेरशो भूस खोदेंशो पा लाक्‍नीम। आ योव़शो नाक्‍त जाक्‍चा, परमप्रभु यावे आ शुश गाइश्‍शो इन तार जुक्‍चा नु परमप्रभु यावे आ गाइश्‍शो नाक्‍त जाक्‍चा क्‍येङा ङोंइती,
ZEP 2:3 गे रागी ङा परमप्रभु यावे आ ङोंइती ठीक पाइब नु ब्रेम्‍शो मुरपुकी परमप्रभु यावे कली मालीन। गे ठीक पाइब नु ब्रेम्‍शो थुं पाइश्‍शो दुम्‍चा मालीन। मिनु परमप्रभु यावेमी आ गाइश्‍शो नाक्‍त इन कली ख्रुइक्‍बा कों? आमोस ५:१५
ZEP 2:4 गाजा मुर मबाक्‍थु, श्‍येत्‍थ दुम्‍ब। अश्‍कलोन नेल्‍ल ब्रेश्‍शा खतम दुम्‍शा प्रोंइसीब। नाक्‍ती उइक्‍थ दुम्‍मेनु अश्‍‍दोद ङा मुर खेरचा पुंइसीनीम। एक्रोन चहिं तुल्‍चा पुंइसीब।
ZEP 2:5 आबी आबी, समुन्‍द्र आ शुंगीम बाक्‍ब केरेथी जात ङा मुर परमप्रभु यावे आ लोव़ इन कली ‘गे पलिस्‍ती आन रागी बाक्‍ब, कनानी, इ कली सुइ मुर मबाक्‍चा ङा पा खतम सेल्‍नुङ’ देंत। १सामुएल ३०:१४; येरमीया ४७:-
ZEP 2:6 केरेथी आन बाक्‍तीक समुन्‍द्र आ शुंगी ङा रागी बी ब्‍यफ, क्‍यारश भेडा योव़तीके दुम्‍ब। भेडा गोठला आन बाक्‍तीक दुम्‍ब। मेको आन भेडा मेकेर वोइक्‍नीम।
ZEP 2:7 मेको समुन्‍द्र आ शुंगी ङा रागी यहूदा आ खिं ङा लीशो मुर आन के दुम्‍ब। मेकोपुकीमी मेकेर आन बी ब्‍यफ, क्‍यारश भेडा योव़नीम। नाक्‍दो मेकोपुकी अश्‍कलोन आ खिंपुकीम इप्‍नीम। मारदे हना परमप्रभु यावे, आन परमप्रभुमी मेको आन कली कोव़ब। मिनु मेको आन कली ङोंइती खोदेंशो पा रिम्‍शो पा बाक्‍चा गेब” देंत। सेफन्‍याह ३:२०
ZEP 2:8 मिनु “गो मोआब नु अम्‍मोनी आन शुक्‍शी पशो नेंता। मेकोपुकीमी आं मुर आन कली मरिम्‍शो पाम्‍तेक्‍म। मेको आन रागी कली ‘खतम पोक्‍नीक’ दे हिंच कोंइताक्‍म। येरमीया ४८:-; येरमीया ४९:१-६
ZEP 2:9 मोपतीके मुर नेल्‍ल आन परमप्रभु यावे, इस्राएली आन परमप्रभुमी ‘गो ब्रोंइशा बाक्‍शो खोदेंशो पा, मोआब सोदोम खोदेंशो नु अम्‍मोन गोमोररा खोदेंशो दुम्‍ब। मेको आन बाक्‍तीके चूले वाशो नु हिक्‍सी खाल्‍टा बाक्‍शो रागी दुम्‍ब। मेको गेना हना यो मुर मबाक्‍तीक रागी दुम्‍ब। आं लीशो मुरपुकीमी मेको आन मार मार रोइक्‍नीम। मिनु आं रागी ङा ब्रोंइशो मुरपुकीमी मेकेर हुकुम पाइनीम। उत्‍पत्ती १९:२४-२५
ZEP 2:10 मेको आन ठेयब लेश्‍शो आ पा ङा मोदेंशो ताइनीम। मारदे हना मेकोपुकीमी मुर नेल्‍ल आन परमप्रभु यावे आ मुर आन कली शुक्‍शी पा आंम कली ठेयब सेल्‍शो बाक्‍नीम।
ZEP 2:11 परमप्रभु यावेमी मेको आन कली थम मरिम्‍शो पाइब। रागी ङा देवी देवता नेल्‍ल आन कली खतम पोक्‍ब। नेल्‍ल आन बाक्‍तीकेमी बाक्‍शा, मेको आ ङोंइती बाप्‍चा माल्‍नीम। रागी रागी समुन्‍द्र आ सुंगी नु टापु ङा मुर नेल्‍ल परमप्रभु यावे आ ङोंइती बाप्‍नीम’ देंत।
ZEP 2:12 गे एथीयोपीया ङा मुर यो आं तरवारमी साइक्‍चा पुंइसीनीनी” दे परमप्रभु यावेमी देंत। इजीकीएल ३०:९
ZEP 2:13 मेकोमी उत्तर गे आ गुइ दिंशा अस्‍सुर कली खतम पोक्‍ब। निनवे कली कोक्‍त नु गोरशो रागी खोदेंशो सेल्‍ब। नहुम १:१
ZEP 2:14 मेकेर बी ब्‍यफ नु ब्‍वाकी ङा जन्‍तु नेल्‍ल इप्‍नीम। गोरशो रागी ङा बुक्‍स नु ग्रीब बुक्‍सपुकीम मेको आन थाम तारी ग्‍योव़ सेल्‍नीम। बुक्‍स झेल रे पा ग्रीनीम। खदपुकी लाप्‍चोम ग्रीनीम। मिनु दारपाइक्‍चा कली क्‍येप्‍शो शी नेल्‍ल लां रे तांइसीब। यसैया १३:२१; यसैया ३४:११
ZEP 2:15 मेको महिंथु थुं नाइश्‍शा बाक्‍ब सहर मबाक्‍बा ङा? मेकोमी आंम कली “गो गोन नङ। आं क्‍येङा लाक्‍शा अरु सुइ मबाक्‍नीम” देंत। मेको मुल दोदेंशो पा ब्रेश्‍शो दुम्‍मे? मेको ब्‍वाकी ङा जन्‍तु आन बाक्‍तीके दुम्‍त। मेको लां रे पा गाक्‍ब नेल्‍ल मेको तशा आबी, दे हिंशा ख्रिंख्रि पाइनीम। यसैया ४७:८
ZEP 3:1 मेकोमी “आं देंशो गेनायो मटीब, ग्रांग्रा दिचा ङा नु मुर आन कली दिप्‍ब सहर बाक्‍ब।
ZEP 3:2 मेकोमी सुइ आन देंशो मटीब। रिम्‍शो पचा कली हुइश्‍शो लोव़ मनेंब। मेकोमी परमप्रभु यावे कली थमा मसुइक्‍थु, आ परमप्रभु आ नेक्‍था मजाक्‍ब।
ZEP 3:3 मेको सहर ङा सरकार ङा ठेयब मुर ग्रीब गुप्‍स खोदेंशो बाक्‍नीम। मेको आ निसाफ पाइब नाक्‍दो गाक्‍शा, सुनी सम्‍म मारेइ महेंब फर नम। इजीकीएल २२:२७
ZEP 3:4 मेको आ परमप्रभु यावे आ लोव़ पाइबपुकी हेंथे पाइब नु थमा मसुइक्‍चा ङा मुर बाक्‍नीम। मेको आ चढ़ेबपुकीमी परमप्रभु यावे आ खिं ग्रांग्रा दिशो सेल्‍नीम। मेकोपुकीम परमप्रभु यावे आ अरेशो लोव़ हेंथे सेल्‍तेक्‍म। मीका ३:११
ZEP 3:5 मेको आन दा‍तेम बाक्‍ब परमप्रभु यावे ठीक पाइब बाक्‍ब। मेकोमी मारेइ मरिम्‍शो मपाइब। मेकोमी सुनी कुस कुस निसाफ पाइब। तेकोइ सुनी मप्रोंइब। तन्‍न ठीक मपाइबपुकी मुने दोक्‍शा लल मजिनीम।
ZEP 3:6 गो रागी रागी ङा मुर आन कली खतम पोक्‍ता। मेको आन ब्रोंइशा बाक्‍तीक खिं प्रेश्‍शा गेता। मेको आन लां नेल्‍ल श्‍येत्‍थ सेल्‍ता। मेकेर रे सुइ मगाक्नीम। मेको आन सहरपुकी श्‍येत्‍थ बाक्‍नीम। मेकेर सुइ मुर मबाक्‍नीम।
ZEP 3:7 मो पङा नोले मेको सहर ङा मुरपुकी आं कली तशा मान पा हिंनीम। आं देंशो पाइनीम, दे मिम्‍ताङ। तन्‍न मेकोपुकीमी ङोंइती क्‍येङा मरिम्‍शो गेय पाम्‍तेक्‍म” देंत।
ZEP 3:8 परमप्रभु यावेमी “मोपतीके लोव़ पचा कली गो मजाक्‍ङा सम्‍म आं कली रिम्‍शा बाक्‍कीन। गो रागी रागी ङा मुर आन कली खुप्‍‍नुङ। गो राज्‍य राज्‍य ङा मुर आन कली ग्रुम्‍पाइ‍क्‍नुङ। मेको आन तारी आं गाइश्‍शो मोइक्‍नुङ। मारदे हना आं मी खोदेंशो पा गाइश्‍शोमी रागी रागी नेल्‍ल ग्रोइश्‍शा खतम दुम्‍नीम। योएल ४:२; भजन संग्रह ७९:६
ZEP 3:9 मेना जात जात ङा मुर आन कली रिम्‍शो लोव़ पाइब सेल्‍नुङ। मिनु मेको नेल्‍लेमी परमप्रभु यावे कली पुंइशा ठेयब सेल्‍मेक्‍ल। मेको नेल्‍ल गारशा आ गेय पामेक्‍ल।
ZEP 3:10 मिनु आं नें ठेयब सेल्‍ब एथीयोपीया ङा खोला आइक्‍ची हांम ङा ब्रशा बाक्‍शो आं मुरपुकीमी आं कली चढ़ेतीक थोव़क चाक्‍नीम। भजन संग्रह ६८:३२; यसैया १८:१; प्रेरित ८:२७
ZEP 3:11 मेको नाक्‍त आं कली मटिशो आ पर्बम गे मुने दोक्‍चा ममाल्‍नीनी। मेना इ दाते ङा ठेयब लेश्‍शो मुर आन कली ग्रुंइनुङमी। आं डांडामी गे लेंशा ठेयब लेश्‍शो मदुम्‍‍नेवे।
ZEP 3:12 गो इ दातेमी ब्रेम्‍शो नु प्रुङग मुर लीचा गेनुङमी। मेकोपुकीम ‘परमप्रभु यावे आंइ कली वारच पाइब बाक्‍ब’ दे थमा सुइक्‍नीम। इजीकीएल ६:८
ZEP 3:13 इस्राएल ङा लीशोपुकीमी लेंशा दूली मपाइनीम। मेकोपुकीमी जोल मपाइनीम। हेंथे लोव़ मपाइनीम। मेकोपुकी जशा तूशा गोल्‍शा बाक्‍नीम। सुइम मेको आन कली हिंच मकोंइ‍नीम।
ZEP 3:14 सियोन आ तमी, ठेयब सेंदा पा कुम्‍सो पावो। इस्राएल, ठेयब सेंदा पा ग्रीङो। यरूसलेम आ तमी इ थुं नेल्‍लेम ग्‍येरशा सोम्‍शा बाक्‍को।
ZEP 3:15 परमप्रभु यावेमी इ सजाइ क्‍याम्‍शा गे‍शो बाक्‍ब। मेकोमी इ जोरी सत्रु आन कली सोइश्‍शो बाक्‍ब। इस्राएली आन पिप, परमप्रभु यावे गे नु बाक्‍ब। मुल ङा मेरे गे तेकोइ श्‍येत रे हिंचा ममाल्‍नेवे। जकरिया ९:९
ZEP 3:16 मेको नाक्‍त यरूसलेम कली सियोन ङा मुर महिनीन। गे शुश गेय पने।
ZEP 3:17 परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। यसैया ६२:५
ZEP 3:18 चाडमी ग्‍येरशो खोदेंशो पा कुम्‍सो पाइब। आन क्‍येङा ङोन बाक्‍ब आन कली खुप्‍नुङ। मेको इन मुर नम। आं पर्बम शुक्‍शी पाइक्‍चा पुंइसीनीम।
ZEP 3:19 मेना गो इन कली दिप्‍ब आन कली सजाइ गेनुङ। गो खोइल मदुक्‍ब आन कली श्‍येत रे प्रोंइ‍नुङ। मिनु ब्रशा बाक्‍शो आन कली खुप्‍नुङमी। मेको आन कली मुने तोक्‍शो रागीम आं पा ङा मान ताइब सेल्‍‍नुङमी। मीका ४:७
ZEP 3:20 मेना गो इन कली खुप्‍शा चाक्‍नन्‍नी। मारदे हना गो इन कली रागी नेल्‍ल ङा मुर आन दातेमी ठेयब सेल्‍शा, मान ताइब सेल्‍नन्‍नी। मिनु गो नेल्‍ल आन तचा ङा पा इन कली ङोंइती खोदेंशो पा रिम्‍शो पा बाक्‍चा गेनन्‍नी” दे परमप्रभु यावेमी देंत। सेफन्‍याह २:७; येरमीया २९:१४
HAG 1:1 पिप दाराम सासन पशो बर्स निक्‍शी, ६ महिना ङा ङोंइती ङा नाक्‍त परमप्रभु यावेमी आ लोव़ पाइब हाग्‍गै कली लोव़ पाप्‍तु। मेको लोव़ यहूदा रागीम हुकुम पाइब जेरूब-बाबेल नु नेल्‍ल क्‍येङा ठेयब चढ़ेब यहोसु आस कली बाक्‍त। जेरूब-बाबेल शाल्‍तीएल आ तौ बाक्‍त। यहोसु चहिं यहो-सादाक आ तौ बाक्‍त। एज्रा ४:२४; एज्रा ५:१; एज्रा ५:२
HAG 1:2 मिनु हाग्‍गैमी “मुर नेल्‍ल आन परमप्रभु यावेमी मार देंत देंशा हना ‘एको मुरपुकीमी परमप्रभु यावे आ खिं मुल लेंशा सेल्‍ची मजाक्‍शो बाक्‍ब देंनीम’ ” देंत।
HAG 1:3 मिनु हाग्‍गैमी परमप्रभु यावे आ लोव़ पा “परमप्रभु यावेमी मार दें‍ब देंशा हना
HAG 1:4 ‘आं खिं ब्रेश्‍शा खतम दुम्‍शो बाक्‍ब। गे चहिं दारशो शी क्‍येप्‍शो खिंम बाक्‍चा रिम्‍शो दुम्‍बा ङा?’ देंशो बाक्‍ब” देंत। २सामुएल ७:२
HAG 1:5 मिनु मुर नेल्‍ल आन परमप्रभु यावेमी “गे दोदेंशो बाक्‍नीनी, मिम्‍तीन।
HAG 1:6 गे शुश शोक्‍तीनी, तन्‍न इच्‍का ला खुप्‍ताक्‍नी। गे जाइनीनी, तन्‍न मरूनीनी। गे तूनीनी, तन्‍न इन तूतू दाक्‍तीके मबेक्‍ब। गे फेक्‍नीनी, तन्‍न इन रां महोइब। गे शुश गेय पा क्‍येट चेम्‍नीनी, तन्‍न होइश्‍शो थैलीम कुर पा वोइक्‍नीनी” देंत। ब्‍यवस्‍था २८:३८
HAG 1:7 मिनु मुर नेल्‍ल आन परमप्रभु यावेमी मार देंत देंशा हना “गे दोदेंशो बाक्‍नी, मिम्‍तीन।
HAG 1:8 डांडा मेर ङोइश्‍शा शी यितीन। मिनु आं खिं सेलीन। मिनु गो मेको तशा, ग्‍येरशा बाक्‍ने चबुल। मोपा मुरपुकीम आं कली ठेयब सेल्‍यीमील।
HAG 1:9 गे शुश आस पाइतीनी, तन्‍न इच्‍का ला ताइतीनी। मिनु गे खिंमी मार चाक्‍नी, गो मेको कली मुइश्‍शा बेरपाइक्‍ता। गो मारदे मोदेंशो पाता देंशा हना, आं खिं ब्रेन्‍ने थुम्‍शो बाक्‍ब। गे चहिं आंम खिं कली ला मिम्‍नीनी।
HAG 1:10 मोपतीके सरीङ रे सीत यिचा प्रोंइतु। मिनु रूमी मारेइ मारेइ वा‍चा प्रोंइशो बाक्‍ब। १राजा १७:१
HAG 1:11 मिनु गो रू नु डांडा तार रेउ मयिपदु। अन्‍न, अङगुर, तेल नु रूम सिप्‍ब मारेइ मारेइ मसिप्‍पदु। मुर नु रागीम ब्रोंइ‍शो नेल्‍ल आन कली श्‍येत जपाइक्‍ता। मुर आन गेय नेल्‍ल शोर गाक्‍शो सेल्‍ता” देंत। हाग्‍गै २:१७; आमोस ४:९
HAG 1:12 मिनु शाल्‍तीएल आ तौ जेरूब-बाबेल नु यहो-सादाक आ तौ, नेल्‍ल क्‍येङा ठेयब चढ़ेब यहोसु नु लीशो मुर नेल्‍‍लेमी परमप्रभु यावे आन परमप्रभु आ लोव़ टिम्‍तेक्‍म। मिनु परमप्रभु यावे आन परमप्रभु आ देंशो नु आ लोव़ पाइब हाग्‍गै आ देंशो लोव़ टिम्‍तेक्‍म। मिनु मुरपुकी परमप्रभु यावे कली मान पा हिंतेक्‍म।
HAG 1:13 मिनु परमप्रभु यावे आ सोइश्‍शो लोव़ पाइब हाग्‍गैमी “परमप्रभु यावेमी मुर आन कली ‘गो गेपुकी नु बाक्‍नुङ’ देंशो बाक्‍ब” देंत। मलाकी २:७
HAG 1:14 मिनु परमप्रभु यावेमी शाल्‍तीएल आ तौ, यहूदा रागीम हुकुम पाइब, जेरूब-बाबेल नु यहो-सादाक आ तौ, नेल्‍ल क्‍येङा ठेयब चढ़ेब, यहोसु नु लीशो मुर आन थुं कली जोंब पोक्‍ताक्‍व। मिनु मेकोपुकीमी मुर नेल्‍ल आन परमप्रभु यावे, आ खिं सेल्‍चा गोम्‍तेक्‍म।
HAG 1:15 मिनु मेकोपुकीमी पिप दाराम सासन पशो बर्स निक्‍शी, ६ महिना, २४ नाक्‍तीमी परमप्रभु यावे आ खिं सेल्‍चा गोम्‍तेक्‍म।
HAG 2:1 पिप दारामी सासन पशो बर्स निक्‍शी, ७ महिना २१ नाक्‍तीम परमप्रभु यावे आन परमप्रभुमी हाग्‍गै कली लोव़ पाप्‍तु। मार लोव़ पाप्‍तु देंशा हना,
HAG 2:2 “गे शाल्‍तीएल आ तौ यहूदा रागीम हुकुम पाइब, जेरूब-बाबेल नु यहो-सादाक आ तौ नेल्‍ल क्‍येङा ठेयब चढ़ेब यहोसु नु लीशो मुर आन कली
HAG 2:3 ‘इन दाते ङा सु सुमी परमप्रभु यावे आ ङोंइती ङा खिं आ दारस तनी? मुल एको खिं दोदेंशो तांइसीबा? मार, एको मदारशो तांइसीबा? दे हिल्‍लो पावो’ ” देंत। एज्रा ३:१२
HAG 2:4 मिनु मुर नेल्‍ल आन परमप्रभु यावेमी “जेरूब-बाबेल, महिनो। यहो-सादाक आ तौ नेल्‍ल क्‍येङा ठेयब चढ़ेब यहोसु गे यो महिनो। मिनु मेकेर ङा मुर नेल्‍ल महिनीन। गेय पचा गोने। मारदे हना गो गेपुकी नु बाक्‍नुङ।
HAG 2:5 गेपुकी इजीप्‍‍त रागी रे पा ग्रूशा पिनीनु, गेपुकी नु कबल का पाता। आं सोक्‍त गेपुकी नु बाक्‍ब, दे कबल पाता। मोपतीके महिनीन” दे मुर नेल्‍ल आन परमप्रभु यावेमी देंत। प्रस्‍थान १९:५; जकरिया ४:६
HAG 2:6 मिनु मुर नेल्‍ल आन परमप्रभु यावेमी “मुल इच्‍का नोले गो लेंशा सरीङ, रागी, समुन्‍द्र नु गोरशो रागी कली हिम्‍नुङ। हिब्रू १२:२६
HAG 2:7 गो रागी रागी ङा मुर आन कली हिम्‍नुङ। मिनु रागी रागी ङा शोंप नेल्‍ल एकेर चाक्‍नीम। मिनु गो एको खिं कली आं दारसीम प्रिंनुङ।
HAG 2:8 सुन चांदी नेल्‍ल आं के बाक्‍ब।
HAG 2:9 मोपतीके एको खिं आ मुल ङा दारस क्‍येङा नोले ङा दारस शुश रिम्‍शो दुम्‍ब। मिनु एकेर आसीक शुश गे‍नुङमी” दे मुर नेल्‍ल आन परमप्रभु यावेमी देंत।
HAG 2:10 पिप दारामी सासन पशो बर्स निक्‍शी ९ महिना २४ नाक्‍तीमी परमप्रभु यावेमी आ लोव़ पाइब हाग्‍गै कली लोव़ पाप्‍तु।
HAG 2:11 मिनु हाग्‍गैमी “मुर नेल्‍ल आन परमप्रभु यावेमी मार देंत देंशा हना ‘चढ़ेबपुकीम मार देंबाक्‍मा, दे हिल्‍लो पावो’ ” देंत।
HAG 2:12 मिनु हग्‍गाइम “सुइ मुरुमी किप्‍शुरम पोल्‍टो पा चढ़ेशो श्‍ये कुरशो बाक्‍त हना नु मेको आ किप्‍शुर आ सुरमी शोब्‍ले, खाइ, अङगुर शांबु, तेल नु अरु मारेइ जचा थोव़क थिप्‍तु हना, मेको चोव़खो दुम्‍नीमी?” दे हिल्‍लो पाप्‍तु। मिनु चढ़ेबपुकीम “मदुम्‍नीम” देंतेक्‍म।
HAG 2:13 मिनु हाग्‍गैमी “बेक्‍शो मुर थिशा, ग्रांग्रा दिशो दुम्‍शो मुरुम मारेइ थोव़क थिप्‍तु हना, मेको थोव़क ग्रांग्रा दिशो दुम्‍बा?” दे हिल्‍लो पाप्‍तु। मिनु चढ़ेबपुकीमी “मेको ग्रांग्रा दिशो दुम्‍ब” देंतेक्‍म। लेवी ५:२; गन्‍ती १९:२२
HAG 2:14 मिनु हाग्‍गैमी “परमप्रभु यावेमी मार देंब देंशा हना ‘आं ङोंइती बाक्‍शो एको रागी ङा मुरपुकी मोदेंशोन बाक्‍नीम। मेकोपुकीम मार मार पाइनीमी, मार मार चढ़ेनीमी मेको नेल्‍ल ग्रांग्रा दिशो बाक्‍ब’ देंशो बाक्‍ब” देंत। एज्रा ४:१-३
HAG 2:15 मिनु परमप्रभुमी “गे मुलाक्‍त ङा मेरे मार दुम्‍बा, मेको रिम्‍शो पा मिम्‍तीन। परमप्रभु यावे आ खिं सेल्‍शोनु, फुल्‍लु तार फुल्‍लु वोइश्‍शा गारो प्रोव़चा क्‍येङा ङोंइती दोदेंशो बाक्‍मे, मेको मिम्‍तीन।
HAG 2:16 गे दोदेंशो बाक्‍नी? गे २० सेआह बाक्‍ब, दे मिम्‍ताक्‍नी हना, मेकेर १० सेआह ला बाक्‍ब। अङगुर ख्राक्‍शा, ५० गर रस ताप्‍नुङ, दे मिम्‍ताक्‍नी हना, २० गर ला दुम्‍ब। सेआह का ७ लिटर खोदेंशो बाक्‍ब। गर कली हिन यो देंनीम। हिन का ६,५ लिटर बाक्‍ब। हाग्‍गै १:१६
HAG 2:17 गो इन कली नु इन रूम ख्रुम्‍शो मारेइ मारेइ खतम सेल्‍ता। मेको सोव़पाइक्‍ब रोइ, बुंखी ङाइक्‍तीक रोइ नु मुप्‍सीम खतम सेल्‍ता। मो हना यो गे आं गे मलेन्‍नी। हाग्‍गै १:११
HAG 2:18 मुल ९ महिना २४ नाक्‍ती, परमप्रभु यावे आ खिं ङा जग वोइश्‍शो नाक्‍त रे मार दुम्‍बा, मेको कोव़ङीन।
HAG 2:19 मार, गे नु वांचेर बाक्‍मे? अङगुर बोट, फोव़शी रवा, अनार नु तेल रवामी मुल सम्‍म फल मसिश्‍शो बाक्‍मा? मुलाक्‍त ङा मेरे गो इन कली आसीक गेनन्‍नी” दे परमप्रभु यावेमी देंत।
HAG 2:20 मिनु ९ महिना ङा २४ नाक्‍ती परमप्रभु यावेमी लेंशा हाग्‍गै कली लोव़ पाप्‍तु।
HAG 2:21 मार लोव़ पाप्‍तु देंशा हना “गे यहूदा रागीम हुकुम पाइब जेरूब-बाबेल कली ‘गो सरीङ नु रागी हिम्‍चा चिक्‍शो बाक्‍नुङ।
HAG 2:22 गो पिप आन राज्‍य खतम पोक्‍नुङ। गो रागी रागी ङा राज्‍य थुम्‍पाइक्‍चा चिक्‍शो बाक्‍नुङ। गो बग्‍गी नु बग्‍गी ङोइक्‍ब आन कली थिप्‍पाइक्‍नुङमी। शारा नु शारा ङोइक्‍बपुकी आंम लोक्‍ब आन तरवारम क्‍योरचा पुंइसीनीम’ देनो” देंत।
HAG 2:23 मिनु मुर नेल्‍ल आन परमप्रभु यावेमी “मेको नाक्‍त शाल्‍तीएल आ तौ, आं गेय पाइब, जेरूब-बाबेल गो इ कली छाप पाइश्‍शो औंठी खोदेंशो सेल्‍नन। मारदे हना गो इ कली योव़शो बाक्‍नुङ” दे मुर नेल्‍ल आन परमप्रभु यावेमी देंत। जकरिया ४:६-७
ZEC 1:1 पिप दारामी सासन प‍शो बर्स का ८ महिना दुम्‍मेनु, परमप्रभु यावेमी इददो आ चच, बेरेक्‍याह आ तौ परमप्रभु यावे आ लोव़ पाइब जकरिया कली लोव़ पाप्‍तु। परमप्रभु यावेमी मार लोव़ पाप्‍तु देंशा हना, एज्रा ५:१
ZEC 1:2 “परमप्रभु यावे इन किकी पिपी आन पर्बम शुश गाइक्‍ताक्‍व।
ZEC 1:3 मोपतीके मुर नेल्‍ल आन परमप्रभु यावेमी मुर आन कली मार देंत देंशा हना ‘आं गे ले‍तीन। मिनु गो इन कली कोव़नुङ। मलाकी ३:७; याकूब ४:८
ZEC 1:4 साइ ङा आं लोव़ पाइबपुकीमी इन किकी पिपी आन कली लोव़ पाम्‍तेक्‍म। मेकोपुकीमी मुर नेल्‍ल आन परमप्रभु यावेमी इन कली मार लोव़ पाप्‍तु देंशा हना इन मरिम्‍शो लां रे नु इन मरिम्‍शो पतीके रे परमप्रभु आ लां गे ले‍तीन, दे लोव़ पाम्‍तेक्‍म। तन्‍न इन किकी पिपीमी आं लोव़ मनेंथु मटीम। गेपुकी मेको आन खोदेंशो मपने। येरमीया ३:१२; इजीकीएल ३३:११
ZEC 1:5 इन किकी पिपी ते बाक्‍नीमी? आं लोव़ पाइबपुकी गेना हना यो ब्रोंइ‍शा बाक्‍नी‍मी ङा?
ZEC 1:6 तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।
ZEC 1:7 मिनु पिप दारामी सासन प‍शो बर्स निक्‍शी, शेबात माइश्‍शो ११ महिना ङा २४ नाक्‍ती इददो आ चच, बेरेक्‍याह आ तौ जकरिया, परमप्रभु यावे आ लोव़ पाइब आ बाक्‍तीकेमी परमप्रभु यावे आ लोव़ जाक्‍त।
ZEC 1:8 मिनु जकरियामी “गो नाक्‍दो लल शारा ङोइक्‍ब का गाक्‍शो ता‍ता। मेको दिंममी बाक्‍शो मूरे रवा आन दातेमी दिक्‍शा राप्‍शा बाक्‍शो बाक्‍त। मिनु मेको आ नोले अरु लल, खाइरो नु बुश शारापुकी राप्‍शो बाक्‍तेक्‍म। जकरिया ६:१-८
ZEC 1:9 मिनु गो नु लोव़ पाइब, परमप्रभु यावे आ स्‍वर्ग ङा गेय पाइब कली ‘आं प्रभु, मेको मार कली नमी?’ दे हिल्‍लो पा‍ता। मिनु मेकोमी ‘एको मार कली नमी, दे गो इ कली कोंइनन’ देंत।
ZEC 1:10 मिनु नोले मूरे रवा आन दातेमी राप्‍शा बाक्‍ब मुरुमी लोव़ लेश्‍शा ‘परमप्रभु यावेमी एको आन कली रागी नेल्‍ल हिरशा कोव़चा कली सोइक्‍ताक्‍व’ देंत।
ZEC 1:11 मिनु नोले शारा ङोइक्‍बपुकीमी मूरे रवा आन दा‍तेमी बाक्‍ब परमप्रभु यावे आ स्‍वर्ग ङा गेय पाइब कली ‘गो रागी नेल्‍ल हिरशा कोव़तक। मिनु रागी नेल्‍ल ङा मुर सिक्‍सी पा नाइश्‍शा बाक्‍शो बाक्‍तेक्‍म’ देंतेक्‍म।
ZEC 1:12 मिनु परमप्रभु यावे आ स्‍वर्ग ङा गेय पाइबमी ‘मुर नेल्‍ल आन परमप्रभु यावे, गे गेना सम्‍म यरूसलेम नु यहूदा सहर ङा मुर आन कली शिशी मपाइनीनी? गे मेको आन कली मुल रे ७० बर्स सम्‍म गाइक्‍ना गाइक्‍न बाक्‍शो बाक्‍‍तीनी’ ” देंत। भजन संग्रह १०२:१४; दानीएल ६:२
ZEC 1:13 मिनु परमप्रभु यावेमी गो नु लोव़ पाइब, आ स्‍वर्ग ङा गेय पाइब कली रिम्‍शो नु थुं बारपाइक्‍‍तीक लोव़ पाप्‍तु।
ZEC 1:14 मिनु स्‍वर्ग ङा गेय पाइबमी आं कली “परमप्रभु आ लोव़ नेल्‍ल आन कली नेंपतो। मिनु मुर नेल्‍ल आन परमप्रभु यावेमी ‘गो यरूसलेम नु सियोन कली शुश रुश पशो बाक्‍नुङ।
ZEC 1:15 रिम्‍शो पा बाक्‍ब रागी रागी ङा मुर आन कली तशा शुश गाइश्‍शो बाक्‍नुङ। गो ङोंइती इच्‍का ला गाइक्‍‍ताक्‍ङ। मिनु मुरपुकीमी तेम्‍शा मरिम्‍शो पचा गोम्‍तेक्‍म’ देंत। येरमीया ४७:६
ZEC 1:16 मोपतीके परमप्रभु यावेमी मार देंत, देंशा हना ‘गो शिशी पा यरूसलेम लेत्‍ती। मेकेर आं खिं लेंशा सेल्‍चा माल्‍नीम। मिनु यरूसलेम नेल्‍लेमी पुक्‍तीक डोरी की‍चा माल्‍नीम’ दे मुर नेल्‍ल आन परमप्रभु यावेमी देंत। जकरिया ८:३
ZEC 1:17 मिनु मुर नेल्‍ल आन परमप्रभु यावेमी मार देंत, देंशा हना ‘आं सहरपुकी लेंशा शुश सो‍शो बोशो दुम्‍चा माल्‍नीम। परमप्रभु यावेमी सियोन कली लेम्‍शा शिशी पाइब। मिनु यरूसलेम कली योव़‍ब’ ” देंत। यसैया ४०:१-२; यसैया १४:१
ZEC 1:18 मिनु इर गे कोव़ङुनु, ४ ओटा ग्रोव़ ता‍ता।
ZEC 1:19 मिनु गो नु लोव़ पाइब, स्‍वर्ग ङा गेय पाइब कली “एको मार में?” दे हिल्‍लो पा‍ता। मिनु मेकोमी “एको ग्रोव़पुकीमी यहूदा, इस्राएल नु यरूसलेम ङा मुर आन कली एर ओंथ फ्राम्‍तेक्‍म” देंत।
ZEC 1:20 मिनु नोले परमप्रभु यावेमी आं कली ४ जना तुप्‍तील कोंइताक्‍यी।
ZEC 1:21 मिनु गो “एको मार पचा कली जाक्‍‍मा?” दे हिल्‍लो पा‍ता। मिनु मेकोमी “मेको ग्रोव़पुकीमी यहूदा कली मबोक्‍चा ङा पा खोल्‍शो बाक्‍‍तेक्‍म। मिनु मेको तुप्‍तीलपुकी रागी रागी ङा मुर आन कली ब्रपाइक्‍ब ग्रोव़ खोदेंशो ठेयब हुकुम पाइब मुर आन कली श्‍येत गेशा साइक्‍चा कली जाक्‍शो बाक्‍तेक्‍म। मारदे हना मेकोपुकीमी यहूदा ङा मुर आन कली फ्रना फ्रन बाक्‍तेक्‍म” देंत।
ZEC 2:1 मिनु गो इर कोव़ङुनु, पुक्‍तीक डोरी शेशो मुर का आं ङोंइती राप्‍शो ता‍ता। इजीकीएल ४०:३
ZEC 2:2 मिनु गो मेको कली “गे ते गाक्‍नी?” दे हिल्‍लो पा‍ता। मिनु मेकोमी आं कली “यरूसलेम पुक्‍शा, मेको दो‍शो दुइश्‍शो नु दो‍शो ब्रेम्‍शो बाक्‍मे, मेको कोव़थ लती” दे माइक्‍ती।
ZEC 2:3 मिनु मेको गो नु लोव़ पाइब, स्‍वर्ग ङा गेय पाइब जाक्‍त। मिनु अर्को स्‍वर्ग ङा गेय पाइब मेको कली ग्रुम्‍थ जाक्‍त। इजीकीएल ३८:११
ZEC 2:4 मिनु मेकोमी “दोरशा लशा मेको ठिटा कली ‘यरूसलेममी लेंशा शुश मुर बाक्‍चा माल्‍नीम। मुर नु बी ब्‍यफ, क्‍यारश भेडा शुश दुम्‍तीके यरूसलेम गारो मपाइश्‍शो गाउं खोदेंशो दुम्‍ब।
ZEC 2:5 मिनु गो मेको आ एर ओंथ मी के गारो दुम्‍नुङ। मिनु गो मेको आ आगा ङा छेङछेङ दुम्‍नुङ’ दे परमप्रभु यावेमी देंत, देनो” देंत। जकरिया ९:८
ZEC 2:6 परमप्रभु यावेमी “जाक्‍कीन जाक्‍कीन, उत्तर ङा रागी रे प्रोक्‍शा जाक्‍कीन। मारदे हना गो इन कली एर ओंथ ङा फशेमी खोदेंशो पा फ्राता” दे परमप्रभु यावेमी देंत।
ZEC 2:7 मेकोमी आं कली “आबी, सियोन, गे बेबीलोन ङा मुर आन दाते रे बोक्‍शा, प्रोक्‍कीन।
ZEC 2:8 मारदे हना मुर नेल्‍ल आन परमप्रभु यावेमी इन कली रोइक्‍ब रागी रागी ङा मुर आन पर्बम मार देंत देंशा हना ‘सुमी इन कली थीबा, मेकोमी आं मिक्‍च आ क्रिक्बील थी‍ब’ देंत। ब्‍यवस्‍था ३२:१०
ZEC 2:9 मुल नेनीन, गो आं गुइ मेको आन पर्बम क्‍युक्‍‍नुङ। मिनु मेको आन वाइलमी मेको आन कली रोइक्‍नी‍म। मिनु गेपुकीमी मुर नेल्‍ल आन परमप्रभु यावेमी आं कली सोइश्‍‍शो बाक्‍ब, दे तुइक्‍नी‍नी। ब्‍यवस्‍था ३२:१०
ZEC 2:10 सियोन आ तमी, ग्‍येरशा सोम्‍शा कुम्‍सो पावो। मारदे हना गो इन दा‍तेमी बाक्‍थ जाक्‍नुङ।
ZEC 2:11 मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०
ZEC 2:12 परमप्रभु यावेमी यहूदा रागी कली आ के सेल्‍ब। मिनु यरूसलेम कली लें‍शा योव़ब। जकरिया १:१७
ZEC 2:13 रागी ङा मुर नेल्‍ल परमप्रभु यावे आ ङोंइती सिक्‍सी पा बाक्‍कीन। मारदे हना मेको आ बाक्‍तीक रे पा ग्रू‍शा जाक्‍‍शो बाक्‍ब। हबकुक २:२०
ZEC 3:1 मिनु परमप्रभु यावे आ स्‍वर्ग ङा गेय पाइबमी नेल्‍ल क्‍येङा ठेयब चढ़ेब यहोसु कोंइताक्‍यी। मेको परमप्रभु यावे आ स्‍वर्ग ङा गेय पाइब आ ङोंइती राप्‍शो बाक्‍त। मिनु सैतान मेको कली दोस गेचा कली आ ग्‍युरा गे राप्‍शो बाक्‍त। हाग्‍गै १:१; अय्‍युब १:९; प्रकाश १२:१०
ZEC 3:2 मिनु परमप्रभु यावेमी सैतान कली “सैतान, परमप्रभु यावेमी इ कली हुइक्‍ब। यरूसलेम कली योव़‍ब परमप्रभु यावेमी इ कली हुइक्‍ब। मार, एको मुर मी रे पा ग्रुंइ‍शो बुल्‍सी खोदेंशो ममाइ ङा?” देंत। यहूदा :९
ZEC 3:3 यहोसु ग्रांग्रा दिशो लुम्‍सीशो वा फेक्‍शा, स्‍वर्ग ङा गेय पाइब आ ङोंइती राप्‍शो बाक्‍त।
ZEC 3:4 मिनु मेको स्‍वर्ग ङा गेय पाइबमी आ ङोंइती बाक्‍ब आन कली “मेको आ ग्रांग्रा दिशो लुम्‍सीशो वा प्रुइक्‍तीन” देंत। मिनु मेकोमी यहोसु कली “गो इ मरिम्‍शो पशो नेल्‍ल क्‍याम्‍‍ताक्‍ङ। गो इ कली रिम्‍शो वा फेक्‍‍नन” देंत। यसैया ६:७; यसैया ६१:३
ZEC 3:5 मिनु गो “मेको आ पियामी रिम्‍शो गुप्‍तीक का गुप्‍तीन” देंती। मिनु मेकोपुकीमी मेको कली रिम्‍शो गुप्‍तीके गुप्‍शा, रिम्‍शो वा फेक्‍ताक्‍म। मिनु परमप्रभु यावे आ स्‍वर्ग ङा गेय पाइब आ नेक्‍था राप्‍शा बाक्‍त। प्रस्‍थान २८:३९
ZEC 3:6 मिनु नोले परमप्रभु यावे आ स्‍वर्ग ङा गेय पाइबमी यहोसु कली
ZEC 3:7 “मुर नेल्‍ल आन परमप्रभु यावेमी मार देंत देंशा हना ‘गे आं लांमी गाक्‍ते नु इ कली देंशो लोव़ टिप्‍तीवी हना, गे आं खिं नु आं लाङगा नेल्‍ल कोव़ब दुम्‍नेवे। मिनु एकेर राप्‍शा बाक्‍ब आन दा‍तेमी आं ङोंइती जाक्‍ने चाप्‍नेवे।
ZEC 3:8 यहोसु, नेल्‍ल क्‍येङा ठेयब चढ़ेब नु इ नेक्‍था बाक्‍ब इ खोदेंशो गेय पाइबपुकी नोफा दाइश्‍शा नेनीन। गो नोले आं गेय पाइब, राशी माइश्‍शो चाक्‍नुङ, मेकोपुकी मेको आ पर्बम चिन्‍ड बाक्‍नीम। यसैया ८:१८; जकरिया ६:१२; येरमीया २३:५; येरमीया ३३:१५
ZEC 3:9 मारदे हना गो यहोसु आ ङोंइती फुल्‍लु का वोइक्‍ता। मेको आ तारी ७ ओटा मिक्‍च बाक्‍नी‍म। मिनु गो फुल्‍लु तारी मेको आ ब्रेक्‍स मुशा ब्रेक्‍नुङ। मिनु गो काबुमीन मेको रागी ङा मुर आन दोस नेल्‍ल क्‍याम्‍नुङ। प्रस्‍थान ३९:६-७; जकरिया ४:१०; प्रकाश ५:६
ZEC 3:10 मेको नाक्‍ती गे नेल्‍लेमी आंम आंमा ब्रेम्‍मुशा अङगुर नु फोव़शी आ पुंमी ग्‍येरशा ग्रुम्‍नीनी’ दे मुर नेल्‍ल आन परमप्रभु यावेमी देंत” देंत। १राजा ५:५; मीका ४:४
ZEC 4:1 मिनु गो नु लोव़ पाइब, स्‍वर्ग ङा गेय पाइब लेंशा जाक्‍‍त। मेकोमी आं कली मुर कली निन्‍द्रा रे पा पोक्‍शो खोदेंशो पा सेंपाइक्‍ती।
ZEC 4:2 मिनु मेकोमी आं कली “गे मार तवी?” दे हिल्‍लो प‍ती। मिनु गो “सुन के बत्ती दातीक ता‍ता। मेको आ तारी बोस का बाक्‍त। मेको तारी ७ ओटा बत्ती बाक्‍तेक्‍म। मेको बत्ती नेल्‍लेमी दातीक सल्‍दो वोइश्‍शो बाक्‍तेक्‍म। येरमीया १:११-१३; आमोस ८:२; प्रस्‍थान २५:३१-४०
ZEC 4:3 मिनु मेको आ नेक्‍था तेल रवा निक्‍शी, का ग्‍युरा गे नु का पेरा गे बाक्‍ताक्‍स” देंती।
ZEC 4:4 मिनु गो नु लोव़ पाइब, परमप्रभु यावे आ स्‍वर्ग ङा गेय पाइब कली “आं प्रभु, मेको मार नसी?” दे हिल्‍लो पा‍ता।
ZEC 4:5 मिनु मेको गो नु लोव़ पाइब, परमप्रभु यावे आ स्‍वर्ग ङा गेय पाइबमी “मेको मार नसी, गे मतुइक्‍नेवे?” देंत। मिनु गो “आं प्रभु, मतुइक्‍नुङ” देंती।
ZEC 4:6 मिनु मेकोमी आं कली “एको परमप्रभु यावेमी जेरूब-बाबेल कली पशो लोव़ बाक्‍ब। ‘बोलम ममाइ, सक्तिमी यो ममाइ, तन्‍न आं सोक्‍तीमी पाइनुङ’ दे मुर नेल्‍ल आन परमप्रभु यावेमी देंत।
ZEC 4:7 ठेयब डांडा गे मार नवे ङा? जेरूब-बाबेल आ ङोंइती गे दिंम दुम्‍चा माल्‍नेवे। मेकोमी परमप्रभु यावे आ खिं ङा नोले ङा फुल्‍लु वोदानु, मुर नेल्‍लेमी ठेयब सेंदा पा ‘रिम्‍शो दुम्‍त, रिम्‍शो दुम्‍त’ दे ठेयब सेंदा पा देंनीम” देंत। भजन संग्रह १२२:६
ZEC 4:8 मिनु परमप्रभु यावेमी आं कली लोव़ पाप्‍तु। मार लोव़ पाप्‍तु देंशा हना
ZEC 4:9 “जेरूब-बाबेलमी एको परमप्रभु यावे आ खिं ङा जग फुल्‍लु वोइश्‍शो बाक्‍ब। मिनु मेकोमीन मेको खिं सेल्ने थुम्‍ब। मिनु मुर नेल्‍ल आन परमप्रभु यावेमी आं कली इन कली लोव़ पथ सोइश्‍शो बाक्‍ब, दे तुइक्‍नीनी” देंती। एज्रा ३:८; एज्रा ६:१४-१६; जकरिया २:१३,१५
ZEC 4:10 मिनु “सु आइक्‍च गेय गोशो नाक्‍ती आइक्‍च सेल्‍बा? नोले मेकोपुकीमी जेरूब-बाबेल आ गुइमी गारो थाप्‍तीक श्‍येले तशा, ग्‍येरसीनीम। हाग्‍गै २:३; जकरिया ४:७ मेको फुल्‍लु ङा ७ ओटा मिक्‍च परमप्रभु यावे आ मिक्‍च बाक्‍नीम। मेको मिक्‍चीमी रागी नेल्‍ल कोव़शो बाक्नीम” दे परमप्रभु आ लोव़ बाक्‍ब।
ZEC 4:11 मिनु नोले गो मेको कली “एको बत्ती दातीक आ ग्‍‍युरा नु पेरा गे बाक्‍शो तेल रवा निक्‍शी मार में?” दे हिल्‍लो पा‍ता।
ZEC 4:12 मिनु लेंशा मेको कली “मेको सुन के तेल लुक्‍तीके निक्‍शीमी तेल लुक्ना लुक्‍न प‍शो, एको तेल रवा निक्‍शी आस राशी मार में?” दे हिल्‍लो पा‍ता।
ZEC 4:13 मिनु मेकोमी “एको मार बाक्‍बा, दे मतुइक्‍नेवे?” दे हिल्‍लो पती। मिनु गो “आं प्रभु, मतुइक्‍नुङ” देंती।
ZEC 4:14 मिनु मेकोमी “मेको रागी नेल्‍ल ङा परमप्रभु यावे आ ङोंइती राप्‍चा कली तेल लुक्‍चा पुंइसीशो बाक्‍नीसी” देंत। जकरिया ६:५; प्रकाश ११:४
ZEC 5:1 मिनु गो इर गे कोव़ङुनु, प्रा‍क्‍सीशो ब्रेक्‍स का बेरशो ता‍ता।
ZEC 5:2 मिनु मेकोमी आं कली “गे मार तवी?” दे हिल्‍लो पती। मिनु गो “२० कुबीत लाइश्‍शो नु १० कुबीत ब्रेम्‍शो तोल्‍शो प्राक्‍सीशो ब्रेक्स बेरशो ताता” देंती। कुबीत का ०.५ मिटर बाक्‍ब।
ZEC 5:3 मिनु नोले मेकोमी आं कली “एको रागी नेल्‍ल कली जाक्‍चशो सराप बाक्‍ब। मेको तोल्‍शा प्राक्‍शो ब्रेक्‍स निम्‍फा गे ब्रेक्‍सीशो बाक्‍ब। का गे खुइ आन पर्बम ब्रेक्‍सीशो बाक्‍ब। मारदे हना मेको मुल सम्‍म सजाइ मतशो बाक्‍तेक्‍म। अर्को गे जोल पा कसम जाइब आन पर्बम ब्रेक्‍सीशो बाक्‍ब। मारदे हना मेको यो मुल सम्‍म सजाइ मतशो बाक्‍तेक्‍म” देंत।
ZEC 5:4 मिनु मुर नेल्‍ल आन परमप्रभु यावेमी “गो मेको ब्रेक्‍स सोइक्‍ताक्‍ङ। मिनु मेको खुइ नु आं नेंमी जोल पा सांकछी बाक्‍ब आन खिंमी ओव़ब। मेकेर बाक्‍शा, खिं खतम सेल्‍शा, शी फुल्‍लु का यो मलीपाइक्‍ब” देंत।
ZEC 5:5 मिनु गो नु लोव़ पाइब, स्‍वर्ग ङा गेय पाइबमी आं नेक्‍था जाक्‍शा “हरी इर कोव़ङो। मार ग्रूमे?” देंत।
ZEC 5:6 मिनु गो “मिरी मार में?” दे हिल्‍लो पा‍ता। मिनु मेकोमी “मेकेर डालो का ग्रूत” देंत। मिनु मेकोमी “एको रागी नेल्‍ल ङा मुर आन दोस बाक्‍ब” देंत।
ZEC 5:7 नोले हेल्‍शो सिसा के सुम्‍तीक रोक्‍साक्‍व। मिनु मेको डालोम मीश मुर का निश्‍शा बाक्‍शो ता‍ता।
ZEC 5:8 मिनु मेकोमी “परमप्रभु यावे आ अरेशो मटितीके एकोन बाक्‍ब” देंत। मिनु मेकोमी मेको मीश मुर कली डालो आगा नेप्‍शा, हेल्‍शो सिसा के सुम्‍तीकेमी सुम्‍तु।
ZEC 5:9 मिनु इर कोव़ङुनु, मीश मुर निक्‍शी पि‍शो ता‍तासी। मेको आस फ्रांमी फश बाक्‍त। मेको आस फ्रां सारस के खोदेंशो बाक्‍त। मेको निक्‍शीमी मेको डालो कली सरीङ नु रागी आस दा‍तेमी क्‍युक्‍शा लाइक्‍ताक्‍स।
ZEC 5:10 मिनु गो नु लोव़ पाइब, स्‍वर्ग ङा गेय पाइब कली “मेको निक्‍शीमी मेको डालो ते लत्‍से?” दे हिल्‍लो पा‍ता। उत्‍पत्ती ११:२
ZEC 5:11 मिनु मेकोमी “बेबीलोन ङा शिनार माइक्‍तीकेमी मेको कली खिं का सेल्‍चा चिक्‍शो बाक्‍ब। मिनु सेल्‍ने थुम्‍मे नोले मेको डालो कली मेकेर आ बाक्‍तीकेम वोइक्‍नी‍म” दे माइक्‍ती।
ZEC 6:1 मिनु गो लेंशा इर गे कोव़ङुनु आं ङोंइती डांडा आस दाते रे ४ ओटा बग्‍गी यिशो तातामी। मेको डांडा कांसा के बाक्‍ताक्‍स। प्रकाश ६:१-८; जकरिया १:८
ZEC 6:2 ङोंइती ङा बग्‍गी लल शारापुकीमी कीशो बाक्‍तेक्‍म। मेको आ नोले ङा बग्‍गी क्‍येर शारापुकीमी कीशो बाक्‍तेक्‍म।
ZEC 6:3 मेको आ नोले ङा बग्‍गी बुश शारापुकीमी कीशो बाक्‍तेक्‍म। मिनु नेल्‍ल क्‍येङा नोले ङा बग्‍गी पाङग्रे शारापुकीमी कीशो बाक्‍तेक्‍म। प्रकाश ६:१-८; जकरिया १:८
ZEC 6:4 मिनु गो नु लोव़ पाइब, स्‍वर्ग ङा गेय पाइब कली “आं प्रभु, एको मार नमी?” दे हिल्‍लो पा‍ता।
ZEC 6:5 मिनु मेको परमप्रभु यावे आ स्‍वर्ग ङा गेय पाइबमी आं कली “एको स्‍वर्ग ङा ४ ओटा फश नम। एको ग्रूशा लचा कली रागी नेल्‍ल ङा परमप्रभु यावे आ ङोंइती जाक्‍‍तेक्‍म। जकरिया ४:१४
ZEC 6:6 क्‍येर शारा पाइश्‍शो बग्‍गी उत्तर रागी गे लाइ‍ब। बुश शारा पाइश्‍शो बग्‍गी पच्‍छिम रागी गे लाइ‍ब। पाङग्रे शारा पाइश्‍शो बग्‍गी दक्‍खिन रागी गे लाइ‍ब” देंत।
ZEC 6:7 मेको शारा ग्रू‍शा रागी कोव़थ लचा कली चुइश्‍शो बाक्‍तेक्‍म। मिनु मेकोमी “रागी नेल्‍ल कोव़थ लने” दे अरेप्‍तु। मिनु मेकोपुकी रागी कोव़थ लाम्‍तेक्‍म। जकरिया १:१०
ZEC 6:8 मिनु नोले मेकोमी ठेयब सेंदा पा आं कली “कोव़ङो, मेको उत्तर रागी गे लाइबमी आं सोक्‍त नाइक्‍पाइक्‍तेक्‍म” देंत।
ZEC 6:9 मिनु परमप्रभु यावेमी आं कली लोव़ पाप्‍तु।
ZEC 6:10 मार लोव़ पाप्‍तु देंशा हना “ग्‍याइश्‍शा लाइक्‍चा पुंइसीशो बेबीलोन रे जाक्‍शो हेल्‍दाइ तोबीयाह नु येदायाह रे सुन चांदी पोक्‍को। मिनु मेको नाक्‍ती सेफन्‍याह आ तौ योसीयाह आ खिं लावो।
ZEC 6:11 मेको सुन नु चांदी रे पा सिरपेच का सेलो। मिनु मेको सिरपेच लाइश्‍शा, यहो-सादाक आ तौ नेल्‍ल क्‍येङा ठेयब चढ़ेब यहोसु आ पियामी गुप्‍तो। जकरिया ३:८
ZEC 6:12 मिनु मेको कली मुर नेल्‍ल आन परमप्रभु यावेमी मार देंत देंशा हना ‘मेकेर मुर का बाक्‍ब। मेको आ नें राशी बाक्‍ब। मेको राशी आ बाक्‍तीकेमी बारशा, परमप्रभु यावे आ खिं सेल्‍चा माल्‍ब।
ZEC 6:13 मेकोमीन परमप्रभु यावे आ खिं सेल्‍चा माल्‍ब। मेको पिप आ मान तशा, शुश ग्‍योम्‍सीशो बाक्‍ब। मेको आ ठेयब नित्‍तीकेमी निश्‍शा सासन पाइब। मेको आ नित्‍तीकेमी आ ग्‍युरा गे चढ़ेब का बाक्‍ब। मेको निक्‍शी दुशा गारशा गेय पाइनीसी। भजन संग्रह ११०:४
ZEC 6:14 मिनु मेको सिरपेच हेल्‍दाइ, तोबीयाह, येदायाह नु सेफन्‍याह आ तौ योसीयाह मिम्‍शा, परमप्रभु यावे आ खिंमी वोइक्‍चा माल्‍नीम।
ZEC 6:15 शुश ङोन बाक्‍ब मुरपुकी यो परमप्रभु यावे आ खिं सेल्‍चा कली वारच पथ जाक्‍नीम। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍शो बाक्‍ब, दे तुइक्‍नीनी। गे इन थुं नेल्‍लेमी परमप्रभु यावे, इन परमप्रभु आ देंशो टीतीनी हना, मोदेंशो दुम्‍ब’ ” देंत। यसैया ६०:१०
ZEC 7:1 पिप दारामी सासन प‍शो ४ बर्स, किस्‍लेव माइश्‍शो ९ महिना ४ नाक्‍त परमप्रभु यावेमी जकरिया कली लोव़ पाप्‍तु।
ZEC 7:2 मार लोव़ पाप्‍तु देंशा हना “बेथेल ङा मुरपुकीमी शरेसेर, रेगेम-मेलेक नु मेकेर ङा मुर आन कली परमप्रभु यावे आ शिशी पुंइचा कली सोइश्‍शो बाक्‍तेक्‍म।
ZEC 7:3 मिनु मुर नेल्‍ल आन परमप्रभु यावे आ खिंमी चढ़ेब नु परमप्रभु यावे आ लोव़ पाइब आन कली ‘गोपुकी मुल सम्‍म शुश बर्स ङोंइती रे प‍शो खोदेंशो पा ५ महिनामी रोंका पा माइजा बाक्‍चा माल्‍नीकी ङा?’ दे हिल्‍लो प‍चा कली सोइश्‍शो बाक्‍तेक्‍म” देंत। जकरिया ८:१९; २राजा २५:८-९; येरमीया ५२:१२-१३
ZEC 7:4 मिनु मुर नेल्‍ल आन परमप्रभु यावेमी मार देंत देंशा हना
ZEC 7:5 “रागी ङा मुर नेल्‍ल नु चढ़ेब आन कली ‘गेपुकीमी मेको ७० बर्स ङा ५ नु ७ महिनामी रोंका पा माइजा बाक्‍तीनी। मार गे मेको आं पर्बम पनी ङा? यसैया ५८:५
ZEC 7:6 मिनु गे जशा, ब्‍वशा तूती‍नी हना, गे आंम इन पर्बम मपाइ‍नीनी ङा?’ दे‍नो” देंत।
ZEC 7:7 परमप्रभुमी “यरूसलेममी शुश मुर बाक्‍शा, एर ओंथ ङा सहर नेल्‍ल रिम्‍शो नु सो‍शो बो‍शो बाक्‍मेनु, नेगेब नु पच्‍छिम ङा शेफेलाह नेल्‍ल रिम्‍शो पा बाक्‍मानु, ङोंइती ङा आं लोव़ पाइबपुकीमी मुर आन कली देंशो परमप्रभु यावे आ प‍शो लोव़ एकोन ममाइ ङा?” देंत।
ZEC 7:8 मिनु परमप्रभु यावेमी लेंशा जकरिया कली लोव़ पाप्‍तु।
ZEC 7:9 मिनु मुर नेल्‍ल आन परमप्रभु यावेमी मार लोव़ पाप्‍तु देंशा हना “ठीक पा निसाफ पने, दाक्‍मुने नु शिशी पमुने, मीका ६:८
ZEC 7:10 वोंइश बेक्‍शो मीश मुर, रोम रोइक्‍च, अर्को रागी ङा मुर नु प्रुङग आन कली मदिपीन। मरिम्‍शो पमुचा ममिम्‍तीन। प्रस्‍थान २२:२०-२१
ZEC 7:11 तन्‍न मेकोपुकीमी एको लोव़ मनेनेम। काइ मटीब दुम्‍शा, आन नोफा सुम्‍तेक्‍म।
ZEC 7:12 मेकोपुकीमी परमप्रभु यावे आ अरेशो नु आ लोव़ मनेंचा ङा पा आन थुं खकटा सेल्‍तेक्‍म। ङोंइती मुर नेल्‍ल आन परमप्रभु यावेमी आ सोक्‍त रे पा आ अरेशो लोव़ नु मुर आन कली पतीक लोव़ पथ आ लोव़ पाइब आन कली सोइश्‍शो बाक्‍त। मोपतीके मुर नेल्‍ल आन परमप्रभु यावे शुश गाइश्‍शो बाक्‍ब। यसैया ४८:४
ZEC 7:13 दोपा मेकोपुकीमी आं लोव़ मनेन्‍मे, मोपा गो यो मेको आन पुंइशो लोव़ मनेंनुङ।
ZEC 7:14 मिनु गो मेको आन कली फश गिवारमी खोदेंशो पा आन मतुइश्‍शो रागी रागीम फ्रातामी। मोपतीके आन प्रोंइशो रागी मुर मबाक्‍शो दुम्‍त। मेकेर सुइ मलम। मोदेंशो पा रिम्‍शो रागी खतम दुम्‍त” दे मुर नेल्‍ल आन परमप्रभु यावेमी देंत।
ZEC 8:1 मिनु मुर नेल्‍ल आन परमप्रभु यावेमी आं कली लोव़ पाप्‍तु।
ZEC 8:2 मेकोमी मार लोव़ पाप्‍तु देंशा हना “गो सियोन आ पर्बम शुश रुश पाइ‍नुङ। गो मेको आ पर्बम थाम्‍पा रुश पा गाइश्‍‍शो बाक्‍‍नुङ” दे परमप्रभु यावेमी देंत। जकरिया १:१४
ZEC 8:3 परमप्रभु यावेमी “गो सियोनमी जाक्‍शा, यरूसलेम आ दातेमी बाक्‍नुङ। मिनु यरूसलेम थमा सुइक्‍चा पुंइसीब सहर दुम्‍ब। मिनु मुर नेल्‍ल आन परमप्रभु यावे आ डांडा आंम आ बाक्‍तीक डांडा दुम्‍ब” देंत। जकरिया १:१६; यसैया १:२१,२६; भजन संग्रह २:६
ZEC 8:4 मिनु मुर नेल्‍ल आन परमप्रभु यावेमी “खूशो खूशोम यरूसलेम ङा लांम नित्‍नीम। शुश बर्स दुम्‍तीके कोक्‍के तिक्‍शा बाक्‍नीम। यसैया ६५:२०
ZEC 8:5 सहर ङा लांमी ग्‍यारब मीश आल नु वोंइश आलम ब्री‍शो बाक्‍नीम” देंत।
ZEC 8:6 मुर नेल्‍ल आन परमप्रभु यावेमी “मेको लीशो मुरपुकीमी मेको थमा सुइक्‍ने मचाप्‍‍तेक्‍म हना यो, गो मोदेंशो पने मचाप्‍नुङा ङा?” देंत। लूका १:३७
ZEC 8:7 मुर नेल्‍ल आन परमप्रभु यावेमी मार देंत देंशा हना “गो आं मुर आन कली पूर्ब ङा रागी नु पच्‍छिम ङा रागी रे पा प्रोंइ‍नुङमी।
ZEC 8:8 मिनु गो मेको आन कली यरूसलेममी बाक्‍पाइक्‍चा कली चाक्‍नुङमी। मेकोपुकी आं मुर दुम्‍नी‍म। मिनु गो मेको आन परमप्रभु दुम्‍नुङ। गो मेको आन कली दाक्‍चा मप्रोंइथु, ठीक पाइनुङ” देंत। येरमीया २४:७
ZEC 8:9 मुर नेल्‍ल आन परमप्रभु यावेमी मार देंत देंशा हना “गेपुकी शुश गेय पने। ङोंइती गे आं लोव़ पाइबपुकीम लोव़ पशो नें‍तीनी। मेकोपुकी मुर नेल्‍ल आन परमप्रभु यावे आं खिं लेंशा सेल्‍ची ना ङा जग वोइक्‍ची ना बाक्‍तेक्‍म। यसैया ३५:३
ZEC 8:10 मेको क्‍येङा ङोंइती मुर आन कली गाल्‍च मगेमे। बी ब्‍यफ, क्‍यारश भेडा आन कली क्‍येट यो मगेमे। मेको आन जोरी सत्रुमी पतीके आन गेय पथ लने मचाप्‍शो बाक्‍तेक्‍म। मारदे हना गो मुर आन कली साइक्‍मुपाइक्‍तामी।
ZEC 8:11 तन्‍न मुल रे एको ली‍शो आन कली ङोंइती ङा खोदेंशो मपाइक्‍नुङमी” दे मुर नेल्‍ल आन परमप्रभु यावेमी देंत।
ZEC 8:12 मेकोमी “मुल थुं नाइक्‍तीक दुम्‍शो बाक्‍ब। अङगुर आ बोटमी रिम्‍शो फल सिप्‍ब। रूमी अन्‍न ख्रेल्‍ब। सरीङ रे सीत यीब। गो मेको नेल्‍ल लीशो आं मुर आन कली गे‍नुङमी।
ZEC 8:13 यहूदा नु इस्राएल ङा मुरपुकी गे रागी रागी ङा मुर आन दातेमी सराप रशो बाक्‍तीनी। दोपा गेपुकी सराप रनी, मोपा आसीक ताइब दुम्‍नीनी। महिनीन, बोल्‍यो दुमीन” देंत। उत्‍पत्ती १२:२
ZEC 8:14 मिनु मुर नेल्‍ल आन परमप्रभु यावेमी “गो मोपा इन किकी पिपी आन कली आं कली गाइक्‍पाइक्‍तीके श्‍येत गेतामी। मिनु गो शिशी मपङ।
ZEC 8:15 गो मुल यरूसलेम नु यहूदा ङा मुर आन कली रिम्‍शो पाइनुङ। गेपुकी महिनीन।
ZEC 8:16 गेपुकीमी मार पचा माल्‍नीनी देंशा हना, गे इन दातेमी थमा लोव़ ला पमुने। इन ठेयब लाप्‍चोमी जिचा मबोक्‍चा ङा पा थमा नु ठीक निसाफ पने। एफिसी ४:२५
ZEC 8:17 इन दातेमी थुंम मिम्‍शा, मरिम्‍शो मपमुने। जोल पा कसम मजने। मारदे हना मेको नेल्‍ल गो ग्रांग्रा दी‍नुङ” दे परमप्रभु यावेमी देंत। जकरिया ७:१०
ZEC 8:18 मुर नेल्‍ल आन परमप्रभु यावेमी आं कली लोव़ पाप्‍तु।
ZEC 8:19 मिनु मेकोमी मार देंत देंशा हना “४ महिना ङा माइजा बाक्‍तीक, ५, ७ नु १० महिना ङा माइजा बाक्‍तीके, मुल रे यहूदा ङा मुर ग्येरशा सोम्शा पतीक नाक्‍त दुम्‍चा माल्‍नीम। मेको ग्‍येरशा बाक्‍तीक चाड दुम्‍चा माल्‍नीम। मोपतीके गे थमा लोव़ पचा नु थुं नाइक्‍चा दाक्‍तीन” दे मुर नेल्‍ल आन परमप्रभु यावेमी देंत। जकरिया ७:३,५
ZEC 8:20 मुर नेल्‍ल आन परमप्रभु यावेमी “शुश सहर ङा मुर तेम्‍शा जाक्‍नी‍म।
ZEC 8:21 सहर का ङा मुरपुकीम अर्को सहर ङा मुर आन कली ‘परमप्रभु यावे आ शिशी पुंइथ नु मुर नेल्‍ल आन परमप्रभु यावे कली माल्‍थ लने। गो आंमा यो लाइक्‍नीकी’ देंनीम।
ZEC 8:22 शुश मुर नु बोल्‍यो रागी ङा मुरपुकी मुर नेल्‍ल आन परमप्रभु यावे कली माल्‍थ, यरूसलेम सहरम जाक्‍नीम। मेकोपुकीमी परमप्रभु यावे आ शिशी पुंइनीम” देंत।
ZEC 8:23 मुर नेल्‍ल आन परमप्रभु यावेमी मार देंत देंशा हना “मेको नाक्‍ती रागी रागी ङा आन आन लोव़ ब्‍वाक्‍ब १० जना मुरपुकीमी यहूदी का आ वा ग्‍याइश्‍शा ‘गो गे नु लाइनीकी। मारदे हना परमप्रभु यावे गेपुकी नु बाक्‍ब देंशो नेंशो बाक्‍नीक’ देंनीम” दे परमप्रभुमी देंत।
ZEC 9:1 परमप्रभु यावेम हद्राक रागी नु दमस्‍कस सहर आस पर्बम लोव़ का पशो बाक्‍त। मारदे हना इस्राएल ङा थर नेल्‍ल नु अर्को रागी ङा मुर यो परमप्रभु यावे केन बाक्‍नीम। यसैया १७:-
ZEC 9:2 शुश जोक्‍ब तुइक्‍ब बाक्‍तेक्‍म हना यो, हमाथ, टायर नु सीदोन सहर आन पर्बम परमप्रभु यावेमी लोव़ पशो बाक्‍ब। यसैया २३:-; येरमीया ४७:४; इजीकीएल २६:-; इजीकीएल २८:-
ZEC 9:3 टायरमी आंम पर्बम बोल्‍यो दरवार का सेल्‍शो बाक्‍ब। मेकोमी फुरक खोदेंशो पा चांदी नु लां मेर ङा हिलो खोदेंशो पा सुन तेल्‍शो बाक्‍ब।
ZEC 9:4 तन्‍न परमप्रभुमी मेको आ बाक्‍शो मारेइ मारेइ रोइक्‍ब। मेको आ शोंप नेल्‍ल समुन्‍द्रमी ताइश्‍शा गेब। मिनु मेको मीम ग्रोइश्‍शा, खतम दुम्‍नीम।
ZEC 9:5 मिनु अश्‍कलोन मेको तशा हिंब। गाजा हिं‍शा ख्रिंख्रि पाइब, एक्रोन शुश सुर्ता पा आ आस पशो जाम्‍शा लाइब। गाजा ङा पिप जाम्‍शा लाइ‍ब। अश्‍कलोनमी मुर मबाक्‍तीक दुम्‍ब। येरमीया ४७:-
ZEC 9:6 अश्‍दोद सहरमी खाल्‍सीशो मुरपुकी बाक्‍नीम। मिनु गो पलिस्‍ती आन ठेयब लेत्‍तीक खतम पा गे‍नुङ। ब्‍यवस्‍था २३:३
ZEC 9:7 गो मेको आन शोव़ रे पा हुश नु मेको आन ख्रुइ रे ग्रांग्रा दि‍‍चा ङा थोव़क ग्रुंइ‍नुङ। ली‍शो मुरपुकी आंइ परमप्रभु आ मुर दुम्‍नीम। मेकोपुकी यहूदा आ थर ङा मुर खोदेंशो दुम्‍नीम। एक्रोन ङा मुर चहिं यबुसी खोदेंशो दुम्‍नीम। उत्‍पत्ती ९:४; यहोसु १५:६३; २सामुएल २४:१८
ZEC 9:8 मिनु नोले गो आं खिं कली आंमा खाल पाइब खोदेंशो बाक्‍नुङ। मोपा सुइ मुर एर ओंथ गाक्‍ने मचाप्‍नीम। सुइमी आं मुर आन कली लडाइ मतोइनीम। मारदे हना मुल गो आंमान मेको आन कली कोव़नुङ। जकरिया २:९
ZEC 9:9 सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५
ZEC 9:10 गो एफ्राइम रे पा बग्‍गीपुकी नु यरूसलेम रे पा लडाइ पाइब शारा लाइक्‍नुङ। लडाइ पाइब आन लिब्रा जिक्‍ब। मेकोमी रागी रागी ङा मुर आन कली थुं नाइश्‍शा बाक्‍चा गेब। मेकोमी समुन्‍द्र का रे अर्को समुन्‍द्र सम्‍म नु युफ्रेटीस खोला रे रागी ङा सुर सम्‍म सासन पाइब। मीका ५:९
ZEC 9:11 गे नु पशो आं हुश आ कबलम पतीके इ चोक्‍चा पुंइसीशो मुर आन कली ब्‍‍वाक्‍कु मबाक्‍शो खाल्‍टा रे ग्रुंइ‍नुङमी। प्रस्‍थान २४:८; उत्‍पत्ती ३७:२४
ZEC 9:12 आस पा बाक्‍शो चोक्‍चा पुंइसीशो मुरपुकी इन बोल्‍यो ब्रोंइशा बाक्‍तीके लेश्‍शा लने। गो इन कली इन साम्‍शो क्‍येङा निक्‍शी खेयप खोइ शुश गे‍नुङ। जकरिया १०:९; यसैया ६१:७
ZEC 9:13 गो यहूदा कली आं लिब्रा खुक्‍शो खोदेंशो पा खुक्‍नुङ। गो एफ्राइम कली मेको आ ब्रा खोदेंशो सेल्‍नुङ। सियोन, इ तौ आन कली गो ग्रीस रागी आ तौ आन पर्बम क्‍युक्‍‍नुङ। मिनु गो इ कली बोल्‍‍यो लडाइ पाइब आ तरवार खोदेंशो सेल्‍नुङ।
ZEC 9:14 मिनु नोले परमप्रभु यावे इन क्‍येङा इर ग्रूब। मेको आ ब्रा चिला आप्‍शो खोदेंशो पा बेरनीम। परमप्रभु, परमप्रभु यावेमी तुराही ताप्‍ब। मिनु दक्‍खिन ङा फश गिवारम गाक्‍शा लाइब।
ZEC 9:15 मुर नेल्‍ल आन परमप्रभु यावेमी मेको आन कली राइश्‍शा प्रोंइब। मेकोमी आन जोरी सत्रु आन कली खतम पोक्‍ब। मेकोपुकीमी आन हुश अङगुर शांबु खोदेंशो पा तूनी‍म। मेकोपुकी चढ़ेतीक ङा हुश कुर पतीक बोस खोदेंशो पा ब्रीशो बाक्‍नीम। चढ़ेतीक आ एर ओंथ कुना कुना मेर फ्रशो हुश खोदेंशो बाक्‍नीम।
ZEC 9:16 मेको नाक्‍ती परमप्रभु यावे, आन परमप्रभुमी मेको आन कली श्‍येत रे प्रोंइब। मारदे हना मेकोपुकी आ बगाल खोदेंशो बाक्‍नीम। मेको सिरपेच ङा हीरा खोदेंशो पा ब्राइनीम। मेकोपुकी परमप्रभु यावे, आन परमप्रभु आ रागीम हीरा खोदेंशो पा ब्राइनी‍म।
ZEC 9:17 मेको आ दाक्‍तीके नु आ शिशी पतीके थम ठेयब बाक्‍ब। वोंइश आल ग्रेल्‍शो अन्‍न खोदेंशो पा शुश दुम्‍नीम। मीश आल नक अङगुर शांबु खोदेंशो पा दारशो दुम्‍नीम।
ZEC 10:1 परमप्रभु यावे कली नोले ङा रेउ पुनीन। परमप्रभु यावे गोस्‍स नु फश सेल्‍ब बाक्‍ब। मिनु इन कली नु रू नेल्‍ल आन कली रेउ यिपाइक्‍ब।
ZEC 10:2 खिं ङा देवी देवतामी फश लोव़ पाइनीम। लिंक्‍यु कोव़बपुकीमी जोल तशा, ङोमु ङोशा, हेंथे लोव़ पाइनीम। मिनु मुर आन कली फश लोव़ पा लेम्‍नीम। मोपतीके मुरपुकी गोठला मबाक्‍शो भेडा खोदेंशो पा श्‍येत जशा प्रोक्‍नीम। मत्ती ९:३७
ZEC 10:3 मिनु परमप्रभु यावेमी “गो गोठला आन कली तशा शुश गाइश्‍शो बाक्‍नुङ। मारदे हना मुर नेल्‍ल आन परमप्रभु यावेमी आ बगाल, यहूदा आ मुर आन कली कोव़ब। मेकोमी आ मुर आन कली लडाइ पा गेनायो मरूब शारा खोदेंशो सेल्‍ब। जकरिया ११:५
ZEC 10:4 मिनु यहूदा रे सुर ङा फुल्‍लु, ताम्‍बु कीतीक किला, लडाइ पाइब आन लिब्रा नु कप्‍तान नेल्‍ल ग्रूनीम। येरमीया ३०:२१
ZEC 10:5 मिनु मेको नेल्‍ल लडाइम बाक्‍शो लडाइ पाइब खोदेंशो बाक्‍नीम। मेकोपुकीम आन जोरी सत्रु लां ङा हिलोम खोल्‍शा दिम्‍नीम। परमप्रभु यावे मेकोपुकी नु बाक्‍तीके मेकोपुकीमी लडाइ पाइनीम। शारा ङोइक्‍ब आन कली मुने तोक्‍नीम।
ZEC 10:6 गो यहूदा आ खिं ङा मुर आन कली बोल्‍यो सेल्‍नुङ। योसेफ आ खिं ङा मुर आन कली श्‍येत रे प्रोंइनुङ। मेको आन कली ङोंइती ङा खोदेंशो सेल्‍नुङ। मारदे हना गो मेको आन कली शिशी पाइनुङ। मेकोपुकी गेनायो मतिल्‍शो खोदेंशो दुम्‍नीम। मारदे हना गो परमप्रभु यावे, मेको आन परमप्रभु नङ। गो मेको आन कली लोव़ लेत्‍नुङमी।
ZEC 10:7 मिनु एफ्राइम आ खिं ङा मुर लडाइ पाइब खोदेंशो पा बोल्‍यो दुम्‍नीम। अङगुर शांबु तूशो खोदेंशो पा ग्‍येरसीनीम। आन आलपुकीम मेको तशा शुश ग्‍येरसीनीम। मेकोपुकीमी ‘गो परमप्रभु यावे आ मुर नय’ दे शुश ग्‍येरसीनीम।
ZEC 10:8 गो आं मुर आन कली ब्रेश्‍शा, खुप्‍नुङ। मारदे हना गो मेको आन कली श्‍येत रे प्रोंइता। मिनु मेकोपुकी ङोंइती ङा खोदेंशो पा सोशा बोशा, शुश दुम्‍नीम।
ZEC 10:9 गो मेको आन कली रागी रागीम फ्राता हना यो, मेकोपुकीमी ङोन रागीम बाक्‍शा, आं कली मिम्‍‍नीम। मिनु मेको आन आल कोल्‍पाइश्‍शा आन रागीम ले‍त्‍नीम। यसैया ६६:१९; येरमीया ५१:५०
ZEC 10:10 गो मेको आन कली इजीप्‍त रागी रे आन आंम रागीम लेप्‍पाइक्‍नुङ। गो मेको आन कली अस्‍सुर रे ग्रुंइ‍शा, गिलाद नु लेबानोनम चाक्‍नुङ। नोले मेकेर शुश मुर दुम्‍तीके बाक्‍तीके मबाक्‍ब।
ZEC 10:11 मेकोपुकी समुन्‍द्र ङा ठेयब ब्‍वाक्‍कु खोदेंशो श्‍येत जाइनीम। तन्‍न गो समुन्‍द्र ङा छाल थुम्‍पाइक्‍नुङ। मिनु नील खोला सोव़पाइक्‍नुङ। अस्‍सुर आ ठेयब लेश्‍शो जाम्‍ब। मिनु इजीप्‍त ङा राज्‍य थुम्‍सीब।
ZEC 10:12 गो मेको आन कली परमप्रभु यावे कली थमा सुइक्‍तीकेम बोल्‍यो सेल्‍नुङ। मिनु मेकोपुकी मेको आं नेंम गाक्‍नीम” दे परमप्रभु यावेमी देंत।
ZEC 11:1 लेबानोन, मीम इ लाइश्‍शो रवा आन कली नेक्‍पाइक्‍‍चा कली इ लाप्‍चोपुकी रोक्‍को।
ZEC 11:2 तोव़शी रवा रोंका पने। मारदे हना लेबानोन ङा लाइश्‍शो रवा गोल्‍तेक्‍म। मेको दारशो रवा खतम दुम्‍तेक्‍म। बाशान ङा बोल्‍यो शी के रवा रोंका पने। मारदे हना ठेयब ब्‍वाकी नेल्‍ल क्‍योव़शो बाक्‍ब।
ZEC 11:3 गोठला आन रोंका पशो नेनीन। मेको आन रिम्‍शो योव़तीके खतम दुम्‍शो बाक्‍ब। गुप्‍स आन ग्री‍शो नेनीन। यर्दन ङा ब्‍वाकी नेल्‍ल खतम दुम्‍शो बाक्‍ब।
ZEC 11:4 परमप्रभु यावे, आं परमप्रभुमी “क्‍योरचा पुंइसीब भेडा आन कली योव़ङो।
ZEC 11:5 मेको ग्‍याप्‍बपुकीमी भेडा क्‍योरशा सजाइ मतथु ब्रोंइशा लाइनीम। मिनु मेको आन कली लेयबपुकीमी ‘परमप्रभु ठेयब बाक्‍ब। मारदे हना गो शोंप पाइश्‍शो दुम्‍तक’ देंनीम। मिनु मेको भेडा आन गोठलामी मेको आन कली शिशी मपाइनीम। येरमीया २३:-; इजीकीएल १३:-; इजीकीएल ३४:-
ZEC 11:6 मुल रे गो रागी ङा मुर आन कली शिशी मपाइ‍नुङ” दे परमप्रभु यावेमी देंत। मिनु परमप्रभुमी “गो नेल्‍ल आन कली आन नेक्‍था ङा मुर आन गुइमी नु आन पिप आन गुइमी गेनुङ। मिनु मेकोपुकीमी रागी कली खतम सेल्‍नीम। मेको आन गुइ रे सुइ आन कली मप्रोंइनुङमी।
ZEC 11:7 मोपतीके क्‍योरचा चिक्‍शो भेडा लेयब आन पा ङा गो गोठला दुम्‍ती। गो कोक्‍के निक्‍शी ग्‍याइक्‍ताक्‍‍ङ। मिनु गो का कली शिशी पतीक नु अर्को कली थुं का दुम्‍तीक नें वोइक्‍ता। मिनु गो भेडा आन कली योव़तामी।
ZEC 11:8 गो महिना कामी गोठला सां आन कली खेर‍तामी। गो मेको आन गेय तशा ब्रीशा, फाल्‍ने मचाप्‍शो बाक्‍ती।
ZEC 11:9 मिनु गो मेको आन कली ‘गो इन गोठला दुम्‍ने मचाप्‍नुङ। बेक्‍शा लाइबपुकी बेक्‍म‍ल। खतम दुम्‍शा लाइबपुकी खतम दुम्‍मल। लीशोपुकीम आन श्‍ये ब्‍वमुमल’ ” देंती। येरमीया १५:२
ZEC 11:10 मिनु गो आं शिशी नें पाइश्‍शो कोक्‍के जिक्‍ता। मिनु गो मुर नु पशो कबल क्‍याम्‍ताक्‍ङ। जात जात नेल्‍ल ङा मुरपुकी नु फ्रेंशो कबल क्‍याम्‍ताक्‍ङ, दे मेको कोक्‍के जिक्‍ता।
ZEC 11:11 मेको कबल मेको नाक्‍ती क्‍याम्‍ताक्‍ङ। भेडा लेयबपुकीमी आं कली कोव़ना कोव़न बाक्‍तेक्‍म। मेकोपुकीमी एको परमप्रभु यावे आ लोव़ बाक्‍माक्‍त, दे तुइक्‍ताक्‍म। जकरिया ११:७
ZEC 11:12 मिनु गो मेको आन कली “गे ठीक लाक्‍तीनी हना, आं गाल्‍च गेयीनी। ममाइ हना वोंइसीन” देंती। मिनु मेकोपुकीमी आं कली ३० चांदी के शेकेल गेम्‍तेक्‍म। शेकेल का ११.५ ग्राम चांदी के क्‍येट बाक्‍ब।मत्ती २६:१५
ZEC 11:13 मिनु परमप्रभु यावेमी आं कली “मेको क्‍येट लाइश्‍शा, खप के ग्‍योंब सेल्‍ब आ ङोंइती ब्‍वारदो। मेको मिश ङा क्‍येट आं पर्बम कुर पाम्‍‍तेक्‍म” देंत। मिनु गो मेको ३० चांदी के शेकेल लाइश्‍शा, परमप्रभु यावे आ शोंप वोइक्‍तीकेमी यपाइक्‍ब आ ङोंइती ब्‍वारताक्‍ङ। मत्ती २७:५-१०
ZEC 11:14 मिनु नोले गो थुं का दुम्‍तीक नें वोइश्‍शो कोक्‍के जिक्‍ता। मो पा गो यहूदा नु इस्राएल आस कली खिं का ङा दुम्‍तीक रे फ्राताक्‍ङ। इजीकीएल ३७:२२
ZEC 11:15 मिनु परमप्रभु यावेमी आं कली “गे लेंशा शोर गाक्‍शो गोठला खोदेंशो दुमो।
ZEC 11:16 मारदे हना मुल गो मेको रागीमी गोठला का सेल्‍नुङ। मेकोमी बेक्‍‍शा लाइब आन कली मकोव़ब। ब्रशा गाक्‍शो आन कली मखुप्‍‍ब। रोइ पशो आन कली मसापाइक्‍ब नु रिम्‍शो भेडा आन कली मयोव़ब। तन्‍न मेकोमी दोम्‍शो भेडा आन श्‍ये ब्‍वशा, आन गेंग्रे यो चेश्‍शा ब्‍वाइ‍ब।
ZEC 11:17 आबी आबी, शोर गाक्‍शो गोठला। मेकोमी बगाल प्रोंइब। तरवारमी आ ग्‍युरा गुइ नु आ ग्‍युरा मिक्‍च कली आ‍बल। मिनु मेको आ ग्‍युरा गुइ नेल्‍ल सोव़ल। आ ग्‍युरा मिक्‍च बुक्‍शा मताइब दुम्‍ल” देंत।
ZEC 12:1 परमप्रभु यावेमी इस्राएल आ पर्बम पशो लोव़ एको बाक्‍ब। सरीङ नु रागी सेल्‍ब नु मुर आन कली सोक्‍त गेब परमप्रभु यावेमी मार देंत देंशा हना
ZEC 12:2 “गो यरूसलेम कली आ एर ओंथ रागी ङा मुर आन गाइक्‍तीके सेल्‍चा चिक्‍शो बाक्‍नुङ। मुरपुकीमी यरूसलेम पुम्‍नीम। यहूदा यो श्‍येत जाइब। यसैया ५१:१७; येरमीया २५:१५-२९
ZEC 12:3 मेको नाक्‍ती गो रागी ङा मुर नेल्‍ल आन कली यरूसलेम हेल्‍शो फुल्‍लु सेल्‍नुङ। तेको रागी ङा मुरुमी क्‍युक्‍चा लोक्‍चा माल्‍नीमी, मेकोपुकी शुश खाइक्‍पांइसीनीम। मिनु रागी रागी ङा मुर नेल्‍ल खुम्‍सीशा यरूसलेममी लडाइ पथ जाक्‍नी‍म। जकरिया १४:३; योएल ४:१२
ZEC 12:4 मेको नाक्‍ती गो शारा नेल्‍ल आन कली शुश हिंपाइक्‍नुङ। मिनु शारा ङोइक्‍ब आन कली निप्‍स ग्‍यशो सेल्‍नुङ। गो यहूदा आ खिं ङा मुर आन कली कोव़नुङ। मिनु आन जोरी सत्रु आन शारा मिक्‍च मताइब सेल्‍नुङ।
ZEC 12:5 मिनु यहूदा आ खिं खिं ङा मुरपुकीमी आंम आंम थुंमी ‘यरूसलेम ङा मुरपुकी बोल्‍यो बाक्‍नी‍म। मारदे हना मुर नेल्‍ल आन परमप्रभु यावे, मेको आन परमप्रभुमी मेको आन कली सक्ति पाइश्‍शो सेल्‍ब’ देंनी‍म।
ZEC 12:6 मेको नाक्‍ती गो यहूदा आ खिं खिं ङा मुर आन कली शी तारी वोइश्‍शो ब्रुइश्‍शो बोस नु शी आन दातेमी ब्रशो तोव़शी खोदेंशो सेल्‍नुङ। मिनु मेकोपुकीमी ग्‍युरा नु पेरा गे बाक्‍ब नु पुम्‍ब मुर नेल्‍ल आन कली साइक्‍नीम। तन्‍न यरूसलेम आ बाक्‍तीके उइ बाक्‍शा, लेंशा मेकेर मुर बाक्‍नीम। ओबदिया १८:-
ZEC 12:7 मिनु परमप्रभु यावेमी ङोंइती यहूदा ङा मुर आन कली श्‍येत रे प्रोंइब। मोपा दाऊद आ खिं ङा मान ततीके नु यरूसलेममी बाक्‍ब मुर आन मान ततीके यहूदा आन क्‍येङा शुश मदुम्‍ल” देंत।
ZEC 12:8 मेको नाक्‍ती परमप्रभु यावेमी यरूसलेममी बाक्‍ब मुर आन कली वारच पाइब। मेकेर बाक्‍ब नेल्‍ल क्‍येङा मचाप्‍ब दाऊद खोदेंशो बाक्‍नीम। मिनु दाऊद आ खिं ङा मुर परमप्रभु खोदेंशो बाक्‍नीम। मिनु परमप्रभु यावे आ स्‍वर्ग ङा गेय पाइब मेको आन ङोंइती गाक्‍ब। यसैया ३३:२४
ZEC 12:9 मिनु “मेको नाक्‍ती गो यरूसलेम कली लडाइ तोथ जाक्‍ब रागी रागी ङा मुर आन कली खतम सेल्‍नुङ” देंत।
ZEC 12:10 मिनु परमप्रभुमी “गो दाऊद आ खिं ङा मुर नु यरूसलेममी बाक्‍ब मुर आन तारी शिशी पतीक नु पुंइतीक लोव़ पतीके सोक्‍त मोइक्‍नुङ। मो दुम्‍मेनु, आ साइश्‍शो आन कली तशा, मेको आन पर्बम आन का ला तौ आन पर्बम रोंका पशो खोदेंशो पा, रोंका पाइनीम। मेको आन पर्बम, आन ङोंइती जरमेशो तौ आन पर्बम खोदेंशो पा ङाक्‍नीम। योएल ३:१; यूहन्‍ना १९:३७; प्रकाश १:७
ZEC 12:11 मेको नाक्‍ती मेगीददो ङा बेंसीमी हदाद-रिम्‍मोनमी रोंका पशो खोदेंशो पा यरूसलेममी ठेयब रोंका पाइनीम। २राजा ५:१८
ZEC 12:12 रागी नेल्‍ल ङा मुरपुकी रोंका पचा माल्‍नीम। खिं खिं ङा मुरपुकीमी रोंका पचा माल्‍नीम। दाऊद आ खिं ङा वोंइश मुरपुकीमी रोंका पचा माल्‍नीम। मिनु मेको आन मीश आन दातेमी रोंका पचा माल्नीम। नाथान आ खिं ङा वोंइश मुरपुकीमी रोंका पचा माल्‍नीम। मिनु मेको आन मीश आन दातेमी रोंका पचा माल्नीम।
ZEC 12:13 लेवी आ खिं ङा वोंइश मुरपुकीमी रोंका पचा माल्‍नीम। मिनु मेको आन मीश आन दातेमी रोंका पचा माल्नीम। शिमेइ आ खिं ङा वोंइश मुरपुकीमी रोंका पचा माल्‍नीम। मिनु मेको आन मीश आन दातेमी रोंका पचा माल्नीम।
ZEC 12:14 लीशो खिं ङा वोंइश मुर नेल्‍लेमी रोंका पचा माल्‍नीम। मिनु मेको आन मीश आन दातेमी रोंका पचा माल्नीम” देंत।
ZEC 13:1 मेको नाक्‍ती दाऊद आ खिं नु यरूसलेममी बाक्‍ब मुर आन पाप नु आन मरिम्‍शो पशो क्‍याम्‍चा कली ब्‍वाक्‍कु बुक्‍तीके का बुक्‍शा ग्रू‍ब। यसैया १२:३; यसैया ५५:१
ZEC 13:2 मुर नेल्‍ल आन परमप्रभु यावेमी मार देंत देंशा हना मेको नाक्‍ती “गो रागी रे मूर्ति आन नें क्‍याम्‍‍नुङ। मिनु सुइमी मेको आन कली ममिम्‍नीम। मिनु गो मेको रागी रे जोल पा नोले दुम्‍ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९
ZEC 13:3 मिनु लें‍शा सुइमी जोल पा नोले दुम्‍तीक लोव़ पाप्‍तु हना, मेको कली थीब आ आम आफोमी मेको कली ‘गे बेक्‍चा माल्‍नेवे। मारदे हना गे परमप्रभु यावे आ नेंमी जोल लोव़ पाप्‍तीवी’ देंनीस। मिनु मेकोमी जोल पा नोले दुम्‍ब लोव़ पवानु, आ आम आफोमी मेको कली साइक्‍नीस। ब्‍यवस्‍था १३:६
ZEC 13:4 मेको नाक्‍ती नोले दुम्‍ब लोव़ पाइब नेल्‍ल आंम तशो नु आंम लोव़ आ पर्बम मुने पाइनीम। मेकोपुकीमी दलओंठ आ चां के प्रोव़शो वा मफेक्‍नीम।
ZEC 13:5 तन्‍न मेकोपुकीमी ‘गो दा नोले दुम्‍ब लोव़ पाइब मनङ। गो रू ङा गेय पाइब बाक्‍नुङ। मारदे हना गो ठिटा बाक्‍ङा रेन रू ङा गेय पा जशा ब्रोंइती’ देंनीम।
ZEC 13:6 सुइमी मेको कली ‘इ रां ङा गार मार नमी? दे हिल्‍लो पाम्‍तेक्‍म हना, एको आं वारच आ खिंमी दुम्‍शो गार नम’ देंब।
ZEC 13:7 मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१
ZEC 13:8 एको रागी ङा मुर भाग सांमी भाग निक्‍शी साइक्‍चा पुंइसीनीम। मिनु भाग का ब्रोंइचा ताइनीम। यसैया ६:१३
ZEC 13:9 मिनु मेको लीशो भाग आन कली गो मीम कुरपाइ‍नुङमी। चांदी याप्‍पाइश्‍शो खोदेंशो पा याप्‍पाइक्‍नुङमी। मिनु सुन नाक्‍शो खोदेंशो पा नाक्‍नुङमी। मिनु मेकोपुकीमी आं कली थोइ‍नीम। मिनु गो मेको आन कली लोव़ लेत्‍नुङमी। मेकोपुकी आं मुर नम’ देंनुङ। मिनु मेकोपुकीमी ‘परमप्रभु यावे, आंइ परमप्रभु बाक्‍ब’ देंनी‍म” दे परमप्रभु यावेमी देंत। होसे २:२५
ZEC 14:1 परमप्रभु यावे आ नाक्‍त का जाक्‍ब। मेना इन के रोइश्‍शा लाइश्‍शो थोव़क इन दातेमीन योक्‍सीनीनी। यसैया ३९:६
ZEC 14:2 गो रागी रागी ङा मुर नेल्‍ल आन कली यरूसलेम नु लडाइ पपाइक्‍चा कली पुक्‍नुङमी। मिनु सहर मेको आन के दुम्‍ब। मेको आन खिं ङा मारेइ मारेइ रोइक्‍नीम। मिनु मीश मुर आन कली बिथोलो पाइनी‍म। सहर ङा उइक्‍थ मुर ग्‍याइश्‍शा लाइक्‍चा पुंइसीनीम। ली‍शो मेको सहर उइ बाक्‍नीम।
ZEC 14:3 मिनु नोले परमप्रभु यावेमी मेको रागी रागी ङा मुर नु लडाइ पाइब। मुरुमी लडाइ पशो खोदेंशो पा लडाइ पाइब। जकरिया १२:३; यसैया ४२:१३; प्रकाश १९:१९
ZEC 14:4 मेको नाक्‍त आ खोइलीमी यरूसलेम आ ङोंइती पूर्ब गे बाक्‍शो जैतून डांडा कली थेक्‍ब। मिनु जैतून डांडा आ पूर्ब रे पच्‍छिम सम्‍म ठेयब पा जेप्‍ब। मिनु डांडा उइक्‍थ उत्तर गे नु उइक्‍थ दक्‍खिन गे दुम्‍शा बाक्‍ब। मिनु दातेमी ठेयब बेंसी का दुम्‍ब।
ZEC 14:5 गेपुकी परमप्रभु यावे आ डांडा ङा बेंसी रे पा प्रोक्‍चा माल्‍नीनी। मेको आस दाते ङा बेंसी आसाल सम्‍म जाक्‍दीश्‍शो बाक्‍ब। गेपुकी यहूदा ङा पिप उज्‍जीयाह आ पालामी कुशो ख्रिनुमी मुरपुकी प्रोक्‍शो खोदेंशो पा प्रोक्‍नीनी। मिनु नोले परमप्रभु यावे, आं परमप्रभु आ मुर नेल्‍ल नु यीब। आमोस १:१
ZEC 14:6 मेको नाक्‍त नां नु तास्‍लाम छेङछेङ मगेनीस। ग्‍यू यो मदुम्‍ब।
ZEC 14:7 मिनु गेना हना यो नाक्‍त बाक्‍ब। मारदे हना नाक्‍दो दुम्‍ची ना छेङछेङ बाक्‍ब। परमप्रभु यावेमी मेको नेल्‍ल तुइक्‍ब। मर्कूस १३:३२
ZEC 14:8 मेको नाक्‍त यरूसलेम रे पा ब्रोंइचा गेब ब्‍वाक्‍कु शाइश्‍शा यीब। मिनु मेको उइक्‍थ पूर्ब ङा समुन्‍द्र गे नु उइक्‍थ पच्‍छिम ङा समुन्‍द्र गे शाइक्‍ब। मेको होशो नु सिक्‍‍शो नेल्‍ल नाक्‍त शाइक्‍ब। इजीकीएल ४७:१-८
ZEC 14:9 परमप्रभु यावे रागी नेल्‍ल ङा पिप दुम्‍ब। मेको नाक्‍त परमप्रभु यावे का ला बाक्‍ब। आ नें यो का ला बाक्‍ब। भजन संग्रह ९७:१; प्रकाश ११:१५
ZEC 14:10 मिनु रागी नेल्‍ल दिंम दुम्‍ब। मेको गेबा रे पा यरूसलेम आ दक्‍खिन ङा रिम्‍मोन सम्‍म दिंम दुम्‍ब। तन्‍न यरूसलेम बेन्‍यामीन लाप्‍चो रे, माइत लाप्‍चो लाक्‍शा, सुर ङा लाप्‍चो सम्‍म नु हानानेल माइश्‍शो लाइश्‍शो खिं रे पिप आ अङगुर ख्राक्‍तीक सम्‍म बाक्‍ब। मिनु यरूसलेम आ इर ङा बाक्‍तीकेम बाक्‍‍ब। यहोसु १५:३२; येरमीया ३१:३८
ZEC 14:11 मिनु यरूसलेममी मुरपुकी बाक्‍नीमी। मिनु मेको गेनायो लें‍शा खतम मसेल्‍नी‍म। यरूसलेम मारेइ मदुम्‍थु बाक्‍ब। प्रकाश २२:३; येरमीया ३३:१६
ZEC 14:12 परमप्रभु यावेमी यरूसलेम कली लडाइ तोइब आन कली मार बेक्‍तीक रोइ पपाइक्‍ब देंशा हना, मुर गाक्‍ना गाक्‍ना आन श्‍ये राक्‍तीके, आन मिक्‍च आन बाक्‍तीकेम राक्‍तीके नु आन लें आन शोव़मी राक्‍तीके रोइ पपाइक्‍ब।
ZEC 14:13 मेको नाक्‍ती परमप्रभु यावे रे पा मुर शुश हिंनीम। मेको नेल्‍लेमी आन नेक्‍था ङा मुर आन गुइ ग्‍याइक्‍नी‍म। मिनु नोले राम्‍शी पोक्‍नीम।
ZEC 14:14 यहूदा आ मुरपुकीमी यो यरूसलेममी लडाइ पाइनीम। मिनु रागी रागी ङा मुर आन शोंप खुप्‍नीम। मार खुप्‍नीम देंशा हना, सुन चांदी नु वासी शुश खुप्‍शा तेल्‍नीम।
ZEC 14:15 मेको आन बाक्‍तीकेम बाक्‍शो शारा, खच्‍चर, दलओंठ, गधा नु मेकेर मार मार बी ब्‍यफ क्‍यारश भेडा बाक्‍मा, मेको नेल्‍ल मुर कली साइक्‍ब रोइ पाइनीम।
ZEC 14:16 मिनु यरूसलेम कली लडाइ तोइब रागी रागी ङा मुर आन दाते ङा सु सु ब्रोंइशा लीमा, मेकोपुकी बर्स बर्समी यरूसलेम लशा पिप नु मुर नेल्‍ल आन परमप्रभु यावे कली मान पा ठेयब सेल्‍चा माल्‍नीम। मेकोपुकीमी गोठ सेल्‍शा मानेतीक चाड मानेचा कली यरूसलेम लचा माल्‍नी‍म। जकरिया १४:९
ZEC 14:17 मिनु तेको रागी नु खिं ङा मुर नु पिप, मुर नेल्‍ल आन परमप्रभु यावे कली मान पा ठेयब सेल्‍चा कली यरूसलेम मलाम्‍तेक्‍म हना, मेको आन कली रेउ मयीब।
ZEC 14:18 मिनु इजीप्‍त रागी ङा मुरपुकी गोठ सेल्‍शा मानेतीक चाड मानेचा कली यरूसलेम मलाम्‍तेक्‍म हना, मेकोपुकी यो अर्को रागी ङा मुर खोदेंशो पा परमप्रभु यावेमी गेशो श्‍येत जाइनीम।
ZEC 14:19 इजीप्‍त रागी नु रागी नेल्‍ल ङा मुर सु मेको गोठ सेल्‍शा मानेतीक चाड मानेथ मलाइनीमी, मेको मोदेंशो सजाइ ताइनीम।
ZEC 14:20 मेको नाक्‍ती शारा आन किङगोम यो “परमप्रभु यावे कली ला बाक्‍नीम” दे मुशा ब्रेक्‍शो बाक्‍ब। मिनु परमप्रभु यावे आ खिं ङा क्‍येतीक ग्‍योंबपुकी, चढ़ेतीक आ ङोंइती बाक्‍शो ग्‍योंब खोदेंशो पा “परमप्रभु यावे केन बाक्‍नीम” दे ब्रेक्‍शो बाक्‍ब। प्रस्‍थान २८:३६
ZEC 14:21 मिनु यरूसलेम नु यहूदामी बाक्‍शो क्‍येतीक ग्‍योंब नेल्‍ल मुर नेल्‍ल आन परमप्रभु यावे कली ला बाक्‍नीम। सु सुमी चढ़ेनीमी, मेकोपुकीम मेको ग्‍योंबुम आन चढ़ेशो श्‍ये लोप्‍ने चाप्‍नीम। मिनु मेको नाक्‍त रे मुर नेल्‍ल आन परमप्रभु यावे आ खिंमी ग्‍याप्‍ब लेयब मुर का यो मबाक्‍नीम। प्रकाश २१:२६-२७; मत्ती २१:१२
MAL 1:1 मलाकीमी इस्राएली आन कली परमप्रभु यावे आ पशो लोव़ देंत।
MAL 1:2 परमप्रभु यावेमी “गो इन कली दाक्‍ताक्‍ङ। गेपुकीमी चहिं ‘दोपा आंइ कली दाक्‍तीनी ङा? मार, एसाव याकूब आ लोक्‍ब ममाइ ङा?’ देंनीनी। मिनु परमप्रभु यावेमी गो याकूब कली शुश दाक्‍ताक्‍ङ। उत्‍पत्ती २५:२३; रोमी ९:१३
MAL 1:3 तन्‍न एसाव कली काइ मदाक्‍तु। मोपतीके मेको आ बाक्‍तीक पहाड कली गोरशो रागी सेल्‍ता। आ थेरशो रू सिवार आन बाक्‍तीक दुम्‍पाइक्‍ता” देंत। यसैया ३४:१३
MAL 1:4 मिनु एदोम ङा मुरपुकीमी “गोपुकी ब्रुंइसाक्‍व हना यो, गो लेंशा मेको ब्रेश्‍शो नेल्‍ल सेल्‍नीकी” देंतेक्‍म। मुर नेल्‍ल आन परमप्रभु यावेमी “मेकोपुकीमी सेल्‍तेक्‍म हना यो, गो प्रेत्‍नुङ। मिनु अरु मुरपुकीमी मेको आ पर्बम ‘एको ठीक मपाइब रागी का बाक्‍ब। परमप्रभु यावे मेको रागी तशा, गेना हना यो गाइक्‍ब’ ” देंनीम।
MAL 1:5 गेपुकीमी मेको नेल्‍ल तशा “तेइ तेइ रागी ङा मुरपुकीमी परमप्रभु यावे कली ठेयब सेल्‍नीम” दे लोव़ पाइनीनी।
MAL 1:6 मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२
MAL 1:7 परमप्रभुमी “गेपुकी आं कली ग्रांग्रा दिचा ङा थोव़क आं चढ़ेतीकेमी चढ़ेनीनी। मिनु गेपुकीमी ‘दोपा इन कली ग्रांग्रा दिपाइक्‍का?’ दे लोव़ पाइनीनी। परमप्रभु यावे आ टेबल कली मारेइ खोइ मलाक्‍नीनी।
MAL 1:8 गेपुकीमी मिक्‍च मताइब बस्‍तु चढ़ेथ चाक्‍नीनी। मिनु मेको दूली मबाक्‍ब देंनीनी। खोइल मदुक्‍ब नु रोइ पशो बस्‍तु चढ़ेचा दूली मबाक्‍ब देंनीनी। मिनु इन रागी ङा ठेयब मुर कली मोदेंशो गेनीनु, मार, मेको ग्‍येरशा ताक्‍शा, इन कली दाक्‍बा ङा?” दे मुर नेल्‍ल आन परमप्रभु यावेमी देंत। लेवी २२:२०,२३
MAL 1:9 मिनु “परमप्रभु आंइ कली शिशी पन” दे पुनीन। “गेपुकीमी मोदेंशो मरिम्‍शो थोव़क चढ़ेशा मरिम्‍शो पाइतीनी। मिनु इन कली दोपा शिशी पाइनुङा?” दे मुर नेल्‍ल आन परमप्रभु यावेमी देंत।
MAL 1:10 मिनु लेंशा “गेपुकीमी आं चढ़ेतीकेमी मो मी मुइक्‍चा क्‍येङा का लशा लाप्‍चो चोक्‍नी हना, रिम्‍शो दुम वा। गो इन कली तशा मग्‍येरसीशो बाक्‍नुङ। मिनु इन चढ़ेशो यो मताक्‍नुङ” दे मुर नेल्‍ल आन परमप्रभु यावेमी देंत। मलाकी २:१३; यसैया १:१३
MAL 1:11 “नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७
MAL 1:12 मिनु “गेपुकीमी ‘परमप्रभु आ टेबल ग्रांग्रा दिचा ङा बाक्‍ब, मेक बाक्‍शो थोव़क यो ठीक दुम्‍चा ममाल्‍ब’ दे आं नें कली आइक्‍च सेल्‍नीनी।
MAL 1:13 मिनु गेपुकीमी ‘एको गिश श्‍येत बाक्‍बा’ दे आं कली चढ़ेतीक आ पर्बम इन नें क्रुप्‍नीनी। गेपुकीमी रोइश्‍शो बस्‍तु चाक्‍नीनी। खोइल मदुक्‍ब नु रोइ पशो बस्‍तु चढ़ेथ चाक्‍नीनी। मार, गो इन चढ़ेशो ग्‍येरशा ताक्‍चा माल्‍नुङा ङा?” दे परमप्रभु यावेमी देंत।
MAL 1:14 “सु सुमी आंम बस्‍तु आन बगाल रे पा ‘रिम्‍शो बस्‍तु चढ़ेनुङ’ देंनीमी, तन्‍न नोले मरिम्‍शो चढ़ेनीमी, मेको जोल पाइब सराप राइनीम। मारदे हना गो ठेयब पिप नङ। आं नें रागी रागी नेल्‍ल ङा मुर आन दातेमी हिंचा ङा बाक्‍ब” दे मुर नेल्‍ल आन परमप्रभु यावेमी देंत। लेवी २२:१९
MAL 2:1 मिनु मुर नेल्‍ल आन परमप्रभु यावेमी “गे चढ़ेबपुकी, एको शेंशो लोव़ इन कली बाक्‍ब।
MAL 2:2 गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५
MAL 2:3 गो इन पतीके इन आल आन कली हुइक्‍नुङ। इन चढ़ेशो बस्‍तु आन गा क्‍यी ङा ग्रांग्रा इन कुलम देप्‍नुङ। मिनु इन कली आं ङोंइती रे तिल्‍नुङ।
MAL 2:4 गो लेवी नु पशो कबल गेना हना यो लील, दे इन कली मेको शेंतीक सोइक्‍ताक्‍ङ।
MAL 2:5 आं पशो कबल ब्रोंइतीक नु थुं नाइक्‍तीक कबल बाक्‍ब। गो मेको कबल आं कली मान पा हिंल, दे गेता। मेकोमी आं कली मान पा आं नें थिचा शुश हिंत।
MAL 2:6 मेकोमी रिम्‍शो शेंतीक लोव़ पाप्‍तु। गेनायो दूली मशेंद। थम रिम्‍शो नु ठीक पतीकेमी गो नु गाक्‍त। मिनु मेकोमी ठीक मपाइब शुश मुर आन कली आन मरिम्‍शो पतीक रे लेप्‍पाइक्‍तु।
MAL 2:7 चढ़ेबपुकीमी तुइक्‍तीक लोव़ होस पा पचा माल्‍नीम। मिनु मुरपुकीमी मेको आन शेंशो नेंचा माल्‍नीम। मारदे हना चढ़ेबपुकी मुर नेल्‍ल आन परमप्रभु यावे आ सोइश्‍शो लोव़ पाइब बाक्‍नीम। ब्‍यवस्‍था ३३:१०; हाग्‍गै १:१३
MAL 2:8 गेपुकी चहिं आं लां प्रोंइ‍शा, हेंथे गाक्‍तीनी। इन दूली शेंतीकेमी गे शुश मुर आन कली हेंथे गाक्‍ब सेल्‍तीनी। गेपुकीमी लेवी नु पशो कबल खतम सेल्‍तीनी” दे मुर नेल्‍ल आन परमप्रभु यावेमी देंत।
MAL 2:9 परमप्रभुमी “मोपतीके गो इन कली मुर नेल्‍ल आन ङोंइती आइक्‍च नु महिक्‍सीशो सेल्‍ता। मारदे हना गेपुकीमी आं लां प्रोंइतीनी। आं शेंशो लोव़ मटिथु, कुल कोव़मुशा हुकुम पाइतीनी” देंत।
MAL 2:10 मार, गो नेल्‍ल इं आफ कान ममाइ ङा? मार, परमप्रभु कामीन इं कली मसेला ङा? मारदे गोपुकीमी कामी अर्को कली थमा मसुइक्‍थु, इं किकी पिपी आन कली गेशो कबल ख्रोइक्‍नया? मलाकी १:६; अय्‍युब ३१:१५; एफिसी ४:६
MAL 2:11 यहूदामी आं कली प्रोंइती। मिनु इस्राएल नु यरूसलेममी ग्रांग्रा दित्‍चा ङा गेय दुम्‍शो बाक्‍ब। मारदे हना यहूदामी परमप्रभु यावे आ दाक्‍शो बाक्‍तीके ग्रांग्रा दिशो सेल्‍तु। दोपा मोदेंशो सेल्‍तु देंशा हना, आंम तौ आन कली देवी देवता आन कली ठेयब सेल्‍ब मुर आन तमी चाक्‍तु। एज्रा ९:२
MAL 2:12 परमप्रभु यावेमी मोदेंशो पाइब मुर आन कली याकूब आ मुर आन बाक्‍तीक ताम्‍बु रे तिल्‍ब। मिनु मेकोपुकीम मुर नेल्‍ल आन परमप्रभु यावे कली गेनायो चढ़ेचा मताइनीम।
MAL 2:13 गेपुकीमी अर्को मार पाइनीनी देंशा हना, परमप्रभु यावे आ चढ़ेतीके आ नेक्‍था ङाक्‍शा, रोंका पा इन प्रेक्‍कुमी जित्‍नीनी। मारदे हना इन चढ़ेशो ग्‍येरशा मब्राइब। मलाकी १:१०
MAL 2:14 मिनु गेपुकीमी “मारदे मब्राइबा”? दे हिल्‍लो पाइनीनी। मारदे हना गे इन ठिटा बाक्‍ची ना ङा मीश प्रोंइतीनी। मेको आ पर्बम परमप्रभु यावे सांकछी बाक्‍ब। मेको इ वारच इ मीश बाक्‍ब, इ कबल पा चाक्‍शो मीश बाक्‍ब।
MAL 2:15 परमप्रभुम मेको निक्‍शी आस कली कान मसेला ङा? मेको आस सोक्‍त नु गिंम परमप्रभु यावे के बाक्‍नीस। मारदे मेको निक्‍शी आस कली कान सेल्‍तु देंशा हना, आस आल परमप्रभु आ मुर दुम्‍मल, दे कान सेल्‍तु। मोपतीके गेपुकी आंम थुं आ पर्बम होस पा, सुइमी आंम ठिटा बाक्‍‍ची ना ङा मीश कली मप्रोनीन।
MAL 2:16 मारदे हना परमप्रभु यावे, इस्राएली आन परमप्रभुमी गो मीश, वोंइश कली प्रोंइब मुर काइ मदाक्‍नुङ। आन जिशो मदाक्‍नुङ। मोपतीके इन थुं फ्रेंदीन। इन मीश मप्रोंइब दुमीन। ब्‍यवस्‍था २४:१
MAL 2:17 गे इन लोव़मी परमप्रभु यावे कली ब्रीपाइक्‍तीनी। मोपा यो गेपुकीमी “गोपुकीमी मार लोव़मी इन कली ब्रीपाइक्‍का?” देंतीनी। गेपुकीमी “दूली लोव़ पा मरिम्‍शो गेय पाइब नेल्‍ल परमप्रभु यावे आ ङोंइती ठीक बाक्‍नीम। मिनु मेको, मेको आन कली तशा ग्‍येरसीशो बाक्‍ब” दे “निसाफ पाइब परमप्रभु ते बाक्‍बा ङा?” दे यो देंनीनी। मलाकी ३:१३-१४
MAL 3:1 परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७
MAL 3:2 मिनु मेकोमी “तन्‍न आ जाक्‍ची नाक्‍त सु फाल्‍ने चाप्‍बा ङा? आ ग्रूची ना सु राप्‍शा बाक्‍ने चाप्‍बा ङा? मारदे हना मेको तुप्‍तीलमी मुइश्‍शो मी नु वा मुरब आ वा बुश सेल्‍तीक खोदेंशो बाक्‍ब। यसैया १:२५
MAL 3:3 मेको चांदी यपाइश्‍शा रिम्‍शो सेल्‍ब खोदेंशो पा निसाफ पाइब बाक्‍ब। लेवी आ चच युइ आन कली सुन चांदी खोदेंशो पा यपाइश्‍शा रिम्‍शो सेल्‍ब। नोले मेकोपुकीमी परमप्रभु यावे कली ठीक पा चढ़ेनीम। जकरिया १३:९
MAL 3:4 मेना परमप्रभु यावेमी यहूदा नु यरूसलेममी चढ़ेशो साइ ङोंइती ङा खोदेंशो पा ब्राइब” देंत।
MAL 3:5 तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।
MAL 3:6 मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।
MAL 3:7 इन किकी पिपी आन बाक्‍ची ना रे आं फुल्‍लुम मुशा ब्रेक्‍शो लोव़ मटिथु, हेंथे लां खोइक्‍तीनी। आं गे लेतीन। मिनु गो इन गे लेत्‍नुङ” दे मुर नेल्‍ल आन परमप्रभु यावेमी देंत। तन्‍न गेपुकीमी “गो दोपा लेत्‍चा?” देंतीनी। जकरिया १:३
MAL 3:8 परमप्रभुमी “मार, मुरपुकीमी परमप्रभु आ मार मार खुइ पने चाप्‍नीमी ङा? तन्‍न गेपुकीम आं के खुइ पशो बाक्‍नीनी। मो हना यो गेपुकीमी ‘गोपुकीमी इन के मार खुइ पका ङा?’ देंनीनी। इन १० भाग ङा भाग का नु मार मार चढ़ेतीकेमी खुइ पशो बाक्‍नीनी। प्रस्‍थान २५:२
MAL 3:9 गे सराप रशो दुम्‍तीनी। मारदे हना गे आं मार मार खुइ पाइब बाक्‍नीनी। गे इस्राएल नु मुर नेल्‍लेमी आं कली रोइक्‍ताक्‍यीनी। हाग्‍गै १:५-६
MAL 3:10 गे नेल्‍लेमी इन १० भाग ङा भाग का वोइक्‍तीकेमी चाक्‍कीन। मिनु आं खिंमी जचा थोव़क बाक्‍ल। मोपा आं कली नाक्‍शा, कोव़ङीन। गो स्‍वर्ग ङा लाप्‍चो रोक्‍शा, इन कली शुश आसीक गेबाक्‍ङा, कों, मगेबाक्‍ङा” दे मुर नेल्‍ल आन परमप्रभु यावेमी देंत।
MAL 3:11 मिनु “गो इन रू ङा बाली नाली खतम मसेल्‍चा ङा पा माले आन कली हुइक्‍नुङमी। इन रूम बाक्‍शो अङगुर सिश्‍शा ग्रेल्‍नीम” दे मुर नेल्‍ल आन परमप्रभु यावेमी देंत। योएल १:४
MAL 3:12 मिनु “रागी रागी ङा मुर नेल्‍लेमी इन पर्बम ‘आसीक रशा, ग्‍येरशो मुर बाक्‍नीमी’ देंनीम। मारदे हना इन रागी थम आसीक रशो रागी दुम्‍ब” दे मुर नेल्‍ल आन परमप्रभु यावेमी देंत।
MAL 3:13 मिनु परमप्रभु यावेमी “गे आं पर्बम मरिम्‍शो लोव़ पाइतीनी हना यो ‘इन कली मार मरिम्‍शो लोव़ पका ङा?’ देंतीनी।
MAL 3:14 गेपुकीमी ‘परमप्रभु आ गेय पचा, मोशीन बाक्‍ब। आ शेंशो लोव़ पचा नु बेक्‍शो मुर आ पर्बम रोंका पशो खोदेंशो पा मुर नेल्‍ल आन परमप्रभु यावे आ ङोंइती रोंका पचा, मोशा बाक्‍ब। भजन संग्रह ७३:१३-१४; जकरिया ७:३,५
MAL 3:15 मुल गो ठेयब लेश्‍शो मुर आन कली रिम्‍शो मुर बाक्‍नीम, देंनीकी। मारदे हना मरिम्‍शो पाइबपुकी दारनीम। परमप्रभु कली मरिम्‍शो पाइब ब्रोंइशा बाक्‍नीम’ देंनीनी” देंत।
MAL 3:16 मिनु परमप्रभु यावे क्‍येङा हिंब आन दातेमी लोव़ पाम्‍तेक्‍म। मिनु परमप्रभु यावेमी नोफा दाइश्‍शा, मेको आन लोव़ नेंतु। मिनु आ ङोंइती आ कली मान पा हिंब, आ नें ठेयब सेल्‍ब आन पर्बम मिम्‍तीक किताब ब्रेक्‍शो बाक्‍त।
MAL 3:17 मिनु मुर नेल्‍ल आन परमप्रभु यावेमी “मेको आं मुर दुम्‍नीम। आं निसाफ पतीक नाक्‍त आं नेक्‍था ङा मुर दुम्‍नीम। दोपा मुरुमी आंम कली गेय पाइब तौ कली शिशी पा वोइक्‍बा, मोपा गो मेको आन कली शिशी पा वोइक्‍नुङ। प्रस्‍थान १९:५
MAL 3:18 मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।
MAL 4:1 मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।
MAL 4:2 तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८
MAL 4:3 मिनु गेपुकीमी आं अरेशो लोव़ मटीब आन कली इन खोइलीमी दिम्‍नीनी। आं निसाफ पतीक नाक्‍ती मेको इन खोइलीम दिम्‍शा, पुलु खोदेंशो सेल्‍चा पुंइसीनीमी” दे मुर नेल्‍ल आन परमप्रभु यावेमी देंत।
MAL 4:4 परमप्रभुमी “आं वाइल मोसामी इन कली गेशो आं अरेशो लोव़ मिम्‍तीन। गो मेको फुल्‍लुम मुशा ब्रेक्‍शो लोव़ नु आं देंशो ठीक पतीक लोव़ होरेब डांडामी इस्राएली नेल्‍ल आन कली अरेचा कली गेता।
MAL 4:5 नेनीन, आं ठेयब नु हिंचा ङा नाक्‍त जाक्‍चा क्‍येङा ङोंइती आं लोव़ पाइब एलीया कली इन बाक्‍तीकेम सोइक्‍नुङ। मत्ती ११:१४; १७:११-१३; योएल ३:४
MAL 4:6 मिनु मेकोमी आम आफ आस थुं आस आल गे नु आल आन थुं आम आफ गे लेप्‍पाइक्‍ब। मोदेंशो मदुम्‍त हना, गो रागी कली सराप पाइक्‍नुङ” दे परमप्रभु यावेमी देंत। लूका १:१७
MAT 1:1 अब्राहाम आ तौ, पिप दाऊद आ तौ, येसु ख्रीस्‍त आ किकी पिपी आन नें एको बाक्‍नीम। १इतिहास १७:११; उत्‍पत्ती २२:१८
MAT 1:2 येसु ख्रीस्‍त आ किकी पिपी सु सु बाक्‍मा बाक्‍त देंशा हना, ङोंइती अब्राहाम बाक्‍माक्‍त। अब्राहाममी इसहाक थि‍माक्‍त। इसहाकमी याकूब थि‍माक्‍त। याकूबमी यहूदा नु आ वोबु थीमी बाक्‍त। उत्‍पत्ती २१:३,१२; उत्‍पत्ती २५:२६; उत्‍पत्ती २९:३५; उत्‍पत्ती ४९:१०
MAT 1:3 यहूदामी तामार रे पेरेस नु जेरह तौ निक्‍शी थिम्‍सी बाक्‍त। पेरेसमी हेस्रोन थि‍माक्‍त। हेस्रोनमी अराम थि‍माक्‍त। रूथ ४:१८-२२; उत्‍पत्ती ३८:२९-३०
MAT 1:4 अराममी अम्‍मीनादाब थि‍माक्‍त। अम्‍मीनादाबमी नहशोन थि‍माक्‍त। नहशोनमी साल्‍मोन थि‍माक्‍त।
MAT 1:5 साल्‍मोनमी राहाब माइश्‍शो मीश रे बोआज थि‍माक्‍त। बोआजमी रूथ माइश्‍शो मीश रे ओबेद थि‍माक्‍त। ओबेदमी येस्‍से थि‍माक्‍त। येस्‍सेमी दाऊद थि‍माक्‍त। दाऊद चहिं पिप दुम्‍माक्‍त। यहोसु २:१; रूथ ४:१३-१७
MAT 1:6 पिप दाऊदमी उरीयाह आ मीश चाक्‍शा, सोलोमन थि‍माक्‍त। २सामुएल१२:२४
MAT 1:7 सोलोमनमी रेहोबाम थि‍माक्‍त। रेहोबाममी अबीयाह थि‍माक्‍त। अबीयाहमी आसा थि‍माक्‍त। १इतिहास ३:१०-१६
MAT 1:8 आसामी येहो-शाफात थि‍माक्‍त। येहो-शाफातमी योराम थि‍माक्‍त। मिनु योराममी उज्‍जीयाह थि‍माक्‍त।
MAT 1:9 उज्‍जीयाहमी योथाम थि‍माक्‍त। योथाममी आहाज थि‍माक्‍त। आहाजमी हिज्कीयाह थि‍माक्‍त।
MAT 1:10 हिज्कीयाहमी मनस्‍से थि‍माक्‍त। मनस्‍सेमी आमोन थि‍माक्‍त। आमोनमी योसीयाह थि‍माक्‍त।
MAT 1:11 योसीयाहमी येकोन्‍याह नु आ लोक्‍ब थीमी बाक्‍त। येकोन्‍याह आ पालामी बेबीलोन ङा मुरपुकीमी यहूदी आन कली लडाइ पा ग्‍याइश्‍शा बेबीलोन चाक्‍दीत्‍मे बाक्‍त। २राजा २५:७,११,२१
MAT 1:12 बेबीलोन चाक्‍दीत्‍मे आ नोले येकोन्‍याहमी शाल्‍तीएल थिम्‍माक्‍त। शाल्‍तीएलमी जेरूब-बाबेल थि‍माक्‍त।
MAT 1:13 जेरूब-बाबेलमी अबीउद थि‍माक्‍त। अबीउदमी एल्‍याकीम थि‍माक्‍त। एल्‍याकीममी आजोर थि‍माक्‍त।
MAT 1:14 आजोरमी सादोक थि‍माक्‍त। सादोकमी अकीम थि‍माक्‍त। अकीममी एलीउद थि‍माक्‍त।
MAT 1:15 एलीउदमी एलाजर थि‍माक्‍त। एलाजरमी मात्‍थान थि‍माक्‍त। मात्‍थानमी याकूब थि‍माक्‍त।
MAT 1:16 मिनु याकूबमी योसेफ थि‍माक्‍त। योसेफ मरीयम आ वोंइश बाक्‍माक्‍त। मरीयममी येसु थि‍माक्‍त। येसु कली ख्रीस्‍त देंमा बाक्‍त। लूका १:२७
MAT 1:17 अब्राहाम रे पा दाऊद सम्‍म १४ पाला दुम्‍मा बाक्‍त। मिनु दाऊद पिप रे पा बेबीलोन चाक्‍दीत्‍‍ची सम्‍म १४ पाला दुम्‍मा बाक्‍त। बेबीलोन चाक्‍दीश्‍शो रे ख्रीस्‍त जरमेसेनु १४ पाला दुम्‍मा बाक्‍त।
MAT 1:18 येसु ख्रीस्‍त जरमेचा कली दोदेंशो दुम्‍माक्‍त देंशा हना, मरीयम योसेफ कली गेशा लोव़ ख्रोइक्‍ने थुम्‍शो बाक्‍माक्‍त। मिनु योसेफमी मरीयम कली ग्‍युंबे पा आ खिं लाइक्‍चा क्‍येङा ङोंइती मरीयम आल कुरशो बाक्‍माक्‍त। मेको आल चहिं मुर आ आल ममाइ। परमप्रभु यावे आ सोक्‍त रे पा दुम्‍शो बाक्‍माक्‍त। लूका १:३५
MAT 1:19 मिनु योसेफमी “मरीयम आल कुरशो बाक्‍माक्‍त” दे तुइश्‍शा “मुल प्रोंइचा दुम्‍ती” दे मिम्‍ता बाक्‍त। योसेफ रिम्‍शो मुर बाक्‍माक्‍त। मोपतीके “मरीयम कली मुने मतोक्‍चा” दे मिम्‍शो बाक्‍माक्‍त।
MAT 1:20 मिनु “गो प्रोंइचा दुम्‍ती” दे मिम्‍ना मिम्‍न बाक्‍मेनु, काबु ङोमु तवा बाक्‍त। मिनु ङोमु तवानु, परमप्रभु यावे आ स्‍वर्ग ङा गेय पाइबमी “दाऊद आ तौ योसेफ नेनो। मरीयम कली प्रोंइनुङ, दे ममिम्‍तो। महिंथु इ खिं लाइश्‍शा वोंइसो। आ कोव़जम बाक्‍शो चहिं परमप्रभु यावे आ सोक्‍त के बाक्‍त।
MAT 1:21 नोले तौ का थीब। मेको कली येसु नें वोतो। मारदे हना मेकोमी आ मुर आन कली पाप रे प्रोंइब” दे तुइक्‍पदा बाक्‍त। लूका २:२१; प्रेरित ४:१२; भजन संग्रह १३०:८
MAT 1:22 मेको मो दुम्‍शोमी परमप्रभु यावेमी साइ नेसी आ लोव़ पाइब पपाइश्‍शो लोव़ खाप्‍ताक्‍व। साइ नेसी परमप्रभु यावे आ लोव़ पाइबमी
MAT 1:23 “नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४
MAT 1:24 योसेफ निन्‍द्रा रे सेंसीशा बोक्‍शा, परमप्रभु यावे आ स्‍वर्ग ङा गेय पाइब आ लोव़ टिशा, मरीयम कली आ खिं लदा बाक्‍त।
MAT 1:25 मरीयम नु मइप्‍थु, तौ का थि‍माक्‍त। मिनु मेको कली येसु नें वोदा बाक्‍त।
MAT 2:1 येसु यहूदीया रागी ङा बेथलेहेम सहरमी जरमेसे बाक्‍त। मेना मेकेर हेरोद पिप बाक्‍माक्‍त। मिनु येसु जरमेसेनु, सोरुल कोव़शा, जोक्‍ब तुइक्‍ब नां दाप्‍तीक रे यरूसलेममी जाक्‍मा बाक्‍त। लूका २:१-७
MAT 2:2 मिनु यरूसलेममी जाक्‍शा “यहूदी आन पिप ते जरमेसे? मारदे हना गोपुकीमी पूर्ब ङा रागीम आ सोरुल ताइतक। मिनु गो मेको कली ठेयब सेल्‍थ जाक्‍तक। ते बाक्‍मा?” देंमा बाक्‍त। गन्‍ती २४:१७
MAT 2:3 मिनु पिप हेरोद नु यरूसलेममी बाक्‍बपुकीमी मेको आन लोव़ नेंशा, आन थुं ग्‍येत्‍थ लुक्‍च दुम्‍मा बाक्‍त।
MAT 2:4 मिनु हेरोदमी ठेयब चढ़ेब नु सास्‍त्री आन कली खुप्‍शा “ख्रीस्‍त ते जरमेसीबा?” दे हिल्‍लो पामी बाक्‍त। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म।
MAT 2:5 मिनु मेकोपुकीमी “यहूदीया ङा बेथलेहेम सहरमी जरमेसीब। मारदे हना परमप्रभु यावे आ लोव़ पाइबमी मीका ५:१; यूहन्‍ना ७:४२
MAT 2:6 ‘ए यहूदीया ङा बेथलेहेम सहर, यहूदीया ङा सहर नेल्‍ल क्‍येङा आइक्‍च महिक्‍सीशो सहर मनवे। मारदे हना इं इस्राएली आन कली सासन पाइब बेथलेहेममी जरमेसीब’ दे ब्रेक्‍शो बाक्‍ब” दे शेंदमे बाक्‍त। मीका ५:२
MAT 2:7 मिनु हेरोदमी मेको आन लोव़ नेंशा सुइमी मतुइक्‍थु, नां दाप्‍तीके रे जाक्‍शो सोरुल कोव़ब आन कली ब्रेत्‍तीमी बाक्‍त। मिनु मेको सोरुल गेना ग्रूमे, दे रुबा बाक्‍त।
MAT 2:8 मिनु “लो, मुल बेथलेहेम सहर लने। मेकेर जाक्‍दीश्‍शा, मेको आल मालीन। मिनु थिश्‍शा आं कली यो शेंदीन। गो यो लशा ठेयब सेल्‍नुङ” दे सोइक्‍तीमी बाक्‍त।
MAT 2:9 मिनु मेकोपुकीमी पिप आ लोव़ नेंशा, आन लां खोदमे बाक्‍त। मिनु नां दाप्‍तीकेमी तशो सोरुलमी आन कली लां कोंइदीमी बाक्‍त। लां कोंइना कोंइन नक थिशो आल बाक्‍तीके आ सोरुल ख्रा दिक्‍माक्‍त।
MAT 2:10 सोरुल ख्रा दिक्‍शो तशा, शुश ग्‍येरशा आल आ बाक्‍तीकेमी ओव़मा बाक्‍त।
MAT 2:11 मिनु ओव़शा, आल नु आल आ ममा मरीयम कली तामे बाक्‍त। मिनु आन पोक्‍च थेक्‍शा आल कली ठेयब सेल्‍मे बाक्‍त। मिनु आन कुरशो थैलो प्राक्‍शा, सुन धूप नु ब्रोव़शो रिना पाइब थोव़क ग्रुंइशा ख्रेत्‍तमे बाक्‍त। भजन संग्रह ७२:१०,१५; यसैया ६०:६
MAT 2:12 आल कली ग्रुम्‍ने थुम्‍शा, आन रागी लेत्‍‍ची ना परमप्रभु यावेमी ङोमुमी “पिप हेरोद कली लेंशा मग्रुमीने” दे तुइक्‍पाइक्‍मी बाक्‍त। मिनु यरूसलेम लतीक लां हेरशा, आन रागी लेम्‍मा बाक्‍त।
MAT 2:13 मेकोपुकी लमा नोले काबु योसेफमी ङोमुमी परमप्रभु यावे आ स्‍वर्ग ङा गेय पाइब का फो ग्रूशो तवा बाक्‍त। मेकोमी “मोबु आस कली लाइश्‍शा, एकेर रे प्रोक्‍शा, इजीप्‍त रागी जाक्‍दीश्‍शा, लेत्‍तीन मदेंङ सम्‍म बाक्‍कीन। मारदे हना पिप हेरोदमी आल कली साइक्‍चा, दे माल्‍चा चिक्‍ताक्‍व” दे मदा बाक्‍त।
MAT 2:14 मिनु योसेफमी निन्‍द्रा रे सेंसीशा छुल बोक्‍शा, मोबु आस कली लाइश्‍शा मेको, नाक्‍दोन इजीप्‍त प्रोक्‍मा बाक्‍त।
MAT 2:15 मिनु इजीप्‍त रागीमी जाक्‍दीश्‍शा, पिप हेरोद मबेक्‍म सम्‍म मेकेर बाक्‍मा बाक्‍त। मो दुम्‍शोमी परमप्रभु यावे आ लोव़ थमा दुम्‍माक्‍त। साइ नेसी परमप्रभु यावेमी आ लोव़ पाइब रे पा “इजीप्‍त रे लेत्‍तो, दे आं तौ कली ब्रेत्‍ताक्‍ङ” दे देंशो बाक्‍माक्‍त। होसे ११:१
MAT 2:16 पिप हेरोदमी मार पवा बाक्‍त देंशा हना “मेको सोरुल कोव़शा जोक्‍ब तुइक्‍बपुकीमी जोल पाइयीमी बाक्‍त” दे तुइश्‍शा चुरमाक्‍त। मिनु आन देंशो लोव़मी “पिप मेना जरमेसीब” दे मिम्‍शा, मेको पिप दुम्‍ब आल कली थिन्‍ने मचाप्‍तीके बेथलेहेम सहर एर ओंथ गाउं ङा बर्स निक्‍शी मलाक्‍शो वोंइश आल नेल्‍ल आन कली माल्‍ना माल्‍न साइक्‍पाइक्‍मी बाक्‍त।
MAT 2:17 मो पवानु, परमप्रभु यावे आ लोव़ थमा दुम्‍माक्‍त। साइ नेसी परमप्रभु यावेमी आ लोव़ पाइब येरमीया रे पा
MAT 2:18 “रामाह सहरमी रोंका पा ङाक्‍शो नेंसीब। राहेलमी ङाक्‍ना ङाक्‍न बाक्‍ब। सुइमी लेम्‍ने मचाप्‍नीम। मारदे हना आ आल साइक्‍चा पुंइसाक्‍म” देंमाक्‍त। येरमीया ३१:१५; उत्‍पत्ती ३५:१९
MAT 2:19 मिनु नोले पिप हेरोद बेक्‍माक्‍त। मिनु काबु इजीप्‍त रागीम बाक्‍शो योसेफ ङोमु तवानु, परमप्रभु यावे आ स्‍वर्ग ङा गेय पाइबमी
MAT 2:20 “मोबु आस कली लाइश्‍शा, इस्राएल लेश्‍शा लावो। आल कली साइक्‍चा माल्‍बपुकी बेक्‍तेक्‍म” देंमाक्‍त। प्रस्‍थान ४:१९
MAT 2:21 मिनु योसेफमी मोबु आस कली इस्राएल लेत्‍ता बाक्‍त।
MAT 2:22 मिनु लेश्‍शा जाक्‍दीश्‍शा, यहूदीया रागीमी हेरोद आ तौ अरकीलाउस पिप दुम्‍शो बाक्‍त देंशो नेंशा, यहूदीया रागीमी बाक्‍चा हिंमाक्‍त। मिनु लेंशा ङोमुमी “यहूदीयामी मबाक्‍कीन। गालील रागी लशा बाक्‍कीन” दे माइक्‍चा पुंइसे बाक्‍त। मिनु गालील रागी लमा बाक्‍त।
MAT 2:23 मिनु गालील ङा नासरथ सहरमी जाक्‍दीश्‍शा बाक्‍मा बाक्‍त। मारदे हना साइ नेसी परमप्रभु यावे आ लोव़ पाइब आन लोव़ थमा दुम्‍चा माल्‍बाक्‍माक्‍त। मेकोपुकीमी “मेको कली नासरी देंनीम” देंशो बाक्‍मा बाक्‍ब। लूका २:३९; यूहन्‍ना १:४६
MAT 3:1 मेना ब्‍वाक्‍कुमी ख्रुम्‍शा ग्रुंइब यूहन्‍ना यहूदीया ङा गोरशो रागीम बाक्‍शा लूका १:१३
MAT 3:2 “इन थुं परमप्रभु यावे गे लेत्‍तीने। मारदे हना स्‍वर्ग ङा राज्‍य जाक्‍चशो बाक्‍ब” दे मुर आन कली शेंना शेंन बाक्‍माक्‍त। मत्ती ४:१७; रोमी १२:२
MAT 3:3 साइ नेसी परमप्रभु यावे आ लोव़ पाइब यसैयामी “गोरशो रागीमी सेंदा कामी ओदेंशो नेंसीब ‘प्रभु आ लां सेलीने। आ गाक्‍तीके फुल्‍लु ग्रोक्‍शा थेलीने’ देंशो नेंसीब” देंशो बाक्‍माक्‍त। मेको लोव़ पाइब यूहन्‍ना बाक्‍माक्‍त। यसैया ४०:३; यूहन्‍ना १:२३
MAT 3:4 यूहन्‍नामी दलओंठ आ चां के प्रोव़शो वा फेक्‍बाक्‍माक्‍त, कुशुल के पेटी किप्‍बाक्‍माक्‍त। मिनु सल्‍हा ब्‍वशा, रोका खुदो जशा बाक्‍बाक्‍माक्‍त। २राजा १:८
MAT 3:5 मिनु गोरशो रागीम बाक्‍मेनु, यरूसलेम सहर नु यहूदीया रागी ङा गाउं सहर ङा मुर नेल्‍ल जाक्‍शा देल्‍मा बाक्‍त। यर्दन खोला आ नेक्‍था ङा मुरपुकी यो शुश जाक्‍शा देल्‍मा बाक्‍त।
MAT 3:6 यूहन्‍ना आ लोव़ नेंशा, शुश मुरुमी आन मरिम्‍शो पशो शोव़ङमे बाक्‍त। मो पा शोव़ब आन कली यूहन्‍नामी यर्दन खोलामी ख्रुम्‍शा ग्रुंइदीमी बाक्‍त।
MAT 3:7 मिनु यूहन्‍नामी फरिसी नु सदुकी शुश जाक्‍शो तशा, मेको आन कली “गे बुस्‍स आ खलकपुकी, सुमी परमप्रभु यावे आ सजाइ रे ब्रोंइचा तांइसीब, दे शेंदीनी?फरिसी रिती थीती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म। सदुकी यहूदी आन सरकार ङा हुल ‘मुर मसेंसीनीम’ दे थमा सुइक्‍ब बाक्‍शो बाक्‍तेक्‍म। मत्ती २३:३३
MAT 3:8 परमप्रभु यावे गे इन थुं लेश्‍शो तचा ङा पा फल सिप्‍पा कोंइदीने।
MAT 3:9 अब्राहाम इं आफ बाक्‍ब, दे शोर गाक्‍शा मबाक्‍कीन। मारदे हना परमप्रभु यावेमी एको फुल्‍लु रे अब्राहाम कली आल सेल्‍ने चाप्‍ब, दे तुइक्‍तीन। यूहन्‍ना ८:३३,३९; रोमी २:२८:२९; रोमी ४:१२
MAT 3:10 तिम्‍चा, दे रवा आ पुंमी खा वोइश्‍शो बाक्‍ब। फल मसिप्‍ब रवा का का पा तिम्‍शा मीमी चोचा पुंइसीनीम, दे तुइक्‍तीन। लूका १३:६-९
MAT 3:11 इन थुं लेत्‍‍चा कली इन कली ब्‍वाक्‍कुम ख्रुम्‍शा ग्रुंइनन्‍नी। गो ब्‍वाक्‍कुम ख्रुम्‍शा ग्रुंइब ला नङ। आं नोले जाक्‍ब चहिं आं क्‍येङा शुश सक्ति पाइश्‍शो ठेयब बाक्‍ब। गो मेको आ जु‍त्ता गुप्‍शा कुरचा लायो मशिरनुङ। मेकोमी इन कली परमप्रभु यावे आ सोक्‍तीमी ख्रुम्‍ब, मीमी यो हुम्‍ब। यूहन्‍ना १:२६,२७,३३; प्रेरित १:५; प्रेरित २:३-४
MAT 3:12 आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०
MAT 3:13 मिनु काबु येसु गालील रागी रे यूहन्‍ना नु ब्‍वाक्‍कुम ख्रुम्‍शा ग्रुंइसीथ यर्दन खोला यूहन्‍ना आ बाक्‍तीकेमी जाक्‍माक्‍त।
MAT 3:14 मिनु यूहन्‍नामी “गेमी आं कली कका ब्‍वाक्‍कुम ख्रुम्‍शा ग्रुंइचा गारब। मिनु मार आं गे पीनीनी?” देंमाक्‍त। यूहन्‍ना १३:६
MAT 3:15 मिनु येसुमी “मुल ओन पय। मारदे हना रिम्‍शो पतीके नेल्‍ल पचा माल्‍नय” देंमाक्‍त। मिनु यूहन्‍नामी “लो, मो हना” देंशा, येसु कली ब्‍वाक्‍कुम ख्रुम्‍शा ग्रुंइदा बाक्‍त।
MAT 3:16 मिनु ब्‍वाक्‍कु रे ग्रूशा, खोला रे कुसानु, मार दुम्‍माक्‍त देंशा हना, येसुमी स्‍वर्ग रोक्‍सीशा, परमप्रभु यावे आ सोक्‍ती परवा खोदेंशो दुम्‍शा, यिशा आ रांमी जुक्‍चशो तवा बाक्‍त। यसैया ११:२
MAT 3:17 मिनु सरीङ रे “एको आं दाक्‍शो तौ बाक्‍ब। एको कली तशा थाम्‍पा ग्‍येरसीनुङ” देंशो सेंदा ग्रूमाक्‍त। मत्ती १७:५; यसैया ४२:१
MAT 4:1 मिनु नोले सैतान रे पा थुं थाम्‍चा पुंइसीचा कली परमप्रभु यावे आ सोक्‍तीमी येसु कली गोरशो रागीमी चाक्‍दीदा बाक्‍त। हिब्रू ४:१५;
MAT 4:2 मिनु येसु ४० नाक्‍दो नाक्‍त मजथु बाक्‍माक्‍त। मिनु ४० नाक्‍त जाक्‍दीम्‍मेनु, शोव़लु बेक्‍माक्‍त। प्रस्‍थान ३४:२८; १राजा १९:८
MAT 4:3 मिनु सैतानमी येसु कली “मार, गे परमप्रभु यावे आ तौ नवे हना, एको फुल्‍लु आन कली शोब्‍ले दुमीन देंशा शोब्‍ले सेलो” देंमाक्‍त। उत्‍पत्ती ३:१-७
MAT 4:4 मिनु येसुमी “परमप्रभु यावे आ लोव़मी ‘मुर जशा ला मब्रोंइनीम, परमप्रभु यावे आ देंशो लोव़मी यो ब्रोंइनीम’ दे ब्रेक्‍शो बाक्‍त” दे लोव़ लेत्‍ता बाक्‍त। ब्‍‍यवस्‍था ८:३
MAT 4:5 मिनु नोले सैतानमी येसु कली यरूसलेम सहर लाइश्‍शा, परमप्रभु यावे आ खिं ङा नेल्‍ल क्‍येङा तारी लदा बाक्‍त।
MAT 4:6 मेकेर बाक्‍सानु, सैतानमी “मार, गे परमप्रभु यावे आ तौ नवे हना, एकेर रे प्रेक्‍को। मारदे हना परमप्रभु यावे आ ब्रेक्‍पाइश्‍शो लोव़मी ‘परमप्रभु यावेमी आ स्‍वर्ग ङा गेय पाइब आन कली सोइश्‍शा, इ कली आन गुइम ताक्‍शा खपीम नाइक्‍पाइक्‍ब। इ खोइल फुल्‍लु कामी यो मथोक्‍ब’ ब्रेक्‍शो बाक्‍ब” देंमाक्‍त। भजन संग्रह ९१:११,१२
MAT 4:7 मिनु येसुमी “परमप्रभु यावेमी ब्रेक्‍पाइश्‍शो लोव़मी ‘परमप्रभु यावे कली थुं मथाम्‍चा’ दे यो ब्रेक्‍शो” देंमाक्‍त। ब्‍‍यवस्‍था ६:१६
MAT 4:8 मिनु नोले सैतानमी येसु कली ठेयब लाइश्‍शो डांडा तारी लदा बाक्‍त। मेकेर चाक्‍दीश्‍शा, रागी ङा नेल्‍ल राज्‍यपुकी नु आन दारस कोंइदा बाक्‍त।
MAT 4:9 मिनु “गे पोक्‍च थेक्‍शा, आं कली सेउ पाप्‍तीवी हना, एको नेल्‍ल गेनन” देंमाक्‍त। मत्ती १६:२६
MAT 4:10 मिनु येसुमी “लावो, सैतान। मारदे हना ‘परमप्रभु यावे कली ला सेउ पावो। मिनु ठेयब सेलो’ देंशा ब्रेक्‍शो बाक्‍ब” देंमाक्‍त। ब्‍‍यवस्‍था ६:१३
MAT 4:11 मिनु सैतानमी येसु कली प्रोंइशा लमाक्‍त। मिनु मार दुम्‍माक्‍त देंशा हना, परमप्रभु यावे आ स्‍वर्ग ङा गेय पाइबपुकी जाक्‍शा, येसु कली गेय पामे बाक्‍त। यूहन्‍ना १:५१; हिब्रू १:६,१४
MAT 4:12 मिनु नोले येसुमी “यूहन्‍ना कली ग्‍याइश्‍शा चोक्‍तेक्‍म” देंशो लोव़ नेंशा, यहूदीया रागी रे लशा, गालील रागी जाक्‍दीम्‍माक्‍त। मत्ती १४:३
MAT 4:13 मिनु नासरथ रे लशा ङा मिन, जबूलून नु नाप्‍ताली रागी ङा समुन्‍द्र आ नेक्‍था ङा कापेरनाउम सहरम जाक्‍दीश्‍शा बाक्‍माक्‍त।
MAT 4:14 मोदेंशो पा साइ नेसी परमप्रभु यावे आ लोव़ पाइब यसैया आ लोव़ थमा दुम्‍माक्‍त। यसैयामी
MAT 4:15 “जबूलून, नाप्‍ताली रागी, समुन्‍द्र आ एर ओंथ रागी, यर्दन खोला आइक्‍ची हांबु नु अर्को जात ङा गालील रागीमी बाक्‍बपुकी,
MAT 4:16 ङोंइती छिङछिङम बाक्‍बपुकीमी मुल ठेयब छेङछेङ ताम्‍तेक्‍म। बेक्‍चा ङा रागी नु हिंशा बेक्‍चा ङा रागीम बाक्‍ब आन कली छेङछेङ दुम्‍त” दे ब्रेक्‍शो बाक्‍त। यसैया ८:२३; यसैया ९:१; यूहन्‍ना ८:१२
MAT 4:17 येसुमी मुर आन कली “इन थुं परमप्रभु यावे गे लेत्‍तीन। मारदे हना स्‍वर्ग ङा राज्‍य जाक्‍चशो बाक्‍ब” दे शेंचा गोवा बाक्‍त। मत्ती ३:२
MAT 4:18 मिनु काबु गालील ङा समुन्‍द्र आ नेक्‍था गाक्‍मेनु, माझी वोबु निक्‍शीम एर ओंथ ग्‍याइल आप्‍शा, ङांइ रेन्‍ना रेन्‍न बाक्‍शो ताम्‍सी बाक्‍त। मेको निक्‍शी आस नें का पत्रुस माइश्‍शो सिमोन बाक्‍माक्‍त, का अन्‍द्रीयास बाक्‍माक्‍त।
MAT 4:19 मिनु येसुमी “आं नोले खोइय्‍यीसी। मिनु मुर आन कली रेप्‍ब सेल्‍नन्‍सी” दे ब्रेत्‍तीम्‍सी बाक्‍त। मत्ती २८:१९-२०
MAT 4:20 मिनु ग्‍याइल थु था प्रोंइशा, येसु आ नोले खोदसे बाक्‍त। मत्ती १९:२७
MAT 4:21 मिनु मेकेर रे लशा हिरसमानु, येसुमी जब्‍दी नु आ तौ याकूब नु यूहन्‍ना पोबु आन कली तामी बाक्‍त। मेको सांफा डोंगाम बाक्‍शा गाक्‍शो, ग्‍याइल प्रोव़ना प्रोव़न बाक्‍मा बाक्‍त। मिनु येसुमी वोबु आस कली ब्रेत्‍तीम्‍सी बाक्‍त।
MAT 4:22 मिनु आस गेय प्रोंइशा, येसु आ नोले खोदसे बाक्‍त।
MAT 4:23 मिनु गालील रागी तेइ तेइ हिरना हिरन लमानु, येसुमी ग्रुम्‍तीक खिंमी स्‍वर्ग ङा राज्‍य ङा ग्‍येरपाइक्‍ब लोव़ शेंना शेंन नु रोइ पशो नु रोइमी गुरशो मुर नेल्‍ल आन कली सापाइक्‍ना पाइक्‍न गाक्‍बाक्‍माक्‍त।
MAT 4:24 मिनु सिरीया रागी नेल्‍ल मेको आ पर्बम लोव़ ब्रम्‍माक्‍त। मिनु रोइ पशो मुर नेल्‍ल आन कली येसु आ बाक्‍तीकेमी चाक्‍स ङा चाक्‍स पाइबाक्‍मा बाक्‍त। वोलमी तशो, वोलमी सुम्‍शो नु गुइ खोइल मदुक्‍ब मुर चाक्‍गमे बाक्‍त। मिनु येसुमी मेको नेल्‍ल आन कली सापाइक्‍मी बाक्‍त। मर्कूस ६:५५
MAT 4:25 मिनु गालील, डेकापोलीस, यरूसलेम, यहूदीया रागी नु यर्दन खोला आइक्‍ची हांबु ङा शुश मुरुमी येसु आ नोले खोदमे बाक्‍त।
MAT 5:1 मिनु येसुमी शुश मुर आ नोले खोइश्‍शो तशा, डांडा ङोइश्‍शा निस्‍से बाक्‍त। मिनु मेकेर आ शेंसीबपुकी यो जाक्‍मा बाक्‍त।
MAT 5:2 मिनु मेकेर जाक्‍शो आन कली ठेयब सेंदा पा शेंना शेंन बाक्‍माक्‍त। मिनु येसुमी
MAT 5:3 “महिक्‍सीशो मुरपुकी आसीक राइनीम। मारदे हना स्‍वर्ग ङा राज्‍य मेको आन केन बाक्‍ब। यसैया ५७:१५
MAT 5:4 आन थुं खाइश्‍शोपुकी आसीक राइनीम। मारदे हना आन थुं नाइक्‍चा ताइनीम। भजन संग्रह १२६:५; प्रकाश ७:१७
MAT 5:5 ब्रेम्‍शोपुकी आसीक राइनीम। मारदे हना रागी आन केन दुम्‍ब। मत्ती ११:२९; भजन संग्रह ३७:११
MAT 5:6 ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५
MAT 5:7 शिशी पाइबपुकी आसीक राइनीम। मारदे हना आं यो शिशी ताइनीम। मत्ती २५:३५-४६; याकूब २:१३
MAT 5:8 आन पाप क्‍याम्‍चा पुंइसीशा, रिम्‍शो थुं दुम्‍शोपुकी आसीक राइनीम। मारदे हना परमप्रभु यावे कली ताइनीम। भजन संग्रह २४:३-५; भजन संग्रह ५१:१२-१३; १यूहन्‍ना २:२-३
MAT 5:9 दुशा गारशा बाक्‍बपुकी आसीक राइनीम। मारदे हना परमप्रभु यावे आ तमी तौ देंचा पुंइसीनीम। हिब्रू १२:१४
MAT 5:10 ठीक पशा यो खेदा पचा पुंइसीबपुकी आसीक राइनीम। मारदे हना स्‍वर्ग ङा राज्‍य मेको आन केन बाक्‍ब। १पत्रुस ३:१४
MAT 5:11 आं पर्बम मुरपुकीमी इन कली हेला पा, खेदा पा, जोल पा, मरिम्‍शो लोव़ पाम्‍तेक्‍म हना यो, आसीक राइनीनी। मत्ती १०:२२; प्रेरित ५:४१; १पत्रुस ४:१४
MAT 5:12 ग्‍येरसीने। मारदे हना स्‍वर्गमी इन कली ठेयब इनाम वोइश्‍शो बाक्‍ब। साइ नेसी रे मुल सम्‍म परमप्रभु यावे आ लोव़ पाइब आन कली खेदा पा श्‍येत गेस ङा गेस पाम्‍तेक्‍म। हिब्रू ११:३३-३८; याकूब ५:१०
MAT 5:13 गे रागी ङा हिक्‍सी ननी। हिक्‍सी आ ङाम्‍चा जाम्‍त हना, मारेइ काम मलाप्‍ब। लांमी ताइश्‍शा मुर गाक्‍मानु, दिम्‍शा ख्राक्‍चा पुंइसीब। मर्कूस ९:५०; लूका १४:३४-३५
MAT 5:14 गे रागी ङा छेङछेङ ननी। डांडामी सेल्‍शो सहर मारेइमी मफारसीब। यूहन्‍ना ८:१२
MAT 5:15 सुइमी बत्ती दाशा, पाथीम गुप्‍शा मवोइक्‍नीम। खिं आगा नेल्‍ल छेङछेङ पा तचा ङा पा वोइक्‍नीम। मर्कूस ४:२१; लूका ८:१६
MAT 5:16 मेको ब्रशो बत्ती खोदेंशो पा गेमी इन रिम्‍शो गेय रे पा इन छेङछेङ मुर आन कली कोंइदीने। मिनु इन रिम्‍शो पशो तशा, स्‍वर्गमी बाक्‍ब इन आफ कली ठेयब सुइश्‍शा मान पाइनीम। फि‍लिप्‍पी २:१४-१५; यूहन्‍ना १५:८; एफिसी ५:८-९
MAT 5:17 परमप्रभु यावे आ अरेशो लोव़ नु परमप्रभु यावे आ लोव़ पाइबपुकीमी ब्रेक्‍शो लोव़ क्‍याम्‍ब, दे ममिम्‍तीने। क्‍याम्‍चा कली ममाइ, नेल्‍ल पचा कली जाक्‍ती। मत्ती ३:१५; रोमी ३:३१; रोमी १०:४; १यूहन्‍ना २:७
MAT 5:18 नोफा दाइश्‍शा नेनीने, सरीङ नु रागी मग्‍याम्‍म सम्‍म परमप्रभु यावे आ लोव़ का यो मग्‍याम्‍ब। नेल्‍ल थमा दुम्‍ब। लूका १६:१७
MAT 5:19 सुमी परमप्रभु यावे आ अरेशो लोव़ के लोव़ का मपाइबा, मुर आन कली मो पचा शेंबा, मेको मुर स्‍वर्ग ङा राज्‍यमी नेल्‍ल क्‍येङा आइक्‍च दुम्‍ब। सुमी लोव़ का यो मप्रोंइथु, नेल्‍ल पशा ङा मिन, मुर आन कली शेंबा, मेको चहिं स्‍वर्ग ङा राज्‍यमी ठेयब दुम्‍ब। याकूब २:१०
MAT 5:20 सास्‍त्री नु फरिसी आन पशो क्‍येङा गे रिम्‍शो ठीक गेय मपाइतीनी हना, गेपुकी यो स्‍वर्ग ङा राज्‍य ओव़चा मताइनीनी, दे इन कली देंनुङ। मत्ती २३:२-३३
MAT 5:21 साइ नेसी इं किकी पिपी आन कली ‘मुर कली मसाइक्‍चा। सुइमी अरु कली साइक्‍तु हना, मेको सजाइ गेचा पुंइसीब’ दे देंशो लोव़ बाक्‍ब, दे तुइक्‍नीनी। प्रस्‍थान २०:१३, प्रस्‍थान २१:१२
MAT 5:22 गोमी चहिं इन कली मार देंनुङ देंशा हना, सु मुर नु ईख पा ब्राशा बाक्‍बा, मेको सजाइ गेचा पुंइसीब। सुमी अर्को कली मरिम्‍शो लोव़ पाइबा, मेको कछडी पचा पुंइसीब। सुमी अर्को कली ‘ए मूर्ख’ देंबा, मेको नरक ङा मीम हुम्‍चा पुंइसीब। १यूहन्‍ना ३:१५
MAT 5:23 मोपतीके गे परमप्रभु यावे कली मार मार चढ़ेचा सादीनीनु, सुइ गेपुकी नु गाइश्‍शो, चुरशो फ्रुक्‍तीनी हना,
MAT 5:24 चढ़ेचा क्‍येङा ङोंइती मेको आन कली ग्रुम्‍शा, दुशा गारशा ला चढ़ेने। मर्कूस ११:२५
MAT 5:25 इन कली मरिम्‍शो पाइब नु लांमी बाक्‍नीनुन, गारीने। मारदे हना मेकोमी इन कली अडडाम लाइश्‍शा, निसाफ पाइब आ ङोंइती चाक्‍दीप्‍ब। मिनु निसाफ पाइबमी पुलीस आन गुइमी गेब। मिनु पुलीसम जेल्‍खानम चोक्‍नीम। मत्ती १८:२३-३५; लूका १२:५८-५९
MAT 5:26 नोफा दाइश्‍शा नेनीने, इन कली नोले ङा क्‍वद्रन्‍स मथाप्‍पाइक्‍थु मप्रोंइनीम।क्‍वद्रन्‍स नेल्‍ल क्‍येङा आइक्‍च क्‍येट बाक्‍त।
MAT 5:27 ग्‍युंबे पशोपुकी आन मीश वोंइश नाता ब्राचा मदुम्‍ब देंशो बाक्‍ब, दे तुइक्‍नीनी। प्रस्‍थान २०:१४
MAT 5:28 गो मार देंनुङ देंशा हना, ग्‍युंबे पशो मुरुमी अर्को मीश मुर तशा वाल्‍त हना, आ थुंमी मीश वोंइश आस नाता ख्रोइक्‍ब। २सामुएल११:२; अय्‍युब ३१:१; २पत्रुस २:१४
MAT 5:29 इ ग्‍युरा मिक्‍चीमी इ कली पाप पपाइक्‍तु हना, फेश्‍शा ताइक्‍तो। मारदे हना रां नेल्‍ल नरकम ख्रुम्‍चा पुंइसीचा क्‍येङा रां ङा मिक्‍च का जाम्‍शा लशो रिम्‍शो दुम्‍ब। मत्ती १८:८-९; मर्कूस ९:४७; कलस्‍सी ३:५
MAT 5:30 इ ग्‍युरा गुइमी इ कली पाप पपाइक्‍तु हना, ख्रोइश्‍शा ताइक्‍तो। मारदे हना रां नेल्‍ल नरकम ख्रुम्‍चा पुंइसीचा क्‍येङा रां ङा गुइ का जाम्‍शा लशो रिम्‍शो दुम्‍ब।
MAT 5:31 सु आ मीश नु ब्राबा, मेकोमी छोड पत्र ब्रेक्‍शा गेचा माल्‍ब, दे यो देंशो बाक्‍ब। ब्‍यवस्‍था २४:१; मत्ती १९:३-९; मर्कूस १०:४-१२
MAT 5:32 गोमी मार देंनुङ देंशा हना, सुमी आ मीश आं नु फ्राशा सोइक्‍बा, मेकोमी आ मीश कली मीश वोंइश आस नाता ख्रोइक्‍पाइक्‍ब। मीश मुरुमी आ वोंइश बाक्‍ना बाक्‍न अर्को वोंइश मुर नु मरिम्‍शो गेय पाप्‍तु हना, मोदेंशो मीश मुर कली प्रोंइचा दुम्‍ब। सुमी छोड पत्र गेचा पुंइसीशो मीश मुर ग्‍युंबे पाइबा, मेकोमी यो मीश वोंइश आस नाता ख्रोइक्‍ब। लूका १६:१८; १कोरिन्‍थी ७:१०-११
MAT 5:33 साइ नेसी इं किकी पिपी आन कली ‘जोल पा कसम मजचा। परमप्रभु यावे कली मार मार गेनुङ, पाइनुङ, दे कसम जाइतीनी हना, मेकोन गेचा पचा माल्‍नीनी’ दे देंशो बाक्‍ब, दे यो तुइक्‍नीनी। लेवी १९:१२; गन्‍ती ३०:३
MAT 5:34 गोमी मार देंनुङ देंशा हना, कसम का यो मजने। सरीङ आ नेंमी कसम मजने। मारदे हना सरीङ परमप्रभु यावे आ नित्‍तीके बाक्‍ब। मत्ती २३:१६-२३२; यसैया ६६:१
MAT 5:35 रागी आ नेंमी यो कसम मजने। मारदे हना रागी परमप्रभु यावे आ खोइल थेक्‍तीक बाक्‍ब। यरूसलेम सहर आ नेंमी यो कसम मजने। मारदे हना यरूसलेम नेल्‍ल क्‍येङा ठेयब पिप आ सहर बाक्‍ब। भजन संग्रह ४८:३
MAT 5:36 इन पिया थिशा यो कसम मजने। मारदे हना चां का यो बुश के क्‍येर, क्‍येर के बुश सेल्‍ने मचाप्‍नीनी।
MAT 5:37 इन देंशो लोव़ चहिं ‘दुम्‍ब हना दुम्‍ब, मदुम्‍ब हना मदुम्‍ब’ देनीने। मेको क्‍येङा लाक्‍शो लोव़ चहिं मरिम्‍शो लां रे पीब। याकूब ५:१२
MAT 5:38 ‘सुइमी इन मिक्‍च पुक्‍ताक्‍म हना, मेको आन कली यो मिक्‍च पुक्‍तीने। सुइमी इन ख्रुइ जिक्‍ताक्‍म हना, मेको आन कली यो ख्रुइ जिक्‍तीने’ देंशो बाक्‍ब, दे तुइक्‍नीनी। प्रस्‍थान २१:२४
MAT 5:39 गो मार देंनुङ देंशा हना, सुइमी इन कली मरिम्‍शो पाम्‍तेक्‍म हना यो, मेको आन कली आन क्‍येक्‍क मलेत्‍तीने। इन ग्‍युरा चोव़चो राप्‍तेक्‍म हना, पेरा यो राप्‍चा गेने। बिलाप ३:३०; यूहन्‍ना १८:२२-२३; रोमी १२:१९,२१; १पत्रुस २:२०-२३
MAT 5:40 इन कली मुददान कोप्‍शा, अडडाम लाइश्‍शा, इन फेक्‍शो वा लाइक्‍चा माल्‍तेक्‍म हना, इन बरखी यो गेशा सोइक्‍तीने। १कोरिन्‍थी ६:७; हिब्रू १०:३४
MAT 5:41 इन कली आधा कोस सम्‍म लचा, दे ढिपी पाम्‍तेक्‍म हना, कोस का सम्‍म यो लने।
MAT 5:42 इन के मारेइ थोव़क पुंइतेक्‍म हना, आन पुंइशो गेने, जेर पुंइतेक्‍म हना यो, मगेनीकी, दे श्‍येत्‍थी मसोइक्‍तीने।
MAT 5:43 ‘गेपुकी नु बाक्‍ब मुर आन कली दाक्‍तीने। जोरी सत्रु आन कली चहिं मदाक्‍तीने’ देंशो बाक्‍ब, दे तुइक्‍नीनी। लेवी १९:१८
MAT 5:44 गोमी इन कली मार देंनुङ देंशा हना, जोरी सत्रु आन कली दाक्‍तीने। इन कली हेला पा खेदा पाइब आन पर्बम परमप्रभु यावे कली पुनीने। प्रस्‍थान २३:४-५; लूका ६:२७-२८; रोमी १२:१४,२०; लूका २३:३४; प्रेरित ७:५९; लूका ६:२७-२८
MAT 5:45 मो पाइतीनी हना, इन स्‍वर्ग ङा आफ आ तमी तौ नकी, दे कोंइनीनी। स्‍वर्गम बाक्‍ब आफोमी रिम्‍शो मरिम्‍शो पाइब नेल्‍ल आन कली नां दाप्‍पाइक्‍ब। नेल्‍ल आन कली रेउ यिपाइक्‍ब। एफिसी ५:१
MAT 5:46 इन कली दाक्‍ब आन कली ला दाक्‍ताक्‍नी हना, मार इनाम ताइनीनी ङा? तिरो पोक्‍बपुकीमी यो मो मपाइनीम ङा?
MAT 5:47 इन जात, थर ङा मुर आन कली ला मान पा सेत्‍ताक्‍नी हना, मार इनाम ताइनीनी ङा? परमप्रभु कली मतुइक्‍बपुकीमी मसेम्‍मुइनीमी ङा?
MAT 5:48 मोपतीके दोपा इन स्‍वर्ग ङा आफोमी रिम्‍शो पाइबा, मोपा गे यो रिम्‍शो पने। लेवी १९:२
MAT 6:1 होस पांइसीने, मुर आन ङोंइती कोंइचा कली प्रुङग आन कली शिशी मपने। मारदे हना मोदेंशो पाइब आन कली स्‍वर्गम बाक्‍ब इन आफोमी इनाम मगेब।
MAT 6:2 श्‍येत जाइब, मथीब आन कली मारेइ गेनीनु, इन ङोंइती तुराही मतापीने। कपटीपुकीमी ग्रुम्‍तीक खिंमी, लांमी मुर आन कली आन रिम्‍शो पतीके कोंइशा ठेयब सेल्‍पांइसीनीम। नोफा दाइश्‍शा नेनीने, मेको आन तचा ङा इनाम मारेइ मलीब। १कोरिन्‍थी १३:३
MAT 6:3 श्‍येत जाइब, मथीब आन कली मारेइ गेनीनु, इन ग्‍युरा गुइमी गेशो, पेरा गुइ कली यो मतुइक्‍पाइक्‍थु गेने। मत्ती २५:३७-४०; रोमी १२:८
MAT 6:4 मोदेंशो पा इन गेशो ख्रुइश्‍शोम बाक्‍ब। मिनु ख्रुइश्‍शो यो नेल्‍ल तुइक्‍ब इन आफोमी इन कली इनाम गेब।
MAT 6:5 परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्‍तीक खिंमी, लांमी मुर आन कुल राप्‍शा कोव़पांइसीशा, प्रार्थना पाइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब।
MAT 6:6 गे चहिं परमप्रभु यावे कली प्रार्थना पनीनु, इन खिं ओव़शा, लाप्‍चो चोक्‍शा, सुइ आन मतुइक्‍थु, ख्रुइश्‍शोमी बाक्‍ब इन आफ कली प्रार्थना पने। मिनु ख्रुइश्‍शो यो नेल्‍ल तुइक्‍ब इन आफोमी इन कली इनाम गेब।
MAT 6:7 परमप्रभु यावे कली प्रार्थना पनीनु, अर्को रागी ङा मुरपुकीमी खोदेंशो पा हेंथे शुश लोव़ मपने। मारदे हना शुश लोव़ पशोमी आन पुंइशो ताइनीम, दे मिम्‍नीम। यसैया १:१५
MAT 6:8 मेको आन पशो खोदेंशो मपने। मारदे हना पुंइचा क्‍येङा ङोंइती इन आफोमी इन माल्‍शो तुइश्‍शो बाक्‍ब।
MAT 6:9 ओदें प्रार्थना पने ‘स्‍वर्गम बाक्‍ब आंइ आफ, इन नें ठेयब बाक्‍ल। लूका ११:२-४; इजीकीएल ३६:२३
MAT 6:10 इन राज्‍य जाक्‍ल। स्‍वर्गमी इन दाक्‍शो खोदेंशो पा रागीमी यो मोदेंशोन दुम्‍ला। लूका २२:४२
MAT 6:11 काबु नाक्‍त ङा जचा थोव़क मुलाक्‍ती आंइ कली गेने।
MAT 6:12 आंइ मरिम्‍शो पशो क्‍याम्‍शा गेने। मारदे हना गो यो आंइ कली मरिम्‍शो पाइब आन कली माफ गेतक। मत्ती १८:२१-३५
MAT 6:13 सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३
MAT 6:14 इन कली मरिम्‍शो पाइब आन कली माफ गेतीनी हना, स्‍वर्गमी बाक्‍ब इन आफोमी यो इन कली माफ गेब। मर्कूस ११:२५
MAT 6:15 माफ मगेतीनी हना, इन आफोमी यो इन कली माफ मगेब।
MAT 6:16 बर्त बाक्‍नीनु, राव कीशो कुल मसेलीने। कपटीपुकीमी आंइ बर्त बाक्‍शो तांइसेक्‍ल, दे आन कुल राव कीपा कोंइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब। यसैया ५८:५-६
MAT 6:17 गेपुकी चहिं बर्त बाक्‍नीनु, चांमी तेल ख्रेक्‍शा, कुल चिक्‍शा, इन बुं जिप्‍शा बाक्‍कीन।
MAT 6:18 मो पाइतीनी हना, इन बर्त बाक्‍शो ख्रुइश्‍शोमी बाक्‍ब। मिनु ख्रुइश्‍शो यो नेल्‍ल तुइक्‍ब इन आफोमी इन कली इनाम गेब।
MAT 6:19 एको रागीमी शोंप खुप्‍शा, खेक्‍शा मवोतीने। मारदे हना बुस्‍सुम ख्रोइक्‍ब, खिया जोइब, खुइपुकीमी खुइ पाइनीम।
MAT 6:20 स्‍वर्गमी इन शोंप वोतीने। मेकेर बुस्‍सुम मख्रोइक्‍ब, खिया मजोइब, खुइपुकीमी यो खुइ मपाइनीम। मत्ती १९:२१; लूका १२:३३-३४; कलस्‍सी ३:१-२
MAT 6:21 तेकेर इन शोंप बाक्‍बा, मेकेरन इन थुं यो लीशो बाक्‍ब।
MAT 6:22 इन मिक्‍च रां ङा छेङछेङ बाक्‍ब। मिक्‍च ब्राब्रा मदुम्‍शो बाक्‍त हना, इन रां नेल्‍ल छेङछेङ बाक्‍ब। लूका ११:३४-३६
MAT 6:23 मिक्‍च ब्राब्रा दुम्‍शो बाक्‍त हना, इन रां नेल्‍ल छिङछिङ दुम्‍‍ब। इन रां ङा छेङछेङ नेल्‍ल छिङछिङ दुम्‍त हना, शुश छिङछिङ दुम्‍ब। यूहन्‍ना ११:१०
MAT 6:24 सुइमी होव़प निक्‍शी आस गेय पने मचाप्‍ब। मारदे हना का कली मदाक्‍ब, का कली दाक्‍ब। का कली मान पा टीब, का कली मान मपथु मटीब। परमप्रभु यावे नु शोंप निम्‍फा आस कली गेय पने मचाप्‍नीनी। लूका १६:१३; याकूब ४:४
MAT 6:25 मोपतीके गो ‘मार जचा, मार तूचा, मार फेक्‍चा’ दे ममिम्‍तीने। मारदे हना जचा तूचा क्‍येङा ब्रोंइचा ठेयब बाक्‍ब। फेक्‍तीक क्‍येङा रां ठेयब बाक्‍ब। लूका १२:२२-३१; फिलिप्‍पी ४:६; १पत्रुस ५:७
MAT 6:26 सरीङमी बेरब चिक्‍ब आन कली कोव़शा मिम्‍तीने। मेकोपुकीमी वांचेर मशोक्‍नीम, अन्‍न मखुप्‍नीम, भकारीमी मवोइक्‍नीम। स्‍वर्गम बाक्‍ब इन आफोमी मेको आन कली थुल्‍शो बाक्‍ब। मेको आन क्‍येङा शुश ठेयब मननी ङा? मत्ती १०:२९-३१; लूका १२:६-७
MAT 6:27 गेपुकीमी सुर्ता पा, इन रां हात का लाइश्‍शो सेल्‍ने चाप्‍नीनी ङा?
MAT 6:28 मार फेक्‍चा, दे मारदे मिम्‍नीनी? लिली फू कली कोव़शा मिम्‍तीने। गिश बोइश्‍शा रिम्‍शो तांइसीनीमी। श्‍येत पा गेय मपाइनीम। पांइतो मपांइनीम।
MAT 6:29 पिप सोलोमन आ दारस नेल्‍ल कोंइताक्‍व हना यो, लिली फू खोदेंशो रिम्‍शो ग्‍योम्‍सीशो मबाक्‍ब। १राजा १०:-
MAT 6:30 परमप्रभु यावेमी चीबेर बोइश्‍शा, हेम्‍शा चोचा पुंइसीब फू, घांस आन कली लायो मिश रिम्‍शो ग्‍योम्‍ताक्‍व हना, गे थमा पा थमा सुइक्‍ने मचाप्‍बपुकी इन कली मफेक्‍पाइक्‍बा ङा?
MAT 6:31 मोपतीके मार जचा, मार तूचा, मार फेक्‍चा, दे ममिम्‍तीने।
MAT 6:32 मारदे हना अर्को रागी ङा मुरपुकीमी ला मोदेंशो मिम्‍नीम। इन स्‍वर्ग ङा आफोमी इन माल्‍शो नेल्‍ल तुइक्‍ब।
MAT 6:33 ङोंइती परमप्रभु यावे आ राज्‍य नु आ ठीक पतीके मिम्‍शा मालीने। मिनु जचा तूचा फेक्‍चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५
MAT 6:34 मोपतीके दीसा मार दुम्‍बा, दे सुर्ता मपने। मारदे हना दीसा ङा श्‍येत दीसान दुम्‍ब। मुलाक्‍ती ङा श्‍येतम दीसा ङा श्‍येत मतेम्‍दीने। प्रस्‍थान १६:१९
MAT 7:1 मुर आन कली मनाक्‍तीने। मुर आन कली नाक्‍ताक्‍नी हना, इन कली यो नाक्‍नीम। रोमी २:१; १कोरिन्‍थी ४:५
MAT 7:2 दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४
MAT 7:3 मारदे इन लोक्‍ब आ मिक्‍चीम बाक्‍शो कसीङगर ताइनीनी। मिनु इन मिक्‍चीम बाक्‍शो मुढा चहिं मताइनीनी?
MAT 7:4 इन मिक्‍चीम मुढा बाक्‍त हना, दोपा इन लोक्‍ब कली ‘इ मिक्‍चीम बाक्‍शो कसीङगर फेत्‍नुङ’ देंने चाप्‍नीनी ङा?
MAT 7:5 कपटी, ङोंइती इन मिक्‍चीम बाक्‍शो मुढा फेत्‍तीने। मिनु ला मिक्‍च ठीक ताइब दुम्‍शा, इन लोक्‍ब आ मिक्‍चीम बाक्‍शो कसीङगर फेत्‍तीने।
MAT 7:6 हेंथे थिपाइक्‍चा मदुम्‍शो थोव़क कुचुम कली मगेने, पोव़ आन ङोंइती इन मोती मब्‍वारदीने। मारदे हना दिम्‍नीम। मिनु बिर लेश्‍शा इन कली ग्राम्‍थ पीनीम। मत्ती १०:११; लूका २३:९
MAT 7:7 परमप्रभु यावे कली पुनीने। मिनु इन पुंइशो ताइनीनी। मालीने, मिनु इन माल्‍शो थित्‍नीनी। बाक्‍नी? दे लाप्‍चो ख्रोकोल पने। मिनु गे ओव़चा ताइनीनी। मर्कूस ११:२४; यूहन्‍ना १४:१३; येरमीया २९:१३-१४
MAT 7:8 मोपतीके सुम पुंइबा, मेकोमी आ पुंइशो ताइब। सुम माल्‍बा, मेकोमी आ माल्‍शो थिप्‍ब। सुम ओव़ङा? दे लाप्‍चो ख्रोकोल पाइबा, मेको ओव़चा ताइब।
MAT 7:9 गे नु बाक्‍ब सुइ इन तौमी ‘शोब्‍ले जाइनुङ’ दे पुंइतु हना, शोब्‍ले आ पा ङा फुल्‍लु जचा गेनीनी ङा?
MAT 7:10 ‘ङांइ ब्‍वाइनुङ’ दे पुंइतु हना, ङांइ आ पा ङा बुस्‍स ब्‍वचा गेनीनी ङा?
MAT 7:11 गेपुकी मरिम्‍शो बाक्‍तीनी हना यो, इन तमी तौ आन कली रिम्‍शो थोव़क गेस जोक्‍नीनी। इन पशो क्‍येङा स्‍वर्गमी बाक्‍ब इन आफोमी आ कली पुंइब आन कली रिम्‍शो थोव़क मगेब ङा?
MAT 7:12 गेमी दोदेंशो पपांइसीचा दाक्‍नीनी, गे यो मुर आन कली मोदेंशो पने। मारदे हना परमप्रभु यावे आ अरेशो लोव़ नु परमप्रभु यावे आ लोव़ पाइब आन शेंतीक लोव़ मेकोन बाक्‍ब। मत्ती २२:३६-४०; रोमी १३:८-१०; गलाती ५:१४
MAT 7:13 आइक्‍च लाप्‍चो रे ओव़ङीन। मारदे हना जाम्‍शा लतीक लाप्‍चो ठेयब नु लां ब्रेम्‍शो नु ग्‍युप्‍शो बाक्‍ब। मोपतीके शुश मुर मेकेर गाक्‍नीम। लूका १३:२४
MAT 7:14 गेना हना यो ब्रोंइतीक लतीक ङा लाप्‍चो आइक्‍च नु आ लां गाक्‍चा श्‍येत बाक्‍ब। मेको लां थिप्‍बपुकी का निक्‍शी ला बाक्‍नीम। मत्ती १९:२४; प्रेरित १४:२२
MAT 7:15 होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५
MAT 7:16 मेको आन पशो गेय तशा, रिम्‍शो नम, दे मरिम्‍शो नम रुम्‍सीब। चू रवामी अङगुर सिप्‍बा ङा? सिउंडी आ बोटमी फोव़शी सिप्‍बा ङा?
MAT 7:17 रिम्‍शो फल रवामी ब्रोव़शो फल सिप्‍ब, मरिम्‍शो फल रवामी मब्रोव़शो फल सिप्‍ब। मत्ती १२:३३
MAT 7:18 रिम्‍शो फल रवामी मब्रोव़शो फल मसिप्‍ब। मरिम्‍शो फल रवामी यो ब्रोव़शो फल मसिप्‍ब।
MAT 7:19 मरिम्‍शो फल सिप्‍ब रवा कली तिम्‍शा शी चोइनीम। मत्ती ३:१०; यूहन्‍ना १५:२,६
MAT 7:20 मोपतीके मेको आन सिश्‍शो फल तशा, रिम्‍शो नमी, दे मरिम्‍शो नमी तुइक्‍नीनी।
MAT 7:21 आं कली प्रभु, प्रभु देंशा ला स्‍वर्ग ङा राज्‍य ओव़चा मताइनीम। स्‍वर्गमी बाक्‍ब आं आफ आ दाक्‍शो पाइबपुकी ला ओव़चा ताइनीम। रोमी २:१३; याकूब १:२२
MAT 7:22 मेको नाक्‍त शुशेमी आं कली ‘हे प्रभु, हे प्रभु, गोपुकीमी इन नेंमी नोले दुम्‍ब लोव़ मपका ङा? इन नेंमी वोल आन कली मखेरका ङा? चिन्‍ड नु छक लाक्‍चा ङा गेय मपका ङा?’ देंनीम। लूका १३:२५-२७; येरमीया २७:१५
MAT 7:23 मोदेंब आन कली ‘गो इन कली गेनायो मतुइक्‍तन्‍नी। ए मरिम्‍शो पाइबपुकी, ङोन लने’ दे हुइक्‍नुङमी। मत्ती २५:१२; २तिमोथी २:१९
MAT 7:24 सुमी आं लोव़ नेंशा, आं देंशो पवा, मेको निप्‍स खाप्‍शा, खिं सेल्‍ब खोदेंशो बाक्‍त। मेकोमी आ खिं सेरथे फुल्‍लु तारी सेल्‍तु।
MAT 7:25 मिनु ठेयब रेउ यिशा, भोल यिशा, फशेमी हुरदानु, मेको खिं मब्रे। मारदे हना सेरथे फुल्‍लु तारी सेल्‍शो बाक्‍त।
MAT 7:26 सुमी आं लोव़ नेंशा, आं देंशो मपवा, मेको शोर गाक्‍शो मुर खोदेंशो बाक्‍त। मेकोमी आ खिं बाल्‍वामी सेल्‍तु।
MAT 7:27 मिनु ठेयब रेउ यिशा, भोल यिशा, फश पवानु, मेको खिं ब्रेश्‍शा योल्‍त। मिनु मेको के ठेयब खती दुम्‍त” दे येसुमी शेंदीमी बाक्‍त।
MAT 7:28 येसुमी शेंने थुमानु, मेकेर देल्‍शो शुश मुरुमी आ शेंशो आ पर्बम छक लाक्‍मा बाक्‍त। प्रेरित २:१२
MAT 7:29 मारदे हना सास्‍त्रीपुकीमी शेंशो खोदेंशो ममाइ, तन्‍न सक्ति पाइश्‍शो मुर बुदी शेंदा बाक्‍त। यूहन्‍ना ७:१६-४६
MAT 8:1 मिनु येसु डांडा रे लेश्‍शा यिमेनु, शुश मुरुमी आ नोले खोदमे बाक्‍त।
MAT 8:2 मिनु मार दुम्‍माक्‍त देंशा हना, कोर पाइब का जाक्‍शा, येसु आ ङोंइती आ पोक्‍च थेक्‍शा “प्रभु, सापाइक्‍चा दाक्‍ताक्‍नी हना, आं कली सापाइक्‍ने चाप्‍नीनी” देंमाक्‍त।
MAT 8:3 मिनु येसुमी आ गुइ दिंशा, कोर पाइब कली थिशा “गो सापाइक्‍चा दाक्‍नुङ” देंमेनु, ब्रा सामाक्‍त।
MAT 8:4 मिनु येसुमी “सुइ कली मशोव़चा, चढ़ेब आ ङोंइती लशा, इ साशो रां कोंइदो। मिनु मोसामी मार चढ़ेचा माल्‍ब देंशो बाक्‍मे, मेको चढ़ेशा, सामाक्‍त, दे तुइक्‍पतो” दे मदा बाक्‍त। मर्कूस ८:३०; लेवी १४:२-३२
MAT 8:5 मिनु कापेरनाउम सहर लेश्‍शा जाक्‍मेनु, कप्‍तान का येसु कली ग्रुम्‍थ पिमाक्‍त।
MAT 8:6 मिनु “प्रभु, आं गेय पाइब रोइमी गुरशा, आ गुइ खोइल मदुक्‍ब दुम्‍शा, गोल्‍शा बाक्‍शो बाक्‍ब” दे शोव़ङा बाक्‍त।
MAT 8:7 मिनु येसुमी “इन खिंमीन पिशा सापाइक्‍नुङ” दे मदानु
MAT 8:8 “प्रभु, श्‍येत मपने, गो इन कली आं खिं ओंइचा मशिरनुङ। लोव़ ला देनीने। मिनु आं गेय पाइब साब।
MAT 8:9 मारदे हना अधिकार तचा दा गो यो अधिकार तशो नङ, अधिकार पाइनुङ, अधिकारमीन बाक्‍नुङ। गोमी सिपाही का कली ‘लावो’ दे सोइक्‍तुनु, लाइब। का कली ‘पिवो’ दे ब्रेत्‍तुनु, पीब। आं वाइल कली ‘एको गेय पावो’ दे मदुनु, पाइब” देंमाक्‍त।
MAT 8:10 येसुमी मोदेंशो नेंशा, आ नोले खोइक्‍ब आन कली “ओहो, नोफा दाइश्‍शा नेनीने, एको कप्‍तान खोदेंशो थमा सुइक्‍ब इं इस्राएल जात ङा मुर सुइ मतङमी। मर्कूस ६:६; लूका १८:३
MAT 8:11 गो मार देंनुङ देंशा हना, नां दाप्‍तीके नु नां पेरतीके रे शुश मुर जाक्‍नीम। मिनु स्‍वर्ग ङा राज्‍यमी ओव़शा, इं किकी पिपी अब्राहाम, इसहाक नु याकूब नु काथा बाक्‍नीम। लूका १३:२८-२९
MAT 8:12 एको राज्‍य ङा मुरपुकी चहिं तिल्‍शा, छिङछिङमी सोइक्‍चा पुंइसीनीम। मेकेर मुरपुकी आन ख्रुइ शेप्‍शा ङाक्‍नीम” देंमाक्‍त।
MAT 8:13 मिनु येसुमी कप्‍तान कली “इन खिं लने, इन थमा सुइश्‍शो खोदेंशो दुम्‍ल” दे सोइक्‍ता बाक्‍त। मो देंम रे आ गेय पाइब यो सामाक्‍त। मत्ती ९:२९; मत्ती १५:२८
MAT 8:14 मिनु येसु पत्रुस आ खिं जाक्‍दीश्‍शा ओव़मेनु, पत्रुस आ शिमी जरो पा गोल्‍शो तवा बाक्‍त। १कोरिन्‍थी ९:५
MAT 8:15 मिनु आ गुइ थिवानु, जरोम थु प्रोना बाक्‍त। मिनु छुल बोक्‍शा, येसु कली जचा तूचा गेवा बाक्‍त।
MAT 8:16 में नाक्‍दो वोलमी सुम्‍शो शुश मुर आन कली चाक्‍गमे बाक्‍त। मिनु वोल आन कली लोव़ रे खेरमी बाक्‍त। रोइ पाइब नेल्‍ल आन कली सापाइक्‍मी बाक्‍त।
MAT 8:17 मो पवानु, साइ नेसी यसैयामी देंशो लोव़ “मेकोमी आंइ गुरपाइक्‍ब रोइ लाइक्‍तु। आंइ रोइ नेल्‍ल कुरतु” देंशो लोव़ थमा दुम्‍माक्‍त। यसैया ५३:४
MAT 8:18 मिनु येसुमी शुश मुर देल्‍शो तशा “एकेर रे लशा, समुन्‍द्र शोक्‍शा आइक्‍ची हांबु लय” देंमाक्‍त।
MAT 8:19 मिनु सास्‍त्री कामी येसु कली “शेंब, तेक तेक लनी, मेक मेक गो यो लाइनुङ” देंमाक्‍त।
MAT 8:20 मिनु येसुमी “फ्‍याउरे आन बाक्‍तीके ढोडोङगा बाक्‍ब। चिक्‍ब आन बाक्‍तीके ग्‍योव़ बाक्‍ब। रागीम जरमेशो के बाक्‍तीक मबाक्‍ब” देंमाक्‍त। २कोरिन्‍थी ८:९
MAT 8:21 मिनु येसु आ नोले खोइक्‍ब मुर कामी “प्रभु, ङोंइती लशा, आं आफ कली थिम्‍चा गेयीनी” देंमाक्‍त। मत्ती १०:३७
MAT 8:22 मिनु येसुमी “आं नोले खोइय्‍यी। बेक्‍शो मुरुमी बेक्‍शो कली थिम्‍मेक्‍ल” दे मदा बाक्‍त।
MAT 8:23 मिनु समुन्‍द्र शोक्‍सीचा कली डोंगाम ङोंइ‍सेनु, आ शेंसीबपुकीमी आ नोले खोदमे बाक्‍त।
MAT 8:24 मिनु शोक्‍समानु, ठेयब फश गिवार पतीके डोंगाम ब्‍वाक्‍कु ओव़शा ग्रुम्‍चामे बाक्‍त। येसु चहिं इप्‍शो बाक्‍माक्‍त।
MAT 8:25 मिनु शेंसीबपुकीमी हिंशा येसु कल पोक्‍शा “प्रभु, गो नेल्‍ल ग्रुम्‍शा बेक्‍चांइतय, है” दे वाइ ब्रेम्‍मा बाक्‍त।
MAT 8:26 मिनु येसुमी “मारदे हिंनी? गे थमा पा थमा सुइक्‍ने मचाप्‍बपुकी” देंशा बोक्‍शा, फश नु समुन्‍द्र आस कली हुइक्‍ता बाक्‍त। मिनु सिक्‍सी पाम्‍से बाक्‍त। भजन संग्रह ८९:१०; प्रेरित २७:२२,३४
MAT 8:27 मोदेंब पशो तशा “ओहो, एको मुर सु बाक्‍म माइ? फश नु समुन्‍द्रमी यो आ लोव़ टीबाक्‍ताक्‍से” देंमुमा बाक्‍त।
MAT 8:28 मिनु आइक्‍ची हांबु शोक्‍सीशा, गदरीनी आन रागी जाक्‍दीम्‍मा बाक्‍त। मेकेर लांम गाक्‍मानु, वोलम गपाइश्‍शो मुर निक्‍शी ग्रुम्‍मे बाक्‍त। मेको निक्‍शी चहिं बेक्‍शो मुर वोइक्‍तीके पुक्‍खीम बाक्‍शा, लां गाक्‍ब आन कली बाप्‍शा, श्‍येत गेशा सुइ आन कली लचा मगेबाक्‍सा बाक्‍त।
MAT 8:29 मिनु मार दुम्‍माक्‍त देंशा हना, मेको निक्‍शीमी “परमप्रभु यावे आ तौ, गे नु गोपुकी मार पमुइया ङा? आंइ कली श्‍येत गेची मजाक्‍थु, मुल कना श्‍येत गेथ जाक्‍नी?” दे ग्रीसा बाक्‍त। लूका ४:४१; २पत्रुस २:४; याकूब २:१९
MAT 8:30 मेकेर आ नेक्‍था ङा डांडामी शुश पोव़ जोन जोन बाक्‍शो बाक्‍मा बाक्‍त।
MAT 8:31 मिनु वोलपुकीमी “आंइ कली खेरनीनी हना, मेरे पोव़ आन रांमी ओव़चा गेकी” दे पुन्‍मे बाक्‍त।
MAT 8:32 मिनु येसुमी “लने” दे सोइक्‍तीमी बाक्‍त। मिनु मुर रे ग्रूशा, पोव़मी ओव़दीम्‍मा बाक्‍त। मिनु पोव़ नेल्‍ल गशा, डांडा रे यिना यिन समुन्‍द्रम प्रेक्‍ना प्रेक्‍न ग्रुम्‍शा बेक्‍मा बाक्‍त।
MAT 8:33 पोव़ योव़बपुकीमी मो दुम्‍शो तशा, प्रोक्‍शा सहरम जाक्‍दीश्‍शा, मेको वोलम सुम्‍शो आस कली मार दुम्‍मे, मेको नेल्‍ल शोव़ङमे बाक्‍त।
MAT 8:34 मिनु सहर ङा मुर नेल्‍ल येसु कली कोव़थ जाक्‍मा बाक्‍त। मिनु “आंइ रागी रे लने” दे पुन्‍मे बाक्‍त।
MAT 9:1 मिनु येसु मेकेर रे ल‍शा, डोंगामी ङोइश्‍शा समुन्‍द्र शोक्‍शा, आ सहरमी जाक्‍माक्‍त। मत्ती ४:१३
MAT 9:2 मिनु मार दुम्‍माक्‍त देंशा हना, आ गुइ खोइल मदुक्‍ब मुर का कली आ ब्राख्‍येमी कुरशा चाक्‍गमे बाक्‍त। मिनु येसुमी “मेको मुर कली चाक्‍बपुकीमी थमा सुइक्‍यीमी बाक्‍त” दे तुइश्‍शा, मेको गुइ खोइल मदुक्‍ब कली “आं तौ, इ पाप क्‍याम्‍साक्‍व। मिनु इ थुं बारपतो” दे मदा बाक्‍त। प्रस्‍थान ३४:६-७; भजन संग्रह १०३:३
MAT 9:3 सास्‍त्री का निक्‍शीमी “इ पाप क्‍याम्‍साक्‍व” देंशो नेंशा “मेकोमी परमप्रभु यावे कली शुक्‍शी पाइबाक्‍माक्‍त” दे मिम्‍तमे बाक्‍त। मत्ती २६:६५
MAT 9:4 मिनु येसुमी मेको आन मिम्‍शो तुइश्‍शा, मेको आन कली “मारदे मरिम्‍शो मिम्‍तीनी? यूहन्‍ना २:२५
MAT 9:5 ‘इ पाप क्‍याम्‍साक्‍व’ देंचा देय ‘छुल बोक्‍शा एर ओंथ हिरशा कोंइदो’ देंचा तेको सज्‍लो बाक्‍बा?
MAT 9:6 रागीमी जरमेशोमी पाप क्‍याम्‍चा अधिकार तशो बाक्‍माक्‍त, दे गेपुकीमी यो तुइक्‍तीनील” देंशा, गुइ खोइल मदुक्‍ब कली “छुल बोक्‍शा, इ ब्राख्‍ये कुरशा खिं लेत्‍तो” दे मदा बाक्‍त। यूहन्‍ना १७:२
MAT 9:7 मिनु मेको छुल बोक्‍शा, आ खिं लेम्‍माक्‍त।
MAT 9:8 मोदेंब दुम्‍शो तशा, मेकेर देल्‍शोपुकी हिंमा बाक्‍त। मिनु मुर आन कली मोदेंशो अधिकार गेब परमप्रभु कली ठेयब सुइश्‍शा मान पामे बाक्‍त।
MAT 9:9 मिनु येसु मेकेर रे लमेनु, मत्ती माइश्‍शो तिरो पोक्‍ब मुर का आ अडडाम बाक्‍शो ताप्‍तु। मिनु येसुमी “आं नोले खोइय्‍यी” दे मदानु, मेको छुल बोक्‍शा, येसु आ नोले खोइक्‍तु। मत्ती १०:३
MAT 9:10 मिनु येसु नु आ शेंसीबपुकी खिंमी जना जन बाक्‍मानु, तिरो पोक्‍ब नु पापीपुकी शुश यो मेकोपुकी नु काथा जाम्‍तेक्‍म।
MAT 9:11 मिनु फरिसीपुकीमी मेको नेल्‍ल आन कली काथा बाक्‍शा जशो तशा, येसु आ शेंसीब आन कली “मारदे इन शेंबमी तिरो पोक्‍ब नु पापीपुकी नु काथा बाक्‍शा जाइबा?” देंतेक्‍म।
MAT 9:12 येसुमी मेको आन देंशो नेंशा “रोइ मपशो मुर सापाइक्‍ब ममाल्‍नीम। रोइ पशो मुर चहिं सापाइक्‍ब माल्‍नीम। इजीकीएल ३४:१६
MAT 9:13 चढ़ेतीक ममाइ, तन्‍न शिशी पशो तचा दाक्‍नुङ, दे देंशो आ अर्थ मार बाक्‍म, दे शेंसीने। ठीक पाइब आन कली ब्रेत्‍थ जाक्‍शो मनङ। पापी आन कली ब्रेत्‍थ जाक्‍शो नङ” दे माइक्‍तीमी। होसे ६:६; मत्ती १२:७; १सामुएल १५:२२; मत्ती १८:११
MAT 9:14 मिनु यूहन्‍ना आ शेंसीबपुकी जाक्‍शा, येसु कली “मारदे गो नु फरिसीपुकी शुश बर्त बाक्‍नीकी, इन शेंसीबपुकी चहिं बर्त मबाक्‍नीमी?” दे हिल्‍लो पाम्‍तेक्‍म। लूका १८:१२
MAT 9:15 मिनु येसुमी “जन्‍तीपुकी ग्‍युम्‍ले नु काथा बाक्‍मानु, हिशेक पा ङाक्‍नीमी ङा? काबु ग्‍युम्‍ले नु फ्राचा पुंइसीनीम। मिनु मेना बर्त बाक्‍नीम। यूहन्‍ना ३:२९
MAT 9:16 सुइमी माइत वामी नक वा केप्‍शा मफेरनीम। फेरतेक्‍म हना, नक वा चुप्‍शा, माइत वा कली खाक्‍शा, ङोंइती ङा गाक्‍शो क्‍येङा ठेयब सेल्‍ब। रोमी ७:६
MAT 9:17 सुइमी माइत कुशुल के थैलोमी नक अङगुर शांबु कुर मपाइनीम। कुर पाम्‍तेक्‍म हना, शांबु बोरशा, थैलो खाक्‍शा, क्‍युप्‍ब। नक शांबु कली नक थैलोमी कुर पचा माल्‍ब। मोपा कुर पशोनु, थैलो मगाक्‍बा, शांबु यो मक्‍युप्‍ब” दे शेंताक्‍मी।
MAT 9:18 मोदेंशो शेंना शेंन बाक्‍मेनु, मेकेर ङा ग्रुम्‍तीक खिं ङा ठेयब मुर का जाक्‍शा, पोक्‍च थेक्‍शा बाप्‍शा “आं तमी बेक्‍त। गे आं तमी तारी इन गुइ वोइक्‍तीनी हना, ब्रोंइब” दे सेउ पाप्‍तु।
MAT 9:19 मिनु येसु नु आ शेंसीबपुकी मेको आ खिं लाम्‍तेक्‍म।
MAT 9:20 मिनु मार दुम्‍त देंशा हना, लना लन बाक्‍मानु, १२ बर्स ङोंइती रे हुश याप्‍शा रोइ पशो मीश मुर कामी मेको आन नोले खोइश्‍शा, येसु आ फेक्‍शो वा थिवा बाक्‍त।
MAT 9:21 मारदे हना “आ फेक्‍शो वा थिचा ताता हना, सानुङ” दे थमा सुइश्‍शो बाक्‍माक्‍त। मत्ती १४:३६
MAT 9:22 मिनु येसुमी फिर लेश्‍शा कोव़शा, मेको मीश मुर कली तशा “आं तमी, इ थुं बारपतो। इ थमा सुइश्‍शोमी साते” दे माइक्‍तु। मो देंमेनु, आ रोइ ब्रा सामाक्‍त।
MAT 9:23 मिनु ठेयब मुर आ खिं जाक्‍दीम्‍मानु, येसुमी शुश मुर देल्‍शा बाजा ताप्‍शा, रोंका पा ङाक्‍ना ङाक्‍न बाक्‍शो ताप्‍तु।
MAT 9:24 मिनु मेको आन कली “कतीने। एको आल बेक्‍शो ममाइ, इप्‍शो बाक्‍ब” दे माइक्‍तीमी। मेकोपुकीमी “मबाक्‍शो लोव़ पाइबाक्‍त” दे शुक्‍शी पाम्‍तेक्‍म। यूहन्‍ना ११:११,१४,२५
MAT 9:25 मेको आन कली सोइश्‍शा, खिं ओव़त। मिनु आल आ गुइ ग्‍याइक्‍तानु, छुल बोक्‍त।
MAT 9:26 मिनु मेको लोव़ मेको रागी नेल्‍लेम ब्रम्‍माक्‍त।
MAT 9:27 मिनु येसु मेकेर रे लमेनु, मिक्‍च मताइब निक्‍शीमी “ए दाऊद पिप आ तौ, आंस कली शिशी पांइस्‍की” दे रेयके पा वाइ ब्रेश्‍शा, आ नोले खोइक्‍ताक्‍स। मत्ती २०:३०
MAT 9:28 मिनु खिं ओव़मेनु, मेको निक्‍शी यो ओव़ताक्‍स। मिनु येसुमी “गो इस कली सापाइक्‍ने चाप्‍नन्‍सी, दे थमा सुइक्‍नीसी?” देंमेनु “थमा सुइक्‍नस्‍कु, प्रभु” देंताक्‍स। प्रेरित १४:९
MAT 9:29 मिनु येसुमी आस मिक्‍च थिशा “इस थमा सुइश्‍शो बुदी दुम्‍ल” देंत। मत्ती ८:१३
MAT 9:30 मिनु मिक्‍च ताइब दुम्‍ताक्‍स। मिनु “एको लोव़ सुइ कली मशोव़ङीसे” दे सोइक्‍ताक्‍म्‍सी। मत्ती ८:४
MAT 9:31 तन्‍न मेको निक्‍शीमी चहिं आस रागी ङा मुर नेल्‍ल आन कली येसु आ पशो तुइक्‍पदसे बाक्‍त।
MAT 9:32 मिनु येसु नु आ शेंसीबपुकी मेको खिं रे ग्रूशा लमानु, मार दुम्‍त देंशा हना, वोलमी सुम्‍शो लाटा का चाक्‍तेक्‍म।
MAT 9:33 मिनु येसुमी वोल कली ग्रुंइताक्‍व। मिनु मेको मुरुमी लोव़ पाप्‍तु। मिनु मेकेर बाक्‍बपुकीमी छक लाक्‍शा “इं इस्राएलमी ओदेंशो दुम्‍शो गेनायो मतशो नय” देंमुम्‍तेक्‍म।
MAT 9:34 फरिसीपुकीमी चहिं “वोल आन पिप आ नें थिशा, वोल आन कली ग्रुंइबाक्‍त” देंतेक्‍म। मत्ती १२:२४-३२
MAT 9:35 येसु गालील रागी ङा सहर गाउं नेल्‍ल हिरना हिरन ग्रुम्‍तीक खिंमी मुर आन कली स्‍वर्ग ङा राज्‍य ङा लोव़ शेंना शेंन, रोइमी गुरशो नु रोइ पशो मुर नेल्‍ल आन कली सापाइक्‍ना पाइक्‍न गाक्‍त।
MAT 9:36 शुश मुर आन कली तशा, शिशी पाइक्‍तीमी। मारदे हना गोठला मबाक्‍शो भेडापुकी खोदेंशो पा दशो बाक्‍मा बाक्‍त। १राजा २२:१७; इजीकीएल ३४:५; मर्कूस ६:३४
MAT 9:37 मिनु आ शेंसीब आन कली “बाली नाली रुप्‍चा माल्‍शो शुश बाक्‍ब। रुप्‍ब मुर चहिं का निक्‍शी ला बाक्‍नीम।
MAT 9:38 मोपतीके ‘रुप्‍चा कली मुर योव़शा सोइक्‍तीने’ दे बाली नाली आ परमप्रभु कली पुनीने” दे माइक्‍तीमी। लूका १०:२
MAT 10:1 मिनु आ शेंसीब १२ जना आन कली खुप्‍शा, वोल आन कली ग्रुंइशा, खेरतीक, रोइमी गुरशो नु रोइ पाइब आन कली सापाइक्‍तीक अधिकार गेम्‍तीमी।
MAT 10:2 मोदेंशो अधिकार ताइब आन कली “सोइश्‍शोपुकी” दे यो देंसीब। मेकोपुकी सु सु बाक्‍तेक्‍म देंशा हना, पत्रुस माइश्‍शो सिमोन नु आ दाग्‍यु अन्‍द्रीयास, जब्‍दी आ तौ याकूब नु यूहन्‍ना, मर्कूस ३:१६-१९; लूका ६:१४-१६; प्रेरित १:१३
MAT 10:3 फिलीप नु बारथोलोमाइ, थोमास, तिरो पोक्‍ब मत्ती, अल्‍फयस आ तौ याकूब, थदेयस,
MAT 10:4 कनानी सिमोन नु इस्‍कारीयोत ङा यहूदा बाक्‍तेक्‍म। मेको यहूदा नोले येसु कली साइक्‍चा, दे माल्‍ब आन कली वारच पाइब दुम्‍बाक्‍माक्‍त।
MAT 10:5 येसुमी आ १२ जना शेंसीब आन कली सोइश्‍शा, मेको आन कली “अर्को जात ङा मुर आन रागी मलने। सामरीया ङा मुरपुकी आन रागी यो मलने।
MAT 10:6 तन्‍न गोठला मबाक्‍शो, लां जाम्‍शो भेडा खोदेंशो, इं इस्राएली आन बाक्‍तीके लने। मत्ती १५:२४; प्रेरित १३:४६
MAT 10:7 ‘स्‍वर्ग ङा राज्‍य जाक्‍चशो बाक्‍त’ दे शेंदीने। लूका १०:१-१२; मत्ती ४:१७
MAT 10:8 रोइ पाइब आन कली सापतीन। बेक्‍शो मुर आन कली सेंपतीन। कोर पाइब आन कली सापतीन। वोल आन कली ग्रुंइशा खेरीन। मेको नेल्‍ल मोशा ताइतीनी। मिनु मोशा गेने। मर्कूस १६:१७
MAT 10:9 सुन चांदी तांबा का यो मकुरीन। प्रेरित २०:३३
MAT 10:10 लां कली फेक्‍तीक वा, जु‍त्ता जोड निक्‍शी, झोला नु कोक्‍के मकुरीन। मारदे हना गेय पाइबपुकीमी जचा गेचा पुंइसीनीम। गन्‍ती १८:३१; १कोरिन्‍थी ९:१४; १तिमोथी ५:१८
MAT 10:11 सहर गाउं तेइ जाक्‍दीन्‍नीनु, रिम्‍शो थुं पाइश्‍शो मुर आ खिं हिल्‍लो पा बाक्‍थ लने। मिनु बास गेम्‍तेक्‍म हना, गाक्‍ची मजाक्‍म सम्‍म बाक्‍कीन।
MAT 10:12 मिनु खिं ओव़नीनु ‘परमप्रभु यावेमी इन कली रिम्‍शो पवल’ दे आसीक गेने।
MAT 10:13 मेको खिंमी रिम्‍शो थुं पाइश्‍शो मुर बाक्‍तेक्‍म हना, आसीक रशा, आन थुं नाइक्‍चा ताइनीमी। मोदेंशो मुर मबाक्‍तेक्‍म हना चहिं मेको आन रचा ङा आसीक गे राइनीनी।
MAT 10:14 मुरपुकीमी इन लोव़ मनेंथु, बास मगेम्‍तेक्‍म हना, इन खोइल ङा फुरक थुर थुर पाइश्‍शा गाक्‍कीन। प्रेरित १३:५१
MAT 10:15 नोफा दाइश्‍शा नेनीने, निसाफ पची नाक्‍त सोदोम नु गोमोररा सहर निक्‍शीमी बाक्‍ब मुर आन क्‍येङा इन लोव़ मनेंब मटीबपुकीमी शुश सजाइ ताइनीम। उत्‍पत्ती १९:१-२९
MAT 10:16 भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५
MAT 10:17 होस पा गाक्‍कीन। मारदे हना मेको फरपुकीमी इन कली सभा कछ‍डीम वोइक्‍नीम। ग्रुम्‍तीक खिंमी लाइश्‍शा युक्‍नीम। प्रेरित ५:४०; २कोरिन्‍थी ११:२४
MAT 10:18 इन कली श्‍येत गेबपुकी नु अर्को रागी ङा मुर आन ङोंइती सांकछी दुम्‍चा कली ठेयब मुर नु पिप आन ङोंइती राप्‍पाइक्‍नीम। प्रेरित २५:२३; प्रेरित २७:२४
MAT 10:19 इन कली मोपा राप्‍पदमेनु, मार लोव़ पका? मार देंका? दे सुर्ता मपने। मार देंचा माल्‍बा, मेको लोव़ तुइक्‍पाइक्‍चा पुंइसीनीनी। प्रस्‍थान ४:१२; लूका १२:११-१२; प्रेरित ४:८
MAT 10:20 मारदे हना गे इन थुं रे पिशो लोव़ मपाइनीनी, तन्‍न इन आफ आ सोक्‍तीमी इन शोव़ रे पा लोव़ पाइब। १कोरिन्‍थी २:४
MAT 10:21 लोक्‍बमी आ लोक्‍ब कली साइक्‍पाइक्‍चा गेब। आफोमी तमी तौ आन कली नु तमी तौपुकीमी यो आम आफ कली मरिम्‍शो पा साइक्‍पाइक्‍नीम। मीका ७:६
MAT 10:22 आं नें आ पर्बम नेल्‍लेमी इन कली मदाक्‍नीम। तन्‍न सु सुमी चहिं नोले सम्‍म फाल्‍शा बाक्‍नीमी, मेकोपुकी परमप्रभु यावे नु ब्रोंइशा बाक्‍चा ताइनीमी। २तिमोथी २:१२; मत्ती २४:९-१३
MAT 10:23 सहर कामी खेदा पाम्‍तेक्‍म हना, प्रोक्‍शा अर्को सहरमी जाक्‍दीश्‍शा बाक्‍कीन। नोफा दाइश्‍शा नेनीने, रागीम जरमेशो मजाक्‍म सम्‍म इस्राएल ङा सहर नेल्‍ल हिरशा मग्रुम्‍नीनी। प्रेरित ८:१; मत्ती १६:२८
MAT 10:24 शेंब क्‍येङा शेंसीब नु होव़प क्‍येङा गेय पाइब ठेयब मनमी। लूका ६:४०; यूहन्‍ना १३:१६; यूहन्‍ना १५:२०
MAT 10:25 शेंब नु शेंसीब, होव़प नु आ गेय पाइब कांइचीक दुम्‍ने चाप्‍नीम। खिं ङा ठेयब मुर कली बेल्‍जीबुल, दे शुक्‍शी पाइक्‍तेक्‍म हना, आ खिं ङा मुर आन कली शुक्‍शी मपाइनीमी ङा? मत्ती १२:२४
MAT 10:26 मोपतीके मेको आन कली तशा महिनीन। मुल सम्‍म सुम्‍शा वोइश्‍शो नोले नेल्‍ल हाक्‍सीशा तांइसीब। मुल ख्रुइश्‍शा वोइश्‍शो नोले तुंइ‍सीब। लूका १२:२-९; मर्कूस ४:२२; लूका ८:१७
MAT 10:27 गोमी इन कली छिङछिङमी माइश्‍शो लोव़ छेङछेङमी मतीने। इन कली नोफाम देंशो लोव़ नोले ठेयब सेंदा पा नेंपतीने।
MAT 10:28 इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२
MAT 10:29 अस्‍सारीयोन कामी भंगेरा निक्‍शी मग्‍याम्‍सीबा ङा? मो हना यो इन आफोमी मदेंथु, का यो खपीम मदोक्‍ब।
MAT 10:30 इन पिया ङा चां का का पा हिक्‍शा, गिश बाक्‍मा, दे तुइश्‍शो बाक्‍ब। अस्‍सारीयोन का आइक्‍च तांबा के क्‍येट बाक्‍त। प्रेरित २७:३४
MAT 10:31 मोपतीके महिनीन। गे भंगेरा क्‍येङा शुश हिक्‍सीशो बाक्‍नीनी। मत्ती ६:२६
MAT 10:32 सुमी मुर आन कली ‘येसु आ मुर नङ’ देंबा, गो यो स्‍वर्गम बाक्‍ब आं आफ कली ‘एको आं मुर बाक्‍ब’ देंनुङ। प्रकाश ३:५
MAT 10:33 सुमी चहिं मुर आन कली ‘येसु सु में? मतुइक्‍नुङ’ देंबा, गो यो स्‍वर्गम बाक्‍ब आं आफ कली ‘मेको कली मतुइक्‍नुङ’ दें‍नुङ। मर्कूस ८:३८; लूका ९:२६; २तिमोथी २:१२
MAT 10:34 रागीमी नेल्‍ल आन कली गारपाइक्‍थ जाक्‍शो बाक्‍ब, दे आं पर्बम ममिम्‍तीने। दुपाइक्‍चा कली ममाइ, तन्‍न तरवार ग्‍यारपाइक्‍थ जाक्‍ती। लूका १२:५१-५३; मीका ७:६
MAT 10:35 मारदे हना आ पर्बम तौ नु आफ, तमी नु ममा, चाइमी नु शिमी जिमुशा ब्रानीम।
MAT 10:36 मोदेंशो पा आंम खिं ङा मुर जोरी सत्रु दुम्‍नीम।
MAT 10:37 आं क्‍येङा आन आम आफ कली दाक्‍बपुकी आं नोले खोइक्‍चा मशिरनीम। आं क्‍येङा आन तमी तौ आन कली दाक्‍बपुकी यो आं नोले खोइक्‍चा मशिरनीम। ब्‍यवस्‍था १३:७-१२; ब्‍यवस्‍था ३३:९; लूका १४:२६-२७
MAT 10:38 सुमी आं नोले खोइश्‍शा, श्‍येत फाल्‍ने मचाप्‍बा, मेको आं नोले खोइक्‍चा मशिरब। मत्ती १६:२४-२५
MAT 10:39 आंम कली प्रोंइचा दाक्‍ब जाम्‍शा लाइब। आं पर्बम जाम्‍शा लाइब चहिं ब्रोंइचा ताइब। लूका ९:२४; यूहन्‍ना १३:२०; गलाती ४:१४
MAT 10:40 इन कली ब्राइबमी आं कली ब्राइब। मिनु आं कली ब्राइबमी आं कली सोइक्‍ब कली यो ब्राइब।
MAT 10:41 परमप्रभु यावे आ लोव़ पाइब बाक्‍माक्‍त, दे मिम्‍‍शा, परमप्रभु यावे आ लोव़ पाइब कली ब्राप्‍तु हना, परमप्रभु यावे आ लोव़ पाइब आ तचा ङा इनाम मेकोम ताइब। ठीक पाइब मुर बाक्‍माक्‍त, दे मिम्‍‍शा, ठीक पाइब मुर कली ब्राप्‍तु हना, ठीक पाइब आ तचा ङा इनाम मेकोम ताइब। १राजा १७:८-२४
MAT 10:42 नोफा दाइश्‍शा नेनीने, सुमी महिक्‍सीशो मुर का कली ‘एको यो शेंसीब का बाक्‍माक्‍त’ दे मिम्‍शा, लोटा का ब्‍वाक्‍कु तूचा गेबा, मेकोमी दोपा यो आ तचा ङा इनाम मसाम्‍ब” दे शेंताक्‍मी। मत्ती २५:४०; मर्कूस ९:४१
MAT 11:1 आ १२ जना शेंसीब आन कली मेको लोव़ शेंने थुम्‍शा, येसु मेकेर रे लशा, सहर सहरम हिरशा, शेंना शेंन गाक्‍त।
MAT 11:2 मिनु येसु शेंना शेंन गाक्‍मेनु, यूहन्‍ना जेल्‍खानमी बाक्‍माक्‍त। मिनु ख्रीस्‍तमी पशो गेय आ पर्बम नेंशा, आ शेंसीब आन कली मत्ती १४:३
MAT 11:3 “गे जाक्‍चा माल्‍शो बाक्‍नीनी देय अर्को कली लां कोव़का?” दे हिल्‍लो पथ सोइक्‍तीमी बाक्‍त। मत्ती ३:११; मलाकी ३:१
MAT 11:4 मिनु मेकोपुकी जाक्‍शा, हिल्‍लो पामेनु, येसुमी “गे मार मार नेंनी, मार मार तनी, यूहन्‍ना कली मतीने
MAT 11:5 ‘मिक्‍च मताइबपुकीमी मिक्‍च ताइबाक्‍तेक्‍म, खोइल मदुक्‍बपुकी गाक्‍बाक्‍तेक्‍म, कोर पाइब साबाक्‍तेक्‍म, नोफा मनेंबपुकी नेंबाक्‍तेक्‍म, बेक्‍शो मुर बेक्‍शो रे सेंसीशा ब्रोंइबाक्‍तेक्‍म। महिक्‍सीशो मुरपुकीम ग्‍येरपाइक्‍ब लोव़ नेंबाक्‍तेक्‍म’ यसैया ३५:५-६; यसैया ६१:१
MAT 11:6 सु सुमी आं कली तशा थुं मखाइक्‍पाइक्‍नीम, मेकोपुकी ग्‍येरसमल, दे मतीन” दे लेश्‍शा सोइक्‍ताक्‍मी। मत्ती १३:५७; मत्ती २६:३१
MAT 11:7 मिनु मेकोपुकी लमा नोले, येसुमी मुर आन कली यूहन्‍ना आ पर्बम “साइ गोरशो रागीमी मार कोव़थ लनी? फशेम हिम्‍शो किन्‍दा कोव़थ लनी? मत्ती ३:१,५
MAT 11:8 मिनु मार कोव़थ लनी? दारशो वा फेक्‍शो मुर तांइसीबा कों, दे कोव़थ लनी? नेनीने, दारशो वा फेक्‍ब पिप आन खिंमी बाक्‍नीम।
MAT 11:9 गेपुकी मार कोव़थ लनी, मिनु? परमप्रभु यावे आ लोव़ पाइब तांइसीबा कों, दे कोव़थ लनी? गे नेल्‍ल आन क्‍येङा ठेयब परमप्रभु यावे आ लोव़ पाइब ताइतीनी, दे इन कली देंनुङ। लूका १:७६; लूका २०:६
MAT 11:10 परमप्रभु यावेमी ब्रेक्‍पाइश्‍शो लोव़मी मेको आ पर्बम मार ब्रेक्‍शो बाक्‍ब देंशा हना ‘गो आं लोव़ कुरब इ ङोंइङोंइती सोइक्‍नुङ। मेकोमी इ लां ठीक सेल्‍ब’ दे ब्रेक्‍शो बाक्‍ब। मलाकी ३:१
MAT 11:11 नोफा दाइश्‍शा नेनीने, रागी नेल्‍लेमी ब्‍वाक्‍कुम ख्रुम्‍शा ग्रुंइब यूहन्‍ना खोदेंशो ठेयब सुइ मबाक्‍ब। स्‍वर्ग ङा राज्‍यमी चहिं नेल्‍ल क्‍येङा यो आइक्‍च यूहन्‍ना क्‍येङा ठेयब बाक्‍ब। मत्ती १३:१७
MAT 11:12 यूहन्‍नामी मुर आन कली शेंशा, ब्‍वाक्‍कुम ख्रुम्‍शा ग्रुंइदा रे मुल सम्‍म स्‍वर्ग ङा राज्‍य ओव़शा, आन के सेल्‍चा, दे दाम पा मुना मुन बाक्‍नीम। लूका १६:१६
MAT 11:13 साइ नेसी परमप्रभु यावे आ लोव़ पाइब नेल्‍लेमी नोले दुम्‍ब लोव़ पा यूहन्‍ना आ पर्बम ब्रेक्‍शो बाक्‍तेक्‍म।
MAT 11:14 जाक्‍चा माल्‍शो एलीया सु बाक्‍बा, दे तुइक्‍चा दाक्‍ताक्‍नी हना, मेको यूहन्‍नान बाक्‍ब। मत्ती १७:१०-३०; मलाकी ३:२३
MAT 11:15 सु नोफा पाइश्‍शो बाक्‍मे, मेकोमी नेंनल।
MAT 11:16 सिनाक्‍त मुलाक्‍त ङा मुर दोदेंशो बाक्‍नीम देंशा हना, बजारमी ग्‍यारब आलपुकीम
MAT 11:17 ‘ताप्‍तीक ताप्‍कानु, गे सिल मपनी, रोंका पा ङाक्‍कानु, गे मङाक्‍नी’ दे ब्रेम्‍मुशो खोदेंशो बाक्‍नीम। यूहन्‍ना ५:३५
MAT 11:18 मारदे हना यूहन्‍नामी बर्त बाक्‍शा, शांबु राकसी मतूङानु, वोलम सुम्‍शो मुर बाक्‍माक्‍त देंनीम। मत्ती ३:४
MAT 11:19 रागीम जरमेशोमी चहिं जचा तूचा थोव़क नेल्‍ल जाइब तूब। मेको कली तशा ‘धोक्रे, शांबु राकसीमी दुक्‍ब, तिरो पोक्‍ब नु पापी आन वारच बाक्‍माक्‍त’ देंनीम। मेको के दोशो तुइक्‍तीक बाक्‍मे, मेको आ गेय रे पा तुंइ‍सीब” दे येसुमी मुर आन कली शेंताक्‍मी। मत्ती ९:१०-१५; यूहन्‍ना २:२; १कोरिन्‍थी १:२४-३०
MAT 11:20 येसुमी शुश छक लाक्‍चा ङा गेय नु चिन्‍ड कोंइशा यो सहर ङा मुरपुकी आन थुं परमप्रभु यावे गे मलेत्‍तेम। मोपतीके ओदें हुइक्‍ताक्‍मी
MAT 11:21 “ए खोराजीन, ए बेथसैदा, गेमी तशो छक लाक्‍चा ङा गेय नु चिन्‍ड टायर नु सीदोन ङा मुरपुकीमी तशो नम हना, साइ कना भाङरा फेक्‍शा, पुलु ख्रेक्‍सीशा, आन थुं परमप्रभु यावे गे लेत्‍तेम वा। जोना ३:६
MAT 11:22 निसाफ पची नाक्‍त गेपुकी टायर नु सीदोन ङा मुर आन क्‍येङा शुश सजाइ ताइनीनी, दे इन कली देंनुङ। ।
MAT 11:23 ए कापेरनाउम, मार गे स्‍वर्ग सम्‍म क्‍युक्‍सीनेवे ङा? नरकम तोक्‍चा पुंइसीनेवे। मारदे हना गेमी तशो छक लाक्‍चा ङा गेय नु चिन्‍ड सोदोम ङा मुरपुकीमी तशो नम हना, आन थुं परमप्रभु यावे गे लेश्‍शा सजाइ रे ब्रोंइचा ताम वा, मिनु सहर मुल सम्‍म ली वा। मत्ती ४:१३; मत्ती ८:५; मत्ती ९:१; यसैया १४:१३,१५
MAT 11:24 निसाफ पची नाक्‍त सोदोम ङा मुर आन क्‍येङा कापेरनाउम सहर ङा मुरपुकीमी शुश सजाइ ताइनीम, दे इन कली देंनुङ” दे हुइक्‍ताक्‍मी। मत्ती १०:१५
MAT 11:25 काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९
MAT 11:26 आं आफ, गे मोदेंशो पचा दाक्‍ताक्‍नी।
MAT 11:27 आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९
MAT 11:28 गे श्‍येत जशो नु भारीम चिप्‍चा पुंइसीशोपुकी, आं गे जाक्‍कीन। मिनु नाइक्‍चा गेनन्‍नी। मत्ती १२:२०; मत्ती २३:४; येरमीया ३१:२५
MAT 11:29 आं जवा लाम्‍सीशा, गो नु शेंसीने। मारदे हना गो शिशी पाइब नु ब्रेम्‍शो थुं ङा नङ। मिनु गे इन थुं नाइक्‍चा ताइनीनी। यसैया २८:१२; येरमीया ६:१६
MAT 11:30 आं जवा ग्‍युप्‍चा ङा बाक्‍ब। आं भारी कुरने चाप्‍चा ङा बाक्‍ब” देंत। लूका ११:४६; १यूहन्‍ना ५:३
MAT 12:1 काबु नाइक्‍तीक नाक्‍त येसु नु आ शेंसीबपुकी चेरब रू ङा लां लना लन बाक्‍मानु, शेंसीबपुकी शोव़लु बेक्‍शा, चेरब बाला शोइश्‍शा नोक्‍शा जाम्‍तेक्‍म। ब्‍यवस्‍था २३:२६
MAT 12:2 फरिसीपुकीमी मेको आन मो पशो तशा, येसु कली “कोव़ङीने, इन शेंसीबपुकीमी नाइक्‍तीक नाक्‍तीम पचा मदुम्‍शो गेय पाम्‍तेक्‍म” देंतेक्‍म। प्रस्‍थान २०:१०
MAT 12:3 मिनु येसुमी मो देंब आन कली “दाऊद नु आ वारचपुकी शोव़लु बेक्‍मानु, मार पामे, दे परमप्रभु यावेमी ब्रेक्‍पाइश्‍शो लोव़ मपढेनी? १सामुएल २१:७
MAT 12:4 दोपा दाऊदमी परमप्रभु यावे आ खिंमी ओव़शा, परमप्रभु यावे कली चढ़ेशो शोब्‍ले शोल्‍शा योक्‍शा जामे? मेको चढ़ेशो शोब्‍ले चढ़ेबपुकीमी ला जचा दुम्‍बाक्‍माक्‍त। अरु मुरपुकीमी जचा मदुम्‍ब बाक्‍माक्‍त। लेवी २४:९
MAT 12:5 नाइक्‍तीक नाक्‍त चढ़ेबपुकीमी परमप्रभु यावे आ खिंमी चढ़ेनीम। मेकोपुकीमी गेय पाइनीम। मेकोपुकी चहिं दोस गेचा मपुंइसीनीम। परमप्रभु यावेमी ब्रेक्‍पाइश्‍शो एको लोव़ यो मपढेनी?
MAT 12:6 एकेर परमप्रभु यावे आ खिं क्‍येङा ठेयब मुर का बाक्‍ब, दे इन कली देंनुङ। ।
MAT 12:7 ‘चढ़ेतीक ममाइ, शिशी पशो तचा दाक्‍नुङ’ देंशो परमप्रभु यावे आ लोव़ आ अर्थ रुप्‍तीनी हना, दोस गेचा मपुंइसीब आन कली दोस मगेनी वा। होसे ६:६; मत्ती ९:१३
MAT 12:8 रागीमी जरमेशो चहिं नाइक्‍तीक नाक्‍त मार पचा, मार मपचा अधिकार पाइब बाक्‍ब” दे माइक्‍तीमी।
MAT 12:9 मिनु येसु मेकेर रे लशा, मेको आन ग्रुम्‍तीक खिंमी जाक्‍दीश्‍शा ओव़त।
MAT 12:10 मिनु मेकेर गुइ सोव़शो मुर का बाक्‍त। मेकोपुकीमी येसु कली दोस गेचा माल्‍शो बाक्‍मा बाक्‍त। मोपतीके “नाइक्‍तीक नाक्‍त सापाइक्‍तीक गेय पचा दुम्‍बा?” दे हिल्‍लो पखु पा योव़की पाम्‍तेक्‍म।
MAT 12:11 मिनु येसुमी “सुइ इन के कांइचीक भेडा नाइक्‍तीक नाक्‍त खाल्‍टाम बिक्‍त हना, मेको कली कीशा मग्रुंइनीनी ङा? लूका १४:३-५
MAT 12:12 भेडा का क्‍येङा मुर ठेयब ममाइ ङा? मोपतीके नाइक्‍तीक नाक्‍त मुर आन कली शिशी पा रिम्‍शो प‍चा इं कानुन ङा लोव़ नु गारब” दे माइक्‍तीमी।
MAT 12:13 मिनु गुइ सोव़शो मुर कली “इ गुइ दिंदो” दे माइक्‍तु। मिनु मेकोमी गुइ दिंसेनु, ब्रा साशा, अर्को गुइ खोदेंशो दुम्‍त।
MAT 12:14 मिनु फरिसीपुकीमी मेकेर रे ग्रूशा खुम्‍सीशा “मेको कली दोपा साइक्‍चा ताइनया?” दे लोव़सी पाम्‍तेक्‍म। यूहन्‍ना ५:१६
MAT 12:15 मिनु येसुमी मेको आन लोव़ पशो तुइश्‍शा, मेकेर रे गाक्‍त। मिनु शुश मुरुमी आ नोले खोइक्‍तेक्‍म। मेकोपुकी रोइ पाइबपुकी यो बाक्‍तेक्‍म। मेको नेल्‍ल आन कली सापाइक्‍तीमी।
MAT 12:16 सापाइश्‍शा “सुइ कली मतुइक्‍पाइय्‍यीनी” दे माइश्‍शा सोइक्‍ताक्‍मी। मत्ती ८:४
MAT 12:17 मोदेंशो पा साइ नेसी परमप्रभु यावे आ लोव़ पाइब यसैयामी देंशो लोव़ थमा दुम्‍पाइक्‍तु।
MAT 12:18 यसैयामी मार देंशो बाक्‍त देंशा हना “आं गेय पाइब कली कोव़ङीन। एको कली योव़ता। मिनु एको कली दाक्‍नुङ। एको कली तशा शुश ग्‍येरसीनुङ। आं सोक्‍तीम प्रिंशा, अर्को रागी ङा मुर आन कली दोपा ठीक दुम्‍चा, दे तुइक्‍पपाइक्‍ब। प्रेरित ३:१३,२६; मत्ती ३:१७
MAT 12:19 मेकोमी जिचा मपोक्‍ब। शुश रेयके मपाइब। लां पित्‍थ आ सेंदा मनेंसीब।
MAT 12:20 जिक्‍चशो किन्‍दा मजिक्‍ब, काप्‍चशो मी मकाप्‍ब। ठीक पतीकेमी मग्राम सम्‍म मोदेंशो पना पन बाक्‍त।
MAT 12:21 अर्को रागी ङा मुरपुकीमी मेको आ नेंमी आस पा बाक्‍नीम” दे ब्रेक्‍शो बाक्‍ब। यसैया ४२:१-४
MAT 12:22 मिनु मिक्‍च मताइब, नोफा मनेंब, मब्‍वाक्‍ब वोलम तशो मुर का चाक्‍तेक्‍म। मिनु येसुमी मेको कली सापाइक्‍तु। मिनु मिक्‍च ताप्‍तु, लोव़ यो पाप्‍तु।
MAT 12:23 मेकेर देल्‍शोपुकीमी “ओहो, एकोन दाऊद आ तौ बाक्‍म कोर में?” देंमुम्‍तेक्‍म। मत्ती २१:९; यूहन्‍ना ७:४२
MAT 12:24 फरिसीपुकीमी चहिं मेको आन देंशो नेंशा “वोल आन पिप बेल्‍जीबुल आ सक्तिम कका वोल आन कली ग्रुंइशा खेरबाक्‍माक्‍त” दे मिम्‍शा लोव़ पामे बाक्‍त।
MAT 12:25 मिनु येसुमी मेको आन मिम्‍शा लोव़ पशो तुइश्‍शा, मेको आन कली “राज्‍य का ङा मुरपुकी जिशा ब्राशा गाक्‍तेक्‍म हना, राज्‍य जाम्‍शा लाइब। सहर का ङा मुरपुकी जिशा ब्राशा गाक्‍तेक्‍म हना, सहर नुप्‍ब। खिं का ङा मुरपुकी यो जिम्‍तेक्‍म हना, मेको खिं मलीब। मत्ती ९:३४
MAT 12:26 सैतानमी सैतान कली खेरतु हना, मेकोपुकी ब्रानीम। मिनु आ राज्‍य दोपा लीबा ङा?
MAT 12:27 गो बेल्‍जीबुल आ सक्तिम वोल आन कली खेरतामी हना, इन तौपुकीमी सु आ सक्तिम खेरमे? मेकोपुकीमी गे इन कली निसाफ पाइनीम।
MAT 12:28 गोमी परमप्रभु आ सोक्‍तीमी वोल आन कली खेरनुङ हना, परमप्रभु यावे आ राज्‍य जाक्‍शो बाक्‍माक्‍त, दे तुइक्‍तीन। १यूहन्‍ना ३:८
MAT 12:29 नेनीने, बोल्‍यो मुर आ खिं खुइ पाइबमी ङोंइती मेको खिं ङा मुर कली ग्‍याइश्‍शा फ्रेंशा मवोइक्‍तु हना, आ खिं ङा मारेइ मारेइ दोपा लाइक्‍ने चाप्‍बा ङा? पाइश्‍शा नोले ला मेको आ खिं ङा मारेइ मारेइ लाइक्‍ने चाप्‍ब। मत्ती ४:१-११; यसैया ४९:२४
MAT 12:30 गो नु मगारब आं जोरी सत्रु दुम्‍नीम। गो नु गारशा मखुप्‍बमी आं खुप्‍शो यो फ्रशा ताइक्‍ब। मर्कूस ९:४०
MAT 12:31 मोपतीके गो इन कली मार देंनुङ देंशा हना, मुरपुकीमी पाप पा, परमप्रभु यावे कली शुक्‍शी लोव़ पाम्‍तेक्‍म हना, माफ गेचा पुंइसीनीम। परमप्रभु यावे आ सोक्‍त आ पर्बम शुक्‍शी लोव़ पशो पाप चहिं मक्‍याम्‍सीब, दे इन कली देंनुङ। मर्कूस ३:२८-३०; लूका १२:१०; १यूहन्‍ना ५:१६; हिब्रू ६:४-६; हिब्रू १०:२६
MAT 12:32 रागीम जरमेशो आ पर्बम शुक्‍शी लोव़ पाम्‍तेक्‍म हना, माफ ताइनीम। तन्‍न सुमी परमप्रभु यावे आ सोक्‍त आ पर्बम शुक्‍शी लोव़ पाइबा, मेको आ पाप मुल मक्‍याम्‍सीब, बेक्‍शा लशा नोले यो मक्‍याम्‍सीब, गेना हना यो लीब। १तिमोथी १:१३
MAT 12:33 ब्रोव़शो फल सिप्‍ब रवा ख्रुम्‍तीनी हना, ब्रोव़शो फल सिप्‍ब। मब्रोव़शो फल सिप्‍ब रवा ख्रुम्‍तीनी हना, मब्रोव़शो फल सिप्‍ब। फल थाम्‍शा रिम्‍शो रवा बाक्‍म, दे मरिम्‍शो रवा बाक्‍म मेको तुंइसीब। मत्ती ७:१६-१८
MAT 12:34 ए बुस्‍स आ खलकपुकी, गे मरिम्‍शो थुं पाइश्‍शो ननी। मिनु इन शोव़ रे दोपा रिम्‍शो लोव़ ग्रूबा ङा? थुं मारम ब्रीशो बाक्‍मे, मेकोन लोव़ पा ग्रूब। मत्ती ३:७
MAT 12:35 रिम्‍शो थुं पाइश्‍शो मुरुमी रिम्‍शो लोव़ पाइब। मरिम्‍शो थुं पाइश्‍शो मुरुमी मरिम्‍शो लोव़ पाइब।
MAT 12:36 निसाफ पची नाक्‍त मुर नेल्‍लेमी आन हेंथे पशो लोव़ का का पा शोव़चा माल्‍नीम, दे इन कली देंनुङ। याकूब ३:६; यहूदा १५
MAT 12:37 मोपतीके होस पा बाक्‍कीन। मारदे हना इन पशो लोव़मीन दोस गेचा नु ठीक सुइक्‍चा पुंइसीनीनी” दे माइक्‍तीमी।
MAT 12:38 मिनु सास्‍त्री नु फरिसी का निक्‍शीमी “शेंब हजुर, चिन्‍ड का कोंइदीकी” देंतेक्‍म।
MAT 12:39 मिनु येसुमी “मरिम्‍शो थुं पाइश्‍शो नु थमा मसुइक्‍बपुकीमी चिन्‍ड कोव़कोव़ दाक्‍नीम। मेको आन कली परमप्रभु यावे आ लोव़ पाइब योना आ चिन्‍ड ङा लाक्‍शा मारेइ चिन्‍ड मकोंइनुङमी।
MAT 12:40 योना नाक्‍त सां सम्‍म ङांइ आ कोव़जम बाक्‍शो खोदेंशो पा, रागीम जरमेशो यो नाक्‍त सां सम्‍म रागी आ कोव़जम बाक्‍ब। योना २:१; एफिसी ४:९; १पत्रुस ३:१९
MAT 12:41 निसाफ पची नाक्‍तीम निनवे सहर ङा मुरपुकी बोक्‍शा, एको पाला ङा आन कली दोसी सुइक्‍नीम। मारदे हना मेकोपुकीमी योना आ लोव़ नेंशा, आन थुं परमप्रभु यावे गे लेत्‍ताक्‍म। नेनीने, एकेर का योना क्‍येङा ठेयब बाक्‍ब। जोना ३:५
MAT 12:42 निसाफ पची नाक्‍त लुक्‍च रागी ङा पिपीम बोक्‍शा, एको पाला ङा मुर आन कली दोसी सुइक्‍ब। मारदे हना मेकोमी ङोन रे कुशा, पिप सोलोमनमी दोदेंशो निप्‍स पा हुकुम पवा, दे कोव़थ जाक्‍माक्‍त। नेनीने, एकेर सोलोमन क्‍येङा ठेयब का बाक्‍ब। १राजा १०:१-१०
MAT 12:43 मुर रे वोल कली ग्रुंइशा खेरमेनु, ग्रांग्रा दिचा ङा वोल ग्रूशा लशा, ब्‍वाक्‍कु मबाक्‍तीकेमी नाइक्‍तीके माल्‍थ गाक्‍ब। माल्‍शा यो नाइक्‍तीके मथीब।
MAT 12:44 मिनु ‘ङोंइती आ बाक्‍तीकेमीन लेत्‍नुङ’ दे लेश्‍शा जाक्‍ब। मिनु लेश्‍शा जाक्‍मेनु, बाक्‍तीके फिक्‍शा, सिल्‍शा श्‍येत्‍थ वोइश्‍शो थिप्‍ब।
MAT 12:45 मिनु आ क्‍येङा ग्रांग्रा दिचा ङा ७ ओटा वोल आन कली माल्‍थ लशा चाक्‍ब। मिनु ओव़शा बाक्‍नीम। मिनु ङोंइती क्‍येङा मेको मुर शुश मरिम्‍शो दुम्‍ब। एको मरिम्‍शो पाला कली मोदेंशो दुम्‍ब” दे माइक्‍तीमी। २पत्रुस २:२०
MAT 12:46 येसुमी मेको लोव़ पना पन बाक्‍मेनु, आ ममा नु आ लोक्‍बपुकी ग्रुम्‍थ जाक्‍मा बाक्‍त। मत्ती १३:५६
MAT 12:47 मिनु मुर कामी “इन ममा नु लोक्‍बपुकी ग्रुम्‍थ जाक्‍तेक्‍म” देंत।
MAT 12:48 मिनु येसुमी मो देंब कली “आं ममा नु आं लोक्‍बपुकी सु नमी?” मत्ती १०:३७; लूका २:४९
MAT 12:49 देंशा, आ गुइ आ शेंसीबपुकी गे शुक्‍शा “कोव़ङीने, एकोपुकी आं ममा नु आं लोक्‍बपुकी नम। हिब्रू २:११
MAT 12:50 मारदे हना स्‍वर्गम बाक्‍ब आं आफ आ दाक्‍शो पाइबपुकीन आं ममा नु लोक्‍बपुकी नम” देंत। रोमी ८:२९
MAT 13:1 मेको नाक्‍त येसु खिं रे गाक्‍शा, समुन्‍द्र आ नेक्‍था लशा निस्‍साक्‍व।
MAT 13:2 मिनु शुश मुर जाक्‍शा देल्‍तेक्‍म। मिनु येसुमी शुश मुर आन कली देल्‍शो तशा, डोंगा ङोइश्‍शा निस्‍साक्‍व। मुरपुकी चहिं समुन्‍द्र आ नेक्‍था बाक्‍तेक्‍म।
MAT 13:3 मिनु कथा सेल्‍शा, शुश लोव़ शेंताक्‍मी। कथा का ओं देंत “मुर कामी वांचेर शोक्‍थ लमाक्‍त।
MAT 13:4 मिनु ब्‍वारानु, गेडा का निक्‍शी लांमी जुक्‍तमे बाक्‍त। मिनु चिक्‍बीम गुप्‍शा जामे बाक्‍त।
MAT 13:5 का निक्‍शी ग्‍याङग्रो ठाउंमी जुक्‍तमे बाक्‍त। मिनु शुश खप मबाक्‍तीके जिव जाव वामा बाक्‍त।
MAT 13:6 तन्‍न नां पवानु, सोल सुल बेक्‍मा बाक्‍त। मारदे हना शाक्‍श मपाइश्‍शो बाक्‍मा बाक्‍त।
MAT 13:7 का निक्‍शी चू घारीमी जुक्‍तमे बाक्‍त। मिनु चूम सुम्‍शा, वाचा मगेवा बाक्‍त।
MAT 13:8 मिनु का निक्‍शी रिम्‍शो खपीम जुक्‍तमे बाक्‍त। मिनु वाशा शुश ग्रेल्‍शा, गेडा का के सहे का, ६०, ३० सिम्‍मा बाक्‍त।
MAT 13:9 सु नोफा पाइश्‍शो बाक्‍मे, मेकोमी नेंनल” देंत।
MAT 13:10 मिनु शेंसीबपुकीमी येसु कली “मारदे कथा सेल्‍शा, मुर आन कली शेंनीनी?” दे हिल्‍लो पाम्‍तेक्‍म।
MAT 13:11 मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०
MAT 13:12 थीबमी तेम्‍शा गेचा पुंइसीब, मिनु शुश दुम्‍ब। मथीब चहिं बाक्‍शो यो रोइक्‍चा पुंइसीब। हितोपदेस ९:९; मत्ती २५:२८-२९; मर्कूस ४:२४; लूका ८:१८
MAT 13:13 कथा सेल्‍शा शेंनुङमी। मारदे हना कोव़शा यो मताइनीम। नेंशा यो मरुप्‍नीम। यूहन्‍ना १६:२५; ब्‍यवस्‍था २९:३
MAT 13:14 साइ नेसी यसैयामी देंशो नोले दुम्‍ब लोव़ मुल थमा दुम्‍त। मार ब्रेक्‍शो बाक्‍त देंशा हना ‘नेंचा दा नेंनीनी, तन्‍न दोपा यो मरुप्‍नीनी। कोव़चा दा कोव़नीनी, तन्‍न दोपा यो मताइनीनी।
MAT 13:15 मेको मुर आन थुं ग्‍याम्‍शो बाक्‍नीम। आन नोफा थांइशो बाक्‍नीम। आन मिक्‍च क्रिप्‍शो बाक्‍नीम। मोदेंशो मपशो नम हना, आन मिक्‍चीम ताम वा, नोफाम नेंनेम वा, थुंमी रुबेम वा, मिनु आं गे लेम्‍म वा, मिनु गो सापदुमी वा’ दे ब्रेक्‍शो बाक्‍त। यसैया ६:९-१०; यूहन्‍ना ९:३९
MAT 13:16 गेपुकी चहिं ग्‍येरसीने। इन मिक्‍च नु नोफा मेको आन के खोदेंशो ममाइ। मिक्‍चीम ताइनीनी, नोफाम नेंनीनी। लूका १०:२३-२४
MAT 13:17 नोफा दाइश्‍शा नेनीने, गेमी मुल तशो नेंशो साइ नेसी रे परमप्रभु यावे आ लोव़ पाइबपुकीमी तचा नेंचा दाक्‍बाक्‍मा बाक्‍त। तन्‍न तचा नेंचा मतामे बाक्‍त। १पत्रुस १:१०
MAT 13:18 वांचेर ब्‍वारशो कथा आ अर्थ शेंनन्‍नी,
MAT 13:19 सुमी परमप्रभु यावे आ राज्‍य ङा लोव़ नेंशा मरुबा, मेको लांमी जुक्‍शो वांचेर खोदेंशो बाक्‍ब। सैतानमी आ रुप्‍शो क्‍याम्‍शा गेब।
MAT 13:20 ग्‍याङग्रो खपीम शोक्‍शो खोदेंशो बाक्‍त हना, देंशो चोटी बिश्‍शा ग्‍येरसीब।
MAT 13:21 तन्‍न शाक्‍श थोक्‍चा मतथु शुश मलीब। परमप्रभु यावे आ लोव़ आ पर्बम श्‍येत जाप्‍तु हना, थु प्रोंइशा गाक्‍ब।
MAT 13:22 चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९
MAT 13:23 सुमी नेंशा रुप्‍बा, मेको चहिं रिम्‍शो खपीम जुक्‍शो वांचेर खोदेंशो शुश ग्रेल्‍शा, गेडा का के सहे का, ६०, ३० सम्‍म सिप्‍ब” दे शेंताक्‍मी।
MAT 13:24 मिनु अर्को कथा ओदें शेंताक्‍मी “स्‍वर्ग ङा राज्‍य ओदेंशो बाक्‍ब, मुर कामी आ रूमी रिम्‍शो वांचेर शोक्‍गा बाक्‍त।
MAT 13:25 मिनु नाक्‍दो इम्‍मेनु, आ जोरी सत्रुमी मेको तारी सुवा ब्‍वारशा गेवा बाक्‍त।
MAT 13:26 मिनु वांचेर वामेनु, सुवा यो वामाक्‍त।
MAT 13:27 मिनु गेय पाइबपुकीमी सुवा वाशो तशा, रू आ धनी कली ‘रिम्‍शो वांचेर शोक्‍नी ममाइ? मिनु सुवा दोपा वामा?’ देंमा बाक्‍त।
MAT 13:28 मिनु रू धनीमी ‘आं जोरी सत्रुमी ब्‍वारा बाक्‍त’ देंमाक्‍त। ‘मो हना मेको सुवा तुल्‍शा ताइक्‍तका? मार देंनीनी?’ देंमानु
MAT 13:29 ‘तुल्‍चा मदुम्‍ब। सुवा तुल्‍तीनी हना, चेरब यो दुल्‍ब।
MAT 13:30 मोपतीके रिक्‍ची मजाक्‍म सम्‍म बाक्‍ल। रुप्‍ची जाक्‍मेनु, आं गेय पाइब आन कली ङोंइती सुवा रिक्‍शा फ्रेंशा चोचा कली तिल्‍शा वोतीने। मिनु चेरब रिक्‍शा तुप्‍शा आं भकारीम कुर पा वोतीने, दे माइक्‍नुङमी’ देंमाक्‍त” दे शेंताक्‍मी। मत्ती ३:१२; मत्ती १५:३; प्रकाश १४:१५
MAT 13:31 येसुमी “स्‍वर्ग ङा राज्‍य ओदेंशो यो बाक्‍ब, मुर कामी आ रूमी तोरी शोक्‍गा बाक्‍त।
MAT 13:32 वांचेर नेल्‍ल क्‍येङा आइक्‍च गेडा तोरी गेडा बाक्‍माक्‍त हना यो, वाशा ठेयब रवा दुम्‍माक्‍त। मेको रवामी चिक्‍बीम ग्‍योव़ सेल्‍शा बाक्‍मा बाक्‍त” दे अर्को कथा का शेंताक्‍मी।
MAT 13:33 मिनु येसुमी “स्‍वर्ग ङा राज्‍य ओदेंशो बाक्‍ब, मीश मुर कामी पाथी सां फसमी बोरपाइक्‍ब ओख्‍ती सुप्‍शा, फस नेल्‍ल मबोरम सम्‍म सुम्‍शा वोदा बाक्‍त” दे अर्को कथा का शेंताक्‍मी। लूका १३:२०-२१
MAT 13:34 येसुमी मेको लोव़ नेल्‍ल कथा सेल्‍शा शेंताक्‍मी। कथा मसेल्‍थु मारेइ लोव़ मशेंदीमी। मर्कूस ४:३३-३४
MAT 13:35 मारदे हना साइ नेसी परमप्रभु यावे आ लोव़ पाइबमी देंशो लोव़ मुल थमा दुम्‍ल, दे कथा रे पा शेंताक्‍मी। मेको साइ ब्रेक्‍शो लोव़ चहिं मार बाक्‍ब देंशा हना “सरीङ नु रागी सेल्‍शो रे मुल सम्‍म ख्रुइश्‍शो लोव़ कथा सेल्‍शा नेंपाइक्‍नुङमी” दे ब्रेक्‍शो बाक्‍त। भजन संग्रह ७८:२
MAT 13:36 मिनु येसु मुर आन कली प्रोंइशा, खिं लेत्‍त। मिनु आ शेंसीबपुकीमी “रूमी वाशो सुवा आ कथा आ अर्थ शेंदीकी” देंतेक्‍म।
MAT 13:37 मिनु येसुमी “रिम्‍शो वांचेर शोक्‍ब देंशो रागीम जरमेशो बाक्‍ब।
MAT 13:38 रू देंशो रागी बाक्‍ब। रिम्‍शो वांचेर देंशो राज्‍य ङा सन्‍तान नमी। सुवा देंशो सैतान आ सन्‍तान नम। १कोरिन्‍थी ३:९; यूहन्‍ना ८:४४
MAT 13:39 सुवा ब्‍वारब सैतान बाक्‍ब। रुप्‍ची नाक्‍त चहिं निसाफ पची नाक्‍त बाक्‍ब। गेय पाइबपुकी परमप्रभु यावे आ गेय पाइब नम।
MAT 13:40 सुवा खुप्‍शा, मीम चोशो खोदेंशो पा निसाफ पची नाक्‍त मार दुम्‍ब देंशा हना, मोदेंशोन दुम्‍ब।
MAT 13:41 रागीम जरमेशोमी परमप्रभु यावे आ गेय पाइब आन कली सोइक्‍ब। मिनु मेकोपुकीमी आ राज्‍य रे पाप पपाइक्‍ब नु पाप पाइब नेल्‍ल आन कली खुप्‍शा, मत्ती २४:३१
MAT 13:42 ठेयब मीम हुम्‍नीम। मेकेर मुरपुकी आन ख्रुइ शेप्‍शा ङाक्‍नीम।
MAT 13:43 परमप्रभु यावे आ ङोंइती ठीक दुम्‍शोपुकी चहिं आं आफ आ राज्‍यमी नां खोदेंशो छेङछेङम ग्‍येरशा बाक्‍चा ताइनीम। सु नोफा पाइश्‍शो बाक्‍मे, मेकोमी नेंनल। दानीएल १२:३
MAT 13:44 स्‍वर्ग ङा राज्‍य ओदेंशो यो बाक्‍ब, रू कामी शोंप थिम्‍शा वोइश्‍शो बाक्‍माक्‍त। मिनु काबु मुर कामी मेको शोंप थिदा बाक्‍त। मिनु थम ग्‍येरसीशा, लेंशा थिम्‍शा वोइश्‍शा, आइक्‍के बाक्‍शो नेल्‍ल लेश्‍शा, मेको रू ग्‍यबा बाक्‍त। मत्ती १९:२९; लूका १४:३३; फिलिप्‍पी ३:७
MAT 13:45 स्‍वर्ग ङा राज्‍य ओदेंशो यो बाक्‍ब, मोती ग्‍याप्‍ब लेयब कामी रिम्‍शो मोती ग्‍याप्‍नुङ, दे मिम्‍शा, माल्‍ना माल्‍न गाक्‍माक्‍त।
MAT 13:46 मिनु काबु शुश क्‍येट लाइब मोती तवा बाक्‍त। मिनु आइक्‍के बाक्‍शो नेल्‍ल लेयशा, मेको ग्‍यबा बाक्‍त।
MAT 13:47 स्‍वर्ग ङा राज्‍य ओदेंशो यो बाक्‍ब, समुन्‍द्रमी ङांइ रेत्‍चा कली ग्‍याइल आप्‍शो बाक्‍माक्‍त। मेको आप्‍शो ग्‍याइलीम शुश थरी ङा ङांइ ओव़मा बाक्‍त। मत्ती २२:९-१०
MAT 13:48 मिनु ब्रीमेनु, माझीपुकीम ग्‍याइल कीशा समुन्‍द्र रे ग्रुंइदमे बाक्‍त। ग्रुंइशा ब्‍वचा ङा ङांइ वोदमे बाक्‍त, मब्‍वचा ङा ङांइ ताइक्‍तमे बाक्‍त।
MAT 13:49 निसाफ पची नाक्‍त मोदेंशोन दुम्‍ब। परमप्रभु यावे आ गेय पाइबपुकी जाक्‍शा, ठीक पाइब आन दाते रे पापी आन कली योव़शा ग्रुंइशा, मत्ती २५:३२
MAT 13:50 ठेयब मीम हुम्‍नीम। मेकेर मुरपुकी आन ख्रुइ शेप्‍शा ङाक्‍नीम।
MAT 13:51 आं शेंतीक लोव़ नेल्‍ल रुम्‍नी?” दे हिल्‍लो पवानु “रुप्‍तक” देंतेक्‍म।
MAT 13:52 मिनु येसुमी “स्‍वर्ग ङा राज्‍य आ पर्बम शेंसीशो जोक्‍ब तुइक्‍ब दुम्‍शो मुर खिं ङा होव़प खोदेंशो बाक्‍ब। मेकोमी आ भकारी रे माइत नु नक थोव़क शोल्‍ने चाप्‍ब” देंत।
MAT 13:53 मिनु येसुमी मेको लोव़ शेंने थुम्‍शा, मेकेर रे लत।
MAT 13:54 मिनु लशा, आ बाक्‍शो सहरम जाक्‍दीश्‍शा, ग्रुम्‍तीक खिंमी शेंताक्‍व। शेंदानु, आ लोव़ नेंबपुकीमी छक लाक्‍शा “आमाइ, एकोमी ओदेंशो लोव़ दोपा जोक्‍गा? सु आ सक्तिमी छक लाक्‍चा ङा गेय पवा?
MAT 13:55 शी के सेल्‍ब आ तौ ममाइ ङा? आ ममा मरीयम ममाइ ङा? आ लोक्‍ब याकूब, योसेफ, सिमोन, यहूदा मनमी ङा?
MAT 13:56 आ समीपुकी गोपुकी नु बाक्‍ब मनमी ङा? मिनु मोदेंशो आन तौमी दोपा जोक्‍शा ठेयब दुम्‍मे?” दे आन थुं मनुशो लोव़ पमुमा बाक्‍त। यूहन्‍ना ६:४२; यूहन्‍ना ७:१५,५२
MAT 13:57 मिनु येसुमी मेको आन थुं मनुशो तुइश्‍शा, मेको आन कली “तेइ तेइ परमप्रभु यावे आ लोव़ पाइब आन कली ठेयब सुइश्‍शा मान पाइनीम। आंम रागी, आंम खिंमी चहिं महिक्‍नीम” दे माइक्‍तीमी। यूहन्‍ना ४:४४
MAT 13:58 मेकेर छक लाक्‍चा ङा गेय का निक्‍शी ला पाप्‍तु। मारदे हना मेकोपुकीमी थमा मसुदेम।
MAT 14:1 येसुमी छक लाक्‍चा ङा गेय पा शेंना शेंन गाक्‍मेनु, आ पशो नु आ शेंशो पिप हेरोदमी नेंना बाक्‍त। मेको पिप हेरोद चहिं मेको रागी ङा ४ भागमी भाग का ङा पिप बाक्‍माक्‍त। मोपतीके भाग का ङा आन पिप, दे नें वोइश्‍शो बाक्‍माक्‍त।
MAT 14:2 मिनु पिप हेरोदमी येसु आ पशो नु शेंशो नेंशा, आ गेय पाइब आन कली “मेको ब्‍वाक्‍कुम ख्रुम्‍शा ग्रुंइब यूहन्‍ना बेक्‍शो रे सेंसे बाक्‍त। मिनु शुश सक्ति पाइश्‍शा, छक लाक्‍चा ङा गेय पाइबाक्‍माक्‍त” देंमाक्‍त।
MAT 14:3 यूहन्‍ना बेक्‍शो रे सेंसे बाक्‍त, देंशो दोपा देंशा हना, हेरोदमी आ लोक्‍ब फिलीप आ मीश आ पर्बम यूहन्‍ना कली जेल्‍खानमी चोक्‍शो बाक्‍माक्‍त। मत्ती ११:२
MAT 14:4 मारदे हना यूहन्‍नामी हेरोद कली “इन लोक्‍ब आ मीश चाक्‍चा मदुम्‍ब” दे माइश्‍शो बाक्‍माक्‍त। प्रस्‍थान २०:१४
MAT 14:5 मो देंतीके यूहन्‍ना कली साइक्‍चा माल्‍शो बाक्‍माक्‍त। तन्‍न मुर आन कली तशा हिंमाक्‍त। मारदे हना मुरपुकीमी यूहन्‍ना परमप्रभु यावे आ लोव़ पाइब बाक्‍ब, दे थमा सुइश्‍शो बाक्‍मा बाक्‍त। मत्ती २१:२६
MAT 14:6 मिनु पिप हेरोद आ जरमेशो नाक्‍त जाक्‍माक्‍त। मिनु हेरोदनी आ तमीमी हेरोद आ भोजमी जाक्‍ब आन दातेमी सिल पशा, हेरोद कली ग्‍येरपदा बाक्‍त।
MAT 14:7 मेको कली सिल पशो तशा, हेरोद थाम्‍पा ग्‍येरशा, कसम जशा “मार पुंइतीवी हना यो, गो गेनन” दे मदा बाक्‍त।
MAT 14:8 मिनु मीश आल आ ममामी “ब्‍वाक्‍कुम ख्रुम्‍शा ग्रुंइब यूहन्‍ना आ पिया क्‍योरशा, थालम कुर पा गेयीनी” दे पुंइपदा बाक्‍त।
MAT 14:9 मिनु हेरोदमी मेको लोव़ नेंशा, आ थुं मनुमाक्‍त। तन्‍न भोजमी जाक्‍ब आन कुल कसम जशा लोव़ गेतीके मगेनन देंने मचबा बाक्‍त।
MAT 14:10 मिनु आ सिपाही आन कली जेल्‍खानमी सोइश्‍शा, यूहन्‍ना कली क्‍योरपा,
MAT 14:11 आ पिया थालम कुर पा चाक्‍पा गेपदा बाक्‍त। मिनु मीश आलम मेको थाल ताक्‍शा लाइश्‍शा, आ आम्‍मा कली गेवा बाक्‍त।
MAT 14:12 मिनु यूहन्‍ना आ शेंसीबपुकीमी जेल्‍खानमी लशा, आ लास लाइश्‍शा, थिम्‍मे बाक्‍त। मिनु येसु आ बाक्‍तीके जाक्‍शा, मो दुम्‍शो नेल्‍ल शोव़तेक्‍म।
MAT 14:13 मिनु येसुमी मेको लोव़ नेंशा डोंगा ङोइश्‍शा, सुइ मबाक्‍तीकेम लत। मिनु सहर ङा शुश मुरुमी येसु लाम्‍माक्‍त देंशो नेंशा, समुन्‍द्र हिरशा, आइक्‍ची हांबु जाक्‍दीम्‍मा बाक्‍त।
MAT 14:14 मिनु येसु डोंगा रे तोइश्‍शा, शुश मुर देल्‍शो तशा, मेको आन कली शिशी पा रोइ पाइब आन कली सापाइक्‍तीमी।
MAT 14:15 मिनु नां रिक्‍चावानु, आ शेंसीबपुकीमी “एको मारेइ मबाक्‍तीकेम मार जाइनीमी? देल्‍शो मुर आन कली लचा गेने। गाउं गाउं लशा, ग्‍याप्‍शा जामेक्‍ल” देंतेक्‍म।
MAT 14:16 मिनु येसुमी “लचा ममाल्‍नीम। गेपुकीमी एको आन कली जचा गेने” देंत।
MAT 14:17 “गोपुकी नु ५ ओटा शोब्‍ले नु ङांइ निक्‍शी ङा लाक्‍शा मारेइ मबा” देंमानु
MAT 14:18 “लो, मेको शोब्‍ले नु ङांइ गेयीनी” देंत।
MAT 14:19 मिनु मुर आन कली “निस्‍सीने” दे माइश्‍शा, मेको शोब्‍ले नु ङांइ शेशा, सरीङ गे कोव़शा “गे रिम्‍शो पाइब बाक्‍नीनी” देंशा शोब्‍ले नु ङांइ आ शेंसीब आन कली योक्‍शा गेपाइक्‍तीमी।
MAT 14:20 मिनु नेल्‍लेमी रूथ्री जाम्‍तेक्‍म। जशा हेंशो १२ डालो खुप्‍ताक्‍म। २राजा ४:४४
MAT 14:21 जाइबपुकी चहिं आलपुकी नु मीश मुर आन कली प्रोंइशा, वोंइश मुर ला ५ हजार खोइ बाक्‍तेक्‍म।
MAT 14:22 मिनु येसुमी शेंसीब आन कली “आं ङोंइती लने, गो मुर आन कली सोइश्‍शा पीनुङ” दे डोंगामी ङोइक्‍पा सोइक्‍ताक्‍मी।
MAT 14:23 मिनु मुर आन कली सोइश्‍शा, प्रार्थना पथ डांडाम ङोंइ‍से बाक्‍त। नां रिक्‍मेनु यो मेकेरन आ कांइचीक बाक्‍माक्‍त। लूका ६:१२; लूका ९:१८
MAT 14:24 शेंसीबपुकी चहिं समुन्‍द्र आ दातेम जाक्‍दीश्‍शा, फश नु छालमी तेक्‍शा, श्‍येत जाम्‍तेक्‍म।
MAT 14:25 मिनु नां सोव़चावानु, येसु ब्‍वाक्‍कु तारी गाक्‍ना गाक्‍न पिशो ताम्‍तेक्‍म।
MAT 14:26 मोपा पिशो तशा “आमाइ, वोल पित” दे हिंशा वाइ ब्रेम्मानु,
MAT 14:27 येसुमी “थुं बारपतीने। गो नङ, महिनीन” देंत। लूका २४:३७
MAT 14:28 मिनु पत्रुसमी “प्रभु, गेन ननी हना, आं कली यो ब्‍वाक्‍कु तारी गाक्‍शा, इन गे पिचा कली ब्रेत्‍तीनी” देंत।
MAT 14:29 मिनु येसुमी “पिवो” दे ब्रेत्‍तानु, पत्रुस डोंगा रे तोइश्‍शा, ब्‍वाक्‍कु तारी गाक्‍शा येसु गे लत।
MAT 14:30 मिनु फश गिवार पशो तशा हिंशा, ग्रुम्‍चा माल्‍तु। मिनु “प्रभु प्रोंइयीनी” दे वाइ ब्रेत्‍त।
MAT 14:31 मिनु येसुमी फि ग्‍याइश्‍शा कीशा “ए, गे थमा पा थमा सुइक्‍ने मचाप्‍ब, मार दल्‍गीर पवी?” दे माइश्‍शा,
MAT 14:32 डोंगा ङोंइ‍साक्‍स। मिनु फश यो दिक्‍त।
MAT 14:33 डोंगाम बाक्‍बपुकीम येसु आ ङोंइती बाप्‍शा “थमान, परमप्रभु यावे आ तौ बाक्‍नी बाक्‍त” देंशा सेउ पाम्‍तेक्‍म। मत्ती १६:१६; यूहन्‍ना १:४९
MAT 14:34 मिनु समुन्‍द्र शोक्‍शा, गेनेसरेथ रागीम जाक्‍दीत्‍तेक्‍म।
MAT 14:35 मेकेर जाक्‍दीम्‍मानु, मुरपुकीमी येसु जाक्‍माक्‍त, दे तुइश्‍शा “रोइ पाइब आन कली चाक्‍कीन, है” देंशा ङा मीन आन रागीम नेंपाइक्‍मुमा बाक्‍त।
MAT 14:36 मिनु रोइ पाइब आन कली चाक्‍गमेनु, मेकोपुकीमी “प्रभु, इन फेक्‍शो वा थिचा गेकी” दे पुंइतेक्‍म। मिनु सु सुमी थीमे, मेकोपुकी सातेक्‍म। मत्ती ९:२१; लूका ६:१९
MAT 15:1 मिनु फरिसी नु सास्‍त्रीपुकी यरूसलेम रे येसु कली ग्रुम्‍थ जाक्‍शा
MAT 15:2 “इन शेंसीबपुकीमी जोक्‍ब तुइक्‍ब खाल्‍पा आन रिती थिती मारदे मपाइनीमी? जचा ङोंइती गुइ चिक्‍चा माल्‍शो। मारदे मचिक्‍नीमी” देंमानु, लूका ११:३८
MAT 15:3 येसुमी “गेपुकीमी मारदे इन पतीके पाइनीनी? परमप्रभु यावेमी अरेशो लोव़ चहिं मपाइनीनी।
MAT 15:4 परमप्रभु यावेमी अरेशो लोव़ का ‘आम आफ आस कली मान पचा’ मिनु ‘सु सुमी आम आफ आस कली सराप पाइनीमी, मेकोपुकी साइक्‍चा पुंइसीनीम’ दे ब्रेक्‍शो बाक्‍ब। प्रस्‍थान २०:१२; प्रस्‍थान २१:१७
MAT 15:5 गेपुकीमी चहिं ‘सु सुमी आम आफ कली गेचा माल्‍शो थोव़क परमप्रभु यावे आ खिं लाइश्‍शा गेने थुम्‍तक’ देंनीम। मेकोपुकीमी आम आफ कली मान पचा ममाल्‍नीम, दे शेंनीनी। हितोपदेस २६:२४; १तिमोथी ५:८
MAT 15:6 मोदेंशो पा इन रिती थिती सेल्‍शा, परमप्रभु यावेमी अरेशो लोव़ क्‍याम्‍नीनी।
MAT 15:7 ए कपटीपुकी, यसैयामी इन कली गारचा ङा लोव़ पा
MAT 15:8 ‘मेकोपुकीमी शोव़ नु लोव़म ठेयब सेल्‍नीमी। आन थुंमी चहिं आं कली मदाक्‍नीम।
MAT 15:9 आं कली मान पखु पशो खोदेंशो पा आन सेल्‍शो शेंतीक लोव़ परमप्रभु यावेमी अरेशो लोव़ बाक्‍ब, दे मुर आन कली शेंनीम’ दे ब्रेक्‍शो बाक्‍त” दे माइक्‍तीमी। यसैया २९:१३
MAT 15:10 मिनु येसुमी मुर आन कली ब्रेश्‍शा “नेंशा रुपीने,
MAT 15:11 शोव़ आगा ओव़ब थोव़कीमी मुर कली ग्रांग्रा मसेल्‍ब। शोव़ रे ग्रूशोमी चहिं मुर कली ग्रांग्रा सेल्‍ब” दे शेंताक्‍मी। प्रेरित १०:१५; १तिमोथी ४:४; तीतस १:१५
MAT 15:12 मिनु शेंसीबपुकीमी येसु कली “शेंब, इन देंशो नेंशा, फरिसीपुकी आन थुं मनुम दे तुइक्‍तीनी?” देंतेक्‍म।
MAT 15:13 मिनु येसुमी “स्‍वर्ग ङा आं आफोमी मख्रुम्‍शोपुकी तुल्‍शा ताइक्‍चा पुंइसीनीम। प्रेरित ५:३८
MAT 15:14 मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९
MAT 15:15 मिनु पत्रुसमी “थमा, इच्‍ची ना मुर आन कली पशो लोव़ आ अर्थ मार में?” दे हिल्‍लो पवानु
MAT 15:16 “ए, गेपुकी यो आं लोव़ मरुप्‍ब बाक्‍नीनी?
MAT 15:17 शोव़ आगा ओव़ब थोव़क कोव़ज जाक्‍दीश्‍शा, ख्री दुम्‍शा लाइब, दे मतुइक्‍नीनी?
MAT 15:18 शोव़ रे ग्रूशो चहिं थुं रे ग्रूशो बाक्‍ब। मेकोमी मुर कली ग्रांग्रा सेल्‍ब।
MAT 15:19 मुर आन थुंमी मार मरिम्‍शो मिम्‍नीम देंशा हना, मुर साइक्‍चा, मुर आन मीश लाइक्‍चा, तेल्‍लेम पचा, खुइ पचा, जोल पा सांकछी बाक्‍चा, मुर आन पर्बम मरिम्‍शो लोव़ पचा, दे मिम्‍नीम। मेको चहिं शोव़ रे ग्रूशा, उत्‍पत्ती ८:२१
MAT 15:20 मुर आन कली ग्रांग्रा सेल्‍ब। गुइ मचिक्‍थु जशोमी चहिं मारेइ मपाइब” दे शेंताक्‍मी।
MAT 15:21 मिनु येसु मेकेर रे लशा, टायर नु सीदोन सहर आ नेक्‍था जाक्‍दीत्‍त।
MAT 15:22 मिनु मार दुम्‍त देंशा हना, कनानी रागी ङा मीश मुर का जाक्‍शा “दाऊद आ तौ, प्रभु, शिशी पाइय्‍यीनी। आं तमी कली वोलम सुम्‍शा शुश श्‍येत गेप्‍तु। वोल कली खेरशा सापतीने” दे ङाक्‍न ङाक्‍न पुंइतु।
MAT 15:23 मिनु येसु सिक्‍सी पा बाक्‍त। मिनु शेंसीबपुकीमी “एको मीश मुरुम रेयके पना पन इं नोले खोइश्‍शा पिन पिन बाक्‍ब। एको कली सोइक्‍तीने” देंतेक्‍म।
MAT 15:24 मिनु येसुमी “लां जाम्‍शो भेडा खोदेंशो दुम्‍शो इं इस्राएल ङा मुर आन कली ला वारच पथ, सोंइसीशो नङ” देंत। मत्ती १०:५-६; रोमी १५:८
MAT 15:25 मीश मुरुम चहिं येसु आ ङोंइती पोक्‍च थेक्‍शा “प्रभु, आं कली वारच प‍यीनी” दे सेउ पाप्‍तु।
MAT 15:26 मिनु येसुमी “आल आन कली वोइश्‍शो शोब्‍ले लाइश्‍शा, कुचुम कली गेचा मदुम” देंमेनु
MAT 15:27 “प्रभु, मेको थमा बाक्‍त हना, होव़पमी हेंशा ताइश्‍शो थोव़क कुचुममी जचा ताइनीम” देंत।
MAT 15:28 मिनु येसुमी “ओहो, मेकोमी थमा पा थमा सुइय्‍यी बाक्‍त। मोपतीके इ पुंइशो जाक्‍दील” दे माइक्‍तु। मो देंमेनु, आ तमी ब्रा सामाक्‍त। मत्ती ८:११-१३
MAT 15:29 मिनु येसु मेकेर रे लशा, गालील समुन्‍द्र आ नेक्‍था जाक्‍दीश्‍शा, डांडा का ङोइश्‍शा निस्‍साक्‍व।
MAT 15:30 मिनु शुश मुरुमी गुइ खोइल मदुक्‍ब, कूंजी कुंजे, मिक्‍च मताइब, नोफा मनेंब, लोव़ मपाइब नु मार मार रोइ पाइबपुकी चाक्‍शा, आ ङोंइती तेल्‍तेक्‍म। मिनु मेको नेल्‍ल आन कली सापाइक्‍तीमी।
MAT 15:31 मिनु शुश मुर आन कली साशो तशा “लाटापुकी लोव़ पाइबाक्‍तेक्‍म, कूंजी कुंजे साबाक्‍तेक्‍म, खोइल मदुक्‍ब गाक्‍बाक्‍तेक्‍म, मिक्‍च मताइब मुल मिक्‍च ताइब दुम्‍बाक्‍तेक्‍म” दे छक लाक्‍शा, इस्राएली आन परमप्रभु यावे कली ठेयब सेल्‍शा मान पाम्‍तेक्‍म। मर्कूस ७:३७
MAT 15:32 मिनु येसुमी आ शेंसीब आन कली ब्रेश्‍शा “एको शुश मुर आन कली शिशी पाइनुङमी। मारदे हना नाक्‍त सां सम्‍म गो नु काथा बाक्‍तेक्‍मे। मिनु आन के जचा मारेइ मबा। जचा मगेथु, आन खिं सोइक्‍चा मदाक्‍नुङ। सोइक्‍ताक्‍ङमी हना, लांमी बेक्‍नीम” दे माइक्‍तीमी। मत्ती १४:१३-२१
MAT 15:33 मिनु मेकोपुकीमी “गोरशो रागी मारेइ मबाक्‍तीकेमी इश्‍का मुर आन कली मार जचा गेचा नमी ङा?” देंतेक्‍म।
MAT 15:34 मिनु येसुमी “शोब्‍ले दोशो कुरनी?” देंत। मिनु “शोब्‍ले ७ ओटा नु आइक्‍च ङांइ का निक्‍शी” देंतेक्‍म।
MAT 15:35 मिनु मुर आन कली निप्‍पाइश्‍शा,
MAT 15:36 मेको ७ ओटा शोब्‍ले नु ङांइ शेशा “गे रिम्‍शो पाइब बाक्‍नीनी” दे शोब्‍ले जिक्‍शा, शेंसीब आन कली गेशा योक्‍पाइक्‍तीमी।
MAT 15:37 मिनु नेल्‍लेमी रूथ्री जाम्‍तेक्‍म। जशा हेंशो ७ डालो खुप्‍ताक्‍म।
MAT 15:38 जाइबपुकी चहिं मीश मुर नु आलपुकी प्रोंइशा, ४ हजार बाक्‍तेक्‍म।
MAT 15:39 मिनु मुर नेल्‍ल आन कली सोइश्‍शा, आ शेंसीबपुकी नु काथा डोंगा ङोइश्‍शा समुन्‍द्र शोक्‍शा, माग्‍दाला रागीमी जाक्‍दीत्‍तेक्‍म।
MAT 16:1 मिनु फरिसी नु सदुकीपुकी जाक्‍शा, येसु आ थुं थाम्‍चा कली “स्‍वर्ग ङा चिन्‍ड का कोंइदीकी” देंतेक्‍म। मत्ती १२:३८
MAT 16:2 मिनु येसुमी मेको आन कली “नां पेरचावानु ‘दीसा हाक्‍ब। मारदे हना सरीङ लल जिशो बाक्‍ब’ देंनीनी।
MAT 16:3 मिनु नां दाम्‍मेनु ‘मुलाक्‍त फश गिवार पाइब। मारदे हना गोस्‍सुम सुम्‍‍शा, सरीङ लल जिशो बाक्‍ब’ देंनीनी। सरीङ कोव़शा हाक्‍बा, दे रेउ यीबा देंने चाप्‍नीनी। तन्‍न मुल मार दुम्‍चशो बाक्‍बा मेको आ चिन्‍ड मरुप्‍नीनी। मत्ती ११:४
MAT 16:4 मरिम्‍शो पाइब नु देवी देवता नु परमप्रभु यावे खाल्‍ब पालाम चिन्‍ड कोव़कोव़ दाक्‍नीम। मेको आन कली योना आ चिन्‍ड ङा लाक्‍शा मारेइ चिन्‍ड मकोंइनुङमी” देंशा, मेको आन कली प्रोंइशा गाक्‍त। मत्ती १२:३९-४०
MAT 16:5 मिनु समुन्‍द्र शोक्‍शा, आइक्‍ची हांबु जाक्‍दीम्‍मानु, शेंसीबपुकीमी “ला, शोब्‍ले कुरचा प्रेंसे बाक्‍त” दे ति फ्रुक्‍शा देंमुम्‍तेक्‍म।
MAT 16:6 मिनु येसुमी “फरिसी नु सदुकी आन शोब्‍लेमी सुप्‍शो बोरपाइक्‍ब ओख्‍ती रे होस पांइसीने” दे माइक्‍तीमी। लूका १२:१
MAT 16:7 मिनु “शोब्‍ले कुरचा प्रेंदया बाक्‍त, दे तुइश्‍शा, मो देंम कों” देंमुम्‍तेक्‍म।
MAT 16:8 मिनु येसुमी मेको आन लोव़ तुइश्‍शा “ए, गे थमा पा थमा सुइक्‍ने मचाप्‍बपुकी, शोब्‍ले मबा, दे मारदे शुश लोव़ पमुनी?
MAT 16:9 मुल यो मारेइ मरुप्‍नीनी? ५ ओटा शोब्‍लेमी ५ हजार मुर आन कली रूथ्री जचा गेशा, गिश डालो हेंम? मत्ती १४:१७-२१
MAT 16:10 मिनु ७ ओटा शोब्‍लेमी ४ हजार मुर आन कली जचा गेशा, दोशो हेंम, दे ममिम्‍नीनी? मत्ती १५:३४-३५
MAT 16:11 फरिसी नु सदुकी आन शोब्‍लेमी सुप्‍शो बोरपाइक्‍ब ओख्‍ती रे होस पांइसीने देंशो चहिं शोब्‍ले आ पर्बम शेंशो ममाइ। मुल यो मरुप्‍नीनी?” दे माइक्‍मीनु,
MAT 16:12 “गे फरिसी नु सदुकी आन शेंतीक लोव़ नेंशा, होस पांइसीन, दे शेंशो बाक्‍माक्‍त” दे रुप्‍तेक्‍म।
MAT 16:13 मिनु सिजरिया फिलिप्‍पी रागीम जाक्‍दीश्‍शा, येसुमी आ शेंसीब आन कली “मुरपुकीमी रागीम जरमेशो आ पर्बम मार देंनीमी?” दे हिल्‍लो पवानु
MAT 16:14 “का निक्‍शीमी ‘ब्‍वाक्‍कुम ख्रुम्‍शा ग्रुंइब यूहन्‍ना बाक्‍माक्‍त’ देंनीम। का निक्‍शीमी ‘एलीया बाक्‍माक्‍त’ का निक्‍शीमी ‘येरमीया बाक्‍म कों, परमप्रभु यावे आ लोव़ पाइब अर्को का बाक्‍म कों’ देंनीम” देंतेक्‍म। मत्ती १४:२; मत्ती १७:१०; लूका ७:१६
MAT 16:15 मिनु येसुमी “गेपुकी चहिं आं कली सु सुइक्‍यीनी?” देंमेनु,
MAT 16:16 सिमोन पत्रुसमी “ब्रोंइशा बाक्‍ब परमप्रभु यावे आ तौ ख्रीस्‍त बाक्‍नीनी” देंत। यूहन्‍ना ६:६९
MAT 16:17 मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६
MAT 16:18 गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०
MAT 16:19 गो स्‍वर्ग ङा राज्‍य आ सांचो गेनन। एको रागीम मार कली फ्रेंनेवे, स्‍वर्गमी यो फ्रेंशो बाक्‍नीम। एको रागीमी मार कली प्रोंइनेवे, स्‍वर्गमी यो प्रोंइशो बाक्‍नीम” दे माइक्‍तु। मत्ती १८:१८
MAT 16:20 मिनु आ शेंसीब आन कली “ख्रीस्‍त एकोन बाक्‍माक्‍त दे सुइ आन कली मशोव़ङीने” दे माइक्‍तीमी। मत्ती १७:९
MAT 16:21 मेना रे येसुमी आ शेंसीब आन कली “यरूसलेम लशा, जोक्‍ब तुइक्‍ब खाल्‍पा, ठेयब चढ़ेब नु सास्‍त्रीपुकी रे पा शुश श्‍येत जशा साइक्‍चा पुंइसीनुङ। मिनु बेक्‍शा आ नित्‍थ नाक्‍त सेंसीनुङ” दे शेंचा गोप्‍तु। मत्ती १२:४०; यूहन्‍ना २:१९
MAT 16:22 मिनु काबु लेंशा शेंदानु, पत्रुसमी येसु कली आइक्‍ची ब्रेश्‍शा लाइश्‍शा “परमप्रभु यावेमी इन कली शिशी पवल। प्रभु, इन देंशो खोदेंशो गेनायो मदुम्‍ल” देंमाक्‍त।
MAT 16:23 मिनु येसुमी नोले हिरशा पत्रुस कली कोव़शा “ए सैतान, इ कुल मकोंइदी। मारदे हना आं लां तेक्‍ब बाक्‍ङे बाक्‍त। गे परमप्रभु यावे आ मिम्‍शो मपथु, मुरुमी मिम्‍शो लोव़ कका पाप्‍तीवी” दे हुइक्‍ताक्‍व।
MAT 16:24 मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१
MAT 16:25 आ गिंम प्रोंइचा दाक्‍बमी मेको साम्‍‍ब। आं पर्बम आ गिंम साम्‍बमी आ गिंम प्रोंइब। प्रकाश १२:११
MAT 16:26 रागी नेल्‍ल आंम के सेल्‍शा, आ गिंम चहिं खतम दुम्‍त हना, मार रिम्‍शो दुम्म ङा? खतम दुम्‍शो गिंम मार गेशा लेन्‍ने चाप्‍बा ङा? लूका १२:२०; भजन संग्रह ४९:९
MAT 16:27 रागीम जरमेशो आ आफ आ दारसमी परमप्रभु यावे आ स्‍वर्ग ङा गेय पाइबपुकी नु जाक्‍ब। मिनु मुर आन गेशो पशो कोव़शा, आन गेशो का का पा लेश्‍शा गेब। रोमी २:६
MAT 16:28 नोफा दाइश्‍शा नेनीने, मुल गो नु काथा बाक्‍ब का निक्‍शीमी रागीम जरमेशो आ राज्‍य जाक्‍शो मतथु मबेक्‍नीम” दे शेंताक्‍मी। मत्ती १०:२३
MAT 17:1 मिनु ६ नाक्‍त नोले येसुमी पत्रुस, याकूब नु आ लोक्‍ब यूहन्‍ना सां आन कली सुइ मबाक्‍तीके लाइश्‍शो डांडामी लदा बाक्‍त। मत्ती २६:३७; मर्कूस ५:३७; मर्कूस १३:३; मर्कूस १४:३३; लूका ८:५१
MAT 17:2 मिनु मेको आन ङोंइती येसु फांइसेनु, मेकोपुकीमी आ कुल नां खोदेंशो नु आ फेक्‍शो वा बुबु पा जिलील पा बुश दुम्‍शो तामे बाक्‍त। २पत्रुस १:१६-१८; प्रकाश १:१६
MAT 17:3 मिनु मोसा नु एलीया जाक्‍शा, येसु नु लोव़सी पशो तामे बाक्‍त।
MAT 17:4 मिनु पत्रुसमी येसु कली “हे प्रभु, इं कली एकेर बाक्‍चा रिम्‍शो दुम्‍ब। गे दाक्‍नीनी हना, बाक्‍तीके सां सेल्‍नुङ। इन कली का, मोसा कली का नु एलीया कली का सेल्‍नुङ” देंमाक्‍त।
MAT 17:5 मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७
MAT 17:6 मोदेंशो नेंशा, शेंसीबपुकी हिंशा खुम्‍की पा बाम्‍मा बाक्‍त।
MAT 17:7 मिनु येसुमी मेको आन कली गुइमी थिशा “बोक्‍कीन, महिनीन” दे माइक्‍मी बाक्‍त।
MAT 17:8 मिनु बोक्‍शा कोव़ङमेनु, येसु कली ला तामे बाक्‍त।
MAT 17:9 मिनु डांडा रे ब्रुम्‍मानु, येसुमी “रागीम जरमेशो बेक्‍शो रे मसेंसे सम्‍म इन तशो सुइ आन कली मशेंदीने” दे माइक्‍मी बाक्‍त। मत्ती १६:२०
MAT 17:10 मिनु शेंसीबपुकीमी “सास्‍त्रीपुकीमी ‘ङोंइती एलीया जाक्‍चा माल्‍ब’ दे शेंनीम ममाइ? मारदे मोदें शेंनीमी?” दे हिल्‍लो पामेनु मत्ती ११:१४
MAT 17:11 “थमान, एलीया ङोंइती जाक्‍शा, नेल्‍ल ठीक सेल्‍ब।
MAT 17:12 तन्‍न एलीया ङोंइती जाक्‍त। आ जाक्‍मेनु, सास्‍त्रीपुकीमी तुइक्‍तेम। मिनु मेको कली मार पचा दाक्‍तमे, मेकोन पाम्‍तेक्‍म। मोदेंशो पा रागीम जरमेशोमी यो आन गुइ रे पा श्‍येत गेचा पुंइसीब, दे गो इन कली देंनुङ” देंमाक्‍त। मत्ती १४:९-१०
MAT 17:13 मिनु “ब्‍वाक्‍कुम ख्रुम्‍शा ग्रुंइब यूहन्‍ना आ पर्बम लोव़ देंशो बाक्‍माक्‍त” दे रुप्‍मे बाक्‍त। लूका १:१७
MAT 17:14 मिनु येसु नु आ शेंसीब सां शुश मुर देल्‍शा बाक्‍तीकेमी जाक्‍मानु, मुर का येसु आ ङोंइती जाक्‍शा, पोक्‍च थेक्‍शा सेउ पा
MAT 17:15 “हे प्रभु, आं तौ कली शिशी पा सापतीने। आं तौ छारे रोइ पा मीम दुप्‍पांइसीशा ब्‍वाक्‍कुम ग्रुम्‍पांइसीशा, शुश श्‍येत जना जन बाक्‍ब।
MAT 17:16 इन शेंसीब आन कली सापतीने देंङानु, सापाइक्‍ने मचबेम” दे माइक्‍तु।
MAT 17:17 मिनु येसुमी “गे थमा पा थमा मसुइक्‍ब नु मटीबपुकी, गेना सम्‍म गेपुकी नु बाक्‍नुङा? ओदेंशो इन पशो गेना सम्‍म फाल्‍शा बाक्‍नुङा ङा? रोइ पाइब कली चाक्‍कीन” देंत।
MAT 17:18 मिनु चाक्‍गमेनु, येसुमी वोल कली हुइश्‍शा खेरतु। मिनु आल ब्रा सात।
MAT 17:19 मिनु मुर गाक्‍मा नोले शेंसीबपुकीमी येसु कली “मारदे गो मेको वोल कली खेरने मचाप्‍का?” दे हिल्‍लो पामेनु,
MAT 17:20 येसुमी “थमा पा थमा सुइक्‍ने मचाप्‍बपुकी, नोफा दाइश्‍शा नेनीने, रायो गेडा खोइ ला थमा सुइक्‍तीनी हना, इन पने मचाप्‍चा ङा मारेइ मलीब। एको डांडा याक्‍सो देंनीनु, एको डांडा यो याक्‍सीशा लाइब। मत्ती २१:२१; लूका १७:६; १कोरिन्‍थी १३:२
MAT 17:21 ओदेंशो वोल खेरचा कली चहिं बर्त बाक्‍शा, प्रार्थना पा ला ग्रुंइने चाम्‍सीब” दे माइक्‍तीमी।
MAT 17:22 मिनु गालील रागीम बाक्‍मानु, येसुमी “रागीम जरमेशोमी मुर आन गुइमी गेशा साइक्‍चा पुंइसीब। मत्ती १६:२१; मत्ती २०:१८-१९
MAT 17:23 मिनु बेक्‍शो आ नित्‍थ नाक्‍त बेक्‍शो रे सेंसीब” देंमेनु, शेंसीब आन थुं थाम्‍पान खाइक्‍मा बाक्‍त।
MAT 17:24 मिनु नोले कापेरनाउम सहर जाक्‍दीम्‍मानु, ग्रुम्‍तीक खिं ङा तिरो पोक्‍बपुकीमी पत्रुस कली “इन कली शेंबमी तिरो मथाप्‍बा?” देंमानु प्रस्‍थान ३०:३३; २राजा १२:५-६
MAT 17:25 “थाप्‍ब” देंमाक्‍त। मिनु खिं लेश्‍शा जाक्‍मेनु, येसुमी पत्रुस कली “ए सिमोन, पिपपुकीमी तिरो पोक्‍पदमेनु, आन तौ आन के यो पोक्‍नीमी देय अर्को रागी ङा मुर आन के ला पोक्‍नीमी, मार देंनेवे?” दे हिल्‍लो पाप्‍तु।
MAT 17:26 पत्रुसम “अर्को रागी ङा मुर आन के ला पोक्‍नीम” देंत। “लो, मो हना तौपुकीमी तिरो थाप्‍चा ममाल्‍बाक्‍मा बाक्‍त।
MAT 17:27 मोदेंशो बाक्‍त हना यो, मेको आन थुं नुपाइक्‍चा कली तिरो थाप्‍तस। गे समुन्‍द्रमी लशा, बोल्सी ग्‍यारशा, नेल्‍ल क्‍येङा ङोंइती रेश्‍शो ङांइ आ शोव़ पाक्‍को। आ शोव़ आगामी स्‍तातेर का थित्‍नेवे। मेको लाइश्‍शा, इस तिरो थाप्‍तो” दे माइश्‍शा सोइक्‍ताक्‍व। स्‍तातेर का ४ देनार बाक्‍ब। ग्रीक क्‍येट बाक्‍ब।
MAT 18:1 मिनु काबु शेंसीबपुकीमी येसु कली “स्‍वर्ग ङा राज्‍यमी नेल्‍ल क्‍येङा ठेयब सु बाक्‍बा?” दे हिल्‍लो पाम्‍तेक्‍म।
MAT 18:2 मिनु येसुमी आल का कली ब्रेश्‍शा, आन दातेमी राप्‍पाइश्‍शा
MAT 18:3 “नोफा दाइश्‍शा नेनीने, गेपुकीमी दोपा ठेयब दुम्‍चा, दे मिम्‍चा प्रोंइशा, आल खोदेंशो मदुम्‍तीनी हना, स्‍वर्ग ङा राज्‍य दोपा यो ओव़चा मताइनीनी। मत्ती १९:१४
MAT 18:4 एको आल खोदेंशो ब्रेम्‍शोपुकी स्‍वर्ग ङा राज्‍यमी नेल्‍ल क्‍येङा ठेयब बाक्‍नीम।
MAT 18:5 सुमी आं नेंम ओदेंशो आल कली ब्राइबा, मेकोमी आं कली ब्राइब। मत्ती १०:४०
MAT 18:6 सुमी आं कली थमा सुइक्‍ब आल कली पाप पपाइक्‍बा, मेको आ शुरम यात क्‍युक्‍शा, समुन्‍द्रमी ख्रुम्‍शा साइक्‍चा अरु सजाइ क्‍येङा रिम्‍शो बाक्‍‍ब। लूका १७:१-२
MAT 18:7 पाप पपाइक्‍ब आन पर्बम, आबी आबी। एको रागीमी पाप पपाइक्‍ब शुश जाक्‍‍नीम। तन्‍न सुमी अरु आन कली पाप पपाइक्‍बा, मेको आन कली आबी आबी।
MAT 18:8 इ गुइ खोइलीमी इ कली पाप पपाइक्‍तु हना, ख्रोइश्‍शा ताइक्‍तो। मारदे हना गुइ खोइल निम्‍फा बाक्‍शा, नरकम ख्रुम्‍चा पुंइसीचा क्‍येङा डुंडे खोरन्‍डे दुम्‍शा, स्‍वर्ग ङा राज्‍यम ओव़चा तचा रिम्‍शो दुम्‍ब। मत्ती ५:२९-३०
MAT 18:9 इ मिक्‍चीमी इ कली पाप पपाइक्‍तु हना, मिक्‍च फेश्‍शा ताइक्‍तो। मारदे हना मिक्‍च निम्‍फा पाइश्‍शा, नरकम ख्रुम्‍चा पुंइसीचा क्‍येङा काना दुम्‍शा, स्‍वर्ग ङा राज्‍यमी ओव़चा तचा रिम्‍शो दुम्‍ब।
MAT 18:10 होस पांइसीने, आल आन कली आइक्‍च मसेलीने। नोफा दाइश्‍शा नेनीने, आल आन कली कोव़ब परमप्रभु यावे आ स्‍वर्ग ङा गेय पाइबपुकी स्‍वर्गम बाक्‍ब आं आफ आ ङोंइती बाक्‍नीम।
MAT 18:11 रागीम जरमेशो जाम्‍शो आन कली माल्‍थ जाक्‍शो बाक्‍ब। हिब्रू १:१४
MAT 18:12 मुर का के सहे का भेडामी का जाम्‍त हना, मेकोमी ९९ भेडा आन कली प्रोंइशा वोइश्‍शा, जाम्‍शो का कली मथिदा सम्‍म माल्‍ना माल्‍न मगाक्‍बा ङा?
MAT 18:13 नोफा दाइश्‍शा नेनीने, थिदानु, मजाम्‍शो ९९ भेडा क्‍येङा मेको थिशो का आ पर्बम शुश ग्‍येरसीब।
MAT 18:14 मेको बुदी स्‍वर्ग ङा इन आफोमी आइक्‍च का यो मजाम्‍मल, दे मिम्‍ब।
MAT 18:15 इ लोक्‍बमी इ कली मरिम्‍शो पाप्‍तु हना, गे निक्‍शी बाक्‍सीनु, एको ओदेंशो मरिम्‍शो पाप्‍तीवी, दे तुइक्‍पतो। इ लोव़ बीसाक्‍व हना, मेको कली आम के सेल्‍नेवे। लेवी १९:१७; लूका १७:३; गलाती ६:१
MAT 18:16 इ लोव़ मबिस्‍साक्‍व हना चहिं, मुर निक्‍शी सां दुम्‍शा लशा, सांकछी वोइश्‍शा लोव़ पावो। ब्‍यवस्‍था १९:१५
MAT 18:17 मेको आन लोव़ यो मबिस्‍साक्‍व हना, मुर पुक्‍शा लोव़ पावो। मिनु मेको आन लोव़ यो मबिस्‍साक्‍व हना, अर्को रागी ङा मुर खोदेंशो बाक्‍माक्‍त, दे तिल्‍शा सोइक्‍तो। १कोरिन्‍थी ५:१३; २ थिस्‍सलोनिकी ३:६; तीतस ३:१०
MAT 18:18 नोफा दाइश्‍शा नेनीने, रागीमी मार पाइश्‍शा वोइक्‍नीनी, मेको स्‍वर्गम यो पाइश्‍शो बाक्‍ब। रागीमी मार प्रोंइनीनी, मेको स्‍वर्गम यो प्रोंइशो बाक्‍ब। मत्ती १६:१९; यूहन्‍ना २०:२३
MAT 18:19 मिनु रागीमी मुर निक्‍शी गारशा, थुं का पा मारेइ पुंइताक्‍स हना, स्‍वर्गमी बाक्‍ब आं आफ रे पा आस पुंइशो ताइनीस, दे इन कली देंनुङ। मर्कूस ११:२४; मत्ती २८:२०
MAT 18:20 मारदे हना तेकेर आं नेंमी निक्‍शी सां खुम्‍सीनीमी, मेकेर गो यो बाक्‍नुङ” दे येसुमी देंत।
MAT 18:21 मिनु पत्रुसमी “प्रभु, आं लोक्‍बमी आं कली मरिम्‍शो पना पन बाक्‍त हना, गिश खेयप सम्‍म माफ गेचा माल्‍नुङा? मार ७ खेयप सम्‍म गेचा माल्‍नुङा?” देंमेनु,
MAT 18:22 येसुमी “गो माइक्‍नन, ७ खेयप ला ममाइ। ७ कली ७० खेयप हिक्‍शो क्‍येङा यो शुश माफ गेचा माल्‍नेवे। उत्‍पत्ती ४:२४; लूका १७:४; एफिसी ४:३२
MAT 18:23 मोपतीके स्‍वर्ग ङा राज्‍य ओदेंशो बाक्‍ब, पिप कामी आं जेर लाइब आन के हिसाब ताक्‍चा, दे मिम्‍ता बाक्‍त।
MAT 18:24 मिनु हिसाब ताक्‍गानु, मुर कामी १० हजार टलेन्‍ट शुश जेर थुइश्‍शो बाक्‍माक्‍त। टालेन्ट का ६ हजार द्राक्‍मे कि ३४ किलो खोदेंशो बाक्‍त।
MAT 18:25 मिनु मेको जेर थाम्‍ने मचबानु, पिपीमी ‘गे, गे नु बाक्‍शो थोव़की, इ खिं रू, इ मीश तमी तौ, लेयशा, जेर थाप्‍ती’ दे मदा बाक्‍त। नेहेम्‍याह ५:५
MAT 18:26 मो देंमेनु ‘हे पिप, गो इच्‍चीन थाम्‍ने मचाप्‍नुङ। दीसा नित्‍थी दोपा हना यो थाप्‍नुङ’ दे खुम्‍की पा बाप्‍शा सेउ पवा बाक्‍त।
MAT 18:27 मिनु पिपमी शिशी पा ‘इ लाइश्‍शो जेर मुलाक्‍त ङा मेरे थाप्‍चा ममाल्‍नेवे। एको हिसाब नेल्‍ल क्‍याम्‍शा गेनन’ दे आ जेर नेल्‍ल क्‍याम्‍दा बाक्‍त।
MAT 18:28 मेको जेर क्‍याम्‍चा पुंइसीब मेकेर रे लशा, आ वारच का कली ग्रुमा बाक्‍त। मेको आ वारचमी मेको के सहे का देनार जेर लाइश्‍शो बाक्‍माक्‍त। मिनु ग्रुम्‍सानु, ग्‍याइश्‍शा आ क्रोक्‍क्रो निप्‍शा ‘साइ लाइश्‍शो क्‍येट मुलन थाप्‍ती’ दे मप्रोना बाक्‍त। देनार का रोमी आन चांदी के क्‍येट बाक्‍त। ग्रीक लोव़मी द्राक्‍मे देंशो बाक्‍त।
MAT 18:29 मिनु मेकोमी ‘ए वारच, मुल मचाप्‍नुङ, दीसा नित्‍थी दोपा हना यो, थाप्‍नुङ’ दे खुम्‍की पा बाप्‍शा सेउ पवानु
MAT 18:30 ‘मुलाक्‍त मथाप्‍ताक्‍यी हना, इ कली प्रोंइसीन मप्रोंइनन’ दे लाइश्‍शा, जेर नेल्‍ल थाम्‍ने मथुमा सम्‍म जेल्‍खानम चोक्‍पा वोदा बाक्‍त।
MAT 18:31 मोपा चोक्‍पाइश्‍शो तशा, आ वारचपुकीमी आन थुं खाइश्‍शा, पिप कली मेको लोव़ नेल्‍ल तुइक्‍पदमे बाक्‍त।
MAT 18:32 मिनु पिपीमी चोक्‍पाइक्‍ब कली ब्रेश्‍शा ‘हिंचा ङा बाक्‍ङे बाक्‍त। गेम आं कली खुम्‍की पा बाप्‍शा सेउ पाप्‍तीवी। मिनु गो इ जेर नेल्‍ल क्‍याम्‍शा गेतन। लूका ६:३६
MAT 18:33 दोपा इ कली शिशी पाइना, मोपा गेमी यो इ वारच कली पचा ममाल्‍नेवे ङा?’ दे गाइश्‍शा मदा बाक्‍त। १यूहन्‍ना ४:११
MAT 18:34 मिनु मेको आ जेर नेल्‍ल मथाप्‍ता सम्‍म जेल्‍खान ङा पुलीस आन गुइमी जिम्‍मा गेवा बाक्‍त। मत्ती ५:२६
MAT 18:35 मोपतीके होस पांइसीने। मारदे हना इन लोक्‍ब कली इन थुं गा रे पा माफ मगेतीनी हना, स्‍वर्गम बाक्‍ब आं आफोमी यो इन कली मोदेंशोन पाइब” दे शेंताक्‍मी। मत्ती ६:१४-१५; याकूब २:१३
MAT 19:1 मिनु येसुमी मोदें शेंने थुम्‍शा, गालील रागी प्रोंइशा, यर्दन खोला शोक्‍शा, यहूदीया रागीम जाक्‍दीत्‍त।
MAT 19:2 मिनु शुश मुर आ नोले खोइश्‍शा लाम्‍तेक्‍म। मिनु येसुमी रोइ पाइब आन कली सापाइक्‍ना पाइक्‍न गाक्‍त।
MAT 19:3 काबु फरिसीपुकी जाक्‍शा, येसु आ थुं थाम्‍चा कली “आन मीश आन कली मारेइ दोस गेशा प्रोंइचा तांइसीबा?” दे हिल्‍लो पाम्‍तेक्‍म।
MAT 19:4 मिनु येसुमी “नेल्‍ल क्‍येङा ङोंइती परमप्रभु यावेमी वोंइश मुर नु मीश मुर सेल्‍तीम्‍सी। उत्‍पत्ती १:२७
MAT 19:5 मेको लोव़ मपढेनी? ‘मुरुमी आम आफ प्रोंइशा, आ मीश नु गारशा बाक्‍ब। मिनु मेको निक्‍शी रां का दुम्‍नीस’ दे ब्रेक्‍शो बाक्‍ब। उत्‍पत्ती २:२४
MAT 19:6 मोपतीके वोंइश मीश निक्‍शी मनसी। निम्‍फा का नस, दे ब्रेक्‍शो बाक्‍ब। परमप्रभु यावेमी कांइचीक सेल्‍शो मुरुमी मफ्रादमेक्‍ल” दे माइक्‍तीमी। १कोरिन्‍थी ७:१०-११; उत्‍पत्ती २:२४
MAT 19:7 मिनु फरिसीपुकीमी “मो हना मारदे मोसामी ‘छोड पत्र गेशा, मीश प्रोंइने चाम्‍सीब’ दे मुर आन कली शेंदा?” देंमानु, मत्ती ५:३१
MAT 19:8 येसुमी “मुरपुकीमी शिशी मपाइनीम, दे तुइश्‍शा, परमप्रभु यावेमी मोदेंशो पा इन मीश प्रोंइचा गेप्‍तु। तन्‍न ङोंइती रे मोदेंशो मबाक्‍शो बाक्‍त।
MAT 19:9 सुमी आ मीश प्रोंइशा, अर्को चाक्‍बा, मेकोमी वोंइश मीश आस नाता फ्राब। मीश मुर आ वोंइश बाक्‍ना बाक्‍न अर्को वोंइश खोइक्‍तु हना चहिं, मोदेंशो मीश कली प्रोंइचा दुम्‍ब। सुमी छोड पत्र गेचा पुंइसीशो मीश मुर कली ग्‍युंबे पाइबा, मेकोमी यो वोंइश मीश आस नाता फ्राब, दे इन कली देंनुङ” दे माइक्‍तीमी। मत्ती ५:३२; लूका १६:१८
MAT 19:10 मिनु येसु आ शेंसीबपुकीमी आ लोव़ नेंशा “मोदेंशो बाक्‍त हना, ग्‍युंबे मपचा रिम्‍शो बाक्‍माक्‍त” देंतेक्‍म।
MAT 19:11 मिनु येसुमी “का निक्‍शी आन कली ला एको लोव़ रुप्‍तीक थुं गेशो बाक्‍ब। शुशेमी मरुप्‍नीम। १कोरिन्‍थी ७:७
MAT 19:12 मुरपुकी मारदे ग्‍युंबे मपाइनीम देंशा हना, का निक्‍शी जरमेसे रे ग्‍युंबे पा, आल थिचा मगारचा ङा बाक्‍नीम। का निक्‍शी आन कली मुरुमी आल मथीब सेल्‍शो बाक्‍नीम। का निक्‍शी चहिं स्‍वर्ग ङा राज्‍य आ पर्बम ग्‍युंबे मपथु बाक्‍नीम। मोपतीके सु सु आन कली रुप्‍तीक थुं गेशो बाक्‍मे, मेकोपुकीमी रुप्‍मेक्‍ल” दे शेंताक्‍मी।
MAT 19:13 मिनु मुरपुकीमी आल आन तारी आ गुइ चाक्‍शा प्रार्थना पवल, दे आल चाक्‍गमेनु, शेंसीबपुकीमी “आल मचाक्‍कीन” दे हुइक्‍ताक्‍म।
MAT 19:14 मिनु येसुमी “आल आन कली आं बाक्‍तीके जाक्‍चा गेन। मारदे हना स्‍वर्ग ङा राज्‍य मेको आन केन बाक्‍ब” देंत। मत्ती १८:२-३
MAT 19:15 मिनु आल आन तारी आ गुइ वोइश्‍शा प्रार्थना पाइक्‍तीमी। मिनु मेकेर रे गाक्‍त।
MAT 19:16 मिनु मुर का जाक्‍शा, मेकोमी येसु कली “शेंब, गेना हना यो परमप्रभु यावे नु बाक्‍चा तचा कली रिम्‍शो पा मार पचा माल्‍नुङा?” देंमेनु,
MAT 19:17 येसुमी “रिम्‍शो पचा आ पर्बम मारदे हिल्‍लो पवी? रिम्‍शो पाइब का ला बाक्‍ब। गेना हना यो मेको नु ब्रोंइशा बाक्‍चा थुं पाप्‍तीवी हना, मेको रिम्‍शो पाइब आ देंशो लोव़ टिचा माल्‍नेवे” देंमेनु
MAT 19:18 “लोव़ शुश बाक्‍नीम। तेक तेको लोव़ टिचा माल्‍नुङा?” देंत। मिनु येसुमी “मसाइक्‍चा, मीश वोंइश आस नाता मफ्राचा, खुइ मपचा, जोल मपथु सांकछी बाक्‍चा।
MAT 19:19 आम आफ आस कली मान पा आस लोव़ टिचा। मिनु इ कली दाक्‍शो खोदेंशो पा इ नेक्‍था बाक्‍ब आन कली दाक्‍तो” देंत। प्रस्‍थान २०:१२-१६, लेवी १९:१८
MAT 19:20 मिनु मेको ठिटामी “इन देंशो नेल्‍ल पना पन बाक्‍ती। में ङा लाक्‍शा मार पचा माल्‍नुङा?” देंमेनु,
MAT 19:21 येसुमी “मेको ङा लाक्‍शा पचा दाक्‍तावी हना, लशा इ शोंप नेल्‍ल लेयशा, जचा फेक्‍चा मताइब आन कली योक्‍शा गेमी। मिनु लेश्‍शा, आं नोले खोइय्‍यी। मो पाप्‍तीवी हना, इ कली स्‍वर्गम शोंप वोइश्‍शो बाक्‍ब” देंत। मत्ती ६:२०; लूका १२:३३
MAT 19:22 मिनु मेको ठिटामी एको लोव़ नेंशा, आ कुल राव कीपाइश्‍शा गाक्‍त। मारदे हना शुश शोंप पाइश्‍शो मुर बाक्‍माक्‍त। भजन संग्रह ६२:११
MAT 19:23 मिनु येसुमी आ शेंसीब आन कली “नोफा दाइश्‍शा नेनीने, शुश शोंप पाइश्‍शो मुर स्‍वर्ग ङा राज्‍य हेरा ओव़चा मताइनीम।
MAT 19:24 मिनु शोंप पाइश्‍शो मुर परमप्रभु यावे आ राज्‍यमी ओव़ने चाप्‍चा क्‍येङा दलओंठ लूजे आ पोलामी ग्रीने चाप्‍ब, दे लेंशा इन कली देंनुङ” देंत।
MAT 19:25 मिनु आ शेंसीबपुकीमी छक लाक्‍शा “मो हना सु ओव़चा ताइनीमी ङा?” देंतेक्‍म।
MAT 19:26 मिनु येसुमी मेको आन कुल गे कोव़शा “मुरपुकीमी पने मचाप्‍नीम। तन्‍न परमप्रभु यावेमी पने चाप्‍ब। मारदे हना परमप्रभु यावेमी मारेइ मारेइ पने चाप्‍ब” दे माइक्‍तीमी। अय्‍युब ४२:२
MAT 19:27 मिनु पत्रुसमी “गोपुकीमी मारेइ मारेइ प्रोंइशा, इन नोले खोइक्‍तक। मिनु गो मार ताइनीकी” देंमेनु, मत्ती ४:२०-२२
MAT 19:28 येसुमी “नोफा दाइश्‍शा नेनीने, मार ताइनीनी देंशा हना, परमप्रभु यावेमी सेल्‍शो नक सरीङ नु रागीमी दुम्‍शा, रागीम जरमेशो पिप दुम्‍मेनु, आं कली खोइक्‍बपुकी १२ ओटा ठेयब नित्‍तीकेम निश्‍शा, इं इस्राएल ङा १२ थर आन कली निसाफ पाइब दुम्‍नीनी। लूका २२:३०; प्रकाश ३:२१; १कोरिन्‍‍थी ६:२
MAT 19:29 सुमी आं नें आ पर्बम आ खिं, आ लोक्‍ब, दिदी बहिनी, आम आफ, तमी तौ, आ नु बाक्‍शो नेल्‍ल प्रोंइबा, मेकोमी आ प्रोंइशो क्‍येङा शुश ताइब। मिनु गेना हना यो परमप्रभु यावे नु बाक्‍चा ताइब।
MAT 19:30 ङोंइती दुम्‍शोपुकी नोले दुम्‍नीम। नोले दुम्‍शोपुकी ङोंइती दुम्‍नीम।
MAT 20:1 स्‍वर्ग ङा राज्‍य ओदेंशो बाक्‍ब, खिं का ङा होव़प सुनी कना बोक्‍शा, आ अङगुर रूमी गेय पाइब आन कली ब्रेत्‍थ लमाक्‍त।
MAT 20:2 काबु ङा गाल्‍च देनार का गेनन्‍नी, दे गारपाइश्‍शा, अङगुर रूमी सोइक्‍तीमी बाक्‍त।
MAT 20:3 मिनु सुनी ९ बजे गे बजार लशा ङा मिन, गेय मथिप्‍ब मुर आन कली तशा,
MAT 20:4 मेको आन कली ‘गे यो लशा, आं अङगुर रूमी गेय पने। इन गेय पशो ङा गाल्‍च गारपा गेनन्‍नी’ दे सोइक्‍तीमी बाक्‍त।
MAT 20:5 मिनु मोपान १२ बजे नु ३ बजे यो अरु आन कली ब्रेश्‍शा, गेय पथ सोइक्‍तीमी बाक्‍त।
MAT 20:6 मिनु क्‍यारश चोक्‍ची सम्‍म यो गेय मथिप्‍ब आन कली तशा ‘गे सुनी रे मार गुइ फ्रेंशा बाक्‍नी’ दे हिल्‍लो पवा बाक्‍त।
MAT 20:7 मिनु मेकोपुकीमी ‘सुइमी गेय मगेमे। मिनु गो मार पाइनीकी?’ देंमानु ‘गे यो लशा, आं अङगुर रूमी गेय पने’ दे माइक्‍मी बाक्‍त।
MAT 20:8 मिनु नां रिक्‍शा गेय प्रोन्‍मे नोले, होव़पमी आ क्‍येट योक्‍ब मुर कली ‘गेय पाइब आन कली ब्रेश्‍शा, आन गाल्‍च योक्‍शा गेमी। नेल्‍ल क्‍येङा नोले जाक्‍शो आन कली ङोंइती योक्‍शा गेमी’ देंमाक्‍त।
MAT 20:9 मिनु क्‍यारश चोक्‍ची ना जाक्‍शो आन कली ङोंइती ब्रेश्‍शा, काबु ङा गाल्‍च देनार का का गेमी बाक्‍त।
MAT 20:10 मिनु सुनी कना रे गेय पाइबपुकीमी जाक्‍शा ‘एको आन क्‍येङा शुश ताइनीकी’ दे मिम्‍तमे बाक्‍त। तन्‍न नेल्‍लेमी देनार का का ला तामे बाक्‍त।
MAT 20:11 मिनु ताक्‍शा, मेको आन थुं मनुथु, होव़प कली
MAT 20:12 ‘नेल्‍ल क्‍येङा नोले जाक्‍बपुकीमी इच्‍का ला गेय पाम्‍तेक्‍म। गोपुकी सुनी रे गेय पा नांम दुप्‍शा चोशा श्‍येत पा गेय पाइतक। तन्‍न आंइ कली उइक्‍थ उइक्‍थ गाल्‍च गे‍तीनी’ दे गाइश्‍शा देंमा बाक्‍त।
MAT 20:13 मिनु होव़पमी मो देंब का कली ‘आं वारच, इ कली मार मरिम्‍शो पङा? काबु ङा गाल्‍च देनार का कली बिस्‍से ममाइ ङा?
MAT 20:14 देनार का ताक्‍शा लावो। नोले जाक्‍ब कली यो इ कली गेशो खोदेंशो पा गेचा दाक्‍ताक्‍ङ।
MAT 20:15 आंम आं के बाक्‍शो आं दाक्‍शो पा योक्‍चा मताइनुङा ङा? अरु आन कली शिशी पशो तशा, इ कुप्‍फीम मी ब्रवे?’ दे मदा बाक्‍त। रोमी ९:१६,२१
MAT 20:16 मोदेंशो पान, नोले दुम्‍बपुकी ङोंइती दुम्‍नीम, ङोंइती दुम्‍बपुकी नोले दुम्‍नीम” दे शेंताक्‍मी।
MAT 20:17 मिनु येसु यरूसलेम ङा लां खोइश्‍शा गाक्‍मेनु, आ शेंसीब १२ जना आन कली सुइ मबाक्‍तीकेम लाइश्‍शा
MAT 20:18 “मुल यरूसलेम लाइनय। मिनु रागीम जरमेशो ठेयब चढ़ेब नु सास्‍त्री आन गुइमी जिम्‍मा गेचा पुंइसीब। मिनु मेकोपुकीमी दोस गेशा, साइक्‍चा ङा सजाइ गेनीम। यूहन्‍ना २:१३; मत्ती १६:२१; मत्ती १७:२२-२३
MAT 20:19 शुक्‍शी पा युक्‍शा, शीम केप्‍शा कांटी थोक्‍शा, क्‍याइश्‍शा साइक्‍थ अर्को जात ङा मुर आन गुइमी गेनीम। बेक्‍शो आ नित्‍थ नाक्‍त बेक्‍शो रे सेंसीब” दे माइक्‍तीमी।
MAT 20:20 मिनु काबु जब्‍दी तौ आस ममामी आ तौ आस कली चाक्‍शा, येसु कली सेउ पाप्‍तु। मत्ती १०:२
MAT 20:21 मिनु येसुमी “मार पुंइनेवे?” देंमेनु “हे शेंब, गे इन राज्‍यम आं तौ आस कली का इन ग्‍युरा, का इन पेरा गे बाक्‍चा गेचा कली मुल हुकुम दुम्‍ल” दे पुंइतु। मत्ती १९:२८
MAT 20:22 मिनु येसुमी आ तौ आस गे हिरशा “इस पुंइशो मार बाक्‍मे, दे मरुप्‍नीसी। गोमी तूचशो कचौरा तूने चाप्‍नीसी?” देंमेनु “चाप्‍नस्‍कु” देंताक्‍स। मत्ती २६:३९
MAT 20:23 मिनु येसुमी “थमा आं कचौराम तूनीसी। तन्‍न आं ग्‍युरा पेरा गे बाक्‍चा गेचा आं गुइमी ममाइ। आं आफोमी योव़शो आन कली बाक्‍ब” दे माइक्‍तीम्‍सी। प्रेरित १२:२; प्रकाश १:९
MAT 20:24 मिनु शेंसीब १० जनामी मेको आस कली मो देंशो नेंशा “एको निक्‍शी दोदेंशो बाक्‍सा, है” दे आन थुं मनुम। लूका २२:२४-२७
MAT 20:25 मिनु येसुमी नेल्‍ल आन कली खुप्‍शा “अर्को रागी कली हुकुम पाइबपुकीमी मुर आन कली दिप्‍शा वोइश्‍शा, हुकुम पाइनीम, दे तुइक्‍नीनी।
MAT 20:26 गेपुकी इन दातेमी मोदेंशो पचा मदुम्‍ब। इन दातेमी ठेयब दुम्‍चा माल्‍बम नेल्‍ल आन गेय पाइब दुम्‍चा माल्‍ब। मत्ती २३:११; १कोरिन्‍थी ९:१९
MAT 20:27 इन दातेमी नेल्‍ल क्‍येङा ङोंइती दुम्‍चा माल्‍बम नेल्‍ल आन वाइल दुम्‍चा माल्‍ब। मर्कूस ९:३५
MAT 20:28 रागीम जरमेशो मान पपांइसीचा कली जाक्‍शो ममाइ। तन्‍न गेय पथ नु शुश मुर आन कली प्रोंइचा कली आ गिंम सोइक्‍थ जाक्‍शो बाक्‍ब” दे माइक्‍तीमी। फिलिप्‍पी २:७; १पत्रुस १:१८-१९
MAT 20:29 मिनु काबु यरीको सहर रे गाक्‍मानु, शुश मुरुमी येसु आ नोले खोइक्‍तेक्‍म।
MAT 20:30 मिनु लांमी बाक्‍शा, मिक्‍च मताइब निक्‍शीमी येसु एको लां पित देंशो नेंशा “हे प्रभु, दाऊद आ तौ, गो आंस कली शिशी पांइस्‍की” दे वाइ ब्रेत्‍ताक्‍स।
MAT 20:31 येसु नु काथा गाक्‍बपुकीमी “रेयके मपसे” दे हुइक्‍तमेनु, ङोंइती क्‍येङा वाइ ब्रेश्‍शा “प्रभु, दाऊद आ तौ, गो आंस कली शिशी पांइस्‍की” दे ब्रेत्‍ताक्‍स।
MAT 20:32 मिनु येसु ख्रा दिक्‍शा, मेको आस कली ब्रेश्‍शा “इस कली मार पङा, मार पुंइसी?” देंमेनु
MAT 20:33 “प्रभु, आंस कली मिक्‍च ताइब सेलीने” दे पुंइताक्‍स।
MAT 20:34 मिनु येसुमी मेको आस कली शिशी पा आस मिक्‍च थिवानु, मिक्‍च ताइब दुम्‍शा, येसु आ नोले खोइक्‍ताक्‍स।
MAT 21:1 मिनु यरूसलेम आ नेक्‍था जैतून डांडा ङा बेथफागे माइश्‍शो गाउं जाक्‍दीत्‍तेक्‍म।
MAT 21:2 मिनु येसुमी आ शेंसीब निक्‍शी आस कली “मेरे गाउं लसे। मेकेर जाक्‍दीश्‍शा, गधा नु आ चाइक्‍ब पाइश्‍शा वोइश्‍शो थित्‍नीसी। मेको निक्‍शी प्रोंइशा चाक्‍की‍से।
MAT 21:3 मुरपुकीमी ‘एको गधा मारदे लाइक्‍‍सी?’ देंतेक्‍म हना ‘प्रभु मेको कली माल्‍ताक्‍व’ देंसीनु, लाइक्‍चा गेनीम” दे सोइक्‍ताक्‍सी। मत्ती २६:१८
MAT 21:4 मोदेंशो दुम्‍चा माल्‍ब। मारदे हना साइ नेसी परमप्रभु यावे आ लोव़ पाइबमी
MAT 21:5 “सियोन ङा तमी कली ओदें तुइक्‍पतीन। कोव़ङीन, इन पिप ब्रेम्‍शो दुम्‍शा, गधा गधैनी आ चाइक्‍ब ङोइश्‍शा, इन बाक्‍तीके गे पिन पिन बाक्‍ब” दे ब्रेक्‍शो बाक्‍ब। जकरिया ९:९
MAT 21:6 मेको निक्‍शी लशा, येसु आ देंशो खोदेंशो पाम्‍से बाक्‍त।
MAT 21:7 मिनु गधा नु आ चाइक्‍ब चाक्‍शा, आन वासी गधा तारी ब्राम्‍तेक्‍म। मिनु येसु ङोंइ‍साक्‍व।
MAT 21:8 मिनु येसु आ नोले खोइक्‍बपुकीमी आन फेक्‍तीक वा लांमी ब्राम्‍तेक्‍म। खजूर रवा आ राशी जिक्‍शा, लांमी ब्रशा दारशो सेल्‍तेक्‍म। २राजा ९:१३
MAT 21:9 मिनु आ ङोंइती नोले गाक्‍बपुकीमी “दाऊद आ तौ कली होसन्‍ना, परमप्रभु यावे आ नेंमी जाक्‍ब कली जाइ, गे ठेयब बाक्‍नीनी” दे रेयके पा ठेयब सेल्‍ना सेल्‍न गाक्‍तेक्‍म। भजन संग्रह ११८:२५-२६
MAT 21:10 मिनु यरूसलेम सहर ओव़मेनु, मेकेर बाक्‍बपुकीमी “मेको सु बाक्‍म, माइ” दे लोव़ पमुम्‍तेक्‍म।
MAT 21:11 मिनु येसु नु काथा गाक्‍बपुकीमी “गालील रागी ङा नासरथ रे जाक्‍शो परमप्रभु यावे आ लोव़ पाइब येसु एको बाक्‍ब” देंतेक्‍म।
MAT 21:12 मिनु येसु परमप्रभु यावे आ खिं ओव़त। मेकेर ग्‍याप्‍ब लेयब क्‍येट फाइक्‍ब आन कली खेरतीमी। क्‍येट फाइक्‍ब आन टेबल नु ढुकुर लेयब आन नित्‍तीके खोल्‍शा गेम्‍तीमी।
MAT 21:13 मिनु “ ‘आं खिं आं कली मान पतीके बाक्‍ब’ दे ब्रेक्‍शो बाक्‍ब। गेपुकीमी चहिं खुइ आन बाक्‍तीके पुक्‍खी सेल्‍तीनी” दे हुइक्‍ताक्‍मी। यसैया ५६:७, येरमीया ७:११
MAT 21:14 मिनु मिक्‍च मताइब नु खोरन्‍डेपुकी जाक्‍तेक्‍म। मिनु येसुमी मेको आन कली सापाइक्‍तीमी।
MAT 21:15 मिनु ठेयब चढ़ेब नु सास्‍त्रीपुकीमी येसुमी छक लाक्‍चा ङा गेय पशो नु आलपुकीमी “दाऊद आ तौ कली होसन्‍ना” दे शुश रेयके पा येसु कली ठेयब सुइश्‍शा मान पशो तशा, होसन्‍ना आ देंशो “परमप्रभु वारच पने” बाक्‍ब।
MAT 21:16 येसु कली “मेकोपुकीमी मार देंबाक्‍मा मनेंनीनी?” दे गाइश्‍शा देंतेक्‍म। मिनु येसुमी “नेंता। ‘आइक्‍च आल नु बुकलु आलपुकीमी इन कली ठेयब सेल्‍पांइसाक्‍नी’ दे ब्रेक्‍शो लोव़ मपढेनी?” दे माइक्‍तीमी। भजन संग्रह ८:२
MAT 21:17 मिनु मेको आन कली प्रोंइशा, सहर रे ग्रूशा, बेथानी जाक्‍दीश्‍शा बास बाक्‍त।
MAT 21:18 आ दीसा सुनी यरूसलेम लेम्‍मेनु, शोव़लु बेक्‍माक्‍त।
MAT 21:19 मिनु लां नेक्‍थामी फोव़शी रवा का तशा, फोव़शी सिश्‍शो बाक्‍म कों, दे कोव़ङानु, सफा ला ताप्‍तु। सफा ला तशा “मुल ङा मेरे गेनायो मसिप्‍ब रवा दुमो” दे माइक्‍तु। मिनु रवा साव सोव़त। लूका १३:६
MAT 21:20 मिनु शेंसीबपुकीमी रवा सोव़शो तशा “रवा दोपा साव सोव़मे” दे छक लाक्‍तेक्‍म।
MAT 21:21 मिनु येसुमी “नोफा दाइश्‍शा नेनीने, दल्‍गीर मपथु थमा सुइक्‍तीनी हना, फोव़शी रवा कली पशो खोदेंशो पचा ला ममाइ, डांडा कली एकेर रे समुन्‍द्रमी याक्‍सो देंतीनी हना, मेको डांडा यो याक्‍सीशा लाइब। मत्ती १७:२०
MAT 21:22 थमा सुइश्‍शा प्रार्थना पा पुंइतीनी हना, इन पुंइशो ताइनीनी” दे माइक्‍तीमी।
MAT 21:23 मिनु परमप्रभु यावे आ खिं ओव़शा, मुर आन कली शेंना शेंन बाक्‍मेनु, ठेयब चढ़ेब नु जोक्‍ब तुइक्‍ब खालपापुकी जाक्‍शा “तेको अधिकारमी मोदेंशो पवी? एको अधिकार सुमी गेवे?” देंतेक्‍म। यूहन्‍ना २:१८; प्रेरित ४:७
MAT 21:24 मिनु येसुमी “गो इन कली लोव़ का हिल्‍लो पाइनुङ। गेम आं लोव़ लेत्‍ताक्‍नी हना, तेको अधिकारमी एको गेय पङा, दे शेंनन्‍नी।
MAT 21:25 यूहन्‍नामी मुर आन कली ब्‍वाक्‍कुम ख्रुम्‍शा ग्रुंइतीके अधिकार स्‍वर्ग रे तवा, दे मुरपुकी रे तवा?” दे हिल्‍लो पाम्‍तीमी। मिनु लोव़सी पमुशा “स्‍वर्ग रे तवा बाक्‍त देंतय हना, मो हना यूहन्‍ना आ लोव़ मारदे थमा मसुइक्‍नी देंब।
MAT 21:26 मुरपुकी रे तवा बाक्‍त देंयानु, मुरपुकीमी इं लोव़ मनेंथु मटीनीम। मारदे हना मुरपुकीमी यूहन्‍ना परमप्रभु यावे आ लोव़ पाइब बाक्‍त, दे थमा सुइश्‍शो बाक्‍नीम” देंमुम्‍तेक्‍म। मत्ती १४:५
MAT 21:27 मोपतीके “मतुइक्‍नीकी” देंतेक्‍म। मिनु येसुमी “मो हना तेको अधिकारमी एको गेय पङा, गो यो मशेंनन्‍नी।
MAT 21:28 अर्को लोव़ का नेंशा मिम्‍तीने। मुर का के तौ निक्‍शी बाक्‍सा बाक्‍त। मिनु काबु आफोमी आ जेठा कली ‘आं तौ, मुलाक्‍ती अङगुर रूमी गेय पथ लावो’ देंमाक्‍त।
MAT 21:29 मिनु जेठामी ‘गो मलाइनुङ’ देंमाक्‍त। नोले आ थुं लेश्‍शा लमाक्‍त।
MAT 21:30 मिनु आफोमी कान्‍छा कली यो ‘आं तौ, मुलाक्‍ती अङगुर रूमी गेय पथ लावो’ देंमाक्‍त। मेकोमी ‘दुम्‍ब, गो लाइनुङ’ देंमाक्‍त। तन्‍न मल‍माक्‍त। मत्ती ७:२१
MAT 21:31 आस आफ आ दाक्‍शो सुमी पवा? जेठामी पवा, दे कान्‍छामी पवा?” दे माइक्‍मीनु “जेठामी पवा बाक्‍त” देंतेक्‍म। मिनु येसुमी मेको आन कली “नोफा दाइश्‍शा नेनीने, इन क्‍येङा ङोंइती तिरो पोक्‍ब नु तेल्‍लेम पाइबपुकी परमप्रभु यावे आ राज्‍य ओव़चा ताइनीम। लूका १८:९-१४
MAT 21:32 मारदे हना यूहन्‍नामी ठीक लां कोंइशा यो गेपुकीमी थमा सुइश्‍शा, इन थुं परमप्रभु यावे गे मलेत्‍तीनी। मेकोपुकीमी चहिं यूहन्‍ना कली थमा सुइश्‍शा, आन थुं परमप्रभु यावे गे लेत्‍ताक्‍म” देंत। लूका ७:२९
MAT 21:33 मिनु येसुमी “लो, अर्को कथा का नेनीने। मुर कामी अङगुर ख्रुम्‍शा, थारपु हिरशा, अङगुर ख्राक्‍तीक नु वोइक्‍तीक सेल्‍शा, बुम्‍था पाइब माल्‍शा, मेको आन कली गेशा वोइश्‍शा, अर्को रागी लमाक्‍त। यसैया ५:१-२
MAT 21:34 अङगुर मीशा सेक्‍ची जाक्‍मेनु, आ गेय पाइब आन कली आ भाग पोक्‍थ सोइक्‍तीमी बाक्‍त।
MAT 21:35 मिनु गेय पाइबपुकी जाक्‍दीम्‍मानु, बुम्‍था पाइबपुकीमी का कली तुप्‍मे बाक्‍त, का कली सदमे बाक्‍त, का कली फुल्‍लु आप्‍शा खेरमे बाक्‍त।
MAT 21:36 मिनु ङोंइती सोइश्‍शो क्‍येङा शुश आन कली सोइक्‍तीमी बाक्‍त। मेको आन कली यो में मोदेंशोन पामे बाक्‍त।
MAT 21:37 मिनु ‘आं तौ कली टीनीम कों’ दे मिम्‍शा, आ तौ कली सोइक्‍ता बाक्‍त।
MAT 21:38 मिनु बुम्‍था पाइबपुकीमी आ तौ कली पिशो तशा ‘एको अङस ताइब बाक्‍ब। लो साइक्‍चा। मिनु रू, अङगुर नेल्‍ल इं केन दुम्‍ब’ देंशा गारमा बाक्‍त। मत्ती २६:३-५; यूहन्‍ना १:११
MAT 21:39 मिनु फि ग्‍याइश्‍शा, रू रे ग्रुंइशा, सदमे बाक्‍त।
MAT 21:40 मो पाइब आन कली रू होव़प लेश्‍शा जाक्‍शा, मार पाइबा?” देंमेनु
MAT 21:41 “मोदेंशो मरिम्‍शो पाइब आन कली साइक्‍पाइक्‍ब। आ रू चहिं सुमी अङगुर मीमेनु, पोक्‍थ जाक्‍ब आन कली गेब, मेको आन कली गेब” देंतेक्‍म।
MAT 21:42 मिनु येसुमी “ओदेंशो ब्रेक्‍शो लोव़ मपढेनी? ‘खिं सेल्‍बपुकीमी गारो प्रोङमेनु, एको फुल्‍लु मगार, दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त। परमप्रभु यावेमी मोदेंशो पशो बाक्‍त। मिनु मेको इं दातेमी छक लाक्‍चा ङा बाक्‍ब’ दे ब्रेक्‍शो बाक्‍ब।। भजन संग्रह ११८:२२-२३; प्रेरित ४:११; १पत्रुस २:४-८
MAT 21:43 मोपतीके परमप्रभु यावे आ राज्‍य इन गुइ रे रोइक्‍चा पुंइसीनीनी। मिनु फल सिप्‍ब अर्को जात ङा मुर आन कली गेब, दे माइक्‍तीमी।
MAT 21:44 सुमी एको फुल्‍लुम दाल पांइसीशा राम्‍सीबा, मेको फस दुम्‍ब। एको फुल्‍लुमी सु कली चिप्‍बा, मेको चिम्‍सीशा बेक्‍ब” देंत।
MAT 21:45 मिनु ठेयब चढ़ेब नु फरिसीपुकीमी येसुमी देंशो कथापुकी नेंशा “एहे, इं कली कका देंशो बाक्‍माक्‍त” दे रुप्‍मे बाक्‍त।
MAT 21:46 मिनु ग्‍याइक्‍पाइक्‍चा माल्‍मे बाक्‍त। तन्‍न येसु कली “परमप्रभु यावे आ लोव़ पाइब बाक्‍ब” देंब आन कली तशा, हिंमा बाक्‍त।
MAT 22:1 मिनु येसुमी लेंशा कथापुकी सेल्‍शा, मुर आन कली शेंना शेंन
MAT 22:2 “स्‍वर्ग ङा राज्‍य ओदेंशो बाक्‍ब, पिप कामी आ तौ आ ग्‍युंबे पा भोज पचवा बाक्‍त। यूहन्‍ना ३:२९
MAT 22:3 मिनु आ गेय पाइब आन कली निम्‍तो ताइब आन कली ब्रेत्‍थ सोइक्‍तीमी बाक्‍त। तन्‍न निम्‍तो ताइबपुकी लचा थुं मपामे बाक्‍त।
MAT 22:4 मिनु लेंशा अरु गेय पाइब आन कली ‘नेनीने, गो जचा थोव़की सेल्‍शा ठीक पाता। लो, जथ जाक्‍कीन, दे मतीन’ दे ब्रेत्‍थ सोइक्‍तीमी बाक्‍त।
MAT 22:5 तन्‍न ब्रेत्‍चा पुंइसीब नेल्‍लेमी ग्‍युंबे जथ लचा थुं मपथु, का आ रूमी गेय पथ लमाक्‍त, का ग्‍याप्‍तीक लेयतीक गेय पथ लमाक्‍त।
MAT 22:6 लीशोपुकीमी ब्रेत्‍थ जाक्‍ब आन कली शुक्‍शी पा ग्‍याइश्‍शा तुप्‍शा सदमे बाक्‍त। मत्ती २१:३५
MAT 22:7 मिनु पिपमी मोदेंशो दुम्‍शो तुइश्‍शा चुरशा, आ सिपाही आन कली ‘लने, मुर साइक्‍ब आन कली साइश्‍शा, आन सहर गाउं क्रोइश्‍शा गेने’ दे सोइक्‍तीमी बाक्‍त। मत्ती २४:२
MAT 22:8 मिनु आ गेय पाइब आन कली ‘आं तौ आ ग्‍युंबे भोज ठीक सेल्‍ता। ब्रेश्‍शोपुकी चहिं भोजम जाक्‍चा मशिरसीशो बाक्‍मा बाक्‍त।
MAT 22:9 मोपतीके मुल लां पित्‍थ लशा, सु सु आन कली थिन्‍नी, मेको आन कली चाक्‍कीने’ दे सोइक्‍तीमी बाक्‍त। मत्ती १३:४७
MAT 22:10 मिनु मेकोपुकीमी लां पित्‍थ लशा, रिम्‍शो मरिम्‍शो दोदेंशो मुर थिदमे, मोदेंशो नेल्‍ल आन कली खुप्‍शा चाक्‍गमे बाक्‍त। मिनु ग्‍युंबे खिं पौनापुकीम ब्रीमाक्‍त।
MAT 22:11 मिनु पिपमी ‘आं पौना दोपा बाक्‍मा, दोशो जाक्‍मा’ दे कोव़थ जाक्‍मेनु, ग्‍युंबे भोज ङा वा मफेक्‍शो मुर का तवा बाक्‍त। प्रकाश १९:८
MAT 22:12 मिनु ‘ए वारच, ग्‍युंबे भोज ङा वा मफेक्‍थु, दोपा एकेर ओव़ङे?’ देंमेनु, सिक्‍सी पा मारेइ देंने मचबा बाक्‍त।
MAT 22:13 मिनु पिपमी आ गेय पाइब आन कली ‘एको आ गुइ खोइल फ्रेंशा ग्रुंइशा, छिङछिङमी ताइक्‍तीने। मेकेर मुरपुकी आन ख्रुइ शेप्‍शा ङाक्‍नीम’
MAT 22:14 ब्रेत्‍चा पुंइसीशो मुर शुश बाक्‍नीम, योव़शो चहिं का निक्‍शी ला बाक्‍नीम” दे येसुमी शेंताक्‍मी।
MAT 22:15 मिनु फरिसीपुकीमी “एको कली दोपा आंम आ लोव़ ख्राइक्‍पपाइश्‍शा दोस गेचा” दे लोव़सी पमुमा बाक्‍त।
MAT 22:16 मिनु आन शेंसीब नु हेरोद आ वारच आन कली येसु आ बाक्‍तीके ओं माइक्‍थ सोइक्‍तीमी बाक्‍त “हे शेंब, गे थमा पाइब ननी। मुर आन कुल मकोव़थु सुइ नु महिंथु, परमप्रभु यावे आ लोव़ थमा पा शेंनीनी, दे तुइक्‍नीक। यूहन्‍ना ३:२
MAT 22:17 मिनु लोव़ का शेंदीकी, शेंब हजुर, मार लोव़ देंशा हना, सिजर सरकार कली तिरो थाप्‍चा माल्‍ब, दे मथाप्‍थु यो दुम्‍बा?” दे हिल्‍लो पखु पा, लोव़ ख्राइक्‍पपाइक्‍चा माल्‍तेक्‍म।
MAT 22:18 मिनु येसुमी मेको आन मरिम्‍शो मिम्‍शो तुइश्‍शा “ए कपटीपुकी, मारदे आं थुं थाम्‍नीनी?
