﻿भजन संग्रह.
124.
लां ङा कुम्‍सो। दाऊद आ कुम्‍सो। परमप्रभु यावे गोपुकी नु मबाक्‍शो हना, 
मुरपुकीमी आंइ कली लडाइ तोव़मेनु, परमप्रभु यावे गोपुकी नु मबाक्‍शो हना, 
मेकोपुकीमी आंइ कली तशा गाइक्‍तमेनु, आंइ कली सेलीन दाक्‍गेम वा। 
मिनु बारशा जाक्‍शो ब्‍वाक्‍कुम आंइ कली योल्‍द वा। मिनु मेको ब्‍वाक्‍कुम आंइ कली सुम वा। भजन संग्रह ६९:१६; भजन संग्रह ४२:८ 
मेको बारशो ब्‍वाक्‍कुम आंइ कली मोशा योल्‍शा लद वा। 
परमप्रभु यावे ठेयब बाक्‍ब। मारदे हना मेकोमी आंइ कली क्रिम्‍चा मगेव। 
मिनु गोपुकी सिखारी आन ब्‍वारद रे ब्रोंइशो चिक्‍ब खोदेंशो पा प्रोक्‍तक। मेको ब्‍वारद ब्रोइक्‍त। मिनु गोपुकी प्रोक्‍तक। 
सरीङ नु रागी सेल्‍ब परमप्रभु यावेमी आंइ कली वारच पशो बाक्‍ब। 
