﻿भजन संग्रह.
137.
गो बेबीलोन ङा खोला आ नेक्‍था बाक्‍शा, सियोन कली मिम्‍शा ङाक्‍तक। 
गोपुकीमी आंइ तार पाइश्‍शो ताप्‍तीके मेकेर ङा रवामी क्‍युक्‍तक। 
मारदे हना आंइ कली ग्‍याइश्‍शा लाइक्‍बपुकीमी मेकेर कुम्‍सो पपाइक्‍तेक्‍म। मिनु आंइ कली श्‍येत गेबपुकीमी ग्‍येरतीक कुम्‍सो पपाइक्‍तेक्‍म। मेकोपुकीमी आंइ कली “सियोन ङा कुम्‍सो का पने” देंतेक्‍म। 
गो आंइ मतुइश्‍शो रागीमी परमप्रभु यावे आ कुम्‍सो दोपा पने चाप्‍नीकी? 
गो यरूसलेम, इ कली प्रेंताक्‍ङ हना, आं ग्‍युरा गुइ मदुक्‍ब दुम्‍ल। येरमीया ५१:५० 
गो इ कली ममिम्‍शो नङ हना, गो यरूसलेम कली आं नेल्‍ल क्‍येङा ठेयब ग्‍येर‍तीके बाक्‍ब, दे ममिम्‍शो नङ हना, आं लें आं कुंकुम क्‍येप्‍तल। 
परमप्रभु यावे, यरूसलेम खतम दुम नाक्‍ती एदोम ङा मुर मार पामे, मेको मिम्‍तीन। मेकोपुकीमी “एको कली प्रेतीन। जग रेन खतम पोक्‍कीन” दे वाइ ब्रेत्‍तेक्‍म। भजन संग्रह ७९:१२; ओबदिया १०:१५ 
बेबीलोन सहर, गे मुल खतम पोक्‍चा पुंइसीनेवे। गे मार पवी मेको आ क्‍येक्‍क लेप्‍ब ग्‍येरसीशो मुर बाक्‍ब। 
इन आल आन कली ग्‍याइश्‍शा, फुल्‍लु तार राप्‍शा साइक्‍ब, ग्‍येरसीशो बाक्‍नीम। यसैया १३:१६; रोमी १२:१९ 