MAT 22:19 तिरो थाप्‍तीके क्‍येट का कोंइदीनी” देंमेनु, देनार का कोंइताक्‍म।
MAT 22:20 मिनु “एको सु आ नेंमी ख्रोइश्‍शो बाक्‍मे?” देंमेनु
MAT 22:21 “सिजर आ नेंमी ख्रोइश्‍शो बाक्‍त, हजुर” देंतेक्‍म। मिनु येसुमी “लो मो हना, सिजर आ थोव़क सिजर कली गेने। परमप्रभु यावे आ थोव़क परमप्रभु यावे कली गेने” देंमेनु, रोमी १३:१,७
MAT 22:22 मेकोपुकी छक लाक्‍शा, फ्रा फ्रु लेश्‍शा गाक्‍तेक्‍म।
MAT 22:23 मिनु सदुकीपुकी जाक्‍तेक्‍म। सदुकीपुकीमी बेक्‍शो रे मसेंसीब, दे शेंनीम। मिनु येसु आ बाक्‍तीके जाक्‍शा प्रेरित ४:२; प्रेरित २१:६-८
MAT 22:24 “हे शेंब, मोसामी ब्रेक्‍शो लोव़मी ‘मुर कामी आल मथिथु बेक्‍त हना, आ लोक्‍बमी आ भोग्‍यु वोंइसीशा, आ दाग्‍यु आ पा ङा सन्‍तान मजाम्‍मल, तमी तौ थिवल’ दे ब्रेक्‍शो बाक्‍ब। ब्‍‍यवस्‍था २५:५-६
MAT 22:25 खिं कामी ७ जना लोक्‍ब बाक्‍तेक्‍म। मिनु ङोंइती जरमेशोमी ग्‍युंबे पाप्‍तु।
MAT 22:26 मिनु आल मथिथु बेक्‍त। मिनु माइलामी आ भोग्‍यु वोंइसाक्‍व। मिनु मेको यो आल मथिथु बेक्‍त। मिनु साइलामी आ भोग्‍यु वोइश्‍शा, मेको यो आल मथिथु बेक्‍त। मोदेंशो पा ६ जनामीन आन भोग्‍यु वोइश्‍शा, आल मथिथु बेक्‍तेक्‍म।
MAT 22:27 मिनु नोले मेको मीश मुर यो बेक्‍त।
MAT 22:28 मुर बेक्‍शो रे सेंसीशा ब्रोंइमानु, मेको ७ जना वोंइश आन मीश दुम्‍शो मीश मुर तेको आ मीश दुम्‍बा?” दे हिल्‍लो पाम्‍तेक्‍म।
MAT 22:29 मिनु येसुमी “गे दूली मिम्‍नीनी। मारदे हना परमप्रभु यावे आ लोव़ मरुप्‍नीनी, परमप्रभु यावे आ सक्ति यो मतुइक्‍नीनी।
MAT 22:30 बेक्‍शो रे सेंसीशा ब्रोंइमानु, मुरुमी ग्‍युंबे मपाइनीम। स्‍वर्गम बाक्‍ब परमप्रभु यावे आ गेय पाइब खोदेंशो बाक्‍नीम।
MAT 22:31 बेक्‍शो रे सेंशा ब्रोंइचा देंशो मार बाक्‍ब देंशा हना,
MAT 22:32 परमप्रभु यावेमी ‘गो अब्राहाम आ परमप्रभु यावे, इसहाक आ परमप्रभु यावे, याकूब आ परमप्रभु यावे नङ’ दे ब्रेक्‍शो बाक्‍ब। मेको लोव़ मपढेनी? परमप्रभु यावे बेक्‍शो मुर आन परमप्रभु यावे ममाइ। ब्रोंइशो आन परमप्रभु यावे बाक्‍ब” दे माइक्‍तीमी। प्रस्‍थान ३:६
MAT 22:33 मिनु मेकेर देल्‍शोपुकीमी येसु आ लोव़ नेंशा छक लाक्‍तेक्‍म।
MAT 22:34 मिनु फरिसीपुकीमी “सदुकी आन कली लेन्‍ने मचाप्‍चा ङा लोव़ पाइमी बाक्‍त” देंशो नेंशा, खुम्‍सीशा जाक्‍तेक्‍म।
MAT 22:35 आन दाते ङा आरेशो लोव़ जोक्‍ब तुइक्‍ब कामी येसु कली
MAT 22:36 “हे शेंब, परमप्रभु यावे आ अरेशो लोव़ ङा तेको नेल्‍ल क्‍येङा तुइक्‍चा माल्‍शो बाक्‍बा?” दे आ थुं थाम्‍चा कली हिल्‍लो पाप्‍तु।
MAT 22:37 मिनु येसुमी “ ‘गेपुकी परमप्रभु यावे, इन परमप्रभु कली इन थुं नेल्‍लेमी, इन सोक्‍त नेल्‍लेमी नु इन बोल नेल्‍लेमी दाक्‍चा माल्‍नीनी’ ब्‍‍यवस्‍था ६:५
MAT 22:38 मेको नेल्‍ल क्‍येङा ठेयब नु तुइक्‍चा माल्‍शो अरेशो लोव़ बाक्‍ब।
MAT 22:39 मिनु आ नोले ङा लोव़ ‘आंम इ कली दाक्‍शो खोदेंशो पा, इ नेक्‍था बाक्‍ब कली यो दाक्‍तो’ देंशो बाक्‍ब। लेवी १९:१८
MAT 22:40 एको अरेशो लोव़ निक्‍शीमी परमप्रभु यावे आ अरेशो लोव़ नु आ लोव़ पाइब आन लोव़ नेल्‍ल खाप्‍शो बाक्‍ब” दे येसुमी माइक्‍तीमी। रोमी १३:९-१०
MAT 22:41 काबु फरिसीपुकी खुम्‍समानु, येसुमी मेको आन कली
MAT 22:42 “ख्रीस्‍त आ पर्बम मार मिम्‍नीनी? मेको सु आ तौ सुइक्‍नीनी?” दे हिल्‍लो पाप्‍तु। मिनु “दाऊद आ तौ” देंतेक्‍म। यसैया ११:१; यूहन्‍ना ७:४२
MAT 22:43 मिनु येसुमी “मो हना मारदे परमप्रभु यावे आ सोक्‍त रे पा दाऊदमी मेको कली प्रभु देंबा?
MAT 22:44 ‘परमप्रभु यावेमी आं प्रभु कली “इ जोरी सत्रु आन कली इ खोइल आगाम मवोदुमी सम्‍म आं ग्‍युरा गे बाक्‍को” देंशा’ ब्रेक्‍शो बाक्‍ब। भजन संग्रह ११०:१; मत्ती २६:६४
MAT 22:45 दाऊदमी मेको कली ‘प्रभु’ देंब। मिनु दोपा आ तौ दुम्‍मे?” दे माइक्‍तीमी।
MAT 22:46 मिनु सुइमी लोव़ का यो लेन्‍ने मचबेम। में ङा मेरे हिंशा, लोव़ हिल्‍लो पचा यो प्रोंइतेक्‍म।
MAT 23:1 मिनु येसुमी मेकेर देल्‍शो शुश मुर नु आ शेंसीब आन कली शेंना शेंन
MAT 23:2 “सास्‍त्री नु फरिसीपुकी इं किकी पिपी मोसा आ पा ङा दुम्‍शो बाक्‍नीम।
MAT 23:3 मेको आन शेंशो टिने, तन्‍न आन पशो खोदेंशो मपने। मारदे हना मेकोपुकीमी देंनीम, तन्‍न मपाइनीम। मलाकी २:७-८; रोमी २:२१-२३
MAT 23:4 हेल्‍शो भारी सेल्‍शा, मुर आन कली कुरपाइक्‍नीम। मेकोपुकीम चहिं ब्रेप्‍चो कामी यो नेप्‍शा मगेनीम। मत्ती ११:२८-३०; प्रेरित १५:१०,२८
MAT 23:5 मार मार पामेनु, मुर आन ङोंइती ला पाइनीम। ठेयब टालोमी परमप्रभु यावेमी अरेशो लोव़ ब्रेक्‍शा आन फेक्‍शो वामी केप्‍नीमी। मिनु आन वामी लाइश्‍शो झुम्‍का क्‍युक्‍सीनीम। मत्ती ६:१; गन्‍ती १५:३८-३९
MAT 23:6 भोजमी नु ग्रुम्‍तीक खिंमी मान पचा पुंइसीतीकेमी नित्‍‍चा दाक्‍नीम। लूका १४:७
MAT 23:7 लां बजारमी गाक्‍मानु, मान पा सेउ पा ‘शेंब, हजुर’ देंपांइसीचा दाक्‍नीम।
MAT 23:8 गे इन कली सुइमी शेंब हजुर मदेंमल। मारदे हना इन कली शेंब का ला बाक्‍ब। गे नेल्‍ल वोबु ननी।
MAT 23:9 एको रागीमी सुइ आन कली आफ मदेनीने। मारदे हना इन आफ का ला स्‍वर्गम बाक्‍ब।
MAT 23:10 गे इन कली सुइमी होव़प मदेंमल। मारदे हना इन होव़प का ला ख्रीस्‍त बाक्‍ब।
MAT 23:11 इन दातेमी नेल्‍ल क्‍येङा ठेयब सु बाक्‍मे, मेको इन गेय पाइब दुम्‍ब। मत्ती २०:२६-२७
MAT 23:12 ठेयब सुंइ‍सीब हिक्‍चा मपुंइसीब। महिक्‍सीशो चहिं मान पाइक्‍चा पुंइसीब। अय्‍युब २२:२९; हितोपदेस २९:२३; इजीकीएल २१:३१; लूका १८:१४; १पत्रुस ५:५
MAT 23:13 सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।
MAT 23:14 सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना दुइश्‍शो प्रार्थना पा कोंइखु पा वोंइश बेक्‍शो मीश मुर आन शोंप नेल्‍ल नेक्‍शा गेनीनी। मोपतीके अरु आन क्‍येङा शुश सजाइ ताइनीनी।
MAT 23:15 सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना इन खोदेंशो पा यहूदी धर्म पाइब का सेल्‍चा कली रागी नेल्‍ल हिरशा गाक्‍नीनी। मिनु इन लोव़ टीब सेल्‍शा, इन क्‍येङा शुश सजाइ तपाइश्‍शा, नरक सोइक्‍नीनी।
MAT 23:16 मिक्‍च मताइब दुम्‍शा यो लां कोंइखु पाइब, इन कली तशा थुं खाइक्‍ती। मारदे हना परमप्रभु यावे आ खिं थिशा कसम जशोमी मारेइ लोव़ मथोक्‍सीब, खिं ङा सुन थिशा चहिं लोव़ थोक्‍सीब, दे शेंनीनी। मत्ती ५:३४-३७; मत्ती १५:१४
MAT 23:17 मिक्‍च मपाइश्‍शो मूर्खपुकी, सुन ठेयब मिम्‍सीबा, दे सुनमी ग्‍योम्‍सीशो खिं ठेयब मिम्‍सीबा?
MAT 23:18 चढ़ेतीके थिशा, कसम जशोमी लोव़ मथोक्‍सीब, चढ़ेशो थोव़की थिशा कसम जशोमी चहिं लोव़ थोक्‍सीब, दे यो शेंनीनी।
MAT 23:19 मिक्‍च मपाइश्‍शोपुकी, चढ़ेशो ठेयब मिम्‍सीबा, दे चढ़ेतीके ठेयब मिम्‍सीबा?
MAT 23:20 चढ़ेतीके थिशा कसम जाइबमी चढ़ेतीके नु चढ़ेशो थोव़की थिशा कसम जशो बाक्‍ब।
MAT 23:21 परमप्रभु यावे आ खिं थिशा कसम जाइबमी परमप्रभु यावे आ खिं नु मेकेर बाक्‍ब परमप्रभु यावे कली थिशा कसम जशो बाक्‍ब।
MAT 23:22 स्‍वर्ग कोव़शा कसम जाइबमी परमप्रभु यावे आ नित्‍तीके नु मेकेर निप्‍ब कली कोव़शा, कसम जशो बाक्‍ब, दे रुपीने।
MAT 23:23 सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना मसला खोरसानी ङा १० भागमी भाग का परमप्रभु यावे कली चढ़ेनीनी। तन्‍न परमप्रभु यावे आ अरेशो तुइक्‍चा माल्‍शो ठीक निसाफ पतीके, मुर आन कली शिशी पतीके नु परमप्रभु यावे कली थमा सुइक्‍तीके लोव़ ममिम्‍नीनी। एको गेय पचा माल्‍शो ननी, मिनु इन पशो यो मप्रोंइचा माल्‍शो ननी। लेवी २७:३०; लूका १८:१२; मीका ६:८
MAT 23:24 मिक्‍च मताइब दुम्‍शा यो लां कोंइखु पाइबपुकी, तूचा ब्‍वाक्‍कुमी रकमिक्‍च ओव़शो बाक्‍त हना, तिल्‍शा तूनीनी। दलओंठ खोदेंशो ठेयब जन्‍तु ओव़शो बाक्‍त हना, ग्रु दाक्‍नीनी।
MAT 23:25 सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना बोस आ तार ला खुइश्‍शो खोदेंशो पा गेपुकी लाङगा रे रिम्‍शो तांइसीनीनी। तन्‍न इन आगामी खुइ नु ग्रांग्रा दिचा ङा गेय पतीकेमी ब्रीशो बाक्‍नीनी। मर्कूस ७:४,८
MAT 23:26 ए मिक्‍च मपाइश्‍शो फरिसीपुकी, ङोंइती बोस आगा खुइक्‍तीने। मिनु आ तारी यो रिम्‍शो तांइसेक्‍ल। यूहन्‍ना ९:४०; तीतस १:१५
MAT 23:27 सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना बुलु ब्रुइश्‍शा दारपाइश्‍शो तुरस खोदेंशो ननी। मेको आ तारी दारशो तांइसीब, तन्‍न आगाम रुश राक्‍शा, रिना पाइश्‍शा ग्रांग्रा दिचा ङा बाक्‍ब।
MAT 23:28 मोदेंशो पा गेपुकी यो मुर आन ङोंइती धर्मी तांइसीनीनी, तन्‍न इन थुं कपट नु पापम ब्रीशो बाक्‍नीनी।
MAT 23:29 सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना बेक्‍शा लशो परमप्रभु यावे आ लोव़ पाइब नु ठीक पाइब आन तुरस दारशो सेल्‍नीनी।
MAT 23:30 मिनु ‘इं किकी पिपी आन पालामी गो यो बाक्‍शो नक हना, मेको आन परमप्रभु यावे आन कली साइक्‍पाइक्‍चा मगेक वा’ देंनीनी।
MAT 23:31 मो देंशोमी ‘साइ नेसी परमप्रभु यावे आ लोव़ पाइब आन कली साइक्‍ब आन चच युइ गो नकी’ दे तुइक्‍पांइसीनीनी। येरमीया २६:२०-२३; मत्ती ५:१२; प्रेरित ७:५२
MAT 23:32 इन किकी पिपीम पचा मजाक्‍दीश्‍शो पाप गेपुकीमी खपीने।
MAT 23:33 गे बीख पाइश्‍शो बुस्‍स आ खलकपुकी, नरक लतीके सजाइ रे दोपा ब्रोंइनीनी ङा?
MAT 23:34 मोपतीके गो इन बाक्‍तीके परमप्रभु यावे आ लोव़ पाइब, जोक्‍ब तुइक्‍ब मुर नु परमप्रभु यावे आ लोव़ शेंब सोइक्‍नुङमी। का निक्‍शी आन कली साइक्‍नीनी, का निक्‍शी आन कली शीमी क्‍याइश्‍शा साइक्‍नीनी, का निक्‍शी आन कली ग्रुम्‍तीक खिंमी लाइश्‍शा, कोर्रामी युक्‍नीनी, मिनु तेइ बाक्‍चा मगेथु, खेदा पा खेरनीनी।
MAT 23:35 मेको मोपा खेदा पा साइश्‍शो पाप नेल्‍ल इन कली राइब। साइ नेसी रिम्‍शो पाइब हाबील साइश्‍शो रे बेरेक्‍याह आ तौ जकरिया साइश्‍शो सम्‍म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्‍शो बाक्‍मा बाक्‍त। उत्‍पत्ती ४:८; २इतिहास २४:२०-२१
MAT 23:36 नोफा दाइश्‍शा नेनीने, मेको पाप एको पाला ङा मुर आन कली राइब। लूका १३:३४-३५
MAT 23:37 ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोथीमी आ चितोली आन कली आ फ्रा आगामी पुप्‍शो खोदेंशो पा, गो शुश खेयप इ आल आन कली पुप्‍चा माल्‍ता, गे चहिं मबिस्‍से।
MAT 23:38 मिनु मार दुम्‍ब देंशा हना, इ खिं ब्रेश्‍शा, मारेइ मलीब। येरमीया २२:५; भजन संग्रह ६९:२६; १राजा ९:७-८
MAT 23:39 गो माइक्‍नन ‘परमप्रभु यावे आ नेंमी जाक्‍ब कली आसीक रल’ दे मान मपवी सम्‍म आं कली लेंशा मताइनेवे” देंत। मत्ती २१:९; मत्ती २६:६४
MAT 24:1 मिनु येसु परमप्रभु यावे आ खिं रे ग्रूशा लमेनु, आ शेंसीबपुकीमी “एको खिं दोमो कोल्‍पा गिश दारपाइश्‍शा सेल्‍शो बाक्‍माक्‍त” देंतेक्‍म।
MAT 24:2 मिनु येसुमी “मुल ओमो ठेयब नु दारपा सेल्‍शो ताइतीनी। नोफा दाइश्‍शा नेनीने, नोले ब्रेश्‍शा, फुल्‍लु का यो ख्रोप्‍शा मलीब” देंत। लूका १९:४४
MAT 24:3 मिनु जैतून डांडामी जाक्‍दीश्‍शा बाक्‍मेनु, आ शेंसीबपुकी यो जाक्‍शा “एको इन देंशो लोव़ गेना दुम्‍बा? इन जाक्‍ची ना ङा चिन्‍ड मार तांइसीनीमी? मिनु रागी नुप्‍चवा बाक्‍त, दे दोपा तुंइ‍सीबा?” दे हिल्‍लो पाम्‍तेक्‍म। प्रेरित १:६-८
MAT 24:4 मिनु येसुमी “सुइमी इन थुं मक्‍यामेक्‍ल, दे होस पा बाक्‍कीन।
MAT 24:5 मारदे हना शुश मुरपुकीमी आं नें ब्रशा ‘गो ख्रीस्‍त नङ’ देंशा, मुर आन थुं क्‍यानीम। यूहन्‍ना ५:४३; १यूहन्‍ना २:१८
MAT 24:6 लडाइ दुम्‍शो लडाइ ङा लोव़ शुश नेंनीनी। मेको लोव़ नेंशा महिनीन। मोदेंशो दुम्‍चा माल्‍ब, रागी नुप्‍चा चहिं इच्‍ची मजा।
MAT 24:7 मारदे हना ङोंइती जात जात नु राज्‍य राज्‍यमी लडाइ पाइनीम। रागी रागीमी अन्‍काल दुम्‍ब, एर ओंथ ख्रिनु कुइब।
MAT 24:8 मो दुम्‍मेनु, श्‍येत दुम्‍चा गोवा बाक्‍त, दे तुंइ‍सीब।
MAT 24:9 इन कली खेदा पा शुश श्‍येत गेनीम, साइक्‍नीम। नेल्‍ल जात ङा मुरपुकीमी आं पर्बम इन कली मदाक्‍थु आइक्‍च सेल्‍नीम। मत्ती १०:२१-२२; यूहन्‍ना १६:२
MAT 24:10 मिनु शुशेमी थमा सुइक्‍चा प्रोंइनीम। खेदा पाइब आन कली वारच पाइनीम। वारच आन दातेमी काइ मदाक्‍मुइनीम।
MAT 24:11 परमप्रभु यावे आ लोव़ दूली शेंबपुकी शुश बोक्‍शा, दूली पा शेंशा, शुश मुर आन थुं क्‍यशा गेनीम। मिनु परमप्रभु यावे आ राज्‍य ङा लां प्रोंइपाइक्‍नीम। २पत्रुस २:१; १यूहन्‍ना ४:१
MAT 24:12 पाप पचा शुश बारतीके शुशेमी वारच पमुचा, दाक्‍मुचा प्रोंइनीम। २तिमोथी ३:१-५
MAT 24:13 सु सु चहिं नेल्‍ल क्‍येङा नोले सम्‍म थमा सुइक्‍चा मप्रोंइथु बाक्‍नीमी, मेकोपुकी श्‍येत जचा रे ब्रोंइशा, गेना हना यो परमप्रभु यावे नु बाक्‍चा ताइनीम। मत्ती १०:२२; प्रकाश १३:१०
MAT 24:14 परमप्रभु यावे आ राज्‍य आ पर्बम चहिं नेल्‍ल रागी ङा मुर आन कली तुइक्‍पांइसीब। मारदे हना नेल्‍लेमी तुइक्‍चा माल्‍नीम। मिनु नोले रागी नुप्‍ची जाक्‍ब।
MAT 24:15 परमप्रभु यावे आ खिं ग्रांग्रा सेल्‍नीम, दे परमप्रभु यावे आ लोव़ पाइब दानीएलमी ब्रेक्‍शो लोव़ थमा दुम्‍शो तनीनु ‘पढेबपुकीमी रुप्‍मेक्‍ल’ दानीएल ९:२७, दानीएल ११:३१
MAT 24:16 यहूदीया रागीमी बाक्‍बपुकी डांडा ग्‍येत्‍थ प्रोक्‍मल।
MAT 24:17 बारदलीम बाक्‍बमी ‘खिं ओव़शा, मारेइ लाइक्‍चा ताइनुङ’ दे ममिम्‍तमेक्‍ल, तन्‍न दिव दाव प्रेक्‍शा प्रोक्‍मल। लूका १७:३१
MAT 24:18 रूमी गेय पाइबपुकीमी ‘फेक्‍तीक का लाइक्‍नीकी’ दे खिं लेश्‍शा मलमल, तन्‍न आन गेय थु था प्रोंइशा प्रोक्‍मल। लूका २३:२९
MAT 24:19 आल कुरशो नु दूध तूब आल पाइश्‍शो मीश मुर अरु क्‍येङा शुश श्‍येत जाइनीम।
MAT 24:20 नाइक्‍तीक नाक्‍त नु हिउंदमी मोदेंशो श्‍येत मदुम्‍ल, दे परमप्रभु यावे कली पुनीने।
MAT 24:21 परमप्रभु यावेमी रागी सेला रे मुल सम्‍म सुइमी मतुइश्‍शो श्‍येत जाइनीम। मोदेंशो श्‍येत जचा लेंशा गेनायो मदुम्‍ब। दानीएल १२:१
MAT 24:22 मोदेंशो श्‍येत जतीक नाक्‍त शुश नाक्‍त दुम्‍त हना, सुइ मब्रोंइनीम वा। तन्‍न आ योव़शो आन पर्बम परमप्रभु यावेमी मेको श्‍येत शुश नाक्‍त लीचा मगेब।
MAT 24:23 मिनु मुरपुकीमी ‘ख्रीस्‍त एकेर जाक्‍त, मेरेक बाक्‍ब, कोव़थ गाक्‍कीन’ देंतेक्‍म हना, थमा मसुतीने।
MAT 24:24 मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३
MAT 24:25 मेको नेल्‍ल दुम्‍चा ङोंइतीन गो इन कली नेल्‍ल शेंशा तुइक्‍पाइक्‍तन्‍नी।
MAT 24:26 मेकोपुकीमी ‘सुइ मबाक्‍तीके गोरशो रागीमी ख्रीस्‍त बाक्‍ब’ देंतेक्‍म हना, थमा सुइश्‍शा कोव़थ मलने। ‘खिं आगा ङा कोठामी ख्रीस्‍त बाक्‍ब’ देंतेक्‍म हना, थमा मसुतीन। लूका १७:२३-२४
MAT 24:27 नां दाप्‍तीकेमी चिला पवानु, छेङछेङ पा नां पेरतीकेमी सम्‍म तांइसीशो खोदेंशो पा, रागीम जरमेशो आ जाक्‍ची ना दुम्‍ब।
MAT 24:28 सिनु बाक्‍तीकेमी गिद्ध आंमा बेरशा जाक्‍नीम। लूका १७:३७; प्रकाश १९:१७-१८
MAT 24:29 रागीम मोदेंशो श्‍येत दुम्‍ने नुम चोटी, सरीङमी चिन्‍ड तांइसीनीम। नां आ छेङछेङ जाम्‍शा, जिक रिक्‍शो तांइसीब। तास्‍ला आ हाम्‍सो यो जाम्‍ब, सोरुल खपीम दोक्‍नीम। सरीङ ङा सक्ति हिम्‍सीनीम। यसैया १३:१०; प्रेरित ६:१२-१३; २पत्रुस ३:१०
MAT 24:30 मिनु सरीङमी रागीम जरमेशो आ चिन्‍ड तांइसीब। मिनु नेल्‍ल जात ङा मुरपुकी ङाक्‍नीम। रागीम जरमेशो कली गोस्‍स तारी बाक्‍शा, सक्ति नु ठेयब छेङछेङमी यिशो ताइनीम। प्रकाश १:७; मत्ती २६:६४; दानीएल ७:१३-१४; प्रकाश १९:११-१३
MAT 24:31 मिनु रागीम जरमेशोमी परमप्रभु यावे आ स्‍वर्ग ङा गेय पाइब आन कली तुराही ताप्‍पा, रागी तेइ तेइ रे परमप्रभु यावे आ योव़शो नेल्‍ल आन कली खुप्‍शा चाक्‍थ सोइक्‍ब।
MAT 24:32 फोव़शी रवा कोव़शा शेंसीने। फोव़शी रवा आ कोच्‍वा दाप्‍शा कुशो तनीनु, बर्खा ओव़माक्‍त, दे तुइक्‍नीनी।
MAT 24:33 आं देंशो लोव़ थमा दुम्‍शो तनीनु, आ जाक्‍ची जाक्‍माक्‍त, दे तुइक्‍नीनी।
MAT 24:34 नोफा दाइश्‍शा नेनीने, एको जात मनुप्‍थु, आं देंशो थमा दुम्‍ब।
MAT 24:35 सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६
MAT 24:36 मोदेंशो गेना दुम्‍बा, सुइमी मतुइक्‍नीम। परमप्रभु यावे आ स्‍वर्ग ङा गेय पाइबपुकीमी यो मतुइक्‍नीम। तौमी यो मतुइक्‍ब। आफोमी ला तुइक्‍ब। प्रेरित १:७
MAT 24:37 रागीम जरमेशो जाक्‍मेनु, मुरपुकीमी नोआह आ पालामी पशो खोदेंशो पाइनीम। लूका १७:२६-२७; उत्‍पत्ती ६:९-७,२३
MAT 24:38 नोआह आ ठेयब डोंगा मओव़म सम्‍म मुरपुकीमी जना जन, तूना तून, ग्‍युंबे पना पन नु ग्‍युंबे पांइसीन सीन बाक्‍शो बाक्‍मा बाक्‍त।
MAT 24:39 नेल्‍ल आन कली ब्‍वाक्‍कुमी मयोल्‍दा सम्‍म मारेइ मतुइश्‍शो बाक्‍मा बाक्‍त। रागीमी जरमेशो आ जाक्‍ची नाक्‍त यो मोदेंशो दुम्‍ब।
MAT 24:40 वोंइश मुर निक्‍शी रूमी बाक्‍नीसी, का लाइक्‍चा पुंइसीब, का प्रोंइशा वोइक्‍चा पुंइसीब।
MAT 24:41 मीश मुर निक्‍शी यात हिल्‍ना हिल्‍न बाक्‍नीसी, का लाइक्‍चा पुंइसीब, का प्रोंइशा वोइक्‍चा पुंइसीब। लूका १७:३५
MAT 24:42 इन प्रभु गेना जाक्‍बा, दे मतुइक्‍नीनी। मोपतीके गेना हना यो सासीशा बाक्‍कीन। मत्ती २५:१३
MAT 24:43 खिं ङा मुरुमी ‘आपो नाक्‍दो खुइपुकी खुइ पथ जाक्‍नीम’ दे तुइक्‍ताक्‍व हना, मेको नाक्‍दो मइप्‍थु बाक्‍शा, खुइ पचा मगेन वा। १थिस्‍सलोनिकी ५:२
MAT 24:44 गेना हना यो सासीशा बाक्‍कीन। मारदे हना रागीम जरमेशो इन मतुइक्‍थु जाक्‍ब।
MAT 24:45 होव़पमी आ खिं कोव़ब कली जची जाक्‍मेनु, जचा गेचा, दे अरेशा वोइक्‍चा पुंइसीशो खोदेंशो रिम्‍शो थुं पाइश्‍शो गेय पाइब सु बाक्‍बा?
MAT 24:46 आ होव़प लेश्‍शा जाक्‍शा, आ गेय पाइबमी आ देंशो टिशा पशो तशा ‘रिम्‍शो’ पाप्‍तीवी देंब।
MAT 24:47 नोफा दाइश्‍शा नेनीने, होव़पमी आइक्‍के बाक्‍शो नेल्‍ल मेको आ गुइमी जिम्‍मा गेब। मत्ती २५:२१-२३
MAT 24:48 मरिम्‍शो थुं पाइश्‍शो गेय पाइबमी चहिं आ होव़प लम नोले ‘इच्‍ची ना मजाक्‍ब’ दे मिम्‍शा, २पत्रुस ३:४
MAT 24:49 अरु गेय पाइब आन कली जिचा पोक्‍शा, श्‍येत गेशा तुप्‍शा, शांबु राकसी दुक्‍ब नु काथा बाक्‍शा पाइब।
MAT 24:50 आ ममिम्‍शो मतुइश्‍शो नाक्‍त खिं ङा होव़प लेश्‍शा जाक्‍ब।
MAT 24:51 मिनु मेको कली तुप्‍शा, फस सेल्‍शा कपटीपुकी नु काथा वोइक्‍ब। मेकेर मुरपुकी आन ख्रुइ शेप्‍शा ङाक्‍नीम।
MAT 25:1 स्‍वर्ग ङा राज्‍य ओदेंशो दुम्‍ब, १० जना मीश आलमी तेल बत्ती कुरशा, ग्‍युम्‍ले ग्रुम्‍थ लाइनीम। लूका १२:३५-३६; प्रकाश १९:७
MAT 25:2 ५ जना निप्‍स पाइश्‍शो बाक्‍नीम। ५ जना चहिं निप्‍स मपाइश्‍शो बाक्‍नीम।
MAT 25:3 निप्‍स मपाइश्‍शोपुकीमी बत्ती कुरशा तेल मकुरनीम।
MAT 25:4 निप्‍स पाइश्‍शोपुकीमी चहिं तेल यो कुरनीम।
MAT 25:5 मिनु ग्‍युम्‍ले जाक्‍ची जाक्‍शा यो मजाक्‍मेनु, नेल्‍ल मुकु जिशा इप्‍नीम।
MAT 25:6 मिनु १२ बजे नाक्‍दो ‘ग्‍युम्‍ले जाक्‍त, ग्रुम्‍थ लन’ देंशा ब्रेश्‍शो नेंनीम।
MAT 25:7 मिनु छुल छाल बोक्‍शा, आन बत्ती का का पा जेत्‍नीम।
MAT 25:8 मिनु निप्‍स मपाइश्‍शोपुकीमी निप्‍स पाइश्‍शो आन कली ‘आंइ बत्ती काप्‍चा चिक्‍ताक्‍म, इच्‍ची खोइ तेल आंइ कली यो गेचा नकी’ दे पुंइनीम।
MAT 25:9 तन्‍न निप्‍स पाइश्‍शोपुकीमी ‘गो आंइ कुरशो तेलमी गो नेल्‍ल इं बत्ती आन कली मजाक्‍दीप्‍ब। पसल लशा ग्‍याप्‍शा, चाक्‍शा दाङीन’ देंनीम।
MAT 25:10 मिनु मेकोपुकी तेल ग्‍याप्‍थ लमानु, ग्‍युम्‍ले जाक्‍ब। मिनु लचा कली सासीशा बाक्‍ब आन कली ग्‍युंबे भोज खिंमी ओंइशा, लाप्‍चो चोक्‍नीम। लूका १३:२५
MAT 25:11 मिनु नोले तेल ग्‍याप्‍थ लाइबपुकी यो जाक्‍शा ‘प्रभु, लाप्‍चो रोक्‍शा गेचा नकी’ देंनीम।
MAT 25:12 मिनु प्रभुमी ‘नोफा दाइश्‍शा नेनीने, गो इन कली मतुइक्‍नन्‍नी। सु ननी?’ देंब। मत्ती ७:२३
MAT 25:13 मेको खोदेंशो पा इन प्रभु गेना जाक्‍ब, दे मतुइक्‍नीनी। मोपतीके गेना हना यो सासीशा बाक्‍कीन। मत्ती २४:४२-४४
MAT 25:14 ओदेंशो यो दुम्‍ब, मुर कामी ‘रागी हिरथ लाइनुङ’ दे थुं पशा, लचा ङोंइती आ गेय पाइब आन कली ब्रेश्‍शा, आ शोंप आन गुइमी गेब।
MAT 25:15 आन पने चाप्‍चा ङा गेय तुइश्‍शा, का कली ५ टलेन्‍ट, का कली टलेन्‍ट निक्‍शी, का कली टलेन्‍ट का योक्‍शा गेशा वोइश्‍शा लाइब। रोमी १२:६
MAT 25:16 होव़प गाक्‍म चोटी ५ टलेन्‍ट ताक्‍बमी ग्‍याप्‍तीक लेयतीक पचा गोइब। मिनु मोपा का ङा निक्‍शी सेल्‍ब।
MAT 25:17 टलेन्‍ट निक्‍शी ताक्‍बमी यो में मोपा का ङा निक्‍शी सेल्‍ब।
MAT 25:18 टलेन्‍ट का ताक्‍बमी चहिं आ होव़प आ शोंप लाइश्‍शा थिम्‍शा ख्रुइश्‍शा वोइक्‍ब।टलेन्‍ट का नेल्‍ल क्‍येङा ठेयब क्‍येट बाक्‍ब।
MAT 25:19 मिनु शुश बर्स नोले होव़प लेश्‍शा जाक्‍ब। मिनु आ गेय पाइब आन कली ब्रेश्‍शा ‘दोशो दोशो सेल्‍नी, कोंइदीनी’ दे का का पा हिल्‍लो पाइब।
MAT 25:20 मिनु ५ टलेन्‍त ताक्‍बमी आ ङोंइती जाक्‍शा ‘हजुर, ५ टलेन्‍त गेतीनी। मिनु मार मार पा गो अर्को ५ टलेन्‍ट सेल्‍ता। मुल १० दुम्‍त’ देंमेनु,
MAT 25:21 आ होव़पमी ‘रिम्‍शो पाप्‍तीवी। थमा सुइक्‍चा पुंइसीशो बाक्‍ते। इच्‍ची खोइ तशोमी शुश सेल्‍शा, रिम्‍शो गेय पाप्‍तीवी। मोपतीके शुश अधिकार गेनन। ग्‍येरसीशा बाक्‍स’ देंब। मत्ती २४:४५-४७
MAT 25:22 मिनु टलेन्‍ट निक्‍शी ताक्‍बमी जाक्‍शा ‘हजुर, टलेन्‍ट निक्‍शी गेतीनी। मिनु मार मार पशा, अर्को टलेन्‍ट निक्‍शी सेल्‍ता। मुल ४ दुम्‍त’ देंमेनु,
MAT 25:23 मेको कली यो ‘रिम्‍शो पाप्‍तीवी। इच्‍ची खोइ तशोमी शुश सेल्‍शा, रिम्‍शो गेय पाप्‍तीवी। थमा सुइक्‍चा पुंइसीशो बाक्‍ते। मोपतीके शुश अधिकार गेनन। ग्‍येरसीशा बाक्‍स’ देंब।
MAT 25:24 मिनु टलेन्‍ट का ताक्‍ब जाक्‍शा ‘हजुर, गे शिशी मपाइनीनी। मशोक्‍शो रिक्‍नीनी, मक्राप्‍शो खुप्‍नीनी, दे तुइश्‍शो नङ।
MAT 25:25 मोपतीके गो हिंती। मिनु इन टलेन्‍ट ताक्‍शा, मारेइ मपथु, थिम्‍शा ख्रुइश्‍शा वोइक्‍ता। मुल फेश्‍शा चाक्‍ता। लतीन’ देंब।
MAT 25:26 मिनु आ होव़पमी ‘मरिम्‍शो थुं पाइश्‍शो अल्‍से, गोमी मशोक्‍शो रिक्‍नुङ, मक्राप्‍शो खुप्‍नुङ, दे तुइश्‍शो नवे हना, एको आं गेशो टलेन्‍ट का लाइश्‍शा, अरु आन कली गेशा, आ चाइक्‍ब पपाइक्‍चा ममाल्‍नेवे ङा?
MAT 25:27 मो पशो नवे हना, आं टलेन्‍ट क्‍येङा यो आ चाइक्‍ब ताक्‍चा तङ वा।
MAT 25:28 एको टलेन्‍ट ताक्‍शा, ५ टलेन्‍टमी १० टलेन्‍ट सेल्‍ब कली तेम्‍शा गेचा’
MAT 25:29 मारदे हना शुश थीब आन कली तेम्‍शा, शुश बारपा गेचा पुंइसीनीम। इच्‍ची खोइ थीब आन इच्‍ची खोइ यो रोइक्‍चा पुंइसीनीम। मत्ती १३:१२; हितोपदेस ११:२४-२५
MAT 25:30 एको काम मलाप्‍शो अल्‍से कली ग्रुंइशा, लाङगा ङा छिङछिङमी ताइक्‍तीने। मेकेर मुरपुकी आन ख्रुइ शेप्‍शा ङाक्‍नीम।
MAT 25:31 रागीम जरमेशो परमप्रभु यावे आ स्‍वर्ग ङा गेय पाइबपुकी नु आ छेङछेङमी जाक्‍शा, आ ठेयब नित्‍तीकेम निस्‍सीब। मत्ती १६:२७; प्रकाश २०:११-१३
MAT 25:32 मिनु आ ङोंइती नेल्‍ल रागी ङा मुर खुम्‍सीनीम। गोठलामी भेडा नु क्‍यारश आन कली ग्‍युरा नु पेरा गे तिल्‍शो खोदेंशो पा रोमी १४:१०; मत्ती १३:४९
MAT 25:33 पिपमी भेडा आन कली ग्‍युरा गे क्‍यारश आन कली पेरा गे वोइक्‍ब। इजीकीएल ३४:१७
MAT 25:34 मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।
MAT 25:35 मारदे हना गेपुकीमी गो जचा मतथु बाक्‍ङानु, जचा गेतीनी। तूतू दाक्‍ङानु, तूचा गेतीनी। इन मतुइश्‍शो मुर इन खिं जाक्‍ङानु, बाक्‍चा गेतीनी। यसैया ५८:७
MAT 25:36 फेक्‍चा मतङानु, फेक्‍चा गेतीनी। रोइ पङानु, कोव़तीनी। जेल्‍खानमी चोक्‍शा वोइय्‍यीमीनु, ग्रुम्‍थ जाक्‍तीनी’ देंब।
MAT 25:37 मिनु मेकोपुकीमी ‘प्रभु, इन कली गेना जचा मतनीनु, जचा गेका, तूचा मतनीनु तूचा गेका,
MAT 25:38 मतुइश्‍शो बाक्‍नीनु, बाक्‍चा गेका, फेक्‍चा मतनीनु, फेक्‍चा गेका,
MAT 25:39 गेना इन कली रोइ पशा नु जेल्‍खानमी चोक्‍सीनीनु, ग्रुम्‍थ जाक्‍का ङा?’ देंनीम।
MAT 25:40 मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११
MAT 25:41 मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५
MAT 25:42 मारदे हना गो जचा मतङानु, जचा मगेयीनी। तूतू दाक्‍ङानु, तूचा मगेयीनी।
MAT 25:43 इन मतुइश्‍शो मुर इन खिंमी जाक्‍ङानु, बाक्‍चा मगेयीनी। फेक्‍चा मतङानु, फेक्‍चा मगेयीनी। रोइ पङानु, जेल्‍खानमी चोक्‍शा वोइय्‍यीमीनु, ग्रुम्‍थ मजाक्‍नी’ देंब।
MAT 25:44 मिनु मेकोपुकीमी यो लोव़ लेश्‍शा ‘प्रभु, गेना इन कली जचा मतशो, तूचा मतशो, बास माल्‍शा गाक्‍शो, फेक्‍चा मतशो, रोइ पा बाक्‍शो, जेल्‍खानमी चोक्‍शा वोइश्‍शो तका नु वारच मपका ङा?’ देंनीम।
MAT 25:45 मिनु पिपमी मेको आन कली ‘नोफा दाइश्‍शा नेनीने, महिक्‍शो आइक्‍च मुर आन कली मार मार वारच मपनीनु, मेको आं कली यो मपनी’ देंब।
MAT 25:46 मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३
MAT 26:1 मिनु येसुमी लोव़ नेल्‍ल शेंने थुम्‍शा, आ शेंसीब आन कली
MAT 26:2 “नित्‍थ नाक्‍त पास्‍सा चाड बाक्‍ब, दे तुइक्‍नीनी। मिनु रागीम जरमेशोमी शीमी केप्‍शा कांटी थोक्‍शा क्‍याइश्‍शा साइक्‍चा कली जिम्‍मा गेचा पुंइसीब” देंत। प्रस्‍थान १२:१-२०; मत्ती २०:१८
MAT 26:3 मेना नेल्‍ल क्‍येङा ठेयब चढ़ेब काइयाफास आ खिंमी ठेयब चढ़ेब नु जोक्‍ब तुइक्‍ब खाल्‍पापुकी खुम्‍सीमा बाक्‍त। लूका ३:१-२
MAT 26:4 मेकोपुकीमी “मुर आन मतुइक्‍थु येसु कली दोपा ग्‍याइश्‍शा साइक्‍पाइक्‍चा” दे सल्‍ला पामेनु
MAT 26:5 “पास्‍सा नाक्‍त साइक्‍पाइक्‍चा मदुम्‍ब। मारदे हना मुरपुकीमी जिचा पोक्‍नीम” देंमुमा बाक्‍त।
MAT 26:6 काबु येसु नु आ शेंसीबपुकी बेथानी ङा कोर पशो सिमोन आ खिंमी खमे जना जन बाक्‍मानु,
MAT 26:7 मीश मुर कामी ब्रोव़शो रिना पाइब शुश क्‍येट लाइब तेल कुरशा जाक्‍शा, मेको तेल येसु आ पियामी लुक्‍ताक्‍व।
MAT 26:8 मिनु येसु कली तेल लुक्‍शो तशा, आ शेंसीबपुकीमी “ओदेंशो तेल मारदे मो पवा?
MAT 26:9 लेयशा हना, शुश क्‍येट पी वा। मिनु श्‍येत जशो आन कली योक्‍शा, वारच पने जाम वा” दे आन थुं मनुमा बाक्‍त।
MAT 26:10 मिनु येसुमी मेको आन थुं मनुशो तुइश्‍शा “एको मीश मुर कली मारदे आ थुं खाइक्‍पाइक्‍नीनी? आं कली थम रिम्‍शो पाइक्‍ती।
MAT 26:11 श्‍येत जशो मुर गेना हना यो थित्‍नीनी, आं कली चहिं मथित्‍नीनी। ब्‍यवस्‍था १५:११
MAT 26:12 एको तेल लुक्‍शोमी आं रां थिम्‍चा कली साशो दुम्‍त।
MAT 26:13 नोफा दाइश्‍शा नेनीने, रागीमी तेक तेक आं लोव़ नेंपाइक्‍नीमी, मेक मेक एको मीश मुर आ पशो आ पर्बम यो लोव़ पाइनीम” देंत।
MAT 26:14 मिनु इस्‍कारीयोत ङा यहूदा येसु आ शेंसीब का ठेयब चढ़ेब आन कली ग्रुम्‍थ लशा
MAT 26:15 “येसु कली इन गुइमी ग्‍याइक्‍पाइक्‍ता हना, दोशो गेनीनी” देंमेनु, ३० टुक्रा चांदी गेमे बाक्‍त। यूहन्‍ना ११:५७; जकरिया ११:१२
MAT 26:16 मिनु मेको चांदी ताक्‍गा रे “गेना नु दोपा ग्‍याइक्‍चा वारच पदुमी” दे योव़की पना पन गाक्‍माक्‍त।
MAT 26:17 मिनु बोरब ओख्‍ती मसुप्‍शो शोब्‍ले जची नाक्‍त येसु आ शेंसीबपुकीम “पास्‍सा मानेचा कली ते साचा, मार देंनीनी” दे हिल्‍लो पाम्‍तेक्‍म। प्रस्‍थान १२:१८-२०
MAT 26:18 येसुमी “सहर लशा, आं कली तुइक्‍ब मुर कली ग्रुम्‍शा ‘शेंबमी आं कली दुम्‍चा माल्‍शो मुल दुम्‍चाप्‍तु। मोपतीके इन खिंमी बास गेशा, आं शेंसीब नु काथा बाक्‍शा, पास्‍सा मानेचा गेयी, दे पुंइथ सोइक्‍ताक्‍की’ दे मतीन” दे सोइक्‍ताक्‍मी। मत्ती २१:३
MAT 26:19 मिनु शेंसीबपुकीमी येसु आ देंशो खोदेंशो पा पास्‍सा मानेचा कली नेल्‍ल साताक्‍म।
MAT 26:20 मिनु नां रिक्‍मेनु, येसु आ शेंसीबपुकी नु काथा जचा कली निस्‍साक्‍व।
MAT 26:21 मिनु जना जन बाक्‍मानु, येसुमी “नोफा दाइश्‍शा नेनीने, मुल एक बाक्‍ब कामी आं कली ग्‍याइक्‍ब आन वारच पाइब दुम्‍ब” देंत।
MAT 26:22 मिनु नेल्‍लेमी शुश मरिम्‍शो लाक्‍शा “हे प्रभु, मेको वारच पाइब गो दुम्‍नुङा?” दे का का पा हिल्‍लो पाम्‍तेक्‍म।
MAT 26:23 मिनु येसुमी “गो नु कालेम शोब्‍ले शेक्‍कुम तेप्‍बमी आं कली ग्‍याइक्‍पाइक्‍चा वारच पाइब।
MAT 26:24 रागीम जरमेशो आ पर्बमी ब्रेक्‍शो साइ नेसी ङा लोव़ नेल्‍ल थमा दुम्‍चा माल्‍ब। मो दुम्‍चा माल्‍शो बाक्‍त हना यो, ग्‍याइक्‍पाइक्‍चा वारच पाइब कली थमा मरिम्‍शो दुम्‍ब। मोदेंशो पाइब मुर मजरमेशो हना, मेको कली रिम्‍शो दुम्‍ब वा” देंत। लूका १७:१-२
MAT 26:25 मिनु ग्‍याइक्‍चा वारच पाइब यहूदामी यो “शेंब, मेको गो दुम्‍नुङा?” देंमेनु “आंमा तुइक्‍नेवे” दे माइक्‍तु।
MAT 26:26 मिनु जना जन बाक्‍मानु, येसुमी आ गुइमी शोब्‍ले शेशा “गे रिम्‍शो पाइब बाक्‍नीनी” दे प्रार्थना पशा जिक्‍शा, शेंसीब आन कली योक्‍शा “दांइ‍सीने, ताक्‍शा जने। एको आं रां बाक्‍ब” देंत। १कोरिन्‍थी १०:१६; १कोरिन्‍थी ११:२३-२५
MAT 26:27 मिनु कचौरा शेशा “गे रिम्‍शो पाइब बाक्‍नीनी” दे प्रार्थना पशा, मेको आन कली तूचा गेशा “गे नेल्‍लेमी तूङीने।
MAT 26:28 एको आं हुश बाक्‍ब। आं हुशेमी परमप्रभु यावे आ नक कबल खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; येरमीया ३१:३१; हिब्रू ९:१५-१६
MAT 26:29 मुल ङा मेरे एको अङगुर रस मतूनुङ, नोले नेल्‍ल नक दुम्‍शा, आं आफ आ राज्‍यमी गेपुकी नु काथा बाक्‍शा ला तूनुङ, दे इन कली देंनुङ” दे माइक्‍तीमी। भजन संग्रह ११३:-११८:-
MAT 26:30 मिनु कुम्‍सो का पशा ङा मीन, मेकेर रे गाक्‍शा, जैतून डांडा ग्‍येत्‍थ लाम्‍तेक्‍म।
MAT 26:31 मिनु येसुमी “आपो नाक्‍दो गे नेल्‍लेमी आं कली तशा, इन थुं ग्‍याइक्‍नीनी। मारदे हना साइ नेसी ओदें ब्रेक्‍शो बाक्‍ब। ‘गो गोठला कली तुप्‍शा क्रेक्‍नुङ। मिनु भेडापुकी प्रोक्‍शा साव सुव ब्राइनीम’ दे ब्रेक्‍शो लोव़ थमा दुम्‍ब। जकरिया १३:७; यूहन्‍ना १६:३२
MAT 26:32 नोले गो बेक्‍शो रे सेंपाइक्‍चा पुंइसीशा, इन ङोंइती गालील रागीमी जाक्‍दीत्‍नुङ” देंत। मत्ती २८:७
MAT 26:33 मिनु पत्रुसमी “मेको नेल्‍लेमी इन कली प्रोंइशा प्रोक्‍तेक्‍म हना यो, गो मप्रोंइनन्‍नी” देंमेनु,
MAT 26:34 येसुमी “नोफा दाइश्‍शा नेनो, आपो नाक्‍दो भाले ग्रीचा ङोंइती खेयप सां सम्‍म ‘मेको कली मतुइक्‍नुङ, सु बाक्‍मे?’ दे आं पर्बम देंनेवे” देंत। यूहन्‍ना १३:३८
MAT 26:35 मिनु पत्रुसमी “मप्रोंइनन्‍नी। गे नु काथा बाक्‍शा, साइक्‍चा पुंइसाक्‍ङ हना यो, गेनायो मप्रोंइनन्‍नी” दे लोव़ थोक्‍शा देंत। मिनु शेंसीब नेल्‍लेमी यो मोन देंतेक्‍म।
MAT 26:36 मिनु गेथ्‍सेमनेमी जाक्‍दीत्‍तेक्‍म। मिनु येसुमी “लो, एक बाक्‍कीने, गो इच्‍का आइक्‍ची लशा, प्रार्थना पशा लेश्‍शा पीनुङ” देंत।
MAT 26:37 पत्रुस नु जब्‍दी आ तौ निक्‍शी, सां आन कली इच्‍ची आइक्‍ची लाइक्‍तु। मेना येसु आ थुं शुश खाइश्‍शो बाक्‍‍माक्‍त। मत्ती १७:१; हिब्रू ५:७
MAT 26:38 मिनु सां आन कली “आं थुं शुश खाइश्‍शा, बेक्‍चा ङा दुम्‍ती। मुल एकेर मइप्‍थु गो नु काथा बाक्‍कीन” देंमाक्‍त। यूहन्‍ना १२:२७
MAT 26:39 मिनु इच्‍का ङोंइती लशा, खुम्‍की पा खपीम बाप्‍शा “आं आफ, दुम्‍ब हना, एको कचौरा आं कली मतूपाइक्‍थु सोइक्‍तीने। तन्‍न आं दाक्‍शो मदुम्‍ल, इन दाक्‍शोन दुम्‍ल” दे प्रार्थना पशा, लेश्‍शा जाक्‍माक्‍त। यूहन्‍ना १८:११; यूहन्‍ना ६:३८; हिब्रू ५:८
MAT 26:40 मिनु लेश्‍शा जाक्‍मेनु, सांफा आन कली इप्‍शो तामी बाक्‍त। मिनु पत्रुस कली “छिन का यो मइप्‍थु, बाक्‍ने मचाप्‍नी? लो, सेंसीने।
MAT 26:41 थुं थाम्‍चा पुंइसीनीनु, पाप मपय, दे प्रार्थना पने। थुंमी पाइनुङ चाप्‍नुङ देंब, तन्‍न रांमी फाल्‍ने मचाप्‍ब” देंमाक्‍त। एफिसी ६:१८; हिब्रू २:१८
MAT 26:42 मिनु लेंशा इच्‍का आइक्‍ची लशा “आं आफ, गोमी एको मतूथु सोइक्‍चा मदुम्‍बाक्‍त हना, इन दाक्‍शो दुम्‍ल” दे प्रार्थना पवा बाक्‍त।
MAT 26:43 मिनु लेश्‍शा जाक्‍मेनु, निन्‍द्रामी दुक्‍शा बाक्‍शो तामी बाक्‍त।
MAT 26:44 मिनु मेको आन कली निन्‍द्रामी दुक्‍शो तशा, लेंशा लशा ङोंइती ङा पशो खोदेंब पा प्रार्थना पवा बाक्‍त। २कोरिन्‍थी १३:८
MAT 26:45 मिनु लेश्‍शा, शेंसीब आन बाक्‍तीकेमी जाक्‍शा, मेको आन कली “इन दशो सानी, दे मुल यो इप्‍शो बाक्‍नी? तुइक्‍तीन, रागीम जरमेशो पापी आन गुइमी गेचा पुंइसीचा चिक्‍ताक्‍व।
MAT 26:46 बोक्‍कीन, लय। आं कली ग्‍याइक्‍पाइक्‍चा कली वारच पाइब जाक्‍चाप्‍तु” देंत।
MAT 26:47 मो देंमेनु, आ शेंसीब यहूदामी ठेयब चढ़ेब नु जोक्‍ब तुइक्‍ब खालपापुकीमी सोइश्‍शो हुलमी तरवार कोक्‍के कुरशा, येसु कली ग्‍याइक्‍थ चाक्‍तीमी।
MAT 26:48 यहूदामी “सु कली पुक्‍पु पदु, मेको कली ग्‍याइक्‍चा” दे ग्‍याइक्‍थ जाक्‍ब आन कली तुइक्‍पाइश्‍शो बाक्‍माक्‍त।
MAT 26:49 मिनु यहूदामी जाक्‍शा, येसु कली “रब्‍बी” दे बे मुप्‍शा पुक्‍पु पाइक्‍तु।
MAT 26:50 मिनु येसुमी “आं वारच, मार पथ जाक्‍ङे लो पावो” देंत। मिनु ग्‍याइक्‍थ जाक्‍बपुकीमी येसु कली ग्‍याइक्‍ताक्‍म।
MAT 26:51 मिनु येसु नु काथा बाक्‍ब कामी तरवार ग्रि शोइश्‍शा, ठेयब चढ़ेब आ गेय पाइब का आ नोफा दि ख्रोइक्‍तु।
MAT 26:52 मिनु येसुमी “इ तरवार पिप्‍तो। मारदे हना तरवारम साइक्‍ब, तरवारमी साइक्‍चा पुंइसीब। उत्‍पत्ती ९:६
MAT 26:53 आं आफ कली ‘आफ, इन स्‍वर्ग ङा गेय पाइब हजार हजार आन कली सोइश्‍शा, आं कली वारच पा प्रोंइपाइय्‍यीनी’ दे पुंइता हना, गिश हना यो सोइश्‍शा, आं कली प्रोंइपाइक्‍ब, दे मतुइक्‍नीनी? १२ खेयप ६ हजार स्‍वर्ग ङा गेय पाइब ब्रेक्‍शो बाक्‍ब। मत्ती ४:११
MAT 26:54 मोदें पुंइता हना, साइ नेसी ङा लोव़ दोपा थमा दुम्‍ने चाप्‍बा ङा?” दे माइक्‍तु।
MAT 26:55 मिनु येसुमी हुल आन कली “तरवार कोक्‍के कुरशा, खुइ पाइब कली ग्‍याइक्‍थ जाक्‍शो खोदेंब पा आं कली ग्‍याइक्‍थ जाक्‍नी? नाक्‍त किंत किंत परमप्रभु यावे आ खिंमी मुर आन दातेमी शेंना शेंन बाक्‍ङानु, मग्‍याइक्‍तीनी।
MAT 26:56 परमप्रभु यावे आ लोव़ पाइब आन ब्रेक्‍शो लोव़ नेल्‍ल थमा दुम्‍चा माल्‍ब, मोपतीके आं कली ओदेंशो दुम्‍चा माल्‍ब” दे माइक्‍तीमी। मिनु आ शेंसीबपुकी येसु कली प्रोंइशा, साव सुव ब्राशा प्रोक्‍तेक्‍म।
MAT 26:57 मिनु येसु कली ग्‍याइक्‍बपुकीमी मेकेर रे लाइश्‍शा, नेल्‍ल क्‍येङा ठेयब चढ़ेब काइयाफास आ खिंमी चाक्‍दीत्‍मे बाक्‍त। मेकेर सास्‍त्री नु जोक्‍ब तुइक्‍ब खाल्‍पा नेल्‍ल खुम्‍सीशा बाक्‍शो बाक्‍मा बाक्‍त।
MAT 26:58 पत्रुस यो आन नोनोले खोइश्‍शा, मेकेर जाक्‍दीम्‍माक्‍त। मिनु लाङगा ओव़शा, नेल्‍ल क्‍येङा ठेयब चढ़ेब आ गेय पाइबपुकी नु काथा बाक्‍शा, मिनु गेपुकी परमप्रभु यावे, इन परमप्रभु कली इन थुं नेल्‍लेमी, इन सोक्‍त नेल्‍लेमी नु इन बोल नेल्‍लेमी दाक्‍चा माल्‍नीनी। कली मार पाइनीमी, मार देंनीमी, दे कोव़शा बाक्‍माक्‍त।
MAT 26:59 मिनु ठेयब चढ़ेब नु जोक्‍ब तुइक्‍ब खालपापुकी मार पामे बाक्‍त देंशा हना, कछडी वोइश्‍शा, जोल पा दोस गेचा माल्‍मे बाक्‍त। मारदे हना येसु कली साइक्‍पाइक्‍चा माल्‍शो बाक्‍मा बाक्‍त।
MAT 26:60 मिनु सांकछीपुकी शुश चाक्‍शा यो, मेको आन लोव़ मगारमाक्‍त। मोपतीके दोसी सेल्‍ने मचाप्‍बमे बाक्‍त। नोले सांकछी निक्‍शी आस लोव़
MAT 26:61 “एको ग्‍याइश्‍शो मुरुमी साबेर मार देंत देंशा हना ‘परमप्रभु यावे आ खिं प्रेश्‍शा, नाक्‍त सांमी नक सेल्‍नुङ’ देंत” देंसा बाक्‍त। प्रेरित ६:१४; यूहन्‍ना २:१९-२१
MAT 26:62 मिनु नेल्‍ल क्‍येङा ठेयब चढ़ेबमी बोक्‍शा, येसु आ ङोंइती राप्‍शा “मेको निक्‍शीमी इ पर्बम देंशो लोव़ नेंशा, मार देंनेवे?” देंमेनु, येसुमी मारेइ मदेंमाक्‍त।
MAT 26:63 मिनु नेल्‍ल क्‍येङा ठेयब चढ़ेबमी “ब्रोंइशा बाक्‍ब परमप्रभु यावे आ नेंमी हिल्‍लो पाइनन, गे परमप्रभु यावे आ तौ ख्रीस्‍त नवे, दे मनवे?” देंमेनु, मत्ती २७:१२; यूहन्‍ना १०:२४
MAT 26:64 येसुमी “गे आंमा देंतीनी। मुल ङा मेरे रागीम जरमेशो कली नेल्‍ल सक्ति पाइश्‍शो आ ग्‍युरामी बाक्‍शो ताइनीनी। गोस्‍स तारी बाक्‍शा, यिना यिन पशो ताइनीनी, दे गो इन कली देंनुङ” दे मदा बाक्‍त। भजन संग्रह ११०:१; मत्ती १६:२७; मत्ती २४:३०; दानीएल ७:१३
MAT 26:65 मिनु नेल्‍ल क्‍येङा ठेयब चढ़ेबमी आ फेक्‍शो वा खाक्‍शा “ये, परमप्रभु यावे कली शुक्‍शी लोव़ पाइबाक्‍त। मार सांकछी लोव़ माल्‍दा ङा? आ शुक्‍शी पशो लोव़ गे नेल्‍लेमी नेंशा, सांकछी दुम्‍तीनी। लेवी २४:१६; यूहन्‍ना १०:३३; यूहन्‍ना १९:७
MAT 26:66 मार पय, मिनु?” देंमेनु “साइक्‍चा पुंइसीब” देंमा बाक्‍त।
MAT 26:67 मिनु साइक्‍चा पुंइसीब देंमानु, का निक्‍शीमी आ कुल तोक्‍तमे बाक्‍त, का निक्‍शीमी तुप्‍मे बाक्‍त, का निक्‍शीमी चोव़चो राप्‍शा यसैया ५०:६
MAT 26:68 “ए ख्रीस्‍त, सुमी राम्‍मे, लो देन” दे शुक्‍शी पा मरिम्‍शो पदमे बाक्‍त।
MAT 26:69 मेना पत्रुस लाङगामी बाक्‍माक्‍त। मिनु गेय पाइब मीश मुर कामी “गे यो गालील ङा येसु नु काथा गाक्‍ब का नवे” देंमेनु,
MAT 26:70 मेकेर बाक्‍ब नेल्‍लेमी नेंचा ङा पा “इ देंशो मरुबु। मार लोव़ पवी?” देंमाक्‍त।
MAT 26:71 मिनु लाङगामी ग्रूमेनु, मेकेर गेय पाइब मीश मुर कामी “नासरथ ङा येसु नु काथा गाक्‍ब का एको यो बाक्‍माक्‍त” दे मेकेर बाक्‍ब आन कली देंमाक्‍त।
MAT 26:72 मिनु पत्रुसमी “मेको मुर कली मतुइक्‍नुङ” दे कसम जशा आ लोव़ थोक्‍शा देंमाक्‍त।
MAT 26:73 मिनु मेको एर ओंथ बाक्‍बपुकी जाक्‍शा, पत्रुस कली “गे यो काथा गाक्‍ब का बाक्‍ङे बाक्‍त। इ ब्‍वाक्‍स नेंशा, गालील ङा बाक्‍ङे बाक्‍त, दे तुंइ‍सीब” दे मदमे बाक्‍त।
MAT 26:74 मिनु पत्रुसमी “जोल पाता हना, परमप्रभु यावेमी सजाइ गेयील, एको मुर कली तुंइ‍सीन मतुइक्‍नुङ” दे कसम जशा, आ लोव़ थोक्‍शा देंमाक्‍त। मो देंमेनु, भाले ग्रीमाक्‍त।
MAT 26:75 मिनु पत्रुसमी “भाले ग्रीचा ङोंइतीन सां खेयप सम्‍म मेको मुर कली मतुइक्‍नुङ, देंनेवे” दे येसुमी देंशो ति फ्रुक्‍गा बाक्‍त। मिनु ग्रूशा शुश ङाक्‍माक्‍त।
MAT 27:1 मिनु नां सोव़मेनु, ठेयब चढ़ेब नु जोक्‍ब तुइक्‍ब खाल्‍पापुकीमी येसु कली साइक्‍पाइक्‍चान, दे सल्‍ला पामे बाक्‍त।
MAT 27:2 मिनु फ्रेंशा लाइश्‍शा, पिलातस, सरकार ङा ठेयब मुर आ गुइमी जिम्‍मा गेमे बाक्‍त।
MAT 27:3 ग्‍याइक्‍पाइक्‍चा वारच पाइब यहूदामी येसु कली साइक्‍चा, दे उजुर पाम्‍तेक्‍म देंशो नेंशा “मरिम्‍शो पङा बाक्‍त। मार पचा ङा मुल” दे ठेयब चढ़ेब नु जोक्‍ब तुइक्‍ब खाल्‍पा आन कली परमप्रभु यावे आ खिंमी ग्रुम्‍थ लशा मत्ती २६:१५
MAT 27:4 “रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।
MAT 27:5 मिनु चांदी मेको आन ङोंइती ताइश्‍शा, मेकेर रे फो ग्रूशा लशा, ग्‍युक्‍‍शा बेक्‍माक्‍त। प्रेरित १:१८-१९
MAT 27:6 ठेयब चढ़ेबपुकीमी मेको ताइश्‍शो चांदी गुप्‍शा “परमप्रभु यावे कली चढ़ेशो क्‍येट नु काथा वोइक्‍चा मदुम्‍ब। मारदे हना हुश के दाम बाक्‍ब” देब्‍यवस्‍था २३:१९
MAT 27:7 सल्‍ला पशा, खप के ग्‍योंब सेल्‍ब आ रू का ग्‍याप्‍मे बाक्‍त। मेको रू यहूदी धर्म मपाइब यरूसलेममी बेक्‍शो मुर आन कली थिम्‍तीके पामे बाक्‍त।
MAT 27:8 मेको रू कली मुल सम्‍म “हुश रू” देंसीब।
MAT 27:9 मोदेंशो आन पशोमी साइ नेसी परमप्रभु यावे आ लोव़ पाइब येरमीयामी ब्रेक्‍शो लोव़ थमा दुम्‍त। आ ब्रेक्‍शो लोव़ चहिं ओदेंशो बाक्‍ब “इस्राएल आ खिं ङा मुरपुकीमी एको मुर आ मोल ३० टुक्रा चांदी ङा बाक्‍ल देंतेक्‍म।
MAT 27:10 मिनु ३० टुक्रा चांदी लाइश्‍शा, खप के ग्‍योंब सेल्‍ब आ रू ग्‍याप्‍तेक्‍म, दे परमप्रभु यावेमी लोव़ पपाइक्‍ती” दे ब्रेक्‍शो बाक्‍ब। येरमीया ३२:९, जकरिया ११:१२-१३
MAT 27:11 येसु सरकार ङा ठेयब मुर आ ङोंइती राम्‍मेनु, मेकोमी “यहूदी आन पिप नवे?” दे हिल्‍लो पवानु “गे आंमा देंतीनी” देंमाक्‍त।
MAT 27:12 मिनु ठेयब चढ़ेब नु जोक्‍ब तुइक्‍ब खालपापुकीमी शुश दोस गेमेनु, ब्‍वालेइ पा बाक्‍माक्‍त। मत्ती २६:६३; यसैया ५३:७
MAT 27:13 मिनु पिलातसमी येसु कली “एकोपुकीमी इ कली शुश दोस गेशा, लोव़ पशो मनेंनी?” देंमेनु,
MAT 27:14 लोव़ का यो मलेत्‍ता बाक्‍त। मिनु सरकार ङा ठेयब मुर आ छक लाक्‍माक्‍त। यूहन्‍ना १९:९
MAT 27:15 पास्‍सा नाक्‍त सरकार ङा ठेयब मुर आन दाक्‍शो मुर का कली जेल्‍खान रे प्रोंइतीके पशो बाक्‍माक्‍त।
MAT 27:16 बारब्‍बा माइश्‍शो मरिम्‍शो पाइब मुर का चोक्‍सीशो बाक्‍माक्‍त।
MAT 27:17 मिनु सरकार ङा ठेयब मुरुमी “बारब्‍बा कली प्रोंइचा, दे ख्रीस्‍त देंशो येसु कली प्रोंइचा? तेको कली प्रोंइचा?” दे हिल्‍लो पामी बाक्‍त।
MAT 27:18 मारदे हना आन थुं चोशा, येसु कली ग्‍याइक्‍पदमे बाक्‍त, दे तुइक्‍ता बाक्‍त, मोपतीके येसु कली प्रोंइचा माला बाक्‍त। यूहन्‍ना १२:१९
MAT 27:19 मिनु निसाफ पचा कली बाक्‍मेनु, आ मीशेमी “मेको सुइ कली मरिम्‍शो मपाइब कली मारेइ मपतीने। मारदे हना मुलाक्‍दो इम्‍ङानु, मेको आ पर्बम गो शुश श्‍येत जचा ङा ङोमु ताता” दे शोव़थ सोइक्‍ता बाक्‍त।
MAT 27:20 तन्‍न ठेयब चढ़ेब नु जोक्‍ब तुइक्‍ब खाल्‍पापुकीमी मुर आन कली हुल पोक्‍शा “बारब्‍बा कली प्रोंइचा, येसु कली साइक्‍चा” दे रेयके पा पुंइपदमे बाक्‍त।
MAT 27:21 मिनु पिलातसमी “मुल सु कली प्रोंइचा?” देंमेनु “बारब्‍बा कली प्रोंइचा, सरकार” देंमा बाक्‍त।
MAT 27:22 मिनु पिलातसमी “ख्रीस्‍त देंशो येसु कली मार पदु, मिनु?” देंमेनु “शीमी केप्‍शा कांटी थोक्‍शा क्‍याइश्‍शा साइक्‍चा माल्‍ब, सरकार” देंमा बाक्‍त।
MAT 27:23 मिनु “मार मरिम्‍शो पवा, मार दोस गेचा” देंमेनु “शीमी केप्‍शा कांटी थोक्‍शा क्‍याइश्‍शा साइक्‍चा माल्‍ब” दे रेयके पामे बाक्‍त।
MAT 27:24 मुरपुकीमी मोदेंशो रेयके पा प्रेक्‍शो तशा “मुल येसु कली प्रोंइने मचबु” दे मिम्‍शा “एको सुइ कली मरिम्‍शो मपाइब आ हुश इन गुइमी ला लुम्‍सेक्‍ल, आं गुइमी मलुम्‍सेक्‍ल” देंशा, नेल्‍ल आन कुल आ गुइ चिक्‍शा कोंइदीमी बाक्‍त। ब्‍यवस्‍था २१:६
MAT 27:25 मिनु हुलपुकीमी “आंइ कली नु आंइ चच युइ आन कली लुम्‍सेक्‍ल” दे रेयके पामे बाक्‍त। प्रेरित ५:२८
MAT 27:26 मिनु बारब्‍बा कली प्रोंइशा सोइक्‍ता बाक्‍त। येसु कली कोर्राम युक्‍पाइश्‍शा शीमी केप्‍शा कांटी थोक्‍शा क्‍याइश्‍शा साइक्‍चा कली आ सिपाही आन गुइमी जिम्‍मा गेमी बाक्‍त।
MAT 27:27 मिनु सिपाहीपुकीमी येसु कली हेरोद आ दरवार ङा सिपाही बाक्‍तीकेमी चाक्‍दीश्‍शा, आन पल्‍टन नेल्‍ल खुप्‍शा, शुक्‍शी पदमे बाक्‍त।
MAT 27:28 आ फेक्‍शो वा प्रुइश्‍शा, लल वा फेक्‍पा
MAT 27:29 चू के सिरपेच सेल्‍शा, आ पियामी गुप्‍पा, सुन के कोक्‍के, दे किन्‍दा आ ग्‍युरा गुइमी शेपदमे बाक्‍त। मिनु आ ङोंइती आन पोक्‍च थेक्‍शा “हे यहूदी आन पिप, सेउ ताक्‍कीन” दे शुक्‍शी पा सेउ पदमे बाक्‍त।
MAT 27:30 मिनु आ कुलम तोक्‍तमे बाक्‍त। मेको किन्‍दा रोइश्‍शा, आ पियामी तेत्‍मे बाक्‍त। यसैया ५०:६
MAT 27:31 मिनु शुक्‍शी पने थुम्‍शा, लल वा प्रुइश्‍शा, आंमा आ वा फेक्‍पा शीमी केप्‍शा कांटी थोक्‍शा क्‍याइश्‍शा साइक्‍चा कली लदमे बाक्‍त।
MAT 27:32 मिनु लना लन पामेनु, साइरेनी ङा सिमोन नें पाइश्‍शो मुर का ग्रुम्‍मे बाक्‍त। मिनु मेको कली येसु कली क्‍याइक्‍तीक शी “लो, कुर कि कुर” दे कुरपदमे बाक्‍त।
MAT 27:33 मिनु गोल्‍गथा माइक्‍तीकेमी चाक्‍दीत्‍मे बाक्‍त। गोल्‍गथा कली खप्‍परे यो देंसीब।
MAT 27:34 मिनु ग्‍युरशो अङगुर शांबु खाइल ब्‍वाइश्‍शा तूतीके सेल्‍शा, तूचा गेमेनु, येसुमी थाम्‍शा ङा मिन, तूने मबिस्‍से बाक्‍त। भजन संग्रह ६९:२२
MAT 27:35 मिनु शीमी केप्‍शा कांटी थोक्‍शा क्‍याइश्‍शा, फेन्‍टे ग्‍यारशा आ वासी योक्‍सीशा, यूहन्‍ना १९:२४
MAT 27:36 खाल पा बाक्‍मा बाक्‍त।
MAT 27:37 “यहूदी आन पिप येसु” दे आ कली दोस गेशा ब्रेक्‍शो आ पिया तार एरे शीमी केप्‍तमे बाक्‍त।
MAT 27:38 मिनु खुइ निक्‍शी आस कली यो आ कली खोदेंशो पा आ ग्‍युरा नु पेरा गे क्‍युक्‍गमे बाक्‍त।
MAT 27:39 मिनु कोव़ब मुर शुश जाक्‍शा, आन पिया हिम्‍शा भजन संग्रह २२:८
MAT 27:40 “परमप्रभु यावे आ खिं प्रेश्‍शा, सां नाक्‍तीमी नक सेल्‍नुङ देंते। खोइ मिनु, सेल्‍ने चबी? थमान परमप्रभु यावे आ तौ नवे हना, शीमी केप्‍शा कांटी थोक्‍शा क्‍याइश्‍शो रे ब्रोंइशा यीवो” दे शुक्‍शी पामे बाक्‍त। मत्ती २६:६१; यूहन्‍ना २:१९
MAT 27:41 ठेयब चढ़ेब, सास्‍त्री नु जोक्‍ब तुइक्‍ब खाल्‍पापुकीमी यो
MAT 27:42 “शुश आन कली श्‍येत रे प्रोंइना प्रोंइन गाक्‍बाक्‍माक्‍त। आंमा आ कली चहिं प्रोंइने मचाप्‍बाक्‍माक्‍त। इं इस्राएल ङा पिप बाक्‍ब, मोपतीके शीमी केप्‍शा कांटी थोक्‍शा क्‍याइश्‍शो रे ब्रोंइल। ब्रोंइने चाप्‍तु हना, गो आ लोव़ नेल्‍ल थमा सुइक्‍नय।
MAT 27:43 परमप्रभु यावे कली थमा सुइक्‍बाक्‍माक्‍त। मोपतीके परमप्रभु यावेमी एको कली दाक्‍ताक्‍व हना, एको श्‍येत रे प्रोनल। ‘परमप्रभु यावे आ तौ नङ’ देंत, मोपतीके परमप्रभु यावे आ दाक्‍शो बाक्‍माक्‍त” दे शुक्‍शी पामे बाक्‍त। भजन संग्रह २२:९
MAT 27:44 आ ग्‍युरा नु पेरा गे क्‍युक्‍शो खुइ निक्‍शीमी यो मोदेंशो पान शुक्‍शी पदसे बाक्‍त।
MAT 27:45 मिनु नाक्‍ती १२ बजे रे ३ बजे सम्‍म नेल्‍ल रागीमी नां रिक्‍शो खोदेंशो पा छिङछिङ दुम्‍त।
MAT 27:46 ३ बजे गे येसुमी “एली, एली, लामा आसबथानी” दे वाइ ब्रेम्‍माक्‍त। आ देंशो मार रुम्‍सीब देंशा हना “परमप्रभु यावे, आं परमप्रभु, आं कली मारदे प्रोंइयीनी” देंशो रुम्‍सीब। भजन संग्रह २२:२
MAT 27:47 एर ओंथ बाक्‍बपुकीमी मो देंशा वाइ ब्रेश्‍शो नेंशा “एलीया कली ब्रेत्‍ताक्‍व” देंमुमा बाक्‍त।
MAT 27:48 मिनु कामी रुवामी ग्‍युरशो तूतीके नुप्‍शा, कोक्‍केम फ्रेंशा, युप्‍चा गेचवा बाक्‍त। भजन संग्रह ६९:२२
MAT 27:49 मिनु मेकेर बाक्‍बपुकीमी “कते, वारच पाइक्‍थ एलीया जाक्‍बा कों, कोव़य” देंमा बाक्‍त।
MAT 27:50 मिनु येसुमी लेंशा वाइ ब्रेश्‍शा, आ सोक्‍त प्रोना बाक्‍त।
MAT 27:51 मिनु बेक्‍म चोटी मार दुम्‍माक्‍त देंशा हना, परमप्रभु यावे आ खिं ङा आगा ङा कोठामी बारेशो वा इर रे उइ सम्‍म उइक्‍थ पा जेर गाक्‍माक्‍त। ख्रिनु कुशा, प्रस्‍थान २६:३१-३३; २इतिहास ३:१४
MAT 27:52 सेरथे फुल्‍लु नेल्‍ल एश्‍शा ब्रोल्‍मा बाक्‍त। लास थिम्‍तीके यो एश्‍शा ब्रोल्‍मा बाक्‍त। मिनु परमप्रभु यावे कली थमा सुइश्‍शा बेक्‍शोपुकी सेंसमा बाक्‍त।
MAT 27:53 येसु सेंसीशो नोले मेकोपुकी लास वोइक्‍तीके रे ग्रूशा, सहर जाक्‍दीश्‍शा, शुश मुर आन कली तपांइसाक्‍म।
MAT 27:54 येसु कली खाल पाइब कप्‍तान नु सिपाहीपुकीमी ख्रिनु कुशा नु मोपा हिंचा ङा गेय दुम्‍शो तशा, शुश हिंशा “एको परमप्रभु यावे आ तौ बाक्‍माक्‍त” देंमुमा बाक्‍त।
MAT 27:55 गालील रे यरूसलेम सम्‍म येसु कली वारच पना पन काथा गाक्‍ब मीश मुरपुकीमी ङोन रे कोव़शा बाक्‍मा बाक्‍त। लूका ८:२-३
MAT 27:56 मोपा कोव़ब का माग्‍दाला ङा मरीयम बाक्‍माक्‍त। का याकूब नु योसेफ आस ममा मरीयम बाक्‍माक्‍त। का जब्‍दी आ तौ निक्‍शी आस ममा बाक्‍माक्‍त।
MAT 27:57 मिनु नां रिक्‍मेनु, येसु आ नोले खोइक्‍ब अरीमाथीया ङा योसेफ माइश्‍शो शोंप पाइश्‍शो मुर कामी पिलातस कली ग्रुम्‍थ लशा, ब्‍यवस्‍था २१:२२,२३
MAT 27:58 “येसु आ बेक्‍शो रां लाइक्‍चा गेयीनी” दे पुना बाक्‍त। मिनु पिलातसमी लाइक्‍चा गेवा बाक्‍त।
MAT 27:59 मिनु योसेफमी लास बुश नक वामी गिल्‍शा,
MAT 27:60 आंम आ लास वोइक्‍तीके सेल्‍शो रोंगु ङा पुक्‍खीम ओंइशा वोदा बाक्‍त। मिनु पुक्‍खी कली ठेयब फुल्‍लुमी सुशा वोइश्‍शा गाक्‍माक्‍त।
MAT 27:61 माग्‍दाला ङा मरीयम नु अर्को मरीयममी योसेफ आ नोले खोइश्‍शा लशा, लास वोइक्‍तीके पुक्‍खी आ ङोंइती बाक्‍सा बाक्‍त।
MAT 27:62 मेको नेल्‍ल दुम्‍शो आ दीसा ठेयब चढ़ेब नु फरिसीपुकीमी पिलातस कली ग्रुम्‍थ लशा मर्कूस १५:४२
MAT 27:63 “सरकार, एको नेल्‍ल आन थुं क्‍याल्‍पाइक्‍ब मबेक्‍थु बाक्‍मेनु, मार देंत देंशा हना ‘आं बेक्‍शो नित्‍थ नाक्‍त बेक्‍शो रे सेंपांइसीचा पुंइसीनुङ’ देंशो फ्रुक्‍तक। मत्ती २०:१९
MAT 27:64 मोपतीके मेको आ लास वोइक्‍तीकेमी सां नाक्‍त सम्‍म खाल पाइब वोइक्‍चा माल्‍ब। मारदे हना मेको आ नोले खोइक्‍बपुकीमी आ लास खुइ पा लाइश्‍शा, मुर आन कली ‘बेक्‍शो रे सेंसाक्‍व’ दे शेंना शेंन गाक्‍तेक्‍म हना, ङोंइती रे पशो क्‍येङा शुश जोल ग्रूब” दे पुन्‍मे बाक्‍त।
MAT 27:65 मिनु पिलातसमी “लो, सिपाही आन कली सोइक्‍नुङमी। गेपुकी यो चाप्‍नी सम्‍म कोव़ङीन” देंशा, आन देंशो बिश्‍शा सोइक्‍तीमी बाक्‍त।
MAT 27:66 मिनु सिपाहीपुकी नु लशा, मेक जाक्‍दीश्‍शा, सुशो फुल्‍लुमी लाहा छाप थोक्‍शा, खाल पा बाक्‍मा बाक्‍त।
MAT 28:1 मिनु नाइक्‍तीक नाक्‍त सां लाक्‍शा, हप्‍ता ङा ङोंइती नाक्‍त नां सोव़सोव़मी माग्‍दाला ङा मरीयम नु अर्को मरीयम येसु आ लास वोइक्‍तीके कोव़थ लसा बाक्‍त। प्रेरित २०:७; १कोरिन्‍थी १६:२; प्रकाश १:१०
MAT 28:2 मिनु जाक्‍दीस्‍सानु, ठेयब ख्रिनु कुमाक्‍त। मारदे हना परमप्रभु यावे आ स्‍वर्ग ङा गेय पाइब का यिशा, सुशो ठेयब फुल्‍लु तिल्‍शा, मेको आ तारी निस्‍से बाक्‍त।
MAT 28:3 मेको आ कुल चिला पशो खोदेंशो नु आ वा बुबु पा छेङछेङ तांइसे बाक्‍त। मत्ती १७:२; प्रेरित १:१०
MAT 28:4 मेको कली तशा, मेकेर खाल पाइब सिपाहीपुकी हिंशा ख्रिंख्रि पा थशा गोल्‍मा बाक्‍त।
MAT 28:5 मिनु परमप्रभु यावे आ स्‍वर्ग ङा गेय पाइबमी मीश मुर आस कली “महिनीसे। गे शीमी क्‍याइश्‍शा साइश्‍शो येसु कली माल्‍थ पिसी ममाइ?
MAT 28:6 मुल एके मबा। मारदे हना ङोंइती देंशो खोदेंशो पा बेक्‍शो रे सेंचा पुंइसाक्‍व। प्रभु कली वोइक्‍तीके कोव़ङीसे। मत्ती १२:४०; मत्ती १६:२१; मत्ती १७:२३; मत्ती २०:१९
MAT 28:7 मुल एके रे फ्रा लेश्‍शा लशा, आ शेंसीब आन कली ‘प्रभु बेक्‍शो रे सेंचा पुंइसे बाक्‍त। इन ङोंइती लशा, गालील जाक्‍दीप्‍ब। मिनु गे मेकेर ग्रुम्‍चा ताइनीनी’ दे शोव़थ लसे। इस कली तुइक्‍पाइक्‍तन्‍सी, मिनु मप्रेंदीसे” दे सोइक्‍तीम्‍सी बाक्‍त। मत्ती २६:३२
MAT 28:8 मिनु मेकेर रे ग्रूशा, हिंसा यो बाक्‍‍त, ग्‍येरसीसा यो बाक्‍त। मिनु गुरुर पा दोरशा, मेको लोव़ शेंचा, दे आ शेंसीब आन कली ग्रुम्‍थ लसा बाक्‍त।
MAT 28:9 मिनु दोरना दोरन लसानु, मार दुम्‍माक्‍त देंशा हना, येसुमी मेको आस कली ग्रुम्‍सी बाक्‍त। मिनु “आसीक रसील” दे सेत्‍तीम्‍सीनु, आ नेक्‍था जाक्‍शा बाप्‍शा, आ खोइल थिशा मान पदसे बाक्‍त।
MAT 28:10 मिनु येसुमी “महिनीसे। येसु कली ग्रुम्‍थ गालील लने, दे आं लोक्‍ब आन कली शोव़थ लसे” दे सोइक्‍तीम्‍सी बाक्‍त। हिब्रू २:११
MAT 28:11 मेको निक्‍शी दोरना दोरन लसानु, सिपाही का निक्‍शी सहरमी जाक्‍दीश्‍शा, ठेयब चढ़ेब आन कली मेकेर मार दुम्‍मे, मेको नेल्‍ल शोव़ङमे बाक्‍त।
MAT 28:12 मिनु ठेयब चढ़ेब नु जोक्‍ब तुइक्‍ब खाल्‍पापुकी खुम्‍सीशा “मुल मार पय?” दे लोव़सी पमुमा बाक्‍त। मिनु सिपाही आन कली शुश क्‍येट गेशा
MAT 28:13 “लो, मुर आन कली मार देंचा देंशा हना, नाक्‍दो इप्‍कानु, आ शेंसीबपुकी जाक्‍शा, लास खुइ पामे बाक्‍त, दे लोव़ फ्रने। मत्ती २७:६४
MAT 28:14 सरकार ङा ठेयब मुरुमी नेंतु हना, नेल्‍ल गारपाइक्‍नीकी, इन कली मारेइ मदुम्‍ब” देंमा बाक्‍त।
MAT 28:15 मिनु सिपाहीपुकीमी क्‍येट ताक्‍शा लशा, मेको मोदेंशो लोव़ तेइ तेइ फ्रामे बाक्‍त। मुल सम्‍म यहूदी आन दातेमी एको लोव़ लीशो बाक्‍ब।
MAT 28:16 येसु आ शेंसीब ११ जना चहिं येसुमी तुइक्‍पाइश्‍शो गालील ङा डांडामी जाक्‍दीत्‍तेक्‍म।
MAT 28:17 मिनु येसु कली तामेनु, मान पाम्‍तेक्‍म। का निक्‍शीमी चहिं दल्‍गीर पामे बाक्‍त।
MAT 28:18 मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२
MAT 28:19 मोपतीके रागीम नेल्‍ल हिरशा, नेल्‍ल जात, थर ङा मुर आन कली आं पर्बमी शेंशा, आं नोले खोइक्‍ब शेंसीब सेलीने। आं आफ, परमप्रभु यावे, आ तौ नु परमप्रभु यावे आ सोक्‍त आन नेंमी मेको आन कली ब्‍वाक्‍कुम ख्रुम्‍शा ग्रुंइदीने। मत्ती २४:१४; मर्कूस १६:१५-१६; २कोरिन्‍थी ५:२०
MAT 28:20 मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०
MAR 1:1 एको परमप्रभु यावे आ तौ येसु ख्रीस्‍त आ पर्बम ब्रेक्‍शो ग्‍येरपाइक्‍ब लोव़ बाक्‍ब। मेको लोव़ दोदेंशो पा गोइब देंशा हना,
MAR 1:2 परमप्रभु यावे आ लोव़ पाइब यसैयामी ब्रेक्‍शो लोव़मी मार ब्रेक्‍शो बाक्‍त देंशा हना “ने‍नो, इ ङोंइती आं लोव़ पाइ‍ब सोइक्‍नुङ। मेकोमी इ लां थेल्‍ब। मत्ती ११:१०
MAR 1:3 गोरशो रागीमी सेंदा कामी ‘प्रभु आ लां थेलीने। आ गाक्‍तीके लां फुल्‍लु ग्रोक्‍शा थेलीने’ देंशो नेंसीब” दे ब्रेक्‍शो बाक्‍ब। मलाकी ३:१; यसैया ४०:३
MAR 1:4 ब्‍वाक्‍कुम ख्रुम्‍शा ग्रुंइब यूहन्‍ना गोरशो रागीम ग्रूशा, मुर आन कली “इन पाप क्‍याम्‍चा कली इन थुं परमप्रभु यावे गे लेत्‍तीने। आंइ थुं लेत्‍ताक्‍क दे कोंइचा कली ब्‍वाक्‍कुम ख्रुम्‍शा ग्रुंइपांइसीने” दे लोव़ पाइक्बाक्‍माक्‍त।
MAR 1:5 मिनु यहूदीया रागी नु यरूसलेम सहर ङा मुर नेल्‍ल मेकेर जाक्‍शा, आन पाप शोव़शा, यूहन्‍ना रे पा यर्दन खोलाम ख्रुम्‍शा ग्रुंइचा पुंइसमा बाक्‍त।
MAR 1:6 यूहन्‍नामी दलओंठ आ चां के प्रोव़शो वा फेक्‍बाक्‍माक्‍त। कुशुल के किप्‍शुर किप्‍बाक्‍माक्‍त। मिनु सल्‍हा माले ब्‍वशा नु रोका खुदो जशा बाक्‍बाक्‍माक्‍त।
MAR 1:7 मिनु मुर आन कली “आं नोले जाक्‍ब आं क्‍येङा सक्ति पाइश्‍शो बाक्‍ब। गो मेको आ ङोंइती बाप्‍शा, आ जुत्ता प्रुइक्‍चा लायो मशिरनुङ।
MAR 1:8 गो इन कली ब्‍वाक्‍कुम ख्रुम्‍शा ग्रुंइताक्‍न्‍नी। मेकोमी चहिं इन कली परमप्रभु यावे आ सोक्‍तीमी ख्रुम्‍ब” दे मुर आन कली शेंना शेंन बाक्‍बाक्‍माक्‍त।
MAR 1:9 मेना येसु गालील रागी ङा नासरथ सहर रे गाक्‍शा, यूहन्‍ना आ बाक्‍तीकेमी जाक्‍माक्‍त। मिनु यूहन्‍ना रे पा यर्दन खोलामी ब्‍वाक्‍कुम ख्रुम्‍शा ग्रुंइपांइसे बाक्‍त। लूका २:५१
MAR 1:10 मिनु ब्‍वाक्‍कुमी ग्रुम्‍शा ग्रूमेनु, सरीङ रोक्‍सीशा, परमप्रभु यावे आ सोक्‍त परवा खोदेंशो पा यिशा, आ तारी जुक्‍शो तवा बाक्‍त।
MAR 1:11 मिनु सरीङ रे “आं दाक्‍शो तौ नवे। इ कली तशा थाम्‍पा ग्‍येरसीनुङ” देंशो सेंदा नेंसे बाक्‍त। मर्कूस ९:७
MAR 1:12 मिनु नोले परमप्रभु यावे आ सोक्‍तीमी येसु कली गोरशो रागीम लदा बाक्‍त।
MAR 1:13 मिनु गोरशो रागीम ४० नाक्‍त सम्‍म बाक्‍माक्‍त। मेकेर बाक्‍मेनु, सैतान रे पा थुं थाम्‍चा पुंइसे बाक्‍त। मेको गोरशो रागी ङा जन्‍तुपुकी नु बाक्‍माक्‍त। परमप्रभु यावे आ स्‍वर्ग ङा गेय पाइबपुकीमी मेको कली वारच पामे बाक्‍त।
MAR 1:14 यूहन्‍ना जेल्‍खानमी चोक्‍चा पुंइसे नोले, येसुमी गालील रागीमी परमप्रभु यावे आ ग्‍येरपाइक्‍ब लोव़ नेंपाइक्‍ना पाइक्‍न गाक्‍माक्‍त।
MAR 1:15 मेकोमी “परमप्रभु यावे आ देंशो नाक्‍त जाक्‍त। आ राज्‍य इन नेक्‍था जाक्‍शो बाक्‍ब। इन थुं परमप्रभु यावे गे लेश्‍शा, आ ग्‍येरपाइक्‍ब लोव़ थमा सुतीने” दे नेंपाइक्‍ना पाइक्‍न गाक्‍माक्‍त। गलाती ४:४
MAR 1:16 मिनु येसु गालील समुन्‍द्र आ नेक्‍था हिरसेनु, सिमोन नु आ लोक्‍ब अन्‍द्रीयास ग्‍याइल आप्‍शा, ङांइ रेन्‍ना रेन्‍न बाक्‍शो तवा बाक्‍त। मेको निक्‍शी ङांइ रेप्‍‍ब बाक्‍सा बाक्‍त।
MAR 1:17 मिनु येसुमी मेको आस कली “आं नोले खोइय्‍यीसी। मिनु मुर आन कली रेप्‍ब सेल्‍नन्‍सी” दे माइक्‍सी बाक्‍त।
MAR 1:18 मिनु ग्‍याइल थु था प्रोंइशा, आ नोले खोइश्‍शा गाक्‍सा बाक्‍त।
MAR 1:19 मिनु इच्‍ची आइक्‍ची लशा, जब्‍दी आ तौ निक्‍शी याकूब नु यूहन्‍ना वोबु आस कली डोंगाम बाक्‍शा, गाक्‍शो ग्‍याइल प्रोव़ना प्रोव़न पशो ताम्‍सी बाक्‍त।
MAR 1:20 मिनु मेको आस कली यो ब्रेत्‍तीम्‍सी बाक्‍त। मिनु आस आफ जब्‍दी नु गेय पाइब आन कली प्रोंइशा, आ नोले खोदसे बाक्‍त।
MAR 1:21 मिनु कापेरनाउम सहरम जाक्‍दीम्‍मा बाक्‍त। मिनु नाइक्‍तीक नाक्‍त येसुमी ग्रुम्‍तीक खिं लशा, मुर आन कली शेंदीमी बाक्‍त।
MAR 1:22 मेको आ शेंशो नेंशा, नेल्‍ल छक लाक्‍मा बाक्‍त। मारदे हना सास्‍त्री आन लोव़ खोदेंशो ममाइ। अधिकार पाइश्‍शो लोव़ पा शेंदीमी बाक्‍त। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म। मत्ती ७:२८-२९
MAR 1:23 मिनु मेको ग्रुम्‍तीक खिंमी ग्रांग्रा दिचा ङा वोलमी सुम्‍शो मुर का बाक्‍माक्‍त।
MAR 1:24 मिनु मेको वाइ ब्रेश्‍शा “ए नासरथ ङा येसु, मार पमुया ङा? आंइ कली खतम पोक्‍थ जाक्‍नी? गो इन कली तुइक्‍नीकी। गे परमप्रभु यावे आ योव़शो ननी” देंमा बाक्‍त। मर्कूस ५:७
MAR 1:25 मिनु येसुमी वोल कली “सिक्‍सी पावो। मिनु ग्रूङो” दे हुइक्‍ता बाक्‍त। मर्कूस ९:२६
MAR 1:26 मिनु ग्रांग्रा दिचा ङा वोलमी मुर कली दिङ खोल्‍शा, वाइ ब्रेश्‍शा ग्रूमाक्‍त।
MAR 1:27 मोदुम्‍शो तशा, मुरपुकी छक लाक्‍शा “मार बाक्‍म माइ? नक शेंतीक लोव़ बाक्‍म कोर में? अधिकार पाइश्‍शो लोव़ पवानु, ग्रांग्रा दिचा ङा वोलम लायो टीबाक्‍तेक्‍म” देंमुमा बाक्‍त।
MAR 1:28 मिनु गालील रागीमी तेइ तेइ येसु आ पर्बम लोव़ ब्रना ब्रन लमाक्‍त।
MAR 1:29 मिनु वोल कली ग्रुंइशा, येसु ग्रुम्‍तीक खिं रे सिमोन नु अन्‍द्रीयास वोबु आस खिंम जाक्‍दीम्‍माक्‍त। मिनु याकूब नु यूहन्‍ना यो येसु नु काथा बाक्‍सा बाक्‍त।
MAR 1:30 मिनु जाक्‍दीम्‍मानु, सिमोन आ शिमी जरो पा गोल्‍शो बाक्‍माक्‍त। मिनु येसु कली तुइक्‍पदमे बाक्‍त।
MAR 1:31 मिनु येसु मेको आ नेक्‍था लशा, आ गुइ ग्‍याइश्‍शा पोक्‍गा बाक्‍त। मोपा पोक्‍गानु, जरो जाम्‍माक्‍त। मिनु सेस दुम्‍शा, मेको आन कली मान पा थुल्‍मी बाक्‍त।
MAR 1:32 मिनु नां रिक्‍मेनु, मेको सहर ङा मुरपुकीमी रोइ पशो नु वोलम सुम्‍शो मुर नेल्‍ल आन कली चाक्‍ग्‍मे बाक्‍त।
MAR 1:33 सहर ङा मुर नेल्‍ल खिं ङा लाप्‍चो आ ङोंइती खुम्‍समा बाक्‍त।
MAR 1:34 मिनु येसुमी रोइ पशो शुश मुर आन कली सापदा बाक्‍त। मिनु शुश वोल आन कली हुइश्‍शा खेरमी बाक्‍त। वोल आन कली लोव़ पचा मगेवा बाक्‍त। मारदे हना वोलपुकीमी येसु कली तुइश्‍शो बाक्‍तेक्‍म। प्रेरित १६:१७-१८
MAR 1:35 आ दीसा सुनी नां मसोव़थु, येसु बोक्‍शा मेकेर रे गाक्‍शा, सुइ मबाक्‍तीकेमी जाक्‍दीश्‍शा, प्रार्थना पवा बाक्‍त। मत्ती १४:२३; मत्ती २६:३६; लूका ५:१६; लूका ११:१
MAR 1:36 मिनु सिमोन नु मेको नु बाक्‍बपुकीमी येसु कली माल्‍मे बाक्‍त।
MAR 1:37 मिनु ग्रुम्‍शा, येसु कली “मुर नेल्‍लेमी इन कली माल्‍शो बाक्‍नीम” दे मदमे बाक्‍त।
MAR 1:38 मिनु येसुमी “मेकेर रे लशा, एर ओंथ गाउं सहर हिरशा लय। मारदे हना मेकेर यो शेंथ जाक्‍ती” देंमाक्‍त।
MAR 1:39 मिनु गालील रागी नेल्‍ल हिरशा, ग्रुम्‍तीक खिंमी शेंबाक्‍माक्‍त। वोल आन कली खेरबाक्‍माक्‍त।
MAR 1:40 मिनु कोर पाइब का जाक्‍शा, येसु आ ङोंइती आ पोक्‍च थेक्‍शा “सापाइक्‍चा दाक्‍ताक्‍नी हना, आं कली सापाइक्‍ने चाप्‍नीनी” दे सेउ पशा पुना बाक्‍त।
MAR 1:41 मिनु येसुमी शिशी पा आ गुइ दिंशा, कोर पाइब कली थिशा “गो सापाइक्‍चा दाक्‍नुङ। साङो” देंमाक्‍त।
MAR 1:42 मो देंमेनु, कोर सामाक्‍त।
MAR 1:43 मिनु येसुमी “सुइ कली मशेंदो। मर्कूस ३:१२
MAR 1:44 चढ़ेब आ ङोंइती लशा, इ साशो रां कोंइदो। मिनु मुर नेल्‍ल आन कली ‘गो साती’ दे तुइक्‍पाइक्‍चा कली मोसाम देंशो खोदेंशो पा चढ़ेवो” दे माइश्‍शा सोइक्‍ता बाक्‍त। मर्कूस ७:३६; लेवी १४:२-३२
MAR 1:45 मिनु साशो मुर मेकेर लशा, दोपा सामे, मेको लोव़ तेइ तेइ ब्रपदा बाक्‍त। मोदेंशो लोव़ ब्रतीके येसु सहर सहरमी गाक्‍ने मचबा बाक्‍त। मोपतीके शुश मुर मबाक्‍तीकेमी बाक्‍माक्‍त। तन्‍न मुरपुकी तेइ तेइ रे जाक्‍बाक्‍मा बाक्‍त।
MAR 2:1 नाक्‍त का निक्‍शी नोले कापेरनाउम लेम्‍माक्‍त। मिनु मुरपुकीमी “येसु खिंमी बाक्‍ब” दे तुइक्‍तमे बाक्‍त।
MAR 2:2 मिनु मेकेर शुश मुर खुम्‍सीशा, लाप्‍चोमी यो मुरपुकी देल्‍मा बाक्‍त। मिनु येसुमी मेको आन कली परमप्रभु यावे आ लोव़ शेंदीमी बाक्‍त।
MAR 2:3 मिनु ४ जना मुरपुकीमी गुइ खोइल मदुक्‍ब मुर का कुरशा चाक्‍ग्‍मे बाक्‍त।
MAR 2:4 शुश मुर देल्‍तीके येसु आ ङोंइती चाक्‍दीन्‍ने मचाप्‍मे बाक्‍त। मिनु खिं ङोइश्‍शा, फुल्‍लु याक्‍शा, ओंइतीके सेल्‍मे बाक्‍त। मिनु गुइ खोइल मदुक्‍ब कली कुरशो ब्राख्‍ये एर ओंथ डोरीम पाइश्‍शा, ओंखां पा येसु आ ङोंइती तोक्‍गमे बाक्‍त।
MAR 2:5 मिनु येसुमी मेको आन कली मो पशो तशा, थमा सुइय्‍‍यीमी बाक्‍त, दे तुइक्‍ता बाक्‍त। मिनु गुइ खोइली मदुक्‍ब कली “आं तौ, इ पाप क्‍याम्‍साक्‍व” देंमाक्‍त।
MAR 2:6 मेकेर सास्‍त्रीपुकी यो बाक्‍शो बाक्‍मा बाक्‍त।
MAR 2:7 मेकोपुकीमी येसु आ लोव़ नेंशा, आन थुंमी “दोदेंशो लोव़ पवा? परमप्रभु यावे कली शुक्‍शी पाइबाक्‍त। सुमी पाप क्‍याम्‍ने चाप्‍बा ङा?” दे मिम्‍तमे बाक्‍त। भजन संग्रह १३०:४; यसैया ४:३,२५
MAR 2:8 मिनु येसुमी आन मिम्‍शो तुइश्‍शा, मेको आन कली “मारदे मोदेंशो मिम्‍तीनी?
MAR 2:9 गुइ खोइल मदुक्‍ब कली ‘इ पाप क्‍याम्‍साक्‍व’ देंचा देय ‘छुल बोक्‍शा, इ ब्राख्‍ये कुरशा, एर ओंथ हिरशा कोंइदो’ देंचा, तेको सक्ति कोंइतीक लोव़ बाक्‍बा?
MAR 2:10 रागीमी जरमेशोमी पाप क्‍याम्‍चा अधिकार तशो बाक्‍ब, दे गेपुकीमी यो तुइक्‍ताक्‍नी” देंमाक्‍त। मिनु गुइ खोइली मदुक्‍ब कली
MAR 2:11 “छुल बोक्‍शा, इ ब्राख्‍ये कुरशा, इ खिं ले‍तो” दे मदा बाक्‍त।
MAR 2:12 मिनु नेल्‍ल आन ङोंइती मेको बोक्‍शा, आ ब्राख्‍ये जो गुप्‍शा कुरशा, गाक्‍माक्‍त। मिनु नेल्‍लेमी छक लाक्‍शा “ओदेंशो छक लाक्‍चा ङा गेय मुल सम्‍म गेनायो मतशो नय” देंशा, परमप्रभु यावे कली ठेयब सेल्‍मे बाक्‍त।
MAR 2:13 मिनु येसु मेकेर रे लशा, लेंशा समुन्‍द्र आ नेक्‍था बाक्‍माक्‍त। मिनु मेकेर शुश मुर देल्‍मा बाक्‍त। मिनु येसुमी मेको आन कली शेंदीमी बाक्‍त।
MAR 2:14 मिनु मेकेर रे लशा, तिरो पोक्‍ब अल्‍फयस आ तौ लेवी कली तिरो पोक्‍तीकेमी बाक्‍शो तशा “आं नोले खोइय्‍यी” दे ब्रेत्‍ता बाक्‍त। मिनु मेको बोक्‍शा, आ नोले खोदा बाक्‍त।
MAR 2:15 मिनु लेवी आ खिंमी जना जन बाक्‍मानु, तिरो पोक्‍ब नु पापी शुश नु काथा जामे बाक्‍त। मारदे हना शुशेमी येसु आ नोले खोदमे बाक्‍त।
MAR 2:16 मिनु फरिसी आन दाते ङा सास्‍त्रीपुकीमी येसु कली पापी नु तिरो पोक्‍बपुकी नु काथा बाक्‍शा जशो तशा, येसु आ शेंसीब आन कली “मारदे तिरो पोक्‍बपुकी, पापीपुकी नु काथा बाक्‍शा जाइबा?” देंमा बाक्‍त।
MAR 2:17 मिनु येसुमी मेको आन लोव़ नेंशा, मो देंब आन कली “रोइ मपशो मुर डाक्‍टर ममाल्‍नीम। रोइ पशो मुर ला डाक्‍टर माल्‍नीम। ठीक पाइब कली ममाइ, पापी आन कली ब्रेत्‍थ जाक्‍शो नङ” दे माइक्‍मी बाक्‍त।
MAR 2:18 यूहन्‍ना आ शेंसीबपुकी नु फरिसीपुकी माइजा बाक्‍बाक्‍मा बाक्‍त। मिनु मुरपुकीमी येसु आ नेक्‍था जाक्‍शा “यूहन्‍ना आ शेंसीबपुकी नु फरिसी आन शेंसीबपुकी माइजा बाक्‍नीम। इन शेंसीबपुकी चहिं माइजा मबाक्‍नीम। मारदे मो पशो नमी?” दे हिल्‍लो पामे बाक्‍त।फरिसी रिती थिती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म।
MAR 2:19 मिनु मोदें हिल्‍लो पाइब आन कली येसुमी “जन्‍तीपुकी ग्‍युम्‍ले नु बाक्‍मानु, माइजा बाक्‍ने मचाप्‍नीम।
MAR 2:20 काबु चहिं ग्‍युम्‍ले नु फ्राचा पुंइसीनीम। मिनु माइजा बाक्‍नीम।
MAR 2:21 सुइमी माइत वामी नक वा क्‍येप्‍शा मफेरनीम। फेरतेक्‍म हना, नक वा चुप्‍शा, माइत वा कली खाक्‍शा, ङोंइती ङा गाक्‍शो क्‍येङा ठेयब सेल्‍ब। मारदे हना माइत नु नक मगारब।
MAR 2:22 सुइमी माइत कुशुल के थैलोमी नक अङगुर शांबु कुर मपाइनीम। कुर पाम्‍तेक्‍म हना, नक अङगुर शांबु बोरशा, थैलो खाक्‍शा क्‍युप्‍ब। थैलो यो गाक्‍ब। नक शांबु नक थैलोमी ला गारब” दे शेंदीमी बाक्‍त।
MAR 2:23 मिनु काबु नाइक्‍तीक नाक्‍त येसु नु आ शेंसीबपुकी चेरब रू लां गाक्‍मा बाक्‍त। मिनु गाक्‍मानु, शेंसीबपुकीमी चेरब बाला शोइक्‍चा गोव़मे बाक्‍त।
MAR 2:24 मिनु फरिसीपुकीमी येसु कली “कोव़ङीन, नाइक्‍तीक नाक्‍तीमी पचा मदुम्‍ब गेय मारदे पाइनीमी?” दे मदमे बाक्‍त।
MAR 2:25 मिनु येसुमी “दाऊद नु आ वारचपुकी शोव़लु बेक्‍मानु, दाऊदमी मार पवा, मेको ब्रेक्‍शो लोव़ गेनायो मपढेनी?
MAR 2:26 ठेयब चढ़ेब अबीयाथार आ पालामी दाऊद परमप्रभु यावे आ खिं ओव़शा, परमप्रभु यावे कली चढ़ेशो शोब्‍ले शोल्‍शा जशा, आ वारच आन कली यो जचा गेवा बाक्‍त, दे मपढेनी? मेको शोब्‍ले चढ़ेबपुकीमी ला जाइबाक्‍मा बाक्‍त। अर्को मुरपुकीमी जचा मदुम्‍ब बाक्‍माक्‍त। १सामुएल २१:७; लेवी २४:९
MAR 2:27 नाइक्‍तीक नाक्‍त मुर आन कली वोइश्‍शो बाक्‍ब। मुरपुकी नाइक्‍तीक नाक्‍त कली ममाइ। प्रस्‍थान २०:१०
MAR 2:28 मोपतीके रागीम जरमेशो दा नाइक्‍तीक नाक्‍त मार पचा, मार मपचा मेको अधिकार पाइब बाक्‍ब” दे शेंदीमी बाक्‍त।
MAR 3:1 मिनु येसु ग्रुम्‍तीक खिं लेंशा ओव़माक्‍त। मेकेर गुइ सोव़शो मुर का बाक्‍माक्‍त।
MAR 3:2 मिनु फरिसी नु सास्‍त्रीपुकीमी “नाइक्‍तीक नाक्‍ती सापाइक्‍तीक गेय पाइबा कों” दे योव़की पा कोव़ङमे बाक्‍त, मारदे हना दोस गेचा माल्‍शो बाक्‍मा बाक्‍त।
MAR 3:3 मिनु येसुमी गुइ सोव़शो मुर कली “एक पिवो” दे मदा बाक्‍त।
MAR 3:4 मिनु योव़की पा कोव़ब आन कली “नाइक्‍तीक नाक्‍त शिशी पचा देय मरिम्‍शो गेय पचा? ब्रोंइचा गेचा देय साइक्‍चा? तेको लोव़ अरेतीक लोव़ नु गारबा?” दे हिल्‍लो पवानु, सिक्‍सी पामे बाक्‍त।
MAR 3:5 मिनु सिक्‍सी पा बाक्‍शो तशा, आ थुं खाइश्‍शा गाइश्‍शा, मेको आन कली का का पा कोव़शा, गुइ सोव़शो कली “इ गुइ दिंदो” दे मदा बाक्‍त। मिनु मेकोमी गुइ दिंसेनु सामाक्‍त।
MAR 3:6 मिनु फरिसीपुकी ग्रूशा, हेरोदी आन कली शो शु खुप्‍शा “मेको कली दोपा साइक्‍चा ताइनय” दे लोव़सी पामे बाक्‍त।
MAR 3:7 मिनु नोले येसु नु आ शेंसीबपुकी सहर रे गाक्‍शा, गा‍लील ङा समुन्‍द्र आ नेक्‍था जाक्‍दीम्‍मा बाक्‍त। शुश मुरुमी आन नोले खोदमे बाक्‍त। मेको खोइक्‍बपुकी ते ते ङा बाक्‍मा बाक्‍त देंशा हना, गालील नु यहूदीया रागी ङा, मत्ती ४:२५
MAR 3:8 यरूसलेम सहर ङा, इदुमेआ रागी ङा, यर्दन खोला आइक्‍ची हांबु ङा टायर नु सीदोन सहर ङा बाक्‍मा बाक्‍त। मेकोपुकीमी येसु आ पशो गेय आ पर्बम शुश लोव़ नेंशा जाक्‍मा बाक्‍त।
MAR 3:9 मिनु येसुमी आ शेंसीब आन कली “डोंगा का चाक्‍शा वोतीन” देंमाक्‍त। मारदे हना शुश मुरपुकीमी नेप्‍शा चुशा, येसु आ नेक्‍था जाक्‍चा बोल पामे बाक्‍त।
MAR 3:10 येसुमी रोइ पाइब शुश आन कली सापदा बाक्‍त। रोइ पाइबपुकीमी “थिचा तङल” दे आ नेक्‍था जाक्‍मा बाक्‍त।
MAR 3:11 ग्रांग्रा दिचा ङा वोलपुकीमी येसु कली तशा, पोक्‍च थेक्‍शा “परमप्रभु यावे आ तौ ननी” दे वाइ ब्रेम्‍मा बाक्‍त। लूका ४:४१
MAR 3:12 मिनु येसुमी “एको लोव़ मब्रपाइक्‍चा” दे माइक्‍मी बाक्‍त। मर्कूस १:४३-४४
MAR 3:13 काबु येसु डांडा ङोंइ‍से बाक्‍त। मिनु सु सु आन कली योव़ङा, मेको आन कली आ नेक्‍था ब्रेत्‍ता बाक्‍त। मिनु मेको ब्रेश्‍शोपुकी जाक्‍मा बाक्‍त।
MAR 3:14 आं नु काथा बाक्‍चा कली नु शेंथ सोइक्‍चा कली
MAR 3:15 वोल खेरतीक अधिकार तशा बाक्‍मल, दे १२ जना आन कली वोइक्‍मी बाक्‍त।
MAR 3:16 मेको १२ जना आन नें सिमोन आ याइनी नें पत्रुस वोदा बाक्‍त।
MAR 3:17 जब्‍दी आ तौ याकूब नु आ लोक्‍ब यूहन्‍ना, मेको आस कली बोअनेरगेस नें वोदा बाक्‍त। बोअनेरगेस देंशो “बुंबु आ तौ नस” दे रुम्‍सीब। लूका ९:५४
MAR 3:18 मिनु अ‍न्‍द्रीयास, फिलीप, बारथोलोमाइ, मत्ती, थोमास, अल्‍फयस आ तौ याकूब, थदेयस, सिमोन कनानी
MAR 3:19 नु यहूदा इस्‍कारीयोती बाक्‍मा बाक्‍त। यहूदा चहिं नोले येसु कली साइक्‍ब आन कली लां कोंइब दुम्‍माक्‍त।
MAR 3:20 मिनु लेंशा शुश मुर खुम्‍समानु, येसु नु आ शेंसीबपुकी जचा कली यो नाइक्‍चा मतामे बाक्‍त।
MAR 3:21 मिनु येसु आ खिं ङा मुरपुकीमी मेको नेंशा “आ निप्‍स ग्‍यशो दुम्‍माक्‍त, दोपा यो खिं लाइक्‍चा” दे ब्रथ लमा बाक्‍त। मर्कूस ६:४; यूहन्‍ना ७:५; यूहन्‍ना ८:८४
MAR 3:22 यरूसलेम रे यिशो सास्‍त्रीपुकीमी “बेल्‍जीबुलमी सुम्‍शो बाक्‍माक्‍त। वोल आन पिप आ सक्तिमी वोल आन कली खेरबाक्‍माक्‍त” देंमा बाक्‍त। मत्ती ९:३४
MAR 3:23 मिनु येसुमी मेको आन कली आ नेक्‍था ब्रेश्‍शा, कथा सेल्‍शा “सैतानमी सैतान कली खेरने चाप्‍बा ङा?
MAR 3:24 राज्‍य का ङा मुरपुकी जिशा ब्राशा गाक्‍तेक्‍म हना, मेको राज्‍य जाम्‍शा लाइब।
MAR 3:25 खिं का ङा मुरपुकी जिम्‍तेक्‍म हना, मेको खिं मलीब।
MAR 3:26 सैतान आ राज्‍यम जिशा ब्रातेक्‍म हना, आ राज्‍य नुप्‍शा लाइब।
MAR 3:27 बोल्‍यो मुर आ खिंम सुइ खुइ पथ ओव़ने मचाप्‍नीम। बोल्‍यो मुर कली फ्रेंशा पाइश्‍शा वोइश्‍शा ला, आ मारेइ मारेइ खुइ पने चाम्‍सीब।
MAR 3:28 नोफा दाइश्‍शा नेनीन, मुरपुकीमी पाप पाम्‍तेक्‍म हना यो, आन पशो पाप क्‍याम्‍चा ताइनीम। मरिम्‍शो लोव़ पाम्‍तेक्‍म हना यो, मेको पाप यो क्‍याम्‍चा ताइनीम।
MAR 3:29 तन्‍न परमप्रभु यावे आ सोक्‍त आ पर्बम मरिम्‍शो लोव़ पशो पाप चहिं मक्‍याम्‍सीब। मोदेंशो लोव़ पाइब आ पाप गेना हना यो लीब” देंमाक्‍त। हिब्रू ६:४-६
MAR 3:30 मारदे हना मेकोपुकीमी येसु आ पर्बम “येसु ग्रांग्रा दिचा ङा वोलम सुम्‍शो बाक्‍माक्‍त” देंशो बाक्‍मा बाक्‍त। यूहन्‍ना १०:२०
MAR 3:31 मिनु येसु आ ममा नु आ लोक्‍बपुकी आ बाक्‍तीक लाङगामी जाक्‍मा बाक्‍त। मिनु “गो ग्रुम्‍थ जाक्‍तक” दे तुइक्‍पाइक्‍थ मुर सोइक्‍तमे बाक्‍त।
MAR 3:32 मेकोपुकी जाक्‍मानु, शुश मुर खुम्‍सीशा, येसु आ नेक्‍था बाक्‍शो बाक्‍मा बाक्‍त। मिनु मेको नेक्‍था बाक्‍बपुकीमी “इन ममा नु इन लोक्‍बम लोक्‍ब लाङगाम जाक्‍शा, इन कली ब्रेत्‍ताक्‍मे” दे मदमे बाक्‍त।
MAR 3:33 मिनु येसुमी “आं ममा नु आं लोक्‍बपुकी सु नमी?” देंशा,
MAR 3:34 आ नेक्‍था निश्‍शा बाक्‍ब आन कली कोव़शा “एकेर बाक्‍ब आं ममा नु आ लोक्‍बपुकी नम।
MAR 3:35 परमप्रभु यावे आ दाक्‍शो पाइबपुकी आं लोक्‍ब नु आं ममा नम” देंमाक्‍त।
MAR 4:1 मिनु समुन्‍द्र आ नेक्‍था लशा, मेकेर बाक्‍शा, लेंशा शेंचा गोवा बाक्‍त। मेकेर शुश मुर खुम्‍सीशो बाक्‍मा बाक्‍त। आं चहिं डोंगा काम ङोइश्‍शा बाक्‍शो बाक्‍माक्‍त। आ लोव़ नेंबपुकी समुन्‍द्र आ नेक्‍था बाक्‍मा बाक्‍त।
MAR 4:2 मिनु कथा सेल्‍शा, शुश लोव़ शेंदा बाक्‍त।
MAR 4:3 मिनु शेंना शेंन “नेनीने, मुर का वांचेर शोक्‍थ लमाक्‍त।
MAR 4:4 मिनु ब्‍वारानु, गेडा का निक्‍शी लांमी जुक्‍तमे बाक्‍त। मिनु चिक्‍बीमी गुप्‍शा जामे बाक्‍त।
MAR 4:5 गेडा का निक्‍शी ग्‍याङग्रो खपीमी जुक्‍तमे बाक्‍त। मिनु शुश खप मबाक्‍तीके थे थु बुक्‍शा, जिव जाव वामा बाक्‍त।
MAR 4:6 तन्‍न नां पवानु, सोल सुल बेक्‍मा बाक्‍त, मारदे हना शाक्‍श थोक्‍चा मतथु सोव़मा बाक्‍त।
MAR 4:7 का निक्‍शी चू आ दातेमी जुक्‍तमे बाक्‍त। मिनु चूमी सुम्‍शा, बारचा मगेवा बाक्‍त। मिनु मसिम्‍माक्‍त।
MAR 4:8 का निक्‍शी चहिं रिम्‍शो खपीम जुक्‍तमे बाक्‍त। मिनु वाशा बारशा, शुश ग्रेल्‍शा, गेडा का के ३०, ६०, सहे का सम्‍म सिम्‍मा बाक्‍त” दे शेंदीमी बाक्‍त।
MAR 4:9 मिनु “सु के नेंब नोफा बाक्‍मे, मेकोमी नेंनल” देंमाक्‍त।
MAR 4:10 मिनु आ लोव़ नेंबपुकी गाक्‍मा नोले, येसु नु गाक्‍ब नु आ १२ जना शेंसीबपुकीमी कथा सेल्‍शा शेंशो लोव़ आ पर्बम हिल्‍लो पामे बाक्‍त।
MAR 4:11 मिनु येसुमी “परमप्रभु यावे आ राज्‍य दोदेंशो बाक्‍ब दे इन कली रुप्‍‍तीक थुं गेशो बाक्‍त। लाङगाम बाक्‍ब आन कली चहिं कथा सेल्‍शा शेंनुङमी।
MAR 4:12 मारदे हना आन मिक्‍चीमी कोव़नीम, तन्‍न मताइनीम। आन नोफामी नेंनीम तन्‍न मरुप्‍‍नीम। कोव़शा रुप्‍‍तेक्‍म हना, आन थुं लेश्‍शा, आन पाप क्‍याम्‍चा ताम वा” देंमाक्‍त। यसैया ६:९-१०
MAR 4:13 मिनु येसुमी “मेको कथा आ अर्थ मरुप्‍नी? मेको लायो मरुप्‍नी हना, अरु कथा ङा शेंतीक दोपा रुप्‍‍ने चाप्‍नीनी?
MAR 4:14 वांचेर शोक्‍बमी परमप्रभु यावे आ लोव़ शोक्‍‍ब।
MAR 4:15 लांमी शोक्‍शो दोदेंशो बाक्‍नीम देंशा हना, लोव़ नेन्‍मेनु, सैतानमी आन थुंमी रुप्‍शो लोव़ योल्‍ब।
MAR 4:16 ग्‍याङग्रो खपीम शोक्‍शो खोदेंशोपुकीमी लोव़ नेंशा, बिश्‍शा ग्‍येरसीनीम।
MAR 4:17 तन्‍न शाक्‍श थोक्‍चा मतथु, शुश मलीनीम। लोव़ आ पर्बम श्‍येत गेचा पुंइसाक्‍म हना, थु प्रोंइशा गाक्‍नीम।
MAR 4:18 चू आ दातेमी जुक्‍शो खोदेंशोपुकीमी लोव़ नेंनीम।
MAR 4:19 तन्‍न दोपा ठेयब दुम्‍नुङा? दोपा क्‍येट चेमु? दोपा मारेइ मारेइ ताइनुङा? दे मिम्‍शा, आ थुंमी तेक्‍ब। मिनु आ नेंशो लोव़मी फल मसिप्‍ब।
MAR 4:20 रिम्‍शो खपीम शोक्‍शो खोदेंशोपुकीमी चहिं परमप्रभु यावे आ लोव़ नेंशा, आन थुंमी वोइक्‍नीम। मिनु गेडा का के ३०, ६० सहे का गेडा सम्‍म सिश्‍शा ग्रेल्‍नीम” दे शेंदीमी बाक्‍त।
MAR 4:21 मिनु येसुमी “मार, बत्ती पाथीमी गुप्‍शा वोइक्‍चा कली, खाट आगामी वोइक्‍चा कली दा‍नीमी ङा? मफारथु वोइक्‍नीमी, ममाइ ङा? मत्ती ५:१५
MAR 4:22 ख्रुइश्‍शो मख्रुइक्‍सीब, सुम्‍शा वोइश्‍शो यो हाक्‍सीब। मत्ती १०:२६-२७; लूका १२:२
MAR 4:23 सुइ के नेंब नोफा बाक्‍त हना, नेंनल” देंमाक्‍त।
MAR 4:24 मिनु येसुमी “गे मार नेंनी, मेको नोफा दाइश्‍शा नेनीने। दोपा नाक्‍शा गेनीनी, मोपा नाक्‍चा पुंइसीनीनी। मत्ती ७:२
MAR 4:25 मारदे हना थीब तेम्‍शा गेचा पुंइसीब, मथीबमी चहिं आइक्‍के बाक्‍शो यो रोइक्‍चा पुंइसीब” दे शेंदीमी बाक्‍त। मत्ती १३:१२-१३
MAR 4:26 मिनु “परमप्रभु यावे आ राज्‍य ओदेंशो बाक्‍ब, मुर कामी आ रूमी वांचेर शोक्‍ब।
MAR 4:27 मिनु नाक्‍दो इप्‍ब, सुनी बोक्‍ब। शोक्‍शो वांचेर दोपा वाबा, दे मारेइ मतुइक्‍ब। याकूब ५:७
MAR 4:28 रू आंमा मेको वापाइक्‍ब। वाशा, बाला ग्रूशा, आख सिप्‍ब।
MAR 4:29 तन्‍न मीमेनु, रिक्‍ब। मारदे हना रिक्‍ची जाक्‍शो बाक्‍ब” देंमाक्‍त।
MAR 4:30 मिनु “परमप्रभु यावे आ राज्‍य मार नु गारबा? दोदेंशो कथा सेल्‍शा रुप्‍पाइक्‍नन्‍नी?
MAR 4:31 वांचेर नेल्‍ल आन क्‍येङा आइक्‍च तोरी गेडा बाक्‍ब।
MAR 4:32 तोरी गेडा वाशा, शुश राशी पाइश्‍शा गिग घांस आन क्‍येङा ठेयब रवा दुम्‍ब। मेको रवामी चिक्‍बीमी ग्‍योव़ सेल्‍शा, फाम्‍सीशा बाक्‍ने चाप्‍नीम। परमप्रभु यावे आ राज्‍य मेको खोदेंशोन बाक्‍ब” दे शेंदीमी बाक्‍त।
MAR 4:33 मुरपुकीमी रुप्‍ने चाप्‍मेक्‍ल, दे शुश कथा सेल्‍शा, परमप्रभु यावे आ लोव़ शेंना शेंन बाक्‍माक्‍त।
MAR 4:34 कथा मसेल्‍थु, लोव़ मपाइबाक्‍माक्‍त। आ शेंसीब आन कली मेको कथा आन अर्थ यो नेल्‍ल रुप्‍‍पाइक्‍बाक्‍माक्‍त।
MAR 4:35 मोपा शेंने थुम्‍शा ङा मिन, नां रिक्‍मेनु, येसुमी आ शेंसीब आन कली “समुन्‍द्र शोक्‍शा, आइक्‍ची हांबु जाक्‍दीय्‍य” देंमाक्‍त।
MAR 4:36 मिनु देल्‍शो मुरपुकी नु ब्राशा, डोंगा का ङोइश्‍शा, लमा बाक्‍त। अरु डोंगा का निक्‍शी यो लमा बाक्‍त।
MAR 4:37 मिनु लमानु, ठेयब फश गिवार पचा गोवा बाक्‍त। फश गिवार पवानु, ब्‍वाक्‍कु डोंगामी ओव़शा, ग्रुम्‍चवा बाक्‍त।
MAR 4:38 येसु चहिं पिया थांइसीशा इप्‍शा निन्‍द्रा पवा बाक्‍त। शेंसीबपुकीमी “ए शेंब, गो नेल्‍ल ब्‍वाक्‍कुमी ग्रुम्‍शा बेक्‍चांइतय दे ममिम्‍तीनी?” देंशा सेंदमे बाक्‍त।
MAR 4:39 मिनु येसु बोक्‍शा, फश गिवार कली हुइश्‍शा, समुन्‍द्र कली “ब्‍वालेइ पावो, मदुक्‍को” देंमेनु, फश गिवार ख्रा दिक्‍माक्‍त। मिनु सिक्‍सी दुम्‍माक्‍त।
MAR 4:40 मिनु शेंसीब आन कली “मारदे हिंनी? आं कली थमा मसुइक्‍नीनी?” देंमाक्‍त।
MAR 4:41 मेकोपुकी चहिं छक लाक्‍शा, शुश हिंशा “फश नु ब्‍वाक्‍कुमी यो आ लोव़ टीबाक्‍ताक्‍से। एको सु बाक्‍म माइ?” दे लोव़ पमुमा बाक्‍त।
MAR 5:1 मिनु आइक्‍ची हांबु गेरासीनी आन रागी जाक्‍दीम्‍मा बाक्‍त।
MAR 5:2 मिनु डोंगा रे तोंइ‍सीशा, येसुमी बेक्‍शो मुर थिम्‍‍तीके रे पिशो ग्रांग्रा दिचा ङा वोलमी ब्रीशो मुर का कली ग्रुमा बाक्‍त।
MAR 5:3 मेको मुर बेक्‍शो मुर थिम्‍‍तीकेमी बाक्‍बाक्‍माक्‍त। सुइमी मेको कली खिंमी वोइक्‍ने मचाप्‍मे बाक्‍त।
MAR 5:4 आ गुइ खोइली फ्रेंशा, साङलोमी पाइश्‍शा वोदमेनु यो, साङलो प्रोइश्‍शा प्रोक्‍बाक्‍माक्‍त। सुइमी मेको कली ग्राशा तेक्‍ने मचाप्‍बाक्‍मा बाक्‍त।
MAR 5:5 नाक्‍दो नाक्‍ती बेक्‍शो मुर थिम्‍‍तीके नु डांडामी हिरशा, वाइ ब्रेश्‍शा, फुल्‍लुमी थोक्‍सीशा, तेस्‍सीशा, गार सेल्‍सी बाक्‍माक्‍त।
MAR 5:6 मेको मुरुमी येसु कली ङोन रे तशा, दोरशा पिशा, सेउ पवा बाक्‍त।
MAR 5:7 मिनु ठेयब सेंदामी ग्रीशा “परमप्रभु यावे, नेल्‍ल क्‍येङा ठेयब आ तौ, गो निक्‍शी मार पमुसा ङा? परमप्रभु आ नें थिशा, श्‍येत मगेयीनी दे पुंइनन्‍नी” देंमाक्‍त। मर्कूस १:२४
MAR 5:8 मारदे हना येसुमी वोल कली “ए ग्रांग्रा दिचा ङा वोल, एको मुर रे ग्रूङो” दे माइश्‍शो बाक्‍माक्‍त।
MAR 5:9 मिनु “श्‍येत मगेयीनी, दे पुंइनन्‍नी” देंमेनु, येसुमी “इ नें मार में?” दे हिल्‍लो पवा बाक्‍त। मिनु मेकोमी “आं नें फौज बाक्‍ब, मारदे हना गो शुश बाक्‍नीकी” देंमाक्‍त।
MAR 5:10 मिनु “आंइ कली एको रागी रे मखेरचा नकी” दे पुना बाक्‍त।
MAR 5:11 मेको डांडामी शुश पोव़ जोन जोन बाक्‍शो बाक्‍मा बाक्‍त।
MAR 5:12 मोपतीके वोलपुकीमी “मेको पोव़ गे लशा, आन रांमी ओव़चा गेकी” दे पुन्‍मे बाक्‍त।
MAR 5:13 मिनु येसुमी लशा, ओव़चा गेमी बाक्‍त। मिनु ग्रांग्रा दिचा ङा वोलपुकी मुर रे ग्रूशा लशा, पोव़ आन रांमी ओव़मा बाक्‍त। मिनु मेको हजार निक्‍शी पोव़पुकी रोंगु रे यिना यिन, समुन्‍द्रमी ग्रुम्‍शा बेक्‍मा बाक्‍त।
MAR 5:14 पोव़ योव़बपुकीमी मो दुम्‍शो तशा, प्रोक्‍शा, सहर नु मेको रागीमी लोव़ ब्रपदमे बाक्‍त। मिनु मुरपुकीमी “मार दुम्‍मे? दो दुम्‍मे?” दे तुइक्‍थ जाक्‍मा बाक्‍त।
MAR 5:15 मिनु येसु आ नेक्‍था जाक्‍शा, ङोंइती वोलमी ब्रीशो मुर वा फेक्‍शा, साशा, येसु नु निश्‍शो तामे बाक्‍त। मेको कली साशो तशा, हिंमा बाक्‍त।
MAR 5:16 मिनु आन मिक्‍चीमी तशो तुइक्‍बपुकीमी नक जाक्‍शो मुर आन कली मार मार दुम्‍मे, मेको नेल्‍ल शोव़ङमे बाक्‍त।
MAR 5:17 मिनु मुरपुकीमी येसु कली “आंइ रागी रे ग्रूशा लने” देंमा बाक्‍त।
MAR 5:18 मिनु येसु डोंगामी ङोंइ‍सेनु, ङोंइती वोलम ब्रीशो मुरुमी “गे नु बाक्‍चा गेयीनी” दे पुना बाक्‍त।
MAR 5:19 मिनु येसुमी चहिं बाक्‍चा मगेथु “इ खिं लेश्‍शा लशा, इ मुर आन कली प्रभुमी इ कली दोदेंशो रिम्‍शो पवा, गिश शिशी कोंइदा तुइक्‍पतो” दे आ खिं सोइक्‍ता बाक्‍त।
MAR 5:20 मिनु लशा, आ खिंमी ला ममाइ, डेकापोलीस रागी नेल्‍ल हिरशा, येसुमी दोदेंशो रिम्‍शो पवा शुश मुर आन कली तुइक्‍पदा बाक्‍त। मिनु नेंबपुकीमी “गिश रिम्‍शो दुम्‍माक्‍त” दे छक लाक्‍मा बाक्‍त। मर्कूस ७:३१
MAR 5:21 मिनु येसु डोंगा ङोइश्‍शा, समुन्‍द्र शोक्‍शा, आइक्‍ची हांबु जाक्‍दीश्‍शा, समुन्‍द्र आ नेक्‍था बाक्‍माक्‍त। मिनु शुश मुर देल्‍मा बाक्‍त।
MAR 5:22 मिनु याइरस नें पाइश्‍शो ग्रुम्‍तीक खिं ङा ठेयब मुर का जाक्‍शा, येसु कली तशा, आ ङोंइती बाप्‍शा, आ पोक्‍च थेक्‍शा
MAR 5:23 “आं तमी बेक्‍चा चिक्‍ताक्‍व। आं खिं लशा, इन गुइ आं आल आ तार वोतीने। मिनु आ रोइ साशा ब्रोंइब” दे पुना बाक्‍त।
MAR 5:24 मिनु येसु मेको नु लमाक्‍त। मिनु शुश मुर मेको आ नोले खोइश्‍शा, हुल पा क्राक्‍शा लमा बाक्‍त।
MAR 5:25 मेको शुश मुर आन दातेमी १२ बर्स ङोंइती रे हुश याप्‍शो रोइ पाइब मीश मुर का यो बाक्‍माक्‍त।
MAR 5:26 शुश डाक्‍टर आन कली कोंइशा यो, आ रोइ मसाशो बाक्‍माक्‍त। डाक्‍टर आन गुइ रे पा शुश श्‍येत जशो बाक्‍माक्‍त। आ रोइ चहिं मसाथु, ङोंइती क्‍येङा सारो दुम्‍शो बाक्‍माक्‍त। आ बाक्‍शो मारेइ मारेइ यो नुप्‍शो बाक्‍‍माक्‍त।
MAR 5:27 मेको मीश मुरुमी “मेको येसु माइश्‍शो मुरुमी रोइ पशो आन कली सापाइक्‍ने चाप्‍ब” देंशो लोव़ नेंशो बाक्‍माक्‍त। मिनु शुश मुर आन दातेमी ओव़शा, नोले रे पा येसु आ फेक्‍शो वा थिवा बाक्‍त।
MAR 5:28 मारदे हना “आ फेक्‍शो वा थिचा ला ताता हना यो, सानुङ” दे मिम्‍शो बाक्‍माक्‍त।
MAR 5:29 मिनु थिवानु, आ हुश याप्‍चा देक्‍माक्‍त। मिनु साङा बाक्‍त दे तुइक्‍ता बाक्‍त।
MAR 5:30 येसुमी आइक्‍के सापाइक्‍तीक सक्ति ग्रूशो तुइश्‍शा, फिर लेश्‍शा कोव़शा “सुम आं फेक्‍शो वा थिवा?” दे हिल्‍लो पवा बाक्‍त। लूका ६:१९
MAR 5:31 मिनु शेंसीबपुकीमी “मिश ङा मुरुमी इन कली नेप्‍नीम। मिनु गे ‘सुम थियी’ देंनीनी?” देंमा बाक्‍त।
MAR 5:32 येसुमी चहिं एर ओंथ नेल्‍ल मिक्‍च हिरशा, सुम थियी दे तुइक्‍चा मला बाक्‍त।
MAR 5:33 मिनु मीश मुरुमी हिंशा ख्रिंख्रि पा पिशा, येसु आ ङोंइती बाप्‍शा, पोक्‍च थेक्‍शा, लोव़ नेल्‍ल शोव़ङा बाक्‍त।
MAR 5:34 मिनु येसुमी “आं तमी, गे थमा सुइक्‍तीवी, मिनु इ रोइ साते। इ थुं नाइश्‍शा बाक्‍को। मुल सास ङा सास बाक्‍को” देंशा ङा मिन सोइक्‍ता बाक्‍त।
MAR 5:35 मोपा येसुमी मीश मुर नु लोव़ पवानु, याइरस आ खिं रे जाक्‍शो मुरपुकीमी याइरस कली “इ तमी बेक्‍त। शेंब कली मारदे श्‍येत गेचा” दे मदमे बाक्‍त।
MAR 5:36 येसुमी मेको आन देंशो मनेंखु पा, याइरस कली “महिनो। थमा सुइक्‍ना सुइक्‍न बाक्‍को” देंमाक्‍त।
MAR 5:37 मिनु आ नोले खोइक्‍ब आन कली लचा मगेथु, पत्रुस, याकूब नु आ लोक्‍ब यूहन्‍ना आन कली ला काथा लदा बाक्‍त। मत्ती १७:१
MAR 5:38 मिनु जाक्‍दीश्‍शा, रोंका पा ङाक्‍ब मुर शुश तवा बाक्‍त।
MAR 5:39 मिनु खिं ओव़शा, ङाक्‍ब आन कली “मारदे रोंका पा ङाक्‍नीनी? मेको आल बेक्‍शो ममाइ, इप्‍शा बाक्‍शो बाक्‍ब” देंमाक्‍त। यूहन्‍ना ११:११
MAR 5:40 मिनु मेकोपुकीमी आ देंशो थमा मसुदमे बाक्‍त। “हत्‍तै, दोदेंशो लोव़ पवा” देंमानु, येसुमी मेको आन कली ग्रुंइदीमी बाक्‍त। मिनु आल आ आंम आफ नु आ शेंसीब आन कली आल आ बाक्‍तीके ओंइदा बाक्‍त।
MAR 5:41 मिनु आल आ गुइ ग्‍याइश्‍शा “तालीता कूमी” देंमाक्‍त। मेको लोव़ आ अर्थ “ए आल, बोक्‍को” देंशो रुम्‍सीब। लूका ७:१४; प्रेरित ९:४०
MAR 5:42 मिनु आल छुल बोक्‍शा, एर ओंथ हिरसे बाक्‍त। मेको आल १२ बर्स ङा बाक्‍माक्‍त। मिनु मेकेर बाक्‍बपुकी मोदेंशो दुम्‍शो तशा, थाम्‍पा छक लाक्‍मा बाक्‍त।
MAR 5:43 मिनु येसुमी “सुइ आन कली मशेंचा। आल कली जचा गेसे” दे आम आफ आस कली देंमाक्‍त।
MAR 6:1 मिनु मेकेर रे लशा, आ बाक्‍तीके सहरमी जाक्‍दीम्‍माक्‍त। आ शेंसीबपुकी यो खोइश्‍शा लमा बाक्‍त।
MAR 6:2 मिनु नाइक्‍तीक नाक्‍त ग्रुम्‍तीक खिं लशा, मुर आन कली शेंचा गोवा बाक्‍त। मिनु आ शेंशो नेंब शुशेमी छक लाक्‍शा “मेकोमी ओदेंशो शेंचा ते रे शेंसे माइ? ओदेंशो निप्‍स पाइश्‍शो लोव़ पचा दोपा जोक्‍गा? मेको आ गुइ रे दोदेंशो सक्ति पाइश्‍शो गेय दुम्‍मे? यूहन्‍ना ७:१५
MAR 6:3 शी मुइब ममाइ ङा? मरीयम आ तौ ममाइ ङा? याकूब, योसेस, यहूदा नु सिमोन आन लोक्‍ब ममाइ ङा? आ लोक्‍बपुकी गोपुकी नु मबाक्‍नीमी ङा?” दे आन थुं मनुशो लोव़ पमुमा बाक्‍त। यूहन्‍ना ६:४२
MAR 6:4 मिनु येसुम मो देंब आन कली “तेइ तेइ परमप्रभु यावे आ लोव़ पाइब आन कली ठेयब सेल्‍शा मान पाइनीम। आंम रागी ङा नु आंम जात ङा, आंम खिं ङा मुरपुकीमी चहिं महिक्‍नीम” दे माइक्‍मी बाक्‍त।
MAR 6:5 मिनु का निक्‍शी रोइ पशो मुर आन कली आ गुइम थिशा सापाइक्‍चा ङा लाक्‍शा, अरु सक्ति पाइश्‍शो गेय कोंइने मचबा बाक्‍त।
MAR 6:6 मिनु “थमा मसुइय्‍‍यीमी बाक्‍त” दे तुइश्‍‍शा, छक लाक्‍माक्‍त। मिनु एर ओंथ ङा गाउं गाउंमी हिरशा, शेंना शेंन गाक्‍माक्‍त।
MAR 6:7 मिनु काबु आ १२ जना शेंसीब आन कली ब्रेश्‍शा, निनिक्‍शी पा शेंथ सोइक्‍चा गोवा बाक्‍त। शेंसीब आन कली वोल खेरतीक सक्ति गेवा बाक्‍त। लूका १०:१
MAR 6:8 मिनु “जचा थोव़क, क्‍येट, झोला मारेइ मलाइक्‍चा। कोक्‍के कुरशा,
MAR 6:9 जुत्ता लिक्‍शा, फेक्‍तीक वा का ला फेक्‍शा गाक्‍कीन।
MAR 6:10 गाउं सहर जाक्‍दीश्‍शा, खिं कामी ओव़शा, बास बाक्‍कीन। मेको गाउं सहर रे गाक्‍ची मजाक्‍म सम्‍म बाक्‍कीन। खिं खिं याक्‍शा मबाक्‍कीन।
MAR 6:11 इन कली बाक्‍चा मगेथु इन शेंशो लोव़ यो मनेंतेक्‍म हना, इन खोइली ङा फुरक थुर थुर पाइश्‍शा गाक्‍कीन। इन मो पशोमी मेको आन कली चिन्‍ड दुम्‍ब” दे माइश्‍शा सोइक्‍तीमी बाक्‍त।
MAR 6:12 मिनु शेंसीबपुकी लशा, मुर आन कली “इन थुं परमप्रभु यावे गे लेत्‍तीन” दे नेंपाइक्‍ना पाइक्‍न गाक्‍‍मा बाक्‍त।
MAR 6:13 मिनु वोल आन कली ग्रुंइशा खेरबाक्‍मा बाक्‍त। रोइ पशो मुर आन कली तेल ख्रेक्‍शा, प्रार्थना पा सापाइक्‍बाक्‍मा बाक्‍त। याकूब ५:१४-१४
MAR 6:14 मिनु हेरोद पिपमी मेको लोव़ नेंना बाक्‍त। मारदे हना येसु आ नें तेइ तेइ ब्रशो बाक्‍माक्‍त। का निक्‍शी मुरपुकीमी “ब्‍वाक्‍कुमी ख्रुम्‍शा ग्रुंइब यूहन्‍ना बेक्‍शो रे सेंचा पुंइसे बाक्‍त। मोपतीके सक्ति पाइश्‍शो गेय पाइबाक्‍माक्‍त” देंबाक्‍मा बाक्‍त।
MAR 6:15 का निक्‍शीमी “एलीया बाक्‍माक्‍त” देंबाक्‍मा बाक्‍त। का निक्‍शीमी “साइ ङा परमप्रभु यावे आ लोव़ पाइब आन दाते ङा का, माइ” देंबाक्‍मा बाक्‍त।
MAR 6:16 हेरोद पिपमी मोदेंशो लोव़ नेंशा “गो आ पिया क्‍योरपाइश्‍शो यूहन्‍ना बेक्‍शो रे सेंचा पुंइसे बाक्‍त” देंमाक्‍त।
MAR 6:17 हेरोदमी हरोदनी कली ग्‍येरपाइश्‍शा, यूहन्‍ना कली ग्‍याइक्‍पाइश्‍शा, जेल्‍खानमी चोक्‍पाइश्‍शा वोइश्‍शो बाक्‍माक्‍त। मारदे हना हेरोदमी आ लोक्‍ब फिलीप आ मीश लाइश्‍शो बाक्‍माक्‍त।
MAR 6:18 मिनु यूहन्‍नामी हेरोद कली “इन लोक्‍ब आ मीश लाइक्‍चा मदुम्‍ब” दे माइश्‍शो बाक्‍माक्‍त। प्रस्‍थान २०:१४; लेवी १८:१६
MAR 6:19 मोदेंशो आ पर्बम हेरोद आ मीशेमी चुरशा, यूहन्‍ना कली साइक्‍पाइक्‍चा माल्‍शो बाक्‍माक्‍त।
MAR 6:20 तन्‍न साइक्‍पाइक्‍ने मचाप्‍शो बाक्‍माक्‍त। मारदे हना हेरोद पिपमी “यूहन्‍ना ठीक पाइब नु रिम्‍शो थुं पाइश्‍शो मुर बाक्‍ब” दे तुइश्‍शा, यूहन्‍ना क्‍येङा हिंबाक्‍माक्‍त। मोपतीके साइक्‍चा मगेथु वोइश्‍शो बाक्‍माक्‍त। मिनु यूहन्‍ना आ लोव़ नेंनें दाक्‍शा, आ थुं ग्‍येत्‍थ लुक्‍च दुम्‍शा, नोफा दाइश्‍शा नेंबाक्‍माक्‍त।
MAR 6:21 काबु मार दुम्‍माक्‍त देंशा हना, पिप आ जरमेशो नाक्‍ती मिम्‍चा कली हेरोद पिपमी आ दरवार ङा गेय पाइब, सरकार ङा गेय पाइब नु गालील ङा ठेयब मुर नेल्‍ल आन कली ब्रेश्‍शा, ठेयब भोज का गेवा बाक्‍त।
MAR 6:22 मिनु हेरोदनी आ तमीमी सिल कोंइदा बाक्‍त। मिनु हेरोद नु मेकेर खुम्‍सीशा बाक्‍बमी मेको सिल पशो तशा, शुश दाक्‍शा, नेल्‍ल ग्‍येरसमा बाक्‍त। मिनु पिपमी मेको मीश आल कली “इ दाक्‍शो पुनो। गो मेको गेनन” देंमाक्‍त।
MAR 6:23 मिनु लोव़ थोक्‍शा “मार पुंइतीवी हना यो, इ पुंइशो नेल्‍ल गेनन। राज्‍य उइक्‍थ उइक्‍थ पा योक्‍शा यो गेनन” दे कसम जशा, लोव़ गेवा बाक्‍त। एस्‍तर ५:३-६
MAR 6:24 मिनु मीश आल ग्रूशा, आ ममा कली “मार पुनु माइ” दे हिल्‍लो पवानु, आ ममामी “ब्‍वाक्‍कुम ख्रुम्‍शा ग्रुंइब यूहन्‍ना आ पिया गेचा नङ, दे पुनो” देंमाक्‍त।
MAR 6:25 मिनु मीश आल फ्रा लेश्‍शा, ओव़शा पिप कली “ब्‍वाक्‍कुम ख्रुम्‍शा ग्रुंइब यूहन्‍ना आ पिया थालमी कुर पा गेयीनी” दे पुना बाक्‍त।
MAR 6:26 मेको आ पुंइशो नेंशा, पिप आ थुं शुश खाइक्‍माक्‍त। तन्‍न मेकेर बाक्‍ब आन कुल कसम जशा ङा मिन “इ पुंइशो गेनन” देंतीके “मगेनन” देंने मचबा बाक्‍त।
MAR 6:27 मोपतीके सिपाइ का कली “लशा, यूहन्‍ना आ पिया क्‍योरशा चाक्‍को” दे सोइक्‍ता बाक्‍त।
MAR 6:28 मिनु आ पिया थालम कुर पा चाक्‍शा, मीश आल कली गेवा बाक्‍त। मिनु मीश आलमी आ ममा कली गेवा बाक्‍त।
MAR 6:29 मिनु यूहन्‍ना आ शेंसीबपुकीमी “यूहन्‍ना साइक्‍चा पुंइसे बाक्‍त” देंशो नेंशा, जेल्‍खानमी लशा, आ बेक्‍शो रां लाइश्‍शा, थिम्‍मे बाक्‍त।
MAR 6:30 येसु आ सोइश्‍शोपुकी लशा शेंशा, लेश्‍शा जाक्‍मा बाक्‍त। मिनु मार पामे, मार शेंदमे, मेको लोव़ येसु कली शोव़ङमे बाक्‍त। लूका ९:१०; लूका १०:१७
MAR 6:31 मिनु येसुमी “मुर मबाक्‍तीके लशा नांइ‍सय” देंमाक्‍त, मारदे हना शुश मुर ग्रुम्‍थ जाक्‍बाक्‍मा बाक्‍त। मिनु येसु नु आ शेंसीबपुकीमी जचा कली यो नाइक्‍चा मतामे बाक्‍त।
MAR 6:32 मिनु डोंगा ङोइश्‍शा, समुन्‍द्र शोक्‍शा लमा बाक्‍त। मुर मबाक्‍तीके जाक्‍दीश्‍शा, नाइक्‍चा, दे थुं पामे बाक्‍त।
MAR 6:33 तन्‍न शुश मुरुमी येसु नु आ शेंसीब आन कली लशो तुइश्‍शा, डोंगाम ङोइश्‍शो तशा, आइक्‍ची हांबु गे लमा बाक्‍त दे तुइश्‍‍शा, समुन्‍द्र हिरशा, दोरशा जाक्‍दीम्‍मा बाक्‍त।
MAR 6:34 मिनु येसु डोंगा रे तोंइ‍सीशा, शुश मुर देल्‍शा बाक्‍शो तशा, शिशी पवा बाक्‍त। मारदे हना मेको आन कली गोठला मपाइश्‍शो भेडा खोदेंशो दुम्‍शो तामी बाक्‍त। मिनु शुश लोव़ शेंचा गोवा बाक्‍त। मत्ती ९:३६
MAR 6:35 मिनु शेंस ङा शेंस पवानु, नां रिक्‍चवा बाक्‍त। मिनु शेंसीबपुकीमी येसु कली “मुर मबाक्‍तीके बाक्‍ब, नां रिक्‍चाप्‍तु।
MAR 6:36 एको देल्‍शो मुर आन कली सोइक्‍चा। मारदे हना गाउं सहर लशा, आंम कली जचा थोव़क ग्‍याप्‍मेक्‍ल” दे मदमेनु, मर्कूस ८:१-९
MAR 6:37 येसुमी “गेपुकीमी एको आन कली जचा गेने” दे माइक्‍मी बाक्‍त। मिनु शेंसीबपुकीमी “गोपुकी लशा, सहे निक्‍शी देनार खोइ ङा शोब्‍ले ग्‍याप्‍शा, चाक्‍शा, थुल्‍चा देंनी?” दे हिल्‍लो पामेनु, देनार का नाक्‍त का ङा गाल्‍च बाक्‍त। मेको रोम ङा चांदी के क्‍येट बाक्‍त।
MAR 6:38 “शोब्‍ले दोशो कुरनी? कोव़थ लने” देंमाक्‍त। मिनु कोव़शा “शोब्‍ले ५ ओटा नु ङांइ निक्‍शी बाक्‍त” देंमा बाक्‍त।
MAR 6:39 मिनु येसुमी मुर आन कली गिग घांस बाक्‍तीके दिंममी “लस्‍कर पा निप्‍पतीन” दे माइक्‍मी बाक्‍त।
MAR 6:40 मिनु सहे, सहे नु ५०, ५० ङा लस्‍कर पा निस्‍समा बाक्‍त।
MAR 6:41 मिनु येसुमी शोब्‍ले नु ङांइ शेशा, सरीङ गे कोव़शा “परमप्रभु गे रिम्‍शो पाइब बाक्‍नीनी” देंशा, शोब्‍ले जिक्‍शा, निप्‍पाइश्‍शो मुर आन कली “योक्‍शा गेने” दे आ शेंसीब आन कली गेवा बाक्‍त। ङांइ यो योक्‍पाइक्‍मी बाक्‍त। मर्कूस ७:३४
MAR 6:42 मिनु नेल्‍लेमी रूथ्री जामे बाक्‍त।
MAR 6:43 मिनु जशा, हें‍शो शोब्‍ले नु ङांइ गुप्‍मेनु, १२ डालो ब्रीमाक्‍त।
MAR 6:44 जाइबपुकी वोंइश मुर ला ५ हजार बाक्‍मा बाक्‍त।
MAR 6:45 मिनु येसुमी आ शेंसीब आन कली “आं ङोंइती लशा, समुन्‍द्र शोक्‍शा, बेथसैदा सहरमी जाक्‍दी‍तीन” दे डोंगामी ङोइक्‍पाइश्‍शा, सोइक्‍तीमी बाक्‍त।
MAR 6:46 मिनु नोले प्रार्थना पथ डांडा ङोंइ‍से बाक्‍त।
MAR 6:47 मिनु नां रिक्‍मेनु, डोंगा समुन्‍द्रमी बाक्‍माक्‍त। येसु चहिं डांडाम बाक्‍माक्‍त।
MAR 6:48 मिनु येसुमी आ शेंसीबपुकीमी श्‍येत जामे बाक्‍त, दे तुइक्‍ता बाक्‍त। मारदे हना फशेमी डोंगा तेक्‍गा बाक्‍त। मिनु नां सोव़चावानु, येसु ब्‍वाक्‍कु तारी गाक्‍शा पिमाक्‍त।
MAR 6:49 “मेको आन कली दाम पाइक्‍नुङ” दे मिम्‍शा, पेत्‍चावानु, शेंसीबपुकीमी येसु कली ब्‍वाक्‍कु तारी गाक्‍शो तशा, वोल दाप्‍शा, हिंशा वाइ ब्रेम्‍मा बाक्‍त।
MAR 6:50 मारदे हना नेल्‍लेमी तामे बाक्‍त। मिनु शुश हिंमा बाक्‍त। मिनु येसुमी मेको आन कली सेश्‍शा “महिनीन, गो नङ, इन थुं बारपतीन” देंमाक्‍त।
MAR 6:51 मिनु डोंगा ङोंइ‍से बाक्‍त। मिनु फश गिवार दिक्‍माक्‍त। मिनु शेंसीबपुकी थाम्‍पा छक लाक्‍मा बाक्‍त। मर्कूस ४:३९
MAR 6:52 दोपा शोब्‍ले बारपदा, दे मारेइ ममिम्‍शो बाक्‍मा बाक्‍त। मारदे हना रुप्‍‍चा थुं मपाइबाक्‍मा बाक्‍त। मर्कूस ८:१७
MAR 6:53 मिनु समुन्‍द्र शोक्‍शा, गेनेसरेथ जाक्‍दीम्‍मा बाक्‍त।
MAR 6:54 मिनु डोंगा रे तोंइ‍सामानु, मुरपुकीमी येसु बाक्‍ब दे तुइक्‍तमे बाक्‍त।
MAR 6:55 मिनु येसु ते ते लमे, मेक मेक दोरशा लशा, रोइ पशो आन कली कुरशा, आ नेक्‍था चाक्‍ग्‍मे बाक्‍त।
MAR 6:56 येसु गाउं सहर ते ते लमे, मेक मेक रोइ पशो आन कली चाक्‍बाक्‍मा बाक्‍त। मिनु येसु कली “इन फेक्‍शो वा थिचा गेयीनी” दे पुंइबाक्‍मा बाक्‍त। मिनु सु सुमी आ फेक्‍शो वा थीमे, मेकोपुकी साबाक्‍मा बाक्‍त। मर्कूस ५:२७-२८; प्रेरित ५:१५; प्रेरित १९:११-१२
MAR 7:1 फरिसीपुकी नु सास्‍त्री का निक्‍शी यरूसलेम रे यिशा, येसु आ बाक्‍तीकेम जाक्‍मा बाक्‍त।
MAR 7:2 मिनु काथा बाक्‍मानु, येसु आ शेंसीबपुकीमी गुइ मचिक्‍थु जशो तामे बाक्‍त।
MAR 7:3 फरिसी नु यहूदी नेल्‍लेमी गुइ मचिक्‍थु मजाइनीम। आन जोक्‍ब तुइक्‍ब खाल्‍पापुकीमी वोइश्‍शो पतीके नेल्‍ल पाइनीम।
MAR 7:4 बजार लशा लेश्‍शा, खिं जाक्‍शा, चोव़खेसीशा ला जाइनीम। कचौरा, लोटा, गाग्री, नित्‍तीके नेल्‍ल चोव़खेचा माल्‍ब। मेको मोदेंशो पतीके शुश पाइनीम। मत्ती २३:२५
MAR 7:5 मोपतीके येसु आ शेंसीबपुकीमी गुइ मचिक्‍थु जशो तशा, येसु कली “इन शेंसीबपुकीमी किकी पिपीमी वोइश्‍शो रिती थिती मारदे मपाइनीमी? मचोव़खेसीथु गुइ मचिक्‍थु जाइबाक्‍तेक्‍म” दे मदमे बाक्‍त।
MAR 7:6 मिनु येसुमी मेको आन कली “गे कपटीपुकी, यसैयामी पशो नोले दुम्‍ब लोव़ इन कली गारमाक्‍त। मार ब्रेक्‍शो बाक्‍त देंशा हना ‘मेकोपुकीमी शोव़ रे पा ला आं कली मान पाइनीम। आन थुंमी चहिं मदाक्‍नीम, आं देंशो यो मपाइ‍नीम। यसैया २९:१३
MAR 7:7 आं कली सेउ पखु पा, परमप्रभु यावे आ लोव़ बाक्‍त, दे शेंनीमी, तन्‍न मुरुमी मिम्‍शो ला शेंनीम’ दे ब्रेक्‍शो बाक्‍त। यसैया २९:१३
MAR 7:8 परमप्रभु यावे आ अरेशो लोव़ प्रोंइशा, मुरुमी वोइश्‍शो पतीके पाइनीनी” दे माइक्‍मी बाक्‍त।
MAR 7:9 मिनु लोव़ बोइश्‍शा “गिश जोक्‍ब तुइक्‍ब ननी। परमप्रभु यावे आ देंशो शेंचा प्रोंइशा, आंम सेल्‍शो इन पतीके ला शेंनीनी।
MAR 7:10 मोसामी ब्रेक्‍शो लोव़ का ‘आम आफ आस कली मान पचा’ मिनु लोव़ का ‘सु सुमी आम आफ आस कली मरिम्‍शो लोव़ पामे, मेकोपुकी साइक्‍चा पुंइसमल’ दे ब्रेक्‍शो बाक्‍त। प्रस्‍थान २०:१२; प्रस्‍थान २१:१७
MAR 7:11 गेपुकीमी चहिं सुमी आम आफ आस कली ‘इन कली गेचा माल्‍शो थोव़क लाइश्‍शा, कुरबन कली गेता’ दे माइक्‍बा, मेकोमी आम आफ आस कली मारेइ गेचा ममाल्‍ब दे शेंनीनी। ‘कुरबन गेता’ देंशो चहिं ‘परमप्रभु कली गेता’ देंशो रुम्‍सीब।
MAR 7:12 मोपा इन शेंतीक लोव़मी आम आफ आस कली वारच पचा तेक्‍नीनी।
MAR 7:13 इन वोइश्‍शो रिती थितीमी परमप्रभु यावे आ देंशो टिचा प्रोंइपाइक्‍नीनी। मिनु मोदेंशो कपटी गेय शुश पाइनीनी” दे हुइक्‍तीमी बाक्‍त।
MAR 7:14 मिनु येसुमी मुर आन कली लेंशा ब्रेश्‍शा “गे नेल्‍लेमी नोफा दाइश्‍शा नेंशा रुपीने।
MAR 7:15 लाङगा रे ओव़शो थोव़कीमी मुर कली ग्रांग्रा दिशो सेल्‍ने मचाप्‍ब। मुर रे ग्रूशो थोव़कीमी चहिं मुर कली ग्रांग्रा दिशो सेल्‍ब। प्रेरित १०:१४-१५
MAR 7:16 सु के नेंब नोफा बाक्‍मे, मेकोमी नेंनल” दे शेंदीमी बाक्‍त। मर्कूस ४:२३
MAR 7:17 मिनु मुर आन कली प्रोंइशा, खिं ओव़मेनु, आ शेंसीबपुकीमी “इन शेंशो लोव़ थमा पा मार रुम्‍सीबा?” दे हिल्‍लो पामे बाक्‍त।
MAR 7:18 मिनु येसुमी “मार, गे यो एको लोव़ मरुप्‍‍नी? लाङगा रे ओव़शो थोव़कीमी मुर कली ग्रांग्रा दिशो सेल्‍ने मचाप्‍ब,
MAR 7:19 मारदे हना मुर आ थुंमी मओव़ब। आ कोव़जीम ओव़शा ग्रिम्‍शा, क्‍यी लां पा ग्रूब, दे मतुइक्‍नीनी?” दे शेंदीमी बाक्‍त। मो देंशोमी जचा थोव़क नेल्‍ल ग्रांग्रा मबाक्‍नीम, दे शेंदा बाक्‍त।
MAR 7:20 मिनु मेकोमी “मुर रे मार ग्रूबा, मेकोमी मुर कली ग्रांग्रा दिशो सेल्‍ब।
MAR 7:21 मुर आ थुं रे दोदेंशो ग्रांग्रा दितीके ग्रूब देंशा हना, तेल्‍लेम पचा, खुइ पचा, साइक्‍चा,
MAR 7:22 ग्‍युंबे पशो मुर अर्को नु इप्‍चा, शिंम पचा, जोल पचा, गेहे पचा, नें तोक्‍चा, ठेयब लेत्‍चा, ममिम्‍थु गेय पचा।
MAR 7:23 मोदेंशो पतीके मुर आ थुंम बाक्‍ब। मेको ग्रूशा, मुर कली ग्रांग्रा दिशो सेल्‍ब” दे शेंदीमी बाक्‍त।
MAR 7:24 मिनु बोक्‍शा, मेकेर रे टायर नु सीदोन गे लशा, खिं का ओव़माक्‍त। सुइमी मतुइक्‍तमेक्‍ल दें‍त हना यो, ख्रुइश्‍शा बाक्‍ने मचबा बाक्‍त।
MAR 7:25 मिनु ग्रांग्रा दिचा ङा वोलम सुम्‍शो आइक्‍च आल आ ममामी “येसु जाक्‍माक्‍त” देंशो नेंशा, येसु आ बाक्‍तीके जाक्‍दीम्‍माक्‍त।
MAR 7:26 मेको मीश मुर अर्को रागी ङा, सुरोफोनीसीयामी जरमेशो ङा बाक्‍माक्‍त। मिनु मेको जाक्‍शा, येसु आ ङोंइती खुम्‍की पा बाप्‍शा “आं तमी रे वोल ग्रुंइदीने” दे पुना बाक्‍त।
MAR 7:27 मिनु येसुमी “ङोंइती आल आन कली थुल्‍चा माल्‍ब। आल आन कली गेचा माल्‍शो शोब्‍ले कुचुम आन कली गेचा मदुम्‍ब” दे मदा बाक्‍त।
MAR 7:28 मिनु मेको मीश मुरुमी “मदुम्‍ब, प्रभु, तन्‍न कुचुमपुकीमी यो आलपुकीमी तोक्‍शो शोब्‍ले जचा ताइनीम” देंमाक्‍त।
MAR 7:29 मिनु येसुमी “इ मो देंतीके इ पुंइशो गेतन। वोल इ तमी रे ग्रूत” दे मदा बाक्‍त।
MAR 7:30 मिनु आ खिं लेश्‍शा जाक्‍मेनु, वोल ग्रूशा, आल सेस दुम्‍शा इप्‍शो बाक्‍माक्‍त।
MAR 7:31 मिनु टायर रे लेश्‍शा, सीदोन नु डेकापोलीस सहर दाते लां पा लशा, गालील ङा समुन्‍द्र जाक्‍दीम्‍माक्‍त। मत्ती १५:२९-३१; मर्कूस ५:२०
MAR 7:32 मिनु नोफा मनेंब मुर का चाक्‍शा “एको तार इन गुइ वोतीने” दे पुन्‍मे बाक्‍त।
MAR 7:33 मिनु येसुमी मेको नोफा मनेंब कली हुल रे फ्राशा लदा बाक्‍त। मिनु आ ब्रेप्‍चो मुर आ नोफामी ओंइशा, थुथु पा तोक्‍शा, नाक्‍चुकमी आ लें थिशा,
MAR 7:34 सरीङ गे कोव़शा, लाइश्‍शो सोक्‍त कीशा “हेफाता” दे मदा बाक्‍त। मेको चहिं “रोक्‍सो” देंशो रुम्‍सीब।
MAR 7:35 मिनु आ नोफा रोक्‍सीशा, नोफा नेंब दुम्‍माक्‍त। आ लें लोक्‍सीशा, लोव़ पाइब दुम्‍माक्‍त।
MAR 7:36 मिनु “सुइ आन कली मशेंदीने” दे माइक्‍मी बाक्‍त। मशेंदीने माइक्‍मी बाक्‍त हना यो, मेकोपुकीमी तेइ तेइ शेंना शेंन गाक्‍मा बाक्‍त। मर्कूस १:४३-४५
MAR 7:37 मिनु आ लोव़ नेंबपुकी थाम्‍पा छक लाक्‍शा “मेकोमी नेल्‍ल रिम्‍शो सेल्‍बाक्‍त। नोफा मनेंब आन कली नोफा नेंब सेल्‍बाक्‍त। लोव़ पस मजोक्‍ब आन कली लोव़ पाइब सेल्‍बाक्‍त” दें‍मा बाक्‍त।
MAR 8:1 मिनु लेंशा शुश मुर देल्‍शा बाक्‍शो बाक्‍मा बाक्‍त। मेकोपुकी नु मारेइ जचा थोव़क मबाक्‍माक्‍त। मिनु येसुमी आ शेंसीब आन कली ब्रेश्‍शा
MAR 8:2 “एको आन कली शिशी पातामी। मारदे हना साबेर नाक्‍त रे मुल सम्‍म गो नु काथा बाक्‍शा, मारेइ जचा मतामे। मर्कूस ६:३४-४४
MAR 8:3 जचा मगेथु आन खिं खिं सोइक्‍ताक्‍ङमी हना, लांमी गाक्‍ना गाक्‍न थाइनीम। का निक्‍शी शुश ङोन रे जाक्‍शो बाक्‍नीम” देंमाक्‍त।
MAR 8:4 मिनु शेंसीबपुकीमी “ओदेंशो गोरशो रागीमी इश ङा मुर आन कली शोब्‍ले गेशा, दोपा रूपाइक्‍चा ङा?” देंमा बाक्‍त।
MAR 8:5 मिनु येसुमी “शोब्‍ले दोशो कुरनी?” दे हिल्‍लो पवानु “७ ओटा” देंमा बाक्‍त।
MAR 8:6 मिनु मुर आन कली “निस्‍सीन” दे दिंममी निप्‍पपाइक्‍मी बाक्‍त। मिनु मेको ७ ओटा शोब्‍ले शेशा, परमप्रभु कली “गे रिम्‍शो पाइब बाक्‍नीनी” देंशा, शोब्‍ले जिक्‍शा, शेंसीब आन कली गेशा, योक्‍पदा बाक्‍त। मिनु मेकोपुकीमी मुर आन कली गेमे बाक्‍त।
MAR 8:7 आइक्‍च ङांइ का निक्‍शी यो बाक्‍माक्‍त। मेको ङांइ यो शेशा “गे रिम्‍शो पाइब बाक्‍नीनी” देंशा “योक्‍कीन” दे गेमी बाक्‍त।
MAR 8:8 मिनु मुरपुकीमी रूथ्री जामे बाक्‍त। जशा लीशो गुप्‍शा, ७ डालो प्रिंङमे बाक्‍त।
MAR 8:9 जाइबपुकी ४ हजार खोइ बाक्‍मा बाक्‍त। मिनु येसुमी मुर आन कली आन खिं खिं सोइक्‍ता बाक्‍त।
MAR 8:10 मिनु छुल छाल बोक्‍शा, आ शेंसीबपुकी नु डोंगा ङोइश्‍शा, दल्‍मानुथा रागी जाक्‍दीम्‍मा बाक्‍त।
MAR 8:11 मिनु फरिसी जाक्‍शा, येसु आ थुं थाम्‍चा कली “सरीङ ङा चिन्‍ड का कोंइदीकी” देंमा बाक्‍त। यूहन्‍ना ६:३०
MAR 8:12 मिनु येसुमी लाइश्‍शो सोक्‍त कीशा “सिनाक्‍त मुलाक्‍त ङा मुरपुकीमी मारदे चिन्‍ड कोव़चा माल्‍नीमी? नोफा दाइश्‍शा नेनीन, चिन्‍ड का यो मकोंइनन्‍नी” देंमाक्‍त।
MAR 8:13 मिनु मेको आन कली प्रोंइशा, डोंगा ङोइश्‍शा, समुन्‍द्र शोक्‍शा, आइक्‍ची हांबु जाक्‍दीम्‍मा बाक्‍त।
MAR 8:14 शेंसीबपुकीमी शोब्‍ले लाइक्‍चा प्रेंशो बाक्‍मा बाक्‍त। डोंगाम शोब्‍ले का ला लीशो बाक्‍माक्‍त।
MAR 8:15 मिनु येसुमी आ शेंसीब आन कली “नेनीने, फरिसीपुकी नु पिप हेरोद आन बोरपाइक्‍ब ओख्‍ती क्‍येङा होस पांइसीन” दे माइक्‍मी बाक्‍त। लूका १२:१; मर्कूस ३:६
MAR 8:16 मिनु “शोब्‍ले कुरचा प्रेंदमे बाक्‍त, दे तुइश्‍शा, मो देंम कों?” देंमुमा बाक्‍त।
MAR 8:17 मिनु येसुमी आन लोव़ तुइश्‍शा “शोब्‍ले मबा दे मारदे शुश लोव़ पाइनीनी? गे मुल यो मारेइ मरुप्‍नीनी? ममिम्‍नीनी? तुइक्‍चा यो ममाल्‍नीनी? मर्कूस ६:५२
MAR 8:18 मिक्‍च पाइश्‍शो बाक्‍तीनी हना यो, मताइनीनी? नोफा पाइश्‍शो बाक्‍तीनी हना यो, मनेंनीनी? मुल यो मारेइ मिम्‍ने मचाप्‍नीनी? मत्ती ११:१३,१६
MAR 8:19 गोम ५ ओटा शोब्‍ले जिक्‍शा योक्‍शा, ५ हजार मुर आन कली थुलुनु, जशा लीशो गिश डालो प्रिंदीनी?” देंमेनु “१२ डालो” देंमा बाक्‍त। मर्कूस ६:४१-४४
MAR 8:20 “मिनु ७ ओटा शोब्‍लेमी ४ हजार मुर आन कली थुलुनु, जशा लीशो गिश डालो प्रिंदीनी?” देंमेनु “७ डालो” देंमा बाक्‍त। मर्कूस ८:८-९
MAR 8:21 मिनु “मुल यो मारेइ मरुम्‍नी?” देंमाक्‍त।
MAR 8:22 येसु नु आ शेंसीबपुकी बेथसैदा जाक्‍दीम्‍मा बाक्‍त। मिनु मुरपुकीमी मिक्‍च मताइब का चाक्‍शा “मेको कली थिने” दे पुन्‍मे बाक्‍त। मर्कूस ६:५६
MAR 8:23 मिनु येसुमी मिक्‍च मताइब कली गुइमी ग्‍याइश्‍शा ङा मिन, कीशा गाउं रे ग्रुंइशा लदा बाक्‍त। मिनु आ मिक्‍चीम थुथु पा तोक्‍शा, आ गुइ आ तारी वोइश्‍शा “मुल मार मार तवी?” दे हिल्‍लो पवा बाक्‍त। यूहन्‍ना ९:६
MAR 8:24 मिनु मेकोमी इर गे कोव़शा “मुरपुकी गाक्‍शो ताता, तन्‍न मेको मुरपुकी रवा खोदेंशो तांइसाक्‍म” देंमाक्‍त।
MAR 8:25 मिनु लेंशा आ गुइ आ मिक्‍च तारी वोदा बाक्‍त। मिनु मेकोमी कोव़स ङा कोव़स पा तवा बाक्‍त।
MAR 8:26 मिनु येसुमी “गाउं हेरशा, इ खिं लावो” दे सोइक्‍ता बाक्‍त।
MAR 8:27 येसु नु आ शेंसीबपुकी सिजरिया फिलिप्‍पी गे लमा बाक्‍त। मिनु लांमी गाक्‍मानु, येसुमी “मुरपुकीमी आं पर्बम मार देंनीमी?” दे हिल्‍लो पवानु,
MAR 8:28 “का निक्‍शीमी ‘ब्‍वाक्‍कुम ख्रुम्‍शा ग्रुंइब यूहन्‍ना बाक्‍माक्‍त’ देंनीम। का निक्‍शीमी ‘एलीया बाक्‍माक्‍त’ देंनीम। का निक्‍शीमी ‘परमप्रभु यावे आ लोव़ पाइब का बाक्‍माक्‍त’ देंनीम” दे मदमे बाक्‍त। मर्कूस ६:१५
MAR 8:29 मिनु येसुमी “गेपुकी चहिं आं कली सु सुइय्‍‍यीनी?” दे हिल्‍लो पवानु, पत्रुसमी “गे ख्रीस्‍त बाक्‍नीनी” देंमाक्‍त।
MAR 8:30 मिनु आ शेंसीब आन कली “एको ख्रीस्‍त बाक्‍ब, दे सुइ आन कली मशेंदीन” दे माइक्‍मी बाक्‍त। मर्कूस ९:९
MAR 8:31 मिनु येसुमी आ शेंसीब आन कली “रागीम जरमेशोमी शुश श्‍येत जचा माल्‍ब। जोक्‍ब तुइक्‍ब खाल्‍पा , ठेयब चढ़ेब नु सास्‍त्रीपुकीमी मेको कली मब्राइनीम, साइक्‍पाइक्‍नीम। मिनु बेक्‍शो आ नित्‍थ नाक्‍ती सेंसीब” दे लोव़ मख्रुइक्‍थु शेंदीमी बाक्‍त। मर्कूस ४:३१; मर्कूस १०:३२-३४
MAR 8:32 मिनु पत्रुसमी येसु कली एर आइक्‍ची लाइश्‍शा, हुइक्‍ता बाक्‍त।
MAR 8:33 मिनु येसु हिरशा, अर्को शेंसीबपुकी गे कोव़शा “ए सैतान, इ कुल मकोंइदी। परमप्रभु यावे आ मिम्‍शो ममाइ, मुर आन देंशो नेंबाक्‍ते” दे पत्रुस कली हुइक्‍ता बाक्‍त।
MAR 8:34 मिनु आ शेंसीबपुकी नु मेकेर देल्‍शो आन कली ब्रेश्‍शा “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आं नोले खोइय्‍यील।
MAR 8:35 सुमी आंम कली प्रोंइचा माल्‍बा, मेको जाम्‍शा लाइब। सुमी आं पर्बम नु परमप्रभु यावे आ लोव़ आ पर्बम आंम कली जिम्‍मा गेबा, मेको ब्रोंइब। मत्ती १०:१९
MAR 8:36 रागी नेल्‍ल आंम के सेल्‍ने चाप्‍ब, तन्‍न बेक्‍त हना, मेको मार रिम्‍शो दुम्‍बा ङा?
MAR 8:37 मारदे हना गे मार गेशा ब्रोंइने चाप्‍नीनी ङा?
MAR 8:38 सुमी हेंथे गाक्‍ब नु पाप पाइब आन पालामी आं पर्बम नु आं लोव़ आ पर्बम मुर आन कली देंचा मुने पाइबा, मेको आ पर्बम रागीम जरमेशोमी यो आ आफ आ छेङछेङ नु आ स्‍वर्ग ङा गेय पाइबपुकी नु जाक्‍मेनु मेको कली तशा मुने पाइब” दे माइक्‍मी बाक्‍त। मत्ती १०:३३
MAR 9:1 मिनु “नोफा दाइश्‍शा नेनीने, मुल गो नु काथा बाक्‍शो का निक्‍शीमी परमप्रभु यावे आ राज्‍य सक्ति पाइश्‍शा जाक्‍शो मतामे सम्‍म मबेक्‍नीम” देंमाक्‍त।
MAR 9:2 मिनु ६ नाक्‍त नोले येसुमी पत्रुस, याकूब नु यूहन्‍ना, सां आन कली सुइ मबाक्‍तीके डांडामी लदा बाक्‍त। मिनु मेको आन ङोंइती येसु फांइ‍से बाक्‍त।
MAR 9:3 दोपा फांइ‍से बाक्‍त देंशा हना, आ फेक्‍शो वा बुबु पा जिलील बुश दुम्‍शो तामे बाक्‍त। मोदेंशो बुश सुइमी सेल्‍ने मचाप्‍नीम।
MAR 9:4 मिनु एलीया नु मोसा ग्रूशो तामे बाक्‍त। मेको निक्‍शीमी येसु नु लोव़सी पाम्‍से बाक्‍त।
MAR 9:5 मिनु पत्रुसमी येसु कली “ए शेंब, इं कली एकेर बाक्‍चा रिम्‍शो दुम्‍ब। बाक्‍तीके सां सेल्‍य। इन कली का, मोसा कली का नु एलीया कली का सेल्‍य” देंमाक्‍त।
MAR 9:6 मारदे हना मार देंचा दे मतुइक्‍ता बाक्‍त। मिनु शुश हिंमा बाक्‍त।
MAR 9:7 मिनु गोस्‍सुमी नेल्‍ल आन कली गिल्‍मी बाक्‍त। गोस्‍स आगा रे सेंदा का ग्रूशा “एको आं दाक्‍शो तौ बाक्‍ब। आ लोव़ नेनीने” देंशो नेन्‍मे बाक्‍त। मर्कूस १:११; २पत्रुस १:१७
MAR 9:8 मिनु एर ओंथ कोव़ङमेनु, येसु ला तामे बाक्‍त।
MAR 9:9 मिनु डांडा रे ब्रुम्‍मानु, येसुमी “रागीम जरमेशो बेक्‍शो रे सेंचा मपुंइसे सम्‍म इन तशो सुइ आन कली मशेंदीने” दे माइक्‍मी बाक्‍त। मर्कूस ८:३०
MAR 9:10 मिनु मोदेंशो दुम्‍शो सुइ आन कली मशेंदमे बाक्‍त। “बेक्‍शो रे सेंचा पुंइसीचा देंशो मार बाक्‍म माइ” दे हिल्‍लो पमुमा बाक्‍त।
MAR 9:11 मिनु आ शेंसीबपुकीमी येसु कली “ङोंइती एलीया जाक्‍चा माल्‍ब, दे सास्‍त्रीपुकीम शेंनीम। मारदे मोदें शेंनीमी?” दे हिल्‍लो पामेनु,
MAR 9:12 येसुमी “एलीया ङोंइती जाक्‍शा, नेल्‍ल ठीक सेल्‍ब। मिनु रागीम जरमेशो श्‍येत जाइब नु महिक्‍सीशो दुम्‍ब, दे ब्रेक्‍शो बाक्‍बा, ममाइ ङा? मलाकी ३:१३; यसैया ५३:३-५
MAR 9:13 एलीया ङोंइती जाक्‍त। मिनु आ पर्बम ङोंइती ब्रेक्‍शो खोदेंशो दुम्‍शा, मेको कली मार पचा दाक्‍तमे, मेको पाम्‍तेक्‍म” दे शेंदीमी बाक्‍त। मत्ती ११:१४; १राजा १९:२-१०
MAR 9:14 मिनु अरु शेंसीब आन बाक्‍तीकेमी लेश्‍शा जाक्‍शा, शुश मुर देल्‍शो नु सास्‍त्रीपुकीमी लीशो शेंसीब आन कली लोव़ हिल्‍लो पशो तामे बाक्‍त।
MAR 9:15 मिनु देल्‍शो मुरपुकीमी येसु कली तशा, छक लाक्‍शा, दोरशा पिशा, येसु कली सेउ पदमे बाक्‍त।
MAR 9:16 मिनु येसुमी “मेकोपुकी नु मार लोव़सी पनी” दे हिल्‍लो पवानु,
MAR 9:17 देल्‍शो मुर आन दाते ङा कामी “ए शेंब, आं तौ एक चाक्‍ता, मारदे हना वोलमी तशा, लाटा दुम्‍शो बाक्‍ब।
MAR 9:18 वोलमी सुमानु, गोल्‍ब। आ शोव़ रे बोग्‍यो ग्रुंइब। आ ख्रुइ शेप्‍ब। मिनु आ रां मदुक्‍ब दुम्‍ब। इन शेंसीब आन कली ‘वोल ग्रुंइदीन’ दे पुंइता, तन्‍न वोल ग्रुंइने मचबेम” देंमाक्‍त।
MAR 9:19 मिनु येसुमी “गे थमा पा थमा मसुइक्‍बपुकी, गेना सम्‍म गेपुकी नु बाक्‍नुङा ङा? ओदेंशो इन पशो गेना सम्‍म फाल्‍शा बाक्‍नुङा ङा? रोइ पाइब कली चाक्‍कीन” दे माइक्‍मी बाक्‍त।
MAR 9:20 मिनु वोंइश आल कली येसु आ ङोंइती चाक्‍ग्‍मे बाक्‍त। मिनु वोलमी येसु कली तवानु, आल तिङ गोल्‍शा, रोम्‍सीशा, आ शोव़ रे बो‍ग्‍यो ग्रुंइदा बाक्‍त।
MAR 9:21 मिनु येसुमी आ आफ कली “गेना रे ओदेंशो दुम्‍शो?” दे हिल्‍लो पवानु, आ आफोमी “आइक्‍च रेन,
MAR 9:22 एको वोलमी साइक्‍चा कली मीमी दुप्‍पदानु, ब्‍वाक्‍कुमी ग्रुम्‍पदानु, शुश खेयप हेर हेरा बेक्‍त। गे मारेइ पने चाप्‍नीनी हना, शिशी पा एको श्‍येत जचा रे प्रोंइयीकी” देंमाक्‍त।
MAR 9:23 मिनु येसुमी “गे मारेइ पने चाप्‍नीनी कों देंनीनी। तन्‍न सु सुमी गेन चाप्‍नीनी देंशा, थमा सुइक्‍नीमी, मेकोपुकीमी आन पुंइशो ताइनीम” देंमाक्‍त।
MAR 9:24 मिनु आल आ आफोमी “थमा सुइक्‍ता, आं थमा मसुइक्‍ब थुं कली थमा सुइक्‍पतीने” दे थुं खाइश्‍शा, ङाक्‍शा देंमाक्‍त।
MAR 9:25 मिनु येसुमी शुश मुर आन कली एर ओंथ रे जाक्‍शो तशा, ग्रांग्रा दिचा ङा वोल कली “गे लाटा नु नोफा मनेंब वोल, गेनायो लेंशा मओव़चा ङा पा ग्रूशा लावो” दे हुइश्‍शा, खेरा बाक्‍त।
MAR 9:26 मिनु वोल वाइ ब्रेश्‍शा, आल कली रोप्‍पाइश्‍शा ग्रूमाक्‍त। मिनु आल बेक्‍शो खोदेंशो दुम्‍माक्‍त। मुरपुकीमी “बेक्‍त” देंमा बाक्‍त। मर्कूस १:२६
MAR 9:27 मिनु येसुमी आल आ गुइ ग्‍याइश्‍शा पोक्‍गानु, राम्‍माक्‍त।
MAR 9:28 मिनु येसु नु आ शेंसीबपुकी खिं लमा बाक्‍त। मिनु शेंसीबपुकीमी “मारदे मेको वोल कली ग्रुंइने मचाप्‍का?” दे हिल्‍लो पामे बाक्‍त।
MAR 9:29 मिनु येसुमी “ओदेंशो वोल कली प्रार्थना पशा ला ग्रुंइने चाम्‍सीब” दे माइक्‍मी बाक्‍त।
MAR 9:30 मिनु मेकोपुकीमी “इं गाक्‍शो सुइम मतुइक्‍तमेक्‍ल” दे गालील लां पा गाक्‍मा बाक्‍त।
MAR 9:31 मारदे हना आ शेंसीब आन कली “रागीम जरमेशो दा मुर आन गुइमी गेशा, साइक्‍चा पुंइसीशा, आ नित्‍थ नाक्‍ती बेक्‍शो रे सेंसीब” दे शेंचा दाक्‍ता बाक्‍त। मर्कूस ८:३१; मर्कूस १०:३२-३४
MAR 9:32 शेंसीबपुकीमी चहिं आ शेंशो मरुप्‍मे बाक्‍त। मिनु हिल्‍लो पचा यो हिंमा बाक्‍त। लूका १८:३-४
MAR 9:33 मिनु कापेरनाउम जाक्‍दीम्‍मा बाक्‍त। मिनु खिं का ओव़शा, येसुमी आ शेंसीब आन कली “लांमी गाक्‍यानु, मार लोव़सी पनी?” दे हिल्‍लो पवा बाक्‍त।
MAR 9:34 तन्‍न मेकोपुकी सिक्‍सी पामे बाक्‍त, मारदे हना लांमी गाक्‍मानु “नेल्‍ल क्‍येङा ठेयब सु बाक्‍या माइ?” दे लोव़ पशो बाक्‍मा बाक्‍त।
MAR 9:35 मिनु निश्‍शा, शेंसीब आन कली आ नेक्‍था ब्रेश्‍शा “नेल्‍ल क्‍येङा ङोंइती दुम्‍चा कली नेल्‍ल क्‍येङा नोले दुम्‍शा, नेल्‍ल आन गेय पाइब दुम्‍चा माल्‍ब” देंमाक्‍त। मर्कूस १०:४३-४४; मत्ती २९:११; लूका २२:२६-२७
MAR 9:36 मिनु आल का आन दातेमी चाक्‍शा, आल कली मुप्‍शा
MAR 9:37 “सुमी आं नेंमी ओदेंशो आल कली ब्राइबा, मेकोमी आं कली ब्राइब। आं कली ब्राइबमी आं कली ममाइ, तन्‍न आं कली सोइक्‍ब कली यो ब्राइब” दे माइक्‍मी बाक्‍त। मत्ती १०:४०
MAR 9:38 यूहन्‍नामी येसु कली “ए शेंब, गोपुकी नु मगाक्‍ब मुर कामी इन नें थिशा, वोल आन कली खेरशो ताइतक। मिनु मो पचा मदुम्‍ब, दे माइक्‍तक” देंमाक्‍त। गन्‍ती १०:२७-२८
MAR 9:39 मिनु येसुमी “मदुम्‍ब, दे मदेंचा, मारदे हना आं नें थिशा, ठेयब गेय पाइबमी आं पर्बम लोव़ मक्‍याल्‍ब।
MAR 9:40 इं कली मरिम्‍शो मपाइब मेको इं मुरुन बाक्‍ब। मत्ती १२:३०; लूका ११:२३
MAR 9:41 नोफा दाइश्‍शा नेनीने, सुमी आं नें थिशा, ख्रीस्‍त आ मुर नम देंशा, इन कली लोटा का ब्‍वाक्‍कु तूचा गेबा, मेकोमी दोपा यो आ इनाम ताइब। मत्ती १०:४२
MAR 9:42 सुमी आं कली थमा सुइक्‍ब आइक्‍च आल आ थमा सुइक्‍तीक क्‍याल्‍बा, मेको कली आ शुरम यात क्‍युक्‍शा, समुन्‍द्रमी ताइश्‍शा साइक्‍चा रिम्‍शो बाक्‍ब।
MAR 9:43 इ गुइमी तेक्‍तु हना, मेको गुइ ख्रोतो। मारदे हना निम्‍फा गुइ पाइश्‍शो दुम्‍शा, गेनायो मकाप्‍ब नरक ङा मीम ओव़चा क्‍येङा, डुंडे दुम्‍शा, परमप्रभु यावे आ राज्‍यमी ओव़चा तचा रिम्‍शो बाक्‍ब। मत्ती ५:३०
MAR 9:44 नरकमी बाक्‍ब आन लुस्‍पु मबेक्‍नीम, मी यो मकाप्‍ब।
MAR 9:45 इ खोइलीमी तेक्‍तु हना, मेको ख्रोतो। मारदे हना खोइली निम्‍फा पाइश्‍शो दुम्‍शा नरकम ओव़चा क्‍येङा, खोरन्‍डे दुम्‍शा, परमप्रभु यावे आ राज्‍यमी ओव़चा तचा रिम्‍शो बाक्‍ब।
MAR 9:46 नरकमी बाक्‍ब आन लुस्‍पु मबेक्‍नीम, मी यो मकाप्‍ब।
MAR 9:47 इ मिक्‍चीमी तेक्‍तु हना, मेको मिक्‍च फेश्‍शा ताइक्‍तो। मारदे हना मिक्‍च निम्‍फा पाइश्‍शो दुम्‍शा, नरकम ओव़चा क्‍येङा, काना दुम्‍शा, परमप्रभु यावे आ राज्‍यमी ओव़चा तचा रिम्‍शो बाक्‍ब। मत्ती ५:२९
MAR 9:48 नरकमी बाक्‍ब आन लुस्‍पु मबेक्‍नीम, मी यो मकाप्‍ब। यसैया ६६:२४
MAR 9:49 नेल्‍ल मीम याक्‍पाइक्‍चा पुंइसीनीम। मारेइ चढ़ेमेनु, हिक्‍सी सुप्‍शो चढ़ेनीम। लेवी २:१३; गन्‍ती १८:१९
MAR 9:50 हिक्‍सी ङाम्‍ताक्‍व हना, ब्रोव़ब। हिक्‍सी आ ङाम्‍तीक जाम्‍त हना, मारम ङाम्‍पाइक्‍चा ङा? हिक्‍सी ङाम्‍शो दुमीन। मिनु दुशा बाक्‍कीन” दे शेंदीमी बाक्‍त। मत्ती ५:१३; लूका १४:१४; कलस्‍सी ४:६
MAR 10:1 मिनु मेकेर रे लशा, यहूदीया रागी नु यर्दन खोला आइक्‍ची हांबु जाक्‍दीम्‍मा बाक्‍त। मिनु लेंशा शुश मुर देल्‍मा बाक्‍त। मिनु तेइ तेइ गाक्‍शा, दोपा शेंदा, मोपा मेको आन कली यो शेंदा बाक्‍त।
MAR 10:2 मिनु फरिसीपुकी जाक्‍शा, आ थुं थाम्‍चा कली “मीश कली प्रोंइचा दुम्‍बा देय मदुम्‍बा?” दे हिल्‍लो पामे बाक्‍त।
MAR 10:3 मिनु येसुमी “मोसामी इन कली मार पन देंमे?” देंमेनु
MAR 10:4 “छोड पत्र ब्रेक्‍शा, सोइक्‍चा दुम्‍ब देंत” देंमा बाक्‍त। ब्‍यवस्‍था २४:१; मत्ती ५:३१-३२
MAR 10:5 मिनु येसुमी “मुरपुकीमी शिशी मपाइनीम, दे तुइश्‍शा, मोदेंशो पचा गेवा बाक्‍त।
MAR 10:6 नेल्‍ल क्‍येङा ङोंइती परमप्रभु यावेमी वोंइश मुर नु मीश मुर सेल्‍तीम्‍सी। उत्‍पत्ती १:२७
MAR 10:7 मोपतीके मुरुमी आम आफ प्रोंइशा, आ मीश नु गारशा बाक्‍ब। उत्‍पत्ती २:२४
MAR 10:8 मिनु मेको निक्‍शी रां का दुम्‍नीस। मोपतीके वोंइश मीश निक्‍शी मनसी, निम्‍फा का नस।
MAR 10:9 परमप्रभु यावेमी कांइचीक सेल्‍शो आस कली मुरुमी मफ्रादमेक्‍ल” दे माइक्‍मी बाक्‍त।
MAR 10:10 मिनु खिंमी बाक्‍मेनु, आ शेंसीबपुकीमी “इन शेंशो मार रुम्‍सीबा” दे हिल्‍लो पामे बाक्‍त।
MAR 10:11 मिनु येसुमी “सुमी आ मीश प्रोंइशा, अर्को चाक्‍बा, मेकोमी वोंइश मीश आस नाता ख्रोइक्‍ब। लूका १६:१८; १कोरिन्‍थी ७:८-११
MAR 10:12 मीश मुरुमी आ वोंइश प्रोंइशा, अर्को खोइक्‍तु हना, मेकोमी यो वोंइश मीश आस नाता ख्रोइक्‍ब” देंमाक्‍त।
MAR 10:13 मिनु येसुमी आ गुइ आल आन तारी वोदल दे आलपुकी चाक्‍ग्‍मे बाक्‍त। मिनु शेंसीबपुकीमी आल चाक्‍ब आन कली “मचाक्‍कीन” दे हुइक्‍तमे बाक्‍त।
MAR 10:14 मिनु येसुमी मेको तशा, आ थुं मनुथु, हुइक्‍ब आन कली “आल आन कली आं बाक्‍तीके जाक्‍चा गेने, मतेक्‍कीन। मारदे हना परमप्रभु यावे आ राज्‍य आल आन केन बाक्‍ब।
MAR 10:15 नोफा दाइश्‍शा नेनीने, मुरपुकीमी आल आन थुं ङा मिम्‍शो खोदेंशो पा ममिम्‍ताक्‍म हना, परमप्रभु यावे आ राज्‍यमी ओव़चा मताइनीम” दे माइक्‍मी बाक्‍त।
MAR 10:16 मिनु आल आन कली मुप्‍शा, आ गुइ आन तारी वोइश्‍शा, आसीक गेमी बाक्‍त।
MAR 10:17 मिनु मेकेर रे लमेनु, मुर का दोरशा पिशा, येसु आ ङोंइती पोक्‍च थेक्‍शा बाप्‍शा “शेंब, गे रिम्‍शो ननी। गेना हना यो ब्रोंइशा बाक्‍चा कली मार पचा माल्‍नुङा?” दे हिल्‍लो पवा बाक्‍त।
MAR 10:18 मिनु येसुमी “मारदे आं कली रिम्‍शो मुर दे माइय्‍‍यी? सुइ रिम्‍शो मनमी। परमप्रभु यावे ला रिम्‍शो बाक्‍ब।
MAR 10:19 परमप्रभु यावे आ अरेशो लोव़ तुइक्‍नेवे। मसाइक्‍चा, वोंइश मीश आस नाता मख्रोइक्‍चा, खुइ मपचा, सांकछी बाक्‍शोनु, जोल मपचा, हिंच कोंइशा मारेइ मरोइक्‍चा, आम आफ आस कली मान पचा, दे ब्रेक्‍शो बाक्‍ब” दे मदा बाक्‍त। प्रस्‍थान २०:१२-१७
MAR 10:20 मिनु मेकोमी “गो आल रेन मेको नेल्‍ल पन पन बाक्‍ती” देंमेनु,
MAR 10:21 येसुमी मेको आ कुल शिरशा कोव़शा, मेको कली दाक्‍शा “का चहिं मपवी। लशा, इ शोंप नेल्‍ल लेयशा, जचा फेक्‍चा मताइब आन कली योक्‍शा गेमी। मिनु लेश्‍शा, आं नोले खोइय्‍यी। मिनु इ शोंप स्‍वर्गमी बाक्‍ब” देंमाक्‍त। मर्कूस ८:३४; मत्ती १०:३८
MAR 10:22 मेको लोव़ नेंशा, आ कुल राव किक्‍पाइश्‍शा, आ थुं खाइश्‍शा, गाक्‍माक्‍त। मारदे हना मेको शुश शोंप पाइश्‍शो मुर बाक्‍माक्‍त।
MAR 10:23 मिनु येसुमी एर ओंथ कोव़शा, आ शेंसीब आन कली “शुश शोंप पाइश्‍शो मुर परमप्रभु यावे आ राज्‍य ओव़चा गिश श्‍येत बाक्‍बा” देंमाक्‍त।
MAR 10:24 मेको लोव़ नेंशा, शेंसीबपुकी छक लाक्‍मा बाक्‍त। मिनु येसुमी लोव़ थोक्‍शा “आलपुकी, आन शोंपोम थमा सुइक्‍ब आन कली परमप्रभु यावे आ राज्‍य ओव़चा शुश श्‍येत दुम्‍ब।
MAR 10:25 शोंप पाइश्‍शो मुर परमप्रभु यावे आ राज्‍य ओव़ने चाप्‍चा क्‍येङा, दलओंठ लूजे आ पोलाम ग्रीने चाप्‍ब” देंमाक्‍त।
MAR 10:26 मिनु शेंसीबपुकी थाम्‍पा छक लाक्‍शा “मो हना, सु ओव़चा ताइबा ङा?” देंमुमा बाक्‍त।
MAR 10:27 मिनु येसुमी आन कुल गे कोव़शा “मुरपुकीमी पने मचाप्‍नीम। तन्‍न परमप्रभु यावेमी पने चाप्‍ब, मारदे हना परमप्रभु यावेमी मारेइ मारेइ पने चाप्‍ब” दे माइक्‍मी बाक्‍त।
MAR 10:28 पत्रुसमी येसु कली “गो मारेइ मारेइ प्रोंइशा, इन नोले खोइक्‍तक” देंमेनु,
MAR 10:29 येसुमी “नोफा दाइश्‍शा नेनीन, सुमी आं पर्बम नु ग्‍येरपाइक्‍ब लोव़ आ पर्बम आ खिं, लोक्‍बम लोक्‍ब, आम आफ, तमी तौ नु रू प्रोंइबा,
MAR 10:30 मेकोमी खेदा पा श्‍येत जचा पुंइसाक्‍व हना यो, मुल आ प्रोंइशो क्‍येङा शुश खिं, लोक्‍बम लोक्‍ब, आम आफ, तमी तौ नु रू ताइब। मिनु नोले गेना हना यो परमप्रभु यावे नु बाक्‍चा ताइब।
MAR 10:31 ङोंइती दुम्‍शोपुकी नोले दुम्‍नीम। नोले दुम्‍शोपुकी ङोंइती दुम्‍नीम” दे शेंदीमी बाक्‍त।
MAR 10:32 मिनु यरूसलेम ङा लां खोइश्‍शा गाक्‍मानु, येसु नेल्‍ल आन ङोंइती गाक्‍माक्‍त। आ नोले खोइक्‍बपुकी छक लाक्‍शा हिंमा बाक्‍त। मिनु १२ जना शेंसीब आन कली लेंशा आ नेक्‍था ब्रेश्‍शा, आ कली मार दुम्‍बा दे तुइक्‍पाइक्‍चा गोवा बाक्‍त। मर्कूस ९:११
MAR 10:33 मिनु “मुल यरूसलेम लाइनय। मिनु रागीम जरमेशो ठेयब चढ़ेब नु सास्‍त्री आन गुइमी गेचा पुंइसीब। मिनु मेकोपुकीमी दोस गेशा, साइक्‍चा माल्‍ब, दे अर्को जात ङा मुर आन गुइमी गेनीम।
MAR 10:34 मिनु मेकोपुकीमी शुक्‍शी पशा, आ कुलमी तोक्‍शा युक्‍नीम। मिनु साइक्‍नीम। मिनु बेक्‍शो आ नित्‍थ नाक्‍ती बेक्‍शो रे सेंसीब” दे तुइक्‍पाइक्‍मी बाक्‍त।
MAR 10:35 मिनु जब्‍दी आ तौ याकूब नु यूहन्‍ना येसु आ नेक्‍था जाक्‍शा “ए शेंब, मार पुंइस्‍कु, मेको तस्‍कुल” दे पुन्‍से बाक्‍त।
MAR 10:36 मिनु येसुमी “मार पुंइनीसी?” दे हिल्‍लो पवानु,
MAR 10:37 मेको निक्‍शीमी “गे सक्ति पाइश्‍शो दुम्‍शा, हुकुम पाइब दुम्‍नीनु, का इन ग्‍युरा, का इन पेरा गे बाक्‍चा गेचा नस्‍कु” दे पुन्‍से बाक्‍त।
MAR 10:38 तन्‍न येसुमी “गे मार पुंइसी, मेको मरुप्‍नीसी। आं तूचा माल्‍शो कचौरा तूने चाप्‍नीसी? आं बुद पा श्‍येतम ख्रुम्‍चा पुंइसीने चाप्‍नीसी?” देंमेनु मर्कूस १४:३६; लूका १२:५०
MAR 10:39 “चाप्‍नस्‍कु” देंसा बाक्‍त। मिनु येसुमी “आं तूचा माल्‍शो कचौरा यो तूनीसी। आं बुद पा श्‍येतम ख्रुम्‍चा यो पुंइसीनीसी। प्रेरित १२:२
MAR 10:40 तन्‍न आं ग्‍युरा पेरा गे बाक्‍चा गेचा चहिं आं गुइमी ममाइ। परमप्रभु यावेमी योव़चा पुंइसीशो मुर ला मेकेर बाक्‍चा ताइनीम” दे माइक्‍सी बाक्‍त।
MAR 10:41 मिनु शेंसीब १० जनामी मेको आस कली मोदेंशो पुंइशो तशा “याकूब नु यूहन्‍ना दोदेंशो बाक्‍सा” दे आन थुं मनुथु, लोव़ पमुमा बाक्‍त। लूका २२:२५-२७
MAR 10:42 मिनु येसुमी नेल्‍ल आन कली खुप्‍शा “अर्को जात ङा मुर आन कली हुकुम पाइनुङ, दे मिम्‍बपुकीमी मुर आन कली दिप्‍शा वोइश्‍शा, हुकुम पाइनीम, दे तुइक्‍नीनी।
MAR 10:43 तन्‍न इन दातेमी मोदेंशो पचा मदुम्‍ब। सुमी ठेयब दुम्‍चा दाक्‍बा, मेको नेल्‍ल आन गेय पाइब दुम्‍चा माल्‍ब।
MAR 10:44 सु नेल्‍ल क्‍येङा ङोंइती दुम्‍चा दाक्‍बा, मेको नेल्‍ल आन वाइल दुम्‍चा माल्‍ब। मर्कूस ९:३५; १पत्रुस ५:३
MAR 10:45 मारदे हना रागीम जरमेशो यो मान पपांइसीचा कली ममाइ, तन्‍न वारच पथ नु शुश मुर आन कली प्रोंइचा कली आ गिंम गेथ जाक्‍शो बाक्‍त” दे माइक्‍मी बाक्‍त।
MAR 10:46 मिनु यरीको सहरमी जाक्‍दीम्‍मा बाक्‍त। मिनु यरीको रे लशा, येसु नु आ शेंसीब आन नोले खोइश्‍शा, शुश मुर गाक्‍मानु, तिमै आ तौ मिक्‍च मताइब पुंइब बारतीमै मेको लां उइ बाक्‍शो बाक्‍माक्‍त।
MAR 10:47 मिनु बारतीमैमी नासरथ ङा येसु एको लां पिना पिन बाक्‍त देंशो नेंशा “ए येसु, दाऊद आ तौ, शिशी पाइय्‍यीनी” दे वाइ ब्रेत्‍चा गोवा बाक्‍त।
MAR 10:48 मिनु शुशेमी “सिक्‍सी पावो” दे हुइक्‍तमे बाक्‍त। आं चहिं ङोंइती क्‍येङा शुश वाइ ब्रेश्‍शा “दाऊद आ तौ, शिशी पाइय्‍यीनी” दे ब्रेम्‍माक्‍त।
MAR 10:49 मिनु येसु ख्रा दिक्‍शा “मेको कली एके ब्रेत्‍तीने” देंमाक्‍त। मिनु मिक्‍च मताइब कली “ठेयब थुं पावो। मिनु बोक्‍को। मारदे हना इ कली ब्रेत्‍ताक्‍व” दे मदमे बाक्‍त।
MAR 10:50 मिनु आ बरखी ताइश्‍शा, छुल बोक्‍शा, येसु आ ङोंइती जाक्‍माक्‍त।
MAR 10:51 मिनु येसुमी “इ कली मार पङ, मार पुंइनेवे?” दे हिल्‍लो पवा बाक्‍त। मिनु मिक्‍च मताइबमी “ए शेंब, मिक्‍च ताइब सेल्‍यीनी” दे पुना बाक्‍त।
MAR 10:52 मिनु येसुमी “साशा लावो। इ थमा सुइश्‍शोमी साते” दे मदानु, ब्रा साशा मिक्‍च ताइब दुम्‍शा, येसु आ नोले खोदा बाक्‍त।
MAR 11:1 मिनु यरूसलेम आ नेक्‍था जैतून डांडा बेथ‍फागे नु बेथानी जाक्‍दीम्‍मा बाक्‍त।
MAR 11:2 मिनु येसुमी आ शेंसीब निक्‍शी आस कली “मेरे गाउं लसे। मिनु गाउं ओव़सीनु, सुइ मङोइश्‍शो गधा आ चाइक्‍ब पाइश्‍शा, वोइश्‍शो थित्‍नीसी।
MAR 11:3 मेको चाक्‍कीसे। मुरपुकीमी ‘मारदे लाइक्‍सी?’ देंतेक्‍म हना ‘प्रभु कली माल्‍ताक्‍व। नोले लेश्‍शा सोइक्‍ब’ देंसीनु, लाइक्‍चा गेनीम” दे सोइक्‍तीम्‍सी बाक्‍त।
MAR 11:4 मिनु मेको निक्‍शी लशा, मेक जाक्‍दीश्‍शा, लांमी लाप्‍चो आ ङोंइती पाइश्‍शो गधा आ चाइक्‍ब थित्‍से बाक्‍त। मिनु प्रोन्‍से बाक्‍त।
MAR 11:5 मेकेर बाक्‍ब मुरपुकीमी “मारदे प्रोंइसी?” देंमा बाक्‍त।
MAR 11:6 मिनु येसुमी देंशो खोदेंशो पा, लोव़ लेत्‍से बाक्‍त। मिनु लाइक्‍चा गेमे बाक्‍त।
MAR 11:7 मिनु गधा आ चाइक्‍ब चाक्‍ग्‍से बाक्‍त। मिनु आन वासी ब्रामे बाक्‍त। मिनु येसु ङोंइसे बाक्‍त।
MAR 11:8 मिनु शुशेमी आन बरखी लांमी ब्रामे बाक्‍त। अरुमी एर ओंथ ङा राशी जिक्‍शा, लांमी ब्रामे बाक्‍त।
MAR 11:9 ङोंइती नोले गाक्‍बपुकीमी “होसन्‍ना, प्रभु आ नेंमी जाक्‍ब ठेयब दुम्‍ल। होसन्‍ना आ देंशो ‘परमप्रभु वारच पने’ बाक्‍ब।भजन संग्रह ११८:२५-२६
MAR 11:10 मुल जाक्‍चशो इं किकी पिपी दाऊद आ राज्‍य कली जाइ। परमप्रभु कली होसन्‍ना” दे रेयके पा ठेयब सेल्‍ना सेल्‍न गाक्‍मा बाक्‍त।
MAR 11:11 मिनु यरूसलेम जाक्‍दीशा, परमप्रभु यावे आ खिं ओव़माक्‍त। मिनु एर ओंथ मारेइ मारेइ कोव़शा, आ शेंसीब १२ जना नु बेथानी लेम्‍माक्‍त। मारदे हना नां रिक्‍चशो बाक्‍माक्‍त।
MAR 11:12 आ दीसा बेथानी रे पिशा, लांमी गाक्‍मानु, येसु शोव़लु बेक्‍माक्‍त।
MAR 11:13 मिनु इच्‍ची आइक्‍था सफा पाइश्‍शो फोव़शी रवा तशा, फोव़शी सिश्‍शो बाक्‍म कों दे कोव़थ लमाक्‍त। मिनु जाक्‍दीश्‍शा कोव़ङानु, सफा ला तवा बाक्‍त। मारदे हना सित्‍ची मजाक्‍शो बाक्‍माक्‍त।
MAR 11:14 मिनु “मुल ङा मेरे सुइमी इ फल जचा मतामेक्‍ल” दे मदा बाक्‍त। आ शेंसीबपुकीमी मो दें‍शो नेन्‍मे बाक्‍त।
MAR 11:15 मिनु यरूसलेम जाक्‍दीम्‍मा बाक्‍त। जाक्‍दीश्‍शा येसु परमप्रभु यावे आ खिं ओव़शा, मेकेर ग्‍याप्‍ब लेयब आन कली खेरचा गोवा बाक्‍त। क्‍येट फाइक्‍ब आन क्‍येट वोइक्‍तीके नु ढुकुर लेयब आन नित्‍तीके खोल्‍शा गेमी बाक्‍त।
MAR 11:16 मिनु सुइ कली मारेइ यो चाक्‍शा लेयचा मगेथु,
MAR 11:17 “जात जात ङा मुरपुकीमी एकेर प्रार्थना पामेक्‍ल दे आं खिं वोइश्‍शो बाक्‍त दे ब्रेक्‍शो बाक्‍बा, ममाइ ङा? गेपुकीमी चहिं खुइपुकीमी खुइ पा चाक्‍शा आन बाक्‍तीके पुक्‍खी सेल्‍तीनी” दे हुइक्‍तीमी बाक्‍त। यसैया ५६:७; येरमीया ७:११
MAR 11:18 मिनु फरिसी नु सास्‍त्रीपुकीमी मेको नेंशा, दोपा साइक्‍चा दे लां कोव़ङमे बाक्‍त। तन्‍न येसु कली तशा, हिंमा बाक्‍त। मारदे हना मुर नेल्‍लेमी आ शेंशो नेंशा, छक लाक्‍बाक्‍मा बाक्‍त।
MAR 11:19 मिनु नां रिक्‍चावानु, येसु नु आ शेंसीबपुकी सहर रे लेम्‍मा बाक्‍त।
MAR 11:20 मिनु सुनी लां गाक्‍मानु, फोव़शी रवा आ ङर रे पुं सम्‍म सोव़शो तामे बाक्‍त।
MAR 11:21 मिनु पत्रुसमी ति फ्रुक्‍शा, येसु कली “ए शेंब, कोव़ङीन, इन सराप पशो फोव़शी रवा सोव़माक्‍त” देंमाक्‍त।
MAR 11:22 मिनु येसुमी मेको आन कली “परमप्रभु यावे कली थमा सुतीने।
MAR 11:23 नोफा दाइश्‍शा नेनीने, सुमी आं देंशो थमा दुम्‍ब, दे दल्‍गीर मपथु, मेको डांडा कली ‘एकेर रे समुन्‍द्रमी याक्‍सो’ देंत हना, मेको आ थमा सुइश्‍शोमी डांडा याक्‍सीशा लाइब। मर्कूस ९:२३; मत्ती १७:२०
MAR 11:24 मोपतीके ‘आं पुंइशो ताइनुङ’ दे थमा सुइश्‍शा, प्रार्थना पा पुंइतीनी हना, इन पुंइशो ताइनीनी। मत्ती ७:७; यूहन्‍ना १४:१३; १यूहन्‍ना ५:१४-१५
MAR 11:25 प्रार्थना पा बाक्‍नीनु, सुइ नु चुरशो बाक्‍तीनी हना, मेको कली माफ गेने। मिनु स्‍वर्गम बाक्‍ब इन आफोमी यो इन मरिम्‍शो पशो क्‍याम्‍शा माफ गेब।
MAR 11:26 माफ मगेतीनी हना, स्‍वर्गम बाक्‍ब इन आफोमी यो इन कली माफ मगेब” दे शेंदीमी बाक्‍त।
MAR 11:27 मिनु यरूसलेममी जाक्‍दीम्‍मा बाक्‍त। मिनु येसु परमप्रभु यावे आ खिंमी हिरसेनु, ठेयब चढ़ेब, सास्‍त्री नु जोक्‍ब तुइक्‍ब खाल्‍पापुकी जाक्‍शा
MAR 11:28 “तेको अधिकारमी मोदेंशो पवी? मो पचा, दे सुमी अधिकार गेवे?” देंमा बाक्‍त।
MAR 11:29 मिनु येसुमी “गो इन कली लोव़ का हिल्‍लो पाइनुङ, मेको लोव़ लेत्‍तीने। मिनु तेको अधिकारमी एको गेय पङा शेंनन्‍नी।
MAR 11:30 यूहन्‍नामी मुर आन कली ब्‍वाक्‍कुमी ख्रुम्‍शा ग्रुंइतीके अधिकार स्‍वर्ग रे तवा देय मुर रे तवा? लो देनीन” दे माइक्‍मीनु,
MAR 11:31 मेकोपुकीमी “स्‍वर्ग रे तवा बाक्‍त देंतय हना, मो हना यूहन्‍ना आ लोव़ मारदे थमा मसुइक्‍नी देंब।
MAR 11:32 मुर रे तवा बाक्‍त देंचा यो दोपा देंय” दे लोव़सी पमुमा बाक्‍त। मोदेंशो देंचा हिंमा बाक्‍त। मारदे हना मुर नेल्‍लेमी यूहन्‍ना थमान परमप्रभु यावे आ लोव़ पाइब बाक्‍ब, दे थमा सुइश्‍शो बाक्‍मा बाक्‍त। लूका ७:२९-३०
MAR 11:33 मोपतीके “मतुइक्‍नीकी” देंमानु, येसुमी “मो हना तेको अधिकारमी एको गेय पङा दे गो यो मशेंनन्‍नी” दे माइक्‍मी बाक्‍त।
MAR 12:1 मिनु येसुमी कथा सेल्‍शा, शेंचा गोवा बाक्‍त। मिनु “मुर कामी अङगुर ख्रुम्‍शा, थारपु हिरशा, अङगुर ख्राक्‍तीक खाल्‍टा दोशा, धन्‍सार सेल्‍शा, बुम्‍था पाइब माल्‍शा, मेको आन कली गेशा वोइश्‍शा, अर्को रागी लमाक्‍त। यसैया ५:१-२
MAR 12:2 मिनु अङगुर मीशा, सेक्‍ची जाक्‍मेनु, आ गेय पाइब का कली आ भाग पोक्‍थ सोइक्‍ता बाक्‍त।
MAR 12:3 मिनु मेको जाक्‍दीम्‍मेनु, बुम्‍था पाइबपुकीमी मेको कली तुप्‍शा, श्‍येत्‍थ गुइ सोइक्‍तमे बाक्‍त।
MAR 12:4 मिनु लेंशा गेय पाइब का कली सोइक्‍ता बाक्‍त। मेको कली यो जिचा तोशा, पिया प्रोल्‍शा, गार सेल्‍शा सोइक्‍तमे बाक्‍त। २इतिहास ३६:१६
MAR 12:5 मिनु लेंशा का कली सोइक्‍तानु, मेको कली सदमे बाक्‍त। मोदें शुश खेयप गेय पाइब आन कली सोइक्‍तानु, का निक्‍शी आन कली तुप्‍मे बाक्‍त। का निक्‍शी आन कली सदमे बाक्‍त।
MAR 12:6 मिनु सोइक्‍ने चाप्‍चा ङा का ला लीमाक्‍त। मेको आ दाक्‍शो तौ बाक्‍माक्‍त। मिनु ‘आं तौ आ देंशो टीनीम’ दे मिम्‍शा, आ तौ कली सोइक्‍ता बाक्‍त।
MAR 12:7 मिनु बुम्‍था पाइबपुकीमी ‘एको दा अङस ताइब बाक्‍त। लो साइक्‍चा। मिनु आ अङस नेल्‍ल इं केन दुम्‍ब’ देंमुशा गारमा बाक्‍त।
MAR 12:8 मिनु ग्‍याइश्‍शा, साइश्‍शा, रू रे लाइश्‍शा ताइक्‍तमे बाक्‍त। हिब्रू १३:१२
MAR 12:9 मोदेंशो दुम्‍त हना, रू आ होव़पम मार पाइबा? जाक्‍शा, मेको बुम्‍था पाइब आन कली साइक्‍ब। मिनु आ रू अरु आन कली गेब।
MAR 12:10 ‘खिं सेल्‍बपुकीमी गारो प्रोव़ङमेनु, एको फुल्‍लु मगार, दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त’ दे ब्रेक्‍शो लोव़ मपढेनी?
MAR 12:11 मेको नेल्‍ल प्रभुमी पशो बाक्‍त। मिनु ‘ओहो, गिश रिम्‍शो दुम्‍मे। एको छक लाक्‍चा ङा बाक्‍ब’ दे ब्रेक्‍शो बाक्‍ब” दे माइक्‍मी बाक्‍त। भजन संग्रह ११८:२२-२३
MAR 12:12 मिनु “एको कथा इं कली कका देंमाक्‍त” दे रुप्‍शा, ग्‍याइक्‍पाइक्‍चा माल्‍मे बाक्‍त। तन्‍न शुश मुर देल्‍शो तशा हिंशा, ब्राशा लमा बाक्‍त।
MAR 12:13 मिनु येसु कली लोव़ ख्राइक्‍पाइक्‍चा दे फरिसी नु हेरोदी का निक्‍शी येसु आ बाक्‍तीके सोइक्‍तमे बाक्‍त।
MAR 12:14 मिनु मेको सोइश्‍शोपुकी जाक्‍शा, येसु कली “शेंब, गे थमा पाइब ननी। मुर आन कुल मकोव़थु सुइ तशा महिंथु, परमप्रभु यावे आ लोव़ थमा पा शेंनीनी, दे तुइक्‍नीकी। सिजर सरकार कली तिरो थाप्‍चान माल्‍ब देय मथाप्‍थु यो दुम्‍बा?
MAR 12:15 गोपुकीमी थाप्‍चा देय मथाप्‍चा? मार देंनीनी” दे हिल्‍लो पखु पा लोव़ ख्राइक्‍पाइक्‍चा माल्‍मे बाक्‍त। मिनु येसुमी मेको आन पचा माल्‍शो तुइश्‍शा, मेको आन कली “मारदे आं थुं थाम्‍नीनी? देनार का कोंइदीनी” देंमाक्‍त। देनार का नाक्‍त का ङा गाल्‍च बाक्‍त। मेको रोम ङा चांदी के क्‍येट बाक्‍त।
MAR 12:16 मिनु देनार का कोंइदमे बाक्‍त। मिनु येसुमी “एको सु आ नेंमी ख्रोइश्‍शो बाक्‍मे?” देंमेनु “सिजर आ नेंमी ख्रोइश्‍शो बाक्‍त” देंमा बाक्‍त।
MAR 12:17 मिनु येसुमी “सिजर आ मार मार बाक्‍मा, मेको सिजर कली गेने। परमप्रभु यावे आ मार मार बाक्‍मा, मेको परमप्रभु यावे कली गेने” दे माइक्‍मी बाक्‍त। मिनु नेल्‍ल छक लाक्‍मा बाक्‍त। रोमी १३:१७
MAR 12:18 मिनु सदुकीपुकी जाक्‍मा बाक्‍त। सदुकीपुकीमी बेक्‍शो रे मसेंसीब दे शेंनीम। मिनु येसु आ बाक्‍तीके जाक्‍शा
MAR 12:19 “ए शेंब, मोसामी ब्रेक्‍शो लोव़मी ‘सुइ आ लोक्‍ब आल मथिथु बेक्‍त हना, मेकोमी आ भोग्‍यु वोंइसीशा, आ लोक्‍ब आ खिं ङा मुर मजाम्‍मल, दे तमी तौ थिवल’ दे ब्रेक्‍शो बाक्‍त। ब्‍‍यवस्‍था २५:५-६
MAR 12:20 मिनु खिं कामी ७ जना लोक्‍ब बाक्‍मा बाक्‍त। ङोंइती जेठामी मीश चाक्‍गा बाक्‍त। मिनु आल मथिथु बेक्‍माक्‍त।
MAR 12:21 मिनु माइलामी आ भोग्‍यु वोंइसे बाक्‍त। मिनु आ यो आल मथिथु बेक्‍माक्‍त। मिनु साइलामी वोंइसे बाक्‍त। मेको यो आल मथिथु बेक्‍माक्‍त।
MAR 12:22 मोदेंशो पा ७ जनान आल मथिथु, बेक्‍मा बाक्‍त। मिनु नोले मेको मीश मुर यो बेक्‍माक्‍त।
MAR 12:23 मुर बेक्‍शो रे सेंसीशा ब्रोंइमानु, मेको ७ जना वोंइश आन मीश दुम्‍शो मीश मुर तेको आ मीश दुम्‍बा?” दे हिल्‍लो पामे बाक्‍त।
MAR 12:24 मिनु येसुमी “गे परमप्रभु यावे आ लोव़ मरुप्‍नीनी। परमप्रभु यावे आ सक्ति यो मतुइक्‍नीनी। मोपतीके दूली मिम्‍नीनी, ममाइ?
MAR 12:25 बेक्‍शो रे सेंसीशा ब्रोंइमानु, मुरपुकीमी ग्‍युंबे मपाइनीम, स्‍वर्गम बाक्‍ब परमप्रभु यावे आ गेय पाइबपुकी खोदेंशो दुम्‍‍नीम।
MAR 12:26 बेक्‍शो रे सेंसीचा आ पर्बम परमप्रभु यावेमी मोसा कली मी ब्रशो रवा आ नेक्‍था ग्रुम्‍शा ‘अब्राहाम आ परमप्रभु यावे, इसहाक आ परमप्रभु यावे नु याकूब आ परमप्रभु यावे गो नङ’ दे मदा बाक्‍त दे मोसामी ब्रेक्‍शो किताबमी ब्रेक्‍शो बाक्‍ब। मेको लोव़ मपढेनी? प्रस्‍थान ३:६
MAR 12:27 परमप्रभु यावे बेक्‍शो मुर आन परमप्रभु ममाइ, ब्रोंइशो आन परमप्रभु यावे बाक्‍ब। गे दूली मिम्‍बाक्‍नी बाक्‍त” दे माइक्‍मी बाक्‍त।
MAR 12:28 मिनु सास्‍त्री कामी सदुकीपुकीमी येसु नु लोव़ पशो नेंशा, येसुमी मेको आन लोव़ लेन्‍ने चाप्‍बाक्‍त, दे रुप्‍शा ङा मिन, येसु आ नेक्‍था जाक्‍शा “ए शेंब, परमप्रभु यावे आ अरेशो लोव़ तेको नेल्‍ल क्‍येङा ङोंइती ङा बाक्‍बा?” दे हिल्‍लो पवा बाक्‍त।
MAR 12:29 मिनु येसुमी “नेल्‍ल क्‍येङा ङोंइती ङा लोव़ एकोन बाक्‍ब ‘ए इस्राएल नेनो, इ परमप्रभु यावे का बाक्‍ब।
MAR 12:30 थुं का पा, सोक्‍त का पा, मिम्‍तीके नु सक्ति नेल्‍लेमी परमप्रभु यावे, इ परमप्रभु कली दाक्‍तो’ देंशो एको लोव़ नेल्‍ल क्‍येङा ङोंइती ङा बाक्‍ब। ब्‍‍यवस्‍था ६:४-५
MAR 12:31 मिनु आ नोले ङा ठेयब लोव़ ‘आंम इ कली दाक्‍शो खोदेंशो पा इ नेक्‍था बाक्‍ब आन कली यो दाक्‍तो’ देंशो बाक्‍ब। एको लोव़ निक्‍शी क्‍येङा ठेयब लोव़ मबाक्‍ब” देंमाक्‍त। लेवी १९:१८
MAR 12:32 मिनु सास्‍त्रीमी “शेंब, गे थमान ठीक लोव़ पाइतीनी। परमप्रभु यावे कानाइ बाक्‍ब। आ ङा लाक्‍शा सुइ मबाक्‍ब। लूका २०:३९-४०
MAR 12:33 मिनु थुं का पा, रुप्‍तीक नु सक्ति नेल्‍लेमी परमप्रभु यावे कली दाक्‍चा, आंम कली दाक्‍शो खोदेंशो पा इ नेक्‍था बाक्‍ब आन कली दाक्‍चा, देंशो लोव़ नेल्‍ल क्‍येङा ठेयब बाक्‍त। मारेइ मारेइ क्‍योरशा चढ़ेशो क्‍येङा मेको लोव़ टिशा पचा रिम्‍शो बाक्‍ब” देंमाक्‍त। १सामुएल १५:२२; होसे ६:६; मत्ती ९:१३
MAR 12:34 मिनु येसुमी “एकोमी निप्‍स खाप्‍शो लोव़ पाइबाक्‍त” दे रुप्‍शा “गे परमप्रभु यावे आ राज्‍य रे ङोन मबाक्‍नी बाक्‍त” दे मदा बाक्‍त। में ङा मेरे हिंशा, सुइमी लोव़ हिल्‍लो मपामे बाक्‍त। प्रेरित २६:२७-२९
MAR 12:35 मिनु येसुमी परमप्रभु यावे आ खिंमी शेंना शेंन बाक्‍मेनु “ख्रीस्‍त दाऊद आ तौ बाक्‍माक्‍त, दे सास्‍त्रीपुकीमी दोपा शेंने चाप्‍नीमी ङा? यसैया ११:१; यूहन्‍ना ७:४२; रोमी १:३
MAR 12:36 दाऊदमी परमप्रभु यावे आ सोक्‍त रे पा ‘प्रभुमी आं प्रभु कली इ जोरी सत्रु आन कली इ खोइली आगाम मवोदुमी सम्‍म आं ग्‍युरा गे बाक्‍को’ देंत। भजन संग्रह ११०:१; २सामुएल २३:२
MAR 12:37 दाऊदमी मेको कली प्रभु देंब। मिनु दोपा आ तौ दुम्‍ने चाप्‍बा ङा?” दे शेंदा बाक्‍त। शुश मुरुमी आ शेंशो लोव़ नेंचा दाक्‍तमे बाक्‍त।
MAR 12:38 मिनु शेंना शेंन “सास्‍त्री आन लोव़ क्‍येङा होस पांइसीने। मेकोपुकीमी लाइश्‍शो कोट फेक्‍शा गाक्‍चा दाक्‍नीम। बजारमी हिरशा, मान पपांइसीचा दाक्‍नीम।
MAR 12:39 ग्रुम्‍तीक खिंमी ठेयब नित्‍तीकेमी नित्‍चा दाक्‍नीम। भोजमी मान पपांइसीचा ङा नित्‍तीकेमी नित्‍चा दाक्‍नीम।
MAR 12:40 वोंइश बेक्‍शो मीश मुर आन शोंप नेल्‍ल नेक्‍शा गेशा, दुइश्‍शो दुइश्‍शो प्रार्थना पा कोंइखु पाइनीम। मोदेंशो पाइबपुकीमी अरु आन क्‍येङा शुश सजाइ ताइनीम” देंमाक्‍त। याकूब १:२७
MAR 12:41 मिनु येसुमी क्‍येट चढ़ेतीक एरे निश्‍शा, शुश मुरुमी क्‍येट चढ़ेशो कोव़ना कोव़न बाक्‍माक्‍त। क्‍येट थीब शुशेमी शुश क्‍येट चढ़ेमे बाक्‍त। २राजा १२:१०
MAR 12:42 मिनु आ वोंइश बेक्‍शो मारेइ मथीब प्रुङग मीश मुर का जाक्‍शा, लेप्‍तोन निक्‍शी चढ़ेवा बाक्‍त। लेप्‍तोन का नेल्‍ल क्‍येङा आइक्‍च तांबा के क्‍येट बाक्‍त।
MAR 12:43 मिनु येसुमी आ शेंसीब आन कली ब्रेश्‍शा “नोफा दाइश्‍शा नेनीने, नेल्‍लेमी चढ़ेशो क्‍येङा मेको प्रुङग मीश मुरुमी शुश चढ़ेप्‍तु।
MAR 12:44 आ जशा ब्रोंइतीक क्‍येट नेल्‍ल गेप्‍तु। अरुमी चहिं आन गाप्‍शो रे गेम्‍तेक्‍म” देंमाक्‍त।
MAR 13:1 मिनु येसु परमप्रभु यावे आ खिं रे ग्रूमेनु, आ शेंसीब कामी “ए शेंब, कोव़ङीन, एको खिं ठेयब फुल्‍लु के सेल्‍शा, दोमो कोल्‍शो गिश दारशो तांइसाक्‍व” देंमाक्‍त।
MAR 13:2 मिनु येसुमी “मुल ओमो ठेयब दारशो सेल्‍शो खिं ताप्‍तीवी। तन्‍न नोले ब्रेश्‍शा, फुल्‍लु का यो ख्रोप्‍शा मलीब” देंमाक्‍त।
MAR 13:3 मिनु परमप्रभु यावे आ खिं तांइसीचा ङा पा जैतून डांडामी निस्‍सेनु, पत्रुस, याकूब, यूहन्‍ना नु अन्‍द्रीयास जाक्‍शा, मत्ती १७:१
MAR 13:4 येसु कली “एको इन देंशो लोव़ गेना दुम्‍बा? एको नेल्‍ल दुम्‍चाप्‍तु, दे तुइक्‍पाइक्‍चा ङा चिन्‍ड दोपा तांइसीनीमी? शेंदीकी” देंमा बाक्‍त।
MAR 13:5 मिनु येसुमी “सुइमी इं थुं मक्‍यामेक्‍ल, दे होस पा बाक्‍कीन।
MAR 13:6 शुश मुरुमी आं नें ब्रशा ‘गो एको नङ’ देंशा, मुर आन थुं क्‍याइक्‍नीम। यूहन्‍ना ८:४९
MAR 13:7 शुश लडाइ दुम्‍शो लोव़ नेंनीनु, महिनीन। मोदेंशो दुम्‍चान माल्‍ब। रागी नुप्‍ची चहिं मजा।
MAR 13:8 रागी नुप्‍चा क्‍येङा ङोंइती जात जात नु राज्‍य राज्‍यमी लडाइ पमुइनीम। रागी रागीमी ख्रिनु कुइब। अन्‍काल दुम्‍ब। मो दुम्‍मेनु, श्‍येत दुम्‍चा गोवा बाक्‍त, दे तुंइ‍सीब।
MAR 13:9 आंम इन कली मिम्‍शा होस पा बाक्‍कीन। कछडी वोइक्‍चा पुंइसीनीनी। ग्रुम्‍तीक खिंमी तुप्‍चा पुंइसीनीनी। आं नें आ पर्बम हुकुम पाइब नु पिप आन ङोंइती राप्‍पाइक्‍चा पुंइसीशा, सांकछी दुम्‍चा माल्‍नीनी।
MAR 13:10 मोदेंशो दुम्‍चा क्‍येङा ङोंइती रागी नेल्‍ल ङा मुर आन कली ग्‍येरपाइक्‍ब लोव़ नेंपाइक्‍ने थुम्‍शो दुम्‍चा माल्‍ब। मर्कूस १६:१५
MAR 13:11 मिनु इन कली ठेयब मुर आन ङोंइती राप्‍पदमेनु, मार लोव़ पय, मार देंय? दे हिंशा, मिम्‍स ङा मिम्‍स मबाक्‍कीन। इन कली दोदेंशो लोव़ पचा गेशो बाक्‍मे, मोदेंशो लोव़ पने। मारदे हना गे लोव़ मपाइनीनी, परमप्रभु यावे आ सोक्‍तीम इन कली लोव़ पपाइक्‍ब।
MAR 13:12 लोक्‍बमी आ लोक्‍ब कली साइक्‍पाइक्‍चा गेब। आफोमी तौ कली साइक्‍पाइक्‍ब। मिनु तमी तौपुकीमी आम आफ आस कली ग्‍याइक्‍पाइश्‍शा साइक्‍पाइक्‍नीम।
MAR 13:13 आं नें आ पर्बम सुइम इन कली मदाक्‍नीम। सु सु चहिं नेल्‍ल क्‍येङा नोले सम्‍म थमा सुइक्‍चा मप्रोंइथु बाक्‍नीमी, मेकोपुकी श्‍येत जचा रे ब्रोंइशा, गेना हना यो परमप्रभु यावे नु बाक्‍चा ताइनीम। यूहन्‍ना १५:१८,२१
MAR 13:14 परमप्रभु यावे आ खिं गेनायो मदुम्‍चा ङा पा बिथोलो दुम्‍मेनु, मेको मुल पढ़ेबपुकीमी रुप्‍मेक्‍ल, यहूदीया रागीम बाक्‍बपुकी डांडा ग्‍येत्‍थ प्रोक्‍मल। दानीएल ९:२७; दानीएल ११:३१; दानीएल ११:३१
MAR 13:15 बारदालीम बाक्‍बपुकीमी ‘तोइश्‍शा, खिं ओव़शा मारेइ लाइक्‍चा ताइनुङ’ दे ममिम्‍तमेक्‍ल, दिव दाव प्रेक्‍शा प्रोक्‍मल।
MAR 13:16 रूमी गेय पाइबपुकीमी ‘फेक्‍तीक का लाइक्‍नुङ’ देंशा, खिं मलेम्‍मल। तन्‍न आन गेय थु था प्रोंइशा प्रोक्‍मल।
MAR 13:17 कोव़ज कुरशो नु दूध तूब आल पाइश्‍शो मीश मुर अरु क्‍येङा शुश श्‍येत जाइनीम।
MAR 13:18 हिउंदमी मोदेंशो श्‍येत मदुम्‍ल, दे परमप्रभु यावे कली पुनीने।
MAR 13:19 परमप्रभु यावेमी रागी सेला रे मुल सम्‍म सुइमी मतुइश्‍शो श्‍येत दुम्‍ब। मोदेंशो श्‍येत लेंशा गेनायो मपीब‍। दानीएल १२:१
MAR 13:20 प्रभुमी मोदेंशो श्‍येत जतीक नाक्‍त शुश वोइश्‍शो हना, सुइ ब्रोंइने मचाप्‍नीम। तन्‍न आ योव़शो आन पर्बम प्रभुमी मेको श्‍येत शुश नाक्‍ती लीचा मगेब।
MAR 13:21 मिनु मुरपुकीमी ‘ख्रीस्‍त एकेर जाक्‍त, मेरेक बाक्‍ब, लो कोव़ङीन’ देंतेक्‍म हना, थमा मसुतीन।
MAR 13:22 शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय पा कोंइनीम। मेकोपुकीमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम।
MAR 13:23 मेको दुम्‍चा ङोंइतीन नेल्‍ल शेंशा तुइक्‍पाइक्‍तन्‍नी। एको लोव़ मिम्‍शा मप्रेंथु बाक्‍कीन।
MAR 13:24 रागीमी मोदेंशो ठेयब श्‍येत नुम्‍मेनु, सरीङमी चिन्‍ड तांइसीनीम। नां आ छेङछेङ जाम्‍शा, जिक रिक्‍शो दुम्‍ब। तास्‍ला आ हाम्‍सो यो जाम्‍ब।
MAR 13:25 सोरुल खपीम दोक्‍नीम। सरीङमी बाक्‍शो सक्तिपुकी हिम्‍सीनीम। हिब्रू १२:२६
MAR 13:26 मिनु मुरपुकीमी रागीम जरमेशो कली गोस्‍सुमी गिल्‍सीशा, शुश सक्ति पाइश्‍शा, यिना यिन पशो ताइनीम। दानीएल ७:१३
MAR 13:27 मिनु रागीम जरमेशोमी परमप्रभु यावे आ गेय पाइब आन कली रागी तेइ तेइ रे परमप्रभु यावे आ योव़शो नेल्‍ल आन कली खुप्‍शा चाक्‍थ सोइक्‍ब। मत्ती १३:४१
MAR 13:28 फोव़शी रवा कोच्‍वा दाप्‍शा कुशो तनीनु, बर्खा जाक्‍माक्‍त दे तुइक्‍नीनी।
MAR 13:29 आं देंशो लोव़ थमा दुम्‍शो तनीनु, आं जाक्‍ची जाक्‍माक्‍त दे तुइक्‍नीनी।
MAR 13:30 नोफा दाइश्‍शा नेनीने, एको जात ङा मुर मनुप्‍थु, आं देंशो थमा दुम्‍ब।
MAR 13:31 सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो मजाम्‍थु लीब।
MAR 13:32 मोदेंशो गेना दुम्‍ब, दे सुइमी मतुइक्‍नीम। परमप्रभु यावे आ स्‍वर्ग ङा गेय पाइबपुकीमी यो मतुइक्‍नीम। तौमी लायो मतुइक्‍ब। आं आफोमी ला तुइक्‍ब।
MAR 13:33 मोदेंशो गेना दुम्‍बा मतुइक्‍नीनी। मोपतीके सासीशा बाक्‍कीन। लूका १२:३५-४०; लूका २१:३६
MAR 13:34 दोदेंशो दुम्‍ब देंशा हना, मुर का तेइ तेइ हिरथ लमेनु, लचा ङोंइती आ गेय पाइब आन कली का का पा आन गेय योक्‍शा, लाप्‍चो खाल पाइब कली ‘गेना हना यो लां कोव़शा बाक्‍को’ दे माइश्‍शा लाइब।
MAR 13:35 आं खिं ङा प्रभु गेना लेश्‍शा जाक्‍बा, दे मतुइक्‍नीनी। नां रिक्‍शा जाक्‍बा कों? नाक्‍दो जाक्‍बा कों? भाले ग्रीची ना जाक्‍बा कों? सुनी जाक्‍बा कों दे मारेइ मतुइक्‍नीनी। मेको इन मतुइक्‍थु जाक्‍ब। लूका १२:३८
MAR 13:36 इन मतुइक्‍थु जाक्‍मेनु, इन कली इप्‍शो मथिदल।
MAR 13:37 मोपतीके लां कोव़शा सासीशा बाक्‍कीन दे माइक्‍तन्‍नी। मोदेंशो नेल्‍ल आन कली माइक्‍नुङमी” दे शेंदीमी बाक्‍त।
MAR 14:1 मिनु बोरब ओख्‍ती मसुप्‍शो शोब्‍ले जतीक पास्‍सा चाड आ निक्‍शी नाक्‍ती ङोंइती ठेयब चढ़ेब नु सास्‍त्रीपुकीमी “येसु कली दोपा मुर आन मतुइक्‍थु ग्‍याइश्‍शा, साइक्‍पाइक्‍चा” दे लोव़सी पमुमानु
MAR 14:2 “चाड नाक्‍ती मदुम्‍ब, मुरपुकीमी मरिम्‍शो पाइनीम” देंमुमा बाक्‍त।
MAR 14:3 येसु बेथानीमी कोर पाइब सिमोन आ खिंमी खमे जना जन बाक्‍मेनु, मीश मुर कामी शुश क्‍येट लाइब ब्रोव़शो रिना पाइश्‍शो तेल कुरशा जाक्‍शा, मेको तेल येसु आ पियामी लुक्‍ता बाक्‍त।
MAR 14:4 मिनु मेकेर बाक्‍ब का निक्‍शीमी “ओदेंशो तेल मारदे एकोमी ओपा ताइक्‍ता?
MAR 14:5 लेयङ हना, सहे सां देनार क्‍येङा शुश ताक्‍शा, श्‍येत जाइब आन कली योक्‍शा, वारच पने चाम्‍स वा” दे आन थुं मनुथु, मीश मुर कली हुइक्‍तमे बाक्‍त। देनार का नाक्‍त का ङा गाल्‍च बाक्‍त। मेको रोम ङा चांदी के क्‍येट बाक्‍त।
MAR 14:6 मिनु येसुमी “महुइक्‍तीने, मारदे आ थुं खाइक्‍पाइक्‍नी? आं कली रिम्‍शो पाइक्‍ती।
MAR 14:7 श्‍येत जशो मुर गेना हना यो थित्‍नीनी, मिनु शिशी पाइक्‍चा दाक्‍ताक्‍नी हना, गेना हना यो पाइक्‍ने चाप्‍नीनी। आं कली चहिं नोले मथित्‍नीनी। ब्‍यवस्‍था १५:११
MAR 14:8 आ चाप्‍शो पाप्‍तु। बेक्‍चा क्‍येङा ङोंइती आं रां थिम्‍चा कली तेल ख्रेक्‍ताक्‍व।
MAR 14:9 नोफा दाइश्‍शा नेनीने, रागीम ते ते आं लोव़ नेंपाइक्‍नीमी, मेक मेक एको आ पशो आ पर्बम यो लोव़ पाइनीम” देंमाक्‍त।
MAR 14:10 इस्‍कारीयोत ङा यहूदा येसु आ शेंसीब कामी ठेयब चढ़ेब आन कली “येसु कली ग्‍याइक्‍‍चा वारच पाइनन्‍नी” दे लोव़ पथ लमाक्‍त। मिनु मेकोपुकीमी आ देंशो नेंशा, ग्‍येरशा “लो, रिम्‍शोन दुम्‍त। क्‍येट गेनीकी” देंमा बाक्‍त।
MAR 14:11 में ङा मेरे “गेना नु दोपा ग्‍याइक्‍चा वारच पदुमी” दे योव़की पना पन गाक्‍माक्‍त।
MAR 14:12 बोरब ओख्‍ती मसुप्‍शो शोब्‍ले जतीक चाड आ ङोंइती ङा नाक्‍ती पास्‍सा ङा पाठा क्‍योरशा ब्‍वाइनीम। मिनु येसु आ शेंसीबपुकीमी “पास्‍सा मानेचा कली ते लशा साचा? मार देंनीनी?” दे हिल्‍लो पामे बाक्‍त।
MAR 14:13 मिनु येसुमी शेंसीब निक्‍शी आस कली “सहर लसे। मिनु गाग्री कुरशो मुर का कली ग्रुम्‍नीसी। मेको आ नोले खोतीसे।
MAR 14:14 मिनु मेको तेको खिं ओव़बा, गे यो ओव़ङीसे। मिनु खिं ङा मुर कली ‘शेंबमी सोइश्‍शो नस्‍कु। शेंबमी आ शेंसीबपुकी नु काथा बाक्‍शा, पास्‍सा ते मानेचा? दे हिल्‍लो पथ सोइक्‍ताक्‍सकी’ दे मतीसे। मर्कूस ११:३
MAR 14:15 मो माइक्‍सीनु, मेकोमी इस कली तला तारी ठेयब कोठा का कोंइब। मेको कोठामी गुन्‍द्री पीरा ब्रशा वोइश्‍शो थित्‍नीसी। मिनु मेकेरन साचा” दे सोइक्‍तीम्‍सी बाक्‍त।
MAR 14:16 मिनु मेको निक्‍शी लशा, सहर जाक्‍दीश्‍शा, येसुमी दोदेंशो देंमे, मोदेंशो थित्‍से बाक्‍त। मिनु पास्‍सा चाड ङा भोज सादसे बाक्‍त।
MAR 14:17 मिनु नां रिक्‍मेनु, येसु नु आ १२ जना शेंसीब खुम्‍समा बाक्‍त।
MAR 14:18 मिनु जना जन बाक्‍मानु, येसुमी “नोफा दाइश्‍शा नेनीन। मुल एक बाक्‍ब काम आं कली ग्‍याइक्‍ब आन कली वारच पाइब। मुल गो नु काथा जना जन बाक्‍ब” देंमाक्‍त। यूहन्‍ना १३:२१-२६
MAR 14:19 मिनु नेल्‍लेमी शुश मरिम्‍शो लाक्‍शा “ए प्रभु, मेको वारच पाइब गो दुम्‍नुङा कों?” दे का का पा हिल्‍लो पामे बाक्‍त।
MAR 14:20 मिनु येसुमी “१२ जना शेंसीब इन दाते ङा का बाक्‍ब। गो नु काथा शोब्‍ले शेक्‍कुम तेप्‍बमी आं कली ग्‍याइक्‍पाइक्‍चा वारच पाइब।
MAR 14:21 मारदे हना रागीम जरमेशो आ पर्बम ब्रेक्‍शो लोव़ नेल्‍ल थमा दुम्‍चा माल्‍ब। मेको बेक्‍चा माल्‍ब। मो हना यो रागीम जरमेशो कली ग्‍याइक्‍पाइक्‍चा वारच पाइब कली शुश मरिम्‍शो दुम्‍ब। मो देंशो पाइब मुर मजरमेस हना, मेको कली रिम्‍शो दुम्‍ब वा” दे माइक्‍मी बाक्‍त।
MAR 14:22 मिनु जना जन बाक्‍मानु, शोब्‍ले शेशा “गे रिम्‍शो पाइब बाक्‍नीनी” दे प्रार्थना पशा जिक्‍शा, आ शेंसीब आन कली योक्‍शा “दांइसीने, एको आं रां बाक्‍ब” देंमाक्‍त। १कोरिन्‍थी ११:२३-२५
MAR 14:23 मिनु कचौरा शेशा “गे रिम्‍शो पाइब बाक्‍नीनी” दे प्रार्थना पा, मेको आन कली तूचा गेमी बाक्‍त। मिनु नेल्‍लेमी तूङमे बाक्‍त।
MAR 14:24 मिनु “एको आं हुश बाक्‍ब। आं हुशेमी परमप्रभु यावे आ गेशो नक लोव़ खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; हिब्रू ९:१५-१६
MAR 14:25 नोफा दाइश्‍शा नेनीन, मुल ङा मेरे एको अङगुर रे सेल्‍शो तूतीके मतूनुङ। नोले नेल्‍ल नक दुम्‍शा, परमप्रभु यावे आ राज्‍यमी बाक्‍शा तूनुङ” दे माइक्‍मी बाक्‍त।
MAR 14:26 मिनु कुम्‍सो पा बोक्‍शा, जैतून डांडा ग्‍येत्‍थ लमा बाक्‍त। भजन संग्रह ११३:- ११८:-
MAR 14:27 मिनु लना लन बाक्‍मानु, येसुमी “गे नेल्‍लेमी इन थुं ग्‍यशा, आं कली प्रोंइनीनी। मारदे हना ओदें ब्रेक्‍शो लोव़ थमा दुम्‍ब ‘गो गोठला कली तुप्‍शा खेरनुङ। मिनु भेडापुकी प्रोक्‍शा, साव सुव ब्राइनीम’ देंशो बाक्‍ब। जकरिया १३:७; यूहन्‍ना १६:३२
MAR 14:28 नोले गो बेक्‍शो रे सेंचा पुंइसीशा, इन ङोंइती गालील रागी जाक्‍दीत्‍नुङ” देंमाक्‍त। मर्कूस १६:७
MAR 14:29 मिनु पत्रुसमी “मेको नेल्‍लेमी इन कली प्रोंइशा प्रोक्‍तेक्‍म हना यो, गो मप्रोंइनन्‍नी” देंमेनु, यूहन्‍ना १३:३८
MAR 14:30 येसुमी “नोफा दाइश्‍शा नेनो, में नाक्‍दोन भाले खेयप निक्‍शी मग्रीथु, खेयप सां सम्‍म ‘मेको कली मतुइक्‍नुङ, सु बाक्‍म’ दे आं पर्बम देंनेवे” दे मदा बाक्‍त।
MAR 14:31 मिनु पत्रुसमी “मदेंनुङ, गे नु काथा बाक्‍शा, साइक्‍चा पुंइसाक्‍यी हना यो, मोदेंशो गेनायो मदेंनुङ” दे लोव़ थोक्‍शा देंमाक्‍त। आ शेंसीब नेल्‍लेमी यो मो देंमा बाक्‍त।
MAR 14:32 मिनु गेथ्‍सेमने जाक्‍दीम्‍मा बाक्‍त। मिनु येसुमी “लो, एक बाक्‍कीन। गो इच्‍ची आइक्‍था लशा, प्रार्थना पाइनुङ” देंशा,
MAR 14:33 पत्रुस, याकूब नु यूहन्‍ना सां आन कली आइक्‍था लाइश्‍शा लमाक्‍त। येसु आ थुं शुश खाइक्‍माक्‍त। मत्ती १७:१
MAR 14:34 मिनु सां आन कली “आं थुं शुश खाइश्‍शा, बेक्‍चा ङा दुम्‍ती। मइप्‍थु गो नु काथा बाक्‍कीन” दे माइक्‍मी बाक्‍त। यूहन्‍ना १२:२७
MAR 14:35 मिनु इच्‍का ङोंइती लशा, खपीम बाप्‍शा “दुम्‍त हना, मुल दुम्‍चशो श्‍येत मदुम्‍ल” दे प्रार्थना पवा बाक्‍त।
MAR 14:36 मिनु “आब्‍बा, आं आफ, गे मारेइ मारेइ पने चाप्‍नीनी। एको कचौरा आं कली मतूपाइक्‍थु लतीने। तन्‍न आं दाक्‍शो मदुम्‍ल। इन दाक्‍शोन दुम्‍ल” दे प्रार्थना पशा, लेश्‍शा जाक्‍माक्‍त। येसुमी आइक्‍च आल खोदेंशो पा आ आफ कली आब्‍बा देंत।
MAR 14:37 लेश्‍शा जाक्‍मेनु, सांफा आन कली इप्‍शो तामी बाक्‍त। मिनु पत्रुस कली “ए सिमोन, इमे? छिन का यो मइप्‍थु बाक्‍ने मचबी? मर्कूस १०:३८
MAR 14:38 थुं थाम्‍चा पुंइसेनु, पाप मपङ, दे मइप्‍थु बाक्‍शा प्रार्थना पावो। थुंमी पाइनुङ, चाप्‍नुङ देंब, तन्‍न रांमी फाल्‍ने मचाप्‍ब” दे मदा बाक्‍त।
MAR 14:39 मिनु लेंशा इच्‍का आइक्‍था लशा, ङोंइती प्रार्थना पशो खोदेंशो पा, प्रार्थना पवा बाक्‍त।
MAR 14:40 मिनु लेंशा लेश्‍शा जाक्‍शा, निन्‍द्रामी दुक्‍शा बाक्‍शो तामी बाक्‍त। मेकोपुकीमी मार देंचा, दे मारेइ मतुइक्‍तमे बाक्‍त।
MAR 14:41 मिनु लेंशा प्रार्थना पथ लशा, लेश्‍शा जाक्‍शा, मेको आन कली “गे मुल सम्‍म इप्‍शा बाक्‍नीनी? मुल गाप्‍त। रागीम जरमेशो पापी आन गुइमी गेचा पुंइसीचा चिक्‍ताक्‍व।
MAR 14:42 लो बोक्‍कीन, लय। आं कली ग्‍याइक्‍‍चा वारच पाइब जाक्‍चाप्‍तु” दे माइक्‍मी बाक्‍त।
MAR 14:43 मो माइक्‍मीनु, आ शेंसीब यहूदामी ठेयब चढ़ेब, सास्‍त्री नु जोक्‍ब तुइक्‍ब खालपापुकीमी सोइश्‍शो तरवार कोक्‍के कुरब हुल, येसु कली ग्‍याइक्‍थ चाक्‍गा बाक्‍त।
MAR 14:44 यहूदामी “सु कली पुक्‍पु पदु, मेको कली ग्‍याइश्‍शा लतीने” दे ग्‍याइक्‍थ जाक्‍ब आन कली तुइक्‍पाइश्‍शो बाक्‍माक्‍त।
MAR 14:45 मिनु जाक्‍मानु, यहूदा येसु आ नेक्‍था लशा “रब्‍बी” दे बे मुप्‍शा, पुक्‍पु पवा बाक्‍त। हिब्रू लोव़मी ठेयब शेंब कली रब्‍बी देंनीम।
MAR 14:46 मिनु ग्‍याइक्‍थ जाक्‍बपुकीमी येसु कली ग्‍याइक्‍तमे बाक्‍त।
MAR 14:47 मिनु येसु नु काथा बाक्‍ब कामी तरवार ग्रि शोइश्‍शा, ठेयब चढ़ेब आ वाइल का आ नोफा दि ख्रोदा बाक्‍त।
MAR 14:48 मिनु येसुमी आ कली ग्‍याइक्‍ब हुल आन कली “तरवार कोक्‍के कुरशा, खुइ पाइब कली ग्‍याइक्‍थ जाक्‍शो खोदेंशो पा आं कली ग्‍याइक्‍थ जाक्‍नी?
MAR 14:49 नाक्‍त किंत किंत परमप्रभु यावे आ खिंमी गेपुकी नु काथा बाक्‍शा, शेंना शेंन बाक्‍ङानु, मग्‍याइक्‍तीनी। तन्‍न परमप्रभु यावेमी ब्रेक्‍पाइश्‍शो लोव़ थमा दुम्‍चा कली ओदेंशो दुम्‍त” दे माइक्‍मी बाक्‍त।
MAR 14:50 मिनु आ शेंसीबपुकी येसु कली थु था प्रोंइशा, साव सुव ब्रशा प्रोक्‍मा बाक्‍त।
MAR 14:51 मिनु येसु कली ग्‍याइश्‍शा फ्रेंशा लदमेनु, ठिटा का आन नोले खोदा बाक्‍त। मेको ठिटाम वा का ला गिल्‍सीशो बाक्‍माक्‍त।
MAR 14:52 मारदे हना मेको कली ग्‍याइक्‍तमेनु, आ फेक्‍शो वा प्रोंइशा, शिश्रा प्रोक्‍शो बाक्‍‍माक्‍त। आमोस २:१६
MAR 14:53 मिनु येसु कली नेल्‍ल क्‍येङा ठेयब चढ़ेब आ ङोंइती चाक्‍दीत्‍मे बाक्‍त। मेकेर ठेयब चढ़ेब, जोक्‍ब तुइक्‍ब खाल्‍पा नु सास्‍त्रीपुकी खुम्‍सीशा बाक्‍शो बाक्‍मा बाक्‍त।
MAR 14:54 पत्रुस मेको आन नोनोले खोइश्‍शा लशा, नेल्‍ल क्‍येङा ठेयब चढ़ेब आ लाङगा जाक्‍दीम्‍माक्‍त। मेकेर सिपाइपुकी नु काथा मी थेरशा बाक्‍माक्‍त।
MAR 14:55 ठेयब चढ़ेब नु मेकेर बाक्‍ब नेल्‍लेमी मार पामे बाक्‍त देंशा हना, जोल पा दोस गेशा, येसु कली साइक्‍पाइक्‍चा माल्‍मे बाक्‍त। तन्‍न दोस गेने मचाप्‍मे बाक्‍त।
MAR 14:56 शुश मुरुमी जोल पा सांकछी गेमे बाक्‍त, तन्‍न आन लोव़ मगारमाक्‍त।
MAR 14:57 सांकछी का निक्‍शी बोक्‍शा “एको ग्‍याइश्‍शो मुरुमी साबेर मार देंशो नेंतक देंशा हना
MAR 14:58 ‘एको गुइमी सेल्‍शो परमप्रभु यावे आ खिं प्रेश्‍शा, नाक्‍त सांमी अर्को सेल्‍नुङ। मेको चहिं गुइमी सेल्‍शो ममाइ’ देंशो नेंतक” देंमा बाक्‍त। यूहन्‍ना २:१९-२१
MAR 14:59 मो देंमा बाक्‍त हना यो, आन लोव़ मगारमाक्‍त।
MAR 14:60 मिनु नेल्‍ल क्‍येङा ठेयब चढ़ेब बोक्‍शा, आन दातेमी राप्‍शा, येसु कली “एकोपुकीमी देंशो लोव़ नेंशा, मार देंनेवे?” दे हिल्‍लो पवा बाक्‍त। मर्कूस १५:५; यसैया ५३:७
MAR 14:61 मिनु येसु सिक्‍सी पा बाक्‍शा, लोव़ का यो मलेत्‍ता बाक्‍त। मिनु नेल्‍ल क्‍येङा ठेयब चढ़ेबमी “गे नेल्‍ल क्‍येङा मान ताइब परमप्रभु यावे आ तौ ख्रीस्‍त नवे?” दे हिल्‍लो पवानु,
MAR 14:62 येसुमी “गो नङ। गे रागीम जरमेशो कली नेल्‍ल सक्ति पाइश्‍शो आ ग्‍युरा गे बाक्‍शो ताइनीनी। गोस्‍सुमी गिल्‍सीशा जाक्‍ना जाक्‍न पशो ताइनीनी” दे मदा बाक्‍त। भजन संग्रह ११०:१; दानीएल ७:१३-१४
MAR 14:63 मिनु नेल्‍ल क्‍येङा ठेयब चढ़ेबमी आंम आ फेक्‍शो वा खाक्‍शा “परमप्रभु यावे कली शुक्‍शी लोव़ पाइबाक्‍त।
MAR 14:64 मार सांकछी माल्‍दा ङा? आ शुक्‍शी पशो लोव़ गे नेल्‍लेमी नेंशा, सांकछी दुम्‍तीनी। एको कली मार पाइक्‍चा? मार देंनीनी?” दे माइक्‍मीनु, नेल्‍लेमी “साइक्‍चा माल्‍ब” देंमा बाक्‍त। यूहन्‍ना १९:७
MAR 14:65 मिनु साइक्‍चा माल्‍ब देंशा ङा मिन, का निक्‍शीमी आ कुलम तोक्‍तमे बाक्‍त। का निक्‍शीमी आ मिक्‍च सुम्‍शा, तुप्‍शा “सुमी तुमे? लो देन” दे शुक्‍शी पामे बाक्‍त। मिनु सिपाइ आन गुइमी गेमे बाक्‍त। मेकोपुकीमी तुप्‍ना तुप्‍न लदमे बाक्‍त।
MAR 14:66 आगाम मोदेंशो दुम्‍मेनु, पत्रुस लाङगामी बाक्‍माक्‍त। मिनु गेय पाइब मीश मुर कामी जाक्‍शा,
MAR 14:67 पत्रुस कली मी थेरशो तशा, शिरशा कोव़शा “गे यो मेको नासरथ ङा येसु नु काथा गाक्‍ब का बाक्‍ङे बाक्‍त” देंमाक्‍त।
MAR 14:68 मिनु पत्रुसमी “इ देंशो मरुबु। मारेइ मतुइक्‍तु” देंमाक्‍त। मिनु ग्रूशा, ठेयब लाप्‍चो ङा लां जाक्‍दीम्‍माक्‍त।
MAR 14:69 मिनु मेको गेय पाइब मीश मुरुमी पत्रुस कली लेंशा तशा, मेकेर बाक्‍ब आन कली “मेरे यो मेको नु गाक्‍ब का बाक्‍त” देंमेनु,
MAR 14:70 पत्रुसमी “गो मनङ, मेको कली मतुइक्‍नुङ” देंमाक्‍त। मिनु छिन का नोले मेकेर बाक्‍बपुकीमी यो “गे मेको नु काथा गाक्‍ब का बाक्‍ङे बाक्‍त, मारदे हना गालील ङा बाक्‍ङे बाक्‍त, दे तुंइ‍सीब” देंमानु,
MAR 14:71 पत्रुसमी “जोल पाता हना, यावेमी सजाइ गेयील, इन देंशो मुर कली तुंइ‍सीन मतुइक्‍नुङ” दे कसम जशा, आ लोव़ थोक्‍शा देंमाक्‍त।
MAR 14:72 मो देंम चोटी भाले खेयप निक्‍शी ग्रीमाक्‍त। मिनु पत्रुसमी “भाले खेयप निक्‍शी मग्रीथु, खेयप सां सम्‍म मेको कली मतुइक्‍नुङ, सु बाक्‍म? देंनेवे” दे येसुमी देंशो लोव़ ति फ्रुक्‍गा बाक्‍त। मिनु आ पशो मिम्‍शा ङाक्‍माक्‍त।
MAR 15:1 मिनु नां सोव़मेनु, ठेयब चढ़ेब, जोक्‍ब तुइक्‍बखाल्‍पा नु सास्‍त्रीपुकी, सभाम बाक्‍ब नेल्‍ल खुम्‍सीशा, सल्‍ला पामे बाक्‍त। मिनु येसु कली फ्रेंशा लाइश्‍शा, पिलातस आ गुइमी गेमे बाक्‍त।
MAR 15:2 मिनु पिलातसमी येसु कली “गे यहूदी आन पिप नवे?” दे हिल्‍लो पवानु “गे आंमा देंतीनी” दे लोव़ लेत्‍ता बाक्‍त।
MAR 15:3 ठेयब चढ़ेबपुकीमी शुश दोस गेमे बाक्‍त।
MAR 15:4 मिनु पिलातसमी येसु कली “इ कली शुश दोस गेम्‍तेक्‍मे। गे मेको आन कली मारेइ लोव़ मलेत्‍नेवे?” दे हिल्‍लो पवा बाक्‍त।
MAR 15:5 मिनु येसुमी लोव़ का यो मलेत्‍ता बाक्‍त। मिनु पिलातस छक लाक्‍माक्‍त। मर्कूस १४:६१; यसैया ५३:७
MAR 15:6 पास्‍सा नाक्‍ती पिलातसमी मुरपुकीमी प्रोंइचा, दे पुंइशो जेल्‍खानमी चोक्‍सीशो मुर का कली प्रोंइबाक्‍माक्‍त।
MAR 15:7 सरकार कली मरिम्‍शो पा जेल्‍खानमी चोक्‍चा पुंइसीशो मुर आन दाते ङा बारब्‍बा माइश्‍शो का बाक्‍माक्‍त। मेकोमी मुर साइश्‍शो बाक्‍माक्‍त।
MAR 15:8 मिनु मुरपुकीमी पिलातस कली “साइ रे ङा पशो खोदेंशो पा मुर का कली प्रोनीन” दे पुन्‍मे बाक्‍त।
MAR 15:9 मिनु पिलातसमी “यहूदी, इन पिप प्रोंइचा दे पुंइनी?” दे हिल्‍लो पवा बाक्‍त।
MAR 15:10 मारदे हना ठेयब चढ़ेबपुकीमी थुं चोशा, येसु कली ग्‍याइक्‍पदमे बाक्‍त दे रुप्‍शा, प्रोंइचा माल्‍शो बाक्‍माक्‍त। यूहन्‍ना ११:४८
MAR 15:11 तन्‍न ठेयब चढ़ेबपुकीमी मुर आन कली हुल पोक्‍शा “मेको कली मप्रोंइचा, बारब्‍बा कली प्रोंइचा, सरकार” दे पुंइपदमे बाक्‍त।
MAR 15:12 मिनु पिलातसमी “गेपुकीमी यहूदी आन पिप देंशो मुर कली मार पदु मिनु?” दे हिल्‍लो पवानु
MAR 15:13 “मेको कली शीमी क्‍येप्‍शा कांटी थोक्‍शा क्‍याइक्‍चा माल्‍ब” दे रेयके पचा गोव़मे बाक्‍त।
MAR 15:14 मिनु पिलातसमी “मार मरिम्‍शो पवा, मार दोस गेचा” देंमेनु “शीमी क्‍येप्‍शा कांटी थोक्‍शा क्‍याइक्‍चा माल्‍ब” दे शुश रेयके पामे बाक्‍त।
MAR 15:15 मिनु पिलातसमी “हुल आन दाक्‍शो पचा” दे मिम्‍शा, बारब्‍बा कली प्रोंइपदा बाक्‍त। येसु कली चहिं युक्‍पाइश्‍शा, शीमी क्‍येप्‍शा कांटी थोक्‍शा क्‍याइक्‍चा कली सिपाइ आन गुइमी गेवा बाक्‍त।
MAR 15:16 मिनु सिपाइपुकीमी येसु कली दरवार ङा सिपाइ आन बाक्‍तीके चाक्‍दीश्‍शा, आन पल्‍टन नेल्‍ल खुप्‍शा ङा मिन,
MAR 15:17 आ फेक्‍शो वा प्रुइश्‍शा, पिप आन फेक्‍तीक रङ पाइश्‍शो वा फेक्‍पाइश्‍शा, चू के सिरपेच सेल्‍शा, आ पियाम गुप्‍तमे बाक्‍त।
MAR 15:18 मिनु “यहूदी आन पिप, सेउ ताक्‍कीन” दे सेउ पखु पामे बाक्‍त।
MAR 15:19 मिनु रेक्‍के के कोक्‍केमी आ पिया तेत्‍मे बाक्‍त। आ कुल तोक्‍तमे बाक्‍त। मिनु आ ङोंइती पोक्‍च थेक्‍शा बाप्‍शा, ठेयब सेल्‍खु पामे बाक्‍त।
MAR 15:20 मिनु शुक्‍शी पचा रूशा, वा प्रुइश्‍शा, आंम आ वा फेक्‍पाइश्‍शा, ग्रुंइशा, शीमी क्‍येप्‍शा कांटी थोक्‍शा क्‍याइक्‍चा कली लदमे बाक्‍त।
MAR 15:21 मिनु लना लन बाक्‍मानु, आ गाउं रे पिशो साइरेनी ङा सिमोन ग्रुम्‍मे बाक्‍त। मेको सिमोन अलेकजन्‍डर नु रुफुस आस आफ बाक्‍माक्‍त। मेको कली ग्रुम्‍शा, येसु कली क्‍येप्‍तीक शी “लो, कुर कि कुर” दे कुरपदमे बाक्‍त। रोमी १६:१३
MAR 15:22 मिनु येसु कली गोल्‍गथामी चाक्‍दीत्‍मे बाक्‍त। गोल्‍गथा कली खप्‍परे यो देंसीब।
MAR 15:23 मिनु अङगुर शांबुमी मूरे माइश्‍शो तेल कुर पशो तूतीके गेमेनु, येसुमी तूने मबिस्‍से बाक्‍त।
MAR 15:24 मिनु शीमी क्‍येप्‍शा कांटी थोक्‍शा क्‍यदमे बाक्‍त। क्‍याइश्‍शा ङा मिन, सुमी ताइबा, दे तुइक्‍चा कली वा वोइश्‍शा फेन्‍टे आप्‍मे बाक्‍त। भजन संग्रह २२:१८
MAR 15:25 शीमी क्‍यदमेनु, सुनी ङा ९ बजे‍शो बाक्‍माक्‍त।
MAR 15:26 “यहूदी आन पिप” दे दोस गेशा, ब्रेक्‍शो ब्रेक्‍स यो क्‍येप्‍शो बाक्‍माक्‍त।
MAR 15:27 खुइ निक्‍शी आस कली यो का आ ग्‍युरा गे, का आ पेरा गे क्‍याइश्‍शा वोदमे बाक्‍त।
MAR 15:28 मो पशोमी “मरिम्‍शो पाइब सुइश्‍शा, मरिम्‍शो पाइब नु काथा वोइक्‍चा पुंइसीब” दे परमप्रभु यावेमी ब्रेक्‍पाइश्‍शो लोव़ थमा दुम्‍माक्‍त। यसैया ५३:१२
MAR 15:29 मेकेर कोव़ब शुश मुर बाक्‍मा बाक्‍त। मेकोपुकीम आन पिया हिम्‍शा “परमप्रभु यावे आ खिं प्रेश्‍शा, नाक्‍त सांमी नक सेल्‍नुङ, देंते। खोइ मिनु, सेल्‍ने चबी? मर्कूस १४:५८
MAR 15:30 शीमी क्‍येप्‍शो रे प्रोंइसीशा तोंइ‍सो” दे शुक्‍शी पामे बाक्‍त।
MAR 15:31 ठेयब चढ़ेब नु सास्‍त्रीपुकीमी यो शुक्‍शी पा “शुश मुर आन कली श्‍येत रे प्रोंइना प्रोंइन गाक्‍बाक्‍‍त, आंम कली चहिं प्रोंइसीने मचाप्‍बाक्‍त।
MAR 15:32 इस्राएल ङा पिप, ख्रीस्‍तमी शीमी क्‍येप्‍शो रे प्रोंइसेक्‍ल। प्रोंइसीशो ताइतय हना, थमा सुइक्‍नय” देंमुमा बाक्‍त। आ ग्‍युरा नु पेरा गे वोइश्‍शो निक्‍शीमी यो शुक्‍शी पदसे बाक्‍त। मत्ती १६:१४
MAR 15:33 मिनु नाक्‍त १२ बजे नां जिक रिक्‍शा, ३ बजे सम्‍म रागी नेल्‍ल छिङछिङ दुम्‍माक्‍त।
MAR 15:34 मिनु ३ बजे गे येसुमी “एली, एली, लामा असाब्‍थानी” दे वाइ ब्रेम्‍माक्‍त। आ देंशो मार रुम्‍सीब देंशा हना “आं परमप्रभु, आं परमप्रभु, मारदे प्रोंइ‍यीनी?” देंशो रुम्‍सीब। भजन संग्रह २२:२
MAR 15:35 एर ओंथ बाक्‍बपुकीमी मो देंशा वाइ ब्रेश्‍शो नेंशा “नेनीने, एलीया कली ब्रेत्‍ताक्‍व” देंमुमा बाक्‍त।
MAR 15:36 मिनु का दोरशा लशा, रुवामी ग्‍युरशो तूचा थोव़क नुप्‍शा, कोक्‍केमी लिक्‍शा युप्‍चा गेशा “एलीया जाक्‍शा, प्रोंइबा कों? लो, कोव़य” देंमाक्‍त।
MAR 15:37 मिनु येसु लेंशा काले वाइ ब्रेश्‍शा, नोले सोक्‍त कीशा बेक्‍माक्‍त। प्रस्‍थान २६:३१-३३; २इतिहास ३:१४
MAR 15:38 मिनु बेक्‍म नोले मार दुम्‍माक्‍त देंशा हना, परमप्रभु यावे आ खिं आगा ङा कोठामी बारेशो वा इर रे उइ सम्‍म उइक्‍थ पा जेर गाक्‍माक्‍त।
MAR 15:39 मिनु येसु आ ङोंइती राप्‍शा बाक्‍शो कप्‍तानमी येसु वाइ ब्रेश्‍शा, नोले सोक्‍त कीशा बेक्‍शो तशा “थमा पा, एको मुर परमप्रभु यावे आ तौ बाक्‍माक्‍त” देंमाक्‍त।
MAR 15:40 येसु बेक्‍मेनु, शुश मीश मुरपुकीमी ङोन रे कोव़शो बाक्‍मा बाक्‍त। मोदेंशो कोव़ब का माग्‍दाला ङा मरीयम बाक्‍माक्‍त। का याकूब नु योसेस आस ममा मरीयम बाक्‍माक्‍त। का सालोमे बाक्‍माक्‍त।
MAR 15:41 मेकोपुकी गालील रे यरूसलेम सम्‍म काथा गाक्‍शा, येसु कली वारच पना पन बाक्‍शो बाक्‍मा बाक्‍त। अरु यो काथा गाक्‍शा, यरूसलेम जाक्‍दीश्‍शो बाक्‍मा बाक्‍त। लूका ८:२-३
MAR 15:42 येसु बेक्‍ची नाक्‍त चहिं नाइक्‍तीक नाक्‍त आ ङोंइती नाक्‍त बाक्‍माक्‍त। मिनु नां रिक्‍मेनु, मार दुम्‍माक्‍त देंशा हना,
MAR 15:43 अरीमाथीया ङा योसेफ माइश्‍शो, सभामी बाक्‍ब आन दाते ङा हिक्‍सीशो मुर का बाक्‍माक्‍त। मेको परमप्रभु यावे आ राज्‍य तांइसेक्‍ल, दे आस पा बाक्‍शो बाक्‍माक्‍त। मेको मुरुमी महिंथु, पिलातस कली ग्रुम्‍थ लशा “येसु आ बेक्‍शो रां लाइक्‍चा गेयीनी” दे पुना बाक्‍त।
MAR 15:44 मिनु पिलातसमी बेक्‍म कों? मबेक्‍म दे मारेइ मतुइक्‍थु कप्‍तान कली ब्रेश्‍शा “मेको येसु माइश्‍शो बेक्‍मे?” दे हिल्‍लो पवा बाक्‍त।
MAR 15:45 मिनु कप्‍तानमी “बेक्‍त” देंमेनु, लाइक्‍चा गेवा बाक्‍त।
MAR 15:46 मिनु योसेफमी बुश वा ग्‍याप्‍शा चाक्‍शा, येसु आ बेक्‍शो रां रे कांटी उइश्‍शा शोल्‍शा, बुश वामी गिल्‍शा लाइश्‍शा, पुक्‍खी कामी ओंइशा वोदा बाक्‍त। मेको पुक्‍खी बेक्‍शो मुर वोइक्‍चा कली फुल्‍लु मुशा, लाप्‍चो पाइश्‍शो सेल्‍शा वोइश्‍शो बाक्‍माक्‍त। मिनु बेक्‍शो मुर ओंइशा वोइश्‍शा, फुल्‍लुमी चोक्‍शा वोदा बाक्‍त।
MAR 15:47 मोपा वोइश्‍शो माग्‍दाला ङा मरीयम नु योसेस आ ममा मरीयममी ताम्‍से बाक्‍त।
MAR 16:1 मिनु नाइक्‍तीक नाक्‍त नोले माग्‍दाला ङा मरीयम, याकूब आ ममा मरीयम नु सालोमेमी बेक्‍शो मुर आ रांम ख्रेक्‍चा कली ख्रेक्‍तीक ग्‍याप्‍मे बाक्‍त।
MAR 16:2 मिनु हप्‍ता ङा ङोंइती नाक्‍त सुनी कना बोक्‍शा, नां सोव़मेनु, पुक्‍खी गे लमा बाक्‍त।
MAR 16:3 मिनु लमा लमा “फुल्‍लु सुमी याक्‍शा गेबा?” देंमुमा बाक्‍त।
MAR 16:4 मिनु जाक्‍दीश्‍शा कोव़ङमेनु, फुल्‍लु याक्‍ने थुम्‍शो तामे बाक्‍त। मेको फुल्‍लु शुश ठेयब बाक्‍माक्‍त।
MAR 16:5 मिनु पुक्‍खी ओव़शा कोव़ङमेनु, बुश वा फेक्‍शो ठिटा का ग्‍युरा गे निश्‍शो तशा छक लाक्‍मा बाक्‍त।
MAR 16:6 मिनु मेको ठिटामी “मार छक लाक्‍नी? शीमी क्‍येप्‍शा कांटी थोक्‍शा क्‍याइश्‍शो नासरथ ङा येसु कली माल्‍थ जाक्‍नी ममाइ? आ बेक्‍शो रां वोइक्‍तीके कोव़ङीन, मबाक्‍ब। बेक्‍शो रे सेंसाक्‍व।
MAR 16:7 मुल लशा, पत्रुस, शेंसीब नेल्‍ल आन कली नु इन ङोंइती तुइक्‍पाइश्‍शो खोदेंशो पा, इन ङोंइती गालील जाक्‍दीप्‍ब। मेकेर ग्रुम्‍चा ताइनीनी, दे शोव़थ लने” दे माइक्‍मी बाक्‍त। मर्कूस १४:२८
MAR 16:8 मिनु मीश मुरपुकी छक लाक्‍शा, हिंशा ख्रिंख्रि पा फो फु ग्रूशा प्रोक्‍मा बाक्‍त। मिनु सुइ कली मारेइ मदेंमा बाक्‍त। मारदे हना क्‍युल हिंशो बाक्‍मा बाक्‍त।
MAR 16:9 हप्‍ता ङा ङोंइती नाक्‍ती सुनी कना येसु बेक्‍शो रे सेंसीशा, ७ ओटा वोल ग्रुंइचा पुंइसीशो माग्‍दाला ङा मरीयम कली तपांइसे बाक्‍त। लूका ८:२; यूहन्‍ना २०:१-१८
MAR 16:10 मरीयममी येसु कली तशा, लशा, ङोंइती येसु नु काथा गाक्‍ब मुल आन थुं खाइश्‍शा बाक्‍ब आन कली “गो येसु कली बेक्‍शो रे सेंसीशा ब्रोंइशो ताता” दे शोव़ङा बाक्‍त।
MAR 16:11 मेकोपुकीमी मरीयम आ लोव़ थमा मसुदमे बाक्‍त।
MAR 16:12 नोले येसु कली थमा सुइक्‍ब निक्‍शी आस गाउं लसानु, लांमी येसुमी तपांइसे बाक्‍त। लूका २४:१३-३५
MAR 16:13 मेको निक्‍शी फ्रा फ्रु लेश्‍शा जाक्‍शा, अरु आन कली “येसु कली ताइतस्‍कु” देंसा बाक्‍त। मिनु मेको आस लोव़ यो थमा मसुदमे बाक्‍त।
MAR 16:14 मिनु नोले आ शेंसीब ११ जनामी खमे जना जन बाक्‍मानु, येसुमी मेको आन कली तपांइसे बाक्‍त। मिनु “मुल सम्‍म रुप्‍चा थुं मपनी? मुल यो थमा मसुइय्‍‍यीनी?” दे हुइक्‍तीमी बाक्‍त। मारदे हना “बेक्‍शो रे सेंसीशा ब्रोंइशो आंइ मिक्‍चीमी ताइतक” देंब आन लोव़ थमा मसुइश्‍शो बाक्‍मा बाक्‍त। १कोरिन्‍थी १५:५
MAR 16:15 मिनु येसुमी आ शेंसीब ११ जना आन कली “रागी नेल्‍ल हिरशा, ग्‍येरपाइक्‍ब लोव़ नेल्‍ल आन कली नेंपतीने। मर्कूस १३:१०; मत्ती २८:१६-२०
MAR 16:16 सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३
MAR 16:17 थमा सुइक्‍बपुकी दोदेंशो सक्ति पाइश्‍शो दुम्‍नीम देंशा हना, आं नें थिशा वोल आन कली ग्रुंइशा खेरनीम। परमप्रभु यावे आ सोक्‍तीमी पपाइश्‍शो लोव़ ब्‍वाक्‍नीम। प्रेरित १६:१८; प्रेरित १०:४६; प्रेरित १९:६
MAR 16:18 बुस्‍स ग्‍याइक्‍ताक्‍म हना यो, ओश्‍येर तूतेक्‍म हना यो, मेको आन कली मारेइ मदुम्‍ब। रोइ पाइब आन तारी गुइ चाक्‍शा प्रार्थना पामेनु, सानीम” दे माइक्‍मी बाक्‍त। लूका १०:१९; प्रेरित २८:३-६; याकूब ५:१४-१५
MAR 16:19 मेको लोव़ नेल्‍ल थुम्‍शा नोले प्रभु येसु स्‍वर्ग लाइक्‍चा पुंइसे बाक्‍त। मिनु परमप्रभु यावे आ ग्‍युरा गे निस्‍से बाक्‍त। प्रेरित १:२; भजन संग्रह ११०:१; प्रेरित ७:५५
MAR 16:20 मिनु येसु कली थमा सुइक्‍बपुकी लशा, ग्‍येरपाइक्‍ब लोव़ तेइ तेइ नेंपाइक्‍ना पाइक्‍न गाक्‍‍मा बाक्‍त। प्रभु यो मेकोपुकी नु काथा बाक्‍शा, चिन्‍ड कोंइना कोंइन मेको आन लोव़ थमा बाक्‍ब दें‍बाक्‍माक्‍त। प्रेरित १४:३; हिब्रू २:४
LUK 1:1 माननीय थियोफीलस, इं रागीम मार मार दुम्‍मे, मेको आ पर्बम शुश लोव़ ब्रशो बाक्‍माक्‍त।
LUK 1:2 ङोंइती रे मेको ताइब नु तुइक्‍बपुकीमी मेको आन तशो, तुइश्‍शो लोव़ तेइ तेइ नेंपाइश्‍शो बाक्‍मा बाक्‍त। १यूहन्‍ना १:१-४
LUK 1:3 गोमी ताइब तुइक्‍ब आन देंशो नेंशा, ब्रेक्‍ब आन ब्रेक्‍शो पढेशा “थमान बाक्‍माक्‍त” देंती। मिनु गो यो ब्रेक्‍तु देंशा, एको लोव़ का का पा इन कली ब्रेक्‍ताक्‍न्‍नी। प्रेरित १:१; कलस्‍सी ४:१४
LUK 1:4 लोव़ का निक्‍शी ङोंइती नेंनी माइ। एको आं ब्रेक्‍शो यो पढेतीनी हना, गेमी यो “थमा बाक्‍माक्‍त” दे थमा सुइक्‍नीनी।
LUK 1:5 यहूदीया रागीम हेरोद पिप आ पालामी अबीयाह आ हुल ङा जकरिया नें पाइश्‍शो चढ़ेब का बाक्‍माक्‍त। आ मीश हारून आ खिं ङा चढ़ेब आ तमी बाक्‍माक्‍त। आ नें एलीशीबा बाक्‍माक्‍त। १इतिहास २४:१०,१९
LUK 1:6 मेको निक्‍शी परमप्रभु यावे आ ङोंइती ठीक पाइब बाक्‍सा बाक्‍त। परमप्रभु यावे आ अरेशो लोव़ नु पतीके लोव़ नेल्‍ल टिशा, दोस मताइब दुम्‍शा बाक्‍शो बाक्‍सा बाक्‍त।
LUK 1:7 मेको निक्‍शी खाल्‍पी खाल्‍पा दुम्‍‍शो बाक्‍ताक्‍स हना यो, आल मथिशो बाक्‍सा बाक्‍त। मारदे हना एलीशीबा आल मथीब मीश मुर बाक्‍माक्‍त।
LUK 1:8 मिनु मार दुम्‍माक्‍त देंशा हना, चढ़ेब आ गेय पचा कली अबीयाह आ हुल आन पालो जाक्‍माक्‍त। मिनु जकरिया यरूसलेम ल‍माक्‍त। मिनु मेकेर जाक्‍दीश्‍शा, परमप्रभु यावे आ खिंमी गेय पवा बाक्‍त।
LUK 1:9 मिनु धूप चोचा कली चढ़ेब योव़चा माल्‍बाक्‍माक्‍त। मिनु चढ़ेबपुकीमी यहूदी आन पतीके धूप चोइब मुर योव़चा कली भोट तोक्ग‍मे बाक्‍त। मिनु भोट तोक्‍गमेनु, जकरिया योव़से बाक्‍त। मिनु जकरियाम परमप्रभु यावे आ खिंमी धूप चोचा माल्‍दा बाक्‍त। प्रस्‍थान ३०:७
LUK 1:10 मिनु धूप चोची ना मुर नेल्‍ल लाङगाम रिम्‍शा, परमप्रभु यावे कली पुंइना पुंइन बाक्‍मा बाक्‍त।
LUK 1:11 मिनु आगामी चहिं मार दुम्‍माक्‍त देंशा हना, परमप्रभु आ स्‍वर्ग ङा गेय पाइब का फो ग्रूशा, धूप चोतीके आ ग्‍युरा गे राप्‍शा, जकरिया कली तपांइसे बाक्‍त।
LUK 1:12 मिनु जकरियामी मेको कली तशा, थाम्‍पा हिंमाक्‍त।
LUK 1:13 मिनु परमप्रभु यावे आ स्‍वर्ग ङा गेय पाइबमी “जकरिया महिनो। परमप्रभु यावेमी इ पुंइशो गेब। इ मीश एलीशीबाम तौ का थीब। मिनु गे मेको आ नें यूहन्‍ना वोतो।
LUK 1:14 मेको आल थिशो तशा, गे ग्‍येरसीनेवे। शुश मुर मेको आल आ पर्बम ग्‍येरसीनीम।
LUK 1:15 मारदे हना मेको परमप्रभु आ ङोंइती ठेयब दुम्‍ब। मेकोमी शांबु राकसी मतूब। मेको कोव़जम बाक्‍मेनुन, परमप्रभु यावे आ सोक्‍तीम ब्रीशो बाक्‍ब। न्‍यायाधीस १३:४-५
LUK 1:16 मेकोमी शुश इस्राएली आन थुं परमप्रभु, आन परमप्रभु यावे गे लेप्‍पाइक्‍ब।
LUK 1:17 मिनु मेकोमी एलीया आ सोक्‍त नु सक्ति तशा, आम आफ आ थुं आन तमी तौ गे लेप्‍पाइक्‍ब। मिनु मटीब आन कली ठीक पतीक लां जोक्‍ब तुइक्‍ब सेल्‍ब। मिनु मोपा मुर आन कली प्रभु नु ग्रुम्‍पाइक्‍चा कली ठीक सेल्‍ब” देंमाक्‍त। मलाकी ३:१,२३,२४; मत्ती १७:११-१३
LUK 1:18 मिनु जकरियाम परमप्रभु यावे आ स्‍वर्ग ङा गेय पाइब कली “गो खाल्‍पा दुम्‍ती, आं मीश खाल्‍पी दुम्‍त। आल थीनस्‍कु, दे दोपा थमा सुइक्‍चा ङा?” देंमाक्‍त। उत्‍पत्ती १८:११
LUK 1:19 मिनु “गो परमप्रभु यावे आ स्‍वर्ग ङा गेय पाइब गाब्रीएल नङ। गो परमप्रभु यावे आ ङोंइती बाक्‍नुङ। परमप्रभु यावेमी इ कली ग्‍येरपाइक्‍ब लोव़ नेंपाइक्‍थ सोइक्‍ताक्‍यी। दानीएल ८:१६
LUK 1:20 तन्‍न गे आं देंशो लोव़ थमा मसुदी। मोपतीके आं देंशो लोव़ नेल्‍ल मदुम सम्‍म गे इ सेंदा सोव़शा ब्‍वाक्‍ने मचाप्‍ब दुम्‍नेवे” देंमाक्‍त।
LUK 1:21 जकरिया आगाम बाक्‍मेनु, शुश मुर लाङगाम देल्‍शा “ना रेन आगा ओव़शो मार पवा माइ, काइ मग्रू” देंशा रिम्‍दमे बाक्‍त।
LUK 1:22 मिनु नोले जकरिया ग्रूशा “लोव़ पङ” देंमेनु, काइ लोव़ पने मचबा बाक्‍त। मिनु गुइ चाल पवा बाक्‍‍त। मिनु लाङगाम बाक्‍बपुकीमी “मेकोम परमप्रभु यावे कली ग्रुमा बाक्‍त” दे तुइक्‍तमे बाक्‍त।
LUK 1:23 मिनु अबीयाह आ हुल ङा पालो नुप्‍शा, जकरिया आ खिं लेम्‍माक्‍त।
LUK 1:24 मिनु आ मीशेम कोव़ज कुरा बाक्‍त। मिनु ५ महिना सम्‍म सुइ आन कली मतुइक्‍पाइक्‍थु, खिं ङा खिं बाक्‍माक्‍त।
LUK 1:25 मिनु “मुरपुकीमी आं कली आल मथीब, दे महिक्‍गेम। मुल परमप्रभुमी आं कली हिक्‍पाइक्‍चा कली शिशी पतीकेमी आल थीब दुम्‍पाइक्‍‍ती” देंमाक्‍त। उत्‍पत्ती ३०:२३
LUK 1:26 एलीशीबामी आल कुरशो ६ महिना दुम्‍मेनु, परमप्रभु यावे आ स्‍वर्ग ङा गेय पाइब गाब्रीएल गालील रागी ङा नासरथ सहर सोइक्‍चा पुंइसे बाक्‍त।
LUK 1:27 मेकेर मरीयम नें पाइश्‍शो मीश आल का बाक्‍माक्‍त। मरीयम दाऊद आ थर ङा योसेफ माइश्‍शो वोंइश मुर नु ग्‍युंबे पचशो बाक्‍माक्‍त। मत्ती १:१६-१८
LUK 1:28 गाब्रीएल मरीयम आ बाक्‍तीके जाक्‍शा, मरीयम कली “परमप्रभु गे नु बाक्‍ब। इ कली दाक्‍शा, आसीक गेते” दे सेउ पवा बाक्‍त।
LUK 1:29 मिनु मरीयममी परमप्रभु यावे आ स्‍वर्ग ङा गेय पाइब कली तशा, आ लोव़ नेंशा छक लाक्‍शा “मार लोव़ माइ” दे मिम्‍ता बाक्‍त।
LUK 1:30 मिनु गाब्रीएलमी “ए मरीयम, महिनो। परमप्रभु यावेमी इ कली दाक्‍शा योव़ते।
LUK 1:31 गे मुल कोव़ज कुरशा, तौ का थीनेवे। मिनु इ तौ कली येसु नें वोतो। यसैया ७:१४; मत्ती १:२१-२३
LUK 1:32 मेको ठेयब दुम्‍ब। मेको कली नेल्‍ल क्‍येङा ठेयब आ तौ देंनीम। मिनु परमप्रभु, परमप्रभु यावेमी मेको कली आ किकी पिपी दाऊद आ ठेयब नित्‍तीके गेब। यसैया ९:६
LUK 1:33 मिनु मेको याकूब आ खिं ङा मुर, यहूदी आन पिप दुम्‍शा, हुकुम पाइब। मिनु आ राज्‍य गेनायो मनुप्‍ब” देंमाक्‍त।
LUK 1:34 मरीयममी मेको लोव़ नेंशा “गो मुल सम्‍म ग्‍युंबे मपशो बाक्‍नुङ। गो वोंइश मुर नु मइम्‍ङ। इन देंशो दोपा दुम्‍ने चाप्‍बा ङा?” दे हिल्‍लो पवानु
LUK 1:35 “परमप्रभु यावे आ सोक्‍तीमी इ कली सुम्‍ब। मिनु नेल्‍ल क्‍येङा ठेयब आ सक्ति ताइनेवे। मोपतीके इ आल परमप्रभु यावे के बाक्‍ब। मेको कली परमप्रभु यावे आ तौ देंनीम। मत्ती १:१८-२०
LUK 1:36 इ थर ङा एलीशीबा कली यो मार दुम्‍त देंशा हना, आल मथीब खाल्‍पी बाक्‍त हना यो, मुल कोव़ज कुरशो ६ महिना दुम्‍त।
LUK 1:37 मारदे हना परमप्रभु यावेमी पने मचाप्‍शो मारेइ मबाक्‍ब” देंमाक्‍त। उत्‍पत्ती १८:१४
LUK 1:38 मिनु मरीयममी “गो परमप्रभु आ वाइलीम दुम्‍ती। मिनु इन देंशो बुद पा आ दाक्‍शो पपाइय्‍यील” देंमाक्‍त। मिनु परमप्रभु यावे आ स्‍वर्ग ङा गेय पाइब लेश्‍शा ल‍माक्‍त।
LUK 1:39 मिनु नोले मरीयम यहूदीया रागी ङा पहाडी सहर कामी बाक्‍शो एलीशीबा कली ग्रुम्‍थ लमाक्‍त।
LUK 1:40 मिनु जकरिया आ खिं ओव़शा, एलीशीबा कली सेउ पवा बाक्‍त।
LUK 1:41 मरीयम आ सेउ ताक्‍गानु, एलीशीबा आ कोव़ज ङा आल प्रेक्‍माक्‍त। मिनु परमप्रभु यावे आ सोक्‍तीमी एलीशीबा कली प्रिंदा बाक्‍त।
LUK 1:42 मिनु ठेयब सेंदा पा मरीयम कली “मीश मुर नेल्‍ल आन दातेमी गे आसीक ताइब बाक्‍नेवे। इ कोव़ज ङा आल आसीक ताइब बाक्‍ब।
LUK 1:43 आं प्रभु आ ममा दोपा आं खिंमी आं कली ग्रुम्‍थ जाक्‍नी?
LUK 1:44 गो इ सेउ ताक्‍गुनु, आं कोव़ज ङा आल ग्‍येरशा प्रेक्‍त।
LUK 1:45 गे परमप्रभु आ लोव़ नेंशा, आ देंशो गेना हना यो जाक्‍दीप्‍ब, दे थमा सुइक्‍तीनी। परमप्रभु यावेम इन कली आसीक गेवल” देंमाक्‍त। लूका ११:२७-२८
LUK 1:46 मिनु मरीयममी “आं थुंमी परमप्रभु कली ठेयब सेल्‍नुङ। १सामुएल २:१-१०
LUK 1:47 मारदे हना मेको आं कली श्‍येत रे प्रोंइब, परमप्रभु बाक्‍ब। गो ग्‍येरसीनुङ।
LUK 1:48 गो महिक्‍सीशो आइक्‍च नङ। तन्‍न परमप्रभु यावेमी आं कली हिक्‍ती। मुल ङा मेरे जात नेल्‍ल ङा मुरपुकीमी आं कली आसीक गेनीम।
LUK 1:49 मारदे हना सक्ति पाइश्‍शोमी आं कली थम रिम्‍शो पाइक्‍ती। परमप्रभु यावे आ नें का ला बाक्‍ब।
LUK 1:50 सु सुम मेको कली मान पा हिंनीमी, मेको आन कली शिशी पाइब। भजन संग्रह १०३:१३,१७
LUK 1:51 मेकोमी सक्ति कोंइताक्‍व। मिनु ठेयब लेश्‍‍शो आन कली आन मिम्‍शा हिंतीके मेको आन कली गेब। उत्‍पत्ती ११:८
LUK 1:52 हुकुम पाइब आन सासन पशो रोइश्‍शा, महिक्‍सीशो आन कली ठेयब सेल्‍तु। भजन संग्रह १४७:६
LUK 1:53 शोव़लु बेक्‍शो आन कली जचा गेब। शोंप पाइश्‍शो आन कली श्‍येत्‍थ गुइ सोइक्‍ब। भजन संग्रह ३४:११; भजन संग्रह १०७:९
LUK 1:54 मेकोमी आ शिशी कोंइशा, आ वाइल इस्राएल कली वारच पाप्‍तु।
LUK 1:55 मेकोमी इं किकी पिपी, अब्राहाम नु आ चच युइ आन कली गेना हना यो शिशी पचा कली मिम्‍ताक्‍व” दे मरीयममी परमप्रभु यावे कली मान पा देंमाक्‍त। उत्‍पत्ती १७:७; उत्‍पत्ती १८:१८
LUK 1:56 मिनु मरीयम एलीशीबा आ खिंमी महिना सां सम्‍म बाक्‍शा, आ खिं लेम्‍माक्‍त।
LUK 1:57 मिनु ङोंइती देंशो बुद पा एलीशीबामी तौ का थि‍माक्‍त।
LUK 1:58 आ एर ओंथ बाक्‍ब नु आ खिं ङा मुर नेल्‍लेमी “परमप्रभुमी मेको कली शिशी पा, तौ थीब सेल्‍तु” देंशो नेंशा, नेल्‍ल मेको नु ग्‍येरसमा बाक्‍त।
LUK 1:59 मिनु आल ८ नाक्‍त दुम्‍मेनु, जकरिया आ खिंमी मुर देल्‍शा, ख्रोइक्‍तीक चिनु ख्रोइश्‍शा, आल आ नें वोइक्‍चा‍मेनु, नेल्‍लेमी “आ आफ आ नें खोदेंशोन वोइक्‍चा” देंमा बाक्‍त। उत्‍पत्ती १७:१२
LUK 1:60 तन्‍न आल आ ममामी “मदुम्‍ब, एको आ नें यूहन्‍ना वोइक्‍चा माल्‍ब” देंमाक्‍त।
LUK 1:61 मिनु मुरपुकीमी “मुल सम्‍म इन खिं ङा सुइ मुरुमी मोदेंशो नें मवोदेम” देंमा बाक्‍त।
LUK 1:62 मिनु नोले “आ आफ कली हिल्‍लो पय” दे जकरिया कली हिल्‍लो पामेनु,
LUK 1:63 जकरियाम ब्रेक्‍तीक का पितीन, दे चाल पा “आं तौ आ नें यूहन्‍ना वोतीने” दे ब्रेक्‍ता बाक्‍त। मिनु नेल्‍ले छक लाक्‍मा बाक्‍त।
LUK 1:64 मेना जकरिया आ सेंदा ग्रिश्‍शा, ब्‍वाक्‍ने चाप्‍ब दुम्‍शा, परमप्रभु यावे कली ठेयब सेला बाक्‍त।
LUK 1:65 मिनु लोव़ पाइब दुम्‍त देंशो नेंशा, मुर नेल्‍ल छक लाक्‍शा हिंमा बाक्‍त। मिनु मेको लोव़ यहूदीया ङा पहाड नेल्‍ल ब्रमाक्‍त।
LUK 1:66 नेंबपुकीमी मेको लोव़ आन थुंमी वोइश्‍शा “मेको आल नोले दोदेंशो दुम्‍बा?” देंमुमा बाक्‍त। मारदे हना परमप्रभु मेको आल नु बाक्‍माक्‍त।
LUK 1:67 आल आ आफ जकरियामी परमप्रभु यावे आ सोक्‍तीम ब्रीशा, परमप्रभु यावे आ लोव़ पवा बाक्‍त।
LUK 1:68 मेकोमी “परमप्रभु, इस्राएली आन परमप्रभु यावे ठेयब बाक्‍ब। मारदे हना इस्राएल ङा मुर इं कली शिशी पा पाप रे प्रोंइब सोइक्‍चाप्‍तु। लूका ७:१६
LUK 1:69 मेकोमी आ गेय पाइब दाऊद आ खिं ङा मुर रे इं कली सक्ति पाइश्‍शो पाप रे प्रोंइब सोइक्‍ताक्‍व।
LUK 1:70 साइ नेसी परमप्रभु यावेमी आ लोव़ पाइब आन कली मेको इस्राएल कली पाप रे प्रोंइब आ पर्बम लोव़ पपदा बाक्‍त। मिनु मेको लोव़ पाइबपुकीमी मार देंमा बाक्‍त देंशा हना
LUK 1:71 ‘परमप्रभु यावेमी गो इस्राएल ङा मुर आंइ कली आंइ जोरी सत्रु आन गुइ रे नु आंइ कली काइ मदाक्‍ब रे प्रोंइब’ देंमा बाक्‍त।
LUK 1:72 ‘परमप्रभु यावेमी आंइ किकी पिपी आन कली शिशी पाइनुङ’ दे आ पशो कबल मिम्‍ताक्‍व। उत्‍पत्ती १७:७
LUK 1:73 मोदेंशो पा शिशी पाइनुङ, दे इं किकी पिपी अब्राहाम नु कसम जशा लोव़ थोक्‍ता बाक्‍त। मार लोव़ थोक्‍शो बाक्‍त देंशा हना उत्‍पत्ती २२:१६-१८; मीका ७:२०
LUK 1:74 ‘गो इं जोरी सत्रु आन गुइ रे प्रोंइचा पुंइसीनय। मिनु गो महिंथु परमप्रभु यावे कली ठेयब सेल्‍ने चाप्‍नय।
LUK 1:75 आ मुर दुम्‍शा, ब्रोंइका सम्‍म ठीक गेय पा बाक्‍ने चाप्‍यल’ दे परमप्रभु यावे आ लोव़ पाइबमी देंमा बाक्‍त। तीतस २:१२-१४
LUK 1:76 मिनु जकरियामी आ तौ कली ‘गे नेल्‍ल क्‍येङा ठेयब आ लोव़ पाइब’ देंनीमी। मारदे हना गे प्रभु आ ङोंइती गाक्‍शा, मेको आ लां सेल्‍नेवे। मलाकी ३:१
LUK 1:77 गे मेको आ मुर आन कली आन पाप क्‍याम्‍सीशा, पाप रे ब्रोंइशो मुर दुमीन, दे शेंनेवे। येरमीया ३१:३४
LUK 1:78 आंइ परमप्रभु यावेमी इं कली दाक्‍शा, शिशी पा, रुप्‍तीक थुं सुनी ङा छेङछेङ खोदेंशो पा इं तार मोइक्‍ताक्‍व। यसैया ६०:१-२
LUK 1:79 मिनु मेको बेक्‍पाइक्‍ब आ छिङछिङम बाक्‍ब आन कली हाम्‍सो दुम्‍ब। मिनु मेकोमी आंइ कली थुं नाइश्‍शा बाक्‍तीकेम खुल्‍ब” देंमाक्‍त। यसैया ९:१
LUK 1:80 मिनु यूहन्‍ना कोल्‍शा, परमप्रभु यावे आ सोक्‍तीम बोल्‍यो दुम्‍शा, खिं रे गाक्‍शा, मुर मबाक्‍तीके गोरशो रागीमी जाक्‍दीश्‍शा, इस्राएल ङा मुर आन कली परमप्रभु यावे आ लोव़ मशेंदीमी सम्‍म मेकेर बाक्‍माक्‍त। मत्ती ३:१
LUK 2:1 मिनु मेना सिजर अगस्‍टसमी “रागी नेल्‍ल ङा मुर आन नें ब्रेक्‍शा हिक्‍चा नमी” दे हुकुम पवा बाक्‍त।
LUK 2:2 मोदेंशो नें ब्रेक्‍‍तीके ङोंइती गेनायो मपशो बाक्‍मा बाक्‍त। मुल पामेनु, सिरीया रागीम क्‍वीरीनीयसम सासन पशो बाक्‍माक्‍त।
LUK 2:3 मिनु मुर नेल्‍ल आन नें ब्रेक्‍पाइक्‍चा कली आन थर ङा सोतीक बोतीक गाउं गाउं सहर सहरम जाक्‍दीम्‍मा बाक्‍त।
LUK 2:4 योसेफ पिप दाऊद आ खिं ङा बाक्‍माक्‍त। पिप दाऊद आ खिं ङा मुर आन सोतीक बोतीक बेथलेहेम सहर बाक्‍माक्‍त। मोपतीके योसेफ आ मीश मरीयम कली लाइश्‍शा, गालील रागी ङा नासरथ सहर रे यहूदीया रागी ङा बेथलेहेम सहर लमाक्‍त।
LUK 2:5 मोपा आस नें ब्रेक्‍पाइक्‍थ लसानु, मरीयम कोव़ज कुरशो बाक्‍माक्‍त।
LUK 2:6 मिनु बेथलेहेम सहरम जाक्‍दीस्‍सा नोले मरीयम आल थितीक रोइ पवा बाक्‍त।
LUK 2:7 मेकेर बास बाक्‍तीक खिं मथित्‍थु, गोठ कामी बास बाक्‍सा बाक्‍त। मिनु गोठम बाक्‍सानु, मरीयममी तौ का थिशा, वाम गिल्‍शा, शुंगुम इप्‍पदा बाक्‍त। मत्ती १:२५
LUK 2:8 मेकेर गोठलापुकी बाक्‍मा बाक्‍त। मेकोपुकी नाक्‍दो रूम बाक्‍शा, आन भेडा खाल पशो बाक्‍मा बाक्‍त।
LUK 2:9 मिनु परमप्रभु यावे आ स्‍वर्ग ङा गेय पाइब का गोठला आन बाक्‍तीकेम फो ग्रूमाक्‍त। मिनु परमप्रभु आ छेङछेङमी मेको गोठला आन एर ओंथ ठेयब हाम्‍सो सेला बाक्‍त। मेको तशा गोठलापुकी शुश हिंमा बाक्‍त।
LUK 2:10 तन्‍न परमप्रभु यावे आ स्‍वर्ग ङा गेय पाइबमी “महिनीने। गो इन कली नु मुर नेल्‍ल आन कली ग्‍येरपाइक्‍ब लोव़ नेंपाइक्‍थ जाक्‍ती।
LUK 2:11 एको ग्‍येरपाइक्‍ब लोव़ दोदेंशो बाक्‍ब देंशा हना, मुलाक्‍दो पिप दाऊद आ सहरम आल का जरमेसाक्‍व। मेको नक जरमेशो आल पाप रे प्रोंइब, प्रभु येसु ख्रीस्‍त बाक्‍ब।
LUK 2:12 आं लोव़ थमा बाक्‍ब, दे दोपा तुइक्‍नीनी देंशा हना, गे मेको नक जरमेशो आल कली वाम गिल्‍शा, शुंगुम इप्‍पाइश्‍शो थित्‍नीनी” देंमाक्‍त।
LUK 2:13 मिनु सरीङ रे परमप्रभु यावे आ स्‍वर्ग ङा गेय पाइब शुश फो फु ग्रूशा, परमप्रभु यावे कली ठेयब सेल्‍शा भजन संग्रह १०३:२०-२१
LUK 2:14 “नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७
LUK 2:15 मिनु परमप्रभु यावे आ स्‍वर्ग ङा गेय पाइब सरीङ गे लेश्‍शा लमा बाक्‍त। मिनु गोठलापुकीमी “बेथलेहेम सहर लय। एको परमप्रभुमी तुइक्‍पाइश्‍शो लोव़ कोव़थ लय” देंमुमा बाक्‍त।
LUK 2:16 मिनु दोरशा जाक्‍दीश्‍शा कोव़ङमेनु, मरीयम नु योसेफ थित्‍मे बाक्‍त। मेकेर नक थिशो आल यो शुंगुम इप्‍पाइश्‍शो तामे बाक्‍त।
LUK 2:17 मेको नेल्‍ल तशा, आल आ पर्बम नेंशो लोव़ शुश मुर आन कली तुइक्‍पदमे बाक्‍त।
LUK 2:18 मिनु आन लोव़ नेंब नेल्‍ल छक लाक्‍मा बाक्‍त।
LUK 2:19 तन्‍न मरीयममी गोठला आन लोव़ नेंशा, आ थुंमी वोदा बाक्‍त।
LUK 2:20 गोठलापुकीमी आन तशो नु आन नेंशो आ पर्बम परमप्रभु यावे कली ठेयब सेल्‍ना सेल्‍न लेम्‍मा बाक्‍त।
LUK 2:21 मिनु आल जरमेसे आ ८ नाक्‍ती ख्रोइक्‍तीक चिनु ख्रोदमे बाक्‍त। मिनु आ नें येसु वोदमे बाक्‍त। मारदे हना परमप्रभु यावे आ स्‍वर्ग ङा गेय पाइबमी “मेको आ नें येसु वोइक्‍चा” दे आ कोव़ज कुरचा क्‍येङा ङोंइती मरीयम कली देंशो बाक्‍माक्‍त। लूका १:५९; उत्‍पत्ती १७:१२; लूका १:३१
LUK 2:22 मिनु चोव़खेतीक नाक्‍त जाक्‍मेनु, मोसामी ब्रेक्‍शो लोव़ टिशा, यरूसलेम सहर जाक्‍दीश्‍शा, आल कली परमप्रभु यावे आ खिं लाइश्‍शा “परमप्रभु यावे केन दुम्‍ल” देंशा, परवा आ चाइक्‍ब निक्‍शी चढ़ेम्‍से बाक्‍त। लेवी १२:१-४; गन्‍ती १८:१५
LUK 2:23 मारदे हना परमप्रभुम अरे‍शो लोव़मी “ङोंइती थिशो वोंइश आल परमप्रभु यावे के बाक्‍ब” दे ब्रेक्‍शो बाक्‍ब। प्रस्‍थान १३:२,१५
LUK 2:24 परमप्रभु आ अरेशो लोव़मी आम्‍मा चोव़खेचा कली “परवा आ चाइक्‍ब निक्‍शी चढ़ेचा माल्‍ब” दे ब्रेक्‍शो बाक्‍ब। लेवी १२:६-८
LUK 2:25 यरूसलेममी सिमियोन माइश्‍शो मुर का बाक्‍माक्‍त। मेको ठीक पाइब नु परमप्रभु यावे कली मान पा हिंब बाक्‍माक्‍त। परमप्रभु यावे आ सोक्‍तीम ब्रीशा “परमप्रभु यावेमी इस्राएल ङा मुर आन कली पाप रे प्रोंइब का सोइक्‍ब” दे लां कोव़शा बाक्‍शो बाक्‍माक्‍त। उत्‍पत्ती ४९:१८
LUK 2:26 परमप्रभु यावे आ सोक्‍तीमी मेको कली “इ मबेक्‍थु, प्रभु, पाप रे प्रोंइब ख्रीस्‍त ग्रुम्‍पाइक्‍नन” देंशो बाक्‍माक्‍त।
LUK 2:27 मिनु परमप्रभु यावे आ सोक्‍तीमी मेको कली “मुल परमप्रभु यावे आ खिं लावो” देंतीके लशा, परमप्रभु यावे आ खिं जाक्‍दीम्‍माक्‍त। मिनु मरीयम नु योसेफमी आल कली परमप्रभु यावे आ ब्रेक्‍पाइश्‍शो लोव़मी मार पचा देंशो बाक्‍मे, मेको पचा कली चाक्‍शो तवा बाक्‍त।
LUK 2:28 मिनु सिमियोनमी आल कली लाइश्‍शा, परमप्रभु यावे कली ठेयब सेल्‍शा
LUK 2:29 “परमप्रभु, इन देंशो जाक्‍दीत्‍त। मुल इन वाइल थुं नाइश्‍शा बेक्‍ने चाप्‍‍ब।
LUK 2:30 मारदे हना इन सोइश्‍शो पाप रे प्रोंइब कली आं मिक्‍चीम ताता।
LUK 2:31 मेको कली रागी रागी ङा मुर नेल्‍ल आन पर्बम सोइक्‍ताक्‍नी।
LUK 2:32 अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६
LUK 2:33 मिनु आल आ आम आफोमी “मार, मिश रिम्‍शो लोव़ पवा” दे छक लाक्‍सा बाक्‍त।
LUK 2:34 मिनु सिमियोनम मेको आस कली आसीक गेशा, मरीयम कली “एको आल इस्राएली आन दातेमी लां कोंइशा मुर आन कली फ्राब। का निक्‍शी खतम दुम्‍नीम, का निक्‍शी रिम्‍शो दुम्‍नीम। मिनु शुश मुरुमी एको कली मदाक्‍नीम। लूका २०:१७-१८; प्रेरित २८:२२; १कोरिन्‍थी १:२३
LUK 2:35 मोपा मुर आन थुंम मिम्‍शो तुंइसीब। मिनु तरवार कामी इ थुं थोक्‍ब” देंमाक्‍त। यूहन्‍ना १९:२५
LUK 2:36 यरूसलेममी आन्‍ना माइश्‍शो परमप्रभु यावे आ लोव़ पाइब खाल्‍पी का बाक्‍माक्‍त। मेको आशेर आ थर ङा फनुएल आ तमी बाक्‍माक्‍त। मेको ग्‍युंबे पशो आ ७ बर्सम आ वोंइश बेक्‍शो बाक्‍माक्‍त।
LUK 2:37 मिनु आ वोंइश बेक्‍म नोले शुश बर्स ब्रोंइशा, ८४ बर्स दुम्‍माक्‍त। मेकोमी परमप्रभु यावे आ खिं मप्रोंइथु, नाक्‍दो नाक्‍ती मेकेर माइजा बाक्‍शा प्रार्थना पा, परमप्रभु यावे कली ठेयब सेल्‍ना सेल्‍न बाक्‍बाक्‍माक्‍त। १तिमोथी ५:५
LUK 2:38 मिनु मरीयम नु योसेफमी आल मेकेर लदसेनु, मेको खाल्‍पी ग्रुम्‍से बाक्‍त। मिनु खाल्‍पीमी आल कली तशा, परमप्रभु यावे कली ठेयब सेला बाक्‍त। मिनु “परमप्रभु यावेमी पाप रे प्रोंइब सोइक्‍ब” दे आस पा बाक्‍ब यरूसलेम ङा मुर आन कली मेको आल आ पर्बम लोव़ पा नेंपाइक्‍मी बाक्‍त।
LUK 2:39 मिनु परमप्रभु आ अरेशो पचा माल्‍शो गेय नेल्‍ल थुम्‍शा, आल कली लाइश्‍शा, गालील रागी ङा नासरथ सहरम लेस्‍सा बाक्‍त।
LUK 2:40 मिनु नोले आल कोल्‍शा, जोक्‍ब तुइक्‍ब दुम्‍माक्‍त। मारदे हना परमप्रभु यावेमी दाक्‍शा मेको कली आसीक गेवा बाक्‍त।
LUK 2:41 येसु आ आम आफ बर्स बर्समी पास्‍सा चाड मानेथ यरूसलेम लाइबाक्‍सा बाक्‍त। ब्‍यवस्‍था १६:१-८
LUK 2:42 मिनु येसु १२ बर्स जाक्‍दीम नोले पास्‍सा मानेथ लमानु, मार दुम्‍माक्‍त देंशा हना,
LUK 2:43 पास्‍सा थुम्‍शा खिं लेम्‍मानु, आम आफोम मतुइक्‍थु, येसु मेकेरन लीमाक्‍त। तन्‍न आ आम आफोमी मतुंइ‍से बाक्‍त। प्रस्‍थान १२:१८
LUK 2:44 मेको नाक्‍त का ङा लां गाक्‍सानु, येसु आ वारच नु लत, दे मिम्‍तसे बाक्‍त। मिनु वारच नु बाक्‍शो मतथु, येसु कली माल्‍चा गोम्‍से बाक्‍त। नाक्‍त का ङा लां ३०-४० किलो मिटर बाक्‍ब।
LUK 2:45 मिनु माल्‍से माल्‍से तेइ मथित्‍से बाक्‍त। मिनु लेश्‍शा माल्‍ना माल्‍न यरूसलेम जाक्‍शा यो मथित्‍से बाक्‍त।
LUK 2:46 नाक्‍दो नाक्‍ती सां सम्‍म माल्‍ना माल्‍न गाक्‍सा नोले परमप्रभु यावे आ खिंम थित्‍से बाक्‍त। मेको परमप्रभु यावे आ लोव़ शेंबपुकी नु बाक्‍शा, आन लोव़ नेंशा, मेको आन कली लोव़ हिल्‍लो पना पन बाक्‍शो ताम्‍से बाक्‍त।
LUK 2:47 मेको आ लोव़ नेंब नेल्‍लेमी “शुश जोक्‍ब तुइक्‍ब आल बाक्‍माक्‍त” दे छक लाक्‍मा बाक्‍त।
LUK 2:48 आ आम आफोम मेको कली तशा, थाम्‍पा छक लाक्‍सा बाक्‍त। मिनु आ ममामी “आं तौ, गे मारदे आंस कली मोदेंशो श्‍येत गेस्‍की? इ आफ नु गो इ कली ‘ते लाक्‍गा?’ दे शुश हिंशा माल्‍तास्‍कु” देंमाक्‍त।
LUK 2:49 मिनु येसुमी “मारदे माल्‍यीसी? गो आं आफ आ खिंमी बाक्‍चा माल्‍नुङ, दे मतुइक्‍तीसी?” देंमाक्‍त। यूहन्‍ना २:१६
LUK 2:50 तन्‍न मेको आ लोव़ मरुप्‍से बाक्‍त।
LUK 2:51 मिनु येसु आ आम आफ नु लेश्‍शा, नासरथ आ खिं लमाक्‍त। में ङा मेरे आ आम आफ आस लोव़ टिशा बाक्‍माक्‍त। आ ममामी मेको मोदेंशो दुम्‍शो नेल्‍ल शुश मिम्‍शा थुंम वोदा बाक्‍त।
LUK 2:52 येसु कोल्‍शा बारशा, शुश जोक्‍ब तुइक्‍ब दुम्‍माक्‍त। परमप्रभु यावेमी मेको कली दाक्‍ता बाक्‍त। मुरपुकीमी यो दाक्‍तमे बाक्‍त। १सामुएल २:२६
LUK 3:1 सिजर तिबेरीयुस आ हुकुम पशो १५ बर्स दुम्‍मेनु, इस्राएल रागीम सासन पाइब सु सु बाक्‍मा बाक्‍त देंशा हना, यहूदीया रागीम पन्तीयस पिलातस, गालील रागीम हेरोद, इतुरीया नु त्राकोनीतीस रागीम हेरोद आ लोक्‍ब फिलीप नु अबीलेने रागीम लुसानीयस बाक्‍मा बाक्‍त।
LUK 3:2 यरूसलेममी नेल्‍ल क्‍येङा ठेयब चढ़ेब हन्‍नास नु काइयाफास बाक्‍सा बाक्‍त। जकरिया आ तौ यूहन्‍ना गोरशो रागी मुर मबाक्‍तीकेमी बाक्‍शो बाक्‍माक्‍त। मिनु परमप्रभु यावेमी यूहन्‍ना कली लोव़ पवा बाक्‍त। इजीकीएल १:३; होसे १:१
LUK 3:3 मिनु यूहन्‍ना यर्दन खोला आ नेक्‍था जाक्‍दीश्‍शा, एर ओंथ परमप्रभु यावे आ लोव़ शेंना शेंन गाक्‍माक्‍त। मिनु शेंना शेंन मुर आन कली “इन थुं परमप्रभु यावे गे लेश्‍शा, ब्‍वाक्‍कुम ख्रुम्‍शा ग्रुंइचा पुंइसीन। मिनु परमप्रभु यावेमी इन पाप क्‍याम्‍शा गेब” दे शेंदीमी बाक्‍त।
LUK 3:4 साइ नेसी परमप्रभु यावे आ लोव़ पाइब यसैयामी “गोरशो रागीमी सेंदा का नेंसीब। मेकोमी मार देंब देंशा हना, प्रभु आ लां सेलीने। आ गाक्‍तीकेम फुल्‍लु ग्रोक्‍शा थेलीने। यसैया ४०:३-५
LUK 3:5 बेंसी नेल्‍ल प्रिंचा पुंइसीनीम। डांडा नेल्‍ल दिंम सेल्‍चा पुंइसीनीम। हिरशो लां नेल्‍ले सोव़जो सेल्‍चा पुंइसीनीम। मरिम्‍शो लां नेल्‍ले रिम्‍शो सेल्‍चा पुंइसीनीम।
LUK 3:6 मिनु मुर नेल्‍लेमी परमप्रभु यावेमी दोपा पाप रे प्रोंइबा मेको तुइक्‍नीम” दे ब्रेक्‍शो बाक्‍माक्‍त। यसैया ४०:३-५
LUK 3:7 मिनु शुश मुर यूहन्‍ना आ बाक्‍तीकेमी ब्‍वाक्‍कुम ख्रुम्‍शा ग्रुंइपांइसीचा कली जाक्‍मा बाक्‍त। मिनु यूहन्‍नामी मेको आन कली “गे बुस्‍स आ खलकपुकी, परमप्रभु यावे आ सजाइ रे ब्रोंइचा ताइनीनी, दे सुम शेंदा?
LUK 3:8 इन थुं परमप्रभु यावे गे लेश्‍शा, रिम्‍शो फल सिश्‍शो खोदेंशो गेय कोंइदीने। गे ‘इं किकी पिपी अब्राहाम बाक्‍ब’ दे मिम्‍शा, देश पा मबाक्‍कीन। मारदे हना गो इन कली ‘परमप्रभु यावेमी एको फुल्‍लु रे अब्राहाम आ चच युइ सेल्‍ने चाप्‍ब’ देंनुङ।
LUK 3:9 तिम्‍चा, दे रवा आन पुंमी खा वोइश्‍शो बाक्‍ब। रिम्‍शो फल मसिप्‍ब रवा का का पा तिम्‍शा, मीम चोचा पुंइसीनीम, दे तुइक्‍तीन” दे माइक्‍मी बाक्‍त।
LUK 3:10 मिनु मुरपुकीमी “मुल मार पक?” दे हिल्‍लो पामे बाक्‍त।
LUK 3:11 मिनु यूहन्‍नामी “सु के फेक्‍तीक वा निक्‍शी बाक्‍मे, मेकोमी फेक्‍तीक का मबाक्‍शो कली गेचा माल्‍ब। सु के जचा थोव़क बाक्‍मे, मेकोमी जचा मताइब कली गेचा माल्‍ब” देंमाक्‍त।
LUK 3:12 तिरो पोक्‍बपुकी यो जाक्‍शा यूहन्‍ना कली “शेंब, गो मार पक?” दे हिल्‍लो पामे बाक्‍त।
LUK 3:13 मिनु मेकोमी “सरकारम ताक्‍चा देंशो क्‍येङा शुश मताक्‍चा” देंमाक्‍त।
LUK 3:14 का निक्‍शी सिपाइपुकी यो जाक्‍शा “मिनु गो मार पक?” दे हिल्‍लो पामे बाक्‍त। मिनु मेको आन कली “सुइ आन कली हिंम हिंम पा जोल पा दोस गेशा आन मारेइ मारेइ मरोइक्‍तीन। इन गेय रे पा तशो क्‍येटम इन थुं नुशा बाक्‍कीन” दे माइक्‍मी बाक्‍त।
LUK 3:15 मिनु यूहन्‍ना आ लोव़ नेंबपुकीमी “एको मुर सु माइ? ख्रीस्‍त कोर में?” दे शुश मिम्‍तमे बाक्‍त।
LUK 3:16 यूहन्‍नामी मेको नेल्‍ल आन कली “गो इन कली ब्‍वाक्‍कुम ख्रुम्‍शा ग्रुंइनन्‍नी। आं नोले जाक्‍ब चहिं आं क्‍येङा ठेयब बाक्‍ब। गो मेको आ ङोंइती बाप्‍शा, आ जुत्ता प्रुइक्‍चा लायो मशिरनुङ। मेकोमी इन कली परमप्रभु यावे आ सोक्‍ती नु मीम ख्रुम्‍ब।
LUK 3:17 लाङगाम हाम्‍शो चेरब हुरशा, भूस नु गेडा तिल्‍चा कली मेको आ गुइमी ग्‍योल बाक्‍ब। गेडा कोठोम कुर पा वोइक्‍ब। भूस चहिं गेनायो मकाप्‍ब मीम हुम्‍ब” दे माइक्‍मी बाक्‍त।
LUK 3:18 मोदेंशो लोव़ पा अर्ती गेशा, रिम्‍शो लोव़ शेंदीमी बाक्‍त।
LUK 3:19 मेकोमी सासन पाइब हेरोद आ लोक्‍ब आ मीश चाक्‍चा आ पर्बम दोस गेवा बाक्‍त। मोपतीके मेकोमी यूहन्‍ना कली जेल्‍खानमी चोक्‍पदा बाक्‍त। मत्ती १४:३-४; मर्कूस ६:१७-१८
LUK 3:20 हेरोद कली मार दोस गेवा बाक्‍त देंशा हना “इन लोक्‍ब आ मीश चाक्‍शा, पात्‍के पाइतीनी। अरु पाप यो शुश पाइतीनी” दे हुइश्‍शो बाक्‍माक्‍त।
LUK 3:21 मिनु यूहन्‍ना चोक्‍सीचा क्‍येङा ङोंइती शुश मुर आन कली ब्‍वाक्‍कुम ख्रुम्‍शा ग्रुंइदा बाक्‍त। काबु येसु यो जाक्‍शा, ब्‍वाक्‍कुम ख्रुम्‍शा ग्रुंइचा पुंइसे बाक्‍त। मिनु ब्‍वाक्‍कु रे ग्रूशा, प्रार्थना पना पन बाक्‍मेनु, सरीङ रोक्‍से बाक्‍त।
LUK 3:22 मिनु सरीङ रे परमप्रभु यावे आ सोक्‍त परवा खोदेंशो पा यिशा, येसु आ तारी जुक्‍ता बाक्‍त। मिनु सरीङ रे “आं दाक्‍शो तौ नवे। इ कली तशा थाम्‍पा ग्‍येरसीनुङ” देंशो सेंदा नेंसे बाक्‍त। यूहन्‍ना १:३२; लूका ९:३५
LUK 3:23 मिनु येसुमी मुर आन कली परमप्रभु यावे आ लोव़ शेंचा गोवानु, ३० बर्स दुम्‍शो बाक्‍माक्‍त। मुरपुकीमी आ आफ योसेफ बाक्‍ब, दे मिम्‍तमे बाक्‍त। योसेफ हेली आ तौ बाक्‍माक्‍त। लूका ४:२२
LUK 3:24 हेली मात्‍थात आ तौ बाक्‍माक्‍त। मात्‍थात लेवी आ तौ बाक्‍माक्‍त। लेवी मेल्‍की आ तौ बाक्‍माक्‍त। मेल्‍की यान्‍नाइ आ तौ बाक्‍माक्‍त। यान्‍नाइ योसेफ आ तौ बाक्‍माक्‍त।
LUK 3:25 योसेफ मत्‍थाथीयास आ तौ बाक्‍माक्‍त। मत्‍थाथीयास आमोस आ तौ बाक्‍माक्‍त। आमोस नाहुम आ तौ बाक्‍माक्‍त। नाहुम एस्‍ली आ तौ बाक्‍माक्‍त। एस्‍ली नग्‍गै आ तौ बाक्‍माक्‍त।
LUK 3:26 नग्‍गै माथ आ तौ बाक्‍माक्‍त। माथ मत्‍थाथीयास आ तौ बाक्‍माक्‍त। मत्‍थाथीयास सेमेइन आ तौ बाक्‍माक्‍त। सेमेइन योसेक आ तौ बाक्‍माक्‍त। योसेक योदा आ तौ बाक्‍माक्‍त।
LUK 3:27 योदा योआनान आ तौ बाक्‍माक्‍त। योआनान रेसा आ तौ बाक्‍माक्‍त। रेसा जेरूब-बाबेल आ तौ बाक्‍माक्‍त। जेरूब-बाबेल शाल्‍तीएल आ तौ बाक्‍माक्‍त। शाल्‍तीएल नेरी आ तौ बाक्‍माक्‍त।
LUK 3:28 नेरी मेल्‍की आ तौ बाक्‍माक्‍त। मेल्‍की अददी आ तौ बाक्‍माक्‍त। अददी कोसाम आ तौ बाक्‍माक्‍त। कोसाम एल्‍मादम आ तौ बाक्‍माक्‍त। एल्‍मादम एर आ तौ बाक्‍माक्‍त।
LUK 3:29 एर यहोसु आ तौ बाक्‍माक्‍त। यहोसु एलीएजर आ तौ बाक्‍माक्‍त। एलीएजर योरीम आ तौ बाक्‍माक्‍त। योरीम मात्‍थात आ तौ बाक्‍माक्‍त। मात्‍थात लेवी आ तौ बाक्‍माक्‍त।
LUK 3:30 लेवी सिमियोन आ तौ बाक्‍माक्‍त। सिमियोन यहूदा आ तौ बाक्‍माक्‍त। यहूदा योसेफ आ तौ बाक्‍माक्‍त। योसेफ योनाम आ तौ बाक्‍माक्‍त। योनाम एल्‍याकीम आ तौ बाक्‍माक्‍त।
LUK 3:31 एल्‍याकीम मेलेया आ तौ बाक्‍माक्‍त। मेलेया मेन्‍ना आ तौ बाक्‍माक्‍त। मेन्‍ना मात्‍ताथा आ तौ बाक्‍माक्‍त। मात्‍ताथा नाथान आ तौ बाक्‍माक्‍त। नाथान दाऊद आ तौ बाक्‍माक्‍त। २सामुएल ५:१४
LUK 3:32 दाऊद येस्‍से आ तौ बाक्‍माक्‍त। येस्‍से ओबेद आ तौ बाक्‍माक्‍त। ओबेद बोआज आ तौ बाक्‍माक्‍त। बोआज साल्‍‍मोन आ तौ बाक्‍माक्‍त। साल्‍मोन नहशोन आ तौ बाक्‍माक्‍त। रूथ ४:१७-२२
LUK 3:33 नहशोन अम्‍मीनादाब आ तौ बाक्‍माक्‍त। अम्‍मीनादाब आदमीन आ तौ बाक्‍माक्‍त। आदमीन अरनी आ तौ बाक्‍माक्‍त। अरनी हेस्रोन आ तौ बाक्‍माक्‍त। हेस्रोन पेरेस आ तौ बाक्‍माक्‍त। पेरेस यहूदा आ तौ बाक्‍माक्‍त। उत्‍पत्ती ५:१-३२; उत्‍पत्ती ११:१०-२६; उत्‍पत्ती २१:२-३; उत्‍पत्ती २९:३५
LUK 3:34 यहूदा याकूब आ तौ बाक्‍माक्‍त। याकूब इसहाक आ तौ बाक्‍माक्‍त। इसहाक अब्राहाम आ तौ बाक्‍माक्‍त। अब्राहाम तेराह आ तौ बाक्‍माक्‍त। तेराह नाहोर आ तौ बाक्‍माक्‍त।
LUK 3:35 नाहोर सेरूग आ तौ बाक्‍माक्‍त। सेरूग रेऊ आ तौ बाक्‍माक्‍त। रेऊ पेलेग आ तौ बाक्‍माक्‍त। पेलेग एबेर आ तौ बाक्‍माक्‍त। एबेर शेलाह आ तौ बाक्‍माक्‍त।,
LUK 3:36 शेलाह केनान आ तौ बाक्‍माक्‍त। केनान अरपक्‍शाद आ तौ बाक्‍माक्‍त। अरपक्‍शाद शेम आ तौ बाक्‍माक्‍त। शेम नोआह आ तौ बाक्‍माक्‍त। नोआह लमेक आ तौ बाक्‍माक्‍त।
LUK 3:37 लमेक मेथुसेलाह आ तौ बाक्‍माक्‍त। मेथुसेलाह हनोक आ तौ बाक्‍माक्‍त। हनोक यरेद आ तौ बाक्‍माक्‍त। यरेद मा-हालालेल आ तौ बाक्‍माक्‍त। मा-हालालेल केनान आ तौ बाक्‍माक्‍त।
LUK 3:38 केनान एनोश आ तौ बाक्‍माक्‍त। एनोश सेथ आ तौ बाक्‍माक्‍त। सेथ आदम आ तौ बाक्‍माक्‍त। आदम चहिं परमप्रभु यावे आ सेल्‍शो बाक्‍माक्‍त।
LUK 4:1 येसु परमप्रभु यावे आ सोक्‍तीम ब्रीशा, यर्दन खोला रे लशा, परमप्रभु यावे आ सोक्‍तीमी गोरशो रागीमी चाक्‍दीत्‍चा पुंइसे बाक्‍त।
LUK 4:2 मिनु ४० नाक्‍ती गोरशो रागीम सैतान रे पा थुं नाक्‍चा पुंइसे बाक्‍त। मेको ४० नाक्‍त सम्‍म मारेइ मजथु बाक्‍शो बाक्‍माक्‍त। मिनु नोले शुश शोव़लु बेक्‍माक्‍त।
LUK 4:3 मिनु सैतानमी “मार, गे परमप्रभु आ तौ नवे हना, एको फुल्‍लु कली ‘शोब्‍ले दुमो’ देन” देंमाक्‍त।
LUK 4:4 मिनु येसुमी “परमप्रभु यावेम ब्रेक्‍पाइश्‍शो लोव़मी ‘मुर जशा ला मब्रोंइनीम’ दे ब्रेक्‍शो बाक्‍ब” देंमाक्‍त। ब्‍यवस्‍था ८:३
LUK 4:5 मिनु नोले सैतानमी येसु कली इर लाइश्‍शा, याम कामीन रागी नेल्‍ल कोंइशा
LUK 4:6 “रागी, रागीमी बाक्‍शो नेल्‍ल शोंप आं के नम। रागी नेल्‍ल आन कली हुकुम पाइब यो गो नङ। गो मेको इ कली गेनुङ। मारदे हना सु कली गेचा दाक्‍तु, मेको कली गेने चाप्‍नुङ।
LUK 4:7 गे आं ङोंइती बाप्‍शा, आं कली ठेयब सेल्‍तीवी हना, मेको नेल्‍ल इ कली गेनन” देंमाक्‍त।
LUK 4:8 मिनु येसुमी “परमप्रभु यावे आ लोव़मी ‘परमप्रभु यावे कली ला ठेयब सेलो। मेको कली ला गेय पावो’ दे ब्रेक्‍शो बाक्‍ब” देंमाक्‍त। ब्‍‍यवस्‍था ६:१३
LUK 4:9 मिनु नोले सैतानमी येसु कली यरूसलेम लाइश्‍शा, परमप्रभु यावे आ खिं ङा नेल्‍ल क्‍येङा तारी लदा बाक्‍त। मिनु “मार, गे परमप्रभु यावे आ तौ नवे हना, एकेर रे प्रेक्‍को।
LUK 4:10 मारदे हना ‘इ कली कोव़चा कली आ स्‍वर्ग ङा गेय पाइब आन कली सोइक्‍ब।
LUK 4:11 मिनु मेकोपुकीमी इ कली आन गुइम ताक्‍शा, खपीम नाइक्‍पाइक्‍नीम। इ खोइल फुल्‍लु कामी यो मथोक्‍ब’ दे ब्रेक्‍शो बाक्‍ब” देंमाक्‍त। भजन संग्रह ९१:११,१२
LUK 4:12 मिनु येसुमी “परमप्रभु, इन परमप्रभु यावे कली थुं मनाक्‍चा, दे यो देंशो बाक्‍ब” देंमाक्‍त। ब्‍यवस्‍था ६:१६
LUK 4:13 मिनु सैतानमी नेल्‍ल नाक्‍ने थुमा नोले, मुल अर्को खेयप नाक्‍नुङ, दे मिम्‍शा येसु कली प्रोंइशा मेक रे गाक्‍माक्‍त। हिब्रू ४:१५
LUK 4:14 मिनु नोले, येसु परमप्रभु यावे आ सोक्‍त आ सक्तिम गालील रागी लेम्‍माक्‍त। मेकेर एर ओंथ येसु आ पर्बम शुश लोव़ ब्रशो बाक्‍माक्‍त।
LUK 4:15 मेकोमी आन ग्रुम्‍तीक खिं खिंमी शेंना शेंन गाक्‍मेनु, आ लोव़ नेंब नेल्‍लेमी “रिम्‍शो लोव़ पाइक्‍बाक्‍त” दे ठेयब सेल्‍मे बाक्‍त।
LUK 4:16 मोपा हिरना हिरन गाक्‍मेनु, काबु आ कोल्‍तीक नासरथ सहरम जाक्‍दीम्‍माक्‍त। आल रेन नाइक्‍तीक नाक्‍ती ग्रुम्‍तीक खिं लशो खोदेंशो पा, ग्रुम्‍तीक खिं लशा, परमप्रभु यावे आ लोव़ पढेचा कली राम्‍माक्‍त।
LUK 4:17 मिनु ग्रुम्‍तीक खिं ङा गेय पाइबमी मेको कली यसैया आ ब्रेक्‍शो किताब गेवा बाक्‍त। मिनु किताब प्राक्‍शा कोव़शा यसैया ६१:१-२
LUK 4:18 “परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, ग्‍याइश्‍शा चोक्‍चा पुंइसीशो मुर आन कली प्रोंइ‍चा कली, मिक्‍च मताइब आन कली तपाइक्‍चा नु श्‍येत जाइब आन कली श्‍येत रे प्रोंइशा, रिम्‍शो पा बाक्‍चा गेचा कली सोइक्‍ताक्‍यी। यसैया ४२:७
LUK 4:19 परमप्रभु यावे आ शिशी पतीक बर्स आ पर्बम शेंचा कली सोइक्‍ताक्‍यी” दे पढेशा नेंपाइक्‍मी बाक्‍त। लेवी २५:१०
LUK 4:20 मिनु किताब गिल्‍शा, ग्रुम्‍तीक खिं ङा गेय पाइब कली गेशा, निस्‍से बाक्‍त। मिनु नेल्‍लेमी येसु कली मिक्‍च मयाक्‍थु कोव़स ङा कोव़स पामे बाक्‍त।
LUK 4:21 मिनु येसुमी “एको इन नेंशो लोव़ मुलाक्‍त गाप्‍त” देंमाक्‍त।
LUK 4:22 नेंबपुकीमी मेको आ पर्बम रिम्‍शो लोव़ पामे बाक्‍त। येसु आ रिम्‍शो लोव़ नेंशा छक लाक्‍शा “एको योसेफ आ तौ ममाइ ङा?” देंमुमा बाक्‍त। लूका ३:२३
LUK 4:23 मिनु येसुमी मेको आन कली “गे इच्‍ची ना आं कली ‘मुर आन कली सापाइक्‍ब, गे इ कली यो सापतो’ देंतीक लोव़ देंनीनी। मिनु ‘गो कापेरनाउम सहरम चिन्‍ड नु छक लाक्‍चा ङा गेय पशो नेंतक। मुल इ कोल्‍तीक सहरम, एकेर यो मोदेंशो पावो’ दे आं कली देंनीनी” देंमाक्‍त।
LUK 4:24 मिनु येसुमी “थमा पा, मुरपुकीमी परमप्रभु यावे आ लोव़ पाइब आन कली आंम आन बाक्‍तीक सहरम काइ महिक्‍नीम। यूहन्‍ना ४:४४
LUK 4:25 थमा लोव़ मार बाक्‍त देंशा हना, एलीया आ पालाम इस्राएल रागीम शुश वोंइश बेक्‍शो मीश मुर बाक्‍शो बाक्‍तेक्‍म। मेना बर्स सां ६ महिना सम्‍म रेउ मयिमाक्‍त। मिनु रागी नेल्‍ल ङा मुरपुकीमी जचा मतामे बाक्‍त। १राजा १७:१,९-२४
LUK 4:26 तन्‍न परमप्रभु यावेमी एलीया कली मेको आन बाक्‍तीक मसोइक्‍त। तन्‍न सीदोन रागी ङा सारेप्‍ता सहरम बाक्‍ब वोंइश बेक्‍शो मीश मुर का कली ला श्‍येत रे प्रोंइथ सोइक्‍ता बाक्‍त। सारेप्‍ता सहर कली हिब्रू लोव़मी चारेफाथ देंनीम।
LUK 4:27 एलीशा आ पालामी यो इस्राएल रागीमी शुश कोव़र पाइब मुर बाक्‍मा बाक्‍त। सुइ मसामा बाक्‍त। सिरीया ङा नामान माइश्‍शो मुर ला सापाइक्‍चा पुंइसे बाक्‍त” दे येसुमी माइक्‍मी बाक्‍त। २राजा ५:१-१४
LUK 4:28 ग्रुम्‍तीक खिंम बाक्‍शो मुर नेल्‍लेम मेको लोव़ नेंशा चुरमा बाक्‍त।
LUK 4:29 मिनु छुल छाल बोक्‍शा, येसु कली आन ग्रुम्‍तीक खिं नु सहर रे ग्रुंइ‍शा, डांडा तार सेल्‍शो सहर ङा रोंगु रे तोक्‍चा, दे लदमे बाक्‍त।
LUK 4:30 तन्‍न येसु मेको आन दाते रे ग्रू‍शा गाक्‍माक्‍त।
LUK 4:31 मिनु नोले गालील रागी ङा कापेरनाउम सहर ब्रुम्‍‍माक्‍त। मिनु नाइक्‍तीक नाक्‍ती ग्रुम्‍तीक खिं लशा, मुर आन कली शेंदा बाक्‍त।
LUK 4:32 मिनु आ शेंशो नेंशा छक लाक्‍मा बाक्‍त। मारदे हना आ लोव़ अधिकार पाइश्‍शो बाक्‍माक्‍त। मत्ती ७:२८-२९; यूहन्‍ना ७:४६
LUK 4:33 मेको ग्रुम्‍तीक खिंमी ग्रांग्रा दिचा ङा वोल आ सोक्‍तीम सुम्‍‍शो मुर का बाक्‍माक्‍त। मेकोमी वाइ ब्रेश्‍शा
LUK 4:34 “ओहो, नासरथ ङा येसु, मार पमुया ङा? आंइ कली साइक्‍थ जाक्‍नी? इन कली तुइक्‍ताक्‍क। गे परमप्रभु यावे आ योव़शो ननी” देंमाक्‍त।
LUK 4:35 मिनु येसुमी वोल कली “रेयके मपथु, ग्रूङो” दे हुइक्‍ता बाक्‍त। मिनु वोलमी मुर कली श्‍येत मगेथु, दिङ खोल्‍शा वोइश्‍शा ग्रूमाक्‍त।
LUK 4:36 मो दुम्‍शो तशा, मुरपुकी छक लाक्‍शा “मार लोव़ बाक्‍म माइ? मारदे हना अधिकार नु सक्ति पाइश्‍शो लोव़ पवानु, वोलपुकी ग्रूबाक्‍तेक्‍म” देंमुमा बाक्‍त।
LUK 4:37 मिनु मेको रागी नेल्‍ल येसु आ पर्बम लोव़ ब्रना ब्रन लमाक्‍त।
LUK 4:38 मिनु येसु ग्रुम्‍तीक खिं रे गाक्‍शा, सिमोन आ खिं जाक्‍दीम्‍माक्‍त। सिमोन आ शिमी शुश जरो पा रोइ पा गोल्‍‍शो बाक्‍माक्‍त। मिनु खिं ङा मुरुमी येसु कली “सापतीन” दे पुन्‍मे बाक्‍त।
LUK 4:39 मिनु येसु मेको आ नेक्‍था राप्‍शा, जरो कली हुइक्‍ता बाक्‍त। मिनु हुइक्‍तानु, जरो जाम्‍माक्‍त। मिनु साशा छुल बोक्‍शा, येसु नु आ वारच आन कली जचा गेमी बाक्‍त।
LUK 4:40 मिनु नां रिक्‍मेनु, शुश रोइ पाइब आन कली चाक्‍ग्‍मे बाक्‍त। मिनु येसुमी रोइ पाइब आन कली आ गुइ आन तारी चाक्‍शा, नेल्‍ल आन कली सापाइक्‍मी बाक्‍त।
LUK 4:41 शुश मुर रे वोल ग्रुंइदा बाक्‍त। वोल आन कली ग्रुंइदानु, मेकोपुकीमी “परमप्रभु यावे आ तौ ननी” दे ग्रीमा बाक्‍त। तन्‍न येसुमी मेको आन कली लोव़ पचा मगेथु, हुइक्‍तीमी बाक्‍त। मारदे हना मेकोपुकीम “ख्रीस्‍त बाक्ब” दे ङोंइती रे तुइश्‍शो बाक्‍मा बाक्‍त। मत्ती ८:२९; मर्कूस ३:११-१२
LUK 4:42 मिनु आ दीसा सुनी येसु मेकेर रे गाक्‍शा, मुर मबाक्‍तीकेम जाक्‍दीम्‍माक्‍त। मिनु मुरपुकीमी “ते लमे?” दे माल्शा, आ बाक्‍तीकेम जाक्‍दीम्‍मा बाक्‍त। मिनु “आंइ कली प्रोंइशा मगाक्‍कीन। आंइ सहरम बाक्‍कीन” देंमा बाक्‍त।
LUK 4:43 मिनु येसुमी “अर्को सहर लचा माल्‍नुङ। मारदे हना गो मेकेर ङा मुर आन कली यो परमप्रभु यावे आ राज्‍य ङा लोव़ पचा माल्‍नुङ। गो मेको गेय पचा कली सोइश्‍शो नङ” देंमाक्‍त।
LUK 4:44 मिनु रागी नेल्‍ल हिरना हिरन यहूदीया ङा ग्रुम्‍तीक खिं खिंमी शेंना शेंन गाक्‍माक्‍त। मत्ती ४:२३
LUK 5:1 मिनु काबु येसुमी गेनेसरेथ समुन्‍द्र आ नेक्‍था जाक्‍दीश्‍शा, मुर आन कली परमप्रभु यावे आ लोव़ शेंदीमी बाक्‍त। मुरपुकीमी येसु कली डी डा चूमे बाक्‍त।
LUK 5:2 मिनु समुन्‍द्र आ शुइचम डोंगा निक्‍शी तवा बाक्‍त। ङांइ रेप्‍‍बपुकी डोंगा रे तोइश्‍शा आन ग्‍याइली मुरना मुरन बाक्‍मा बाक्‍त।
LUK 5:3 मिनु डोंगा का ङोंइसे बाक्‍त। मेको डोंगा सिमोन के बाक्‍माक्‍त। मिनु येसुमी सिमोन कली “डोंगा इच्‍का आइक्‍ची लतो” दे मदा बाक्‍त। मिनु मोपा डोंगाम बाक्‍शा मुर आन कली शेंदीमी बाक्‍त।
LUK 5:4 मिनु शेंने थुम्‍शा, सिमोन कली “ब्‍वाक्‍कु आ दातेम जाक्‍दीश्‍शा, ङांइ रेत्‍चा कली ग्‍याइली आपो” देंमाक्‍त। यूहन्‍ना २१:६
LUK 5:5 मिनु सिमोनमी “शेंब, नाक्‍दो रे श्‍येत पा ग्‍याइली आप्‍ना आप्‍न बाक्‍तक। ङांइ का यो मरे। मुल ‘गे आपो’ देंतीनी हना, गो आप्‍नुङ” देंमाक्‍त।
LUK 5:6 मिनु ग्‍याइली आबानु, शुश ङांइ रेश्‍शा, ग्‍याइल गाक्‍चा गोवा बाक्‍त।
LUK 5:7 मिनु ग्‍याइली गाक्‍थ्री पा ङांइ रेश्‍शो तशा, आ वारच आस कली “ए, एक जाक्‍शा, वारच पसे” दे ब्रेश्‍शा, डोंगा निम्‍फा ङांइम प्रिंदमे बाक्‍त। मिनु डोंगा हेल्‍शा, ब्‍वाक्‍कुम ग्रुम्‍चा चिक्‍ता बाक्‍त।
LUK 5:8 मिनु सिमोन पत्रुसमी मो दुम्‍शो तशा, येसु आ ङोंइती पोक्‍च थेक्‍शा बाप्‍शा “प्रभु, गो पापी मुर नङ। गे नु काथा बाक्‍चा मशिरनुङ” देंमाक्‍त। लूका १८:१३
LUK 5:9 मारदे हना सिमोन नु मेको नु बाक्‍ब नेल्‍ले मिश ङा ङांइ रेश्‍शो तशा, छक लाक्‍मा बाक्‍त।
LUK 5:10 जब्‍दी आ तौ याकूब नु यूहन्‍ना यो छक लाक्‍सा बाक्‍त। मिनु येसुमी सिमोन कली “महिनो। मुल ङा मेरे मुर रेप्‍ब दुम्‍नेवे” दे मदा बाक्‍त।
LUK 5:11 मिनु डोंगा ग्रुंइशा, तोइश्‍शा, सिमोन, याकूब नु यूहन्‍ना सांफामी आन गेय नेल्‍ल प्रोंइशा, येसु आ नोले खोइश्‍शा, आ शेंसीब दुम्‍मा बाक्‍त।
LUK 5:12 मिनु काबु येसु आ शेंसीबपुकी नु सहर कामी बाक्‍मेनु, कोव़र पाइब मुर का कली ग्रुमा बाक्‍त। मिनु मेको कोव़र पाइबमी येसु कली तशा, आ ङोंइती बाप्‍शा “प्रभु, सापाइक्‍चा दाक्‍ताक्‍नी हना, आं कली सापाइक्‍ने चाप्‍नीनी” देंमाक्‍त।
LUK 5:13 मिनु येसुमी कोव़र पाइब कली थिशा “गो सापाइक्‍चा दाक्‍नुङ” देंमेनु, मेको कोव़र पशो मुर सा‍माक्‍त।
LUK 5:14 मिनु येसुमी “एको लोव़ सुइ कली मदेंचा। चढ़ेब आ ङोंइती लशा, इ साशो रां कोंइदो। मिनु मोसामी मार चढ़ेचा माल्‍ब देंशो बाक्‍मे, मेको चढ़ेशा, साती, दे तुइक्‍पतो” दे माइश्‍शा, सोइक्‍ता बाक्‍त। लेवी १४:२-३२
LUK 5:15 सुइ कली मदेंचा देंशो बाक्‍त हना यो, शुश मुरुमी येसु आ पर्बम लोव़ पामे बाक्‍त। रागी नेल्‍लेम मेको लोव़ ब्रमाक्‍त। येसु आ लोव़ नेंचा कली नु रोइ रे साचा कली शुश मुर येसु आ बाक्‍तीकेम जाक्‍मा बाक्‍त।
LUK 5:16 तन्‍न येसु मेकोपुकी नु ब्राशा, सुइ मबाक्‍तीकेम लशा, परमप्रभु यावे कली प्रार्थना पवा बाक्‍त। मर्कूस १:३५
LUK 5:17 काबु येसुमी शेंना शेंन बाक्‍मेनु, गालील रागी, यहूदीया रागी, नु यरूसलेम सहर रे जाक्‍शो फरिसी नु अरेशो लोव़ शेंबपुकी देल्‍शा, येसु आ नेक्‍था निस्‍समा बाक्‍त। परमप्रभु आ सापाइक्‍तीक सक्ति येसु नु बाक्‍माक्‍त।
LUK 5:18 मेना मुरपुकीमी आ गुइ खोइल मदुक्‍ब मुर का कली ब्राख्‍येम कुरशा चाक्‍ग्‍मे बाक्‍त। चाक्‍बपुकीम मेको कली येसु आ ङोंइती चाक्‍दीत्‍चा, दे मिम्‍तमे बाक्‍त।
LUK 5:19 तन्‍न शुश मुर देल्‍तीके येसु आ नेक्‍था चाक्‍दीन्‍ने मचाप्‍मे बाक्‍त। मिनु खिं ङोइश्‍शा, साप्‍शो फुल्‍लु याक्‍शा, रोइ पाइब आ ब्राख्‍ये आ एर ओंथ डोरीम फ्रेंशा, मेको कली ओंखां पा तोक्‍शा, येसु आ ङोंइती वोदमे बाक्‍त।
LUK 5:20 मिनु येसुमी मेको आन थमा सुइक्‍शो तुइश्‍शा, मेको कली “आं वारच, इ पाप क्‍याम्‍शा गेतन” दे मदा बाक्‍त।
LUK 5:21 मिनु फरिसी नु सास्‍त्रीपुकीमी “ओदेंशो शुक्‍शी लोव़ पाइब सु बाक्‍म? परमप्रभु यावेमी ला पाप क्‍याम्‍ने चाप्‍ब” दे मिम्‍तमे बाक्‍त। फरिसी रिती थिती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म। लूका ७:४९; भजन संग्रह १३०:४; यसैया ४३:२५
LUK 5:22 मिनु येसुमी मेको आन मिम्‍शो तुइश्‍शा, मेको आन कली “मारदे इन थुंम मोदेंशो मिम्‍तीनी?
LUK 5:23 इ पाप क्‍याम्‍शा गेतन देंचा देय छुल बोक्‍शा, एर ओंथ हिरशा कोंइदो देंचा तेको रिम्‍शो बाक्‍बा?
LUK 5:24 रागीम जरमेशोमी, पाप क्‍याम्‍चा कली अधिकार तशो बाक्‍ब, दे गेपुकीमी यो तुइक्‍तीन” दे गुइ खोइल मदुक्‍ब कली “छुल बोक्‍शा, इ ब्राख्‍ये कुरशा, इ खिं लावो” दे मदा बाक्‍त। यूहन्‍ना ५:३६
LUK 5:25 मो देंमेनु, मेको मुर छुल बोक्‍शा, आ ब्राख्‍ये कुरशा, परमप्रभु यावे कली ठेयब सेल्‍ना सेल्‍न आ खिं लमाक्‍त।
LUK 5:26 मेको चिन्‍ड तशा, मुर नेल्‍ले छक लाक्‍शा, परमप्रभु यावे कली ठेयब सेल्‍शा, मान पा हिंशा “ङोंइती गेनायो मतशो ताइतय” देंमुमा बाक्‍त।
LUK 5:27 मिनु मेकेर रे लशा, येसुमी तिरो पोक्‍ब लेवी नें पाइश्‍शो मुर का आ गेय पतीकेमी बाक्‍शो तशा “आं नोले खोइय्‍यी” दे मदा बाक्‍त।
LUK 5:28 मिनु मेकोमी आ गेय प्रोंइशा, येसु आ नोले खोदा बाक्‍त।
LUK 5:29 मिनु लेवीमी येसु कली मान पा थुल्‍चा, दे जचा तूचा सेला बाक्‍त। मिनु मेको नु तिरो पोक्‍ब, आ वारच नु अरु मुर यो जथ बाक्‍मा बाक्‍त। लूका १५:१
LUK 5:30 मिनु फरिसी नु सास्‍त्रीपुकीमी मेको आन कली काथा बाक्‍शो तशा, आन थुं मनुथु येसु आ शेंसीब आन कली “मारदे गे तिरो पोक्‍ब नु पापीपुकी नु काथा बाक्‍शा जाइनीनी?” देंमा बाक्‍त।
LUK 5:31 मिनु येसुमी मेको आन लोव़ तुइश्‍शा “रोइ मपाइब आन कली डाक्‍टर ममाल्‍नीम। तन्‍न रोइ पाइब आन कली डाक्‍टर माल्‍नीम।
LUK 5:32 ठीक पाइब आन कली ब्रेत्‍थ जाक्‍शो मनङ। तन्‍न पापी आन कली ‘इन थुं परमप्रभु यावे गे लेत्‍तीन’ दे ब्रेत्‍थ जाक्‍शो नङ” दे माइक्‍मी बाक्‍त।
LUK 5:33 मिनु मेकोपुकीमी “यूहन्‍ना आ शेंसीबपुकी नु फरिसी आन शेंसीबपुकी शुश माइजा बाक्‍शा, प्रार्थना पाइनीम। तन्‍न इन शेंसीबपुकी माइजा मबाक्‍थु, जाइनीम तूनीम” देंमा बाक्‍त।
LUK 5:34 मिनु येसुमी मेको आन कली “ग्‍युम्‍ले नु काथा बाक्‍मानु, जन्‍ती आन कली माइजा बाक्‍पाइक्‍ने चाप्‍नीनी ङा?
LUK 5:35 काबु ग्‍युम्‍ले लाइक्‍चा पुंइसीब। मेना माइजा बाक्‍नीम” दे माइक्‍मी बाक्‍त।
LUK 5:36 मिनु येसुमी मेको आन कली “सुइमी नक वा खाक्‍शा, माइत वाम मक्‍येप्‍नीम। मो पाम्‍तेक्‍म हना, नक वा मरिम्‍शो दुम्‍बा ममाइ? नक वा माइत वा तार क्‍येप्‍चा मगारब।
LUK 5:37 सुइमी माइत कुशुल के थैलोमी नक अङगुर शांबु कुर मपाइनीम। कुर पाम्‍तेक्‍म हना, नक अङगुर शांबु बोरशा थैलो बुक्‍ब। मिनु अङगुर शांबु क्‍युप्‍ब। मेको थैलो यो खतम दुम्‍ब।
LUK 5:38 नक शांबु नक थैलोमी कुर पचा माल्‍ब।
LUK 5:39 कशो शांबु तूशा बानी दुम्‍शोमी जीजी शांबु मदाक्‍नीम, मेकोमी ‘कशो ला ब्रोव़ब’ देंब” दे कथा का देंमाक्‍त।
LUK 6:1 मिनु काबु नाइक्‍तीक नाक्‍ती येसु नु आ शेंसीबपुकी चेरब रू लां रे पा गाक्‍मानु, शेंसीबपुकीमी चेरब बाला शोइश्‍शा, नोक्‍शा जामे बाक्‍त। लूका १३:१०-१७; लूका १४:१-६
LUK 6:2 मिनु फरिसीपुकीमी मेको आन कली चेरब जशो तशा “नाइक्‍तीक नाक्‍ती पचा मदुम्‍ब गेय, मारदे पाइनीमी?” दे आन थुं मनुथु लोव़ पामे बाक्‍त।
LUK 6:3 मिनु येसुमी “दाऊद नु आ वारचपुकी शोव़लु बेक्‍मानु, मार पामे, परमप्रभु यावेमी ब्रेक्‍पाइश्‍शो लोव़ मपढेनी? १सामुएल २१:७
LUK 6:4 दोपा दाऊदमी परमप्रभु यावे आ खिंमी ओव़शा, परमप्रभु यावे आ ङोंइती कोंइतीक शोब्‍ले शोल्‍शा योक्‍शा जामे? मेको शोब्‍ले चढ़ेबपुकीम ला जाइनीमी, ममाइ? अरु मुरपुकीमी जचा मदुम्‍बा, ममाइ ङा?” दे माइक्‍मी बाक्‍त। लेवी २४:९
LUK 6:5 मिनु येसुमी “रागीम जरमेशो दा नाइक्‍तीक नाक्‍ती मार पचा, मार मपचा मेको नेल्‍ल देंब बाक्‍ब” देंमाक्‍त।
LUK 6:6 मिनु अर्को नाइक्‍तीक नाक्‍ती येसुम ग्रुम्‍तीक खिंमी शेंदानु, मेकेर आ ग्‍युरा गुइ सोव़शो मुर का बाक्‍माक्‍त।
LUK 6:7 मिनु सास्‍त्री नु फरिसीपुकीमी “नाइक्‍तीक नाक्‍ती सापाइक्‍चा गेय पाइबा कों?” दे योव़की पा कोव़ङमे बाक्‍त। मारदे हना येसु कली दोस गेचा माल्‍शो बाक्‍मा बाक्‍त।
LUK 6:8 मिनु येसुमी मेको आन मिम्‍शो तुइश्‍शा, आ गुइ सोव़शो मुर कली “एक पिशा, राप्‍शा बाक्‍को” दे मदा बाक्‍त। मिनु मेको छुल बोक्‍शा राम्‍माक्‍त।
LUK 6:9 मिनु येसुमी योव़की पाइब आन कली “लोव़ का हिल्‍लो पाइनन्‍नी, नाइक्‍तीक नाक्‍ती शिशी पचा देय मरिम्‍शो गेय पचा? ब्रोंइचा गेचा देय बेक्‍चा गेचा? अरेशो लोव़म मार देंबा?” दे हिल्‍लो पवा बाक्‍त।
LUK 6:10 मिनु मेकेर बाक्‍ब आन कली मिक्‍च मयाक्‍थु, कोव़शा, गुइ सोव़शो कली “इ गुइ दिंदो” दे मदा बाक्‍त। मिनु मेकोमी गुइ दिंसेनु, सामाक्‍त।
LUK 6:11 मिनु योव़की पाइबपुकी चुरशा “मेको कली मार पय?” दे लोव़ पमुमा बाक्‍त।
LUK 6:12 काबु येसु डांडा का ङोइश्‍शा, नाक्‍दो रे परमप्रभु यावे कली प्रार्थना पवा बाक्‍त। मर्कूस १:३५
LUK 6:13 मिनु आ दीसा नां सोव़शा, आ नोले खोइक्‍ब आन कली ग्रुम्‍शा, १२ जना आन कली योव़मी बाक्‍त। योव़शो आन कली “सोइश्‍शो” दे नें वोदा बाक्‍त। मत्ती १०:२-४; प्रेरित १:१३
LUK 6:14 मेको १२ जना सु सु बाक्‍मा बाक्‍त देंशा हना, सिमोन, मेको कली पत्रुस यो देंनीम। सिमोन आ लोक्‍ब अन्द्रीयास, याकूब, यूहन्‍ना, फिलीप, बारथोलोमाइ,
LUK 6:15 मत्ती, थोमास, अल्‍फयस आ तौ याकूब, सिमोन, मेको कली कनानी यो देंनीम,
LUK 6:16 याकूब आ तौ यहूदा नु इस्‍कारीयोत ङा यहूदा बाक्‍मा बाक्‍त। इस्‍कारीयोत ङा यहूदा चहिं नोले येसु कली साइक्‍चा, दे माल्‍ब आन कली वारच पाइब दुम्‍बाक्‍माक्‍त।
LUK 6:17 मेको मुर आन कली योव़शा, डांडा रे यिमा बाक्‍त। मिनु ठेयब दिंमम जाक्‍दीश्‍शा बाक्‍मानु, येसु आ लोव़ नेंथ एर ओंथ रे शुश मुर खुम्‍सीशा देल्‍मा बाक्‍त। मेकोपुकी यहूदीया रागी, यरूसलेम सहर, टायर नु सीदोन सहर एर ओंथ रे जाक्‍शो बाक्‍मा बाक्‍त।
LUK 6:18 का निक्‍शी येसु आ लोव़ नेंथ जाक्‍मा बाक्‍त। का निक्‍शी आन रोइ सापांइसीथ जाक्‍मा बाक्‍त। मिनु वोलम तशो मुरपुकी यो जाक्‍शा, सामा बाक्‍त।
LUK 6:19 रोइ पाइबपुकीमी येसु कली थिचा माल्‍मे बाक्‍त। मारदे हना येसु आ सक्तिम मेको नेल्‍ल आन रोइ साबाक्‍मा बाक्‍त।
LUK 6:20 मिनु येसुमी शेंसीब आन कली कोव़शा “गे प्रुङग मुर, ग्‍येरसीने। मारदे हना परमप्रभु यावे आ राज्‍य इन के बाक्‍ब। याकूब २:५
LUK 6:21 मुल जचा मतथु बाक्‍बपुकी, ग्‍येरसीने, मारदे हना परमप्रभु यावेमी इन कली रूथ्री जचा गेब। मुल श्‍येत जशा, ङाक्‍न ङाक्‍न बाक्‍शोपुकी, ग्‍येरसीने। मारदे हना नोले ग्‍येरसीशा बाक्‍चा ताइनीनी। प्रकाश ७:१६-१७
LUK 6:22 मुरुमी इन कली आं पर्बम काइ मदाक्‍थु, खेरशा हेला पामेनु, रागीम जरमेशो आ पर्बम इन कली दिप्‍मेनु, गे शुश ग्‍येरसीन। यूहन्‍ना १५:१८-१९
LUK 6:23 मेको नाक्‍ती थाम्‍पा ग्‍येरसीने। मारदे हना परमप्रभु यावेमी इन कली स्‍वर्गम इनाम गेब। इन कली श्‍येत गेब आन किकी पिपीमी साइ रे परमप्रभु यावे आ लोव़ पाइब आन कली यो खेदा पा श्‍येत गेशो बाक्‍तेक्‍म।
LUK 6:24 गे शुश शोंप पाइश्‍शोपुकी, हिनीन। मारदे हना इन तशो रिम्‍शो नेल्‍ल थुम्‍तीनी। मत्ती १९:२३; याकूब ५:१
LUK 6:25 मुल शुश जचा ताइबपुकी, हिनीन। मारदे हना नोले जचा मतथु शोव़लु बेक्‍नीनी। मुल रिश्‍शा बाक्‍बपुकी, हिनीन। मारदे हना नोले ङाक्‍शा रोंका पचा माल्‍नीनी।
LUK 6:26 मुल मुरपुकी रे पा मान पाइक्‍चा पुंइसीशोपुकी, हिनीन। मारदे हना इन किकी पिपीमी यो जोल पा परमप्रभु यावे आ लोव़ पाइब आन कली मो पाइक्‍बाक्‍तेक्‍म” देंत।
LUK 6:27 मिनु “आं लोव़ नेंबपुकी, नोफा दाइश्‍शा नेनीन, इन जोरी सत्रु आन कली दाक्‍तीने। इन कली काइ मदाक्‍ब आन कली दाक्‍तीने।
LUK 6:28 इन कली सराप चीले पाइब आन कली आसीक गेने। इन कली शुक्‍शी पाइब आन पर्बम परमप्रभु यावे कली पुंइदीने। १कोरिन्‍थी ४:१२
LUK 6:29 इन चोव़चो का राप्‍ब आन कली अर्को चोव़चो यो राप्‍चा गेने। इन दौरा लाइक्‍ब आन कली भोटो यो प्रुइश्‍शा गेने।
LUK 6:30 सुइमी गे नु बाक्‍शो थोव़की पुंइतु हना, गेने। सुइमी गे नु बाक्‍शो थोव़की लाइक्‍तु हना, पितो, दे मपुनीन।
LUK 6:31 गेमी दोदेंशो पचा पुंइसीचा दाक्‍नीनी, गे यो मुर आन कली मोदेंशो पने। मत्ती ७:१२
LUK 6:32 इन कली दाक्‍ब आन कली ला दाक्‍ताक्‍नी हना, मार रिम्‍शो पनी ङा? पापीपुकीमी यो आंम कली दाक्‍ब कली दाक्‍नीम।
LUK 6:33 इन कली रिम्‍शो पाइब आन कली ला रिम्‍शो पाइतीनी हना, मार रिम्‍शो पनी ङा? पापीपुकीमी यो रिम्‍शो पाइब कली रिम्‍शो पाइनीम।
LUK 6:34 इन कली थाम्‍ने चाप्‍ब आन कली ला जेर गेतीनी हना, मार रिम्‍शो पनी ङा? पापीपुकीमी यो लेंशा ताक्‍चा कली मोदेंशो पाइनीम। ब्‍यवस्‍था १५:५-८
LUK 6:35 इन जोरी सत्रु आन कली दाक्‍तीन। वारच पने। लेंशा ताक्‍चा ममिम्‍थु जेर गेने। मो पाइतीनी हना, गे ठेयब इनाम ताइनीनी। मिनु नेल्‍ल क्‍येङा ठेयब आ मुर दुम्‍नीनी। मारदे हना ‘रिम्‍शो पाइतीनी’ मदेंब नु आ अरेशो मटीब आन कली रिम्‍शो पाइब।
LUK 6:36 दोपा इन आफोमी शिशी पवा, मोपा गेपुकीमी यो शिशी पने” देंमाक्‍त।
LUK 6:37 मिनु येसुमी “मुर आन कली मनाक्‍तीने। मिनु इन कली मनाक्‍नीम। दोस मगेने। मिनु गे यो दोस मताइनीनी। माफ गेने, मिनु गे यो माफ गेचा पुंइसीनीनी। मत्ती ६:१४
LUK 6:38 अरु आन कली मार मार माल्‍मा, मेको गेने। हाइश्‍शो दुम्‍शा गेतीनी हना, गे यो क्‍युप्‍चा ङा पा प्रिंशा ताइनीनी। दोपा पुक्‍शा गेनी, मोपा पुक्‍शा ताइनीनी” दे शेंदीमी बाक्‍त। मर्कूस ४:२४
LUK 6:39 मिनु येसुमी कथा सेल्‍शा “मिक्‍च मताइबमी मिक्‍च मताइब कली लां कोंइने चाप्‍ब ङा? लांमी खाल्‍टा बाक्‍त हना, निम्‍फा खाल्‍टाम मबिक्‍नीसी ङा? मत्ती १५:१४
LUK 6:40 शेंब क्‍येङा शेंसीब ठेयब मनम। तन्‍न शेंसीबमी शुश शेंसीशा आ शेंब खोदेंशो दुम्‍ब। मत्ती १०:२४-२५; यूहन्‍ना १५:२०
LUK 6:41 मारदे इन लोक्‍ब आ मिक्‍चीम बाक्‍शो कसीङगर ताइनीनी। मिनु इन मिक्‍चीम बाक्‍शो मुढा चहिं मताइनीनी?
LUK 6:42 इन मिक्‍चीम मुढा बाक्‍त हना, दोपा इन लोक्‍ब कली ‘आं लोक्‍ब, इ मिक्‍चीम बाक्‍शो कसीङगर फेत्‍नुङ’ देंने चाप्‍नीनी ङा? गे कपटी, ङोंइती इन मिक्‍चीम बाक्‍शो मुढा फेत्‍तीने। मिनु मिक्‍च ठीक ताइब दुम्‍शा ला, इन लोक्‍ब आ मिक्‍चीम बाक्‍शो कसीङगर फेन्‍ने चाप्‍नीनी।
LUK 6:43 रिम्‍शो फल रवाम मरिम्‍शो फल मसिप्‍ब। मरिम्‍शो रवामी यो रिम्‍शो फल मसिप्‍ब। मत्ती ७:१६-१८
LUK 6:44 फल थाम्‍शा, रिम्‍शो रवा नु मरिम्‍शो रवा तुंइसीब। चू बोटमी फोव़शी मसिप्‍ब। ख्रुमीच आ बोटमी अङगुर मसिप्‍ब।
LUK 6:45 रिम्‍शो थुं पाइश्‍शो मुरुमी रिम्‍शो पाइब। पापम ब्रीशो थुं पाइश्‍शो मुरुमी चहिं मरिम्‍शो पाइब। मुर आन थुंमी मार बाक्‍मे, मेको आन लोव़ नेंशा रिम्‍शो देय मरिम्‍शो मेको तुंइ‍सीब। मारदे हना थुंम मार बाक्‍मे, मेको शोव़ रे ग्रूब।
LUK 6:46 मारदे आं कली प्रभु, प्रभु, देंनीनी। तन्‍न आं देंशो मटीनीनी? मलाकी १:६; मत्ती ७:२१
LUK 6:47 सुम आं लोव़ नेंशा टीबा, मेको दोदेंशो मुर दुम्‍बा, मेको गो इन कली माइक्‍नन्‍नी।
LUK 6:48 मेकोमी खिं सेलानु, जग दोशा, सेरथे फुल्‍लु तारी सेल्‍ब। मिनु रेउ यिशा भोल यिमेनु, मेको खिं मब्रेप्‍ब। मारदे हना जग बोल्‍यो पा सेल्‍शो बाक्‍ब।
LUK 6:49 सुमी आं लोव़ नेंशा मपाइबा, मेकोमी खिं सेलानु, जग मदोथु सेल्‍ब। मिनु रेउ यिमेनु, मेको खिं नेल्‍ल ब्रेश्‍शा भोलम योल्‍ब” दे शेंदीमी बाक्‍त।
LUK 7:1 मिनु लोव़ शेंने थुम्‍शा, मेकेर रे लशा, कापेरनाउम सहरम जाक्‍दीम्‍माक्‍त।
LUK 7:2 मेकेर रोमी कप्‍तान का बाक्‍माक्‍त। मेको आ दाक्‍शो वाइल का रोइ पा बेक्‍चशो बाक्‍माक्‍त।
LUK 7:3 मिनु मेको कप्‍तानमी येसु आ पर्बम लोव़ पशो नेंशा, यहूदी आन जोक्‍ब तुइक्‍ब खाल्‍पा आन कली येसु ब्रथ सोइक्‍तीमी बाक्‍त। मेको आन कली “येसु एक पिशा, ‘आं वाइल कली सापतीन’ दे पुनीने” देंमाक्‍त।
LUK 7:4 मिनु मेकोपुकी येसु आ बाक्‍तीकेम जाक्‍शा, येसु कली “मेको कप्‍तान कली वारच पचा कली शिरशो बाक्‍ब।
LUK 7:5 मारदे हना मेकोमी यहूदी इं कली दाक्‍ब। मिनु इं ग्रुम्‍तीक खिं यो सेल्‍पाइक्‍तु” दे येसु कली देंमा बाक्‍त।
LUK 7:6 मिनु येसु मेकोपुकी नु लमाक्‍त। मिनु कप्‍तान आ खिं आ नेक्‍था जाक्‍दीम्‍मेनु, कप्‍तानमी आ वारच आन कली येसु कली लोव़ पथ सोइक्‍ता बाक्‍त। मेकोपुकीमी येसु कली “प्रभु, श्‍येत मपने। गो इन कली आं खिंम ओंइचा मशिरनुङ।
LUK 7:7 मोपतीके गो इन कली ग्रुम्‍थ मपिङ। गे सापाइक्‍तीक लोव़ का ला पने। मिनु आं वाइल साब।
LUK 7:8 गो यो अधिकार पाइश्‍शो मुर बाक्‍नुङ। लडाइ पाइबपुकीम आं कली टी‍नीम। गो का कली ‘लावो’ देंती हना, मेको लाइब। मिनु अर्को कली ‘पिवो’ देंती हना, पीब। आं वाइल कली ‘मेको गेय पावो’ देंती हना, मेकोमी पाइब” दे माइक्‍थ सोइक्‍ता बाक्‍त।
LUK 7:9 मिनु येसुमी मेको लोव़ नेंशा छक लाक्‍माक्‍त। मिनु आ नोले खोइक्‍ब आन कली हिरशा कोव़शा “गो इस्राएली आन दातेमी मेको कप्‍तान खोदेंशो थमा सुइक्‍ब मुर सुइ मतङमी” देंमाक्‍त।
LUK 7:10 मिनु मेको सोइश्‍शो मुर खिं लेश्‍शा जाक्‍मानु, वाइल साने थुम्‍शो तामे बाक्‍त।
LUK 7:11 इच्‍का नाक्‍त नोले येसु नाइन सहर गे लमाक्‍त। आ शेंसीबपुकी नु शुश मुर यो मेको नु लमा बाक्‍त।
LUK 7:12 मिनु सहर ङा ठेयब लाप्‍चो आ नेक्‍था जाक्‍दीम्‍मानु, मुरपुकीमी बेक्‍शो मुर का कुरशा पि‍शो तामे बाक्‍त। मेको वोंइश बेक्‍शो मीश मुर आ कांइचीक तौ बाक्‍माक्‍त। मेको मीश मुर नु सहर ङा शुश मुर मलामी लशो बाक्‍मा बाक्‍त।
LUK 7:13 मिनु येसुमी मेको कली तशा, शिशी पा “मङाक्‍को” देंमाक्‍त।
LUK 7:14 मिनु बेक्‍शो मुर कुरशो पला थिवानु, कुरबपुकी ख्रा दिक्‍मा बाक्‍त। मिनु मेकोमी “ए ठिटा, गो इ कली सेंसीशा बोक्‍को देंनुङ” देंमाक्‍त। मर्कूस ५:४१
LUK 7:15 मिनु बेक्‍शो मुर बोक्‍शा निश्‍शा, लोव़ पचा गोवा बाक्‍त। मोपा सेंपाइश्‍शा, आ ममा कली गेवा बाक्‍त। १राजा १७:२३; २राजा ४:३६
LUK 7:16 मिनु मुरपुकी मोदेंशो दुम्‍शो तशा, हिंमा बाक्‍त। मिनु मेकोपुकीमी परमप्रभु यावे कली ठेयब सेल्‍शा “इं दातेमी परमप्रभु यावे आ लोव़ पा छक लाक्‍चा ङा गेय पाइब का ग्रूमाक्‍त। परमप्रभु यावेम इं कली थमा पा शिशी पाइक्‍बाक्‍त” देंमा बाक्‍त। मत्ती १६:१४; लूका १:६८
LUK 7:17 मिनु यहूदीया नु एर ओंथ ङा रागी नेल्‍लेमी मेको लोव़ ब्रमाक्‍त।
LUK 7:18 मिनु यूहन्‍ना आ शेंसीबपुकीमी यो मेको लोव़ नेंशा, यूहन्‍ना कली शेंदमे बाक्‍त। मिनु यूहन्‍नामी आ शेंसीब निक्‍शी आस कली ब्रेश्‍शा
LUK 7:19 “जाक्‍चा माल्‍शो गेन ननी देय अर्को आ लां कोव़क? दे प्रभु कली हिल्‍लो पथ लसे” दे सोइक्‍तीम्‍सी बाक्‍त।
LUK 7:20 मिनु मेको निक्‍शी येसु आ बाक्‍तीके जाक्‍शा “ब्‍वाक्‍कुम ख्रुम्‍शा ग्रुंइब यूहन्‍नामी सोइश्‍शो मुर नस्‍कु। जाक्‍चा माल्‍शो गेन ननी देय अर्को आ लां कोव़क? दे हिल्‍लो पथ सोइक्‍ताक्‍स्‍की” देंसा बाक्‍त।
LUK 7:21 मेको निक्‍शी जाक्‍सानु, येसुमी शुश रोइ पाइब मुर आन कली सापाइक्‍ना पाइक्‍न बाक्‍शो बाक्‍माक्‍त। बेक्‍चा ङा रोइ पशो, वोलम सुम्‍शो मुर आन वोल खेरना खेरन बाक्‍माक्‍त। मिक्‍च मताइब आन कली मिक्‍च तपाइक्‍ना पाइक्‍न बाक्‍माक्‍त।
LUK 7:22 मिनु येसुमी यूहन्‍ना आ शेंसीब आस कली “मार मार तसी, मार मार नेंसी, मेको नेल्‍ल यूहन्‍ना कली मतीसे। मिक्‍च मताइब मिक्‍च ताइबाक्‍तेक्‍म। खोइल मदुक्‍ब गाक्‍बाक्‍तेक्‍म। कोव़र पाइब साबाक्‍तेक्‍म। नोफा मनेंबम नेंबाक्‍तेक्‍म। बेक्‍शो मुर बेक्‍शो रे सेंसीशा ब्रोंइबाक्‍तेक्‍म। मिनु महिक्‍सीशो मुरपुकी ग्‍येरपाइक्‍ब लोव़ नेंपांइ‍सीबाक्‍तेक्‍म।
LUK 7:23 सु सुमी आं कली तशा, आन थुं मखाइक्‍पाइक्‍नीमी, दल्‍गीर मपाइनीमी, मेको ग्‍येरसमल, दे मतीसे” दे सोइक्‍तीम्‍सी बाक्‍त।
LUK 7:24 मिनु यूहन्‍नामी सोइश्‍शो मुर गाक्‍सा नोले, येसुमी मुर आन कली यूहन्‍ना आ पर्बम “साइ गोरशो रागीमी मार कोव़थ लनी? फशेम हिम्‍शो किन्‍दा कोव़थ लनी?
LUK 7:25 दारशो वा फेक्‍शो मुर तांइसीबा कों, दे कोव़थ लनी? दारदारशो वा फेक्‍शो नु शोंप पाइश्‍शो मुर पिप आन बाक्‍तीकेमी बाक्‍नीम।
LUK 7:26 मार कोव़थ लनी, मिनु? परमप्रभु यावे आ लोव़ पाइब तांइसीबा कों, दे कोव़थ लनी? गे परमप्रभु यावे आ लोव़ पाइब नेल्‍ल आन क्‍येङा ठेयब मुर ताइतीनी। लूका १:७६
LUK 7:27 परमप्रभु यावेमी ब्रेक्‍पाइश्‍शो लोव़मी मेको आ पर्बम ‘गो आं लोव़ कुरब इ ङोंइङोंइती सोइक्‍नुङ। मेकोमी इ लां ठीक सेल्‍ब’ दे ब्रेक्‍शो बाक्‍ब। मलाकी ३:१
LUK 7:28 रागी नेल्‍लेम यूहन्‍ना खोदेंशो ठेयब सुइ मबाक्‍ब। परमप्रभु यावे आ राज्‍यमी नेल्‍ल क्‍येङा आइक्‍च चहिं यूहन्‍ना क्‍येङा ठेयब बाक्‍ब” दे शेंदीमी बाक्‍त। लूका १:१५
LUK 7:29 आ लोव़ नेंबपुकी नु तिरो पोक्‍ब का निक्‍शीमी ङोंइती यूहन्‍ना आ लोव़ नेंशा “परमप्रभु यावे आ देंशो ठीक बाक्‍माक्‍त” दे मिम्‍तमे बाक्‍त। मारदे हना मेको ब्‍वाक्‍कुम ख्रुम्‍शा ग्रुंइपांइसीशो बाक्‍मा बाक्‍त। लूका ३:७,१२; मत्ती २१:३२
LUK 7:30 फरिसी नु सास्‍त्रीपुकीमी चहिं यूहन्‍ना आ लोव़ नेंशा “ब्‍वाक्‍कुम मख्रुम्‍पांइसीनीकी” दे परमप्रभु यावे कली थमा मसुइक्‍थु बाक्‍मा बाक्‍त। मेकोपुकीमी परमप्रभु आ पावो, दे देंशो लोव़ मपामे बाक्‍त। प्रेरित १३:४६
LUK 7:31 मेको आन कली येसुमी “एको पाला ङा मुर दोदेंशो नु सु खोदेंशो नमी?
LUK 7:32 मेकोपुकी बजारम बाक्‍ब आलपुकी खोदेंशो बाक्‍नीमी। हुल कामी अर्को हुल कली ‘गो बासुरी ताप्‍कानु, गे सिल मपनी। गो हिशेक पा ङाक्‍कानु, गे मङाक्‍नी’ दे ब्रेम्‍मुइनीम।
LUK 7:33 यूहन्‍नामी माइजा बाक्‍शा, शांबु राकसी मतूङानु ‘वोलम सुम्‍शो बाक्‍माक्‍त’ दे मरिम्‍शो सुइक्‍तीनी। मत्ती ३:४
LUK 7:34 रागीम जरमेशोमी चहिं जचा तूचा थोव़की नेल्‍ल जाइब तूब। मेको कली तशा ‘धोक्रे, शांबु राकसीमी दुक्‍ब, क्‍येट पोक्‍ब नु पापी आन वारच बाक्‍माक्‍त’ देंशा, मरिम्‍शो सुइक्‍तीनी। लूका १५:२
LUK 7:35 परमप्रभु यावे आ तुइक्‍तीके आ नोले खोइक्‍बम ला तुइक्‍ने चाप्‍नीम” दे माइक्‍मी बाक्‍त। १कोरिन्‍थी १:२४-३०
LUK 7:36 काबु फरिसी कामी येसु कली खमे जथ ब्रेत्‍ता बाक्‍त। मिनु येसु मेको आ खिंम लशा, खमे जचा कली निस्‍से बाक्‍त। लूका ११:३
LUK 7:37 मिनु सहर ङा मीश मुर का यो बाक्‍माक्‍त। मेको तेल्‍लेम बाक्‍माक्‍त। मेकोमी येसु मेको फरिसी आ खिंमी जाक्‍शो बाक्‍ब, दे नेंशा, ब्रोव़शो रिना पाइश्‍शो तेल कुरशा, जाक्‍माक्‍त। मर्कूस १४:३
LUK 7:38 मेको येसु आ खोइलीम बाक्‍शा ङाक्‍माक्‍त। मिनु आ प्रेक्‍कुम येसु आ खोइल जिप्‍‍पाइश्‍शा, आ चांमी फिक्‍गा बाक्‍त। मिनु आ खोइल पुक्‍पु पा मेको तेल ख्रेक्‍ता बाक्‍त।
LUK 7:39 मिनु फरिसीमी मो पशो तशा “येसु परमप्रभु यावे आ लोव़ पाइब बाक्‍त हना, आ कली थीब मीश मुर दोदेंशो बाक्‍म, दे तुइक्‍त वा। मारदे हना पापी बाक्‍ब” दे मिम्‍ता बाक्‍त।
LUK 7:40 मिनु येसुमी फरिसी कली “ए सिमोन, गो इ कली लोव़ का पाइनुङ” देंमाक्‍त। मिनु मेकोमी “शेंब, मार देंनीनी?” देंमेनु
LUK 7:41 येसुमी “साइ होव़प का के जेर लाइक्‍ब मुर निक्‍शी बाक्‍सा बाक्‍त। कामी ५ सहे देनार जेर थुइश्‍शो बाक्‍माक्‍त। कामी ५० देनार जेर थुइश्‍शो बाक्‍माक्‍त। इस्राएल ङा क्‍येट देनार का नाक्‍त का ङा गाल्‍च बाक्‍त।
LUK 7:42 मिनु निम्‍फामी थाप्‍‍ने मचाप्‍सेनु, होव़पमी निम्‍फा आस कली प्रोंइदीम्‍सी बाक्‍त। मुल तेकोमी होव़प कली शुश दाक्‍बा?” दे हिल्‍लो पवा बाक्‍त।
LUK 7:43 मिनु सिमोनमी “शुश जेर थुइश्‍शोमी शुश दाक्‍ब, दे मिम्‍ताक्‍ङ” देंमाक्‍त। मिनु येसुमी “ठीक देंते” देंशा,
LUK 7:44 मीश मुर कली कोव़शा, सिमोन कली “एको मीश मुर कली तवी? गो इ खिंमी जाक्‍ङानु, आं खोइल चिक्‍चा कली ब्‍वाक्‍कु मगेयी। एकोमी दा आं खोइल आ प्रेक्‍कुम जिप्‍‍पाइश्‍शा, आ चांमी फिक्‍तु। उत्‍पत्ती १८:४
LUK 7:45 गो जाक्‍ङानु, आं कली मुप्‍शा पुक्‍पु मपाइय्‍यी। एकोमी दा इ खिंम बाक्‍ङा रे आं खोइल पुक्‍पु पना पन बाक्‍ब। रोमी १६:१६
LUK 7:46 गेमी आं पियाम तेल मख्रेक्‍ती। एकोमी दा आं खोइलीम तेल ख्रेक्‍ताक्‍यी।
LUK 7:47 मोपतीके एको के शुश पाप नेल्‍ल क्‍याम्‍साक्‍व। मारदे हना एकोमी शुश आ दाक्‍तीके कोंइताक्‍व। सु के पाप इच्‍का ला क्‍याम्‍से, मेकोमी इच्‍का ला दाक्‍ब” दे मदा बाक्‍त।
LUK 7:48 मिनु मीश मुर कली “इ पाप क्‍याम्‍साक्‍व” दे मदा बाक्‍त।
LUK 7:49 मिनु येसु नु काथा जाइबपुकीमी “पाप क्‍याम्‍ने चाप्‍ब, एको सु बाक्‍म माइ?” देंमुमा बाक्‍त। लूका ५:२१
LUK 7:50 मिनु येसुमी मीश मुर कली “इ थमा सुइश्‍शोमी पाप रे ब्रोंइते। इ थुं नाइश्‍शा ग्‍येरशा बाक्‍को” देंशा सोइक्‍ता बाक्‍त। लूका ८:४८; लूका १७:१९; लूका १८:४२
LUK 8:1 मिनु नाक्‍त का निक्‍शी नोले येसु सहर सहर, गाउं गाउं हिरशा, परमप्रभु यावे आ राज्‍य ङा ग्‍येरपाइक्‍ब लोव़ शेंना शेंन गाक्‍माक्‍त। मेको नु आ १२ जना शेंसीब यो बाक्‍मा बाक्‍त।
LUK 8:2 मेको नु मीश मुर का निक्‍शी यो बाक्‍मा बाक्‍त। मेको वोल ग्रुंइशो नु रोइ रे साशो बाक्‍मा बाक्‍त। मेको आन दातेमी माग्‍दाला ङा मरीयम बाक्‍माक्‍त। येसुमी मेको रे पा ७ ओटा वोल ग्रुंइशो बाक्‍माक्‍त। यूहन्‍ना २०:१,११-१८
LUK 8:3 का हेरोद आ गेय पाइब कूजा आ मीश योअन्‍ना बाक्‍माक्‍त। का सुसन्‍ना बाक्‍माक्‍त। मिनु अरु मीश मुरपुकी यो बाक्‍मा बाक्‍त। मेको मीश मुरपुकीमी आन बाक्‍शो थोव़क रे येसु नु आ शेंसीब आन कली मार मार माल्‍‍मा, मेको गेशा, वारच पाइक्‍बाक्‍मा बाक्‍त। मर्कूस १५:४०-४१
LUK 8:4 मिनु सहर सहर, गाउं गाउं रे शुश मुर जाक्‍शा, येसु आ बाक्‍तीकेम देल्‍मानु, मेकोमी कथा सेल्‍शा शेंदीमी बाक्‍त
LUK 8:5 “मुर का वांचेर शोक्‍थ लमाक्‍त। मिनु ब्‍वारानु, गेडा का निक्‍शी लांमी जुक्‍तमे बाक्‍त। मिनु मुर गाक्‍मानु, दिम्‍दमे बाक्‍त। मिनु चिक्‍बीम गुप्‍शा जामे बाक्‍त।
LUK 8:6 का निक्‍शी ग्‍याङग्रो खपम जुक्‍तमे बाक्‍त। मिनु वामा चोटी सिक्‍शो नु खप मतथु सोव़शा बेक्‍मा बाक्‍त।
LUK 8:7 का निक्‍शी चू घारीम जुक्‍तमे बाक्‍त। मिनु चूम सुम्‍शा, कोल्‍चा मगेवा बाक्‍त।
LUK 8:8 मिनु का निक्‍शी रिम्‍शो खपीम जुक्‍शा वामा बाक्‍त। मिनु शुश ग्रेल्‍शा, गेडा का के सहे का गेडा सिम्‍मा बाक्‍त” दे शेंशा ठेयब सेंदा पा “सु के नोफा बाक्‍मे, मेकोमी नेनल” देंमाक्‍त।
LUK 8:9 मिनु नोले आ शेंसीबपुकीमी “एको कथा आ अर्थ मार बाक्‍बा?” दे हिल्‍लो पामेनु,
LUK 8:10 येसुमी “इन कली परमप्रभु यावे आ राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍ब। अरु आन कली चहिं कथा सेल्‍शा शेंनुङमी। मिनु कोव़शा यो मतामेक्‍ल, नेंशा यो मरुप्‍मेक्‍ल। यसैया ६:९-१०
LUK 8:11 आं देंशो कथा आ अर्थ मार बाक्‍ब देंशा हना, मेको वांचेर परमप्रभु यावे आ लोव़ बाक्‍ब।
LUK 8:12 लांमी जुक्‍शो गेडा देंशो मुरपुकीमी परमप्रभु यावे आ लोव़ नेंनीम। तन्‍न सैतानमी मेको लोव़ प्रेंपाइक्‍ब। मोपा थमा मसुइक्‍नीम। मिनु पाप रे ब्रोंइचा मताइनीम।
LUK 8:13 ग्‍याङग्रो खपीम जुक्‍शो देंशो मुरपुकीमी परमप्रभु यावे आ लोव़ नेंशा, बिश्‍शा ग्‍येरसीनीम। तन्‍न शाक्‍श थोक्‍चा मतथु शुश मलीथु, थुं थाम्‍चा पुंइस‍मानु, थमा सुइक्‍चा प्रोंइनीम।
LUK 8:14 चू घारीम जुक्‍शो देंशो मुरपुकीमी परमप्रभु यावे आ लोव़ नेंशा, थुंम वोइक्‍नीम। तन्‍न नोले ‘मार जचा, मार फेक्‍चा, दोपा शोंप पाइश्‍शो दुम्‍चा? दोपा गेय मपथु ग्‍येरशा बाक्‍चा तचा’ दे मिम्‍शा, परमप्रभु यावे आ लोव़ कली सित्‍चा मगेनीम।
LUK 8:15 रिम्‍शो खपीम जुक्‍शो देंशो मुरपुकीमी परमप्रभु यावे आ लोव़ नेंशा, आन रिम्‍शो थुंमी वोइश्‍शा, मिम्‍शा बाक्‍मानु, मेको लोव़ आन थुंमी सिप्‍ब। प्रेरित १६:१४
LUK 8:16 सुइमी बत्ती दाशा सुम्‍शा मवोइक्‍नीम। खाट आगाम यो मख्रुइक्‍नीम। खिं ओव़ब आन कली हाम्‍सो दुम्‍ल, दे नेल्‍लेम ततीकेम वोइक्‍नीम। मत्ती ५:१५
LUK 8:17 मुल ख्रुइश्‍शो मारेइ मारेइ नेल्‍ल नोले तांइसीब। ख्रुइश्‍शो लोव़ बाक्‍त हना यो, नोले नेल्‍लेम तुइक्‍नीम। मत्ती १०:२६; १कोरिन्‍थी ४:५
LUK 8:18 होस पा, रिम्‍शो पा नेनीन। मारदे हना रुप्‍बमी तेम्‍शा रुप्‍पाइक्‍चा पुंइसीब, मरुप्‍बम चहिं इच्‍का खोइ रुप्‍शो यो, रोइश्‍शा लाइक्‍चा पुंइसीब” दे शेंदीमी बाक्‍त। मत्ती २५:२९
LUK 8:19 काबु येसु आ ममा नु आ लोक्‍ब जाक्‍मा बाक्‍त। तन्‍न शुश मुर देल्‍तीके येसु कली ग्रुम्‍चा मतामे बाक्‍त।
LUK 8:20 मिनु मुर कामी “इन ममा नु इन लोक्‍ब इन कली ग्रुम्‍थ जाक्‍शा, लाङगाम रिम्‍शा बाक्‍नीम” देंमाक्‍‍त।
LUK 8:21 मिनु येसुमी “परमप्रभु यावे आ लोव़ नेंशा, टीबपुकी कका थमा ङा आं ममा नु लोक्‍ब नम” दे माइक्‍मी बाक्‍त।
LUK 8:22 काबु येसु नु आ शेंसीबपुकी डोंगाम ङोइश्‍शा “समुन्‍द्र शोक्‍शा, आइक्‍ची हांबु ल‍य” दे लचा गोव़मे बाक्‍त।
LUK 8:23 मिनु मोपा लमानु, येसु निन्‍द्रा पवा बाक्‍त। मिनु फश गिवार पचा गोवा बाक्‍त। मिनु डोंगामी ब्‍वाक्‍कु ओव़शा, डोंगा ग्रुम्‍चवा बाक्‍त।
LUK 8:24 मोपतीके शेंसीबपुकीम येसु कली पोक्‍शा “शेंब, शेंब! मुल बेक्‍चांइतय, है” दे हिंशा ख्रिंख्रि पा देंमा बाक्‍त। मिनु येसु बोक्‍शा, फश गिवार नु छाल कली हुइक्‍ता बाक्‍त। मिनु फश गिवार नाइश्‍शा ब्‍वाक्‍कु यो ख्रा दिक्‍माक्‍त। मिनु सिक्‍सी दुम्‍माक्‍त।
LUK 8:25 मिनु शेंसीब आन कली “इन थमा सुइक्‍तीक ते लम?” देंमाक्‍त। मेकोपुकी चहिं हिंशा, छक लाक्‍शा “फश गिवार नु ब्‍वाक्‍कुमी यो आ लोव़ टीबाक्‍तेक्‍म, एको सु बाक्‍म माइ?” दे लोव़ पमुमा बाक्‍त।
LUK 8:26 मिनु समुन्‍द्र शोक्‍शा, गेरासीनी आन रागी जाक्‍दीम्‍मा बाक्‍त। गेरासीनी आन रागी चहिं गालील रागी क्‍येङा आइक्‍ची हांबुम बाक्‍माक्‍त।
LUK 8:27 मिनु जाक्‍दीश्‍शा, डोंगा रे तोंइसामानु, वोलम सुम्‍‍शो मुर का सहर रे पिशा, येसु आ ङोंइती जाक्‍माक्‍त। मेको मुर वोलम सुमा रे शिश्रा गाक्‍शा, खिंमी मबाक्‍थु, बेक्‍शो मुर वोइक्‍तीकेमी बाक्‍शो बाक्‍माक्‍त। मोपा बाक्‍शो शुश बर्स दुम्‍शो बाक्‍माक्‍त।
LUK 8:28 मेकोमी येसु कली तशा, वाइ ब्रेश्‍शा, आ ङोंइती बाप्‍शा, ठेयब सेंदा पा “येसु, नेल्‍ल क्‍येङा ठेयब, आ तौ, गो मार पमुया ङा? श्‍येत मगेयीनी, दे सेउ पाइनन्‍नी” देंमाक्‍त।
LUK 8:29 मारदे हना येसुमी ग्रांग्रा दिचा ङा वोल कली “ग्रूङो” दे माइश्‍शो बाक्‍माक्‍त। ङोंइती शुश खेयप वोलम मेको मुर कली सुमानु, मुरपुकीमी साङलोम पाइश्‍शा चोक्‍शा वोइश्‍शो बाक्‍मा बाक्‍त। तन्‍न वोलम साङलो प्रुइक्‍पाइश्‍शा, गोरशो रागीम चाक्‍दीश्‍शो बाक्‍माक्‍त।
LUK 8:30 मिनु मेको येसु आ ङोंइती बाप्‍शा बाक्‍मेनु, येसुमी वोल कली “इ नें मारम?” दे हिल्‍लो पवानु, मेकोमी “फौज” देंमाक्‍त। मारदे हना मेको मुर आ रांमी शुश वोल ओव़शो बाक्‍मा बाक्‍त।
LUK 8:31 मिनु वोलपुकीम “आंइ कली नरकम मसोइक्‍तीकी” दे पुन्‍मे बाक्‍त।
LUK 8:32 मेको डांडामी शुश पोव़ जोना जोन बाक्‍शो बाक्‍मा बाक्‍त। मिनु वोलपुकीमी “मेको पोव़ आन रांम ओव़चा गेकी” दे पुन्‍मे बाक्‍त। मिनु येसुमी ओव़चा गेमी बाक्‍त।
LUK 8:33 मिनु वोलपुकी मुर रे ग्रूशा, पोव़मी ओव़मानु, पोव़ नेल्‍ल गशा रोंगु रे दोरशा थिश्‍शा समुन्‍द्रम प्रेक्‍ना प्रेक्‍न बेक्‍मा बाक्‍त।
LUK 8:34 मिनु पोव़ योव़बपुकीमी मो दुम्‍शो तशा प्रोक्‍शा, सहर नु सहर आ एर ओंथ नेल्‍ल मेको लोव़ शोव़ङमे बाक्‍त।
LUK 8:35 मिनु मुरपुकी मार दुम्‍मे, दे कोव़थ जाक्‍मा बाक्‍त। मिनु येसु आ नेक्‍था वोल ग्रूशो मुर वा फेक्‍शा, आ गशो थुं साशा, येसु नु निश्‍शो तशा, हिंमा बाक्‍त।
LUK 8:36 वोलम सुम्‍शो मुर दोपा सामे, मेको ताइबपुकीमी जाक्‍ब आन कली मार मार दुम्‍मे, मेको नेल्‍ल शेंदमे बाक्‍त।
LUK 8:37 मिनु गेरासीन रागीम बाक्‍बपुकीमी येसु कली “आंइ रागीम मबाक्‍कीन, लने” दे पुन्‍मे बाक्‍त। मारदे हना थाम्‍पा हिंमा बाक्‍त। मिनु येसु डोंगा ङोइश्‍शा लेम्‍माक्‍त।
LUK 8:38 मिनु डोंगा ङोइश्‍शा लचावानु, वोल ग्रुंइचा पुंइसीशो मुरुमी “गे नु ल‍चा गेयीनी” दे पुना बाक्‍त।
LUK 8:39 तन्‍न येसुमी “इ खिंम लशा, इ मुर आन कली परमप्रभु यावेमी इ कली दोदेंशो रिम्‍शो पवा, मेको तुइक्‍पतो” दे सोइक्‍ता बाक्‍त। मिनु मेको लशा, आ खिंमी ला ममाइ, सहर ङा मुर नेल्‍ल आन कली येसुमी दोदेंशो रिम्‍शो पवा, मेको तुइक्‍पदा बाक्‍त।
LUK 8:40 मिनु येसु लेश्‍‍शा जाक्‍मेनु, शुश मुरुमी येसु कली रिम्‍शा बाक्‍शो बाक्‍मा बाक्‍त।
LUK 8:41 मिनु मेकेर याइरस माइश्‍शो ग्रुम्‍तीक खिं ङा ठेयब मुर का येसु आ ङोंइती पोक्‍च थेक्‍शा बाप्‍शा “आं तमी बेक्‍चा चिक्‍ताक्‍व। आं खिं लय” दे सेउ पा पुना बाक्‍त।
LUK 8:42 मेको के १२ बर्स जाक्‍दीश्‍शो तमी का ला बाक्‍माक्‍त। मिनु मेको रोइ पा बेक्‍चशो बाक्‍माक्‍त। मिनु येसु लमेनु, हुल ङा मुरपुकीमी येसु कली डी डा चूमे बाक्‍त।
LUK 8:43 मेको हुलमी १२ बर्स रे हुश याप्‍शा रोइ पशो मीश मुर का बाक्‍माक्‍त। मेकोमी ओख्‍ती पा आ बाक्‍शो नेल्‍ल थुम्‍शो बाक्‍माक्‍त। तन्‍न सुइमी मेको कली आ रोइ सापाइक्‍ने मचाप्‍शो बाक्‍मा बाक्‍त।
LUK 8:44 मिनु मेकोमी येसु आ नोले जाक्‍शा, येसु आ फेक्‍शो वा थिवा बाक्‍त। मिनु आ हुश याप्‍चा दिक्‍माक्‍त।
LUK 8:45 मिनु येसुमी “सुमी थियी?” दे हिल्‍लो पवानु, नेल्‍लेमी “गो मथिङ, गो मथिङ” देंमा बाक्‍त। मिनु पत्रुसमी “शेंब, मुरपुकीमी हुल पा नेम्‍मुइनीम, चुमुइनीम। मिनु मार पचा?” देंमाक्‍त।
LUK 8:46 येसुमी चहिं “मुर कामी आं कली थिती। मारदे हना आं सक्ति लशो तुइक्‍ताक्‍ङ” देंमाक्‍त।
LUK 8:47 मिनु मेको मीश मुरुमी ख्रुइक्‍ने मचाप्‍नुङ, दे मिम्‍शा हिंशा ख्रिंख्रि पना पन येसु आ ङोंइती बाम्‍माक्‍त। मिनु मेकोमी येसु कली मारदे थिवा चोटीन दोपा सामे, मेको लोव़ नेल्‍ल मुर आन ङोंइती शोव़ङा बाक्‍त।
LUK 8:48 मिनु येसुमी “आं तमी, इ थमा सुइश्‍शोमी साते। इ थुं नाइश्‍शा लावो” दे सोइक्‍ता बाक्‍त। लूका ७:५०
LUK 8:49 येसुमी मेको मीश मुर नु लोव़ पवानु, याइरस आ खिं ङा मुर का जाक्‍शा, याइरस कली “शेंब कली श्‍येत मगेने। इन तमी बेक्‍त” देंमाक्‍त।
LUK 8:50 येसुमी मेको मुर आ लोव़ नेंशा, याइरस कली “महिनो। थमा सुइक्‍ना सुइक्‍न बाक्‍को। इ तमी साब” देंमाक्‍त।
LUK 8:51 मिनु खिंमी जाक्‍दीश्‍शा, येसुमी पत्रुस, याकूब, यूहन्‍ना नु आल आ आम आफ आन कली ला लाइश्‍शा आगा ओव़मा बाक्‍त। मत्ती १७:१
LUK 8:52 मेकेर बाक्‍ब नेल्‍ल हिशेक पा ङाक्‍शो बाक्‍मा बाक्‍त। मिनु येसुमी मेको आन कली “मङाक्‍कीन, आल मबेक्‍शो बाक्‍ब। मेको इप्‍शो बाक्‍ब” देंमाक्‍त। लूका ७:१३
LUK 8:53 मेकेर बाक्‍बपुकीमी आल बेक्‍ने थुम्‍शो बाक्‍ब, दे तुइश्‍शा “एको मार लोव़ पवा?” दे शुक्‍शी पामे बाक्‍त।
LUK 8:54 मिनु येसुमी आल कली गुइम ग्‍याइश्‍शा “ए आल, सेंसो” देंमाक्‍त।
LUK 8:55 मो मदानु आ सोक्‍त लेश्‍शा छुल बोक्‍माक्‍त। मिनु येसुमी “मेको आल कली इच्‍का जचा गेने” दे माइक्‍मी बाक्‍त।
LUK 8:56 मेको तशा, आल आ आम आफ छक लाक्‍सा बाक्‍त। मिनु येसुमी “एको लोव़ सुइ आन कली मशेंदीसे” दे माइक्‍सी बाक्‍त। लूका ५:१४; मर्कूस ७:३६
LUK 9:1 मिनु काबु येसुमी आ १२ जना शेंसीब आन कली खुप्‍शा, वोल आन कली ग्रुंइतीक नु रोइ पशो मुर आन कली सापाइक्‍ती सक्ति नु अधिकार गेमी बाक्‍त। लूका १०:१-१२
LUK 9:2 मिनु मेको आन कली परमप्रभु यावे आ राज्‍य ङा लोव़ शेंथ नु रोइ पाइब आन कली सापाइक्‍थ सोइक्‍तीमी बाक्‍त।
LUK 9:3 मिनु लचामेनु, येसुमी मेको आन कली “कोक्‍के, झोला, जचा थोव़क, क्‍येट मारेइ मलाइक्‍चा। फेक्‍तीक यो मकुरसीचा।
LUK 9:4 मिनु तेको खिंमी ओव़नी, मेको खिंमी गाक्‍ची मजाक्‍म सम्‍म बाक्‍कीन।
LUK 9:5 दोकका पा मुरपुकीमी इन कली बाक्‍चा मगेम्‍तेक्‍म हना, मेको सहर रे गाक्‍ची ना इन खोइल ङा फुरकु थुर थुर पा ताइश्‍शा गाक्‍कीन। मेको, मेको आन पर्बम चिन्‍ड दुम्‍ब” दे माइश्‍शा सोइक्‍तीमी बाक्‍त।
LUK 9:6 मिनु लशा, गाउं गाउं, सहर सहरम परमप्रभु यावे आ राज्‍य आ पर्बम शेंना शेंन, रोइ पाइब आन कली सापाइक्‍ना पाइक्‍न हिरसमा बाक्‍त।
LUK 9:7 मिनु सासन पाइब हेरोदमी मेको लोव़ नेल्‍ल नेंशा, छक लाक्‍माक्‍त। मारदे हना मुर का निक्‍शीमी “ब्‍वाक्‍कुम ख्रुम्‍शा ग्रुंइब यूहन्‍ना बेक्‍शो रे सेंसे बाक्‍त” देंबाक्‍मा बाक्‍त।
LUK 9:8 का निक्‍शीमी “एको एलीया बाक्‍माक्‍त थां का” देंबाक्‍मा बाक्‍त। का निक्‍शीमी “साइ ङा परमप्रभु यावे आ लोव़ पाइब का बेक्‍शो रे सेंसे बाक्‍त” देंमा बाक्‍त।
LUK 9:9 मिनु हेरोदमी “गो यूहन्‍ना आ पिया क्‍योर‍पाइक्‍ता। तन्‍न एको सु का आ पर्बम लोव़ नेंनु?” दे मेको कली ग्रुम्‍चा दाक्‍ता बाक्‍त। लूका २१:८
LUK 9:10 मिनु येसु आ सोइश्‍शोपुकी येसु आ बाक्‍तीके लेम्‍मा बाक्‍त। मिनु मार मार पामे, दो दो पामे, मेको नेल्‍ल शोव़ङमे बाक्‍त। मिनु येसुमी मेको आन कली बेथसैदा सहरम लाइक्‍मी बाक्‍त।
LUK 9:11 मिनु मुरपुकीम “येसु नु आ शेंसीब मेक लाम्‍तेक्‍म” दे तुइश्‍शा, आन नोले खोइश्‍शा लशा थित्‍मे बाक्‍त। मिनु येसुमी मेको आन कली बाक्‍चा गेशा, परमप्रभु यावे आ राज्‍य ङा लोव़ शेंशा, रोइ पाइब आन कली सापाइक्‍मी बाक्‍त।
LUK 9:12 मिनु नां रिक्‍चावानु, आ १२ जना शेंसीबपुकीम “मुर आन कली सोइक्‍तीन। मिनु मेकोपुकी गाउं मेर लशा, जचा तूचा ताइनीम, बास यो थित्‍नीम। मारदे हना एकेर सुइ मुर मबाक्‍नीम” दे मदमे बाक्‍त।
LUK 9:13 मिनु येसुमी “गेपुकीमी एको आन कली जचा गेने” दे माइक्‍मी बाक्‍त। मिनु शेंसीबपुकीमी “इं के ५ ओटा शोब्‍ले नु ङांइ निक्‍शी ला बाक्‍ब। सहर लशा, जचा थोव़क ग्‍याप्‍शा नेल्‍ल आन कली थुल्‍चा देंनी?” देंमा बाक्‍त।
LUK 9:14 मेकेर देल्‍शो वोंइश मुर ला ५ हजार बाक्‍मा बाक्‍त। मिनु येसुमी शेंसीब आन कली “मुर आन कली ५०, ५० जना पा निप्‍पतीन” देंमाक्‍त।
LUK 9:15 मिनु मेकोपुकीमी निप्‍पदमे बाक्‍त।
LUK 9:16 मिनु येसुमी ५ ओटा शोब्‍ले नु ङांइ निक्‍शी शेशा, सरीङ गे कोव़शा “गे रिम्‍शो पाइब बाक्‍नीनी” दे आसीक गेशा जिक्‍शा, शेंसीब आन कली योक्‍चा गेमी बाक्‍त।
LUK 9:17 मिनु नेल्‍लेमी रूथ्री जामे बाक्‍त। जशा हेंशो खुप्‍तमेनु, १२ डालो दुम्‍माक्‍त।
LUK 9:18 मिनु काबु आ शेंसीबपुकी नु बाक्‍शा प्रार्थना पा, येसुमी “मुरपुकीमी आं पर्बम मार देंनीमी?” दे हिल्‍लो पवा बाक्‍त।
LUK 9:19 मिनु मेकोपुकीमी “का निक्‍शीमी ब्‍वाक्‍कुम ख्रुम्‍शा ग्रुंइब यूहन्‍ना, का निक्‍शीमी एलीया, का निक्‍शीमी साइ नेसी ङा परमप्रभु यावे आ लोव़ पाइब का बेक्‍शो रे सेंसे बाक्‍त देंनीम” देंमा बाक्‍त। लूका ९:-८
LUK 9:20 मिनु येसुमी “गेपुकी चहिं आं कली सु मिम्‍नीनी?” देंमेनु, पत्रुसमी “गे परमप्रभु यावे आ सोइश्‍शो ख्रीस्‍त ननी” देंमाक्‍त।
LUK 9:21 मिनु येसुमी “एको लोव़ सुइ आन कली मशेंदीने” दे अरेमी बाक्‍त।
LUK 9:22 येसुमी “रागीम जरमेशोमी शुश श्‍येत जचा माल्‍ब। जोक्‍ब तुइक्‍ब खाल्‍पापुकी, ठेयब चढ़ेबपुकी नु सास्‍त्रीपुकीमी मेको कली मब्रथु साइक्‍पाइक्‍नीम। मिनु बेक्‍शो आ नित्‍थ नाक्‍ती सेंसीब” दे शेंदीमी बाक्‍त। लूका ९:४४-४५; लूका १८:३१-३४
LUK 9:23 मिनु येसुमी मेको आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, नाक्‍त किंत किंत श्‍येत जचा महिंथु, आं नोले खोइय्‍यील।
LUK 9:24 सुमी आंम गिंम प्रोंइचा माल्‍बा, मेको आ गिंम योल्‍ब। आं पर्बम आ गिंम सोइक्‍बमी आ गिंम प्रोंइब। लूका १७:२३; मत्ती १०:३९; यूहन्‍ना १२:२५
LUK 9:25 रागी नेल्‍ल आंम के सेल्‍शा, आ थुं खतम दुम्‍त हना, मार रिम्‍शो दुम्‍बा ङा?
LUK 9:26 सुमी आं पर्बम नु आं लोव़ आं पर्बम देंचा कली मुने पाइबा, मेको आ पर्बम रागीम जरमेशोमी, आ आफ आ छेङछेङमी, परमप्रभु यावे आ स्‍वर्ग ङा गेय पाइबपुकी नु जाक्‍मेनु ‘मेको कली मतुइक्‍नुङ, सु बाक्‍मे?’ देंब। मत्ती १०:३३; २तिमोथी १:८
LUK 9:27 गो इन कली थमा लोव़ पाइनुङ मुल गो नु काथा बाक्‍ब का निक्‍शीमी परमप्रभु यावे आ राज्‍य मतथु मबेक्‍नीम” दे माइक्‍मी बाक्‍त।
LUK 9:28 मेको लोव़ पशो हप्‍ता का नोले, येसुमी पत्रुस, यूहन्‍ना नु याकूब सां आन कली प्रार्थना पथ डांडाम लाइक्‍मी बाक्‍त।
LUK 9:29 मिनु येसुमी प्रार्थना पवानु, फांइसी‍शा आ कुल बुबु देंशो नु आ फेक्‍शो वा यो बुबु पा तांइसे बाक्‍त।
LUK 9:30 मिनु मुर निक्‍शी, मोसा नु एलीया ग्रूशा, येसु नु लोव़ पशो तामे बाक्‍त।
LUK 9:31 मेको यो छेङछेङम गिल्‍सीशा येसु नु लोव़सी पामे बाक्‍त। मेकोपुकीम यरूसलेमम दोपा श्‍येत जशा, बेक्‍चा मेको आ पर्बम लोव़ पामे बाक्‍त।
LUK 9:32 मेको सांफा मोदेंशो लोव़ पामेनु, पत्रुस, यूहन्‍ना नु याकूब मारेइ मतुइक्‍चा ङा पा निन्‍द्रा पामे बाक्‍त। तन्‍न मेको आ ङोंइती येसु नु मुर निक्‍शी राप्‍शो तामे बाक्‍त। येसु आ छेङछेङम मेको निक्‍शी नु बाक्‍शो तामे बाक्‍त।
LUK 9:33 मिनु मोसा नु एलीया गाक्‍चाम्‍सेनु, पत्रुसमी येसु कली “शेंब, इं कली एकेर बाक्‍चा रिम्‍शो दुम्‍ब। बाक्‍तीके सां सेल्‍नीकी। का इन कली, का मोसा कली, का एलीया कली” देंमाक्‍त। मोपा ब्‍वाक्‍शो आंमान मतुइक्‍ता बाक्‍त।
LUK 9:34 मिनु पत्रुसमी लोव़ पवानु, सरीङ रे गोस्‍स यिशा, मेको आन कली सुम्‍मी बाक्‍त। मेको गोस्‍सुम गिल्‍मीनु, हिंमा बाक्‍त।
LUK 9:35 मिनु गोस्‍स आगा रे सेंदा का “एको आं योव़शो तौ बाक्‍ब। मेको आ लोव़ नेनीन” देंशो नेन्‍मे बाक्‍त। लूका ३:२२; भजन संग्रह २:७; ब्‍यवस्‍था १८:१५
LUK 9:36 मिनु मेको लोव़ नेन्‍मेनु, येसु का ला तामे बाक्‍त। मिनु मेको आन तशो नु नेंशो शुश नाक्‍ती सम्‍म सुइ आन कली मशेंथु, सिक्‍सी पा थुंमी वोदमे बाक्‍त।
LUK 9:37 मो दुम्‍मे आ दीसा डांडा रे यिशा, शुश मुर नु ग्रुम्‍शा देल्‍मा बाक्‍त।
LUK 9:38 मेकेर मुर का जाक्‍शा ठेयब सेंदा पा “हे शेंब, आं तौ कली वारच पने। मारदे हना आं तौ का ला बाक्‍ब।
LUK 9:39 मेको कली वोलम हो हु सुमानु, वाइ ब्रेश्‍शा, शोव़ रे बो‍ग्‍यो ग्रुंइशा, ख्रिंख्रि पना पन मोल मोल थाइब।
LUK 9:40 गो इन शेंसीब आन कली ‘वोल ग्रुंइदीने’ दे पुंइता। तन्‍न ग्रुंइने मचबेम” देंमाक्‍त।
LUK 9:41 मिनु येसुमी “गे थमा पा थमा मसुइक्‍ब नु दूली पाइब, गेना सम्‍म इन पशो फाल्‍शा बाक्‍नुङा ङा? इ तौ एक चाक्‍को” दे मदा बाक्‍त।
LUK 9:42 मिनु चाक्‍गानु, वोलम मेको वोंइश आल कली खोल्‍शा रोप्‍से पा, शोव़ रे बोग्‍यो ग्रुंइपदा बाक्‍त। मिनु येसुमी ग्रांग्रा दिचा ङा वोल कली हुइश्‍शा, वोंइश आल कली सापाइश्‍शा, आ आफ कली गेवा बाक्‍त। लूका ७:१५
LUK 9:43 मिनु मुर नेल्‍लेमी परमप्रभु यावे आ गेय तशा छक लाक्‍शा “परमप्रभु यावे ठेयब बाक्‍ब” दे लोव़ पामे बाक्‍त। मिनु मुर नेल्‍लेमी येसु आ पशो तशा छक लाक्‍मानु, येसुमी आ शेंसीब आन कली
LUK 9:44 “नोफा दाइश्‍शा नेनीन। आं देंशो लोव़ थुंमी वोतीन। रागीम जरमेशो दा मुर आन गुइमी गेशा साइक्‍चा पुंइसीब” देंमाक्‍त। लूका ९:२२; लूका १८:३१-३४
LUK 9:45 तन्‍न मेकोपुकीमी मेको लोव़ काइ मरुप्‍मे बाक्‍त। मारदे हना मेको आन कली मेको लोव़ रुप्‍चा कली थुं मगेशो बाक्‍माक्‍त। येसु कली “एको लोव़ मार में?” दे हिल्‍लो पचा यो हिंमा बाक्‍त। लूका २४:४५
LUK 9:46 काबु शेंसीबपुकीमी “गो इं १२ जनामी नेल्‍ल क्‍येङा ठेयब सु बाक्‍या माइ?” दे लोव़ पमुमा बाक्‍त।
LUK 9:47 येसुमी मेको आन मिम्‍शो तुइश्‍शा, आल का कली आ नेक्‍था वोइश्‍शा
LUK 9:48 “सुमी एको आल कली आं नेंमी ब्राइबा, मेकोमी आं कली ब्राइब। मिनु सुमी आं कली ब्राइबा, मेकोमी आं कली सोइक्‍ब कली यो ब्राइब। गे इन दातेमी सु नेल्‍ल क्‍येङा आइक्‍च सुंइ‍सीबा, मेको नेल्‍ल क्‍येङा ठेयब दुम्‍ब” दे शेंदीमी बाक्‍त। मत्ती १०:४०
LUK 9:49 मिनु यूहन्‍नामी “शेंब, इं नोले मखोइक्‍ब मुरुमी इन नें थिशा, वोल आन कली खेरशो ताइतक। मिनु मो पचा मदुम्‍ब, दे माइक्‍तक। मारदे हना मेको इं नोले खोइश्‍शा मगाक्‍ब” दे मदा बाक्‍त।
LUK 9:50 मिनु येसुमी “मोदेंचा मदुम्‍ब, मारदे हना इं कली मरिम्‍शो मपाइब इं मुरुन बाक्‍ब” दे शेंदा बाक्‍त। लूका ११:२३; फिलिप्‍पी १:१८
LUK 9:51 मिनु येसुमी परमप्रभु यावे आ बाक्‍तीके लची नाक्‍त आं नेक्‍था जाक्‍शो तुइश्‍शा, यरूसलेम लचा थुं पवा बाक्‍त। मर्कूस १०:३२
LUK 9:52 मिनु सामरीया रागी ङा गाउं आ नेक्‍था जाक्‍दीश्‍शा, मुर का निक्‍शी आन कली “आं ङोंइती लशा, नेल्‍ल ठीक पने” दे सोइक्‍तीमी बाक्‍त। मिनु मेको सामरीया ङा मुर आन गाउंमी ओव़मा बाक्‍त।
LUK 9:53 तन्‍न मुरपुकीम बाक्‍चा गेने मबिस्‍समा बाक्‍त। मारदे हना येसुमी “यरूसलेम लाइनुङ” देंशो बाक्‍माक्‍त। मिनु सोइश्‍शो मुरपुकी लेश्‍शा जाक्‍शा “बास मगेनीकी, देंतेक्‍म” दे येसु कली मदमे बाक्‍त। यूहन्‍ना ४:९
LUK 9:54 मिनु आ शेंसीब याकूब नु यूहन्‍नामी मेको लोव़ नेंशा, येसु कली “प्रभु, मेको गाउं ङा मुर आन कली परमप्रभु यावे कली पुंइशा, सरीङ रे मी तोक्‍पाइश्‍शा, खतम पपाइय्‍य?” दे हिल्‍लो पाम्‍से बाक्‍त। २राजा १:१०-१२
LUK 9:55 तन्‍न येसुमी मेको आस गे हिरशा हुइक्‍तीम्‍सी बाक्‍त।
LUK 9:56 मिनु बास बाक्‍थ अर्को गाउं लमा बाक्‍त।
LUK 9:57 मिनु लांमी गाक्‍मानु, मुर कामी येसु कली “प्रभु, गो इन नोले खोइक्‍चा दाक्‍नुङ” देंमाक्‍त।
LUK 9:58 मिनु येसुमी “सिवार आन बाक्‍तीके ढोडोङगा बाक्‍ब, चिक्‍ब आन बाक्‍तीके ग्‍योव़ बाक्‍ब। तन्‍न रागीम जरमेशो के आ बाक्‍तीके खिं मबाक्‍ब” देंमाक्‍त।
LUK 9:59 नोले येसुमी अर्को मुर का कली “आं नोले खोइय्‍यी” दे मदानु, मेकोमी “ङोंइती लशा, आं आफ कली थिम्‍चा गेयीनी” देंमाक्‍त।
LUK 9:60 मिनु येसुमी मेको कली “बेक्‍शो मुरुमी बेक्‍शो कली थिम्‍मेक्‍ल। गे चहिं परमप्रभु यावे आ राज्‍य ङा लोव़ नेंपाइक्‍थ लावो” दे मदा बाक्‍त।
LUK 9:61 अर्को मुरुमी “प्रभु, गो इन नोले खोइक्‍चा दुम्‍ती, तन्‍न ङोंइती आं खिं ङा मुर आन कली तुइक्‍पाइक्‍थ लचा गेयीनी” देंमेनु, १राजा १९:२०
LUK 9:62 येसुमी “ब्‍यफ वाक्‍बमी वाक्‍तानु, आ नोले हिरशा मवाक्‍ब। नोले हिरशा कोव़ना कोव़न वाक्‍ब मुर चहिं परमप्रभु यावे आ राज्‍य ङा गेय पचा मशिरब” देंमाक्‍त। फिलिप्‍पी ३:१३
LUK 10:1 मिनु नोले प्रभुमी ७० जना अरु शेंसीब आन कली योव़शा, ङोंइती आ लशो सहर गाउंमी निक्‍‍निक्‍शी पा सोइक्‍तीमी बाक्‍त। का नि‍क्‍शी किताबम ७२ देंनीम।लूका ६:१३-१६; लूका ९:१; मर्कूस ६:७
LUK 10:2 मिनु गाक्‍चामेनु, मेको आन कली “बाली नाली रुप्‍चा शुश बाक्‍ब। रुप्‍ब मुर चहिं का निक्‍शी ला बाक्‍नीम। मोपतीके ‘बाली रुप्‍चा कली मुर योव़शा सोइक्‍तीने’ दे बाली नाली आ परमप्रभु कली पुनीने। मत्ती ९:३७-३८; यूहन्‍ना ४:३५
LUK 10:3 मिनु गे लने। भेडा पाठा आन कली फर आन दातेमी सोइश्‍शो खोदेंशो पा सोइक्‍तान्‍नी।
LUK 10:4 लनीनु, क्‍येट, झोला, जुत्ता मकुरथु लने। लांमी मुर आन कली ग्रुम्‍तीनी हना, लोव़ मपने। लूका ९:३-५; २राजा ४:२९
LUK 10:5 मुर आन खिंमी जाक्‍दीश्‍शा ओव़नीनु, मेको खिं ङा मुर आन कली ‘थुं नाइश्‍शा बाक्‍कीन’ दे आसीक गेने। यूहन्‍ना २०:१९
LUK 10:6 मेको खिंमी थुं नाइक्‍चा ताइब का बाक्‍त हना, इन थुं नाइक्‍तीक आसीक मेकोम राइब। तन्‍न मबाक्‍ब हना, मेको थुं नाइक्‍तीक आसीक गे राइनीनी।
LUK 10:7 मुरपुकीम बास गेम्‍तेक्‍म हना, गाक्‍ची मजाक्‍म सम्‍म मेकेरन बाक्‍कीन। खिं खिं याक्‍शा मबाक्‍कीन। इन कली मार जचा तूचा गेमे, मेको जने तूङीन। मारदे हना गेय पाइबपुकीमी आन गाल्‍च तचा माल्‍‍नीम।
LUK 10:8 सहरम जाक्‍दीन्‍नीनु, मुरपुकीम इन कली ब्रशा, बास गेशा थुल्‍तेक्‍म हना, मार जचा गेमे, मेको जने।
LUK 10:9 रोइ पाइब आन कली सापतीन। मिनु मुर आन कली ‘परमप्रभु यावे आ राज्‍य इन नेक्‍था जाक्‍शो बाक्‍ब’ दे नेंपतीन।
LUK 10:10 तन्‍न मुरपुकीमी इन कली मब्राम्‍तेक्‍म हना, सहर ङा लांमी गाक्‍नीनु,
LUK 10:11 ‘आंइ खोइलीम क्‍येप्‍शो इन सहर ङा फुरक यो फिक्‍नीकी। मो हना यो परमप्रभु यावे आ राज्‍य इन नेक्‍था जाक्‍शो बाक्‍ब, दे तुइक्‍तीन।
LUK 10:12 परमप्रभु यावे आ ठेयब निसाफ पची ना गे इन क्‍येङा सोदोम सहरम शिशी ताइब, देनीन।’ उत्‍पत्ती १९:१-२९
LUK 10:13 ए खोराजीन, ए बेथसैदा, इन तशो चिन्‍ड नु छक लाक्‍चा ङा गेय टायर नु सीदोन ङा मुरपुकीमी तशो नम हना, भाङरा फेक्‍शा, पुलुम निश्‍शा आन थुं परमप्रभु यावे गे लेत्‍तेम वा।
LUK 10:14 ठेयब निसाफ पची नाक्‍ती टायर नु सीदोन ङा मुर आन क्‍येङा गे शुश सजाइ ताइनीनी।
LUK 10:15 ए कापेरनाउम, मार गे स्‍वर्ग सम्‍म क्‍युक्‍सीनेवे ङा? ममाइ, बेक्‍शो आन बाक्‍तीक तोक्‍चा पुंइसीनेवे।
LUK 10:16 सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३
LUK 10:17 मिनु मेको ७० जना लशा शेंने थुम्‍शा, येसु आ बाक्‍तीके लेश्‍शा जाक्‍मा बाक्‍त। मिनु जाक्‍शा, येसु कली “प्रभु, इन नें थिशा, हुइश्‍शोनु वोलम यो टिशा प्रोक्‍बाक्‍तेक्‍म” दे थाम्‍पा ग्‍येरसीशा मदमे बाक्‍त। ७२ जना शेंसीब यो देंनीम।
LUK 10:18 मिनु येसुमी “सरीङ रे चिला आप्‍शो खोदेंशो पा गो सैतान कली दोक्‍शो ताता। यूहन्‍ना १२:३१; प्रकाश १२:८-९
LUK 10:19 गे बुस्‍स नु बिच्‍छी दिम्‍ताक्‍नी हना यो, इन कली मकोक्‍नीम। मारेइ पने मचाप्‍नीम। मोदेंशो पा सैतानमी इन कली मारेइ पने मचाप्‍ब। सुइमी यो इन कली मारेइ पने मचाप्‍ब। भजन संग्रह ९१:१३; मर्कूस १६:१८
LUK 10:20 वोलम इन देंशो टीनीम, दे तुइक्‍नीनी। मेको आ पर्बम मग्‍येरसीन। तन्‍न ‘परमप्रभु यावे आ मुर दुम्‍शा, इं नें परमप्रभु यावे नु ब्रोंइचा ताइब आन किताबम ब्रेक्‍साक्‍व’ दे तुइश्‍शा थाम्‍पा ग्‍येरसीने” दे माइक्‍मी बाक्‍त। प्रस्‍थान ३२:३२; यसैया ४:३; फिलिप्‍पी ४:३; प्रकाश ३:५
LUK 10:21 मिनु येसु परमप्रभु यावे आ सोक्‍तीम पतीके ग्‍येरशा “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ रुप्‍तीक थुं मगेनी। मजोक्‍ब मतुइक्‍ब आन कली रुप्‍तीक थुं गेतीनी। गे मोदेंशो पचा दाक्‍ताक्‍नी। १कोरिन्‍थी २:७
LUK 10:22 आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।
LUK 10:23 मिनु आ शेंसीब गे हिरशा, मेको आन कली “सुम इन खोदेंशो पा ताइनीमी, मेकोपुकी ग्‍येरसीमल। मत्ती १३:१६-१७
LUK 10:24 मारदे हना इन तशो नेंशो साइ नेसी रे परमप्रभु यावे आ लोव़ पाइब नु पिपीपुकीमी तचा नेंचा दाक्‍ताक्‍मे। तन्‍न तचा नेंचा मतामे” दे माइक्‍मी बाक्‍त। १पत्रुस १:१०
LUK 10:25 मिनु येसुमी मुर आन कली शेंदानु, सास्‍त्री का बोक्‍शा, येसु आ थुं थाम्‍शा “हे शेंब, गो गेना हना यो ब्रोंइशा बाक्‍चा कली मार पचा माल्‍नुङा?” दे हिल्‍लो पवा बाक्‍त। मत्ती २२:३५-४०; मर्कूस १२:२८-३४; लूका १८:१८-२०
LUK 10:26 मिनु येसुमी “परमप्रभु यावे आ अरेशो लोव़मी मार ब्रेक्‍शो बाक्‍मे? मेको मपढेनी?” देंमेनु,
LUK 10:27 मेकोमी “इ थुं नेल्‍लेमी, इ रां नेल्‍लेमी नु इ सक्ति नेल्‍लेमी परमप्रभु, इ परमप्रभु यावे कली दाक्‍तो। मिनु आंम कली दाक्‍शो खोदेंशो पा इ नेक्‍था बाक्‍ब आन कली यो दाक्‍तो, दे ब्रेक्‍शो बाक्‍ब” देंमाक्‍त। ब्‍यवस्‍था ६:५; लेवी १९:१८
LUK 10:28 मिनु येसुमी “ठीक देंते। मेको इ देंशो खोदेंशो पाप्‍तीवी हना, गेना हना यो ब्रोंइशा बाक्‍चा ताइनेवे” देंमाक्‍त। लेवी १८:५; मत्ती १९:१७
LUK 10:29 मिनु आंम कली ठीक सेल्‍शा, मेकोमी “आं नेक्‍था ङा मुर सु बाक्‍नीमी, गो मतुइक्‍नुङ” देंमाक्‍त।
LUK 10:30 मिनु येसुमी “मुर का यरूसलेम रे यिशा, यरीको सहर ङा लां खोदा बाक्‍त। मिनु लमेनु, खुइपुकीमी लांम बाप्‍शा, मेको कली तुप्‍शा, थपाइश्‍शा, आ बाक्‍शो मारेइ मारेइ नेल्‍ल रोइश्‍शा, प्रोक्‍मा बाक्‍त।
LUK 10:31 इच्‍का नोले मेको लां पा चढ़ेब का पिशा, मेको तुप्‍शा बेक्‍चशो मुर कली तशा, हेरशा लाक्‍गा बाक्‍त।
LUK 10:32 मिनु इच्‍का नोले लेवी आ थर ङा मुर का यो मेको लां रे पिमाक्‍त। मेकोमी यो मेको बेक्‍चशो मुर कली तशा, हेरशा लाक्‍गा बाक्‍त।
LUK 10:33 मिनु नोले सामरीया रागी ङा मुर का पिमाक्‍त। मेकोमी बेक्‍चशो मुर कली तशा शिशी पवा बाक्‍त।
LUK 10:34 तुप्‍शो मुर आ गारमी तेल नु ओख्‍ती ख्रेक्‍शा वाम फ्रेंशा, आ गधा तारी ङोइक्‍पाइश्‍शा, होटेल सम्‍म लाइश्‍शा, बास पुंइशा, जचा बाक्‍चा गेवा बाक्‍त।
LUK 10:35 आ दीसा नाक्‍ती गाक्‍चा क्‍येङा ङोंइती निम्‍फा आस जशो नु बास ङा नेल्‍ल थाप्‍शा, होटेल दाइक्‍ब कली क्‍येट गेशा वोइश्‍शा ‘मेको तुप्‍चा पुंइसीशो मुर कली रिम्‍शो पा कोव़ङीने। मसाम सम्‍म वारच पने। गो लेङङानु, मजाक्‍दीश्‍शो क्‍येट नेल्‍ल थाप्‍नन्‍नी’ दे लोव़ गार पा ल‍माक्‍त।
LUK 10:36 मेको लां गाक्‍ब सांमी सु चहिं तुप्‍शा रोइक्‍चा पुंइसीशो मुर आ नेक्‍था ङा मुर दुम्‍मे?” दे हिल्‍लो पवा बाक्‍त।
LUK 10:37 मिनु सास्‍त्रीमी “शिशी पाइब मुर थमा पा आ नेक्‍था ङा मुर बाक्‍त” देंमाक्‍त। मिनु येसुमी “मेको आ खोदेंशो पावो” दे माइश्‍शा सोइक्‍ता बाक्‍त। यूहन्‍ना १३:१७
LUK 10:38 मिनु येसु नु आ शेंसीबपुकी यरूसलेम ङा लां रे गाक्‍मानु, गाउं कामी जाक्‍दीम्‍मा बाक्‍त। मेकेर मारथा नें पाइश्‍शो मीश मुर कामी येसु कली मान पा बास गेवा बाक्‍त। यूहन्‍ना ११:१
LUK 10:39 मारथा आ लोक्‍ब मरीयम येसु आ खोइल आ नेक्‍था बाक्‍शा आ शेंशो नेंना बाक्‍त।
LUK 10:40 मारथामी शुश गेय पा श्‍येत पशा “प्रभु, आं लोक्‍बमी आं कली काइ वारच मपाइब। गे मोदेंशो तशा यो मारेइ मदेंनी? मेको कली ‘बोक्‍शा, इ लोक्‍ब कली वारच पतो’ दे मतीन” देंमाक्‍त।
LUK 10:41 मिनु येसुमी मारथा कली “मारथा, आं लोव़ नेनो। इ थुंमी ग्‍येत्‍थ लुक्‍च मिम्‍शा, पीर पाइबाक्‍ते।
LUK 10:42 तन्‍न थोव़क का ला माल्‍ब। मरीयममी रिम्‍शो थोव़क योव़तु। मेको सुइम लाइक्‍ने मचाप्‍नीम” दे मदा बाक्‍त। मरीयम६:३३
LUK 11:1 काबु येसुमी प्रार्थना पवा बाक्‍त। मिनु प्रार्थना पने थुमानु, आ शेंसीब कामी “हे प्रभु, यूहन्‍नामी दोपा आ शेंसीब आन कली प्रार्थना पचा शेंदा, मोपा आंइ कली यो शेंदीकी” देंमाक्‍त।
LUK 11:2 मिनु येसुम “परमप्रभु यावे कली प्रार्थना पनीनु ‘आं आफ, इन नें का ला ठेयब बाक्‍ल। इन राज्‍य जाक्‍ल।
LUK 11:3 नाक्‍त किंत किंत ङा आंइ जचा थोव़क गेकी।
LUK 11:4 आंइ मरिम्‍शो पशो क्‍याम्‍शा गेकी। मारदे हना गो यो आंइ कली मरिम्‍शो पाइब आन कली का का पा माफ गेनीकी। सैतानमी आंइ थुं थाम्‍चा मगेने’ दे प्रार्थना पने” दे शेंदीमी बाक्‍त।
LUK 11:5 मिनु येसुमी “सुइमी नाक्‍दो इप्‍शो वारच कली पोक्‍शा ‘ए वारचै, शोब्‍ले सां गेयी।
LUK 11:6 वारच का ङोन रे जाक्‍त। मेको कली थुलु देंङानु, गो नु मारेइ जचा थोव़क मबा।
LUK 11:7 मोपतीके जचा थोव़क गेचा नङ’ दे पुंइतु हना, वारचम लाप्‍चो मरोक्‍थु, खिं आगा रे ‘रेयके मपावो। लाप्‍चो चोक्‍ता। आल इप्‍तेक्‍म। सेंसीनीम। बोक्‍शा, इ पुंइशो गेने मचाप्‍नुङ’ देंत हना,
LUK 11:8 तन्‍न मेकोमी पुंइस ङा पुंइस बाक्‍त हना, मेको मगेनुङ देंब मुरुमी वारच, दे ला ममाइ ढिपी पतीके मेको कली आ पुंइशो गेब।
LUK 11:9 परमप्रभु यावे कली पुनीने। मिनु इन पुंइशो ताइनीनी। मालीने। मिनु इन माल्‍शो थित्‍नीनी। ‘बाक्‍नी?’ दे लाप्‍चो ख्रोकोल पने। मो पाइतीनी हना ओव़चा ताइनीनी।
LUK 11:10 मोपतीके सुम पुंइबा, मेकोमी आ पुंइशो ताइब। सुम माल्‍बा, मेकोमी आ माल्‍शो थिप्‍ब। सुम ओव़नुङ, दे लाप्‍चो ख्रोकोल पाइबा, मेको ओव़चा ताइब। लूका १३:२५
LUK 11:11 तौमी आ आफ कली ‘ङांइ ब्‍वाइनुङ’ दे पुंइतु हना, मार, आ आफोमी ङांइ, दे बुस्‍स ब्‍वचा गेबा ङा? मत्ती ७:९
LUK 11:12 ‘ब्‍वोफु जाइनुङ’ दे पुंइतु हना, ब्‍वोफु, दे बिच्‍छी ब्‍वचा गेबा ङा?
LUK 11:13 गे, मरिम्‍शो पाइब बाक्‍तीनी हना यो, इन आल आन कली रिम्‍शो थोव़क गेने चाप्‍नीनी, इन पशो क्‍येङा स्‍वर्गम बाक्‍ब इन आफोमी आ तमी तौ आन कली आन पुंइशो गेब। मेकोपुकीमी ‘इन सोक्‍त गेकी’ दे पुंइतेक्‍म हना, आ सोक्‍त यो गेब” दे शेंदीमी बाक्‍त।
LUK 11:14 मिनु काबु येसुमी लाटा वोलम थिशो मुर का कली ग्रुमा बाक्‍त। मिनु लाटा वोल कली ग्रुंइशा खेरा बाक्‍त। वोल ग्रूम नोले मेकोमी लोव़ पने चबा बाक्‍त। मेकोमी लोव़ पशो नेंशा, मुर नेल्‍ले छक लाक्‍मा बाक्‍त।
LUK 11:15 मिनु का निक्‍शीमी चहिं “वोल आन पिप बेल्‍जीबुल आ सक्तिम वोल आन कली ग्रुंइशा खेरबाक्‍माक्‍त” देंमा बाक्‍त।
LUK 11:16 का निक्‍शीमी येसु कली थुं कोव़चा कली चिन्‍ड कोंइपाइक्‍चा माल्‍मे बाक्‍त। मर्कूस ८:११
LUK 11:17 येसुमी मुर आन थुं ङा लोव़ नेल्‍ल तुइश्‍शा, मेको आन कली “राज्‍य का ङा मुर जिशा ब्राशा गाक्‍तेक्‍म हना, राज्‍य जाम्‍शा लाइब। खिं का ङा मुरपुकी जिशा ब्राशा गाक्‍तेक्‍म हना, मेको खिं मलीब।
LUK 11:18 सैतान आ राज्‍य ङा सक्ति ब्रात हना, रीब पा आ राज्‍य जाम्‍शा मलाइबा ङा? ‘बेल्‍जीबुल आ सक्तिम वोल आन कली खेरबाक्‍माक्‍त’ देंतीनी।
LUK 11:19 गो बेल्‍जीबुल आ सक्तिम वोल आन कली खेरतामी हना, इन तौपुकीमी सुका आ सक्तिम खेरनीमी? इन तौपुकीमी इन कली निसाफ पाइनीम।
LUK 11:20 गोमी परमप्रभु यावे आ सक्तिम वोल आन कली खेरता हना, परमप्रभु यावे आ राज्‍य जाक्‍शो बाक्‍माक्‍त, दे तुइक्‍तीन। प्रस्‍थान ८:१५
LUK 11:21 बोल्‍यो मुर कामी या शेशा आ दरवार खाल पाप्‍तु हना, आ शोंप सुइमी खुइ पने मचाप्‍नीम।
LUK 11:22 तन्‍न मेको क्‍येङा यो बोल्‍यो अर्को का जाक्‍त हना ला, मेको आ या नेल्‍ल रोइश्‍शा, ग्राशा, शोंप नेल्‍ल आंम के सेल्‍ब। कलस्‍सी २:१५; १यूहन्‍ना ४:४
LUK 11:23 गो नु मगारब आं जोरी सत्रु दुम्‍नीम। गो नु मखुप्‍बपुकीमी आं खुप्‍शो यो फ्राइनीम। लूका ९:५०
LUK 11:24 ग्रांग्रा दिचा ङा वोल मुर रे ग्रूशा लशा, ब्‍वाक्‍कु मबाक्‍तीकेम नाइक्‍तीके माल्‍ब। मिनु नाइक्‍तीके मथित्‍तु हना ‘ङोंइती आं बाक्‍तीकेमीन लेत्‍नुङ’ दे लेप्‍ब।
LUK 11:25 मिनु लेश्‍शा जाक्‍मेनु, आ ङोंइती बाक्‍तीके फिक्‍शा सिल्‍शा वोइश्‍शो ताइब। मिनु आ क्‍येङा ग्रांग्रा दिचा ङा ७ ओटा वोल आन कली माल्‍थ लशा चाक्‍ब। मिनु ओव़शा बाक्‍नीम।
LUK 11:26 मिनु ङोंइती क्‍येङा मेको मुर शुश मरिम्‍शो दुम्‍ब” दे शेंदीमी बाक्‍त। यूहन्‍ना ५:१४
LUK 11:27 येसुमी मेको लोव़ पवानु, मीश मुर कामी ठेयब सेंदा पा “इन कली थिशा थुल्‍शा कोल्‍पाइक्‍ब ममा आसीक रशो मुर बाक्‍माक्‍त” दे येसु कली ठेयब सेला बाक्‍त। लूका १:२८:४८
LUK 11:28 मिनु येसुमी “आं ममा क्‍येङा परमप्रभु यावे आ लोव़ नेंशा, थुंमी वोइश्‍शा पाइबपुकी आसीक राइब नम” देंमाक्‍त। लूका ८:१५:२१
LUK 11:29 येसु आ लोव़ नेंबपुकी बारना बारन लशा, शुश दुम्‍मा नोले येसुमी “सिनाक्‍त मुलाक्‍त ङा मुर थम मरिम्‍शो बाक्‍नीम। मारदे हना चिन्‍ड ला कोव़कोव़ दाक्‍नीम। मेको आन कली योना आ चिन्‍ड ङा लाक्‍शा, मारेइ चिन्‍ड मकोंइनुङमी। लूका ११:१६
LUK 11:30 निनवे सहर ङा मुर आन कली योना आ चिन्‍ड खोदेंशो पा, रागीम जरमेशो सिनाक्‍त मुलाक्‍त ङा मुर आन कली चिन्‍ड दुम्‍ब।
LUK 11:31 निसाफ पची नाक्‍त दक्‍खिन रागी ङा पिपीममी बोक्‍शा, एको पाला ङा मुर आन कली दोस ताइब सेल्‍ब। मारदे हना मेकोमी ङोन रागी रे पिप सोलोमन आ जोक्‍तीक तुइक्‍तीक नेंचा कली जाक्‍त। नेनीन, एकेर सोलोमन क्‍येङा यो ठेयब का बाक्‍ब। १राजा १०:१
LUK 11:32 निसाफ पची नाक्‍ती निनवे सहर ङा मुरपुकी बोक्‍शा, एको पाला ङा मुर आन कली दोस ताइब सेल्‍नीम। मारदे हना मेकोपुकीमी योना आ लोव़ नेंशा, आन थुं परमप्रभु यावे गे लेत्‍ताक्‍म। नेनीन, एकेर योना क्‍येङा यो ठेयब का बाक्‍ब। योना ३:५
LUK 11:33 बत्ती दाशा, सुइमी ख्रुइश्‍शा सुम्‍शा मवोइक्‍नीम। खिं ओव़ब आन कली हाम्‍सो दुम्‍ल, दे नेल्‍लेम ततीकेम वोइक्‍नीम। लूका ८:१६
LUK 11:34 इन मिक्‍च इन रां ङा छेङछेङ बाक्‍ब। गे हेंथे मकोव़तीनी हना, इन रां नेल्‍ल छेङछेङ दुम्‍‍ब। गे मरिम्‍शो कोव़चा दाक्‍ताक्‍नी हना, इन रां नेल्‍ल छिङछिङ बाक्‍ब।
LUK 11:35 मोपतीके होस पांइसीने, इन रां ङा छेङछेङ छिङछिङ मदुम्‍ल।
LUK 11:36 मिनु इन रां छिङछिङ मदुम्‍‍थु, छेङछेङम ब्रीशो बाक्‍त हना, बत्ती दाशो खोदेंशो पा तांइसीनीनी” दे शेंदीमी बाक्‍त।
LUK 11:37 काबु येसु फरिसी आ खिंमी खमे जथ लमेनु, आ गुइ मचिक्‍सीथु निस्‍से बाक्‍त। लूका ७:३६; लूका १४:१
LUK 11:38 मिनु फरिसीमी येसु कली गुइ मचिक्‍थु जचशो तशा छक लाक्‍माक्‍त। मत्ती १५:२
LUK 11:39 मिनु प्रभु येसुमी मेको कली “गे फरिसीपुकी बोस शेक्‍तीनीनु, आ तार ला शेक्‍नीनी। आगा मशेक्‍नीनी। मेको खोदेंशो पा इन थुंमी रोइक्‍तीके नु परमप्रभु कली मटितीकेमी ब्रीशो बाक्‍ब।
LUK 11:40 गे मूर्खपुकी, सुमी आ लाङगा ङा सेला, आगा ङा यो मेकोम सेल्‍शो ममाइ ङा?
LUK 11:41 गे आगा ङा थोव़क मथीब आन कली गेने। मिनु इन कली नेल्‍ल रिम्‍शो दुम्‍ब।
LUK 11:42 तन्‍न आबी, फरिसीपुकी, गे खतम बाक्‍नीनी। मारदे हना सुप्‍तीके के १० भाग ङा भाग का परमप्रभु यावे कली गेनीनी। तन्‍न गे मुर आन कली ठीक निसाफ मपथु, परमप्रभु यावे कली मदाक्‍नीनी। गे ङोंइती नु नोले ङा निम्‍फा पचा माल्‍नीनी। यूहन्‍ना ५:४२
LUK 11:43 आबी, फरिसीपुकी, गे खतम बाक्‍नीनी। मारदे हना ग्रुम्‍तीक खिंमी मान तशो ठेयब मुर आन नित्‍तीकेमी नित्‍चा दाक्‍नीनी। बजारमी गाक्‍नीनु, मुरपुकीमी मान पा सेउ पशो ताक्‍चा दाक्‍नीनी। लूका १४:७
LUK 11:44 आबी, फरिसीपुकी, गे खतम बाक्‍नीनी। मारदे हना गे मततीक तुरस खोदेंशो बाक्‍नीनी। मुरपुकीमी मेको कली मतुइक्‍थु, दिम्‍‍शा गाक्‍नीमी” देंत।
LUK 11:45 मिनु सास्‍त्री कामी “शेंब हजुर, इन हुइश्‍शो फरिसी आन कली ला ममाइ। आंइ कली यो हुइक्‍ताक्‍नी” देंमेनु,
LUK 11:46 येसुमी “आबी, सास्‍त्रीपुकी गे यो खतम बाक्‍नीनी। मारदे हना हेल्‍शो भारी सेल्‍शा, मुर आन कली कुरपाइक्‍नीनी। गे चहिं ब्रेप्‍चो कामी यो नेप्‍शा वारच मपाइनीनी।
LUK 11:47 आबी, गे खतम बाक्‍नीनी। मारदे हना इन किकी पिपीपुकीमी परमप्रभु यावे आ लोव़ पाइब आन कली साइक्‍तेक्‍म। मिनु गे मेको आन तुरस सेल्‍तीनी। प्रेरित ७:५२
LUK 11:48 मोपा इन किकी पिपी नु गारशो दुम्‍तीनी। मेको आन पशो ठीक बाक्‍माक्‍त, दे आन पशो खोदेंशो पाइब दुम्‍तीनी। मारदे हना इन किकी पिपीपुकीमी परमप्रभु यावे आ लोव़ पाइब आन कली साइक्‍ना साइक्‍न बाक्‍तेक्‍मे। गेपुकीमी चहिं तुरस सेल्‍ना सेल्‍न बाक्‍तीनी।
LUK 11:49 साइ नेसी परमप्रभु यावे आ तुइक्‍तीक पाइश्‍शोमी ‘गो आं लोव़ शेंब मुर सोइक्‍नुङमी। मेको आं सोइश्‍शो मुर का निक्‍शी आन कली खेदा पा श्‍येत गेनीम, का निक्‍शी आन कली साइक्‍नीम’ देंशो बाक्‍त।
LUK 11:50 साइ ङोंइती रे मुल सम्‍म परमप्रभु यावे आ लोव़ पाइब शुश आन कली साइश्‍शो क्‍येक्‍क एको पाला ङा मुर आन रे ताक्‍सीब।
LUK 11:51 ङोंइती साइश्‍शो हाबील बाक्‍त। नेल्‍ल क्‍येङा नोले साइश्‍शो जकरिया बाक्‍त। मेको कली परमप्रभु यावे कली चढ़ेतीक नु आ खिं आस दातेम साइश्‍शो बाक्‍त। मेको नेल्‍ल आन कली मोपा साइक्‍तीके सिनाक्‍ती मुलाक्‍ती ङा मुर दोस गेने पुंइसीशा सजाइ ताइनीम।
LUK 11:52 आबी, सास्‍त्रीपुकी, गे खतम बाक्‍नीनी। मारदे हना गे जोक्‍तीक तुइक्‍तीक सांचो ताक्‍तीनी, तन्‍न मेकेर मओव़नी। मिनु ओव़चा दाक्‍ब आन कली यो ओव़चा मगेनी” दे हुइक्‍तीमी बाक्‍त।
LUK 11:53 मिनु येसु फरिसी आ खिं रे गाक्‍चवानु, सास्‍त्री नु फरिसीपुकी गाइश्‍शा, शुश लोव़ हिल्‍लो पा आ थुं थाम्‍मे बाक्‍त।
LUK 11:54 मारदे हना आ लोव़ ख्राइक्‍पाइश्‍शा, दोस गेचा माल्‍मे बाक्‍त। लूका २०:२०
LUK 12:1 मिनु हजार, हजार मुर खुम्‍सीशा, नेम्‍मुशा, चुमुशा, येसु आ लोव़ नेंथ जाक्‍मा बाक्‍त। मिनु येसुमी आ शेंसीब आन कली “फरिसी आन बोरपाइक्‍तीक ओख्‍ती रे होस पा बाक्‍कीन। मेको आन जोल पा शेंतीक बाक्‍ब। मत्ती १६:६; मर्कूस ८:१५
LUK 12:2 सुम्‍शा वोइश्‍शो नोले नेल्‍ल हाक्‍सीशा तांइसीब। ख्रुइश्‍शा वोइश्‍शो लोव़ नेल्‍ल नोले तुंइ‍सीब। लूका ८:१७
LUK 12:3 मोपतीके इन छिङछिङम बाक्‍शा पशो लोव़ नोले छेङछेङम नेंसीब। मुल इन खिंमी बाक्‍शा, नोफाम मुइक्‍मुशा पशो लोव़ नोले ठेयब सेंदा पा देंनीम।
LUK 12:4 आं वारचपुकी, इन रां कली साइक्‍ने चाप्‍बपुकी तशा महिनीन। मारदे हना साइक्‍ने थुम्‍शा, नोले मारेइ पने मचाप्‍नीम।
LUK 12:5 तन्‍न परमप्रभु यावे कली मान पा हिनीन। मारदे हना मुर आन कली साइश्‍शा, नाराक सोइक्‍तीक सक्ति मेको नु बाक्‍ब। मोपतीके मेको कली तशा मान पा हिनीन। हिब्रू १२:२९
LUK 12:6 आस्‍सारीयोन निक्‍शीम ५ ओटा भंगेरा मग्‍याम्‍सीबा ङा? मो हना यो परमप्रभु यावेमी मेको आन कली कोव़शो बाक्‍ब। आस्‍सारीयोन का नेल्‍ल क्‍येङा आइक्‍च तांबा के क्‍येट बाक्‍त।
LUK 12:7 मेको आन कली ला ममाइ। इन पिया ङा चां का का पा हिक्‍शा, गिश बाक्‍मा, दे तुइश्‍शो बाक्‍ब। मोपतीके महिनीन। गे भंगेरा क्‍येङा शुश हिक्‍सीशो बाक्‍नीनी। लूका २१:१८
LUK 12:8 सुमी मुर आन कली ‘गो येसु आ मुर नङ’ देंबा, रागीम जरमेशोमी यो मेको आ पर्बम परमप्रभु यावे आ स्‍वर्ग ङा गेय पाइब आन ङोंइती ‘मेको आं मुर बाक्‍ब’ देंब।
LUK 12:9 सुमी चहिं मुर आन कली ‘येसु सु बाक्‍मे? मतुइक्‍नुङ’ देंबा, मेको आ पर्बम परमप्रभु यावे आ स्‍वर्ग ङा गेय पाइब आन ङोंइती ‘मेको कली मतुइक्‍नुङ’ देंब। लूका ९:२६; १सामुएल २:३०
LUK 12:10 सु सुमी रागीम जरमेशो आ पर्बम शुक्‍शी पामे, मेको का का पा माफ ताइनीम। सु सुमी चहिं परमप्रभु यावे आ सोक्‍त आ पर्बम शुक्‍शी लोव़ पामे, मेको आन पाप गेनायो मक्‍याम्‍सीब। मत्ती १२:३२; मर्कूस ३:२८-२९
LUK 12:11 इन कली आन ग्रुम्‍तीक खिं ङा ठेयब मुर नु हुकुम पाइब आन ङोंइती लाइश्‍शा राप्‍पदमेनु ‘मुल मार देंचा, मार लोव़ लेत्‍चा’ दे सुर्ता मपने।
LUK 12:12 मोपा राप्‍पदमेनु, परमप्रभु यावे आ सोक्‍तीमी इन कली मार देंचा दो देंचा तुइक्‍पाइश्‍शा देंपाइक्‍ब” दे शेंदीमी बाक्‍त।
LUK 12:13 मिनु काबु आ लोव़ नेंथ शुश मुर खुम्‍समानु, मुर कामी “शेंब, आं लोक्‍ब कली आं तचा ङा अङस योक्‍शा गेवो, दे मतीन” दे पुना बाक्‍त।
LUK 12:14 मिनु येसुमी “मार गो इस अङस योक्‍ब नङा ङा? मनङ” देंमाक्‍त।
LUK 12:15 मिनु नोले मुर आन कली “नेनीन, होस पा बाक्‍कीन। शिंम मदुमीन। मारदे हना शुश शोंप बाक्‍शा ला ब्रोंइशा बाक्‍चा मतांइसीब” देंमाक्‍त। उपदेसक ५:९; १तिमोथी ६:९-१०
LUK 12:16 मिनु कथा सेल्‍शा “शोंप पाइश्‍शो मुर का आ बाली नाली शुश ग्रेल्‍माक्‍त।
LUK 12:17 मिनु मेकोमी शुश ग्रेल्‍शो तशा ‘मुल अन्‍न वोइक्‍तीके खिं मजाक्‍दीप्‍ब।
LUK 12:18 मोपतीके खिं प्रेश्‍शा अन्‍न वोइक्‍तीक ठेयब खिं सेल्‍शा, बाक्‍शो अन्‍न नेल्‍ल मेकेर उप्‍नुङ’।
LUK 12:19 मिनु मेकोमी ‘शुश बर्स कली जाक्‍दीप्‍ब। शुश शोंप गे नु बाक्‍ब। मोपतीके जशा तूशा ग्‍येरशा बाक्‍को’ दे आंम थुं कली देंमाक्‍त। भजन संग्रह ४९:१-२०
LUK 12:20 मिनु परमप्रभु यावेमी मेको कली ‘गे मूर्ख नवे। मारदे हना मुलाक्‍दो बेक्‍नेवे। मिनु इ खुप्‍शा उप्‍शो शोंप सुम जाइबा?’ दे मदा बाक्‍त।
LUK 12:21 परमप्रभु यावे कली ममिम्‍थु, शोंप ला मिम्‍ब मुर नेल्‍ल मोदेंशो दुम्‍नीम” दे शेंदीमी बाक्‍त। मत्ती ६:२०
LUK 12:22 मिनु आ शेंसीब आन कली “मार जचा, मार फेक्‍चा, दे सुर्ता मपने।
LUK 12:23 मारदे हना जचा क्‍येङा ब्रोंइचा ठेयब बाक्‍ब। फेक्‍चा क्‍येङा इन रां ठेयब मिम्‍तीने।
LUK 12:24 खद आन कली कोव़ङीने। मेकोपुकीमी मशोक्‍नीम, मारेइ मरुप्‍नीम मखुप्‍नीम। आन अन्‍न वोइक्‍तीक खिं यो मबाक्‍ब। तन्‍न परमप्रभु यावेमी मेको आन कली कोव़शा थुल्‍ब। मिनु गे मेको चिक्‍ब आन क्‍येङा हिक्‍सीशो मबाक्‍नीनी ङा?
LUK 12:25 मार, गेपुकीमी सुर्ता पा इन ब्रोंइतीक नाक्‍त बारपाइक्‍ने चाप्‍नीनी ङा?
LUK 12:26 मोदेंशो लायो मचाप्‍तीनी हना, मारदे अरु थोव़क आन कली सुर्ता पाइनीनी?
LUK 12:27 लिली फू कली कोव़शा मिम्‍तीने। गिश रिम्‍शो तांइसीनीमी। श्‍येत पा गेय मपाइनीम। पांइतो मपांइनीम। पिप सोलोमन गिश ग्‍योम्‍साक्‍व हना यो, मेको लिली फू खोइ दारशो मदुम्‍माक्‍त।
LUK 12:28 परमप्रभु यावेमी मेको घांस रिम्‍शो पा ग्‍योम्‍ताक्‍व बाक्‍त हना यो, याम का बाक्चा गेब। नोले मेको घांस मीम हुम्‍चा पुंइसीब। घांस कली लायो मिश रिम्‍शो पा ग्‍योम्‍ताक्‍व हना, गे रिम्‍शो पा थमा सुइक्‍ने मचाप्‍ब इन कली मग्‍योम्‍बा ङा?
LUK 12:29 मार जचा मार तूचा, दे थुंमी सुर्ता मपने।
LUK 12:30 रागी रागी ङा मुर नेल्‍लेमी मोदेंशो मिम्‍नीम। इन आफ, परमप्रभु यावेमी इन माल्‍शो नेल्‍ल तुइक्‍ब।
LUK 12:31 मोपतीके मोदेंशो मिम्‍चा प्रोंइशा, परमप्रभु यावे आ राज्‍य मालीने। मिनु मारेइ मारेइ यो ताइनीनी।
LUK 12:32 गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९
LUK 12:33 इन के बाक्‍शो लेयशा, मथीब आन कली योक्‍शा गेने। मो पनीनु, स्‍वर्गम इन शोंप लीब। मिनु मेको मोपा वोइश्‍शो शोंप खुइमी खुइ पने मचाप्‍नीम, खिया मजोइब मराक्‍ब, गेनायो मजाम्‍ब। लूका १८:२२
LUK 12:34 तेकेर इन शोंप बाक्‍बा, मेकेरन इन थुं यो लीशो बाक्‍ब।
LUK 12:35 बत्ती दाशा वा फेक्‍शा सासीशा बाक्‍कीन। प्रस्थान १२:११; १पत्रुस १:१३; मत्ती २५:१-१३
LUK 12:36 होव़प ग्‍युंबे भोज जथ लमेनु, आ गेय पाइबपुकीमी ‘इं होव़प लेश्‍शा जाक्‍ब। मोपतीके लेश्‍शा मजाक्‍म सम्‍म मइप्‍थु बाक्‍य, दे रिम्‍नीम। मिनु होव़प जाक्‍शा, लाप्‍चो ख्रोकोल पदानु, गु रोक्‍शा ओव़चा गेनीम। प्रकाश ३:२०
LUK 12:37 मोदेंशो गेय पाइब आसीक ताइब बाक्‍नीम। होव़प लेश्‍शा जाक्‍मेनु, आ गेय पाइब आन कली मइप्‍थु रिम्‍शा बाक्‍शो थित्‍‍तु हना, आ होव़प थाम्‍पा ग्‍येरसीशा, मेको आन कली निप्‍पाइश्‍शा थुल्‍ब।
LUK 12:38 होव़प नाक्‍दो नाक्‍ती गेना हना यो लेश्‍शा जाक्‍मेनु, आ गेय पाइब मइप्‍थु बाक्‍तेक्‍म हना, मेको मुर रिम्‍शो दुम्‍शा आसीक ताइनीम’।
LUK 12:39 नेनीने, खिं ङा मुरुमी ‘मुल खुइ जाक्‍नीम’ दे तुइश्‍शो नम हना, मेकोम खिं मप्रोंइथु मइप्‍थु बाक्‍शा, खुइ पचा मगेम वा। १थिस्‍सलोनिकी ५:२
LUK 12:40 मोदेंशो पा गे यो मइप्‍थु सासीशा बाक्‍कीन। मारदे हना रागीम जरमेशो इन मतुइक्‍थु जाक्‍ब” दे शेंदीमी बाक्‍त।
LUK 12:41 मिनु पत्रुसमी “प्रभु, एको लोव़ गो आंइ कली ला शेंदीनी देय मुर नेल्‍ल आन कली शेंदीनी?” दे हिल्‍लो पवानु,
LUK 12:42 प्रभुमी “होव़पमी आ खिं कोव़ब कली जची जाक्‍मेनु जचा गेचा, दे अरेशा वोइक्‍चा पुंइसीब। मेको खोदेंशो निप्‍स पाइश्‍शो थमा सुइक्‍चा पुंइसीशो गेय पाइब सु बाक्‍बा?
LUK 12:43 आ होव़प लेश्‍शा जाक्‍मेनु, आ गेय पाइबमी आ अरेशो गेय पना पन बाक्‍शो थित्‍तु हना, मेको गेय पाइब आसीक राइब दुम्‍ब।
LUK 12:44 नोफा दाइश्‍शा नेनीने, मेको होव़पमी आ बाक्‍शो मारेइ मारेइ मेको गेय पाइब कली जिम्‍मा गेब।
LUK 12:45 तन्‍न मेको गेय पाइबमी ‘आं होव़प इच्‍का नोले जाक्‍ब’ दे मिम्‍शा, मेकोमी गेय पाइब वोंइश मुर, मीश मुर आन कली तुप्‍शा श्‍येत गेशा, जशा तूशा, दुक्‍शा पाप्‍तु हना,
LUK 12:46 आ ममिम्‍शो मतुइश्‍शो नाक्‍त आ होव़प लेश्‍शा जाक्‍ब। मिनु मेकोमी मेको गेय पाइब कली सजाइ गेशा, मरिम्‍शो गेय पाइबपुकी नु काथा वोइक्‍ब।
LUK 12:47 मिनु होव़प आ देंशो रुप्‍शा यो मतुइश्‍शो खोदेंशो पा मेको आ देंशो मटीब गेय पाइब शुश तुप्चा पुंइसीब। याकूब ४:१७
LUK 12:48 होव़प आ देंशो मतुइक्‍थु, मरिम्‍शो पाप्‍तु हना, इच्‍का ला तुप्‍‍चा पुंइसीब। सुमी शुश रुप्‍शा तुइश्‍शो बाक्‍मे, मेकोम शुश जिम्‍मा ब्राइबा। मिनु सुमी शुश जिम्‍मा ब्राइबा, मेको शुश जिम्‍मा वारी दुम्‍ब” दे शेंदीमी बाक्‍त।
LUK 12:49 मिनु येसुमी शेंना शेंन “गो एको रागीम मी जेत्‍थ जाक्‍शो नङ। एको मी आं क्‍येङा ङोंइती जेश्‍शो हना, रिम्‍शो दुम वा।
LUK 12:50 गो श्‍येत का जचा माल्‍नुङ। मेको बेक्‍चा ङा श्‍येत मजङा सम्‍म परमप्रभु यावेम गेशो गेय पाइनुङ। लूका १८:३१; मत्ती २०:२२; मत्ती २६:३८
LUK 12:51 गो रागीमी नेल्‍ल आन कली गारपाइक्‍थ जाक्‍शो बाक्‍नुङ, दे मिम्‍नीनी? तन्‍न गो इन कली फ्राथ कका जाक्‍ती।
LUK 12:52 खिं कामी ५ जना मुर बाक्‍तेक्‍म हना, मेको ५ जना ब्रानीम। सांमी थमा सुइक्‍नीम, निक्‍शीमी थमा मसुइक्‍नीसी। निक्‍शीम थमा सुइक्‍नीसी, सांमी थमा मसुइक्‍नीम।
LUK 12:53 आफोमी थमा सुइक्‍ब, आ तौमी थमा मसुइक्‍ब। मिनु आफ कली आइक्‍च सेल्‍ब। तौमी थमा सुइक्‍ब, आ आफोम थमा मसुइक्‍ब। मिनु आ तौ कली आइक्‍च सेल्‍ब। ममामी थमा सुइक्‍ब, तमीमी थमा मसुइक्‍ब। तमीमी थमा सुइक्‍ब, ममामी थमा मसुइक्‍ब। शिमीमी थमा सुइक्‍ब, चाइमीमी थमा मसुइक्‍ब। चाइमीमी थमा सुइक्‍ब, शिमीमी थमा मसुइक्‍ब। मोपा थुं का पा बाक्‍ने मचाप्‍नीम” दे शेंदीमी बाक्‍त।
LUK 12:54 मिनु मेकेर खुम्‍सीशो शुश मुर आन कली “नां पेरतीकेम गोस्‍स ग्रूमेनु, ‘इच्‍ची ना रेउ यीब’ देंनीनी। मिनु रेउ यीब। मत्ती १६:२-३
LUK 12:55 दक्‍खिन रागी रे फश पवानु ‘मुलाक्‍ती हुप्‍ब’ देंनीनी। मिनु हुप्‍ब।
LUK 12:56 गे कपटीपुकी, सरीङ, रागी कोव़शा, मुल मार दुम्‍बा, दे तुइक्‍नीनी। मुल मार दुम्‍चशो बाक्‍मे, मेको चहिं मारदे मरुप्‍नीनी?
LUK 12:57 तेको गेय पशोमी रिम्‍शो दुम्‍बा, तेको गेय पशोमी मरिम्‍शो दुम्‍बा, मेको मिम्‍ने मचाप्‍नीनी?
LUK 12:58 इन कली दोस गे‍मेनु, दुशा बाक्‍कीन। मारदे हना इन कली दोस गेशा, निसाफ पाइब आ ङोंइती लाइक्‍तेक्‍म हना, मेकोमी इन कली लल पिया आन गुइमी जिम्‍मा गेशा, जेल्‍खानम चोक्‍पाइक्‍नीम। मत्ती ५:२५-२६
LUK 12:59 नोफा दाइश्‍शा नेनीने, मेकोम इन कली नोले ङा लेप्‍तोन सम्‍म मथाप्‍पाइक्‍थु मप्रोंइनीम” दे माइक्‍मी बाक्‍त। लेप्‍तोन का नेल्‍ल क्‍येङा आइक्‍च रोमी आन तांबा के क्‍येट बाक्‍ब।
LUK 13:1 मोपा शेंदीमीनु, आ लोव़ नेंब का निक्‍शीमी “साइ गालील रागी ङा मुरपुकीमी मारेइ मारेइ क्‍योरशा जारदमेनु, पिलातसमी सिपाइ सोइश्‍शा, मेको जारब आन कली क्‍योरपाइश्‍शा, मेको आन जारशो हुश नु ब्‍वाइक्‍ताक्‍व” देंमा बाक्‍त।
LUK 13:2 मिनु येसुमी मेको आन कली “मोपा साइक्‍चा पुंइसीब आन कली रागी ङा मुर क्‍येङा मरिम्‍शो बाक्‍मा बाक्‍त, दे मिम्‍नीनी? ममाइ, मेको इन खोदेंशोन नम। यूहन्‍ना ९:२
LUK 13:3 इन थुं परमप्रभु यावे गे मलेत्‍ताक्‍नी हना, गे यो मोदेंशो पा बेक्‍नीनी।
LUK 13:4 सिलोआमी नेल्‍ल क्‍येङा लाइश्‍शो खिं ब्रेम्‍मेनु, १८ जना चिप्‍शा बेक्‍मा बाक्‍त। मोपा बेक्‍शोपुकी यरूसलेम सहरम बाक्‍ब नेल्‍ल आन क्‍येङा मरिम्‍शो बाक्‍मा बाक्‍त, दे मिम्‍नी‍नी? ममाइ, मेको इन खोदेंशोन नम।
LUK 13:5 इन थुं परमप्रभु यावे गे मलेत्‍ताक्‍नी हना, गे यो मोदेंशो पा बेक्‍नीनी” दे माइक्‍मी बाक्‍त।
LUK 13:6 मिनु कथा सेल्‍शा “मुर कामी पोव़शी रवा का ख्रुमा बाक्‍त। मिनु फल सित्‍ची ना, सिदा कों, दे कोव़थ लमाक्‍त। मिनु कोव़ङानु दा, काइ मसिश्‍शो बाक्‍माक्‍त। मत्ती २१:१९
LUK 13:7 मोपा मसिश्‍शो तशा, आ गेय पाइब कली ‘एको रवा फल मसिप्‍ब। गो बर्स बर्सम खेयप सां कोव़थ जाक्‍ङानु, काइ मसिश्‍शो बाक्‍त। एको रवामी रू ला नेक्‍तु। मोपतीके एको कली तिम्‍शा ताइक्‍तो’ दे मदा बाक्‍त।
LUK 13:8 आ गेय पाइबमी चहिं ‘आं होव़प, मुल बाक्‍ल। बर्स का सम्‍म आ पुं मेर दोशा, मोल कुर पाइनुङ। २पत्रुस ३:९,१५
LUK 13:9 मिनु सित्‍त हना, बाक्‍ल। मसित्‍त हना, तिम्‍शा ताइक्‍चा’ देंमाक्‍त” दे शेंदीमी बाक्‍त। लूका ३:९
LUK 13:10 काबु नाइक्‍तीक नाक्‍ती ग्रुम्‍तीक खिंमी मुर आन कली शेंदीमी बाक्‍त। लूका ६:६-११
LUK 13:11 मेकेर वोलम तशा, १८ बर्स कूंजी दुम्‍शो मीश का मुर बाक्‍माक्‍त। मेको गुर ब्‍वेशो बाक्‍माक्‍त। रिम्‍शो पा राप्‍ने मचाप्‍बाक्‍माक्‍त।
LUK 13:12 मिनु येसुमी मेको मीश मुर कली तशा “एक पिवो” दे ब्रेत्‍ता बाक्‍त। मिनु पिमेनु “आं तमी, कूंजी दुम्‍शो रे प्रोंइतन” देंशा आ गुइ मेको तारी वोदा बाक्‍त।
LUK 13:13 मोपा वोदानु, साशा राम्‍माक्‍त। मिनु ग्‍येरशा परमप्रभु यावे कली ठेयब सेला बाक्‍त।
LUK 13:14 मिनु ग्रुम्‍तीक खिं ङा ठेयब मुरुमी नाइक्‍तीक नाक्‍ती सापाइश्‍शो तशा, आ थुं मनुमाक्‍त। मिनु आ थुं मनुथु, मेकेर बाक्‍ब आन कली “साता कामी ६ नाक्‍त गेय पचा माल्‍ब। काबु नाइक्‍चा माल्‍ब। मिनु नाइक्‍तीक नाक्‍ती गेय पचा मदुम्‍ब। मोपतीके इन रोइ सापाइक्‍चा कली नाइक्‍तीक नाक्‍ती गेनायो मजाक्‍कीन। अरु नाक्‍त जाक्‍कीन” दे हुइक्‍तीमी बाक्‍त। प्रस्‍थान २०:९-१०
LUK 13:15 मिनु प्रभुमी हुइक्‍ब मुर कली “ए कपटी, गे नाइक्‍तीक नाक्‍ती इन ब्‍यफ नु गधा आन कली प्रोंइशा, ब्‍वाक्‍कु मतूपाइक्‍नीनी ङा? लूका १४:५
LUK 13:16 एको मीश मुर अब्राहाम आ तमी बाक्‍ब। सैतानमी एको कली १८ बर्स सम्‍म रोइम गुरपाइश्‍शा वोइश्‍शो बाक्‍त। मिनु एको कली नाइक्‍तीक नाक्‍ती मप्रोंइचा? मसापाइक्‍चा?” दे हुइक्‍ता बाक्‍त। लूका १९:९
LUK 13:17 मोदेंशो लोव़ पवानु, आ कली मरिम्‍शो देंब मुर मुने दोक्‍माक्‍त। मेकेर बाक्‍ब मुर नेल्‍ल येसु आ पशो रिम्‍शो गेय तशा, थाम्‍पा ग्‍येरसमा बाक्‍त।
LUK 13:18 मिनु मेकोमी “परमप्रभु यावे आ राज्‍य दोदेंशो बाक्‍ब देंशा हना,
LUK 13:19 मुर कामी आ रूमी तोरी शोक्‍गा बाक्‍त। मिनु वाशा ठेयब रवा दुम्‍माक्‍त। मेको रवाम चिक्‍बपुकीमी ग्‍योव़ सेल्‍मे बाक्‍त।
LUK 13:20 मिनु परमप्रभु यावे आ राज्‍य दोदेंशो बाक्‍ब देंशा हना,
LUK 13:21 मीश मुर कामी सेआह सां फसीम बोरपाइक्‍ब ओख्‍ती सुप्‍ताक्‍व। मिनु मेको फस नेल्‍ल बोरत” दे शेंदीमी बाक्‍त। सेआह का १३ लिटर गारचा ङा पुक्‍तीके बाक्‍ब। अरु ब्रेक्‍तीकेमी चहिं ७ लिटर पुक्‍तीके बाक्‍ब, दे ब्रेक्‍शो बाक्‍त। सेआह सां ३९ लिटर कि २१ लिटर पुक्‍तीके बाक्‍ब।
LUK 13:22 येसु गाउं सहर ते ते जाक्‍दीम्‍मे, मेक मेक शेंना शेंन यरूसलेम गे ल‍माक्‍त।
LUK 13:23 मिनु मुर कामी “शेंब हजुर, परमप्रभु यावे आ राज्‍य ओव़चा ताइबपुकी का निक्‍शी ला बाक्‍नीमी?” दे हिल्‍लो पवा बाक्‍त
LUK 13:24 मिनु येसुमी “आइक्‍च लाप्‍चो रे ओव़चा मालो। मेकेर रे शुश मुर ओव़चा दाक्‍नीम, तन्‍न ओव़ने मचाप्‍नीम। मत्ती ७:१३-१४
LUK 13:25 मारदे हना खिं ङा मुरुमी लाप्‍चो चोक्‍ब। मिनु जाक्‍शोपुकी लाङगाम राप्‍‍शा ‘ओव़चा गेकी, प्रभु’ दे ब्रेत्‍नीनी। तन्‍न खिं ङा मुरुमी ‘इन कली मतुइक्‍नन्‍नी, ते रे जाक्‍शो ननी?’ देंब। मत्ती २५:११-१२
LUK 13:26 मिनु गेपुकीमी ‘हजुर, गे नु काथा खमे जाइब नकी। आंइ गाउं सहर सहरमी शेंदीनीनु, गो इन लोव़ नेंतक’ देंनीनी। मत्ती ७:२२-२३
LUK 13:27 तन्‍न मेकोमी इन कली ओव़चा मगेथु ‘ते रे जाक्‍नी मतुइक्‍नुङ। मरिम्‍शो पाइबपुकी आं रे पा ङोन लने’ दे खेरब।
LUK 13:28 मोदेंशो पा खेरचा पुंइसीशा, ङाक्‍शा इन ख्रुइ शेप्‍नीनी। मारदे हना इं किकी पिपी अब्राहाम, इसहाक, याकूब नु परमप्रभु यावे आ लोव़ पाइब नेल्‍ल आन कली परमप्रभु यावे आ राज्‍यम ओव़शा, बाक्‍शो ताइनीनी। गे चहिं खेरचा पुंइसीनीनी। मत्ती ८:११-१२
LUK 13:29 मुरपुकी पूर्ब पच्‍छिम उत्तर दक्‍खिन रे जाक्‍शा, परमप्रभु यावे आ राज्‍यम ओव़शा भोज जशा बाक्‍शो ताइनीनी। लूका १४:१५
LUK 13:30 नेल्‍ल आन क्‍येङा नोले दुम्‍शोपुकी ङोंइती दुम्‍नीम। मिनु नेल्‍ल आन क्‍येङा ङोंइती दुम्‍शोपुकी नोले दुम्‍नीम” दे शेंदीमी बाक्‍त।
LUK 13:31 येसुमी शेंना शेंन बाक्‍मेनु, फरिसीपुकी जाक्‍शा, येसु कली “पिप हेरोदम इन कली ग्‍याइश्‍शा साइक्‍चा माल्‍शो बाक्‍ब। मोपतीके एक रे रीब पा लने” देंथ जाक्‍मा बाक्‍त।
LUK 13:32 मिनु येसुमी “लशा, मेको फ्‍याउरे कली ‘मुलाक्‍ती नु दीसा वोल आन कली खेरनुङमी। रोइ पशो मुर आन कली सापाइक्‍नुङमी। मिनु नित्‍थ नाक्‍ती आं गेय थुम्‍नुङ।
LUK 13:33 मुलाक्‍ती, दीसा नु नित्‍थ नाक्‍ती यरूसलेम मेर गाक्‍नुङ। मारदे हना परमप्रभु यावे आ लोव़ पाइबपुकी साइ रेन यरूसलेम सहरम ला खतम दुम्‍नीम’ देनीन” दे सोइक्‍तीमी बाक्‍त।
LUK 13:34 मिनु यरूसलेम कली “ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोव़थीमी आ चितोली आन कली पुप्‍शो खोदेंशो पा, गो शुश खेयप इ आल आन कली पुप्‍चा माल्‍ती, गे चहिं मबिस्‍से। मत्ती २३:३७-३९; लूका १९:४१-४४
LUK 13:35 मुल इ खिं ब्रेश्‍शा मारेइ मलीब। ‘प्रभु आ नेंमी जाक्‍ब ठेयब बाक्‍ब’ मदेंने सम्‍म गे आं कली मताइनेवे” देंमाक्‍त। येरमीया २२:५, भजन संग्रह ६९:२७; भजन संग्रह ११८:२६
LUK 14:1 मिनु काबु नाइक्‍तीक नाक्‍ती मार दुम्‍माक्‍त देंशा हना, येसु फरिसी आ खिंमी खमे जथ लमाक्‍त। मिनु फरिसीपुकीम “मार पाइबा, मार शेंबा” दे योव़की पा बाक्‍मा बाक्‍त। लूका ६:६-११; लूका ११:३७
LUK 14:2 मिनु मेकेर शुश ब्‍वाक्‍कुम ब्रीशा होम्‍शो रोइ पशो मुर का बाक्‍माक्‍त।
LUK 14:3 मिनु मेको रोइ पशो मुर येसु आ ङोंइती बाक्‍मेनु, येसुमी सास्‍त्री नु फरिसी आन कली “नाइक्‍तीक नाक्‍ती सापाइक्‍चा दुम्‍बा, दे मदुम्‍बा?” दे हिल्‍लो पामी बाक्‍त।
LUK 14:4 मेकोपुकीमी आ लोव़ मलेत्‍थु ब्‍वालेइ पा बाक्‍मा बाक्‍त। मिनु येसुमी रोइ पाइब कली थि‍शा, सापाइश्‍शा, आ खिं सोइक्‍ता बाक्‍त।
LUK 14:5 मिनु मेको योव़की पाइब आन कली “नाइक्‍तीक नाक्‍ती इन ब्‍यफ, इन गधा का इनारम बिक्‍त हना, मग्रुंइनीनी ङा?” दे हुइक्‍तीमी बाक्‍त। लूका १३:१५; मत्ती १२:११
LUK 14:6 मिनु मारेइ लोव़ लेन्‍ने मचाप्‍मे बाक्‍त।
LUK 14:7 मिनु मेकेर खमे जथ जाक्‍शो शुशेमी ठेयब लेश्‍शा, ठेयब मुर आन नित्‍तीकेमी नित्‍चा माल्‍शो तशा मत्ती २३:६
LUK 14:8 “जन्‍ती लनीनु, सम्‍दी नित्‍तीकेमी मनिस्‍सीन। हितोपदेस २५:६-७
LUK 14:9 मारदे हना सम्‍दी जाक्‍मेनु, खिं ङा मुरुमी इन कली पोक्‍शा याक्‍पाइक्‍ब। मिनु सम्‍दी नित्‍तीकेमी सम्‍दी कली निप्‍पाइक्‍ब। इन कली चहिं वाइलपुकी नु निप्‍पाइक्‍ब। मिनु मुने दोक्‍नीनी।
LUK 14:10 जन्‍ती लनीनु, वाइल आन नित्‍तीकेम निस्‍सीने। मिनु खिं ङा मुरुमी इन कली वाइल नु निश्‍शो तशा ‘ए जन्‍तीपुकी, एक पिने’ दे ब्रेश्‍शा, इन कली मान पा ठेयब मुर नु निप्‍पाइक्‍ब। मिनु मेकेर बाक्‍बपुकीमी यो इन कली मान पाइ‍नीम।
LUK 14:11 मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०
LUK 14:12 मिनु खमे जथ ब्रेप्‍ब कली “गे जचा तूचा सेल्‍शा मान पा गेवीनु, आंम मुर वारचपुकी नु शोंप पाइश्‍शो मुर आन कली मब्रेत्‍तीमी। मारदे हना इ कली यो लेंशा ब्रेश्‍शा मान पा जचा गेशा, इ देदेङ लेत्‍नीम।
LUK 14:13 भोज पवीनु, प्रुङग आन कली कूंजी कुंजे, नु मिक्‍च मताइब आन कली ब्रेत्‍तीमी। ब्‍यवस्‍था १४:२९
LUK 14:14 मिनु मेकोपुकीमी इ देदेङ लेन्‍ने मचाप्‍नीम। तन्‍न परमप्रभु यावेमी निसाफ पची ना इ पशो नेल्‍ले ताइनेवे” देंमाक्‍त। १कोरिन्‍थी १५:२३; प्रेरित २४:१५
LUK 14:15 मिनु मेकेर बाक्‍ब कामी येसु आ लोव़ नेंशा “सु परमप्रभु यावे आ राज्‍यम ओव़शा, जचा ख्रेत्‍चा पुंइसीबा, मेको ग्‍येरसेक्‍ल” देंमाक्‍त। लूका १३:२९
LUK 14:16 मो देंब कली येसुमी “मुर कामी ठेयब भोज का गेचा कली, शुश मुर आन कली ब्रेत्‍ता बाक्‍त।
LUK 14:17 मिनु जचा तूचा सेल्‍शा, आ गेय पाइब का कली ‘जचा तूचा ठीक पाता। मुल जथ पिन’ दे ब्रेत्‍थ सोइक्‍ता बाक्‍त।
LUK 14:18 मिनु गेय पाइब लशा, खिं कामी जाक्‍दीश्‍शा ‘लो जथ पिने’ देंमेनु ‘गो रू ग्‍याप्‍ता। मुलाक्‍ती कोव़थ लङ देंती। मिनु पिचा मताइनुङ, देंत, देनो’ देंमाक्‍त।
LUK 14:19 मिनु अर्को आ खिंमी जाक्‍दीम्‍मेनु ‘गो ५ हाल ब्‍यफ ग्‍याप्‍ता। मिनु मुलाक्‍त ब्‍वाक्‍शा, कोव़थ लाइनुङ। मोपतीके गो पिचा मताइनुङ, देंत, देनो’ देंमाक्‍त।
LUK 14:20 मिनु अर्को खिं लमेनु, मेकोमी ‘गो ग्‍युंबे पाता। मिनु गो पिचा मताइनुङ’ देंमाक्‍त। का का पा ‘पिचा मताइनुङ’ दे मेको गेय पाइब कली लोव़ लेत्‍मे बाक्‍त। १कोरिन्‍थी ७:३३
LUK 14:21 मिनु गेय पाइबमी मेको लोव़ नेल्‍ल आ होव़प कली शेंदा बाक्‍त। मिनु मेको गाइश्‍शा ‘मो हना गे सहर मेर हिरशा लावो। मिनु प्रुङग, कूंजी कुंजे, मिक्‍च मताइब नु गुइ खोइल मदुक्‍ब आन कली खुप्‍शा चाक्‍मी’ दे सोइक्‍ता बाक्‍त।
LUK 14:22 मिनु ब्रेत्‍थ लशा चाक्‍शा, आ होव़प कली ‘इन देंशो नेल्‍ल पाता, चिनु नित्‍तीकेम मुर मब्रीम’ देंमाक्‍त।
LUK 14:23 मिनु होव़पमी ‘नित्‍तीके मब्रीम सम्‍म मुर आन कली “जाक्‍कीन है, जाक्‍कीन” दे ब्रेश्‍शा चाक्‍मी। मिनु आं खिं ब्रील।
LUK 14:24 ङोंइती आं ब्रेश्‍शो सुइमी मारेइ यो जचा थोव़क थाम्‍चा मतामेक्‍ल’ ” देंमाक्‍त।
LUK 14:25 येसु गाक्‍मेनु, शुश मुरुमी आ नोले खोदमे बाक्‍त। मिनु येसुमी मेको आन कली कोव़शा
LUK 14:26 “सु सु गो नु बाक्‍चा दाक्‍नीमी, मेकोपुकीमी आम आफ, आंम मीश, आंम वोंइश, तमी तौ, लोक्‍बपुकी नु आंम कली यो ममिम्‍थु, आं नोले खोइय्‍यीमील। मारदे हना मेको मिम्‍बपुकीमी आं नोले खोइक्‍ने मचाप्‍नीम। लूका १८:२९-३०; ब्‍यवस्‍था ३३:९; १कोरिन्‍थी ७:२९
LUK 14:27 सु सुमी आन श्‍येत कुरशा, आं कली मखोइक्‍नीमी, मेको आं शेंसीब दुम्‍ने मचाप्‍नीम। लूका ९:२३
LUK 14:28 मार, गेपुकीमी लाइश्‍शो खिं सेल्‍चा क्‍येङा ङोंइती, सेल्‍ने थुम्‍चा कली क्‍येट जाक्‍दीप्‍बा देय मजाक्‍दीप्‍बा, दे हिसाब मपाइनीनी ङा?
LUK 14:29 हिसाब मपथु सेल्‍चा गोशा, खिं सेल्‍ने मथुम्‍थु क्‍येट नुप्‍त हना
LUK 14:30 ‘आ क्‍येट मजाक्‍दीत्‍थु, मार सेल्‍चा गोवा?’ दे शुक्‍शी पाइक्‍चा पुंइसीशा मुने दोक्‍सीब।
LUK 14:31 पिप काम आ बाक्‍शो १० हजार लडाइ पाइब लाइश्‍शा, २० हजार लडाइ पाइब बाक्‍शो पिप नु लडाइ पचा थुं पाप्‍तु हना, मेकोमी ग्राने चाप्‍नुङा देय मचाप्‍नुङा, दे ममिम्‍बा ङा?
LUK 14:32 ग्राने मचाप्‍नुङ, दे मिम्‍ताक्‍व हना, ङोन बाक्‍मानु ‘दुशा बाक्‍य’ दे लोव़सी पचा कली आ मुर सोइक्‍ब।
LUK 14:33 मोदेंशो पा गे यो आं नोले खोइक्‍चा क्‍येङा ङोंइती ‘खोइक्‍ने चाप्‍नुङा देय मचाप्‍नुङा’ दे मिम्‍तीने। गे नु बाक्‍शो मारेइ ममिम्‍थु, आं नोले खोइय्‍यीनी। ममिम्‍थु मचाप्‍नीनी हना, आं शेंसीब दुम्‍ने मचाप्‍नीनी। लूका ९:६२
LUK 14:34 हिक्‍सीम ब्रोव़पाइक्‍ब। तन्‍न आ ङाम्‍चा जाम्‍त हना, मारम मेको कली ङाम्‍पाइक्‍चा। मत्ती ५:१३; मर्कूस ९:५०
LUK 14:35 मेको ना रू कली दुम्‍बा, ना मुर कली दुम्‍बा। मोपतीके मुरुम मेको कली ताइक्‍नीम। सु के नोफा बाक्‍मे, मेकोमी नेनल” दे शेंदीमी बाक्‍त।
LUK 15:1 मिनु शुश तिरो पोक्‍ब नु पापीपुकी येसु आ लोव़ नेंथ जाक्‍मा बाक्‍त।
LUK 15:2 मिनु फरिसी नु सास्‍त्रीपुकीमी तिरो पोक्‍ब नु पापी शुश येसु नु काथा बाक्‍शा जशो तशा “मेको मुरुमी पापी आन कली ब्राइब। पापीपुकी नु काथा बाक्‍शा, खमे जाइब” दे आन थुं मनुथु, लोव़ पामे बाक्‍त। लूका ५:३०; लूका १९:७
LUK 15:3 मिनु येसुमी मेको आन थुं मनुशो तुइक्‍ता बाक्‍त।
LUK 15:4 मिनु “मुर कामी सहे का भेडा थुल्‍शा, मेको आन कली योव़ङानु, भेडा का जाम्‍त हना, मार, मेकोमी लीशो ९९ भेडा आन कली प्रोंइशा, जाम्‍शो कली माल्‍थ मलाइबा ङा? मथिदा सम्‍म माल्‍ना माल्‍न गाक्‍ब। मत्ती १८:१२-१४; लूका १९:१०; इजीकीएल ३४:१२; यूहन्‍ना १०:११-१२
LUK 15:5 मिनु मेको जाम्‍शो भेडा का कली थिश्‍शा, ग्‍येरसीशा, बलाम लाप्‍शा, आ खिं चाक्‍ब।
LUK 15:6 मिनु आ वारच आन कली ‘आं जाम्‍शो भेडा थिश्‍शा चाक्‍ता। मोपतीके नेल्‍ल ग्‍येरसय’ देंब।
LUK 15:7 मारदे हना ९९ परमप्रभु यावे गे लेत्‍चा ममाल्‍शो रिम्‍शो पाइब आन क्‍येङा पापी कामी पाप पचा प्रोंइशो तशा, स्‍वर्गम बाक्‍बपुकी ग्‍येरसीनीम” दे शेंताक्‍मी।
LUK 15:8 मिनु “मार, मीश मुर कामी १० ओटा द्राक्‍मे वोइश्‍शोमी का जाम्‍त हना, बत्ती दाशा, खिं गा, कुना लाङगा नेल्‍ल हिरशा, मथिदा सम्‍म ममाल्‍बा ङा? द्राक्‍‍मे ग्रीक लोव़ बाक्‍ब। मेको देनार का खोदेंशो नाक्‍त का ङा गाल्‍च बाक्‍त। देनार चहिं रोमी लोव़ बाक्‍ब।
LUK 15:9 मिनु थिश्‍शा आ वारच आन कली नु आ नेक्‍था ङा मुर आन कली ब्रेश्‍शा ‘आं के जाम्‍शो द्राकमे का माल्‍शा थित्‍ता। मुल ग्‍येरसाक्‍यी’ देंब।
LUK 15:10 मोपा पापी मुर कामी पाप पचा प्रोंइशा, आ थुं परमप्रभु यावे गे लेत्‍ताक्‍व हना, परमप्रभु यावे आ स्‍वर्ग ङा गेय पाइबपुकी ग्‍येरसीनीम” दे माइक्‍मी बाक्‍त।
LUK 15:11 मिनु लोव़ बोइश्‍शा “मुर का के तौ निक्‍शी बाक्‍सा बाक्‍त।
LUK 15:12 मिनु काबु कान्‍छा तौमी ‘आं आफ अङस योक्‍शा गेयी’ देंमाक्‍त। मिनु आफोमी जेठा नु कान्‍छा आस कली अङस योक्‍शा, गेम्‍सी बाक्‍त।
LUK 15:13 मिनु कान्‍छामी इच्‍का नाक्‍त नोले आ अङस नेल्‍ल खुप्‍शा, क्‍येट नेल्‍ल कुरशा गाक्‍माक्‍त। मिनु जशा, तूशा, तेल्‍लेम पा, जवा ग्‍यारशा, क्‍येट नेल्‍ल थुमा बाक्‍त। हितोपदेस २९:३
LUK 15:14 मिनु मेको रागीमी अन्‍काल दुम्‍माक्‍त। मिनु कान्‍छामी श्‍येत जवा बाक्‍त।
LUK 15:15 मिनु मेको रागी ङा मुर का आ खिंमी गेय पवा बाक्‍त। मिनु मेको मुरुमी कान्‍छा कली पोव़ योव़ब सेला बाक्‍त।
LUK 15:16 मिनु जचा मतथु, शोव़लु बेक्‍शा, पोव़ कली जचा गेशो थोव़की यो जङ खोदेंशो दुम्‍माक्‍त। तन्‍न सुइमी मारेइ जचा मगेमे बाक्‍त। हितोपदेस २३:२१
LUK 15:17 मिनु शुश श्‍येत जशा ‘आं आफ आ खिंमी गेय पाइबपुकीमी रूथ्री जाइनीम। हेंथ्री दुम्‍ब। गो चहिं शोव़लुम बेक्‍चता।
LUK 15:18 मुल गो आं आफ आ खिं लेत्‍नुङ। मिनु आं आफ कली “गो परमप्रभु यावे आ देंशो मटिङ। इन देंशो यो मटिङ। भजन संग्रह ५१:६; येरमीया ३:१२-१३
LUK 15:19 मुल इन तौ देंचा मशिरनुङ। मोपतीके इन गेय पाइब का सेल्‍यीनी” दे माइक्‍नुङ’ दे मिम्‍ता बाक्‍त।
LUK 15:20 मिनु आ आफ आ खिं लेम्‍माक्‍त। मिनु आ आफ आ खिं जाक्‍दीत्‍चावानु, आ आफोमी कान्‍छा कली पिशो तशा, शिशी पा दोरशा लशा मुप्‍शा पुक्‍पु पदा बाक्‍त।
LUK 15:21 मिनु मेकोमी ‘आं आफ, गो परमप्रभु यावे आ देंशो मटिङ। इन देंशो यो मटिङ। मोपा मटितीके पापम ग्रुम्‍ती। इन तौ देंचा मशिरनुङ’ देंमाक्‍त।
LUK 15:22 मिनु आफोमी गेय पाइब आन कली ‘नेल्‍ल क्‍येङा दारशो फेक्‍तीक वा ग्रुंइशा, आं तौ कली फेक्‍तीने। आ गुइमी औंठी लिक्‍तीन। जुत्ता मुइक्‍पतीने।
LUK 15:23 मिनु दोम्‍शो बाछा क्‍योरशा, क्‍येशा जचा तूचा सेल्‍शा, नेल्‍ल ग्‍येरसय।
LUK 15:24 मारदे हना आं बेक्‍शो तौ सेस दुम्‍त। आं जाम्‍शो तौ थित्‍ता’ देंमाक्‍त। मिनु जशा तूशा नेल्‍ले ग्‍येरसमा बाक्‍त। एफिसी २:५
LUK 15:25 मेकोपुकी ग्‍येरसीशा बाक्‍मानु, जेठा तौ रूमी गेय पथ लशो बाक्‍माक्‍त। मिनु लेश्‍शा खिं आ नेक्‍था जाक्‍मेनु, शुश मुर खुम्‍सीशा सिल पा, जशा तूशा ग्‍येरसीशा बाक्‍शो तवा बाक्‍त।
LUK 15:26 मिनु गेय पाइब का कली ‘इं खिंमी मार दुम्‍मे?’ दे हिल्‍लो पवानु,
LUK 15:27 मेकोमी ‘इन लोक्‍ब जाक्‍त। मिनु इन आफोमी जाक्‍शो तशा, ग्‍येरसीशा, दोम्‍शो बाछा क्‍योरपाइक्‍तु’ देंमाक्‍त।
LUK 15:28 मिनु मेको नेल्‍ल नेंशा ‘खिं मओव़नुङ’ दे चुरशा बाक्‍माक्‍त। मत्ती २०:१५
LUK 15:29 मिनु आफोमी लेम्‍शा ‘ओव़ङो, गे यो ग्‍येरसो’ देंमेनु ‘मार ग्‍येरसीनुङा, गो शुश बर्स एको खिं ङा गेय पना पन बाक्‍ती। इन लोव़ नेल्‍ल टिशा बाक्‍ती। गेना हना यो रिम्‍शो ला पाता। तन्‍न आं वारचपुकी नु बाक्‍शा ग्‍येरसीचा कली बोका का यो मगेनी।
LUK 15:30 इन तौ कान्‍छामी इं खिं ङा बाक्‍शो नेल्‍ल लाइश्‍शा, तेल्‍लेम पा थुम्‍तु। मोदेंशो मुर लेश्‍शा जाक्‍मेनु, दोम्‍शो बाछा क्‍योरतीनी। मिनु मचुरनुङा ङा?’ देंमाक्‍त।
LUK 15:31 मिनु आफोमी ‘आं तौ, गे गो नु काथा बाक्‍ते। आं मार मार बाक्‍मा, मेको नेल्‍ल इ के नमी।
LUK 15:32 इ लोक्‍ब चहिं बेक्‍शा रे ब्रोंइत। जाम्‍शो रे थिस्‍साक्‍व। मोपतीके गो नेल्‍ल ग्‍येरसय’ देंमाक्‍त” दे येसुमी शेंदीमी बाक्‍त।
LUK 16:1 काबु येसुमी आ शेंसीब आन कली “क्‍येट थीब मुर कामी आ मार मार बाक्‍मा, मेको नेल्‍ल हिसाब पाइब का कली जिम्‍मा गेशा वोइश्‍शो बाक्‍माक्‍त। मिनु काबु मुरपुकीमी ‘हजुर, इन हिसाब पाइबमी क्‍येट मारेइ मारेइ हेंथे पा थुम्‍तु’ दे शेंदमे बाक्‍त।
LUK 16:2 मिनु क्‍येट थीबमी आ हिसाब पाइब कली ब्रेश्‍शा ‘गेमी आं क्‍येट थुम्‍शा गेयी बाक्‍त। ङोंइती रे ङा दोशो चेमी दोशो थुमी, लो, नेल्‍ल कोंइदी। मुल ङा मेरे इ कली मवोइक्‍नन’ दे मदा बाक्‍त।
LUK 16:3 मिनु मेकोमी ‘आं गेय रोइश्‍शा सोइक्‍ताक्‍यी। मुल गेय मताइनुङ। कोदाली दोने यो मचाप्‍नुङ। पुंइशा जचा कली यो मुने पाइनुङ।
LUK 16:4 मुल मार पचा माल्‍नुङा। गो मेको तुइक्‍नुङ। मुर आन खिं लङानु आं कली दोपा लोव़ पाइनीमी, मेको यो तुइक्‍नुङ’ दे मिम्‍ता बाक्‍त।
LUK 16:5 मिनु मेकोमी आ होव़प आ जेर लाइब आन कली का का पा ब्रेश्‍शा, ङोंइती जाक्‍ब कली ‘गे दोशो, मार लदी?’ दे हिल्‍लो पवा बाक्‍त।
LUK 16:6 मिनु मेकोमी ‘सहे का बाथ जचा तेल लाइश्‍शो नङ’ देंमेनु ‘लो, नक कागज का सेल्‍स। मिनु जोल पा ५० बाथ ला ब्रेक्‍ताक्‍स’ देंमाक्‍त। बाथ का २२ लिटर खोदेंशो बाक्‍ब।
LUK 16:7 मिनु अर्को कली ‘गे दोशो मार लदी’ दे हिल्‍लो पवानु, ‘सहे का कोर चेरब लाइश्‍शो नङ’ देंमेनु ‘लो, नक कागज सेल्‍शा, जोल पा ८० कोर ब्रेक्‍तस’ दे नक कागज का सेल्‍से बाक्‍त। कोर का २२० लिटर बाक्‍ब।
LUK 16:8 मिनु जेर लाइक्‍ब नेल्‍ल आन के नक कागज सेल्‍शा, होव़प कली कोंइदा बाक्‍त। मिनु मेकोमी कोव़शा ‘गे मेको आन कली वारच सेल्‍शा, निप्‍स पाइश्‍शो गेय पा कोंइताक्‍यी’ देंमाक्‍त। रागीमी थमा सुइक्‍ब क्‍येङा थमा मसुइक्‍बपुकीमी निप्‍स पाइश्‍शो गेय पाइनीम। एफिसी ५:८-९
LUK 16:9 मोपतीके गे यो निप्‍स पाइश्‍शो गेय पा वारचपुकी सेलीने। इन शोंप क्‍येट मारेइ मारेइ यो मथीब आन कली शिशी पा गेतीनी हना, परमप्रभु यावेमी इन पशो खोदेंशो पा गेब” देंमाक्‍त। लूका १४:१४; मत्ती ६:२०; मत्ती १९:२१
LUK 16:10 मिनु लेंशा “सुमी थम आइक्‍च गेय कली रिम्‍शो पा पाइबा, मेकोमी ठेयब गेय यो रिम्‍शो पा पाइब। सुम आइक्‍च गेय, दे मरिम्‍शो पा पाइबा, मेकोमी ठेयब गेय यो मरिम्‍शो पा पाइ‍ब। लूका १९:१७
LUK 16:11 मोपतीके गे रागी ङा क्‍येट आ पर्बम जोल पाइब दुम्‍तीनी हना, स्‍वर्ग ङा शोंप दोपा ताइब दुम्‍‍ने चाप्‍नीनी?
LUK 16:12 गे अर्को मुर आन थोव़क आ पर्बम जोल पाइतीनी हना, आंमा इन शोंप इन कली सुम गेबा ङा?
LUK 16:13 गेय पाइब कामी होव़प निक्‍शी आस गेय पने मचाप्‍ब। मारदे हना का आ देंशो टिप्‍तु हना, अर्को कली मटीब दुम्‍ब। का कली दाक्‍ताक्‍व हना, अर्को कली चहिं काइ मदाक्‍ब। मोपतीके गे यो परमप्रभु यावे नु शोंप निक्‍शी आस नोले खोइक्‍ने मचाप्‍नीनी” दे येसुमी शेंदीमी बाक्‍त। मत्ती ६:२४
LUK 16:14 फरिसीपुकीमी क्‍येट नु शोंप दाक्‍बाक्‍मा बाक्‍त। मिनु येसु आ लोव़ नेंशा गाइश्‍शा, शुक्‍शी पामे बाक्‍त।
LUK 16:15 मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्‍नीम। परमप्रभु यावेमी चहिं इन मिम्‍शो नेल्‍ल तुइक्‍ब। मुर आन दातेमी हिक्‍सीशो नेल्‍ले परमप्रभु यावे आ ङोंइती थम आइक्‍च दुम्‍नीम। लूका १८:९-१४
LUK 16:16 साइ ङोंइती रे परमप्रभु यावे आ अरे‍शो लोव़ नु आ लोव़ पाइब आन ब्रेक्‍शो यूहन्‍ना आ पाला सम्‍म शेंताक्‍म। यूहन्‍ना जाक्‍म रे परमप्रभु यावे आ राज्‍य ङा लोव़ नेंपाइक्‍नीम। मिनु शुश मुरुमी मेको लोव़ नेंशा, थमा सुइश्‍शा, परमप्रभु यावे आ राज्‍यम ओव़चा बोल पाइनीम। मत्ती ११:१२-१३
LUK 16:17 परमप्रभु यावेमी ब्रेक्‍पाइश्‍शो लोव़ का यो मग्‍याम्‍ब। मेको ग्‍याम्‍चा क्‍येङा सरीङ नु रागी ग्‍याम्‍ब। मत्ती ५:१८; मत्ती १९:९
LUK 16:18 सुमी आ मीश कली प्रोंइशा, अर्को मीश चाक्‍बा, मेकोमी मीश वोंइश आस नाता ख्रोइश्‍शा, हें‍थे पाइब। सुमी आ वोंइश नु ब्राशा गाक्‍शो मीश चाक्‍बा, मेकोमी यो वोंइश मीश आस नाता ख्रोइश्‍शा, हेंथे पाइब।
LUK 16:19 शुश शोंप पाइश्‍शो मुर का बाक्‍माक्‍त। मेको रिम्‍शो रिम्‍शो फेक्‍शा, ब्रोव़ब्रोव़शो जशा बाक्‍बाक्‍माक्‍त।
LUK 16:20 आ खिं ङा लाङगाम चहिं जचा मतथु, श्‍येत जशो लाजरस माइश्‍शो मुर का गोल्‍शा बाक्‍बाक्‍माक्‍त। मेको रोइ पा आ रां नेल्‍ल गार ग्रूशा राक्‍शो बाक्‍माक्‍त।
LUK 16:21 मेको शोंप पाइश्‍शो मुरुम आ जशो रे खपीम दोक्‍शो जचा ताइनुङा कों, दे आस पा कोव़शा बाक्‍बाक्‍माक्‍त। आ गार कुचुमपुकीमी तुक्‍बाक्‍मा बाक्‍त।
LUK 16:22 मिनु लाजरस शुश श्‍येत जशा बेक्‍माक्‍त। मिनु परमप्रभु यावे आ स्‍वर्ग ङा गेय पाइबमी अब्राहाम आ थुकुमी वोदमे बाक्‍त। मेको नोले शोंप पाइश्‍शो मुर यो बेक्‍शा थिम्‍चा पुंइसे बाक्‍त।
LUK 16:23 मेको शोंप पाइश्‍शो मुर बेक्‍शो मुर आन बाक्‍तीक जाक्‍दीम्‍माक्‍त। मिनु शुश श्‍येत जशा, ङोन रे कोव़ङानु, लाजरस कली अब्राहाम आ थुकुम बाक्‍शो तवा बाक्‍त।
LUK 16:24 मिनु ठेयब सेंदा पा ‘ए, आं आफ अब्राहाम, शिशी पाइय्‍यीनी। मारदे हना गो मीम दुप्‍शा, आं शोव़ सोव़शा बेक्‍चता। लाजरस कली आ ब्रेप्‍चो ब्‍वाक्‍कु ख्रुम्‍शा, ब्‍वाक्‍कु तोक्‍पाइक्‍थ सोइक्‍तीने’ दे ब्रेम्‍माक्‍त।
LUK 16:25 तन्‍न अब्राहाममी ‘ङोंइती थम रिम्‍शो पा बाक्‍ते। लाजरस चहिं शुश श्‍येत जशा बाक्‍त। मुल चहिं लाजरस आ थुं नाइक्‍चा ताप्‍तु, गे चहिं श्‍येत जशा बाक्‍नेवे। लूका ६:२४
LUK 16:26 मोशो ला ममाइ। परमप्रभु यावे आ राज्‍य ङा मुर नरक मलाइनीम। मिनु नरक ङा मुर यो परमप्रभु यावे आ राज्‍यम ओव़चा मताइनीम’ देंमाक्‍त।
LUK 16:27 मिनु मेकोमी ‘आं आफ, सेउ पाइनन्‍नी, खिंमी आं के ५ जना लोक्‍ब बाक्‍नीम।
LUK 16:28 मेको आन कली “इन लोक्‍ब बेक्‍शा, नरक लशा श्‍येत जशा बाक्‍त। आ पशो खोदेंशो मपने। मो पाइतीनी हना, आ खोदेंशो दुम्‍नी” दे माइक्‍थ, लाजरस कली सोइक्‍तीने’ दे सेउ पवा बाक्‍त।
LUK 16:29 मिनु अब्राहाममी ‘परमप्रभु यावेमी मोसा कली ब्रेक्‍पाइश्‍शो लोव़ नु परमप्रभु यावे आ लोव़ पाइब आन ब्रेक्‍पाइश्‍शो लोव़ मेकोपुकी नु बाक्‍नीम। मेको पढेशा नेन्‍मेक्‍ल’ देंमेनु, २तिमोथी ३:१६
LUK 16:30 ‘ममाइ, आ आफ, बेक्‍शो रे सेंसीशो मुर सोइक्‍ताक्‍नी हना ला, मेको आ लोव़ नेंशा टिशा, पाप पचा प्रोंइशा, आन थुं परमप्रभु यावे गे लेत्‍नीम’ दे सेउ पवा बाक्‍त।
LUK 16:31 मिनु अब्राहाममी ‘ममाइ, परमप्रभु यावे आ ब्रेक्‍पाइश्‍शो लोव़ मटिम्‍तेक्‍म हना, बेक्‍शो रे सेंसीशो मुर तशा यो थमा मसुइक्‍नीम’ देंमाक्‍त” दे येसुमी शेंदीमी बाक्‍त।
LUK 17:1 काबु येसुमी आ शेंसीब आन कली “मुरपुकीमी पाप पपाइश्‍शा दाइल पाइक्‍चा गोइनीम। तन्‍न सुइमी अरु आन कली दाइल मपपदल, मारदे हना दाइल पपाइक्‍ब कली शुश मरिम्‍शो दुम्‍ब। मत्ती १८:६-७
LUK 17:2 मेको आ शुरमी यात क्‍युक्‍शा, समुन्‍द्रमी ख्रुम्‍शा साइक्‍चा अरु सजाइ क्‍येङा रिम्‍शो दुम्‍ब।
LUK 17:3 इन कली का का पा शेंनन्‍नी। मिनु नेनीने। इ लोक्‍बमी पाप पाप्‍तु हना, मेको कली ‘मो मपचा’ दे अर्ती गेवो। इ अर्ती नेंशा माफ पुंइतु हना, माफ गेवो। मत्ती १८:१५
LUK 17:4 काबुम ७ खेयप पाप पशा, ७ खेयप माफ पुंइथ जाक्‍त हना यो, ७ खेयप माफ गेवो” दे शेंदीमी बाक्‍त। मत्ती १८:२१-२२
LUK 17:5 मिनु शेंसीबपुकीमी येसु कली “प्रभु, आंइ थमा सुइक्‍तीक थुं बारपा गेकी” दे पुन्‍मे बाक्‍त।
LUK 17:6 मिनु प्रभुमी “रायो गेडा खोइ ला थमा सुइक्‍तीनी हना, इन पने मचाप्‍चा ङा मारेइ मलीब। एको रवा कली ‘शाक्‍श सुन्‍दा दुल्‍शा समुन्‍द्रम याक्‍सो’ देंनीनु, एको रवा यो याक्‍सीब।
LUK 17:7 नेनीने, मिनु मिम्‍तीने। इन गेय पाइब कामी ब्‍यफ वाक्‍शा, कि बी योव़शा, खिं लेश्‍शा जाक्‍मेनु, खमे ख्रेत्‍नीनी ङा? ममाइ।
LUK 17:8 गेमी ‘लो, मी मुइश्‍शा, खमे क्‍येशा थुल्‍यी। मिनु गे यो जावो’ देंनीनी।
LUK 17:9 गेय पाइबमी अरेशो गेय पवानु, आ ठेयब मुरुमी सेवासी गेबा ङा?
LUK 17:10 गेपुकी गेय पाइब ननी। परमप्रभु यावेम इन कली आ गेय पाइब सेल्‍शा, गेय पपाइक्‍तु। मिनु एको गेय पशा ‘परमप्रभु यावे आ देंशो पाइतय। तन्‍न सेवासी गेने मपुंइसय। मारदे हना आ वोइश्‍शो मुर नय’ दे मिम्‍तीने” दे शेंदीमी बाक्‍त। १कोरिन्‍थी ९:१६
LUK 17:11 मिनु यरूसलेम ङा लां खोइश्‍शा, गालील नु सामरीया रागी आन दाते ङा लां लमा बाक्‍त। लूका ९:५१; लूका १३:२२
LUK 17:12 मिनु काबु गाउं का जाक्‍दीम्‍मानु, १० जना कोव़र पशो मुरपुकीमी “येसु पीब” देंशो नेंशा, लां कोव़शा बाक्‍मा बाक्‍त। लेवी १३:४५-४६
LUK 17:13 मिनु मेकोपुकीमी “येसु, शेंब, आंइ कली शिशी पाइक्‍की” दे सेउ पा ब्रेम्‍मा बाक्‍त।
LUK 17:14 मिनु येसुमी मेको आन कली तशा “गेपुकी, चढ़ेब आ ङोंइती लशा, इन साशो रां कोंइदीने” दे सोइक्‍तीमी बाक्‍त। मिनु लना लन लांमीन आन कोव़र सामा बाक्‍त। लूका ५:१४
LUK 17:15 कामी आ रां साशो तशा, फ्रा लेश्‍शा परमप्रभु यावे कली ठेयब सेला बाक्‍त।
LUK 17:16 मिनु दोरशा पिशा, येसु आ ङोंइती बाप्‍शा खुम्‍की पा “प्रभु, गे आं कली रिम्‍शो पाइतीनी” दे सेउ पवा बाक्‍त। मेको सामरीया ङा मुर बाक्‍माक्‍त।
LUK 17:17 मिनु येसुमी “१० जना आन कली सापदुमी ममाइ ङा? अरु ९ जना ते लाग्‍मे?
LUK 17:18 मेको सामरीया ङा मुर ला परमप्रभु यावे कली ठेयब सेल्‍शा ‘गे रिम्‍शो पाइब बाक्‍नीनी’ देंथ जाक्‍मे?” देंमाक्‍त।
LUK 17:19 मिनु “गे रिम्‍शो पाइब बाक्‍नीनी” देंथ जाक्‍ब कली “इ पिया पोक्‍को। आं कली थमा सुइक्‍तीवी। मोपतीके साते” देंशा सोइक्‍ता बाक्‍त। लूका ७:५०
LUK 17:20 मिनु फरिसीपुकीमी येसु कली “परमप्रभु यावे आ राज्‍य जाक्‍चशो गेना तांइसीबा, दोपा तांइसीबा?” दे हिल्‍लो पामे बाक्‍त। मिनु येसुमी “परमप्रभु यावे आ राज्‍य मिक्‍चीम तचा ङा पा मत‍पांइसीब। यूहन्‍ना १८:३६
LUK 17:21 एक जाक्‍त, मेरेक जाक्‍त, दे मदेंनीम। नेनीन, परमप्रभु यावे आ राज्‍य जाक्‍ने थुम्‍शा, गेपुकी नु बाक्‍त” दे शेंदीमी बाक्‍त।
LUK 17:22 मिनु आ शेंसीब आन कली नोले दुम्‍ब लोव़ पा “दोपा मुल रागीम जरमेशो नु काथा बाक्‍चा तनी, मोपा नोले चिनु काथा बाक्‍चा दाक्‍नीनी। तन्‍न काथा बाक्‍चा मताइनीनी।
LUK 17:23 मिनु मुरपुकीमी ‘परमप्रभु यावे आ सोइश्‍शो हुकुम पाइब एक जाक्‍त, मेरेक जाक्‍त, इरी जाक्‍त, उयु जाक्‍त, कोव़थ लय’ देंमानु, मेको थमा मसुइक्‍थु, मेको आन नोले मखोतीन। लूका २१:८
LUK 17:24 रागीम जरमेशोमी चिन्‍ड कोंइशा तपांइसेनु, चिला पवानु, चिलाम नां दाप्‍तीक रे नां पेरतीक सम्‍म थिशो तांइसीशो बाक्‍ब।
LUK 17:25 मोपा तपांइसीचा क्‍येङा ङोंइती शुश श्‍येत जचा माल्‍ब। मारदे हना एको पाला ङा मुरपुकीमी आं कली मब्रथु, आं लोव़ मनेंनीम, थमा मसुइक्‍नीम। लूका ९:२२
LUK 17:26 रागीम जरमेशो जाक्‍मेनु, मुरपुकीमी नोआह आ पालामी पशो खोदेंशो पाइनीम।
LUK 17:27 नोआह ठेयब डोंगाम मओव़म सम्‍म मुरपुकी जशा तूशा, ग्‍युंबे पशा, ग्‍युंबे पांइसीशा बाक्‍मा बाक्‍त। मिनु रेउ यिशा मुर नेल्‍ल बेक्‍मा बाक्‍त।
LUK 17:28 लोत आ पालामी यो मोदेंशो दुम्‍माक्‍त। मुरपुकीमी जचा फेक्‍चा, ग्‍याप्‍चा लेयचा, ख्रुम्‍शा मीमेनु रिक्‍चा नु मार मार सेल्‍चा मिम्‍तमे बाक्‍त। उत्‍पत्ती १९:१५,२४-२५
LUK 17:29 काबु चहिं लोत सोदोम प्रोंइशा प्रोक्‍मेनु, परमप्रभु यावेमी सरीङ रे मी नु बारुक तोक्‍पदा बाक्‍त। मिनु सोदोम सहरम बाक्‍ब नेल्‍ल बेक्‍मा बाक्‍त।
LUK 17:30 रागीम जरमेशो जाक्‍शा तपांइसेनु, नोआह नु लोत आस पालाम दुम्‍शो खोदेंशो दुम्‍ब।
LUK 17:31 में नाक्‍ती बारदलीम बाक्‍बमी खिं गाम मार मार बाक्‍मा, मेको ब्रदीचा ममालीन। रूमी गेय पाइब खिं मलेतीन।
LUK 17:32 लोत आ मीश दोपा बेक्‍मे, मेको मिम्‍तीने। उत्‍पत्ती १९:२६
LUK 17:33 आ गिंम प्रोंइचा माल्‍ब के आ गिंम योल्‍ब। आ गिंम सोइक्‍बमी आ गिंम प्रोंइब। लूका ९:२४
LUK 17:34 मिनु मुर निक्‍शी ब्राख्‍ये कामी इप्‍शो बाक्‍नीस। का लाइक्‍चा पुंइसीब, का प्रोंइशा वोइक्‍चा पुंइसीब।
LUK 17:35 मीश मुर निक्‍शी यात हिल्‍शा बाक्‍नीस। का लाइक्‍चा पुंइसीब, का प्रोंइशा वोइक्‍चा पुंइसीब।
LUK 17:36 वोंइश मुर निक्‍शी रूम गेय पा बाक्‍नीस। का लाइक्‍चा पुंइसीब, का प्रोंइशा वोइक्‍चा पुंइसीब, दे इन कली देंनुङ” दे शेंदीमी बाक्‍त। मत्ती २४:४०
LUK 17:37 मिनु आ शेंसीबपुकीमी “प्रभु, इन देंशो तेकेर दुम्‍बा?” दे हिल्‍लो पामेनु “तेकेर सिनु बाक्‍मे, मेकेरन गिद हिरसीनीम” देंमाक्‍त।
LUK 18:1 मिनु येसुमी आ शेंसीब आन कली “परमप्रभु यावे कली पुंइचा नु ‘गे रिम्‍शो पाइब बाक्‍नीनी’ देंचा गेनायो मप्रोंइचा” दे रुप्‍पाइक्‍चा कली कथा सेला बाक्‍त। १थिस्‍सलोनिकी ५:१७
LUK 18:2 मिनु मेकोमी “सहर कामी निसाफ पाइब का बाक्‍माक्‍त। मेको सुइ नु महिंब बाक्‍माक्‍त। परमप्रभु यावे कली ममिम्‍थु, मुर आन लोव़ यो मनेंथु, आ थुंमी मार पिमे में ला पाइबाक्‍माक्‍त।
LUK 18:3 मेको सहरमी आ वोंइश बेक्‍शो मीश मुर का बाक्‍माक्‍त। मेको मीश मुर मेको निसाफ पाइब आ बाक्‍तीके जाक्‍ना जाक्‍न ‘आं कली दोस गेब आन कली सजाइ गेशा, आं कली ग्रापाइय्‍यीनी’ देंबाक्‍माक्‍त।
LUK 18:4 शुश नाक्‍ती सम्‍म निसाफ पाइबमी मेको कली आ पुंइशो मगेवा बाक्‍त।
LUK 18:5 काबु चहिं ‘परमप्रभु यावे कली मान पा महिंथु, मुर आन लोव़ यो मनेंथु, आं थुंमी मार पिमे में ला पा बाक्‍ती। तन्‍न मेको मीश मुरुम नाक्‍त किंत किंत जाक्‍शा, श्‍येत गेती। मुल आ लोव़ नेंचा ब्रीताक्‍ङ, नेंने यो मदाक्‍ङ। आ देंशो मपाता हना, जाक्‍स ङा जाक्‍स पाइब। मोपतीके मेको आ देंशो मपथु मप्रोंइनुङ’ दे मिम्‍ता बाक्‍त। लूका ११:७-८
LUK 18:6 मेको निसाफ पाइब आ मिम्‍शो मिम्‍तीने।
LUK 18:7 मारदे हना निसाफ पाइब आ पशो खोदेंशो पा परमप्रभु यावेमी आ योव़शो आन कली आन पुंइशो मगेबा ङा? मेकोपुकीमी नाक्‍त किंत किंत पुंइचा मप्रोंइथु बाक्‍नीम। मुल मगेप्‍तु हना, काबु ङा काबु गेब। मिनु ग्रापाइक्‍ब।
LUK 18:8 रागीम जरमेशो तपांइसेनु, थमा सुइश्‍शा, परमप्रभु यावे कली पुंइशा ‘गे रिम्‍शो पाइब बाक्‍नीनी’ देंस ङा देंस बाक्‍शोपुकी ताइबा कों?” दे येसुमी देंमाक्‍त।
LUK 18:9 काबु येसुमी अरु आन कली महिंथु, ठेयब सुंइ‍सीशो आन कली लोव़ पवा बाक्‍त। मेकोपुकीमी “गो आंम पचा माल्शो पा ठीक दुम्‍तक” दे मिम्‍शो बाक्‍मा बाक्‍त। रोमी १०:३
LUK 18:10 मोदेंशो ठेयब सुंइ‍सीब आन कली “मुर निक्‍शी परमप्रभु यावे आ खिंमी परमप्रभु यावे कली प्रार्थना पथ लसा बाक्‍त। का फरिसी बाक्‍माक्‍त, का तिरो पोक्‍ब बाक्‍माक्‍त।
LUK 18:11 फरिसीमी मुर नेल्‍ल आन कली तपांइसीशा, चढ़ेतीक आ नेक्‍था राप्‍शा ‘परमप्रभु यावे, गे रिम्‍शो पाइब बाक्‍नीनी। मारदे हना गो अरु मुर खोदेंशो पा मुर आन मार मार रोइक्‍ब मनङ। गो जोल पाइब यो मनङ। मीश वोंइश आस नाता ख्रोइक्‍ब मनङ। मेरे तिरो पोक्‍ब खोदेंशो पापी मनङ। यसैया ५८:२-३
LUK 18:12 साता कामी खेयप निक्‍शी माइजा बाक्‍नुङ। क्‍येट ताक्‍गुनु, १० भाग ङा भाग का योक्‍शा गेनुङ’ दे प्रार्थना पवा बाक्‍त। मत्ती २३:२३
LUK 18:13 तिरो पोक्‍ब चहिं हारे बाक्‍शा, शुर खुक्‍शा ‘परमप्रभु यावे, गो पापी नङ। शिशी पाइयीनी’ दे प्रार्थना पवा बाक्‍त। भजन संग्रह ५१:१३,१९
LUK 18:14 परमप्रभु यावेमी मेको कली आ पाप क्‍याम्‍शा, ठीक दुम्‍पाइक्‍तु। मिनु ठीक दुम्‍शा, आ खिं लेत्‍त। फरिसी चहिं पाप क्‍याम्‍चा मतव। मारदे हना सुमी ठेयब सुंइ‍सीबा, मेको महिक्‍शो दुम्‍ब। ठेयब मसुंइ‍सीब कली चहिं परमप्रभु यावेमी ठेयब सेल्‍ब” दे येसुमी माइक्‍मी बाक्‍त। मत्ती २१:३१; लूका १४:११; मत्ती २३:१२
LUK 18:15 मिनु मुरपुकीमी येसुमी आल आन कली थिवल, दे चाक्‍ग्‍मेनु, शेंसीबपुकीमी आल चाक्‍ब आन कली हुइक्‍तमे बाक्‍त।
LUK 18:16 तन्‍न येसुमी मेको आन कली ब्रेश्‍शा “आल आन कली आं बाक्‍तीके चाक्‍चा मतेक्‍कीन। मारदे हना परमप्रभु यावे आ राज्‍य आल आन केन बाक्‍ब।
LUK 18:17 नोफा दाइश्‍शा नेनीने, मुरपुकीमी आल आन थुं ङा मिम्‍शो खोदेंशो पा ममिम्‍ताक्‍म हना, परमप्रभु यावे आ राज्‍यम ओव़चा मताइनीम” दे माइक्‍मी बाक्‍त।
LUK 18:18 मिनु ठेयब मुर कामी येसु कली “गे रिम्‍शो शेंब बाक्‍नीनी। गेना हना यो ब्रोंइशा बाक्‍चा कली मार पचा माल्‍नुङा?” दे हिल्‍लो पवानु, लूका १०:२५-२८
LUK 18:19 येसुमी “मारदे आं कली रिम्‍शो मुर, दे माइय्‍‍यीनी? सुइ रिम्‍शो मनमी। परमप्रभु यावे ला रिम्‍शो बाक्‍ब।
LUK 18:20 परमप्रभु यावेम ब्रेक्‍पाइश्‍शो लोव़ तुइक्‍नीनी ‘वोंइश मीश आस नाता मख्रोइक्‍चा, मसाइक्‍चा, खुइ मपचा, सांकछी बाक्‍शोनु जोल मपचा, आम आफ आस कली मान पचा’ ” दे मदा बाक्‍त। प्रस्‍थान २०:१२-१६
LUK 18:21 मिनु मेकोमी “आल रेन मोदेंशो पा पिशो नङ” देंमाक्‍त।
LUK 18:22 मिनु येसुमी “नेल्‍ल पाप्‍तीवी, का चहिं मपवी। इ शोंप नेल्‍ल लेयशा, क्‍येट मथीब आन कली योक्‍शा गेमी। मिनु आं नोले खोइय्‍यी। मिनु इ शोंप स्‍वर्गम बाक्‍ब” देंमाक्‍त। मत्ती ६:२०
LUK 18:23 मिनु येसु आ लोव़ नेंशा, आ थुं खाइक्‍माक्‍त। मारदे हना मेको शुश शोंप पाइश्‍शो मुर बाक्‍माक्‍त।
LUK 18:24 येसुमी मेको आ थुं खाइश्‍शो तुइश्‍शा, मिक्‍च मयाक्‍थु कोव़शा “शुश शोंप पाइश्‍शो मुर परमप्रभु यावे आ राज्‍य ओव़चा गिश श्‍येत बाक्‍मे। लूका १९:९
LUK 18:25 शोंप पाइश्‍शो मुर परमप्रभु यावे आ राज्‍य ओव़ने चाप्‍चा क्‍येङा दालओंठ लूजे आ पोलाम ग्रीने चाप्‍ब” देंमाक्‍त।
LUK 18:26 येसु आ लोव़ नेंबपुकीमी “मो हना सु ओव़चा ताइबा ङा?” देंमा बाक्‍त।
LUK 18:27 मिनु येसुमी “मुर आन पने मचाप्‍शो परमप्रभु यावेमी पने चाप्‍ब” दे माइक्‍मी बाक्‍त।
LUK 18:28 मिनु पत्रुसमी “गोपुकी आंइ खिं प्रोंइशा, इन नोले खोइक्‍तक” देंमाक्‍त।
LUK 18:29 मिनु येसुमी “नोफा दाइश्‍शा नेनीने, सुमी आ खिं, आ मीश, आ वोंइश, आ लोक्‍बपुकी, आम आफ, तमी तौ नु मारेइ मारेइ नेल्‍ल परमप्रभु यावे आ राज्‍य आ पर्बम प्रोंइबा, मेकोमी मुल एको रागीम बाक्‍मेनुन आ प्रोंइशो क्‍येङा शुश ताइब।
LUK 18:30 मोशो ला ममाइ, नोले गेना हना यो परमप्रभु यावे नु बाक्‍चा ताइब” देंमाक्‍त।
LUK 18:31 मिनु येसुमी आ १२ जना शेंसीब आन कली “नेनीने, मुल यरूसलेम लाइनय। मेकेर जाक्‍दीश्‍शो नोले रागीम जरमेशो आ पर्बम साइ परमप्रभु यावे आ लोव़ पाइबपुकीम ब्रेक्‍शो लोव़ नेल्‍ल थमा दुम्‍ब।
LUK 18:32 रागीम जरमेशो अर्को जात ङा मुर आन गुइमी गेचा पुंइसीब। मिनु मेकोपुकीमी शुक्‍शी पा, मेको आ कुलुम तोक्‍नीम।
LUK 18:33 मिनु युक्‍शा, हुश यिपाइक्‍नीम। मिनु नोले साइक्‍नीम। साइश्‍शो आ नित्‍थ नाक्‍त बेक्‍शो रे सेंसीब” दे शेंदीमी बाक्‍त।
LUK 18:34 आ लोव़ नेंशा, मारेइ मरुप्‍मे बाक्‍त। मारदे हना ख्रुइश्‍शो लोव़ बाक्‍माक्‍त।
LUK 18:35 मिनु यरीको सहर आ नेक्‍था जाक्‍दीम्‍मानु, लांमी मिक्‍च मताइब पुंइब मुर का बाक्‍माक्‍त।
LUK 18:36 मेको मिक्‍च मताइबमी शुश मुर लोव़सी पा पिशो नेंशा “सु ननी? ते लनी? मार माल्‍नी?” दे हिल्‍लो पवानु
LUK 18:37 “नासरथ ङा येसु एको लां पित” देंमा बाक्‍त।
LUK 18:38 मिनु मिक्‍च मताइबमी “हे येसु, दाऊद आ तौ, शिशी पाइय्‍यी” दे ब्रेम्‍माक्‍त।
LUK 18:39 मिनु येसु आ ङोंइती गाक्‍बपुकीमी “सिक्‍सी पावो” दे हुइक्‍तमे बाक्‍त। आं चहिं वाइ ब्रेश्‍शा “दाऊद आ तौ, शिशी पाइय्‍यी” देंमाक्‍त।
LUK 18:40 मिनु येसु ख्रा दिक्‍शा “मेरे मिक्‍च मताइब कली एक चाक्‍कीन” देंमाक्‍त। मिनु चाक्‍ग्‍मेनु
LUK 18:41 “इ कली मार पङ? मार पुंइनेवे?” दे हिल्‍लो पवानु “प्रभु, मिक्‍च ताइब सेल्‍यीनी” दे पुना बाक्‍त।
LUK 18:42 मिनु “इ मिक्‍च साल। इ थमा सुइश्‍शोमी साते” दे मदा बाक्‍त।
LUK 18:43 मो मदानु, आ मिक्‍च ब्रा साशा, मिक्‍च ताइब दुम्‍शा, येसु आ नोले खोइश्‍शा, परमप्रभु यावे कली मान पवा बाक्‍त। मेको कली मिक्‍च ताइब दुम्‍शो तशा, मुर नेल्‍लेमी यो परमप्रभु यावे कली ठेयब सेल्‍मे बाक्‍त।
LUK 19:1 मिनु यरीको सहरम जाक्‍दीश्‍शा, बास मबाक्‍चा, दे गाक्‍मा बाक्‍त।
LUK 19:2 मेको सहरमी जक्‍कै नें पाइश्‍शो शुश शोंप पाइश्‍शो तिरो पोक्‍ब ठेयब मुर का बाक्‍माक्‍त।
LUK 19:3 मेकोमी “इं सहरम येसु जाक्‍ब” देंशो नेंशा “गो कोव़थ लाइनुङ” दे मिम्‍ता बाक्‍त। सहर ङा मुरपुकी यो “येसु कली कोव़चा” दे लांमी रिम्‍शा, आ लां कोव़शा बाक्‍मा बाक्‍त।
LUK 19:4 जक्‍कै अरु आन क्‍येङा आइक्‍च बाक्‍माक्‍त। मिनु शुश मुरुमी लांमी रिम्‍शा फारशो तशा, मेको आन ङोंइती लशा, रवा का ङोइश्‍शा कोव़ङा बाक्‍त।
LUK 19:5 मिनु येसु मेको लां पिमेनु, जक्‍कै कली रवाम ङोइश्‍शा बाक्‍शो तशा “ए जक्‍कै, फ्रु तोंइ‍सो। मारदे हना मुलाक्‍दो इ खिंमी बास बाक्‍नुङ” देंमाक्‍त।
LUK 19:6 मिनु जक्‍कै फ्रु तोंइ‍सीशा, ग्‍येरसीशा आ खिं लाइश्‍शा, बास बाक्‍चा गेवा बाक्‍त।
LUK 19:7 मेकोमी मोदेंशो पशो तशा, मेकेर बाक्‍बपुकीमी “मेको पापी आ खिंम ओव़शा बास बाक्‍त” दे आन थुं मनुथु, लोव़ पामे बाक्‍त। लूका १५:२
LUK 19:8 मिनु जक्‍कैमी प्रभु कली खिंम ओंइशा “हे प्रभु, आं शोंप क्‍येट नेल्‍ल उइक्‍थ पा योक्‍शा, मथीब आन कली गेनुङमी। सु सु कली हिम हिम पा मार मार ताक्‍गु, मेको आन कली ४ खेयप तेम्‍शा लेश्‍शा गेनुङमी” देंमाक्‍त। प्रस्‍थान २१:३७; इजीकीएल ३३:१४-१६
LUK 19:9 मिनु येसुमी “थमा पा इ खिंमी बास बाक्‍शो रिम्‍शो दुम्‍त। मारदे हना गे पाप रे ब्रोंइते। इं किकी पिपी अब्राहाम आ तौ बाक्‍ङे बाक्‍त। लूका १३:१६
LUK 19:10 रागीम जरमेशो लां साम्‍शो आन कली लां कोंइथ जाक्‍त” देंमाक्‍त। लूका ५:३२; इजीकीएल ३४:१६; १तिमोथी १:१५
LUK 19:11 मिनु यरूसलेम आ नेक्‍था जाक्‍दीम्‍मा बाक्‍त। मिनु शुश मुरुमी “यरूसलेम जाक्‍दीश्‍शा नोले येसु पिप दुम्‍ब। मिनु परमप्रभु यावे आ राज्‍य पशो तांइसीब” दे मिम्‍शो बाक्‍मा बाक्‍त। येसुमी मेको आन मिम्‍शो तुइश्‍शा कथा सेल्‍शा
LUK 19:12 “खेयप का ठेयब मुर का पिप रे सासन पतीक ताक्‍चा कली ङोन रागी लचा चिक्‍शो बाक्‍माक्‍त।
LUK 19:13 मिनु मेकोमी ‘गो शुश नाक्‍ती खिंम मबाक्‍नुङ’ दे तुइश्‍शा, लचा ङोंइती आ गेय पाइब १० जना मुर आन कली ब्रेश्‍शा, का का पा मीना का का गेशा ‘एको क्‍येटम खेलो पने। नोले जाक्‍ङानु, लेश्‍शा गेयीनी’ दे गाक्‍माक्‍त। मीना का १०० देनार बाक्‍ब। देनार का नाक्‍त का ङा गाल्‍च बाक्‍माक्‍त। देनार रोमी आन चांदी के क्‍येट बाक्‍माक्‍त। मत्ती २०:२
LUK 19:14 मेको मुर गाक्‍म नोले मेको रागी ङा मुरपुकीमी ‘मेको मुर आंइ कली सासन पाइब मदुम्‍ल’ दे लोव़ कुरब मुर मेको पिप आ बाक्‍तीक सोइक्‍तमे बाक्‍त। मारदे हना मेको कली मदाक्‍बाक्‍मा बाक्‍त। यूहन्‍ना १:११
LUK 19:15 मो हना यो मेकोमी सासन पतीक अधिकार ताक्‍शा, खिं लेम्‍माक्‍त। मिनु जाक्‍शा, आ गेय पाइब आन कली ब्रेश्‍शा, आ ङोंइती राप्‍पाइश्‍शा ‘आं गेशो क्‍येटमी मार पनी? गिश सेल्‍नी?’ दे हिल्‍लो पवा बाक्‍त।
LUK 19:16 मिनु ङोंइती ङा जाक्‍शा ‘आं होव़प, इन गेशो क्‍येटमी, मार मार ग्‍याप्‍शा लेयशा, अर्को १० मीना चेम्‍ता’ देंमाक्‍त।
LUK 19:17 ‘गे रिम्‍शो गेय पाइब बाक्‍ते, आइक्‍च गेयमी रिम्‍शो पाप्‍तीवी। मोपतीके १० ओटा सहर कली अधिकार पाइब सेल्‍नन’ देंमाक्‍त। लूका १६:१०
LUK 19:18 मिनु मेको नोले अर्को जाक्‍शा ‘आं होव़प, इन गेशो क्‍येटमी ग्‍याप्‍शा लेयशा, अर्को ५ मीना चेम्‍ता’ देंमाक्‍त।
LUK 19:19 मिनु मेकोमी ‘इ कली यो ५ ओटा सहर कली अधिकार पाइब सेल्‍नन’ देंमाक्‍त।
LUK 19:20 मिनु मेको आ नोले अर्को जाक्‍शा ‘आं होव़प, इन क्‍येट एकेर बाक्‍त। गो मेको वाम गिल्‍शा ख्रुइश्‍शा वोइक्‍ता।
LUK 19:21 गो इन क्‍येङा हिंती। मारदे हना गे हिंचा ङा होव़प बाक्‍नीनी। इन मगेशो थोव़क ताक्‍नीनी। इन मशोक्‍शो खुप्‍नीनी’ देंमाक्‍त।
LUK 19:22 मिनु ठेयब मुरुमी ‘गो इ लोव़म इ कली निसाफ पाइनुङ। आं देंशो मटीब गेय पाइब बाक्‍नेवे। मार मगेङा, मेको ताक्‍नुङ। मार मशोक्‍गु, मेको खुप्‍‍नुङ। गो मरिम्‍शो मुर नङा दे गे तुइश्‍शोन नवे?
LUK 19:23 गे मारदे मेको क्‍येट वोइक्‍तीक खिंमी मवोदी? गो मेको आ चाइक्‍ब तङ वा’ देंमाक्‍त।
LUK 19:24 मिनु मेकेर बाक्‍ब आन कली ‘मेको आ क्‍येट रोइश्‍शा १० मीना चेम्‍ब कली गेने’ देंमाक्‍त।
LUK 19:25 मिनु मुरपुकीमी ‘हजुर, मेको नु १० मीना सुन बाक्‍ब’ देंमा बाक्‍त।
LUK 19:26 मिनु मेकोमी ‘सु नु बाक्‍मे, मेको तेम्‍शा गेचा पुंइसीब। सु नु मबाक्‍मे, मेको के बाक्‍शो यो रोइक्‍चा पुंइसीब। लूका ८:१८; मत्ती १३:१२
LUK 19:27 तन्‍न आं कली मटीब आं जोरी सत्रु आन कली चहिं ग्‍याइश्‍शा चाक्‍शा आं ङोंइती क्‍योरशा सतीन’ देंमाक्‍त” दे शेंदीमी बाक्‍त।
LUK 19:28 मिनु मेको लोव़ नेल्‍ल शेंने थुम्‍शा, यरूसलेम मेर लमा बाक्‍त।
LUK 19:29 मिनु जैतून डांडा जाक्‍दीम्‍मा बाक्‍त। मेको डांडा आ आइदी बेथफागे नु बेथानी गाउं निक्‍शी बाक्‍सा बाक्‍त।
LUK 19:30 मेको गाउं आ नेक्‍था जाक्‍दीश्‍शा, येसुमी आ शेंसीब निक्‍शी आस कली “मेरे गाउं लसे। मिनु गाउं ओव़सीनु, सुइमी मङोइश्‍शो गधा आ चाइक्‍ब का पाइश्‍शो थित्‍नीसी। मेको कली प्रोंइशा चाक्‍कीसे।
LUK 19:31 मुरपुकीमी ‘मारदे प्रोंइशा लाइक्‍सी?’ दे हिल्‍लो पाम्‍तेक्‍म हना ‘प्रभु कली माल्‍ताक्‍व’ दे मतीसे” दे माइश्‍शा, सोइक्‍तीम्‍सी बाक्‍त।
LUK 19:32 मिनु लसानु, येसुमी देंशो खोदेंशो पा गधा पाइश्‍शा वोइश्‍शो थित्‍से बाक्‍त।
LUK 19:33 मिनु प्रोन्‍सेनु, गधा आ होव़पमी “गधा मारदे प्रोंइसी?” दे हिल्‍लो पवा बाक्‍त।
LUK 19:34 मिनु मेको निक्‍शीमी “प्रभु कली माल्‍ताक्‍व” देंसा बाक्‍त।
LUK 19:35 मिनु लाइश्‍शा येसु आ बाक्‍तीकेम चाक्‍दीत्‍से बाक्‍त। मिनु येसु आ शेंसीबपुकीमी गधा तारी आन वा ब्रशा, येसु कली ङोइक्‍पदमे बाक्‍त।
LUK 19:36 मिनु गाक्‍मा बाक्‍त। मिनु मुरपुकीमी आन फेक्‍शो वा लांमी ब्रामे बाक्‍त।
LUK 19:37 मेको जैतून डांडा लाक्‍शा ब्रुम्‍मा बाक्‍त। येसुमी शुश छक लाक्‍चा ङा गेय पतीके मुर नेल्‍ल थाम्‍पा ग्‍येरशा, कुम्‍सो पा परमप्रभु यावे कली ठेयब सेल्‍ना सेल्‍न,
LUK 19:38 “परमप्रभु यावे आ नेंमी जाक्‍ब पिप ठेयब बाक्‍ब। सरीङम यो ग्‍येरसमल। इर ङा नेल्‍ल रिम्‍शो दुम्‍ल” दे रेयके पामे बाक्‍त। भजन संग्रह ११८:२६; लूका २:१४
LUK 19:39 मेकेर फरिसी का निक्‍शी यो बाक्‍मा बाक्‍त। मेकोपुकीमी येसु कली “इन शेंसीब आन कली हुइक्‍तीन” देंमा बाक्‍त।
LUK 19:40 तन्‍न येसुमी “एकोपुकीमी सिक्‍सी पाम्‍तेक्‍म हना, फुल्‍लुमी यो रेयके पचा गोइनीम” देंमाक्‍त।
LUK 19:41 मिनु यरूसलेम सहर आ नेक्‍था जाक्‍शा, सहर तांइसेनु, येसु मेको सहर आ पर्बम ङाक्‍शा
LUK 19:42 “थुं नाइक्‍तीक ते रे जाक्‍बा, दे तुइक्‍ती हना दुम वा। तन्‍न मुल मेको इ ङोंइती रे ख्रुइश्‍शो बाक्‍ब। लूका १३:३४; मत्ती १३:१३,१४
LUK 19:43 नोले इ जोरी सत्रु बोक्‍शा, इ कली एर ओंथ रे पुम्‍शा, तेइ लचा मगेथु, गारो ङोइक्‍नीम।
LUK 19:44 मेकोपुकीमी इ कली नु इ आल आन कली खपीम राप्‍नीम। मेकेर फुल्‍लु का सम्‍म ख्रोप्‍शा मलीनीम। मारदे हना गे इ कली ग्रुम्‍थ जाक्‍ब कली मतुइक्‍ती” देंमाक्‍त। लूका २१:६
LUK 19:45 मिनु येसु सहरम जाक्‍दीश्‍शा, परमप्रभु यावे आ खिं लमाक्‍त। मिनु मार मार लेयब आन कली खेरा बाक्‍त।
LUK 19:46 मिनु येसुमी मेको आन कली “परमप्रभु यावे आ लोव़मी ‘आं खिं आं कली प्रार्थना पचा कली बाक्‍ब’ दे ब्रेक्‍शो बाक्‍ब। तन्‍न गेपुकीमी चहिं खुइ आन बाक्‍तीक पुक्‍खी सेल्‍तीनी” दे हुइश्‍शा खेरमी बाक्‍त। यसैया ५६:७; येरमीया ७:११
LUK 19:47 मिनु येसुमी परमप्रभु यावे आ खिंमी बाक्‍शा, नाक्‍त किंत किंत मुर आन कली शेंदीमी बाक्‍त। ठेयब चढ़ेब, सास्‍त्री नु ठेयब मुरपुकीमी येसु कली साइक्‍चा माल्‍मे बाक्‍त।
LUK 19:48 तन्‍न मेकोपुकीमी येसु कली मारेइ दोस गेने मचाप्‍मे बाक्‍त। मारदे हना मुर नेल्‍लेमी येसु आ शेंशो थाम्‍पा नोफा दाइश्‍शा नेंन्‍मे बाक्‍त।
LUK 20:1 मिनु काबु येसुमी परमप्रभु यावे आ खिंमी बाक्‍शा, मुर आन कली ग्‍येरपाइक्‍तीक लोव़ शेंना शेंन बाक्‍मेनु,
LUK 20:2 ठेयब चढ़ेब, सास्‍त्री नु जोक्‍ब तुइक्‍ब खाल्‍पापुकीमी “तेको अधिकारमी मोदेंशो पवी? इ कली अधिकार गेब सु बाक्‍बा, लो देन” देंमा बाक्‍त।
LUK 20:3 मिनु येसुमी “गो इन कली लोव़ का हिल्‍लो पाइनुङ। मिनु आं हिल्‍लो पशो लोव़ लेत्‍तीने।
LUK 20:4 यूहन्‍नामी मुर आन कली ब्‍वाक्‍कुम ख्रुम्‍शा ग्रुंइतीक अधिकार स्‍वर्ग रे तवा देय मुरपुकी रे तवा?” दे हिल्‍लो पामी बाक्‍त।
LUK 20:5 मिनु मेकोपुकीमी “स्‍वर्ग रे तवा बाक्‍त देंतय हना, मो हना यूहन्‍ना आ लोव़ मारदे थमा मसुइक्‍नी? देंब। लूका ७:२९-३०
LUK 20:6 मुरपुकी रे तवा बाक्‍त देंतय हना, एकेर बाक्‍बपुकीमी इं कली फुल्‍लु आप्‍शा साइक्‍नीम। मारदे हना यूहन्‍ना परमप्रभु यावे आ लोव़ पाइब बाक्‍त, दे थमा सुइक्‍ब बाक्‍नीम” दे शुश मिम्‍शा लोव़सी पामे बाक्‍त।
LUK 20:7 मिनु शुश मिम्‍शा “यूहन्‍ना कली अधिकार सुमी गेवा सुम? गो मतुइक्‍नीकी” देंमा बाक्‍त।
LUK 20:8 मिनु येसुमी “मो हना तेको अधिकारमी एको गेय पङा, गो यो मशेंनन्‍नी” दे माइक्‍मी बाक्‍त।
LUK 20:9 मिनु मुर आन कली कथा सेल्‍शा “मुर कामी ठेयब रूमी अङगुर ख्रुमा बाक्‍त। मिनु नोले ‘गो रागी हिरथ लाइनुङ’ दे मिम्‍शा, आ रू बुम्‍था पाइब आन कली गेशा वोदा बाक्‍त। मिनु लशा, शुश नाक्‍त मलेम्‍माक्‍त।
LUK 20:10 अङगुर मीशा सेक्‍ची जाक्‍मेनु, होव़पमी आ गेय पाइब का कली ‘अङगुर योक्‍शा चाक्‍को’ दे ब्रथ सोइक्‍ता बाक्‍त। मिनु गेय पाइब जाक्‍दीम्‍मेनु, बुम्‍था पाइबपुकीमी तुप्‍शा, श्‍येत्‍थ सोइक्‍तमे बाक्‍त। २इतिहास ३६:१५-१६
LUK 20:11 मिनु लेंशा अर्को गेय पाइब का कली सोइक्‍ता बाक्‍त। मेको कली तुप्‍शा मुने तोक्‍शा, श्‍येत्‍थ सोइक्‍तमे बाक्‍त।
LUK 20:12 मोपा यो लेंशा गेय पाइब का कली सोइक्‍ता बाक्‍त। मेको कली यो हुश यिथ्री तुप्‍शा खेरमे बाक्‍त।
LUK 20:13 मिनु नोले ‘मार पङ? मुल आं दाक्‍शो तौ कली सोइक्‍नुङ। मेको कली तशा मान पाइनीमी कों?’ दे मिम्‍ता बाक्‍त। मिनु आ तौ कली सोइक्‍ता बाक्‍त।
LUK 20:14 मिनु बुम्‍था पाइबपुकीमी आ तौ कली पिशो तशा ‘एको हक ताइब बाक्‍ब। लो, साइय्‍‍य। मिनु रू, अङगुर नेल्‍ल इं केन दुम्‍ब’ देंशा गारमा बाक्‍त।
LUK 20:15 मिनु रू रे ग्रुंइशा सदमे बाक्‍त। रू आ होव़पमी मोदेंशो पाइब आन कली मार पाइबा?
LUK 20:16 जाक्‍शा मेको बुम्‍था पाइब आन कली साइक्‍ब। मिनु आ रू अरु आन कली गेब” दे शेंदीमी बाक्‍त। आ लोव़ नेंबपुकीमी मेको कथा नेंशा “मोदेंशो मदुम्‍ल” देंमा बाक्‍त।
LUK 20:17 मिनु येसुमी आ लोव़ नेंब आन कली मिक्‍च मयाक्‍थु कोव़शा “परमप्रभु यावेमी ब्रेक्‍पाइश्‍शो एको लोव़ रे मार रुम्‍सीबा, लो देनीन ‘खिं सेल्‍बपुकीमी गारो प्रोव़ङमेनु, एको फुल्‍लु मगार’ दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त। भजन संग्रह ११८:२२
LUK 20:18 सु मेको फुल्‍लु तारी थिप्‍बा, मेको खतम दुम्‍ब। मेको फुल्‍लुम सु कली चिप्‍ता, मेको फस दुम्‍ब” दे शेंदीमी बाक्‍त। दानीएल २:३४,३५,४४,४५
LUK 20:19 मिनु ठेयब चढ़ेब नु सास्‍त्रीपुकीमी “इं कली कका एको कथा देंमाक्‍त” दे रुप्‍शा चुरशा, येसु कली ग्‍याइक्‍पाइक्‍चा माल्‍मे बाक्‍त। तन्‍न शुश मुरुमी आ लोव़ नेंशो तशा हिंमा बाक्‍त।लूका १९:४८
LUK 20:20 सास्‍त्री नु ठेयब चढ़ेबपुकीमी मुर योव़शा, येसु आ थुं नाक्‍शा, आ लोव़ खुइ पथ सोइक्‍तमे बाक्‍त। मारदे हना दोस गेशा हुकुम पाइब आ गुइमी गेचा माल्‍शो बाक्‍मा बाक्‍त। मेको सोइश्‍शोपुकीमी येसु आ लोव़ नेंशा, थमा सुइश्‍शो खोदेंशो प‍खु पामे बाक्‍त। लूका ११:५४; लूका २३:२
LUK 20:21 मिनु मिलो शिलो पा “शेंब, गे रिम्‍शो शेंनीनी। सुइ कली तशा महिंथु, मुर आन कुल मकोव़थु, परमप्रभु यावे आ लोव़ थमा पा शेंनीनी। मुल लोव़ का शेंदीकी,
LUK 20:22 मार लोव़ देंशा हना, पिप सिजर कली तिरो थाप्‍चा माल्‍बा देय मथाप्‍थु यो दुम्‍बा?” दे हिल्‍लो पखु पा, लोव़ ख्राइक्‍पाइक्‍चा माल्‍मे बाक्‍त।
LUK 20:23 मिनु येसुमी मेको आन थुं ङा लोव़ तुइश्‍शा
LUK 20:24 “देनार का कोंइदीनी। एको सु का आ नेंमी ख्रोइश्‍शो बाक्‍मे?” देंमेनु “सिजर आ नेंमी ख्रोइश्‍शो बाक्‍त, हजुर” देंमा बाक्‍त। देनार का चांदी के क्‍येट बाक्‍त। मेको नाक्‍त का ङा गाल्‍च बाक्‍त।
LUK 20:25 मिनु प्रभु येसुमी “मो हना पिप सिजर आ मार मार बाक्‍मे, मेको सिजर कली गेने। परमप्रभु यावे आ मार मार बाक्‍मे, मेको परमप्रभु यावे कली गेने” देंमाक्‍त। रोमी १३:१,७
LUK 20:26 मिनु मेकेर देल्‍शो मुर आन ङोंइती आ लोव़ ख्राइक्‍पाइश्‍शा मारेइ दोस गेने मचाप्‍मे बाक्‍त। आ लोव़ लेश्‍शो नेंशा छक लाक्‍शा सिक्‍सी पामे बाक्‍त।
LUK 20:27 मिनु सदुकीपुकी जाक्‍मा बाक्‍त। सदुकीपुकीमी “मुर बेक्‍शो रे मसेंसीनीम” दे शेंबाक्‍मा बाक्‍त।
LUK 20:28 मेको जाक्‍बपुकीमी येसु कली “शेंब, मोसामी ब्रेक्‍शो लोव़मी ‘मुर का आल मथिथु बेक्‍त हना, आ लोक्‍बमी आ भोग्‍यु वोंइसीशा, आ दाग्‍यु आ पा ङा खिं ङा मुर मजाम्‍मल, दे तमी तौ थिल’ दे ब्रेक्‍शो बाक्‍ब। ब्‍‍यवस्‍था २५:५-६
LUK 20:29 साइ ७ जना लोक्‍ब बाक्‍मा बाक्‍त। मिनु जेठाम ग्‍युंबे पवा बाक्‍त। मिनु आल मथिथु बेक्‍माक्‍त।
LUK 20:30 मिनु माइलामी आ भोग्‍यु वोंइसे बाक्‍त। मिनु मेको यो आल मथिथु बेक्‍माक्‍त।
LUK 20:31 मिनु साइलाम आ भोग्‍यु वोंइसे बाक्‍त। मेको यो आल मथिथु बेक्‍माक्‍त। मोदेंशो पा ६ जनामी आन भोग्‍यु वोंइसीशा, आल मथिथु बेक्‍मा बाक्‍त।
LUK 20:32 नोले मेको मीश मुर यो बेक्‍माक्‍त।
LUK 20:33 मुर बेक्‍शो रे सेंसीशा ब्रोंइमानु, मेको ७ जना वोंइश आन मीश दुम्‍शो मीश मुर तेको आ मीश दुम्‍बा?” दे हिल्‍लो पामे बाक्‍त।
LUK 20:34 मिनु येसुमी मेको आन कली “एको रागीमी बाक्‍मानु, मुरपुकीमी ग्‍युंबे पांइसीनीम। ग्‍युंबे पा गेनीम।
LUK 20:35 तन्‍न बेक्‍शो रे सेंसीशा परमप्रभु यावे नु बाक्‍चा शिरशोपुकी ग्‍युंबे मपांइसीनीम, ग्‍युंबे पा यो मगेनीम।
LUK 20:36 मेकोपुकी गेनायो मबेक्‍ब दुम्‍शो बाक्‍नीम। बेक्‍शो रे सेंसीशा, परमप्रभु यावे आ स्‍वर्ग ङा गेय पाइबपुकी खोदेंशो दुम्‍नीम। मेकोपुकी परमप्रभु यावे आ तमी तौ बाक्‍नीम। १यूहन्‍ना ३:१-२
LUK 20:37 बेक्‍शो रे सेंसीशा ब्रोंइचा तांइसीब, दे इं किकी पिपी मोसामी अरु आन कली तुइक्‍पदा बाक्‍त। दोपा तुइक्‍पदा बाक्‍त देंशा हना, परमप्रभुमी मोसा कली मी ब्रशो बुटा रे तपांइसेनु, मोसामी परमप्रभु यावे कली ‘गे अब्राहाम, इसहाक नु याकूब आ परमप्रभु यावे ननी’ दे ब्रेत्‍ता बाक्‍त। प्रस्‍थान ३:६
LUK 20:38 परमप्रभु यावे बेक्‍शो मुर आन परमप्रभु ममाइ। ब्रोंइशो आन परमप्रभु यावे बाक्‍ब। मारदे हना परमप्रभु यावे आ ङोंइती नेल्‍ल ब्रोंइशो बाक्‍नीम” देंमाक्‍त। रोमी १४:८
LUK 20:39 मिनु सास्‍त्री का निक्‍शीमी “शेंब, गे रिम्‍शो शेंताक्‍नी” देंमा बाक्‍त।
LUK 20:40 मारदे हना सदुकीपुकीमी लेंशा हिल्‍लो पचा हिंशा सिक्‍सी पामे बाक्‍त।
LUK 20:41 मिनु येसुमी मेकेर बाक्‍ब आन कली “ख्रीस्‍त दाऊद आ तौ बाक्‍ब, दे दोपा देंनीमी?
LUK 20:42 मारदे हना दाऊद आ ब्रेक्‍शो भजन संग्रह माइश्‍शो कुम्‍सो किताबम
LUK 20:43 ‘प्रभुमी आ प्रभु कली इ जोरी सत्रु आन कली इ खोइल थेक्‍तीके मसेलु सम्‍म आं ग्‍युरा गे बाक्‍को’ दे ब्रेक्‍ताक्‍व। भजन संग्रह ११०:१
LUK 20:44 दाऊदमी मेको कली ‘प्रभु’ देंब। मिनु दोपा आ तौ दुम्‍मे? लो, देनीन” देंमाक्‍त।
LUK 20:45 मेकेर बाक्‍ब शुश मुरुमी येसु आ लोव़ नेन्‍मे बाक्‍त। मिनु येसुमी आ शेंसीब आन कली
LUK 20:46 “लाइश्‍शो वा फेक्‍शा एर ओंथ गाक्‍ब, बजार मेर गाक्‍मानु, सेउ ताक्‍चा दाक्‍ब, ग्रुम्‍तीक खिं लशा, ठेयब नित्‍तीकेम नित्‍चा दाक्‍ब नु भोजमी लशा, मान ताइब आन नित्‍तीकेम नित्‍चा माल्‍ब, सास्‍त्री आन कली तशा होस पा बाक्‍कीन। लूका ११:४३
LUK 20:47 मेकोपुकीमी वोंइश बेक्‍शो मीश मुर आन खिं रोइक्‍नीमी, दुइश्‍शो प्रार्थना पा कोंइखु पाइनीम। मोदेंशो पाइबपुकी अरु आन क्‍येङा शुश सजाइ ताइनीम” देंमाक्‍त।
LUK 21:1 मिनु नोले येसुमी शोंप पाइश्‍शो मुरपुकीमी भेटी चढ़ेशो तवा बाक्‍त।
LUK 21:2 आ वोंइश बेक्‍शो मारेइ मथीब प्रुङग मीश मुरुमी जाक्‍शा, लेप्‍तोन निक्‍शी चढ़ेशो यो तवा बाक्‍त। लेप्‍तोन (ग्रीक लोव़) नेल्‍ल क्‍येङा आइक्‍च तांबा के क्‍येट बाक्‍त।
LUK 21:3 मिनु येसुमी “नोफा दाइश्‍शा नेनीने, नेल्‍लेमी चढ़ेशो क्‍येङा एको प्रुङग मीश मुरुमी शुश चढ़ेप्‍तु।
LUK 21:4 मारदे हना आ बाक्‍शो नेल्‍ल गेप्‍तु। अरुमी चहिं आन गाप्‍शो रे गेम्‍तेक्‍म” देंमाक्‍त। २कोरिन्‍थी ८:१२
LUK 21:5 काबु मुरपुकीमी “परमप्रभु यावे आ खिं ठेयब नु दारशो सेल्‍शो बाक्‍त” देंमा बाक्‍त।
LUK 21:6 मिनु येसुमी “एको खिं मुल ठेयब नु दारशो सेल्‍शो ताइतीनी। नोले नेल्‍ल ब्रेश्‍शा, फुल्‍लु का यो ख्रोप्‍शा मलीब” देंमाक्‍त। लूका १९:४४
LUK 21:7 मिनु मुरपुकीमी “शेंब, इन देंशो लोव़ गेना दुम्‍बा? मेको दुम्‍चशो चिन्‍ड दोपा तांइसीबा?” दे हिल्‍लो पामे बाक्‍त।
LUK 21:8 मिनु येसुमी “सुइमी इन थुं मक्‍याल्‍मेक्‍ल, दे होस पा बाक्‍कीन। मारदे हना शुश मुरपुकीमी आं नें ब्रशा ‘गो मेको नङ। गो मेको नङ देंतीक नाक्‍त नेक्‍था जाक्‍शो बाक्‍ब’ दे शेंनीम। मो देंब आन लोव़ थमा मसुइक्‍थु, आन नोले मखोतीन।
LUK 21:9 लडाइ दुम्‍शो, जुलुस बोक्‍शो लोव़ शुश नेंनीनी। मेको लोव़ नेंशा महिनीन। मोदेंशो दुम्‍चा माल्‍ब। मिनु इच्‍का नोले ला रागी नुप्‍ची नाक्‍त जाक्‍ब” देंमाक्‍त।
LUK 21:10 मिनु लोव़ बोइश्‍शा “जात जात नु राज्‍य राज्‍य लडाइ पाइनीम।
LUK 21:11 ठेयब ख्रिनु कुइब। रागी रागीमी ठेयब अन्‍काल दुम्‍ब। शुश मुर रोइ पा बेक्‍नीम। हिंचा ङा श्‍येत जाक्‍नीम। सरीङम ठेयब चिन्‍ड तांइसीनीम।
LUK 21:12 मो दुम्‍चा क्‍येङा ङोंइती थमा सुइक्‍ब इन कली खेदा पा ग्‍याइक्‍नीमी। मिनु ग्‍याइश्‍शा, आन ग्रुम्‍तीक खिंम लाइश्‍शा दोस गेशा, जेल्‍खानमी चोक्‍नीम। आं नें आ पर्बम ठेयब मुर नु पिप आन ङोंइती चाक्‍दीश्‍शा, राप्‍पाइक्‍चा पुंइसीनीनी। मत्ती १०:१८-२२,३०
LUK 21:13 मोपा राप्‍पाइक्‍चा पुंइसीनीनु, सांकछी का दुम्‍नीनी।
LUK 21:14 ‘ठेयब मुर आन ङोंइती मार देंचा?’ दे गेनायो पीर मपाइनुङ, दे इन थुं फ्रेंशा बाक्‍कीन। लूका १२:११
LUK 21:15 मारदे हना मोपा राप्‍पदमेनु, इन जोरी सत्रुमी लेन्‍ने मचाप्‍चा ङा लोव़ इन शोव़ रे पपाइक्‍नन्‍नी। इन कली ठीक लोव़ पपाइक्‍नुङ। मिनु मेकोपुकीमी इन लोव़ ख्रोइक्‍ने मचाप्‍नीम। प्रेरित ६:१०
LUK 21:16 इन आम आफ, लोक्‍बपुकीमी, इन जात ङा मुर, इन वारचपुकीमी इन कली दोस गेशा, खेदा पा ग्‍याइक्‍पाइश्‍शा, चोक्‍पाइक्‍नीम। का निक्‍शी आन कली साइक्‍पाइक्‍नीम।
LUK 21:17 मुरपुकी नेल्‍लेमी आं नें आ पर्बम इन कली काइ मदाक्‍नीम।
LUK 21:18 तन्‍न इन पिया ङा चां का यो महेम्‍ब। लूका १२:७
LUK 21:19 मोपतीके थमा सुइक्‍चा मप्रोनीन। मिनु ला गे ब्रोंइचा ताइनीनी। हिब्रू १०:३६
LUK 21:20 यरूसलेम सहर आ एर ओंथ लडाइ पाइबपुकीमी पुम्‍शो ताइतीनी हना ‘मुल सहर खतम दुम्‍ची नाक्‍त जाक्‍माक्‍त’ दे तुइक्‍तीन।
LUK 21:21 मोपतीके यहूदीया रागीम बाक्‍बपुकी डांडा ग्‍येत्‍थ प्रोक्‍मल। सहरम बाक्‍बपुकी सहर प्रोंइशा प्रोक्‍मल। सहर एर ओंथ रू मेर बाक्‍बपुकी सहर मओव़मल।
LUK 21:22 परमप्रभु यावे आ लोव़मी एको ओदेंशो दुम्‍ब, दे ब्रेक्‍शो बाक्‍ब। एको ब्रेक्‍शो नेल्‍ल थमा दुम्‍शा, सहर खतम दुम्‍ब। ब्‍‍यवस्‍था ३२:३५
LUK 21:23 मेना आल कुरशो नु दूध तूब आल पाइश्‍शो मीश मुर आन कली श्‍येत दुम्‍ब। मारदे हना रागीमी शुश श्‍येत दुम्‍शा, मेको मुरपुकीमी परमप्रभु यावे आ गाइश्‍शो ताइनीम।
LUK 21:24 कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५
LUK 21:25 मिनु सरीङ नु रागीमी चिन्‍ड तांइसीनीम। सरीङमी नां, तास्‍ला नु सोरुल मार मार तांइसीब। रागीम समुन्‍द्रमी ठेयब ब्‍वाक्‍कु ब्रुइश्‍शा, मुर नेल्‍ल आन कली हिंपाइक्‍ब। प्रकाश ६:१२-१३
LUK 21:26 मुरपुकी सरीङ नु रागी कोव़शा, हिंशा थाइनीम। मारदे हना सरीङ ङा सक्ति हिम्‍सीनीम।
LUK 21:27 मिनु रागीम जरमेशो कली गोस्‍स तारी बाक्‍शा, सक्ति नु ठेयब छेङछेङमी यिशो ताइनीम। दानीएल ७:१३
LUK 21:28 मेको चिन्‍डपुकी दुम्‍शो तनीनु, इन पिया पोक्‍शा, ठेयब थुं पा ग्‍येरसीने। मारदे हना श्‍येत रे प्रोंइब इन नेक्‍था जाक्‍शो बाक्‍ब” दे शेंदीमी बाक्‍त। फिलिप्‍पी ४:४,५
LUK 21:29 मिनु कथा सेल्‍शा “फोव़शी रवा नु अरु रवा कोव़ङीन।
LUK 21:30 कोच्‍वा दाप्‍शा कुशो तशा, रेउ यिची ना जाक्‍चा चिक्‍शो बाक्‍त, दे तुइक्‍नीनी।
LUK 21:31 आं देंशो लोव़ थमा दुम्‍शो तनीनु, परमप्रभु यावे आ राज्‍य इन नेक्‍था जाक्‍माक्‍त, दे तुइक्‍नीनी।
LUK 21:32 नोफा दाइश्‍शा नेनीने, एको मुरपुकी मनुप्‍थु, आं देंशो नेल्‍ल थमा दुम्‍ब।
LUK 21:33 सरीङ नु रागी नेल्‍ल जाम्‍शा लाइनीम। तन्‍न आं लोव़ चहिं गेनायो मजाम्‍ब।
LUK 21:34 आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३
LUK 21:35 मेको मोदेंशो श्‍येत नेल्‍ल रागीम दुम्‍ब।
LUK 21:36 मोपतीके आं देंशो मिम्‍शा बाक्‍कीन। परमप्रभु यावे कली ‘श्‍येत नेल्‍ल फाल्‍शा, थमा सुइक्‍तीक सक्ति गेकी। मिनु रागीम जरमेशो जाक्‍मेनु, सासीशा ग्रुम्‍चा तकल’ दे पुंइना पुंइन बाक्‍कीन” दे अर्ती गेमी बाक्‍त।
LUK 21:37 मिनु येसुमी नाक्‍त मुर आन कली शेंना शेंन नाक्‍दो चहिं जैतून डांडाम लशा इप्‍बाक्‍माक्‍त।
LUK 21:38 शुश मुरुमी नाक्‍त किंत किंत सुनी कना बोक्‍शा, परमप्रभु यावे आ खिं लशा, येसु आ लोव़ नेंबाक्‍मा बाक्‍त।
LUK 22:1 मिनु बोरब ओख्‍ती मसुप्‍शो शोब्‍ले जतीक पास्‍सा चाड जाक्‍चशो बाक्‍माक्‍त।
LUK 22:2 मिनु ठेयब चढ़ेब नु सास्‍त्रीपुकीमी “येसु कली दोपा ग्‍याइश्‍शा साइक्‍चा?” दे लोव़ पमुशा, साइक्‍चा माल्‍मे बाक्‍त। तन्‍न शुश मुरुमी येसु आ लोव़ नेंशो तशा, हिंमा बाक्‍त। लूका २०:१९
LUK 22:3 मिनु सैतान इस्‍कारीयोत ङा यहूदा आ थुंम ओव़माक्‍त। मेको शेंसीब आन दाते ङा का बाक्‍माक्‍त। यूहन्‍ना १३:२,२७
LUK 22:4 मिनु मेको ठेयब चढ़ेब नु ठेयब मुर आन कली ग्रुम्‍थ लशा “येसु ग्‍याइक्‍पाइक्‍चा कली वारच पाइनन्‍नी” दे माइक्‍मी बाक्‍त।
LUK 22:5 मिनु मेकोपुकीमी ग्‍येरशा “दुम्‍ब, ग्‍याइक्‍चा वारच पाप्‍तीवी हना, क्‍येट गेनीकी” देंमा बाक्‍त।
LUK 22:6 में ङा मेरे यहूदामी “सुइमी मतुइक्‍थु, दोपा ग्‍याइक्‍पदु?” दे मिम्‍शा बाक्‍माक्‍त।
LUK 22:7 मिनु बोरब ओख्‍ती मसुप्‍शो शोब्‍ले जची चाड जाक्‍माक्‍त। मेको नाक्‍ती पाठा का क्‍योरचा माल्‍बाक्‍माक्‍त। प्रस्‍थान १२:१८-२०
LUK 22:8 मिनु येसुमी पत्रुस नु यूहन्‍ना आस कली “पास्‍सा चाड ङा भोज साथ लसे” दे माइक्‍सी बाक्‍त।
LUK 22:9 मिनु मेको निक्‍शीमी “ते लशा साचा?” दे हिल्‍लो पाम्‍से बाक्‍त।
LUK 22:10 मिनु येसुमी “नेनीसे, मुल सहर लसे। सहरम जाक्‍दीस्‍सीनु, गाग्री कुरशा ब्‍वाक्‍कु दिथ पिशो मुर का ग्रुम्‍नीसी।
LUK 22:11 मेको आ नोले खोइश्‍शा, तेको खिं ओव़बा, मेको खिं ओव़ङीसे। मिनु खिं ङा मुर कली ‘शेंबमी सोइश्‍शो नस्‍कु। शेंबमी, आ शेंसीबपुकी नु काथा बाक्‍शा, पास्‍सा ते मानेचा? दे हिल्‍लो पथ सोइक्‍ताक्‍स्‍की’ दे मतीसे।
LUK 22:12 मो माइक्‍सीनु, मेकोमी इस कली तला तारी ठेयब कोठा का कोंइब। मेको कोठामी गुन्‍द्री पीरा ब्रशा वोइश्‍शो थित्‍नीसी। मिनु मेकेरन साचा” दे सोइक्‍तीम्‍सी बाक्‍त।
LUK 22:13 मिनु लसानु, येसुमी दोदेंशो देंमे, मोदेंशो थित्‍से बाक्‍त। मिनु पास्‍सा चाड ङा भोज सादसे बाक्‍त। लूका १९:३२
LUK 22:14 मिनु भोज जचा कली येसु नु आ शेंसीबपुकी जथ निस्‍समा बाक्‍त।
LUK 22:15 मिनु जचामेनु, येसुमी “गो श्‍येत गेचा पुंइसीचा क्‍येङा ङोंइती गेपुकी नु काथा बाक्‍शा, एको पास्‍सा मानेशा जत दाक्‍ती।
LUK 22:16 मारदे हना परमप्रभु यावे आ राज्‍य पशो मतांइसे सम्‍म लेंशा गेपुकी नु काथा बाक्‍शा, पास्‍सा मानेचा मताइनुङ” देंमाक्‍त। लूका १३:२९
LUK 22:17 मिनु कचौरा शेशा “गे रिम्‍शो पाइब बाक्‍नीनी” दे प्रार्थना पशा “ताक्‍शा, का का पा तूङीन।
LUK 22:18 मुल ङा मेरे एको अङगुर रस मतूनुङ। परमप्रभु यावेमी राज्‍य पशो तांइसे नोले ला तूनुङ, दे इन कली देंनुङ” देंमाक्‍त।
LUK 22:19 मिनु शोब्‍ले शेशा “गे रिम्‍शो पाइब बाक्‍नीनी” दे प्रार्थना पा, जिक्‍शा योक्‍शा “एको आं रां बाक्‍ब। इन कली गेतन्‍नी। आं कली मिम्‍शा जने” दे शोब्‍ले जपाइक्‍मी बाक्‍त। १कोरिन्‍थी ११:२३-२५
LUK 22:20 मिनु जशा, कचौरा शेशा “एको तूनीनु, आं हुश चढ़ेशो मिम्‍तीने। आं हुशेमी परमप्रभु यावे आ गेशो नक कबल खाप्‍ता। आं हुश जारशोमी शुश मुर आन पाप क्‍याम्‍सीब।
LUK 22:21 नेनीने, आं कली ग्‍याइक्‍ब आन कली वारच पाइब का गोपुकी नु काथा बाक्‍शो बाक्‍ब। यूहन्‍ना १३:२१-२२
LUK 22:22 रागीम जरमेशो कली साइ मोदेंशो दुम्‍चा माल्‍ब देंशो लोव़ नेल्‍ल थमा दुम्‍चा माल्‍त हना यो, ग्‍याइक्‍ब आन कली वारच पाइब कली शुश मरिम्‍शो दुम्‍ब” देंमाक्‍त।
LUK 22:23 मिनु शेंसीबपुकीमी येसु आ लोव़ नेंशा “मोदेंशो पाइब सु बाक्‍म माइ?” दे लोव़सी पमुचा गोव़मे बाक्‍त।
LUK 22:24 मिनु लोव़सी पस ङा पस बाक्‍मानु “गो इं दातेम नेल्‍ल क्‍येङा ठेयब सु बाक्‍या माइ?” दे जिचा पोक्‍ग्‍मे बाक्‍त। मत्ती २०:२५-२८; मर्कूस १०:४२-४५; लूका ९:४६
LUK 22:25 मिनु येसुमी “अर्को रागी ङा पिपपुकीमी इन कली हुकुम पाइनीम। मिनु मुरपुकीमी मेको आन कली मान पा ठेयब सेल्‍नीम।
LUK 22:26 गेपुकी चहिं मेको आन पशो खोदेंशो पा ठेयब दुम्‍चा ममालीने। नेल्‍ल क्‍येङा ठेयबमी आइक्‍च सुंइ‍सीशा, नेल्‍ल आन कली वारच पवल।
LUK 22:27 मान पा खमे योक्गमेनु, जाइब मुर आन कली मान पा ठेयब सेल्‍नीम। ख्रेप्‍ब मुर चहिं आइक्‍च दुम्‍ब। गो इन कली ख्रेप्‍ब मुर खोदेंशो दुम्‍शा गेय पाता। यूहन्‍ना १३:४-१४
LUK 22:28 आं कली थुं थाम्‍मेनु, वारच पाइब गे ननी। यूहन्‍ना ६:६७-६८
LUK 22:29 आं आफोमी आ राज्‍यमी हुकुम पाइब सेल्‍ती। मिनु गो इन कली काथा वोइश्‍शा, हुकुम पाइब सेल्‍नन्‍नी।
LUK 22:30 आं राज्‍यमी गो नु काथा बाक्‍शा, जचा तूचा ताइनी‍नी। मिनु इं इस्राएल ङा १२ थर आन कली निसाफ पाइनीनी” दे माइक्‍मी बाक्‍त। मत्ती १९:२८
LUK 22:31 मिनु प्रभुमी सिमोन पत्रुस कली “ए सिमोन, नेनो। सैतानमी गे इ कली चेरब खोदेंशो पा क्राप्‍चा गेयीनी, दे पुंइशो बाक्‍ब। २कोरिन्‍थी २:११
LUK 22:32 गो चहिं इ पर्बम परमप्रभु यावे कली ‘पत्रुस कली थमा सुइक्‍चा प्रोंइपाइक्‍चा मगेने’ दे पुंइता। गे नोले थमा पा इ थुं परमप्रभु यावे गे लेश्‍शा थमा सुइक्‍नेवे। मिनु थमा सुइक्‍ब आन कली ‘थमा सुइक्‍चा मप्रोनीन’ दे आन थुं बारपतो” दे अर्ती गेवा बाक्‍त। यूहन्‍ना १७:११,१५
LUK 22:33 मिनु पत्रुसमी “प्रभु, इन कली जेल्‍खानम चोक्‍तेक्‍म हना, गो यो चोक्‍सीनुङ। इन कली साइक्‍तेक्‍म हना, इन कली मप्रोंइथु, गो यो साइक्‍चा पुंइसीनुङ” देंमाक्‍त।
LUK 22:34 मिनु येसुमी “पत्रुस, दीसा सुनी भाले ग्रीचा क्‍येङा ङोंइती खेयप सां ‘गो मेको कली मतुइक्‍नुङ, सु बाक्‍मे?’ देंनेवे” देंमाक्‍त।
LUK 22:35 मिनु शेंसीब नेल्‍ल आन कली “गोमी इन कली क्‍येट, झोला, जुत्ता, मारेइ मकुरथु, परमप्रभु यावे आ राज्‍य ङा लोव़ शेंथ सोइक्‍तन्‍नीनु, जचा फेक्‍चा मतनी ङा?” देंमेनु “मार माल्‍का, मेको नेल्‍ल थित्‍तक, ताइतक” देंमा बाक्‍त। लूका ९:३; लूका १०:४
LUK 22:36 मिनु येसुमी “मुल क्‍येट बाक्‍त हना, क्‍येट कुरीन। झोला बाक्‍त हना, झोला कुरीन। तरवार मबाक्‍त हना, फेक्‍शो वा लेयशा यो ग्‍याप्‍शा कुरचा माल्‍ब।
LUK 22:37 आं पर्बम ब्रेक्‍पाइश्‍शो लोव़ नेल्‍ल थमा दुम्‍चाप्‍तु। मार ब्रेक्‍शो बाक्‍ब देंशा हना ‘मरिम्‍शो पाइब सुइश्‍शा, दोस गेनीम’ दे ब्रेक्‍शो बाक्‍ब। आं पर्बम ब्रेक्‍शो लोव़ नेल्‍ल थमा दुम्‍चा माल्‍ब” देंमाक्‍त। यसैया ५३:१२
LUK 22:38 मिनु शेंसीबपुकीमी “प्रभु, गोपुकी नु तरवार निक्‍शी बाक्‍त” देंमानु “मोशो बाक्‍त हना दुम्‍त, लो गाक्‍य” देंमाक्‍त।
LUK 22:39 मिनु मेकेर रे गाक्‍शा, ङोंइती ङा खोदेंशो पा जैतून डांडा जाक्‍दीम्‍माक्‍त। आ शेंसीबपुकीमी आ नोले खोदमे बाक्‍त।
LUK 22:40 मिनु मेकेर जाक्‍दीम्‍मानु, येसुमी आ शेंसीब आन कली “थुं थाम्‍चा पुंइसीनीनु, पाप मपय, दे प्रार्थना पने” दे माइक्‍मी बाक्‍त।
LUK 22:41 मिनु आन बाक्‍तीक आ ता एरे लशा, पोक्‍च थेक्‍शा
LUK 22:42 “आं आफ, इन दाक्‍शो बाक्‍त हना, एको कचौरा आं कली मतूपाइक्‍थु लतीने। तन्‍न आं पुंइशो मदुम्‍ल, इन दाक्‍शो दुम्‍ल” दे पुना बाक्‍त। मत्ती ६:१०
LUK 22:43 मिनु परमप्रभु यावे आ स्‍वर्ग ङा गेय पाइब का ग्रूशा, येसु कली बोल गेवा बाक्‍त।
LUK 22:44 मिनु लेंशा आ थुं खाइश्‍शा पुना बाक्‍त। आ थुं खाइश्‍शा पुनानु, आ पस्‍ना हुश खोदेंशो दुम्‍शा खपीम दोक्‍माक्‍त।
LUK 22:45 मिनु लेश्‍शा शेंसीब आन बाक्‍तीकेम जाक्‍मेनु, मेको आन कली यो आन थुं खाइश्‍शा इप्‍शा बाक्‍शो थिम्‍मी बाक्‍त।
LUK 22:46 मिनु “मारदे इम्‍नी? बोक्‍कीन, थुं थाम्‍चा पुंइसीनीनु, पाप मपय, दे प्रार्थना पने” दे पोक्‍मी बाक्‍त।
LUK 22:47 मिनु शुश मुर फो फु ग्रूमा बाक्‍त। मेको आन कली येसु आ शेंसीब यहूदामी लां कोंइशा चाक्‍शो बाक्‍माक्‍त। मिनु जाक्‍शा, यहूदामी येसु कली पुक्‍पु पचा कली आ ङोंइती जाक्‍माक्‍त।
LUK 22:48 तन्‍न येसुमी “यहूदा, गे रागीम जरमेशो कली वारच दुम्‍खु पा पुक्‍पु पा ग्‍याइक्‍पाइक्‍नेवे?” देंमाक्‍त।
LUK 22:49 मिनु शेंसीबपुकीमी “ग्‍याइक्‍थ जाक्‍मा बाक्‍त” दे तुइश्‍शा “प्रभु, एको आन कली तरवारम क्‍योरशा खेदा पचा?” देंमानु
LUK 22:50 कामी तरवार ग्रि शोइश्‍शा, ठेयब चढ़ेब आ गेय पाइब आ ग्‍युरा नोफा ख्रोदा बाक्‍त।
LUK 22:51 येसुमी मेको ख्रोइश्‍शो तशा “दुम्‍त मपने” दे नोफा सेस सेला बाक्‍त।
LUK 22:52 मिनु येसुमी मेकेर जाक्‍शो ठेयब चढ़ेब, परमप्रभु यावे आ खिं ङा ठेयब मुर नु जोक्‍ब तुइक्‍ब खाल्‍पा आन कली “तरवार कोक्‍के कुरशा, खुइ पाइब कली ग्‍याइक्‍थ जाक्‍शो खोदेंशो पा आं कली ग्‍याइक्‍थ जाक्‍नी?
LUK 22:53 नाक्‍त किंत किंत परमप्रभु यावे आ खिंमी गेपुकी नु काथा बाक्‍ङानु, मग्‍याइक्‍तीनी। मुल चहिं छिङछिङ ङा सक्ति नु इन पालो जाक्‍त” दे माइक्‍मी बाक्‍त। यूहन्‍ना ७:३०; यूहन्‍ना ८:२०
LUK 22:54 मिनु येसु कली ग्‍याइश्‍शा लाइश्‍शा, नेल्‍ल क्‍येङा ठेयब चढ़ेब आ खिंमी ओंइदमे बाक्‍त। पत्रुस यो ङोन रे कोव़ना कोव़न लमाक्‍त।
LUK 22:55 मेको खिं ङा लाङगाम मुर खुम्‍सीशा, मी थेरशा बाक्‍मा बाक्‍त। पत्रुस जाक्‍दीश्‍शा, मेकोपुकी नु मी थेरशा बाक्‍माक्‍त।
LUK 22:56 मिनु मेकेर गेय पाइब मीश मुर कामी पत्रुस कली मी थेरशो तशा, मिक्‍च मयाक्‍थु कोव़शा “एको मुर मेरे नु काथा गाक्‍ब का बाक्‍त, है” देंमेनु
LUK 22:57 “मार लोव़ पवी? गो येसु कली मतुइक्‍नुङ, सु बाक्‍मे?” देंमाक्‍त।
LUK 22:58 मिनु याम का नोले मेकेर बाक्‍ब कामी “मेरे नु काथा गाक्‍ब का गे नवे” देंमेनु “हत्‍तै गो मनङ” देंमाक्‍त।
LUK 22:59 मिनु घन्‍टा का नोले अर्कोमी यो “मेरे नु काथा गाक्‍ब का एकोन बाक्‍ब। मारदे हना एको यो गालील ङा बाक्‍ब” देंमाक्‍त।
LUK 22:60 मिनु पत्रुसमी “गो इ देंशो मरुबु” देंमाक्‍त। मो देंमेनुन, भाले ग्रीमाक्‍त।
LUK 22:61 मिनु प्रभुमी पत्रुस गे हिरशा, मिक्‍च मयाक्‍थु कोव़ङा बाक्‍त। मिनु पत्रुसमी “सुनी कना भाले ग्रीचा ङोंइती खेयप सां ‘मेको कली मतुइक्‍नुङ, सु बाक्‍मे’ देंनेवे” देंशो प्रभु आ लोव़ ति फ्रुक्‍गा बाक्‍त।
LUK 22:62 मिनु ग्रूशा शुश ङाक्‍माक्‍त। भजन संग्रह ५१:१९
LUK 22:63 चढ़ेब आ खिंमी चहिं मार पामे बाक्‍त देंशा हना, येसु कली आ मिक्‍चीम वाम फ्रेंशा तुप्‍शा
LUK 22:64 “इ कली सुमी तुप्‍मे? लो देन” दे तुप्‍स ङा तुप्‍स पामे बाक्‍त।
LUK 22:65 तुप्‍स ङा तुप्‍स पा, तोक्‍शा लोव़ पा शुश श्‍येत गेमे बाक्‍त।
LUK 22:66 मिनु सुनी जोक्‍ब तुइक्‍ब खाल्‍पापुकीमी ठेयब चढ़ेब नु सास्‍त्री आन कली खुप्‍शा कछडी बाक्‍मा बाक्‍त। मिनु येसु कली मेकेर चाक्‍शा राप्‍पदमे बाक्‍त।
LUK 22:67 मिनु “गे ख्रीस्‍त नवे हना, ख्रीस्‍त नङ देनो” देंमा बाक्‍त। यूहन्‍ना ३:१२
LUK 22:68 मिनु येसुमी “गो ख्रीस्‍त नङ देंती हना, गे थमा मसुइक्‍नीनी। इन कली लोव़ का हिल्‍लो पाता हना, आं लोव़ मलेत्‍नीनी।
LUK 22:69 तन्‍न लोव़ का ‘मुल रागीम जरमेशो परमप्रभु यावे आ ग्‍युरा गे बाक्‍चा ताइब’ ” दे माइक्‍मी बाक्‍त। भजन संग्रह १००:१
LUK 22:70 मिनु मेकोपुकीमी “मो हना गे परमप्रभु यावे आ तौ नवे?” देंमानु “परमप्रभु यावे आ तौ नवे, दे गेन देंतीनी” देंमाक्‍त।
LUK 22:71 मिनु मेकोपुकीमी “मार सांकछी माल्‍दा ङा? आ देंशो नेंतय। आंम आ देंशोमी दोस ताइब दुम्‍त” देंमुमा बाक्‍त।
LUK 23:1 मिनु मेकेर रे येसु कली पिलातस आ ङोंइती चाक्‍दीत्‍मे बाक्‍त।
LUK 23:2 मिनु पिलातस आ ङोंइती राप्‍पाइश्‍शा “हजुर, एको मुरुमी मुर आन थुं क्‍याल्‍ब। ‘सिजर कली ममानेचा। तिरो थाप्‍चा ममाल्‍ब। गो ख्रीस्‍त नङ। मिनु गोन पिप नङ’ दे शेंना शेंन गाक्‍त” दे दोस गेमे बाक्‍त। प्रेरित २४:५; लूका २०:२५
LUK 23:3 मिनु पिलातसमी येसु कली “यहूदी आन पिप नवे?” दे हिल्‍लो पवानु “गे आंमा देंतीनी” दे लोव़ लेत्‍ता बाक्‍त।
LUK 23:4 मिनु पिलातसमी ठेयब चढ़ेब नु येसु कली चाक्‍ब आन कली “एको दोस तचा ङा मुर मतङ, रिम्‍शो मुर ताता” देंमाक्‍त।
LUK 23:5 मिनु मेकोपुकीमी “एकोमी गालील रागी नु यहूदीया रागी नेल्‍ल हिरशा, एक यो जाक्‍शा, मुर आन कली ‘पिप कली ममानेन। आं कली मानेन’ दे आन थुं क्‍याल्‍‍तीमी। मिनु गाउं सहरमी पिप आ पर्बम दूली लोव़ पचा गोम्‍तेक्‍मे” दे दोस गेशा लोव़ थोक्‍शा देंमा बाक्‍त।
LUK 23:6 मिनु पिलातसमी येसु गालील ङा बाक्‍माक्‍त, दे तुइक्‍ता बाक्‍त।
LUK 23:7 गालील ङा हुकुम पाइब हेरोद बाक्‍माक्‍त। मेना हेरोद नाक्‍त का निक्‍शी कली यरूसलेम जाक्‍शो बाक्‍माक्‍त। मोपतीके मेकेर सोइक्‍ता बाक्‍त। लूका ३:१
LUK 23:8 मिनु हेरोदमी येसु कली तशा, ग्‍येरसे बाक्‍त। मारदे हना शुश नाक्‍त रे ग्रुम ग्रुम दाक्‍शो बाक्‍माक्‍त। मुर आन कली सापाइश्‍शो, चिन्‍ड कोंइशो शुश लोव़ नेंशा “मारेइ छक लाक्‍चा ङा गेय कोंइबा कों” दे मिम्‍शो बाक्‍माक्‍त। लूका ९:९
LUK 23:9 मिनु हेरोदमी शुश लोव़ हिल्‍लो पवा बाक्‍त। तन्‍न येसुमी लोव़ का यो मलेत्‍ता बाक्‍त।
LUK 23:10 ठेयब चढ़ेब नु सास्‍त्रीपुकीमी शुश दोस गेमे बाक्‍त।
LUK 23:11 मिनु हेरोद नु आ सिपाइपुकीमी येसु कली शुक्‍शी पा पिपी आ वा फेक्‍पा “लो, मुल पिप दुम्‍ते” दे पिलातस आ बाक्‍तीकेमी लेश्‍शा सोइक्‍तमे बाक्‍त।
LUK 23:12 ङोंइती हेरोद नु पिलातस जोरी सत्रु खोदेंशो दुम्‍शो बाक्‍सा बाक्‍त। मेको नाक्‍त रे वारच्‍बु दुम्‍सा बाक्‍त।
LUK 23:13 मिनु पिलातसमी येसु कली पिप आ वा फेक्‍पा लेश्‍शा चाक्‍शो तशा, ठेयब चढ़ेब, ठेयब मुर नु शुश मुर आन कली खुप्‍शा
LUK 23:14 “एको मुरुमी ‘पिप ममानेचा’ दे शेंना शेंन गाक्‍ब दे दोस गेतीनी। गो चहिं दोस ग्रुंइने मचबु।
LUK 23:15 हेरोदमी यो आ दोस थिन्‍ने मचाप्‍थु, लेश्‍शा सोइक्‍ताक्‍व। साइक्‍चा पुंइसीब मारेइ दोस मथिदु।
LUK 23:16 मोपतीके इच्‍का सजाइ गेशा, सोइक्‍चा दुम्‍ती” देंमाक्‍त।
LUK 23:17 पास्‍सा नाक्‍ती जेल्‍खानमी चोक्‍सीशो मुर का प्रोंइचा माल्‍बाक्‍माक्‍त।
LUK 23:18 मिनु पिलातसमी येसु कली प्रोंइशा सोइक्‍चा देंमेनु, मेकेर बाक्‍बपुकीमी “प्रोंइचा मदुम्‍ब। मुर का प्रोंइचा देंतीनी हना, बारब्‍बा कली प्रोंइशा सोइक्‍तीने। एको कली चहिं साइक्‍चान माल्‍ब” दे गुइ मुठी पा पोक्‍शा, रेयके पामे बाक्‍त।
LUK 23:19 बारब्‍बा चहिं ङोंइती मरिम्‍शो गेय पा, सहरम हुल पोक्‍शा, मुर का कली साइश्‍शा, जेल्‍खानमी चोक्‍सीशो बाक्‍माक्‍त।
LUK 23:20 पिलातसमी खुम्‍सीशो मुर आन कली लेंशा लोव़ पशा, येसु कली प्रोंइचा बोल पवा बाक्‍त।
LUK 23:21 तन्‍न मेकोपुकीमी शुश रेयके पा “शीम केप्‍शा कांटी थोक्‍शा क्‍याइश्‍शा सतीने” दे वाइ ब्रेश्‍शा, रेयके पामे बाक्‍त।
LUK 23:22 मिनु पिलातसमी लेंशा “मार मरिम्‍शो पवा? मार दोस गेचा? साइक्‍चा ङा दोस मारेइ मतङ। तुप्‍पाइश्‍शा, प्रोंइशा सोइक्‍नुङ” देंमाक्‍त।
LUK 23:23 मिनु मेकोपुकीमी “ब्रोंइचा मगेचा, सरकार, ब्रोंइचा मगेचा। शीम केप्‍शा कांटी थोक्‍शा क्‍याइश्‍शा साइक्‍चा माल्‍ब” दे वाइ ब्रेस्‍स ङा ब्रेस्‍स बाक्‍मा बाक्‍त।
LUK 23:24 मिनु पिलातसमी मेको आन कली सिक्‍सी पपाइक्‍ने मचाप्‍तीके “मो हना, लो, सतीन” दे आन पुंइशो पचा गेमी बाक्‍त।
LUK 23:25 ङोंइती मरिम्‍शो गेय पा, मुर साइश्‍शा चोक्‍सीशो बारब्‍बा कली प्रोंइपाइश्‍शा सोइक्‍ता बाक्‍त। येसु कली आन पुंइशो खोदेंशो पा शीम केप्‍शा कांटी थोक्‍शा क्‍याइश्‍शा साइक्‍चा कली गेवा बाक्‍त।
LUK 23:26 मिनु सिपाइपुकीमी येसु कली लदमे बाक्‍त। सहर रे ग्रुंइदमेनु, आ रू रे पिशो साइरेनी ङा सिमोन कली ग्‍याइश्‍शा, येसु कली क्‍याइक्‍तीक शी कुरपा, येसु आ नोनोले खोइक्‍पाइश्‍शा लदमे बाक्‍त।
LUK 23:27 शुश मुरुमी मेको आन नोले खोदमे बाक्‍त। मीश मुरपुकी ङाक्‍शा रोंका पना पन गाक्‍मा बाक्‍त।
LUK 23:28 मोपा ङाक्‍शा खोदमेनु, येसुमी आ नोले लेश्‍शा कोव़शा, ङाक्‍ब मीश मुर आन कली “ए यरूसलेम ङा तमीपुकी, आं कली तशा, मङाक्‍कीन। तन्‍न इन तमी तौ नु आंमा इन कली मिम्‍शा ङाक्‍कीन।
LUK 23:29 मारदे हना काबु एको सहर ङा मुर शुश श्‍येत जाइनीम। मोपा श्‍येत जाक्‍मेनु, आल मथीब नु दूध मतुंइब मीश मुर ग्‍येरसीनीम। मारदे हना शुश श्‍येत दुम्‍ब। लूका २१:२३
LUK 23:30 मिनु मेकोमी रोंगु कली ‘ब्रेश्‍शा चिप्‍शा, आंइ कली सुम्‍शा ख्रुइक्‍तीकी’ दे पुंइनीम। होसे १०:८; प्रकाश ६:१६; प्रकाश ९:६
LUK 23:31 क्‍येख शी लाइ यो चोव़मेनु, सोव़शो शी मार लीबा ङा?” दे माइक्‍मी बाक्‍त। भजन संग्रह २२:१९; १पत्रुस ४:१७
LUK 23:32 येसु कली लदमेनु, खुइ निक्‍शी आस कली यो साइक्‍थ लदमे बाक्‍त।
LUK 23:33 मिनु खप्‍परे माइक्‍तीकेमी चाक्‍दीश्‍शा, मेको सांफा आन कली शी का का तारी इप्‍पा गुइ खोइलीम कांटी थोक्‍शा, शी पोक्‍शा, येसु आ ग्‍युरा गे का, आ पेरा गे का क्‍याइश्‍शा वोदमे बाक्‍त।
LUK 23:34 मिनु क्‍यद‍मेनु, येसुमी “आं आफ, एको आन कली माफ गेने। मारदे हना एकोपुकीम मारेइ मतुइश्‍शो बाक्‍नीम” दे पुना बाक्‍त। सिपाइपुकीमी फेन्‍टे ग्‍यारशा, आ वा योक्‍समा बाक्‍त। यसैया ५३:१२; प्रेरित ७:१६; प्रेरित ३:१७; भजन संग्रह २२:१९
LUK 23:35 मुर शुश मेकेर कोव़ना कोव़न बाक्‍शो बाक्‍मा बाक्‍त। ठेयब मुरपुकीमी “एकोमी शुश मुर आन कली श्‍येत रे प्रोंइना प्रोंइन गाक्‍बाक्‍माक्‍त। परमप्रभु यावे आ योव़शो ख्रीस्‍त बाक्‍त हना, मुल आंमा प्रोंइसेक्‍ल” दे शुक्‍शी पामे बाक्‍त।
LUK 23:36 सिपाइपुकीमी ग्‍युरशो थोव़क तुंइशा
LUK 23:37 “गे यहूदी आन पिप नवे हना, मेकेर ब्रोंइशा लावो” दे शुक्‍शी पामे बाक्‍त।
LUK 23:38 येसु कली क्‍याइश्‍शो शीमी “यहूदी आन पिप बाक्‍ब” दे ब्रेक्‍शा वोदमे बाक्‍त।
LUK 23:39 येसु नु काथा क्‍‍याइश्‍शो खुइ कामी यो शुक्‍शी पा “ख्रीस्‍त मनवे ङा? लो, मुल ब्रोनो। मिनु आंस कली यो प्रोंइस्‍की” देंमाक्‍त।
LUK 23:40 मो देंमेनु, अर्कोमी “गे यो परमप्रभु यावे कली तशा महिंनेवे? गो सांफा कांइचीक सजाइ ताइतय।
LUK 23:41 गो सजाइ जचा माल्‍शो नस। मारदे हना खुइ पाइतस। एको मुरुमी चहिं मारेइ मरिम्‍शो मपावो” दे हुइक्‍ता बाक्‍त।
LUK 23:42 मिनु मेकोमी “येसु, गे परमप्रभु यावे आ राज्‍यमी हुकुम पचा गोनीनु, आं कली यो मिम्‍तीन” देंमेनु, मत्ती २०:२१
LUK 23:43 येसुमी “नोफा दाइश्‍शा नेनो, मुलाक्‍ती गे गो नु काथा दुम्‍शा, परमप्रभु यावे नु बाक्‍चा ताइनेवे” दे मदा बाक्‍त। २कोरिन्‍थी १२:४
LUK 23:44 मिनु नाक्‍ती १२ बजेसे बाक्‍त। मिनु घन्‍टा सां सम्‍म रागी नेल्‍ल छिङछिङ दुम्‍माक्‍त।
LUK 23:45 मारदे हना नां आ छेङछेङ जाम्‍माक्‍त। मिनु परमप्रभु यावे आ खिं आगा ङा कोठामी फारशो वा उइक्‍थ पा जेरर गाक्‍माक्‍त। प्रस्‍थान २६:३१-३३; २इतिहास ३:१४
LUK 23:46 मिनु येसुमी “आं आफ, आं सोक्‍त इन गुइमी गेतन्‍नी” दे वाइ ब्रेश्‍शा, आ सोक्‍त प्रोना बाक्‍त। भजन संग्रह ३१:६; प्रेरित ७:५८
LUK 23:47 मेकेर बाक्‍ब कप्‍तानमी मो दुम्‍शो तशा “थमा पा, एको मुरुमी मरिम्‍शो गेय मपशो बाक्‍माक्‍त” देंशा, परमप्रभु यावे कली ठेयब सेला बाक्‍त।
LUK 23:48 मेकेर कोव़थ जाक्‍बपुकीमी मो दुम्‍शो तशा “ओहो, गो मरिम्‍शो गेय पया बाक्‍त” दे रुप्‍शा, आन कुचु तुप्‍शा, ङाक्‍शा आन खिं खिं लेम्‍मा बाक्‍त।
LUK 23:49 गालील रागी रे यरूसलेम सम्‍म येसु नु काथा गाक्‍शो मीश मुर नु आ वारचपुकीमी ङोन रे कोव़शा, मोदेंशो दुम्‍शो नेल्‍ल तामे बाक्‍त। लूका ८:२-३
LUK 23:50 यहूदीया रागी अरीमाथीया सहर ङा योसेफ नें पाइश्‍शो ठेयब मुर का बाक्‍माक्‍त। मेको मुर यरूसलेम “येसु कली साइक्‍चा” दे लोव़सी पामेनु, मबिश्‍शो बाक्‍माक्‍त।
LUK 23:51 मेको रिम्‍शो थुं पाइश्‍शो बाक्‍माक्‍त। मेकोमी “परमप्रभु यावे आ राज्‍य पशो तांइसेक्‍ल” दे थमा सुइश्‍शा, आस पा बाक्‍शो बाक्‍माक्‍त। लूका २:२५,३८
LUK 23:52 मिनु मेको लशा, पिलातस कली “येसु आ रां लाइक्‍चा गेयीनी” दे पुंइदा बाक्‍त।
LUK 23:53 मिनु पिलातसमी “लो, लतो” देंमेनु, शी रे शोल्‍शा, बुश वाम गिल्‍शा लाइश्‍शा, पुक्‍खी कामी ओंइशा वोदा बाक्‍त। ङोंइती मेको पुक्‍खीमी सुइ मवोइश्‍शो बाक्‍माक्‍त।
LUK 23:54 सुक्रबार नाक्‍नाक्‍दो ६ बजे क्‍येङा ङोंइती मेकेर चाक्‍दीश्‍शा वोदा बाक्‍त। मारदे हना ६ बजे रे नाइक्‍तीक नाक्‍त गोइबाक्‍माक्‍त।
LUK 23:55 गालील रे येसु नु काथा गाक्‍ब मीश मुरपुकीमी योसेफमी येसु आ रां लाइश्‍शो तशा “ते वोइक्‍बा?” दे कोव़शो बाक्‍मा बाक्‍त।
LUK 23:56 मिनु वोइक्‍तीके तुइश्‍शा, सहर लेश्‍शा लशा, रां मराक्‍ब ओख्‍ती ग्‍याप्‍शा चाक्‍शा, साशा खिंम वोदमे बाक्‍त। मिनु आ दीसा नाइक्‍तीक नाक्‍त दुम्‍तीक गेय मपथु, नाइश्‍शा बाक्‍मा बाक्‍त। प्रस्‍थान २०:१०
LUK 24:1 मिनु आ दीसा सुनी कना बोक्‍शा, मराक्‍ब ओख्‍ती लाइश्‍शा, पुक्‍खीमी जाक्‍दीम्‍मा बाक्‍त।
LUK 24:2 मिनु पुक्‍खी सुशो फुल्‍लु रोक्‍शो तशा,
LUK 24:3 ओव़शा कोव़ङमेनु, येसु आ रां मबाक्‍माक्‍त।
LUK 24:4 मिनु मबाक्‍शो तशा “ओदेंशो मार दुम्‍मे?” दे छक लाक्‍मानु, झिल झिल पाइश्‍शो वा फेक्‍शो मुर निक्‍शी फो फु ग्रूशो तामे बाक्‍त।
LUK 24:5 मेको आस कली तशा, हिंशा कोव़ने मचाप्‍थु, खुम्‍की पा बाम्‍मा बाक्‍त।
LUK 24:6 मिनु मेको निक्‍शीमी “मारदे सेस मुर कली बेक्‍शो मुर वोइक्‍तीकेमी माल्‍नीनी? एकेर मबा, सेंसीचा पुंइसाक्‍व। गालील रागीम काथा बाक्‍नीनु, इन कली मार शेंदा, मेको ममिम्‍तीनी?
LUK 24:7 ‘रागीम जरमेशो पापी आन गुइमी जिम्‍मा गेने पुंइसीशा, शीम क्‍याइश्‍‍शा कांटी थोक्‍शा साइक्‍चा पुंइसीब। मिनु बेक्‍शो आ नित्‍थ नाक्‍ती बेक्‍शो रे सेंसीब’ दे शेशो प्रेंदीनी ङा?” देंसा बाक्‍त। लूका ९:२२
LUK 24:8 मिनु येसु आ लोव़ ति फ्रुक्‍ग्‍मे बाक्‍त।
LUK 24:9 मिनु मेकेर रे लशा, येसु आ शेंसीब ११ जना नु आ वारच नेल्‍ल आन कली तुइक्‍पदमे बाक्‍त।
LUK 24:10 मेको मो दुम्‍शो ताइब मीश मुर सु सु बाक्‍मा बाक्‍त देंशा हना, माग्‍दाला ङा मरीयम, योअन्‍ना नु याकूब आ ममा मरीयम बाक्‍मा बाक्‍त। मेको आन वारच का निक्‍शी यो बाक्‍मा बाक्‍त। लूका ८:२-३
LUK 24:11 येसु आ शेंसीबपुकीमी मीश मुर आन लोव़ नेंशा “एको मीश मुर आन लोव़ बाक्‍ब” दे थमा मसुदमे बाक्‍त।
LUK 24:12 पत्रुस चहिं दोरशा, कोव़थ जाक्‍दीम्‍माक्‍त। जाक्‍दीश्‍शा बाप्‍शा कोव़ङानु, बुश वा ङा लाक्‍शा मारेइ मतवा बाक्‍त। मिनु छक लाक्‍शा आ खिं लेम्‍माक्‍त। यूहन्‍ना २०:६-१०
LUK 24:13 मेको नाक्‍ती येसु आ वारच निक्‍शी यरूसलेम रे गाक्‍शा, एम्‍माउस माइश्‍शो गाउं ङा लां खोदसे बाक्‍त। एम्‍माउस गाउं यरूसलेम रे ६० स्‍तादीयोन ङोन बाक्‍माक्‍त। स्‍तादीयोन का १८५ मिटर खोदेंशो बाक्‍ब।
LUK 24:14 मिनु गाक्‍ना गाक्‍न बाक्‍सानु, ओदेंशो मार दुम्‍मे, दे लोव़सी पमुसा बाक्‍त।
LUK 24:15 मिनु गाक्‍स ङा गाक्‍स लोव़ पाम्‍सेनु, येसु पिशा, ग्रुम्‍शा, काथा गाक्‍मा बाक्‍त।
LUK 24:16 काथा गाक्‍शा यो, येसु, दे मतुइक्‍तसे बाक्‍त। मारदे हना येसुमी आस कली मतुइक्‍पांइसे बाक्‍त।
LUK 24:17 मिनु येसुमी “नाप्‍खे मार लोव़ पसी?” दे हिल्‍लो पवा बाक्‍त।
LUK 24:18 मिनु ख्रा दिक्‍शा आस थुं खाइक्‍सा बाक्‍त। मिनु क्‍लेओपास माइश्‍शोमी “यरूसलेममी मार दुम्‍मे, दे गेमी ला मतुइक्‍तीनी?” देंमेनु,
LUK 24:19 येसुमी “मार दुम” देंमाक्‍त। मिनु मेको निक्‍शीमी “मार दुम्‍त देंशा हना, नासरथ ङा येसुमी परमप्रभु यावे आ लोव़ पवानु, शुश चिन्‍ड कोंइताक्‍व। परमप्रभु यावे नु मुर नेल्‍ल आन ङोंइती मोदेंशो पाप्‍तु। मत्ती २१:११
LUK 24:20 तन्‍न इं ठेयब चढ़ेब नु ठेयब मुरपुकीमी दोस गेशा ‘साइक्‍चा पुंइसीब’ दे शीम क्‍येप्‍शा कांटी थोक्‍शा क्‍याइश्‍शा साइक्‍पाइक्‍तेक्‍म।
LUK 24:21 मेको ‘परमप्रभु यावे आ सोइश्‍शो इं इस्राएली कली प्रोंइब बाक्‍ब’ दे थमा सुइश्‍शा, आस पा बाक्‍तस्‍कु। आ बेक्‍शो नाक्‍त सां दुम्‍त। प्रेरित १:१६
LUK 24:22 मुल सुनी गोपुकी नु बाक्‍शो मीश मुरपुकीमी आंस वारच नु गो नेल्‍ल आंइ थुं क्‍याल्‍तीकी।
LUK 24:23 मारदे हना सुनी कना येसु आ रां वोइक्‍तीक पुक्‍खीम लमानु, येसु आ रां मथिक्‍क। तन्‍न परमप्रभु यावे आ स्‍वर्ग ङा गेय पाइब निक्‍शी ग्रूशा ‘येसु ब्रोंइत, देंताक्‍स’ दे लेश्‍शा पिशा लोव़ पाम्‍तेक्‍म।
LUK 24:24 मिनु आंस वारच का निक्‍शी यो लशा, कोव़शा लेश्‍शा जाक्‍शा ‘मीश मुर आन लोव़ थमा बाक्‍‍त’ देंतेक्‍मे। तन्‍न मुल सम्‍म सुइमी येसु कली मतामे” देंसा बाक्‍त।
LUK 24:25 मिनु येसुमी “गे मरुप्‍ब नसी। साइ नेसी परमप्रभु यावे आ लोव़ पाइब आन देंशो लोव़ रुप्‍शा थमा सुइक्‍ने मचाप्‍नीसी? लूका ९:२२
LUK 24:26 ख्रीस्‍त श्‍येत जशा, सक्ति पाइश्‍शो दुम्‍शा, राज्‍य पचा ताइब देंशो लोव़ मुल यो मरुप्‍नीसी?” देंमाक्‍त।
LUK 24:27 साइ नेसी मोसा नु परमप्रभु यावे आ लोव़ पाइबपुकीमी ख्रीस्‍त आ पर्बम मार मार ब्रेक्‍शो बाक्‍मा, मेको नेल्‍ल शेंदीम्‍सी बाक्‍त। ब्‍यवस्‍था १८:१५; भजन संग्रह २२:-; यसैया ५२:१३-५३
LUK 24:28 मिनु आस गाउं जाक्‍दीश्‍शा, येसुमी “लो, बाक्‍कीसे, गो लाइनुङ” देंमाक्‍त। उत्‍पत्ती १९:१५,२४,२५
LUK 24:29 मेको निक्‍शीमी “मुल नां रिक्‍शा ते लाइनीनी? मुलाक्‍दो काथा बाक्‍य” देंसा बाक्‍त। मिनु येसुमी “मो हना दुम्‍ब, नां यो रिक्‍त” देंमाक्‍त। न्‍यायाधीस १९:९
LUK 24:30 मिनु खमे क्‍येशा, शोब्‍ले चोने थुम्‍शा जचामेनु, येसुमी शोब्‍ले शेशा, परमप्रभु यावे कली “गे रिम्‍शो पाइब बाक्‍नीनी” देंशा, जिक्‍शा योक्‍गा बाक्‍त। लूका ९:१६; लूका २२:१९
LUK 24:31 मिनु मो पा तुइक्‍पांइसेनु “येसु कका बाक्‍माक्‍त” दे तुइक्‍तसे बाक्‍त। तुइक्‍तसे चोटी येसु यो जाम्‍माक्‍त।
LUK 24:32 मिनु मेको निक्‍शीमी “मेकोमी लांम गो निक्‍शी नु लोव़ पवानु, परमप्रभु यावे आ लोव़ शेंदानु, इस थुं रांमी नांम तशो खोदेंशो मदुम्‍सा ङा?” देंमुसा बाक्‍त। उत्पत्ती १९:२६
LUK 24:33 मिनु मेको रीब पा लेश्‍शा, यरूसलेम लसा बाक्‍त। यरूसलेमम जाक्‍दीश्‍शा, येसु आ शेंसीब ११ जना नु मेको नु काथा बाक्‍बपुकी खुम्‍सीशा बाक्‍शो ग्रुम्‍से बाक्‍त। लूका ९:२४
LUK 24:34 मेकोपुकीमी यो “प्रभु, थमा पा बेक्‍शो रे सेंसाक्‍व। मिनु सिमोन पत्रुस कली तपांइसाक्‍व” देंमा बाक्‍त। १कोरिन्‍थी १५:४-५
LUK 24:35 मिनु मेको निक्‍शीमी लां गाक्‍सानु, मार मार दुम्‍मे, आस खिं जाक्‍दीश्‍शा मार दुम्‍मे, मेको नेल्‍ल तुइक्‍पदसे बाक्‍त। मिनु “शोब्‍ले योक्‍शा जचशोनु कका येसु बाक्‍माक्‍त, दे तुइक्‍तस्‍कु” देंसा बाक्‍त।
LUK 24:36 मिनु मोपा लोव़सी पामेनु, येसुमी आंम कली तपांइसे बाक्‍त। मर्कूस १६:१४-१९; यूहन्‍ना २०:१९-२३; प्रेरित १:१-१४; १कोरिन्‍थी १५:५
LUK 24:37 मिनु “वोल कोर में” दे थाम्‍पा हिंमा बाक्‍त। मत्ती १४:२६
LUK 24:38 मिनु येसुमी “मारदे आं कली तशा ‘वोल कोर में?’ दे हिंनी? वोल मनङा। वोल के श्‍ये रुश मबाक्‍ब।
LUK 24:39 आं कली थिशा कोव़यीनी।
LUK 24:40 आं गुइ खोइलीमी कांटी थोक्‍शो गार कोव़ङीने” देंमेनु, कोव़ङमे बाक्‍त। यूहन्‍ना २०:२०
LUK 24:41 मिनु छक लाक्‍शा “येसु बाक्‍म कों, मबाक्‍म” दे दल्‍गीर पामे बाक्‍त। हिंमा यो बाक्‍त। ग्‍येरसमा यो बाक्‍त। मिनु येसुमी मेको आन कली दल्‍गीर पशो तशा “एक मारेइ जचा थोव़की बाक्‍म कों” दे पुना बाक्‍त।
LUK 24:42 मिनु वाल्‍शो ङांइ का गेमे बाक्‍त। यूहन्‍ना २१:५,१०; प्रेरित १०:४१
LUK 24:43 मिनु मेको ङांइ ताक्‍शा, नेल्‍ल आन तचा ङा पा ब्‍ववा बाक्‍त।
LUK 24:44 मिनु येसुमी आ शेंसीब आन कली “गो गे नु बाक्‍ची ना आ देंशो मोसा आ अरेशो लोव़, परमप्रभु यावे आ लोव़ पाइब आन ब्रेक्‍शो नु भजन संग्रह आं पर्बम ब्रेक्‍शो लोव़ नेल्‍ल गाप्‍चा माल्‍ब, दे इन कली लोव़ पाता” देंमाक्‍त। लूका १८:३१-३३; लूका २४:२६-२७; लूका १८:३१
LUK 24:45 मिनु नोले येसुमी परमप्रभु यावे आ ब्रेक्‍पाइश्‍शो लोव़ रुप्‍चा कली रुप्‍तीक थुं गेमी बाक्‍त। लूका ९:४५; यूहन्‍ना १२:१६
LUK 24:46 मिनु मार ब्रेक्‍‍पाइक्‍मी बाक्‍त देंशा हना “ख्रीस्‍त श्‍येत जशा, साइक्‍चा पुंइसीशा आ नित्‍थ नाक्‍ती बेक्‍शो रे सेंसीचा माल्‍ब। होसे ६:२
LUK 24:47 मिनु यरूसलेम रे पा रागी नेल्‍ल ङा मुर आन कली ‘गे इन थुं परमप्रभु यावे गे लेत्‍चा माल्‍नीनी। मिनु येसु ख्रीस्‍त आ नेंमी पाप क्‍याम्‍चा तांइसीब’ दे नेंपाइक्‍चा माल्‍ब” देंमाक्‍त। प्रेरित २:३८ प्रेरित १७:३०
LUK 24:48 मिनु मेकोमी “गे मेको नेल्‍ल तशा, सांकछी दुम्‍तीनी।
LUK 24:49 नेनीने, गो आं आफोम ‘सक्ति गेनुङ’ देंशो सक्ति इन कली सोइक्‍नुङ। तन्‍न इर ङा सक्ति मतनी सम्‍म यरूसलेममी रिम्‍शा बाक्‍कीन” दे माइक्‍मी बाक्‍त। यूहन्‍ना १५:२६; यूहन्‍ना १६:७; प्रेरित २:१-४
LUK 24:50 मिनु नोले मेको आन कली यरूसलेम रे लाइश्‍शा, बेथानी गाउं चाक्‍दीश्‍शा, आ गुइ पोक्‍शा मेको आन कली आसीक गेमी बाक्‍त।
LUK 24:51 आसीक गेना गेन बाक्‍मेनु, सरीङ गे लाइक्‍चा पुंइसे बाक्‍त।
LUK 24:52 मिनु शेंसीबपुकीमी आन पोक्‍च थेक्‍शा, येसु कली ठेयब सेल्‍शा, थाम्‍पा ग्‍येरसीशा यरूसलेम लेम्‍मा बाक्‍त।
LUK 24:53 मिनु परमप्रभु यावे आ खिंम बाक्‍ना बाक्‍न परमप्रभु यावे कली मान पा ठेयब सेल्‍मे बाक्‍त।
JOH 1:1 नेल्‍ल क्‍येङा ङोंइती लोव़ माइश्‍शो का बाक्‍त। मेको लोव़ माइश्‍शो परमप्रभु यावे नु बाक्‍शा, मेको नु उइक्‍थी बाक्‍त। यूहन्‍ना १७:५; उत्‍पत्ती १:१; १यूहन्‍ना १:१२; प्रकाश १९:१३
JOH 1:2 मिनु मेको रागी सेल्‍चा क्‍येङा ङोंइती रे परमप्रभु यावे नु काथा बाक्‍शो बाक्‍त।
JOH 1:3 परमप्रभु यावेमी मेको कली नेल्‍ल सेल्‍पाइश्‍शो बाक्‍त। मार मार सेल्‍शो बाक्‍मे, मेको नेल्‍ल आ सेल्‍शो बाक्‍त। १कोरिन्‍थी ८:६; कलस्‍सी १:१६; हिब्रू १:२
JOH 1:4 मेको नु ब्रोंइतीक सोक्‍त बाक्‍शो बाक्‍त। मिनु मेको ब्रोंइतीक सोक्‍ती मुर आन कली छेङछेङ बाक्‍त। यूहन्‍ना ८:१२
JOH 1:5 मेको छेङछेङ छिङछिङमी ब्राइब। मिनु छिङछिङमी छेङछेङ कली काप्‍ने मचाप्‍ब। यूहन्‍ना ३:१९
JOH 1:6 मिनु परमप्रभु यावे आ सोइश्‍शो मुर का बाक्‍त। मेको आ नें यूहन्‍ना बाक्‍त। मत्ती ३:१; मर्कूस १:४
JOH 1:7 यूहन्‍नामी छेङछेङ माइश्‍शो सु बाक्‍म, दे शेंथ जाक्‍त। यूहन्‍नामी “मुर नेल्‍लेमी लोव़ माइश्‍शो कली थमा सुइक्‍ब दुम्‍मल” दे शेंताक्‍व। प्रेरित १९:४
JOH 1:8 यूहन्‍ना छेङछेङ माइश्‍शो ममाइ, छेङछेङ आ पर्बम शेंब ला बाक्‍त।
JOH 1:9 मिनु छेङछेङ माइश्‍शोमी रागीमी बाक्‍शो मुर नेल्‍ल आन कली रुप्‍ब थुं गेचा कली रागीमी जाक्‍त।
JOH 1:10 मिनु रागीमी जाक्‍मेनु, आ सेल्‍शो मुरपुकीमी मेको कली “आंइ कली सेल्‍ब बाक्‍ब” दे मतुइक्‍तेम।
JOH 1:11 आंम रागी जाक्‍मेनु, आंम सेल्‍शो मुरपुकीमी मेको कली मब्राम। भजन संग्रह २४:१
JOH 1:12 सु सुमी चहिं ब्रामे नु थमा सुदमे, मेको आन कली परमप्रभु यावे आ तमी तौ दुम्‍चा गेप्‍तु। गलाती ३:२६
JOH 1:13 ठेयब जातमी जरमेतीके, मुर आन दाक्‍शोमी जरमेतीके नु मुर आन थुंमी मिम्‍शोमी ममाइ तन्‍न परमप्रभु यावे आ पतीके ला आ तमी तौ दुम्‍ने चाप्‍नीम। यूहन्‍ना ३:५-६
JOH 1:14 मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७
JOH 1:15 यूहन्‍नामी मेको आ पर्बम “मेको आं नोले जाक्‍त हना यो, आं क्‍येङा ठेयब बाक्‍ब। मिनु आं क्‍येङा ङोंइती यो बाक्‍शो बाक्‍त” देंत।
JOH 1:16 आ शिशी पतीक गो शुश शिशी तना तन बाक्‍तक। यूहन्‍ना ३:३४; कलस्‍सी १:१९
JOH 1:17 मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४
JOH 1:18 मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७
JOH 1:19 मिनु यरूसलेम सहर ङा यहूदीपुकीमी चढ़ेब नु लेवी आ थर ङा मुर आन कली यूहन्‍ना नु ग्रुम्‍थ सोइक्‍ताक्‍म। मिनु मेकोपुकीमी यूहन्‍ना कली “गे सु ननी?” दे हिल्‍लो पाम्‍तेक्‍म।
JOH 1:20 यूहन्‍नामी जोल मपथु, ठीक लोव़ पशा “गो परमप्रभु यावे आ सोइश्‍शो ख्रीस्‍त मनङ” देंत।
JOH 1:21 मेकोपुकीमी “मिनु, गे एलीया ननी?” दे हिल्‍लो पाम्‍तेक्‍म। मिनु यूहन्‍नामी “गो मेको यो मनङ” देंत। मिनु मेकोपुकीमी लेंशा “गे परमप्रभु यावे आ लोव़ पाइब ननी?” दे हिल्‍लो पाम्‍तेक्‍म। मिनु मेकोमी “गो मेको यो मनङ” देंत। मलाकी ३:२३; मत्ती १७:१०-१३; ब्‍यवस्‍था १८:१५
JOH 1:22 मिनु नोले मेकोपुकीमी “मिनु, गे सु ननी? आंइ कली सोइक्‍ब आन कली मार माइक्‍चा, गे इन पर्बम मार देंनीनी?” दे हिल्‍लो पाम्‍तेक्‍म।
JOH 1:23 मिनु यूहन्‍नामी “परमप्रभु यावे आ लोव़ पाइब यसैया आ देंशो खोदेंशो पा ‘गो गोरशो रागीमी बाक्‍शा, प्रभु आ लां रिम्‍शो ग्रोक्‍शा थेलीने’ दे लोव़ पाइब नङ” देंत। यसैया ४०:३
JOH 1:24 मिनु हिल्‍लो पाइब का निक्‍शी फरिसी आन सोइश्‍शो बाक्‍तेक्‍म। फरिसी रिती थिती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म।
JOH 1:25 मिनु यूहन्‍ना कली “गे ख्रीस्‍त मननी हना, एलीया मननी हना, परमप्रभु यावे आ लोव़ पाइब यो मननी हना, मारदे मुर आन कली ब्‍वाक्‍कुमी ख्रुम्‍शा ग्रुंइतीक गेय पाइनीनी?” दे हिल्‍लो पाम्‍तेक्‍म।
JOH 1:26 मिनु यूहन्‍नामी “इन दातेमी मुर का बाक्‍शो बाक्‍ब, मेको कली गे मतुइक्‍नीनी। लूका १७:२१
JOH 1:27 आं नोले जाक्‍शो बाक्‍त हना यो, गो मेको आ जुत्ता प्रुइक्‍चा यो मशिरनुङ” देंत।
JOH 1:28 मेना यूहन्‍नामी यर्दन खोला आइक्‍ची हांबु बेथानी गाउंमी मुर आन कली ब्‍वाक्‍कुमी ख्रुम्‍शा ग्रुंइतीक गेय पना पन बाक्‍त।
JOH 1:29 आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७
JOH 1:30 गो मेको आ पर्बम मार लोव़ पाता देंशा हना, मेको मुर आं क्‍येङा नोले जाक्‍त हना यो, आं क्‍येङा ठेयब बाक्‍ब। मिनु आं क्‍येङा ङोंइती यो बाक्‍शो बाक्‍त।
JOH 1:31 ङोंइती गो यो मेको कली मतुइक्‍ब बाक्‍ती। तन्‍न गो मुल इस्राएल ङा मुर आन कली मेको आ पर्बम तुइक्‍पाइक्‍चा कली ब्‍वाक्‍कुमी ख्रुम्‍शा ग्रुंइतीक गेय पथ जाक्‍ती” दे यूहन्‍नामी मुर आन कली देंत।
JOH 1:32 यूहन्‍नामी “गो परमप्रभु यावे आ सोक्‍त कली परवा बुदी सरीङ रे बेरशा, येसु आ तारी जुक्‍शो ताता।
JOH 1:33 ङोंइती गो यो मेको कली मतुइक्‍ब बाक्‍ती। मिनु आं कली ब्‍वाक्‍कुमी ख्रुम्‍शा ग्रुंइतीक गेय पथ सोइक्‍बमी ‘तेको मुर तारी गेमी आं सोक्‍त जुक्‍शो ताइनेवे, मेको आं सोक्‍तीम ख्रुम्‍ब बाक्‍ब’ दे परमप्रभु यावेमी माइक्‍ती।
JOH 1:34 मिनु गो मेको नेल्‍ल ताता। परमप्रभु यावे आ तौ मेकोन बाक्‍ब, दे तुइश्‍शा, इन कली तुइक्‍पाइक्‍तन्‍नी” दे यूहन्‍नामी देंत।
JOH 1:35 मिनु आ नित्‍थ नाक्‍त यूहन्‍ना आ शेंसीब निक्‍शी नु बाक्‍माक्‍त।
JOH 1:36 मिनु यूहन्‍नामी येसु कली हिरशा गाक्‍शो तशा “कोव़ङीसे, मेरेन परमप्रभु यावे आ पाठा बाक्‍ब” देंत।
JOH 1:37 मिनु मेको शेंसीब निक्‍शीमी यूहन्‍ना आ लोव़ नेंशा, येसु आ नोले खोइक्‍ताक्‍स।
JOH 1:38 मिनु येसुमी लेश्‍शा कोव़ङानु, मेको आस कली खोइश्‍शो तशा “गे मार माल्‍सी?” दे हिल्‍लो पाप्‍तु। मिनु मेको निक्‍शीमी “शेंब, गे ते बाक्‍नीनी?” दे हिल्‍लो पाम्‍ताक्‍स।
JOH 1:39 मिनु येसुमी “गो नु पिशा, कोव़ङीस” देंत। मिनु मेको निक्‍शी आ बाक्‍तीक कोव़थ लाम्‍ताक्‍स। मिनु मेको नाक्‍त येसु नु बाक्‍ताक्‍स। मारदे हना मेना ४ बजे खोदेंशो दुम्‍शो बाक्‍त।
JOH 1:40 यूहन्‍ना आ लोव़ नेंशा, येसु आ नोले खोइक्‍ब का अन्‍द्रीयास बाक्‍त। अन्‍द्रीयास सिमोन पत्रुस आ लोक्‍ब बाक्‍त। मत्ती ४:१८-२०
JOH 1:41 मिनु मेकेर रे लशा, अन्‍द्रीयासमी सिमोन कली ग्रुम्‍शा “गो निक्‍शीमी मस्सीह कली ग्रुम्‍तस्‍कु” देंत। मस्‍सीह चहिं ख्रीस्‍त, दे रुम्‍सीब। मस्‍सीह आ देंशो “परमप्रभु यावेमी मेको कली तेल लुक्‍शो बाक्‍ब” बाक्‍ब।
JOH 1:42 मिनु अन्‍द्रीयासमी सिमोन पत्रुस कली येसु नु ग्रुम्‍पाइक्‍तु। येसुमी मेको कली तशा “गे योआन्‍नेस आ तौ सिमोन नवे। इ नें केफास देंचा माल्‍ब” देंत। केफास देंशो फुल्‍लु बाक्‍ब। ग्रीक लोव़मी पत्रुस बाक्‍ब।
JOH 1:43 मिनु आ सांबु नाक्‍ती येसुमी “गालील रागी लाइनुङ” देंत। मिनु मेकेर लशा फिलीप कली ग्रुम्‍तु। मिनु फिलीप कली “आं नोले खोइय्‍यी” देंत।
JOH 1:44 मेको फिलीप अन्‍द्रीयास नु पत्रुस खोदेंशो पा बेथसैदा सहर ङा बाक्‍माक्‍त।
JOH 1:45 मिनु फिलीपमी नथानेल माइश्‍शो मुर कली ग्रुम्‍शा, मेको कली “मोसामी नु परमप्रभु यावे आ लोव़ पाइबपुकीमी यो परमप्रभु यावे आ सोइश्‍शो का आ पर्बम ब्रेक्‍शो बाक्‍तेक्‍म। मिनु गोपुकीमी मेको कली ग्रुम्‍तक। मेको नासरथ सहर ङा योसेफ आ तौ येसु बाक्‍माक्‍त” दे नथानेल कली देंत। यसैया ५३:२; ब्‍यवस्‍था १८:१८; येरमीया २३:५; इजीकीएल ३४:२३
JOH 1:46 मिनु नथानेलमी चहिं “नासरथ सहर रे सु रिम्‍शो मुर जाक्‍ने चाप्‍बा ङा?” दे फिलीप कली देंत। मिनु फिलीपमी “लो, कोव़ङो” देंत। यूहन्‍ना ७:४१
JOH 1:47 मिनु येसुमी नथानेल कली आ बाक्‍तीक जाक्‍शो तशा, नथानेल आ पर्बम “काइ जोल मपाइब नु रिम्‍शो गेय पाइब इस्राएली का बाक्‍ब” देंत।
JOH 1:48 मिनु नथानेलमी येसु कली “गे आं कली दोपा तुइक्‍नीनी?” दे हिल्‍लो पाप्‍तु। येसुमी “फिलीपमी इ कली ग्रुम्‍चा ङोंइती गो इ कली फोव़शी रवा आ पुंमी निश्‍शो ताता” देंत।
JOH 1:49 मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६
JOH 1:50 मिनु येसुमी लेंशा “गो फोव़शी रवा आ पुंमी इ कली ताता देंशो आ पर्बम गे थमा सुइक्‍तीवी। गे मेको क्‍येङा ठेयब गेय पशो ताइनेवे” दे माइक्‍तु।
JOH 1:51 मिनु लोव़ बोइश्‍शा “नोफा दाइश्‍शा नेनीने, गेपुकीमी सरीङ रोक्‍शो ताइनीनी। मिनु परमप्रभु यावे आ स्‍वर्ग ङा गेय पाइबपुकी रागीमी जरमेशो आ तार जुक्‍शो नु स्‍वर्ग गे लेश्‍शा लशो ताइनीनी” दे माइक्‍तीमी। उत्‍पत्ती २८:१२; मत्ती ४:११
JOH 2:1 आ सांबु नाक्‍ती गालील रागी ङा काना सहरमी ग्‍युंबे का बाक्शो बाक्‍त। मिनु येसु आ ममा यो मेकेर लशो बाक्‍त।
JOH 2:2 येसु नु आ शेंसीब आन कली यो ब्रेश्‍शो बाक्‍तेक्‍म।
JOH 2:3 मिनु अङगुर शांबु नुम्‍मेनु, येसु आ ममामी येसु कली “अङगुर शांबु नुप्‍त” देंत।
JOH 2:4 मिनु येसुमी आ ममा कली “गो मार पचा माल्‍नुङा, आं कली मदेनीन। मुल सम्‍म आं पची मजा” दे माइक्‍तु।
JOH 2:5 मिनु आ ममामी गेय पाइब आन कली “एकोमी मार देंमे, मोदेंशो पने” दे माइक्‍तीमी।
JOH 2:6 मिनु मेकेर फुल्‍लु के मुशो ६ ओटा गर वोइश्‍शो बाक्‍तेक्‍म। यहूदी आन रिती थितीमी मुर आन कली चिक्‍चा, दे वोइश्‍शो बाक्‍तेक्‍म। मेको गर कामी २, ३ ठेयब पुक्‍तीक खोदेंशो ब्‍वाक्‍कु रिक्ब। मेत्रेतस माइश्‍शो ठेयब पुक्‍तीक का ३९ लिटर खोदेंशो बाक्‍ब।मर्कूस ७:३-४
JOH 2:7 मिनु येसुमी गेय पाइब आन कली “गर नेल्‍ल ब्‍वाक्‍कुमी प्रिंदीन” देंत। मिनु मेकोपुकीमी गर नेल्‍ल ब्‍वाक्‍कुमी प्रिंताक्‍म।
JOH 2:8 मिनु “जचा योक्‍ब आन ठेयब मुर कली एको थाम्‍चा गेने” दे माइक्‍तीमी। मिनु मेकोपुकीमी आ देंशो खोदेंशो पाम्‍तेक्‍म।
JOH 2:9 मेको ठेयब मुरुमी मेको अङगुर शांबु दुम्‍शो ब्‍वाक्‍कु थाम्‍शा कोव़ङानु, जिजी कका पा ब्रोव़शो बाक्‍माक्‍त। मेकोमी मेको अङगुर शांबु ते रे चाक्‍शो मतुइक्‍त। गेय पाइबपुकीमी ला तुइश्‍शो बाक्‍तेक्‍म। मिनु मेको ठेयब मुरुमी ग्‍युम्‍ले कली ब्रेश्‍शा
JOH 2:10 “मुर नेल्‍लेमी ङोंइती ब्रोव़शो अङगुर शांबु योक्‍नीम। तूशा रांइदमे नोले मब्रोव़शो योक्‍नीम। गे चहिं मुल सम्‍म ब्रोव़शो अङगुर शांबु खेक्‍शा वोइश्‍शो बाक्‍ते” दे माइक्‍तु।
JOH 2:11 मेको येसु आ ङोंइती ङा छक लाक्‍चा ङा गेय बाक्‍त। मेको ङोंइती पशो छक लाक्‍चा ङा गेय गालील रागी ङा काना माइश्‍शो सहरमी पशो बाक्‍त। मोपा मुर आन कली आ सक्ति कोंइशो बाक्‍त। मेको तशा आ शेंसीबपुकीमी येसु कली परमप्रभु यावे आ तौ बाक्‍त, दे थमा सुदमे बाक्‍त। यूहन्‍ना १:१४
JOH 2:12 मिनु नोले येसु, आ ममा, आ लोक्‍बपुकी नु आ शेंसीबपुकी नु कापेरनाउम सहरमी यिशा, मेकेर इच्‍का नाक्‍त सम्‍म बाक्‍मा बाक्‍त। यूहन्‍ना ७:३; मत्ती १३:५५
JOH 2:13 मिनु यहूदी आन पास्‍सा चाड जाक्‍चशो बाक्‍‍त। मोपतीके येसु यरूसलेम सहर लत। यूहन्‍ना ५:१; यूहन्‍ना ७:१०; मत्ती २०:१८; मर्कूस ११:१; लूका १९:२८
JOH 2:14 परमप्रभु यावे आ खिं जाक्‍दीम्‍मेनु, मेकेर ब्‍यफ लेयबपुकी, भेडा लेयबपुकी, परवा लेयबपुकी नु क्‍येट फाइक्‍ब नेल्‍लेमी आन गेय पना पन बाक्‍शो ताप्‍तु।
JOH 2:15 मिनु येसुमी पले डोरी के युक्‍तीक सेल्‍शा, भेडा, ब्‍यफ लेयबपुकी नु क्‍येट फाइक्‍ब आन कली परमप्रभु यावे आ खिं रे खेरतीमी। क्‍येट फाइक्‍ब आन क्‍येट वोइक्‍तीक खोल्‍शा, क्‍येट नेल्‍ल फ्राम्‍तीमी।
JOH 2:16 मिनु येसुमी परवा लेयब आन कली “एको नेल्‍ल लतीन। आं आफ आ खिं कली ग्‍याप्‍तीक लेयतीक खिं मसेलीन” दे माइक्‍तीमी।
JOH 2:17 मिनु परमप्रभु यावे आ लोव़मी “इन खिं कली थमा पा दाक्‍नुङ। मेको दाक्‍तीक मी खोदेंशो पा आं थुंम चोइब” दे ब्रेक्‍शो बाक्‍ब, दे आ शेंसीबपुकीमी फ्रुक्‍तेक्‍म। भजन संग्रह ६९:९
JOH 2:18 मिनु यहूदीपुकीमी येसु कली “इ के मो पचा ङा अधिकार बाक्‍ब, दे आंइ कली मार चिन्‍ड कोंइने चाप्‍नेवे?” देंमानु, मत्ती २१:२३
JOH 2:19 येसुमी “परमप्रभु यावे आ खिं प्रेतीन। गो नाक्‍त सांमी लेंशा सेल्‍ने थुम्‍नुङ” दे माइक्‍तीमी। मत्ती २६:६१; मत्ती २७:४०
JOH 2:20 मिनु यहूदीपुकीमी “परमप्रभु यावे आ खिं सेल्‍चा कली ४६ बर्स माल्‍शो बाक्‍त। दोपा नाक्‍त सांमी सेल्‍ने चाप्‍नेवे ङा?” देंतेक्‍म।
JOH 2:21 येसुमी आ रां आ पर्बम लोव़ पाप्‍तु। आ रां परमप्रभु यावे आ खिं बाक्‍ब। १कोरिन्‍थी ६:१९
JOH 2:22 मिनु नोले परमप्रभु यावेमी येसु कली बेक्‍शो रे सेंदानु, आ शेंसीबपुकीमी ङोंइती आ रां आ पर्बम पशो लोव़ फ्रुक्‍तेक्‍म। मिनु परमप्रभु यावेमी ब्रेक्‍पाइश्‍शो लोव़ नु येसु आ देंशो लोव़ थमा सुइक्‍तेक्‍म। होसे ६:२
JOH 2:23 मिनु येसु पास्‍सा चाडम यरूसलेममी बाक्‍शा, छक लाक्‍चा ङा गेय पवानु, मेको तशा, शुश मुरपुकीमी “परमप्रभु यावे आ तौ बाक्‍त” दे थमा सुइक्‍तेक्‍म।
JOH 2:24 येसुमी चहिं मेको आन कली थमा मसुद।
JOH 2:25 मारदे हना मुर नेल्‍ल आन कली तुइश्‍शा, आन पर्बम लोव़ नेंचा ममाल्‍द। आन थुंमी मार बाक्‍मे, मेको नेल्‍ल तुइश्‍शो बाक्‍त। मर्कूस २:८
JOH 3:1 मिनु फरिसी आन हुल ङा यहूदी आन ठेयब मुर का बाक्‍‍त। मेको आ नें निकोदेमस बाक्‍‍त। यूहन्‍ना ७:५०; यूहन्‍ना १९:३९
JOH 3:2 मिनु नाक्‍दो मेको मुर येसु आ बाक्‍तीक जाक्‍शा, येसु कली “शेंब, गे परमप्रभु यावे आ सोइश्‍शो शेंब ननी, दे तुइक्‍नीकी। मारदे हना परमप्रभु यावे आ सोइश्‍शोमी ला गे इन खोदेंशो पा छक लाक्‍चा ङा गेय पने चाप्‍ब” देंत।
JOH 3:3 मिनु येसुमी “नोफा दाइश्‍शा थमा लोव़ नेनीन, मुर लेंशा, इर रे नक पा मजरमेसाक्‍व हना, परमप्रभु यावे आ राज्‍य तने मचाप्‍ब” देंत। १पत्रुस १:२३
JOH 3:4 मिनु निकोदेमसमी “कोल्‍शो मुर दोपा लेंशा जरमेने चाप्‍बा ङा? मेको लेंशा, आ ममा आ कोव़ज ओव़शा, जरमेने चाप्‍बा ङा?” दे हिल्‍लो पाप्‍तु।
JOH 3:5 मिनु येसुमी “नोफा दाइश्‍शा थमा लोव़ नेनीन, ब्‍वाक्‍कु रे नु परमप्रभु यावे आ सोक्‍त रे जरमेशो मुरपुकी ला परमप्रभु यावे आ राज्‍य ओव़ने चाप्‍नीम। इजीकीएल ३६:२५-२७; मत्ती ३:११; तीतस ३:५
JOH 3:6 मुर आ रां रे जरमेशो मुरपुकी रागी कली ला गारनीम। परमप्रभु यावे आ सोक्‍त रे जरमेशो मुरपुकी चहिं परमप्रभु यावे आ राज्‍य कली गारनीम। यूहन्‍ना १:१३; रोमी ८:५-९
JOH 3:7 मुर लेंशा जरमेचा माल्‍ब, दे आं लोव़ नेंशा छक मलाक्‍कीन।
JOH 3:8 फश ते रे जाक्‍ब, ते लाइबा मतुंइ‍सीब। आ रेयके नेंशा यो ते रे ग्रूबा, ते ते लाइबा, मतुंइ‍सीब। परमप्रभु यावे आ सोक्‍त रे जरमेशो मुर मेको खोदेंशो बाक्‍नीम” देंत।
JOH 3:9 मिनु निकोदेमसमी “इन देंशो दोपा दुम्‍ने चाप्‍बा ङा?” दे हिल्‍लो पाप्‍तु।
JOH 3:10 मिनु येसुमी “गे इस्राएली आन कली शेंब दुम्‍शा यो, एको लोव़ मतुइक्‍नीनी?
JOH 3:11 नोफा दाइश्‍शा थमा लोव़ नेनीन, गो आंइ तुइश्‍शो लोव़ पाइनीकी। आंइ तशो यो शेंनीकी। गे चहिं आंइ शेंशो थमा मसुइक्‍नीनी।
JOH 3:12 गो इन कली रागी ङा लोव़ पङानु, गे थमा मसुइक्‍नीनी। मिनु गो स्‍वर्ग ङा लोव़ पाता हना, गे दोपा थमा सुइक्‍ने चाप्‍नीनी?
JOH 3:13 मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।
JOH 3:14 मोसा गोरशो रागीम बाक्‍मेनु, कांसा के बुस्‍स सेल्‍शा, मेको कली क्‍युक्‍शा वोदा बाक्‍त। मोपा रागीम जरमेशो यो क्‍युक्‍चा पुंइसीब। गन्‍ती २१:८-९
JOH 3:15 मारदे क्‍युक्‍चा पुंइसीब देंशा हना, सुमी मेको कली थमा सुइक्‍बा, मेको गेना हना यो ब्रोंइशा बाक्‍चा ताइब” देंत।
JOH 3:16 परमप्रभु यावेमी रागी ङा मुर आन कली शुश दाक्‍ताक्‍व। मोपतीके आ कांइचीक तौ रागीमी सोइक्‍ताक्‍व। सु सुमी मेको कली थमा सुइक्‍नीमी, मेकोपुकी नरक मलाइनीम। तन्‍न गेना हना यो परमप्रभु यावे नु बाक्‍चा ताइनीम। रोमी ५:८; रोमी ८:३२; १यूहन्‍ना ४:९
JOH 3:17 परमप्रभु यावेमी रागी ङा मुर आन कली निसाफ पा नरकमी वोइक्‍चा, दे आ तौ मसोइक्‍त। तन्‍न रागी ङा मुर आन कली नरक रे प्रोंइचा कली सोइक्‍ताक्‍व। लूका १९:१०
JOH 3:18 सुमी परमप्रभु यावे आ तौ कली थमा सुइक्‍बा, मेको स्‍वर्गमी निसाफ पचा मपुंइसीब। सुमी चहिं थमा मसुइक्‍बा, मेको ङोंइती रेन निसाफ पा सजाइ तचा पुंइसीब दुम्‍शो बाक्‍ब। मारदे हना मेकोमी परमप्रभु यावे आ कांइचीक तौमी पाप रे प्रोंइब, दे थमा मसुइश्‍शो बाक्‍ब। यूहन्‍ना ५:२४
JOH 3:19 मिनु निसाफ दोदेंशो बाक्‍ब देंशा हना, छेङछेङ माइश्‍शो रागीम जाक्‍त। मुरपुकीमी छेङछेङ क्‍येङा छिङछिङ कली शुश दाक्‍ताक्‍म। मारदे हना आन पशो गेय मरिम्‍शो बाक्‍त। यूहन्‍ना १:५,९-११
JOH 3:20 सुमी मरिम्‍शो गेय पाइबा, मेकोम छेङछेङ कली काइ मदाक्‍ब। आ गेय मतांइसेक्‍ल, दे छेङछेङमी मलाइब। एफिसी ५:१३
JOH 3:21 सुमी चहिं थमा पा रिम्‍शो गेय पाइबा, मेको छेङछेङमी लाइब। मारदे हना आ रिम्‍शो गेय परमप्रभु यावे कली टिशो नेल्‍ल तांइसेक्‍ल, दे छेङछेङमी लाइब। १यूहन्‍ना १:६-७
JOH 3:22 मिनु नोले येसु नु आ शेंसीबपुकी यहूदीया रागी लाम्‍तेक्‍म। मेकेर आ शेंसीबपुकी नु बाक्‍शा, ब्‍वाक्‍कुमी ख्रुम्‍शा ग्रुंइतीक गेय पाम्‍‍तेक्‍म। यूहन्‍ना ४:१-२
JOH 3:23 यूहन्‍नामी यो सालीम सहर आ नेक्‍था एनोन बाक्‍तीक ङा शुश ब्‍वाक्‍कु बाक्‍तीकेमी ब्‍वाक्‍कुमी ख्रुम्‍शा ग्रुंइतीक गेय पशो बाक्‍त। शुश मुर जाक्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म।
JOH 3:24 मेना यूहन्‍ना जे‍ल्‍खानम चोक्‍चा मपुंइसीशो बाक्‍त। मर्कूस १:१४
JOH 3:25 मिनु यूहन्‍ना आ शेंसीबपुकीमी “दोपा पाप क्‍याम्‍सीबा?” दे यहूदी का नु लोव़ पाम्‍तेक्‍म।
JOH 3:26 मिनु यूहन्‍ना कली ग्रुम्‍शा “शेंब, मेको यर्दन खोला आइक्‍ची हांबुम गे नु बाक्‍ब, इन तुइक्‍पाइश्‍शो परमप्रभु यावे आ तौम ब्‍वाक्‍कुमी ख्रुम्‍शा ग्रुंइतीक गेय पाइब। मिनु मुर नेल्‍ल मेकेर लाइनीम” दे यूहन्‍ना कली देंतेक्‍म। यूहन्‍ना १:२६-३४
JOH 3:27 मिनु यूहन्‍नामी “परमप्रभु यावेमी गेशो गेय ङा लाक्‍शा, सुइमी मारेइ गेय पने मचाप्‍नीम। हिब्रू ५:४
JOH 3:28 गे आं कली तुइक्‍नीनी। गो ख्रीस्‍त मनङ। तन्‍न गो ख्रीस्‍त आ ङोंइती शेंचा कली सोंइसी‍शो नङ, दे आं शेंशो लोव़ तुइक्‍नीनी। यूहन्‍ना १:२०,२३,२७
JOH 3:29 ग्‍युम्‍लेमी ग्‍युम्‍ली कली चाक्‍शो तशा, आ लोव़ नेंशा, आ वारच ग्‍येरसीब। मोपतीके गो थमा पा ग्‍येरसीनुङ। मत्ती ९:१५
JOH 3:30 मेको ठेयब दुम्‍चा माल्‍ब। गो चहिं आइक्‍च दुम्‍चा माल्‍नुङ।
JOH 3:31 मेको स्‍वर्ग रे जाक्‍ब नेल्‍ल क्‍येङा ठेयब बाक्‍ब। रागी रे दुम्‍शो चहिं रागी ङा मुर बाक्‍ब। रागी ङा मुर आन पर्बम ला तुइश्‍शा लोव़ पाइब। स्‍वर्ग रे जाक्‍शो चहिं नेल्‍ल आन क्‍येङा ठेयब बाक्‍ब। यूहन्‍ना ८:२३
JOH 3:32 मिनु आ तशो नु आ नेंशो आ पर्बम लोव़ पाइब। तन्‍न सुइमी आ देंशो लोव़ थमा मसुइक्‍नीम।
JOH 3:33 सु सुमी आ देंशो थमा सुइक्‍नीम, मेकोपुकीमी ‘परमप्रभु यावेमी ङोंइती देंशो लोव़ थमा बाक्‍ब’ दे तुइश्‍शा गेय पाइनीम।
JOH 3:34 परमप्रभु यावे आ सोइश्‍शोमी परमप्रभु यावे आ लोव़ पाइब। मेकोमी परमप्रभु यावे आ सोक्‍तीमी ब्री‍तीके आ लोव़ पाइब। यूहन्‍ना १:१६
JOH 3:35 आफोमी आ तौ कली दाक्‍शा, मेको कली नेल्‍ल क्‍येङा ठेयब अधिकार गेप्‍तु। यूहन्‍ना ५:२०; मत्ती ११:२७
JOH 3:36 सुमी आ तौ आ देंशो थमा सुइक्‍बा, मेको गेना हना यो ब्रोंइशा बाक्‍चा ताइब। सुम चहिं आ देंशो मटीबा, मेको गेना हना यो ब्रोंइशा बाक्‍चा मतथु, परमप्रभु यावे आ गाइश्‍शो ताइब” दे यूहन्‍नामी शेंताक्‍व।
JOH 4:1 फरिसीपुकीम “प्रभु येसुमी यूहन्‍ना क्‍येङा शुश शेंसीब सेल्‍शा नु ब्‍वाक्‍कुमी ख्रुम्‍शा ग्रुंइतीक गेय पाइब” दे तुइश्‍शो बाक्‍तेक्‍म। मेकोन येसुमी तुइक्‍ताक्‍व। यूहन्‍ना ३:२२-२६
JOH 4:2 मेको गेय येसुमी आंमा मपथु, आ ङोंइती ङा शेंशो १२ जना शेंसीब आन कली पपाइक्‍तु।
JOH 4:3 मिनु आ शेंसीबपुकी नु यहूदीया रागी रे पा, गालील रागी गे लाम्‍तेक्‍म।
JOH 4:4 मिनु लमानु, सामरीया रागी जाक्‍दीत्‍तेक्‍म।
JOH 4:5 सामरीया रागीमी गाक्‍शा, सीकार सहर जाक्‍दीत्‍तेक्‍म। सीकार सहर आ नेक्‍था याकूब आ रू बाक्‍‍त। मेको रू आ तौ योसेफ आ थेरशो रू बाक्‍त। उत्‍पत्ती ४८:२२; यहोसु २४:३३
JOH 4:6 मेकेर याकूब आ दोशो इनार यो बाक्‍त। मिनु येसु मेकेर जाक्‍दीश्‍शा, दशा, इनार तारी नांइ‍साक्‍व। मेना १२ बजे खोदेंशो दुम्‍शो बाक्‍त।
JOH 4:7 मेना सामरीया ङा मीश मुर का ब्‍वाक्‍कु दिथ जाक्‍त। मिनु येसुमी मेको मीश मुर कली “ब्‍वाक्‍कु तूचा गेयी” दे पुंइतु।
JOH 4:8 मेना आ शेंसीबपुकी जचा थोव़क ग्‍याप्‍थ सहर लशो बाक्‍तेक्‍म।
JOH 4:9 मिनु मीश मुरुमी “गे यहूदी ननी। गो चहिं सामरीया ङा नङ। मिनु आं गुइ रे दोपा ब्‍वाक्‍कु तूचा पुंइनीनी?” दे येसु कली मदा बाक्‍त। मारदे हना सामरी ङा मुर आन थिशो ब्‍वाक्‍कु यहूदीपुकीमी मतूबाक्‍मा बाक्‍त। सामरीया ङा मुरपुकी आइक्‍च जात ङा मुर नम। लूका ९:५२-५३
JOH 4:10 मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९
JOH 4:11 मिनु मीश मुरुमी “प्रभु, एको इनार दुइश्‍शो बाक्‍ब। इन के ब्‍वाक्‍कु ग्रुंइतीक मबा। ते रे ब्रोंइचा गेब ब्‍वाक्‍कु गे‍नीनी?
JOH 4:12 आंइ किकी पिप याकूब क्‍येङा गे ठेयब ननी ङा? याकूबमी आंइ कली एको इनार गेशो बाक्‍माक्‍त। एकेर ङा ब्‍वाक्‍कु आंमा यो तूङा बाक्‍त। आ तौपुकी नु आ बी ब्‍यफपुकीमी यो एको ब्‍वाक्‍कु तूङमे बाक्‍त, दे मतुइक्‍नीनी?” देंत।
JOH 4:13 मिनु येसुमी “सुमी एको ब्‍वाक्‍कु तूबा, मेकोमी लेंशा तूतू दाक्‍ब। यूहन्‍ना ६:५८
JOH 4:14 तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०
JOH 4:15 मिनु मीश मुरुमी “प्रभु, मेको ब्‍वाक्‍कु गेयीनी। मिनु तूतू मदाक्‍ङल। ब्‍वाक्‍कु दिथ पिचा यो ममाल्‍ङल” देंत।
JOH 4:16 मिनु येसुमी “इ वोंइश ब्रेश्‍शा चाक्‍को” दें‍त।
JOH 4:17 मिनु मीश मुरुमी “आं वोंइश मबाक्‍ब” दें‍त। येसुमी “गे इ के वोंइश मबाक्‍ब, दे थमा लोव़ पाप्‍तीवी।
JOH 4:18 इ के ५ जना वोंइश बाक्‍तेक्‍म। मुल गे नु बाक्‍ब चहिं इ वोंइश ममाइ। इ लोव़ थमा बाक्‍ब” देंत।
JOH 4:19 मिनु “प्रभु, गे परमप्रभु यावे आ लोव़ पाइब का बाक्‍नी बाक्‍त। मोपतीके आं मारेइ मारेइ तुइक्‍ताक्‍नी।
JOH 4:20 आंइ किकी पिपीमी मेको डांडामी परमप्रभु यावे कली ठेयब सेल्‍शो बाक्‍तेक्‍म। गे यहूदीपुकीमी चहिं ‘यरूसलेम सहरमी परमप्रभु यावे कली ठेयब सेल्‍चा माल्‍ब’ दे देंनीनी” दें‍त। ब्‍यवस्‍था १२:५; भजन संग्रह १२२:-
JOH 4:21 मिनु येसुमी मेको मीश मुर कली “इच्‍का नोले गे इं आफ कली मेको डांडामी नु यरूसलेममी ठेयब मसेल्‍नीनी। गे आं देंशो लोव़ थमा सुतो।
JOH 4:22 गे परमप्रभु यावे कली मतुइक्‍थु ठेयब सेल्‍नीनी। गो चहिं परमप्रभु यावे कली तुइश्‍शा ठेयब सेल्‍नीकी। मारदे हना पाप रे प्रोंइब यहूदी आन दाते रे जाक्‍ब। २राजा १७:२९-४१; यसैया २:३
JOH 4:23 मिनु मुल नु नोले थमा पा आं आफ कली ठेयब सेल्‍बपुकीमी आ सोक्‍त आ पतीकेमी थमा पा ठेयब सेल्‍नीमी। आं आफोमी मोदेंशो मुर माल्‍ब।
JOH 4:24 परमप्रभु यावे सोक्‍त बाक्‍ब। मिनु सुम मेको कली ठेयब सेल्‍नीमी, मेकोपुकीमी आ सोक्‍त पतीकेमी थमा पा ठेयब सेल्‍चा माल्‍नीम” देंत। २कोरिन्‍थी ३:१७; रोमी १२:१
JOH 4:25 मिनु मीश मुरुमी “मस्‍सीह जाक्‍ब, दे तुइक्‍नुङ। मेको कली ख्रीस्‍त यो देंनीमी। मेको जाक्‍शा, आंइ कली नेल्‍ल शेंब” दें‍त। यूहन्‍ना १:४१
JOH 4:26 मिनु येसुमी “गे नु लोव़ पाइब, गो मेको नङ” दें‍त।
JOH 4:27 मेना येसु आ शेंसीब जाक्‍तेक्‍म। मेकोपुकीमी मेको कली सामरीया ङा मीश मुर नु लोव़ पशो तशा, छक लाक्‍तेक्‍म। तन्‍न सुइमी “मारदे गे मेको नु लोव़ पाइनीनी? मार माल्‍नीनी?” दे हिल्‍लो मपाम।
JOH 4:28 मिनु मीश मुरुमी आ गर प्रोंइ‍शा, सहर लत। मिनु सहर जाक्‍दीश्‍शा, सहर ङा मुर आन कली
JOH 4:29 “मुर का कली कोव़थ पिने। मेकोमी आं पशो नेल्‍ल तुइश्‍शा गो नु लोव़ पाप्‍तु। मेको ख्रीस्‍त बाक्‍म, कों?” दे मुर आन कली माइक्‍मी बाक्‍त।
JOH 4:30 मिनु सहर ङा मुर नेल्‍ल येसु कली कोव़थ जाक्‍तेक्‍म।
JOH 4:31 मिनु आ शेंसीबपुकीमी “शेंब, लो जने” देंतेक्‍म।
JOH 4:32 तन्‍न येसुमी “इन मतुइश्‍शो जचा थोव़क गो नु बाक्‍ब” देंत।
JOH 4:33 मिनु शेंसीबपुकीमी “सुइमी जचा थोव़क चाक्‍शा, गेमे कों” देंमुम्‍तेक्‍म।
JOH 4:34 येसुमी मेको आन कली “आं जचा थोव़क मार बाक्‍ब देंशा हना, आं कली सोइक्‍ब आ दाक्‍शो पचा नु आ देंशो गेय थुम्‍चा। मेको आं के जचा थोव़क बाक्‍ब। यूहन्‍ना ६:३८; यूहन्‍ना १७:४
JOH 4:35 गेपुकीमी ‘४ महिना नोले बाली नाली रुप्‍‍ची जाक्‍ब’ देंनीनी। गो चहिं रू कोव़ङीन, हो हो पा मीशा, रुप्‍ची जाक्‍‍शो बाक्‍ब। मत्ती ९:३७
JOH 4:36 रुप्‍‍बमी गाल्‍च ताइब। मेकोमी गेना हना यो ब्रोंइशा बाक्‍चा कली मुर आन कली चाक्‍ब। मिनु शोक्‍ब नु रिक्‍ब नेल्‍ल कालेम ग्‍येरसीनीम।
JOH 4:37 मारदे हना ‘का निक्‍शीमी शोक्‍नीम, का निक्‍शीमी रुप्‍‍नीम’ देंशो लोव़ थमा बाक्‍ब, दे तुंइ‍सीब।
JOH 4:38 मिनु गो इन कली इन मशोक्‍शो रुप्‍‍थ सोइक्‍नन्‍नी। अर्कोमी शोक्‍तीक गेय पाम्‍तेक्‍म। गे चहिं मेको आन शोक्‍शो रुप्‍‍नीनी” देंत।
JOH 4:39 मेको मीश मुरुमी सामरीया ङा सीकार सहर ङा मुर आन कली “आं पशो गेय नेल्‍ल माइक्‍ती” देंशो नेंशा, सामरीया ङा मुर शुशेमी “मेकोन परमप्रभु यावे आ सोइश्‍शो ख्रीस्‍त बाक्‍त” दे थमा सुदमे बाक्‍त।
JOH 4:40 मिनु सामरीया ङा मुरपुकीमी येसु आ बाक्‍तीक जाक्‍शा “गो नु काथा बाक्‍कीन” दे पुंइ‍तेक्‍म। मोपतीके येसु नाक्‍त निक्‍शी सम्‍म मेको नु बाक्‍त।
JOH 4:41 मिनु येसु आ शेंतीक लोव़ नेंशा, ङोंइती क्‍येङा शुश मुरपुकीमी थमा सुइक्‍तेक्‍म।
JOH 4:42 मेकोपुकीमी मीश मुर कली “इ देंतीक गो थमा मसुइक्‍नीकी। तन्‍न आ शेंशो आंमा नेंतक। रागी ङा मुर आन कली पाप रे प्रोंइब एकोन बाक्‍त, दे रुप्‍शा तुइक्‍ताक्‍क” देंतेक्‍म। प्रेरित ८:५-८
JOH 4:43 मिनु नाक्‍त निक्‍शी बाक्‍शा, येसु मेकेर रे गालील रागी गे लत। मत्ती ४:१२
JOH 4:44 येसुमी “आंम रागी ङा मुरपुकीमी परमप्रभु यावे आ लोव़ पाइब कली काइ महिक्‍नीम” देंत। मत्ती १३:५७
JOH 4:45 मिनु गालील रागी जाक्‍मेनु, गालील ङा मुरपुकीमी मेको कली ब्राम्‍तेक्‍म। मारदे हना मेकोपुकीमी यो पास्‍सा नाक्‍त यरूसलेममी बाक्‍शा, येसु आ पशो नेल्‍ल तशो बाक्‍तेक्‍म। यूहन्‍ना २:२३
JOH 4:46 मिनु येसु ङोंइती ब्‍वाक्‍कु रे अङगुर शांबु सेल्‍तीक गालील रागी ङा काना सहरमी जाक्‍शो बाक्‍त। मिनु कापेरनाउम सहरमी पिप आ गेय पाइब कप्‍तान का बाक्‍शो बाक्‍त। मेको आ तौ रोइ पशो बाक्‍माक्‍त। यूहन्‍ना २:१,९
JOH 4:47 मेको कप्‍तानमी “येसु यहूदीया रे गालील रागीमी जाक्‍त” दे नेंशा, येसु कली ग्रुम्‍थ जाक्‍त। मिनु मेकोमी येसु कली “आं तौ बेक्‍चा चिक्‍ताक्‍व, सापतीने” देंत।
JOH 4:48 मिनु येसुमी “गे चिन्‍ड नु छक लाक्‍चा ङा गेय मताइतीनी हना, आं कली थमा मसुइक्‍नीनी” देंत। यूहन्‍ना २:१८; १कोरिन्‍थी १:२२
JOH 4:49 कप्‍तानमी “प्रभु, आं तौ मबेक्‍थु, आं खिं जाक्‍कीन” दे पुंइतु।
JOH 4:50 मिनु येसुमी “इन खिं लने, मारदे हना इन तौ साशा ब्रोंइब” देंशा सोइक्‍ताक्‍व। मिनु येसु आ देंशो थमा सुइश्‍शा, आ खिं लेश्‍शा लत।
JOH 4:51 मिनु लना लन बाक्‍मेनु, आ गेय पाइबपुकीमी लांमी ग्रुम्‍शा “इन तौ सात” दे शोव़ङमे बाक्‍त।
JOH 4:52 मिनु “गेना रे आं तौ साचा गोवा?” दे हिल्‍लो पवानु “सिनाक्‍त छकाल रे जरो शिक उइक्‍ताक्‍व” देंमा बाक्‍त।
JOH 4:53 मेको आल आ आफोमी “इन तौ साशा ब्रोंइब” दे येसुमी देंमेनु, सामाक्‍त, दे तुइक्‍ता बाक्‍त। मिनु मेको नु आ खिं ङा मुर नेल्‍लेमी थमा सुदमे बाक्‍त।
JOH 4:54 येसुमी यहूदीया रे गालील रागी जाक्‍शा, खेयप निक्‍शी ङा आ पशो छक लाक्‍चा ङा गेय एको बाक्‍ब। यूहन्‍ना २:११
JOH 5:1 यरूसलेममी यहूदी आन के चाड का बाक्‍त। मिनु येसु यरूसलेम लत। यूहन्‍ना २:१३
JOH 5:2 यरूसलेम सहर कली गारोमी हिरशो बाक्‍ब। मेको गारोमी लाप्‍चोपुकी बाक्‍नीम। मेको गारो ङा ठेयब लाप्‍चो का कली भेडा लाप्‍चो देंनीम। मेको आ नेक्‍थामी हिब्रू लोव़मी बेथेस्‍दा माइश्‍शो दोम्‍ली का बाक्‍ब। मेको दोम्‍ली बाक्‍तीकेमी ५ ओटा पाटी खिं बाक्‍नीम। नेहेम्‍याह ३:१
JOH 5:3 मेको खिं आगामी शुश रोइ पाइब, मिक्‍च मताइब, गुइ खोइल मदुक्‍ब, रां सोव़शो रोइ पाइबपुकी बाक्‍शो बाक्‍तेक्‍म। मेको मुरपुकी दोम्‍ली ङा ब्‍वाक्‍कु गेना हिम्‍सीब, दे कोव़चा कली बाक्‍शो बाक्‍मा बाक्‍त।
JOH 5:4 मारदे हना परमप्रभु यावे आ स्‍वर्ग ङा गेय पाइबमी यिशा, दोम्‍ली ङा ब्‍वाक्‍कु कली हिम्‍बाक्‍माक्‍त। मिनु ब्‍वाक्‍कु हिम्‍सेनु, नेल्‍ल क्‍येङा ङोंइती दोम्‍लीम ग्रुम्‍ब आ रोइ साबाक्‍माक्‍त।
JOH 5:5 मिनु मेकेर ३८ बर्स सम्‍म रोइ पशो मुर का बाक्‍त।
JOH 5:6 मिनु येसुमी मेको कली तशा “मेको मुर शुश बर्स रोइ पशो बाक्‍त” दे तुइश्‍शा “गे साचा दाक्‍नेवे?” दे हिल्‍लो पाप्‍तु।
JOH 5:7 मेको रोइ पाइबमी “प्रभु, ब्‍वाक्‍कु हिम्‍सेनु, आं कली दोम्‍लीमी ख्रुम्‍ब मुर सुइ मपिदु। मिनु गो हना यो ‘लङ’ देंङानु, मुर का आं ङोंइती ब्‍वाक्‍कुमी ग्रुम्‍ब” देंत।
JOH 5:8 मिनु येसुमी “बोक्‍को, इ ब्राख्‍ये कुर‍शा गाक्‍को” दे माइक्‍तु।
JOH 5:9 मो देंशोनु, मेको मुर आ रोइ सा‍शा, छुल बोक्‍त। मिनु आ ब्राख्‍ये कुरशा गाक्‍त। मिनु मेको सापाइश्‍शो नाक्‍त चहिं नाइक्‍तीक नाक्‍त बाक्‍त।
JOH 5:10 मोपतीके यहूदीपुकीमी साशो मुर कली “मुलाक्‍त नाइक्‍तीक नाक्‍त बाक्‍ब। इ ब्राख्‍ये कुरचा मदुम्‍ब, दे मतुइक्‍ती?” देंतेक्‍म। प्रस्‍थान २०:१०; येरमीया १७:२१-२२
JOH 5:11 मिनु मेकोमी “आं कली सापाइक्‍ब मुरुमी ‘इ ब्राख्‍ये कुर‍शा गाक्‍को’ दे माइक्‍ती” देंत।
JOH 5:12 मेकोपुकीमी “इ ब्राख्‍ये कुर‍शा गाक्‍को देंब मुर सु बाक्‍मे?” दे हिल्‍लो पाम्‍तेक्‍म।
JOH 5:13 मिनु मेकोमी “मतुइक्‍नुङ” देंत। मारदे हना दोम्‍ली बाक्‍तीकेमी मुरपुकीमी पुम्‍दमेनु, येसु मेकेर रे गाक्‍ने थुम्‍शो बाक्‍त।
JOH 5:14 मिनु नोले येसुमी मेको साशो मुर कली परमप्रभु यावे आ खिंमी ग्रुम्‍तु। मिनु “गे साते। मेको क्‍येङा ठेयब रोइ मपचा कली गे लेंशा पाप मपावो” दे माइक्‍तु। यूहन्‍ना ८:११
JOH 5:15 मिनु साशो मुरुमी यहूदी आन कली ग्रुम्‍थ लशा “आं कली सापाइक्‍ब दा येसु बाक्‍माक्‍त” दे माइक्‍मी बाक्‍त।
JOH 5:16 सापाइक्‍ची गेय नाइक्‍तीक नाक्‍ती पतीक यहूदीपुकीमी येसु कली श्‍येत गेचा गोम्‍तेक्‍म। मत्ती १२:१४
JOH 5:17 मिनु येसुमी मेको आन कली “आं आफ मुल सम्‍म गेय पना पन बाक्‍ब। गो यो गेय पाइनुङ” देंत। यूहन्‍ना ९:४
JOH 5:18 आ लोव़ नेंशा, यहूदीपुकीमी येसु कली साइक्‍चा माल्‍तेक्‍म। मारदे हना नाइक्‍तीक नाक्‍ती गेय मपतीके क्‍याम्‍चा ला ममाइ “परमप्रभु यावे नु उइक्‍थ बाक्‍नुङ। परमप्रभु यावे आं आफ बाक्‍ब” दे देंशोमी, मेकोपुकीमी येसु कली साइक्‍चा माल्‍तेक्‍म। यूहन्‍ना ७:३०; यूहन्‍ना १०:३३
JOH 5:19 मिनु येसुमी यहूदी आन कली “नोफा दाइश्‍शा नेनीन, आं आफोमी मार पाइबा, आ तौमी मेको मतवा सम्‍म मारेइ पने मचाप्‍ब। मिनु आफोमी दोदेंशो पाइबा, तौमी मोदेंशोन पाइब। यूहन्‍ना ३:११,३२
JOH 5:20 मारदे हना आं आफोमी आ तौ कली दाक्‍ब। मिनु आ पशो गेय नेल्‍ल आ तौ कली कोंइब। मिनु आं आफोमी मुल सम्‍म पपाइश्‍शो गेय क्‍येङा नोले ठेयब गेय कोंइपाइक्‍ब। मेको गेय तशा गेपुकी छक लाक्‍नीनी। ३:३५
JOH 5:21 मिनु आं आफोमी बेक्‍शो आन कली दोपा सेंबा, मोपा आ तौमी यो सु कली बेक्‍शो रे सेंचा दाक्‍बा, मेको कली सेंपाइक्‍ब। दानीएल ७:१३-१४; प्रेरित १०:४२
JOH 5:22 आं आफोमी मुर आन कली निसाफ मपाइब। तन्‍न नेल्‍ल निसाफ पचा ङा गेय आ तौ कली पपाइक्‍ब।
JOH 5:23 मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३
JOH 5:24 नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८
JOH 5:25 नोफा दाइश्‍शा नेनीन, बेक्‍शो मुरपुकीमी मुल परमप्रभु यावे आ तौ आ सेंदा नेंनीम। सुमी नेंबा, मेको गेना हना यो ब्रोंइशा बाक्‍चा ताइब। एफिसी २:५-६
JOH 5:26 परमप्रभु यावे नु ब्रोंइतीक सोक्‍त बाक्‍ब। मिनु आ तौ कली यो मोदेंशो ब्रोंइतीक सोक्‍ती गेशो बाक्‍त। यूहन्‍ना १:१-४
JOH 5:27 मिनु आ तौ कली निसाफ पतीक अधिकार गेप्‍तु। मारदे हना आ तौ रागीमी जरमेसीशो बाक्‍ब। दानीएल ७:१३-१४
JOH 5:28 आं देंशो आ पर्बम छक मलाक्‍कीन। मारदे हना इच्‍का नोले तुरसुमी बाक्‍शो बेक्‍शो मुर नेल्‍लेमी रागीमी जरमेशो आ सेंदा नेंनीम।
JOH 5:29 ङोंइती रिम्‍शो पाइबपुकी गेना हना यो ब्रोंइशा बाक्‍चा कली सेंसीनीम। मरिम्‍शो पाइबपुकी चहिं सजाइ तचा कली सेंसीनीम। दानीएल १२:२; मत्ती २५:४६; २कोरिन्‍थी ५:१०
JOH 5:30 मिनु गो आंम अधिकारमी मारेइ पने मचाप्‍नुङ। गो दोदेंशो नेंनुङ, मोदेंशो पा निसाफ पाइनुङ। आं निसाफ चहिं ठीक बाक्‍ब। मारदे हना आं दाक्‍शो मपथु, आं कली सोइक्‍ब आ देंशो पाइनुङ। यूहन्‍ना ६:३८
JOH 5:31 गो आं पर्बम लोव़ पाता हना, मेको लोव़ थमा बाक्‍ब, दे थमा मसुइक्‍नीनी।
JOH 5:32 आं पर्बम अर्कोमी लोव़ पाइब, गो मेको तुइक्‍नुङ।
JOH 5:33 मेको लोव़ देंब चहिं यूहन्‍ना बाक्‍ब। गे मेको कली ‘गे सु ननी?’ दे हिल्‍लो पथ सोइक्‍ताक्‍नी। मिनु यूहन्‍नामी आं पर्बम थमा पा शेंताक्‍व।
JOH 5:34 आं पर्बम शेंशो चहिं मुरुमी शेंतीक ममाइ। पाप पशो आ पर्बम सजाइ रे ब्रोनीन, दे इन कली देंनुङ।
JOH 5:35 यूहन्‍ना छेङछेङ पा ब्रशो बत्ती खोदेंशो बाक्‍त। गे मेको आ हाम्‍सोमी ग्‍येरशा बाक्‍चा दाक्‍ताक्‍नी।
JOH 5:36 मिनु यूहन्‍नामी आं पर्बम शेंशो ठेयब बाक्‍त हना यो, आं पर्बम मेको क्‍येङा ठेयब सांकछी का बाक्‍ब। आं सांकछी मार बाक्‍ब देंशा हना, आं आफोमी आं कली पपाइश्‍शो गेय बाक्‍ब। मेको आं पशो गेयमी ‘परमप्रभु यावेमी आं कली सोइक्‍ताक्‍व’ दे इन कली शेंब। यूहन्‍ना ३:२; यूहन्‍ना १०:२५:३८
JOH 5:37 आं कली सोइक्‍ब आं आफ आं सांकछी बाक्‍ब। गेपुकीमी आं आफ आ सेंदा गेनायो मनेनी। मेको कली गेनायो मतनी। मत्ती ३:१७
JOH 5:38 आं आफ आ लोव़ इन थुंमी मबा। मोपतीके गेपुकीमी आं आफोमी सोइश्‍शो कली थमा मसुइक्‍नीनी।
JOH 5:39 गे परमप्रभु यावे आ लोव़ शेंसीन सीन बाक्‍नीनी। मारदे हना मो पशोनु, ब्रोंइशा बाक्‍चा तांइसीब, दे मिम्‍नीनी। मिनु परमप्रभु यावे आ लोव़मी आं पर्बम ब्रेक्‍शो बाक्‍त। लूका २४:२७,४४; २तिमोथी ३:१५-१७
JOH 5:40 गे चहिं ब्रोंइचा तकल, दे आं गे मपीनीनी।
JOH 5:41 गो मुर आन ठेयब सेल्‍तीके मब्राइ‍नुङ।
JOH 5:42 मिनु परमप्रभु यावेमी गेशो दाक्‍तीके गेपुकी नु मबाक्‍ब, दे गो तुइक्‍नुङ।
JOH 5:43 गो आं आफ आ नेंमी जाक्‍ती। तन्‍न गेपुकीमी आं कली मब्रनी। सुइ मुर आंम आ नेंमी जाक्‍त हना, मेको कली चहिं ब्राइनीनी। मत्ती २४:५
JOH 5:44 मोपा गे ठेयब सेल्‍मुइनीनी। तन्‍न का ला परमप्रभु यावेमी इन कली ‘रिम्‍शो ननी’ देंचा मपुंइसीनीनी। आं कली दोपा थमा सुइक्‍ने चाप्‍नीनी ङा? यूहन्‍ना १२:४२-४३; १थिस्‍सलोनिकी २:६
JOH 5:45 गो परमप्रभु यावे आ ङोंइती इन कली दोस गेनन्‍नी, दे ममिम्‍तीन। गे मोसामी ब्रेक्‍शो लोव़मी आस पाइनीनी। तन्‍न मेको मोसा आ ब्रेक्‍शो लोव़मी इन कली दोस गेब। ब्‍यवस्‍था ३१:२४-२७
JOH 5:46 गे मोसा आ लोव़ थमा सुइक्‍नी हना, आं कली यो थमा सुइक्‍नी वा। मारदे हना आं पर्बम ब्रेक्‍शो बाक्‍त। उत्‍पत्ती ३:१५; उत्‍पत्ती ४९:१०; ब्‍यवस्‍था १८:१५
JOH 5:47 तन्‍न गे मोसा आ ब्रेक्‍शो लोव़ ठीक पा थमा मसुइक्‍नीनी। मिनु आं लोव़ दोपा थमा सुइक्‍ने चाप्‍नीनी ङा?” दे येसुमी यहूदी आन कली देंत। लूका १६:३१
JOH 6:1 मिनु नोले येसु गालील ङा समुन्‍द्र आइक्‍ची हांबु लत। गालील ङा समुन्‍द्र कली तिबेरीयास समुन्‍द्र यो देंनीम।
JOH 6:2 मिनु शुश मुरपुकीमी येसु आ नोले खोइक्‍तेक्‍म। मारदे हना येसुमी छक लाक्‍चा ङा गेय पा, रोइ पाइब आन कली सापाइश्‍शो तशो बाक्‍तेक्‍म।
JOH 6:3 मिनु येसु आ शेंसीबपुकी नु आइक्‍था डांडा गे ङोइश्‍शा, तशो बाक्‍तेक्‍म।
JOH 6:4 मेना यहूदी आन पास्‍सा चाड जाक्‍चशो बाक्‍त। मोपतीके शुश मुर लांम गाक्‍शो बाक्‍तीक येसु आ नेक्‍था जाक्‍तेक्‍म। यूहन्‍ना २:१८; यूहन्‍ना ११:५५
JOH 6:5 येसुमी शुश मुर जाक्‍शो तशा, फिलीप कली “शोब्‍ले ग्‍याप्‍शा, नेल्‍ल आन कली दोपा थुल्‍चा?” दे हिल्‍लो पाप्‍तु।
JOH 6:6 येसुमी चहिं “आं कली थमा सुइक्‍बा कों, मसुइक्‍बा” दे फिलीप आ थुं कोव़चा कली मोदेंशो देंत। येसुमी “गो छक लाक्‍चा ङा गेय पाइनुङ” दे तुइक्‍ताक्‍व।
JOH 6:7 मिनु फिलीपमी “मेको मुरपुकीमी इच्‍कका ला जाम्‍तेक्‍म हना, सहे निक्‍शी देनारमी यो मेको आन कली शोब्‍ले ग्‍याप्‍चा कली मजाक्‍दीप्‍ब” देंत। मेना देनार का काबु ङा गेय आ गाल्‍च बाक्‍त।
JOH 6:8 मिनु सिमोन पत्रुस आ लोक्‍ब अन्‍द्रीयासमी येसु कली
JOH 6:9 “एकेर वोंइश आल का बाक्‍ब। मेको नु ५ ओटा क्‍योव़ज के शोब्‍ले नु ङांइ निक्‍शी बाक्‍ब। एको इश ङा मुर आन कली ओशोमी मार गाप्‍बा ङा?” देंत।
JOH 6:10 मिनु येसुमी “मुर आन कली निप्‍पतीन” देंत। मेकेर रिम्‍शो दिंम का बाक्‍त। मिनु मुरपुकी नेल्‍ल निस्‍साक्‍म। आल नु मीश मुर प्रोंइशा, ५ हजार खोइ वोंइश मुर बाक्‍तेक्‍म।
JOH 6:11 येसुमी मेको शोब्‍ले ताक्‍‍शा “गे रिम्‍शो पाइब बाक्‍नीनी” दे परमप्रभु यावे कली ठेयब सेल्‍शा, मुर आन कली शोब्‍ले योक्‍पाइक्‍तीमी। मोदेंशो पा ङांइ यो योक्‍पाइक्‍तीमी। मिनु मुरपुकीमी दोशो जचा ब्‍वचा दाक्‍मा, मोशोन गेपाइक्‍तीमी।
JOH 6:12 मिनु मुर नेल्‍लेमी रूथ्री जामे नोले, येसुमी आ शेंसीब आन कली “एर ओंथ दोशो शोब्‍ले लीशो बाक्‍मे, मेको नेल्‍ल खुप्‍तीन” देंत।
JOH 6:13 मिनु गुप्‍शा, १२ डालो प्रिंताक्‍म। मेको लीशा गुप्‍शो शोब्‍ले ङोंइती ङा ५ ओटा रे दुम्‍शो बाक्‍तेक्‍म।
JOH 6:14 मिनु मुरपुकीमी येसु आ पशो छक लाक्‍चा ङा गेय तशा “रागीमी जाक्‍ब परमप्रभु यावे आ लोव़ पाइब एकोन बाक्‍त” देंतेक्‍म। ब्‍यवस्‍था १८:१५
JOH 6:15 मिनु येसुमी “आं कली ग्‍याइश्‍शा, पिप सेल्‍नीमी” दे तुइश्‍शा, आ का ला डांडा ङोंइ‍साक्‍व। यूहन्‍ना १८:३६
JOH 6:16 मिनु नां रिक्‍चावानु, येसु आ शेंसीबपुकी गालील ङा समुन्‍द्र आ नेक्‍था जाक्‍शा,
JOH 6:17 डोंगामी ङोइश्‍शा, समुन्‍द्र शोक्‍शा, कापेरनाउम सहर गे लचा गोम्‍तेक्‍मे। मेना नां रिक्‍शो बाक्‍त। येसु चहिं लेश्‍शा मजाक्‍शो बाक्‍त।
JOH 6:18 मिनु ठेयब फश गिवार पा समुन्‍द्र ङा ब्‍वाक्‍कु शुश मुइश्‍शा, डोंगा कली हिम्‍पाइक्‍तु।
JOH 6:19 मिनु येसु आ शेंसीबपुकी डोंगा ङोइश्‍शा, २५ कि ३० स्‍तादीयोन खोदेंशो जाक्‍दीम्‍मानु, येसु कली समुन्‍द्र ङा ब्‍वाक्‍कु तार गाक्‍ना गाक्‍न आन डोंगा गे पिशो ताम्‍तेक्‍म। मिनु मेको कली तशा “सु बाक्‍म” दे हिंतेक्‍म। स्‍तादीयोन का १८५ मिटर खोदेंशो बाक्‍ब।
JOH 6:20 मिनु येसुमी “गो नङ, महिनीन” दे माइक्‍तीमी।
JOH 6:21 मिनु ग्‍येरसीशा, येसु कली डोंगामी ङोइक्‍पाइक्‍तेक्‍म। मिनु डोंगामी ङोइक्‍पाइश्‍शा, कापेरनाउम जाक्‍दीत्‍तेक्‍म।
JOH 6:22 मिनु आ दीसा नाक्‍त शोब्‍ले जाइब मुरपुकी मेक उइ बाक्‍शो बाक्‍तेक्‍म। सिनाक्‍ती समुन्‍द्र आ नेक्‍था डोंगा का ला बाक्‍त। मिनु येसु आ शेंसीबपुकीमी मेको डोंगा लाइश्‍शा, कापेरनाउम गे लाम्‍तेक्‍म, दे तुइक्‍ताक्‍म। येसु चहिं आ शेंसीबपुकी नु डोंगामी मला, दे यो तुइक्‍ताक्‍म।
JOH 6:23 तिबेरीयास सहर रे डोंगापुकी प्रभुमी परमप्रभु यावे कली “गे रिम्‍शो पाइब बाक्‍नीनी” देंशा शोब्‍ले योक्‍तीक दिंम आ नेक्‍था जाक्‍तेक्‍म।
JOH 6:24 मिनु मुरपुकीमी येसु नु आ शेंसीबपुकी मेकेर मबाक्‍शो तशा, डोंगा ङोइश्‍शा, कापेरनाउम गे लशा, येसु कली माल्‍तेक्‍म।
JOH 6:25 मिनु मेकेर जाक्‍दीश्‍शा, येसु कली थित्‍तेक्‍म। मिनु मेकोपुकीमी “शेंब, एकेर गेना जाक्‍नी?” दे हिल्‍लो पाम्‍तेक्‍म।
JOH 6:26 येसुमी “नोफा दाइश्‍शा नेनीन, आं छक लाक्‍चा ङा गेय आ पर्बम ममाइ, तन्‍न शोब्‍ले जशा रूतीके आं कली माल्‍तीनी।
JOH 6:27 राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६
JOH 6:28 मिनु येसु कली “परमप्रभु यावे आ देंशो पचा कली मार गेय पचा माल्‍नीकी?” दे हिल्‍लो पाम्‍तेक्‍म।
JOH 6:29 मिनु येसुमी “मेको परमप्रभु यावे आ गेय बाक्‍ब। गेपुकी परमप्रभु यावे आ सोइश्‍शो कली थमा सुइक्‍चा, परमप्रभु यावे आ गेय बाक्‍ब” दे माइक्‍तीमी।
JOH 6:30 मिनु मेकोपुकीमी लेंशा येसु कली “गे परमप्रभु यावे आ तौ ननी, दे कोंइचा कली मार छक लाक्‍चा ङा गेय पाइनीनी?
JOH 6:31 आंइ किकी पिपीमी गोरशो रागीमी मन्‍ना शोब्‍ले जशो बाक्‍तेक्‍म। ‘मेको आन कली सरीङ रे शोब्‍ले गेम्‍तीमी’ दे ब्रेक्‍शो बाक्‍त” देंतेक्‍म। भजन संग्रह ७८:२४; प्रस्‍थान १६:१३-१५
JOH 6:32 मिनु येसुमी “नोफा दाइश्‍शा नेनीन, मोसामी इन कली स्‍वर्ग रे शोब्‍ले गेशो ममाइ, तन्‍न आं आफोमी इन कली थमा पा स्‍वर्ग रे शोब्‍ले गेब।
JOH 6:33 मारदे हना परमप्रभु यावेमी गेशो शोब्‍ले स्‍वर्ग रे यीब। मेकोमी रागी ङा मुर आन कली गेना हना यो परमप्रभु यावे नु ब्रोंइचा गेब” दे माइक्‍तीमी।
JOH 6:34 मिनु मेकोपुकीमी “प्रभु, मेको शोब्‍ले गेना हना यो गेकी” दे पुंइतेक्‍म।
JOH 6:35 मिनु येसुमी “गेना हना यो परमप्रभु यावे नु ब्रोंइ‍चा गेब शोब्‍ले गो नङ। सु सु आं गे पीनीमी, मेको शोव़लु मबेक्‍नीम। मिनु आं कली थमा सुइक्‍बपुकी गेनायो तूतू मदाक्‍नीम। यूहन्‍ना ४:१४; यूहन्‍ना ७:३७
JOH 6:36 गेपुकीमी चहिं आं कली तशो बाक्‍तीनी हना यो, थमा मसुइक्‍नीनी।
JOH 6:37 मिनु आं आफोमी आं कली गेशो मुरपुकी आं गे पीनीम। आं गे पीब आन कली गेनायो मतिल्‍नुङमी। मत्ती ११:२८
JOH 6:38 मारदे हना गो आं दाक्‍शो गेय पथ ममाइ, तन्‍न आं कली सोइक्‍ब आ दाक्‍शो गेय पचा कली स्‍वर्ग रे जाक्‍शो नङ। यूहन्‍ना ४:३४
JOH 6:39 मिनु आं कली सोइक्‍ब आ दाक्‍शो मार बाक्‍ब देंशा हना, आं कली गेशो मुर का यो मसाम्‍चा, नु नोले ङा नाक्‍तीमी मेको आन कली सेंपाइक्‍चा बाक्‍ब। यूहन्‍ना १०:२८-२९; यूहन्‍ना १७:१२
JOH 6:40 मिनु सु सुमी परमप्रभु यावे आ तौ, दे आं कली तुइक्‍नीमी नु थमा सुइक्‍नीम। मेको आन कली नोले ङा नाक्‍तीमी सेंपाइश्‍शा, गेना हना यो ब्रोंइशा बाक्‍चा गेनुङमी। आं आफ आ दाक्‍शो गेय मेकोन बाक्‍त” दे यहूदी आन कली शेंताक्‍व। यूहन्‍ना ५:२९; यूहन्‍ना ११:२४
JOH 6:41 मिनु यहूदीपुकीमी येसु आ लोव़ नेंशा गन गन पाम्‍तेक्‍म। मारदे हना येसुमी “गो स्‍वर्ग रे यिशो शोब्‍ले नङ” देंशो बाक्‍त।
JOH 6:42 मिनु मेकोपुकीमी “मार, एको योसेफ आ तौ येसु ममाइ? मेको आ आम आफ कली गो तुइक्‍नीकी” देंतेक्‍म। मिनु मेकोमी “ ‘गो स्‍वर्ग रे जाक्‍शो नङ’ दे दोपा देंने चाप्‍बा ङा?” दे गन गन पाम्‍तेक्‍म। लूका ४:२२
JOH 6:43 मिनु येसुमी मेको आन कली “गन गन मपने।
JOH 6:44 आं कली सोइक्‍ब आं आफोमी आं कली गेशो मुर ला आं गे पिने चाप्‍नीम। अरु चहिं मचाप्‍नीम। आं कली गेशो मुर आन कली नोले ङा नाक्‍ती सेंनुङमी।
JOH 6:45 मिनु परमप्रभु यावे आ लोव़ पाइब आन किताबमी ‘परमप्रभु यावेमी नेल्‍ल आन कली शेंब’ दे ब्रेक्‍शो बाक्‍त। तेकोमी आं आफ आ लोव़ नेंशा शेंसीबा, मेको आं गे पीब। यसैया ५४:१३
JOH 6:46 सुइमी आं आफ कली मतामे। परमप्रभु यावे रे यीबमी ला आफ कली तशो बाक्‍त। यूहन्‍ना १:१८
JOH 6:47 मिनु नोफा दाइश्‍शा नेनीन, सुमी थमा सुइक्‍बा, मेको गेना हना यो ब्रोंइशा बाक्‍चा ताइब। यूहन्‍ना ३:१६
JOH 6:48 मिनु गो ब्रोंइचा गेब शोब्‍ले नङ। यूहन्‍ना ६:३५
JOH 6:49 इन किकी पिपीमी गोरशो रागीमी मन्‍ना शोब्‍ले जचा ताम्‍तेक्‍म हना यो, बेक्‍तेक्‍म। १कोरिन्‍थी १०:३-५
JOH 6:50 तन्‍न मुरपुकीमी स्‍वर्ग रे यिशो शोब्‍ले कली जाम्‍तेक्‍म हना, मबेक्‍थु ब्रोंइशा बाक्‍नीम।
JOH 6:51 गो स्‍वर्ग रे यिशो ब्रोंइतीक शोब्‍ले नङ। सुमी मेको शोब्‍ले जाइबा, मेको गेना हना यो परमप्रभु यावे नु बाक्‍शा ब्रोंइ‍ब। मिनु रागी ङा मुर आन कली ब्रोंइपाइक्‍चा, दे मार शोब्‍ले गेनुङ देंशा हना, आं गेशो शोब्‍ले आं रां बाक्‍ब” दे शेंताक्‍व। मर्कूस १४:२२
JOH 6:52 मिनु यहूदीपुकीमी “एको मुरुमी आंइ कली दोपा आ रां ब्‍वचा गेने चाप्‍बा?” दे लोव़ पा जिम्‍तेक्‍म।
JOH 6:53 मिनु येसुमी “नोफा दाइश्‍शा नेनीन, गे रागीमी जरमेशो आं रां मब्‍वाइतीनी हना, नु आं हुश मतूतीनी हना, गेना हना यो परमप्रभु नु ब्रोंइशा बाक्‍चा गेब सोक्‍त गे नु मबाक्‍ब।
JOH 6:54 सु सुमी आं रां ब्‍वाइनीमी नु आं हुश तूनीमी, मेको गेना हना यो ब्रोंइशा बाक्‍चा ताइनीम। मारदे हना गो मेको कली नोले ङा नाक्‍ती सेंपाइक्‍नुङमी। मत्ती २६:२६-२८
JOH 6:55 आं रां थमा जचा थोव़क बाक्‍ब। आं हुश यो थम तूचा थोव़क बाक्‍ब।
JOH 6:56 सुमी आं रां ब्‍वाइबा नु आं हुश तूबा, मेको आं आगाम बाक्‍ब। मिनु गो मेको आ आगाम बाक्‍नुङ। यूहन्‍ना १५:४; १यूहन्‍ना ३:२४
JOH 6:57 दोपा ब्रोंइशा बाक्‍ब आं आफोमी आं कली सोइश्‍शा ब्रोंइपाइय्‍यी, मोपा आं रां ब्‍वाइब यो गो रे पा ब्रोंइचा ताइब।
JOH 6:58 मेको स्‍वर्ग रे यिशो शोब्‍ले बाक्‍ब। इन किकी पिपीमी शोब्‍ले जशा बेक्‍तेक्‍म। गो मेको खोदेंशो शोब्‍ले मगेनुङ। सुमी चहिं आं शोब्‍ले जाइबा, मेको गेना हना यो ब्रोंइशा बाक्‍ब” देंत।
JOH 6:59 मेको लोव़ येसुमी कापेरनाउम सहर ङा ग्रुम्‍तीक खिंमी यहूदी आन कली शेंताक्‍व।
JOH 6:60 मिनु मेको लोव़ नेंशा, येसु आ शेंसीबपुकी शुशेमी “एको आं शेंशो कका पा कशो लोव़ बाक्‍त। सु नेंने चाप्‍बा ङा?” देंमुम्‍तेक्‍म।
JOH 6:61 येसुमी चहिं “आं शेंसीबपुकीमी आं लोव़ आ पर्बम गन गन पाम्‍तेक्‍म” दे तुइश्‍शा, मेको आन कली “मार, आं पशो लोव़ नेंशा, चुरशा आं कली प्रोंइनीनी?
JOH 6:62 मिनु रागीमी जरमेशो आ ङोंइती ङा बाक्‍तीकेमी लेश्‍शो ताइतीनी हना, मार मिम्‍नीनी? लूका २४:५०-५१
JOH 6:63 परमप्रभु यावे आ सोक्‍त ब्रोंइचा गेब बाक्‍ब। मुरुम चहिं मारेइ पने मचाप्‍नीम। आं देंशो लोव़ परमप्रभु यावे आ सोक्‍ती ङा ब्रोंइचा गेब लोव़ बाक्‍ब।
JOH 6:64 तन्‍न गे का निक्‍शी आं कली थमा मसुइक्‍ब बाक्‍नीनी” देंत। मारदे हना येसुमी ङोंइती रे आ कली थमा मसुइक्‍ब सु सु नमी, दे तुइश्‍शो बाक्‍त। मिनु येसु आ शेंसीब का येसु कली साइक्‍ब आन कली वारच पाइब दुम्‍ब, दे यो तुइश्‍शो बाक्‍त।
JOH 6:65 मिनु येसुमी “आं आफोमी आं कली गेशो मुर ला आं गे पिने चाप्‍नीम, दे ङोंइती रे माइक्‍तन्‍नी” देंत।
JOH 6:66 मिनु मोदेंशो शेंशो आ पर्बम शुशेमी येसु आ नोले खोइक्‍चा प्रोंइतेक्‍म।
JOH 6:67 मिनु येसुमी आ १२ जना शेंसीब आन कली “गेपुकी यो लाइनीनी?” दे हिल्‍लो पाम्‍तीमी।
JOH 6:68 मिनु सिमोन पत्रुसमी “प्रभु, गो सु का आ नोले खोइक्‍नीकी? गे गेना हना यो ब्रोंइशा बाक्‍चा ङा लोव़ पाइनीनी।
JOH 6:69 गे परमप्रभु यावेमी योव़शा सोइश्‍शो ननी, दे तुइश्‍शा थमा सुइक्‍नीकी” देंत। मत्ती १६:१६
JOH 6:70 मिनु येसुमी “गो गे १२ जना इन कली योव़तन्‍नी। तन्‍न इन दातेमी सैतान का बाक्‍ब” देंत।
JOH 6:71 येसुमी मेको लोव़ इस्‍कारीयोत ङा सिमोन आ तौ यहूदा आ पर्बम देंशो बाक्‍त। मारदे हना यहूदा मेको १२ जना आन दाते ङा का दुम्‍शा यो येसु कली साइक्‍ब आन कली वारच पाइब दुम्‍त।
JOH 7:1 मिनु नोले येसु गालील रागीमी हिरना हिरन बाक्‍त। मारदे हना यहूदीपुकीमी येसु कली साइक्‍चा माल्‍‍तीके यहूदीया रागीमी लचा मदाक्‍शो बाक्‍माक्‍त। यूहन्‍ना ४:४३
JOH 7:2 मिनु यहूदी आन बाली ओंइतीक चाड जाक्‍चशो बाक्‍त। लेवी २३:३४-३६
JOH 7:3 मिनु आ लोक्‍बपुकीमी येसु कली “इ शेंसीब आन कली इ गेय कोंइचा कली यहूदीया रागी लावो। यूहन्‍ना २:१२; मत्ती १२:४६; प्रेरित १:१४
JOH 7:4 मुरपुकीमी इ कली तुइक्‍पांइसीचा दाक्‍नेवे हना, ख्रुइश्‍शा गेय मपावो। इ पशो गेय मुर आन कली कोंइदीमी” देंतेक्‍म।
JOH 7:5 मारदे हना आ लोक्‍बपुकीमी यो येसु कली थमा मसुइक्‍बाक्‍तेक्‍म।
JOH 7:6 मिनु येसुमी आ लोक्‍ब आन कली “मुल सम्‍म आं लची मजा। गेपुकी लने चाप्‍नीनी। यूहन्‍ना २:४
JOH 7:7 रागी ङा मुरपुकीमी इन कली श्‍येत मगेनीम। आं कली चहिं श्‍येत गेनीम। मारदे हना गो मेको आन कली ‘आन पशो गेय मरिम्‍शो बाक्‍ब’ दे कोंइनुङमी। यूहन्‍ना १५:१८
JOH 7:8 गे लने, गो मुल मलाइनुङ। मुल आं लची मजा” दे माइक्‍तीमी।
JOH 7:9 मो देंशा येसु गालील रागीमी बाक्‍त।
JOH 7:10 मिनु येसु आ लोक्‍बपुकी चाड मानेथ लाम्‍तेक्‍म। मिनु नोले येसु यो मुर आन मतचा ङा पा यरूसलेम लत। यूहन्‍ना २:१३
JOH 7:11 मिनु चाडमी यहूदीपुकीमी येसु कली माल्‍शा “मेको ते बाक्‍मे” दे हिल्‍लो पाम्‍तेक्‍म।
JOH 7:12 मिनु मुरपुकीमी येसु आ पर्बम शुश ख्रुइश्‍शा लोव़ पमुम्‍तेक्‍म। का निक्‍शीमी “रिम्‍शो मुर बाक्‍ब” देंतेक्‍म। का निक्‍शीमी चहिं “ममाइ, मुर आन कली हेंथे गाक्‍पाइक्‍ब बाक्‍ब” देंतेक्‍म।
JOH 7:13 नेल्‍लेमी यहूदी आन क्‍येङा हिंशा, ख्रुइश्‍शो लोव़ पाम्‍तेक्‍म। यूहन्‍ना ९:२२; यूहन्‍ना १२:४२; यूहन्‍ना १९:३८
JOH 7:14 मिनु बाली ओंइतीक चाड ङा नाक्‍त का येसुमी परमप्रभु यावे आ खिंमी लशा, मुर आन कली शेंताक्‍व।
JOH 7:15 मिनु यहूदीपुकीमी छक लाक्‍शा “मेको गेनायो मशेंसीशो मुरुम यो दोपा इश ङा जोक्‍गा?” देंमुम्‍तेक्‍म। मत्ती १३:५६
JOH 7:16 मिनु येसुमी मेको आन कली “आं शेंतीक आं के ममाइ, तन्‍न आं कली सोइक्‍ब के बाक्‍ब।
JOH 7:17 सु मुरुमी परमप्रभु यावे आ दाक्‍शो पाइबा, मेकोमी आं शेंतीके लोव़ परमप्रभु यावे के बाक्‍बा कों, आंम के बाक्‍बा, दे तुइक्‍ब।
JOH 7:18 सुम चहिं आंम लोव़ शेंबा, मेकोमी आंम कली ठेयब सेल्‍चा दाक्‍ब। आं कली सोइक्‍ब परमप्रभु यावे कली ठेयब सेल्‍चा दाक्‍ब चहिं थमा पा काइ पाप मपाइब बाक्‍ब। यूहन्‍ना ५:४१,४५
JOH 7:19 मोसामी इन कली परमप्रभु यावे आ अरेशो लोव़ गेशो बाक्‍त। मिनु गेपुकी मारदे मेको मपाइनीनी? मारदे आं कली साइक्‍चा माल्‍नीनी?” देंत। रोमी २:१७-२४; यूहन्‍ना ५:१६-१८
JOH 7:20 मिनु मुरपुकीमी “सुमी इन कली साइक्‍चा माल्‍बा? वोलमी इन कली सुम्‍शो बाक्‍तीके ‘गे आं कली साइक्‍चा माल्‍तीनी’ दे देंनीनी” देंतेक्‍म। यूहन्‍ना १०:२०
JOH 7:21 येसुमी “गो गेय का पाता। गे मेको तशा, छक लाक्‍तीनी। यूहन्‍ना ५:१६
JOH 7:22 मोसामी इन कली ‘ख्रोइक्‍तीक चिनु ख्रोइक्‍चा माल्‍ब’ दे अरेशो लोव़ गे‍शो बाक्‍त। मेको मोसा आ अरेशो ममाइ, इं किकी पिपी आन अरेशो बाक्‍त। मिनु गेपुकीमी नाइक्‍तीक नाक्‍त ख्रोइक्‍तीक चिनु ख्रोइक्‍नीनी। उत्‍पत्ती १७:१०-१२; लेवी १२:३
JOH 7:23 मोसा आ गेशो अरेशो लोव़ टिचा कली नाइक्‍तीक नाक्‍त यो ख्रोइक्‍तीक चिनु ख्रोइक्‍ती‍नी। गो चहिं मुर का आ रां नेल्‍ल सापदुनु, गेपुकी मारदे गाइक्‍नीनी?
JOH 7:24 कुल कोव़शा, निसाफ मपने। तन्‍न कुल मकोव़थु निसाफ पने” दे माइक्‍तीमी।
JOH 7:25 मिनु यरूसलेम ङा मुर का निक्‍शीमी “मुरुमी मेको कली साइक्‍चा माल्‍शो ममाइ?
JOH 7:26 मिनु एकेर बाक्‍शा, मुर नेल्‍ल आन कली शेंब। मेको कली मारेइ मदेंनीमी। मिनु ठेयब मुरपुकीमी ‘एको ख्रीस्‍त बाक्‍त’ दे थमा पा तुइक्‍त‍ाक्‍मे?
JOH 7:27 गोपुकीमी चहिं मेको मुर ते रे जाक्‍मे, दे तुइक्‍नीकी। तन्‍न ख्रीस्‍त जाक्‍त हना, ते रे जाक्‍बा, दे सुइमी मतुइक्‍नीम” दे देंमुम्‍तेक्‍म। हिब्रू ७:३
JOH 7:28 मोपतीके येसुमी परमप्रभु यावे आ खिंमी मुर आन कली ठेयब सेंदा पा “गेपुकीमी आं कली तुइक्‍नीनी। मिनु गो ते ङा नङ, मेको यो तुइक्‍नीनी? आंमा मिम्‍शा मजाक्‍ङ। तन्‍न आं कली सोइक्‍ब थमा पा परमप्रभु यावे बाक्‍ब। मिनु गेपुकीमी मेको कली मतुइक्‍नीनी।
JOH 7:29 गो चहिं मेको कली तुइक्‍नुङ। मारदे हना गो मेको आ बाक्‍तीक रे जाक्‍शो नङ। मेकोम आं कली सोइक्‍ताक्‍यी” दे शेंताक्‍मी। मत्ती ११:२७
JOH 7:30 मिनु यहूदीपुकीमी येसु कली ग्‍याइक्‍चा माल्‍तेक्‍म। तन्‍न सुइमी मग्‍याइक्‍तेम। मारदे हना येसु कली ग्‍याइक्‍ची ना मजाक्‍शो बाक्‍त। यूहन्‍ना ८:२०; लूका २३:५२
JOH 7:31 मिनु शुश मुरपुकीमी मेको कली थमा सुइक्‍तेक्‍म। मेकोपुकीमी “ख्रीस्‍त अर्को बाक्‍त हना, मेकोमी एको क्‍येङा शुश छक लाक्‍चा ङा गेय पने चाप्‍बा ङा?” देंतेक्‍म।
JOH 7:32 मिनु फरिसीपुकीमी मुर आन पशो लोव़ नेंशा, ठेयब चढ़ेब नु फरिसीपुकीमी “येसु कली ग्‍याइक्‍चा” दे पिप आ गेय पाइब ठेयब मुर आन कली सोइक्‍ताक्‍म।
JOH 7:33 मिनु येसुमी “गो गेपुकी नु इच्‍का नाक्‍ती सम्‍म बाक्‍नुङ। मिनु नोले आं कली सोइक्‍ब आ बाक्‍तीकेमी लाइनुङ। यूहन्‍ना १३:३३
JOH 7:34 मेना गेपुकीमी आं कली माल्‍नीनी। तन्‍न मथित्‍नीनी। गे आं बाक्‍तीकेमी जाक्‍ने मचाप्‍नीनी” दे माइक्‍तीमी। यूहन्‍ना ८:२१
JOH 7:35 मिनु यहूदीपुकीमी “एको ते लचा चिक्‍शो बाक्‍मे? मिनु गोपुकीमी एको कली मथित्‍नीकी? ग्रीस ङा मुर आन बाक्‍तीक लशा, मेकेर ब्रशा बाक्‍शो यहूदी आन कली ममाइ, तन्‍न ग्रीस ङा मुर आन कली शेंचा दाक्‍बा, कों?
JOH 7:36 आ देंशो ‘गेपुकीमी आं कली माल्‍नीनी, तन्‍न मथित्‍नीनी’ मिनु ‘आं बाक्‍तीकेमी जाक्‍ने मचाप्‍नीनी’ दे एको दोदेंशो लोव़ पवा?” देंमुम्‍तेक्‍म।
JOH 7:37 मिनु बाली ओंइतीक चाड नुप्‍ची नाक्‍त नेल्‍ल क्‍येङा ठेयब नाक्‍ती बाक्‍त। मेना येसुमी मुर आन कली “सु सुमी तूतू दाक्‍नीमी, मेको आं गे पिशा तूङमेक्‍ल। लेवी २३:३६; यूहन्‍ना ४:१०; यसैया ५५:१; प्रकाश २२:१७
JOH 7:38 सु सुमी आं कली थमा सुइक्‍नीमी, मेको आन रां रे ब्रोंइचा गेब ब्‍वाक्‍कु बुक्‍ब, दे परमप्रभु यावे आ लोव़मी ब्रेक्‍शो बाक्‍ब” दे शेंताक्‍मी। यसैया ५८:११; येरमीया ३१:१२
JOH 7:39 मेको आ शेंशो दोदेंशो रुम्‍सीब देंशा हना, येसुमी परमप्रभु यावे आ सोक्‍त आ पर्बम शेंशो बाक्‍त। येसु कली थमा सुइक्‍बपुकीमी मेको सोक्‍त कली तचशो बाक्‍तेक्‍म। तन्‍न मेना सम्‍म परमप्रभु यावे आ सोक्‍त थमा सुइक्‍ब आन कली मगेशो बाक्‍त। मारदे हना येसु आ आफ आ छेङछेङम लाइक्‍चा मपुंइसीशो बाक्‍त। यूहन्‍ना १६:१७
JOH 7:40 मिनु येसु आ शेंशो नेंशा, मुर का निक्‍शीमी “एकोन थमा परमप्रभु यावे आ लोव़ पाइब बाक्‍ब” देंतेक्‍म। यूहन्‍ना ६:१४
JOH 7:41 का निक्‍शीमी “एकोन ख्रीस्‍त बाक्‍त” देंतेक्‍म। का निक्‍शीमी “ख्रीस्‍त गालील रागी रे जाक्‍बा ङा? यूहन्‍ना १:४६
JOH 7:42 परमप्रभु यावे आ लोव़मी ‘ख्रीस्‍त दाऊद आ खिं ङा मुर रे नु दाऊद आ गाउं बेथलेहेम रे जाक्‍ब’ मदेंम ङा?” देंतेक्‍म। मत्ती २२:४२; मीका ५:१; मत्ती २:५-६
JOH 7:43 मोदुम्‍तीके मुरपुकी येसु आ पर्बम ब्रातेक्‍म। यूहन्‍ना ९:१६
JOH 7:44 मिनु का निक्‍शीमी येसु कली ग्‍याइक्‍चा माल्‍तेक्‍म। तन्‍न सुइमी मेको कली मग्‍याइक्‍तेम।
JOH 7:45 मिनु मेको पिप आ गेय पाइब ठेयब मुरपुकी ठेयब चढ़ेब नु फरिसी आन बाक्‍तीक लेम्‍मा बाक्‍त। मिनु मेको आन कली “मारदे मेको कली मचाक्‍नी?” दे हिल्‍लो पामेनु,
JOH 7:46 “मेको मुरुम शेंशो खोदेंशो पा सुइमी गेनायो मशेंदेम” देंमा बाक्‍त। मत्ती ७:२८-२९
JOH 7:47 मिनु फरिसीपुकीमी “इन कली यो हेंथे खोइक्‍पदा?
JOH 7:48 ठेयब मुरपुकी नु फरिसीपुकीमी यो मेको कली थमा सुदमे?
JOH 7:49 तन्‍न परमप्रभु यावे आ अरेशो लोव़ मजोक्‍बपुकी सराप रशो बाक्‍नीम” दे हुइक्‍तमे बाक्‍त।
JOH 7:50 मिनु ङोंइती येसु आ बाक्‍तीक जाक्‍शो फरिसी आन हुल ङा निकोदेमस माइश्‍शो मुरुमी यूहन्‍ना ३:१-२
JOH 7:51 “आंइ ऐन कानुनमी मुर आ पशो नेंशा ला निसाफ पाइनीम, ममाइ?” देंत। ब्‍‍यवस्‍था १:१६
JOH 7:52 मेकोपुकीमी “गे यो गालील रागी ङा नवे? परमप्रभु यावे आ लोव़ ब्रेक्‍शो किताब पढेशा कोव़ङो। गालील रे सुइ परमप्रभु यावे आ लोव़ पाइब मग्रूब, दे मतुइक्‍नेवे?” देंमा बाक्‍त।
JOH 7:53 मिनु नेल्‍ल छुल छाल बोक्‍शा, खिं लमा बाक्‍त।
JOH 8:1 मिनु मेको नेल्‍ल खिं लमानु, येसु चहिं जैतून डांडा ङोंइ‍साक्‍व।
JOH 8:2 आ दीसा सुनी कना यिशा, परमप्रभु यावे आ खिं लत। मिनु मुर नेल्‍ल येसु आ नेक्‍था जाक्‍तेक्‍म। मिनु येसुमी निश्‍शा, मुर आन कली शेंताक्‍मी।
JOH 8:3 मिनु सास्‍त्री नु फरिसीपुकीमी येसु आ बाक्‍तीकेमी मीश मुर का चाक्‍तेक्‍म। मेको मीश मुर ग्‍युंबे पशा यो अरु वोंइश नु इप्‍शो बाक्‍माक्‍त। मेको कली मुर आन दातेमी राप्‍पाइक्‍तेक्‍म। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म।
JOH 8:4 मिनु येसु कली “शेंब, एको मीश मुर ग्‍युंबे पशो बाक्‍त हना यो, अरु आ वोंइश नु इप्‍शा बाक्‍शो थित्‍चा पुंइसाक्‍व
JOH 8:5 मिनु परमप्रभु यावे आ अरेशो लोव़मी मोसामी ‘मोदेंशो पाइब कली फुल्‍लु आप्‍शा साइक्‍चा’ दे आंइ कली अरेशो बाक्‍त। गे मार देंनीनी?” दे हिल्‍लो पाम्‍तेक्‍म। लेवी २०:१०
JOH 8:6 मेकोपुकीमी येसु आ थुं थाम्‍‍शा, दोस गेचा कली मो देंतेक्‍म। मिनु येसुमी बाप्‍शा, फुरक शाक्‍शा ब्रेक्‍ताक्‍व।
JOH 8:7 मेकोपुकीमी “एको मीश मुर कली मार पचा?” दे हिल्‍लो पना पन बाक्‍तेक्‍म। येसुमी चहिं राप्‍शा, मेको आन कली “गेनायो पाप मपाइबमी ङोंइती फुल्‍लु आ‍बल” देंत। रोमी २:१
JOH 8:8 मिनु लेंशा बाप्‍शा, फुरक शाक्‍शा ब्रेक्‍ताक्‍व।
JOH 8:9 मिनु येसु आ लोव़ नेंशा, दोस गेब मुर जोक्‍ब तुइक्‍ब खाल्‍पा रे का का पा नेल्‍ल लाम्‍तेक्‍म। मिनु येसु नु मेको मीश मुर ला लीताक्‍स।
JOH 8:10 येसुमी नेल्‍ल लशो तशा, मीश मुर कली “इ कली चाक्‍बपुकी ते लमा? इ कली साइक्‍ब सुइ मलीमा?” दे हिल्‍लो पवानु
JOH 8:11 “प्रभु, सुइ मलीम” देंत। मिनु येसुमी “गो यो इ कली मसाइक्‍नुङ। लावो, मिनु लेंशा पाप मपावो” देंशा सोइक्‍ताक्‍व। यूहन्‍ना ५:१४
JOH 8:12 मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्‍बपुकी गेनायो छिङछिङमी मगाक्‍नीम। ब्रोंइतीक छेङछेङ ताइनीम” देंत। यूहन्‍ना १:५,९; यसैया ४९:६; यसैया ६०:२०; मत्ती ५:१४-१६
JOH 8:13 मिनु फरिसीपुकीमी येसु कली “गे इ पर्बम आंमा लोव़ पाइनेवे। मोपतीके इ लोव़ थमा ममाइ” देंतेक्‍म।
JOH 8:14 मिनु येसुमी मेको आन कली “गो आं पर्बम आंमा लोव़ पाता हना यो, आं लोव़ थमा बाक्‍ब। मारदे हना ते रे जाक्‍ङा, ते लाइनुङा, मेको तुइक्‍नुङ। गेपुकी चहिं गो ते रे जाक्‍ङा, ते लाइनुङा मतुइक्‍नीनी। यूहन्‍ना ५:३१; यूहन्‍ना ७:२८
JOH 8:15 मिनु गेपुकी मुर आन कुल कोव़शा निसाफ पाइनीनी। गो चहिं सुइ आन कली निसाफ मपाइनुङ। यूहन्‍ना ३:१७
JOH 8:16 गो निसाफ पाता हना यो, आं निसाफ ठीक बाक्‍ब। मारदे हना गो का ला दुम्‍शा निसाफ मपाइनुङ। गो नु आं कली सोइक्‍ब आं आफोमी निसाफ पाइब।
JOH 8:17 इन ऐन कानुनमी यो ‘मुर निक्‍शी आस देंशो नेंशो लोव़ थमा दुम्‍ब’ दे ब्रेक्‍सीशो बाक्‍ब। ब्‍यवस्‍था १९:१५
JOH 8:18 गो आं पर्बम लोव़ पाइनुङ। मिनु आं कली सोइक्‍ब आं आफोमी आं पर्बम लोव़ पाइब” दे माइक्‍तीमी।
JOH 8:19 मिनु मेकोपुकीमी येसु कली “इ आफ ते बाक्‍बा?” दे हिल्‍लो पाम्‍तेक्‍म। येसुमी “गेपुकीमी आं कली मतुइक्‍नीनी। आं आफ कली यो मतुइक्‍नीनी। आं कली तुइक्‍ती‍नी हना, आं आफ कली यो तुइक्‍तीनी वा” दे माइक्‍तीमी। यूहन्‍ना १४:७
JOH 8:20 येसुमी परमप्रभु यावे आ खिं ङा शोंप वोइक्‍तीक कोठा आ ङोंइती बाक्‍शा, मोदेंशो शेंशो बाक्‍त। परमप्रभु यावे आ खिंमी बाक्‍शा शेंशा यो, सुइमी मग्‍याइक्‍तेम। मारदे हना मेको कली ग्‍याइक्‍ची ना मजाक्‍शो बाक्‍त। यूहन्‍ना ७:३०
JOH 8:21 मिनु येसुमी लेंशा यहूदी आन कली “गो लाइनुङ, गे चहिं आं कली माल्‍नीनी। मिनु मरिम्‍शो पतीकेमी ग्रुम्‍शा बेक्‍नीनी। गे आं लतीकेमी जाक्‍ने मचाप्‍नीनी” देंत। यूहन्‍ना ७:३४-३५; यूहन्‍ना १३:३३
JOH 8:22 मिनु यहूदीपुकीमी “एकोमी आंम कली सांइ‍सीबा, कों? मारदे ‘आं लतीकेमी जाक्‍ने मचाप्‍नीनी’ देंबा” देंमुम्‍तेक्‍म।
JOH 8:23 मिनु येसुमी मेको आन कली “गेपुकी उइ ङा ननी। गो चहिं इर ङा नङ। गेपुकी रागी ङा ननी। गो चहिं रागी ङा मनङ। यूहन्‍ना ३:३१
JOH 8:24 मोपतीके गो इन कली ‘गे इन मरिम्‍शो पतीकेमी ग्रुम्‍शा बेक्‍नीनी’ देंती। गेपुकीमी ‘गो मरिम्‍शो गेय रे प्रोंइब ननी’ दे आं कली थमा मसुइक्‍तीनी हना, इन मरिम्‍शो पतीकेमी ग्रुम्‍शा बेक्‍नीनी” देंत। यसैया ४३:१०
JOH 8:25 मिनु यहूदीपुकीमी “गे सु नवे” दे हिल्‍लो पाम्‍तेक्‍म। येसुमी मेको आन कली “गो इन कली ङोंइती रे मार देंङा? मारदे गो गेपुकी नु लोव़ पङा?
JOH 8:26 गो इन पर्बम शुश लोव़ पचा नु शुश निसाफ पचा माल्‍नुङ। आं कली सोइक्‍ब आं आफ आ लोव़ थमा लोव़ बाक्‍ब। मेको आ लोव़ नेंशा, रागी ङा मुर आन कली शेंनुङ” देंत।
JOH 8:27 मिनु येसुमी आ आफ आ पर्बम लोव़ पाप्‍तु, दे मेकोपुकीमी मरुबेम।
JOH 8:28 येसुमी “गेपुकी रागीमी जरमेशो कली क्‍युक्‍नीनु, गो सु नङा, दे तुइक्‍नीनी। मिनु गो आंमा मिम्‍शो मारेइ मपाइनुङ। तन्‍न आं आफोमी आं कली दोदेंशो शेंदा, मोदेंशो लोव़ इन कली शेंनुङ। यूहन्‍ना ३:१४; यूहन्‍ना १२:३२
JOH 8:29 मिनु आं कली सोइक्‍ब गो नु बाक्‍ब। आं कली गेनायो मप्रोंइब। मारदे हना गो आ दाक्‍शो गेय ला पाइनुङ” दे मुर आन कली देंत।
JOH 8:30 एको लोव़ नेंशा, शुश मुरुमी येसु कली थमा सुइक्‍तेक्‍म।
JOH 8:31 मिनु येसुमी आ कली थमा सुइक्‍ब यहूदी आन कली “गेपुकी आं देंशो पना पन बाक्‍तीनी हना, थमा पा आं शेंसीब ननी। यूहन्‍ना १५:७
JOH 8:32 थमा माइश्‍शो सु बाक्‍मे, दे तुइक्‍नीनी। मिनु थमा माइश्‍शोमी इन कली प्रोंइब” दे येसुमी देंत।
JOH 8:33 मेकोपुकीमी “गो अब्राहाम आ चच युइ नकी। मुल सम्‍म गो सुइ आन वाइलीम वाइल मदुम्‍शो बाक्‍तक। मारदे ‘थमा माइश्‍शोमी इन कली प्रोंइब’ देंनीनी?” दे हिल्‍लो पाम्‍तेक्‍म। मत्ती ३:९
JOH 8:34 येसुमी “नोफा दाइश्‍शा नेनीन, सु सुमी पाप पाइनीमी, मेको पाप आ वाइलीम वाइल बाक्‍नीम।
JOH 8:35 वाइलीम वाइल खिं ङा मुर मबाक्‍नीम, तौ चहिं खिं ङा मुर बाक्‍ब।
JOH 8:36 मिनु तौमी इन कली प्रोंइतु हना, गेपुकी थमा पा प्रोंइसीशो मुर दुम्‍नीनी” देंत। रोमी ६:१६,१८,२२
JOH 8:37 मिनु येसुमी “गेपुकी अब्राहाम आ चच युइ ननी, दे गो तुइक्‍नुङ। मोपा यो गे आं कली साइक्‍चा माल्‍नीनी। मारदे हना आं लोव़ नेंशा यो, थमा मसुइक्‍नीनी।
JOH 8:38 गो आं आफ आ पशो तशा, शेंनुङ। गेपुकीमी चहिं इन आफ आ देंशो नेंशा, मार मार पाइनीनी” दे माइक्‍तीमी।
JOH 8:39 मेकोपुकीमी “गो आंइ आफ अब्राहाम बाक्‍ब” देंमानु, येसुमी “गेपुकी अब्राहाम आ चच युइ ननी हना, अब्राहाम आ पशो गेय खोदेंशो पनी वा।
JOH 8:40 गो परमप्रभु यावेमी देंशो नेंशा, इन कली शेंथ जाक्‍शो बाक्‍ती हना यो, गेपुकीम आं कली साइक्‍चा माल्‍नीनी। अब्राहाममी इन खोदेंशो गेय गेनायो मपव।
JOH 8:41 गेपुकीमी चहिं इन आफ आ पशो गेय खोदेंशो पाइनीनी” दे माइक्‍तीमी। मेकोपुकीमी “गोपुकी मुर आन तौ मनकी। गोपुकी आंइ के आफ का बाक्‍ब। मेको चहिं परमप्रभु यावे बाक्‍ब” देंतेक्‍म।
JOH 8:42 मिनु येसुमी “परमप्रभु यावे इन आफ बाक्‍त हना, गेपुकी आं कली दाक्‍तीनी वा। मारदे हना गो परमप्रभु यावे रे रागीमी जाक्‍ती। गो आंमा जाक्‍शो मनङ। तन्‍न आं आफोमी सोइक्‍ताक्‍यी।
JOH 8:43 आं देंशो लोव़ मारदे मरुप्‍नीनी? गे आं लोव़ नेंशा, फाल्‍ने मचाप्‍नीनी। १कोरिन्‍थी २:१४
JOH 8:44 इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९
JOH 8:45 गे आं कली थमा मसुइक्‍नीनी। मारदे हना गो थमा लोव़ पाइनुङ।
JOH 8:46 गेपुकीमी आं कली ‘गे मरिम्‍शो पाइब नवे’ दे दोसी सेल्‍ने चाप्‍नीनी ङा? गो थमा लोव़ पाता हना, मारदे आं कली थमा मसुइक्‍नीनी? २कोरिन्‍थी ५:२१; १पत्रुस २:२२; १यूहन्‍ना ३:५; हिब्रू ४:१५
JOH 8:47 सु चहिं परमप्रभु यावे रे जाक्‍बा, मेको परमप्रभु यावे आ लोव़ नेंब। गेपुकी परमप्रभु यावे रे मजाक्‍नी। मोपतीके परमप्रभु यावे आ लोव़ नेंने मचाप्‍नीनी” दे माइक्‍तीमी। यूहन्‍ना १८:३७
JOH 8:48 मिनु यहूदीपुकीमी “गे सामरीया ङा बाक्‍ते। गे वोलमी सुम्‍शो बाक्‍ते, दे थमा लोव़ मपका ङा?” देंतेक्‍म। यूहन्‍ना ७:२०
JOH 8:49 येसुमी “आं कली वोलमी मसुम्‍यी। गो आं आफ कली मान पाइनुङ। गे चहिं आं कली मान मपथु आइक्‍च सेल्‍नीनी।
JOH 8:50 गो आंम कली ठेयब मसेल्‍सीनुङ। आं कली ठेयब सेल्‍ब का बाक्‍ब। मेको ठीक निसाफ पाइब यो बाक्‍ब” देंत।
JOH 8:51 मिनु येसुमी “नोफा दाइश्‍शा नेनीन, सुमी आं देंशो लोव़ टीबा, मेको गेनायो मबेक्‍ब” देंत। यूहन्‍ना ६:४०,४७
JOH 8:52 मिनु यहूदीपुकीमी “गे वोलमी सुम्‍शो बाक्‍ते, दे गो मुल तुइक्‍ताक्‍क। अब्राहाम नु परमप्रभु यावे आ लोव़ पाइबपुकी बेक्‍तेक्‍म। गे चहिं ‘सुमी आं देंशो टीबा, मेको गेनायो मबेक्‍ब’ देंते।
JOH 8:53 आंइ किकी पिपी अब्राहाम बेक्‍माक्‍त। गे मेको क्‍येङा ठेयब नवे? मिनु परमप्रभु यावे आ लोव़ पाइब यो बेक्‍मा बाक्‍त। गे सु नवे ङा?” देंतेक्‍म।
JOH 8:54 येसुमी “गो ठेयब सेल्‍साक्‍यी हना, गो ठेयब मदुम्‍नुङ। आं आफोमी चहिं आं कली ठेयब सेल्‍ब। गे आं आफ कली ‘आंइ परमप्रभु यावे’ देंनीनी। यसैया ६३:१६
JOH 8:55 गेपुकीमी मेको कली मतुइक्‍नीनी। तन्‍न गो तुइक्‍नुङ। गो ‘मेको कली मतुइक्‍नुङ’ देंती हना, इन खोदेंशो जोल पाइब दुम्‍नुङ। तन्‍न गो मेको कली तुइक्‍नुङ। मिनु आ शेंशो पाइनुङ। यूहन्‍ना ७:२८-२९
JOH 8:56 इन किकी पिपी अब्राहाममी आं नाक्‍त जाक्‍शो तचा दाक्‍शो बाक्‍माक्‍त। मिनु आं जाक्‍शो तशा ग्‍येरसाक्‍व” दे येसुमी देंत।
JOH 8:57 मिनु यहूदीपुकीमी “गे मुल सम्‍म ५० बर्स मजाक्‍दीश्‍शो बाक्‍ते। मिनु अब्राहाम कली तशो बाक्‍नेवे ङा?” देंतेक्‍म।
JOH 8:58 मिनु येसुमी “नोफा दाइश्‍शा नेनीन, गो अब्राहाम क्‍येङा ङोंइती रे बाक्‍शो नङ” देंत। यूहन्‍ना १:१२
JOH 8:59 मिनु यहूदीपुकीमी “फुल्‍लु आप्‍शा साइक्‍चा” दे फुल्‍लु गुप्‍तेक्‍म। तन्‍न येसु ख्रुंइसाक्‍व। मिनु परमप्रभु यावे आ खिं रे ग्रूशा गाक्‍त। यूहन्‍ना १०:३१
JOH 9:1 मिनु येसु लना लन बाक्‍मेनु, जरमेशो रेन मिक्‍च मताइब मुर का ग्रुम्‍तु।
JOH 9:2 मिनु आ शेंसीबपुकीमी येसु कली “शेंब, मारदे मेको मिक्‍च मताइब जरमेशो बाक्‍मे? मेकोमी पाप पवा देय आ आम आफोमी पाप पाम्‍से?” दे हिल्‍लो पाम्‍तेक्‍म। लूका १३:२
JOH 9:3 मिनु येसुमी “एको मुरुमी पाप पशो ममाइ, आ आम आफोमी यो मपाम्‍से। तन्‍न परमप्रभु यावे आ गेय कोंइचा कली एको मिक्‍च मताइब दुम्‍शो जरमेशो बाक्‍त। यूहन्‍ना ११:४
JOH 9:4 मिनु गोपुकीमी आं कली सोइक्‍ब आ गेय नाक्‍ती पचा माल्‍नय। नां रिक्‍मेनु, सुइमी गेय पने मचाप्‍नीम। यूहन्‍ना ५:१७; येरमीया १३:१६
JOH 9:5 गो रागीमी बाक्‍ङानु, रागी कली छेङछेङ नङ” देंत। यूहन्‍ना ८:१२; यूहन्‍ना १२:१५
JOH 9:6 मो देंशा येसुमी खपीमी तोक्‍शा, नाक्‍चुक नु खप निशा, मेको मुर आ मिक्‍चीमी ख्रेक्‍ताक्‍व। मर्कूस ८:२३
JOH 9:7 मिनु मिक्‍च मताइब कली “सिलोआ ङा दोम्‍लीम लशा चिक्‍सो” दे माइक्‍तु। सिलोआ दें‍शो चहिं सोइश्‍शो, दे रुम्‍सीब। मिनु मेको लशा चिक्‍से बाक्‍त। मिनु मिक्‍च ताइब दुम्‍शा, लेश्‍शा जाक्‍त।
JOH 9:8 मिनु आ गाउं ङा मुर नु मिक्‍च मताइब पुंइब मुर दे तुइक्‍बपुकीमी “मिक्‍च मताइब पुंइब एको ममाइ ङा?” देंतेक्‍म।
JOH 9:9 का निक्‍शीमी “मेकोन बाक्‍त” देंतेक्‍म। का निक्‍शीमी चहिं “ममाइ, मेको खोदेंशो बाक्‍त” देंतेक्‍म। आ चहिं “गो मेकोन नङ, शां” देंत।
JOH 9:10 मुरपुकीमी “दोपा मिक्‍च ताइब दुमे, मिनु?” दे हिल्‍लो पाम्‍तेक्‍म।
JOH 9:11 मेकोमी “येसु माइश्‍शोमी खप निशा, आं मिक्‍चीम ख्रेक्‍ताक्‍यी। मिनु ‘सिलोआ ङा दोम्‍लीम लशा चिक्‍सो’ दे माइक्‍ती। मिनु गो दोम्‍ली लशा चिक्‍सीङानु, मिक्‍च ताइब दुम्‍ती” दे माइक्‍तीमी।
JOH 9:12 मिनु “येसु माइश्‍शो ते बाक्‍मे” दे हिल्‍लो पामेनु “ङाद, ते लमे, गो मतुइक्‍नुङ” दे माइक्‍तीमी।
JOH 9:13 मिनु आ मिक्‍च साशो मुर कली फरिसी आन बाक्‍तीक चाक्‍दीत्‍तेक्‍म।
JOH 9:14 येसुमी खप निशा, आ मिक्‍चीमी ख्रेक्‍शा सापाइश्‍शो नाक्‍त चहिं नाइक्‍तीक नाक्‍त बाक्‍त।
JOH 9:15 मोपतीके फरिसीपुकीमी यो लेंशा मेको कली “दोपा मिक्‍च ताइब दु‍मे?” दे हिल्‍लो पाम्‍तेक्‍म। मिनु “खप निशा, आं मिक्‍चीमी ख्रेक्‍ताक्‍यी। मिनु गो चिक्‍शा, मुल मिक्‍च ताइब दुम्‍ती” दे माइक्‍तीमी।
JOH 9:16 फरिसी का निक्‍शीमी “परमप्रभु यावे आ सोइश्‍शो ममाइ। मारदे हना नाइक्‍तीक नाक्‍त ममानेब” देंतेक्‍म। का निक्‍शीमी चहिं “पापी मुरुमी दोपा ओदेंशो छक लाक्‍चा ङा गेय पने चाप्‍बा ङा?” देंतेक्‍म। मिनु मेकोपुकी ब्रातेक्‍म।
JOH 9:17 मिनु फरिसीपुकीमी लेंशा आ मिक्‍च साशो कली “मिनु इ कली मिक्‍च ताइब सेल्‍ब आ पर्बम मार देंनेवे?” दे हिल्‍लो पाम्‍तेक्‍म। मिनु मेकोमी “परमप्रभु यावे आ लोव़ पाइब बाक्‍त” देंत।
JOH 9:18 यहूदीपुकीमी “मेको मुर ङोंइती मिक्‍च मताइब बाक्‍त” दे थमा मसुदेम। मोपतीके मेको आ आम आफ आस कली ब्रेत्‍ताक्‍म।
JOH 9:19 मिनु मेको आस कली “एको इस तौ ममाइ? ङोंइती मिक्‍च मताइब जरमेसाक्‍व देंतीसी? मुल दोपा तने चबा?” दे हिल्‍लो पाम्‍तेक्‍म।
JOH 9:20 मिनु आम आफोमी “आंस तौ बाक्‍ब। मिनु मिक्‍च मताइब जरमेसाक्‍व।
JOH 9:21 मुल दोपा मिक्‍च ताइब दुम्‍मे, गो मतुइक्‍नस्‍कु। सुम ताइब सेला, मेको यो मतुइक्‍नस्‍कु। आ कली हिल्‍लो पने। आल ममाइ, आंमान देंने चाप्‍ब” देंताक्‍स।
JOH 9:22 आ आम आफोमी यहूदी आन क्‍येङा हिंशा मो देंताक्‍स। मारदे हिंसा देंशा हना, यहूदीपुकीमी “सुम सापाइक्‍ब कली ख्रीस्‍त दे थमा सुइक्‍बा, मेको कली यहूदी आन ग्रुम्‍तीक खिं रे तिल्‍चा” दे सल्‍ला पशो बाक्‍तेक्‍म। यूहन्‍ना ७:१३; यूहन्‍ना १२:४२
JOH 9:23 मोपतीके “आल ममाइ। आ कली हिल्‍लो पने” देंशो बाक्‍ताक्‍स।
JOH 9:24 मिनु मिक्‍च ताइब दुम्‍शो कली लेंशा ब्रेश्‍शा “परमप्रभु यावे कली मान पावो। इ कली मिक्‍च तपाइक्‍ब पापी बाक्‍माक्‍त, दे तुइक्‍नीकी” देंतेक्‍म।
JOH 9:25 आ मिक्‍च साशो मुरुमी “मेको पापी बाक्‍म कों, मबाक्‍म, गो मतुइक्‍नुङ। ङोंइती मिक्‍च मताइब बाक्‍ती, मुल ताइब दुम्‍ती, मेको ला तुइक्‍नुङ” दे माइक्‍तीमी।
JOH 9:26 मिनु मेकोपुकीमी “मेकोमी इ कली मार पवा? दोपा इ मिक्‍च ताइब सेला?” दे हिल्‍लो पामेनु
JOH 9:27 “गो ना कना माइक्‍तन्‍नी। गेपुकी चहिं मनेंनीनी। मारदे लेंशा नेंचा दाक्‍नीनी? गेपुकी यो मेको आ शेंसीब दुम्‍चा दाक्‍नीनी?” दे माइक्‍तीमी।
JOH 9:28 मिनु “गे मेको आ शेंसीब नवे। गोपुकी चहिं मोसा आ शेंसीब नकी।
JOH 9:29 परमप्रभु यावेमी मोसा कली लोव़ पशो बाक्‍त, दे तुइक्‍नीकी। तन्‍न मेको मुर ते रे जाक्‍मे, दे गो मतुइक्‍नीकी” दे हुइक्‍ताक्‍म।
JOH 9:30 मिनु आ मिक्‍च साशो मुरुमी “गो इन कली तशा, छक लाक्‍ती। आं मिक्‍च सापाइक्‍तु हना यो, मेको ते रे जाक्‍मे, दे गेपुकीमी मतुइक्‍नीनी?
JOH 9:31 परमप्रभु यावेमी पापी आन लोव़ मनेंब, दे गोपुकीमी तुइक्‍नय। तन्‍न सुमी परमप्रभु यावे कली मान पशा, आ दाक्‍शो पाइबा, परमप्रभु यावेमी मेको कली आ पुंइशो गेब। भजन संग्रह ६६:१८; यसैया १:१५; हितोपदेस १५:२९
JOH 9:32 मिनु रागी सेल्‍चा गोशो रे जरमेशो रे मिक्‍च मताइब मुर मिक्‍च ताइब सेल्‍शो, दे गेनायो मनेंय।
JOH 9:33 मेको परमप्रभु यावे आ सोइश्‍शो मबाक्‍त हना, छक लाक्‍चा ङा गेय पने मचाप्‍ब वा” देंत।
JOH 9:34 मिनु “गे पापी जरमेशो बाक्‍ते। आंइ कली मार शेंनेवे?” दे हुइश्‍शा, मेको कली ग्रुंइ‍ताक्‍म।
JOH 9:35 मिनु येसुमी मेको कली यहूदी आन ग्रुम्‍तीक खिं रे तिल्‍तेक्‍म देंशो नेंशा, मेको कली ग्रुम्‍शा “गे रागीमी जरमेशो कली थमा सुइक्‍नेवे?” दे हिल्‍लो पाप्‍तु।
JOH 9:36 मेकोमी “प्रभु, मेको सु बाक्‍मे, गो मेको कली थमा सुइक्‍नुङ” देंत।
JOH 9:37 मिनु येसुमी “गे मेको कली तशो बाक्‍ते। गे नु लोव़ पाइब मेकोन बाक्‍त” देंमेनु, यूहन्‍ना ४:२६
JOH 9:38 “प्रभु, गो थमा सुइक्‍नुङ” देंशा, पोक्‍च थेक्‍शा, येसु कली ठेयब सेल्‍तु।
JOH 9:39 येसुमी “गो निसाफ पचा कली रागीमी जाक्‍ती। मिक्‍च मताइबपुकीमी तामेक्‍ल। मिक्‍च ताइब चहिं मताइब दुम्‍मल” देंत। मत्ती १३:११-१५
JOH 9:40 येसु आ नेक्‍था बाक्‍ब फरिसी का निक्‍शीमी आ लोव़ नेंशा, येसु कली “गोपुकी मिक्‍च मताइब दुम्‍नीकी?” देंमानु,
JOH 9:41 येसुमी “गेपुकी मिक्‍च मताइब नकी देंतीनी हना, पाप मरनी वा। तन्‍न गोपुकी मिक्‍च ताइब नकी देंनीनी। मोपतीके पाप राइनीनी” दे माइक्‍तीमी। यूहन्‍ना १५:२२
JOH 10:1 मिनु येसुमी लेंशा मेको आन कली “नोफा दाइश्‍शा नेनीन, सु सु भेडा गोठ आ लाप्‍चो रे मओव़नीमी। बार रे ङोइश्‍शा ओव़नीमी, मेकोपुकी खुइ नु रोइक्‍ब नम।
JOH 10:2 सु लाप्‍चो रे ओव़बा, मेको भेडा गोठला बाक्‍ब।
JOH 10:3 गोठला जाक्‍मेनु, लाप्‍चो खाल पाइबमी मेको कली लाप्‍चो रोक्‍ब। भेडापुकीमी गोठला आ सेंदा नेंनीम। गोठलामी आंम भेडा आन नें थिशा ब्रेश्‍शा, गोठ रे ग्रुंइब।
JOH 10:4 मिनु नेल्‍ल आन कली ग्रुंइशा, भेडा आन ङोंइती गाक्‍ब। भेडापुकीमी गोठला आ नोले खोइक्‍नीम। मारदे हना आ सेंदा तुइक्‍नीम।
JOH 10:5 सेंदा मतुइश्‍शो मुर आ नोले मखोइक्‍नीम। मेको कली तशा प्रोक्‍नीम। मारदे हना आ सेंदा मतुइक्‍नीम” दे येसुमी शेंताक्‍मी।
JOH 10:6 येसुमी मुर आन कली मेको कथा शेंशो बाक्‍त। तन्‍न मार लोव़ शेंशो बाक्‍मे, मेकोपुकीमी मरुप्‍शो बाक्‍तेक्‍म।
JOH 10:7 येसुमी लेंशा मेको आन कली “नोफा दाइश्‍शा नेनीन, गो भेडा गोठ ङा लाप्‍चो नङ।
JOH 10:8 सु सु आं ङोंइती जाक्‍मा, मेको नेल्‍ल खुइ नु रोइक्‍ब नम। मिनु भेडापुकीमी मेको आन लोव़ मटीनीमी।
JOH 10:9 गो लाप्‍चो नङ। सु सु मेको लाप्‍चो रे ओव़नीमी, मेकोपुकी श्‍येत रे ब्रोंइनीम। मिनु रिम्‍शो घांस बाक्‍तीकेमी लशा, जोचा ताइनीम। यूहन्‍ना १४:६
JOH 10:10 खुइमी दा खुइ पथ, साइक्‍थ नु प्रेत्‍थ ला जाक्‍ब। गो चहिं भेडा आन कली ब्रोंइचा गेशा, ग्‍येरसीशा बाक्‍मल, दे जाक्‍ती” दे शेंताक्‍व।
JOH 10:11 मिनु येसुमी “गो रिम्‍शो गोठला नङ। रिम्‍शो गोठला भेडा आन पा ङा साइक्‍चा पुंइसीब। भजन संग्रह २३:-; यसैया ४०:११; इजीकीएल ३४:११-२३; यूहन्‍ना १५:१३; हिब्रू १३:२०
JOH 10:12 मिनु खिं ङा गोठला मबाक्‍थु, वोइश्‍शो गोठला बाक्‍त हना, मेकोमी भेडापुकी रिम्‍शो पा मकोव़ब। मारदे हना मेको आ भेडा मनमी। फर पिशो तशा, भेडा आन कली प्रोंइशा, प्रोक्‍ब। फरमी चहिं भेडा आन कली ग्‍याइश्‍शा साव सुव ब्रपाइक्‍ब।
JOH 10:13 मिनु मेको वोइश्‍शो गोठला प्रोक्‍ब। मारदे हना भेडा आइक्‍के मनम, मोपतीके रिम्‍शो पा मकोव़ब।
JOH 10:14 गो रिम्‍शो गोठला नङ। दोपा गो आं भेडा आन कली तुइक्‍नुङमी, मोपा मेकोपुकीमी आं कली तुइक्‍नीम। २तिमोथी २:१९
JOH 10:15 दोपा आं आफोमी आं कली तुइक्‍बा, मोपा गो आं आफ कली तुइक्‍नुङ। मिनु भेडा आन पा ङा गो साइक्‍चा पुंइसीनुङ।
JOH 10:16 मेको गोठ ङा ला ममाइ, अरु गोठ ङा भेडा यो आं के बाक्‍नीमी। गो मेको आन कली यो चाक्‍चा माल्‍नुङ। मेकोपुकीमी आं सेंदा नेंशा, आं कली टीनीमी। मोपा गोठला का नु बगाल का दुम्‍ब। यूहन्‍ना ११:५२; प्रेरित १०:३४-३५
JOH 10:17 मेको आन साइक्‍चा पुंइसीचा ङा गो साइक्‍चा पुंइसीनुङ। मोपतीके आं आफोमी आं कली दाक्‍ब, मिनु आं कली बेक्‍शो रे सेंब।
JOH 10:18 गो साइक्‍चा मपुंइसाक्‍यी हना, सुइमी आं कली साइक्‍ने मचाप्‍नीम। गो आं के साइक्‍चा पुंइसीतीके अधिकार बाक्‍ब। मिनु बेक्‍शो रे सेंसीचा अधिकार यो बाक्‍ब। मेको अधिकार निम्‍फा आं आफोमी गेती” दे शेंताक्‍व। यूहन्‍ना ५:२६
JOH 10:19 येसु आ लोव़ नेंशा, यहूदीपुकी लेंशा ब्रातेक्‍म। यूहन्‍ना ७:४३; यूहन्‍ना ९:१६
JOH 10:20 शुश यहूदीपुकीमी “एको वोलमी सुम्‍शा गशो बाक्‍त। मारदे आ लोव़ नेंनीनी?” देंतेक्‍म। यूहन्‍ना ७:२०; मर्कूस ३:२१
JOH 10:21 का निक्‍शीमी चहिं “एको आ लोव़ वोलमी सुम्‍शो मुर आ पशो खोदेंशो मनेंसीब। वोलमी मिक्‍च मताइब मुर आ मिक्‍च तपाइक्‍ने चाप्‍बा ङा?” देंतेक्‍म।
JOH 10:22 मिनु यरूसलेममी परमप्रभु यावे आ खिं ङा ङोंइती ओव़तीक चाड जाक्‍शो बाक्‍त।
JOH 10:23 मिनु मेको हिउंदम बाक्‍त। मिनु येसु परमप्रभु यावे आ खिं ङा पिप सोलोमन आ सेल्‍शो लाङगामी हिरना हिरन बाक्‍त। प्रेरित ३:११
JOH 10:24 यहूदीपुकी येसु आ एर ओंथ देल्‍शा “गेना आंइ कली ठीक लोव़ पाइनीनी? गे ख्रीस्‍त ननी हना, लोव़ महिरथु, थमा पा देनीन” देंतेक्‍म।
JOH 10:25 येसुमी “गो इन कली देंती। तन्‍न गेपुकीमी थमा मसुइक्‍नी। गो आं आफ आ गेय पाइनुङ। मेको गेयमी ‘गो परमप्रभु यावे आ सोइश्‍शो नङ’ दे इन कली तुइक्‍पाइक्‍ब। यूहन्‍ना ५:३६
JOH 10:26 गेपुकीमी चहिं आं कली थमा मसुइक्‍नीनी। मारदे हना गे आं गोठ ङा भेडा मननी। यूहन्‍ना ८:४५-४७
JOH 10:27 गो आं भेडा आन कली तुइक्‍नुङमी। मिनु मेकोपुकीमी आं सेंदा नेंशा आं नोले खोइक्‍नीमी। भजन संग्रह ९५:७
JOH 10:28 गो मेको आन कली परमप्रभु यावे नु गेना हना यो ब्रोंइशा बाक्‍चा गेनुङमी। मेको नरकम मलाइनीम। सुइमी आं गुइ रे रोइश्‍शा, लाइक्‍ने मचाप्‍नीम।
JOH 10:29 आं आफोमी मेको आन कली गेती। आं आफ नेल्‍ल क्‍येङा ठेयब सक्ति पाइश्‍शो बाक्‍ब। मोपतीके आं आफ आ गुइ रे सुइमी रोइक्‍ने मचाप्‍नीम।
JOH 10:30 गो नु आं आफ उइक्‍थ उइक्‍थ नस्‍कु” देंत।
JOH 10:31 मिनु यहूदीपुकीमी लेंशा येसु कली साइक्‍चा, दे फुल्‍लु गुप्‍तेक्‍म। यूहन्‍ना ८:४९
JOH 10:32 मिनु येसुमी “गो इन कली आं आफोमी पशो रिम्‍शो गेय कोंइताक्न्‍‍नी। तेको गेय आ पर्बम आं कली फुल्‍लु आप्‍शा साइक्‍चा माल्‍नी?” देंत।
JOH 10:33 यहूदीपुकीमी “रिम्‍शो गेय पतीक आ पर्बम इ कली फुल्‍लु मआप्‍नीकी। तन्‍न परमप्रभु यावे आ पर्बम मरिम्‍शो लोव़ पतीके इ कली फुल्‍लु आप्‍चाइतक। गे मुर दुम्‍शा यो, परमप्रभु यावे नु उइक्‍थ नङ देंनेवे” देंतेक्‍म। मत्ती ९:३; मत्ती २६:६५; यूहन्‍ना ५:१८
JOH 10:34 येसुमी “परमप्रभु यावे आ लोव़ ब्रेक्‍शो किताबमी ‘गे नेल्‍ल परमप्रभु यावे आ तमी तौ ननी’ मदेंबा ङा? भजन संग्रह ८२:६
JOH 10:35 परमप्रभु यावेमी आ लोव़ नेंब आन कली आ तमी तौ देंब। मिनु मेको किताब ङा लोव़ मक्‍याम्‍सीब। मत्ती ५:१७
JOH 10:36 परमप्रभु यावेमी आं कली रागीमी सोइक्‍चा कली ठीक सेल्‍तु। गेपुकीमी चहिं ‘परमप्रभु यावे आ पर्बम मरिम्‍शो लोव़ देंनेवे’ देंनीनी। मारदे हना ‘गो परमप्रभु यावे आ तौ नङ’ देंती। यूहन्‍ना ५:१७-२०
JOH 10:37 गो आं आफ आ गेय मपाता हना, आं कली थमा मसुतीन।
JOH 10:38 तन्‍न गो आं आफ आ गेय पाइनुङ हना, गेपुकी आं कली थमा मसुइक्‍नीनी। आं पशो गेय परमप्रभु यावे के बाक्‍त, दे थमा सुतीन। मिनु गो आं आफ नु बाक्‍नुङ। आं आफ गो नु बाक्‍ब, दे रुपीन” दे येसुमी यहूदी आन कली माइक्‍तीमी।
JOH 10:39 मेकोपुकीमी येसु कली ग्‍याइक्‍चा माल्‍तेक्‍म। तन्‍न मेको आन दाते रे ग्रूशा गाक्‍त। यूहन्‍ना ८:५९; लूका ४:३०
JOH 10:40 येसु लेंशा यर्दन खोला आइक्‍ची हांबु लशा बाक्‍माक्‍त। ङोंइती मेकेर यूहन्‍नामी ब्‍वाक्‍कुमी ख्रुम्‍शा ग्रुंइतीक गेय पशो बाक्‍माक्‍त। यूहन्‍ना १:२८
JOH 10:41 आ नेक्‍था जाक्‍शा, शुश मुरपुकीमी “यूहन्‍नामी छक लाक्‍चा ङा गेय मपव। तन्‍न मेको मुर आ पर्बम मार मार देंमे, मेको नेल्‍ल थमा बाक्‍माक्‍त” देंमुम्‍तेक्‍म।
JOH 10:42 मिनु शुश मुरुमी येसु कली थमा सुइक्‍तेक्‍म।
JOH 11:1 बेथानी गाउंमी लाजरस माइश्‍शो रोइ पशो मुर का बाक्‍त। मेको के समी निक्‍शी बाक्‍शो बाक्‍ताक्‍स। मेको आस नें मरीयम नु मारथा बाक्‍ताक्‍स। लूका १०:३८-३९
JOH 11:2 मरीयम सु बाक्‍त देंशा हना, येसु आ खोइलीमी ब्रोव़शो रिना पाइश्‍शो तेल ख्रेक्‍शा, आ चांमी फिक्‍ब बाक्‍त। मेको आस लोक्‍ब लाजरस रोइ पशो बाक्‍त। यूहन्‍ना १२:३
JOH 11:3 मिनु मेको समी निक्‍शीमी मुर का कली येसु आ बाक्‍तीक सोइश्‍शा “प्रभु, इन दाक्‍शो वारच रोइ पाप्‍तु” दे येसु कली ब्रेप्‍पत्‍से बाक्‍त।
JOH 11:4 मिनु येसुमी “मेको रोइ बेक्‍चा ङा रोइ ममाइ, तन्‍न परमप्रभु यावे आ सक्ति कोंइचा कली बाक्‍ब। मिनु मुरपुकीमी मेको रोइ आ पर्बम परमप्रभु यावे आ तौ कली ठेयब सेल्‍नीमी” देंत। यूहन्‍ना ९:३
JOH 11:5 येसुमी मारथा नु मरीयम वोबु नु आस लोक्‍ब लाजरस आन कली दाक्‍शो बाक्‍माक्‍त।
JOH 11:6 मोपतीके लाजरस रोइ पाप्‍तु देंशो नेंशा, आन बाक्‍तीक लचा, नाक्‍त निक्‍शी सम्‍म रिम्‍ताक्‍व।
JOH 11:7 मिनु नोले येसुमी आ शेंसीब आन कली “लो, लेंशा यहूदीया रागी लय” देंत।
JOH 11:8 आ शेंसीबपुकीमी “शेंब, यहूदीपुकीमी इन कली फुल्‍लु आप्‍शा हेरा साइक्‍तेक्‍मे। मिनु गे मुल लेंशा मेकेर लचा दाक्‍नीनी?” दे हिल्‍लो पाम्‍तेक्‍म। यूहन्‍ना १०:३१
JOH 11:9 मिनु येसुमी “काबु नाक्‍तीम १२ घन्‍टा बाक्‍बा, ममाइ? सु सु चहिं नाक्‍ती गाक्‍नीमी, मेको दाइल मपांइसीनीम, मारदे हना छेङछेङमी लां ताइनीम। यूहन्‍ना ९:४-५
JOH 11:10 सु सु चहिं नाक्‍दो गाक्‍नीमी, मेकोपुकी दाइल पांइसीनीम, मारदे हना मेको छेङछेङमी मबाक्‍नीम” देंत। यूहन्‍ना १२:३५
JOH 11:11 मो देंशा आ शेंसीब आन कली “इं वारच लाजरस इप्‍त। गो चहिं मेको कली सेंनुङ” देंत। मत्ती ९:२४
JOH 11:12 आ शेंसीबपुकीमी “प्रभु, इप्‍त हना, आ रोइ साब” देंतेक्‍म।
JOH 11:13 येसुमी चहिं लाजरस आ बेक्‍चा आ पर्बम लोव़ पशो बाक्‍त। आ शेंसीबपुकीमी “नाइक्‍चा कली इप्‍त” दे मिम्‍ताक्‍म।
JOH 11:14 मिनु येसुमी लोव़ महिरथु “लाजरस बेक्‍ने थुम्‍तु।
JOH 11:15 गो मेकेर मबाक्‍ङ। मोपतीके गो ग्‍येरसीनुङ। मारदे हना गेपुकीमी थमा सुइक्‍ने चाप्‍नीनी। मुल गोपुकी बेथानी लय” देंत।
JOH 11:16 आ याइनी नें जौंले, थोमास माइश्‍शो शेंसीब का बाक्‍त। मेकोमी अरु शेंसीब आन कली “गोपुकी यो मेको नु बेक्‍थ लय” देंत। यूहन्‍ना २०:२४-२८
JOH 11:17 मिनु येसु बेथानी जाक्‍दीम्‍मेनु, मेकेर ङा मुरपुकीमी “लाजरस बेक्‍शो ४ नाक्‍त दुम्‍त। मेको कली बेक्‍शो मुर वोइक्‍तीक कोठामी वोइक्‍तेक्‍म” दे येसु कली देंतेक्‍म।
JOH 11:18 बेथानी गाउं यरूसलेम आ नेक्‍था बाक्‍शो बाक्‍ब। बेथानी रे यरूसलेम सम्‍म १५ स्‍तादीयोन ङा लां बाक्‍ब। स्‍तादीयोन का १८५ मिटर बाक्‍ब।
JOH 11:19 मिनु यरूसलेम ङा शुश यहूदीपुकीमी मारथा नु मरीयम आस लोक्‍ब बेक्‍शो आ पर्बमी “सुर्ता मपाम्‍सेक्‍ल” दे लेम्‍चा कली जाक्‍मा बाक्‍त।
JOH 11:20 मिनु मारथामी “येसु पिन पिन बाक्‍ब” देंशो नेंशा, येसु कली ग्रुम्‍थ जाक्‍त। मरीयम चहिं खिंमीन बाक्‍माक्‍त।
JOH 11:21 मिनु मारथामी येसु कली “प्रभु, एक बाक्‍शो ननी हना, आंस लोक्‍ब मबे वा।
JOH 11:22 तन्‍न मुल यो परमप्रभु यावे कली पुंइतीनी हना, परमप्रभु यावेमी इन पुंइशो गेब, दे तुइक्‍नुङ” दे माइक्‍तु।
JOH 11:23 मिनु येसुमी “इ लोक्‍ब सेंसीब” देंत। यूहन्‍ना ५:२८-२९; यूहन्‍ना ६:४०; मत्ती २२:२३-३३
JOH 11:24 मिनु मारथामी “नोले ङा नाक्‍ती आंस लोक्‍ब सेंसीब दे गो तुइक्‍नुङ” देंत।
JOH 11:25 मिनु येसुमी “गो सेंपाइक्‍ब नु ब्रोंइपाइक्‍ब नङ। आं कली थमा सुइक्‍ब बेक्‍तेक्‍म हना यो, सेंसीनीम।
JOH 11:26 सु ब्रोंइबा, मिनु आं कली थमा सुइक्‍बा, मेको गेनायो मबेक्‍ब। एको लोव़ थमा सुइक्‍नेवे?” दे हिल्‍लो पाप्‍तु। यूहन्‍ना ८:५१
JOH 11:27 मिनु मारथामी “प्रभु, गे रागीमी जाक्‍शो परमप्रभु यावे आ तौ, ख्रीस्‍त ननी, दे गो थमा सुइक्‍नुङ” देंत। मत्ती १६:१६
JOH 11:28 मोदेंशा मारथा खिं लेश्‍शा, मरीयम कली “शेंब जाक्‍शो बाक्‍त। मिनु इ कली ब्रेत्‍ताक्‍व” दे मुर आन मनेंचा ङा पा मदा बाक्‍त।
JOH 11:29 मिनु मरीयम मेको नेंशा, छुल बोक्‍शा, येसु कली ग्रुम्‍थ लमाक्‍त।
JOH 11:30 मेना येसु मारथा ग्रुम्‍तीक उइ बाक्‍शो बाक्‍त। आस गाउं मजाक्‍दीश्‍शो बाक्‍माक्‍त।
JOH 11:31 मिनु मरीयम आ खिंम लेम्‍थ जाक्‍ब यहूदीपुकीमी मरीयम कली छुल बोक्‍शा लशो तशा, आ नोले खोदमे बाक्‍त। मारदे हना मेकोपुकीमी “मरीयम तुरसुम ङाक्‍थ लाइबा, कों” दे मिम्‍शो बाक्‍मा बाक्‍त।
JOH 11:32 मिनु मरीयम येसु आ बाक्‍तीक जाक्‍दीश्‍शा, येसु आ खोइलीम बाप्‍शा “प्रभु, एक बाक्‍शो ननी हना, आंस लोक्‍ब मबे वा” देंत।
JOH 11:33 मिनु येसुमी मेको कली नु में नु जाक्‍शो यहूदी आन कली ङाक्‍शो तशा, येसु आ थुं खाइक्‍त। यूहन्‍ना १३:२१
JOH 11:34 मिनु “गे मेको कली ते वोइक्‍नी?” दे हिल्‍लो पवानु “प्रभु, कोव़थ पिने” देंतेक्‍म।
JOH 11:35 मिनु येसु यो ङाक्‍त।
JOH 11:36 यहूदीपुकीमी येसु कली ङाक्‍शो तशा “कोव़ङीन, येसुमी मेको कली यो शुश दाक्‍शो बाक्‍माक्‍त” देंतेक्‍म।
JOH 11:37 का निक्‍शीमी “मिक्‍च मताइब मुर सापाइक्‍बमी मेको कली बेक्‍चा मगेथु, सापाइक्‍ने मारदे मचाप्‍बा?” देंमुम्‍तेक्‍म। यूहन्‍ना ९:७
JOH 11:38 मिनु येसु आ थुं लेंशा खाइश्‍शा, बेक्‍शो मुर वोइक्‍तीक कोठा आ नेक्‍था जाक्‍दीत्‍त। मेको पुक्‍खी खोदेंशो बाक्‍त। मेको पुक्‍खी चोक्‍चा, दे आ ङोंइती फुल्‍लु का थारशो बाक्‍त। मत्ती २७:६०
JOH 11:39 मिनु येसुमी “फुल्‍लु तिलीन” देंत। मिनु बेक्‍शो मुर आ समी मारथामी “प्रभु, मुल दा एको रिना पाइब। मारदे हना आ बेक्‍शो ४ नाक्‍ती दुम्‍त” देंत।
JOH 11:40 मिनु येसुमी “गे थमा सुइक्‍तीवी हना, गे परमप्रभु यावे आ सक्ति ताइनेवे, दे इ कली ममाइक्‍ना ङा?” देंत।
JOH 11:41 मिनु मुरपुकीमी पुक्‍खी आ ङोंइती थारशो फुल्‍लु तिल्‍तेक्‍म। मिनु येसुमी सरीङ गे कोव़शा “आं आफ, गे आं लोव़ नेंतीनी, गो ग्‍येरसाक्‍यी।
JOH 11:42 गे आं देंशो गेना हना यो नेंनीनी, दे तुइक्‍नुङ। मिनु आं एर ओंथ बाक्‍शो मुरपुकीमी गेमी आं कली सोइश्‍शो ननी, दे थमा सुइक्‍पाइक्‍चा कली एको लोव़ पाता” देंत। यूहन्‍ना १२:३०
JOH 11:43 मिनु मो देंशा, ठेयब सेंदा पा येसुमी “ए, लाजरस, ग्रूङो” दे ब्रेत्‍ताक्‍व।
JOH 11:44 मिनु मेको ङोंइती बेक्‍शो मुर येसु आ ब्रेश्‍शो नेंशा, आ गुइ खोइल आ रां नेल्‍ल वामी गिल्‍सीशा ग्रूत। आ कुल यो रुमालमी फ्रेंशो तशा, येसुमी “गिल्‍शो वासी प्रुइश्‍शा, लचा गेने” दे मुर आन कली माइक्‍तीमी।
JOH 11:45 मरीयम कली लेम्‍थ जाक्‍शो शुश यहूदीमी मो दुम्‍शो तशा, येसु कली थमा सुइक्‍तेक्‍म।
JOH 11:46 का निक्‍शी चहिं फरिसी आन कली ग्रुम्‍थ लशा, येसु आ पशो शोव़ङमे बाक्‍त।
JOH 11:47 मो दुम्‍शा ठेयब चढ़ेब नु फरिसीपुकी बुक्‍शा “मुल मार पय? मारदे हना मेको मुरुमी शुश छक लाक्‍चा ङा गेय पाइबाक्‍त। मत्ती २६:३-४
JOH 11:48 मेको कली मो पचा गेतय हना, नेल्‍लेमी मेको कली थमा सुइक्‍नीम। मिनु रोमीपुकीमी परमप्रभु यावे आ खिं नु इस्राएल रागी निम्‍फा खतम सेल्‍नीम” दे लोव़ पामे बाक्‍त।
JOH 11:49 मेकोपुकी नु काइयाफास माइश्‍शो मुर का बाक्‍माक्‍त। मेको बर्स ङा नेल्‍ल क्‍येङा ठेयब चढ़ेब बाक्‍माक्‍त।
JOH 11:50 मिनु मेकोमी “गे मारेइ मतुइक्‍नीनी। गो नेल्‍ल रागी खतम दुम्‍चा क्‍येङा, मुर का कली साइक्‍चा रिम्‍शो बाक्‍ब” देंमाक्‍त। यूहन्‍ना १८:१४
JOH 11:51 काइयाफासमी आंम मिम्‍शो मदे, तन्‍न मेको बर्स ङा नेल्‍ल क्‍येङा ठेयब चढ़ेब दुम्‍शा “इस्राएल रागी ङा मुर आन पा ङा येसु साइक्‍चा पुंइसीब” दे नोले दुम्‍ब लोव़ पशो बाक्‍त।
JOH 11:52 इस्राएल रागी ङा मुर आन कली ला ममाइ, तन्‍न ब्रशा बाक्‍शो परमप्रभु यावे आ तमी तौ नेल्‍ल आन कली काथा दुम्‍पाइक्‍चा, दे येसु साइक्‍चा पुंइसीब दुम्‍त। यूहन्‍ना ७:३५; यूहन्‍ना १०:१६; १यूहन्‍ना २:२
JOH 11:53 मिनु मेको नाक्‍त रे येसु कली दोपा साइक्‍चा, दे सल्‍ला पामे बाक्‍त।
JOH 11:54 मोपतीके येसु यहूदीपुकी नु मबाक्‍थु, गोरशो रागी आ नेक्‍थान एफ्राइम सहर लत। मिनु मेकेर आ शेंसीबपुकी नु बाक्‍त। २सामुएल १३:२३
JOH 11:55 मिनु यहूदी आन पास्‍सा चाड जाक्‍चशो बाक्‍त। पहाड ङा शुश मुरपुकी आंम कली ठीक सेल्‍चा, दे पास्‍सा चाड आ ङोंइती यरूसलेम लाइबाक्‍मा बाक्‍त। २इतिहास ३०:१७-१८
JOH 11:56 मेकेर जाक्‍दीश्‍शा, परमप्रभु यावे आ खिंमी बाक्‍शा “गे मार मिम्‍नीनी? येसु पास्‍सा चाडम जाक्‍बा देय मजाक्‍बा” दे हिल्‍लो पमुशा, येसु कली माल्‍मे बाक्‍त।
JOH 11:57 मिनु ठेयब चढ़ेब नु फरिसीपुकीमी “सुमी येसु ते बाक्‍बा, दे तुइक्‍ता, मेकोमी आंइ कली यो तुइक्‍पदल” दे मुर आन कली देंशो बाक्‍मा बाक्‍त। मोपा येसु कली ग्‍याइक्‍चा माल्‍मे बाक्‍त।
JOH 12:1 यहूदी आन पास्‍सा चाड जाक्‍चा ६ नाक्‍त ङोंइती येसु बेथानी गाउं जाक्‍दीत्‍त। मेकेर येसुमी लाजरस कली बेक्‍शो रे सेंपाइश्‍शो बाक्‍त। यूहन्‍ना ११:१,४३
JOH 12:2 लाजरस आ खिंमी येसु नु आ शेंसीब आन कली थुल्‍चा ठीक पशो बाक्‍तेक्‍म। मारथामी जचा थोव़क योक्‍तु। लाजरस येसु नु काथा बाक्‍शो बाक्‍त।
JOH 12:3 मिनु मरीयममी मार पाप्‍तु देंशा हना, लित्रा का शुश क्‍येट लाइक्‍ब ब्रोव़शो रिना पाइश्‍शो तेल येसु आ खोइलीमी ख्रेक्‍ताक्‍व। मिनु आ चांमी फिक्‍ताक्‍व। मो पशा खिं गा नेल्‍ल ब्रोव़शो रिना पपाइक्‍तु। लित्रा का ३२७ ग्राम खोदेंशो बाक्‍ब। लूका ७:३८
JOH 12:4 मेकेर येसु आ शेंसीब इस्‍कारीयोत ङा यहूदा यो बाक्‍त। मेको नोले येसु कली साइक्‍ब आन कली वारच पाइब दुम्‍बाक्‍माक्‍त।
JOH 12:5 मेकोमी “मारदे सहे सां देनारमी मेको तेल लेयशा, प्रुङग आन कली मयोक्‍गा?” दे लोव़ पाप्‍तु। देनार का नाक्‍त का ङा गाल्‍च बाक्‍त।
JOH 12:6 यहूदामी प्रुङग आन कली शिशी पा मिम्‍शा ममाइ, तन्‍न क्‍येट कुरशा, क्‍येट खुइ पना पन बाक्‍बाक्‍माक्‍त। यूहन्‍ना १३:२९
JOH 12:7 मिनु येसुमी यहूदा कली “मरीयममी आं बेक्‍चा ङोंइती तेल ख्रेक्‍ताक्‍यी। एको कली श्‍येत मगेवो।
JOH 12:8 प्रुङगपुकी दा गेपुकी नु गेना हना यो बाक्‍नीम। गो चहिं गेपुकी नु शुश नाक्‍त मबाक्‍नुङ” दे माइक्‍तु।
JOH 12:9 मिनु शुश यहूदीपुकीमी येसु मेकेर बाक्‍त, दे तुइश्‍शा, येसु आ पर्बम ला ममाइ, येसुमी बेक्‍शो रे सेंपाइश्‍शो लाजरस कली यो कोव़चा, दे जाक्‍तेक्‍म।
JOH 12:10 ठेयब चढ़ेबपुकीमी “लाजरस कली यो साइक्‍चा” दे सल्‍ला पामे बाक्‍त।
JOH 12:11 मारदे हना मेको आ पर्बम शुशेमी यहूदी आन शेंतीक प्रोंइशा, येसु कली थमा सुइक्‍तेक्‍म।
JOH 12:12 मिनु आ दीसा शुश मुरुमी “येसु पास्‍सा नाक्‍त यरूसलेममी जाक्‍ब” देंशो नेन्‍मे बाक्‍त।
JOH 12:13 मिनु खजूर रवा आ सफा शेशा, येसु कली ग्रुम्‍थ जाक्‍तेक्‍म। मेकोपुकीमी “होसन्‍ना, परमप्रभु आ नेंमी जाक्‍ब इस्राएली आन पिप आसीक रशो बाक्‍ब” दे ग्‍येरशा, ग्रीना ग्रीन येसु कली ग्रुम्‍थ जाक्‍तेक्‍म। होसन्‍ना आ देंशो “परमप्रभु वारच पने” बाक्‍ब। भजन संग्रह ११८:२५-२६
JOH 12:14 मिनु येसुमी गधा आ चाइक्‍ब का ङोंइ‍साक्‍व। परमप्रभु यावे आ ब्रेक्‍पाइश्‍शो किताबमी
JOH 12:15 “सियोन ङा मुर, महिनीन। कोव़ङीन, इन पिप गधा ङोइश्‍शा पिना पिन बाक्‍ब” दे ब्रेक्‍शो बाक्‍त। जकरिया ९:९
JOH 12:16 येसु आ शेंसीबपुकीमी ङोंइती मेको लोव़ मरुप्‍शो बाक्‍तेक्‍म। तन्‍न येसु स्‍वर्ग लशा नोले ला “मेको लोव़ येसु आ पर्बम ब्रेक्‍शो बाक्‍माक्‍त। दोदेंशो ब्रेक्‍शो बाक्‍मे, मोदेंशो दुम्‍‍त” दे रुप्‍शो बाक्‍तेक्‍म।
JOH 12:17 मेको “होसन्‍ना” दे ग्रीबपुकी सु बाक्‍मा बाक्‍त देंशा हना, येसुमी लाजरस बेक्‍शो रे सेंपाइश्‍शो ताइब बाक्‍मा बाक्‍त। मिनु मेकोपुकीमी मुर आन कली लाजरस सेंसीशो आ पर्बमी तुइक्‍पाइक्‍तेक्‍म।
JOH 12:18 मोपतीके मेकोपुकी येसु कली ग्रुम्‍थ जाक्‍तेक्‍म।
JOH 12:19 मिनु फरिसीपुकीमी “गोपुकी मारेइ पने मचाप्‍नय। कोव़ङीन, मुर नेल्‍ल मेको आ नोले खोइक्‍नीम” देंमुम्‍तेक्‍म। यूहन्‍ना ११:४८
JOH 12:20 मिनु पास्‍सा नाक्‍ती परमप्रभु यावे कली मान पचा कली का निक्‍शी ग्रीस रागी ङा मुर यो जाक्‍शो बाक्‍तेक्‍म।
JOH 12:21 मेकोपुकी फिलीप माइश्‍शो शेंसीब नु लोव़ पचा कली जाक्‍तेक्‍म। फिलीप चहिं गालील रागी ङा बेथसैदा सहर ङा बाक्‍त। मिनु मेको ग्रीस रागी ङा मुरपुकीमी “प्रभु, गोपुकी येसु कली ग्रुम्‍चा दाक्‍नीकी” देंतेक्‍म। यूहन्‍ना १:४४
JOH 12:22 फिलीपमी मेको आन लोव़ नेंशा, अन्‍द्रीयास कली माइक्‍तु। मिनु अन्‍द्रीयास नु फिलीपमी येसु कली “ग्रीस रागी ङा मुरपुकी इन कली ग्रुम्‍थ जाक्‍तेक्‍म” दे माइक्‍ताक्‍स।
JOH 12:23 मिनु येसुमी “मुल रागीमी जरमेशो परमप्रभु यावे आ बाक्‍तीक लाइब। मिनु ठेयब सेल्‍चा पुंइसीब।
JOH 12:24 नोफा दाइश्‍शा नेनीन, चेरब गेडा खपीमी शोक्‍शा मराक्‍त हना, मेको मोशा लीब। तन्‍न शोक्‍शा राक्‍त हना, शुश ग्रेल्‍ब। रोमी १४:९; १कोरिन्‍थी १५:३६
JOH 12:25 सुमी आंम दला दाक्‍स पाइबा, मेको गेना हना यो ब्रोंइशा बाक्‍चा मताइब। सुमी चहिं रागीमी बाक्‍शा, आंम कली ममिम्‍थु, परमप्रभु यावे आ देंशो टीबा, मेको गेना हना यो ब्रोंइशा बाक्‍चा ताइब। मत्ती १०:३९; मत्ती १६:२५; लूका १७:३३
JOH 12:26 सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४
JOH 12:27 मिनु येसुमी “मुल आं थुं खाइक्‍ती। गो मार देंनुङा, आफ, आं कली मोपा साइक्‍चा रे प्रोंइयी, दे पुंइनुङा ङा? गो साइक्‍चा पुंइसीचा कली रागीमी जाक्‍ती। मत्ती २६:३८
JOH 12:28 आं आफ, इन सक्ति कोंइदीन” दे येसुमी देंत। मिनु सरीङ रे “गो आं सक्ति कोंइताक्‍ङ। लेंशा चिनु कोंइनुङ” देंशो सेंदा का नेंसाक्‍व। यूहन्‍ना १३:३१; मत्ती ३:१७; मत्ती १७:५
JOH 12:29 मिनु मेकेर बाक्‍शो मुरपुकीमी मेको सेंदा नेंशा “बुंबु पाप्‍तु” देंतेक्‍म। का निक्‍शीमी “परमप्रभु यावे आ स्‍वर्ग ङा गेय पाइब कामी मेको कली लोव़ पाप्‍तु” देंतेक्‍म।
JOH 12:30 मिनु येसुमी “मेको लोव़ आं कली देंशो ममाइ, इन कली देंशो बाक्‍ब। यूहन्‍ना ११:४२
JOH 12:31 मुल रागी नेल्‍ल ङा मुर आन कली निसाफ पची नाक्‍त जाक्‍त। मुल रागी कली हुकुम पाइब कली तिल्‍नीम। यूहन्‍ना १४:३०; यूहन्‍ना १६:११; लूका १०:१८
JOH 12:32 गो क्‍युक्‍शा साइक्‍चा पुंइसीशा, मुर नेल्‍ल आन कली आं गे कीनुङमी” देंत। यूहन्‍ना ८:२८
JOH 12:33 येसुमी दोपा साइक्‍चा पुंइसीचा चिक्‍शो बाक्‍नुङ, दे तुइक्‍पाइक्‍चा कली मो देंत।
JOH 12:34 मिनु मुरपुकीमी येसु कली “परमप्रभु यावे आ लोव़ ब्रेक्‍शो किताबमी ‘ख्रीस्‍त गेनायो मबेक्‍थु बाक्‍ब’ देंशो नेंतक। गे चहिं ‘रागीमी जरमेशो क्‍युक्‍शा साइक्‍चा पुंइसीब’ देंनीनी। मिनु मेको रागीमी जरमेशो चहिं सु बाक्‍म?” दे हिल्‍लो पाम्‍तेक्‍म। भजन संग्रह ११०:४; दानीएल ७:१४
JOH 12:35 मिनु येसुमी मेको मुर आन कली “मेको छेङछेङ माइश्‍शो का गेपुकी नु इच्‍का नाक्‍त सम्‍म बाक्‍ब। छेङछेङ बाक्‍म सम्‍म गाक्‍कीन। छेङछेङमी मगाक्‍तीनी हना, छिङछिङमी गाक्‍चा माल्‍नीनी। सु छिङछिङमी गाक्‍बा, मेको ते लाइबा मतुइक्‍ब।
JOH 12:36 छेङछेङ माइश्‍शो का बाक्‍म सम्‍म मेको कली थमा सुतीन। मो पाइतीनी हना, छेङछेङ माइश्‍शो आ तमी तौ दुम्‍नीनी” देंत। मिनु येसुमी मेको लोव़ पशा, मेकेर रे गाक्‍शा ख्रुंइ‍साक्‍व। एफिसी ५:८
JOH 12:37 मिनु येसुमी मुर आन ङोंइती शुश छक लाक्‍चा ङा गेय पाप्‍तु हना यो, मेकोपुकीम येसु कली थमा मसुदेम।
JOH 12:38 मोपा यसैया माइश्‍शो परमप्रभु यावे आ लोव़ पाइब आ ब्रेक्‍शो लोव़ थमा दुम्‍त। मार ब्रेक्‍शो बाक्‍त देंशा हना “प्रभु, आंइ देंशो लोव़ सुम थमा सुदा ङा? इन पशो गेय सुम तुइक्‍ता ङा?” दे ब्रेक्‍शो बाक्‍त यसैया ५३:१
JOH 12:39 मोपतीके सुइमी थमा सुइक्‍ने मचबेम। यसैया ६:९,१०
JOH 12:40 मिनु यसैयामी “परमप्रभु यावेमी मेको आन कली मिक्‍च मताइब सेल्‍तीमी। मोपा परमप्रभु यावे कली मतुइक्‍नीम। मेको आन कली मटीब सेल्‍तीमी। मोपा मेकोपुकीमी परमप्रभु यावे आ लोव़ रुम्‍ने मचबेम। मिनु परमप्रभु यावे कली ‘आं कली सापतीन’ दे मपुंइनीम” दे यो यसैयामी ब्रेक्‍शो बाक्‍त। मत्ती १३:१४-१५
JOH 12:41 मारदे हना यसैयामी येसु ख्रीस्‍त आ छेङछेङ ङा सक्ति ततीके येसु आ पर्बम लोव़ पशा ब्रेक्‍शो बाक्‍त। यसैया ६:१
JOH 12:42 ठेयब मुर शुशेमी येसु कली थमा सुइक्‍तेक्‍म। मेकोपुकीमी “फरिसीपुकीमी आंइ कली यहूदी आन ग्रुम्‍तीक खिं रे तिल्‍नीम” दे हिंशा, अरु आन कली “गो थमा सुइक्‍ब दुम्‍तक” दे मदेंम। यूहन्‍ना ९:२२
JOH 12:43 मारदे हना मेकोपुकीमी “आंइ पर्बमी मुरपुकीमी मार देंनीमी” दे परमप्रभु यावे क्‍येङा मुरपुकी तशा हिंतेक्‍म। यूहन्‍ना ५:४४
JOH 12:44 मिनु येसुमी ठेयब सेंदा पशा “आं कली थमा सुइक्‍बमी आन थमा सुइश्‍शो आं कली ला ममाइ, तन्‍न आं कली सोइक्‍ब कली यो थमा सुइश्‍शो नम।
JOH 12:45 मिनु सुम आं कली ताइबा, मेकोमी आं कली सोइक्‍ब कली यो ताइब। यूहन्‍ना १४:९
JOH 12:46 रागी ङा मुर आन कली परमप्रभु यावे आ पर्बम तुइक्‍पाइक्‍चा कली गो रागी कली छेङछेङ दुम्‍शा जाक्‍ती। मोपतीके सुम आं कली थमा सुइक्‍बा, मेको छिङछिङमी मबाक्‍ब।
JOH 12:47 मिनु सु सुमी आं देंशो लोव़ नेंशा यो मपाइनीमी, गो मेको आन कली निसाफ मपाइनुङ। मारदे हना गो रागी ङा मुर आन कली निसाफ पचा कली जाक्‍शो मनङ। तन्‍न रागी ङा मुर आन कली पाप रे प्रोंइचा कली जाक्‍शो नङ। यूहन्‍ना ३:१७; लूका ९:५६
JOH 12:48 सुम आं कली मब्रथु, आं देंशो लोव़ मपाइबा, मेको कली निसाफ पाइब का बाक्‍ब। मेको निसाफ पाइब सु बाक्‍ब देंशा हना, आं देंशो लोव़ बाक्‍ब। एको लोव़मी मेको कली नोले ङा नाक्‍ती निसाफ पाइब।
JOH 12:49 आं कली सोइक्‍ब आं आफोमी गो मार देंचा नु शेंचा माल्‍नुङा, मेको नेल्‍ल माइक्‍ती। मोपतीके मेको आं लोव़ ममाइ। आं आफ आ लोव़ बाक्‍ब।
JOH 12:50 मेको आ देंशो लोव़ मार बाक्‍ब देंशा हना, गेना हना यो ब्रोंइशा बाक्‍चा गेब लोव़ बाक्‍ब। मेको आं आफोमी आं कली दें‍शो लोव़ बाक्‍ब। मोपतीके आं पशो लोव़ आं आफोमी आं कली ङोंइती देंशो लोव़ बाक्‍ब” दे येसुमी मुर आन कली माइक्‍तीमी।
JOH 13:1 येसुमी पास्‍सा चाड ङोंइती “मुल रागी रे आं आफ आ बाक्‍तीक लची नाक्‍त जाक्‍त” दे तुइक्‍ताक्‍व। मिनु येसुमी नेल्‍ल क्‍येङा नोले ङा नाक्‍त सम्‍म रागीमी बाक्‍शो आ मुर आन कली दाक्‍शो बाक्‍त। यूहन्‍ना ७:३०; यूहन्‍ना १७:१
JOH 13:2 मिनु येसु नु आ शेंसीबपुकी नाक्‍दो ङा खमे जना जन बाक्‍शो बाक्‍तेक्‍म। आ शेंसीब सिमोन आ तौ इस्‍कारीयोती ङा यहूदा यो बाक्‍शो बाक्‍त। सैतानमी “येसु कली साइक्‍चा माल्‍ब आन कली वारच पावो” दे यहूदा कली मिम्‍पाइश्‍शो बाक्‍त। लूका २२:३
JOH 13:3 मिनु येसुमी “आं आफोमी आं कली नेल्‍ल सक्ति गेती। गो परमप्रभु यावे रे जाक्‍शो नङ। मिनु परमप्रभु यावे आ बाक्‍तीके लेत्‍नुङ” दे तुइश्‍शा, यूहन्‍ना ३:३५; यूहन्‍ना १६:२८
JOH 13:4 येसु बोक्‍शा, आ तार फेक्‍शो रिम्‍शो वा प्रुइश्‍शा, वा कामी गिल्‍साक्‍व।
JOH 13:5 मिनु चिक्‍तीकेमी ब्‍वाक्‍कु कुर पा, आ शेंसीब आन खोइल चिक्‍ताक्‍मी। चिक्‍शा ङा मिन आ गिल्‍सीशो वाम फिक्‍ताक्‍मी।
JOH 13:6 मिनु सिमोन पत्रुस आ पालो जाक्‍मेनु, मेकोमी येसु कली “प्रभु, गेमी आं खोइल चिक्‍चा दुम्‍बा ङा?” देंत।
JOH 13:7 मिनु येसुमी “मुल आं पशो मरुप्‍नेवे। गे नोले ला रुप्‍नेवे” देंत।
JOH 13:8 पत्रुसमी “गो आं खोइल चिक्‍चा काइ मगेनुङ” देंत। मिनु येसुमी “गो इ खोइल मचिक्‍ताक्‍न हना, गे आं मुर मनवे” दे माइक्‍तु।
JOH 13:9 मिनु सिमोन पत्रुसमी “प्रभु, आं खोइल ला ममाइ, आं गुइ पिया यो चिक्‍तीनी” देंत।
JOH 13:10 येसुमी “चिक्‍शो मुर आन कली लेंशा चिक्‍चा ममाल्‍ब। खोइल ला चिक्‍चा माल्‍ब। खोइल चिक्‍शोनु, नेल्‍ल रिम्‍शो दुम्‍ब। गेपुकी चिक्‍सीशो दुम्‍तीनी। काइ मचिक्‍सीशो गेपुकी नु का बाक्‍ब” देंत। यूहन्‍ना १५:३
JOH 13:11 येसुमी आ कली साइक्‍ब आन कली वारच पाइब कली तुइश्‍शा मो देंत।
JOH 13:12 मिनु येसुमी आन खोइल चिक्‍ने थुम्‍शा, आ ङोंइती प्रुइश्‍शो फेक्‍तीक फेक्‍शा, आ बाक्‍तीक लत। मिनु शेंसीब आन कली “इन कली पशो गेय आ अर्थ मार बाक्‍बा, गे तुइक्‍नीनी?
JOH 13:13 गेपुकीमी आं कली शेंब नु प्रभु देंनीनी। मेको ठीक देंतीनी। मारदे हना गो मेकोन नङ। मत्ती २८:८,१०
JOH 13:14 गो प्रभु नु शेंब दुम्‍शा यो इन खोइल चिक्‍ताक्‍न्‍नी। गेपुकीमी यो इन खोइल चिक्‍मुचा माल्‍नीनी। लूका २२:२७
JOH 13:15 गो इन खोइल चिक्‍ताक्‍न्‍नी। मिनु गेपुकी आं खोदेंशो पने। फिलिप्‍पी; १पत्रुस २:२१
JOH 13:16 मिनु नोफा दाइश्‍शा नेनीन, खिं ङा होव़प क्‍येङा वाइल ठेयब ममाइ। मिनु सोइश्‍शो मुर सोइक्‍ब क्‍येङा ठेयब यो ममाइ।
JOH 13:17 गेपुकी आं देंशो लोव़ तुइश्‍शा पाइतीनी हना, गे आसीक रशा ग्‍येरसीशो मुर दुम्‍नीनी” दे येसुमी देंत। मत्ती ७:२४
JOH 13:18 मिनु येसुमी “गो नेल्‍ल इन पर्बम लोव़ मपाइनुङ। आं योव़शो आन कली तुइक्‍नुङ। परमप्रभु यावे आ ब्रेक्‍पाइश्‍शो लोव़मी मार ब्रेक्‍शो बाक्‍ब देंशा हना ‘आं शोब्‍ले जाइबमी आं कली साइक्‍चा कली आ खोइल क्‍युक्‍तु’ दे ब्रेक्‍शो बाक्‍ब। मुल मोदेंशो दुम्‍चा चिक्‍ताक्‍व। भजन संग्रह ४१:९
JOH 13:19 मोदेंशो दुम्‍चा ङोंइती तुइक्‍पाइक्‍तन्‍नी। मिनु मो दुम्‍मेनु, गो मेकोन बाक्‍ङा बाक्‍त, दे तुइक्‍नीनी। मिनु आं कली थमा सुइक्‍नीनी।
JOH 13:20 नोफा दाइश्‍शा नेनीन। सुमी आं सोइश्‍शो कली ब्राइबा, मेकोमी आं कली ब्राइब। मिनु सुमी आं कली ब्राइबा, मेकोमी आं कली सोइक्‍ब कली यो ब्राइब” देंत। मत्ती १०:४०
JOH 13:21 मिनु येसुमी मेको लोव़ पशा आ थुं खाइक्‍त। मिनु “नोफा दाइश्‍शा नेनीन। गेपुकी नु का बाक्‍ब। मेकोमी आं कली साइक्‍ब आन कली वारच पाइब” दे आ थुं खाइश्‍शा देंत। यूहन्‍ना १२:२७
JOH 13:22 मिनु येसु आ शेंसीबपुकीमी “सु आ पर्बम देंशो बाक्‍मे?” दे मतुइक्‍थु कोव़मुम्‍तेक्‍म।
JOH 13:23 येसु आ नेल्‍ल क्‍येङा दाक्‍शो शेंसीब येसु आ नेक्‍था बाक्‍त। यूहन्‍ना १९:२६; यूहन्‍ना २०:२; यूहन्‍ना २१:२०
JOH 13:24 मिनु सिमोन पत्रुसमी मेको कली “सु आ पर्बम लोव़ पवा, हिल्‍लो पावो। मिनु आंइ कली देनो” देंत।
JOH 13:25 मिनु येसु आ नेक्‍था बाक्‍शो शेंसीबमी “प्रभु, मेको सु बाक्‍मे?” दे येसु कली हिल्‍लो पाप्‍तु।
JOH 13:26 मिनु येसुमी “गो एको शोब्‍ले शेक्‍कुमी तेप्‍शा सु कली जचा गेङा, मेकोन बाक्‍ब” देंशा, येसुमी शोब्‍ले शेक्‍कुमी तेप्‍शा, सिमोन आ तौ इस्‍कारीयोत ङा यहूदा कली गेप्‍तु।
JOH 13:27 यहूदामी शोब्‍ले ताक्‍तु। मेना सैतान आ थुंमी ओव़त। मिनु येसुमी यहूदा कली “इ मिम्‍शो पावो” देंत।
JOH 13:28 शेंसीबपुकीमी येसुमी यहूदा कली मारदे मोदेंशो देंमे, दे मतुइक्‍तेम।
JOH 13:29 का निक्‍शीमी “यहूदामी क्‍येट आ थैली कुरशो बाक्‍ब। मिनु येसुमी मेको कली पास्‍सा नाक्‍त कली ‘मार मार माल्‍नया, मेको ग्‍याप्‍थ लावो, दे मदा कों, प्रुङग आन कली क्‍येट योक्‍शा गेवो’ दे मदा कों?” दे मिम्‍ताक्‍म।
JOH 13:30 यहूदा शोब्‍ले ताक्‍शा, छुल बोक्‍शा लत। मेना छिङछिङ दुम्‍शो बाक्‍त।
JOH 13:31 मिनु यहूदा लम नोले येसुमी “मुल रागीमी जरमेशोमी सक्ति ताप्‍तु। मिनु मुरपुकीमी रागीमी जरमेशो आ पतीक तशा, परमप्रभु यावे कली ठेयब सेल्‍नीमी। यूहन्‍ना १२:२३,२८
JOH 13:32 मिनु परमप्रभु यावेमी रागीमी जरमेशो कली आंम आ सक्ति गेशा, ठेयब सेल्‍ब। एको मुल दुम्‍चा चिक्‍शो बाक्‍त। यूहन्‍ना १७:१-५
JOH 13:33 आं आइक्‍च आलपुकी, गो इन कली शुश दाक्‍ताक्‍ङ हना यो, गो गेपुकी नु शुश बाक्‍चा मताइनुङ। गेपुकी आं कली माल्‍नीनी। मिनु गो यहूदी आन कली ‘आं लतीकेमी गेपुकी जाक्‍ने मचाप्‍नीनी’ देंशो खोदेंशो, गो इन कली यो मो देंनुङ। यूहन्‍ना ८:२१
JOH 13:34 मिनु इन कली नक अरेशो लोव़ का पाइनुङ। मार लोव़ पाइनुङ देंशा हना, गेपुकी दाक्‍मुने। गोम इन कली दाक्‍शो खोदेंशो पा गेपुकी यो दाक्‍मुने। यूहन्‍ना १५:१२,१३,१७
JOH 13:35 दाक्‍मुशो तशा, मुर नेल्‍लेमी ‘गेपुकी आं शेंसीब ननी’ दे तुइक्‍नीम” दे येसुमी देंत।
JOH 13:36 मिनु सिमोन पत्रुसमी येसु कली “प्रभु, ते लाइनीनी?” दे हिल्‍लो पाप्‍तु। येसुमी “गो ते लाइनुङा, मुल गे आं नोले खोइक्‍ने मचाप्‍नेवे। तन्‍न नोले खोइक्‍नेवे” देंत। यूहन्‍ना २१:१८-१९
JOH 13:37 मिनु पत्रुसमी “प्रभु, मारदे इन कली मुल नोले खोइक्‍ने मचाप्‍नुङा ङा? इन साइक्‍चा पुंइसीचा ङा साइक्‍चा पुंइसाक्‍ङ हना यो, गो बेक्‍नुङ” देंत।
JOH 13:38 मिनु येसुमी “मार आं साइक्‍चा पुंइसीचा ङा साइक्‍चा पुंइसीनेवे? इ नोफा दाइश्‍शा नेनो, भाले ग्रीचा क्‍येङा ङोंइती गेमी खेयप सां आं कली मतुइक्‍नुङ, दे देंनेवे” दे माइक्‍तु।
JOH 14:1 मिनु येसुमी आ शेंसीब आन कली “इन थुं ग्‍येत्‍थ लुक्‍च मपने। परमप्रभु यावे कली थमा सुतीन। आं कली यो थमा सुइय्‍यीनी।
JOH 14:2 आं आफ बाक्‍तीकेम शुश मुर आन कली बाक्‍तीक सेल्‍शो बाक्‍नीम। मोपतीके इन बाक्‍तीक ठीक पथ लाइनुङ।
JOH 14:3 मिनु इन बाक्‍तीक ठीक पशा, लेंशा जाक्‍शा आं बाक्‍तीक लाइक्‍नन्‍नी। मिनु गो नु काथा बाक्‍नीनी। यूहन्‍ना १२:२६; यूहन्‍ना १७:२४
JOH 14:4 मिनु आं लतीक लां तुइक्‍नीनी” देंत।
JOH 14:5 मिनु थोमासमी येसु कली “प्रभु, गे ते लाइनीनी? गो मतुइक्‍नीकी। मिनु लां दोपा तुइक्‍नीकी?” देंत।
JOH 14:6 मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०
JOH 14:7 गेपुकी आं कली तुइक्‍ताक्‍नी हना, आं आफ कली यो तुइक्‍नीनी। मुल रे गेपुकी आं आफ कली तुइश्‍शा ताइनीनी” देंत।
JOH 14:8 मिनु फिलीपमी “प्रभु, इन आफ आंइ कली कोंइदीन। मिनु ग्‍येरनीकी” देंत।
JOH 14:9 मिनु येसुमी “गो नु शुश बाक्‍शा यो, गे आं कली मतुइक्‍नेवे, फिलीप? सुमी आं कली तयी, मेकोमी आं आफ कली यो ताप्‍तु। मारदे ‘इन आफ कोंइदीन’ देंनेवे? यूहन्‍ना १२:४५; हिब्रू १:३
JOH 14:10 गो आं आफ आगामी बाक्‍नुङ। मिनु आं आफ आं आगामी बाक्‍ब, दे थमा मसुइक्‍नेवे? आं देंशो लोव़ आं के ममाइ, आं आफ आ लोव़ बाक्‍ब। आं आगामी बाक्‍शो आं आफोमी गेय पाइब। यूहन्‍ना १२:४९
JOH 14:11 गो आं आफ आ आगामी बाक्‍नुङ। आं आफ आं आगामी बाक्‍ब, दे थमा सुतीन। आं लोव़ नेंशा, थमा सुइक्‍ने मचाप्‍नीनी हना, आं पशो तशा थमा सुतीन। यूहन्‍ना १०:२५,३८
JOH 14:12 मिनु नोफा दाइश्‍शा नेनीन, सुमी आं कली थमा सुइक्‍बा, मेकोमी आं पशो गेय यो पाइब। मिनु आं क्‍येङा ठेयब गेय पाइब। मारदे हना गो आं आफ आ बाक्‍तीक लाइनुङ। मत्ती २८:१९
JOH 14:13 मिनु गेपुकी आं नेंमी मार मार पुंइनीनु, गो गेनन्‍नी। गो इन पुंइशो गेशा, गो, आं पतीके आं आफ आ सक्ति कोंइनुङ। यूहन्‍ना १५:७; यूहन्‍ना १६:२४; मर्कूस ११:२४; १यूहन्‍ना ५:१४-१५
JOH 14:14 आं नेंमी मार मार पुंइनीनी, गो मेको गेनन्‍नी।
JOH 14:15 गेपुकी आं कली दाक्‍ताक्‍नी हना, आं अरेशो पाइनीनी। यूहन्‍ना १५:१०; १यूहन्‍ना ५:३
JOH 14:16 गेपुकी नु काथा बाक्‍शा, वारच पाइब का सोइक्‍चा, दे आं आफ कली पुंइनुङ। मेको गेपुकी नु गेना हना यो मप्रोंइथु बाक्‍ब। यूहन्‍ना १५:२६; यूहन्‍ना १६:७
JOH 14:17 मेको वारच पाइब थमा ङा सोक्‍त बाक्‍ब। आं कली थमा मसुइक्‍बपुकीमी मेको सोक्‍त ताक्‍ने मचाप्‍नीम। मारदे हना मेकोपुकीमी मेको सोक्‍त कली मतुइक्‍नीम। गेपुकी चहिं मेको कली तुइक्‍नीनी। मारदे हना मेको गेपुकी नु बाक्‍ब। मिनु इन आगामी बाक्‍ब। यूहन्‍ना १६:१३
JOH 14:18 गो इन कली रोम रोइक्‍च खोदेंशो पा मवोइक्‍नन्‍नी। इन बाक्‍तीके जाक्‍नुङ।
JOH 14:19 इच्‍का नोले थमा मसुइक्‍बपुकीमी आं कली लेंशा मताइनीम। गेपुकीमी चहिं आं कली ताइनीनी। मारदे हना गो ब्रोंइनुङ। मिनु गेपुकी यो ब्रोंइनीनी। यूहन्‍ना २०:२०
JOH 14:20 मिनु आं आफ आ आगाम बाक्‍नुङ। गेपुकी आं आगामी बाक्‍नीनी। मिनु गो इन आगामी बाक्‍नुङ, दे मेना रुप्‍शा तुइक्‍नीनी।
JOH 14:21 सुमी आं अरेशो तुइश्‍शा पाइबा, मेकोमी आं कली दाक्‍ब। सुमी आं कली दाक्‍बा, आं आफोमी मेको कली यो दाक्‍ब। मिनु गो मेको कली दाक्‍शा, आं कली तुइक्‍पांइसीनुङ” दे येसुमी देंत। १यूहन्‍ना ५:३; यूहन्‍ना १६:२७
JOH 14:22 मिनु यहूदामी, इस्‍कारीयोत ङा यहूदा चहिं ममाइ, येसु कली “प्रभु, गे आंइ कली तुइक्‍पांइसीनीनी। थमा मसुइक्‍ब आन कली चहिं मतुइक्‍पांइसीनीनी, दोपा रुम्‍सीबा ङा?” दे हिल्‍लो पाप्‍तु।
JOH 14:23 मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७
JOH 14:24 आं कली मदाक्‍बमी चहिं आं देंशो लोव़ यो मपाइब। आं देंशो लोव़ आं के ममाइ, आं कली सोइक्‍ब आं आफ के बाक्‍ब। यूहन्‍ना ७:१६-१७
JOH 14:25 गेपुकी नु बाक्‍शा, एको लोव़ पाता।
JOH 14:26 आं नेंमी आं आफोमी इन कली वारच पाइब आ सोक्‍त सोइक्‍ब। मेको सोक्‍तीमी इन कली मारेइ मारेइ शेंब नु आं देंशो लोव़ नेल्‍ल फ्रुक्‍पाइक्‍ब।
JOH 14:27 गो आं थुं नाइश्‍शो खोदेंशो पा इन थुं नाइक्‍पाइक्‍नन्‍नी। मुरुमी पशो खोदेंशो ममाइ, इन थुं ग्‍येत्‍थ लुक्‍च मपने। महिनीने। यूहन्‍ना १६:३३; फिलिप्‍पी ४:७
JOH 14:28 ‘गो लाइनुङ। मिनु लेंशा जाक्‍नुङ’ दे आं देंशो नेंतीनी। गेपुकी आं कली दाक्‍ताक्‍यीनी हना, ग्‍येरसीनी वा। मारदे हना गो आं आफ आ बाक्‍तीक लाइनुङ। आं आफ चहिं आं क्‍येङा ठेयब बाक्‍ब।
JOH 14:29 नेल्‍ल दुम्‍चा क्‍येङा ङोंइती शेंता‍क्‍न्‍नी। मेको दुम्‍मेनु, गेपुकी थमा सुइक्‍ब दुम्‍नीनी।
JOH 14:30 मुल ङा मेरे शुश मशेंनन्‍नी। मारदे हना रागी ङा मुर आन कली हुकुम पाइब जाक्‍ब। मेकोमी आं कली ग्राने मचाप्‍ब। यूहन्‍ना १२:३१; एफिसी २:२
JOH 14:31 गो आं आफ आ देंशो पाइनुङ। मो पङानु, गो आं आफ कली दाक्‍नुङ, दे रागी रागी ङा मुरपुकीमी तुइक्‍तमेक्‍ल। लो बोक्‍कीन, गाक्‍य” देंत। यूहन्‍ना १०:१८
JOH 15:1 मिनु येसुमी “गो थमा ङा अङगुर बोट नङ। आं आफ चहिं अङगुर कली कोव़ब बाक्‍ब। भजन संग्रह ८०:९-१२; यसैया ५:१-७; येरमीया २:२१
JOH 15:2 आं आफोमी फल मसिप्‍ब राशी आन कली ख्रोइश्‍शा ताइक्‍ब। फल सिप्‍ब राशी कली मेको क्‍येङा शुश फल सिप्‍पाइक्‍चा, दे मुंइशा वोइक्‍ब। यूहन्‍ना १३:१०; १पत्रुस १:२३
JOH 15:3 गेपुकी आं देंशो लोव़ टितीके मुंइसीशो राशी खोदेंशो दुम्‍तीनी।
JOH 15:4 गेपुकी आं आगामी बाक्‍कीन। मिनु गो इन आगामी बाक्‍नुङ। राशी बोटमी मबाक्‍त हना, मेको राशी फल सिन्‍ने मचाप्‍ब। मोपतीके गेपुकी यो आं आगामी मबाक्‍तीनी हना, फल सिन्‍ने मचाप्‍नीनी।
JOH 15:5 गो अङगुर बोट नङ। गेपुकी चहिं राशी ननी। सु आं आगाम बाक्‍बा, गो मेको आ आगामी बाक्‍नुङ। मिनु मेकोमी शुश फल सिप्‍ब। तन्‍न गो रे ङोन बाक्‍तीनी हना, मारेइ पने मचाप्‍नीनी। २कोरिन्‍थी २:५-६
JOH 15:6 सु चहिं आं आगामी मबाक्‍बा, मेको ख्रोइश्‍शा ताइश्‍शो राशी खोदेंशो पा सोव़ब। मिनु मुरपुकीमी मोदेंशो राशी कली खुप्‍शा मीम चोइनीम।
JOH 15:7 गेपुकी आं आगामी बाक्‍शा नु आं लोव़ इन आगामी बाक्‍त हना, इन दाक्‍शो पुनीन। मिनु इन पुंइशो ताइनीनी। मर्कूस ११:२४
JOH 15:8 गेपुकी आं शेंसीब दुम्‍शा, शुश फल सिप्‍ब दुम्‍तीनी हना, आं आफ आ सक्ति कोंइनीनी। मोपा गेपुकी आं शेंसीब दुम्‍नीनी। मत्ती ५:१६
JOH 15:9 आं आफोमी आं कली दाक्‍ब। मिनु आं आफोमी आं कली दाक्‍शो खोदेंब पा, गो इन कली दाक्‍ताक्‍न्‍नी। गेपुकी यो ‘गो इन कली दाक्‍नुङ’ दे तुइश्‍शा बाक्‍कीन।
JOH 15:10 दोपा गो आं आफोमी देंशो लोव़ टिशा, आं आफ नु दाक्‍मुइनस्‍कु, मोपा गेपुकी यो आं देंशो लोव़ टीतीनी हना, गो नु दाक्‍मुशा बाक्‍नय।
JOH 15:11 इन कली एको लोव़ मारदे पाता देंशा हना, आं ग्‍येरशो थुं इन थुंमी लील। मिनु इन थुं ग्‍येरसीशा बाक्‍ल, दे एको लोव़ पाता। यूहन्‍ना १७:१३
JOH 15:12 गो इन कली दाक्‍शो खोदेंशो पा गेपुकी यो दाक्‍मुने, दे आं अरेशो बाक्‍ब। यूहन्‍ना १३:३४
JOH 15:13 सु आ वारच आ पर्बम साइक्‍चा पुंइसीबा, मेको नेल्‍ल क्‍येङा ठेयब दाक्‍ब वारच बाक्‍ब। यूहन्‍ना १०:११; १यूहन्‍ना ३:१६
JOH 15:14 गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०
JOH 15:15 मुल रे गो इन कली वाइल मदेंनुङ। मारदे हना वाइल आ ठेयब मुरुमी मार गेय पचशो बाक्‍मे, मेको वाइलम मतुइक्‍ब। गो चहिं इन कली आं आफ आ देंशो नेल्‍ल शेंताक्‍न्‍नी। मोपतीके इन कली वारच देंनुङ।
JOH 15:16 गेपुकीमी आं कली मयोव़यीनी। तन्‍न गेपुकी लशा फल सिश्‍शा, इन सिश्‍शो फल लील, दे गो इन कली योव़तन्‍नी। मिनु गेपुकीमी आं आफ कली आं नेंमी इन दाक्‍शो पुंइनीनु, आं आफोमी इन कली गेवल, दे वोइक्‍तन्‍नी।
JOH 15:17 गो इन कली ‘दाक्‍मुने’ दे माइक्‍तन्‍नी” देंत।
JOH 15:18 मिनु “रागी ङा मुरपुकीमी इन कली मदाक्‍नीमी। इन कली मदाक्‍चा क्‍येङा ङोंइती आं कली मदाक्‍नीम, दे तुइक्‍नीनी। यूहन्‍ना ७:७
JOH 15:19 गेपुकी रागी ङा मुर खोदेंशो बाक्‍तीनी हना, रागी ङा मुरपुकीमी इन कली दाक्‍नीमी। तन्‍न गे रागी ङा मुर मननी। गो इन कली रागी ङा मुरपुकी रे योव़तन्‍नी। मोपतीके रागी ङा मुरपुकीमी इन कली मदाक्‍नीम। यूहन्‍ना १७:१४; १यूहन्‍ना ४:४-५
JOH 15:20 मिनु ङोंइती गो इन कली ‘होव़प क्‍येङा वाइली ठेयब ममाइ’ देंती। मिनु आं देंशो मिम्‍तीन। मुरपुकीमी आं कली श्‍येत गेतीमी हना, इन कली यो श्‍येत गेनीमी। मुरपुकीमी दोपा आं देंशो लोव़ नेंशा टीमे, मोपा इन देंशो लोव़ यो टीनीम। यूहन्‍ना १३:१६; मत्ती १०:२४-२५
JOH 15:21 मुरपुकीमी आं नोले खोइक्‍ब इन कली श्‍येत गेनीम। मारदे हना आं कली सोइक्‍ब कली मतुइक्‍नीम। यूहन्‍ना १६:३
JOH 15:22 गो रागीमी जाक्‍शा, मेको मुर आन कली शेंताक्‍ङमी। आं लोव़ तुइश्‍शा यो मटीमे। मोपतीके मेकोपुकी पाप राइनीमी। यूहन्‍ना ९:४१
JOH 15:23 सुमी आं कली मदाक्‍बा, मेकोमी आं आफ कली यो मदाक्‍ब। लूका १०:३६
JOH 15:24 गो मुर आन कली छक लाक्‍चा ङा गेय कोंइताक्‍ङमी। आं क्‍येङा ङोंइती सुइमी आं खोदेंशो गेय मकोंइदे। मेको गेय कोंइशा यो मुरपुकीमी आं आफ नु गो निम्‍फा आंस कली मदाक्‍नीम।
JOH 15:25 परमप्रभु यावेमी ब्रेक्‍पाइश्‍शो लोव़ थमा दुम्‍चा कली आं कली मदाक्‍नीम। मार ब्रेक्‍पाइश्‍शो बाक्‍त देंशा हना ‘मेकोपुकीमी आं कली मोशा यो मदाक्‍नीम’ दे ब्रेक्‍शो बाक्‍त। भजन संग्रह ६९:४
JOH 15:26 मिनु वारच पाइब का जाक्‍ब। गो मेको कली आफ आ बाक्‍तीक रे सोइक्‍नुङ। मेको परमप्रभु यावे रे जाक्‍शो थमा ङा सोक्‍त बाक्‍ब। मेकोमी आं पर्बम शेंब। यूहन्‍ना १४:१६,२६; लूका २४:४९
JOH 15:27 मिनु गेपुकी यो आं सांकछी दुम्‍शा, मुर आन कली आं पर्बम शेंनीनी। मारदे हना गेपुकी ङोंइती रे गो नु बाक्‍शो ननी” देंत। प्रेरित १:८,२१-२२; प्रेरित ५:३२
JOH 16:1 मिनु येसुमी “गो एको लोव़ नेल्‍ल मारदे शेंता‍क्‍न्‍‍‍नी देंशा हना, थमा सुइक्‍तीक रे नोले मशोंइसीन, दे शेंता‍क्‍‍न्‍नी।
JOH 16:2 मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९
JOH 16:3 मोदेंशो पाइनीम। मारदे हना आं आफ नु आं कली मतुइक्‍नीम। यूहन्‍ना १५:२३
JOH 16:4 मिनु गो मेको नेल्‍ल इन कली शेंताक्‍न्‍नी। आं देंशो दुम्‍मेनु, गो इन कली ङोंइती देंशो मिम्‍तीन। ङोंइती गो एको लोव़ इन कली मनेंपाइक्‍न्‍नी। मारदे हना गेपुकी नु काथा बाक्‍ती।
JOH 16:5 मुल चहिं आं कली रागीमी सोइक्‍ब आ बाक्‍तीकेमी लाइनुङ। गो लती हना यो, गेपुकी सुइमी ‘ते लाइनीनी?’ दे हिल्‍लो मपाइनीनी।
JOH 16:6 तन्‍न आं देंशो नेंशा, इन थुं खाइक्‍ब।
JOH 16:7 नोफा दाइश्‍शा नेनीन, आं लशो इन कली रिम्‍शो दुम्‍ब। गो मलती हना, थमा सुइक्‍ब आन कली वारच पाइब मजाक्‍ब। गो लती हना, मेको कली सोइक्‍नुङ। यूहन्‍ना १४:१६,२६
JOH 16:8 मिनु मेको जाक्‍शा, रागी ङा मुर आन कली पाप आ पर्बम नु परमप्रभु यावे आ ङोंइती मार ठीक बाक्‍ब नु परमप्रभु यावे आ निसाफ पतीक दोदेंशो बाक्‍बा, दे शेंब।
JOH 16:9 मेको आन पाप मार बाक्‍त देंशा हना, आं कली थमा मसुइश्‍शो बाक्‍नीम। यूहन्‍ना १५:२२,२४
JOH 16:10 परमप्रभु यावे आ ङोंइती ठीक दुम्‍शा बाक्‍चा आ पर्बम मार शेंब देंशा हना, गो आं आफ आ बाक्‍तीक लाइनुङ। मो दुम्‍तीके गेपुकीमी आं कली मताइनीनी, दे शेंब। प्रेरित ५:३१; रोमी ४:२५
JOH 16:11 मिनु निसाफ पचा आ पर्बम मार शेंब देंशा हना, परमप्रभु यावेमी रागी ङा मुर आन कली हुकुम पाइब सैतान कली निसाफ पने थुम्‍तु, दे शेंब। यूहन्‍ना १२:३१
JOH 16:12 मिनु इन कली शेंतीक लोव़ शुश लीब। तन्‍न मुल फाल्‍ने मचाप्‍नीनी। १कोरिन्‍थी ३:१
JOH 16:13 मिनु थमा ङा सोक्‍त जाक्‍शा, इन कली थमा लां कोंइशा शेंब। मेकोमी आंम मिम्‍शो मशेंब। तन्‍न मार मार नेंबा, मेकोन शेंब। नोले मार मार दुम्‍बा, मेको यो शेंब। यूहन्‍ना १४:२६; १यूहन्‍ना २:२७
JOH 16:14 आं सक्ति कोंइब। गो मार देंनुङा, मेको इन कली शेंब।
JOH 16:15 आं आफ आ सक्ति नु आं सक्ति कान बाक्‍ब। आं आफ नु मार मार बाक्‍मे, मेको आं के नम। मिनु परमप्रभु यावे आ सोक्‍तीमी आं लोव़ नेंशा, इन कली शेंब। यूहन्‍ना ३:३५; यूहन्‍ना १७:१०
JOH 16:16 इच्‍का नाक्‍त नोले आं कली मताइनीनी। मिनु इच्‍का नोले ताइनीनी” दे येसुमी आ शेंसीब आन कली माइक्‍तीमी। यूहन्‍ना १४:१९
JOH 16:17 आ शेंसीब का निक्‍शीमी “इच्‍का नाक्‍त नोले आं कली मताइनीनी। मिनु लेंशा इच्‍का नाक्‍त नोले ताइनीनी। मिनु गो आं आफ आ बाक्‍तीक लाइनुङ देंत। एको लोव़ मार में” देंमुम्‍तेक्‍म।
JOH 16:18 मिनु “इच्‍का नोले नाक्‍त देंशो लोव़, मार में, आ देंशो लोव़ मरुबय” देंमुम्‍तेक्‍म।
JOH 16:19 मिनु येसुमी आ कली हिल्‍लो पाइनीमी, दे तुइक्‍ताक्‍व। मिनु मेको आन कली “इच्‍का नाक्‍त नोले आं कली मताइनीनी। मिनु लेंशा इच्‍का नाक्‍त नोले ताइनीनी देंशो लोव़ आ पर्बम मार लोव़ पमुनी?
JOH 16:20 नोफा दाइश्‍शा नेनीन, गेपुकी ङाक्‍शा, हिशेक पाइनीनी। रागी ङा मुरपुकी चहिं ग्‍येरसीनीम। इन थुं खाइश्‍शो बाक्‍नीनी। तन्‍न थुं खाइश्‍शो सा‍शा ग्‍येरनीनी। मर्कूस १६:१०
JOH 16:21 मीश मुरुमी आल थिचावानु ‘आं थिची जाक्‍त’ दे हिंशा, श्‍येत जाइब। तन्‍न आल थिशा ‘आल का जरमेसाक्‍व’ दे ग्‍येरसीब। आ ङोंइती ङा हिंशो नु श्‍येत ममिम्‍ब। यसैया २६:१७
JOH 16:22 मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।
JOH 16:23 मेना गेपुकी आं कली मारेइ हिल्‍लो मपाइनीनी। नोफा दाइश्‍शा नेनीन, गे आं नेंमी आं आफ कली मार मार पुंइनीनु, आं आफोमी इन कली गेब। यूहन्‍ना १४:१३-१४
JOH 16:24 मुल सम्‍म गेपुकीमी आं नेंमी मारेइ मपुंइनी। पुनीन, मिनु इन पुंइशो ताइनीनी। मेको तशा, गेपुकी थमा पा ग्‍येरसीनीनी।
JOH 16:25 गो इन कली कथा खोदेंशो पा शेंताक्‍न्‍नी। नोले कथा पा मशेंनन्‍नी। मेना आं आफ आ पर्बम मारेइ मख्रुइक्‍थु शेंनन्‍नी। यूहन्‍ना १५:११
JOH 16:26 आं नेंमी पुंइनीनी। मिनु गो ‘आं आफ कली इन पर्बम पुंइनुङ’ दे इन कली मदेंनुङ।
JOH 16:27 आं आफोमी इन कली दाक्‍ब। मारदे हना आं कली दाक्‍ताक्‍नी। गो आं परमप्रभु यावे रे जाक्‍शो नङ, दे थमा सुइक्‍तीनी। यूहन्‍ना १४:२१
JOH 16:28 गो आं आफ रे रागीमी जाक्‍ती। लेंशा रागी रे पा, आं आफ आ बाक्‍तीक लाइनुङ” देंत।
JOH 16:29 मिनु आ शेंसीबपुकीमी येसु कली “मुल गे कथा पा मशेंथु, मारेइ मख्रुइक्‍थु शेंनीनी।
JOH 16:30 गे नेल्‍ल तुइक्‍नीनी, दे गोपुकी मुल तुइक्‍ताक्‍क। मोपतीके इन कली शेंब ममाल्‍ब। गे परमप्रभु यावे आ बाक्‍तीक रे यिशो ननी, दे थमा सुइक्‍तक” देंतेक्‍म।
JOH 16:31 मिनु येसुमी “मार, गे मुल थमा सुइक्‍नीनी, मिनु?
JOH 16:32 नोले नेल्‍ल ब्राशा, इन खिं खिं लशा, आं कली प्रोंइनीनी। मिनु गो का ला बाक्‍नुङ। तन्‍न गो का ला मदुम्‍नुङ। मारदे हना आं आफ गो नु बाक्‍ब। जकरिया १३:७; मत्ती २६:३१
JOH 16:33 आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४
JOH 17:1 मिनु येसुमी मेको लोव़ पने थुम्‍शा, सरीङ गे कोव़शा “आं आफ, आं लची जाक्‍त, इन सक्ति गेयीनी। मिनु गो इन सक्ति कोंइनुङ।
JOH 17:2 गे आं कली मुर नेल्‍ल आन कली अधिकार पचा गेतीनी। मिनु आं कली गेशो मुर नेल्‍ल आन कली गेना हना यो ब्रोंइशा बाक्‍चा गेनुङमी। मत्ती ११:२७
JOH 17:3 गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०
JOH 17:4 रागीम बाक्‍शा, इन पपाइश्‍शो गेय थुम्‍शा, इन सक्ति कोंइताक्‍ङमी।
JOH 17:5 आं आफ, रागी सेल्‍चा क्‍येङा ङोंइती गे नु इन छेङछेङमी बाक्‍ती। मुल लेंशा इन बाक्‍तीक जाक्‍चा चिक्‍ताक्‍ङ। ङोंइती ङा खोदेंशो पा गे नु इन छेङछेङमी बाक्‍चा गेयीनी। यूहन्‍ना १:१; फिलिप्‍पी २:६
JOH 17:6 गेमी रागी रे प्रोंइशो मुरपुकी गेतीनी। मेको आन कली इन नें तुइक्‍पाइक्‍तामी। मेको मुरपुकी इन के बाक्‍तेक्‍म। मिनु गे आं कली गेतीनी। मेकोपुकीमी इन लोव़ टिना टिन बाक्‍नीम।
JOH 17:7 गे आं कली मार मार गेनी, मेको नेल्‍ल इन के बाक्‍ब, दे मेकोपुकीमी मुल तुइक्‍नीम।
JOH 17:8 गे आं कली शेंताक्‍यीनी। मिनु इन शेंशो लोव़ मेको आन कली शेंताक्‍ङमी। मिनु थमा सुइक्‍तेक्‍म। गो इन बाक्‍तीक रे जाक्‍शो नङ, दे थमा पा तुइक्‍नीम। मेकोपुकीमी आं कली सोइक्‍ब, गे ननी, दे थमा सुइक्‍तेक्‍म। यूहन्‍ना १६:३०
JOH 17:9 मिनु गो मेको आन पर्बमी इन कली पुंइनुङ। रागी ङा मुर आन पर्बम मपुंइनुङ। आं कली गेशो मुर आन पर्बम पुंइनुङ। मारदे हना मेकोपुकी इन के नम। यूहन्‍ना ६:३७,४४
JOH 17:10 आं मुर नेल्‍ल इन के नम। इन के आं के नम। मेकोपुकीमी आं सक्ति कोंइनीम। यूहन्‍ना १६:१५
JOH 17:11 मुल गो रागीमी शुश नाक्‍त मबाक्‍नुङ। गे का ला बाक्‍शो आं आफ, इन बाक्‍तीक जाक्‍चशो बाक्‍नुङ। तन्‍न मेकोपुकी रागीमी बाक्‍नीम। आं आफ, आं कली गेशो मुर इन नें ङा सक्तिमी रिम्‍शो कोव़शा वोतीन। दोपा गो गे नु थुं का ङा बाक्‍ङा, मोपा मेकोपुकी यो थुं का दुम्‍शा बाक्‍मल, दे सक्ति गेने।
JOH 17:12 गो आं कली गेशो मुरपुकी नु बाक्‍ङानु, इन नें ङा सक्तिमी रिम्‍शो कोव़शा वोइक्‍तामी। सुइ मजाम्‍म। इन ब्रेक्‍पाइश्‍शो लोव़ थमा दुम्‍चा, दे का चहिं जाम्‍शा, नरक लाइब दुम्‍त। यूहन्‍ना ६:३९; भजन संग्रह ४१:१०
JOH 17:13 मुल गो इन बाक्‍तीक जाक्‍चशो बाक्‍नुङ। इन लोव़ रागीमी शेंताक्‍ङमी। मारदे शेंताक्‍ङमी देंशा हना, आं ग्‍येरशो खोदेंशो पा मेको यो ग्‍येरसीशा बाक्‍मल, दे शेंताक्‍ङमी। यूहन्‍ना १५:११
JOH 17:14 गो मेको आन कली इन देंशो लोव़ शेंताक्‍ङमी। मिनु रागी ङा मुरपुकीमी मेको आन कली श्‍येत गेम्‍तेक्‍म। मारदे हना रागी ङा मनम। गो यो रागी ङा मनङ। यूहन्‍ना १५:१९
JOH 17:15 मेको आन कली रागी रे प्रोनीन, दे इन कली मपुंइनुङ। तन्‍न मेको आन कली सैतान रे प्रोनीन, दे पुंइनुङ। मत्ती ६:१३; २थिस्‍सलोनिकी ३:३
JOH 17:16 गो रागी ङा मनङ। मिनु आं खोदेंशो पा मेकोपुकी यो रागी ङा मनम।
JOH 17:17 मेको आन कली इन थमा पतीकेमी ख्रुमीन। इन थमा पतीक चहिं इन लोव़ बाक्‍ब। भजन संग्रह ११०:१६०
JOH 17:18 गेमी आं कली रागीमी सोइश्‍शो खोदेंशो पा, गो यो मेको आन कली रागी रागीम सोइक्‍ताक्‍ङमी। यूहन्‍ना २०:२१
JOH 17:19 मेको आन पर्बम गो इन कली जिम्‍मा गेसीनुङ। मेकोपुकी यो थमा पतीकेमी ख्रुम्‍शो मुर दुम्‍शा बाक्‍मल। हिब्रू १०:१०
JOH 17:20 गो मेको आन पर्बम ला इन कली मपुंइनुङ। तन्‍न मेको आन शेंशो लोव़ रे आं कली थमा सुइक्‍ब दुम्‍ब आन पर्बम यो पुंइनुङ। रोमी १०:१७
JOH 17:21 मार पुंइनुङ देंशा हना, मेको नेल्‍ल थुं का ङा दुम्‍मल। आं आफ, गे आं आगामी बाक्‍शो नु गो इन आगामी बाक्‍शो खोदेंशो पा मेकोपुकी इस आगामी बाक्‍मल, दे पुंइनुङ। मो दुम्‍त हना, रागी ङा मुरपुकीमी गेमी आं कली सोइक्‍ताक्‍नी, दे थमा सुइक्‍नीम। गलाती ३:२८
JOH 17:22 गेमी आं कली गेशो सक्ति मेको आन कली गेतामी। मारदे गेतामी देंशा हना, गो निक्‍शी थुं का ङा दुम्‍शो खोदेंशो पा, मेकोपुकी यो गे नु थुं का ङा दुम्‍मल, दे मेको सक्ति गेतामी। प्रेरित ४:३२
JOH 17:23 गो मेको आन आगामी बाक्‍नुङ। गे आं आगामी बाक्‍नीनी। मो पा बाक्‍शोनु, मेकोपुकी गे नु गो खोदेंशो पा का दुम्‍नीम। मो दुम्‍शो तशा, रागी ङा मुरपुकीमी गे आं कली सोइक्‍ताक्‍नी। मिनु गेमी आं कली दाक्‍ताक्‍यीनी। मोपा गेमी आं कली दाक्‍शो बुदी मेको आन कली यो दाक्‍ताक्‍नी, दे तुइक्‍तमेक्‍ल। १कोरिन्‍थी ६:१७
JOH 17:24 आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१
JOH 17:25 आं आफ, गे नेल्‍ल रिम्‍शो नु ठीक पाइब बाक्‍नीनी। रागी ङा मुरपुकीमी इन कली मतुइक्‍नीम। गो चहिं इन कली तुइक्‍नुङ। मिनु आं शेंसीबपुकीमी गे आं कली सोइक्‍ताक्‍यीनी, दे तुइक्‍नीम।
JOH 17:26 गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।
JOH 18:1 मिनु येसुमी परमप्रभु यावे नु मेको लोव़ पने थुम्‍शा, आ शेंसीबपुकी नु किद्रोन खोल्‍सा आइक्‍ची हांबु लाम्‍तेक्‍म। मेकेर फल फुल रवा बाक्‍शो रिम्‍शो बाक्‍तीक बाक्‍त। मिनु येसु आ शेंसीबपुकी नु मेकेर ओव़तेक्‍म।
JOH 18:2 ङोंइती मेकेर येसु आ शेंसीबपुकी नु शुश ग्रुम्‍तीके बाक्‍त। मोपतीके येसु कली ग्‍याइक्‍ब आन कली वारच पाइब यहूदामी यो “मेकेर लाइनीम” दे तुइश्‍शो बाक्‍त। लूका २१:३७
JOH 18:3 मिनु यहूदामी ठेयब चढ़ेब नु फरिसी आन सोइश्‍शो सिपाहीपुकी नु सिपाही आन ठेयब मुर आन कली येसु नु आ शेंसीब आन बाक्‍तीक चाक्‍तु। मेकोपुकी तोव़शी नु लालटिन दाशा, या कुरशा जाक्‍तेक्‍म।
JOH 18:4 मिनु येसुमी “आं कली ग्‍याइक्‍थ जाक्‍तेक्‍म” दे तुइश्‍शा, मेको आन नेक्‍था लशा “सु कली माल्‍नी?” दे हिल्‍लो पाप्‍तु।
JOH 18:5 मिनु मेकोपुकीमी “नासरथ ङा येसु कली माल्‍तक” देंतेक्‍म। मिनु येसुमी “गो नङ” दे माइक्‍तीमी। येसु कली साइक्‍ब आन कली वारच पाइब यहूदा येसु कली ग्‍याइक्‍थ जाक्‍ब नु बाक्‍त।
JOH 18:6 मिनु येसुमी “गो नङ” देंमेनु, मेको नेल्‍ल नोले गे दिल्‍शा गोल्‍तेक्‍म।
JOH 18:7 मिनु येसुमी लेंशा “सु कली माल्‍नी?” दे हिल्‍लो पवानु “नासरथ ङा येसु कली माल्‍तक” देंतेक्‍म।
JOH 18:8 मिनु येसुमी “गो नङ, देंती। आं कली माल्‍तीनी हना, अरु आन कली लचा गेने” दे माइक्‍तीमी।
JOH 18:9 ङोंइती येसुमी परमप्रभु यावेमी गेशो मुर आन पर्बम “गो इन गेशो मुर सुइ मसाम्‍नुङमी” देंशो लोव़ थमा दुम्‍चा कली मेको लोव़ पाप्‍तु। यूहन्‍ना १७:१२
JOH 18:10 सिमोन पत्रुसमी तरवार कुरशो बाक्‍त। मिनु मेकोमी तरवार ग्रि शोइश्‍शा, ठेयब चढ़ेब आ वाइल आ नोफा दी ख्रोइक्‍तु। मेको वाइली आ नें माल्‍कस बाक्‍त।
JOH 18:11 येसुमी “इ या खोतीमी पिप्‍तो। गो आं आफोमी देंशो श्‍येत मजङल, दे मिम्‍नीनी? गो मेको श्‍येत जचा माल्‍नुङ” देंत।
JOH 18:12 मिनु सिपाहीपुकी, आन कप्‍तान नु यहूदी आन ठेयब मुरपुकीमी येसु कली ग्‍याइश्‍शा फ्रेंताक्‍म।
JOH 18:13 मेको बर्स ङा नेल्‍ल क्‍येङा ठेयब चढ़ेब काइयाफास माइश्‍शो बाक्‍माक्‍त। मेको आ शिउ हन्‍नास माइश्‍शो बाक्‍माक्‍त। मिनु ग्‍याइक्‍बपुकीमी येसु कली ङोंइती हन्‍नास आ बाक्‍तीकेम लाइक्‍तेक्‍म।
JOH 18:14 ङोंइती काइयाफासमी यहूदी आन कली “मुर नेल्‍ल आन साइक्‍चा ङा मुर का कली साइक्‍चा रिम्‍शो दुम्‍ब” देंशो बाक्‍माक्‍त। लूका ३:१-२; यूहन्‍ना ११:४९-५०
JOH 18:15 मिनु सिमोन पत्रुस येसु आ नोले खोइक्‍तु। अर्को शेंसीब कामी यो नोले खोइक्‍तु। नेल्‍ल क्‍येङा ठेयब चढ़ेबमी मेको अर्को शेंसीब कली तुइश्‍शो बाक्‍त। मोपतीके मेको शेंसीब यो येसु नु नेल्‍ल क्‍येङा ठेयब चढ़ेब आ खिं ङा लाङगामी ओव़त।
JOH 18:16 पत्रुस चहिं लाप्‍चो उइ बाक्‍माक्‍त। नेल्‍ल क्‍येङा ठेयब चढ़ेब कली तुइक्‍ब अर्को शेंसीबमी लाप्‍चो कोव़ब मीश मुर कली लोव़ पशा ग्रूत। पत्रुस कली खिं ङा लाङगामी ओंइताक्‍व।
JOH 18:17 लाप्‍चो कोव़ब मीश मुरुमी पत्रुस कली तशा “गे यो मेको मुर आ शेंसीब का मनवे ङा?” देंमेनु, पत्रुसमी “गो मनङ” देंत
JOH 18:18 ग्‍यू पशो बाक्‍त। मोपतीके वाइलपुकी नु मेकेर बाक्‍ब मुरपुकीमी मी मुइश्‍शा, एर ओंथ बाक्‍शा, मी थेरना थेरन बाक्‍तेक्‍म। पत्रुस यो मी थेरशो बाक्‍त।
JOH 18:19 मेना नेल्‍ल क्‍येङा ठेयब चढ़ेबमी येसु कली “इ शेंसीब आन कली मार शेंनेवे?” दे हिल्‍लो पाप्‍तु।
JOH 18:20 मिनु येसुमी “गो मुर नेल्‍ल आन कली लोव़ पाता। ग्रुम्‍तीक खिंमी नु परमप्रभु यावे आ खिंमी शुश यहूदी ग्रुम्‍तीकेमी शेंताक्‍ङमी। ख्रुइश्‍शा मारेइ लोव़ मपङ। यूहन्‍ना ७:१४,२६
JOH 18:21 मारदे हिल्‍लो पयीनी? आं शेंशो लोव़ नेंब आन कली हिल्‍लो पने। मेकोपुकीमी आं शेंशो लोव़ तुइक्‍नीम” देंत।
JOH 18:22 मिनु मो देंमेनु, येसु आ नेक्‍था बाक्‍ब मुरुमी येसु कली चोव़चो राप्‍शा “गे नेल्‍ल क्‍येङा ठेयब चढ़ेब कली मोदेंशो लोव़ पाइनेवे?” दे हुइक्‍ताक्‍व।
JOH 18:23 येसुमी “गो मरिम्‍शो लोव़ पाता हना, आं कली देनो। तन्‍न गो ठीक लोव़ पाता हना, मारदे राप्‍यी?” देंत।
JOH 18:24 मिनु हन्‍नासमी येसु कली फ्रेंशो मप्रुइक्‍थु, नेल्‍ल क्‍येङा ठेयब चढ़ेब काइयाफास आ बाक्‍तीकेमी सोइक्‍ताक्‍व।
JOH 18:25 मेना सिमोन पत्रुसमी थेरना थेरन बाक्‍शो बाक्‍त। मिनु मेकेर बाक्‍बपुकीमी पत्रुस कली “गे यो मेको मुर आ शेंसीब का मनवे ङा?” देंमानु “गो मनङ” देंत।
JOH 18:26 मेकेर नेल्‍ल क्‍येङा ठेयब चढ़ेब आ वाइल का यो बाक्‍त। पत्रुसमी नोफा क्‍योरशो मुर आ खिं ङा मुर का बाक्‍त। मेकोमी पत्रुस कली “गो इ कली मेको मुर नु फल फुल रूमी ताइतन, शां” देंत।
JOH 18:27 मिनु पत्रुसमी लेंशा “गो मनङ” देंत। मो देंमेनु, भाले ग्रीत।
JOH 18:28 मिनु नोले मेको ग्‍याइक्‍बपुकीमी येसु कली काइयाफास आ बाक्‍तीक रे पिलातस आ खिं गे लाइक्‍तेक्‍म। मेना नां सोव़चशो बाक्‍माक्‍त। मिनु मेकोपुकी पास्‍सा चाड ङा भोज जचा कली ठीक दुम्‍शा बाक्‍शो बाक्‍तेक्‍म। मोपतीके मेकोपुकी पिलातस रोमी दुम्‍शो आ पर्बम मथिचा ङा बाक्‍त, दे आ खिं आगा मओव़म।
JOH 18:29 मो दुम्‍तीके पिलातस लाङगा ग्रूशा, मेको आन कली “एको मुर कली मार दोस गेनीनी?” दे हिल्‍लो पाप्‍तु।
JOH 18:30 मिनु मेकोपुकीमी “एको मुर मरिम्‍शो मबाक्‍शो हना, गोपुकीमी एको कली ग्‍याइश्‍शा, इन बाक्‍तीकेमी मारदे चाक्‍नीकी ङा?” देंतेक्‍म।
JOH 18:31 मिनु पिलातसमी “एको कली लतीन। मिनु इन ऐन कानुनमी ब्रेक्‍शो कोव़शा, निसाफ पने” दे माइक्‍तीमी। मिनु मेको यहूदीपुकीमी पिलातस कली “गो आंइ कली सुइ मुर साइक्‍चा मगारब” देंतेक्‍म। यूहन्‍ना १९:६-७
JOH 18:32 येसुमी आ ङोंइती देंशो लोव़ “दोपा बेक्‍चा माल्‍नुङा” देंशो, थमा दुम्‍चा कली मोदेंशो दुम्‍त। यूहन्‍ना १२:३२-३३; मत्ती २०:१९
JOH 18:33 मिनु पिलातस आ खिं ओव़शा, येसु कली आगामी ब्रेश्‍शा “गे यहूदी आन पिप ननी?” दे हिल्‍लो पाप्‍तु।
JOH 18:34 येसुमी “गे आंमा मिम्‍शा मो देंनी देय मुरुमी देंमा?” दे हिल्‍लो पाप्‍तु।
JOH 18:35 मिनु पिलातसमी “गो यहूदी मनङ। इन रागी ङा मुरपुकी नु ठेयब चढ़ेबपुकीमी इन कली निसाफ पचा कली आं कली जिम्‍मा गेतीमी। गे मार पनी?” दे हिल्‍लो पाप्‍तु।
JOH 18:36 येसुमी “गो एको रागी ङा पिप मनङ। गो रागी ङा पिप नङ हना, आं वारचपुकीमी राम्‍शी तोशा, ओपा यहूदीपुकीमी आं कली मग्‍याइक्‍यीमी वा। तन्‍न गो एको रागी ङा पिप मनङ” दे येसुमी देंत।
JOH 18:37 पिलातसमी “मिनु गे पिपन ननी?” दे हिल्‍लो पाप्‍तु। मिनु येसुमी “गो पिप नङ, दे गे आंमा देंतीनी। मिनु थमा मार बाक्‍बा, दे कोंइचा कली रागीम जरमेशा जाक्‍ती। सु थमामी बाक्‍बा, मेकोमी आं सेंदा नेंब” देंत। १तिमोथी ६:१३
JOH 18:38 मिनु पिलातसमी “थमा मार में?” देंत। मिनु मेको देंम नोले पिलातस लेंशा लाङगा ग्रूशा, यहूदी आन कली “एको मुर मरिम्‍शो पाइब, दे मसुइक्‍नुङ।
JOH 18:39 मिनु पास्‍सा चाडमी मुर का प्रोंइतीकेमी गो एको यहूदी आन पिप प्रोंइशा सोइक्‍नुङ। गेपुकी मार देंनीनी?” दे हिल्‍लो पाम्‍तीमी।
JOH 18:40 मेकोपुकीमी चहिं “एको कली मप्रोंइचा। तन्‍न बारब्‍बा कली प्रोंइचा” दे ग्रीतेक्‍म। बारब्‍बा चहिं खुइ बाक्‍माक्‍त।
JOH 19:1 मिनु पिलातसमी येसु कली युक्‍पाइक्‍तु।
JOH 19:2 आ सिपाहीपुकीमी चू के सिरपेच सेल्‍शा, येसु आ पियामी गुप्‍ताक्‍म। मिनु येसु कली पिप आ फेक्‍तीक वा फेक्‍ताक्‍म।
JOH 19:3 मिनु आ नेक्‍था जाक्‍शा “जय, यहूदी आन पिप” देंशा, आ चोव़चो राप्‍तेक्‍म।
JOH 19:4 मिनु पिलातस लेंशा, खिं रे ग्रूशा, लाङगामी रिम्‍शा बाक्‍शो आन कली “कोव़ङीन, गो एको कली ग्रुंइशा, गेपुकी नु ग्रुम्‍पाइक्‍नुङ। मारदे हना मरिम्‍शो पाइब मसुइक्‍नुङ, दे तुइक्‍तीन” दे माइक्‍तीमी।
JOH 19:5 मिनु येसु चू के सिरपेच गुप्‍शा, पिप आ फेक्‍तीक वा फेक्‍शा ग्रूत। पिलातसमी “लो, एको मुर कली कोव़ङीन” देंत।
JOH 19:6 मिनु ठेयब चढ़ेब नु यहूदी आन ठेयब मुरपुकीमी “शीमी कांटी थोक्‍शा क्‍याइश्‍शा सतीन। शीमी कांटी थोक्‍शा क्‍याइश्‍शा सतीन” देंना देंन ग्रीतेक्‍म। मिनु पिलातसमी “गो एको कली मरिम्‍शो पाइब मसुइक्‍नुङ। मोपतीके गेपुकी एको कली लाइश्‍शा, शीमी कांटी थोक्‍शा क्‍याइश्‍शा सतीन” दे माइक्‍तीमी।
JOH 19:7 यहूदीपुकीमी “आंइ ऐन कानुन बाक्‍ब। मिनु मेको ऐन कानुनमी ब्रेक्‍शो खोदेंशो पा एको मुर बेक्‍चा माल्‍ब। मारदे हना एकोमी आंमा कली परमप्रभु यावे आ तौ सेल्‍सीशो बाक्‍त” देंतेक्‍म। यूहन्‍ना १०:३३; लेवी २४:१६
JOH 19:8 मिनु पिलातसमी मोदेंशो नेंशा, ङोंइती क्‍येङा हिंत।
JOH 19:9 मिनु येसु कली लेंशा खिं ओंइशा “गे ते रे जाक्‍शो ननी?” दे हिल्‍लो पाप्‍तु। मिनु येसुमी मारेइ लोव़ मलेत्‍त।
JOH 19:10 मोपतीके पिलातसमी “गे आं कली लोव़ मपाइनीनी? इन कली प्रोंइशा सोइक्‍चा नु शीमी कांटी थोक्‍शा क्‍याइश्‍शा साइक्‍चा गो नु निम्‍फा अधिकार बाक्‍ब, दे मतुइक्‍नीनी?” दे माइक्‍तु।
JOH 19:11 मिनु येसुमी “इन के अधिकार बाक्‍ब। इन कली गेशो अधिकार चहिं इर रे गेशो बाक्‍ब। मोपतीके इन मरिम्‍शो पशो क्‍येङा आं कली साइक्‍चा कली वारच पाइब आ मरिम्‍शो पशो ठेयब बाक्‍ब” देंत।
JOH 19:12 मिनु येसु आ लोव़ नेंशा नोले पिलातसमी येसु कली प्रोंइशा सोइक्‍चा माल्‍तु। तन्‍न मेको यहूदीपुकीमी पिलातस कली “गे एको कली प्रोंइशा सोइक्‍ताक्‍नी हना, गे रोमी आन पिप सिजर आ वारच मननी। मिनु सुमी ‘गो पिप नङ’ देंबा, मेको सिजर आ जोरी सत्रु दुम्‍ब” देंतेक्‍म। प्रेरित १७:७
JOH 19:13 मिनु यहूदी आन लोव़ नेंशा, पिलातसमी येसु कली खिं रे ग्रुंइताक्‍व। मिनु पिलातस निसाफ पाइब आ नित्‍तीकेमी निस्‍‍साक्‍व। मेको निसाफ नित्‍तीक आ खपीमी फुल्‍लु ब्रशो बाक्‍तेक्‍म। मेको कली हिब्रू लोव़मी गाब्‍बाथा देंनीम।
JOH 19:14 मेना नां सोक्‍चा चिक्‍शो बाक्‍त। मेको नाक्‍ती चहिं पास्‍सा चाड ङा भोज सातीक नाक्‍ती बाक्‍त। मिनु पिलातसमी यहूदी आन कली “इन पिप कली कोव़ङीन” देंत।
JOH 19:15 मिनु यहूदीपुकीमी “सतीन, सतीन, एको कली शीमी क्‍येप्‍शा कांटी थोक्‍तीन” दे ग्रीतेक्‍म। पिलातसमी “गो इन पिप कली शीमी क्‍येप्‍शा कांटी थोक्‍नुङा ङा?” दे माइक्‍तीमी। मिनु ठेयब चढ़ेबपुकीमी “गो आंइ के सिजर का ला पिप बाक्‍ब” देंतेक्‍म। यूहन्‍ना १८:३७
JOH 19:16 पिलातसमी “येसु कली शीमी क्‍येप्‍शा कांटी थोक्‍तीन” दे मेको आन कली जिम्‍मा गेप्‍तु।
JOH 19:17 मिनु नोले यहूदीपुकीमी येसु कली लाइक्‍तेक्‍म। मिनु आ कली कांटी थोक्‍शा क्‍याइश्‍शा साइक्‍तीक शी आंमा कुरपाइश्‍शा, खप्‍परे माइक्‍तीकेमी लाइक्‍तेक्‍म। हिब्रू लोव़मी मेको कली गोल्‍गथा देंनीम।
JOH 19:18 मेकेर जाक्‍दीश्‍शा, येसु कली शीमी केप्‍शा कांटी थोक्‍ताक्‍म। मोदेंशो पा मुर निक्‍शी आस कली यो शीमी केप्‍शा कांटी थोक्‍ताक्‍म। मिनु येसु कली कांटी थोक्‍शो शी मेको आस दातेमी ख्रुक्‍तेक्‍म।
JOH 19:19 मिनु पिलातसमी “नासरथ ङा येसु, यहूदी आन पिप” दे ब्रेक्‍स ब्रेक्‍शा, येसु आ शीमी केप्‍शा वोइक्‍तु।
JOH 19:20 येसु कली साइक्‍तीक ठाउं यरूसलेम सहर आ नेक्‍था बाक्‍त। मिनु शुश यहूदीपुकीमी मेको ब्रेक्‍शो ब्रेक्‍स पढेम्‍तेक्‍म। मेको ब्रेक्‍स चहिं हिब्रू, रोमी नु ग्रीक लोव़मी ब्रेक्‍शो बाक्‍त।
JOH 19:21 मिनु यहूदी आन ठेयब चढ़ेबपुकीमी पिलातस कली “यहूदी आन पिप ममाइ, तन्‍न ‘गो यहूदी आन पिप नङ’ देंत, दे ब्रेक्‍तीन” दे माइक्‍तेक्‍म।
JOH 19:22 मिनु पिलातसमी “गो मार ब्रेक्‍तु, मेकोन ठीक ब्रेक्‍ताक्‍ङ” दे माइक्‍तीमी।
JOH 19:23 सिपाहीपुकीमी येसु कली कांटी थोक्‍शो शी ख्रुक्‍ने थुम्‍शा, येसु आ वासी ४ जना सिपाहीपुकीमी उइक्‍थ उइक्‍थ पा योक्‍साक्‍म। येसु आ तारी फेक्‍तीक वा उइ रे इर सम्‍म प्रोव़शो मफेरशो थम रिम्‍शो वा का बाक्‍त।
JOH 19:24 मोपतीके मेकोपुकीमी “एको चहिं मखाक्‍य। तन्‍न बाजी ग्‍यारय। मिनु सुम ग्राबा, मेकोमी ताइब” देंमुम्‍तेक्‍म। मो पामेनु “आं वासी योक्‍सीनीम। आं तारी फेक्‍तीक वा कली ‘सुम ताइबा?’ दे बाजी ग्‍यारनीम” दे ब्रेक्‍शो लोव़ थमा दुम्‍त। भजन संग्रह २२:१८
JOH 19:25 मिनु सिपाहीपुकीमी मो पामेनु, येसु आ ममा येसु आ शी आ नेक्‍था बाक्‍त। क्‍लोपास आ मीश मरीयम नु माग्‍दाला ङा मरीयम यो मेकेर बाक्‍ताक्‍स। मिनु येसु आ नेल्‍ल क्‍येङा दाक्‍शो शेंसीब यो मेकेर बाक्‍त।
JOH 19:26 मिनु येसुमी आ ममा कली “आं ममा, मेको कली इ तौ मिम्‍तो” दे माइक्‍तु। यूहन्‍ना १३:२३
JOH 19:27 मिनु आ शेंसीब कली “गेमी यो इम्‍मा खोदेंशो मिम्‍तो” दे माइक्‍तु। मेना रे मेको शेंसीबमी येसु आ ममा कली आ ममा मिम्‍शा, आ खिंम वोइक्‍तु।
JOH 19:28 मिनु नोले येसुमी “आं गेय पचा नुप्‍त” दे तुइक्‍ताक्‍व। मिनु परमप्रभु यावे आ ब्रेक्‍पाइश्‍शो लोव़ थमा दुम्‍चा कली येसुमी “गो तूतू दाक्‍ती” देंत। भजन संग्रह २२:१५
JOH 19:29 मिनु मेकेर गर का ग्‍युरशो तूचा थोव़क वोइश्‍शो बाक्‍त। मेकोपुकीमी कोक्‍केमी वा खोदेंशो फ्रेंशा, मेको ग्‍युरशो तूचा थोव़कीमी ख्रुम्‍शा, येसु कली युप्‍पाइक्‍तेक्‍म। भजन संग्रह ६९:२१
JOH 19:30 मिनु येसुमी युप्‍शा “मुल थुम्‍ता” देंत। मिनु आ पिया खुक्‍शा बेक्‍त।
JOH 19:31 मेको पास्‍सा चाड मानेचा कली सा‍तीक नाक्‍त बाक्‍त। मोपतीके बेक्‍शो रां शीमी मबाक्‍मल, दे यहूदीपुकीमी पिलातस कली “मेको आन खोइल जिक्‍शा साइश्‍शा, शी रे शोल्‍शा लदमेक्‍ल” देंतेक्‍म। मारदे हना मेको पास्‍सा आ ङोंइती ङा ठेयब नाक्‍त बाक्‍त। ब्‍‍यवस्‍था २१:२३
JOH 19:32 मोदुम्‍तीके सिपाहीपुकीमी कांटी थोक्‍शो येसु आ ग्‍युरा नु पेरा गे ङा निम्‍फा आस कली खोइल जिक्‍ताक्‍म।
JOH 19:33 मिनु येसु आ क्‍युक्‍तीकेमी जाक्‍मानु, येसु कली बेक्‍शो ताम्‍तेक्‍म। मिनु येसु आ खोइल मजिक्‍गेम।
JOH 19:34 सिपाही कामी येसु आ कोव़खामी भालामी तूताक्‍व। मिनु तूदानु, हुश नु ब्‍वाक्‍कु यित।
JOH 19:35 मेको नेल्‍ल ताइबमी मेको दुम्‍शो आ पर्बम सांकछी बाक्‍शा, थमा लोव़ पाइब। गेपुकी यो थमा सुतीन दे मेकोमी थमा लोव़ पाइब।
JOH 19:36 परमप्रभु यावे आ ब्रेक्‍पाइश्‍शो लोव़ थमा दुम्‍चा कली मोदेंशो दुम्‍त। लोव़ कामी “मेको आ रुश का यो मजिक्‍नीम” दे ब्रेक्‍पाइश्‍शो बाक्‍त। प्रस्‍थान १२:४६
JOH 19:37 मिनु लोव़ कामी “मेको तूबपुकीमी आंम तूशो मुर कली कोव़नीम” दे ब्रेक्‍पाइश्‍शो बाक्‍त। जकरिया १२:१०; प्रकाश १:७
JOH 19:38 अरीमाथीया गाउं ङा योसेफ माइश्‍शो मुर का बाक्‍त। मेको यहूदी आन कली तशा हिंशा ख्रुइश्‍शा, येसु आ शेंसीब दुम्‍शो बाक्‍त। मेकोमी पिलातस कली “येसु आ बेक्‍शो रां लाइक्‍चा गेयीनी” दे पुना बाक्‍त। मिनु पिलातसमी लाइक्‍चा गेवा बाक्‍त। मिनु योसेफ येसु आ बेक्‍शो रां ब्रथ जाक्‍त। यूहन्‍ना ७:१३
JOH 19:39 ङोंइती येसु नु लोव़ पचा कली नाक्‍दो जाक्‍शो निकोदेमसमी येसु आ बेक्‍शो रां गिल्‍चा, दे सहे का लित्रा मूरे नु एलोव़ माइश्‍शो के सेल्‍शो ब्रोव़शो रिना पाइब थोव़क चाक्‍शा जाक्‍त। लित्रा का ३२७ ग्राम बाक्‍ब। यूहन्‍ना ३:२
JOH 19:40 मिनु येसु आ बेक्‍शो रां लाइश्‍शा, ब्रोव़शो रिना पाइब थोव़क नु वामी गिल्‍तेक्‍म। मेकोन यहूदी आन के बेक्‍शो मुर आन कली पतीक बाक्‍ब।
JOH 19:41 येसु कली शीमी कांटी थोक्‍तीक आ नेक्‍था फल फल रू का बाक्‍त। मेको रूमी बेक्‍शो मुर कली वोइक्‍तीक नक पुक्‍खी का सेल्‍शो बाक्‍त। मेकेर सुइ मवोइश्‍शो बाक्‍त।
JOH 19:42 मेको नाक्‍त यहूदी आन पास्‍सा मानेचा कली सा‍तीक नाक्‍त बाक्‍त। मोपतीके येसु कली नेल्‍ल क्‍येङा नेक्‍था ङा पुक्‍खीमी वोइक्‍तेक्‍म।
JOH 20:1 मिनु साता ङा ङोंइती नाक्‍त नां मसोव़थु, माग्‍दाला ङा मरीयम बेक्‍शो मुर वोइक्‍तीक पुक्‍खी जाक्‍दीम्‍मेनु, पुक्‍खी कली सुशो ठेयब फुल्‍लु तिल्‍शो तवा बाक्‍त।
JOH 20:2 मिनु फुल्‍लु तिल्‍शो तशा, दोरशा लशा, सिमोन पत्रुस नु येसु आ दाक्‍शो शेंसीब आस बाक्‍तीक जाक्‍त। मिनु “प्रभु कली बेक्‍शो मुर वोइक्‍तीक पुक्‍खी रे लदमे बाक्‍त। ते वोदमे?” दे हिल्‍लो पाप्‍तु। यूहन्‍ना १३:२३
JOH 20:3 मिनु पत्रुस नु अर्को शेंसीब बेक्‍शो मुर वोइक्‍तीक पुक्‍खी कोव़थ लाम्‍ताक्‍से।
JOH 20:4 निम्‍फा दोरताक्‍स। मिनु अर्को शेंसीबमी पत्रुस कली दाम पाप्‍तु। दाम पशा, ङोंइती बेक्‍शो मुर वोइक्‍तीक पुक्‍खी जाक्‍दीत।
JOH 20:5 मिनु खुम बाप्‍शा पुक्‍खी आगा कोव़तु। मेकेर येसु कली गिल्‍शो वा ला तशा, आगा मओव़।
JOH 20:6 सिमोन पत्रुस जाक्‍शा, पुक्‍खी ग्रु ओव़शा कोव़ङानु, येसु कली गिल्‍शो वा ताप्‍तु।
JOH 20:7 मिनु पियामी फ्रेंशो रूमाल मुक्‍शा, तिल्‍शा वोइश्‍शो ताप्‍तु। यूहन्‍ना ११:४४
JOH 20:8 नोले ङोंइती जाक्‍ब अर्को शेंसीब यो ओव़त। मिनु मेको वा तशा थमा सुइक्‍तु।
JOH 20:9 मारदे हना मुल सम्‍म मेकोपुकीमी येसु बेक्‍शो रे सेंसीचा माल्‍ब, दे ब्रेक्‍पाइश्‍शो लोव़ मतुइश्‍शो बाक्‍तेक्‍म। भजन संग्रह १६:१०; लूका २४:२५-२७; प्रेरित २: २४-३२; १कोरिन्‍थी १५:४
JOH 20:10 मिनु नोले मेको शेंसीब निक्‍शी खिं लेत्‍ताक्‍स।
JOH 20:11 मरीयम ङाक्‍ना ङाक्‍न पुक्‍खी आ नेक्‍था बाक्‍शो बाक्‍माक्‍त। ङाक्‍ना ङाक्‍न खुम बाप्‍शा, पुक्‍खी आगामी कोव़ङानु,
JOH 20:12 बुश वा फेक्‍शो परमप्रभु यावे आ स्‍वर्ग ङा गेय पाइब निक्‍शी आस कली तवा बाक्‍त। मेको निक्‍शी येसु आ बेक्‍शो रां वोइक्‍तीकेमी का पिया गे का खोइल गे निश्‍शो ताम्‍सी बाक्‍त।
JOH 20:13 मिनु मेको निक्‍शीमी मरीयम कली “गे मारदे ङाक्‍नेवे?” दे हिल्‍लो पाम्‍से बाक्‍त। मिनु मरीयममी “मेकोपुकीमी आं प्रभु कली लदमे बाक्‍त। मिनु ते वोदमे मतुइक्‍नुङ” दे माइक्‍सी बाक्‍त।
JOH 20:14 मो देंशा मरीयममी फिर लेश्‍शा कोव़ङानु, येसु कली राप्‍शा बाक्‍शो तवा बाक्‍त। मेको येसु बाक्‍ब, दे मतुइक्‍ता बाक्‍त।
JOH 20:15 मिनु येसुमी “गे मारदे ङाक्‍नेवे? सु कली मली?” दे हिल्‍लो पवा बाक्‍त। मरीयममी “मेको फल फुल रूमी गेय पाइब मुर बाक्‍माक्‍त” दाप्‍‍शा, मेको कली “हजुर, गे मेको बेक्‍शो रां कली एक रे लाइक्‍तीनी हना, ते वोइक्‍नी, आं कली देनीने। गो मेको कली लाइक्‍नुङ” दे मदा बाक्‍त।
JOH 20:16 मिनु येसुमी मरीयम कली “मरीयम” देंमेनु, मरीयममी फिर लेश्‍शा, हिब्रू लोव़मी “राब्‍बोनी” देंमाक्‍त। हिब्रू लोव़मी राब्‍बोनी देंशो “शेंब” बाक्‍ब।
JOH 20:17 मिनु येसुमी “मग्‍याइक्‍ती। मारदे हना मुल सम्‍म आं आफ आ बाक्‍तीक मलङ। आं लोक्‍ब आन बाक्‍तीक लशा, मेको आन कली ‘गो इं आफ, परमप्रभु यावे आ बाक्‍तीक लाइनुङ’ गे मेको आन कली शेंदो” दे माइक्‍तु। हिब्रू २:११-१२
JOH 20:18 मिनु माग्‍दाला ङा मरीयम शेंसीब आन बाक्‍तीकेमी लशा “गो प्रभु कली ताता” देंत। येसु आ देंशो लोव़ यो तुइक्‍पाइक्‍तीमी।
JOH 20:19 मेको साता ङा ङोंइती नाक्‍त नां रिक्‍चावानु, येसु आ शेंसीबपुकी यहूदी आन क्‍येङा हिंशा, लाप्‍चो चोक्‍शा, खिं गाम बाक्‍तेक्‍म। मिनु येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।
JOH 20:20 मो देंशा मेको आन कली आ गुइ नु आ कोव़खा कोंइदानु, आ शेंसीबपुकी प्रभु कली तशा ग्‍येरसाक्‍म। १यूहन्‍ना १:३
JOH 20:21 मिनु लेंशा येसुमी मेको आन कली “इन थुं नाइश्‍शा बाक्‍कीन। आं आफोमी दोपा सोइक्‍ती, मोपा गो इन कली यो सोइक्‍ताक्‍नन्‍नी” दे माइक्‍तीमी। यूहन्‍ना १७:१८
JOH 20:22 मो देंशा येसुमी मेको आन कली मुइश्‍शा “परमप्रभु यावे आ सोक्‍त ताक्‍कीन।
JOH 20:23 गेपुकीमी सु सु कली माफ गेनीनी, मेकोम माफ ताइनीम। सु सु कली माफ मगेनीनी, मेको आन पाप लीब” देंत। मत्ती १८:१८
JOH 20:24 मिनु येसु आ शेंसीब १२ जना आन दाते ङा का जौंले माइश्‍शो थोमास येसु जाक्‍मेनु, मेकेर मबाक्‍शो बाक्‍त। यूहन्‍ना ११:१६; यूहन्‍ना १४:५
JOH 20:25 अरु शेंसीबपुकीमी “प्रभु कली ताइतक” दे थोमास कली देंमानु “येसु आ गुइमी कांटी थोक्‍शो गार मतङा सम्‍म, मेको गारमी आं ब्रेप्‍चो मलिक्‍थु नु आ कोव़खा ङा गारमी मथिङा सम्‍म, गो थमा मसुइक्‍नुङ” देंत। यूहन्‍ना १९:३४
JOH 20:26 मिनु मेको मो दुम्‍शो साता का नोले येसु आ शेंसीबपुकी लेंशा खिं आगाम बाक्‍तेक्‍म। मेना थोमास यो मेकोपुकी नु काथा बाक्‍शो बाक्‍त। लाप्‍चो चोक्‍शा, आगाम बाक्‍मानु, येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।
JOH 20:27 मिनु येसुमी थोमास कली “आं गुइ ङा गारमी इ ब्रेप्‍चो लिक्‍शा, कोव़ङो। मिनु इ गुइमी आं कोव़खा ङा गार थिवो। गे थमा मसुइक्‍ब मदुमो। तन्‍न थमा सुइक्‍ब दुमो” दे माइक्‍तु।
JOH 20:28 थोमासमी “आं प्रभु, आं परमप्रभु यावे” देंत। यूहन्‍ना १:१
JOH 20:29 मिनु येसुमी “गे आं कली तशा थमा सुइक्‍तीवी। सुमी आं कली मतथु, थमा सुइक्‍बा, मेको शुश ग्‍येरसीशो मुर बाक्‍ब” देंत। १पत्रुस १:८; हिब्रू ११:३
JOH 20:30 मिनु येसुमी आ शेंसीब नु बाक्‍शा, शुश अरु छक लाक्‍चा ङा गेय पाप्‍तु। मेको गेयपुकी एको किताबमी मब्रेक्‍शो बाक्‍नीम।
JOH 20:31 मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३
JOH 21:1 मिनु नोले येसु तिबेरीयास ङा समुन्‍द्र आ नेक्‍थामी आ शेंसीब आन कली लेंशा तपांइसाक्‍व। दोपा तपांइसाक्‍व देंशा हना,
JOH 21:2 सिमोन पत्रुस, जौंले माइश्‍शो थोमास, गालील ङा काना सहर ङा नथानेल, जब्‍दी आ तौ निक्‍शी नु येसु आ शेंसीब अर्को निक्‍शी काथा बाक्‍तेक्‍म। यूहन्‍ना १४५
JOH 21:3 मिनु सिमोन पत्रुसमी मेको आन कली “गो ङांइ रेत्‍थ लाइनुङ” देंत। मिनु “गो यो गे नु लाइनीकी” देंतेक्‍म। मिनु लशा, डोंगा ङोइश्‍शा, ङांइ रेत्‍थ लाम्‍तेक्‍म। तन्‍न मेको नाक्‍दो ङांइ का यो मरेम्‍म।
JOH 21:4 मिनु सुनी नां सोव़ची ना येसु समुन्‍द्र आ नेक्‍थामी बाक्‍शो बाक्‍त। आ शेंसीबपुकीमी येसु बाक्‍माक्‍त, दे मतुइक्‍तेम। यूहन्‍ना २०:१४; लूका २४:१६
JOH 21:5 मिनु येसुमी “ए आलपुकी, ङांइ बाक्‍म कों?” दे ब्रेश्‍शा, हिल्‍लो पाप्‍तु। मिनु “मबा” दे लोव़ लेत्‍ताक्‍म। लूका २४:४१
JOH 21:6 मिनु येसुमी “इन ग्‍याइल डोंगा आ ग्‍युरा गे आपीन। मेकेर रेत्‍नीनी” दे माइक्‍तीमी। मिनु आ देंशो खोदेंशो पा ग्‍याइल आप्‍तेक्‍म। मिनु आन ग्‍याइली ग्रुंइने मचाप्‍चा ङा पा शुश ङांइ रेत्‍तेक्‍म। लूका ५:४-७
JOH 21:7 मोदेंशो तशा, येसु आ नेल्‍ल क्‍येङा दाक्‍शो शेंसीबमी पत्रुस कली “प्रभु बाक्‍ब” दे माइक्‍तु। मिनु सिमोन पत्रुसमी “प्रभु बाक्‍ब” देंशो नेंशा, आ ङोंइती प्रुइश्‍शो वा लेंशा फेक्‍साक्‍व। मिनु ब्‍वाक्‍कुमी प्रेक्‍त। यूहन्‍ना १३:२३
JOH 21:8 मिनु अरु शेंसीबपुकीमी डोंगामी बाक्‍शा, ग्‍याइल कीना कीन पिम्‍तेक्‍म। ग्‍याइल ब्रीशो बाक्‍त। मेकोपुकी समुन्‍द्रमी सहे निक्‍शी गज खोदेंशो ङोन जाक्‍दीश्‍शो बाक्‍तेक्‍म।
JOH 21:9 मिनु मेकोपुकीमी डोंगा रे ग्रूशा, ङांइ नु शोब्‍ले मीमी चोशा, वोइश्‍शो ताम्‍तेक्‍म।
JOH 21:10 मिनु येसुमी “इन रेश्‍शो ङांइ का निक्‍शी पितीन” दे माइक्‍तीमी।
JOH 21:11 येसु आ देंशो टिशा, सिमोन पत्रुस डोंगामी ङोइश्‍शा, ग्‍याइल कली कीशा, ब्‍वाक्‍कु रे ग्रुंइताक्‍व। मेको ग्‍याइलीमी सहे का ५३ ओटा ठेयब ठेयब ङांइ बाक्‍तेक्‍म। मिश ङा ङांइ बाक्‍शा यो मेको ग्‍याइली मगाक्‍माक्‍त।
JOH 21:12 मिनु येसुमी “निस्‍सीन जने ब्‍वने” दे माइक्‍तीमी। मिनु शेंसीबपुकीमी “गे सु ननी?” दे हिल्‍लो मपाम। “प्रभु बाक्‍ब” दे तुइक्‍ताक्‍म।
JOH 21:13 मिनु येसुमी शोब्‍ले लाइश्‍शा, आ शेंसीब आन कली शोब्‍ले नु ङांइ योक्‍शा गेम्‍तीमी। यूहन्‍ना ६:११
JOH 21:14 मो दुम्‍मेनु, येसु सेंसीशो नोले आ शेंसीब आन कली खेयप सां तपांइसाक्‍व।
JOH 21:15 मिनु जने थुम्‍शा, येसुमी सिमोन पत्रुस कली “योआन्‍नेस आ तौ सिमोन, गे आं कली एको आन क्‍येङा दाक्‍नेवे?” दे हिल्‍लो पाप्‍तु। मिनु पत्रुसमी “दाक्‍नन्‍नी, प्रभु, गे तुइक्‍नीनी” दे माइक्‍तु। मिनु येसुमी “आं पाठा आन कली थुल्‍मी” देंत। यूहन्‍ना १:४२
JOH 21:16 मिनु येसुमी लेंशा पत्रुस कली “योआन्‍नेस आ तौ सिमोन, गे आं कली दाक्‍नेवे” दे हिल्‍लो पाप्‍तु। मिनु पत्रुसमी “दाक्‍नन्‍नी, प्रभु, गे तुइक्‍नीनी” दे माइक्‍तु। मिनु येसुमी “आं भेडा आन कली कोव़मी” देंत। १पत्रुस ५:२,४
JOH 21:17 लेंशा येसुमी “योआन्‍नेस आ तौ सिमोन, गे आं कली दाक्‍नेवे?” दे हिल्‍लो पाप्‍तु। मिनु येसुमी खेयप सां “आं कली दाक्‍नेवे?” दे हिल्‍लो पशो नेंशा, पत्रुस आ थुं खाइक्‍त। मिनु “प्रभु, गे नेल्‍ल तुइक्‍नीनी। गो इन कली दाक्‍नन्‍नी, दे तुइक्‍नीनी” दे माइक्‍तु। मिनु येसुमी “आं भेडा आन कली योव़मी। यूहन्‍ना १३:३८; यूहन्‍ना १६:३०
JOH 21:18 नोफा दाइश्‍शा नेनो, गे ठिटा बाक्‍ङेनु, किप्‍शुर किम्‍सीशा, इ दाक्‍शो लां खोइक्‍तीवी। खाल्‍पा दुमेनु, इ गुइ हाम्‍नेवे। मिनु अर्कोमी इ कली किप्‍शुर किप्‍शा, इ मदाक्‍शो लां लाइक्‍ब” दे माइक्‍तु।
JOH 21:19 येसुमी पत्रुस दोपा परमप्रभु यावे आ सक्ति कोंइशा, साइक्‍चा पुंइसीबा, दे मोदेंशो देंत। मिनु येसुमी “आं नोले खोइय्‍यी” देंत। यूहन्‍ना १३:३६
JOH 21:20 मिनु पत्रुसमी येसु आ नोले खोइश्‍शा, फिर लेश्‍शा कोव़ङानु, येसु आ दाक्‍शो शेंसीब आस नोले खोइश्‍शो ताप्‍तु। मेको शेंसीब सु बाक्‍त देंशा हना, ङोंइती नाक्‍दो ङा खमे जची ना येसु नु बाक्‍शो बाक्‍त। मेको “प्रभु, इन कली साइक्‍ब आन कली वारच पाइब सु में?” दे हिल्‍लो पाइब बाक्‍त। यूहन्‍ना १३:२३-२५
JOH 21:21 मिनु पत्रुसमी मेको कली तशा “प्रभु, मेको कली मार दुम्‍बा?” दे हिल्‍लो पाप्‍तु।
JOH 21:22 मिनु येसुमी “गो लेंशा मजाक्‍ङा सम्‍म मेकोमी रिम्‍शा बाक्‍चा माल्‍ब, दे मिम्‍ताक्‍ङ हना यो, इ कली मार दुम्‍बा ङा? गे आं नोले खोइय्‍यी” दे माइक्‍तु।
JOH 21:23 मिनु थमा सुइक्‍बपुकीमी मेको येसु आ दाक्‍शो शेंसीब आ पर्बम “मेको शेंसीब मबेक्‍ब” दे लोव़ पमुम्‍तेक्‍म। तन्‍न येसुमी “मेको मबेक्‍ब” देंशो ममाइ, तन्‍न “गो मजाक्‍ङा सम्‍म मेको रिम्‍शा बाक्‍ल कों मबाक्‍ल, इ कली मार दुम्‍बा ङा” दे माइश्‍शो बाक्‍त।
JOH 21:24 येसुमी “एको मबेक्‍ब” देंशो शेंसीब सु बाक्‍त देंशा हना, एको किताब ब्रेक्‍ब बाक्‍त। मिनु मेको आ ब्रेक्‍शो नेल्‍ल थमा बाक्‍ब, दे तुइक्‍नीकी। यूहन्‍ना १५:२७
JOH 21:25 येसुमी मेको किताबमी ब्रेक्‍शो पशो गेय ला ममाइ, तन्‍न अरु शुश गेय यो पाइबाक्‍त। आ पशो गेय नेल्‍ल ब्रेक्‍ताक्‍व हना, मेको किताबपुकी वोइक्‍चा कली रागीमी यो मरिक्‍ब, दे मिम्‍नुङ। यूहन्‍ना २०:३०; भजन संग्रह १०६:२
ACT 1:1 आं दाक्‍शो थियोफीलस, गो ङोंइती ङा किताबमी परमप्रभु यावे आ बाक्‍तीक लाइक्‍चा मपुंइसे सम्‍म येसुमी मार पवा, मार शेंदा, मेको नेल्‍ल ब्रेक्‍शा, तुइक्‍पाइक्‍ने थुम्‍तन्‍नी। लूका १:३
ACT 1:2 येसुमी शेंसीब आन कली योव़शा, मेको योव़शो आन कली सोइश्‍शोपुकी नें वोइश्‍शो बाक्‍माक्‍त। मेको सोइश्‍शो आन कली परमप्रभु यावे आ सोक्‍त रे पा मार शेंचा, मार पचा, नेल्‍ल शेंना शेंन वोइक्‍मी बाक्‍त। मत्ती २८:१-२०
ACT 1:3 मेको आन कली शेंशो मार बाक्‍माक्‍त देंशा हना, येसु श्‍येत जशा साइक्‍चा पुंइसीशा, बेक्‍शा, बेक्‍शो रे सेंपाइक्‍चा पुंइसीशा, ४० नाक्‍त सम्‍म आ सोइश्‍शो आन कली तपांइसीन सीन परमप्रभु यावे आ राज्‍य ङा लोव़ शेंना शेंन बाक्‍माक्‍त।
ACT 1:4 मोदेंशो पा काथा बाक्‍शा, मेको आन कली “परमप्रभु यावेमी आ देंशो लोव़ मखबा सम्‍म यरूसलेम सहरमीन बाक्‍कीन। लूका २४:४९; यूहन्‍ना १५:२६
ACT 1:5 इन कली ङोंइती मार मार देंङा, मेको लेंशा देंनुङ यूहन्‍नामी मुर आन कली ब्‍वाक्‍कुम खुम्‍शा ग्रुंइताक्‍व। इन कली चहिं परमप्रभु यावेमी आ सोक्‍तीम ख्रुम्‍ब। मेको दुम्‍चा कली शुश नाक्‍त मलीशो बाक्‍ब” दे शेंदीमी बाक्‍त। मत्ती ३:११
ACT 1:6 मिनु येसु नु आ सोइश्‍शोपुकी बुक्‍शा बाक्‍मानु, मेकोपुकीमी येसु कली “प्रभु, गे इस्राएल कली मुल लेंशा आंम राज्‍य सेल्‍नीनी?” दे हिल्‍लो पामे बाक्‍त। लूका १९:११; लूका २४:२१
ACT 1:7 मिनु येसुमी “राज्‍य सेल्‍‍चा आं आफ आ गुइमी बाक्‍ब। मिनु गेना सेल्‍चा दाक्‍बा, मेना सेल्‍‍ब। मेको तुइक्‍चा यो ममाल्‍नीनी। मत्ती २४:३६
ACT 1:8 मार चहिं तुइक्‍चा माल्‍नीनी देंशा हना, परमप्रभु यावे आ सोक्‍त आ सक्ति ताइनीनी। सक्ति तशा यरूसलेम, यहूदीया, सामरीया नु रागी नेल्‍लेमी हिरशा, आं लोव़ शेंशा, आं सांकछी दुम्‍नीनी” दे माइक्‍मी बाक्‍त। लूका २४:४८; प्रेरित ८:१
ACT 1:9 मिनु मोदेंशो लोव़ पा, मेको आन तना तन ग्‍येत्‍थ ग्‍युक्‍शा, गोस्‍सुमी गिल्‍सीशा सरीङ ग्‍येत्‍थ लमाक्‍त। मिनु नोले मेकोपुकीमी मतामे बाक्‍त। मर्कूस १६:१९; लूका २४:५१
ACT 1:10 मोपा यो सरीङ गे कोव़ना कोव़न बाक्‍मानु, बुश वा फेक्‍शो मुर निक्‍शी फो फु ग्रूशा, आन ङोंइती राप्‍शो तामे बाक्‍त। लूका २४:४
ACT 1:11 मिनु मेको निक्‍शीमी “ए गालील ङा मुर, मार सरीङ गे कोव़ना कोव़न बाक्‍नी? येसु इन बाक्‍तीके रे परमप्रभु यावे आ बाक्‍तीके लाइक्‍चा पुंइसाक्‍व। दोपा लशो तनी, मोपा काबु लेश्‍शा यीब, दे तुइक्‍तीने” देंसा बाक्‍त। लूका २१:२७
ACT 1:12 मिनु मेकोपुकी जैतून डांडा रे यरूसलेम लेम्‍मा बाक्‍त। मेको लां चहिं नाइक्‍तीक नाक्‍त गाक्‍चा दुम्‍तीक लां बाक्‍माक्‍त।
ACT 1:13 मिनु यरूसलेम सहरम जाक्‍शा ङा मीन, खिं का ङा तला तारी ओव़शा बाक्‍मा बाक्‍त। मोपा बाक्‍बपुकी सु सु बाक्‍मा बाक्‍त देंशा हना, पत्रुस, यूहन्‍ना, याकूब, अन्‍द्रीयास, फिलीप, थोमास, बारथोलोमाइ, मत्ती, अल्‍फयस आ तौ याकूब, सिमोन, मेको कली कनानी यो देंसीब नु याकूब आ तौ यहूदा बाक्‍मा बाक्‍त। लूका ६:१३-१६
ACT 1:14 मेकोपुकी नु मीश मुरपुकी, येसु आ ममा मरीयम नु येसु आ लोक्‍बपुकी यो बाक्‍मा बाक्‍त। मेको नेल्‍ल थुं का ङा दुम्‍शा, नाक्‍त किंत किंत परमप्रभु यावे कली ठेयब सेल्‍ना सेल्‍न, पुंइना पुंइन बाक्‍बाक्‍मा बाक्‍त। यूहन्‍ना ७:३
ACT 1:15 मिनु काबु नाक्‍त पत्रुस थमा सुइक्‍ब सहे का २० जना मुर आन दातेमी बाक्‍मा बाक्‍त। यूहन्‍ना २१:१५-१९
ACT 1:16 मिनु पत्रुस मेको आन दातेमी राप्‍शा, मेको आन कली “आं लोक्‍बपुकी, नेनीने, येसु कली ग्‍याइक्‍ब आन कली लां कोंइब यहूदा आ पर्बम लोव़ का निक्‍शी पाइनुङ। साइ परमप्रभु यावे आ सोक्‍तीमी पिप दाऊद कली मार ब्रेक्‍पाइश्‍शो बाक्‍मे, मेको नेल्‍ल थमा दुम्‍चा माल्‍ब। मिनु मुल थमा दुम्‍त। भजन संग्रह ४१:१०
ACT 1:17 यहूदा १२ जना शेंसीब आंइ दाते ङा वारच का बाक्‍त। मेको कली यो प्रभुमी गेय का पपाइक्‍चा कली योव़शो बाक्‍त।
ACT 1:18 मेकोमी येसु कली ग्‍याइक्‍ब आन कली लां कोंइशा, वारच पा क्‍येट ताक्‍गा बाक्‍त। मिनु मेको क्‍येटमी रू ग्‍यबा बाक्‍त। मोपा मरिम्‍शो गेय पतीके क्‍यूली पा दोक्‍‍शा, आ कोव़ज ब्रोल्‍शा आ क्‍यी ग्रूशा बेक्‍माक्‍त। मत्ती २७:३-१०
ACT 1:19 मेको आ मरिम्‍शो पशो यरूसलेम सहरमी बाक्‍ब नेल्‍लेमी तुइक्‍ताक्‍म। मिनु मेको रू कली आन लोव़ रे पा आखेल्‍दामा, दे नें वोइक्‍तेक्‍म। आखेल्‍दामा देंशो “हुश आ रू” रुम्‍सीब।
ACT 1:20 साइ पिप दाऊदमी ब्रेक्‍शो लोव़मी मार ब्रेक्‍शो बाक्‍ब देंशा हना ‘मेको आ खिं ब्रेश्‍शा बाक्‍ल, मेकेर सुइ बाक्‍चा मतामेक्‍ल, आ पशो गेय अर्को मुरुमी पवल’ दे ब्रेक्‍शो बाक्‍ब। भजन संग्रह ६९:२५-२६; भजन संग्रह १०९:८
ACT 1:21 मुल यहूदा आ पा ङा मुर का योव़चा माल्‍ब। दोदेंशो मुर माल्‍ब देंशा हना, यूहन्‍नामी मुर आन कली ब्‍वाक्‍कुमी ख्रुम्‍शा ग्रुंइशो नाक्‍त रे येसु परमप्रभु यावे आ बाक्‍तीक लाइक्‍चा मपुंइसे सम्‍म, प्रभु येसु नु काथा बाक्‍ब, काथा गाक्‍ब, काथा जाइब मुर का माल्‍ब। यूहन्‍ना १५:२७
ACT 1:22 मेको मुरुम ‘येसु बेक्‍शा, सेंसीशो ताता’ देंने चाप्‍चा माल्‍ब” दे माइक्‍मी बाक्‍त।
ACT 1:23 मिनु आ लोव़ नेंशा बिश्‍शा, आन दाते रे योव़शा, मुर निक्‍शी आस कली नेल्‍ल आन ङोंइती राप्‍पदमे बाक्‍त। मेको आस नें का के योसेफ बारसाबास, आ याइनी नें चहिं युस्‍तस बाक्‍माक्‍त। का के चहिं मत्‍तीयस बाक्‍माक्‍त।
ACT 1:24 मिनु मेकोपुकीमी “परमप्रभु, गे मुर नेल्‍ल आन थुं तुइक्‍नीनी। मोपतीके एको निक्‍शीमी तेको कली योव़नीनी, आंइ कली तुइक्‍पतीने। प्रेरित ६:६
ACT 1:25 मिनु मेको यहूदा आ पा ङा सोइश्‍शो का दुम्‍ल” दे प्रार्थना पामे बाक्‍त।
ACT 1:26 मिनु भोट तोक्‍गमे बाक्‍त। भोट तोक्‍गमेनु, मत्‍तीयस ग्रामाक्‍त। मोपा मत्‍तीयस यो सोइश्‍शो का दुम्‍शा तेम्‍सीशा, १२ जना सोइश्‍शो दुम्‍मा बाक्‍त। हितोपदेस १६:३३; निसाफ पाइब २१:१७
ACT 2:1 मिनु पेन्तीकोस नाक्‍त थमा सुइक्‍ब आन ग्रुम्‍तीकेमी देल्‍मा बाक्‍त। लेवी २३:१५-२१
ACT 2:2 मिनु सरीङ रे हुरुर पा फश खोदेंशो फो ग्रूशा, आन बाक्‍तीक प्रिंशा थुरशा रेयके पवा बाक्‍त।
ACT 2:3 मिनु ब्रशो मी खोदेंशो तांइसीशो परमप्रभु यावे आ सोक्‍त का का पा आन तारी जुक्‍ता बाक्‍त। मत्ती ३:११
ACT 2:4 मिनु परमप्रभु यावे आ सोक्‍तीमी सोइश्‍शो आन कली प्रिंशा, मेको आन कली आन मतुइश्‍शो लोव़ पपाइक्‍मी बाक्‍त। प्रेरित ४:३१; प्रेरित १०:४४-४६
ACT 2:5 यरूसलेममी परमप्रभु यावे कली मान पा हिंब, रागी नेल्‍ल रे जाक्‍शो यहूदी बाक्‍मा बाक्‍त। प्रेरित १३:२६
ACT 2:6 मिनु मेकोपुकीमी मेको रेयके नेंशा, खुम्‍सीमा बाक्‍त। मिनु मेकेर आन लोव़ कका ब्‍वाक्‍शो नेंशा छक लाक्‍मा बाक्‍त।
ACT 2:7 मिनु छक लाक्‍शा “मेकोपुकी गालील ङा मुर मनमी ङा? तन्‍न इं लोव़ कका ब्‍वाक्‍तेक्‍म।
ACT 2:8 गालील ङा मुरपुकीमी दोपा इं लोव़ नेल्‍ल ब्‍वाक्‍स जोक्‍ग्‍मे माइ?” देंमुमा बाक्‍त।
ACT 2:9 मो दुम्‍शो ताइबपुकी ते ते ङा बाक्‍मा बाक्‍त देंशा हना, पारथेस, मेदी, एलाम, मेसोपोटामीया, यहूदीया, कापाडोसीया, पोन्‍टस, एसीया,
ACT 2:10 फ्रिगीया, पाम्‍फीलीया, इजीप्‍त, लिबीया नु साइरेनी एर ओंथ, रोम, क्रेट नु अरब रागी रे जाक्‍शो यहूदी नु यहूदी दुम्‍शोपुकी बाक्‍मा बाक्‍त।
ACT 2:11 मेकोपुकीमी “गो नेल्‍लेमी परमप्रभु यावे आ पशो छक लाक्‍चा ङा गेय आ पर्बम आंइ लोव़ पशो नेंतय।
ACT 2:12 मोपा मेको नेंबपुकीमी ‘मार बाक्‍म माइ, मार दुम्‍बा’ देंमुमा बाक्‍त।
ACT 2:13 का निक्‍शीमी चहिं ‘शांबु दुक्‍शो बाक्‍तेक्‍म’ ” दे शुक्‍शी पामे बाक्‍त।
ACT 2:14 मिनु पत्रुसमी सोइश्‍शोपुकी नु राप्‍शा, मुर आन कली “इं यहूदी नु यरूसलेममी बाक्‍बपुकी, आं लोव़ रुप्‍चा कली नोफा दाइश्‍शा नेनीने।
ACT 2:15 इन मिम्‍शो खोदेंब पा एकोपुकी दुक्‍शो मनमी। मुल सुनी ङा ९ बजेशो बाक्‍ब, दे तुइक्‍तीने। भजन संग्रह १६:८-११
ACT 2:16 मार रुपीन देंशा हना, साइ परमप्रभु यावे आ लोव़ पाइब योएलमी ब्रेक्‍शो लोव़ मुल थमा दुम्‍त, दे रुपीने। साइ ङा लोव़म मार ब्रेक्‍शो बाक्‍त, देंशा हना योएल ३:१-५
ACT 2:17 ‘परमप्रभु यावेमी रागी नुप्‍ची नाक्‍त मुर नेल्‍ल आन कली आं सोक्‍तीम प्रिंनुङमी। मिनु इन तमी तौपुकीमी आं लोव़ पाइनीम। ठिटापुकीमी आं कोंइशो ताइनीमी, खाल्‍पापुकीमी ङोमु ताइनीम।
ACT 2:18 आं वाइलीम वाइल आन कली यो आं सोक्‍तीम प्रिंनुङमी। मिनु मेकोपुकीमी यो आं लोव़ पाइनीम।
ACT 2:19 मेको ठेयब नाक्‍त जाक्‍चा क्‍येङा ङोंइती गो सरीङ नु रागीमी चिन्‍ड नु छक लाक्‍चा ङा गेय कोंइनुङ। हुश यिपाइक्‍नुङ, मी ब्रपाइक्‍नुङ नु ठेयब कुन ग्रूशो तपाइक्‍नुङ।
ACT 2:20 नां छिङछिङ दुम्‍ब। तास्‍ला हुश खोदेंशो लल दुम्‍शो तांइसीब। मेको प्रभु आ ठेयब नाक्‍त आ क्‍येङा ङोंइती मोदेंशो दुम्‍ब।
ACT 2:21 मिनु सु सुमी प्रभु आ नें थिशा प्रोंइयीकी, दे ब्रेम्‍मा, मेकोपुकी पाप रे प्रोंइचा पुंइसीनीम’ दे परमप्रभु यावेम देंशो बाक्‍ब। योएल २:२७-३२
ACT 2:22 मोपतीके इस्राएल ङा लोक्‍बपुकी, आं लोव़ नेनीने। परमप्रभुमी नासरथ ङा येसु कली योव़शा, सक्ति पाइश्‍शो गेय, चिन्‍ड नु छक लाक्‍चा ङा गेय इन दातेमी कोंइपाइक्‍तु। मेको गे यो तशो तुइश्‍शो बाक्‍नीनी।
ACT 2:23 गेपुकीमी येसु कली अरेशो मटीब आन गुइम गेशा, शीम केप्‍शा कांटी थोक्‍शा क्‍याइश्‍शा साइक्‍पाइक्‍तीनी। ङोंइती रे परमप्रभु यावेमी मोदेंशो दुम्‍चा माल्‍ब, दे मिम्‍शा, इन कली मो पचा गेशो बाक्‍माक्‍त, दे रुपीन। प्रेरित ४:२८
ACT 2:24 गेपुकीमी साइक्‍पाइक्‍तीनी हना यो, परमप्रभुमी येसु कली बेक्‍शो रे सेंताक्‍व। मारदे हना आ गेना हना यो ब्रोंइशा बाक्‍ब परमप्रभु बाक्‍ब।
ACT 2:25 मिनु पिप दाऊदमी येसु आ पर्बम ‘प्रभु गेना हना यो आं ग्‍युरा गे बाक्‍ब, दे तुइश्‍शा महिंनुङ। भजन संग्रह १६:८-११
ACT 2:26 गो ग्‍येरसीशा प्रभु कली ठेयब सेल्‍शा कुम्‍सो पाइनुङ। मारदे हना प्रभु नु काथा बाक्‍शा, गेना हना यो ब्रोंइचा ताइनुङ।
ACT 2:27 बेक्‍शा आं रां राक्‍शा लचा मगेब, दे तुइक्‍नुङ।
ACT 2:28 परमप्रभुमी ब्रोंइतीक लां कोंइताक्‍यी। मिनु गेना हना यो प्रभु नु ग्‍येरसीशा बाक्‍नुङ’ दे येसु आ पर्बम ब्रेक्‍शो बाक्‍त। भजन संग्रह १६:८-१०
ACT 2:29 आं लोक्‍बपुकी, इं किकी पिपी दाऊद आ पर्बम का का पा देंने चाप्‍नुङ। दाऊद बेक्‍माक्‍त। मिनु लाइश्‍शा थिम्‍ने थुम्‍मे बाक्‍त। तेकेर थिम्‍मे गोपुकीमी मुल यो तुइक्‍नय। १राजा २:१०
ACT 2:30 परमप्रभु यावेमी आ लोव़ पाइब दाऊद कली ‘इ चच युइ रे पिप का सेल्‍नुङ’ दे लोव़ गेशो तुइश्‍शो बाक्‍त।
ACT 2:31 मिनु दाऊदमी परमप्रभु यावे आ लोव़ पाइब दुम्‍तीके, मेको येसु, मस्‍सीह आ पर्बम लोव़ पाप्‍तु, दे तुइश्‍शो बाक्‍माक्‍त। मिनु मेकोमी ‘मेको बेक्‍शो मुर आन बाक्‍तीकेम मलीब। आ रां मराक्‍बा’ देंशो बाक्‍माक्‍त। २सामुएल ७:१२-१३; भजन संग्रह ८९:४-५
ACT 2:32 परमप्रभु यावेमी येसु कली बेक्‍शो रे सेंताक्‍व। मेको गो आंइ मिक्‍चीमी ताइतक।
ACT 2:33 मिनु येसु परमप्रभु यावे आ ग्‍युरा गे बाक्‍शा, आ आफ रे परमप्रभु यावे आ सोक्‍त ताक्‍शा, आंइ तारी मोइक्‍‍तु। मिनु मार मार नेंनी, मार मार तनी, मेको नेल्‍ल परमप्रभु यावे आ सोक्‍तीम पपाइश्‍शो बाक्‍माक्‍त, दे तुइक्‍तीने। यूहन्‍ना १५:२६
ACT 2:34 पिप दाऊद सरीङ ग्‍येत्‍थ क्‍युक्‍चा मतवा। तन्‍न दाऊदमी ‘प्रभुमी आं प्रभु कली, आं ग्‍युरा गे बाक्‍को। भजन संग्रह ११०:१
ACT 2:35 इ जोरी सत्रु आन कली इ खोइल आगाम मवोदुमी सम्‍म आं ग्‍युरा गे बाक्‍को’ दे ब्रेक्‍शो बाक्‍त। मेको लोव़ दाऊद आ पर्बम ममाइ। येसु आ पर्बम ब्रेक्‍शो बाक्‍ब, दे रुपीन।
ACT 2:36 मोपतीके इस्राएली नेल्‍लेमी मार तुइक्‍चा माल्‍नीनी देंशा हना, गेपुकीमी शीम केप्‍शा कांटी थोक्‍शा साइक्‍पाइश्‍शो येसु कली परमप्रभु यावेमी प्रभु नु ख्रीस्‍त सेल्‍तु” दे माइक्‍मी बाक्‍त। ख्रीस्‍त आ देंशो मस्‍सीह्‍ बाक्‍ब।प्रेरित ५:३१
ACT 2:37 मिनु आ लोव़ नेंब आन थुं खाइक्‍माक्‍त। मिनु पत्रुस नु सोइश्‍शो आन कली “गो मार पक मिनु?” दे हिल्‍लो पामेनु, प्रेरित १६:३०; लूका ३:१०
ACT 2:38 पत्रुसमी “इन थुं परमप्रभु यावे गे लेश्‍शा, येसु कली थमा सुइश्‍शा, आ नेंमी ब्‍वाक्‍कुम ख्रुम्‍शा ग्रुंइपांइसीने। मिनु इन पाप क्‍याम्‍चा पुंइसीनीनी। परमप्रभु यावे आ सोक्‍तीम प्रिंचा यो पुंइसीनीनी। प्रेरित ३:१७-१९; लूका २४:४७
ACT 2:39 मारदे हना परमप्रभु यावे आ गेशो लोव़ इन कली, इन तमी तौ चच युइ आन कली नु ङोन रागीम बाक्‍ब आन कली गेशो बाक्‍त। मिनु परमप्रभु आंइ परमप्रभु यावेमी सु सु कली ब्रेश्‍शो बाक्‍मे, मेको आन कली गेशो बाक्‍त” दे शेंदीमी बाक्‍त। योएल ३:५
ACT 2:40 मिनु पत्रुसमी शुश शेंशा “थमा मसुइक्‍ब मदुमीने। मरिम्‍शो पाइब रे ङोन बाक्‍कीने” दे शुश अर्ती गेशा माइक्‍मी बाक्‍त। मत्ती १७:१७; फिलिप्‍पी २:१५
ACT 2:41 मिनु शुश मुरुमी पत्रुस आ देंशो बिश्‍शा, ख्रीस्‍त कली थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त। मोपा ब्‍वाक्‍कुम ख्रुम्‍शा ग्रुंइचा पुंइसीबपुकी हजार सां खोइ दुम्‍मा बाक्‍त। मोपा थमा सुइक्‍ब नु तेम्‍समा बाक्‍त।
ACT 2:42 मिनु नेल्‍ल काथा बाक्‍शा, सोइश्‍शोपुकीमी शेंशो लोव़ शेंसीशा, प्रभु भोज जशा, प्रार्थना पना पन बाक्‍बाक्‍मा बाक्‍त। प्रेरित २०:७
ACT 2:43 मिनु सोइश्‍शोपुकीमी परमप्रभु यावे आ सोक्‍त रे पा शुश चिन्‍ड नु छक लाक्‍चा ङा गेय कोंइना कोंइन बाक्‍बाक्‍मा बाक्‍त। मुरपुकीमी मेको आन कली मोदेंशो पशो तशा छक लाक्‍शा हिंबाक्‍मा बाक्‍त।
ACT 2:44 थमा सुइक्‍ब नेल्‍ल थुं का दुम्‍शा, आन के बाक्‍शो मारेइ मारेइ नेल्‍ल इं के बाक्‍ब, दे मिम्‍बाक्‍मा बाक्‍त। प्रेरित ४:३२-३५
ACT 2:45 रू, मारेइ लेयङमेनु, सु सु आन कली माल्‍मा, मेको आन कली योक्‍शा क्‍येट गेशा वारच पाइबाक्‍मा बाक्‍त।
ACT 2:46 मिनु नाक्‍त किंत किंत परमप्रभु यावे आ खिंमी ग्रुम्‍शा शेंसीबाक्‍मा बाक्‍त। खिं खिं हिरशा, प्रभु भोज जाइबाक्‍मा बाक्‍त। हाइश्‍शो थुं ङा दुम्‍शा, जचा तूचा योक्‍शा, ग्‍येरसीशो दुम्‍शा,
ACT 2:47 परमप्रभु यावे कली ठेयब सेल्‍ना सेल्‍न बाक्‍बाक्‍मा बाक्‍त। मुरपुकीमी मेको आन कली मोदेंशो पशो तशा, रिम्‍शो मिम्‍बाक्‍मा बाक्‍त। प्रभुमी नाक्‍त किंत किंत येसु कली थमा सुइक्‍ब तेम्‍ना तेम्‍न बारपाइक्‍मी बाक्‍त। प्रेरित ४:४; प्रेरित ५:१४; प्रेरित ६:७; प्रेरित ११:२१; प्रेरित १४:१
ACT 3:1 मिनु काबु पत्रुस नु यूहन्‍ना ३ बजे ङा प्रार्थना पची ना परमप्रभु यावे आ खिंमी जाक्‍सा बाक्‍त।
ACT 3:2 मेकेर जरमेसे रेन खोइल मदुक्‍ब मुर का बाक्‍माक्‍त। मेको कली नाक्‍त किंत किंत कुरशा चाक्‍शा, खिं ओव़ब आन कली पुंइदीमील, दे “रिम्‍शो लाप्‍चो” नें पाइश्‍शो लाप्‍चो आ ङोंइती वोइक्‍बाक्‍मा बाक्‍त।
ACT 3:3 मिनु मेको पुंइब मुरुमी पत्रुस नु यूहन्‍ना आस कली ओव़चशो तशा, मारेइ गेनीसी कों, दे पुना बाक्‍त।
ACT 3:4 मिनु पत्रुस नु यूहन्‍नामी पुंइब कली कोव़शा, पत्रुसमी “ओंथ कोव़स्‍की” देंमाक्‍त।
ACT 3:5 मिनु पुंइबमी मार गेयीसी, दे आस पा कोव़सी बाक्‍त।
ACT 3:6 मिनु पत्रुसमी “गो नु सुन चांदी मबा। मार बाक्‍मे, मेकोन गेनन। तन्‍न आं के मार मेकोन गेनन। नासरथ ङा येसु ख्रीस्‍त आ नेंमी बोक्‍शा एर ओंथ हिरसो” देंशा,
ACT 3:7 पुंइब आ ग्‍युरा गुइ ग्‍याइश्‍शा कीशा छुल पोक्‍शा राप्‍पदा बाक्‍त। राप्‍पदानु, आ खोइल ङा बोंइसे नेल्‍ल दुक्‍ब दुम्‍शा,
ACT 3:8 दिव दाव प्रेक्‍शा, एर ओंथ गाक्‍ब दुम्‍माक्‍त। गाक्‍ब दुम्‍शा परमप्रभु यावे कली ठेयब सेल्‍शा, कुम्‍सो पना पन, प्रेक्‍ना प्रेक्‍न पत्रुस नु यूहन्‍ना नु काथा गाक्‍शा, परमप्रभु यावे आ खिं ओव़माक्‍त।
ACT 3:9 मिनु मेकेर बाक्‍बपुकीमी मेको पुंइब कली साशा, परमप्रभु यावे कली ठेयब सेल्‍शा गाक्‍शो तशा,
ACT 3:10 “रिम्‍शो लाप्‍चो आ ङोंइती बाक्‍ब खोइल मदुक्‍ब दोपा साशा ओं पा गाक्‍मे” दे छक लाक्‍मा बाक्‍त।
ACT 3:11 पुंइबमी पत्रुस नु यूहन्‍ना कली काइ मप्रोंइथु काथा गाक्‍शा, पिप सोलोमन नें वोइश्‍शो थाम पाइश्‍शो बाक्‍तीके जाक्‍दीम्‍मा बाक्‍त। मिनु एर ओंथ ङा मुर दोरशा जाक्‍शा पुम्‍दमे बाक्‍त। प्रेरित ५:१२; यूहन्‍ना १०:२३
ACT 3:12 मिनु मोपा पुम्‍शो तशा, पत्रुसमी “इं इस्राएलीपुकी, एको मुर साशो तशा छक लाक्‍तीनी। मिनु गो आंस सक्तिम सापाइश्‍शो बाक्‍माक्‍त, फेस्‍तस दे मिम्‍तीनी? आंस सक्तिम सापाइश्‍शो ममाइ।
ACT 3:13 इ किकी पिपी अब्राहाम, इसहाक नु याकूब आन परमप्रभु यावेमी आ गेय पाइब येसु कली ठेयब सेल्‍तु। गेपुकी चहिं मेको कली ग्‍याइक्‍पाइक्‍तीनी। पिलातसमी मेको कली प्रोंइचा थुं पवानु यो, गे मबिस्‍सीनी।
ACT 3:14 तन्‍न गेपुकीमी परमप्रभु यावे आ योव़शो नु ठीक पाइब कली तिल्‍तीनी। मुर साइक्‍ब कली प्रोंइशा सोइक्‍चा कली पुंइतीनी। मत्ती २७:२०-२१
ACT 3:15 मिनु गे ब्रोंइचा गेब कली साइक्‍तीनी। परमप्रभु यावेमी चहिं बेक्‍शो रे सेंताक्‍व। गो मेको तशा, सांकछी दुम्‍ताक्‍क।
ACT 3:16 परमप्रभु आ सक्ति येसु नु बाक्‍ब। मिनु येसु आ नें थिशा थमा सुइश्‍शा, सक्ति पाइश्‍शो गेय पचा तांइसीब, दे थमा सुइक्‍नीकी। मिनु आंइ कली थमा सुइश्‍शो तशा, परमप्रभुमी एको मुर कली सापाइश्‍शा कोंइताक्‍व। मिनु साशा सेस दुम्‍शो ताइतीनी।
ACT 3:17 आं लोक्‍बपुकी, इन ठेयब मुरपुकी नु गे नेल्‍लेमी येसु कली मतुइक्‍थु, साइक्‍पाइक्‍तीनी, दे तुइक्‍नुङ। लूका २३:३४
ACT 3:18 साइ ङोंइती रे परमप्रभुमी यावे आ लोव़ पाइबपुकी रे ‘ख्रीस्‍त श्‍येत जशा साइक्‍चा पुंइसीब’ दे लोव़ पाइक्‍बाक्‍माक्‍त। परमप्रभु यावेमी मेको लोव़ खाप्‍शो बाक्‍त। लूका २४:४४
ACT 3:19 मुल चहिं इन थुं परमप्रभु यावे गे लेश्‍शा, ख्रीस्‍त कली थमा सुतीन। मिनु मेकोमी इन पाप क्‍याम्‍ब। प्रेरित २:३८
ACT 3:20 मिनु मेकोमी इन कली रिम्‍शो बाक्‍चा गेब। मिनु परमप्रभु यावेमी पाप रे प्रोंइब, येसु ख्रीस्‍त इन बाक्‍तीक सोइक्‍ब। मिनु इन थुं नाइक्‍पाइक्‍ब।
ACT 3:21 तन्‍न परमप्रभु यावे आ लोव़ पाइबपुकीमी साइ रे मार मार देंमा, मेको लोव़ थमा मदुम सम्‍म येसु ख्रीस्‍त परमप्रभु यावे नु स्‍वर्गम बाक्‍ब।
ACT 3:22 साइ नेसी परमप्रभु यावे आ लोव़ पाइब मोसामी ‘परमप्रभु, इन परमप्रभु यावेमी आं कली योव़शो खोदेंशो पा आ लोव़ पाइब इन मुर आन दाते रे योव़शा, इन कली वारच पाइब नु लां कोंइब सेल्‍ब। मोपा योव़शोमी इन कली मार मार शेंबा, मेको आ लोव़ नेंशा टिने। ब्‍यवस्‍था १८:१५,१९
ACT 3:23 सु सुमी आ लोव़ मटीमे, मेकोपुकी जाम्‍शा लाइनीम’ दे देंशो बाक्‍त।
ACT 3:24 मोसामी देंशो लोव़ ला ममाइ। परमप्रभु यावे आ लोव़ पाइब सामुएल नु अरु शुशेमी मोसामी देंशो खोदेंशो लोव़ पामे बाक्‍त।
ACT 3:25 इन किकी पिपी अब्राहाम आ खिं ङा मुर नमी। परमप्रभु यावेमी अब्राहाम कली ‘गे इ खिं ङा मुर रे पा रागी ङा मुर नेल्‍लेमी आसीक राइनीम’ दे कबल पशो बाक्‍माक्‍त। उत्‍पत्ती २२:१८
ACT 3:26 मोपतीके परमप्रभु यावेमी आ गेय पाइब येसु कली ङोंइती इन बाक्‍तीकेम सोइक्‍ताक्‍व। मारदे हना इन कली आसीक गेशा, इन मरिम्‍शो गेय रे लेत्‍चा, दे मोदेंशो पाप्‍तु, दे रुपीने” दे शेंदीमी बाक्‍त। प्रेरित १३:४६
ACT 4:1 मिनु पत्रुस नु यूहन्‍नामी मोदेंशो शेंना शेंन बाक्‍सानु, चढ़ेबपुकी, परमप्रभु यावे आ खिं ङा ठेयब मुर नु सदुकीपुकी जाक्‍मा बाक्‍त। लूका २७:४:५२
ACT 4:2 मिनु “येसु बेक्‍शो रे सेंसाक्‍व। मिनु मुर नेल्‍ले यो बेक्‍शो रे सेंसीनीम” दे शेंशो नेंशा, थुं मनुमा बाक्‍त। प्रेरित २३:८
ACT 4:3 मिनु पत्रुस नु यूहन्‍ना आस कली ग्‍याइक्‍पाइश्‍शा “मुल नां रिक्‍त। मोपतीके कछडीम दीसा बाक्‍चा” दे मेको नाक्‍दो जेल्‍खानमी चोक्‍पदमे बाक्‍त।
ACT 4:4 पत्रुस नु यूहन्‍ना आस शेंशो लोव़ नेंशा, थमा सुइक्‍ब ५ हजार जना जाक्‍दीश्‍शो बाक्‍मा बाक्‍त। प्रेरित २:४७
ACT 4:5 मिनु आ दीसा कछडीम बाक्‍चा कली यरूसलेम ङा हुकुम पाइब, जोक्‍ब तुइक्‍ब खाल्‍पापुकी नु सास्‍त्री नेल्‍ल बुक्‍मा बाक्‍त।
ACT 4:6 मेना ठेयब चढ़ेब हन्‍नास बाक्‍माक्‍त। ङोंइती ङा ठेयब चढ़ेब काइयाफास, यूहन्‍ना नु अलेकजन्‍डर बाक्‍मा बाक्‍त। ठेयब चढ़ेब आन खिं ङा मुर यो शुश जाक्‍शो बाक्‍मा बाक्‍त। लूका ३:१-२
ACT 4:7 मेको नेल्‍ल खुम्‍सीशा बाक्‍मानु, पत्रुस नु यूहन्‍ना आस कली जेल्‍खान रे ग्रुंइपाइश्‍शा, आन बाक्‍तीके चाक्‍पाइश्‍शा आन ङोंइती राप्‍पदमे बाक्‍त। मिनु “मेको खोइल मदुक्‍ब मुर कली सु आ सक्तिमी, सु आ नें ब्रशा सापांइसी, लो देनीस” दे हिल्‍लो पामे बाक्‍त। मत्ती २१:२३
ACT 4:8 मिनु पत्रुस परमप्रभु यावे आ सोक्‍तीमी ब्रीशा, मेको आन कली “इं इस्राएल ङा हुकुम पाइब नु खाल्‍पापुकी, आं लोव़ नेनीने। मत्ती १०:१९-२०
ACT 4:9 मेको खोइल मदुक्‍ब कली खोइल सापाइश्‍शा, रिम्‍शो गेय पाइतस्‍कु। दोपा सापांइस्‍कु, दे तुइक्‍चा दाक्‍नीनी हना, शेंनन्‍नी।
ACT 4:10 गे ला ममाइ, तन्‍न इं इस्राएल ङा मुर नेल्‍लेमी रुप्‍चा माल्‍नीम। मेको खोइल मदुक्‍ब मुर नासरथ ङा येसु ख्रीस्‍त आ नें ब्रशा साशा गाक्‍ने चाप्‍ब दुम्‍माक्‍त, दे रुपीने। मेको नासरथ ङा येसु ख्रीस्‍त कली गेपुकीमी शीमी केप्‍शा कांटी थोक्‍शा क्‍याइक्‍पाइश्‍शा साइक्‍पाइक्‍तीनी। तन्‍न परमप्रभु यावेमी मेको कली बेक्‍शो रे सेंताक्‍व। प्रेरित ३:६,१३-१६
ACT 4:11 खिं सेल्‍बपुकीमी गारो प्रोव़ङमेनु, एको फुल्‍लु मगार, दे ताइक्‍तमे बाक्‍त। मेको मगारथु, ताइश्‍शो फुल्‍लु चहिं सुर ङा जग फुल्‍लु दुम्‍माक्‍त, दे ब्रेक्‍शो लोव़, मेको येसु आ पर्बम ब्रेक्‍शो बाक्‍ब, दे रुपीन। मत्ती २१:४२; भजन संग्रह ११८:२२
ACT 4:12 मुर आन कली श्‍येत नु पाप रे प्रोंइब येसु ख्रीस्‍त का ला बाक्‍ब। परमप्रभुमी येसु ख्रीस्‍त कली अधिकार गेशा, मुर नेल्‍ल आन क्‍येङा ठेयब सेल्‍तु। मिनु आ नेंमी ला ब्रोंइचा तांइसीब, दे तुइक्‍तीने” दे माइक्‍मी बाक्‍त। प्रेरित १०:४३; मत्ती १:२१
ACT 4:13 पत्रुस नु यूहन्‍ना शुश मशेंसीशो बाक्‍ताक्‍स हना यो, जोक्‍ब तुइक्‍ब खोदेंशो पा महिंथु, ठेयब थुं पा लोव़ पाम्‍से बाक्‍त। मेको लोव़ नेंशा, कछडी पाइबपुकी छक लाक्‍मा बाक्‍त। मिनु मेको निक्‍शी थमा पा येसु नु काथा गाक्‍ब काथा बाक्‍ब बाक्‍सा बाक्‍त, दे तुइक्‍तमे बाक्‍त।
ACT 4:14 सापाइक्‍चा पुंइसीशो मुर पत्रुस नु यूहन्‍ना नु काथा राप्‍शा बाक्‍शो तशा, जोल पाम्‍से बाक्‍त देंशा, आस लोव़ जोल सेल्‍ने मचाप्‍थु, मारेइ देंने मचाप्‍मे बाक्‍त। प्रेरित ३:८-९
ACT 4:15 मिनु पत्रुस, यूहन्‍ना नु साशो मुर सांफा आन कली ग्रुंइशा वोइश्‍शा “मुल मार पया” दे लोव़सी पचा गोव़मे बाक्‍त।
ACT 4:16 मिनु लोव़सी पा “खोइल मदुक्‍ब कली सापाइश्‍शा मेको निक्‍शीमी ठेयब छक लाक्‍चा ङा गेय कोंइताक्‍स। इं यरूसलेममी बाक्‍बपुकीमी थमा लोव़ बाक्‍माक्‍त, दे नेल्‍लेमी तुइक्‍नीमी। मिनु गोपुकीमी थमा ममाइ देंने मचाप्‍नय। यूहन्‍ना ११:४७
ACT 4:17 तन्‍न मोदेंशो लेंशा मदुम्‍ल, दे मेको आस कली मार पचा देंशा हना, मुल ङा मेरे येसु आ नें सुइ कली मतुइक्‍पाइक्‍चा नमी, आ नें ब्रशा सुइ कली मसापाइक्‍चा नम, दे माइक्‍चा नसी” दे सल्‍ला पामे बाक्‍त।
ACT 4:18 मिनु पत्रुस नु यूहन्‍ना आस कली खिंम ओंइशा “हेरकादे, मुल ङा मेरे येसु आ नें मब्रचा। सुइ मुर आन कली मशेंचा। मतुइक्‍पाइक्‍चा नम” देंमा बाक्‍त।
ACT 4:19 मिनु पत्रुस नु यूहन्‍नामी “परमप्रभु यावे आ देंशो टिचा देय इन देंशो टिचा? एको निक्‍शीमी परमप्रभु यावेमी तेको पचा देंबा, दे आंमा मिम्‍तीने। प्रेरित ५:२८-२९
ACT 4:20 गो निक्‍शी चहिं आंस मिक्‍चीम तशो नु आंस नोफामी नेंशो लोव़ मदेंथु मचाप्‍नस्‍कु। मेको रुपीन” देंसा बाक्‍त।
ACT 4:21 मिनु मेको आस दोस थिन्‍ने मचाप्‍तीके मेकोपुकीमी “हेरकादे, मुल ङा मेरे मोदेंशो गेय मपसे” दे हिंच कोंइशा, लोव़ थोक्‍शा, सोइक्‍तमे बाक्‍त। शुश मुरुमी आस पशो छक लाक्‍चा ङा गेय तशा, परमप्रभु कली ठेयब सेल्‍ना सेल्‍न बाक्‍बाक्‍मा बाक्‍त।
ACT 4:22 साशो मुर चहिं ४० बर्स लाक्‍शो बाक्‍माक्‍त। मोपतीके मेको कली साशो तशा, नेल्‍ल छक लाक्‍मा बाक्‍त।
ACT 4:23 मिनु पत्रुस नु यूहन्‍ना प्रोंइचा पुंइसीशा, वारच आन कली ग्रुम्‍थ लसा बाक्‍त। मिनु सु सुमी मार मार पवा, मार मार देंमा, मेको नेल्‍ल शोव़ङसे बाक्‍त।
ACT 4:24 मिनु आस लोव़ नेंशा, नेल्‍ल थुं का पा परमप्रभु यावे कली ठेयब सेल्‍शा “परमप्रभु यावे, नेल्‍ल आन कली सासन पाइब, गे सरीङ, रागी, समुन्‍द्र नेल्‍ल सेल्‍तीनी। मिनु मेकेर बाक्‍शो मारेइ मारेइ सेल्‍तीनी। मिनु मेको आन कली कोव़नीनी।
ACT 4:25 साइ इन लोव़ पाइब किकी पिपी, आंइ आफ दाऊद कली इन सोक्‍त रे पा ‘अर्को रागी ङा मुरपुकी मारदे गाइक्‍नीमी, मारदे चुरनीमी? मुरपुकीमी मारदे शोर गाक्‍शो दूली मिम्‍नीमी?
ACT 4:26 परमप्रभु यावे नु आ तेल लुक्‍शो, ख्रीस्‍त आस जोरी सत्रु दुम्‍शा, रागी ङा पिपपुकी नु हुकुम पाइबपुकी थुं का दुम्‍शा बुक्‍नीम’ देंपाइक्‍तीनी। भजन संग्रह २:१-२
ACT 4:27 मोपा साइ इन पपाइश्‍शो लोव़ सिनाक्‍त मुलाक्‍त गाम्‍ना गाम्‍न पित। मारदे हना इन सोइश्‍शो, इन गेय पाइब येसु, आ जोरी सत्रु आंइ मिक्‍चीमी ताइतक। पिप हेरोद का, पन्‍तीयस पिलातस का, अर्को रागी ङा मुर नु इस्राएल ङा मुर नेल्‍ल गारशा, आंइ सहरमी बुक्‍शो ताइतक। लूका २३:१२
ACT 4:28 मेकोपुकीमी इन देंशो ङा लाक्‍शा मारेइ पने मचबेम। इन देंशो ला पने चाप्‍तेक्‍म। प्रेरित २:२३
ACT 4:29 परमप्रभु, मेकोपुकीमी हिंच कोंइताक्‍म हना यो, महिंथु ठेयब थुं पा इन लोव़ शेंतीक सक्ति तकल, दे पुंइनीकी। एफिसी ६:१९
ACT 4:30 परमप्रभु यावे, इन गेय पाइब येसु आ नें ब्रशा, सापाइक्‍तीक गेय, छक लाक्‍चा ङा गेय नु चिन्‍ड कोंइने चाप्‍कल, दे पुंइनीकी” दे प्रभु कली ठेयब सेल्‍शा पुन्‍मे बाक्‍त।
ACT 4:31 मोदेंशो प्रार्थना पने थुम्‍मे चोटीन ख्रिनु कुशो खोदेंशो पा आन बुक्‍शा बाक्‍तीके एर ओंथ नेल्‍ल हिम्‍से बाक्‍त। मिनु नेल्‍ले परमप्रभु यावे आ सोक्‍तीम प्रिंचा पुंइसमा बाक्‍त। मिनु महिंथु ठेयब थुं पा परमप्रभु आ लोव़ शेंना शेंन गाक्‍बाक्‍मा बाक्‍त।
ACT 4:32 मिनु थमा सुइक्‍ब आन थुं नेल्‍ल कांइचीक दुम्‍शा, मेकोपुकी नु बाक्‍शो मारेइ मारेइ नेल्‍ल इं के मिम्‍बाक्‍मा बाक्‍त। सुइमी यो आं के, इं के मदेंबाक्‍मा बाक्‍त। प्रेरित २:४४
ACT 4:33 मिनु येसु आ सोइश्‍शोपुकीमी सक्ति पाइश्‍शो लोव़ पा प्रभु येसु बेक्‍शो रे सेंचा पुंइसाक्‍व, दे नेंपाइक्‍बाक्‍मा बाक्‍त। मेको नेल्‍ल शुश आसीक तामे बाक्‍त। प्रेरित २:४७
ACT 4:34 मोपतीके श्‍येत जाइब का यो मबाक्‍मा बाक्‍त। मारदे हना रू खिं थीबपुकीमी रू खिं का निक्‍शी लेयशा, क्‍येट चाक्‍शा, प्रेरित २:४५
ACT 4:35 मेको १२ जना सोइश्‍शो आन कली गेशा, सु सु कली माल्‍मा, मेको आन कली योक्‍शा गेचा नमी, दे गेबाक्‍मा बाक्‍त। मिनु मेकोपुकीमी योक्‍बाक्‍मा बाक्‍त।
ACT 4:36 मोदेंशो गेब का चहिं योसेफ माइश्‍शो मुर का बाक्‍माक्‍त। मेको योसेफ साइप्रस रागीमी जरमेशो लेवी आ थर ङा बाक्‍माक्‍त। सोइश्‍शोपुकीमी योसेफ आ याइनी नें बारनाबास वोइश्‍शो बाक्‍मा बाक्‍त। बारनाबास देंशो “आन थुं ग्‍येत्‍थ लुक्‍च दुम्‍शो मुर आन कली आन थुं नाइक्‍पाइक्‍ब” दे रुम्‍सीब। प्रेरित ११:२२-२६; प्रेरित १२:२५; प्रेरित १५:२; गलाती २:१कलस्‍सी ४:१०
ACT 4:37 मेको बारनाबासमी रू का लेयशा क्‍येट चाक्‍शा, सोइश्‍शो आन गुइमी गेवा बाक्‍त।
ACT 5:1 मिनु हनानीया नु आ मीश सफीरामी यो आस रू का लेयङसे बाक्‍त।
ACT 5:2 मिनु क्‍येट ताक्‍शा, इच्‍का गो वोंइसीस, लीशो चहिं नेल्‍ल ओशो ला, दे सोइश्‍शो आन कली गेचा, दे लोव़सी गारपदसे बाक्‍त। मिनु मोपा मेको लीशो क्‍येट हनानीयामी चोव़दीम्‍माक्‍त। प्रेरित ६:३४-३७
ACT 5:3 मिनु सोइश्‍शो आन बाक्‍तीके जाक्‍दीश्‍शा, क्‍येट गेवानु, पत्रुसमी “हनानीया, मारदे गे इ थुंम सैतान ओव़चा गेशा, परमप्रभु यावे आ सोक्‍त कली जोल पवी? रू लेयशो क्‍येट नेल्‍ल ओशो ला बाक्‍ब, दे मारदे इच्‍का ख्रुइश्‍शा वोदी?
ACT 5:4 मेको रू मलेयसी नु इस केन बाक्‍त। लेयसी नोले मेक रे जाक्‍शो क्‍येट यो इस केन बाक्‍त। मिनु मारदे जोल पसी? गे आंइ कली जोल मपसी, तन्‍न परमप्रभु यावे कली जोल पाइतीसी” दे मदा बाक्‍त।
ACT 5:5 मिनु हनानीयामी पत्रुस आ देंशो नेंशा, दिङ गोल्‍शा बेक्‍माक्‍त। मिनु मुरपुकीमी मेको लोव़ नेंशा, शुश हिंमा बाक्‍त।
ACT 5:6 मेकेर खुम्‍सीशो ठिटापुकीमी आ बेक्‍शो रां लाइश्‍शा थिम्‍मे बाक्‍त।
ACT 5:7 मिनु हेररा घन्‍टा सां नोले हनानीया आ मीशेमी आ वोंइश बेक्‍त, दे मतुइक्‍थु, मेकेर जाक्‍माक्‍त।
ACT 5:8 मिनु पत्रुसमी “इस रू ओशोमीन लेयसी? लो, देनो” देंमेनु “ओशोमीन लेयतस्‍कु” देंमाक्‍त।
ACT 5:9 मिनु पत्रुसमी “गे निक्‍शी गारशा, मोदेंशो पा परमप्रभु यावे आ सोक्‍त कली जोल पचा दुम्‍बा? इ वोंइश कली थिम्‍थ लाइबपुकी लेश्‍शा जाक्‍चाम्‍तेक्‍म। इच्‍ची ना इ कली यो लाइश्‍शा थिम्‍नीम” देंमेनु, मीश मुर यो दिङ गोल्‍शा बेक्‍माक्‍त।
ACT 5:10 मिनु ठिटापुकी जाक्‍शा कोव़ङमेनु, सफीरा यो बेक्‍शो तामे बाक्‍त। मिनु लाइश्‍शा आ वोंइश थिम्‍तीके आ नेक्‍था थिम्‍मे बाक्‍त।
ACT 5:11 मिनु थमा सुइश्‍शा बुक्‍‍बपुकी नु मेको लोव़ नेंब नेल्‍लेमी “मो देंशो हेंथे पा जोल पचा मदुम्‍बाक्‍माक्‍त” दे तुइश्‍शा, शुश हिंमा बाक्‍त।
ACT 5:12 मिनु सोइश्‍शोपुकीमी मुर आन दातेमी शुश चिन्‍ड नु छक लाक्‍चा ङा गेय पाम्‍तेक्‍म। मेको नेल्‍ल सोलोमन नें वोइश्‍शो थाम पाइश्‍शो ठेयब कोठाम बाक्‍बाक्‍मा बाक्‍त। प्रेरित ३:११
ACT 5:13 थमा मसुइक्‍बपुकी मेकोपुकी नु काथा गाक्‍चा बाक्‍चा हिंशा, मेको आन कली ठेयब सेल्‍शा, आन पर्बम रिम्‍शो लोव़ ला पाइबाक्‍मा बाक्‍त।
ACT 5:14 मिनु वोंइश मुर नु मीश मुर शुशेमी प्रभु कली थमा सुइक्‍ब दुम्‍शा, तेम्‍सीन सीन शुश बारना बारन लमा बाक्‍त। प्रेरित २:४७
ACT 5:15 सोइश्‍शोपुकीमी शुश छक लाक्‍चा ङा गेय पशो तशा, मुरपुकीमी रोइ पाइब आन कली चाक्‍शा, लां पित्‍थ इप्‍पाइश्‍शा, वोइक्‍बाक्‍मा बाक्‍त। मारदे हना पत्रुस मेको लां गाक्‍मेनु, आ वांकुम योइश्‍शा साब, दे मिम्‍शा मो पाइबाक्‍मा बाक्‍त। प्रेरित १९:११-१२
ACT 5:16 यरूसलेम एर ओंथ सहर ङा रोइ पशो नु वोलम तशो मुर शुश आन कली चाक्‍बाक्‍मा बाक्‍त। मेकोपुकी यो नेल्‍ल साशा लाइबाक्‍मा बाक्‍त।
ACT 5:17 सोइश्‍शोपुकीमी मोदेंशो छक लाक्‍चा ङा गेय पशो तशा, ठेयब चढ़ेब नु सदुकी आन थुंम गेहे पामे बाक्‍त। प्रेरित ४:१,६
ACT 5:18 मिनु सोइश्‍शो आन कली ग्‍याइक्‍पा लाइश्‍शा, जेल्‍खानमी चोक्‍पदमे बाक्‍त।
ACT 5:19 मिनु मेको नाक्‍दो परमप्रभु यावे आ स्‍वर्ग ङा गेय पाइब कामी लाप्‍चो रोक्‍शा, मेको आन कली ग्रुंइदीमी बाक्‍त। प्रेरित १२:७
ACT 5:20 मिनु ग्रुंइशा “परमप्रभु यावे आ खिं लशा, मुर आन कली येसु आ नेंमी ब्रोंइतीक लां आ पर्बम शेंदीने” दे सोइक्‍तीमी बाक्‍त।
ACT 5:21 मेको लोव़ टिशा, सुनी कना परमप्रभु यावे आ खिं जाक्‍दीश्‍शा, ओव़शा शेंचा गोव़मे बाक्‍त। मेको लोव़ टिशा, सुनी कना परमप्रभु यावे आ खिं जाक्‍दीश्‍शा, ओव़शा शेंचा गोव़मे बाक्‍त। मिनु ठेयब चढ़ेब, मेको नु बाक्‍बपुकी, इस्राएली आन जोक्‍ब तुइक्‍ब खाल्‍पापुकी खुम्‍सीशा “सिनाक्‍त चोक्‍पाइश्‍शो आन कली चाक्‍चा” दे जेल्‍खान सोइक्‍तमे बाक्‍त।
ACT 5:22 मिनु गेय पाइबपुकी लशा कोव़ङमेनु, मेको चोक्‍चा पुंइसीशोपुकी मथिदमे बाक्‍त। मिनु लेश्‍शा जाक्‍शा, देंमा बाक्‍त।
ACT 5:23 मेकोपुकीमी “जेल्‍खानमी जाक्‍दी‍कानु, खाल पाइब बाक्‍तेक्‍म। लाप्‍चो नेल्‍ल चोक्‍स ङा चोक्‍स बाक्‍तेक्‍म। मिनु आगा कोव़शोनु, इन माल्‍शो मुरपुकी चहिं मबाक्‍म” देंमा बाक्‍त।
ACT 5:24 मिनु परमप्रभु यावे आ खिं ङा कप्‍तान नु ठेयब चढ़ेबपुकीमी मेको लोव़ नेंशा “ते लमा, दोपा ओदेंशो दुम्‍मे?” दे छक लाक्‍शा, मुल मार पचा, दे मिम्‍ने मचाप्‍मे बाक्‍त।
ACT 5:25 मिनु मुर का जाक्‍शा “सिनाक्‍त गेपुकीमी जेल्‍खानमी चोक्‍पाइश्‍शो मुरपुकीमी परमप्रभु यावे आ खिंमी मुर आन कली शेंना शेंन बाक्‍नीम” देंमाक्‍त।
ACT 5:26 मिनु कप्‍तान नु गेय पाइबपुकी परमप्रभु यावे आ खिं लशा, सोइश्‍शो आन कली मारेइ मपथु, चाक्‍ग्‍मे बाक्‍त। “मारदे हना मरिम्‍शो पाइ‍तय हना, मुरपुकीमी इं कली फुल्‍लु आप्‍शा साइक्‍नीम” दे हिंमा बाक्‍त।
ACT 5:27 मिनु कछडीम चाक्‍शा, आन ङोंइती राप्‍पाइक्‍मी बाक्‍त।
ACT 5:28 मिनु ठेयब चढ़ेबमी “येसु आ नें मशेंचा, मुर आन कली मतुइक्‍पाइक्‍चा देंतक। गेपुकीमी चहिं यरूसलेम नेल्‍ल मेको लोव़ फ्रनी बाक्‍त। लोव़ फ्रशो ला ममाइ। मेको येसु कली गोपुकीमी साइश्‍शो, दे आंइ कली दोस गेनी बाक्‍त” दे हुइक्‍तीमी बाक्‍त। प्रेरित ४:१८; मत्ती २७:२५
ACT 5:29 मिनु पत्रुस नु येसु आ सोइश्‍शो नेल्‍लेमी “गोपुकीमी मुर आन लोव़ क्‍येङा परमप्रभु यावे आ लोव़ टिचा, दे थुं फ्रेंताक्‍क। प्रेरित ४:१९; दानीएल ३:१७-१८
ACT 5:30 इं किकी पिपी आन परमप्रभु यावेमी गेपुकीमी शीम केप्‍शा, कांटी थोक्‍शा क्‍याइश्‍शा साइक्‍पाइश्‍शो येसु कली बेक्‍शो रे सेंताक्‍व। प्रेरित ३:१५
ACT 5:31 परमप्रभु यावेमी इस्राएली आन थुं आ गे लेप्‍पाइक्‍ब, लां कोंइब कली नु पाप रे प्रोंइब सेल्‍शा, आ ग्‍युरा गे निप्‍पाइक्‍तु। प्रेरित २:३३
ACT 5:32 मेको नेल्‍ल आंइ मिक्‍चीमी ताइतक। आ देंशो टीब आन कली परमप्रभु यावेमी आ सोक्‍त गेब। मिनु परमप्रभु यावे आ सोक्‍तीमी ‘मेको लोव़ नेल्‍ल थमा बाक्‍ब’ दे तुइक्‍पाइक्‍ब, दे तुइक्‍तीने” देंमा बाक्‍त। लूका २४:४८; यूहन्‍ना १५:२६-२७
ACT 5:33 मोदेंशो लोव़ पशो नेंशा, गाइश्‍शा “मेको आन कली मसाइक्‍थु मप्रोंइचा नमी” देंमा बाक्‍त।
ACT 5:34 मिनु मेको आन दातेमी गमालीएल माइश्‍शो फरिसी का बाक्‍माक्‍त। मेको निसाफ पतीक आ पर्बम शेंब बाक्‍माक्‍त। मुर नेल्‍लेमी मेको कली मान पाइबाक्‍मा बाक्‍त। मिनु गमालीएलमी मेकेर बाक्‍ब आन कली मोपा गाइश्‍शो तशा, सोइश्‍शो आन कली लाङगा ग्रुंइशा वोइक्‍मी बाक्‍त। प्रेरित २२:३
ACT 5:35 मिनु कछडीम बाक्‍ब आन दातेमी राप्‍शा, मेको आन कली “आं लोक्‍ब इस्राएलीपुकी, मेको मुर आन कली मार पचा चिक्‍तीनी, मेको होस पा पने। मोपतीके आं लोव़ का निक्‍शी नेनीने।
ACT 5:36 साइ थुदास माइश्‍शो आ पर्बम गो नेल्‍लेमी तुइक्‍ताक्‍य। मेकोमी ठेयब सेल्‍सीशा, ४ सहे मुर आन कली आ नोले खोइक्‍ब सेल्‍तु। मिनु थुदास साइक्‍चा पुंइसाक्‍व। मिनु आ नोले खोइक्‍ब नेल्‍ल ब्राशा गाक्‍तेक्‍म। मिनु मेको आन लोव़सी जाम्‍शा लत।
ACT 5:37 मेको नोले मुर आन कली हिक्‍तीक बर्समी गालील ङा यहूदा माइश्‍शो मुर का बोक्‍माक्‍त। मेकोमी यो आ नोले खोइक्‍ब मुर सेला बाक्‍त। मेको यो जाम्‍शा लमाक्‍त। मिनु आ नोले खोइक्‍ब नेल्‍ल ब्राशा गाक्‍मा बाक्‍त।
ACT 5:38 मोपतीके मेको येसु माइश्‍शो आ नोले खोइक्‍ब आन कली मारेइ मपाइय्‍य। मो प्रोंइशा सोइक्‍तय। मेको आन लोव़ मुरुमी मिम्‍शो लोव़ बाक्‍त हना, मारेइ मदुम्‍थु जाम्‍शा लाइब। मत्ती १५:३३
ACT 5:39 परमप्रभु यावे आ पशो बाक्‍त हना चहिं, गेपुकीमी तेक्‍शा यो मतेक्‍सीब। मेको ला ममाइ। गेपुकी परमप्रभु यावे कली मरिम्‍शो पाइब दुम्‍नीनी” दे माइक्‍मी बाक्‍त।
ACT 5:40 मिनु गमालीएल आ लोव़ नेंशा, बिस्‍समा बाक्‍त। मिनु लाङगाम सोइश्‍शो आन कली खिं गा ब्रेश्‍शा, का का पा युक्‍पदमे बाक्‍त। मिनु “मुल ङा मेरे येसु आ नेंमी शेंशा मगाक्‍कीने” दे प्रोंइशा सोइक्‍तमे बाक्‍त। मत्ती १०:१७
ACT 5:41 मिनु सोइश्‍शोपुकी ग्‍येरसीशा, मेकेर रे लमा बाक्‍त। मारदे हना “येसु आ नेंमी श्‍येत जचा रिम्‍शो दुम्‍ब” देंमा बाक्‍त। मत्ती ५:१०-१२; १पत्रुस ४:१३
ACT 5:42 मिनु नाक्‍त किंत किंत परमप्रभु यावे आ खिंमी, आंम आन खिं खिंमी खुम्‍सीशा “येसु परमप्रभु यावे आ सोइश्‍शो ख्रीस्‍त बाक्‍ब” दे शेंना शेंन बाक्‍बाक्‍मा बाक्‍त।
ACT 6:1 मेना थमा सुइक्‍बपुकी शुश बारना बारन लमा बाक्‍त। ग्रीक लोव़ नु हिब्रू लोव़ पाइबपुकीमी गन गन पाम्‍तेक्‍म। मारदे हना नाक्‍त किंत किंत योक्‍तीक जचा थोव़क मेको आन वोंइश बेक्‍शो मीश मुरपुकीमी ठीक पा मताइबाक्‍तेक्‍म। ग्रीक लोव़ नु हिब्रू लोव़ पाइबपुकी यहूदी बाक्‍तेक्‍म। प्रेरित ४:३८
ACT 6:2 मेको लोव़ नेंशा सोइश्‍शोपुकीमी थमा सुइक्‍ब नेल्‍ल आन कली ब्रेश्‍शा “आंइ लोक्‍बपुकी, गो परमप्रभु यावे आ लोव़ शेंचा प्रोंइशा, जचा फेक्‍चा योक्‍शा गाक्‍चा आंइ गेय ममाइ।
ACT 6:3 मोपतीके मेको योक्‍चा कली मुरपुकी वोइक्‍चा माल्‍नय। दोदेंशो मुर माल्‍नय देंशा हना, मुरपुकीमी हिक्‍शो, परमप्रभु यावे आ सोक्‍तीमी ब्रीशो नु जोक्‍ब तुइक्‍ब ७ जना गेय पाइब मुर योव़चा माल्‍नय। १तिमोथी ३:८-१०
ACT 6:4 गो चहिं परमप्रभु कली प्रार्थना पना पन शेंथ गाक्‍चा माल्‍नय” देंमा बाक्‍त।
ACT 6:5 सोइश्‍शो आन लोव़ नेंशा नेल्‍ल आन थुं नुशा, ७ जना मुर आन कली योव़चा बिस्‍समा बाक्‍त। मिनु सु सु आन कली योव़ङमे बाक्‍त देंशा हना, रिम्‍शो थमा सुइक्‍ब परमप्रभु यावे आ सोक्‍तीम ब्रीशो स्‍तीफानस, फिलीप, प्रोकोरस, निकानोर, तीमोन, परमीनास नु एन्‍टीओक ङा निकोलाउस आन कली योव़ङमे बाक्‍त। निकोलाउस चहिं अर्को रागी ङा मुर बाक्‍शा यो यहूदी दुम्‍शो बाक्‍माक्‍त। प्रेरित ८:५
ACT 6:6 मिनु योव़शो आन कली सोइश्‍शो आन ङोंइती राप्‍पदमे बाक्‍त। मिनु सोइश्‍शोपुकीमी योव़शो आन तारी आन गुइ वोइश्‍शा, मेको आन पर्बम परमप्रभु कली पुन्‍मे बाक्‍त। प्रेरित १:२४; प्रेरित १३:३; प्रेरित १४:२३
ACT 6:7 मिनु परमप्रभु यावे आ लोव़ तेइ तेइ बारना बारन ल‍माक्‍त। यरूसलेममी शुश मुर येसु ख्रीस्‍त कली थमा सुइक्‍ब दुम्‍शा, तेम्‍सीन सीन बारना बारन लमा बाक्‍त। चढ़ेब शुश यो थमा सुइक्‍ब दुम्‍मा बाक्‍त। प्रेरित २:४७; प्रेरित १९:२०
ACT 6:8 मिनु स्‍तीफानस चहिं परमप्रभुमी शुश शिशी नु सक्ति गेचा पुंइसीशो बाक्‍माक्‍त। मोपतीके मुर आन कली शुश चिन्‍ड नु छक लाक्‍चा ङा गेय नु चिनु कोंइशा बाक्‍बाक्‍माक्‍त।
ACT 6:9 मिनु लिबेरती माइश्‍शो ग्रुम्‍तीक खिं नु साइरेनी, अलेकजेन्‍द्रीया, सिलीसीया नु एसीया रे जाक्‍शो शेंबपुकीमी स्‍तीफानस नु जिशो बाक्‍तेक्‍म।
ACT 6:10 तन्‍न स्‍तीफानस परमप्रभु यावे आ सोक्‍तीम ब्रीशा जोक्‍शो तुइश्‍शो ब्‍वाक्‍मेनु, सुइमी ग्राने मचाप्‍मे बाक्‍त। लूका २१:१५
ACT 6:11 मोपा ग्राने मचाप्‍तीके सुइ आन मतुइक्‍थु, मुर आन कली पोक्‍शा “मेकोमी इं किकी पिपी मोसा नु परमप्रभु यावे आ पर्बम हेंथे नु ग्रांग्रा दिशो लोव़ पशो नेंतक” दे जोल पा लोव़ ब्रपदमे बाक्‍त। मत्ती २६:६०-६६
ACT 6:12 मोदेंशो जोल लोव़ पाइब मुर, यहूदी आन जोक्‍ब तुइक्‍ब खाल्‍पा नु सास्‍त्री आन कली पोक्‍गमे बाक्‍त। मेको लोव़ पा ब्रुइबपुकीमी स्‍तीफसनस कली ग्‍याइश्‍शा, कछरीम राप्‍पदमे बाक्‍त।
ACT 6:13 मिनु जोल पा सांकछी वोइश्‍शा, मेको आन कली “एको मुरुमी परमप्रभु यावे आ खिं नु परमप्रभु यावे आ अरेशो लोव़ आ पर्बम शुक्‍शी पा हेंथे लोव़ पाइब। येरमीया २६:९,११
ACT 6:14 मेको नासरथ ङा येसुमी परमप्रभु यावे आ खिं प्रेप्‍ब। मोसामी गेशो पतीके लोव़ प्रोंइशा, नक पतीक वोइक्‍ब, देंशो आंइ नोफामी नेंतक” दे ब्‍वाक्‍पदमे बाक्‍त। यूहन्‍ना २:१९
ACT 6:15 कछडीम बाक्‍बपुकीमी स्‍तीफानस गे कोव़ङमेनु, आ कुल परमप्रभु यावे आ स्‍वर्ग ङा गेय पाइब आन कुल खोदेंशो पा महिंथु बाक्‍शो तामे बाक्‍त। मिनु कोव़स ङा कोव़स दुम्‍मा बाक्‍त।
ACT 7:1 मिनु ठेयब चढ़ेबमी “एको आन देंशो लोव़ थमा देय जोल, लो देनो” देंमेनु,
ACT 7:2 स्‍तीफानसमी “आं आफ, बाजे नु आं लोक्‍बपुकी, गो लोव़ का निक्‍शी पाइनुङ। दोपा छेङछेङ नु सक्ति पाइश्‍शो परमप्रभु यावेमी इं किकी पिपी अब्राहाम कली तपांइसे, गो मेको नेल्‍लेमी तुइक्‍नय। उत्‍पत्ती ११:- ५०:-; यहोसु २४:३२
ACT 7:3 हारान जाक्‍दीत्‍चा क्‍येङा ङोंइती अब्राहाम मेसोपोटामीया रागीम बाक्‍शो बाक्‍माक्‍त। मेकेर बाक्‍मेनु, परमप्रभु यावेमी ‘इ रागी नु इ खिं ङा मुर प्रोंइशा लावो। ते लशा बाक्‍चा माल्‍नेवे, नोले तुइक्‍पाइक्‍नन’ दे माइश्‍शो बाक्‍माक्‍त।
ACT 7:4 मिनु अब्राहाम कल्‍दी आन रागी प्रोंइशा, हारान सहर जाक्‍दीश्‍शा बाक्‍माक्‍त। मिनु आ आफ बेक्‍म नोले परमप्रभुमी अब्राहाम कली हारान रे मुल इं बाक्‍शो रागीमी चाक्‍गा बाक्‍त।
ACT 7:5 मेना परमप्रभु यावेमी अब्राहाम कली खोइल थेक्‍तीक रागी यो मगेशो बाक्‍माक्‍त। तन्‍न ‘एको रागी इ चच युइ आन कली गेनुङमी’ दे लोव़ पशो बाक्‍माक्‍त। मेना अब्राहाममी तमी तौ काइ यो मथिशो बाक्‍माक्‍त।
ACT 7:6 मिनु परमप्रभु यावेमी ‘नोले इ चच युइ मुर आन रागीमी लाइनीमी। मेको रागी ङा मुरपुकीमी इ मुर आन कली वाइलीम वाइल सेल्‍शा, ४ सहे बर्स सम्‍म श्‍येत गेशा वोइक्‍नीम। उत्पत्ती १५:१३-१४; प्रस्‍थान १२:४०
ACT 7:7 तन्‍न गो मेको श्‍येत गेब आन कली सजाइ गेनुङमी। इ चच युइ चहिं मेको रागी प्रोंइशा एक लेश्‍शा जाक्‍शा, आं कली ठेयब सेल्‍शा मानेनीम’ दे परमप्रभुमी अब्राहाम कली नोले दुम्‍ब लोव़ तुइक्‍पदा बाक्‍त।
ACT 7:8 मिनु नोले परमप्रभुमी अब्राहाम कली ख्रोइक्‍तीक चिनु ङा कबल गेवा बाक्‍त। मिनु अब्राहाममी आ तौ इसहाक थिशो, ८ नाक्‍त दुम्‍मेनु, मेको कली ख्रोइक्‍तीक चिनु ख्रोदा बाक्‍त। इसहाक याकूब आ आफ दुम्‍माक्‍त। मिनु याकूब आ १२ जना तौ आन आफ दुम्‍माक्‍त। मिनु मेको १२ जना तौ इं यहूदी १२ थर दुम्‍मा बाक्‍त।
ACT 7:9 मिनु याकूब आ तौ आन लोक्‍ब योसेफ कली गेहे पा, मेको कली इजीप्‍त रागी ङा मुर आन कली लेयङमे बाक्‍त। तन्‍न परमप्रभु यावेमी मेको कली कोव़शो बाक्‍माक्‍त।
ACT 7:10 मिनु आ श्‍येत रे प्रोंइबाक्‍माक्‍त। मिनु योसेफ इजीप्‍त रागी ङा पिप फाराओ आं ङोंइती जाक्‍मेनु, मेकोमी आ जोक्‍तीक तुइक्‍तीक थुं तशा, योसेफ कली शुश दाक्‍शो बाक्‍माक्‍त। मिनु पिप फाराओम योसेफ कली आ रागी ङा ठेयब मुर सेला बाक्‍त।
ACT 7:11 मिनु इजीप्‍त नु कनान रागीमी ठेयब अन्‍काल दुम्‍तीके, मुरपुकीमी जचा मतामे बाक्‍त। इं किकी पिपीमी यो जचा मतामे बाक्‍त।
ACT 7:12 इजीप्‍तमी अन्‍न ग्‍याप्‍चा तांइसीब देंशो नेंशा, याकूबमी आ तौ आन कली इजीप्‍त सोइक्‍तीमी बाक्‍त।
ACT 7:13 मिनु ग्‍याप्‍शा चाक्‍ग्‍मेनु, मजाक्‍दीत्‍थु, लेंशा सोइक्‍तीमी बाक्‍त। मोपा लमानु, योसेफमी आ लोक्‍ब आन कली ‘गो इन लोक्‍ब योसेफ नङ’ दे तुइक्‍पपांइसे बाक्‍त। में ङा मेरे फाराओमी मेकोपुकी योसेफ आ मुर बाक्‍मा बाक्‍त, दे तुइक्‍ता बाक्‍त।
ACT 7:14 मिनु योसेफमी आ आफ, आ लोक्‍बपुकी आ खिं ङा मुर नेल्‍ल आन कली इजीप्‍त रागी जाक्‍शा बाक्‍कीन, दे ब्रथ सोइक्‍तीमी बाक्‍त। मेको नेल्‍ल ७५ जना बाक्‍मा बाक्‍त।
ACT 7:15 मिनु याकूब इजीप्‍त जाक्‍दीश्‍शा, शुश बर्स बाक्‍शा, मेकेर उइ बेक्‍माक्‍त। नोले इं किकी पिपी याकूब आ तौ यो मेकेर बेक्‍मा बाक्‍त।
ACT 7:16 इजीप्‍तमी बेक्‍तेक्‍म हना यो, आन बेक्‍शो रां शेकेम सहर लाइश्‍शा थिम्‍मे बाक्‍त। अब्राहाममी शेकेम सहरम मेको थिम्‍तीके रू हमोर आ तौपुकी रे चांदी गेशा, ग्‍याप्‍शो बाक्‍माक्‍त।
ACT 7:17 मिनु परमप्रभु यावेमी अब्राहाम कली गेशो लोव़ जाक्‍दीम्‍माक्‍त। मोपतीके इजीप्‍त रागीमी इं मुर बारना बारन लशा, शुश दुम्‍मा बाक्‍त। प्रस्‍थान १:-३:-
ACT 7:18 मिनु इजीप्‍त रागीमी अर्को पिप दुम्‍माक्‍त। मेको योसेफ नु आ खिं ङा मुर आन कली मतुइक्‍ब बाक्‍माक्‍त।
ACT 7:19 मेको पिपीमी इं मुर आन कली शिशी मपथु, शुश श्‍येत गेवा बाक्‍त। आल थीब आन कली यो आन आल थुल्‍चा मगेथु ताइक्‍पदा बाक्‍त।
ACT 7:20 मेना मोसा जरमेसे बाक्‍त। मेको परमप्रभु यावे आ ङोंइती थम दारशो आल बाक्‍त। मोपतीके आम आफोमी मेको कली महिना सां सम्‍म आस खिंमी ख्रुइश्‍शा थुल्‍से बाक्‍त।
ACT 7:21 महिना सां नोले आल कली प्रोन्‍से बाक्‍त। मिनु फाराओ आ तमीमी मेको आल कली थिश्‍शा लाइश्‍शा, आ तौ सेला बाक्‍त।
ACT 7:22 मिनु पिप बाक्‍तीक खिंमी बाक्‍मेनु, इजीप्‍त रागी ङा ठेयब मुर आन जोक्‍शो तुइश्‍शो आं यो नेल्‍ल जोक्‍ब तुइक्‍ब दुम्‍माक्‍त। मिनु मोसा आ लोव़ नु आ गेय नेल्‍ल सक्ति पाइश्‍शो दुम्‍माक्‍त।
ACT 7:23 मिनु मोसा ४० बर्स दुम्‍मेनु, आ लोक्‍ब इस्राएली आन कली ग्रुम्‍चा थुं पवा बाक्‍त।
ACT 7:24 मिनु काबु ग्रुम्‍थ लमेनु, इजीप्‍त ङा मुरुमी इस्राएली कली तुप्‍शो तशा, मोसामी इस्राएली कली प्रोंइशा, इजीप्‍ती कली तुप्‍शा सदा बाक्‍त।
ACT 7:25 मोसामी ‘परमप्रभुमी आं कली आं लोक्‍ब आन कली श्‍येत रे प्रोंइब सेल्‍ती’ आं लोक्‍बपुकीमी एको आंइ कली श्‍येत रे प्रोंइब बाक्‍माक्‍त, दे रुप्‍शा, आं कली ब्राइनीम, दे मिम्‍शो बाक्‍माक्‍त। आ लोक्‍बपुकीमी चहिं मेको काइ मरुप्‍शो बाक्‍मा बाक्‍त।
ACT 7:26 मिनु आ दीसा मोसा लेंशा मेक जाक्‍दीम्‍मेनु, इस्राएली निक्‍शी आस कली जिशो तवा बाक्‍त। मिनु मेको आस कली ‘गे निक्‍शी, वोबु दुम्‍शा यो जिनीसी?’ देंमाक्‍त।
ACT 7:27 मिनु मरिम्‍शो पाइबमी गाइश्‍शा मोसा कली ‘गो आंस कली हुकुम नु निसाफ पाइब सुम सेले? प्रस्‍थान २:१४
ACT 7:28 सिनाक्‍त एकेर इजीप्‍ती कली साइश्‍शो खोदेंशो पा आं कली सदु, देने?’ दे नेप्‍ता बाक्‍त।
ACT 7:29 मेको लोव़ नेंशा, मोसा इजीप्‍त रागी रे प्रोक्‍शा, मिदयान रागीम जाक्‍दीम्‍माक्‍त। मेकेर जाक्‍दीश्‍शा बाक्‍मेनु, तौ निक्‍शी थिमाक्‍त। प्रस्‍थान १८:३-४
ACT 7:30 मिदयान जाक्‍दीश्‍शा, बाक्‍शो ४० बर्स दुम्‍माक्‍त। मिनु काबु सीनै डांडा ङा गोरशो रागीमी बाक्‍मेनु, परमप्रभु यावे आ स्‍वर्ग ङा गेय पाइब कामी ब्रशो बुटा कोंइदा बाक्‍त।
ACT 7:31 मोसामी मोपा ब्रशो तशा छक लाक्‍शा, ओदेंशो मार ब्रमे, दे आ नेक्‍था लशा कोव़ङा बाक्‍त। मिनु नेक्‍था जाक्‍दीश्‍शा कोव़ङानु, परमप्रभु आ लोव़ नेंना बाक्‍त। प्रस्‍थान ३:५-१०
ACT 7:32 ‘गो इन किकी पिपी आन परमप्रभु यावे नङ। गो अब्राहाम, इसहाक नु याकूब आन परमप्रभु यावे नङ’ देंशो नेंशा हिंशा, ख्रिंख्रि पा बुटा गे यो कोव़ने मचबा बाक्‍त।
ACT 7:33 मिनु परमप्रभु यावेमी ‘इ थेक्‍शा राप्‍शा बाक्‍तीके आं बाक्‍‍तीक बाक्‍ब। मोपतीके इ जुत्ता प्रुइश्‍शा, आं लोव़ नेनो।
ACT 7:34 इजीप्‍त रागीम बाक्‍ब आं मुरपुकीमी शुश श्‍येत जाम्‍तेक्‍म, दे तुइक्‍ताक्‍ङ। आन श्‍येत ताता। मिनु आन ङाक्‍शो यो नेंता। मिनु आं मुर आन कली मोदेंशो श्‍येत रे प्रोंइपाइक्‍चा दुम्‍ती, दे इ कली इजीप्‍त सोइक्‍नन’ देंशो नेना बाक्‍त।
ACT 7:35 ‘इ कली हुकुम पाइब नु निसाफ पाइब सुम सेले?’ दे खेरचा पुंइसीशो मोसा कली परमप्रभु यावेमी हुकुम पाइब नु प्रोंइब सेल्‍शा, आ स्‍वर्ग ङा गेय पाइब रे बुटाम तपांइसीशा इजीप्‍त सोइक्‍ता बाक्‍त।
ACT 7:36 मिनु शुश चिन्‍ड नु छक लाक्‍चा ङा गेय कोंइशा, इस्राएली आन कली इजीप्‍त रे ग्रुंइशा, लल समुन्‍द्र चाक्‍दीम्‍मी बाक्‍त। मेकेर यो शुश छक लाक्‍चा ङा गेय कोंइदीमी बाक्‍त। मिनु लल समुन्‍द्र शोक्‍शा ४० बर्स सम्‍म गोरशो रागीमी हिरशा गाक्‍मानु, शुश छक लाक्‍चा ङा गेय पाइबाक्‍माक्‍त। प्रस्‍थान ७:१०; प्रस्‍थान १४:२१
ACT 7:37 मेको मोसामी इस्राएली आन कली ‘आं खोदेंशो, परमप्रभु यावेमी आ लोव़ पाइब इन दाते रे का योव़शा, आ लोव़ नेंपाइक्‍ब का सेल्‍ब’ दे तुइक्‍पाइक्‍मी बाक्‍त। ब्‍यवस्‍था १८:१५
ACT 7:38 इस्राएलीपुकी गोरशो रागीमी बाक्‍मानु, आन कली लां कोंइब मेको मोसा बाक्‍माक्‍त। सीनै डांडामी परमप्रभु आ सोइश्‍शा आ गेय पाइबमी इं किकी पिपी आन कली लोव़ पवानु, मेको मोसा रे पा नेंपाइक्‍मी बाक्‍त। मेको लोव़ चहिं मजाम्‍थु गेना हना यो लीब लोव़ बाक्‍ब। मुल सम्‍म गो इं कली गारशो लोव़ बाक्‍ब, दे तुइक्‍तीने। प्रस्‍थान १९:-; ब्‍यवस्‍था ९:१०
ACT 7:39 इं किकी पिपीमी मोसा आ लोव़ मटिथु मनेंथु, मोसा कली प्रोंइशा आन थुं इजीप्‍त रागी गे हिरदमे बाक्‍त।
ACT 7:40 मिनु हारून कली ‘इं कली इजीप्‍त रागी रे एक चाक्‍ब मोसा ते लाक्‍गा? बेक्‍म कों प्रोक्‍म कों? मतुंइ‍से। मुल लां कोंइब का माल्‍ताक्‍व। मोपतीके देवता सेल्‍चा गेकी। मिनु मेको इं कली लां कोंइब दुम्‍ल’ दे पुन्‍मे बाक्‍त। प्रस्‍थान ३२:१
ACT 7:41 मिनु सुन के बाछा आ मूर्ति सेल्‍शा, मार मार क्‍योरशा जारदेमे बाक्‍त। आंम आन गुइमी सेल्‍शो मूर्ति तशा ग्‍येरसीशा, जचा तूचा सेल्‍शा ङा मिन बुक्‍शा जामे तूङमे बाक्‍त।
ACT 7:42 मेकोपुकीमी मो पशो तशा, परमप्रभु यावे गाइश्‍शा ‘मेकोपुकी नां नु तास्‍ला कली सेउ पाइब दुम्‍ल’ दे प्रोंइमी बाक्‍त। परमप्रभु यावे आ लोव़ पाइबमी ‘गे इस्राएलीपुकी, गोरशो रागीम ४० बर्स सम्‍म हिरशा गाक्‍नीनु, मार मार क्‍योरशा जारशा, आं कली चढ़ेनी ङा?
ACT 7:43 मो मपनी। गे मोलोक देवता आ ताम्‍बु कुरशा लाइक्‍तीनी। रिफन सोरुल आ मूर्ति सेल्‍शा लाइक्‍तीनी। मोपतीके इन रागी रे बेबीलोन लाइक्‍नन्‍नी’ दे ब्रेक्‍शो बाक्‍त। आमोस ५:२५-२७
ACT 7:44 इं किकी पिपी गोरशो रागीमी हिरसमानु, परमप्रभु यावे आ ताम्‍बु यो कुरशा गाक्‍मा बाक्‍त। परमप्रभु यावे आ ताम्‍बु चहिं दोपा सेल्‍चा, दे परमप्रभु यावेमी मोसा कली कोंइशो खोदेंशो पा मोसामी सेल्‍पाइश्‍शो बाक्‍माक्‍त। प्रस्‍थान २५:९
ACT 7:45 मिनु नोले इं किकी पिपी यहोसु मेको आन लां कोंइब दुम्‍शा, मेको ताम्‍बु कुरशा गाक्‍मा बाक्‍त। मिनु कनान रागीमी जाक्‍दीम्‍मानु, मेको ताम्‍बु आन ङोंइती कुरशा गाक्‍शो बाक्‍तेक्‍म। परमप्रभु यावेमी मेकेर बाक्‍ब मुर आन कली ग्राशा खेरशा, मेको रागी आन के सेल्‍शा, मेको ताम्‍बु मेकेन वोदमे बाक्‍त। मिनु पिप दाऊद आ पाला सम्‍म मेको ताम्‍बु मोदेंशोन लीमाक्‍त। यहोसु ३:१४; यहोसु १६:१
ACT 7:46 पिप दाऊद परमप्रभु यावे आ दाक्‍शो मुर बाक्‍माक्‍त। पिप दाऊदमी परमप्रभु यावे कली दाक्‍शा ‘याकूब आ परमप्रभु यावे कली खिं सेल्‍नुङ’ दे थुं पवा बाक्‍त। २सामुएल ७:१-१६; भजन संग्रह १३२:३-५
ACT 7:47 तन्‍न आ तौ सोलोमनमी परमप्रभु यावे आ खिं सेला बाक्‍त। १राजा ६:-
ACT 7:48 मिनु नेल्‍ल क्‍येङा ठेयब मुरुम सेल्‍शो खिंमी मबाक्‍ब। साइ नेसी परमप्रभु यावे आ लोव़ पाइबमी परमप्रभु यावेमी
ACT 7:49 ‘सरीङ आं नित्‍तीके बाक्‍ब। रागीम आं खोइल थेक्‍तीक बाक्‍ब। मोपतीके आं कली दोदेंशो खिं सेल्‍ने चाप्‍नीनी? गो आं नाइक्‍चा कली बाक्‍तीक मार सेल्‍ने चाप्‍नीनी?
ACT 7:50 सरीङ नु रागी नेल्‍ल आं सेल्‍शो ममाइ ङा?’ दे परमप्रभुमी देंमाक्‍त” दे लोव़ पवा बाक्‍त। यसैया ६६:१-२
ACT 7:51 “ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९
ACT 7:52 इन किकी पिपीमी मार पामे? परमप्रभु आ लोव़ पाइब सु कली श्‍येत मगेमे ङा? नेल्‍ल आन कली श्‍येत गेम्‍तेक्‍म। श्‍येत गेशा ला ममाइ। इन कली पाप रे प्रोंइब ख्रीस्‍त जाक्‍ब, दे लोव़ नेंपा गाक्‍ब आन कली साइक्‍पाइक्‍ना पाइक्‍न बाक्‍तेक्‍म। इन कली पाप रे प्रोंइब ख्रीस्‍त जाक्‍त। मिनु गेपुकीमी मेको कली यो साइक्‍पाइक्‍तीनी। २इतिहास ३६:१६; मत्ती २३:३१
ACT 7:53 परमप्रभु यावे आ स्‍वर्ग ङा गेय पाइबपुकीमी मार पचा मार मपचा, दे परमप्रभु यावे आ अरेशो लोव़ शेंसीशा योव़सीशो दुम्‍शा यो मटिनी” दे स्‍तीफानसमी हुइक्‍तीमी बाक्‍त। प्रस्‍थान २०:१-२१; गलाती ३:१९; हिब्रू २:२
ACT 7:54 स्‍तीफानसमी मोदें हुइक्‍तीमीनु, नेल्‍ल गाइश्‍शा, लल गोंगों जिशा, ख्रुइ शेप्‍शा प्रेक्‍मा बाक्‍त।
ACT 7:55 स्‍तीफानस चहिं परमप्रभु यावे आ सोक्‍तीम ब्रीशा, सरीङ गे कोव़ङा बाक्‍त। सरीङ गे कोव़ङानु, ठेयब सक्ति पाइश्‍शो नु छेङछेङ पा तांइसीशो परमप्रभु यावे कली तवा बाक्‍त। परमप्रभु आ ग्‍युरा गे रागीम जरमेशो, येसु कली यो राप्‍शा बाक्‍शो तवा बाक्‍त।
ACT 7:56 मिनु “लो कोव़ङीन, गो स्‍वर्ग रोक्‍सीशा, परमप्रभु आ ग्‍युरा गे रागीमी जरमेशो कली राप्‍शा बाक्‍शो ताता” दे माइक्‍मी बाक्‍त। लूका २२:६९
ACT 7:57 मो देंमेनु “एको आ लोव़ मनेंचा” दे शुश रेयके पा, गुइ पोक्‍शा प्रेक्‍शा ग्राम्‍शा ग्‍याइक्‍तमे बाक्‍त।
ACT 7:58 मिनु कीशा लाइश्‍शा, सहर रे ग्रुंइशा, फुल्‍लु क्रोम्‍चा गोव़मे बाक्‍त। सांकछीपुकीमी आन वा प्रुइश्‍शा, सावल नें पाइश्‍शो ठिटा का आ ङोंइती वोदमे बाक्‍त। लेवी २४:१६; प्रेरित २२:२०
ACT 7:59 मेको हुलमी स्‍तीफानस कली फुल्‍लु क्रोम्‍स ङा क्रोम्‍स पामेनु, स्‍तीफानसमी “प्रभु येसु, आं सोक्‍त ताक्‍कीन” दे पुंइदा बाक्‍त। लूका २३:४६
ACT 7:60 मिनु आ पोक्‍च थेक्‍शा ठेयब सेंदा पा “प्रभु, एको पाप एको आन कली मरल” देंशा, बेक्‍माक्‍त। लूका २३:३४
ACT 8:1 स्‍तीफानस कली साइश्‍शो तशा, सावलमी “एको कली साइक्‍चा माल्‍शो। मिनु साइश्‍शा ठीक पाइतीनी” देंमाक्‍त। स्‍तीफानस कली सादमे नाक्‍त रे यरूसलेम सहरम बाक्‍ब थमा सुइक्‍ब नेल्‍ल आन कली खेदा पा श्‍येत गेचा गोव़मे बाक्‍त। मिनु श्‍येत गेशा प्रोक्‍पदमेनु, मेकोपुकी ब्रशा गाक्‍शा, यहूदीया नु सामरीया रागीमी जाक्‍दीश्‍शा बाक्‍मा बाक्‍त। १२ जना येसु आ सोइश्‍शोपुकी ला यरूसलेम उइ बाक्‍मा बाक्‍त। प्रेरित १:८; प्रेरित ११:१९
ACT 8:2 परमप्रभु यावे कली मान पा हिंबपुकीमी स्‍तीफानस आ बेक्‍शो रां लाइश्‍शा, थिम्‍मे बाक्‍त। स्‍तीफानस कली साइश्‍शो तशा, थमा सुइक्‍ब नेल्‍ल शुश ङाक्‍मा बाक्‍त।
ACT 8:3 सावलमी चहिं “मेको आन थमा सुइश्‍शो क्‍याम्‍चा” दे खिं खिं हिरशा ओव़शा, थमा सुइक्‍ब वोंइश मुर, मीश मुर नेल्‍ल आन कली ग्‍याइक्‍पाइश्‍शा, फ्रेंशा लाइश्‍शा जेल्‍खानमी चोक्‍पाइक्‍बाक्‍माक्‍त। प्रेरित ९:१; प्रेरित २२:४; १कोरिन्‍थी १५:९
ACT 8:4 प्रोक्‍शा ब्राशा गाक्‍बपुकीमी येसु आ लोव़ तेइ तेइ शेंना शेंन गाक्‍बाक्‍मा बाक्‍त।
ACT 8:5 फिलीप सामरीया सहरमी जाक्‍दीश्‍शा, मेकेर बाक्‍ब मुर आन कली “परमप्रभु यावे आ सोइश्‍शो ख्रीस्‍त येसु बाक्‍ब” दे शेंदीमी बाक्‍त। प्रेरित ६:५
ACT 8:6 फिलीप आ शेंशो लोव़ नेंशा, आ पशो छक लाक्‍चा ङा गेय तशा, नेल्‍लेमी थम नोफा दाइश्‍शा नेन्‍मे बाक्‍त।
ACT 8:7 छक लाक्‍चा ङा गेय चहिं मार कोंइबाक्‍माक्‍त देंशा हना, वोलम तशो मुर आन कली वोल खेरशा सापाइक्‍बाक्‍माक्‍त। वोल खेरानु, वोलम तशो मुर वाइ ब्रेश्‍शा, वोल प्रोक्‍बाक्‍माक्‍त। गुइ खोइल मदुक्‍ब मुर शुश आन कली गुइ खोइल दुक्‍ब गाक्‍ब सेल्‍बाक्‍माक्‍त। मर्कूस १६:१७
ACT 8:8 मोपतीके मेको सहरमी सापाइक्‍चा पुंइसीब मुर नेल्‍ले ग्‍येरसीबाक्‍मा बाक्‍त।
ACT 8:9 मेको सहरमी सिमोन नें पाइश्‍शो मुर का बाक्‍माक्‍त। मेको ङोंइती रे सामरीया रागी ङा मुर आन कली चटक कोंइशा, ठेयब सुंइ‍सीशो बाक्‍माक्‍त।
ACT 8:10 सहर ङा मुर नेल्‍लेमी एको मुर परमप्रभु आ सक्ति तशो बाक्‍माक्‍त, दे ठेयब सेल्‍शा, मान पशो बाक्‍मा बाक्‍त।
ACT 8:11 शुश बर्स सम्‍म सिमोनमी चटक पा छक लाक्‍पाइक्‍तीके मुर नेल्‍लेमी सिमोन आ देंशो नोफा दाइश्‍शा आ पशो कोव़शा बाक्‍शो बाक्‍मा बाक्‍त।
ACT 8:12 मिनु फिलीप जाक्‍शा, मुर आन कली येसु ख्रीस्‍तमी इं कली पाप रे प्रोंइब, दे परमप्रभु यावे आ राज्‍य ङा लोव़ नु येसु ख्रीस्‍त आ पर्बम नेंपाइक्‍ना पाइक्‍न, शेंना शेंन गाक्‍मेनु, मीश मुर नु वोंइश मुर शुशेमी थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त।
ACT 8:13 शुशेमी थमा सुइश्‍शो तशा, मेको चटक पा गाक्‍ब सिमोन यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसे बाक्‍त। मिनु फिलीप कली मप्रोंइथु, काथा गाक्‍बा दुम्‍माक्‍त। फिलीपमी चिन्‍ड नु छक लाक्‍चा ङा गेय कोंइदानु, सिमोन यो छक लाक्‍बाक्‍माक्‍त।
ACT 8:14 मिनु नोले यरूसलेममी बाक्‍ब सोइश्‍शोपुकीमी “सामरीया ङा मुरपुकीमी परमप्रभु यावे आ लोव़ थमा सुइक्‍ब दुम्‍तेक्‍म” देंशो नेंशा, पत्रुस नु यूहन्‍ना आस कली सामरीया सोइक्‍तमे बाक्‍त।
ACT 8:15 मिनु मेको निक्‍शीमी “परमप्रभु यावे आ सोक्‍त थमा सुइक्‍बपुकी नु लील” दे प्रार्थना पथ जाक्‍दीस्‍सा बाक्‍त।
ACT 8:16 मारदे हना सामरीया ङा मुर सुइ आन कली परमप्रभु यावे आ सोक्‍त मगेशो बाक्‍माक्‍त। प्रभु येसु आ नेंमी ब्‍वाक्‍कुम ख्रुम्‍शा ग्रुंइचा ला पुंइसीशो बाक्‍मा बाक्‍त।
ACT 8:17 मिनु पत्रुस नु यूहन्‍नामी आस गुइ थमा सुइक्‍ब आन तारी वोइश्‍शा, मेकोपुकी परमप्रभु यावे आ सोक्‍त तामे बाक्‍त।
ACT 8:18 मिनु सिमोनमी मेको सोइश्‍शो आस गुइ थमा सुइक्‍ब आन तारी वोइश्‍शा, परमप्रभु यावे आ सोक्‍त गेशो तशा, मेको आस कली “क्‍येट गेनुङ।
ACT 8:19 मोदेंशो सक्ति गेयी। गो गुइ वोइश्‍शा, पुनुनु, परमप्रभु यावे आ सोक्‍त मुरपुकीम तामेक्‍ल” दे पुंइदा बाक्‍त।
ACT 8:20 मिनु पत्रुसमी “इ क्‍येट गे नुन जाम्‍शा लल। मारदे हना गे परमप्रभु यावे आ गेशो सक्ति क्‍येट थाप्‍शा, ग्‍याप्‍चा तांइसीब, दे मिम्‍ताक्‍‍वी।
ACT 8:21 गे मेको गेय पने मचाप्‍नेवे। मारदे हना इ थुं परमप्रभु यावे आ ङोंइती मरिम्‍शो बाक्‍ब।
ACT 8:22 गे ओदेंशो मरिम्‍शो थुं पचा प्रोंइशा, इ थुं परमप्रभु यावे गे लेत्‍तो। मिनु परमप्रभुमी इ पाप क्‍याम्‍शा गेबा कों? दे पुनो।
ACT 8:23 मुल इ थुं चोशा पापमी ब्रीशो मरिम्‍शो बाक्‍ङे बाक्‍त, दे तुइक्‍ताक्‍ङ” दे पत्रुसमी मदानु,
ACT 8:24 सिमोनमी “इन देंशो खोदेंशो मदुम्‍ल, दे आं पर्बम प्रभु कली प्रार्थना पने, हजुर” दे सेउ पवा बाक्‍त।
ACT 8:25 मिनु पत्रुस नु यूहन्‍नामी प्रभु आ लोव़ नेंपाइक्‍ने थुम्‍शा, यरूसलेम लेस्‍सानु, सामरीया ङा गाउं लांमी शुश मुर आन कली ग्‍येरपाइक्‍ब लोव़ शेंना शेंन लेस्‍सा बाक्‍त।
ACT 8:26 काबु परमप्रभु यावे आ स्‍वर्ग ङा गेय पाइब कामी फिलीप कली “छुल बोक्‍शा यरूसलेम रे गाक्‍शा, गाजा लतीक लां लावो” दे माइश्‍शा, मेको लां सोइक्‍ता बाक्‍त। मेको लां गोरशो रागी लतीक लां बाक्‍माक्‍त।
ACT 8:27 परमप्रभु यावे आ स्‍वर्ग ङा गेय पाइब आ लोव़ नेंशा, फिलीप छुल बोक्‍शा, गाजा सहर लतीक लां ल‍माक्‍त। मिनु मेको लां गाक्‍मेनु, एथीयोपीया रागी ङा मुर का यो मेको लां लना लन बाक्‍माक्‍त। मेको एथीयोपीया ङा पिपीम कान्‍दाके रे शुश अधिकार तशो, ठेयब मुर बाक्‍माक्‍त। यरूसलेममी परमप्रभु यावे कली मार मार चढ़ेने थुम्‍शा, आ रागी लेश्‍शो बाक्‍माक्‍त।
ACT 8:28 मेको बग्‍गीम बाक्‍शा, परमप्रभु यावे आ लोव़ पाइब यसैयामी ब्रेक्‍शो पढेना पढेन बाक्‍माक्‍त।
ACT 8:29 मिनु परमप्रभु यावे आ सोक्‍तीमी फिलीप कली “मिरी लन लन पाइश्‍शो बग्‍गी आ नेक्‍था लावो” दे माइक्‍तीके फिलीप दोरशा, मेक जाक्‍दीम्‍माक्‍त।
ACT 8:30 जाक्‍दीश्‍शा, ठेयब मुर कली परमप्रभु यावे आ लोव़ पाइब यसैयामी आ ब्रेक्‍शो लोव़ पढेशो नेंशा “इन पढेशो लोव़ नेल्‍ल रुप्‍‍नी?” दे हिल्‍लो पवा बाक्‍त।
ACT 8:31 मिनु ठेयब मुरुमी “सुइमी मशेंथु, दोपा रुप्‍ने चाप्‍नुङा ङा?” देंशा, फिलीप कली बग्‍गीम ङोइक्‍पाइश्‍शा निप्‍पाइश्‍शा, किताब कोंइदा बाक्‍त।
ACT 8:32 ठेयब मुरुम पढेना पढेन बाक्‍शो लोव़ चहिं “भेडा कली क्‍योरपाइक्‍थ लाइश्‍शो खोदेंब पा मेको कली लाइक्‍तेक्‍म। भेडा पाठा आ ऊन प्रेक्‍ग‍मेनु, ब्‍वालेइ पा बाक्‍शो खोदेंशो पा मेको ब्‍वालेइ पा बाक्‍त।
ACT 8:33 महिक्‍सीशो सेल्‍तेक्‍म। दोस गेशा ठीक निसाफ मपथु, दोसी सेल्‍तेक्‍म। आ खिं ङा मुर सु लीबा ङा? आल मथिथु साइक्‍चा पुंइसाक्‍व। मोपतीके आ खिं ङा मुर सुइ मली” दे ब्रेक्‍शो लोव़ बाक्‍माक्‍त। यसैया ५३:७-८
ACT 8:34 मिनु ठेयब मुरुमी फिलीप कली “परमप्रभु यावे आ लोव़ पाइबमी आंम आ पर्बम मोदेंशो देंमे देय अरु आन पर्बम मोदेंशो देंमे?” दे हिल्‍लो पवा बाक्‍त।
ACT 8:35 मिनु फिलीपमी मेको पढेशो लोव़ रे शेंचा गोशा, परमप्रभु यावे आ ब्रेक्‍पाइश्‍शो लोव़ शुश शेंशा, येसु आ पर्बम नेल्‍ल रुप्‍पदा बाक्‍त।
ACT 8:36 मोपा लसा लसा ब्‍वाक्‍कु बाक्‍तीकेमी जाक्‍दीस्‍सा बाक्‍त। मिनु ठेयब मुरुमी “एकेर ब्‍वाक्‍कु बाक्‍त, एको ब्‍वाक्‍कुम ख्रुम्‍शा ग्रुंइचा पुंइसीनुङ, दुम्‍बा?” देंमाक्‍त।
ACT 8:37 मिनु फिलीपमी “गे येसु कली थमा सुइक्‍तीनी हना, ब्‍वाक्‍कुम ख्रुम्‍शा ग्रुंइचा शिरनीनी” देंमेनु “गो येसु ख्रीस्‍त परमप्रभु आ तौ बाक्‍ब, दे थमा सुइक्‍ता” देंमाक्‍त।
ACT 8:38 मिनु बग्‍गी तिक्‍शा तोइश्‍शा, फिलीपमी ठेयब मुर कली ब्‍वाक्‍कुम ख्रुम्‍शा ग्रुंइदा बाक्‍त।
ACT 8:39 मिनु ब्‍वाक्‍कु रे ग्रूशा कुसानु, परमप्रभु यावे आ सोक्‍तीमी फिलीप कली लदा बाक्‍त। मिनु ठेयब मुरुमी मेको मतवा बाक्‍त। मो हना यो थाम्‍पा ग्‍येरसीशा, आ लां खोइश्‍शा गाक्‍माक्‍त।
ACT 8:40 नोले फिलीप अस्‍दोद सहरमी ग्रूदीम्‍माक्‍त। मिनु मेकेर रे गाउं गाउं सहर सहरम येसु आ लोव़ नेंपाइक्‍ना पाइक्‍न गाक्‍शा, सिजरिया सहर जाक्‍दीम्‍माक्‍त। प्रेरित २१:८-९
ACT 9:1 सावल मुल यो थमा सुइक्‍ब आन कली खेदा पा श्‍येत गेशा साइक्‍नुङमी देंना देंन गाक्‍बाक्‍माक्‍त। प्रेरित २२:३-१६; प्रेरित २६:९-१८; प्रेरित ८:३
ACT 9:2 मिनु काबु यरूसलेममी बाक्‍ब ठेयब चढ़ेब आन कली ग्रुम्‍शा, दमस्‍कस सहर ङा ग्रुम्‍तीक खिं खिं ङा ठेयब मुर आन कली कागज ब्रेक्‍शा गेचा नङ देंशा पुना बाक्‍त। सावल आ पुंइशो लोव़ मार बाक्‍त देंशा हना “दमस्‍कसमी बाक्‍ब येसु आ लां खोइक्‍ब मीश मुर वोंइश मुर सु सु थिदुमी, मेको नेल्‍ल आन कली ग्‍याइश्‍शा फ्रेंशा, यरूसलेम चाक्‍नुङमी” दे पुंइशो बाक्‍माक्‍त।
ACT 9:3 मिनु मोदेंशो कागज ताक्‍शा, दमस्‍कस सहर लशा जाक्‍दीत्‍चावानु, मार दुम्‍माक्‍त देंशा हना, सरीङ रे छेङछेङ फो ग्रूशा, आ एर ओंथ नेल्‍ल कोंइदा बाक्‍त। १कोरिन्‍थी १५:८
ACT 9:4 मोपा छेङछेङ तवानु, दिङ गोल्‍माक्‍त। मिनु “सावल, सावल, गे मारदे आं कली खेदा पयी?” देंशो लोव़ नेंना बाक्‍त।
ACT 9:5 मोदेंशो नेंशा “प्रभु, गे सु ननी?” दे हिल्‍लो पवानु “इ खेदा पशो येसु गो नङ।
ACT 9:6 मुल छुल बोक्‍शा दमस्‍कस सहर लावो। मिनु मेकेर जाक्‍दीश्‍शा, गे मार गेय पचा माल्‍नेवे तुइक्‍पाइक्‍चा पुंइसीनेवे” देंशो लोव़ नेंना बाक्‍त।
ACT 9:7 सावल नु काथा गाक्‍बपुकीमी मारेइ मतथु, लोव़ पशो ला नेंशा, वाम ग्‍याम दुम्‍मा बाक्‍त।
ACT 9:8 मिनु सावल बोक्‍शा मिक्‍च पाक्‍शा कोव़ङानु, मिक्‍च मताइब दुम्‍शो बाक्‍माक्‍त। मिनु आ वारचपुकीमी आ गुइ रे कीशा दमस्‍कसमी चाक्‍दीत्‍मे बाक्‍त।
ACT 9:9 दमस्‍कसमी जाक्‍दीश्‍शा यो नाक्‍त सां सम्‍म मिक्‍च मतवा बाक्‍त। जचा तूचा यो, प्रोना बाक्‍त।
ACT 9:10 दमस्‍कसमी हनानीया नें पाइश्‍शो थमा सुइक्‍ब मुर का बाक्‍माक्‍त। प्रभुमी मेको मुर कली कोंइतीक कोंइशा “हनानीया” दे ब्रेत्‍ता बाक्‍त। मिनु “मार देंनी, प्रभु?” देंमेनु
ACT 9:11 “छुल बोक्‍शा ग्‍येत्‍थ माइश्‍शो लां लावो। मेकेर जाक्‍दीश्‍शा, यहूदा आ खिं लशा, टारसस ङा सावल माइश्‍शो मुर कली मालो। मेकोमी प्रार्थना पाइब।
ACT 9:12 मिनु मेकोमी कोंइतीकेमी हनानीया माइश्‍शो मुर ओव़शा, मिक्‍च तपाइक्‍चा कली आ तारी गुइ वोइश्‍शो तशो बाक्‍ब” देंशो लोव़ नेंना बाक्‍त।
ACT 9:13 मिनु हनानीयामी “आमाइ, प्रभु, गो शुश मुर आन शोव़ रे मेको मुर आ पर्बम शुश मरिम्‍शो लोव़ नेंता। मेकोमी यरूसलेममी बाक्‍ब थमा सुइक्‍ब आन कली शुश श्‍येत गेशा, खेदा पना पन बाक्‍ब देंशो नेंता।
ACT 9:14 थमा सुइक्‍ब आन कली ग्‍याइश्‍शा फ्रेंशा लाइक्‍चा कली ठेयब चढ़ेबपुकी रे अधिकार तशो बाक्‍माक्‍त, दे तुइक्‍ताक्‍ङ” देंमाक्‍त।
ACT 9:15 प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४
ACT 9:16 आं नेंमी शुश श्‍येत जचा माल्‍नेवे देंशा गो मेको कली आंमान तुइक्‍पाइक्‍नुङ” दे प्रभुमी हनानीया कली माइश्‍शा सोइक्‍ता बाक्‍त। २कोरिन्‍थी ११:२१-२८
ACT 9:17 मिनु हनानीया लशा, यहूदा आ खिं जाक्‍दीश्‍शा ओव़शा, सावल तारी आ गुइ चाक्‍शा “आं लोक्‍ब सावल, गे यरूसलेम रे पिवेनु, लांमी इ तशो प्रभु येसुम सोइक्‍ताक्‍यी। मिनु मिक्‍च ताइब दुमो, परमप्रभु यावे आ सोक्‍तीम ब्रीशो दुमो” देंमेनु,
ACT 9:18 सावल आ मिक्‍च मारम फारशो बाक्‍मे, मेको दोक्‍शा, मिक्‍च ताइब दुम्‍माक्‍त। मिनु छुल बोक्‍शा, ब्‍वाक्‍कुम ख्रुम्‍शा ग्रुंइचा पुंइसे बाक्‍त।
ACT 9:19 मिनु जशा तूशा बोल तेम्‍सीशा, इच्‍का नाक्‍त दमस्‍कस ङा थमा सुइक्‍बपुकी नु काथा बाक्‍माक्‍त।
ACT 9:20 मिनु सावल ग्रुम्‍तीक खिं खिं लशा “येसु परमप्रभु यावे आ तौ बाक्‍ब” दे शेंना शेंन यहूदी आन कली येसु आ पर्बम शुश लोव़ तुइक्‍पाइक्‍मी बाक्‍त।
ACT 9:21 मोदेंशो मेको आ शेंशो नेंशा “आमाइ, यरूसलेममी येसु कली थमा सुइक्‍ब आन कली का यो मवोइक्‍नुङमी देंब मेको ममाइ ङा? इं सहर ङा येसु कली थमा सुइक्‍ब आन कली यो ग्‍याइश्‍शा लाइश्‍शा, ठेयब चढ़ेब आन ङोंइती राप्‍पाइक्‍नुङमी, दे एक जाक्‍शो ममाइ ङा?” दे छक लाक्‍शा देंमुमा बाक्‍त। प्रेरित ८:१; प्रेरित २६:१०
ACT 9:22 सावलमी शेंना शेंन आ शेंचा सक्ति बारपाइक्‍ना पाइक्‍न “येसु परमप्रभु यावे आ सोइश्‍शो ख्रीस्‍त बाक्‍ब” दे दमस्‍कसम बाक्‍ब यहूदी आन कली शेंदीमी बाक्‍त। मिनु सुइमी लोव़ लेन्‍ने मचाप्‍मे बाक्‍त। प्रेरित १८:२८
ACT 9:23 मिनु शुश नाक्‍त मोपा शेंना शेंन गाक्‍मेनु, यहूदीपुकी गारशा सावल कली साइक्‍चा माल्‍मे बाक्‍त।
ACT 9:24 मिनु सावलमी “आं कली साइक्‍चा माल्‍तीमी” दे तुइक्‍ता बाक्‍त। नाक्‍दो नाक्‍त यहूदीपुकीमी सहर ङा ओव़तीक ग्रूतीक लां मेर मेको कली बाप्‍बाक्‍मा बाक्‍त।
ACT 9:25 मोपतीके काबु नाक्‍दो थमा सुइक्‍बपुकीमी सावल कली डोकोमी कुर पशा, डोरीमी क्‍युक्‍शा, सहर ङा गारो आ ची लुक्‍च तोइक्‍पा प्रोक्‍पदमे बाक्‍त। २कोरिन्‍थी ११:२२-२३
ACT 9:26 सावल दमस्‍कस रे प्रोक्‍शा, यरूसलेम लेश्‍शा जाक्‍दीम्‍माक्‍त। मिनु थमा सुइक्‍ब नु गारशा, काथा बाक्‍चा मला बाक्‍त। तन्‍न मेकोपुकीमी मेको येसु आ नोले खोइक्‍ब दुम्‍त, दे थमा मसुइक्‍थु, हिंशा मब्रामे बाक्‍त। गलाती १:१७-१९
ACT 9:27 बारनाबासमी चहिं सावल नु सोइश्‍शो आन कली ग्रुम्‍पदा बाक्‍त। मिनु लांमी गाक्‍मेनु, प्रभु कली तशो, प्रभुमी लोव़ पशो, दमस्‍कसमी महिंथु, येसु आ नेंमी शेंशा गाक्‍शो, मेको लोव़ नेल्‍ल बारनाबासमी रुप्‍पाइक्‍मी बाक्‍त।
ACT 9:28 मिनु सावल कली ब्रामे बाक्‍त। मिनु सावलमी यरूसलेम सहरमी सुइ सुइ आन कली तशा महिंथु, येसु आ नेंमी शेंना शेंन गाक्‍माक्‍त।
ACT 9:29 शेंना शेंन गाक्‍मेनु, ग्रीक लोव़ पाइब यहूदीपुकी यो ग्रुम्‍मी बाक्‍त। मिनु हिल्‍लो हिक्‍सी पमुमानु, जिचा बोक्‍माक्‍त। मोदेंशो दुम्‍मेनु, सावल कली साइक्‍चा माल्‍मे बाक्‍त।
ACT 9:30 मिनु थमा सुइक्‍ब लोक्‍बपुकीमी साइक्‍चा माल्‍तेक्‍म, दे तुइश्‍शा, सिजरिया सम्‍म चोव़दी‍शा, टारसस सोइक्‍तमे बाक्‍त। गलाती १:२१
ACT 9:31 मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।
ACT 9:32 पत्रुस शेंना शेंन गाक्‍शा, लिडडा सहर जाक्‍दीम्‍माक्‍त। मिनु मेकेर बाक्‍ब प्रभु आ योव़शो आन कली ग्रु‍मा बाक्‍त।
ACT 9:33 मिनु काबु एनीयास माइश्‍शो मुर कली तवा बाक्‍त। एनीयास चहिं आ गुइ खोइल मदुक्‍ब रोइ पशा, ब्राख्‍ये रे बोक्‍ने मचाप्‍शो ८ बर्स दुम्‍शो बाक्‍माक्‍त।
ACT 9:34 मिनु पत्रुसमी “एनीयास, येसु ख्रीस्‍तमी इ कली सापाइक्‍ब। मोपतीके बोक्‍शा, इ ब्राख्‍ये पोक्‍शा वोतो” देंमेनु, एनीयास छुल बोक्‍माक्‍त।
ACT 9:35 मिनु लिडडा सहरम नु शारोन रागीमी बाक्‍ब नेल्‍लेमी एनीयास कली मोपा साशो तशा, आन थुं प्रभु गे लेत्‍मे बाक्‍त।
ACT 9:36 योप्‍पा सहरमी तबीता नें पाइश्‍शो थमा सुइक्‍ब मीश मुर का बाक्‍माक्‍त। ग्रीक लोव़मी मेको आ नें दोरकास, किश्‍श रुम्‍सीब। तबीता गेना हना यो सुइ सुइ आन कली रिम्‍शो पाइबाक्‍माक्‍त। मथीब आन कली शुश वारच पाइबाक्‍माक्‍त।
ACT 9:37 मेको तबीता रोइ पा बेक्‍माक्‍त। मिनु आ मुरपुकीमी आ बेक्‍शो रां चिक्‍शा, खिं ङा तला तार ङा कोठा लाइश्‍शा वोदमे बाक्‍त।
ACT 9:38 लिडडा नु योप्‍पा नेक्‍नेक्‍था बाक्‍नीसी। मोपतीके थमा सुइक्‍बपुकीमी पत्रुस लिडडा जाक्‍शो बाक्‍ब, दे यो नेंशो बाक्‍मा बाक्‍त। मिनु आन मुर निक्‍शी योव़शा, पत्रुस कली “आंइ बाक्‍तीक रीब जाक्‍शा, वारच पाइक्‍चा नकी” दे ब्रथ सोइक्‍तमे बाक्‍त।
ACT 9:39 मिनु पत्रुस मेको आस लोव़ नेंशा मेको नु काथा ल‍माक्‍त। मिनु जाक्‍मेनु, तला तारी लदमे बाक्‍त। तला तारी आन वोंइश बेक्‍शो मारेइ मथीब मीश मुर खुम्‍सीशा ङाक्‍ना ङाक्‍न बाक्‍शो बाक्‍मा बाक्‍त। मिनु पत्रुस कली “तबीतामी शुश वारच पाइक्‍तीकी, ओदेंशो वा फेरशा गेतीकी” दे तबीतामी फेरशा गेशो वापुकी कोंइदमे बाक्‍त।
ACT 9:40 मिनु पत्रुसमी मेकेर ङाक्‍शा बाक्‍ब नेल्‍ल आन कली लाङगा सोइक्‍तीमी बाक्‍त। मिनु आ पोक्‍च थेक्‍शा, प्रार्थना पवा बाक्‍त। मिनु तबीता आ बेक्‍शो रां गे हिरशा कोव़शा “ए तबीता, छुल बोक्‍को” देंमेनु, तबीतामी आ मिक्‍च पाक्‍शा कोव़ङानु, पत्रुस कली तवा बाक्‍त। मर्कूस ५:४१
ACT 9:41 मिनु पत्रुसमी आ गुइ कीशा पोक्‍गा बाक्‍त। मिनु लाङगा सोइश्‍शो नु प्रभु आ योव़शो नेल्‍ल आन कली खिं गा ब्रेश्‍शा, तबीता कली बेक्‍शो रे सेंपाइश्‍शो कोंइदा बाक्‍त।
ACT 9:42 मोदेंशो दुम्‍त देंशो लोव़ योप्‍पा सहरमी बाक्‍ब नेल्‍लेमी नेन्‍मे बाक्‍त। मिनु शुशेमी प्रभु कली थमा सुदमे बाक्‍त।
ACT 9:43 मिनु पत्रुस योप्‍पा ङा कुशुल नोक्‍ब सिमोन आ खिंमी शुश नाक्‍त बाक्‍माक्‍त।
ACT 10:1 सिजरिया सहरमी कोरनेलीयस नें पाइश्‍शो इटाली पल्‍टन ङा कप्‍तान का बाक्‍माक्‍त।
ACT 10:2 मेको कप्‍तान परमप्रभु यावे कली मान पा हिंब मुर बाक्‍माक्‍त। आ खिं ङा मुर नेल्‍लेमी यो आ खोदेंशो पा प्रभु कली मान पा टीबाक्‍मा बाक्‍त। मेको कप्‍तानमी मारेइ मथीब आन कली शिशी पा शुश वारच पाइबाक्‍माक्‍त। परमप्रभु कली प्रार्थना पना पन बाक्‍बाक्‍माक्‍त।
ACT 10:3 मिनु काबु ३ बजे ङा प्रार्थना पची ना कोंइतीक का तवा बाक्‍त। मेको कोंइतीकेमी परमप्रभु यावे आ स्‍वर्ग ङा गेय पाइब का आ बाक्‍तीकेमी जाक्‍शा “ए कोरनेलीयस” देंमेनु,
ACT 10:4 कोरनेलीयसमी हिंशा, कोव़स ङा कोव़स पा “मार देंनी, प्रभु” देंमेनु “इ प्रार्थना पशो, प्रभु कली मान पा टिशो, इ शिशी पा वारच पशो नेल्‍ल परमप्रभु यावेमी तुइश्‍शो बाक्‍ब।
ACT 10:5 मुल गे योप्‍पा सहरमी बाक्‍शो सिमोन पत्रुस नें पाइश्‍शो मुर कली ब्रथ सोइक्‍तो।
ACT 10:6 मेको सिमोन पत्रुस कुशुल नोक्‍ब सिमोन आ खिंमी बाक्‍ब। मेको आ खिं चहिं समुन्‍द्र आ नेक्‍था बाक्‍ब” देंशा लशो नेना बाक्‍त। प्रेरित ९:४३
ACT 10:7 मोदेंशो लोव़ देंशो नेंशा, आ गेय पाइब निक्‍शी नु सिपाही का कली ब्रेत्‍ता बाक्‍त। सिपाही यो प्रभु कली मान पा टीब का बाक्‍माक्‍त।
ACT 10:8 मिनु मेको मुर सां आन कली मार दुम्‍मे, दोदेंशो लोव़ नेंना, मेको लोव़ नेल्‍ल शेंशा, पत्रुस कली माल्‍शा, चाक्‍चा, दे योप्‍पा सहर सोइक्‍तीमी बाक्‍त। प्रेरित ११:५-१७
ACT 10:9 मिनु आ दीसा नाक्‍त मेकोपुकी लमा लमा योप्‍पा सहर आ नेक्‍था जाक्‍दीम्‍मानु, पत्रुस प्रार्थना पथ खिं तारी ङोंइ‍से बाक्‍त।
ACT 10:10 मिनु ङोइश्‍शा बाक्‍मेनु, शोव़लु बेक्‍शा जज दाक्‍माक्‍त। खिं ङा मुरपुकी चहिं क्‍येना क्‍येन बाक्‍मा बाक्‍त। मिनु पत्रुसमी प्रभुमी कोंइशो कोंइतीक तवा बाक्‍त।
ACT 10:11 दोदेंशो तवा बाक्‍त देंशा हना, सरीङ रोक्‍सीशा ठेयब वा का हाम्‍सीशा क्‍युक्‍सीशो खोदेंशो पा खप गे यिशो तवा बाक्‍त।
ACT 10:12 मेको वामी मब्‍वचा ङा, ग्रांग्रा दिचा ङा जन्‍तु बुस्‍स चिक्‍ब बाक्‍मा बाक्‍त।
ACT 10:13 मिनु “ए पत्रुस, एको आन कली साइश्‍शा ब्‍वामी” देंशो नेंना बाक्‍त।
ACT 10:14 मिनु पत्रुसमी “हत्‍तेरी ओदेंशो ग्रांग्रा दिचा ङा दोपा ब्‍वचा नमी ङा, प्रभु? ओदेंशो ग्रांग्रा दिचा ङा गो गेनायो मब्‍वशो नङ” देंमाक्‍त। लेवी ११:-; इजीकीएल ४:१४
ACT 10:15 मिनु लेंशा “परमप्रभु यावे आ चोव़खो सेल्‍शो कली ग्रांग्रा मदित्‍तो” देंशो नेंना बाक्‍त। रोमी १४:१४
ACT 10:16 खेयप सां मोदेंशो दुम्‍शा, मेको ठेयब वा सरीङ गे लशो तवा बाक्‍त।
ACT 10:17 मिनु पत्रुसमी छक लाक्‍शा एको मार बाक्‍म माइ, दे मिम्‍ना मिम्‍न बाक्‍माक्‍त। पत्रुस मोदेंशो मिम्‍स ङा मिम्‍स बाक्‍मेनु, कोरनेलीयसमी सोइश्‍शो मुरपुकी कुशुल नोक्‍ब सिमोन आ खिंमी जाक्‍दीश्‍शा, लाप्‍चो आ ङोंइती राप्‍शा कोव़शा
ACT 10:18 “एको खिंमी सिमोन पत्रुस बाक्‍मे?” दे हिल्‍लो पामे बाक्‍त।
ACT 10:19 पत्रुसमी मुल यो आ तशो मार बाक्‍म माइ, दे मिम्‍न मिम्‍न बाक्‍मेनु, परमप्रभु यावे आ सोक्‍तीमी मेको कली “इ कली ब्रथ मुर सां जाक्‍तेक्‍मे।
ACT 10:20 तोइश्‍शा मेको आन कली ग्रुम्‍थ लावो। मिनु लचा, दे मलचा, दे थुं निक्‍शी मपथु, मेकोपुकी नु लावो। मारदे हना मेकोपुकी आं सोइश्‍शो नम” देंशो नेंना बाक्‍त।
ACT 10:21 मिनु पत्रुस फ्रु तोइश्‍शा “इन माल्‍शो मुर गो नङ, आं कली मारदे माल्‍यीनी?” दे हिल्‍लो पवा बाक्‍त।
ACT 10:22 मिनु मेकोपुकीमी “कोरनेलीयस आ सोइश्‍शो नकी। कोरनेलीयस कप्‍तान बाक्‍ब। परमप्रभु कली मान पा हिंब, रिम्‍शो मुर बाक्‍ब। यहूदीपुकीमी यो रिम्‍शो मुर बाक्‍ब, दे मिम्‍नीम। परमप्रभु आ स्‍वर्ग ङा गेय पाइब कामी कोरनेलीयस कली ‘योप्‍पा सहरमी सिमोन पत्रुस माइश्‍शो कली माल्‍शा चाक्‍शा आ लोव़ नेंचा’ देंतीके इन कली ब्रथ जाक्‍तक” देंमा बाक्‍त।
ACT 10:23 मिनु पत्रुस नु खिं ङा मुरपुकीमी मेको आन कली खिं गा ओंइशा जचा तूचा गेशा, बास गेमे बाक्‍त। मिनु आ दीसा पत्रुस मेकोपुकी नु सिजरिया गे लमाक्‍त। योप्‍पा सहर ङा थमा सुइक्‍ब लोक्‍ब का निक्‍शी यो लमा बाक्‍त।
ACT 10:24 आ दीसा सिजरियामी जाक्‍दीम्‍मा बाक्‍त। कोरनेलीयसमी आ मुर, आ वारच आन कली ब्रेश्‍शा, पत्रुस आ लां कोव़शा बाक्‍शो बाक्‍मा बाक्‍त।
ACT 10:25 मिनु पत्रुस कोरनेलीयस आ खिं ओव़चवानु, कोरनेलीयसमी पत्रुस आ ङोंइती बाप्‍शा आ खोइल गुप्‍शा सेउ पवा बाक्‍त।
ACT 10:26 मिनु पत्रुसमी कोरनेलीयस आ पिया पोक्‍शा “गो यो इन खोदेंशो मुर ला नङ” देंशा राप्‍पदा बाक्‍त। प्रेरित १४:१५; प्रकाश १९:१०
ACT 10:27 मिनु लोव़ पना पन खिं गा ओव़सा बाक्‍त। खिं गामी शुश मुर खुम्‍सीशा देल्‍शो बाक्‍मा बाक्‍त।
ACT 10:28 मिनु पत्रुसमी मेको देल्‍शा बाक्‍ब आन कली “गो आंइ यहूदी अर्को रागी ङा मुरपुकी नु काथा बाक्‍चा, जचा, आन खिं ओव़चा मदुम्‍ब, दे नेल्‍लेमी तुइक्‍नीनी। मोदेंशो बाक्‍त हना यो, परमप्रभु यावेमी आं कली सुइ आन कली आइक्‍च ममिम्‍चा, दे शेंताक्‍यी।
ACT 10:29 मोपतीके गेपुकीमी आं कली ब्रेत्‍तीनीनु, लचा, दे मलचा, दे थुं निक्‍शी मपथु, गिरिक‍कै जाक्‍ती। मारदे ब्रेत्‍तीनी?” देंमाक्‍त।
ACT 10:30 मिनु कोरनेलीयसमी “गाबेर नाक्‍त आं खिंमी ३ बजे ङा प्रार्थना पना पन बाक्‍ङानु, जील्‍माक्‍श देंशो वा फेक्‍सीशो मुर का फो ग्रूशा, आं ङोंइती राप्‍शो ताता।
ACT 10:31 मेकोमी आं नें थिशा ‘ए कोरनेलीयस, परमप्रभुमी इ प्रार्थना पशो नेंशो बाक्‍ब। इ शिशी पा मथीब आन कली मार मार गेशो तशो बाक्‍ब।
ACT 10:32 मोपतीके योप्‍पा सहरमी जाक्‍शा बाक्‍शो सिमोन पत्रुस नें पाइश्‍शो मुर कली ब्रथ सोइक्‍तो। मेको कुशुल नोक्‍ब सिमोन आ खिंमी बाक्‍शो बाक्‍ब। मेको खिं समुन्‍द्र आ नेक्‍था बाक्‍ब’ देंत।
ACT 10:33 मोपतीके ब्रथ सोइक्‍ताक्न्‍‍नी। गे बिश्‍शा गिरिक‍कै जाक्‍शा, आंइ कली रिम्‍शो पाइतीनी। परमप्रभु गे नु बाक्‍ब। मिनु परमप्रभु यावेमी इन कली मार शेंपाइक्‍बा, मेको लोव़ नेल्‍ले नेंचा कली खुम्‍सीशा बाक्‍तक” देंमाक्‍त।
ACT 10:34 मिनु पत्रुसमी “परमप्रभु यावेमी सुइ आन कली मतिल्‍थु, उइक्‍थ उइक्‍थ मिम्‍ब। ब्‍यवस्‍था १०:१७; १सामुएल १६:७; रोमी २:११
ACT 10:35 मुर आन के जात रागी मारेइ मकोव़थु, आ कली मान पा हिंशा, आ लोव़ टिशा, रिम्‍शो पाइब आन कली दाक्‍शा, नेल्‍ल आन कली ब्राइब, दे मुल रुप्‍ता। यूहन्‍ना १०:१६
ACT 10:36 परमप्रभु यावेमी येसु ख्रीस्‍त आ पतीकेम आंइ इस्राएल ङा मुर आन कली ग्‍येरपाइक्‍ब लोव़ नेंपाइक्‍तु। मिनु येसु ख्रीस्‍त नेल्‍ल आन प्रभु बाक्‍ब। एफिसी २:१७
ACT 10:37 यूहन्‍नामी मुर आन कली शेंशा, ब्‍वाक्‍कुम ख्रुम्‍शा ग्रुंइदा नोले येसु ख्रीस्‍तमी गालील रे गोशा यहूदीया रागीम हिरशा, मुर आन कली शेंना शेंन गाक्‍त। मत्ती ४:१२-१७
ACT 10:38 परमप्रभु यावेमी मेको नासरथ ङा येसु कली आ सोक्‍तीम प्रिंशा, आ सक्ति पाइश्‍शो सेल्‍तु। मिनु परमप्रभु यावे आ सक्ति पाइश्‍शो दुम्‍शा, तेइ तेइ गाक्‍शा मुर आन कली रिम्‍शो पाप्‍तु। वोलम तशो आन कली वोल खेरशा सापाइक्‍तु। सैतानमी दिप्‍शा वोइश्‍शा श्‍येत गेशो आन कली श्‍येत रे प्रोंइतीमी। मारदे हना परमप्रभु यावे मेको नु बाक्‍त। मत्ती ३:१६
ACT 10:39 यहूदीया रागी यरूसलेम सहरमी येसुमी मार मार पवा, मार मार दुम्‍मे, मेको नेल्‍ल गो नु आं वारचपुकीमी आंम आंइ मिक्‍चीम ताइतक। येसु शीमी केप्‍शा कांटी थोक्‍शा क्‍याइश्‍शा साइक्चा पुंइसाक्‍व।
ACT 10:40 साइक्‍चा पुंइसीशा यो आ बेक्‍शो आ नित्‍थ नाक्‍ती परमप्रभुमी बेक्‍शो रे सेंपाइश्‍शा कोंइताक्‍व। १कोरिन्‍थी १५:४-७
ACT 10:41 हना यो मुर नेल्‍लेमी मताम। गोपुकीमी चहिं ताइतक। मारदे हना ङोंइती रे गोपुकी सांकछी दुम्‍चा कली योव़शो नकी। येसु बेक्‍शो रे सेंसीशा, गोपुकी नु बाक्‍शा काथा जाइतक, काथा तूतक। यूहन्‍ना १४:१९,२२; लूका २४:३०,४३
ACT 10:42 मिनु मोदेंशो पा काथा बाक्‍कानु, येसुमी आंइ कली ‘मुर आन कली आं पर्बम शेंदीने। मार शेंचा देंशा हना, परमप्रभु यावेमी येसु कली ब्रोंइशा बाक्‍ब नु बेक्‍शो मुर नेल्‍ल आन कली निसाफ पाइब सेल्‍तु, दे शेंशा गाक्‍कीन’ दे माइक्‍तीकी। यूहन्‍ना ५:२२
ACT 10:43 सु सुमी येसु कली थमा सुदमे, मेकोपुकी येसु आ नेंमी आन पाप क्‍याम्चा पुंइसीनीम। साइ ङोंइती रे परमप्रभु यावे आ लोव़ पाइबपुकीमी मोदेंशो देंशो बाक्‍नीम” दे शेंदीमी बाक्‍त। यसैया ५३:५-६; येरमीया ३१:३४
ACT 10:44 पत्रुसमी शेंना शेंन पवानु, परमप्रभु यावेमी आ लोव़ नेंब नेल्‍ल आन कली आ सोक्‍तीमी प्रिंशो बाक्‍त।
ACT 10:45 पत्रुस नु काथा जाक्‍शो ख्रोइक्‍तीक चिनु ख्रोइश्‍शो थमा सुइक्‍ब यहूदीपुकीम अर्को रागी ङा मुर यो परमप्रभु यावे आ सोक्‍तीम ब्रीशो तशा छक लाक्‍मा बाक्‍त।
ACT 10:46 मेकोपुकीमी परमप्रभु यावे आ सोक्‍तीमी पपाइश्‍शो लोव़ पा परमप्रभु यावे कली ठेयब सेल्‍शो तशा तुइक्‍तमे बाक्‍त। प्रेरित २:४
ACT 10:47 मिनु पत्रुसमी “मेकोपुकी आंइ खोदेंशो पा परमप्रभु यावे आ सोक्‍तीम प्रिंचा पुंइसाक्‍म। मोपतीके एको आन कली ब्‍वाक्‍कुम ख्रुम्‍शा ग्रुंइचा मदुम्‍ब, दे सुम देंने चाप्‍बा ङा?” देंमाक्‍त।
ACT 10:48 मिनु मेको आन कली येसु ख्रीस्‍त आ नेंमी ब्‍वाक्‍कुम ख्रुम्‍शा ग्रुंइपदा बाक्‍त। मिनु मेको नक थमा सुइक्‍बपुकीमी पत्रुस कली “नाक्‍त का निक्‍शी गोपुकी नु बाक्‍कीन” दे तेक्‍गमे बाक्‍त।
ACT 11:1 मिनु यरूसलेममी बाक्‍ब सोइश्‍शोपुकी नु यहूदीया रागी तेइ तेइ बाक्‍ब थमा सुइक्‍ब लोक्‍बपुकीमी “अर्को रागी ङा मुरपुकीमी यो परमप्रभु यावे आ लोव़ नेंशा, थमा सुइक्‍ब दुम्‍मा बाक्‍त” देंशो नेन्‍मे बाक्‍त।
ACT 11:2 मिनु पत्रुस यरूसलेम लेश्‍शा जाक्‍मेनु, ख्रोइक्‍तीक चिनु ख्रोइश्‍शो थमा सुइक्‍बपुकीमी पत्रुस कली
ACT 11:3 “मारदे ख्रोइक्‍तीक चिनु मख्रोइश्‍शोपुकी नु काथा बाक्‍शा जवी” दे लोव़ पोक्‍ग्‍मे बाक्‍त। गलाती २:१२
ACT 11:4 मिनु पत्रुसमी मेको लोव़ पोक्‍ब आन कली खुप्‍शा, दोपा मोदेंशो दुम्‍मे, मेको नेल्‍ल रुप्‍पाइक्‍चा कली
ACT 11:5 “गो योप्‍पा सहरमी बाक्‍ती। मिनु काबु मार दुम्‍त देंशा हना, प्रार्थना पना पन बाक्‍ङानु, प्रभुमी कोंइतीक कोंइताक्‍यी। सरीङ रोक्‍सीशा ठेयब वा का हाम्‍सीशा क्‍युक्‍सीशो खोदेंशो पा खप गे यिशो ताता। मिनु आं नेक्‍था जाक्‍शा दिक्‍त। प्रेरित १०:९-४८
ACT 11:6 मिनु गो गीशा कोव़ङुनु, मब्‍वचा ङा, ग्रांग्रा दिचा ङा, जन्‍तु, खोते नु चिक्‍ब तातामी।
ACT 11:7 मिनु ‘ए पत्रुस, मेको साइश्‍शा ब्‍वामी’ देंशो नेंता।
ACT 11:8 मिनु गोमी ‘हत्‍तेरी, ओदेंशो ग्रांग्रा दिचा ङा दोपा ब्‍वचा नमी ङा, प्रभु, ओदेंशो ग्रांग्रा दिशो गेनायो मब्‍वशो नङ’ देंती।
ACT 11:9 मिनु ‘परमप्रभु यावेमी चोव़खो सेल्‍शो कली गे ग्रांग्रा मदित्‍तो’ दे सरीङ रे देंशो नेंता।
ACT 11:10 खेयप सां मोदेंशो दुम्‍शा, मेको ठेयब वा सरीङ गे लेश्‍शा लत।
ACT 11:11 मोदेंशो दु‍मे चोटीन सिजरिया रे आं कली ब्रथ सोइश्‍शो मुर सां आं बाक्‍शो खिंमी जाक्‍तेक्‍म।
ACT 11:12 मिनु परमप्रभु यावे आ सोक्‍तीमी ‘मेको आन जात मार नमी? दे ममिम्‍थु मेकोपुकी नु काथा लावो’ देंतीके गो मेकोपुकी नु लती। मुल एकेर गो नु बाक्‍ब थमा सुइक्‍ब ६ जना लोक्‍ब गो नु लाम्‍तेक्‍म। गो काथा गाक्‍शा, कोरनेलीयस आ खिं जाक्‍दीश्‍शा ओव़तक।
ACT 11:13 आ खिं ओव़शा बाक्‍कानु, कोरनेलीयसमी आंइ कली ‘परमप्रभु यावे आ स्‍वर्ग ङा गेय पाइब का आं ङोंइती राप्‍शा, मेकोमी योप्‍पा सहरमी जाक्‍शा बाक्‍शो सिमोन पत्रुस कली ब्रथ सोइक्‍तो।
ACT 11:14 मेकोमी जाक्‍शा, गे नु इ खिं ङा मुर नेल्‍ले आन कली गेना हना यो ब्रोंइशा बाक्‍तीक लोव़ शेंब, दे माइक्‍ती’ देंत।
ACT 11:15 मिनु गो मेकेर खुम्‍सीशा बाक्‍ब आन कली ख्रीस्‍त आ लोव़ शेंदुनु, साइ गोपुकी खोदेंशो पा मेकोपुकी यो परमप्रभु यावे आ सोक्‍तीम पिंचा पुंइसाक्‍म। प्रेरित २:१-४
ACT 11:16 परमप्रभु यावे आ सोक्‍तीम ब्रीचा पुंइसीशो तशा, गो इं प्रभु आ देंशो लोव़ ति फ्रुक्‍ता। प्रभुमी मार देंत देंशा हना ‘यूहन्‍नामी मुर आन कली ब्‍वाक्‍कुमी ख्रुम्‍शा ग्रुंइताक्‍व। गे चहिं परमप्रभु यावे आ सोक्‍तीमी ख्रुम्‍चा पुंइसीनीनी’ देंत। प्रेरित १:५
ACT 11:17 गोपुकीमी प्रभु येसु ख्रीस्‍त कली थमा सुइक्‍तीके परमप्रभु यावे आ सोक्‍तीम पिंचा पुंइसाक्‍य। मिनु अर्को रागी ङा मुरपुकीमी यो येसु ख्रीस्‍त कली थमा सुइक्‍तीके आ सोक्‍तीम पिंचा पुंइसाक्‍म। मोदेंशो दुम्‍शो तशा, मार पाइनुङा? गो परमप्रभु आ पशो गेय तेक्‍ने चाप्‍नङा?” दे रुप्‍पाइक्‍मी बाक्‍त।
ACT 11:18 पत्रुसम मो देंशो नेंशा, मेको आन पोक्‍शो लोव़ साम्‍शा “मोदेंशो बाक्‍त हना, परमप्रभु यावेमी इं कली गेशो खोदेंशो पा अर्को रागी ङा मुर आन कली यो आन थुं लेप्‍पा आन पाप क्‍याम्‍बाक्‍माक्‍त” दे परमप्रभु यावे कली ठेयब सेल्‍मे बाक्‍त।
ACT 11:19 स्‍तीफानस साइक्‍चा पुंइसे नोले खेदा पचा पुंइसीशा, प्रोक्‍शा गाक्‍शो थमा सुइक्‍ब का निक्‍शी फोनीसीया, का निक्‍शी साइप्रस, का निक्‍शी एन्‍टीओक जाक्‍दीश्‍शो बाक्‍मा बाक्‍त। मिनु मेकोपुकीमी येसु आ लोव़ यहूदी आन कली ला शेंदमे बाक्‍त। प्रेरित ८:१-४
ACT 11:20 साइप्रस नु साइरेनी रे एन्‍टीओक सहर जाक्‍दीश्‍शो थमा सुइक्‍ब का निक्‍शीमी चहिं अरु ग्रीस रागी ङा मुर आन कली यो प्रभु येसु आ पर्बम शेंदमे बाक्‍त।
ACT 11:21 मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७
ACT 11:22 एन्‍टीओक सहरमी शुश मुर थमा सुइक्‍ब दुम्‍तेक्‍म, दे यरूसलेममी बाक्‍ब थमा सुइक्‍बपुकीमी यो नेन्‍मे बाक्‍त। मिनु बारनाबास कली रुप्‍थ सोइक्‍तमे बाक्‍त। प्रेरित ४:३६
ACT 11:23 बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।
ACT 11:24 बारनाबास रिम्‍शो मुर बाक्‍माक्‍त। परमप्रभु यावे आ सोक्‍तीमी ब्रीशा, खोइल थेक्‍शो खोदेंशो पा थमा सुइक्‍बाक्‍माक्‍त। आ पशो तशा, आ लोव़ नेंशा, शुश मुरुमी प्रभु कली थमा सुइक्‍ब दुम्‍मा बाक्‍त। प्रेरित ५:१४
ACT 11:25 मिनु नोले बारनाबास सावल माल्‍थ टारसस सहर ल‍माक्‍त। प्रेरित ९:३०
ACT 11:26 मिनु थिश्‍शा एन्‍टीओकम जाक्‍शा बाक्‍सा बाक्‍त। मिनु बर्स का सम्‍म थमा सुइक्‍बपुकी नु काथा बाक्‍शा, शुश मुर आन कली प्रभु आ लोव़ शेंना शेंन बाक्‍सा बाक्‍त। एन्‍टीओक सहरमीन येसु आ लां खोइक्‍ब नेल्‍ल क्‍येङा ङोंइती “ख्रीस्‍तीयन” दे नें वोइक्‍चा पुंइसमा बाक्‍त। मेना रे मेको नें लीमाक्‍त। गलाती २:११
ACT 11:27 मिनु काबु परमप्रभु यावे आ लोव़ पाइबपुकी यरूसलेम रे यिशा, एन्‍टीओकम जाक्‍मा बाक्‍त। प्रेरित १३:१; प्रेरित १५:३२
ACT 11:28 मेको आन दातेमी अगाबस नें पाइश्‍शो मुर का बाक्‍माक्‍त। मिनु काबु थमा सुइक्‍बपुकी खुम्‍सीशा बाक्‍मानु, अगाबसमी परमप्रभु यावे आ सोक्‍त रे पा “रागी नेल्‍लेमी अन्‍काल दुम्‍शा, जचा मतांइसीब” दे लोव़ पवा बाक्‍त। मेको लोव़ पिप क्‍लौदीयस आ सासनम थमा दुम्‍माक्‍त। प्रेरित २१:१०
ACT 11:29 अन्‍काल दुम्‍ब देंशो तुइश्‍शा, एन्‍टीओक ङा थमा सुइक्‍बपुकीमी “यहूदीया रागीमी बाक्‍ब थमा सुइक्‍ब आन कली वारच पाइक्‍चा माल्‍ब, मोपतीके क्‍येट पोक्‍य” देंमा बाक्‍त।
ACT 11:30 मिनु नेल्‍लेमी दो दोशो चाप्‍मे, मो मोशो क्‍येट पोक्‍शा, यरूसलेममी बाक्‍ब थमा सुइक्‍ब आन शेंब खाल्‍पा आन कली गेचा नमी, दे बारनाबास नु सावल आस कली चोव़थ सोइक्‍तमे बाक्‍त। प्रेरित १२:२५; १कोरिन्‍थी १६:१-४
ACT 12:1 मेको बर्समी पिप हेरोदमी यरूसलेम सहरम बाक्‍ब थमा सुइक्‍ब का निक्‍शी आन कली खेदा पा ग्‍याइश्‍शा, शुश श्‍येत गेमी बाक्‍त।
ACT 12:2 यूहन्‍ना आ लोक्‍ब याकूब कली तरवारमी क्‍योरपा साइक्‍पदा बाक्‍त। मत्ती २०:२०-२३
ACT 12:3 हेरोदमी “आं पशो तशा यहूदीपुकी ग्‍येरसीनीम” दे तुइश्‍शा, मोदेंशो खेदा पना पन ल‍माक्‍त। मिनु पत्रुस कली यो ग्‍याइक्‍पदा बाक्‍त। पत्रुस कली ग्‍याइक्‍पदानु, बोरब ओख्‍ती मसुप्‍शो शोब्‍ले जतीक चाड जाक्‍शो बाक्‍माक्‍त।
ACT 12:4 मोपतीके पास्‍सा चाड थुम्‍शा, मुर आन ङोंइती राप्‍पाइक्‍चा, दे जेल्‍खानमी चोक्‍शा, ४, ४ जना पालो पालो पा बाक्‍कीन, दे १६ जना सिपाही वोइक्‍पदा बाक्‍त।
ACT 12:5 पत्रुस जेल्‍खानमी चोक्‍सीशा बाक्‍मेनु, थमा सुइक्‍ब नेल्‍ल थुं का दुम्‍शा “पत्रुस कली कोव़ङीने, प्रोंइशा सोइक्‍तीने” दे प्रार्थना पा बाक्‍मा बाक्‍त।
ACT 12:6 हेरोदमी पत्रुस कली मुर आन ङोंइती राप्‍पाइक्‍चा देंशो नाक्‍त आ ङोंइती नाक्‍दो पत्रुस साङलो निक्‍शीमी पाइश्‍शा, सिपाही निक्‍शी आस दातेम इप्‍पाइश्‍शो बाक्‍माक्‍त। लाप्‍चो आ ङोंइती यो खाल पाइबपुकी बाक्‍मा बाक्‍त।
ACT 12:7 मिनु मार दुम्‍माक्‍त देंशा हना, परमप्रभु यावे आ स्‍वर्ग ङा गेय पाइब का फो ग्रूशा, पत्रुस आ ङोंइती राम्‍माक्‍त। मिनु कोठा छेङछेङ तांइसे बाक्‍त। मिनु परमप्रभु यावे आ स्‍वर्ग ङा गेय पाइबमी पत्रुस कली “छुल बोक्‍को” दे चुशा पोक्‍गा बाक्‍त। मिनु बोक्‍मेनु, आ गुइमी पाइश्‍शो साङलो बुइश्‍शा खपीमी देल्‍माक्‍त। प्रेरित ५:१९
ACT 12:8 मिनु “किप्‍शुर किम्‍सो, इ जुत्ता मुंइ‍सो” देंमेनु, पत्रुसमी किप्‍शुर किप्‍शा, जुत्ता मुंइ‍से बाक्‍त। मिनु “इ किप्‍शुर किप्‍शा रुक्‍शा, आं नोले खोइय्‍यी” देंमाक्‍त।
ACT 12:9 मिनु पत्रुस मेको आ नोनोले खोइश्‍शा, कोठा रे ग्रूसा बाक्‍त। पत्रुसमी चहिं एको नेल्‍ल गो कोंइतीक तना तन बाक्‍नुङ, दे मिम्‍ता बाक्‍त। थमा कोठा रे ग्रूङा बाक्‍त, दे मतुइश्‍शो बाक्‍माक्‍त।
ACT 12:10 मिनु कोठा रे ग्रूशा, ङोंइती बाक्‍ब खाल पाइब कली लाक्‍शा, नोले बाक्‍ब कली यो लाक्‍शा, फलाम के सेल्‍शो ठेयब लाप्‍चो जाक्‍दीस्‍सा बाक्‍त। मेकेर जाक्‍दीस्‍सानु, लाप्‍चो रोक्‍से बाक्‍त। मिनु ग्रूशा गाक्‍सा बाक्‍त। मिनु लां का लाग्‍सेनु, परमप्रभु यावे आ स्‍वर्ग ङा गेय पाइबमी पत्रुस कली प्रोंइशा गाक्‍माक्‍त।
ACT 12:11 मेना ब्रङ सेंसीशा “परमप्रभुमी पिप हेरोद नु आं कली खेदा पाइब यहूदी आन गुइ रे प्रोंइथ, आ गेय पाइब सोइश्‍शा प्रोंइयी बाक्‍त” दे तुइक्‍ता बाक्‍त।
ACT 12:12 मेको तुइश्‍शा मर्कूस, यूहन्‍ना नें यो वोइश्‍शो, आ ममा मरीयम आ खिं गे लमाक्‍त। मरीयम आ खिंमी थमा सुइक्‍ब शुश खुम्‍सीशा, प्रार्थना पना पन बाक्‍शो बाक्‍मा बाक्‍त। प्रेरित १२:२५; प्रेरित १३:५,१३; प्रेरित १५:३७
ACT 12:13 मिनु पत्रुस जाक्‍शा, लाङगा ङा लाप्‍चो ख्रोकोल पदा बाक्‍त। मिनु रोदा माइश्‍शो गेय पाइब मीश मुरुम सु जाक्‍मे, दे कोव़थ ग्रू‍माक्‍त।
ACT 12:14 मिनु पत्रुस आ सेंदा नेंशा, पत्रुस जाक्‍माक्‍त, दे तुइश्‍शा, लाप्‍चो मरोक्‍थु फ्रा लेश्‍शा, खिं गामी बाक्‍शो आन कली “आमाइ, लाप्‍चो ङोंइती राप्‍शा बाक्‍ब दा पत्रुस कका बाक्‍त” दे माइक्‍मी बाक्‍त।
ACT 12:15 मोदेंशो नेंशा “गे मार निप्‍स ग्‍यशो लोव़ पवी?” दे आ देंशो थमा मसुदमे बाक्‍त। रोदामी चहिं लोव़ थोक्‍शा, “थमान पत्रुस जाक्‍त” देंमेनु “मो हना पत्रुस ममाइ। पत्रुस कली कोव़ब परमप्रभु यावे आ स्‍वर्ग ङा गेय पाइब बाक्‍म माइ?” देंमा बाक्‍त।
ACT 12:16 मोपा लोव़ पना पन बाक्‍मानु, पत्रुसमी लाप्‍चो ख्रोकोल पाइक्‍स ङा पाइक्‍स बाक्‍माक्‍त। मिनु नोले लाप्‍चो रोक्‍शा कोव़ङमेनु, पत्रुस कली तशा “आल्‍लेइ” दे छक लाक्‍मा बाक्‍त।
ACT 12:17 मिनु पत्रुस ओव़शा आ गुइ हिक्‍शा, आ शोव़ थीप थीप पा सिक्‍सी पा नेनीन देंशा, दोपा प्रभुमी जेल्‍खान रे प्रोंइशा सोइक्‍ता, मेको नेल्‍ल तुइक्‍पाइक्‍मी बाक्‍त। मिनु “याकूब नु इं थमा सुइक्‍ब लोक्‍ब नेल्‍ल आन कली एको लोव़ नेंपतीन, है” देंशा, मेकेर रे गाक्‍माक्‍त।
ACT 12:18 जेल्‍खानमी चहिं मार दुम्‍माक्‍त देंशा हना, सुनी कना सिपाही नु खाल पाइबपुकीमी पत्रुस कली मतामे बाक्‍त। मिनु शुश हिंशा, मार दुम्‍मे, ते लाक्‍गा, दे वाइ की ब्रेम्‍मा बाक्‍त। प्रेरित ५:२१-२२
ACT 12:19 मिनु पिप हेरोदमी पत्रुस कली माल्‍थ सोइक्‍तीमी बाक्‍त। माल्‍ना माल्‍न गाक्‍मानु, यो तेइ मथिदमे बाक्‍त। मिनु थिन्‍ने मचाप्‍शो तशा, पिपमी खाल पाइब आन कली ब्रेश्‍शा हिल्‍लो हिक्‍सी पशा यो मारेइ तुइक्‍ने मचाप्‍तीके खाल पाइब सिपाही आन कली साइक्‍पाइक्‍मी बाक्‍त। मिनु यहूदीया रागी रे सिजरिया सहर याक्‍सीशा बाक्‍माक्‍त।
ACT 12:20 पिप हेरोद मेकेर बाक्‍मेनु, टायर नु सीदोन सहर ङा मुर आन कली तशा चुरमाक्‍त। मोपतीके मेकोपुकीमी मुर निक्‍शी का योव़शा, ब्‍लास्‍तस नें पाइश्‍शो पिप आ ठेयब गेय पाइब मुर नु गारशा, पिप कली ग्रुम्‍थ जाक्‍मा बाक्‍त। मिनु मेकोपुकीमी “दुशा गारशा बाक्‍य, सरकार” दे सेउ पदमे बाक्‍त। मारदे हना पिप हेरोद आ रागी रे मचाक्‍थु जचा मजाक्‍दीम्‍माक्‍त। इजीकीएल २७:१७
ACT 12:21 मिनु काबु पिप हेरोदमी रकारी वा फेक्‍शा, आ ठेयब नित्‍तीकेमी निश्‍शा, मेको आन कली आ लोव़ नेंपाइक्‍मी बाक्‍त।
ACT 12:22 मिनु आ लोव़ नेंशा “मुर आ लोव़ ममाइ, देवता आ लोव़ बाक्‍माक्‍त” देंशा, रेयके पा पिप कली ठेयब सेल्‍मे बाक्‍त। इजीकीएल २८:२
ACT 12:23 पिप हेरोदमी परमप्रभु यावे कली मान मपथु, आंमान ठेयब सेल्‍सीतीके परमप्रभु यावे आ स्‍वर्ग ङा गेय पाइबमी मेको कली रोइ पपदा बाक्‍त। मिनु मेको हेरोद लुस्‍पु जोल्‍शा बेक्‍माक्‍त। दानीएल ५:२०
ACT 12:24 परमप्रभु यावे आ लोव़ तेइ तेइ ब्रशा, शुश मुर थमा सुइक्‍ब दुम्‍मा बाक्‍त। प्रेरित ६:७
ACT 12:25 बारनाबास नु सावल यरूसलेममी क्‍येट चोव़ने थुम्‍शा, एन्‍टीओक लेस्‍सा बाक्‍त। लेस्‍सानु, मर्कूस कली यो लदसे बाक्‍त। मर्कूस कली यूहन्‍ना नें यो वोइश्‍शो बाक्‍त। प्रेरित ११:२९-३०; प्रेरित १३:५
ACT 13:1 एन्‍टीओक सहर ङा थमा सुइक्‍ब आन दातेमी परमप्रभु यावे आ लोव़ पाइ‍ब नु शेंब का निक्‍शी यो बाक्‍मा बाक्‍त। मोदेंशो मुर सु सु बाक्‍मा बाक्‍त देंशा हना, बारनाबास, क्‍येर माइश्‍शो सिमियोन, साइरेनी ङा लुसीयस, पिप हेरोद आ गेय पाइब मानाएन नु सावल बाक्‍मा बाक्‍त। प्रेरित ११:२७; १कोरिन्‍थी १२:२८
ACT 13:2 मिनु काबु थमा सुइक्‍बपुकी खुम्‍सीशा माइजा बाक्‍शा, प्रार्थना पना पन प्रभु कली ठेयब सेल्‍ना सेल्‍न बाक्‍मानु, परमप्रभु यावे आ सोक्‍तीमी “बारनाबास नु सावल आस कली आं गेय पथ योव़तासी। मोपतीके मेको आस कली आं गेय पचा कली सोइक्‍तीने” दे तुइक्‍पाइक्‍मी बाक्‍त। प्रेरित ९:१५
ACT 13:3 मिनु माइजा बाक्‍शा, प्रार्थना पा आसीक गेशा, प्रभु आ गेय पथ सोइक्‍तमे बाक्‍त। प्रेरित ६:६
ACT 13:4 मिनु मेको निक्‍शी परमप्रभु यावे आ सोक्‍तीमी योव़शा सोइक्‍तीके एन्‍टीओक सहर रे ब्रुप्‍शा, सिलुसीया सहरमी जाक्‍दीस्‍सा बाक्‍त। मेकेर जहाज ङोइश्‍शा समुन्‍द्र शोक्‍शा, साइप्रस टापु जाक्‍दीस्‍सा बाक्‍त।
ACT 13:5 मिनु सलामीस सहर जाक्‍दीश्‍शा, यहूदी आन ग्रुम्‍तीक खिं लशा, परमप्रभु यावे आ लोव़ शेंदसे बाक्‍त। एन्‍टीओक रे काथा गाक्‍शा, यूहन्‍ना मर्कूसमी मेको आस कली वारच पस ङा पस बाक्‍माक्‍त। प्रेरित १२:१२,२५
ACT 13:6 मिनु साइप्रस टापु नेल्‍ल हिरशा, गाक्‍मा गाक्‍मा पाफोस सहरमी जाक्‍दीम्‍मा बाक्‍त। मेकेर जाक्‍दीश्‍शा बाक्‍मानु, बार-येसु माइश्‍शो चटक कोंइब, यहूदी मुर का ग्रुम्‍मे बाक्‍त। मेको “परमप्रभु यावे आ लोव़ पाइब नङ” देंखु पा गाक्‍बाक्‍माक्‍त।
ACT 13:7 मेको चटक कोंइब सेरगीयस-पावल नें पाइश्‍शो हुकुम पाइब आ खिंमी बाक्‍बाक्‍माक्‍त। मेको हुकुम पाइब जोक्‍ब तुइक्‍ब मुर बाक्‍माक्‍त। मिनु काबु बारनाबास नु सावल आस कली ब्रेश्‍शा “परमप्रभु यावे आ लोव़ गो यो नेंनुङ” दे माइक्‍सी बाक्‍त।
ACT 13:8 मेको चटक कोंइब बार-येसु कली ग्रीक लोव़मी एलुमास यो देंबाक्‍मा बाक्‍त। मिनु मेकोमी हुकुम पाइब कली बारनाबास नु सावल आस शेंशो लोव़ थमा सुइक्‍चशो तशा “मेको आस शेंशो थमा मसुतीन” दे हुकुम पाइब आ थुं हिरपाइक्‍चा मला बाक्‍त।
ACT 13:9 सावल कली पावल यो देंनीमी। मिनु पावलमी चटक कोंइबमी हुकुम पाइब आ थुं हिरपाइक्‍चा माल्‍शो तुइश्‍शा, परमप्रभु यावे आ सोक्‍तीम ब्रीशा सक्ति पाइश्‍शो दुम्‍शा, चटक कोंइब कली मिक्‍च मयाक्‍थु कोव़स ङा कोव़स पा
ACT 13:10 “गे सैतान आ तौ नवे। रिम्‍शो मदाक्‍थु, मरिम्‍शो ला दाक्‍नेवे। प्रभुमी सेल्‍शो रिम्‍शो लां कली मरिम्‍शो सेल्‍चा थुं पवी? मरिम्‍शो थुं पाइश्‍शो बाक्‍ते। मोपतीके प्रभुमी इ कली मुल सजाइ गेब।
ACT 13:11 गे मिक्‍च मताइब दुम्‍शा, शुश नाक्‍त सम्‍म छेङछेङ मताइनेवे” दे हुइक्‍ता बाक्‍त। मो देंम चोटीन मेको चटक कोंइब मिक्‍च मताइब दुम्‍शा, आ गुइ कीशा लां कोंइब मुर माल्‍दा बाक्‍त।
ACT 13:12 मिनु हुकुम पाइबमी चटक कोंइब कली मिक्‍च मताइब दुम्‍शो तशा छक लाक्‍माक्‍त। मिनु “मेको आस लोव़ प्रभु आ सक्ति पाइश्‍शो लोव़ बाक्‍माक्‍त” दे रुप्‍शा, प्रभु कली थमा सुइक्‍ब दुम्‍माक्‍त।
ACT 13:13 मिनु पावल नु आ वारचपुकी पाफोस सहरमी जहाज ङोइश्‍शा समुन्‍द्र शोक्‍शा, पाम्‍फीलीया रागी ङा पेरगा सहरमी जाक्‍दीम्‍मा बाक्‍त। यूहन्‍ना मर्कूस चहिं पावल नु बारनाबास आस कली प्रोंइशा, यरूसलेम लेम्‍माक्‍त। प्रेरित १५:३८
ACT 13:14 पावल नु बारनाबास पेरगा रे गाक्‍शा, पिसीदीया रागी ङा एन्‍टीओक सहरमी जाक्‍दीस्‍सा बाक्‍त। मिनु नाइक्‍तीक नाक्‍ती ग्रुम्‍तीक खिं लशा, मेकेर देल्‍शो मुरपुकी नु निश्‍शा बाक्‍सा बाक्‍त।
ACT 13:15 मिनु ग्रुम्‍तीक खिं ङा ठेयब मुरपुकीमी मोसा नु परमप्रभु यावे आ लोव़ पाइबमी ब्रेक्‍शो लोव़ पढेपा नेंपाइक्‍ने थुम्‍शा, पावल नु बारनाबास आस कली ब्रेश्‍शा “आंइ लोक्‍ब निक्‍शी, मुर आन कली शेंशा, आन थुं बारपाइक्‍चा ङा लोव़ बाक्‍त हना, शेंदीसे” दे आस कली लोव़ पचा गेमे बाक्‍त। प्रेरित १५:२१
ACT 13:16 मिनु पावल राप्‍शा “इस्राएली नु परमप्रभु यावे कली मान पा हिंबपुकी, इन नोफा दाइश्‍शा, नेनीन।
ACT 13:17 इस्राएली आन परमप्रभु यावेमी आंइ किकी पिपी आन कली योव़शा, इजीप्‍त रागीमी बाक्‍मानु, शुश सोशा बोशा ठेयब जात दुम्‍पाइक्‍मी बाक्‍त। मिनु शुश सक्ति पाइश्‍शो गेय कोंइशा, मेको आन कली श्‍येत रे प्रोंइशा ग्रुंइदीमी बाक्‍त। प्रस्‍थान १२:३७,४०,४१; प्रस्‍थान १४:८
ACT 13:18 मिनु ४० बर्स सम्‍म गोरशो रागीमी लां कोंइना कोंइन लाइक्‍मीनु, मेकोपुकीमी आ लोव़ मटिम्‍तेक्‍म हना यो, फाल्‍शा रिम्‍शो पाइक्‍मी बाक्‍त। भजन संग्रह १०६:१३-३३
ACT 13:19 कनान रागीमी बाक्‍ब ७ रागी ङा मुर नेल्‍ल आन कली साइश्‍शा, मेको आन रागी आंइ किकी पिपी आन कली गेवा बाक्‍त। ब्‍यवस्‍था ७:१; यहोसु १४:२
ACT 13:20 मोपा ४ सहे ५० बर्स बाक्‍शा नोले निसाफ पाइब योव़शा वोदा बाक्‍त। नोले परमप्रभु यावे आ लोव़ पाइब सामुएल कली अधिकार गेवा बाक्‍त। न्‍यायाधीस २:१६; १सामुएल ३:२०
ACT 13:21 सामुएल आ पालामी आंइ किकी पिपीमी ‘आंइ कली सासन पाइब पिप का गेचा नकी’ दे पुन्‍मे बाक्‍त। मिनु परमप्रभु यावेमी बेन्‍यामीन थर ङा कीश आ तौ सावल कली योव़शा, आन पिप सेला बाक्‍त। मिनु सावल ४० बर्स सम्‍म पिप दुम्‍माक्‍त। १सामुएल ८:५; १सामुएल १०:२१-१४
ACT 13:22 मिनु परमप्रभु यावेमी सावल नु आ खिं ङा मुर आन कली पिप दुम्‍चा रे तिल्‍शा, दाऊद कली पिप सेला बाक्‍त। दाऊद आ पर्बम परमप्रभु यावेमी ‘येस्‍से आ तौ दाऊद आं मिम्‍शो खोदेंशो पा आं यो मिम्‍ब। मिनु गो नु गारब। आं दाक्‍शो पाइब, दे तुइक्‍नुङ’ देंशो बाक्‍त। १सामुएल १३:१४
ACT 13:23 परमप्रभु यावेमी इस्राएली आन कली पाप रे प्रोंइब का सोइक्‍नुङ, दे लोव़ गेशो बाक्‍माक्‍त। मेको पाप रे प्रोंइब दाऊद आ खिं ङा येसु बाक्‍ब। यसैया ११:१
ACT 13:24 येसुम शेंचा क्‍येङा ङोंइती ब्‍वाक्‍कुम ख्रुम्‍शा ग्रुंइब यूहन्‍नामी इस्राएली आन कली ‘पाप पचा प्रोंइशा, इन थुं परमप्रभु यावे गे लेत्‍तीन’ दे शेंशो बाक्‍माक्‍त। लूका ३:३
ACT 13:25 मोपा शेंदानु, मुर आन कली ‘आं कली तशा, पाप रे प्रोंइब एको बाक्‍म कोर में? मदेनीन। गो मनङ। तन्‍न मुल जाक्‍चशो बाक्‍ब। गो मेको आ ङोंइती बाप्‍शा, आ जुत्ता प्रुइक्‍चा यो मशिरनुङ’ दे शेंशो बाक्‍माक्‍त। लूका ३:१५; यूहन्‍ना १:२०; मर्कूस १:७; लूका ३:१६; यूहन्‍ना १:२७
ACT 13:26 आं लोक्‍बपुकी, अब्राहाम आ खिं ङा मुर बाक्‍तीनी हना यो, परमप्रभु यावे कली मान पा हिंब अर्को रागी ङा मुर बाक्‍तीनी हना यो, गो नेल्‍ल इं कली परमप्रभुमी पाप रे ब्रोंइतीक लोव़ नेंपाइक्‍ब।
ACT 13:27 यरूसलेममी बाक्‍बपुकी नु आन ठेयब मुरपुकीमी येसु पाप रे प्रोंइब बाक्‍ब, दे मरुबेम। नाइक्‍तीक नाक्‍त किंत किंत परमप्रभु यावेमी ब्रेक्‍पाइश्‍शो लोव़ पढेशा नेंशा यो रुप्‍‍ने मचबेम। मोपा मारेइ रुप्‍‍ने मचाप्‍तीके येसु कली दोस गेम्‍तेक्‍म। आन मो पशोमी साइ ङा ब्रेक्‍शो लोव़ नेल्‍ल थमा सेल्‍तेक्‍म। यूहन्‍ना १६:३
ACT 13:28 साइक्‍चा पुंइसीचा ङा दोस ग्रुंइने मचाप्‍तेक्‍म हना यो, हुकुम पाइब पिलातस कली मेको मुर साइक्‍चा पुंइसीब बाक्‍ब, दे साइक्‍पाइक्‍तेक्‍म। मत्ती २७:२२-२३
ACT 13:29 मिनु साइ ङा ब्रेक्‍शो लोव़ नेल्‍ल थमा दुम्‍पाइक्‍तेक्‍म। येसु शीम क्‍येप्‍शा कांटी थोक्‍शा क्‍याइश्‍शा साइश्‍शा खपीम फ्रुप्‍शा, आ बेक्‍शो रां थिम्‍तेक्‍म। मत्ती २७:५९-६०
ACT 13:30 तन्‍न परमप्रभु यावेमी मेको कली बेक्‍शो रे सेंताक्‍व। प्रेरित ३:१५
ACT 13:31 मिनु गालील रे यरूसलेम सम्‍म येसु नु काथा गाक्‍ब आन कली बेक्‍शो रे सेंसीशा शुश नाक्‍त तपांइसाक्‍व। मोदेंशो पा येसु कली सेंसीशो ताइबपुकीमी ‘येसु बेक्‍शो रे सेंचा पुंइसाक्‍व। मुल यो ब्रोंइशो बाक्‍ब। आंइ मिक्‍चीमी ताइतक’ दे शेंना शेंन गाक्‍नीम।
ACT 13:32 परमप्रभु यावेमी इं किकी पिपी आन कली ङोंइती पशो लोव़ पाप रे प्रोंइब का सोइश्‍शा खाप्‍शो, ग्‍येरपाइक्‍तीक लोव़ इन कली शेंनीकी।
ACT 13:33 मेको लोव़ साइ परमप्रभु यावेमी ब्रेक्‍पाइश्‍शो लोव़ नु गारब। मारदे हना भजन संग्रह कामी ‘गे आं तौ नवे। मुलाक्‍ती गो इ कली थीतन’ दे ब्रेक्‍शो बाक्‍ब। भजन संग्रह २:७
ACT 13:34 लेंशा मबेक्‍चा ङा नु मराक्‍चा ङा पा बेक्‍शो रे सेंसीशो आ पर्बम परमप्रभुमी ‘दाऊद कली गेशो खोदेंशो पा गो इ कली आसीक गेनन’ दे ब्रेक्‍पाइश्‍शो बाक्‍ब। यसैया ५५:३
ACT 13:35 मोपतीके दाऊदमी भजन संग्रह कामी ‘परमप्रभु यावे, इन योव़शो तौ कली बेक्‍शा लशा यो, राक्‍चा मगेनीनी’ दे ब्रेक्‍शो बाक्‍त। भजन संग्रह १६:१०; प्रेरित २:२७
ACT 13:36 दाऊदमी मेको लोव़ ब्रेक्‍शो बाक्‍त हना यो, आंम पर्बम ममाइ। मारदे हना दाऊदमी परमप्रभु यावेमी गेशो सासन पने थुम्‍शा बेक्‍शा, आ किकी पिपी आन कली थिम्‍तीकेमी थिम्‍चा पुंइसीशा राक्‍शा ल‍माक्‍त।
ACT 13:37 येसु चहिं बेक्‍शा मरा। मारदे हना परमप्रभु यावेमी मेको कली बेक्‍शो रे सेंताक्‍व।
ACT 13:38 मोपतीके आं लोक्‍बपुकी, आं लोव़ रुपीने। मेको येसुमी मुर आन पाप क्‍याम्‍शा गेब, दे इन कली शेंनीकी। रोमी ८:३-४
ACT 13:39 येसु कली थमा सुइक्‍ब नेल्‍ल आन पाप क्‍याम्‍चा पुंइसीनीम। मिनु आन पाप क्‍याम्‍चा पुंइसीशा, परमप्रभु आ ङोंइती पाप मपथु बाक्‍शो तांइसीनीम। मोसामी ब्रेक्‍शो लोव़मी इन पाप क्‍याम्‍ने मचाप्‍ब। मारदे हना मेको लोव़ नेल्‍ल टिने मचाप्‍तीके पापी दुम्‍तीनी। रोमी १०:४
ACT 13:40 मोपतीके होस पांइसीने। साइ परमप्रभु यावे आ लोव़ पाइबमी
ACT 13:41 ‘ए, गे शुक्‍शी पाइबपुकी, छक लाक्‍चा ङा पा पुलु दुम्‍शा लने। मारदे हना गो इन पालामीन गेय का पाइनुङ। तन्‍न गे थमा मसुइक्‍नीनी। मिनु सुइमी इन कली शेंताक्‍म हना यो गे थमा मसुइक्‍नीनी’ ” दे पावलमी शेंदीमी बाक्‍त। हबकुक १:५
ACT 13:42 मिनु ग्रुम्‍तीक खिं रे ग्रूशा गाक्‍चाम्‍सेनु, आस लोव़ नेंबपुकीमी “मुल जाक्‍शो नाइक्‍तीक नाक्‍ती लेंशा शेंचा नकी” दे पुन्‍मे बाक्‍त।
ACT 13:43 मिनु गाक्‍सानु, यहूदी नु यहूदी धर्म मानेब शुशेमी मेको आस नोले खोदमे बाक्‍त। मेको निक्‍शीमी “परमप्रभु यावेमी इन कली शिशी पा ख्रीस्‍त कली थमा सुइक्‍ब सेल्‍तु। मुल ङा मेरे मेको थमा सुइक्‍तीक मप्रोनीन” दे मदसे बाक्‍त।
ACT 13:44 मिनु नाइक्‍तीक नाक्‍त जाक्‍मेनु, सहर ङा मुर नेल्‍ल जाक्‍शा, परमप्रभु यावे आ लोव़ शेंशो नेंथ देल्‍मा बाक्‍त।
ACT 13:45 मोपा शुश मुर देल्‍शो तशा, यहूदी आन थुं चोव़मे बाक्‍त। मिनु पावलमी लोव़ शेंदानु, मेकोपुकीमी आ लोव़ ख्रोइश्‍शा, जिचा पोक्‍ग्‍मे बाक्‍त।
ACT 13:46 मिनु पावल नु बारनाबासमी यो महिंथु ठेयब थुं पा “अरु आन क्‍येङा ङोंइती इन कली परमप्रभु यावे आ लोव़ नेंपाइक्‍चा माल्‍शो। गेपुकीमी चहिं मनेंनीनी, नोफा मदाइक्‍नीनी, थमा मसुइक्‍नीनी। इन मोदेंशो पशोमी गेना हना यो ब्रोंइशा बाक्‍चा मताइनीनी। जाम्‍शा लाइनीकी, दे तुइक्‍तीने। मुल ङा मेरे इन कली शेंचा प्रोंइशा, अर्को रागी ङा मुर आन कली शेंथ गाक्‍नस्‍कु। प्रेरित ३:२५-२६; मत्ती १०:५-६
ACT 13:47 आंमा शेंब दुम्‍शा, गाक्‍शो मनस्‍कु। परमप्रभु यावेमी आंस कली आ लोव़ शेंब सेल्‍तु। मिनु मेकोमी ‘गो इ कली नेल्‍ल रागी ङा, नेल्‍ल जात ङा मुर आन कली लां कोंइशा, छेङछेङ दुम्‍शा रुप्‍पाइक्‍चा कली सोइक्‍ताक्‍ङ’ दे ब्रेक्‍शो बाक्‍ब” देंसा बाक्‍त। यसैया ४९:६
ACT 13:48 मिनु अर्को रागी ङा मुरपुकीमी “मुल गो यो पाप रे ब्रोंइचा ताइबाक्‍तक” दे रुप्‍शा थाम्‍पा ग्‍येरसीशा, परमप्रभु यावे कली ठेयब सेल्‍मे बाक्‍त। परमप्रभु यावेमी ङोंइती रे योव़शोपुकीमी ख्रीस्‍त कली थमा सुइश्‍शा, गेना हना यो ब्रोंइशा बाक्‍चा ताइब दुम्‍मा बाक्‍त। रोमी ८:२९-३०
ACT 13:49 मिनु ख्रीस्‍त आ पर्बम शेंशो लोव़ मेको रागीमी तेइ तेइ ब्रमाक्‍त।
ACT 13:50 ख्रीस्‍त कली थमा मसुइक्‍ब यहूदीपुकीमी यहूदी धर्म मानेब ठेयब मीश मुर नु सहर ङा सरकार ङा ठेयब मुर आन कली पोक्‍शा, पावल नु बारनाबास आस कली मेको रागी रे ग्रुंइदमे बाक्‍त।
ACT 13:51 मेको निक्‍शी चहिं आस खोइल ङा फुरकु थुर थुर पा ताइश्‍शा, गाक्‍शा आइकोनीयम सहरमी जाक्‍दीस्‍सा बाक्‍त। प्रेरित १६:८; मत्ती १०:१४
ACT 13:52 एन्‍टीओक सहरम बाक्‍ब थमा सुइक्‍बपुकी चहिं ग्‍येरसीशा, परमप्रभु यावे आ सोक्‍तीम प्रिंचा पुंइसमा बाक्‍त।
ACT 14:1 पावल नु बारनाबास आइकोनीयम सहरमी जाक्‍दीश्‍शा, यहूदी आन ग्रुम्‍तीक खिं लशा, मेकेर खुम्‍सीशा बाक्‍शो आन कली ख्रीस्‍त आ लोव़ शेंना शेंन बाक्‍सा बाक्‍त। मिनु ख्रीस्‍त आ लोव़ नेंशा, यहूदी नु ग्रीक शुशेमी थमा सुदमे बाक्‍त।
ACT 14:2 मिनु थमा मसुइक्‍ब यहूदीपुकीमी अर्को रागी ङा मुर आन कली पोक्‍शा “मेको आस शेंशो लोव़ मनेंचा” दे आन थुं हिरपा मरिम्‍शो पचा गोव़मे बाक्‍त।
ACT 14:3 मो दुम्‍शा यो पावल नु बारनाबास शुश नाक्‍त सम्‍म मेकेर शेंना शेंन बाक्‍सा बाक्‍त। ठेयब थुं पा सुइ आन कली तशा महिंथु, ख्रीस्‍त आ लोव़ शेंदसेनु, प्रभुमी चिन्‍ड नु छक लाक्‍चा ङा गेय पचा कली सक्ति गेशा, आस शेंशो लोव़ थमा सेला बाक्‍त। प्रेरित १९:११; हिब्रू २:४
ACT 14:4 आस लोव़ नेंशा, चिन्‍ड नु छक लाक्‍चा ङा गेय पशो तशा, सहर ङा मुरपुकी ब्राशा, का निक्‍शी थमा मसुइक्‍ब यहूदीपुकी नु गारमा बाक्‍त, का निक्‍शी ख्रीस्‍त आ सोइश्‍शो नु गारमा बाक्‍त।
ACT 14:5 मिनु अर्को रागी ङा मुर, यहूदी नु आन हुकुम पाइब गारशा “शेंब आस कली फुल्‍लु आप्‍शा मसाइक्‍थु मप्रोंइचा नसी” दे साइक्‍चा माल्‍मे बाक्‍त। २तिमोथी ३:११
ACT 14:6 मिनु पावल नु बारनाबासमी मेको आन मो पशो तुइश्‍शा, सहर रे प्रोक्‍शा, लाइकाओनीया रागी ङा लिस्‍त्रा नु डेरबे सहर लसा बाक्‍त।
ACT 14:7 मिनु मेकेर एर ओंथ ङा गाउं गाउं हिरना हिरन ख्रीस्‍त आ लोव़ शेंना शेंन गाक्‍सा बाक्‍त।
ACT 14:8 मिनु लिस्‍त्रा सहरमी जरमेसे रे गाक्‍ने मचाप्‍ब आ खोइल मदुक्‍ब मुर का बाक्‍माक्‍त।
ACT 14:9 काबु मेको खोइल मदुक्‍ब मुरुमी पावल आ शेंशो लोव़ थाम्‍पा नोफा दाइश्‍शा नेंना बाक्‍त। मिनु पावलमी मोपा नोफा दाइश्‍शा नेंशो तशा, मेकोमी साबाक्‍ती, दे थमा सुदा बाक्‍त, दे तुइश्‍शा, मत्ती ९:२८
ACT 14:10 मेको कली मिक्‍च मयाक्‍थु कोव़शा, ठेयब सेंदा पा “इ खोइल दिंशा बोक्‍शा रपो” दे मदा बाक्‍त। मो मदानु, मेको छुल बोक्‍शा राप्‍शा एर ओंथ गाक्‍माक्‍त।
ACT 14:11 मिनु मोपा सापाइश्‍शो तशा, छक लाक्‍शा, मेकेर देल्‍शोपुकीमी आन लाइकाओनीया ङा लोव़ पा “इं देवता मुर खोदेंशो दुम्‍शा यिशा, गोपुकी नु काथा बाक्‍सा बाक्‍त” देंमुमा बाक्‍त। प्रेरित २८:६
ACT 14:12 मिनु बारनाबास कली जिउस नु पावल कली हेरमेस, दे देवता आस नें वोदमे बाक्‍त। मारदे हना पावल चहिं लोव़ पस जोक्‍बाक्‍माक्‍त।
ACT 14:13 सहर ओव़तीक आ नेक्‍था जिउस देवता आ थान सेल्‍शो बाक्‍माक्‍त। मिनु जिउस कली चढ़ेबमी चढे़चा कली ब्‍यफ नु फू माला चाक्‍पाइक्‍मी बाक्‍त।
ACT 14:14 मिनु बारनाबास नु पावलमी मेकोपुकीमी गो इंस कली देवता मानेशा हुश जारशा चढ़ेचशो बाक्‍नीमी, दे तुइश्‍शा, आस वा खाक्‍शा दोरशा लशा, मुर आन दातेमी जाक्‍दीस्‍सा बाक्‍त।
ACT 14:15 मिनु ठेयब सेंदा पा “ए गेपुकी, मार पचानी? गो देवता मनस्‍कु, इन खोदेंशो मुर कका नस्‍कु। इन कली ग्‍येरपाइक्‍ब लोव़ शेंथ जाक्‍शो नस्‍कु। मूर्ति पूजा पचा प्रोंइशा, गेना हना यो ब्रोंइशा बाक्‍ब परमप्रभु यावे गे इन थुं हिरदीने। मेकोमी सरीङ, रागी, समुन्‍द्र नु मेकेर मार मार बाक्‍मा, मेको नेल्‍ल सेल्‍शो बाक्‍ब, दे तुइक्‍तीने। प्रेरित १०:२६
ACT 14:16 साइ ङोंइती रे मुल सम्‍म परमप्रभु यावेमी रागी नेल्‍ल आन कली आन दला दाक्‍स पचा गेशो बाक्‍त। प्रेरित १७:३०
ACT 14:17 आन दला दाक्‍स पा बाक्‍तेक्‍म हना यो, परमप्रभुमी मेको आन कली तुइक्‍पांइसीन सीन बाक्‍त। दोपा तुइक्‍पांइसीन सीन बाक्‍त देंशा हना, रेउ यिपा मार मार वापा इन कली जाक्‍दीत्‍चा ङा पा जचा नु फेक्‍चा गेशा, ग्‍येरशा बाक्‍चा गेशो बाक्‍त” देंसा बाक्‍त।
ACT 14:18 मिनु देवता मानेशा हुश जारशा चढ़ेचा ममाल्‍ब देंसानु यो, हेरर हेररा चढ़ेमे बाक्‍त।
ACT 14:19 मिनु नोले एन्‍टीओक नु आइकोनीयम सहर रे थमा मसुइक्‍ब यहूदीपुकी जाक्‍मा बाक्‍त। मेकोपुकीमी सहर ङा मुर आन कली पोक्‍शा, पावल कली साइक्‍चा कली फुल्‍लु क्रोम्‍पदमे बाक्‍त। मिनु बेक्‍त, दे आ रां लाइश्‍शा, सहर रे ग्रुंइशा ताइक्‍तमे बाक्‍त। २कोरिन्‍थी ११:२५; २तिमोथी ३:११
ACT 14:20 मिनु थमा सुइक्‍बपुकी कोव़थ लशा, पावल आ एर ओंथ राम्‍मानु, सेंसीशा बोक्‍शा सहर लेम्‍माक्‍त। मिनु आ दीसा बारनाबास नु गाक्‍शा, डेरबे सहर जाक्‍दीस्‍सा बाक्‍त।
ACT 14:21 मिनु डेरबे सहरमी शुश मुर आन कली येसु आ ग्‍येरपाइक्‍ब लोव़ शेंशा रुप्‍पदसेनु, शुश मुरुमी थमा सुदमे बाक्‍त। मिनु मेकेर रे लशा लेंशा लिस्‍त्रा, आइकोनीयम नु पिसीदीया ङा एन्‍टीओकमी जाक्‍दीस्‍सा बाक्‍त।
ACT 14:22 मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३
ACT 14:23 मिनु ते ते थमा सुइक्‍बपुकी ग्रुम्‍शा बाक्‍मा, मेक मेक शेंब खाल्‍पापुकी वोइक्‍ना वोइक्‍न, माइजा बाक्‍शा, प्रार्थना पना पन, प्रभु कली थमा सुइश्‍शा, थमा सुइक्‍ब आन कली प्रभु आ गुइमी जिम्‍मा गेना गेन गाक्‍सा बाक्‍त। प्रेरित ६:६
ACT 14:24 मिनु पिसीदीया रागी रे गाक्‍शा, पाम्‍फीलीया रागी जाक्‍दीस्‍सा बाक्‍त।
ACT 14:25 मिनु पेरगा सहरमी ख्रीस्‍त आ लोव़ शेंशा, मेकेर रे ब्रुप्‍शा अत्‍तलीया जाक्‍दीस्‍सा बाक्‍त।
ACT 14:26 अत्‍तालीया सहरमी जहाज ङोइश्‍शा, समुन्‍द्र शोक्‍शा, एन्‍टीओक सहरम जाक्‍दीस्‍सा बाक्‍त। ङोंइती एन्‍टीओकम बाक्‍सानु, परमप्रभु यावेमी मेको आस कली ख्रीस्‍त आ लोव़ शेंथ योव़शो बाक्‍माक्‍त। मिनु थमा सुइक्‍बपुकीमी मेको आस कली प्रभु कली जिम्‍मा गेशा, शेंथ सोइश्‍शो बाक्‍मा बाक्‍त। मिनु मुल शेंने थुम्‍शा लेश्‍शा जाक्‍सा बाक्‍त। प्रेरित १३:१-२
ACT 14:27 मिनु जाक्‍शा थमा सुइक्‍ब आन कली खुप्‍शा, दोपा परमप्रभु यावेमी आं नु बाक्‍शा गेय पपाइश्‍शा आसीक गेवा, दोपा अर्को रागी ङा मुर आन कली थमा सुइक्‍पा, पाप रे ब्रोंइतीक लां कोंइशा, आ मुर सेला, मेको लोव़ नेल्‍ल तुइक्‍पदसे बाक्‍त। १कोरिन्‍थी १६:९
ACT 14:28 मिनु शुश नाक्‍त सम्‍म थमा सुइक्‍बपुकी नु काथा बाक्‍सा बाक्‍त।
ACT 15:1 मिनु नोले यहूदीया रागी रे मुरपुकी यिशा, एन्‍टीओकमी जाक्‍मा बाक्‍त। मेकोपुकीमी “साइ मोसामी देंशो ख्रोइक्‍तीक चिनु ख्रोइक्‍चा माल्‍ब। मपाइतीनी हना, पाप रे ब्रोंइचा मताइनीनी” दे शेंबाक्‍मा बाक्‍त। गलाती ५:२
ACT 15:2 मिनु पावल नु बारनाबासमी मोदें शेंशो नेंशा, मेको आन शेंशो लोव़ मबिस्‍सा बाक्‍त। मेकोपुकीमी ख्रोइक्‍तीक चिनु ख्रोइक्‍चा माल्‍ब देंमा बाक्‍त। पावल नु बारनाबासमी चहिं ख्रोइक्‍चा ममाल्‍ब, देंसा बाक्‍त। मिनु लोव़ निक्‍शी दुम्‍तीके थमा सुइक्‍ब आन थुं ग्‍याल्‍माक्‍त। मिनु पावल, बारनाबास नु का निक्‍शी आन कली योव़शा, यरूसलेममी बाक्‍ब सोइश्‍शोपुकी नु ग्रुम्‍तीके ङा शेंब खाल्‍पा आन कली हिल्‍ल‍ो पथ सोइक्‍तमे बाक्‍त। गलाती २:१
ACT 15:3 मिनु योव़शा सोइक्‍चा पुंइसीशोपुकी एन्‍टीओक रे गाक्‍शा, यरूसलेम ङा लां खोइश्‍शा ङोंइती फोनीसीया, नोले सामरीया रागीमी जाक्‍दीम्‍मा बाक्‍त। मिनु ते ते जाक्‍दीम्‍मा, मेक मेक ङा थमा सुइक्‍ब आन कली ग्रुम्‍शा “अर्को रागी ङा मुरपुकीमी यो ख्रीस्‍त कली थमा सुइश्‍शा, पाप रे ब्रोंइचा ताम्‍तेक्‍म” दे तुइक्‍पाइक्‍ना पाइक्‍न गाक्‍मा बाक्‍त। मिनु नेंबपुकी शुश ग्‍येरसमा बाक्‍त।
ACT 15:4 मिनु यरूसलेममी जाक्‍दीम्‍मानु, थमा सुइक्‍बपुकी, ख्रीस्‍त आ सोइश्‍शो, थमा सुइक्‍ब आन शेंब खाल्‍पा नेल्‍लेमी मान पा ब्रामे बाक्‍त। मिनु परमप्रभु यावेमी पपाइश्‍शो गेय दोपा पामे, मार दुम्‍मे, मेको लोव़ नेल्‍ल देंमा बाक्‍त।
ACT 15:5 थमा सुइक्‍ब का निक्‍शी फरिसी बाक्‍मा बाक्‍त। मेकोपुकीमी बोक्‍शा “अर्को रागी ङा मुरपुकीमी ख्रीस्‍त कली थमा सुइक्‍ब दुम्‍मानु, इं यहूदी धर्म ङा ख्रोइक्‍तीक चिनु ख्रोइक्‍चा माल्‍नीम, मोसामी अरेशो नेल्‍ल पचा माल्‍नीम” देंमा बाक्‍त।
ACT 15:6 मिनु ख्रीस्‍त आ सोइश्‍शोपुकी नु थमा सुइक्‍ब शेंब खाल्‍पापुकी खुम्‍सीशा “मेको लोव़ निक्‍शीमी तेको लोव़ टिशा पचा?” दे लोव़सी पमुमा बाक्‍त।
ACT 15:7 मिनु शुश लोव़ पमुमानु, पत्रुस बोक्‍शा “आं लोक्‍बपुकी, नोफा दाइश्‍शा नेनीने, ख्रीस्‍त आ लोव़ ब्रचा गोवानु, परमप्रभु यावेमी अर्को रागी ङा मुर आन कली शेंशा, ग्‍येरपाइक्‍ब लोव़ थमा सुइक्‍पाइक्‍थ, आं कली योव़ती, दे तुइश्‍शो ननी। प्रेरित १०:४४; प्रेरित ११:१५
ACT 15:8 मुर नेल्‍ल आन थुं तुइक्‍ब परमप्रभु यावेमी यहूदी इं कली गेशो खोदेंशो पा अर्को रागी ङा मुर आन कली यो आन थुंमी आ सोक्‍त गेप्‍तु।
ACT 15:9 मेकोपुकीमी येसु ख्रीस्‍त कली थमा सुइक्‍तीकेमी माफ तशा, गो नेल्‍ल का दुम्‍शो बाक्‍नीकी।
ACT 15:10 परमप्रभु यावेमी मेको आन कली रिम्‍शो सेल्‍तु, दे तुइश्‍शा, इं किकी पिपीमी लाइ यो कुरने मचाप्‍चा ङा भारी मेको आन कली कुरपाइक्‍चा दुम्‍बा ङा? परमप्रभु क्‍येङा लाक्‍शा जोक्‍ब तुइक्‍ब दुम्‍चा शिरबा ङा? मत्ती २३:४; गलाती ५:१
ACT 15:11 मारदे हना प्रभु येसुमी इं कली शिशी पतीके पाप रे ब्रोंइचा ताइतय, दे थमा सुइक्‍तय। मेकोपुकीमी इं खोदेंशो पा प्रभु आ शिशी तशा थमा सुइक्‍ब दुम्‍तेक्‍म” दे पत्रुसमी माइक्‍मी बाक्‍त। मिनु नेल्‍ल ब्‍वालेइ पामे बाक्‍त। गलाती २:१६; एफिसी ४:२-१०
ACT 15:12 मिनु बारनाबास नु पावल आस पालो लोव़ पचा गोम्‍से बाक्‍त। अर्को रागी ङा मुरपुकी नु बाक्‍सानु, दोपा परमप्रभु यावेमी चिन्‍ड नु छक लाक्‍चा ङा गेय पपदा, मेको लोव़ नेल्‍ल तुइक्‍पदसे बाक्‍त।
ACT 15:13 मेको लोव़ पने थुम्‍से नोले याकूबमी “आं लोक्‍बपुकी, इन नोफा दाइश्‍शा, आं लोव़ नेनीने। प्रेरित २१:१८; गलाती २:९
ACT 15:14 परमप्रभु यावेमी अर्को रागी ङा मुर आन कली यो योव़शा, आ मुर सेल्‍तु, दे सिमोनमी तुइक्‍पाइक्‍तु। नेल्‍ल क्‍येङा ङोंइती दोदेंशो दुम्‍मे, मार दुम्‍मे, मेको लोव़ शेंताक्‍व।
ACT 15:15 अर्को रागी ङा मुर आन कली योव़शा, आ मुर सेल्‍तु, दे साइ नेसी परमप्रभु यावे आ लोव़ पाइबपुकीमी ब्रेक्‍शो आन लोव़ नु गारब।
ACT 15:16 ‘मेको नेल्‍ल दुम्‍शा नोले गो लेश्‍शा जाक्‍नुङ। मिनु साइ दाऊदमी सेल्‍पाइश्‍शो ब्रेश्‍शो खिं लेंशा सेल्‍नुङ। मार मार ब्रेश्‍शो बाक्‍मा, मेको नेल्‍ल गो नक सेल्‍शा वोइक्‍नुङ।
ACT 15:17 मारदे हना योव़चा पुंइसीशो अर्को रागी ङा मुरपुकीमी आं कली तुइश्‍शा, आं मुर दुम्‍मल, दे मो पाइक्‍नुङ।
ACT 15:18 साइ रे गो मोदेंशो लोव़ तुइक्‍पाइक्‍ना पाइक्‍न पिती’ दे ब्रेक्‍शो बाक्‍ब। आमोस ९:११-१२
ACT 15:19 मोपतीके परमप्रभु यावे आ देंशो तुइश्‍शा, दोदेंशो मिम्‍चा माल्‍नय देंशा हना, अर्को रागी ङा थमा सुइक्‍ब आन कली श्‍येत मगेचा।
ACT 15:20 मेको आन कली ‘मूर्ति कली चढ़ेशो मजचा, तेल्‍लेम मपचा, हुश मचुइक्‍थु साइश्‍शो श्‍ये मब्‍वचा, हुश मब्‍वचा’ दे चिठी ब्रेक्‍शो बाक्‍त। लेवी १९:४; लेवी १९:२९; लेवी ३:१७
ACT 15:21 परमप्रभुमी मोसा कली ब्रेक्‍पाइश्‍शो लोव़ चहिं तुइक्‍नीम। मारदे हना साइ रे नाइक्‍तीक नाक्‍त इं ग्रुम्‍तीक खिंमी नेंशा तुइक्‍नीम” दे माइक्‍मी बाक्‍त। प्रेरित १३:१५
ACT 15:22 मिनु याकूब आ लोव़ नेंशा, नेल्‍ल थुं का दुम्‍शा, आ देंशो बिस्‍समा बाक्‍त। मिनु चिठी ब्रेक्‍शा, मेको चिठी चोव़थ मुर योव़शा, पावल नु बारनाबास, नु काथा एन्‍टीओक सोइक्‍चा, दे सल्‍ला पामे बाक्‍त। मेको योव़शो का यहूदा नु का सिलास बाक्‍सा बाक्‍त। यहूदा आ याइनी नें बारसाबास बाक्‍माक्‍त। यहूदा नु सिलास थमा सुइक्‍ब आन कली शेंब खाल्‍पा बाक्‍सा बाक्‍त।
ACT 15:23 मेको चिठीम चहिं “एन्‍टीओक, सिरीया नु सिलीसीया ङा अर्को रागी ङा येसु ख्रीस्‍त कली थमा सुइक्‍ब आंइ लोक्‍बपुकी, गो यरूसलेम सहरम बाक्‍ब ख्रीस्‍त आ सोइश्‍शो, आंइ ग्रुम्‍तीक ङा शेंब खाल्‍पा नु थमा सुइक्‍ब लोक्‍ब नेल्‍लेमी इन कली ‘रिम्‍शो बाक्‍कीन’ देंशा ब्रेक्‍शा सोइक्‍ताक्‍क।
ACT 15:24 गोपुकी नु बाक्‍ब का निक्‍शी इन बाक्‍तीकेमी जाक्‍शा, इन थुं क्‍याल्‍तेक्‍म देंशो लोव़ नेंतक। मेको आंइ सोइश्‍शो मबाक्‍नीम।
ACT 15:25 मोपतीके गो नेल्‍ल थुं का दुम्‍शा, मुल इन थुं नाइक्‍पाइक्‍चा कली इं दाक्‍शो बारनाबास नु पावल नु काथा लोव़ कुरब मुर इन बाक्‍तीक सोइश्‍शो बाक्‍नीकी।
ACT 15:26 बारनाबास नु पावल इं प्रभु येसु ख्रीस्‍त आ नेंमी बेक्‍चा यो महिंब बाक्‍नीसी।
ACT 15:27 आंइ मिम्‍शो नु आंइ देंशो नेल्‍ल मेको आंइ सोइश्‍शो यहूदा नु सिलास निक्‍शीमी इन कली तुइक्‍पाइक्‍नीसी। मिनु गे लोव़ नेल्‍ल तुइक्‍नीनी।
ACT 15:28 इन कली रुप्‍पाइक्‍चा माल्‍शो लोव़ चहिं परमप्रभु यावे आ सोक्‍तीमी आंइ कली रुप्‍पाइश्‍शो लोव़ बाक्‍ब। मिनु मेको लोव़ इन कली शेंनीकी। इन कली हेल्‍शो भारी कुरपा गाक्‍पाइश्‍शो खोदेंशो लोव़ ममाइ।
ACT 15:29 मेको लोव़ मार बाक्‍ब देंशा हना ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ एको लोव़ टीतीनी हना, गे रिम्‍शो दुम्‍नीनी। आंइ लोव़ ओशोन बाक्‍ब” दे ब्रेक्‍शो बाक्‍माक्‍त।
ACT 15:30 मिनु यरूसलेम रे ब्रुप्‍शा एन्‍टीओक जाक्‍दीश्‍शा, थमा सुइक्‍ब आन कली ब्रेश्‍शा, मेको चिठी गेम्‍से बाक्‍त।
ACT 15:31 मिनु मेकोपुकीमी चिठी प्राक्‍शा पढेशा, ग्‍येरसमा बाक्‍त।
ACT 15:32 यहूदा नु सिलास परमप्रभु यावे आ लोव़ पाइब यो बाक्‍सा बाक्‍त। मिनु मेको निक्‍शीमी शुश लोव़ पा लोक्‍ब आन थुं बारपदसे बाक्‍त। प्रेरित ११:२७; प्रेरित १३:१
ACT 15:33 मिनु शुश नाक्‍ती एन्‍टीओकम शेंना शेंन बाक्‍शा, यरूसलेम लेत्‍ची ना यहूदा ला लेम्‍माक्‍त।
ACT 15:34 सिलास चहिं एक उइ बाक्‍नुङ, दे बाक्‍माक्‍त।
ACT 15:35 पावल नु बारनाबास एन्‍टीओकम बाक्‍शा अरु नु गारशा, प्रभु आ लोव़ तुइक्‍पाइक्‍ना पाइक्‍न शेंना शेंन बाक्‍सा बाक्‍त।
ACT 15:36 मिनु काबु पावलमी बारनाबास कली “ङोंइती ते ते प्रभु आ लोव़ शेंथ हिरससा, मेक मेक ङा थमा सुइक्‍बपुकी दो पामे, मार पामे, कोव़थ लस” देंमाक्‍त।
ACT 15:37 मिनु बारनाबासमी “यूहन्‍ना, आ याइनी नें मर्कूस कली यो काथा लाइश्‍शा लस” देंमाक्‍त। प्रेरित १२:१२,२५
ACT 15:38 पावलम चहिं मलाइक्‍चा, दे मबिस्‍से बाक्‍त। मारदे हना ङोंइती काथा गाक्‍शा, पाम्‍फीलीया रागीमी बाक्‍मानु, गेय प्रोंइशा आ का ला लेश्‍शो बाक्‍‍माक्‍त। प्रेरित १३:१३
ACT 15:39 मिनु बारनाबास लाइक्‍चा, पावलमी मलाइक्‍चा देंतीके मेको आस लोव़ मगारथु, जिशा ब्रासा बाक्‍त। मिनु बारनाबासमी मर्कूस कली लाइश्‍शा, जहाज ङोइश्‍शा साइप्रस लमाक्‍त।
ACT 15:40 पावलम चहिं सिलास कली योव़ङा बाक्‍त। मिनु थमा सुइक्‍बपुकीमी परमप्रभु यावेमी पावल नु सिलास आस कली रिम्‍शो कोव़ङल, आसीक गेवल, दे प्रार्थना पशा सोइक्‍तमे बाक्‍त।
ACT 15:41 मिनु मेकेर रे लशा, सिरीया नु सिलीसीया रागीमी जाक्‍दीश्‍शा, थमा सुइक्‍ब आन थुं बारपदसे बाक्‍त।
ACT 16:1 मिनु डेरबे सहरमी जाक्‍दीश्‍शा, मेकेर रे लशा, लिस्‍त्रा सहरमी जाक्‍दीस्‍सा बाक्‍त। मिनु लिस्‍त्रामी तिमोथी नें पाइश्‍शो थमा सुइक्‍ब का ग्रुम्‍से बाक्‍त। तिमोथी आ ममा ख्रीस्‍त कली थमा सुइक्‍ब यहूदी जात ङा बाक्‍माक्‍त। आ आफ चहिं ग्रीक बाक्‍माक्‍त। प्रेरित १७:१४; प्रेरित १९:२२; प्रेरित २०:४; फिलिप्‍पी २:१९-२२; १थिस्‍सलोनिकी ३:२,६; २तिमोथी १:५
ACT 16:2 लिस्‍त्रा नु आइकोनीयम सहरमी बाक्‍ब थमा सुइक्‍ब नेल्‍लेमी तिमोथी रिम्‍शो मुर बाक्‍ब देंबाक्‍मा बाक्‍त।
ACT 16:3 मिनु पावलमी तिमोथी कली गेय पाइब वारच सेल्‍शा, काथा लाइक्‍चा देंमाक्‍त। मिनु यहूदीपुकीमी तिल्‍शा मवोदमेक्‍ल, दे ख्रोइक्‍तीक चिनु ख्रोइक्‍पदा बाक्‍त। मारदे हना तिमोथी आ आफ ग्रीक बाक्‍ब, दे नेल्‍लेमी तुइश्‍शो बाक्‍मा बाक्‍त। गलाती २:३
ACT 16:4 मिनु काथा लाइश्‍शा, गाउं सहर हिरना हिरन गाक्‍शा, थमा सुइक्‍ब आन कली ग्रुम्‍शा, यरूसलेमम बाक्‍ब ख्रीस्‍त आ सोइश्‍शोपुकी नु ग्रुम्‍तीक ङा शेंब खाल्‍पा आन देंशो लोव़ नेंपदमे बाक्‍त। प्रेरित १५:२३-२९
ACT 16:5 मोदेंशो नेंपा गाक्‍मानु, थमा सुइक्‍ब आन थुं बारपदमे बाक्‍त। मिनु नाक्‍त किंत किंत थमा सुइक्‍बपुकी तेम्‍सीशा, शुश दुम्‍मा बाक्‍त।
ACT 16:6 मिनु परमप्रभु यावे आ सोक्‍तीमी पावल नु आ वारच आस कली एसीयामी शेंचा मगेतीके फ्रिगीया नु गलातीया रागी लमा बाक्‍त। प्रेरित १८:२३
ACT 16:7 मिनु माइसीया आ नेक्‍था जाक्‍दीश्‍शा, मुल बिथीनीया रागी ओव़चा, दे थुं पामे बाक्‍त। तन्‍न येसु आ सोक्‍तीमी लचा मगेमी बाक्‍त।
ACT 16:8 मोपतीके माइसीया लां रे पा ब्रुप्‍शा, त्रोआस सहरम जाक्‍दीम्‍मा बाक्‍त।
ACT 16:9 मिनु त्रोआस सहरमी बाक्‍मानु, काबु नाक्‍दो प्रभुमी पावल कली कोंइतीक कोंइदा बाक्‍त। मार कोंइदा बाक्‍त देंशा हना, मासीडोनीया रागी ङा मुर का पावल आ ङोंइती राप्‍शा “आंइ मासीडोनीया रागी पिशा, आंइ कली वारच पाइक्‍चा नकी, हजुर” दे पुंइशो तवा बाक्‍त।
ACT 16:10 मेको कोंइतीक तशा, पावल छुल बोक्‍शा “मासीडोनीया लय” देंत। मोपतीके गो यो सासाक्‍क। प्रभुमी मासीडोनीया ङा मुर आन कली ग्‍येरपाइक्‍तीक लोव़ शेंथ सोइक्‍ता बाक्‍त, दे नेल्‍लेमी रुप्‍तक।
ACT 16:11 मिनु त्रोआस सहरमी जहाज ङोइश्‍शा तेइ महिरथु, सामोथ्रेस टापु लां पा आ दीसा नाक्‍ती निआपोलीस सहरमी जाक्‍दीत्‍तक।
ACT 16:12 मेकेर जाक्‍दीश्‍शा जहाज रे तोंइ‍साक्‍क। मिनु गाक्‍शा फिलिप्‍पी सहरमी जाक्‍दीत्‍तक। फिलिप्‍पी मासीडोनीया रागी ङा ठेयब सहर का बाक्‍ब। मेको रागी रोमी आन गुइमी बाक्‍माक्‍त। गोपुकी फिलिप्‍पी सहरमी इच्‍का नाक्‍ती बाक्‍तक।
ACT 16:13 मिनु नाइक्‍तीक नाक्‍त सहर रे ग्रूशा, खोला आ नेक्‍था लाइतक। मारदे हना खोला आ नेक्‍थामी यहूदी आन प्रार्थना पथ बुक्‍तीक बाक्‍म कों, दे मिम्‍शा, मेक जाक्‍दीत्‍तक। मिनु जाक्‍दीक्‍कानु, मीश मुरपुकी खुम्‍सीशा बाक्‍शो थित्‍तक।
ACT 16:14 मिनु मेको आन कली लोव़सी पना पन येसु आं लोव़ शेंताक्‍क। आंइ लोव़ नेंब का चहिं थिआटीरा सहर रे जाक्‍शो वा पसल दाइक्‍ब लिडीया नें पाइश्‍शो मीश मुर का बाक्‍त। मेको लिडीया परमप्रभु यावे कली मान पा ठेयब सेल्‍ब बाक्‍बाक्‍माक्‍त। मेकोमी पावल आ लोव़ थम नोफा दाइश्‍शा नेंतु। मिनु प्रभुमी रुप्‍चा थुं गेप्‍तु।
ACT 16:15 मिनु थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍व। आ खिं ङा मुर नेल्‍ले यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म। ब्‍वाक्‍कुम ख्रुम्‍शा ग्रुंइचा पुंइसीशा नोले लिडीयामी “गेपुकीमी प्रभु कली थमा सुइक्‍ब बाक्‍माक्‍त, दे मिम्‍ताक्‍यीनी हना, आं खिंमी बास बाक्‍थ जाक्‍कीन। आं खिंमी मजाक्‍थु मदुम्‍ब” दे माइक्‍तीकी। मिनु लिडीया आ खिं लशा बाक्‍तक।
ACT 16:16 मेकेर बाक्‍शा गो प्रार्थना पथ खोला आ नेक्‍था लना लन पकानु, काबु वाइलीम मीश आल का लांमी ग्रुम्‍तक। मेको मीश आल वोलम गेशो सक्ति तशा, मुर आन कली नोले दुम्‍ब लोव़ नेल्‍ल तुइक्‍पाइक्‍बाक्‍माक्‍त। मोपा आ होव़प आन कली शुश क्‍येट चेम्‍शा गेबाक्‍माक्‍त।
ACT 16:17 मिनु लांमी ग्रुम्‍शा, आंइ नोले खोइश्‍शा “एको मुर नेल्‍ल क्‍येङा ठेयब परमप्रभु यावे आ गेय पाइब नमी। पाप रे दोपा ब्रोंइचा, दे शेंशा गाक्‍ब नमी, इन कली लां कोंइब नमी” दे रेयके पना पन पित। मर्कूस १:२४,३४
ACT 16:18 नाक्‍त किंत किंत मेकोमी मोदेंशा, रेयके पवानु, पावल ब्रीताक्‍व। मिनु काबु पावल नोले हिरशा, कोव़शा वोल कली “गो येसु ख्रीस्‍त आ नें थिशा ग्रूशा लावो, देंनुङ” दे हुइश्‍शा खेरतु। मर्कूस १६:१७
ACT 16:19 मिनु वोल ग्रूशा, लम ङा मेरे नोले दुम्‍ब लोव़ तुइक्‍तीक सक्ति जाम्‍त। मिनु आ होव़पपुकीमी क्‍येट का यो मतामे। मिनु चुरशा, पावल नु सिलास आस कली ग्‍याइश्‍शा कीशा, सहर ङा दिंम कामी चाक्‍शा, ठेयब मुर निसाफ पाइब आन ङोंइती राप्‍पाइक्‍तेक्‍म।
ACT 16:20 मिनु “एको मुर यहूदी नसी। इं सहरमी जाक्‍शा, मुर आन थुं ग्‍याल्‍पाइश्‍शा शुश श्‍येत गेम्‍ताक्‍से। प्रेरित १७:६
ACT 16:21 इं रोमी ऐन कानुनम मगारचा ङा दूली शेंशा, आस पतीके पपाइक्‍चा बोल पाम्‍ताक्‍स” दे दोस गेम्‍तेक्‍म।
ACT 16:22 एर ओंथ जाक्‍शा देल्‍शोपुकीमी यो “एको आस कली तुप्‍चा माल्‍ब” दे रेयके पाम्‍तेक्‍म। मिनु निसाफ पाइबपुकीमी पावल नु सिलास आस कली आस फेक्‍शो वा प्रुइश्‍शा, कोक्‍केम तुप्‍पाइक्‍तेक्‍म। २कोरिन्‍थी ११:२५; फिलिप्‍पी १:३०; १थिस्‍सलोनिकी २:२
ACT 16:23 मिनु तुप्‍शा जेल्‍खानमी चोक्‍चा देंतेक्‍म। मिनु जेल्‍खान ङा ठेयब मुर कली “प्रोक्‍ने मचाप्‍चा ङा पा चोक्‍पाइश्‍शा वोतो” दे माइक्‍तेक्‍म।
ACT 16:24 मिनु मेकोमी मेको आस कली नेल्‍ल क्‍येङा आगा ङा कोठा लाइश्‍शा, ठेंङरो थोक्‍शा वोइक्‍पदा बाक्‍त।
ACT 16:25 नाक्‍दो पावल नु सिलासमी प्रार्थना पा कुम्‍सो पा परमप्रभु यावे कली ठेयब सेल्‍से बाक्‍त। आस प्रार्थना नु कुम्‍सो पशो जेल्‍खानमी चोक्‍सीशो नेल्‍लेमी नेन्‍मे बाक्‍त।
ACT 16:26 मिनु प्रार्थना नु कुम्‍सो पना पन बाक्‍सानु, ठेयब ख्रिनु कुशा, जेल्‍खान ङा जग यो हिम्‍पदा बाक्‍त। ख्रिनुमी हिम्‍दानु, लाप्‍चो नेल्‍ल रोक्‍समा बाक्‍त। जेल्‍खानमी चोक्‍सीशो आन साङलो, ठेंङरो नेल्‍ल ब्रुइक्‍मा बाक्‍त।
ACT 16:27 मो दुम्‍मेनु, जेल्‍खान ङा ठेयब मुर ग्री‍चोक पा सेंसीशा छुल बोक्‍माक्‍त। मिनु लाप्‍चो नेल्‍ल रोक्‍सीशो तशा “आमाइ, चोक्‍शो नेल्‍ल प्रोक्‍शा गाक्‍मा बाक्‍त। मार पङा” दे आ तरवार ग्रि शोइश्‍शा, क्‍योरसीशा बेक्‍नुङ, दे क्‍योरसीचा मला बाक्‍त।
ACT 16:28 मिनु पावलमी क्‍योरसीचशो तशा “ए मपावो, मपावो, सुइ मप्रोक्‍क। नेल्‍ल बाक्‍तक” दे ब्रेम्‍माक्‍त।
ACT 16:29 मिनु बत्ती दाशा गेयीनी देंशा, चोक्‍शो आन बाक्‍तीके पावल नु सिलास आस ङोंइती लशा, ख्रिंख्रि पा बाम्‍माक्‍त।
ACT 16:30 मिनु मेको आस कली ग्रुंइशा “हजुर, आं पशो पाप मार पा क्‍याम्‍सीबा?” दे हिल्‍लो पवा बाक्‍त। प्रेरित २:३७
ACT 16:31 मिनु पावल नु सिलासमी “प्रभु येसु कली थमा सुतो। मिनु गे नु इ खिं ङा मुर नेल्‍लेमी पाप क्‍याम्‍चा पुंइसीशा गेना हना यो ब्रोंइशा बाक्‍चा ताइनीनी” देंसा बाक्‍त।
ACT 16:32 मिनु मेको ठेयब मुर नु आ खिं ङा मुर नेल्‍ल आन कली प्रभु आ लोव़ तुइक्‍पदसे बाक्‍त।
ACT 16:33 मिनु ठेयब मुर नु आ खिं ङा मुर नेल्‍लेमी थमा सुइश्‍शा ब्‍वाक्‍कुमी ख्रुम्‍शा ग्रुंइचा पुंइसमा बाक्‍त। पावल नु सिलास आस तुप्‍शो गार नेल्‍ल चिक्‍तमे बाक्‍त।
ACT 16:34 मिनु आ खिं लाइश्‍शा, जचा तूचा सेल्‍शा थुल्‍मे बाक्‍त। मिनु नेल्‍लेमी “परमप्रभु यावे कली थमा सुइक्‍ब दुम्‍तय” दे थाम्‍पा ग्‍येरसमा बाक्‍त।
ACT 16:35 आ दीसा सुनी ठेयब मुर निसाफ पाइबपुकीमी “मेको आस कली प्रोंइचा न‍सी” दे सिपाही आन कली जेल्‍खानमी सोइक्‍तमे बाक्‍त।
ACT 16:36 मिनु जेल्‍खान ङा ठेयब मुरुमी पावल कली “गे इस कली प्रोंइचा नसी, दे निसाफ पाइबपुकीम सिपाही कली सोइक्‍ताक्‍मे। सुइमी इस कली दोस गेने मचाप्‍नीम। रिम्‍शो पा लसे” देंमाक्‍त।
ACT 16:37 मिनु पावलमी सिपाही आन कली “गो मोशा मलाइनस्‍कु। मारदे हना सिनाक्‍त आंस कली मारेइ मरुप्‍थु दोस का यो मग्रुंइथु मुर नेल्‍ल आन कुल तुप्‍तीस्‍कीमी। तुप्‍शा ला ममाइ, जेल्‍खानमी यो चोक्‍तीस्‍कीमी। गो रोमी यो नस्‍कु। मिनु मो पचा मदुम्‍ब। आंस कली सुइ आन मतुइक्‍थु ख्रुइश्‍शा प्रोंइशा सोइक्‍चा मगारब। गो लसीन मलाइनस्‍कु। सिनाक्‍त आंस कली चोक्‍पाइक्‍बपुकी जाक्‍शा ग्रुंइदीस्‍कीमील” देंशा सिपाही आन कली लेश्‍शा सोइक्‍ता बाक्‍त। प्रेरित २२:२५
ACT 16:38 मिनु सिपहीपुकी लशा, पावल आ देंशो लोव़ मेको चोक्‍पाइक्‍ब आन कली देंमा बाक्‍त। मिनु मेको निक्‍शी रोमी यो बाक्‍सा बाक्‍त देंशो नेंशा हिंमा बाक्‍त।
ACT 16:39 मिनु हिंशा “लो, प्रोंइथ लचा माल्‍ब” देंशा जेल्‍खानमी जाक्‍मा बाक्‍त। मिनु पावल नु सिलास आस कली “गो इस कली मतुइक्‍थु चोक्‍पाइश्‍शो, मगाइक्‍तीसे, आंइ सहर प्रोंइशा, रिम्‍शो पा लसे” दे मिलो शिलो पा ग्रुंइशा सोइक्‍तमे बाक्‍त।
ACT 16:40 मिनु जेल्‍खान रे ग्रूशा, लिडीया आ खिं जाक्‍ताक्‍स। मिनु पावल नु आ वारचपुकीमी थमा सुइक्‍ब आन कली ग्रुम्‍शा, आन थुं बारपाइश्‍शा वोइश्‍शा गाक्‍तेक्‍म।
ACT 17:1 मिनु मेकेर रे लशा, अम्‍फी-पोलीस नु आपोल्‍लोनीया सहरमी हिरशा, थिस्‍सलोनीकी सहरमी जाक्‍दीम्‍मा बाक्‍त। मेकेर यहूदी आन ग्रुम्‍तीक खिं का बाक्‍माक्‍त। १थिस्‍सलोनिकी २:२
ACT 17:2 पावल हिरशा गाक्‍मेनु, सहर सहर ङा यहूदी आन ग्रुम्‍तीक खिं खिं ओव़शा शेंबाक्‍माक्‍त। मोपा थिस्‍सलोनीकी सहरमी यो ग्रुम्‍तीक खिं लशा, शेंचा गोवा बाक्‍त।
ACT 17:3 नाइक्‍तीक नाक्‍ती सां सम्‍म परमप्रभु यावे आ लोव़ रे पा यहूदी आन कली “पाप रे प्रोंइब ख्रीस्‍त शुश श्‍येत जशा बेक्‍चा माल्‍ब। मिनु बेक्‍शो रे सेंसीचा माल्‍ब, दे ब्रेक्‍शो बाक्‍ब। मेको मोदेंशो श्‍येत जशा बेक्‍शा, बेक्‍शो रे सेंसीशो ख्रीस्‍त चहिं येसु बाक्‍त, दे रुपीने” दे शेंदीमी बाक्‍त। लूका २४:२६-२७, ४५-४६
ACT 17:4 पावल आ लोव़ नेंशा “आ देंशो थमा बाक्‍माक्‍त” दे यहूदी का निक्‍शी थमा सुइक्‍ब दुम्‍शा, पावल नु सिलास नु गारमा बाक्‍त। परमप्रभु यावे कली मान पाइब ग्रीकपुकी नु ठेयब नें चलेशो मीश मुरपुकी शुशेमी यो पावल आ शेंशो नेंशा थमा सुदमे बाक्‍त। १थिस्‍सलोनिकी १:१; २थिस्‍सलोनिकी १:१
ACT 17:5 शुश मुर आन कली थमा सुइश्‍शो तशा, थमा मसुइक्‍ब यहूदी आन थुं चोव़मी बाक्‍त। मिनु हेंथे गाक्‍ब गेय मपाइश्‍शो मुर आन कली खुप्‍शा, सहरमी मरिम्‍शो मुर आन कली पोक्‍पाइश्‍शा, ठेयब रेयके पपदमे बाक्‍त। मिनु पावल नु सिलास यासोन आ खिंमी बाक्‍सा बाक्‍त, दाप्‍शा, यासोन आ खिं लशा “मेको आस कली ग्रुंइशा, आंइ गुइमी गेचा नकी” दे रेयके पामे बाक्‍त।
ACT 17:6 तन्‍न पावल नु सिलास मेको खिंमी मबाक्‍शो बाक्‍सा बाक्‍त। मिनु मेको आस कली मथित्‍थु, यासोन नु थमा सुइक्‍ब आन कली ग्‍याइश्‍शा कीशा लाइश्‍शा, ठेयब मुर आन ङोंइती चाक्‍दीत्‍मे बाक्‍त। मेकोपुकीमी “नेल्‍ल रागी ङा मुर आन कली आन थुं ग्‍याल्‍पाइश्‍शा, दूली पपाइक्‍बपुकी इं सहरमी यो जाक्‍तेक्‍म। प्रेरित १६:२०
ACT 17:7 मिनु एको यासोनमी मेको आन कली बास गेशा थुल्‍शा वोइक्‍तीमी। मेकोपुकीमी इं रोमी पिप सिजर कली ममानेचा। येसु कका पिप बाक्‍ब, दे शेंना शेंन गाक्‍नीम” दे दोस गेमे बाक्‍त। लूका २३:२
ACT 17:8 मेको लोव़ नेंशा ठेयब मुर नु अरु नेल्‍ल आन थुं ग्‍याल्‍मा बाक्‍त।
ACT 17:9 मिनु यासोन नु आ वारच आन कली क्‍येट थाप्‍पाइश्‍शा प्रोंइशा सोइक्‍तमे बाक्‍त।
ACT 17:10 मिनु थमा सुइक्‍बपुकीमी पावल, सिलास नु तिमोथी आन कली में नाक्‍दोन छुल छाल पोक्‍शा, बेरोइया सहर गे सोइक्‍तमे बाक्‍त। मिनु बेरोइया सहरमी जाक्‍दीश्‍शा, यहूदी आन ग्रुम्‍तीक खिं लशा, शेंचा गोव़मे बाक्‍त।
ACT 17:11 बेरोइया सहर ङा यहूदीपुकीमी थिस्‍सलोनीकी ङा मुर आन पशो खोदेंशो मपामे बाक्‍त। तन्‍न नोफा दाइश्‍शा पावल नु सिलास आस लोव़ नेंशा परमप्रभुमी ब्रेक्‍पाइश्‍शो लोव़ नु मेको आस शेंशो लोव़ गारबा देय मगारबा कोव़चा कली नाक्‍त किंत किंत जाक्‍मा बाक्‍त। यूहन्‍ना ५:३९
ACT 17:12 मिनु शुश मुरुमी थमा सुदमे बाक्‍त। ग्रीक रागी ङा नें चलेशो मीश मुर वोंइश मुर यो शुश थमा सुइक्‍ब दुम्‍मा बाक्‍त।
ACT 17:13 मिनु थिस्‍सलोनीकी सहरमी बाक्‍ब यहूदीपुकीमी “पावलमी बेरोइया सहरमी परमप्रभु यावे आ लोव़ शेंबाक्‍माक्‍त” देंशो नेंशा जाक्‍शा, मुर आन कली पोक्‍शा दूली पपाइश्‍शा, पावल कली खेदा पचा गोपदमे बाक्‍त।
ACT 17:14 मिनु थमा सुइक्‍बपुकीमी पावल कली समुन्‍द्र आ नेक्‍था गे सोइक्‍तमे बाक्‍त। सिलास नु तिमोथी चहिं मेक उइ बाक्‍सा बाक्‍त। प्रेरित १६:१
ACT 17:15 पावल कली चोव़दीबपुकीमी एथेन्‍स सहर सम्‍म चोव़दीमा बाक्‍त। मिनु लेत्‍चामेनु, पावलमी मेको आन कली “सिलास नु तिमोथी आस कली आं बाक्‍तीके रीब पा सोइक्‍चा नसी” दे सोइक्‍तीमी बाक्‍त।
ACT 17:16 मिनु पावल एथेन्‍स सहरम मेको आस कली रिम्‍शा बाक्‍मेनु, सहरमी हिरशा गाक्‍माक्‍त। मिनु सहरमी गाक्‍मेनु, तेइ तेइ शुश मूर्ति सेल्‍शा वोइश्‍शो तशा, आ थुं मनुमाक्‍त।
ACT 17:17 मिनु यहूदी आन ग्रुम्‍तीक खिं लशा, यहूदी नु परमप्रभु कली मान पाइब अर्को रागी ङा मुर आन कली येसु आ पर्बम लोव़सी पना पन बाक्‍माक्‍त। नाक्‍त किंत किंत सहरमी हिरशा, लांमी सु सु आन कली ग्रुम्‍मी, मेको नेल्‍ल आन कली येसु आ पर्बम शेंना शेंन गाक्‍माक्‍त।
ACT 17:18 मोपा मुर आन कली ग्रुमानु, इपीक्‍युरीपुकी, स्‍तोइकीपुकी नु यो ग्रुम्‍शा लोव़ पवा बाक्‍त। मेकोपुकीमी पावल आ शेंशो नेंशा का निक्‍शीमी “एकोमी मार हेंथे फश लोव़ पना पन गाक्‍बाक्‍मे” देंमा बाक्‍त। का निक्‍शीमी चहिं “फश लोव़ ममाइ। मुल सम्‍म इं मतुइश्‍शो देवता आ पर्बम शेंबाक्‍त” देंमा बाक्‍त। देवता आ पर्बम शेंबाक्‍त, दे मारदे देंमा बाक्‍त देंशा हना, पावलमी “येसु आ ग्‍येरपाइक्‍ब लोव़ नु बेक्‍शो रे सेंसीशा ब्रोंइत” दे शेंबाक्‍माक्‍त। १कोरिन्‍थी ४:१२
ACT 17:19 मिनु मेकोपुकी पावल कली अरीयोपागस माइश्‍शो आन देल्‍शा बाक्‍तीकेमी लोव़ पथ चाक्‍दीत्‍मे बाक्‍त।
ACT 17:20 मिनु मेकोपुकीमी “गो मारेइ मतुइक्‍नीकी। गो आंइ कली शेंदीने, रुप्‍पतीने। इन शेंशो लोव़ मार में, दे रुप्‍चा दाक्‍नीकी” देंमा बाक्‍त
ACT 17:21 एथेन्‍स ङा मुर नु एथेन्‍स सहरमी बाक्‍ब नेल्‍लेमी नक नक लोव़ पचा नु नेंचा कली नाक्‍त किंत किंत हिरशा माल्‍शा बाक्‍बाक्‍मा बाक्‍त।
ACT 17:22 मिनु पावल अरीयोपागसमी राप्‍शा “एथेन्‍स सहरम बाक्‍बपुकी, गो इन सहरमी हिरशा गाक्‍ङानु, तेइ तेइ मूर्ति सेल्‍शा वोइश्‍शो ताता। मोपतीके गे मूर्ति आन कली सेउ पाइबाक्‍तीनी, पूजा पाइबाक्‍तीनी, दे रुप्‍ता।
ACT 17:23 इन पूजा पशो मूर्ति कोव़ना कोव़न गाक्‍ङानु, मूर्ति कामी ‘मतुइश्‍शो देवता’ दे मुशा ब्रेक्‍शा वोइश्‍शो ताता। मुल सम्‍म इन मतुइक्‍थु मानेशो परमप्रभु आ पर्बम गो इन कली शेंथ जाक्‍ती।
ACT 17:24 सरीङ रागीमी मार मार बाक्‍मा मेको नेल्‍ल परमप्रभुमी सेल्‍शो नम। मोपतीके सरीङ रागी सेल्‍ब परमप्रभु मुरुमी सेल्‍शो थान मन्‍दीरमी मबाक्‍ब। १कोरिन्‍थी ८:२७
ACT 17:25 मुरपुकीमी परमप्रभु कली मारेइ गेचा ममाल्‍नीमी। आं कका रागीमी बाक्‍ब नेल्‍ल आन कली ब्रोंइतीक सोक्‍त नु आन माल्‍शो नेल्‍ल गेशो बाक्‍ब। भजन संग्रह ५०:९-१२
ACT 17:26 ङोंइती मुर का सेल्‍शा, मेको मुर रे पा नेल्‍ल रागी ङा मुर सेल्‍तीमी। दोशो ब्रोंइचा, ते बाक्‍चा, मेको नेल्‍ल परमप्रभुमी पने थुम्‍शो बाक्‍ब। ब्‍यवस्‍था ३२:८
ACT 17:27 मुरपुकीमी परमप्रभु यावे कली माल्‍शा थिश्‍शा, मुर आन कली सेल्‍शा रागीमी वोइक्‍तीमी। मेको मुर आन क्‍येङा ङोन मबाक्‍ब, इं नेक्‍थान बाक्‍शो बाक्‍ब। यसैया ५५:६
ACT 17:28 मारदे हना परमप्रभु नु काथा बाक्‍शा ब्रोंइनय, दे तुइक्‍नय। गेपुकी नु बाक्‍ब ब्रेक्‍ब मुर कामी ‘गो नेल्‍ल परमप्रभु आ तमी तौ नय’ दे ब्रेक्‍शो बाक्‍त।
ACT 17:29 गोपुकी परमप्रभु यावे आ तमी तौ दुम्‍शा, मुर आन मिम्‍शो आन गुइमी सेल्‍शो सुन चांदी फुल्‍लु मार मार के मूर्ति तशा, परमप्रभु मोदेंशो बाक्‍ब, दे मिम्‍चा मदुम्‍ब। उत्‍पत्ती १:२७; यसैया ४०:१८
ACT 17:30 मुल सम्‍म गे मतुइक्‍तीनी। मिनु मतुइक्‍थु देवता आन कली सेउ पाइबाक्‍तीनी। मतुइक्‍थु मो पशो तुइश्‍शा, परमप्रभु यावेमी इन कली दोस मगेब। मुल चहिं परमप्रभुमी मुर नेल्‍ल आन कली ‘इन थुं आं गे लेत्‍तीन’ दे ब्रेप्‍ब। प्रेरित १४:१६; लूका २४:४७
ACT 17:31 मारदे हना काबु नेल्‍ल आन कली ठीक पा निसाफ पाइब। मेको निसाफ पची नाक्‍त परमप्रभुमी योव़शा वोइश्‍शो बाक्‍ब। निसाफ पाइब यो योव़शा वोइश्‍शो बाक्‍ब। मेको निसाफ पाइब कली ‘आं योव़शो बाक्‍ब’ दे कोंइचा कली बेक्‍शो रे सेंताक्‍व” दे पावलमी शेंदीमी बाक्‍त। प्रेरित १०:४२; मत्ती २५:३१-३३
ACT 17:32 मिनु बेक्‍शो रे सेंचा पुंइसाक्‍व, मुर नेल्‍ल बेक्‍शो रे सेंचा पुंइसीनीम, दे शेंशो नेंशा, का निक्‍शीमी “एको फश लोव़ पाइक्‍बाक्‍त, है” दे रिस्‍समा बाक्‍त। का निक्‍शीमी चहिं “इन शेंशो रिम्‍शो लाक्‍तक, लेंशा नेंनीकी” दे गाक्‍मा बाक्‍त।
ACT 17:33 मिनु पावल मेकेर रे ल‍माक्‍त।
ACT 17:34 का निक्‍शीमी आ लोव़ थमा सुइश्‍शा, पावल नु गारमा बाक्‍त। मोदेंशो आ नु गारब का डियोनीसीयस नें पाइश्‍शो अरीयोपागस ङा मुर बाक्‍माक्‍त। का डामारीस नें पाइश्‍शो मीश मुर बाक्‍माक्‍त। अरु यो बाक्‍मा बाक्‍त।
ACT 18:1 मिनु नोले पावल एथेन्‍स रे लशा, कोरिन्‍थ सहरमी जाक्‍दीम्‍माक्‍त।
ACT 18:2 मिनु कोरिन्‍थ सहरम बाक्‍मेनु, नक इटाली रे जाक्‍शो अक्‍वीला नें पाइश्‍शो यहूदी नु आ मीश प्रिस्‍कीला आस कली ग्रुम्‍सी बाक्‍त। अक्‍वीला पोन्‍टसमी जरमेशो बाक्‍माक्‍त। मेको निक्‍शी ङोंइती रोम सहरमी बाक्‍शो बाक्‍सा बाक्‍त। तन्‍न क्‍लौदीयस माइश्‍शो रोमी पिपमी यहूदी नेल्‍ल आन कली रोम सहरम बाक्‍चा मगेथु, ग्रुंइशा सोइक्‍तीके गाक्‍शा, कोरिन्‍थ सहरम जाक्‍शो बाक्‍सा बाक्‍त। रोमी १६:३
ACT 18:3 मिनु पावल अक्‍वीला नु प्रिस्कीला ग्रुम्‍शा, मेको नु काथा बाक्‍माक्‍त। मारदे हना ङोंइती पावल मेको आस खोदेंशो पा ताम्‍बु सेल्‍ब बाक्‍माक्‍त। मिनु सांफा दुम्‍शा गारशा, गेय पामे बाक्‍त। प्रेरित २०:३४; १कोरिन्‍थी ४:१२
ACT 18:4 नाइक्‍तीक नाक्‍ती पावल यहूदी आन ग्रुम्‍तीक खिं लशा, यहूदी नु ग्रीक नेल्‍ल आन कली ख्रीस्‍त आ पर्बम रुप्‍पदुमी, दे शेंबाक्‍माक्‍त।
ACT 18:5 मिनु नोले सिलास नु तिमोथी मासीडोनीया रे जाक्‍शा, मेक जाक्‍सा बाक्‍त। मिनु पावलमी “शेंचा गेय ला पाइनुङ” देंशा, यहूदी आन कली “येसु मेको ख्रीस्‍त बाक्‍ब, दे रुपीन” दे शेंना शेंन गाक्‍बाक्‍माक्‍त। प्रेरित १७:१४-१५: २कोरिन्‍थी १:१९
ACT 18:6 मिनु यहूदीपुकीमी आ शेंशो थमा मसुइक्‍थु शुक्‍शी पामेनु, पावलमी आ फेक्‍शो वा ङा फुरकु थुर थुर पा मेको आन कली “गे बेक्‍शा जाम्‍शा लाइतीनी हना, आं कली मारेइ देंचा मताइनीनी। मुल ङा मेरे यहूदी इन कली शेंचा प्रोंइशा, अर्को रागी ङा मुर आन कली शेंथ गाक्‍नुङ” दे मेको आन कली प्रोंइशा गाक्‍माक्‍त। प्रेरित १३:५१; नेहेम्‍याह ५:१५; प्रेरित २०:२६
ACT 18:7 मिनु परमप्रभु यावे कली मान पाइब तीतीयस-युस्‍तस नें पाइश्‍शो मुर आ खिं लशा, मेकेर शेंचा गोवा बाक्‍त। मेको आ खिं ग्रुम्‍तीक खिं आ नेक्‍थान बाक्‍माक्‍त।
ACT 18:8 ग्रुम्‍तीक खिं ङा क्रिस्‍पस माइश्‍शो ठेयब मुर नु आ खिं ङा मुर नेल्‍ल प्रभु कली थमा सुइक्‍ब दुम्‍मा बाक्‍त। कोरिन्‍थी शुशेमी यो पावल आ शेंशो नेंशा, थमा सुइश्‍शा ब्‍वाक्‍कुम ख्रुम्‍शा ग्रुंइचा पुंइसमा बाक्‍त। १कोरिन्‍थी १:१४
ACT 18:9 मिनु काबु नाक्‍दो प्रभुमी पावल कली कोंइतीक कोंइदानु “सुइ कली तशा महिनो। शेंस ङा शेंस बाक्‍को। येरमीया १:८; १कोरिन्‍थी २:३
ACT 18:10 मारदे हना गे नु काथा बाक्‍शा, इ कली कोव़नन। मिनु सुइमी इ कली मरिम्‍शो पने मचाप्‍नीम। मेको सहरमी बाक्‍ब शुश मुर आन कली योव़ने थुम्‍ता” देंशो नेंना बाक्‍त। यूहन्‍ना १०:१६
ACT 18:11 मिनु पावल बर्स का ६ महिना सम्‍म कोरिन्‍थ सहरमी परमप्रभु यावे आ लोव़ शेंना शेंन बाक्‍माक्‍त।
ACT 18:12 आकाया रागीमी गाल्‍लीयो माइश्‍शो हुकुम पाइब बाक्‍मेनु, यहूदीपुकी खुम्‍सीशा, पावल कली ग्‍याइश्‍शा, हुकुम पाइब आ ङोंइती चाक्‍दीत्‍मे बाक्‍त।
ACT 18:13 मिनु मेकोपुकीमी “एको मुरुम ‘परमप्रभु यावे आ अरेशो लोव़ मगारचा ङा पा परमप्रभु कली ठेयब सेल्‍चा माल्‍ब’ दे मुर आन कली शेंब” दे दोस गेमे बाक्‍त।
ACT 18:14 मिनु पावलमी एको गेशो दोस आ पर्बम लोव़ लेत्‍चा चिक्‍शो, गाल्‍लीयोमी लोव़ पचा मगेथु, दोस गेब यहूदी आन कली “एको मुर मरिम्‍शो पशा, खुइ पा मुर आन कली साइश्‍शो हना, इन लोव़ नेंशा गो निसाफ पङ वा। प्रेरित २५:१८-२०
ACT 18:15 तन्‍न लोव़, नें नु इन परमप्रभु यावे आ अरेशो लोव़ आ पर्बम बाक्‍त हना, गो मेको निसाफ पचा मदाक्‍नुङ। गे आंमा गारीने” दे हुइश्‍शा सोइक्‍तीमी बाक्‍त। यूहन्‍ना १८:३१
ACT 18:16 मिनु मेको आन कली सोइक्‍ता बाक्‍त।
ACT 18:17 यहूदीपुकीमी ग्रुम्‍तीक खिं ङा ठेयब मुर सोस्‍थेनेस कली ग्‍याइश्‍शा, हुकुम पाइब आ ङोंइती तुप्‍मे बाक्‍त। मोपा तुम्‍मुमानु यो, गाल्‍लीयोमी मारेइ मपवा बाक्‍त।
ACT 18:18 मोदेंशो दुम्‍शा नोले पावल शुश नाक्‍ती सम्‍म कोरिन्‍थ सहरम बाक्‍माक्‍त। मिनु अक्वीला नु नोले थमा सुइक्‍ब लोक्‍ब आन कली “लो, मुल लची जाक्‍ती” देंशा, जहाज ङोइश्‍शा, सिरीया गे लमाक्‍त। अक्‍वीला नु प्रिस्‍कीला यो पावल नु सिरीया गे लसा बाक्‍त। केन्‍क्रेया सहरमी जाक्‍दीश्‍शा, पावलमी आ चां प्रेक्‍गा बाक्‍त। मारदे हना कसम जशो बाक्‍माक्‍त। प्रेरित २१:२४-२६
ACT 18:19 मिनु एफिसस सहरमी जाक्‍दीश्‍शा, प्रिस्‍कीला नु अक्‍वीला आस कली “लो, गे एके बाक्‍कीसे” दे प्रोंइशा वोइक्‍सी बाक्‍त। मिनु पावल चहिं ग्रुम्‍तीक खिं लशा, यहूदीपुकी नु लोव़सी पचा गोवा बाक्‍त।
ACT 18:20 मिनु यहूदीपुकीमी “इच्‍का नाक्‍त बाक्‍शा शेंदीकी” देंमानु “गो बाक्‍ने मचाप्‍नुङ।
ACT 18:21 परमप्रभु यावेमी लेश्‍शा सोइक्‍ताक्‍यी हना, लेश्‍शा जाक्‍शा शेंनन्‍नी” दे एफिसस रे लशा जहाज ङोंइसे बाक्‍त। याकूब ४:१५
ACT 18:22 मिनु सिजरियामी जाक्‍दीश्‍शा, यरूसलेम ग्‍येत्थ लशा, थमा सुइक्‍ब आन कली ग्रुम्‍शा, एन्‍टीओकमी जाक्‍दीम्‍माक्‍त। प्रेरित २१:१५
ACT 18:23 मिनु इच्‍का नाक्‍त एन्‍टीओकमी बाक्‍शा, मेकेर रे लशा, गलातीया नु फ्रिगीया रागीमी जाक्‍दीश्‍शा, तेइ तेइ हिरशा, थमा सुइक्‍ब आन कली ग्रुम्‍शा, आन थुं बारपाइक्‍तीक लोव़ पना पन गाक्‍माक्‍त।
ACT 18:24 मिनु एफिसस सहरमी मार दुम्‍माक्‍त देंशा हना, अलेकजेन्‍द्रीया रागीमी जरमेशो आपोल्‍लोस माइश्‍शो यहूदी मुर का जाक्‍माक्‍त। मेको शुश पढेशा, परमप्रभु यावे आ लोव़ रुप्‍शा, अरु आन कली यो रुप्‍पाइक्‍ने चाप्‍ब बाक्‍माक्‍त। १कोरिन्थी ३:५-६
ACT 18:25 प्रभु येसु आ पर्बम शेंसीशा जोक्‍शो बाक्‍माक्‍त। सक्ति पाइश्‍शो लोव़ पने चाप्‍ब बाक्‍माक्‍त। मिनु येसु आ लोव़ दोदेंशो बाक्‍मे, मोदेंशोन शेंबाक्‍माक्‍त। ब्‍वाक्‍कुम ख्रुम्‍शा ग्रुंइचा आ पर्बम चहिं यूहन्‍नामी दोदेंशो पशो बाक्‍मे, मेको ला तुइश्‍शो बाक्‍माक्‍त। प्रेरित १९:३
ACT 18:26 मिनु मेको एफिससमी जाक्‍दीम रे यहूदी आन ग्रुम्‍तीक खिंमी शेंचा गोवा बाक्‍त। सुइ कली तशा महिंथु, येसु आ पर्बम शेंदा बाक्‍त। मिनु प्रिस्‍कीला नु अक्वीलामी आपोल्‍लोस आ शेंशो नेंशा, आस खिं लाइश्‍शा, परमप्रभु यावे आ पर्बम शुश लोव़ तेम्‍शा रुप्‍पदसे बाक्‍त।
ACT 18:27 मिनु काबु आपोल्‍लोसमी “आकाया रागीमी हिरशा, शेंथ लाइनुङ” देंमेनु, थमा सुइक्‍ब लोक्‍बपुकीमी “दुम्‍ब” देंमा बाक्‍त। मिनु आकाया रागीमी बाक्‍ब थमा सुइक्‍ब आन कली चिठी ब्रेक्‍शा “आपोल्‍लोस इन बाक्‍तीके जाक्‍मेनु, मान पा ब्रने, आ लोव़ नेनीने” दे ब्रेक्‍शा सोइक्‍तमे बाक्‍त। मिनु मेकेर जाक्‍दीश्‍शा, थमा सुइक्‍ब आन कली ग्रुम्‍शा, आन थुं बारपाइक्‍मी बाक्‍त।
ACT 18:28 थमा मसुइक्‍ब यहूदी नु लोव़ पवानु, परमप्रभु यावे आ लोव़ रे पा शेंशा, येसु मेको ख्रीस्‍त बाक्‍ब, दे लोव़ शेंदा बाक्‍त। मिनु यहूदीपुकीमी मारेइ देंने मचाप्‍मे बाक्‍त। प्रेरित ९:२२; प्रेरित १७:३
ACT 19:1 आपोल्‍लोस मोपा शेंना शेंन गाक्‍शा, कोरिन्‍थ सहरमी जाक्‍दीम्‍माक्‍त। पावल चहिं एफिससमी जाक्‍दीम्‍माक्‍त। मिनु प्रभु आ लां खोइक्‍ब आन कली ग्रुमा बाक्‍त।
ACT 19:2 मिनु पावलमी मेको आन कली “गेपुकीमी थमा सुइक्‍ब दुम्‍नीनु, परमप्रभु यावे आ सोक्‍तीम प्रिंचा पुंइसीनी?” दे हिल्‍लो पवानु “ममाइ, गो परमप्रभु यावे आ सोक्‍त मतुइक्‍नीकी। मेको आ पर्बम मनेंशो यो बाक्‍नीक” देंमा बाक्‍त। प्रेरित २:३८
ACT 19:3 मिनु पावलमी “मो हना सु आ नेंमी ब्‍वाक्‍कुम ख्रुम्‍शा ग्रुंइचा पुंइसीनी?” दे हिल्‍लो पवानु “यूहन्‍नामी देंशो टिशा, ब्‍वाक्‍कुमी ख्रुम्‍शा ग्रुंइचा पुंइसाक्‍क” देंमा बाक्‍त।
ACT 19:4 मिनु पावलमी “यूहन्‍नामी मुर आन कली ‘पाप पचा प्रोंइशा इन थुं परमप्रभु यावे गे लेत्‍तीने। मिनु आं नोले जाक्‍ब कली थमा सुतीने’ दे ब्‍वाक्‍कुम ख्रुम्‍शा ग्रुंइदीमी बाक्‍त। यूहन्‍ना आ नोले जाक्‍शो चहिं येसु बाक्‍ब” दे शेंदीमी बाक्‍त। मत्ती ३:११
ACT 19:5 पावल आ लोव़ नेंशा, मेकोपुकीमी “लो दुम्‍ब” दे येसु आ नेंमी ब्‍वाक्‍कुमी ख्रुम्‍शा ग्रुंइचा पुंइसमा बाक्‍त।
ACT 19:6 मिनु पावलमी आ गुइ आन पिया तारी वोदानु, परमप्रभु यावे आ सोक्‍तीम ब्रीमा बाक्‍त। मिनु आन मतुइश्‍शो लोव़ पा प्रभु कली ठेयब सेल्‍मे बाक्‍त। मिनु परमप्रभु यावे आ सोक्‍तीम गेशो लोव़ पामे बाक्‍त। प्रेरित ८:१७; प्रेरित १०:४४,४६
ACT 19:7 मोदेंशो दुम्‍शोपुकी १२ जना खोइ बाक्‍मा बाक्‍त।
ACT 19:8 मिनु पावल महिना सां सम्‍म यहूदी ग्रुम्‍तीक खिंमी परमप्रभु यावे आ राज्‍य ङा लोव़ शेंना शेंन बाक्‍माक्‍त। सुइ तशा महिंथु, ठेयब थुं पा “थमा सुइश्‍शा परमप्रभु यावे आ राज्‍य ओव़ङीन” दे शेंना शेंन बाक्‍माक्‍त।
ACT 19:9 मिनु आ लोव़ नेंबपुकीमी थमा मसुइक्‍थु, नक लां आ पर्बम ग्रुम्‍तीक खिंमी शुक्‍शी लोव़ पतीके मेको मेकेर शेंचा प्रोना बाक्‍त। मिनु शेंसीचा दाक्‍ब आन कली चहिं काथा लाइश्‍शा, टिरान्‍नस आ इस्‍कुलमी नेंचा दाक्‍ब आन कली खुप्‍शा, नाक्‍त किंत किंत शेंना शेंन बाक्‍माक्‍त।
ACT 19:10 मिनु बर्स निक्‍शी सम्‍म मोपा शेंना शेंन बाक्‍माक्‍त। मोपतीके एसीया ङा यहूदी नु ग्रीक नेल्‍लेमी परमप्रभु यावे आ लोव़ नेंचा तामे बाक्‍त।
ACT 19:11 मिनु परमप्रभु यावेमी शुश छक लाक्‍चा ङा गेय पावल आ गुइ रे पा कोंइदा बाक्‍त। प्रेरित १४:३; २कोरिन्‍थी १२:१२
ACT 19:12 मुरपुकीमी आन फेक्‍शो वा, रूमाल लाइश्‍शा, पावल कली थीबाक्‍मा बाक्‍त। मिनु लेश्‍शा चाक्‍शा रोइ पाइब आन कली थीपदमेनु, साबाक्‍मा बाक्‍त। वोलमी तशो आन वोल ग्रूशा प्रोक्‍बाक्‍मा बाक्‍त। प्रेरित ५:१५
ACT 19:13 मिनु वोल आन कली खेरशा गाक्‍ब यहूदी का निक्‍शीमी पावल आ तस खोइश्‍शा, प्रभु येसु आ नें थिशा, वोल ग्रुंइशा खेरचा गोव़मे बाक्‍त। मेकोपुकीमी “पावलमी शेंशो येसु आ नेंमी ग्रूङो” दे वोल आन कली खेरचा बोल पाइबाक्‍मा बाक्‍त। लूका ९:४९
ACT 19:14 यहूदी ङा ठेयब चढ़ेब स्‍केवा माइश्‍शो मुर आ ७ जना तौपुकीमी मोदेंशो पाइबाक्‍मा बाक्‍त।
ACT 19:15 मिनु काबु वोलमी मेको आन कली “येसु कली तुइक्‍नुङ। पावल कली यो तुइक्‍नुङ, गेपुकी चहिं सु ननी?” देंमाक्‍त।
ACT 19:16 मिनु वोलम थिशो मुरुमी प्रेक्‍शा, ग्राम्‍शा, ग्‍याइश्‍शा खोल्‍शा तुप्‍स ङा तुप्‍स पा हुश चुइश्‍शा, मेको आन वा खाक्‍शा, शिश्रा सेल्‍मी बाक्‍त। मिनु नेल्‍ल प्रोक्‍मा बाक्‍त।
ACT 19:17 मेको लोव़ तेइ तेइ ब्रशा, एफिससमी बाक्‍ब यहूदी नु ग्रीक नेल्‍लेमी नेन्‍मे बाक्‍त। मिनु “येसु आ नेंमी हेंथे मब्‍वाक्‍चा बाक्‍माक्‍त” दे रुप्‍शा हिंशा, प्रभु येसु आ नें कली मान पा ठेयब सेल्‍मे बाक्‍त।
ACT 19:18 मिनु येसु कली थमा सुइक्‍चा क्‍येङा ङोंइती आन मन्‍तर तन्‍तर पशो आ पर्बम “मुल ङा मेरे मपाइनीकी” दे थमा सुइक्‍ब नेल्‍ल आन कली नेंपदमे बाक्‍त।
ACT 19:19 मिनु शुश मन्‍तर तन्‍तर पाइब आन मन्‍तर तन्‍तर ङा किताब चाक्‍शा, मेको मुर आन ङोंइती चोव़मे बाक्‍त। मेको किताब कली ५० हजार चांदी के द्राकमे थाप्‍शो बाक्‍माक्‍त। द्राकमे का देनार यो देंशो बाक्‍त। मेको नाक्‍त का ङा गाल्‍च चांदी के क्‍येट बाक्‍ब।
ACT 19:20 मिनु परमप्रभु यावे आ लोव़ तेइ तेइ ब्रशा सक्ति पाइश्‍शो दुम्‍शा बारना बारन लमाक्‍त। प्रेरित १२:२४
ACT 19:21 मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११
ACT 19:22 मोदेंशो थुं पशा, तिमोथी नु इरास्‍तस आस कली मासीडोनीया सोइक्‍तीम्‍सी बाक्‍त। आं चहिं एसीया उइ बाक्‍माक्‍त। २तिमोथी ४:२०
ACT 19:23 एफिससमी बाक्‍मेनु, मार दुम्‍माक्‍त देंशा हना, प्रभु आ नक लां खोइक्‍चा आ पर्बम राम्‍शी पोक्‍चा गोव़मे बाक्‍त। २कोरिन्‍थी १:८-९
ACT 19:24 मारदे हना देमेत्रीयस माइश्‍शो सुन चांदी चेम्‍ब मुर कामी सुन के आरतेमीस देवी आ मूर्ति सेल्‍शा लेयशा, शुश क्‍येट चेम्‍‍बाक्‍माक्‍त। मूर्ति चेम्‍ब शुश बाक्‍मा बाक्‍त। मेकोमी शुश मुर आन कली गेय गेशो बाक्‍माक्‍त। आरतेमीस लतीन लोव़मी दिआना बाक्‍‍ब।
ACT 19:25 मिनु काबु मेको आन कली ब्रेश्‍शा, खुप्‍शा “आं वारचपुकी, आं लोव़ का निक्‍शी नेनीने। मूर्ति चेम्‍शा लेयशा क्‍येट चेम्‍शो नय, दे गो नेल्‍लेमी तुइक्‍नय।
ACT 19:26 मुल चहिं एको पावल नें पाइश्‍शो मुरुमी एसीया नेल्‍ल हिरने थुम्‍शा, इं एफिससमी जाक्‍शा, मुर नेल्‍ल आन कली ‘मुर आन गुइ रे सेल्‍शो मूर्ति देवी ममाइ’ देंशा शुश मुर आन थुंमी मूर्ति पूजा पचा प्रोंइपाइक्‍तीमी। मेको इं मिक्‍चीम ताइतय।
ACT 19:27 मोदेंशो दुम्‍शा, इं गेय ला जाम्‍शो ममाइ, इं मानेशो आरतेमीस ठेयब देवी आ मन्‍दीर आ नें यो जाम्‍शा लचा चिक्‍ताक्‍व। मुरपुकीमी मेको कली सेउ पचा प्रोंइचाम्‍तेक्‍मे। साइ एसीयामी बाक्‍ब नेल्‍लेमी ठेयब सेल्‍शा, मान पना पन बाक्‍शो नमी, मुल मारेइ मान मलीब” दे आन थुं खुरपाइक्‍मी बाक्‍त।
ACT 19:28 मिनु मेकोपुकीमी “इं एफिसस ङा आरतेमीस देवी नेल्‍ल क्‍येङा ठेयब देवी बाक्‍ब” दे शुश रेयके पचा गोव़मे बाक्‍त।
ACT 19:29 मिनु मोदेंशो पा सहर नेल्‍ल ठेयब रेय‍के दुम्‍माक्‍त। मुरपुकी दोरशा जाक्‍शा, सहर ङा दिंममी खुम्‍समा बाक्‍त। मासीडोनीया रे जाक्‍शो पावल नु काथा गाक्‍ब गायस नु अरीस्‍तारकस आस कली ग्‍याइश्‍शा, मेको दिंममी चाक्‍ग्‍मे बाक्‍त। प्रेरित २०:४
ACT 19:30 मिनु पावलमी मोदेंशो दुम्‍शो तशा, गो यो देल्‍तीकेमी लाइनुङ देंमेनु, थमा सुइक्‍बपुकीमी लचा मगेमे बाक्‍त।
ACT 19:31 एसीया रागी ङा सरकार आ गेय पाइब ङोंइती ङा आ वारचपुकीमी यो “मेक लचा मदुम्‍ब, है” दे लोव़ नेंपाइक्‍थ मुर सोइक्‍तमे बाक्‍त।
ACT 19:32 दिंममी देल्‍शोपुकीमी कामी लोव़ का, अर्कोमी अर्को लोव़ पा रेयके ला पामे बाक्‍त। तन्‍न मारदे देल्‍शो, मारदे रेयके पशो, मेको लोव़ हुलपुकीमी मारेइ मतुइक्‍तमे बाक्‍त।
ACT 19:33 मिनु यहूदीपुकीमी पोक्‍शो अलेकजन्‍डर कली हुल आन ङोंइती राप्‍पाइश्‍शा “लो, लोव़ पावो” दे मदमेनु, मेकोमी आ गुइ हिम्‍शा “सिक्‍सी पा आं लोव़ नेनीने, नेल्‍ल रुप्‍पाइक्‍नन्‍नी” देंमाक्‍त।
ACT 19:34 तन्‍न आ लोव़ पशो रे “एको यहूदी कका बाक्‍माक्‍त” दे तुइश्‍शा “इं एफिसस ङा आरतेमीस देवी नेल्‍ल क्‍येङा ठेयब देवी बाक्‍ब, जाइ आरतेमीस, जाइ आरतेमीस” दे घन्‍टा निक्‍शी सम्‍म रेयके पस ङा पस ग्रीमे बाक्‍त।
ACT 19:35 मिनु नोले सहर ङा ठेयब मुरुमी मेको आन कली रेयके पचा नाइक्‍पाइक्‍मी बाक्‍त। मिनु “इं एफिसीपुकी, आं लोव़ नेनीने। इं एफिसस सहरमी बाक्‍ब आरतेमीस देवी आ मन्‍दीर, आ नें यो नेल्‍ल क्‍येङा ठेयब बाक्‍ब, दे मुर नेल्‍लेमी ममिम्‍नीमी ङा? सरीङ रे दोक्‍शो मूर्ति कली मान पा ठेयब मसेल्‍नीमी ङा?
ACT 19:36 रागी रागीम बाक्‍ब मुर नेल्‍लेमी मानेशा ठेयब सेल्‍नीमी। मिनु गेपुकीमी मार रेयके पनी? मोदेंशो रेयके पचा मदुम्‍ब।
ACT 19:37 गेपुकीमी ग्‍याइश्‍शा चाक्‍शो मुर निक्‍शीमी आरतेमीस देवी आ मन्‍दीर आ नें मक्‍याम्‍देस, देवी कली शुक्‍शी लोव़ यो मपाम्‍स, मारेइ मरिम्‍शो मपाम्‍स।
ACT 19:38 देमेत्रीयस नु आ वारचपुकीमी सुइ कली मुददा पचा थुं पाम्‍तेक्‍म हना, निसाफ पाइब आ ङोंइती लशा, उजुर पचा माल्‍शो। निसाफ पाइब आ ङोंइती चाक्‍शा, दोस ग्रुंइचा माल्‍शो।
ACT 19:39 निसाफ पाइबमी गारपाइक्‍ने मचाप्‍तु हना, गो सहर ङा ठेयब जोक्‍ब तुइक्‍ब नेल्‍ल बुक्‍शा, लोव़ पा गेनीकी।
ACT 19:40 तन्‍न मुलाक्‍ती खोदेंशो रेयके पचा मदुम्‍ब। मोदेंशो पाइतय हना, गो नेल्‍ल मरिम्‍शो पा दोसी दुम्‍नय, दे रुपीने। मारदे हना एको रेयके मारदे दुम्‍मे, मेको देंने मचाप्‍नय” दे माइक्‍मी बाक्‍त।
ACT 19:41 मो देंने थुम्‍शा, मुर आन कली आन खिं खिं सोइक्‍तीमी बाक्‍त।
ACT 20:1 मिनु मेको रेयके नाइक्‍तमे नोले पावलमी थमा सुइक्‍ब आन कली ब्रेश्‍शा खुप्‍शा “थमा सुइक्‍चा मप्रोंइथु, इन थुं बारपा बाक्‍कीन” देंशा आन कली मेक उइ प्रोंइशा मासीडोनीया लमाक्‍त। २कोरिन्‍थी २:१३
ACT 20:2 मासीडोनीयामी हिरना हिरन थमा सुइक्‍ब आन कली ग्रुम्‍शा शेंशा, आन थुं बारपाइक्‍ना पाइक्‍न गाक्‍शा, ग्रीस रागी जाक्‍दीम्‍माक्‍त।
ACT 20:3 मिनु ग्रीस रागीमी महिना सां सम्‍म बाक्‍शा “मुल जहाज ङोइश्‍शा, सिरीया गे लाइनुङ” दे लचावानु “यहूदीपुकीमी आं कली ग्‍याइक्‍चा कली लां बाप्‍शो बाक्‍नीम” दे तुइश्‍शा, जहाज ङोइश्‍शा मलथु, गाक्‍शा मासीडोनीया लमाक्‍त।
ACT 20:4 पावल नु काथा गाक्‍ब सु सु बाक्‍मा बाक्‍त देंशा हना, बेरोइया ङा पुरोस आ तौ सोपाटेर, थिस्‍सलोनीकी सहर ङा अरीस्‍तारकस नु सेकुन्‍दस, डेरबे ङा गायस, तिमोथी, एसीया ङा तिखीकस नु त्रोफीमस बाक्‍मा बाक्‍त। प्रेरित १७:१०; प्रेरित १९:२०; प्रेरित १६:३; एफिसी ६:२१; प्रेरित २१:२९
ACT 20:5 मेकोपुकी गो आंइ क्‍येङा ङोंइती लशा, त्रोआस सहरमी रिम्‍शा बाक्‍मा बाक्‍त।
ACT 20:6 बोरब ओख्‍ती मसुप्‍शो शोब्‍ले जची नाक्‍त लाक्‍शा, फिलिप्‍पी सहर रे जहाज ङोइश्‍शा, ५ नाक्‍त नोले त्रोआस सहरमी जाक्‍दीत्‍तक। मेकेर आंइ वारच आन कली ग्रुम्‍शा, ७ नाक्‍त मेक उइ बाक्‍तक।
ACT 20:7 आइतबार नाक्‍त प्रभु भोज जथ खुम्‍साक्‍क। मिनु पावलमी दीसा लचा माल्‍ब देंशा, नाक्‍दो उइक्‍थ दुम सम्‍म शुश लोव़ पाप्‍तु। मत्ती २८:१; प्रेरित २:४२,४६
ACT 20:8 आंइ बाक्‍शो तला तारी ङा कोठा शुश बत्ती दाशो बाक्‍त।
ACT 20:9 मेकेर युतीकस नें पाइश्‍शो ठिटा मुर का झेलमी निश्‍शो बाक्‍त। मिनु पावलमी शेंना शेंन शुश लाइश्‍शो लोव़ पवानु, युतीकस मुकु जिशा निन्‍द्रा पाप्‍तु। मिनु तला सां तार रे दोक्‍त। मिनु मुरपुकी कोव़थ लमानु, बेक्‍ने थुम्‍शो थित्‍तेक्‍म।
ACT 20:10 मिनु पावल यो यिशा बाप्‍शा आ रां मुप्‍शा, एर ओंथ बाक्‍ब आन कली “मबेक्‍शो बाक्‍त। मोपतीके महिनीन” दे माइक्‍तीमी। १राजा १७:२१
ACT 20:11 मिनु लेश्‍शा कुशा, प्रभु भोज जने थुम्‍शा नां दाप्‍ची सम्‍म शेंना शेंन बाक्‍त। मिनु गो आंइ लची जाक्‍मेनु,
ACT 20:12 मेको ठिटा कली सेस तशा, नेल्‍ल आंइ थुं नाइश्‍शा ग्‍येरसाक्‍क।
ACT 20:13 मिनु पावलमी “गे जहाज ङोइश्‍शा, अस्‍सोस सहर लने। गो चहिं गाक्‍शा इन कली ग्रुम्‍नन्‍नी” देंशा आंइ कली जहाजमी ङोइक्‍पाइश्‍शा सोइक्‍ताक्‍की। मिनु अस्‍सोसमी जाक्‍दीत्‍तक।
ACT 20:14 मिनु अस्‍सोस सहरमी ग्रुम्‍शा, पावल यो जहाजमी ङोइश्‍शा गो नेल्‍ल मितीलेनेमी सहर जाक्‍दीत्‍तक।
ACT 20:15 आ दीसा नाक्‍त खिओस हांबु जाक्‍दीत्‍तक। आ नित्‍थ नाक्‍त सामोसमी जाक्‍दीत्‍तक। मिनु आ सांबु नाक्‍त मिलेटस जाक्‍दीत्‍तक।
ACT 20:16 पावलमी “पेन्तीकोस चाड मानेचा कली यरूसलेम जाक्‍दीत्‍चा माल्‍ब। मोपतीके लांमी मग्‍योल्‍चा, एसीयामी मनाइक्‍चा। एफिससमी यो मनाइक्‍चा” देंतीके मनाइक्‍थु गाक्‍तक। प्रेरित १८:२१
ACT 20:17 मिलेटसमी जाक्‍दीश्‍शा, पावलमी एफिससमी बाक्‍ब थमा सुइक्‍ब आन शेंब खाल्‍पा आन कली “मिलेटसमी ग्रुम्‍थ जाक्‍कीने” दे ब्रथ सोइक्‍ताक्‍व।
ACT 20:18 मिनु मेकोपुकी जाक्‍मानु, पावलमी मेको आन कली “नेल्‍ल क्‍येङा ङोंइती इन एसीया रागी जाक्‍ङा रे मुल सम्‍म गेपुकी नु बाक्‍शा, गो मार शेंदन्‍नी दोपा लां कोंइदन्‍नी, दोपा गेपुकी नु बाक्‍ङा, मेको नेल्‍ल तुइक्‍नीनी। प्रेरित १८:१९; प्रेरित १९:१०
ACT 20:19 गो प्रभु आ वाइल दुम्‍शा, ठेयब मलेत्‍थु प्रभु आ गेय पना पन गाक्‍ती। मोपा गाक्‍ङानु, यहूदीपुकीमी खेदा पा शुश श्‍येत गेशा, आं थुं खाइक्‍पा ङाक्‍पाइक्‍तीमी।
ACT 20:20 मो पाम्‍तेक्‍म हना यो, गो इन खिं खिं हिरशा, इन कली ग्रुम्‍शा, का का पा शेंशा, इन कली रिम्‍शो दुम्‍ल, दे तुइक्‍पाइक्‍तन्‍नी। खिं खिं हिरशा ला ममाइ। गाउं सहरमी यो हिरशा, मुर आन बुक्‍तीकेमी जाक्‍दीश्‍शा, शेंना शेंन गाक्‍ती।
ACT 20:21 मोदेंशो शेंशा गाक्‍शा यहूदी, ग्रीक नु नेल्‍ल रागी ङा मुर आन कली ‘पाप पचा प्रोंइशा, परमप्रभु यावे गे लेश्‍शा, इं प्रभु येसु ख्रीस्‍त कली थमा सुइक्‍य’ दे शेंना शेंन गाक्‍ती।
ACT 20:22 मिनु मुल परमप्रभु यावे आ सोक्‍तीमी देंशो टिशा, यरूसलेम गे ङा लां खोइश्‍शा गाक्शो बाक्‍‍नुङ। यरूसलेममी जाक्‍दीश्‍शा, आं कली मार दुम्‍बा, दे मतुइक्‍नुङ। प्रेरित १९:२१
ACT 20:23 लोव़ का ला तुइक्‍नुङ। मारदे हना सहर गाउं तेइ तेइ हिरशा गाक्‍ङानु, परमप्रभु यावे आ सोक्‍त रे पा लोव़ पाइबमी ‘यरूसलेम जाक्‍दीश्‍शा, शुश श्‍येत जाइनेवे। जेल्‍खानमी चोक्‍चा पुंइसीनेवे’ दे नेंपाइक्‍तीमी। प्रेरित ९:१६; प्रेरित २१:४,११
ACT 20:24 गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७
ACT 20:25 गो इन कली परमप्रभु यावे आ राज्‍य ङा लोव़ नेल्‍ल तुइक्‍पाइक्‍ने थुम्‍तन्‍नी। मुल ङा मेरे मग्रुम्‍नय, दे तुइक्‍नुङ।
ACT 20:26 बेक्‍शा जाम्‍शा लाइतीनी हना यो, आं के मारेइ दोस मदुम्‍ब, इन कली थमा पा देंनुङ। इजीकीएल ३:१७-१९; प्रेरित १८:६
ACT 20:27 मारदे हना परमप्रभु यावेमी शेंपाइश्‍शो लोव़ का यो मख्रुइक्‍थु नेल्‍ल शेंताक्‍न्‍‍नी।
ACT 20:28 गे आंम कली कोव़ङीने। परमप्रभु यावे आ सोक्‍तीमी इन कली थमा सुइक्‍ब आन कली कोव़ब सेल्‍तु। गे परमप्रभु यावे आ मुर आन कली मुर आन कली कोव़ब रिम्‍शो गोठला दुमीन। मारदे हना मेकोपुकी आ तौ आ हुशेम ग्‍याप्‍शो बाक्‍नीमी। १तिमोथी ४:१६; १पत्रुस ५:२-४
ACT 20:29 गो इन कली प्रोंइशा वोइश्‍शा, गाक्‍ङा नोले फरमी बी क्‍यारश आन कली खेदा पशो खोदेंशो पा खेदा पचा पुंइसीनीनी। मत्ती ७:१५
ACT 20:30 गेपुकी नु काथा गाक्‍ब थमा सुइक्‍बपुकी यो मोदेंशो खेदा पाइब फर खोदेंशो दुम्‍नीम। मेकोपुकीमी दूली लोव़ शेंशा, थमा सुइक्‍ब आन थुं ग्‍येत्‍थ लुक्‍च क्‍याल्‍पाइश्‍शा, आन नोले खोइक्‍ब सेल्‍नीम, दे तुइक्‍नुङ। १यूहन्‍ना २:१८-१९
ACT 20:31 मोपतीके होस पांइसीने। बर्स सां सम्‍म श्‍येत पा ङाक्‍थ्री दुम्‍शा, गोमी इन कली शेंशो, वारच पशो काइ मप्रेंदीने।
ACT 20:32 मुल गो इन कली परमप्रभु यावे आ गुइमी जिम्‍मा गेनुङ। प्रभुमी इन कली शिशी पा आ लोव़ नेल्‍ल रुप्‍चा गेशा, इन थुं बारना बारन लपाइश्‍शा, आ मुर नेल्‍ल आन कली गेतीक आसीक गेब, दे तुइक्‍नुङ।
ACT 20:33 गेपुकी नु बाक्‍ङानु, इन बाक्‍शो सुन चांदी वा नेल्‍ल तशा मवाल्‍ङ। मारेइ मताक्‍गु।
ACT 20:34 गो आंम आं गुइमी गेय पना पन जाता। गो नु काथा गाक्‍ब आन कली यो गोन थुल्‍तामी। प्रेरित १८:३; १कोरिन्‍थी ४:१२; १थिस्‍सलोनिकी २:९
ACT 20:35 गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।
ACT 20:36 मेको लोव़ पने थुम्‍शा, आ पोक्‍च थेक्‍शा मेकोपुकी नु प्रार्थना पाप्‍तु। प्रेरित २१:५
ACT 20:37 पावलमी “मुल ङा मेरे मग्रुम्‍नय” देंशो लोव़मी नेल्‍ल ङाक्‍तेक्‍म।
ACT 20:38 मिनु पावल कली “लेंशा मतांइसीब” दे मुप्‍शा पुक्‍पु पशा, जहाज सम्‍म चोव़तेक्‍म।
ACT 21:1 मिनु गो पावल नु गाक्‍ब नेल्‍ले जहाजमी ङोइश्‍शा, मिलेटस रे लशा, कोस टापुमी जाक्‍दीत्‍तक। आ दीसा नाक्‍ती रोदोस लाक्‍शा, पतारा सहर जाक्‍दीत्‍तक।
ACT 21:2 पतारामी जहाज रे तोइश्‍शा, फोनीसीया लाइब जहाज ङोइश्‍शा लाइतक।
ACT 21:3 साइप्रस टापु तांइसीतीक जाक्‍दीश्‍शा, साइप्रस गे मलथु, आइदी रे पा ग्रीशा लशा, सिरीया रागी ङा टायर सहरमी जाक्‍दीश्‍शा तोंइ‍साक्‍क। मारदे हना मेको जहाजमी कुर‍शो भारी शोल्‍चा माल्‍शो बाक्‍त।
ACT 21:4 मिनु सहर लशा, थमा सुइक्‍ब आन बाक्‍तीके माल्‍शा, ७ नाक्‍त सम्‍म मेकोपुकी नु बाक्‍तक। मिनु थमा सुइक्‍बपुकीमी परमप्रभु यावे आ सोक्‍त रे पा लोव़ पा पावल कली “यरूसलेम मलावो” दे माइक्‍तेक्‍म। प्रेरित २०:२३
ACT 21:5 साता का नोले “गो आंइ लां खोइक्‍नीकी” देंकानु, मीश मुर वोंइश मुर, आल ब्रेप्‍च नेल्‍लेमी चोव़थ सहर लाक्‍शा समुन्‍द्र आ नेक्‍था सम्‍म चाक्‍तेक्‍म। मिनु पोक्‍च थेक्‍शा प्रार्थना पशा ब्राशा, प्रेरित २०:३६
ACT 21:6 गोपुकी जहाज ङोंइ‍साक्‍का, मेकोपुकी चहिं आन खिं खिं लेश्‍शा लाम्‍तेक्‍म।
ACT 21:7 मिनु टायर रे लशा, तोलेमाइस जाक्‍दीश्‍शा तोंइ‍साक्‍क। मिनु थमा सुइक्‍ब आन कली ग्रुम्‍थ लशा, काबु काथा बाक्‍तक।
ACT 21:8 मिनु आ दीसा नाक्‍ती सिजरिया जाक्‍दीश्‍शा तोंइ‍साक्‍क। मिनु ग्‍येरपाइक्‍ब लोव़ शेंब फिलीप आ खिं लशा बाक्‍तक। योव़शो गेय पाइब ७ जना ङा फिलीप का बाक्‍शो बाक्‍त। प्रेरित ६:५; प्रेरित ८:४०
ACT 21:9 फिलीप के ४ जना ग्‍युंबे मपशो तमी बाक्‍तेक्‍म। मेकोपुकी परमप्रभु यावे आ लोव़ पाइब बाक्‍तेक्‍म।
ACT 21:10 मोपा फिलीप आ खिंमी बाक्‍कानु, काबु अगाबस माइश्‍शो परमप्रभु यावे आ लोव़ पाइब मुर का यहूदीया रागी रे यिशा, आंइ बाक्‍तीकेमी जाक्‍त। प्रेरित ११:२८
ACT 21:11 मिनु गोपुकी नु बाक्‍शा, पावल आ किप्‍शुरम आंम गुइ खोइल फ्रेंसीशा, “परमप्रभु यावे आ सोक्‍तीमी ‘एको किप्‍शुर किप्‍ब मुर कली यरूसलेमम जाक्‍दीश्‍शा बाक्‍मेनु, यहूदीपुकीमी एको ओं पा फ्रेंनीमी। मिनु अर्को रागी ङा मुर आन गुइमी जिम्‍मा गेनीमी’ ” दे नोले दुम्‍ब लोव़ पाप्‍तु। प्रेरित २०:२३
ACT 21:12 अगाबस आ मोदेंशो लोव़ नेंशा, गो नेल्‍लेमी पावल कली “यरूसलेम मलावो, लचा मदुम्‍ब” दे माइक्‍तक। मत्ती १६:२२
ACT 21:13 पावलमी चहिं “मारदे ङाक्‍शा ब्रेश्‍शा, आं थुं खाइक्‍पाइक्‍नीनी? मलथु मप्रोंइनुङ। यरूसलेम जाक्‍दीश्‍शा, प्रभु येसु आ नेंमी फ्रेंसीचा ला ममाइ, बेक्‍चा माल्‍ती हना यो, बेक्‍नुङ” देंत। प्रेरित २०:२४
ACT 21:14 मिनु मलथु मप्रोंइबाक्‍माक्‍त, दे रुप्‍शा, गोपुकीमी “लो, मो हना प्रभु आ दाक्‍शो दुम्‍ल” देंतक। लूका २२:४२
ACT 21:15 मिनु नोले यरूसलेम लाइतक।
ACT 21:16 सिजरिया ङा थमा सुइक्‍बपुकी यो गो नु गाक्‍तेक्‍म। यरूसलेममी जाक्‍दीश्‍शा, मेको गो नु गाक्‍बपुकीमी मनासोन आ खिंमी बास बाक्‍चा, दे चाक्‍दीत्‍तेक्‍म। मनासोन चहिं साइप्रस टापु ङा बाक्‍माक्‍त। साइ ङोंइती रे ख्रीस्‍त कली थमा सुइक्‍ब बाक्‍माक्‍त।
ACT 21:17 यरूसलेममी जाक्‍दीक्‍कानु, मेकेर बाक्‍ब थमा सुइक्‍बपुकीमी आंइ कली तशा ग्‍येरशा ब्राइतीकी।
ACT 21:18 जाक्‍दीश्‍शो आ दीसा पावलमी आंइ कली याकूब आ खिं लाइश्‍शा, थमा सुइक्‍ब आन कली शेंब खाल्‍पा नु ग्रुम्‍पाइक्‍तु। प्रेरित १५:१३
ACT 21:19 मिनु ग्रुम्‍शा सेउ पमुशा, पावलमी अर्को रागी ङा मुर आन कली ख्रीस्‍त आ पर्बम शेंना शेंन गाक्‍मेनु, परमप्रभु यावेमी दोपा ठेयब गेय पपाइश्‍शो बाक्‍मे, मेको लोव़ नेल्‍ल का का पा रुप्‍पाइक्‍तीमी।
ACT 21:20 आ लोव़ नेंशा, परमप्रभु यावे कली ठेयब सेल्‍तेक्‍म। मिनु मेकोपुकीमी पावल कली “आंइ लोक्‍ब, इ देंशो नेल्‍ल रिम्‍शो बाक्‍ब। तन्‍न गो इ कली लोव़ का निक्‍शी देंनीकी। इं यहूदीपुकी हजार हजार जना ख्रीस्‍त कली थमा सुइक्‍ब दुम्‍तेक्‍म, दे तुइक्‍नेवे। मेकोपुकीमी थमा सुइश्‍शा यो इं यहूदी अरेशो लोव़ काइ मप्रोंइथु पचा माल्‍ब देंनीमी। प्रेरित १५:१
ACT 21:21 मेकोपुकीमी ‘पावलमी अर्को रागी ङा मुर नु बाक्‍ब यहूदी आन कली मोसामी अरेशो लोव़ पचा प्रोनीने, इन आल आन कली ख्रोइक्‍तीक चिनु मख्रोतीन’ दे शेंना शेंन गाक्‍ब, देंशो नेंशो बाक्‍नीमी। प्रेरित १६:३
ACT 21:22 पावल यरूसलेम जाक्‍माक्‍त, दे तुइक्‍नीम।
ACT 21:23 आंइ देंशो पावो। मिनु मेको लोव़ जाम्‍ब। गो नु बाक्‍ब ४ जना मुर कसम पशो बाक्‍तेक्‍म। प्रेरित १८:१८
ACT 21:24 मोपतीके मेकोपुकी नु गारशा आन कसम जशो खाप्‍चा कली लावो। मिनु चोव़खो दुम्‍शा, नेल्‍लेमी इन चां प्रेक्‍सीने। चां प्रेक्‍शो ङा चहिं गे क्‍येट थाप्‍तीन। मो पाइतीनी हना, सुइमी मारेइ दोस गेने मचाप्‍नीमी। इं यहूदी अरेशो नेल्‍ल पशो बाक्‍ब, दे नेल्‍लेमी तुइक्‍नीमी।
ACT 21:25 अर्को रागी ङा ख्रीस्‍त कली थमा सुइक्‍ब कली चहिं दोदेंशो शेंचा, दे ङोंइती कना ब्रेक्‍शा सोइक्‍ने थुम्‍तक। मेको आन कली ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ दे नेंपाइक्‍ने थुम्‍तक” दे माइक्‍तेक्‍म। प्रेरित १५:२१,२९
ACT 21:26 मिनु पावलमी मेको आन लोव़ नेंशा, आ दीसा मेको ४ जना नु काथा लशा चोव़खेचा पुंइसीशा, परमप्रभु यावे आ खिं ओव़शा, चोव़खेतीक नाक्‍त गेना नुप्‍बा नु नोले चढ़ेचा, दे चढ़ेब आन कली तुइक्‍पदमे बाक्‍त। गन्‍ती ६:१३-२१; १कोरिन्‍थी ९:२०
ACT 21:27 मेको चोव़खेतीक ७ नाक्‍त दुम्‍चा चिक्‍तानु, यहूदीपुकी एसीया रे जाक्‍शा पावल कली ग्‍याइक्‍तमे बाक्‍त। मेकोपुकीमी पावल कली परमप्रभु यावे आ खिंमी बाक्‍शो तशो बाक्‍मा बाक्‍त।
ACT 21:28 मिनु पावल कली ग्‍याइश्‍शा, मेकेर बाक्‍ब मुर आन कली “इं इस्राएली, नेल्‍ल कोव़थ पिन, है। गो आंइ ग्‍याइश्‍शो मुर तेइ तेइ हिरशा, नेल्‍ल मुर आन कली इं यहूदी आ पर्बम मरिम्‍शो लोव़ पशो बाक्‍त। इं अरेशो मपचा, दे दूली शेंबाक्‍त। परमप्रभु यावे आ खिं आ पर्बम शुक्‍शी लोव़ पाइक्‍बाक्‍त। मोशो ला ममाइ, अर्को रागी ङा ग्रीक आन कली परमप्रभु यावे आ खिंमी लाइश्‍शा ओंइशा, ग्रांग्रा दिशो सेल्‍‍शो आंइ मिक्‍चीमी ताइतक” दे शुश रेयके पा दोस गेमे बाक्‍त। प्रेरित ६:१३; इजीकीएल ४४:७
ACT 21:29 परमप्रभु यावे आ खिं ग्रांग्रा दिशो सेल्‍‍शो बाक्‍माक्‍त, दे मारदे देंमा देंशा हना, एफिसस सहर ङा त्रोफीमस कली सहरमी पावल नु काथा गाक्‍शो तशा, परमप्रभु यावे आ खिं लाइश्‍शा, ओंइने थुमा बाक्‍त, दे मिम्‍शो बाक्‍मा बाक्‍त। प्रेरित २०:४; २तिमोथी ४:२०
ACT 21:30 पावल कली दोस गेशो लोव़ सहर नेल्‍ल ब्रीमाक्‍त। मिनु सहर ङा मुरपुकी दोरशा जाक्‍शा, शुश रेयके पामे बाक्‍त। पावल कली ग्‍याइश्‍शा कीशा परमप्रभु यावे आ खिं रे ग्रुंइशा लदमे बाक्‍त। मिनु परमप्रभु यावे आ खिं ङा खाल पाइबपुकीमी ठेयब लाप्‍चो नेल्‍ल ग्रु ग्रा चोक्ग‍मे बाक्‍त।
ACT 21:31 मिनु मेको रेयके पाइबपुकीमी पावल कली साइक्‍चा चिक्‍तमेनु, यरूसलेमम बाक्‍ब रोमी लडाइ पाइब आन ठेयब मुरुमी “सहरम क्‍योरमुशा साइक्‍मुचा चिक्‍ताक्‍म” देंशो नेंशा,
ACT 21:32 आ सिपाही आन कली लाइश्‍शा दोरशा जाक्‍दीम्‍माक्‍त। मिनु मेकोपुकी जाक्‍शो तशा, पावल कली तुप्‍चा प्रोन्‍मे बाक्‍त।
ACT 21:33 मिनु लडाइ पाइब आन ठेयब मुरुम पावल कली ग्‍याइक्‍पाइश्‍शा, साङलो निक्‍शी लिक्‍तीने देंशा लिक्‍पाइश्‍शा आ ङोंइती राप्‍पदा बाक्‍त। मिनु “एको मुर ते ङा बाक्‍मे? मार पवा?” दे मुर आन कली हिल्‍लो पचा गोवा बाक्‍त। प्रेरित २०:२३
ACT 21:34 मिनु नेल्‍लेमी रेयके पामेनु, लडाइ पाइब आन ठेयब मुरुमी मारेइ रुप्‍ने मचबा बाक्‍त। मोपतीके सिपाही आन बाक्‍तीकेम लाइक्‍चा माल्‍ब, दे लदमे बाक्‍त।
ACT 21:35 मिनु सिपाही आन बाक्‍तीके जाक्‍दीश्‍शा, पावल कली कुरशा, तला तारी लदमे बाक्‍त।
ACT 21:36 मारदे हना मुरपुकीमी “मेको कली मसाइक्‍थु मप्रोंइनीकी” दे रेयके पा कोक्‍के शेशा, मेको आन नोले खोइश्‍शा लमा बाक्‍त। प्रेरित २२:२२; लूका २३:१८
ACT 21:37 मिनु तला तारी कुरशा ओंइदमेनु, पावलमी लडाइ पाइब आन ठेयब मुर कली ग्रीक लोव़ रे पा “हजुर, गो लोव़ का निक्‍शी पचा ताइनङा कों?” देंमेनु, मेको छक लाक्‍शा “ओहो, ग्रीक लोव़ यो ब्‍वाक्‍स जोक्‍बाक्‍ते।
ACT 21:38 इजीप्‍त रागी ङा ४ हजार खुइ आन कली गोरशो रागीमी लां कोंइब मुर दा मनवे” देंमाक्‍त।
ACT 21:39 मिनु पावलमी “गो इजीप्‍ती मनङ। सिलीसीया ङा टारसस सहरमी जरमेशो यहूदी का नङ। टारसस सहर तेइ तेइ नेल्‍लेमी आं नें तुइक्‍नीमी। गे यो तुइक्‍नीनी माइ। मेको मुर आन कली लोव़ का निक्‍शी पचा गेयीनी” देंमाक्‍त।
ACT 21:40 मिनु लडाइ पाइब आन ठेयब मुरुमी “लो, लोव़ पचा गेनन” देंमाक्‍त। मिनु पावल ग्रूशा तला तारी ङा लाङगाम राप्‍शा “लो, सिक्‍सी पा आं लोव़ नेनीने” दे गुइ हिक्‍ता बाक्‍त। मिनु पावलमी हिब्रू लोव़ पा, मुर नेल्‍ल सिक्‍सी पामे बाक्‍त।
ACT 22:1 मिनु पावलमी हिब्रू लोव़ पा “आं आफ नु लोक्‍बपुकी, लोव़ का निक्‍शी नेनीने” देंमेनु, मेकोपुकी थम सिक्‍सी पा नोफा दाइश्‍शा बाक्‍मा बाक्‍त।
ACT 22:2 मारदे हना पावलमी हिब्रू लोव़ पवानु, मेकोपुकी क्‍येङा सिक्‍सी पामे बाक्‍त। प्रेरित २१:४०
ACT 22:3 मिनु मेकोमी “गो सिलीसीया ङा टारसस सहरमी जरमेशो यहूदी नङ। आल रे इं यरूसलेममी बाक्‍शो नङ। आं कली शेंब गमालीएल बाक्‍ब। मेको ठेयब शेंबमी आं कली इं किकी पिपी आन अरेशो लोव़ नेल्‍ल शेंताक्‍यी। मिनु गो मेको नेल्‍ल पना पन बाक्‍ती। इन पशो खोदेंशो पा गो यो थुं का पा परमप्रभु यावे कली मान पा बोल पाता। प्रेरित ९:१-२९; प्रेरित २६:९-२०; प्रेरित ५:५४
ACT 22:4 मोपा बाक्‍ङानु, ख्रीस्‍त आ लां खोइक्‍ब आन कली साइक्‍चा सम्‍म ङा श्‍येत गेतामी। मीश मुर वोंइश मुर आन कली खेदा पा ग्‍याइक्‍पाइश्‍शा, जेल्‍खानमी चोक्‍पाइक्‍तामी। प्रेरित ८:३
ACT 22:5 एको आं देंशो थमा बाक्ब, दे ठेयब चढ़ेब नु जोक्‍ब तुइक्‍ब खाल्‍पा नेल्‍लेम तुइक्‍नीमी। मेकोपुकीमी दमस्‍कसमी बाक्‍ब यहूदी ग्रुम्‍तीक खिं ङा ठेयब मुर आन कली चिठी ब्रेक्‍शा, ख्रीस्‍त कली थमा सुइक्‍ब आन कली ग्‍याइश्‍शा यरूसलेम चाक्‍चा, दे अधिकार गेतीमी। मिनु थमा सुइक्‍ब आन कली ग्‍याइक्‍थ दमस्‍कस लती।
ACT 22:6 दमस्‍कस सहर जाक्‍दीत्‍चाङानु, १२ बजे खोइ दुम्‍शो बाक्‍त। मिनु मार दुम्‍त देंशा हना, सरीङ रे जेव हाक्‍सीशा यिशा, एर ओंथ नेल्‍ल थम छेङछेङ दुम्‍त।
ACT 22:7 मिनु गो दिङ गोल्‍ती। मिनु ‘सावल, सावल मारदे आं कली खेदा पा श्‍येत गेयी?’ देंशो नेंता।
ACT 22:8 मिनु गो ‘प्रभु सु ननी?’ दे हिल्‍लो पङानु ‘गेमी खेदा पशो नासरथ ङा येसु नङ’ देंशो नेंता।
ACT 22:9 गो नु काथा गाक्‍बपुकीमी छेङछेङ दुम्‍शो ताम्‍तेक्‍मे। लोव़ पशो चहिं मारेइ मनेनेम।
ACT 22:10 मिनु गो ‘प्रभु, मुल गो मार पाइनुङा?’ देंङानु, प्रभुमी ‘मुल छुल बोक्‍शा दमस्‍कस लावो। मेकेर जाक्‍दी‍नेनु, मार पचा माल्‍नेवे, मेको नेल्‍ल तुइक्‍पाइक्‍चा पुंइसीनेवे’ देंशो नेंता।
ACT 22:11 मेको छेङछेङम पतीके गो मिक्‍च मताइब दुम्‍ती। मिनु गो नु काथा गाक्‍ब वारचपुकीमी आं गुइ ग्‍याइश्‍शा कीशा, दमस्‍कस सहरमी चाक्‍दीत्‍तीमी।
ACT 22:12 दमस्‍कसमी हनानीया नें पाइश्‍शो मुर का बाक्‍माक्‍त। परमप्रभु यावे आ अरेशो नेल्‍ल टिशा, रिम्‍शो पाइब बाक्‍माक्‍त। मेकेर बाक्‍ब यहूदी नेल्‍लेमी मेको आ पर्बम ‘रिम्‍शो पाइब बाक्‍ब’ दें‍मा बाक्‍त।
ACT 22:13 मेको मुर आं कली ग्रुम्‍थ जाक्‍त। मिनु आं ङोंइती राप्‍शा ‘आं लोक्‍ब सावल, मिक्‍च ताइब दुमो’ देंमेनु, गो मिक्‍च ताइब दुम्‍शा, आं ङोंइती राप्‍शो ताता।
ACT 22:14 मिनु हनानीयामी ‘इं किकी पिपीमी आन परमप्रभु यावेमी इ कली योव़शा, आ दाक्‍शो पचा, दे तुइक्‍पाइक्‍ते। मेको ठीक पाइब कली तशा, आ लोव़ नेंतीवी।
ACT 22:15 दोदेंशो पा ग्रुमी, मार लोव़ नेंनी, मेको नेल्‍ल शुश मुर आन कली तुइक्‍पाइक्‍नेवे।
ACT 22:16 मुल कोव़शा मबाक्‍को, छुल बोक्‍शा प्रार्थना पा, हे प्रभु येसु, आं पशो पाप क्‍याम्‍शा गेयीनी, दे पुंइशा, ब्‍वाक्‍कुमी ख्रुम्‍शा ग्रुंइने पुंइसो’ दे माइक्‍ती।
ACT 22:17 मिनु नोले यरूसलेम लेत्‍ती। मिनु काबु परमप्रभु यावे आ खिंमी प्रार्थना पा बाक्‍ङानु, प्रभुमी कोंइतीक कोंइदीनु,
ACT 22:18 गो प्रभु कली ताता। मिनु प्रभुमी ‘यरूसलेम थु प्रोनो। मारदे हना एकेर बाक्‍बपुकीमी गेमी आं पर्बम शेंशो लोव़ मनेंनीम’ देंत।
ACT 22:19 मिनु गो ‘प्रभु, गो थमा सुइक्‍ब आन कली जेल्‍खानमी चोक्‍पाइक्‍तामी। ग्रुम्‍तीक खिं खिं हिरशा, थमा सुइक्‍ब आन कली माल्‍शा तुप्‍पाइक्‍तामी, दे तुइक्‍नीमी।
ACT 22:20 इन पर्बम लोव़ पाइब स्‍तीफानस कली फुल्‍लु क्रोम्‍शा सदमेनु, रिम्‍शो पाइतीनी, दे माइक्‍तामी। साइक्‍ब आन प्रुइश्‍शा वोइश्‍शो वा खाल पा बाक्‍शो नङ। मेको लोव़ नेल्‍लेम तुइश्‍शो बाक्‍नीम’ देंङानु, प्रेरित ७:५८; प्रेरित ८:१
ACT 22:21 प्रभुमी ‘मेकेर रे लावो। मारदे हना ङोन ङोन बाक्‍ब अर्को रागी ङा मुर आन कली आं पर्बम शेंथ सोइक्‍नन’ देंत” दे पावलमी देंमाक्‍त। प्रेरित १३:२
ACT 22:22 ङोन ङोन बाक्‍ब अर्को रागी ङा मुर आन कली ख्रीस्‍त आ पर्बम शेंथ सोइश्‍शो नङ देंमे चोटीन आ लोव़ थुम्‍चा मगेथु “एको कली मसाइक्‍थु मप्रोंइय। ओं देंशो मुर कली ब्रोंइचा गेचा मदुम्‍ब” दे शुश रेयके पामे बाक्‍त। प्रेरित २१:३६
ACT 22:23 मिनु आन जोंब बोक्‍शा, आन फेक्‍शो वा बेरपा फुरक फ्रशा, राम्‍शी पोक्‍शा, मरिम्‍शो पामे बाक्‍त।
ACT 22:24 मिनु लडाइ पाइब आन ठेयब मुरुमी मेकोपुकीमी मोदेंशो मरिम्‍शो पशो तशा, पावल कली आगा ओंइपदा बाक्‍त। मिनु मुरपुकीमी एको मुर कली तशा, मारदे आन जोंब बोक्‍मा, एकोमी मार मरिम्‍शो पवा, दे तुइक्‍चा कली कोर्रामी युक्‍शा, हिल्‍लो पने, दे आ सिपाही आन गुइमी गेमी बाक्‍त।
ACT 22:25 मिनु सिपाहीपुकीमी पावल कली फ्रेंशा कोर्रामी युक्‍चा चिक्‍तमेनु, पावलमी मेकेर आ नेक्‍था राप्‍शा बाक्‍ब कप्‍तान कली “इं रोमी ऐन कानुनमी रोमी नागरिक आन कली मारेइ दोस मग्रुंइथु, गे कोर्रामी युक्‍चा ताइनीनी?” देंमाक्‍त। प्रेरित १६:३७; प्रेरित २३:२७
ACT 22:26 मिनु कप्‍तानमी मुल मार पचा, दे सिपाही आन ठेयब मुर कली हिल्‍लो पथ लमाक्‍त। मिनु “कोर्रामी युक्‍चा पुंइसीचा ङा मुर ममाइ बाक्‍त। आं यो रोमी नागरिक बाक्‍त” दे तुइक्‍पदा बाक्‍त।
ACT 22:27 मिनु लडाइ पाइब आन ठेयब मुर पिशा “गे थमान रोमी नागरिक नवे? लो देंनो” देंमेनु “नङ, हजुर” देंमाक्‍त।
ACT 22:28 मिनु लडाइ पाइब आन ठेयब मुर “गो शुश क्‍येट थाप्‍शा, रोमी नागरिक दुम्‍शो नङ” देंमेनु, पावलमी “गो दा जरमेशो रेन रोमी नङ, हजुर” देंमाक्‍त।
ACT 22:29 मेको लोव़ नेंशा, कोर्रामी युक्‍शा हिल्‍लो पचा चिक्‍बपुकीमी “हेत्‍त, मो पचा मदुम्‍शो बाक्‍माक्‍त” देंमा बाक्‍त। मेको मुर रोमी नागरिक बाक्‍माक्‍त, दे तुइक्‍तमे ङा मेरे लडाइ पाइब आन ठेयब मुर यो हिंमाक्‍त। मारदे हना रोमी नागरिक आन कली फ्रेंपाइक्‍चा लायो मदुम्‍बाक्‍माक्‍त।
ACT 22:30 मिनु मेको लडाइ पाइब आन ठेयब मुर “मेको मुर आ दोस मार बाक्‍म?” दे रुप्‍चा माला बाक्‍त। मोपतीके आ दीसा नाक्‍ती ठेयब चढ़ेब नु कछडी बाक्‍ब मुर आन कली खुप्‍पाइश्‍शा, पावल कली आ गुइ ङा साङलो प्रुइश्‍शा लाइश्‍शा, खुम्‍सीशो मुर आन ङोंइती राप्‍पदा बाक्‍त।
ACT 23:1 मिनु पावल मेको आन ङोंइती राप्‍शा, आन कली मिक्‍च मयाक्‍थु कोव़शा, “आं लोक्‍बपुकी, गो साइ रे मुल सम्‍म आं तुइश्‍शो जोक्‍शो रिम्‍शो ला पाता। एको लोव़ थमा बाक्‍ब, दे परमप्रभुमी तुइक्‍ब” देंमेनु, प्रेरित २४:१६
ACT 23:2 हनानीया माइश्‍शो ठेयब चढ़ेबमी पावल आ नेक्‍था बाक्‍ब आन कली “मेरे आ शोव़ रोप्‍तीने” देंमाक्‍त।
ACT 23:3 मिनु पावलमी “परमप्रभु यावेमी इ कली कका इ शोव़ रोप्‍तेक्‍ल। ब्रेत्‍चशो गारोमी, बुलु ब्रुइश्‍शा, बुबु पा तांइसीशो खोदेंशो नवे। अरेशो लोव़मी दोदेंशो पा ब्रेक्‍शो बाक्‍मे, मोदेंशो पा आं कली निसाफ पचा माल्‍शो नवे। गे अरेशो लोव़ क्‍येङा दूली पा आं कली तुप्‍चा माल्‍ब, देंते” देंमाक्‍त। मत्ती २३:२७
ACT 23:4 मिनु एर ओंथ बाक्‍बपुकीमी पावल कली “परमप्रभु यावेमी योव़शा वोइश्‍शो ठेयब चढ़ेब कली मोदेंशो लोव़ पचा दुम्‍बा?” देंमा बाक्‍त।
ACT 23:5 पावलमी “मेको मोदेंशो ठेयब चढ़ेब, दे मतुइक्‍तु, आं लोक्‍बपुकी। तुइश्‍शो नङ हना, मोदेंशो लोव़ मदेंङ वा। मारदे हना परमप्रभु यावे आ ब्रेक्‍पाइश्‍शो लोव़मी ‘इन कली अधिकार पचा, दे वोइश्‍शो आन कली मरिम्‍शो लोव़ मपचा’ दे ब्रेक्‍शो बाक्‍ब” देंमाक्‍त। प्रस्‍थान २२:२८
ACT 23:6 मिनु पावलमी कछडीम बाक्‍बपुकी का निक्‍शी सदुकी, का निक्‍शी फरिसी बाक्‍नीम, दे तुइश्‍शा, ठेयब सेंदा पा “आं लोक्‍बपुकी, गो फरिसी नङ। गो फरिसी आ तौ नङ। बेक्‍शो रे सेंसीशा ब्रोंइचा तांइसीब, दे थमा सुइश्‍शो लोव़मी आं कली दोस गेशा, मुददा कोप्‍ताक्‍यीमी” देंमाक्‍त। प्रेरित २२:३; प्रेरित २६:५; गलाती १:१४
ACT 23:7 मो देंमेनु, फरिसी नु सदुकी ब्राशा, जिचा गोव़मे बाक्‍त।
ACT 23:8 मारदे हना सदुकीपुकीमी बेक्‍शो रे मसेंसीनीम, स्‍वर्ग ङा गेय पाइबपुकी मबाक्‍नीम नु परमप्रभु यावे आ सोक्‍त मबाक्‍ब देंनीम। तन्‍न फरिसीपुकीमी चहिं मेको नेल्‍ल बाक्‍ब देंनीम। मत्ती २२:२३
ACT 23:9 मोपतीके आन जिचा बारना बारन लशा, शुश रेयके पामे बाक्‍त। मिनु फरिसी ङा शेंब का निक्‍शीमी बोक्‍शा “एको मुर के मारेइ दोस मबाक्‍ब, दे मिम्‍नीकी। मुर आ मिक्‍चीम मतांइसीब का नु लोव़ पवा कों? परमप्रभु यावे आ स्‍वर्ग ङा गेय पाइब नु लोव़ पवा कों? मोदेंशो यो दुम्‍ने चाप्‍ब” देंमा बाक्‍त। प्रेरित २५:२५
ACT 23:10 मिनु आन जिचा बारना बारन लशा, तुम्‍मुचा गोव़मे बाक्‍त। मिनु लडाइ पाइब आन ठेयब मुर “पावल कली साइक्‍नीमी कोर में” दे हिंशा, सिपाही आन कली ब्रेश्‍शा, पावल कली ग्रुंइशा, सिपाही आन बाक्‍तीके लेश्‍शा चाक्‍पदा बाक्‍त।
ACT 23:11 मिनु मेको नाक्‍दो प्रभुमी पावल आ नेक्‍था जाक्‍शा “दोपा यरूसलेममी आं पर्बम शेंदीमी, मोपा रोम सहरमी यो आं पर्बम शेंशा सांकछी दुम्‍नेवे। मोपतीके महिंथु, ठेयब थुं पा बाक्‍को” देंमाक्‍त। प्रेरित १:८; प्रेरित २५:११-१२; प्रेरित २७:२३-२४
ACT 23:12 मिनु आ दीसा सुनी यहूदीपुकीमी “पावल कली साइश्‍शो मतया सम्‍म मारेइ मजय, मतूय” दे कसम जशा, पावल कली साइक्‍चा सल्‍ला पामे बाक्‍त।
ACT 23:13 मोदेंशो पा कसम जाइब ४० जना क्‍येङा शुश बाक्‍मा बाक्‍त।
ACT 23:14 मेकोपुकीमी ठेयब चढ़ेब नु यहूदी आन जोक्‍ब तुइक्‍ब खाल्‍पा आन कली ग्रुम्‍थ लशा “पावल कली साइश्‍शो मतका सम्‍म गो मारेइ मजाइनीकी मतूनीकी, दे कसम जाइतक।
ACT 23:15 मोपतीके गे ठेयब मुर नेल्‍लेमी गारशा, लडाइ पाइब आन ठेयब मुर कली ‘पावल कली मारेइ मारेइ हिल्‍लो पाइनीकी। मिनु एकेर सोइक्‍तीन’ दे मतीन। मिनु एर लां रे ग्रुंइशा पिदमेनु, लां उइ साइक्‍नीकी” देंमा बाक्‍त।
ACT 23:16 मेको लोव़ पावल आ भानीजमी नेंना बाक्‍त। मिनु सिपाही बाक्‍तीके लशा, पावल कली माल्‍शा ग्रुम्‍शा तुइक्‍पदा बाक्‍त।
ACT 23:17 मिनु पावलमी कप्‍तान का ब्रेश्‍शा “एको ठिटा कली लडाइ पाइब आन ठेयब मुर नु ग्रुम्‍पतीने। मारदे हना लोव़ का निक्‍शी तुइक्‍पाइक्‍चा माल्‍ताक्‍व” देंमाक्‍त।
ACT 23:18 मिनु कप्‍तानमी ठिटा कली लडाइ पाइब आन ठेयब मुर आ बाक्‍तीके चाक्‍दीश्‍शा “हजुर, चोक्‍सीशो पावलमी आं कली ब्रेश्‍शा, एको ठिटा कली इन बाक्‍तीके चाक्‍दीत्‍चा। मारदे हना इन कली लोव़ का निक्‍शी तुइक्‍पाइक्‍चा माल्‍ताक्‍व देंशा, हजुर, इन बाक्‍तीक चोव़थ सोइक्‍ताक्‍यी” देंमाक्‍त।
ACT 23:19 मिनु लडाइ पाइब आन ठेयब मुरुमी पावल आ भानीज कली गुइमी ग्‍याइश्‍शा, सुइ मबाक्‍तीक कोठामी लाइश्‍शा “मार देंचा दाक्‍नेवे, लो देनो” दे हिल्‍लो पवानु,
ACT 23:20 पावल आ भानीजमी “हजुर, यहूदीपुकीमी गारशा, पावल कली ग्रुंइशा, आंइ बाक्‍तीके सोइक्‍तीने। लोव़ का निक्‍शी हिल्‍लो पचा माल्‍ताक्‍व देंखु पा इन कली पुंइनीम।
ACT 23:21 मेको आन लोव़ मनेंचा। मारदे हना ४० जना क्‍येङा शुश मुरुमी पावल कली साइक्‍चा, दे लांम बाप्‍शा बाक्‍नीम। मेकोपुकीमी ‘पावल कली साइश्‍शो मतका सम्‍म मारेइ मजाइनीकी, मतूनीकी’ दे कसम जने थुम्‍तेक्‍म। मिनु हजुरमी पावल कली गेना सोइक्‍बा, तेको लां रे सोइक्‍बा, दे योव़की पा बाक्‍शो बाक्नीम” देंमाक्‍त।
ACT 23:22 मिनु लडाइ पाइब आन ठेयब मुर “एको लोव़ सुइ कली मशेंदो” देंशा सोइक्‍ता बाक्‍त।
ACT 23:23 मिनु लडाइ पाइब आन ठेयब मुरुमी कप्‍तान निक्‍शी आस कली ब्रेश्‍शा “एको चोक्‍सीशो पावल कली सिजरिया सहर चोव़दीचा माल्‍ताक्‍व। मोपतीके गे निक्‍शीमी आपो नाक्‍दो ९ बजे सहे निक्‍शी सिपाही, ७० जना शारा ङोइक्‍ब नु सहे निक्‍शी भाला शेयब आन कली साशा वोतीसे।
ACT 23:24 पावल कली यो शारा का साशा वोतीसे। लांमी पावल कली सुइमी मारेइ पाइक्‍ने मचाप्‍मेक्‍ल, दे रिम्‍शो पा हुकुम पाइब फेलीक्‍स आ ङोंइती चाक्‍दीत्‍तीसे” दे माइक्‍सी बाक्‍त।
ACT 23:25 मिनु हुकुम पाइब कली चिठी ब्रेक्‍ता बाक्‍त।
ACT 23:26 मेको चिठीमी “हुकुम पाइब फेलीक्‍स हजुर, गो क्‍लौदीयस लिसीयस आं के नमस्‍ते। हजुर, आं के लोव़ का निक्‍शी नेनीने।
ACT 23:27 एको मुर कली यहूदीपुकीमी ग्‍याइश्‍शा, हेरर हेररा साइक्‍तेक्‍म। साइक्‍चाम्‍तेक्‍म देंशो नेंशा, गो सिपाही आन कली लाइश्‍शा, आन गुइ रे प्रोंइता। रोमी नागरिक बाक्‍माक्‍त, दे यो तुइक्‍ताक्‍ङ। प्रेरित २१:३३; प्रेरित २२:२५
ACT 23:28 एको के मार दोस बाक्‍मे? दे हिल्‍लो पथ यहूदी आन कछडमी लाइक्‍पाइक्‍ता। प्रेरित २२:३०
ACT 23:29 हिल्‍लो हिक्‍सी पामेनु, यहूदी आन अरेतीक लोव़ आ पर्बम दोस गेमे बाक्‍त। जेल्‍खानमी चोक्‍चा, साइक्‍चा पुंइसीचा ङा गेय मारेइ मपशो बाक्‍त, दे रुप्‍ता।
ACT 23:30 मिनु यहूदीपुकीमी ‘मेको कली साइक्‍चा, दे गारशो बाक्‍नीम’ देंशो नेंशा, हजुर, इन बाक्‍तीक सोइक्‍ताक्‍ङ। एको कली दोस गेब आन कली ‘सिजरिया ङा हुकुम पाइब आ बाक्‍तीक लने’ दे माइक्‍नुङमी” दे ब्रेक्‍ता बाक्‍त।
ACT 23:31 मिनु लडाइ पाइब आन ठेयब मुरुमी दोदेंशो देंमे, मोदेंशो पा कप्‍तान नु सिपाहीपुकीमी पावल कली लाइश्‍शा गाक्‍मा बाक्‍त। मिनु नाक्‍दो रे गाक्‍शा, एन्‍तीपात्रीसमी जाक्‍दीम्‍मा बाक्‍त।
ACT 23:32 मिनु आ दीसा खोइलीमी गाक्‍बपुकी यरूसलेम लेम्‍मा बाक्‍त। शारा ङोइक्‍बपुकीमी पावल कली सिजरिया चाक्‍दीत्‍मे बाक्‍त।
ACT 23:33 मिनु चाक्‍दीश्‍शा, पावल नु चिठी मेको हुकुम पाइब कली जिम्‍मा गेमे बाक्‍त।
ACT 23:34 मिनु मेकोमी चिठी पढेशा, पावल कली “इ खिं ते में? तेको रागी ङा नवे?” दे हिल्‍लो पवानु “सिलीसीया रागी ङा नङ, हजुर” देंमाक्‍त। प्रेरित २२:३
ACT 23:35 मिनु हुकुम पाइबमी “लो मो हना इ कली दोस गेबपुकी जाक्‍मल। मिनु इ मुददा कोव़नुङ” देंशा हेरोद आ दरवारमी लाइश्‍शा, खाल पाइब आन दातेमी वोइक्‍पदा बाक्‍त।
ACT 24:1 मिनु ५ नाक्‍त नोले ठेयब चढ़ेब हनानीया, यहूदी आन जोक्‍ब तुइक्‍ब खाल्‍पा का निक्‍शी नु तेरतुल्‍लस नें पाइश्‍शो निसाफ पाइब का सिजरियामी जाक्‍मा बाक्‍त। मिनु हुकुम पाइब आ ङोंइती पावल कली दोस गेमे बाक्‍त।
ACT 24:2 मिनु कछडी बाक्‍मा नाक्‍ती पावल कली हुकुम पाइब आ ङोंइती राप्‍पदमेनु, तेरतुल्‍लस निसाफ पाइबमी दोस गेशा “माननीय फेलीक्‍स सरकार, हजुर, इन रिम्‍शो पा हुकुम पशोमी गो यहूदी नेल्‍ल थुं नाइश्‍शा बाक्‍चा ताइतक। आंइ रागी रिम्‍शो सेल्‍चा कली नक लां कोंइताक्‍नी। मिनु नेल्‍ल आंइ कली थम रिम्‍शो दुम्‍त।
ACT 24:3 इन पशो मारेइ मारेइ रिम्‍शो बाक्‍ब, दे गो नेल्‍लेमी तुइक्‍नीकी।
ACT 24:4 हजुर, कली शुश मक्‍योल्‍चा, दे मिम्‍नुङ। तन्‍न लोव़ का चहिं पचा गेयीनी।
ACT 24:5 मेको इन ङोंइती राप्‍पा वोइश्‍शो मुर कली गो रिम्‍शो पा तुइक्‍नीकी। मेको मुर थम हिंचा ङा रोइ खोदेंशो बाक्‍ब। रागी रागी हिरशा गाक्‍मेनु, यहूदी आन कली पोक्‍शा मरिम्‍शो पपाइक्‍बाक्‍त। एको नासरथ ङा दूली थमा सुइक्‍ब आन ठेयब मुर बाक्‍ब। प्रेरित १७:६
ACT 24:6 मोशो ला ममाइ, काबु परमप्रभु यावे आ खिं ग्रांग्रा पचशो बाक्‍त। मिनु गोपुकीमी ग्‍याइश्‍शा, मो पचा मगेक। गो आंइ धर्म ङा अरेतीक लोव़ कोव़शा, सजाइ पाइक्‍चा देंशो नकी। प्रेरित २१:२८-२९
ACT 24:7 तन्‍न लिसीयस लडाइ पाइब आन ठेयब मुरुम लोव़ पचा मगेथु, आ सिपाहीपुकी चाक्‍शा, आंइ कली हिंम हिंम पा आंइ गुइ रे रोइश्‍शा लाइक्‍तु।
ACT 24:8 मेकोमी आंइ कली ‘मेको मुर आ दोस मार बाक्‍मे, मेको लोव़ हुकुम पाइब फेलीक्‍स कली मतीन’ दे हजुर, इन बाक्‍तीके सोइक्‍ताक्‍की। मुल एको मुर कली गे आंमान हिल्‍लो पना पन आ दोस नेल्‍ल ग्रुंइने चाप्‍नीनी। मिनु आंइ गेशो दोस थमा बाक्‍माक्‍त, दे तुइक्‍नीनी” देंमाक्‍त।
ACT 24:9 मेकेर बाक्‍ब यहूदीपुकीमी यो “एको लोव़ थमा बाक्‍ब” दे निसाफ पाइब आ देंशो लोव़ थोक्‍शा देंमा बाक्‍त।
ACT 24:10 मिनु हुकुम पाइबमी पावल कली लोव़ पचा गेवा बाक्‍त। मिनु पावलमी “हुकुम पाइब, हजुर, एको रागीम शुश बर्स ङोंइती रे निसाफ पाइब बाक्‍नीनी, दे तुइश्‍शा, गो ग्‍येरसीशा ठेयब थुं पा आन गेशो दोस नेंशा लोव़ लेत्‍नुङ। मार लोव़ बाक्‍मे, मेको लोव़ नेल्‍ल देंनुङ।
ACT 24:11 परमप्रभु कली मान पथ, गो एसीया रे यरूसलेममी जाक्‍शो १२ नाक्‍त लाइ यो लाक्‍शो मबाक्‍ब। आं देंशो थमा मदाप्‍तीनी हना, सु कली हिल्‍लो पाइतीनी हना यो, नेल्‍लेमी देंनीम। प्रेरित २१:१७
ACT 24:12 गो यरूसलेममी बाक्‍ङानु, परमप्रभु यावे आ खिंमी, ग्रुम्‍तीक खिंमी, सहर तेइ तेइ हिरशा, सुइ कली जिचा पोक्‍चा ङा लोव़ मपङ। मुर आन कली पोक्‍शा मरिम्‍शो यो मपपदुमी। सुइमी मोदेंशो मरिम्‍शो पशो ताइतक देंने मचाप्‍नीम।
ACT 24:13 आं कली शुश अरु दोस यो गेतीमी। तन्‍न थमा पा ग्रुंइशा कोंइने मचबेम।
ACT 24:14 लोव़ का चहिं हजुर, इन कली रुप्‍पाइक्‍नन्‍नी, गो येसु ख्रीस्‍त आ लां खोइश्‍शा गाक्‍नुङ। मेकोपुकीमी मेको लां दूली बाक्‍ब, दे मिम्‍शो बाक्‍नीम। ख्रीस्‍त आ लां खोइश्‍शा, साइ आं किकी पिपी आन परमप्रभु यावे कली ठेयब सेल्‍नुङ। गो मोसा आ अरेशो लोव़ नु परमप्रभु यावे आ लोव़ पाइबपुकीमी ब्रेक्‍शो लोव़ नेल्‍ल थमा सुइक्‍नुङ।
ACT 24:15 गो नु अर्को यो ठीक पाइब नु ठीक मपाइब बेक्‍शो रे सेंसीचा पुंइसीनीम, दे थमा सुइक्‍नीकी। दानीएल १२:२; यूहन्‍ना ५:२८-२९
ACT 24:16 मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१
ACT 24:17 मिनु मुल मार देंनुङ देंशा हना, गो शुश बर्स मुर आन रागीमी हिरथ लशा, साबेर गाबेर यरूसलेम लेश्‍शा जाक्‍ती। आंम आंइ यहूदी मारेइ मथीब आन कली मार मार गेथ नु परमप्रभु यावे कली मार मार चढ़ेथ लेश्‍शा जाक्‍ती। रोमी १५:२५-२६; गलाती २:१०
ACT 24:18 गो चोव़खो दुम्‍शा, परमप्रभु कली मार मार चढ़ेङानु, मेकोपुकीमी परमप्रभु यावे आ खिंमी ततीमी। मेना गो आं का ला बाक्‍शो नङ। मुर आन कली पोक्‍शा, मरिम्‍शो यो मपङ। मोदेंशो एकोपुकीमी यो मतशो बाक्‍नीम। प्रेरित २१:२७
ACT 24:19 एसीया रे जाक्‍शो यहूदीपुकी यो परमप्रभु यावे आ खिंमी बाक्‍तेक्‍म। मेकोपुकीमी आं कली दोस गेचा गोम्‍तेक्‍म। गो दोस गेचा पुंइसीब मुर नङ हना, मेकोपुकी एकेर जाक्‍शा, हजुर इन ङोंइती देंचा माल्‍शो नमी।
ACT 24:20 साबेर यरूसलेममी कछडी पामेनु, मुल इन ङोंइती जाक्‍शोपुकी यो बाक्‍शो नम। आं कली मार दोस ग्रुंइदमे, मेको लोव़ हजुर, इन कली तुइक्‍पाइक्‍चा माल्‍शो नमी।
ACT 24:21 आं देंशो लोव़ का आ पर्बम दोस गेतीमी, दे तुइक्‍नुङ। मेको आं देंशो लोव़ मार बाक्‍ब देंशा हना ‘मुर बेक्‍शो रे सेंसीनीम’ दे थमा सुइक्‍नुङ। मेको आ पर्बम आं कली मुददा कोप्‍ताक्‍यीमी। मिनु इन ङोंइती राप्‍पाइय्‍यीनी, दे माइक्‍तामी। मिनु मुल इन ङोंइती राप्‍पाइक्‍तीमी” दे पावलमी देंमाक्‍त। प्रेरित २३:६
ACT 24:22 मिनु फेलीक्‍स, हुकुम पाइबमी, ख्रीस्‍त आ लां खोइक्‍चा आ पर्बम शुश लोव़ तुइश्‍शो बाक्‍माक्‍त। मोपतीके “लिसीयस, लडाइ पाइब आन ठेयब मुर, जाक्‍शा नोले ला इन लोव़ नेंशा, निसाफ कोव़शा ख्रोइश्‍शा गेनन्‍नी” दे बैठक पोक्‍शा सोइक्‍तीमी बाक्‍त। प्रेरित २३:२६
ACT 24:23 पावल कली कप्‍तान आ गुइमी जिम्‍मा गेशा “सिपाहीपुकीमी कोव़शा, एर ओंथ गाक्‍चा गेचा। आ वारच जाक्‍तेक्‍म हना, ग्रुम्‍चा गेचा” दे वोइक्‍पदा बाक्‍त। प्रेरित २७:३
ACT 24:24 इच्‍का नाक्‍त नोले हुकुम पाइब फेलीक्‍स नु आ मीश द्रुसील्‍ला जाक्‍सा बाक्‍त। आ मीश यहूदी तमी बाक्‍माक्‍त। मिनु पावल कली चाक्‍पाइश्‍शा, ख्रीस्‍त कली थमा सुइक्‍चा आ पर्बम लोव़ पपदसे बाक्‍त।
ACT 24:25 मिनु पावलमी “ठीक पशो नु ठीक मपशो मार बाक्‍बा, इं थुं नु रां कली दोपा अरेचा नु परमप्रभुमी मुर नेल्‍ल आन कली निसाफ पाइब” दे शेंदानु, फेलीक्‍स हिंशा “लो मोक्‍ल, मुलाक्‍ती ओशो ला लोव़ पय। इ लोव़ दीसा नित्‍थ लेंशा नेंनुङ” दे सोइक्‍ता बाक्‍त।
ACT 24:26 फेलीक्‍समी “पावलमी क्‍येट सुइक्‍बा कों” दे यो आस पशो बाक्‍माक्‍त। मिनु लेंशा ब्रेप्‍बाक्‍माक्‍त।
ACT 24:27 मोपा ब्रेत्‍ता ब्रेत्‍ता बर्स निक्‍शी योल्‍माक्‍त। मिनु फेलीक्‍स अर्को रागीमी याक्‍से बाक्‍त। आ पा ङा हुकुम पाइब पोरसीयस फेस्‍तस जाक्‍माक्‍त। फेलीक्‍समी यहूदी आन कली ग्‍येरपाइक्‍चा, दे पावल आ मुददा मख्रोइक्‍थु, चोक्‍स ङा चोक्‍स वोइश्‍शा गाक्‍माक्‍त।
ACT 25:1 फेस्‍तस हुकुम पाइब दुम्‍शा, आ सांबु नाक्‍ती सिजरिया रे गाक्‍शा, यरूसलेम ग्‍येत्‍थ लमाक्‍त।
ACT 25:2 मिनु यरूसलेममी बाक्‍मेनु, ठेयब चढ़ेबपुकी यहूदी आन ठेयब मुरपुकीमी ग्रुम्‍थ जाक्‍शा, फेस्‍तस कली पावल आ पर्बम लोव़ पामे बाक्‍त।
ACT 25:3 मार देंमा बाक्‍त देंशा हना “पावल कली यरूसलेम लेश्‍शा सोइश्‍शा, आ मुददा कोव़चा माल्‍ताक्‍व” दे शुश लोव़ पा पुन्‍मे बाक्‍त। मारदे हना, लांमी बाप्‍शा, साइक्‍चा, दे लोव़ पशो बाक्‍मा बाक्‍त। प्रेरित २३:१५
ACT 25:4 मिनु हुकुम पाइब फेस्‍तसमी मेको आन लोव़ नेंशा, आन पुंइशो मगेथु “पावल कली सिजरियामी चोक्‍स ङा चोक्‍स वोइश्‍शा पिती। मुल शुश नाक्‍त मबाक्‍थु, मेरेन लेश्‍शा लाइनुङ।
ACT 25:5 मोपतीके अधिकार तशो इन मुर का निक्‍शी योव़शा, गो नु सोइक्‍तीने। मिनु सिजरियामी जाक्‍दीश्‍शा, मुददा कोव़नुङ। मेको मुरुमी मरिम्‍शो पशो बाक्‍त हना, दोस ग्रुंइने चाम्‍सीब” दे माइक्‍मी बाक्‍त।
ACT 25:6 मिनु ८, १० नाक्‍त बाक्‍शा, सिजरिया लेश्‍शा यि‍माक्‍त। मिनु आ दीसा नाक्‍ती कछडी वोइश्‍शा, पावल कली चाक्‍पाइश्‍शा, आ ङोंइती राप्‍पदा बाक्‍त।
ACT 25:7 मिनु आ ङोंइती राप्‍पदानु, यरूसलेम रे जाक्‍शो यहूदीपुकीमी शुश दोस गेमे बाक्‍त। तन्‍न लोव़ का यो थमा बाक्‍ब, दे कोंइने मचाप्‍मे बाक्‍त।
ACT 25:8 मिनु पावलमी “आंइ यहूदी आन अरेशो लोव़ का यो दूली मपङ। परमप्रभु यावे खिं ग्रांग्रा मपङ। रोमी पिप सिजर कली यो मरिम्‍शो मदेंङ” देंमाक्‍त।
ACT 25:9 फेस्‍तसमी यहूदी आन कली ग्‍येरपाइक्‍चा दाक्‍ता बाक्‍त। मोपतीके पावल कली “गे यरूसलेम लचा दाक्‍नेवे? इ मुददा मेरेन कोव़शा गेनन, दुम्‍बा?” दे हिल्‍लो पवा बाक्‍त।
ACT 25:10 मिनु पावलमी “मदुम्‍ब हजुर, मारदे हना सिजर आ निसाफ पाइबपुकीमी कका आं मुददा कोव़चा माल्‍नीम। यहूदी आन कली मरिम्‍शो मारेइ मपङ, दे हजुर, गे यो तुइक्‍नीनी।
ACT 25:11 गो दू्ली पाइब दुम्‍शा, साइक्‍चा पुंइसीचा ङा बाक्‍ती हना, सजाइ जाइनुङ। बेक्‍चा यो महिंनुङ। आं कली दोस गेबपुकीमी दोस ग्रुंइने मचाप्‍तेक्‍म हना, आन गुइमी दोपा गेचा पुंइसीनुङा? सिजर पिपी कली आं मुददा कोव़चा गेने, देंनुङ” दे मदा बाक्‍त। प्रेरित २३:११; प्रेरित २८:१९
ACT 25:12 मिनु फेस्‍तसमी आ मुरपुकी नु पावल आ मुददा मार पचा, दो पचा, दे लोव़सी पने थुम्‍शा, पावल कली “गे सिजर पिप कली इ मुददा कोव़चा गेचा देंते। मोपतीके सिजर पिप आ बाक्‍तीके सोइक्‍नन” दे माइश्‍शा, कछडी पोक्‍शा सोइक्‍तीमी बाक्‍त।
ACT 25:13 मिनु इच्‍का नाक्‍त नोले पिप अग्रीप्‍पा नु बेरनीस हुकुम पाइब फेस्‍तस कली ग्रुम्‍थ सिजरिया जाक्‍सा बाक्‍त।
ACT 25:14 मिनु शुश नाक्‍त बाक्‍सानु, फेस्‍तसमी पिप कली पावल आ पर्बम “एक फेलीक्‍समी मुददा मख्रोइक्‍थु चोक्‍शा वोइश्‍शो मुर का बाक्‍ब। प्रेरित २४:२७
ACT 25:15 मिनु यरूसलेम लङानु, ठेयब चढ़ेब नु यहूदी आन शेंब खाल्‍पापुकीमी एको मुर आ पर्बम नेल्‍ल तुइक्‍पाइक्‍तीमी। शुश दोस गेम्‍तेक्‍म। मिनु मेको कली सजाइ गेचा, दे पुंइतेक्‍म।
ACT 25:16 गो मेको आन कली ‘कछडी वोइश्‍शा, दोस गेबपुकी नु दोस गेचा पुंइसीब कली मग्रुम्‍पाइक्‍थु, दोस मग्रुंइथु, सजाइ गेचा आंइ रोमी ऐन कानुनम मगारब। दोस गेचा पुंइसीबमी एको आन देंशो थमा बाक्‍ब, दे मदेंम सम्‍म सजाइ गेचा मदुम’ दे माइक्‍तामी। प्रेरित २२:२५
ACT 25:17 मिनु दोस गेबपुकी एक जाक्‍मा आ दीसा नाक्‍त कछडी वोइश्‍शा ग्रुम्‍पदुमीनु,
ACT 25:18 एको मुरुमी मुर साइश्‍शो बाक्‍मे कों, दे मिम्‍शो नङ। तन्‍न दोस गेमेनु, दोस मारेइ मबा।
ACT 25:19 आन जिमुशो दा आन धर्म आ पर्बम कका बाक्‍माक्‍त। लोव़ का दोपा परमप्रभु कली मान पचा आ पर्बम, लोव़ का येसु माइश्‍शो मुर आ पर्बम बाक्‍माक्‍त। यहूदीपुकीमी मेको मुर बेक्‍त देंबाक्‍तेक्‍म। तन्‍न पावलमी चहिं बेक्‍शो रे सेंसीशा ब्रोंइशो बाक्‍ब देंबाक्‍त।
ACT 25:20 मिनु गो मार पङ, दो पङ दुम्‍ती। मोपतीके गो पावल कली ‘यरूसलेम लशा, मेरेन इ मुददा कोव़चा दुम्‍बा?’ दे हिल्‍लो पाता।
ACT 25:21 मो देंङानु, पावलमी ‘अगस्‍टस कली आं मुददा कोव़चा गेने। सिजर आ बाक्‍तीकेमी मसोइक्‍तीनी सम्‍म चोक्‍शा वोइय्‍‍यीनी’ दे पुंइतु। मिनु गो रिम्‍शो पा वोइक्‍पाइक्‍ता। मिनु गेना सोइक्‍तु, दे लां कोव़ना कोव़न बाक्‍ती” देंमाक्‍त।
ACT 25:22 मिनु अग्रीप्‍पामी फेस्‍तस कली “गो मेको मुर आ लोव़ नेंचा दाक्‍नुङ” देंमेनु “सरकार, दीसान इन ङोंइती राप्‍पाइक्‍नुङ” देंमाक्‍त। लूका २२:८
ACT 25:23 मिनु आ दीसा अग्रीप्‍पा नु बेरनीस नु सहर ङा सरकार आ ठेयब मुरपुकीमी सरकारी वा फेक्‍शा जाक्‍शा, दरवारमी देल्‍मा बाक्‍त। मिनु फेस्‍तसमी पावल कली चाक्‍पाइश्‍शा, नेल्‍ल आन ङोंइती राप्‍पदा बाक्‍त।
ACT 25:24 मिनु फेस्‍तसमी “सरकार अग्रीप्‍पा, एकेर देल्‍शो हजुरपुकी, आं लोव़ का निक्‍शी नेनीने। एको इन ङोंइती राप्‍पाइश्‍शो मुर कोव़ङीने। यहूदी नेल्‍लेमी एको कली मरिम्‍शो मुर, दे दोस गेनीमी। यरूसलेम नु एकेर कछडी वोदमेनु ‘मेको कली साइक्‍चा माल्‍ब’ देंन देंन रेयके पाम्‍तेक्‍म। प्रेरित २२:२२
ACT 25:25 गो चहिं मो देंशो साइक्‍चा पुंइसीब मुर मतङ। मिनु एकोमी यो रोमी पिप सिजर अगस्‍टस कली आं मुददा कोव़चा गेने, दे पुंइतु। मिनु सिजर आ बाक्‍तीके सोइक्‍तु देंती।
ACT 25:26 तन्‍न सिजर कली एको मुर आ पर्बम मार लोव़ ब्रेक्‍चा ङा? आ दोस ग्रुंइने मचबु। मोपतीके मुलाक्‍ती अग्रीप्‍पा सरकार नु हजुर नेल्‍ल इन ङोंइती राप्‍पाइक्‍ता। गो नेल्‍लेमी हिल्‍लो हिक्‍सी पा दोस ग्रुंइताक्‍य हना, सिजर पिप कली ब्रेक्‍शा सोइक्‍ने चाप्‍नुङ।
ACT 25:27 मारदे हना ओं पा ग्‍याइश्‍शा फ्रेंशो मुर कली दोस का यो मग्रुंइथु, सिजर पिप बाक्‍तीके सोइक्‍ताक्‍ङ हना, मुने दोक्‍सीब, दे मिम्‍ताक्‍ङ” देंमाक्‍त।
ACT 26:1 मिनु पिप अग्रीप्‍पामी पावल कली “इ लोव़ मार बाक्‍मे, मेको देनो” दे लोव़ पचा गेवा बाक्‍त। मिनु पावलमी गुइ का पोक्‍शा,
ACT 26:2 “अग्रीप्‍पा सरकार, यहूदीपुकीमी शुश दोस गेतीमी। मिनु मेको दोस आ पर्बम हजुर नु लोव़ पचा तङानु, गो ग्‍येरसाक्‍यी।
ACT 26:3 मारदे हना यहूदी आन पतीके नु गारचा ङा मगारचा ङा लोव़ नेल्‍ल हजुरमी, रिम्‍शो पा तुइश्‍शो बाक्‍नीनी। लोव़ शुश बाक्‍ब। मोपतीके मब्रीथु, हजुरमी, नेंशा गेचा नङ।
ACT 26:4 गो आल रे यरूसलेममी बाक्‍शा, यहूदी नेल्‍लेमी आं कली तुइश्‍शो बाक्‍नीमी।
ACT 26:5 मेकोपुकी गो शुश धर्म पाइब फरिसी का बाक्‍ती, दे ङोंइती रे तुइक्‍नीमी। मेकोपुकीमी गो फरिसी का बाक्‍ती, दे सांकछी दुम्‍ने चाप्‍नीम। प्रेरित २३:६; फिलिप्‍पी ३:५
ACT 26:6 परमप्रभु यावेमी आंइ किकी पिपी आन कली लोव़ गेशो बाक्‍माक्‍त। मिनु मेको लोव़ आ पर्बम दोस ताइब दुम्‍ती। प्रेरित २८:२०
ACT 26:7 मिनु मेको लोव़ नेल्‍ल खाप्‍ब, दे आंइ १२ थर ङा यहूदी नेल्‍लेमी थमा सुइश्‍शा, परमप्रभु यावे कली नाक्‍दो नाक्‍त ठेयब सेल्‍शा बाक्‍नीकी। मेको आन थमा सुइश्‍शो खोदेंशो पा गो यो थमा सुइक्‍ब का नङ। मेको थमा सुइश्‍शो आ पर्बम आं कली दोस गेतीमी, अग्रीप्‍पा सरकार। प्रेरित २४:१५
ACT 26:8 परमप्रभु यावेमी बेक्‍शा लशो आन कली सेंपाइश्‍शा गेना हना यो ब्रोंइशा बाक्‍चा गेब देंशो लोव़ थमा सुइक्‍तीक लोव़ ममाइ ङा? हजुरपुकी, एको लोव़ मारदे थमा सुइक्‍ने मचाप्‍नीनी? प्रेरित २३:८
ACT 26:9 साइ गो दोपा यो मेको नासरथ ङा येसु आ नें क्‍याम्‍चा, दे मिम्‍शो नङ। प्रेरित ९:१-२९; प्रेरित २२:३-२१
ACT 26:10 यरूसलेममी मेको आ नें क्‍याम्‍तीक गेय पा गाक्‍ती। ठेयब चढ़ेबपुकी रे अधिकार तशा, थमा सुइक्‍ब शुश आन कली जेल्‍खानमी चोक्‍पाइक्‍तामी। मोशो ला ममाइ, थमा सुइक्‍ब आन कली सदमेनु, गोमी ‘रिम्‍शो पाइतीनी’ देंती।
ACT 26:11 थमा सुइक्‍ब आन कली आंइ ग्रुम्‍तीक खिं खिंमी कीशा चाक्‍शा तुप्‍शा, येसु आ नें मरिम्‍शो सेल्‍पाइश्‍शा, मुल ङा मेरे मेको लां मखोइक्‍नीकी देंपाइक्‍तामी। नेल्‍ल आन कली साइक्‍पाइक्‍नुङमी, दे जोंब बोक्‍शा गाक्‍ती। यरूसलेममी ला ममाइ, ङोन ङोन रागी लशा, खेदा पा श्‍येत गेतामी।
ACT 26:12 मोपा श्‍येत गेना गेन गाक्‍ङानु, काबु ठेयब चढ़ेब आन अधिकार तशा, वारच नु गारशा, दमस्‍कस सहर गे लाइतक।
ACT 26:13 अग्रीप्‍पा सरकार हजुर, मुल नोफा दाइश्‍शा नेनीन। नाक्‍ती उइक्‍थ दुम्‍मेनु गाक्‍कानु, मार दुम्‍त देंशा हना, नां पशो क्‍येङा छेङछेङ सरीङ रे यिशा, आंइ एर ओंथ कोंइताक्‍व।
ACT 26:14 मोदेंशो छेङछेङ दुम्‍शो तशा, गो नेल्‍ल दिङ दाङ गोल्‍तक। मिनु हिब्रू लोव़ पा आं नें थिशा ‘सावल, सावल आं कली मारदे खेदा पा श्‍येत गेयी? गे आंमा श्‍येत जाइनेवे’ दे लोव़ पशो नेंता।
ACT 26:15 मिनु गोमी ‘प्रभु, सु ननी’ दे हिल्‍लो पङानु ‘इ खेदा पशो येसु नङ।
ACT 26:16 मुल छुल बोक्‍को। इ कली योव़शा आं लोव़ नेंपाइक्‍ब सेल्‍तन। मुलाक्‍त इ कली तपांइसाक्‍यी। मुल ङा मेरे इ कली तपांइसीन सीन बाक्‍नुङ। मिनु मुलाक्‍ती तशो नेंशो खोदेंशो पा नोले यो नेंनेवे, ताइनेवे। मेको लोव़ नेल्‍ल नेंपाइक्‍ब सेल्‍तन।
ACT 26:17 आं लोव़ शेंथ सोइक्‍नन। आं लोव़ नेंपा गाक्‍ङेनु, यहूदी नु अर्को रागी ङा मुर आन गुइ रे प्रोंइनुङ।
ACT 26:18 मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२
ACT 26:19 अग्रीप्‍पा सरकार, परमप्रभुमी कोंइशो कोंइतीक तशा, आ लोव़ नेंशा, मेको लोव़ टीब दुम्‍ती। गलाती १:१६
ACT 26:20 दमस्‍कसमी जाक्‍दीश्‍शा, लोव़ शेंचा गोव़ता। मिनु यरूसलेममी, यहूदीया रागी हिरशा गाक्‍ती। अर्को रागी ङा मुर आन रागी रागी हिरशा गाक्‍ती। मोपा गाक्‍ङानु, मुर आन कली ‘पाप पचा प्रोंइशा, इन थुं परमप्रभु यावे गे हिरदीने। मिनु परमप्रभु कली शिरशो गेय पा इन थुं थमा पा हिरशो बाक्‍त, दे कोंइदीने’ दे शेंना शेंन गाक्‍ती।
ACT 26:21 मोदेंशो शेंशो आ पर्बम यहूदीपुकीमी परमप्रभु यावे आ खिंमी ग्‍याइश्‍शा दोस गेशा, साइक्‍चा पुंइसीब, दे साइक्‍चा माल्‍तीमी। प्रेरित २१:३०-३१
ACT 26:22 खेदा पा शुश श्‍येत गेयीमीनु, परमप्रभु यावेमी श्‍येत फाल्‍तीक सक्ति गेती। मोपतीके गो ठेयब थुं पा इन ङोंइती राप्‍शा, ठेयब मुर आइक्‍च मुर नेल्‍ल इन कली आं लोव़ मोसा नु परमप्रभु यावे आ लोव़ पाइब आन लोव़ नु गारब, दे रुपीन। लूका २४:४४-४७
ACT 26:23 मेकोपुकीमी ‘ख्रीस्‍तम श्‍येत जचा माल्‍ब’ दे ब्रेक्‍शो बाक्‍शो बाक्‍तेक्‍म। मिनु बेक्‍शो रे सेंसीशा ब्रोंइशा बाक्‍ब। बेक्‍शो रे सेंचा पुंइसीबपुकीमी नेल्‍ल आन क्‍येङा ङोंइती मेको येसु ख्रीस्‍त बेक्‍शो रे सेंसाक्‍व। मिनु मोपा यहूदी नु अर्को रागी ङा मुर नेल्‍ल आन कली छेङछेङ दुम्‍शो खोदेंशो पा आन लां कोंइब दुम्‍त” दे पावलमी सांकछी गेशा शेंदीमी बाक्‍त। १कोरिन्‍थी १५:२०
ACT 26:24 मोपा लोव़ पना पन लदानु, हुकुम पाइब फेस्‍तसमी आ लोव़ ख्रोइश्‍शा “पावल, गे बौला, शुश शेंसीशा जोक्‍ब तुइक्‍ब दुम्‍शा, निप्‍स ग्‍यशो कका दु‍मे बाक्‍त” दे ठेयब सेंदा पा देंमेनु,
ACT 26:25 पावलमी “माननीय फेस्‍तस हजुर, गो बौला मनङ। गो थमा पा आं तुइश्‍शो रिम्‍शो लोव़ पाता।
ACT 26:26 अग्रीप्‍पा सरकारमी आं देंशो लोव़ नेल्‍ल रुप्‍शो बाक्‍ब, दे तुइक्‍ताक्‍ङ। मोपतीके आं ग्राकी लोक्‍शा लोव़ पाता। सरकारमी ख्रीस्‍त आ पर्बम ब्रशो शुश लोव़ नेंशा रुप्‍शो बाक्‍माक्‍त। ख्रीस्‍त आ पर्बम दुम्‍शो चहिं का निक्‍शीमी ला तुइश्‍शो मनमी। शुशेमी तुइश्‍शो बाक्‍नीमी। यूहन्‍ना १८:२०
ACT 26:27 अग्रीप्‍पा सरकार, परमप्रभु यावे आ लोव़ पाइब आन लोव़ थमा सुइक्‍नुङ मदेंतीनी हना यो, इन थुंमी थमा सुइक्‍नीनी, दे तुइक्‍ताक्‍ङ” देंमाक्‍त।
ACT 26:28 मिनु पिप अग्रीप्‍पामी “लोव़ का निक्‍शीमी गो ख्रीस्‍त कली थमा सुइक्‍ब दुम्‍ती” देंमेनु,
ACT 26:29 पावलमी “लोव़ का निक्‍शी पशा हना यो, शुश पशा हना यो, दोपा यो आं खोदेंशो दु‍मीन, दे मिम्‍नुङ। सरकार ला ममाइ, एकेर खुम्‍सीशा बाक्‍ब नेल्‍ल आं खोदेंशो दुम्‍मल। तन्‍न ग्‍याइश्‍शा साङलोम पाइश्‍शा जेल्‍खानमी चोक्‍चा चहिं मपुंइसमल, दे पुंइ‍नुङ” देंमाक्‍त।
ACT 26:30 मो देंमेनु, पिप छुल बोक्‍शा गाक्‍माक्‍त। मिनु हुकुम पाइब, बेरनीस नु मेकेर बाक्‍ब नेल्‍ल छुल छाल बोक्‍शा गाक्‍मा बाक्‍त।
ACT 26:31 मिनु गाक्‍मानु “एको मुर रिम्‍शो बाक्‍माक्‍त, जेल्‍खानमी चोक्‍चा ङा, साइक्‍चा पुंइसीचा ङा मबा” देंमुशा गाक्‍मा बाक्‍त।
ACT 26:32 मिनु पिप अग्रीप्‍पामी हुकुम पाइब फेस्‍तस कली “एको मुरुमी सिजर कली आं मुददा कोव़चा गेने, दे मपुंइशो हना, प्रोंइशा सोइक्‍ने चाप्‍स वा” देंमाक्‍त। प्रेरित २५:११
ACT 27:1 मिनु पावल कली सिजर बाक्‍तीके इटाली सोइक्‍ची जाक्‍माक्‍त। मिनु पावल नु अरु चोक्‍चा पुंइसीशो का निक्‍शी आन कली अगस्‍टस पल्‍टन ङा युलीयस नें पाइश्‍शो कप्‍तान आ गुइमी जिम्‍मा गेमे बाक्‍त। मिनु गो पावल आ वारच का निक्‍शी यो सासाक्‍क। प्रेरित २५:१२
ACT 27:2 सिजरिया रे लशा, अद्रामीत्‍तीयम जाक्‍दीश्‍शा, एसीया लाइब जहाज ङोइश्‍शा लाइतक। मासीडोनीया ङा थिस्‍सलोनीकी रे जाक्‍शो अरीस्‍तारकस पावल आ वारच का यो गोपुकी नु लत। प्रेरित २०:४
ACT 27:3 मेकेर रे लशा, आ दीसा नाक्‍त सीदोन जाक्‍दीत्‍तक। मेकेर जाक्‍दीक्‍कानु, कप्‍तान युलीयसमी पावल कली रिम्‍शो पा आ वारच आन कली ग्रुम्‍थ लचा गेप्‍तु। मिनु मेकोपुकीमी पावल कली रिम्‍शो पाम्‍तेक्‍म। प्रेरित २४:२३; प्रेरित २८:१६
ACT 27:4 मिनु लेश्‍शा जाक्‍शा, जहाज ङोइश्‍शा, लाइतक। मिनु साइप्रस आ नेक्‍नेक्‍था जाक्‍दीत्‍तक। मारदे हना फश गिवारमी आइदी लां लचा मगेव।
ACT 27:5 मिनु सिलीसीया नु पाम्‍फीलीया रागी आस दी ङा लां पा लिसीया रागी ङा मिरा सहरमी जाक्‍दीश्‍शा तोंइ‍साक्‍क।
ACT 27:6 मिनु कप्‍तानमी अलेकजेन्‍द्रीया रे जाक्‍शो इटाली लाइब जहाज थिश्‍शा, नेल्‍ल आंइ कली मेकोमी ङोइक्‍पाइक्‍तीकी।
ACT 27:7 मिनु लकानु, शुश फश गिवार पा तेक्‍तीके श्‍येत पा ओंखां ओंखां लशा, क्‍नीदोस रागी आ नेक्‍था जाक्‍दीत्‍तक। फश गिवार मलीथु, आइक्‍था रे पा साल्‍मोने नु क्रेट टापु आस नेक्‍नेक्‍था लां रे पा लाइतक।
ACT 27:8 मिनु श्‍येत पा क्रेट टापु ङा जहाज नाइक्‍तीके जाक्‍दीत्‍तक। मेको जहाज नाइक्‍तीके दारशो जहाज नाइक्‍तीक नें वोइश्‍शो बाक्‍त। मेको लासेया सहर आ नेक्‍था सेल्‍शो बाक्‍त।
ACT 27:9 फश गिवारमी तेक्‍तीके क्रेटमी जाक्‍दीत्‍चा यो शुश नाक्‍त लाक्‍शा, माइजा बाक्‍तीक लाइ यो लाक्‍तु। में ङा मेरे जहाज चलेचा हिंचा पाइब। २कोरिन्‍थी ११:२५-२६; लेवी १६:२९
ACT 27:10 मोपतीके पावलमी जहाज चलेब आन कली “हजुरपुकी, एक ङा लाक्‍शा लाइतय हना, फश गिवारमी योल्‍ब। जहाज नु जहाजमी कुर पशो थोव़क नेल्‍ल जाम्‍ब, गोपुकी यो ब्रोंइचा मताइनय दे तुइश्‍शो बाक्‍नुङ। मोपतीके मलचा” देंत।
ACT 27:11 कप्‍तानमी चहिं पावल आ देंशो लोव़ थमा मसुइक्‍थु, जहाज आ होव़प नु चलेब आन लोव़ नेंतु।
ACT 27:12 मेकोपुकीमी “हिउंदमी एकेर बाक्‍चा मदुम्‍ब” देंतेक्‍म। मो देंमानु, अरुमी यो “मो हना फोनीक‍स गे लचा” देंतेक्‍म। फोनीकसमी जाक्‍दीन्‍ने चाप्‍नय। मिनु मेकेरेन हिउंद लाक्‍चा रिम्‍शो दुम्‍ब देंतीके लाइतक। फोनीकस चहिं क्रेट टापु ङा नेल्‍ल क्‍येङा पच्‍छिममी बाक्‍ब।
ACT 27:13 मिनु लना लन बाक्‍कानु, दक्‍खिन रे इचीची फश पवानु, मुल रिम्‍शो चलेसीब देंशा, जहाज तिक्‍तीके क्‍युक्‍शा वोइश्‍शा, क्रेट आ नेक्‍था लां लाइतक।
ACT 27:14 मिनु में चोटीन टापु रे फश गिवार यिशा सुम्‍तु। मोदेंशो फश गिवार कली उत्तर पूर्ब ङा फश, दे नें वोइश्‍शो बाक्‍ब।
ACT 27:15 मोपा सुम्‍कीनु, जहाज लतीक लां लाइक्‍ने मचबेम। मोपतीके फश गिवारमी तेइ योल्‍दल, दे चलेचा प्रोंइतेक्‍म।
ACT 27:16 मिनु कौदा माइश्‍शो टापु आ ता जाक्‍दीश्‍शा, टापुमी फश गिवार इचीची फारताक्‍व। मिनु शुश श्‍येत पा इम्‍ची डोंगा ब्‍वाक्‍कुम तोक्‍शा, मेको डोंगा रे गेय पा जहाज कली ठेयब ठेयब डोरीम फ्रेंशा बोल्‍यो सेल्‍तेक्‍म।
ACT 27:17 मिनु सिरतीस माइश्‍शो बाल्‍वा बाक्‍तीकेमी जहाज मओव़दील, दे जहाज कीब वा फ्रुप्‍शा, ओंखां ओंखां पा जहाज लचा गेम्‍तेक्‍म।
ACT 27:18 फश गिवार काइ यो मनाइक्‍थु पना पन बाक्‍त। मिनु आ दीसा जहाज सोपी दुम्‍ल, दे जहाजमी कुर पशो भारी शोल्‍शा ताइक्‍ताक्‍मे।
ACT 27:19 मिनु आ नित्‍थ नाक्‍ती जहाज कली माल्‍शो थोव़क यो ताइक्‍ताक्‍मे। मिनु शुश नाक्‍ती सम्‍म फश गिवार पना पन नां तास्‍ला सोरुल मारेइ मतांइसे।
ACT 27:20 मिनु गोपुकीम ब्रोंइचा मतांइसीबाक्‍त, बेक्‍सीबाक्‍त देंतक।
ACT 27:21 गो शुश नाक्‍ती सम्‍म मारेइ मजथु बाक्‍तक। मिनु पावलमी जहाज चलेब आन ङोंइती राप्‍शा “हजुरपुकी, साबेर आं देंशो लोव़ टिचा माल्‍शो ननी। गोमी क्रेट मलचा देंती। गेपुकीमी आं देंशो टिशो ननी हना, जहाजमी कुर पशो नु जहाज ङा थोव़क मारेइ ताइक्‍चा ममाल्‍द वा। गो यो ओदेंशो श्‍येत मजय वा।
ACT 27:22 मुल मोदेंशो दुम्‍त हना यो, इन थुं बारपा बाक्‍कीने। मारदे हना सुइ यो मबेक्‍नय। जहाज ला जाम्‍शा लाइब, दे तुइक्‍ताक्‍ङ।
ACT 27:23 दोपा तुइक्‍ताक्‍ङ देंशा हना, गो परमप्रभु यावे कली ठेयब सेल्‍नुङ, मेको आ मुर नङ। परमप्रभु यावेमी आ स्‍वर्ग ङा गेय पाइब का कली सोइश्‍शा, सिनाक्‍दो आं ङोंइती राप्‍शो ताता।
ACT 27:24 मेकोमी ‘पावल, महिनो। गे सिजर पिप आ ङोंइती राप्‍चा माल्‍‍नेवे। ब्‍वाक्‍कुम ग्रुम्‍शा मबेक्‍नेवे। परमप्रभु यावेमी गे नु बाक्‍ब नेल्‍ल यो मबेक्‍थु, इन कली गेप्‍तु’ दे माइक्‍ती। प्रेरित २३:११
ACT 27:25 मोपतीके इन थुं बार पा बाक्‍कीन, हजुरपुकी। परमप्रभुमी आ देंशो का यो मप्रोंइथु, नेल्‍ल खाप्‍ब, दे थमा सुइक्‍नुङ। प्रेरित २८:१
ACT 27:26 मुल जहाज टापु जाक्‍दीश्‍शा, ख्रा दिक्‍ब, दे तुइक्‍नुङ” दे माइक्‍तीमी।
ACT 27:27 मिनु १४ नाक्‍त मोपा योल्‍स ङा योल्‍स पा अद्रीया समुन्‍द्र लाक्‍शा, काबु नाक्‍दो जहाज चलेबपुकीमी तेक कका ङा रागी तांइसीशो खोदेंशो ताम्‍तेक्‍म।
ACT 27:28 मिनु ब्‍वाक्‍कु पुक्‍तीके ख्रुम्‍शा पुक्‍गमेनु, २० ओरग्‍या बाक्‍त। मिनु इच्‍ची नोले बारशा लशा लेंशा पुक्‍गमेनु, १५ ओरग्‍या बाक्‍त। ओरग्‍या का १,८५ मिटर बाक्‍ब।
ACT 27:29 मिनु सेरथे फुल्‍लुम थोक्‍सीशा, जहाज बिग्रेसीब देंशा जहाज तिक्‍तीके ४ ओटा तोक्‍शा, जहाज कली तिक्‍शा नाइक्‍पाइक्‍तेक्‍म। मिनु गेना नां सोव़बा, दे रिम्‍शा बाक्‍तक।
ACT 27:30 नां मसोव़थु जहाजम गेय पाइबपुकीमी जहाज तिक्‍तीके तोक्‍खु पा आइक्‍च डोंगा तोक्‍शा, जहाज प्रोंइशा प्रोक्‍चा माल्‍मे बाक्‍त।
ACT 27:31 मिनु पावलमी मेको आन मो पचशो तुइश्‍शा, कप्‍तान कली “मेकोपुकी प्रोक्‍शा गाक्‍तेक्‍म हना, गो नेल्‍ल ग्रुम्‍शा बेक्‍नय” दे माइक्‍तु।
ACT 27:32 मिनु सिपाहीपुकीमी डोंगा ङा डोरी ख्रोइश्‍शा तोक्‍शा, मेको आन कली प्रोक्‍चा मगेम।
ACT 27:33 मिनु नां सोव़मेनु पावलमी नेल्‍ल आन कली “मजशो, मइप्‍शो मुलाक्‍त १४ नाक्‍त दुम्‍त।
ACT 27:34 मोपतीके मुल इच्‍ची खोइ जय। मिनु बोल ताइनय। महिनीन। मारदे हना सुइ के चां का यो महेम्‍ब” दे नेल्‍ल आंइ थुं बारपाइक्‍तु। मत्ती १०:३०
ACT 27:35 मिनु शोब्‍ले आ गुइमी शेशा, प्रभु कली “गे रिम्‍शो पाइब बाक्‍नीनी” देंशा, जिक्‍शा नेल्‍ल आंइ कली योक्‍तु।
ACT 27:36 मिनु नेल्‍ल आंइ थुं बारशा जाइतक।
ACT 27:37 मेको जहाजमी २७६ जना मुर बाक्‍शो नकी।
ACT 27:38 मिनु रूथ्री जशा, जहाजमी कुर पशो चेरब ताइक्‍ताक्‍म।
ACT 27:39 मिनु नां सोव़मेनु, मेको ङोंइती तांइसीशो रागी मार रागी बाक्‍मे, दे मतुइक्‍तक। बाल्‍वा ला तांइसाक्‍व।
ACT 27:40 मेको बाल्‍वा बाक्‍तीके चाक्‍दीश्‍शा, जहाज तिक्‍तीके ख्रोइश्‍शा, ब्‍वाक्‍कुमी प्रोंइतेक्‍म। मिनु चलेतीके आ डोरी प्राक्‍शा, वा क्‍युक्‍शा वोइश्‍शा, फशेमी जहाज कली गाक्‍पा बाल्‍वा गे लाइक्‍तेक्‍म।
ACT 27:41 मो पामेनु, जहाज बाल्‍वामी ओव़दीश्‍शा, आ शोव़ ग्रुक्‍साक्‍व। आ मीलु चहिं ब्‍वाक्‍कुम आप्‍शा जिक्‍त।
ACT 27:42 एको चोक्‍सीशा लाइश्‍शोपुकी प्रोक्‍नीमी कोर में, दे हिंशा, सिपाहीपुकीमी मेको आन कली प्रोक्‍चा मगेथु साइक्‍चा, दे मिम्‍शो बाक्‍मा बाक्‍त।
ACT 27:43 कप्‍तानमी चहिं “पावल कली मसाइक्‍थु ब्रोंइचा गेचा” दे आ थुं फ्रेंशो बाक्‍माक्‍त। मोपतीके सुइ कली साइक्‍चा मगेव। दोम्‍ली ग्‍यारस जोक्‍ब आन कली दोम्‍ली ग्‍यारशा रागीमी ग्रूङीन, दे सोइक्‍ताक्‍मी।
ACT 27:44 दोम्‍ली ग्‍यारस मजोक्‍बपुकीमी चहिं जहाज ङा शी फलेक ग्‍याइश्‍शा ङोइश्‍शा रागीमी ग्रूमल देंत। मोपा सुइ मग्रुम्‍थु नेल्‍ल ब्रोंइशा रागीमी ग्रूतक। प्रेरित २७:२२-२५
ACT 28:1 मेको रागीमी ग्रूकानु, माल्‍टा नें पाइश्‍शो टापु बाक्‍माक्‍त, दे तुइक्‍ताक्‍क।
ACT 28:2 मेको टापुमी बाक्‍बपुकीमी आंइ कली तशा, शिशी पा शुश रिम्‍शो पा वारच पाम्‍तेक्‍म। मेकेर थम ग्‍यू पा रेउ यित। मोपतीके मेकोपुकीमी मी मुइश्‍शा थेरपाइक्‍तीकी। २कोरिन्‍थी ११:२७
ACT 28:3 मी थेरना थेरन बाक्‍कानु, पावलमी एर ओंथ ङा शी खुप्‍शा चाक्‍शा चोवानु, मीम होशा ग्रूशो बुस्‍स कामी आ गुइमी गिल्‍शा कोक्‍‍तु।
ACT 28:4 टापुमी बाक्‍बपुकीमी पावल आ गुइ बुस्‍सुम गिल्‍शो तशा “एको मुर मुर साइक्‍ब बाक्‍माक्‍त। समुन्‍द्रमी फश गिवार पा ग्रुम्‍शा हेररा बेक्‍शा यो ब्रोंइशा, रागीमी ग्रूशा यो बुस्‍सुमी कोक्‍शा बेक्‍ब दुम्‍त” देंमुम्‍तेक्‍म।
ACT 28:5 पावलमी आ गुइ थुर थुर पा बुस्‍स कली मीम हुम्‍ताक्‍व। मिनु आ कली मारेइ मदुम। मर्कूस १६:१८
ACT 28:6 मुरपुकीमी पावल कली कोव़स ङा कोव़स पाम्‍तेक्‍म। मारदे हना बुस्‍सुमी कोक्‍शो मुर इच्‍ची होम्‍शा बेक्‍ब, दे मिम्‍शो बाक्‍मा बाक्‍म। मिनु कोव़स ङा कोव़स बाक्‍मानु, मारेइ मदुम। मोपतीके आन थुं हिरशा “मुर साइक्‍ब मुर ममाइ, देवता कका बाक्‍माक्‍त, है” देंमुम्‍तेक्‍म। प्रेरित १४:११
ACT 28:7 मेको टापु ङा ठेयब मुर आ नें पुब्‍लीयस बाक्‍माक्‍त। आंइ जाक्‍दीत्‍तीके आ नेक्‍था पुब्‍लीयस आ रू, खिं बाक्‍त। मिनु पुब्‍लीयसमी आंइ कली ग्रुम्‍शा, आ खिं लाइश्‍शा, नाक्‍त सां सम्‍म बास जचा तूचा गेशा रिम्‍शो पाइक्‍तीकी।
ACT 28:8 पुब्‍लीयस आ खिंमी बा‍स बाक्‍कानु, आ आफ ख्‍युर पा जरो पा रोइ पशो बाक्‍त। मिनु पावलमी रोइ पाइब कली ग्रुम्‍थ लशा, आ गुइ मेको तारी वोइश्‍शा, प्रार्थना पा सापाइक्‍तु।
ACT 28:9 मोपा सापाइश्‍शो तशा, टापु ङा रोइ पशो मुरपुकी जाक्‍शा, आन रोइ सापांइसाक्‍म।
ACT 28:10 मिनु टापु ङा मुर नेल्‍लेमी ग्‍येरसीशा, आंइ कली मार मार चाक्‍शा गेम्‍तेक्‍म। गाक्‍चकानु लांमी जचा कली लाम्‍जी कुम्‍ज सेल्‍शा कुरपा सोइक्‍ताक्‍म।
ACT 28:11 मेको टापुमी महिना सां सम्‍म बाक्‍तक। अलेकजेन्‍द्रीया रे जाक्‍शो कस्‍तोर नु पोल्‍लुक्‍स माइश्‍शो जौंले आस नें पाइश्‍शो जहाज माल्‍टामी हिउंदमी बाक्‍बाक्‍माक्‍त। मिनु हिउंद लाक्‍शा, मेको जहाज ङोइश्‍शा गे लाइतक।
ACT 28:12 मिनु सिराकुसमी जाक्‍दीश्‍शा, नाक्‍त सां सम्‍म बाक्‍तक।
ACT 28:13 मेकेर रे लशा इच्‍ची हेरशा, रेगीयम जाक्‍दीत्‍तक। मिनु आ दीसा दक्‍खिन रे फश पशोमी नाक्‍त निक्‍शीमी पुटेओलीमी जाक्‍दीत्‍तक।
ACT 28:14 मेकेर जाक्‍दीश्‍शा, जहाज रे तोइश्‍शा, सहर लाइतक। मिनु थमा सुइक्‍ब लोक्‍ब आन कली ग्रुम्‍कानु, मेकोपुकीमी “बाक्‍कीन, बाक्‍कीन” देंतीके ७ नाक्‍त सम्‍म बाक्‍तक। मिनु रोम सहर गे लाइतक।
ACT 28:15 रोम सहरमी बाक्‍ब थमा सुइक्‍ब लोक्‍ब ते गुम्‍थ जाक्‍चाम्‍तेक्‍म देंशो नेंशा, सां-पाटी नु अप्‍पीयस बजारमी ग्रुम्‍थ जाक्‍तेक्‍म। पावलमी मेको थमा सुइक्‍ब आन कली तशा, आ थुं बारशा, परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍तु।
ACT 28:16 मिनु रोम सहरमी जाक्‍दीत्‍तक। जाक्‍दीश्‍शो रे पावल ते ते बाक्‍चा दाक्‍ता, मेक मेक बाक्‍चा गेम्‍तेक्‍म। आ कली कोव़ब सिपाही का वोइक्‍तेक्‍म। प्रेरित २७:३
ACT 28:17 रोम सहरम जाक्‍दीश्‍शो आ सांबु नाक्‍ती पावलमी रोममी बाक्‍ब यहूदी आन ठेयब मुर ब्रेश्‍शा खुप्‍ताक्‍मी। मिनु मेको आन कली “आं लोक्‍बपुकी, आं लोव़ का निक्‍शी नेनीन। इं यहूदी नु इं किकी पिपी आन पतीके पना पन बाक्‍ती हना यो, यरूसलेममी बाक्‍ब लोक्‍बपुकीमी आं कली दोस गेशा ग्‍याइश्‍शा, रोमी सरकार आन गुइमी गेतीमी। प्रेरित २३:१
ACT 28:18 मिनु रोमी निसाफ पाइबपुकीमी हिल्‍लो हिक्‍सी पशा ङा मिन, आं कली प्रोंइचा देंतेक्‍म। मारदे हना साइक्‍चा ङा सजाइ गेचा पुंइसीब मारेइ दोस ग्रुंइने मचबेम।
ACT 28:19 यहूदी लोक्‍बपुकीमी प्रोंइचा मदुम्‍ब देंना देंन बाक्‍मानु, गोमी सिजर कली आं मुददा कोव़चा गेने, दे पुंइता। पिप आ ङोंइती इं यहूदी सुइ आन कली मारेइ दोस मगेनुङमी। प्रेरित २५:११
ACT 28:20 इन कली एको लोव़ नेल्‍ल रुप्‍पाइक्‍थ ब्रेश्‍शा खुप्‍ताक्‍न्‍नी। आं दोस चहिं मार बाक्‍ब देंशा हना, इं इस्राएलीपुकीमी परमप्रभु यावेमी पाप रे प्रोंइब ख्रीस्‍त कली रागीमी सोइश्‍शो देंशो लोव़ थमा सुइश्‍शो आ पर्बम साङलो पाइक्‍चा पुंइसाक्‍ङ” दे माइक्‍तीमी। प्रेरित २६:६-७
ACT 28:21 मिनु मेकोपुकीमी पावल आ लोव़ नेंशा “इ पर्बम यहूदीया रे लोव़, चिठी का यो मजा। मेक रे एक जाक्‍शो लोक्‍ब सुइमी इ पर्बम मरिम्‍शो लोव़ पा दोस मगेम।
ACT 28:22 गोपुकीमी एको नक थमा सुइक्‍तीके आ पर्बम चहिं लोव़ नेंतक। मेको लोव़ तेक तेक ब्रामे, मेक मेक जिचा पोक्‍ग्‍मे बाक्‍त, दे तुइश्‍शो नकी। मोदेंशो दुम्‍त हना यो, गो इ मिम्‍शो तुइक्‍चा दाक्‍नीकी, लेंशा ग्रुम्‍चा” दे लोव़सी थुम्‍शा गाक्‍तेक्‍म। प्रेरित २४:१४; लूका २:३४
ACT 28:23 मिनु ग्रुम्‍ची नाक्‍ती पावल आ बाक्‍तीकेमी शुश मुर खुम्‍साक्‍म। मिनु सुनी रे नाक्‍दो सम्‍म पावलमी मेको आन कली एको लोव़ नेल्‍ल रुप्‍पपाइक्‍तीमी। मोसा आ अरेशो नु परमप्रभु यावे आ लोव़ पाइब आन ब्रेक्‍शो लोव़ रे शेंशा, परमप्रभु यावे आ सोइश्‍शो ख्रीस्‍त चहिं येसु बाक्‍ब देंशा, परमप्रभु यावे आ राज्‍य ङा लोव़ शेंताक्‍व।
ACT 28:24 आ लोव़ नेंबपुकी का निक्‍शीमी आ देंशो थमा बाक्‍त, दे थमा सुइक्‍तेक्‍म। का निक्‍शीमी चहिं थमा मसुदेम।
ACT 28:25 थमा सुइक्‍ब नु थमा मसुइक्‍ब दुम्‍शा ब्रातेक्‍म। मिनु गाक्‍चामेनु, पावलमी थमा मसुइक्‍ब आन कली “परमप्रभु यावे आ सोक्‍तीम परमप्रभु यावे आ लोव़ पाइब यसैया इन किकी पिपी आन पर्बम ठीक लोव़ पशो बाक्‍त।
ACT 28:26 मेकोमी ‘मेको मुर आन कली ग्रुम्‍थ लावो। मेको आन कली “नेंचा दा नेंनीन। तन्‍न गे यो मरुप्‍नीनी। कोव़चा दा कोव़नीन। तन्‍न मताइनीनी।
ACT 28:27 मेको मुर आन थुं ग्‍याम्‍शो बाक्‍नीम। आन नोफा थांइशो बाक्‍नीम। आन मिक्‍च क्रिप्‍शो बाक्‍नीम। मोदेंशो मपशो नम हना, आन मिक्‍चीमी ताम वा, आन नोफाम नेंनेम वा, थुंमी रुबेम वा, आं गे ले‍म वा, गो सापदुमी वा” दे ब्रेक्‍शो बाक्‍त’। यसैया ६:९-१०
ACT 28:28 परमप्रभु यावेमी अर्को रागी ङा मुर आन, कली आ लोव़ नेंपाइक्‍ब। मेकोपुकीमी नोफा दाइश्‍शा नेंशा टीनीम, दे तुइक्‍तीन” दे माइक्‍तीमी।
ACT 28:29 पावलमी मेको आन कली मोदेंशो लोव़ पवानु, यहूदी लाम्‍तेक्‍म। का निक्‍शीमी “आ लोव़ थमा बाक्‍ब” देंतेक्‍म, का निक्‍शीमी “थमा ममाइ” देंतेक्‍म। मिनु हेरर हेररा जिशा बोक्‍तेक्‍म। प्रेरित १३:४६
ACT 28:30 मिनु पावल बर्स निक्‍शी सम्‍म मुर आ खिंमी क्‍येट थाप्‍शा बाक्‍मेनु, शुश मुर पावल कली ग्रुम्‍थ जाक्‍मा बाक्‍त। मेको ग्रुम्‍थ जाक्‍ब आन कली “निस्‍सीने, बाक्‍कीने, लोव़सी पय” दे शुश लोव़ शेंबाक्‍माक्‍त।
ACT 28:31 शेंचा मदुम्‍ब, दे सुइमी मदेंबाक्‍मा बाक्‍त। मिनु ठेयब थुं पा परमप्रभु यावे आ राज्‍य नु प्रभु येसु ख्रीस्‍त आ पर्बम शेंना शेंन बाक्‍माक्‍त। एफिसी ६:२०
ROM 1:1 गो ख्रीस्‍त येसु आ वाइल पावल नङ। आ सोइश्‍शो दुम्‍शा, परमप्रभु यावेमी आ ग्‍येरपाइक्‍ब लोव़ तुइक्‍पाइक्‍चा कली योव़चा पुंइसाक्‍यी। प्रेरित ९:१५; प्रेरित १३:२; गलाती १:१५
ROM 1:2 मेको लोव़ साइ नेसी रे परमप्रभु यावे आ लोव़ पाइबपुकीमी ब्रेक्‍शो बाक्‍मा बाक्‍त। रोमी १६:२५-२६; लूका १:७०; तीतस १:२
ROM 1:3 येसु ख्रीस्‍त पिप दाऊद आ थरमी मुर दुम्‍शा, जरमेशो बाक्‍माक्‍त। रोमी ९:५; २सामुएल ७:१२; मत्ती २२:४२
ROM 1:4 तन्‍न मुर ला ममाइ। परमप्रभु यावे आ तौ यो बाक्‍ब। “आं तौ बाक्‍ब” दे तुइक्‍पाइक्‍चा कली परमप्रभु यावेमी आ सोक्‍त आ सक्तिम येसु ख्रीस्‍त कली बेक्‍शो रे सेंताक्‍व। मत्ती २८:१८; प्रेरित १३:३३
ROM 1:5 मिनु येसु ख्रीस्‍तमी नेल्‍ल अर्को रागी ङा मुर आन कली आ लोव़ तुइक्‍पाइक्‍चा कली शिशी पा योव़ती। मुरपुकीमी येसु ख्रीस्‍त आ लोव़ टीमेक्‍ल देंशा, शेंथ सोइक्‍ताक्‍यी। रोमी १५:१८; प्रेरित २६:१६-१८; गलाती २,७,९
ROM 1:6 इन कली यो येसु ख्रीस्‍तमी “आं मुर दुम्‍मल” दे योव़तु।
ROM 1:7 गे योव़चा पुंइसीशा, परमप्रभु यावे आ दाक्‍शो रोम सहरम बाक्‍बपुकी इन कली एको लोव़ ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल। १कोरिन्‍थी १:२; २कोरिन्‍थी १:१-२; एफिसी १:१; गन्‍ती ६:२४-२६
ROM 1:8 गेपुकीमी येसु ख्रीस्‍त कली थमा सुइश्‍शो नेल्‍लेमी तुइक्‍नीम। मिनु गो आं परमप्रभु यावे कली “रोम सहरम बाक्‍ब आन कली रिम्‍शो पाइतीनी” दे ठेयब सेल्‍नुङ। रोमी १६:१९
ROM 1:9 मिनु गो परमप्रभु यावे आ सांकछी बाक्‍ब। गो गेय पना पान नु आ तौ आ ग्‍येरपाइक्‍ब लोव़ शेंना शेंन बाक्‍नङ। गो इन पर्बम परमप्रभु यावे कली पुंइना पुंइन बाक्‍नुङ, मेको थमा बाक्‍ब। एफिसी १:१६
ROM 1:10 मिनु परमप्रभु यावे आ दाक्‍तीकेमी “गो रोम सहरम बाक्‍ब थमा सुइक्‍ब आन कली रीब पा ग्रुम्‍पाइय्‍यीनी” दे यो पुंइना पुंइन बाक्‍नुङ। रोमी १५:२३,३२; प्रेरित १९:२१
ROM 1:11 मारदे हना इन थमा सुइक्‍तीक थुं बारपा बोल्‍यो सेलु, दे इन कली ग्रुम ग्रुम दाक्‍ती। रोमी १५:२९
ROM 1:12 मिनु मोपा आं थमा सुइश्‍शोमी इन कली नु इन थमा सुइश्‍शोमी आं कली नेल्‍ल इं थुं बारपदल, दे मिम्‍ताक्‍ङ। २पत्रुस १:१
ROM 1:13 आं लोक्‍बपुकी, गो शुश खेयप “रोम सहर पिङ” देंती, तन्‍न मुल सम्‍म पिने मचबु। अर्को रागी ङा मुर आन कली येसु ख्रीस्‍त आ लोव़ शेंना शेंन गाक्‍ती। मेको लोव़ शेंदुनु, शुशेम थमा सुइक्‍तेक्‍म। गेपुकी नु यो बाक्‍शा, येसु ख्रीस्‍त आ लोव़ पचा दाक्‍नुङ। मो पङानु, का निक्‍शी थमा मसुइक्‍बमी यो थमा सुदमेक्‍ल, थमा सुइक्‍ब आन थुं बारल, दे मिम्‍नुङ।
ROM 1:14 मारदे हना ग्रीक नु अर्को रागी ङा, जोक्‍ब नु मजोक्‍ब, पढेशो मपढेशो, नेल्‍ल आन कली येसु ख्रीस्‍त आ लोव़ शेंचान माल्‍नुङ।
ROM 1:15 मोपतीके रोमम बाक्‍ब इन कली यो ग्‍येरपाइक्‍ब लोव़ शेंचा माल्‍ती।
ROM 1:16 ग्‍येरपाइक्‍तीक लोव़ शेंना शेंन गाक्‍ङानु, मुने मपथु, शेंनुङ। मारदे हना मेको लोव़मी परमप्रभु यावे पाप रे प्रोंइतीक सक्ति बाक्‍ब। मेको लोव़ ङोंइती यहूदी आन कली तुइक्‍पाइश्‍शो बाक्‍माक्‍त। नोले ग्रीक आन कली यो तुइक्‍पाइश्‍शो बाक्‍माक्‍त। भजन संग्रह ११९:४६; २तिमोथी १:८; १कोरिन्‍थी १:१८,२४
ROM 1:17 परमप्रभु यावेमी मुर आन कली दोपा ठीक दुम्‍पाइक्‍बा, मेको आ लोव़ रे पा तुंइ‍सीब। मिनु “ठीक पाइब आं कली थमा सुइश्‍शा ब्रोंइब” दे ब्रेक्‍शो बाक्‍ब। हबकुक २:४; रोमी ३:२१-२२; गलाती ३:११
ROM 1:18 मुरपुकीमी “थमा माइश्‍शो सु बाक्‍मे?” दे तुइक्‍चा मदाक्‍थु, मरिम्‍शो थुं पाइश्‍शो दुम्‍शा, मरिम्‍शो गेय पाम्‍तेक्‍म। मुर आन कली मोदेंशो पशो तशा, परमप्रभु यावेम आ गाइश्‍शो कोंइताक्‍व।
ROM 1:19 मारदे हना परमप्रभु यावे आ पर्बम मार तुइक्‍ने चाप्‍नीमी, मेको परमप्रभु यावेमी कोंइशो बाक्‍त। प्रेरित १४:१५-१७; प्रेरित १७:२४-२८
ROM 1:20 मिनु रागी सेल्‍चा रे मतांइसीशो नु गेना हना यो सक्ति पाइश्‍शो परमप्रभु यावे आ सरीङ नु रागीमी सेल्‍शो मार मार रे तुंइसीब। मोपतीके मेकोपुकीम मतुइक्‍तक देंशा, माफ पुंइने मचाप्‍नीम। भजन संग्रह १९:२; हिब्रू ११:३
ROM 1:21 परमप्रभु यावे नेल्‍ल क्‍येङा ठेयब बाक्‍ब, दे तुइश्‍शा यो ठेयब मसेलेम। परमप्रभु यावे कली “गे रिम्‍शो पाइतीनी” दे यो मदेंम। तन्‍न आन मिम्‍तीकेमी दूली पना पन बाक्‍तेक्‍म। मिनु आन मरुप्‍ब थुं क्‍येङा मरुप्‍ब दुम्‍त। एफिसी ४:१८
ROM 1:22 मजोक्‍थु यो ठेयब लेश्‍शा बोरशा “गो शुश जोक्‍ब ठेयब नकी” देंतेक्‍म। मोपा मूर्ख दुम्‍तेक्‍म। १कोरिन्‍थी १:२०
ROM 1:23 मेकोपुकीम गेना हना यो बाक्‍ब परमप्रभु यावे आ छेङछेङ कली बेक्‍शा लाइब मुर, चिक्‍ब, जन्‍तु नु ग्रेशा गाक्‍ब जन्‍तु आन मूर्ति नु फाइक्‍तेक्‍म। प्रस्‍थान २०:४; ब्‍यवस्‍था ४:१५-१९; भजन संग्रह १०६; येरमीया २:११
ROM 1:24 मिनु परमप्रभु यावेमी मो पशो तशा, मेको आन कली प्रोंइतु। मिनु आन थुंमी मरिम्‍शो मिम्‍शा, ग्रांग्रा दिचा ङा गेय पशा बिग्रेपमुम्‍तेक्‍म। प्रेरित १४:१६
ROM 1:25 मेकोपुकीमी परमप्रभु यावे आ थमा लोव़ कली जोल सेल्‍तेक्‍म। नेल्‍ल सेल्‍ब परमप्रभु यावे क्‍येङा आ सेल्‍शो मुर आन कली ठेयब सेल्‍तेक्‍म। गोपुकीमी मारेइ मारेइ सेल्‍ब परमप्रभु यावे कली गेना हना यो ठेयब सेल्‍य, आमेन।
ROM 1:26 मोपतीके परमप्रभु यावेमी मेको आन कली आन मिम्‍शो ग्रांग्रा दिचा ङा गेय पपाइक्‍चा कली प्रोंइतु। मेको आन मीशेमी यो मगारचा ङा ग्रांग्रा दिचा ङा गेय पाम्‍तेक्‍म।
ROM 1:27 मेकोपुकी वोंइश मुर नु मीश मुर ब्‍वांइ‍सीचा प्रोंइशा, वोंइश मुर नु वोंइश मुर ब्‍वांइ‍साक्‍म। मोदेंशो मरिम्‍शो गेय पतीके आन सजाइ ताम्‍तेक्‍म। लेवी १८:२२; लेवी २०:१३; १कोरिन्‍थी ६:९
ROM 1:28 आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।
ROM 1:29 मिनु आन थुं पापम ब्रीशो दुम्‍तेक्‍म। मिनु मार पाम्‍तेक्‍म देंशा हना, मारेइ मारेइ मरिम्‍शो ला पमुम्‍तेक्‍म, शिंम दुम्‍तेक्‍म, थुं चोमुम्‍तेक्‍मे, रुश पमुम्‍तेक्‍मे, मुर साइक्‍तेक्‍मे, जिम्‍तेक्‍मे, जोल पाम्‍तेक्‍मे, ख्रुइश्‍शा मुर आन लोव़ पाम्‍तेक्‍म।
ROM 1:30 मुर आन कली शुक्‍शी पाम्‍तेक्‍मे, परमप्रभु यावे कली काइ मदाक्‍थु, आइक्‍च सेल्‍‍तेक्‍मे, शुश तुम्‍मुम्‍तेक्‍मे, ठेयब लेत्‍तेक्‍मे, बोरतेक्‍मे। मारेइ मारेइ मरिम्‍शो पचा ला मिम्‍ताक्‍मे, आम आफ कली मटीमे,
ROM 1:31 बी ब्‍यफ खोदेंशो दुम्‍तेक्‍मे, देंशो लोव़ मखबेमे, अरु आन कली वारच मपामे, सुइ आन कली मदाक्‍तमे, शिशी यो मपामे।
ROM 1:32 परमप्रभु यावे आ निसाफ पतीक लोव़ तुइश्‍शा यो मोदेंशो मरिम्‍शो पना पन गाक्‍तेक्‍म। अरु आन कली आन खोदेंशो मरिम्‍शो पशो तशा “रिम्‍शो दुम्‍त” दे ग्‍येरसाक्‍म।
ROM 2:1 गे अरु आन कली दोस गेचा दाक्‍बपुकी, नेनीने, सु बाक्‍तीनी हना यो, दोस गेचा मदुम्‍ब, दे तुइक्‍तीन। दोस गेतीनी हना, दोसी दुम्‍नीनी, मारदे हना दोस गेबपुकी दोस ताइब आन पशो गेय खोदेंशोन पशो बाक्‍नीम, दे रुपीन। मत्ती ७:२; यूहन्‍ना ८:७; याकूब ४:१२
ROM 2:2 परमप्रभु यावेमी मरिम्‍शो गेय पाइब आन कली ठीक निसाफ पशा, सजाइ गेब, दे तुइक्‍नय।
ROM 2:3 गे अरु आन कली दोस गेशा, गे चहिं खाल का ङा पाइतीनी हना “गो परमप्रभु यावे आ सजाइ रे ब्रोंइचा ताइनीकी” दे मिम्‍नीनी?
ROM 2:4 मिनु गे परमप्रभु यावेमी मुर आन कली दाक्‍तीके, फाल्‍तीके नु आ गे लेत्‍नीनी कों, दे रिम्‍तीके कली आइक्‍च मिम्‍नीनी? परमप्रभु यावेमी “आन थुं आं गे लेत्‍नीमी कों” दे रिम्‍शो मतुइक्‍नीनी? २पत्रुस ३:९,१५
ROM 2:5 इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।
ROM 2:6 परमप्रभु यावेमी मुर आन पशो कोव़शा, दोदेंशो पामे मोदेंशो पाइब। येरमीया ३२:१९; मत्ती १६:२७; २कोरिन्‍थी ५:१०
ROM 2:7 सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।
ROM 2:8 तन्‍न आंम कली ला मिम्‍बपुकी, थमा लोव़ मटीबपुकी, जोल लोव़ थमा सुइक्‍बपुकी परमप्रभु यावे आ गाइश्‍शो चुरशो ताइनीम। २थिस्‍सलोनिकी १:८
ROM 2:9 मरिम्‍शो पाइबपुकी हिंशा बाक्‍शा, शुश श्‍येत जाइनीम। नेल्‍ल आन क्‍येङा ङोंइती यहूदी सजाइ ताइनीम। मिनु ग्रीक यो सजाइ ताइनीम।
ROM 2:10 रिम्‍शो पाइबपुकी परमप्रभु यावे आ राज्‍य जाक्‍शा, मान तशा, आन थुं नाइश्‍शा बाक्‍चा ताइनीम। ङोंइती यहूदी आन कली मोदेंशो दुम्‍ब। मिनु ग्रीक आन कली यो मोदेंशो दुम्‍ब।
ROM 2:11 मारदे हना परमप्रभु यावेमी मुर आन कली आइक्‍च जात, ठेयब जात मतिल्‍थु ठीक निसाफ पाइब। २इतिहास १९:७; प्रेरित १०:३४; कलस्‍सी ३:२५; १पत्रुस १:१७
ROM 2:12 परमप्रभु यावे आ अरेशो लोव़ मतुइक्‍थु, पाप पाइबपुकी मेको आन मतुइश्‍शोमीन जाम्‍शा लाइनीम। परमप्रभु यावे आ अरेशो लोव़ तुइश्‍शा यो पाप पाइबपुकी मेको लोव़मीन निसाफ प‍चा पुंइसीनीम।
ROM 2:13 परमप्रभु यावे आ अरेशो लोव़ नेंशा ला मुर ठीक मदुम्‍नीम। आ देंशो पशा ला ठीक दुम्‍नीम। ब्‍यवस्‍था ६:२५; मत्ती ७:२१; याकूब १:२२
ROM 2:14 मोपतीके अर्को रागी ङा मुरपुकीमी परमप्रभु यावे आ अरेशो लोव़ मतुइक्‍ताक्‍म हना यो, मार पचा दुम्‍बा, मार पचा मदुम्‍बा, दे तुइश्‍शा, गेय पाइनीमी, मेको आन आगामी अरेशो लोव़ बाक्‍ब। प्रेरित १०:३५
ROM 2:15 मेको मुर आन थुंमी अरेशो लोव़ ब्रेक्‍सीशो बाक्‍ब, दे कोंइनीम। मेको आन थुंमी आन पशो आ पर्बम रिम्‍शो बाक्‍ब देय मरिम्‍शो बाक्‍बा सांकछी गेब। रोमी १:३२
ROM 2:16 मिनु परमप्रभु यावे आ निसाफ पची नाक्‍त मुर आन ख्रुइश्‍शा पशो कली निसाफ पाइ‍ब। आं शेंशो ग्‍येरपाइक्‍तीक लोव़ परमप्रभु यावेमी येसु ख्रीस्‍त आ पतीकेमी निसाफ पाइब। लूका ८:१७
ROM 2:17 मिनु गे “गो यहूदी ठेयब जात नकी। परमप्रभु यावे आ अरेशो ताइतक, आ योव़शो मुर नकी” दे मिम्‍नीनी।
ROM 2:18 परमप्रभु यावे आ दाक्‍शो तुइक्‍नीनी, मार पचा दुम्‍बा, मार पचा मदुम्‍बा तुइक्‍नीनी। मारदे हना गे अरेशो लोव़ शेंसीशो बाक्‍नीनी,
ROM 2:19 इन थुंमी “गो जोक्‍ब नङ, गो मिक्‍च मताइब आन कली लां कोंइब नङ। छिङछिङम बाक्‍ब आन कली बत्ती दाब नङ। मत्ती १५:१४
ROM 2:20 हेंथे गाक्‍ब आन कली रिम्‍शो लां कोंइब नङ। मशेंसीशो आन कली शेंब नङ, गो अरेशो लोव़ जोक्‍ब तुइक्‍ब बाक्‍नुङ” दे मिम्‍नीनी।
ROM 2:21 तन्‍न अर्को आन कली शेंशो, आंम कली मशेंसीनीनी। खुइ मपचा दे शेंनीनी। तन्‍न गे खुइ पाइनीनी। भजन संग्रह ५०:१६-२१; मत्ती २३:२,४
ROM 2:22 मुर आन मीश मलाइक्‍चा, दे शेंनीनी, तन्‍न लाइक्‍नीनी। मूर्ति कली तशा, ग्रांग्रा दीनीनी, तन्‍न मन्‍दीर रे मूर्ति खुइ पा लाइक्‍नीनी।
ROM 2:23 परमप्रभु यावे आ अरेशो लोव़ रिम्‍शो बाक्‍ब देंनीनी, तन्‍न इन मटितीकेमी परमप्रभु यावे कली आइक्‍च सेल्‍नीनी।
ROM 2:24 इन मोदेंशो पशो आ पर्बम “अर्को रागी ङा मुरपुकीमी परमप्रभु यावे आ नें आ पर्बम शुक्‍शी पाइनीम” दे ब्रेक्‍शो बाक्‍ब। यसैया ५२:५
ROM 2:25 गे ख्रोइक्‍तीक चिनु ख्रोइश्‍शा, परमप्रभु यावे आ आ अरेशो लोव़ टीतीनी हना, रिम्‍शो दुम्‍ब। तन्‍न ख्रोइक्‍तीक चिनु ख्रोइश्‍शा आ अरेशो मटीतीनी हना, गे ख्रोइक्‍तीक चिनु मख्रोइश्‍शो खोदेंशो दुम्‍नीनी।
ROM 2:26 ख्रोइक्‍तीक चिनु मख्रोइश्‍शो, तन्‍न परमप्रभु यावे आ ठीक पतीक नेल्‍ल पाइब हना, मेको ख्रोइक्‍तीक चिनु ख्रोइश्‍शो खोदेंशो बाक्‍ब। गलाती ५:६
ROM 2:27 मेको अर्को रागी ङा ख्रोइक्‍तीक चिनु मख्रोइश्‍शो मुरपुकीमी यहूदी आन क्‍येङा आंमा आन थुं रे ठीक पाइनीम। मिनु निसाफ दुम्‍ची ना परमप्रभु यावे कली मटीब यहूदी आन कली दोस गेनीम।
ROM 2:28 रांमी ख्रोइक्‍तीक चिनु ला बाक्‍शा, परमप्रभु यावेमी योव़शो यहूदी मदुम्‍नीम। येरमीया ४:४
ROM 2:29 मार पा यहूदी दुम्‍नीम देंशा हना, मार पचा दुम्‍बा, मार पचा मदुम्‍बा, मेको तुइश्‍शा, परमप्रभु यावे आ सोक्‍तीम थुंम ख्रोइक्‍तीक चिनु ख्रोइश्‍शा ला परमप्रभु यावे आ मुर दुम्‍नीम। मेको आन कली मुरपुकीमी ठेयब मसेल्‍नीम। तन्‍न परमप्रभु यावेमी नेल्‍ल तुइश्‍शा “रिम्‍शो पाइतीनी” देंब। ब्‍यवस्‍था ३०:६; फिलिप्‍पी ३:३; कलस्‍सी २:११
ROM 3:1 मोदेंशो बाक्‍त हना, यहूदीपुकीमी अरु आन क्‍येङा मार ताइनीमी? ख्रोइक्‍तीक चिनु ख्रोइश्‍शो मार दुम्‍बाक्‍ङा?
ROM 3:2 अरु आन क्‍येङा शुश तशो बाक्‍तेक्‍म। ङोंइती परमप्रभु यावेमी मेको आन कली आ लोव़ तुइक्‍पाइक्‍चा कली योव़तु। रोमी ९:४; ब्‍यवस्‍था ४:७-८; भजन संग्रह १४७:१९-२०
ROM 3:3 का निक्‍शीमी परमप्रभु यावे आ अरेशो लोव़ मटीमे। मो पाम्‍तेक्‍म हना यो, परमप्रभु यावे आ लोव़ जोल मदुम्‍ब। रोमी ९:६; रोमी ११:२९; २तिमोथी २:१३
ROM 3:4 मुर आन देंशो लोव़ मजाक्‍दीप्‍ब। परमप्रभु यावे आ देंशो चहिं गेना हना यो थमा दुम्‍ब। “इन लोव़ ठीक बाक्‍ब। इन मुर आन कली निसाफ पतीक यो ठीक बाक्‍ब” दे ब्रेक्‍शो बाक्‍ब। भजन संग्रह ५१:६; भजन संग्रह ११६:११
ROM 3:5 गो इं मरिम्‍शो पशो परमप्रभु यावे कली रिम्‍शो देंशा कोंइताक्‍य हना, गो मार देंनय ङा? परमप्रभु यावेमी मो देंब आन कली सजाइ गेशो मरिम्‍शो बाक्‍बा ङा? शुश मुरपुकीमी मोदेंशो मिम्‍नीम।
ROM 3:6 तन्‍न परमप्रभु यावेमी मेको आन कली सजाइ गेशो मरिम्‍शो ममाइ। परमप्रभु यावेमी निसाफ मपशो हना, मुर आन कली दोपा दोस गेशा, सजाइ पाइबा?
ROM 3:7 आं मरिम्‍शो पशोमी परमप्रभु यावे आ रिम्‍शो पतीके तपाइश्‍शा, परमप्रभु यावे कली ठेयब सेल्‍ता हना, मारदे पापी सुइक्‍चा पुंइसीनुङा?
ROM 3:8 मुरपुकीमी आं लोव़ नेंशा “पापमी परमप्रभु यावे कली ठेयब सेल्‍ब, दे शेंब” दे आं देंशो लोव़ कली दूली सेल्‍तेक्‍म। गो दूली मशेंदुमी। मारदे हना पाप पशोमी परमप्रभु यावे कली ठेयब मसेल्‍ब। मोदेंब आन कली परमप्रभु यावेमी सजाइ गेप्‍तु हना, ठीक दुम्‍ब। रोमी ६:३
ROM 3:9 मिनु मार देंचा देंशा हना, अर्को जात क्‍येङा गो यहूदी रिम्‍शो मुर नया? मनय। मारदे हना गो यहूदीपुकी यो अर्को जात ङा मुर खोदेंशो पा पापी बाक्नय। रोमी १:१८; रोमी २:२४
ROM 3:10 मिनु “रिम्‍शो पाइब सुइ मबाक्‍नीम। रिम्‍शो पाइब का यो मबाक्‍ब। अय्‍युब ४:१७
ROM 3:11 परमप्रभु यावे कली तुइक्‍ब सुइ मबाक्‍नीम। मेको कली ममाल्‍ब यो मबाक्‍नीम।
ROM 3:12 नेल्‍लेमी रिम्‍शो लां प्रोंइशा हेंथे गाक्‍नीम। रिम्‍शो पाइब का यो मबाक्‍नीम” दे ब्रेक्‍शो बाक्‍ब। भजन संग्रह १४:१-३
ROM 3:13 “ग्रांग्रा दिचा ङा लोव़ ला पाइनीम। जोल पाइनीम। शुक्‍शी पा थुं खाइक्‍चा ङा लोव़ पाइनीम। भजन संग्रह ५:१०; भजन संग्रह १४०:४
ROM 3:14 मेको आन शोव़ सराप नु कशो लोव़मी ब्रीशो बाक्‍ब।” भजन संग्रह १०:७
ROM 3:15 “मेकोपुकीमी मारेइ ममिम्‍थु मुर साइक्‍नीम।
ROM 3:16 ते ते गाक्‍मा, मेक मेक मारेइ महेंथु खतम पाइनीम।
ROM 3:17 दुशा गारशा बाक्‍चा नु वारच पचा मतुइक्‍नीम।” यसैया ५९:७-८; लूका १:७९
ROM 3:18 “परमप्रभु यावे कली मान पा महिंनीम” दे ब्रेक्‍शो बाक्‍ब। भजन संग्रह ३६:२
ROM 3:19 अरेशो लोव़ अरेशो टीब आन कली ब्रेक्‍शो बाक्‍ब। मेको लोव़ मटिम्‍तेक्‍म हना, सिक्‍सी पचा माल्‍नीम। यहूदी नु रागी ङा मुर नेल्‍ल पापी दुम्‍तेक्‍म। मोपतीके परमप्रभु यावेमी मुर नेल्‍ल आन कली निसाफ पाइब। रोमी २:१२; गलाती ३:२२
ROM 3:20 मिनु अरेशो लोव़ पशा, सुइ ठीक मदुम्‍नीम। मारदे हना आ अरेशो लोव़ तुइश्‍शा, गो मरिम्‍शो पाइब बाक्‍नय, दे तुइक्‍नय। भजन संग्रह १४३:२; गलाती २:१६; रोमी ७:७
ROM 3:21 तन्‍न मुल रे अरेशो लोव़ मबाक्‍थुन, परमप्रभु यावे रे मुर आन कली ठीक पतीक जाक्‍शो बाक्‍ब। परमप्रभु यावेम ब्रेक्‍पाइश्‍शो लोव़ नु आ लोव़ पाइब आन देंशो गारब। रोमी १:१७; प्रेरित १०:४३
ROM 3:22 परमप्रभु यावे आ ठीक पतीके येसु ख्रीस्‍त कली थमा सुइक्‍ब नेल्‍ल आन कली बाक्‍ब। यहूदी बाक्‍तेक्‍म हना यो, अर्को रागी ङा मुर बाक्‍तेक्‍म हना यो, नेल्‍ल कान बाक्‍नीम। फिलिप्‍पी ३:९
ROM 3:23 मारदे हना नेल्‍लेमी पाप पाम्‍तेक्‍म। मोपतीके परमप्रभु यावे आ छेङछेङम जाक्‍दीन्‍ने मचाप्‍नीम। उत्‍पत्ती ८:२१
ROM 3:24 सु सुमी चहिं ख्रीस्‍त येसु कली थमा सुदमे, मेको आन कली परमप्रभु यावेमी आन थुं ठीक दुम्‍पाइक्‍ब। रोमी ५:१; २कोरिन्‍थी ५:१९; एफिसी २:८
ROM 3:25 ङोंइती परमप्रभु यावेमी रिम्‍शा, पापी आन कली सजाइ मगेवा बाक्‍त। नोले मेको आन जचा ङा सजाइ येसु ख्रीस्‍त कली जपाइश्‍शा बेक्‍चा गेशा, मेको आन पाप क्‍याम्‍ताक्‍व।
ROM 3:26 मोपा परमप्रभु यावेमी “ठीक निसाफ पाइनुङ” दे कोंइताक्‍व। मिनु येसु कली थमा सुइक्‍ब आन कली “इन पाप ग्‍याम्‍शा, ठीक दुम्‍तीनी” देंब। लेवी १६:१५-१६; हिब्रू ४:१६
ROM 3:27 नेल्‍ल परमप्रभु यावेमी पशो बाक्‍ब। सुइमी ठेयब सेल्‍सीशा “गो गेय नेल्‍ल रिम्‍शो पा ठीक दुम्‍ती” देंने मचाप्‍नीम। ठीक दुम्‍तीके मुर आन गेय रे मपीब। तन्‍न थमा सुइक्‍तीके रे पीब। १कोरिन्‍थी १:२९,३१
ROM 3:28 गोपुकीम “परमप्रभु यावे आ अरेशो लोव़ ङा गेयम मुर आन कली ठीक मसेल्‍ब” दे शेंनीकी। थमा सुइश्‍शोमी ला मुर आन कली ठीक सेल्‍ब। गलाती २:१६
ROM 3:29 परमप्रभु यावे यहूदी आन परमप्रभु यावे ला बाक्‍बा ङा? नेल्‍ल अर्को रागी ङा मुर आन परमप्रभु यावे बाक्‍ब। रोमी १०:१२
ROM 3:30 मारदे हना परमप्रभु यावे का ला बाक्‍ब। मिनु मेकोमी ख्रोइक्‍तीक चिनु ख्रोइश्‍शो नु मख्रोइश्‍शो आन थमा सुइक्‍तीके कोव़शा, मुर आन कली ठीक दुम्‍पाइक्‍ब। रोमी ४:११-१२
ROM 3:31 मो देंतय हना, परमप्रभु यावे आ अरेशो लोव़ क्‍याम्‍नीकी? ममाइ, येसु ख्रीस्‍त कली थमा सुइश्‍शोमी परमप्रभु यावे आ अरेशो लोव़ टीतय, दे रुब्‍य। मत्ती ५:१७
ROM 4:1 इं किकी अब्राहाममी रिती थिती धर्म पशो तशा, परमप्रभु यावेमी ठीक दुम्‍पदा ङा? ममाइ।
ROM 4:2 गेय पशा, ठीक दुम्‍शो हना, मुर आन कली “गो रिम्‍शो पाइब नङ” देंने चाप्‍ब वा। तन्‍न परमप्रभु यावे कली चहिं मो देंने मचबा बाक्‍त।
ROM 4:3 मार ब्रेक्‍शो बाक्‍ब देंशा हना “अब्राहाममी परमप्रभु यावे कली थमा सुइक्‍तु। मिनु परमप्रभु यावेमी ठीक दुम्‍पाइक्‍तु” दे ब्रेक्‍शो बाक्‍ब। उत्‍पत्ती १५:६; गलाती ३:६
ROM 4:4 गेय पाइबपुकीमी गेय पशो ङा गाल्‍च ताइनीम। तन्‍न शिशी पा गेशो ममाइ। रोमी ११:६
ROM 4:5 तन्‍न सुमी गेय मपाइब, ङोंइती मटीब मुर आन कली ठीक पाइब कली थमा सुइक्‍बा, मेको आ थमा सुइक्‍तीके ठीक बाक्‍ब। रोमी ३:२६
ROM 4:6 इं किकी दाऊदमी “मुरुमी गेय मपथु, ठीक दुम्‍शा, मेको ग्‍येरसीशो मुर बाक्‍नीम, दे परमप्रभु यावे आ देंशो बाक्‍ब” देंशो बाक्‍त।
ROM 4:7 परमप्रभु यावे आ अरेशो मटितीके नु आन पाप क्‍याम्‍चा पुंइसीशो मुर ग्‍येरसीशो मुर बाक्‍नीम।
ROM 4:8 प्रभुमी पाप क्‍याम्‍चा पुंइसीशो मुर कली दोस मगेब। मेको ग्‍येरसीशो मुर बाक्‍ब। भजन संग्रह ३२:१-२
ROM 4:9 मिनु मुल मार देंचा? ग्‍येरसीशो मुर ख्रोइक्‍तीक चिनु ख्रोइश्‍शो बाक्‍नीम देय मबाक्‍नीमी? मारदे हना अब्राहाममी थमा सुइक्‍तु। मिनु परमप्रभु यावेमी मेको कली ठीक दुम्‍पाइक्‍तु।
ROM 4:10 ख्रोइक्‍तीक चिनु ख्रोइक्‍चा क्‍येङा ङोंइती अब्राहाममी परमप्रभु यावे कली थमा सुइक्‍तु। मिनु परमप्रभु यावेमी आ कली थमा सुइश्‍शोमी अब्राहाम कली ठीक दुम्‍पाइक्‍तु।
ROM 4:11 आ थमा सुइश्‍शोमी ठीक दुम्‍पाइक्‍चा कली ख्रोइक्‍तीक चिनु छाप खोदेंशो पा ताप्‍तु। मारदे हना मेको ङोंइतीन थमा सुइक्‍ब बाक्‍त। मोपतीके मेको ख्रोइक्‍तीक चिनु मख्रोइश्‍शो थमा सुइक्‍ब, ठीक दुम्‍शो नेल्‍ल आन आफ दुम्‍त। उत्‍पत्ती १७:१०-११
ROM 4:12 अब्राहामम ख्रोइक्‍तीक चिनु ख्रोइक्‍ब आन आफ ला ममाइ, ख्रोइक्‍तीके चिनु मख्रोइक्‍थु थमा सुइक्‍ब आन लां गाक्‍ब आन आफ यो दुम्‍त। मत्ती ३:९
ROM 4:13 परमप्रभु यावेमी अब्राहाम कली अरेशो लोव़ टितीके लोव़ मगेशो बाक्‍त। तन्‍न थमा सुइश्‍शो तशा “इ चच युइ शुश दुम्‍शा, रागी नेल्‍ल ब्रीनीम” दे लोव़ गेशो बाक्‍त। उत्‍पत्ती २२:१७-१८
ROM 4:14 अरेशो लोव़ टीब ला परमप्रभु यावे आ मुर दुम्‍नीम हना, थमा सुइक्‍तीके नु थोक्‍शो लोव़ जाम्‍शा लाइब।
ROM 4:15 मारदे हना परमप्रभु यावे आ अरेशो लोव़मी आ गाइक्‍तीक पोक्‍ब। मेको लोव़ मबाक्‍शो हना, पाप मतुंइ‍स वा। रोमी ३:२०; रोमी ५:१३; रोमी ७:८,१०
ROM 4:16 थमा सुइक्‍तेक्‍म हना, शिशी ताइनीम। अरेशो टीबपुकीम यो शिशी ताइनीम। सु सुमी अब्राहामम खोदेंशो पा, परमप्रभु यावे कली थमा सुदमे, मेको आ थोक्‍शो लोव़ ङा मुर नु अब्राहाम आ आल दुम्‍नीम।
ROM 4:17 अब्राहाम आ पर्बम “गो इ कली शुश रागी ङा मुर आन किकी सेल्‍तन” दे ब्रेक्‍शो बाक्‍ब। अब्राहाममी “परमप्रभु यावे बेक्‍शो रे सेंब नु मारेइ मबाक्‍शो कली बाक्‍शो खोदेंशो पा ब्रेश्‍शा सेल्‍ब” दे थमा सुइश्‍शो बाक्‍ब। उत्‍पत्ती १७:५; २कोरिन्‍थी १:९; हिब्रू ११:१९
ROM 4:18 “शुश रागी ङा मुर आन किकी सेल्‍तन” दे परमप्रभु यावे आ गेशो लोव़ थमा सुइश्‍शा, आस पचा ङा मबाक्‍माक्‍त हना यो, आस पा बाक्‍माक्‍त। उत्‍पत्ती १५:५
ROM 4:19 मेको सहे का बर्स दुम्‍शा, आल मथिथु, आ रां बेक्‍शो खोदेंशो दुम्‍शा, आ मीश सारा शुश बर्स दुम्‍शो बाक्‍ब, दे तुइश्‍शा यो थमा सुइक्‍ना सुइक्‍न बाक्‍माक्‍त। उत्‍पत्ती १७:१७
ROM 4:20 दाल्‍गीर मपथु, आ थमा सुइक्‍चा बारना बारन लशा, परमप्रभु यावे कली ठेयब सेला बाक्‍त।
ROM 4:21 परमप्रभु यावेमी आ गेशो लोव़ दोपा यो खाप्‍‍ने चाप्‍ब, दे थमा पा तुइश्‍शो बाक्‍माक्‍त। हिब्रू ११:११
ROM 4:22 मोपा थमा सुइश्‍शोमी परमप्रभु यावेमी अब्राहाम कली ठीक दुम्‍पाइक्‍तु। उत्‍पत्ती १५:६
ROM 4:23 मेको कली ठीक दुम्‍पाइक्‍तु, दे ब्रेक्‍शो लोव़ अब्राहाम कली ला ब्रेक्‍शो ममाइ।
ROM 4:24 गो नेल्‍ल इं कली यो ब्रेक्‍शो बाक्‍ब। मारदे हना सु सुमी इं प्रभु येसु कली बेक्‍शो रे सेंपाइक्‍ब परमप्रभु यावे कली थमा सुइक्‍नीमी, मेको आन कली ठीक दुम्‍पाइक्‍ब।
ROM 4:25 येसु ख्रीस्‍त इं पाप क्‍याम्‍चा कली साइक्‍चा पुंइसाक्‍व। मिनु इं कली ठीक दुम्‍पाइक्‍चा कलीन बेक्‍शो रे सेंचा पुंइसाक्‍व। रोमी ८:३२-३४; यसैया ५३:४-६
ROM 5:1 मिनु गो थमा सुइश्‍शोमीन ठीक दुम्‍पाइक्‍चा पुंइसीशा, इं प्रभु येसु ख्रीस्‍त रे पा परमप्रभु यावे नु दुशा बाक्‍तीक दुम्‍शो बाक्‍त। रोमी ३:२४,२८; यसैया ५३:५
ROM 5:2 येसु ख्रीस्‍त आ पतीके गो परमप्रभु यावे आ शिशी ताइतय। मिनु परमप्रभु यावे नु बाक्‍चा ताइनीकी, दे आस पशा, ग्‍येरशा बाक्‍तय। यूहन्‍ना १४:६; एफिसी ३:१२
ROM 5:3 मेको ला ममाइ। श्‍येत जयानु, ग्‍येरनय। मारदे हना श्‍येत जशोमी फाल्‍तीक सक्ति बारपाइक्‍ब। याकूब १:२-३
ROM 5:4 मिनु श्‍येत फाल्‍बपुकी रिम्‍शो थुं पाइश्‍शो दुम्‍नीम। रिम्‍शो थुं पाइश्‍शोपुकी आस पाइब दुम्‍नीम, दे तुइक्‍ताक्‍य। याकूब १:१२
ROM 5:5 मिनु मोदेंशो आस पतीकेम मुर आन कली बोल्‍यो सेल्‍ब। मारदे हना परमप्रभु यावे आ सोक्‍त आ पतीकेमी परमप्रभु यावे आ दाक्‍तीके इं थुंम मोइश्‍शो बाक्‍त। भजन संग्रह २२:६; भजन संग्रह २५:३,२०; हिब्रू ६:१८-१९
ROM 5:6 ङोंइती मचाप्‍ब बाक्‍यानु, ख्रीस्‍त परमप्रभु यावे कली मटीब आन पर्बम बेक्‍त।
ROM 5:7 ठीक पाइब आन बेक्‍चा आ पा ङा सुइ बेक्‍बा कों? रिम्‍शो पाइब आ पा ङा सुइ बेक्‍ने चाप्‍बा कों?
ROM 5:8 तन्‍न परमप्रभु यावेमी इं कली शुश दाक्‍शा, गो पापी, इं बेक्‍चा आ पा ङा ख्रीस्‍त कली बेक्‍चा गेप्‍तु। यूहन्‍ना ३:१६; १यूहन्‍ना ४:१०
ROM 5:9 मोपतीके ख्रीस्‍त आ हुशेमी इं पाप क्‍याम्‍शा, ठीक सेल्‍चा पुंइसाक्‍य। मोशो ला ममाइ। गोपुकी येसु ख्रीस्‍त आ पतीकेमी परमप्रभु यावे आ गाइश्‍शो रे ब्रोंइचा ताइनय, दे तुइक्‍ताक्‍य। रोमी १:१८; रोमी २:५,८
ROM 5:10 ङोंइती गोपुकी परमप्रभु यावे आ जोरी सत्रु दुम्‍शा बाक्‍यानु, आ तौ आ बेक्‍शोमीन परमप्रभु यावेमी इं कली आ दाक्‍शो मुर सेल्‍तु। आ दाक्‍शो मुर दुम्‍शा, येसु आ ब्रोंइशोमीन सजाइ जचा रे मब्रोंइया ङा? ब्रोंइतय। २कोरिन्‍थी ५:१८; रोमी ८:७; कलस्‍सी १:२१
ROM 5:11 मेको ला ममाइ, इं प्रभु येसु ख्रीस्‍तम इं पशो पाप रे प्रोंइतीके आ पर्बम परमप्रभु यावे आ मुर दुम्‍शा ग्‍येरनय।
ROM 5:12 मिनु ङोंइती मुर कामी परमप्रभु यावे आ देंशो लोव़ मटितीके मुर बेक्‍ब दुम्‍मा बाक्‍त। मिनु मेको आ तमी तौ चच युइ नेल्‍ले यो बेक्‍ब दुम्‍मा बाक्‍त। मारदे हना मेकोपुकीमी यो पाप पामे बाक्‍त। उत्‍पत्ती ३:१९; रोमी ६:२३; उत्‍पत्ती २:१७
ROM 5:13 मेना परमप्रभु यावे आ अरेशो लोव़ मब्रेक्‍पाइश्‍शो बाक्‍माक्‍त। मोपतीके पाप मग्रूशो बाक्‍माक्‍त। अरेशो लोव़ मबाक्‍थु, मुर दोस मताइब दुम्‍शो बाक्‍तेक्‍म। रोमी ४:१५
ROM 5:14 तन्‍न आदम आ पाला रे मोसा आ पाला सम्‍म मुरपुकी बेक्‍ना बेक्‍न लमा बाक्‍त। आदम खोदेंशो मरिम्‍शो मपामे बाक्‍त हना यो, बेक्‍मा बाक्‍त। आदम चहिं नोले ङा पाला कली कोंइतीक दुम्‍शो बाक्‍त।
ROM 5:15 आदम आ मटिशो परमप्रभु यावे आ शिशी पशो खोदेंशो ममाइ। मुर का आ मटितीकेम मुर नेल्‍ल कली बेक्‍ब सेल्‍तीमी। मेको क्‍येङा परमप्रभु यावे नु मुर का दुम्‍शो येसु ख्रीस्‍त आस गेशो शिशी ठेयब बाक्‍ब।
ROM 5:16 येसु ख्रीस्‍त आ गेशो आदम आ पशो खोदेंशो ममाइ। मारदे हना आदम आ पशोमी मुर नेल्‍ल खतम दुम्‍तेक्‍म। येसु ख्रीस्‍त आ गेशो शिशीमी पाप पशो शुश मुर आन कली ठीक दुम्‍पाइक्‍तु।
ROM 5:17 दोपा आदम आ पशोमी बेक्‍तीकेम मुर आन कली हुकुम पवा, मोपा मेको आन क्‍येङा येसु ख्रीस्‍त आ गेशो शिशी नु आ ठीक सेल्‍तीकेमी मुर आन कली ब्रोंइचा गेशा हुकुम पाइब। मेको पपाइक्‍ब नेल्‍ल येसु ख्रीस्‍त बाक्‍ब।
ROM 5:18 दोपा मुर कामी पाप पतीके मुर नेल्‍ल जाम्‍शा लाइब दुम्‍मा, मोपा मुर का आ ठीक पतीकेम मुर नेल्‍ल आन पाप क्‍याम्‍शा, ठीक सेल्‍चा पुंइसीशा, ब्रोंइचा ताइनीम। १कोरिन्‍थी १५:२१-२२
ROM 5:19 परमप्रभु यावे आ देंशो मटीव मुर का आ पतीके दोपा पापी शुश दुम्मा, मोपा परमप्रभु यावे आ देंशो टीब कामी चहिं शुश मुर आन पाप क्‍याम्‍शा, ठीक सेल्‍तीमी। रोमी ३:२६; यसैया ५३:११
ROM 5:20 परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९
ROM 5:21 दोपा पापमी मुर आन कली बेक्‍पाइक्‍ब सेल्‍मी, मोपा येसु ख्रीस्‍त आ शिशी नु ठीक पतीकेमी मुर आन कली परमप्रभु यावे नु गेना हना ब्रोंइशा बाक्‍ब सेल्‍ब। मेको नेल्‍ल इं प्रभु येसु ख्रीस्‍तम पशो बाक्‍ब। रोमी ६:२३
ROM 6:1 मिनु मो हना, मार देंचा? परमप्रभु यावेमी गो इं कली शुश शिशी पवल, दे गोपुकीमी पाप पस ङा पस बाक्‍चा ङा? रोमी ३:५-८
ROM 6:2 मो पचा मदुम्‍ब। बेक्‍शो मुरपुकीम खांखा दोपा पाप पस ङा पस बाक्‍ने चाप्‍नीमी ङा? गो इं के पाप पतीक थुं बेक्‍त।
ROM 6:3 ख्रीस्‍त येसु कली थमा सुइश्‍शा, आ नें नु आ बेक्‍तीकेमी ब्‍वाक्‍कुम ख्रुम्‍शा, ग्रुंइपांइसाक्‍य, दे गे मतुइक्‍नीनी? गलाती ३:२७
ROM 6:4 मिनु ब्‍वाक्‍कुम ग्रुम्‍यानु, गो येसु बेक्‍शा थिम्‍शो खोदेंशो दुम्‍तय। मिनु परमप्रभु यावे आ सक्तिमी ख्रीस्‍त कली बेक्‍शो रे सेंपाइश्‍शो खोदेंशो पा गो यो सेंसीशा, नक लांम गाक्‍तय। कलस्‍सी २:१२; १पत्रुस ३:२१
ROM 6:5 गो दोपा मेको आ बेक्‍शो नु कान दुम्‍या, मोपा आ सेंसीशो नु यो कान दुम्‍तय।
ROM 6:6 येसु ख्रीस्‍त कली शीम केप्‍शा कांटी थोक्‍शा साइक्‍तीके इं पापम ब्रीशो थुं आ सक्ति जाम्‍त। मोपतीके मुल गो पाप आ वाइल मबाक्‍नय। गो मेको लोव़ तुइक्‍चा माल्‍नय। गलाती ५:२४
ROM 6:7 बेक्‍शो मुर पाप रे ब्रोंइशो बाक्‍नीम।
ROM 6:8 गो येसु ख्रीस्‍त नु बेक्‍तय हना, मेको नुन ब्रोंइनय, दे थमा सुइक्‍नय।
ROM 6:9 मारदे हना येसु यो बेक्‍शो रे सेंसीशा, मुल गेनायो मबेक्‍चा ङा पा ब्रोंइत। मुल मेको गेनायो मबेक्‍ब।
ROM 6:10 पाप क्‍याम्‍चा कली काले बेक्‍त। नोले सेंसीशा, मुल परमप्रभु यावे नु ब्रोंइशो बाक्‍ब। हिब्रू ९:२६-२८
ROM 6:11 मोपतीके गेपुकीमी यो आंम कली पाप आ पर्बम बेक्‍शो नु ख्रीस्‍त येसु आ पतीकेमी परमप्रभु यावे कली ब्रोंइनय, दे मिम्‍तीन। २कोरिन्‍थी ५:१५; १पत्रुस २:२४
ROM 6:12 इन बेक्‍शा लाइब रां कली पापम हुकुम पचा मगेने। उत्‍पत्ती ४:७
ROM 6:13 इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१
ROM 6:14 पापमी इन कली मारेइ पपाइक्‍ने मचाप्‍ब, मारदे हना परमप्रभु यावे आ अरेशो लोव़मी इन कली दोसी मसेल्‍थु, परमप्रभु यावेमी शिशी पाइक्‍चा पुंइसाक्‍नी। रोमी ७:४-६; १यूहन्‍ना ३:६; रोमी ५:१७,२१
ROM 6:15 परमप्रभु यावे आ अरेशो लोव़मी इं कली दोसी मसेल्‍थु, परमप्रभु यावे आ शिशी ताइतय हना, पाप पचा दुम्‍ब, दे मिम्‍चा ङा? मोदेंशो मिम्‍चा मदुम्‍ब।
ROM 6:16 तेको होव़प आ वाइली दुम्‍या, मेको होव़प कली टिचा माल्‍नय, दे मतुइक्‍नीनी? “पाप पना पन बाक्‍य” देंतीनी हना, पाप आ वाइली दुम्‍शा, बेक्‍नीनी। “परमप्रभु यावे आ देंशो टिय” देंतीनी हना, परमप्रभु यावे आ वाइली दुम्‍शा, ठीक पाइब दुम्‍नीनी। यूहन्‍ना ८:३४
ROM 6:17 इन पर्बम परमप्रभु यावे कली “मेको आन कली रिम्‍शो पाइतीनी” दे ठेयब सेल्‍नुङ। मारदे हना ङोंइती गेपुकी पाप आ वाइल बाक्‍तीनी। मुल चहिं इन थुं रे पा परमप्रभु यावे आ शेंशो दाक्‍शा टीतीनी।
ROM 6:18 गेपुकी पाप रे ब्रोंइशा, ठीक पतीके आ वाइल दुम्‍तीनी। यूहन्‍ना ८३२
ROM 6:19 इन कली रुप्‍पाइक्‍चा कली चिनु लेंशा शेंनन्‍नी। दोपा गेपुकीमी इन गुइ खोइल, मिक्‍च, शोव़, रां नेल्‍लेमी ग्रांग्रा दिशो गेय पशा, अरेशो लोव़ मटिनी, मोपा मुल इन थुं, रां नेल्‍ल ठीक पतीक आ वाइल दुम्‍चा कली परमप्रभु यावे आ गेय पाइब मुर दुमीन।
ROM 6:20 ङोंइती पाप आ वाइली बाक्‍नीनु, ठीक पतीक रे ङोन बाक्‍तीनी।
ROM 6:21 इन पशो मिम्‍शा, मुल यो मुने पाइनीनी। मारदे हना इन मरिम्‍शो पशो बेक्‍पाइक्‍ब बाक्‍त, दे तुइक्‍ताक्‍नी। रोमी ८:६,१३
ROM 6:22 मुल गेपुकी मरिम्‍शो पचा रे प्रोंइचा पुंइसीशा, गे परमप्रभु यावे आ वाइल दुम्‍तीनी। मुल इन रिम्‍शो पतीके रे गे परमप्रभु यावे आ मुर दुम्‍शा, गेना हना यो मेको नु ब्रोंइशा बाक्‍चा ताइनीनी।
ROM 6:23 मरिम्‍शो पशो आ गाल्‍च बेक्‍चा बाक्‍ब। परमप्रभु यावे आ गेशो शिशी चहिं इं प्रभु येसु ख्रीस्‍त रे पा गेना हना यो ब्रोंइशा बाक्‍चा बाक्‍ब। रोमी ५:१२; उत्‍पत्ती २:१७; याकूब १:१५
ROM 7:1 आं लोक्‍बपुकी, मुल गो अरेशो लोव़ तुइक्‍ब इन कली शेंचा दाक्‍ती। मबेक्‍या सम्‍म ला अरेशो लोव़ कली टिचा माल्‍नय।
ROM 7:2 ग्‍युंबे पशो मीश मुर आ वोंइश मबेक्‍म सम्‍म कानुनमी आस नाता लीब। आ वोंइश बेक्‍त हना, आस नाता मलीब। १कोरिन्‍थी ७:३९
ROM 7:3 आ वोंइश मबेक्‍थु, अर्को वोंइश खोइश्‍शा लत हना, मेकोम आस नाता ख्रोइक्‍ब। तन्‍न आ वोंइश बेक्‍शा नोले अर्को वोंइश खोइक्‍तु हना, मेको मीश अरेशो लोव़ रे मारेइ दोस गेचा मपुंइसीब, मारदे हना मेको आ वोंइश बेक्‍ने थुम्‍शो बाक्‍ब।
ROM 7:4 आं लोक्‍बपुकी, येसु ख्रीस्‍त बेक्‍शोमी परमप्रभु यावे आ अरेशो लोव़ टिने मचाम्‍सीब देंतीक थुं बेक्‍त, दे रुपीन। मुल बेक्‍शो रे सेंचा पुंइसीशो ख्रीस्‍त नु काथा दुम्‍शा, इन पशो रे पा परमप्रभु यावे कली गेय पाइनय।
ROM 7:5 गो येसु ख्रीस्‍त रे ङोन बाक्‍यानु, परमप्रभु यावे आ अरेशो लोव़ रे पा पाप तुइश्‍शा यो पाप आ ग्रांग्रा दिशोमी ब्रीशा शुश मरिम्‍शो पाइतय। मेको आ गाल्‍च बेक्‍तीक बाक्‍ब। रोमी ६:२१
ROM 7:6 तन्‍न मुल गो अरेशो लोव़ रे ब्रोंइशा बाक्‍नय। मारदे हना गो मरिम्‍शो पतीक आ ग्‍याइश्‍शो रे बेक्‍तय। मुल गो येसु ख्रीस्‍त आ सोक्‍त रे पा नक गेय पाइनय। अरेशो ब्रेक्‍शो लोव़ प्रोंइने थुम्‍तय। रोमी ८:१-२; रोमी ६:२-४
ROM 7:7 मिनु मुल मार दें‍य देंशा हना, परमप्रभु यावे आ अरेशो लोव़मी पाप बाक्‍बा? मो देंशो ममिम्‍चा। परमप्रभु यावे आ अरेशो लोव़ मपढेङा सम्‍म गो पाप मतुइक्‍तु। परमप्रभु यावे आ अरेशो लोव़मी “मुर आन मार मार तशा मवलो” दे मब्रेक्‍शो हना, वाल्‍चा आ पर्बम गो मारेइ मतुइक्‍तु वा। प्रस्‍थान २०:१७
ROM 7:8 मिनु पापम ब्रीशो आं थुंमी शुश वाल्‍पाइक्‍ती। परमप्रभु यावे आ अरेशो लोव़ मबाक्‍शो हना, पाप मग्रू वा, मेको बेक्‍त। रोमी ५:१३; १कोरिन्‍थी १५:५६
ROM 7:9 अरेशो लोव़ मपढेशो नङ हना यो, पाप मतुइक्‍तु वा। तन्‍न मेको लोव़ तुइक्‍तु रे आं थुंमी पाप बोक्‍त। मिनु बेक्‍ती।
ROM 7:10 परमप्रभु यावे आ अरेशो लोव़ ब्रोंइचा कली बाक्‍त हना यो, मेको लोव़मीन बेक्‍ब सेल्‍ती। लेवी १८:५; याकूब १:१५
ROM 7:11 मारदे हना मेको अरेशो लोव़ टिने मचाप्‍तीके पापम ख्रुम्‍शा साइक्‍ती। हिब्रू ३:१३
ROM 7:12 मिनु परमप्रभु यावे आ अरेशो लोव़ ठीक नु रिम्‍शो बाक्‍ब। १तिमोथी १:८
ROM 7:13 मिनु मार? ठीक नु रिम्‍शो लोव़मी आं कली साइय्‍यी ङा? ममाइ। पापम कका साइक्‍ती। परमप्रभु यावे आ देंशो लोव़ रे पाप शुश मरिम्‍शो बाक्‍ब, दे तुंइसीब। रोमी ५:२०
ROM 7:14 गोपुकीमी परमप्रभु यावे आ अरेशो लोव़ सोक्‍त पाइश्‍शो बाक्‍ब, दे तुइक्‍नय। गो चहिं रांम बाक्‍शा पाप आ वाइल बाक्‍ती। यूहन्‍ना ३:६
ROM 7:15 गो आं पशो आंमा मरुप्‍नुङ। मारदे हना आं दाक्‍शो मपाइनुङ, आं काइ मदाक्‍शो पाइनुङ।
ROM 7:16 तन्‍न आं मदाक्‍शो पाता हना यो, परमप्रभु यावे आ अरेशो लोव़ रिम्‍शो सुइक्‍नुङ।
ROM 7:17 आं मदाक्‍शो पशो चहिं गो आं पशो ममाइ। आ आगाम बाक्‍शो पापम पपाइक्‍ती।
ROM 7:18 रिम्‍शो पतीके गो नु मबा, दे रुप्‍ता। रिम्‍शो पपदाक्‍ती हना यो, रिम्‍शो पने मचबु। उत्‍पत्ती ६:५; उत्‍पत्ती ८:२१
ROM 7:19 मारदे हना रिम्‍शो गेय पङ देंती, तन्‍न पने मचबु। मरिम्‍शो मपङ देंङानु यो मरिम्‍शोन पाता।
ROM 7:20 आं मदाक्‍शो पाता हना, गो आं पशो ममाइ। गो आ आगाम बाक्‍शो पापमी मोदेंशो पपाइक्‍ती।
ROM 7:21 तन्‍न आ थुंमी गो रिम्‍शो पचा दाक्‍ती हना यो, मरिम्‍शो ला दुम्‍त।
ROM 7:22 गो आं थुंमी परमप्रभु यावे आ अरेशो लोव़ दाक्‍शा ग्‍येरसीनुङ।
ROM 7:23 तन्‍न आं रांम अर्को अरेतीक का बाक्‍ब। मेको आं थुं ङा दाक्‍शो अरेतीक नु जीब। मिनु आं रांम बाक्‍शो अरेतीकेमी आं कली ग्‍याइश्‍शा, पाप पपाइक्‍ब। गलाती ५:१७
ROM 7:24 मोपतीके थुं खाइश्‍शा “मार मुर नङा? एको बेक्‍शा लाइब पाप पाइब रां रे सुम प्रोंइबा?” दे ङाक्‍शा बाक्‍नुङ।
ROM 7:25 गो परमप्रभु यावे कली इं प्रभु येसु ख्रीस्‍तम आ पतीके “गे रिम्‍शो पाइब बाक्‍नीनी” दे ठेयब सेल्‍नुङ। परमप्रभु यावे आ सोक्‍तीम ब्रीशो थुं आ देंशो टीनुङ। येसु ख्रीस्‍त नु मबेक्‍शो आं थुं नु रां चहिं पाप आ वाइली बाक्‍ब, दे तुइक्‍ताक्‍ङ। १कोरिन्‍थी १५:५७
ROM 8:1 येसु ख्रीस्‍तमी बाक्‍ब आन कली सजाइ मबाक्‍ब। रोमी ३३:३४
ROM 8:2 मारदे हना येसु ख्रीस्‍त आ ब्रोंइचा गेब सोक्‍त आ अरेशो लोव़मी इन कली पाप पचा नु बेक्‍चा आ अरेशो लोव़ रे प्रोंइतु।
ROM 8:3 परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७
ROM 8:4 मिनु परमप्रभु यावे आ ठीक पतीक लोव़ काप्‍चा कली ख्रीस्‍त सजाइ जपाइश्‍शा, बेक्‍चा गेप्‍तु। मोपा येसु आ पशोमी गो निसाफ ताइतय। परमप्रभु यावे आ सोक्‍त रे पा ब्रोंइशा बाक्‍नय। गो रागी ङा मुर खोदेंशो मबाक्‍नय। गलाती ५:१६,२५
ROM 8:5 सु सुमी रागी ङा मुर आन थुं ङा लोव़ ला मिम्‍नीमी, मेकोपुकीमी मुरुम पशो खोदेंशो पाइनीम। सु सुमी परमप्रभु यावे आ सोक्‍तीम गेशो थुं ङा लोव़ मिम्‍नीमी, मेकोपुकीमी चहिं परमप्रभु यावे आ सोक्‍त आ दाक्‍शो पाइनीम।
ROM 8:6 मारदे हना मुर आ थुंमी मिम्‍शो पाइबपुकी जाम्‍शा लाइ‍नीम। परमप्रभु यावे आ सोक्‍तीम गेशो थुंमी मिम्‍शा पाइबपुकी परमप्रभु यावे नु ब्रोंइशा थुं नाइश्‍शा बाक्‍चा ताइनीम। रोमी ६:२१; गलाती ६:८
ROM 8:7 मुर आ थुंमी परमप्रभु यावे कली मदाक्‍ब आ जोरी सत्रु दुम्‍शा, आ देंशो मटीब। मारदे हना परमप्रभु यावे आ अरेशो लोव़ थमा पा टिने मचाप्‍ब। याकूब ४:४
ROM 8:8 रागी ङा मुर आन थुंमी मिम्‍बपुकीमी परमप्रभु यावे कली ग्‍येरपाइक्‍ने मचाप्‍नीम।
ROM 8:9 इन थुंमी परमप्रभु यावे आ सोक्‍त थमा पा बाक्‍त हना, मुर आ थुंमी मिम्‍शो प्रोंइशा, परमप्रभु यावे आ सोक्‍त रे पा मिम्‍ब दुम्‍नीनी। ख्रीस्‍त आ सोक्‍त मुर आन थुंमी मबाक्‍त हना, मेको मुर येसु ख्रीस्‍त आ मुर मनम।
ROM 8:10 गे चहिं येसु ख्रीस्‍त आ मुर दुम्‍तीनी। बेक्‍चा दा बेक्‍नीनी। पाप पशोमी मुर बेक्‍ब दुम्‍तेक्‍म। तन्‍न ख्रीस्‍त आ ठीक पतीकेमी ब्रोंइनीनी। गलाती २:२०
ROM 8:11 परमप्रभु यावे आ सोक्‍तीमी दोपा ख्रीस्‍त येसु कली बेक्‍शो रे सेंदा, मोपान इं कली यो सेंशा ब्रोंइचा गेब। मारदे हना मुल मेको सोक्‍त इं आगाम बाक्‍शा, इं कली ब्रोंइचा गेब।
ROM 8:12 आं लोक्‍बपुकी “परमप्रभु यावे आ सोक्‍त इन आगामी बाक्‍ब” दे तुइक्‍ताक्‍नी हना, मुर आन थुंमी मिम्‍शो पचा ममाल्‍नीनी। रोमी ६:७,१८
ROM 8:13 मो पाइतीनी हना, जाम्‍शा लाइनीनी। तन्‍न गे परमप्रभु यावे आ सोक्‍त रे पा इन रां ङा दला दाक्‍स पतीक कली साइक्‍तीनी हना, ब्रोंइनीनी। रोमी ७:२४; गलाती ६:८; एफिसी ४:२२-२४
ROM 8:14 सु परमप्रभु यावे आ सोक्‍तीम खुल्‍चा पुंइसीशो बाक्‍मे, मेको परमप्रभु यावे आ तमी तौ बाक्‍नीम।
ROM 8:15 मारदे हना गेपुकी परमप्रभु यावे कली हिंब थुं ताक्‍शा, वाइल मबाक्‍नीनी। गोपुकी आ तमी तौ दुम्‍‍तीके मेको कली “आब्‍बा, आं दाक्‍शो आफ” दे ब्रेत्‍नय। गलाती ४:५-६; २तिमोथी १:७
ROM 8:16 गोपुकीमी “आफ” देंयानु, इं थुंमी बाक्‍शो परमप्रभु यावे आ सोक्‍तीमी इं थुं कली “परमप्रभु यावे आ तमी तौ ननी” दे सांकछी गेब। २कोरिन्‍थी १:२२
ROM 8:17 परमप्रभु यावे आ तमी तौ दुम्‍शा, येसु ख्रीस्‍त नु काथा बाक्‍शा, अङस ताइब दुम्‍तय। मेको अङस तचा ङोंइती येसु ख्रीस्‍त आ नेंमी श्‍येत जाइनय। नोले आ राज्‍य तांइसेनु, येसु ख्रीस्‍त नु काथा बाक्‍शा अङस ताइनय। गलाती ४:१७; प्रकाश २१:७
ROM 8:18 मुल येसु ख्रीस्‍त आ नेंमी श्‍येत जाइतय। तन्‍न नोले परमप्रभु यावे आ बाक्‍तीक ङा छेङछेङमी बाक्‍शा, मेको श्‍येत थम आइक्‍च मिम्‍नीनी। २कोरिन्‍थी ४:१७
ROM 8:19 परमप्रभु यावे आ सेल्‍शो नेल्‍लेमी “परमप्रभु यावे आ तमी तौ दोदेंशो बाक्‍नीमी” दे कोव़चा दाक्‍नीम। कलस्‍सी ३:४; १यूहन्‍ना ३:२
ROM 8:20 ङोंइती रे सेल्‍शो नेल्‍ल बेक्‍शा राक्‍ब दुम्‍शो बाक्‍मा बाक्‍त। तन्‍न परमप्रभु यावेमी “काबु नाक्‍त प्रोंइनन्‍नी” दे आस गेशो बाक्‍माक्‍त। उपदेसक १:४
ROM 8:21 नोले परमप्रभु यावेमी आ तमी तौ आन कली बेक्‍शा राक्‍चा रे प्रोंइशो खोदेंशो पा आ सेल्‍शो नेल्‍ल आन कली यो आ छेङछेङमी प्रोनानु, शुश रिम्‍शो दुम्‍ब। २पत्रुस ३:१३
ROM 8:22 मुल सम्‍म आ सेल्‍शो मारेइ मारेइमी हिंमा क्‍येम्‍स पा परमप्रभु यावे कली “इन देंशो रीब दुम्‍ल” दे पुंइना पुंइन बाक्‍नीम।
ROM 8:23 मेको सेल्‍शोमी ला ममाइ। गो नेल्‍ल क्‍येङा ङोंइती परमप्रभु यावे आ सोक्‍त ताइबपुकीमी यो हिंमा क्‍येम्‍स पा “आंइ रां बेक्‍चा रे प्रोनीन” दे पुंइना पुंइन आस पा बाक्‍नय। २कोरिन्‍थी ५:२
ROM 8:24 मेको थमा मदुम सम्‍म आस पा बाक्‍नय। थमा दुम्‍शा नोले आस पा बाक्‍चा ममाल्‍नय। सुमी आ तने थुम्‍शो कली आस पाइबा ङा? २कोरिन्‍थी ५:७
ROM 8:25 तन्‍न गो इं मतशो मदुम सम्‍म “गेना दुम्‍बा?” दे लां कोव़शा फाल्‍शा रिम्‍ब मुर बाक्‍‍नय। गलाती ५:५
ROM 8:26 गोपुकीमी परमप्रभु यावे कली आस पा बाक्‍यानु, परमप्रभु यावे आ सोक्‍तीमी इं मतुइश्‍शो तुइक्‍ब। मिनु गो मार पुंइचा, दे मतुइक्‍ताक्‍क हना यो, इं पर्बम हिंमा क्‍येम्‍स पा पुंइब।
ROM 8:27 मारदे हना परमप्रभु यावे आ सोक्‍तीम इं थुं ङा लोव़ नेल्‍ल तुइक्‍ब, परमप्रभु यावेमी मार दाक्‍बा, मेको यो तुइश्‍शा, थाम सुइक्‍ब आन पर्बम पुंइब।
ROM 8:28 गो परमप्रभु यावे आ योव़शो, मेको कली दाक्‍बपुकीमी दोदेंशो श्‍येत जाम्‍तेक्‍म हना यो, दोदेंशो ग्‍येरसाक्‍म हना यो, मार दुम्‍त हना यो, इं कली रिम्‍शो दुम्‍ब, दे तुइश्‍शो बाक्‍नय। एफिसी १:११
ROM 8:29 मारदे हना आ ङोंइती तुइश्‍शो मुर कली “आं तौ खोदेंशो दुम्‍मल” दे योव़तु। आ तौ मेको योव़शो लोक्‍ब आन क्‍येङा ङोंइती जरमेशो बाक्‍ब। कलस्‍सी १:१८; हिब्रू १:६
ROM 8:30 आ तौ खोदेंशो दुम्‍मल, दे योव़चा पुंइसीब आन कली ब्रेत्‍ताक्‍व। मिनु ब्रेश्‍शो आन कली ठीक सेल्‍‍तु। मिनु ठीक दुम्‍शो आन कली बेक्‍चा रे प्रोंइशा, आ नु काथा बाक्‍चा गेब। १थिस्‍सलोनिकी २:१३,१४; रोमी ३:२६
ROM 8:31 मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६
ROM 8:32 परमप्रभु यावेमी इं कली दाक्‍शा, आ दाक्‍शो तौ कली इं पाप क्‍याम्‍चा कली बेक्‍चा गेप्‍तु। मोपा आ दाक्‍शो तौ लाइ गेवानु, इं कली मार मार माल्‍या, मेको मगेबा ङा? गेब।
ROM 8:33 परमप्रभु यावे आ योव़शो आन कली सुमी दोस गेने चाप्‍बा ङा? सुइमी मचाप्‍नीम। मारदे हना परमप्रभु यावेमी मेको आन कली ठीक दुम्‍पाइक्‍तु। यसैया ५०:८
ROM 8:34 सुमी मेको आन कली सजाइ गेने चाप्‍बा ङा? सुइमी मचाप्‍नीम। मारदे हना मेको आन बेक्‍चा ङा बेक्‍शा, बेक्‍शो रे सेंसीशा, परमप्रभु यावे आ ग्‍युरा गे बाक्‍चा तशो ख्रीस्‍त येसुमी मेको आन पर्बम मपुंइबा ङा? पुंइब। १यूहन्‍ना २:१; हिब्रू ७:२५
ROM 8:35 ख्रीस्‍तमी इं कली शुश दाक्‍ब। मिनु सुमी इं कली ख्रीस्‍त आ दाक्‍तीके रे फ्राने चाप्‍बा ङा? सुइमी मचाप्‍नीम। श्‍येतमी, हिंतीकेमी, खेदा पतीकेमी, जचा मततीकेमी, फेक्‍चा मततीकेमी, मुर साइक्‍तीकेमी नु लडाइमी काइ फ्राने मचाप्‍नीम। भजन संग्रह ७३:२३-२६
ROM 8:36 श्‍येत जचा आ पर्बम “इन नें आ पर्बम साइक्‍चा पुंइसीन सीन बाक्‍नीकी। क्‍योरचा चिक्‍शो भेडा खोदेंशो दुम्‍तक” दे ब्रेक्‍शो बाक्‍ब। भजन संग्रह ४४:२२; २कोरिन्‍थी ४:११
ROM 8:37 मो दुम्‍त हना यो, मारेइ पने मचाप्‍नीम, मारदे हना येसु ख्रीस्‍तमी इं कली दाक्‍शा, गेनायो मप्रोंइब। मोपतीके सिक्‍सी पा ग्रानय। १यूहन्‍ना ५:४
ROM 8:38 “बेक्‍चामी, ब्रोंइचामी, परमप्रभु यावे आ स्‍वर्ग ङा गेय पाइबपुकीमी, अधिकार पाइबपुकीमी, मुल दुम्‍तीकेमी, नोले दुम्‍तीकेमी, एफिसी ६:१२
ROM 8:39 इर ङामी, उइ ङामी नु रागीम बाक्‍शो मारेइ मारेइमी इं कली इं प्रभु ख्रीस्‍त येसुम बाक्‍शो परमप्रभु यावे आ दाक्‍शो रे फ्राने मचाप्‍नीम” दे यो तुइक्‍ताक्‍ङ।
ROM 9:1 ख्रीस्‍त आ नें ब्रशा, जोल मपथु, एको लोव़ पाइनुङ। परमप्रभु यावे आ सोक्‍तमी आं थुंमी थमा लोव़ बाक्‍ब, दे सांकछी गेब।
ROM 9:2 गो इं यहूदी लोक्‍ब आन कली तशा, आं थुं शुश खाइक्‍ती। मेको आन कली दो पङ, मार पङ देंशा आं थुं खुरसाक्‍यी।
ROM 9:3 आं लोक्‍ब, आ खिं ङा मुर आन पा ङा गो सराप रशा, ख्रीस्‍त रे तिल्‍चा पुंइसीचा यो बिस्‍सीङ वा। प्रस्‍थान ३२:३२
ROM 9:4 मेकोपुकी इस्राएली नम। मेको परमप्रभु यावे आ तमी तौ बाक्‍नीम। आ छेङछेङम बाक्‍चा कली योव़शो मुर नम, मेको आन कली कबल पशो बाक्‍त, आ अरेशो लोव़ तुइक्‍पाइश्‍शो बाक्‍त, परमप्रभु यावे कली दोपा मान पचा, दे तुइक्‍पाइश्‍शो बाक्‍त। परमप्रभु यावेमी मेको आन कली थोक्‍शो लोव़ पशो बाक्‍त। प्रस्‍थान ४:२२; ब्‍यवस्‍था ७:६; प्रस्‍थान ४०:३४; उत्‍पत्ती १७:७; प्रस्‍थान २०:-
ROM 9:5 नेल्‍लेम तुइश्‍शो किकी पिपी एको जात ङा बाक्‍मा बाक्‍त। मिनु मेको आन दाते रे मेको नेल्‍ल आन क्‍येङा ठेयब दुम्‍शा ख्रीस्‍त जरमेसे बाक्‍त। गोपुकीम परमप्रभु यावे कली गेना हना यो मान पय, आमेन। रोमी १:३; मत्ती १:-; लूका ३:२३-३४
ROM 9:6 परमप्रभु यावे आ लोव़ मदुम्‍थु मलीब। मारदे हना इस्राएल रागी ङा मुर नेल्‍ल इस्राएली मदुम्‍नीम। गन्‍ती २३:१९; रोमी २:२८
ROM 9:7 अब्राहाम आ चच युइ शुश बाक्‍तेक्‍म हना यो, मेको नेल्‍ल परमप्रभु यावे आ मुर मबाक्‍मा बाक्‍त। मेकोमी “इसहाक रे पा इ चच युइ लील” दे गेशो लोव़ खाप्‍शा, इसहाक कली ला योव़ङा बाक्‍त। उत्‍पत्ती २१:१२
ROM 9:8 मोपा अब्राहाम आ खिंम जरमेशा लायो, परमप्रभु यावे आ तमी तौ, दे ब्रेत्‍चा मपुंइसम। तन्‍न परमप्रभु यावे आ लोव़ गेशोमी जरमेशोपुकीन अब्राहाम आ थमा चच युइ बाक्‍नीम। गलाती ४:२३
ROM 9:9 परमप्रभु यावे आ गेशो लोव़ चहिं “बर्स का नोले लेश्‍शा जाक्‍नुङानु, सारामी तौ थीब” देंशो बाक्‍ब। उत्‍पत्ती १८:१०
ROM 9:10 सारा कली ला लोव़ गेशो ममाइ। इं किकी इसहाक रे पा आ मीश रेबेकामी कोव़ज कुरशा, जौंले आल थिवानु,
ROM 9:11 मेको आल निम्‍फामी रिम्‍शो मरिम्‍शो मारेइ मतुइक्‍थु, आस जरमेचा ङोंइती परमप्रभु यावेमी का कली योव़ङा बाक्‍त। आल आ पशो तशा, योव़शो ममाइ। परमप्रभु यावे आ दाक्‍शो पा ब्रेश्‍शो बाक्‍त।
ROM 9:12 मेको आल आस गेय आ पर्बम ममाइ, परमप्रभु यावे आ दाक्‍शो पा आस म‍मा कली “आ दाग्‍युमी आ लोक्‍ब आ गेय पाइब” दे तुइक्‍पदा बाक्‍त। उत्‍पत्ती २५:२३
ROM 9:13 मेको आल आस पर्बम “याकूब कली दाक्‍ताक्‍ङ। एसाव कली काइ मदाक्‍तु” दे ब्रेक्‍शो बाक्‍ब। मलाकी १:२-३
ROM 9:14 मोदेंशो बाक्‍त हना, गो मार देंचा? परमप्रभु यावेमी ठीक गेय मपवा ङा? ममाइ।
ROM 9:15 परमप्रभु यावेमी मोसा कली “सु कली शिशी पचा दाक्‍ङा, मेको कली शिशी पाइ‍नुङ। सु कली आ श्‍येत रे प्रोंइचा दाक्‍ङा, मेको कली आ श्‍येत रे प्रोंइनुङ” देंशो बाक्‍त। प्रस्‍थान ३३:१९
ROM 9:16 मारेइ मारेइ पशोमी परमप्रभु यावे आ शिशी पाइक्‍‍चा मपुंइसीब। परमप्रभु यावेमी शिशी पचा दाक्‍ताक्‍व हना, शिशी पाइ‍ब। एफिसी २:८
ROM 9:17 परमप्रभु यावेमी फाराओ कली “नेल्‍ल रागी ङा मुरपुकीमी आं सक्ति तशा, आं नें तुइक्‍तमेक्‍ल, दे इ कली वोइक्‍ता” देंशो बाक्‍त। प्रस्‍थान ९:१६
ROM 9:18 मोपतीके परमप्रभु यावेमी सु कली शिशी पचा दाक्‍ता, मेको कली शिशी पाइब। सु कली आ लोव़ मटिपाइक्‍चा दाक्‍ता, मेको कली मटिपाइक्‍ब। प्रस्‍थान ४:२१; १पत्रुस २:८
ROM 9:19 परमप्रभु यावेमी मो पाप्‍तु हना, मार, मुर आन कली दोस गेचा दुम्‍बा ङा? आ पशो सुमी तेक्‍ने चाप्‍नीमी ङा? देंनी माइ।
ROM 9:20 गे मुर दुम्‍शा परमप्रभु यावे कली दोस गेचा दुम्‍बा ङा? सेल्‍चा पुंइसीबमी सेल्‍ब कली “मारदे ओपा सेल्‍यी” देंबा ङा? यसैया ४५:९
ROM 9:21 खप के ग्‍योंब सेल्‍बामी आ दाक्‍शो पा खप कांइचीक के गर, नाक्‍चुक तोक्‍तीके सेल्‍ने मचाप्‍बा ङा? येरमीया १८:४-६
ROM 9:22 परमप्रभु यावेमी आ गाइश्‍शो कोंइताक्‍व हना, मरिम्‍शो पाइब आन कली शुश फाल्‍शो बाक्‍त हना यो, नोले ला खतम दुम्‍पाइक्‍ब। रोमी २:४; हितोपदेस १६:४
ROM 9:23 मेकोमी आ ठेयब गेय कोंइचा कली का निक्‍शी आन कली शिशी पशा, गेना हना यो काथा बाक्‍शा, आ छेङछेङ कोंइ‍चा कली योव़तीमी। एफिसी १:३-१२
ROM 9:24 इं यहूदी कली ला ब्रेश्‍शो योव़शो ममाइ। अर्को रागी ङा मुर आन कली यो ब्रेश्‍शा, आ मुर सेल्‍शा, आ नु बाक्‍चा ताइब सेल्‍तीमी।
ROM 9:25 होसेमी “साइ आं कली मतुइक्‍ब आन कली आं मुर सुइक्‍नुङमी। ङोंइती मदाक्‍शो कली मुल आं दाक्‍शो, दे ब्रेत्‍नुङ।
ROM 9:26 ङोंइती मेको रागीमी परमप्रभु यावे आ मुर मबाक्‍म। नोले चहिं ब्रोंइशा बाक्‍ब परमप्रभु यावे आ तमी तौ ब्रेत्‍चा पुंइसीनीम” दे ब्रेक्‍शो बाक्‍त। होसे २:२५; होसे २:१
ROM 9:27 यसैयामी इस्राएली आन पर्बम “इस्राएल ङा मुरपुकी समुन्‍द्र ङा बाल्‍वा खोदेंशो पा शुश दुम्‍तेक्‍म हना यो, मेको आन लीशो का निक्‍शी ला ब्रोंइचा ताइनीम। रोमी ११:५
ROM 9:28 मारदे हना प्रभुमी आ देंशो खाप्‍शा रीब पा पाइब” दे ब्रेक्‍शो बाक्‍ब। यसैया १०:२२-२३
ROM 9:29 मिनु ङोंइती यसैयामी “मुर नेल्‍ल आन परमप्रभु यावेमी आ तमी तौ सेल्‍चा कली का निक्‍शी मयोव़शो हना, सोदोम नु गोमोररा सहर ङा मुर खोदेंशो दुम्‍शा, नेल्‍ल बेक्‍शा नुब्‍य वा” देंशो बाक्‍त। यसैया १:९
ROM 9:30 मिनु मुल गो मार देंचा ङा? अर्को रागी ङा मुरपुकीमी ठीक दुम्‍चा ममाल्‍थु, ठीक दुम्‍तेक्‍म। तन्‍न आन ठीक दुम्‍तीके मेको आन परमप्रभु यावे कली थमा सुइक्‍तीक रे जाक्‍त। रोमी १०:२०
ROM 9:31 तन्‍न इस्राएलीपुकीमी चहिं ठीक दुम्‍चा कली परमप्रभु यावे आ अरेशो लोव़ टिचा माल्‍तेक्‍म हना यो, ठीक दुम्‍ने मचबेम। रोमी १०:२-३
ROM 9:32 मारदे ठीक दुम्‍ने मचबेम देंशा हना, थमा सुइश्‍शोमी ठीक दुम्‍चा ममालेम, रिती थिती ङा गेय रे ठीक दुम्‍चा माल्‍तेक्‍म। मोपतीके दाइल पाइब फुल्‍लुमी राम्‍साक्‍म। मत्ती २१:४१,४४; १पत्रुस २:८
ROM 9:33 मिनु “गो सियोनम फुल्‍लु का वोइक्‍नुङ। मेको फुल्‍लुमी मुर आन कली दाइल पपाइक्‍ब। मिनु शुश मुर मेको फुल्‍लुम थोक्‍सीशा राम्‍सीनीम। सुमी मेको कली थमा सुइक्‍बा, मेको खतम मदुम्‍ब” दे ब्रेक्‍शो बाक्‍ब। यसैया ८:१४; यसैया २८:१६
ROM 10:1 आं लोक्‍बपुकी, गो थमा मसुइक्‍ब इस्राएली आन पर्बम परमप्रभु यावे कली “थमा सुइक्‍पतीन” दे पुंइना पुंइन बाक्‍नुङ।
ROM 10:2 परमप्रभु यावे कली तुइक्‍चा माल्‍नीम, दे तुइक्‍नुङ। तन्‍न मेको आन के रुप्‍तीक थुं मबा।
ROM 10:3 परमप्रभु यावे आ ङोंइती दोपा ठीक दुम्‍चा, मेको मरुबेम। मिनु आंमा गेय पतीकेमी ठीक दुम्‍चा माल्‍तेक्‍म। मोपा परमप्रभु यावे कली थमा सुइक्‍तीके रे ठीक दुम्‍तीक मपामे। रोमी १:१७
ROM 10:4 येसु ख्रीस्‍तमी परमप्रभु यावे आ अरेशो लोव़ खाप्‍‍ने थुम्‍तु। मिनु येसु ख्रीस्‍त कली थमा सुइक्‍बपुकी ठीक दुम्‍शो बाक्‍नीम। मत्ती ५:१७; हिब्रू ८:१३; यूहन्‍ना ३:१८; गलाती ३:२४-२५
ROM 10:5 मिनु मोसामी परमप्रभु यावे आ अरेशो लोव़ पतीक रे ठीक दुम्‍तीके ब्रेक्‍शो बाक्‍ब। “परमप्रभु यावे आ अरेशो लोव़ टीबपुकी मेको लोव़ टितीकेन ब्रोंइनीम” दे ब्रेक्‍शो बाक्‍त देंनीम। लेवी १८:५
ROM 10:6 थमा सुइश्‍शा, ठीक दुम्‍शोपुकीमी चहिं मार देंनीम देंशा हना, स्‍वर्ग सु लाइबा ङा? सुइ मलाइनीम मारदे हना येसु ख्रीस्‍त कली ब्रथ लचा ममाल्‍ब। ब्‍यवस्‍था ३०:११-१४
ROM 10:7 बेक्‍शो मुर आन बाक्‍तीके सु लाइबा ङा? सुइ मलाइनीम। मारदे हना येसु ख्रीस्‍त कली कुइक्‍थ लचा ममाल्‍ब।
ROM 10:8 तन्‍न मार देंशो बाक्‍त हना “मेको लोव़ इं नेक्‍था, इ थुं नु इ शोव़मी बाक्‍ब” देंशो बाक्‍त। मेको थमा सुइक्‍तीक लोव़ कली शेंनीकी।
ROM 10:9 मिनु गेपुकीमी “येसु प्रभु बाक्‍ब” देंशा इन थुंमी “परमप्रभु यावेमी मेको कली बेक्‍शो रे सेंताक्‍व” दे थमा सुइक्‍तीनी हना, गे ब्रोंइचा ताइनीनी। मत्ती १०:३२; २कोरिन्‍थी ४:५
ROM 10:10 मुरुमी मेको थमा सुइश्‍शा, ठीक दुम्‍नीम। मिनु सु सुमी “येसु आं प्रभु बाक्‍ब” दे मुर आन ङोंइती देंबा, मेको ब्रोंइचा ताइनीम, दे तुइक्‍नय।
ROM 10:11 मिनु परमप्रभु यावे आ लोव़मी “सु सुमी मेको कली थमा सुइक्‍नीमी, मेको मुने मदोक्‍नीम” दे ब्रेक्‍शो बाक्‍ब। यसैया २८:१६
ROM 10:12 परमप्रभु यावेम नेल्‍ल आन कली कोव़ब। यहूदी नु अर्को रागी ङा मुर नेल्‍ल आन कली कांइचीक मिम्‍ब। मेको आन कली प्रभु का बाक्‍ब। मेको कली प्रभु देंब आन कली आसीक गेशा, रिम्‍शो पाइब। प्रेरित १०:३४-३५; प्रेरित १५:९
ROM 10:13 सु सुमी प्रभु आ नें थिशा “प्रोंइयीनी” दे पुंइबा, मेको कली प्रोंइब दे ब्रेक्‍शो बाक्‍ब। योएल ३:५
ROM 10:14 मेको कली थमा मसुइक्‍बपुकीमी “प्रोंइयीनी” दे पुंइने चाप्‍नीमी ङा? आ पर्बम मनेंशो कली थमा सुइक्‍ने चाप्‍नीमी ङा? सुइ शेंब मबाक्‍त हना, मेको लोव़ नेंने चाप्‍नीमी ङा?
ROM 10:15 शेंथ सोइश्‍शो मनम हना, शेंथ लाइनीमी ङा? शेंथ सोइक्‍चा पुंइसीब आन पर्बम ओदेंशो ब्रेक्‍शो बाक्‍ब “ग्‍येरपाइक्‍ब नु रिम्‍शो लोव़ शेंथ गाक्‍ब आन खोइल गिश रिम्‍शो बाक्‍ब” दे ब्रेक्‍शो बाक्‍ब। यसैया ५२:७
ROM 10:16 मेको आन लोव़ नेंशा कोइमी थमा मसुदेम। मेको आन पर्बम यसैयामी “हे प्रभु, आंइ शेंशो लोव़ सुम थमा सुदा ङा?” दे ब्रेक्‍शो बाक्‍त। यसैया ५३:१; यूहन्‍ना १७:२०
ROM 10:17 ङोंइती ख्रीस्‍त आ लोव़ नेंशा तुइक्‍पाइक्‍चा माल्‍नीम। मेको लोव़ नेंशा ला थमा सुइक्‍ने चाप्‍नीम।
ROM 10:18 मार, येसु ख्रीस्‍त आ लोव़ यहूदीपुकीम मनेन्‍मे ङा? नेंतेक्‍म। “एको लोव़ तेइ तेइ रागी नेल्‍लेमी ब्रशो बाक्‍त” दे ब्रेक्‍शो बाक्‍ब। भजन संग्रह १९:४
ROM 10:19 मोपा यो इस्राएलीमी एको लोव़ मरुप्‍मे ङा? मोसामी यहूदी आन पर्बम ओदेंशो ब्रेक्‍शो बाक्‍त “अर्को रागी ङा मुरपुकीमी आं कली थमा सुइक्‍चा गेनुङमी। मिनु गेपुकीमी अरु आन कली आं गे पिशो तशा, रुश पा थमा सुइक्‍नीनी, दे परमप्रभु यावेम देंत” दे ब्रेक्‍शो बाक्‍त। ब्‍‍यवस्‍था ३२:२१
ROM 10:20 मिनु यसैयामी एको लोव़ तेम्‍शा “परमप्रभु यावेमी ‘आं कली ममाल्‍ब मुरपुकीमी आं कली थित्‍तीमी। आं कली ममिम्‍ब आन कली आं पर्बम तुइक्‍पाइक्‍तामी’ दे ब्रेक्‍शो बाक्‍त” देंत। यसैया ६५:१
ROM 10:21 इस्राएल ङा मुर आन कली चहिं परमप्रभु यावेमी “गो नेल्‍ल नाक्‍त मटीब नु जोप पाइब आन कली रिम्‍शो दुम्‍मल, दे आं गुइ दिंस ङा दिंस बाक्‍नुङ। तन्‍न मेकोपुकीमी आं देंशो मटीम। आं कली मरिम्‍शो ला सुइक्‍तीमी” दे ब्रेक्‍शो बाक्‍त। यसैया ६५:२
ROM 11:1 मिनु मो दुम्‍मेनु, परमप्रभु यावेमी यहूदी नेल्‍ल आन कली प्रोंइमी ङा? मप्रोंइमी। गो यो अब्राहाम आ चच युइ बेन्‍यामीन थर ङा इस्राएली का नङ। भजन संग्रह ९४:१४; येरमीया ३१:३७; फिलिप्‍पी ३:५
ROM 11:2 ङोंइती रे परमप्रभु यावेमी आ योव़शो मुर आन कली मप्रोंइमी। एलीयामी इस्राएली आन पशो आ पर्बम परमप्रभु यावे कली दें‍शो लोव़ मिम्‍तीन।
ROM 11:3 एलीयामी परमप्रभु यावे कली “परमप्रभु यावे, इन लोव़ पाइब आन कली साइक्‍तेक्‍म। इन कली चढ़ेतीक नेल्‍ल प्रेश्‍शा गेम्‍तेक्‍म। इन नोले खोइक्‍ब गो का ला लीती। आं कली यो साइक्‍चा कली माल्‍शा गाक्‍नीम” दे ब्रेक्‍शो बाक्‍त। १राजा १९:१०
ROM 11:4 परमप्रभु यावेमी एलीया कली मार लोव़ लेत्‍ता बाक्‍त देंशा हना “आं नोले खोइक्‍ब, ७ हजार मुर योव़तामी। मेकोपुकीमी बाल देवता आ ङोंइती आन पोक्‍च मथेक्‍नीम” दे लोव़ लेश्‍शो ममाइ ङा? १राजा १९:१८
ROM 11:5 मुल यो परमप्रभु यावेमी शिशी पा योव़शो का निक्‍शी लीशो बाक्‍नीम। रोमी ९:२७
ROM 11:6 मेको आन पशोमी ममाइ, परमप्रभु यावेमी मोशा शिशी पा आ मुर सेल्‍तीमी। आन गेय आ पर्बम पशो हना, शिशी मली वा।
ROM 11:7 मिनु मार देंचा ङा? इस्राएलम माल्‍शा यो आ माल्‍शो मथित्‍थु, परमप्रभु यावे आ योव़शो का निक्‍शी ला ठीक दुम्‍तेक्‍म। अरु नेल्‍ल परमप्रभु यावे आ लोव़ मटीब दुम्‍तेक्‍म। रोमी ९:३१
ROM 11:8 मेको आन पर्बम यसैयामी “परमप्रभु यावेमी मेको आन कली मरुप्‍ब थुं गेप्‍तु। मेकोपुकी मिक्‍च मताइब नु नोफा मनेंब दुम्‍शा बाक्‍शो बाक्‍नीम। मुल सम्‍म मोदेंशो दुम्‍शा बाक्‍नीम” दे ब्रेक्‍शो बाक्‍त। यसैया २९:१०; ब्‍यवस्‍था २९:४
ROM 11:9 दाऊदमी “मेको आन भोज आन कली ग्‍याइली खोदेंशो दुम्‍ल। मेको आन कली बेक्‍तीक नु क्‍येक्‍क लेत्‍तीक दुम्‍ल।
ROM 11:10 मेको मिक्‍च मताइब दुम्‍मल। मिनु वाइलीम वाइल खोदेंशो दुम्‍शा, श्‍येत जामेक्‍ल” दे ब्रेक्‍शो बाक्‍त। भजन संग्रह ६९:२१-२३
ROM 11:11 मिनु मुल मार देंनुङा? मेकोपुकी गेनायो मबोक्‍चा ङा पा राम्‍समा ङा? ममाइ। इस्राएली आन मरिम्‍शो पतीके अर्को रागी ङा मुरपुकीम शिशी तशो बाक्‍नीम। मेकोपुकीम रुश पामेक्‍ल, दे मोदेंशो दुम्‍शो बाक्‍ब। प्रेरित १३:४६; रोमी १०:१९
ROM 11:12 तन्‍न इस्राएली आन राम्‍सीतीके रागी नेल्‍ल आन कली रिम्‍शो नु अर्को रागी ङा मुर आन कली शोंप दुम्‍त हना, मेको नेल्‍लेम थमा सुदेम हना, चिनु गिश रिम्‍शो दुम वा।
ROM 11:13 मिनु गो अर्को रागी ङा मुर, इन कली “गो अर्को रागी ङा मुर आन कली लोव़ शेंथ सोइक्‍चा पुंइसाक्‍यी। एको शेंतीक गेय शुश रिम्‍शो लाक्‍ती।
ROM 11:14 मारदे हना अर्को रागी ङा मुर आन कली थमा सुइश्‍शो तशा, आं जात ङा मुर का निक्‍शीमी यो रुश पा थमा सुइक्‍नीमी कों, दे आस पा बाक्‍ती।” १कोरिन्‍थी ९:२०-२२; १तिमोथी ४:१६
ROM 11:15 परमप्रभु यावेमी मुल इस्राएली आन कली मकोव़थु, अर्को रागी ङा मुर आन कली शिशी पा ब्रशा, नोले यहूदी आन कली यो ब्रवानु, शुश रिम्‍शो मदुम्‍बा ङा? एको दा बेक्‍शो रे सेंसीशो खोदेंशो ठेयब दुम्‍ब।
ROM 11:16 निशो फस रे ङोंइती ङा शोब्‍ले परमप्रभु यावे के दुम्‍त हना, नेल्‍ल निशो फस रिम्‍शो दुम्‍ब। शाक्‍श रिम्‍शो बाक्‍त हना, राशी नेल्‍ल यो रिम्‍शो दुम्‍नीम। गन्‍ती १५:२०
ROM 11:17 रिम्‍शो तेल रवा खोदेंशो इस्राएल रे राशी का निक्‍शी क्‍योरशा ग्रुंइशो बाक्‍तेक्‍म हना, गे रागी रागी ङा मुर ब्‍वाकी ङा तेल रवा खोदेंशो पा, मेको रवामी इन राशी क्‍येप्‍चा पुंइसाक्‍नी हना, गे मेको रवा आ शाक्‍श रे ताइनीनी। मेको मप्रेंदीन। एफिसी २:११-१४
ROM 11:18 मो हना यो क्‍योरशा ताइश्‍शो राशी, दे मेको आन कली “गो इन क्‍येङा ठेयब दुम्‍तक” दे ठेयब लेश्‍शो लोव़ मपने। मारदे हना गेपुकी यो राशीन ननी। राशीमी शाक्‍श कली मतिक्‍ब। शाक्‍शम राशी कली तिक्‍ब, दे तुइक्‍तीने। यूहन्‍ना ४:२२
ROM 11:19 गेपुकीमी “मेको क्‍योरशा ताइश्‍शो राशी आ पा ङा गो दुम्‍तय” देंतीनी।
ROM 11:20 इन देंशो ठीक बाक्‍ब। मेकोपुकीमी थमा मसुदेम। मिनु परमप्रभु यावेमी मेको आन कली क्‍योरशा ताइक्‍ताक्‍व। इन थमा सुइश्‍शो तशा इन कली चहिं रिम्‍शो फल रवाम केप्‍शो खोदेंशो पा आ मुर सेल्‍तु। काइ ठेयब मलेत्‍थु, परमप्रभु यावे कली मान पा हिंशा बाक्‍कीन। १कोरिन्‍थी १०:१२
ROM 11:21 परमप्रभु यावेमी ङोंइती ङा राशी आन कली क्‍योरशा ताइक्‍ताक्‍व हना, मार, गे नोले केप्‍शो राशी इन कली मताइक्‍बा ङा?
ROM 11:22 परमप्रभु यावेमी दोदेंशो शिशी पाइबा, दोदेंशो सजाइ गेबा, दे रुपीन। साइ ङोंइती रे ङा आ लोव़ थमा मसुइक्‍थु मटीब आन कली ख्रोइश्‍शा ताइक्‍ताक्‍व। आ लोव़ मटिथु, थमा सुइक्‍चा प्रोंइतीनी हना, इन कली यो ख्रोइश्‍शा ताइक्‍ब, दे तुइक्‍तीन। गे परमप्रभु यावे कली दाक्‍शा, थमा सुइक्‍चा मप्रोंइतीनी हना ला, इन कली यो दाक्‍चा मप्रोंइब। यूहन्‍ना १५:२-४; हिब्रू ३:१४
ROM 11:23 मेको क्‍योरशा ताइश्‍शो राशी खोदेंशो दुम्‍शो यहूदीपुकीमी आन थुं परमप्रभु यावे गे लेश्‍शा, थमा सुइक्‍तेक्‍म हना, रिम्‍शो फल रवाम लेंशा केप्‍शो खोदेंशो पा आ मुर सेल्‍ने चाप्‍ब।
ROM 11:24 ङोंइती क्‍योरशा ताइश्‍शो राशी बोइक्‍चा कली श्‍येत मदुम्‍ब। तन्‍न अर्को ब्‍वाकी ङा तेल रवा आ राशी माल्‍शा चाक्‍शा, केप्‍चा कली शुश श्‍येत बाक्‍ब। परमप्रभु यावेमी इन कली केप्‍ताक्‍व। मिनु इन कली केप्‍चा क्‍येङा यहूदी आन कली केप्‍चा श्‍येत मबाक्‍ब।
ROM 11:25 आं लोक्‍बपुकी, आं शेंशो ख्रुइश्‍शो लोव़ रिम्‍शो पा रुप्‍तीनी हना, गे ठेयब मलेत्‍नीनी। योव़सीचा पुंइसीशो अर्को रागी ङा मुर आन कली आ मुर सेल्‍ने मथुमा सम्‍म परमप्रभु यावेमी इस्राएली आन कली येसु ख्रीस्‍त आ पर्बम मरुप्‍ब सेल्‍तीमी। यूहन्‍ना १०:१६
ROM 11:26 योव़सीचा पुंइसीशो अर्को रागी ङा मुरपुकीमी थमा सुदमे ङा मेरे इस्राएली नेल्‍लेमी रुप्‍शा, थमा सुइश्‍शा, ब्रोंइचा ताइनीम। “सियोनमी पाप रे प्रोंइब का ग्रूब। मेकोमी याकूब कली आ मरिम्‍शो पतीके रे प्रोंइब। मत्ती २९:३९; भजन संग्रह १४:७
ROM 11:27 मेको आन पाप क्‍याम्‍नुङ। मिनु मेको आन कली गेशो कबल खाप्‍नुङ” दे ब्रेक्‍शो बाक्‍ब। यसैया ५९:२०, येरमीया ३१:३३
ROM 11:28 मुल सम्‍म इस्राएलीपुकीमी ख्रीस्‍त परमप्रभु यावे आ सोइश्‍शो पाप रे प्रोंइब बाक्‍ब, दे थमा मसुइक्‍नीम। मोपतीके परमप्रभु यावे आ जोरी सत्रु दुम्‍तेक्‍म। आन थमा मसुइश्‍शोमी इन कली चहिं रिम्‍शो दुम्‍त। परमप्रभु यावेमी आन किकी पिपी आन पर्बम मेको आन कली योव़शा, दाक्‍ब।
ROM 11:29 परमप्रभु यावेमी गेशो नु आ योव़तीक गेनायो मजाम्‍ब। गन्‍ती २९:१३
ROM 11:30 गेपुकीमी यो परमप्रभु यावे आ लोव़ मटिनी। यहूदीपुकीम मटितीके परमप्रभु यावेमी इन कली शिशी पा थमा सुइक्‍चा गेप्‍तु। मिनु मुल गे परमप्रभु यावे आ शिशी ताइब दुम्‍तीनी।
ROM 11:31 यहूदीपुकीमी मुल सम्‍म परमप्रभु यावे आ लोव़ मटीमे। नोले परमप्रभु यावेमी मेको आन कली यो शिशी पाइब।
ROM 11:32 मारदे हना परमप्रभु यावेमी इस्राएली नु अर्को रागी ङा मुर नेल्‍ल आन कली आ लोव़ मटिशो तशा, खाल का ङा पा वोइक्‍तीमी। मिनु नोले नेल्‍ल आन कली शिशी पाइब। गलाती ३:२२; १तिमोथी २:४
ROM 11:33 परमप्रभु यावेमी नेल्‍ल तुइक्‍ब। परमप्रभु यावे सक्ति पाइश्‍शो नेल्‍ल क्‍येङा ठेयब बाक्‍ब। मुरपुकीमी परमप्रभु यावे आ निसाफ पशो, मुर आन कली पाइश्‍शो, सुइमी रुम्‍ने मचाप्‍नीम। यसैया ४५:१५; यसैया ५५:८-९
ROM 11:34 मिनु “सुमी प्रभु आ थुं तुइक्‍ने चाप्‍नीमी ङा? सुमी मेको कली अर्ती गेने चाप्‍नीमी ङा?” दे ब्रेक्‍शो बाक्‍ब। १कोरिन्‍थी २:१६; येरमीया २३:१८; यसैया ४०:१३
ROM 11:35 “सुमी परमप्रभु यावे कली मार मार गेशा, परमप्रभु यावेमी मार मार गेचा माल्‍ब, देंने चाप्‍बा ङा?” दे ब्रेक्‍शो बाक्‍ब। अय्‍युब ४१:३
ROM 11:36 परमप्रभु यावेमी मार बाक्‍त हना यो, आंमान सेल्‍तु। मिनु मारेइ मारेइ आइक्‍के नम। मिनु आ गोशो गेय आंमान थुम्‍ब, दे तुइक्‍तय। मोपतीके “परमप्रभु यावे नेल्‍ल क्‍येङा ठेयब बाक्‍ब” दे ठेयब सेल्‍तीक गेना हना यो लील। आमेन।
ROM 12:1 आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३
ROM 12:2 परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७
ROM 12:3 परमप्रभु यावेमी आं कली शिशी गेशा, शेंब सेल्‍ती। इन दातेमी सुइ आंम कली ठेयब मसेल्‍सीन। परमप्रभु यावेमी इन कली दोदेंशो थमा सुइक्‍तीक गेवा, मेको मिम्‍शा ब्रेम्‍शो दुम्‍शा बाक्‍कीन। मत्ती २०:२६; १कोरिन्‍थी ४:६; १कोरिन्‍थी
ROM 12:4 रां कामी गुइ, खोइल, मिक्‍च, नोफा, शोव़ बाक्‍नीमी। मेको नेल्‍ल आन के आन आन गेय बाक्‍ब। १कोरिन्‍थी १२:१२
ROM 12:5 मोपा गोपुकी नेल्‍ल ख्रीस्‍तम रां का बाक्‍नय। गेय का का गेचा पुंइसाक्‍य। १कोरिन्‍थी १२:२७; एफिसी ४:४,२५
ROM 12:6 गोपुकीमी परमप्रभु यावे आ शिशी पा गेशो गेय का का पय। परमप्रभु यावेमी इ कली आ लोव़ तुइक्‍पाइश्‍शा नेंपाइक्‍ब योव़तु हना, थमा सुइश्‍शा मेको लोव़ नेंपतो। १कोरिन्‍थी ४:७; १कोरिन्‍थी १२:४; १पत्रुस ४:१०
ROM 12:7 मुर आन कली वारच पचा कली योव़ने पुंइसाक्‍वे हना, वारच पावो। शेंब सेल्‍चा पुंइसाक्‍वे हना, शेंब दुमो। १पत्रुस ४:११
ROM 12:8 अर्ती गेब योव़ने पुंइसाक्‍वे हना, अर्ती गेचा मब्रीदो। मुर आन कली मार गेप्‍तीवी हना यो, ठेयब सेल्‍सीचा कली मगेवो। थमा सुइक्‍ब आन लां कोंइब दुम्‍ते हना, होस पा गेय पावो। शिशी पवीनु, ग्‍येरशा पावो। मत्ती ६:३; २कोरिन्‍थी ८:२; २कोरिन्‍थी ९:७
ROM 12:9 थमा पा दाक्‍मुशा बाक्‍कीन। मरिम्‍शो गेय रे ङोन बाक्‍कीन। रिम्‍शो पने। १तिमोथी १:५; आमोस ५:१५
ROM 12:10 लोक्‍बपुकीमी दाक्‍मुशो खोदेंशो पा दाक्‍मुशा बाक्‍कीन। आंम कली मान पचा मपुंइसीथु, अरु आन कली मान पने। यूहन्‍ना १३:४-१५; फिलिप्‍पी २:३
ROM 12:11 पचा माल्‍शो गेय अल्‍सी मपथु पने। परमप्रभु यावे आ सोक्‍तीम इन थुंम मी ब्रशो खोदेंशो आ प्रभु कली गेय पने। प्रकाश ३:१५; प्रेरित १८:२५; कलस्‍सी ३:२३
ROM 12:12 आस पा ग्‍येरसीशा बाक्‍कीन। श्‍येत जनीनु, फाल्‍शा बाक्‍कीन। प्रार्थना पना पन बाक्‍कीन। लूका १८:१-८; कलस्‍सी ४:२; १थिस्‍सलोनिकी ५:१७
ROM 12:13 थमा सुइक्‍ब आन कली आन माल्‍शो गेशा, वारच पने। इन खिंमी जाक्‍ब आन कली बास गेशा थुलीन। ३यूहन्‍ना ५-८; हिब्रू १३:२
ROM 12:14 सराप चीले मपने। इन कली सराप चीले पाइब आन कली आसीक गेने। मत्ती ५:४४; प्रेरित ७:५९; १कोरिन्‍थी ४:१२
ROM 12:15 ग्‍येरसीशोपुकी नु ग्‍येरसीने, ङाक्‍शोपुकी नु ङाक्‍कीन। भजन संग्रह ३५:१३-१४; २कोरिन्‍थी ११:२९
ROM 12:16 थुं का ङा दुम्‍शा, दुशा गारशा बाक्‍कीन। जोक्‍ब तुइक्‍ब नङ, दे ठेयब मलेत्‍तीने। आंम महिक्‍सीशो सुंइ‍सीन। जोक्‍ब तुइक्‍ब ममिम्‍सीने। रोमी १५:५; फिलिप्‍पी २:२; यसैया ५:२१
ROM 12:17 इन कली मरिम्‍शो पाइब आन कली मरिम्‍शो मपने। मुर आन कली मार रिम्‍शो बाक्‍बा, मेको मिम्‍तीन। हितोपदेस २०:२२; १थिस्‍सलोनिकी ५:१५; २कोरिन्‍थी ८:२१
ROM 12:18 चाप्‍बी सम्‍म मुर आन कली जिचा मतोने। मुर नेल्‍ल नु दुशा गारशा बाक्‍कीन। मर्कूस ९:५०; हिब्रू १२:१४
ROM 12:19 आं दाक्‍शो लोक्‍बपुकी, इन कली श्‍येत गेब आन कली आंमा क्‍येक्‍क मलेत्‍तीन। परमप्रभु यावेमी गाइश्‍शा, मेको आन कली मारेइ पवल, दे सिक्‍सी पा बाक्‍कीन। मारदे हना “क्‍येक्‍क लेत्‍तीक गेय आं केन बाक्‍ब। मिनु गोन पाइनुङ, दे परमप्रभु यावेमी देंब” दे ब्रेक्‍शो बाक्‍ब। ब्‍यवस्‍था ३२:३५; लेवी १९:१८; मत्ती ५:३८-४४
ROM 12:20 क्‍येक्‍क मलेत्‍चा ला ममाइ। “इ जोरी सत्रु शोव़लु बेक्‍तेक्‍म हना, जचा गेवो। तूतू दाक्‍तेक्‍म हना, तूचा गेवो। मो पाप्‍तीवी हना, मेको आन पियामी मी मोइश्‍शो खोदेंशो पा, मुने तोक्‍नेवे” दे ब्रेक्‍शो बाक्‍ब। हितोपदेस २५:२१-२२
ROM 12:21 मरिम्‍शोमी रिम्‍शो कली लाक्‍चा मगेव। रिम्‍शोमी मरिम्‍शो कली ग्रापतो।
ROM 13:1 गो नेल्‍लेमी सरकार आ हुकुम टिचा माल्‍नय। मारदे हना रागी ङा नेल्‍ल सासन पाइब आन कली परमप्रभु यावेमी योव़शा, अधिकार गेशा वोइश्‍शो बाक्‍नीम। तीतस ३:१; हितोपदेस ८:१५; यूहन्‍ना १९:११
ROM 13:2 सरकार आ हुकुम मटिथु, गेय पाम्‍तेक्‍म हना, सरकार कली मटिशो ला ममाइ, परमप्रभु यावे कली यो मटिशो खोदेंशो दुम्‍ब। मिनु सजाइ गेचा पुंइसीनीम।
ROM 13:3 रिम्‍शो पाइबपुकी सरकार आ हुकुम तशा महिंनीम “रिम्‍शो पाइतीनी” देंनीम। मरिम्‍शो पाइबपुकी चहिं हिंनीम। १पत्रुस २:१३-१४
ROM 13:4 मुर आन कली रिम्‍शो पपाइक्‍चा कली परमप्रभु यावेमी सरकार वोइक्‍तु। गे मरिम्‍शो पाइतीनी हना, सरकार क्‍येङा हिनीन। मारदे हना सरकारमी सजाइ गेचा कली परमप्रभु यावे रे अधिकार तशो बाक्‍ब। मिनु मरिम्‍शो पाइब आन कली सजाइ गेब। २इतिहास १९:६-७
ROM 13:5 “सरकारमी सजाइ गेब” दे मिम्‍चा ला ममाइ। रिम्‍शो पय, दे इं थुं फ्रेंशा बाक्‍य।
ROM 13:6 मोपतीके परमप्रभु यावेमी सरकार कली योव़शा, गेय पपाइक्‍तु, दे तुइश्‍शा, गेपुकीमी तिरो थाप्‍नीनी।
ROM 13:7 तिरो, भन्‍सार थाप्‍तीने। हिक्‍चा पुंइसीशो कली हिक्‍कीने, मान पचा पुंइसीशो कली मान पने। मत्ती २७:२१
ROM 13:8 मारेइ मारेइम दाक्‍मुशा बाक्‍कीन। दाक्‍ताक्‍नी हना, परमप्रभु यावे आ अरेशो लोव़ खाप्‍नीनी। गलाती ५:१४; १तिमोथी १:५
ROM 13:9 मेको लोव़मी मार ब्रेक्‍शो बाक्‍ब देंशा हना “मीश वोंइश आस नाता मख्रोइक्‍चा, मुर मसाइक्‍चा, खुइ मपचा, मवाल्‍चा” अरु मपचा ङा गेय यो बाक्‍नीम। मिनु मार पा मेको लोव़ खाप्‍सीब देंशा हना, आंम कली दाक्‍शो खोदेंशो पा आंम नेक्‍था ङा आन कली दाक्‍शा, खाप्‍सीब। प्रस्‍थान २०:१३-१७; लेवी १९:१८
ROM 13:10 मोपा दाक्‍ताक्‍नी हना, मुर आन कली मरिम्‍शो मपाइनीनी। दाक्‍शोमीन परमप्रभु यावे आ अरेशो लोव़ खाप्‍शो बाक्‍ब। १कोरिन्‍थी १३:४; मत्ती २२:४०
ROM 13:11 आं देंशो टिशा रिम्‍शो पने। सेंसीशा बोक्‍शो खोदेंशो दुम्‍य। मारदे हना साइ थमा सुइक्‍ब दुम्‍शो नाक्‍त क्‍येङा मुल परमप्रभु यावे नु बाक्‍ची नाक्‍ती इ नेक्‍था जाक्‍त, दे तुइक्‍तय। १थिस्‍सलोनिकी ५:६-८; एफिसी ५:१४
ROM 13:12 नाक्‍दो लाक्‍शा नां सोक्‍शा, छेङछेङम बाक्‍शो खोदेंशो दुम्‍शा, होस पा बाक्‍कीन। छिङछिङ ङा गेय ताइश्‍शा, छेङछेङ ङा या पिम्‍‍सीन। १यूहन्‍ना २:८; एफिसी ५:११
ROM 13:13 नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८
ROM 13:14 नक वा फेक्‍शो खोदेंशो पा प्रभु येसु ख्रीस्‍त नु रां का दुम्‍शा, इन रां कली मरिम्‍शो पचा मगेने। गलाती ३:२७; १कोरिन्‍थी ९:२७; कलस्‍सी २:२३
ROM 14:1 मिनु का निक्‍शी आन थमा सुइक्‍तीके बोल्‍यो मदुम्‍शो बाक्‍त हना यो, इन ग्रुम्‍तीकेमी जाक्‍चा गेन। तन्‍न मेको नु आन मिम्‍तीक आ पर्बम लोव़ मपने। रोमी १५:१; १कोरिन्‍थी ८:९
ROM 14:2 मुर कामी नेल्‍ल जचा दुम्‍बा, दे मिम्‍बा, आ थमा सुइक्‍तीकेम बोल्‍यो मदुम्‍शो मुरुम चहिं गिग खाइ ला ब्‍वाइब। उत्‍पत्ती १:२९; उत्‍पत्ती ९:३
ROM 14:3 मिनु श्‍ये ब्‍वाइबमी श्‍ये मब्‍वाइब आन कली आइक्‍च मसेलीन। मिनु श्‍ये मब्‍वाइबमी श्‍ये ब्‍वाइब आन कली यो दोस मगेन। मारदे हना जचा ब्‍वचामी मारेइ मपाइब। परमप्रभु यावेमी मुर आन कली कांइचीक पा दाक्‍शा, आ मुर सेल्‍तीमी। कलस्‍सी २:१६
ROM 14:4 मुर आन गेय पाइ‍ब कली निसाफ पाइब गे सु बाक्‍ने? आ होव़पमी ला मेको कली निसाफ पाइब। मेको ठीक दुम्‍ने चाप्‍ब, मारदे हना परमप्रभु यावेमी मेको कली ठीक सेल्‍ने चाप्‍ब। मत्ती ७:१; याकूब ४:११-१२
ROM 14:5 का निक्‍शी मुरुमी नेल्‍ल नाक्‍त कांइचीक मिम्‍नीम। का निक्‍शीम चहिं नाक्‍त का कली ठेयब मिम्‍नीम। तन्‍न मार रिम्‍शो बाक्‍बा, मेको आंमा तुइक्‍चा माल्‍नीम। गलाती ४:१०
ROM 14:6 थमा सुइक्‍बपुकीमी नाक्‍त का कली ठेयब मिम्‍तमेनु, परमप्रभु यावे कली मिम्‍शा ठेयब मिम्‍नीम। श्‍ये ब्‍वामेनु, परमप्रभु यावे कली मिम्‍शा ब्‍वाइनीम। श्‍ये मब्‍वाइबपुकीमी यो परमप्रभु यावे कली “गे रिम्‍शो पाइब बाक्‍नीनी” दे मिम्‍शा मब्‍वाइनीम।
ROM 14:7 गो नेल्‍ल आंम कली मब्रोंइनय, आंम कली मबेक्‍नय।
ROM 14:8 ब्रोंइतय हना यो, परमप्रभु यावे आ नें ठेयब सेल्‍चा कली ब्रोंइय। बेक्‍तय हना यो, परमप्रभु यावे आ नें ठेयब सेल्‍चा कली बेक्‍य। ब्रोंइतय हना यो, बेक्‍तय हना यो, परमप्रभु यावे आ मुर नय। २कोरिन्‍थी ५:१५; गलाती २:२०
ROM 14:9 मारदे हना ख्रीस्‍त बेक्‍शा, बेक्‍शो रे सेंसीशा, नेल्‍ल आन कली कोव़ब दुम्‍त। बेक्‍शो, ब्रोंइशो मुर नेल्‍ल आन प्रभु बाक्‍ब।
ROM 14:10 मिनु मार, इं लोक्‍ब आन कली नाक्‍चा दुम्‍बा ङा? आइक्‍च सेल्‍चा दुम्‍बा ङा? काबु नाक्‍ती परमप्रभु यावेमी नेल्‍ल इं कली आ ठेयब नित्‍तीक आ ङोंइती खुप्‍शा, का का पा निसाफ पाइब। मत्ती २५:३१-३२; प्रेरित १७:३१; २कोरिन्‍थी ५:१०
ROM 14:11 मारदे हना “प्रभुमी गो ब्रोंइशा बाक्‍शो खोदेंशो पा, मुर नेल्‍लेमी आं ङोंइती आन पोक्‍च थेक्‍नीम। मिनु नेल्‍लेमी परमप्रभु यावे कली ठेयब सेल्‍नीम” दे ब्रेक्‍शो बाक्‍ब। यसैया ४५:२३; फिलिप्‍पी २:१०-११
ROM 14:12 गो नेल्‍लेमी परमप्रभु यावे आ ङोंइती मार पशो बाक्‍या, मेको का का पा शोव़चा माल्‍नय।
ROM 14:13 मोपतीके आंम आंमा मनाक्‍मुय। थमा सुइक्‍ब लोक्‍ब आन थुं खाइक्‍पाइक्‍चा ङा गेय मपमुय। १कोरिन्‍थी १०:३३
ROM 14:14 गो प्रभु येसु आ मुर दुम्‍शा, मारेइ मारेइ जचा थोव़क रिम्‍शो बाक्‍ब, दे शेंसाक्‍ङ। तन्‍न सुमी ग्रांग्रा दिशो मिम्‍बा, मेको कली ग्रांग्रा दिशोन दुम्‍ब। मत्ती १५:११; प्रेरित १०:१५; तीतस १:१५
ROM 14:15 गे मार मार जशा ब्‍वशा, इ लोक्‍ब आ थुं खाइक्‍पाइक्‍नेवे हना, इ मदाक्‍तीके कोंइनेवे। इ जचा थोव़कम पतीके इ ख्रीस्‍त बेक्‍शो लोक्‍ब कली खतम मसेलो। १कोरिन्‍थी ८:११-१३
ROM 14:16 मोपतीके गे मार दाक्‍नीनी, मेको कली मुरुम ग्रांग्रा दिचा मगेने।
ROM 14:17 परमप्रभु यावे आ राज्‍य जचा तूचा आ पर्बम ममाइ। परमप्रभु यावे आ सोक्‍त रे पा थमा सुइक्‍बपुकीमी रिम्‍शो गेय पशा, दुशा ग्‍येरशा बाक्‍चा आ पर्बम बाक्‍ब। १कोरिन्‍थी ८:८; हिब्रू १३:९
ROM 14:18 गे मोपा ख्रीस्‍त आ गेय पाइतीनी हना, परमप्रभु यावे आ दाक्‍शो नु मुर आन ङोंइती मान ततीक दुम्‍ब।
ROM 14:19 मोपतीके दुशा गारशा नु थमा सुइक्‍तीक थुं बारपाइक्‍मुशा बाक्‍य। रोमी १२:१८; रोमी १५:२
ROM 14:20 गे जचा थोव़क आ पर्बम परमप्रभु यावे आ गेय मक्‍याम्‍दीने। मारेइ मारेइ जचा ठीक बाक्‍‍ब। तन्‍न होस पने। मारदे हना इन जचा ब्‍वचामी इन लोक्‍ब आन थुं खाइक्‍पाइक्‍तीनी हना, मरिम्‍शो दुम्‍ब।
ROM 14:21 मोपतीके श्‍ये मब्‍वथु, अङगुर शांबु मतूथु, इन लोक्‍ब आन कली थुं मखाइक्‍पाइक्‍थु, बाक्‍चा रिम्‍शो दुम्‍ब। रोमी १४:२; १कोरिन्‍थी १०:२५-२७
ROM 14:22 इ थमा सुइक्‍तीके परमप्रभु यावे आ ङोंइती बाक्‍ब। इन जचा थोव़क आ पर्बम दाल्‍गीर मपाइतीनी हना, गे ग्‍येरसीशो मुर दुम्‍नीनी।
ROM 14:23 दाल्‍गीर पा जाइब चहिं दोस ताइब दुम्‍ब। मारदे हना आ थमा सुइक्‍तीक रे मपाइब। मोपा थमा मसुइक्‍तीक रे पशो गेय नेल्‍ल पाप बाक्‍ब।
ROM 15:1 गो थमा सुइक्‍चामी बोल्‍यो दुम्‍शोपुकीमी, आंम कली ठेयब मसेल्‍थु, बोल्‍यो मदुम्‍शो थमा सुइक्‍ब आन कली वारच पय। रोमी १४:१
ROM 15:2 इं दातेम नेल्‍लेमी अरु आन कली रिम्‍शो पा आन थमा सुइक्‍तीक थुं बारपाइक्‍ब दुम्‍चा माल्‍नय। १कोरिन्‍थी ९:१९; १कोरिन्‍थी १०:२४,३३
ROM 15:3 ख्रीस्‍तमी यो आंमा दाक्‍शो मपव “इन कली पशो शुक्‍शी, आं तार मोंइसाक्‍व” दे ब्रेक्‍शो बाक्‍ब। भजन संग्रह ६९:९
ROM 15:4 ङोंइती ब्रेक्‍शो नेल्‍ल इं कली शेंचा कली ब्रेक्‍शो बाक्‍त। मेको लोव़ पढेशा, फाल्‍शा इं थुं बारपा, आस पा बाक्‍य। १कोरिन्‍थी १०:११
ROM 15:5 फाल्‍तीक सक्ति गेब नु थुं बारपाइक्‍ब परमप्रभु यावेमी इन कली थुं का दुम्‍शा, दुशा गारशा बाक्‍चा गेवल। दुशा गारशा बाक्‍तीनी हना, ख्रीस्‍त येसु आ गेय पाइब दुम्‍नीनी। फिलिप्‍पी २:२
ROM 15:6 मिनु गे थुं का नु लोव़ का पा इं प्रभु येसु ख्रीस्‍त आ आफ परमप्रभु यावे कली ठेयब सेल्‍ब दुम्‍नीनी।
ROM 15:7 दोपा येसु ख्रीस्‍तमी इन कली दाक्‍शा ब्रवा। मोपान गेपुकी यो दाक्‍मुशा ब्रमुने। मो पनीनु, परमप्रभु यावे कली ठेयब सेल्‍नीनी।
ROM 15:8 इं किकी पिपी आन कली गेशो लोव़ खाप्‍चा कली ख्रीस्‍त यहूदी आन कली पाप रे प्रोंइब दुम्‍त। मोपा परमप्रभु यावे आ देंशो थमा बाक्‍ब, दे कोंइचा कली मोदेंशो दुम्‍त। मत्ती १५:२४; प्रेरित ३:२५
ROM 15:9 अर्को रागी ङा मुरपुकीमी परमप्रभु यावे आ शिशी आ पर्बम मेको कली ठेयब सेल्‍मेक्‍ल। मोपतीके “अर्को रागी ङा मुर आन दातेमी इन नें तुइक्‍पा कुम्‍सो पाइनुङ” दे ब्रेक्‍शो बाक्‍ब। भजन संग्रह १८:४९
ROM 15:10 मिनु लेंशा “अर्को रागी ङा मुर आं योव़शो मुरपुकी नु थुं का दुम्‍शा, ग्‍येरसीन” दे ब्रेक्‍शो बाक्‍ब। ब्‍यवस्‍था ३२:४३
ROM 15:11 चिनु “ए, अर्को रागी ङा मुर नेल्‍लेमी परमप्रभु यावे कली ठेयब सेलीन, जात नेल्‍लेमी मेको कली मान पचा माल्‍नीम” दे ब्रेक्‍शो बाक्‍ब। भजन संग्रह ११७:१
ROM 15:12 यसैयामी “येस्‍से आ बङस रे का ग्रूशा, ठेयब दुम्‍शा, अर्को रागी ङा मुर आन कली सासन पाइब। मिनु मेको कली सासन पशो तशा, नेल्‍लेमी ‘इं कली श्‍येत रे प्रोंइब’ दे ग्‍येरशा, आस पा बाक्‍नीम” दे ब्रेक्‍शो बाक्‍त। यसैया ११:१०; प्रकाश ५:५
ROM 15:13 आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।
ROM 15:14 आं लोक्‍बपुकी, गे इन दातेमी दाक्‍मुशा, रिम्‍शो पा जोक्‍ब तुइक्‍ब दुम्‍शा नु शेंमुने चाप्‍ब दुम्‍शो बाक्‍नीनी, दे तुइक्‍ताक्‍ङ।
ROM 15:15 परमप्रभु यावेमी आं कली शिशी पा शेंब सेल्‍ती। मोपतीके गो एको चिठीमी इच्‍का ठेयब लोव़ पा ब्रेक्‍ताक्‍ङ। रोमी १:५; रोमी १२:३
ROM 15:16 गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३
ROM 15:17 मेको शेंतीक गेय पचा कली ख्रीस्‍त येसुमी बोल नु सक्ति गेती। मिनु परमप्रभु यावे आ ङोंइती “गो ठेयब गेय पाता” देंती।
ROM 15:18 ख्रीस्‍तमी पपाइश्‍शो गेय आ पर्बम ला लोव़ पाइनुङ। गो आंमा गेय पा अर्को रागी ङा मुर टीब दुम्‍मल, दे मेको आन कली शेंतीक गेय यो पना पन बाक्‍ती। २कोरिन्‍थी ३:५; रोमी १:५
ROM 15:19 परमप्रभु यावे आ सोक्‍तीम गेशो सक्तिमी चिन्‍ड नु छक लाक्‍चा ङा गेय कोंइताक्‍ङमी। यरूसलेम सहर रे लशा, इल्‍लीरीकुम रागी सम्‍म जाक्‍दीश्‍शा, सहर सहर, गाउं गाउंमी ख्रीस्‍त आ ग्‍येरपाइक्‍ब लोव़ नेल्‍ल शेंना शेंन गाक्‍ती। मर्कूस १६:१७; २कोरिन्‍थी १२:१२
ROM 15:20 ङोंइतीन ख्रीस्‍त आ लोव़ नेंने थुम्‍शो आन बाक्‍तीकेम, मलङ। मुल सम्‍म ख्रीस्‍त आ नें मनेंशो आन कली शेंनुङमी देंशा, शेंना शेंन गाक्‍ती। २कोरिन्‍थी १०:१५-१६
ROM 15:21 मिनु “आं लोव़ तुइक्‍पाइक्‍चा मपुंइसीशोपुकीमी तुइक्‍चा ताइनीम। मिनु मनेंशोपुकीमी रुप्‍नीम” दे ब्रेक्‍शो बाक्‍ब। यसैया ५२:१५
ROM 15:22 गो मोदेंशो शेंना शेंन गाक्‍ङानु रोममी बाक्‍ब थमा सुइक्‍ब आन कली ग्रुम्‍थ लाइनुङ, दे ङोंइती रे देंती, तन्‍न मुल सम्‍म इन कली ग्रुम्‍चा मतङ। रोमी १:१३
ROM 15:23 शुश बर्स रे इन कली ग्रुम्‍तीक थुं पा बाक्‍ती। मुल एकेर ङा गेय थुम्‍शा,
ROM 15:24 गो दीसा नित्‍थी एकेर रे गाक्‍शा, स्‍पेन रागी लाइनुङ। मिनु इन बाक्‍तीके यो ओव़शा ग्रुम्‍नन्‍नी। ग्रुम्‍यानु, ग्‍येरसीशा, आं थुं नाइक्‍चा तङल देंती। मिनु नोले आं कली स्‍पेन सम्‍म चोव़दीनीनी कों, दे आस यो पाता।
ROM 15:25 स्‍पेन लचा ङोंइती थमा सुइक्‍ब आन कली वारच पथ यरूसलेम लाइनुङ। प्रेरित १८:२१; प्रेरित १९:२१; प्रेरित २०:२२; प्रेरित २४:१७
ROM 15:26 मासीडोनीया नु आकाया रागीमी बाक्‍ब थमा सुइक्‍बपुकीमी “यरूसलेमम बाक्‍ब थमा सुइक्‍बपुकीमी जचा मतामे” देंशो नेंशा, क्‍येट पोक्‍शा गेतीमी। मोपतीके मेको आन कली क्‍येट चोव़थ लाइनुङ। १कोरिन्‍थी १६:१; २कोरिन्‍थी ८:१-४
ROM 15:27 मारदे हना ङोंइती यरूसलेमम बाक्‍ब थमा सुइक्‍बपुकीमी मेको आन कली येसु ख्रीस्‍त आ लोव़ शेंशो बाक्‍तेक्‍म। मोपतीके मुल मेको आन कली श्‍येत दुम्‍तीके, क्‍येट पोक्‍शा, चोव़थ सोइक्‍ताक्‍यीमी। १कोरिन्‍थी ९:११; गलाती ६:६
ROM 15:28 मेको आन कली सोइश्‍शो क्‍येट चोव़शा, स्‍पेन लाइनुङ। लङानु, इन बाक्‍तीके यो ओव़नुङ।
ROM 15:29 इन बाक्‍तीके जाक्‍ङानु, ख्रीस्‍त आ आसीकम जाक्‍नुङ, दे तुइक्‍ताक्‍ङ।
ROM 15:30 आं लोक्‍बपुकी, इं प्रभु येसु ख्रीस्‍तमी इं कली थुं का सेल्‍तु। परमप्रभु यावे आ सोक्‍तीमी दाक्‍मुपाइक्‍तु। मिनु थमा पा वोबु दुम्‍तय। मोपतीके आं पर्बम परमप्रभु यावे कली पुंइना पुंइन बाक्‍कीन। २कोरिन्‍थी १:११; २थिस्‍सलोनिकी ३:१
ROM 15:31 मार पुनीन देंनुङ देंशा हना “पावल कली यहूदीया रागीम बाक्‍ब थमा मसुइक्‍ब आन गुइ रे प्रोनीन। मिनु यरूसलेम जाक्‍दीश्‍शा, मेकेर बाक्‍ब थमा सुइक्‍ब आन कली वारच पचा गेने।
ROM 15:32 परमप्रभु यावे आ दाक्‍शो पा ग्‍येरसीशा यरूसलेम रे पिशा, आंइ कली ग्रुम्‍पतीने। इन नेंमी थुं का दुम्‍शा, ग्‍येरपाइक्‍मुशा बाक्‍चा तकल” दे पुनीन। १थिस्‍सलोनिकी २:१५
ROM 15:33 नेल्‍ल इं थुं नाइक्‍पाइक्‍ब परमप्रभु यावे गेपुकी नु बाक्‍ल। आमेन।
ROM 16:1 केन्क्रेया ङा थमा सुइक्‍ब आन ग्रुम्‍तीक खिंमी गेय पाइब फिबी दिदी आ पर्बम ब्रेक्‍शो बाक्‍नुङ।
ROM 16:2 फिबी दिदीमी थमा सुइक्‍ब शुश आन कली वारच पाप्‍तु। आं कली यो शुश वारच पाइक्‍ती। मोपतीके फिबी दिदी कली प्रभु आ नेंमी मान पतीने। मार मार माल्‍दा, मेको गेशा वारच पतीने।
ROM 16:3 अक्‍वीला नु प्रिस्कीला साइ गो नु गारशा, ख्रीस्‍त येसु आ गेय पाम्‍ताक्‍से। मेको आस कली “रिम्‍शो बाक्‍कीस” देनीन। प्रेरित १८:२; प्रेरित १८:२६
ROM 16:4 मिनु थमा मसुइक्‍बपुकीमी आं कली खेदा पामेनु, आं कली प्रोंइचा, दे वारच पय्‍यीसीनु, हेरा साइक्‍चा पुंइसाक्‍स। मेको निक्‍शीमी आं कली प्रोंइशो आ पर्बम परमप्रभु यावे कली “गे रिम्‍शो पाइब बाक्‍नीनी” देंनुङ। गो ला ममाइ, नेल्‍ल रागी रागी ङा थमा सुइक्‍बपुकीमी यो मेको निक्‍शी आस पशो मिम्‍शा, परमप्रभु यावे कली “गे रिम्‍शो पाइब बाक्‍नीनी” देंनीम। मोपतीके मेको आस कली “रिम्‍शो बाक्‍कीसे” दे मतीने।
ROM 16:5 आस खिंमी देल्‍ब थमा सुइक्‍ब नेल्‍ल आन कली यो “रिम्‍शो बाक्‍कीन” दे माइक्‍चा। आं दाक्‍शो एपेनेतस कली “रिम्‍शो बाक्‍को” दे माइक्‍चा। एपेनेतस एसीया रागी ङा नेल्‍ल क्‍येङा ङोंइती ख्रीस्‍त कली थमा सुइक्‍ब बाक्‍ब।
ROM 16:6 इन कली शुश वारच पाइब मरीयम कली यो “रिम्‍शो बाक्‍को” दे माइक्‍चा।
ROM 16:7 इं यहूदी जात ङा अन्‍ड्रोनीकस नु युनीयस साइ येसु आ नेंमी गो नु जेल्‍खानम बाक्‍शो नसी। आं क्‍येङा ङोंइती मेको निक्‍शीमी ख्रीस्‍त कली थमा सुइक्‍ताक्‍से। ख्रीस्‍त आ सोइश्‍शो आन दातेमी शुश जोक्‍ब दुम्‍ताक्‍से। मेको आस कली “रिम्‍शो बाक्‍कीसे” दे माइक्‍चा।
ROM 16:8 प्रभु आ नेंम आं दाक्‍शो अमप्‍लीआतस कली “रिम्‍शो बाक्‍को” दे माइक्‍चा।
ROM 16:9 गोपुकी नु ख्रीस्‍त आ गेय पा उरबानस कली “रिम्‍शो बाक्‍को” दे माइक्‍चा। आं दाक्‍शो स्‍ताकीस कली “रिम्‍शो बाक्‍को” दे माइक्‍चा।
ROM 16:10 ख्रीस्‍त कली रिम्‍शो पा थमा सुइक्‍ब अपेल्‍लेस कली “रिम्‍शो बाक्‍को” दे माइक्‍चा। अरीस्‍तोबलस आ खिं ङा मुर नेल्‍ल आन कली यो “रिम्‍शो बाक्‍कीन” दे माइक्‍चा।
ROM 16:11 इं यहूदी जात ङा हेरोदीयन कली “रिम्‍शो बाक्‍को” दे माइक्‍चा। नारसीसस आ खिं ङा प्रभु कली थमा सुइक्‍ब नेल्‍ल आन कली यो “रिम्‍शो बाक्‍कीन” ने माइक्‍चा।
ROM 16:12 प्रभु आ गेय पाइब त्रिफेना नु त्रिफोसा दिदी आस कली यो “रिम्‍शो बाक्‍कीसे” दे माइक्‍चा। प्रभु आ शुश गेय पाइब आं दाक्‍शो पेरसीस दिदी कली यो “रिम्‍शो बाक्‍को” दे माइक्‍चा।
ROM 16:13 प्रभुम योव़शो थमा सुइक्‍ब रुफुस कली “रिम्‍शो बाक्‍को” दे माइक्‍चा। साइ रुफुस आ म‍मामी आं कली आ तौ खोदेंशो पती। मेको कली यो “रिम्‍शो बाक्‍को” दे माइक्‍चा। मर्कूस १५:२१
ROM 16:14 असीनक्रीतस, फ्‍लेगन, हेरमेस, पत्रोबास, हेरमेस नु मेकोपुकी नु बाक्‍ब थमा सुइक्‍ब लोक्‍ब नेल्‍ल आन कली यो “रिम्‍शो बाक्‍कीन” दे माइक्‍चा।
ROM 16:15 फिलोलोगस, युलीया, नेरीयस, नेरीयस आ दिदी, ओलीम्‍पास नु मेको नेल्‍ल आन खिंम बाक्‍ब थमा सुइक्‍ब आन कली यो “रिम्‍शो बाक्‍कीन” दे मतीने।
ROM 16:16 येसु आ नेंमी मुम्‍मुशा, आसीक गेमुने। एक ङा थमा सुइक्‍ब नेल्‍लेमी इन कली “रिम्‍शो बाक्‍कीन” देंतेक्‍म। १कोरिन्‍थी १६:२०
ROM 16:17 आं लोक्‍बपुकी, एको नेल्‍ल क्‍येङा नोले ङा लोव़ पशा, अर्ती गेनन्‍नी। कोइ मुरुमी ख्रीस्‍त आ लोव़ नेंशा, दूली मिम्‍ताक्‍म। मेको मुरपुकीमी मुल सम्‍म दुशा गारशा बाक्‍शो थमा सुइक्‍ब लोक्‍ब इन कली फ्राचा माल्‍नीम। मेको आन क्‍येङा होस पा बाक्‍कीन। मत्ती ७:१५; २थिस्‍सलोनिकी ३:६; तीतस ३:१०
ROM 16:18 मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४
ROM 16:19 गे शेंतीक लोव़ नेंशा, टीब मुर ननी, दे नेल्‍लेमी तुइक्‍ताक्‍मे। एको नेंशा, गो ग्‍येरसाक्‍यी। तन्‍न रिम्‍शो गेय मरिम्‍शो गेय, थमा शेंतीक दूली शेंतीक, थमा नु जोल तुइक्‍ब दुमीने, देंनुङ। मोपतीके ब्रेक्‍शा, शुश शेंताक्‍न्‍नी। रोमी १:८; १कोरिन्‍थी १४:२०
ROM 16:20 थुं नाइक्‍चा गेब परमप्रभु यावेमी रीब पा सैतान कली इन खोइल आगाम वोइक्‍ब। इं प्रभु येसु ख्रीस्‍तमी इन कली शिशी पवल।
ROM 16:21 गो नु गेय पाइब तिमोथीमी इन कली “रिम्‍शो बाक्‍कीन” देंत। यहूदी जात ङा लुसीयस, यासोन, सोसीपाटर सांफामी यो इन कली “रिम्‍शो बाक्‍कीन” देंतेक्‍म। प्रेरित १६:१-३; प्रेरित १९:२२; फिलिप्‍पी २:१९-२२; प्रेरित १७:६; प्रेरित २०:४
ROM 16:22 पावलमी अरेशा ब्रेक्‍पाइश्‍शो एको चिठी ब्रेक्‍ब गो तेरतीयस नङ। मिनु प्रभु आ नेंमी गो यो इन कली “रिम्‍शो बाक्‍कीन” दे ब्रेक्‍ताक्‍ङ।
ROM 16:23 गोम चिठी ब्रेक्‍पदुनु, गायस आं खिंमी बाक्‍तक। मिनु गायस नु आ खिंमी देल्‍ब थमा सुइक्‍बपुकीमी यो इन कली “रिम्‍शो बाक्‍कीन” दे माइक्‍चा देंतेक्‍म। इरास्‍तस माइश्‍शो सरकार आ गेय पाइबमी यो इन कली “रिम्‍शो बाक्‍कीन” देंत। थमा सुइक्‍ब इं लोक्‍ब क्‍वारटसमी यो इन कली “रिम्‍शो बाक्‍कीन” देंत। १कोरिन्‍थी १:१४
ROM 16:24 इं प्रभु येसु ख्रीस्‍त आ शिशी गेपुकी नेल्‍ल नु बाक्‍ल। आमेन।
ROM 16:25 परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९
ROM 16:26 परमप्रभु यावे आ लोव़ पाइबपुकीम मेको ख्रुइश्‍शो लोव़ ब्रेक्‍शो बाक्‍तेक्‍म। मेको गेना हना यो बाक्‍ब परमप्रभु यावे आ दाक्शो बाक्‍ब। मेको लोव़ रागी रागी ङा मुर आन कली तुइक्‍पाइश्‍शा थमा सुइक्‍ब सेल्‍चा कली बाक्‍त।
ROM 16:27 आ का ला बाक्‍शो मारेइ मारेइ तुइक्‍ब परमप्रभु यावे कली येसु ख्रीस्‍त रे पा गेना हना यो नेल्‍ल सक्ति नु ठेयब दुम्‍तीके बाक्‍ल। आमेन। रोमी १:५
1CO 1:1 परमप्रभु यावे आ दाक्‍शो पा ख्रीस्‍त येसु आ सोइश्‍शो ब्रेत्‍चा पुंइसीशो, गो पावल नङ। इं लोक्‍ब सोस्‍थेनेस नु गोमी कोरिन्‍थ सहरम बाक्‍ब परमप्रभु यावे आ मुर दुम्‍शा देल्‍ब इन कली एको चिठी ब्रेक्‍शा सोइक्‍ताक्‍स्‍कु।
1CO 1:2 गे कोरिन्‍थ सहर ङा ख्रीस्‍त येसुमी योव़चा पुंइसाक्‍नी। मोपतीके योव़शोपुकी दे ब्रेत्‍चा पुंइसीनीनी। गेपुकी ला ममाइ, ते ते इं प्रभु येसु ख्रीस्‍त आ नेंमी खुम्‍सीनीमी, मेक मेक ङा मुरपुकी यो इन खोदेंशो पा योव़शा, योव़शोपुकी दे ब्रेत्‍चा पुंइसीनीम। येसु ख्रीस्‍त आंइ प्रभु, इं प्रभु, थमा सुइक्‍ब नेल्‍ल आन प्रभु बाक्‍ब। मिनु आ नेंमी गो नेल्‍ल का दुम्‍तय। १कोरिन्‍थी ६:११; प्रेरित ९:१६; प्रेरित १८:१-१७
1CO 1:3 इं आफ परमप्रभु यावे नु प्रभु येसु ख्रीस्‍तमी इन कली शिशी पा इन थुं नाइश्‍शा बाक्‍चा गेम्‍सेक्‍ल।
1CO 1:4 गो इन पर्बम परमप्रभु यावे कली “गे रिम्‍शो पाइब ननी” दे ठेयब सेल्‍नुङ, मारदे हना इन कली शिशी पा येसु ख्रीस्‍तमी तुइक्‍पाइक्‍तु।
1CO 1:5 मिनु तुइक्‍तीक नु रुप्‍तीक थुं शुश गेशा, अरु आन कली शेंब नु रुप्‍पाइक्‍ब सेल्‍तु।
1CO 1:6 मिनु इन पतीके मुरपुकीमी ख्रीस्‍त आ सक्ति ताइनीम। तीतस २:१३; २पत्रुस ३:१३-१४
1CO 1:7 गेपुकी परमप्रभु यावे आ सोक्‍तीमी पपाइश्‍शो गेय नेल्‍ल पचा ताइतीनी। मारेइ मारेइम गाप्‍शा बाक्‍नीनी। इं प्रभु येसु ख्रीस्‍तमी तपांइसेक्‍ल, दे रिम्‍शा बाक्‍नीनी।
1CO 1:8 इं प्रभु येसु ख्रीस्‍त जाक्‍म नाक्‍ती आ ङोंइती ठीक दुम्‍शा, इन कली सक्ति पाइश्‍शो गेय पना पन थिप्‍ब, दे तुइक्‍ताक्‍ङ। मारदे हना इन कली नेल्‍ल क्‍येङा नोले सम्‍म थमा सुइक्‍चा मप्रोंइथु रिम्‍शा बाक्‍तीक सक्ति गेब। फिलिप्‍पी १:६; १थिस्‍सलोनिकी ३:१३
1CO 1:9 परमप्रभु यावेमी इन कली आ तौ इं प्रभु येसु ख्रीस्‍त नु गेना हना यो काथा बाक्‍चा कली योव़तु। मिनु आ देंशो लोव़ नेल्‍ल खाप्‍ब। १थिस्‍सलोनिकी ५:२४
1CO 1:10 आं लोक्‍बपुकी, इं प्रभु येसु ख्रीस्‍त आ नेंमी, इन कली अर्ती गेनन्‍नी। लोव़ का, शोव़ का नु थुं का दुम्‍शा बाक्‍चा मप्रोनीन। १कोरिन्‍थी ११:१८; रोमी १५:५; फिलिप्‍पी २:२
1CO 1:11 “कोरिन्‍थीपुकी जिशा बाक्‍नीम” दे इन पर्बम ख्‍लोए आ खिं ङा मुरपुकीमी तुइक्‍पाइक्‍तीमी।
1CO 1:12 इन जिशो मार बाक्‍ब देंशा हना, का निक्‍शीमी “पावल आ नोले खोइक्‍ब नकी” का निक्‍शीमी “आपोल्‍लोस आ नोले खोइक्‍ब नकी” का निक्‍शीमी “केफास आ नोले खोइक्‍ब नकी” नु का निक्‍शीमी “ख्रीस्‍त आ नोले खोइक्‍ब नकी” देंतीनी। १कोरिन्‍थी ३:४; प्रेरित १८:२४-२७; यूहन्‍ना १:४२
1CO 1:13 मार ख्रीस्‍त देंशो शुश बाक्‍नीमी ङा? पावलमी इन पाप क्‍याम्‍चा कली शीमी केप्‍शा कांटी थोक्‍शा क्‍याइश्‍शा साइक्‍चा पुंइसे ङा? पावल आ नेंमी ब्‍वाक्‍कुम ख्रुम्‍शा ग्रुंइचा पुंइसीनी ङा?
1CO 1:14 गो परमप्रभु कली “गे रिम्‍शो पाइब ननी” देंनुङ। मारदे हना गो क्रिस्‍पस नु गायस ङा लाक्‍शा सुइ कली ब्‍वाक्‍कुम ख्रुम्‍शा मग्रुंइदुमी। प्रेरित १८:८; रोमी १६:२३
1CO 1:15 मुर आन कली ब्‍वाक्‍कुम ख्रुम्‍शा ग्रुंइतीक गेय पशो नङ हना, मेकोपुकीमी “पावल आ नेंमी ब्‍वाक्‍कुम ख्रुम्‍शा ग्रुंइचा पुंइसाक्‍क” देंम वा।
1CO 1:16 स्‍तीफानस आ खिं ङा मुर आन कली ब्‍वाक्‍कुम ख्रुम्‍शा ग्रुंइताक्‍ङमी। मेको ङा लाक्‍शा, सुइ आन कली ब्‍वाक्‍कुम ख्रुम्‍शा ग्रुंइदुमी कों मग्रुंइदुमी, मारेइ मतुइक्‍नुङ। १कोरिन्‍थी १६:१५
1CO 1:17 ख्रीस्‍तमी मुर आन कली ब्‍वाक्‍कुम ख्रुम्‍शा ग्रुंइतीक गेय पथ मसोइक्‍ती। आ लोव़ नेंपाइक्‍चा कली सोइक्‍ताक्‍यी। लोव़मी फू चुइश्‍शो खोदेंशो पा ममाइ। गो फू चुइश्‍शो लोव़ पाता हना, ख्रीस्‍त बेक्‍शो सक्ति क्‍याम्‍सीशा लाइब।
1CO 1:18 “ख्रीस्‍त पाप क्‍याम्‍चा कली साइक्‍चा पुंइसाक्‍व” देंशो लोव़ नेंशा, नरक लाइबपुकीमी “मूर्ख लोव़ बाक्‍ब” देंनीम। गो पाप रे ब्रोंइशोपुकीमी चहिं “एको लोव़म परमप्रभु यावे आ सक्ति बाक्‍ब” दे तुइक्‍नय। २कोरिन्‍थी ४:३; रोमी १:१६
1CO 1:19 मिनु “जोक्‍ब आन कली आन जोक्‍शो क्‍याम्‍शा, तुइक्‍ब आन कली आन तुइश्‍शो साम्‍शा गेनुङमी” दे ब्रेक्‍शो बाक्‍ब। यसैया २९:१४
1CO 1:20 जोक्‍ब तुइक्‍ब सु सु नमी? पढेस जोक्‍ब सु सु नमी? सिनाक्‍त मुलाक्‍त शुश लोव़ पा ग्राब सु नमी? लो, मिम्‍तीने। एको रागी ङा जोक्‍ब तुइक्‍ब लोव़ कली परमप्रभु यावेमी फश लोव़ मसेला ङा? मत्ती ११:२५; रोमी १:२२
1CO 1:21 परमप्रभु यावेमी मुर आन जोक्‍तीक तुइक्‍तीक रे आंम कली मतुइक्‍पांइसे। परमप्रभु यावेम आ दाक्‍शो पा, आंइ मूर्ख लोव़ नेंपाइक्‍ब। मिनु मेको लोव़म थमा सुइक्‍ब आन कली पाप रे ब्रोंइचा गेब।
1CO 1:22 यहूदीपुकी चिन्‍ड नु छक लाक्‍चा ङा गेय कोव़कोव़ दाक्‍नीम। ग्रीकपुकीमी मुर आन जोक्‍तीक तुइक्‍तीक लोव़ माल्‍शा, नेंथ गाक्‍नीम। मत्ती १२:३८; यूहन्‍ना ४:४८; प्रेरित १७:१८-२१
1CO 1:23 मेको आन दाक्‍शो, आन माल्‍शा गाक्‍शो नेल्‍ल तुइश्‍शा यो गोमी चहिं “ख्रीस्‍त पाप क्‍याम्‍चा कली साइक्‍चा पुंइसाक्‍व” दे आन कली नेंपाइक्‍नीकी। मोदेंशो नेंपाइक्‍कानु, ख्रीस्‍त लांमी वोइश्‍शो फुल्‍लु खोदेंशो दुम्‍शा, यहूदी आन कली दाइल पाइक्‍ब। मिनु राम्‍सीनीम। अर्को रागी ङा मुरपुकीमी “मूर्ख लोव़ बाक्‍माक्‍त” दे काइ नेंचा मदाक्‍नीम। प्रेरित १७:३२; गलाती ५:११; १कोरिन्‍थी २:१४
1CO 1:24 परमप्रभु यावेमी योव़शो यहूदी नु ग्रीकपुकीमी चहिं मार देंनीम देंशा हना “परमप्रभु यावे आ सक्ति नु जोक्‍तीक तुइक्‍तीक नेल्‍ल ख्रीस्‍त नु थिंसीब” देंनीम। कलस्‍सी २:३
1CO 1:25 परमप्रभु यावे आ मूर्ख लोव़ मुर आन जोक्‍तीक तुइक्‍तीक क्‍येङा ठेयब जोक्‍तीक तुइक्‍तीक लोव़ बाक्‍ब। परमप्रभु यावे आ आइक्‍च सक्ति यो मुर आन ठेयब सक्ति क्‍येङा ठेयब बाक्‍ब।
1CO 1:26 आं लोक्‍बपुकी, परमप्रभु यावेमी इन कली मारदे योव़ङा? इन पढेशो तशा देय, इन जोक्‍शो तुइश्‍शो तशा? गे शुश सक्ति पाइश्‍शो यो मननी। ठेयब खिं ङा मुर यो मबाक्‍नी। लो, मेको मिम्‍तीन। यूहन्‍ना ७:४८; याकूब २:१-५
1CO 1:27 तन्‍न परमप्रभु यावेमी जोक्‍ब तुइक्‍ब आन कली मुने तोक्‍चा कली मजोक्‍ब मतुइक्‍ब मूर्ख आन कली योव़तीमी। परमप्रभु यावेमी अधिकार सक्ति पाइश्‍शो आन कली मुने तोक्‍चा कली अधिकार सक्ति मपाइश्‍शो आन कली योव़तीमी।
1CO 1:28 परमप्रभु यावेमी रागी ङा महिक्‍सीशो आइक्‍च आन कली योव़तु। मारदे हना हिक्‍सीशो नु ठेयब आन कली मुने तोक्‍चा कली मो पाप्‍तु।
1CO 1:29 मोपतीके सुइ मुर परमप्रभु यावे आ ङोंइती ठेयब दुम्‍ने मचाप्‍नीम। रोमी ३:२७; एफिसी २:९
1CO 1:30 मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८
1CO 1:31 मोपतीके “प्रभु आ पतीके इं नें बोरपाइय्‍य” दे साइ नेसी देंशो लोव़ मिम्‍शा, परमप्रभु कली ठेयब सेल्‍य। येरमीया ९:२२-२३; २कोरिन्‍थी १०:१७
1CO 2:1 आं लोक्‍बपुकी, गो गेपुकी नु बाक्‍ङानु, परमप्रभु यावे आ लोव़ नेंपदुनु, मुर आन जोक्‍तीक तुइक्‍तीक रे नु फू चुइश्‍शो लोव़ पा मशेंदन्‍नी।
1CO 2:2 मारदे हना येसु ख्रीस्‍त कली शीम केप्‍शा कांटी थोक्‍शा क्‍याइश्‍शा साइक्‍चा पुंइसीशो लोव़ ङा लाक्‍शा अरु मशेंनुङमी, दे आं थुं फ्रेंशा जाक्‍शो नङ। गलाती ६:१४
1CO 2:3 मिनु इन कली शेंदन्‍नीनु, आं रांमी बल मबाक्‍थु, हिंना हिंन, ख्रिंख्रि पा शेंताक्‍न्‍नी। गलाती ४:१३; प्रेरित १८:९; २कोरिन्‍थी १०:३
1CO 2:4 मुर आन कली जोक्‍तीक तुइक्‍तीक कोंइशा, ठेयब लोव़ मपङ। तन्‍न परमप्रभु यावे आ सोक्‍तीम कोंइशो सक्ति रे पा शेंताक्‍न्‍नी। मत्ती १०:२०
1CO 2:5 तन्‍न इन थमा सुइक्‍तीके मुर आन जोक्‍तीक तुइक्‍तीकेम मबाक्‍थु, परमप्रभु यावे आ सक्तिम बाक्‍ल। १थिस्‍सलोनिकी १:५
1CO 2:6 मो हना यो गो जोक्‍तीक तुइक्‍तीक लोव़ रुप्‍ब आन कली लोव़ पाइनीकी। तन्‍न रागी ङा नु सासन पाइब आन जोक्‍तीक तुइक्‍तीक ङा लोव़ चहिं ममाइ। मारदे हना मेको बेक्‍शा लाइनीम।
1CO 2:7 तन्‍न गो दोदेंशो जोक्‍तीक तुइक्‍तीक ङा लोव़ शेंनीकी देंशा हना, परमप्रभु यावे आ जोक्‍तीक तुइक्‍तीक ङा लोव़ शेंनीकी। मेको लोव़ ङोंइती ख्रुइश्‍शा वोइश्‍शो बाक्‍त। मुल इन कली रिम्‍शो दुम्‍मल, दे शेंनीकी। मत्ती ११:२५; कलस्‍सी १:२६
1CO 2:8 मेको लोव़ रागी ङा ठेयब मुरपुकीमी मरुबेम। रुप्‍तेक्‍म हना, सक्ति पाइश्‍शो प्रभु कली शीम केप्‍शा कांटी थोक्‍शा क्‍याइश्‍शा मसदेम वा।
1CO 2:9 मिनु “मिक्‍चीम मतशो, नोफाम मनेंशो, मुर आन थुंमी ममिम्‍शो लोव़ परमप्रभु यावेमी आ कली दाक्‍ब आन कली तुइक्‍पाइश्‍शा, रुप्‍चा गेम्‍तीमी” दे ब्रेक्‍शो बाक्‍ब। यसैया ६४:४
1CO 2:10 मेको लोव़ परमप्रभु यावेमी आ सोक्‍त रे पा इं कली तुइक्‍पाइश्‍शा रुप्‍पाइक्‍तु। मारदे हना परमप्रभु यावे आ सोक्‍तीम नेल्‍ल तुइक्‍ब। ख्रुइश्‍शो लोव़ यो माल्‍शा ग्रुंइब। परमप्रभु यावे आ सोक्‍तीम परमप्रभु यावे आ थुं ङा लोव़ यो नेल्‍ल तुइक्‍ब।
1CO 2:11 मुर आन थुंमी मार बाक्‍बा, सुमी तुइक्‍नीमी ङा? आंम आन थुं ङा लोव़ आंमा ला तुइक्‍नीम। परमप्रभु यावे आ सोक्‍त ङा लाक्‍शा सुइमी परमप्रभु यावे आ थुं ङा लोव़ मतुइक्‍नीम, आ सोक्‍तीम ला तुइक्‍ब।
1CO 2:12 गोपुकीम रागी ङा सोक्‍त मतशो बाक्‍नय, परमप्रभु यावे आ सोक्‍त कली ताइतय। मोपतीके गो परमप्रभु यावे आ गेशो नेल्‍ल रुप्‍नय। यूहन्‍ना १४:१६-१७
1CO 2:13 मोपतीके गो शेंदकानु, मुर आन जोक्‍तीक तुइक्‍तीक लोव़म मशेंनीकी। परमप्रभु यावे आ सोक्‍तीम गेशो लोव़ पा शेंनीकी। मिनु परमप्रभु यावे आ सोक्‍तीम ब्री‍शो मुर आन कली शेंशा रुप्‍पाइक्‍नीकी।
1CO 2:14 परमप्रभु यावे कली थमा मसुइक्‍ब मुरुम परमप्रभु यावे आ सोक्‍त ङा गेय मताइनीम। मेको नेल्‍ल मेको आन कली मूर्ख गेय खोदेंशो पा रुप्‍ने मचाप्‍नीम। मारदे हना मेको सोक्‍त ङा लोव़ बाक्‍ब। यूहन्‍ना ८:४७; १कोरिन्‍थी १:२३
1CO 2:15 परमप्रभु यावे आ सोक्‍त पाइश्‍शो मुरपुकीमी मारेइ मारेइ नाक्‍ने नु रुप्‍‍ने चाप्‍नीम। तन्‍न मेको आन कली नाक्‍ब सुइ मबाक्‍नीम।
1CO 2:16 मार ब्रेक्‍शो बाक्‍ब देंशा हना “सुमी प्रभु आ थुं नाक्‍ने नु रुम्‍ने चाप्‍बा ङा? सुमी प्रभु कली शेंने चाप्‍बा ङा?” दे ब्रेक्‍शो बाक्‍त। तन्‍न गोपुकी नु ख्रीस्‍त आ थुं बाक्‍ब। यसैया ४०:१३
1CO 3:1 आं लोक्‍बपुकी, इन कली शेंदुनु, परमप्रभु यावे आ सोक्‍तीम ब्रीशो मुर खोदेंशो पा शेंने मचबु। मारदे हना रागी ङा मुर खोदेंशो पा, ख्रीस्‍त कली थमा सुइक्‍तीकेमी आल खोदेंशो बाक्‍नीनी। यूहन्‍ना १६:१२
1CO 3:2 गो इन कली खमे मगेथु, दूध तुंइताक्‍न्‍नी। मिनु मुल सम्‍म यो दूध तुंइना तुंइन वोइक्‍तन्‍नी। १पत्रुस २:२
1CO 3:3 गे मुल सम्‍म रागी ङा मुर खोदेंशो बाक्‍नीनी। गे जीनीनी, रुश पाइनीनी। मिनु रागी ङा मुर खोदेंशो मदुम्‍नी ङा? १कोरिन्‍थी १:१०-११; १कोरिन्‍थी ११:१८
1CO 3:4 का निक्‍शीमी “गो पावल आ नोले खोइक्‍ब नकी” का निक्‍शीमी चहिं “गो आपोल्‍लोस आ नोले खोइक्‍ब नकी” दे जिना जिन बाक्‍तीनी। मोपतीके रागी ङा मुर खोदेंशो मदुम्‍नी ङा? १कोरिन्‍थी १:१२
1CO 3:5 आपोल्‍लोस माइश्‍शो सु में? गो पावल माइश्‍शो सु नङा? प्रभुमी आंस कली आ लोव़ शेंथ योव़शो नस्‍कु। गेपुकीमी आंस लोव़ नेंशा थमा सुइक्‍तीनी।
1CO 3:6 गो ख्रुम्‍ता आपोल्‍लोसमी ब्‍वाक्‍कु लुक्‍ताक्‍व। मिनु परमप्रभु यावेमी कोल्‍पाइक्‍तु। प्रेरित १८:२४-२८
1CO 3:7 मोपतीके ख्रुम्‍ब ठेयब ममाइ, ब्‍वाक्‍कु लुक्‍ब यो ठेयब ममाइ। कोल्‍पाइक्‍ब, बारपाइक्‍ब परमप्रभु यावे ठेयब बाक्‍ब।
1CO 3:8 ख्रुम्‍ब नु ब्‍वाक्‍कु लुक्‍ब कांइचीक बाक्‍नीस। मिनु आंइ कली पपाइश्‍शो गेय दोदेंशो पा पका, मोदेंशो पा गाल्‍च ताइनीकी। १कोरिन्‍थी ४:५
1CO 3:9 गे परमप्रभु यावे आ रू नु आ खिं ननी। गोपुकी चहिं मेको रूमी गेय पाइब नु मेको खिं सेल्‍ब नकी। मत्ती १३:२-९; एफिसी २:२०
1CO 3:10 परमप्रभु यावेमी आं कली रिम्‍शो दारशो खिं सेल्‍ब सेल्‍ती। मिनु आ देंशो टिशा, खिं ङा जग दोशा, बोल्‍यो पा वोइक्‍ता। मेको जग तारी अरुमी प्रोव़ना प्रोव़न लाइक्‍नीम। मेको प्रोव़बपुकीमी दोपा रिम्‍शो दुम्‍बा, मेको मिम्‍शा गेय पामेक्‍ल।
1CO 3:11 थमा जग येसु ख्रीस्‍त ला बाक्‍ब। आ क्‍येङा लाक्‍शा अरु मारेइ जग मबाक्‍ब। मिनु सुइमी अरु जग वोइक्‍ने मचाप्‍नीम। १पत्रुस २:४-६
1CO 3:12 मेको जग तारी मार मार के खिं सेल्‍नीम देंशा हना, सुन, चांदी, हीरा मोती, शी, खिंवा नु नल के खिं सेल्‍नीम। मुल मार के सेल्‍शो बाक्‍बा मतांइसीब।
1CO 3:13 ख्रीस्‍तम निसाफ पची नाक्‍त मार के सेल्‍तेक्‍म हना यो, मीम हुम्‍शा कोव़ब। मारदे हना मेना ख्रीस्‍तमी आ लोव़ शेंब आन गेय दोदेंशो बाक्‍मे, मीम हुम्‍शा नाक्‍ब। १कोरिन्‍थी ४:५
1CO 3:14 मेको जग तारी सेल्‍शो खिं लीत हना, सेल्‍बमी इनाम ताइब।
1CO 3:15 गेय मीम ग्रोइश्‍शा, पुलु दुम्‍शा लत हना, मेको मुर गेना हना यो ब्रोंइचा ताइब। तन्‍न इनाम मतथु, मारेइ मपाइश्‍शो दुम्‍शा बाक्‍चा माल्‍ब।
1CO 3:16 गे परमप्रभु यावे आ खिं ननी, दे मतुइक्‍नीनी? मिनु परमप्रभु यावे आ सोक्‍त इन आगाम बाक्‍ब, दे मतुइक्‍नीनी? १कोरिन्‍थी ६:१९; २कोरिन्‍थी ६:१६
1CO 3:17 मिनु सुमी परमप्रभु यावे आ खिं ग्रांग्रा दिशो सेल्‍बा, परमप्रभु यावेमी मेको कली यो ग्रांग्रा दिशो सेल्‍ब। मारदे हना परमप्रभु यावे आ खिं परमप्रभु यावे के ला बाक्‍ब। मिनु मेको गे बाक्‍नीनी।
1CO 3:18 सुइमी आंम कली जोल मपांइसेक्‍ल। इन दातेमी सुइमी आंम कली जोक्‍ब तुइक्‍ब मिम्‍साक्‍व हना, मेको मूर्ख दुम्‍ल। मोपा ला जोक्‍ब तुइक्‍ब दुम्‍ने चाप्‍ब। प्रकाश ३:१७-१८
1CO 3:19 एको रागी ङा जोक्‍तीक तुइक्‍तीक परमप्रभु यावे आ ङोंइती मूर्ख लोव़ बाक्‍ब। मार ब्रेक्‍शो बाक्‍ब देंशा हना “जोक्‍ब तुइक्‍बपुकी आंम आन जोक्‍तीक तुइक्‍तीक गेयमी आंम कली ग्‍याइक्‍पांइसीनीम” दे ब्रेक्‍शो बाक्‍ब। अय्‍युब ५:१३
1CO 3:20 लेंशा “प्रभुमी एको रागी ङा जोक्‍ब तुइक्‍ब आन मिम्‍शो जाम्‍शा लाइब, दे तुइक्‍ब” दे यो ब्रेक्‍शो बाक्‍ब। भजन संग्रह ९४:११
1CO 3:21 मोपतीके सुइमी मुर आन नें आ पर्बम ठेयब मलेम्‍मल। मारदे हना नेल्‍ल इन के बाक्‍नीम।
1CO 3:22 इन कली शेंब, गो पावल, आपोल्‍लोस, केफास नु रागी, ब्रोंइचा नु बेक्‍चा, मुल मार दुम्‍शो बाक्‍बा नु नोले मार दुम्‍बा, नेल्‍ल इन के बाक्‍नीम।
1CO 3:23 तन्‍न गे ख्रीस्‍त आ मुर बाक्‍नीनी। मिनु ख्रीस्‍त परमप्रभु यावे आ तौ बाक्‍ब। १कोरिन्‍थी ११:३
1CO 4:1 मिनु मुरपुकीमी गो शेंब, आंइ पर्बम मार मिम्‍चा माल्‍नीम देंशा हना, गो ख्रीस्‍त आ गेय पाइब नु परमप्रभु यावे आ ख्रुइश्‍शो लोव़ तुइक्‍पाइक्‍चा कली शेंब नकी। तीतस १:७
1CO 4:2 मोदेंशो पा शेंबपुकी थमा सुइक्‍चा माल्‍शो मुर दुम्‍चा माल्‍नीम। लूका १२:४२
1CO 4:3 गे नु अरु निसाफ पतीकेम आं कली नाक्‍तीनीनु, मेको नाक्‍शो मारेइ खोदेंशो ममिम्‍नुङ। गो आंमा यो मनाक्‍सीनुङ।
1CO 4:4 गो मारेइ मरिम्‍शो मपङ, दे मिम्‍नुङ। तन्‍न मतुइक्‍थु, पङा कों? आं कली निसाफ पाइब प्रभु बाक्‍ब।
1CO 4:5 मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८
1CO 4:6 आं लोक्‍बपुकी, गे परमप्रभु यावे आ लोव़ रिम्‍शो पा टिने चाप्‍नीनी, दे गो मेको नेल्‍ल पाइतक। गे “गो पावल आ शेंशो शेंसीब नङ” अरुमी “गो आपोल्‍लोस आ शेंशो शेंसीब नङ” दे ठेयब लेश्‍शा, इन नें मबोरपतीने। रोमी १२:३
1CO 4:7 सुमी इन कली ठेयब सेल्‍नी? इन पशोमी ठेयब दुम्‍नी ङा? परमप्रभु यावे आ शिशी पशोमी कका ठेयब दुम्‍शो ननी। मिनु परमप्रभु यावे आ गेशोमी ठेयब लेत्‍चा दुम्‍बा ङा?
1CO 4:8 मुल गे इन माल्‍शो नेल्‍ल ताइतीनी। शुश क्‍येट थीब दुम्‍तीनी। शेंब, आंइ कली हिल्‍लो मपथु, मुर आन कली हुकुम पाइतीनी। गे रिम्‍शो हुकुम पाइतीनी हना, गो यो गे नु गेय पाइब दुम्‍शो, रिम्‍शो दुम वा। प्रकाश ३:१७; प्रकाश ३:२१
1CO 4:9 परमप्रभु यावेमी आ सोइश्‍शो, आंइ कली मुर नेल्‍ल आन क्‍येङा आइक्‍च सेल्‍शा साइक्‍चा पुंइसीचा कली वोइक्‍तु, दे मिम्‍नुङ। मारदे हना रागी रागी ङा मुर नेल्‍ल नु परमप्रभु यावे आ स्‍वर्ग ङा गेय पाइबम आंइ कली कोव़ना कोव़न बाक्‍नीमी। रोमी ८:३६; हिब्रू १०:३३
1CO 4:10 गो ख्रीस्‍त आ पर्बम मूर्ख दुम्‍तक। तन्‍न गे ख्रीस्‍त आ पतीकेमी जोक्‍ब तुइक्‍ब बाक्‍नीनी। गोपुकी मचाप्‍ब दुम्‍तक। गेपुकी चहिं बोल्‍यो बाक्‍नीनी। मुरपुकीमी इन कली मान पा ठेयब सेल्‍नीम। आंइ कली चहिं महिक्‍नीम। १कोरिन्‍थी ३:१८
1CO 4:11 मुल यो जचा तूचा मतथु, मरिम्‍शो फेक्‍सीशा, श्‍येत जशा, आंइ बाक्‍तीक खिं यो मबाक्‍ब। २कोरिन्‍थी ११:२३-२७
1CO 4:12 गो आंम गुइमी श्‍येत पा गेय पा बाक्‍तक। मुरपुकीमी आंइ कली शुक्‍शी लोव़ पामेनु, मेको आन कली आसीक गेतक। गिश खेदा पाम्‍तेक्‍म हना यो, फाल्‍शा बाक्‍तक। १कोरिन्‍थी ९:१५; प्रेरित १८:३; मत्ती ५:४४; रोमी १२:१४
1CO 4:13 जिचा पोक्‍शा, गाइश्‍शा मरिम्‍शो पामेनु, गो मेको आन कली रिम्‍शो लोव़ पा, गारपाइक्‍नीकी। गोपुकी रागी ङा ग्रांग्रा दिचा ङा थोव़क खोदेंशो दुम्‍शा, नेल्‍ल क्‍येङा आइक्‍च महिक्‍सीशो मुर दुम्‍तक।
1CO 4:14 गो इन कली मुने तोक्‍चा कली एको मब्रेक्‍तु। गे आं दाक्‍शो तमी तौ इन कली रिम्‍शो अरेचा कली एको ब्रेक्‍ताक्‍ङ।
1CO 4:15 ख्रीस्‍त आ पर्बम अर्ती गेब शेंब मुर शुश बाक्‍मा माइ। तन्‍न इन आफ खोदेंशो मुर शुश मबाक्‍नीम। मारदे हना गो इन कली येसु ख्रीस्‍त आ ग्‍येरपाइक्‍ब लोव़ शेंशा, इन आफ दुम्‍ती। १कोरिन्‍थी ९:२; गलाती ४:१९
1CO 4:16 मोपतीके गो इन कली अर्ती का गेनन्‍नी। आं पशो खोदेंशो पने। १कोरिन्‍थी ११:१
1CO 4:17 मोपतीके गो प्रभु आ पशोमी, आ रिम्‍शो नु दाक्‍शो तौ तिमोथी इन बाक्‍तीके सोइक्‍ताक्‍ङ। मेकोमी गो ते ते मार मार लोव़ शेंदु, गो दोपा येसु ख्रीस्‍त आ लां खोदु, मेको नेल्‍ल इन कली शेंदल। प्रेरित १६:१-३
1CO 4:18 मिनु इन दाते ङा का निक्‍शीमी “पावल मजाक्‍ब” दे ठेयब लेश्‍शो लोव़ पाम्‍तेक्‍म, दे लोव़ पशो नेंता।
1CO 4:19 तन्‍न प्रभुम इन कली ग्रुम्‍चा गेती हना, गो रीब पा जाक्‍नुङ। मेको ठेयब लेश्‍शो मजाक्‍ब देंब आन लोव़ ममाइ, मेको आन सक्ति बाक्‍म कों मबाक्‍म दे ला कोव़नुङ।
1CO 4:20 मारदे हना परमप्रभु यावे आ राज्‍य फू चुइश्‍शो ठेयब लोव़ रे पा मतांइसीब। सक्ति पाइश्‍शो गेय रे पा तांइसीब। १कोरिन्‍थी २:४
1CO 4:21 गे मार पांइसीचा दाक्‍नीनी? कोक्‍केम हिंच कोंइशो खोदेंशो पा शेंदन्‍नी देय आं दाक्‍शो आल आन कली लेम्‍शो खोदेंशो ब्रोव़शो लोव़ पा शेंदन्‍नी? आमा मिम्‍शा देनीन। २कोरिन्‍थी १०:२
1CO 5:1 गे नु बाक्‍ब कामी हेंथे पाप्‍तु देंशो लोव़ नेंता। मोदेंशो पात्‍के अर्को रागी ङा मुर आन दातेमी यो मबाक्‍ब। मुर कामी आ आफ आ मीश वोंइसाक्‍व, देंशो लोव़ नेंता। लेवी १८:८
1CO 5:2 मिनु मुल सम्‍म ठेयब लेश्‍शा बाक्‍नीनी? मोदेंशो पशो तशा, इन थुं मखाइक्‍नीनी? मोदेंशो पाइब कली तिल्‍चा माल्‍नीनी। १कोरिन्‍थी ४:६-८
1CO 5:3 इन दातेम मबाक्‍ती हना यो, आं थुं गेपुकी नु काथा बाक्‍शो खोदेंशो पा, मेको मुर कली येसु ख्रीस्‍त आ नेंमी निसाफ पने थुम्‍ता। कलस्‍सी २:५
1CO 5:4 गे नेल्‍ल प्रभु येसु आ नेंम ग्रुम्‍शो बाक्‍तीनी हना, आं थुं गे नु बाक्‍त हना, इं प्रभु येसु ख्रीस्‍त आ सक्तिम मत्ती १६:१९; मत्ती १८:१८; २कोरिन्‍थी १३:३०
1CO 5:5 मेको मुर कली सैतान आ गुइम गेचा माल्‍नीनी। मेको आ रां खतम दुम्‍त हना यो, प्रभु आ निसाफ नाक्‍तीमी ब्रोंइचा तवल। १तिमोथी १:२०
1CO 5:6 इन ठेयब लेश्‍शो रिम्‍शो ममाइ। इम्‍चीली डल्‍ला का बोरपाइक्‍ब ओख्‍तीमी फस नेल्‍ल ङाम्‍शा, बोरब दे मतुइक्‍नीनी? गलाती ५:९
1CO 5:7 मेको माइत बोरपाइक्‍ब ओख्‍ती ताइक्‍तीने। गे मारेइ मसुप्‍शो फस खोदेंशो दुम्‍शा, नक दुम्‍शो बाक्‍नीनी। मारदे हना आंइ पास्‍सा चाड ङा क्‍योरशो पाठा ख्रीस्‍त बाक्‍ब। प्रस्‍थान १२:३-२०; प्रस्‍थान १३:७; यसैया ५३:७; १पत्रुस १:१९
1CO 5:8 मोपतीके माइत बोरब ओख्‍ती मसुप्‍शो फस खोदेंशो दुम्‍शा, मरिम्‍शो थुं पाइश्‍शो गेय पचा प्रोंइशा, नक मुर दुम्‍शा, पास्‍सा मानेय।
1CO 5:9 इन कली ङोंइती ब्रेक्‍शो चिठीमी “पात्‍के पाइब नु काथा बाक्‍चा मदुम्‍ब” दे ब्रेक्‍ताक्‍न्‍नी।
1CO 5:10 आं देंशो मार बाक्‍त देंशा हना, रागी ङा पात्‍के नु तेल्‍लेम पाइब, शिं‍म पाइब, खुइ पा रोइश्‍शा गाक्‍ब, मूर्ति कली पूजा पाइब नु काथा बाक्‍चा मदुम्‍ब, दे मशेंदन्‍नी। मोदेंशोपुकी नु काथा बाक्‍चा मदुम्‍ब हना दा, रागीमी ते बाक्‍चा ङा?
1CO 5:11 तन्‍न थमा सुइश्‍शा प्रभु आ मुर दुम्‍ती देंब लोक्‍बम पात्‍के पा तेल्‍लेम पा, शिंम दुम्‍शा, मूर्ति पूजा पा, शुक्‍शी पा गाक्‍ब नु शांबु राकसीमी दुक्‍शा, खुइ पा गाक्‍ब दुम्‍तेक्‍म हना, मेकोपुकी नु काथा बाक्‍शा जचा यो मदुम्‍ब। २थिस्‍सलोनिकी ३:६
1CO 5:12 प्रभु आ मुर मदुम्‍शो आन कली मार निसाफ पाइनुङा ङा? प्रभु आ मुर दुम्‍शो इन दाते ङा आन कली चहिं गेपुकीमीन नाक्‍शा, सजाइ गेचा ममाल्‍नीनी ङा?
1CO 5:13 परमप्रभु यावेमी रागी ङा मुर आन कली निसाफ पाइब। गेपुकी नु बाक्‍शो पात्‍के पाइब कली ग्रुंइशा सोइक्‍तीने। ब्‍यवस्‍था ११:६; मत्ती १८:१७
1CO 6:1 इन दाते ङा का निक्‍शी जिम्‍तेक्‍म। मिनु मारदे निसाफ पाइब आन ङोंइती लाइश्‍शा मुददा कोप्‍शा, थमा मसुइक्‍ब निसाफ पाइब आन गुइमी गेनीनी? आंमा इन दातेम गारपाइक्‍चा माल्‍शो ननी।
1CO 6:2 थमा सुइक्‍बपुकीमी नेल्‍ल रागी ङा मुर आन कली निसाफ पाइनीम देंशो लोव़ मतुइक्‍नीनी ङा? गे रागी ङा मुर आन कली निसाफ पाइतीनी हना, इन दाते ङा आइक्‍च लोव़ गारपाइक्‍ने मचाप्‍नीनी ङा? मत्ती १९:२८
1CO 6:3 गोपुकीमी परमप्रभु यावे आ स्‍वर्ग ङा गेय पाइब आन कली लाइ यो निसाफ पाइनीकी देंशो लोव़ यो प्रेंदीनी? आंइ नाक्‍त किंत किंत ङा पतीक मार बाक्‍बा ङा?
1CO 6:4 इन दातेमी मोदेंशो जीब खे‍ब बाक्‍त हना, मारदे थमा मसुइक्‍ब, महिक्‍सीशो मुर आन गुइमी निसाफ पचा कली गेनीनी।
1CO 6:5 मोदेंशो पशोमी गे मुने दोक्‍‍तीनी। इन दातेमी मोदेंशो मुर कली निसाफ पाइब जोक्‍ब तुइक्‍ब लोक्‍ब का मबाक्‍बा ङा?
1CO 6:6 तन्‍न लोक्‍बमी लोक्‍ब कली मुददा कोप्‍शा, थमा मसुइक्‍ब आन ङोंइती चाक्‍दीश्‍शो तशा, गो थम मरिम्‍शो लाक्‍ती।
1CO 6:7 इन जिशो ठीक मलाक्‍नुङ। इन के मार लाइक्‍तेक्‍म हना यो, मार पाम्‍तेक्‍म हना यो, मुददा मकोप्‍थु, फाल्‍शा बाक्‍ने मचाप्‍नीनी? मत्ती ५:३८-४८; १थिस्‍सलोनिकी ५:१५; १पत्रुस ३:९
1CO 6:8 तन्‍न गे आंमा इन लोक्‍ब आन कली मरिम्‍शो पाइनीनी, रोइक्‍नीनी।
1CO 6:9 ठीक मपाइबपुकी परमप्रभु यावे आ राज्‍य ओव़चा मताइनीम दे मतुइक्‍नीनी? दूली ममिम्‍तीने। मरिम्‍शो पाइबपुकीमी दोदेंशो पाइनीम देंशा हना, पात्‍के, तेल्‍लेम पाइनीमी, मूर्ति कली पूजा पाइनीमी, मुर आन मीश लाइक्‍नीमी, वोंइश मुर वोंइश मुर ब्‍वांइ‍सीनीमी, १तिमोथी १:९-११; गलाती ५:१९-२१
1CO 6:10 खुइ पाइनीमी, शिं‍म पाइनीमी, शांबु राकसीमी दुक्‍शा गाक्‍नीमी, शुक्‍शी लोव़ पा गाक्‍नीमी, मुर आन के बाक्‍शो थोव़क रोइश्‍शा, श्‍येत गेनीमी। मोदेंशो पाइबपुकी परमप्रभु यावे आ राज्‍यम ओव़चा मताइनीम।
1CO 6:11 इन दातेमी का निक्‍शी मोदेंशो बाक्‍मा बाक्‍त। तन्‍न मुल गे चिक्‍शो खोदेंशो पा, परमप्रभु यावे आ मुर दुम्‍शा, प्रभु येसु ख्रीस्‍त आ नेंमी नु इं परमप्रभु यावे आ सोक्‍तीम पतीके ठीक मुर सेल्‍चा पुंइसाक्‍नी। तीतस ३:३-७; १कोरिन्‍थी १:२; रोमी ३:२६
1CO 6:12 गो मार गेय पचा दाक्‍तु, मेको पने चाप्‍नुङ। तन्‍न गेय का निक्‍शी आं कली रिम्‍शो मदुम्‍ब। गो मारेइ पने चाप्‍ता हना यो, मरिम्‍शो पतीक आ वाइल मदुम्‍नुङ। १कोरिन्‍थी १०:२३
1CO 6:13 जचा थोव़क कोव़ज कली बाक्‍ब, कोव़ज जचा थोव़क कली बाक्‍ब। मिनु परमप्रभु यावेमी निम्‍फा आस कली जाम्‍शा लाइब सेल्‍शो बाक्‍ब। मुर आ रां ग्रांग्रा दिशो तेल्‍लेम पचा कली मसेल्‍शो बाक्‍ब। तन्‍न रां प्रभु कली सेल्‍शो बाक्‍ब। मिनु प्रभु यो रां कली सेल्‍शो बाक्‍ब। १थिस्‍सलोनिकी ४:३-५
1CO 6:14 परमप्रभु यावेमी प्रभु कली बेक्‍शो रे सेंताक्‍व। मिनु आ सक्तिम इं कली यो सेंब। १कोरिन्‍थी १५:२०; २कोरिन्‍थी ४:१४
1CO 6:15 इन रां ख्रीस्‍त आ रां बाक्‍ब दे मतुइक्‍नीनी? मिनु ख्रीस्‍त आ रां लाइश्‍शा, तेल्‍लेम आ रां सेल्‍चा ङा? मोदेंशो मपने।
1CO 6:16 तेल्‍लेम नु ब्‍वांइ‍सीशोनु, रां कांइचीक दुम्‍सीब दे मतुइक्‍नीनी? मार ब्रेक्‍शो बाक्‍त देंशा हना “मेको निक्‍शी रां का दुम्‍नीस” दे ब्रेक्‍शो बाक्‍ब। उत्‍पत्ती २:२४
1CO 6:17 तन्‍न प्रभु आ मुर दुम्‍यानु, प्रभु आ सोक्‍त नु इं सोक्‍त का दुम्‍नीस। यूहन्‍ना १७:२१-२२
1CO 6:18 ग्रांग्रा दिशो तेल्‍लेम पतीक रे ङोन बाक्‍कीन। मारदे हना मारेइ मारेइ पाप पनीनु, रां आगामी मपाइनीनी। तेल्‍लेम पनीनु चहिं आंम रां कली पाप पाइनीनी।
1CO 6:19 इन रां परमप्रभु यावे आ सोक्‍त आ खिं बाक्‍ब दे मतुइक्‍नीनी? परमप्रभु यावेमी आ सोक्‍त इन रांमी वोइक्‍तु। मिनु इन रां इन के ममाइ। १कोरिन्‍थी ३:१६
1CO 6:20 गे ग्‍याप्‍शो मुर बाक्‍नीनी। मोपतीके इन रांमी परमप्रभु यावे कली ठेयब सेलीने। १कोरिन्‍थी ७:२३; १पत्रुस १:१८-१९; फिलिप्‍पी १:२८
1CO 7:1 साइ आं कली इन ब्रेक्‍शो चिठीमी गेपुकीमी “ग्‍युंबे पचा नु मपचा, तेको रिम्‍शो बाक्‍बा?” दे हिल्‍लो पशो बाक्‍तीनी। मिनु मुल मार देंनुङ देंशा हना, वोंइश मुरुमी मीश मुर कली मथिथु बाक्‍चा रिम्‍शो दुम्‍ब।
1CO 7:2 मो हना यो हेंथे मगाक्‍मल देंशा, ग्‍युंबे पा वोंइश मुर मीश का नु मीश मुर वोंइश का नु बाक्‍चा रिम्‍शो दुम्‍ब।
1CO 7:3 ग्‍युंबे पशा, वोंइश मीश दाक्‍मुशा टिमुशा बाक्‍सल।
1CO 7:4 मीश मुर आ रां आ वोंइश आ अधिकारम बाक्‍ब। आ वोंइश आ रां आ मीश आ अधिकारम बाक्‍ब।
1CO 7:5 वोंइश मीश गार‍शा, नाक्‍त का निक्‍शी काथा मइप्‍थु, प्रार्थना पना पन बाक्‍स, दे लोव़सी गारपाइश्‍शा बाक्‍चा यो रिम्‍शो दुम्‍ब। मेको ङा लाक्‍शा चहिं ब्राशा बास मबाक्‍कीने। मारदे हना सैतानमी शुश नाक्‍त सम्‍म ब्राशा बाक्‍ने मचाप्‍नीम दे तुइश्‍शा, इन कली तेल्‍लेम पपाइक्‍ने चाप्‍ब।
1CO 7:6 एको आं पशो लोव़ बित्‍चान माल्‍नीनी दे मदेंनुङ। तन्‍न आं देंशो लोव़ बिस्‍साक्‍नी हना, इन कली रिम्‍शो दुम्‍ब।
1CO 7:7 मुर नेल्‍ले आं खोदेंशो दुम्‍मल दे मिम्‍नुङ। मो हना यो परमप्रभु यावेमी आ दाक्‍शो पा का निक्‍शी आन कली ग्‍युंबे पशा बाक्‍चा, का निक्‍शी आन कली चहिं ग्‍युंबे मपथु बाक्‍चा गेशो बाक्‍त। मत्ती १९:१२
1CO 7:8 मुल सम्‍म ग्‍युंबे मपथु बाक्‍ब, आन वोंइश बेक्‍शो मीश मुर नु आन मीश बेक्‍शो वोंइश मुर आन कली “आं खोदेंशो पा कान बाक्‍तेक्‍म हना, मेको इन कली रिम्‍शो दुम्‍ब” देंनुङ।
1CO 7:9 सु सु चहिं आन का ला बाक्‍ने मचाप्‍नीमी, मेकोपुकी ग्‍युंबे पांइसमल। मारदे हना वोंइश नु मीश माल्‍शा, हेंथे गाक्‍चा क्‍येङा ग्‍युंबे पचा रिम्‍शो दुम्‍ब। १तिमोथी ५:१४
1CO 7:10 मेको आं लोव़ ममाइ, ग्‍युंबे पशो आन कली, प्रभु आ देंशो लोव़ मिम्‍पाइक्‍नुङमी। मीश मुरुमी आ वोंइश प्रोंइचा मदुम्‍ब। मत्ती ५:१२
1CO 7:11 प्रोंइशा गाक्‍त हना, अर्को वोंइश खोइक्‍चा मदुम्‍ब। आ वोंइश नु बाक्‍चा दाक्‍ब हना, आ वोंइश नुन दुशा बाक्‍सल। वोंइश मुरुमी आ मीश कली मप्रोनल। मत्ती ५:३२
1CO 7:12 एको लोव़ ङा लाक्‍शा, प्रभु आ लोव़ ममाइ, आं मिम्‍शो लोव़ मार देंनुङ देंशा हना, थमा सुइक्‍ब लोक्‍ब आ मीश थमा मसुइक्‍ब बाक्‍त हना, तन्‍न आ वोंइश नु बाक्‍चा दाक्‍ब हना, आ वोंइशेमी मेको कली मप्रोनल।
1CO 7:13 थमा सुइक्‍ब मीश मुर आ वोंइश थमा मसुइक्‍ब बाक्‍त हना, तन्‍न आ मीश नु बाक्‍चा दाक्‍ब हना, आ मीशेमी यो मेको कली मप्रोनल।
1CO 7:14 मारदे हना थमा मसुइक्‍ब वोंइश आ मीश आ थमा सुइक्‍तीकेमी आसीक ताइब। मिनु थमा मसुइक्‍ब मीश मुर आ वोंइश आ थमा सुइक्‍तीकेमी आसीक ताइब। मोदेंशो मदुम्‍त हना, आन आल प्रभु के मदुम्‍नीम। तन्‍न मोदेंशो दुम्‍त हना, मेको आल परमप्रभु यावे के दुम्‍नीम। रोमी ११:१६
1CO 7:15 थमा मसुइक्‍ब वोंइश मुर नु मीश मुरुमी थमा सुइक्‍ब आन वोंइश मीश आन कली प्रोंइशा ब्राशा बाक्‍चा दाक्‍ताक्‍म हना, लचा गेमेक्‍ल। काथा बाक्‍चान माल्‍ब देंशो मबाक्‍ब। परमप्रभु यावेमी आ मुर आन कली दुशा बाक्‍शो तचा दाक्‍ब। रोमी १४:१९
1CO 7:16 थमा सुइक्‍ब मीश मुर, गे इ वोंइश कली “थमा सुइक्‍ब सेल्‍ने चाप्‍नुङ” दे दोपा तुइक्‍नेवे? थमा सुइक्‍ब वोंइश मुर, गे इ मीश कली “थमा सुइक्‍ब सेल्‍ने चाप्‍नुङ” दे दोपा तुइक्‍नेवे? १पत्रुस ३:१
1CO 7:17 प्रभुमी इन कली दोपा योव़शा वोदा मोपान बाक्‍कीन। परमप्रभु यावेमी इन कली दोपा ब्रेत्‍ता मोपा बाक्‍कीन। मेको आं शेंतीक नेल्‍ल ग्रुम्‍तीक खिं आन कली बाक्‍ब।
1CO 7:18 गे ब्रेत्‍चा पुंइसीचा क्‍येङा ङोंइती ख्रोइक्‍तीक चिनु ख्रोइक्‍चा पुंइसीशो बाक्‍तीनी हना, मख्रोंइ‍सीशो दुम्‍चा बल मपने। मख्रोंइ‍सीशो बाक्‍तीनी हना, ख्रोंइ‍सीचा बल मपने।
1CO 7:19 मारदे हना ख्रोइक्‍तीक चिनु ख्रोइश्‍शो नु मख्रोइश्‍शो आन पर्बम मारेइ ममिम्‍सीब। तन्‍न परमप्रभु यावे आ अरेशो टिचा, ठेयब बाक्‍ब। गलाती ५:६; गलाती ६:१५
1CO 7:20 मुर नेल्‍ल इन कली दोदेंशो पा ब्रेत्‍ता, मोदेंशोन बाक्‍कीन।
1CO 7:21 मेना वाइलीम वाइल बाक्‍तीनी हना, वस्‍ता मपने। प्रोंइचा पुंइसाक्‍नी हना, ग्‍येरशा लने। फिलेमोन १६; एफिसी ६:६
1CO 7:22 मारदे हना प्रभुमी ब्रेत्‍ची ना वाइलीम वाइल बाक्‍तीनी, प्रभु आ ङोंइती प्रोंइचा पुंइसीशो मुर दुम्‍तीनी। ब्रेत्‍ची ना प्रोंइचा पुंइसीशो मुर बाक्‍तीनी हना, मुल ख्रीस्‍त आ वाइलीम वाइल दुम्‍तीनी।
1CO 7:23 गे थाप्‍शा, प्रोंइचा पुंइसीशो बाक्‍नीनी। मुल मुर आन वाइलीम वाइल मदुमीन। १कोरिन्‍थी ६:२०
1CO 7:24 आं लोक्‍बपुकी, परमप्रभु यावेमी इन कली दोपा योव़शा ब्रेश्‍शा वोदा, मोपान परमप्रभु यावे नु बाक्‍कीन।
1CO 7:25 ग्‍युंबे मपथु बाक्‍ब आन पर्बम प्रभुमी आं कली मारेइ मअरेव। तन्‍न गो प्रभु आ शिशी पतीकेमी थमा सुइक्‍ब मुर दुम्‍ती, गो आं मिम्‍शो देंनुङ।
1CO 7:26 श्‍येत जचाइतय। मोपतीके मुल दोदेंशो बाक्‍या, मोदेंशोन बाक्‍तय हना, रिम्‍शो दुम्‍ब, दे मिम्‍नुङ। १कोरिन्‍थी १०:११
1CO 7:27 मीश बाक्‍शो मुरुमी मेको कली प्रोंइशा बाक्‍चा ममालीन। मीश मपाइश्‍शो बाक्‍तीनी हना, ग्‍युंबे पचा ममालीन।
1CO 7:28 तन्‍न ग्‍युंबे पनीनु, मरिम्‍शो मपाइनीनी। मीश आलम ग्‍युंबे पाप्‍तु हना, मेकोमी मारेइ यो मरिम्‍शो मपाइब। तन्‍न ग्‍युंबे पशोपुकीमी श्‍येत जाइनीम। मोपतीके मेकोपुकीम रागी ङा श्‍येत मजामेक्‍ल, दे अर्ती गेतन्‍नी।
1CO 7:29 आं लोक्‍बपुकी, प्रभु जाक्‍चा चिक्‍शो बाक्‍ब। मुल रे मीश बाक्‍शो मुर, मीश मबाक्‍शो खोदेंशो पा बाक्‍कीन। रोमी १३:११; लूका १४:२६
1CO 7:30 रोंका पाइबपुकी रोंका मपाइब खोदेंशो पा बाक्‍कीन। मिनु ग्‍येरशा बाक्‍बपुकी मग्‍येरसीशो खोदेंशो पा बाक्‍कीन। मारेइ मारेइ ग्‍याप्‍शा वोइक्‍बपुकीमी मारेइ मवोइश्‍शो खोदेंशो मिम्‍तमेक्‍ल।
1CO 7:31 मुरपुकीम रागी ङा गेय पाइनी‍म हना यो, रागी ङा गेय मपशो खोदेंशो पा बाक्‍मल। मारदे हना रागी जाम्‍शा लचा चिक्‍शो बाक्‍ब। १यूहन्‍ना २:१५-१७
1CO 7:32 गे सुर्ता मपथु, थुं नाइश्‍शा बाक्‍शो तचा दाक्‍नुङ। ग्‍युंबे मपशो वोंइश मुरपुकीमी दोपा प्रभु आ दाक्‍शो पचा, दे मिम्‍नीम।
1CO 7:33 तन्‍न ग्‍युंबे पशो वोंइश मुरपुकीमी चहिं दोपा मीश कली ग्‍येरपाइक्‍चा? दे मिम्‍शा बाक्‍नीम। लूका १४:२०
1CO 7:34 मोपा गे निक्‍शी मिम्‍शो बाक्नीनी। ग्‍युंबे मपशो मीश मुर नु मीश आलपुकीमी प्रभु आ दाक्‍शो पा थुं नु रां नेल्‍ले प्रभु कली जिम्‍मा गेचा कली मिम्‍‍नीम। तन्‍न ग्‍युंबे पशो मीश मुरपुकीम चहिं रागी ङा गेय पा, दोपा आंम वोंइश कली ग्‍येरपाइक्‍चा, दे मिम्‍शा बाक्‍नीम।
1CO 7:35 इन कली रिम्‍शो दुम्‍ल, दे मोदेंशो पाता। तन्‍न श्‍येत गेचा कली ममाइ। इन ग्रुम्‍तीकेमी नेल्‍ल रिम्‍शो दुम्‍ल नु इन थुं नेल्‍लेमी प्रभु कली खोइश्‍शा, रिम्‍शो बाक्‍ने चापीन, दे मोदेंशो लोव़ पाता।
1CO 7:36 सुइ मुरुमी ग्‍युंबे पचा कली मीश आल पुंइने थुम्‍शा, मेको मीश आल कली प्रोंइचा मरिम्‍शो बाक्‍ब, दे मिम्‍ब नु मेको कली दाक्‍ब हना, ग्‍युंबे पवल। मेको पाप मबाक्‍ब।
1CO 7:37 तन्‍न सुमी ग्‍युंबे मपाइ‍नुङ देंशा, आ रां कली चलेब नु आ मीश आल कली मो वोइक्‍नुङ, दे आ थुंम मिम्‍ब हना, मेको रिम्‍शो दुम्‍ब।
1CO 7:38 मोपतीके सुमी आ मीश आल कली ग्‍युंबे पाइ‍बा, मेकोमी रिम्‍शो पाइब। सुमी मपाइबा, मेकोमी मेको क्‍येङा रिम्‍शो पाइब।
1CO 7:39 आन वोंइश बाक्‍ना बाक्‍न मीश मुरुमी अर्को वोंइश मुर नु ग्‍युंबे पचा मताइनीम। आन वोंइश बेक्‍म नोले आन दाक्‍शो मुर कली ग्‍युंबे पने चाप्‍नीम। तन्‍न प्रभु कली थमा सुइक्‍ब दुम्‍चा माल्‍नीम।‍ रोमी ७:२
1CO 7:40 गो परमप्रभु यावे आ सोक्‍तीम ब्रीशो मुर नङ। गो मार मिम्‍नुङ देंशा हना, लेंशा ग्‍युंबे पचा क्‍येङा ग्‍युंबे मपथु बाक्‍चा रिम्‍शो दुम्‍ब। मिनु ग्‍येरशा बाक्‍चा तांइसीब दे मिम्‍नुङ।
1CO 8:1 मूर्ति कली चढ़ेशो श्‍ये ब्‍वचा आ पर्बम गो नेल्‍लेमी तुइक्‍नय। गो शुश तुइक्‍ब नकी, दे तुइश्‍शोमी मुर आन कली बोरशा ठेयब लेप्‍पाइक्‍ब। दाक्‍मुशा बाक्‍शोमी चहिं नेल्‍ल आन कली रिम्‍शो दुम्‍ब, नेल्‍ल आन थुं बारपाइक्‍ब। प्रेरित १५:२९
1CO 8:2 मारेइ मारेइ जोक्‍ब तुइक्‍ब नङ देंबमी आ माल्‍शो मतुइश्‍शो बाक्‍ब। गलाती ६:३
1CO 8:3 तन्‍न सु सुमी परमप्रभु यावे कली दाक्‍नीमी, मेको आन कली परमप्रभु यावेमी तुइश्‍शो बाक्‍ब। १कोरिन्‍थी १३:१२
1CO 8:4 मूर्ति कली चढ़ेशो श्‍ये ब्‍वचा आ पर्बम मार देंनुङ देंशा हना, मूर्तिपुकी सोक्‍त पाइश्‍शो मनम। मेकोपुकी नु मारेइ मबाक्‍ब। परमप्रभु यावे ङा लाक्‍शा सुइ मबाक्‍ब दे तुइक्‍ताक्‍य। ब्‍यवस्‍था ६:४
1CO 8:5 सरीङ नु रागीमी शुश देवी देवता नु प्रभु माइश्‍शो बाक्‍नीम हना यो, १कोरिन्‍थी १९:२०; भजन संग्रह १३६:२-३; रोमी ८:३८-३९
1CO 8:6 इं कली परमप्रभु यावे का ला बाक्‍ब। मेको मारेइ मारेइ सेल्‍ब इं आफ बाक्‍ब। मिनु गोपुकी यो मेको आ सेल्‍शो बाक्‍नय। मिनु इं प्रभु का ला बाक्‍ब, मेको प्रभु येसु ख्रीस्‍त बाक्‍ब। मेको आ पतीकेम मारेइ मारेइ दुम्‍शा, गो ब्रोंइचा ताइनीकी। १कोरिन्‍थी १२:५-६; प्रस्‍थान २०:३; मलाकी २:१०; एफिसी ४:५-६; यूहन्‍ना १:३; कलस्‍सी १:१६
1CO 8:7 गोपुकी नु बाक्‍ब का निक्‍शीमी इं मिम्‍शो लोव़ मरुबेम। मेकोपुकीमी “देवी देवता बाक्‍नीम” दे ङोंइती रे ङा आन मिम्‍शो प्रोंइने मचबेम। मिनु मुल मूर्ति कली चढ़ेशो श्‍ये ब्‍वामेनु “पाप राइसीबा, कोर में?” दे मिम्‍शा, आन थुं क्‍याल्‍नीम। १कोरिन्‍थी १०:२८
1CO 8:8 जचा थोव़क जशा ब्‍वशा, परमप्रभु यावे आ ङोंइती मारेइ मपाइब। जशोमी ठेयब मदुम्‍सीब, मजशोमी आइक्‍च यो मदुम्‍सीब, दे तुइक्‍नय। रोमी १४:१७
1CO 8:9 मोदेंशो तुइक्‍ताक्‍नी हना यो, होस पांइसीने। मारदे हना का निक्‍शीमी इन कली तशा, आन थुं क्‍याल्‍तेक्‍म। गलाती ५:१३
1CO 8:10 मारदे हना सुइमी इ कली, जोक्‍ब तुइक्‍ब दुम्‍शा, मन्‍दीरम बाक्‍शा, मूर्ति कली चढ़ेशो श्‍ये ब्‍वशो ताप्‍तु हना, मेको मजोक्‍ब मुरुमी मूर्ति कली चढ़ेशो श्‍ये मब्‍वाइबा ङा?
1CO 8:11 मिनु इन जोक्‍तीके तुइक्‍तीकेमी इन मजोक्‍ब लोक्‍ब आन कली पाप पपाइक्‍नीनी। मेको आ पर्बम ख्रीस्‍त साइक्‍चा पुंइसाक्‍व। रोमी १४:१५
1CO 8:12 गे इन लोक्‍ब आन थुं क्‍याल्‍पाइक्‍तीनी हना, गे ख्रीस्‍त कली मरिम्‍शो पशो बाक्‍नीनी।
1CO 8:13 मोपतीके मार देंनुङ देंशा हना, आं कली श्‍ये ब्‍वशो तशा, आं लोक्‍बपुकीमी आन थुं क्‍याल्‍नीम दे तुइक्‍ताक्‍ङ। मिनु मेको आन थुं मक्‍याल्‍मेक्‍ल देंशा, मुल ङा मेरे गो गेनायो श्‍ये मब्‍वाइनुङ दे आं थुं फ्रेंशा, श्‍ये ब्‍वचा प्रोंइता। रोमी १४:२१
1CO 9:1 गो आं दाक्‍शो, आं मिम्‍शो पने मचाप्‍नुङा ङा? गो ख्रीस्‍त आ सोइश्‍शो मनङा ङा? आं मिक्‍चीमी इं प्रभु येसु ख्रीस्‍त कली मतशो नङा ङा? गो प्रभु आ गेय पङा रे गेपुकी यो प्रभु आ मुर मदुम्‍नी ङा? १कोरिन्‍थी १५:८; प्रेरित ९:३-५,१५
1CO 9:2 शुश मुरुमी आं पर्बम “आं कली ख्रीस्‍त आ लोव़ शेंथ सोइश्‍शो ममाइ” दे मिम्‍ताक्‍म हना यो, इन कली शेंथ सोइश्‍शो नङ। मारदे हना प्रभु आ मुर दुम्‍तीनी। गे आं सोइश्‍शो दुम्‍तीके आ छाप बाक्‍नीनी। १कोरिन्‍थी ४:१५; २कोरिन्‍थी ३:२-३
1CO 9:3 आं शेंशो आ पर्बम हिल्‍लो पाइब आन कली कोरिन्‍थीपुकी दोपा थमा सुइक्‍ब दुम्‍मा? लो, मिम्‍तीन, दे माइक्‍नुङमी।
1CO 9:4 मिनु आंइ कली माल्‍शो जचा तूचा थोव़क “गेन” दे पुंइने मचाप्‍नीनी ङा? लूका १०:८
1CO 9:5 केफास, प्रभु आ लोक्‍ब नु सोइश्‍शो नेल्‍लेमी शेंना शेंन गाक्‍मानु, आन मीश काथा लाइश्‍शा गाक्‍तेक्‍म। मिनु गोपुकी मेको आन बुद पा आंइ मीश लाइश्‍शा गाक्‍चा मताइनीकी ङा?
1CO 9:6 शेंबपुकीम शेंशा जाइनीम। बारनाबास नु गो चहिं शेंशा गाक्‍स्‍कुनु, जचा मतथु, गेय पचा माल्‍नस्‍कु ङा? प्रेरित ४:३६; २थिस्‍सलोनिकी ३:७-९
1CO 9:7 लडाइ पाइब आन खिं ङा जशा बाक्‍नीमी ङा? अङगुर रू थीबपुकीमी श्‍येत पा ख्रुम्‍शा, अङगुर मीमेनु, ब्‍वचा मताइनीमी ङा? गोठलापुकीमी चिम्‍शो बी कली योव़शा कोव़शा, घांस लाप्‍शा, श्‍येत पा गेय पशा, दूध चिम्‍शा तूचा मताइनीमी ङा?
1CO 9:8 आं देंशो लोव़ मुरुम देंशो लोव़ ला बाक्‍बा ङा? परमप्रभु यावे आ अरेशो लोव़ नु मगारबा ङा?
1CO 9:9 मोसामी “ब्‍यफ कली दांइ पपाइश्‍शोनु, फुङला मपाइक्‍चा” दे ब्रेक्‍शो बाक्‍त। परमप्रभु यावेमी ब्‍यफ आन पर्बम ला मोदेंशो पचा दे ब्रेक्‍पदा ङा? ब्‍यवस्‍था २५:४; १तिमोथी ५:१८
1CO 9:10 इं पर्बम यो ब्रेक्‍शो बाक्‍त दे रुपीन। अर्को लोव़ का निक्‍शी ब्रेक्‍शो बाक्‍ब “ब्‍यफ वाक्‍बपुकीमी बाली नाली मीमेनु, इच्‍का अन्‍न ताइनुङ दे वाक्‍नीमी। चेरब तुप्‍बमी यो, इच्‍का चेरब ताइनुङ, दे तुप्‍ब” दे ब्रेक्‍शो बाक्‍ब।
1CO 9:11 गोपुकीमी इन कली परमप्रभु यावे आ लोव़ शें‍दकानु, इन जचा तूचा थोव़क तचा, ठीक मदुम्‍बा ङा? रोमी १५:२७
1CO 9:12 अरु शेंबपुकीमी मेको ताम्‍तेक्‍म हना, मार, गो मेको आन क्‍येङा मताइनीकी ङा? मो हना यो गो मोदेंशो लोव़ मपाइनीकी। ख्रीस्‍त आ ग्‍येरपाइक्‍ब लोव़ शेंशोनु, श्‍येत मदुम्‍ल, दे मोदेंशो लोव़ मपाइनीकी। प्रेरित २०:३३-३५ २कोरिन्‍थी ११:९
1CO 9:13 परमप्रभु यावे आ खिंमी गेय पाइबपुकीमी मेक रे जाइनीम। चढ़ेतीकेम गेय पाइबपुकीमी मेक रे ब्‍वाइनीम, दे मतुइक्‍नीनी? गन्‍ती १८:१८-१९,३१; ब्‍यवस्‍था १८:१-३
1CO 9:14 प्रभुमी “आं ग्‍येरपाइक्‍ब लोव़ शेंबपुकी शेंशा गाक्‍मानु, मेकोपुकी मार मार माल्‍मा, मेको आं ग्‍येरपाइक्‍ब लोव़ शेंतीके रे तचा माल्‍नीम” देंशो बाक्‍त। लूका १०:७; गलाती ६:६
1CO 9:15 मिनु मोदेंशो बाक्‍त हना यो, गो मारेइ मपुनु, मारेइ मताक्‍गु। आं कली गेचा माल्‍नीनी दे यो मदेंनुङ। थमा सुइक्‍ब आन शोंप मलाइक्‍चा, दे बोरनुङ। अरु आन थोव़क तचा क्‍येङा बेक्‍चान रिम्‍शो, दे मिम्‍नुङ। प्रेरित १८:३
1CO 9:16 गो शेंशा गाक्‍ती, आं ठेयब लेत्‍चा ङा मारेइ मबाक्‍ब। मारदे हना लोव़ शेंथ सोइश्‍शो नङ, दे तुइश्‍शा, गो प्रभु आ ग्‍येरपाइक्‍ब लोव़ मशेंथु बाक्‍ती हना, आं कली काइ मरिम्‍शो दुम्‍ब। येरमीया २०:९
1CO 9:17 आं दाक्‍शो पा शेंथ गाक्‍शो नङ हना, गाल्‍च ताक्‍गु वा। तन्‍न आं दाक्‍शो पा शेंशा गाक्‍शो मनङ। “शेंथ गाक्‍को” दे माइक्‍चा पुंइसीतीके शेंशा गाक्‍ती। १कोरिन्‍थी ४:१
1CO 9:18 मिनु आं शेंशा गाक्‍शो ङा मार ताक्‍गु ङा? गो प्रभु आ ग्‍येरपाइक्‍ब लोव़ मारेइ मताक्‍थु शेंनुङ। ग्‍येरपाइक्‍ब लोव़ शेंब आन तचा ङा, ताक्‍चा मदाक्‍नुङ।
1CO 9:19 गो आं दाक्‍शो पने चाप्‍नुङ, मो हना यो शुश मुरुमी ख्रीस्‍त आ लोव़ रुप्‍‍शा, आ मुर दुम्‍मल, दे आन वाइल खोदेंशो दुम्‍शा, शेंना शेंन गाक्‍ती। मत्ती २०:२७; रोमी १५:२
1CO 9:20 गो यहूदी आन कली शेंदुनु, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो यहूदी दुम्‍ती। गो परमप्रभु यावे आ ङोंइती ङा पतीके पाइब आन कली शेंना शेंन, मेको ख्रीस्‍त आ मुर दुम्‍मल, दे गो परमप्रभु यावे आ ङोंइती ङा पतीके पाइब खोदेंशो दुम्‍ती। तन्‍न गो मेको ङोंइती ङा पतीके पाइब मनङ। १कोरिन्‍थी १०:३३; प्रेरित १६:३; प्रेरित २१:२०-२६
1CO 9:21 गो परमप्रभु यावे आ अरेशो लोव़ मतुइक्‍ब आन कली शें‍दुनु, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो परमप्रभु यावे आ अरेशो मपाइब खोदेंशो दुम्‍ती। गो परमप्रभु यावे आ अरेशो मपाइब दुम्‍शा यो, मेको आ ङोंइती ख्रीस्‍त आ अरेशो पाइब दुम्‍ती। गलाती २:३
1CO 9:22 गो बोल मपाइश्‍शो मुर आन कली शेंशा, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो बोल मपाइश्‍शो खोदेंशो दुम्‍ती। का निक्‍शी ख्रीस्‍त आ लोव़ रुप्‍‍शा, आ मुर दुम्‍मल, दे गो मेको नेल्‍ल आन खोदेंशो दुम्‍ती। रोमी ११:१४
1CO 9:23 प्रभु आ ग्‍येरपाइक्‍ब लोव़ रागीम ब्रचा आ पर्बम मेको गेय पाइनुङ। मिनु शुश मुरपुकीमी एको लोव़ रुप्‍शो तशा, आसीक तशा ग्‍येरसाक्‍यी।
1CO 9:24 इनाम तांइसीब, दे दोरबपुकी “ङोंइती जाक्‍दीत्‍नुङ” दे मिम्‍शा दोरनीम। दोरमानु, नेल्‍ल क्‍येङा ङोंइती जाक्‍दीप्‍बम ला इनाम ताइब दे मतुइक्‍नीनी? मोपतीके गे यो इनाम तकल दे मिम्‍शा दोरीने। २तिमोथी ४:७; फिलिप्‍पी ३:१४
1CO 9:25 मोपा दोरबपुकीमी दोरने चबुल, दे हेंथे मजाइनीम मतूनीम। आन रां नेल्‍ल चलेस जोक्‍नीम। मोदेंशो पाइबपुकीमी जाम्‍शा लाइब इनाम ला ताइनीम। गोपुकीमी चहिं गेनायो जाम्‍शा मलाइब इनाम ताइनय, दे तुइश्‍शा, मेको आन क्‍येङा रिम्‍शो पचा ममाल्‍नया ङा? २तिमोथी २:४-५; १पत्रुस ५:४
1CO 9:26 गो ते जाक्‍दीत्‍चा माल्‍बा, मेको मतुइक्‍थु हेंथे पा मदोरनुङ। गो हेंथे पा फशीम मुडकी मआप्‍नुङ।
1CO 9:27 तन्‍न आं रां कली हेंथे पचा मगेथु, गेय पाइब वाइल खोदेंशो सेल्‍नुङ। मारदे हना अरु आन कली मोदेंशो शेंताक्‍ङमी। मिनु गो आंम आं देंशो मपाता हना, आं कली सुइमी महिक्‍नीम। रोमी १३:१४
1CO 10:1 आं लोक्‍बपुकी, गो आंइ इस्राएली किकी पिपी आन पशो आ पर्बम लोव़ का निक्‍शी शेंनन्‍नी। आंइ किकी पिपी नेल्‍ल गोस्‍स आगाम बाक्‍शा, समुन्‍द्र शोक्‍सीशा लमा बाक्‍त। प्रस्‍थान १३:२१; प्रस्‍थान १४:२२
1CO 10:2 मिनु नेल्‍ल गोस्‍स आगा गाक्‍शा, समुन्‍द्र शोक्‍शा, मोसा आ नेंम ब्‍वाक्‍कुम ख्रुम्‍शा ग्रुंइचा पुंइसाक्‍मा बाक्‍त।
1CO 10:3 नेल्‍लेमी परमप्रभु यावेम गेशो जचा थोव़क जामे बाक्‍त। प्रस्‍थान १६:४,३५; ब्‍यवस्‍था ८:३
1CO 10:4 नेल्‍लेमी परमप्रभु यावेम गेशो सोक्‍त ङा ब्‍वाक्‍कु तूङमे बाक्‍त। मिनु मेको आन नोले खोइक्‍बम सेरथे फुल्‍लु रे ब्‍वाक्‍कु तूङमे बाक्‍त। मिनु मेको सेरथे फुल्‍लु ख्रीस्‍त बाक्‍माक्‍त। प्रस्‍थान १७:६
1CO 10:5 मो हना यो मेको का निक्‍शी आन कली तशा, परमप्रभु यावे गाइक्‍ता बाक्‍त। मिनु गोरशो रागीमी प्रोना बाक्‍त। गन्‍ती १४:२२-३२
1CO 10:6 मोदेंशो मरिम्‍शो थुं पाइश्‍शो मुर मदुमीन, होस पा बाक्‍कीन।
1CO 10:7 मेको आन दाते ङा मूर्ति पूजा पाइब खोदेंशो मदुमीन। मार ब्रेक्‍शो बाक्‍ब देंशा हना “मुरपुकी जचा तूचा कली निस्‍साक्‍म। मिनु सिल पचा कली बोक्‍तेक्‍म” दे ब्रेक्‍शो बाक्‍ब। मेको आन पशो खोदेंशो मपने। प्रस्‍थान ३२:६
1CO 10:8 गोपुकीम तेल्‍लेम पचा मदुम्‍ब। मेको आन दाते ङा का निक्‍शीमी ग्रांग्रा दिचा ङा गेय पामे बाक्‍त। मिनु नाक्‍त कामीन २३ हजार मुर साइक्‍चा पुंइसाक्‍मा बाक्‍त। गन्‍ती २५:१९
1CO 10:9 गोपुकीम प्रभु कली नाक्‍चा मदुम्‍ब। मेको आन दाते ङा का निक्‍शीमी मो पाम्‍तेक्‍म। मिनु बुस्‍स रे पा साइक्‍चा पुंइसमा बाक्‍त। गन्‍ती २१:४-६
1CO 10:10 गोपुकीम गन गन पचा मदुम्‍ब। मेको आन दाते ङा का निक्‍शीम मोदेंशो पामे बाक्‍त। मिनु खतम पाइबमी मेको आन कली खतम पोक्‍गा बाक्‍त। गन्‍ती १४:२,३५-३६; हिब्रू ३:११,१७
1CO 10:11 मेको आन मोदेंशो दुम्‍शो तुइश्‍शा, गोपुकीमी रुब्‍यल, दे एको लोव़ नेल्‍ल ब्रेक्‍शो बाक्‍त। एको रागी नेल्‍ल जाम्‍शा लचा चिक्‍शो बाक्‍त। १पत्रुस ४:७
1CO 10:12 “गो ठीक बाक्‍नुङ” देंब होस पा बाक्‍म‍ल। मारदे हना पाप पने चाप्‍नीम।
1CO 10:13 मुल सम्‍म गे फाल्‍ने मचाप्‍चा ङा पा थुं नाक्‍‍चा मपुंइसीनी। परमप्रभु यावे थमा सुइक्‍चा माल्‍शो बाक्‍ब। इन फाल्‍ने चाप्‍तीक सक्ति कोव़शा, इन फाल्‍ने मचाप्‍चा ङा पा थुं थाम्‍चा मगेब। तन्‍न गेप्‍तु हना यो, इन फाल्‍ने चाप्‍तीक सक्ति बारपाइक्‍ब दे तुइक्‍तीने। भजन संग्रह ६८:२०; २पत्रुस २:९
1CO 10:14 आं दाक्‍शो लोक्‍बपुकी, मूर्ति पूजा पचा प्रोनीन। १यूहन्‍ना ५:२१
1CO 10:15 गो लोव़ रुप्‍ब मुर आन कली लोव़ पाइनुङ। मोपतीके आं देंशो ठीक बाक्‍बा कों, ठीक मबाक्‍बा, मिम्‍ने चाप्‍नीनी।
1CO 10:16 गो कचौरा कली आसीक गेनीकी। मेको आसीक ङा कचौरा रे तूयानु, ख्रीस्‍त आ हुश मिम्‍शा, आ मुर दुम्‍शा, मेको नु काथा बाक्‍शो दुम्‍नय। गोपुकीमी शोब्‍ले जिक्‍शा योक्‍शा जयानु, ख्रीस्‍त आ रां मिम्‍शा, आ मुर दुम्‍शा, काथा बाक्‍शो दुम्‍नय। १कोरिन्‍थी ११:२३-२६; मत्ती २६:२७; प्रेरित २:४२
1CO 10:17 गो शुश बाक्‍यानु, रां का खोदेंशो दुम्‍शा बाक्‍य। मोपतीके शोब्‍ले का बाक्‍ब। मिनु गो नेल्‍लेम मेको शोब्‍ले का रे जाइनय। १कोरिन्‍थी १२:२७; रोमी १२:५
1CO 10:18 आंइ इस्राएल ङा चढ़ेबपुकीमी चढ़ेशो गेय मिम्‍तीने। चढ़ेबपुकीमी मारेइ मारेइ क्‍योरशा, मेको चढ़ेशो जाइनीम ब्‍वाइनीम। मो पामेनु, चढ़ेतीके नु काथा बाक्‍शो खोदेंशो दुम्‍नीम। लेवी ७:६
1CO 10:19 मिनु आं देंशो लोव़ मार रुम्‍सीब देंशा हना, मूर्ति कली चढ़ेशो ठेयब बाक्‍बा कों? मूर्तिपुकी ठेयब नमी कों? १कोरिन्‍थी ८:६
1CO 10:20 अर्को रागी ङा मुर आन चढ़ेशो परमप्रभु यावे कली ममाइ, वोल आन कली चढ़ेनीम। मोपा मेकोपुकी वोल नु काथा बाक्‍ब दुम्‍नीम। मिनु गो इन कली वोल नु काथा बाक्‍शो तचा मदाक्‍नुङ।
1CO 10:21 गे प्रभु आ कचौरा रे तूतीनी हना, वोल आन कली चढ़ेशो रे तूने मचाप्‍नीनी। गे प्रभु आ भोज नु वोल आन कली चढ़ेशा जने मचाप्‍नीनी। मत्ती ६:२४; २कोरिन्‍थी ६:१५-१६
1CO 10:22 गोपुकीम प्रभु कली रुश पपाइक्‍चा दुम्‍बा ङा? गो प्रभु क्‍येङा ठेयब नया ङा?
1CO 10:23 मारेइ मारेइ ठीक बाक्‍ब। तन्‍न गेय का निक्‍शी चहिं इन कली रिम्‍शो मदुम्‍ब। मारेइ मारेइ ठीक बाक्‍तेक्‍म हना यो, का निक्‍शीम इन थमा सुइक्‍तीक मबारपाइक्‍नीम। १कोरिन्‍थी ६:१२
1CO 10:24 होस पांइसीने, आंम इन कली ला मिम्‍चा प्रोंइशा, अरु आन कली यो रिम्‍शो दुम्‍ल दे मिम्‍शा गेय पने। रोमी १५:२; फिलिप्‍पी २:४
1CO 10:25 श्‍ये ब्‍वचा आ पर्बम “श्‍ये ग्‍याप्‍थ लनीनु ‘चढ़ेशो श्‍ये कों’ दे हिल्‍लो मपने। मारेइ ममिम्‍थु ग्‍यापीन” दे शेंनन्‍नी। रोमी १४:२-१०,२२
1CO 10:26 रागी नु रागीमी मार मार बाक्‍मा, मेको नेल्‍ल प्रभु के बाक्‍ब दे रुपीने। भजन संग्रह २४:१
1CO 10:27 मिनु ख्रीस्‍त कली थमा मसुइक्‍बपुकीमी इन कली खमे जथ ब्रेम्‍मानु, गे लचा थुं पा लाइतीनी हना, मारेइ हिल्‍लो मपथु, ममिम्‍थु ग्‍येरसीशा जने ब्‍वने।
1CO 10:28 गे नु काथा बाक्‍शा जाइबपुकीमी “एको चढ़ेशो बाक्‍ब” दे तुइक्‍पाइक्‍तेक्‍म हना, मेको मुर आ पर्बम नु थुं ग्‍येरसीशो दुम्‍चा आ पर्बम मेको मजने मब्‍वने। १कोरिन्‍थी ८:७
1CO 10:29 थमा सुइक्‍बपुकीमी चढ़ेशो मजाइनीम मब्‍वाइनीम, दे तुइक्‍नीम। मिनु इन कली जशो ब्‍वशो तशा, मेको आन थुं क्‍याल्‍नीम। आं जचा ब्‍वचा आ पर्बम आं अधिकार बाक्‍ब। मारदे अरुम शेंचा माल्‍नीमी?
1CO 10:30 गो प्रभु कली “गे रिम्‍शो पाइब बाक्‍नीनी” देंशा, मारेइ मारेइ जाइनुङ ब्‍वाइनुङ। तन्‍न आं जशो ब्‍वशो सुइमी मरिम्‍शो मलाक्‍मल, दे यो मिम्‍नुङ। १तिमोथी ४:४
1CO 10:31 मोपतीके मार जाइतीनी ब्‍वाइतीनी हना यो, तूतीनी हना यो, मार पाइतीनी हना यो परमप्रभु यावे कली ठेयब सेल्‍चा कली पने। कलस्‍सी ३:१७
1CO 10:32 यहूदी नु ग्रीक आन कुल, परमप्रभु यावे कली थमा सुइक्‍ब आन कुल, मुर नेल्‍ल आन कुल, गेना हना यो रिम्‍शो गेय पने। रोमी १४:१३
1CO 10:33 गो मोदेंशो पा नेल्‍ल आन कली ग्‍येरपाइक्‍चा ङा गेय पचा दाक्‍नुङ। आंम आं कली ममिम्‍सीथु, मेको आन कली रिम्‍शो दुम्‍ल, दे मिम्‍शा, गेय पाइनुङ। “शुशेमी ख्रीस्‍त कली थमा सुइश्‍शा, आ मुर दुम्‍मल” दे मिम्‍शा बाक्‍ती। १कोरिन्‍थी ९:२०-२२
1CO 11:1 गो दोपा ख्रीस्‍त आ पशो खोदेंशो पङा, मोपा गे यो आं पशो खोदेंशो पाइब दुमीन।
1CO 11:2 इन कली शेंशो लोव़ का यो मप्रेंथु, टिशा बाक्‍तीनी दे तुइक्‍ताक्‍ङ। मिनु गे आ शेंशो नेल्‍ल पाइतीनी।
1CO 11:3 वोंइश मुर नेल्‍ल आन पिया ख्रीस्‍त बाक्‍ब, मेको रुपीन। मीश मुर आन पिया मेको आन वोंइश बाक्‍ब। ख्रीस्‍त आ पिया परमप्रभु यावे बाक्‍ब दे रुपीन। उत्‍पत्ती ३:१६; एफिसी ५:२३; १कोरिन्‍थी ३:२३
1CO 11:4 खुम्‍सीशा, प्रार्थना पनीनु, परमप्रभु यावेमी तुइक्‍पाइश्‍शो लोव़ पनीनु, वोंइश मुरपुकीमी पियामी मारेइ मसुम्‍सीचा। सुम्‍साक्‍नी हना, ख्रीस्‍त कली आइक्‍च सेल्‍शो खोदेंशो दुम्‍ब।
1CO 11:5 मीश मुरपुकी चहिं आन पिया सुम्‍सीचा माल्‍नीम। मसुम्‍सीशो बाक्‍तेक्‍म हना, आन वोंइश आन कली आइक्‍च सेल्‍शो खोदेंशो दुम्‍ब। मसुम्‍सीथु बाक्‍ब आन कली चां प्रेक्‍शो खोदेंशो मिम्‍सीब।
1CO 11:6 पिया मसुम्‍नुङ देंबम चहिं आन चां प्रेक्‍समल। चां प्रेक्‍शो आन कली मुरपुकीम मरिम्‍शो मिम्‍‍नीम, दे गो नेल्‍लेमी तुइक्‍नय। मोपतीके मीश मुरपुकीमी आन पिया सुम्‍समल।
1CO 11:7 वोंइश मुरुम पिया सुम्‍चा मदुम्‍ब। मारदे हना मेको परमप्रभु यावे खोदेंशो पा सेल्‍सीशो नु आ दारस पाइश्‍शो बाक्‍नीम। मीश मुरपुकी चहिं आन वोंइश आन दारस पाइश्‍शो बाक्‍नीम। मोपतीके सुम्‍सीचा माल्‍नीम।
1CO 11:8 वोंइश मुर मीश मुर आ रां रे सेल्‍शो मबाक्‍ब। तन्‍न मीश मुर वोंइश मुर आ रां रे सेल्‍शो बाक्‍ब। उत्‍पत्ती २:२१:३
1CO 11:9 वोंइश मुर मीश मुर कली वारच पचा कली सेल्‍शो ममाइ। तन्‍न मीश मुर आ वोंइश कली वारच प‍चा कली सेल्‍शो बाक्‍ब। उत्‍पत्ती २:१८
1CO 11:10 मीश मुरुमी आन पिया सुम्‍सीचा माल्‍नीम। मारदे हना परमप्रभु यावे आ स्‍वर्ग ङा गेय पाइबपुकीमी कोव़शो बाक्‍नीम।
1CO 11:11 मोदेंशो दुम्‍त हना यो, प्रभुमी “वोंइश मुर कली मीश मुर माल्‍ब। मीश मुर कली वोंइश मुर माल्‍ब। मबाक्‍थु मदुम्‍ब दे सेल्‍शो बाक्‍त” देंत।
1CO 11:12 मीश मुर वोंइश मुर आ रां रे सेल्‍शो बाक्‍त हना यो, मुल वोंइश मुर मीश मुर रे थिशो बाक्‍नीम। मेको मोदेंशो परमप्रभु यावे आ पशो बाक्‍ब।
1CO 11:13 लो आंमा मिम्‍तीन मीश मुरपुकीमी आन पिया मसुम्‍थु परमप्रभु यावे कली प्रार्थना पचा दुम्‍बा?
1CO 11:14 वोंइश मुरपुकीमी लाइश्‍शो चां थुल्‍चा मुने दुम्‍ब, दे आंमा मतुइक्‍नीनी?
1CO 11:15 तन्‍न मीश मुरपुकीमी लाइश्‍शो चां थुल्‍शो चहिं आन मान ततीक बाक्‍ब। आन रां सुम्‍चा कली लाइश्‍शो चां गेशो बाक्‍ब। साइ ङोंइती रे ङा मोदेंशो लोव़ बाक्‍ब दे मतुइक्‍नीनी ङा?
1CO 11:16 गे नु बाक्‍ब आं शेंशो आ पर्बम जिचा पोक्‍ब आन कली मार देंनुङ देंशा हना, तेइ तेइ शेंथ गाक्‍कानु, मोदेंशो शेंनीकी। परमप्रभु यावे आ ग्रुम्‍तीक खिंमी यो मोदेंशो शेंनीकी।
1CO 11:17 मुल इन कली शेंशो लोव़म गे रिम्‍शो दुम्‍नीनी देंने मचाप्‍नुङ। मारदे हना ग्रुम्‍नीनु, इन कली रिम्‍शो ममाइ, मरिम्‍शो दुम्‍ब।
1CO 11:18 खुम्‍सीशा बाक्‍नीनु, थुं का दुम्‍शा मबाक्‍नीनी। एर ओंथ ब्राशा बाक्‍नीनी देंशो नेंता। एको लोव़ नेंशा, इच्‍का थमा सुइक्‍ता। १कोरिन्‍थी १:१२; १कोरिन्‍थी ३:३
1CO 11:19 एर ओंथ ब्रा‍शा बाक्‍चा चहिं दुम्‍चा माल्‍ब। मारदे हना लोव़ रुप्‍ब नु मरुप्‍बपुकी दिल्‍नीम। मत्ती १८:७; १यूहन्‍ना २:१९
1CO 11:20 गे खुम्‍सीशा बाक्‍नीनु। मार मार जाइनीनी, मेको प्रभु भोज ममाइ।
1CO 11:21 मारदे हना आंम आंमा चाक्‍शो जचा थोव़क जाइनीनी। मिनु मोपान का निक्‍शी जचा मतथु, शोव़लु बेक्‍शो बाक्‍नीनी, का निक्‍शी दुक्‍शा बाक्‍नीनी। यहूदा १२
1CO 11:22 मार, मोदेंशो पा जचा तूचा कली इन खिं मबाक्‍बा ङा? मार, गे परमप्रभु यावे आ ग्रुम्‍तीक खिं कली आइक्‍च मिम्‍नीनी? जचा तूचा मताइब आन कली मुने तोक्‍नीनी? मिनु मुल इन कली मार देंनुङा? रिम्‍शो पाइतीनी देंनुङा ङा? गो मदेंनुङ। याकूब २:५-६
1CO 11:23 मारदे हना प्रभुमी आं कली मार शेंदा, मेको इन कली शेंताक्‍ङ। मेको ग्‍याइक्‍चा पुंइसीशो नाक्‍दो प्रभु येसुम शोब्‍ले शे‍शा, मत्ती २६:२६-२८; मर्कूस १४:२२-२४; लूका २२:१९-२०
1CO 11:24 “परमप्रभु गे रिम्‍शो पाइब बाक्‍नीनी” दे मेको शोब्‍ले जिक्‍शा “एको आ रां बाक्‍ब। एको इन कली बाक्‍ब। एको ओदेंशो आं कली मिम्‍चा कली पने” देंत।
1CO 11:25 मिनु मोपान जने थुम्‍शा, कचौरा शेशा “एको कचौरा आं हुश ङा नक कबल बाक्‍ब। गे गेना एको तूनीनी, मेना आं कली मिम्‍शा तूङीन” देंत।
1CO 11:26 गे गेना एको शोब्‍ले जाइनीनी नु कचौरा रे तूनीनी, मेना प्रभु लेश्‍शा मजाक्‍म सम्‍म मेको आ बेक्‍शो आ पर्बम शेंनीनी। मत्ती २६:२९
1CO 11:27 सु सुमी हेंथे पा प्रभु भोज ङा शोब्‍ले रे जाइबा नु कचौरा रे तूबा, मेकोमी पाप पा प्रभु आ रां नु आ हुश कली मरिम्‍शो सेल्‍ब। १कोरिन्‍थी १२:२१-२२
1CO 11:28 तन्‍न गे नेल्‍लेमी आंम कली नाक्‍तीन। मिनु ला मेको शोब्‍ले जन नु कचौरा रे तूङीन। मत्ती २६:२२
1CO 11:29 मारदे हना सु सुमी जशा तूशा, प्रभु आ रां बाक्‍ब, दे ममिम्‍नीमी, मेको सजाइ गेचा पुंइसीनीम। १कोरिन्‍थी १०:१६-१७
1CO 11:30 मोपतीके इन दातेमी शुश मचाप्‍ब दुम्‍शो बाक्‍नीनी। शुश रोइ पशो बाक्‍नीनी। का निक्‍शी बेक्‍शा यो लाम्‍तेक्‍म।
1CO 11:31 तन्‍न गोपुकीमी आंम कली ठीक पा नाक्‍शा, प्रभु भोज जाइतय हना, सजाइ गेचा मपुंइसीनय।
1CO 11:32 तन्‍न प्रभुमी आंइ कली नाक्‍शा सजाइ गेब। मेको शेंचा कली बाक्‍ब। मोपा रागी ङा मुर नु काथा बाक्‍शा, जाम्‍शा मलाइनीकी। हितोपदेस ३:११-१२
1CO 11:33 मोपतीके आं लोक्‍बपुकी, गे जचा कली खुम्‍सीनीनु, नेल्‍ल जाक्‍ने थुम्‍मे नोले ला जने।
1CO 11:34 शोव़लु फाल्‍ने मचाप्‍बपुकीमी आन खिंम जशा जाक्‍‍मल। मो मपाइतीनी हना, प्रभु भोज मरिम्‍शो सेल्‍शा नु दोसी दुम्‍नीनी। अरु थोव़क आन पर्बम गो इन कली नोले जाक्‍ची ना शेंनुङ।
1CO 12:1 आं लोक्‍बपुकी, इन कली परमप्रभु यावे आ सोक्‍तीम पपाइश्‍शो गेय मजोक्‍थु बाक्‍शो तशा, आं थुं मनुङ। मोपतीके एको गेय आ पर्बम शेंनन्‍नी।
1CO 12:2 ख्रीस्‍त कली थमा सुइक्‍चा क्‍येङा ङोंइती गे मूर्ति पूजा पाइब बाक्‍तीनी। मिनु मेको मारेइ पने मचाप्‍ब मूर्ति गे इन थुं हिरशो बाक्‍तीनी। अय्‍युब २:१८-१९
1CO 12:3 मिनु परमप्रभु यावे आ सोक्‍तीम पपाइश्‍शो लोव़ पा “येसु सराप रल” देंने मचाम्‍सीब। परमप्रभु यावे आ सोक्‍तीम पतीके ला “येसु इं प्रभु बाक्‍ब” देंने चाम्‍सीब, दे रुप्‍पाइक्‍नन्‍नी।‍ मर्कूस ९:३९; १यूहन्‍ना ४:२-३
1CO 12:4 परमप्रभु यावे आ सोक्‍त का बाक्‍ब। आ पपाइश्‍शो गेय चहिं शुश बाक्‍नीम। एफिसी ४:४-६,११; रोमी १२:६
1CO 12:5 आ पपाइश्‍शो गेय शुश बाक्‍शा यो, प्रभु चहिं का बाक्‍ब। १कोरिन्‍थी १२:२८
1CO 12:6 मेकेर शुश गेयपुकी बाक्‍नीमी। मिनु परमप्रभु यावेमी मुर नेल्‍ल आन कली का का पा मेको गेय पतीके थुं गेब।
1CO 12:7 परमप्रभु यावे आ सोक्‍तीमी पपाइश्‍शो गेय नेल्‍ल आन कली रिम्‍शो दुम्‍ल, दे पपाइश्‍शो बाक्‍ब। १कोरिन्‍थी १४:२६
1CO 12:8 परमप्रभु यावे आ सोक्‍तीमी का कली जोक्‍तीक तुइक्‍तीक लोव़ पपाइक्‍ब। अर्को कली मेकोन सोक्‍तीमी शेंतीक सक्ति गेब।
1CO 12:9 का कली आ सोक्‍तीम पतीके थमा सुइक्‍तीक सक्ति गेब। अर्को कली सापाइक्‍तीक सक्ति गेब।
1CO 12:10 का कली छक लाक्‍चा ङा गेय पतीक सक्ति गेब। का कली परमप्रभु यावे आ लोव़ पतीक सक्ति गेब। का कली परमप्रभु यावे आ सोक्‍त देय वोल आन सोक्‍त बाक्‍बा, दे तुइक्‍तीक सक्ति गेब। का कली परमप्रभु यावे आ सोक्‍त आ लोव़ पतीक सक्ति गेब। का कली मेको लोव़ आ अर्थ शेंतीक सक्ति गेब। १कोरिन्‍थी १४:-; प्रेरित २:४
1CO 12:11 मोदेंशो सक्ति पाइश्‍शो गेय नेल्‍ले परमप्रभु यावे आ सोक्‍तीमी पपाइश्‍शो बाक्‍ब। मिनु परमप्रभु यावे आ सोक्‍तीमी आ दाक्‍स पा सु सु आन कली गेचा दाक्‍बा, मेको आन कली गेब। रोमी १२:३; एफिसी ४:७
1CO 12:12 दोपा मुर आ रांम गुइ, खोइली, नोफा, मिक्‍च नु अरु मार बाक्‍तेक्‍म हना यो, रां का दुम्‍ब, मोपान ख्रीस्‍त आ मुर शुश बाक्‍तेक्‍म हना यो, रां का खोदेंशो बाक्‍नीम, दे मिम्‍सीब।
1CO 12:13 परमप्रभु यावे आ सोक्‍तीम पतीके यहूदी, ग्रीक, वाइलीम वाइल, होव़प नु गो नेल्‍ल परमप्रभु यावे आ सोक्‍त ङा दुम्‍तय। गलाती ३:२८
1CO 12:14 मारदे हना रां कांइचीक बाक्‍त हना यो, मेकेर शुश अरु मार मार बाक्‍नीम।
1CO 12:15 खोइलीमी “गो गुइ मनङ। मोपतीके गो रां ङा मनङ” देंत हना, मार, मेको रां ङा मदुम्‍बा ङा?
1CO 12:16 नोफामी “गो मिक्‍ची मनङ। मोपतीके गो रां ङा मनङ” देंत हना, मार मेको रां ङा मदुम्‍बा ङा?
1CO 12:17 मिनु रांमी मिक्‍च ला बाक्‍त हना, दोपा नेंचा ङा? रांमी नोफा ला बाक्‍त हना, दोपा नाम्‍चा ङा?
1CO 12:18 तन्‍न परमप्रभु यावेमी आ दाक्‍स पा नेंतीके, नाम्‍तीके, ततीके नु मारेइ मारेइ पतीके गारपाइश्‍शा वोइक्‍तु।
1CO 12:19 मिक्‍च ला बाक्‍त हना, दोपा रां दुम्‍बा ङा?
1CO 12:20 मेको मारेइ मारेइ शुश बाक्‍तेक्‍म हना यो, रां चहिं कांइचीक बाक्‍ब।
1CO 12:21 मिक्‍चीमी गुइ कली “इ कली ममाल्‍नुङ” देंने मचाप्‍ब। पियामी खोइली कली “इ कली ममाल्‍नुङ” देंने मचाप्‍ब।
1CO 12:22 रां ङा आइक्‍च मिम्‍सीशोपुकी मबाक्‍थु मदुम्‍शो बाक्‍नीम। मेको रां कली शुश माल्‍शो बाक्‍नीम।
1CO 12:23 रां ङा महिक्‍सीशो आन कली गो मान पाइक्‍नय, मदारशो मिम्‍सीशो आन कली दारपाइक्‍नय।
1CO 12:24 रां दारशो आन कली दारपाइक्‍चा ममाल्‍नय। आइक्‍च मिम्‍शो आन कली चहिं परमप्रभु यावेमी नेल्‍ल क्‍येङा मान पपाइश्‍शो बाक्‍ब।
1CO 12:25 मोपा रां का दुम्‍शोपुकी मब्रामल, कांइचीक दुम्‍शा बाक्‍मल नु काम अर्को कली कोव़मुमल।
1CO 12:26 मोदेंशो पा कांइचीक दुम्‍शोपुकी, काम श्‍येत जाप्‍तु हना, नेल्‍ल श्‍येत जाइनीम। काम मान ताप्‍तु हना, नेल्‍ल गारशा ग्‍येरसीनीम।
1CO 12:27 गे ख्रीस्‍त आ रां बाक्‍नीनी। मिनु का का पा मिक्‍ची, नोफा, शोव़, गुइ, खोइली नु मार मार बाक्‍नीनी। रोमी १२:५
1CO 12:28 परमप्रभु यावेमी थमा सुइक्‍ब आन ग्रुम्‍तीकेमी ङोंइती ख्रीस्‍त आ सोइश्‍शोपुकी, मेको आन नोले आ लोव़ पाइबपुकी, मेको आन नोले शेंबपुकी, मेको आन नोले छक लाक्‍चा ङा गेय पाइबपुकी, मेको आन नोले सापाइक्‍बपुकी, मेको आन नोले वारच पाइबपुकी, मेको आन नोले कोव़बपुकी नु मेको आन नोले सोक्‍त आ लोव़ पाइबपुकी वोइक्‍तीमी। एफिसी ४:११-१२
1CO 12:29 मार, मेको नेल्‍ल ख्रीस्‍त आ सोइश्‍शोपुकी नमी? मार, मेको नेल्‍ल परमप्रभु यावे आन लोव़ पाइब बाक्‍नीमी? मार, मेको नेल्‍ल शेंब बाक्‍नीमी? मार, मेको नेल्‍ल छक लाक्‍चा ङा गेय पाइब बाक्‍नीमी?
1CO 12:30 मार, मेको नेल्‍ल सापाइक्‍ब बाक्‍नीमी? मार मेको नेल्‍लेम परमप्रभु यावे आ सोक्‍त आ लोव़ पाइनीमी? मार, मेको नेल्‍लेम लोव़ आ अर्थ शेंनीमी?
1CO 12:31 गो मार देंनुङ देंशा हना, परमप्रभु यावे आ सोक्‍तीमी पपाइश्‍शो गेय पनीनु, नेल्‍ल क्‍येङा ठेयब गेय पने। मिनु गो इन कली नेल्‍ल क्‍येङा रिम्‍शो लां कोंइनन्‍नी। १कोरिन्‍थी १४:१,१२
1CO 13:1 गो मुर आन लोव़ पाता हना नु परमप्रभु यावे आ स्‍वर्ग ङा गेय पाइब आन लोव़ यो पाता हना, तन्‍न मुर आन कली मदाक्‍ताक्‍ङ हना, गो हेंथे पा ताप्‍शो किङगो नु रेयके पाइब बुप्‍केल खोदेंशो दुम्‍नुङ।
1CO 13:2 गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०
1CO 13:3 आं के बाक्‍शो थोव़क नेल्‍ल योक्‍शा गेशा, आंम आं रां ग्रोइश्‍शा बेक्‍चा कली गेता हना यो, दाक्‍ब मुर चहिं मदुम्‍ती हना, मार रिम्‍शो दुम्‍नुङा ङा? गो शोर गाक्‍शो मदुम्‍नुङा ङा? मत्ती ६:२
1CO 13:4 दाक्‍तीकेमी श्‍येत फाल्‍ने नु शिशी पने चाप्‍ब। दाक्‍तीकेमी गेहे मपाइब मबोरब।
1CO 13:5 दाक्‍तीकेमी ठेयब मलेप्‍ब नु मुने दोक्‍चा ङा लोव़ मपाइब। दाक्‍तीकेमी आं के ला ठीक मदेंब। दाक्‍तीकेमी रीब पा मचुरब, ईख मकुरब। फिलिप्‍पी २:४
1CO 13:6 मरिम्‍शो पशो तशा मग्‍येरसीब। ठीक पशो तशा ग्‍येरसीब। रोमी १२:९
1CO 13:7 दाक्‍तीकेमी मारेइ मारेइ सुम्‍ब, मारेइ मारेइ थमा सुइक्‍ब, मारेइ मारेइ आस पाइब नु नेल्‍ल फाल्‍ने चाप्‍ब। हितोपदेस १०:११; मत्ती १८:२१-२२; रोमी १५:१
1CO 13:8 दाक्‍तीक गेनायो मक्‍याम्‍सीब। परमप्रभु यावे आ लोव़ पतीक जाम्‍शा लाइब। परमप्रभु यावे आ सोक्‍त आ लोव़ यो नुप्‍ब। तुइक्‍तीक सक्ति नुप्‍शा लाइब।
1CO 13:9 मारदे हना आंइ जोक्‍तीक तुइक्‍तीक आइक्‍च बाक्‍ब। आंइ परमप्रभु यावे आ लोव़ पतीक यो नेल्‍ल रुप्‍चा ङा मबाक्‍ब।
1CO 13:10 नोले चहिं गोपुकीमी नेल्‍ले तुइश्‍शा रुप्‍नय। मिनु मरुप्‍शो नु मतुइश्‍शो मारेइ मलीब।
1CO 13:11 गो आल बाक्‍ङानु, आलम ब्‍वाक्‍स पा ब्‍वाक्‍ती। आलम मिम्‍स पा मिम्‍ताक्‍ङ। आलम पस पा पाता। मिनु कोल्‍शा ठेयब दुम्‍शा, आलम खोदेंशो मपङ।
1CO 13:12 मुल गोपुकीमी ब्राब्रा पा ताइतय। मेना रिम्‍शो पा ताइनय। मुल गो इच्‍का ला रुप्‍नुङ। मेना नेल्‍ल रिम्‍शो पा रुप्‍नुङ। परमप्रभु यावेमी आं कली तुइश्‍शो बुद पा, गो मेना नेल्‍ल तुइक्‍नुङ। गन्‍ती १२:८; २कोरिन्‍थी ५:७; १कोरिन्‍थी ८:३
1CO 13:13 थमा सुइक्‍चा, परमप्रभु यावेमी आ देंशो नेल्‍ल खाप्‍ब, दे आस पा बाक्‍चा नु दाक्‍तीक सांफा बाक्‍नीम। मेको सांफामी दाक्‍तीक चहिं नेल्‍ल क्‍येङा ठेयब बाक्‍ब। १थिस्‍सलोनिकी १:३; १यूहन्‍ना ४:१६
1CO 14:1 दाक्‍तीक पाइश्‍शो मुर दुमीने। परमप्रभु यावे आ सोक्‍तीम पपाइश्‍शो गेय शुश मालीन। परमप्रभु यावे आ लोव़ पतीक शुश मालीन।
1CO 14:2 परमप्रभु यावे आ सोक्‍त आ लोव़ पाइबमी मुर कली लोव़ मपाइब। तन्‍न परमप्रभु यावे कली लोव़ पाइब। सुइमी मेको आ लोव़ मरुप्‍नीम। मेकोमी परमप्रभु यावे आ सोक्‍त आ पतीकेमी ख्रुइश्‍शो लोव़ पाइब। प्रेरित २:४; प्रेरित १०:४६
1CO 14:3 परमप्रभु यावे आ लोव़ पामेनु, मुर आन थुं बारपाइक्‍ब। रिम्‍शो गेय पपाइक्‍ब, नु थुं खाइश्‍शो आन कली सापाइक्‍ब।
1CO 14:4 परमप्रभु यावे आ सोक्‍त आ लोव़ पाइबमी आंम थुं कली ला बारपाइक्‍ब। तन्‍न परमप्रभु यावे आ लोव़ पाइबमी ग्रुम्‍तीक खिं ङा मुर आन थमा सुइक्‍तीके बारपाइक्‍ब।
1CO 14:5 गे नेल्‍लेम परमप्रभु यावे आ सोक्‍त आ लोव़ पशो दाक्‍नुङ। तन्‍न मेको क्‍येङा परमप्रभु यावे आ लोव़ पशो तचा दाक्‍नुङ। परमप्रभु यावे आ सोक्‍त आ लोव़ पाइब क्‍येङा, परमप्रभु यावे आ लोव़ पाइब ठेयब बाक्‍ब। तन्‍न सोक्‍त आ लोव़ आ अर्थ शेंब बाक्‍त हना, ग्रुम्‍तीक खिं ङा मुर आन कली रिम्‍शो दुम्‍ब। १कोरिन्‍थी १२:१०
1CO 14:6 आं लोक्‍बपुकी, गो परमप्रभु यावे आ सोक्‍त आ लोव़ पा, इन ग्रुम्‍तीकेमी जाक्‍ती हना, इन कली मरुप्‍चा ङा बाक्‍त। गो इन कली नोले दुम्‍तीक लोव़, जोक्‍तीक तुइक्‍तीक लोव़, परमप्रभु यावे आ लोव़ नु आ शेंतीक लोव़ पाता हना चहिं इन कली रिम्‍शो दुम्‍ब। १कोरिन्‍थी १२:८
1CO 14:7 ताप्‍तीके मुराली, तार पाइश्‍शो ठेयब ताप्‍तीके ताप्‍मेनु, हेंथे पा ताप्‍तेक्‍म हना, मार ताप्‍शो बाक्‍बा, दोपा तुइक्‍नीमी?
1CO 14:8 लडाइ पची ना तुराही ताप्‍बमी मरुप्‍चा ङा पा ताप्‍तु हना, लडाइ पाइब लाइनीमी ङा?
1CO 14:9 मिनु गेपुकीमी सोक्‍त आ लोव़ पनीनु, इन देंशो लोव़ सुमी रुप्‍नीमी ङा? इन मोदेंशो प‍शो लोव़ नेल्‍ल फशेम योल्‍शो खोदेंशो दुम्‍ब।
1CO 14:10 रागीमी लोव़ शुश बाक्‍नीमी। मेको लोव़ नेल्‍ल रुप्‍चा ङा बाक्‍नीमी।
1CO 14:11 तन्‍न गो मेको लोव़ रुप्‍ने मचाप्‍ता हना, गो अर्को रागी ङा मुर दुम्‍नुङ। मिनु मेको लोव़ पाइब आं कली यो अर्को रागी ङा मुर दुम्‍ब।
1CO 14:12 गे इन दातेमी मोदेंशो बाक्‍ब। परमप्रभु यावे आ सोक्‍तीम पपाइश्‍शो गेय पचा दाक्‍ताक्‍नी हना, गे इन ग्रुम्‍तीक खिं ङा मुर आन थमा सुइक्‍तीक बोल्‍यो दुम्‍चा कली गेय पने।
1CO 14:13 मोपतीके सुमी परमप्रभु यावे आ सोक्‍त आ लोव़ पाइबा, मेकोमी आ अर्थ शेंचा कली पुनल। १कोरिन्‍थी १२:१०
1CO 14:14 गो सोक्‍त आ लोव़ पा प्रार्थना पङानु, आं थुंमी मारेइ मरुप्‍नुङ।
1CO 14:15 गो मुल मार पाइनुङ देंशा हना, गो सोक्‍त आ लोव़मी प्रार्थना पङानु, आ थुंमी यो प्रार्थना पाइ‍नुङ। परमप्रभु यावे आ सोक्‍तीम कुम्‍सो पङानु, आं थुंमी यो कुम्‍सो पाइनुङ। एफिसी ५:१९
1CO 14:16 मिनु गेपुकी खुम्‍सीशा बाक्‍नीनु, सोक्‍त आ लोव़म आसीक गेशा, परमप्रभु यावे कली “गे रिम्‍शो पाइब बाक्‍नीनी” देंतीनी हना, दोपा मरुप्‍ब मुरुमी “आमेन” देंने चाप्‍बा ङा?
1CO 14:17 इन लोव़ रिम्‍शो बाक्‍त हना यो, अर्को मुर आ थुं मबारपाइश्‍शो बाक्‍त।
1CO 14:18 गो परमप्रभु यावे कली “गे रिम्‍शो पाइब बाक्‍नीनी” देंनुङ। मारदे हना गो सोक्‍त आ लोव़ नेल्‍ल इन क्‍येङा शुश पाइनुङ।
1CO 14:19 तन्‍न थमा सुइक्‍ब आन ग्रुम्‍तीकेमी बाक्‍शा, मुर आन कली शेंचा नु रुप्‍पाइक्‍चा कली गो १० हजार सोक्‍त आ पशो लोव़ क्‍येङा रुप्‍चा ङा ५ ओटा लोव़ पचा रिम्‍शो लाक्‍ती।
1CO 14:20 आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२
1CO 14:21 मिनु परमप्रभु यावेमी आ अरेशा ब्रेक्‍पाइश्‍शो लोव़मी “गो ङोन रागी ङा मुर आन मतुइश्‍शो लोव़ पतीकेमी नु रागी ङा मुर आन लोव़मी मेको नु लोव़ पाइक्‍नुङ। मो हना यो मेकोपुकीम आं लोव़ मनेंनीम” दे प्रभुमी देंत, दे ब्रेक्‍शो बाक्‍ब। यसैया २८:११,१२
1CO 14:22 परमप्रभु यावे आ सोक्‍त आ लोव़ पतीके थमा सुइक्‍ब आन कली ममाइ, थमा मसुइक्‍ब आन कली चिन्‍ड दुम्‍ब। परमप्रभु यावे आ लोव़ चहिं थमा मसुइक्‍ब आन कली ममाइ, थमा सुइक्‍ब आन कली बाक्‍ब।
1CO 14:23 मिनु थमा सुइक्‍ब नेल्‍ल खुम्‍सीशा बाक्‍मानु, मुर नेल्‍लेमी परमप्रभु यावे आ सोक्‍तीमी पपाइश्‍शो मतुइश्‍शो लोव़ पना पन बाक्‍तेक्‍म हना, अरु मुर, थमा मसुइक्‍ब ओव़शा, इन मोदेंशो लोव़ प‍शो नेंशा “गशो बाक्‍तेक्‍म” दे मदेंनीमी ङा?
1CO 14:24 तन्‍न गे नेल्‍ल परमप्रभु यावे आ लोव़ पना पन बाक्‍नीनु, थमा मसुइक्‍ब, अरु मुर ओव़शा, इन मोदेंशो नेंशा, आ थुंमी मिम्‍शा, आ मरिम्‍शो पशो नेल्‍ल फ्रुक्‍ब।
1CO 14:25 आ थुं ङा ख्रुइश्‍शो नेल्‍ल तुइश्‍शा, बाप्‍शा “परमप्रभु यावे ठेयब बाक्‍ब” देंशा, परमप्रभु यावे थमा पा, इन दातेमी बाक्‍ब, दे तुइक्‍ब। यूहन्‍ना १६:८
1CO 14:26 आं लोक्‍बपुकी, मुल मार देंनुङ देंशा हना, गे खुम्‍सीशा बाक्‍नीनु, नेल्‍ल इन के गेय का का बाक्‍ब। कामी परमप्रभु यावे कली कुम्‍सो पाइब, कामी लोव़ शेंबा, कामी नोले दुम्‍तीक लोव़ पाइब, कामी परमप्रभु यावे आ सोक्‍त आ लोव़ पाइब नु अर्कोमी मेको लोव़ आ अर्थ शेंब। मेको गेय नेल्‍ल थुं बारपाइक्‍चा कली दुम्‍ल। १कोरिन्‍थी १२:८-१०; एफिसी ४:१२
1CO 14:27 परमप्रभु यावे आ सोक्‍त आ लोव़ पामेनु, निक्‍शीमी कि सांमी पामेक्‍ल। मिनु का का पा पचा माल्‍नीम। मिनु मुर कामी आ अर्थ शेंचा माल्‍ब।
1CO 14:28 तन्‍न मेको लोव़ आ अर्थ शेंब मबाक्‍त हना, सिक्‍सी पा बाक्‍चा माल्‍नीम। सोक्‍त आ लोव़ पाइबमी आंम थुं बारपाइक्‍चा कली, परमप्रभु यावे कली लोव़ पवल।
1CO 14:29 परमप्रभु यावे आ लोव़ पामेनु, निक्‍शीमी कि सांमी पामेक्‍ल। मिनु नेंबपुकीमी “मेको लोव़ परमप्रभु यावे आ लोव़ नु गारबा देय मगारबा?” दे नाक्‍चा माल्‍नीमी। प्रेरित १७:११; १थिस्‍सलोनिकी ५:२१
1CO 14:30 तन्‍न मेकेर बाक्‍ब कामी परमप्रभु यावे आ नोले दुम्‍ब लोव़ तुइक्‍ताक्‍व हना, ङोंइती ङा लोव़ पाइब सिक्‍सी पा बाक्‍ल।
1CO 14:31 गे नेल्‍लेमी का का पा परमप्रभु यावे आ लोव़ पने चाप्‍नीनी। मो पाइतीनी हना नेल्‍लेमी शेंसीने चाप्‍नीनी। गे नेल्‍ल इन थुं बारब।
1CO 14:32 परमप्रभु यावे आ लोव़ पाइब आन सोक्‍त मेको आन गुइम बाक्‍ब।
1CO 14:33 मारदे हना परमप्रभु यावे खल बल ङा परमप्रभु मबाक्‍ब। मेको थुं नाइश्‍शा बाक्‍तीक परमप्रभु बाक्‍ब।
1CO 14:34 मीश मुरपुकी लोव़सी मपथु, सिक्‍सी पा बाक्‍मल। मेकोपुकी ब्‍वाक्‍चा मताइनीम। मारदे हना अरेशो लोव़मी मोदेंशो ब्रेक्‍शो बाक्‍ब। मिनु मेको लोव़ मेकोपुकीम टिचा माल्‍नीम। १तिमोथी २:११-१२; उत्‍पत्ती ३:१६
1CO 14:35 लोव़ मरुप्‍तेक्‍म हना, आन खिं लमा नोले आन वोंइश आन कली हिल्‍लो पामेक्‍ल। थमा सुइक्‍ब आन ग्रुम्‍तीकेमी चहिं लोव़ मपामेक्‍ल, मारदे हना मुने दुम्‍ब।
1CO 14:36 मार, परमप्रभु यावे आ लोव़ इन रे पा जाक्‍म ङा देय इन कली ला जाक्‍म?
1CO 14:37 इन दातेमी परमप्रभु यावे आ लोव़ पाइब नु आ सोक्‍तीम ब्रीशो मिम्‍ब मुरुमी आं ब्रेक्‍शो लोव़ प्रभु आ देंशो लोव़ बाक्‍ब दे तुइक्‍तमेक्‍ल १यूहन्‍ना ४:६
1CO 14:38 तन्‍न सुइमी “पावल आ शेंशो प्रभु आ लोव़ मबाक्‍ब” देंत हना, मेको आ लोव़ यो थमा मसुतीन।
1CO 14:39 मोपतीके आं लोक्‍बपुकी, परमप्रभु यावे आ लोव़ पचा कली शुश बोल पने। मिनु परमप्रभु यावे आ सोक्‍त आ लोव़ पाइब आन कली मतेक्‍कीन।
1CO 14:40 खुम्‍सीशा बाक्‍नीनु, खल बल मपथु, नेल्‍ल रिम्‍शो दुम्‍चा माल्‍ब। १कोरिन्‍थी १४:३३; कलस्‍सी २:५
1CO 15:1 आं लोक्‍बपुकी, इन कली ङोंइती येसु ख्रीस्‍त आ पर्बम शेंशो ग्‍येरपाइक्‍तीक लोव़ मिम्‍पाइक्‍नुङ। गेपुकीमी एको लोव़ नेंशा थमा सुइक्‍तीनी। मिनु मुल यो थमा सुइक्‍ना सुइक्‍न बाक्‍तीनी।
1CO 15:2 एको लोव़ दोपा शेंदन्‍नी, मोपा थमा सुइक्‍ना सुइक्‍न बोल्‍यो दुम्‍‍तीनी हना, परमप्रभु यावे नु बाक्‍चा ताइनीनी।
1CO 15:3 मारदे हना आं ख्रीस्‍त रे त‍शो ठेयब लोव़ इन कली शेंताक्‍न्‍नी। दोदेंशो लोव़ बाक्‍ब देंशा हना, परमप्रभु यावे आ लोव़मी ब्रेक्‍शो खोदेंशो पा ख्रीस्‍त इं पाप आ पर्बम साइक्‍चा पुंइसाक्‍व। यसैया ५३:१२
1CO 15:4 मेको थिम्‍चा पुंइसाक्‍व। मिनु परमप्रभु यावे आ लोव़म ब्रेक्‍शो खोदेंशो पा आ नित्‍थ नाक्‍ती सेंचा पुंइसाक्‍व। होसे ६:२; लूका २४::२७,४४,४६
1CO 15:5 मिनु सेंसीशा, ङोंइती केफास कली तपांइसाक्‍व। मिनु नोले १२ जना शेंसीब आन कली तपांइसाक्‍व। लूका २४:३४; यूहन्‍ना २०:२६
1CO 15:6 नोले कालेमी ५ सहे क्‍येङा शुश थमा सुइक्‍ब आन कली तपांइसाक्‍व। का निक्‍शी मुल बेक्‍शा लाम्‍तेक्‍म। शुश चहिं मुल यो बाक्‍नीम।
1CO 15:7 नोले याकूब कली तपांइसाक्‍व। मिनु आ सोइश्‍शो शेंसीब नेल्‍ल आन कली यो तपांइसाक्‍व। लूका २४:५०
1CO 15:8 मिनु नेल्‍ल क्‍येङा नोले गो महिना मजाक्‍दीत्‍थु जरमेशो आल खोदेंशो आं कली तपांइसाक्‍व। १कोरिन्‍थी ९:१; प्रेरित ९:३-६
1CO 15:9 मारदे हना गो सोइश्‍शो आन दातेमी नेल्‍ल क्‍येङा आइक्‍च बाक्‍नुङ। आं कली सोइश्‍शो देंचा मशिरचा ङा बाक्‍नुङ। मारदे हना गो परमप्रभु यावे कली थमा सुइक्‍ब आन कली खेदा पाता। एफिसी ३:८; प्रेरित ८:३
1CO 15:10 तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३
1CO 15:11 मोपतीके गोम शेंताक्‍न्‍नी हना यो, मेकोपुकीम शेंताक्‍म हना यो, गेपुकीमी थमा सुइक्‍तीनी।
1CO 15:12 मिनु ख्रीस्‍त बेक्‍शो रे सेंसाक्‍व, दे शेंशो बाक्‍त। तन्‍न इन दाते ङा का निक्‍शीमी “बेक्‍शो मुर बेक्‍शो रे मसेंसीनीम” देंशा दोपा देंने चाप्‍नीमी?
1CO 15:13 बेक्‍शो रे सेंचा मपुंइसीनीम हना, ख्रीस्‍त यो बेक्‍शो रे मसेंसीशो बाक्‍ब।
1CO 15:14 ख्रीस्‍त बेक्‍शो रे मसेंसीशो बाक्‍त हना, आंइ शेंशो फश लोव़ खोदेंशो दुम्‍त। इन थमा सुइश्‍शो यो मोशीन दुम्‍त।
1CO 15:15 गो आंइ परमप्रभु यावे आ पर्बम शेंशो यो जोल दुम्‍बाक्‍त। मारदे हना गोमी परमप्रभु यावेमी ख्रीस्‍त कली बेक्‍शो रे सेंताक्‍व दे शेंशो बाक्‍तक। तन्‍न मेकोम मपव। “बेक्‍शो रे मसेंसीनीम” देंशो लोव़ थमा बाक्‍त हना, आंइ शेंशो जोल दुम्‍ब। प्रेरित १:२२
1CO 15:16 मारदे हना मुर बेक्‍शो रे मसेंसीनीम हना, ख्रीस्‍त यो बेक्‍शो रे मसेंस।
1CO 15:17 मिनु ख्रीस्‍त बेक्‍शो रे मसेंसाक्‍व हना, इन थमा सुइश्‍शो मोशीन दुम्‍त। इन पाप यो मक्‍याम्‍सीथु लीशो बाक्‍ब।
1CO 15:18 ख्रीस्‍त कली थमा सुइश्‍‍शा बेक्‍शोपुकी यो जाम्‍शा लाम्‍तेक्‍म।
1CO 15:19 एको रागीम ब्रोंइचा कली ला ख्रीस्‍त कली थमा सुइश्‍शो बाक्‍तक हना, गो मुर नेल्‍ल आन क्‍येङा शिशी पाइक्‍चा पुंइसीब नकी।
1CO 15:20 तन्‍न ख्रीस्‍त बेक्‍शो रे सेंसीशो बाक्‍ब। बेक्‍शो आन दातेमी नेल्‍ल क्‍येङा ङोंइती सेंसीब ख्रीस्‍त बाक्‍त। १कोरिन्‍थी ६:१४; कलस्‍सी १:१८
1CO 15:21 दोपा मुर कामी नेल्‍ल मुर आन कली बेक्‍शा लाइब सेला, मोपा मुर कामीन मुर नेल्‍ल आन कली बेक्‍शो रे सेंचा पुंइसीब सेल्‍तु। उत्‍पत्ती ३:१७-१९; रोमी ५:१८
1CO 15:22 दोपा आदम रे नेल्‍ल बेक्‍ब दुम्‍मा, मोपा ख्रीस्‍त रे पा नेल्‍ल ब्रोंइब दुम्‍तेक्‍म।
1CO 15:23 मिनु नेल्‍ल का का पा सेंसीनीम। ङोंइती ख्रीस्‍त सेंसाक्‍व। मिनु नोले आ जाक्‍ची ना मेको कली थमा सुइक्‍बपुकी सेंसीनीम। १थिस्‍सलोनिकी ४:१६-१७
1CO 15:24 मिनु नोले रागी नुप्‍ची ना जाक्‍ब। मिनु मेकोमी नेल्‍ल सासन, नेल्‍ल अधिकार नु नेल्‍ल सक्ति खतम सेल्‍शा, आ आफ परमप्रभु यावे कली आ राज्‍य गेब। रोमी ८:३८
1CO 15:25 मारदे हना ख्रीस्‍तमी आ जोरी सत्रु आन कली आ खोइलीम मदिम्‍दा सम्‍म सासन पचा माल्‍ब। भजन संग्रह ११०:१; मत्ती २२:४४
1CO 15:26 नेल्‍ल क्‍येङा नोले साइक्‍तीक चहिं जोरी सत्रु बेक्‍तीक बाक्‍ब।
1CO 15:27 मारदे हना परमप्रभु यावेमी रागी ङा सक्ति नेल्‍ल कली आ खोइलीम दिप्‍शा वोइक्‍तु। रागी ङा सक्ति नेल्‍ल आ खोइलीम दिम्‍शा वोइक्‍तु, आ चहिं दिम्‍सीशा मबा, दे रुम्‍सीब। भजन संग्रह ८:६
1CO 15:28 मिनु सक्ति नेल्‍ल परमप्रभु यावे आ गुइम बाक्‍त हना, तौ यो आ गुइम बाक्‍ब। मारदे हना परमप्रभु यावे नेल्‍ल आन कली का ला परमप्रभु यावे बाक्‍ब।
1CO 15:29 बेक्‍शो रे मसेंसीब देंशो लोव़ थमा बाक्‍त हना, बेक्‍शो मुर आन पा ङा अरु थमा सुइक्‍ब मुर ब्‍वाक्‍कुम ख्रुम्‍शा ग्रुंइपांइसीचा, मार मिम्‍नीमी? बेक्‍शो मुर थमा पा मसेंसीनीम हना, मारदे अरु मेको आन पा ङा ब्‍वाक्‍कुम ख्रुम्‍शा ग्रुंइचा पुंइसीनीमी?
1CO 15:30 मारदे गो शुश श्‍येत फाल्‍शा, एको लोव़ शेंना शेंन गाक्‍नुङा? रोमी ८:३६; गलाती ५:११
1CO 15:31 आं लोक्‍बपुकी, येसु ख्रीस्‍त, इं प्रभु आ मुर दुम्‍तीनी। मिनु इन कली तशा, आं नें बोरपाइक्‍नुङ। तन्‍न शेंना शेंन गाक्‍शा, नाक्‍त किंत किंत बेक्‍चा ङा खोदेंशो दुम्‍नुङ। २कोरिन्‍थी ४:१०
1CO 15:32 एफिसस सहरम शेंना शेंन बाक्‍ङानु, मेकेर ङा मुरपुकीमी जोइ वां खोदेंशो पा खेदा पतीमी। मुर बेक्‍शो रे मसेंसीनीम हना, जय तू्‍य मारदे हना दीसा बेक्‍नय। यसैया २२:१३
1CO 15:33 सुइमी जोल थमा मसुतीन। मारदे हना मरिम्‍शो मुर नु बाक्‍बम, मुर कली मरिम्‍शो सेल्‍ब।
1CO 15:34 दूली मिम्‍चा प्रोनीन। लेंशा पाप मपने। इन दाते ङा का निक्‍शीमी परमप्रभु यावे आ पर्बम मारेइ मतुइक्‍ब बाक्‍नीम। मेको इन कली मुने दोक्‍चा ङा बाक्‍ब। १थिस्‍सलोनिकी ५:८
1CO 15:35 मिनु मुर कामी “मुर बेक्‍शो रे दोपा सेंसीनीमी? आन रां दोदेंशो बाक्‍बा ङा?” दे हिल्‍लो पाइनीम।
1CO 15:36 गे मूर्खपुकी, वांचेर शोक्‍नीनु, वांचेर मबेक्‍थु, कोच्‍वा मदाप्‍ब। यूहन्‍ना १२:२४
1CO 15:37 मिनु इन शोक्‍शो, वाशो खोदेंशो मबाक्‍ब। मेको गेडा ला बाक्‍ब। मेको चेरब बाक्‍त हना यो अरु वांचेर बाक्‍त हना यो मोदेंशो बाक्‍ब।
1CO 15:38 तन्‍न परमप्रभु यावेमी नेल्‍ल आन कली आ योव़शो रां गेब। मिनु वांचेरमी आंम आंम कोच्‍वा दाप्‍शो खोदेंशो बाक्‍ब।
1CO 15:39 मारदे हना ब्रोंइशो नेल्‍ल खाल का ङा मबाक्‍नीम। मुर खाल का ङा बाक्‍नीम, जन्‍तु अर्को खाल ङा बाक्‍नीम, बस्‍तु भाव अर्को खाल ङा बाक्‍नीम, चिक्‍ब अर्को खाल ङा बाक्‍नीम नु ङांइ अर्को खाल ङा बाक्‍नीम।
1CO 15:40 मिनु स्‍वर्ग ङा रां बाक्‍नीम नु रागी ङा रां बाक्‍नीम। स्‍वर्ग ङा रां आन दारस का बाक्‍ब नु रागी ङा रां आन दारस अर्को बाक्‍ब।
1CO 15:41 नां आ छेङछेङ का बाक्‍ब नु तास्‍ला आ छेङछेङ अर्को बाक्‍ब। मिनु सोरुल आन छेङछेङ लेंशा अर्को बाक्‍ब। सोरुल का आइक्‍च नु अर्को ठेयब छेङछेङ पाइश्‍शो बाक्‍ब।
1CO 15:42 मोदेंशो मुर आन बेक्‍शो रे सेंसीचा यो बाक्‍ब। शोक्‍शो रां, वांचेर खोदेंशो पा, जाम्‍शा लाइब। सेंसीशो रां चहिं गेना हना यो लीब रां बाक्‍ब।
1CO 15:43 शोक्‍शो रां मरिम्‍शो बाक्‍ब। सेंसीशो रां चहिं थम दारशो बाक्‍ब। शोक्‍शो रां मारेइ पने मचाप्‍ब दुम्‍शो बाक्‍ब। सेंसीशो रां चहिं सक्ति पाइश्‍शो बाक्‍ब। फिलिप्‍पी ३:२१; कलस्‍सी ३:४
1CO 15:44 बेक्‍चा माल्‍शो रां शोक्‍शो बाक्‍ब, परमप्रभु यावे आ सोक्‍तीम गेशो रां सेंसीशो रां बाक्‍ब। बेक्‍चा माल्‍शो रां बाक्‍त हना, परमप्रभु यावे आ सोक्‍तीम गेशो रां यो बाक्‍ब।
1CO 15:45 मार ब्रेक्‍शो बाक्‍ब देंशा हना “नेल्‍ल क्‍येङा ङोंइती ङा मुर, आदम, ब्रोंइब दुम्‍माक्‍त” दे ब्रेक्‍शो बाक्‍ब। नेल्‍ल क्‍येङा नोले ङा आदम चहिं ब्रोंइतीक सोक्‍त गेब दुम्‍त। उत्‍पत्ती २:७; २कोरिन्‍थी ३:१७
1CO 15:46 तन्‍न परमप्रभु यावे आ सोक्‍तीम गेशो रां ङोंइती ङा ममाइ। ङोंइती बेक्‍चा माल्‍शो रां बाक्‍ब। नोले ला सोक्‍तीम गेशो रां बाक्‍ब।
1CO 15:47 ङोंइती ङा मुर रागी ङा खप के सेल्‍शो बाक्‍त। नोले ङा मुर स्‍वर्ग रे बाक्‍ब।
1CO 15:48 ङोंइती ङा मुर खप के सेल्‍शो खोदेंशो पा, खप के सेल्‍शो बाक्‍तेक्‍म। ङोंइती स्‍वर्ग रे जाक्‍शो मुर खोदेंशो पा, स्‍वर्ग ङा मुर बाक्‍नीम।
1CO 15:49 दोपा गो खप के सेल्‍शो मुर खोदेंशो बाक्‍नया, मोपा गो स्‍वर्ग ङा मुर खोदेंशो यो दुम्‍नय। उत्‍पत्ती ५:३
1CO 15:50 आं लोक्‍बपुकी, मुल हुश नु रुश पाइश्‍शो मुर परमप्रभु यावे आ राज्‍य ओव़ने मचाप्‍नीम। बेक्‍शा जाम्‍शा लाइब रां, गेना हना यो लीब रां दुम्‍ने मचाप्‍ब।
1CO 15:51 मुल इन कली ख्रुइश्‍शो लोव़ का शेंनन्‍नी। गो का निक्‍शी बेक्‍शा लाइनय, का निक्‍शी ब्रोंइशा बाक्‍नय। गो बेक्‍शा लशो नु ब्रोंइशा बाक्‍शो नेल्‍ल फाइक्‍चा पुंइसीनय। १थिस्‍सलोनिकी ४:१५-१७
1CO 15:52 मेको छिन काम दुम्‍ब। याम काम दुम्‍ब। नोले ङा नाक्‍त ङा तुराही ताप्‍ची ना मेको दुम्‍ब। मारदे हना मेको तुराही नेंसीब। बेक्‍शो मुर, मबेक्‍चा ङा पा सेंसीनीम। मिनु गो फाइक्‍चा पुंइसीनय। मत्ती २४:३१
1CO 15:53 मारदे हना मेको जाम्‍‍शा लाइब रां, मजाम्‍चा ङा रां दुम्‍चा माल्‍ब। मेको बेक्‍‍‍शा लाइब रां, मबेक्‍चा ङा रां दुम्‍चा माल्‍ब। २कोरिन्‍थी ५:४
1CO 15:54 मिनु जाम्‍शा लाइब रां, गेना हना यो लीब रां दुम्‍चा माल्‍ब। बेक्‍ब रां, गेनायो मबेक्‍चा ङा रां दुम्‍चा माल्‍ब। मेना मेको ब्रेक्‍शो लोव़ थमा दुम्‍ब “ब्रोंइतीक सक्तिमी बेक्‍चा कली ग्रात।
1CO 15:55 ए बेक्‍चा, इ ग्रातीक ते लमे? ए बेक्‍चा, इ हिंपाइक्‍तीक ते लमे?” दे ब्रेक्‍शो बाक्‍ब।यसैया २५:८,; होसे १३:१४
1CO 15:56 पाप पशोमी बेक्‍चा कली हिंपाइक्‍ब। परमप्रभु यावे आ अरेशो लोव़ तुइक्‍बमी पाप पशो यो तुइक्‍ब। मेको आ अरेशो आ सक्ति बाक्‍ब। रोमी ७:८; रोमी ११:१३
1CO 15:57 तन्‍न गो परमप्रभु यावे कली “गे रिम्‍शो पाइब बाक्‍नीनी” देंनय। मारदे हना मेकोमी इं प्रभु येसु ख्रीस्‍त आ पशोमी ग्राचा गेप्‍तु।
1CO 15:58 मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।
1CO 16:1 क्‍येट पोक्‍चा आ पर्बम गलातीया रागी ङा थमा सुइक्‍ब आन कली शेंशो इन कली यो शेंनन्‍नी। २कोरिन्‍थी ८:९; गलाती २:१०
1CO 16:2 हप्‍ता ङा ङोंइती नाक्‍ती गे नेल्‍लेमी आंम के बाक्‍शो रे हेंशा, गो ओशो गेने चाप्‍नुङ, दे वोतीने। मो पाइतीनी हना, गो जाक्‍ङानु, क्‍येट मबा दे खिं खिं हिरशा पुंइशा गाक्‍चा ममाल्‍नीनी। प्रेरित २०:७
1CO 16:3 मिनु आं जाक्‍ची ना मेको क्‍येट चोव़दीचा कली सु सु कली सोइक्‍चा दाक्‍नीनी, मेको आन कली योव़शा वोतीने। मिनु गो चिठी ब्रेक्‍शा, मेको क्‍येट नु चिठी इन योव़शो मुर कली यरूसलेम चोव़थ सोइक्‍नुङ।
1CO 16:4 गो यो लचा माल्‍ताक्‍यी हना, मेको गो नु लाइनीमी।
1CO 16:5 गो मासीडोनीया रागी लाक्‍‍शा, इन कली ग्रुम्‍थ जाक्‍नुङ। प्रेरित १९:२१
1CO 16:6 मिनु महिना का निक्‍शी हिउंद मलाक्‍गा सम्‍म गे नु बाक्‍नुङा कों? मिनु ते ते लाइनुङा, आं कली वारच पाइनीनी कों, दे मिम्‍शा बाक्‍ती।
1CO 16:7 मुल ग्रुम्‍थ जाक्‍ती हना, काबु निक्‍बु ला बाक्‍चा ताइनुङ। तन्‍न प्रभुमी गेपुकी नु शुश बाक्‍चा गेयील दे आस पा बाक्‍ती। प्रेरित २०:२
1CO 16:8 पेन्‍तीकोस नाक्‍त सम्‍म गो एफिसस सहरमी बाक्‍नुङ। प्रेरित १९:१,१०
1CO 16:9 मारदे हना शुश मुर आन कली ख्रीस्‍त आ पर्बम शेंचा नु नेंपाइक्‍चा ताइनुङमी। आं शेंशो लोव़ मदाक्‍बपुकी यो शुश बाक्‍नीम। २कोरिन्‍थी २:१२; कलस्‍सी ४:३
1CO 16:10 तिमोथीमी एको चिठी कुरशा जाक्‍मेनु, मेको कली रिम्‍शो पतीने। आ लोव़ नेनीने। मारदे हना गो नु बाक्‍शा, आं यो प्रभु आ गेय पना पन बाक्‍ब। १कोरिन्‍थी ४:१७; फिलिप्‍पी २:१९-२२
1CO 16:11 सुइमी महिक्‍शो मुर खोदेंशो मपने। मान पा रिम्‍शो पा लेश्‍शा आं बाक्‍तीक सोइक्‍तीने। मारदे हना गो मेको नु लोक्‍ब आन कली रिम्‍शा बाक्‍नुङ।
1CO 16:12 ङोंइती इं लोक्‍ब आपोल्‍लोस कली लोक्‍बपुकी नु गारशा “कोरिन्‍थी आन कली ग्रुम्‍थ लावो” दे शुश लोव़ पाता। आ चहिं “मुल लचा थुं मपङ” दे लने मबिस्‍से। आ गेय गारत हना, इन कली ग्रुम्‍थ पीब। १कोरिन्‍थी १:३२
1CO 16:13 होस पा बाक्‍कीने। पोक्‍च थेक्‍शा थमा सुइश्‍शा बाक्‍कीन। ठेयब थुं पा बाक्‍कीने। सक्ति पाइश्‍शो गेय पना पन बाक्‍कीन। एफिसी ६:१०
1CO 16:14 मार पाइतीनी हना यो, दाक्‍मुशा पने।
1CO 16:15 आं लोक्‍बपुकी, आकाया रागीम नेल्‍ल क्‍येङा ङोंइती थमा सुइक्‍बपुकी स्‍तीफानस नु आ खिं ङा मुर बाक्‍तेक्‍म दे तुइक्‍नीनी। मेकोपुकीमी थमा सुइक्‍ब आन कली वारच पा रिम्‍शो गेय पा शेंना शेंन गाक्‍नीम। १कोरिन्‍थी १:१६
1CO 16:16 मेको आन पशो खोदेंशो पा शेंना शेंन गाक्‍ब नेल्‍ल आन कली मान पा आन लोव़ नेंशा टिने।
1CO 16:17 स्‍तीफानस, फोरटुनातस नु अकाइकस एक जाक्‍मानु, गो ग्‍येरसाक्‍यी। मेको आन कली ग्रुम्‍शा, इन कली ग्रुम्‍शो खोदेंशो पा, आं थुं नाइक्‍ताक्‍ङ।
1CO 16:18 मारदे हना मेकोपुकीमी ग्‍येरपाइक्‍तीमी, आं थुं बारपाइक्‍तीमी। गे नु बाक्‍मानु, इन कली यो ग्‍येरपाइश्‍शा, इन थुं बारपदमे बाक्‍त दे तुइक्‍ताक्‍ङ। मोदेंशो मुर आन कली मान पतीने। १थिस्‍सलोनिकी ५:१२; फिलिप्‍पी २:२९
1CO 16:19 एसीयाम बाक्‍ब थमा सुइक्‍बपुकीमी इन कली “रिम्‍शो बाक्‍कीन” देंतेक्‍म। अक्‍वीला, प्रिस्‍कीला नु आस खिंमी ग्रुम्‍ब थमा सुइक्‍बपुकीमी प्रभु आ नेंमी “रिम्‍शो बाक्‍कीन” देंतेक्‍म। प्रेरित १८:२; रोमी १६:३,६
1CO 16:20 लोक्‍ब नेल्‍लेमी इन कली “रिम्‍शो बाक्‍कीन” देंतेक्‍म। प्रभु आ नेंमी मुम्‍मुशा आसीक गेमुने।
1CO 16:21 गो पावलमी “रिम्‍शो बाक्‍कीन” दे आंम गुइमी ब्रेक्‍ताक्‍ङ। गलाती ६:११; कलस्‍सी ४:१८; २थिस्‍सलोनिकी ३:१७
1CO 16:22 प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०
1CO 16:23 प्रभु येसुमी इन कली शिशी पा कोव़ङल।
1CO 16:24 ख्रीस्‍त येसु आ नेंमी गो नेल्‍ल इन कली दाक्‍शा बाक्‍नुङ। आमेन।
2CO 1:1 परमप्रभु यावे आ दाक्‍शो पा ख्रीस्‍त येसु आ सोइश्‍शो गो पावल नङ। इं लोक्‍ब तिमोथी नु गोमी कोरिन्‍थ सहर ङा परमप्रभु यावे कली थमा सुइश्‍शा ग्रुम्‍ब इन कली नु आकाया रागीम बाक्‍ब थमा सुइक्‍ब नेल्‍ल आन कली एको चिठी ब्रेक्‍शा सोइक्‍ताक्‍स्‍कु। १कोरिन्‍थी १:१
2CO 1:2 इं आफ परमप्रभु यावे नु प्रभु येसु ख्रीस्‍तमी इन कली शिशी पा इन थुं नाइश्‍शा बाक्‍चा गेम्‍सेक्‍ल।
2CO 1:3 इं प्रभु येसु ख्रीस्‍त आ आफ परमप्रभु यावे कली “गे रिम्‍शो पाइब ननी” देंशा ठेयब सेल्‍नीकी। मारदे हना मेको शिशी पाइब आफ, थुं नाइक्‍पाइक्‍ब नु थुं बारपाइक्‍ब परमप्रभु यावे बाक्‍ब, दे तुइक्‍नीकी। रोमी १५:५
2CO 1:4 गो शुश श्‍येत जकानु, परमप्रभु यावेमी आंइ थुं नाइक्‍पाइश्‍शा बारपाइक्‍ब। मिनु आंइ थुं नांइ‍सीशा, गोपुकीमी यो श्‍येत जाइब आन कली आन थुं नाइक्‍पाइश्‍शा, बारपाइक्‍ने चाप्‍नीकी।
2CO 1:5 ख्रीस्‍त आ नेंमी गिश श्‍येत जाइनीकी, मिश ख्रीस्‍त आ नेंमी थुं नाइक्‍पाइक्‍चा पुंइसीनीकी। भजन संग्रह ३४:२०; रोमी ८:१७; भजन संग्रह ९४:१९
2CO 1:6 आंइ श्‍येत जशोमी इन थुं नाइक्‍पाइक्‍ब। मिनु रिम्‍शो दुम्‍ब। गो आंइ थुं नाइक्‍पाइक्‍चा पुंइसीशोमी गे इन थुं नाइक्‍पाइक्‍चा पुंइसाक्‍नी। गे आंइ खोदेंशो दुम्‍शा, श्‍येत फाल्‍शा बाक्‍तीनी हना, गे आंइ खोदेंशो पा थुं नाइक्‍पाइक्‍चा पुंइसीनीनी। २कोरिन्‍थी ४:८-११,१५
2CO 1:7 आंइ जशो श्‍येत गे यो जाइनीनी। मिनु आंइ खोदेंशो पा थुं नाइक्‍पाइक्‍चा पुंइसीनीनी। आंइ खोदेंशो पा, थुं नाइक्‍पाइक्‍चा पुंइसीनीनी, दे तुइश्‍शा, आस पचा मप्रोंइथु बाक्‍नीकी।
2CO 1:8 आंइ दाक्‍शो लोक्‍बपुकी, एसीया रागीमी बाक्‍कानु, शुश श्‍येत जाइतक। श्‍येत जचा आ पर्बम लोव़ मख्रुइक्‍थु, तुइक्‍पाइक्‍नन्‍नी। आंइ जशो श्‍येत मार बाक्‍ब देंशा हना, बेक्‍चा ङा सम्‍म दुम्‍शो नकी। प्रेरित १९:२३-४०; १कोरिन्‍थी १५:३२
2CO 1:9 साइक्‍चा पुंइसीशो खोदेंशो दुम्‍तक। मो दुम्‍तक हना यो “परमप्रभु यावेम बेक्‍शो मुर आन कली सेंब। मोपतीके मेको कली थमा सुइय्‍य। मेको क्‍येङा लाक्‍शा सुइमी इं कली प्रोंइने मचाप्‍नीम” दे मिम्‍शा बाक्‍तक।
2CO 1:10 मिनु परमप्रभु यावेमी मोदेंशो बेक्‍चा ङा दुम्‍शो रे प्रोंइतीकी। मिनु मुल नोले यो आंइ कली श्‍येत रे प्रोंइब, दे तुइक्‍नीकी।
2CO 1:11 मोपतीके परमप्रभु कली “श्‍येत रे प्रोंइयीकी” दे पुंइना पुंइन बाक्‍नीकी। मिनु गेपुकीमी यो “पावल नु आ वारच आन कली श्‍येत रे प्रोनीन” दे पुनीने। नोले आंइ कली श्‍येत रे प्रोंइशो तशा, शुश मुरुमी “गे रिम्‍शो पाइब ननी, आंइ पुंइशो गेतीकी, रिम्‍शो पाइतीनी” दे परमप्रभु कली ठेयब सेल्‍नीम, दे तुइक्‍नीकी। फिलिप्‍पी १:१९
2CO 1:12 गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७
2CO 1:13 मिनु गो इन कली नेल्‍ल रुप्‍चा ङा नु पढेचा ङा लोव़ ब्रेक्‍नीकी। मुल गे नेल्‍ल रुप्‍तीनी, दे गो आस पाइनुङ।
2CO 1:14 गे दोपा आंइ पर्बम इन नें बोरपाइक्‍ने चाप्‍नीनी, मोपान इं प्रभु येसु आ नाक्‍ती जाक्‍मेनु, गोपुकीमी इन कली तशा, आंइ नें बोरपाइक्‍ने चाप्‍नीकी। २कोरिन्‍थी ५:१२; फिलिप्‍पी २:१६
2CO 1:15 मारदे हना गो मेको नेल्‍ल तुइक्‍ताक्‍ङ। गे शुश ग्‍येरसीशा बाक्‍कीन, दे ङोंइती इन बाक्‍तीके जाक्‍चा मिम्‍ताक्‍ङ।
2CO 1:16 गो मासीडोनीया लङानु, इन कली ग्रुम्‍नुङ। मिनु मासीडोनीया रे लेङङानु, इन बाक्‍तीके जाक्‍नुङ। मिनु गेपुकीमी आं कली यहूदीया रागी सम्‍म चोक्‍नीनी, दे आस पाता। १कोरिन्‍थी १६:५-६
2CO 1:17 मोदेंशो आस पा, मरिम्‍शो पङा ङा? मार, मोदेंशो मिम्‍शा, रागी ङा मुर खोदेंशो पङा ङा? मार मेको आन खोदेंशो काइले ना दुम्‍बा, काइले ना मदुम्‍बा देंन ङा?
2CO 1:18 परमप्रभु यावेमी आ देंशो खाप्‍ब, दे नेल्‍लेम तुइक्‍नीम। गोपुकीमी इन कली देंशो लोव़ थमान बाक्‍ब। दुम्‍बा कों, मदुम्‍बा कों, मार तुइक्‍चा देंशो लोव़ दुम्‍सीन मदुम्‍ब।
2CO 1:19 सिल्‍वानस, तिमोथी नु गो सांफामी इन कली परमप्रभु यावेमी आ तौ येसु ख्रीस्‍त आ लोव़ नेंपाइक्‍तक। मेको लोव़ थमा दुम्‍बा कों मदुम्‍बा, मार तुइक्‍चा देंशो लोव़ ममाइ। येसु ख्रीस्‍त थमा बाक्‍ब। प्रेरित १८:५
2CO 1:20 परमप्रभु यावे आ गेशो लोव़ नेल्‍ल येसु ख्रीस्‍तमी खाप्‍तु। मोपतीके गो मेको आ नेंमी आमेन देंनीकी। मिनु परमप्रभु यावे कली “ठेयब बाक्‍नीनी” दे ठेयब सेल्‍नीकी। प्रकाश ३:१४
2CO 1:21 परमप्रभु यावेमी आंइ कली नु इन कली ख्रीस्‍तमी काथा वोइश्‍शा, आ मुर दुम्‍पाइक्‍तु, आ गेय पाइब सेल्‍तु। १यूहन्‍ना २:२७
2CO 1:22 मेकोमी इं कली छाप थोक्‍ताक्‍व। मिनु आ सोक्‍त इं थुंमी वोइक्‍तु। मेको सोक्‍त बैना खोदेंशो पा गेप्‍तु। एफिसी १:१३; २कोरिन्‍थी ५:५; रोमी ८:१६
2CO 1:23 परमप्रभु यावे कली सांकछी वोइश्‍शा, इन कली थमा पा देंनुङ, गो इन कली हुइक्‍चा कली कोरिन्‍थ मजाक्‍ङ।
2CO 1:24 गो इन थमा सुइक्‍तीके कली हुकुम मपाइ‍नीकी। इन ग्‍येरसीचा ङा पा, गे नु गेय पाइनीकी। मारदे हना इन थमा सुइक्‍तीके बोल्‍यो बाक्‍ब। २कोरिन्‍थी ४:५; १पत्रुस ५:३
2CO 2:1 गो इन कली लेंशा श्‍येत गेचा कली कोरिन्‍थ मपीनुङ, दे मिम्‍ताक्‍ङ।
2CO 2:2 मारदे हना गो इन कली श्‍येत गेता हना, आं श्‍येत गेशो मुर आन क्‍येङा लाक्‍शा, सुमी आं कली ग्‍येरपाइक्‍ने चाप्‍बा ङा?
2CO 2:3 गो ङोंइती मार मिम्‍शा ब्रेक्‍ताक्‍ङ देंशा हना, गो जाक्‍ङानु, सु मुरपुकीमी आं कली ग्‍येरपाइक्‍चा माल्‍नीमी, मेको रे पा आं थुं मखाइक्‍ल, दे ब्रेक्‍ताक्‍ङ। मारदे हना गो ग्‍येरसीङानु, गे नेल्‍ल ग्‍येरसीनीनी, दे थमा सुइक्‍नुङ।
2CO 2:4 एको चिठी ब्रेक्‍तुनु, आं थुं खाइश्‍शा “दोपा अर्ती गेङमी? हुइश्‍शा रिम्‍शो दुम्‍नीमी कों? दोपा रिम्‍शो दुम्‍नीमी?” दे इन कली शुश मिम्‍शा, ङाक्‍थ्री दुम्‍ती। इन थुं खाइक्‍पाइक्‍चा कली ममाइ, इन कली दाक्‍तीके मोदेंशो दुम्‍त, दे मिम्‍तीन।
2CO 2:5 इन वारच कामी इन थुं खाइक्‍पदा बाक्‍त, दे रुप्‍ता। आं थुं खाइक्‍पाइश्‍शो क्‍येङा नेल्‍ल इन थुं खाइक्‍पाइक्‍तु।
2CO 2:6 मेको कली गे नेल्‍ल इन मिम्‍शा गेशो सजाइ ठीक बाक्‍ब।
2CO 2:7 मुल ङा मेरे माफ गेने। आ थुं नाइक्‍पाइश्‍शा बारपतीन। मोदेंशो मपाइतीनी हना, आ मरिम्‍शो पशो मिम्‍शा, आ कांइचीक बाक्‍शा, बेक्‍शो खोदेंशो दुम्‍ब।
2CO 2:8 मोपतीके मेको कली ब्रशा, दाक्‍तीन, दे इन कली पुंइनुङ।
2CO 2:9 गे टीनीनी देय मटीनीनी, दे गो इन कली ङोंइती ङा चिठी सोइश्‍शो नङ।
2CO 2:10 गेपुकीमी सु सु आन कली माफ गेनी, गो यो मेको आन कली माफ गेता। माफ गेङानु, इन पर्बम ख्रीस्‍त आ ङोंइती गेता। यूहन्‍ना २०:२३
2CO 2:11 सैतानमी इं कली खतम सेल्‍चा मतवल। मारदे हना मेको आ मिम्‍शो गो नेल्‍ल तुइक्‍नय। लूका २२:३१; १पत्रुस ५:८
2CO 2:12 गो त्रोआस सहरमी ख्रीस्‍त आ ग्‍येरपाइक्‍तीक लोव़ शेंथ जाक्‍ङानु, प्रभुमी आं कली नक लाप्‍चो का रोक्‍शा गेती। प्रेरित १४:२७; १कोरिन्‍थी १६:९
2CO 2:13 तन्‍न आं दाक्‍शो लोक्‍ब तीतस कली मग्रुम्‍थु, आं थुं मनाइक्‍स। मोपतीके मेको आन कली प्रोंइ‍शा, मासीडोनीया लती। २कोरिन्‍थी ७:६; प्रेरित २०:१
2CO 2:14 तन्‍न परमप्रभु यावे कली “गे रिम्‍शो पाइब बाक्‍ननी” दे ठेयब सेल्‍नीकी। मारदे हना ख्रीस्‍त आ नेंमी ग्राना ग्रान लाइनीकी। मोपा शेंना शेंन हिरशा गाक्‍कानु, ब्रोव़शो रिना पाइश्‍शो खोदेंशो पा नेल्‍लेमी ख्रीस्‍त कली तुइक्‍नीमी।
2CO 2:15 मारदे हना गो पाप रे ब्रोंइशा बाक्‍ब नु जाम्‍शा लाइब आन दातेमी गो परमप्रभु यावे आ ङोंइती ख्रीस्‍त आ ब्रोव़शो नाम्‍सीशो बाक्‍नीकी। १कोरिन्‍थी १:१८
2CO 2:16 गो जाम्‍शा लाइब आन कली बेक्‍चा ङा रिना नु पाप रे ब्रोंइशा बाक्‍ब आन कली ब्रोंइचा ङा रिना बाक्‍नीकी। मोदेंशो लोव़ शेंचा कली सुम जिम्‍मा ब्रने चाप्‍नीमी? लूका २:३४; २कोरिन्‍थी ३:५
2CO 2:17 तन्‍न गो परमप्रभु यावे आ लोव़ ग्‍याप्‍ब लेयब खोदेंशो पा मलेयनीकी। गो ठीक पाइब मुर बाक्‍नीकी। गो परमप्रभु यावे आ सोइश्‍शो, परमप्रभु यावे आ ङोंइती ख्रीस्‍त आ नेंमी शेंनीकी। २कोरिन्‍थी १:१२; २कोरिन्‍थी ४:२; १पत्रुस ४:११
2CO 3:1 गो मेकोपुकीमी लोव़ पशो खोदेंब पा ठेयब सेल्‍सीनीकी ङा? मेकोपुकीमी सिफारीस कागज ग्रुंइनीमी। मिनु गोपुकी यो मोदेंशो कागज कुरशा, शेंना शेंन गाक्‍चा माल्‍नीकी ङा? २कोरिन्‍थी ५:१२
2CO 3:2 मोदेंशो आंइ कागज चहिं गेपुकी दुम्‍तीनी। गे आंइ थुंमी ब्रेक्‍शो बाक्‍नीनी। मिनु मुर नेल्‍लेमी इन पर्बम तुइक्‍ने चाप्‍नीम। १कोरिन्‍थी ९:२
2CO 3:3 गे ख्रीस्‍तमी ब्रेक्‍शो चिठी दुम्‍तीनी। कागज मसीमी ब्रेक्‍शो ममाइ। फुल्‍लु मुशा ब्रेक्‍शो यो ममाइ। ब्रोंइचा गेब परमप्रभु यावे आ सोक्‍तीमी इन थुंमी ब्रेक्‍शो बाक्‍ब। प्रस्‍थान २४:१२
2CO 3:4 ख्रीस्‍त आ नेंमी परमप्रभु यावे कली थमा सुइक्‍नीकी।
2CO 3:5 गो शेंदकानु, आंम जोक्‍तीक तुइक्‍तीक मकोंइनीकी। आंइ लोव़ शेंतीके परमप्रभु यावेमी पपाइश्‍शो बाक्‍ब, दे तुइक्‍नीकी। २कोरिन्‍थी २:१६
2CO 3:6 मेकोमी आंइ कली जोक्‍ब तुइक्‍ब सेल्‍शा, आ नक कबल ङा लोव़ शेंथ सोइक्‍ताक्‍की। ब्रेक्‍शा ममाइ, तन्‍न आ सोक्‍तीमी गेप्‍तु। ब्रेक्‍शोमी साइक्‍ब, तन्‍न आ सोक्‍तीमी ब्रोंइचा गेब। येरमीया ३१:३१; १कोरिन्‍थी ११:२५; रोमी ७:६; यूहन्‍ना ६:६३
2CO 3:7 बेक्‍तीक चाक्‍ब कबल फुल्‍लुमी मुशा, ब्रेक्‍शो बाक्‍माक्‍त। मेको आ छेङछेङ थम ठेयब बाक्‍त। मेकोम पतीके इस्राएलीपुकीम मोसा आ कुल कोव़ने मचाबेम। तन्‍न नोले मेको छेङछेङ ग्‍युम्‍ना ग्‍युम्‍न लत। प्रस्‍थान ३४:२९-३५
2CO 3:8 परमप्रभु यावे आ सोक्‍त आ कबल मेको क्‍येङा छेङछेङ मदुम्‍बा ङा? गलाती ३:२,५
2CO 3:9 मारदे हना बेक्‍तीक कबल छेङछेङ बाक्‍त हना, ठीक पतीके आ कबल मेको क्‍येङा शुश छेङछेङ दुम्‍चा माल्‍ब। रोमी १:१७; रोमी ३:२१
2CO 3:10 मेको ङोंइती छेङछेङ पाइश्‍शो बाक्‍त। मुल आ छेङछेङ नेल्‍ल जाम्‍शा लत। मारदे हना मुल मेको क्‍येङा शुश छेङछेङ पाइश्‍शो जाक्‍त।
2CO 3:11 ङोंइती ङा जाम्‍शा लाइब कबल छेङछेङ पाइश्‍शो बाक्‍ब। मुल लीशो कबल आ छेङछेङ गिश ठेयब बाक्‍म माइ?
2CO 3:12 मोदेंशो आस पतीके गो काइ महिंब दुम्‍शो बाक्‍नीकी।
2CO 3:13 साइ मोसामी पशो खोदेंशो मपाइनीकी। मोसामी इस्राएलीपुकीमी आ कुल ङा छेङछेङ ग्‍युम्‍ना ग्‍युम्‍न लशो मतामेक्‍ल, दे आ कुल वामी गिल्‍से बाक्‍त।
2CO 3:14 मोसामी इस्राएली आन कली परमप्रभु यावे आ देंशो लोव़ शेंदीमी बाक्‍त। मेकोपुकी चहिं मारेइ मरुप्‍ब दुम्‍मा बाक्‍त। मुल यो मरुप्‍ब बाक्‍नीम। साइ ङा लोव़ नेंपदमेनु, मेको आन थुं वाम गिल्‍शो खोदेंब दुम्‍शा, लोव़ मरुप्‍नीम। ख्रीस्‍तमी ला मेको आन थुंमी गिल्‍शो वा प्राक्‍शा रुप्‍ब सेल्‍ने चाप्‍ब। प्रेरित २८:२७; रोमी ११:२५
2CO 3:15 मुल यो मोसाम ब्रेक्‍शो लोव़ नेन्‍मेनु, आन थुं गिल्‍सीशो बाक्‍ब।
2CO 3:16 तन्‍न सुमी आ थुं प्रभु गे हिरबा, मेको आ थुंमी गिल्‍शो वा हुक्‍सी‍शा, रुप्‍ब दुम्‍ब। रोमी ११:२३,२६; प्रस्‍थान ३४:३४
2CO 3:17 मारदे हना प्रभु सोक्‍त बाक्‍ब। प्रभु आ सोक्‍ती ते बाक्‍बा, मेकेर पाप आ सजाइ रे ब्रोंइतीके बाक्‍ब।
2CO 3:18 गो नेल्‍ल इं थुं गिल्‍शो वा हुक्‍शा, प्रभु आ छेङछेङ कोंइशा, प्रभु आ छेङछेङ पाइश्‍शो खोदेंशो दुम्‍शा फाइक्‍चा पुंइसाक्‍य। मेको फाइक्‍तीके बारना बारन लशा, इं कली छेङछेङ का रे अर्को छेङछेङम फाइक्‍ब। मेको नेल्‍ल प्रभु रे जाक्‍ब। मेको सोक्‍त बाक्‍ब। २कोरिन्‍थी ४:६
2CO 4:1 गोपुकी नु परमप्रभु यावे आ शिशी बाक्‍तीके मेको शेंब दुम्‍तक। मोपतीके गेनायो आइक्‍च थुं पाइश्‍शो मदुम्‍नीकी। २कोरिन्‍थी ३:६; १कोरिन्‍थी ७:२५
2CO 4:2 गोपुकीमी मुने दोक्‍तीक ख्रुइश्‍शा पतीक गेय प्रोंइशो बाक्‍नीक। मरिम्‍शो पा परमप्रभु यावे आ लोव़ फाइक्‍चा रे ङोन बाक्‍नीकी। तन्‍न परमप्रभु यावे आ लोव़ तुइक्‍पाइक्‍तीकेमी मुर नेल्‍ल नु परमप्रभु यावे आ ङोंइती ब्रचा ङा बाक्‍नीकी। २कोरिन्‍थी २:१७; १थिस्‍सलोनिकी २:५
2CO 4:3 आंइ शेंशो ग्‍येरपाइक्‍तीक लोव़ वाम गिल्‍सीशो बाक्‍त हना यो, जाम्‍शा लाइब मुर कली ला मोपा गिल्सीशो बाक्‍ब। १कोरिन्‍थी १:१८
2CO 4:4 मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३
2CO 4:5 गो आंम पर्बम मशेंनीकी। तन्‍न येसु ख्रीस्‍त प्रभु बाक्‍ब, दे शेंनीकी। मिनु येसु आ पतीके गो इन गेय पाइब दुम्‍तक।
2CO 4:6 परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८
2CO 4:7 मेको ठेयब सक्ति परमप्रभु यावे के बाक्‍ब, दे कोंइचा कली मेको छेङछेङ खप के गर गो आंइ रां आगाम बाक्‍ब। १कोरिन्‍थी ४:११-१३; २कोरिन्‍थी ११:२३-२७
2CO 4:8 गो शुश श्‍येत जाइतक हना यो, खतम मदुम्‍क। मारेइ पने मचाप्‍ब दुम्‍तक हना यो, आइक्‍च थुं पाइश्‍शो मदुम्‍क।
2CO 4:9 गो खेदा पचा पुंइसाक्‍क हना यो, आंइ कली कोव़ब बाक्‍ब। खोल्‍चा पुंइसाक्‍क हना यो, मनुप्‍क।
2CO 4:10 येसु आ लोव़ शेंना शेंन गाक्‍कानु, येसु बेक्‍चा ङा श्‍येत जशो खोदेंशो पा, गो यो बेक्‍चा ङा श्‍येत जाइनीकी। तन्‍न येसु बेक्‍शो रे सेंचा पुंइसीशो खोदेंशो पा, सक्ति पाइश्‍शो दुम्‍नीकी। १कोरिन्‍थी १५:३१; गलाती ६:१७
2CO 4:11 ब्रोंइतक हना यो, येसु आ पर्बम बेक्‍चा ङा बाक्‍नीकी। मोपा आंइ बेक्‍चा ङा रांमी येसु आ ब्रोंइतीक सक्ति बाक्‍ब। रोमी ८:३६; फिलिप्‍पी ३:२१
2CO 4:12 आंइ रांमी बेक्‍चा ङा श्‍येत जशा, इन कली ख्रीस्‍त आ लोव़ शेंताक्‍क। आंइ गेय रे पा गे ब्रोंइचा ताइतीनी।
2CO 4:13 साइ ङा लोव़ ब्रेक्‍ब कामी “गो थमा सुइक्‍नुङ। मोपतीके आं थमा सुइश्‍शो नेंपाइक्‍नुङमी” दे ब्रेक्‍शो बाक्‍ब। मोदेंशो ब्रेक्‍ब थमा सुइक्‍तीक सोक्‍त का दुम्‍शा, गो यो थमा सुइक्‍नीकी। मिनु आंइ थमा सुइश्‍शो मुर आन कली नेंपाइक्‍नीकी। भजन संग्रह ११६:१०
2CO 4:14 मार लोव़ थमा सुइश्‍शा, नेंपाइक्‍नीकी देंशा हना “प्रभु येसु कली बेक्‍शो रे सेंबमी आंइ कली यो येसु नु सेंब” दे लोव़ बाक्‍ब। मिनु मेकोमी गे, गो नेल्‍ल इं कली आ ङोंइती बाक्‍चा गेब। १कोरिन्‍थी ६:१४
2CO 4:15 मारदे हना मेको नेल्‍ल इन पर्बम बाक्‍ब। परमप्रभु यावे आ शिशी शुश मुरुम नेंतेक्‍म हना, मेको क्‍येङा शुश मुरुम मेको कली ठेयब सेल्‍नीम। २कोरिन्‍थी १:६,११
2CO 4:16 ठेयब थुं पा शेंना शेंन गाक्‍नीकी। आंइ रां बेक्‍चशो तांइसाक्‍व हना यो, आंइ थुं चहिं बारना बारन लशो बाक्‍ब। एफिसी ३:१६
2CO 4:17 मारदे हना मुल जशो श्‍येत इच्‍का ला बाक्‍ब। नोले मेकोमी इं कली मरुप्‍चा ङा ठेयब छेङछेङमी बाक्‍चा गेब। रोमी ८:१७-१८; १पत्रुस १:६
2CO 4:18 मारदे हना गो मिक्‍चीमी तशो थोव़क ममाइ। तन्‍न मिक्‍चीम मतशो थोव़क ला कोव़नीकी। तशो थोव़क जाम्‍शा लाइनीम। मतशो थोव़क चहिं मजाम्‍थु, गेना हना यो लीनीम। हिब्रू ११:१
2CO 5:1 इं रां, रागी ङा ताम्‍बु खोदेंशो बाक्‍ब। मेको जाम्‍शा लाइब बाक्‍त। मेको जाम्‍शा लत हना यो, परमप्रभु यावेमी इं कली नक बाक्‍तीके गेब। मेको खिं गुइम सेल्‍शो मबाक्‍ब। मेको गेना हना यो लीब स्‍वर्ग ङा खिं बाक्‍ब। २पत्रुस १:१४
2CO 5:2 गो एकेर बाक्‍शा, रोंका पाइनीकी, आंइ स्‍वर्ग ङा खिंम बाक्‍चा दाक्‍नीकी।
2CO 5:3 मेको नक बाक्‍तीके ओव़चा चहिं माइत वा प्रुइश्‍शा, नक वा फेक्‍शो खोदेंशो बाक्‍ब। मोपा शिश्रा मदुम्‍नीकी।
2CO 5:4 मुल सम्‍म रागी ङा रांम बाक्‍नीकी, सुर्ता पना पन बाक्‍नीकी। शिश्रा दुम्‍चा कली ममाइ। तन्‍न नक फेक्‍शो खोदेंशो पा, आंइ जाम्‍शा लाइब रां गेना हना यो ब्रोंइशा बाक्‍ब स्‍वर्ग ङा रां दुम्‍ल। १कोरिन्‍थी १५:५१-५३
2CO 5:5 मोदेंशो दुम्‍चा कली परमप्रभु यावेमी आंइ कली ठीक पा वोइश्‍शो बाक्‍त। मेकोमी आंइ कली आ सोक्‍त बैना खोदेंशो पा गेप्‍तु। २कोरिन्‍थी १:२२; रोमी ८:१६,२३; एफिसी १:१३-१४
2CO 5:6 मोदेंशो दुम्‍मेनु, ठेयब थुं पाइश्‍शो दुम्‍शा बाक्‍नय। रांमी बाक्‍यानु, प्रभु रे ङोन बाक्‍नीकी। हिब्रू ११:१३
2CO 5:7 मारदे हना गो थमा सुइक्‍तीकेमी गाक्‍नीकी। ततीकेमी मगाक्‍नीकी।
2CO 5:8 गो ठेयब थुं पाइश्‍शो बाक्‍नीकी। गो रां रे ङोन दुम्‍शा, प्रभु नु बाक्‍चा दाक्‍नीकी। फिलिप्‍पी १:२३
2CO 5:9 मोपतीके गो रांम बाक्‍शा हना यो, मबाक्‍शा हना यो, प्रभु कली ग्‍येरपाइक्‍चा दाक्‍नीकी।
2CO 5:10 मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८
2CO 5:11 गोपुकी प्रभु कली मान पा हिंशा तुइक्‍तीके गो मुर आन कली शेंनीकी। परमप्रभु यावेमी आंइ पशो नेल्‍ल तुइक्‍ब। मिनु गे यो तुइक्‍नीनी, दे आस पाइनीकी।
2CO 5:12 गो आंइ कली इन ङोंइती ठेयब मसेल्‍सीनीकी। तन्‍न आंइ पर्बम बोरशा, आंम आन कली ठेयब सेल्‍सीबपुकीमी शोव़मी ला गेय पाइनीम। थुंमी मारेइ ममिम्‍नीम। मोदेंशो मुर आन कली लोव़ लेत्‍चा कली आंइ देंशो लोव़ तुइक्‍ब दुमीने। २कोरिन्‍थी ३:१; २कोरिन्‍थी १०:१२
2CO 5:13 गो मरुप्‍चा ङा बाक्‍तक हना, गो परमप्रभु यावे कली ठेयब सेल्‍चा कली मोदेंशो दुम्‍तक। गो रुप्‍चा ङा बाक्‍तक हना, मेको इन कली दुम्‍ब।
2CO 5:14 मारदे हना ख्रीस्‍तमी इं कली दाक्‍ब, दे शुश मिम्‍नीकी। मेको नेल्‍ल मुर आन पर्बम बेक्‍त, दे तुइश्‍शा, गो नेल्‍ल बेक्‍चा ङा मुर बाक्‍नय, दे तुइक्‍नीकी।
2CO 5:15 मिनु मेको नेल्‍ल आन पर्बम बेक्‍त। मिनु ब्रोंइशोपुकी मुल रे आंम पर्बम मब्रोंइमल। तन्‍न येसु कली ब्रोंइमल। मारदे हना मेको आन पर्बम साइश्‍‍शा, सेंसीचा पुंइसाक्‍व। रोमी १४:७-८
2CO 5:16 गो मुल रे मुर नेल्‍ल आन कली रागी ङा मुर खोदेंशो पा मकोव़नीकी। खेयप का गो ख्रीस्‍त कली मुर खोदेंशो पा कोव़तक। मुल मोदेंशो ममिम्‍नीकी।
2CO 5:17 सुइ ख्रीस्‍त आगाम बाक्‍त हना, मेको नक सेल्‍सीशो मुर का दुम्‍ब। ङोंइती ङा नेल्‍ल जाम्‍शा लत। नेल्‍ल नक दुम्‍ने नुप्‍त। रोमी ८:१०; गलाती २:२०; गलाती ६:१५; प्रकाश २१:५
2CO 5:18 मेको नेल्‍ल परमप्रभु यावेम पशो बाक्‍ब। परमप्रभु यावेमी आंइ कली ख्रीस्‍त रे पा आं नु गारपाइक्‍तु। मिनु आंइ कली मेको गारपाइक्‍तीक गेय पपाइक्‍तु। रोमी ५:१०
2CO 5:19 परमप्रभु यावेमी ख्रीस्‍त रे पा मुर आन कली आ नु गारपाइक्‍तु। मेको आन मरिम्‍शो पशो नेल्‍ल प्रेंशा, गारपाइक्‍तीक गेय आंइ कली गेप्‍तु। रोमी ३:२४-२५; कलस्‍सी १:१९-२०
2CO 5:20 मिनु गो ख्रीस्‍त आ पर्बम मुर आन कली गेय पाइब बाक्‍नीकी। परमप्रभु यावेमी आंइ पतीकेमी मुर आन कली ब्रेप्‍ब। गोपुकी ख्रीस्‍त आ पर्बम मुर नेल्‍ल आन कली “परमप्रभु यावे नु गारब दुमीने” दे शेंनीकी। लूका १०:१६
2CO 5:21 परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०
2CO 6:1 गो परमप्रभु यावे नु गेय पतीके इन कली “परमप्रभु यावे आ शिशी त‍शा, मप्रेंदीन” देंनीकी। २कोरिन्‍थी १:२४
2CO 6:2 मारदे हना मेकोमी “शिशी पची ना इ पुंइशो नेंता। गो पाप रे प्रोंइतीक नाक्‍तीमी इ कली वारच पाता” दे ब्रेक्‍शो बाक्‍ब। नेनीने, मुल शिशी पची ना बाक्‍ब। नेनीन मुल पाप रे प्रोंइतीक नाक्‍त बाक्‍ब। यसैया ४९:८; लूका ४:१९,२१
2CO 6:3 प्रभुमी पपाइश्‍शो गेयम मारेइ दूली मपाइनीकी। सुइ आन थुं मक्‍याल्‍नीकी।
2CO 6:4 तन्‍न परमप्रभु यावे आ गेय पाइब दुम्‍शा, आंइ गेय नेल्‍ल रिम्‍शो पाइनीकी। गो शुश फाल्‍नीकी, खेदा पतीकेमी, श्‍येत जतीकेमी, हिंतीकेमी,
2CO 6:5 तुप्‍चा पुंइसीनीकी, चोक्‍चा पुंइसीनीकी, आं पर्बम हुल बोक्‍चा पुंइसीनीकी। बेक्‍चा ङा गेय पा दशा, इप्‍चा मतथु बाक्‍नीकी। माइजा बाक्‍नीकी, २कोरिन्‍थी ११:२३-२७; १कोरिन्‍थी ४:११-१३
2CO 6:6 रिम्‍शो थुं कोंइनीकी, जोक्‍शो तुइश्‍शो गेय कोंइनीकी, मचबु देंब मदुम्‍नीकी, शिशी कोंइनीकी, परमप्रभु यावे आ सोक्‍तीम देंशो टीनीकी, मुर आन कली दाक्‍नीकी। १तिमोथी ४:१२; २कोरिन्‍थी ४:२; १कोरिन्‍थी २:४; एफिसी ६:१४-१७
2CO 6:7 थमा लोव़ पाइनीकी, परमप्रभु यावे आ सक्तिमी गेय कोंइनीकी, ग्‍युरा नु पेरा निम्‍फा रे ठीक पतीके पाइश्‍शो बाक्‍नीकी।
2CO 6:8 आंइ नें चुइक्‍ताक्‍म हना यो, क्‍याम्‍ताक्‍म हना यो, आंइ कली मान पाम्‍तेक्‍म हना यो, ग्रांग्रा दिम्‍तेक्‍म हना यो, मेको आन पशो मारेइ मसुइक्‍नीकी। मुरपुकीमी आंइ पर्बम “जोल पा शेंशा, मुर आन थुं क्‍याल्‍शा हेंथे शेंनीम” देंतेक्‍म हना यो, गो थमा लोव़ शेंनीकी।
2CO 6:9 आंइ कली मतुइक्‍नीमी, तन्‍न तुइश्‍शो बाक्‍नीमी। बेक्‍चा चिक्‍शो, तन्‍न मबेक्‍शो बाक्‍नीकी। सजाइ तशो, तन्‍न साइक्‍चा मपुंसीशो बाक्‍नीकी। २कोरिन्‍थी ४:१०-११; भजन संग्रह ११८:८; प्रेरित १४:१९
2CO 6:10 सुर्ता पशो, तन्‍न गेना हना यो ग्‍येरसीशो बाक्‍नीकी। प्रुङग दुम्‍शो, तन्‍न शुश आन कली शोंप सेल्‍नीकी। मारेइ मथीब दुम्‍शो, तन्‍न मारेइ मारेइमी गाप्‍शो बाक्‍नीकी। फिलिप्‍पी ४:१२-१३
2CO 6:11 गो कोरिन्‍थी इन कली शेंचा, शुश दाक्‍नीकी।
2CO 6:12 गोपुकीमी इन कली दाक्‍चा मतेक्‍नीकी। तन्‍न इन आंम थुंम आंइ कली दाक्‍चा तेक्‍ब।
2CO 6:13 मेको आ पा ङा, गो आल आन कली लोव़ पशो खोदेंशो पा, इन कली लोव़ पाइनुङ। इन थुं आंइ गे हिरदीन। १कोरिन्‍थी ४:१४
2CO 6:14 नेनीन, थमा मसुइक्‍ब आन कली इन थुं मगेने। मारदे हना ठीक पतीके नु परमप्रभु यावे कली मटितीके दोपा गारनीस? छेङछेङ नु छिङछिङ दोपा गारनीसी? एफिसी ५:११
2CO 6:15 ख्रीस्‍त नु सैतान बेलीआर दोपा उइक्‍थ उइक्‍थ दुम्‍ने मचाप्‍नीसी। थमा सुइक्‍ब नु मसुइक्‍ब मारम गारनीसी ङा?
2CO 6:16 परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्‍ब परमप्रभु यावे आ खिं बाक्‍नीकी। मिनु परमप्रभु यावेमी “आं मुर आगाम बाक्‍नुङ। मेको आन दातेम गाक्‍नुङ। मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम” देंशो बाक्‍त। लेवी २६:११-१२; इजीकीएल ३७:२७; १कोरिन्‍थी ३:१६
2CO 6:17 मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४
2CO 6:18 मिनु गो इन आफ दुम्‍नुङ। मिनु गेपुकी आं तमी तौ दुम्‍नीनी” दे नेल्‍ल सक्ति पाइश्‍शो परमप्रभु यावेमी देंत, दे ब्रेक्‍शो बाक्‍ब। यसैया ५२:११; इजीकीएल २०:४१; २सामुएल ७:१४; यसैया ४३:६; होसे २:१
2CO 7:1 आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।
2CO 7:2 इन थुं आंइ गे हिरदीन। मारदे हना गो सुइ इन कली मरिम्‍शो मपक। सुइ आन कली मरिम्‍शो मसेल्‍क। सुइ रे पा मारेइ यो मताक्‍क। २कोरिन्‍थी १२:१७; प्रेरित २०:३२
2CO 7:3 मेको इन कली दोस गेचा कली मदेंक। मारदे हना ङोंइती देंशो आं लोव़ लेंशा देंनुङ, इन कली दाक्‍नीकी। बेक्‍चा माल्‍तय हना यो, काथा बेक्‍य। ब्रोंइचा ताइतय हना यो, काथा ब्रोंइय। २कोरिन्‍थी ६:११-१३; रोमी ६:८
2CO 7:4 मिनु इन कली तशा, ग्‍येरसीशा, आं थुं बोरनुङ। आं थुं नाइक्‍सीशा बारना बारन लत। श्‍येत जाता हना यो, इन कली तशा गो ग्‍येरस ङा ग्‍येरस बाक्‍ती।
2CO 7:5 गो मासीडोनीया रागीम शेंना शेंन गाक्‍कानु, शुश श्‍येत जाइतक। मुरपुकीमी गडङ मडङ पा खेदा पा श्‍येत गेतीकी। मिनु शुश हिंचा माल्‍तक। प्रेरित २०:१-२; २कोरिन्‍थी ४:८
2CO 7:6 तन्‍न परमप्रभु यावेमी आइक्‍च थुं पाइश्‍शो आन कली आन थुं बारपाइक्‍ब। मिनु तीतस जाक्‍शा आंइ थुं बारपाइक्‍तु। मिनु आंइ थुं बारत। २कोरिन्‍थी २:१३
2CO 7:7 तीतस कली तशा ला ममाइ, तीतस आ लोव़ नेंशा, ठेयब थुं पाइश्‍शो दुम्‍तक। तीतसमी आंइ कली “कोरिन्‍थीपुकीमी थम रिम्‍शो पाइक्‍तीमी। आं कली शुश मान पशा कोंइताय्‍यीमी। आं थुं बारपाइक्‍तीमी” देंत। आ देंशो नेंशा गो थाम्‍पा ग्‍येरसाक्‍यी।
2CO 7:8 ङोंइती ङा चिठीमी इन थुं खाइक्‍पाइक्‍तन्‍नी, दे तुइक्‍ताक्‍ङ। मो हना यो मुल आं थुं मखाइक्‍ब। मारदे हना मेको इन थुं खाइश्‍शो शुश नाक्‍त मली, दे यो तुइक्‍ताक्‍ङ। २कोरिन्‍थी २:४
2CO 7:9 इन थुं खाइश्‍शो तुइश्‍शा, गो मग्‍येरसीङ। आं ब्रेक्‍शो टिशा, इन थुं लेत्‍ताक्‍नी। गेपुकीम “परमप्रभु यावेमी इं कली लां कोंइचा नु रिम्‍शो सेल्‍चा कली थुं खाइक्‍पाइक्‍की बाक्‍त” दे रुप्‍तीनी। मोपतीके गो इन थुं लेश्‍शो तशा ग्‍येरसाक्‍यी।
2CO 7:10 परमप्रभु यावेमी थुं खाइक्‍पाइश्‍शो आन कली रिम्‍शो दुम्‍मल, दे मो पशो बाक्‍ब। रागी ङा थुं खाइक्‍पाइक्‍मुशोमी चहिं थुं साइक्‍ब। मत्ती २६:७५; लूका १५:१७-२४; मत्ती २७:३-५
2CO 7:11 परमप्रभु यावेमी इन थुं खाइक्‍पाइश्‍शोमी मार दुम्‍मे, दे तुइक्‍तीने। गे रिम्‍शो दुम्‍चा कली शुश गेय पाइतीनी। गे सल्‍‍ला पा, जिशा, हिंशा, रिम्‍शो दुम्‍चा कली शुश बोल पा दोस मताइब दुम्‍चा कली गे मेको मुर कली सजाइ गेतीनी। मोपा गे दोस मताइब बाक्‍नीनी, दे कोंइताक्‍नी।
2CO 7:12 मुल देंचा लीशो लोव़ नेनीने, इन कली ङोंइती ब्रेक्‍शो चिठी मारदे ब्रेक्‍ताक्‍ङ देंशा हना, गेपुकी नु बाक्‍ब मरिम्‍शो पाइब नु मरिम्‍शो पचा पुंइसीब आस कली गारपाइक्‍चा लोव़ ला ममाइ। परमप्रभु यावेमी पावल कली अधिकार गेशो बाक्‍ब। मोपतीके आ देंशो टिचा माल्‍ब, दे रुप्‍शा, गेय कोंइदीने, दे ब्रेक्‍ताक्‍ङ।
2CO 7:13 मोपतीके गो इन कली आं देंशो टिशो तशा, ग्‍येरसाक्‍क। मिनु आंइ थुं नाइक्‍ताक्‍क। गेपुकीमी तीतस कली आ थुं नाइक्‍पाइक्‍तीनी। आ थुं नाइश्‍शो तशा शुश ग्‍येरसाक्‍क।
2CO 7:14 मोदेंशो पा तीतस कली यो “कोरिन्‍थीपुकीमी आं लोव़ टीनीमी, रिम्‍शो पाइनीम” दे थमा लोव़ पशो नङ। मुल तीतसमी इन कली आं लोव़ टिशो तशा, थमा बाक्‍माक्‍त, दे तुइक्‍ताक्‍व। मोपा आं कली मुने मतोक्‍नी। मोपतीके आं नें बोरपा बाक्‍ती।
2CO 7:15 तीतसमी इन टिशो तशा, ग्‍येरसाक्‍व। गे हिंशा, ख्रिंख्रि पा मेको कली ब्राइतीनी। मिनु इन कली शुश दाक्‍ताक्‍व।
2CO 7:16 गो इन रिम्‍शो पशो तशा ग्‍येरसाक्‍यी। मिनु इन कली थमा सुइक्‍ता।
2CO 8:1 आं लोक्‍बपुकी, परमप्रभु यावेमी मासीडोनीया रागीमी बाक्‍ब थमा सुइक्‍ब आन कली शिशी पशो आ पर्बम इन कली शेंनीकी। रोमी १५:२६
2CO 8:2 मेकोपुकी शुश श्‍येत जाम्‍तेक्‍म हना यो, ग्‍येरसीशो बाक्‍नीम। प्रुङग बाक्‍तेक्‍म हना यो, अरु आन कली योक्‍शा गेम्‍तेक्‍म।
2CO 8:3 सुइमी गेन की गेन मदेंथु, आंमा आन दाक्‍शो पा आन चाप्‍शो क्‍येङा यो शुश गेम्‍तेक्‍म। आन चाप्‍शो क्‍येङा शुश गेशो आं मिक्‍चीमीन ताता।
2CO 8:4 मेकोपुकीमी आं कली “गो यो थमा सुइक्‍ब आन कली क्‍येट पोक्‍चा दाक्‍नीकी” दे पुंइतेक्‍म। प्रेरित ११:२९
2CO 8:5 मेको आन मोदेंशो चहिं क्‍येट गेचा लोव़ ला ममाइ। ङोंइती मेकोपुकीमी आन थुं प्रभु कली गेम्‍तेक्‍म। मिनु परमप्रभु यावे आ दाक्‍शो पा, गोपुकी नु गारशा बाक्‍तेक्‍म।
2CO 8:6 ङोंइती तीतसमी इन कली क्‍येट पोक्‍पाइक्‍तु। मुल गो तीतस कली “इन क्‍येट पोक्‍तीके, रिम्‍शो गेय, थुमीन” दे अरेतक।
2CO 8:7 गे मार पाइतीनी हना यो, शुश पाइतीनी। इन थमा सुइक्‍चा, इन लोव़ पस जोक्‍चा, इन तुइक्‍चा, इन रिम्‍शो गेय पतीके नु इन आंइ कली दाक्‍तीकेमी शुश गेय पाइनीनी। मुल गे मेको दाक्‍तीक गेयमी यो रिम्‍शो गेय कोंइताक्‍नी। १कोरिन्‍थी १:५; १कोरिन्‍थी १६:१-२
2CO 8:8 इन कली अधिकार तशो लोव़ मपाइनुङ। थमा पा दाक्‍चा दोपा तांइसीब देंशा हना, सुइमी गेन की गेन माइक्‍चा मपुंइसीथु, आंम थुंमी मिम्‍शा गेशो रे तांइसीब। शुशेमी मोपा गेम्‍तेक्‍म। मिनु गेपुकीमी यो दाक्‍तीक गेय कोंइदीने।
2CO 8:9 मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। मत्ती ८:२०; फिलिप्‍पी २:७
2CO 8:10 मिनु गो इन कली मार देंनुङ देंशा हना “बर्स का ङोंइती इन गोशो गेय थुम्‍चा मालीने” देंनुङ।
2CO 8:11 इन गेचा दाक्‍शो नु इन गेने चाप्‍चा ङा क्‍येट पोक्‍शा गारीन।
2CO 8:12 आंम के बाक्‍शो ला गेने जाप्‍ब, आंम के मबाक्‍शो गेने मजाप्‍ब। इन चाप्‍चा ङा पा गेने। हितोपदेस ३:२७-२८; मर्कूस १२:४३
2CO 8:13 इन कली मजाक्‍दीत्‍चा ङा पा वोइश्‍शा, अरु आन कली आन माल्‍शो क्‍येङा शुश गेन मदेंनुङ। इन कली गप्‍ल, मेको आन कली यो गप्‍ल देंनुङ।
2CO 8:14 मुल इन के शुश बाक्‍मेनु, मथीब आन कली वारच पतीने। मिनु नोले मेको आन के शुश दुम्‍मेनु, इन कली यो वारच पाइनीम। मोपा वारच पा गेमुशोमी नेल्‍ल इं के बाक्‍शो उइक्‍थ उइक्‍थ दुम्‍ल, दे मिम्‍ताक्‍ङ।
2CO 8:15 मार ब्रेक्‍शो बाक्‍त देंशा हना “सु सुमी शुश खुप्‍तमे, मेको आन के महें। सु सुमी चहिं इच्‍का ला खुप्‍तमे, मेको आन कली यो जाक्‍दीत्‍त” दे ब्रेक्‍शो बाक्‍ब। प्रस्‍थान १६:१८
2CO 8:16 गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नुङ। मारदे हना तीतसमी कोरिन्‍थी इन कली शुश मिम्‍ताक्‍व।
2CO 8:17 गोपुकीमी तीतस कली “कोरिन्‍थी आन कली ग्रुम्‍थ लावो की लावो” दे सोइक्‍ताक्‍क। आंइ देंशो लोव़ टिशा, लशो ला ममाइ। आं यो ग्रुमग्रुम दाक्‍शा ग्‍येरसीशा पित, दे तुइक्‍नुङ। २कोरिन्‍थी ८:६; २कोरिन्‍थी ७:७,१५
2CO 8:18 तीतस नु गाक्‍ब वारच का यो सोइक्‍ताक्‍क। थमा सुइक्‍ब नेल्‍लेमी मेको कली तुइश्‍शो बाक्‍नीमी। मारदे हना मेको येसु ख्रीस्‍त आ ग्‍येरपाइक्‍ब लोव़ रिम्‍शो पा शेंब, दे नें चलेशो बाक्‍ब। २कोरिन्‍थी १२:१८
2CO 8:19 आ नें चलेशो ला ममाइ। थमा सुइक्‍बपुकी गारशा मेको कली गो नु क्य‍ेट पोक्‍शा गाक्‍चा कली योव़तेक्‍म। मेको गोपुकी नु शिशी पतीक गेय पाइब। गो मेको वारच पतीके प्रभु कली ठेयब सेल्‍चा कली पाइनीकी। गलाती २:१०
2CO 8:20 मोपा सांकछी वोइक्‍कानु, मेको क्‍येट आ पर्बम मरिम्‍शो लोव़ पने मचाप्‍नीम।
2CO 8:21 गो प्रभु आ ङोंइती रिम्‍शो पशो ला ममाइ। मुर नेल्‍ल आन ङोंइती यो रिम्‍शो पशा कोंइनीकी।
2CO 8:22 मोपतीके मेको निक्‍शी नु आंइ लोक्‍ब का यो सोइक्‍नीकी। ङोंइती खेयप निक्‍शी सां सोइक्‍तकानु, मेको लोक्‍बमी रिम्‍शो गेय पा कोंइताक्‍व। मोपतीके मुल यो रिम्‍शो पाइब, दे तुइक्‍ताक्‍क। मेकोमी इन कली यो रिम्‍शो मिम्‍‍ब।
2CO 8:23 तीतस गो नु गारशा इन कली गेय पाइब बाक्‍ब। अर्को लोक्‍ब निक्‍शी थमा सुइक्‍ब आन सोइश्‍शो बाक्‍नीस। मेको ख्रीस्‍त आ नें ठेयब सेल्‍ब बाक्‍नीस। २कोरिन्‍थी ७:१३; २कोरिन्‍थी १२:१८
2CO 8:24 मोपतीके मेको सां इन बाक्‍तीके जाक्‍मानु, मेको आन कली दाक्‍शा, वारच पतीने। मेको आन कली मार माल्‍दा, मेको गेने, आन लोव़ नेनीने। आं देंशो पाइतीनी हना, गोमी इन पर्बम पशो लोव़ थमा दुम्‍ब। मिनु गो ग्‍येरसीनुङ। थमा सुइक्‍ब नेल्‍लेमी यो “कोरिन्‍थीपुकीमी रिम्‍शो पामे बाक्‍त” दे तुइक्‍नीम। २कोरिन्‍थी ७:१४
2CO 9:1 मेको क्‍येट पोक्‍चा आ पर्बम इन कली लेंशा शेंचा ममाल्‍नुङ।
2CO 9:2 साइ थोचे क्‍येट पोक्‍चा माल्‍ब देंशो नेंशा “पोक्‍नीकी की पोक्‍नीकी” दे प्रेक्‍तीनी। मिनु इन कली मोपा प्रेक्‍शो तशा, मासीडोनीयाम बाक्‍ब आन कली “आकाया ङा मुरपुकीम ग्‍येरसीशा क्‍येट पोक्‍नीम” दे लोव़ नेंपाइक्‍तामी। मिनु शुशेमी “गो यो पोक्‍नीकी” देंतेक्‍मे। २कोरिन्‍थी ८:१९
2CO 9:3 साइ थोचे ङा बोरशो लोव़ जोल मदुम्‍ल। मिनु गे ठीक बाक्‍शा, लोक्‍ब सां आन कली क्‍येट पोक्‍शा वोतीन, दे इन बाक्‍तीक सोइक्‍ताक्‍क।
2CO 9:4 मारदे हना गो इन बाक्‍तीके जाक्‍ङानु, मासीडोनीया ङा मुर आन ङोंइती गे क्‍येट मपोक्‍थु बाक्‍शा मुने मदोक्‍कीन, दे मेको सां आन कली इन बाक्‍तीक सोइक्‍ताक्‍ङ।
2CO 9:5 मोपतीके मेको सां आन कली आं क्‍येङा ङोंइती लने, दे सोइक्‍ताक्‍ङमी। मिनु गो जाक्‍ची ना “मुल क्‍येट पोक्‍कीन” देंशा, ग्रीचा ममाल्‍नुङ। सुइमी आन थुं मखाइक्‍थु ग्‍येरशा, आंम आ दाक्‍स पा, चाप्‍स पा गेने चाप्‍मेक्‍ल, दे लोक्‍ब सां आन कली आं क्‍येङा ङोंइती सोइक्‍ताक्‍ङमी।
2CO 9:6 आंम आन दाक्‍स पा, चाप्‍स पा, गेचा चहिं दोदेंशो रुम्‍सीब देंशा हना, वांचेर शोक्‍ग‍मेनु, इच्‍का ला शोक्‍बमी, इच्‍का ला खुप्‍चा ताइब। तन्‍न शुश शोक्‍बमी शुश खुप्‍चा ताइब। हितोपदेस ११:२४-२५; हितोपदेस १९:१७
2CO 9:7 क्‍येट पोक्‍गु कों मपोक्‍गु, दे थुं निक्‍शी मपथु, सुइमी “गेव की गेव” माइक्‍चा मपुंइसीथु, आंम थुंमी मिम्‍शा, ग्‍येरसीशा गेचा माल्‍ब। ग्‍येरसीशा गेब कली परमप्रभु यावेमी दाक्‍ब। रोमी १२:८
2CO 9:8 परमप्रभु यावेमी इन कली माल्‍शो क्‍येङा शुश गेने चाप्‍ब। मिनु मारेइ मारेइम गाप्‍शा, मारेइ वारच पचा ङा गेय बाक्‍त हना यो, गे पने चाप्‍नीनी।
2CO 9:9 मार ब्रेक्‍शो बाक्‍त, देंशा हना “मेकोमी वांचेर ब्‍वारब, प्रुङग आन कली गेब। मेको आ ठीक पशो गेना हना यो लीब” दे ब्रेक्‍शो बाक्‍ब। भजन संग्रह ११२:९
2CO 9:10 शोक्‍ब कली वांचेर गेब। जचा दाक्‍ब कली जचा थोव़क गेबमी इन के बाक्‍शो यो बारपाइक्‍ब। मोपा इन ठीक पतीके ङा फल बारना बारन लाइब। इजीकीएल १०:१२
2CO 9:11 मिनु गे शुश थीब दुम्‍शा, हाइश्‍शा गेशो तशा, गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नीकी।
2CO 9:12 मोदेंशो हाइश्‍शा गेशोमी श्‍येत जशो थमा सुइक्‍ब आन कली रिम्‍शो दुम्‍ब। मोशो ला ममाइ, शुशेमी परमप्रभु यावे कली ठेयब सेल्‍नीम
2CO 9:13 एको क्‍येट पोक्‍तीक गेय पशा इन टितीक नाक्‍सीशो बाक्‍ब। मिनु गे परमप्रभु यावे कली ठेयब सेल्‍शो बाक्‍नीनी। मिनु इन हाइश्‍शा मेको आन कली नु अरु आन कली गेशोमी गे ख्रीस्‍त आ ग्‍येरपाइक्‍ब लोव़ तुइक्‍ब बाक्‍नीनी, दे कोंइनीनी।
2CO 9:14 परमप्रभु यावे आ शिशी गे नु बाक्‍तीके मेकोपुकीम इन कली प्रार्थना पाइनीमी।
2CO 9:15 परमप्रभु यावेमी इन कली देंने मचाप्‍चा ङा ठेयब कोसेली गेप्‍तु। मेको आ पर्बम मेको कली “गे रिम्‍शो पाइब बाक्‍नीनी” देंचा मप्रोंइनीक।
2CO 10:1 गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।
2CO 10:2 गो इन बाक्‍तीके जाक्‍ङानु, चिठीम ब्रेक्‍शो लोव़ खोदेंशो पा हुइश्‍शा लोव़ पचा ममाल्‍ङल, दे मिम्‍शा ब्रेक्‍ताक्‍ङ। आंइ पर्बमी “रागी ङा मुर खोदेंशो पा शेंनीम” देंब आन कली हुइश्‍‍शो खोदेंशो पा इन कली हुइक्‍चा मदाक्‍नुङ। २कोरिन्‍थी १३:१-२; १कोरिन्‍थी ४:२१
2CO 10:3 मारदे हना गो रागीम बाक्‍तक हना यो, रागी ङा मुर खोदेंशो पा मजीनीकी।
2CO 10:4 आंइ लडाइ पतीक या रागी ङा खोदेंशो मबाक्‍नीम। तन्‍न मेको परमप्रभु यावे आ सक्ति पाइश्‍शो बाक्‍नीम। मेकोमी मारेइ मारेइ खतम सेल्‍ने चाप्‍नीम। एफिसी ६:१३-१७
2CO 10:5 परमप्रभु यावे कली थमा सुइक्‍ब आन कली तेक्‍बमी पशो लोव़, ठेयब लेश्‍शा थमा मसुइक्‍तीक लोव़ खतम सेल्‍तक। मिनु ख्रीस्‍त आ लोव़ टीब दुम्‍पाइक्‍चा कली मटीब मिम्‍तीक नेल्‍ल ग्‍याइश्‍शा लाइक्‍ब खोदेंशो बाक्‍नीकी।
2CO 10:6 मिनु इन ख्रीस्‍त कली टिशो रिम्‍शो दुम्‍त हना, सु सुमी मटीमे, गो मेको आन कली सजाइ गेनीकी।
2CO 10:7 मिनु इन ङोंइती दोपा बाक्‍नीकी, मेको कोव़ङीन। सु सुमी “गो ख्रीस्‍त आ मुर दुम्‍ती” दे आन नें बोरपदमे, मेकोपुकीमी आंइ कली यो ख्रीस्‍त आ मुर बाक्‍नीम, दे रुप्‍मेक्‍ल।
2CO 10:8 गो आंइ अधिकार आ पर्बम बोरती हना यो, मुने मदोक्‍नुङ। मारदे हना मेको इन कली खतम सेल्‍चा कली ममाइ। तन्‍न इन कली रिम्‍शो सेल्‍चा कली प्रभुम गेती। २कोरिन्‍थी १३:१०; १कोरिन्‍थी ५:४-५
2CO 10:9 आं ब्रेक्‍शो चिठी इन कली हिंपाइक्‍चा कली ममाइ, दे मिम्‍तीन।
2CO 10:10 मारदे हना मेकोपुकीमी “मेको आ ब्रेक्‍शो चिठी ठेयब नु बोल्‍यो लोव़म ब्रीशो बाक्‍नीम। तन्‍न आंमान जाक्‍त हना, मारेइ पने मचाप्‍ब नु ब्‍वाक्‍स मजोक्‍ब बाक्‍ब” देंनीम।
2CO 10:11 मोदेंशो मुरपुकीमी मार रुप्‍चा माल्‍नीम देंशा हना “गो मबाक्‍ची ना हुइश्‍शा शेंशा ब्रेक्‍शो लोव़, आंइ बाक्‍ची ना मपाइनीकी” दे रुप्‍मेक्‍ल। २कोरिन्‍थी १३:२,१०
2CO 10:12 आंमान ठेयब सेल्‍सीबपुकी नु मगारनीकी। आन पशो खोदेंशो यो मपाइनीकी। मेकोपुकीमी ठेयब सेल्‍सीशा, आंम आन जोक्‍तीक तुइक्‍तीक कोंइमुइनीम। मोदेंशो पशोमी “मारेइ मरुप्‍ब बाक्‍नीम” दे तुंइसीब। २कोरिन्‍थी ३:१; २कोरिन्‍थी ५:१२
2CO 10:13 गो आंइ नें बोरपाइक्‍नीकी। मारदे हना परमप्रभु यावेमी आंइ कली अधिकार गेशा, इन कली शेंब सेल्‍तु। आ गेशो अधिकार ङा लाक्‍शा चहिं जोक्‍ब तुइक्‍ब नकी, दे बोरशा मगाक्‍नीकी। रोमी १५:२०; रोमी १२:३
2CO 10:14 आंइ नें बोरपाइक्‍नीकी। मारदे हना आंइ क्‍येङा ङोंइती इन बाक्‍तीके ख्रीस्‍त आ ग्‍येरपाइक्‍तीक लोव़ नेंपाइक्‍थ सुइम मजाक्‍म, दे तुइक्‍ताक्‍क।
2CO 10:15 अरु मुरपुकीमी इन कली शेंशो आ पर्बम गो मबोर‍नीकी। तन्‍न इन थमा सुइक्‍तीके बारना बारन लमेनु, आंइ शेंतीके यो मेको नु बारना बारन लाइब।
2CO 10:16 मिनु इन बाक्‍तीक क्‍येङा लाक्‍शा, एर ओंथ ख्रीस्‍त आ ग्‍येरपाइक्‍तीक लोव़ शेंने चाप्‍नीकी। मुर आन शेंने थुम्‍शो ग्रुम्‍तीके आ पर्बम आंइ नें मबोरपाइक्‍नीकी।
2CO 10:17 सु बोरनीमी, मेको प्रभु आ पर्बम नें बोरपदमेक्‍ल। येरमीया ९:२३-२४; १कोरिन्‍थी १:३१
2CO 10:18 सुमी आंम कली शेंब सेल्‍बा, मेको कली मब्राइनीम। तन्‍न प्रभुमी शेंब सेल्‍शो कली ब्राइनीम। १कोरिन्‍थी ४:५
2CO 11:1 गो इच्‍का निप्‍स ग्राइश्‍शो लोव़ पाइनुङ, गे आं लोव़ फाल्‍शा नेंशा गेयीनी।
2CO 11:2 इन कली मिम्‍शा, गो परमप्रभु यावेमी रुश पशो खोदेंशो दुम्‍ती। मारदे हना रिम्‍शो ग्‍युम्‍ली ग्‍युंबे पा गेशो खोदेंशो पा, इन कली ख्रीस्‍त कली गेतन्‍नी। एफिसी ५:२६-२७
2CO 11:3 बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३
2CO 11:4 मारदे हना मुर का जाक्‍शा, मेकोमी इन कली अर्को येसु आ पर्बम शेंब आंइ शेंशो खोदेंशो ममाइ, इन ङोंइती ताक्‍शो ममाइ, अर्को सोक्‍त ताक्‍पाइक्‍ब। अर्को ग्‍येरपाइक्‍तीक लोव़ नें‍पाइक्‍ब। मिनु गे रीब पा बित्‍नीनी। गलाती १:८-९
2CO 11:5 गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। २कोरिन्‍थी १२:११
2CO 11:6 ब्‍वाक्‍स मजोक्‍ब बाक्‍ती हना यो, शुश जोक्‍ब बाक्‍नुङ। गो आंइ पतीकेमी कोंइताक्‍क। १कोरिन्‍थी २:१,२,१३; एफिसी ३:४
2CO 11:7 गो ब्रेम्‍शो दुम्‍शा, इन कली ठेयब सेल्‍चा कली परमप्रभु यावे आ ग्‍येरपाइक्‍तीक लोव़ क्‍येट मताक्‍थु शेंताक्‍ङ। मार, मेको पाप मिम्‍नीनी? २कोरिन्‍थी १२:१३; मत्ती १०:८; १कोरिन्‍थी ९:१२-१८
2CO 11:8 अर्को रागीम बाक्‍ब थमा सुइक्‍ब आन ग्रुम्‍तीके ङा आन क्‍येट रोइश्‍शो खोदेंशो पा ताक्‍शा, इन कली शेंताक्‍न्‍नी। फिलिप्‍पी ४:१०,१५
2CO 11:9 गेपुकी नु बाक्‍शा शेंदन्‍नीनु, मासीडोनीया रागी रे जाक्‍शो थमा सुइक्‍ब लोक्‍बपुकीमी आं कली माल्‍शो थोव़क गेशा, वारच पाइक्‍तीमी। मोपा आन पशोमी गेपुकीमी मोशा शेंसीचा ताइतीनी। मुल यो मारेइ ताक्‍चा ममाल्‍ङल, दे मिम्‍ताक्‍ङ।
2CO 11:10 ख्रीस्‍त थमा बाक्‍ब, देंशो लोव़ लीशो खोदेंशो पा “कोरिन्‍थी आन कली आन क्‍येट मताक्‍थु, मोशा शेंताक्‍व” देंशो लोव़ आकाया रागीम ब्रशा लील, दे मिम्‍शा, मारेइ मताक्‍गु।
2CO 11:11 मो पङानु, इन कली मदाक्‍ब दुम्‍नुङा ङा? गोमी इन कली दाक्‍शो मदाक्‍शो परमप्रभु यावेमी तुइक्‍ब।
2CO 11:12 मुल सम्‍म दोपा बाक्‍ङा, मुल यो मोपान बाक्‍नुङ। मारदे हना दूली लोव़ शेंबपुकीमी “पावल नु आ वारचपुकीमी पशो खोदेंशो पा गो यो पाइनीकी” दे नें बोरपा गाक्‍नीम। मेको आन जोल ग्रुंइचा कली गो मारेइ मताक्‍थु शेंनीकी।
2CO 11:13 मेकोपुकी परमप्रभु यावे आ सोइश्‍शो मनम। ख्रुइश्‍शा जोल पा गेय पाइनीम। ख्रीस्‍त आ सोइश्‍शो दुम्‍खु पा शेंथ गाक्‍नीम। २कोरिन्‍थी २:१७
2CO 11:14 मोपा गाक्‍तेक्‍म हना यो, मेको आन मोदेंशो पशो छक लाक्‍चा ङा ममाइ। मारदे हना सैतान यो परमप्रभु यावे आ स्‍वर्ग ङा गेय पाइब खोदेंब दुम्‍खु पा गेय पा गाक्‍ब।
2CO 11:15 मेकोपुकी रिम्‍शो गेय पाइब खोदेंशो दुम्‍खु पा गाक्‍नीम। मेको आन जोल नोले ग्रूब। मिनु आन गेय यो मलीब।
2CO 11:16 गो इन कली लेंशा देंनुङ, मार देंती हना यो, आं लोव़ नेंचा मप्रोनीन। गो निप्‍स ग्राइश्‍शो लोव़ पाइब खोदेंशो पा, आ नें बोरपाइश्‍शो लोव़ पना पन बाक्‍ती हना यो, आं लोव़ नेनीने। २कोरिन्‍थी १२:६
2CO 11:17 मुल इन कली देंशो लोव़ प्रभुम गेशो अधिकार ङा लोव़ ममाइ। आं नें बोरपाइक्‍तीक लोव़ पा, गो निप्‍स ग्राइश्‍शो लोव़ पङ देंती।
2CO 11:18 मारदे हना शुश मुर रागी ङा लोव़मी ठेयब लेत्‍नीम। मोपतीके गो यो बोरनुङ।
2CO 11:19 गे ग्‍येरसीशा निप्‍स ग्राइश्‍शो आन लोव़ फाल्‍नीनी। मिनु आंम कली जोक्‍ब तुइक्‍ब मिम्‍नीनी। १कोरिन्‍थी ४:१०
2CO 11:20 सुइ मुरुमी इन कली वाइलीम वाइल सेल्‍तेक्‍म हना, रोइक्‍ताक्‍म हना, जोल पाम्‍तेक्‍म हना, बोरशा कोंइताक्‍म हना नु इन चोचो राप्‍तेक्‍म हना यो फाल्‍शा बाक्‍बाक्‍तीनी।
2CO 11:21 गो मुने पा देंनुङ, मेको आन पशो खोदेंशो पने मचाप्‍क। सुइ मुर मारेइ आ पर्बम ठेयब लेश्‍शा बोरतेक्‍म हना, गो यो मेको आ पर्बम ठेयब लेश्‍शा बोरनुङ। गो मूर्ख खोदेंशो पा ब्‍वाक्‍नुङ।
2CO 11:22 मार, मेको हिब्रू नमी? गो हिब्रू नङ। मार, मेको इस्राएली नमी? गो इस्राएली नङ। मार, मेको अब्राहाम आ चच युइ नमी? गो यो अब्राहाम आ चच युइ नङ। फिलिप्‍पी ३:५
2CO 11:23 मार, मेको ख्रीस्‍त आ गेय पाइब नमी? गो यो ख्रीस्‍त आ गेय पाइब नङ। गो मेको आन क्‍येङा रिम्‍शो गेय पाइब नङ। गो गशो मुरुम खोदेंशो लोव़ पाइनुङ। गो मेको आन क्‍येङा शुश गेय पाता। मेको आन क्‍येङा शुश चोक्‍चा पुंइसाक्‍यी। मेको आन क्‍येङा तुप्‍चा पुंइसाक्‍यी। हेर हेरा साइक्‍चा पुंइसाक्‍यी। १कोरिन्‍थी १५:१०; २कोरिन्‍थी ६:४-५
2CO 11:24 यहूदीपुकीमी आं कली ५ खेयप ३९ कोर्रा आप्‍तीनी। ब्‍यवस्‍था २५:३
2CO 11:25 खेयप सां कोक्‍केमी तुप्‍तीमी। काले फुल्‍लु आप्‍तीमी। खेयप सां आं ङोइश्‍शो जहाज समुन्‍द्रम ग्रुम्‍शा हेरा बेक्‍ती। मो दुम्‍मेनु, काब नाक्‍दो नाक्‍ती समुन्‍द्रम बाक्‍ती। प्रेरित १६:२२; प्रेरित १४:१९
2CO 11:26 रागी रागी हिरशा गाक्‍ङानु, खोला शोक्‍सीङानु, हेर हेरा योल्‍ताक्‍यी। लांम बाप्‍शा बाक्‍ब खुइपुकीमी हेर हेरा साइक्‍तीमी। आंम यहूदीपुकीमी यो शुश श्‍येत गेतीमी। अर्को रागी ङा मुरपुकीमी यो हेर हेरा साइक्‍तीमी। सहर, गोरशो रागी, समुन्‍द्र ते ते हिरशा गाक्‍ङा, मेक मेक हिंना हिंन गाक्‍चा माल्‍ताक्‍यी। आं लोक्‍ब दुम्‍खु पा, थमा सुइक्‍ब नकी देंब नु गाक्‍ङानु, मेकोपुकीमी यो शुश श्‍येत गेतीमी।
2CO 11:27 येसु आ लोव़ शेंना शेंन गाक्‍ङानु, शुश गेय पा, शुश श्‍येत जशा, शुश नाक्‍दो इप्‍चा यो मतङ। जचा तूचा यो मतङ। ग्‍यूमी फेक्‍चा यो मतङ। २कोरिन्‍थी ६:५
2CO 11:28 मोदेंशो श्‍येत आं रांमी जशो ला ममाइ। आं थुं यो मनाइक्‍स। मारदे हना थमा सुइक्‍ब आन कली दोपा मार पा रिम्‍शो सेलुमी, दे मिम्‍स ङा मिम्‍स बाक्‍ती। प्रेरित २०:१८-२१,३१
2CO 11:29 मुरुमी “मचाप्‍नीकी” देंनीम। गो चहिं गेना हना यो चाप्‍नुङा ङा? मुरुम पाप पाम्‍तेक्‍म हना, गो शुश सुर्ता पाइनुङ।
2CO 11:30 गो आं नें बोरपा लोव़ पचा माल्‍नुङ हना, आं मचाप्‍शो आ पर्बम आं नें बोरपाइक्‍नुङ। २कोरिन्‍थी १२:५
2CO 11:31 गेना हना यो ठेयब सेल्‍चा पुंइसीब प्रभु येसु आ आफ परमप्रभु यावेमी गो जोल मपाइनुङ, दे तुइक्‍ब।
2CO 11:32 साइ दमस्‍कस सहरमी बाक्‍ङानु, पिप अरेतस आ हुकुम पाइबमी आं कली ग्‍याइक्‍चा, दे सहर आ एर ओंथ आ सिपाहीपुकी वोइक्‍मी बाक्‍त।
2CO 11:33 तन्‍न थमा सुइक्‍बपुकीमी आं कली डोकोम कुरपा गारो ङा झेल रे ओंखां पा तोक्‍शा प्रोक्‍पाइक्‍तीमी। मोपा जोरी सत्रु आन गुइ रे ब्रोंइती। प्रेरित ९:२४-२५
2CO 12:1 नें बोरपाइक्‍तीक लोव़ शोर गाक्‍शो बाक्‍त हना यो, गो आं नें बोरपा लोव़ पचा मप्रोंइनुङ। मारदे हना प्रभुमी छेङछेङ पा तपांइसीशा तुइक्‍पाइक्‍ती, दे मुल सम्‍म इन मतुइश्‍शो लोव़ तुइक्‍पाइक्‍नन्‍नी।
2CO 12:2 गो ख्रीस्‍त आ मुर का कली तुइक्‍नुङ। १४ बर्स ङोंइती मेको स्‍वर्गम लाइक्‍चा पुंइसाक्‍व। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब।
2CO 12:3 मिनु गो मेको मुर परमप्रभु यावे आ बाक्‍तीके लाइक्‍चा पुंइसाक्‍व, दे तुइक्‍नुङ। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब।
2CO 12:4 मिनु मेको मुरुमी ख्रुइश्‍शो लोव़ नेंतु। मेको लोव़ मुरुम देंचा मदुम्‍ब।
2CO 12:5 मेको मुर आ पर्बम आं नें बोरपाइक्‍नुङ। आं पर्बम चहिं आं नें मबोरपाइक्‍नुङ। तन्‍न गो आं मचाप्‍शो आ पर्बम आं नें बोरपाइक्‍नुङ। २कोरिन्‍थी ११:३०
2CO 12:6 मारेइ पने मचाप्‍ब दुम्‍तीके आं नें बोरपाइक्‍नुङ देंशोमी निप्‍स ग्राइश्‍शो लोव़ पाइब मदुम्‍नुङ। मारदे हना गो थमा लोव़ पाइनुङ। मारदे हना मुरपुकीमी आं कली तशा, आं लोव़ नेंशा आं पर्बम मार मिम्‍चा माल्‍बा, दे आंमा तुइक्‍तमेक्‍ल, दे मिम्‍शा बाक्‍नुङ। २कोरिन्‍थी १०:८
2CO 12:7 गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब।
2CO 12:8 खेयप सां गो प्रभु कली “मोदेंशो चू रे प्रोंइयीनी” दे पुंइता।
2CO 12:9 तन्‍न मेकोमी आं कली “आं शिशी इ कली गारब। मारदे हना मचाप्‍ब मुर आगाम आं सक्ति नेल्‍ल क्‍येङा ठीक बाक्‍ब” देंत। मोपा तुइक्‍तु रे ख्रीस्‍त आ सक्ति गो नु बाक्‍शो तांइसेक्‍ल, दे गो मारेइ पने मचाप्‍ब दुम्‍शोमी, थाम्‍पा ग्‍येरसीशा आं नें बोरपाइक्‍नुङ।
2CO 12:10 मोपतीके ख्रीस्‍त आ सक्ति तांइसेक्‍ल, दे मारेइ पने मचाप्‍ब दुम्‍ती हना यो, शुक्‍शी लोव़ पाइक्‍चा पुंइसाक्‍यी हना यो, जचा फेक्‍चा मारेइम मजाक्‍दीत्‍ती हना यो, खेदा पचा पुंइसाक्‍यी हना यो नु दोदेंब श्‍येत गेचा पुंइसाक्‍यी हना यो, आं थुं नाइश्‍शा हेम्‍म पा बाक्‍नुङ। मारदे हना गो मारेइ पने मचाप्‍ब दुम्‍ङानु, सक्ति पाइश्‍शो बाक्‍नुङ, दे रुप्‍ता। फिलिप्‍पी ४:१३
2CO 12:11 गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५
2CO 12:12 ख्रीस्‍त आ सोइश्‍शोन बाक्‍माक्‍त, दे कोंइचा कली गेपुकी नु बाक्‍ङानु, चिन्‍ड नु छक लाक्‍चा ङा गेय कोव़चा ताइतीनी। रोमी १५:१९; हिब्रू २:४
2CO 12:13 तेइ तेइ येसु आ नेंमी खुम्‍सीशा बाक्‍ब आन कली मारेइ मारेइ शेंशा, मारेइ मारेइ पशा कोंइशो खोदेंशो पा इन कली यो पशा कोंइताक्‍न्‍नी। मिनु मार लीम ङा? लोव़ का चहिं मार लीत देंशा हना, गेपुकी नु गो मारेइ मताक्‍गु। आं मताक्‍शोमी माफ गेयीनी। २कोरिन्‍थी ११:७-९
2CO 12:14 मुल इन कली ग्रुम्‍थ पिङानु, खेयप सां दुम्‍ब। गो इन कली श्‍येत मगेनुङ। इन बाक्‍शो मारेइ मताक्‍नुङ। तन्‍न इन कली माल्‍नुङ। मारदे हना आलपुकीम आंम आफ कली शोंप मउप्‍नीम। तन्‍न आम आफोमी आन आल आ पर्बम शोंप उप्‍नीमी।
2CO 12:15 गो दोपा इन कली वारच पा रिम्‍शो थुं सेल्‍चा कली ग्‍येरसीशा, आं थुं गेनन्‍नी, मोपा इन कली दाक्‍चा ङा गेय पाता। मिनु गो चहिं इच्‍का ला दाक्‍चा पुंइसीनुङा ङा? फिलिप्‍पी २:१७
2CO 12:16 इन मुर का निक्‍शीमी मार देंतेक्‍म देंशा हना “मारेइ मताक्‍नुङ देंशा, जोल पा शुश ताक्‍बाक्‍त” देंतेक्‍म।
2CO 12:17 मार, आं सोइश्‍शो आन गुइ रे गो मारेइ ताक्‍गु ङा? मार ताक्‍शा, इन कली श्‍येत गेमे ङा?
2CO 12:18 गो तीतस कली कोरिन्‍थी आन कली ग्रुम्‍थ लावो, दे सोइक्‍ताक्‍ङ। तीतस नु लोक्‍ब का यो सोइक्‍ताक्‍ङ। मिनु तीतसमी गेपुकी नु मारेइ ताक्‍गा ङा? आंस सोक्‍त का पा गेय मपस्‍कु ङा? २कोरिन्‍थी ८६,१६-१८
2CO 12:19 “पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क।
2CO 12:20 मुल ग्रुम्‍यानु, मार दुम्‍बा, दो दुम्‍ब, दे थुं ग्‍येत्‍थ लुक्‍च पा बाक्‍नुङ। मारदे हना ग्रुम्‍यानु, आं दाक्‍शो खोदेंशो मपाइनीनी कों, गो यो इन दाक्‍शो खोदेंशो मपाइनुङा कों? मिनु मगारथु, जिचा बोक्‍शा, गेहे पमुशा, गाइश्‍शा, आंम कली ठेयब सेल्‍मुशा, शुक्‍शी पमुशा, मुर आन पर्बम मरिम्‍शो लोव़ पा नोफा मुइक्‍मुशा, ठेयब लेश्‍शा, खडङ मडङ दुम्‍नया कों? २कोरिन्‍थी १०:२
2CO 12:21 गो लेश्‍शा जाक्‍ङानु, परमप्रभु यावेमी आं कली आइक्‍च सेल्‍बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्‍ब आन पर्बम सुर्ता पचा माल्‍नुङा कों? ङोंइती मेकोपुकीमी ग्रांग्रा दिचा ङा, तेल्‍लेम नु हेंथे गेय पाम्‍तेक्‍म। २कोरिन्‍थी १३:२
2CO 13:1 मुल गो इन कली ग्रुम्‍थ पिङानु, सां खेयप दुम्‍नुङ। निसाफ पामेनु, सांकछी निक्‍शी सां वोइश्‍शा, मेको आन लोव़मी दोस ग्रुंइशा, सजाइ गेचा माल्‍ब। ब्‍यवस्‍था १९:१५; मत्ती १८:१६
2CO 13:2 मोपतीके सजाइ गेचा पुंइसीब आन कली सजाइ मगेथु, मप्रोंइनुङ। मारदे हना एको क्‍येङा ङोंइती जाक्‍ङानु, मो मपचा, दे शेंशो नन्‍नी।
2CO 13:3 गेपुकीमी “पावल ख्रीस्‍त आ सक्ति तशा, अधिकार पाइश्‍शो बाक्‍माक्‍त” दे इन मिक्‍चीमी तचा माल्‍बाक्‍तीनी, दे तुइक्‍ताक्‍ङ। ख्रीस्‍त इन दातेमी मचाप्‍ब ममाइ, शुश सक्ति पाइश्‍शो बाक्‍ब, दे कोंइताक्‍व।
2CO 13:4 मारदे हना मेको मचाप्‍ब दुम्‍शा, शीम केप्‍शा कांटी थोक्‍शा क्‍याइश्‍शा साइक्‍चा पुंइसाक्‍व। तन्‍न परमप्रभु यावे आ सक्तिमी बेक्‍शो रे सेंचा पुंइसाक्‍व। मोदेंशो पा गो यो मेको नु मारेइ पने मचाप्‍ब दुम्‍नीकी। तन्‍न गेपुकी नु बाक्‍कानु, बेक्‍शो रे सेंचा पुंइसीशा, परमप्रभु यावे आ सक्ति तशो सक्ति पाइश्‍शो गेय कोंइनीकी।
2CO 13:5 इन थमा सुइक्‍तीके ठीक बाक्‍बा देय मबाक्‍ब आंमा नाक्‍शा कोव़ङीने। आंमा नाक्‍तीन। येसु ख्रीस्‍त इन आगाम बाक्‍ब, दे मप्रेंदीन। मबाक्‍त हना इन गेय शोर गाक्‍शो दुम्‍ब।
2CO 13:6 गो आंइ शेंशोमी इन कली रिम्‍शो पाइतक, दे तुइक्‍नीकी। मिनु गे यो मोदेंशो मिम्‍नीनी, दे आस पाइनीकी।
2CO 13:7 गे मारेइ मरिम्‍शो मपन, दे गो परमप्रभु यावे कली पुंइनीकी। गो ग्राशो मुर खोदेंशो दुम्‍चा ममाइ, तन्‍न ठीक पाइब दुम्‍मीन। गो ठीक मपाइब खोदेंशो दुम्‍तक हना यो, गे रिम्‍शो पाइब दुम्‍नीकी।
2CO 13:8 गोपुकीमी थमा लोव़ थमा पाइनीकी। दूली नु जोल लोव़ कली थमा देंने मचाप्‍नीकी।
2CO 13:9 गो मारेइ पने मचाप्‍ब दुम्‍शो बाक्‍तक। तन्‍न इन कली बोल्‍यो दुम्‍शो तशा ग्‍येरनीकी। गो परमप्रभु यावे कली “कोरिन्‍थीपुकी रिम्‍शो दुम्‍मल” दे पुंइना पुंइन बाक्‍नीकी।
2CO 13:10 गो इन नेक्‍था मबाक्‍ङानु, एको चिठी ब्रेक्‍नुङ। मिनु आं जाक्‍ची ना गो इन कली हुइश्‍शा, प्रभुमी आं कली गेशो अधिकार कोंइचा ममाल्‍ङल। मेको अधिकार सेल्‍चा कली गेशो बाक्‍त, प्रेत्‍चा कली ममाइ। २कोरिन्‍थी १०:११; २कोरिन्‍थी १०:८
2CO 13:11 आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३
2CO 13:12 प्रभु आ नेंमी मुम्‍मुशा, आसीक गेमुने।
2CO 13:13 गो नु बाक्‍ब थमा सुइक्‍ब नेल्‍लेमी इन कली “रिम्‍शो बाक्‍कीन” देंतेक्‍म।
2CO 13:14 इं प्रभु येसु ख्रीस्‍त आ शिशी, परमप्रभु यावे आ दाक्‍तीके नु परमप्रभु यावे आ सोक्‍त गेना हना यो गेपुकी नु लील।
GAL 1:1 गो सोइश्‍शो ब्रेत्‍चा पुंइसीशो पावल नङ। आं शेंतीके लोव़ मुर आन लोव़ ममाइ। मुरपुकीम सोइश्‍शो यो मनङ। येसु ख्रीस्‍त कली बेक्‍शो रे सेंब इं आफ परमप्रभु यावे नु येसु ख्रीस्‍त आस सोइश्‍शो नङ। गलाती १:११-१२
GAL 1:2 गो नु काथा बाक्‍ब थमा सुइक्‍ब लोक्‍बपुकीमी गलातीया रागीम बाक्‍ब येसु ख्रीस्‍त आ नेंमी देल्‍ब इन कली एको चिठी सोइक्‍ताक्‍क।
GAL 1:3 इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल।
GAL 1:4 प्रभु येसु ख्रीस्‍तमी इं पाप क्‍याम्‍चा नु रागीम ग्रूशो मरिम्‍शो पतीके रे प्रोंइचा कली आ गिंम गेप्‍तु। आ मोदेंशो पशो चहिं इं आफ परमप्रभु यावे आ दाक्‍शो बाक्‍त। गलाती २:२०; १तिमोथी २:६; तीतस २:१४; १यूहन्‍ना ५:१९
GAL 1:5 इं आफ परमप्रभु यावे कली ठेयब सेल्‍चा गेनायो मप्रोंइय। आमेन।
GAL 1:6 इन कली तशा, गो छक लाक्‍ती। मारदे हना इन कली येसु ख्रीस्‍त रे पा शिशी पा आ गे ब्रेप्‍ब कली प्रोंइशा, अर्को आन ग्‍येरपाइक्‍ब लोव़ नेंतीनी।
GAL 1:7 थमा लोव़ चहिं का ला बाक्‍ब, दे रुपीन। ख्रीस्‍त आ ग्‍येरपाइक्‍ब लोव़ दूली पा शेंबपुकी जाक्‍शा, आन दूली शेंशोमी इन थुं क्‍याल्‍पाइक्‍तेक्‍म। प्रेरित १५:१,२४
GAL 1:8 मिनु गोपुकी ङोंइती आंइ शेंशो ग्‍येरपाइक्‍ब लोव़ क्‍येङा अर्को ग्‍येरपाइक्‍ब लोव़ शेंताक्‍क हना, गोपुकी सराप रकल। परमप्रभु यावे आ स्‍वर्ग ङा गेय पाइबमी मोपा अर्को ग्‍येरपाइक्‍ब लोव़ शेंताक्‍व हना मेको यो सराप रल।
GAL 1:9 गो इन कली “सु सुमी अर्को ग्‍येरपाइक्‍ब लोव़ शेंनीमी, मेको सराप रमल” दे लेंशा देंनुङ। १तिमोथी ६:३
GAL 1:10 मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। १थिस्‍सलोनिकी २:४-६
GAL 1:11 आं लोक्‍बपुकी, गोमी इन कली शेंशो ग्‍येरपाइक्‍तीक लोव़ मुर आन लोव़ मबाक्‍ब।
GAL 1:12 गो मेको मुरुमी शेंशा नेंपाइश्‍शो मनङ। येसु ख्रीस्‍तमी तपांइसीशा, शेंताक्‍यी। प्रेरित ९:१-१५
GAL 1:13 साइ गो दोपा यहूदी धर्म ब्रङा, मेको नेंशा तुइश्‍शो बाक्‍नीनी। मेना गो येसु ख्रीस्‍त आ नेंमी देल्‍ब आन कली खेदा पपाइश्‍शा ग्‍याइक्‍पाइश्‍शा चोक्‍पाइश्‍शा, श्‍येत गेतामी। मेको आन कली साम्‍चा, दे शुश गेय पाता।
GAL 1:14 आं पालामी नेल्‍ल आन क्‍येङा शुश धर्म पा आंइ यहूदी आन रिती थिती पाता। अरु आन कली यो आंइ किकी पिपीम पशो रिती थिती पपाइक्‍नुङमी, दे आं थुं फ्रेंशा बाक्‍शो नङ। प्रेरित २३:६; प्रेरित २६:५
GAL 1:15 परमप्रभु यावेमी चहिं काबु आं मोदेंशो पचा तेक्‍ती। मारदे हना आ दाक्‍शो पा आं जरमेचा ङोंइती रे योव़शा, आ लोव़ शेंब सेल्‍ने थुम्‍शो बाक्‍माक्‍त। येरमीया १:५; रोमी १:१
GAL 1:16 मोपतीके आ तौ येसु ख्रीस्‍त कली तपाइक्‍ती। मिनु शुश अर्को रागी ङा मुर आन कली आ तौ आ पर्बम शेंथ सोइक्‍ताक्‍यी। मेको शेंचा आ पर्बम गो सुइ नु लोव़सी मपङ। अर्को मुर आन अर्ती यो मनेंनु। मत्ती १६:१७; गलाती २:७
GAL 1:17 गो यरूसलेमम बाक्‍ब आं ङोंइती ब्रेत्‍चा पुंइसीशा शेंथ सोइश्‍शो आन कली ग्रुम्‍थ यो मलङ। अराब रागी लशा हिरशा, दमस्‍कस सहर जाक्‍दीश्‍शा बाक्‍ती।
GAL 1:18 मिनु बर्स सां नोले केफास ग्रुम्‍थ यरूसलेम लती। मिनु केफास नु १५ नाक्‍ती सम्‍म बाक्‍ती। यूहन्‍ना १:४२; प्रेरित ९:२६-२७
GAL 1:19 मेना ख्रीस्‍त आ सोइश्‍शो सुइ आन कली मग्रुमुमी। प्रभु आ लोक्‍ब याकूब चहिं ग्रुम्‍ता। मत्ती १३:५५
GAL 1:20 गोम इन कली ब्रेक्‍शो लोव़ थमान बाक्‍ब, देंनुङ। जोल ममाइ, दे परमप्रभु यावेमी तुइक्‍ब।
GAL 1:21 नोले यरूसलेम रे गाक्‍शा, सिरीया नु सिलीसीया रागी हिरथ लती। प्रेरित ९:३०
GAL 1:22 यहूदीया रागीम बाक्‍ब ख्रीस्‍त कली थमा सुइक्‍ब आन ग्रुम्‍तीकेमी आं कली गेनायो मतशो बाक्‍मा बाक्‍त।
GAL 1:23 मेकोपुकीमी आं पर्बमी “साइ इं कली खेदा पा एको लोव़ साम्‍चा देंबमी मुल एको लोव़न शेंना शेंन ब्रपाइक्‍बाक्‍त” दे नेंशो बाक्‍तेक्‍म ने।
GAL 1:24 मेको नेंशा परमप्रभु यावे कली ठेयब सेल्‍तेक्‍म ने।
GAL 2:1 यरूसलेममी केफास नु याकूब ग्रुम्‍शा, १४ बर्स नोले लेंशा, यरूसलेम लती। गो नु बारनाबास यो लत। तीतस कली यो लाइक्‍तस्‍कु। प्रेरित १५:१-२९; प्रेरित ४:३६
GAL 2:2 येसु ख्रीस्‍तमी यरूसलेमम बाक्‍ब सोइश्‍शोपुकी नु लोव़सी पथ लावो, दे तुइक्‍पाइक्‍तीके लशो नङ। मिनु जाक्‍दीश्‍शा, सोइश्‍शोपुकी नु अरु आन कली लां कोंइब दुम्‍शो आन कली खुप्‍शा, अर्को रागी ङा मुर आन कली मार मार शेंदुमी, मेको नेंपाइक्‍तामी। मारदे हना मेकोपुकीमी गोम शेंशो तुइक्‍चा माल्‍नीम। मतुइक्‍ताक्‍म हना, आं मिम्‍शो नु आन मिम्‍शो मगारब। मिनु आं देंशो मनेंनीम, दे मिम्‍शो नङ। मिनु मेको नेंपदुमीनु, आं देंशो ठीक लाक्‍तेक्‍म।
GAL 2:3 मारदे हना गो नु लशो ग्रीक ङा तीतस कली ख्रोइक्‍तीक चिनु ख्रोइक्‍पांइसो मदेंथु, ब्राम्‍तेक्‍म। प्रेरित १६:३; १कोरिन्‍थी ९:२१
GAL 2:4 तन्‍न मेकेर खुम्‍सीशा बाक्‍ब आन मतुइक्‍थु थमा सुइक्‍ब दुम्‍खु पा, दूली शेंब ब्‍वांइ‍साक्‍म। मोपा गोपुकी नु ब्‍वांइ‍सीशा, आंइ थुं कोव़शा बाक्‍तेक्‍म। गोपुकी ख्रीस्‍त येसुमी यहूदी आन रिती थिती पचा प्रोंइशा बाक्‍तक। तन्‍न मेकोपुकीमी यहूदी आन रिती थितीम लेप्‍पाइक्‍चा बोल पाम्‍तेक्‍म।
GAL 2:5 येसु ख्रीस्‍त आ लोव़ थमा बाक्‍ब देंशा, मेको दूली शेंब आन लोव़ नेंशा, छिन का यो गु ब्रेश्‍शा मबाक्‍क। मिनु मोदेंशो पशोमी इन कली शेंशो ग्‍येरपाइक्‍ब लोव़ थमा बाक्‍ब, दे कोंइताक्‍क। गलाती ३:१
GAL 2:6 परमप्रभु यावेमी मुर आन कली ठेयब आइक्‍च मसेल्‍ब। मुर आन थुं नेल्‍ल तुइक्‍ब। मुल लां कोंइब दुम्‍शो आन कली मान पाइनुङमी। मेको लां कोंइबपुकीमी अर्को लोव़ शेंचा कली मतेम्‍देम।
GAL 2:7 मेकोपुकीमी आं कली परमप्रभु यावेमी अर्को रागी ङा मुर आन कली शेंथ सोइक्‍ताक्‍व, पत्रुस कली चहिं यहूदी आन कली शेंथ सोइक्‍ताक्‍व, दे रुप्‍तेक्‍म। एफिसी ३:१२
GAL 2:8 पत्रुस कली यहूदी आन कली शेंथ सोइक्‍ब नु आं कली अर्को रागी ङा मुर आन कली शेंथ सोइक्‍ब कानाइ बाक्‍ब, दे रुप्‍तेक्‍म।
GAL 2:9 गो थमा पा एको शेंतीक गेय कली योव़शो नङ, दे रुप्‍शा, याकूब, केफास नु यूहन्‍ना सांफामी बारनाबास नु आं कली “गो इं यहूदी आन कली शेंनीकी। गे निक्‍शी चहिं अर्को रागी ङा मुर आन कली शेंथ लसे” देंशा, ग्‍युरा गुइमी ग्‍याइश्‍शा, लोव़सी गारपाइक्‍तेक्‍म। यूहन्‍ना १:४२
GAL 2:10 मिनु दोपा शेंचा, मार शेंचा, दे मारेइ मदेंम। मथीब आन कली शिशी पाइक्‍चा ला देंतेक्‍म। मेको आन लोव़ टिशा, शुश आन कली शिशी पाइक्‍तामी। प्रेरित ११:२९-३०; २कोरिन्‍थी ८:९
GAL 2:11 काबु केफास एन्‍टीओकमी जाक्‍त। मिनु ग्रुम्‍स्‍कुनु हुइक्‍ताक्‍ङ। मारदे हना आ पशो तशा आं थुं मनुङ।
GAL 2:12 ङोंइती मेकोमी अर्को रागी ङा थमा सुइक्‍ब नु काथा जशा, नोले याकूबमी सोइश्‍शो वारच का निक्‍शी जाक्‍मा रे यहूदीपुकी नु ला जचा गोप्‍तु। मारदे हना यहूदी जात ङा थमा सुइक्‍बपुकीमी आ कली मोदेंशो पा जशो तशा, मरिम्‍शो सुइक्‍नीम, आ लोव़ यो मनेंनीम, दे हिंशा मो पाप्‍तु। प्रेरित ११:२-३
GAL 2:13 मोदेंशो पाइब आ ला ममाइ। यहूदी थमा सुइक्‍ब नेल्‍लेमी दिल्‍शा, जखु पा कोंइताक्‍म। बारनाबासमी यो आन पशो खोदेंशो पचा गोप्‍तु।
GAL 2:14 मिनु मेको आन मोदेंशो पशो चहिं ख्रीस्‍त आ लोव़ नु मगारब देंती। मोपतीके मेको आन कली खुप्‍शा, केफास कली “गे यहूदी नवे। तन्‍न इं यहूदी बुद पा आन पतीके पचा प्रोंइशा, अर्को रागी ङा मुर खोदेंशो दुम्‍ते। मोपतीके अर्को रागी ङा मुर आन कली इं यहूदी रिती थिती पपाइक्‍चा दुम्‍बा?
GAL 2:15 गोपुकी यहूदी नय। अर्को रागी ङा मुरपुकीमी परमप्रभु यावे कली मतुइक्‍नीमी। आ अरेशो लोव़ मतुइक्‍थु, मटीनीम। गो मोदेंशो मनय।
GAL 2:16 इं यहूदी रिती थिती पतीके ठीक मदुम्‍नय। ख्रीस्‍त येसु कली थमा सुइक्‍तीके ठीक दुम्‍नय, दे रुप्‍तय। मोपतीके इं यहूदी रिती थिती पचा प्रोंइशा, ख्रीस्‍त येसु कली थमा सुइक्‍तय। गो लेंशा देंनुङ, रिती थिती पतीके सुइ ठीक मदुम्‍नीम। परमप्रभु यावेमी मुर आन कली येसु ख्रीस्‍त कली थमा सुइश्‍शो तशा, ठीक दुम्‍पाइक्‍ब। रोमी ३:२०,२८; एफिसी २:८
GAL 2:17 गो यहूदी बाक्‍तय हना यो, येसु ख्रीस्‍त कली थमा सुइक्‍तीके ठीक दुम्‍तय। मोपान अर्को रागी ङा मुर खोदेंशो दुम्‍तय। मिनु येसु ख्रीस्‍तमी मुर आन कली पापी सेल्‍शा, पाप बारपाइक्‍ब, दे मिम्‍चा ङा? मोदेंशो ममिम्‍चा।
GAL 2:18 गो रिती थिती पचा प्रोंइता। मुल लेंशा रिती थिती पशा, ठीक दुम्‍चा माल्‍ता हना, गो थमान परमप्रभु यावे आ लोव़ मटीब दुम्‍नुङ, दे रुप्‍ता।
GAL 2:19 गो यहूदी आन पतीके आन पर्बम बेक्‍शो मुर दुम्‍ती। ख्रीस्‍त नु काथा शीम कांटी थोक्‍शा, क्‍याइश्‍शा साइक्‍चा पुंइसाक्‍यी। मुल गो परमप्रभु यावे आ दाक्‍शो पा ब्रोंइनुङ।
GAL 2:20 तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। यूहन्‍ना १७:२३; प्रेरित १:४
GAL 2:21 परमप्रभु यावेमी मो गेशो शिशी खेर मसोइक्‍नुङ। यहूदी आन पतीके पाप रे ब्रोंइसीब हना, ख्रीस्‍त साइक्‍चा पुंइसीशा बेक्‍शो शोर गाक्‍शो मदुम्‍बा ङा?” दे केफास नु मेकेर देल्‍शा बाक्‍ब आन कली माइक्‍तामी।
GAL 3:1 ए गलातीपुकी, गे मरुप्‍ब मुर दुम्‍नी बाक्‍त। सुमी मोपा इन थुं हिरदा? येसु ख्रीस्‍त कली शीम केप्‍शा कांटी थोक्‍शा क्‍याइश्‍शा साइक्‍तेक्‍म, दे इन मिक्‍चीमी तशो खोदेंब पा नेंपाइक्‍तान्‍नी। मुल मेको लोव़ प्रेंदीनी?
GAL 3:2 मुल लोव़ का निक्‍शी हिल्‍लो पाइक्‍नन्‍नी। परमप्रभु यावे आ सोक्‍त दोपा तनी? यहूदी आन पतीक पशोमी तनी देय ख्रीस्‍त आ लोव़ थमा सुइश्‍शोमी तनी? लो देनीन।
GAL 3:3 मारेइ मरुप्‍ब मुर दुम्‍नी? परमप्रभु यावे आ सोक्‍तीम प्रिंशो थुं गेचा पुंइसीशा, प्रभु आ लां खोइक्‍चा गोइतीनी। मिनु मुल मुर आ थुंमी मिम्‍शो पशा, जाक्‍दीय्‍य, दे मिम्‍तीनी?
GAL 3:4 प्रभु आ लां खोइश्‍शा गाक्‍नीनु, मारेइ मारेइ ताइतीनी। मुल मेको लां प्रोंइतीनी हना, मेको नेल्‍ल मसाम्‍नीनी ङा?
GAL 3:5 परमप्रभु यावेमी इन कली आ सोक्‍त गेशा, छक लाक्‍चा ङा गेय कोंइताक्‍व। यहूदी आन पतीक पशो तशा, मोदेंशो छक लाक्‍चा ङा गेय कोंइदा ङा? ख्रीस्‍त कली थमा सुइश्‍शो तशा, कका छक लाक्‍चा ङा गेय कोंइताक्‍व।
GAL 3:6 अब्राहाम आ पर्बम “अब्राहाममी परमप्रभु यावे कली थमा सुइक्‍तु। मिनु परमप्रभु यावेमी ठीक दुम्‍पाइक्‍तु” दे ब्रेक्‍शो बाक्‍ब। उत्‍पत्ती १५:६; रोमी ४:३
GAL 3:7 थमा सुइक्‍तीके ठीक दुम्‍शो मुरपुकी अब्राहाम आ आल नम, दे रुपीने।
GAL 3:8 अर्को रागी ङा मुरपुकी थमा सुइक्‍तीकेमी ठीक दुम्‍पाइक्‍चा पुंइसीनीम, दे परमप्रभु यावे आ लोव़म ब्रेक्‍शो बाक्‍ब। मारदे हना अब्राहाम कली “इ लां रे पा नेल्‍ल रागी ङा मुरपुकीमी आसीक ताइनीम” दे ब्रेक्‍शो बाक्‍ब। उत्‍पत्ती १२:३
GAL 3:9 मोपतीके सु सुमी अब्राहाममी थमा सुइश्‍शो खोदेंशो पा थमा सुदमे, मेकोपुकी अब्राहाम आ आसीक यो ताइनीम। रोमी ४:१६
GAL 3:10 सु सुमी चहिं यहूदी आन पतीक पा, ठीक दुम्‍चा माल्‍मे, मेकोपुकी सराप राइनीम। मिनु “परमप्रभु यावेमी अरेशो लोव़ नेल्‍ल टिचा माल्‍ब। सु सुमी लोव़ नेल्‍ल टिशा पशा, का चहिं मटीमे, मेकोपुकी सराप राइनीम” दे ब्रेक्‍शो बाक्‍ब। ब्‍यवस्‍था २७:२६
GAL 3:11 सुइमी यहूदी आन पतीक पशा परमप्रभु यावे आ ङोंइती ठीक मदुम्‍नीन, दे तुंइसीब। “थमा सुइश्‍शो रे पा ठीक दुम्‍पाइक्‍चा पुंइसीब चहिं गेना हना यो ठीक बाक्‍नीम” दे ब्रेक्‍शो बाक्‍ब। हबकुक २:४; रोमी १:१७; हिब्रू १०:३८
GAL 3:12 परमप्रभु यावे आ अरेशो लोव़ येसु ख्रीस्‍त कली थमा सुइक्‍तीक रे मबाक्‍ब। “सुइम परमप्रभु यावे आ अरेशो पशो हना, मेको रे पा ब्रोंइ वा” दे ब्रेक्‍शो बाक्‍ब। लेवी १८:५
GAL 3:13 ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१
GAL 3:14 ख्रीस्‍त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्‍त येसु कली थमा सुइश्‍शो रे पा गोपुकीमी परमप्रभु यावेमी गेनुङ देंशो आ सोक्‍त ताइतय, दे रुब्‍य।
GAL 3:15 आं लोक्‍बपुकी, कथा सेल्‍शा रुप्‍पाइक्‍नन्‍नी, कागज ब्रेक्‍शा, ब्रेप्‍चो दिम्‍ने थुम्‍शो ङा मेरे मेको ब्रेक्‍शो लोव़ लीब। सुइमी मारेइ लोव़ क्‍याम्‍ने तेम्‍ने मचाप्‍नीम।
GAL 3:16 परमप्रभु यावेमी अब्राहाम नु अब्राहाम आ युइ का कली “इ लां रे पा रागी नेल्‍ल ङा मुरपुकी आसीक राइनीम” दे आ लोव़ गेशो बाक्‍त। शुश आन कली ममाइ “इ युइ का कली” दे ब्रेक्‍शो बाक्‍ब। मेको लोव़ खाप्‍ब चहिं ख्रीस्‍त बाक्‍ब। उत्‍पत्ती २२:१८
GAL 3:17 आं देंशो रुपीन। परमप्रभु यावेमी अब्राहाम कली गेशो लोव़ कागज ब्रेक्‍शा, ब्रेप्‍चो दिप्‍शो खोदेंशो बाक्‍ब। मेको लोव़ गेशा, ४ सहे ३० बर्स नोले आ अरेशो लोव़ तुइक्‍पाइश्‍शो बाक्‍त। मेको अरेशो लोव़मी ङोंइती गेशो लोव़ ख्रोइक्‍ने मचाप्‍ब। प्रस्‍थान १२:४०
GAL 3:18 अरेशो लोव़ पतीके हक ताइब दुम हना, परमप्रभु यावे आ गेशो लोव़ ख्रोत वा। परमप्रभु यावेमी “हक ताइनेवे” दे अब्राहाम कली आ लोव़ गेशो बाक्‍त।
GAL 3:19 अरेशो लोव़ शोर गाक्‍शो मदुम्‍बा ङा? नेनीन, परमप्रभु यावेमी अब्राहाम कली गेशो लोव़ खाप्‍ब, दे तुइक्‍नय। मेको युइ मजरमेथु, परमप्रभु यावे आ अरेशो लोव़ रे पा पाप माइश्‍शो मार में, दे तुंइ‍सीशो बाक्‍त। मेको लोव़ परमप्रभु यावे आ स्‍वर्ग ङा गेय पाइबमी गारपाइक्‍ब का आ गुइमी गेशा, मुर आन कली तुइक्‍पदा बाक्‍त। रोमी ५:२०; प्रेरित ७:३८,५३; हिब्रू २:२; ब्‍यवस्‍था ५:५
GAL 3:20 गारपाइक्‍तीक गेय पचा कली मुर का मदुम्‍ब। तन्‍न परमप्रभु यावे आ का ला बाक्‍शा लोव़ गेशो बाक्‍त।
GAL 3:21 अरेशो लोव़ नु परमप्रभु यावेमी गेशो लोव़ मगारचा ङा लोव़ नसी ङा? ममाइ। ब्रोंइचा गेचा कली अरेशो लोव़ का गेशो हना, थमा पा ठीक पतीके अरेशो लोव़ रे पा दुम वा। रोमी ८:२-४
GAL 3:22 तन्‍न परमप्रभु यावेमी ब्रेक्‍पाइश्‍शो लोव़मी “मुर नेल्‍ल पाप आ वाइलीम वाइल दुम्‍शो बाक्‍नीम” दे ब्रेक्‍शो बाक्‍ब। सु सुमी येसु ख्रीस्‍त कली थमा सुदमे, मेको आन थमा सुइश्‍शोमीन “पाप रे ब्रोंइचा ताइनीम” दे गेशो लोव़ खाप्‍शो ताम्‍तेक्‍म। रोमी ३:९-२०; रोमी ११:३२
GAL 3:23 थमा सुइक्‍तीक जाक्‍चा क्‍येङा ङोंइती अरेशो लोव़ पना पन बाक्‍त‍क। मोपा थमा सुइक्‍तीक मजाक्‍म सम्‍म चोक्‍सीशो खोदेंशो बाक्‍तक। गलाती ४:३
GAL 3:24 मोपतीके मेको अरेशो लोव़म आंइ कली हिंच कोंइ‍शा, ख्रीस्‍त आ लां गाक्‍पाइक्‍ब दुम्‍त। मोदेंशो बाक्‍त हना, थमा सुइक्‍तीक रे ठीक दुम्‍नय।
GAL 3:25 तन्‍न थमा सुइक्‍तीक जाक्‍चा नोले हिंच कोंइब ममाल्‍नय। रोमी १०:४
GAL 3:26 ख्रीस्‍त येसु कली थमा सुइश्‍शा, गे नेल्‍ल परमप्रभु यावे आ तमी तौ दुम्‍तीनी। यूहन्‍ना १:१२; रोमी ८:१७
GAL 3:27 गे ख्रीस्‍त आ नेंमी ब्‍वाक्‍कुम ख्रुम्‍शा ग्रुंइपांइसीशोपुकी येसु ख्रीस्‍त फेक्‍शो खोदेंशो पा, ख्रीस्‍त नु रां का दुम्‍तीनी। रोमी ६:३; रोमी १३:१४
GAL 3:28 मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३
GAL 3:29 ख्रीस्‍त नु रां का दुम्‍शा, अब्राहाम आ चच युइ दुम्‍तीनी। परमप्रभु यावेमी अब्राहाम कली गेशो लोव़ गाप्‍शा, हक ताइब दुम्‍तीनी।
GAL 4:1 मारेइ मतुइक्‍ब आल हक ताइब दुम्‍त हना यो, मेको खिं ङा तौ बाक्‍त हना यो, गेय पाइब वाइल खोदेंशो मिम्‍सीब।
GAL 4:2 मेको मकोल्‍म सम्‍म ठेयब मुर आन गुइमी बाक्‍ब। आ आफोमी “मुल आ हक गेचा” मदेंम सम्‍म आ तचा ङा हक मताइब।
GAL 4:3 गोपुकी मेको खिं ङा आल खोदेंशो बाक्‍तय। कोल्‍शा इं हक मतशो सम्‍म गो एको रागी ङा सक्ति आन वाइल दुम्‍शो बाक्‍तय। गलाती ५:१; कलस्‍सी २:२०
GAL 4:4 मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०
GAL 4:5 मेकोमी मुर दुम्‍शा, यहूदी आन पतीक पाइब आन कली प्रोंइशा, परमप्रभु यावे आ तमी तौ सेल्‍तीमी।
GAL 4:6 गो आ तमी तौ दुम्‍शोपुकी परमप्रभु यावेमी आ तौ आ सोक्‍त गेचा पुंइसाक्‍य। मेको सोक्‍तीमी “आब्‍बा, आं दाक्‍शो आफ” देंब। रोमी ८:१५
GAL 4:7 मोपतीके गो वाइलीम वाइल दुम्‍चा प्रोंइशा, परमप्रभु यावे आ तमी तौ दुम्‍शा, हक ताइब दुम्‍तय। रोमी ८:१६-१७
GAL 4:8 ङोंइती गे परमप्रभु यावे कली मतुइक्‍थु, देवी देवता आन कली सेउ पा, मेको आन वाइलीम वाइल दुम्‍‍तीनी।
GAL 4:9 मुल चहिं परमप्रभु यावे कली तुइक्‍ताक्‍नी। मिनु परमप्रभु यावेमी यो इन कली तुइक्‍ताक्‍व। मिनु मुल लेंशा ङोंइती पशो खोदेंशो पचा दाक्‍नीनी?
GAL 4:10 गेपुकीमी बार, औंसी, पूर्ने नु रीतु मानेनीनी। शुश मोदेंशो रिती थिती पाइनीनी देंशो नेंता। रोमी १४:५; कलस्‍सी २:१६,२०,२१
GAL 4:11 गो शुश श्‍येत पा येसु ख्रीस्‍त आ लोव़ शेंताक्‍न्‍नी। इन कली शेंशा श्‍येत ला जङा कों, दे मिम्‍ताक्‍ङ। २यूहन्‍ना ८
GAL 4:12 आं लोक्‍बपुकी, गो रिती थिती पचा प्रोंइशा, येसु ख्रीस्‍त कली थमा सुइक्‍ता। आं खोदेंशो पा थमा सुइक्‍चा मप्रोंइथु बाक्‍कीन, दे इन कली देंनुङ। साइ गेपुकी नु बाक्‍ङानु, गारशा बाक्‍तय। गेपुकीमी आं कली वारच पशो मिम्‍शा, मुल यो मप्रेंनुङ।
GAL 4:13 मेना गो रोइ पा, मचाप्‍थु यो येसु ख्रीस्‍त आ ग्‍येरपाइक्‍ब लोव़ शेंताक्‍न्‍नी। १कोरिन्‍थी २:३; प्रेरित १६:६
GAL 4:14 आं कली मोदेंशो रोइ पशो तशा ग्रांग्रा मदित्‍तीनी। मरिम्‍शो लोव़ यो मपाइय्‍यीनी। श्‍येत पा वारच पाइतीनी। परमप्रभु यावे आ स्‍वर्ग ङा गेय पाइब कली ब्रशो खोदेंशो पा मान पाइतीनी। ख्रीस्‍त येसु कली ब्रशो खोदेंशो पा ब्रतीनी।
GAL 4:15 मेना ग्‍येरसीशा बाक्‍तीनी। मुल इन ग्‍येरसीशो ते लाक्‍गा? मेना इन मिक्‍च फेश्‍शा, आं मिक्‍चीम केप्‍चा ङा दुम्‍तीनी। आं बेक्‍चा ङा गेपुकी बेक्‍चा ठीक दुम्‍तीनी।
GAL 4:16 मुल इन कली हुइश्‍शा, थमा लोव़ शेंदन्‍नीनु, आं कली मरिम्‍शो सुइक्‍नीनी?
GAL 4:17 नेनीने, दूली शेंबपुकीमी इन कली मिलो शिलो पा, येसु आ लां खोइक्‍चा प्रोंइपाइक्‍चा माल्‍नीम। मेकोपुकीमी इन कली मान पखु पा, आंम आन कली मान पपांइसीनीम। गलाती १:७
GAL 4:18 शेंब आन लोव़ नेंचा रिम्‍शो बाक्‍ब। गेपुकी नु बाक्‍ती हना यो, मबाक्‍ती हना यो, शेंब आन लोव़ नेंचा मप्रोनीन। तन्‍न शेंशो लोव़ थमा बाक्‍म कों दूली बाक्‍म, मेको रुप्‍चा माल्‍नीनी।
GAL 4:19 आं दाक्‍शो आलपुकी, मीश मुरुमी आल थिचामेनु, श्‍येत जाइनीमी। शुश खाइक्‍ब। आल थिचशो मीश मुरुमी श्‍येत जशा खाइश्‍शो खोदेंशो पा, गो इन कली मिम्‍शा, श्‍येत जाइनुङ। इन थुंमी ख्रीस्‍त बारल, दे मिम्‍शा, मोदेंशो पा आं थुं खाइक्‍ती। १कोरिन्‍थी ४:१५
GAL 4:20 गेपुकी नु काथा बाक्‍शा लोव़ पचा तङ हना, गिश रिम्‍शो दुम वा। गो इन कली तशा मार पचा दो पचा दुम्‍शो बाक्‍नुङ।
GAL 4:21 गे रिती थिती पचा दाक्‍बपुकी, अरेशो लोव़मी मार ब्रेक्‍शो बाक्‍बा, मेको तुइक्‍नीनी?
GAL 4:22 मार ब्रेक्‍शो बाक्‍ब देंशा हना, अब्राहाम आ तौ निक्‍शी बाक्‍ताक्‍स। का वाइलीम आ तौ बाक्‍त, का ग्‍युंबे पशो मीश आ तौ बाक्‍त, दे ब्रेक्‍शो बाक्‍ब। उत्‍पत्ती १६:१५; उत्‍पत्ती २१:२
GAL 4:23 वाइलीम आ तौ मुर आ दाक्‍शो पतीकेम जरमेशा ब्रोंइशो बाक्‍त। ग्‍युंबे पशो मीश आ तौ चहिं परमप्रभु यावेमी अब्राहाम कली गेशो लोव़ गाप्‍शा, जरमेशा ब्रोंइशो बाक्‍त। रोमी ९:७-९
GAL 4:24 अब्राहाम आ ग्‍युंबे पशो मीश नु आ वाइलीम मीशेमी कबल पशा लां निक्‍शी कोंइनीसी। लां का सीनै ङा लां बाक्‍ब। मेकोपुकी वाइलीम वाइल बाक्‍तेक्‍म। मारदे हना हागार माइश्‍शो वाइलीम आ चच युइ बाक्‍तेक्‍म। गलाती ५:१; रोमी ८:१५
GAL 4:25 हागार देंशो मार रुम्‍सीब देंशा हना, अराब रागी ङा सीनै डांडा रुम्‍सीब। सिनाक्‍त मुलाक्‍त यरूसलेममी बाक्‍बपुकीमी हागार आ लां खोइश्‍शा, रिती थिती पा वाइलीम वाइल दुम्‍शो बाक्‍नीम।
GAL 4:26 इर ङा यरूसलेम चहिं प्रोंइसीशो बाक्‍ब। मेको यरूसलेम कली इं ममा मिम्‍नय। हिब्रू १२:२२; प्रकाश २१:२
GAL 4:27 मारदे हना “ए गेनायो आल मथीब मीश मुर, कुम्‍सो पा ग्‍येरसो। गे आल मथिशो मुर बाक्‍ते हना यो, इ कली ममा देंब शुश दुम्‍नीम। ग्‍युंबे पा आल थिशो नेल्‍ल आन क्‍येङा गे मान पाइक्‍चा पुंइसीनेवे” दे ब्रेक्‍शो बाक्‍ब। यसैया ५४:१
GAL 4:28 आं लोक्‍बपुकी, इसहाक जरमेशो खोदेंशो पा गे परमप्रभु यावे आ गेशो लोव़ गाप्‍शा, आ तमी तौ दुम्‍तीनी।
GAL 4:29 मुर रे जरमेशोमी मेको सोक्‍त रे जरमेशो कली मदाक्‍थु हेला पा खेदा पाइब। मेको मोदेंशो मुल यो बाक्‍ब।
GAL 4:30 मिनु मार ब्रेक्‍शो बाक्‍त देंशो हना “वाइलीम आ तौ कली ग्रुंइशा खेरचा। मारदे हना वाइलीम आ तौ ग्‍युंबे पशो आ तौ नु हक मताइब” दे ब्रेक्‍शो बाक्‍ब। उत्‍पत्ती २१:१०
GAL 4:31 आं लोक्‍बपुकी, वाइलीम आ चच युइ मनय। ग्‍युंबे पशो मीश आ चच युइ नय, दे रुब्‍य।
GAL 5:1 ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने। गलाती ४:५; प्रेरित १५:१०
GAL 5:2 गो पावलमी “ख्रोइक्‍तीक चिनु रिती थिती पाइतीनी हना, ख्रीस्‍त इन पा ङा बेक्‍शो, शोर गाक्‍शो मदुम्‍बा ङा? शोर गाक्‍शो दुम्‍ब” देंनुङ।
GAL 5:3 लोव़ थोक्‍शा का का पा शेंनन्‍नी, ख्रोइक्‍तीक चिनु ख्रोंइ‍सीबपुकीमी अरेशो लोव़ नु रिती थितीम बाक्‍शो नेल्‍ल पचा माल्‍नीम। का यो प्रोंइचा मदुम्‍ब।
GAL 5:4 सु सुमी रिती थिती पशोमी ठीक दुम्‍चा माल्‍मे, मेकोपुकीमी ख्रीस्‍त आ पशो साम्‍शा, मेको रे ङोन दुम्‍शा आ शिशी मताइनीम।
GAL 5:5 गोपुकी “ख्रीस्‍त आ पतीके ठीक दुम्‍तय” देंशा, परमप्रभु यावे आ सोक्‍तीमी तुइक्‍पाइक्‍चा पुंइसाक्‍य।
GAL 5:6 ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९
GAL 5:7 ङोंइती गे रिम्‍शो पाइतीनी। तन्‍न सुम इन कली थमा लोव़ मनेंथु, दूली शेंब आन लोव़ नेंचा, दे इन थुं हिरदा?
GAL 5:8 इन कली आ तमी तौ सेल्‍बमी मोदेंशो मपाइब।
GAL 5:9 बोरपाइक्‍ब ओख्‍ती इच्‍का खोइ सुप्‍शोमी शोब्‍ले नेल्‍ल बोरपाइक्‍ब, दे रुपीने। १कोरिन्‍थी ५:६
GAL 5:10 गे आं शेंशो लोव़ थमा सुइक्‍चा मप्रोंइनीनी, दे प्रभु रे तुइक्‍ताक्‍ङ। सु सुमी इन कली दूली लोव़ शेंशा, इन थुं क्‍याल्‍पाइश्‍शा हिरदमे, मेको आन कली परमप्रभु यावेमी सजाइ गेब, दे यो तुइक्‍ताक्‍ङ। गलाती १:७
GAL 5:11 आं लोक्‍बपुकी, नेनीन, गो ख्रोइक्‍तीक चिनु ख्रोइक्‍चा माल्‍ब, दे शेंथ गाक्‍शो नङ हना, खेदा पा श्‍येत गेचा मपुंइसीङ वा। गोमी येसु ख्रीस्‍त इं पा ङा बेक्‍त, दे थमा सुतीन, दे शेंना शेंन गाक्‍शो नङ। मेको शेंतीक आ पर्बम आन थुं मनुथु श्‍येत गेतीमी। १कोरिन्‍थी १५:३०; गलाती ६:१२; १कोरिन्‍थी १:२३
GAL 5:12 इन थुं क्‍याल्‍पाइक्‍बपुकीमी आंम आन रांमी चिनु ख्रोदमेनु, खसी पशो दुम्‍मल, देंनुङ।
GAL 5:13 आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९
GAL 5:14 “आंम इ कली दाक्‍शो खोदेंशो पा, इ नेक्‍था बाक्‍ब आन कली यो दाक्‍तो” देंशो लोव़मी परमप्रभु यावे आ अरेशो लोव़ नेल्‍ल बाक्‍ब। लेवी १९:१८
GAL 5:15 गेपुकी कुचुम जिशा क्राइक्‍मुशो खोदेंशो पा जीतीनी हना, खतम दुम्‍नीकी, दे तुइक्‍तीन। याकूब ४:२
GAL 5:16 लोव़ थोक्‍शा, का निक्‍शी नु तेम्‍शा शेंनन्‍नी, परमप्रभु यावे आ सोक्‍त रे पा ब्रोंइशा गेय पने। मो पाइतीनी हना ला, इन दला दाक्‍स मपाइनीनी, इन थुंमी मिम्‍शा मरिम्‍शो मपाइनीनी।
GAL 5:17 मुर आ थुंमी मिम्‍शो पचा नु परमप्रभु यावे आ सोक्‍तीम ब्रीशो थुं आ मिम्‍शो पचा मगारब। रिम्‍शो पय देंतीनी हना यो, रिम्‍शो पने मचाप्‍नीनी। रोमी ७:१५,२३
GAL 5:18 परमप्रभु यावे आ सोक्‍तीमी चहिं इन कली गेय पपाइक्‍तु हना, रिम्‍शो पाइनीनी, अरेशो लोव़ मटीब यो मदुम्‍नीनी।
GAL 5:19 आन दला दाक्‍स पा मुर आ थुंमी मिम्‍शो पाइबपुकीमी दोदेंशो गेय पाइनीम देंशा हना, तेल्‍लेम पाइनीमी, ग्रांग्रा दिचा ङा गेय पाइनीमी, हेंथे गाक्‍नीमी, १कोरिन्‍थी ६:९-१०
GAL 5:20 मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी,
GAL 5:21 गेहे पाइनीमी, तूशा दुक्‍शा हेंथे पाइनीमी, शुश जाइनीमी। मारेइ मारेइ मरिम्‍शो पशा गाक्‍नीम। साइ गोमी मोदेंशो गेय पाइबपुकी परमप्रभु यावे आ राज्‍य ओव़चा मताइनीम, दे शेंताक्‍न्‍नी। मुल लेंशा मिम्‍पाइक्‍तन्‍नी। एफिसी ५:५; प्रकाश २२:१५
GAL 5:22 परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,
GAL 5:23 ब्रेम्‍शो दुम्‍नीमी नु आंम कली चलेस जोक्‍नीमी। मोदेंशो पाइब मुर कली परमप्रभु यावे आ अरेशो लोव़मी मारेइ मपाइब। १तिमोथी १:९
GAL 5:24 सु ख्रीस्‍त येसु आ मुर दुम्‍शो बाक्‍नीमी, मेकोपुकीमी आंम रां ङा दला दाक्‍स येसु ख्रीस्‍त खोदेंशो पा शीम क्‍याइक्‍ने थुम्‍शो बाक्‍नीमी। रोमी ६:६
GAL 5:25 गो परमप्रभु यावे आ सोक्‍तीमी ब्रोंइतय हना, इं गेय यो परमप्रभु यावे आ सोक्‍तीमीन पय। रोमी ८:४
GAL 5:26 मोपतीके ठेयब मसेल्‍सीय, मगाइक्‍मुय अरु आन कली रिम्‍शो दुम्‍शो तशा गेहे मपय। फिलिप्‍पी २:३
GAL 6:1 आं लोक्‍बपुकी, सुमी आ थुंमी मिम्‍शा, दला दाक्‍स पा प्रभु आ देंशो मटिथु मरिम्‍शो दुम्‍मे, गे मेको कली परमप्रभु यावे आ सोक्‍तीमी ब्रीशो थुं पाइश्‍शोपुकीमी, ठेयब मलेत्‍थु, रिम्‍शो लोव़ पा, आ थुं परमप्रभु यावे गे लेप्‍पतीने। मो पनीनु, थुं थाम्‍चा मपुंइसेक्‍ल, दे होस पा बाक्‍कीन। मत्ती १८:१५; याकूब ५:१९
GAL 6:2 कामी अर्को कली वारच पने। मोपा गे ख्रीस्‍त आ अरेशो लोव़ खाप्‍नीनी। २कोरिन्‍थी ११:२९
GAL 6:3 सुइ ठेयब मसुंइ‍सेक्‍ल। मजोक्‍थु यो जोक्‍ब तुइक्‍ब नङ, दे ठेयब लेप्‍बमी आंम कली जोल पांइसीब।
GAL 6:4 परमप्रभु यावे आ सोक्‍तीम गेय पङा कों, आंम दला दाक्‍स पङा कों, दे का का पा मिम्‍शा तुइक्‍तीने। मिनु ला गे “गो रिम्‍शो पाता” देंने चाप्‍नीनी। २कोरिन्‍थी १३:५
GAL 6:5 मारदे हना नेल्‍लेमी आंम गेय आंमा पचा माल्‍ब। रोमी १४:१२
GAL 6:6 ख्रीस्‍त आ लोव़ शेंचा पुंइसीबमी शेंब कली आ नु बाक्‍शो रिम्‍शो थोक्‍शा योक्‍शा गेवल। १कोरिन्‍थी ९:१४
GAL 6:7 परमप्रभु यावे कली कोंइखु पा जोल पचा मदुम्‍ब। परमप्रभु यावेमी नेल्‍ल तुइश्‍शो बाक्‍ब। मोपतीके दूली ममिम्‍तीने। मुरपुकीमी मार शोक्‍ग‍मे, मेको रुप्‍नीम। येरमीया २१:१४
GAL 6:8 आंम आन थुं ङा मिम्‍शो गेय पाम्‍तेक्‍म हना, मेको आन गेय मलीथु जाम्‍शा लाइब। मिनु आ यो जाम्‍शा लाइनीम। परमप्रभु यावे आ सोक्‍तीम गेय पाम्‍तेक्‍म हना, परमप्रभु यावे आ सोक्‍त रे पा गेना हना यो ब्रोंइशा बाक्‍चा ताइनीम। रोमी ८:१३
GAL 6:9 रिम्‍शो गेय पचा मदने। मोपा ला गो रुप्‍ची ना रुप्‍ने चाप्‍नीकी। २थिस्‍सलोनिकी ३:१३
GAL 6:10 सुइ कली रिम्‍शो पचा ताइतय हना, रिम्‍शो पय। नेल्‍ल क्‍येङा ङोंइती थमा सुइक्‍ब लोक्‍ब आन कली वारच पय। २पत्रुस १:७
GAL 6:11 ठेयब ठेयब अच्‍छेर ब्रेक्‍शो तशा, पावल आ ब्रेक्‍शो बाक्‍त, दे तुइक्‍नीनी।
GAL 6:12 दूली शेंबपुकीमी ख्रोइक्‍तीक चिनु ख्रोइक्‍चा माल्‍ब देंशा, इन कली यहूदी रिती थिती पपाइक्‍चा माल्‍नीम। “ख्रीस्‍त शीम केप्‍शा कांटी थोक्‍शा साइक्‍चा पुंइसाक्‍व” दे शेंतीक लोव़ आ पर्बम खेदा पचा पुंइसीब, दे तुइक्‍नीम। मोपतीके खेदा पचा मपुंइसेक्‍ल, दे दूली लोव़ शेंनीम। गलाती ५:११
GAL 6:13 आंइ यहूदी रिती थिती नेल्‍ल मपाइनीमी, ख्रोइक्‍तीक चिनु ला ख्रोइक्‍नीम। मिनु इन कली ख्रोइक्‍तीक चिनु ख्रोइश्‍शो तचा दाक्‍नीम। मोदेंशो पशो तशा “आंइ शेंशो पामे बाक्‍त” दे आन नें बोरपाइश्‍शा गाक्‍चा ताइनीम।
GAL 6:14 नें बोरपाइक्‍चा दा गो यो आं नें बोरपाइश्‍शा गाक्‍ती। तन्‍न मुर आन पशो तशा ममाइ। इं प्रभु येसु ख्रीस्‍त इं पा ङा शीम केप्‍शा कांटी थोक्‍शा साइक्‍चा पुंइसीशा, इं पाप क्‍याम्‍ताक्‍व, दे ख्रीस्‍त आ पशो मिम्‍शा, आं नें बोरपाइश्‍शा गाक्‍ती। ख्रीस्‍त आ गेय ङा लाक्‍शा मारेइ ठेयब ममिम्‍नुङ। रागी ङा मिम्‍तीक पतीक नेल्‍ल बेक्‍शो खोदेंशो मिम्‍ताक्‍ङ। रागीमी यो आं कली बेक्‍शो खोदेंशो मिम्‍ताक्‍व। १कोरिन्‍थी १:३१; १कोरिन्‍थी २:२
GAL 6:15 ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। गलाती ५:६; १कोरिन्‍थी ७:१९; २कोरिन्‍थी ५:१७
GAL 6:16 गे सु सु आं देंशो लोव़ टिशा पाइनीनी, मेको थुं नाइश्‍शा नु शिशी तशा बाक्‍चा ताइनीम। मेको ला ममाइ, परमप्रभु यावे कली थमा सुइक्‍ब, इस्राएली, दे नें वोइक्‍चा पुंइसीनीम। भजन संग्रह १२५:५
GAL 6:17 मुल ङा मेरे सुइमी श्‍येत मगेयीमील। येसु आ नेंमी श्‍येत जशा, तुप्‍चा, युक्‍चा पुंइसीशो चिनु आं रांमी शुश बाक्‍ब। २कोरिन्‍थी ४:१०
GAL 6:18 आं लोक्‍बपुकी, इं प्रभु येसु ख्रीस्‍तमी इन कली शिशी पा, आ सोक्‍त इन थुंमी लीपदल। आमेन।
EPH 1:1 गो पावल नङ। ख्रीस्‍त येसुम आं कली सोइक्‍ताक्‍यी। मेको परमप्रभु यावे आ दाक्‍शो बाक्‍त। मिनु गो एको चिठी एफिसस सहरम बाक्‍ब येसु ख्रीस्‍त कली थमा सुइक्‍ब, परमप्रभु यावे आ मुर इन कली ब्रेक्‍ताक्‍न्‍नी।
EPH 1:2 इं आफ परमप्रभु यावे नु इं प्रभु येसु ख्रीस्‍तमी इन कली शिशी पा थुं नाइश्‍शा बाक्‍चा गेम्‍सेक्‍ल।
EPH 1:3 इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।
EPH 1:4 मोपतीके रागी सेल्‍चा क्‍येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्‍शा, दोस मताइब नु दाक्‍ब दुम्‍यल, दे योव़तु। रोमी ८:२८-३०; एफिसी ५:२७
EPH 1:5 मिनु परमप्रभु यावेमी इं कली दाक्‍शा “येसु ख्रीस्‍त कली थमा सुइक्‍ब दुम्‍नीम” दे आंम आ तमी तौ सेल्‍तु। मेकोन परमप्रभु यावे आ दाक्‍शो बाक्‍त।
EPH 1:6 मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७
EPH 1:7 मोपा गोपुकी येसु ख्रीस्‍त आ हुशेम पतीके माफ तशा ब्रोंइशा बाक्‍नय। इं हेंथे पशो आ पर्बम माफ ताइनय। दोपा माफ तशा ब्रोंइशा बाक्‍नय देंशा हना, मुरुमी मिम्‍ने मचाप्‍चा ङा आ शिशी रे पा माफ ताइनय। कलस्‍सी १:१४; एफिसी २:७; एफिसी ३:८,१६
EPH 1:8 मिनु मेको आ जोक्‍तीक तुइक्‍तीक नेल्‍लेमी आ शिशी इं तारी मोइश्‍शो बाक्‍त। एफिसी ३:३-६,९; रोमी १६:२५; कलस्‍सी १:२६-२७
EPH 1:9 परमप्रभु यावेमी इं कली ङोंइती ख्रीस्‍त रे आ थुंमी ख्रुइश्‍शा वोइश्‍शो लोव़ तुइक्‍पाइक्‍चा दाक्‍ताक्‍व।
EPH 1:10 मिनु मेको नेल्‍ल ठीक दुम्‍मेनु, परमप्रभु यावेमी ख्रीस्‍त कली रागीमी सोइक्‍ताक्‍व। मोपा रागी नु स्‍वर्गमी बाक्‍ब, इस्राएली नु अर्को रागी ङा मुर नेल्‍ल आन कली ख्रीस्‍तमी का सेल्‍तु। गलाती ४:४
EPH 1:11 परमप्रभु यावेमी ख्रीस्‍त रे पा आ आल सेल्‍शा, इं कली योव़तु। मारदे हना ङोंइती रे योव़नुङमी, दे मिम्‍शो बाक्‍माक्‍त। मेकोन पाप्‍तु। कलस्‍सी १:१२
EPH 1:12 गोपुकी ङोंइती “ख्रीस्‍तमी आंइ कली मरिम्‍शो रे प्रोंइब” दे आस पाइतक। मोपतीके परमप्रभु यावेमी आंइ कली “आ सक्ति ठेयब बाक्‍ब” दे ब्रोंइचा गेचा कली योव़तीकी।
EPH 1:13 मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३०
EPH 1:14 आ सोक्‍त चहिं गोपुकी परमप्रभु यावे नु बाक्‍ची मजाक्‍म सम्‍म कली परमप्रभु यावे आ तमी तौ दुम्‍ने थुम्‍शो नय, दे कोंइतीक बाक्‍ब। मोपतीके “परमप्रभु यावे आ सक्ति ठेयब बाक्‍ब” देंनय।
EPH 1:15 गेपुकी प्रभु येसु कली थमा सुइक्‍तीनी। अरु थमा सुइक्‍ब आन कली दाक्‍ताक्‍नी, दे गो इन पर्बम लोव़ नेंता।
EPH 1:16 मोपतीके गो इन कली मिम्‍शा, परमप्रभु यावे कली “गे एफिसस ङा मुर आन कली रिम्‍शो पाइतीनी” दे ठेयब सेल्‍शा, लोव़ पना पन बाक्‍नुङ। कलस्‍सी १:४,९
EPH 1:17 मार लोव़ पना पन बाक्‍नुङ देंशा हना “परमप्रभु यावे, आंइ प्रभु येसु ख्रीस्‍त आ आफ ननी। गे नेल्‍ल छेङछेङ ङा आफ बाक्‍नीनी। गे एफिसस ङा थमा सुइक्‍ब आन कली येसु ख्रीस्‍त कली तुइक्‍तीकेमी रिम्‍शो गेय पस जोक्‍तीके नु नोले मार दुम्‍बा तुइक्‍तीक सोक्‍त गेने।
EPH 1:18 गे मेको आन कली मार कली ब्रेश्‍शो बाक्‍नीनी, थमा सुइक्‍ब आन ततीक मार बाक्‍बा, इन छेङछेङ गिश ठेयब बाक्‍बा, मेको नेल्‍ल रुप्‍तीक थुं गेने।
EPH 1:19 मिनु गो थमा सुइक्‍ब आंइ कली इन ठेयब सक्तिम मार पाइनीनी नु इन गेशो बोल गिश ठेयब बाक्‍मे, मेको रुप्‍तीक थुं यो गेने।
EPH 1:20 मेको सक्तिमी ख्रीस्‍त कली बेक्‍शो रे सेंशा, स्‍वर्ग ङा इन बाक्‍तीकेमी इन ग्‍युरा गे निप्‍पाइक्‍तीनी। भजन संग्रह ११०:१
EPH 1:21 मिनु हुकुम पाइब, अधिकार पाइश्‍शो, सक्ति पाइश्‍शो ठेयब दुम्‍शो नेल्‍लेमी ख्रीस्‍त कली प्रभु देंचा माल्‍नीमी। मेको नेल्‍ल आन क्‍येङा ठेयब नें बाक्‍ब। मुल ला ममाइ, नोले यो मोदेंशोन बाक्‍ब। रोमी ८:३८-३९; फिलिप्‍पी २:९; कलस्‍सी २:१०
EPH 1:22 मिनु गेमी मारेइ मारेइ आन कली येसु ख्रीस्‍त आ खोइलीमी दिम्‍पाइक्‍तीनी। थमा सुइक्‍बपुकी रां का खोदेंशो सेल्‍शा, येसु ख्रीस्‍त कली मेको रां आ पिया सेल्‍तीनी। भजन संग्रह ८:७; मत्ती २८:१८; एफिसी ४:१५
EPH 1:23 मोपा थमा सुइक्‍बपुकी येसु ख्रीस्‍त आ रां दुम्‍तेक्‍म। मिनु मेको रां आ पिया येसु ख्रीस्‍त आंमान दुम्‍शा, मारेइ मारेइ खाप्‍शो बाक्‍त” दे लोव़ पाइनुङ। एफिसी ३:३०; १कोरिन्‍थी १२:२७; कलस्‍सी १:१९
EPH 2:1 गेपुकी ङोंइती बेक्‍शो मुर खोदेंशो बाक्‍तीनी। दोपा मोदेंशो बाक्‍तीनी देंशा हना, मरिम्‍शो पशा, परमप्रभु यावे कली मटिथु, हेंथे गाक्‍शो बाक्‍तीनी। लूका १५:२४,३२; कलस्‍सी २:१३
EPH 2:2 मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१
EPH 2:3 मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६
EPH 2:4 तन्‍न परमप्रभु यावे शुश शिशी पाइब दुम्‍तीके इं कली तशा, शिशी पा दाक्‍ताक्‍व।
EPH 2:5 मेना गोपुकी मटिथु बेक्‍शो बाक्‍तय हना यो, मेकोमी इं कली ख्रीस्‍त नु कालेम सेंताक्‍व। मोपा आ शिशी रे गोपुकी ब्रोंइशो बाक्‍तय।
EPH 2:6 मिनु परमप्रभु यावेमी इं कली ख्रीस्‍त येसु नु सेंशा, मेको नु स्‍वर्गमी काथा बाक्‍पाइश्‍शा, फिलिप्‍पी ३:२०
EPH 2:7 मुरुमी मिम्‍ने मचाप्‍चा ङा ठेयब शिशी आंम आ दाक्‍तीकेमी ख्रीस्‍त येसु रे नोले ङा मुर आन कली कोंइचा कली पाप्‍तु। एफिसी १:७
EPH 2:8 मिनु गेपुकी परमप्रभु यावे आ शिशी तशा, थमा सुइक्‍तीके पाप रे ब्रोंइतीनी। मेको इन पतीके ममाइ, परमप्रभु यावेमी मोशा गेशो बाक्‍ब। रोमी ३:२३-२४; गलाती २:१६
EPH 2:9 मेको मुरुम पशो ममाइ, मोपतीके सुइ ठेयब लेन्‍ने मचाप्‍नीम। रोमी ३:२८; १कोरिन्‍थी १:२९
EPH 2:10 गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४
EPH 2:11 ङोंइती गेपुकी परमप्रभु यावे आ देंशो लोव़ मतुइक्‍ब बाक्‍तीनी। मुर आन गुइ रे ख्रोइक्‍तीक चिनु ख्रोइश्‍शो, इस्राएलीपुकीमी इन कली “ख्रोइक्‍तीक चिनु मख्रोइश्‍शो मुर नम” देंतेक्‍म। मेको मप्रेंदीन। एफिसी ५:८
EPH 2:12 मेना गेपुकी ख्रीस्‍त रे ङोन बाक्‍तीनी। इस्राएल ङा मुरपुकी रे यो ङोन बाक्‍तीनी। मोपा परमप्रभु यावेमी पशो कबल मतुइक्‍थु, आस मपाइश्‍शो नु परमप्रभु यावे कली मतुइक्‍ब मुर बाक्‍तीनी। रोमी ९:४; १थिस्‍सलोनिकी ४:१३
EPH 2:13 मुल चहिं गे ख्रीस्‍त येसु रे ङोन बाक्‍बपुकी ख्रीस्‍त आ हुशेम पतीके मेको आ नेक्‍था दुम्‍तीनी।
EPH 2:14 मेको इं कली दुशा बाक्‍चा गेब बाक्‍ब। मेकोमी इस्राएली नु अर्को रागी ङा थमा सुइक्‍ब आन कली का सेल्‍तु। मिनु मेको आन दातेमी बाक्‍शो दुचा मगेब गारो प्रेश्‍शा, जितीक खेतीक नेल्‍ल साम्‍तु। यसैया ९:५; गलाती ३:२८
EPH 2:15 दोपा साम्‍तु देंशा हना, यहूदी आन कली अरेशो, शेंशो, फुल्‍लुम मुशा ब्रेक्‍शो लोव़ ङा गेय नेल्‍ल आ रां साइक्‍चा गेशा साम्‍तु। मिनु मेकोमी जात निक्‍शी के जात का सेल्‍शा, नक मुर सेल्‍तु। मोपा दुशा बाक्‍चा गेप्‍तु। कलस्‍सी २:१४
EPH 2:16 येसु ख्रीस्‍तमी इं कली परमप्रभु यावे नु गारपाइक्‍चा कली शीम कांटी थोक्‍चा पुंइसीशा बेक्‍त। मोपा इस्राएली नु अर्को रागी ङा जिचा खे‍चा साम्‍शा, निम्‍फा आस कली परमप्रभु यावे नु गारपाइक्‍तु।
EPH 2:17 मिनु येसु ख्रीस्‍त रागीमी जाक्‍शा, ङोन बाक्‍ब इन कली नु परमप्रभु यावे आ नेक्‍था बाक्‍ब आन कली परमप्रभु यावे नु दोपा दुशा बाक्‍चा, मेको शेंताक्‍व। यसैया ५७:१९
EPH 2:18 मोपा गोपुकी परमप्रभु यावे आ सोक्‍तीम पतीके नेल्‍ल येसु ख्रीस्‍त रे पा इं आफ परमप्रभु यावे आ नेक्‍था जाक्‍दीत्‍नय। एफिसी ३:१२
EPH 2:19 मोपतीके गेपुकी मुल रे ङोन बाक्‍ब अर्को रागी ङा मुर मननी। परमप्रभु यावे आ राज्‍य ङा, अरु थमा सुइक्‍बपुकी नु आ खिं ङा मुर बाक्‍नीनी। एफिसी ३:६; हिब्रू १२:२२-२३
EPH 2:20 मिनु ख्रीस्‍त आ सोइश्‍शो नु साइ ङा परमप्रभु यावे आ लोव़ पाइबपुकी जग खोदेंशो दुम्‍तेक्‍म। गेपुकी चहिं मेको तारी सेल्‍शो खिं खोदेंशो ननी। ख्रीस्‍त येसु मेको खिं ङा ङोंइती वोइश्‍शो जग फुल्‍लु खोदेंशो बाक्‍ब। मत्ती १६:१८; यसैया २८:१६; १पत्रुस २:४-६मत्ती १६:१८
EPH 2:21 मेको तारी फुल्‍लु नेल्‍ल प्रोव़सीशा, परमप्रभु यावे आ खिं दुम्‍चा कली बारना बारन लाइब।
EPH 2:22 मिनु गेपुकी यो परमप्रभु यावे आ सोक्‍तीम पतीके परमप्रभु यावे आ खिं बाक्‍नीनी।
EPH 3:1 मिनु गो पावल अर्को रागी ङा मुर इन कली ख्रीस्‍त येसु आ लोव़ शेंतीके साङलोम पाइक्‍‍साक्‍यी। फिलिप्‍पी १:७,१३
EPH 3:2 परमप्रभु यावेमी “अर्को मुर आन कली आं शिशी आ पर्बम शेंदो” दे आं कली गेय पाइब सेल्‍ती। गेपुकीम एको लोव़ नेंशो बाक्‍नी माइ, दे मिम्‍नुङ। गलाती २:७
EPH 3:3 दोपा परमप्रभु यावेमी आ ख्रुइश्‍शो लोव़ आं कली तुइक्‍पदा, मोपा ङोंइतीन इन कली इचइच्‍का ब्रेक्‍ने थुम्‍शो बाक्‍ती। एफिसी १:९-१०; गलाती १:१२
EPH 3:4 मिनु गेपुकीमी मेको पढेनीनु, ख्रीस्‍त आ पर्बम ख्रुइश्‍शो लोव़ ङा गेय दोपा पवा, दे आं तुइश्‍शो लोव़ रुप्‍ने चाप्‍नीनी।
EPH 3:5 मुल परमप्रभु यावे आ सोक्‍तीमी येसु ख्रीस्‍त आ सोइश्‍शो नु परमप्रभु यावे आ लोव़ पाइब आन कली परमप्रभु यावे आ ख्रुइश्‍शो मार बाक्‍बा, दे शेंताक्‍ङमी। ङोंइती ङा मुरपुकीमी चहिं मतुइश्‍शो बाक्‍तेक्‍म। कलस्‍सी १:२६
EPH 3:6 मिनु मेको ख्रुइश्‍शो लोव़ मार बाक्‍ब देंशा हना, अर्को रागी ङा मुरपुकी यो इस्राएली नु खाल का ङा दुम्‍शा, अङस ताइब बाक्‍नीम। मेको नेल्‍ल रां का नम। ग्‍येरपाइक्‍ब लोव़मी मार देंब देंशा हना, ख्रीस्‍त येसु कली थमा सुइश्‍शा, मेकोपुकी यो परमप्रभु यावे आ कबल ताइब बाक्‍नीम। एफिसी ३:१३,१८-१९; प्रेरित १५:७-९
EPH 3:7 मोपा अर्को रागी ङा मुर आन कली ग्‍येरपाइक्‍ब लोव़ शेंचा, दे शेंब सेल्‍ती। परमप्रभु यावे आ सक्तिम पतीके आ शिशी मोशा गेप्‍तु।
EPH 3:8 गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७
EPH 3:9 मिनु मारेइ मारेइ सेल्‍ब परमप्रभु यावेमी रागी सेल्‍शो रे ख्रुइश्‍शा वोइश्‍शो नेल्‍ल आन कली त‍पाइक्‍चा, दे कोंइब सेल्‍ती। एफिसी १:९-१०; रोमी १६:२५-२६; कलस्‍सी १:१६
EPH 3:10 मारदे आं कली मोदेंशो सेल्‍ती देंशा हना, येसु ख्रीस्‍त कली थमा सुइक्‍बपुकीमी परमप्रभु यावे आ मिम्‍शो मार बाक्‍बा, मेको स्‍वर्गम बाक्‍ब हुकुम नु अधिकार पाइब आन कली तुइक्‍पदमेक्‍ल, दे आं कली कोंइब सेल्‍ती। १पत्रुस १:१२
EPH 3:11 मेको परमप्रभु यावे आ गेना हना यो मिम्‍शो लोव़ बाक्‍त। मेको मुल इं प्रभु ख्रीस्‍त येसु रे खाप्‍शो बाक्‍त।
EPH 3:12 मोपा येसु ख्रीस्‍त कली थमा सुइक्‍तीकेमी गोपुकी महिंथु, इं कली दाक्‍ब, दे तुइश्‍शा, परमप्रभु यावे आ नेक्‍था जाक्‍दीत्‍नय। रोमी ५:२
EPH 3:13 इन पर्बम गो श्‍येत जशो बाक्‍नुङ। मेको इन कली रिम्‍शो दुम्‍ब। मोपतीके आं कली श्‍येत जशो तशा महिनीन। कलस्‍सी १:२४
EPH 3:14 मोदेंशो पा गो इं आफ परमप्रभु यावे आ ङोंइती बाप्‍शा, पोक्‍च थेक्‍शा, इन कली मिम्‍शा पुंइशा बाक्‍नुङ।
EPH 3:15 परमप्रभु यावे सरीङ नु रागीम बाक्‍ब नेल्‍ल आन आफ बाक्‍ब।
EPH 3:16 मिनु गोमी परमप्रभु यावे कली “इन शुश छेङछेङ नु सक्तिम, एफिसस ङा थमा सुइक्‍ब आन थुं बोल्‍यो से‍लीन। मिनु इन सोक्‍त आन थुंमी बाक्‍मेनु, महिंब दुम्‍नीम। एफिसी १:७; एफिसी ६:१०; २कोरिन्थी ४:१६‍
EPH 3:17 मोपा थमा सुइक्‍तीके ख्रीस्‍त मेको आन थुंमी बाक्‍ब। मिनु ‘येसु ख्रीस्‍तमी आं कली दाक्‍ब’ दे शाक्‍श ग्रुक्‍शो रवा खोदेंशो पा इन दाक्‍तीकेमी ख्रुम्‍शो मुरपुकी से‍लीन। यूहन्‍ना १४:२३; कलस्‍सी २:७
EPH 3:18 मो दुम्‍मेनु, मेकोपुकी नु नेल्‍ल थमा सुइक्‍बपुकीमी येसु ख्रीस्‍त आ मुर आन कली दाक्‍तीके गिश ब्रेम्‍शो, गिश दुइश्‍शो, गिश लाइश्‍शो नु गिश लुक्‍च लशो बाक्‍मे, मेको नेल्‍ल रुप्‍तीक थुं गेने।
EPH 3:19 ख्रीस्‍त आ दाक्‍तीके गिश ठेयब बाक्‍बा, मेको रुप्‍‍ने मचाप्‍चा ङा बाक्‍त हना यो, मेको आन कली रुप्‍पतीन। मिनु परमप्रभु यावे, गे दोपा मारेइ मारेइमी गाप्‍शो बाक्‍नीनी, मोपा मेको आन कली यो इन सक्तिमी प्रिंदीन। कलस्‍सी २:२-३
EPH 3:20 गे नेल्‍ल आन क्‍येङा ठेयब सक्ति पाइश्‍शो बाक्‍नीनी। मोपतीके इन सक्ति रे आंइ पुंइशो नु मिम्‍शो क्‍येङा यो शुश गेने चाप्‍नीनी।
EPH 3:21 मिनु थमा सुइक्‍ब आंइ दातेमी येसु ख्रीस्‍त आ नेंमी नेल्‍ल पाला ङा मुरपुकीमी इन कली गेना हना यो ठेयब सेल्‍नीकी, आमेन” दे इन पर्बम पुंइनुङ।
EPH 4:1 गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।
EPH 4:2 गेपुकी ब्रेम्‍शो दुम्‍शा, सुइ नु मचुरथु, रिम्‍शो पा बाक्‍कीन। मुर आन कली फाल्‍शा, मेकोपुकी नु रिम्‍शो पा दाक्‍मुने। कलस्‍सी ३:१२-१३
EPH 4:3 मिनु दोपा परमप्रभु यावे आ सोक्‍तीमी थुं का सेल्‍बा, मोपा थुं का दुम्‍शा दुशा बाक्‍कीन। कलस्‍सी ३:१५; फिलिप्‍पी २:२
EPH 4:4 दोपा रां नु सोक्‍त का बाक्‍नीसी, मोपा थुं का दुमीन। गे नेल्‍ल इन आस कान बाक्‍ब। मोपा ब्रेत्‍चा पुंइसाक्‍नी। रोमी १२:५
EPH 4:5 मोपा प्रभु का, थमा सुइक्‍तीक का नु ब्‍वाक्‍कुमी ख्रुम्‍शा ग्रुंइचा यो का ला बाक्‍ब। १कोरिन्‍थी ८:६
EPH 4:6 मिनु नेल्‍ल इं आफ परमप्रभु यावे यो का ला बाक्‍ब। मेको नेल्‍ल आन क्‍येङा ठेयब बाक्‍ब। नेल्‍ल पतीकेमी नु नेल्‍ल आन आगाम बाक्‍ब। १कोरिन्‍थी १२:६
EPH 4:7 इं कली नेल्‍ल शिशी गेशो बाक्‍ब। मेको ख्रीस्‍तमी “आं गेय पचा कली गिश माल्‍बा” दे मो गेशो बाक्‍ब। रोमी १२:३-६; १कोरिन्‍थी १२:१
EPH 4:8 मिनु मार ब्रेक्‍शो बाक्‍त देंशा हना “मेको इर परमप्रभु यावे आ बाक्‍तीक लमेनु, चोक्‍सीशो शुश आन कली लाइक्‍तु। मिनु मुर आन कली गेय पतीक सक्ति गेप्‍तु” दे ब्रेक्‍शो बाक्‍ब। भजन संग्रह ६८:१९; कलस्‍सी २:१५
EPH 4:9 मिनु इर लचा देंशो, मार रुम्‍सीब देंशा हना, मेको ङोंइती रागी आगा तोंइसीशो बाक्‍ब, दे रुम्‍सीब। यूहन्‍ना ३:१३
EPH 4:10 मिनु मेको रागी आगा तोंइ‍सीब सरीङ क्‍येङा ता लाइब यो बाक्‍ब। मोपा मेकोमी मारेइ मारेइ खाप्‍तु।
EPH 4:11 मिनु येसु ख्रीस्‍तम मुर आन कली गेशो गेय मार बाक्‍ब देंशा हना, का निक्‍शी आ सोइश्‍शो दुम्‍नीम, का निक्‍शी परमप्रभु यावे आ लोव़ पाइब दुम्‍नीम, का निक्‍शी ग्‍येरपाइक्‍ब लोव़ नेंपाइक्‍ब दुम्‍नीम, का निक्‍शी थमा सुइक्‍ब आन कली कोव़ब नु शेंब दुम्‍नीम। १कोरिन्‍थी १२:२८; प्रेरित २१:८
EPH 4:12 मेको गेय मार कली बाक्‍ब देंशा हना, परमप्रभु यावे आ मुर आन थमा सुइक्‍तीके बारपाइक्‍चा कली बाक्‍ब। थमा सुइक्‍ब आन ग्रुम्‍तीक, ख्रीस्‍त आ रां दुम्‍शा, मेकेर ङा मुर बोल्‍यो सेल्‍चा कली गेशो गेय बाक्‍ब। १कोरिन्‍थी १४:२६; १पत्रुस २:५
EPH 4:13 मोपा गो नेल्‍ल थमा सुइश्‍शा, का दुम्‍तीके परमप्रभु यावे आ तौ कली तुइक्‍ब दुम्‍नय। मिनु मोदेंशो पा गोपुकी आइक्‍च आल ममाइ, कोल्‍शा चोक्‍शो मुर दुम्‍शा, ख्रीस्‍त दोदेंशो बाक्‍मे, मोदेंशो दुम्‍नय।
EPH 4:14 गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६
EPH 4:15 गोपुकी चहिं मुर आन कली दाक्‍शा, थमा शेंतीक लोव़ शेंशा, मारेइ मारेइमी इं पिया ख्रीस्‍त खोदेंशो दुम्‍नय। एफिसी १:२२; एफिसी ५:२३; कलस्‍सी १:१८
EPH 4:16 मोपा येसु ख्रीस्‍त पिया दुम्‍तीके रां नेल्‍ल का खोदेंशो पा गारपाइक्‍ब। थमा सुइक्‍बपुकीमी ठीक गेय पाम्‍तेक्‍म हना, मेको रां बारना बारन लशा, थमा सुइक्‍बपुकी दाक्‍मुइनीम। कलस्‍सी २:१९
EPH 4:17 परमप्रभु यावे कली मतुइक्‍ब मुरपुकी जाम्‍शा लाइब गेय ला मिम्‍शा पाइनीम। मिनु गेपुकी मुल रे मेको आन खोदेंशो मपने, दे प्रभु आ नेंमी इन कली रिम्‍शो पा अरेनुङ। रोमी १:२१-२४
EPH 4:18 मेको आन थुं फुल्‍लु खोदेंशो पा खकटा दुम्‍तीके परमप्रभु यावे कली मतुइक्‍ब बाक्‍तेक्‍म। मोपतीके मेकोपुकी छिङछिङमी बाक्‍शो खोदेंशो पा परमप्रभु यावे कली रुम्‍ने मचाप्‍नीम। मिनु मोपा परमप्रभु यावे रे ङोन बाक्‍नीम। एफिसी २:१२
EPH 4:19 मेकोपुकी रिम्‍शो मुर दुम्‍शा बाक्‍चा ताइश्‍शा, आन दला दाक्‍स पा, ग्रांग्रा दिचा ङा गेय नेल्‍ल शुश दाक्‍नीम।
EPH 4:20 गेपुकी चहिं ख्रीस्‍त कली तुइश्‍शा, मोदेंशो मशेंसीनी।
EPH 4:21 थमा पा येसु ख्रीस्‍त आ पर्बम लोव़ नेंतीनी। मिनु येसु आ थमा लोव़ तुइश्‍शो बाक्‍तीनी।
EPH 4:22 मोपतीके इन ङोंइती ङा ग्रांग्रा दिचा ङा दला दाक्‍स पाइब माइत थुं ङा मुर दुम्‍शा बाक्‍चा ताइक्‍तीने। मारदे हना मेकोम इन कली खतम सेल्‍ब। कलस्‍सी ३:९-१०; रोमी ८:१३; गलाती ६:८
EPH 4:23 मिनु इन थुंमी बाक्‍शो माइत सोक्‍त नक सेल्‍चा गेने। रोमी १२:२
EPH 4:24 परमप्रभु यावे आ थुं खोदेंशो पा थमा पा ठीक पतीकेमी परमप्रभु यावे आ मुर दुम्‍शा बाक्‍कीन। उत्‍पत्ती १:२६-२७
EPH 4:25 मारदे हना गो नेल्‍ल रां का नय, मुर आन कली जोल पचा ताइक्‍तीने। थमा लोव़ ला पने। जकरिया ८:१६
EPH 4:26 गाइक्‍ताक्‍नी हना, पाप मपने। मिनु नां रिक्‍चा क्‍येङा ङोंइती इन गाइक्‍चा थुमीने। भजन संग्रह ४:४; याकूब १:१९-२०
EPH 4:27 मोपा सैतान कली गेय पचा मगेने।
EPH 4:28 खुइ पाइबमी लेंशा खुइ मपथु, ठीक गेय पचा माल्‍ब। मिनु मेकोमी रिम्‍शो गेय पवानु, श्‍येत जाइब आन कली यो वारच पने चाप्‍ब। प्रस्‍थान २०:१५; १थिस्‍सलोनिकी ४:११
EPH 4:29 गेपुकी नना ओल लोव़ काइ मपने। मुर आन कली रिम्‍शो दुम्‍ब नु गारचा ङा लोव़ ला पने। मुरपुकीमी इन रिम्‍शो लोव़ नेन्‍मेनु, परमप्रभु यावे आ शिशी रुप्‍मेक्‍ल। एफिसी ५:४; कलस्‍सी ४:६
EPH 4:30 परमप्रभु यावे आ सोक्‍त कली थुं मखाइक्‍पतीन। मारदे हना गेपुकी परमप्रभु यावे आ बाक्‍तीके मजाक्‍दीन्‍नी सम्‍म परमप्रभु यावे आ सोक्‍तीमी छाप थोक्‍सीशो बाक्‍नीनी। यसैया ६३:१०; एफिसी १:१३-१४
EPH 4:31 मिनु ईख कुरचा, चुरचा, गाइक्‍चा, ग्रीचा, मरिम्‍शो लोव़ पचा नु मरिम्‍शो पचा नेल्‍ल ताइक्‍तीने। कलस्‍सी ३:८
EPH 4:32 मिनु रिम्‍शो पा कोव़मुने। दोपा परमप्रभु यावेमी ख्रीस्‍त मिम्‍शा, इन कली माफ गेवा, मोपा गेपुकी यो माफ गेमुने। मत्ती ६:१४; मत्ती १८:२२-३५; कलस्‍सी ३:१३
EPH 5:1 गेपुकी परमप्रभु यावे आ दाक्‍शो तमी तौ दुम्‍तीके मेकोमी दोदेंशो पवा, मोदेंशो पने। लूका ६:३६
EPH 5:2 मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।
EPH 5:3 मोपतीके गेपुकी परमप्रभु यावे आ मुर दुम्‍शा, इन दातेमी तेल्‍लेम पचा, ग्रांग्रा दिचा ङा गेय पचा नु शिंम पचा आ पर्बम लोव़ सम्‍म यो मपने। मेको परमप्रभु यावे आ मुर आन कली रिम्‍शो दुम्‍ब। कलस्‍सी ३:५
EPH 5:4 गेपुकी मुने दोक्‍चा ङा हेंथे लोव़ नु मूर्ख लोव़ पचा इन कली मगारब। मेको आ पा ङा परमप्रभु यावे कली “गे आंइ कली रिम्‍शो पाइतीनी” देंचा माल्‍नीनी। एफिसी ४:२९
EPH 5:5 तेल्‍लेम पाइब, ग्रांग्रा दिचा ङा गेय पाइब नु शिंम पाइबपुकी ख्रीस्‍त नु परमप्रभु यावे आ राज्‍यमी ओव़चा मताइनीम, दे रिम्‍शो पा तुइक्‍चा माल्‍नीनी। मेको नेल्‍ल मूर्ति पूजा पचा खोदेंशो बाक्‍ब। १कोरिन्‍थी ६:९-१०; प्रकाश २१:८; प्रकाश २२:१५
EPH 5:6 सुइ मुरुमी इन कली फश लोव़ पा, हेंथे लां खोइक्‍पाइक्‍चा मगेने। मारदे हना परमप्रभु यावे आ कली मटीब आन कली तशा गाइक्‍ब। कलस्‍सी ३:६
EPH 5:7 मिनु गेपुकी मोदेंशो मुर नु वारच्‍बु मदुमीन।
EPH 5:8 गेपुकी यो ङोंइती छिङछिङ ङा गेय पाइब बाक्‍तीनी। मुल चहिं प्रभु कली थमा सुइश्‍शा, छेङछेङ ङा गेय पाइब दुम्‍तीनी। मोपतीके गेपुकी छेङछेङ ङा तमी तौ खोदेंशो दुम्‍शा बाक्‍कीन। एफिसी २:१; १पत्रुस २:९; मत्ती ५:१४; यूहन्‍ना १२:३६; १थिस्‍सलोनिकी ५:५
EPH 5:9 छेङछेङ ङा फल दोदेंशो बाक्‍ब देंशा हना, नेल्‍ल शिशी पतीकेमी, ठीक पतीकेमी नु थमा पतीकेमी बाक्‍ब। गलाती ५:२२; फिलिप्‍पी १:११
EPH 5:10 मिनु गेपुकीमी प्रभु आ दाक्‍शो मार बाक्‍बा, मेको तुइक्‍चा माल्‍नीनी। रोमी १२:२; फिलिप्‍पी १:१०
EPH 5:11 छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।
EPH 5:12 मिनु मेको आन ख्रुइश्‍शा पशो आ पर्बम लोव़ पचा यो मुने बाक्‍ब। रोमी १:२४
EPH 5:13 तन्‍न मेको ख्रुइश्‍शा पशो गेय छेङछेङमी तांइसीब।
EPH 5:14 मोपतीके “ए निन्‍द्रा पाइब, बोक्‍को। मिनु बेक्‍शो रे सेंसीशा बाक्‍को। मो पवीनु, ख्रीस्‍तमी इ कली आ छेङछेङ गेब” देंशो बाक्‍ब। यूहन्‍ना ३:२०-२१; रोमी १३:११; यसैया ६०:१; यूहन्‍ना ८:१२
EPH 5:15 मोपतीके होस पा बाक्‍कीन। मतुइक्‍ब ममाइ, तुइक्‍ब मुर दुम्‍शा बाक्‍कीन। मत्ती १०:१६; कलस्‍सी ४:५
EPH 5:16 मुरपुकीमी मरिम्‍शो गेय पना पन बाक्‍तेक्‍म हना यो, गेपुकीमी नेल्‍ल नाक्‍त रिम्‍शो गेय पने।
EPH 5:17 मोपतीके गेपुकी मूर्ख मदुमीन, प्रभु आ दाक्‍शो मार बाक्‍मे मेको रुपीन।
EPH 5:18 राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४
EPH 5:19 परमप्रभु यावे आ लोव़ ङा कुम्‍सो, परमप्रभु यावे कली ठेयब सेल्‍ब कुम्‍सो नु परमप्रभु यावे आ सोक्‍तीम इन कली शेंशो कुम्‍सो पने। मोपा इन थुं बार पमुशा, प्रभु कली कुम्‍सो पना पन बाक्‍कीन। भजन संग्रह ३३:२-३; कलस्‍सी ३:१६
EPH 5:20 मिनु गेपुकीमी मार दुम्‍त हना यो, गेना हना यो इं आफ परमप्रभु यावे कली “गे रिम्‍शो पाइतीनी” दे प्रभु येसु ख्रीस्‍त आ नेंमी देंचा माल्‍नीनी। थिस्‍सलोनिकी ५:१८
EPH 5:21 गेपुकी ख्रीस्‍त कली मान पा हिंशा बिम्‍मुने। १पत्रुस ५:५
EPH 5:22 गे मीश मुरपुकी, प्रभु कली टिशो खोदेंशो पा आंम वोंइश कली यो टिने। उत्‍पत्ती ३:१६; तिमोथी २:११-१२; तीतस २:५
EPH 5:23 मारदे हना वोंइश मुर मीश मुर आन पिया बाक्‍नीम। मिनु ख्रीस्‍त थमा सुइक्‍ब आन पिया बाक्‍ब। थमा सुइक्‍बपुकी ख्रीस्‍त आ रां बाक्‍नीम। मिनु येसु ख्रीस्‍त थमा सुइक्‍ब आन कली पाप रे प्रोंइब बाक्‍ब। १कोरिन्‍थी ११:३; एफिसी १:२२-२३
EPH 5:24 दोपा थमा सुइक्‍बपुकीमी ख्रीस्‍त कली टीनीमी, मोपा मीश मुरपुकीमी आंम वोंइश आ देंशो नेल्‍ल टिचा माल्‍नीमी।
EPH 5:25 गे वोंइश मुरपुकी, आंम मीश कली दाक्‍तीने। दोपा ख्रीस्‍तमी थमा सुइक्‍ब आन कली दाक्‍शा, मेको आन कली पाप रे प्रोंइचा, दे आंम रां जिम्‍मा गेवा, मोपा वोंइश मुरुमी आंम मीश कली दाक्‍चा माल्‍नीमी।
EPH 5:26 मारदे ख्रीस्‍तमी मो पाप्‍तु देंशा हना, थमा सुइक्‍बपुकी परमप्रभु यावे आ ङोंइती शिरशो मुर दुम्‍मल, दे मो पाप्‍तु। ङोंइती ख्रीस्‍तमी मेको आन कली लोव़ रे पा चिक्‍शो खोदेंशो पाप्‍तु। तीतस ३:५; हिब्रू १०:२२
EPH 5:27 मोदेंशो पा थमा सुइश्‍शा, छेङछेङ पाइश्‍शो मुरपुकी आंम कली वोइश्‍शो बाक्‍त। मेकोपुकी मारेइ मलुम्‍सीशो, मरोम्‍सीशो, थम दारशो नु परमप्रभु यावे आ मुर दुम्‍शा, दोस मताइब मुरपुकी बाक्‍नीमी। २कोरिन्‍थी ११:२; कलस्‍सी १:२२
EPH 5:28 मेको खोदेंशो पा वोंइश मुरपुकीमी आंम मीश कली “आंम रां बाक्‍ब” दे मेको कली दाक्‍चा माल्‍नीमी। सु आंम मीश कली दाक्‍बा, मेकोमी आंम कली यो दाक्‍ब।
EPH 5:29 सुइमी आंम रां कली खेदा मपाइनीम, थुल्‍शा रिम्‍शो पाइनीम। ख्रीस्‍तमी यो थमा सुइक्‍ब आन कली मोदेंशो पाइब। एफिसी १:२३
EPH 5:30 मिनु गोपुकी आ रां ङा गुइ खोइल बाक्‍नय।
EPH 5:31 मो दुम्‍तीके वोंइश मुरुमी आ आम आफ आस कली प्रोंइब। मिनु आ मीश नु काथा बाक्‍ब। मेको निक्‍शी रां का दुम्‍नीसी। उत्‍पत्ती २:२४
EPH 5:32 मेको आ ख्रुइश्‍शो अर्थ ठेयब बाक्‍ब। मिनु मार बाक्‍ब देंशा हना, गो ख्रीस्‍त नु थमा सुइक्‍ब आन पर्बम लोव़ पाइनुङ।
EPH 5:33 मार दुम्‍त हना यो, गे नेल्‍लेमी आंम मीश कली आंम कली दाक्‍शो खोदेंशो पा दाक्‍तीन। मीश मुरपुकीमी चहिं आंम वोंइश कली मान पा हिक्‍‍चा माल्‍नीमी।
EPH 6:1 गे आलपुकी, प्रभु कली मिम्‍शा, इन आम आफ आन देंशो टिने। मारदे हना मेको इन कली रिम्‍शो बाक्‍ब। मर्कूस ७:१-१३
EPH 6:2 मिनु गे इन आम आफ कली मान पने। मेको ङोंइती ङा आसीक पाइश्‍शो अरेतीक लोव़ बाक्‍ब। प्रस्‍थान २०:१२
EPH 6:3 मेको आसीक मार बाक्‍ब देंशा हना “गे मो पाइतीनी हना, इन कली रिम्‍शो दुम्‍ब। मिनु गे शुश बर्स ब्रोंइचा ताइनीनी” दे ब्रेक्‍शो बाक्‍ब। ब्‍‍यवस्‍था ५:१६
EPH 6:4 गे आफपुकी, इन आल आन कली मगाइक्‍पतीन। तन्‍न मेको आन कली रिम्‍शो थुल्‍शा कोल्‍पतीन। मिनु मेको आन कली शेंशा, प्रभु सु बाक्‍बा मेको तुइक्‍पतीन। ब्‍‍यवस्‍था ६:२०-२५
EPH 6:5 गे वाइलीम वाइलपुकी, इन रागी ङा होव़प कली टिने। दोपा टिचा माल्‍नीनी देंशा हना, गेपुकी ख्रीस्‍त कली टिशो खोदेंशो पा, मेको आन क्‍येङा हिंशा ख्रिंख्रि पा, थुं का पा रिम्‍शो गेय पने। तिमोथी ६:१२; तीतस २:९-१०; १पत्रुस २:१८
EPH 6:6 होव़पमी इन कली गेय पशो कोव़तेक्‍म हना यो, मकोव़तेक्‍म हना यो, ठीक पा गेय पने। गेपुकीमी मुर कली ग्‍येरपाइक्‍चा ममाइ, ख्रीस्‍त आ वाइलीम वाइल दुम्‍शा, इन थुं नेल्‍लेमी परमप्रभु यावे आ दाक्‍शो पने।
EPH 6:7 मो पनीनु, गेपुकीमी मुर आन कली ममाइ, प्रभु कली रिम्‍शो थुंमी गेय पाइनीनी।
EPH 6:8 मिनु मुरुमी दोपा रिम्‍शो पाइबा, मेको खोदेंशो पा प्रभु रे ताइब, दे तुइक्‍चा माल्‍नीनी। प्रभुमी वाइलीम वाइल नु ठेयब मुर आन कली खाल का ङा पा कोव़ब। २कोरिन्‍थी ५:१०
EPH 6:9 गे होव़पपुकी, इन वाइलीम वाइल आन कली प्रभुम पशो खोदेंशो पा पने। हिंच कोंइचा प्रोनीन। मारदे हना मेको आन के नु इन के प्रभु स्‍वर्गमी बाक्‍ब। मिनु प्रभुमी मुर नेल्‍ल आन कली उइक्‍थ मिम्‍ब।
EPH 6:10 मिनु आं नोले ङा लोव़, प्रभु कली तुइश्‍शा सक्ति पाइश्‍शो मुर दुमीन। मोपा प्रभु आ सक्तिमी बोल्‍यो दुम्‍शा बाक्‍कीन। एफिसी ३:१६; १कोरिन्‍थी १६:१३; २तिमोथी २:१; १यूहन्‍ना २:१४
EPH 6:11 मिनु परमप्रभु यावे आ गेशो या नेल्‍ल लतीन। सैतानमी आ मरिम्‍शो थुंमी इन कली खतम सेल्‍चा माल्‍तु हना, गेपुकी परमप्रभु यावे आ गेशो यामी ग्रानीनी।
EPH 6:12 गोपुकी मुर नु लडाइ मपाइनय। हुकुम पाइबपुकी, अधिकार पाइबपुकी नु रागी कली मुल छिङछिङमी गेय पाइब वोल नु लडाइ पाइनय। मेको स्‍वर्गम बाक्‍ब सैतान आ गेय पाइबपुकी बाक्‍नीम। एफिसी २:२; लूका २२:३१
EPH 6:13 मोपतीके परमप्रभु यावे आ गेशो या नेल्‍ल लतीन। मेकोमी ला मरिम्‍शो नाक्‍त ग्राशा राप्‍ने चाप्‍नीनी।
EPH 6:14 गेपुकी थमा शेंतीकेमी किप्‍शुर किप्‍शो खोदेंशो पा राप्‍शा बाक्‍कीन। मिनु ठीक दुम्‍तीकेमी पीतल के भोटो फेक्‍शो खोदेंशो पा बाक्‍कीन। लूका १२:३५; १पत्रुस १:१३; १थिस्‍सलोनिकी ५:८
EPH 6:15 परमप्रभु यावे नु दुपाइक्‍ब ग्‍येरपाइक्‍ब लोव़ पा, जुत्ता मुइश्‍शो खोदेंशो पा बाक्‍कीन।
EPH 6:16 मिनु नेल्‍ल क्‍येङा ठेयब या येसु ख्रीस्‍त कली थमा सुइक्‍तीके तेक्‍तीक खोदेंशो पा इन ङोंइती वोतीन। सैतानमी आप्‍शो ब्रशो ब्रा कली मेकोमी तेक्‍ने चाप्‍नीनी। १पत्रुस ५:९; १यूहन्‍ना ५:४
EPH 6:17 मिनु येसु ख्रीस्‍तम इन कली पाप रे प्रोंइशो तुइक्‍तीक पीतल के ताक्‍की खोदेंशो पा गुम्‍सीने। मिनु परमप्रभु यावे आ लोव़ लतीन। मेको चहिं परमप्रभु यावे आ सोक्‍त ङा तरवार बाक्‍ब। १थिस्‍सलोनिकी ५:८; हिब्रू ४:१२
EPH 6:18 मिनु गेपुकीमी गेना हना यो परमप्रभु यावे आ सोक्‍तीमी पतीके परमप्रभु यावे नु लोव़ पशा पुनीन। पुंइचा मदथु, परमप्रभु यावे आ मुर नेल्‍ल आन पर्बम पुनीन।
EPH 6:19 आं पर्बम यो पुनीन। आं कली मिम्‍शा, मार पुनीन देंशा हना, येसु ख्रीस्‍त आ पर्बम ङोंइती ख्रुइश्‍शो ग्‍येरपाइक्‍ब लोव़ मुल गो महिंथु, शेंने चबुल, दे पुनीन। कलस्‍सी ४:३; २थिस्‍सलोनिकी ३:१; प्रेरित ४:२९
EPH 6:20 गो मेको लोव़ शेंचा कली साङलोम फ्रेंशा सोइश्‍शो मुर दुम्‍ती। गेपुकीमी आं पर्बम “महिंथु शेंदल” दे परमप्रभु यावे कली पुनीने। मोपा महिंथु, लोव़ पचा परमप्रभु यावे आ दाक्‍शो बाक्‍ब। २कोरिन्‍थी ५:२०; प्रेरित २८:३१
EPH 6:21 मिनु गो दोपा बाक्‍ङा, मार पङा मेको नेल्‍ल प्रभु आ रिम्‍शो गेय पाइब, इं दाक्‍शो थमा सुइक्‍ब लोक्‍ब तिखीकसमी इन कली देंब। प्रेरित २०:४; कलस्‍सी ४:७-८; २तिमोथी ४:१२; तीतस ३:१२
EPH 6:22 गोपुकी दोपा बाक्‍का तुइक्‍पाइक्‍चा नु इन थुं बारपाइक्‍चा कली इन बाक्‍तीके सोइक्‍ताक्‍ङ।
EPH 6:23 मिनु इं आफ परमप्रभु यावे नु प्रभु येसु ख्रीस्‍तमी इन कली थुं नाइश्‍शा बाक्‍चा गेम्‍सेक्‍ल।
EPH 6:24 सु सुमी इं प्रभु येसु ख्रीस्‍त कली गेना हना यो दाक्‍नीमी, मेको नेल्‍लेमी शिशी तामेक्‍ल।
PHI 1:1 पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। प्रेरित १६:३
PHI 1:2 इं आफ परमप्रभु यावे नु प्रभु येसु ख्रीस्‍तमी इन कली शिशी पा थुं नाइक्‍चा गेम्‍सेक्‍ल।
PHI 1:3 गो इन कली मिम्‍शा, आं परमप्रभु यावे कली “गे रिम्‍शो पाइतीनी” देंनुङ। रोमी १:८; १कोरिन्‍थी १:४
PHI 1:4 गो परमप्रभु यावे नु लोव़ पङानु, गेना हना यो नेल्‍ल इन कली मिम्‍शा, ग्‍येरशा पाइनुङ।
PHI 1:5 ङोंइती रे मुल सम्‍म ग्‍येरपाइक्‍ब लोव़ पचा कली आं कली वारच पाइतीनी।
PHI 1:6 इन आगामी रिम्‍शो गेय गोइबमी येसु ख्रीस्‍त आ जाक्‍ची ना सम्‍म थुम्‍ब, दे तुइक्‍नुङ। फिलिप्‍पी २:१३; १कोरिन्‍थी १:८
PHI 1:7 नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।
PHI 1:8 ख्रीस्‍त येसुमी आं कली दाक्‍पाइक्‍तीके थुं गेतीके गो इन कली ग्रुम्‍चा शुश दाक्‍ताक्‍ङ, परमप्रभु यावेमी मेको तुइक्‍ब।
PHI 1:9 आं प्रार्थना मार बाक्‍ब देंशा हना, इन दाक्‍चा शुश बारशा, रिम्‍शो नु मरिम्‍शो मार बाक्‍बा से रुप्‍‍ने चाप्‍नील, दे पुंइशा, परमप्रभु यावे नु लोव़ पचा बाक्‍ब। फिलेमोन ६
PHI 1:10 मोपा गे नेल्‍ल क्‍येङा रिम्‍शो मार में, दे तुइश्‍शा, ख्रीस्‍त आ नाक्‍ती पाप मपाइब नु दोस मताइब दुम्‍नीनी। रोमी १२:२; एफिसी ५:१०; १थिस्‍सलोनिकी ५:२३
PHI 1:11 गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। एफिसी ५:९
PHI 1:12 आं लोक्‍बपुकी, आं कली दुम्‍शो श्‍येतमी ग्‍येरपाइक्‍ब लोव़ ब्रपाइक्‍तु। १तिमोथी २:९
PHI 1:13 हुकुम पाइब आ खिं ङा मुर नु अरु नेल्‍लेमी गो ख्रीस्‍त कली थमा सुइश्‍शो आ पर्बम जेल्‍खानम बाक्‍ती, दे तुइक्‍ताक्‍म। फिलिप्‍पी ४:२२
PHI 1:14 मिनु प्रभु कली थमा सुइक्‍ब लोक्‍ब शुशेमी आं कली जेल्‍खानमी बाक्‍शो तशा, प्रभु कली थमा सुइक्‍तीक बारपा महिंथु, परमप्रभु यावे आ लोव़ पाइनीम।
PHI 1:15 का निक्‍शीमी गेहे पशा, नेल्‍ल क्‍येङा ठेयब नङ, दे ख्रीस्‍त आ पर्बम शेंनीम। का निक्‍शीमी चहिं रिम्‍शो थुं पा शेंनीम।
PHI 1:16 मोपा शेंबपुकीमी आं कली दाक्‍शा, गो परमप्रभु यावे आ ग्‍येरपाइक्‍ब लोव़ पतीके एकेर बाक्‍नुङ, दे तुइक्‍नीम।
PHI 1:17 गेहे पा ख्रीस्‍त आ लोव़ शेंबपुकीम चहिं “गो नेल्‍ल क्‍येङा ठेयब नङ” दे रिम्‍शो थुं मपथु, आं कली जेल्‍खानम श्‍येत तेम्‍चा मिम्‍नीम।
PHI 1:18 मिनु मार? ठेयब लेश्‍शा हना यो, थमा पा हना यो, ख्रीस्‍त आ पर्बम लोव़ पाम्‍तेक्‍म हना, गो शुश ग्‍येरसीनुङ। फिलिप्‍पी २:१७-१८
PHI 1:19 इन परमप्रभु यावे कली पुंइतीके नु येसु ख्रीस्‍त आ सोक्‍तीम आं कली वारच पतीके गो एको श्‍येत रे ब्रोंइनुङ, दे तुइक्‍नुङ। २कोरिन्‍थी १:११
PHI 1:20 गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।
PHI 1:21 मारदे हना ब्रोंइङानु, ख्रीस्‍त कली ब्रोंइनुङ, साइक्‍तीमी हना यो, ग्रानुङ। गलाती २:२०
PHI 1:22 गो ब्रोंइती हना, ख्रीस्‍त आ गेय पाइनुङ। तन्‍न तेको गेय योव़नुङा मेको मतुइक्‍नुङ।
PHI 1:23 गो निम्‍फा आस दातेमी बाक्‍नुङ। मेकेर रे लशा, ख्रीस्‍त नु बाक्‍चा आं दाक्‍शो बाक्‍ब। मारदे हना मेको शुश रिम्‍शो बाक्‍ब। २कोरिन्‍थी ५:८
PHI 1:24 गो ब्रोंइती हना, इन कली शुश रिम्‍शो दुम्‍ब।
PHI 1:25 मोदेंब दुम्‍ब, दे तुइश्‍शा, इन थमा सुइक्‍चा नु ग्‍येरपाइक्‍तीके बारल, दे गो गेपुकी नु बाक्‍नुङ, दे तुइक्‍नुङ। फिलिप्‍पी २:२४
PHI 1:26 मारदे हना गो इन कली लेंशा ग्रुम्‍थ जाक्‍नुङ, गेपुकीमी आं जाक्‍शो आ पर्बम ख्रीस्‍त येसु कली ठेयब सेल्‍नीनी।
PHI 1:27 गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।
PHI 1:28 इन कली श्‍येत गेब आन कली तशा काइ महिनीन। मेकोन मेको आन कली ब्रुतीक चिनु बाक्‍ब। इन कली चहिं ब्रोंइतीक चिनु दुम्‍ब। मेको परमप्रभु यावे रे दुम्‍ब। २थिस्‍सलोनिकी १:५
PHI 1:29 ख्रीस्‍त कली थमा सुइक्‍चा ला इन कली गेशो ममाइ, तन्‍न मेको आ पर्बम श्‍येत जचा यो गेशो बाक्‍ब।
PHI 1:30 मुल आं श्‍येत जशो खोदेंशो पा, गेपुकी यो श्‍येत जाइनीनी। प्रेरित १६:२२
PHI 2:1 ख्रीस्‍त आ पर्बम इन दातेमी थुं बारपाइक्‍तीके, दाक्‍शा वारच पाइब, दे थुं नाइक्‍तीके, थमा सुइश्‍शा थुं का दुम्‍तीके, दाक्‍मुतीके नु शिशी पतीके बाक्‍तेक्‍म हना,
PHI 2:2 गेपुकी खाल का ङा दुम्‍शा, उइक्‍थ उइक्‍थ पा दाक्‍मुशा, नेल्‍ल गारशा थुं का दुम्‍शा, आं कली शुश ग्‍येरपाइक्‍नीनी।
PHI 2:3 गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०
PHI 2:4 गेपुकी का का पा नेल्‍लेमी आंम दाक्‍शो ला ममिम्‍थु, अरु मुर आन दाक्‍शो “मार बाक्‍मे” मेको यो मिम्‍तीन। १कोरिन्‍थी १०:२४; १कोरिन्‍थी १३:५
PHI 2:5 ख्रीस्‍त येसु नु बाक्‍शो थुं इन दातेमी कोंइदीन।
PHI 2:6 ख्रीस्‍त येसु परमप्रभु यावे नु उइक्‍थ दुम्‍शो बाक्‍त हना यो “परमप्रभु यावे नु उइक्‍थ दुम्‍ती” दे ममिम्‍थु, यूहन्‍ना १:१२; यूहन्‍ना १७:५
PHI 2:7 मेको नेल्‍ल प्रोंइशा, वाइल खोदेंशो दुम्‍शा, मुर दुम्‍शा जरमेसाक्‍व। यसैया ५३:३; मत्ती २०:२८; २कोरिन्‍थी ८:९; हिब्रू २:१४,१७
PHI 2:8 मिनु मुर दुम्‍शा, साइक्‍चा पुंइसीचा सम्‍म परमप्रभु यावे कली टिशा, शीम क्‍याइश्‍शा साइक्‍चा पुंइसीशा, आ ब्रेम्‍शो थुं कोंइताक्‍व। लूका १४:११; हिब्रू १२:२; हिब्रू ५:८
PHI 2:9 मोपतीके परमप्रभु यावेमी मेको कली नेल्‍ल क्‍येङा ठेयब सेल्‍शा, आ नें यो अरु आन क्‍येङा ठेयब सेल्‍तु। प्रेरित २:३३; एफिसी १:२१; हिब्रू १:३-४
PHI 2:10 येसु आ नें नेंशा, स्‍वर्गम बाक्‍ब, रागीम नु रागी आगाम बाक्‍ब नेल्‍लेमी बाप्‍शा, पोक्‍च थेक्‍चा माल्‍नीम। यसैया ४५:२३; यूहन्‍ना ५:२३; प्रकाश ५:१२-१३
PHI 2:11 मिनु नेल्‍लेमी “येसु ख्रीस्‍त प्रभु बाक्‍ब” दे परमप्रभु यावे, इन आफ कली ठेयब सेल्‍चा माल्‍नीम। प्रकाश ५:१३
PHI 2:12 आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७
PHI 2:13 मारदे हना परमप्रभु यावेमी इन थुंमी गेय पाइब। मार गेय पाइब देंशा हना, आ दाक्‍शो पचा, दे इन कली दाक्‍ब थुं गेशा, गेय पपाइक्‍ब। फिलिप्‍पी १:६
PHI 2:14 गेपुकीमी सुंइच मपथु, दाल्‍‍गीर मपथु, गेय पने।
PHI 2:15 मोपा दोस गेचा मपुंइसीब, परमप्रभु यावे आ रिम्‍शो आल दुम्‍नीनी। मरिम्‍शो नु दूली पाइब मुर आन दातेमी स्‍वर्ग ङा छेङछेङ खोदेंशो दुम्‍नीनी। फिलिप्‍पी १:१०; मत्ती ५:१४; एफिसी ५:८-९
PHI 2:16 मोपा ब्रोंइचा गेब लोव़ मप्रोंइब दुम्‍‍नीनी। मिनु ख्रीस्‍त आ जाक्‍ची ना गो मो मगाक्‍ङ, मो गेय यो मपङ, दे ग्‍येरशा बाक्‍चा तङल। २कोरिन्‍थी १:१४; १थिस्‍सलोनिकी २:१९
PHI 2:17 गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। २तिमोथी ४:६
PHI 2:18 मोपा गेपुकी यो ग्‍येरसीने। मिनु गो नेल्‍ल ग्‍येरसय। फिलिप्‍पी ४:४
PHI 2:19 प्रभु येसुमी तिमोथी कली इन कली ग्रुम्‍थ सोइक्‍चा गेप्‍तु हना, ब्रा सोइक्‍नुङ। इन पर्बम लोव़ नेंशा, गो यो ग्‍येरसीनुङ।
PHI 2:20 मारदे हना मेको खोदेंशो अरु मबाक्‍नीम। “गेपुकी दोपा बाक्‍नी माइ” दे थमा पा शुश मिम्‍शा, सुर्ता पाप्‍तु। १कोरिन्‍थी १६:१०
PHI 2:21 नेल्‍लेमी आंम आंम दाक्‍शो ला मिम्‍शा, पना पन बाक्‍नीमी। येसु ख्रीस्‍त आ दाक्‍शा मिम्‍शो चहिं मपाइनीम। २तिमोथी ४:१०,१६
PHI 2:22 गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।
PHI 2:23 मोपतीके आं कली मार मार दुम्‍बा, मेको तुइक्‍तु नोले गो मेको कली इन बाक्‍तीक ब्रा सोइक्‍नुङ, दे आस पाता।
PHI 2:24 प्रभुमी आं कली एकेर रे प्रोंइब, दे थमा सुइक्‍नुङ। मिनु गो यो इच्‍का नाक्‍त नोले जाक्‍नुङ। फिलिप्‍पी १:२५
PHI 2:25 इन सोइश्‍शो आं कली वारच पाइब आं लोक्‍ब इपाफ्रोडीटस कली लेश्‍शा सोइक्‍नुङ। मेकोमी गो नु गेय पाप्‍तु। गो नु काथा गाक्‍शा, परमप्रभु यावे आ लोव़ शेंताक्‍व। फिलिप्‍पी ४:१८
PHI 2:26 मेकोमी नेल्‍ल इन कली शुश मिम्‍ताक्‍व। मारदे हना गेपुकीमी “मेको रोइ पाप्‍तु” देंशो नेंतीनी ने। मोपतीके शुश सुर्ता पाप्‍तु।
PHI 2:27 इपाफ्रोडीटस थमा पा बेक्‍चा ङा रोइ पाप्‍तु। तन्‍न परमप्रभु यावेमी मेको कली शिशी पाइक्‍तु। मेको कली ला ममाइ, आं कली यो शिशी पाइक्‍ती। मोपतीके गो शुश श्‍येत मजङ।
PHI 2:28 मेको कली इन बाक्‍तीके सोइक्‍चा दाक्‍नुङ। गेपुकी मेको कली लेश्‍शा जाक्‍शो तशा, ग्‍येरनीनी। मो दुम्‍मेनु, आं हेल्‍शो थुं यो सोपी दुम्‍ब।
PHI 2:29 गेपुकीमी प्रभु आ नेंमी मेको कली रिम्‍शो पने, ग्‍येरसीने। मोदेंशो मुर कली ठेयब सेलीन। १कोरिन्‍थी १६:१६
PHI 2:30 मेकोमी ख्रीस्‍त आ गेय पशा, आंम कली ममिम्‍थु, इन पा ङा आं कली वारच पथ जाक्‍मेनु, रोइ पा हेरा बेक्‍त।
PHI 3:1 आं दाक्‍शो लोक्‍बपुकी आं नोले ङा लोव़ मार बाक्‍ब देंशा हना, प्रभु नु बाक्‍शा ग्‍येरसीने। मोदेंशो लोव़ गो इन कली ब्रेक्‍ना ब्रेक्‍न बाक्‍ती हना यो, श्‍येत ममिम्‍नुङ। मेको इन कली बोल्‍यो दुम्‍चा कली बाक्‍ब। फिलिप्‍पी २:१८; फिलिप्‍पी ४:४
PHI 3:2 कुचुम खोदेंशो मुर आन क्‍येङा होस पा बाक्‍कीन। मरिम्‍शो गेय पाइब आन कली तशा, होस पा बाक्‍कीन। ख्रोइक्‍तीक चिनु ख्रोइक्‍चा माल्‍ब देंब, आन क्‍येङा यो होस पा बाक्‍कीन। प्रकाश २२:१५; गलाती ५:१२
PHI 3:3 मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९
PHI 3:4 गो मुर आन पतीके कली थमा सुइक्‍ने चाप्‍नुङ। मुरपुकीमी आन पतीकेमी थमा सुइक्‍ने चाप्‍नीमी, दे मिम्‍नीमी। मोदेंब दुम्‍त हना, गो यो मेको आन क्‍येङा शुश चाप्‍नुङ। २कोरिन्‍थी ११:१८,२२
PHI 3:5 गो ८ नाक्‍त ङा आल बाक्‍ङानु, ख्रोइक्‍तीक चिनु ताता। गो इस्राएली नङ। गो बेन्‍यामीन आ थर ङा मुर नङ। हिब्रू मुर रे जरमेशो, हिब्रू नङ। परमप्रभु यावे आ अरेशो पशा, फरिसी दुम्‍ती। २तिमोथी १:३; प्रेरित २६:५
PHI 3:6 गो थमा सुइक्‍ब आन कली खेदा पाता। परमप्रभु यावे आ अरेशो लोव़ टिशा, ठीक पाता, दे मिम्‍शा, दोस मताइब दुम्‍ती, देंती। प्रेरित ८:३
PHI 3:7 तन्‍न गो ख्रीस्‍त कली तुइश्‍शा, आंम कली ठेयब सेल्‍सीतीके नेल्‍ल ग्‍येरशा प्रोंइता। मत्ती १३:४४-४६
PHI 3:8 थमा पा, गो आं ङोंइती ङा पशो जाम्‍शा लाइब बाक्‍ब, दे तुइक्‍ताक्‍ङ। मारदे हना आं प्रभु येसु ख्रीस्‍त कली तुइक्‍चा नेल्‍ल क्‍येङा ठेयब बाक्‍ब। मोपतीके मेको आ पर्बम आं पशो नेल्‍ल ताइश्‍शा, ग्रांग्रा दिचा ङा बाक्‍ब, दे तुइक्‍ताक्‍ङ। मारदे हना गो ख्रीस्‍त नु बाक्‍ब मुर दुम्‍ती।
PHI 3:9 मोपा आ मुर दुम्‍शा, परमप्रभु यावे आ अरेशो लोव़ ङा आंम ठीक पतीके मबाक्‍थु, ख्रीस्‍त कली थमा सुइक्‍तीकेमी ठीक दुम्‍तीके बाक्‍ब। मेको ठीक दुम्‍तीके परमप्रभु यावेमी गेशो थमा सुइक्‍तीके रे ला बाक्‍ब। रोमी ३:२२
PHI 3:10 आं दाक्‍शो मार बाक्‍त देंशा हना, गो येसु ख्रीस्‍त कली तुइक्‍ने चबुल। आ सेंतीक सक्ति गो नु बाक्‍ल। दोपा श्‍येत जशा, साइक्‍चा पुंइसीशो बाक्‍मे, मोपा गो यो मोदेंशो दुम्‍ङल। रोमी ६:३-५; रोमी ८:१७; गलाती ६:१७
PHI 3:11 दुम्‍ने चाप्‍ब हना, गो यो बेक्‍शो रे सेंसीने चबुल, देंती।
PHI 3:12 मुल सम्‍म गो मेको नेल्‍ल मतङ। मिनु ठीक मदुम्‍ङ। तन्‍न मेको आं के दुम्‍ल, दे शुश गेय पाइनुङ। मारदे हना ख्रीस्‍त येसुम आं कली आ मुर सेल्‍ती। कलस्‍सी १:२९; १तिमोथी ६:१२; प्रेरित ९:३-६
PHI 3:13 आं लोक्‍बपुकी, मुल सम्‍म गो नेल्‍ल मतङ। तन्‍न गो मुल मार पाइनुङ देंशा हना, आं ङोंइती पशो नेल्‍ल प्रेंशा, मुल पचा माल्‍शो मार बाक्‍मे, मेकोन शुश पाइनुङ। लूका ९:६२
PHI 3:14 परमप्रभु यावेमी ख्रीस्‍त येसु आ नेंमी आ बाक्‍तीके रे इनाम गेचा कली मार देंमे, मेकोन शुश पाइनुङ। १कोरिन्‍थी ९:२४
PHI 3:15 इं दातेमी सु सु रुम्‍ने चाप्‍ब बाक्‍नी, मेकोमी आं खोदेंशो पा मिम्‍तीन। गेपुकीमी आं खोदेंशो पा ममिम्‍ताक्‍नी हना, परमप्रभु यावेमी इन कली तुइक्‍पदल।
PHI 3:16 गोपुकीम मार रुब्‍या, मेकोन पय।
PHI 3:17 आं दाक्‍शो लोक्‍बपुकी, गेपुकी आं खोदेंशो दुमीने। आंइ खोदेंशो पा गेय पाइब आन कली कोव़शा, मेको आन खोदेंशो पने। १कोरिन्‍थी ११:१
PHI 3:18 गो इन कली का निक्‍शी मुर आन पर्बम लोव़ पाता। मुल आं थुं खाइश्‍शा, ङाक्‍शा लोव़ पाइनुङ। मारदे हना मेकोपुकी ख्रीस्‍त आ जोरी सत्रु दुम्‍शा, आ बेक्‍शो आ पर्बम मारेइ ममिम्‍नीम। १कोरिन्‍थी १:२३; गलाती ६:१२
PHI 3:19 नोले मेकोपुकी जाम्‍शा लाइनीम। आन कोव़ज कली परमप्रभु यावे क्‍येङा ठेयब बाक्‍ब, दे मुने पचा ङा गेयमी आंम कली ठेयब सेल्‍सीशा, आन थुंमी रागी ङा माल्‍शो ला मिम्‍नीम। रोमी १६:१८
PHI 3:20 तन्‍न इं बाक्‍तीक स्‍वर्गम बाक्‍ब। मारदे हना गो स्‍वर्ग ङा मुर नय। मेकेर रे इं पाप रे प्रोंइब प्रभु येसु ख्रीस्‍त जाक्‍ब, दे रिम्‍नय। एफिसी २:६; कलस्‍सी ३:१; हिब्रू १२:२२; तीतस २:१३
PHI 3:21 मेकोमी इं बेक्‍चशो रां आ सक्ति पाइश्‍शो रां खोदेंशो सेल्‍ब। मेको आ सक्तिमी नेल्‍ल आन कली आ ङोंइती खुम्‍की पा बाप्‍पाइक्‍ब। १कोरिन्‍थी १५:४९; २कोरिन्‍थी ५:१; १यूहन्‍ना २:३
PHI 4:1 मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। २कोरिन्‍थी १:१४; १थिस्‍सलोनिकी २:१९-२०
PHI 4:2 इयोदीया नु सुन्‍तुके “प्रभु कली थमा सुइश्‍शा थुं का दुमीस” देंती।
PHI 4:3 मिनु गो नु गेय पाइब वारच, इ कली “मेको मीश मुर निक्‍शी आस कली वारच पावो” देंती। मारदे हना मेको निक्‍शीमी गो नु काथ काथा ग्‍येरपाइक्‍ब लोव़ शेंतीक गेय पाम्‍ताक्‍से। क्‍लेमेन्‍त नु अर्को वारच आन कली यो वारच पाम्‍ताक्‍से। मेको नेल्‍ल आन नें ब्रोंइतीक किताबमी ब्रेक्‍शो बाक्‍ब। लूका १०:२०
PHI 4:4 प्रभु नु बाक्‍शा गेना हना यो ग्‍येरसीन। गो लेंशा “ग्‍येरसीने” देंनुङ। फिलिप्‍पी ३:१; २कोरिन्‍थी १३:११; १थिस्‍सलोनिकी ५:१६
PHI 4:5 इन रिम्‍शो पतीके मुर नेल्‍ल आन कली कोंइदीने। प्रभु जाक्‍चशो बाक्‍ब। तीतस ३:२
PHI 4:6 सुर्ता मपने। परमप्रभु यावे नु लोव़ पा, इन माल्‍शो पुंइशा “गे रिम्‍शो पाइब बाक्‍नीनी” दे परमप्रभु यावे कली देनीन। मत्ती ६:२५-३४; १पत्रुस ५:७
PHI 4:7 परमप्रभु यावे आ गेशो थुं नाइक्‍तीके रुम्‍ने मचाप्‍चा ङा ठेयब बाक्‍ब। मेको थुं नाइक्‍तीके इन थुं नु इन मिम्‍शो ख्रीस्‍त येसु नु बाक्‍ब। यूहन्‍ना १४:२७; कलस्‍सी ३:१५
PHI 4:8 आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।
PHI 4:9 गो इन कली मार शेंदु, गे मार रुम्‍नी, मार नेंनी, आं कली मार पशो तनी, मेकोन पने। मो पाइतीनी हना, इन थुं नाइक्‍चा गेब परमप्रभु यावे गेपुकी नु बाक्‍ब।
PHI 4:10 गो प्रभु नु बाक्‍शा शुश ग्‍येरसीनुङ। मारदे हना शुश नाक्‍त नोले गे आं कली लेंशा मिम्‍ताक्‍नी। गेपुकीमी आं कली नेल्‍ल नाक्‍त थमा पा मिम्‍शा बाक्‍तीनी। तन्‍न ङोंइती मारेइ सोइक्‍ने मचाप्‍शो बाक्‍तीनी। मुल चहिं सोइक्‍ताक्‍यीनी।
PHI 4:11 गो श्‍येत जचा आ पर्बम लोव़ मपाइनुङ। मार दुम्‍त हना यो, ग्‍येरसीशा बाक्‍चा, दे शेंसीशो नङ। १तिमोथी ६:६
PHI 4:12 प्रुङग दुम्‍चा नु शोंप पाइश्‍शो दुम्‍चा, दोपा बाक्‍मे, गो मेको निम्‍फा तुइक्‍नुङ। गो गेना हना यो रूशा बाक्‍चा नु शोव़लु बेक्‍शा बाक्‍चा, निम्‍फा शेंसाक्‍यी। मोपा शुश बाक्‍त हना यो, काइ मबाक्‍त हना यो आं कली ठीक दुम्‍ब। २कोरिन्‍थी ६:१०
PHI 4:13 आं कली सक्ति गेब आ नेंमी गो नेल्‍ल पने चाप्‍नुङ। २कोरिन्‍थी १२:१०
PHI 4:14 दोदेंब दुम्‍त हना यो, गेपुकीम आं कली वारच पशा रिम्‍शो पाइतीनी।
PHI 4:15 ग्‍येरपाइक्‍ब लोव़ शेंचा ङोंइती मासीडोनीया रागी प्रोंइशा लङा नोले, सुइमी आं कली वारच मपामे, गे फिलिप्‍पीपुकीम ला पाइतीनी। गेपुकीम आं शेंशो ताइतीनी, मिनु इन वारच पशो गो ताता। २कोरिन्‍थी ११:९
PHI 4:16 थिस्‍सलोनिकी सहरमी बाक्‍ङानु यो, गे निक्‍शी खेयप वारच पा क्‍येट सोइक्‍ताक्‍यीनी।
PHI 4:17 इन गेशो क्‍येट ममिम्‍नुङ, तन्‍न परमप्रभु यावेमी इन मो पशो तशा, इन कली रिम्‍शो पाइब। गो मोदेंशो तचा दाक्‍नुङ।
PHI 4:18 गो मार मार माल्‍ङा, आं माल्‍शो क्‍येङा शुश ताता। इपाफ्रोडीटसमी इन सोइश्‍शो क्‍येट गेती। मेको ब्रोव़शो रिना पाइश्‍शो परमप्रभु यावे कली चढ़ेशो खोदेंशो बाक्‍ब। परमप्रभु यावे इन मो पशो तशा ग्‍येरसाक्‍व। फिलिप्‍पी २:२५
PHI 4:19 मिनु आं परमप्रभु यावेमी इन माल्‍शो नेल्‍ल आ स्‍वर्ग ङा बाक्‍तीक येसु ख्रीस्‍त आ पतीक रे शुश गेब।
PHI 4:20 इं आफ परमप्रभु यावे कली गेना हना यो ठेयब सेल्‍य। आमेन।
PHI 4:21 ख्रीस्‍त येसुमी बाक्‍शो थमा सुइक्‍ब नेल्‍ल आन कली “रिम्‍शो बाक्‍कीन” मतीन। गो नु बाक्‍ब लोक्‍बपुकीमी “रिम्‍शो बाक्‍कीन” देंतेक्‍म।
PHI 4:22 सिजर आ खिं ङा नु अरु थमा सुइक्‍ब नेल्‍लेमी यो इन कली “रिम्‍शो बाक्‍कीन” देंतेक्‍म। फिलिप्‍पी १:१३
PHI 4:23 प्रभु येसु ख्रीस्‍त आ शिशी गेपुकी नु बाक्‍ल।
COL 1:1 गो परमप्रभु यावे आ दाक्‍शो पा, ख्रीस्‍त येसु आ सोइश्‍शो पावल नङ। इं लोक्‍ब तिमोथी गो नु बाक्‍ब।
COL 1:2 गो कलस्‍से सहर ङा परमप्रभु यावे कली थमा सुइक्‍ब नु ख्रीस्‍तमी बाक्‍शो लोक्‍ब इन कली चिठी ब्रेक्‍ताक्‍ङ। इं आफ परमप्रभु यावेमी इन कली शिशी पा थुं नाइक्‍चा गेवल।
COL 1:3 गो निक्‍शीमी इन पर्बम प्रार्थना पस्‍कुनु, इं प्रभु येसु ख्रीस्‍त आ आफ परमप्रभु यावे कली “गे रिम्‍शो पाइतीनी” देंनस्‍कु।
COL 1:4 मारदे हना गेपुकी ख्रीस्‍त येसु कली थमा सुइक्‍तीनी। मिनु थमा सुइक्‍ब नेल्‍ल आन कली दाक्‍नीनी, देंशो नेंतस्‍कु।
COL 1:5 स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४
COL 1:6 इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।
COL 1:7 इपाफ्रास आंस दाक्‍शो लोक्‍ब, गो निक्‍शी नु गेय पाइब। मेको रिम्‍शो पा ख्रीस्‍त आ लोव़ इन कली शेंब दुम्‍त। कलस्‍सी ४:१२; फिलेमोन २३
COL 1:8 मेकोमी आंस कली गे परमप्रभु यावे आ सोक्‍तीम पतीके मुर आन कली दाक्‍नीनी, दे इन पर्बम तुइक्‍पाइक्‍तस्‍की।
COL 1:9 मिनु मेको लोव़ नेंस्‍कु रे इन कली मिम्‍शा, प्रार्थना पना पन बाक्‍तस्‍कु। मार प्रार्थना पाइतस्‍कु देंशा हना “कलस्‍सीपुकीमी इन दाक्‍शो मार बाक्‍बा, मेको तुइक्‍तमेक्‍ल। परमप्रभु यावे, इन सोक्‍त ङा तुइक्‍तीके नु रुप्‍तीके शुश तामेक्‍ल। एफिसी १:१५-१७
COL 1:10 इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७
COL 1:11 इन छेङछेङ ङा सक्ति खोदेंशो पा मेको आन कली सक्ति पाइश्‍शो, बोल्‍यो सेलीन। मिनु सक्ति पाइश्‍शो बोल्‍यो दुम्‍शा, मारेइ मारेइ फाल्‍ने चाप्‍नीम” दे प्रार्थना पाइतस्‍कु।
COL 1:12 इं आफ, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना इन कली थमा सुइक्‍ब आन छेङछेङमी बाक्‍चा गेप्‍तु। एफिसी १:११; १पत्रुस १:४
COL 1:13 मेकोमी इं कली छिङछिङ ङा राज्‍य ङा अधिकार रे ग्रुंइशा, आ दाक्‍शो तौ आ राज्‍यमी ओंइताक्‍व। कलस्‍सी २:१५
COL 1:14 मेकोमी इं कली मरिम्‍शो रे प्रोंइशा, इं पाप क्‍याम्‍ताक्‍व। एफिसी १:७
COL 1:15 सुइमी तने मचाप्‍शो परमप्रभु यावे खोदेंशो येसु ख्रीस्‍त रागी सेल्‍चा ङोंइती रेन बाक्‍त। हिब्रू १:३; प्रकाश ३:१४
COL 1:16 सरीङ नु रागीमी बाक्‍ब, तांइसीब नु मतांइसीब नेल्‍ल, पिपपुकी, मान पचा पुंइसीबपुकी, हुकुम पाइबपुकी, अधिकार पाइब नेल्‍ल नु मार मार सेल्‍शो बाक्‍मा, मेको नेल्‍ल येसु ख्रीस्‍तमी आंम कली सेल्‍तु। यूहन्‍ना १:३,१०; हिब्रू १:२
COL 1:17 मोपा मेको नेल्‍ल आन क्‍येङा ङोंइती ङा बाक्‍ब। मिनु नेल्‍ल आन कली बाक्‍चा गेब यो बाक्‍ब।
COL 1:18 थमा सुइक्‍बपुकी रां का बाक्‍तेक्‍म हना, येसु ख्रीस्‍त मेको रां आ पिया बाक्‍ब। मेको नेल्‍ल आन क्‍येङा ङोंइती ङा दुम्‍शा, ङोंइती बेक्‍शो रे सेंसीब यो बाक्‍ब। मोपा नेल्‍ल आन क्‍येङा ठेयब बाक्‍ब। एफिसी १:२२; प्रेरित २६:२३; १कोरिन्‍थी १५:२०; प्रकाश १:५
COL 1:19 मिनु परमप्रभु यावेमी “आं सक्ति नेल्‍ल मेको आगामी बाक्‍शो दाक्‍नुङ” दे ग्‍येरसाक्‍व। २कोरिन्‍थी ५:१०; कलस्‍सी २:९; यूहन्‍ना १:१६; एफिसी १:२३
COL 1:20 परमप्रभु यावेमी येसु ख्रीस्‍त रेन मारेइ मारेइ आन कली आ नु गारपाइक्‍तु। सरीङ नु रागीम बाक्‍शो नेल्‍ल आन कली, शीम केप्‍शा कांटी थोक्‍शा साइक्‍चा पुंइसीशा, आ हुशेमी आ नु गारपाइक्‍तु। १यूहन्‍ना २:२
COL 1:21 ङोंइती गेपुकी परमप्रभु यावे क्‍येङा ङोन दुम्‍शा, इन थुंमी मेको कली ममिम्‍थु, मरिम्‍शो पना पन बाक्‍तीनी। एफिसी २:१२-१३; एफिसी ४:१८; रोमी ५:१०
COL 1:22 मुल येसु ख्रीस्‍तमी आ रां साइक्‍चा गेशा, इन कली परमप्रभु यावे आ मुर दुम्‍पाइक्‍तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्‍शा, आ ङोंइती राप्‍पाइक्‍तु। एफिसी ५:२७
COL 1:23 गेपुकीमी थमा सुइक्‍ना सुइक्‍न बाक्‍शा, नोले मशोंइ‍सीथु खोइल थेक्‍शा, इन नेंशो ग्‍येरपाइक्‍ब लोव़ मप्रोंइथु बाक्‍तीनी हना, मोदेंशोन लीनीनी। मुल मेको ग्‍येरपाइक्‍ब लोव़ नेल्‍ल मुर आन कली नेंपाइश्‍शो बाक्‍त। गो पावल, मेको लोव़ शेंब दुम्‍ती।
COL 1:24 मुल गो इन पर्बम श्‍येत जाता हना यो, ग्‍येरसाक्‍यी। मारदे हना आं रांमी ख्रीस्‍त आ लीशो श्‍येत थुम्‍पाइक्‍नुङ। ख्रीस्‍त आ लीशो श्‍येत थमा सुइक्‍ब आन पर्बम बाक्‍ब। मेकोपुकी ख्रीस्‍त आ रां बाक्‍नीम। एफिसी ३:१३; २तिमोथी २:१०
COL 1:25 परमप्रभु यावे आ पतीकेमी मेको आन कली शेंब दुम्‍ती। परमप्रभु यावेमी आ लोव़ नेल्‍ल मेको आन कली शेंतीक गेय गेती। मोपा आ लोव़ खाप्‍चा कली शेंब सेल्‍ती।
COL 1:26 साइ ङोंइती रे परमप्रभु यावे आ मिम्‍शो ख्रुइश्‍शो बाक्‍त। मुल चहिं मेको आ मुर आन कली कोंइशो बाक्‍त। रोमी १६:२५; एफिसी ३:३-६
COL 1:27 परमप्रभु यावेमी मेको आन कली “आं ङोंइती ख्रुइश्‍शो लोव़ अर्को रागी ङा मुर आन कली गिश रिम्‍शो, गिश ठेयब बाक्‍ब” दे तुइक्‍पाइक्‍तु। मेको ख्रुइश्‍शो लोव़ मार बाक्‍ब देंशा हना, ख्रीस्‍त इन आगामी बाक्‍ब। मिनु इन कली परमप्रभु यावे आ छेङछेङम बाक्‍चा गेब आस यो ख्रीस्‍तम बाक्‍ब। १तिमोथी १:१
COL 1:28 गोपुकीमी येसु ख्रीस्‍त सु बाक्‍बा, मार पाइबा, दे शेंनीकी। मुर नेल्‍ल आन कली “होस पा बाक्‍कीन” दे यो शेंनीकी। मोपा गोपुकीमी मुर आन कली का का पा ख्रीस्‍त कली थमा पा तुइक्‍ब सेल्‍शा, परमप्रभु यावे आ ङोंइती राप्‍पाइक्‍चा दाक्‍नीकी।
COL 1:29 मोपतीके गो बोल पा शुश गेय पाइनुङ। येसु ख्रीस्‍तमी आं कली मोदेंशो पा आ सक्तिमी गेय पपाइक्‍ब।
COL 2:1 गो इन पर्बम, लाओडीसीया सहर ङा थमा सुइक्‍ब आन पर्बम नु का निक्‍शी अरु आं कली गेनायो मताइब मुर आन पर्बम गिश श्‍येत जङा, मेको नेल्‍ल इन कली तुइक्‍पाइक्‍चा दाक्‍नुङ।
COL 2:2 मेकोपुकी दाक्‍मुशा आन थुं बारपदमेक्‍ल। थमा पा रुप्‍तीके गिश ठेयब बाक्‍बा, परमप्रभु यावेमी ख्रीस्‍त आ पर्बम ख्रुइश्‍शो लोव़ मार बाक्‍बा, मेको नेल्‍ल रुप्‍मेक्‍ल।
COL 2:3 रुप्‍तीके तुइक्‍तीके नेल्‍ल ख्रीस्‍त आगाम ख्रुइश्‍शो बाक्‍नीम। १कोरिन्‍थी १:२४,३०
COL 2:4 मारदे इन कली मो देंती देंशा हना, जोल पा शेंब जाक्‍शा, शुश मिलो शिलो लोव़ पशा, दूली शेंने मचाप्‍मेक्‍ल, दे मो देंती। रोमी १६:१८
COL 2:5 गो इन नेक्‍था मबाक्‍ती हना यो, आं थुंमी गेपुकी नु बाक्‍नुङ। इन रिम्‍शो पशो नु ख्रीस्‍त कली बोल्‍यो पा थमा सुइश्‍शो तशा ग्‍येरसाक्‍यी। १कोरिन्‍थी १४:४०
COL 2:6 गेपुकी दोपा ङोंइती प्रभु ख्रीस्‍त येसु कली ओव़चा गेनी, मोपा मेको नु बाक्‍कीन।
COL 2:7 खप आगामी शाक्‍‍श थोक्‍शो रवा खोदेंशो पा, ख्रीस्‍त आगा ङा बोल्‍यो मुर दुम्‍शा बाक्‍कीन। दोपा शेंसीनी, मोपा बोल्‍यो पा थमा सुइश्‍शा, परमप्रभु यावे कली “गे रिम्‍शो पाइतीनी” दे शुश देंना देंन बाक्‍कीन। एफिसी ३:१७
COL 2:8 मिनु गेपुकी दूली लोव़ शेंब आन नोले मखोतीन। मेकोपुकीमी इन कली मुर आन मिम्‍तीके नु फश लोव़ पशा, मुर आन रिती थिती ला शेंनीमी। मेको रागी रागी ङा मुर आन थुं ङा बाक्‍ब, ख्रीस्‍त के ममाइ।
COL 2:9 मारदे हना परमप्रभु यावे आ सक्ति नेल्‍ल ख्रीस्‍तम बाक्‍‍ब। यूहन्‍ना १:१४-१६
COL 2:10 गेपुकी मेको नु बाक्‍शा, आ ब्रोंइतीक सक्तिम ब्रीशो मुर दुम्‍तीनी। मेको नेल्‍ल हुकुम पाइब नु नेल्‍ल अधिकार पाइब आन पिया बाक्‍ब। एफिसी १:२१
COL 2:11 मेको आ पशोमी ख्रोइक्‍तीक चिनु पाइश्‍शो खोदेंशो दुम्‍तीनी। मेको ख्रोइक्‍तीक चिनु मुरुमी ख्रोइश्‍शो ममाइ, गेपुकी ख्रीस्‍त कली थमा सुइश्‍शा, इन मरिम्‍शो पशो ताइश्‍शो इन ख्रोइक्‍तीक चिनु दुम्‍त। रोमी २:२९; रोमी ६:५; १पत्रुस ३:२१
COL 2:12 मिनु गेपुकी ब्‍वाक्‍कुम ख्रुम्‍शा ग्रुंइचा पुंइसीनीनु, मेको नु बेक्‍शा थिम्‍शो दुम्‍तीनी। परमप्रभु यावे आ पतीके कली थमा सुइक्‍तीके मेको नु बेक्‍शो रे सेंशो यो बाक्‍नीनी। रोमी ६:४; कलस्‍सी ३:१
COL 2:13 ङोंइती गेपुकी मरिम्‍शो पाइब दुम्‍शा, ख्रोइक्‍तीक चिनु इन रांमी मख्रोइक्‍थु, बेक्‍शो मुर खोदेंशो बाक्‍तीनी। परमप्रभु यावेमी इं मरिम्‍शो पतीके नेल्‍ल क्‍याम्‍शा, इं कली येसु ख्रीस्‍त नु ब्रोंइपाइक्‍तु। एफिसी २:१,५
COL 2:14 नेल्‍ल गेचा चिक्‍शो दोस नु सजाइ ब्रेक्‍शो कागज लाइश्‍शा, कांटी थोक्‍शा साइक्‍तीक शीम वोइक्‍तु। एफिसी २:१५
COL 2:15 मेकोमी हुकुम पाइब नु अधिकार पाइब आन कली आन या रोइश्‍शा फ्रुम्‍तीमी। मोदेंशो पा ग्राशा, नेल्‍ल आन कली कोंइताक्‍व। परमप्रभु यावे येसु ख्रीस्‍त आ पशो तशा शुश ग्‍येरसाक्‍व। कलस्‍सी १:१३; एफिसी ४:८
COL 2:16 मोदेंशो दुम्‍शा इन कली मार मार जचा तूचा दुम्‍बा, मार मार जचा तूचा मदुम्‍बा, मार मार चाड मानेचा, तेको औंसी ठेयब सेल्‍चा, तेक तेको नाइक्‍तीक नाक्‍ती ठेयब सेल्‍चा देंब मुर आन लोव़ मनेनीन। रोमी १४:१-१२
COL 2:17 मेको दुम्‍चा चिक्‍शो आ वांकु ला बाक्‍नीम। थमा सुइक्‍तीक रां चहिं ख्रीस्‍त के बाक्‍ब। हिब्रू ८:५; हिब्रू १०:१
COL 2:18 सुइमी इन कली “मतुइक्‍ब मुर ननी” देंचा मगेने। मेकोपुकीमी आंम मिम्‍शो प‍शो बाक्‍नीम, स्‍वर्ग ङा गेय पाइब आन कली सेउ पचा माल्‍नीनी, दे शेंनीमी। “गो ङोमु खोदेंशो पा ततीके तुइक्‍ताक्‍क” देंनीमी। मेको मुरपुकी मो ठेयब लेश्‍शा बाक्‍शा, आन मिम्‍शो ला शेंनीम।
COL 2:19 मेकोपुकी पिया नु मबाक्‍शो बाक्‍नीम। मेको पियामी रां कली थुल्‍ना थुल्‍न बाक्‍मेनु, नाडी नु रुशेम बोइक्‍पाइश्‍शा, परमप्रभु यावेमी मेको रां कली कोल्‍पाइक्‍ब। एफिसी ४:१५-१६
COL 2:20 गेपुकी ख्रीस्‍त नु बेक्‍तीनी हना, रागी ङा थोव़क नेल्‍ल इन कली आइक्‍च बाक्‍ब। मिनु मारदे गेपुकी रागी ङा मुर खोदेंशो पा पाइनीनी? मारदे गेपुकी रिती थिती पचा टीनीनी? गलाती ४:९-१०
COL 2:21 मेकोपुकीमी “मेको थिचा मदुम्‍ब, थाम्‍चा मदुम्‍ब, पचा मदुम्‍ब” देंनीम।
COL 2:22 मेको शेंबपुकीमी गेय पना पन जाम्‍ब थोव़क आन पर्बम लोव़ पाइनीम। मेको लोव़ मुर आन मिम्‍शो लोव़ ला ममाइ ङा? मत्ती १५:९
COL 2:23 मिनु मेको रिती थिती पचा, शुश धर्म पचा नु मुर आन माल्‍शो मपथु, थमा पा जोक्‍ब तुइक्‍ब नु ब्रेम्‍शो दुम्‍खु पाइ‍नीम। तन्‍न मोदेंशो पतीकेमी मुर आ मरिम्‍शो पतीके तेक्‍ने मचाप्‍ब। १तिमोथी ४:३; रोमी १३:१४
COL 3:1 गेपुकी ख्रीस्‍त नु सेंसीशो बाक्‍तीनी हना, स्‍वर्गमी बाक्‍ब दोपा बाक्‍मा, मेको मालीन। मेकेर ख्रीस्‍त परमप्रभु यावे आ ग्‍युरा गे निश्‍शो बाक्‍ब। कलस्‍सी २:१२
COL 3:2 इन थुंमी स्‍वर्गम बाक्‍ब कली मिम्‍तीन। रागी ङा थोव़क ममिम्‍तीन। मत्ती ६:३३
COL 3:3 मारदे हना गे बेक्‍तीनी। इन थुं ख्रीस्‍त नु परमप्रभु यावेमी ख्रुइश्‍शा वोइश्‍शो बाक्‍ब। रोमी ६:२
COL 3:4 इं कली ब्रोंइचा गेब ख्रीस्‍त ग्रूत हना, गे यो मेको नु परमप्रभु यावे आ छेङछेङ ङा बाक्‍तीकेमी ग्रूनीनी। १कोरिन्‍थी १५:४३
COL 3:5 मोपतीके इन आगामी बाक्‍शो माइत रागी ङा थुं कली सतीन। रागी ङा मुर आन थुंमी मार बाक्‍ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्‍स पचा, मरिम्‍शो मिम्‍तीके नु शिंम दुम्‍तीके बाक्‍ब। शिंम दुम्‍तीके चहिं मूर्ति पूजा पचा खोदेंशो बाक्‍ब। एफिसी ५:३
COL 3:6 परमप्रभु यावे मोदेंशो पाइब मटीब मुर आन पर्बम शुश गाइक्‍ब। एफिसी ५:६
COL 3:7 गेपुकी यो ङोंइती मोदेंशो पना पन बाक्‍तीनी।
COL 3:8 मुल चहिं मेको नेल्‍ल ताइक्‍तीन। गाइक्‍चा, चुरचा, मरिम्‍शो पचा, अरु आन पर्बम मरिम्‍शो लोव़ पचा, ओल ओल लोव़ पचा ताइक्‍तीने। एफिसी ४:२९,३१
COL 3:9 गेपुकी जोल मपमुने। मारदे हना, गे ङोंइती ङा पतीक नेल्‍ल ताइक्‍ताक्‍नी। एफिसी ४:२२-२५
COL 3:10 रिम्‍शो पाइब नक मुर दुमीन। परमप्रभु यावेमी इन थुं आ थुं खोदेंशो पा नक सेल्‍ना सेल्‍न बाक्‍ब। मारदे मो पाइब देंशा हना, आंम कली नेल्‍ल तुइक्‍पाइक्‍चा कली मोदेंशो पाइब। एफिसी ४:२४; उत्‍पत्ती १:२६-२७
COL 3:11 मुल रे ग्रीक नु यहूदी ख्रोइक्‍तीक चिनु ख्रोइक्‍पांइसीशो नु मख्रोइक्‍पांइसीशो मुरपुकी उइक्‍थ उइक्‍थ दुम्‍तेक्‍म। रागी रागी ङा मरुप्‍चा ङा लोव़ पाइबपुकी, ब्‍वाकी मुरपुकी, वाइलीम वाइलपुकी नु ठेयब मुर उइक्‍थ उइक्‍थ दुम्‍तेक्‍म। ख्रीस्‍त नेल्‍ल क्‍येङा ठेयब बाक्‍ब। मिनु नेल्‍ल आन आगामी बाक्‍ब। गलाती ३:२८
COL 3:12 गेपुकी परमप्रभु यावे आ योव़शो, आंम आ दाक्‍शो मुर दुम्‍तीनी। मोपतीके शिशी पचा, रिम्‍शो पमुचा, ब्रेम्‍शो थुं पाइश्‍शो, ठेयब मलेत्‍थु टीब नु फाल्‍ब मुर दुमीने।
COL 3:13 का निक्‍शीमी दोस गेचा पुंइसाक्‍म हना, फाल्‍मुशा, माफ गेमुशा बाक्‍कीन। प्रभुमी दोपा इन कली माफ गेवा, मोपा माफ गेमुने। एफिसी ४:२; मत्ती ६:१४; एफिसी ४:३२
COL 3:14 मेको नेल्‍ल पा इन नेल्‍ल क्‍येङा ठेयब गेय दाक्‍मुचा बाक्‍ब। मारदे हना मेकोम नेल्‍ल इन कली थुं का ङा सेल्‍ब। रोमी १३:८,१०
COL 3:15 ख्रीस्‍त आ थुं इन थुंम नाइश्‍शा हुकुम पचा गेने। गेपुकी रां का ङा दुम्‍चा कली योव़सीशो बाक्‍नीनी। गेपुकीमी प्रभु कली “गे रिम्‍शो पाइब बाक्‍नीनी” दे शुश देनीन। फिलिप्‍पी ४:७; १कोरिन्‍थी १२:१३,२७; एफिसी ४:३-४
COL 3:16 ख्रीस्‍त आ लोव़ खोत ब्रेक्‍शा वोतीन। गेपुकीमी शुश तुइश्‍शा, शेंमुशा थुं बारपमुने। परमप्रभु यावे आ लोव़ ङा कुम्‍सो, परमप्रभु यावे कली “गे ठेयब बाक्‍नीनी” दे पशो कुम्‍सो नु परमप्रभु यावे आ सोक्‍तीमी इन कली शेंशो कुम्‍सोमी “गे रिम्‍शो पाइब बाक्‍नीनी” दे इन थुंमी परमप्रभु यावे कली कुम्‍सो पने। एफिसी ५:१९
COL 3:17 मार मार लोव़पुकी, गेयपुकी, मारेइ मारेइ पनीनु, नेल्‍ल प्रभु येसु आ नेंमी पने। इं आफ परमप्रभु यावे कली “गे रिम्‍शो पाइतीनी” दे येसु आ नेंमी देनीन। १कोरिन्‍थी १०:३१
COL 3:18 गे मीश मुरपुकी, आंम वोंइश आ देंशो लोव़ टिने। मो पाइतीनी हना, प्रभु नु गारशो मुर दुम्‍नीनी। १पत्रुस ३:७
COL 3:19 गे वोंइश मुरपुकी, आंम मीश कली दाक्‍शा, काइ श्‍येत मगेने।
COL 3:20 गे आलपुकी, इन आंम आफ कली नेल्‍लेम टिने। मो पाइतीनी हना, प्रभु ग्‍येरब।
COL 3:21 गे आल आन आफपुकी यो, इन आल आन कली रिम्‍शो पने। काइ श्‍येत मगेने। श्‍येत गेतीनी हना, आन थुं जिक्‍ब।
COL 3:22 वाइलीम वाइलपुकी, इन ठेयब मुरुमी मार मार देंनीमी, मेको नेल्‍ल टिचा माल्‍नीनी। इन ठेयब मुरुमी कोव़तेक्‍म हना यो, मकोव़तेक्‍म हना यो, थुं का पशा, प्रभु कली मान पा हिनीन।
COL 3:23 इन गेय मार बाक्‍त हना यो, इन थुं नेल्‍लेमी मुर आन कली ममाइ, प्रभु कली गेय पने।
COL 3:24 गे प्रभु आ गुइ रे इनाम ताइब बाक्‍नीनी, दे तुइक्‍नीनी। मेकोन मिम्‍ना मिम्‍न गेय पने। गेपुकी प्रभु ख्रीस्‍त कली गेय पाइब बाक्‍नीनी।
COL 3:25 मरिम्‍शो पाइबपुकीम मरिम्‍शो पतीके कुल मकोव़थु निसाफ पचा पुंइसीनीम। रोमी २:११
COL 4:1 गे ठेयब मुरपुकी, इन के यो ठेयब होव़प का स्‍वर्गम बाक्‍ब, दे तुइश्‍शा, इन वाइलीम वाइल आन कली ठीक पा आन माल्‍शो थोव़क गेने। लेवी २५:४३,५३
COL 4:2 गेपुकीमी प्रार्थना पचा मप्रोंइथु, पना पन बाक्‍कीन। परमप्रभु यावे कली “गे रिम्‍शो पाइब बाक्‍नीनी” देंचा मप्रेंदीन। रोमी १२:१२; १थिस्‍सलोनिकी ५:१७
COL 4:3 गेपुकीमी आंइ कली यो मिम्‍शा प्रार्थना पने। परमप्रभु यावेमी आंइ कली ख्रीस्‍त आ ख्रुइश्‍शो लोव़ शुश मुर आन ङोंइती शेंने चाप्‍मेक्‍ल, दे पुनीन। मेको लोव़ शेंतीके गो ग्‍याइक्‍चा पुंइसाक्‍यी। रोमी १५:३०; एफिसी ६:१९; २थिस्‍सलोनिकी ३:१; १कोरिन्‍थी १६:९; कलस्‍सी १:२६-२७
COL 4:4 रिम्‍शो रुप्‍चा ङा लोव़ पने चाप्‍‍मेक्‍ल, दे यो पुनीन।
COL 4:5 गेपुकी थमा मसुइक्‍ब आन ङोंइती रिम्‍शो जोक्‍शा तुइश्‍‍शा गेय पने। लोव़ पचा तनीनु, रिम्‍शो पा लोव़ पने। एफिसी ५:१५-१६; १थिस्‍सलोनिकी ४:१२
COL 4:6 इन पशो लोव़ हिक्‍सी ङाम्‍शो खोदेंशो दुम्‍ल। इन कली हिल्‍लो पाइब नेल्‍ल आन कली दोपा लोव़ लेत्‍चा, दे तुइक्‍चा माल्‍नीनी। मर्कूस ९:५०; एफिसी ४:२९
COL 4:7 आं पर्बमी मार मार दुम्‍मे, मेको नेल्‍ल तिखीकसमी इन कली देंब। मेको इं दाक्‍शो लोक्‍ब बाक्‍ब। दीगो पा गेय पाइब नु आं खोदेंशो प्रभु आ वाइल बाक्‍ब।
COL 4:8 गोपुकी दोपा बाक्‍नीकी, दे इन कली शोव़चा नु इन थुं बारपाइक्‍चा कली मेको कली इन बाक्‍तीके सोइक्‍ताक्‍ङ। एफिसी ६:२१-२२
COL 4:9 इं दाक्‍शो नु रिम्‍शो पाइब लोक्‍ब, ओनेसीमस मेको नु जाक्‍ब। मेको इन मुरुन बाक्‍ब। एक मार मार दुम्‍मे, मेको निक्‍शीमी इन कली देंनीसी। फिलेमोन १०
COL 4:10 गो नु ग्‍याइक्‍चा पुंइसीब वारच अरीस्‍तारकसमी इन कली “रिम्‍शो बाक्‍कीन” दे आं कली ब्रेक्‍पाइक्‍ती। बारनाबास आ लोक्‍ब मर्कूसमी यो इन कली “रिम्‍शो बाक्‍कीन” देंत। मेको जाक्‍मेनु, रिम्‍शो पा बाक्‍चा गेने। मेको आ पर्बम इन कली ङोंइती तुइक्‍पाइक्‍तन्‍नी। प्रेरित १९:२९; प्रेरित २७:२; प्रेरित १२:१२,२५
COL 4:11 येसु माइश्‍शो याइनी नें पाइश्‍शो युस्‍तसमी यो इन कली “रिम्‍शो बाक्‍कीन” देंत। परमप्रभु यावे आ राज्‍य ङा गेय पाइब आं वारचपुकी मेको सां ला ख्रोइक्‍तीक चिनु पाइश्‍शो यहूदी बाक्‍नीम। मेकोपुकीमी आं कली वारच पाइश्‍शा, आं थुं नाइक्‍चा गेतीमी।
COL 4:12 ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३
COL 4:13 इन कली, लाओडीसीया नु हिरापोलीस ङा थमा सुइक्‍ब आन कली शुश गेय पाप्‍तु, दे गो इन कली तुइक्‍पाइक्‍ता। प्रकाश ११:१; प्रकाश ३:१४
COL 4:14 इं दाक्‍शो डाक्‍टर लूका नु डेमासमी यो इन कली “रिम्‍शो बाक्‍कीन” देंताक्‍स।
COL 4:15 लाओडीसीया सहर ङा लोक्‍ब आन कली नु नुम्‍फा माइश्‍शो आ खिंमी ग्रुम्‍ब थमा सुइक्‍ब आन कली यो गोमी “रिम्‍शो बाक्‍कीन” देंत ने, दे मतीन।
COL 4:16 मिनु एको चिठी इन ग्रुम्‍तीकेमी पढेने थुम्‍शा, लाओडीसीया सहर ङा थमा सुइक्‍ब आन ग्रुम्‍तीकेमी यो पढेचा गेने। लाओडीसीया ङा थमा सुइक्‍ब आन कली ब्रेक्‍शो चिठी गेपुकीमी पढेने।
COL 4:17 गेपुकीमी अरकीप्‍पस कली “प्रभुमी इ कली गेशो शेंतीक गेय नेल्‍ल रिम्‍शो पावो” दे मतीन। फिलेमोन २
COL 4:18 गो पावलमी इन कली “रिम्‍शो बाक्‍कीन” दे आंमा ब्रेक्‍ताक्‍ङ। गो ग्‍याइक्‍चा पुंइसीशो बाक्‍नुङ, दे मप्रेंदीन। परमप्रभु यावे आ शिशी गे नु लील। १कोरिन्‍थी १६:२१; गलाती ६:११; २थिस्‍सलोनिकी ३:१७
1TH 1:1 गो पावल नङ। सिल्‍वानस नु तिमोथी यो गो नु बाक्‍नीस। गो इं आफ परमप्रभु यावे नु इं प्रभु येसु ख्रीस्‍त कली थमा सुइक्‍ब थिस्‍सलोनिकी सहर ङा इन कली चिठी ब्रेक्‍ताक्‍ङ। येसु ख्रीस्‍तमी इन कली शिशी पा इन थुं नाइक्‍चा गेवल। प्रेरित १५:४०; प्रेरित १६:१-३,१९; प्रेरित १७:१-९; २थिस्‍सलोनिकी १:१
1TH 1:2 गोपुकी प्रार्थना पकानु, परमप्रभु यावे कली “गे थिस्‍सलोनिकी सहर ङा थमा सुइक्‍ब नेल्‍ल आन रिम्‍शो पाइतीनी” दे गेना हना यो देंनीकी।
1TH 1:3 गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। १कोरिन्‍थी १३:१३
1TH 1:4 आंइ थमा सुइक्‍ब लोक्‍बपुकी, परमप्रभु यावेमी इन कली दाक्‍शा योव़तु, दे तुइक्‍नीकी।
1TH 1:5 मारदे हना इन कली शेंशो ग्‍येरपाइक्‍ब लोव़ पचा ला मशेंदक, सक्ति यो ताइतीनी। परमप्रभु यावे आ सोक्‍तीमी आंइ कली शुश तुइक्‍तीक थुं गेशा प्रिंताक्‍व। गोपुकी दोदेंशो मुर बाक्‍नीकी, दे गेपुकी नु बाक्‍शा कोंइताक्‍क। मिनु गे तुइक्‍ताक्‍नी। १कोरिन्‍थी २:५
1TH 1:6 गेपुकी आंइ खोदेंशो नु प्रभु खोदेंशो पाइब दुम्‍तीनी। मारदे हना गेपुकी शुश श्‍येत जशा, परमप्रभु यावे आ लोव़ नेंतीनी। मिनु परमप्रभु यावे आ सोक्‍तीमी इन थुं ग्‍येरपाइक्‍तु। २थिस्‍सलोनिकी ३:७
1TH 1:7 मोपा गेपुकी मासीडोनीया नु आकाया रागी ङा थमा सुइक्‍ब आन कली रिम्‍शो कोंइतीक दुम्‍तीनी।
1TH 1:8 ङोंइती गेपुकी प्रभु आ लोव़ मासीडोनीया नु आकाया रागी ङा मुर आन कली शेंताक्‍नी। मेको आन कली ला ममाइ, नेल्‍ल अर्को रागी ङा मुरपुकीमी यो इन परमप्रभु यावे थमा सुइक्‍तीके तुइक्‍ताक्‍म। मोपतीके गो मेकेर शेंचा ममाल्‍नीकी। रोमी १:८
1TH 1:9 मेकोपुकीमी इं पर्बम लोव़ पाम्‍तेक्‍म। मार लोव़ पाम्‍तेक्‍म देंशा हना, थिस्‍सलोनिकी सहर ङा मुरपुकीमी आंइ कली मिश रिम्‍शो ब्राम्‍तेक्‍म। मिनु गेपुकी इन मूर्ति कली प्रोंइशा, परमप्रभु यावे कली थमा सुइक्‍ब दुम्‍शा, ब्रोंइशा बाक्‍ब, थमा परमप्रभु यावे आ गेय पाइब दुम्‍तीनी। प्रेरित १४:१५; १कोरिन्‍थी १२:२
1TH 1:10 मिनु बेक्‍शो रे सेंशो परमप्रभु यावे आ तौ लेंशा सरीङ रे यीब, दे रिम्‍शा बाक्‍तीनी। येसुमी इं कली परमप्रभु यावे आ गाइक्‍चा रे प्रोंइब। तीतस २:१३
1TH 2:1 आंइ लोक्‍बपुकी, इन कली ग्रुम्‍चा मोशा मदुम्‍शो बाक्‍त, दे तुइक्‍नीनी।
1TH 2:2 गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५
1TH 2:3 गोपुकीमी इन कली मुरुम पशो जोल रे मशेंदक। ठेयब दुम्‍कल, दे ममिम्‍तक। २कोरिन्‍थी ४:२; २कोरिन्‍थी ११:७; यूहन्‍ना ५:४४
1TH 2:4 परमप्रभु यावेमी आंइ कली ग्‍येरपाइक्‍ब लोव़ शेंचा, दे शेंब सेल्‍तीकी। मोपतीके गोपुकी मुर आन दाक्‍शो लोव़ मशेंथु, परमप्रभु यावे आ दाक्‍शो लोव़ शेंशा गाक्‍तक। मेकोमी आंइ थुं कली नाक्‍शा कोव़ब। गलाती १:१०
1TH 2:5 गो इन कली मिलो शिलो मपक, दे तुइक्‍नीनी। इन क्‍येट ताइनीकी कों, दे मिम्‍शा मशेंदक, मेको परमप्रभु यावेमी तुइक्‍ब। मत्ती १२:४०; प्रेरित २०:३३
1TH 2:6 गे नु अरु मुरपुकीमी आंइ कली ठेयब सेलीन, दे मशेंदक।
1TH 2:7 गोपुकी ख्रीस्‍त आ सोइश्‍शो दुम्‍शा, इन गुइ रे मार मार ताक्‍चा ठीक दुम वा। तन्‍न गो आल कली दूध तुंइब ममा खोदेंशो पा, इन कली कोव़तक।
1TH 2:8 गोपुकीमी इन कली शुश दाक्‍शा, परमप्रभु यावे आ ग्‍येरपाइक्‍ब लोव़ शेंचा ला ममाइ, तन्‍न शेंचा आ पर्बम बेक्‍चा माल्‍तक हना यो, बेक्‍नीकी। २कोरिन्‍थी १२:१५
1TH 2:9 आंइ लोक्‍बपुकी, गे नु बाक्‍शा, शुश गेय पाइतक, दे तुइक्‍नीनी। गोपुकीमी परमप्रभु यावे आ ग्‍येरपाइक्‍ब लोव़ शेंदकानु, इन कली श्‍येत मगेचा, दे नाक्‍दो नाक्‍त गेय पाइतक। प्रेरित १८:३; प्रेरित २०:३३-३४; १कोरिन्‍थी ४:१२; २थिस्‍सलोनिकी ३:८
1TH 2:10 गो ठीक, रिम्‍शो नु परमप्रभु यावे आ गेय ला पाइतक। परमप्रभु यावेमी मेको तुइक्‍ब। मिनु गे थमा सुइक्‍बमी यो तुइक्‍नीनी।
1TH 2:11 मिनु गोपुकीमी आल आन कली रिम्‍शो अरेब आफ खोदेंशो पा इन कली अरेतक। इन थुं बारपाइश्‍शा
1TH 2:12 “परमप्रभु यावे आ मुर दुम्‍शा, मेको आ ङोंइती शिरशो दुम्‍शा बाक्‍कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्‍य नु आ छेङछेङमी बाक्‍चा गेचा कली ब्रेप्‍ब। एफिसी ४:१-२; फिलिप्‍पी १:२७
1TH 2:13 गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्‍ब, दे तुइक्‍ताक्‍नी। थमा सुइश्‍शा मेको लोव़मी इन थुंमी गेय पना पन बाक्‍ब। मो दुम्‍मेनु, गोपुकीमी परमप्रभु यावे कली “गे थिस्‍सलोनिकी ङा मुर आन कली रिम्‍शो पाइतीनी” देंना देंन बाक्‍नीकी। गलाती १:११-१२
1TH 2:14 आंइ लोक्‍बपुकी, गे यहूदीया ङा परमप्रभु यावे आ ग्रुम्‍तीक ङा ख्रीस्‍त येसुमी बाक्‍ब थमा सुइक्‍ब खोदेंशो दुम्‍तीनी। मारदे हना यहूदीया ङा मुरपुकीमी आंम रागी ङा थमा सुइक्‍ब आन कली श्‍येत गेशो खोदेंशो पा, इन रागी ङा मुरपुकीमी यो इन कली श्‍येत गेम्‍तेक्‍म। प्रेरित ८:१; प्रेरित १७:५-६
1TH 2:15 यहूदीया ङा मुरपुकीमी प्रभु येसु कली नु परमप्रभु यावे आ लोव़ पाइब आन कली साइश्‍शा, आंइ कली खेरतेक्‍म। मेकोपुकीमी मोपा परमप्रभु यावे कली मग्‍येरपदेम, मुर नेल्‍ल आन कली श्‍येत गेम्‍तेक्‍म। प्रेरित २:२३; मत्ती २३:३७; प्रेरित ७:५२
1TH 2:16 दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३
1TH 2:17 आंइ लोक्‍बपुकी, गेपुकी नु मबाक्‍थु, गोपुकी रोइक्‍च खोदेंशो दुम्‍तक। इन बाक्‍तीकेमी जाक्‍चा मतथु, इन कली शुश मिम्‍शा ग्रुम ग्रुम दाक्‍तक।
1TH 2:18 गो इन कली ग्रुम ग्रुम दाक्‍बमी गो पावल चहिं शुश पिचा दाक्‍शो बाक्‍ती। तन्‍न सैतानमी आंइ कली ग्रुम्‍थ पिचा मगेव।
1TH 2:19 इं प्रभु येसु आ यिची ना गे आंइ आस पतीके, ग्‍येरतीके नु सिरपेच खोदेंशो बाक्‍नीनी। फिलिप्‍पी २:१६; फिलिप्‍पी ४:१
1TH 2:20 इन कली तशा, ग्‍येरशा आंइ नें बोरपाइक्‍नीकी।
1TH 3:1 मोपतीके गो इन कली श्‍येत जशो तशा, फाल्‍ने मचाप्‍क। गो निक्‍शी एथेन्‍स सहरम बाक्‍स्‍कु, दे सल्‍ला पाइतक। प्रेरित १७;१४-१६
1TH 3:2 गो निक्‍शीमी आंस लोक्‍ब, गो नु परमप्रभु यावे आ गेय पाइब, ख्रीस्‍त आ ग्‍येरपाइक्‍ब लोव़ शेंब, तिमोथी कली इन थमा सुइक्‍तीक बारपाइक्‍चा नु इन कली अरेचा कली सोइक्‍ताक्‍स्‍कु। प्रेरित १६:१-३
1TH 3:3 सुइमी श्‍येत जशा थमा सुइक्‍चा मप्रोन्‍मेक्‍ल। मारदे हना गोपुकीमी श्‍येत जचा माल्‍नय, दे तुइक्‍नीनी। प्रेरित १४:२२; एफिसी ३:१३; हिब्रू १०:३९; २तिमोथी ३:१२
1TH 3:4 ङोंइती रे गो नु बाक्‍नीनु “श्‍येत जचा माल्‍नय” दे शेंताक्‍क। मुल आंइ शेंशो दुम्‍त। मेको यो तुइक्‍नीनी।
1TH 3:5 गो इन कली श्‍येत जशो तशा फाल्‍ने मचबु। मोपतीके तिमोथी कली इन थमा सुइक्‍तीक दोपा बाक्‍म, दे तुइक्‍चा कली कोव़थ सोइक्‍ताक्‍ङ। मुर आन कली पाप पपाइक्‍बमी इन कली बिग्रेवा कों, आंइ पशो गेय यो मोशा लम कों, दे गो हिंती। फिलिप्‍पी २:१६
1TH 3:6 मिनु तिमोथी इन कली ग्रुम्‍थ पिशा, लेश्‍शा जाक्‍त। मेकोमी इन थमा सुइक्‍तीके नु इन दाक्‍तीके रिम्‍शो बाक्‍ब। गेपुकी आंइ कली गेना हना यो शुश मिम्‍नीनी, गोपुकी खोदेंशो पा आंइ कली ग्रुम्‍चा दाक्‍नीनी, दे तिमोथीमी आंस कली देंत। प्रेरित १८:५
1TH 3:7 आंइ लोक्‍बपुकी, गोपुकी शुश श्‍येत जाइतक हना यो, इन थमा सुइक्‍तीक आ पर्बम लोव़ नेंशा ग्‍येरसाक्‍क।
1TH 3:8 मारदे हना गे प्रभु कली मप्रोंइब बाक्‍नीनी, दे तुइश्‍शा, गोपुकी ङोंइती रोइ पशा, मुल चहिं साशा ब्रोंइशो मुर खोदेंशो बाक्‍नीकी।
1TH 3:9 गो परमप्रभु यावे आ ङोंइती “गे थिस्‍सलोनिकी सहर ङा थमा सुइक्‍ब आन कली रिम्‍शो पाइतीनी” दे शुश ग्‍येरशा, परमप्रभु यावे कली ठेयब सेल्‍नीकी।
1TH 3:10 मिनु नाक्‍दो नाक्‍त गोपुकी परमप्रभु यावे कली “थिस्‍सलोनिकी सहर ङा थमा सुइक्‍ब आन कली ग्रुम्‍थ सोइक्‍तीन। मुल सम्‍म मशेंथु लीशो लोव़ शेंथ सोइक्‍तीन” दे पुंइना पुंइन बाक्‍नीकी।
1TH 3:11 इं आफ परमप्रभु यावे नु इं प्रभु येसुमी आंइ कली गेपुकी नु ग्रुम्‍चा गेम्‍सेक्‍ल।
1TH 3:12 गोपुकीमी इन कली शुश दाक्‍शो खोदेंशो पा प्रभुमी इन दाक्‍चा शुश बारपाइश्‍शा, दाक्‍मुचा नु अरु आन कली यो दाक्‍ब दुमीन।
1TH 3:13 मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। १कोरिन्‍थी १:८; फिलिप्‍पी १:१०
1TH 4:1 मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।
1TH 4:2 गोपुकीमी प्रभु येसु आ नेंमी इन कली मार अरेतीक लोव़ गेका, मेको गे तुइक्‍नीनी।
1TH 4:3 परमप्रभु यावे आ दाक्‍शो मार बाक्‍ब देंशा हना, मरिम्‍शो मपचा नु ग्रांग्रा दिशो गेय रे ङोन बाक्‍चा बाक्‍ब।
1TH 4:4 गे नेल्‍ल आंम मीश नु बाक्‍शा, हेंथे मगाक्‍थु, मान तचा कली शिरशो दुम्‍शा बाक्‍कीन।
1TH 4:5 अर्को रागी ङा परमप्रभु यावे कली मतुइक्‍ब मुरपुकीमी खोदेंशो पा ग्रांग्रा दिचा ङा गेयमी मबाक्‍कीन।
1TH 4:6 सुइ वोंइश मुरुम आ लोक्‍ब कली मोदेंशो पा श्‍येत मगेवल। मारदे हना प्रभुमी मोदेंशो पाइब आन कली क्‍येक्‍क लेप्‍ब, दे ङोंइती रे इन कली शेंताक्‍क। लेवी १९:११
1TH 4:7 परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्‍चा कली योव़तु।
1TH 4:8 मोपतीके सुमी मेको लोव़ मटीबा, मेकोमी मुर आ लोव़ मटीब ममाइ, परमप्रभु यावे कली मटीब बाक्‍ब। परमप्रभु यावेमी इन कली आ सोक्‍त गेब। लूका १०:१६
1TH 4:9 थमा सुइक्‍ब लोक्‍ब आन दाक्‍मुतीके आ पर्बम सुइ मुरुमी इन कली ब्रेक्‍चा ममाल्‍ब। मारदे हना परमप्रभु यावेमी इन कली दाक्‍मुचा माल्‍नीनी, दे आंमान शेंशो बाक्‍त। यूहन्‍ना १३:३४; लेवी १९:१८
1TH 4:10 मिनु गेपुकी थमा पा मासीडोनीया रागी ङा लोक्‍ब नेल्‍ल आन कली दाक्‍नीनी। गोपुकीमी मेको क्‍येङा यो दाक्‍तीन, दे इन कली अरेनीकी।
1TH 4:11 गेपुकी दुशा बाक्‍कीन। आंम खिं ङा गेय ला मिम्‍तीने। आंमान गेय पना पन बाक्‍कीन। मेको इन कली अरेतीक लोव़ पाइतक। १थिस्‍सलोनिकी २:९; एफिसी ४:२८; २थिस्‍सलोनिकी ३:८,१२
1TH 4:12 मो पाइतीनी हना, अरु मुरपुकीमी इन कली ठेयब सेल्‍नीम। मिनु सुइ के मारेइ ममाल्‍नीनी। कलस्‍सी ४:५
1TH 4:13 आंइ लोक्‍बपुकी, बेक्‍शो मुर आ पर्बम रागी रागी ङा मुरपुकीमी हिशेक शुश पाइनीम। मारदे हना मेको आन के आस मबाक्‍ब। गेपुकी चहिं मतुइक्‍ब खोदेंशो पा, बेक्‍शो इन वारच आन पर्बम थुं खाइक्‍पाइश्‍शा मबाक्‍कीन। १कोरिन्‍थी १५:२०; एफिसी २:१२
1TH 4:14 गोपुकी येसु बेक्‍शा सेंसाक्‍व, दे थमा सुइक्‍तय हना, परमप्रभु यावेमी येसु आ पतीकेमी बेक्‍शो मुर आन कली सेंशा चाक्‍ब। रोमी १४:९; १कोरिन्‍थी १५:३,९,१२
1TH 4:15 मिनु गोपुकीमी इन कली प्रभु आ लोव़ रे “प्रभु आ यिचा सम्‍म बाक्‍बपुकी बेक्‍शो वारच आन क्‍येङा ङोंइती प्रभु कली ग्रुम्‍चा मताइनय” दे तुइक्‍पाइक्‍नीकी। मत्ती १६:२८; मत्ती २४:३०-३१; १कोरिन्‍थी १५:५१-५२; यूहन्‍ना १७:२४
1TH 4:16 मारदे हना प्रभुमी आ मुर आन कली “कुन” दे ब्रेत्‍तानु, नेल्‍ल क्‍येङा ठेयब परमप्रभु यावे आ स्‍वर्ग ङा गेय पाइबमी यो ब्रेप्‍ब। परमप्रभु यावे आ तुराही ताप्‍शो नेंनीम। मेना प्रभु सरीङ रे यीब। ख्रीस्‍त कली थमा सुइश्‍शा बेक्‍शो मुरपुकी ङोंइती सेंसीनीम।
1TH 4:17 नोले ब्रोंइशा लीशो गोपुकी मेको नु गोस्‍सुमी क्‍युक्‍सीशा, मेकोपुकी नु लाइनय। मेकोपुकी नु सरीङमी देल्‍शा बाक्‍शा, प्रभु कली ग्रुम्‍नय। मोदेंशो पा गोपुकी गेना हना यो प्रभु नु काथा बाक्‍चा ताइनय। यूहन्‍ना १२:२६
1TH 4:18 मोपतीके मेको लोव़ पा थुं बारपाइक्‍‍मुने।
1TH 5:1 आंइ लोक्‍बपुकी “गिश बर्स लीबा, गेना सम्‍म रिम्‍चा” दे इन कली ब्रेक्‍चा ममाल्‍नीकी। मत्ती २४:३६
1TH 5:2 मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५
1TH 5:3 मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९
1TH 5:4 गे लोक्‍बपुकी चहिं छिङछिङम मबाक्‍नीनी। मेको नाक्‍त खुइ जाक्‍शो खोदेंशो पा इन कली महिंपाइक्‍ब।
1TH 5:5 मारदे हना गे नेल्‍ल छेङछेङ नु नाक्‍त ङा मुर बाक्‍नीनी। गोपुकी नाक्‍दो नु छिङछिङ ङा मुर मनय। रोमी १३:१२; एफिसी ५:९
1TH 5:6 मोपतीके अरु खोदेंशो पा गो मइप्‍य, सासीशा “प्रभु यीब” दे मिम्‍ना मिम्‍न बाक्‍य। १पत्रुस ५:८
1TH 5:7 इप्‍बपुकी नाक्‍दो इप्‍नीम, दुक्‍बपुकी नाक्‍दो दुक्‍शा बाक्‍नीम।
1TH 5:8 तन्‍न गोपुकी नाक्‍त ङा मुर दुम्‍शा “प्रभु यीब” दे मिम्‍ना मिम्‍न बाक्‍शा, परमप्रभु यावे आ या ङा पीतल के भोटो खोदेंशो पा, थमा सुइक्‍तीके नु दाक्‍तीके फेक्‍शा बाक्‍य। पीतल के ताकी गुप्‍शो खोदेंशो पा पाप रे प्रोंइशो बाक्‍नुङ, दे तुइश्‍शा आस पय। एफिसी ६:१४-१७
1TH 5:9 मारदे हना परमप्रभु यावे इं पर्बम मगाइक्‍ब। प्रभु येसु ख्रीस्‍त आ पतीके पाप रे ब्रोंइब सेल्‍तु।
1TH 5:10 मेको इं पर्बम साइक्‍चा पुंइसाक्‍व। मो दुम्‍तीके गोपुकी इप्‍तय हना यो, मइप्‍तय हना यो, मेको नु ब्रोंइचा ताइनय। रोमी १४:८-९
1TH 5:11 मोपतीके अरेपमुशा, इन थुं बारपमुने। गेपुकी मोदेंशो पना पन यो बाक्‍तीनी। हिब्रू ३:१३
1TH 5:12 आंइ लोक्‍बपुकी, इन कली शेंब नु लां कोंइशा, अरेब आन कली रिम्‍शो पने, दे माइक्‍नीकी। १कोरिन्‍थी १६:१८
1TH 5:13 मेकोपुकी नु शुश दाक्‍मुशा बाक्‍कीन। मारदे हना प्रभु आ गेय पाइब बाक्‍नीमी।
1TH 5:14 आंइ लोक्‍बपुकी, गेय मपाइब आन कली अरेपने। हिंब मुर आन थुं बारपतीन। मचाप्‍‍ब आन कली वारच पने। नेल्‍ल आन कली फाल्‍शा बाक्‍कीन। २थिस्‍सलोनिकी ३:१५
1TH 5:15 मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। हितोपदेस २०:२२; रोमी १२:१७,२१; १पत्रुस ३:९
1TH 5:16 मिनु गेना हना यो ग्‍येरसीन। फिलिप्‍पी ४:४
1TH 5:17 प्रार्थना पना पन बाक्‍कीन। लूका १८:१-८; रोमी १२:१२; एफिसी ६:१८; कलस्‍सी ४:२
1TH 5:18 मार दुम्‍त हना यो, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको परमप्रभु यावे आ दाक्‍शो बाक्‍ब। ख्रीस्‍त येसु आ नोले खोइक्‍ब मेको गेना हना यो देंचा माल्‍नीम। एफिसी ५:२०
1TH 5:19 परमप्रभु यावे आ सोक्‍त कली मकाप्‍तीन। १कोरिन्‍थी १४:१,३९
1TH 5:20 परमप्रभु यावेमी तुइक्‍पाइश्‍शो लोव़ पचा गेन।
1TH 5:21 तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।
1TH 5:22 नेल्‍ल ग्रांग्रा दिचा ङा गेय क्‍येङा ङोन बाक्‍कीन।
1TH 5:23 थुं नाइक्‍पाइक्‍ब परमप्रभु यावेमी इन कली थम रिम्‍शो सेलल। इन सोक्‍त, थुं नु रां इं प्रभु येसु ख्रीस्‍त मयिम सम्‍म रिम्‍शो नु दोस मताइब दुम्‍शा बाक्‍मल।
1TH 5:24 इन कली ब्रेप्‍ब इन कली देंशो पाइब बाक्‍ब। मेकोमी थमा पाइब। १कोरिन्‍थी १:९; २थिस्‍सलोनिकी ३:३
1TH 5:25 आंइ लोक्‍बपुकी, आंइ पर्बम परमप्रभु यावे कली पुनीन।
1TH 5:26 लोक्‍ब नेल्‍ल आन कली प्रभु आ नेंमी मुम्‍मुशा आसीक गेने।
1TH 5:27 प्रभु आ नेंमी एको चिठी लोक्‍ब नेल्‍ल आन कली पढेशा नेंपतीन।
1TH 5:28 इं प्रभु येसु ख्रीस्‍त आ शिशी गेपुकी नु लील।
2TH 1:1 गो पावल नङ। सिल्‍वानस नु तिमोथी यो गो नु बाक्‍नीस। गो इं आफ परमप्रभु यावे नु प्रभु येसु ख्रीस्‍त कली थमा सुइक्‍ब थिस्‍सलोनिकी सहर ङा इन कली चिठी ब्रेक्‍ताक्‍ङ। १थिस्‍सलोनिकी १:१
2TH 1:2 इं आफ, परमप्रभु यावे नु प्रभु येसु ख्रीस्‍तमी इन कली शिशी पा, इन थुं नाइश्‍शा बाक्‍चा गेम्‍सेक्‍ल।
2TH 1:3 आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। १थिस्‍सलोनिकी १:२-३
2TH 1:4 मोदेंशो दुम्‍शा, गेपुकी खेदा पचा पुंइसीशा, श्‍येत फाल्‍शोमी खोइल थेक्‍शा थमा सुइक्‍ब बाक्‍नीनी, दे गोपुकीमी परमप्रभु यावे कली थमा सुइक्‍ब आन ग्रुम्‍तीकेमी इन पर्बम ग्‍येरशो लोव़ पाइनीकी। २कोरिन्‍थी ७:४
2TH 1:5 गेपुकी परमप्रभु यावे आ राज्‍यम शिरशो मुर दुम्‍तीनी। मिनु मेको राज्‍य आ पर्बम श्‍येत जाइनीनी। परमप्रभु यावेमी इन कली श्‍येत जचा गेप्‍तु हना यो, ठीक निसाफ पाइब बाक्‍ब। फिलिप्‍पी १:२८
2TH 1:6 परमप्रभु यावेमी थमा पा इन कली श्‍येत गेब आन कली क्‍येक्‍क लेप्‍ब। रोमी १२:१९; प्रकाश १८:६-७
2TH 1:7 गे श्‍येत जाइब इन कली नु आंइ कली इं थुं नाइक्‍चा गेब। गेना थुं नाइक्‍चा गेब देंशा हना, प्रभु येसु नु आ सक्ति पाइश्‍शो स्‍वर्ग ङा गेय पाइबपुकी सरीङ रे ग्रूची ना इं थुं नाइक्‍चा गेब। मत्ती १६:२७; मत्ती २५:३१-४६; १थिस्‍सलोनिकी ४:१६
2TH 1:8 मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८
2TH 1:9 मेको मुरपुकी गेना हना यो साम्‍सीशो दुम्‍शा, प्रभु आ कुल मताइनीम। आ सक्ति ङा छेङछेङ यो मताइनीम।
2TH 1:10 थमा सुइक्‍बपुकी चहिं आ जाक्‍ची नाक्‍त आ नें ठेयब सेल्‍शा, थमा सुइक्‍ब नेल्‍लेमी आ छेङछेङ तशा छक लाक्‍नीम। मारदे हना गेपुकी आंइ शेंशो लोव़ थमा सुइक्‍तीनी।
2TH 1:11 मोपतीके गो इन पर्बम प्रार्थना पना पन बाक्‍नीकी। परमप्रभु यावेमी इन कली ब्रेश्‍शा, आ ब्रेश्‍शो शिरशो सेलल, दे गोपुकीमी गेना हना यो, पुंइना पुंइन बाक्‍नीकी। इन रिम्‍शो पतीके नु इन थमा सुइश्‍शो ङा गेय आ सक्तिमी पपदल।
2TH 1:12 मो दुम्‍शा, इं प्रभु येसु आ नें इन पर्बम ठेयब सेल्‍नीम। गेपुकी आ मुर दुम्‍शा, मान ताइ‍नीनी। मेको इं परमप्रभु यावे नु प्रभु येसु ख्रीस्‍त आस शिशी ङा गेय बाक्‍ब।
2TH 2:1 आंइ लोक्‍बपुकी, इं प्रभु येसु ख्रीस्‍त यिशा, गोपुकी नु ग्रुम्‍चा आ पर्बमी १थिस्‍सलोनिकी ४:१३-१७
2TH 2:2 इन थुं मक्‍यन। सोक्‍तीमी कोंइताक्‍व देंखु पाइनीम। आंइ ब्रेक्‍शो चिठी जाक्‍त, देंखु पाइबमी “प्रभु आ नाक्‍त जाक्‍शा नुप्‍त” दे लोव़ पाम्‍तेक्‍म हना यो, थमा मसुतीन। २पत्रुस ३:१५-१६
2TH 2:3 इन कली दूली शेंतीके शेंब आन कली थमा मसुतीन। मारदे हना प्रभु येसु ख्रीस्‍त आ नाक्‍त जाक्‍चा क्‍येङा ङोंइती परमप्रभु यावे कली मटिथु नेल्‍ल क्‍येङा मरिम्‍शो पाइब का ग्रूब। मेको कली जाम्‍शा लाइब आ तौ यो देंनीम। १तिमोथी ४:१; १यूहन्‍ना २:१८
2TH 2:4 मेकोमी “मानेचा ङा मारेइ मबा” देंब। परमप्रभु यावे नु मानेचा ङा थोव़क आन क्‍येङा आंम कली ठेयब सेल्‍शा, परमप्रभु यावे आ खिंमी निश्‍शा “गो का ला परमप्रभु यावे नङ” देंब। दानीएल ११:३६; मत्ती २४:१५
2TH 2:5 गेपुकी नु बाक्‍ङानु, इन कली मोदेंशो लोव़ पाता। गेपुकी आं शेंशो ममिम्‍नीनी?
2TH 2:6 मेको नेल्‍ल क्‍येङा मरिम्‍शो पाइब कली तेक्‍ब कली तुइक्‍नीनी। मेको तेक्‍बमी मेको कली देंशो ना ला ग्रूचा गेब।
2TH 2:7 आ मरिम्‍शो गेय चहिं मुल बाक्‍ब। तन्‍न मतांइसीब। तेक्‍ब मयाक्‍से सम्‍म मेको ग्रूने मचाप्‍ब।
2TH 2:8 नेल्‍ल क्‍येङा मरिम्‍शो पाइब ग्रूचा तवा नोले, प्रभु येसुमी आ जाक्‍शो नु आ मुइश्‍शोमी साइक्‍ब। यसैया ११:४; प्रकाश १९:१५,२०
2TH 2:9 मेको नेल्‍ल क्‍येङा मरिम्‍शो पाइबम चहिं सैतान आ सक्ति तशा, चिन्‍ड नु छक लाक्‍चा ङा गेय पखु पाइब। मत्ती २४:२४; प्रकाश १३:११-१४
2TH 2:10 जाम्‍शा लाइब आन कली जोल शेंब। मारदे हना मेकोपुकीमी थमा शेंतीक नेंचा मदाक्‍तेम। मिनु पाप रे ब्रोंइतीक ताक्‍चा मदाक्‍तेम।
2TH 2:11 परमप्रभु यावेमी मेको आन कली दूली शेंतीक थमा सुइक्‍पाइक्‍ब। २तिमोथी ४:४
2TH 2:12 दूली शेंतीक थमा सुइक्‍बपुकी जाम्‍शा लाइनीम। मारदे हना थमा लोव़ थमा मसुइक्‍थु, मदुम्‍शो गेय दाक्‍ताक्‍मे।
2TH 2:13 प्रभु आ दाक्‍शो लोक्‍बपुकी, गोपुकीमी गेना हना यो इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्‍नीम, दे योव़तु। दोपा आ मुर दुम्‍नीनी देंशा हना, परमप्रभु यावे आ सोक्‍तीमी इन कली पाप रे ङोन वोइश्‍शा, थमा शेंतीके थमा सुइक्‍पाइक्‍तु। रोमी ८:३०
2TH 2:14 गोपुकीमी इन कली ग्‍येरपाइक्‍ब लोव़ पकानु, मेकोमी इं प्रभु येसु ख्रीस्‍त आ छेङछेङ पाइश्‍शो मुर दुम्‍मल, दे इन कली ब्रेत्‍ताक्‍व।
2TH 2:15 आंइ लोक्‍बपुकी, खोइल थेक्‍शा बाक्‍कीन। आंइ शेंशो मप्रोनीन। गो शोव़म शेंशो नु चिठीम ब्रेक्‍शा शेंशो मप्रोनीन। २थिस्‍सलोनिकी ३:६
2TH 2:16 इं प्रभु येसु ख्रीस्‍त नु इं आफ परमप्रभु यावे आस शिशीमी इं कली दाक्‍शा, गेना हना यो थुं बारपाइश्‍शा, रिम्‍शो आस गेम्‍ताक्‍स।
2TH 2:17 इन थुं बारपाइश्‍शा, इन कली रिम्‍शो गेय नु रिम्‍शो लोव़ पचा गेम्‍सेक्‍ल।
2TH 3:1 मिनु आंइ लोक्‍बपुकी, आंइ कली मिम्‍शा, प्रार्थना पने। आंइ पर्बम परमप्रभु यावे कली मार पुंइचा देंशा हना, इन दातेमी खोदेंशो पा, प्रभु आ लोव़ तेइ तेइ साव सुव ब्रशा लल। एफिसी ६:१८-१९; कलस्‍सी ४:३; १थिस्‍सलोनिकी ५:२५
2TH 3:2 गोपुकी दूली पाइब नु मरिम्‍शो मुर रे ब्रोंइचा तकल, दे प्रार्थना पने। मारदे हना मेकोपुकी थमा मसुइक्‍ब बाक्‍नीमी।
2TH 3:3 प्रभुमी चहिं इन कली दाक्‍शा मप्रोंइब। इन थुं बारपाइक्‍ब। मरिम्‍शो रे ङोन वोइश्‍शा, इन कली कोव़ब। १थिस्‍सलोनिकी ५:२४; यूहन्‍ना १५:१७
2TH 3:4 गोपुकीमी इन कली मार देंका, मेको पना पन बाक्‍शा, नोले यो पाइनीनी। प्रभुमी इन कली वारच पाइब, दे तुइक्‍नीकी। २कोरिन्‍थी ७:१६; गलाती ५:१०
2TH 3:5 प्रभुमी इन कली परमप्रभु यावे आ दाक्‍तीके नु ख्रीस्‍त आ फाल्‍तीक रुप्‍पदल।
2TH 3:6 आंइ लोक्‍बपुकी, गोपुकीमी इं प्रभु येसु ख्रीस्‍त आ नेंमी इन कली मार देंनीकी देंशा हना, गेपुकी नु बाक्‍शो लोक्‍ब सु सुम गेय पचा मदाक्‍थु बाक्‍मा, मोदेंशो पा आंइ शेंशो मटीमे, मेको नु काइ मबाक्‍कीन। २थिस्‍सलोनिकी २:१५; मत्ती १८:१७; रोमी १६:१७
2TH 3:7 गेपुकी दोपा आंइ खोदेंशो दुम्‍चा माल्‍नीनी, मेको आंमा तुइक्‍नीनी। इन दातेमी बाक्‍कानु, शुश गेय पाइतक। १थिस्‍सलोनिकी १:६
2TH 3:8 सुइ आन के मोश मजक। गोपुकीमी नाक्‍दो नाक्‍त मदेंथु, सुइ कली श्‍येत मगेचा, दे गेय पना पन बाक्‍तक। १थिस्‍सलोनिकी २:९
2TH 3:9 मोश जचा अधिकार बाक्‍त हना यो, दोपा रिम्‍शो पचा इन कली कोंइचा, दे मोदेंशो पाइतक। मत्ती १०:१०; प्रेरित २०:३५; फिलिप्‍पी ३:१७
2TH 3:10 गोपुकीमी “सुमी गेय मपाइबा, मेकोमी जचा मतवल” दे ङोंइती रे गेपुकी नु बाक्‍शा देंतक।
2TH 3:11 इन दातेमी का निक्‍शीमी काइ गेय मपथु, हिरशा गाक्‍शा मो बाक्‍नीम, देंशो नेंतक।
2TH 3:12 गोपुकीमी मोदेंशो मुर आन कली प्रभु येसु ख्रीस्‍त आ नेंमी “रिम्‍शो गेय पने। आंम आंम जचा थोव़क जशा बाक्‍कीन” दे अरेनीकी। १थिस्‍सलोनिकी ४:११
2TH 3:13 आंइ लोक्‍बपुकी, रिम्‍शो गेय पचा कली गेनायो मदने। गलाती ६:९
2TH 3:14 मिनु सु सुमी आंइ ब्रेक्‍शो लोव़ मटीमे, मेको आन कली तुइश्‍शा वोतीन। मिनु मेकोपुकी नु मबाक्‍कीन। मोदेंशो पशो तशा, मेको मुरपुकी मुने दोक्‍नीम।
2TH 3:15 मोदेंशो पशा यो, मेको मुर कली जोरी सत्रु खोदेंशो पा ममिम्‍तीन। थमा सुइक्‍ब लोक्‍ब कली खोदेंशो अर्ती गेने। १थिस्‍सलोनिकी ५:१४
2TH 3:16 थुं नाइक्‍चा गेब प्रभुमी दोदेंशो बाक्‍तीनी हना यो, इन कली गेना हना यो थुं नाइक्‍चा गेवल। प्रभु गेपुकी नेल्‍ल नु बाक्‍ल। यूहन्‍ना १४:२७
2TH 3:17 गो पावलमी एको चिठी आंमान ब्रेक्‍ताक्‍ङ। तेको चिठी ब्रेक्‍ताक्‍ङ हना यो, ओदेंब ब्रेक्‍नुङ, दे तुइक्‍नीनी। १कोरिन्‍थी १६:२१; गलाती ६:११; कलस्‍सी ४:१८
2TH 3:18 इं प्रभु येसु ख्रीस्‍त आ शिशी गेपुकी नेल्‍ल नु लील।
1TI 1:1 ख्रीस्‍त आ सोइश्‍शो गो पावल नङ। इं कली पाप रे प्रोंइब परमप्रभु यावेमी “ख्रीस्‍त येसु आ सोइश्‍शो दुमो” दे माइक्‍ती। इं कली ब्रोंइचा गेनुङ, दे कबल पाइब ख्रीस्‍त येसुमी यो मोन माइक्‍ती। कलस्‍सी १:२७
1TI 1:2 गे थमा सुइक्‍ब, आं दाक्‍शो तौ खोदेंशो तिमोथी, इ कली चिठी ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍त आस दाक्‍चा गे नु बाक्‍ल। आस शिशीमी इ कली थुं नाइश्‍शा बाक्‍चा गेम्‍सेक्‍ल। प्रेरित १६:१-२; तीतस १:४
1TI 1:3 गो मासीडोनीया रागी लङानु, गे एफिसस सहरम बाक्‍को। मेकेर मुर का निक्‍शीमी दूली लोव़ शेंनीम। मोदेंशो मशेंदीन, दे अरेवो। प्रेरित २०:३
1TI 1:4 मेकोपुकीमी मुरुमी सेल्‍शो लाइश्‍शो कथा नु किकी पिपी आन पर्बम शेंना शेंन बाक्‍नीम। मोदेंशो शेंतीके काम मलाप्‍चा ङा बाक्‍शा, परमप्रभु यावे आ शेंशो थमा सुइक्‍तीके मबारपाइक्‍ब। १तिमोथी ४:७
1TI 1:5 इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६
1TI 1:6 का निक्‍शीमी मेको शेंतीक प्रोंइशा, शोर गाक्‍शो लोव़ पाइनीम। १तिमोथी ६:४,२०
1TI 1:7 मेकोपुकीमी परमप्रभु यावे आ अरेशो लोव़ शेंब दुम्‍चा दाक्‍नीम, तन्‍न आंम देंशो लोव़ नु आंम शेंशो आंमान मरुप्‍ब बाक्‍नीम।
1TI 1:8 परमप्रभु यावे आ अरेशो लोव़ ठीक पाइब आन कली रिम्‍शो दुम्‍ब, दे गो तुइक्‍नय। रोमी ७:१२
1TI 1:9 ठीक पाइब आन कली मब्रेक्‍शो बाक्‍ब, दे यो तुइक्‍नय। तन्‍न परमप्रभु यावे आ अरेशो लोव़ मपाइब, मटीब, परमप्रभु कली ममिम्‍ब नु मरिम्‍शो पाइब आन कली ब्रेक्‍शो बाक्‍ब। परमप्रभु यावे रे ङोन बाक्‍ब, रागी कली ला मिम्‍ब, आम आफ कली साइक्‍ब, आंम ममा कली साइक्‍ब नु मुर आन कली साइक्‍ब आन कली ब्रेक्‍शो बाक्‍ब। १कोरिन्‍थी ६:९-११
1TI 1:10 तेल्‍लेम पाइब, ग्रांग्रा दिचा ङा गेय पाइब, मुर आन कली खुइ पा लेयब, जोल पाइब, जोल पा कसम जाइब नु आन गेय परमप्रभु यावे आ शेंशो नु मगारब मुर आन कली ब्रेक्‍शो बाक्‍ब।
1TI 1:11 मेको थमा शेंतीके नु नेल्‍ल आसीक पाइश्‍शो परमप्रभु यावे आ ग्‍येरपाइक्‍ब लोव़ शेंब सेल्‍ती।
1TI 1:12 एको लोव़ शेंचा कली बोल गेब इं प्रभु ख्रीस्‍त येसु कली “गे रिम्‍शो पाइब बाक्‍नीनी” देंनुङ। मारदे हना ख्रीस्‍त येसुमी आं पर्बम “थमा सुइक्‍चा ङा मुर बाक्‍ब” दे आ गेय पाइब सेल्‍ती। प्रेरित ९:१५; १कोरिन्‍थी १५:९-१०; गलाती १:१३-१६
1TI 1:13 ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।
1TI 1:14 इं प्रभुमी आ दाक्‍शो थमा सुइक्‍तीके नु दाक्‍तीके थुं ब्रीशा, क्‍युप्‍चा ङा पा गेती। मेको निम्‍फा ख्रीस्‍त येसु नु बाक्‍नीस।
1TI 1:15 मरिम्‍शो पाइब आन कली नरक रे प्रोंइचा, दे ख्रीस्‍त येसु रागीम जाक्‍त। एको लोव़ थमा बाक्‍ब नु थमा सुइक्‍चा माल्‍शो बाक्‍ब। गो नेल्‍ल क्‍येङा मरिम्‍शो पाइब नङ। लूका १९:१०
1TI 1:16 गो परमप्रभु यावे आ शिशी मारदे ताता देंशा हना, गो नेल्‍ल क्‍येङा मरिम्‍शो पाइब दुम्‍ती हना यो, येसु ख्रीस्‍त आ फाल्‍तीक सक्ति कोंइचा, दे शिशी ताता। मेको कोंइतीके नोले थमा सुइक्‍ब नु गेना हना यो, परमप्रभु यावे नु बाक्‍चा ताइब आन कली बाक्‍ब।
1TI 1:17 गेना हना यो मबेक्‍थु बाक्‍ब पिप कली सुइमी तने मचाप्‍नीम। मेको कांइचीक परमप्रभु, परमप्रभु यावे बाक्‍ब। गेना हना यो मान ताक्‍चा नु छेङछेङ मेको केन बाक्‍ब। आमेन।
1TI 1:18 आं तौ तिमोथी, परमप्रभु यावेमी इ पर्बम पशो लोव़ तुइक्‍पाइक्‍ती। मेको लोव़ इ कली मिम्‍पाइक्‍नुङ। मेको लोव़ मिम्‍शा ग्राने चाप्‍नेवे। १तिमोथी ४:१४; १तिमोथी ६:१२; यहूदा ३
1TI 1:19 थमा सुइक्‍तीके नु इ थुं ङा रिम्‍शो मिम्‍तीके टिशा बाक्‍को। आन थुं ङा रिम्‍शो मिम्‍तीके कली मटीब का निक्‍शीमी थमा सुइक्‍चा प्रोंइतेक्‍म। १तिमोथी ३:९; १तिमोथी ६:१०
1TI 1:20 मेको आन दातेमी हीमेनेयस नु अलेक्‍जन्‍डर बाक्‍नीसी। परमप्रभु यावे आ पर्बम मरिम्‍शो लोव़ मपचा, दे शेंचा कली, गो मेको आस कली सैतान आ गुइमी जिम्‍मा गेतासी। २तिमोथी २:१७; १कोरिन्‍थी ५:५
1TI 2:1 आं के नेल्‍ल क्‍येङा ठेयब अरेशो लोव़ मार बाक्‍ब देंशा हना, परमप्रभु यावे नु बाक्‍शा, मेको नु लोव़ पचा नु नेल्‍ल मुर आन पर्बम पुंइना पुंइन बाक्‍चा माल्‍नय। मेको आन पर्बम “गे मेको आन कली रिम्‍शो पाइतीनी” दे परमप्रभु यावे कली ठेयब सेल्‍चा माल्‍नय।
1TI 2:2 पिप नु सरकार ङा ठेयब अधिकार पाइश्‍शो मुर आन पर्बम यो मोदेंशो पुंइतीक लोव़ पचा माल्‍नय। मो पा गो रिम्‍शो, थुं नाइश्‍शा, इं गेयमी परमप्रभु यावे कली मिम्‍चा, दाक्‍चा नु नेल्‍ल गेयमी ठीक दुम्‍शा बाक्‍य।
1TI 2:3 मोदेंशो मरिम्‍शो गेय प्रोंइब परमप्रभु यावे आ ङोंइती रिम्‍शो नु दाक्‍चा ङा बाक्‍ब।
1TI 2:4 परमप्रभु यावेमी नेल्‍ल मुर आन कली मरिम्‍शो गेय रे प्रोंइश्‍शा, थमा लोव़ तुइक्‍पाइक्‍चा दाक्‍ब। इजीकीएल १८:२३; रोमी ११:३२; २पत्रुस ३:९
1TI 2:5 परमप्रभु यावे का ला बाक्‍ब। मेको नु मुर आन कली गारपाइक्‍चा कली येसु ख्रीस्‍त रागीम जाक्‍शा, मुर दुम्‍शो यो का ला बाक्‍ब। हिब्रू ९:१५
1TI 2:6 मेकोमी मुर नेल्‍ल आन कली पाप रे प्रोंइचा, दे आंम कली जिम्‍मा गेप्‍तु। एको लोव़ मेना रे शेंचा गोम्‍तेक्‍म। गलाती १:४; गलाती २:२०; तीतस २:१४
1TI 2:7 मोपतीके परमप्रभु यावेमी एको लोव़ शेंब नु ख्रीस्‍त आ सोइश्‍शो सेल्‍ती। गो जोल मपथु, थमा लोव़ पाइनुङ। इस्राएली आन कली ममाइ, तन्‍न रागी रागी ङा मुर आन कली थमा सुइक्‍तीके आ पर्बम शेंब नु थमा लोव़ शेंब सेल्‍ती। २तिमोथी १:११; गलाती २:७-८
1TI 2:8 तेइ तेइ ङा वोंइश मुरपुकीमी प्रार्थना पचा माल्‍नीम। परमप्रभु यावे कली थुं नेल्‍लेम थमा सुइक्‍ब गे गुइ पोक्‍शा, मगाइक्‍ब नु मजीब दुम्‍शा, परमप्रभु यावे नु लोव़ पशो तचा दाक्‍नुङ।
1TI 2:9 मीश मुरपुकी यो ठीक पा फेक्‍शा, गेय पचा ङोंइती मिम्‍शा, रिम्‍शो बाक्‍चा माल्‍नीम। मोपा चांमी मार मार वोइश्‍शा लामा प्रोव़शा, सुन मोती नु शुश क्‍येट लाइब वामी मग्‍योम्‍समल। १पत्रुस ३:३-५
1TI 2:10 परमप्रभु यावे कली मिम्‍ब मीश मुर रिम्‍शो पतीकेमी “गो परमप्रभु यावे कली दाक्‍ब नङ” दे कोंइनीम। १तिमोथी ५:१०
1TI 2:11 मीश मुरपुकीमी टीब दुम्‍शा, रिम्‍शो पा नेंशा शेंसमल। एफिसी ५:२२
1TI 2:12 वोंइश मुर आन कली शेंतीक अधिकार मीश मुर आन कली मगेनुङमी। मेकोपुकी सिक्‍सी पा बाक्‍मल। १कोरिन्‍थी १४:३४; उत्‍पत्ती ३:१६
1TI 2:13 ङोंइती आदम, नोले हव्‍वा सेल्‍शो बाक्‍त।
1TI 2:14 आदम ङोंइती हेंथे मगाक्‍शो बाक्‍त। मीश मुर चहिं मिक्‍च सिल्‍चा पुंइसीशा, परमप्रभु यावे कली मटीब दुम्‍शो बाक्‍त। उत्‍पत्ती ३:६
1TI 2:15 मो हना यो मीश मुरपुकी रागीम आल जरमेसे ङा मेरे ब्रोंइचा ताइनीम। तन्‍न मेकोपुकी थमा सुइक्‍ब दुम्‍शा, दाक्‍मुशा, परमप्रभु यावे आ मुर दुम्‍शा नु ठेयब मलेत्‍थु बाक्‍चा माल्‍नीम। १तिमोथी ५:१४; तीतस २:४-५
1TI 3:1 सुमी थमा सुइक्‍ब आन कली कोव़ब दुम्‍चा दाक्‍बा, मेको ठेयब नु रिम्‍शो गेय माल्‍ब बाक्‍ब। एको लोव़ थमा बाक्‍ब। प्रेरित २०:२८; तीतस १:५-९
1TI 3:2 थमा सुइक्‍ब आन कली कोव़ब काइ दोस गेचा मपुंइसीशो बाक्‍चा माल्‍ब। मीश का के ला वोंइश बाक्‍चा माल्‍ब। गेय पचा ङोंइती मिम्‍ब, आ गेय नेल्‍ल कली रिम्‍शो पाइब, मुर आन कली बास गेब नु रिम्‍शो शेंब बाक्‍चा माल्‍ब।
1TI 3:3 राकसी शांबु तूशा दुक्‍ब नु तुप्‍ब मुर थमा सुइक्‍ब आन कली कोव़ब दुम्‍ने मचाप्‍ब। थमा सुइक्‍ब आन कली कोव़ब रिम्‍शो थुं पाइश्‍शो बाक्‍चा माल्‍ब। जिचा पोक्‍ब नु क्‍येट शुश दाक्‍बमी एको गेय पने मचाप्‍ब।
1TI 3:4 आंम खिं ङा मुर आन कली रिम्‍शो कोव़ब बाक्‍चा माल्‍ब। आंम आलपुकी टीब नु मुर नु रिम्‍शो पाइब बाक्‍चा माल्‍नीम।
1TI 3:5 मारदे हना आंम खिं ङा मुर आन कली रिम्‍शो कोव़ने मचाप्‍ब बाक्‍त हना, दोपा परमप्रभु यावे आ खिं ङा मुर आन कली कोव़ने चाप्‍बा ङा?
1TI 3:6 थमा सुइक्‍चा नक गोशो मुर थमा सुइक्‍ब आन कली कोव़ब दुम्‍ने मचाप्‍ब। मारदे हना मेको बोरशा ठेयब लेश्‍शो दुम्‍ब। मिनु सैतानमी मेको कली रेश्‍शा, खतम सेल्‍‍ब।
1TI 3:7 थमा मसुइक्‍बपुकीमी यो थमा सुइक्‍ब आन कली कोव़ब आ पर्बम रिम्‍शो लोव़ पचा माल्‍नीम। मोदेंशो मदुम्‍त हना, दोस गेचा पुंइसीब। मिनु सैतान आ ग्‍याइलीम रेप्‍ब।
1TI 3:8 थमा सुइक्‍ब आन ग्रुम्‍तीक खिं ङा गेय पाइबपुकी यो रिम्‍शो मुर बाक्‍चा माल्‍नीम। लोव़ क्‍याल्‍ब, शुश राकसी शांबु तूब नु क्‍येट ला मिम्‍बमी मोदेंशो गेय पने मचाप्‍नीम। प्रेरित ६:३; फिलिप्‍पी १:१
1TI 3:9 मेकोपुकीमी रिम्‍शो थुंमी थमा सुइश्‍शा, मेकेर ङा ख्रुइश्‍शो लोव़ मिम्‍ने चाप्‍ब दुम्‍चा माल्‍नीम। १तिमोथी १:२९
1TI 3:10 ङोंइती गे मेको आन थुं कोव़चा माल्‍नेवे। मिनु शुश रिम्‍शो पाइब बाक्‍ब, दे तुइश्‍शा ला थमा सुइक्‍ब आन ग्रुम्‍तीके खिंमी गेय पचा कली वोइक्‍ने चाप्‍नेवे।
1TI 3:11 आ मीश यो रिम्‍शो बाक्‍शा, डुलेथ मगाक्‍थु, गेय पचा ङोंइती मिम्‍ब बाक्‍चा माल्‍ब। मेको आ गेय नेल्‍ले रिम्‍शो पा पचा माल्‍ब। तीतस २:३
1TI 3:12 थमा सुइक्‍ब आन ग्रुम्‍तीके खिंमी गेय पाइब मीश का आ वोंइश दुम्‍चा माल्‍ब। मेकोमी आ आल नु आंम खिं ङा मुर नेल्‍ल आन कली रिम्‍शो पा कोव़ब दुम्‍‍चा माल्‍ब।
1TI 3:13 मोदेंशो पाइबमी थमा सुइक्‍ब आन ग्रुम्‍तीकेमी आंम कली रिम्‍शो नें सेल्‍नीमी। ख्रीस्‍त येसु कली आंम थमा सुइक्‍तीके शुश बारपाइक्‍नीमी।
1TI 3:14 गो इ कली रीब पा ग्रुम्‍नुङ, दे आस पाइनुङ। मिनु इ कली ओदेंशो अरेतीक लोव़ मारदे ब्रेक्‍ताक्‍ङ देंशा हना,
1TI 3:15 गो नोले दुम्‍ती हना, परमप्रभु यावे आ खिं ङा मुरपुकी दोपा बाक्‍चा माल्‍नीमी, मेको तुइक्‍तमेक्‍ल। मेकोपुकी ब्रोंइचा गेब परमप्रभु यावे आ ग्रुम्‍तीक खिं ङा मुर बाक्‍नीम। मेको थमा लोव़ ङा थाम नु बोल्‍यो हिरशो गारो खोदेंशो बाक्‍नीम। एफिसी २:१९-२२
1TI 3:16 इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१
1TI 4:1 परमप्रभु यावे आ सोक्‍तीमी “नोले ङा नाक्‍तीम का निक्‍शी थमा सुइक्‍बपुकीमी थमा सुइक्‍चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नें‍नीम” देंत। मत्ती २४:२४; २थिस्‍सलोनिकी २:३; २तिमोथी ३:१; २पत्रुस ३:३; १यूहन्‍ना २:१८; यहूदा १८
1TI 4:2 मेको मुर आन थुं ङा मिम्‍तीके खतम दुम्‍ब। मिनु जोल शेंनीम।
1TI 4:3 मेकोमी “ग्‍युंबे पचा मदुम्‍ब, का निक्‍शी थोव़क जचा मदुम्‍ब” दे शेंनीमी। परमप्रभु यावेमी थमा सुइक्‍ब आन कली सेल्‍शा गेशो मेको जचा थोव़क “गे रिम्‍शो पाइब बाक्‍नीनी” दे जचा ब्‍वचा दुम्‍ब। उत्‍पत्ती ९:३; १कोरिन्‍थी १०:३०-३१; कलस्‍सी २:२३
1TI 4:4 तन्‍न परमप्रभु यावे आ सेल्‍शो नेल्‍ल रिम्‍शो बाक्‍ब। मुरुमी परमप्रभु यावे कली “गे रिम्‍शो पाइतीनी” दे नेल्‍ल जचा ब्‍वचा दुम्‍ब। उत्‍पत्ती १:३१; मत्ती १५:११; प्रेरित १०:१५
1TI 4:5 मारदे हना परमप्रभु यावे आ लोव़ नु प्रार्थनामी मेको नेल्‍ल परमप्रभु यावे आ गेशोन बाक्‍ब, दे तुंइ‍सीब।
1TI 4:6 गे एको लोव़ थमा सुइक्‍ब लोक्‍ब आन कली शेंताक्‍वी हना, ख्रीस्‍त येसु आ रिम्‍शो गेय पाइब दुम्‍नेवे। गे थमा सुइक्‍तीक ङा लोव़ नु रिम्‍शो शेंतीके तुइक्‍ना तुइक्‍न आ नोले खोइक्‍नेवे। २तिमोथी २:१५
1TI 4:7 तन्‍न मुरुमी सेल्‍शो नु मरिम्‍शो कथापुकी मनेनो। परमप्रभु यावे कली मिम्‍शा दाक्‍शा बाक्‍को। १तिमोथी ६:२०; २तिमोथी २:१६,२३; २तिमोथी ४:४; तीतस १:१४; तीतस ३:९
1TI 4:8 रां कली रिम्‍शो पतीके इच्‍का ला रिम्‍शो बाक्‍ब। परमप्रभु यावे कली मिम्‍शा दाक्‍तीके नेल्‍ल क्‍येङा रिम्‍शो बाक्‍ब। मारदे हना मुल कली रिम्‍शो बाक्‍ब नु गेना हना यो परमप्रभु यावे नु बाक्‍चा कली नोले यो रिम्‍शो बाक्‍ब। १तिमोथी ६:६
1TI 4:9 एको देंशो लोव़ थमा बाक्‍ब नु नेल्‍ल थमा सुइक्‍चा माल्‍शो बाक्‍ब।
1TI 4:10 एको लोव़ शेंशा श्‍येत जशा, शेंतीक गेय पाइनय। मारदे हना ब्रोंइचा गेब परमप्रभु यावे कली आस पाइनय। मेको नेल्‍ल मुर आन कली प्रोंइब बाक्‍ब। मोपा थमा सुइक्‍बपुकी पाप रे ब्रोंइचा ताइनीम।
1TI 4:11 एको लोव़ अरेशा शेंदो।
1TI 4:12 गे ठिटा बाक्‍ते हना यो, लोव़ पतीकेमी, मुर नु गेय पतीकेमी, दाक्‍तीकेमी, थमा सुइक्‍तीकेमी नु ग्रांग्रा मदि‍शोमी थमा सुइक्‍ब नेल्‍ल आन कली कोंइतीक दुमो। मिनु तोक्‍शो लोव़ पचा मगेमी। तीतस २:१५; २तिमोथी २:२२
1TI 4:13 गो मजाक्‍ङा सम्‍म मुर आन कली परमप्रभु यावे आ लोव़ पढेशा, नेंपाइक्‍ना पाइक्‍न नु शेंना शेंन बाक्‍को।
1TI 4:14 थमा सुइक्‍ब आन शेंब खाल्‍पापुकीमी इ पिया तारी गुइ वोइश्‍शा, परमप्रभु यावेमी तुइक्‍पाइश्‍शो लोव़ पशा, इ कली गेय पतीके सक्ति गेशो बाक्‍त। मेको गेय रिम्‍शो पा पावो। १तिमोथी १:१८; १तिमोथी ५:२२; प्रेरित ६:६; प्रेरित ८:१७; २तिमोथी १:६
1TI 4:15 मोपा बाक्‍को। मेको इ पशो तशा, नेल्‍लेमी इ थमा सुइक्‍तीके बारशो तामेक्‍ल।
1TI 4:16 आंम कली नु इ शेंतीके कली रिम्‍शो पा होस पावो। मोदेंशो पा, गे आंम इ कली नु इ लोव़ नेंब आन कली श्‍येत रे प्रोंइनेवे। रोमी ११:१४
1TI 5:1 शेंब खाल्‍पा आन कली महुइक्‍तो, तन्‍न आंम आफ कली खोदेंशो पा लोव़ पावो। ठिटा वोंइश मुर आन कली लोक्‍ब खोदेंशो मिम्‍तो। लेवी १९:३२; तीतस २:२
1TI 5:2 मीश मुर आन कली इम्‍मा खोदेंशो मिम्‍तो। ठिटी आन कली समी खोदेंशो मिम्‍तो। मोपा नेल्‍ले रिम्‍शो पावो।
1TI 5:3 आन वोंइश बेक्‍शो रिम्‍शो पाइब मीश मुर आन कली ठेयब सेलो।
1TI 5:4 आन वोंइश बेक्‍शो मीश मुर आ तमी तौ, चच युइ बाक्‍तेक्‍म हना, मेकोपुकीम आंम खिं ङा मुर आन कली रिम्‍शो गेय पा कोंइचा माल्‍नीम। आम आफ आस कली रिम्‍शो पचा माल्‍नीम। मेको परमप्रभु यावे आ ङोंइती शुश रिम्‍शो बाक्‍ब।
1TI 5:5 आ वोंइश बेक्‍शो मीश मुर रिम्‍शो बाक्‍त हना, परमप्रभु यावे कली ला मिम्‍ब। मेकोमी नाक्‍दो नाक्‍त प्रार्थना पा पुंइना पुंइन बाक्‍ब। लूका २:३७
1TI 5:6 आ दला दाक्‍स पाइब चहिं सेस बाक्‍त हना यो, बेक्‍शो खोदेंशो दुम्‍ब।
1TI 5:7 एको लोव़ शेंदीमी। मेकोपुकी दोस गेचा मपुंइसीब दुम्‍मल।
1TI 5:8 सुमी आ खिं ङा मुर आन कली मकोव़बा, मेको आ थमा सुइक्‍तीके जाम्‍शा लशा, थमा मसुइक्‍ब आन क्‍येङा यो मरिम्‍शो दुम्‍ब। मत्ती १५:५-६
1TI 5:9 वोंइश बेक्‍शो मीश मुर ६० बर्स दुम्‍ने थुम्‍शा ला, वारच पचा कली आ नें ब्रेक्‍सीब। मेको वोंइश का आ मीश ला दुम्‍चा माल्‍ब।
1TI 5:10 आ तमी तौ रिम्‍शो पा कोल्‍पाइश्‍शा, मुर आन कली बास बाक्‍चा गेशा, थमा सुइक्‍ब आन खोइली चिक्‍शा, श्‍येत जाइब आन कली वारच पशा, नेल्‍लेमी रिम्‍शो पना पन बाक्‍ब, दे मुरपुकीमी तुइश्‍शो मीश मुर आ नें ला ब्रेक्‍सीब। हिब्रू १३:२; यूहन्‍ना १३:१४
1TI 5:11 वोंइश बेक्‍शो ठिटी मीश मुर आन कली वारच पचा कली आन नें मब्रेक्‍चा। मारदे हना आन दला दाक्‍स पा ख्रीस्‍त कली प्रेंताक्‍म हना, ग्‍युंबे पचा ला मिम्‍नीम।
1TI 5:12 मिनु आन ङोंइती देंशो प्रोंइशा, दोस ताइब दुम्‍नीम।
1TI 5:13 मेकोपुकी मुर आन खिं खिं हिरथ लाइनीम। अल्‍सी ला ममाइ, मदेंचा ङा लोव़ यो शुश पाइनीम।
1TI 5:14 मोपतीके वोंइश बेक्‍शो ठिटी मीश मुरपुकीमी ग्‍युंबे पा, आल थिशा, आन खिं ङा गेय पामेक्‍ल। मो पाम्‍तेक्‍म हना, मरिम्‍शो पा गाक्‍चा मताइनीम। अरुमी यो थमा सुइक्‍ब आन पर्बम मरिम्‍शो लोव़ पचा मताइनीम। १तिमोथी २:१५; १कोरिन्‍थी ७:९
1TI 5:15 का निक्‍शीमी सैतान कली खोइक्‍चा गोम्‍तेक्‍म।
1TI 5:16 थमा सुइक्‍ब आन खिंमी वोंइश बेक्‍शो मीश मुरपुकी बाक्‍तेक्‍म हना, मेको आन कली वारच पामेक्‍ल। मिनु ग्रुम्‍तीके कली श्‍येत मदुम्‍थु, वोंइश बेक्‍शा, का ला लीशो मीश मुर आन कली वारच पचा ताइब। प्रेरित ६:१
1TI 5:17 ग्रुम्‍तीके खिंमी श्‍येत पा लोव़ पाइब नु शेंब खाल्‍पा आन कली निक्‍शी खेयप मान पा क्‍येट गेचा माल्‍नीम। प्रेरित १४:२३; रोमी १२:८
1TI 5:18 परमप्रभु यावे आ लोव़मी “ब्‍यफ कली दांइ पपाइश्‍शोनु, फुङला मपाइक्‍चा” मिनु “गेय पाइब आन गाल्‍च ताइब बाक्‍नीम” दे ब्रेक्‍शो बाक्‍ब। ब्‍‍यवस्‍था २५:४; १कोरिन्‍थी ९:९; लूका १०:७
1TI 5:19 मुर कामी ग्रुम्‍तीक ङा शेंब खाल्‍पा कली दोस गेप्‍तु हना, सांकछी निक्‍शी सां मबाक्‍थु, थमा मसुतो। ब्‍‍यवस्‍था १९:१५; मत्ती १८:१६
1TI 5:20 सु मरिम्‍शो पना पन बाक्‍मे, मेको कली थमा सुइक्‍ब आन ङोंइती हुइक्‍तो। मिनु मेको नेंब नेल्‍लेमी मरिम्‍शो पचा हिंनीम। गलाती २:१४; मत्ती १८:१५-१७
1TI 5:21 परमप्रभु यावे, ख्रीस्‍त येसु नु योव़शो परमप्रभु यावे आ स्‍वर्ग ङा गेय पाइब आन ङोंइती “मुर आन कुल मकोव़थु, आं देंशो नेल्‍ल पावो” दे इ कली अरेनुङ। मुर आन कुल कोव़शा, मारेइ मपावो।
1TI 5:22 मुर आन कली ब्रो थिशा, आन तार गुइ वोइश्‍शा, प्रार्थना मपावो। मुर आन मरिम्‍शो पतीकेमी मगरो। मरिम्‍शो रे ङोन बाक्‍को। १तिमोथी ४:१४
1TI 5:23 ङोंइती ङा खोदेंशो पा ब्‍वाक्‍कु ला मतूङो। इ कोव़ज रोइ पतीके इच्‍का अङगुर शांबु ब्‍वाइश्‍शा तूङो।
1TI 5:24 मुर का निक्‍शी आन मरिम्‍शो पशो तुंइ‍सीब। सजाइ ताइनीम, दे यो तुंइ‍सीब। का निक्‍शी आन मरिम्‍शो पशो चहिं नोले ला तुंइसीब।
1TI 5:25 मोपा मुर का निक्‍शी आन रिम्‍शो पशो मतुंइ‍साक्‍व हना यो, ख्रुइश्‍शा लीने मचाप्‍नीम।
1TI 6:1 वाइलीम वाइल नेल्‍लेमी आन होव़प मान ताक्‍चा शिरशो बाक्‍नीम, दे मिम्‍चा माल्‍नीम। मोपा मुरपुकीमी परमप्रभु यावे आ नें नु आ शेंतीके आइक्‍च मसेल्‍नीम। एफिसी ६:५; तीतस २:९-१०
1TI 6:2 सु सु आन होव़प थमा सुइक्‍ब बाक्‍मा, मेको आन पर्बम “थमा सुइक्‍ब लोक्‍ब दुम्‍शा, मान गेचा ममाल्‍नुङ” दे ममिम्‍तमेक्‍ल। मेकोपुकीमी ङोंइती क्‍येङा रिम्‍शो पचा माल्‍नीमी, दे मतो। मारदे हना मेको आन गेय गेब थमा सुइक्‍ब नु दाक्‍शो मुर दुम्‍त। मोदेंशो पचा शुश शेंदो। फिलेमोन १६
1TI 6:3 सुमी अरु शेंतीक शेंबा, मेकोमी इं प्रभु येसु ख्रीस्‍त आ थमा लोव़ नु आ शेंतीके नु मगारचा ङा शेंब। मेको आं देंशो थमा लोव़ चहिं परमप्रभु यावे कली मिम्‍ब नु दाक्‍ब थुं रे बाक्‍ब। २तिमोथी १:१३
1TI 6:4 मेको अरु लोव़ शेंब ठेयब लेश्‍शो मारेइ मजोक्‍ब बाक्‍नीम। आन लोव़ ला आ तार पशा, जिचा पोक्‍चा माल्‍नीम। मेकोपुकीमी गेहे पाइब, जीब, मरिम्‍शो लोव़ पाइब नु मरिम्‍शो मिम्‍ब सेल्‍नीम। २तिमोथी २:१४; तीतस ३:१०-११
1TI 6:5 मेकोपुकीमी मुर आन दातेमी जिचा पोक्‍नीम। आन थुं गशो खोदेंशो दुम्‍शा, थमा लोव़ रुप्‍‍ने मचाप्‍नीम। परमप्रभु यावे कली मिम्‍चा, दाक्‍चा क्‍येट चेम्‍तीके बाक्‍ब, दे मिम्‍नीम।
1TI 6:6 परमप्रभु यावे कली बोल्‍यो थमा सुइक्‍चा चहिं थुं नाइक्‍तीक बाक्‍ब। १तिमोथी ४:८; मत्ती ६:२५-३४; फिलिप्‍पी ४:११-१२; हिब्रू १३:५
1TI 6:7 मारदे हना गोपुकीम जरमेशोनु, मारेइ पने मचाक्‍नय। बेक्‍शोनु यो मारेइ मलाइक्‍नय। अय्‍युब १:२१; भजन संग्रह ४९:१८; उपदेसक ५:१४
1TI 6:8 जचा फेक्‍चा गाप्‍त हना, ग्‍येरसय। हितोपदेस ३०:८
1TI 6:9 तन्‍न सु सु शुश क्‍येट थीब दुम्‍चा दाक्‍नीमी, मेको आन थुं थाम्‍चा पुंइसीशा, ग्‍याइलीम रेश्‍शो खोदेंशो पा, निप्‍स मपाइश्‍‍शो नु श्‍येत जाइब दुम्‍नीम। आंम कली खतम सेल्‍सीशो बाक्‍नीम। हितोपदेस २८:२२; मत्ती १३:२२
1TI 6:10 क्‍येट कली दाक्‍ब मरिम्‍शो आन क्‍येङा यो मरिम्‍शो बाक्‍ब। मोपा क्‍येट दाक्‍ब का निक्‍शीमी थमा सुइक्‍तीके प्रोंइशा, आंम थुं कली तूशो खोदेंशो पा शुश खाइक्‍पाइक्‍तेक्‍म। एफिसी ५:५; १तिमोथी १:१९
1TI 6:11 मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२
1TI 6:12 थमा सुइश्‍शा ग्राङो। “गेना हना यो परमप्रभु यावे नु बाक्‍ब दुम्‍ती” दे मिम्‍तो। गे शुश मुर आन ङोंइती इ थमा सुइश्‍शो आ पर्बम रिम्‍शो लोव़ पाप्‍तीवी। मेना गे गेना हना यो ब्रोंइशा बाक्‍चा ताइब, दे ब्रेत्‍चा पुंइसीशो बाक्‍ते। १तिमोथी १:१८; १कोरिन्‍थी ९:२५-२६; २तिमोथी ४:७; १तिमोथी ४:१४; हिब्रू ३:१
1TI 6:13 नेल्‍ल आन कली ब्रोंइचा गेब परमप्रभु यावे नु ख्रीस्‍त येसु पन्‍तीयस पिलातस कली रिम्‍शो सांकछी गेब बाक्‍त। गो इ कली परमप्रभु यावे नु ख्रीस्‍त येसु आस ङोंइती अरेनुङ। यूहन्‍ना १८:३६-३७; प्रकाश १:५
1TI 6:14 मार अरेनुङ देंशा हना, इं प्रभु येसु ख्रीस्‍त मजाक्‍म सम्‍म गे मेको आ शेंशो लोव़ मखाल्‍थु शेंदीमी। मिनु सुइमी दोस गेचा मतामेक्‍ल।
1TI 6:15 येसु ख्रीस्‍त जाक्‍मेनु, नेल्‍ल आसीक तशा, नेल्‍ल सक्ति पाइश्‍शो पिप आन पिप नु प्रभु आन प्रभु दुम्‍शा जाक्‍त। ब्‍यवस्‍था १०:१७; प्रकाश १७:१४
1TI 6:16 मेको ला गेनायो मबेक्‍ब। सुइ आन कोव़ने मचाप्‍चा ङा पा छेङछेङमी बाक्‍ब। सुइमी मेको कली गेनायो मताम। तने यो मचाप्‍नीमी। मेको मान तशा नेल्‍ल क्‍येङा सक्ति पाइश्‍शो बाक्‍ब। आमेन। प्रस्‍थान ३३:२०; यूहन्‍ना १:१८
1TI 6:17 गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१
1TI 6:18 मेकोपुकीमी रिम्‍शो गेय पतीकेमी गेनायो मनुप्‍ब शोंप पाइश्‍शो दुम्‍मल। हाइश्‍शो दुम्‍शा, मुर आन कली गेब दुम्‍चा माल्‍नीम।
1TI 6:19 मो पाम्‍तेक्‍म हना, नोले रिम्‍शो दुम्‍नीम। बोल्‍यो जग खोदेंशो पा, गेना हना यो ब्रोंइशा बाक्‍चा ताइब दुम्‍नीम। मेको ला थमा ब्रोंइचा बाक्‍ब। मत्ती ६:२०; लूका १६:९
1TI 6:20 तिमोथी, इ कली शेंशो लोव़ रिम्‍शो पा पावो। जाम्‍शा लाइब लोव़ नु जिचा पोक्‍तीक लोव़, तुइक्‍ब थुं रे पीब देंखु पाइनीम। मेको रे ङोन बाक्‍को। २तिमोथी १:१२-१४; १तिमोथी ४:७
1TI 6:21 मारदे हना का निक्‍शीमी मोदेंशो लोव़ मिम्‍शा पशा, आन थमा सुइक्‍तीके जाम्‍शा लत। परमप्रभु यावे आ शिशी गे नु लील। १तिमोथी १:६; २तिमोथी २:१८
2TI 1:1 गो परमप्रभु यावे आ दाक्‍शो ख्रीस्‍त येसु आ सोइश्‍शो पावल नङ। ङोंइती परमप्रभु यावेमी “ख्रीस्‍त येसुमी गेना हना यो ब्रोंइशा बाक्‍तीक बाक्‍ब” दे आ लोव़ खाप्‍शो बाक्‍त।
2TI 1:2 एको चिठी आं दाक्‍शो तौ तिमोथी, इ कली ब्रेक्‍ताक्‍ङ। इं आफ परमप्रभु यावे नु इं प्रभु येसु ख्रीस्‍त आस दाक्‍चा गे नु लील। मेको आस शिशीमी इ कली थुं नाइश्‍शा बाक्‍चा गेम्‍सेक्‍ल।
2TI 1:3 गो परमप्रभु यावे कली “गे रिम्‍शो पाइब बाक्‍नीनी” दे गेय पाइनुङ। आं के किकी पिपी यो मोदेंशो पशो बाक्‍तेक्‍म। आं प्रार्थनामी इ कली गेना हना यो मिम्‍नुङ। फिलिप्‍पी ३:५; प्रेरित २३:१; प्रेरित २४:१६
2TI 1:4 गो इ ङाक्‍शो मिम्‍शा, नाक्‍दो नाक्‍ती इ कली ग्रुम्‍चा दे मिम्‍नुङ। मेकोमी आं कली ग्‍येरपाइक्‍ब। २तिमोथी ४:९
2TI 1:5 इ रिम्‍शो थमा सुइक्‍तीके मिम्‍नुङ। मोदेंशो थमा सुइक्‍तीके ङोंइती इ बगे लोइसमी, नोले इम्‍मा युनीसमी बाक्‍शो बाक्‍त। मुल थमा पा इ आगाम बाक्‍ब। गो मेको तुइक्‍नुङ। प्रेरित १६:१-३
2TI 1:6 मोपतीके गो इ कली आं गुइ इ तारी वोदुनु, परमप्रभु यावेमी इ कली मार मार गेवा, मेको लेंशा मी खोदेंशो पा ब्रपतो, दे फ्रुक्‍पाइक्‍नन। १तिमोथी ४:१४
2TI 1:7 मारदे हना परमप्रभु यावेमी इं कली हिंब थुं मगेव। तन्‍न सक्ति पाइश्‍शो, दाक्‍पाइक्‍ब नु गेय पचा ङोंइती मिम्‍पाइक्‍ब थुं गेप्‍तु। रोमी ८:१५
2TI 1:8 इं प्रभु आ पर्बम लोव़ पचा मुने मपावो। गो प्रभु आ पर्बम जेल्‍खानम बाक्‍शो आं पर्बम यो मुने मपावो। तन्‍न ग्‍येरपाइक्‍ब लोव़ आ पर्बम परमप्रभु यावे आ सक्तिमी श्‍येत फलो। रोमी १:१६; पत्रुस ४:१६
2TI 1:9 परमप्रभु यावेमी सैतान रे प्रोंइशा “आं मुर नम” दे ब्रेत्‍ताक्‍व। इं रिम्‍शो पतीके कोव़शा ममाइ, आ माल्‍शो नु शुश ङोंइती रे ख्रीस्‍त येसुमी इं कली गेशो दाक्‍तीके आ पर्बम ब्रेत्‍ताक्‍व। तीतस ३:५
2TI 1:10 मुल इं कली पाप रे प्रोंइब येसु ख्रीस्‍त कली रागीम सोइश्‍शा, मुर नेल्‍ल आन कली तपाइक्‍तु। ख्रीस्‍त येसुमी बेक्‍तीक कली ग्राशा, ब्रोंइतीके नु गेना हना या ब्रोंइशा बाक्‍शा, परमप्रभु यावे आ ग्‍येरपाइक्‍ब लोव़ आ पतीकेमी छेङछेङमी वोइश्‍शो खोदेंशो पा तुइक्‍पाइक्‍तु। १कोरिन्‍थी १५:५५-५७; हिब्रू २:१४
2TI 1:11 मेको ग्‍येरपाइक्‍ब लोव़ तुइक्‍पाइक्‍चा, दे गो लोव़ पाइब, ख्रीस्‍त आ सोइश्‍शो नु शेंब दुम्‍ती। १तिमोथी २:७
2TI 1:12 मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।
2TI 1:13 थमा लोव़ कली खोतो। मेको ख्रीस्‍त येसुमी बाक्‍शो थमा सुइक्‍तीके नु दाक्‍तीके बाक्‍ब। गे आं लोव़ रे तुइक्‍नेवे।
2TI 1:14 इं आगामी बाक्‍शो परमप्रभु यावे आ सोक्‍तीमी इ कली तुइक्‍पाइश्‍शो थमा शेंतीके कली खोतो।
2TI 1:15 नेल्‍ल एसीया ङा मुरपुकीमी आं कली प्रोंइतीमी दे तुइक्‍नेवे। मेको आन दातेमी फीगेलस नु हेरमोगेनेस बाक्‍नीसी। २तिमोथी ४:१६
2TI 1:16 प्रभुमी ओनेसीफरस आ खिं ङा मुर आन कली शिशी पवल। मारदे हना साङलोम पाइश्‍शो बाक्‍ङानु, ओनेसीफरस आं पर्बम मुने मपथु, आं कली शुश रिम्‍शो पाप्‍तु। २तिमोथी ४:१९
2TI 1:17 मेकोमी रोम सहर जाक्‍दीश्‍शा, आं कली शुश माल्‍शा थित्‍ती।
2TI 1:18 प्रभुमी मेको कली आ निसाफ पतीक नाक्‍तीमी शिशी पवल। मेकोमी एफिसस सहरमी शुश गेय पाप्‍तु, दे यो तुइक्‍नेवे।
2TI 2:1 आं तौ, गे ख्रीस्‍त येसुमी बाक्‍शो शिशी मिम्‍शा, बोल्‍यो दुम्‍शा बाक्‍को। एफिसी ६:१०
2TI 2:2 गो शुश मुर आन ङोंइती इ कली नेंपाइश्‍शो लोव़ रिम्‍शो थमा सुइक्‍ब आन कली शेंदीमी। मेकोपुकीमी यो अरु आन कली शेंने चाप्‍नीम।
2TI 2:3 ख्रीस्‍त येसु आ रिम्‍शो सिपाही खोदेंशो दुम्‍शा, श्‍येत फलो। २तिमोथी १:८; २तिमोथी ४:५
2TI 2:4 लडाइ पाइब सिपाहीपुकीमी खिं ङा गेय मपाइनीम। मारदे हना आन ठेयब मुरपुकीम दें‍शो ला पाइनीमी।
2TI 2:5 दोरतीक दोरबमी हेंथे पा दोरत हना, ग्राने मचाप्‍ब। २तिमोथी ४:८; १कोरिन्‍थी ९:२४-२७
2TI 2:6 सुमी रूम शुश गेय पाइबा, मेको आ बाली नाली आ ङोंइती ङा जाइब दुम्‍चा माल्‍ब।
2TI 2:7 आं देंशो नेल्‍ल मिम्‍तो। मारदे हना प्रभुमी नेल्‍ल कली रुप्‍तीक थुं गेब।
2TI 2:8 येसु ख्रीस्‍त कली मिम्‍तो। मेको दाऊद आ खिं रे जाक्‍शा, बेक्‍शो रे सेंसाक्‍व। आं शेंशो ग्‍येरपाइक्‍ब लोव़ मेकोन बाक्‍ब। १कोरिन्‍थी १५:४,२०; रोमी १:३
2TI 2:9 मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४
2TI 2:10 मोपतीके गो योव़शो मुर आन कली मिम्‍शा, श्‍येत नेल्‍ल फाल्‍नुङ। मोपा मेकोपुकीमी ख्रीस्‍त येसुमी पाप रे प्रोंइशो दुम्‍शा, गेना हना यो परमप्रभु यावे आ छेङछेङमी ब्रोंइशा बाक्‍चा तामेक्‍ल। कलस्‍सी १:२४
2TI 2:11 मुरुमी मेको लोव़ कली थमा सुइक्‍ने चाप्‍नीम “गोपुकी मेको नु बेक्‍तय हना यो, मेको नु ब्रोंइनय। २कोरिन्‍थी ४:११
2TI 2:12 गोपुकीमी श्‍येत फाल्‍तय हना, मेको नु हुकुम पाइनय। गोपुकीमी ‘मेको कली मतुइक्‍नुङ’ देंतय हना, मेकोमी यो ‘मतुइक्‍नुङ’ देंब। मत्ती १०:३३
2TI 2:13 गोपुकीमी थमा सुइक्‍चा प्रोंइतय हना यो, मेकोमी मप्रोंइब। मारदे हना ‘गो परमप्रभु यावे आ तौ मनङ’ देंने मचाप्‍ब” देंत। गन्‍ती २३:१९; भजन संग्रह ८९:३१-३४; रोमी ३:३-४; तीतस १:२
2TI 2:14 एको लोव़ मेको आन कली फ्रुक्‍पाइक्‍मी। परमप्रभु यावे आ ङोंइती मेको आन कली “लोव़ आ पर्बम मजिने” दे माइक्‍मी। मारदे हना मेको मरिम्‍शो दुम्‍ब, नेंबपुकी यो वाम ग्‍याम दुम्‍नीम। १तिमोथी ६:४; तीतस ३:९
2TI 2:15 गे परमप्रभु यावे आ ङोंइती रिम्‍शो गेय पाइब दुम्‍चा कली बल पावो। थमा शेंतीके रिम्‍शो पा शेंचा कली काइ मुने पचा ममाल्‍नेवे। १तिमोथी ४:६; तीतस २:७-८
2TI 2:16 जाम्‍शा लाइब लोव़ पाइब रे ङोन बाक्‍को। मारदे हना मेकोपुकीमी मुर आन कली परमप्रभु यावे रे ङोन दुम्‍पाइक्‍नीम। १तिमोथी ४:७
2TI 2:17 मेको आन लोव़ राक्‍शो गार खोदेंशो बाक्‍ब। हीमेनेयस नु फिलेतस मेको आन दातेमी बाक्‍नीस। १तिमोथी १:२०
2TI 2:18 मेको निक्‍शीमी थमा शेंतीक प्रोंइशा, मुर आन सेंचा नुप्‍शो बाक्‍त दे शेंनीस। मोपा का निक्‍शी आन थमा सुइक्‍तीके बेक्‍‍पाइक्‍ताक्‍से।
2TI 2:19 तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७
2TI 2:20 ठेयब खिंमी सुन नु चांदी के बोसपुकी ला ममाइ, तन्‍न शी नु खप के यो बाक्‍नीम। का निक्‍शी रिम्‍शो गेय कली बाक्‍नीम, का निक्‍शी मरिम्‍शो गेय कली बाक्‍नीम।
2TI 2:21 सु आ मरिम्‍शो पशो शोव़शा माफ ताइबा, मेको रिम्‍शो गेय ङा बोस खोदेंशो दुम्‍ब। आ होव़प कली जिम्‍मा गेंसीशो नु मेको रिम्‍शो गेय पचा कली रिम्‍शो बाक्‍ब।
2TI 2:22 ठिटी ठिटा आन दला दाक्‍स रे ङोन बाक्‍को। रिम्‍शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्‍चा, दाक्‍चा नु थुं नाइक्‍चा ला मिम्‍तो। १तिमोथी ४:१२; १तिमोथी ६:११; हिब्रू १२:१४
2TI 2:23 हिक्‍सी मङाम्‍शो लोव़ पाइब नु काम मलाप्‍चा ङा लोव़ पा जितीके रे ङोन बाक्‍को। मेको जिचा पोक्‍ब ला बाक्‍नीम दे तुइक्‍नेवे। १तिमोथी ४:७
2TI 2:24 प्रभु आ गेय पाइबमी जिचा मदुम्‍ब। नेल्‍ल आन कली रिम्‍शो पाइब दुम्‍चा माल्‍ब। रुप्‍पाइश्‍शा शेंबमी मुर आन मरिम्‍शो पतीके फाल्‍चा माल्‍ब। तीतस १:७-९
2TI 2:25 जिचा पोक्‍ब आन कली रिम्‍शो लोव़मी ठीक सेल्‍चा माल्‍ब। परमप्रभु यावेमी मेको आन कली आ गे लेप्‍पाइश्‍शा, थमा शेंतीके तुइक्‍पाइक्‍ब कों?
2TI 2:26 सैतानमी मेको आन कली ग्‍याइश्‍शा, आ दाक्‍शो पपदानु, मेको रे प्रोक्‍मल।
2TI 3:1 नोले ङा नाक्‍त हिंचा ङा श्‍येत दुम्‍ब। गे मेको तुइक्‍चा माल्‍नेवे। १तिमोथी ४:१
2TI 3:2 मारदे हना मुरपुकीमी आंम कली ला दाक्‍नीम। क्‍येट कली शुश दाक्‍नीम। ठेयब लेश्‍शा, अरु नेल्‍ल आन कली दिप्‍नीम। मरिम्‍शो लोव़ पाइनीम। आम आफ कली मटिथु “गे रिम्‍शो पाइतीनी” गेनायो मदेंथु, पापम ग्रुम्‍शा बाक्‍नीम।
2TI 3:3 आंम खिं ङा मुर आन कली मदाक्‍नीम। ईख कुरनीम, मरिम्‍शो लोव़ पाइ‍नीम। आंम रां नु शोव़ चलेस मजोक्‍नीम। जिचा पोक्‍‍नीम। रिम्‍शो मारेइ मदाक्‍नीम।
2TI 3:4 मुर आन कली श्‍येतम ख्रुम्‍नीम। चुइश्‍शा गेय पाइनीम। “गो जोक्‍नुङ” दे बोरशा, मुर आन लोव़ मनेंनीम। आंम दला दाक्‍स ला पाइनीम। परमप्रभु यावे कली मदाक्‍नीम।
2TI 3:5 मोदेंशो मुरुमी परमप्रभु यावे कली मिम्‍शा दाक्‍चा देंखु पाइनीम। तन्‍न आन आगामी सक्ति मबाक्‍तीके कोंइनीम। मेकोपुकी नु ङोन बाक्‍को। मत्ती ७:१५-२१; तीतस १:१६
2TI 3:6 मेको आन दातेमी का निक्‍शीमी आन दला दाक्‍स पा पापम ग्रुम्‍शो नु आंम कली चलेस मजोक्‍ब मीश मुर आन खिं ओव़शा, लोव़ नेंपाइक्‍नीम।
2TI 3:7 मेको मीश मुरपुकीमी सु आन लोव़ नेंतेक्‍म हना यो, थमा शेंतीक गेनायो रुम्‍ने मचाप्‍नीम।
2TI 3:8 दोपा यन्‍नस नु याम्‍ब्रेस माइश्‍शो मुर निक्‍शीमी मोसा कली “इ गेय ठीक मबाक्‍ब” देंसा, मोपा मेको मुरपुकीमी यो थमा शेंतीके कली “ठीक मबाक्‍ब” देंनीम। आन थुं मूर्ख गेयम ब्रीशो दुम्‍शा, थमा सुइक्‍तीके प्रोंइशो बाक्‍नीम। प्रस्‍थान ७:११,२२
2TI 3:9 तन्‍न मोदेंशो दूली शेंबपुकीमी शुश गेय पचा मताइनीम। मारदे हना यन्‍नस नु यम्‍ब्रस आस कली खोदेंशो पा, मुरपुकीमी “गशो बाक्‍नीम” दे तुइक्‍नीम।
2TI 3:10 मिनु गे आं शेंतीके, आं गेय पतीके “मार पाइनुङ” दे आं मिम्‍तीके, आं थमा सुइक्‍तीके, आं फाल्‍तीके, आं दाक्‍तीके नु थमा सुइक्‍तीके मप्रोंइशो ताप्‍तीवी।
2TI 3:11 आं कली खेदा पशो, आं श्‍येत जशो यो ताप्‍तीवी। एन्‍टीओक, आइकोनीयम नु लिस्‍त्रा सहरमी गो दोदेंशो श्‍येत जङा, दोपा खेदा पशो नेल्‍ल फलु, मेको नेल्‍ल ताप्‍तीवी। तन्‍न प्रभुमी मेको नेल्‍ल रे प्रोंइती। प्रेरित १३:१३-१४:२२; भजन संग्रह ३४:२०
2TI 3:12 सु सु ख्रीस्‍त येसुमी परमप्रभु यावे कली मिम्‍शा, दाक्‍शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्‍सलोनिकी ३:३
2TI 3:13 मरिम्‍शो नु ग्रांग्रा दिचा ङा मुरपुकीमी “मुर आन मिक्‍च सिल्‍नीक” दे मिम्‍तमेनु, ङोंइती ङा क्‍येङा मरिम्‍शो दुम्‍शा, आंमान आन मिक्‍च सिल्‍चा पुंइसीनीम। १तिमोथी ४:१
2TI 3:14 मिनु गे मार शेंसे, मेको “ठीक बाक्‍ब” दे थमा सुइश्‍शा, पना पन बाक्‍को। मारदे हना गे सु नु शेंसे मेको तुइक्‍नेवे।
2TI 3:15 गे आल रे ना परमप्रभु यावे आ लोव़ तुइश्‍शो बाक्‍नेवे। मेको लोव़मी ख्रीस्‍त येसु कली थमा सुइश्‍शा “दोपा पाप रे प्रोंइचा” दे इ कली शेंने चाप्‍ब। यूहन्‍ना ५:३९
2TI 3:16 परमप्रभु यावेमी मेको लोव़ नेल्‍ल गेशो बाक्‍त। मेको शेंचा कली, हुइक्‍चा कली, रिम्‍शो सेल्‍चा कली नु थमा सुइक्‍तीक ठीक सेल्‍चा कली बाक्‍ब। २पत्रुस १:१९-२१
2TI 3:17 परमप्रभु यावेमी आ मुरपुकीमी नेल्‍ल गेय रिम्‍शो पामेक्‍ल दे एको लोव़ तुइक्‍पाइश्‍शो बाक्‍त। १तिमोथी ६:११
2TI 4:1 गो इ कली ख्रीस्‍त येसु नु परमप्रभु यावे आस ङोंइती मार देंनुङ देंशा हना, येसु ख्रीस्‍त आ राज्‍य जाची ना बेक्‍शो नु ब्रोंइशो मुर आन कली निसाफ पाइब बाक्‍ब। मेको आ जाक्‍चा नु राज्‍य पचा मिम्‍शा १पत्रुस ४:५
2TI 4:2 “परमप्रभु यावे आ लोव़ पावो। नेंचा दाक्‍ताक्‍म हना यो, मदाक्‍ताक्‍म हना यो, शेंदीमी। मरिम्‍शो पाइब आन कली लोव़ पावो। मुर आन कली ‘ठीक पचा’ दे शेंदो। आन थुं बारपतो। नेल्‍ल आन कली फाल्‍शा, रिम्‍शो शेंदो। प्रेरित २०:२०,३१
2TI 4:3 मारदे हना इच्‍का नोले थमा शेंतीक नेंचा काइ मदाक्‍नीम। आंम दला दाक्‍स पा अर्को लोव़ कली नोफा दाइश्‍शा, आंम कली शेंबपुकी तेल्‍‍नीम। १तोमोथी ४:-
2TI 4:4 मेना थमा शेंतीक प्रोंइशा, मुर आन सेल्‍शो कथा नेंनीम। १तिमोथी ४:७; २थिस्‍सलोनिकी २:११
2TI 4:5 गे चहिं मार पाप्‍तीवी हना यो, मिम्‍ना मिम्‍न गेय पावो, श्‍येत फलो, ग्‍येरपाइक्‍ब लोव़ शेंदो। इ कली गेशो गेय नेल्‍ल पावो” दे माइक्‍नन। २तिमोथी २:३
2TI 4:6 मारदे हना गो चढ़ेशो खोदेंशो दुम्‍शा, आं लची ना जाक्‍त। फि‍लिप्‍पी २:१७
2TI 4:7 गो थमा सुइश्‍शा ग्राती। दाम पशो खोदेंशो पा ग्राती। थमा सुइक्‍चा मप्रोंइथु बाक्‍ती। १कोरिन्‍थी ९:२५; १तिमोथी ६:१२; प्रेरित २०:२४; फिलिप्‍पी ३:१४
2TI 4:8 मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१
2TI 4:9 आं कली रीब पा ग्रुम्‍थ जाक्‍को। २तिमोथी १:४
2TI 4:10 मारदे हना डेमासमी रागी ङा गेय दाक्‍शा, आं कली प्रोंइती। मिनु थिस्‍सलोनिकी सहर लत। क्रेसेन्‍स गलातीया नु तीतस डाल्‍मातीया रागी लाम्‍ताक्‍स। कलस्‍सी ४:७,१०,१४
2TI 4:11 लूका ला गो नु बाक्‍ब। मर्कूस कली गे पिश्‍शा पिवो। मारदे हना मेको आं कली वारच पाइब बाक्‍ब। प्रेरित १५:३७; कलस्‍सी ४:१०
2TI 4:12 तिखीकस कली एफिसस सहरम सोइक्‍ताक्‍ङ। एफिसी ६:२१
2TI 4:13 त्रोआस सहरमी कारपस आ खिंमी फेक्‍तीक वा का प्रोंइता। मेको चाक्‍को। किताब नु कागजपुकी यो चाक्‍मी।
2TI 4:14 अलेक्‍जन्‍डर तांबा तुप्‍तीलमी शुश श्‍येत गेती। प्रभुमी मेको आ गेय तशा, सजाइ गेब। १तिमोथी १:२०
2TI 4:15 गे यो मेको नु होस पा बाक्‍को। इं शेंतीके आ पर्बम शुश जिचा पोक्‍तु।
2TI 4:16 ङोंइती ङा आं मुददाम सुइमी आं कली वारच मपाम। नेल्‍लेमी प्रोंइतीमी। परमप्रभु यावेमी मेको आन कली सजाइ मगेवल। २तिमोथी १:१५
2TI 4:17 तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३
2TI 4:18 प्रभुमी आं कली आ स्‍वर्ग ङा राज्‍य लचा, दे नेल्‍ल श्‍येत रे प्रोंइब। मेको कली गेना हना यो मान पय। आमेन।
2TI 4:19 प्रिस्‍कीला, अक्‍वीला नु ओनेसीफरस आ खिं ङा मुर नेल्‍ल आन कली “रिम्‍शो बाक्‍कीन” देनो। प्रेरित १८:२; २तिमोथी १:१६
2TI 4:20 इरास्‍तस कोरिन्‍थ सहरम बाक्‍ब। त्रोफीमस रोइ पवानु, गो मिलेटस सहरमी लाइश्‍शा वोइक्‍ता। प्रेरित १९:२२; प्रेरित २०:४
2TI 4:21 हिउंद क्‍येङा ङोंइती आं कली ग्रुम्‍थ रीब पा जाक्‍को। युबुलसमी इ कली “रिम्‍शो बाक्‍को” देंशो बाक्‍ब। पुडेन्‍स, लिनस, क्‍लौदीया नु थमा सुइक्‍ब लोक्‍ब नेल्‍लेमी यो मो देंतेक्‍म।
2TI 4:22 प्रभु गे नु बाक्‍ल। आ शिशी गे नु लील।
TIT 1:1 गो परमप्रभु यावे आ वाइल नु येसु ख्रीस्‍त आ सोइश्‍शो, थमा सुइक्‍ब पावल नङ। परमप्रभु यावे आ योव़शो मुर आन कली थमा सुइक्‍चा आ पर्बम शेंतीक नु मेको तुइश्‍शो रे रिम्‍शो गेय पचा माल्‍ब, दे शेंब दुम्‍ती।
TIT 1:2 मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३
TIT 1:3 आ दाक्‍शो ना मुर आन कली आ लोव़ तुइक्‍पाइक्‍तु। दोपा तुइक्‍पाइक्‍तु देंशा हना, इं मरिम्‍शो गेय रे प्रोंइब परमप्रभु यावेम “आं लोव़ शेंदीमी” देंत। एफिसी १:९-१०
TIT 1:4 तीतस, एको चिठी इ कली ब्रेक्‍ताक्‍ङ। गो निक्‍शी इस के थमा सुइक्‍तीक का दुम्‍शा, गे आं तौ खोदेंशो दुम्‍ते। इं आफ परमप्रभु यावे नु इं पाप रे प्रोंइब येसु ख्रीस्‍तमी इ कली शिशी नु थुं नाइक्‍चा गेम्‍सेक्‍ल। १तिमोथी १:२
TIT 1:5 गो इ कली क्रेट टापुमी मारदे वोइक्‍तन देंशा हना “गे थमा सुइक्‍ब आन दातेमी ठीक मदुम्‍शो गेय ठीक पपतो। मिनु सहर सहर ङा ग्रुम्‍तीकेमी शेंब खाल्‍पापुकी वोतो” दे इ कली अरेतन। प्रेरित१४:२३
TIT 1:6 मिनु ग्रुम्‍तीक खिं ङा शेंब खाल्‍पापुकी सु सु दुम्‍ने चाप्‍नीमी देंशा हना, काइ दोस गेचा मपुंइसीब नु मीश का ला पाइश्‍शो वोंइश मुर बाक्‍चा माल्‍ब। मेको आ तमी तौ थमा सुइक्‍ब बाक्‍चा माल्‍नीम। हेंथे गाक्‍ब नु मटीब आल आन आफ ग्रुम्‍तीक खिं ङा शेंब खाल्‍पा दुम्‍ने मचाप्‍नीम। १तिमोथी ३:१-७
TIT 1:7 मोदेंशो थमा सुइक्‍ब आन कली कोव़ब परमप्रभु यावे आ खिं ङा गेय पाइब दुम्‍शा, दोस गेचा मपुंइसीब बाक्‍चा माल्‍ब। मिनु ठेयब लेश्‍शो, शुश गाइक्‍ब, राकसी शांबु तूशा दुक्‍ब, चुरशा गुइ प्रोंइब नु शिंम मुरुम मेको गेय पने मचाप्‍नीम। १कोरिन्‍थी ४:१; २तिमोथी २:२४
TIT 1:8 थमा सुइक्‍ब आन कली कोव़ब चहिं बास गेब, रिम्‍शो गेय दाक्‍ब, रिम्‍शो नु मरिम्‍शो तुइक्‍ब, ठीक गेय पाइब, थमा पा परमप्रभु आ गेय पाइब नु आंम रां चलेस जोक्‍ब मुर बाक्‍चा माल्‍नीम।
TIT 1:9 मोदेंशो पाइब मुर परमप्रभु यावे आ लोव़ ङा शेंतीक तुइश्‍शा पचा माल्‍नीम। मोपा मेकोपुकीमी थमा सुइक्‍ब आन कली रिम्‍शो शेंशा, अरेने चाप्‍नीम। मिनु परमप्रभु यावे आ लोव़ दूली शेंब आन कली यो रिम्‍शो सेल्‍ने चाप्‍नीम।
TIT 1:10 परमप्रभु यावे आ शें‍शो लोव़ मटीबपुकी शुश बाक्‍नीमी। शोर गाक्‍‍शो लोव़ पाइब नु हेंथे लां शेंब बाक्‍नीम। मेको शुश ख्रोइक्‍तीक चिनु पाइश्‍शो इस्राएली बाक्‍नीम।
TIT 1:11 मोदेंशो मुर आन कली ब्‍वालेइ पपाइक्‍चा माल्‍नीम। मारदे हना खिं खिं ङा मुर नेल्‍ल आन कली जिपाइक्‍नीमी। मिनु क्‍येट चेम्‍चा कली शेंनीमी।
TIT 1:12 क्रेट टापु ङा शुश जोक्‍ब मुरुमी आंम मुर आन पर्बम मार लोव़ पवा बाक्‍त देंशा हना, मेकोमी “क्रेट ङा मुरपुकी गेना हना यो जोल पाइब, मरिम्‍शो पाइब जन्‍तु, शुश जाइब ब्‍वाइब नु अल्‍सी अल्‍से बाक्‍नीमी” दे लोव़ पवा बाक्‍त।
TIT 1:13 मेको आ देंशो थमा बाक्‍ब। मोपतीके गे मेको आन कली शुश अरेवो। मोपा ला आन थमा सुइक्‍तीके ठीक दुम्‍ने चाप्‍ब। २तिमोथी ४:२
TIT 1:14 मिनु थमा सुइक्‍बपुकीमी यहूदी आन कथा नु मुरुम सेल्‍शो अरेशो लोव़ नेंचा मदुम्‍ब। मेको थमा लां प्रोंइब बाक्‍नीम। १तिमोथी ४:७; २तिमोथी ४:४
TIT 1:15 रिम्‍शो मुर आन कली मारेइ मारेइ रिम्‍शो बाक्‍ब। ग्रांग्रा दिचा ङा मुर नु थमा मसुइक्‍ब आन कली चहिं मारेइ मारेइ रिम्‍शो मबाक्‍ब। मेको आन थुं नु मिम्‍तीके मरिम्‍शो बाक्‍ब। मत्ती १५:११; रोमी १४:२०
TIT 1:16 मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५
TIT 2:1 गे चहिं येसु ख्रीस्‍त आ ठीक लोव़ रिम्‍शो पा मुर आन कली शेंदीमी। २तिमोथी १:१३
TIT 2:2 गे खाल्‍पा आन कली मार शेंचा माल्‍नेवे देंशा हना, रिम्‍शो मिम्‍ने चाप्‍ब, मान पाइक्‍चा शिरशो मुर, गेय पचा क्‍येङा ङोंइती मिम्‍ब, आन थमा सुइक्‍चा, आन दाक्‍चा नु आन फाल्‍चा ङा सक्ति ठीक दुम्‍शा बाक्‍चा माल्‍नीम, दे शेंचा माल्‍नेवे। १तिमोथी ५:१
TIT 2:3 मिनु खाल्‍पी आन कली मार शेंचा माल्‍नेवे देंशा हना, खाल्‍पीपुकी रिम्‍शो थमा सुइक्‍ब दुम्‍चा माल्‍नीम। हेंथे लोव़ पचा मदुम्‍ब। शुश शांबु तूचा मदुम्‍ब। खाल्‍पीपुकी रिम्‍शो गेय शेंब दुम्‍चा माल्‍नीमी।
TIT 2:4 मोदेंशो पा खाल्‍पीपुकीमी आन क्‍येङा आल मीश मुर आन कली आन वोंइश नु आन आल आन कली दाक्‍चा माल्‍ब, दे शेंचा माल्‍नीम।
TIT 2:5 गेय पचा क्‍येङा ङोंइती मिम्‍चा, आंम वोंइश नु ला बाक्‍चा, खिं ङा गेय रिम्‍शो पचा, मुर नु रिम्‍शो दुम्‍चा, आंम वोंइश कली टिचा, दे शेंचा माल्‍नीम। मोदेंशो पाम्‍तेक्‍म हना, मुरपुकीमी परमप्रभु यावे आ लोव़ आ पर्बम मरिम्‍शो लोव़ मपाइनीमी। एफिसी ५:२२
TIT 2:6 मोदेंशो पा गे इ क्‍येङा आल वोंइश मुर आन कली “गेय पचा क्‍येङा ङोंइती मिम्‍चा माल्‍ब” दे शेंचा माल्‍नेवे।
TIT 2:7 मिनु नेल्‍ल क्‍येङा ठेयब मार बाक्‍ब देंशा हना, गे रिम्‍शो गेय पशा, थमा सुइक्‍बपुकी दोदेंशो मुर बाक्‍नीमी, दे कोंइचा माल्‍नेवे। मिनु मुर आन कली शेंदीनु, हेंथे लोव़ मपथु, रिम्‍शो शेंतीक शेंचा माल्‍नेवे। २तिमोथी २:१५; १पत्रुस २:१५; १तिमोथी ४:१२; १पत्रुस ५:२
TIT 2:8 गे रिम्‍शो लोव़ शेंताक्‍वी हना, सुइमी इ कली दोस गेने मचाप्‍नीम। मिनु इ कली मदाक्‍बमी यो इ पर्बम मारेइ मरिम्‍शो लोव़ पचा मताइनीम। मिनु आन मुने दोक्‍नीम।
TIT 2:9 मिनु वाइलीम वाइल आन कली मार शेंचा माल्‍नेवे देंशा हना, आंम ठेयब मुर आन लोव़ टिचा माल्‍नीम। आन गेय रिम्‍शो पा आन ठेयब मुर आन कली ग्‍येरपाइक्‍चा माल्‍नीम। आन ठेयब मुरुमी लोव़ पामेनु, मेकोपुकीम जोप पचा मदुम्‍नीमी। एफिसी ६:५-६१; तिमोथी ६:१-२; १पत्रुस २:१८
TIT 2:10 खुइ पचा मदुम्‍ब, नेल्‍ल गेयमी थम रिम्‍शो पाइब दुम्‍चा माल्‍नीम। मोदेंशो रिम्‍शो गेय पा इं कली पाप रे प्रोंइब परमप्रभु यावे आ शेंतीके रिम्‍शो लोव़ बाक्‍ब, दे कोंइनीमी। मेको शेंचा माल्‍नेवे।
TIT 2:11 परमप्रभु यावे आ शिशी मुर नेल्‍ल आन कली पाप रे प्रोंइचा कली तपांइसाक्‍व। तीतस ३:४
TIT 2:12 मोदेंशो शिशीमी इं कली परमप्रभु यावे कली मगारचा ङा गेय नु रागी रागी ङा मुर आन पतीके आ पर्बम मोदेंशो मपचा, दे शेंब। मिनु मुल गेय पचा क्‍येङा ङोंइती मिम्‍चा, ठीक गेय पचा नु रागीम बाक्‍शा, परमप्रभु यावे कली मान पा हिंचा, दे शेंब।
TIT 2:13 मोदेंशो दुम्‍शा, मान ताइब परमप्रभु यावे नु इं कली पाप रे प्रोंइब येसु ख्रीस्‍त आ छेङछेङ ग्रूब, दे गो आस पशा रिम्‍नय। १कोरिन्‍थी १:७; फिलिप्‍पी ३:२०; १थिस्‍सलोनिकी १:१०
TIT 2:14 येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०
TIT 2:15 मेको लोव़ शेंदीमी। मिनु गे अधिकार पाइश्‍शो दुम्‍शा, मुर आन कली अरेवो। मिनु मुरपुकीमी “एको ठिटामी आंइ कली शेंने मचाप्‍ब” देंचा मपुंइसो। १तिमोथी ४:१२
TIT 3:1 मिनु गेमी हुकुम पाइब नु सरकार ङा अधिकार पाइश्‍शो मुर आन कली टिचा, दे थमा सुइक्‍ब आन कली मिम्‍पतो। थमा सुइक्‍बपुकी टीब मुर दुम्‍चा माल्‍नीम। मिनु मार मार रिम्‍शो गेय बाक्‍मे, मेको पचा माल्‍नीम। रोमी १३:१; १पत्रुस २:१३
TIT 3:2 मिनु सुइ आन पर्बम काइ शुक्‍शी मपचा, जिचा मपोक्‍चा, मुर आन कली रिम्‍शो पा फाल्‍चा, ठेयब मलेत्‍थु, मुर आन कली वारच पचा माल्‍नीम। फिलिप्‍पी ४:५
TIT 3:3 ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३
TIT 3:4 तन्‍न पाप रे प्रोंइब परमप्रभु यावे आ रिम्‍शो पतीके, आ दाक्‍तीके नु शिशी जाक्‍त। तीतस २:११
TIT 3:5 मेकोमी इं कली मरिम्‍शो गेय रे प्रोंइतु। इं पशो ठीक गेय तशा मप्रोन, तन्‍न आ शिशीमी इं कली प्रोंइतु। दोपा पाप रे प्रोंइतु देंशा हना, इं कली मरिम्‍शो गेय रे चिक्‍शो खोदेंशो पा, आ सोक्‍त आ पशोमी नक मुर सेल्‍तु। योएल ३:१; २तिमोथी १:९; यूहन्‍ना ३:५; एफिसी ५:२६
TIT 3:6 मिनु परमप्रभु यावेमी आ सोक्‍त इं तारी मोइक्‍तु। दोपा मोइक्‍तु देंशा हना, इं पाप रे प्रोंइब येसु ख्रीस्‍त आ पतीकेमी मोइक्‍तु।
TIT 3:7 मोदेंशो पा, परमप्रभु यावे आ शिशी आ पतीकेम इं कली ठीक सेल्‍तु। मिनु परमप्रभु यावे नु बाक्‍चा शिरशो दुम्‍तय। परमप्रभु यावे नु गेना हना यो बाक्चा कली आस पा बाक्‍तय। रोमी ३:२६
TIT 3:8 एको लोव़ थमा बाक्‍ब। मिनु एको लोव़ शुश शेंदो। मोदेंशो पा शेंताक्‍वी हना, परमप्रभु यावे कली थमा सुइक्‍ब दुम्‍शो मुरपुकी रिम्‍शो गेय पचा कली होस पा बाक्‍नीम। आं देंशो शेंतीके मुर आन कली रिम्‍शो नु गारचा ङा बाक्‍ब।
TIT 3:9 मिनु गे मूर्ख खोदेंशो पा हिल्‍लो पतीके, यहूदी आन बङसावली ङा शेंतीके नु अरेतीक लोव़ रे सेल्‍शो पतीके आ पर्बम गाइक्‍पाइक्‍ब नु जिचा पोक्‍ब रे ङोन बाक्‍को। मारदे हना मेको शोर गाक्‍शो नु जाम्‍शा लाइब बाक्‍नीम। १तिमोथी १:४; १तिमोथी ४:७; २तिमोथी २:१४
TIT 3:10 गे मोदेंशो दूली शेंब आन कली खेयप निक्‍शी सम्‍म लोव़ पावो। मेकोम मटिप्‍तु हना, मेको रे ङोन बाक्‍को। २यूहन्‍ना १०; मत्ती १८:१५-१७
TIT 3:11 मोदेंशो मुर नेल्‍ल दूली नु मरिम्‍शो पाइब दुम्‍शा, आन मरिम्‍शो पतीकेमी आंम कली खतम सेल्‍ब बाक्‍नीम, दे तुइक्‍नेवे। १तिमोथी ६:४-५
TIT 3:12 गो अरतीमास हना यो, तिखीकस हना यो इ कली ग्रुम्‍चा कली सोइक्‍ताक्‍ङ हना, गे आं कली ग्रुम्‍चा कली निकोपोलीस सहर पिवो। मारदे हना गो हिउंदमी मेकेर बाक्‍चा कली मिम्‍ताक्‍ङ। एफिसी ६:२१
TIT 3:13 मिनु गे चीनास माइश्‍शो वोकील नु आपोल्‍लोस आस कली रीब पा सोइक्‍तीम्‍सी। मेको निक्‍शीम मार मार माल्‍नीसी, मेको आस कली गेम्‍सी। प्रेरित १८:२४; १कोरिन्‍थी ३:५-६
TIT 3:14 मिनु इं मुरपुकीमी यो रिम्‍शो गेय पचा कली शेंसीचा माल्‍नीमी। मोपा शुश श्‍येत जाइब आन कली वारच पशा, फल सिप्‍ब रवा खोदेंशो दुम्‍नीम। तीतस २:१४; मत्ती ७:१९
TIT 3:15 गो नु बाक्‍बपुकी नेल्‍लेमी इ कली “रिम्‍शो बाक्‍को” दे ब्रेक्‍पाइक्‍तीमी। आंइ कली दाक्‍ब थमा सुइक्‍ब नेल्‍ल आन कली “रिम्‍शो बाक्‍कीन” ने माइक्‍मी। परमप्रभु यावे आ शिशी गे नेल्‍ल नु लील।
PHM 1:1 ख्रीस्‍त येसु आ नेंमी जेल्‍खानम चोक्‍चा पुंइसीशो पावल नु इं लोक्‍ब तिमोथी गो निक्‍शीमी एको चिठी ब्रेक्‍ताक्‍स्‍कु। एको चिठी सु सु इन कली ब्रेक्‍ताक्‍स्‍कु देंशा हना, गो नु गारशा गेय पाइब इं दाक्‍शो फिलेमोन, एफिसी ३:१
PHM 1:2 इं समी आप्पीया, पल्‍टन कामी बाक्‍शा गाक्‍शो खोदेंशो दुम्‍शो अरकीप्‍पस नु फिलेमोन आ खिंमी देल्‍ब थमा सुइक्‍ब नेल्‍ल इन कली ब्रेक्‍ताक्‍स्‍कु। कलस्‍सी ४:१७
PHM 1:3 इं आफ, परमप्रभु यावे नु प्रभु येसु ख्रीस्‍तमी इन कली शिशी पा इन थुं नाइश्‍शा बाक्‍चा गेम्‍सेक्‍ल।
PHM 1:4 आं दाक्‍शो लोक्‍ब फिलेमोन, गो इ पर्बम प्रार्थना पङानु “फिलेमोन कली रिम्‍शो पपाइक्‍तीनी” दे परमप्रभु यावे कली ठेयब सेल्‍नुङ।
PHM 1:5 मारदे हना गे थमा सुइक्‍ब नेल्‍ल आन कली शुश दाक्‍शो नु इ येसु ख्रीस्‍त कली थमा सुइश्‍शो आ पर्बम नेंता।
PHM 1:6 इ थमा सुइश्‍शोमी रिम्‍शो गेय शुश पाइनेवे। मिनु दोपा रिम्‍शो गेय पवी, मोपान परमप्रभु यावेमी ख्रीस्‍त कली तुइक्‍तीके बारना बारन लपदल, दे प्रार्थना पाइनुङ। फिलिप्‍पी १:९
PHM 1:7 आं लोक्‍ब, इ पशोमी थमा सुइक्‍ब शुश आन थुं नाइक्‍चा ताम्‍तेक्‍म। शुश आन थुं बारना बारन लत। इ कली मोदेंशो रिम्‍शो पशो तशा, गो यो आं थुं नाइश्‍शा ग्‍येरसाक्‍यी। २कोरिन्‍थी ७:४
PHM 1:8 गो ख्रीस्‍त आ नें आ पर्बम इ कली मारेइ अरेतीक अधिकार तशो नङ।
PHM 1:9 तन्‍न गे मुर आन कली दाक्‍शा शिशी पाइनेवे, आं देंशो यो टीनेवे, दे तुइश्‍शा, अधिकार कोंइचा ममाल्‍दी। गो ख्रीस्‍त येसु आ पर्बम जेल्‍खानम चोक्‍चा पुंइसीशो खाल्‍पा पावलमी इ कली इम्‍चीली लोव़ का माइक्‍नन।
PHM 1:10 जेल्‍खानम बाक्‍ङानु, ओनेसीमस कली ग्रुम्‍ता। मेकोमी थमा सुदा रे आं दाक्‍शो तौ दुम्‍त। गो थमा पोबु दुम्‍तस्‍कु। कलस्‍सी ४:९; १कोरिन्‍थी ४:१५; गलाती ४:१९
PHM 1:11 साइ इ खिंमी बाक्‍मेनु, आ गेय रिम्‍शो मपथु, शोर गाक्‍शो बाक्‍माक्‍त। मुल आं कली शुश वारच पाइक्‍ती। मुल ङा मेरे इ थुं नुपाइक्‍चा ङा गेय पाइब, दे तुइश्‍शा, इ खिं लेश्‍शा सोइक्‍ताक्‍ङ।
PHM 1:12 मेको कली सोइश्‍शो ला ममाइ, पावलन जाक्‍शो मिम्‍तो।
PHM 1:13 ख्रीस्‍त आ लोव़ शेंशो आ पर्बम जेल्‍खानम चोक्‍सीशा बाक्‍ङानु, ओनेसीमस इ पा ङा आं वारच सेल्‍चा थुं पाता। फिलिप्‍पी २:३०
PHM 1:14 गेमी गेय पपाइश्‍शा वोतो, दे मदेंने सम्‍म मवोदु देंशा, सोइक्‍ताक्‍ङ। वारच पाइय्‍यीनी मदेंथु, वारच पाइतीनी हना, गो ग्‍येरसीनुङ। २कोरिन्‍थी ९:७
PHM 1:15 ओनेसीमस इ खिं रे प्रोक्‍शा, नाक्‍त का निक्‍शी गाक्‍शो रिम्‍शोन दुम्‍त। मारदे हना येसु ख्रीस्‍त आ लोव़ रुप्‍शा, गेना हना यो इ खिंम बाक्‍ब दुम्‍त।
PHM 1:16 मुल ङा मेरे मेको कली वाइल ममिम्‍थु, आंम क्‍यी का ङा लोक्‍ब मिम्‍तो। प्रभु आ नेंमी यो लोक्‍ब मिम्‍तो। मिनु मोदेंशो लोक्‍ब दुम्‍शोनु, गेनायो मब्रासीब। १तिमोथी ६:२
PHM 1:17 मोपतीके वारच मिम्‍ताक्‍यी हना, आं कली ब्रशो खोदेंशो पा ओनेसीमस कली ब्रावो।
PHM 1:18 साइ इ कली मरिम्‍शो पशो बाक्‍त हना यो, इ कली मेकोमी मारेइ थाप्‍चा माल्‍शो बाक्‍त हना यो, मेको नेल्‍ल गो गारपाइक्‍नुङ।
PHM 1:19 एको लोव़ गो पावलमी आंम आं गुइमी ब्रेक्‍ताक्‍ङ। लोव़ थोक्‍शा, मार थाप्‍चा माल्‍शो बाक्‍मे, मेको नेल्‍ल थाप्‍नुङ। तन्‍न गोमी साइ इ कली वारच पशो यो मिम्‍चा माल्‍नेवे, दे इन कली देंनुङ।
PHM 1:20 आं दाक्‍शो लोक्‍ब, प्रभु आ नेंमी गो निक्‍शी वोबु दुम्‍शा बाक्‍स। ख्रीस्‍त आ दाक्‍शो पा आं थुं बारपा ग्‍येरपाइय्‍यी।
PHM 1:21 गे आं लोव़ नेंशा टिशा, आं देंशो क्‍येङा यो शुश रिम्‍शो पाइनेवे, दे तुइश्‍शा, एको लोव़ ब्रेक्‍ताक्‍न।
PHM 1:22 इ खिंमी इप्‍तीक बाक्‍तीक बास फिक्‍शा वोतो, मारदे हना गेपुकीमी “पावल जेल्‍खान रे ग्रूचा तवल” दे प्रार्थना पाइनीनी, दे तुइश्‍शा, ग्रूचा ताइनुङ, दे आस पा बाक्‍ती। फिलिप्‍पी १:२५; फिलिप्‍पी २:२४
PHM 1:23 ख्रीस्‍त येसु आ नेंमी जेल्‍खानमी काथा बाक्‍ब इपाफ्रासमी इन कली “रिम्‍शो बाक्‍कीन” देंत। कलस्‍सी १:७; कलस्‍सी ४:१०-१४
PHM 1:24 गो नु काथा गाक्‍ब येसु आ लोव़ शेंब मर्कूस, अरीस्‍तारकस, डेमास नु लूकामी यो इन कली “रिम्‍शो बाक्‍कीन” देंतेक्‍म।
PHM 1:25 प्रभु येसु ख्रीस्‍त आ शिशी इन थुंमी लील।
HEB 1:1 साइ नेसी परमप्रभु यावेमी आ लोव़ पाइब आन कली मार मार पपाइश्‍शा नु कोंइशा, इं किकी पिपी नु लोव़ पाइबाक्‍माक्‍त।
HEB 1:2 नोले ङा नाक्‍ती आ तौ रे पा इं कली लोव़ पाप्‍तु। आ तौ कली नेल्‍ल अधिकार गेशो बाक्‍त। सरीङ नु रागी नेल्‍ल आ तौ रे पा सेला बाक्‍त। भजन संग्रह २:८; यूहन्‍ना १:३; कलस्‍सी १:१६
HEB 1:3 आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।
HEB 1:4 परमप्रभु यावे आ स्‍वर्ग ङा गेय पाइब आन क्‍येङा आ तौ ठेयब बाक्‍ब। मिनु मेको आन क्‍येङा ठेयब नें तशो बाक्‍ब। १पत्रुस ३:२२; फिलिप्‍पी २:९
HEB 1:5 परमप्रभु यावेमी आ स्‍वर्ग ङा गेय पाइब सु कली चहिं “गो इ कली थिंतन। मोपतीके गे आं तौ नवे” देंम ङा? मिनु “गो मेको आ आफ दुम्‍नुङ, मेको चहिं आं तौ दुम्‍ब” देंम ङा? भजन संग्रह २:७; २सामुएल ७:१४
HEB 1:6 आ ङोंइती जरमेशो तौ कली रागीम सोइक्‍तानु “आं स्‍वर्ग ङा गेय पाइब नेल्‍लेमी मेको कली मान पा ठेयब सेल्‍मेक्‍ल” देंत। भजन संग्रह ९७:७; रोमी ८:२९
HEB 1:7 परमप्रभु यावेमी आ स्‍वर्ग ङा गेय पाइब आन पर्बम “आं स्‍वर्ग ङा गेय पाइब आन कली फश नु ब्रशो मी सेल्‍नुङ” देंत। भजन संग्रह १०४:४
HEB 1:8 तन्‍न आ तौ आ पर्बम “इन राज्‍य पचा गेना हना यो लीब। इन राज्‍य ङा राज दन्‍‍ड ठीक निसाफ पतीके राज दन्‍‍ड बाक्‍ब।
HEB 1:9 ठीक गेय पतीके दाक्‍नीनी। मरिम्‍शो पतीके मदाक्‍नीनी। मोपतीके परमप्रभु, इन परमप्रभु यावेमी इन पियामी तेल ख्रेक्‍शा ग्‍येरपाइक्‍तु। इन वारच आन क्‍येङा इन कली ठेयब सेल्‍तु” देंत। भजन संग्रह ४५:६-७
HEB 1:10 अरु लोव़मी यो “प्रभु, गे नेल्‍ल क्‍येङा ङोंइती रागी ङा जग वोइक्‍तीनी। मिनु सरीङ इन गुइ ङा गेय बाक्‍ब।
HEB 1:11 मो हना यो मेको नेल्‍ल मलीनीम। गे चहिं गेना हना यो बाक्‍नीनी। सेल्‍शोपुकी माइत वा खोदेंशो पा जेक्‍शा लाइनीम।
HEB 1:12 फेक्‍तीक वा मुक्‍शो खोदेंशो पा, मेको आन कली मुक्‍नीनी। वा फाइश्‍शो खोदेंशो पा, मेकोपुकी फांइसीनीम। गे चहिं गेनायो मफांइसीथु गेना हना यो बाक्‍नीनी” देंत। भजन संग्रह १०२:२५-२७
HEB 1:13 परमप्रभु यावेमी आ स्‍वर्ग ङा गेय पाइब सु कली “इ जोरी सत्रु आन कली इ खोइल आगामी मवोदुमी सम्‍म आं ग्‍युरा गे बाक्‍को, देंम ङा? भजन संग्रह ११०:१
HEB 1:14 मेको गेय पाइब सोक्‍त मनमी ङा? मिनु आन पाप क्‍याम्‍चा पुंइसीब आन कली वारच पथ सोइश्‍शो मनमी ङा?” देंत। भजन संग्रह ३४:८; भजन संग्रह ९१:११-१२
HEB 2:1 इं नेंशो लोव़ थुंमी वोइक्‍चा माल्‍ब। थुंमी मवोइक्‍तय हना, मेको लोव़ साम्‍नय।
HEB 2:2 परमप्रभु यावे आ स्‍वर्ग ङा गेय पाइबपुकीम तुइक्‍पाइश्‍शो लोव़ थमा दुम्‍त। मिनु सु सुमी मेको आन लोव़ मटीमे, मेकोपुकीमी सजाइ ताम्‍तेक्‍म। प्रेरित ७:५३; गलाती ३:१९
HEB 2:3 पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५
HEB 2:4 परमप्रभु यावेमी पपाइश्‍शो चिन्‍ड नु छक लाक्‍चा ङा गेय, सक्ति पाइश्‍शो शुश गेय नु परमप्रबु यावेमी आ दाक्‍शो पा योव़शा आ सोक्‍तीमी मुर आन कली पपाइश्‍शो गेय, मेको सांफा सांकछी बाक्‍नीम। मर्कूस १६:२०; २कोरिन्‍थी १२:१२; १कोरिन्‍थी १२:४-११; प्रेरित २:१-१३; प्रेरित १०:४४-४५
HEB 2:5 इं देंशो लोव़ मार बाक्‍ब देंशा हना, पाप रे प्रोंइचा नु नोले जाक्‍ब परमप्रभु यावे आ राज्‍य चहिं परमप्रभु यावेमी आ स्‍वर्ग ङा गेय पाइब आन गुइमी जिम्‍मा मगेशो बाक्‍ब।
HEB 2:6 परमप्रभु यावे आ लोव़ पाइब कामी “मुर आइक्‍च बाक्‍त हना यो, मेको कली मिम्‍नीनी। रागीम जरमेशो मुर आन कली मारदे कोव़नीनी?
HEB 2:7 मेको कली इन स्‍वर्ग ङा गेय पाइब क्‍येङा इच्‍ची आइक्‍च सेल्‍शा वोइक्‍तीनी। नोले मान पाइक्‍चा पुंइसीतीके सिरपेच गुप्‍चा गेशा, सक्ति पाइश्‍शो सेल्‍तीनी।
HEB 2:8 मिनु मारेइ मारेइ मेको आ अधिकारम गेतीनी” दे ब्रेक्‍शो बाक्‍त। परमप्रभु यावेमी आ गुइमी मारेइ मारेइ जिम्‍मा गेशा अधिकार गेप्‍तु देंशो लोव़मी मार रुम्‍सीब देंशा हना, मेको नेल्‍ल कोव़ब बाक्‍ब, दे रुम्‍सीब। तन्‍न गो मुल सम्‍म मोदेंशो अधिकार पाइब बाक्‍ब, दे मरुप्‍नय। भजन संग्रह ८:४-६
HEB 2:9 गोपुकीमी येसु कली मान पाइक्‍चा पुंइसीतीके, छेङछेङ ङा सिरपेच गुप्‍शो नु सक्ति पाइश्‍शो दुम्‍शो ताइतय। रागीम बाक्‍मेनु, परमप्रभु यावे आ स्‍वर्ग ङा गेय पाइब क्‍येङा इच्‍ची आइक्‍च दुम्‍शो बाक्‍त। मारदे हना परमप्रभु यावेमी मुर नेल्‍ल आन कली शिशी पाइनुङ, दे कोंइचा कली मुर आन पर्बम श्‍येत जपाइश्‍शा बेक्‍चा गेप्‍तु। फिलिप्‍पी २:८-९
HEB 2:10 नेल्‍ल सेल्‍ब नु नेल्‍ल आन कली ब्रोंइतीक सोक्‍त गेबमी शुश मुर आन कली आन पाप रे प्रोंइतु। मेको प्रोंइब कली शुश श्‍येत जपाइश्‍शा, पाको सेल्‍तु। हिब्रू १२:२
HEB 2:11 पाप रे प्रोंइब नु पाप रे ब्रोंइब नेल्‍ल खिं का ङा मुर दुम्‍तेक्‍म। मोपतीके पाप रे प्रोंइबमी पाप रे ब्रोंइब आन कली आ लोक्‍बपुकी देंचा मुने मपाइब। यूहन्‍ना १७:१९; मर्कूस ३:३४-३५; यूहन्‍ना २०:१७
HEB 2:12 मेकोमी “गो आं लोक्‍ब आन कली इन नें तुइक्‍पाइक्‍नुङमी। थमा सुइक्‍ब आन दातेमी इन कली ठेयब सेल्‍शा कुम्‍सो पाइनुङ” देंत। भजन संग्रह २२:२२
HEB 2:13 मिनु लेंशा “गो मेको कली थमा सुइक्‍‍नुङ” दे ब्रेक्‍शो बाक्‍त। मिनु चिनु लेंशा “नेनीन, परमप्रभु यावेमी आं कली गेशो तमी तौ, गो नेल्‍ल काथा बाक्‍नीकी” देंत। यसैया ८:१६-१७
HEB 2:14 तमी तौ हुश नु रुश के जोल्‍शो नम। मोपतीके येसु ख्रीस्‍त मेकोपुकी नु खाल का ङा पा हुश नु रुश के दुम्‍त। बेक्‍पाइक्‍ब सक्ति पाइश्‍शो कली खतम पोक्‍चा कली आंमन बेक्‍त। २तिमोथी १:१०; १यूहन्‍ना ३:८
HEB 2:15 मारदे हना बेक्‍पाइक्‍ब सक्ति पाइश्‍शो सैतान कली ग्राचा नु मबेक्‍म सम्‍म बेक्‍चा हिंब मुर आन कली हिंचा रे प्रोंइचा कली मो पाप्‍तु।
HEB 2:16 परमप्रभु यावे आ स्‍वर्ग ङा गेय पाइब आन कली ममाइ। अब्राहाम आ खिं ङा मुर आन पर्बम मोदेंशो पशो बाक्‍त।
HEB 2:17 मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७
HEB 2:18 मारदे हना आ यो शुश श्‍येत जशा, थुं थाम्‍चा पुंइसाक्‍व। मोपा आन थुं थाम्‍चा पुंइसीशा, श्‍येत जाइब आन कली वारच पने चाप्‍ब। हिब्रू ४:१५
HEB 3:1 मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४
HEB 3:2 दोपा मोसामी परमप्रभु यावे आ खिंमी रिम्‍शो गेय पवा, मोपा येसुमी यो आंम कली योव़ब आ ङोंइती रिम्‍शो पा आ देंशो पाप्‍तु। गन्‍ती १२:७
HEB 3:3 दोपा खिं क्‍येङा खिं सेल्‍ब शुश मान पाइक्‍चा पुंइसीबा, मोपा मोसा क्‍येङा येसु शुश मान पाइक्‍चा पुंइसीशो बाक्‍ब।
HEB 3:4 खिं नेल्‍ल मुरुम सेल्‍शो बाक्‍नीम। तन्‍न मारेइ मारेइ सेल्‍ब चहिं परमप्रभु यावे बाक्‍ब।
HEB 3:5 नोले तुइक्‍पाइक्‍तीक लोव़ आ पर्बम सांकछी दुम्‍चा कली मोसा परमप्रभु यावे आ खिंमी थम रिम्‍शो गेय पाइब दुम्‍त।
HEB 3:6 ख्रीस्‍तम चहिं परमप्रभु यावे आ खिंमी आ तौ दुम्‍शा, रिम्‍शो गेय पाप्‍तु। मिनु गो मेको कली आस पा थमा सुइक्‍चा मप्रोंइतय हना, गो आ खिं बाक्‍नय। एफिसी २:१९; १पत्रुस २:५
HEB 3:7 परमप्रभु यावे आ सोक्‍तीमी मार देंत देंशा हना “मुलाक्‍ती आं लोव़ नेंतीनी हना, हिब्रू ४:७
HEB 3:8 साइ नेसी इन किकी पिपी गोरशो रागीम गाक्‍शा, नाक्‍चा पुंइसमानु, पशो खोदेंशो इन थुं खकटा पा मटीब मदुमीन। प्रस्‍थान १७:७; गन्‍ती २०:२-५
HEB 3:9 इन किकी पिपीम ४० बर्स सम्‍म आं ठेयब गेय तशा यो, आं थुं थाम्‍ना थाम्‍न बाक्‍तेक्‍म।
HEB 3:10 मोपतीके मेको आन कली तशा, आं थुं जिक्‍त। मिनु गो ‘मेकोपुकी गेना हना यो हेंथे गाक्‍नीम। आं लां मतुइक्‍नीम’ देंती।
HEB 3:11 मिनु गो चुरशा ‘मेकोपुकी गेनायो आं राज्‍य ओव़शा थुं नाइक्‍चा मताइनीम’ दे कसम जशा देंती” देंत। भजन संग्रह ९५:७-११; हिब्रू ४:३; गन्‍ती १४:२१-२३
HEB 3:12 आं लोक्‍बपुकी, होस पांइसीने। मारदे हना मरिम्‍शो नु थमा मसुइक्‍तीक थुंमी गेना हना यो ब्रोंइशा बाक्‍ब परमप्रभु यावे रे सुइ इन कली फ्राशा मलदल।
HEB 3:13 पापम इं थुं क्‍याल्‍शा मटीब मदुम्‍यल, दे मुलाक्‍त रेन नाक्‍त किंत किंत अर्ती गेमुने। १थिस्‍सलोनिकी ५:११
HEB 3:14 इं ङोंइती नाक्‍त ङा थमा सुइक्‍तीके नोले सम्‍म मप्रोंइतय हना, गो ख्रीस्‍त नु थुं का ङा दुम्‍शा बाक्‍नय। हिब्रू ६:११
HEB 3:15 ङोंइती “मुलाक्‍ती आं लोव़ नेंतीनी हना, इं किकी पिपीम मटिशो खोदेंशो पा इन थुं खकटा पा मटीब मदुमीन” देंशो बाक्‍ब।
HEB 3:16 नेंशा यो मटीब सु नमी? मोसाम इजीप्‍त रे ग्रुंइशा पिश्‍शोपुकी मनमी ङा?
HEB 3:17 सु सुमी ४० बर्स सम्‍म परमप्रभु यावे आ थुं जिक्‍तमे? मेको पाप पाइबपुकी मनमी ङा? मेको गोरशो रागीमी बेक्‍शो बाक्‍तेक्‍म। गन्‍ती १४:२९; १कोरिन्‍थी १०:१०
HEB 3:18 परमप्रभु यावेमी आ लोव़ मटीब आन पर्बम “मेकोपुकी गेनायो आं राज्‍य ओव़शा थुं नाइक्‍चा मताइनीम” दे कसम जशो मबाक्‍बा ङा?
HEB 3:19 मोपतीके परमप्रभु यावे आ लोव़ कली थमा मसुइक्‍तीकेन आ राज्‍य ओव़शा नाइक्‍चा मतामे बाक्‍त, दे रुप्‍नय।
HEB 4:1 मोपतीके होस पांइसय, थुं नाइक्‍चा ताइनीनी देंशो लोव़ मुल यो लीशो बाक्‍तीके, होस पा बाक्‍य। मारदे हना सु सुमी आ लोव़ मटीमे, मेको ओव़चा मताइनीम।
HEB 4:2 थमा पा, इं कली यो मेको आन कली खोदेंशो पा परमप्रभु यावे आ लोव़ नेंपाइश्‍शो बाक्‍त। तन्‍न इं किकी पिपी आन कली नेंपाइश्‍शो लोव़ शोर गाक्‍शो दुम्‍त। मारदे हना नेंबपुकीमी थमा मसुइक्‍थु मटिशो बाक्‍तेक्‍म।
HEB 4:3 गो थमा सुइक्‍बपुकी चहिं थुं नाइक्‍चा ताइनय। परमप्रभु यावेमी “गो चुरशा, मेको आन कली गेनायो थुं नाइक्‍चा मगेनुङमी, दे कसम जाता” देंशो बाक्‍त हना यो, आ राज्‍यमी नाइश्‍शा बाक्‍तीके वोइक्‍ने थुम्‍शो बाक्‍त। हिब्रू ३:११
HEB 4:4 परमप्रभु यावेमी रागी मारेइ मारेइ सेल्‍शा, ७ नाक्‍त आ पर्बम “परमप्रभु यावेमी नेल्‍ल सेल्‍ने थुम्‍शा, ७ नाक्‍तीमी नाइक्‍से बाक्‍त” दे ब्रेक्‍शो बाक्‍ब। उत्‍पत्ती २:२
HEB 4:5 मिनु लेंशा लोव़ का चहिं “मेको आन कली गेनायो आं राज्‍य ओव़शा, नाइक्‍चा मगेनुङमी” दे ब्रेक्‍शो बाक्‍ब।
HEB 4:6 मो हना यो का निक्‍शी ओव़चा ताइनीम। तन्‍न आ लोव़ ङोंइती ङा नेंबपुकीमी मटिथु, ओव़चा मतामे बाक्‍त।
HEB 4:7 मोपतीके अर्को नाक्‍त का वोइक्‍ब। नाप्‍खे देंशो लोव़ “मुलाक्‍ती आ लोव़ नेंतीनी हना, इन थुं खकटा पा मटीब मदुमीन” दे शुश बर्स नोले दाऊद कली ब्रेक्‍पाइश्‍शो बाक्‍माक्‍त। हिब्रू ३:७
HEB 4:8 यहोसुमी मेको आन कली नाइक्‍तीकेम चाक्‍दीन्‍ने चाप्‍शो हना, मेकोमी मो देंचा ममाल वा। ब्‍यवस्‍था ३१:७; यहोसु २२:४
HEB 4:9 मोपतीके परमप्रभु यावे आ मुर आन कली नाइक्‍तीक नाक्‍त का बाक्‍ब, दे तुइक्‍नय।
HEB 4:10 मिनु सुमी परमप्रभु यावे आ नाइक्‍तीके ताइबा, मेको परमप्रभु यावे खोदेंशो पा आ गेय रे नाइक्‍चा ताइब। प्रकाश १४:१३
HEB 4:11 मोपतीके सुइमी परमप्रभु यावे आ लोव़ मटिथु जाम्‍शा मलमल। गो नेल्‍ले नाइक्‍चा ततीकेमी ओव़चा माल्‍य। हिब्रू ३:१६-१९
HEB 4:12 मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९
HEB 4:13 मेको आ ङोंइती सुइमी मारेइ ख्रुइक्‍ने मचाप्‍नीम। नेल्‍लेमी पशो नु मिम्‍शो मेको आ ङोंइती तांइसीब।
HEB 4:14 तन्‍न गो इं के ठेयब चढ़ेब का बाक्‍ब। मेको स्‍वर्ग लाक्‍शा लाइब, परमप्रभु यावे आ तौ, येसु बाक्‍ब। इं थमा सुइक्‍तीके बोल्‍यो सेल्‍शा, गेनायो मप्रोंइय। हिब्रू ३:१; हिब्रू ९:११,१२; हिब्रू १०:२३
HEB 4:15 मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६
HEB 4:16 मोपतीके इं कली मार मार माल्‍यानु, वारच पपांइसीशा, माफ नु शिशी तचा कली परमप्रभु यावे आ ङोंइती महिंथु, थुं बारपा जाक्‍दीय्‍य। रोमी ३:२५; रोमी ५:२
HEB 5:1 ठेयब चढ़ेबपुकी मुर आन दाते रे योव़चा पुंइसीशो बाक्‍नीम। परमप्रभु यावे नु मुर आन कली गारपाइक्‍चा, दे मेकोपुकीमी मुर आन पाप क्‍याम्‍चा कली परमप्रभु यावे कली भेटी नु मार मार चढ़ेनीम।
HEB 5:2 मेकोमी मतुइक्‍ब नु मरिम्‍शो लां गाक्‍ब आन कली शिशी पने चाप्‍ब। मारदे हना मेको आंमन यो मोदेंशो बाक्‍ब।
HEB 5:3 मोपतीके मुर आन पर्बम चढ़ेशो खोदेंशो पा आंमा आन मरिम्‍शो पशो क्‍याम्‍चा कली आं यो चढ़ेचा माल्‍नीम। लेवी ९:७
HEB 5:4 मोदेंशो चढ़ेब आंमन दुम्‍ने मचाप्‍नीम। हारून योव़चा पुंइसीशो खोदेंशो पा परमप्रभु यावेमी मेको आन कली योव़ब। प्रस्‍थान २८:१
HEB 5:5 मोदेंशो पा ख्रीस्‍त आंमन ठेयब चढ़ेब सेल्‍सीशो ममाइ “मुलाक्‍ती गो इ कली थीतन, गे आं तौ नवे” देंबमी योव़तु। भजन संग्रह २:७
HEB 5:6 मिनु लेंशा “गे गेना हना यो मेल्‍कीसेदेक आ खाल ङा चढ़ेब दुम्‍ते” देंत। भजन संग्रह ११०:४; हिब्रू ६:२०
HEB 5:7 येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६
HEB 5:8 तौ दुम्‍शा यो श्‍येत जतीक रे पा टिचा शेंसे बाक्‍त। फिलिप्‍पी २:८
HEB 5:9 मेको पाको दुम नोले आ कली टीब आन कली गेना हना यो श्‍येत रे प्रोंइशा बाक्‍चा गेब दुम्‍माक्‍त।
HEB 5:10 मिनु परमप्रभु यावेमी मेको कली मेल्‍कीसेदेक आ खाल ङा ठेयब चढ़ेब वोइश्‍शो बाक्‍त। हिब्रू ७:-
HEB 5:11 ठेयब चढ़ेब सेल्‍शा वोइक्‍चा पुंइसीशो आ पर्बम मुल यो इन कली शुश शेंचा लीशो बाक्‍ब। इन नोफा थांइशो बाक्‍ब। मोपतीके मेको आ अर्थ दोपा रुप्‍पाइक्‍चा ननी?
HEB 5:12 मुल गेपुकी अरु आन कली शेंब दुम्‍चा माल्‍शो ननी। तन्‍न इन कली कका परमप्रभु यावे आ ङोंइती ङा लोव़ लेंशा शेंचा माल्‍ताक्‍नी। मुल खमे जाइब खोदेंशो दुम्‍चा माल्‍शो ननी। तन्‍न दूध तूब आल खोदेंशो बाक्‍नीनी। १कोरिन्‍थी ३:१-३; १पत्रुस २:२
HEB 5:13 दूध तूब आल खोदेंशो दुम्‍शा, बाक्‍बपुकीम परमप्रभु यावे आ ठीक लोव़ शुश रुप्‍ने मचाप्‍नीम। एफिसी ४:१४
HEB 5:14 पाको दुम्‍शो आन कली चहिं खमे गेंसीब। मेकोपुकीमी परमप्रभु यावे आ गेय पना पन मार रिम्‍शो बाक्‍मे, मार मरिम्‍शो मेको तुइक्‍नीम।
HEB 6:1 मोपतीके ख्रीस्‍त आ पर्बम शेंचा माल्‍शो लोव़ लेंशा मशेंचा। में क्‍येङा लाक्‍शा पाको दुम्‍य। ङोंइती शेंचा माल्‍शो लोव़ चहिं मार बाक्‍ब देंशा हना, मरिम्‍शो गेय पचा प्रोंइशा, आन थुं परमप्रभु यावे गे लेत्‍चा, परमप्रभु यावे कली थमा सुइक्‍चा, ब्‍वाक्‍कुम ख्रुम्‍शा ग्रुंइपांइसीचा,
HEB 6:2 मार मार चिक्‍चा शेंतीके, मुर आन तारी गुइ वोइक्‍चा, बेक्‍शो रे सेंसीशा ब्रोंइचा नु गेना हना यो निसाफ पचा आ पर्बम लोव़ बाक्‍ब।
HEB 6:3 परमप्रभु यावेमी आंइ कली मोदेंशो शेंचा गेप्‍तु हना, गो शेंनीकी।
HEB 6:4 मारदे हना ङोंइती शेंतीक लोव़ रुप्‍शा, परमप्रभु यावे आ छेङछेङ तशा, आ सक्ति तशा, परमप्रभु यावे आ सोक्‍तीम ब्रीशा,
HEB 6:5 परमप्रभु यावे आ लोव़ ङा शिशी रुप्‍शा नु मेको जाक्‍चशो आ राज्‍य ङा सक्ति आन कली लेंशा शेंचा शोर गाक्‍शो बाक्‍‍ब। मारदे हना सुम मेको नेल्‍ल तशा यो, हिब्रू १०:२६-२९; २पत्रुस २:२०
HEB 6:6 मुल मेको नेल्‍ल ताइक्‍ताक्‍म हना, मेको आन कली ङोंइती खोदेंशो पा लेंशा नक पा वोइक्‍ने मचाम्‍सीब। मारदे हना आन पशोमी परमप्रभु यावे आ तौ कली लेंशा शीम केप्‍शा कांटी थोक्‍शा क्‍याइश्‍शा मुने तोक्‍नीम।
HEB 6:7 माल्‍शो रेउ यिमेनु, ख्रुम्‍ब आ माल्‍शो बाली नाली ताप्‍तु हना, परमप्रभु यावेमी मेको रू कली आसीक गेब।
HEB 6:8 माल्‍शो रेउ यिशा यो चू नु सुवा ला वात हना, मेको रू शोर गाक्‍शा, सराप राइब। मिनु मी सुइश्‍शा क्रोइक्‍चा पुंइसीब।
HEB 6:9 आंइ दाक्‍शो लोक्‍बपुकी, गोपुकीमी ओदेंशो लोव़ पाइतक हना यो, इन कली तशा, गे पाप रे ब्रोंइचा तशो ननी, दे थमा सुइक्‍नीकी।
HEB 6:10 मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४
HEB 6:11 गे नेल्‍लेमी नेल्‍ल क्‍येङा नोले सम्‍म “परमप्रभु यावे आ देंशो नेल्‍ल जाक्‍दीप्‍ब” दे थमा सुइक्‍चा मप्रोंइतीक सक्ति तने, दे मिम्‍नीकी। हिब्रू ३:१४; फिलिप्‍पी १:६
HEB 6:12 मचाप्‍नुङ देंब मदुमीने। “आ देंशो जाक्‍दीप्‍ब” दे आ थोक्‍शा पशो लोव़ थमा सुइक्‍ब खोदेंशो पने। मेकोपुकीमी फाल्‍शा, थमा सुइश्‍शा, परमप्रभु यावे आ देंशो जाक्‍दीश्‍शो ताइनीम।
HEB 6:13 परमप्रभु यावेमी अब्राहाम कली लोव़ गेवानु, आ क्‍येङा ठेयब सुइ मबाक्‍तीके आंम आ नें थिशा कसम जशा
HEB 6:14 “इ कली थमा पा आसीक गेनन। इ खिं ङा मुर सोशा बोशा, शुश दुम्‍शा नेल्‍ल रागीम ब्रीपाइक्‍नुङमी” देंशो बाक्‍त। उत्‍पत्ती २२:१६-१७
HEB 6:15 मिनु अब्राहाममी शुश बर्स सम्‍म रिम्‍शा बाक्‍शा, परमप्रभु यावे आ देंशो नेल्‍ल लोव़ गाप्‍शो ताप्‍तु।
HEB 6:16 मुरपुकीमी यो कसम जामेनु, आन क्‍येङा ठेयब आ नें थिशा कसम जाइनीम। कसम जशोमी आन लोव़ थमान सेल्‍नीम। प्रस्‍थान २२:१०
HEB 6:17 मोपतीके परमप्रभु यावेमी “आं गेशो लोव़ गेनायो मफाइक्‍नुङ” दे आ गेशो लोव़ ताइब आन कली रुप्‍पाइक्‍चा, दे कसम जशा, आ लोव़ थोक्‍ता बाक्‍त।
HEB 6:18 मिनु परमप्रभु यावेमी गेनायो जोल मपाइब, आ गेशो लोव़ नु आ कसम जशो, एको निक्‍शी गेनायो मफांइसीनीस दे तुइश्‍शा, गो सजाइ तचा रे प्रोंइचा पुंइसीबपुकी इं ङोंइती वोइश्‍शो आस तचा कली इं थुं बारपाइक्‍चा ताइनय।
HEB 6:19 मेको आस चहिं इं थुं ग्‍येत्‍थ लुक्‍च पचा मगेब ग्‍याइक्‍तीके खोदेंशो बाक्‍ब। मेको आस नेल्‍ल क्‍येङा आगा ङा चोव़खो कोठा ङा फारतीक वा आगा बाक्‍ब। लेवी १६:२,१२
HEB 6:20 येसु मेल्‍कीसेदेक आ खाल ङा ठेयब चढ़ेब नु इं कली लां कोंइब दुम्‍शा, नेल्‍ल क्‍येङा ङोंइती मेकेर ओव़दीश्‍शो बाक्‍ब। हिब्रू ५:६
HEB 7:1 मेको मेल्‍कीसेदेक सालेम ङा पिप नु नेल्‍ल क्‍येङा ठेयब परमप्रभु यावे आ चढ़ेब बाक्‍माक्‍त। अब्राहाममी आ जोरी सत्रु दुम्‍शो पिप आन कली ग्राशा साइश्‍शा ङा मिन लेम्‍मेनु, मेको मेल्‍कीसेदेकमी अब्राहाम कली ग्रुम्‍थ लशा, आसीक गेवा बाक्‍त। उत्‍पत्ती १४:१८-२०
HEB 7:2 मिनु अब्राहाममी मेको कली आ ग्राशा चाक्‍शो थोव़क १० भागमी भाग का गेवा बाक्‍त। मेको आ नें मार रुम्‍सीब देंशा हना, ठीक निसाफ पाइब पिप नु सालेम ङा पिप, दे रुम्‍सीब। सालेम देंशो चहिं थुं नाइश्‍शा बाक्‍तीके बाक्‍ब।
HEB 7:3 मेको आ आम आफ नु आ किकी पिपी मबाक्‍नीम। गेना जरमेसे, गेना बेक्‍मे, दे मतुंइ‍सीब। तन्‍न परमप्रभु यावे आ तौ खोदेंशो बाक्‍शा, गेना हना यो परमप्रभु यावे कली चढ़ेब दुम्‍शा बाक्‍ब। यूहन्‍ना ७:२७
HEB 7:4 मेको गिश ठेयब बाक्‍ब, दे मिम्‍तीन। मारदे हना इं ठेयब किकी अब्राहाममी आ ग्राशा चाक्‍शो रिम्‍शो थोव़क १० भागमी भाग का मान पा गेचा पुंइसे बाक्‍त।
HEB 7:5 लेवी आ खिं ङा मुर चढ़ेब दुम्‍शा, इस्राएली आन लोक्‍ब रे पा १० भागमी भाग का का पोक्‍बाक्‍तेक्‍म। मेको आन पतीके बाक्‍ब। लेवी आ खिं ङा नु इस्राएली नेल्‍ल अब्राहाम आ खिं ङा मुर नम। गन्‍ती १८:२१
HEB 7:6 मेल्‍कीसेदेक लेवी नु इस्राएली जात ङा मबाक्‍त हना यो, अब्राहाम रे पा १० भागमी भाग का गे‍चा पुंइसे बाक्‍त। मिनु परमप्रभु यावे आ गेशो लोव़ ताइब अब्राहाम कली आसीक गेवा बाक्‍त।
HEB 7:7 ठेयबमी आइक्‍च कली आसीक गेब, दे नेल्‍लेमी तुइक्‍नय।
HEB 7:8 मेको बेक्‍शा लाइब लेवी आ थर ङा चढ़ेबपुकीमी १० भाग ङा भाग का ताइब दुम्‍शो बाक्‍नीम। तन्‍न गेना हना यो ब्रोंइशो बाक्‍ब देंचा पुंइसीबमी यो १० भाग ङा भाग का तवा बाक्‍त।
HEB 7:9 अब्राहाम आ पतीकेमी लेवीपुकी १० भागमी भाग का ताइब दुम्‍शो बाक्‍नीम हना यो, ङोंइती गेब यो दुम्‍शो बाक्‍मा बाक्‍त।
HEB 7:10 मारदे हना मेल्‍कीसेदेकमी अब्राहाम कली ग्रुमानु, लेवीपुकी अब्राहाम आ रांमी बाक्‍शो बाक्‍मा बाक्‍त। मिनु अब्राहाम रे पा १० भागमी भाग का गेब दुम्‍मा बाक्‍त, दे तुइक्‍नय।
HEB 7:11 लेवी आ खाल ङा चढ़ेबपुकीमी परमप्रभु यावे आ अरेशो लोव़ यो ताम्‍तेक्‍म। मेको आन पशोमी मुर आन कली पाको सेल्‍ने चाप्‍शो नम हना, हारून आ खाल ङा ममाइ मेल्‍कीसेदेक आ खाल ङा चढ़ेब का वोइक्‍चा ममाल वा।
HEB 7:12 चढ़ेब आन खाल फांइसाक्‍व हना, मेको अरेशो लोव़ यो फांइसीब।
HEB 7:13 सु आ पर्बम मेको लोव़ ब्रेक्‍शो बाक्‍मे, मेको गेनायो चढ़ेतीक गेय मपाइब थर ङा बाक्‍माक्‍त।
HEB 7:14 इं प्रभु यहूदा थर ङा बाक्‍माक्‍त, दे गो नेल्‍लेमी तुइक्‍नय। यहूदा थर ङा मुरपुकीम गेनायो चढ़ेतीक गेय मपशो बाक्‍मा बाक्‍त। इं किकी पिपी मोसामी यहूदा थर ङा मुर चढ़ेब बाक्‍नीम, दे गेनायो मदेंमाक्‍त। उत्‍पत्ती ४९:१०; मत्ती १:१-३
HEB 7:15 चढ़ेब आन खाल फांइसे बाक्‍त, दे थमा पा तुइक्‍नय। मारदे हना मेल्‍कीसेदेक खोदेंशो पा मेको चढ़ेब सेल्‍चा पुंइसाक्‍व।
HEB 7:16 मेको आ किकी पिपी आन थर रे चढे़ब मदुम्‍शो बाक्‍ब। तन्‍न गेनायो जाम्‍शा मलाइब सक्ति रे पा चढ़ेब दुम्‍शो बाक्‍ब।
HEB 7:17 मारदे हना मेको आ पर्बम “मेल्‍कीसेदेक आ खाल ङा गेना हना यो चढ़ेब दुम्‍ते” देंशो बाक्‍ब। भजन संग्रह ११०:४; हिब्रू ५:६
HEB 7:18 ङोंइती अरेशो लोव़मी पाप क्‍याम्‍ने मचाप्‍ब। मिनु सुइ आन कली पाको सेल्‍ने मचाप्‍ब। मोपतीके ताइक्‍चा माल्‍ताक्‍व।
HEB 7:19 मिनु मेको आ पा ङा नेल्‍ल क्‍येङा रिम्‍शो नक आस वोइश्‍शो बाक्‍त। मेको आस रे पा परमप्रभु यावे आ नेक्‍था जाक्‍दीन्‍ने चाप्‍नय।
HEB 7:20 परमप्रभु यावेमी मेको आस गेवानु, कसम जशा गेशो बाक्‍त। ङोंइती चढ़ेबपुकी कसम मजथु चढ़ेब दुम्‍शो बाक्‍मा बाक्‍त।
HEB 7:21 तन्‍न मेकोमी कसम जशा “परमप्रभुमी कसम जशो बाक्‍ब। मिनु आ थुं मफाइक्‍ब। गे गेना हना यो चढ़ेब दुम्‍ते” दे माइक्‍चा पुंइसीशो बाक्‍त। भजन संग्रह ११०:४
HEB 7:22 मो माइक्‍चा पुंइसीतीके येसु ङोंइती पशो कबल क्‍येङा, नोले पशो रिम्‍शो कबल ङा लोव़ खाप्‍ब दुम्‍शो बाक्‍त। हिब्रू ८:६; हिब्रू १२:२४
HEB 7:23 ङोंइती ङा चढ़ेबपुकी गेना हना यो ब्रोंइशा बाक्‍ने मचाप्‍तीके, शुश चढ़ेबपुकी दुम्‍चा माल्‍मा बाक्‍त। गिश बेक्‍मा, मिश योव़शा वोइक्‍चा माल्‍मा बाक्‍त।
HEB 7:24 येसु चहिं गेना हना यो ब्रोंइशा बाक्‍तीके गेना हना यो चढ़ेब दुम्‍शा बाक्‍शो बाक्‍ब।
HEB 7:25 मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१
HEB 7:26 इं ठेयब चढ़ेब दोदेंशो माल्‍शो बाक्‍त देंशा हना, पाप रे ङोन बाक्‍शो, दोस मताइब, रिम्‍शो थुं पाइश्‍शो, पापी रे दिल्‍शा बाक्‍शो, स्‍वर्गमी नेल्‍ल क्‍येङा ठेयब सेल्‍चा पुंइसीशो माल्‍शो बाक्‍त।
HEB 7:27 अरु चढ़ेबपुकीमी नाक्‍त किंत किंत ङोंइती आन पशो पाप, नोले मुर आन पशो पाप क्‍याम्‍चा कली चढ़ेशो खोदेंशो पा आं पचा ममाल्‍द। कालेमीन आ रां चढ़ेशा, मुर नेल्‍ल आन पाप क्‍याम्‍ने थुम्‍तु। लेवी ९:७; लेवी १६:६,१५
HEB 7:28 परमप्रभु यावे आ अरेशो लोव़मी पाको मदुम्‍‍शो मुर आन कली योव़शा चढ़ेब सेल्‍बाक्‍त। परमप्रभु यावे आ अरेशो लोव़ तुइश्‍शो शुश बर्स नोले कसम जशो लोव़मी गेना हना यो पाको बाक्‍शो आ तौ कली ठेयब चढ़ेब सेल्‍शा वोइश्‍शो बाक्‍त।
HEB 8:1 मुल सम्‍म पशो लोव़मी नेल्‍ल क्‍येङा तुइक्‍चा माल्‍शो लोव़ मार बाक्‍ब देंशा हना, इं के ठेयब चढ़ेब स्‍वर्गम बाक्‍ब। मेको नेल्‍ल क्‍येङा ठेयब मान पाइक्‍चा पुंइसीब आ ठेयब नित्‍तीके आ ग्‍युरा गे बाक्‍शो बाक्‍ब। हिब्रू ४:१४
HEB 8:2 मुरपुकीमी सेल्‍शो ममाइ, परमप्रभु यावेमी सेल्‍शो थमा ङा ताम्‍बुमी गेय पाइब दुम्‍शो बाक्‍ब।
HEB 8:3 ठेयब चढ़ेब नेल्‍ले भेटी नु चोशा चढ़ेचा कली योव़चा पुंइसीशो बाक्‍नीम। मोपतीके मेको ठेयब चढ़ेबमी यो मारेइ थोव़क चढ़ेचा माल्‍ब।
HEB 8:4 रागीम बाक्‍शो हना, ठेयब चढ़ेब दुम्‍ने मचाप्‍ब वा। मारदे हना परमप्रभु यावे आ अरेशो लोव़मी ब्रेक्‍शो खोदेंशो पा चढ़ेब शुश बाक्‍नीम।
HEB 8:5 मेकोपुकीमी स्‍वर्ग ङा ताम्‍बु आ वांकुमी गेय पाइनीम। मोसामी ताम्‍बु सेल्‍चा गोवानु “डांडामी बाक्‍ङेनु, इ कली कोंइशो खोदेंशो सेलो” दे परमप्रभु यावे रे माइक्‍चा पुंइसे बाक्‍त। प्रस्‍थान २५:४०; कलस्‍सी २:१७
HEB 8:6 मेको चढ़ेबपुकीमी पशो गेय क्‍येङा ख्रीस्‍त आ पशो गेय रिम्‍शो कबल ङा बाक्‍ब। मारदे हना ङोंइती पशो कबल क्‍येङा नोले पशो रिम्‍शो कबल ङा लोव़ खाप्‍ब दुम्‍शो बाक्‍त। मेको नोले पशो कबल ङोंइती गेशो लोव़ क्‍येङा रिम्‍शो लोव़मी फ्रेंशो बाक्‍ब। हिब्रू ७:२२
HEB 8:7 ङोंइती पशो कबल ङा लोव़मी पाको सेल्‍शो हना, नक कबल पचा ममाल वा।
HEB 8:8 परमप्रभुम आ थुं मनुथु, इस्राएली आन कली “नेनीने, प्रभुमी ‘काबु इस्राएल आ खिं नु यहूदा आ खिं ङा मुरपुकी नु नक कबल का पाइनुङ। हिब्रू १०:१६-१७
HEB 8:9 मेको आन किकी पिपी आन कली पशो कबल खोदेंशो ममाइ। मेको किकी पिपी आन कली गुइमी ग्‍याइश्‍शा, इजीप्‍त रागी रे ग्रुंइशा लां कोंइदु नु कबल पा नाता सेल्‍तामी। तन्‍न मेकोपुकीमी नाता ख्रोइक्‍तेक्‍म। मोपतीके गो यो मेको आन कली प्रोंइशा ममिम्‍तुमी’ दे परमप्रभुमी देंब। प्रस्‍थान १९:५-६
HEB 8:10 मेको कबल मार बाक्‍ब देंशा हना, गो आं अरेशो लोव़ मेको आन मिम्‍तीकेम वोइश्‍शा, आन थुंम ब्रेक्‍नुङ। मिनु गो मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम।
HEB 8:11 सुइमी आ लोक्‍ब नु आ वारच कली ‘परमप्रभु यावे कली तुइक्‍तीन’ दे शेंमुचा ममाल्‍नीम। मारदे हना आल रे खूशो सम्‍म ङा नेल्‍लेमी आं कली तुइक्‍नीम।
HEB 8:12 मेको आन कली शिशी पा, आन पशो पाप नेल्‍ल क्‍याम्‍शा गेनुङमी। मेको आन मरिम्‍शो पशो गेनायो ममिम्‍नुङ” देंमाक्‍त। येरमीया ३१:३१-३४
HEB 8:13 नक कबल आ पर्बम लोव़ पा ङोंइती ङा कबल कली माइत सेल्‍तु। मुल ङा मेरे ममाल्‍शो नु माइत दुम्‍शो नेल्‍ल जाम्‍शा लचशो बाक्‍ब। रोमी १०:४
HEB 9:1 ङोंइती ङा कबलमी ठेयब सेल्‍चा कली अरेशो लोव़ नु रागीम परमप्रभु यावे आ बाक्‍तीक बाक्‍शो बाक्‍माक्‍त। प्रस्‍थान २५:३१; प्रस्‍थान २५:२३; प्रस्‍थान २५:३०
HEB 9:2 मिनु ताम्‍बु का सेल्‍शो बाक्‍माक्‍त। आगामी कोठा निक्‍शी पाइश्‍शो बाक्‍माक्‍त। ङोंइती ङा कोठाम बत्ती दातीक दियारी का, टेबल का नु परमप्रभु यावे आ ङोंइती वोइश्‍शो कोंइतीक शोब्‍ले बाक्‍माक्‍त। मेको आ नोले चोव़खो कोठा, दे नें वोइश्‍शो बाक्‍माक्‍त।
HEB 9:3 फारतीक वा आ आगा नेल्‍ल क्‍येङा चोव़खो कोठा बाक्‍‍शो बाक्‍माक्‍त।
HEB 9:4 थम चोव़खो कोठामी सुन के सेल्‍शो धूप चोतीक नु परमप्रभु यावे आ कबल पशो सुनमी गिल्‍शो सन्‍दोस बाक्‍माक्‍त। मेको कबल पशो सन्‍दोसमी मार वोइश्‍शो बाक्‍माक्‍त देंशा हना, मन्‍ना कुर पशो सुन के बोस, हारून आ कोच्‍वा दाप्‍शो कोक्‍के नु परमप्रभु यावेमी फुल्‍लुमी मुशा ब्रेक्‍शा वोइश्‍शो अरेशो लोव़ मेको आगाम बाक्‍माक्‍त। प्रस्‍थान १६:३३; प्रस्‍थान २५:१०-२२; गन्‍ती १७:२३-२५
HEB 9:5 सन्‍दोस आ तारी करूब निक्‍शी वोइश्‍शो बाक्‍तेक्‍म। मेको निक्‍शीमी “परमप्रभु यावे एकेर बाक्‍ब” दे आ शिशी पतीक कली वांकु गेशा वोइक्‍तेक्‍म। मेको नेल्‍ल आन पर्बम मुल का का पा शेंने मचाप्‍नुङ।
HEB 9:6 मोदेंशो ताम्‍बुमी चढ़ेबपुकीमी नाक्‍त किंत किंत ओव़शा, परमप्रभु यावे कली आन पचा माल्‍शो गेय पाम्‍तेक्‍म। गन्‍ती १८:३-४
HEB 9:7 थम चोव़खो कोठामी चहिं बर्समी खेयप का नेल्‍ल क्‍येङा ठेयब चढ़ेबमी हुश लाइश्‍शा चढ़ेथ ओव़बाक्‍माक्‍त। आ पशो नु अरु आन पशो पाप क्‍याम्‍चा कली मेको हुश चढ़ेबाक्‍माक्‍त। प्रस्‍थान ३०:३०; लेवी १६:२१४,१५
HEB 9:8 ङोंइती ङा कोठा बाक्‍मेनु, मुरपुकी थम चोव़खो कोठामी ओव़चा मताइनीम, दे परमप्रभु यावे आ सोक्‍तीम रुप्‍पाइक्‍ब। हिब्रू १०:२०
HEB 9:9 मेको मुल कली कोंइतीक का बाक्‍ब। मेकोमी मार कोंइब देंशा हना, भेटी नु चोशा चढ़ेशोमी मुर आन कली पाको सेल्‍ने मचाप्‍ब। हिब्रू ७:१९; हिब्रू १०:१-२
HEB 9:10 मेको पतीके जचा थोव़क, तूचा थोव़क, चिक्‍चा नु चढ़ेचा आ पर्बम बाक्‍नीम। मेको नेल्‍ल मुर आन मिम्‍शो शोर गाक्‍शो गेय बाक्‍नीम। नक लोव़ मजाक्‍‍म सम्‍म मेको माइत लोव़ टिशा पामेक्‍ल, दे वोइश्‍शो बाक्‍माक्‍त। लेवी ११:-; गन्‍ती १९:-
HEB 9:11 रागी ङा ममाइ, मुर आन गुइमी सेल्‍शो क्‍येङा ठेयब नु रिम्‍शो स्‍वर्ग ङा ताम्‍बुमी ख्रीस्‍त ठेयब चढ़ेब दुम्‍शा, गेय पाइब।
HEB 9:12 बाछा, बोका आन हुश चढ़ेशो ममाइ। कालेमीन स्‍वर्ग ङा थम चोव़खो कोठाम ओव़दीश्‍शा, आ हुश चढ़ेप्‍तु। मो पशोमी पाप रे प्रोंइतीक गेय गेना हना यो कली पने थुम्‍तु, मारेइ पचा मली।
HEB 9:13 बोका, ब्‍यफ आन हुश चढ़ेशा, आन श्‍ये चोशो ङा पुलु फ्रशा, मुर आन रां चोव़खो सेल्‍ने चाप्‍ब हना, गन्‍ती १९:२,९,१७
HEB 9:14 ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३
HEB 9:15 मोपतीके मेको नक कबल ङा गारपाइक्‍ब बाक्‍ब। मोपा ब्रेश्‍शोपुकी आन गेना हना यो लीब शोंप तामेक्‍ल। मारदे हना ख्रीस्‍त बेक्‍त। मिनु मेको आन ङोंइती ङा कबलम पशो पाप यो क्‍याम्‍साक्‍व। हिब्रू १२:२४; १तिमोथी २:५
HEB 9:16 मिनु “गो बेक्‍ङा नोले गेनुङ” दे कागज ब्रेक्‍बमी आ पशो कबल बेक्‍म नोले ला खाप्‍ब।
HEB 9:17 ब्रेक्‍पाइक्‍ब मबेक्‍म सम्‍म आ ब्रेक्‍पाइश्‍शो खाप्‍ने मचाप्‍ब। बेक्‍म नोले ला खाप्‍ब।
HEB 9:18 ङोंइती पशो कबल यो हुश जारशोमी गाप्‍शो बाक्‍माक्‍त।
HEB 9:19 मोसामी मुर आन कली परमप्रभु यावे आ शेंशो अरेशो लोव़ नेंपाइक्‍ने थुम्‍शा, बाछा नु बोका आन हुश नु ब्‍वाक्‍कु क्‍याल्‍शा, हिसोप के सेल्‍शो ब्राक्‍सु कली लल ऊनमी फ्रेंशा, परमप्रभु यावे आ अरेशो लोव़ ङा किताब नु मुर नेल्‍ल आन कली ब्रुइक्‍तीमी बाक्‍त। गन्‍ती १९:६
HEB 9:20 मिनु मेकोमी “परमप्रभु यावेमी इन कली पशो कबल एको हुशेमी खाप्‍तु” दे तुइक्‍पाइक्‍मी बाक्‍त। प्रस्‍थान २४:८
HEB 9:21 मिनु मोपा थुम्‍शा, मुर आन कली खोदेंशो पा ताम्‍बु नु ताम्‍बुमी वोइश्‍शो बोसपुकीमी यो ब्रुइक्‍ता बाक्‍त। लेवी ८:१५
HEB 9:22 थमा पा परमप्रभु यावे आ अरेशो लोव़ ब्रेक्‍शो खोदेंशो पा मारेइ मारेइ चोव़खो सेल्‍चा कली हुश ब्रुइक्‍चा माल्‍दा बाक्‍त। हुश मजारथु, पाप मक्‍याम्‍सीब, दे रुप्‍नय। लेवी १७:११
HEB 9:23 रागी ङा मोदेंशो थोव़क कली चोव़खो सेल्‍चा कली मोदेंशो माल्‍ताक्‍व हना, स्‍वर्गम बाक्‍शो कली चोव़खो सेल्‍चा कली मेको क्‍येङा रिम्‍शो चढ़ेचा माल्‍‍ताक्‍व।
HEB 9:24 मारदे हना ख्रीस्‍त मुरपुकीम सेल्‍शो ताम्‍बुमी मओव़। मेको स्‍वर्गम बाक्‍ब ताम्‍बु आ खोदेंशो ला बाक्‍त। तन्‍न मेको स्‍वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्‍ना २:१
HEB 9:25 ख्रीस्‍तमी आंम कली शुश खेयप चढ़ेचा ममाल्‍द। नेल्‍ल क्‍येङा ठेयब चढ़ेब चहिं बर्स बर्सम आंम हुश ममाइ, मार मार आन हुश कुरशा मेको नेल्‍ल क्‍येङा चोव़खो कोठा ओव़चा माल्‍दा बाक्‍त।
HEB 9:26 ख्रीस्‍त मोदेंशो बाक्‍शो हना, रागी सेल्‍चा रे मुल सम्‍म शुश खेयप श्‍येत जचा माल्‍द वा। तन्‍न मेकोमी रागी नुप्‍ची ना खेयप का पाप क्‍याम्‍चा कली आंम कली चढ़ेवा बाक्‍त। १कोरिन्‍थी १०:११; गलाती ४:४; हिब्रू १:३
HEB 9:27 दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९
HEB 9:28 मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४
HEB 10:1 मेको साइ ङा परमप्रभु यावे आ अरेशो लोव़ जाक्‍चशो रिम्‍शो लोव़ आ वांकु ला बाक्‍ब। मेको ङोंइती ङा लोव़ थमा पा पाप क्‍याम्‍तीके मबा। मिनु मेको लोव़ टिशा बर्स बर्समी चढ़ेम्‍तेक्‍म हना यो, परमप्रभु यावे आ नेक्‍था जाक्‍ब मुर आन कली पाको सेल्‍‍ने मचाप्‍ब। हिब्रू ८:५
HEB 10:2 मिनु परमप्रभु यावे कली मान पाइबपुकी खेयप का पाको दुम्‍तेक्‍म हना, चढ़ेबमी मारदे लेंशा चढ़ेचा माल्‍बा ङा। मुर पाको दुम्‍तेक्‍म हना, लेंशा चढ़ेचा माल्‍बा ङा?
HEB 10:3 तन्‍न मेको चढ़ेशोमी बर्स बर्समी पाप मिम्‍पाइक्‍ब, गेनायो मप्रेंसीब। लेवी १६:३४
HEB 10:4 मारदे हना ब्‍यफ नु बोका आन हुशेम पाप क्‍याम्‍ने मजाप्‍ब, दे तुइक्‍तय।
HEB 10:5 मोपतीके ख्रीस्‍त रागीम जाक्‍मेनु, मेकोमी “गे चढ़ेतीक नु भेटी ममाल्‍नी। तन्‍न गे आं कली मुर आ रां का सेल्‍तीनी।
HEB 10:6 गे चोशा चढ़ेतीके नु पाप आ पर्बम चढ़ेतीके मदाक्‍तीनी।
HEB 10:7 मिनु ‘परमप्रभु यावे, गो इन दाक्‍शो पथ रागीम जाक्‍ती। आं पर्बम ङोंइती ब्रेक्‍शो लोव़ खाप्‍ता’ दे ब्रेक्‍शो बाक्‍ब” देंत। भजन संग्रह ४०:७-९
HEB 10:8 मिनु मेकोमी “गे मार मार चढ़ेशो, भेटी नु चोशा चढ़ेतीक नु पाप आ पर्बम चढ़ेशो मदाक्‍नीनी। तन्‍न मेको आ अरेशो लोव़ टिशा चढ़ेशो ला बाक्‍नीम” देंत।
HEB 10:9 मेकोमी तेम्‍शा “रागीमी इन दाक्‍शो गेय पाइनुङ, देंशा, साइ रे ङा आन पशो प्रोंइपाइश्‍शा, नक लां कोंइताक्‍व।
HEB 10:10 मिनु गोपुकी येसु ख्रीस्‍त आ रां चढ़ेशोमी गेना हना यो परमप्रभु यावे आ मुर दुम्‍तय” दे रुब्‍य। यूहन्‍ना १७:१९
HEB 10:11 नाक्‍त किंत किंत चढ़ेबपुकीमी ताम्‍बुमी गेय पा चढ़ेना चढ़ेन बाक्‍तेक्‍म हना यो पाप मक्‍याम्‍सीब। प्रस्‍थान २९:३८
HEB 10:12 तन्‍न ख्रीस्‍तमी चहिं आ रां चढ़ेशोमी पाप क्‍याम्‍तीक गेय पने थुम्‍तु। मिनु गेना हना यो परमप्रभु यावे आ ग्‍युरा गे निश्‍शो बाक्‍ब।
HEB 10:13 आ जोरी सत्रु आन कली खोइल आगाम मवोदा सम्‍म रिम्‍शा बाक्‍शो बाक्‍ब। भजन संग्रह ११०:१
HEB 10:14 खेयप का आ रां चढ़ेशोमी गेना हना यो परमप्रभु यावे नु काथा बाक्‍चा ताइब आन कली पाको सेल्‍तीमी।
HEB 10:15 परमप्रभु यावे आ सोक्‍तीमी इं कली “एको लोव़ थमा बाक्‍ब” दे साइ ङा लोव़ मिम्‍पाइश्‍शा यो तुइक्‍पाइक्‍ब।
HEB 10:16 मेकोमी “नोले मेकोपुकी नु नक कबल का सेल्‍नुङ। आं लोव़ मेको आन कली आन कोव़जम वोइक्‍पाइश्‍शा, आन थुंमी ब्रेक्‍शा गेनायो मप्रेंब सेल्‍नुङमी। हिब्रू ८:१०
HEB 10:17 गो मेको आन पशो पाप प्रेंशा गेनायो ममिम्‍नुङ” देंशो बाक्‍ब। येरमीया ३१:३३-३४
HEB 10:18 मोपतीके पाप क्‍‍‍याम्‍से नोले गेनायो चढ़ेचा ममाल्‍ब, दे तुइक्‍नय। हिब्रू ८:१२
HEB 10:19 आं दाक्‍शो लोक्‍बपुकी, येसु आ हुशेमी परमप्रभु यावे आ ङोंइती जाक्‍दीत्‍चा ताइनय, दे तुइक्‍नय। मत्ती २७:५१; रोमी ५:२
HEB 10:20 मारदे हना आ रां चढ़ेशा, फारशो वा खाक्‍शा, नक ब्रोंइतीक लां सेल्‍तु। हिब्रू ९:८
HEB 10:21 मिनु परमप्रभु यावे आ खिं ङा ठेयब चढ़ेब दुम्‍त।
HEB 10:22 मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१
HEB 10:23 ठेयब थुं पशा आस पा बाक्‍य। मारदे हना लोव़ गेबमी मेको लोव़ दोपा यो खाप्‍ब, दे तुइक्‍नय। हिब्रू ४:१४
HEB 10:24 दाक्‍मुशा, रिम्‍शो गेय पा वारच पमुशा अरेपमुने।
HEB 10:25 थमा सुइक्‍ब आन ग्रुम्‍तीके लशा, लोव़ नेंचा मप्रोनीन। का निक्‍शी लचा मदाक्‍ब दुम्‍शो बाक्‍तेक्‍म। मोपतीके “लचा माल्‍ब” देंचा मप्रोनीन। येसु ख्रीस्‍त लेंशा जाक्‍चशो बाक्‍ब, दे मप्रेंथु बाक्‍कीन। हिब्रू ३:१३; रोमी १३:११-१२
HEB 10:26 मिनु मुल मार देंनुङ देंशा हना, ख्रीस्‍तम सेल्‍शो नक लां तुइश्‍शा यो मेको लां मखोइक्‍नुङ देंतय हना, मोदेंशो चहिं नेल्‍ल क्‍येङा ठेयब पाप बाक्‍ब। मेको पाप चहिं मारेइ चढ़ेशोमी मक्‍याम्‍सीथु लीशा बाक्‍ब। हिब्रू ६:४-८; गन्‍ती १५:३०
HEB 10:27 नक लां मखोइक्‍ब आन कली मारेइ आस मलीब। परमप्रभु यावे कली मटीबपुकी मीम खतम सेल्‍चा पुंइसीनीम। नक लां मखोइक्‍बपुकी यो मोपा खतम दुम्‍नीम।
HEB 10:28 साइ परमप्रभु यावे आ अरेशो लोव़ मटीब आन कली सांकछी निक्‍शी सां आन लोव़ नेंशा, दोस गेशा, काइ शिशी मपथु साइक्‍बाक्‍मा बाक्‍त। ब्‍यवस्‍था १७:६
HEB 10:29 मिनु परमप्रभु यावे आ तौ कली खोइलीम दिम्‍ब, शुश सजाइ गेशा साइक्‍चा पुंइसाक्‍म, दे तुइक्‍नय। ङोंइती आंम कली पाको सेल्‍शो नक कबल ङा हुश आ पर्बम शुक्‍शी पा “हुश नेल्‍ल कांइचीक बाक्‍ब, मार अर्को लोव़ बाक्‍बा ङा?” देंनीम। परमप्रभु यावे आ सोक्‍ती आ पर्बम यो शुक्‍शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५
HEB 10:30 मोदेंशो पाइब आन कली सजाइ गेब कली तुइश्‍शो बाक्‍नय। आं चहिं लोव़ कामी “क्‍येक्‍क लेत्‍तीक गेय आं के बाक्‍ब। मिनु गो पाइनुङ” देंब। मिनु लेंशा “परमप्रभुमी आ मुर आन कली निसाफ पाइब” देंब। ब्‍यवस्‍था ३२:३५-३६
HEB 10:31 मोपतीके ब्रोंइशा बाक्‍ब परमप्रभु यावे आ गुइ रे पा सजाइ गेचा पुंइसीचा चहिं नेल्‍ल क्‍येङा हिंचा ङा बाक्‍ब, दे तुइक्‍नय। हिब्रू १२:२९
HEB 10:32 साइ इन थुंमी छेङछेङ दुम्‍शा, थमा सुइक्‍ब दुम्‍नीनु, मार दुम्‍मे, मेको मुल यो मिम्‍तीने। मार दुम्‍त देंशा हना, शुश श्‍येत जाइतीनी हना यो, फाल्‍शा बाक्‍तीनी। हिब्रू ६:४
HEB 10:33 इन कली मुर आन कुल शुक्‍शी पा श्‍येत गेमेनु, फाल्‍तीनी। अरु आन कली श्‍येत जशो तनीनु, मेकोपुकी नु थुं का दुम्‍शा, मेको आन श्‍येत यो फाल्‍तीनी। १कोरिन्‍थी ४:९
HEB 10:34 जेल्‍खानम चोक्‍शा वोइश्‍शो आन कली शिशी पा ग्रुम्‍थ लाइतीनी। मिनु गे यो श्‍येत जाइतीनी। इन बाक्‍‍शो शोंप रोइश्‍शा लदमेनु, गेमी “इं के गेनायो मजाम्‍ब शोंप बाक्‍ब” दे तुइश्‍शा, लाइक्‍चा गेशा ग्‍येरसीशा बाक्‍तीनी। मत्ती ६:२०; मत्ती १९:२१,२६
HEB 10:35 मोपतीके मुल यो आस पचा मप्रोनीन, इनाम ताइनय, दे तुइश्‍शा, इन थुं बारपतीने।
HEB 10:36 गे फाल्‍तीक सक्ति माल्‍नीनी। परमप्रभु यावे आ दाक्‍शो गेय पना पन बाक्‍कीन। मिनु आ गेनुङ देंशो थोव़क ताइनीनी। लूका २१:१९; याकूब ५:७
HEB 10:37 मार ब्रेक्‍शो बाक्‍ब देंशा हना, लोव़ कामी “ ‘गो जाक्‍नुङ’ देंबमी मजाक्‍थु मप्रोंइब, देश पा यो मबाक्‍ब।
HEB 10:38 आं ठीक पाइब मुरपुकीमी आं कली थमा सुइश्‍शा, ब्रोंइशा बाक्‍नीम। नोले शोंइ‍साक्‍म हना, मेको आन कली तशा मग्‍येरनुङ” दे ब्रेक्‍शो बाक्‍ब। हबकुक २:३-४; रोमी १:१७
HEB 10:39 तन्‍न नोले शोंइ‍सीशा खतम दुम्‍चा पुंइसीब मदुम्‍नय। गेना हना यो परमप्रभु यावे नु बाक्‍चा ताइनय, दे थमा सुइश्‍शा बाक्‍नय। १थिस्‍सलोनिकी ३:३
HEB 11:1 थमा सुइक्‍चा चहिं मार बाक्‍ब देंशा हना, आस पशो थमा दुम्‍शो तांइसीब नु इं मिक्‍चीम मतशो थोव़की बाक्‍नीम, दे मिम्‍चा बाक्‍ब। मिनु बाक्‍नीमी यो। मेको मोदेंशो मिम्‍चा कली थमा सुइक्‍चा देंसीब। २कोरिन्‍थी ५:७
HEB 11:2 मोपा थमा सुइश्‍शोमी इं किकी पिपीपुकी ठीक दुम्‍मा बाक्‍त।
HEB 11:3 गोपुकीमी यो मोपा इं थमा सुइश्‍शोमी सरीङ रागी नेल्‍ल दुम्‍मेनु, मिक्‍चीम तशो थोव़की के सेल्‍शो मनम, तन्‍न परमप्रभु यावेमी “दुमीन” देंशो लोव़मी दुम्‍शो बाक्‍नीम, दे तुइक्‍नय। उत्‍पत्ती १:१-२,४
HEB 11:4 काइन नु हाबील निम्‍फामी परमप्रभु यावे कली भेटी चढ़ेम्‍सेनु, काइन क्‍येङा हाबील आ चढ़ेशो रिम्‍शो बाक्‍माक्‍त। मारदे हना हाबीलमी परमप्रभु यावे कली थमा सुइक्‍बाक्‍माक्‍त। मिनु हाबील आ चढ़ेशो ताक्‍शा, परमप्रभु यावेमी “हाबीलमी थमा सुइक्‍ती। मोपतीके ठीक दुम्‍पाइक्‍ता” दे कोंइताक्‍व। हाबील बेक्‍शा लशा, मिश बर्स दुम्‍शा यो आ थमा सुइश्‍शो आ पर्बम चहिं मुल सम्‍म लोव़ पना पन बाक्‍नय। उत्‍पत्ती ४:३-४
HEB 11:5 हानोकमी परमप्रभु यावे कली थमा सुइक्‍बाक्‍माक्‍त। मोपतीके आ मबेक्‍थु सेसीन, परमप्रभु यावे नु लशा बाक्‍चा तवा बाक्‍त। हानोक रागीम बाक्‍मेनु, परमप्रभु यावे आ देंशो टिशा, आ थुं नुपाइश्‍शो बाक्‍माक्‍त, दे तुइक्‍नय। हिब्रू लोव़मी हानोक कली एनोक बाक्‍ब।उत्‍पत्ती ५:२४
HEB 11:6 थमा मसुइक्‍थु मेको आ थुं नुपाइक्‍ने मजाप्‍ब। परमप्रभु यावे आ नेक्‍था जाक्‍दीन्‍ने यो मजाप्‍ब। मेको बाक्‍ब, दे थमा सुइक्‍चा माल्‍ब। मिनु मेको बाक्‍‍ब, दे थमा सुइक्‍बपुकीम मेको कली माल्‍नीम। मिनु आ कली माल्‍ब आन कली तपांइसीब।
HEB 11:7 नोआह यो थमा सुइक्‍ब बाक्‍माक्‍त। यावेमी मेको कली “नोले ओदेंशो दुम्‍ब” मदानु, मेको लोव़ थमा सुइश्‍शा टिशा, ठेयब डोंगा सेल्‍शा, आ खिं ङा मुर आन कली ओंइशा, बेक्‍चा मगेथु प्रोंइमी बाक्‍त। नोआहमी मो पशो तशा यो अरुमी थमा मसुदमे बाक्‍त। मिनु आन थमा मसुइक्‍तीके दोसी दुम्‍शा, नेल्‍ल बेक्‍चा माल्‍मा बाक्‍त। नोआह चहिं थमा सुइश्‍शोमी ब्रोंइचा तांइसीब, दे कोंइब दुम्‍माक्‍त। उत्‍पत्ती ६:८-९,१३-२२
HEB 11:8 अब्राहाममी यो परमप्रभु यावे आ लोव़ थमा सुइक्‍बाक्‍माक्‍त। यावेमी “इ कली नोले गेनुङ देंशो रागी कोंइनन। मोपतीके एकेर रे लावो” देंमेनु, अब्राहाममी परमप्रभु यावे आ देंशो टिशा, ते लचा मतुइक्‍थु, यो मलेत्‍चा ङा पा मेको रागी प्रोंइशा गाक्‍माक्‍त। उत्‍पत्ती १२:- २१:-
HEB 11:9 मिनु थमा सुइश्‍शा कोंइशो रागीम जाक्‍दीश्‍शा, परमप्रभु यावे आ गेशो लोव़ ताइब आ तौ इसहाक, आ चच याकूब नु काथा बाक्‍शा, अर्को रागी ङा मुर खोदेंशो पा खिं मसेल्‍थु ताम्‍बु कीशा बाक्‍माक्‍त।
HEB 11:10 सरीङ नु रागी कली सेल्‍ब परमप्रभु यावेमी दुशा ग्‍येरशा बाक्‍तीक सहर यो सेल्‍ब बाक्‍ब। अब्राहाममी मेको सहर कली रिम्‍शो बाक्‍माक्‍त।
HEB 11:11 थमा सुइश्‍शोमी अब्राहाम आ मीश सारा आल मथीब थारी बाक्‍शा यो, आल थीब दुम्‍माक्‍त। मारदे हना लोव़ गेब परमप्रभु यावेमी आ लोव़ दोपा यो खाप्‍ब, दे थमा सुइश्‍शो बाक्‍माक्‍त।
HEB 11:12 मेना अब्राहाम आल मथीब खाल्‍पा बाक्‍माक्‍त हना यो, नोले आ खिं ङा मुर सोरुल खोदेंशो पा शुश दुम्‍शा, हिक्‍ने मचाप्‍चा ङा दुम्‍मा बाक्‍त।
HEB 11:13 अब्राहाम नु आ खिं ङा मुरपुकीमी परमप्रभु यावेमी गेशो लोव़ थमा सुइश्‍शा बेक्‍मा बाक्‍त। मेको लोव़ गाप्‍शो मतथु, ङोन रे तशा मजाक्‍दीत्‍थु, बेक्‍मा बाक्‍त। मेकोपुकीमी “इं रागी मजाक्‍दीत्‍थु, अर्को आन रागीम बाक्‍तय” देंशो बाक्‍मा बाक्‍त। उत्‍पत्ती २३:४; उत्‍पत्ती ४७:९; १इतिहास २९:१५
HEB 11:14 मो देंमानु “आंइ रागी माल्‍शा गाक्‍तक” दे तुइक्‍पाइक्‍नीम।
HEB 11:15 मेकोपुकीमी आन ग्रूशा लशो रागी मिम्‍ताक्‍म हना, लेश्‍शा लम वा।
HEB 11:16 तन्‍न ग्रूशा लशो रागी क्‍येङा रिम्‍शो बाक्‍तीके परमप्रभु यावेम गेब, दे तुइश्‍शा, परमप्रभु यावे गे लमा बाक्‍त। मिनु परमप्रभु यावे मेको आन परमप्रभु यावे दुम्‍चा मुने मपाइब। मेको आन कली बाक्‍तीके सहर का सेल्‍शा वोइश्‍शो बाक्‍ब।
HEB 11:17 अब्राहाममी आ थुं थाम्‍चा पुंइसीशा थमा सुइश्‍शा, आ तौ इसहाक कली चढ़ेवा बाक्‍त। इसहाक अब्राहाम आ कांइचीक तौ बाक्‍माक्‍त। मेको रे पा परमप्रभु यावे आ गेशो लोव़ थमा दुम्‍चा माल्‍शो बाक्‍माक्‍त। उत्‍पत्ती २२:१-१९; याकूब २:२१
HEB 11:18 मारदे हना परमप्रभु यावेमी अब्राहाम कली “इसहाक रे पा इ चच युइ रागीम लीनीम” दे लोव़ गेशो बाक्‍माक्‍त। उत्‍पत्ती २१:१२
HEB 11:19 अब्राहाममी “आं तौ बेक्‍त हना यो, परमप्रभु यावेमी बेक्‍शो रे सेंने चाप्‍ब” दे मिम्‍ता बाक्‍त। परमप्रभुमी अब्राहाम आ मिम्‍शो तुइश्‍शा, आ तौ कली मसाइक्पाइक्‍‍थु लेत्‍ता बाक्‍त।
HEB 11:20 इसहाकमी परमप्रभु यावे आ देंशो नोले दुम्‍ब लोव़ थमा सुइश्‍शा, आ तौ याकूब नु एसाव आस कली आसीक गेम्‍सी बाक्‍त। उत्‍पत्ती २७:१-४०; उत्‍पत्ती ४८:- ५०:-
HEB 11:21 याकूबमी थमा सुइश्‍शा, आ बेक्‍ची ना कोक्‍केमी आ पिया तिक्‍शा, परमप्रभु यावे कली ठेयब सेल्‍शा, योसेफ आ तौ आस कली आसीक गेम्‍सी बाक्‍त। उत्‍पत्ती ४७:३१
HEB 11:22 मिनु नोले योसेफमी यो आ बेक्‍ची जाक्‍त, दे तुइश्‍शा ङा मिन “इस्राएलीपुकी इजीप्‍त रे ग्रूशा गाक्‍नीम” दे परमप्रभु यावे आ देंशो लोव़ मिम्‍शा, आ मुर आन कली “गे लेन्‍नीनु, आं रुश यो लाइश्‍शा लने” दे माइक्‍मी बाक्‍त। मारदे हना आ यो “परमप्रभु यावे आ देंशो जाक्‍दीप्‍ब” दे थमा सुइश्‍शो बाक्‍माक्‍त।
HEB 11:23 मोसा जरमेसेनु, आम आफोमी थमा सुइश्‍शा “परमप्रभु यावेमी एको आल कली ब्रोंइपाइक्‍ने चाप्‍ब। मोपतीके एको इश दारशो आल कली मसाइक्‍चा” देंशा, पिप आ हुकुम मटिथु महिंथु, आस तौ मोसा कली महिना सां सम्‍म ख्रुइश्‍शा वोदसे बाक्‍त। प्रस्‍थान २:१२,१४
HEB 11:24 मिनु मोसा मोपा कोल्‍शा ठेयब दुम्‍शा, परमप्रभु यावे कली थमा सुइश्‍शा, मार पवा बाक्‍त देंशा हना “मुल ङा मेरे फाराओ आ तमी आ तौ मदुम्‍नुङ, आं मुर नु लाइनुङ” दे लमाक्‍त।
HEB 11:25 पापीपुकी नु काथा बाक्‍शा, सुख जचा क्‍येङा परमप्रभु यावे आ मुर नु बाक्‍शा, श्‍येत जशा बाक्‍चा योव़तु।
HEB 11:26 मारदे हना इजीप्‍त ङा शोंप नु मान तशा यो मारेइ मसुइक्‍थु “ख्रीस्‍तमी श्‍येत जशो खोदेंशो पा श्‍येत जचा थमा ङा शोंप नु मान बाक्‍ब, दे मिम्‍ताक्‍व। मिनु नोले इनाम यो तांइसीब” दे तुइश्‍शा थमा सुइश्‍शो बाक्‍माक्‍त।
HEB 11:27 “मतांइसीब परमप्रभु यावे कली मिक्‍चीम तशो खोदेंब पा आं नेक्‍थान ताइनुङ” दे थमा सुइश्‍शा, पिपी गाइश्‍शो तशा यो महिंथु, इस्राएली आन कली इजीप्‍त रे ग्रुंइशा लाइक्‍मी बाक्‍त।
HEB 11:28 इजीप्‍त रे ग्रुंइचा ङोंइती पास्‍सा चाड ङा भोज जपाइक्‍मी बाक्‍त। मारदे हना “तेको खिं ङा लाप्‍चो आ पियामी हुश ब्रुइश्‍शो बाक्‍मे, मेकेर परमप्रभु यावे आ स्‍वर्ग ङा गेय पाइबमी जेठा तौ कली मसाइक्‍ब” दे परमप्रभु यावे आ लोव़ थमा सुइश्‍शा, हुश ब्रुइक्‍पाइक्‍मी बाक्‍त।
HEB 11:29 मिनु थमा सुइश्‍शोमी लल समुन्‍द्रम सोव़शो लां दुम्‍माक्‍त। मिनु खोइल का यो मजित्‍थु शोक्‍समा बाक्‍त। मेको आन नोले खोइश्‍शा खेदा पाइब इजीप्‍त ङा मुरपुकी चहिं समुन्‍द्रमी ग्रुम्‍शा बेक्‍मा बाक्‍त।
HEB 11:30 परमप्रभु यावे आ देंशो लोव़ थमा सुइश्‍शा, यरीको सहर ७ नाक्‍त सम्‍म हिरसमा बाक्‍त। मिनु ७ नाक्‍त गारो नेल्‍ल ब्रेम्‍मा बाक्‍त। यहोसु २:-; ६:१-२५
HEB 11:31 ङोंइती राहाब तेल्‍लेममी मोसाम सोइश्‍शो क्‍यारी पाइब आन कली जतीक बाक्‍तीक गेशा मान पशो बाक्‍माक्‍त। मिनु आन देंशो लोव़ थमा सुइक्‍तीके मटीब नेल्‍ल नु मबेक्‍थु, ब्रोंइचा तवा बाक्‍त। याकूब २:२५
HEB 11:32 में ङा लाक्‍शा मार देंनुङा? मारदे हना मोदेंशो थमा सुइक्‍ब शुश बाक्‍नीम। गिदोन, बाराक, साम्‍सोन, येफ्‍‍ता, दाऊद, सामुएल नु परमप्रभु यावे आ लोव़ पाइब नेल्‍ल आन पशो मिम्‍पाइक्‍तन्‍नी हना, आं लोव़ गेनायो मनुप्‍ब। न्‍यायाधीस ६:११- ८:३२; न्‍यायाधीस ४:४-२४; न्‍यायाधीस १३:१-१६,३१; न्‍यायाधीस ११:१-१२,७; १सामुएल १७:-; दानीएल ६:-
HEB 11:33 मोदेंशो थमा सुइक्‍बपुकीमी मार पामे बाक्‍त देंशा हना, कोइमी लडाइ पा ग्राशा, रागी आंम के सेल्‍मे बाक्‍त। कोइमी श्‍येत जाइब आन कली वारच पामे बाक्‍त। कोइमी ङोंइती देंशो लोव़ थमा दुम्‍शो तामे बाक्‍त। गुप्‍स आन शोव़ रे यो ब्रोंइमा बाक्‍त।
HEB 11:34 मीम हुम्‍चा पुंइसीशा यो मबेक्‍मा बाक्‍त। तरवारमी क्‍योरचामेनु यो ब्रोंइमा बाक्‍त। मारेइ पने मचाप्‍ब बाक्‍मा बाक्‍त हना यो, पने चाप्‍ब दुम्‍मा बाक्‍त। लडाइ पामेनु यो ठेयब थुं पाइश्‍शो दुम्‍शा, आन जोरी सत्रु आन कली फ्रुशा खेरमे बाक्‍त।
HEB 11:35 मीश मुरपुकीमी आन तौ बेक्‍शा लशा, बेक्‍शो रे सेंसीशो तामे बाक्‍त। मिनु मेको आलपुकी एको रागीम ब्रोंइमा बाक्‍त। कोइमी “बेक्‍शा नोले बेक्‍शो रे सेंसीशा गेनायो मबेक्‍सीब, ग्‍येरशा बाक्‍चा तांइसीब” दे थमा सुइश्‍शा, श्‍येत जशा यो फाल्‍शा बाक्‍मा बाक्‍त। शुश श्‍येत जशा तुप्‍चा पुंइसमा बाक्‍त हना यो “थमा सुइक्‍चा प्रोंइनीकी” दे मदेंमा बाक्‍त। “थमा सुइक्‍चा प्रोंइनीकी” देंशो नम हना, प्रोंइशा सोइक्‍तेम वा। “थमा सुइक्‍चा मप्रोंइनीकी” देंशोमी श्‍येत जना जन साइक्‍चा पुंइसमा बाक्‍त। १राजा १७:१७-२४; २राजा ४:८-३७;
HEB 11:36 का निक्‍शी शुक्‍शी लोव़ पा कोर्राम युक्‍शा, गुइ खोइली साङलोम पाइश्‍शा, जेल्‍खानम चोक्‍शा वोइक्‍चा पुंइसमा बाक्‍त। १राजा २२:२७; येरमीया २०:१-३; येरमीया ३७:११-१६
HEB 11:37 फुल्‍लु आप्‍शा साइक्‍चा पुंइसमा बाक्‍त, आरामी रिक्‍शा साइक्‍चा पुंइसमा बाक्‍त, तरवारम क्‍योरशा साइक्‍चा पुंइसमा बाक्‍त। २इतिहास २४:२१
HEB 11:38 तेइ बाक्‍चा मतथु, जचा फेक्‍चा मतथु, भेडा नु क्‍यारश आन कुशुल फेक्‍शा, एर ओंथ हिरना हिरन गोरशो रागी रोंगुमी प्रोक्‍शा, पुक्‍खीमी ख्रुइक्‍ना ख्रुइक्‍न बाक्‍मा बाक्‍त। मोपा श्‍येत जाइब आन कली एको रागीमी बाक्‍शा ब्रोंइचा मगारब। मारदे हना रिम्‍शो मुर बाक्‍नीम। एको रागी चहिं मरिम्‍शो बाक्‍ब।
HEB 11:39 मेको नेल्‍ले थमा सुइश्‍शा, परमप्रभु यावे आ ङोंइती ठीक दुम्‍मा बाक्‍त। परमप्रभु यावे आ गेशो लोव़ चहिं गाप्‍शो मतामे बाक्‍त। हिब्रू ११:४-५
HEB 11:40 मारदे हना परमप्रभु यावेमी इं पर्बम शुश रिम्‍शो मिम्‍शो बाक्‍मा बाक्‍त। मिनु मेकोपुकी यो गोपुकी नु रिम्‍शो दुम्‍मल। मेको नक लां रे पा पाको मसेल। मेको आन कली नु इं कली काथा वोइश्‍शो बाक्‍ब, दे रुब्‍य।
HEB 12:1 साइ थमा सुइक्‍बपुकी शुश बाक्‍मा बाक्‍त। मेकोपुकीमी इं कली कोव़ना कोव़न बाक्‍नीम। मोपतीके दोरब मुर खोदेंशो पा, इं कली तेक्‍ब नु खोल्‍ने चाप्‍बपुकी तिल्‍शा, पापमी इं खोइली फ्रेंचा मगेथु, दोरय। १कोरिन्‍थी ९:२४
HEB 12:2 थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०
HEB 12:3 येसु रागीम बाक्‍मेनु, पापीपुकीमी शुक्‍शी पा खेदा पा शुश मरिम्‍शो पाम्‍तेक्‍म हना यो, मेको नेल्‍ल फाल्‍तु। मेको आ श्‍येत फाल्‍शो मिम्‍तीने। मेको मिम्‍ताक्‍नी हना, इन थुं बारनीनी। लांमी गाक्‍शा दशो खोदेंशो मदुम्‍नीनी। मत्ती २६:६७; लूका २:३४
HEB 12:4 पाप नु लडाइ पा मुल सम्‍म हुश जुइक्‍थ्री मदुम्‍नी।
HEB 12:5 तमी तौ आन कली अर्ती गेशो खोदेंशो पा इन कली ङोंइती गेशो अर्ती प्रेंदीनी माइ, दे मिम्‍पाइक्‍नन्‍नी। ओदें ब्रेक्‍शो बाक्‍ब “आं तौ, परमप्रभुमी इ कली शेंदानु, शेंसो। इ कली श्‍येत जपदानु ‘फाल्‍ने मचबु’ मदेनो। मेको कली सोपी ममिम्‍तो।
HEB 12:6 परमप्रभुमी सु कली दाक्‍बा, मेको कली सजाइ गेब। सु कली आ तौ मिम्‍बा, मेको कली तुप्‍ब” दे ब्रेक्‍शो बाक्‍ब। हितोपदेस ३:११-१२; प्रकाश ३:१९
HEB 12:7 श्‍येत गेचा पुंइसीनीनु, परमप्रभु यावेमी शेंताक्‍की, दे मिम्‍तीने। आफोमी आल कली पशो खोदेंशो पा, परमप्रभु यावेमी इन कली पाइब। आफोमी शेंचा मपुंइसीब तौ बाक्‍बा ङा?
HEB 12:8 आल नेल्‍ले शेंचा पुंइसीनीम। परमप्रभु यावेमी इन कली मशेंताक्‍व हना, आ तमी तौ मननी। आफ मपाइश्‍शो बाक्‍नीनी।
HEB 12:9 एको रागी ङा इं आफोमी इं कली तुप्‍तेक्‍म हना यो, मेको आन कली मान पा आन लोव़ टीतय। मिनु गेना हना यो आ नु काथा बाक्‍चा कली स्‍वर्ग ङा आफ आ देंशो टिचा ममाल्‍नया ङा?
HEB 12:10 इं आफपुकीमी इं कली आन मिम्‍स पा नाक्‍ती का निक्‍शी सम्‍म शेंताक्‍म। स्‍वर्ग ङा आफोमी चहिं इं कली रिम्‍शो थुं पाइश्‍शो सेल्‍चा दाक्‍ब। पाप रे ङोन बाक्‍शो आ खोदेंशो दुम्‍शो तचा दाक्‍ब। मोपतीके इं कली शेंब।
HEB 12:11 मोदेंशो पा शेंचा पुंइसीयानु, मग्‍येरनय। श्‍येत जाइनय। श्‍येत फाल्‍ने चाप्‍बपुकी ठीक दुम्‍नीम, आन थुं नाइक्‍चा ताइनीम, दे रुब्‍य। २कोरिन्‍थी ४:१७-१८
HEB 12:12 मोपतीके श्‍येत जाइतीनी हना यो, लांमी गाक्‍शा दशो खोदेंशो मदुमीन, इन गुइ खोइल सेस दुम्‍शा गाक्‍कीन।
HEB 12:13 लां ब्रेम्‍शो सेल्‍शा, रिम्‍शो पा थेक्‍शा गाक्‍कीन। सुइ दशा, खोइली खाइश्‍शा, आन पोक्‍च मबुइक्‍ल। रिम्‍शो पा गाक्‍शा, आन दशो सामल। हितोपदेस ४:२६-२७
HEB 12:14 मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२
HEB 12:15 अर्ती गेमुशा वारच पमुशा बाक्‍कीने। सुइ परमप्रभु यावे आ शिशी मताइब मदुम्‍ल। सुइमी थुं चोशा दुशा बाक्‍ब आन कली फ्राशा, मुर आन कली मरिम्‍शो मसेलल। ब्‍यवस्‍था २९:१७
HEB 12:16 सुइ एसाव खोदेंशो मरिम्‍शो मदुम्‍ल। एसावमी काले आ कोव़ज प्रिंचा कली ङोंइती जरमेशो तौमी तचा ङा शोंप नु आसीक आ लोक्‍ब कली प्रोना बाक्‍त। उत्‍पत्ती २५:३३-३४
HEB 12:17 नोले आस आफोमी अङस योक्‍गानु, एसावमी ङोंइती जरमेशो तौ आ तचा ङा अङस गेयीनी, दे ङाक्‍ना ङाक्‍न पुंइशा यो आ आफ आ थुं लेप्‍पाइक्‍ने मचबा बाक्‍त। मिनु परमप्रभु यावे आ ङोंइती आ नें मलीमाक्‍त, दे नेल्‍लेमी तुइक्‍नीनी। उत्‍पत्ती २७:३०-४०
HEB 12:18 साइ इं किकी पिपीपुकीमी परमप्रभु यावे कली ग्रुम्‍शो खोदेंशो पा मग्रुम्‍नीनी। मेकोपुकीमी गुइमी थिचा ङा डांडामी मी ब्रशा तामे बाक्‍त। मिनु छिङछिङ दुम्‍शा क्‍येर गोस्‍स बोक्‍शा, फश गिवार पा बुंबु पवा बाक्‍त। गे मेक सम्‍म मजाक्‍शो बाक्‍नीनी। प्रस्‍थान १९:१२,१६,१८; ब्‍यवस्‍था ४:११
HEB 12:19 मिनु तुराही ताप्‍शो ठेयब रेयके खोदेंब पा परमपभु यावे आ लोव़ नेन्‍मे बाक्‍त। मेको लोव़ नेंने मचाप्‍थु “मुल ङा मेरे ओं देंब लोव़ मपचा” दे थम हिंशा पुन्‍मे बाक्‍त। प्रस्थान २०:१९
HEB 12:20 मेकोपुकीमी नेंने मचाप्‍शो लोव़ “एको डांडा थीब बस्‍तु जन्‍तु बाक्‍त हना यो, मेको कली फुल्‍लु आप्‍शा साइक्‍चा माल्‍ब” देंशो लोव़ बाक्‍माक्‍त। प्रस्‍थान १९:१३
HEB 12:21 मोदेंशो हिंचा ङा दुम्‍शो तशा, मोसामी “हिंशा ख्रिंख्रि पाता” देंमाक्‍त। ब्‍यवस्‍था ९:१९
HEB 12:22 तन्‍न गे सियोन डांडाम ब्रोंइशा बाक्‍ब परमप्रभु यावेमी स्‍वर्गम सेल्‍शो यरूसलेम सहर जाक्‍दीश्‍शा बाक्‍चा ताइनीनी। मेकेर परमप्रभु यावे आ स्‍वर्ग ङा गेय पाइब बाक्‍नीम। गलाती ४:२६; एफिसी २:६; फिलिप्‍पी ३:२०; प्रकाश २१:२; प्रकाश ५:११
HEB 12:23 आन नें स्‍वर्गम ब्रेक्‍चा पुंइसीशा, इन क्‍येङा ङोंइती जाक्‍दीश्‍शा, पाप रे ब्रोंइशा ग्‍येरशा बाक्‍चा ताइबपुकी बाक्‍नीम। परमप्रभु यावेमी मुर नेल्‍ल आन कली निसाफ पाइब आ नेक्‍था बाक्‍नीम। लूका १०:२०
HEB 12:24 नक कबल खाप्‍ब येसु बाक्‍ब। मिनु येसु आ जारशो हुश यो बाक्‍ब। मेको हुश हाबील आ हुश खोदेंशो ममाइ। हाबील आ हुशेमी “आं कली साइक्‍ब सजाइ गेचा पुंइसमल” देंब। येसु आ हुशेम चहिं “मेको आन पाप नेल्‍ल क्‍याम्‍शा, सजाइ जचा रे प्रोंइतामी” देंब। हिब्रू ९:१५; उत्‍पत्ती ४:१०
HEB 12:25 होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९
HEB 12:26 परमप्रभु यावेमी लोव़ पवानु, ख्रिनु कुशो खोदेंब पा रागी नेल्‍ले हिम्‍से बाक्‍त। मुल इं कली मार लोव़ पाइब देंशा हना “मुल यो लेंशा काले रागी ला ममाइ, सरीङ यो हिम्‍नुङ” देंब। हग्‍गै २:६
HEB 12:27 “मुल यो लेंशा काले हिम्‍नुङ” देंशो लोव़ रे मार रुम्‍सीब देंशा हना, हिम्‍सीबपुकी सेल्‍चा पुंइसीशो बाक्‍नीम। मिनु फाइक्‍चा पुंइसीनीम। महिम्‍सीबपुकी चहिं लीनीम, दे रुम्‍सीब।
HEB 12:28 मोपतीके गेनायो महिम्‍सीब राज्‍य ओव़चा ताइनय, दे तुइश्‍शा, परमप्रभु यावे कली मान पा ठेयब सेल्‍ना सेल्‍न “गे रिम्‍शो पाइब बाक्‍नीनी” देंशा, ग्‍येरशा आ दाक्‍शो गेय पना पन बाक्‍य।
HEB 12:29 इं परमप्रभु यावे नेल्‍ल खतम सेल्‍ब मी खोदेंशो बाक्‍ब। हिब्रू १०:३१; ब्‍यवस्‍था ४:२४
HEB 13:1 लोक्‍ब खोदेंशो पा दाक्‍मुशा गारशा बाक्‍कीन। यूहन्‍ना १३:३४; २पत्रुस १:७
HEB 13:2 इन खिंम जाक्‍ब सुइ आन कली जचा बाक्‍चा गेचा मप्रोनीन। मोपा गेशोमी का निक्‍शीमी आन मतुइक्‍थु परमप्रभु यावे आ स्‍वर्ग ङा गेय पाइब आन कली मान पचा ताम्‍तेक्‍म। रोमी १२:१३; १पत्रुस ४:९; ३यूहन्‍ना ५-८; उत्‍पत्ती १८:२-३; उत्‍पत्ती १९:२-३
HEB 13:3 जेल्‍खानम चोक्‍चा पुंइसीशो आन कली काथा बाक्‍शो मिम्‍शा वारच पने। श्‍येत गेचा पुंइसीब आन कली तशा, आंम श्‍येत जशो खोदेंशो मिम्‍तीने। मत्ती २५:३६
HEB 13:4 गे नेल्‍लेमी “ग्युंबे पशो रिम्‍शो बाक्‍ब” दे मिम्‍तीने। मुर आ मीश नु मुरु आ वोंइश मइम्‍मल। मीश वोंइश आस नाता ख्रोइक्‍ब नु तेल्‍लेम आन कली परमप्रभु यावेमी निसाफ पाइब।
HEB 13:5 क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६
HEB 13:6 प्रभु आ देंशो तुइश्‍शा “प्रभुमी आं कली कोव़शा, वारच पाइब। मुरपुकीमी मार पने चाप्‍नीमी ङा? मारेइ पने मचाप्‍नीम। मोपतीके महिंथु बाक्‍ती” दे ठेयब थुं पा बाक्‍य। भजन संग्रह ११८:६
HEB 13:7 इन कली परमप्रभु यावे आ लोव़ शेंब आन पशो मिम्‍तीने। मेकोपुकी बेक्‍ची सम्‍म थमा सुइक्‍चा मप्रोनेम। मेको आन पशो खोदेंशो पने।
HEB 13:8 साइ ङोंइती, मुल नु गेना हना यो येसु ख्रीस्‍त मफांइसीथु बाक्‍ब, दे तुइक्‍तीन। यसैया ४१:४; १कोरिन्‍थी ३:११; प्रकाश १:१७-१८; प्रकाश २२:१३
HEB 13:9 मुल सम्‍म मनेंशो नु दूली शेंब लोव़मी इन थुं क्‍याल्‍चा मगेने। परमप्रभु यावे आ शिशीमी रिम्‍शो थुं पाइश्‍शो दुम्‍तय, दे गेनायो मप्रेंदीने। चोव़खो जशोमी ठीक थुं मसेल्‍ब, दे रुपीने। एफिसी ४:१४; २कोरिन्‍थी १:२१; रोमी १४:१७; १तिमोथी ४:८
HEB 13:10 गुइमी सेल्‍शो ताम्‍बुम गेय पाइबपुकीमी येसु आ भोज जचा मताइनीम।
HEB 13:11 साइ ठेयब चढ़ेबमी पाप क्‍याम्‍चा कली बस्‍तु भाव क्‍योरशा, थम चोव़खो कोठाम ओव़शा हुश चढ़ेम्‍तेक्‍म। श्‍ये चहिं ग्रुंइशा, मुर मबाक्‍तीकेम लाइश्‍शा चोम्‍तेक्‍म। मिनु सुइमी मेको श्‍ये ब्‍वचा मताम। लेवी १६:२७
HEB 13:12 मोपतीके मुर आन पाप क्‍याम्‍चा कली येसु कली सहर रे ग्रुंइशा, श्‍येत जपाइक्‍तेक्‍म। येसुमी मुर आंम के सेल्‍चा कली आ हुश चढ़ेप्‍तु। मत्ती २१:३९; यूहन्‍ना १९:१७
HEB 13:13 आ मुर दुम्‍शा, मेको मेर ग्रूशा, आ नु काथा बाक्‍शा, आ बुदी शुक्‍शी पाइक्‍चा पुंइसाक्‍य। हिब्रू ११:२६; हिब्रू १२:२
HEB 13:14 एको रागीमी गेना हना यो बाक्‍चा मताइनय। जाक्‍चशो सहर कली रिम्‍शा बाक्‍नीकी। हिब्रू ११:१०; हिब्रू १२:२२
HEB 13:15 येसु रे पा परमप्रभु यावे कली मान पा ठेयब सेल्‍ना सेल्‍न बाक्‍य। मेको यो इं शोव़ ङा भेटी बाक्‍ब। भजन संग्रह ५०: १४,२३; होसे १४:३
HEB 13:16 अरु आन कली रिम्‍शो पने। मथीब मचाप्‍ब आन कली मार माल्‍दा, मेको गेचा मप्रेंदीने। मिनु परमप्रभु यावेमी इन कली मोदेंब रिम्‍शो पशो तशा ग्‍येरब।
HEB 13:17 इन कली शेंब आन लोव़ नेंशा टिने। मेकोपुकीमी “परमप्रभु यावे आ ङोंइती जिम्‍मा ब्राइनुङ” दे तुइश्‍शा इन कली शेंनीमी, कोव़नीम। शेंब आन लोव़ टीतीनी हना, मेकोपुकीमी ग्‍येरशा शेंनीम। इन कली मटिशो तशा चहिं, आन थुं हेल्‍शो दुम्‍शा, शेंचा ब्रीनीम, मिनु इन कली यो मरिम्‍शो दुम्‍ब। १थिस्‍सलोनिकी ५:१२; इजीकीएल ३:१७-१९
HEB 13:18 आंइ पर्बम परमप्रभु यावे कली पुंइना पुंइन बाक्‍कीने। मारेइ दोस ताइब मदुम्‍क, दे आंइ थुं नाइश्‍शो बाक्‍नीकी। मारेइ पाइतक हना यो, रिम्‍शो पय, दे थुं फ्रेंशा बाक्‍तक। रोमी १५:३०; २कोरिन्‍थी १:११-१२
HEB 13:19 “ग्रुम्‍चा तयल” दे परमप्रभु यावे कली पुंइचा मप्रोनीन।
HEB 13:20 नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५
HEB 13:21 परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।
HEB 13:22 आं दाक्‍शो लोक्‍बपुकी, इन कली आं ब्रेक्‍शो थुं बारपाइक्‍तीक लोव़ शुश मब्रेक्‍तु। रिम्‍शो पा रु‍प्‍चा माल्‍नीनी।
HEB 13:23 नेनीने, इं लोक्‍ब तिमोथी कली जेल्‍खान रे प्रोंइतेक्‍म। आं गाक्‍चा क्‍येङा ङोंइती एक जाक्‍त हना, इन कली ग्रुम्‍थ पीनस्‍कु।
HEB 13:24 शेंब नु थमा सुइक्‍ब नेल्‍ल इन कली “रिम्‍शो बाक्‍कीन” देंती। इटाली ङा थमा सुइक्‍ब लोक्‍बपुकीमी यो इन कली “रिम्‍शो बाक्‍कीन” देंतेक्‍म।
HEB 13:25 प्रभु आ शिशी गेपुकी नु लील।
JAM 1:1 गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।
JAM 1:2 आं लोक्‍बपुकी, इन थमा सुइक्‍तीके ठीक बाक्‍म कों, मबाक्‍म, दे थुं थाम्‍चा पुंइसाक्‍नी हना, ग्‍येरसीने। रोमी ५:३-५; १पत्रुस ४:१३
JAM 1:3 मारदे हना इन थमा सुइक्‍चा ठीक बाक्‍त हना, गेपुकी खोइली थेक्‍शा शुश फाल्‍ब दुम्‍नीनी।
JAM 1:4 येसु ख्रीस्‍त कली थमा सुइश्‍शा, खोइली थेक्‍शा बाक्‍शोमी परमप्रभु यावे आ ङोंइती इन कली ठीक सेल्‍ब। मोपा परमप्रभु यावे नु बाक्‍चा कली थम रिम्‍शो नु ठीक दुम्‍शा, अरु मारेइ ममाल्‍नीनी।
JAM 1:5 तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६
JAM 1:6 परमप्रभु कली पुंइनीनु “आं पुंइशो गेब” दे थमा सुइश्‍शा पुनीन। “तुइक्‍ब थुं गेबा कों, मगेबा” दे थमा मसुइक्‍ब मुर खोदेंशो पा मपुनीन। मोदेंशो मुर फशेम नेप्‍शो समुन्‍द्र ङा ब्‍वाक्‍कु खोदेंशो बाक्‍ब। मर्कूस ११:२४; १तिमोथी २:८
JAM 1:7 मोदेंशो मुरुम मारेइ मताइब।
JAM 1:8 थुं निक्‍शी पाइश्‍शो मुर आ थुं कामी परमप्रभु यावे आ लां खोइक्‍ब, थुं कामी मुर आन लां खोइक्‍ब।
JAM 1:9 मिनु इन दातेमी सुइ प्रुङग थमा सुइक्‍ब लोक्‍ब बाक्‍त हना, मेकोमी “परमप्रभु यावेमी आं कली ठेयब मुर सेल्‍ती” दे ग्‍येरसेक्‍ल। याकूब २:५
JAM 1:10 मेकेर थमा सुइक्‍ब क्‍येट थीब मुर बाक्‍त हना, मेकोमी “गो परमप्रभु यावे आ ङोंइती पुंइब दुम्‍शा, आं पुंइशो गेब” दे ग्‍येरसेक्‍ल। क्‍येट थीब मुर बोइश्‍शो फू बेक्‍शो खोदेंशो पा सोल बेक्‍नीम। १तिमोथी ६:१७; १पत्रुस १:२४
JAM 1:11 नां दाप्‍शा ङा मिन शुश हुप्‍तानु, घांस नेल्‍ल सोल सुल बेक्‍नीम। मिनु आन फू सफा नेल्‍ल हेम्‍नीम। मोपा आ दार‍स जाम्‍ब। मेको खोदेंशो पा क्‍येट थीब मुर यो आ गेय पस ङा पस बेक्‍नीम। यसैया ४०:६-७
JAM 1:12 सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८
JAM 1:13 पाप पचा चिक्‍शो मुरुमी “परमप्रभु यावेमी आं कली पाप पपाइक्‍चा चिक्‍ताक्‍व” दे गेनायो देंचा मदुम्‍ब। मारदे हना सुइमी परमप्रभु यावे कली थुं नाक्‍शा, पाप पपाइक्‍ने मचाप्‍‍ब। आं यो सुइ कली पाप मपपाइक्‍ब।
JAM 1:14 मुरपुकीमी दोपा पाप पाइनीम देंशा हना, आंम दला दाक्‍स पा पाप पाइनीम। उत्‍पत्ती ३:६; रोमी ७:७-८
JAM 1:15 मोपा दला दाक्‍स पामेनु, पाप ग्रूब। मेको पाप बारने थुमानु, मेको मुर नरकम लाइनीम। मेको पाप पतीके बाक्‍ब। रोमी ७:१०
JAM 1:16 आं दाक्‍शो थमा सुइक्‍ब लोक्‍बपुकी, दूली लां मखोतीन।
JAM 1:17 हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५
JAM 1:18 परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३
JAM 1:19 आं दाक्‍शो लोक्‍बपुकी, मार तुइक्‍चा माल्‍नीनी देंशा हना, गेपुकी नेंस ङा नेंस बाक्‍कीन। शुश मब्‍वाक्‍कीन। शुश मचुरीन। हितोपदेस २९:२०; उपदेसक ५:१-२; उपदेसक ७:९
JAM 1:20 चुरब मुरुमी परमप्रभु आ ठीक पतीके मपाइब।
JAM 1:21 मोपतीके ग्रांग्रा दिचा ङा गेय नु काइ मरिम्‍शो पतीके नेल्‍ल प्रोनीन। गे ठेयब मलेत्‍थु, इन थुंमी वोइश्‍शो परमप्रभु यावे आ अरेशो लोव़ टिने। मोपा गेपुकी परमप्रभु यावे आ अरेशो लोव़ टिनीनु, मेको लोव़मी इन कली नरक रे प्रोंइने चाप्‍ब। १पत्रुस २:१
JAM 1:22 गेपुकी परमप्रभु यावे आ लोव़ नेनीन। नेंचा ला ममाइ, मार मार देंशो बाक्‍मे, मेको यो पचा माल्‍नीनी। गेपुकीमी मेको लोव़ नेंशा मपाइतीनी हना, जोल पांइसीनीनी। मत्ती ७:२१; रोमी २:१३
JAM 1:23 सु परमप्रभु यावेमी देंशो लोव़ नेंशा मपाइबा, मेको ऐना कोव़ब मुर खोदेंशो बाक्‍ब।
JAM 1:24 मेको मुरुमी ऐना कोव़शा, आ कुल दोदेंशो तांइसे, मेको यु प्रेंब।
JAM 1:25 सुमी इन कली प्रोंइने चाप्‍ब परमप्रभु यावे आ ठीक पतीके अरेशो लोव़ नेंनीमी, नेंचा ला ममाइ पना पन यो बाक्‍नीमी, मेको मुर आन पतीकेमी आसीक ताइनीम। याकूब २:१२; रोमी ८:२; यूहन्‍ना १३:१७
JAM 1:26 सुमी “गो थमा सुइक्‍ब नङ” दे मिम्‍बा, तन्‍न हेंथे ब्‍वाक्‍बा, मेको मुर जोल पाइब बाक्‍ब। मिनु आ थमा सुइक्‍तीके मोशा दुम्‍ब। १पत्रुस ३:१०
JAM 1:27 मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।
JAM 2:1 आं लोक्‍बपुकी, इं प्रभु येसु ख्रीस्‍त कली थमा सुइक्‍नीनी। मेको छेङछेङ ङा प्रभु बाक्‍ब। मोपतीके गेपुकी यो मुर आन कुल मकोव़ङीन।
JAM 2:2 थम दारशो वा फेक्‍शो नु सुन के औंठी पांइशो मुर का नु जेक्‍शो वा फेक्‍शो प्रुङग मुर का इन ग्रुम्‍तीक खिंमी जाक्‍ताक्‍स हना,
JAM 2:3 मेको दारशो वा फेक्‍शो कली कोव़शा “हजुर, मेकेर निस्‍सीने” दे लोव़ पशा, प्रुङग कली चहिं “हयु उइ राप्‍शा बाक्‍को। आं खोइल आ नेक्‍था निस्‍सो” दे माइक्‍तीनी हना,
JAM 2:4 गे इन दातेमी आइक्‍च नु ठेयब तिल्‍नीनी। मोदेंशो पनीनु, मरिम्‍शो निसाफ मपनी ङा?
JAM 2:5 आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१
JAM 2:6 गे चहिं प्रुङग आन कली दिप्‍नीनी। मेको शुश क्‍येट थीब मुरपुकी इन कली श्‍येत गेब मुर मनमी ङा? मेकोपुकीमी इन कली अडडाम मचाक्‍दीत्‍नीमी ङा?
JAM 2:7 येसु ख्रीस्‍त आ नें आ पर्बम शुक्‍शी लोव़ मपाइनीमी ङा? १पत्रुस ४:१४
JAM 2:8 परमप्रभु यावे आ राज्‍य ङा अरेशो लोव़म मार ब्रेक्‍शो बाक्‍ब देंशा हना “अरु आन कली आंम इन कली दाक्‍शो खोदेंशो पा दाक्‍तीन” दे ब्रेक्‍शो बाक्‍ब। मो पाइतीनी हना, गेपुकी रिम्‍शो पाइनीनी। लेवी १९:१८
JAM 2:9 तन्‍न गेपुकीमी थमा सुइक्‍ब का कली ठेयब सेल्‍शा, अरु आन कली आइक्‍च सेल्‍तीनी हना, गे पाप पाइनीनी। मिनु परमप्रभु यावे आ अरेशो लोव़ मटीब दुम्‍नीनी। ब्‍यवस्‍था १:१७
JAM 2:10 मुर कामी परमप्रभु यावे आ अरेशो लोव़ नेल्‍ल पशा, का चहिं मपाप्‍तु हना, लोव़ नेल्‍ल मटीब खोदेंशो दुम्‍ब। मत्ती ५:१९
JAM 2:11 परमप्रभु यावेमी “मीश वोंइश आस नाता मख्रोइक्‍चा” दे ब्रेक्‍शो बाक्‍ब। मिनु “मुर मसाइक्‍चा” दे यो ब्रेक्‍शो बाक्‍ब। तेल्‍लेम मपथु, तन्‍न मुर आन कली साइक्‍तीनी हना, गेपुकी परमप्रभु यावे आ अरेशो लोव़ मटीब पापी दुम्‍नीनी। प्रस्‍थान २०:१३-१४
JAM 2:12 परमप्रभु यावेमी इन कली पाप रे ब्रोंइतीक लां कोंइशा, निसाफ पाइब। मेको मिम्‍शा, गेय पने।
JAM 2:13 शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६
JAM 2:14 आं लोक्‍बपुकी, मुर कामी “गो थमा सुइक्‍नुङ” दे परमप्रभु यावे आ अरेशो लोव़ नु गारब गेय मपाप्‍तु हना, आ थमा सुइश्‍शोमी मेको कली पाप रे प्रोंइने चाप्‍बा ङा? मत्ती ७:२१
JAM 2:15 मिनु लोक्‍ब का के जचा फेक्‍चा मबाक्‍त हना,
JAM 2:16 मेको कली “थुं नाइश्‍शा बाक्‍को। परमप्रभुमी इ कली फेक्‍तीक गेवल। जचा गेवल” देंशा, गे मेको कली आ माल्‍शो मारेइ मगेतीनी हना, इन थमा सुइक्‍तीके शोर गाक्‍शो बाक्‍ब। १यूहन्‍ना ३:१८
JAM 2:17 इन थमा सुइक्‍तीकेमी गेय मपाप्‍तु हना, मेको थमा सुइक्‍तीके बेक्‍शो बाक्‍ब।
JAM 2:18 मुर का निक्‍शीमी “गे थमा सुइक्‍ब दुम्‍तीनी। गो चहिं परमप्रभु यावे आ गेय पाइब दुम्‍तक। मोपतीके इन थमा सुइश्‍शो कोंइदीन। इन गेय कोंइचा ममाल्‍नीनी। गो यो आंइ पशो गेय रे आंइ थमा सुइक्‍तीके कोंइनीकी” देंने चाप्‍नीम। गलाती ५:६
JAM 2:19 गेपुकी परमप्रभु यावे का ला बाक्‍ब, दे थमा सुइक्‍नीनी। मोपा रिम्‍शो पाइनीनी। वोलपुकीमी यो मेको थमा सुइश्‍शा हिंशा ख्रिंख्रि पाइनीम।
JAM 2:20 गे दूली पाइबपुकी, गेय मपथु थमा सुइक्‍तीके शोर गाक्‍शो बाक्‍ब, मेको तुइक्‍तीन।
JAM 2:21 मिनु इं किकी अब्राहाममी आ तौ इसहाक परमप्रभु यावे कली चढे़चा, दे परमप्रभु यावे आ ङोंइती ठीक गेय पाइब दुम्‍माक्‍त। उत्‍पत्ती २२:१-१९; हिब्रू ११:१७; रोमी ४:२-३
JAM 2:22 आ थमा सुइक्‍तीके नु आ गेय काथ काथा पवा बाक्‍त। मोपा आ थमा सुइक्‍तीके आ गेयमी ठीक दुम्‍शो बाक्‍माक्‍‍त।
JAM 2:23 मिनु अब्राहाम आ पर्बम ब्रेक्‍शो लोव़ ठीक दुम्‍माक्‍त। मार ब्रेक्‍शो बाक्‍त देंशा हना “अब्राहाममी परमप्रभु यावे कली थमा सुदा बाक्‍त। मेको थमा सुइश्‍शोमी अब्राहाम कली ठीक सेला बाक्‍त” दे ब्रेक्‍शो बाक्‍त। मिनु मुरपुकीमी अब्राहाम कली “परमप्रभु यावे आ वारच” दे याइनी नें वोदमे बाक्‍त। उत्‍पत्ती १५:६; यसैया ४१:८
JAM 2:24 मुरुमी थमा सुइक्‍चा ला ममाइ, आन गेयमी यो ठीक दुम्‍नीम, दे गेपुकी रुप्‍‍‍ने मचाप्‍नीनी ङा?
JAM 2:25 अब्राहाम खोदेंशो पा राहाब माइश्‍शो तेल्‍लेम मीश मुरुमी यो थमा सुइक्‍ब दुम्‍शा, आ पशो गेयमी ठीक दुम्‍माक्‍त। दोदेंब गेय पवा बाक्‍त देंशा हना, इस्राएल ङा मुर निक्‍शी आस कली अरु लां कोंइशा, सोइक्‍ता बाक्‍त। हिब्रू ११:३१; यहोसु २:-
JAM 2:26 मिनु दोपा सोक्‍त मपाइश्‍शो मुर बेक्‍शो बाक्‍बा, मोपा थमा सुइक्‍बमी थमा सुइश्‍शो गेय मपाप्‍तु हना, आ थमा सुइक्‍तीके बेक्‍शो बाक्‍ब।
JAM 3:1 आं लोक्‍बपुकी, शुश शेंब मुर मदुमीन। मारदे हना परमप्रभुमी मेको शेंसीब आन क्‍येङा शेंब आन कली शुश कोव़शा, आन लोव़ नेंशा, निसाफ पाइब।
JAM 3:2 गो नेल्‍लेमी शुश गल्‍ती पाइनय। सुमी लोव़ पवानु, काइ गल्‍ती मपाइबा, मेकोमी रांम मपचा ङा गेय यो मपाइब। मेको मुर थम रिम्‍शो बाक्‍ब।
JAM 3:3 गोपुकीमी शारा बिप्‍पाइक्‍चा कली लगम पाइक्‍नय। मोपा मेको शारा आ रां नेल्‍ल चलेने चाप्‍नय।
JAM 3:4 जहाज यो मिम्‍तीन। दोदेंशो ठेयब बाक्‍त हना यो, दोदेंशो ठेयब फशेमी मेको कली गाक्‍पाइश्‍शो बाक्‍त हना यो, चलेबमी मेको कली इम्‍चीली थोव़कमी चलेशो बाक्‍ब। मिनु ते लाइक्‍चा दाक्‍ता, मेकेर लाइक्‍ने चाप्‍ब।
JAM 3:5 मेको इम्‍चीली चलेतीके खोदेंशो मुर आ लें बाक्‍ब। मुर आ लेंमी ठेयब लोव़ पाइब। मेको लें आइक्‍च बाक्‍त हना यो, ठेयब मरिम्‍शो पने चाप्‍ब। इम्‍चीली मीम ठेयब ब्‍वाकी क्रोइक्‍‍ने चाप्‍ब।
JAM 3:6 मुर आ लें मी खोदेंशो बाक्‍ब। मेकोमी रां नेल्‍ल मरिम्‍शो सेल्‍ब। मेकोमी मरिम्‍शो लोव़ पशा, रां कली पापी सेल्‍ब। रागी नेल्‍ल कली क्रोइक्‍ब। आंमा यो नरकमी ग्रोइक्‍ब। हितोपदेस १६:२७; मत्ती १२:३६-३७; मत्ती १५:११,१८
JAM 3:7 मुरपुकीमी बस्‍तु भाव, जन्‍तु, चिक्‍बी नेल्‍ल आन कली शेंने चाप्‍नीम। मिनु मेको आन कली शेंताक्‍म हना यो,
JAM 3:8 आंम आन लें कली शेंने मचाप्‍‍नीम। मुरुमी आन लेंमी मरिम्‍शो पाइनीम। दोपा ओश्‍येर जशा, मुर बेक्‍नीमी, मोपान लें यो मुर कली साइक्‍ने चाप्‍चा ङा ओश्‍येरमी ब्रीशो बाक्‍ब।
JAM 3:9 गोपुकीमी प्रभु नु आ आफ कली “गे ठेयब नसी” दे लोव़ पाइनय। मिनु परमप्रभु यावेमी आ खोदेंशो सेल्‍शो मुर आन कली सराप पाइनय। भजन संग्रह १४१:३; उत्‍पत्ती १:२६-२७
JAM 3:10 मोपा शोव़ कामी आसीक लोव़ नु सराप लोव़ पाइनीम। आं लोक्‍बपुकी, मो पचा मदुम्‍ब। एफिसी ४:२९
JAM 3:11 ब्‍वाक्‍कु बुक्‍तीक का रे कशो नु ब्रोव़शो ब्‍वाक्‍कु कालेमी यीबा ङा?
JAM 3:12 आं लोक्‍बपुकी, फोव़शी रवामी तेल रवा आ फल मसिप्‍ब। अङगुर रवामी फोव़शी मसिप्‍ब। मेको खोदेंशो पा हिक्‍सी ङाम्‍शो ब्‍वाक्‍कु रे ब्रोव़शो ब्‍वाक्‍कु ग्रूने मचाप्‍ब।
JAM 3:13 मिनु इन दातेमी सु निप्‍स पाइश्‍शो नु रुप्‍तीक थुं पाइश्‍शो मुर बाक्‍मा, मेकोमी आ गेय रे पा आ ब्रेम्‍तीके रुप्‍तीक थुं रे जाक्‍ब, दे कोंइदल।
JAM 3:14 गे अरु मुर आन थोव़क वाल्‍तीक नु आंम कली ला मिम्‍तीक थुं बाक्‍त हना, ठेयब लेश्‍शा, थमा शेंतीके कली जोल मसेलीन माइ? मबाक्‍कीन।
JAM 3:15 ओदेंशो मिम्‍तीके परमप्रभु आ गेशो रुप्‍तीक थुं मबाक्‍ब। तन्‍न मुर आन थुं रे नु सैतान रे जाक्‍ब। याकूब १:५
JAM 3:16 मुरुमी मुर आन के थोव़क वाल्‍चा नु आंम कली ठेयब सेल्‍चा ला मिम्‍ताक्‍व हना, मेको मुरुमी मरिम्‍शो गेय नु अरु पाप यो पना पन बाक्‍ब।
JAM 3:17 परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।
JAM 3:18 थुं नाइश्‍शा बाक्‍ब मुरपुकी ठीक गेय पशा, मुरपुकी नु दुशा गारशा बाक्‍नीमी। मेको परमप्रभु यावे आ गेशो ठीक पतीकेमी बाक्‍ब। फिलिप्‍पी १:११; मत्ती ५:९
JAM 4:1 इन दातेमी जिचा खे‍चा ते रे जाक्‍बा? गे इन दला दाक्‍स आ पर्बम जीनीनी, ममाइ?
JAM 4:2 गेपुकी मारेइ मारेइ माल्‍नीनी, तन्‍न मताइनीनी। मोपतीके मुर आन थुं जिक्‍शा, साइक्‍नीनी। मिनु अरु आन के मार मार तशा वाल्‍नीनी, तन्‍न मताइनीनी। मोपतीके जीनीनी। गेपुकी परमप्रभु यावे कली मपुंइनीनी। मोपतीके मताइनीनी। गलाती ५:१५
JAM 4:3 गेपुकीमी पुंइतीनी हना यो, मारेइ मताइनीनी। मारदे हना आंम दला दाक्‍स पचा कली ला पुंइनीनी। मोपतीके इन पुंइशो मताइनीनी।
JAM 4:4 गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५
JAM 4:5 परमप्रभु यावेमी ब्रेक्‍पाइश्‍शो लोव़मी “परमप्रभु यावेमी आ सोक्‍त इं रांमी वोइक्‍तु। तन्‍न मुरुमी दला दाक्‍स पशो तशा, मेकोमी शुश रुश पाइब” दे यो ब्रेक्‍पाइश्‍शो बाक्‍ब।
JAM 4:6 तन्‍न परमप्रभु यावेमी मेको क्‍येङा शुश शिशी पाइब। मिनु “गो ठेयब लेश्‍शो मुर आन कली शिशी मपाइनुङ। ब्रेम्‍शो, ठेयब मलेश्‍शो मुर आन कली ला शिशी पाइनुङ” दे ब्रेक्‍पाइश्‍शो बाक्‍ब। अय्‍युब २२:२९; हितोपदेस ३:३४; मत्ती २३:१२; १पत्रुस ५:५
JAM 4:7 गेपुकी परमप्रभु यावेमी देंशो लोव़ टिने। सैतान रे ङोन बाक्‍कीन। मो पाइतीनी हना, सैतानमी इन कली प्रोंइब। मत्ती २३:१२; १पत्रुस ५:८-९
JAM 4:8 परमप्रभु यावे आ नेक्‍था लने। मो पाइतीनी हना, मेको इन नेक्‍था जाक्‍ब। गे पापीपुकी “आंइ पाप क्‍याम्‍दीने” देंशा, माफ पुनीने। थुं निक्‍शी पाइश्‍शो मुरपुकी, इन थुं परमप्रभु यावे गे लेश्‍शा, थुं का दुमीने। जकरिया १:३; यसैया १:१६
JAM 4:9 मिनु सुर्ता पने। रोंका पा ङाक्‍कीने। इन रित्‍चा आ पा ङा रोंका पने। इन ग्‍येरचा आ पा ङा सुर्ता पने।
JAM 4:10 प्रभु येसु आ ङोंइती आइक्‍च दुम्‍शा, ब्रेम्‍शो दुमीन। मिनु परमप्रभु यावेमी इन कली ठेयब सेल्‍ब।
JAM 4:11 आं लोक्‍बपुकी, शुक्‍शी लोव़ मपमुने। सुम लोक्‍ब आ पर्बम शुक्‍शी लोव़ पाइबा, दोस गेबा, मेकोमी परमप्रभु यावे आ अरेशो लोव़ मटीब। मेकोमी परमप्रभु यावे आ अरेशो लोव़ क्‍येङा “गो जोक्‍ब तुइक्‍ब नङ” दे मिम्‍शा, निसाफ पाइब खोदेंशो दुम्‍ब। “परमप्रभु यावे आ अरेशो लोव़ रिम्‍शो देय मरिम्‍शो” दे लोव़ पाइब यो दुम्‍ब। मोपा गे परमप्रभु यावे आ अरेशो लोव़ मपाइब दुम्‍शा, निसाफ पाइब दुम्‍तीनी।
JAM 4:12 परमप्रभु यावे अरेशो लोव़ गेब नु निसाफ पाइब बाक्‍ब। परमप्रभु यावेमी ला पाप रे प्रोंइने नु नरकम सोइक्‍ने चाप्‍ब। इन नेक्‍था बाक्‍ब आन कली मोपा नाक्‍ब, सु ननी ङा? मत्ती ७:१; रोमी १४:४
JAM 4:13 गेपुकीमी मार लोव़ पाइनीनी देंशा हना “दीसा नित्‍थी सहरम लशा, बर्स का सम्‍म बाक्‍य। मिनु शुश क्‍येट चेम्‍य” दे मिम्‍शा लोव़ पाइनीनी। हितोपदेस २७:१
JAM 4:14 दीसा नित्‍थी मार दुम्‍बा, ब्रोंइनीनी कों, बेक्‍नीनी कों मारेइ मतुइक्‍नीनी। इन गिंम मार में? मेको गोस्‍स खोदेंशो बाक्‍ब, इच्‍का का ला लीशा, जाम्‍ब। लूका १२:२०
JAM 4:15 गे मार देंचा माल्‍शो ननी देंशा हना “गोपुकी ब्रोंइतय हना, प्रभुम आंइ मिम्‍शो दाक्‍ताक्‍व हना, गो आंइ मिम्‍शो गेय पाइनय” दे लोव़ पचा माल्‍नीनी। प्रेरित १८:२१; १कोरिन्‍थी ४:१९
JAM 4:16 गेपुकी चहिं ठेयब लेश्‍शा, आंम थुं ङा लोव़ पाइतीनी। मोदेंशो ठेयब लेश्‍शा बाक्‍चा मरिम्‍शो दुम्‍ब।
JAM 4:17 सु रिम्‍शो गेय पस जोक्‍बा तुइक्‍बा, तन्‍न मपाइबा, मेको कली मरिम्‍शो दुम्‍ब। लूका १२:४७
JAM 5:1 नेनीन, गे क्‍येट शुश थीब मुरपुकी, ङाक्‍कीन। रोंका पने। मारदे हना गे नोले श्‍येत जाइब दुम्‍नीनी। लूका ६:२४-२५
JAM 5:2 इन बाक्‍शो शोंप नेल्‍ल राक्‍शो दुम्‍तेक्‍मे। इन वासी नेल्‍ल तुम्‍बुम नेक्‍‍तेक्‍म। मत्ती ६:१९
JAM 5:3 इन सुन चांदी नेल्‍ल खिया जोशो बाक्‍ब। मेको खियामी इन कली “मरिम्‍शो मुर” दे कोंइब। सुन चांदी कली खिया जोशो खोदेंशो पा इन रां कली मीम दाक्‍ब। गे क्‍येट शुश हेंताक्‍नी।
JAM 5:4 इन रूम गेय पाइब आन गाल्‍च मुल सम्‍म जोल पा मगेनी। मेको खेत्‍ला आन कली मगेशो गाल्‍चम आ मुर नेल्‍ल आन परमप्रभु यावे नु लोव़ पाप्‍तु। मिनु मेकोमी मेको खेत्‍ला आन पुंइशो लोव़ नेंने थुम्‍तु। ब्‍‍यवस्‍था २४:१४-१५
JAM 5:5 गेपुकी रागीमी दुक्‍चा, जचा, ब्‍वचामी शुश शोंप पाइश्‍शो दुम्‍शा, ग्‍येरशा बाक्‍तीनी। मिनु क्‍योरची नाक्‍त कली थुल्‍शा दोम्‍पाइश्‍शो खोदेंशो पा गेपुकी निसाफ पची नाक्‍ती ठेयब सजाइ ताइब दुम्‍नीनी। लूका १६:१९-२५
JAM 5:6 गेपुकीमी रिम्‍शो गेय पाइब मुर आन कली दोस गेशा साइक्‍तीनी। मेकोपुकीम ब्‍वालेइ पा, मारेइ लोव़ मलेत्‍तेम। याकूब २:६
JAM 5:7 मिनु आं दाक्‍शो लोक्‍बपुकी, नेनीने, रूमी गेय पाइब मुरुमी मेको आ ख्रुम्‍शो बाली नाली मीब, दे आ थुं नाइश्‍शा, हिंउद नु बर्खा रिम्‍शो खोदेंशो पा प्रभु आ जाक्‍चा रिम्‍दीन। लूका २१:१९; हिब्रू १०:३६
JAM 5:8 थुं नाइश्‍शा बाक्‍कीन। मारदे हना प्रभु जाक्‍चा चिक्‍शो बाक्‍ब। मोपतीके प्रभु कली टिचा मप्रोंइथु बाक्‍कीन।
JAM 5:9 आं दाक्‍शो लोक्‍बपुकी, गेपुकीमी अरु थमा सुइक्‍ब आन पर्बम गन गन मपने। मो पाइतीनी हना, निसाफ पचा पुंइसीनी। नेनीन इन निसाफ पाइब जाक्‍चान चिक्‍शो बाक्‍ब।
JAM 5:10 आं दाक्‍शो लोक्‍बपुकी, साइ ङा परमप्रभु यावे आ लोव़ पाइबपुकीमी परमप्रभु यावेमी देंशो लोव़ पशा, शुश श्‍येत जशा यो फाल्‍शा, परमप्रभु यावे कली मप्रोंइथु बाक्‍शो बाक्‍तेक्‍म। मिनु मेको आन खोदेंशो पा बाक्‍कीन। मत्ती ५:१२
JAM 5:11 नेनीने, मेको परमप्रभु यावे कली मप्रोंइब आन पर्बम “ग्‍येरशो मुर दुम्‍तेक्‍म” दे लोव़ पाइनीकी। अय्‍युब माइश्‍शो मुर का श्‍येत जशा यो, परमप्रभु यावे कली काइ मप्रोंइथु, बाक्‍शो बाक्‍त। गेपुकी मेको आ कथा नेंतीनी। परमप्रभु यावेमी मारदे अय्‍युब कली मेको शुश श्‍येत जचा गेवा, तुइक्‍ताक्‍नी। परमप्रभु यावेमी गिश लेम्‍शा शिशी पाइबा, मेको ताइतीनी। इं कली आ लेम्‍शो नु आ शिशी कोंइताक्‍व। अय्‍युब १:२१; अय्‍युब ४२:१०-१६
JAM 5:12 आं लोक्‍बपुकी, आं नेल्‍ल क्‍येङा ठेयब अरेतीक लोव़ मार बाक्‍ब देंशा हना, कसम मजने। सरीङ कोव़शा, खप थिशा, चुक्‍ब थिशा कसम मजने। इन देंशो लोव़ दुम्‍ब हना “दुम्‍ब” मदुम्‍ब हना “मदुम्‍ब” देनीन। गे जोल पाइतीनी हना, गे निसाफ पचा पुंइसीनी। मत्ती ५:३४-३७
JAM 5:13 इन दातेमी सु सु श्‍येत जामे, मेकोमी परमप्रभु यावे नु लोव़ पामेक्‍ल। सु सु ग्‍येरशो बाक्‍मा, मेकोपुकीमी “परमप्रभु यावे नेल्‍ल क्‍येङा ठेयब बाक्‍ब” दे कुम्‍सो पामेक्‍ल। भजन संग्रह ५०:१५; कलस्‍सी ३:१६
JAM 5:14 इन दातेमी सु रोइ पाइबा, मेकोमी ग्रुम्‍तीके ङा शेंब खाल्‍पा आन कली ब्रेत्‍चा माल्‍ब। मेकोपुकीमी रोइ पाइब आन तारी गुइ वोइश्‍शा, प्रभु आ नेंमी तेल ख्रेक्‍शा, परमप्रभु यावे कली पुंइचा माल्‍नीम। मर्कूस ६:१३
JAM 5:15 मोदेंशो थमा सुइश्‍शा पुंइशोमी मेको रोइ पाइब मुर साब। मेको रोइ पाइबमी पाप पशो बाक्‍त हना, मेको यो क्‍याम्‍सीब। मर्कूस १६:१८
JAM 5:16 मोपतीके रोइ सापाइक्‍चा कली इन पशो पाप शोव़मुशा, प्रभु नु लोव़ पमुने। ठीक थमा सुइक्‍ब आन पुंइशो लोव़मी ठेयब गेय पाइब। प्रेरित १२:५
JAM 5:17 एलीया इं खोदेंशो मुर का बाक्‍माक्‍त। मेकोमी परमप्रभु यावे कली “रेउ यिचा मगेने” दे शुश पुना बाक्‍त। मिनु बर्स सां ६ महिना सम्‍म रागीम काइ रेउ मयिमाक्‍त। १राजा १७:१; लूका ४:२५
JAM 5:18 नोले मेकोमी “रेउ यिपतीन” दे पुना बाक्‍त। मिनु नोले रेउ यिशा, बाली नाली वामा बाक्‍त। १राजा १८:४१-४५
JAM 5:19 आं दाक्‍शो लोक्‍बपुकी, इन दाते ङा मुर का थमा लां रे ङोन लत हना, अर्को थमा सुइक्‍बमी मेको कली आ पशो पाप रुप्‍पाइश्‍शा, परमप्रभु यावे आ लां गे लेप्‍पाइक्‍तु हना, गलाती ६:१
JAM 5:20 मेको मुरुमी मेको मटीब मुर कली बेक्‍चा रे प्रोंइब। मिनु मेको के शुश पाप बाक्‍त हना यो, क्‍याम्‍सीब, दे मेकोमी तुइक्‍चा माल्‍ब। भजन संग्रह ५१:१५; हितोपदेस १०:१२; १पत्रुस ४:८
1PE 1:1 गो येसु ख्रीस्‍त आ सोइश्‍शो पत्रुस नङ। एको चिठी पोन्‍टस, गलातीया, कापाडोसीया, एसीया नु बिथीनीया रागीम ब्रशा बाक्‍शो इस्राएल रागी ङा थमा सुइक्‍ब, इन कली ब्रेक्‍ताक्‍न्‍नी। हिब्रू १३:१४
1PE 1:2 इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। रोमी ८:२९
1PE 1:3 इं प्रभु येसु ख्रीस्‍त आ आफ नेल्‍ल आसीक पाइश्‍शो बाक्‍ब, दे गो मान पय। मेको आ शुश शिशी पतीके नु येसु ख्रीस्‍त बेक्‍शो रे सेंसीशोमी इं कली ब्रोंइशा बाक्‍तीक आस गेशा, नक जरमेशो मुर सेल्‍तु। कलस्‍सी १:५
1PE 1:4 मिनु इं कली स्‍वर्गमी जाम्‍शा मलाइब, काइ मबिग्रेब नु गेना हना यो लीब शोंप वोइश्‍शो बाक्‍ब। कलस्‍सी १:१२
1PE 1:5 परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८
1PE 1:6 गे मेको तुइश्‍शा, ग्‍येरनीनी। मुल इच्‍का नाक्‍त सम्‍म थुं थाम्‍चा कली मार मार श्‍येत जाइनीनी। १पत्रुस ५:१०; २कोरिन्‍थी ४:१७
1PE 1:7 मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०
1PE 1:8 गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७
1PE 1:9 इन थमा सुइक्‍तीकेमी पाप रे ब्रोंइचा ताइनीनी।
1PE 1:10 साइ ङोंइती परमप्रभु यावे आ लोव़ पाइबपुकीमी गे शिशी ताइब दुम्‍नीनी, दे लोव़ पशो बाक्‍तेक्‍म। मिनु पाप रे ब्रोंइतीके तुइक्‍चा कली शुश माल्‍शो बाक्‍तेक्‍म। लूका १०:२४
1PE 1:11 मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। भजन संग्रह २२:-, यसैया ५२:१३- ५३:१२
1PE 1:12 मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०
1PE 1:13 मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६
1PE 1:14 मुल टीब आल खोदेंशो पा इन ङोंइती मतुइक्‍थु पशो मरिम्‍शो पचा क्‍येङा ङोन बाक्‍कीन। रोमी १२:२
1PE 1:15 इन कली ब्रेप्‍ब, येसु ख्रीस्‍त दोदेंशो बाक्‍मे, गे यो मोदेंशो दुम्‍शा बाक्‍कीन।
1PE 1:16 परमप्रभु यावे आ ब्रेक्‍पाइश्‍शो लोव़मी “गेपुकी आं कली ला ठेयब सेलीन। मारदे हना गो का ला इन परमप्रभु नङ” दे ब्रेक्‍शो बाक्‍ब। लेवी १९:२
1PE 1:17 गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२
1PE 1:18 इन किकी पिपी रे “गो नरक लाइब बाक्‍नीकी” दे तुइक्‍नीनी। मुल गे नरक लतीक लां रे प्रोंइचा पुंइसीशो बाक्‍तीनी। दोपा प्रोंइचा पुंइसीशो बाक्‍तीनी देंशा हना, जाम्‍शा लाइब सुन नु चांदी थाप्‍शा ममाइ, १कोरिन्‍थी ६:२०; १कोरिन्‍थी ७:२३; १पत्रुस ४:३
1PE 1:19 येसु ख्रीस्‍तमी मारेइ मदुम्‍शो पाठा बुद पा आंम हुश शाइक्‍पाइश्‍शा इन कली नरक रे प्रोंइतु। हिब्रू ९:१४; यसैया ५३:७; यूहन्‍ना १:२९
1PE 1:20 परमप्रभु यावेमी रागी सेल्‍चा क्‍येङा ङोंइती “येसु ख्रीस्‍त पाप रे प्रोंइब दुम्‍ब” दे मिम्‍शो बाक्‍माक्‍त। मेको रागी नुप्‍ची ना इन पर्बम तुइक्‍पाइश्‍शो बाक्‍त। रोमी १६:२५-२६
1PE 1:21 गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।
1PE 1:22 दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।
1PE 1:23 गे नक जरमेशो खोदेंशो बाक्‍नीनी। जाम्‍शा लाइब ममाइ। गेनायो मजाम्‍ब दुम्‍तीनी। मेकोन ब्रोंइचा गेब नु गेना हना यो लीब परमप्रभु यावे आ लोव़ बाक्‍ब। यूहन्‍ना १:१३; याकूब १:१-१८
1PE 1:24 परमप्रभु यावे आ देंशो लोव़ मार बाक्‍त देंशा हना, रागी ङा मुर नेल्‍ल घांस खोदेंशो बाक्‍नीम। मेको आन दार‍स बोइश्‍शो फू खोदेंशो बाक्‍ब। आ घांस सोव़ब, मिनु फू यो हेम्‍ब। याकूब १:१०-११
1PE 1:25 तन्‍न परमप्रभु यावे आ देंशो लोव़ गेना हना यो लीब। मेको आ ग्‍येरपाइक्‍ब लोव़ बाक्‍ब। मिनु शेंबपुकीमी मेको इन कली शेंताक्‍मे। यसैया ४०:६-८
1PE 2:1 मोपतीके गे नेल्‍ल मरिम्‍शो पचा, मुर आन कली मरिम्‍शो लोव़ पतीक नु गाइक्‍तीके ताइक्‍तीन। मिनु जोल पतीके, गेहे पतीके नु मुर आन लोव़ कुरशा गाक्‍चा नेल्‍ल ताइक्‍तीन। याकूब १:२
1PE 2:2 नक थिशो आलम दूध तूचा माल्‍शो खोदेंशो पा, गे यो परमप्रभु यावे आ लोव़ तुइक्‍चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। हिब्रू ५:१२-१३; मत्ती १८:३
1PE 2:3 मारदे हना गेमी परमप्रभु रिम्‍शो पाइब बाक्‍ब, दे तुइक्‍नीनी। भजन संग्रह ३४:१०
1PE 2:4 येसु ख्रीस्‍त ब्रोंइचा गेब फुल्‍लु बाक्‍ब। मेको आ नेक्‍था लने। मुरपुकीमी मेको कली ममाल्‍शो फुल्‍लु खोदेंशो पा ताइक्‍ताक्‍म। तन्‍न परमप्रभु यावेमी “मेको कली योव़शो नु नेल्‍ल क्‍येङा दाक्‍शो बाक्‍ब” दे मिम्‍ब। भजन संग्रह ११८:२२; यसैया ८:१४-१५; मत्ती २१:४२
1PE 2:5 मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१
1PE 2:6 मारदे हना परमप्रभु यावे आ लोव़मी मार ब्रेक्‍शो बाक्‍ब देंशा हना “नेनीन, गो सियोन डांडामी फुल्‍लु का वोइक्‍नुङ। मेको सुर ङा फुल्‍लु दुम्‍शा, योव़सीशा नु दाक्‍सीशा बाक्‍ब। सु सुमी मेको कली थमा सुद‍मे, मेको मुर मुने दोक्‍चा ममाल्‍नीम” दे ब्रेक्‍शो बाक्‍ब। यसैया २८:१६
1PE 2:7 मोपतीके थमा सुइक्‍बपुकीमी मेको कली दाक्‍नीम। तन्‍न थमा मसुइक्‍ब खिं सेल्‍बपुकीमी मेको फुल्‍लु कली ताइश्‍शो बाक्‍तेक्‍म। तन्‍न मेको सुर ङा फुल्‍लु दुम्‍त।
1PE 2:8 मिनु लेंशा “मेको फुल्‍लुमी मुर आन कली दाइल प‍पाइक्‍ब। मेको ठेयब फुल्‍लुमी मुर आन कली थिप्‍पाइक्‍ब” दे ब्रेक्‍शो बाक्‍ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्‍ब। भजन संग्रह ११८:२२; यसैया ८:१४; रोमी ९:३३; लूका २:३४
1PE 2:9 तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८
1PE 2:10 ङोंइती गे परमप्रभु यावे आ मुर मबाक्‍नी। मुल परमप्रभु यावे आ मुर दुम्‍तीनी। ङोंइती गे परमप्रभु यावे आ शिशी मतशो बाक्‍तीनी। तन्‍न मुल परमप्रभु यावे आ शिशी ताइब दुम्‍तीनी। होसे २:२५; रोमी ९:२४-२६
1PE 2:11 आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३
1PE 2:12 थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६
1PE 2:13 प्रभु आ पर्बम सरकारमी अधिकार गेशो मुर आन कली टिने। पिप नेल्‍ल क्‍येङा ठेयब बाक्‍ब। मोपतीके टिचा माल्‍नीनी। रोमी १३:१-७; तीतस ३:१
1PE 2:14 मिनु आ वोइश्‍शो ठेयब मुर आन कली यो टिचा माल्‍नीनी। मेकोपुकी मरिम्‍शो पाइब आन कली सजाइ गेचा नु रिम्‍शो पाइब आन कली “गे रिम्‍शो पाइतीनी” देंचा कली वोइश्‍शो बाक्‍नीम।
1PE 2:15 परमप्रभु यावे आ दाक्‍शो मार बाक्‍ब देंशा हना, इन रिम्‍शो पतीकेमी मतुइक्‍ब नु निप्‍स मपाइश्‍शो आन कली सिक्‍सी पपतीन। १पत्रुस ३:१६; तीतस २:८
1PE 2:16 पाप रे प्रोंइचा पुंइसीशो मुर दुम्‍शा बाक्‍कीन। “पाप रे ब्रोंइचा ताइनुङ” दे मिम्‍शा मरिम्‍शो मपने। परमप्रभु यावे आ वाइलीम वाइल दुम्‍शा बाक्‍कीन। गलाती ५:१३; २पत्रुस २:१९
1PE 2:17 मुर नेल्‍ल आन कली मान पने। थमा सुइक्‍ब आन कली दाक्‍तीने। परमप्रभु यावे कली मान पा हिनीन, पिप कली मान पने। रोमी १२:१०; हितोपदेस २४:२१
1PE 2:18 गे खिं ङा गेय पाइबपुकी, इन होव़प क्‍येङा हिंशा टिने। रिम्‍शो पाइब होव़प कली ला ममाइ, मरिम्‍शो होव़प कली यो टिचा माल्‍नीनी। एफिसी ६:५; तीतस २:९
1PE 2:19 इन होव़पमी इन कली बित्‍चीम श्‍येत गेम्‍तेक्‍म हना यो, गे परमप्रभु यावे कली मिम्‍शा, श्‍येत फाल्‍शा बाक्‍कीन। मेको परमप्रभु यावे आ दाक्‍शो बाक्‍ब।
1PE 2:20 गे मरिम्‍शो पशा, तुप्‍चा पुंइसीनीनु, मेको फाल्‍शा बाक्‍तीनी हना, मार रिम्‍शो पनी ङा? रिम्‍शो पशा यो, श्‍येत गेचा पुंइसीशा, फाल्‍शा बाक्‍तीनी हना, परमप्रभु यावे आ दाक्‍शो पाइनीनी। १पत्रुस ३:१४; मत्ती ५:१०
1PE 2:21 मोदेंशो पचा, दे योव़शो ननी। ख्रीस्‍त यो इन पर्बम श्‍येत जशा, इन कली कोंइतीक दुम्‍त। मोपतीके गे आ खोदेंशो पचा माल्‍नीनी। १पत्रुस ३:१८; मत्ती १६:२४
1PE 2:22 मेकोमी काइ पाप मपवो। जोल यो मपवो। यूहन्‍ना ८:४६; यसैया ५२:९
1PE 2:23 मुरपुकीमी मेको कली शुक्‍शी लोव़ पाम्‍तेक्‍म हना यो, मेको आन कली लोव़ मलेत्‍त। मिनु श्‍येत जशा यो, मुर आन कली हिंच मकोंइद। तन्‍न ठीक पा निसाफ पाइब कली जिम्‍मा गेंसाक्‍व।
1PE 2:24 मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११
1PE 2:25 ङोंइती गे हेंथे गाक्‍ब भेडा खोदेंशो बाक्‍तीनी। तन्‍न मुल इन गोठला नु इन थुं कोव़ब आ नेक्‍था लेश्‍शा जाक्‍तीनी। यसैया ५३:६; यूहन्‍ना १०:१२
1PE 3:1 गे मीश मुरपुकी, आंम वोंइश आ देंशो टिने। का निक्‍शी वोंइश मुरपुकी परमप्रभु यावे आ लोव़ मटीब बाक्‍तेक्‍म हना यो, आ मीश आ रिम्‍शो पशो तशा, लोव़ मपथु यो, थमा सुइक्‍ब दुम्‍नीम। एफिसी ५:२२; १कोरिन्‍थी ७:१६
1PE 3:2 इन मान पशो नु इन पाप रे ङोन बाक्‍शो तशा, मोदेंशो पाइनीम।
1PE 3:3 रिम्‍शो पतीक मार बाक्‍ब देंशा हना, जाम्‍शा लाइब नोस पचा, चांमी मार मार चुंइसीचा, सुन पांइचा नु शुश क्‍येट लाइब वा फेक्‍चा ममाइ, यसैया ३:१८-२३; १तिमोथी २:९
1PE 3:4 मुर आन थुंमी ख्रुइश्‍शो जाम्‍शा मलाइब पांइतीके बाक्‍ब। मेको मार बाक्‍ब देंशा हना, ब्रेम्‍शो नु सिक्‍सी पा बाक्‍तीक थुं बाक्‍ब। मेको परमप्रभु यावे आ ङोंइती शुश रिम्‍शो बाक्‍‍ब।
1PE 3:5 साइ ङोंइती पाप रे ङोन बाक्‍शो मीश मुरपुकीम परमप्रभु यावे कली आस पा आंम वोंइश कली टिशो बाक्‍तेक्‍म।
1PE 3:6 सारामी अब्राहाम कली मान पा टिशो बाक्‍त। मिनु मुल गे यो ठीक गेय पशा, श्‍येत जचा महिंथु, मेको आ तमी खोदेंशो दुम्‍तीनी। उत्‍पत्ती १८:१२
1PE 3:7 गे वोंइश मुरपुकी, आंम मीश नु रिम्‍शो पा बाक्‍कीने। मीश मुरपुकी वोंइश मुर खोदेंशो पा बोल्‍यो मबाक्‍नीम, दे तुइक्‍नीनी। मेको मिम्‍शा, इन मीश कली मान पने। मारदे हना गे निम्‍फा परमप्रभु यावे आ शिशी ताइब बाक्‍नीसी। मो पाइतीनी हना, इन पुंइशो लोव़ परमप्रभु यावे आ ङोंइती मतेक्‍सीब। १कोरिन्‍थी ७:५; एफिसी ५:२५
1PE 3:8 मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।
1PE 3:9 इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। १थिस्‍सलोनिकी ५:१५
1PE 3:10 मिनु परमप्रभु यावे आ लोव़मी “सु सु ब्रोंइचा नु रिम्‍शो बाक्‍चा दाक्‍नीमी, मेकोमी शुक्‍शी लोव़ मपने। सुइ आन कली जोल मपने। मुर नु दुशा बाक्‍कीन। याकूब १:२६
1PE 3:11 मरिम्‍शो पचा प्रोंइशा, ठीक गेय ला पने।
1PE 3:12 मारदे हना परमप्रभु यावेमी ठीक पाइब आन कली कोव़ब। आन पुंइशो लोव़ नेंचा कली आ नोफा दाइक्‍ब। तन्‍न मरिम्‍शो पाइब आन कली मकोव़ब, आन पुंइशो लोव़ यो मनेंब” दे ब्रेक्‍शो बाक्‍ब। भजन संग्रह ३४:१३-१७
1PE 3:13 गे ठीक गेय ला पाइतीनी हना, सुम इन कली श्‍येत गेबा ङा?
1PE 3:14 ठीक पशा यो मोशा श्‍येत जाइतीनी हना, आसीक ताइब दुम्‍नीनी। इन कली श्‍येत गेब कली महिनीन। इन थुंमी ग्‍येत्‍थ लुक्‍च मदुमीन। १पत्रुस २:२०; मत्ती ५:१०
1PE 3:15 तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। १पत्रुस २:२१-१४
1PE 3:16 इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६
1PE 3:17 मरिम्‍शो पशा श्‍येत जचा क्‍येङा ठीक पशा, श्‍येत जचा परमप्रभु यावे आ दाक्‍शो बाक्‍ब।
1PE 3:18 मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।
1PE 3:19 नोले मेको आ सोक्‍त लशा, जेल्‍खानमी बाक्‍शो सोक्‍त आन कली लोव़ पाप्‍तु।
1PE 3:20 मेको सु बाक्‍तेक्‍म देंशा हना, साइ ङोंइती नोआहमी ठेयब डोंगा सेलानु, परमप्रभु यावेमी रिम्‍ना रिम्‍न बाक्‍शो बाक्‍त। तन्‍न परमप्रभु यावे कली काइ मटीब, नोआह आ पाला ङा बेक्‍शो मुर बाक्‍तेक्‍म। ८ जना मुर चहिं नोआह आ सेल्‍शो डोंगामी बाक्‍शा, ब्‍वाक्‍कु रे ब्रोंइचा ताम्‍तेक्‍म। उत्‍पत्ती ७:७; २पत्रुस २:५
1PE 3:21 ब्‍वाक्‍कुमी ख्रुम्‍शा ग्रुंइतीके मेको नु गारचा ङा बाक्‍ब। मेकोमी इन कली मुल प्रोंइब। इन रां चिक्‍चा ममाइ, तन्‍न इन थुं ङा मिम्‍तीके रिम्‍शो दुम्‍ल, दे परमप्रभु यावे कली पुंइतीके बाक्‍ब। मेको नेल्‍ल येसु ख्रीस्‍त आ सेंसीशो रे जाक्‍ब। एफिसी ५:२६; हिब्रू १०:२२
1PE 3:22 मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। एफिसी १:२०-२१
1PE 4:1 दोपा ख्रीस्‍त रागीम बाक्‍शा, श्‍येत जवा, मोपा गो नेल्‍ल श्‍येत जचा माल्‍नय, दे मिम्‍तीन। सु सु रागीमी श्‍येत जाइनीमी, मेको मरिम्‍शो पतीक कली प्रोंइने थुम्‍शो बाक्‍नीम।
1PE 4:2 मिनु गे रागीमी बाक्‍नी सम्‍म इन दला दाक्‍स मपथु, परमप्रभु यावे आ दाक्‍शो पने।
1PE 4:3 ङोंइती परमप्रभु यावे कली मतुइक्‍थु मारेइ मारेइ पाइतीनी, मुल मेको गाप्‍त। थमा मसुइक्‍बपुकीमी मार पाइनीम देंशा हना, महिंब दुम्‍शा आन दला दाक्‍स पाइनीम। दुक्‍शा बाक्‍नीम, शुश जशा तूशा बाक्‍नीम नु ग्रांग्रा दिचा ङा मूर्ति पूजा पाइनीम। एफिसी २:२-३; तीतस ३:३
1PE 4:4 गे चहिं मुल मेको आन पशो खोदेंशो मपाइनीनी। मोपतीके मेकोपुकी छक लाक्‍नीम। मिनु इन पर्बम शुक्‍शी पाइनीम।
1PE 4:5 तन्‍न मेकोपुकीमी बेक्‍शो नु ब्रोंइशो मुर आन कली निसाफ पाइब आ ङोंइती मेको आ पर्बम लोव़ पचा माल्‍नीम। २तिमोथी ४:१
1PE 4:6 मोपतीके बेक्‍शो मुर आन कली यो परमप्रभु यावे आ ग्‍येरपाइक्‍ब लोव़ शेंशो बाक्‍त। परमप्रभु यावे खोदेंशो पा सोक्‍तीम ब्रोंइचा तामेक्‍ल, दे रागीमी बाक्‍मानु, निसाफ पचा पुंइसाक्‍म। १पत्रुस ३:१९
1PE 4:7 रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८
1PE 4:8 नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। हितोपदेस १०:१२; याकूब ५:२०
1PE 4:9 मगाइक्‍थु बा‍स गेमुने।
1PE 4:10 परमप्रभु यावेमी इन कली गेय का का पपाइश्‍शो बाक्‍त। मोदेंशो पा वारच पमुने। परमप्रभु यावेमी गेशो गेय रिम्‍शो पने।
1PE 4:11 सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७
1PE 4:12 मिनु आं दाक्‍शो लोक्‍बपुकी, इन कली थुं थाम्‍चा ङा श्‍येत शुश दुम्‍त हना, महिनीन। मेको मारेइ ममाइ। इन थमा सुइक्‍तीके नाक्‍चा कली बाक्‍ब। १पत्रुस १:६-७
1PE 4:13 गे ख्रीस्‍त आ श्‍येत जशो खोदेंशो पा श्‍येत जाइतीनी हना, ग्‍येरसीने। मारदे हना आ छेङछेङ पा जाक्‍ची ना शुश ग्‍येरनीनी। प्रेरित ५:४१; याकूब १:२; रोमी ८:१७
1PE 4:14 ख्रीस्‍त आ नेंमी श्‍येत जाइतीनी हना, आसीक ताइब दुम्‍‍नीनी। मारदे हना छेङछेङ ङा परमप्रभु यावे आ सोक्‍त गे नु बाक्‍ब। मत्ती ५:११; एफिसी १:१३
1PE 4:15 गेपुकी मुर कली साइक्‍ब, खुइ पाइब, ग्रांग्रा दिचा ङा गेय पाइब नु अरु आन कली ग्‍येत्‍थ लुक्‍च सेल्‍शा, सजाइ तपाइक्‍ब खोदेंशो मदुमीन।
1PE 4:16 तन्‍न गे थमा सुइक्‍ब दुम्‍शा, श्‍येत जाइतीनी हना, मुने मपने। येसु ख्रीस्‍त आ नेंमी परमप्रभु यावे कली ठेयब सेलीन। फिलिप्‍पी १:२०
1PE 4:17 निसाफ पची ना दुम्‍चशो बाक्‍त। परमप्रभु यावे आ खिं ङा मुर ङोंइती निसाफ पचा पुंइसीनीम। मिनु गो ङोंइती ङा बाक्‍तय हना, ग्‍येरपाइक्‍ब लोव़ थमा मसुइक्‍ब आन कली दोदेंब दुम्‍बा? येरमीया २५:२९; इजीकीएल ९:६
1PE 4:18 मिनु ठीक पाइब मुरपुकी हेरा ब्रोंइचा मताइब दुम्‍तेक्‍म हना, थमा मसुइक्‍ब नु मरिम्‍शो पाइबपुकी दोदेंशो दुम्‍नीमी? हितोपदेस ११:३१
1PE 4:19 मोपतीके परमप्रभु यावेमी सु कली श्‍येत जचा गेबा, मेकोपुकीमी ठीक गेय पशा, आंम थुं परमप्रभु यावे कली जिम्‍मा गेमेक्‍ल। परमप्रभु यावेमी आ मुर आन कली गेनायो मप्रोंइब। भजन संग्रह ३१:६
1PE 5:1 गो इन खोदेंशो खाल्‍पा नङ। गो थमा सुइक्‍ब आन दातेमी बाक्‍शो शेंब खाल्‍पा इन कली अर्ती गेनुङ। गो ख्रीस्‍त आ श्‍येत जशो तशो नङ। मुल गो जाक्‍चशो छेङछेङ ङा मुर यो दुम्‍ती। २यूहन्‍ना :१; मत्ती २६:३७,६९; रोमी ८:१७
1PE 5:2 इन कली मार अर्ती गेनुङ देंशा हना, गे परमप्रभु यावे आ योव़शो मुर आन गोठला खोदेंशो दुम्‍शा, मेको आन कली रिम्‍शो पा कोव़ङीन। इन थुंमी “आं मदाक्‍शो गेय बाक्‍ब” दे मिम्‍शा ममाइ, तन्‍न “गो मेको गेय दाक्‍नुङ” दे ग्‍येरशा पने। “क्‍येट चेम्‍नुङ” दे मिम्‍शा ममाइ, तन्‍न रिम्‍शो शेंतीके गेय शुश पने। यूहन्‍ना २१:१६; प्रेरित २०:२८; १तिमोथी ३:२-७
1PE 5:3 “गो परमप्रभु यावे आ योव़शो मुर आन कली हुकुम पाइब दुम्‍ती” दे ममाइ, तन्‍न मेको दोदेंब दुम्‍चा माल्‍नीमी, इन पशो गेयमी कोंइदीन। इजीकीएल ३४:२-४; २कोरिन्‍थी १:२४; तीतस २:७
1PE 5:4 नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्‍थी ९:२५; २तिमोथी ४:८
1PE 5:5 मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६
1PE 5:6 मोपतीके गेपुकीमी “नेल्‍ल सक्ति परमप्रभु यावे केन बाक्‍ब” दे आ देंशो लोव़ ब्रेम्‍शो थुंमी ठीक पा टिने। मो पाइतीनी हना, परमप्रभु यावेमी आ मिम्‍ची ना इन कली ठेयब सेल्‍ब। याकूब ४:६
1PE 5:7 गेपुकीमी “मार जाइनीकी? मार तूनीकी? मार फेक्‍नीकी? मार दुम्‍नीकी?” दे हिंशा, सुर्ता पचा ममाल्‍नीनी। मारदे हना परमप्रभु यावेमी इन कली कोव़ब। भजन संग्रह ५५:२१; मत्ती ६:२५; फिलिप्‍पी ४:६
1PE 5:8 गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११
1PE 5:9 गेपुकीमी थमा सुइश्‍शा “गो सैतान कली तुइक्‍नुङ” दे मेको कली काइ मटिने। रागी नेल्‍ल ङा थमा सुइक्‍ब लोक्‍बपुकीम मोदेंशो श्‍येत जाइनीम दे तुइक्‍नीनी।
1PE 5:10 मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६
1PE 5:11 मेको गेना हना यो नेल्‍ल क्‍येङा ठेयब बाक्‍ब। आमेन।
1PE 5:12 गो सिल्‍वानस थमा सुइक्‍ब लोक्‍ब बाक्‍ब, दे मिम्‍शा, आं ब्रेक्‍शो आइक्‍च चिठी मेको नु सोइक्‍ताक्‍ङ। गो इन कली परमप्रभु यावे आ थमा शिशी मार बाक्‍मे, मेको शेंताक्‍न्‍‍नी। मिनु गे मेको तुइश्‍शा, थमा सुइक्‍चा मप्रोंइथु बाक्‍कीन। प्रेरित १५:२२
1PE 5:13 इन खोदेंशो बेबीलोनम बाक्‍शो योव़शोपुकीमी यो इन कली “रिम्‍शो बाक्‍कीन” दे आं कली ब्रेक्‍पाइक्‍तीमी। मिनु आं तौ मर्कूसमी यो मो देंत। २तिमोथी ४:११
1PE 5:14 गे दाक्‍मुशा, प्रभु आ नेंमी मुम्‍मुने। परमप्रभु यावेमी ख्रीस्‍तम बाक्‍शो नेल्‍ल इन कली थुं नाइक्‍चा गेवल।
2PE 1:1 गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।
2PE 1:2 परमप्रभु यावे नु प्रभु येसु कली तुइक्‍तीकेमी शिशी नु इन थुं नाइक्‍तीके बारना बारन लल।
2PE 1:3 परमप्रभु यावे आ सक्तिमी ब्रोंइचा नु परमप्रभु यावे आ ङोंइती बाक्‍चा कली मार मार माल्‍या, मेको नेल्‍ल इं कली मो गेप्‍तु। दोपा गेप्‍तु देंशा हना, मेको कली तुइक्‍तीके गेप्‍तु। आ छेङछेङमी बाक्‍चा नु आ पतीके नेल्‍ल पचा कली योव़तु। १पत्रुस २:४
2PE 1:4 मोपा आ नेल्‍ल क्‍येङा ठेयब थोक्‍शा पशो लोव़ गेप्‍तु। मेको तुइश्‍शा, गेपुकी रागी ङा मुर आन दला दाक्‍स पतीके रे ब्रोंइशा, प्रोक्‍ने चाप्‍नीनी। मोपा गेपुकी परमप्रभु यावे आ पशो खोदेंशो पाइब दुम्‍नीनी।
2PE 1:5 मोपतीके गे इन थमा सुइक्‍तीके नु इन पशो गेय गारचा माल्‍ब। इन पशो गेय नु “परमप्रभु यावे आ दाक्‍शो मार बाक्‍मे?” दे तुइक्‍चा माल्‍नीनी। गलाती ५:६,२२
2PE 1:6 इन तुइक्‍तीकेमी आंमा अरेसीचा माल्‍नीनी। आंमा कली अरेसीतीके, पपाइक्‍तीके नु थमा सुइक्‍तीके मप्रोंइनुङ, दे खोइली थेक्‍शा बाक्‍चा माल्‍नीनी। इन खोइली थेक्‍शा बाक्‍तीकेमी परमप्रभु यावे खोदेंशो पा गेय पने।
2PE 1:7 परमप्रभु यावे खोदेंशो पा गेय पशा, थमा सुइक्‍ब आन कली आंम इन लोक्‍ब खोदेंशो पचा माल्‍नीनी। लोक्‍ब खोदेंशो पा दाक्‍चा माल्‍नीनी। गलाती ६:१०
2PE 1:8 गेपुकी मोदेंशो शुश पाइतीनी हना, इं प्रभु येसु ख्रीस्‍त कली तुइक्‍तीकेमी रिम्‍शो पा शुश फल सिश्‍शो खोदेंशो दुम्‍ब।
2PE 1:9 सुम मोदेंशो मपाइबा, मेको ब्रा ब्रा पा ताइब बाक्‍ब। मेको मुर आ ङोंइती पशो पाप क्‍याम्‍शो बाक्‍ब, दे प्रेंशो बाक्‍ब। १यूहन्‍ना २:९,११
2PE 1:10 मोपतीके आं लोक्‍बपुकी, गेपुकीमी “गो ब्रेश्‍शो नु योव़शो मुर बाक्‍नीकी” दे गेना हना यो मिम्‍चा माल्‍नीनी। मो पाइतीनी हना, गे गेनायो नोले मशोंइ‍‍सीनीनी।
2PE 1:11 मिनु नोले पाप रे प्रोंइब इं प्रभु येसु ख्रीस्‍तमी इन कली आ गेना हना यो लीब राज्‍यमी रिम्‍शो पा ओव़चा गेब।
2PE 1:12 मोपतीके गो इन कली नेल्‍ल नाक्‍ती मोदेंशो मिम्‍पाइक्‍नुङ। गेपुकी मेको तुइश्‍शा नु थमा शेंतीके पाइब दुम्‍तीनी हना यो, गो इन कली मिम्‍पाइक्‍नुङ।
2PE 1:13 गो ब्रोंइङा सम्‍म इन कली मिम्‍पाइक्‍चा रिम्‍शो बाक्‍ब, दे मिम्‍नुङ। २कोरिन्‍थी ५:१
2PE 1:14 इं प्रभु येसु ख्रीस्‍तमी “गे शुश नाक्‍त मलीनेवे” दे कोंइताक्‍यी। यूहन्‍ना २१:१८-१९
2PE 1:15 मिनु आं लचा नोले गे नेल्‍ल नाक्‍ती आं शेंशो मिम्‍ने चाप्‍नीनी, दे शुश गेय पना पन बाक्‍नुङ।
2PE 1:16 गोपुकीमी इन कली इं प्रभु येसु ख्रीस्‍त आ सक्ति नु आ रागीम जाक्‍शो आ पर्बम मुर आन सेल्‍शो कथा मशेंदक। तन्‍न गोपुकीमी “येसु ख्रीस्‍त नेल्‍ल क्‍येङा ठेयब बाक्‍ब” दे आंम आंइ मिक्‍चीम ताइतक।
2PE 1:17 इं आफ परमप्रभु यावेमी मेको कली मान पशा, आ छेङछेङ तपाइश्‍शा “मेको आं दाक्‍शो तौ बाक्‍ब। मेको कली तशा, गो ग्‍येरसाक्‍यी” देंशो सेंदा छेङछेङ रे ग्रूत। मत्ती १७:५
2PE 1:18 गोपुकीमी मेको सेंदा सरीङ रे नेंतक। मारदे हना गोपुकी मेको नु परमप्रभु यावे आ डांडाम बाक्‍शो नकी।
2PE 1:19 मिनु गोपुकीमी साइ ङा परमप्रभु यावे आ लोव़ पाइब आन पशो लोव़ मुल रिम्‍शो पा रुप्‍तक। गे यो परमप्रभु यावे आ साइ ङा लोव़ पाइब आन ब्रेक्‍शो लोव़ रुप्‍चा नु तुइक्‍चा कली छिङछिङमी ब्रशो बत्ती खोदेंशो पा होस पा बाक्‍कीन। मिनु नोले इन थुंमी सुक्‍कुर सोरुल खोदेंशो पा छेङछेङ दुम्‍नीनु, आन ब्रेक्‍शो नेल्‍ल रुप्‍नीनी। भजन संग्रह ११९:१०५
2PE 1:20 गेपुकी ङोंइती मार रुप्‍चा माल्‍नीनी देंशा हना, परमप्रभु यावे आ साइ ङा लोव़ पाइब आन ब्रेक्‍शो लोव़ मुर आन मिम्‍शो लोव़ ममाइ,
2PE 1:21 मुर आन थुं रे मपीब। तन्‍न परमप्रभु यावे आ सोक्‍तीम आ मुर आन कली सुम्‍शा, परमप्रभु यावे आ लोव़ ब्रेक्‍पाइश्‍शो बाक्‍ब, दे रुप्‍चा माल्‍नीनी। १तिमोथी ३:१६-१७
2PE 2:1 साइ ङोंइती परमप्रभु यावे आ लोव़ जोल पा दूली शेंबपुकी बाक्‍मा बाक्‍त। मुल मोदेंशो जोल पा शेंबपुकी इन ग्रुम्‍तीक खिंमी यो जाक्‍नीमी। मेकोपुकीमी ख्रुइश्‍शोमी खतम सेल्‍ब शेंतीके शेंनीमी। प्रभुमी मेको आन कली ग्‍याप्‍शा यो, मेकोपुकी “गो मेको कली मतुइक्‍नुङ” दे जाम्‍शा लाइब बाक्‍नीम। मत्ती २४:११; १तिमोथी ४:१
2PE 2:2 शुशेमी आन शेंशो नेंशा, हेंथे पा दला दाक्‍स यो पाइनीम। मुरपुकीमी मेको आन कली तशा थमा लां कली शुक्‍शी लोव़ पाइनीम।
2PE 2:3 मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।
2PE 2:4 का निक्‍शी परमप्रभु यावे आ स्‍वर्ग ङा गेय पाइबपुकी यो पाप पतीके शिशी मतामे। परमप्रभु यावेमी मेको आन कली नरकमी ताइश्‍शा, नेल्‍ल क्‍येङा मरिम्‍शो बाक्‍तीकेमी सोइक्‍ताक्‍मी। मिनु निसाफ पची नाक्‍त सम्‍म छिङछिङमी चोक्‍शा वोइक्‍तीमी।
2PE 2:5 मिनु परमप्रभु यावेमी साइ ङा मुर आन कली शिशी मपथु, नोआह ला ठीक पाइब बाक्‍तीके मेको नु अरु ७ जना आन कली ला श्‍येत रे प्रोंइतीमी। मेना परमप्रभु यावेमी रागी नेल्‍ल ब्‍वाक्‍कुमी ब्रीपाइश्‍शा, आ कली मटीब आन कली साइश्‍शो बाक्‍त। उत्‍पत्ती ८:१८; १पत्रुस ३:२०; २पत्रुस ३:६
2PE 2:6 परमप्रभु यावेमी सोदोम नु गोमोररा माइश्‍शो सहर निक्‍शी कली मीम क्रोइश्‍शा, पुलु सेल्‍शो बाक्‍त। मेको मटीब आन कली कोंइतीक चिनु बाक्‍त। उत्‍पत्ती १९:२४-२५
2PE 2:7 परमप्रभु यावेमी ठीक पाइब लोत माइश्‍शो मुर कली श्‍येत रे प्रोंइशो बाक्‍त। लोतमी पाप पाइब आन कली तशा, आ थुं शुश मनुशो बाक्‍त।
2PE 2:8 मारदे हना मेको ठीक पाइबमी नाक्‍त किंत किंत आन ग्रांग्रा दिचा ङा गेय तशा नु नेंशा, आ ठीक मिम्‍तीक थुं शुश खाइश्‍शो बाक्‍त।
2PE 2:9 परमप्रभु यावेमी चहिं आंम कली टीब मुर आन कली “दोपा थुं थाम्‍चा ङा श्‍येत रे ग्रुंइनुङा” दे तुइक्‍ब। मिनु ठीक मपाइब आन कली सजाइ गेचा कली निसाफ पची नाक्‍त सम्‍म वोइक्‍ब। १कोरिन्‍थी १०:१३
2PE 2:10 मिनु सु सु आन दला दाक्‍स नु ग्रांग्रा दिचा ङा गेय पाइनीमी नु अधिकार गेशो आन कली मटीनीमी, मेकोपुकीमी नेल्‍ल क्‍येङा शुश सजाइ ताइनीम। मोदेंशो जोल पा शेंब काइ महिंब दुम्‍शा, ठेयब लेश्‍शा, थमा सुइक्‍ब आन कली शुक्‍शी पचा महिंनीम।
2PE 2:11 तन्‍न परमप्रभु यावे आ स्‍वर्ग ङा गेय पाइबपुकी मेको आन क्‍येङा ठेयब नु सक्ति पाइश्‍शो बाक्‍तेक्‍म हना यो, मेको जोल पा शेंब आन कली प्रभु आ ङोंइती दोस मगेनीम।
2PE 2:12 मेको दूली शेंब ममिम्‍ब ग्‍याइक्‍चा नु साइक्‍चा पुंइसीचा कली जरमेशो बस्‍तु भाव खोदेंशो पा, आन तुइश्‍शो ला पाइनीम। मेकोपुकीम काइ मरुप्‍नीम। तन्‍न शुक्‍शी पाइनीम। मिनु बस्‍तु भाव खोदेंशो पा खतम दुम्‍नीम।
2PE 2:13 आन मरिम्‍शो पशो आ पर्बम मरिम्‍शो पाइक्‍चा पुंइसीनीम। नाक्‍तीम आन दला दाक्‍स पशा ग्‍येरशा बाक्‍नीमी। गेपुकी नु भोज जशा, मुने दोक्‍चा ङा पा इन ग्रुम्‍तीक खिं मरिम्‍शो लुम्‍सीशो सेल्‍ब बाक्‍नीम।
2PE 2:14 मेकोपुकीमी मुर आन मीश तशा वाल्‍नीम। पाप पचा गेनायो “मोक्‍ल” मदेंनीम। सक्ति मपाइश्‍शो थमा सुइक्‍ब आन कली लेम्‍शा, आंम दूली लां खोइक्‍पाइक्‍नीमी। मेकोपुकी शीम बाक्‍नीम। मिनु सराप रशो मुर बाक्‍नीम।
2PE 2:15 ठीक लां प्रोंइशा, हेंथे गाक्‍शा, बेओर आ तौ बालाम माइश्‍शो मुर खोदेंशो दुम्‍तेक्‍म। बालाममी मार पशो बाक्‍त देंशा हना, मरिम्‍शो गेय पतीके रे ताक्‍शो क्‍येट शुश दाक्‍शो बाक्‍त। गन्‍ती २२:७-३५
2PE 2:16 मेकोमी मरिम्‍शो मिम्‍शा पचा चिक्‍तानु, हुइक्‍चा पुंइसे बाक्‍त। दोपा हुइक्‍चा पुंइसे बाक्‍त देंशा हना, मब्‍वाक्‍ब गधामी मुर आ सेंदामी लोव़ पवा बाक्‍त। मिनु परमप्रभु यावे आ लोव़ पाइब कली मेको आ मरिम्‍शो गेय रे तेक्‍गा बाक्‍त।
2PE 2:17 मेको दूली शेंबपुकी ब्‍वाक्‍कु मयीब धारा नु फशेम बेरपाइश्‍शो गोस्‍स खोदेंशो बाक्‍नीम। मेको नेल्‍ल क्‍येङा छिङछिङ ङा बाक्‍तीकेमी वोइक्‍चा पुंइसीनीम।
2PE 2:18 मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्‍ब दुम्‍शो मुर आन कली आन हेंथे पतीके ग्रांग्रा दिचा ङा गेय पपाइक्‍नीम।
2PE 2:19 मेकोपुकीमी “गे पाप रे प्रोंइशो मुर बाक्‍नीनी” दे लोव़ पाइनीम। तन्‍न ग्रांग्रा दिचा ङा गेय आन वाइल बाक्‍नीम। मार मारमी मुर आन कली ग्राबा, मेको आन वाइल दुम्‍नीम। गलाती ५:१३; १पत्रुस २:१६
2PE 2:20 मुरपुकी इं प्रभु येसु ख्रीस्‍त कली तुइक्‍तीकेमी रागी रागी ङा मुर आन पाप रे ब्रोंइशो बाक्‍तेक्‍म हना, मेको लेंशा पापमी मुर कली ग्रात हना, मेको पाप आ वाइल दुम्‍नीम। मेको आन कली ङोंइती ङा दुम्‍तीके क्‍येङा नोले शुश मरिम्‍शो दुम वा। मत्ती १२:४५
2PE 2:21 मुरपुकीमी ठीक लां गाक्‍चा तुइश्‍शा यो, मेको ङोंइती रे पाप रे ङोन बाक्‍चा, दे परमप्रभु यावे आ अरेशो लोव़ प्रोंइशा, पापम लेत्‍तेक्‍म हना, मेको तुइक्‍चा क्‍येङा गेनायो मतुइश्‍शो हना रिम्‍शो दुम वा। लूका १२:४७-४८
2PE 2:22 मिनु मुर आन देंतीक लोव़ “कुचुममी आ मेशो लेंशा जाइब।” मिनु “पोव़ कली गिश चिक्‍शा हना यो, लेंशा ग्रांग्रामी ग्रुम्‍दीब” देंशो लोव़ थमा बाक्‍ब। हितोपदेस २६:११
2PE 3:1 आं दाक्‍शो लोक्‍बपुकी, गो इन कली चिठी निक्‍शी ब्रेक्‍ताक्‍ङ। गो एको चिठी निक्‍शीमी इन थुंमी मिम्‍पाइश्‍शा फ्रुक्‍पाइक्‍ता। २पत्रुस १:१३
2PE 3:2 इन कली मार फ्रुक्‍पाइक्‍चा दाक्‍ताक्‍ङ देंशा हना, परमप्रभु यावे आ साइ ङा लोव़ पाइब आन ब्रेक्‍शो लोव़ फ्रुक्‍पाइक्‍चा दाक्‍ताक्‍ङ। पाप रे प्रोंइब प्रभु आ अरेशो लोव़ इन कली मिम्‍पाइक्‍चा दाक्‍ताक्‍ङ। इन शेंबपुकीमी इन कली शेंताक्‍मे।
2PE 3:3 नोले ङा नाक्‍त शुक्‍शी पाइबपुकी जाक्‍नीमी, दे तुइक्‍चा माल्‍नीनी। मेकोपुकीमी शुक्‍शी पा, आंम दला दाक्‍स पाइनीम। १तिमोथी ४:१; यहूदा:१८
2PE 3:4 मेकोपुकीमी “लेंशा जाक्‍नुङ देंब, ते जाक्‍मे? इं किकी पिपी बेक्‍शो बाक्‍तेक्‍म। रागी सेल्‍चा रे ओदेंशो बाक्‍त” देंनीमी। यसैया ५:१९; इजीकीएल १२:२२; मत्ती २४:२८
2PE 3:5 मेको शुक्‍शी पाइबपुकीमी “ङोंइती परमप्रभु यावेमी लोव़ पशा, सरीङ कली मसेल। रागी नु ब्‍वाक्‍कु यो मफ्रादीम्‍सी” दे शेंनीम। मत्ती २४:३८; उत्‍पत्ती १:२,६,९; भजन संग्रह २४:२
2PE 3:6 मेना रागी नु मुर नेल्‍ल आन कली ब्‍वाक्‍कुमी ख्रुम्‍शा सदा बाक्‍त। २पत्रुस २:५; उत्‍पत्ती ७:२१
2PE 3:7 मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।
2PE 3:8 मिनु आं दाक्‍शो लोक्‍बपुकी, प्रभु कली नाक्‍त का हजार का बर्स खोदेंशो बाक्‍ब। मिनु हजार का बर्स नाक्‍त का खोदेंशो बाक्‍ब। भजन संग्रह ९०:४
2PE 3:9 प्रभुम आ देंशो लोव़ ठीक पा पाइब। तन्‍न का निक्‍शी मुरपुकीमी “प्रभुम आ देंशो मपाइब। नोले ला जाक्‍ब” देंनीम। तन्‍न प्रभुमी “सुइ जाम्‍शा मलमल। आं गे लेम्‍मल” दे रिम्‍ब। हबकुक २:३; १तिमोथी २:४
2PE 3:10 प्रभु जाक्‍मेनु, खुइ जाक्‍शो खोदेंशो पा जाक्‍ब। मेना सरीङ ठेयब रेयके पा जाम्‍ब। मारेइ मारेइ ग्रोइश्‍शा नुप्‍नीम। रागी नु रागीम बाक्‍शो मारेइ मारेइ मीम खतम दुम्‍नीम। १थिस्‍सलोनिकी ५:२-३; मत्ती २४:२९; प्रकाश २०:११; यसैया २४:१९
2PE 3:11 मोदेंशो दुम्‍मेनु, नेल्‍ल मीम ग्रोइश्‍शा, मारेइ मलीब। मोपतीके गेपुकी परमप्रभु यावे कली थमा सुइश्‍शा, आ देंशो लोव़ टिशा, पाप रे ङोन बाक्‍शा, परमप्रभु आ नेक्‍था बाक्‍चा माल्‍नीनी।
2PE 3:12 गेपुकी परमप्रभु यावे आ नाक्‍त जाक्‍ब, दे रिम्‍शा नु गेना दुम्‍बा, दे मिम्‍स ङा मिम्‍स बाक्‍चा माल्‍नीनी। मारदे हना मेना सरीङ नेल्‍ल मीम ग्रोइश्‍शा नुप्‍ब। मार मार बाक्‍मे, मेको नेल्‍ल मीम ग्रोइश्‍शा नुप्‍नीम।
2PE 3:13 तन्‍न आ ङोंइती देंशो “नक सरीङ नु नक रागी सेल्‍नुङ। मेकेर नेल्‍ल रिम्‍शो नु ठीक ला पाइनीम” देंशो लोव़ रिम्‍नय। यसैया ६५:१७; प्रकाश २१:१; प्रकाश २१:२७
2PE 3:14 आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८
2PE 3:15 प्रभु आ रिम्‍ना रिम्‍न बाक्‍तीके मुर आन कली पाप रे प्रोंइचा बाक्‍ब, दे मिम्‍तीन। इं दाक्‍शो लोक्‍ब पावलमी आं खोदेंशो पा, इन कली आ तशो तुइक्‍तीकेमी चिठी ब्रेक्‍ताक्‍व। रोमी २:४
2PE 3:16 मेको आ पर्बम आ चिठी नेल्‍लेमी लोव़ पाइब। पावल आ ब्रेक्‍शो लोव़ का निक्‍शी रुप्‍चा कली श्‍येत बाक्‍ब। मजोक्‍ब नु थमा मसुइक्‍ब मुरपुकीमी मेको दूली शेंनीम। परमप्रभु यावे आ ब्रेक्‍पाइश्‍शो अरु लोव़ यो दूली शेंनीम। मोपा आंमा जाम्‍शा लाइब दुम्‍नीम।
2PE 3:17 मोपतीके आं दाक्‍शो लोक्‍बपुकी, गे मेको ङोंइती रे तुइश्‍शा, होस पा बाक्‍कीन। मोपा मबाक्‍तीनी हना, गेपुकी दूली शेंब आन दूली शेंतीके खोइश्‍शा, इन थमा सुइक्‍तीके साम्‍नीनी।
2PE 3:18 तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।
1JO 1:1 नेल्‍ल क्‍येङा ङोंइती रे बाक्‍शो, सु बाक्‍त देंशा हना, ब्रोंइचा गेब लोव़ माइश्‍शो बाक्‍त। गोपुकीमी मेको आ लोव़ नेंतक। आंइ मिक्‍चीमी ताइतक। आंइ मिक्‍चीमी कोव़तक। आंइ गुइमी थीतक। यूहन्‍ना १:१; यूहन्‍ना १:१४; यूहन्‍ना १:४
1JO 1:2 मेको ब्रोंइचा गेब लोव़ माइश्‍शो रागीमी तपांइसीचा पुंइसाक्‍व। मिनु गो मेको कली ताइतक। मोपतीके गोपुकीमी मेको आ लोव़ शेंनीकी। मिनु इन कली यो गेना हना यो, इं आफ नु बाक्‍चा आ पर्बम शेंनीकी। मेको गेना हना यो ब्रोंइशा बाक्‍तीक माइश्‍शो ङोंइती आ आफ परमप्रभु यावे नु बाक्‍त। मिनु परमप्रभुमी मेको आंइ कली कोंइताक्‍व।
1JO 1:3 मिनु आंइ तशो नु नेंशो इन कली शेंनीकी। मारदे हना गो नेल्‍ल थुं का ङा दुम्‍यल। मिनु गो नेल्‍ल इं आफ परमप्रभु यावे नु आ तौ येसु ख्रीस्‍त नु थुं का ङा बाक्‍नय।
1JO 1:4 गो नेल्‍ल इं थुं ग्‍येरसीशा बाक्‍य, दे एको चिठी ब्रेक्‍शा, इन कली सोइक्‍ताक्‍क। १यूहन्‍ना ५:१३; यूहन्‍ना १५:११; यूहन्‍ना १६:२४
1JO 1:5 मेकोमी आंइ कली नेंपाइश्‍शो लोव़ इन कली शेंनीकी। मार लोव़ शेंनीकी देंशा हना, परमप्रभु यावे छेङछेङ बाक्‍ब। मिनु मेको नु छिङछिङ काइ मबाक्‍ब। याकूब १:१७
1JO 1:6 गोपुकीमी छिङछिङम गाक्‍शा यो “परमप्रभु यावे नु थुं का ङा बाक्‍नय” देंतय हना, जोल्‍फे दुम्‍नय। थमा गेय मपाइनय। १यूहन्‍ना २:४
1JO 1:7 मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५
1JO 1:8 गोपुकीमी “मरिम्‍शो काइ मपक” देंतय हना, इं आंमा मिक्‍च सिल्‍शो बाक्‍नय। इं थुं आगामी थमा मबाक्‍ब।
1JO 1:9 गोपुकीमी “मरिम्‍शो पाइतक” देंतय हना, इं मरिम्‍शो पतीके क्‍याम्‍शा, इं कली शेक्‍ब। मारदे हना मेको आ देंशो पाइब नु ठीक पाइब बाक्‍ब। भजन संग्रह ३२:३-५; हितोपदेस २८:१३
1JO 1:10 गोपुकीमी “मरिम्‍शो काइ मपक” देंतय हना, मेको कली जोल्‍फे सेल्‍नय। मिनु आ देंशो लोव़ इं थुंमी मलीब। रोमी ३:१०-१८
1JO 2:1 मिनु आं आलपुकी, इन कली मारदे ब्रेक्‍ताक्‍ङ देंशा हना, गो इन कली “मरिम्‍शो मपने” दें‍चा कली ब्रेक्‍ताक्‍ङ। मिनु थमा सुइक्‍ब कामी पाप पाप्‍तु हना, मेको आ पर्बम आ आफ कली पुंइब का बाक्‍ब। मेको पुंइब सु बाक्‍ब देंशा हना, मेको नेल्‍ल ठीक पाइब येसु ख्रीस्‍त बाक्‍ब।
1JO 2:2 दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२
1JO 2:3 मिनु गोपुकी येसु ख्रीस्‍त आ मुर दुम्‍शो, दोपा तुइक्‍नय देंशा हना, परमप्रभु यावे आ अरेशो लोव़ पना पन बाक्‍तीके येसु ख्रीस्‍त कली थमा पा तुइक्‍नय।
1JO 2:4 मिनु सुमी “गो येसु ख्रीस्‍त आ मुर दुम्‍शा, मेको तुइक्‍नुङ” देंबा, तन्‍न आ अरेशो लोव़ मटीबा, मेको जोल्‍फे बाक्‍ब। मोदेंशो मुर आगामी परमप्रभु आ थमा पतीके मबाक्‍ब।
1JO 2:5 सु चहिं आ देंशो लोव़ पना पन बाक्‍बा, मेको मुरुमी परमप्रभु यावे कली थमा पा दाक्‍ब। मोदेंशो दुम्‍शो मुरुमी “गो येसु ख्रीस्‍त आ मुर दुम्‍ती” दे तुइक्‍ब। यूहन्‍ना १४:२१-२३
1JO 2:6 मिनु सुमी “गो येसु ख्रीस्‍त नु बाक्‍नुङ” देंबा, मेको येसु ख्रीस्‍त खोदेंशो दुम्‍चा माल्‍ब। यूहन्‍ना १३:१५; १पत्रुस २:२१-२३
1JO 2:7 आं दाक्‍शो थमा सुइक्‍ब लोक्‍बपुकी, गो इन कली नक अरेशो लोव़ मब्रेक्‍तु। एको अरेशो लोव़ माइत बाक्‍ब। गेपुकी मेको ङोंइती रे पाइ‍नीनी। मिनु गे मेको माइत अरेशो लोव़ नेंशो बाक्‍तीनी। यूहन्‍ना ११:३४; २यूहन्‍ना :५
1JO 2:8 मिनु मेको ब्रेक्‍शा यो गो इन कली नक अरेशो लोव़ ब्रेक्‍नुङ। मारदे हना मेको नक अरेशो लोव़ येसु ख्रीस्‍तमी खाप्‍तु। मिनु गेपुकी यो पाइनीनी। गो मेको मारदे ब्रेक्‍ताक्‍ङ देंशा हना, मुल छिङछिङ जाम्‍ना जाम्‍न लाइब। मिनु थमा छेङछेङ बारना बारन बाक्‍ब। यूहन्‍ना ८:१२; रोमी १३:१२
1JO 2:9 मिनु सुमी “गो परमप्रभु यावे आ छेङछेङमी बाक्‍नुङ” देंबा, तन्‍न आ लोक्‍ब आन कली मदाक्‍बा, मेको छेङछेङमी ममाइ, छिङछिङमी बाक्‍ब। १यूहन्‍ना ४:२०
1JO 2:10 सु चहिं आ थमा सुइक्‍ब लोक्‍ब आन कली दाक्‍बा, मेको छेङछेङमी गाक्‍ना गाक्‍न बाक्‍ब। मोदेंशो दुम्‍शो मुरुमी मरिम्‍शो गेय मपाइब।
1JO 2:11 सु चहिं आ लोक्‍ब आन कली मदाक्‍बा, मेको मुर छिङछिङमी गाक्‍ब। मिनु ते लाइबा मतुइक्‍ब। छिङछिङमी मेको कली मिक्‍च मताइब सेल्‍ब।
1JO 2:12 आं दाक्‍शो तमी तौपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, इन पशो मरिम्‍शो नेल्‍ल येसु ख्रीस्‍त आ नेंमी क्‍याम्‍सीशो बाक्‍त। मोपतीके गो इन कली ब्रेक्‍ना ब्रेक्‍न बाक्‍ती।
1JO 2:13 आम आफपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, गे मेको ङोंइती रे बाक्‍ब कली तुइक्‍नीनी। मोपतीके गो इन कली ब्रेक्‍ना ब्रेक्‍न बाक्‍ती। ठेयब वोंइश आलपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, गे सैतान कली ग्रातीनी। मोपतीके गो इन कली ब्रेक्‍ना ब्रेक्‍न बाक्‍ती। मिनु आं तमी तौपुकी, गो इन कली मारदे ब्रेक्‍ताक्‍ङ देंशा हना, गे इं आफ परमप्रभु यावे कली तुइक्‍नीनी। मोपतीके गो इन कली ब्रेक्‍ताक्‍ङ। यूहन्‍ना १:१
1JO 2:14 मिनु आं आलपुकी, गो इन कली मारदे ब्रेक्‍ताक्‍ङ देंशा हना, गे इं आफ कली तुइक्‍नीनी। गो आम आफ इन कली मारदे ब्रेक्‍ताक्‍ङ देंशा हना, गे ङोंइती रे बाक्‍ब कली तुइक्‍ब बाक्‍नीनी। गो ठेयब वोंइश आल इन कली मारदे ब्रेक्‍ताक्‍ङ देंशा हना, गेपुकी बोल्‍यो दुम्‍तीनी। गे परमप्रभु यावे आ लोव़ इन थुंमी वोइश्‍‍शा, सैतान कली ग्रातीनी। मोपतीके गो इन कली ब्रेक्‍ताक्‍ङ। एफिसी ६:१०;
1JO 2:15 गेपुकी रागी नु रागी ङा थोव़क कली मदाक्‍तीन। सु चहिं रागी कली दाक्‍बा, मेको आ थुंमी इं आफ, परमप्रभु यावे आ दाक्‍शो मबाक्‍ब। याकूब ४:४
1JO 2:16 मिनु रागीमी मार बाक्‍ब देंशा हना, मेको मुर आन रांमी मार मार पचा दाक्‍नीमी, मेकोन पाइनीमी। मेको आन मिक्‍चीमी मार मार कोव़चा दाक्‍नीमी, मेकोन कोव़थ लाइनीम। आन शुश शोंप आ पर्बम ठेयब लेत्‍तीके इं आफ परमप्रभु यावे रे ममाइ, रागी ङा मुर आन पतीके बाक्‍ब।
1JO 2:17 मिनु रागी नु रागी ङा मुर आन दाक्‍शो नेल्‍ल जाम्‍ब। सु चहिं परमप्रभु यावे आ देंशो पाइबा, मेको मुर गेना हना यो ब्रोंइशा बाक्‍ब।
1JO 2:18 आं तमी तौपुकी, रागी जाम्‍चशो बाक्‍ब। दोपा तुइक्‍ताक्‍य देंशा हना, ख्रीस्‍त आ पर्बम दूली शेंब का जाक्‍ब, दे ङोंइती रे तुइश्‍शो ननी। ख्रीस्‍त आ पर्बम दूली शेंब शुश जाक्‍तेक्‍म। मोपतीके रागी जाम्‍चशो बाक्‍त, दे तुइक्‍ताक्‍य। १पत्रुस ४:७; मत्ती २४:२४; २थिस्‍सलोनिकी २:३-४
1JO 2:19 मेको दूली शेंबपुकी इं दाते रे ग्रूतेक्‍म। मेकोपुकी चहिं इं खोदेंशो पा येसु ख्रीस्‍त कली थमा सुइक्‍ब मनम। इं खोदेंशो पा येसु ख्रीस्‍त कली थमा सुइक्‍ब नम हना, गोपुकी नु काथा बाक्‍म वा। तन्‍न इं दाते रे ग्रूशा लाम्‍तेक्‍म। मिनु इं खोदेंशो पा येसु ख्रीस्‍त कली थमा सुइक्‍ब मनम, दे तुंइ‍सीब। प्रेरित २०:३०; १कोरिन्‍थी ११:१९
1JO 2:20 येसु ख्रीस्‍तमी इन कली परमप्रभु यावे आ सोक्‍त गेप्‍तु। मोपतीके नेल्‍ल तुइक्‍नीनी।
1JO 2:21 इन कली एको लोव़ मारदे ब्रेक्‍ताक्‍ङ देंशा हना “गे मतुइक्‍ब ननी” दे ममिम्‍नुङ। थमा लोव़ तुइक्‍नीनी। मिनु मेको इन तुइश्‍शो थमा लोव़ क्‍येङा जोक्‍ब सेल्‍चा, दे ब्रेक्‍ताक्‍ङ। थमा शेंतीकेमी येसु ख्रीस्‍त आ पर्बम जोल मबाक्‍ब।
1JO 2:22 दूली शेंबमी मार शेंब देंशा हना “येसु ख्रीस्‍त परमप्रभु यावे आ सोइश्‍शो ममाइ। परमप्रभु यावे नु आ तौ पोबु मनसी” दे शेंब। मेको ख्रीस्‍त आ पर्बम दूली लोव़ शेंब बाक्‍ब।
1JO 2:23 सु सुमी “येसु ख्रीस्‍त परमप्रभु यावे आ तौ ममाइ” दे शेंनीमी, मेको इं आफ परमप्रभु यावे नु थुं का ङा मबाक्‍नीम। सु सुमी चहिं “येसु ख्रीस्‍त परमप्रभु यावे आ तौ बाक्‍ब” दे शेंनीमी, मेको इं आफ, परमप्रभु यावे नु थुं का ङा बाक्‍नीम। यूहन्‍ना ५:२३; १यूहन्‍ना ४:१५
1JO 2:24 मिनु इन ङोंइती रे नेंशो शेंतीके मिम्‍शा बाक्‍कीन। इन ङोंइती रे नेंशो शेंतीके मिम्‍शा बाक्‍तीनी हना, गेपुकी इं आफ, परमप्रभु यावे नु आ तौ नु थुं का ङा दुम्‍शा बाक्‍नीनी।
1JO 2:25 परमप्रभु यावेमी “गो इन कली गेना हना यो ब्रोंइशा बाक्‍चा गेनुङ” देंशो बाक्‍ब।
1JO 2:26 मुर का निक्‍शीमी इन कली दूली शेंनीमी। मोपतीके गो इन कली एको लोव़ ब्रेक्‍ताक्‍ङ।
1JO 2:27 येसु ख्रीस्‍तमी इन कली परमप्रभु यावे आ सोक्‍त गेप्‍तु। मिनु मेको गेपुकी नु बाक्‍ब। मेको परमप्रभु यावे आ सोक्‍त गेपुकी नु बाक्‍मेनु, अर्को शेंब ममाल्‍नीनी। परमप्रभु यावे आ सोक्‍तीमी इन कली नेल्‍ल शेंना शेंन बाक्‍ब। मेको आ शेंशो थमा बाक्‍तीके जोल मदुम्‍ब। मेकोमी ङोंइती इन कली शेंशो टिशा, मेको नु थुं का ङा दुम्‍शा, बाक्‍कीन। यूहन्‍ना १६:१३; २कोरिन्‍थी १:२१-२२; येरमीया ३१:३४
1JO 2:28 आं तमी तौपुकी, येसु ख्रीस्‍त नु थुं का ङा दुम्‍शा बाक्‍कीन। मेको यिमेनु, गोपुकी महिंब दुम्‍ने चाप्‍यल। मेको आ ङोंइती मुने मदोक्‍यल।
1JO 2:29 “येसु ख्रीस्‍त नेल्‍ल ठीक पाइब बाक्‍ब” दे तुइक्‍ताक्‍नी हना, सु सुम ठीक पाइनीमी, मेको नेल्‍ल परमप्रभु आ आलपुकी नमी, दे तुइक्‍नीनी। १यूहन्‍ना ३:७-१०
1JO 3:1 इं आफोमी इं कली शुश दाक्‍शा “परमप्रभु यावे आ तमी तौ” दे नें वोइश्‍शो बाक्‍त। मिनु गोपुकी आ तमी तौ दुम्‍तय। मोपतीके रागी ङा मुरपुकीमी इं कली मतुइक्‍नीम। मारदे मतुइक्‍नीम देंशा हना, मेकोपुकीमी येसु ख्रीस्‍त कली यो मतुइक्‍नीम। यूहन्‍ना १:१२; यूहन्‍ना १६:३
1JO 3:2 आं दाक्‍शो लोक्‍बपुकी, मुल गोपुकी परमप्रभु यावे आ आल दुम्‍तय। नोले गो दोदेंशो दुम्‍नया, मारेइ मतुइक्‍नय। मिनु येसु ख्रीस्‍त ग्रूमेनु, गोपुकी मेको खोदेंशो दुम्‍नय। दोपा मेको खोदेंशो दुम्‍नय देंशा हना, गोपुकी मेको कली दोदेंशो बाक्‍मे, दे तशा, मेको खोदेंशो दुम्‍नय। रोमी ८:१७; फिलिप्‍पी ३:२१; कलस्‍सी ३:४
1JO 3:3 मिनु सु मेको आ मग्रूम सम्‍म रिम्‍शा बाक्‍बा, मेको येसु ख्रीस्‍त पाप रे ङोन बाक्‍शो खोदेंशो पा, मेको यो पाप रे ङोन बाक्‍ब।
1JO 3:4 मिनु सुम मरिम्‍शो पाइबा, मेकोमी परमप्रभु यावे आ अरेशो लोव़ मटीब। मरिम्‍शो मार बाक्‍ब देंशा हना, परमप्रभु यावे आ अरेशो लोव़ मटिचा मरिम्‍शो बाक्‍ब।
1JO 3:5 मरिम्‍शो क्‍याम्‍चा कली येसु ख्रीस्‍त जाक्‍त, दे तुइक्‍नीनी। मिनु मेकोमी काइ मरिम्‍शो मपवा। यसैया ५३:४-६; यूहन्‍ना १:२९; १ पत्रुस २:२४; यसैया ५३:९; यूहन्‍ना ८:४६
1JO 3:6 सु चहिं मेको नु थुं का ङा दुम्‍शा बाक्‍बा, मेकोमी मरिम्‍शो मपाइब। सुम चहिं मरिम्‍शो पना पन बाक्‍बा, मेको येसु ख्रीस्‍त नु थुं का ङा मदुम्‍थु, मेको कली मतुइक्‍ब। रोमी ६:११,१४
1JO 3:7 आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९
1JO 3:8 सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४
1JO 3:9 परमप्रभु यावे आ आलपुकीमी पाप मपाइनीम। मारदे पाप मपाइनीम देंशा हना, परमप्रभु आ थुं मेको आन थुंमी बाक्‍ब। मोपतीके परमप्रभु आ आलपुकीम पाप मपाइनीम। १यूहन्‍ना ५:१८
1JO 3:10 मिनु तेको मुर परमप्रभु यावे आ आल बाक्‍नीमी नु तेको मुर सैतान आ आल बाक्‍नीमी, दे तुंइ‍सीब। दोपा तुंइ‍सीब देंशा हना, सु सु ठीक गेय मपाइनीमी नु आ लोक्‍ब आन कली मदाक्‍नीमी, मेको परमप्रभु यावे आ आल मनमी। मेको सैतान आ आल बाक्‍नीम। यूहन्‍ना ५:१८
1JO 3:11 मिनु इन ङोंइती रे नेंशो लोव़ मार बाक्‍त देंशा हना, गोपुकी दाक्‍मुचा माल्‍नय। यूहन्‍ना १३:३४
1JO 3:12 काइन खोदेंशो दुम्‍चा मदुम्‍ब। काइनमी सैतान आ मुर दुम्‍शा, आ लोक्‍ब कली सदा बाक्‍त। काइनमी आ लोक्‍ब कली मारदे सदा बाक्‍त देंशा हना, आ थुं ङा गेय मरिम्‍शो बाक्‍माक्‍त। आ लोक्‍ब आ गेय चहिं परमप्रभु यावे आ ङोंइती ठीक बाक्‍माक्‍त। उत्‍पत्ती ४:८
1JO 3:13 आं लोक्‍बपुकी, रागी ङा मुरपुकीमी इन कली मदाक्‍थु श्‍येत गेमेनु, छक मलाक्‍कीन। मत्ती ५:११; यूहन्‍ना १५:१८-१९
1JO 3:14 गोपुकी बेक्‍तीक राज्‍य रे पा, ब्रोंइतीक राज्‍यमी बाक्‍नय। दोपा तुइक्‍नय देंशा हना, थमा सुइक्‍ब लोक्‍ब आन कली दाक्‍नय। सुम चहिं मदाक्‍बा, मेको बेक्‍तीक राज्‍यमी बाक्‍ब। यूहन्‍ना ५:२४
1JO 3:15 सुम थमा सुइक्‍ब लोक्‍ब आन कली मदाक्‍बा, मेको मुर साइक्‍ब बाक्‍ब। मिनु सुम थमा सुइक्‍ब लोक्‍ब आन कली साइक्‍बा, मेको गेना हना यो ब्रोंइशा बाक्‍चा मताइब, दे तुइक्‍नीनी। मत्ती ५:२१-२२
1JO 3:16 मिनु लोक्‍ब आन कली दाक्‍चा, दोपा तुंइ‍सीब देंशा हना, येसु ख्रीस्‍त इं कली दाक्‍शा, साइक्‍चा पुंइसाक्‍व। मिनु गोपुकीमी यो लोक्‍ब आन कली दाक्‍चा माल्‍नय। थमा सुइक्‍ब लोक्‍ब आन कली मबेक्या सम्‍म वारच पचा माल्‍नय। यूहन्‍ना १५:१३
1JO 3:17 सुमी शुश शोंप थिशा यो, लोक्‍ब आन कली श्‍येत जशो तशा “गो मारेइ मगेनुङ” दे मिम्‍बा, मेको मुर आ थुं रे परमप्रभु यावे आ गेशो दाक्‍तीक सक्ति यो जाम्‍शा लाइब। ब्‍यवस्‍था १५:७; १यूहन्‍ना ४:२०
1JO 3:18 आं आइक्‍च आलपुकी, गोपुकी दाक्‍मुय। मिनु “इ कली दाक्‍नुङ” दे लोव़ पशा ममाइ, तन्‍न पतीकेमी दाक्‍मुचा माल्‍नय। याकूब २:१५-१६
1JO 3:19 गोपुकी थमा पा दाक्‍शा, गेय पाइतय हना, इं थुंमी “थमा लां खोइक्‍ब नय” दे थमा पा तुइक्‍नय।
1JO 3:20 मिनु इं थुंमी इं कली दोस गेप्‍तु हना, इं थुं क्‍येङा परमप्रभु यावे ठेयब बाक्‍ब। मिनु मेकोमी नेल्‍ल तुइक्‍ब। लूका १५:२०-२२
1JO 3:21 आं दाक्‍शो लोक्‍बपुकी, इं थुंमी इं कली दोस मगेप्‍तु हना, गोपुकी महिंथु, परमप्रभु यावे आ ङोंइती जाक्‍दीत्‍नय।
1JO 3:22 मिनु गो महिंथु पुंइतय हना, इं पुंइशो गेब। मारदे हना गोपुकी आ अरेशो लोव़ पशा, आ दाक्‍शो पाइनय। मर्कूस ११:२४
1JO 3:23 मिनु आ अरेशो लोव़ मार बाक्‍ब देंशा हना, परमप्रभु यावे आ सोइश्‍शो येसु ख्रीस्‍त कली थमा सुइक्‍चा नु इं दातेमी दाक्‍मुचा इं कली अरेशो लोव़ बाक्‍ब। यूहन्‍ना ६:२९; यूहन्‍ना १५:१७
1JO 3:24 सुमी आ अरेशो लोव़ पाइबा, येसु नु थुं का ङा बाक्‍ब। मिनु येसु यो मेको मुर नु थुं का ङा बाक्‍ब। परमप्रभु यावे नु गोपुकी थुं का ङा दुम्‍तय, दे दोपा तुइक्‍नय देंशा हना, मेकोमी गेशो सोक्‍तीमी शेंशो रे तुइक्‍नय। १यूहन्‍ना ४:१३; रोमी ८:९
1JO 4:1 आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५
1JO 4:2 परमप्रभु यावे आ सोक्‍त आ शेंतीके दोपा तुंइ‍सीब देंशा हना, सुमी “येसु ख्रीस्‍त परमप्रभु यावे आ सोइक्‍तीके रागीम जाक्‍त” देंबा, मेको मुर परमप्रभु यावे नु थुं का ङा बाक्‍ब।
1JO 4:3 सुम चहिं “येसु परमप्रभु यावे आ सोइश्‍शो ममाइ” दे शेंबा, मेको परमप्रभु यावे नु थुं का ङा मबाक्‍ब। मेको येसु आ पर्बम दूली शेंब बाक्‍ब। येसु आ पर्बम दूली शेंथ जाक्‍ब, दे नेंतीनी। मिनु मेको मुल रागीमी बाक्‍ब।
1JO 4:4 आं आइक्‍च आलपुकी, गेपुकी परमप्रभु यावे नु थुं का ङा दुम्‍शा, मेको रागीमी बाक्‍ब दूली शेंब आन कली ग्रातीनी। मारदे हना रागी ङा मुर आन थुंमी बाक्‍शो दूली शेंब सोक्‍त क्‍येङा इन थुंमी बाक्‍ब परमप्रभु यावे आ सोक्‍त ठेयब बाक्‍ब।
1JO 4:5 मेको येसु ख्रीस्‍त आ पर्बम दूली शेंबपुकी रागी ङा मुर बाक्‍नीम। मोपतीके आन शेंतीके परमप्रभु यावे के ममाइ, रागी ङा बाक्‍ब। मिनु रागी ङा मुरपुकी मेको आन शेंशो दाक्‍नीमी। यूहन्‍ना १५:१९
1JO 4:6 गोपुकी चहिं परमप्रभु यावे नु थुं का ङा बाक्‍नय। सुमी परमप्रभु यावे कली तुइक्‍बा, मेकोमी आंइ शेंशो टीब। सु चहिं परमप्रभु यावे नु थुं का ङा मबाक्‍बा, मेकोम आंइ शेंशो मटीब। मोपा थमा बाक्‍बा देय दूली शेंतीक बाक्‍बा, दे तुइक्‍ने चाप्‍नय। यूहन्‍ना ८:४७; १कोरिन्‍थी १४:३७
1JO 4:7 आं दाक्‍शो लोक्‍बपुकी, दाक्‍मुय। मारदे हना परमप्रभु यावेमी थमा सुइक्‍ब आन कली दाक्‍मुपाइक्‍ब। सुमी दाक्‍बा, मेको परमप्रभु यावे आ आल दुम्‍शा, परमप्रभु यावे कली तुइक्‍ब।
1JO 4:8 सुम चहिं मदाक्‍बा, मेकोमी परमप्रभु यावे कली मतुइक्‍ब। मारदे हना परमप्रभु यावे दाक्‍ब बाक्‍ब।
1JO 4:9 परमप्रभु यावेमी दोपा आ दाक्‍चा कोंइताक्‍व देंशा हना, आ का ला तौ रागीमी सोइक्‍ताक्‍व। मिनु आ तौ साइक्‍चा पुंइसीतीके इं कली गेना हना यो ब्रोंइशा बाक्‍चा गेप्‍तु। यूहन्‍ना ३:१६
1JO 4:10 मिनु परमप्रभु यावे आ दाक्‍चा मार बाक्‍ब देंशा हना, गोपुकी ङोंइती परमप्रभु यावे कली काइ मदाक्‍ताक्‍य हना यो, परमप्रभु यावेमी इं कली दाक्‍ताक्‍व। गिश दाक्‍ताक्‍व देंशा हना, आंम तौ कली साइक्‍चा पुंइसीब पपाइक्‍चा कली रागीमी सोइक्‍ताक्‍व। इं कली मरिम्‍शो गेय नु सैतान आ राज्‍य रे प्रोंइचा, दे साइक्‍चा पुंइसीचा कली रागीमी सोइक्‍ताक्‍व।
1JO 4:11 आं दाक्‍शो लोक्‍बपुकी, परमप्रभु यावेमी इं कली दोपा दाक्‍ता, मोपा गोपुकी यो दाक्‍मुचा माल्‍नय।
1JO 4:12 मुरपुकीम परमप्रभु यावे कली गेनायो मतामे। तन्‍न गोपुकी दाक्‍मुयानु, परमप्रभु यावे इं नु थुं का दुम्‍त। मिनु परमप्रभु यावे आ दाक्‍तीक इं थुंमी लीब। यूहन्‍ना १:१८
1JO 4:13 परमप्रभु यावेमी इं कली आ सोक्‍त गेप्‍तु। मोपतीके गो परमप्रभु यावे नु थुं का ङा दुम्‍नय नु मेको गो नु थुं का ङा दुम्‍शो तुइक्‍नय।
1JO 4:14 मिनु गोपुकी परमप्रभु यावेमी आ तौ रागीमी सोइश्‍शो ताइतक। गोपुकीमी “इं आफ, परमप्रभुमी आ तौ कली मुर आन कली पाप रे प्रोंइचा, दे रागीमी सोइक्‍ताक्‍व” दे शेंना शेंन बाक्‍नीकी। यूहन्‍ना ३:१७
1JO 4:15 सुमी “येसु परमप्रभु यावे आ तौ बाक्‍ब” देंबा, मेको परमप्रभु यावे नु थुं का ङा बाक्‍ब। मिनु परमप्रभु यावे यो मेको नु थुं का ङा बाक्‍ब। १यूहन्‍ना ५:५
1JO 4:16 मोपतीके गोपुकी “परमप्रभु यावेमी इं कली दाक्‍ब” दे तुइश्‍शा थमा सुइक्‍नय। परमप्रभु यावेमी मुर आन कली दाक्‍ब। सुमी दाक्‍ना दाक्‍न बाक्‍बा, मेको परमप्रभु यावे नु थुं का ङा बाक्‍ब। परमप्रभु यावे यो मेको नु थुं का ङा बाक्‍ब।
1JO 4:17 दोपा मुर आन कली दाक्‍चा रिम्‍शो दुम्‍त देंशा हना, गोपुकी परमप्रभु यावे आ निसाफ पची नाक्‍त महिंनय। मारदे हना गोपुकी परमप्रभु यावे नु थुं का ङा दुम्‍शा, रागीमी बाक्‍नय। १यूहन्‍ना २:२८
1JO 4:18 मिनु दाक्‍ना दाक्‍न बाक्‍तय हना, महिंनय। मारदे हना मुरपुकी सजाइ तशा हिंनीम। मिनु सु हिंबा, मेको आ दाक्‍शो शुश बाक्‍ब।
1JO 4:19 गोपुकी चहिं परमप्रभु यावे कली मारदे दाक्‍नय देंशा हना, मेकोमी ङोंइती इं कली शुश दाक्‍ताक्‍व।
1JO 4:20 सुमी चहिं “गो परमप्रभु यावे कली दाक्‍नुङ” देंबा, मिनु थमा सुइक्‍ब लोक्‍ब आन कली काइ मदाक्‍बा, मेको मुर आ देंशो लोव़ यो जोल बाक्‍ब। मारदे हना सुमी आ नु बाक्‍शो लोक्‍ब आन कली मदाक्‍बा, मेकोमी मुर आन मतशो परमप्रभु यावे कली दोपा दाक्‍ने चाप्‍बा ङा? मचाप्‍ब। १यूहन्‍ना ३:१७
1JO 4:21 मिनु परमप्रभु यावेमी इं कली अरेशो लोव़ मार बाक्‍त देंशा हना “सुमी परमप्रभु यावे कली दाक्‍बा, मेकोमी थमा सुइक्‍ब आन कली यो दाक्‍चा माल्‍ब” दे शेंशो बाक्‍त। मर्कूस १२:२९-३१
1JO 5:1 मिनु सुमी “येसु परमप्रभु यावे आ सोइश्‍शो ख्रीस्‍त बाक्‍ब” दे थमा सुइक्‍बा, मेको मुर परमप्रभु यावे आ आल बाक्‍ब। मिनु सुमी आफ कली दाक्‍बा, मेकोमी आ आल कली यो दाक्‍ब।
1JO 5:2 गोपुकी थमा पा परमप्रभु यावे आ आल आन कली दाक्‍नय, दे दोपा तुइक्‍नय देंशा हना, परमप्रभु यावे कली दाक्‍नय। मिनु आ अरेशो लोव़ टीनय।
1JO 5:3 गोपुकीमी “परमप्रभु यावे कली दाक्‍नय” देंतय हना, आ अरेशो लोव़ टिशा पाइनय। आ देंशो लोव़ टिशा पचा श्‍येत ममाइ। यूहन्‍ना१४:१५,२३,२४; मत्ती११:३०
1JO 5:4 मिनु परमप्रभु यावे आ आलपुकीमी रागी ङा मुर आन दाक्‍शो गेय कली ग्रानीम। दोपा ग्रानीम देंशा हना, येसु ख्रीस्‍त कली थमा सुइक्‍चा मप्रोंइथु ग्रानीम। यूहन्‍ना १६:३३; १कोरिन्‍थी १५:५७
1JO 5:5 सु सुमी ग्रानीम देंशा हना “येसु परमप्रभु यावे आ तौ बाक्‍ब” दे थमा सुइक्‍बमी ग्रानीम। १यूहन्‍ना ४:४
1JO 5:6 मिनु येसु ख्रीस्‍त ब्‍वाक्‍कु नु हुश रे जाक्‍त। ब्‍वाक्‍कु रे ला ममाइ, तन्‍न ब्‍वाक्‍कु नु हुश रे जाक्‍त। १यूहन्‍ना ४:२; मर्कूस १:९; यूहन्‍ना १९:३४-३५
1JO 5:7 परमप्रभु यावे आ सोक्‍त मेको आ सांकछी बाक्‍ब। मारदे हना परमप्रभु यावे आ सोक्‍तीम थमा लोव़ ला पाइब। यूहन्‍ना १:३३
1JO 5:8 मोपा सांकछी सां बाक्‍नीम। का परमप्रभु यावे आ सोक्‍त बाक्‍ब, का ब्‍वाक्‍कु रे जरमेतीके बाक्‍ब नु का मुर आन मरिम्‍शो पतीके आ पर्बम येसु साइक्‍चा पुंइसीशो ङा हुश बाक्‍ब। मिनु मेको सांफा गारनीमी।
1JO 5:9 गोपुकी मुर आन सांकछी नेंशा थमा सुइक्‍नय। परमप्रभु यावे आ सांकछी मुर आन सांकछी क्‍येङा ठेयब बाक्‍ब। मिनु परमप्रभु यावेमी आ तौ येसु ख्रीस्‍त आ पर्बम मेको सांकछी गेप्‍तु।
1JO 5:10 सु परमप्रभु यावे आ तौ कली थमा सुइक्‍बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्‍बा, मेकोमी “परमप्रभु यावे जोल्‍फे बाक्‍ब” देंब। मारदे हना “आं तौ बाक्‍ब” दे परमप्रभु यावेमी देंशो थमा मसुइक्‍ब। यूहन्‍ना ३:३२-३४; रोमी ८:१६
1JO 5:11 मिनु मेको आ सांकछी मार बाक्‍ब देंशा हना, परमप्रभु यावेमी इं कली गेना हना यो ब्रोंइशा बाक्‍तीक गेप्‍तु। मोदेंशो ब्रोंइशा बाक्‍तीक आ तौमी पतीके बाक्‍ब।
1JO 5:12 सु मेको आ तौ नु बाक्‍बा, मेको गेना हना यो ब्रोंइशा बाक्‍चा ताइब। सु चहिं परमप्रभु यावे आ तौ नु मबाक्‍बा, मेको गेना हना यो ब्रोंइशा बाक्‍चा मताइब।
1JO 5:13 मिनु गेपुकी परमप्रभु यावे आ तौ आ नें कली थमा सुइक्‍नीनी। मोपतीके गेना हना यो ब्रोंइशा बाक्‍चा ताइब बाक्‍नीनी, दे गो इन कली तुइक्‍पाइक्‍चा कली ब्रेक्‍ताक्‍ङ। यूहन्‍ना २०:३१
1JO 5:14 मिनु मेको कली थमा सुइश्‍शोमी इं पुंइशो आ दाक्‍शो बाक्‍त हना, मार पुंइतय हना यो, इं कली नेंशा गेब। यूहन्‍ना १४:१३
1JO 5:15 गोपुकीमी इं मार मार पुंइशो नेंब, दे तुइक्‍ताक्‍य हना, इं पुंइशो यो गेब, दे तुइक्‍नय।
1JO 5:16 मिनु सुमी आ लोक्‍ब मबेक्‍चा ङा सजाइ तचा ङा पा मरिम्‍शो पशो ताइबा, मिनु आ लोक्‍ब आ पर्बम पुंइबा, मेको मुर आ पुंइशो परमप्रभु यावेमी गेब। मेको थमा सुइक्‍ब लोक्‍ब गेना हना यो ब्रोंइशा बाक्‍चा ताइब। तन्‍न बेक्‍चा ङा मरिम्‍शो पतीक यो बाक्‍बा, मोदेंशो मरिम्‍शो पाइब कली पुंइचा ममाल्‍ब, दे इन कली देंनुङ। मर्कूस ३:२८-३०
1JO 5:17 परमप्रभु यावे कली मगारचा ङा गेय नेल्‍ल मरिम्‍शो बाक्‍नीम। तन्‍न कोइ मरिम्‍शो पतीके क्‍याम्‍चा ङा बाक्‍नीम।
1JO 5:18 मिनु “सु परमप्रभु यावे रे जरमेशो बाक्‍मे, मेको मुरुम मरिम्‍शो मपाइब। मारदे हना परमप्रभु यावे रे जरमेशो आन कली येसु ख्रीस्‍तमी कोव़ब। मिनु सैतानमी मेको आन कली मथीब” दे तुइक्‍नय। १यूहन्‍ना ३:९; यूहन्‍ना १७:१५
1JO 5:19 मिनु गोपुकीमी “गोपुकी परमप्रभु यावे आ मुर नय” तन्‍न सैतानमी नेल्‍ल रागी ङा मुर आन कली हुकुम पाइब, दे तुइक्‍नय। गलाती १:४
1JO 5:20 मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३
1JO 5:21 मोपतीके “आं आइक्‍च आलपुकी, मूर्ति रे ङोन बाक्‍कीन” दे इन कली ब्रेक्‍शा अरेतन्‍नी। १कोरिन्‍थी १०:१४
2JO 1:1 गो येसु ख्रीस्‍त कली थमा सुइक्‍ब आन शेंब खाल्‍पामी आ योव़शो मीश मुर नु आ आल इन कली चिठी ब्रेक्‍ताक्‍न्‍नी। गो इन कली थमा पा दाक्‍नन्‍नी। गो ला ममाइ, सु सुम परमप्रभु यावे आ पर्बम थमा शेंतीके तुइक्‍तमे, मेकोपुकीमी यो इन कली दाक्‍नीमी। ३यूहन्‍ना :१
2JO 1:2 मारदे हना परमप्रभु यावे आ थमा शेंतीके इं थुंम बाक्‍ब, मेको गेना हना यो लीब।
2JO 1:3 मिनु इं आफ, परमप्रभु यावे नु आ तौ येसु ख्रीस्‍तमी इं कली शिशी नु थुं नाइश्‍शा बाक्‍चा गेम्‍सेक्‍ल। परमप्रभु यावे आ थमा शेंतीके नु आ गेशो दाक्‍मुचा यो गोपुकी नु बाक्‍ल।
2JO 1:4 गो इन आल आन दाते ङा का निक्‍शी थमा लां खोइक्‍ब तशा, शुश ग्‍येरसीनुङ। मारदे हना इं आफोमी इं कली मोदेंशो अरेशो लोव़ गेशो बाक्‍ब।
2JO 1:5 मिनु गोमी “गोपुकी दाक्‍मुय” दे मीश मुर इन कली देंशो नक अरेशो लोव़ मब्रेक्‍नुङ। तन्‍न साइ ङोंइती रे दाक्‍मुचा, दे अरेशो लोव़ बाक्‍शो बाक्‍ब। १यूहन्‍ना २:७
2JO 1:6 मिनु आ अरेशो लोव़ पचा दाक्‍चा बाक्‍ब। मेको इन ङोंइती रे नेंशो अरेशो लोव़ बाक्‍ब। मेको अरेशो पने।
2JO 1:7 मिनु मुल रागीमी शुश मुर आन कली मरिम्‍शो लां कोंइब जोल्‍फेपुकी जाक्‍तेक्‍म। मेको मुरपुकीमी “येसु ख्रीस्‍त मुर दुम्‍शा रागीमी मजरमेसे” दे शेंनीम। मेको मोदेंशो शेंब चहिं जोल्‍फे नु नेल्‍ल क्‍येङा मरिम्‍शो पाइब बाक्‍नीम। १यूहन्‍ना २:१८; १यूहन्‍ना ४:१-३
2JO 1:8 गेपुकी मार कली गेय पनी, मेको मुल यो पना पन बाक्‍कीन। मो पाइतीनी हना, ठेयब इनाम ताइनीनी। गलाती ४:११
2JO 1:9 सुम चहिं ख्रीस्‍त आ थमा शेंतीके लोव़ प्रोंइबा, मेको परमप्रभु यावे नु थुं का मबाक्‍ब। सुम चहिं ख्रीस्‍त आ थमा शेंतीक लोव़ मप्रोंइबा, मेको आफ नु तौ निम्‍फा नु थुं का ङा बाक्‍ब। १यूहन्‍ना २:२३
2JO 1:10 सुइ मुर इन बाक्‍तीके जाक्‍शा, थमा शेंतीके लोव़ मपाप्‍तु हना, मेको कली खिं ओव़चा मगेने। मिनु मेको कली “रिम्‍शो बाक्‍को” दे यो मदेनीन। २थिस्‍सलोनिकी ३:६
2JO 1:11 मारदे हना सुमी मेको मोदेंशो मुर कली “रिम्‍शो बाक्‍कीन” देंबा, मेकोमी मेको आ दूली शेंतीके नु आ मरिम्‍शो गेय यो पाइब।
2JO 1:12 मिनु गोमी इन कली शुश ब्रेक्‍चा माल्‍ती हना यो, कागज नु मसीम मब्रेक्‍नुङ, इन कलीन ग्रुम्‍थ जाक्‍नुङ। मिनु कोव़मुशा लोव़ पाइनय, दे आस पाइनुङ। मोपा ग्रुम्‍तय हना, शुश ग्‍येरनय। ३यूहन्‍ना :१३
2JO 1:13 इन योव़शो समी आ तमी तौपुकीमी यो इन कली “रिम्‍शो बाक्‍कीन” दे ब्रेक्‍पाइक्‍तीमी।
3JO 1:1 गो येसु ख्रीस्‍त कली थमा सुइक्‍ब आन शेंब खाल्‍पामी, आं थमा पा दाक्‍शो गायस इ कली एको चिठी ब्रेक्‍ताक्‍ङ। २यूहन्‍ना :१
3JO 1:2 आं दाक्‍शो लोक्‍ब, इ जचा बाक्‍चा नेल्‍ल रिम्‍शो बाक्‍ल। इ थमा सुइक्‍तीके रिम्‍शो बाक्‍ब, दे गो तुइक्‍नुङ।
3JO 1:3 मिनु इ बाक्‍तीके रे जाक्‍ब थमा सुइक्‍बपुकीमी “गायस रिम्‍शो पा येसु ख्रीस्‍त आ पर्बम थमा लां खोइक्‍ब” दे शेंताक्‍यीमी। मेको नेंनुनु, गो शुश ग्‍येरसाक्‍यी। २यूहन्‍ना :४
3JO 1:4 आं आलपुकी येसु ख्रीस्‍त आ पर्बम थमा लां खोइक्‍नीम देंशो नेंनुनु, आं कली नेल्‍ल क्‍येङा ग्‍येरपाइक्‍ब।
3JO 1:5 आं दाक्‍शो लोक्‍ब, गे येसु ख्रीस्‍त कली थमा सुइक्‍ब आन कली वारच पाइतीनी, मोपा रिम्‍शो गेय पाइतीनी। मोदेंशो गेय अर्को सहर ङा येसु ख्रीस्‍त कली थमा सुइक्‍ब आन कली पाइतीनी, मेको थम रिम्‍शो बाक्‍ब।
3JO 1:6 इ खिंमी जाक्‍शा बाक्‍शा, थमा सुइक्‍बपुकीमी “गायसमी थमा सुइक्‍ब आन कली शुश दाक्‍शा, खिंमी बाक्‍चा गेप्‍तु” दे आंइ ग्रुम्‍तीकेमी नेंपाइक्‍तेक्‍म। मिनु गे मोपा येसु ख्रीस्‍त कली थमा सुइक्‍ब आन कली खिंमी बाक्‍चा गेचा ला ममाइ, तन्‍न आन लची ना मेकोपुकीमी मार मार माल्‍नीमी, मेको नेल्‍ल परमप्रभु यावेमी खोदेंशो पा गेशा सोइक्‍ताक्‍नी हना, गे रिम्‍शो दुम्‍नीनी। तीतस ३:१३
3JO 1:7 मारदे हना मेकोपुकी येसु ख्रीस्‍त आ पर्बम शेंथ लाइनीम। मिनु थमा मसुइक्‍बपुकी रे मारेइ मलाइक्‍नीम। १कोरिन्‍थी ९:१२
3JO 1:8 मिनु गोपुकीमी मोदेंशो मुर आन कली रिम्‍शो पा वारच पचा माल्‍नय। मो पयानु, गोपुकी मेकोपुकी नु गारशा, गेय पना पन बाक्‍नय। हिब्रू १३:२
3JO 1:9 गो इन ग्रुम्‍तीके ङा थमा सुइक्‍ब आन कली ब्रेक्‍ताक्‍ङमी। तन्‍न डियोत्रीफसमी आंम कली ठेयब सेल्‍शा, गोपुकी आंइ कली मदाक्‍ब।
3JO 1:10 मिनु गो मेकेर जाक्‍शा, मेको आ पशो गेय आ पर्बम लोव़ पाइनुङ। मेकोम मार पाइब देंशा हना, आं कली श्‍येत गेचा, दे आं पर्बम काइ मरिम्‍शो लोव़ पना पन गाक्‍ब। मिनु मेको ला ममाइ, आं सोइश्‍शो लोक्‍ब आन कली जाक्‍चा मगेव। सु चहिं मेको आन कली जाक्‍चा गेचा दाक्‍बा, डियोत्रीफसमी मेको कली “जाक्‍चा गेचा मदुम्‍ब” देंब। मिनु मेकोपुकी आ देंशो मटिम्‍तेक्‍म हना, मेको आन कली थमा सुइक्‍ब आन ग्रुम्‍तीके रे तिल्‍ब।
3JO 1:11 आं दाक्‍शो थमा सुइक्‍ब लोक्‍ब, मरिम्‍शो मुर आन तस मखोतो। तन्‍न रिम्‍शो मुर आन तस खोतो। सु रिम्‍शो गेय पाइबा, मेको परमप्रभु यावे आ मुर बाक्‍ब। सु चहिं मरिम्‍शो पाइबा, मेको परमप्रभु यावे कली मतुइक्‍ब बाक्‍ब।
3JO 1:12 मिनु थमा सुइक्‍ब नेल्‍लेमी “देमेत्रीयस रिम्‍शो थमा सुइक्‍ब बाक्‍ब” दे तुइश्‍शा देंनीम। मिनु मेको आ थमा लां खोइक्‍तीकेमी, येसु ख्रीस्‍त नु थुं का बाक्‍ब, दे कोंइब। गो यो मेको आ पर्बम “देमेत्रीयस रिम्‍शो मुर बाक्‍ब” दे सांकछी गेनुङ। गो जोल मपाइनुङ, दे तुइक्‍नेवे।
3JO 1:13 गो इ कली शुश ब्रेक्‍चा माल्‍ती हना यो, गो मसी नु कलममी मब्रेक्‍नुङ। २यूहन्‍ना :१२
3JO 1:14 तन्‍न इ कली ग्रुम्‍थ जाक्‍चा कली आस पाइनुङ। मिनु ग्रुम्‍शा कोव़मुशा लोव़ पाइनस।
3JO 1:15 इ थुं नाइश्‍शा बाक्‍ल। आं वारचपुकीमी यो “गे रिम्‍शो बाक्‍कीन” दे आं कली ब्रेक्‍पाइक्‍तीमी। गे अरु थमा सुइक्‍ब वारच आन कली यो “रिम्‍शो बाक्‍कीने” दे का का पा आन नें थिशा, माइक्‍मी।
JUD 1:1 गो याकूब आ लोक्‍ब यहूदा नङ। गो येसु ख्रीस्‍त आ वाइल दुम्‍ती। परमप्रभु यावे, इं आफ आ दाक्‍शो नु येसु ख्रीस्‍त कली योव़शा वोइश्‍शो मुर, इन कली ब्रेक्‍ताक्‍ङ। मत्ती १३:५५
JUD 1:2 परमप्रभु यावे आ दाक्‍तीके, थुं नाइक्‍तीके नु दाक्‍मुतीके गेपुकी नु शुश बाक्‍ल।
JUD 1:3 आं दाक्‍शो लोक्‍बपुकी, गो इन कली इं पाप रे प्रोंइतीक आ पर्बम ब्रेक्‍चा दाक्‍ती। थमा सुइक्‍तीके आ पर्बम दोपा गेय पचा, दे इन कली शेंचा दाक्‍ताक्‍ङ। मेको थमा सुइक्‍तीक पाप रे ङोन बाक्‍ब आन कली ङोंइती रे शेंने थुम्‍शो बाक्‍त। १तिमोथी १:१८
JUD 1:4 तन्‍न का निक्‍शी निसाफ पाइक्‍चा पुंइसीबपुकीमी “थमा सुइक्‍ब बाक्‍नीक” देंखु पा, थमा सुइक्‍ब आन ग्रुम्‍तीकेमी बाक्‍नीम। मेकोपुकीमी परमप्रभु यावे कली मटिथु “परमप्रभु यावेमी शिशी पाइब” दे मिम्‍शा, आंम दला दाक्‍स पना पन बाक्‍नीम। मिनु इं होव़प, प्रभु येसु ख्रीस्‍त आ पर्बम “परमप्रभु यावे आ तौ ममाइ” देंनीम।
JUD 1:5 गेपुकी ङोंइती रे “दोपा ठीक पा थमा सुइक्‍चा” दे नेल्‍ल शेंसीशो बाक्‍तीनी हना यो, गो इन कली लेंशा मेको शेंशो लोव़ मिम्‍पाइक्‍चा दाक्‍नुङ। मार मिम्‍पाइक्‍चा दाक्‍नुङ देंशा हना, परमप्रभु यावेमी आ मुर आन कली इजीप्‍त रागी रे प्रोंइपाइश्‍शा, तन्‍न नोले मेको थमा मसुइक्‍ब आन कली सदा बाक्‍त। गन्‍ती १४:३५; १कोरिन्‍थी १०:५
JUD 1:6 परमप्रभु यावे आ स्‍वर्ग ङा गेय पाइब का निक्‍शीमी परमप्रभु यावे कली मटिथु आन बाक्‍तीके प्रोंइतेक्‍म। परमप्रभु यावेमी मेको आन कली ठेयब निसाफ पची नाक्‍त सम्‍म गेना हना यो मप्रोंइचा ङा पा साङलोमी पाइश्‍शा, नेल्‍ल क्‍येङा मरिम्‍शो बाक्‍तीक छिङछिङमी वोइश्‍शो बाक्‍ब। उत्‍पत्ती ६:२-४
JUD 1:7 सोदोम, गोमोररा नु आस एर ओंथ बाक्‍शो सहर ङा मुरपुकीमी आन खोदेंशो पा ग्रांग्रा दिचा ङा नु मपचा ङा दूली गेय पशो बाक्‍तेक्‍म। परमप्रभुमी मेको आन कली कोंइतीक दुम्‍पाइक्‍चा कली गेना हना यो ब्रशो मीमी सजाइ गेशो बाक्‍त। उत्‍पत्ती १९:१,४-११
JUD 1:8 मोदेंशो तुइश्‍शा यो मेको थमा सुइक्‍नीकी देंखु पाइबपुकीमी आंम मिम्‍तीके पशा, आंम रां कली ग्रांग्रा दिचा ङा सेल्‍तेक्‍म। मिनु अधिकार पाइब आन कली मटिथु, स्‍वर्गम बाक्‍ब आन पर्बम शुक्‍शी पाइनीम।
JUD 1:9 परमप्रभु यावे आ नेल्‍ल क्‍येङा ठेयब स्‍वर्ग ङा गेय पाइब मिकाएलमी चहिं सैतान कली मोसा आ बेक्‍शो रां आ पर्बम लोव़ पशा “परमप्रभुमी इ कली हुइक्‍ब” दे आंमा शुक्‍शी पा निसाफ पचा हिंमाक्‍त। दानीएल १२:१; जकरिया ३:२
JUD 1:10 मेको मुरपुकी चहिं आन मतुइश्‍शो नेल्‍ल आन पर्बम शुक्‍शी पाइनीम। मिनु मिम्‍तीक मपाइश्‍शो बस्‍तु भाव आन तुइश्‍शोमी खोदेंशो पाइनीम। मिनु मेको पशा, खतम सेल्‍चा पुंइसीनीम।
JUD 1:11 मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-
JUD 1:12 मेकोपुकी इन ग्रुम्‍मुशो भोजमी जाक्‍शा, दाइल पपाइक्‍ब फुल्‍लु खोदेंशो पा बाक्‍नीमी। आंम दातेम ग्‍येरपमुइनीम, तन्‍न महिंथु आंम कोव़ज ला प्रिंनीम। मेको रेउ मपाइश्‍शो फशेम बेरशो गोस्‍स खोदेंशो बाक्‍नीम। फल सित्‍ची ना फल मसिप्‍ब रवा खोदेंशो बाक्‍नीम। शाक्‍श दुल्‍शो रवा खोदेंशो पा, निक्‍शी खेयप बेक्‍शो बाक्‍नीम। १कोरिन्‍थी ११:२१
JUD 1:13 मेको समुन्‍द्र ङा ठेयब हिंचा ङा छाल खोदेंशो बाक्‍नीम। आंम मुने ङा बोग्‍यो ग्रुंइनीम। दोक्‍शो सोरुल खोदेंशो बाक्‍नीम। मेको आन कली नेल्‍ल क्‍येङा मरिम्‍शो छिङछिङ ङा बाक्‍तीके वोइश्‍शो बाक्‍ब। यसैया ५७:२०
JUD 1:14 मिनु आदम रे ७ पाला नोले ङा हनोक माइश्‍शो मुर का बाक्‍त। मेकोमी मोदेंशो मुर आ पर्बम परमप्रभु यावेमी तुइक्‍पाइश्‍शो लोव़ पवा बाक्‍त। मेकोमी “नेनीन, प्रभु नु आ योव़शो हजार हजार जाक्‍तेक्‍म। हनोक कली हिब्रू लोव़मी एनोक देंनीम।उत्‍पत्ती ५:२१
JUD 1:15 परमप्रभु यावे कली मटीब नेल्‍ल आन कली आन थमा मसुइक्‍तीकेमी पशो मटितीके तपाइक्‍नीम। परमप्रभु यावे रे ङोन बाक्‍ब पापीपुकीम परमप्रभु यावे कली मार मार मरिम्‍शो लोव़ पामे, मेको आन कली निसाफ पशा, सजाइ गेचा, दे जाक्‍तेक्‍म” दे लोव़ पवा बाक्‍त।
JUD 1:16 मेकोपुकी गन गन पाइब बाक्‍नीम। मेकोपुकीमी “गो श्‍येत जना जन बाक्‍नुङ” दे गेनायो मग्‍येरथु, आन दला दाक्‍स पना पन बाक्‍नीम। ठेयब लोव़ पा, ठेयब लेश्‍शो मुर बाक्‍नीम। मेकोपुकीमी आंम कली ठेयब सेल्‍सीचा कली मुर आन कुल कोव़नीम।
JUD 1:17 आं दाक्‍शो लोक्‍बपुकी, इं प्रभु येसु ख्रीस्‍त आ सोइश्‍शोपुकीमी ङोंइती देंशो लोव़ ति फ्रुक्‍शा मिम्‍चा माल्‍नीनी।
JUD 1:18 मेकोपुकीमी इन कली “मेको नोले ङा नाक्‍त शुक्‍शी लोव़ पाइनीम। परमप्रभु यावे कली मटिथु, आंम दला दाक्‍स पाइनीम” देंतेक्‍म। १तिमोथी ४:१; २पत्रुस ३:३
JUD 1:19 मेकोपुकीम मुर आन कली ब्रापाइक्‍नीम। परमप्रभु यावे कली ममिम्‍थु, परमप्रभु यावे आ सोक्‍त मपाइश्‍शो बाक्‍नीम। १कोरिन्‍थी २:१४
JUD 1:20 आं दाक्‍शो लोक्‍बपुकी, इन रिम्‍शो थमा सुइक्‍तीके बारपतीन। परमप्रभु यावे आ सोक्‍तीमी प्रार्थना पने। कलस्‍सी २:७; १थिस्‍सलोनिकी ५:११
JUD 1:21 परमप्रभु यावेम इन कली दाक्‍ब, दे मिम्‍ना मिम्‍न बाक्‍कीन। इं प्रभु येसु ख्रीस्‍तमी इन कली दाक्‍शा, शिशी पशा, इन कली गेना हना यो परमप्रभु यावे नु बाक्‍चा गेब, दे रिम्‍शा बाक्‍कीन।
JUD 1:22 का निक्‍शी थमा सुइक्‍ने मचाप्‍शो मुर आन कली ठीक पा थमा सुइक्‍तीके शेंदीन।
JUD 1:23 का निक्‍शी कली मी रे फो फु ग्रुंइशो खोदेंशो पा प्रोनीन। का निक्‍शी कली शिशी पने, तन्‍न आन ग्रांग्रा दिचा ङा पाप क्‍येङा हिंशा, आन लुम्‍सीशो वासी यो मथिने। याकूब ५:९; प्रकाश ३:४
JUD 1:24 येसु ख्रीस्‍तमी इन कली पाप मपाइब सेल्‍ने चाप्‍ब। इन कली दोस मताइब सेल्‍शा, ग्‍येरसीशा, परमप्रभु यावे आ छेङछेङ आ ङोंइती राप्‍पाइक्‍ने चाप्‍ब। १थिस्‍सलोनिकी ५:२३
JUD 1:25 परमप्रभु यावे का ला बाक्‍ब। मेकोमी इं प्रभु येसु ख्रीस्‍त आ पतीकेमी इं कली पाप रे प्रोंइतु। नेल्‍ल छेङछेङ पाइश्‍शो, नेल्‍ल क्‍येङा ठेयब दुम्‍तीके, नेल्‍ल सक्ति नु नेल्‍ल अधिकार मेको केन बाक्‍ब। मेको ङोंइती बाक्‍त। मुल यो बाक्‍ब। मिनु गेना हना यो बाक्‍ब। आमेन।
REV 1:1 परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।
REV 1:2 मिनु गो, यूहन्‍नामी, परमप्रभु यावे आ लोव़ नेंता, येसु ख्रीस्‍त आ पशो ताता। मिनु मेको नेल्‍ल आन सांकछी दुम्‍ती।
REV 1:3 मिनु सु सुमी परमप्रभु यावेमी तुइक्‍पाइश्‍शो एको किताब ङा लोव़ पढेनीमी, नेंनीमी नु टीनीमी, मेको आसीक रशो नु ग्‍येरसीशो मुर दुम्‍नीम। मारदे हना मेको लोव़ दुम्‍चशो बाक्‍त। १यूहन्‍ना १:१-२; यूहन्‍ना २१:२४; प्रकाश २२:१०
REV 1:4 गो यूहन्‍नामी एसीया ङा येसु ख्रीस्‍त कली थमा सुइक्‍ब ७ ओटा सहर ङा थमा सुइक्‍ब आन ग्रुम्‍तीके ङा शेंब आन कली चिठी ब्रेक्‍ताक्‍ङ। मिनु मुल बाक्‍ब, ङोंइती बाक्‍शो, नोले यो जाक्‍बमी नु परमप्रभु यावे आ ठेयब नित्‍तीके आ ङोंइती बाक्‍ब ७ ओटा ठाउं ङा परमप्रभु यावे आ सोक्‍तीमी इन कली “शिशी तशा नु थुं नाइश्‍शा बाक्‍चा तामेक्‍ल” देंताक्‍स। प्रस्‍थान ३:१४-१५; प्रकाश ३:१; प्रकाश ५:६
REV 1:5 मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३
REV 1:6 इं कली परमप्रभु यावे, आ आफ आ राज्‍य ङा मुर सेल्‍शा, परमप्रभु यावे आ ङोंइती राप्‍ब सेल्‍तु। मोपतीके आ छेङछेङ नु सक्ति गेना हना यो बाक्‍ल, आमेन। प्रकाश ५:१०; प्रस्‍थान १९:६; १पत्रुस २:५,९
REV 1:7 मिनु येसु ख्रीस्‍त लेश्‍शा, दोपा यीबा देंशा हना, सरीङ रे गोस्‍सुमी गिल्‍सीशा यीब। मिनु मुर नेल्‍लेमी मेको कली यिन यिन पशो ताइनीम। मेको कली साइक्‍पाइक्‍बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्‍नीम। एको थमा लोव़ बाक्‍ब। आमेन। मत्ती २४:३०; जकरिया १२:१०; यूहन्‍ना १९:३७
REV 1:8 परमप्रभु यावे मुल बाक्‍ब, ङोंइती यो बाक्‍शो बाक्‍त। मिनु नोले यो जाक्‍ब। नेल्‍ल सक्ति पाइश्‍शो परमप्रभु यावेमी “गो आल्‍फा नु ओमेगा नङ” देंत। आल्‍फा नु ओमेगा माइश्‍शो ग्रीक लोव़मी ङोंइती नु नोले ङा अच्‍छेर बाक्‍नीस।प्रकाश २१:६; यसैया ४१:४; प्रकाश ४:८
REV 1:9 मिनु गो इन लोक्‍ब यूहन्‍ना, येसु ख्रीस्‍त कली थमा सुइक्‍ब नङ। गो इन बुदी श्‍येत जशो परमप्रभु यावे आ राज्‍य ङा मुर यो नङ। मोपतीके श्‍येत जशा, इन खोदेंशो पा येसु ख्रीस्‍त कली रिम्‍शा बाक्‍नुङ। गो येसु आ सांकछी दुम्‍ती। मिनु परमप्रभु यावे आ लोव़ शेंताक्‍ङ। मोपतीके मुरुमी आं कली पात्‍मोस माइश्‍शो टापुमी लाइश्‍शा प्रोंइ‍तीमी।
REV 1:10 मिनु गो परमप्रभु यावे आ नाक्‍त परमप्रभु यावे आ सोक्‍तीम बाक्‍ती। मिनु आं नोले तुराही ताप्‍शो खोदेंशो ठेयब सेंदा नेंता।
REV 1:11 मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।
REV 1:12 मिनु गो नु लोव़ पाइब कली कोव़ङु, दे बिर लेत्‍ती। लेश्‍शा कोव़ङुनु, ७ ओटा सुन के दियारीम बत्ती ब्रशो ताता।
REV 1:13 मेको ७ ओटा दियारी आन दातेमी मुर का बाक्‍शो खोदेंशो ताता। मेको मुर दोदेंशो तांइसाक्‍व देंशा हना, खोइली सम्‍म लाइश्‍शो वा फेक्‍शो नु सुन के किप्‍तीके कुचुमी किप्‍शो बाक्‍त। प्रकाश २:१; दानीएल ७:१३
REV 1:14 मेको आ पिया नु आ चां बुश ऊन नु फुं खोदेंशो बुश तांइसाक्‍व। आ मिक्‍च हुरुर पा ब्रशो मी खोदेंशो तांइसाक्‍व। प्रकाश २:१८; प्रकाश १९:१२
REV 1:15 आ खोइली याप्‍पाइश्‍शा टल्‍केशो कांसा खोदेंशो तांइसाक्‍व। मिनु आ सेंदा ठेयब खोला आन रेयके खोदेंशो नेंसाक्‍व।
REV 1:16 मिनु मेको आ ग्‍युरा गुइमी ७ ओटा सोरुल शेशो बाक्‍त। मिनु निम्‍फा गे क्‍योरतीक पाइश्‍शो हेश्‍शो तरवार का आ शोव़ रे ग्रूत। मिनु आ कुल नाक्‍त ङा नां खोदेंशो पा कोव़ने मचाप्‍चा ङा तांइसाक्‍व।
REV 1:17 मिनु गोमी मेको मोदेंशो तङानु, बेक्‍शो मुर खोदेंब पा मेको आ खोइलीम गोल्‍ती। मिनु मेकोमी चहिं आ ग्‍युरा गुइ आं तारी वोइश्‍शा “महिनो, गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। दानीएल ८:१८
REV 1:18 ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।
REV 1:19 गे मार मार तवी, मेको ब्रेक्‍तो। गे मार ब्रेक्‍चा माल्‍नेवे देंशा हना, मुल मार बाक्‍बा, नोले मार दुम्‍बा, मेको नेल्‍ल ब्रेक्‍तो।
REV 1:20 मिनु आं ग्‍युरा गुइमी बाक्‍शो ७ ओटा सोरुल नु ७ ओटा खपीम बाक्‍शो सुन के दियारी आ ख्रुइश्‍शो अर्थ मार बाक्‍ब देंशा हना, मेको आं गुइमी तशो ७ ओटा सोरुलपुकी मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा शेंब नम। मेको ७ ओटा दियारी चहिं मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा मुर नम” दे माइक्‍ती।
REV 2:1 मिनु येसु ख्रीस्‍तमी आं कली एफिसस सहर ङा थमा सुइक्‍ब आन शेंब कली ब्रेक्‍पाइक्‍ती। एको आ ग्‍युरा गुइमी ७ ओटा सोरुल नु ७ ओटा सुन के दियारी आन दातेमी हिरब आ लोव़ बाक्‍ब। प्रेरित १८:१९
REV 2:2 मेकोमी “गो इन पशो गेय, इन फाल्‍शो श्‍येत नेल्‍ल तुइक्‍नुङ। मिनु गे मरिम्‍शो मुर आन कली फाल्‍ने मचाप्‍नीनी। मिनु गे सोइश्‍शो, आं लोव़ शेंब दुम्‍खु पाइब मुर आन कली नाक्‍शा, जोल्‍फे बाक्‍नीम, दे तुइक्‍नीनी। १यूहन्‍ना ४:१
REV 2:3 गे फाल्‍शा, आं कली थमा सुइक्‍तीनी। मोपा थमा सुइक्‍चा मदथु, आं पर्बम श्‍येत फाल्‍नीनी, दे गो तुइक्‍नुङ। १तिमोथी ५:१२
REV 2:4 तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशा हना, ङोंइती गे आं कली थमा पा दाक्‍ताक्‍नी। मुल चहिं ङोंइती ङा खोदेंशो पा दाक्‍चा प्रोंइतीनी।
REV 2:5 इन ङोंइती ङा आं कली दाक्‍शो मिम्‍तीने। इन थुं आं गे लेत्‍तीने। मिनु इन ङोंइती ङा पशो गेय पने। गे मेको दाक्‍चा ङा गेय मपाइतीनी हना, गो इन बाक्‍तीके जाक्‍शा, इन दियारी आ बाक्‍तीके रे तिल्‍नुङ।
REV 2:6 तन्‍न इन गेय का रिम्‍शो बाक्‍ब। गेपुकी निकोलाइटन आन शेंतीके ङा गेय ग्रांग्रा दीनीनी। गो यो ग्रांग्रा दीनुङ। भजन संग्रह १३९:२१
REV 2:7 परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। सु सुमी सैतान कली ग्रानीमी, मेको आन कली परमप्रभु यावे आ रूमी बाक्‍ब ब्रोंइतीक रवा आ फल ब्‍वचा गेनुङ” दे ब्रेक्‍पाइक्‍ती। प्रकाश २२:२; उत्‍पत्ती २:९
REV 2:8 मिनु येसु ख्रीस्‍तमी आं कली स्‍मिरना सहर ङा थमा सुइक्‍ब आन शेंब कली ब्रेक्‍पाइक्‍ती। मेकोमी “गो नेल्‍ल क्‍येङा ङोंइती नु नेल्‍ल क्‍येङा नोले नङ। गो बेक्‍शा यो ब्रोंइती” देंत। प्रकाश १:११; प्रकाश १:१८
REV 2:9 मेकोमी “गो इन श्‍येत जशो तुइक्‍नुङ। गे थमा पा प्रुङग बाक्‍नीनी, दे गो तुइक्‍नुङ। तन्‍न गे इन थुंम शोंप पाइश्‍शो बाक्‍नीनी, दे यो तुइक्‍नुङ। मरिम्‍शो लोव़ पाइब सु सु नमी देंशा हना ‘यहूदी नकी’ देंखु पाइबपुकी सैतानमी शेंशो मुर नम। याकूब २:५; प्रकाश ३:९
REV 2:10 मिनु मुल इन कली श्‍येत दुम्‍चाप्‍तु। तन्‍न महिनीने। नेनीन, मुल दियाबलस सैतानमी गे का निक्‍शी इन कली थुं थाम्‍चा कली जेल्‍खानम चोक्‍पाइक्‍ब। गे १० नाक्‍त सम्‍म ला श्‍येत जाइनीनी। साइक्‍चाम्‍तेक्‍म हना यो, फाल्‍शा थमा सुइक्‍चा मप्रोनीन। मो पाइतीनी हना, गो इन कली गेना हना यो ब्रोंइशा बाक्‍तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८
REV 2:11 परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। सु सुमी सैतान कली ग्रानीमी, मेको निक्‍शी खेयप बेक्‍चा ममाल्‍नीम। मिनु परमप्रभु यावेमी गेशो सजाइ यो मताइनीम” दे ब्रेक्‍पाइक्‍ती। प्रकाश २०:१४
REV 2:12 मिनु येसु ख्रीस्‍तमी आं कली पेरगामोम सहर ङा थमा सुइक्‍ब आन शेंब कली ब्रेक्‍पाइक्‍ती। आ शोव़ रे निम्‍फा गे क्‍योरतीक पाइश्‍शो हेश्‍शो तरवार पाइश्‍शोमी
REV 2:13 “इन बाक्‍तीक सहरम सैतान आ नित्‍तीके बाक्‍ब, दे गो तुइक्‍नुङ। गेपुकीमी ‘गो येसु ख्रीस्‍त आ मुर नकी’ दे आं कली थमा सुइक्‍चा मप्रोंइनी। मिनु इन सहरम सैतान आ नित्‍तीके बाक्‍मेनु, अन्‍टीपास माइश्‍शो आं कली मप्रोंइथु, थमा सुइक्‍ब नु आं लोव़ शेंब बाक्‍त। मिनु मुरुमी मेको कली सैतान आ बाक्‍तीकेमी बाक्‍शा, साइक्‍तेक्‍म हना यो, गे आं कली थमा सुइक्‍चा मप्रोंइनी।
REV 2:14 तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशो हना, गे का निक्‍शीमी मरिम्‍शो गेय पाइतीनी। इन ग्रुम्‍तीके ङा का निक्‍शीमी बालाम माइश्‍शो मुर आ शेंशो थमा सुइक्‍नीमी। बालाममी मार शेंताक्‍व देंशा हना, ङोंइती बालाक माइश्‍शो पिप कली इस्राएल जात ङा वोंइश मुर आन कली खतम सेल्‍तु। दोपा खतम सेल्‍तु देंशा हना, चढ़ेशो थोव़क ब्‍वपाइक्‍तु। मिनु तेल्‍लेम पपाइक्‍तु। गन्‍ती ३१:१६; २पत्रुस २:१५; यहूदा :११
REV 2:15 मिनु गे इन ग्रुम्‍तीकेमी निकोलाइटन आन शेंशो लोव़ का निक्‍शीमी थमा सुइक्‍नीमी।
REV 2:16 मोपतीके इन थुं गो आं गे लेत्‍तीन। मलेत्‍ताक्‍नी हना, गो इन ग्रुम्‍तीकेमी रीब पा जाक्‍नुङ। मिनु आं शोव़ ङा तरवारमी मेको नु लडाइ पाइनुङ।
REV 2:17 परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। मिनु सु सुमी सैतान कली ग्रानीमी, मेको आन कली ख्रुइश्‍शा वोइश्‍शो मन्‍ना शोब्‍ले गेनुङ। मिनु गोमी मेको ग्राब आन कली बुश हीरा का का गेनुङ। मेको बुश हीरा तार हीरा ताइब आन नक नें ब्रेक्‍शो बाक्‍ब। मेको नें हीरा ताइबमी ला तुइक्‍नीम। अर्को मुरुमी चहिं मतुइक्‍नीम” दे ब्रेक्‍पाइक्‍ती। भजन संग्रह ७८:२४; यसैया ६२:२
REV 2:18 मिनु परमप्रभु यावे आ तौमी आं कली थिआटीरा सहर ङा थमा सुइक्‍ब आन शेंब कली ब्रेक्‍पाइक्‍ती। एको आ मिक्‍च हुरुर पा ब्रशो मी खोदेंशो तांइसीशो नु आ खोइली याप्‍पाइश्‍शो टल्‍केशो कांसा खोदेंशो तांइसीशो आ लोव़ बाक्‍ब। प्रेरित १६:१४; प्रकाश १:१४-१५
REV 2:19 मेकोमी “गो इन पशो गेय तुइक्‍नुङ। इन आं कली दाक्‍शो, इन थमा सुइश्‍शो, इन थमा सुइक्‍ब आन कली पशो गेय नु इन श्‍येत फाल्‍शो तुइक्‍नुङ। गे ङोंइती क्‍येङा शुश गेय पाइनीनी।
REV 2:20 तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। २राजा ९:२२
REV 2:21 गोमी मेको कली ‘इ थुं आं गे लेत्‍तो। इ तेल्‍लेम पचा ताइक्‍तो’ दे रिम्‍ताक्‍ङ। मेकोमी आ थुं गो आं गे लेत्‍चा नु आ तेल्‍लेम पचा ताइक्‍ने मबीस।
REV 2:22 मिनु गो मेको कली रोइ पपाइक्‍नुङ। मिनु मेको नु तेल्‍लेम पाइब आन तेल्‍लेम पचा प्रोंइशा, गो आं गे लेत्‍ने मबिस्‍साक्‍म हना, मेको आन कली यो ठेयब श्‍येत गेनुङमी।
REV 2:23 आ आल आन कली मुर साइक्‍ब रोइम साइक्‍नुङमी। मेको आन श्‍येत जशा, बेक्‍शो तशा ‘गोम पाप्‍तु’ दे थमा सुइक्‍ब नेल्‍लेमी तुइक्‍नीमी। मिनु थमा सुइक्‍ब आन ग्रुम्‍तीके ङा मुर नेल्‍लेमी ‘येसु ख्रीस्‍तमी मुर आन थुं नु आन पशो तुइक्‍ब। मिनु नोले दोपा पामे, मोपा गेब’ दे तुइक्‍नीम। भजन संग्रह ७:१०; येरमीया १७:१०
REV 2:24 तन्‍न थिआटीरा ङा थमा सुइक्‍ब आन ग्रुम्‍तीकेमी इजेबेल आ शेंशो मपाइबपुकी यो बाक्‍नीम। मेकोपुकीमी इजेबेल आ शेंसीब बुदी सैतान आ ठेयब गेय यो मतुइक्‍नीम। मिनु आं कली रिम्‍शो पा थमा सुइक्‍ब आन कली अर्को श्‍येत मगेनुङ।
REV 2:25 गे इन तुइश्‍शो गो मजाक्‍ङा सम्‍म पना पन बाक्‍कीन। प्रकाश ३:११
REV 2:26 सु सुमी सैतान कली ग्रानीमी, मेकोमी बेक्‍ची ना सम्‍म आं गेय पाइनीमी, गो मेको आन कली रागी रागी ङा मुर आन कली सासन पतीके सक्ति गेनुङ।
REV 2:27 मिनु मेकोपुकीमी खप के ग्‍योंब आन कली फलाम के कोक्‍केमी चोंइटा चोंइटा पशो बुद पा रागी ङा मुर आन कली सासन पाइनीम। गो यो मोदेंशो सक्ति आं आफ रे तशो नङ। भजन संग्रह २:८-९
REV 2:28 मिनु गोमी मेको सैतान कली ग्राब आन कली सुनी ङा सुक्‍कुर सोरुल गेनुङ।
REV 2:29 परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल” दे ब्रेक्‍पाइक्‍ती।
REV 3:1 मिनु येसु ख्रीस्‍तमी आं कली सारडीस सहर ङा थमा सुइक्‍ब आन शेंब कली ब्रेक्‍पाइक्‍ती। एको ७ ओटा ठाउं ङा परमप्रभु यावे आ सोक्‍त नु ७ ओटा सोरुल नु बाक्‍ब आ लोव़ बाक्‍ब। मेकोमी “गो इन पशो गेय तुइक्‍नुङ। गेपुकीमी चहिं ‘गो ख्रीस्‍त कली थमा सुइश्‍शा, ब्रोंइशा बाक्‍नीकी’ देंनीनी। तन्‍न इन थमा सुइक्‍तीके बेक्‍शो खोदेंब पा इप्‍शो बाक्‍ब। प्रकाश १:४
REV 3:2 मोपतीके सेंशा बोक्‍कीन। इन बेक्‍चा चिक्‍शो थमा सुइक्‍तीके बारपतीन। गोमी इन गेय ताता। मेको इन गेय आं परमप्रभु यावे कली मगारनीम। लूका २२:३२
REV 3:3 मिनु इन तशो नु इन नेंशो मिम्‍तीन। मेको कली मप्रेंथु, इन थुं गो आं गे लेत्‍तीन। गे मो मपाइतीनी हना, गो खुइ खोदेंशो पा इन बाक्‍तीकेमी जाक्‍नुङ। मिनु गो गेना जाक्‍नुङा, गे मतुइक्‍नीनी। १थिस्‍सलोनिकी ५:२
REV 3:4 मिनु सारडीस सहर ङा थमा सुइक्‍ब आन ग्रुम्‍तीकेमी का निक्‍शी रिम्‍शो पा थमा सुइक्‍ब यो बाक्‍नीम। मेकोपुकीमी पाप मपाम, मोपा आन वा मलुम्‍सीशो बाक्‍ब। मारदे हना मेको आन नाक्‍त किंत ङा गेय परमप्रभु यावे कली गारब। मोपतीके मेकोपुकी गो नु बुश वा फेक्‍शा, हिरचा शिरनीम। यहूदा :२३
REV 3:5 सु सुमी सैतान कली ग्रानीमी, मेको आन कली मोपा बुश वा फेक्‍चा गेनुङ। मिनु मेको आन नें परमप्रभु यावे नु ब्रोंइचा ताइब आन नें ब्रेक्‍शो किताब रे मक्‍याम्‍नुङ। गोमी आं आफ नु आ स्‍वर्ग ङा गेय पाइब आन ङोंइती ‘मेको आं मुर नम’ देंनुङ। प्रकाश ७:१३; लूका १०:२०; मत्ती १०:३२
REV 3:6 परमप्रभु यावे आ सोक्‍तीमी थमा सुइक्‍ब आन कली शेंशो लोव़ सु सुम नेंने चाप्‍नीमी, मेकोमी नेन्‍मेक्‍ल” दे ब्रेक्‍पाइक्‍ती।
REV 3:7 मिनु येसु ख्रीस्‍तमी आं कली फिलाडेल्‍फीया सहर ङा थमा सुइक्‍ब आन शेंब कली ब्रेक्‍पाइक्‍ती। मेको परमप्रभु यावे आ तौ, थमा पा पाप रे प्रोंइब, दाऊद आ राज्‍य ङा सांचो थीबमी लाप्‍चो रोक्‍गा ङा मेरे सुइमी चोक्‍ने मचाप्‍नीम। मिनु चोक्‍गा ङा मेरे सुइमी रोक्‍ने मचाप्‍नीमी। यसैया २२:२२
REV 3:8 मेकोमी “गो इन पशो गेय तुइक्‍नुङ। गे इन सक्ति आइक्‍च बाक्‍त हना यो, आं देंशो टीतीनी। मिनु गेपुकीमी ‘येसु ख्रीस्‍त कली मतुइक्‍नुङ’ दे गेनायो मदेंनी। मोपतीके गो इन कली लाप्‍चो रोक्‍शा वोइक्‍ता। मेको सुइमी चोक्‍ने मचाप्‍नीम।
REV 3:9 मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४
REV 3:10 मिनु गे शुश श्‍येत फाल्‍शा, आं देंशो लोव़ मप्रोंइनी। मोपतीके रागी नेल्‍ल ङा मुर आन थुं थाम्‍चा कली जाक्‍शो श्‍येत रे प्रोंइनन्‍नी। प्रकाश १४:१२; मत्ती ६:१३
REV 3:11 मिनु गो फ्रा लेश्‍शा यीनुङ। थमा सुइक्‍चा मप्रोनीन। मोपा बाक्‍तीनी हना, सुइमी इन सिरपेच रोइक्‍ने मचाप्‍नीम। प्रकाश २:१०
REV 3:12 सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्‍यो सेल्‍नुङ। मिनु मेको गेना हना यो परमप्रभु यावे आ खिंमी बाक्‍नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्‍नुङ। आं परमप्रभु यावे आ सहर चहिं नक यरूसलेम माइश्‍शो बाक्‍ब। मेको नक यरूसलेम आं परमप्रभु यावे आ बाक्‍तीक स्‍वर्ग रे यीब। प्रकाश १४:१; प्रकाश २१:२
REV 3:13 परमप्रभु यावे आ सोक्‍तीमी थमा सुइक्‍ब आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल” दे ब्रेक्‍पाइक्‍ती।
REV 3:14 मिनु येसु ख्रीस्‍तमी आं कली लाओडीसीया सहर ङा थमा सुइक्‍ब आन शेंब कली ब्रेक्‍पाइक्‍ती। एको आमेन माइश्‍शो, दीगो पाइब परमप्रभु यावे आ सांकछी नु रागी नु मारेइ मारेइ सेल्‍ब आ लोव़ बाक्‍ब। कलस्‍सी २:१; कलस्‍सी ४:१३; २कोरिन्‍थी १:२०; प्रकाश १:५; कलस्‍सी १:१५
REV 3:15 मेकोमी “गो इन पशो गेय तुइक्‍नुङ। इन थमा सुइक्‍चा सिक्‍स यो ममाइ, होश यो ममाइ, कि सिक्‍स कि होश दुम्‍शो हना, रिम्‍शो दुम वा।
REV 3:16 तन्‍न इन थमा सुइक्‍तीके गाम्‍चा चिक्‍शो बाक्‍ब। मोपतीके गो इन कली तेशा ताइक्‍नुङ।
REV 3:17 मिनु गेपुकीमी ‘आंइ के शुश शोंप बाक्‍ब। गो शोंप पाइश्‍शो नकी। गो मारेइ ममाल्‍नीकी’ देंनीनी। तन्‍न गो इन कली श्‍येत जाइब नु प्रुङग, मिक्‍च मताइब नु हेरा शिश्रा गाक्‍शा पुंइब खोदेंशो दुम्‍शो ताता। १कोरिन्‍थी ३:१८; १कोरिन्‍थी ४:८
REV 3:18 मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्‍शो दुम्‍चा कली आं सुन ग्‍यापीन। मेको सुन याप्‍पाइश्‍शो बाक्‍ब। मेको ग्‍याप्‍तीनी हना, गे शोंप पाइश्‍शो दुम्‍नीनी। मिनु फेक्‍चा कली बुश वा ग्‍यापीन। मेको ग्‍याप्‍तीनी हना, मुने मदोक्‍नीनी। मिनु इन मिक्‍च, सापाइक्‍चा कली मिक्‍चीम ख्रेक्‍तीके ग्‍यापीन। ग्‍याप्‍शा ख्रेक्‍साक्‍नी हना, गे ताइनीनी।
REV 3:19 गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६
REV 3:20 नेनीन, गो लाङगाम जाक्‍शा ‘बाक्‍नी?’ दे ब्रेत्‍नुङ। सु सुमी आं सेंदा नेंशा ‘ओव़ङीन’ देंनीमी, गो मेको नु बाक्‍थ ओव़नुङ। मिनु मेको नु काथा बाक्‍शा, खमे जाइनुङ। यूहन्‍ना १४:२३
REV 3:21 सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८
REV 3:22 परमप्रभु यावे आ सोक्‍तीमी थमा सुइक्‍ब आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल” दे ब्रेक्‍पाइक्‍ती।
REV 4:1 मिनु नोले सरीङ गे कोव़ता। मिनु मेकेर लाप्‍चो का रोक्‍शा वोइश्‍शो ताता। मिनु ङोंइती आं नेंशो तुराही ताप्‍शो खोदेंशो ठेयब सेंदा लेंशा नेंता। मेको सेंदामी “एक कुवो। नोले मार दुम्‍‍बा, गो इ कली कोंइनन” दे माइक्‍ती। प्रकाश १:१०
REV 4:2 मिनु गो परमप्रभु यावे आ सोक्‍तीमी ब्रीती। स्‍वर्गमी ठेयब नित्‍तीके वोइश्‍शो ताता। मेको ठेयब नित्‍तीकेमी का निश्‍शो ताता। भजन संग्रह ४७:९; यसैया ६:१; इजीकीएल १:२६-२८
REV 4:3 मेको ठेयब नित्‍तीके बुश नु लल टल्‍केशो हीरा खोदेंशो तांइसाक्‍व। मेको ठेयब नित्‍तीके आ एर ओंथ वाक्‍श दाप्‍शो ताता। मेको वाक्‍श गिग हीरा खोदेंशो तांइसाक्‍व।
REV 4:4 मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। प्रस्‍थान १९:१६; प्रकाश १:४
REV 4:5 मिनु मेको नित्‍तीक रे चिला दाप्‍शो तांइसाक्‍व। मिनु बुंबु पशो रेयके नु सेंदापुकी नेंसाक्‍व। मिनु ठेयब नित्‍तीक आ ङोंइती ७ ओटा ब्रशो तोव़शी बाक्‍तेक्‍म। मेको ७ ओटा तोव़शी चहिं परमप्रभु यावे आ ७ ठाउंम बाक्‍शो सोक्‍त बाक्‍तेक्‍म। प्रस्‍थान १९:१६
REV 4:6 मिनु नित्‍तीक आ ङोंइती समुन्‍द्र खोदेंशो दिंम का बाक्‍त। मेको दिंम सिसा खोदेंब टल्‍केशो तांइसाक्‍व। मिनु मेको ठेयब नित्‍तीके आ एर ओंथ आन रां नेल्‍ले शुश मिक्‍च पाइश्‍शो ४ ओटा सेस जन्‍तु बाक्‍तेक्‍म। इजीकीएल १:५,१०,२२
REV 4:7 मेको सेस जन्‍तुपुकी दोदेंब तांइसाक्‍म देंशा हना, ङोंइती ङा जन्‍तु गुप्‍स खोदेंशो तांइसाक्‍व, अर्को सेस जन्‍तु बोहोर खोदेंशो तांइसाक्‍व। नोले ङा सेस जन्‍तु आ कुल मुर के खोदेंशो तांइसाक्‍व। मिनु नेल्‍ल क्‍येङा नोले ङा सेस जन्‍तु बेरशो ककाकुली खोदेंशो तांइसाक्‍व। इजीकीएल १०:१४
REV 4:8 मिनु मेको सेस जन्‍तु ६, ६ ओटा फ्रां पाइश्‍शो बाक्‍तेक्‍मे। मेको आन फ्रां नेल्‍ल नु आन रां नेल्‍लेमी मिक्‍च पाइश्‍शो बाक्‍तेक्‍म। मिनु मेकोपुकी नाक्‍दो नाक्‍त परमप्रभु यावे कली कुम्‍सो पना पन बाक्‍बाक्‍तेक्‍म। मार कुम्‍सो पाइबाक्‍तेक्‍म देंशा हना, “परमप्रभु यावे, गे का ला परमप्रभु ननी। गे नेल्‍ल सक्ति पाइश्‍शो बाक्‍नीनी। गे ङोंइती बाक्‍शो बाक्‍तीनी। मुल यो बाक्‍नीनी। मिनु नोले यो जाक्‍नीनी” दे कुम्‍सो पना पन बाक्‍बाक्‍तेक्‍म। यसैया ६:२-३; प्रस्‍थान ३:१४
REV 4:9 मोपा मेको ४ ओटा सेस जन्‍तुम गेना हना यो ब्रोंइशा बाक्‍ब ठेयब नित्‍तीकेमी निप्‍ब कली “गे छेङछेङ, मान ताइब नु रिम्‍शो पाइब बाक्‍नीनी” देंमानु,
REV 4:10 मेको २४ जना शेंब खाल्‍पामी मेको ठेयब नित्‍तीकेमी निप्‍ब आ ङोंइती आन पोक्‍च थेक्‍शा सेउ पाम्‍तेक्‍म। मिनु गेना हना यो ब्रोंइशा बाक्‍ब कली मान पाम्‍तेक्‍म। मिनु मेकोपुकीमी आन सिरपेच पुइश्‍शा, मेको ठेयब नित्‍तीकेमी निप्‍ब आ ङोंइती वोइश्‍शा
REV 4:11 “गे प्रभु, आंइ परमप्रभु यावे ननी। गे सक्ति पाइश्‍शा, छेङछेङम बाक्‍शा, मान ताइब बाक्‍नीनी। मारदे हना गे मारेइ मारेइ सेल्‍तीनी, मोपा इन दाक्‍शा सेल्‍शो मुल सम्‍म बाक्‍ब” दे कुम्‍सो पना पन बाक्‍तेक्‍म।
REV 5:1 मिनु गो मेको ठेयब नित्‍तीकेमी निप्‍ब आ ग्‍युरा गुइमी ओल्‍शो कागज का शेशो ताता। मेको कागजम निम्‍फा गे ब्रेक्‍शो बाक्‍त। मिनु मेको कागज ७ ओटा छाप थोक्‍शा, प्राक्‍ने मचाप्‍चा ङा सेल्‍शो बाक्‍त। प्रकाश ४:३; इजीकीएल २:१-१०
REV 5:2 मिनु गो सक्ति पाइश्‍शो परमप्रभु यावे आ स्‍वर्ग ङा गेय पाइब का ताता। मेकोमी ठेयब सेंदामी “सुमी मेको ७ ओटा छाप प्रुइश्‍शा, कागज प्राक्‍ने चाप्‍बा?” दे हिल्‍लो पाप्‍तु।
REV 5:3 मिनु स्‍वर्गमी, रागीमी नु रागी आगाम बाक्‍बपुकीमी सुइमी मेको कागज प्राक्‍ने मचबेम, कोव़ने यो मचबेम।
REV 5:4 मोपतीके गो शुश ङाक्‍ती। मारदे हना सुइमी मेको कागज प्राक्‍ने मचबेम, कोव़ने यो मचबेम।
REV 5:5 मिनु मेको शेंब खाल्‍पा कामी आं कली “मङाक्‍को। मेको गुप्‍स, यहूदा आ थर ङा पिप दाऊद आ खिं ङा बाक्‍ब। मेकोमी सैतान कली ग्रात। मोपा मेको कागज ङा ७ ओटा छाप प्रुइश्‍शा प्राक्‍ने चाप्‍ब” देंत। उत्‍पत्ती ४९:९-१०; यसैया ११:१
REV 5:6 मिनु गोमी ठेयब नित्‍तीके, ४ ओटा सेस जन्‍तु नु शेंब खाल्‍पा आन दातेमी क्‍योरशो पाठा खोदेंशो पा दोक राप्‍शो ताता। मेको पाठा के ७ ओटा ग्रोव़ नु ७ ओटा मिक्‍च बाक्‍त। मेको मिक्‍च चहिं परमप्रभु यावेमी रागी रागीमी सोइश्‍शो परमप्रभु यावे आ ७ ओटा सोक्‍त बाक्‍तेक्‍म। यसैया ५३:७; यूहन्‍ना १:२९
REV 5:7 मिनु मेको पाठामी मेको ठेयब नित्‍तीकेम निप्‍ब आ ग्‍युरा गुइ रे मेको कागज ताक्‍तु।
REV 5:8 मोपा ताक्‍गानु, सेस जन्‍तु नु शेंब खाल्‍पापुकी पाठा आ ङोंइती पोक्‍च थेक्‍शा बाप्‍तेक्‍म। मेकोपुकीमी ठेयब ताप्‍तीके नु सुन के थनौरो कुरशो बाक्‍तेक्‍म। मिनु सुन के थनौरो चहिं धूपमी ब्रीशो बाक्‍तेक्‍म। मेको धूपमी ब्रीशो थनौरो चहिं थमा सुइक्‍ब मुर आन मान पशो नु पुंइशो लोव़ बाक्‍तेक्‍म।
REV 5:9 मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३
REV 5:10 मिनु गे मेको आन कली परमप्रभु यावे आ राज्‍य ङा पिप नु आ ङोंइती राप्‍ब सेल्‍तीनी। मिनु रागी नेल्‍ल कली सासन पाइब यो सेल्‍तीनी” दे कुम्‍सो पाम्‍तेक्‍म। प्रकाश १:६; प्रस्‍थान १९:६
REV 5:11 मिनु मेको ठेयब नित्‍तीके गे कोव़ना कोव़न बाक्‍ङानु, सेस जन्‍तु नु शेंब खाल्‍पा आन एर ओंथ शुश परमप्रभु यावे आ स्‍वर्ग ङा गेय पाइब आन सेंदा नेंता। मिनु मेकोपुकी गिश बाक्‍तेक्‍म देंशा हना, हजार हजार, लाख लाख बाक्‍तेक्‍म। हिब्रू १२:२२
REV 5:12 मिनु मेकोपुकीमी “मेको साइक्‍चा पुंइसीशो पाठा का ला सक्ति पाइश्‍शो, शोंप पाइश्‍शो, जोक्‍तीक तुइक्‍तीक, बोल, मान, छेङछेङ नु रिम्‍शो पाइब बाक्‍नीनी देंचा शिरशो बाक्‍ब” दे ठेयब सेंदामी देंतेक्‍म। १इतिहास २९:११; फिलिप्‍पी २:९-१०
REV 5:13 मिनु स्‍वर्गमी बाक्‍ब, रागी नु रागी आगाम बाक्‍ब, समुन्‍द्र तारी नु आगाम बाक्‍ब नेल्‍लेमी “गेना हना यो ठेयब नित्‍तीकेमी निप्‍ब नु पाठा कली गे रिम्‍शो पाइब बाक्‍नीनी, मान, छेङछेङ ताइब नु सासन पाइब बाक्‍नीनी” देंशो नेंता।
REV 5:14 मिनु मेको ४ ओटा सेस जन्‍तुमी “आमेन” देंतेक्‍म। मिनु मेको खाल्‍पापुकीमी बाप्‍शा सेउ पाम्‍तेक्‍म।
REV 6:1 मिनु मेको पाठामी मेको कागज रे ७ ओटा छाप रे का प्राक्‍‍शो ताता। मिनु सेस जन्‍तु कामी बुंबु पशो खोदेंशो पा “पिवो” दे ब्रेश्‍शो नेंता।
REV 6:2 मिनु गो बुश शारा का ताता। मेको शारा ङोइक्‍बमी लिब्रा कुरशो बाक्‍त। मेको कली सिरपेच गेशो बाक्‍त। मिनु मेको ग्राना ग्रान गाक्‍त। जकरिया ६:१-८
REV 6:3 मिनु पाठामी मेको लीशो ६ ओटा छाप रे का प्राक्‍गानु, अर्को सेस जन्‍तुमी “पिवो” दे ब्रेश्‍शो नेंता।
REV 6:4 मिनु गो अर्को शारा का ताता। मेको शारा चहिं शुश लल बाक्‍त। मिनु शारा ङोइक्‍ब कली रागी ङा मुर आन दुशा बाक्‍तीके नेल्‍ल रोइक्‍चा कली नु मुर क्‍योरमुपाइक्‍चा कली ठेयब चुक्‍ब गेशो बाक्‍त।
REV 6:5 मिनु पाठामी मेको लीशो ५ ओटा छाप रे का प्राक्‍गानु, अर्को सेस जन्‍तुमी “पिवो” दे ब्रेश्‍शो नेंता। मिनु गो क्‍येर शारा का ताता। मेको शारा ङोइक्‍बमी तुला का ग्‍याइश्‍शो बाक्‍त।
REV 6:6 मिनु गो मेको ४ ओटा सेस जन्‍तु आन दातेमी सेंदा कामी “काबु ङा गेय कली माना निक्‍शी चेरब फस गाल्‍च माल्‍ताक्‍व। मिनु काबु ङा गेय कली माना सां क्‍योव़ज फस गाल्‍च माल्‍ताक्‍व। तेल नु अङगुर शांबु कली चहिं मारेइ मपचा” देंशो नेंता।
REV 6:7 मिनु पाठामी ४ ओटा लीशो छाप रे का प्राक्‍गानु, नोले ङा सेस जन्‍तुमी “पिवो” देंशो नेंता।
REV 6:8 मिनु गो हौ शारा का ताता। मिनु मेको शारा ङोइक्‍ब आ नें चहिं साइक्‍पाइक्‍ब नु बेक्‍पाइक्‍ब बाक्‍त। मिनु रागी ङा बेक्‍शो मुरपुकीमी मेको आ नोले खोइक्‍तेक्‍म। मिनु मेको कली रागी ङा ४ भाग ङा भाग का मुर आन कली साइक्‍पाइक्‍चा, दे अधिकार गेशो बाक्‍त। दोपा साइक्‍पाइक्‍चा गेशो बाक्‍त देंशा हना, कोइ आन कली तरवारम साइक्‍पाइक्‍चा, कोइ आन कली अन्‍कालम बेक्‍पाइक्‍चा, कोइ आन कली मुर साइक्‍ब रोइ पा बेक्‍पाइक्‍चा नु कोइ आन कली जन्‍तुमी साइक्‍पाइक्‍चा, दे अधिकार गेशो बाक्‍त। इजीकीएल १४:२१
REV 6:9 मिनु पाठामी मेको लीशो छाप सां रे का प्राक्‍गानु, गो चढ़ेतीके आगाम शुश मुर आन कली ताता। मेकोपुकी परमप्रभु यावे आ लोव़ टिचा कली नु अर्को आन कली येसु ख्रीस्‍त परमप्रभु यावे आ तौ बाक्‍ब, दे शेंचा आ पर्बम साइक्‍चा पुंइसीशो मुर बाक्‍तेक्‍म।
REV 6:10 मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।
REV 6:11 मिनु परमप्रभु यावे आ स्‍वर्ग ङा गेय पाइबमी मेको आन कली बुश वा का का फेक्‍चा कली गेप्‍तु। मिनु मेकोमी मेको आन कली “इच्‍का रिम्‍दीन, अर्को इन खोदेंशो पा येसु आ गेय पाइब नु अर्को थमा सुइक्‍ब लोक्‍ब इन बुदी साइक्‍चा पुंइसीमा सम्‍म रिम्‍दीन” देंत।
REV 6:12 मिनु पाठामी मेको लीशो छाप निक्‍शी रे का प्राक्‍गानु, ठेयब ख्रिनु कुत। मिनु नां कुंखी खोदेंशो क्‍येर दुम्‍त। तास्‍ला चहिं हुश खोदेंशो लल दुम्‍त। यसैया २४:२१-२३; योएल ३:३-४; मत्ती २४:२९
REV 6:13 मिनु ठेयब फशेमी फोव़शी आ ममीशो गेडा तोक्‍शो खोदेंब पा सरीङ ङा सोरुलपुकी रागीमी दोक्‍तेक्‍म।
REV 6:14 मिनु सरीङ ओल्‍शो कागज खोदेंशो पा लाक्‍तु। डांडा, टापु नेल्‍ल याक्‍साक्‍म। यसैया ३४:४
REV 6:15 मेना रागी ङा पिपपुकी नु ठेयब मुरपुकी, फौज ङा कप्‍तानपुकी, शोंप पाइश्‍शो नु बोल्‍यो मुरपुकी, वाइलीम वाइल नु मुर नेल्‍ल पहाड ङा सेरथे फुल्‍लु नु पुक्‍खीमी ख्रुंइ‍साक्‍म। यसैया २:१०,१९
REV 6:16 मिनु पहाड नु सेरथे फुल्‍लु कली “गो आंइ कली सुम्‍की। मेको ठेयब नित्‍तीकेमी निप्‍ब नु पाठा आस गाइक्‍चा रे आंइ कली ख्रुइक्‍तीकी। लूका २३:३०
REV 6:17 मारदे हना मेको आस गाइक्‍ची नाक्‍त जाक्‍त। सुइ मेको आस ङोंइती राप्‍ने मचाप्‍नीम” दे ठेयब सेंदामी ग्रीतेक्‍म। आमोस ५:१८; रोमी २:५; मलाकी ३:२
REV 7:1 मिनु नोले गो ४ जना परमप्रभु यावे आ स्‍वर्ग ङा गेय पाइबपुकी रागी ङा ४ कुनामी राप्‍शो तातामी। मेकोपुकी रवा आ सफा काइ यो महिम्‍पाइक्‍चा, रागी नु समुन्‍द्रमी फश मपपाइक्‍चा कली राप्‍शो बाक्‍तेक्‍म। दानीएल ७:२
REV 7:2 मिनु अर्को परमप्रभु यावे आ स्‍वर्ग ङा गेय पाइब का नां दाप्‍तीके रे कुशो ताता। मिनु गेना हना यो ब्रोंइब परमप्रभु यावे आ छाप मेको नु बाक्‍शो बाक्‍त। मेकोमी रागी नु समुन्‍द्र बिग्रेचा कली अधिकार तशो ४ जना परमप्रभु यावे आ स्‍वर्ग ङा गेय पाइब आन कली ठेयब सेंदामी
REV 7:3 “गोपुकीमी आंइ परमप्रभु यावे आ वाइलीम वाइल आन कुप्‍फीमी छाप मथोक्‍शो सम्‍म रागी, समुन्‍द्र नु रवा आन कली मबिग्रेने” देंत। प्रकाश ९:४; इजीकीएल ९:४,६
REV 7:4 मिनु गिश मुरपुकी छाप थोक्‍चा पुंइसीशो बाक्‍तेक्‍म देंशा हना, इस्राएली आन १२ थर ङा लाख का ४४ हजार मुर छाप थोक्‍चा पुंइसीशो बाक्‍तेक्‍म। मिनु इस्राएली आन थर ङा तेको तेको बाक्‍तेक्‍म देंशा हना, प्रकाश १४:१,३
REV 7:5 यहूदा आ थर रे १२ हजार, रूबेन आ थर रे १२ हजार, गाद आ थर रे १२ हजार,
REV 7:6 आशेर आ थर रे १२ हजार, नाप्‍ताली आ थर रे १२ हजार, मनस्‍से आ थर रे १२ हजार,
REV 7:7 सिमियोन आ थर रे १२ हजार, लेवी आ थर रे १२ हजार, इस्‍साकार आ थर रे १२ हजार,
REV 7:8 जबूलून आ थर रे १२ हजार, योसेफ आ थर रे १२ हजार नु बेन्‍यामीन आ थर रे १२ हजार मुरपुकी छाप थोक्‍चा पुंइसीशो बाक्‍तेक्‍म।
REV 7:9 मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।
REV 7:10 मिनु मेकोपुकीमी परमप्रभु यावे नु पाठा आस कली “मेको ठेयब नित्‍तीकेमी निप्‍ब आंइ परमप्रभु यावे नु पाठामी ला पाप रे प्रोंइने चाप्‍नीस” दे ठेयब सेंदामी ग्रीतेक्‍म।
REV 7:11 मिनु परमप्रभु यावे आ स्‍वर्ग ङा गेय पाइब नेल्‍ले, ठेयब नित्‍तीके, शेंब खाल्‍पा नु मेको ४ ओटा सेस जन्‍तु आन एर ओंथ बाक्‍तेक्‍म। मिनु मेको नेल्‍लेमी ठेयब नित्‍तीकेमी निश्‍शो परमप्रभु यावे आ ङोंइती खुम्‍की पा बाप्‍शा, परमप्रभु यावे कली मान पाम्‍तेक्‍म।
REV 7:12 मेकोपुकीमी “आमेन। नेल्‍ल आसीक गेचा नु छेङछेङ, जोक्‍ब तुइक्‍ब थुं, रिम्‍शो पाइब, मान सक्ति नु सासन पतीके नेल्‍ल गेना हना यो आंइ परमप्रभु यावे केन बाक्‍ल। आमेन” दे नेल्‍लेमी देंतेक्‍म।
REV 7:13 मिनु मेको शेंब खाल्‍पा कामी आं कली “मेको बुश वा फेक्‍शो मुरपुकी सु नमी? ते रे जाक्‍मा?” दे हिल्‍लो पती।
REV 7:14 मिनु गोमी “हजुर, गो मतुइक्‍नुङ, गे तुइक्‍नीनी” देंती। मिनु मेको खाल्‍पामी “मेकोपुकी ठेयब श्‍येत रे जाक्‍तेक्‍म। मिनु मेको आन मरिम्‍शो पतीके लुम्‍सीशो वा पाठा आ हुशेमी मुरतीके बुश दुम्‍त। मत्ती २४:२१; प्रकाश १२:११
REV 7:15 मो दुम्‍तीके मेकोपुकी परमप्रभु यावे आ ठेयब नित्‍तीके आ ङोंइती बाक्‍नीम। मिनु नाक्‍दो नाक्‍त परमप्रभु यावे आ खिंमी परमप्रभु यावे कली गेय पाइनीम। मिनु ठेयब नित्‍तीकेमी निप्‍बमी मेकोपुकी नु बाक्‍शा, मेको आन कली कोव़ब।
REV 7:16 मुल मेकोपुकी लेंशा शोव़लु मबेक्‍नीम। तूतू मदाक्‍नीम। नां नु अर्को रापमी मेको आन कली गेनायो मनाप्‍ब। यसैया ४९:१०
REV 7:17 मारदे हना मेको ठेयब नित्‍तीके आ दातेमी बाक्‍शो पाठामी मेको आन कली कोव़शा, गोठला पाइब। मिनु मेकोमी मेको आन कली ब्रोंइचा गेब ब्‍वाक्‍कु बुक्‍तीके कोंइब। मोपा परमप्रभु यावेमी मेको आन प्रेक्‍कु फिक्‍ब” देंत। भजन संग्रह २३:२; प्रकाश २१:४; यसैया २५:८
REV 8:1 मिनु पाठामी ७ ओटा छाप रे नेल्‍ल क्‍येङा नोले ङा छाप प्राक्‍गानु, आधा घन्‍टा सम्‍म स्‍वर्गमी सिक्‍सी पा काइ रेयके मपाम। हबकुक २:२०
REV 8:2 मिनु नोले गो ७ जना परमप्रभु यावे आ स्‍वर्ग ङा गेय पाइबपुकी परमप्रभु यावे आ ङोंइती राप्‍शो तातामी। मिनु मेकोपुकीमी तुराही का का ताक्‍तेक्‍म। मत्ती २४:३१
REV 8:3 मिनु अर्को परमप्रभु यावे आ गेय पाइब का जाक्‍शा, चढ़ेतीक आ नेक्‍था राप्‍त। मेकोमी सुन के थनौरो कुरशो ताता। मिनु मेकोमी शुश धूप ताक्‍तु। मार पचा कली ताक्‍तु देंशा हना, थमा सुइक्‍ब आन परमप्रभु यावे कली मान पशो नु पुंइशो लोव़ सुन के चढ़ेतीकेमी ब्‍वाइक्‍चा कली ताक्‍तु।
REV 8:4 मिनु परमप्रभु यावे कली मान पा पुंइशो लोव़ नु मेको धूप आ कुन परमप्रभु यावे आ स्‍वर्ग ङा गेय पाइब आ गुइ ङा थनौरो रे परमप्रभु यावे आ ङोंइती लत।
REV 8:5 मिनु नोले मेको परमप्रभु यावे आ स्‍वर्ग ङा गेय पाइबमी धूप चढ़ेतीके ङा मी लाइश्‍शा, मेको थनौरोमी कुर पाप्‍तु। मिनु रागीमी ताइक्‍ताक्‍व। मिनु रागीमी बुंबु पाप्‍तु, शुश रेयके पाप्‍तु। चिला पा ख्रिनु कुत। इजीकीएल १०:२
REV 8:6 मिनु मेको ७ ओटा तुराही शेयब परमप्रभु यावे आ स्‍वर्ग ङा गेय पाइबपुकीमी तुराही ताप्‍चा चिक्‍ताक्‍म।
REV 8:7 मिनु ङोंइती ङा तुराही शेयब परमप्रभु यावे आ स्‍वर्ग ङा गेय पाइबमी ताप्‍तु। मोपा तबानु, सरीङ रे रागी तारी हुश ब्‍वांइ‍सीशो मुप्‍स नु मी यित। मिनु रागी के भाग सां ङा भाग का, रवा आन भाग सां ङा भाग का नु घांस नेल्‍ल दुप्‍शा नेक्‍तु। प्रस्‍थान ९:२३-२६
REV 8:8 मिनु लीशो ६ जना परमप्रभु यावे आ स्‍वर्ग ङा गेय पाइब कामी तुराही ताप्‍तु। मोपा तबानु, ठेयब मी ब्रशो डांडा खोदेंशो समुन्‍द्रमी ताइश्‍शो ताता। प्रस्‍थान ७:२०-२१
REV 8:9 मिनु समुन्‍द्र के भाग सां ङा भाग का हुश दुम्‍त। मेकेर बाक्‍ब जन्‍तु नु ङांइपुकी भाग सां ङा भाग का बेक्‍तेक्‍म। मिनु जाजपुकी भाग सां ङा भाग का खतम दुम्‍तेक्‍म।
REV 8:10 मिनु लीशो ५ जना परमप्रभु यावे आ स्‍वर्ग ङा गेय पाइब कामी तुराही ताप्‍तु। मिनु सरीङ रे मी ब्रशो रांको खोदेंशो ठेयब सोरुल खोला इनार नु ब्‍वाक्‍कु बुक्‍तीके ङा भाग सां ङा भाग का तार दोक्‍त। यसैया १४:१२
REV 8:11 मेको सोरुल आ नें कशो बाक्‍त। तेकेर मेको सोरुल दोक्‍मे, मेकेर ङा ब्‍वाक्‍कु कशो दुम्‍त। मिनु शुश मुरपुकी मेको कशो दुम्‍शो ब्‍वाक्‍कु तूशा बेक्‍तेक्‍म।
REV 8:12 मिनु लीशो ४ जना परमप्रभु यावे आ स्‍वर्ग ङा गेय पाइब ङा कामी तुराही ताप्‍तु। मिनु नां तास्‍ला नु सोरुल आन भाग सां ङा भाग का खतम दुम्‍तेक्‍म। मोपा छेङछेङ ङा भाग सां ङा भाग का छिङछिङ दुम्‍त। नाक्‍त ङा भाग सां ङा भाग का यो छिङछिङ दुम्‍त। मिनु नाक्‍दो ङा भाग सां ङा भाग का यो छिङछिङ दुम्‍त। प्रकाश ६:१२; प्रस्‍थान १०:२१
REV 8:13 मिनु नोले ककाकुली का सरीङमी बेरशो ताता। मेकोमी ठेयब सेंदामी “मुल परमप्रभु यावे आ स्‍वर्ग ङा गेय पाइब सांमी तुराही ताप्‍चा लीतेक्‍म। मेको आन ताप्‍शो रेयकेमी रागी ङा मुर आन कली थम हिंचा ङा दुम्‍चाप्‍तु। आबी आबी आबी, तुराही ग्रीशोमी रागी ङा मुरपुकी शुश श्‍येत जाइनीम” दे ग्रीशो नेंता।
REV 9:1 मिनु लीशो ३ जना परमप्रभु यावे आ स्‍वर्ग ङा गेय पाइब कामी तुराही ताप्‍तु। मिनु गोमी सोरुल का सरीङ रे दोक्‍शो ताता। मेको सोरुलमी ठेयब दुइश्‍शो, पुं मपाइश्‍शो ढोडोङगा ङा लाप्‍चो रोक्‍तीके सांचो ताक्‍तु।
REV 9:2 मिनु मेकोमी ठेयब दुइश्‍शो पुं मपाइश्‍शो ढोडोङगा ङा लाप्‍चो रोक्‍गानु, कुन ग्रूत। मेको कुन ठेयब मी आ कुन खोदेंब तांइसाक्‍व। मेको कुन ग्रूमेनु, नां नु सरीङ छिङछिङ दुम्‍त। योएल २:२,१०
REV 9:3 मिनु मेको कुन रे माले खोदेंशो रागीमी ग्रूतेक्‍म। मेको आन सक्ति रागी ङा बिच्‍छी आन के खोदेंशो बाक्‍त।
REV 9:4 मिनु मेको आन कली “मेको रागी ङा घांस नु रवा ङा सफा मबिग्रेने, परमप्रभु यावे आ छाप कुप्‍फीमी मथोक्‍शो मुर आन कली ला श्‍येत गेने। प्रकाश ७:३
REV 9:5 मिनु मेको आन कली मसतीन, तन्‍न ५ महिना सम्‍म श्‍येत गेने” देंशो नेंता। मेको श्‍येत चहिं बिच्‍छीमी मुर आन कली क्राइश्‍शो खोदेंशो बाक्‍ब।
REV 9:6 मिनु मोदेंशो दुम्‍मेनु, मुरपुकी बेक्‍चा दाक्‍नीम। तन्‍न बेक्‍ने मचाप्‍नीम। प्रकाश ६:३६
REV 9:7 मिनु मेको माले आन रां दोदेंशो तांइसाक्‍म देंशा हना, लडाइ पचा कली ठीक पा वोइश्‍शो शारा खोदेंशो तांइसाक्‍म। मेकोपुकी सुन के सिरपेच खोदेंशो गुप्‍शो बाक्‍तेक्‍म।
REV 9:8 मेको आन चां मीश मुर आन चां खोदेंशो बाक्‍त। मेको आन ख्रुइ गुप्‍स आन ख्रुइ खोदेंशो बाक्‍त।
REV 9:9 मेको आन कुचु ङा फेक्‍तीके फलाम के खोदेंशो बाक्‍त। मिनु मेको आन बेरशो रेयके चहिं शुश शारामी बग्‍गी कीशा, लडाइ पथ लशो रेयके खोदेंशो नेंसाक्‍व।
REV 9:10 मेको आन मीलुमी बिच्‍छी के खोदेंशो फूरो बाक्‍त। मेको आन श्‍येत गेतीके या बाक्‍त। मिनु मुर आन कली ५ महिना सम्‍म श्‍येत गेचा अधिकार तशो बाक्‍तेक्‍म।
REV 9:11 मेको आन के पिप का बाक्‍त। मेको पिप सु बाक्‍त देंशा हना, दुइश्‍शो, पुं मपाइश्‍शो ढोडोङगा ङा गेय पाइब बाक्‍त। मेको पिप आ नें हिब्रू लोव़मी अब्‍बादोन नु ग्रीक लोव़मी अपोल्‍लीयोन देंनीम। मेको निम्‍फा आस अर्थ चहिं खतम पाइब बाक्‍ब।
REV 9:12 ङोंइती ङा हिंचा ङा श्‍येत नुप्‍त। मिनु अर्को हिंचा ङा श्‍येत निक्‍शी बाक्‍नीस।
REV 9:13 मिनु लीशो निक्‍शी परमप्रभु यावे आ स्‍वर्ग ङा गेय पाइब कामी तुराही ताप्‍तु। मिनु गो परमप्रभु यावे आ ङोंइती वोइश्‍शो सुन के सेल्‍शो चढ़ेतीके आ ४ सुर रे सेंदा ग्रूशो नेंता। प्रकाश ८:३; प्रस्‍थान ३९:१-३
REV 9:14 मेको सेंदामी मेको तुराही ताप्‍ब परमप्रभु यावे आ स्‍वर्ग ङा गेय पाइब कली “युफ्रेटीस माइश्‍शो ठेयब खोला आ नेक्‍थाम पाइश्‍शो ४ जना सैतान आ गेय पाइब आन कली प्रोंइमी” देंशो नेंता। प्रकाश १६:१२
REV 9:15 मिनु मेको परमप्रभु यावे आ स्‍वर्ग ङा गेय पाइबमी मेको आन कली प्रोंइतु। मेकोपुकी ङोंइती मारदे पाइश्‍शा वोइश्‍शो बाक्‍तेक्‍म देंशा हना, परमप्रभु आ देंशो घन्‍टा, नाक्‍त, महिना नु बर्स नेल्‍ल रागी ङा मुरपुकी भाग सां ङा भाग का साइक्‍चा, दे ठीक पा वोइश्‍शो बाक्‍तेक्‍म। प्रकाश ८:-
REV 9:16 मिनु गोमी “शारा ङोइश्‍शो लडाइ पाइबपुकी २० करोड बाक्‍नीम” देंशो नेंता।
REV 9:17 मिनु मेको शारा नु शारा ङोइक्‍बपुकी दोदेंशो तातामी देंशा हना, मेको शारा ङोइक्‍ब आन कुचुमी पीतल के फेक्‍तीके फेक्‍शो तातामी। मेको फेक्‍तीके मी खोदेंशो लल गिम गिम नु हौ ताता। मेको शारा आन पिया गुप्‍स आ पिया खोदेंशो ताता। मिनु आन शोव़ रे मी, कुन नु गन्‍धक ग्रूत।
REV 9:18 मिनु मेको मी, कुन नु गन्‍धक रे मुरपुकी भाग सां ङा भाग का बेक्‍तेक्‍मे।
REV 9:19 मिनु मेको शारा आन मीलु चहिं बुस्‍स आ पिया खोदेंशो तांइसाक्‍म। मोपतीके मेको शारा आन बोल शोव़ नु मीलुमी बाक्‍त। मिनु शोव़ नु मीलुमी मुर आन कली श्‍येत गेम्‍तेक्‍म।
REV 9:20 मिनु मबेक्‍थु लीशो मुरपुकीमी मेको आन मरिम्‍शो पचा मप्रोनेम। मार मरिम्‍शो पाम्‍तेक्‍म देंशा हना, वोल नु देवी देवता आन कली खुम्‍की पा सेउ पाम्‍तेक्‍म। मताइब, मनेंब, मगाक्‍ब सुन, चांदी, कांसा, फुल्‍लु नु शी के सेल्‍शो मूर्ति आन कली खुम्‍की पा सेउ पाम्‍तेक्‍म। प्रकाश १६:९
REV 9:21 मिनु मेकोपुकीमी मुर साइक्‍चा, टुना मुना पचा, चिन्‍ता बाक्‍चा, तेल्‍लेम पचा नु खुइ पचा मप्रोनेम। मिनु आन थुं यो परमप्रभु यावे गे मलेत्‍तेम।
REV 10:1 मिनु नोले गोमी सक्ति पाइश्‍शो परमप्रभु यावे आ स्‍वर्ग ङा गेय पाइब का गोस्‍सुमी गिल्‍सीशा, रागीमी यिशो ताता। मेको आ पियामी वाक्‍श दाप्‍शो बाक्‍त। मिनु मेको आ कुल नां खोदेंशो नु आ खोइली हुरुर पा ब्रशो मी के थाम खोदेंशो तांइसाक्‍व।
REV 10:2 आ गुइमी इम्‍चीली प्राक्‍शो किताब शेशो बाक्‍त। मेको आ ग्‍युरा खोइली समुन्‍द्र तार नु आ पेरा खोइली चहिं रागी तार थेक्‍शा राप्‍त।
REV 10:3 मेकोमी गुप्‍स खोदेंशो पा ठेयब सेंदामी ग्रीत। मोपा ग्रीमेनु, ७ ओटा बुंबुमी रेयके पाम्‍तेक्‍म। भजन संग्रह २९:३-९
REV 10:4 मेको ७ ओटा बुंबु आ लोव़ ब्रेक्‍चाङानु, सरीङ रे सेंदा कामी “मेको ७ ओटा बुंबु आन लोव़ मब्रेक्‍तो, मुर आन कली मशेंदो” देंशो नेंता। दानीएल १२:४,९
REV 10:5 मिनु ङोंइती तशो परमप्रभु यावे आ स्‍वर्ग ङा गेय पाइब ठेयब समुन्‍द्र नु रागीम खोइली थेक्‍बमी कसम जचा कली आ ग्‍युरा गुइ सरीङ गे पोक्‍तु।
REV 10:6 मिनु मेकोमी दोपा कसम जाप्‍तु देंशा हना, गेना हना यो ब्रोंइशा बाक्‍ब, सरीङ नु सरीङम बाक्‍ब नेल्‍ल सेल्‍ब, रागी नु रागीम बाक्‍ब नेल्‍ल सेल्‍ब, समुन्‍द्र नु समुन्‍द्रम बाक्‍ब नेल्‍ल सेल्‍ब, परमप्रभु यावे आ नेंमी “मुल देश मपचा” दे कसम जाप्‍तु। दानीएल १२:७
REV 10:7 मिनु मेको आ कसम जशो लोव़ मार बाक्‍त देंशा हना “नेल्‍ल क्‍येङा नोले ङा परमप्रभु यावे आ स्‍वर्ग ङा गेय पाइबमी तुराही तबानु, परमप्रभु यावेमी आ लोव़ पाइब आन कली ‘मुल रिम्‍ची ना नुप्‍त’ दे ङोंइती रे मशेंशो परमप्रभु यावे आ ख्रुइश्‍शो लोव़ मुल दुम्‍चाप्‍तु” दे कसम जाप्‍तु। प्रकाश ११:१५; प्रेरित ३:२१
REV 10:8 मिनु मेको आं नेंशो स्‍वर्ग ङा सेंदामी आं कली लेंशा “लावो, मेको रागी नु समुन्‍द्र तार राप्‍शो परमप्रभु यावे आ स्‍वर्ग ङा गेय पाइब आ गुइमी बाक्‍शो किताब ताक्‍को” देंशो नेंता।
REV 10:9 मिनु गो मेको परमप्रभु यावे आ स्‍वर्ग ङा गेय पाइब आ नेक्‍था लती। मिनु गोमी मेको कली “मेको इम्‍चीली किताब गेयीनी” देंती। मेकोमी “ताक्‍को। मिनु जावो। इ शोव़मी खुदो खोदेंशो पा ब्रोव़ब। मिनु इ कोव़जमी चहिं काइब” दे माइक्‍ती। इजीकीएल ३:१-३
REV 10:10 मिनु गो मेको इम्‍चीली किताब परमप्रभु यावे आ स्‍वर्ग ङा गेय पाइब आ गुइ रे ताक्‍शा ङा मिन जाता। आं शोव़मी खुदो खोदेंशो जिज दुम्‍त। दाक्‍गुनु चहिं आं कोव़ज कत।
REV 10:11 मिनु लोव़ पाइब कामी आं कली “गे लेंशा शुश मुरपुकी, शुश रागी, शुश लोव़ ङा मुर नु शुश पिप आन ङोंइती परमप्रभु यावे आ लोव़ नेंपाइक्‍चा माल्‍नेवे” देंशो नेंता। येरमीया १:९-१०
REV 11:1 मिनु परमप्रभु यावे आ स्‍वर्ग ङा गेय पाइब कामी पुक्‍तीक का गेती। मेकोमी आं कली “लो, बोक्‍को। परमप्रभु यावे आ खिं नु चढ़ेतीके पुक्‍को। परमप्रभु यावे आ खिं आगाम सेउ पाइब आन कली हिक्‍को। इजीकीएल ४०:३; जकरिया ३:५-६; इजीकीएल ४२:२०
REV 11:2 मिनु परमप्रभु यावे आ खिं ङा लाङगा रागी रागी ङा मुर आन कली गेशो बाक्‍त। मेको मपुक्‍को। मेकोपुकीमी परमप्रभु यावे आ योव़शो सहर ४२ महिना सम्‍म खोइलीमी दिप्‍शा ताइश्‍शा बिग्रेनीम” देंत। लूका २१:२४
REV 11:3 मिनु नोले गो परमप्रभु यावेमी आ सांकछी निक्‍शी आस कली मार लोव़ पशो नेंता देंशा हना “गे आं लोव़ पाइब दुम्‍नीसी। गो इस कली आं लोव़ पचा कली सक्ति गेनुङ। गे निक्‍शीमी अरन्‍डी फेक्‍शा, हजार का सहे निक्‍शी ६० नाक्‍त सम्‍म आं लोव़ पाइनीसी” दे परमप्रभु यावेमी आ सांकछी निक्‍शी आस कली लोव़ पशो नेंता। प्रकाश १२:६
REV 11:4 मिनु मेको सांकछी तेल रवा निक्‍शी नु दियारी निक्‍शी खोदेंशो दुम्‍शा, रागी ङा प्रभु आ ङोंइती बाक्‍नीस। जकरिया ४:३,११-१४
REV 11:5 सु सुमी मेको निक्‍शी आस कली बिग्रेचा माल्‍नीमी, मेको साइक्‍चा पुंइसीनीम। दोपा साइक्‍चा पुंइसीनीम देंशा हना, मेको आस शोव़ रे मी ग्रूशा, मेको साइक्‍चा पुंइसीनीम।
REV 11:6 मेको निक्‍शीमी परमप्रभु यावे आ लोव़ पाम्‍सेनु, रेउ मयिपाइक्‍ने चाप्‍नीस। मेकोमी ब्‍वाक्‍कु के हुश सेल्‍ने चाप्‍नीस। मिनु रागी कली मार श्‍येत गेचा दाक्‍तसे, मेकोन पने चाप्‍नीस। गिश खेयप मो पचा दाक्‍तसे, मिश खेयप यो पने चाप्‍नीस। १राजा १७:१; प्रस्‍थान ७:१९-२०
REV 11:7 मिनु मेको निक्‍शीमी परमप्रभु यावे आ लोव़ थुम्‍से नोले, मेको पुं मपाइश्‍शो ढोडोङगा रे ठेयब जन्‍तु कुशा, मेको निक्‍शी नु राम्‍शी पा ग्रात। ग्राशा ङा मिन मेको आस कली साइक्‍तु। प्रकाश १३:३; प्रकाश १३:७
REV 11:8 मेको आस बेक्‍शो रां चहिं ठेयब सहर ङा लांमी लीताक्‍से। मेको ठेयब सहर आ ख्रुइश्‍शो नें चहिं सोदोम नु इजीप्‍त माइश्‍शो बाक्‍त। मेको ठेयब सहरमी मुरपुकीमी मेको आस प्रभु कली शीम कांटी थोक्‍शा साइश्‍शो बाक्‍तेक्‍म।
REV 11:9 मिनु थर नेल्‍ल ङा, जात नेल्‍ल ङा, आंम आंम लोव़ पाइब नु रागी रागी ङा मुर नेल्‍लेमी मेको आस बेक्‍शो रां नाक्‍त सां नु आधा मेकेर बाक्‍त। मुरपुकीमी मेको आस कली तुरसुमी वोइक्‍चा मगेमे।
REV 11:10 मारदे हना मेको परमप्रभु यावे आ लोव़ पाइब निक्‍शीमी रागीम बाक्‍ब आन कली शुश श्‍येत गेतीके, रागीम बाक्‍बपुकीमी मेको आस कली साइश्‍शो तशा, शुश ग्‍येरशा, मार मार गेमुम्‍तेक्‍म।
REV 11:11 मिनु नाक्‍त सां नु आधा नोले परमप्रभु यावे आ ब्रोंइचा गेब सोक्‍त मेको आस बेक्‍शो रांमी ओव़त। मिनु मेको निक्‍शी छुल छाल बोक्‍शा राप्‍ताक्‍स। मिनु रागी रागी ङा मुरपुकीमी मेको आस कली तशा थाम्‍पा हिंतेक्‍म।
REV 11:12 मिनु सरीङ रे ठेयब सेंदामी मेको निक्‍शी आस कली “एक कुस” देंशो नेंताक्‍स। मिनु गोस्‍सुमी गिल्‍सीशा, इर सरीङ लाम्‍ताक्‍से। मेको आस जोरी सत्रुपुकीमी मेको आस कली सरीङ गे लशो ताम्‍तेक्‍म।
REV 11:13 मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।
REV 11:14 हिंचा ङा श्‍येत निक्‍शी नुप्‍शा, नोले ङा हिंचा ङा श्‍येत जाक्‍चाप्‍तु। प्रकाश ९:१२
REV 11:15 मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।
REV 11:16 मिनु परमप्रभु यावे आ ङोंइती मेको २४ जना शेंब खाल्‍पा आन नित्‍तीकेमी निश्‍शा, परमप्रभु यावे आ ङोंइती खुम्‍की पा बाप्‍शा मान पाम्‍तेक्‍म। प्रकाश ४:४,१०
REV 11:17 मिनु मेकोपुकीमी “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। गे मुल बाक्‍नीनी, ङोंइती यो बाक्‍तीनी। इन ठेयब सक्तिमी सासन पचा गोइतीनी।
REV 11:18 मिनु रागी रागी ङा मुरपुकी गाइक्‍ताक्‍म। मिनु मेको आन पर्बम गाइक्‍ताक्‍नी। बेक्‍शो मुर आन कली निसाफ पची ना दुम्‍त। मिनु इन लोव़ पाइब, इन नोले खोइक्‍ब, इन नें कली मान पा हिंब, आइक्‍च नु ठेयब मुर नेल्‍ल आन कली इनाम गेची ना दुम्‍त। मिनु गे रागी कली बिग्रेब मुर आन कली बिग्रेथ जाक्‍तीनी” दे परमप्रभु यावे कली देंतेक्‍म। भजन संग्रह २:३
REV 11:19 मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५
REV 12:1 मिनु गो सरीङमी ठेयब चिन्‍ड का ताता। मेको चिन्‍ड दोदेंब बाक्‍त देंशा हना, मीश मुर का नां फेक्‍सीशा, तास्‍ला तारी राप्‍शो बाक्‍त। मेको आ पियामी १२ ओटा सोरुल के सिरपेच गुप्‍शो बाक्‍त।
REV 12:2 मिनु मेकोमी कोव़ज कुरशो बाक्‍त। मोपतीके सुत्‍केरी रोइम श्‍येत जशा, आल थिचा कली ग्रीशो बाक्‍त।
REV 12:3 मिनु गो सरीङमी अर्को चिन्‍ड का ताता। मेको चिन्‍ड दोदेंब बाक्‍त देंशा हना, ठेयब लल बुस्‍स का बाक्‍त। मेको बुस्‍स के ७ ओटा पिया नु १० ओटा ग्रोव़ बाक्‍तेक्‍म। आ ७ ओटा पियामी ७ ओटा मुकुट गुप्‍शो बाक्‍त।
REV 12:4 मेको आ मीलुमी सरीङ ङा सोरुल भाग सां ङा भाग का कीशा, रागीमी तोक्‍तीमी। मिनु मेको ठेयब बुस्‍स मेको आल थिचशो मीश मुर आ ङोंइती राप्‍शा, आ आल ब्‍वचा कली रिम्‍शा बाक्‍त। दानीएल ८:१०
REV 12:5 मिनु मेको मीश मुरुमी वोंइश आल का थित। मेको वोंइश आल नोले रागी ङा मुर आन कली फलाम के कोक्‍केमी सासन पाइब दुम्‍ब। मिनु परमप्रभु यावे आ स्‍वर्ग ङा गेय पाइबपुकीमी मेको वोंइश आल कली परमप्रभु यावे आ ठेयब नित्‍तीकेम लाइश्‍शा वोइक्‍तेक्‍म। भजन संग्रह २:९
REV 12:6 मिनु मेको मीश मुर आल थिशा नोले गोरशो रागीमी प्रोक्‍त। मेकेर परमप्रभु यावेमी बाक्‍तीके ठीक पशो बाक्‍त। मिनु मेको कली हजार का सहे निक्‍शी ६० नाक्‍त थुल्‍तेक्‍म। प्रकाश ११:३
REV 12:7 मिनु नोले स्‍वर्गमी परमप्रभु यावे आ ठेयब स्‍वर्ग ङा गेय पाइब मिकाएल माइश्‍शो नु आ गेय पाइबपुकी गारशा, ठेयब बुस्‍स नु आ गेय पाइबपुकी नु लडाइ पथ लाम्‍तेक्‍म।
REV 12:8 मिनु ठेयब बुस्‍स आ गेय पाइबपुकी लडाइ पा ब्रुम्‍तेक्‍म। मिनु नोले मेको ठेयब बुस्‍स नु आ गेय पाइबपुकीमी स्‍वर्गमी बाक्‍तीक मथिदेम। उत्‍पत्ती ३:१
REV 12:9 मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८
REV 12:10 मिनु गो सरीङमी ठेयब सेंदा का नेंता। मिनु मेको सेंदामी “मुल थमा सुइक्‍ब आन कली आन पाप रे ब्रोंइतीके जाक्‍ने थुम्‍तु। आंइ परमप्रभु यावे आ सक्ति तांइसाक्‍व नु आ ख्रीस्‍त आ अधिकार जाक्‍त। मारदे हना थमा सुइक्‍ब आन कली दोस गेब रागीमी तोक्‍चा पुंइसाक्‍व। मेकोमी नाक्‍दो नाक्‍त इं परमप्रभु यावे आ ङोंइती आंइ लोक्‍ब आन कली दोस गेशो बाक्‍त। प्रकाश ११:१५
REV 12:11 मिनु थमा सुइक्‍बपुकीमी सैतान कली ग्राशो बाक्‍तेक्‍म। दोपा सैतान कली ग्राशो बाक्‍तेक्‍म देंशा हना, पाठा आ हुश चढ़ेशोमी नु आन सांकछी आन पतीके सैतान कली ग्राशो बाक्‍तेक्‍म। मेकोपुकीमी आंम कली ममिम्‍थु, येसु ख्रीस्‍त आ पर्बम साइक्‍चा पुंइसीचा यो महिंम। प्रकाश ७:१४; प्रकाश ६:९
REV 12:12 मोपतीके स्‍वर्ग नु स्‍वर्गमी बाक्‍ब नेल्‍ल ग्‍येरसीन। तन्‍न रागी नु समुन्‍द्रम श्‍येत दुम्‍चाप्‍तु। मारदे हना सैतान थाम्‍पा गाइश्‍शा, रागी नु समुन्‍द्रम यित। मारदे गाइक्‍ताक्‍व देंशा हना, मुल आ गेय पचा शुश नाक्‍त मली, दे तुइक्‍ताक्‍व” देंशो नेंता।
REV 12:13 मिनु मेको ठेयब बुस्‍सुम आंम कली रागीमी तोक्‍शो तशा, मेको वोंइश आल थीब मीश मुर कली “साइक्‍नुङ” दे खेदा पाप्‍तु।
REV 12:14 मिनु मेको मीश मुरुमी ठेयब ककाकुली आ फ्रां निक्‍शी ताक्‍तु। मारदे ताक्‍तु देंशा हना, मेको ठेयब बुस्‍स रे ब्रोंइशा, गोरशो रागीमी बेरशा, प्रोक्‍चा कली ताक्‍तु। मेको गोरशो रागीमी परमप्रभु यावेमी आ दाक्‍ची ना सम्‍म मेकेर थुल्‍शो बाक्‍त।
REV 12:15 मिनु मेको ठेयब बुस्‍सुमी “मेको मीश मुर कली योल्‍दल” दे आ शोव़ रे खोला खोदेंशो पा शुश ब्‍वाक्‍कु ग्रुंइताक्‍व।
REV 12:16 रागीमी चहिं मेको मीश मुर कली वारच पाप्‍तु। दोपा वारच पाप्‍तु देंशा हना, रागी आ शोव़ पाक्‍शा, मेको ठेयब बुस्‍स आ शोव़ रे ग्रूशो खोला कली दाक्‍तु।
REV 12:17 मिनु मेको ठेयब बुस्‍सुमी मीश मुर प्रोक्‍शो तशा, गाइश्‍शा, मेको मीश मुर आ चच युइ नु राम्‍शी पथ लत। आ चच युइ चहिं सु नम देंशा हना, परमप्रभु यावे आ शेंशो लोव़ टीब नु येसु कली थमा सुइश्‍शा, आ लोव़ पाइब नम।
REV 12:18 मिनु मेको ठेयब बुस्‍स समुन्‍द्र आ नेक्‍था राप्‍शा, रिम्‍शा बाक्‍त।
REV 13:1 मिनु गो समुन्‍द्र रे ७ ओटा पिया नु १० ओटा ग्रोव़ पाइश्‍शो जन्‍तु का ग्रूशो ताता। मेको आ १० ओटा ग्रोव़मी १० ओटा मुकुट गुप्‍शो बाक्‍तेक्‍म। आ पियापुकीमी चहिं परमप्रभु कली शुक्‍शी पाइब नें ब्रेक्‍शो बाक्‍तेक्‍म। दानीएल ७:३-७
REV 13:2 मिनु आं तशो जन्‍तु जोइ खोदेंशो बाक्‍त। आ खोइल चहिं वां के खोदेंशो बाक्‍त। आ शोव़ गुप्‍स आ शोव़ खोदेंशो बाक्‍त। मिनु मेको ठेयब बुस्‍सुमी आ सक्ति आ नित्‍तीके नु आ ठेयब अधिकार मेको जन्‍तु कली गेप्‍तु।
REV 13:3 मिनु मेको जन्‍तु आ ७ ओटा पिया ङा का साइक्‍चा ङा पा क्‍योरशो खोदेंशो ताता। तन्‍न आ ठेयब गार साशो बाक्‍त। मिनु रागी रागी ङा मुर नेल्‍ल मेको जन्‍तु तशा, छक लाक्‍शा, आ नोले खोइक्‍तेक्‍म।
REV 13:4 ठेयब बुस्‍सुमी मेको जन्‍तु कली आ अधिकार गेतीके मुर नेल्‍लेमी ठेयब बुस्‍स कली खुम्‍की पा सेउ पाम्‍तेक्‍म। मिनु मेको जन्‍तु कली यो खुम्‍की पा “एको जन्‍तु खोदेंशो ठेयब सु बाक्‍मे? सु एको नु जिशा ग्राने चाप्‍बा?” दे सेउ पाम्‍तेक्‍म।
REV 13:5 मिनु मेको जन्‍तु कली ठेयब लेश्‍शा, ब्‍वाक्‍चा नु परमप्रभु आ पर्बम मरिम्‍शो लोव़ पचा कली शोव़ गेशो बाक्‍त। मेको कली ४२ महिना सम्‍म सासन पचा कली अधिकार गेशो बाक्‍त। प्रकाश ११:२
REV 13:6 मेकोमी परमप्रभु यावे कली मरिम्‍शो लोव़ पाप्‍तु। मिनु मेकोमी आ नें आ पर्बम, आ बाक्‍तीके आ पर्बम नु आ बाक्‍तीकेमी बाक्‍ब आन पर्बम यो मरिम्‍शो लोव़ पाप्‍तु।
REV 13:7 मेकोमी परमप्रभु यावे आ योव़शो मुरपुकी नु लडाइ पशा, ग्राचा कली अधिकार तशो बाक्‍त। मिनु मेको कली जात नेल्‍ल, मुर नेल्‍ल, आंम आंम लोव़ पाइब नु रागी रागी ङा मुर नेल्‍ल आन कली सासन पतीके अधिकार यो गेशो बाक्‍त। प्रकाश ११:७; दानीएल ७:२१
REV 13:8 मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।
REV 13:9 सु सुमी परमप्रभु यावे आ लोव़ नेंशा, रुम्‍ने चाप्‍नीमी, मेकोमी नेन्‍मेक्‍ल।
REV 13:10 सु जेल्‍खानमी लचा योव़सीशो बाक्‍मे, मेको जेल्‍खानमी लचा माल्‍ब। तन्‍न सुमी तरवारमी साइक्‍बा, मेको तरवारमी साइक्‍चा पुंइसीब। मिनु परमप्रभु यावे आ योव़शो मुरपुकीमी श्‍येत फाल्‍शो “परमप्रभु यावेमी तुइक्‍ब” दे थमा सुइश्‍शा बाक्‍चा माल्‍नीम। उत्‍पत्ती ९:६; मत्ती २६:५२; प्रकाश १४:१२
REV 13:11 मिनु गो खप रे अर्को जन्‍तु का ग्रूशो ताता। मेको के पाठा के खोदेंशो ग्रोव़ निक्‍शी बाक्‍त। मिनु मेकोमी ठेयब बुस्‍स खोदेंशो पा लोव़ पाइबाक्‍त।
REV 13:12 ङोंइती ङा जन्‍तु नु बाक्‍शा, मेको ङोंइती ङा जन्‍तु आ अधिकार यो पाइक्‍बाक्‍त। मिनु मेकोमी रागी ङा मुर नेल्‍ल आन कली ङोंइती ङा जन्‍तु कली सेउ पपाइक्‍बाक्‍त। मेको ङोंइती ङा जन्‍तु चहिं तेको बाक्‍त देंशा हना, आ बेक्‍चा ङा गार साशो जन्‍तु बाक्‍त।
REV 13:13 मिनु मेको नोले ङा जन्‍तुमी ठेयब छक लाक्‍चा ङा गेय पाप्‍तु। मार छक लाक्‍चा ङा गेय पाप्‍तु देंशा हना, मेकोमी मुर आन ङोंइती सरीङ रे मी यिपाइक्‍तु। मत्ती २४:२४; २थिस्‍सलोनिकी २:९
REV 13:14 मेकोमी ङोंइती ङा जन्‍तु नु बाक्‍शा, आ पशो छक लाक्‍चा ङा गेयमी मुर आन कली “परमप्रभु आ सक्ति पाइश्‍शो नङ” दे जोल पा छक लाक्‍चा ङा गेय पशा, मुर आन कली पाप पपाइक्‍तु। मार पाप पपाइक्‍तु देंशा हना, मेकोमी रागी ङा मुर आन कली “गार पाइश्‍शो जन्‍तु आ मूर्ति सेल्‍चा” दे शेंताक्‍मी।
REV 13:15 मिनु मेकोमी जन्‍तु आ मूर्ति कली ब्रोंइचा सोक्‍त गेचा अधिकार यो तशो बाक्‍त। मिनु मेकोमी सोक्‍त गेवानु, मेको ब्रोंइतीक सोक्‍त पाइश्‍शो मूर्ति लोव़ पचा गोप्‍तु। मिनु मेको जन्‍तुमी मूर्ति आ ङोंइती खुम्‍की पा सेउ मपाइब मुर आन कली साइक्‍पाइक्‍तु।
REV 13:16 मिनु मेको जन्‍तुम मार अर्को गेय पाप्‍तु देंशा हना, मेकोमी ठेयब नु आइक्‍च, शोंप पाइश्‍शो नु प्रुङग, वाइलीम वाइल नु मुर नेल्‍ल आन कली कि ग्‍युरा गुइमी कि कुप्‍फीमी चिन्‍ड वोइक्‍पाइक्‍तु। प्रकाश १९:२०
REV 13:17 मिनु सु सु चिन्‍ड मपाइश्‍शो बाक्‍मा, मेकोपुकीमी मारेइ ग्‍याप्‍ने नु लेयने मचबेम। मिनु मेको चिन्‍ड कि जन्‍तु आ नें कि आ हिक्‍तीक चिन्‍ड बाक्‍त।
REV 13:18 मेको जन्‍तु आ नें आ हिक्‍तीक चिन्‍ड आ अर्थ मार बाक्‍मे, दे तुइक्‍चा कली जोक्‍ब तुइक्‍ब थुं माल्‍ब। जोक्‍ब मुरुमी जन्‍तु आ हिक्‍तीक चिन्‍ड तुइक्‍ब, मारदे हना मेको मुर आ हिक्‍तीक नु गारब। मेको हिक्‍तीक चहिं ६ सहे ६६ बाक्‍ब। प्रकाश १५:२
REV 14:1 मिनु नोले गो मेको पाठा सियोन डांडामी राप्‍शो ताता। मिनु लाख का ४४ हजार मुर पाठा नु बाक्‍तेक्‍म। मेको आन कुप्‍फीमी येसु नु आ आफ आ नें ब्रेक्‍सीशो बाक्‍त। प्रकाश ७:४; प्रकाश ३:१२
REV 14:2 मिनु गो स्‍वर्ग रे सेंदा का नेंता। मेको सेंदा दोदेंशो बाक्‍त देंशा हना, शुश ब्‍वाक्‍कु आ रेयके नु ठेयब बुंबु पशो रेयके खोदेंशो नेंता। तन्‍न शुश मुरपुकीमी ठेयब तार पाइश्‍शो ताप्‍तीके ताप्‍शो रेयके बाक्‍त। प्रकाश १:१५
REV 14:3 मिनु मेको ठेयब ताप्‍तीके ताप्‍बपुकीमी ठेयब नित्‍तीक आ ङोंइती, मेको ४ ओटा सेस जन्‍तु नु शेंब खाल्‍पा आन ङोंइती नक कुम्‍सो का पाम्‍तेक्‍म। मेको कुम्‍सो सुइमी शेंसीने मचबेम। तन्‍न मेको लाख का ४४ हजार मुरुम ला मेको कुम्‍सो शेंसीने चाप्‍तेक्‍म।
REV 14:4 मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८
REV 14:5 मिनु मेकोपुकीम काइ जोल मपशो बाक्‍तेक्‍म। मारदे हना पाप मपाइबपुकी बाक्‍तेक्‍म।
REV 14:6 मिनु स्‍वर्ग आ दातेमी गो परमप्रभु यावे आ स्‍वर्ग ङा गेय पाइब का बेरशो ताता। मेको रागीमी लीशो मुर आन कली गेना हना यो पाप रे प्रोंइब जाक्‍त, दे ग्‍येरपाइक्‍ब लोव़ शेंथ यित। मेको नेल्‍ल रागी ङा, नेल्‍ल जात ङा, नेल्‍ल लोव़ पाइब नु शुश मुर आन कली शेंथ यित।
REV 14:7 मिनु मेकोमी ठेयब सेंदामी “परमप्रभु यावेमी सरीङ, रागी, समुन्‍द्र नु ब्‍वाक्‍कु बुक्‍तीके नेल्‍ल सेल्‍तु। मोपतीके इन पोक्‍च थेक्‍शा, परमप्रभु यावे कली मान पा हिनीन। मेको कली ठेयब सेलीन। मिनु ‘गे नेल्‍ल सेल्‍ब ननी’ देंशा मान पने। मारदे हना मेको आ निसाफ पची ना दुम्‍त” देंत।
REV 14:8 मिनु परमप्रभु यावे आ स्‍वर्ग ङा गेय पाइब अर्को कामी मेको ङोंइती ङा आ नोले खोइश्‍शा, मेकोमी “बेबीलोन माइश्‍शो ठेयब सहर खतम दुम्‍त। मारदे हना मेकोमी ङोंइती नेल्‍ल रागी ङा मुर आन कली पाप पपाइक्‍तु। रागी ङा मुरपुकी बेबीलोन आ पर्बम परमप्रभु यावे आ गाइश्‍शो ताम्‍तेक्‍म” देंत। प्रकाश १८:-; यसैया २१:९; येरमीया २५:१५-१६; येरमीया ५१:७
REV 14:9 मिनु सां आन दाते ङा परमप्रभु यावे आ स्‍वर्ग ङा गेय पाइबमी अर्को निक्‍शी आस नोले खोइश्‍शा, ठेयब सेंदामी “सु सुमी मेको जन्‍तु नु आ मूर्ति कली सेउ पाइनीमी, मेको आन कुप्‍फीमी कि ग्‍युरा गुइमी चिन्‍ड वोइक्‍पाइक्‍नीमी, प्रकाश १३:१२-१७
REV 14:10 मेको आन कली तशा, परमप्रभु यावे शुश गाइक्‍ब। मिनु मेको मुरपुकीमी आ गाइश्‍शो तचा माल्‍नीम। दोपा परमप्रभु आ गाइश्‍शो तचा माल्‍नीम देंशा हना, पाप रे ङोन बाक्‍ब परमप्रभु यावे आ स्‍वर्ग ङा गेय पाइब नु पाठा आस ङोंइती मेको मुरपुकी हुरुर पा ब्रशो मी नु गन्‍धकम श्‍येत जचा माल्‍नीम। भजन संग्रह ७५:७
REV 14:11 मेको मी आ कुन गेनायो मकाप्‍ब। मेको जन्‍तु नु जन्‍तु आ मूर्ति कली सेउ पाइबपुकी नु जन्‍तु आ नें आ चिन्‍ड वोइक्‍पाइक्‍बपुकी नाक्‍दो नाक्‍ती श्‍येत जना जन बाक्‍नीम” देंत।
REV 14:12 मेना रागीमी परमप्रभु यावे आ योव़शो थमा सुइक्‍बपुकीमी श्‍येत फाल्‍चा माल्‍नीम। मारदे हना मेकोपुकीमी परमप्रभु यावे आ अरेशो लोव़ पाइनीम। मिनु येसु कली थमा सुइक्‍नीम। प्रकाश १३:१०
REV 14:13 मिनु गो स्‍वर्ग रे सेंदा का नेंता। मेकोमी “मुल रे सु सु प्रभु कली थमा सुइश्‍शा बेक्‍नीमी, मेकोपुकी ग्‍येरसमल। मेको लोव़ ब्रेक्‍तो” देंता। मिनु परमप्रभु यावे आ सोक्‍तीमी “थमा, मेको मुरपुकी ग्‍येरसीशो बाक्‍नीम। मारदे हना मेकोपुकीमी रागीमी परमप्रभु यावे आ गेय पशा नाइक्‍नीम। मिनु परमप्रभु यावेमी आन गेय तुइश्‍शा, आन तचा ङा गेब” देंत। फिलिप्‍पी १:२३; यसैया ५७:२; हिब्रू ४:३०; १तिमोथी ५:२४-२५
REV 14:14 मिनु नोले गो बुश गोस्‍स का ताता। मिनु मेको गोस्‍स तारी मुर का निश्‍शो खोदेंशो ताता। मेको आ पियामी सुन के सिरपेच गुप्‍शा ङा मिन आ गुइमी हेश्‍शो गुये का ग्‍याइश्‍शो ताता। दानीएल ७:१३; मर्कूस १३:२६
REV 14:15 मिनु गो अर्को परमप्रभु यावे आ स्‍वर्ग ङा गेय पाइब कली परमप्रभु यावे आ खिं रे ग्रूशो ताता। मिनु मेकोमी गोस्‍स तार बाक्‍ब कली ठेयब सेंदामी “रागी ङा बाली मीशो बाक्‍त। मुल रिक्‍ची ना दुम्‍त। मिनु मुल रिक्‍चा गोवो” देंत। योएल ४:१३; मत्ती १३:३९
REV 14:16 मिनु गोस्‍सुमी निप्‍बमी गुये शेशा, रागी कली मीशो बाली खोदेंशो पा रिक्‍तु।
REV 14:17 मिनु गो अर्को परमप्रभु यावे आ स्‍वर्ग ङा गेय पाइब कली परमप्रभु यावे आ खिं रे ग्रूशो ताता। मेको नु यो हेश्‍शो गुये का बाक्‍त।
REV 14:18 मिनु नोले अर्को परमप्रभु यावे आ स्‍वर्ग ङा गेय पाइब का धूप चढ़ेतीके रे ग्रूशो ताता। मेकोमी मी कली अधिकार पाइबाक्‍त। मेकोमी ठेयब सेंदामी हेश्‍शो गुये शेयब कली “रागी अङगुर रू खोदेंशो पा मीशो बाक्‍त। मोपतीके गुयेमी फल सेक्‍चा गोवो” देंशो नेंता।
REV 14:19 मिनु परमप्रभु यावे आ स्‍वर्ग ङा गेय पाइबमी आ गुयेमी रागी कली फल सेक्‍शो खोदेंशो पा सेक्‍तु। सेक्‍शा खुप्‍शा, परमप्रभु यावे आ ठेयब फल कोलमी वोइक्‍तु। मेको कोल चहिं मार बाक्‍त देंशा हना, परमप्रभु यावे आ गाइक्‍चा बाक्‍त।
REV 14:20 मिनु ख्राक्‍तीके सहर रे ङोन बाक्‍त। ख्राक्‍ग्‍मेनु, मेको कोल रे रस खोदेंशो पा हुश शांइ‍साक्‍व। मिनु मेको हुश १६ हजार स्‍तादीयोन ङोन दोक राप्‍शो शारा आ शोव़ सम्‍म लत। स्‍तादीयोन का १८५ मिटर बाक्‍ब।यसैया ६३:३
REV 15:1 मिनु गो स्‍वर्गमी अर्को ठेयब नु छक लाक्‍चा ङा चिन्‍ड ताता। मेको चिन्‍ड दोदेंशो बाक्‍त देंशा हना, ७ जना परमप्रभु यावे आ स्‍वर्ग ङा गेय पाइबपुकीमी ७ ओटा श्‍येत गेचशो बाक्‍तेक्‍म। मिनु मेको श्‍येतपुकी नोले ङा बाक्‍तेक्‍म। मारदे हना मेको आन नोले परमप्रभु आ गाइक्‍चा नुप्‍ब। प्रकाश १६:१
REV 15:2 मिनु गो सिसा नु मी ब्‍वाइश्‍शो दोम्‍ली खोदेंशो दिंम का ताता। मेको दिंममी मुरपुकीम परमप्रभु यावे आ गेशो ठेयब ताप्‍तीके शेशा, राप्‍शो तातामी। मेको मुरपुकी चहिं सु बाक्‍तेक्‍म देंशा हना, मेकोपुकीमी मेको जन्‍तु कली ग्राशो बाक्‍तेक्‍मे। दोपा ग्रातेक्‍म देंशा हना, जन्‍तु नु जन्‍तु आ मूर्ति कली सेउ मपामे नु आ नें आ हिक्‍तीके चिन्‍ड यो मवोइक्‍पाइक्‍सीशो बाक्‍तेक्‍मे। प्रकाश ४:६
REV 15:3 मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७
REV 15:4 नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१
REV 15:5 मिनु नोले गो स्‍वर्गमी परमप्रभु यावे आ खिं रोक्‍शो ताता। प्रकाश ११:१९
REV 15:6 मेकेर रे मेको ७ जना श्‍येत गेब परमप्रभु यावे आ स्‍वर्ग ङा गेय पाइबपुकी ग्रूतेक्‍म। मेकोपुकी रिम्‍शो टल्‍केशो बुश वा फेक्‍शा, सुन के पेटी किप्‍शो बाक्‍तेक्‍म।
REV 15:7 मिनु मेको ४ ओटा सेस जन्‍तु ङा कामी मेको ७ जना परमप्रभु यावे आ स्‍वर्ग ङा गेय पाइब आन कली ७ ओटा सुन के डप्‍का गेप्‍तु। मेको सुन के डप्‍का गेना हना यो ब्रोंइशा बाक्‍ब परमप्रभु यावे आ गाइक्‍चामी ब्रीशो बाक्‍तेक्‍म। प्रकाश ४:६-८; प्रकाश १४:१०
REV 15:8 मिनु परमप्रभु यावे आ खिं परमप्रभु आ छेङछेङ नु सक्ति ङा कुनमी ब्रीशो बाक्‍त। मिनु परमप्रभु यावे आ ७ जना स्‍वर्ग ङा गेय पाइबपुकीमी श्‍येत मगेमे सम्‍म सुइ परमप्रभु यावे आ खिं ओव़ने मचाप्‍बाक्‍तेक्‍म। यसैया ६:४; प्रस्‍थान ४०:३४; १राजा ८:१-११; इजीकीएल ४४:४
REV 16:1 मिनु नोले गो परमप्रभु यावे आ खिं रे ठेयब सेंदा का नेंता। मेको सेंदामी परमप्रभु यावे आ ७ जना स्‍वर्ग ङा गेय पाइब आन कली “लने। परमप्रभु आ गाइक्‍चामी ब्रीशो ७ ओटा डप्‍का रागीमी मोतीन” देंत।
REV 16:2 मिनु ङोंइती ङा परमप्रभु यावे आ स्‍वर्ग ङा गेय पाइबमी आ कुरशो डप्‍का रागी तार मोइक्‍तु। मिनु मेकोमी मोदानु, ठेयब जन्‍तु आ चिन्‍ड वोंइ‍सीब नु आ मूर्ति कली सेउ पाइबपुकी मरिम्‍शो पा खाइक्‍ब गार मुम्‍तेक्‍म। प्रस्‍थान ९:१०-११
REV 16:3 मिनु अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का समुन्‍द्र तार मोइक्‍तु। मिनु मेकोमी मोदानु, समुन्‍द्र ङा ब्‍वाक्‍कु क्‍योरशो मुर आन हुश खोदेंशो दुम्‍त। मिनु समुन्‍द्र ङा सेस जन्‍तु नु ङांइ नेल्‍ल बेक्‍तेक्‍म।
REV 16:4 मिनु लेंशा अर्को परमप्रभु यावे आ स्‍वर्ग ङा गेय पाइबमी आ डप्‍का खोला नु ब्‍वाक्‍कु बुक्‍तीके तार मोइक्‍तु। मिनु मेकोमी मोदानु, मेको ब्‍वाक्‍कु हुश दुम्‍त। प्रस्‍थान ७:१७-२१
REV 16:5 मिनु ब्‍वाक्‍कु कली कोव़ब परमप्रभु यावे आ स्‍वर्ग ङा गेय पाइबमी परमप्रभु यावे कली “इन मुर आन कली पशो निसाफ ठीक बाक्‍ब। गे मुल बाक्‍नीनी। मिनु गे ङोंइती यो बाक्‍तीनी। गे का ला परमप्रभु बाक्‍नीनी।
REV 16:6 रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।
REV 16:7 मिनु गोमी मेको धूप चढ़ेतीके रे सेंदा कामी लोव़ पशो नेंता। मेकोमी “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। मारेइ मारेइ पने चाप्‍नीनी। इन पशो निसाफ थमा नु ठीक बाक्‍नीमी” देंशो नेंता। प्रकाश ९:१३; प्रकाश ६:१०-११
REV 16:8 मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का नां तार मोइक्‍तु। मिनु मेकोमी मोदानु, नांमी मुर आन कली मीम खोदेंशो पा क्रोइक्‍चा गोप्‍तु।
REV 16:9 मोपा शुश होशेमी मुरपुकी दुप्‍शा, श्‍येत जाम्‍तेक्‍म। मिनु दुप्‍शो आ पर्बम परमप्रभु यावे आ नें कली सराप पाम्‍तेक्‍म। मारदे हना मेकोमी श्‍येत गेप्‍तु। मिनु मेको मुर आन थुं परमप्रभु यावे गे मलेत्‍तेम। परमप्रभु यावे कली मान यो मपाम।
REV 16:10 मिनु लेंशा अर्को परमप्रभु यावे आ स्‍वर्ग ङा गेय पाइबमी मेको आ कुरशो डप्‍का ठेयब जन्‍तु आ नित्‍तीकेमी मोइक्‍तु। मिनु मेकोमी मोदानु, मेको ठेयब जन्‍तु आ राज्‍यमी छिङछिङ दुम्‍त। मिनु मुरपुकीम शुश श्‍येत जाम्‍तेक्‍म।
REV 16:11 मोपतीके स्‍वर्ग ङा परमप्रभु कली सराप पाम्‍तेक्‍म। मारदे हना मेकोमी ठेयब मरिम्‍शो गार दुम्‍पाइश्‍शा, श्‍येत गेप्‍तु। तन्‍न आन मरिम्‍शो पचा मप्रोनेम।
REV 16:12 मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। यसैया ११:१५-१६
REV 16:13 मिनु गो ठेयब बुस्‍स, ठेयब जन्‍तु नु जोल पा परमप्रभु यावे आ लोव़ पाइब आन शोव़ रे क्रुक्‍क्रु खोदेंशो वोल सां ग्रूशो तातामी। प्रकाश १२:३
REV 16:14 मेकोपुकी छक लाक्‍चा ङा चिन्‍ड कोंइब सैतान आ गेय पाइब वोल बाक्‍तेक्‍म। मिनु मेकोपुकीमी परमप्रभु यावे, नेल्‍ल सक्ति पाइश्‍शो परमप्रभु आ ठेयब नाक्‍तीमी नु लडाइ पचा कली रागी रागी ङा पिप आन कली ब्रथ लाम्‍तेक्‍म। मो दुम्‍मेनु, येसुमी मुर आन कली
REV 16:15 “नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। १थिस्‍सलोनिकी ५:२
REV 16:16 मिनु मेको वोल सांमी रागी रागी ङा पिप ब्रथ लशा, जाक्‍शा, हिब्रू लोव़मी आरमागेडोन माइश्‍शो रागीमी खुम्‍साक्‍म।
REV 16:17 मिनु नोले ङा परमप्रभु यावे आ स्‍वर्ग ङा गेय पाइबमी आ कुरशो डप्‍का फशेमी मोइक्‍तु। मिनु मेकोमी मोदानु, परमप्रभु यावे आ खिं रे नु आ नित्‍तीक रे ठेयब सेंदा कामी “मुल नुप्‍त” देंशो नेंता।
REV 16:18 मिनु चिला, ठेयब रेयके, बुंबु पशा, ठेयब ख्रिनु कुत। मुरपुकी रागीमी बाक्‍मानु, मोमो ठेयब ख्रिनु गेनायो मकुशो बाक्‍माक्‍त।
REV 16:19 मिनु मेको ठेयब सहर सां दुम्‍त। रागी रागी ङा सहरपुकी ब्रेत्‍तेक्‍म। मिनु परमप्रभु यावेमी बेबीलोन ठेयब सहर कली फ्रुक्‍तु। मारदे फ्रुक्‍तु देंशा हना, मेको मुर आन पाप तशा “गो सजाइ गेनुङमी” दे गाइश्‍शा फ्रुक्‍तु। प्रकाश १४:८-१०
REV 16:20 मेना टापु नेल्‍ल ब्‍वाक्‍कुमी सुम्‍साक्‍म, डांडापुकी ब्रेश्‍शा, दिंम दुम्‍तेक्‍म। प्रकाश ६:१४
REV 16:21 मिनु मुर आन बाक्‍तीकेमी शुश मुप्‍स यित। मेको मुप्‍स टलेन्‍ट का सम्‍म हेल्‍शो बाक्‍तेक्‍म। मिनु मेको मुप्‍स मुर तार दोक्‍मेनु, मुरपुकी मेको मुप्‍स तशा, परमप्रभु यावे कली सराप पाम्‍तेक्‍म। मारदे हना मेको मुप्‍सीम रागीमी बाक्‍ब मुर आन कली शुश हिंचा ङा श्‍येत गेप्‍तु। टलेन्‍ट ३५ किलो कोदेंशो बाक्‍ब।प्रस्‍थान ९:२३
REV 17:1 नोले गो परमप्रभु यावे आ स्‍वर्ग ङा गेय पाइब का ताता। मेको सु बाक्‍त देंशा हना, मेको ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मिनु मेकोमी “एके पिवो, गो इ कली ब्‍वाक्‍कु तार बाक्‍ब ठेयब तेल्‍लेम कली गेशो सजाइ कोंइनन। प्रकाश १५:१
REV 17:2 रागी रागी ङा पिपपुकीमी मेको नु तेल्‍लेम पाम्‍तेक्‍म। मिनु मेको आन तेल्‍लेम पशो तशा, रागी रागी ङा मुरपुकीमी यो मोदेंशो पाम्‍तेक्‍म” दे आं कली देंत।
REV 17:3 मिनु मेकोमी आं कली परमप्रभु यावे आ सोक्‍तीमी बाक्‍शा, मुर मबाक्‍तीकेमी लाइक्‍ती। मिनु गो मीश मुर का लल जन्‍तु तारी निश्‍शो ताता। मेको जन्‍तु दोदेंशो तांइसाक्‍व देंशा हना, आ रां नेल्‍ल परमप्रभु यावे कली मरिम्‍शो लोव़ ब्रेक्‍शा वोइश्‍शो बाक्‍त। मेको ७ ओटा पिया नु १० ओटा ग्रोव़ पाइश्‍शो बाक्‍त।
REV 17:4 मिनु मेको मीश मुर दोदेंशो तांइसाक्‍व देंशा हना, पिप आन फेक्‍शो खोदेंशो वा नु लल वा फेक्‍शो बाक्‍त। सुन, हीरा नु मोती पांइशो बाक्‍त। मेकोमी सुन के कचौरा कुरशो बाक्‍त। मेको कचौरा आ तेल्‍लेम पतीके, ग्रांग्रा दिचा ङा नु मरिम्‍शो गेयमी ब्रीशो बाक्‍त। येरमीया ५१:७
REV 17:5 मिनु मेको आ कुप्‍फीमी ख्रुइश्‍शो लोव़मी आ नें ब्रेक्‍शो बाक्‍त। मार ब्रेक्‍शो बाक्‍त देंशा हना “बेबीलोन ठेयब सहर, तेल्‍लेमपुकी नु नेल्‍ल रागी रागी ङा ग्रांग्रा दिचा ङा आन ममा” दे ब्रेक्‍शो बाक्‍त।
REV 17:6 मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४
REV 17:7 परमप्रभु यावे आ स्‍वर्ग ङा गेय पाइबमी चहिं आं कली “गे मारदे छक लाक्‍ङे? मेको मीश मुर नु मेको आ ङोइश्‍शो ७ ओटा पिया नु १० ओटा ग्रोव़ पाइश्‍शो जन्‍तु आस ख्रुइश्‍शो लोव़ गो इ कली शेंनुङ।
REV 17:8 इ तशो जन्‍तु ङोंइती बाक्‍त, मुल चहिं मबा। तन्‍न नोले पुं मपाइश्‍शो ढोडोङगा रे कुशा खतम दुम्‍ब। रागी सेल्‍चा रे ङा ब्रोंइतीक किताबमी आन नें मब्रेक्‍शो मुरपुकी चहिं मेको जन्‍तु तशा छक लाक्‍नीम। मारदे हना मेको जन्‍तु ङोंइती बाक्‍त, मुल मबा, नोले जाक्‍ब।
REV 17:9 रुप्‍ब मुर आन कली एको तुइक्‍तीके लोव़ बाक्‍ब। मेको ७ ओटा पिया ७ ओटा डांडा नम। मेको मीश मुर मेको डांडा तार निप्‍ब। प्रकाश १३:१८
REV 17:10 मिनु मेको ७ ओटा डांडापुकी ७ ओटा पिप यो नम। मेको रे ५ ओटा बेक्‍शा लाक्‍तेक्‍म। मिनु कामी सासन पना पन बाक्‍ब। अर्को लीशो का चहिं मुल सम्‍म मजाक्‍शो बाक्‍त। मिनु नोले जाक्‍शा ङा मिन, छिन का ला सासन पाइब।
REV 17:11 मिनु मेको ङोंइती बाक्‍शो नु मुल मबाक्‍शो जन्‍तु चहिं मेको अर्को ७ ओटा पिप आन नोले जाक्‍शो बाक्‍ब। मिनु नोले जाक्‍शो यो, मेको ७ ओटा रे जाक्‍ब। मिनु मेको नरक लाइब।
REV 17:12 मिनु मेको इ तशो १० ओटा ग्रोव़ चहिं मुल सम्‍म सासन पचा मतशो १० जना पिप नम। मिनु मेको आन कली नु ठेयब जन्‍तु कली घन्‍टा का पिप आन अधिकार गेशो बाक्‍ब। प्रकाश १३:१
REV 17:13 मेको १० जना पिप थुं का दुम्‍शा, आन सक्ति नु अधिकार ठेयब जन्‍तु कली गेनीम।
REV 17:14 मोदेंशो दुम्‍मेनु, मेकोपुकी पाठा नु लडाइ पाइनीम। मिनु लडाइमी पाठा ग्राब। मारदे पाठा ग्राब देंशा हना, मेको पाठा प्रभु आन प्रभु नु पिप आन पिप बाक्‍ब। मिनु मेको नु बाक्‍शोपुकी आ ब्रेश्‍शो नु योव़शो मुरपुकी बाक्‍नीमी। मेको नु बाक्‍बपुकी आ ब्रेश्‍शो नु योव़शो दीगो पाइब यो बाक्‍नीमी” दे आं कली देंत। प्रकाश १९:१६; प्रकाश १९:१४
REV 17:15 मिनु मेको परमप्रभु यावे आ स्‍वर्ग ङा गेय पाइबमी लेंशा “तेल्‍लेम आ नेक्‍था ङा शुश ब्‍वाक्‍कु, मार बाक्‍ब देंशा हना, मेको मुरपुकी नम। मिनु मेको शुश मुर आन हुल, रागी रागी ङा मुर नु शुश लोव़ ब्‍वाक्‍ब मुर बाक्‍नीम। यसैया ८:७; येरमीया ४७:२
REV 17:16 मेको इ तशो १० ओटा ग्रोव़ नु मेको ठेयब जन्‍तु मेको तेल्‍लेम आ जोरी सत्रु दुम्‍नीम। मेको कली श्‍येत गेशा, आ फेक्‍शो वा प्रुइक्‍नीम। मिनु आ श्‍ये ब्‍वाइनीम। मिनु आ लीशो नेल्‍ले मीम चोइनीम।
REV 17:17 मारदे मोदेंशो पाइनीम देंशा हना, परमप्रभु यावेमी आ देंशो थमा दुम्‍पाइक्‍चा कली मेको आन थुं का दुम्‍पाइक्‍तीमी। मिनु मोपा मेको १० जना पिपमी राज्‍य नु सक्ति ठेयब जन्‍तु कली गेनीम। परमप्रभु यावे आ लोव़ खाप्‍चा कली मोदेंशो दुम्‍ब।
REV 17:18 मिनु इ तशो मीश मुर चहिं ठेयब सहर बाक्‍ब। मेको रागी रागी ङा पिप आन कली सासन पाइब बाक्‍ब” दे शेंताक्‍यी। प्रकाश १८:१०
REV 18:1 मिनु नोले गो शुश अधिकार पाइश्‍शो परमप्रभु यावे आ स्‍वर्ग ङा गेय पाइब का सरीङ रे यिशो ताता। मेको आ टल्‍केशोमी रागी नेल्‍ल छेङछेङ दुम्‍त। इजीकीएल ४३:२
REV 18:2 मिनु मेकोमी ठेयब सेंदामी “मेको ठेयब बेबीलोन सहर ब्रेश्‍शा नुप्‍त। मेको ब्रेश्‍शो सहर वोल आन बाक्‍तीके जेल्‍खान दुम्‍त। मेको ग्रांग्रा दिचा ङा चिक्‍ब आन जेल्‍खान दुम्‍त। प्रकाश १४:८; येरमीया १५:३९
REV 18:3 मारदे मेको सहर मोदेंशो दुम्‍त देंशा हना, रागी रागी ङा मुर नेल्‍लेमी आ ग्रांग्रा दिचा ङा गेय शेंसीशा मोदेंशो पाम्‍तेक्‍म। मिनु रागी रागी ङा पिपपुकीमी यो मोदेंशो पाम्‍तेक्‍म। मिनु रागी रागी ङा ग्‍याप्‍ब लेयबपुकी मेको सहर ङा शुश थोव़क रे शोंप पाइश्‍शो दुम्‍तेक्‍म” देंत। यसैया ५१:७; नाहुम ३:४
REV 18:4 मिनु नोले स्‍वर्ग रे अर्को सेंदा का नेंता। मेको सेंदामी “आं मुरपुकी, मेको सहर रे ग्रूशा पिने। मेकेर रे मग्रूतीनी हना, गे मेकोपुकी खोदेंशो मरिम्‍शो पाइनीनी। मोपा मरिम्‍शो पाइतीनी हना, मेको खोदेंशो पा सजाइ ताइनीनी। यसैया ४८:२०; येरमीया ५०:८; येरमीया ५१:६,४५; २कोरिन्‍थी ६:१७
REV 18:5 मेको आन मरिम्‍शो पशो देल्‍शा, सरीङ सम्‍म जाक्‍शो बाक्‍त। मिनु परमप्रभुमी मेको आन मरिम्‍शो पशो मिम्‍‍शो बाक्‍त। उत्‍पत्ती १८:२०-२१; येरमीया ५१:९
REV 18:6 मिनु गे इन कली गेशो श्‍येत मेको कली लेत्‍तीन। श्‍येत का ला ममाइ, निक्‍शी खेयप श्‍येत गेने। इन कली गेशो श्‍येत निक्‍शी खेयप गेचा ठीक दुम्‍ब। भजन संग्रह १३७:८; येरमीया ५०:१५,२९; २थिस्‍सलोनिकी १:६
REV 18:7 मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। यसैया ४७:७-९
REV 18:8 मोपा मोमो ठेयब लेश्‍शो लोव़ पतीके, काबु मेको कली श्‍येत दुम्‍ब। मेको कली मार श्‍येत दुम्‍ब देंशा हना, मेको सहरमी मुर साइक्‍ब रोइ जाक्‍ब, मिनु रोंका पाइनीम, अन्‍काल यो दुम्‍ब। मिनु मेको सहर मीम दुप्‍शा पुलु दुम्‍ब। मेको श्‍येत नेल्‍ल मारदे दुम्‍ब देंशा हना, मेको आन कली निसाफ पाइब परमप्रभु यावे सक्ति पाइश्‍शो बाक्‍ब” देंशो नेंता।
REV 18:9 मिनु रागी रागी ङा पिपपुकी मेको नु तेल्‍लेम पाम्‍तेक्‍म। मेको आ शोंप यो दाक्‍शो बाक्‍तेक्‍म। मोपतीके मेकोपुकी ग्रोइश्‍‍शो सहर कली तशा, रोंका पा ङाक्‍नीम।
REV 18:10 मिनु मेको आ श्‍येत तशा हिंशा, ङोन रे कोव़बपुकीमी “आबी, आबी, मेको ठेयब बेबीलोन माइश्‍शो सहर गिश दारशो सेल्‍शो बाक्‍त। मुल चहिं घन्‍टा कामी इ निसाफ दुम्‍त” देंनीम। येरमीया ५१:८
REV 18:11 मिनु रागी रागी ङा ग्‍याप्‍ब लेयबपुकी मेको सहर तशा, ङाक्‍शा रोंका पाइनीम। मारदे ङाक्‍शा रोंका पाइनीम देंशा हना, मेको आन लेयचा ङा थोव़क सुइमी मग्‍याप्‍नीम।
REV 18:12 आन लेयचा ङा थोव़क मार बाक्‍त देंशा हना, सुन, चांदी, हीरा, मोती, शुश क्‍येट लाइब सुती वा, प्‍याजी रङ ङा वा, रेसम वा, लल वा, ब्रोव़शो रिना पाइश्‍शो शी, हात्ती आन ख्रुइ शुश क्‍येट लाइब शी, कांसा, फलाम नु दारशो फुल्‍लु रे सेल्‍शो थोव़कपुकी बाक्‍तेक्‍म।
REV 18:13 मिनु सिन्‍कौली, चां ख्रेक्‍तीक तेल, मस्‍ला, ब्रोव़शो रिना पाइब तेल, धूप, अङगुर शांबु, जचा तेल, थम रिम्‍शो फस, चेरब, बी ब्‍यफ, भेडा, शारा, बग्‍गी नु वाइलीम वाइल मेको मुर आन लेयतीक थोव़कपुकी बाक्‍तेक्‍म।
REV 18:14 मिनु मेको ग्‍याप्‍ब लेयबपुकीमी मेको सहर कली “इन दाक्‍शो ब्रोव़शो फल फुल जाम्‍तेक्‍म। इन ग्‍योम्‍सीचा, इन शोंप पाइश्‍शो दुम्‍चा नेल्‍ल गेनायो मथित्‍‍चा ङा पा जाम्‍शा लाम्‍तेक्‍म” देंतेक्‍म।
REV 18:15 मिनु मेको सहर रे शोंप पाइश्‍शो ग्‍याप्‍ब लेयबपुकी सहर रे ङोन बाक्‍शा, मेको सहर कली गेशो सजाइ तशा हिंतेक्‍म। मिनु मेकोपुकीमी ङाक्‍शा रोंका पशा,
REV 18:16 “आबी आबी, मेको ठेयब सहर, मेको सहर ङा मुरपुकी शुश क्‍येट लाइब सुती वा, प्‍याजी नु लल रङ ङा वा फेक्‍शो बाक्‍तेक्‍म। मिनु मेकोपुकीम शुश सुन, हीरा नु मोती पांइशो बाक्‍तेक्‍म। प्रकाश १७:४
REV 18:17 तन्‍न मुल घन्‍टा कामी मेको सहर ङा शोंपपुकी खतम दुम्‍तेक्‍म” देंतेक्‍म। मिनु डोंगा चलेबपुकी, डोंगामी गेय पाइबपुकी नु डोंगामी ङोइश्‍शा ग्‍याप्‍ब लेयब मुर नेल्‍ल सहर रे ङोन राप्‍शा, इजीकीएल २७:२७-३६
REV 18:18 सहर दुप्‍शो कुन तशा “मेरे सहर खोदेंब ठेयब अर्को मबा” दे ग्रीतेक्‍म।
REV 18:19 मिनु मेकोपुकी सुर्ता पशा, रोंका पा ङाक्‍तेक्‍म। मेकोपुकीमी “आबी आबी, मेरे ठेयब सहर। मेरे सहर ङा डोंगा आन होव़पपुकी मेरे सहरमी मार मार लेयशा, शोंप पाइश्‍शो दुम्‍शो बाक्‍तेक्‍म। तन्‍न घन्‍टा कामी मेरे सहर जाम्‍शा लत।
REV 18:20 मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८
REV 18:21 मिनु बोल्‍यो परमप्रभु यावे आ स्‍वर्ग ङा गेय पाइबमी ठेयब यात खोदेंशो फुल्‍लु का क्‍युक्‍तु। मिनु मेको फुल्‍लु कली समुन्‍द्रमी ताइक्‍ताक्‍व। मेको परमप्रभु यावे आ स्‍वर्ग ङा गेय पाइबमी “मेको फुल्‍लु खोदेंशो पा ठेयब बेबीलोन सहर ताइक्‍चा पुंइसीब। मोपतीके मेको सहर गेनायो मथिंसीब। येरमीया ५१:६३-६४
REV 18:22 मिनु मेको ठेयब सहर दोपा नुप्‍ब देंशा हना, ठेयब ताप्‍तीके ताप्‍शो, कुम्‍सो पशो मुराली ताप्‍शो नु तुराही ताप्‍शो मेकेर लेंशा मनेंसीब। मिनु मार मार सेल्‍ब सीप पाइश्‍शो मुरपुकी मेकेर लेंशा मथिंसीब। यात हिल्‍शो आ रेयके मेकेर का यो लेंशा मनेंसीब। यसैया २४:८; इजीकीएल २६:१३
REV 18:23 मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। येरमीया २५:१०; यसैया २३:८
REV 18:24 मिनु मेको सहर ङा मुरपुकीमी परमप्रभु यावे आ लोव़ पाइबपुकी नु परमप्रभु यावे आ योव़शो मुर आन कली साइश्‍शो बाक्‍तेक्‍म। नेल्‍ल रागी ङा सु सु मुर साइश्‍शो बाक्‍मा, मेको सहरमी साइश्‍शो बाक्‍तेक्‍मे” दे परमप्रभु यावे आ स्‍वर्ग ङा गेय पाइबमी देंत। प्रकाश ६:१०; प्रकाश १७:६
REV 19:1 मिनु नोले गो स्‍वर्गमी शुश मुरपुकीम कुम्‍सो पशो ठेयब रेयके खोदेंशो नेंता। मिनु मेकोपुकीमी “हाल्‍लेलया, आंइ परमप्रभु ला मुर आन कली पाप रे प्रोंइब बाक्‍ब। छेङछेङ नु सक्ति नेल्‍ल आंइ परमप्रभु यावे केन बाक्‍ब।
REV 19:2 मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३
REV 19:3 मिनु मेको स्‍वर्गमी बाक्‍बपुकीमी लेंशा “हाल्‍लेलया, मेको सहर दुप्‍शो आ कुन गेनायो मनुप्‍थु कुइब” देंतेक्‍म।
REV 19:4 मिनु मेको २४ जना शेंब खाल्‍पा नु ४ ओटा सेस जन्‍तुपुकीमी आ ठेयब नित्‍तीकेमी निश्‍शो परमप्रभु यावे कली खुम्‍की पा बाप्‍शा सेउ पाम्‍तेक्‍म। मिनु मेकोपुकीमी “आमेन, हाल्‍लेलया” देंतेक्‍म। प्रकाश ४:४; प्रकाश ५:३१; प्रकाश ४:६; भजन संग्रह १०६:४८
REV 19:5 मिनु परमप्रभु यावे आ नित्‍तीक रे सेंदा का ग्रूशो नेंता। मेको सेंदामी “परमप्रभु यावे आ वाइलीम वाइल, परमप्रभु यावे कली मान पा हिंब आइक्‍च नु ठेयब मुर नेल्‍लेमी ‘आंइ परमप्रभु यावे नेल्‍ल क्‍येङा ठेयब बाक्‍ब’ देनीन” देंशो नेंता।
REV 19:6 मिनु नोले गो शुश मुर आन सेंदा ठेयब खोला आ रेयके नु ठेयब बुंबु आ रेयके खोदेंशो पा नेंता। मिनु मेको सेंदामी “हाल्‍लेलया, प्रभु, नेल्‍ल सक्ति पाइश्‍शो आंइ परमप्रभु यावे नेल्‍ल सासन पाइब बाक्‍ब।
REV 19:7 गो नेल्‍ल ग्‍येरसय। गो नेल्‍लेमी ‘इन सक्ति नेल्‍ल क्‍येङा ठेयब बाक्‍ब’ देंय। गो नेल्‍लेमी परमप्रभु यावे कली मान पय। मारदे हना पाठा आ ग्‍युंबे दुम्‍चशो बाक्‍त। मिनु आ ग्‍युम्‍लीम आंम कली ग्‍योम्‍सीशा, ठीक दुम्‍शो बाक्‍त। प्रकाश २१:९
REV 19:8 मेको ग्‍युम्‍ली कली सुती के रिम्‍शो बुश टल्‍केशो वा फेक्‍चा कली गेशो बाक्‍त” देंशो नेंता। मिनु मेको सुती के रिम्‍शो वा मार बाक्‍ब देंशा हना, परमप्रभु यावे आ योव़शो आन ठीक पतीके बाक्‍ब। यसैया ६१:१०
REV 19:9 मेको परमप्रभु यावे आ स्‍वर्ग ङा गेय पाइबमी आं कली “एको लोव़ ब्रेक्‍तो। पाठा आ ग्‍युंबे जचा कली ब्रेत्‍चा पुंइसीबपुकी ग्‍येरसीशो मुरपुकी बाक्‍नीम” दे माइक्‍ती। मिनु मेकोमी लेंशा आं कली “मेको थमा पा परमप्रभु आ लोव़ बाक्‍ब” दे माइक्‍ती। लूका १४:१५
REV 19:10 मिनु नोले गो मेको परमप्रभु यावे आ स्‍वर्ग ङा गेय पाइब कली सेउ पचा कली आ खोइलीमी बाप्‍ती। मेकोमी चहिं आं कली “मपावो। गो गे नु इ लोक्‍बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्‍पाइश्‍शो लोव़ ला पाइनीम” दे माइक्‍ती। प्रकाश २२:८-९
REV 19:11 मिनु नोले गो स्‍वर्ग रोक्‍सीशा, बुश शारा का ताता। मेको शारा तार ङोइक्‍ब का बाक्‍त। मेको शारा ङोइक्‍ब सु बाक्‍त देंशा हना, दीगो नु थमा पाइब माइश्‍शो बाक्‍त। मेको घूस मताक्‍थु ठीक पा निसाफ पाइब बाक्‍त। लडाइ पाइब यो बाक्‍त। मत्ती २४:३०; प्रकाश ३:३४; यसैया ११:४-५
REV 19:12 मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। प्रकाश १:३४; प्रकाश ३:१२
REV 19:13 मिनु मेकोमी हुशेमी ख्रुम्‍शो वा फेक्‍शो बाक्‍त। आ नें परमप्रभु यावे आ लोव़ माइश्‍शो बाक्‍त। यसैया ६३:१-३; यूहन्‍ना १:१
REV 19:14 मिनु स्‍वर्ग ङा फौजपुकी बुश शारा ङोइश्‍शा, मेको आ नोले खोइश्‍शो बाक्‍तेक्‍म। मेको शारा ङोइक्‍बपुकी रिम्‍शो बुश सुती के वा फेक्‍शो बाक्‍तेक्‍म। प्रकाश १७:३४
REV 19:15 मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०
REV 19:16 मिनु मेको ङोंइती ङा शारा ङोइक्‍ब आ वा नु आ फिलामी नें का ब्रेक्‍शो बाक्‍त। मार नें ब्रेक्‍शो बाक्‍त देंशा हना, पिप आन पिप नु प्रभु आन प्रभु, दे ब्रेक्‍शो बाक्‍त। प्रकाश १:५; १तिमोथी ६:१५
REV 19:17 मिनु नोले गो परमप्रभु यावे आ स्‍वर्ग ङा गेय पाइब का नांमी राप्‍शो ताता। मेकोमी शुश ग्‍येत्‍थ सरीङमी बेरब चिक्‍ब आन कली ठेयब सेंदामी “परमप्रभु यावे आ गेशो ब्‍वचा कली खुम्‍सीशा यिने। इजीकीएल ३९:४,१७-२०
REV 19:18 मार ब्‍वचा कली यिने देंशा हना, पिपी, कप्‍तान, बोल्‍यो मुर, शारा, शारा ङोइक्‍ब, वाइलीम वाइल, आइक्‍च नु ठेयब मुर नेल्‍ल आन श्‍ये ब्‍वचा कली यिने” दे ग्रीशा माइक्‍तीमी।
REV 19:19 मिनु गो ठेयब जन्‍तु नु रागी ङा पिप आन फौजपुकी मेको ङोंइती ङा बुश शारा ङोइक्‍ब नु आ फौजपुकी नु लडाइ पचा कली खुम्‍सीशो ताता। प्रकाश १६:१४,१६
REV 19:20 मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। प्रकाश १३:११-१७; २थिस्‍सलोनिकी २:८
REV 19:21 मिनु लीशो मेको आस फौजपुकी चहिं मेको बुश शारा ङोइक्‍ब आ शोव़ रे ग्रूशो तरवारमी साइक्‍चा पुंइसाक्‍म। मिनु चिक्‍बपुकी मेको नेल्‍ल आन श्‍ये ब्‍वशा रूतेक्‍म।
REV 20:1 मिनु नोले गो परमप्रभु यावे आ स्‍वर्ग ङा गेय पाइब स्‍वर्ग रे पुं मपाइश्‍शो ढोडोङगा ङा सांचो नु ठेयब साङलो शेशा, यिशो ताता। प्रकाश ९:१
REV 20:2 मिनु मेकोमी ठेयब बुस्‍स कली ग्‍याइश्‍शा पाइक्‍ताक्‍व। मेको ठेयब बुस्‍स आ नें मार बाक्‍त देंशा हना, साइ ङोंइती ङा बुस्‍स, दियाबलस नु सैतान मेको आ नें बाक्‍त। मिनु मेको परमप्रभु यावे आ स्‍वर्ग ङा गेय पाइबमी मेको कली हजार का बर्स सम्‍म पाइक्‍ताक्‍व। दियाबलस आ देंशो “मुर आन कली खाल्‍ब” बाक्‍ब।प्रकाश १२:९
REV 20:3 मिनु रागी रागी ङा मुर आन कली मरिम्‍शो लां मकोंइदल, दे मेको कली पुं मपाइश्‍शो ढोडोङगामी तोक्‍तु। मिनु परमप्रभु यावे आ स्‍वर्ग ङा गेय पाइबमी मेको एफिसस ढोडोङगा चोक्‍शा, सांचो पाइश्‍शा, छाप थोक्‍ताक्‍व। मोपा मेको ठेयब बुस्‍स कली हजार का बर्स सम्‍म चोक्‍तु। मिनु हजार का बर्स नोले मेको छिन का कली प्रोंइचा पुंइसीब।
REV 20:4 मिनु नोले गो नित्‍तीकपुकी ताता। मेको नित्‍तीकपुकीमी मुर निश्‍शो बाक्‍तेक्‍म। परमप्रभु यावेमी मेको आन कली निसाफ पचा गेप्‍तु। मिनु नोले गो येसु कली थमा सुइश्‍शा, आ लोव़ नु परमप्रभु यावे आ लोव़ पतीके आन पिया ख्रोइक्‍चा पुंइसीब आन कली तातामी। मेकोपुकीमी ठेयब जन्‍तु नु मेको आ मूर्ति कली पूजा मपामे बाक्‍त। मिनु मेको ठेयब जन्‍तु आ छाप आन कुप्‍फीम नु आन गुइमी यो वोइक्‍चा मबिस्‍समा बाक्‍त। मिनु मेको लेंशा ब्रोंइशा, ख्रीस्‍त नु हजार का बर्स सम्‍म सासन पाम्‍तेक्‍म। प्रकाश ३:२१; मत्ती १९:२८; १कोरिन्‍थी ६:२
REV 20:5 मिनु अर्को लीशो मुरपुकी चहिं हजार का बर्स नोले ला सेंसीनीम। मेको ङोंइती ङा सेंसीतीके बाक्‍ब। १थिस्‍सलोनिकी ४:१६
REV 20:6 मिनु सु सु ङोंइती बेक्‍शो रे सेंसीनीमी, मेको ग्‍येरशो नु परमप्रभु यावे आ योव़शो मुरपुकी बाक्‍नीम। मेको लेंशा मबेक्‍नीम। मेकोपुकीमी लेंशा बेक्‍चा मताइनीम। परमप्रभु यावे नु ख्रीस्‍त आस ङोंइती बाक्‍नीमी। मिनु हजार का बर्स सम्‍म ख्रीस्‍त नु सासन पाइनीम।
REV 20:7 मिनु मेको हजार का बर्स नोले सैतान पुं मपाइश्‍शो ढोडोङगा रे प्रोंइचा पुंइसाक्‍व।
REV 20:8 मोपा ग्रूशा, रागी नेल्‍ल ङा मुर आन कली परमप्रभु यावे कली मटिथु, हेंथे गाक्‍पाइक्‍तु। हेंथे गाक्‍बपुकी चहिं गोग नु मागोग माइश्‍शो ङा मुरपुकी देंनीम। मिनु सैतानमी हिक्‍ने मचाप्‍चा ङा मुर आन कली लडाइ पचा कली खुप्‍ताक्‍व। इजीकीएल ३८:२
REV 20:9 मिनु सैतान आ फौजपुकी रागी नेल्‍ल साप्‍शा, लडाइ पथ जाक्‍तेक्‍म। मेकोपुकीमी येसु ख्रीस्‍त कली थमा सुइक्‍ब, परमप्रभु यावे आ योव़शो आन बाक्‍तीके नु परमप्रभु यावे आ दाक्‍शो सहर कली पुम्‍ताक्‍म। तन्‍न स्‍वर्ग रे मी दोक्‍शा, मेको पुम्‍ब नेल्‍ल आन कली नेक्‍तीमी।
REV 20:10 मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। प्रकाश १९:२०
REV 20:11 मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२
REV 20:12 गो ठेयब बुश नित्‍तीके आ ङोंइती ठेयब नु आइक्‍च बेक्‍शो मुरपुकी राप्‍शो तातामी। किताबपुकी प्राक्‍शो बाक्‍तेक्‍म। मिनु गो अर्को किताब का यो प्राक्‍शो ताता। मेको ब्रोंइतीक किताब बाक्‍त। मिनु मेको ठेयब बुश नित्‍तीके आ ङोंइती राप्‍शो बेक्‍शो मुर आन निसाफ पचा पुंइसीनीम। दोपा निसाफ पचा पुंइसीनीम देंशा हना, मेकोपुकीमी रागीमी बाक्‍मानु, मार मार पामे, मेको किताबमी ब्रेक्‍शो पढेशा, निसाफ पचा पुंइसीनीम। यूहन्‍ना ५:२८-२९; दानीएल ७:१०
REV 20:13 मेको ठेयब बुश नित्‍तीके आ ङोंइती राप्‍शो बेक्‍शो मुरपुकी ते रे जाक्‍तेक्‍म देंशा हना, समुन्‍द्रमी बेक्‍शो मुरपुकी समुन्‍द्र रे जाक्‍तेक्‍म। बेक्‍पाइक्‍ब आ बेक्‍पाइश्‍शो नु बेक्‍शो आन बाक्‍तीके रे जाक्‍तेक्‍म। मिनु मेको नेल्‍ल रागीमी बाक्‍मानु, मार मार पामे, मेको निसाफ पचा पुंइसाक्‍म।
REV 20:14 बेक्‍पाइक्‍ब नु बेक्‍शो आन बाक्‍तीके हुरुर पा ब्रशो मी ब्रतीकेमी हुम्‍चा पुंइसाक्‍स। मेको हुरुर पा ब्रशो मीमी हुम्‍सीशो मार बाक्‍त देंशा हना, मेको निक्‍शी खेयप बेक्‍चा ङा मेको नोले ङा बेक्‍चा बाक्‍त। १कोरिन्‍थी १५:२६,५५
REV 20:15 सु सु आन नें ब्रोंइतीक किताबमी मब्रेक्‍शो बाक्‍मे, मेको हुरुर पा ब्रशो मीमी हुम्‍चा पुंइसाक्‍म।
REV 21:1 नोले गो नक सरीङ नु नक रागी ताता। ङोंइती ङा सरीङ, ङोंइती ङा रागी नु समुन्‍द्र जाम्‍तेक्‍म। यसैया ६५:१७; २पत्रुस ३:१३
REV 21:2 परमप्रभु यावे आ सहर नक यरूसलेम माइश्‍शो परमप्रभु यावे आ बाक्‍तीके रे यिना यिन पाइश्‍शो ताता। मेको सहर ग्‍युम्‍ले कली ग्रुम्‍चशो ग्‍युम्‍ली खोदेंशो दुम्‍शा, ग्‍योम्‍सीशा यिशो बाक्‍त। गलाती ४:२६; हिब्रू १२:२२; प्रकाश १९:७-८
REV 21:3 मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३
REV 21:4 परमप्रभु यावेमी मेको मुर आन कली लेम्‍शा, आन प्रेक्‍कु फिक्‍ब। मुल रे मुरपुकी मबेक्‍नीम। मोपतीके रोंका मपाइनीमी, मङाक्‍नीमी, श्‍येत यो मजाइनीम। मारदे हना ङोंइती मार मार बाक्‍मा, मेको नेल्‍ल नुप्‍तेक्‍म” दे ठेयब सेंदामी देंशो नेंता। प्रकाश ७:१७; यसैया २५:८; यसैया ३५:१०; यसैया ६५:३९
REV 21:5 मेको ठेयब नित्‍तीकेमी निप्‍बमी “नेनीन, गो नेल्‍ल नक सेल्‍नुङमी” देंत। मिनु नोले मेकोमी आं कली “मेको लोव़ ठीक नु थमा बाक्‍ब। मोपतीके ब्रेक्‍तो” देंत।
REV 21:6 मिनु मेकोमी लेंशा आं कली “गो आल्‍फा नु ओमेगा नङ। नेल्‍ल क्‍येङा ङोंइती नु नेल्‍ल क्‍येङा नोले ङा गो नङ। सु सुमी तूतू दाक्‍नीमी, मेको आन कली ब्रोंइचा गेब ब्‍वाक्‍कु बुक्‍तीक रे मोशा तूचा गेनुङ। प्रकाश १:८; प्रकाश २२:१३
REV 21:7 सु सुमी सैतान कली ग्रानीमी, मेकोम आं देंशो नेल्‍ल ताइनीम। मिनु गो मेको ग्राब आन परमप्रभु यावे दुम्‍नुङ। मेकोपुकी चहिं आं तमी तौ दुम्‍नीम।
REV 21:8 तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।
REV 21:9 मिनु नोले गो परमप्रभु यावे आ स्‍वर्ग ङा गेय पाइब का जाक्‍शो ताता। मेको सु बाक्‍त देंशा हना, ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मेकोमी आं कली “एके पिवो, गो इ कली ग्‍युम्‍ली कोंइनुङ। मेको ग्‍युम्‍ली पाठा आ मीश बाक्‍ब” दे माइक्‍ती।
REV 21:10 मेकोमी आं कली परमप्रभु यावे आ सोक्‍तीमी बाक्‍शा, ठेयब डांडा तार लाइक्‍ती। मिनु मेकेर आं कली परमप्रभु यावे आ बाक्‍तीके रे यिना यिन पाइश्‍शो परमप्रभु यावे आ योव़शो यरूसलेम माइश्‍शो सहर कोंइताक्‍यी।
REV 21:11 मिनु मेको सहर दोदेंशो तांइसाक्‍व देंशा हना, परमप्रभु यावे आ छेङछेङ नु सक्ति पाइश्‍शो बाक्‍त। मिनु परमप्रभु यावे आ छेङछेङ नेल्‍ल क्‍येङा रिम्‍शो टल्‍केशो बुश यास्‍पेर माइश्‍शो हीरा खोदेंशो तांइसाक्‍व।
REV 21:12 मिनु मेको सहर दोपा सेल्‍शो बाक्‍त देंशा हना, मेको सहर आ एर ओंथ ठेयब गारो प्रोव़शो बाक्‍त। मिनु मेको गारोमी १२ ओटा ठेयब लाप्‍चोपुकी बाक्‍तेक्‍म। मिनु १२ जना परमप्रभु यावे आ स्‍वर्ग ङा गेय पाइबपुकी मेको लाप्‍चो का कामी बाक्‍शो बाक्‍तेक्‍म। इस्राएल आ १२ जना तौ आन नें नु थर मेको लाप्‍चो का कामी ब्रेक्‍शो बाक्‍तेक्‍म।
REV 21:13 मिनु मेको लाप्‍चोपुकी ते ते बाक्‍तेक्‍म देंशा हना, पूर्बम लाप्‍चो सां बाक्‍तेक्‍म। उत्तरम लाप्‍चो सां बाक्‍तेक्‍म। दक्‍खिनम लाप्‍चो सां बाक्‍तेक्‍म। पच्‍छिमम लाप्‍चो सां बाक्‍तेक्‍म।
REV 21:14 मिनु मेको सहर ङा गारोमी १२ ओटा जग बाक्‍तेक्‍म। मेको जगमी पाठा आ सोइश्‍शो १२ जना आन नें ब्रेक्‍शो बाक्‍तेक्‍म।
REV 21:15 मिनु गो नु लोव़ पाइबमी मेको सहर, लाप्‍चो नु गारो पुक्‍चा कली सुन के पुक्‍तीके का कुरशो बाक्‍त।
REV 21:16 मिनु मेकोमी मेको सहर कली पुक्‍तु। मेको सहर ४ पाटे चारै सुर बराबर दुइश्‍शो १२ हजार स्‍तादीयोन बाक्‍त। आ ग्‍येत्‍थ गे यो मोशोन दुइश्‍शो बाक्‍त। स्‍तादीयोन का १८५ मिटर बाक्‍ब।
REV 21:17 मिनु मेकोमी सहर आ गारो पुक्‍गानु, सहे का ४४ कुबीत ब्रेम्‍शो बाक्‍त। मेको परमप्रभु यावे आ स्‍वर्ग ङा गेय पाइब आ पुक्‍तीके मुर आन पुक्‍तीके खोदेंशो बाक्‍त। कुबीत का गज का खोदेंशो, ०.५ मिटर बाक्‍ब।
REV 21:18 मेको गारो बुश टल्‍केशो हीरा के सेल्‍शो बाक्‍त। मेको सहर चहिं सिसा खोदेंशो मारेइ मब्‍वाइश्‍शो सुन के बाक्‍त।
REV 21:19 मिनु गारो आ जग नेल्‍ल खाल ङा हीरापुकीम ग्‍योम्‍शो बाक्‍तेक्‍म। ङोंइती ङा जग सरीङ खोदेंशो नीलो यस्‍पेर माइश्‍शो हीरामी ग्‍योम्‍शो बाक्‍त। मेको आ नोले ङा जग साफीर माइश्‍शो हीरामी ग्‍योम्‍शो बाक्‍त। मेको आ नोले ङा जग बुश कल्‍केदोन माइश्‍शो हीरामी ग्‍योम्‍शो बाक्‍त। मेको आ नोले ङा जग गिगी स्‍मारग्‍द माइश्‍शो हीरामी ग्‍योम्‍शो बाक्‍त।
REV 21:20 मेको आ नोले ङा जग सुन्‍तला रङ ङा सारदोनीक्‍स माइश्‍शो हीरामी ग्‍योम्‍शो बाक्‍त। मेको आ नोले ङा जग लल सारदीस माइश्‍शो हीरामी ग्‍योम्‍शो बाक्‍त। मेको आ नोले ङा जग हौ नु गिगी ब्‍वाइश्‍शो क्रीसोलीथ माइश्‍शो हीरामी ग्‍योम्‍शो बाक्‍त। मेको आ नोले ङा जग सुन रङ ङा बेरील माइश्‍शो हीरामी ग्‍योम्‍शो बाक्‍त। मेको आ नोले ङा जग शुश हौ तोपास माइश्‍शो हीरामी ग्‍योम्‍शो बाक्‍त। मेको आ नोले ङा जग गिगी क्रीसोप्रास माइश्‍शो हीरामी ग्‍योम्‍शो बाक्‍त। मेको आ नोले ङा जग लल नु नीलो ब्‍वाइश्‍शो हीयाचीन्‍त माइश्‍शो हीरामी ग्‍योम्‍शो बाक्‍त। मिनु नेल्‍ल क्‍येङा नोले ङा जग प्‍याजी रङ ङा आमेथीस्‍त माइश्‍शो हीरामी ग्‍योम्‍शो बाक्‍त।
REV 21:21 मिनु मेको १२ ओटा लाप्‍चो चहिं १२ ओटा मोती के सेल्‍शो बाक्‍तेक्‍म। लाप्‍चो का मोती काम सेल्‍शो बाक्‍त। मिनु मेको सहर ङा लांपुकी सिसा खोदेंशो मारेइ मब्‍वाइश्‍शो सुन के बाक्‍तेक्‍म।
REV 21:22 मिनु गो मेको सहरमी परमप्रभु यावे आ खिं मतङ। मारदे हना परमप्रभु यावे, नेल्‍ल सक्ति पाइश्‍शो परमप्रभु नु पाठा आंमान मेकेर बाक्‍नीस।
REV 21:23 मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। यसैया ६०:३,५,११,१९,२०
REV 21:24 मिनु रागी रागी ङा मुरपुकी मेको सहर ङा छेङछेङमी बाक्‍नीम। मिनु रागी रागी ङा पिप आन शोंप नु दारस मेकेर चाक्‍नीम।
REV 21:25 मेको सहर ङा लाप्‍चोपुकी गेना हना यो रोक्‍शो बाक्‍नीम। मारदे हना मेकेर गेनायो नाक्‍दो मदुम्‍ब। जकरिया १४:७
REV 21:26 मिनु रागी रागी ङा मुरपुकीमी आन शोंप नु दारस मेको सहरमी चाक्‍नीमी।
REV 21:27 मिनु जाम्‍शा लाइबपुकी, ग्रांग्रा दिचा ङा गेय पाइबपुकी नु जोल पाइबपुकी चहिं मेको सहरमी ओव़चा मताइनीम। पाठा आ ब्रोंइतीक किताबमी नें ब्रेक्‍शोपुकी ला ओव़चा ताइनीम।
REV 22:1 मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०
REV 22:2 सहर ङा लां आ दाते रे पा शाइश्‍शो बाक्‍त। मेको खोला ओंथ हांबु नु आइक्‍ची हांबुमी ब्रोंइचा गेब रवा बाक्‍शो बाक्‍तेक्‍म। मेको ब्रोंइचा गेब रवापुकीमी १२ किसीम ङा फल सिप्‍बाक्‍तेक्‍म। महिनामी खेयप का सिबाक्‍तेक्‍म। मेको ब्रोंइचा गेब रवा आ सफा रागी रागी ङा मुर आन कली सापाइक्‍चा कली बाक्‍तेक्‍म।
REV 22:3 मिनु मेको सहरमी सराप रशो काइ मबाक्‍नीम। मारदे हना परमप्रभु यावे नु पाठा आस ठेयब नित्‍तीके मेकेर बाक्‍ब। मिनु परमप्रभु यावे आ वाइलपुकीमी परमप्रभु यावे कली गेय पाइनीम। यहोसु ७:११-१३
REV 22:4 मेकोपुकीमी परमप्रभु यावे आ कुल ताइनीम। मेको आन कुप्‍फीमी परमप्रभु यावे आ नें ब्रेक्‍शो बाक्‍ब। प्रकाश ३:१२
REV 22:5 मेको सहरमी गेनायो नाक्‍दो मदुम्‍ब। मिनु मेको सहरमी बाक्‍ब आन कली बत्ती नु नां आ छेङछेङ यो ममाल्‍नीम। मारदे हना परमप्रभु, परमप्रभु यावे मेको आन छेङछेङ बाक्‍ब। मिनु मेकोपुकीमी गेना हना यो सासन पाइनीम।
REV 22:6 मिनु मेकोमी आं कली “एको लोव़ नेल्‍ल थमा बाक्‍ब। मोपतीके थमा सुइक्‍ने चाप्‍नीम। परमप्रभु यावे आ लोव़ पाइब आन सोक्‍त ङा प्रभु बाक्‍ब। मोपतीके आ वाइलीम वाइल आन कली आ स्‍वर्ग ङा गेय पाइब का सोइक्‍ताक्‍व। मारदे सोइक्‍ताक्‍व देंशा हना, दुम्‍चशो लोव़ शेंथ सोइक्‍ताक्‍व। आमेन। प्रकाश १:१
REV 22:7 मिनु नेनीन, गो फ्रा लेश्‍शा जाक्‍नुङ” दे माइक्‍ती। सु सुमी एको किताबमी ब्रेक्‍शो लोव़ नेंशा पाइनीमी, मेको ग्‍येरसीशो मुर बाक्‍नीम।
REV 22:8 गो यूहन्‍ना नङ। एको लोव़ नेंता नु मार दुम्‍चशो बाक्‍मे, मेको नेल्‍ल ताता। मिनु आं कली कोंइब परमप्रभु यावे आ स्‍वर्ग ङा गेय पाइब कली सेउ पचा कली आ खोइलीमी बाप्‍ती।
REV 22:9 मेकोमी चहिं आं कली “मपावो, गो परमप्रभु यावे आ लोव़ पाइब इ लोक्‍बपुकी नु एको किताबमी ब्रेक्‍शो लोव़ पाइबपुकी खोदेंशो परमप्रभु यावे आ वाइल नङ। परमप्रभु यावे आ ङोंइती बाप्‍शा मान पावो” दे माइक्‍ती।
REV 22:10 मिनु मेकोमी आं कली “एको किताबमी ब्रेक्‍शो लोव़ दुम्‍चाप्‍तु। मोपतीके ख्रुइश्‍शा मवोतो, पढेशा नेंपाइक्‍मी। प्रकाश १०:४; प्रकाश १:३
REV 22:11 सु सुमी पाप पाइनीमी, मेको पामेक्‍ल। सु सु ग्रांग्रा दिचा ङा बाक्‍मा, मेको मोदेंन बाक्‍मल। सु सु चहिं ठीक पाइब बाक्‍नीमी, मेको ठीक पा बाक्‍मल। सु सु प्रभु आ मुर बाक्‍मा, मेको मोदेंशोन बाक्‍मल” दे परमप्रभु यावे आ स्‍वर्ग ङा गेय पाइबमी देंत। दानीएल १२:१०
REV 22:12 मिनु नोले येसुमी “नेनो, गो फ्रा लेश्‍शा जाक्‍नुङ। मिनु जाक्‍शा, मुर नेल्‍ल आन कली आन पशो खोदेंशो पा गेनुङ। मेको आन गेय दोपा पामे, मोपा गेनुङ।
REV 22:13 गो आल्‍फा नु ओमेगा नङ। नेल्‍ल क्‍येङा ङोंइती ङा नु नेल्‍ल क्‍येङा नोले ङा नङ। गोइब नु थुम्‍ब यो गो नङ। प्रकाश १:८; हिब्रू १३:८
REV 22:14 ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। प्रकाश ७:१४
REV 22:15 सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०
REV 22:16 मिनु येसुमी “गो येसु नङ। गो दाऊद पिपी क्‍येङा ङोंइती बाक्‍ती। मिनु आ चच युइ यो नङ। गो टल्‍केशो सुक्‍कुर सोरुल यो नङ। गो परमप्रभु यावे आ स्‍वर्ग ङा गेय पाइब कली थमा सुइक्‍ब आन ग्रुम्‍तीकेमी शेंथ सोइक्‍ताक्‍ङ” देंत। यसैया ११:१०; लूका १:७८
REV 22:17 मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७
REV 22:18 सु सुमी एको किताबम ब्रेक्‍शो परमप्रभु यावेम तुइक्‍पाइश्‍शो लोव़ नेंनीमी, मेको आन कली गो लोव़ का पाइनुङ, मार लोव़ पाइनुङ देंशा हना, सु सुमी एको लोव़मी अर्को लोव़ तेम्‍नीमी, मेको सजाइ ताइनीमी। मार सजाइ ताइनीमी देंशा हना, परमप्रभु यावेमी एको किताबमी ब्रेक्‍शो श्‍येत मोदेंशो मुर आन कली गेब। ब्‍यवस्‍था ४:२
REV 22:19 सु सुमी परमप्रभु यावेमी तुइक्‍पाइश्‍शो एको किताबम ब्रेक्‍शो लोव़ ख्रोइक्‍नीमी, मेको यो सजाइ ताइनीम। मार सजाइ ताइनीम देंशा हना, परमप्रभु यावेमी मोदेंशो मुर आन कली ब्रोंइचा गेब रवा आ फल ब्‍वचा मगेब। मिनु मेको मुरपुकी परमप्रभु यावे आ योव़शो यरूसलेम सहरम ओव़चा यो मताइनीम।
REV 22:20 मिनु एको लोव़ पाइबमी “आमेन, गो फ्रा लेश्‍शा यीनुङ” देंत। मिनु थमा सुइक्‍बपुकीमी “आमेन, प्रभु येसु जाक्‍कीन” देंतेक्‍म। १कोरिन्‍थी १६:२२
REV 22:21 प्रभु येसु आ शिशी नेल्‍ल नु बाक्‍ल।
